(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

248/2023 FORU DEKRETUA, AZAROAREN 15EKOA, NAFARROAKO OSASUN PUBLIKOAREN ETA LAN OSASUNAREN INSTITUTUA ERAKUNDE AUTONOMOAREN ESTATUTUAK ONESTEN DITUENA

BON N.º 244 - 23/11/2023

  NAFARROAKO OSASUN PUBLIKOAREN ETA LAN OSASUNAREN INSTITUTUAREN ESTATUTUAK. I. TITULUA

  IZAERA, ESKUMENAK ETA EGINKIZUNAK

  II. TITULUA. EGITURA ORGANIKOA

  I. KAPITULUA. ZUZENDARITZA ETA PARTAIDETZA ORGANOAK

  II. KAPITULUA. ZUZENDARITZA ORGANOAK

  1. ATALA. GOBERNU KONTSEILUA

  2. ATALA. KUDEAKETAKO ZUZENDARITZA

  3. ATALA. ZUZENDARITZA BATZORDEA

  III. KAPITULUA. PARTAIDETZA ORGANOAK

  1. ATALA. NAFARROAKO LAN OSASUNAREN KONTSEILUA

  2. ATALA. DEPARTAMENTUARTEKO BATZORDEA

  3. ATALA. BARRUTIKO OSASUN KONTSEILUAK ETA ESKUALDE OINARRIZKOKO OSASUN KONTSEILUAK

  4. ATALA. KOORDINAZIO TEKNIKOAREN BATZORDEA

  IV. KAPITULUA. ZUZENDARIORDETZAK, ZERBITZUAK ETA ATALAK

  1. ATALA. OSASUN PUBLIKOAREN SUSTAPENAREN ETA BEHATOKIAREN ZUZENDARIORDETZA

  2. ATALA. LAN OSASUNAREN ZUZENDARIORDETZA

  3. ATALA. EPIDEMIOLOGIAREN ETA OSASUN PREBENTZIOAREN ZERBITZUA

  4. ATALA. ELIKAGAIEN SEGURTASUNAREN ETA INGURUMEN OSASUNAREN ZERBITZUA

  5. ATALA. KUDEAKETA EKONOMIKOAREN ETA PROFESIONALEN ZERBITZUA

  V. KAPITULUA. LANPOSTUAK BETETZEKO MODUA

  III. TITULUA. EGINTZEN ARAUBIDE JURIDIKOA, ERREKURTSOAK ETA OFIZIOZKO BERRIKUSPENA

  IV. TITULUA. ONDAREA, GIZA BALIABIDEAK ETA KONTRATAZIOA

  V. TITULUA. OGASUNA ETA AURREKONTUA

Zioen azalpena

Uztailaren 18ko 63/2012 Foru Dekretuaren bidez, Nafarroako Osasun Publikoaren eta Lan Osasunaren Institutua erakunde autonomoa sortu zen, Osasun Zuzendaritza Nagusiari atxikita, eta bere estatutuak onetsi ziren.

Ondoren, urriaren 14ko 242/2015 Foru Dekretuak uztailaren 18ko 63/2012 Foru Dekretuaren eranskina aldatu zuen, eta Nafarroako Osasun Publikoaren eta Lan Osasunaren Institutuaren egitura organiko berria ezarri zuen, zerbitzu eta atalen mailan.

Sei urte igaro dira azken aldaketa egin zenetik, eta 2022-2025 aldirako bigarren Osasun Publikoaren Plana onetsi da. Plan hori esparru hauen barruan egin da: Nafarroako 2014-2020 Osasun Plana, eta Osasun Ministerioaren 2022ko Osasun Publikoko Estrategia (ESP 2022) eta Estatuko Osasun Sistemaren Osasun Publikoa Zaintzeko Estrategia (2022). Osasun Plan berri honek bost lan ardatz biltzen ditu:

I. ardatza.-Osasunaren aldeko eta gaixotasunak prebenitzeko portaerak sustatzea, bizitza osoan aukera-berdintasuna bermatuz.

II. ardatza.-Tokiko osasun komunitariorako ekintzak garatzea, hauen arteko lankidetzan: osasun publikoko, oinarrizko osasun-laguntzako eta osasun komunitarioko taldeak, toki-erakundeak eta beste gizarte erakunde batzuk.

III. ardatza.-Bizi eta lan baldintza osasungarriak sustatzea eta ingurumen arriskuen kontrola.

IV. ardatza.-Gobernantza eredu bat sustatzea departamentuetako, departamentuen arteko eta sektoreen arteko politiketan.

V. ardatza.-Osasun Publikoaren eta Lan Osasunaren Institutuaren egiturak bermatzea eta indartzea.

Esparru berri hori dela eta, beharrezkoa da Institutuaren egitura aldatzea, berriz ere egokia izan dadin datozen urteetan helburuak hobeto lortzeko.

Azpimarratu beharreko berrikuntza nagusia honako hau da: gobernu mailako antolamendu eta efizientzia arrazoiengatik, erabaki da Nafarroako Osasun Publikoaren eta Lan Osasunaren Institutuari atxikitzea Laneko Arriskuen Prebentziorako Zerbitzuak, Hezkuntza Departamentuko eta Barneko, Funtzio Publikoko eta Justiziako Departamentuko administrazio erroko horiek.

Horrenbestez, Osasuneko kontseilariak proposaturik, eta Nafarroako Gobernuak bi mila eta hogeita hiruko azaroaren hamabostean egindako bilkuran harturiko erabakiarekin bat,

DEKRETATZEN DUT:

Artikulu bakarra. Onespena.

Nafarroako Osasun Publikoaren eta Lan Osasunaren Institutua erakunde autonomoaren estatutuak onesten dira. Foru dekretu honen ondoren dator estatutuen testu osoa.

Lehen xedapen gehigarria. Izendapenak.

Foru dekretu honetan izena aldatu ez zaien burutzen izendapenak berresten dira, sortu ziren baldintza beretan.

Bigarren xedapen gehigarria. Osasun laguntzako izaera.

Azaroaren 22ko 347/1993 Foru Dekretuan ezarritakoaren arabera, laguntzakoak izanen dira honako unitate organiko hauek:

- Epidemiologiaren eta Osasun Prebentzioaren Zerbitzua.

- Gaixotasun Transmitigarrien eta Txertaketen Atala.

- Detekzio Goiztiarraren Atala.

- Lan Osasunaren Osasun Zerbitzua.

- Populazio Erregistroen Atala.

- Laneko Osasuna Zaintzeko Atala.

- Lan arloko Balorazio Klinikoaren eta Ikuskatzailetza Medikoaren Atala.

- Osasuna Sustatzeko eta Politika guztietan Txertatzeko Atala.

Hirugarren xedapen gehigarria. Izaera sanitarioa.

Izaera sanitariokoak izanen dira honako hauek: Elikagaien Segurtasunaren eta Ingurumen Osasunaren Zerbitzua, eta Elikagaien Segurtasunaren, Ingurumen Osasunaren eta Osasun Publikoaren Laborategiko atalak.

Laugarren xedapen gehigarria. Ordainsariak.

Epidemiologiaren eta Osasun Prebentzioaren Zerbitzuko eta Lan Osasunaren Osasun Zerbitzuaren titularren ordainsariak Osasunbidea-Nafarroako Osasun Zerbitzuko laguntza zerbitzuetako burutzetarako aurreikusitakoak izanen dira.

Kudeaketako zuzendaritzaren, zuzendariordetzen eta gainerako zerbitzuen ordainsariak Nafarroako Aurrekontu Orokorrei buruzko foru legean kasuan kasuko ekitaldirako aurreikusitakoak izanen dira.

Laguntza Ataleko burutzen ordainsariak Osasunbidea-Nafarroako Osasun Zerbitzuko Laguntza Ataleko burutzetarako aurreikusitakoak izanen dira.

Lehenengo xedapen iragankorra. Txandaketa Nafarroako Osasun Publikoaren eta Lan Osasunaren Institutuko Gobernu Kontseiluan.

Gobernu Kontseiluaren osaeran aurreikusita dagoen txandaketaren ondorioetarako, urtearen zenbaketaren hasieratzat hartuko da Gobernu Kontseiluaren lehenbiziko bileraren eguna, foru dekretu honek indarra hartu ondoren.

Bigarren xedapen iragankorra. Nafarroako Foru Komunitateko Administrazioko eta bere erakunde autonomoetako enplegatugaien osasun azterketak.

Foru dekretu hau indarrean sartzen denetik, Lan Osasunaren Osasun Zerbitzuaren ardura izanen dira bertan Nafarroako Foru Komunitateko Administrazioko eta bere erakunde autonomoetako enplegatugaientzat ezarritako osasun azterketak. Langileak hautatzeko prozeduretan ezarrita dauden eta oraindik egin ez diren osasun azterketak egin beharko ditu egun horretatik aurrera, prozedura horiek foru dekretua indarrean sartu baino lehen edo ondoren onetsi direla ere. Bitartean, Lan arloko Balorazio Klinikoaren eta Ikuskatzailetza Medikoaren Atalak jarraituko du osasun azterketa horiek egiten.

Xedapen indargabetzaile bakarra. Indargabetzen diren arauak.

Indarrik gabe uzten dira foru dekretu honetan ezarritakoari aurka egiten dioten maila bereko edo baxuagoko arau guztiak, deusetan galarazi gabe bigarren xedapen iragankorrean ezarritakoa.

Indargabetzen da Nafarroako Osasun Publikoaren eta Lan Osasunaren Institutua sortu eta haren estatutuak onetsi zituen uztailaren 18ko 63/2012 Foru Dekretua, bai eta haren ondorengo aldaketak ere.

Azken xedapenetako lehena. Garatzea eta gauzatzea.

Osasun Departamentuko kontseilariari ahalmena ematen zaio foru dekretu hau aplikatu eta garatzeko behar diren xedapen guztiak eman ditzan.

Azken xedapenetako bigarrena. Egokitzeko ahalmenak.

Lehendakaritzako, Funtzio Publikoko, Justiziako eta Barneko; Ekonomia eta Ogasuneko; eta Osasuneko departamentuetako titularrei ahalmena ematen zaie foru dekretu hau betetzeko behar diren aldaketak egin ditzaten plantilla organikoetan eta aurrekontuetan.

Azken xedapenetako hirugarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

IZAERA, ESKUMENAK ETA EGINKIZUNAK

1. artikulua . Izaera.

Nafarroako Osasun Publikoaren eta Lan Osasunaren Institutua erakunde autonomo bat da, bere helburuak betetzeko nortasun juridikoa eta jarduteko ahalmen osoa dituena.

2. artikulua . Atxikipena.

1. Nafarroako Osasun Publikoaren eta Lan Osasunaren Institutua erakunde autonomoa, bere helburuak betetzeko, Nafarroako Gobernuak eta Osasun Departamentuak osasun arloko plangintzaz eta politikaz ematen dituzten jarraibideen menpe dago.

2. Nafarroako Osasun Publikoaren eta Lan Osasunaren Institutua erakunde autonomoa Osasun Zuzendaritza Nagusiari atxikitzen zaio.

3. Nafarroako Osasun Publikoaren eta Lan Osasunaren Institutuaren funtzionamenduari dagokionez, eginkizun hauek dagozkio Osasun Departamentuari:

- Goi mailako zuzendaritza, kontrola, ebaluazioa, ikuskapena eta babesa.

- Departamentuko titularraren bidez, egitura organikoan zer aldaketa egiteko eskumena duen, haiek proposatzea Nafarroako Gobernuari, bai eta estatutuen aldaketak ere.

- Departamentuko titularrak atalak baino maila apalagoko unitate organikoak sortu, aldatu eta kenduko ditu, beharrezkoak badira egituraren eginkizunak hobeki garatzeko. Osasun Zuzendaritza Nagusiak eta Kudeaketako Zuzendaritzak eginen dituzte proposamenak, antolaketaren eta funtzio publikoaren arloetako departamentu eskudunek txostena egin ondoren.

4. Orobat, Nafarroako Osasun Publikoaren eta Lan Osasunaren Institutua erakunde autonomoak laneko arriskuen prebentzioaren eginkizuna beteko du, Nafarroako Gobernuan lan arloko eskumena duen departamentuari dagozkion eskumenak osoki errespetatuz.

3. artikulua . Xedea.

Nafarroako Osasun Publikoaren eta Lan Osasunaren Institutua honelako erakundea da:

a) Tekniko-asistentziala, hauetan espezializatua: osasunaren babeseaneta sustapenean, bai eta osasun arazo kolektiboen prebentzioan,esku-hartzean eta zaintzan ere, betiere desberdintasunaren ardatzak kontuan hartuta eta ekitate ikuspegiarekin.

b) Osasun zerbitzuak beste sektore batzuekin eta herritarrekin itunen bultzatzailea, bai eta Gobernuko departamentuen arteko lankidetzarena ere, osasuna politika guztietan txertatze aldera.

c) Aholku-emailea eta esku-hartzailea, alderdi teknikoen aldetik, lan osasunaren arloan, laneko arriskuen prebentzioaren eta osasunaren babesaren esparruetan, nafarren lan-baldintzei dagokienez, Osasunari buruzko Foru Legearen 14. artikuluan jasotako gaietan.

d) Nafarroako Gobernuari dagozkion laneko arriskuen prebentzioko jarduerak gauzatzen dituena, Osasunbidea-Nafarroako Osasun Zerbitzuari dagozkionak izan ezik (O-NOZ).

4. artikulua . Eginkizunak.

1. Aurreko artikuluan xedatutakoa betetzeko, Nafarroako Osasun Publikoaren eta Lan Osasunaren Institutuak honako eginkizun hauek ditu, ekitatearen eta sektoreen artekotasunaren ikuspegiarekin:

a) Osasuna babestu eta bultzatzeko programak prestatu, ebaluatu eta, zein den kasua, haiek gauzatu, Osasunari buruzko Foru Legearen 13. artikuluan jasotako arloetako osasun kontrola eta ikuskapena barne direla.

b) Zainketa, kontrola eta esku-hartze epidemiologikoa epidemia agerraldietan eta herritarren osasunerako izan daitezkeen arrisku egoeretan, banakoak edo kolektiboak izan, eta txertoen politikak eta programak.

c) Osasun publikoari buruzko informazio sistemak, bizi-estatistikak, erregistro sistemak, osasun arloko inkestak, arrisku faktoreak eta abar garatzea, herritar guztien zein arrisku handiak dituzten talde batzuen osasun egoeraren etengabeko ebaluazioa bideratzeko.

d) Eritasunak prebenitzeko eta prozesu berariazkoen aurka borrokatzeko programak garatzea.

e) Estrategien plangintza, zuzendaritza teknikoa, gauzatzea eta ebaluazioa arlo hauetan: osasunaren sustapena, osasun-hezkuntza eta herritarrei zuzendutako esku-hartze komunitarioa, droga-mendekotasunen eta beste mendekotasun batzuen prebentzioa eta sexu- eta ugalketa-osasuna barne; eskuz esku lan eginen da oinarrizko osasun laguntzaren zerbitzuekin, gizarte zerbitzuekin, hezkuntza zerbitzuekin, Foru Komunitateko administrazio publikoen gainerako zerbitzuekin, gizarte entitateekin eta udal entitateekin, betiere herritarren parte-hartzea sustatuz eta Nafarroako Gobernuaren eta Osasun Departamentuaren jarraibideei errespetuz.

f) Koordinazio lana egitea oinarrizko osasun laguntzako sarearekin, Nafarroako Foru Komunitateko osasun zerbitzuekin, Nafarroako toki eta gizarte entitateekin eta Foru Komunitateko Administrazioko beste departamentu batzuekin, departamentu arteko jarduketa bultzatuz osasuna politika guztietan txertatze aldera.

g) Osasun Departamentuaren osasun programak planifikatzen, prestatzen eta garatzen laguntzea.

h) Ikerketa eta irakaskuntzako jarduerak egitea bere eskumeneko gaietan, osasun publikoaren eta lan osasunaren eremuko organismo eskudunekin koordinatuta.

i) Haren jarduketa eremuko laguntza eta dirulaguntzetarako programak zuzentzea eta kudeatzea.

j) Osasun Jardueren Ikuskapenerako Atalarekin elkarlanean, Segurtasun Nuklearreko Kontseiluak Nafarroari agindutako ikuskapen lanak egitea.

k) Orokorrean, langileen osasun integrala prebenitu, babestu eta sustatzea, baita laneko arriskuen aurreneurri tekniko-sanitarioak ere, hala nola lan istripuak eta lanbideko eritasunak, bere zerbitzuen eta entitate laguntzaileekiko koordinazioaren bidez.

l) Arriskuak prebenitzeko jarduerak eta langileen laneko arriskuen ondoriozko kalteen zainketa epidemiologikoa egiteko jarduerak kontrolatzea eta, hala badagokio, garatzea.

m) Enpresetan laneko arriskuen izaera eta langileen esposizio-maila ezagutzea.

n) Zaintza sistemak garatzea, laneko arrisku faktoreen ondoriozko erikortasuna eta hilkortasuna etengabe ezagutzeko.

ñ) Langileen prebentzio eta osasun eskubideak babestea lan osasunaren arloan.

o) Nafarroako langileen aldi baterako ezintasuna zaintzea eta kontrolatzea.

p) Lan arloko eskumena duen departamentuak arriskuen prebentzioaren arloan zehazten dituen jarduketak gauzatzea.

q) Indarreko legeriaren arabera, Nafarroako Gobernuari dagozkion laneko arriskuen prebentzioaren arloko jarduketak egitea, O-NOZekoak izan ezik.

r) Indarra duten xedapenek ematen dizkioten gainerako eginkizunak.

2. Ikuskatzaile lanpostua duten Institutuko langileak osasun arloko agintariak dira, osasun arloko ikuskapen eginkizunak betetzen ari direnean.

3. Lan Osasunaren Osasun Zerbitzuko eta Lan Osasunaren Zerbitzu Teknikoko teknikariak agintari publikoak dira, beren eginkizunak betetzeko lantokia batera sartzen direnean.

II. TITULUA. EGITURA ORGANIKOA

I. KAPITULUA. ZUZENDARITZA ETA PARTAIDETZA ORGANOAK

5. artikulua . Zuzendaritza eta partaidetza organoak.

1. Hauek dira Institutuko zuzendaritza organoak:

a) Gobernu Kontseilua.

b) Kudeaketako Zuzendaritza.

c) Zuzendaritza Batzordea.

2. Hauek dira Institutuko partaidetza organoak:

a) Nafarroako Lan Osasunaren Kontseilua.

b) Departamentuarteko Batzordea.

c) Barrutiko Osasun Kontseiluak eta Eskualde Oinarrizkoko Osasun Kontseiluak.

d) Koordinazio Teknikoaren Batzordea.

II. KAPITULUA. ZUZENDARITZA ORGANOAK

1. ATALA. GOBERNU KONTSEILUA

6. artikulua . Gobernu Kontseiluaren osaera.

1. Gobernu Kontseiluko kideak hauek izanen dira:

a) Kontseiluburua: osasunaren arloan eskumena duen departamentuaren titularra.

b) Kontseiluko lehen buruordea: osasunaren arloan eskumena duen zuzendaritza nagusiaren titularra.

c) Kontseiluko bigarren buruordea: lanaren arloan eskumena duen zuzendaritza nagusiaren titularra.

d) Kontseilukideak, hizpidea eta botoa dituztela:

- Unibertsitateaz kanpoko hezkuntzaren arloko zuzendaritza nagusiko titularra.

- Gizarte-inklusio eta babes sozialaren arloko zuzendaritza nagusiko.

- Nafarroako Kirolaren eta Jarduera Fisikoaren Institutua erakunde autonomoko titularra.

- Nafarroako Gazteriaren Institutua erakunde autonomoko.

- Ingurumen arloan eskumena duen zuzendaritza nagusiko titularra.

- Nafarroako Udal eta Kontzejuen Federazioko bi ordezkari.

- Bi profesional: bata, lan osasunaren arlokoa, eta bestea, osasun komunitarioaren arlokoa, osasun arloan eskumena duen departamentuko titularrak izendatuak, Zuzendaritza Batzordeak proposatuta.

- Osasunaren sustapenarekin zerikusia duten gizarte entitateen ordezkari bat. Urtero aldatuko da ordezkari hau, txandaka.

- Nafarroako Lan Osasunaren Kontseiluan dauden sindikatuen ordezkari bat. Urtero aldatuko da ordezkari hau, txandaka.

- Nafarroako Lan Osasunaren Kontseiluan dauden enpresaburuen erakundeen ordezkari bat. Urtero aldatuko da ordezkari hau, txandaka.

e) Kontseilukidea, hizpidea duena baina botorik ez:

- Institutuko zuzendari kudeatzailea.

- Institutuko zuzendariordeak.

2. Osasun Departamentuko idazkari tekniko nagusia ariko da Gobernu Kontseiluko idazkari lanetan.

3. Ahal den guztietan, kontseilukideen titular eta ordezkoen izendapenetan gizonen eta emakumeen ordezkaritza orekatuaren printzipioari erantzunen dio.

4. Gobernu Kontseiluko kideak kanpoan daudenean, beste pertsona batzuek ordezkatzen ahalko dituzte.

5. Kontseiluburuak proposatuta, haien ezagupenak, prestakuntza, izen ona edo bestelako inguruabarrak direla-eta, esku hartzeko egokitzat jotzen dituen pertsonek hartzen ahal dute parte Gobernu Kontseiluaren saioetan, hizpidea dutela baina botorik ez. Kasu horretan, berariaz horretarako dei eginen zaie.

7. artikulua . Gobernu Kontseiluaren ahalmenak.

Gobernu kontseiluari ondoko eskudantzia hauek dagozkio:

a) Txostena egitea Nafarroako Osasun Publikoaren eta Lan Osasunaren Institutuaren aurrekontuei buruz.

b) Institutuaren jarduketarako irizpideak zehaztea, Osasun Departamentutik eta lan arloko departamentu eskudunetik emandako jarraibideen arabera, laneko arriskuen prebentzioari dagokionez.

c) Institutuaren urteko memoria onestea.

d) Institutuaren ekonomia eta kontabilitateko kudeaketaren inguruko agiriak eta kontuen egoera onetsi eta Osasun Departamentuari proposatzea.

e) Zuzendari kudeatzailearen jarduna kontrolatzea eta gainbegiratzea.

f) Institutuaren plan zuzentzaile orokorra eta jarduketa programak onestea eta Osasun Departamentura igortzea, Nafarroako Osasun Planaren barrenean sar daitezen.

8. artikulua . Gobernu Kontseiluaren funtzionamendua.

1. Gobernu Kontseiluak osoko bilkurak eginen ditu. Urtean behin, gutxienez, eginen du bilkura arrunta, baita larrialdietan ere, kontseiluburuak hala iritzita, edo kontseilukideen heren batek eskatuz gero.

2. Gobernu Kontseiluaren eraketak lehen deialdian balioa izan dezan, kontseiluburuak eta idazkariak, edo horien ordezkoek, eta kideen erdiek, gutxienez ere, egon beharko dute. Bigarren deialdian, eraketak balio izanen du kontseiluburua eta idazkaria, edo horien ordezkoak, eta bi kide elkartuz gero.

3. Kontseiluburuaren zereginak dira biltzeko deia egitea eta eguneko gai zerrenda finkatzea; horiek igorriko ditu bilkura baino berrogeita zortzi ordu lehenago, gutxienez ere.

4. Gobernu Kontseiluak barne funtzionamendurako araudia prestatzen ahalko du. Halakorik ezean, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen I. tituluko IV. kapituluan kide anitzeko organoentzat ezarritako arauak aplikatuko dira.

2. ATALA. KUDEAKETAKO ZUZENDARITZA

9. artikulua . Zuzendari kudeatzailea.

Institutuko zuzendari kudeatzailea Nafarroako Gobernuak libreki izendatu eta kargutik kenduko du, Osasun Departamentuko titularrak proposatuta. Goi-kargua izanen da eta haren ordainsariak Nafarroako Gobernuak ezarriko ditu, eta Nafarroako Aurrekontu Orokorrei buruzko foru legeetan agertu beharko dira.

10. artikulua . Eskudantziak.

Zuzendari kudeatzaileak eginkizun eta eskudantzia hauek ditu:

a) Institutuaren zuzendaritza, ordezkaritza eta kudeaketa.

b) Gobernu Kontseiluaren erabakiak gauzatu eta betetzea, baita Institutuaren jarduketa arautzen duten xedapenak betearaztea ere.

c) Institutuko unitate guztien helburuak eta emaitzak formulatu, kontrolatu eta ebaluatzea.

d) Institutuaren funtzionamenduari eta barne antolaketari buruzko ebazpenak, jarraibideak eta zirkularrak ematea, eta erakunde autonomoak jarduteko behar dituen egintza administratiboak betearazteko agintzea.

e) Helburu eta xedeen kontratu programa izenpetzea Osasun Departamentuarekin.

f) Institutuaren transferentzietako eta funtzionamenduko gastu eta ordainketak egiteko baimena ematea, ogasun publikoari buruzko arau indardunei jarraikiz.

g) Dirulaguntzen deialdiak onestea eta ebaztea, Osasun Zuzendaritza Nagusiaren jarraibideen arabera.

h) Institutuaren urteko memoria prestatzea.

i) Aurrekontu eta helburuei buruzko urteko behin-behineko agiria egitea eta aurrekontuen aurreproiektuaren zirriborroa prestatzea.

j) Osasun Zuzendaritza Nagusiari proposatzea egitura organikoan aldaketak egitea, institutuak hobeki funtzionatzeko beharrezkotzat jotzen dituenean, hark ontzat eman ditzan eta tramita daitezen.

k) Ahalegina egitea lan metodoak hobetzeko, berrikuntza teknologiko egokiak sartzeko, zentroak, eraikinak, instalazioak eta ekipamenduak zaintzeko eta diru-sarrerak eta gastuak optimizatzeko.

l) Kontratu publikoei buruzko indarreko araudiak erakunde autonomoen ordezkariei esleitzen dizkien ahalmenak erabiltzea.

m) Hitzarmen eta itunak egin, aldatu eta deuseztatzea beste entitate eta erakundeekin, indarra duen araudiak ezarritako mugen barrenean.

n) Institutuaren irudi korporatiboaren programak planifikatu eta koordinatzea, eta erakundeak beste erakunde batzuekin dituen harremanak bideratzea.

o) Auzibide zibilera eta lan arloko auzibidera jo aurreko erreklamazioen gainean ebaztea, langileen arloko erreklamazioen gainean izan ezik.

p) Institutuari dagozkion ondare-erantzukizuneko prozedurak ebaztea.

q) Institutuari atxikitako ondarea kudeatu eta erabiltzea, ondasunen titulartasuna erabiltzeko egintzak izan ezik, horien eskumena bestelako organo edo entitateei dagokienean.

r) Ebazpen judizialak betearazteko agintzea, eskumena Institutuarena denean.

s) Gobernu Kontseiluak edo Osasun Departamentuak agintzen ahal dioten beste edozein eginkizun.

11. artikulua . Langileriaren arloko eskudantziak.

1. Langileriaren arloan, zuzendari kudeatzaileak eskudantzia hauek izanen ditu berariaz:

a) Langileak zuzendu eta antolatzeko eskumenak erabiltzea, haien mailarekin eta izendapenarekin bat datozen eginkizunak esleitzekoak barne.

b) Estamentu eta espezialitateen eranskineko osasun arloko izendapenak dituzten lanpostuetan sartzeko deialdiak onetsi eta tramitatzea, Osasunbidea-Nafarroako Osasun Zerbitzuari atxikitako langileen berariazko araubideari buruzko legediarekin bat.

c) Lanpostuak betetzeko deialdiak onetsi, tramitatu eta ebaztea, indarrean dagoen araudiarekin bat.

d) Aldi baterako langileak kontratatzeko deialdiak onetsi, tramitatu eta haien gainean ebaztea, bai administrazio araubidekoak, bai lan araubidekoak, aurrekontuetan dagoen diruaren arabera, funtzio publikoaren arloan eskumena duen departamentuak ezartzen dituen jarraibideei eta segimendu eta kontrolerako prozedurei lotuz.

e) Aldi baterako barne igoera egiteko hautapen proben deialdiak onetsi, tramitatu eta ebaztea.

f) Institutuaren plantilla organikoaren gaineko proposamenak, lanpostuen zerrendaren gainekoak eta enplegu publikoaren eskaintzaren gainekoak egitea, eta funtzio publikoaren arloan eskumena duen departamentuari igortzea, organo eskudunak tramita eta onets ditzan.

g) Zerbitzu berezietako administrazio egoera edo eszedentzia bereziaren administrazio egoera bukatuta, jardunean hasteko eskaerak ebaztea.

h) Institutuari atxikitako unitate organikoen burutzak betetzeko bitarte baterako izendapenak egitea eta, hala badagokio, haiek kargutik kentzea, erregelamenduzko sistemaren bidez betetzen direnean.

i) Erakunde autonomoko burutzak betetzeko izendapen proposamenak eta kargu-uzteen proposamenak egitea, eskumen hori departamentuko titularrarena denean.

j) Zuzenean zuzendari kudeatzailearen mende diren administrazio organoetako titularrak aldi baterako ordeztuko dituztenak ebazpen bidez izendatzea, haiek aritu daitezen kargua hutsik dagoenean edo titularra kanpoan edo eri dagoenean edo ezintasun pertsonalen bat duenean.

k) Diziplina arloko espedienteak irekitzea hutsegite oso larriak egiteagatik, eta ebazpen proposamena prestatzea Nafarroako Gobernuari, bai eta diziplina arloko zehapenak ireki eta ezartzea ere, hutsegite larriak eta arinak egiteagatik.

l) Langileak behin-behineko eginkizun gabetzearen egoeran deklaratzea.

m) Urteko oporren, lanaldiaren eta ordutegien plana onestea, Nafarroako Gobernuak onesten duen araubide orokorrarekin bat.

n) Funtzio publikoaren arloan eskumena duen departamentuak giza baliabideei buruz emandako jarraibideak aplikatzea.

o) Osasun Departamentuak agintzen dion beste edozein eginkizun.

2. Arlo honetan, unitate organikoen arduradunei dagozkie eginkizun hauek, atxikita dituzten langileei buruz:

a) Ordutegia, dedikazioa eta errendimendua bete daitezen eskatzea, eta absentismoa kontrolatzea.

b) Langileekiko komunikazio prozesuetan erraztasunak ematea eta bultzatzea, eta lan giro ona, errendimendua eta produktibitatea sustatzea.

c) Bere unitateari atxikitako langileen jarduerak, lanak eta eginkizunak zuzendu eta koordinatzea, eta haiei lanpostua, txanda eta lanaldia esleitzea.

d) Bere unitateari atxikitako langileen baimenak, lizentziak, oporrak eta joan-etorriak baimentzea.

e) Hierarkian gainetik duen organoak agintzen dion beste edozein eginkizun.

12. artikulua . Eskuordetzea, ordezkapena eta deskontzentrazioa.

a) Zuzendari kudeatzaileak bere eskudantzietako batzuk Institutuko zerbitzuetako zuzendariei eskuordetzen ahal dizkie, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean ezarritakoarekin bat.

b) Zuzendari kudeatzailearen kargua hutsik edo hura kanpoan edo eri dagoenean edo beste edozein arrazoi justifikatu dagoenean, Institutuko zuzendariordeek edo erakunde autonomoaren zerbitzuetako titularrek ordeztuko dute, ondoko lehentasun hurrenkeraren arabera:

- Osasun Publikoaren Sustapenaren eta Behatokiaren Zuzendariordetza.

- Lan Osasunaren Zuzendariordetza.

- Elikagaien Segurtasunaren eta Ingurumen Osasunaren Zerbitzua.

- Epidemiologiaren eta Osasun Prebentzioaren Zerbitzua.

- Kudeaketa Ekonomikoaren eta Profesionalen Zerbitzua.

c) Nafarroako Osasun Publikoaren eta Lan Osasunaren Institutuko kudeaketako zuzendaritzari esleitutako eskumenak hierarkian mendeko diren beste organo batzuengan deskontzentratzen ahal dira, zuzendari kudeatzailearen ebazpen baten bidez, eskumenak esleitzeko arauetan finkatutako baldintzak bete beharra galarazi gabe. Ebazpen hori Nafarroako Aldizkari Ofizialean argitaratuko da.

3. ATALA. ZUZENDARITZA BATZORDEA

13. artikulua . Zuzendaritza Batzordea.

a) Zuzendaritza Batzorde bat eratzen da, honako kide hauekin: zuzendari kudeatzailea, zuzendariordeak eta beharrezkotzat jotzen diren zerbitzuetako titularrak eta, tratatu beharreko gaien arabera, dagokien ataletako buruak.

b) Institutuaren jarduerak koordinatu eta haiei jarraipena egiteko organo gisa eratzen da Zuzendaritza Batzordea, jarduketa integrala eta kohesionatua berma dadin arlo hauetan: osasuna babesten, eta osasun arazo kolektiboak sustatzen, zaintzen, prebenitzen eta haietan esku hartzen.

III. KAPITULUA. PARTAIDETZA ORGANOAK

1. ATALA. NAFARROAKO LAN OSASUNAREN KONTSEILUA

14. artikulua . Nafarroako Lan Osasunaren Kontseiluaren osaera.

Nafarroako Lan Osasunaren Kontseilua lan osasunaren arloko partaidetza organoa da, eta kide hauek ditu:

1. Kontseiluburua eta kontseiluburuordea: osasun eta lan arloko eskumena duten zuzendari nagusiak, urtebetez eta txandaka ariko baitira kargu horietan.

2. Idazkaria: Lan Osasunaren Zerbitzu Teknikoaren titularra.

3. Batzordekideak:

a) Nafarroako Osasun Publikoaren eta Lan Osasunaren Institutuko zuzendari kudeatzailea.

b) Nafarroako Osasun Publikoaren eta Lan Osasunaren Institutuko Lan Osasunaren zuzendariordea.

c) Osasunaren arloan eskumena duen departamentuko titularrak libreki izendatutako pertsona bat.

d) Lanaren arloan eskumena duen departamentuko kontseilariak libreki izendatutako pertsona bat.

e) Nafarroako Ekonomia eta Gizarte Kontseiluan parte hartzeko eskubidea duten sindikatuek izendatutako lau pertsona.

f) Nafarroako Ekonomia eta Gizarte Kontseiluan parte hartzeko eskubidea duten enpresaburuen elkarteek ordezkagarritasunaren arabera izendatutako hiru pertsona.

g) Langile autonomoen elkarteek izendatuko pertsona bat. Langile autonomoen elkarteek txandaka hartuko dute parte, urtebeteko aldietan.

4. Laneko Ikuskatzailetzaren ordezkari batek hartuko du parte, hizpidea duela baina botorik ez.

5. Beste pertsona batzuek ordezkatzen ahalko dituzte Kontseiluko kideak.

15. artikulua . Eginkizunak eta funtzionamenduaren araubidea.

1. Nafarroako Lan Osasunaren Kontseiluaren eginkizuna izanen da lan osasunari loturiko kudeaketa planifikatu, programatu, antolatu eta kontrolatzen parte hartzea, eremu eta maila desberdinetan.

2. Bilkura arrunta eginen du, sei hiletik behin gutxienez, eta bilkura berezia kontseiluburuak deitzen duen aldiro, bai bere ekimenez bai kideen gehiengoak eskatuta.

3. Edozein unetan eskatzen ahalko du zenbait jenderen aholkua, dituzten ezagupen, prestakuntza, izen on edo bestelako inguruabarrak direla medio haien partaidetza egokitzat jotzen baldin badu. Kasu horretan, dei berezia eginen zaie horretarako.

4. Barne funtzionamendurako erregelamendua prestatzen ahalko du.

5. Kontseiluaren funtzionamenduaren araubideari buruz foru dekretu honetan eta barne erregelamenduan (aurreko atalean aipatua) aurreikusten ez den hartan, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean ezarritakoa aplikatuko da.

16. artikulua . Batzordeen eraketa.

Nafarroako Lan Osasunaren Kontseiluak beharrezkotzat jotzen dituen batzordeak -sektorekoak, lurraldekoak edo gaikakoak- eratzen ahalko ditu, aldi baterako edo modu iraunkorrean, bere helburuak hobeki betetzearren.

2. ATALA. DEPARTAMENTUARTEKO BATZORDEA

17. artikulua . Departamentuarteko Batzordea

Nafarroako Gobernuaren araudi erregulatzailean xedatutakoa izanen dira Departamentuarteko Batzordearen osaera eta eginkizunak, osasunaren arloan politika guztietan parte hartzeko organoak baitira.

3. ATALA. BARRUTIKO OSASUN KONTSEILUAK ETA ESKUALDE OINARRIZKOKO OSASUN KONTSEILUAK

18. artikulua . Barrutiko Osasun Kontseiluak eta Eskualde Oinarrizkoko Osasun Kontseiluak.

Barrutiko Osasun Kontseiluak eta Eskualde Oinarrizkoko Osasun Kontseiluak osasun publikoaren arloko partaidetza organoak dira, eta haien osaera eta eginkizunak Osasunbidea-Nafarroako Osasun Zerbitzua erregulatzen duten arauetan ezartzen dira.

4. ATALA. KOORDINAZIO TEKNIKOAREN BATZORDEA

19. artikulua . Koordinazio Teknikoaren Batzordearen osaera.

Koordinazio Teknikoaren Batzordea honako hauek osatuko dute: unitateetako, ataletako, zerbitzuetako eta zuzendariordetzako titularrek, bai eta Nafarroako Osasun Publikoaren eta Lan Osasunaren Institutuko zuzendari kudeatzaileak ere.

Ahal den guztietan, kontseilukideen titular eta ordezkoen izendapenetan gizonen eta emakumeen ordezkaritza orekatuaren printzipioari erantzunen dio.

20. artikulua . Koordinazio Teknikoaren Batzordearen eginkizunak eta funtzionamendu araubidea.

1. Koordinazio Teknikoaren Batzordea Osasun Publikoaren Plana garatu, eguneratu eta haren jarraipena egiteko organo gisa eratzen da: Hari dagokio, orobat, unitate organikoetako proiektuak eta institutuaren jarduerak koordinatu eta integratzea, osoko jarduketa kohesionatua bermatzeko osasunaren sustapenaren, prebentzioaren eta babesaren arloan. Horiez gain, langileen parte-hartzea sustatzeko eta lan giroa hobetzeko eginkizunak beteko ditu.

2. Koordinazio Teknikoaren Batzordea sei hilean behin bilduko da gutxienez, zuzendari kudeatzaileak deiturik.

IV. KAPITULUA. ZUZENDARIORDETZAK, ZERBITZUAK ETA ATALAK

21. artikulua . Kudeaketako zuzendaritzari zuzenean atxikitako organoak.

1. Zuzendariordetzak zuzendaritza eginkizunak dituzten unitate organikoak dira.

2. Zuzendariordeek arauetan esleitzen zaizkien eginkizunak izanen dituzte nork bere erantzukizunpeko eremuan, eta, orobat, zuzendari kudeatzaileak haiengan deskontzentratzen edo eskuordetzen dituenak.

3. Zuzendariordeak Osasun Departamentuko titularraren foru agindu bidez izendatu eta kargutik kenduko dira, Nafarroako Osasun Publikoaren eta Lan Osasunaren Institutuko zuzendari kudeatzaileak proposatuta. Haien ordainsaria Nafarroako Aurrekontu Orokorren kasuan kasuko foru legeetan zehaztuko da, eta esklusibotasun araubidean lan eginen dute.

4. Nafarroako Osasun Publikoaren eta Lan Osasunaren Institutuan ezartzen dira Osasun Publikoaren Sustapenaren eta Behatokiaren Zuzendariordetza eta Lan Osasunaren Zuzendariordetza, biak ala biak Kudeaketako Zuzendaritzaren mende.

5. Elikagaien Segurtasunaren eta Ingurumen Osasunaren Zerbitzua, Epidemiologiaren eta Osasun Prebentzioaren Zerbitzua eta Kudeaketa Ekonomikoaren eta Profesionalen Zerbitzua zuzenean egonen dira Kudeaketako Zuzendaritzaren mende.

22. artikulua . Zerbitzuburuak.

Zerbitzuburuak Osasunbidea-Nafarroako Osasun Zerbitzuko zerbitzuburuentzat ezarritako baldintza beretan izendatu eta kenduko dira kargutik.

1. ATALA. OSASUN PUBLIKOAREN SUSTAPENAREN ETA BEHATOKIAREN ZUZENDARIORDETZA

23. artikulua . Osasun Publikoaren Sustapenaren eta Behatokiaren Zuzendariordetzaren egitura.

Osasun Publikoaren Sustapenaren eta Behatokiaren Zuzendariordetzak unitate organiko hauek ditu bere egituran:

1. Gizarte Osasuna Sustatzeko Zerbitzua.

2. Osasun Publikoaren Behatokiaren Atala.

3. Irakaskuntzaren, Ikerketaren eta Berrikuntzaren Atala.

24. artikulua . Osasun Publikoaren Sustapenaren eta Behatokiaren Zuzendariordetzaren eginkizunak.

a) Departamentuen eta sektoreen arteko ekintzak bultzatzea osasuna politika guztietan txertatzeko estrategian eta osasun arloko inpaktuaren ebaluazioan.

b) Osasuna politika guztietan txertatzeko estrategia eta osasun arloko inpaktuaren ebaluazioa sustatzea.

c) Esku hartzea honako hauek bultzatzeko: erakundeen arteko koordinazioa eta osasun publikoko ekintzetan inplikatutako eragileen parte-hartzearen sustapena.

d) Osasunaren sustapenerako eta heziketarako Nafarroako estrategia garatzea.

e) Plan integral bat garatzea informazio eta komunikazio sistemak indartzeko eta modu funtzionalean integratzeko, eta horren bitartez aplikazio informatikoak garatzea Osasun publikoa zaintzeko estrategiaren esparruan, eta erabiltzaileei eta inplikatutako beste eragile batzuei ematen zaien arreta hobetzea.

f) Irakaskuntza plan integrala bultzatzea, herritarren, gizartearen eta osasun sistemaren osasun beharrei erantzuna emanen dieten profesional bikainen prestakuntza hobetzeko.

g) Osasun publikoko ikerketa sustatzea, ezagutza zientifikoa eta biztanleriaren osasuna babestea eta hobetzea helburu hartuta, ikerketaren, osasun-laguntzaren, prestakuntzaren eta ikerketa zentroen eta unibertsitateen arteko sinergiak indartuz. Helburua da emaitzak gizarteari helaraztea, bikaintasunetik, berrikuntzatik eta lehiakortasunetik egindako ikerketen bidez.

h) Institutu osoarentzat zeharkakoak diren gainerako programak koordinatzea.

i) Zuzendari kudeatzaileak esleitzen dizkion gainerako eginkizunak.

25. artikulua . Gizarte Osasuna Sustatzeko Zerbitzuaren egitura.

Gizarte Osasuna Sustatzeko Zerbitzuak atal hauek ditu bere egituran:

1. Populazio Erregistroen Atala.

2. Osasuna Sustatzeko eta Politika guztietan Txertatzeko Atala.

26. artikulua . Gizarte Osasuna Sustatzeko Zerbitzuaren eginkizunak.

1. Gizarte Osasuna Sustatzeko Zerbitzua sistemak duen organo tekniko gorena da osasunaren sustapenean eta osasun-hezkuntzan; gainera, erreferentziako zentroa da eritasun-ez kutsakorren populazio erregistroen kudeaketa, koordinazio eta segimenduan.

2. Gizarte Osasuna Sustatzeko Zerbitzuak ondoko eginkizunak ditu:

a) Eritasun ez kutsakorren erikortasunaren eta hilkortasunaren analisiak eta kontrol epidemiologikoa egitea.

b) Eritasun ez kutsakorren informazio epidemiologikoari buruzko sareak mantentzea, osasun laguntzari eta erakunde nazionalei zein nazioartekoei loturik.

c) Eritasun ez kutsakorrei dagokienez zehazten diren prozesuetako biztanleria-erregistroak ezartzea.

d) Osasunaren sustapenerako eta heziketarako Nafarroako estrategia garatzea.

e) Bizimodu eta ingurune osasungarriak sustatzea, eta osasuna sustatzeko estrategiak (Nafarroako Osasun Planean ezarritakoak) sostengatzea, aro guztietarako: helduaroa, zahartzaroa, haurtzaroa, nerabezaroa eta gaztaroa.

f) Osasunaren sustapenaren eta osasun-hezkuntzaren arloko plan eta programen plangintza, garapena eta ebaluazioa egitea, osasun arloko informazio, komunikazio eta gizarte ekintzarako estrategiak eta neurri tekniko, politiko eta ekonomikoak barne, eta dagozkion diru-laguntzak kudeatzea.

g) Esleitzen zaizkion osasun sustapeneko programak, herritarrei zuzeneko arreta ematekoak, garatzea.

h) Osasunaren arloko esku-hartze komunitariorako estrategiak sustatu eta sostengatzea, lankidetza sustatuz toki entitateekin, osasunaren, gizartearen eta hezkuntzaren arloetako oinarrizko laguntza sareekin eta Foru Komunitateko administrazio publikoen gainerako zerbitzuekin.

i) Ekitatea bultzatzea osasunean, arrisku bereziko edo ahultasun handiko taldeentzat edo egoerentzat bideratutako jarduketak garatuz.

j) Osasunaren sustapen, hezkuntza eta informazioko metodologia garatzea, osasun sistemaren plan eta programak abiarazteko.

ñ) Hezkuntza Departamentuarekin elkarlanean aritzea osasun-hezkuntza hezkuntza eremuan garatzeko.

k) Profesionalak prestatzeko jarduketak egitea eta informazio eta hezkuntza arloko protokolo eta materialak prestatzea, osasunaren sustapenerako; orobat, laguntza teknikoa eta lankidetza ematea osasunaren sustapen jardueretan, osasun sistemak, Nafarroako Gobernuko beste departamentu batzuek eta gizartearen beste sektore eta entitate batzuek eskatuta.

l) Pazienteen eskola eta osasun eskola garatzea, bereziki zaintzaileen artean norberaren zainketak eta haientzako laguntza estrategiak sustatuz profesionalentzako, pazienteentzako eta zaintzaileentzako prestakuntzaren bidez.

m) Droga-mendekotasunen eta beste mendekotasun batzuk prebenitzeko Foru Planaren plangintza, koordinazioa eta ebaluazioa egitea.

n) Sexu- eta ugalketa-osasunaren arloan esleitutako sustapen eta hezkuntza jarduerak planifikatzea, koordinatzea eta ebaluatzea.

o) Esparru horretan sortutako osasun baldintzatzaileen eta desberdintasunen ikerketa garatzea, bai eta osasunean duten eraginaren gainekoa ere, eritasun ez kutsakor nagusiak kontuan hartuta.

p) Agintzen ahal dioten beste edozein eginkizun.

27. artikulua . Populazio Erregistroen Atalaren eginkizunak.

Populazio Erregistroen Atalak foru dekretu honetan aipatzen diren eginkizunak beteko ditu arlo hauetan: erikortasunaren eta hilkortasunaren zaintza eta azterketa epidemiologikoak, osasun egoeraren adierazleak, arrisku faktore determinatzaileak.

28. artikulua . Osasuna Sustatzeko eta Politika guztietan Txertatzeko Atalaren eginkizunak.

Osasuna Sustatzeko eta Politika guztietan Txertatzeko Atalak garatuko ditu foru dekretu honetan xedatutako eginkizunak, honako hauekin lotuta:

a) Bizimodu eta ingurune osasungarriak sustatzea bizitzaren hainbat etapatan eta eremutan.

b) Osasunerako hezkuntza.

c) Ekitatea osasunean.

d) Osasuna politika guztietan.

29. artikulua . Osasun Publikoaren Behatokiaren Atalaren eginkizunak.

Osasun Publikoaren Behatokiaren Atalak, zuzenean zuzendariordetzari atxikirik, eginkizun hauek ditu:

a) Informazio Sistemekin batera, NOPLOIren Informazio Sistemen koordinazio, garapen eta integrazio funtzionalerako plan bat egitea, Osasun publikoa zaintzeko estrategiaren esparrura bideratua.

b) NOPLOIk kudeatutako datu-iturri handien kudeaketa hobetzea, irisgarritasuna, gardentasuna eta datuen babesa kontuan hartuta.

c) Informazio Sistemekin batera, NOPLOIren aplikazioen eta Osasun Departamentuaren aplikazioen arteko integrazio funtzionalaren garapena eta bilakaera egitea, aplikazio horien datuak eta helburuak berak baldin badira.

d) NOPLOI kudeatzen laguntzeko aginte-taula bat definitzea.

e) Informazio Sistemekin batera, datuak aztertzeko eta bistaratzeko tresnak ezartzea.

f) Etengabe ebaluatzea biztanleria orokorraren eta arrisku handieneko kolektibo jakin batzuen arrisku faktoreak, osasun egoeraren determinatzaileak eta adierazleak, bai eta osasun aktiboenak ere.

g) Osasun inkestak prestatzea eta/edo haien jarraipena egitea, bai eta planak eta programak formulatzeko behar diren datuak lortzeko beste iturri batzuena ere.

h) Osasun arloko estatistikei buruzko informazio iraunkorra mantentzeko lan egitea, Nafarroako Gobernuko informatika eta estatistika zerbitzuei loturik.

i) Osasunaren arloko desberdintasunen jarraipena eta azterketa egitea, Osasun Departamentuan plangintzaren arloan eskuduna den zerbitzuarekin bat.

j) Agintzen ahal dioten beste edozein eginkizun.

30. artikulua . Irakaskuntzaren, Ikerketaren eta Berrikuntzaren Atalaren eginkizunak.

Irakaskuntzaren, Ikerketaren eta Berrikuntzaren Atala, zuzenean zuzendariordetzari atxikirik, eginkizun hauek ditu:

a) Prestakuntza plan integralak garatzea, NOPLOI erreferentziazko zentro izan dadin osasun publikoarekin eta laneko osasunarekin lotutako profesionalen prestakuntza mota guztietan: graduko prestakuntzan, lanbide heziketan, graduondokoan, osasun-prestakuntza espezializatuan eta etengabeko prestakuntzan.

b) NOPLOIren Irakaskuntza Batzordeari bultzada ematea, profesionalen prestakuntzarekin eta prestakuntza, jarraipen eta ebaluazio planen garapenarekin lotutako beharren eta proposamenen azterketa egiteko, NOPLOIren zerbitzu eta atalekin koordinatuta.

c) Osasun Publikoaren arloan EGIF programa bultzatzea, Lan Osasuneko Unitate Multiprofesionala garatuz eta Prebentzio-medikuntzako eta Osasun Publikoko BAMEen eta Familia eta Komunitateko Arretako BAMEen eta BAEEen prestakuntza ibilbidea indartuz.

d) Beharrezko aliantzak ezarri eta finkatzea hezkuntza eta unibertsitate erakundeekin, bai eta osasun sistematik kanpoko beste hornitzaile batzuekin ere.

e) Osasun publikoko ikerketan eta berrikuntzan lehentasuna duten arloak identifikatzeko plan bat bultzatzea, Estatuko eta autonomia-erkidegoetako estrategiekin bat.

f) Ikerketa eta berrikuntza sustatzea irakaskuntza metodologietan, eta IKTak ahalik eta gehien aprobetxatzea, profesionalen online eta urrutiko prestakuntza jarduerak eta prestakuntza jarduera birtualak sartu ahal izateko.

g) NOPLOIren ikerketa jardueran sinergiak bideratzea, koordinatzea, sustatzea eta ezartzea.

h) Elkarlaneko ikerketa sustatzea eta gizartearen beharretara egokitzea, osasun publikoaren ikuspegi espezifikoa duten beste ikerketa egitura batzuekin koordinatuta -Nafarroako Ikerketa Sanitarioko Institutua (Idisna), Navarrabiomed, plataformak, sareak, CIBER, etab.-, osasun publikoko ikerketa taldeak sendotuz.

i) Ekoizpen zientifikoa sustatzea osasun-determinatzaileen esparruan, desberdintasun ardatzen ikuspegitik: generoa, kultura, jatorrizko herrialdea eta/edo nazionalitatea, maila sozioekonomikoa eta/edo eremu geografikoa/lurralde-eremua.

j) Kalitate-estandarrak sustatzea osasun publikoko ikerketaren eremuan, ekoizpen zientifikoaren kantitatea eta kalitatea handituz: artikulu zientifikoen kopurua, inpaktua eta garrantzia.

k) Agintzen ahal dioten beste edozein eginkizun.

2. ATALA. LAN OSASUNAREN ZUZENDARIORDETZA

31. artikulua . Lan Osasunaren Zuzendariordetzaren egitura.

Lan Osasunaren Zuzendariordetzaren egituran zerbitzu hauek daude:

a) Lan Osasunaren Osasun Zerbitzua.

b) Lan Osasunaren Zerbitzu Teknikoa.

c) Laneko Arriskuen Prebentziorako Zerbitzua.

32. artikulua . Lan Osasunaren Zuzendariordetzaren eginkizunak.

a) Nafarroako Osasun Publikoaren Planean sartutako lan osasunaren estrategia sustatzea.

b) Lan osasunaren arloko bi ildo estrategiko nagusiak garatzea: hobeto ezagutzea Nafarroako langileen artean prebalentzia handiena duten lanaren ondoriozko osasun arazoak eta haiek prebenitzea, eta lan osasunari arreta emateko antolaketa eta metodologia tresnak hobetzea, bai prebentzio sistema osatzen duten instituzio eta entitateetatik, bai enpresetatik eta lan harremanen beste modalitate batzuetatik.

c) Erakundeen koordinazioa eta lan osasuneko ekintzetan inplikatutako eragileen parte-hartzearen sustapena bultzatzeko esku hartzea.

d) Zuzendariordetzari atxikitako Lan Osasunaren Zerbitzu Teknikoa eta Lan Osasunaren Osasun Zerbitzuak garatu beharreko Lan Osasunaren Ekintza Planaren programak koordinatzea, jardueren jarraipena egitea eta ebaluatzea.

e) Lan Osasunaren Zerbitzu Teknikoa eta Lan Osasunaren Osasun Zerbitzuko langileen diziplina anitzeko lantaldeetan koordinazioa eta baterako lana sustatzea, Nafarroako Osasun Publikoaren Planean sartuta dauden lan osasunaren helburuak lortzeko.

f) Jakintza zientifikoa lortzera eta langileen osasuna babestu eta hobetzera bideratutako lan osasunaren arloko ikerketa sustatzea.

g) NOPLOIko Lan Osasunaren Zuzendariordetzara atxikitako Laneko Arriskuen Prebentziorako Zerbitzuaren jardunaren ildo estrategikoak, planak eta programak prestatzea.

h) Laneko Arriskuen Prebentziorako Zerbitzuaren jarduketen kalitatea bermatzea, indarrean dagoen legeriarekin bat.

i) Zuzendari kudeatzaileak esleitzen dizkion gainerako eginkizunak.

33. artikulua . Lan Osasunaren Osasun Zerbitzuaren egitura.

Lan Osasunaren Osasun Zerbitzuak atal hauek ditu bere egituran:

a) Laneko Osasuna Zaintzeko Atala.

b) Lan arloko Balorazio Klinikoaren eta Ikuskatzailetza Medikoaren Atala.

34. artikulua . Lan Osasunaren Osasun Zerbitzuaren eginkizunak.

Lan Osasunaren Osasun Zerbitzuak honako eginkizun hauek ditu:

a) Laneko arriskuak ezagutzea eta ikertzea eta haiek prebenitzea Nafarroako langileen artean, maiztasunaren, esposizioaren garrantziaren eta ondorioen larritasunaren arabera.

b) Enpresetan laneko arriskuen prebentzio zerbitzuek edo prebentzioko beste baliabide batzuek egiten dituzten prebentzioko jarduerak, teknikak eta osasun arlokoak kontrolatu eta ebaluatzea eta haien gaineko aholkularitza ematea.

c) Kontingentzia mota zehazteko txostenak prestatzea, laneko kontingentziak GSINekin, Nafarroako Gobernuaren autoaseguratzailearekin edo Gizarte Segurantzari laguntza ematen dioten mutualitateekin aseguratu dituzten Nafarroako langileentzat.

d) Nafarroako Foru Komunitateko Administrazioko eta bere erakunde autonomoetako enplegatugaien osasun azterketak egitea.

e) Laneko eta lanari lotutako lesioak eta eritasunak ikertzeko lan osasunaren zaintza epidemiologikoaren sistema kudeatzea, eta lanbide lesio eta eritasunen edo lanari lotutakoen zergatiak aztertu eta ikertzea.

f) Koordinazioa eta jarduketak batera egitea lan arloko profesionalen eta osasun zerbitzuen eta Osasunbidea-Nafarroako Osasun Zerbitzuko Oinarrizko Osasun Laguntzako eta Laguntza Espezializatuko osasun laguntzako mailen artean.

g) Agintari eskudunekin lankidetzan aritzea osasuna zaintzeko berariazko protokoloak prestatzeko, egokitzeko eta hedatzeko lanetan.

h) Prebentzio zerbitzuen aholkularitza eta jarraipena egitea langileen osasunaren zaintzaren arloan, banakoa edo kolektiboa izan.

i) Lanerako ezintasuna bere modu guztietan zaindu, kontrolatu eta ebaluatzea, Lehendakaritza eta Barneko kontseilariaren abenduaren 5eko 703/1996 Foru Aginduan jasotako aldi baterako ezintasun egoerak eta baja eta altak kontrolatzeko prozedurak barne direla, eta langileei informazioa, aholkuak eta laguntza ematea ezintasunei loturiko alderdien gainean.

j) Aldi baterako ezintasunaren prozesuen gaineko informazio eta azterketa sistemak ezarri eta mantentzea, nagusiki aldi baterako ezintasunaren lan eta gizarte arloetako determinatzaileak ezagutzeko eta haietan esku hartzeko.

k) Aholkularitza eta laguntza teknikoa emateko behar diren jarduketak garatzea, hala eskatzen duten instituzio eta erakunde publiko eta pribatuekin elkarlanean, laneko ezintasunei dagokienez, bereziki sustatuz, aldi baterako ezintasunaren prestazioaren arloan, Osasunbidea-Nafarroako Osasun Zerbitzuko Oinarrizko Osasun Laguntzako, Laguntza Espezializatuko eta Osasun Mentaleko osasun laguntzako mailen arteko lankidetza.

l) Nafarroako Foru Komunitateko Administrazioaren eta haren erakunde autonomoen zerbitzuan dauden langileen ikuskatzailetza medikoa egin eta, besteak beste, alta medikoak ofizioz emateko eginkizunetan, Nafarroako Lan Osasunaren Institutua aritzeko prozedura arautzen duen ekainaren 28ko 203/1993 Foru Dekretuan ezarritako eginkizunak betetzea. Besteak beste, Nafarroako Foru Komunitateko Administrazioaren eta haren erakunde autonomoen zerbitzuan dauden langileei alta medikoak ofizioz emateko eginkizuna, eta Nafarroako Lan Osasunaren Institutuari Nafarroako Ospitaleko Epaimahai Medikoaren eskumenak transferitzen dizkion eta ezintasun egoerak ebaluatzeko prozedura arautzen duen urtarrilaren 31ko 27/1994 Foru Dekretuan ezarritakoak.

m) Gizarte Segurantzari laguntza ematen dioten mutualitateen osasun jarduketak ebaluatzea eta haien jarraipena eta aholkularitza egitea, kontingentzia arrunten, kontingentzia profesionalen eta haurdunaldirako eta edoskitzerako laneko arriskuen kasuetan.

n) Aldi baterako ezintasuna eta Gizarte Segurantzako sistemaren beste prestazio batzuk kudeatzeko prestakuntza programak planifikatzea.

o) NOPLOIren Lan Osasunaren Osasun Zerbitzuarekin lankidetzan, lan osasunari eta laneko arriskuen prebentzioari buruzko prestakuntza programak planifikatzea.

p) NOPLOIk lan osasunaren eta laneko arriskuen prebentzioaren eremuan antolatutako prestakuntza eta irakaskuntza ekintzetan parte hartzea.

q) Arlo hauetako espezialisten prestakuntzan parte hartzea: Lan arloko Medikuntza eta Erizaintza, Familiako eta Komunitateko Medikuntza, Prebentzio Medikuntza eta Osasun Publikoa, eta zerbitzu honen laguntza eskatzen duten beste espezialitate batzuk.

r) Agintzen ahal dioten beste edozein eginkizun.

35. artikulua . Laneko Osasuna Zaintzeko Atalaren eginkizunak.

Laneko Osasuna Zaintzeko Atalak foru dekretu honetan xedatutako eginkizunak ditu. Batetik, gaixotasun profesionalen eta lanetik eratorritako beste kalte batzuen jatorria banaka zein osotara ezagutzearekinzerikusia dutenak; bestetik, enpresetako langileen osasuna zaintzearekin eta Nafarroako Foru Komunitateko Administrazioko eta haren erakunde autonomoetako enplegatugaien azterketa medikoak egitearekin zerikusia duten guztiak.

Laneko Osasuna Zaintzeko Atalak eginkizun hauek ditu:

a) Laneko eta lanari lotutako lesioak eta eritasunak ikertzeko zaintza epidemiologikoaren sistema kudeatzea, eta lanbide lesio eta eritasunen edo lanari lotutakoen zergatiak aztertu eta ikertzea.

b) Laneko arriskuak ezagutzea eta ikertzea eta haiek prebenitzea Nafarroako langileen artean, maiztasunaren, esposizioaren garrantziaren eta ondorioen larritasunaren arabera.

c) Enpresetan laneko arriskuen prebentzio zerbitzuek edo prebentzioko beste baliabide batzuek egiten dituzten prebentzioko jarduerak, teknikak eta osasun arlokoak kontrolatu eta ebaluatzea eta haien gaineko aholkularitza ematea.

d) Kontingentzia mota zehazteko txostenak prestatzea, laneko kontingentziak GSINekin, Nafarroako Gobernuaren autoaseguratzailearekin edo Gizarte Segurantzari laguntza ematen dioten mutualitateekin aseguratu dituzten langileentzat.

e) Amiantoaren eta beste eragile kantzerigeno batzuen eraginpean dauden langileen erregistroa.

f) Nafarroako langileen lan-istripuen eta gaixotasun profesional aitortuen erregistroak kudeatzea.

g) Koordinazioa eta jarduketak batera egitea lan arloko profesionalen eta osasun zerbitzuen eta Osasunbidea-Nafarroako Osasun Zerbitzuko Oinarrizko Osasun Laguntzako eta Laguntza Espezializatuko osasun laguntzako mailen artean.

h) Agintari eskudunekin lankidetzan aritzea osasuna zaintzeko berariazko protokoloak prestatzeko, egokitzeko eta hedatzeko lanetan.

i) Prebentzio zerbitzuen aholkularitza eta jarraipena egitea langileen osasunaren zaintzaren arloan, banakoa edo kolektiboa izan.

j) Egindako deialdietan plaza lortu duten pertsonei administrazioan sartu aurreko azterketa medikoak egitea.

k) NOPLOIren Lan Osasunaren Osasun Zerbitzuarekin lankidetzan, lan osasunari eta laneko arriskuen prebentzioari buruzko prestakuntza programak planifikatzea.

l) NOPLOIk lan osasunaren eta laneko arriskuen prebentzioaren eremuan antolatutako prestakuntza eta irakaskuntza arloko ekintzetan parte hartzea.

m) Arlo hauetako espezialisten prestakuntzan parte hartzea: Lan arloko Medikuntza eta Erizaintza, Familiako eta Komunitateko Medikuntza, Prebentzio Medikuntza eta Osasun Publikoa, eta zerbitzu honen laguntza eskatzen duten beste espezialitate batzuk.

n) Agintzen ahal dioten beste edozein eginkizun.

36. artikulua . Lan arloko Balorazio Klinikoaren eta Ikuskatzailetza Medikoaren Atalaren eginkizunak.

Lan arloko Balorazio Klinikoaren eta Ikuskatzailetzaren Atalak foru dekretu honetan aipatzen diren eginkizunak beteko ditu arlo hauetan: aldi baterako ezintasunaren prestazioaren kudeaketa Nafarroan eta haren jarraipen agregatua egitea, eta Nafarroako Foru Komunitateko Administrazioko eta bere erakunde autonomoetako enplegatugaien osasun azterketak egitea.

Lan arloko Balorazio Klinikoaren eta Ikuskatzailetza Medikoaren Atalak eginkizun hauek ditu:

a) Lanerako ezintasuna bere modu guztietan zaindu, kontrolatu eta ebaluatzea, Lehendakaritza eta Barneko kontseilariaren abenduaren 5eko 703/1996 Foru Aginduan jasotako aldi baterako ezintasun egoerak eta baja eta altak kontrolatzeko prozedurak barne direla, eta langileei informazioa, aholkuak eta laguntza ematea ezintasunei loturiko alderdien gainean.

b) Aldi baterako ezintasunaren prozesuen gaineko informazio eta azterketa sistemak ezarri eta mantentzea, nagusiki kontingentzia arrunten ondoriozko aldi baterako ezintasunaren lan eta gizarte arloetako determinatzaileak ezagutzeko eta haietan esku hartzeko.

c) Aholkularitza eta laguntza teknikoa emateko behar diren jarduketak garatzea, hala eskatzen duten instituzio eta erakunde publiko eta pribatuekin elkarlanean, laneko ezintasunei dagokienez, bereziki sustatuz, aldi baterako ezintasunaren prestazioaren arloan, Osasunbidea-Nafarroako Osasun Zerbitzuko Oinarrizko Osasun Laguntzako, Laguntza Espezializatuko eta Osasun Mentaleko osasun laguntzako mailen arteko lankidetza.

d) Nafarroako Foru Komunitateko Administrazioaren eta haren erakunde autonomoen zerbitzuan dauden langileen ikuskatzailetza medikoa egin eta, besteak beste, alta medikoak ofizioz emateko eginkizunetan, Nafarroako Lan Osasunaren Institutua aritzeko prozedura arautzen duen ekainaren 28ko 203/1993 Foru Dekretuan ezarritako eginkizunak betetzea. Besteak beste, Nafarroako Foru Komunitateko Administrazioaren eta haren erakunde autonomoen zerbitzuan dauden langileei alta medikoak ofizioz emateko eginkizunak, eta Nafarroako Lan Osasunaren Institutuari Nafarroako Ospitaleko Epaimahai Medikoaren eskumenak transferitzen dizkion eta ezintasun egoerak ebaluatzeko prozedura arautzen duen urtarrilaren 31ko 27/1994 Foru Dekretuan ezarritakoak.

e) Nafarroako Foru Komunitateko Administrazioko eta bere erakunde autonomoetako enplegatugaien osasun azterketak egitea.

f) Gizarte Segurantzari laguntza ematen dioten mutualitateen osasun jarduketak ebaluatzea eta haien jarraipena eta aholkularitza egitea, kontingentzia arrunten, kontingentzia profesionalen eta haurdunaldirako eta edoskitzerako laneko arriskuen kasuetan.

g) Aldi baterako ezintasuna eta Gizarte Segurantzako sistemaren beste prestazio batzuk kudeatzeko prestakuntza programak planifikatzea.

h) NOPLOIren Lan Osasunaren Osasun Zerbitzuarekin lankidetzan, lan osasunari eta laneko arriskuen prebentzioari buruzko prestakuntza programak planifikatzea.

i) Arlo hauetako espezialisten prestakuntzan parte hartzea: Lan arloko Medikuntza eta Erizaintza, Familiako eta Komunitateko Medikuntza, Prebentzio Medikuntza eta Osasun Publikoa, eta zerbitzu honen laguntza eskatzen duten beste espezialitate batzuk.

j) Osasun Zerbitzu Publikoaren ordezkari izatea Gizarte Segurantzako Institutu Nazionaleko (GSIN) Ezintasunen Balorazio Batzordean.

k) Ataleko osasun langileek lan osasunari eta laneko arriskuen prebentzioari dagozkien gaietan behar diren prestakuntza eta irakaskuntza jarduerak egitea.

l) Agintzen ahal dioten beste edozein eginkizun.

37. artikulua . Lan Osasunaren Zerbitzu Teknikoaren eginkizunak.

Lan Osasunaren Zerbitzu Teknikoak foru dekretu honetan arlo hauei buruz aipatzen diren eginkizunak beteko ditu: laneko arrisku egoerak identifikatu, ebaluatu eta programatzea eta haien aurkako esku-hartze tekniko edo antolakuntzakoak egitea, prebentzio zerbitzuen prebentzio jarduketak egitea eta lan istripuen kausei buruz eta haien prebentzioari buruz ikertzea (ikerkuntza indibiduala eta agregatua) laneko osasuna eta segurtasuna sustatzeko ikuspuntutik. Era berean, enpresen eta haietako bakoitzaren prebentzio baliabide eta modalitateen erregistroa eta langile autonomoen erregistroa kudeatuko ditu.

Lan Osasunaren Zerbitzu Teknikoak honako eginkizun hauek ditu:

a) Laneko istripuak ikertu eta behar diren txostenak prestatzea, gero organismo eskudunari igortzeko.

b) Hala eskatzen duten enpresa, prebentzioko entitate, instituzio eta erakundeei behar diren azterlan, zainketa eta kontrol jarduketak egitea, prebentziora begira, toki, lokal, instalazio, makina, babeseko ekipamendu, produktu, lanpostu eta lan moduetako arriskuak prebenitzeko aginduak eta araudia bete daitezen.

c) Berariazko aholkularitza teknikoa ematea laneko osasunaren eta segurtasunaren gainean, bereziki 25 langile bitarteko enpresei.

d) Laneko arriskuei, laneko baldintzei, lan osasunari eta prebentzioari buruzko azterlana eta ikerketa sustatzea.

e) Langileentzako prestakuntza eta irakaskuntza jardueren informazioa eta garapena bultzatu eta sustatzea eta haien inguruko aholkularitza ematea, enpresaburuei, haien erakundeei, prebentzioaren arloko profesionalei, hezkuntza sistemari edo beste entitate batzuei, laneko arriskuen eta kalteen prebentzioari buruz eta langileen osasunaren sustapenari buruz.

f) NOPLOIren Lan Osasunaren Osasun Zerbitzuarekin lankidetzan, lan osasunari eta laneko arriskuen prebentzioari buruzko prestakuntza programak planifikatzea.

g) Zerbitzuko arlo teknikoko langileek lan osasunari eta laneko arriskuen prebentzioari dagozkien gaietan behar diren prestakuntza eta irakaskuntza jarduerak egitea.

h) Prebentzioaren gainean behar diren txostenak egitea lantoki berriak sortzen direnean, jarduera berriro hasi edo aldatzen denean, lekualdaketetan edo beste arrazoiren bat dagoenean, gero organismo eskudunari igortzeko.

i) Proposamen txostenak egitea, laneko arriskuen prebentzioari buruzko prestakuntza ematea eskatzen duten entitateek baldintzak betetzen ote dituzten zehazteko, Laneko Agintaritzak prestakuntza entitatea izateko egiaztapena eta baimena eman aurretik.

j) Beren eskumeneko gaiaren arabera, behar diren jarduketak garatzea hala eskatzen duten instituzio eta erakundeei laguntza teknikoa emateko,; bereziki Nafarroako Gobernuko Garapen Ekonomikorako Departamentuko zuzendaritza nagusi egokiari eta Laneko Ikuskatzailetzari.

k) Nafarroako enpresen erregistro bat sortu eta kudeatzea, prebentzio modalitateak eta haien baliabideak identifikatzeko.

l) Langile autonomoen erregistro bat ezartzea, Lan Osasunaren Zerbitzu Teknikotik eta Lan Osasunaren Osasun Zerbitzutik gizatalde horrek dituen laneko arriskuen prebentziorako jarduerak garatzearren.

m) Nafarroako Foru Komunitateko Administrazioko eta bere erakunde autonomoetako prebentzio zerbitzuen auditoretza eta kontrola egitea, honako hauen babesean: Laneko Arriskuen Prebentzioaren gaineko legedia Estatuko Administrazio Orokorrari egokitzeari buruzko urtarrilaren 29ko 67/2010 Errege Dekretua eta Laneko arriskuei aurrea hartzeko araudia Nafarroako Foru Komunitateko Administrazioaren eta haren erakunde autonomoen esparrura egokitzen duen apirilaren 20ko 135/1998 Foru Dekretua..

n) Agintzen zaion beste edozein eginkizun.

38. artikulua . Laneko Arriskuen Prebentziorako Zerbitzuaren egitura.

Laneko Arriskuen Prebentziorako Zerbitzuak unitate hauek ditu bere egituran:

a) Administrazio Erroko Laneko Arriskuen Prebentziorako Atala.

b) Nafarroako Foru Komunitateko Administrazioko Hezkuntza Departamentuko Laneko Arriskuen Prebentziorako Atala.

39. artikulua . Laneko Arriskuen Prebentziorako Zerbitzuaren eginkizunak.

Laneko Arriskuen Prebentziorako Zerbitzuak Laneko Arriskuen Prebentziorako Atalen jarduna koordinatzeko eginkizunak betetzen ditu, baita horien kalitatea bermatzekoak ere.

Era berean, Lan Osasunaren Zuzendariordetzak ezartzen dituen ildo estrategikoak, planak eta jarduera programak betetzen direla zainduko du.

40. artikulua . Administrazio Erroko Laneko Arriskuen Prebentziorako Atalaren eginkizunak.

Administrazio Erroko Laneko Arriskuen Prebentziorako Atalak foru dekretu honetan aipatzen diren eginkizunak beteko ditu Administrazio Erroko langileen laneko arriskuei aurrea hartzeari dagokionez.

41. artikulua . Hezkuntza Departamentuko Laneko Arriskuen Prebentziorako Ataleko eginkizunak.

Hezkuntza Departamentuko Laneko Arriskuen Prebentziorako Atalak foru dekretu honetan aipatzen diren eginkizunak beteko ditu Hezkuntza Departamentuko langileen laneko arriskuei aurrea hartzeari dagokionez.

3. ATALA. EPIDEMIOLOGIAREN ETA OSASUN PREBENTZIOAREN ZERBITZUA

42. artikulua . Epidemiologiaren eta Osasun Prebentzioaren Zerbitzuaren egitura.

Epidemiologiaren eta Osasun Prebentzioaren Zerbitzuak atal hauek ditu bere egituran:

a) Gaixotasun Transmitigarrien eta Txertaketen Atala.

b) Detekzio Goiztiarraren Atala.

43. artikulua . Epidemiologiaren eta Osasun Prebentzioaren Zerbitzuaren eginkizunak.

Epidemiologiaren eta Osasun Prebentzioaren Zerbitzua Nafarroako osasun sistemak duen organo tekniko gorena da eritasun kutsakorren metodologia epidemiologikoan eta detekzio goiztiarrean.

Epidemiologiaren eta Osasun Prebentzioaren Zerbitzuak eginkizun hauek ditu:

a) Nafarroako Osasun Planean ezarrita dauden eta esleitzen zaizkion prebentzioko estrategiak eta programak gauzatzea.

b) Nafarroako zaintza epidemiologikorako sistemak eta haien komunikazioa eremu nazionalean kudeatzea, eta lotutako ikerketa motak garatzea.

c) Prozesu infekziosoen morbimortalitatearen etengabe aztertzea, baita haien zergatiak eta bilakaera ere, denbora, tokia eta jendearen ezaugarriak kontuan hartuta.

d) Eritasun infekziosoen gainean esku-hartzea eta kontrol epidemiologikoa, eta erantzuna koordinatzea edozein izaera biologiko, fisiko edo kimikotako kanpoko epidemien aurrean.

e) Esku-hartze teknikoa eta pertsonen gaineko jarduketa, eta baliabide materialak jartzea osasunerako arrisku berehalakoaren kasuan, indarreko legeriarekin bat, estatukoa zein nazioartekoak izan.

f) Haurrak eta helduak txertatzeko programak planifikatu eta ebaluatzea, baita egoera epidemiologiko jakin batzuetarako diseinatzen direnena ere, immunizatu, erregistratu, jarraipena egin eta txertoen estaldurak eta kontrako erreakzio erantsienak egiteko egutegiak eta estandarrak prestatzea barne.

g) Erabakitzen diren eritasunen populazio erregistro izendunak ezartzea eta mantentzea.

h) Eritasun kutsakorren informazio epidemiologikoari buruzko sareak mantentzea, osasun laguntzari eta erakunde nazionalei zein nazioartekoei loturik.

i) Herritarrentzat egiten diren detekzio goiztiarreko jardueren prozesua eta emaitzak planifikatu, programatu, jarraipena egin eta kontrolatzea, ofizialki onartutako osasun prestazio gisa.

j) Agintzen zaizkion detekzio programak garatzea bere baliabideekin.

k) Laguntza teknikoa ematea detekzio goiztiarrerako jarduerak ezarri eta ebaluatzeko metodoetan.

l) Osasun laguntzako zentroekin elkarlanean eta modu koordinatuan aritzea, zerbitzuko jarduerei dagokienez.

m) Ikerketa epidemiologiko eragingarria garatzea, ikertzaile berrien prestakuntza sustatzea eta nazioko eta nazioarteko ikerketa sareetan sartzea.

n) Agintzen ahal dioten beste edozein eginkizun.

44. artikulua . Detekzio Goiztiarraren Atalaren eginkizunak.

Detekzio Goiztiarraren Atalak foru dekretu honetan aipatzen diren eginkizunak beteko ditu arlo hauetan: herritarrentzako detekzio goiztiarraren jarduerak eta programak, prebentzioko beste programa batzuei laguntza ematea eta lotutako ikerketa epidemiologikoa.

a) Herritarrentzat egiten diren antzemate goiztiarreko jarduerak planifikatu, programatu, jarraipena egin eta kontrolatzea, ofizialki onartutako osasun prestazio gisa.

b) Detekzio goiztiarraren prozesua eta jardueren emaitzak ebaluatzea.

c) Oinarrizko Osasun Laguntzako eta Laguntza Espezializatuko zentroekin lan egin eta koordinatzea, egiten diren detekzio goiztiarreko jardueretan.

d) Laguntza teknikoa ematea detekzio goiztiarrerako jarduerak ezarri eta ebaluatzeko metodoetan.

e) Agintzen zaizkion detekzio programak garatzea bere baliabideekin.

f) Zerbitzuaren berezko gaietan beharrezkoak diren prestakuntza eta irakaskuntza jarduerak egitea.

g) Agintzen zaion beste edozein eginkizun.

4. ATALA. ELIKAGAIEN SEGURTASUNAREN ETA INGURUMEN OSASUNAREN ZERBITZUA

45. artikulua . Elikagaien Segurtasunaren eta Ingurumen Osasunaren Zerbitzuaren egitura.

Elikagaien Segurtasunaren eta Ingurumen Osasunaren Zerbitzuak organo hauek ditu bere egituran:

a) Osasun Publikoaren Laborategiko Atala.

b) Elikagaien Segurtasunaren Atala.

c) Ingurumen Osasunaren Atala.

46. artikulua . Elikagaien Segurtasunaren eta Ingurumen Osasunaren Zerbitzuaren eginkizunak.

Elikagaien Segurtasunaren eta Ingurumen Osasunaren Zerbitzuak eginkizun hauek ditu:

a) Institutuak eta beste osasun zentro publiko batzuek egiten dituzten kontrol ofizialeko eta osasun publikoko programei laguntza analitikoa ematea.

b) Bere jarduera analitikoa beste laborategi batzuekin koordinatzea, kontrol ofizialeko eta osasun publikoko programen ondoriozko teknika analitikoen eskaera asetzeko.

c) Kalitate sistema mantentzea, kontrol ofizialeko laborategia izateagatik dituen eskakizunei erantzunez.

d) Kontrol ofizialeko programak, planak eta jarduketak koordinatu, gauzatu eta ebaluatzea eta haien auditoretza egitea, gai hauetan: elikagaien segurtasuna, elikadura arloko jarduerak, industriak eta establezimenduak -hiltegiak barne-, gizakiek jateko elikagaiak eta lotutako produktuak.

e) Elikagaien segurtasunari lotutako gaien gaineko erregistroak, zentsuak eta baimenak kudeatzea.

f) Elikagaien alerten gaineko informazioa azkar trukatzeko sistema kudeatzea, eta elikadurarekin lotutako arrisku egoerak eta eritasun agerraldiak kontrolatzea, kontrol epidemiologikoaren zerbitzuekin bat.

g) Tabakoaren arloko osasun araudia betetzen ote den ikuskatzea elikagaien arloko establezimendu eta jardueretan, eta beste batzuk.

h) Zoonosiaren aurrean, osasuna babesteko programak garatzea.

i) Elikagaien segurtasunaren eta ingurumen osasunaren arloko arau proposamenak prestatu eta tramitatzea bere eskumeneko esparruetan.

j) Arriskua ebaluatzea eta gizakien osasuna babestea arrisku kimiko, fisiko eta biologikoen ingurumen faktoreen aurrean.

k) Jarduera hauen osasun zaintza egitea, gizakiaren osasunean izan dezaketen eraginagatik: giza kontsumorako uraren hornidura, uraren aisiarako erabilera, legionellaren arriskuaren kontrola, osasun hondakinen barne kudeaketa, biosegurtasunaren arloko osasun araudia, erabilera kolektiboko lokalak eta industria-, merkataritza- eta zerbitzu-establezimenduak.

l) Segurtasun kimikoaren osasun araudia (biozidena barne) eta CLP eta REACH erregelamenduak betetzen ote diren zaindu eta kontrolatzea.

m) Bere eskumeneko gaien gaineko erregistroak, zentsuak eta baimenak kudeatzea, arrisku kimiko, fisiko eta biologikoen ingurumen faktoreei lotuak.

n) Laguntza teknikoa ematea udalei osasun publikoaren arloan ingurumeneko arriskuei loturik dituzten eskumenetan, eta Oinarrizko Osasun Laguntzako zerbitzuei ikuskapenaren eta osasun publikoaren arloan dituzten eginkizunetan.

ñ) Segurtasun Nuklearreko Kontseiluak Nafarroako Foru Komunitateko Administrazioari egindako eginkizun esleipenaren ondoriozko eginkizunak betetzea, eta diagnostiko medikorako X izpien instalazioak saldu eta laguntza teknikoa ematen duten enpresak zaindu eta ikuskatzea.

o) Osasun kontrolaren, segurtasun fisikoaren eta arrisku ebaluazioaren programak garatzea erradiazio ionizatzaileei eta ez-ionizatzaileei lotutako gaietan.

p) Ingurumena babesteko esku hartzearen araudiak Osasun Departamentuari esleitzen dizkion jarduketak egitea.

q) Agintzen ahal dioten beste edozein eginkizun.

47. artikulua . Osasun Publikoaren Laborategiko Atalaren eginkizunak.

Osasun Publikoaren Laborategiko Atalak foru dekretu honetan aipatzen diren eginkizunak beteko ditu arlo hauetan: bidezko programei dagozkien analitikak garatzea, beste laborategi batzuekin koordinatzea eta kalitate sistema egokiak garatzea.

a) Higiene eta osasun arloko analisiak egitea, laguntza teknikoa eta euskarria emateko Osasun Publikoaren eta Lan Osasunaren Institutuaren, toki entitateen eta osasun sistemako beste zentro batzuen osasun publikoari buruzko zerbitzu eta programei, osasun publikoaren arloan.

b) Kalitateko sistema mantentzea, indarra duen araudiarekin bat.

c) Erreferentziako laborategia izatea erabakitzen diren tekniketan.

d) Teknika analitikoak erabiltzea osasun agintariek nahiz agintari judizialek eskatuta, bere ahalbide teknikoen barrenean.

e) Behar diren analisi teknikak garatzea, Institutuaren zerbitzuek betetzen dituzten eginkizunetarako.

f) Beste laborategi ofizial batzuen kudeaketan eta koordinazioan laguntzea, laborategiak berak ezin egin dituen analisien eskaerak igortzeko.

g) Atalari dagozkion gaietan beharrezkoak diren prestakuntza eta irakaskuntza jarduerak egitea, Irakaskuntzaren, Ikerketaren eta Berrikuntzaren Atalarekin koordinatuta.

h) Agintzen zaion beste edozein eginkizun.

48. artikulua . Elikagaien Segurtasunaren Atalaren eginkizunak.

Elikagaien Segurtasunaren Atalak foru dekretu honetan aipatzen diren eginkizunak beteko ditu arlo hauetan: elikagaien segurtasunaren programak, elikagaien alerten gaineko sistemak, arriskuen eta epidemien kontrola, osasun ikuskapena eta kontrola elikagaien segurtasunaren arloan, tabakoa elikagaien arloko establezimendu eta jardueren arloan eta zoonosia.

a) Nafarroako Elikagaien Enpresen eta Elikagaien Osasun Erregistro Orokorra eta erregelamenduaren arabera ezartzen diren elikagaien enpresen eta elikagaien zentsuak kudeatzea.

b) Elikagaien establezimendu, industria eta jarduerak funtzionatzeko behar diren osasun baimenen espedienteak tramitatu eta kudeatzea, baita haien erregistroarena ere.

c) Elikagaien establezimendu, industria eta jardueren (abere hiltegiak barne) kontrol ofizialerako programak kudeatzea, baita giza kontsumorako elikagaiena eta horiekin lotutako produktuena ere.

d) Elikagaien alerten gaineko informazioa azkar trukatzeko sistema kudeatzea.

e) Hondakinak Ikertzeko Plan Nazionala Nafarroan garatzea.

f) Elikagaien jatorriko epidemia agerraldiak ikertzea, kontrol epidemiologikoaren zerbitzuekin batera.

g) Zoonosiaren aurrean, osasuna babesteko programak kudeatzea.

h) Zehapen espedienteak irekitzeko proposamenak eta txostenak eskatu eta tramitatzea, hala dagokionean.

i) Bere eskumenaren esparruko sektoreak erregulatzen dituzten araudien proposamenak prestatzea.

j) Laguntza teknikoa ematea toki entitateei eginkizun horien eremuan.

k) Nafarroan elikagaien eremua kontrolatzen duten beste organismo batzuekin koordinatzea.

l) Elikagaien katea ofizialki kontrolatzeko urte anitzeko Nafarroako planak eta haiei jarraipena egiteko txostenak prestatzen parte hartzea.

m) Laguntza teknikoa eta lankidetza ematea elikagaien segurtasunerako kontrol ofizialaren sistemako auditoriak egiteko.

n) Atalaren mendeko elikagaien segurtasunerako kontrol ofizialaren sistema ebaluatu eta egiaztatzeko jarduketak egitea.

ñ) Ikuskatze lana egitea, elikagaiei loturiko jarduera eta establezimenduetan tabako arloko osasun araudia betetzen ote den ikuskatzeko, eta jarduketa horien ondoriozko espedienteak tramitatzea.

o) Arriskua analizatu eta ebaluatzeko prozedurak garatzea eta arriskua kudeatzeko jarduketa eta proposamenak egitea elikagaien segurtasunaren arloan.

p) Institutuaren osasun sustapenerako zerbitzuekin lan egitea nutrizio arloko osasun araudia betetzen ote den kontrolatzeko, elikagaien salmentan, haur eskoletan eta ikastetxeetan ematen diren otorduetan eta elikagaien publizitatean.

q) Atalari dagozkion gaietan beharrezkoak diren prestakuntza eta irakaskuntza jarduerak egitea, Irakaskuntzaren, Ikerketaren eta Berrikuntzaren Atalarekin koordinatuta.

r) Agintzen zaion beste edozein eginkizun.

49. artikulua . Ingurumen Osasunaren Atalaren eginkizunak.

Ingurumen Osasunaren Atalak foru dekretu honetan aipatzen diren eginkizunak beteko ditu arlo hauetan: osasunaren babesa arrisku fisiko, kimiko eta biologikoen aurrean, uren osasun zaintza, legionella, hondakinak, biosegurtasuna, segurtasun kimikoa eta tabakoa, arrisku eta epidemien kontrola, segurtasun fisikoa eta Segurtasun Nuklearreko Kontseiluak egindako eginkizun esleipena.

a) Osasuneko eta Ingurumeneko Plan Estrategikoan ezarritako programak garatzea.

b) Osasun kontrol eta ikuskapena egitea, giza kontsumorako ur hornidura eta haren kalitatea kontrolatzeko osasun araudian xedatutakoa aplikatuz, Foru Komunitateko giza kontsumorako uraren osasun arloko zaintzarako programaren proposamena prestatzea eta uren kontuan osasun administrazioari esleitutako beste edozein eginkizun.

c) Uraren aisialdirako erabilera ikuskatu eta osasun kontrola egitea.

d) Legionelosia prebenitu eta kontrolatzeko osasun araudian xedatutakoa aplikatzen ote den ikuskatu eta kontrolatzea.

e) Produktu kimikoen eta bioziden osasun araudia eta CLP eta REACH erregelamenduak betetzen ote diren zaindu, ikuskatu eta kontrolatzea.

f) Industria, merkataritza eta zerbitzuetako establezimenduak kontrolatu eta ikuskatzea, haien jarduerek jendearen osasunean eragina izan badezakete.

g) Hildakoen gaineko osasun araudiak Osasun Publikoaren Institutuari agintzen dizkion eginkizunak.

h) Erabilera kolektiboko lokalen osasun arloko kontrola.

i) Osasun arloko zentro, zerbitzu eta jardueretan sortutako hondakinen barne kudeaketa kontrolatu eta ikuskatzea.

j) Osasun araudia aplikatzen ote den ikuskatu eta kontrolatzea biosegurtasunaren arloan.

k) Ingurumen alerten gaineko informazioa azkar trukatzeko sistemak kudeatzea eta epidemia agerraldien ingurumen arloko ikerketa egitea, kontrol epidemiologikoaren zerbitzuekin batera.

l) Aurreko gaietan osasun araudiak Institutuari esleitzen dizkion erregistro eta zentsuak kudeatzea.

m) Oinarrizko Osasun Laguntzako taldeei laguntza teknikoa ematea eta haiekin parte hartzea ikuskapen eta osasun publikoko eginkizunetan.

n) Laguntza teknikoa ematea udalei aurreko arloei loturiko gaietan.

o) Bere eskumenaren esparruko sektoreak erregulatzen dituzten araudien proposamenak prestatzea.

p) Erradiazio ionizatzaileekin, ez ionizatzaileekin eta babes erradiologikoarekin lotutako gaietan laguntzea eta aholkuak ematea Foru Komunitateko Administrazioaren menpeko beste departamentu eta erakundeei, lanbideko erakundeei eta instalazio erradioaktiboetan zuzeneko eskumenik ez duten entitate pribatuei.

q) Organismo eta erakundeek Nafarroako Foru Komunitatearen lurraldean ingurumen erradiazioari buruz egindako kontrolen emaitzak jaso, ebaluatu eta aztertzea.

r) Osasun Departamentuak maiatzaren 6ko 10/2002 Foru Legearen ondorioz dituen eskumenei loturiko txostenak, eta Ingurumena Eragina duten Jarduerak arautzen dituen abenduaren 16ko 17/2020 Foru Legearen ondoriokoak, tramitatzea. 17/2020 lege horrek Nafarroako Foru Komunitatean uhin elektromagnetiko ez-gidatuen bidezko telekomunikazioko oinarrizko estazioak antolatzen ditu.

s) Osasunaren gaineko eragina ebaluatu eta zaintzeko prozedurak garatzea, eta dagozkien azterlanak egitea osasunean eragin garrantzitsua dutelako hautatzen diren arau, plan, programa eta proiektuei buruz.

t) Ikuskatu eta kontrolatzeko jarduketak egitea, tabakoaren arloko osasun araudia betetzen ote den, elikagaiei loturiko jarduera eta establezimenduak izan ezik, eta jarduketa horien ondoriozko espedienteak tramitatzea.

u) Atalari dagozkion gaietan beharrezkoak diren prestakuntza eta irakaskuntza jarduerak egitea, Irakaskuntzaren, Ikerketaren eta Berrikuntzaren Atalarekin koordinatuta.

v) Agintzen zaion beste edozein eginkizun.

5. ATALA. KUDEAKETA EKONOMIKOAREN ETA PROFESIONALEN ZERBITZUA

50. artikulua . Kudeaketa Ekonomikoaren eta Profesionalen Zerbitzuaren egitura.

Kudeaketa Ekonomikoaren eta Profesionalen Zerbitzuak atal hauek ditu bere egituran:

a) Kudeaketa Ekonomikoaren Atala.

b) Profesionalen Atala.

51. artikulua . Kudeaketa Ekonomikoaren eta Profesionalen Zerbitzuaren unitateak.

Kudeaketa Ekonomikoaren eta Profesionalen Zerbitzuak eginkizun hauek ditu:

a) Nafarroako Osasun Publikoaren eta Lan Osasunaren Institutuko zuzendari kudeatzaileak langileen arloan esleituta dituen eskudantziak bete, kontrolatu eta koordinatzea.

b) Institutuko langileen eginkizuna zuzendu, koordinatu, bultzatu eta ebaluatzea.

c) Langileen politikaren eta administrazioaren gaineko jarraibideei eta lan harremanei buruzko proposamenak egin, jaso eta gomendatzea, onets daitezen. Jarraibideak onartu ondoren, horiek gauzatzea. Aholkularitza lana egitea arlo honetan Institutuko zuzendari kudeatzailearentzat eta zuzendaritzako gainerako langileentzat.

d) Institutuari dagozkion lanpostuetan sartu eta haiek betetzeko deialdi eta prozedurak prestatu eta tramitatzea.

e) Aldi baterako langileen kontratazioa baimendu eta gauzatzea, erregelamenduz ezarritako prozeduraren bidez.

f) Langileen arloko beharrak zehaztea, lan eskaintzak, plantilla organikoa eta izenen zerrendak prestatzeko.

g) Langileak lanpostu jakin bati atxikitzea erakunde autonomoaren barrenean.

h) Falta arinak egiteagatik diziplinazko espedienteak hasi eta ebaztea.

i) Arauzko lanaldi murrizketak, lansaririk gabeko lizentziak, amatasun lizentzia ordainduak eta edoskitzeko baimenak onartzea eta eritasunak eragindako bajan dauden langileen joan-etorriak egiteko baimenak ematea.

j) Gastuak itzultzeko ordainketa, epaimahaietan eta prestakuntza ikastaroetan parte hartzeagatiko haborokina eta osagarrien ordainketa baimentzea. Zerbitzuarengatik egin beharreko joan-etorrietarako baimena ematea.

k) Sindikatuekiko eta langileen ordezkaritza organoekiko harremanak. Laneko arriskuen prebentzioaren arloko jarduketak koordinatzea.

l) Langileek eskatuta, hartzekoen eta emandako zerbitzuen ziurtagiria egitea, baita Institutuko lanpostuetan sartu eta haiek betetzeko deialdiei buruzko dokumentuak konpultsatzea ere.

m) Nominak, gizarte aseguruak, osasun laguntza eta langileen beste prestazio ekonomiko batzuk prestatu eta kudeatzea.

n) Langileen erregistro integratua, espediente pertsonalak, plantilla organikoa eta langileen zerrenda irekitzea, mantentzea eta antolatzea.

ñ) Urteko aurrekontuak, gastuetakoak zein diru-sarreretakoak, prestatu eta kudeatzea, eta haien kontrola eta jarraipena egitea.

o) Institutuko baliabide material finko eta mugikorren kontserbazio funtzionala, eta atxikitako ondarea behar bezala kudeatzea.

p) Ondasun eta zerbitzuen hornidura kudeatzea.

q) Konturako ziurtagiriak, material inbentariagarriaren eta beste erosketa batzuen ordainagiriak, konponketa eta mantentze soileko obrak eta laguntza teknikoko kontratuak ordaintzeko baimena ematea, organo eskudunak haien gastua onetsi baldin badu.

r) Beharrezkoak diren aplikazio informatikoen ezarpena, funtzionamendua eta erabilera eta beharrezkoak diren laguntza administratiboak zuzendu eta koordinatzea.

s) Laguntza ematea zuzendaritzako langileei gai administratiboei buruz.

t) Zuzendari kudeatzaileak esleitzen ahal dizkion beste edozein eginkizun.

52. artikulua . Kudeaketa Ekonomikoaren Atalaren eginkizunak.

1. Kudeaketa Ekonomikoaren Atalak foru dekretu honetan aipatzen diren eginkizunak beteko ditu arlo hauetan: aurrekontuaren prestaketa eta kudeaketa, baliabide materialak, ondarea, aplikazio informatikoak eta laguntza administratiboa.

a) Institutuaren kudeaketa administratiboa eta ekonomikoa antolatzea.

b) Aurrekontuetako kredituak eta kontabilitate orokorra betearazi eta kudeatzea.

c) Kontratazio administratiboa kudeatzea.

d) Zerbitzu orokorren funtzionamendua kontrolatzea.

e) Ezartzen diren euskarri informatikoez eta estatistikakoez arduratzea.

f) Erosketak kudeatzea eta ondasun eta zerbitzuen hornidura.

g) Ondarea administratu eta kudeatzea.

h) Diru-sarreren kudeaketa kontrolatzea.

2. Orobat, zerbitzuburuak esleitzen dizkion beste edozein eginkizun beteko ditu.

53. artikulua . Profesionalen Atalaren eginkizunak.

a) Langileak zuzendu, koordinatu eta kontrolatzea, lanean sartzea eta lanpostuak betetzea, langile beharrak,atxikipenak eta, administrazio-egoerak kudeatzea eta nominak egitea.

b) Langileen erregistroa mantendu eta eguneratzea, baita espediente pertsonalak, plantilla organikoa eta langileen zerrenda ere.

c) Langileak administrazio araubidean kontratatzeko deiak kudeatzea, eta aldi baterako kontrataziorako indarreko zerrenden jarraipena eta publizitatea kontrolatzea.

d) Lan harremanei eta langileen egoera administratiboei buruzko dokumentazioa tramitatzea, bai eta, oro har, langileriaren arloko eskaera guztiei buruzkoa ere.

e) Nominak, aurreikuspen sozialeko sistemak, osasun laguntza, langileen prestazio ekonomikoak eta horren inguruko dokumentazio guztia kudeatzea.

f) Aldi baterako ezintasunei lotutako baja eta alta agiriak kudeatzea.

g) Institutuari dagozkion lanpostuetan sartu eta haiek betetzeko deialdi eta prozedurak tramitatzea, barne mugikortasuneko prozedurak barne.

h) Aipatutako eginkizunekin zerikusia izanik, Kudeaketa Ekonomikoaren eta Profesionalen Zerbitzuko titularrak eta Profesionalen Ataleko titularrak berariaz agintzen dizkionak.

V. KAPITULUA. LANPOSTUAK BETETZEKO MODUA

54. artikulua . Zuzendaritza organoak eta burutzak betetzeko modua.

Zuzendariordeak Osasun Departamentuko titularraren foru agindu bidez izendatu eta kargutik kenduko dira, Nafarroako Osasun Publikoaren eta Lan Osasunaren Institutuko zuzendari kudeatzaileak proposatuta.

Zerbitzuetako, ataletako eta unitateetako titularrak azaroaren 22ko 347/1993 Foru Dekretuan ezarritakoari jarraikiz izendatuko eta kargutik kenduko dira; dekretu horren bidez onartu zen Osasunbidea-Nafarroako Osasun Zerbitzuan sartu eta bertako lanpostuak betetzeko araubidea.

55. artikulua . Laguntzako zerbitzu eta ataletako burutzak eta osasun burutzak betetzeko modua.

1. Laguntzako zerbitzuburuak eta atalburuak abenduaren 22ko 347/1993 Foru Dekretuan ezarritakoari jarraikiz izendatu eta kenduko dira kargutik.

2. Osasun atalburuak eta unitateburuak erizaintzako laguntzako atal eta unitateetako burutzetarako ezarritako prozeduren arabera izendatu eta kenduko dira kargutik.

3. Laguntzako edo osasun zerbitzu, atal edo unitateetakoak ez diren burutzak abenduaren 22ko 347/1993 Foru Dekretuan ezarritakoari jarraikiz izendatu eta kenduko dira kargutik.

4. Ondotik aipatzen diren lanpostuetan aritzeko, nahitaez eduki beharko da Prebentzio Medikuntzako eta Osasun Publikoko espezialitatea:

a) Epidemiologiaren eta Osasun Prebentzioaren Zerbitzuko burua.

b) Gaixotasun Transmitigarrien eta Txertaketen Ataleko burua.

c) Detekzio Goiztiarraren Ataleko burua.

d) Populazio Erregistroen Ataleko burua.

5. Jarraian adierazitako lanpostuak betetzeko, ezinbestekoa izanen da Familiako eta Komunitateko Medikuntzako espezialitatea edo Laneko Medikuntzako espezialitatea edo Prebentzio Medikuntza eta Osasun Publikoko espezialitatea izatea.

a) Lan arloko Balorazio Klinikoaren eta Ikuskatzailetza Medikoaren Ataleko burua.

b) Laneko Osasuna Zaintzeko Ataleko burua.

III. TITULUA. EGINTZEN ARAUBIDE JURIDIKOA, ERREKURTSOAK ETA OFIZIOZKO BERRIKUSPENA

56. artikulua . Egintzen araubide juridikoa.

1. Institutuaren egintzen araubide juridikoa da erakunde autonomoetarako ezarrita dagoena martxoaren 11ko 11/2019 Foru Legearen VI. tituluko III. kapituluan; foru lege horrek hizpide ditu Nafarroako Foru Komunitateko Administrazioa eta foru-sektore publikoa.

2. Ebazpen forma hartuko dute zuzendari kudeatzaileak eta zerbitzuburuek beren ahalmenak erabiliz ematen dituzten administrazio egintzek.

3. Langileei, kontratazioei eta aurrekontuei buruzko administrazio egintzei dagokienez, Foru Komunitateko araudi berariazkoari jarraituko zaio.

57. artikulua . Administrazio bidearen amaiera.

1. Oro har, Institutuko organoek emandako egintzek eta ebazpenek ez dute administrazio bidea amaituko, foru lege batek edo erregelamenduzko xedapen batek kontrakoa ezartzen ez badu behintzat.

2. Ondare erantzukizunaren arloan ematen diren ebazpenek administrazio bidea amaituko dute.

58. artikulua . Administrazio errekurtsoak.

1. Institutuko zuzendari kudeatzailearen edo zerbitzuburuen egintzen kontra, administrazio bidea amaitzen ez badute, baita gaiaren muina zuzenean edo zeharka erabakitzen duten, prozedurak aurrera egitea galarazten duten edo legezko eskubide eta interesentzako babesgabetasuna edo kalte konponezina eragiten duten tramite egintzen kontra ere, gora jotzeko errekurtsoa jartzen ahalko da, Osasuneko kontseilariari zuzendua, funtzio publikoaren arloan emandako egintzak izan ezik, horien kontra zilegi izanen baita gora jotzeko errekurtsoa funtzio publikoaren eskumena duen departamentuko kontseilariari zuzentzea.

2. Errekurtsoak Foru Komunitateko Administrazioarentzat indarra duen legediak ezarritako moduan eta epeetan gauzatuko dira.

59. artikulua . Ordezkaritza eta defentsa.

Institutua epaiketetan ordezkatu eta defendatzea Nafarroako Gobernuko Aholkularitza Juridikoan aritzen diren aholkulari juridikoei dagokie.

60. artikulua . Ofiziozko berrikuspena.

Egintza deusezen ofiziozko berrikuspena, egintza deuseztagarrien kaltegarritasunaren deklarazioa eta kargak ezartzen dituzten egintzen edo kalterako diren egintzen ezeztatzea Osasun Departamentuko kontseilariaren foru agindu baten bidez eginen da.

IV. TITULUA. ONDAREA, GIZA BALIABIDEAK ETA KONTRATAZIOA

61. artikulua . Nafarroako Osasun Publikoaren eta Lan Osasunaren Institutuari atxikitako ondarea.

Honako hauek osatzen dute Institutuaren ondarea:

a) Bere xedeak betetzeko atxikitzen zaizkion era guztietako ondasun eta eskubideak, horien titulartasuna Nafarroako ondareari badagokio.

b) Estatuko Administraziotik transferitutako zerbitzuak kudeatu eta gauzatzeko era guztietako ondasun eta eskubideak, atxikiak dituenak, transferentziei aplikatzen zaien araudiarekin bat.

c) Edozein tituluren bitartez jasotzen duen beste edozein ondasun edo eskubide.

62. artikulua . Ondarearen araubide juridikoa.

Institutuak berak dituen edo atxiki zaizkion ondasun eta eskubideen araubide juridikoa Nafarroako ondareari buruzko legedian ezarritakoa izanen da.

63. artikulua . Giza baliabideak.

1. Honako hauek osatzen dute Institutuaren langileria:

a) Nafarroako Gobernuak edo Osasun Departamentuko kontseilariak libreki izendatutako zuzendaritza karguetako pertsonak, atxikiak edo Institutuari atxikitzen zaizkionak.

b) Funtzionarioak, bai Foru Komunitateko Administraziokoak, bai Estatuko Administraziotik transferituak, eta lan-kontratudunak, atxikiak edo Institutuari atxikitzen zaizkionak.

2. Funtzio publikoaren arloan eskumenak dituen departamentuak giza baliabideen gainean ezarritako jarraibideak aplikatuko ditu Institutuak.

64. artikulua . Kontratazioa.

Institutuko kontratazio araubidea Nafarroako administrazio publikoetako eta haien erakunde autonomoetako kontratazioari buruzko berariazko legedian ezarritakoa izanen da.

V. TITULUA. OGASUNA ETA AURREKONTUA

65. artikulua . Baliabide ekonomikoak.

Hauek dira Nafarroako Osasun Publikoaren eta Lan Osasunaren Institutuaren diru-sarrerak:

a) Nafarroako Gobernuak helburu jakin baterako jasotzen dituen baliabideak.

b) Foru Komunitateko aurrekontu orokorren kargura esleitzen zaizkion baliabideak.

c) Bidezko diren xedapenen arabera jaso ditzakeen diru-sarrera arruntak eta diru-sarrera bereziak.

d) Entitateek eta norbanakoek borondatez egindako ekarpenak eta diru-laguntzak.

e) Esleitzen zaion beste edozein baliabide.

66. artikulua . Aurrekontua.

1. Institutuko aurrekontuaren kudeaketa urteko aurrekontuen araubidearen menpe egonen da, eta hori Nafarroako Parlamentuak onetsi beharko du.

2. Institutuko aurrekontuaren egitura, prestatzeko prozedura, exekuzioa eta likidazioa Nafarroako Aurrekontu Orokorrentzat (horien parte izanen dira) ezarritako arau eta erregeletan aurreikusitakoaren menpe egonen dira.

67. artikulua . Kontuhartzailea.

Nafarroako Foru Komunitateko Administrazioan egintzen, agirien eta espedienteen gaineko kontu-hartzailetzarako ezarri diren arauetan jasotako aurreikuspenei jarraikiz eginen da Institutuko kontu-hartzailetza.

Aurreko atalean ezarritakoa alde batera utzi gabe, auditoretzen bidez eginen da erakunde autonomoaren finantza kontrola.

68. artikulua . Kontabilitate publikoa.

1. Institutua kontabilitate publikorako araubidearen menpe geldituko da, Nafarroako Foru Komunitatearen Administrazioak dituen modu eta baldintza berberetan.

2. Kontuak ematea Nafarroako Kontu Orokorretarako aurreikusitakoaren arabera formalizatu, tramitatu eta ebatziko da.

Gobierno de Navarra

Contacte con nosotros | Accesibilidad | Aviso legal | Mapa web