(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

249/2023 FORU DEKRETUA, AZAROAREN 15EKOA, LURRALDE KOHESIORAKO DEPARTAMENTUAREN EGITURA ORGANIKOA EZARTZEN DUENA

BON N.º 244 - 23/11/2023; corr. err., BON 19/01/2024, BON 02/02/2024

  I. KAPITULUA. XEDAPEN OROKORRAK

  II. KAPITULUA. TOKI ADMINISTRAZIOAREN ETA DESPOPULAZIOAREN ZUZENDARITZA NAGUSIA

  1. ATALA. TOKI ADMINISTRAZIOAREN ETA DESPOPULAZIOAREN ZUZENDARITZA NAGUSIAREN ESKUMENEN ESPARRU MATERIALA ETA EGITURA

  2. ATALA. KUDEAKETA ETA LANKIDETZA EKONOMIKORAKO ZERBITZUA

  3. ATALA. TOKI AZPIEGITUREN ZERBITZUA

  4. ATALA. TOKI ENTITATEENTZAKO AHOLKULARITZA JURIDIKORAKO ETA LANKIDETZARAKO ZERBITZUA

  5. ATALA. ERRONKA DEMOGRAFIKORAKO ETA LURRALDE EGITURAKETARAKO ZERBITZUA

  III. KAPITULUA. HERRILANEN ETA AZPIEGITUREN ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. AZTERLAN ETA PROIEKTUEN ZERBITZUA

  3. ATALA. AZPIEGITURA BERRIEN ZERBITZUA

  4. ATALA. ZAINKETA ZERBITZUA

  IV. KAPITULUA. GARRAIOEN ETA MUGIKORTASUN JASANGARRIAREN ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. GARRAIOEN IKUSKAPENAREN ETA ARAUBIDE JURIDIKOAREN ZERBITZUA

  3. ATALA. GARRAIOEN PLANGINTZA ETA MODERNIZAZIO ZERBITZUA

  4. ATALA. GARRAIOEN ETA MUGIKORTASUNAREN KUDEAKETA ETA ANTOLAMENDU ZERBITZUA

  V. KAPITULUA. LURRALDE ANTOLAMENDUKO ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. LURRALDE ETA PAISAIA ZERBITZUA

  3. ATALA. LURRALDEAREN ZERBITZU JURIDIKOADMINISTRATIBOA

  VI. KAPITULUA. EKONOMIA ETA AURREKONTU KUDEAKETARAKO ETA GASTUAREN KONTROLERAKO ZERBITZUA

  VII. KAPITULUA. IDAZKARITZA TEKNIKO NAGUSIA

Zioen azalpena

Nafarroako Gobernuari dagokio departamentu bakoitzaren egitura organikoa onestea, jarraikiz martxoaren 11ko 11/2019 Foru Legeari (foru lege horrek hizpide ditu Nafarroako Foru Komunitateko Administrazioa eta foru-sektore publiko instituzionala).

Nafarroako Foru Komunitateko Lehendakariaren abuztuaren 17ko 10/2023 Foru Dekretuaren bidez, Nafarroako Foru Komunitateko Administrazioaren departamentuen egitura ezarri zen.

Era berean, abuztuaren 30eko 69/2023 Foru Dekretuaren bidez, ezarri zen Lurralde Kohesiorako Departamentuaren oinarrizko egitura organikoa.

Egokia da, orain, behar bezala garatzea Foru Komunitateko Administrazioaren departamentu bakoitzaren egitura.

Foru dekretu honen xedea da Lurralde Kohesiorako Departamentuaren egitura organiko berria garatzea.

Horrenbestez, Lurralde Kohesiorako kontseilariak proposaturik, eta Nafarroako Gobernuak bi mila eta hogeita hiruko azaroaren hamabostean egindako bilkuran harturiko erabakiarekin bat,

DEKRETATZEN DUT:

I. KAPITULUA. XEDAPEN OROKORRAK

1. artikulua . Lurralde Kohesiorako Departamentuaren eskumenen esparrua.

Lurralde Kohesiorako Departamentuak beteko ditu Nafarroako Foru Komunitateko Administrazioak gai hauetan esleituak dituen eskumenak:

a) Nafarroako Toki Administrazioa.

b) Despopulazioaren aurkako borrokaren estrategia kudeatzea.

c) Nafarroako errepide sarearen proiekzioa, exekuzioa, zainketa, ustiapena eta defentsa.

d) Geologia eta geoteknia.

e) Kartografia.

f) Interes orokorreko obra hidraulikoak, trenbideetakoak eta aireportuetakoak kudeatzea, edo agintzen zaizkion antzeko beste batzuk.

g) Garraio arloko politika planifikatu, koordinatu eta gauzatzea.

h) Mugikortasun jasangarria.

i) Lurraldearen antolamendua, paisaia eta hirigintza.

j) Nafarroako Lurraldearen eta Jasangarritasunaren Agentziaren politikak sustatzea, eta indarra duten xedapenek ematen dizkioten gainerako eskudantziak.

2. artikulua . Lurralde Kohesiorako Departamentuaren titularra.

1. Lurralde Kohesiorako Departamentuko titularrak, foru dekretu honen 1. artikuluan zehaztutako eskumenen esparruari loturik, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluan ezarritako eskudantziak izanen ditu.

2. Bereziki, departamentuak jendaurrean jarritako azpiegituren obretarako proiektuak behin-behinekoz eta behin betiko onestea dagokio, bai eta proiektu horiek jendaurrean jartzeko tramitea irekitzea eta ebaztea ere, desjabetzearen ondorioetarako. Honako hauek behin betiko onestea ere badagokio, Lurraldearen Antolamenduari eta Hirigintzari buruzko Foru Legearen Testu Bateginean ezarritakoarekin bat (uztailaren 26ko 1/2017 Legegintzako Foru Dekretuaren bidez onetsi zen testu bategin hori): udal plan orokorrak, plan bateratuak, plan orokorretako egiturazko antolamenduaren determinazioen aldaketak eta planeamenduko berrikuspenenak.

3. Era berean, Lurralde Kohesiorako Departamentuko titularrari dagokio kide anitzeko organo hauetako buru izatea:

a) Toki Araubideko Foru Batzordekoa.

b) Lurralde Mugaketako Batzordekoa.

c) Nafarroako Garraioen Kontseilukoa.

d) Nafarroako Taxien Kontseilukoa.

e) Iruñerriko Mugikortasunaren eta Garraioaren Mahaikoa.

f) Lurraldearen Antolamenduko Batzordea.

g) Lurralde Politikaren Gizarte Kontseilua.

4. Lurralde Kohesiorako Departamentuko titularrari sostengu politiko eta teknikoa emateko unitate gisa, eta zuzenean haren mende, bada kabinete bat departamentuan, lotua dagoena abenduaren 3ko 14/2004 Foru Legearen 19. artikuluari (lege horrek hizpide ditu Nafarroako Gobernua eta Lehendakaria).

3. artikulua . Lurralde Kohesiorako Departamentuaren egitura orokorra.

Lurralde Kohesiorako Departamentuak, bere titularraren goi-zuzendaritzapean, honako organo hauek ditu bere egituran:

a) Toki Administrazioaren eta Despopulazioaren Zuzendaritza Nagusia.

b) Herri-lanen eta Azpiegituren Zuzendaritza Nagusia.

c) Garraioen eta Mugikortasun Jasangarriaren Zuzendaritza Nagusia.

d) Lurralde Antolamenduko Zuzendaritza Nagusia.

e) Ekonomia eta Aurrekontu Kudeaketarako eta Gastuaren Kontrolerako Zerbitzua.

f) Idazkaritza Tekniko Nagusia.

4. artikulua . Zuzendaritza nagusien eskudantziak.

Foru dekretu honen 2. artikuluan ezarritakoa galarazi gabe, Lurralde Kohesiorako Departamentuko zuzendaritza nagusiek, departamentuko titularraren goi-zuzendaritzapean eta foru dekretu honetan bakoitzari esleitutako esparruan, Nafarroako Foru Komunitateko Administrazioari buruzko eta foru-sektore publiko instituzionalari buruzko martxoaren 11ko 11/2019 Foru Legearen 31. eta 32. artikuluetan eta azken xedapenetako lehenbizikoan ezarritako eskudantziak izanen dituzte eta, horiez gain, indarra duten xedapenek esleitzen dieten edo Lurralde Kohesiorako Departamentuko titularrak agintzen dien beste edozein.

5. artikulua . Idazkaritza Tekniko Nagusiaren eskudantziak.

Lurralde Kohesiorako Departamentuko Idazkaritza Tekniko Nagusiak, foru dekretu honen 1. artikuluan zehaztu den eskumen esparruan, eta departamentuko titularraren goi-zuzendaritzapean, berari atxikita baitago zuzenean, honako eskudantzia hauek izanen ditu:

a) Martxoaren 11ko 11/2019 Foru Legearen 33. artikuluan zehazturikoak (foru lege horrek hizpide ditu Nafarroako Foru Komunitateko Administrazioa eta foru-sektore publiko instituzionala).

b) Idazkaritza Tekniko Nagusiak arautzen dituen otsailaren 21eko 29/2005 Foru Dekretuan ezarritakoak, kenduta arau horren 8. artikuluan ezarritakoak, ekonomia eta aurrekontu izaera dutenak, eta barne hartuta langileriaren arloko eskudantziak zehazten dituen otsailaren 21eko 30/2005 Foru Dekretuaren 6. artikuluan ezarritakoak.

c) Genero ikuspegiaren zeharkakotasuna aplikatzea Lurralde Kohesiorako Departamentuaren politikak planifikatu, kudeatu eta ebaluatzean, bat etorriz Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

d) Nafarroan desgaitasuna dutenei arreta emateari eta beren eskubideak bermatzeari buruzko azaroaren 28ko 31/2022 Foru Legearen aplikazioaren jarraipena egitea.

e) Informazio publikoa kudeatzeaz arduratzen diren unitateak koordinatzea, Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legeari jarraikiz.

f) Indarrean dauden xedapenek esleitzen dizkioten beste edozein edo Lurralde Kohesiorako Departamentuko titularrak agintzen dion beste edozein, eta horretarako behar diren ebazpenak emanen ditu.

6. artikulua . Zerbitzuen eskudantziak.

Zerbitzuek, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 35. artikuluarekin, eginkizun hauek izanen dituzte: beren menpeko atalak edo unitate organikoak planifikatu, koordinatu, zuzendu eta kontrolatzea; prozedurak arindu, arrazionalizatu eta sinplifikatzeko printzipioak bultzatu eta sustatzea; eta, halaber, indarra duten xedapenek berariaz esleitzen dizkieten edo departamentuko organo eskudunek haietan deskontzentratzen edo eskuordetzen dituzten beste edozein.

7. artikulua . Atalen eskudantziak.

Atalek, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 37. artikuluarekin, eginkizun hauek izanen dituzte: beren eskumenen esparruko lanak gauzatzea eta goragoko nagusientzako txostenak eta proposamenak egitea; beren mendeko bulegoek eta unitateek egiten dituzten lanak koordinatzea, zuzentzea eta kontrolatzea; eta, halaber, Departamentuko organo eskudunek agintzen dizkieten gainerako eginkizun guztiak betetzea.

II. KAPITULUA. TOKI ADMINISTRAZIOAREN ETA DESPOPULAZIOAREN ZUZENDARITZA NAGUSIA

1. ATALA. TOKI ADMINISTRAZIOAREN ETA DESPOPULAZIOAREN ZUZENDARITZA NAGUSIAREN ESKUMENEN ESPARRU MATERIALA ETA EGITURA

8. artikulua . Toki Administrazioaren eta Despopulazioaren Zuzendaritza Nagusiaren eskumenen esparru material eta funtzionala.

Toki Administrazioaren eta Despopulazioaren Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Nafarroako udalerriak mugatzeari buruzko espedienteak tramitatzea.

b) Nafarroako udalerrien mugapeak aldatzeko espedienteak tramitatzea.

c) Toki entitateak sortu, aldatu eta iraungitzeko espedienteak tramitatzea.

d) Toki entitateei baimena ematea ondasun eta eskubideak besterendu, jabetza laga, trukatu eta zergapetzeko, legeak hala eskatzen duenean.

e) Toki entitateei baimena ematea kreditu operazioak egin ditzaten, indarreko araudian ezarritako baldintza eta zehaztapenetan.

f) Nafarroako toki entitateei konpentsazio ekonomikoa ematea toki-tributuetan hobari fiskalak onesteagatik.

g) Udal zerbitzuak monopolio araubidean emateko onespena.

h) Saneamendu kanonarengatik eta batera emandako zerbitzuengatik toki entitateek ordaindu gabe dituzten diru-kopuruen ordezko ordainketa, eta toki entitateen batasun bateko partaide diren udalek bidegabeki ordaindu gabe utzi dituzten diru-ekarpenen ordezko ordainketa.

i) Nafarroako Administrazio Auzitegiaren ebazpenen betearazte subsidiarioari buruzko espedienteetan Nafarroako Gobernuak haren esku uzten dituen jarduketak.

j) Toki azpiegituren planak erregulatzen dituzten arauek eta toki ogasunek Nafarroako tributuetan duten parte-hartzearen funtsa banatzeko araudiak Foru Komunitateko Administrazioari esleitzen dizkioten eskudantziak.

k) Gastuak baimentzea eta xedatzea, eta ordaintzeko betebeharrak aitortzea zuzendaritza nagusiari dagozkion arloetan.

l) Nahitaez desjabetzeko arloan zuzendaritza nagusi honen eskumenari dagozkion jarduketak.

m) Despopulazioaren kontrako borrokaren estrategiarekin lotuta dauden neurriak, erronka demografikoari aurre egitekoak eta lurralde egituraketaren aldekoak aztertu, koordinatu, proposatu eta izapidetzea.

n) Nafarroako Lurraldearen eta Jasangarritasunaren Agentziaren (LURSAREA) jarduerak, zuzendaritza nagusiaren esparru material eta funtzionalari dagozkionak, sustatzea.

ñ) Dirulaguntzen deialdiak egitea eta dirulaguntzak ematea bere eskumenen esparruarekin lotutako jardueretarako.

o) Indarra duten xedapenek Lurralde Kohesiorako Departamentuari esleitzen dizkioten beste batzuk, zuzendaritza nagusiak bere duen esparruan, eta bere jardueraren eremuan agintzen zaizkionak.

9. artikulua . Toki Administrazioaren eta Despopulazioaren Zuzendaritza Nagusiaren egitura.

Toki Administrazioaren eta Despopulazioaren Zuzendaritza Nagusiak zerbitzu hauek ditu bere egituran:

a) Kudeaketa eta Lankidetza Ekonomikorako Zerbitzua.

b) Toki Azpiegituren Zerbitzua.

c) Toki Entitateentzako Aholkularitza Juridikorako eta Lankidetzarako Zerbitzua.

d) Erronka Demografikorako eta Lurralde Egituraketarako Zerbitzua.

2. ATALA. KUDEAKETA ETA LANKIDETZA EKONOMIKORAKO ZERBITZUA

10. artikulua . Kudeaketa eta Lankidetza Ekonomikorako Zerbitzuaren esparru material eta funtzionala.

Kudeaketa eta Lankidetza Ekonomikorako Zerbitzuak eginkizun hauek beteko ditu:

a) Toki Administrazioaren eta Despopulazioaren Zuzendaritza Nagusiaren epe erdi eta luzeko plangintza ekonomikoa eta aurrekontuak prestatu, gainbegiratu eta haien jarraipena egitea, Ekonomia eta Aurrekontu Kudeaketarako eta Gastuaren Kontrolerako Zerbitzuarekin lankidetzan.

b) Toki entitateek finantzabide egonkor eta nahikoa izateko neurriei buruzko azterketak egitea.

c) Nafarroako Foru Komunitateko Administrazioaren departamentuekin batera lan egitea toki entitateekiko lankidetza ekonomikoan.

d) Toki entitateen arteko ordezko ordainketak onetsi eta kontrolatzea.

e) Toki entitateen kredituko baimenak kudeatzea.

f) Transferentzia Arrunten Funtsa eta hura banatzeko formula prestatu eta kudeatzea.

g) Kapital Transferentzien Funtsaren kudeaketa ekonomikoa.

h) Estatuko Administrazio Orokorretik eta beste entitate batzuetatik toki entitateentzat datozen diru-sarreren ordainketa onetsi eta kontrolatzea.

i) Kudeaketa ekonomikoaren arloan, kontabilitatearen arloan eta inbertsioen eta zerbitzuen arloan, toki entitateei aholku ematea.

j) Zuzendaritza nagusiaren eskumeneko gaien inguruko azterlan ekonomikoak egitea.

k) Zuzendaritza nagusiko informazio ekonomikoa ustiatzea.

l) Toki Araubideko Foru Batzordeari eta Lurralde Mugaketako Batzordeari laguntza ematea ekonomia gaietan.

m) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

11. artikulua . Kudeaketa eta Lankidetza Ekonomikorako Zerbitzuaren egitura.

Kudeaketa eta Lankidetza Ekonomikorako Zerbitzuak atal hauek ditu bere egituran:

a) Kudeaketa Ekonomiko-finantzariorako Atala.

b) Plangintzaren eta Azterlan Ekonomikoen Atala.

c) Aurrekontuari eta Kontabilitateari buruzko Aholkularitzarako Atala.

12. artikulua . Kudeaketa Ekonomikofinantzariorako Atalaren esparru material eta funtzionala.

Kudeaketa Ekonomiko-finantzariorako Atalak eginkizun hauek beteko ditu:

a) Transferentzia Arrunten Funtsaren banaketa eta ondoko ordainketa finkatzea.

b) Estatuko Administraziotik eta beste entitate batzuetatik toki entitateentzat datozen diru-sarreren ordainketa kudeatzea.

c) Toki entitateen arteko ordezko ordainketak kudeatzea.

d) Toki entitateentzako kreditu baimenen tramitazioa eta txostenak egitea.

e) Toki entitateen egoera ekonomiko finantzarioari buruzko txostenak prestatzea kredituko entitateentzat.

f) Transferentzia Arrunten Funtsaren afektazioak kontrolatu eta kudeatzea.

g) Toki Administrazioko Zuzendaritza Nagusiak tramitatu beharreko espedienteen bideragarritasun txostenak eta azterlan ekonomikoa.

h) Toki entitateek, indarreko araudia betez, aurkeztu beharreko plangintza ekonomiko eta finantzarioen onespena eta segimendua.

i) Aurrekontuaren egonkortasunaren gaineko aholkularitza.

j) Zuzendaritza nagusiaren eskumeneko gaien inguruko azterlan ekonomikoak egitea.

k) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

13. artikulua . Plangintzaren eta Azterlan Ekonomikoen Atalaren esparru material eta funtzionala.

Plangintzaren eta Azterlan Ekonomikoen Atalak eginkizun hauek beteko ditu:

a) Toki Administrazioaren eta Despopulazioaren Zuzendaritza Nagusiaren epe erdi eta luzeko plangintza ekonomikoa eta aurrekontuak aldatu eta kudeatzea, Ekonomia eta Aurrekontu Kudeaketarako eta Gastuaren Kontrolerako Zerbitzuarekin lankidetzan.

b) Nafarroako Foru Komunitateko Administrazioaren departamentuekin batera lan egitea toki entitateekiko lankidetza ekonomikoan.

c) Zuzendaritza nagusiaren diru-sarrera eta gastuen administrazio zirkuituak ezartzea.

d) Banaketa kontua eta horko zorren geroratzea kudeatzeko, zuzendaritza nagusiari dagozkion lanak.

e) Toki entitateen inbertsioei buruzko espedienteen azterketa ekonomikoa eta bideragarritasunaren gaineko txostenak egitea, dirulaguntzei buruzko arauei jarraikiz.

f) SAP-GE'21 sisteman sartutako Azpiegituren Planak Kudeatzeko (APK) sistema kudeatzea.

g) Toki entitateetatik datorren informazioa kudeatzea, IDECAL sistemaren bidez.

h) Zuzendaritza nagusiko informazio ekonomikoa ustiatzea, baita analizatu eta hedatzea ere.

i) IDECAL sistema modernizatzea eta toki entitateei laguntzea Estatuari AUTORIZA sistemaren bidez informazioa emateko.

j) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

14. artikulua . Aurrekontuari eta Kontabilitateari buruzko Aholkularitzarako Atalaren esparru material eta funtzionala.

Aurrekontuari eta Kontabilitateari buruzko Aholkularitzarako Atalak eginkizun hauek beteko ditu:

a) Nafarroako toki entitateei aurrekontu eta kontabilitate gaietan laguntzea eta aholku ematea.

b) Nafarroako toki entitateei aholku ekonomiko finantzarioa ematea.

c) Aurrekontuen eta kontabilitatearen inguruko araudia kudeatzea eta eguneratzea eta haren gaineko aholku ematea Nafarroako toki entitateei.

d) Finantza eta aurrekontu egoerak, inbentarioak eta kostuen azterlanak finkatzeko araudia garatu eta ezartzea.

e) Kontabilitatea eramateko modulu osagarriak garatu eta ezartzea: ukitutako baliabideak, gastuen proiektua, inbertsioen eranskina, aurrekontu luzatua, zor biziaren egoera, etab.

f) Toki entitateei kontabilitate eta aurrekontu arloko prestakuntza ematea.

g) Kontabilitate eta aurrekontu arloko sistema informatiko berrien ezarpena edo daudenen hobekuntza sustatzea.

h) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

3. ATALA. TOKI AZPIEGITUREN ZERBITZUA

15. artikulua . Toki Azpiegituren Zerbitzuaren esparru material eta funtzionala.

Toki Azpiegituren Zerbitzuak eginkizun hauek beteko ditu:

a) Tokiko oinarrizko azpiegituren arloan dauden behar nagusiak zehazteko azterketak koordinatu eta gainbegiratzea, etorkizuneko inbertsio planetan horiek betetzeko plangintza egiteko.

b) Toki azpiegituren larrialdi eta premia-egoerei erantzunak emateko estrategiak eta jarduketa planak prestatzea.

c) Toki inbertsioen planen (TIP) araudia prestatzea, eta planak kudeatu, izapidetu eta bultzatzea.

d) Nafarroako hiri erabilerarako uraren ziklo osoaren plan zuzentzailean (2019-2030) hornidurari dagokion zatiaren GIS kartografia eta toki inbertsioetarako laguntzen gordailuarena gainbegiratzea.

e) Zenbait organismok (Europar Batasunak, Estatuko Administrazio Orokorrak eta Nafarroako Foru Komunitateko Administrazioak) toki azpiegiturak direla-eta emandako dirulaguntzen kudeaketa eta jarraipena.

f) Ebroko eta Kantaurialdeko arroetako plan hidrologikoak prestatzeko lan batzordeetan parte hartzea.

g) Nafarroako Ubideak hornitzen dituen herrietako erabiltzaileen partzuergoan koordinazio teknikoa betetzea eta Ebroko Konfederazio Hidrografikoak biztanleguneak eta industriak Itoizko urtegitik-Nafarroako Ubidetik hornitzeko ematen duen ur-emakida kudeatzea.

h) Nafarroako hiri erabilerarako uraren ziklo osoaren plan zuzentzailea (2019-2030) bultzatzea eta jarraipen batzordean, koordinazio komitean eta lantaldeetan parte hartzea.

i) Nafarroako Hondakinen Planaren jarraipen batzordean parte hartzea.

j) Eskaera egiten duten udal, erakunde eta entitateei aholkuak eta laguntza ematea uraren goi-horniduraren eta toki azpiegituren arloan.

k) Toki entitateekin elkarlanean aritzea jasangarritasunaren arloan eta Nafarroako Toki Entitateen Jasangarritasunerako Sareari eta klimaren eta energiaren aldeko alkateen itunari dagokienez.

l) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

16. artikulua . Toki Azpiegituren Zerbitzuaren egitura.

Toki Azpiegituren Zerbitzuak honako atal hauek ditu bere egituran:

a) TOKI AZPIEGITUREN ETA OBREN ATALA

b) PLANGINTZAREN, AZTERLANEN ETA URAREN ZIKLO OSOAREN ATALA.

c) Kudeaketa Tekniko-administratiboaren Atala.

17. artikulua . Toki Azpiegituren eta Obren Atalaren esparru material eta funtzionala.

Toki Azpiegituren eta Obren Atalak eginkizun hauek beteko ditu:

a) Toki Azpiegituren Zerbitzuari informazioa, aholkua eta sostengua ematea bere eskumeneko arloetan.

b) Toki entitateek toki azpiegituren planetan sartzeko egiten dituzten eskaeren balorazioa eta azterketa egitea, eskaeren lehentasun ordena jarriz eta planetan sar litezkeen inbertsioen zerrendak prestatzea, denboran zehar gauzatzeko egutegiarekin, ezartzen diren egitarauen arabera.

c) Toki Entitateentzako Aholkularitza Juridikorako eta Lankidetzarako Zerbitzuko eta Kudeaketa eta Lankidetza Ekonomikorako Zerbitzuko atalei laguntza ematea toki azpiegituren plan berriak ukitzen dituzten foru lege proiektuak prestatzen, eta programak eta aurkeztutako obrak hautatzeko irizpideak planteatzea.

d) Toki entitateei aholkularitza eta lankidetza teknikoa ematea toki eskumeneko oinarrizko azpiegituren arloan.

e) Inbertsio planetan egindako inbertsioak ikuskatzea, kontrolatzea eta haien jarraipen teknikoa egitea. Obren gauzatze egoerari buruzko aldian behingo txostenak prestatzea.

f) Premia eta larrialdietako egoeren kudeaketa, toki azpiegituretan kalteak izan direlako.

g) Inbertsio planen garapenean proposamen txostenak egitea: ordainketak, bazterketak, ukoak, itzulketak, epe luzapenak, hasiera baimenak eta beste egoera batzuk.

h) Toki eskumeneko azpiegituren arloko dirulaguntzen deialdiak kudeatzea eta tramitatzea.

i) Unitatean trantsizio digitala sustatzea: zuzendaritza nagusiko webean eremuak sortu eta eguneratzea; navarra.es atarian izapideak eguneratzea, inbertsio planen izapidetze digitala ezartzea.

j) Toki inbertsioetarako laguntzen gordailuaren GIS kartografia eguneratu eta mantentzea.

k) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

18. artikulua . Plangintzaren, Azterlanen eta Uraren Ziklo Osoaren Atalaren esparru material eta funtzionala.

Plangintzaren, Azterlanen eta Uraren Ziklo Osoaren Atalak eginkizun hauek beteko ditu:

a) Toki Azpiegituren Zerbitzuari informazioa, aholkua eta sostengua ematea bere eskumeneko arloetan.

b) Uraren goi-hornidurarako azpiegituren arloan dauden behar nagusiak identifikatzeko azterketak egitea, eta etorkizuneko inbertsio planetan gauzatzeko plangintza egitea.

c) Hiri Erabilerarako Uraren Ziklo Osoaren Nafarroako 2019-2030 Plan Zuzendarian bildutako horniduraren GIS kartografia gaurkotzea eta mantentzea.

d) Uraren goi-hornidurari eta hondakinen tratamenduari dagozkien inbertsioetarako proposamenak egitea, toki inbertsioen planen kargura egin daitezen.

e) Ebroko eta Kantaurialdeko arroetako plan hidrologikoak prestatzeko lan batzordeetan parte hartzea.

f) Hiri erabilerarako uraren ziklo osoari buruzko Plan Zuzentzailearen jarraipena eta garapena egitea eta bertan parte hartzea.

g) Nafarroako Lurraldeari buruzko Informazio Sistemako (SITNA) batzorde teknikoetan parte-hartzea. Uraren ziklo osoari buruzko Plan Zuzentzailean ur hornidurari buruzko informazio geografikoaren garapena, Nafarroako Lurraldeari buruzko Informazio Sisteman (SITNA) sartu eta argitaratzeko.

h) Ikerketak eta prospekzioak kudeatu eta garatzea, ur eskakizunak sortzen dituen arazoak konpondu ahal izateko.

i) Uholde arriskuaren eta uholdeen prebentzioaren arloko aholku eta laguntza ematea, eskatzen duten toki entitateei eta Nafarroako Gobernuko beste erakunde batzuei.

j) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

19. artikulua . Kudeaketa Teknikoadministratiboaren Atalaren esparru material eta funtzionala.

Kudeaketa Tekniko-administratiboaren Atalak eginkizun hauek beteko ditu:

a) Toki Azpiegituren Zerbitzuari informazioa, aholkua eta sostengua ematea bere eskumeneko arloetan.

b) Zerbitzuaren aurrekontuaren jarraipena egitea, partiden exekuzio egoeraren berri ematea departamentuko unitate arduradunari, 0 fitxak egitea.

c) Toki inbertsioen planetako obren espedienteak kudeatzeko sistema koordinatzea, kontrolatzea eta parametrizatzea. GPI sistema kudeatzea eta mantentzea, eta SAP-GE'21ekin koordinatzea, arau berrietara egokitzeko.

d) Zerbitzuko dokumentu sarrerak erregistratu eta kontrolatzea eta jakinarazpen administratiboak bidaltzea.

e) Inbertsio planen espedienteak sortu eta kudeatzea: intzidentziak irekitzea, mugimenduak kontrolatzea, ordainketak eta itzulketak izapidetzea...

f) Espedienteen izapidetzea koordinatzea Toki Administrazioaren eta Despopulazioaren Zuzendaritza Nagusiko zerbitzuen artean eta kontu-hartzailetza delegatuarekin.

g) Toki inbertsioen planaren ekarpenak, libreki erabaki beharrekoak, izapidetzea.

h) Toki Azpiegituren Zerbitzuko ebazpenak eta foru aginduak prestatzea.

i) Extr@, korporazio espedienteen kudeatzailea ezartzen laguntzea, inbertsio planen espedienteen kudeaketarako.

j) Toki entitateei arreta eta informazioa ematea haien espedienteen egoerari buruz.

k) Espedienteen eta proiektuen artxiboa kudeatzea. Nafarroako Administrazio Artxiboarekin koordinatzea.

l) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

4. ATALA. TOKI ENTITATEENTZAKO AHOLKULARITZA JURIDIKORAKO ETA LANKIDETZARAKO ZERBITZUA

20. artikulua . Toki Entitateentzako Aholkularitza Juridikorako eta Lankidetzarako Zerbitzuaren esparru material eta funtzionala.

Toki Entitateentzako Aholkularitza Juridikorako eta Lankidetzarako Zerbitzuak eginkizun hauek beteko ditu:

a) Nafarroako toki entitateen eskumenak aztertu, analizatu eta defendatzea.

b) Nafarroako toki administrazioari lotutako arauak proposatu, aztertu eta tramitatzea.

c) Nafarroako toki entitateen udal planta eta antolaketa administratiboa aztertzea eta analizatzea, haien hobekuntza sustatu eta bultzatzeko.

d) Toki zerbitzuak batera emateko prozesuak sustatzea gune funtzional egokietan, haien kalitatea hobetzeko.

e) Toki entitateak elkartzeko figurak sortu, garatu, haien jarraipena egin eta ebaluatzea.

f) Hobekuntza prozesuak aztertzea eta bultzatzea toki entitateetako langileen kudeaketaren arloan.

g) Eskatzen duten toki entitateen gobernu organoekin lankidetzan aritzea arlo juridikoan.

h) Toki entitateen jarduketen legezkotasuna eta interes orokorra kontrolatzeko eginkizun legalak betetzea.

i) Mankomunitateak sortu, aldatu eta iraungitzeari buruzko nahitaezko txostenak egitea.

j) Toki entitateak sortu, aldatu eta iraungitzeko espedienteak tramitatzea.

k) Nafarroako udalerrien arteko mugaketak egiteko, mugarteak aldatzeko, geometrikoki hobetzeko eta errekuperatzeko espedienteak izapidetzea.

l) Nafarroako udalerrien izena, bandera, armarria eta hiriburutza aldatzeko onespenaren prozedurak kudeatzea.

m) Tokiko hauteskundeak bultzatzea eta horietan aholkularitza ematea, eta kudeaketa batzordeak eratzeko espedienteak kudeatzea.

n) Laguntza juridiko-administratiboa ematea Toki Araubidearen Foru Batzordeari, Lurralde Mugaketako Batzordeari eta Nafarroako Ubideak hornitzen dituen herrietako erabiltzaileen partzuergoari, eta horietako idazkaritzak betetzea.

ñ) Toki-tributuetan onetsitako hobari fiskalen konpentsazio ekonomikoen eskaerak tramitatzea, bai eta nahitaezkoak ez diren toki zerbitzuenak ere.

o) Legeak ezartzen dituen baimenak kudeatzea ondasun eta eskubideak besterendu, laga, trukatu eta zergapetzeko.

p) Nafarroako Administrazio Auzitegiaren ebazpenen betearazte subsidiariorako prozedurak kudeatzea.

q) Desjabetze espedienteak kudeatzea eta bultzatzea.

r) Toki Entitateen Erregistroa, Interesen Erregistro Berezia, Toki Entitateen Akten Erregistroa eta Toki Ordenantzen Erregistroa kudeatzea.

s) Nafarroako toki entitateek arlo juridikoarekin lotuta egiten dizkioten txosten edo argibide eskaerei erantzutea.

t) Foru gaikuntza duten langileen egonkortze prozesuak garatu eta bultzatzea, eta aholkularitza juridikoa ematea toki entitateei aldi baterako enplegua egonkortzeko prozesuetan.

u) Zuzendaritza nagusiko berezko gaietan ondare-erantzukizunagatiko erreklamazioak izapidetzea eta ebazpen proposamena egitea.

v) Herritarren parte-hartzeari buruzko martxoaren 22ko 12/2019 Foru Legearen 46.2 artikuluan aurreikusitakoak, herritarren parte-hartzerako unitateetarako.

w) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

21. artikulua . Toki Entitateentzako Aholkularitza Juridikorako eta Lankidetzarako Zerbitzuaren egitura.

Toki Entitateentzako Aholkularitza Juridikorako eta Lankidetzarako Zerbitzuak atal hauek ditu bere egituran:

a) Arauen Garapenerako eta Toki Araubiderako Atala.

b) Kudeaketa Juridikoaren eta Toki Antolamenduaren Atala.

c) Toki Entitateetako Langileen Kudeaketa eta Aholkularitza Atala.

d) Laguntza Tekniko-administratiboaren Atala.

22. artikulua . Arauen Garapenerako eta Toki Araubiderako Atalaren esparru material eta funtzionala.

Arauen Garapenerako eta Toki Araubiderako Atalak eginkizun hauek beteko ditu:

a) Nafarroako toki administrazioarekin lotutako arau aldaketak egiteko proposamenetarako azterketa juridikoa eta azterlana.

b) Laguntza juridikoa Nafarroako toki entitateen eskumenen edukiaz, definizioaz eta defentsaz.

c) Toki entitateentzat interesgarria den informazioa sortu, banatu eta zabaltzea, toki administrazioari dagozkion gaien gaineko konpilazio eta argitalpenak prestatzea eta administrazio eta kontratu bidezko prozedura orokorrak (bereziki euskarri informatikokoak) erraztu, arrazionalizatu eta sinplifikatzeko irizpideak eta eredu-agiriak ezartzea.

d) Toki entitateak sortu, aldatu eta iraungitzeko espedienteak tramitatzea.

e) Nafarroako udalerrien izena, bandera, armarria eta hiriburutza aldatzeko onespenaren prozedurak kudeatzea.

f) Nafarroako Administrazio Auzitegiaren ebazpenen betearazte subsidiariorako prozedurak tramitatzea.

g) Nafarroako Parlamentuak eta Nafarroako Arartekoaren bulegoak egiten dituzten eskaerak, jarduketa juridikoak eta galderak kontrolatu eta horien jarraipena eta txostenak egitea, zuzendaritza nagusiaren eskumenen esparruan.

h) Nafarroako udalerrien arteko mugaketak egiteko, mugarteak aldatzeko, geometrikoki hobetzeko eta errekuperatzeko espedienteak kudeatzea.

i) Legeak ezartzen dituen baimenak kudeatzea toki entitateen ondasun eta eskubideak besterendu, laga, trukatu eta zergapetzeko.

j) Laguntza juridikoa ematea Toki Araubidearen Foru Batzordeari.

k) Laguntza juridikoa ematea Lurralde Mugaketako Batzordeari eta Nafarroako Ubideak hornitzen dituen herrietako erabiltzaileen partzuergoari, eta haien idazkaritzak betetzea.

l) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

23. artikulua . Kudeaketa Juridikoaren eta Toki Antolamenduaren Atalaren esparru material eta funtzionala.

Kudeaketa Juridikoaren eta Toki Antolamenduaren Atalak eginkizun hauek beteko ditu:

a) Toki Inbertsioen Planari buruzko txosten juridikoak ematea eta hura betearazteko prozesuan Toki Entitateentzako Aholkularitza Juridikorako eta Lankidetzarako Zerbitzuari dagozkion administrazio tramiteak egitea.

b) Mankomunitateak sortu, aldatu eta iraungitzeari buruzko nahitaezko txostenak egitea.

c) Desjabetze espedienteak kudeatzea eta bultzatzea.

d) Laguntza juridikoa Toki Azpiegituren Zerbitzuak izapidetutako dirulaguntzen arloan.

e) Eskatzen duten toki entitateen gobernu organoekin lankidetzan aritzea arlo juridikoan.

f) Toki-tributuetan onetsitako hobari fiskalen konpentsazio ekonomikoen eskaerak tramitatzea, bai eta nahitaezkoak ez diren toki zerbitzuenak ere.

g) Nafarroako toki entitateek hondamendi naturalak gertatzen direnean konpentsazio ekonomikoa jasotzeko egiten dituzten eskaerak tramitatzea.

h) Intereseko azterlan eta analisi juridikoak egitea arlo hauen hobekuntza sustatu eta bultzatzeko: udal plantaren konfigurazioa, toki entitateen antolaketa administratiboa, toki entitateak elkartzeko figurak eta udal zerbitzuak.

i) Laguntza juridikoa, toki zerbitzuak batera emateko prozesuak sustatzea espazio funtzional egokienetan, haien kalitatea hobetzeko, eta horretarako prestatzen diren laguntza neurrien berri ematea toki entitateei.

j) Laguntza juridikoa, toki entitateek elkartzeko moduak sortu, garatu, haien jarraipena egin eta ebaluatzeko prozesuak izapidetzeko.

k) Kudeaketa eta Lankidetza Ekonomikorako Zerbitzuarekin lankidetzan aritzea aurreko ataletako proposamenen inpaktu ekonomikoak ebaluatzeko.

l) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

24. artikulua . Toki Entitateetako Langileen Kudeaketa eta Aholkularitza Atalaren esparru material eta funtzionala.

Toki Entitateetako Langileen Kudeaketa eta Aholkularitza Atalak eginkizun hauek beteko ditu:

a) Nafarroako tokiko arlotik horretarako ezartzen diren bideetatik egiten zaizkion txosten edo argibide eskaerei erantzutea, aldi berean zainduz koherentzia eta barne koordinazioa egindako galderei ematen zaizkien erantzunetan.

b) Erroldatze Kontseiluaren Probintzia Atalean parte hartzea eta hari bere eginkizunetan laguntzea.

c) Tokiko hauteskundeak bultzatzea eta horietan aholkularitza ematea, eta kudeaketa batzordeak eratzeko espedienteak kudeatzea.

d) Toki entitateen jarduketen legezkotasuna eta interes orokorra kontrolatzeko eginkizun legalak betetzea.

e) Nafarroako toki entitateetako idazkari eta kontu-hartzaile lanpostuak betetzeko prozesuak aztertu eta bultzatzea.

f) Laguntza juridikoa ematea Nafarroako toki entitateetan destinatutako langileen lanpostuak hautatzeko epaimahaiei eta haietan parte hartzea.

g) Zuzendaritza nagusiak deiturik idazkaritzako eta kontu-hartzailetzako lanpostu hutsak betetzeko egiten diren deialdiak eta kontratazio zerrendak kudeatzea.

h) Nafarroako Foru Komunitateko Administrazioaren beste departamentu batzuekin elkarlanean aritzea toki entitateei lotutako gaiak aztertu eta kudeatzeko.

i) Toki entitateei aholku ematea aldi baterako lanpostuak egonkortzeko prozesuetan.

j) Foru gaikuntza duten langileak egonkortzeko prozesuak garatu eta bultzatzea.

k) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

25. artikulua . Laguntza Teknikoadministratiboaren Atalaren esparru material eta funtzionala.

Laguntza Tekniko-administratiboaren Atalak eginkizun hauek beteko ditu:

a) Toki Entitateentzako Aholkularitza Juridikorako eta Lankidetzarako Zerbitzuarekin lankidetzan aritzea eta hari laguntzea.

b) Toki Entitateen Erregistroa, Toki Entitateen Akten Erregistroa, Interesen Erregistro Berezia eta Toki Ordenantzen Erregistroa kontrolatu eta mantentzea.

c) Administrazio-langileak, mandatari zerbitzua eta mantentze-lanak koordinatzea.

d) Zerbitzuko atal eta bulegoen lan administratiboa antolatzea.

e) Zuzendaritza nagusiari buruzko agirien sarrera-irteerak kontrolatu eta erregistratzea.

f) Kanpoko eta telefono bidezko eskaerei arreta ematea.

g) Zerbitzuaren espedienteak, artxiboa, liburu eta agiriak kudeatu eta kontrolatzea.

h) Zerbitzuko artxiborako sarbidea kontrolatzea.

i) Zuzendaritza nagusiaren web-orria administratu eta mantentzea.

j) Zuzendaritza nagusiak Nafarroako Lurraldeari buruzko Informazio Sistemaren organoetan eta lan-taldeetan egiten duen parte-hartzea koordinatzea.

k) Zuzendaritza nagusiaren prozedura administratiboak kudeatzeko sistemen diseinua, ezarpena eta garapena koordinatzea.

l) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

5. ATALA. ERRONKA DEMOGRAFIKORAKO ETA LURRALDE EGITURAKETARAKO ZERBITZUA

26. artikulua . Erronka Demografikorako eta Lurralde Egituraketarako Zerbitzuaren esparru material eta funtzionala.

Erronka Demografikorako eta Lurralde Egituraketarako Zerbitzuak eginkizun hauek beteko ditu:

a) Lurralde kohesioa, erronka demografikoa eta despopulazioaren kontrako borroka sustatuko dituen arau-esparru bat garatzea.

b) Lurralde kohesiorako, erronka demografikorako eta despopulazioaren kontrako borrokarako funtsezkoak diren politika publikoak aztertu eta planifikatzea.

c) Nafarroako Despopulazioaren aurkako Borrokarako Estrategiak sortutako proiektuak garatu eta kudeatzea.

d) Gainbehera demografikoan dauden eremuetako beharrei eta errealitate demografikoei buruzko azterketak eta ikerketak.

e) Parte-hartze prozesuen eta komunikazioaren jarraipena, kontrola eta koordinazioa egitea.

f) Zeharkako gaiak koordinatzea Lurralde Kohesiorako Departamentuko gainerako unitateekin.

g) Erronka Demografikorako eta Lurralde Egituraketarako politika publikoak koordinatzea Nafarroako Gobernuko gainerako departamentuekin.

h) Nafarroako Lurraldearen eta Jasangarritasunaren Agentziaren (LURSAREA) jarduerak, bere eskumeneko esparru material eta funtzionalari dagozkionak, sustatzea.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

27. artikulua . Erronka Demografikorako eta Lurralde Egituraketarako Zerbitzuaren egitura.

Erronka Demografikorako eta Lurralde Egituraketarako Zerbitzuak atal hauek ditu bere egituran:

a) Analisi eta Plangintza Estrategikorako eta Politika Publikoen Koordinaziorako Atala.

b) Proiektuen Kudeaketarako Atala.

28. artikulua . Analisi eta Plangintza Estrategikorako eta Politika Publikoen Koordinaziorako Atalaren esparru material eta funtzionala.

Analisi eta Plangintza Estrategikorako eta Politika Publikoen Koordinaziorako Atalak foru dekretu honetan ezarritako eskudantziak izanen ditu despopulazioaren kontrako borroka bultzatuko duen arau-esparru baten garapenari dagokionez, eta Nafarroako Despopulazioaren kontrako Borrokaren Estrategiak sortutako proiektuen azterketa eta plangintzari dagokienez; eta, berariaz, honako hauek:

a) Despopulazioaren kontrako borrokaren eta erronka demografikoaren arloko lege eta erregelamendu proposamenak egitea, despopulazioaren kontrako borrokan eragina duten politikak gauzatzen dituzten Nafarroako Gobernuko departamentuekin koordinatuta.

b) Lurralde egituraketarako eta landa-ingurunean biztanleria finkatzeko politika publikoetan elkarlan publiko-pribatua bultzatzea.

c) Nafarroako Despopulazioaren kontrako Borrokaren Estrategia garatzeko urte anitzeko planaren eta plan operatiboen prestaketa koordinatzea.

d) Nafarroako Despopulazioaren kontrako Borrokaren Estrategia garatzeko proiektu zuzentzaileak zehaztu eta planifikatzea.

e) Azterlanak egitea herritarren eta enpresen beharren edo sektore arteko gabezien gainean, despopulazio arriskuan dauden udalerrietan lurralde ikuspegia osatzeko.

f) Zuzendaritza Nagusiaren gaineko unitateekin lankidetzan aritzea azterlanak eta txostenak prestatzeko.

g) Bere eskumenen esparruaren gaineko azterlanak hedatzea.

h) Estrategiak sortzen dituen proiektu zuzentzaileen ebaluazioa eta jarraipena egitea.

i) Parte-hartze prozesuak kudeatzea despopulazioaren kontrako borrokaren eta erronka demografikoaren arloan egin beharreko jarduketetan inplikatutako instituzio eta eragile guztiekin.

j) Pirinioetako Plana sustatu eta koordinatzea, Lursarea-Nafarroako Lurraldearen eta Jasangarritasunaren Agentziaren eta bertako eragileen laguntzarekin.

k) Pirinioetako Planaren eredua eta kogobernantza sistema ezartzea Despopulazioak ukitutako beste lurralde esparru batzuetan.

l) Idazkaritza lanak betetzea Despopulazioaren kontrako Borrokarako Departamentuarteko Batzordean, berau baita Estrategiaren koordinazio eta jarraipenerako organoa.

m) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

29. artikulua . Proiektuen Kudeaketarako Atalaren esparru material eta funtzionala.

Proiektuen Kudeaketarako Atalak foru dekretu honetan ezarritako eskudantziak izanen ditu Nafarroako Despopulazioaren kontrako Borrokaren Estrategiatik sortutako proiektuen kudeaketaren arloan, despopulazio arriskuan dauden udalerrietako lurralde beharrei eta errealitateei buruzko azterketa eta ikerketen arloan, parte-hartze prozesuen eta komunikazioaren jarraipen, kontrol eta komunikazioaren arloan, eta, berariaz, honako hauek:

a) Estrategiatik sortutako proiektu zuzentzaileak kudeatzea.

b) Despopulazioak ukitutako lurralde eremuetan laguntza ekonomikoak kudeatzea, bizilagunek oinarrizko zerbitzu publikoak izateko, ekintzailetza eta belaunaldi erreleboa bultzatzeko, landa ingurunean etxebizitza lortzea errazteko, besteak beste.

c) Nafarroako Foru Komunitateko Ondarea atxiki ondoren kudeatzea, zaintzeko, berreskuratzeko eta birgaitzeko eta erabilera aldatzeko, despopulazioaren kontrako borrokaren helburuetarako ekonomia eta gizarte aldetik bideragarria izan dadin.

d) Lurraldean lanean ari diren eragile eta erakundeekin elkarlanean aritzea.

e) Abian diren proiektuen jarraipena eta kontrola egitea.

f) Zehaztutako proiektuak garatu eta ezartzea (proiektu horiek ekitate handiagoa ematen dute zerbitzuak, azpiegiturak eta ezagutza eskuratzeko).

g) Sektoreen eta administrazioen arteko lankidetza hitzarmenak garatzea.

h) Nafarroako Despopulazioaren kontrako Borrokaren Estrategiatik sortutako proiektu zuzentzaileen berri ematea.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

III. KAPITULUA. HERRI-LANEN ETA AZPIEGITUREN ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

30. artikulua . Herrilanen eta Azpiegituren Zuzendaritza Nagusiaren eskumenen esparru material eta funtzionala.

Herri-lanen eta Azpiegituren Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Nafarroako errepide sarearen planeamendua egitea, programatzea, proiektatzea, gauzatzea eta zaintzea.

b) Interes orokorreko obra hidraulikoak, trenbideetakoak eta aireportuetakoak edo agintzen zaizkion antzeko obrak osorik kudeatzea, beste erakunde eta administrazio batzuekin koordinaturik, deusetan galarazi gabe haiei dagozkien eskumenak, bai proiektu fasean, bai obrak gauzatu eta ustiatzekoetan.

c) Azpiegituren planifikazioan eta proiektuetan ingurumeneko neurriak integratzea, eta zuzendaritza nagusiaren eskumeneko azpiegitura publikoekin lotutako ingurumeneko programak garatzea.

d) Nafarroako errepide sareko funtzionaltasuna eta bide segurtasuna antolatu eta hobetzeko obra eta azpiegitura osagarriak sustatzea fase guztietan.

e) Zuzendaritza nagusiaren eskumena diren eraikuntza obra eta proiektuetako segurtasunaz eta osasunaz arduratzea.

f) Geologia eta geoteknika azterketak egitea.

g) Topografia, geodesia eta kartografia azterketak egitea.

h) Departamentuaren eskumeneko azpiegituren obretarako desjabetzeak egitea, foru dekretu honen 2.2 artikuluan xedatutakoa salbu.

i) Nafarroako errepide sarearen ustiapena eta defentsa.

j) Baimenak ematea Nafarroako errepide sarearen ustiapenaren eta defentsaren arloan.

k) Zehapen prozedurak Nafarroako errepide sarearen ustiapenean eta defentsan; zuzendaritza nagusiaren titularrari dagokio prozedura hastea eta ebaztea.

l) Dirulaguntzen deialdiak egitea eta dirulaguntzak ematea bere eskumenen esparruarekin lotutako jardueretarako.

m) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

31. artikulua . Herrilanen eta Azpiegituren Zuzendaritza Nagusiaren egitura.

Herri-lanen eta Azpiegituren Zuzendaritza Nagusiak zerbitzu hauek ditu bere egituran:

a) Azterlan eta Proiektuen Zerbitzua.

b) Azpiegitura Berrien Zerbitzua.

c) Zainketa Zerbitzua

2. ATALA. AZTERLAN ETA PROIEKTUEN ZERBITZUA

32. artikulua . Azterlan eta Proiektuen Zerbitzuaren esparru material eta funtzionala.

Azterlan eta Proiektuen Zerbitzuak eginkizun hauek beteko ditu:

a) Zuzendaritza nagusiak sustatzen dituen errepidetarako inbertsioen plangintza eta programazioa egitea.

b) Zuzendaritza nagusiak sustatzen dituen proiektuen eta Nafarroako errepide sareko obren eraikuntza proiektuen garapena osorik kudeatzea.

c) Azpiegituren planifikazioan eta proiektuetan ingurumeneko neurriak integratzea, eta zuzendaritza nagusiaren eskumeneko azpiegitura publikoekin lotutako ingurumeneko programak garatzea.

d) Obra eta azpiegitura osagarriak proiektatzea eta, bereziki, pertsonen eta ondasunen joan-etorri jasangarria errazten dutenak, Nafarroako errepide sarearen funtzionaltasuna eta bide segurtasuna antolatzeko eta hobetzeko xedearekin.

e) Geologia eta geoteknika azterketak egitea.

f) Proiektuen eta obren segurtasuna eta osasuna, eta eraikuntza obren kalitate kontrola.

g) Topografia, geodesia eta kartografia azterketak egitea.

h) Departamentuaren eskumeneko azpiegitura obretarako desjabetzeak egitea.

i) Herritarren parte-hartzeari buruzko martxoaren 22ko 12/2019 Foru Legearen 46.2 artikuluan aurreikusitakoak, herritarren parte-hartzerako unitateetarako.

j) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

33. artikulua . Azterlan eta Proiektuen Zerbitzuaren egitura.

Azterlan eta Proiektuen Zerbitzuak atal hauek ditu bere egituran:

a) Proiektuen Atala.

b) Azpiegituren Ingurumen Kudeaketarako Atala.

c) Kartografia, Topografia eta Geodesia Atala.

d) Mugikortasunaren Azterlan eta Plangintza Atala.

e) Desjabetze Atala.

f) Eraikuntzako Segurtasunaren eta Kalitate Kontrolaren Atala.

34. artikulua . Proiektuen Atalaren esparru material eta funtzionala.

Proiektuen Atalak eginkizun hauek beteko ditu:

a) Inbertsioak planifikatzea eta programatzea.

b) Errepideekin eta trenbideetako, aireportuetako eta intermodalak diren azpiegiturekin eta beste obra publiko batzuekin lotutako honako azterlan hauek egitea eta kudeatzea, betiere behin betiko onetsi arte: bideragarritasun eta informazio azterlanak, alternatiben azterlanak, plan sektorialak, aurreproiektuak eta proiektuak.

c) Aholkularitza enpresei agindutako proiektuetan, azterlanetan eta zerbitzuetan zuzendaritza lana egitea.

d) Obra eta azpiegitura osagarriak proiektatzea eta, bereziki, pertsonen eta ondasunen joan-etorri jasangarria errazten dutenak, Nafarroako errepide sarearen funtzionaltasuna eta bide segurtasuna antolatzeko eta hobetzeko xedearekin.

e) Errepide eta trenbide sareei eta aireportuetako azpiegiturei eragiten dieten hirigintzako ekimenei edo bestelakoei buruzko txostenak gainbegiratzea eta egitea, plangintzaren ikuspuntutik.

f) Proiektuak normalizatzea eta araudi teknikoa argitaratzea.

g) Behar diren ekintzak bultzatzea Nafarroako Foru Komunitateko trenbideetako eta aireportuetako azpiegiturak hobetzeko eta egokitzeko, baita beste garraio batzuekiko intermodalitatea sustatzen dutenak hobetzeko eta egokitzeko ere.

h) Nafarroako trenbideetako eta aireportuetako azpiegituren arloan eskumenak dituzten erakunde publiko nahiz pribatuekin koordinatzea.

i) Trenbideetako eta aireportuetako azpiegituren arloan ezartzen diren helburuak babestera bideratutako jarduketak sustatzea.

j) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

35. artikulua . Azpiegituren Ingurumen Kudeaketarako Atalaren esparru material eta funtzionala.

Azpiegituren Ingurumen Kudeaketarako Atalak eginkizun hauek beteko ditu:

a) Zuzendaritza nagusiaren eskumenekoak diren plangintzetan, proiektu idazketetan eta azpiegituren eraikuntza eta zainketan ingurumen-irtenbide onenak lortzeko aholkularitza ematea, baita aurreko guztiak egiteko behar diren hondakindegietan ere.

b) Proiektuen ingurumen eraginaren azterlanak eta ingurumen ukipenen azterlanak gainbegiratzea.

c) Zuzendaritza nagusiaren proiektuen eta azpiegituren obren tratamendu estetikoarekin, ingurumenekoarekin eta apaingarriarekin lotutako neurriak prestatzea, egitea, hartzea eta aplikatzea, baita inbertsioak kudeatzea ere, halakorik bada.

d) Ingurumenaren arloan eskumenak dituzten erakundeekin bitartekaritza egitea.

e) Obren ingurumen jarraipeneko batzordeetan parte hartzea.

f) Atsedenguneak zaintzea eta Nafarroako errepide sareko bidearteetako, biribilguneetako eta begiratokietako landaketak, apaingarriak eta lorategiak mantentzea, eta horien inguruko landarediaz arduratzea.

g) Txostenak egitea eta aholkularitza ematea arlo hauetan: ingurumen prebentzioa eta babesa, zaratak sorrarazitako afekzioak eta faunak errepideetan eduki ohi dituen istripuak.

h) Azpiegitura publikoekin loturik, ingurumen arloko ikerketa, garapena eta berrikuntza.

i) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

36. artikulua . Kartografia, Topografia eta Geodesia Atalaren esparru material eta funtzionala.

Kartografia, Topografia eta Geodesia Atalak honako eginkizun hauek beteko ditu:

a) Nafarroako Geodesia Aktiboaren Sarea eraikitzeko eta kudeatzeko beharrezkoak diren azpiegitura fisikoa eta sistema teknologikoak ezartzea, kudeatzea, zaintzea eta hobetzea eta gainerako datu-base topografiko eta geodesikoak mantentzea eta zaintzea.

b) Nafarroako lurraldearen aireko irudi metrikoak ateratzea, sentsore aktiboak eta pasiboak erabiliz.

c) Datu-base kartografikoak eta horietatik ateratako sail kartografikoak ezartzea eta mantentzea, horiek hiri eta lurralde sailak ezartzeko euskarri baitira.

d) Topografiarekin lotutako jarduera mota guztien plangintza, kudeaketa eta garapena.

e) Jarduera kartografikoen eta topografikoen integrazioan eskumenak dituzten unitateekin lankidetzan aritzea, Nafarroako Foru Komunitateko Administrazioaren beharrei erantzute aldera.

f) Estatuko Administrazioaren barnean kartografia arloko eskumenak dituzten organoekin lankidetzan aritzea eta Foru Komunitatean arlo horretan eskumenak dituzten toki entitateak koordinatzea eta lankidetzan aritzea.

g) Nafarroako Foru Komunitateko Administrazioak kartografiari eta topografiari buruz duen dokumentazioa artxibatzea eta zaintzea.

h) Produktu kartografikoak argitaratzea eta zabaltzea.

i) Bere eginkizunen esparruko azterlanak egitea, txostenak prestatzea edo iradokizunak egitea.

j) Bere jarduketa eremuaren barnean ikerketa, berrikuntza eta prestakuntza zientifiko eta teknikoko programak antolatzea, gauzatzea, zuzentzea, gainbegiratzea eta prestatzea, bakarrik nahiz beste entitate eta erakunde batzuekin batera, zehazki Nafarroako unibertsitateekin eta zerbitzu kartografikoetan espezializatutako beste erakunde batzuekin.

k) Zerbitzu kartografiko publiko eta pribatuak sustatzea eta bultzatzea, baita kartografiaren arloko ikerketa, irakaskuntza eta garapen teknologikoa ere.

l) Herri-lanen eta Azpiegituren Zuzendaritza Nagusiaren Errepideen Geografia-informazioko Sistema sortu eta mantentzeko beharrezkoak diren lanak koordinatzea eta garatzea.

m) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

37. artikulua . Mugikortasunaren Azterlan eta Plangintza Atalaren esparru material eta funtzionala.

Mugikortasunaren Azterlan eta Plangintza Atalak eginkizun hauek beteko ditu:

a) Nafarroako errepide sareko errepideen funtzionaltasuna, mugikortasuna eta trafikoa aztertzeko lanak egitea.

b) Aholkularitza enpresei agindutako funtzionaltasun, mugikortasun eta trafiko azterlanen zuzendaritza teknikoa.

c) Txosten teknikoak egitea Nafarroako errepide sareko trafikoan eta funtzionaltasunean eragina duten hirigintza-jarduketei buruz.

d) Aholku ematea errepideetako edukierari eta funtzionaltasunari buruz eta trafikoko azterlanei buruz.

e) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

38. artikulua . Desjabetze Atalaren esparru material eta funtzionala.

Desjabetze Atalak eginkizun hauek beteko ditu:

a) Proiektuen lurzatien berrikuspena eta kontrola.

b) Hirigintzako antolamendua gainbegiratzea eta haren kontrol teknikoa egitea, bideetako inbertsio planekin loturik.

c) Balorazioak egitea eta horien tutoretza.

d) Adiskidetasunezko akordioak lortzea eta sinatzea.

e) Prezio-orriak egitea.

f) Desjabetutako higiezinen katastro arloko eguneratzea kudeatzea.

g) Hirigintzako garapenek bide, tren eta aireportu azpiegituretan eta azpiegitura hidraulikoetan dituzten ukipenei buruzko balorazio teknikoak eta txostenak egitea.

h) Desjabetze espedienteak kudeatzea.

i) Aurretiko gordailuengatik eta okupazioa presaka egitearen kalteengatik egiten diren ordainketak -aktetan jasoak eta/edo kontsignatuak- kontrolatzea.

j) Kalte-ordainengatik eta balio justuengatik egiten diren ordainketak tramitatzea.

k) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

39. artikulua . Eraikuntzako Segurtasunaren eta Kalitate Kontrolaren Atalaren esparru material eta funtzionala.

Eraikuntzako Segurtasunaren eta Kalitate Kontrolaren Atalak eginkizun hauek beteko ditu:

a) Proiektugile eta obra zuzendariei aholkularitza ematea segurtasun eta osasun arloan, indarreko araudiarekin bat.

b) Hala badagokio, obretako segurtasuneko koordinazio arloko kontratuak koordinatzea, dagozkion obren zuzendaritzetan integratzeko.

c) Obrak kontratatzean, segurtasun eta osasun arloko neurriak betetzeko ikuskapena eta aholkularitza.

d) Obretako segurtasun eta osasun arloarekin lotutako guztiaren jarraipen estatistikoa.

e) Hirugarrenei prestakuntza ematea segurtasun eta osasunaren arloan.

f) Segurtasun eta osasun arloan eskumena duten beste erakunde batzuekin harremana izatea.

g) Laborategiko saioak sustatzea, egitea eta kontrolatzea.

h) Materialen laborategia kudeatzea; ziurtagiriak eta homologazioak.

i) Kalitate kontrolarekin lotutako estatistikak, txostenak eta memoriak.

j) Elkarlana, azpiegituretarako inbertsio planen gauzatzean.

k) Geologiarekin eta geotekniarekin lotutako azterlanak eta obrak planifikatzea, kudeatzea eta garatzea, eta lurren datu fisikoen baseak egitea, eta arlo horiekin lotutako beste edozein jarduketa.

l) Arrisku geologikoa duten eremuak analizatzea, bereziki ezponda harkaiztsuak aipatuz; jarduketa planak eta haien kudeaketa eta garapena.

m) Zundaketak zulatzea, putzuak eraikitzea, ezpondak egonkortzea, zuloak zaintzea eta arrisku geologikoak.

n) Espeleologiako ikerketak babestea, eta Nafarroako leizeak eta barrunbe geologikoak zaintzea eta defendatzea.

ñ) Zuzendaritza nagusiaren eskumeneko obrak proiektatzean eta gauzatzean geologiako eta geotekniako teknologia integratzea.

o) Aholkularitza geologikoa eta geoteknikoa ematea Nafarroako Foru Komunitateko Administrazioaren beste departamentu batzuei eta Nafarroako toki entitateei.

p) Atalean erabiltzen diren higiezinen, biltegien, lokalen, makinen eta materialen mantentze-lanak eta horiekiko arreta.

q) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

3. ATALA. AZPIEGITURA BERRIEN ZERBITZUA

40. artikulua . Azpiegitura Berrien Zerbitzuko esparru material eta funtzionala.

Azpiegitura Berrien Zerbitzuak eginkizun hauek beteko ditu:

a) Interes orokorreko obra hidraulikoak, trenbideetakoak eta aireportuetakoak edo agintzen zaizkion antzeko obrak osorik kudeatzea, beste erakunde eta administrazio batzuekin koordinaturik, deusetan galarazi gabe haiei dagozkien eskumenak, bai proiektu fasean, bai obrak gauzatu eta ustiatzekoetan.

b) Nafarroako Foru Komunitatearen eskumenen esparruan trenbideetako eta aireportuetako azpiegiturak eta azpiegitura intermodalak eraikitzearekin edo hobetzearekin loturiko obren proiektuak egitea eta obrak gauzatu eta kudeatzea, alderdi guztietan.

c) Nafarroako errepide sarea egokitzeko obrak eta Foru Komunitateko beste zenbait obra publiko gauzatzea.

d) Obra eta azpiegitura osagarriak gauzatzea eta, bereziki, pertsonen eta ondasunen joan-etorri jasangarria errazten dutenak, Nafarroako errepide sarearen funtzionaltasuna eta bide segurtasuna antolatzeko eta hobetzeko xedearekin.

e) Zeharkako koordinazioa, teknikoa, administratiboa eta informazio-segurtasunarena, eramatea.

f) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

41. artikulua . Azpiegitura Berrien Zerbitzuaren egitura.

Azpiegitura Berrien Zerbitzuak atal hauek ditu bere egituran:

a) Azpiegitura Berriak Eraikitzeko Atala.

b) Egokitzapen Obren Atala.

c) Kontzesio Obren Atala.

d) Kudeaketa eta Administrazio Integralaren Atala.

e) Kudeaketa Teknologikorako Atala.

42. artikulua . Azpiegitura Berriak Eraikitzeko Atalaren esparru material eta funtzionala.

Azpiegitura Berriak Eraikitzeko Atalak foru dekretu honetan biltzen diren eginkizunak beteko ditu, Nafarroako errepide sarean azpiegitura berrien obrak eta Foru Komunitateko beste zenbait obra publiko gauzatzeari dagokionez; halaber, agintzen zaionean, interes orokorreko obrak edo antzekoak ere gauzatuko ditu, beste erakunde eta administrazio batzuekin batera, dagozkien eskumenen kaltetan gabe.

Azpiegitura Berriak Eraikitzeko Atalak eginkizun hauek beteko ditu unean-unean esleiturik dauzkan obrei dagokienez:

a) Bere eskumeneko administrazio espedienteak kudeatzea, kontrolatzea eta haien jarraipena egitea, eta zerbitzuko zuzendaritzari egoki iruditzen zaizkion ebazpenak proposatzea.

b) Zerbitzuko zuzendaritzari laguntzea obra eta laguntza kontratuak lizitatzeko agindu teknikoen agirietako baldintza orokor eta berariazkoak prestatzen.

c) Obrak egiten hasi baino lehenagoko aldian: proiektuak eta jendaurreko informazio aldian proiektuari aurkezten zaizkion alegazioak aztertzea, segurtasun eta osasun arloko izapideak kudeatzea, kalitate kontrola antolatzea, proiektuak birplanteatzea eta haien bideragarritasuna aztertzea, obrak hasteko agindua ematea, lan programa eta egutegiak onestea eta, behar denean, ukitutako zerbitzuak kudeatzea eta ukituriko erakundeekin harremanak izatea.

d) Obra gauzatzen ari denean: obren zuzendaritza, ikuskapena eta kudeaketa teknikoa, ekonomikoa eta administratiboa, eta obrak oro har aurrera eramateko behar diren jarduketa eta txosten guztiak egitea; aldian behin txostenak egitea epeak, aurrekontuak eta obrak gauzatzeko aurreikuspenak aztertzeko; kalitate kontrola; okupazio gehiago; ingurumen arloko eta segimendu arkeologikoa egiteko neurrien kontrola; hobekuntzak edo neurri osagarriak proposatzea eta garatzea, baita dagozkion proiektuak eginez ere; segurtasun eta osasun arloan araututako jarduerak bultzatzea eta garatzea; obren gauzatzeak ukitutako beste administrazio, erakunde eta pertsona partikularrekiko harremanak; agirien eta argazkien artxiboa bermatzea; eta kanpoko laguntzaileei agindutako lan teknikoak obren zuzendaritzan integratzea eta zuzentzea.

e) Obraren azken aldian: obren harrera, ikuskapena, behar diren tramitazioak, obren azken gainbegiraketa, ukitutakoen erreklamazioen kudeaketa, ingurumen baldintzak betetzen direla kontrolatzea, azken ziurtapena eta obraren azkeneko agiriak egitea.

f) Bermealdia bitartean: obraren egoera eta funtzionamendua egiaztatzea, behar diren txostenak egitea, obraren azken txostena idaztea eta, behar izanez gero, likidazioaren ziurtapena egitea.

g) Oro har, esleitzen zaion obra edo jarduketa bakoitzaren kudeaketa eta jarraipen osoa, eta, hala badagokio, dagozkion proiektuen idazketaren kudeaketa.

h) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

43. artikulua . Egokitzapen Obren Atalaren esparru material eta funtzionala.

Egokitzapen Obren Atalak foru dekretu honetan biltzen diren eginkizunak beteko ditu, Nafarroako errepide sarean azpiegitura berrien obrak eta Foru Komunitateko beste zenbait obra gauzatzeari dagokionez; halaber, eskatzen zaionean, interes orokorreko obrak edo antzekoak ere gauzatuko ditu, beste erakundeekin eta administrazioekin batera, dagozkien eskumenen kaltetan izan gabe.

Egokitzapen Obren Atalak eginkizun hauek beteko ditu unean-unean esleiturik dauzkan obrei dagokienez:

a) Bere eskumeneko administrazio espedienteak kudeatzea, kontrolatzea eta haien jarraipena egitea, eta zerbitzuko zuzendaritzari egoki iruditzen zaizkion ebazpenak proposatzea.

b) Zerbitzuko zuzendaritzari laguntzea obra eta laguntza kontratuak lizitatzeko agindu teknikoen agirietako baldintza orokor eta berariazkoak prestatzen.

c) Obrak egiten hasi baino lehenagoko aldian: proiektuak eta jendaurreko informazio aldian proiektuari aurkezten zaizkion alegazioak aztertzea, segurtasun eta osasun arloko izapideak kudeatzea, kalitate kontrola antolatzea, proiektuak birplanteatzea eta haien bideragarritasuna aztertzea, obrak hasteko agindua ematea, lan programa eta egutegiak onestea eta, behar denean, ukitutako zerbitzuak kudeatzea eta ukituriko erakundeekin harremanak izatea.

d) Obra gauzatzen ari denean: obren zuzendaritza, ikuskapena eta kudeaketa teknikoa, ekonomikoa eta administratiboa, eta obrak oro har aurrera eramateko behar diren jarduketa eta txosten guztiak egitea; aldian behin txostenak egitea epeak, aurrekontuak eta obrak gauzatzeko aurreikuspenak aztertzeko; kalitate kontrola; okupazio gehiago; ingurumen arloko eta segimendu arkeologikoa egiteko neurrien kontrola; hobekuntzak edo neurri osagarriak proposatzea eta garatzea, baita dagozkion proiektuak eginez ere; segurtasun eta osasun arloan araututako jarduerak bultzatzea eta garatzea; obren gauzatzeak ukitutako beste administrazio, erakunde eta pertsona partikularrekiko harremanak; agirien eta argazkien artxiboa bermatzea; eta kanpoko laguntzaileei agindutako lan teknikoak obren zuzendaritzan integratzea eta zuzentzea.

e) Obraren azken aldian: obren harrera, ikuskapena, behar diren tramitazioak, obren azken gainbegiraketa, ukitutakoen erreklamazioen kudeaketa, ingurumen baldintzak betetzen direla kontrolatzea, azken ziurtapena eta obraren azkeneko agiriak egitea.

f) Bermealdia bitartean: obraren egoera eta funtzionamendua egiaztatzea, behar diren txostenak egitea, obraren azken txostena idaztea eta, behar izanez gero, likidazioaren ziurtapena egitea.

g) Oro har, esleitzen zaion obra edo jarduketa bakoitzaren kudeaketa eta jarraipen osoa, eta, hala badagokio, dagozkion proiektuen idazketaren kudeaketa.

h) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

44. artikulua . Kontzesio Obren Atalaren esparru material eta funtzionala.

Kontzesio Obren Atalak eginkizun hauek beteko ditu:

a) Obra publikoak esleitzeko kontratuen jarraipen, garapen eta betetzeko lanetan laguntza ematea.

b) Proiektu eta obrak osoki kudeatzea.

c) Obraren zuzendaritzan parte hartzea.

d) Proiektuen eta obren bideragarritasuna eta zuinketa egiaztatzea.

e) Kontrol geometrikoa, kualitatiboa eta segurtasunekoa.

f) Ukitutako pertsonekin harremanak izatea.

g) Aldaketak prestatzea.

h) Zerrenda baloratuak, prezioen berraztertzeak, ziurtagiriak eta harrerak prestatzea.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

45. artikulua . Kudeaketa eta Administrazio Integralaren Atalaren esparru material eta funtzionala.

Kudeaketa eta Administrazio Integralaren Atalak, zuzendaritza nagusiaren jarduketa administratiboei dagokienez, eginkizun hauek beteko ditu:

a) Inbertsioen eta lotutako datu estatistikoen bilakaeraren jarraipena.

b) Tramitatutako espedienteen normalizazioa, koordinazioa, kontrola eta jarraipena.

c) Urteko memoriak eta jardueren gaineko txostenak prestatzea.

d) Herri-lanen eta Azpiegituren Zuzendaritza Nagusiaren kontrol eta tramitazio administratiboaren zeharkako koordinazioa. Zuzendaritza Nagusiaren bulego administratiboen koordinazioa.

e) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

46. artikulua . Kudeaketa Teknologikorako Atalaren esparru material eta funtzionala.

Kudeaketa Teknologikorako Atalak eginkizun hauek izanen ditu:

a) Herri Lanen eta Azpiegituren Zuzendaritza Nagusiaren informatika eta proiektu informatikoak kudeatzea eta koordinatzea.

b) Nafarroako Foru Komunitateko Administrazioaren datu-babeseko eta informazioaren segurtasuneko politikan zehaztutako informazioaren segurtasun arduradunaren eginkizunak, betiere Lurralde Kohesiorako Departamentuaren eremuaren barnean, informazioaren segurtasunari buruzko indarreko araudia betetzen dela segurtatzeko eta zaintzeko, barnean dela datu pertsonalen babesa.

c) Lurralde Kohesiorako Departamentuaren webguneen eta gailu mugikorretarako aplikazioen irisgarritasunerako unitate arduradun delegatua.

d) Ekipamendu informatikoaren inbentarioaren eta erosketaren kudeaketa, Herri-lanen eta Azpiegituren Zuzendaritza Nagusiaren eremuan.

e) Administrazioa modernizatzeko eta sinplifikatzeko proiektuen kudeaketa eta koordinazioa, eta haien inplementazioa espedienteen kudeatzaile korporatiboan, Herri-lanen eta Azpiegituren Zuzendaritza Nagusiaren eremuan.

f) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

4. ATALA. ZAINKETA ZERBITZUA

47. artikulua . Zainketa Zerbitzuaren esparru material eta funtzionala.

Zainketa Zerbitzuak eginkizun hauek beteko ditu:

a) Nafarroako errepide sarearen zainketa integrala.

b) Obra eta azpiegitura osagarriak gauzatzea eta zaintzea, bereziki, pertsonen eta ondasunen joan-etorri jasangarria errazten dutenak, Nafarroako errepide sarearen funtzionaltasuna eta bide segurtasuna antolatzeko eta hobetzeko xedearekin.

c) Errepide sarearen ustiapena eta defentsa; arlo horretako baimenak eta zehapen espedienteak tramitatzea.

d) Nafarroako Errepideen Katalogoa eta Zeharbideen Inbentarioa kudeatzea eta horien eguneraketak tramitatzea.

e) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

48. artikulua . Zainketa Zerbitzuaren egitura.

Zainketa Zerbitzuaren egiturak atal hauek ditu bere egituran:

a) Egitura eta Obra Atala.

b) Ustiapen Atala.

c) Instalazioen, Teknologiaren eta Bide Segurtasunaren Atala.

49. artikulua . Egitura eta Obra Atalaren esparru material eta funtzionala.

Egitura eta Obra Atalak eginkizun hauek beteko ditu:

a) Errepideak erabilgarri eta funtzional mantentzea. Bide sarean larrialdiei erantzuteko zerbitzua. Neguan bideak erabilgarri mantentzea.

b) Bide sareko seinalizazio eta balizatze lanak.

c) Inbentarioak eta errepideen zainketa integralerako programak egitea.

d) Zerbitzuko zuzendaritzarekin elkarlanean aritzea, obra eta laguntza kontratuen lizitaziorako zehaztapen teknikoen pleguen baldintza orokorrak eta espezifikoak idazten, Nafarroako errepide sareko obretarako proiektuak idazten, gauzatzen eta haien kudeaketa orokorra egiten, zainketa integraleko lanekin lotuta eta errepide sarearekin eta haren ukipen eremuarekin lotutako beste batzuk.

e) Errepideak zaintzeari buruzko estatistikak, txostenak eta memoriak egitea.

f) Erakundeekin eta entitateekin harremana izatea eta koordinatzea.

g) Proiektuen zuzendaritza eta zainketa-zentro berrietako obrak ikuskatzea.

h) Bere eskumeneko administrazio espedienteak kudeatzea, kontrolatzea eta haien jarraipena egitea, eta zerbitzuko zuzendaritzari egoki iruditzen zaizkion ebazpenak proposatzea.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

50. artikulua . Ustiapen Atalaren esparru material eta funtzionala.

Ustiapen Atalak eginkizun hauek beteko ditu:

a) Nafarroako errepideen defentsa arloan esku-hartzea eta kontrol lana egitea.

b) Baimenak tramitatzea.

c) Unitate eskudunekin elkarlanean aritzea eskabideak tramitatzeko ereduak eta inprimakiak errazteko eta telematikoki tramitatzeko.

d) Zuinketa eta onarpen aktak egitea, Zainketa Ataleko langileekin elkarlanean, aurretik baimendutako lanetan, lanak hobeki kontrolatzeko eta azkeneko emaitza hobea izateko, errepideen ustiapenari dagokionez.

e) Nafarroako errepide sarearen defentsaren ikuspuntutik errepide sareari eragiten dioten hirigintzako ekimenei edo hirugarrenen ekimenei buruzko txostenak ikuskatzea eta egitea.

f) Errepideen defentsaren araudian xedatutakoaren arabera ireki diren zehapen prozedurak tramitatzea.

g) Erakundeekin eta entitateekin harremana izatea eta koordinatzea.

h) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

51. artikulua . Instalazioen, Teknologiaren eta Bide Segurtasunaren Atalaren esparru material eta funtzionala.

Instalazioen, Teknologiaren eta Bide Segurtasunaren Atalak eginkizun hauek beteko ditu:

1. Nafarroako errepide sarearen zainketa integralaren arloan:

a) Bide segurtasun arloa garatzea istripuak izateko aukerei buruzko azterlanetan, arazoen analisi sistematikoan eta konponbideen proposamenean.

b) Istripuak eta horien zergatiak ikuskatzea.

c) Istripu ugariko tarteen bilakaeraren jarraipena, eta horiek desagerrarazteko programak.

d) Zoruen eta Nafarroako errepide sarearen bilakaeraren inbentarioak egitea.

e) Errepide sarearen kudeaketa teknikorako inbentarioak mantentzea.

f) Nafarroako errepide sarearen edukierak. Trafikoaren eta bere eboluzioaren azterketa. Prognosia. Planeamendu alorrekin lankidetzan aritzea.

g) Errepideen argiztapenerako instalazioak, semaforoak, informazio aldakorreko panelak eta telebista kamerak jartzeko azterlanak eta proiektuak idaztea, baita obren kontratazioa eta zuzendaritza ere, hala dagokionean; eta, halaber, errepideen segurtasuna eta zainketa hobetzeko beharrezkoak diren gainerako instalazio lagungarri guztiena ere.

h) Batzorde teknikoetan parte hartzea.

i) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

2. Nafarroako errepide sarearen Zainketa Kontrolatzeko Zentroaren ustiapenaren arloan, honako zerbitzu hauek emanez:

a) Erabiltzaileari errepide sarearen egoerari buruzko etengabeko informazioa ematea.

b) Bide seinalizazioa, informazio aldakorreko panelen bidez.

c) Zirkulazio edukierari buruzko informazioa lortzea.

d) Zainketa Zerbitzuaren mendeko errepide guztietako SOS zutoinen sarea integratzea.

e) Errepide sareko tunelen kontrol zentralizatua.

f) Eguraldi estazioek emandako informazioaren kontrol zentralizatua.

g) Zainketa integralean elkarlanean aritzea. Neguko bidezaintza kudeatu eta kontrolatzea. Alerta egoerak.

h) Errepide sareko argiztapen harguneen kontrol zentralizatua.

i) Azpiegitura kritikoak kudeatzearen arduraduna.

j) Aplikazio berekien segurtasun informatikoaren (SINCA) eta sare sozialen arduraduna.

k) Herri-lanen eta Azpiegituren Zuzendaritza Nagusiaren informazioaren segurtasuneko arduraduna, funtsezko zerbitzuen operadorea den aldetik, Azpiegituren Babesaren eta Zibersegurtasunaren Zentro Nazionalaren "Operadore kritikoen informazio sistemen aplikagarritasunari buruzko deklarazioak" ezartzen duenaren arabera.

l) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

IV. KAPITULUA. GARRAIOEN ETA MUGIKORTASUN JASANGARRIAREN ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

52. artikulua . Garraioen eta Mugikortasun Jasangarriaren Zuzendaritza Nagusiaren esparru material eta funtzionala.

Garraioen eta Mugikortasun Jasangarriaren Zuzendaritza Nagusiak, bere kudeaketa esparruko gaietan, foru dekretu honetan aurreikusitako eskudantziak izanen ditu, eta, berariaz, honako eginkizun hauek beteko ditu:

a) Mugikortasun, garraio eta logistika arloko politika planifikatzea, koordinatzea, antolatzea, kudeatzea eta jarraipena egitea.

b) Mugikortasunaren eta logistikaren arloko azterketak egitea.

c) Mugikortasunarekin, garraioarekin eta logistikarekin zerikusia duten jarduera eta xedapen guztietan aholku ematea eta Nafarroako Foru Komunitateko Administrazioaren beste unitateekin koordinatzea.

d) Pertsonen eta ondasunen joan-etorri jasangarriak erraztuko dituzten obra eta azpiegiturak sustatzea, fase guztietan, bakarrik nahiz beste departamentu eta Nafarroako Administrazio Publiko batzuekin elkarlanean.

e) Garraioen, mugikortasunaren eta logistikaren arloko topaketa-foroetan parte hartzea.

f) Garraio arloko baimenak ematea.

g) Zehapen prozedurak garraio arloan; zuzendaritza nagusiaren titularrari dagokio prozedura hastea eta ebaztea.

h) Dirulaguntzen deialdiak egitea eta dirulaguntzak ematea bere eskumenen esparruarekin lotutako jardueretarako.

i) Lurreko garraioko azpiegituren arloan ikerketa eta garapen teknologikoa sustatzea.

j) Departamentuko titularrari aholku eta laguntza ematea mugikortasun, logistika eta garraio arloetan Nafarroako Foru Komunitateari eragiten dioten gai guztietan.

k) Nafarroako Lurraldearen eta Jasangarritasunaren Agentziaren (LURSAREA) jarduerak, zuzendaritza nagusiaren esparru material eta funtzionalari dagozkionak, sustatzea.

l) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

53. artikulua . Garraioen eta Mugikortasun Jasangarriaren Zuzendaritza Nagusiaren egitura.

Garraioen eta Mugikortasun Jasangarriaren Zuzendaritza Nagusiak zerbitzu hauek ditu bere egituran:

a) Garraioen Ikuskapenaren eta Araubide Juridikoaren Zerbitzua.

b) Garraioaren Plangintza eta Modernizazio Zerbitzua.

c) Garraioen Kudeaketa eta Antolamenduaren eta Mugikortasunaren Zerbitzua.

2. ATALA. GARRAIOEN IKUSKAPENAREN ETA ARAUBIDE JURIDIKOAREN ZERBITZUA

54. artikulua . Garraioen Ikuskapenaren eta Araubide Juridikoaren Zerbitzuaren esparru material eta funtzionala.

Garraioen Ikuskapenaren eta Araubide Juridikoaren Zerbitzuak eginkizun hauek beteko ditu:

a) Garraioarekin eta mugikortasun jasangarriarekin zerikusia duten jarduera eta xedapen guztietan aholku eta laguntza ematea zuzendaritza nagusiko gainerako zerbitzuei eta Nafarroako Foru Komunitateko beste unitate batzuei, eta haiekin koordinatzea.

b) Garraio-jardueraren eta mugikortasun jasangarriaren gaineko arauak aztertu eta prestatzea, bai eta horien plangintza gauzatzeko, esparru juridikoan beharrezkoak diren gaiak ere.

c) Garraioaren arloan, txosten juridikoak ematea eta indarrean den araudiari buruzko informazioa eman eta bilketa-lana egitea.

d) Garraioaren eta mugikortasunaren arloko errekurtso administratiboak izapidetzea.

e) Garraioaren arloko ikuskapena.

f) Zehapen espedienteak tramitatzea.

g) Nafarroako garraioaren arloan Nafarroako Garraioaren Arbitraje Batzordeak agintzen dizkion eginkizunak garatzea eta betetzea.

h) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

55. artikulua . Garraioen Ikuskapenaren eta Araubide Juridikoaren Zerbitzuaren egitura.

Garraioen Ikuskapenaren eta Araubide Juridikoaren Zerbitzuak atal hauek ditu bere egituran:

a) Garraioen Ikuskapenaren eta Arbitraje Batzordearen Atala.

b) Garraioaren Araubide Juridikoaren Atala.

56. artikulua . Garraioen Ikuskapenaren eta Arbitraje Batzordearen Atalaren esparru material eta funtzionala.

Garraioen Ikuskapenaren eta Arbitraje Batzordearen Atalak, garraioen arloko antolamendu eta ikuskapenari dagokienez, eginkizun hauek beteko ditu:

a) Bidaiarien nahiz salgaien garraio-jardueraren ikuskapena.

b) Errepideko garraioa ikuskatzeko plana prestatzea, jarraitzea eta kontrolatzea.

c) Foruzaingoarekin, Guardia Zibilarekin eta udaltzaingoekin koordinatzea, bai eta beste administrazio publiko batzuekin ere, garraioen ikuskapenaren arloan.

d) Nafarroako errepide sareko pisaketa-baskulak mantentzea eta hobetzea.

e) Zehapen espedienteen tramitazioa, instrukzioa eta proposamena.

f) Nafarroako Garraioaren Arbitraje Batzordearen lehendakaritza.

g) Nafarroako Garraioaren Arbitraje Batzordeari esleitutako eginkizunen zuzendaritza eta kudeaketa.

h) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

57. artikulua . Garraioaren Araubide Juridikoaren Atalaren esparru material eta funtzionala.

Garraioaren Araubide Juridikoaren Atalak eginkizun hauek beteko ditu:

a) Garraio jardueraren eta mugikortasun jasangarriaren araudia aztertzea eta egitea, Nafarroako Foru Komunitatearen eskumenen arloetan.

b) Txostenak egitea garraio zerbitzuen kontratazioetan eta, Nafarroako Foru Komunitateko Administrazioak sustaturik, garraio jarduerak xede dituzten dirulaguntzak emateari begira.

c) Foru Komunitateko, Estatuko eta Europar Batasuneko garraio eta mugikortasun arloko araudia biltzea.

d) Garraioaren eta mugikortasunaren arloko kide anitzeko organoen idazkaritza.

e) Garraio arloko administrazio errekurtsoei buruzko txostenak eta ebazpen-proposamenak egitea.

f) Garraioen arloko espedienteak prestatu eta berrikustea, organo jurisdikzionaletara igortzeko.

g) Garraioaren eta mugikortasun jasangarriaren arloan Nafarroako Foru Komunitateko Administrazioari eskatzen ahal zaizkion ondare-erantzukizunagatiko erreklamazioak edo kalte-ordainen bestelako erreklamazioak izapidetzea eta ebazpen proposamenak egitea.

h) Zuzendaritza nagusiak eskatzen dituen txosten juridikoak egitea eta aholkularitza ematea.

i) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

3. ATALA. GARRAIOEN PLANGINTZA ETA MODERNIZAZIO ZERBITZUA

58. artikulua . Garraioen Plangintza eta Modernizazio Zerbitzuaren esparru material eta funtzionala.

Garraioen Plangintza eta Modernizazio Zerbitzuak eginkizun hauek beteko ditu:

a) Errepideko garraio publikoaren arloko politikak eta planak prestatzea.

b) Bidaiariak garraiatzeko zerbitzu publikoaren arloa planifikatzea.

c) Garraioaren azpiegiturak sustatzea eta garatzea: autobus geltokiak, geralekuak eta garraio zentroak.

d) Modernizazio eta berrikuntza teknologikoa sustatzea garraioaren sektorean.

e) Elkarlan eta jarduketa ildoak ezartzea era guztietako garraio zerbitzuak ematearen ardura duten eragile publiko eta pribatuekin, Nafarroako Foru Komunitatean baldintza egokiak izan daitezen gizarte eta industria politikan ezarritako helburuak betetzeko.

f) Nafarroako Foru Komunitateko Administrazioak Iruñerriko hiri garraioaren planari egiten dion ekarpen ekonomikoa jarraitu eta kontrolatzea.

g) Bere eremu funtzionalean eratzen edo formalizatzen diren lankidetza batzorde, proiektu eta hitzarmenetan parte hartzea, eta horien gaineko aldian behingo txostenak egitea.

h) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

59. artikulua . Garraioen Plangintza eta Modernizazio Zerbitzuaren egitura.

Garraioen Plangintza eta Modernizazio Zerbitzuak atal hauek ditu bere egituran:

a) Errepideko Garraio Publikoaren Atala.

b) Modernizazio Atala.

60. artikulua . Errepideko Garraio Publikoaren Atalaren esparru material eta funtzionala.

Errepideko Garraio Publikoaren Atalak, garraioen arloko plangintza eta kontrolari dagokienez, eginkizun hauek beteko ditu:

a) Plangintza egitea eta parte-hartze publikoa sustatzea Nafarroako Foru Komunitateko Administrazioa titular duten errepideko garraio publikoko zerbitzuak berritzeko prozesuetan.

b) Errepideko garraio publikoko zerbitzuak kontratatzeko espedienteak kudeatzea.

c) Errepideko garraio publikoko zerbitzuen kudeaketaren jarraipena egitea.

d) Toki entitateekiko lankidetza bultzatzea errepideko garraio publikoko zerbitzuak sustatzeko eta hobetzeko.

e) Garraio zerbitzuak kudeatzeko emakiden eta baimenen ustiapena ebaluatzea eta kontrolatzea.

f) Errepideko garraio publikoko kontratuen jarraipen ekonomikoa egitea.

g) Operadoreei pagatzen zaizkien konpentsazio ekonomikoen espedienteak kudeatzea.

h) Zerbitzuen tarifak berrikustea eta eguneratzea.

i) Ibilbideak eta tarifak berrantolatzeko proposamenak egitea.

j) Errepideko bidaiari-garraio publikoko zerbitzuen enpresa operadoreekiko harremanak koordinatzea.

k) Geralekuak eta markesinak mantentzea eta zaintzea.

l) Geraleku berrien eraikuntza eta ezarpena sustatzea.

m) Errepideko garraio publikoko zerbitzuen informazioa eta estatistikak prestatzea eta hedatzea.

n) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

61. artikulua . Modernizazio Atalaren esparru material eta funtzionala.

Modernizazio Atalak eginkizun hauek beteko ditu:

a) Errepideko garraio publikoa modernizatzeko sistema garatzea, ezartzea eta mantentzea.

b) Errepideko garraio publikoan ordaintzeko sistema garatzea, ezartzea eta mantentzea.

c) Proiektu teknologiko eta berritzaileak bultzatzea, Nafarroako Foru Komunitateko Administrazioko beste unitate tekniko batzuekin lankidetzan.

d) Garraio publikoaren arloko intermodalitatea eta berrikuntza bultzatzea, beste administrazio publiko eta unibertsitate batzuekin lankidetzan.

e) Informazio geografikoko sistema garatzea eta mantentzea.

f) Garraio Zerbitzuaren gainerako ataletan informazioaren eta komunikazioaren teknologia berriak ezarri eta erabiltzeko koordinazioa.

g) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

4. ATALA. GARRAIOEN ETA MUGIKORTASUNAREN KUDEAKETA ETA ANTOLAMENDU ZERBITZUA

62. artikulua . Garraioen eta Mugikortasunaren Kudeaketa eta Antolamendu Zerbitzuaren esparru material eta funtzionala.

Garraioen eta Mugikortasunaren Kudeaketa eta Antolamendu Zerbitzua, garraioen arloko antolamendu eta kudeaketari dagokienez, eginkizun hauek beteko ditu:

a) Garraioarekin, logistikarekin edo mugikortasunarekin zerikusia duten jarduera eta xedapen guztietan aholku ematea eta Nafarroako Foru Komunitateko Administrazioaren beste unitateekin koordinatzea.

b) Nafarroako estrategia logistikoa eta Nafarroako eskualde logistikoen lurralde-eredua berrikustea.

c) Mugikortasunari buruzko plangintza, azterketak eta proiektuak.

d) Pertsonen eta ondasunen joan-etorri jasangarria erraztuko duten obra eta azpiegituren proiektuak finantzatu eta/edo egitea, bakarrik nahiz beste departamentu eta Nafarroako administrazio publiko batzuekin batera, bai eta obra eta azpiegitura horiek gauzatu eta mantentzea, bere baliabideekin edo Herri-lanen eta Azpiegituren Zuzendaritza Nagusiarekin elkarlanean, kasua bada.

e) Garraioen, mugikortasunaren eta logistikaren arloko topaketa-foroetan parte hartzea.

f) Garraio Enpresen eta Jarduketen Erregistroa kontrolatu eta kudeatzea.

g) Baimenak kudeatzea eta gaikuntza tituluak ematea.

h) Lanbiderako gaikuntzak emateko probak antolatzea eta prestakuntza-planak garatzea.

i) Bere eremu funtzionalean eratzen edo formalizatzen diren lankidetza batzorde, proiektu eta hitzarmenetan parte hartzea, eta horien gaineko aldian behingo txostenak egitea.

j) Herritarren parte-hartzeari buruzko martxoaren 22ko 12/2019 Foru Legearen 46.2 artikuluan aurreikusitakoak, herritarren parte-hartzerako unitateetarako.

k) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

63. artikulua . Garraioen eta Mugikortasunaren Kudeaketa eta Antolamendu Zerbitzuaren egitura.

Garraioen eta Mugikortasunaren Kudeaketa eta Antolamendu Zerbitzuak atal hauek ditu bere egituran:

a) Mugikortasun, Logistika era Garraio Atala.

b) Kudeaketa Atala.

64. artikulua . Mugikortasun, Logistika era Garraio Atalaren esparru material eta funtzionala.

Mugikortasun, Logistika era Garraio Atalak eginkizun hauek beteko ditu:

a) Mugikortasunaren eta garraioaren arloko azterketak, politikak eta planak prestatzea.

b) Mugikortasun jasangarriari buruzko azterketak eta proiektuak egitea.

c) Nafarroako Foru Komunitateko Administrazioak mugikortasun jasangarria sustatzeko jasotzen dituen Europako eta estatuko laguntzak kudeatzea.

d) Nafarroan entitate publiko eta pribatuei mugikortasuna hobetzeko eta logistika bultzatzeko ematen zaizkien laguntzak kudeatzea.

e) Mugikortasun jasangarriaren gaineko araudia prestatzen eta garatzen parte hartzea.

f) Mugikortasunaren joeren behatoki teknologikoa sustatzea.

g) Nafarroako estrategia logistikoa eta lehentasunezko ekintzen garapenaren jarraipena egitea eta sustatzea.

h) Zerbitzuko zuzendaritzari eta zuzendaritza nagusiari laguntza ematea Nafarroako garraioaren eta logistikaren sektorearekiko harremanetan, baita garraio azpiegituren eta nodoen garapenean inplikatuak dauden administrazioekiko harremanetan ere.

i) Garraio eta logistika arloko plataforma edo cluster bat martxan jartzeko aukera onena zein den ebaluatzea.

j) Iruñeko aireportua bultzatzeko destino berrien azterketa sustatzea.

k) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

65. artikulua . Kudeaketa Atalaren esparru material eta funtzionala.

Kudeaketa Atalak eginkizun hauek beteko ditu:

a) Garraio Enpresen eta Jarduketen Erregistroa kudeatzea. Salgaien eta bidaiarien garraioaren eta jarduera osagarrien arloko baimenak kudeatzea.

b) Garraio arloko gaitasun profesionalaren tituluak erregistratzea eta ematea, eta egoki diren deialdiak eta probak antolatzea.

c) Garraio sektoreko prestakuntza sustatzea, proposatzea eta garatzea.

d) Tramitazio telematikoa ezartzea garraioaren arloko kudeaketetan eta tramiteetan.

e) Ministerioarekin koordinatzea bere eginkizunen eremuan.

f) Takografo txartelak kudeatzea eta luzatzea.

g) Gai arriskutsuen eta galkorren garraioari buruz aholku ematea.

h) Garraio arloko segurtasun aholkulariaren figurarekin loturik agindutako eginkizunak kudeatzea.

i) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

V. KAPITULUA. LURRALDE ANTOLAMENDUKO ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

66. artikulua . Lurralde Antolamenduko Zuzendaritza Nagusiaren esparru material eta funtzionala.

Lurralde Antolamenduko Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Lurraldearen analisia, lurraldearen osagaiak eta lurraldean gertatzen diren prozesuak ezagutzeko azterketen bidez eta tresnak garatuz.

b) Lurralde antolamendurako tresnak formulatu, izapidetu eta onestea.

c) Hirigintza antolamenduaren tresnak koordinatu eta haien legezkotasun kontrola egitea.

d) Landa-lurzoruko erabilerak eta jarduerak kontrolatzea, bai eta horiei dagozkien hirigintza diziplina ere.

e) Beste administrazio batzuekiko elkarlana lurralde antolamenduaren arloan, bereziki udalerriekin haien plan eta proiektuak formulatzen eta gauzatzen.

f) Paisaiaren estrategia garatzea eta hura babestu eta kudeatzeko esku-hartzea.

g) Lurralde antolamenduaren eta hirigintzaren printzipio eta xedeetan, legerian ezarritakoetan, laguntzen duten proiektuen kudeaketa.

h) Nafarroako Lurraldearen eta Jasangarritasunaren Agentziaren (LURSAREA) jarduerak, zuzendaritza nagusiaren esparru material eta funtzionalari dagozkionak, sustatzea.

67. artikulua . Lurralde Antolamenduko Zuzendaritza Nagusiaren egitura.

Lurralde Antolamenduko Zuzendaritza Nagusiak zerbitzu hauek ditu egituran:

a) Lurralde eta Paisaia Zerbitzua.

b) Lurraldearen Zerbitzu Juridiko-administratiboa.

2. ATALA. LURRALDE ETA PAISAIA ZERBITZUA

68. artikulua . Lurralde eta Paisaia Zerbitzuaren esparru material eta funtzionala.

Lurralde eta Paisaia Zerbitzuak, lurraldearen antolamenduko gaiei dagokienez, eginkizun hauek beteko ditu:

a) Lurralde antolamendurako tresnak izapidetu, haien jarraipena egin, berrikusi eta eguneratzea.

b) Hirigintza, Nafarroako toki entitateekiko administrazioarteko koordinazioaren eta lankidetzaren bidez.

c) Paisaia eta lurralde ondarea, lurralde antolamendurako tresnak egin eta izapidetzean eta lurraldean eragina duten baimen prozeduretan txertatuta.

d) Indarra duten xedapenek esleitzen dizkioten beste batzuk, bai eta bere esparru materialean agintzen zaizkionak ere.

69. artikulua . Lurralde eta Paisaia Zerbitzuaren egitura.

Lurralde eta Paisaia Zerbitzuak atal hauek ditu bere egituran:

a) LURRALDE PLANGINTZAREN ETA PARTE-HARTZEAREN ATALA

b) UDALEZ GAINDIKO PLAN ETA PROIEKTUEN ATALA.

c) Paisaiaren eta Landa-lurzoruaren Atala.

d) Hirigintza Atala.

70. artikulua . Lurralde Plangintzaren eta Partehartzearen Atalaren esparru material eta funtzionala.

Lurralde Plangintzaren eta Parte-hartzearen Atalak foru dekretu honetan aurreikusitako eginkizunak izanen ditu indarra duten lurralde-plangintzako tresnen arloan, lurralde eta hirigintza arloetako informazioaren arloan eta lurralde antolamendurako tresnen izapidetzeetako parte-hartze publikoaren arloan; eta, berariaz, honako eginkizun hauek:

a) Lurralde plangintzarako tresnak idatzi, berrikusi eta eguneratzea: Nafarroako Lurralde Estrategia, lurraldeantolamendurako planak, edo horien ordezko plangintza tresnak.

b) Lurralde antolamenduko tresnen eta Nafarroako Gobernuko departamentuen politika sektorialen arteko koordinazioa.

c) a) puntuan aipatutako tresnen aplikazio, betearazpen eta indarraldiari buruzko jarraipen eta ebaluazio memoriak eta txostenak prestatzea.

d) Nafarroako lurralde adierazleen sistema kudeatu eta Nastat-ekin lankidetzan aritzea, adierazle horiek Nafarroako Estatistika Planean sartzeko.

e) Lurralde Politikaren Gizarte Kontseiluarekin eta haren batzordeekin koordinatu eta hari laguntza ematea.

f) Lurralde bulegoen koordinazio teknikoa eta haien eginkizunak betetzeko irizpideak ezartzea.

g) Hirigintza planeamenduaren tramitazioan eta lurralde antolamenduaren tresnetan herritarren parte-hartzeari dagozkion jarraibide teknikoak diseinatzea.

h) Lurralde-antolamendurako tresnetako parte-hartze planak baliozkotzea.

i) Zuzendaritza Nagusiko gaietan informazio-eskaerak aztertzea.

j) Lurralde antolamenduaren gaian Nafarroako Gobernuaren web ataria kudeatu eta eguneratzea, eta gai horretan eskumena duten unitateekin koordinatzea

k) Zuzendaritza nagusiak Europako proiektuetan eta lankidetza sareetan duen parte-hartzea bideratzea.

l) Nafarroako Lurraldearen eta Jasangarritasunaren Agentzia (LURSAREA) sustatzeko ekintzak gauzatzea.

m) Lurralde plangintzari dagokionez, plangintza eta erabakiak hartzen laguntzeko azterketak eta txostenak egitea.

n) Herritarren parte-hartzeari buruzko martxoaren 22ko 12/2019 Foru Legearen 46.2 artikuluan aurreikusitakoak, herritarren parte-hartzerako unitateetarako.

ñ) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

71. artikulua . Udalez gaindiko Plan eta Proiektuen Atalaren esparru material eta funtzionala.

Udalez gaindiko Plan eta Proiektuen Atalak foru dekretu honetan ezarritako eskudantziak izanen ditu lurraldearen antolamenduaren esparruan eta, berariaz, eginkizun hauek:

a) Udalez gaindiko plan eta proiektuak, haien aldaketak eta betearazteko tresnak izapidetzea eta haien jarraipena egitea.

b) Udalez gaindiko plan eta proiektuei dagokienez, plangintza eta erabakiak hartzen laguntzeko azterketak eta txostenak egitea.

c) Nafarroako Foru Komunitateko Administrazioko beste organo batzuekin, sozietate eta erakunde publikoekin eta toki entitateekin lankidetzan aritzea eta haiei laguntza ematea, udalez gaindiko plan eta proiektuekin lotutako arlo eta jarduera guztietan.

d) Udalez gaindiko plan eta proiektuen artxiboa kudeatzea.

e) Udalez gaindiko plan eta proiektuekin lotuta hirigintza kudeaketa.

f) Baimenik edo tokiko bestelako prebentziozko kontrolik behar ez duten jardueren baimenen gaineko txostenak eta tramitazioa.

g) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

72. artikulua . Paisaiaren eta Landalurzoruaren Atalaren esparru material eta funtzionala.

Paisaiaren eta Landa-lurzoruaren Atalak foru dekretu honetan ezarritako eskudantziak izanen ditu bere kudeaketa esparruan eta, berariaz, honako eginkizun hauek:

a) Paisaiaren estrategia zehaztu eta garatzea.

b) Paisaiaren arloko zabalkunde eta sentsibilizazio azterketak eta ekintzak.

c) Paisaiaren antolamendu eta kudeaketa ekintzak garatu eta aplikatzea.

d) Nafarroako Foru Komunitateko Administrazioko beste organo batzuekin, sozietate eta erakunde publikoekin eta toki entitateekin lankidetzan aritzea eta haiei laguntza ematea, paisaiarekin eta landa ingurunearekin lotutako arlo eta jarduera guztietan.

e) Administrazio publikoetako beste organo batzuei informazioa ematea paisaiaren arloan.

f) Udal plan orokorren eta haien aldaketen izapidetzean esku hartzea, paisaiari eta landa-lurzoruari dagokienez.

g) Lurzoru urbanizaezinetan edo landa lurzoruetan jarduera eta erabilerak baimentzeko espedienteak prestatu eta tramitatzea.

h) Hirigintza planeamendurik gabeko udalerrietan jarduketak baimentzeko espedienteak prestatu eta tramitatzea.

i) Lurzoru urbanizaezinetan baimendutako jardueren eta erabileren garapena jarraitu eta kontrolatzea.

j) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

73. artikulua . Hirigintza Atalaren esparru material eta funtzionala.

Hirigintza Atalak foru dekretu honetan aurreikusitako eskudantziak izanen ditu hirigintzaren arloko administrazioarteko koordinazio eta lankidetzaren arloan eta udalerrien hirigintzako estrategien zuzendaritzaren eta sustapenaren arloan eta, berariaz, honako eginkizun hauek:

a) Udalen hirigintza planeamendua prestatu eta aldatzeko laguntza ematea, barne direla lankidetza hitzarmenak prestatzeko proposamenak egitea, jarraipen batzordeetan parte hartzea eta hirigintzako tresnak prestatzeko jarduerak zuzentzea.

b) Txostenak eta ebazpen proposamenak prestatu eta tramitatzea udalen hirigintza planeamendua prestatu eta onesteko.

c) Udal planeamendua prestatu eta tramitatzea, subrogazio bidez.

d) Toki entitateentzako dirulaguntzak kudeatzea, udal planeamendurako tresnak egin ditzaten.

e) Planeamenduaren Erregistroa eta haren erabilera publikoa kudeatzea.

f) Nafarroako Hirigintzari buruzko Informazio Sistemaren mantentze-lanak egitea.

g) Toki entitateei aholkularitza teknikoa ematea, bere eskumeneko hirigintzako planak prestatu eta tramitatzeko, bai eta Foru Komunitateko Administrazioaren sektore publikoko beste organo batzuei eta beste organismo publiko batzuei ere, hirigintza planeamenduari buruzko gaietan, eta arloan eskumena duten unitateekin koordinatzea.

h) Zerbitzuaren barne-koordinazio teknikorako prozedurak ezarri eta planeamenduaren gaineko hirigintza arloko xedapenak interpretatzeko irizpideak hedatzea.

i) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

3. ATALA. LURRALDEAREN ZERBITZU JURIDIKO-ADMINISTRATIBOA

74. artikulua . Lurraldearen Zerbitzu Juridikoadministratiboaren esparru material eta funtzionala.

Lurraldearen Zerbitzu Juridiko-administratiboak foru dekretu honetan ezarritako eskudantziak izanen ditu bere kudeaketa esparruan eta, berariaz, honako eginkizun hauek:

a) Laguntza administratiboa ematea Lurralde Antolamenduko Zuzendaritza Nagusiko unitate organiko guztiei.

b) Laguntza juridikoa ematea lurraldearen antolamenduaren eta hirigintzaren arloan.

c) Hirigintzako legezkotasunaren babesa eta zehapen araubidea Foru Komunitateko Administrazioaren eskumenen esparruan.

d) Lurraldearen Antolamenduko Batzordeko idazkaritza.

e) Indarra duten xedapenek esleitzen dizkioten beste batzuk, bai eta bere esparru materialean agintzen zaizkionak ere.

75. artikulua . Lurraldearen Zerbitzu Juridikoadministratiboaren egitura.

Lurraldearen Zerbitzu Juridiko-administratiboak atal hauek ditu bere egituran:

a) Lurralde Antolamenduaren eta Hirigintzaren Araubide Juridikoaren Atala.

b) Laguntza Administratiboaren Atala.

76. artikulua . Lurralde Antolamenduaren eta Hirigintzaren Araubide Juridikoaren Atalaren esparru material eta funtzionala.

Lurralde Antolamenduaren eta Hirigintzaren Araubide Juridikoaren Atalak foru dekretu honetan aurreikusitako eskudantziak izanen ditu lurralde antolamenduko eta hirigintzako esparru juridiko-administratiboaren arloan eta, berariaz, honako eginkizun hauek:

a) Laguntza juridikoa ematea Lurralde eta Paisaia Zerbitzuari.

b) Lege eta erregelamenduko proposamenak prestatzea lurralde antolamenduaren eta hirigintzaren eremuan, Lurralde eta Paisaia Zerbitzuarekin koordinaturik.

c) Lurralde antolamendu eta hirigintza arloko administrazio errekurtsoei buruzko txostenak eta ebazpen-proposamenak egitea.

d) Hirigintzako legezkotasunaren babeserako eta hautsitako ordena lehengoratzeko espedienteak izapidetzea.

e) Laguntza juridiko-administratiboa ematea toki entitateei hirigintzako legezkotasunaren babeserako eta hautsitako ordena lehengoratzeko izapidetzen dituzten espedienteetan.

f) Lurralde antolamenduaren eta hirigintzaren arloan zehapen espedienteak instruitu eta haien jarraipena egitea, eta zigor jurisdikzioarekin koordinazioa izatea.

g) Lurralde antolamenduaren eta hirigintzaren arloan Nafarroako Foru Komunitateko Administrazioari eskatzen ahal zaizkion ondare-erantzukizunagatiko erreklamazioak edo kalte-ordainen bestelako erreklamazioak izapidetzea eta ebazpen proposamenak egitea.

h) Lurralde antolamenduaren eta hirigintzaren arloko desjabetze espedienteak izapidetzea.

i) Programak prestatu eta burutzea, lurralde eta hirigintzari buruzko legeria eta planeamendua ikertu eta horiek betetzen diren egiaztatzeko.

j) Lurralde antolamendu eta hirigintza arloan espedienteak prestatu eta berrikustea, organo jurisdikzionalei igortzeko.

k) Hirigintzari buruzko legeriaren kontrako arau-hausteen gaineko salaketak, erreklamazioak eta kexak bideratu eta, hala behar denean, haiek ebazteko proposamenak egitea.

l) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

77. artikulua . Laguntza Administratiboaren Atalaren esparrua eta eginkizunak.

Laguntza Administratiboaren Atalak foru dekretu honetan ezarritako eskudantziak izanen ditu Lurralde Antolamenduko Zuzendaritza Nagusiaren esparru administratiboan eta, berariaz, honako eginkizun hauek:

a) Behar den guztia xedatzea zuzendaritza nagusiaren funtzionamendua egokia izan dadin.

b) Laguntza administratiboa ematea zuzendaritza nagusiko unitate organikoei.

c) Zuzendaritza nagusiko langileriaren arloko gaiak izapidetzea.

d) Sarrera eta irteera erregistroa kudeatzea, bai eta agirien konpultsa ere.

e) Jendeari arreta ematea eta kanpoko kontsultak bideratzea, bai eta zuzendaritza nagusiko artxiboen eta Planeamenduaren Erregistroaren sarbidea kontrolatzea.

f) Zuzendaritza nagusiko programa guztien aurrekontuaren betearazpena kontrolatzea.

g) Esleipenen eta kontratuen administrazio kudeaketa haien fase guztietan.

h) Dirulaguntza deialdien administrazio-kudeaketa, horien datu-base ofizialen eta tramiteen katalogoen mantentze lanak barne.

i) Zuzendaritza nagusiaren artxiboa, liburuak eta agiriak kudeatzea.

j) Zuzendaritza nagusiaren jardueraren estatistikak eta adierazleak sortzea.

k) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

VI. KAPITULUA. EKONOMIA ETA AURREKONTU KUDEAKETARAKO ETA GASTUAREN KONTROLERAKO ZERBITZUA

78. artikulua . Ekonomia eta Aurrekontu Kudeaketarako eta Gastuaren Kontrolerako Zerbitzuaren esparru material eta funtzionala.

Ekonomia eta Aurrekontu Kudeaketarako eta Gastuaren Kontrolerako Zerbitzuak eginkizun hauek beteko ditu:

a) Aholku ematea kontseilariari eta zuzendari nagusiei departamentuaren aurrekontu aurreproiektua prestatzeko lanetan.

b) Departamentuaren aurrekontu aurreproiektua koordinatzea eta izapidetzea.

c) Departamentuaren epe ertaineko eta luzerako plangintza ekonomikoaren prestaketa eta aldaketa koordinatu eta kontrolatzea, eta hari buruzko aholkuak ematea.

d) Departamentuko organo eskudunei aurrekontuak kudeatzen eta betetzen laguntzea.

e) Departamenaren aurrekontuen kudeaketari buruzko informazioa beti eguneraturik izatea.

f) Aurrekontu-betetzeari buruzko informazioa ustiatzea.

g) Departamentuaren diru-sarrera eta gastuen administrazio eta ekonomia zirkuituen jarraipena egitea.

h) Departamentuko kontabilitate-zentroen jarraipena egitea.

i) Gastu arruntaren, inbertsioen, kontratazioen, dirulaguntzen eta transferentzien analisia eta jarraipen ekonomikoa koordinatu eta zuzentzea, kasuan-kasuko gastu-kudeatzaileekin elkarlanean.

j) Departamentuaren obra publikoak esleitzeko kontratuen jarraipen ekonomiko-finantzarioa koordinatu eta zuzentzea, egoki diren zerbitzu teknikoekin elkarlanean.

k) Departamentuan dagoen informazio ekonomikoaren ustiapena koordinatu eta zuzentzea.

l) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

79. artikulua . Ekonomia eta Aurrekontu Kudeaketarako eta Gastuaren Kontrolerako Zerbitzuaren egitura.

Ekonomia eta Aurrekontu Kudeaketarako eta Gastuaren Kontrolerako Zerbitzua departamentuko titularrari atxikita dago zuzenean, eta atal hauek ditu bere egituran:

a) Ekonomia eta Aurrekontu Kudeaketarako Atala.

b) Kontzesio Obren Kudeaketa Ekonomikorako eta Gastuaren Kontrolerako Atala.

80. artikulua . Ekonomia eta Aurrekontu Kudeaketarako Atalaren esparru material eta funtzionala.

Ekonomia eta Aurrekontu Kudeaketarako Atalak, departamentuaren ekonomia eta aurrekontu kudeaketari dagokionez, eginkizun hauek beteko ditu:

a) Aurrekontu aurreproiektua prestatu eta izapidetzeko laguntza teknikoa.

b) Aurrekontuaren kudeaketaren jarraipena egitea. Beharrezkoak diren aurrekontu-aldaketak tramitatzea.

c) Aurrekontuaren gauzatzeari buruzko informazioa prestatzea.

d) Laguntza teknikoa ematea departamentuaren epe ertaineko eta luzerako plangintza ekonomikoaren prestaketa eta aldaketa izapidetu eta prestatzeko.

e) Diru-sarrera eta gastuen administrazio eta ekonomia zirkuituak ezartzea, koordinatzea eta kontrolatzea.

f) Departamentuaren kontabilitate-zentroak koordinatzea.

g) Izapidetutako espedienteak normalizatzea, koordinatzea eta haien jarraipen ekonomikoa egitea.

h) Ordaintzeko aginduak, justifikatu beharrekoak, kudeatu, jarraitu eta justifikatzea, eta departamentuaren kutxako aurrerakinen kontuak kudeatu eta kontrolatzea.

i) Bere jarduketa eremuaren jarduera ekonomikoa kontrolatzea eta bultzatzea.

j) Azterketak egitea bere jardueraren esparruan.

k) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

81. artikulua . Kontzesio Obren Kudeaketa Ekonomikorako eta Gastuaren Kontrolerako Atalaren esparru material eta funtzionala.

Kontzesio Obren Kudeaketa Ekonomikorako eta Gastuaren Kontrolerako Atalak eginkizun hauek beteko ditu:

a) Departamentuaren obra publikoen esleipen kontratuen kontrola eta jarraipen ekonomiko-finantzarioa egitea, egoki diren zerbitzu teknikoekin elkarlanean.

b) Esleipen kontratuekin lotuta dauden espediente ekonomikoen analisia eta horien kudeaketan eta izapidetzean elkarlanean aritzea organo eskudunekin.

c) Esleipen kontratuek eragindako gastuaren urteko eta epe ertaineko aurreikuspenak prestatzea.

d) Departamentuaren gastuaren bilakaera analizatzea.

e) Departamentuaren gastuaren azterketa ekonomikoak egitea.

f) Gastu arruntaren, inbertsioen, dirulaguntzen eta transferentzien azterketa eta jarraipen ekonomikoa egitea, kasuan-kasuko gastu-kudeatzaileekin elkarlanean.

g) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

VII. KAPITULUA. IDAZKARITZA TEKNIKO NAGUSIA

82. artikulua . Idazkaritza Tekniko Nagusiaren egitura.

Idazkaritza Tekniko Nagusiak atal hauek ditu bere egituran:

a) Araubide Juridikoaren Atala.

b) Barne Araubidearen eta Administrazio Laguntzaren Atala.

83. artikulua . Araubide Juridikoaren Atalaren esparru material eta funtzionala.

Araubide Juridikoaren Atalak idazkaritza tekniko nagusiei dagozkien eskumen juridikoekin lotutako eginkizunak beteko ditu eta, horiez gain, eginkizun hauek ere:

a) Ondare-erantzukizunaren espedienteak izapidetzea.

b) Genero ikuspegiaren zeharkakotasuna aplikatzea departamentuaren politikak planifikatu, kudeatu eta ebaluatzean, bat etorriz Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

c) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

84. artikulua . Barne Araubidearen eta Administrazio Laguntzaren Atalaren esparru material eta funtzionala.

Barne Araubidearen eta Administrazio Laguntzaren Atalak eginkizun hauek beteko ditu:

a) Behar den guztia xedatzea departamentuaren zerbitzu administratibo eta orokorrek funtzionamendu egokia izan dezaten.

b) Idazkaritza Tekniko Nagusiaren eskumena diren langileei buruzko gaiak tramitatzea.

c) Agirien sarrera-irteeren erregistroaz arduratzea.

d) Agiriak konpultsatzea.

e) Idazkaritza Tekniko Nagusiaren unitate organikoei babes administratiboa ematea.

f) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

Lehen xedapen gehigarria. Eskumenak deskontzentratzeko baldintza orokorrak.

Indarra duten arauek organo bati ematen dizkioten eskumenak hierarkian menpeko diren beste organo batzuengan deskontzentratzen ahal dira, Nafarroako Aldizkari Ofizialean argitaratuko den xedapen orokor baten bitartez, galarazi gabe eskumenak esleitzeko arauetan finkatutako baldintzak bete beharra.

Bigarren xedapen gehigarria. Deskontzentrazioa.

1. Departamentuko zuzendaritza nagusien eta Idazkaritza Tekniko Nagusiaren titularren esku uzten dira, bakoitzaren eskumenen esparruan, indarra duen araudiak Lurralde Kohesiorako Departamentuko kontseilariari kontratazioaren arloan esleitzen dizkion eskumen administratiboen titulartasuna eta erabilera.

2. Toki Administrazioaren eta Despopulazioaren zuzendari nagusiaren esku uzten dira ondare-erantzukizunaren arloan, eta aipatutako eskumen eremuan, Lurralde Kohesiorako Departamentuko kontseilariari indarreko legedian esleitutako eskumen administratiboen titulartasuna eta erabilera.

3. Garraioen eta Mugikortasun Jasangarriaren zuzendari nagusiaren esku uzten dira ondare-erantzukizunaren arloan, eta aipatutako eskumen eremuan, Lurralde Kohesiorako Departamentuko kontseilariari indarreko legedian esleitutako eskumen administratiboen titulartasuna eta erabilera.

4. Lurralde Antolamenduko zuzendari nagusiaren esku uzten dira zehapenaren eta ondare-erantzukizunaren arloan, eta aipatutako eskumen eremuan, Lurralde Kohesiorako Departamentuko kontseilariari indarreko legedian esleitutako eskumen administratiboen titulartasuna eta erabilera.

Era berean, Lurralde Antolamenduko zuzendari nagusiaren esku uzten da indarra duen araudiak - Lurralde Kohesiorako Departamentuko kontseilariari lurraldearen antolamenduaren eta hirigintzaren arloan esleitzen dizkion eskumen administratiboen titulartasuna eta erabilera.

5. Departamentuko Idazkaritza Tekniko Nagusiaren titularraren esku uzten dira indarra duen araudiak Lurralde Kohesiorako Departamentuaren titularrari ondare-erantzukizunaren arloan esleitzen dizkion eskumen administratiboen titulartasuna eta erabilera; salbuespena izanen dira Toki Administrazioaren eta Despopulazioaren Zuzendaritza Nagusiaren, Garraioen eta Mugikortasun Jasangarriaren Zuzendaritza Nagusiaren eta Lurralde Antolamenduko Zuzendaritza Nagusiaren eskumenen esparrukoak.

6. Garraioen Ikuskapenaren eta Araubide Juridikoaren Zerbitzuko zuzendariaren esku uzten dira indarra duen araudiak Garraioen eta Mugikortasun Jasangarriaren zuzendari nagusiari garraio arloko zehapen prozedurak ireki eta ebazteari dagokionez esleitzen dizkion eskumenen titulartasuna eta erabilera.

7. Garraioen eta Mugikortasunaren Kudeaketa eta Antolamendu Zerbitzuko zuzendariaren esku uzten dira indarra duen araudiak Garraioen eta Mugikortasun Jasangarriaren Zuzendaritza Nagusiari garraio arloko baimenei dagokienez esleitzen dizkion eskumenen titulartasuna eta erabilera.

8. Lurralde Kohesiorako Departamentuko kontseilariak indarrik gabe uzten ahalko du xedapen gehigarri honetan aipatzen den eskumen deskontzentrazioa, foru agindu baten bidez. Foru agindu hori Nafarroako Aldizkari Ofizialean argitaratu beharko da.

Hirugarren xedapen gehigarria. Izendapenen berrespena.

Honako izendapen hauek berresten dira, egin ziren baldintza berberetan:

a) Tokiko Kudeaketaren Ataleko buruaren izendapena aldatu, eta hemendik aurrera Kudeaketa Juridikoaren eta Toki Antolamenduaren Ataleko burua izanen da.

b) Arauen Garapenerako eta Toki Antolamendurako Ataleko buruarena, izena aldatu eta hemendik aurrera Arauen Garapenerako eta Toki Araubiderako Ataleko burua izanen dena.

c) Toki Araubidearen eta Toki Entitateetako Langileen Kudeaketaren Ataleko buruarena, izena aldatu eta hemendik aurrera Toki Entitateetako Langileen Kudeaketa eta Aholkularitza Ataleko burua izanen dena.

d) Proiektu Estrategikoen Azterketa eta Plangintzarako Ataleko buruarena, izena aldatu eta hemendik aurrera Analisi eta Plangintza Estrategikorako eta Politika Publikoen Koordinaziorako Ataleko burua izanen dena.

e) Kartografia Ataleko buruarena, izena aldatu eta hemendik aurrera Kartografia, Topografia eta Geodesia Ataleko burua izanen dena.

f) Azterlan eta Plangintza Ataleko buruarena, izena aldatu eta hemendik aurrera Mugikortasunaren Azterlan eta Plangintza Ataleko burua izanen dena.

g) Zainketa Ataleko buruarena, izena aldatu eta hemendik aurrera Egitura eta Obra Ataleko burua izanen dena.

h) Garraioen Plangintzaren eta Araubide Juridikoaren Zerbitzuko zuzendariarena, izena aldatu eta hemendik aurrera Garraioaren Plangintza eta Modernizazio Zerbitzuko zuzendaria izanen dena.

i) Garraioen Ikuskapen, Kudeaketa eta Antolamenduaren eta Mugikortasunaren Zerbitzuko zuzendariarena, izena aldatu eta hemendik aurrera Garraioen eta Mugikortasunaren Kudeaketa eta Antolamendu Zerbitzuko zuzendaria izanen dena.

j) Zerbitzu Juridikoaren eta Lurralde Plangintzaren Zerbitzuko zuzendariarena, izena aldatu eta hemendik aurrera Lurraldearen Zerbitzu Juridiko-administratiboko zuzendaria izanen dena.

k) Lurraldearen Antolamenduaren Ataleko buruarena, izena aldatu, eta hemendik aurrera Udalez gaindiko Plan eta Proiektuen Ataleko burua izanen dena.

Laugarren xedapen gehigarria. Unitateak bere horretan uztea.

Foru dekretu hau garatzeko neurriak hartu bitartean, atalarena baino maila txikiagokoak diren unitate organikoek berdin segituko dute eta oraingo izenari eta eginkizunei eutsiko diete. Behin-behinekoz egitura berriko organoei atxikiko zaizkie, orain arte betetzen zituzten eginkizunen arabera.

Bosgarren xedapen gehigarria. Zenbait burutza betetzeko baldintzak.

Herri-lanen eta Azpiegituren Zuzendaritza Nagusiko atalburutza berriak zuzendaritza nagusi horretako oraingo atalburutzek esleitua duten dedikazio araubide berarekin beteko dira aurrerantzean ere.

Seigarren xedapen gehigarria. Hainbat unitate organikoren burutza betetzeko baldintzak.

Hauek dira ondoren aipatzen diren unitate organikoen burutzak betetzeko behar diren baldintzak:

1. Toki Administrazioaren eta Despopulazioaren Zuzendaritza Nagusian:

- Laguntza Tekniko-administratiboaren Atala:

C maila.

Administrazio-langilearen edo administrari laguntzailearen lanpostu baterako izendapena izatea.

- Kudeaketa Juridikoaren eta Toki Antolamenduaren Atala:

A maila.

APT (arlo juridikoa) lanpostu baterako izendapena izatea.

- Arauen Garapenerako eta Toki Araubiderako Atala:

A maila.

Titulazioa: Zuzenbideko lizentzia edo graduaren titulua izatea.

- Toki Entitateetako Langileen Kudeaketa eta Aholkularitza Atala:

A maila.

APT (arlo juridikoa) lanpostu baterako izendapena izatea.

- Analisi eta Plangintza Estrategikorako eta Politika Publikoen Koordinaziorako Atala:

A edo B maila.

Unibertsitate-graduaren edo goi mailako lizentziaren titulua izatea, unibertsitateko diploma edo ingeniaritza teknikoarena.

- Proiektuen Kudeaketarako Atala:

A edo B maila.

Titulazioa: Unibertsitate-graduaren edo goi mailako lizentziaren titulua izatea, unibertsitateko diploma edo ingeniaritza teknikoarena.

2. Herri-lanen eta Azpiegituren Zuzendaritza Nagusian:

- Proiektuen Atala:

A, B edo C maila.

Titulazioa: Hauetako titulu bat izatea: bide, ubide eta portuetako ingeniaritza, herri-lanetako ingeniaritza teknikoa, ingeniaritza zibileko gradua, ingeniaritza zibileko gradua eta bide, ubide eta portuetako ingeniaritzarako gaikuntza ematen duen masterra, nekazaritzako ingeniaritza edo nekazaritzako ingeniariaren lanbide arauturako gaikuntza ematen duen gradu eta masterra, nekazaritzako ingeniaritza teknikoa, edo nekazaritzako ingeniari teknikoaren lanbidean aritzeko gaikuntza ematen duen gradua; goi mailako arkitektoa.

- Azpiegituren Ingurumen Kudeaketarako Atala:

A, B edo C maila.

Titulazioa: Hauetako titulu bat izatea: bide, ubide eta portuetako ingeniaritza, herri-lanetako ingeniaritza teknikoa, ingeniaritza zibileko gradua, ingeniaritza zibileko gradua eta bide, ubide eta portuetako ingeniaritzarako gaikuntza ematen duen masterra; Biologiako lizentzia edo gradua; nekazaritzako ingeniaritza edo nekazaritzako ingeniariaren lanbide arauturako gaikuntza ematen duen gradu eta masterra; nekazaritzako ingeniaritza teknikoa, edo nekazaritzako ingeniari teknikoaren lanbidean aritzeko gaikuntza ematen duen gradua.

- Kartografia, Topografia eta Geodesia Atala:

A, B edo C maila.

Titulazioa: Hauetako titulu bat izatea: topografiako ingeniaritza teknikoa, edo ingeniari tekniko topografoaren lanbiderako gaikuntza ematen duen gradua. Topografiako goi mailako ingeniaritza edo titulu baliokidea. Nekazaritzako ingeniaritza edo nekazaritzako ingeniariaren lanbide arautuan jarduteko gaitzen duen gradua eta masterra; nekazaritzako ingeniari teknikoa edo nekazaritzako ingeniari teknikoaren lanbidean jarduteko gaitzen duen gradua; arkitekto teknikoa eta goi mailako arkitektoa.

- Mugikortasunaren Azterlan eta Plangintza Atala:

A, B edo C maila.

Titulazioa: Hauetako titulu bat izatea: bide, ubide eta portuetako ingeniaritza, herri-lanetako ingeniaritza teknikoa, ingeniaritza zibileko gradua, ingeniaritza zibileko gradua eta bide, ubide eta portuetako ingeniaritzarako gaikuntza ematen duen masterra; nekazaritzako ingeniaritza edo nekazaritzako ingeniariaren lanbide arauturako gaikuntza ematen duen gradu eta masterra; nekazaritzako ingeniaritza teknikoa, edo nekazaritzako ingeniari teknikoaren lanbidean aritzeko gaikuntza ematen duen gradu titulua; goi mailako arkitektoa.

- Desjabetze Atala:

A, B edo C maila.

Titulazioa: Hauetako titulu bat izatea: bide, ubide eta portuetako ingeniaritza, herri-lanetako ingeniaritza teknikoa, ingeniaritza zibileko gradua, ingeniaritza zibileko gradua eta bide, ubide eta portuetako ingeniaritzarako gaikuntza ematen duen masterra, nekazaritzako ingeniaritza edo nekazaritzako ingeniariaren lanbide arauturako gaikuntza ematen duen gradu eta masterra, nekazaritzako ingeniaritza teknikoa, edo nekazaritzako ingeniari teknikoaren lanbidean aritzeko gaikuntza ematen duen gradua; goi mailako arkitektoa.

- Eraikuntzako Segurtasunaren eta Kalitate Kontrolaren Atala:

A, B edo C maila.

Titulazioa: Hauetako titulu bat izatea: bide, ubide eta portuetako ingeniaritza, herri-lanetako ingeniaritza teknikoa, ingeniaritza zibileko gradua, ingeniaritza zibileko gradua, ingeniaritza zibila eta bide, ubide eta portuetako ingeniaritzarako gaitzen duen masterra; geologia edo kimikako lizentzia edo gradua.

- Azpiegitura Berriak Eraikitzeko Atala:

A, B edo C maila.

Titulazioa: Hauetako titulu bat izatea: bide, ubide eta portuetako ingeniaritza, herri-lanetako ingeniaritza teknikoa, ingeniaritza zibileko gradua, ingeniaritza zibileko gradua eta bide, ubide eta portuetako ingeniaritzarako gaikuntza ematen duen masterra; nekazaritzako ingeniaritza edo nekazaritzako ingeniariaren lanbide arauturako gaikuntza ematen duen gradu eta masterra; nekazaritzako ingeniaritza teknikoa, edo nekazaritzako ingeniari teknikoaren lanbidean aritzeko gaikuntza ematen duen gradua; goi mailako arkitektoa.

- Egokitzapen Obren Atala:

A, B edo C maila.

Titulazioa: Hauetako titulu bat izatea: bide, ubide eta portuetako ingeniaritza, herri-lanetako ingeniaritz teknikoa, ingeniaritza zibileko gradua, edo ingeniaritza zibileko gradua eta bide, ubide eta portuetako ingeniaritzarako gaikuntza ematen duen masterra; nekazaritzako ingeniaritza edo nekazaritzako ingeniariaren lanbide arauturako gaikuntza ematen duen gradu eta masterra; nekazaritzako ingeniaritza teknikoa, edo nekazaritzako ingeniaritza teknikoaren lanbidean aritzeko gaikuntza ematen duen gradua; goi mailako arkitektoa.

- Kontzesio Obren Atala:

A, B edo C maila.

- Kudeaketa Administratibo Integralaren Atala:

A, B edo C maila.

- Kudeaketa Teknologikorako Atala:

A, B edo C maila.

Titulazioa: Hauetako titulu bat izatea: informatika sistemetako erdi mailako teknikariaren unibertsitate-titulua, unibertsitate diploma, ingeniaritza teknikoa edo arkitektura teknikoa, edo aurrekoren baten baliokidetzat jotako titulua. Goi mailako ingeniaritza eta arkitektura.

- Egitura eta Obra Atala:

A, B edo C maila.

Titulazioa: Hauetako titulu bat izatea: bide, ubide eta portuetako ingeniaritza, herri-lanetako ingeniaritza teknikoa, ingeniaritza zibileko gradua, ingeniaritza zibileko gradua eta bide, ubide eta portuetako ingeniaritzarako gaikuntza ematen duen masterra; nekazaritzako ingeniaritza edo nekazaritzako ingeniariaren lanbide arauturako gaikuntza ematen duen gradu eta masterra; nekazaritzako ingeniaritza teknikoa, edo nekazaritzako ingeniari teknikoaren lanbidean aritzeko gaikuntza ematen duen gradua; goi mailako arkitektoa.

- Ustiapen Atala:

A, B edo C maila.

Titulazioa: Hauetako titulu bat izatea: bide, ubide eta portuetako ingeniaritza, herri-lanetako ingeniaritza teknikoa, ingeniaritza zibileko gradua, ingeniaritza zibileko gradua eta bide, ubide eta portuetako ingeniaritzarako gaikuntza ematen duen masterra; nekazaritzako ingeniaritza edo nekazaritzako ingeniariaren lanbide arauturako gaikuntza ematen duen gradu eta masterra; nekazaritzako ingeniaritza teknikoa, edo nekazaritzako ingeniari teknikoaren lanbidean aritzeko gaikuntza ematen duen gradua; goi mailako arkitektoa.

- Instalazioen, Teknologiaren eta Bide Segurtasunaren Atala:

A, B edo C maila.

Segurtasuneko zuzendaria.

3. Lurralde Antolamenduko Zuzendaritza Nagusian:

- Lurralde Plangintzaren eta Parte-hartzearen Atala:

A edo B maila.

Titulazioa: Unibertsitateko gradu-titulua edo, mailaren arabera, titulu baliokidea izatea.

- Udalez gaindiko Plan eta Proiektuen Atala:

A edo B maila.

Titulazioa: Hauetako titulu bat izatea: arkitekturako edo arkitektura teknikoko unibertsitate-titulua edo arkitektura edo arkitektura teknikoko gradua.

- Paisaiaren eta Landa-lurzoruaren Atala:

A edo B maila.

Titulazioa: Hauetako titulu bat izatea: geografia eta/edo lurralde antolamendua, ingurumen zientziak, arkitektura edo arkitektura teknikoa gaietan unibertsitateko gradu-titulua edo baliokidea izatea, mailaren arabera.

- Hirigintza Atala:

A maila.

Goi-mailako arkitektoaren lanpostu baten izendapena izatea.

- Lurralde Antolamenduaren eta Hirigintzaren Araubide Juridikoaren Atala.

A maila.

Titulazioa: Zuzenbideko gradu edo lizentziaren unibertsitate-titulua izatea.

- Laguntza Administratiboaren Atala:

C maila.

Zazpigarren xedapen gehigarria. Unitate organikoak kentzea.

1. Toki Administrazioaren eta Despopulazioaren Zuzendaritza Nagusiko unitate organiko hauek kentzen dira:

- Toki Informazioaren eta Despopulazioaren aurkako Borrokarako Estrategiaren Atala.

2. Herri-lanen eta Azpiegituren Zuzendaritza Nagusiko unitate organiko hauek kentzen dira:

- Bidezaintza Atala.

Zortzigarren xedapen gehigarria.-Lege aipamenak.

Indarreko araudian egiten diren aipamen organiko eta funtzionalak, eragiten dietenak foru dekretu honetan esleitutako eginkizunei, ulertuko da egiten zaizkiela foru dekretu honetan bertan araututako organo eta unitateei.

Xedapen iragankor bakarra. Kredituen egozpena.

Foru dekretu honen bidez sortu edo aldatu diren zerbitzu eta atalen aurrekontu xedapenak egotziko zaizkie kasuan kasuko eginkizunak orain arte bete dituzten organoei dagozkien partidetako kredituei, 2023ko aurrekontu ekitaldia amaitu arte.

Xedapen indargabetzaile bakarra. Arauak indargabetzea.

Indargabetuta geratzen dira 263/2019 Foru Dekretua, urriaren 30ekoa, Lurralde Kohesiorako Departamentuaren egitura organikoa ezartzen duena, eta, bere eskumen-eremuari dagokionez, 262/2019 Foru Dekretua, urriaren 30ekoa, Lurralde Antolamendu, Etxebizitza, Paisaia eta Proiektu Estrategiko Departamentuaren egitura organikoa ezartzen duena, eta foru dekretu honetan xedatutakoaren aurka dauden maila bereko edo beheragoko xedapen guztiak.

Azken xedapenetako lehena. Aurrekontu aldaketak.

Ahalmena ematen zaio Ekonomia eta Ogasun Departamentuko titularrari foru dekretu honetan ezarritakoa betetzeko beharrezkoak diren aurrekontu-aldaketak egin ditzan.

Azken xedapenetako bigarrena. Garatzeko ahalmenak.

Ahalmena ematen zaio Lurralde Kohesiorako Departamentuko kontseilariari foru dekretu honetan ezarritakoa garatzeko beharrezkoak diren xedapenak eman ditzan.

Azken xedapenetako hirugarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

Gobierno de Navarra

Contacte con nosotros | Accesibilidad | Aviso legal | Mapa web