LEXNAVARRA
21/2020 FORU DEKRETUA, MARTXOAREN 4KOA, NAFARROAKO FORU KOMUNITATEKO ADMINISTRAZIOAREN ETA HAREN ERAKUNDE AUTONOMOEN PLANTILLA ORGANIKOA ALDATZEN DUENA
BON N.ş 54 - 16/03/2020; corr. err., BON 30/04/2020
- Atariko
- Artikulu Bakarra. Nafarroako Foru Komunitateko Administrazioaren eta haren erakunde autonomoen plantilla organikoan lanpostu batzuk sortzea.
- Azken Xedapenetako Lehena. Foru dekretu hau garatzeko eta betearazteko gaikuntza.
- Azken Xedapenetako Bigarrena. Indarra hartzea.
Nafarroako Foru Komunitateko Administrazioko Lehendakaritzako, Berdintasuneko, Funtzio Publikoko eta Barneko Departamentuak aditzera eman du bere plantilla organikoa aldatu behar dela, erakundeak benetan dituen beharretara moldatzeko.
Ekonomia eta Ogasun Departamentuko Aurrekontuen, Ondarearen eta Politika Ekonomikoaren Zuzendaritza Nagusiak horren aldeko txostena egin du.
Horrenbestez, Lehendakaritzako, Berdintasuneko, Funtzio Publikoko eta Barneko kontseilariak proposaturik, eta Nafarroako Gobernuak bi mila eta hogeiko martxoaren lauan egindako bilkuran harturiko erabakiarekin bat,
DEKRETATZEN DUT:
Artikulu Bakarra. Nafarroako Foru Komunitateko Administrazioaren eta haren erakunde autonomoen plantilla organikoan lanpostu batzuk sortzea.
Nafarroako Foru Komunitateko Administrazioaren eta haren erakunde autonomoen plantilla organikoa honela aldatzen da:
Lanpostu batzuk sortzen dira plantilla organikoan, ondotik aipatzen direnak; behar den zuzkidura ekonomikoa dute indarreko Gastu-aurrekontuaren I. kapituluan:
LEHENDAKARITZAKO, BERDINTASUNEKO, FUNTZIO PUBLIKOKO ETA BARNEKO DEPARTAMENTUA
Barne Zuzendaritza Nagusia
-Suhiltzaile-gidari laguntzaileak: zazpi lanpostu huts, lanaldi partzialeko lan-araubidekoak, D mailakoak, Suhiltzaile-etxe Zentralerako (Cordovilla); 10949, 10950, 10951, 10952, 10953, 10954 eta 10955 zenbakiak dituzte plantilla organikoan.
-Suhiltzaile-peoi laguntzaileak: bost lanpostu huts, lanaldi partzialeko lan-araubidekoak, D mailakoak, Suhiltzaile-etxe Zentralerako (Cordovilla); 10956, 10957, 10958, 10959 eta 10960 zenbakiak dituzte plantilla organikoan.
Azken Xedapenetako Lehena. Foru dekretu hau garatzeko eta betearazteko gaikuntza.
Lehendakaritzako, Berdintasuneko, Funtzio Publikoko eta Barneko kontseilariari ahalmena ematen zaio foru dekretu hau garatzeko eta betearazteko behar diren xedapenak eman ditzan.
Azken Xedapenetako Bigarrena. Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
