16. artikulua. Zerga Kudeaketa Zerbitzuaren eginkizunak.
17. artikulua. Zerga Kudeaketa Zerbitzuaren egitura.
18. Artikulua. Enpresa Handien Atalaren Eginkizunak.
19. artikulua. Ezegoiliarren Errentaren, Sozietateen eta Saltoki Handien gaineko Zergen Atalaren eginkizunak.
20. artikulua. Balio Erantsiaren gaineko Zergaren Atalaren eginkizunak.
21. artikulua. BEZaren Itzulketaren Atalaren eginkizunak.
22. artikulua. Zerga Berezien eta Bestelako Tributuen Atalaren eginkizunak.

2. ATALA. PERTSONA FISIKOEN ERRENTAREN ETA ONDAREAREN GAINEKO ZERGAK KUDEATZEKO ZERBITZUA

23. artikulua. Pertsona Fisikoen Errentaren eta Ondarearen gaineko Zergak Kudeatzeko Zerbitzuaren eginkizunak.
24. artikulua. Pertsona Fisikoen Errentaren eta Ondarearen gaineko Zergak Kudeatzeko Zerbitzuaren egitura.
25. artikulua. Pertsona Fisikoen Errentaren eta Ondarearen gaineko Zergen Atal Tekniko eta Kontrolekoaren eginkizunak.
26. artikulua. Pertsona Fisikoen Errentaren eta Ondarearen gaineko Zergen Kanpainako Programen eta Prozesuen Analisirako eta Kontrolerako Atalaren eginkizunak.
27. artikulua. Pertsona Fisikoen Errentaren eta Ondarearen gaineko Zergen Kanpainako Zergadunekiko Harremanen eta Erregistro Laguntzailearen Atalaren eginkizunak.

3. ATALA. TRIBUTU IKUSKAPENERAKO ZERBITZUA

28. artikulua. Tributu Ikuskapenerako Zerbitzuaren eginkizunak.
29. artikulua. Bulego Teknikoaren Atalaren eginkizunak.

4. ATALA. DIRUBILKETA ZERBITZUA

30. artikulua. Dirubilketa Zerbitzuaren eginkizunak.
31. artikulua. Dirubilketa Zerbitzuaren egitura.
32. artikulua. Gerorapenak Kudeatzeko Atalaren eginkizunak.
33. artikulua. Derrigorrezko Dirubilketaren Ataleko eginkizunak.
34. artikulua. Prozedura Berezien Atalaren eginkizunak.
35. artikulua. Dirubilketaren Aplikazio eta Kontrolaren Atalaren eginkizunak.

5. ATALA. HITZARMEN EKONOMIKOAREN, ANALISI FISKALEN ETA ADMINISTRAZIOAREN ZERBITZUA

36. artikulua. Hitzarmen Ekonomikoaren, Analisi Fiskalen eta Administrazioaren Zerbitzuaren eginkizunak.
37. artikulua. Hitzarmen Ekonomikoaren, Analisi Fiskalen eta Administrazioaren Zerbitzuaren egitura.
38. artikulua. Estatuarekiko Finantza Fluxuen Atalaren eginkizunak.
39. artikulua. Tributu arloko Azterlanen Atalaren eginkizunak.
40. artikulua. Tributu arloko Azterlanen Atalaren eginkizunak.
41. artikulua. Administrazio Atalaren eginkizunak.

6. ATALA. LURONDASUNEN ETA ONDAREAREN GAINEKO TRIBUTUEN ZERBITZUA

42. artikulua. Lurondasunen eta Ondarearen gaineko Tributuen Zerbitzuaren eginkizunak.
43. artikulua. Lurondasunen eta Ondarearen gaineko Tributuen Zerbitzuaren egitura.
44. artikulua. Lurondasunen Erregistroaren Atalaren eginkizunak.
45. artikulua. Tasazio Atalaren eginkizunak.
46. artikulua. Oinordetzen eta Dohaintzen, Ondare Eskualdaketen eta Egintza Juridiko Dokumentatuen gaineko Zergen Atalaren eginkizunak.

7. ATALA. ZERGADUNARI LAGUNTZA ETA ARGIBIDEAK EMATEKO ZERBITZUA

47. artikulua. Zergadunari Laguntza eta Argibideak Emateko Zerbitzuaren eginkizunak.
48. artikulua. Zergadunari Laguntza eta Argibideak Emateko Zerbitzuaren egitura.
49. artikulua. Zergadunari Laguntza Emateko Atalaren eginkizunak.
50. artikulua. Laguntza Teknikoaren eta Entitate Laguntzaileen Atalaren eginkizunak.
51. artikulua. Errekerimenduen, Jakinarazpenen eta EJZren Atalaren eginkizunak.

8. ATALA. TRIBUTUEN ARLOKO INFORMAZIO SISTEMEN ZERBITZUA

52. artikulua. Tributuen arloko Informazio Sistemen Zerbitzuaren eginkizunak.
53. artikulua. Tributuen arloko Informazio Sistemen Zerbitzuaren egitura.
54. artikulua. Koordinazio Informatikoaren Atalaren eginkizunak.
55. artikulua. Informazio Sistemen Analisirako Atalaren eginkizunak.
56. artikulua. Identifikazio, Truke eta Eredu Informatiboen Atalaren eginkizunak.
57. artikulua. Proiektuak Bulkatzeko, Prozedurak Hobetzeko eta Segurtasunerako Atalaren eginkizunak.

9. ATALA. ARAUEN GARAPEN ETA AHOLKULARITZA JURIDIKORAKO ZERBITZUA

58. artikulua. Arauen Garapen eta Aholkularitza Juridikorako Zerbitzuaren eginkizunak.
59. artikulua. Arauen Garapen eta Aholkularitza Juridikorako Zerbitzuaren egitura.
60. artikulua. Tributu Sistemaren Fiskalitate eta Garapenerako Atalaren eginkizunak.
61. artikulua. Tributuen arloko Aholkularitza, Dokumentazio eta Zabalkunderako Atalaren eginkizunak.

III. TITULUA. ONDAREA, LANGILEAK ETA ARAUBIDE JURIDIKOA

I. KAPITULUA. ONDAREA, BALIABIDEAK, AURREKONTUAK ETA KONTROLA

62. artikulua. Ondarea.
63. artikulua. Baliabide ekonomikoak.
64. artikulua. Aurrekontu araubidea.
65. artikulua. Kontuhartzearen araubidea.
66. artikulua. Kontabilitate araubidea.

II. KAPITULUA. LANGILEAK

67. artikulua. Nafarroako Foru Ogasuneko langileak.
68. artikulua. Zuzendaritzako langileen ordainsariak.
69. artikulua. Ataletatik beherako administraziounitateak.
70. artikulua. Langileria arloko eskudantziak.

III. KAPITULUA. ARAUBIDE JURIDIKOA

71. artikulua. Administrazio egintzen araubide juridikoa.
72. artikulua. Ebazteko ahalmena.
73. artikulua. Errekurtsoa eta erreklamazioak.
74. artikulua. Defentsa juridikoa.

Atariko

Irailaren 13ko 352/1999 Foru Dekretuaren bidez, Nafarroako Zerga Ogasuna erakunde autonomoa sortzea xedatu zen.

Erakunde publiko hori zerga sistema aplikatzeko ardura duen antolakunde administratiboa da, eta eginkizun horretan Nafarroako Foru Komunitateko Administrazioaren izenean eta haren kontura aritzen da. Tributuak zuzen eta eraginkortasunez kudeatu eta biltzeko beharrezkoak diren jarduketa guztiak egitea dagokio, bai eta haien gaineko arauak zorrotz eta modu orokorrean betetzen direla bermatzea ere.

Gaur egun, erakunde honen antolakuntza eta funtzionamendua abuztuaren 28ko 135/2015 Foru Dekretuaren bidez onetsitako Estatutuek gobernatzen dituzte.

Foru dekretu honen bidez aurrekoa indargabetzen bada ere eta, ondorioz, erakunde autonomoarentzako estatutu berriak onartzen badira ere, erabaki horren arrazoia ez da erakunde publiko horren egituran edo funtzionamenduan funtsezko aldaketak egin beharra, funtsean aldaketarik gabe jarraitzen baitute; baizik eta aldaketa horiek, nolabaiteko garrantzia izan arren, aginduetako askori eragiten dietela, kontuan hartu behar baitira erakundea berrantolatzeko irizpide berriak, eremu funtzionalen aldaketa batzuk eta aurreko estatutuak onetsi zirenetik hona sortutako legeria berriak ekarritako egokitzapen logikoak.

Formari dagokionez, aipatzekoa da Ekonomia eta Ogasun Departamentuaren egitura organiko berria onetsi berri duen foru dekretuak, 3. artikuluan, erakundearen izena aldatzea xedatu duela, Nafarroako Foru Ogasuna izena hartu baitu.

Garrantzitsuagoa da azpimarratzea, alderdi substantiboetan sartuta, estatutuetan ez dela aurreikusten erakunde autonomoaren egituran hazkunderik eta zerbitzuen eta atalen kopurua bere horretan mantenduko dela. Ondorioz, egindako aldaketek ez dute inolako gastu igoerarik ekarriko. Hala, sortu berri den organo bakarra, Zuzendaritza Batzordea, koordinazio- eta jarraipen-organo bat da, zeina, neurri handi batean, de facto funtzionatzen ari baitzen, kostu ekonomikorik gabe.

Arlo organiko eta funtzionalean, komeni da nabarmentzea, halaber, Administrazio Atala, orain arte Kudeaketako Zuzendaritzari zuzenean atxikita zegoena, Hitzarmen Ekonomikoaren eta Finantza Plangintzaren Zerbitzuan integratzen dela, eta, horregatik, Zerbitzu horri Hitzarmen Ekonomikoaren, Analisi Fiskalen eta Administrazioaren Zerbitzua deituko zaio. Halaber, Identifikazioaren eta Eredu Informatiboen Atalak Identifikazio, Truke eta Eredu Informatiboen Atala izena hartuko du aurrerantzean.

Erakundearen eremu funtzionaletan ere zenbait aldaketa gertatzen dira bere zerbitzu eta atalek bete behar dituzten eginkizunetan, eta hori guztia bakoitzaren eskumenak argitzera, egungo egoeretara egokitzera eta koordinazio handiagoa eta jarduera eraginkorragoa bilatzera bideratuta dago. Ildo horretan, aipatzekoak dira, besteak beste, Diru-bilketa Zerbitzuan egindako aldaketak, atzerapenei buruzko eskumena Atzerapenen Kudeaketa Atalean zentralizatuz eta Zerga Bilketako Atalean zorren kudeaketa premiamendu bidetik kontzentratuz.

Bestalde, Nafarroako Foru Komunitateko Administrazioari eta Foru-sektore publiko instituzionalari buruzko martxoaren 11ko 11/2019 Foru Legearen 129. artikuluak ezartzen duenez, arauaren zioen azalpenean behar bezala justifikatu behar da arautze onaren printzipioetara egokitzen dela. Arau honek printzipio horiek zehazki betetzen dituela uste da.

Hitz batean, helburua da erakunde autonomo horri tresna onenak ematea esleiturik dituen eginkizunak eraginkortasun handienarekin betetzeko. Bestalde, proportzionaltasun printzipioaren ikuspegitik, estali beharreko beharrari erantzuteko ezinbestekoa den gutxieneko erregulazioa jasotzen da, hain murriztaileak ez diren edo betebehar gutxiago ezartzen dituzten beste erregulazio-aukera batzuei bide eman gabe.

Foru dekretu honek ere segurtasun juridikoaren printzipioa betetzen du, uste baita araua bat datorrela hura integratzen den gainerako ordenamendu juridikoarekin. Hori horrela, behar bezala betetzen duen xedea da arau esparru egonkorra sortzea, aurreikusteko modukoa, integratua, argia eta ziurra, ezaguterraza eta ulerterraza eta, beraz, pertsonen eta enpresen jarduketa eta erabakiak hartzeko prozesua erraztuko dituena.

Azken batean, eraginkortasun printzipioa ere betetzen da, kontuan hartzen bada arauak ez dakarrela karga handiagorik, ez eta baliabide publiko gehigarririk ere, aurreko araudi egoerarekin alderatuta, gastu publikoa handitzea ez dakarrelako.

Horrenbestez, Ekonomia eta Ogasuneko kontseilariak proposaturik, eta Nafarroako Gobernuak bi mila eta hemeretziko azaroaren seian egindako bilkuran harturiko erabakiarekin bat,

DEKRETATZEN DUT:

Artikulu Bakarra. Estatutuak onestea.

Nafarroako Foru Ogasuna erakunde autonomoaren estatutuak onesten dira. Horien testua honen ondotik erantsi da.

Lehen Xedapen Gehigarria. Araudiko aipamenak.

Indarreko legeriak Nafarroako Zerga Ogasuna erakunde autonomoari egiten dizkion aipamen guztiak Nafarroako Foru Ogasunari egiten zaizkiola ulertuko da.

Tributuei buruzko arauetan aurreko egituraren arabera eratutako unitate organikoak aipatuz gero, ulertuko da foru dekretu honen ondorioz beren eginkizunak bereganatu direnak direla, nahiz eta beste izen bat hartu.

Bigarren Xedapen Gehigarria. Izendapenak eta baldintzak berrestea.

1. Honako izendapen hauek berresten dira, egin ziren baldintza berberetan:

a) Hitzarmen Ekonomikoaren eta Finantza Plangintzaren Zerbitzuko zuzendaria, aurrerantzean Hitzarmen Ekonomikoaren, Analisi Fiskalen eta Administrazioaren Zerbitzuko zuzendari izanen dena.

b) Identifikazioaren eta Eredu Informatiboen Ataleko burua, aurrerantzean Identifikazio, Truke eta Eredu Informatiboen Ataleko buru izanen dena.

2. Nafarroako Foru Komunitatearen Administrazioaren eta haren erakunde autonomoen zerbitzuko langileen behin-behineko plantilla organikoa aldatu zuen abenduaren 13ko 380/1993 Foru Dekretuaren artikulu bakarreko lehenbiziko puntuan xedatua Hitzarmen Ekonomikoaren, Analisi Fiskalen eta Administrazioaren Zerbitzuko zuzendariari aplikatzen zaio, haren izendapenaren egunetik aurrera.

Xedapen Iragankor Bakarra. Atalak baino maila txikiagokoak diren unitateak.

Foru dekretu honetan ezarritako egiturak ez du eraginik izanen ataletik beherako administrazio unitateen egungo atxikipenean eta eginkizunetan, harik eta abenduaren 15eko 105/2015 Foru Agindua aldatzen ez den arte (105/2015 Foru Agindua, erakunde autonomo horren antolaketa egitura ezartzen duena, atalarena baino maila txikiagoko administrazio unitateen mailan).

Xedapen Indargabetzailea

Indarrik gabe gelditzen dira foru dekretu honi aurka egiten dioten maila bereko edo apalagoko xedapen guztiak eta, bereziki, Nafarroako Zerga Ogasunaren estatutuak onetsi zituen abuztuaren 28ko 135/2015 Foru Dekretua.

Azken Xedapenetako Lehena. Garapena eta betearazpena.

Ekonomia eta Ogasuneko kontseilariari baimena ematen zaio foru dekretu honetan ezarritakoa garatzeko eta betearazteko behar diren xedapenak eman ditzan.

Azken Xedapenetako Bigarrena. Indarra hartzea.

Foru dekretu honek Nafarroako Aldizkari Ofizialean argitaratzen den egun berean hartuko du indarra.

Iruñean, 2019ko azaroaren 6an.-Nafarroako Gobernuko lehendakaria, María Chivite Navascués.-Ekonomia eta Ogasuneko kontseilaria, Elma Saiz Delgado.

NAFARROAKO FORU OGASUNA ERAKUNDE AUTONOMOAREN ESTATUTUAK

I. TITULUA. XEDAPEN OROKORRAK

1. artikulua . Izena eta izaera juridikoa.

Nafarroako Foru Ogasuna erakunde autonomoa da, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2009 Foru Legearen 46.1. a) artikuluan aurreikusitakoetako bat.

Erakunde autonomo honek nortasun juridiko propioa du, eta jarduteko gaitasuna, ordenamendu juridikoak esleitzen dizkion helburuak betetzeko.

2. artikulua . Atxikipena.

Nafarroako Foru Ogasuna, bere helburuak betetzeko, Nafarroako Gobernuak eta Ekonomia eta Ogasun Departamentuak plangintzaren eta politika orokorraren arloan ematen dituzten aginpideen menean dago. Bestalde, Ekonomia eta Ogasun Departamentuari atxikirik dago, eta departamentu horren esku izanen dira hura kontrolatzeko Estatutuetan, foru legerian eta administrazioaren ordenamendu juridikoan esleitzen zaizkion ahalmenak.

3. artikulua . Eskumenak.

Ordenamendu juridikoak eman diezaiokeen beste edozein eginkizun alde batera utzi gabe, erakunde autonomoari dagokio Nafarroako Ogasun Publikoaren tributu sistema aplikatzea. Horretarako, Nafarroako Foru Ogasunaren ardura da baliabide pertsonal, material eta tekniko guztiak behar bezala koordinatzea, tributuen kudeaketa eta bilketa zuzen eta eraginkorra lortzeko. Izan ere, azken helburua zerga arloko araudia orokorrean zehatz-mehatz betetzea da, alde batera utzi gabe zergadunaren segurtasun juridikoa, eta araudi horrek sorrarazten duen zeharkako presio fiskala gutxituz. Xede horrekin, Nafarroako Foru Ogasunak bere esku dauden jarduera guztiak burutuko ditu.

II. TITULUA. EGITURA ORGANIKOA

I. KAPITULUA. ZUZENDARITZA ORGANOAK

4. artikulua . Zuzendaritza organoak.

Nafarroako Foru Ogasuneko Zuzendaritza organoak hauek dira:

- Gobernu Kontseilua.

- Kudeaketako Zuzendaritza.

- Zuzendaritza Batzordea.

1. ATALA. GOBERNU KONTSEILUA

5. artikulua . Gobernu Kontseiluaren egitura.

Gobernu Kontseilua kide hauek osatuko dute:

Kontseiluko burua:

- Ekonomia eta Ogasun Departamentuko titularra.

Kontseiluko kideak:

- Nafarroako Foru Ogasuneko Kudeaketako Zuzendaritzaren titularra.

- Aurrekontuen, Ondarearen eta Politika Ekonomikoaren Zuzendaritza Nagusiaren titularra.

- Funtzio Publikoko Zuzendaritza Nagusiaren titularra.

- Eraldaketa Digitaleko Zuzendaritza Nagusiaren titularra.

Eritasunagatik edo beste arrazoi batzuengatik Departamentuaren titularra ez dagoelarik, Nafarroako Foru Ogasuneko zuzendari kudeatzailea arituko da burutzan.

Nafarroako Foru Ogasuneko arduradunak Gobernu Kontseiluaren bilkuretara joaten ahalko dira, hizpidea dutela baina botorik gabe.

Gobernu Kontseiluko kideren bat ez badago edo haren tokia hutsik badago, Ekonomia eta Ogasun Departamentuaren titularrak haren ordezko kideak izendatuko ditu behin-behinekoz.

6. artikulua . Gobernu Kontseiluaren eginkizunak.

Gobernu Kontseiluak eginkizun hauek ditu:

a) Urtero, erakundearen aurrekonturako aurreproiektuaren proposamenaren berri ematea.

b) Erakunde autonomoaren planak eta jarduketa programen berri jasotzea.

c) Nafarroako Foru Ogasunaren urteko memoria onestea.

d) Nafarroako Foru Ogasuneko ondarea administratzea.

e) Ondasun higiezinak erostea edo besterentzea proposatzea.

7. artikulua . Gobernu Kontseiluko Idazkaritza.

1. Gobernu Kontseiluko Idazkaritza Ekonomia eta Ogasun Departamentuko Idazkaritza Tekniko Nagusiaren titularra izanen da, hizpidea duela baina botorik gabe.

2. Hona hemen Idazkaritzaren eginkizunak:

a) Gobernu Kontseiluaren lanak prestatzea, Nafarroako Foru Ogasuneko Kudeatzailetzaren titularraren jarraibideen arabera, eta erabakiak betetzeko tramiteak egitea.

b) Akta egitea, hartzen diren erabakien fede ematea eta eskatzen diren ziurtagiriak luzatzea, Gobernu Kontseiluaren liburu eta dokumentuak zaintzea eta deialdiak egitea.

c) Agintzen zaizkion gainerako eginkizunak betetzea.

8. artikulua . Bilkurak.

Gobernu kontseilua, nahitaez eta bilkura arruntean, urtean behin bederen bilduko da. Halaber, bilera berezia eginen du, kontseiluburutzak horretarako dei eginez gero.

9. artikulua . Antolamenduaren eta funtzionamenduaren araubidea.

Estatutu hauetan aurreikusirik ez dagoen guztian, antolamendu eta funtzionamenduaren araubidea eta Gobernu Kontseiluko kideen estatutu pertsonala izanen da Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean organo kolegiatuentzat oro har ezarritakoa.

10. artikulua . Aholkularitza.

Gobernu Kontseiluak edozein unetan eskatzen ahalko du zenbait pertsonaren aholkua, dituzten ezagupen, prestakuntza, entzute edo bestelako inguruabarrak direla medio haien esku-hartzea egokitzat jotzen baldin badu. Kasu horretan, dei berezia eginen zaie horretarako.

2. ATALA. KUDEAKETAKO ZUZENDARITZA

11. artikulua . Izendapena eta ordeztea.

Nafarroako Foru Ogasuneko Kudeaketako Zuzendaritzako titularra Nafarroako Gobernuak izendatuko du, Ekonomia eta Ogasun Departamentuko titularrak proposatuta.

Eritasunagatik edo beste arrazoi batzuengatik kanpoan denean, kudeaketako zuzendariaren ordezpena indarra duen araudiari jarraikiz eginen da.

12. artikulua . Eginkizunak.

Nafarroako Foru Ogasuneko kudeaketako zuzendariak eginkizun hauek izanen ditu:

a) Nafarroako Foru Ogasunaren ordezkaritza, zuzendaritza, antolaketa, kudeaketa eta funtzionamendua koordinatzea.

b) Erakunde autonomoari atxikitako langileen burutza.

c) Beste erakunde eta entitate batzuekin erakunde autonomoaren eskumeneko gaietan egiten diren hitzarmenak eta itunak onartzea eta sinatzea.

d) Erakunde autonomoaren diru-sarrera eta gastuen aurrekontuen aurreproiektua prestatzea.

e) Urteko memoria egitea eta Nafarroako Foru Ogasunarekin lotutako txostenak eta estatistikak egitea eta argitaratzea.

f) Organo eskudunei Nafarroako Foru Ogasunarekin zerikusia duten gaietan arau proposamenak egitea.

g) Erakunde autonomoaren jarduera plan eta programa orokorrak definitzea eta, bereziki, Tributu Kontrolerako Urteko Plana onartzea.

h) Lan metodoak hobetu, berrikuntza teknologiko aplikagarri egokiak sartu, irudi korporatiboa zaindu eta zentroak, instalazioak eta ekipoak zaintzeaz eta mantentzeaz arduratzea.

i) Nafarroako Foru Ogasuneko kontratu publikoak egitea eta kontratazio administratiboari buruzko arau indardunek erakunde autonomoetako ordezkariei ematen dizkieten kontratuak egiteko gainerako ahalmenak erabiltzea.

j) Gastuak egiteko baimena eman eta xedatzea eta ordaintzeko betebeharrak onartzea.

k) Erakunde autonomoaren ondare erantzukizuneko prozedurak ebaztea.

l) Nafarroako Foru Ogasunaren zerbitzuko langileen lan eta administrazio kontratuak egitea, baldin eta horretarako langileak eta baliabide materialak badaude.

m) Nafarroako Foru Ogasuneko plantilla organikoko lanpostuen zerrendak eta enplegu publikoaren eskaintza proposatzea, ondotik Nafarroako Gobernuak onets dezan.

n) Erakunde autonomoko unitate organikoen burutzak betetzeko lehiaketetarako deialdiak proposatzea eta, hala behar denean, bitarte baterako aritzeko izendapenak egitea, erregelamenduzko sistemaren bidez betetzen diren artean.

ñ) Nafarroako Foru Ogasuneko plaza eta lanpostuak bete, lekuz aldatu eta txandaz igotzeko deialdietako oinarri, arau eta merezimendu orokorren baremoak proposatzea.

o) Falta oso astunak egiteagatik diziplina espedienteak irekitzea eta horien ebazpen proposamena Nafarroako Gobernuari igortzea.

p) Falta arin edo astunengatik irekitako diziplina espedienteak ebaztea.

q) Urteko oporren plana, lanaldiak eta ordutegiak onestea, Nafarroako Gobernuak onesten duen araubide orokorrarekin bat.

r) Nafarroako Foru Ogasuneko atal, bulego edo beste unitate administratiboetako burutzen bitarte baterako izendapena.

s) Langileei lanpostu bat esleitzea eta, lanpostu bete edo hutsei dagokienez, aldaketak egitea.

t) Erregelamenduak ezarritako lizentziak eta baimenak ematea, bai eta aparteko orduak egiteko baimena ematea ere, arauetan ezarritako baldintzekin bat.

u) Erakunde autonomoko langileen lanaldia murrizteko eskabideen gainean ebaztea, kasuan kasuko unitate organikoko arduradunak txostena eman ondoren, hala behar bada.

v) Ziurtagiriak ematea erakunde autonomoaren eskumenekoak diren aferetan.

w) Indarrean dagoen araudian ezarritako beste edozein, edo Ekonomia eta Ogasun Departamentuko titularrak edo Gobernu Kontseiluak bere karguari buruz agintzen dizkioten guztiak.

13. artikulua . Eginkizunak eskuordetzea.

Kudeaketako Zuzendaritzaren titularrak bere eskudantzia batzuen erabilera zerbitzuburutza edo atalburutzen esku uzten ahalko ditu, indarra duten legeetan ezarritakoarekin bat.

3. ATALA. ZUZENDARITZA BATZORDEA

14. artikulua . Zuzendaritza Batzordea.

Kudeaketako Zuzendaritzako eta Zerbitzuetako titularrek osatuko dute Nafarroako Foru Ogasuneko Zuzendaritza Batzordea, bai eta, hala badagokio, aztertu beharreko gaien arabera egoki diren atalek ere.

Erakunde Autonomoaren jarduerak koordinatu eta haiei jarraipena egiteko organo gisa eratzen da Zuzendaritza Batzordea, jarduketa integrala eta kohesionatua berma dadin funtzionamenduaren arloan eta baliabideen kudeaketa efizientean.

II. KAPITULUA. EGITURA

15. artikulua . Unitate organikoak.

1. Nafarroako Foru Ogasuna zuzenean Kudeaketako Zuzendaritzaren mende dauden unitate organiko hauetan dago egituraturik. Hona hemen:

a) Zerga Kudeaketa Zerbitzua.

b) Pertsona Fisikoen Errentaren eta Ondarearen gaineko Zergak Kudeatzeko Zerbitzua.

c) Tributu Ikuskapenerako Zerbitzua.

d) Diru-bilketa Zerbitzua.

e) Hitzarmen Ekonomikoaren, Analisi Fiskalen eta Administrazioaren Zerbitzua.

f) Lur ondasunen eta Ondarearen gaineko Tributuen Zerbitzua.

g) Zergadunari Laguntza eta Argibideak Emateko Zerbitzua.

h) Tributuen arloko Informazio Sistemen Zerbitzua.

i) Arauen Garapen eta Aholkularitza Juridikorako Zerbitzua

2. Aurreko unitate organikoetako titularrek elkarrenganako laguntzatik abiatuta beteko dituzte beren eginkizunak, gainerako unitate organikoetako titularren eskudantziak galarazi gabe.

3. Unitate horien titularrek Nafarroako Foru Ogasuneko Kudeaketako Zuzendaritzaren goragoko plangintza, zuzendaritza eta koordinazioaren azpian beteko dituzte beren eginkizunak.

1. ATALA. ZERGA KUDEAKETA ZERBITZUA

16. artikulua . Zerga Kudeaketa Zerbitzuaren eginkizunak.

Zerga Kudeaketa Zerbitzuak ondoko eginkizunak izanen ditu bere esparruko tributu guztiei dagokienez:

a) Tributu kudeaketaren zuzendaritza teknikoa.

b) Autolikidazioak, tributu izaerako informazio adierazpenak, informazio hornidurak, komunikazioak eta tributu izaerako beste idazki batzuk aurkezteko moduak diseinatu eta garatzea, Tributuen arloko Informazio Sistemen Zerbitzuarekin eta Zergadunari Laguntza eta Argibideak Emateko Zerbitzuarekin lankidetzan.

c) Tributuak egiaztatu eta likidatzeko irizpideak prestatu eta hartzea, Arauen Garapen eta Aholkularitza Juridikorako Zerbitzuarekin elkarlanean.

d) Kontsulta fiskalen alde teknikoei arreta ematea, Zergadunari Laguntza eta Argibideak Emateko Zerbitzuarekin koordinaturik, eta, bereziki, tributuen arloko kontsultak aztertu eta ebaztea, Arauen Garapen eta Aholkularitza Juridikorako Zerbitzuarekin elkarlanean.

e) Zergapekoen erroldak zaintzea, bere eskumenekoak diren zergetan.

f) Aitorpenak aztertu, berrikusi eta egiaztatzea, ziurtagiriak eskatzea eta ofiziozko behin-behineko likidazioak egitea, baita kasuan kasuko berandutze interesak ezartzea ere.

g) Zerbitzuaren egintzen aurka jarritako berraztertze errekurtsoen tramitazio eta ebazpena, baita autolikidazioen eta atxikipenen edo konturako sarreren aurkaratzeena ere; tributu likidazioak ere bertan eginen dira.

h) Zerbitzuaren egintzei bide ekonomiko-administratiboan egindako aurkaratzeei buruzko ebazpen judizialak eta erabakiak tramitatzea.

i) Aplikatzekoak diren errekarguen likidazioa, berariaz administrazioaren beste organo batzuen esku ez badago.

j) Tributu arloko arau-hausteen ondoriozko zehapenen likidazioa egitea, bere eskumenen esparruan, baita haien kontra jartzen diren berraztertzeko errekurtsoak ebaztea ere.

k) Enpresa handiei dagokienez, aipatu direnez gainera, eginkizun berak, pertsona fisikoen errentaren gaineko zergari eta ondarearen gaineko zergari dagokienez, araudiaren irizpide interpretatzaileak prestatu eta hartzea izan ezik.

l) Enpresa handien arloan beste tributu administrazio batzuekin izaten diren harremanen koordinazioa, erakundeko beste zerbitzu batzuekin elkarlanean.

m) Tributuen kontrolerako urteko plana prestatzen, betearazten eta ebaluatzen parte hartzea, Tributu Ikuskapenerako Zerbitzuarekin elkarlanean.

n) Zerbitzuari dagozkion helburuak, jarduera adierazleak eta emaitzen ebaluazioa egitea, bai eta memoria prestatzea ere.

ñ) Indarra duten xedapenek esleitzen dizkioten eta Nafarroako Foru Ogasuneko Kudeaketako Zuzendaritzak bere gain uzten dituen gainerako eginkizunak.

17. artikulua . Zerga Kudeaketa Zerbitzuaren egitura.

Zerga Kudeaketa Zerbitzuak atal hauek ditu:

a) Enpresa Handien Atala.

b) Ez-egoiliarren Errentaren, Sozietateen eta Saltoki Handien gaineko Zergen Atala.

c) Balio Erantsiaren gaineko Zergaren Atala.

d) BEZaren Itzulketaren Atala.

e) Zerga berezien eta bestelako tributuen atala.

18. Artikulua. Enpresa Handien Atalaren Eginkizunak.

Enpresa Handien Atalak eginkizun hauek izanen ditu:

a) Enpresa handien zentsua osatu eta mantentzea. Enpresa handien zentsua osatuko dute Hitzarmen Ekonomikoaren arabera tributuak zenbait tributu administraziotan ordaindu behar dituzten zergadunek, betiere lurralde bakoitzean egindako eragiketa kopuruaren arabera, sozietateen gaineko zergan finkapen fiskalaren araubide berezia dela-eta, aseguru sarien gaineko zerga edo kreditu entitateen gordailuen gaineko zerga direla-eta, edo balio erantsiaren gaineko zergan entitate taldeen araubide berezia dela-eta. Orobat, osatuko dute enpresak sustatzeko sozietateek eta aurreko urte naturalean 9.000.000 eurotik gorako fakturazioa izan dutenek, Balio Erantsiaren gaineko Zerga arautzen duen 19/1992 Foru Legean agertzen diren irizpideen arabera zehaztuta. Arrazoi bereziak direla medio, beste zenbait enpresa ere sar daitezke zentsu horretan, nahiz eta baldintza orokorrak ez bete, enpresa handien artean sailkatu behar direla uste baldin bada.

b) Tributuen arloko laguntza eta informazioa ematea enpresa handiei, Zergadunari Laguntza eta Argibideak Emateko Zerbitzuarekin koordinaturik.

c) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

d) Autolikidazioak, tributu izaerako informazio adierazpenak, informazio hornikuntzak, komunikazioak eta bere eskumeneko beste tributu idazki batzuk aurkezteko moduak diseinatzeko eta garatzeko ekimena.

e) Balio Erantsiaren gaineko Zergaren Atalari, Ez-egoiliarren Errentaren, Sozietateen eta Saltoki Handien gaineko Zergen Atalari, BEZaren Itzulketen Atalari, eta Pertsona Fisikoen Errentaren eta Ondarearen gaineko Zergen Atalari enpresa handien arloan esleitutako eginkizunak garatzea, atal horiekin koordinaturik.

f) Enpresa handiei dagozkien informazio aitorpenen kudeaketa.

g) Enpresa handiek tributu aldetik dituzten betebeharrak nola betetzen dituzten kontrolatzea.

h) Enpresa handiei buruzko tributuen arloko harremanen eta informazioaren koordinazioa.

i) Hitzarmen Ekonomikoa enpresa handietan nola aplikatzen den jarraitzea.

j) Txosten eta proposamenak egitea eta enpresa handiek tributuen aldetik duten egoeraren bilakaerari buruzko azterlan eta proiekzioak egitea, baita beren betebehar fiskalen zenbatekoari eta aurreikus daitekeen betetze mailari buruz ere.

k) Enpresak berrantolatzeko operazioekin erlazionatutako gaiei buruzko espedienteak aztertu, tramitatu eta ebaztea, enpresa handien zentsuan dagoen pertsona bat edo entitate bat, gutxienez, ukituta gelditzen denean.

l) Indarra duten xedapenek haren gain uzten dituzten gainerako eginkizunak, eta aurrekoekin loturik edo haietan oinarriturik Zerga Kudeaketa Zerbitzuko Zuzendaritzak edo Nafarroako Foru Ogasuneko Kudeaketako Zuzendaritzak agintzen dizkionak.

19. artikulua . Ezegoiliarren Errentaren, Sozietateen eta Saltoki Handien gaineko Zergen Atalaren eginkizunak.

Ez-egoiliarren Errentaren, Sozietateen eta Saltoki Handien gaineko Zergen Atalak, zerga horiei dagokienez, eginkizun hauek ditu:

a) Aitorpenak aztertu, berrikusi eta egiaztatzea, agiri bidez justifikatzeko eskaerak eta bere eskumeneko tributuekin lotura duten tributu zorren osagai guztien gaineko tributu likidazioak egitea, berandutze interesak eta legez aplikatzekoak diren errekarguak barne.

b) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

c) Tributu arloko arau-hausteen ondoriozko zehapenen likidazioa egitea, bere eskumenen esparruan, baita haien kontra jartzen diren berraztertzeko errekurtsoak ebaztea ere.

d) Autolikidazioak, zerga izaerako informazio adierazpenak, informazio hornikuntzak, komunikazioak eta bere eskumeneko beste tributu idazki batzuk aurkezteko moduak diseinatzeko eta garatzeko ekimena.

e) Atalak agindutako egintzen aurka jartzen diren aurkaratzeak eta berraztertzeko errekurtsoak tramitatu eta ebaztea.

f) Kontsulta fiskalei alde teknikotik erantzutea eta, bereziki, tributuen arloko kontsultak aztertu eta ebaztea.

g) Bere eskumenekoak diren gaiei buruzko ebazpen judizialen eta erabakien tramitazioa.

h) Araubide bereziei eta onura fiskalei buruzko espedienteak tramitatu eta ebazpen proposamenak egitea.

i) Zergapekoen erroldak zaintzea, bere eskumenekoak diren zergetan.

j) Indarra duten xedapenek esleitzen dizkioten gainerako eginkizunak eta, horiekin loturik egonda, zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein.

20. artikulua . Balio Erantsiaren gaineko Zergaren Atalaren eginkizunak.

Balio Erantsiaren gaineko Zergaren Atalak eginkizun hauek ditu tributu honi dagokionez:

a) Aitorpenak aztertu, berrikusi eta egiaztatzea, BEZaren Itzulketen Atalari manatu zaizkionak kenduta, agiri bidez justifikatzeko eskaerak eta bere eskumeneko tributuekin lotura duten tributu zorren osagai guztien gaineko tributu likidazioak egitea, berandutze interesak eta legez aplikatzekoak diren errekarguak barne.

b) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

c) Tributu arloko arau-hausteen ondoriozko zehapenen likidazioa egitea, bere eskumenen esparruan, baita haien kontra jartzen diren berraztertzeko errekurtsoak ebaztea ere.

e) Atalak agindutako egintzen aurka jartzen diren aurkaratzeak eta berraztertzeko errekurtsoak tramitatu eta ebaztea.

f) Kontsulta fiskalei alde teknikotik erantzutea eta, bereziki, tributuen arloko kontsultak aztertu eta ebaztea.

g) Bere eskumenekoak diren gaiei buruzko ebazpen judizialen eta erabakien tramitazioa.

h) Araubide bereziei eta onura fiskalei buruzko espedienteak tramitatu eta ebazpen proposamenak egitea.

i) Zergapekoen erroldak zaintzea, bere eskumenekoak diren zergetan.

21. artikulua . BEZaren Itzulketaren Atalaren eginkizunak.

BEZaren Itzulketaren Atalak eginkizun hauek izanen ditu:

a) Itzulketa eskaera duten aitorpenak aztertu, berrikusi eta egiaztatzea, agiri bidez justifikatzeko errekerimendua eta bere eskumeneko tributuekin lotura duten tributu zorren osagai guztien gaineko tributu likidazioak egitea, berandutze interesak eta legez aplikatzekoak diren errekarguak barne.

b) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

c) Tributu arloko arau-hausteen ondoriozko zehapenen likidazioa egitea, bere eskumenen esparruan, baita haien kontra jartzen diren berraztertzeko errekurtsoak ebaztea ere.

d) Atalak agindutako egintzen aurka jartzen diren aurkaratzeak eta berraztertzeko errekurtsoak tramitatu eta ebaztea.

e) Bere eskumenekoak diren gaiei buruzko ebazpen judizialen eta erabakien tramitazioa.

f) Indarra duten xedapenek esleitzen dizkioten gainerako eginkizunak eta, horiekin loturik egonda, zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein.

22. artikulua . Zerga Berezien eta Bestelako Tributuen Atalaren eginkizunak.

Zerga Berezien eta Bestelako Tributuen Atalak hainbat eginkizun ditu ondoren aipatzen diren zerga hauei dagokienez: zerga bereziak, aseguru sarien gaineko zerga, jokoaren jarduerarekin ikusteko duten tributuak, energia elektrikoaren ekoizpenaren balioaren gaineko zerga, energia nukleoelektrikoa sortzearen ondoriozko hondakin erradiaktiboak eta erregai nuklear gastatua sortzearen gaineko zerga, erregai nuklear gastatua eta hondakin erradiaktiboak instalazio zentralizatuetan biltegiratzearen gaineko zerga, berotegi-efektuko gas fluordunen gaineko zerga, hondakinak hondakindegian ezabatzearen eta erraustearen gaineko zerga, meategien azaleraren kanona eta kudeaketa esleiturik dituen beste tributuak. Eginkizunak honako hauek dira:

b) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

c) Autolikidazioak, zerga izaerako informazio adierazpenak, informazio hornikuntzak, komunikazioak eta bere eskumeneko beste tributu idazki batzuk aurkezteko moduak diseinatzeko eta garatzeko ekimena.

d) Atalak agindutako egintzen aurka jartzen diren aurkaratzeak eta berraztertzeko errekurtsoak tramitatu eta ebaztea.

e) Kontsulta fiskalei alde teknikotik erantzutea eta, bereziki, tributuen arloko kontsultak aztertu eta ebaztea.

f) Bere eskumenekoak diren gaiei buruzko ebazpen judizialen eta erabakien tramitazioa.

g) Araubide bereziei eta onura fiskalei buruzko espedienteak tramitatu eta ebazpen proposamenak egitea.

h) Zergapekoen erroldak zaintzea, bere eskumenekoak diren zergetan.

i) Fabrikazioko zerga berezien kontu-hartzailetza, kudeaketa hutsa edo egiaztapen laburtua denean.

j) Tributu arloko arau-hausteen ondoriozko zehapenen likidazioa egitea, bere eskumenen esparruan, baita haien kontra jartzen diren berraztertzeko errekurtsoak ebaztea ere.

k) Indarra duten xedapenek esleitzen dizkioten gainerako eginkizunak eta, horiekin loturik egonda, zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein.

2. ATALA. PERTSONA FISIKOEN ERRENTAREN ETA ONDAREAREN GAINEKO ZERGAK KUDEATZEKO ZERBITZUA

23. artikulua . Pertsona Fisikoen Errentaren eta Ondarearen gaineko Zergak Kudeatzeko Zerbitzuaren eginkizunak.

Pertsona Fisikoen Errentaren eta Ondarearen gaineko Zergak Kudeatzeko Zerbitzuak, tributu horiei dagokienez, eginkizun izanen hauek ditu:

a) Tributu kudeaketaren zuzendaritza teknikoa.

b) Errentaren kanpaina zuzendu, antolatu eta koordinatzea, kanpainari buruzko berariazko publizitatea diseinatzen laguntzea barne, bai eta hautagaien hautapena eta pertsona fisikoen errentaren gaineko zergaren autolikidazio proposamenak sortu eta igortzea ere.

c) Behar diren lanen zuzendaritza, pertsona fisikoen errentaren gaineko zergaren konturako ordainketa zatikatuen autolikidazioen proposamenak sortzeko eta igortzeko.

d) Pertsona fisikoen errentaren gaineko zergaren eta ondasunaren gaineko zergaren aitorpenen prestaketan, berrestean eta likidazioan aplikatu beharreko irizpideak hartzea, Arauen Garapen eta Aholkularitza Juridikorako Zerbitzuaren laguntzarekin.

e) Zerga arloko kontsultak eta zerga onurak aztertu eta ebaztea, elkarlanean Arauen Garapen eta Aholkularitza Juridikorako Zerbitzuarekin.

f) Kontsulta fiskalen alde teknikoei arreta ematea, Zergadunari Laguntza eta Argibideak Emateko Zerbitzuarekin koordinatuta.

g) Tributuen eta konturako sarreren behin-behineko likidazioak egitea, legez aplikatzen ahal diren berandutze interesak eta errekarguak barne.

h) Tributu arloko arau-hausteen ondoriozko zehapenen likidazioa egitea, bere eskumenen esparruan, baita haien kontra jartzen diren berraztertzeko errekurtsoak ebaztea ere.

i) Zerbitzuaren egintzen aurka jarritako aurkaratzeen eta administrazio errekurtsoen tramitazio eta ebazpena, baita atxikipenen edo konturako sarreren egintzena ere.

j) Zergapekoen erroldak zaintzea, bere eskumenekoak diren zergetan.

k) Zerbitzuaren egintzei bide ekonomiko-administratiboan egindako aurkaratzeei buruzko ebazpen judizialak eta erabakiak tramitatzea.

l) Eskatzen zaizkion azterlanak eta proposamenak egitea.

m) Bikote iraunkorren erregistro fiskalaren kudeaketa osoa, gai horrek ukitzen dituen gainerako zerbitzuekin elkarlanean.

n) Tributuen kontrolerako urteko plana prestatzen eta betearazten parte hartzea, gainerako zerbitzuekin elkarlanean.

ñ) Zerbitzuari dagozkion helburuak, jarduera adierazleak eta emaitzen ebaluazioa egitea, bai eta memoria prestatzea ere.

o) Indarra duten xedapenek esleitzen dizkioten gainerako eginkizunak eta, horiekin lotura izanik, Nafarroako Foru Ogasuneko Kudeaketako Zuzendaritzak agintzen dion beste edozein.

24. artikulua . Pertsona Fisikoen Errentaren eta Ondarearen gaineko Zergak Kudeatzeko Zerbitzuaren egitura.

1. Pertsona Fisikoen Errentaren eta Ondarearen gaineko Zergak Kudeatzeko Zerbitzuaren egiturak honako atal hauek ditu:

a) Pertsona Fisikoen Errentaren eta Ondarearen gaineko Zergen Atal Tekniko eta Kontrolekoa.

b) Pertsona Fisikoen Errentaren eta Ondarearen gaineko Zergen Kanpainako Programen eta Prozesuen Analisirako eta Kontrolerako Atala.

c) Pertsona Fisikoen Errentaren eta Ondarearen gaineko Zergen Kanpainako Zergadunekiko Harremanen eta Erregistro Laguntzailearen Atala.

2. Zerbitzu beharrak direla eta, egokia denean, eta, bereziki, pertsona fisikoen errentaren gaineko zergaren kanpaina bitartean, bidezkoa izanen da ataletako langileei agintzea atal jakin batean egoteagatik berariaz egiten ari diren eginkizunez aparteko beste batzuk.

25. artikulua . Pertsona Fisikoen Errentaren eta Ondarearen gaineko Zergen Atal Tekniko eta Kontrolekoaren eginkizunak.

Pertsona Fisikoen Errentaren eta Ondarearen gaineko Zergen Atal Tekniko eta Kontrolekoak eginkizun hauek izanen ditu:

a) Pertsona fisikoen errentaren gaineko zergen eta ondarearen gaineko zergaren aitorpenak egin, egiaztatu eta likidatzeko irizpideak prestatu eta proposatzea, Arauen Garapen eta Aholkularitza Juridikorako Zerbitzuaren lankidetzarekin.

b) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

c) Aitorpenak aztertu, berrikusi eta egiaztatzea, agiri bidez justifikatzeko eskaerak eta bere eskumeneko tributuekin lotura duten tributu zorren osagai guztien gaineko tributu likidazioak egitea, berandutze interesak eta legez aplikatzekoak diren errekarguak barne.

d) Tributu arloko arau-hausteen ondoriozko zehapenen likidazioa egitea, bere eskumenen esparruan, baita haien kontra jartzen diren berraztertzeko errekurtsoak ebaztea ere.

e) Autolikidazioak, zerga izaerako informazio adierazpenak, informazio hornikuntzak, komunikazioak eta bere eskumeneko beste tributu idazki batzuk aurkezteko moduak diseinatzeko eta garatzeko ekimena.

f) Behar diren lanak egitea, pertsona fisikoen errentaren gaineko zergaren konturako ordainketa zatikatuen autolikidazioen proposamenak sortzeko eta igortzeko.

g) Atalak agindutako egintzen aurka jartzen diren aurkaratzeak eta berraztertzeko errekurtsoak tramitatu eta ebaztea.

h) Kontsulta fiskalei alde teknikotik erantzutea eta, bereziki, tributuen arloko kontsultak aztertu eta ebaztea.

i) Bere eskumenekoak diren gaiei buruzko ebazpen judizialen eta erabakien tramitazioa.

j) Araubide bereziei eta onura fiskalei buruzko espedienteak tramitatu eta ebazpen proposamenak egitea.

k) Zergapekoen erroldak zaintzea, bere eskumenekoak diren zergetan.

l) Indarra duten xedapenek esleitzen dizkioten gainerako eginkizunak eta, horiekin loturik egonda, zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein.

26. artikulua . Pertsona Fisikoen Errentaren eta Ondarearen gaineko Zergen Kanpainako Programen eta Prozesuen Analisirako eta Kontrolerako Atalaren eginkizunak.

Pertsona Fisikoen Errentaren eta Ondarearen gaineko Zergen Kanpainako Programen eta Prozesuen Analisirako eta Kontrolerako Atalak eginkizun hauek izanen ditu:

a) Ekimena, aitorpenak aurkeztu eta osatzeko moduak nahiz kanpainan ematen diren gainerako zerbitzuak diseinatzeko eta garatzeko.

b) Aitorpenak betetzen dituzten langileentzako prestakuntza ikastaroak antolatzea.

c) Pertsona fisikoen errentaren gaineko zergaren kanpainan laguntzen duten entitateek antolaketan jarraitu beharreko irizpideak ematea.

d) Pertsona fisikoen errentaren gaineko zergaren autolikidaziorako proposamenak egin eta bidaltzeko lanetan parte hartzea, Tributuen arloko Informazio Sistemen Zerbitzuarekin elkarlanean.

e) Pertsona fisikoen errentaren gaineko zerga eta ondarearen gaineko zerga ukitzen dituzten arau berriak analizatzea, gero errentaren eta ondarearen aitorpenak prestatzeko laguntza aplikazioetan garatzeko.

f) Eredu informatiboak ukitzen dituzten nobedadeak analizatzea eta errentaren eta ondarearen gaineko zergaren kudeaketan sortzen den informazio berria aztertzea.

g) Indarra duten xedapenek esleitzen dizkioten gainerako eginkizunak eta zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein, aipatutakoekin loturik badago edo haien ondoriozkoa bada.

27. artikulua . Pertsona Fisikoen Errentaren eta Ondarearen gaineko Zergen Kanpainako Zergadunekiko Harremanen eta Erregistro Laguntzailearen Atalaren eginkizunak.

Pertsona Fisikoen Errentaren eta Ondarearen gaineko Zergen Kanpainako Zergadunekiko Harremanen eta Erregistro Laguntzailearen Atalak eginkizun hauek ditu:

a) Eskatzen duten pertsonei aitorpena egitea aurrez aurre.

b) Pertsona fisikoen errentaren eta ondarearen gaineko zergei buruzko aitorpenak eta gainontzeko dokumentazioa aztertu, berrikusi eta egiaztatzea, dokumentu bidezko justifikazioa eskatzea eta zergaren likidazioak egitea, Tributuei buruzko Foru Lege Orokorrean xedatutakoari jarraituz.

c) Tributu arloko arau-hausteen ondoriozko zehapenen likidazioa egitea, bere eskumenen esparruan, baita haien kontra jartzen diren berraztertzeko errekurtsoak ebaztea ere.

d) Atalak agindutako egintzen aurka jartzen diren aurkaratzeak eta berraztertzeko errekurtsoak tramitatu eta ebaztea.

e) Kontsulta fiskalen alderdi teknikoei erantzutea.

f) Zergadunari alde administratibotik laguntzea eta argibideak ematea aurrez aurre pertsona fisikoen errentaren eta ondarearen gaineko zergei buruzko kontsulta eta erreklamazioen gainean.

g) Ziurtapen digitaleko zerbitzuen nortasuna eta erregistroa egiaztatzea, bai eta identifikazio, autentifikazio eta sinadura elektronikoko beste sistema batzuk ere, Nafarroako Foru Ogasunak onartzen dituenak eta zergadunari harreman elektronikoa ahalbidetzen diotenak.

h) Ekonomia eta Ogasun Departamentuak gaitzen dituen zerga bulego guztietan, pertsona fisikoen errentaren eta ondarearen gaineko zergen kanpaina prestatzeko behar diren lan administratibo eta logistiko guztiak egitea.

i) Unitatearen erregistro laguntzailean sartzen diren agiriak jaso, erregistratu, eskaneatu eta banatzea.

j) Indarra duten xedapenek esleitzen dizkioten gainerako eginkizunak eta zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein, aipatutakoekin loturik badago edo haien ondoriozkoa bada.

3. ATALA. TRIBUTU IKUSKAPENERAKO ZERBITZUA

28. artikulua . Tributu Ikuskapenerako Zerbitzuaren eginkizunak.

Tributu Ikuskapenerako Zerbitzuak eginkizun hauek ditu:

a) Tributuen ikuskapenerako planak prestatu, proposatu eta betetzea.

b) Tributuen kontrolerako urteko plana prestatzen, betearazten eta ebaluatzen parte hartzea, gainerako zerbitzuekin elkarlanean.

c) Zerbitzuari dagozkion helburuak, jarduera adierazleak eta emaitzen ebaluazioa egitea, bai eta memoria prestatzea ere.

d) Beste zerga administrazio batzuetatik jasotako ikuskapen aktak kudeatzea.

e) Laguntza judizialeko lanak egitea, eskatzen zaizkiolarik.

f) Ogasun Publikoaren kontrako delituen gaineko espedienteak abiaraztea eta, arlo honetaz, Nafarroako Gobernuko aholkularitza juridikoarekin, Fiskaltzarekin eta auzitegiko organoekin koordinatzea.

g) Arauen Garapen eta Aholkularitza Juridikorako Zerbitzuarekin koordinaturik, zergadunen helbideratzea dela-eta administrazioen artean gertatzen diren desadostasunen tramitazioan parte hartzea.

h) Indarra duten xedapenek esleitzen dizkioten eta Nafarroako Foru Ogasuneko Kudeaketako Zuzendaritzak bere gain uzten dituen gainerako eginkizunak.

29. artikulua . Bulego Teknikoaren Atalaren eginkizunak.

Tributu Ikuskapenerako Zerbitzuak Bulego Teknikoaren Atala izanen du, eta honako eginkizun hauek izanen ditu:

a) Tributu Ikuskapenerako Zerbitzuaren tributu arloko aholkularitza juridikoa eta Zerbitzuarentzat interesgarriak diren arau, epai, kontsulta eta argitalpenak zabaltzea.

b) Tributu Ikuskapenerako planak diseinatu eta prestatzeko aholkularitza eta parte-hartzea.

c) Ikuskapen-egintzen normalizaziorako irizpideak, jarraibideak eta gidalerroak proposatzea.

d) Zerbitzuan instruitzen diren espedienteen ebazpen-proposamenak egiten laguntzea, bereziki desadostasunean sinatutakoen kasuan, eta bai aktuarioek arauz eman behar dituzten txostenen kasuan ere.

e) Indarra duten xedapenek esleitzen dizkioten gainerako eginkizunak eta, horiekin loturik egonda, zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein.

4. ATALA. DIRU-BILKETA ZERBITZUA

30. artikulua . Dirubilketa Zerbitzuaren eginkizunak.

Diru-bilketa Zerbitzuak eginkizun hauek ditu:

a) Nafarroako Foru Ogasunaren diru-bilketa kudeatzeko zuzendaritza teknikoa eta kontrola.

b) Tributuen kontrolerako urteko plana prestatzen, betearazten eta ebaluatzen parte hartzea, gainerako zerbitzuekin elkarlanean.

c) Zorrak biltzeko kudeaketan beste entitate publiko batzuekin koordinatzea eta, hala behar denean, lankidetza itunak prestatu eta proposatzea.

d) Zorrak geroratzeko baimena eman edo tramitatzea, indarra duten xedapenek esleitu eskumenen arabera.

e) Diru-bilketaren prozedurako egintzen kontra jartzen diren errekurtsoetan irizpideak koordinatzea eta, hala behar denean, ebaztea. Hala ere, Tributuei buruzko abenduaren 14ko 13/2000 Foru Lege Orokorraren 29. artikuluaren 4. apartatuak aipatzen dituen kasuetan, erantzukizuna desbideratzeko gaitzen duen aurrekontua zer likidaziotara iristen den, haiek aurkaratu direnean, Diru-bilketa Zerbitzuak txosten loteslea eskatuko dio likidaziorako egintza administratiboak eman dituen organoari, likidazioen aurkaratzearen gainean ebazteko.

f) Konkurtso prozeduretan edo prozedura berezietan egin beharreko ekintzak zuzendu eta, hala behar denean, ebatzi eta kudeatzea.

g) Jarduteko edo ekintzak gauzatzeko irizpideak finkatzea, egiturazko edo abaguneko zailtasunak dituzten sektore ekonomikoetako pertsona edo entitateen zorrak biltzeko kudeaketan, pertsona edo entitate horiek Nafarroako Foru Ogasunarekin dituzten betebeharrak bete ditzaten.

h) Tributuei buruzko abenduaren 14ko 13/2000 Foru Legearen arabera, diru-bilketaren bidez kalkulatu behar diren errekargu eta interesak likidatzea.

i) Hirugarrenen Kontabilitate Lagungarriaren prozesuen administrazioa, kudeaketa, garapena eta eguneraketa. Hitzarmen Ekonomikoaren, Analisi Fiskalen eta Administrazioaren Zerbitzuak ematen dituen jarraibideekin bat jokatuko da tributu itzulketen egutegiari eta zenbatekoari dagokionez.

j) Zerga-bilketaren arloko zorrak ordaintzeko eta komunikazioak, eskaerak eta bestelako idazkiak aurkezteko prozedurak diseinatu eta garatzea, Tributuen arloko Informazio Sistemen Zerbitzuarekin eta Zergadunari Laguntza eta Argibideak Emateko Zerbitzuarekin lankidetzan.

k) Harremana finantza entitate laguntzaileekin diru-bilketaren arloan.

l) Beharrezko jarduketak egitea kasuan kasuko berandutze interesak ordaintzeko.

m) Zorrak konpentsatzea, indarra duten xedapenek esleitu eskumenen arabera.

n) Ofiziozko preskripzio-espedienteen, kaudimengabezien, zenbateko txikiko zorren bajen eta zorrak barkatzeko espedienteen instrukzioa.

ñ) Nafarroako Ogasun Publikoko zordunen zerrendaren argitalpena izapidetzea.

o) Laguntza ematea diru-bilketarako eragiketak kontabilitate orokorraren sisteman kontabilizatzean.

p) Zerbitzuari dagozkion helburuak, jarduera adierazleak eta emaitzen ebaluazioa egitea, bai eta memoria prestatzea ere.

q) Indarra duten xedapenek esleitzen dizkioten eta Nafarroako Foru Ogasuneko Kudeaketako Zuzendaritzak bere gain uzten dituen gainerako eginkizunak.

31. artikulua . Dirubilketa Zerbitzuaren egitura.

Diru-bilketa Zerbitzuak atal hauek ditu bere egituran:

a) Gerorapenak Kudeatzeko Atala.

b) Derrigorrezko Diru-bilketaren Atala.

c) Prozedura Berezien Atala.

d) Diru-bilketaren Aplikazio eta Kontrolaren Atala.

32. artikulua . Gerorapenak Kudeatzeko Atalaren eginkizunak.

Gerorapenak Kudeatzeko Atalak eginkizun hauek ditu:

a) Tributu zorrak eta zuzenbide publikoko beste batzuk geroratzeko edo zatikatzeko eskaerak kudeatzea, izapidetzea eta kontrolatzea, Zerbitzu Zuzendaritzak Diru-bilketa Zerbitzuko beste atal bati agintzen dizkionak izan ezik.

b) Diru-bilketaren prozedura eteteko eskaerak kudeatu eta haien jarraipena eta kontrola egitea.

c) Erakunde publikoen zorrak premiamendua baino lehen kobratzeko kudeaketa, eta, oro har, premiamendu prozedura hasteko behar diren zor erreklamazioak, zerga delituei lotutako likidazioetatik eratorritakoak barne.

d) Premiamendu-biderako igorpenen tramitazioa eta gauzatzea.

e) Bermeak aurkeztean sortutako gastuen onarpenaren arloan aurkeztutako eskaeren tramitazioa eta kontrola, baita Nafarroako Foru Ogasunak emandako egintzen aurrean jarraitutako prozeduren ondoriozko epai judizialetan ezarritako kostuak ordaintzea ere.

f) Atalaren jardueren kudeaketaren kontrolerako beharrezkoak diren estatistikak egitea.

g) Indarra duten xedapenek esleitzen dizkioten gainerako eginkizunak eta, horiekin loturik egonda, zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein.

33. artikulua . Derrigorrezko Dirubilketaren Ataleko eginkizunak.

Derrigorrezko Diru-bilketaren Atalak eginkizun hauek ditu:

a) Nafarroako Foru Komunitatearenak edo haren erakunde autonomoenak diren zuzenbide publikoko diru-sarrerak kontrolatu eta premiamenduko bide administratiboan biltzeko kudeaketa lana, legez ezarritako ahalmenen bidez eta erabili behar diren prozedura administratiboen arabera.

b) Atalaren jardueren kudeaketaren kontrolerako beharrezkoak diren estatistikak egitea.

c) Indarra duten xedapenek esleitzen dizkioten gainerako eginkizunak eta, horiekin loturik egonda, zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein.

34. artikulua . Prozedura Berezien Atalaren eginkizunak.

Prozedura Berezien Atalak honako eginkizun hauek izanen ditu:

a) Konkurtso prozeduretan sartuta dauden zordunen zor guztien diru-bilketa kudeatu eta kontrolatzea eta, behar denean, Nafarroako Foru Komunitatearen ordezkari izatea bilkura, batzorde, konkurtso administrazio eta antzeko kudeaketa organoetan.

b) Nafarroako Foru Ogasunaren eskubideak defendatzeko beharrezkoak diren jarduketak kontrolatu eta betetzea, eskubide horien kalterako izan daitezkeen desegite eta likidazio prozesuetan edo entitateek har ditzaketen horrelako beste erabaki batzuetan.

c) Erantzukizuna besterenganatzeko prozedurak tramitatzea.

d) Diru-bilketa organoek proposatutako kaudimengabezien aitorpenak tramitatzea.

e) Ofiziozko preskripzio-espedienteen, kaudimengabezien, zenbateko txikiko zorren bajen eta zorrak barkatzeko espedienteak izapidetzea.

f) Diru-bilketa Zerbitzuko organoek emandako egintzen kontra aurkezten diren errekurtso administratiboak eta hirugarrengotzakoak tramitatzea.

g) Nafarroako Ogasun Publikoko zordunen zerrendaren argitalpena izapidetzea.

h) Nafarroako Foru Ogasunaren berandutze interesak aztertu, kalkulatu eta haien ordainketa tramitatzea, beste organo administratiboen eskumenekoa ez bada.

i) Diru-bilketaren Zerbitzuko titularrak eskatzen dituen txosten juridikoak eta irizpenak luzatzea.

j) Diru-bilketa organoek proposatutako espedienteak aztertu eta tramitatzea, betiere haiei buruzko egintzak Aholkularitza Juridikoaren eskumenekoak badira.

k) Atalaren jardueren kudeaketaren kontrolerako beharrezkoak diren estatistikak egitea.

35. artikulua . Dirubilketaren Aplikazio eta Kontrolaren Atalaren eginkizunak.

Diru-bilketaren Aplikazio eta Kontrolaren Atalak eginkizun hauek izanen ditu:

a) Nafarroako Foru Komunitateko Administrazioaren zor eta zordun guztiak, Hirugarrenen Kontabilitate Lagungarrira eskualdatuak eta Diru-bilketari buruzko Erregelamendu Orokorra aplikatzen zaienak, ekonomia eta kontabilitatearen aldetik kontrolatzea.

b) Bidezko diren tributuak eta bidezko ez diren diru-sarrerak ofizioz itzultzeko prozesuak kudeatu, kontrolatu eta materialki betearaztea.

c) Zorrak konpentsatzeko espedienteak tramitatzea, ordaindu behar duenak eskaturik.

d) Beste agintari batzuek agindutako tributu itzulketak eta bidegabeko diru-sarrerak enbargatzeko aginduak betearaztea.

e) Hirugarrenen Kontabilitate Lagungarrian idatzi zorrak kobratzeko prozesuak kudeatu, kontrolatu eta gauzatzea.

f) Zerga sarrerak helbideratzeko aginduak izapidetzeko prozedurak kudeatzea.

g) Beste administrazio publiko batzuetan sartutako tributu zorren jarraipen eta kontrola.

h) Finantza entitateen jarduketak garatu eta kontrolatzea, Nafarroako Foru Ogasunaren diru-bilketan laguntzaile direnean.

i) Hirugarrenen Kontabilitate Lagungarriko parametroen erabilpen eta eguneratzea.

j) Laguntza ematea diru-bilketarako eragiketak kontabilitate orokorraren sisteman kontabilizatzean.

k) Atalaren jardueren kudeaketaren kontrolerako beharrezkoak diren estatistikak egitea.

5. ATALA. HITZARMEN EKONOMIKOAREN, ANALISI FISKALEN ETA ADMINISTRAZIOAREN ZERBITZUA

36. artikulua . Hitzarmen Ekonomikoaren, Analisi Fiskalen eta Administrazioaren Zerbitzuaren eginkizunak.

Hitzarmen Ekonomikoaren, Analisi Fiskalen eta Administrazioaren Zerbitzuak eginkizun hauek ditu:

a) Nafarroako Gobernuari laguntza teknikoa ematea hitzarmen ekonomikoari buruzko gaietan Estatuarekin behar duen koordinazio ekonomikoan eta lidergo estrategiko lanetan, lan horiek Nafarroako Foru Ogasunak gauzatzen dituenean.

b) Foru Komunitateko sektore publikoan ukitutako gainerako organoekin elkarlanean, azterketa eta ikerketak egitea ekarpen ekonomikoaren osagaien eta doikuntza fiskalen kalkuluari eta balorazioari buruz, metodologiari buruz eta determinazioari buruz, eta beharrezkoa den araudia eta Hitzarmenaren Koordinazio Batzordearen eta Negoziazio Batzordearen barnean hartu beharreko erabakiak artikulatzea.

c) Laguntza teknikoa ematea, ukitutako gainerako erakundeekin koordinatzea eta Koordinazio Batzordearen idazkaritza lanak egitea Hitzarmen Ekonomikoa Estatuarekin negoziatzeko prozesuan.

d) Foru Komunitatearen eta Estatuko Administrazioaren artean transferitu beharreko eskumenen eta/edo zerbitzuen balorazioa egitea, ukitutako zerbitzuetako arduradunekin elkarlanean, eta abenduaren 19ko 2356/1984 Foru Dekretuan aurreikusitako Transferentzien Batzordeari laguntzea.

e) Estatuarekiko Hitzarmen Ekonomikoarekin lotuta dauden finantza-fluxuak kudeatu eta tramitatzea.

f) Nafarroako Foru Komunitatearen eta Estatuko Administrazioaren artean sinatu beharreko hitzarmenak, lankidetza akordioak, programak eta elkarrekin jarduteko planak -eduki ekonomikoa dutenak- onetsi aurreko txostenak prestatzea, Hitzarmen Ekonomikoan duten inplikazioari dagokionez.

g) Nafarroako Gobernuko erakundeek, Estatuko Administrazio Orokorrarekin elkarlanean, Nafarroari transferitutako eskumenen eta zerbitzuen balorazioari buruz garatu beharreko programen eta plan sektorialen aldez aurreko azterketa eta jarraipena egitea.

h) Nafarroako Foru Ogasunak kudeatu beharreko sarreren eta itzulketen kontrol ekonomikoa eta kontabilitatekoa, eta, bereziki, hark kudeatutako itzulketen egutegiak eta zenbatekoak zehaztea, Diru-Bilketa Zerbitzuarekin koordinatuta.

i) Erakunde autonomoaren gainerako zerbitzuekin elkarlanean eta koordinaturik, erakunde autonomoak ordainarazi beharreko diru-sarreren aurreikuspenak prestatu, aztertu eta haien jarraipena egitea, baita Hitzarmen Ekonomikoari loturiko finantza-fluxuen gainekoak ere.

j) Diru-bilketaren gaineko txostenak, azterlanak, ikerlanak eta aurreikuspenak egitea.

k) Tributuen arloko neurriek diru-bilketaren gainean izanen duten eragina ebaluatzeko behar diren analisi eta simulazioak egitea.

l) Tributu arloko txosten eta estatistikak prestatzea.

m) Gastu fiskalak aztertzea eta arrazionalizatzeko proposamenak egitea.

n) Tributuen kontrolerako urteko plana prestatzen parte hartzea gainerako zerbitzuekin elkarlanean.

ñ) Kudeaketako Zuzendaritza koordinatzea eta hari laguntzea, erakunde autonomoaren aurrekontu-aurreproiektua egin dezan eta aurrekontuaren betearazpenaren jarraipena egin dezan.

o) Zerbitzuari dagozkion helburuak, jarduera adierazleak eta emaitzen ebaluazioa egitea, bai eta memoria prestatzea ere.

p) Nafarroako Foru Ogasunaren urteko memoria egitea, erakunde autonomoaren gainerako zerbitzuekin koordinatuta.

q) Erakunde autonomoko langileen kudeaketa planifikatzea, koordinatzea, izapidetzea, jarraipena egitea eta kontrolatzea, hari dagozkion eskumenen arabera eta Funtzio Publikoaren Zuzendaritzarekin koordinatuta.

r) Ordezkaritza sindikalak erakunde autonomoaren esparruan sustatzen dituen hauteskunde prozesuetan laguntzea, bai eta langileen ordezkaritza organoekiko harremanak mantentzea ere, Kudeaketako Zuzendaritzak agintzen dizkion gaietan.

s) Indarra duten xedapenek esleitzen dizkioten eta Nafarroako Foru Ogasuneko Kudeaketako Zuzendaritzak bere gain uzten dituen gainerako eginkizunak.

37. artikulua . Hitzarmen Ekonomikoaren, Analisi Fiskalen eta Administrazioaren Zerbitzuaren egitura.

Hitzarmen Ekonomikoaren, Analisi Fiskalen eta Administrazioaren Zerbitzuak atal hauek izanen ditu bere egituran:

a) Estatuarekiko Finantza Fluxuak

b) Diru-bilketa arloko Azterlanak.

c) Tributuen arloko Azterlanak.

d) Administrazioa.

38. artikulua . Estatuarekiko Finantza Fluxuen Atalaren eginkizunak.

Estatuarekiko Finantza Fluxuen Atalak eginkizun hauek izanen ditu:

a) Hitzarmen Ekonomikoaren, Analisi Fiskalen eta Administrazioaren Zerbitzuak Koordinazio Batzordean dituen idazkaritza lanetan laguntzea.

b) Estatuarekin sinatutako Hitzarmen Ekonomikoari lotutako finantza fluxuak kudeatu eta tramitatzea, eta aldizkako jarraipena eta aurreikuspenak egitea.

c) Estatuarekiko diru ekarpenaren zehaztapenari eta doikuntza fiskalei buruzko txosten eta estatistikak, bai eta bi administrazioen artean ezar daitezkeen finantza fluxuei buruzkoak.

d) Nafarroako Foru Komunitatearen eta Estatuko Administrazioaren artean sinatu beharreko hitzarmenak, lankidetza akordioak, programak eta elkarrekin jarduteko planak -eduki ekonomikoa dutenak- onetsi aurreko txostenak prestatzea, Hitzarmen Ekonomikoan duten inplikazioari dagokionez.

e) Nafarroako Gobernuko erakundeek, Estatuko Administrazio Orokorrarekin elkarlanean, Nafarroari transferitutako eskumenen eta zerbitzuen balorazioari buruz garatu beharreko programen eta plan sektorialen aldez aurreko azterketa eta jarraipena egitea.

f) Gainerako departamentuetako arduradunekin Estatuko Administraziotik jasotako transferentzien eta bestelako diru-sarreren jarraipena eta koordinazioa egitea, Hitzarmen Ekonomikoan duten inplikazioari dagokionez.

39. artikulua . Tributu arloko Azterlanen Atalaren eginkizunak.

Tributu arloko Azterlanen Atalak eginkizun hauek ditu:

a) Erakunde autonomoaren diru-bilketa jarduerari buruzko azterlan, txosten, aurreikuspen eta estatistikak egitea.

b) Nafarroako Foru Ogasunak kudeatu beharreko sarreren eta itzulketen kontrol ekonomikoa eta kontabilitatekoa, eta, bereziki, hark kudeatutako itzulketen egutegiak eta zenbatekoak zehaztea, Diru-Bilketa Zerbitzuarekin koordinatuta.

c) Nafarroako Foru Ogasunaren urteko memoria prestatzen laguntzea.

d) Indarra duten xedapenek esleitzen dizkioten gainerako eginkizunak eta, horiekin loturik egonda, zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein.

40. artikulua . Tributu arloko Azterlanen Atalaren eginkizunak.

Tributu arloko Azterlanen Atalak eginkizun hauek ditu:

a) Tributuen arloko neurriek diru-bilketaren gainean izanen duten eragina ebaluatzeko behar diren analisi eta simulazioak egitea.

b) Tributu arloko txosten eta estatistikak prestatzea.

c) Foru Komunitatearen Administrazioaren eta bere erakunde publikoen informazio publikoari buruzko ardura daukaten unitateen eginkizunak betetzea, Nafarroako Foru Ogasunaren unitateekin lankidetzan.

d) Gastu fiskalak aztertzea eta arrazionalizatzeko proposamenak egitea.

e) Zerga bidezko diru-sarrerei buruzko aurreikuspenak eta estatistikak prestatzen laguntzea eta parte hartzea.

f) Nafarroako Foru Ogasunaren urteko memoria prestatzen laguntzea.

41. artikulua . Administrazio Atalaren eginkizunak.

Administrazio Atalak honako eginkizun hauek izanen ditu:

a) Aurrekontuei buruzko aurreproiektua prestatzeko laguntza tekniko eta administratiboa.

b) Nafarroako Foru Ogasunaren aurrekontuen kudeaketaren eta betetzearen gaineko kontrola.

c) Erakunde autonomoaren kontratu administratiboen sustapena eta kudeaketa.

d) Erakunde autonomoko langileen kudeaketa koordinatzea, izapidetzea, jarraipena egitea eta kontrolatzea, hari dagozkion eskumenen arabera eta Funtzio Publikoaren Zuzendaritzarekin koordinatuta.

e) Langileria arloko espedienteak tramitatzea, haien ebazpena Nafarroako Foru Ogasuneko Kudeaketako Zuzendaritzari dagokiolarik.

f) Langileak kudeatzeko organoei esleitzen zaizkien eginkizunak betetzea, langileen ordezkaria eta batzordeak osatzeko hauteskunde prozesuak garatzeko.

g) Langileen bertaratzeak eta absentziak kontrolatzeko sistema kudeatzea.

h) Nafarroako Foru Ogasunaren jardueran genero ikuspegiaren zeharkakotasuna aplikatzeko aholkularitza, Ekonomia eta Ogasun Departamentuko Idazkaritza Tekniko Nagusiarekin koordinatuta.

i) Indarra duten xedapenek haren gain uzten dituzten gainerako eginkizunak, eta aurrekoekin loturik edo haietan oinarriturik Nafarroako Foru Ogasuneko Kudeaketako Zuzendaritzaren titularrak manatzen dizkionak.

6. ATALA. LUR-ONDASUNEN ETA ONDAREAREN GAINEKO TRIBUTUEN ZERBITZUA

42. artikulua . Lurondasunen eta Ondarearen gaineko Tributuen Zerbitzuaren eginkizunak.

Lur-ondasunen eta Ondarearen gaineko Tributuen Zerbitzuak eginkizun hauek ditu:

1. Lur-ondasunen alorrean:

a) Lur-ondasunen Erregistroa zaintzeko Nafarroako Foru Ogasunari dagozkion jarduerak garatzea, bereziki, oinarrizko datuak ikuskatu eta eguneratzea eta funtzio publikoak ongi garatzeko behar diren datu osagarriak biltzea.

b) Lur-ondasunen Erregistroaren oinarrizko datuen aldaketa guztiak udalei jakinaraztea, eta, oro har, erregistro administratibo hori eta katastroak zaintzeko behar diren argibideak haiei ematea.

c) Ondasun higiezinak karakterizatu eta baloratzeko jarduketak egitea, bereziki, Nafarroa osoan koordinatzea, Batzorde Mistoak balorazio ponentzien edukia finkatzen parte hartzea, balorazio ponentziak onestea eta karakterizatu eta baloratzeko orotariko xedapenen proiektuak prestatzea.

d) Lur-ondasunen Erregistroko informazioa eskuratu, eman, erabili eta ziurtatzeari dagozkion jarduketak egitea.

e) Lur-ondasunen Artxibo Historikoa zaintzea.

f) Balorazio Txostenen Erregistroko kontserbazio, mantentze, gordetze eta publizitate lanak.

g) Ondasun higiezinen balio eta prezioak bildu eta aztertzea, baloratzeko irizpideak ezartzea eta zenbatesten diren balioen finkapena eta zabalkundea egitea.

h) Nafarroan kokaturiko ondasun higiezinen balioak modu sistematikoan eskuratzeko prozedurak aztertzea eta proposatzea, Nafarroako Foru Ogasuna berezko dituen eginkizunetan ari dadin.

i) Egintza juridiko dokumentatuen, ondare-eskualdaketen, oinordetza eta dohaintzen gaineko zergak zein beste tributu batzuk likidatzeko ondasun higiezinak eta ondasun higiezinak baloratu beharra daukaten Nafarroako Foru Komunitateko Administrazioaren jarduketak baloratzeko irizpenak egitea.

j) Txostenak prestatzea Nafarroan kokaturiko ondasun higiezinen balioen kariaz aurkezten diren errekurtsoen gainean.

k) Higiezinen gainean Lur-ondasunen Erregistroan jasota dauden datuak eta beste erregistro edo erakundeetan, bereziki Jabetza Erregistroan jasota daudenekin koordinatzeko eginkizunetan aritzea.

l) Nafarroako Desjabetzeen Epaimahaiari laguntzea, sostengu administratibo gisa.

m) Lur-ondasunen Erregistroa eta Nafarroako katastroak arautzen dituen araudian aurreikusitako zehapen-espedienteak instruitzea.

2. Oinordetzen eta Dohaintzen, Ondare Eskualdaketen eta Egintza Juridiko Dokumentatuen gaineko Zergei dagozkienez:

a) Tributuak egiaztatu eta likidatzeko irizpideak prestatu eta proposatzea, Arauen Garapen eta Aholkularitza Juridikorako Zerbitzuarekin elkarlanean.

b) Kontsulta fiskalen alde teknikoei arreta ematea, Zergadunari Laguntza eta Argibideak Emateko Zerbitzuarekin koordinaturik, eta, bereziki, tributuen arloko kontsultak aztertu eta ebaztea, Arauen Garapen eta Aholkularitza Juridikorako Zerbitzuarekin elkarlanean.

c) Zergapekoen erroldak zaintzea, bere eskumenekoak diren zergetan.

d) Aitorpenak aztertu, berrikusi eta egiaztatzea, ziurtagiriak eskatzea eta ofiziozko behin-behineko likidazioak egitea, baita kasuan kasuko berandutze interesak ezartzea ere.

e) Zerbitzuaren egintzen aurka jarritako berraztertze errekurtsoen tramitazio eta ebazpena, baita autolikidazioen eta atxikipenen edo konturako sarreren aurkaratzeena ere; tributu likidazioak ere bertan eginen dira.

f) Zerbitzuaren egintzei bide ekonomiko-administratiboan egindako aurkaratzeei buruzko ebazpen judizialak eta erabakiak tramitatzea.

g) Aplikatzekoak diren errekarguen likidazioa, berariaz administrazioaren beste organo batzuen esku ez badago.

h) Tributu arloko arau-hausteen ondoriozko zehapenen likidazioa egitea, bere eskumenen esparruan, baita haien kontra jartzen diren berraztertzeko errekurtsoak ebaztea ere.

3. Halaber, Tributuen kontrolerako urteko plana egiten eta gauzatzen parte hartuko du, beste zerbitzu batzuekin lankidetzan, Zerbitzuari dagozkion helburuak, jarduera adierazleak eta emaitzen ebaluazioa landuko ditu, eta haren memoria eginen du, bai eta indarrean dauden xedapenek esleitzen dizkioten edo Nafarroako Foru Ogasuneko Kudeaketako Zuzendaritzak agintzen dizkion gainerako eginkizunak ere.

43. artikulua . Lurondasunen eta Ondarearen gaineko Tributuen Zerbitzuaren egitura.

Lur-ondasunen eta Ondarearen gaineko Tributuen Zerbitzuak atal hauek ditu bere egituran:

a) Lur-ondasunen Erregistroaren Atala.

b) Tasazio Atala.

c) Oinordetzen eta Dohaintzen, Ondare Eskualdaketen eta Egintza Juridiko Dokumentatuen gaineko Zergen Atala.

44. artikulua . Lurondasunen Erregistroaren Atalaren eginkizunak.

Lur-ondasunen Erregistroaren Atalak eginkizun hauek izanen ditu:

b) Lur-ondasunen Erregistroaren oinarrizko datuen aldaketa guztiak udalei jakinaraztea, eta, oro har, erregistro administratibo hori eta katastroak zaintzeko behar diren argibideak haiei ematea.

d) Lur-ondasunen Erregistroaren Atalaren informazio babestua eskuratzeko baimena onartu edo ukatzeko proposatzea.

e) Ereduaren araberako agiriak eta informazioaren ziurtagiriak, Lur-ondasunen Erregistroaren Atalean daudenak, ematea eta, bereziki, lurzatietako zedula, ondasun higiezinetako unitateak eta Jabetza Erregistroan inskribatuak koordinatu ahal izateko.

f) Eraldatzeko proposamenak eta informazio babestugabea hirugarrenen esku uzteko baimenak aurkeztea.

g) Lur-ondasunen Artxibo Historikoa zaintzea.

h) Zehapen espedienteak instruitzea.

i) Indarra duten xedapenek esleitzen dizkioten gainerako eginkizunak eta, horiekin loturik egonda, zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein.

45. artikulua . Tasazio Atalaren eginkizunak.

Tasazio Atalak honako eginkizun hauek izanen ditu:

a) Ondasun higiezinen balio eta prezioak bildu eta aztertzea, baloratzeko irizpideak ezartzea eta zenbatesten diren balioen finkapena eta zabalkundea egitea.

b) Nafarroan kokaturiko ondasun higiezinen balioak modu sistematikoan eskuratzeko prozedurak aztertzea eta proposatzea, Nafarroako Foru Ogasuna berezko dituen eginkizunetan ari dadin.

c) Egintza juridiko dokumentatuen, ondare-eskualdaketen, oinordetza eta dohaintzen gaineko zergak zein beste tributu batzuk likidatzeko ondasun higiezinak eta ondasun higiezinak baloratu beharra daukaten Nafarroako Foru Komunitateko Administrazioaren jarduketak baloratzeko irizpenak egitea.

d) Txostenak prestatzea Nafarroan kokaturiko ondasun higiezinen balioen kariaz aurkezten diren errekurtsoen gainean.

46. artikulua . Oinordetzen eta Dohaintzen, Ondare Eskualdaketen eta Egintza Juridiko Dokumentatuen gaineko Zergen Atalaren eginkizunak.

Oinordetzen eta Dohaintzen, Ondare Eskualdaketen eta Egintza Juridiko Dokumentatuen gaineko Zergen Atalak eginkizun hauek ditu:

b) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

c) Tributu arloko arau-hausteen ondoriozko zehapenen likidazioa egitea, bere eskumenen esparruan, baita haien kontra jartzen diren berraztertzeko errekurtsoak ebaztea ere.

d) Autolikidazioak, adierazpenak, komunikazioak eta bere eskumeneko beste zerga idazki batzuk aurkezteko moduak diseinatzeko eta garatzeko ekimena.

e) Atalak agindutako egintzen aurka jartzen diren aurkaratzeak eta berraztertzeko errekurtsoak tramitatu eta ebaztea.

f) Kontsulta fiskalei alde teknikotik erantzutea eta, bereziki, tributuen arloko kontsultak aztertu eta ebaztea.

g) Bere eskumenekoak diren gaiei buruzko ebazpen judizialen eta erabakien tramitazioa.

h) Araubide bereziei eta onura fiskalei buruzko espedienteak tramitatu eta ebazpen proposamenak egitea.

i) Zergapekoen erroldak zaintzea, bere eskumenekoak diren zergetan.

7. ATALA. ZERGADUNARI LAGUNTZA ETA ARGIBIDEAK EMATEKO ZERBITZUA

47. artikulua . Zergadunari Laguntza eta Argibideak Emateko Zerbitzuaren eginkizunak.

Zergadunari Laguntza eta Argibideak Emateko Zerbitzuak eginkizun hauek ditu:

a) Nafarroako Foru Ogasunak ordainarazten dituen tributuei buruzko kontsulta eta erreklamazio administratiboen gainean, zergadunari laguntza eta argibideak ematea aurrez aurre, telefonoz eta baliabide elektronikoak erabiliz.

b) Nafarroako Foru Ogasunak ordainarazten dituen tributuei buruzko kontsulta teknikoen gainean, zergadunei laguntza eta argibideak ematea aurrez aurre, telefonoz eta baliabide elektronikoak erabiliz.

c) Nafarroako Foru Ogasunaren lurralde bulegoen zuzendaritza.

d) Nafarroako Foru Ogasunaren aldian aldiko publizitatea planifikatu eta programatzea, salbu eta pertsona fisikoen errentaren eta ondarearen gaineko zergen kanpainari dagokiona. Zehazki, tributuen arloko informazioaren zabalkunderako kanpainak diseinatu eta gauzatzea.

e) Nafarroako Foru Ogasunaren eremuan eraldaketa digitala eta administrazio-ekintza elektronikoa sustatzeko Zerga Informazioko Sistemen Zerbitzuarekin lankidetzan aritzea, prozedura eta tresna berriak diseinatuz, aukeratuz eta ezarriz eta daudenak hobetuz, zerga-betebeharrak sinplifikatzeko, orokorki betetzea errazteko eta ondorengo kontrola indartzeko.

f) Kudeaketa eta diru-bilketako organoekin eta Tributuen arloko Informazio Sistemen Zerbitzuarekin lankidetzan aritzea autolikidazioak, tributu izaerako informazio aitorpenak, informazio hornidurak, zorren ordainketa, komunikazioak eta tributu izaerako beste idazki batzuk aurkezteko moduak diseinatu eta garatzeko.

g) Nafarroako Foru Ogasunaren webgunean edukiak sartu eta eguneratzeko ekimena.

h) Zergapekoek aurkezten ez dituzten aitorpenen erreklamazio orokorra.

i) Egindako errekerimenduei kasurik ez egiteagatik eta bestelako arau-hauste soilengatik ezartzen diren zehapenen likidazioa.

j) Nafarroako Foru Ogasunak ordainarazten dituen tributu prozeduren ondoriozko egintza administratiboen jakinarazpenak kudeatu eta kontrolatzea.

k) Ekonomia jardueren gaineko zerga dela-eta Ekonomia eta Ogasun Departamentuari esleitzen dizkion eginkizunak.

l) Toki entitateekin lankidetzan aritzea haien tributuak kudeatzeko lanetan eta Foru Komunitatearen tributu sistema orokorrarekin koordinatzeko lanetan.

m) Bere eginkizunetako eremuari dagozkion datuak emateko eskaerak tramitatzea.

n) Tributuen kontrolerako urteko plana prestatzen eta betearazten parte hartzea, beste zerbitzuarekin elkarlanean.

ñ) Zerbitzuari dagozkion helburuak, jarduera adierazleak eta emaitzen ebaluazioa egitea, bai eta memoria prestatzea ere.

o) Indarra duten xedapenek esleitzen dizkioten gainerako eginkizunak eta, horiekin lotura izanik, Nafarroako Foru Ogasuneko Kudeaketako Zuzendaritzak agintzen dion beste edozein.

48. artikulua . Zergadunari Laguntza eta Argibideak Emateko Zerbitzuaren egitura.

Zergadunari Laguntza eta Argibideak Emateko Zerbitzuak atal hauek ditu:

a) Zergadunari Laguntza Emateko Atala.

b) Laguntza Teknikoaren eta Entitate Laguntzaileen Atala.

c) Errekerimenduen, Jakinarazpenen eta EJZaren Atala.

49. artikulua . Zergadunari Laguntza Emateko Atalaren eginkizunak.

Zergadunari Laguntza Emateko Atalak eginkizun hauek izanen ditu:

a) Zergadunei aurrez aurre, telefonoz edo baliabide elektronikoz laguntza ematea Nafarroako Foru Ogasunaren eskumeneko tributu kontuetan iritsarazten dizkioten kontsulta administratiboetan, gainerako zerbitzuekin koordinatuta eta Kudeaketako Zuzendaritzak zehazten dituen irizpide eta mailen barnean.

b) Ekonomia eta Ogasun Departamentuan sartzen diren dokumentuak jaso eta erregistratzea, tributu aitorpenak jaso, inprimakiak saldu eta ematea.

c) Ziurtagiriak egitea eta agiriak kautotu eta konpultsatzea.

d) Altak, aldaketa eta bajak formalizatzea pertsona fisikoen, pertsona juridikoen eta entitateen zentsuko fitxategietan.

e) Pertsona fisikoen errentaren gaineko zergaren arauetan eskatzen diren erregistro liburuen eginbideak egitea.

f) Inprimakien biltegia hornitu eta kontrolatzea.

h) Indarra duten xedapenek esleitzen dizkioten gainerako eginkizunak eta, horiekin loturik egonda, zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein.

50. artikulua . Laguntza Teknikoaren eta Entitate Laguntzaileen Atalaren eginkizunak.

Laguntza Teknikoaren eta Entitate Laguntzaileen Atalak eginkizun hauek izanen ditu:

a) Zergadunei aurrez aurre, telefonoz edo baliabide elektronikoz laguntza ematea Nafarroako Foru Ogasunaren eskumeneko tributu kontuetan iritsarazten dizkioten kontsulta teknikoetan, gainerako zerbitzuekin koordinatuta eta Nafarroako Foru Ogasuneko Kudeaketako Zuzendaritzaren titularrak zehazten dituen irizpide eta mailen barnean.

b) Tributu arloan kudeaketa zerbitzuak egiten dituzten eta Nafarroako Foru Ogasunarekin kanpoko lankidetzarako akordioari atxikita dauden profesionalei eta entitateei laguntza berariazkoa ematea.

c) Aholkularitza teknikoa zerbitzua osatzen duten unitate administratiboei.

d) Kudeaketa eta diru-bilketako organoekin eta Tributuen arloko Informazio Sistemen Zerbitzuarekin lankidetzan aritzea autolikidazioak, tributu izaerako informazio aitorpenak, informazio hornidurak, zorren ordainketa, komunikazioak eta tributu izaerako beste idazki batzuk aurkezteko moduak diseinatu eta garatzeko.

e) Nafarroako Foru Ogasunaren webgunean edukiak sartu eta eguneratzeko ekimena.

f) Nafarroako Foru Ogasuneko zerbitzuetan sarturik dauden atalak elkarrekin koordinatzea, irizpideak batzeko eta prozedurak finkatzeko.

51. artikulua . Errekerimenduen, Jakinarazpenen eta EJZren Atalaren eginkizunak.

Errekerimenduen, Jakinarazpenen eta EJZren Atalak eginkizun hauek izanen ditu:

a) Zergapekoek aurkezten ez dituzten aitorpenen erreklamazio orokorra.

b) Egindako errekerimenduei kasurik ez egiteagatik eta bestelako arau-hauste soilengatik ezartzen diren zehapenen likidazioa.

c) Nafarroako Foru Ogasunak ordainarazten dituen tributu prozeduren ondoriozko egintza administratiboen jakinarazpenak kudeatu eta kontrolatzea.

d) Ekonomia-jardueren gaineko zerga dela-eta Ekonomia eta Ogasun Departamentuari esleitzen dizkion eginkizunak.

e) Zergapekoen erroldak zaintzea, bere eskumenekoak diren zergetan, eta gainerako zerbitzuekin lankidetzan aritzea, gai hau dela-eta.

f) Toki entitateekin lankidetzan aritzea haien tributuak kudeatzeko lanetan eta Foru Komunitatearen tributu sistema orokorrarekin koordinatzeko lanetan.

g) Aurkeztu gabeko aitorpenen erreklamazio orokorrari, tributu arloko zehapenei eta ekonomia-jardueren gaineko zergari buruzko kontsulta fiskalei erantzutea, eta bereziki, bere eskumenekoak diren tributu arloko kontsultak tramitatu eta ebaztea.

8. ATALA. TRIBUTUEN ARLOKO INFORMAZIO SISTEMEN ZERBITZUA

52. artikulua . Tributuen arloko Informazio Sistemen Zerbitzuaren eginkizunak.

Tributuen arloko Informazio Sistemen Zerbitzuak eginkizun hauek beteko ditu:

a) Tributuetarako eragina duen informazioa lortu, mantendu, ustiatu eta zabaltzeko modua planifikatu, koordinatu eta betetzea.

b) Tributuak kudeatzeko, ikuskatzeko eta biltzeko eskumena duten zerbitzuekin lankidetzan aritzea, autolikidazioak eta aitorpenak berrikusteko eta egiaztatzeko ezarri edo egin beharreko kontrolak diseinatzeko eta ezartzeko.

c) Tributuak kudeatzeko eta biltzeko eskumena duten zerbitzuekin lankidetzan aritzea, zergapekoen erroldak arautuko dituzten baldintzak definitzeko.

d) Kudeaketa eta diru-bilketako eskumena duten zerbitzuekin eta Zergadunari Laguntza eta Argibideak Emateko Zerbitzuarekin lankidetzan aritzea autolikidazioak, tributu izaerako informazio aitorpenak, informazio hornidurak, zorren ordainketa, komunikazioak eta tributu izaerako beste idazki batzuk aurkezteko moduak diseinatu eta garatzeko.

e) Proiektuen azterketa funtzionala gainbegiratzea, kudeaketaren jarraipen xehakatua egitea eta funtzionamendu zuzena balioztatzea, egungo aplikazio informatikoen gainean eta ezarpen fasean abiatu beharreko proiektu berrien gainean, bere kabuz erabakita nahiz erakunde autonomoko beste unitate batzuekin lankidetzan.

f) Nafarroako Foru Ogasunaren arloan eraldaketa digitala eta egintza administratibo elektronikoa bultzatzea dauden prozedura eta tresnak hobetuz eta berriak diseinatuz, aukeratuz eta ezarriz, zerga betebeharrak errazagoak izan daitezen, denek bete ditzaten errazteko eta ondorengo kontrola ere errazagoa izan dadin lortzeko.

g) Nafarroako Foru Ogasuneko unitateak bultzatzea eta zuzentzea kalitatea etengabe hobetzeko eta kudeatzeko teknikak bereganatzeko eta informazioaren eta komunikazioen teknologien erabilera efizientea lortzeko, eta erabiltzaileen artean zabalkundea egitea eta aholkularitza ematea aplikazio, prozesu eta tresna informatiko desberdinen erabilerari eta eginkizunei buruz.

h) Eraldaketa Digitalaren Zuzendaritza Nagusiarekin lankidetzan aritzea eta koordinazio eginkizunak betetzea, Nafarroako Foru Ogasuneko tributu informazioko sistemak eta aplikazio informatiko bertikalen proiektuak planifikatzen, bideragarritasuna aztertzen eta kudeatzen, bai eta ere informazioaren estandar teknologikoen erabilera hedatzeko eta horien gaineko aholkularitza emateko lanetan.

i) Datuak babesteko xedapenak Nafarroako Foru Ogasunean betetzen direla begiratzea.

j) Tributu xedeetarako, beste administrazio, erakunde eta organismo batzuekin informazioa trukatzeko akordioak eta hitzarmenak abian jar daitezen sustatzea.

k) Nafarroako Foru Ogasunaren artxibo administratibo eta informatikoak kudeatzea.

l) Datuak uzteko eskaeren tramitazioa, ez bada eskaera horien tramitazioa berariaz beste zerbitzu batzuei esleituta dagoela.

m) Tributuen kontrolerako urteko plana prestatzen eta betearazten parte hartzea, beste zerbitzuarekin elkarlanean.

n) Zerbitzuari dagozkion helburuak, jarduera adierazleak eta emaitzen ebaluazioa egitea, bai eta memoria prestatzea ere.

ñ) Indarra duten xedapenek esleitzen dizkioten eta Nafarroako Foru Ogasuneko Kudeaketako Zuzendaritzak bere gain uzten dituen gainerako eginkizunak.

53. artikulua . Tributuen arloko Informazio Sistemen Zerbitzuaren egitura.

Tributuen arloko Informazio Sistemen Zerbitzuak atal hauek ditu bere egituran:

a) Koordinazio Informatikoaren Atala.

b) Informazio Sistemen Analisirako Atala.

c) Identifikazio, Truke eta Eredu Informatiboen Atala.

d) Proiektuak Bulkatzeko, Prozedurak Hobetzeko eta Segurtasunerako Atala.

54. artikulua . Koordinazio Informatikoaren Atalaren eginkizunak.

Koordinazio Informatikoaren Atalak eginkizun hauek ditu:

a) Nafarroako Foru Ogasuneko informazio sistemen koordinazioa.

b) Egin beharreko funtzio-analisiak egiterakoan unitate organiko erabiltzaileei laguntza ematea.

c) Aplikazio guztiak kudeaketa prozesu bakar batean elkartzeko, proiektuen funtzio-analisiak gainbegiratzea eta kudeaketaren jarraipen xehakatua egitea.

d) Unitate organiko erabiltzaileekin batera, dauden aplikazio informatikoek eta ezarpen fasean abiarazi behar diren proiektu berriek behar bezala funtzionatzen dutela baliozkotzea.

e) Eraldaketa Digitalaren Zuzendaritza Nagusiarekin lankidetzan aritzea eta koordinazio eginkizunak betetzea, Nafarroako Foru Ogasuneko tributu informazioko sistemak eta aplikazio informatiko bertikalen proiektuak planifikatzen, bideragarritasuna aztertzen eta kudeatzen, bai eta ere informazioaren estandar teknologikoen erabilera hedatzeko eta horien gaineko aholkularitza emateko lanetan.

f) Kudeaketa eta diru-bilketako organoekin eta Zergadunari Laguntza eta Argibideak Emateko Zerbitzuarekin lankidetzan aritzea autolikidazioak, tributu izaerako informazio aitorpenak, informazio hornidurak, zorren ordainketa, komunikazioak eta tributu izaerako beste idazki batzuk aurkezteko moduak diseinatu eta garatzeko.

g) Aldizkako eta maizko komunikazioa sustatzea Nafarroako Foru Ogasuneko gainerako unitateekin, bere eginkizunei loturiko proiektu informatikoen gainean.

h) Kudeaketa-aplikazioak nola eta zertan erabil daitezkeen zabaltzea erabiltzaileen artean.

i) Aldizkako informatika lanak programatu eta nola egiten diren kontrolatzea.

j) Elementu informatikoen inbentarioaren kudeaketa, beharren azterketa eta erosketa berrien proposamena.

k) Informazio-sistemako edozein elementuren funtzionamenduan gerta litezkeen arazoak konpontzeko laguntza teknikoa.

l) Indarra duten xedapenek esleitzen dizkioten gainerako eginkizunak eta zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein, aipatutakoekin loturik badago edo haien ondoriozkoa bada.

55. artikulua . Informazio Sistemen Analisirako Atalaren eginkizunak.

Informazio Sistemen Analisirako Atalak eginkizun hauek ditu:

a) Tributuen arloan garrantzia duen informazioa atzeman, tratatu eta ustiatzea.

c) Tributuak kudeatzeko eta biltzeko eskumena duten zerbitzuekin lankidetzan aritzea, zergapekoen erroldak arautuko dituzten baldintzak definitzeko.

d) Datu-baseetako informazioaren koherentziaren azterketa.

e) Jarduera ekonomikoei buruzko azterlanak, analisia, indizeak eta moduluak prestatzea.

f) Tributuen arloko aitorpenak egiteko programak diseinatzen eta garatzen parte hartzea, gainerako zerbitzuekin elkarlanean.

56. artikulua . Identifikazio, Truke eta Eredu Informatiboen Atalaren eginkizunak.

Identifikazio, Truke eta Eredu Informatiboen Atalak eginkizun hauek ditu:

a) Zergadunen fitxategi nagusia mantentzea.

b) Tributuen arloko informazio guztia eta horrekin lotura duten dokumentuak jaso eta sistemetan kargatzea.

c) Autolikidazioekin eta aurkeztutako aitorpenekin lotura duten pertsona eta entitate guztiak identifikatu eta baliozkotzea.

d) Aitorpen informatiboen gaineko kudeatze eta mantentze lanak.

e) Beste administrazio, erakunde eta organismo batzuekin eta Nafarroako Foru Komunitateko Administrazioko beste organo eta unitate batzuekin tributu helburuetarako informazio trukeak bultzatzea eta koordinatzea.

f) Tributu xedeetarako, beste administrazio, erakunde eta organismo batzuekin informazioa trukatzeko akordioak eta hitzarmenak abian jar daitezen sustatzea.

g) Bere eginkizunetako eremuari dagozkion datuak emateko eskaerak tramitatzea.

h) Gainerako unitateek eskatzen duten informazioaz arduratzea.

i) Nafarroako Foru Ogasuneko artxiboa kudeatu eta zaintzea.

57. artikulua . Proiektuak Bulkatzeko, Prozedurak Hobetzeko eta Segurtasunerako Atalaren eginkizunak.

Proiektuak Bulkatzeko, Prozedurak Hobetzeko eta Segurtasunerako Atalak eginkizun hauek izanen ditu:

a) Tributuen kudeaketa hobetzen laguntzeagatik interes berezia duten proiektu informatikoak hautatzeko edo sustatzeko irizpideak zehaztea eta haien gaineko dokumentazioa egitea.

b) Nafarroako Foru Ogasuneko unitateei laguntza ematea kalitatea etengabe hobetzeko eta kudeatzeko teknikak bereganatzean eta informazioaren eta komunikazioen teknologien erabilera efizientean.

c) Erakunde autonomoaren eremuan informazioaren segurtasunaren arduradunaren eginkizunak betetzea, Nafarroako Foru Komunitateko Administrazioaren eta haren erakunde publikoen datuak babesteko eta informazioaren segurtasunerako politikaren arabera.

d) Irizpideak prestatzea eta zabaltzea datuak lagatzeko arloan.

e) Sortzen ari diren teknologia eta zerbitzuak identifikatu eta onestea, tributu arloan aplikatu ahal izateko.

f) Nafarroako Foru Ogasuneko Jakintza Kudeatzeko Sisteman edukiak bildu eta mantentzea sustatzea.

g) Bere eginkizunetako eremuari dagozkion datuak lagatzeko eskaerak tramitatzea.

h) Indarra duten xedapenek esleitzen dizkioten gainerako eginkizunak eta zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein, aipatutakoekin loturik badago edo haien ondoriozkoa bada.

9. ATALA. ARAUEN GARAPEN ETA AHOLKULARITZA JURIDIKORAKO ZERBITZUA

58. artikulua . Arauen Garapen eta Aholkularitza Juridikorako Zerbitzuaren eginkizunak.

Arauen Garapen eta Aholkularitza Juridikorako Zerbitzuak eginkizun hauek ditu:

a) Tributu arloko xedapenetarako proiektu eta aurreproiektuak prestatzea.

b) Nafarroako tributuen araudiko proiektuen tramitazioa eta jarraipena egitea, erabat aldarrikatu eta argitaratu arte.

c) Erakunde autonomoarentzat interesgarriak diren arautegi, epai, ebazpen, kontsultak eta argitalpenak bildu, sistematizatu eta hedatzea.

d) Hitzarmen Ekonomikoaren aplikazioaren jarraipena eta azterketa egitea, tributuen arloari dagokionez.

e) Hitzarmen Ekonomikoan ezartzen den Arbitraje Batzordearen mende dauden aferak aztertzea eta tramitatzea.

f) Europar Batasuneko arautegia eta jurisprudentzia aztertu eta begiratzea eta Nafarroako tributu arloko arautegian duen oihartzuna ebaluatzea.

g) Erakunde autonomoko organo eta unitateei aholkularitza juridikoa ematea tributuen arloan.

h) Tributu arloko kontu juridikoak interpretatzeko proposamenak prestatu eta bertan parte hartzea.

i) Beste erakunde eta organismo batzuekiko tributuen arloko akordioek eta hitzarmenek eskatzen dituzten izapideak eta barne hedapeneko eta administrazio erregistroko gainerako jarduerak.

j) Nafarroako Parlamentuak, Kontuen Ganbarak edo Arartekoak egindako eskaera eta kontsultei eman beharreko erantzunak prestatu eta tramitatzea, gainerako zerbitzuekin lankidetzan.

k) Erakunde autonomoko prestakuntza plana egin eta ezartzea.

l) Nafarroako zerga arloko heziketa plana prestatu eta haren jarraipena egitea, gainerako zerbitzuekin lankidetzan.

m) Tributuen kontrolerako urteko plana prestatzen eta betearazten parte hartzea, beste zerbitzu batzuekin lankidetzan.

n) Zerbitzuari dagozkion helburuak, jarduera adierazleak eta emaitzen ebaluazioa egitea, bai eta memoria prestatzea ere.

ñ) Indarra duten xedapenek esleitzen dizkioten eta Nafarroako Foru Ogasuneko Kudeaketako Zuzendaritzak bere gain uzten dituen gainerako eginkizunak.

59. artikulua . Arauen Garapen eta Aholkularitza Juridikorako Zerbitzuaren egitura.

Arauen Garapen eta Aholkularitza Juridikorako Zerbitzuak atal hauek ditu bere egituran:

a) Tributu Sistemaren Fiskalitate eta Garapenerako Atala.

b) Tributuen arloko Aholkularitza, Dokumentazio eta Zabalkunderako Atala.

60. artikulua . Tributu Sistemaren Fiskalitate eta Garapenerako Atalaren eginkizunak.

Tributu Sistemaren Fiskalitate eta Garapenerako Atalak eginkizun hauek ditu:

a) Tributuen arloko xedapenen aurreproiektuak eta proiektuak prestatzeko lanetan parte hartzea, beharrezkoak diren txostenak eta proposamenak eginez.

b) Tributuen arloko aitorpenetarako ereduetarako arauak egin eta proposatzea.

c) Nafarroako tributuen araudiko proiektuak izapidetzea eta haien jarraipena egitea, aldarrikatu eta argitaratu arte.

d) Europar Batasuneko arautegia eta jurisprudentzia aztertu eta begiratzea eta Nafarroako tributu arloko arautegian duen oihartzuna ebaluatzea.

e) Fundazioen eta irabazi-asmorik gabeko gainerako entitateen zerga araubide berariazkoaren aplikazioari dagozkion ebazpen proposamenak egitea.

f) Udalei konpentsazio ekonomikoa emateko proposamenak prestatzea, fundazioei eta parekatutako entitateei toki-tributuetan hobari fiskalak aplikatzearen ondoriozkoak.

g) Kooperatiba arloan aholkularitza juridikoa ematea, eta orobat Lur-ondasunen Erregistroari dagokionez.

h) Erakunde autonomoko organo eta unitateei aholkularitza juridikoa ematea tributu arloan, eta haiekin lankidetzan aritzea tributu arloko kontsulten azterketan eta ebazpenean.

i) Nafarroako Foru Auzitegi Ekonomiko-administratiboaren ordezko kide izatea.

61. artikulua . Tributuen arloko Aholkularitza, Dokumentazio eta Zabalkunderako Atalaren eginkizunak.

Tributuen arloko Aholkularitza, Dokumentazio eta Zabalkunderako Atalak eginkizun hauek ditu:

a) Erakunde autonomoko organo eta unitateei aholkularitza juridikoa ematea tributu arloan, eta haiekin lankidetzan aritzea tributu arloko kontsulten azterketan eta ebazpenean.

b) Erakunde autonomoaren gainerako zerbitzuekin koordinaturik arauen interpretaziotik sortzen diren irizpideak aztertu eta proposatzea.

c) Erakunde autonomoarentzat interesgarria den araudia eguneratu eta hedatzea.

d) Erakunde autonomoarentzat interesgarriak diren epai, ebazpen, kontsulta eta argitalpenak bildu, sistematizatu eta hedatzea.

e) Hitzarmen Ekonomikoaren aplikazioaren jarraipena eta azterketa egitea, tributuen arloari dagokionez.

f) Hitzarmen Ekonomikoan ezartzen den Arbitraje Batzordearen mende dauden aferak aztertzea eta tramitatzea.

g) Beste erakunde eta organismo batzuekiko tributuen arloko akordioek eta hitzarmenek eskatzen dituzten izapideak eta barne hedapeneko eta administrazio erregistroko gainerako jarduerak.

h) Erakunde autonomoko prestakuntza plana egin eta ezartzea, gainerako zerbitzuekin koordinatuta.

i) Nafarroako Zerga arloko Heziketa Plana egin eta haren jarraipena.

j) Nafarroako Foru Ogasunaren liburutegia eratu, mantendu eta kudeatzea.

k) Indarra duten xedapenek esleitzen dizkioten gainerako eginkizunak eta zerbitzuko zuzendariak edo Nafarroako Foru Ogasuneko Kudeaketako Zuzendaritzak agintzen dion beste edozein, aipatutakoekin loturik badago edo haien ondoriozkoa bada.

III. TITULUA. ONDAREA, LANGILEAK ETA ARAUBIDE JURIDIKOA

I. KAPITULUA. ONDAREA, BALIABIDEAK, AURREKONTUAK ETA KONTROLA

62. artikulua . Ondarea.

Nafarroako Foru Ogasunaren ondarea, mota guztietako ondasunek eta eskubideek osatzen dute, Nafarroako Foru Komunitatearen ondarekoak badira eta erakunde autonomoari atxikitakoak badira horrek bere helburuak bete ditzan, ondare horretako ondasunak izateagatik dagokien jatorrizko kalifikazio juridikoari eusten diotela, hori guztia indarreko araudian ezarritako irismenarekin.

63. artikulua . Baliabide ekonomikoak.

Honako baliabide hauek osatuko dute Nafarroako Foru Ogasuna:

a) Eskueran jartzen zaizkion ondasun eta eskubideak.

b) Ondasun eta eskubide horien etekin eta errentak.

c) Jasotzeko baimenduta dituen diru-sarrera arruntak eta apartekoak, horiek arautzen dituzten xedapenen arabera.

d) Transferentziak, ohikoak edo kapitalekoak, Nafarroako Foru Komunitateko aurrekontu orokorretan esleiturik dituenak.

e) Administrazioen edo entitate publikoen dirulaguntzak, ohikoak edo kapitalekoak.

f) Erakunde pribatuen eta norbanakoen dohaintza, legatu eta bestelako ekarpenak.

g) Esleitzen zaion beste edozein baliabide.

64. artikulua . Aurrekontu araubidea.

1. Nafarroako Foru Ogasunaren aurrekontuaren kudeaketa urteko aurrekontu integratuaren araubidearen mende dago, Ekonomia eta Ogasun Departamentuarenarekin batera, Nafarroako Aurrekontu Orokorretan.

2. Nafarroako Foru Ogasunaren aurrekontuaren egitura, egiteko prozedura, egikaritzea eta likidazioa Nafarroako Aurrekontu Orokorretarako ezarritako arau eta erregeletan aurreikusitakoaren arabera arautuko dira.

65. artikulua . Kontuhartzearen araubidea.

Nafarroako Foru Ogasuneko kudeaketa ekonomikoa -hots, eduki ekonomikoko betebehar eta eskubideak sorrarazten dituzten egintza, agiri eta espedienteak- Nafarroako Foru Komunitateko Administrazioarentzat ezarritako modu eta baldintza berberetan eramanen da kontu-hartzailetzari eta kontabilitateari dagokienez.

66. artikulua . Kontabilitate araubidea.

1. Nafarroako Foru Ogasuna kontabilitate publikoaren araubidearen mende geratuko da, Foru Komunitateko Administrazioaren baldintza berberetan.

2. Kontuak ematea Nafarroako Kontu Orokorretarako aurreikusitakoaren arabera formalizatu, tramitatu eta ebatziko da.

II. KAPITULUA. LANGILEAK

67. artikulua . Nafarroako Foru Ogasuneko langileak.

1. Hona hemen Nafarroako Foru Ogasuneko langileak:

a) Nafarroako Gobernuak hautaturik, izendapen libreko zuzendaritza karguetan aritzen direnak.

b) Funtzionarioak, administrazio araubidean kontratatutakoak eta Nafarroako Foru Ogasunari eta hura osatzen duten unitate organikoei atxikita dauden edo atxikiko diren lan-kontratuko langileak.

2. Nafarroako Foru Ogasuneko langileen hautaketa kudeatuko da langileen arloko eskudantziei buruzko berariazko foru dekretu batean ezartzen denarekin bat.

3. Funtzio publikoaren arloan eskumenak dituen departamentuak giza baliabideen gainean ezarritako jarraibideak aplikatuko ditu Nafarroako Foru Ogasunak.

68. artikulua . Zuzendaritzako langileen ordainsariak.

Zuzendaritzako langileen ordainsariak Nafarroako Aurrekontu Orokorrei buruzko foru legeetan agertu beharko dira, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 52. artikuluan ezarritakoaren arabera.

69. artikulua . Ataletatik beherako administraziounitateak.

Bulegoak edo ataletatik beherako beste administrazio unitate batzuk sortu, aldatu edo kentzea Ekonomia eta Ogasun Departamentuko titularraren foru agindu baten bidez eginen da, Nafarroako Foru Ogasuneko Kudeaketako Zuzendaritzak proposaturik, aurretik funtzio publikoaren, antolaketa administratiboaren eta ekonomiaren arloetan eskumena duten departamentuek txostena emanda.

Sortzen diren unitate administratiboek bulegoek dituzten lansari osagarriak eta maila berbera izanen dituzte.

70. artikulua . Langileria arloko eskudantziak.

Kudeaketako Zuzendaritzari, zerbitzu, atal eta bulegoen titularrei edo ataletik beherako unitateen titularrei dagozkien eginkizunak deusetan ukatu gabe, eskudantzia hauek izanen dituzte beren ardurapean dauden langileei buruz:

a) Absentismoa kontrolatzea eta ordutegiaren, dedikazioaren eta errendimenduaren inguruko beharkizunak betearaztea.

b) Unitateari atxikitako langileen baimen, lizentzia, opor eta joan-etorriak baimentzea.

c) Langileen komunikazioa eta partaidetza erraztu eta bultzatzea eta lan giro ona, errendimendua eta produktibitatea sustatzea.

d) Bere unitateari atxikitako langileen jarduerak, lanak eta eginkizunak zuzendu eta koordinatzea.

III. KAPITULUA. ARAUBIDE JURIDIKOA

71. artikulua . Administrazio egintzen araubide juridikoa.

1. Nafarroako Foru Ogasunaren egintza administratiboen araubide juridikoa Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen III. Tituluko II. Kapituluan eskuarki erakunde autonomoendako ezartzen dena da, foru lege hartako bigarren xedapen gehigarrian tributu arloko prozedura administratiboei dagokienez eta zehapen araubideari dagokionez xedatua deusetan galarazi gabe.

2. Langileei, kontratazioei eta aurrekontuei buruzko administrazio egintzei dagokienez, Foru Komunitateko Administrazioaren araudi berariazkoari jarraituko zaio.

72. artikulua . Ebazteko ahalmena.

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 49.1.c) artikuluan xedatuarekin bat, ebazteko ahalmena utzi da, Nafarroako Foru Ogasuneko Kudeaketako Zuzendaritzaren titularraren eta hura osatzen duten zerbitzuen esku ez ezik, honako hauen esku ere, nork bere eskumen esparruaren barnean: Zerga Kudeaketa Zerbitzuaren Atalak, Tributu Ikuskapenerako Zerbitzuko atalak, Diru-bilketa Zerbitzuko atalak, Pertsona Fisikoen Errentaren eta Ondarearen gaineko Zergen Atal Tekniko eta Kontrolekoa, Pertsona Fisikoen Errentaren eta Ondarearen gaineko Zergak Kudeatzeko Zerbitzuaren Pertsona Fisikoen Errentaren eta Ondarearen gaineko Zergen Kanpainako Zergadunekiko Harremanen eta Erregistro Laguntzailearen Atala, Lur-ondasunen eta Ondarearen gaineko Tributuen Zerbitzuaren Oinordetzen eta Dohaintzen, Ondare Eskualdaketen eta Egintza Juridiko Dokumentatuen gaineko Zergen Atala, eta Zergadunari Laguntza eta Argibideak Emateko Zerbitzuaren Errekerimenduen, Jakinarazpenen eta EJZaren Atala.

73. artikulua . Errekurtsoa eta erreklamazioak.

1. Nafarroako Foru Ogasuneko organoek tributu arloan ematen dituzten egintza eta ebazpen administratiboak Tributuei buruzko abenduaren 14ko 13/2000 Foru Legean eta hori garatzen duten xedapenetan xedaturikoaren arabera aurkaratzen ahalko dira.

2. Aurreko 1. zenbakian jaso ez diren administrazio egintza eta ebazpenak aurkaratzen ahalko dira, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 57. artikuluan ezarritakoaren arabera.

74. artikulua . Defentsa juridikoa.

Botere Judizialari buruzko Lege Organikoan xedatuari jarraikiz, Nafarroako Foru Ogasunaren ordezkaritza eta defentsa epaiketetan Nafarroako Gobernuko Aholkularitza Juridikoan aritzen diren letratuei dagokie, ordezkatu eta defendatzeko elkargoko abokatua izendatzen den kasuetan salbu.

Halaber, Nafarroako Gobernuaren Aholkularitza Juridikoak aholku juridikoa ematen ahalko dio Nafarroako Foru Ogasunari. Hori guztia Aholkularitza Juridikoa arautzen duen urtarrilaren 5eko 4/1984 Foru Dekretuan ezarritako moduan.

Iragarkiaren kodea: F1914424

Contacte con nosotros | Accesibilidad | Aviso legal | Mapa web