(ir al contenido)

navarra.es

Castellano | Euskara | Français | English

LEXNAVARRA


Versión para imprimir

Versión en castellano

265/2019 FORU DEKRETUA, URRIAREN 30EKOA, ZEINAREN BIDEZ EZARTZEN BAITA GARAPEN EKONOMIKO ETA ENPRESARIALEKO DEPARTAMENTUAREN EGITURA ORGANIKOA Nota de Vigencia-Nota de Vigencia.

BON N.º 220 - 07/11/2019



  I. KAPITULUA. XEDAPEN OROKORRAK


  II. KAPITULUA. ENPRESA POLITIKAREN, NAZIOARTEKO PROIEKZIOAREN ETA LANAREN ZUZENDARITZA NAGUSIA

  1. ATALA. ESKUMEN MATERIALEN ESPARRUA ETA EGITURA

  2. ATALA. LEHIAKORTASUNAREN ZERBITZUA

  3. ATALA. NAZIOARTEKO PROIEKZIOAREN ZERBITZUA

  4. ATALA. INDUSTRIA SUSTATZEKO ZERBITZUA

  5. ATALA. LAN ZERBITZUA


  III. KAPITULUA. INDUSTRIAREN, ENERGIAREN ETA S3 PROIEKTU ESTRATEGIKOEN ZUZENDARITZA NAGUSIA

  1. ATALA. ESKUMEN MATERIALEN ESPARRUA ETA EGITURA

  2. ATALA. S3 PROIEKTU ESTRATEGIKOEN ZERBITZUA

  3. ATALA. TRANTSIZIO ENERGETIKOAREN ZERBITZUA

  4. ATALA. INDUSTRIA ANTOLAMENDUAREN, AZPIEGITURA ENERGETIKOEN ETA MEATZEEN ZERBITZUA

  5. ATALANota de Vigencia


  IV. KAPITULUA. TURISMO, MERKATARITZA ETA KONTSUMO ZUZENDARITZA NAGUSIA

  1. ATALA. ESKUMEN MATERIALEN ESPARRUA ETA EGITURA

  2. ATALA. TURISMOAREN PLANGINTZA ETA BERRIKUNTZA ZERBITZUA

  3. ATALA. TURISMOKO MARKETINAREN ETA NAZIOARTEKOTZEAREN ZERBITZUA

  4. ATALA. TURISMOA ETA MERKATARITZA ANTOLATU ETA SUSTATZEKO ZERBITZUA

  5. ATALA. KONTSUMO ETA ARBITRAJE ZERBITZUA


  V. KAPITULUA. IDAZKARITZA TEKNIKO NAGUSIA


Atariko

Nafarroako Foru Komunitateko Lehendakariaren abuztuaren 6ko 22/2019 Foru Dekretuaren bidez, ezarri ziren Nafarroako Foru Komunitateko Administrazioaren departamentuen egitura eta departamentu bakoitzaren eskumenen esparrua.

Abuztuaren 14ko 89/2019 Foru Dekretuaren bidez, ezarri zen Garapen Ekonomiko eta Enpresarialeko Departamentuaren oinarrizko egitura.

Bidezko da, beraz, behar bezala garatzea Garapen Ekonomiko eta Enpresarialeko Departamentuaren egitura berria.

Horrenbestez, Garapen Ekonomiko eta Enpresarialeko kontseilariak proposaturik, eta Nafarroako Gobernuak 2019ko urriaren 30ean egindako bilkuran hartutako erabakiarekin bat,

DEKRETATZEN DUT:

I. KAPITULUA. XEDAPEN OROKORRAK

1. artikulua . Garapen Ekonomiko eta Enpresarialeko Departamentuaren eskumenen esparrua.

Garapen Ekonomiko eta Enpresarialeko Departamentuak beteko ditu Nafarroako Foru Komunitateko Administrazioak honako arlo hauetan eskuratuak dituen eskumenak: garapen ekonomiko eta enpresarialaren kudeaketa; Nafarroako Espezializazio Adimentsuaren Estrategiaren (S3) definizioa, eguneraketa, ezarpena, monitorizazioa eta jarraipena; aipatu estrategian definitutako sektore estrategikoen sustapena; klusterren sustapena; talentuaren plan estrategikoa; industria jardueraren sustapena; lehiakortasuna, ekintzailetza, kalitatea eta berrikuntza sustatzea enpresetan; plangintza eta kontrol energetikoa; industrien eta meategien kontrola; energia berriztagarrien sustapena; Nafarroako enpresak nazioartekotzeko sustapena; lan harremanak, ekonomia soziala eta lan autonomoa sustatu eta antolatzea; lan bitartekaritza; Nafarroako turismoaren sektorea antolatu eta sustatzea; barne merkataritza eta artisautza antolatu eta sustatzea; kontsumoa eta arbitrajea; Enpresa Korporazio Publikoaren koordinazioa, kontseilari bakoitzari esleitutako enpresa publikoak errespetatuz; eta indarra duten xedapenetan ematen zaizkion gainerako eskudantziak.

2. artikulua . Garapen Ekonomiko eta Enpresarialeko Departamentuko titularra.

1. Garapen Ekonomiko eta Enpresarialeko Departamentuko titularrak, foru dekretu honen 1. artikuluan zehaztutako eskumen esparruari loturik, izanen ditu Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluan ezarritako eskudantziak.

2. Era berean, Garapen Ekonomiko eta Enpresarialeko Departamentuko titularrari dagokio kide anitzeko organo hauetako buru izatea:

a) Nafarroako Lan Autonomoaren Kontseilua.

b) Nafarroako Turismo Kontseilua.

c) Nafarroako Merkataritza Kontseilua.

d) Nafarroako Kontsumoaren Kontseilua

3. Garapen Ekonomiko eta Enpresarialeko Departamentuko titularrari sostengu politiko eta teknikoa emateko unitate gisa, departamentuan kabinetea dago, loturik dagoena Nafarroako Gobernuari eta Lehendakariari buruzko abenduaren 3ko 14/2004 Foru Legearen 19. artikuluari, zuzenean Departamentuko titularraren mende.

3. artikulua . Garapen Ekonomiko eta Enpresarialeko Departamentuaren antolaketa orokorra.

Garapen Ekonomiko eta Enpresarialeko Departamentuak, bere titularraren goi-zuzendaritzapean, honako organo hauek ditu bere egituran:

a) Enpresa Politikaren, Nazioarteko Proiekzioaren eta Lanaren Zuzendaritza Nagusia.

b) Industriaren, Energiaren eta S3 Proiektu Estrategikoen Zuzendaritza Nagusia.

c) Turismo, Merkataritza eta Kontsumo Zuzendaritza Nagusia.

d) Idazkaritza Tekniko Nagusia.

4. artikulua . Zuzendaritza nagusien eskudantziak.

Garapen Ekonomiko eta Enpresarialeko Departamentuko zuzendaritza nagusiek, departamentuko titularraren goi-zuzendaritzapean eta foru dekretu honetan bakoitzari esleitutako esparruan, izanen dituzte arau hauetan ezarritako eskudantziak: Nafarroako Foru Komunitateko Administrazioari buruzko abenduaren 3ko 11/2019 Foru Legearen 32. artikulua eta foru lege beraren azken xedapenetako lehenbizikoa. Horietaz gainera, indarra duten xedapenek esleitzen dieten beste edozein, edo Garapen Ekonomiko eta Enpresarialeko Departamentuko titularrak agintzen dien beste edozein.

5. artikulua . Idazkaritza Tekniko Nagusiaren eskudantziak.

1. Garapen Ekonomiko eta Enpresarialeko Departamentuko Idazkaritza Tekniko Nagusiak, foru dekretu honen 1. artikuluan azaldutako eskumenen esparruaren barrenean, eta Garapen Ekonomiko eta Enpresarialeko Departamentuko titularraren goi-zuzendaritzaren mendean, hari zuzenean atxikia baita Idazkaritza Tekniko Nagusia, izanen ditu honako arau hauetan ezarritako eskudantziak: Nafarroako Foru Komunitatearen Administrazioari buruzko abenduaren 3ko 11/2019 Foru Legearen 33. artikulua eta otsailaren 21eko 29/2005 Foru Dekretua, zeinaren bidez onesten baita Nafarroako Foru Komunitatearen Administrazioko idazkaritza tekniko nagusiak arautzen dituen erregelamendua. Orobat, izanen ditu indarra duten xedapenek ematen dizkiotenak edo Garapen Ekonomiko eta Enpresarialeko Departamentuko titularrak agintzen dizkionak, eta eskudantziak baliatzeko behar diren ebazpenak emanen ditu.

2. Idazkaritza Tekniko Nagusiaren ardura izanen da genero ikuspegiaren zeharkakotasuna aplikatzea, Garapen Ekonomiko eta Enpresarialeko Departamentuko politikak planifikatzean, kudeatzean eta ebaluatzean, bat etorriz apirilaren 4ko 17/2019 Foru Legearekin, zeina baita emakumeen eta gizonen arteko berdintasunari buruzkoa.

6. artikulua . Zerbitzuen eginkizunak.

Zerbitzuek, departamentuko goragoko organoen zuzendaritzapean eta dagokion esparru materialean, ondoko eginkizunak izanen dituzte: beren mendeko atal edo unitate organikoak planifikatzea, koordinatzea, zuzentzea eta kontrolatzea; prozedurak arintzeko, arrazionalizatzeko eta errazteko printzipioak bultzatzea eta sustatzea; indarra duten xedapenek berariaz ezarritakoak; eta departamentuko organo eskudunek beren esku deskontzentratzen edo eskuordetzen dizkietenak.

7. artikulua . Atalen eginkizunak.

Atalei dagozkie eginkizun hauek, departamentuko goragoko organoen zuzendaritzapean eta kasuan kasuko esparru materialean: exekuzioa, txostenak egitea eta proposamenak egitea hierarkian gorago dagoenari; beren mendeko bulego edo unitateen jarduerak koordinatzea, gidatzea eta kontrolatzea; eta departamentuko organo eskudunek agintzen dizkietenak.

II. KAPITULUA. ENPRESA POLITIKAREN, NAZIOARTEKO PROIEKZIOAREN ETA LANAREN ZUZENDARITZA NAGUSIA

1. ATALA. ESKUMEN MATERIALEN ESPARRUA ETA EGITURA

8. artikulua . Enpresa Politikaren, Nazioarteko Proiekzioaren eta Lanaren Zuzendaritza Nagusiaren eskumenen esparru materiala.

Enpresa Politikaren, Nazioarteko Proiekzioaren eta Lanaren Zuzendaritza Nagusiak baliatuko ditu foru dekretu honetan ezarritako eskudantziak, gai hauetan:

a) Politika enpresarial orokorra aztertzea eta planifikatzea, eta haren jarraipena egitea.

b) Analisi estrategikoa eta jarduketarako proposamenak egitea garrantzi handia duten gaietan Nafarroako jarduera enpresarialari dagokionez eta Nafarroako Gobernuak jarduera enpresariala sustatzeko egiten duen lanari dagokionez.

c) Planifikatzea, programatzea, koordinatzea eta sustatzea ekimen ekonomiko eta programa estrategiko orokorrak edo Nafarroako ekonomiarako eta haren lehiakortasunerako interesa dutenak, eta haien jarraipena eta zabalkundea egitea, Foru Komunitateko sektore publikoaren partaidetzarekin.

d) Koordinazioa egitea honako bi hauen artean: Nafarroako Gobernua batetik, eta SODENAko Nafarroako Espezializazio Adimentsuaren Estrategiako talde teknikoa, bestetik.

e) Nafarroako Gobernuaren garapen ekonomikorako estrategiak koordinatzea Estatuarekin eta beste administrazio publiko batzuekin, bere eskumeneko esparruetan, deusetan galarazi gabe Nafarroako Foru Komunitateko Administrazioaren beste organo batzuek gai honetan izan dezaketen eskumena.

f) Koordinatzea Nafarroaren kanpo ekintza guztiak, honako hauei dagokienez: garapen enpresariala nazioartean, Nafarroaren marka sustatzea, S3 estrategiaren sektore estrategikoen ekosistemak sustatzea, eta nazioarteko inbertsioak eta talentua erakartzea.

g) Nafarroako jarduera ekonomikoa eta profil profesionala nazioartekotzea sustatzeko politika eta ekintzak, Nafarroako Nazioarteko Planaren bidez.

h) Nafarroako Gobernuak erabakitzen dituen Europar Batasuneko nazioarteko eta foro eta erakundeetan parte hartzea, betiere garapen ekonomikoarekin eta enpresa jarduerarekin loturik.

i) Diseinatzea eta gauzatzea programa operatiboak eta Europako egitura funtsen kudeaketa, Zuzendaritza Nagusi hau bitarteko erakundea denean.

j) Lankidetzan aritzea Nafarroako gizarte, ekonomia eta enpresa erakundeekin, parte har dezaten Nafarroako Gobernuak nazioarteari begira erabakitzen dituen ekimen eta jardueretan, eta sustatu eta indartu dadin Nafarroaren irudi ekonomikoa Europar Batasunean eta nazioartean.

k) Sustatzea enpresa jarduera honako hauen bidez: Ekintzailetza Plana, Lan Autonomoaren Plana, Industria Plana, Ekonomia Sozialeko Plana eta Talentua Erakartzeko eta Atxikitzeko Plana.

l) Sustatzea enpresa hazkundea, laguntza emanez inbertsio proiektuei, enpresen lehiakortasuna hobetzeko ekintzei, eta finantzaketa lortzeko aukerari, bai eta beste jarduketa espezifiko batzuen bidez ere, zeinak definitu baitira Industria Planean.

m) Babesa ematea enpresen berregituratzeari eta berrantolatzeari, krisi nahiz integrazio prozesuetan.

n) Enpresek beren jarduera ekonomikoa garatzeko behar dituzten azpiegiturak eskuratzea sustatzea, hala nola lurzorua, industriaguneak, hornidurak eta telekomunikazioakNota de Vigencia.

ñ) Nafarroan ekintzailetza sustatzea, handitu dadin Foru Komunitatean sortzen eta finkatzen diren enpresen kopurua.

o) Kudeatzea enpresentzako aholkularitza zerbitzu integral bat, informazioa eskainiko duena haien jarduerarekin zerikusia duen edozein afera administratiboren gainean.

p) Kudeatzea Nafarroako enpresa nagusiekiko harremanak eta enpresaburuen elkarteekikoak, eta jarraipena egitea.

q) Bultzatzea enpresen lankidetza, bereziki klusterrak, eta haien jarraipena egitea.

r) Industria 4.0 planifikatzea eta bultzatzea Nafarroan.

s) Honako hauek erregistratzea: hauteskunde sindikalak, hitzarmenak, laneko adiskidetzeak. Orobat, sustatzea gizarte eragileen ordezkaritza eta parte-hartzea eta gizarte eztabaida.

t) Enpresaren kudeaketan, sustatzea enpresa-erakundeko eragileak gehiago integratzen dituzten ereduak, edo enpresa kultura berria.

u) Sustatzea lan arriskuen prebentzioa.

v) Sustatzea ekonomia soziala, Nafarroako Ekonomia Sozialerako Plan Integralaren bidez eta kooperatiben erregistroaren bidez.

w) Sustatzea lan autonomoa, Lan Autonomoaren Planaren bidez.

x) Sustatzea eta koordinatzea enpresaren gizarte erantzukizuna, bai eta enpresako berdintasun eta bateragarritasun politikak ere.

y) Zehapen prozedurak bere eskumenen esparru materialean; zuzendari nagusiari dagokio prozedura ebaztea, salbu zenbateko bat gainditzeagatik lan-arloan goragoko organo bati baldin badagokio.

z) Dirulaguntzen deialdia egitea eta dirulaguntzak ematea bere eskumenen esparruarekin lotutako jardueretarako.

aa) Desjabetzeak, Zuzendaritza Nagusiaren eskumeneko arloetan.

ab) Gidatzea Nafarroako Merkataritza, Industria eta Zerbitzu Ganbera Ofiziala, ezartzen den bezala ganbera hori arautzen duen apirilaren 10eko 17/2015 Foru Legean.

ac) Koordinatzea Laneko eta Gizarte Segurantzako Ikuskatzailetzarekin, Zuzendaritza Nagusiaren eskumenekin lotutako jarduketetan.

ad) Indarra duten xedapenek Garapen Ekonomiko eta Enpresarialeko Departamentuari esleitzen dizkioten beste batzuk, Zuzendaritza Nagusiak bere duen esparruan, eta bere jardueraren eremuan agintzen zaizkionak.

9. artikulua . Enpresa Politikaren, Nazioarteko Proiekzioaren eta Lanaren Zuzendaritza Nagusiaren egitura.

Enpresa Politikaren, Nazioarteko Proiekzioaren eta Lanaren Zuzendaritza Nagusiak zerbitzu hauek ditu bere egituran:

a) Lehiakortasunaren Zerbitzua.

b) Nazioarteko Proiekzioaren Zerbitzua.

c) Industria Sustatzeko Zerbitzua.

d) Lan Zerbitzua.

2. ATALA. LEHIAKORTASUNAREN ZERBITZUA

10. artikulua . Lehiakortasunaren Zerbitzuaren eginkizunak.

Foru dekretu honetan ezarritako eskudantziak ditu, honako arlo hauetan, Lehiakortasunaren Zerbitzuak:

a) Bultzatzea Nafarroako S3 estrategia eta haren jarraipena egitea.

b) Bultzatzea klusterren politika eta haren jarraipena egitea.

c) Talentua Erakartzeko eta Atxikitzeko Planean, atxikitzearen zatia koordinatzea.

d) Planifikatzea eta koordinatzea Nafarroako Ekintzailetza Plana, eta haren jarraipena egitea.

e) Diseinatzea eta kudeatzea ekintzailetzarako laguntzak, sustatuz oinarri teknologikoko ekintzailetza, erantzutearren S3 estrategiaren erronkei.

f) Operatibo edukitzea zerbitzu bat ekintzaileari arreta eman dakion eta bultza dadin digitaliza daitezela enpresak sortzeko prozedura administratiboak, bat etorriz abenduaren 9ko 15/2009 Foru Legeak Jarduera Ekonomikoak Tramitatzeko Bulegoari esleitzen dizkion eginkizunekin; aipatutako foru lege horrek hizpide ditu administrazioa errazteko neurriak, xede izanik enpresa edo lanbide jarduerak abian jartzea.

g) Behatzea Nafarroako enpresa sarea: helbideak, altak, bajak, zailtasunak dituzten enpresen alerta, eta jarraipena egitea lantokia Nafarroan duten multinazionalen eta enpresa traktore eta kotizatuen jarduerari.

h) Segurtatzea zerbitzu publiko bat izanen dela enpresei informazio integrala emateko, leihatila bakarra izateko bokazioduna.

i) Laguntza ematea Nafarroako enpresek finantzaketa hobea izan dezaten, bai hitzarmenak eginez finantza entitateekin eta SODENArekin, bai Nafarroako Foru Komunitateko Administrazioaren abalen bidez.

j) Bultzatzea enpresetan lehiakortasuna izan dadila, elkarlana izanez enpresa elkarteekin, baita enpresei zuzeneko laguntzak emanez ere.

k) Lankidetzan aritzea Nafar Lansare-Nafarroako Enplegu Zerbitzuarekin, enpresen formakuntza beharrak zehazteko.

l) Sustatzea Nafarroako eskualdeetako plan estrategikoak, horien bidelagun izatea, eta jarraipena egitea.

m) Jarduera ekonomikoetarako lurzorua eta espazioak izan daitezela sustatzea, baita horiek funtzionatzeko behar diren azpiegiturak ereNota de Vigencia.

n) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionakNota de Vigencia.

11. artikulua . Lehiakortasunaren Zerbitzuaren egitura.

Egituran, honako atal hauek ditu Lehiakortasunaren Zerbitzuak:

a) Ekintzailetzaren Atala.

b) Lehiakortasunaren Atala.

c) Industria Lurzoruaren AtalaNota de Vigencia.

12. artikulua . Ekintzailetzaren Atalaren eginkizunak.

Ekintzailetzaren Atalak eginkizun hauek beteko ditu:

a) Planifikatzea eta koordinatzea Nafarroako Ekintzailetza Plana, eta haren jarraipena egitea.

b) Kudeatzea ekintzailetzarako laguntzak.

c) Kudeatzea ekintzailearen arretarako gunea, eta sustatzea digitaliza daitezela enpresak eratzeko tramite administratiboak.

d) Jarraipena egitea Nafarroako enpresa sare orokorrari: altak, bajak, lekualdatzeak, zailtasun egoerak, eta jarraipena egitea lantokia Nafarroan duten multinazionalei eta industriako enpresa traktore eta kotizatuei.

e) Laguntza ematea Nafarroako enpresek finantzaketa hobea izan dezaten, bai hitzarmenak eginez finantza entitateekin eta SODENArekin, bai Foru Komunitateko Administrazioaren abalen bidez.

13. artikulua . Lehiakortasunaren Atalaren eginkizunak.

a) Bultzatzea Nafarroako S3 estrategia eta haren jarraipena egitea.

b) Bultzatzea klusterren politika eta haren jarraipena egitea.

c) Talentua Erakartzeko eta Atxikitzeko Planean, atxikitzearen zatia koordinatzea.

d) Bultzatzea enpresetan lehiakortasuna izan dadila, elkarlana izanez enpresa elkarteekin, baita enpresei zuzeneko laguntzak emanez ere.

e) Lankidetzan aritzea Nafar Lansare-Nafarroako Enplegu Zerbitzuarekin, enpresen formakuntza beharrak zehazteko.

f) Nafarroako eskualdeetan, sustatzea garapen ekonomiko industriala garatzeko plan estrategikoak, horien bidelagun izatea, eta jarraipena egitea.

g) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

13 bis artikulua. Industria Lurzoruaren Atalaren eginkizunakNota de Vigencia.

Honako eginkizun hauek ditu Industria Lurzoruaren Atalak:

a) Kudeatzea Nafarroako Foru Komunitateko Administrazioaren industria lurzorua.

b) Industria lurzorua kudeatzeko espedienteen departamentu arteko koordinazioa.

c) Kudeatzea industria lurzoruko azpiegiturak sustatzeko eta mantentzeko laguntzen deialdiak.

d) Industria lurzorua eta horri lotutako azpiegiturak garatzeko jarraibideak ezartzea, daudenak espezializatzea eta lurzorua eta azpiegiturak sortzeko inbertsioak lehenestea.

e) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

3. ATALA. NAZIOARTEKO PROIEKZIOAREN ZERBITZUA

14. artikulua . Nazioarteko Proiekzioaren Zerbitzuaren eginkizunak.

a) Koordinatzea Nafarroaren kanpo ekintza guztiak, honako hauei dagokienez: garapen enpresariala nazioartean, Nafarroaren marka sustatzea, S3 estrategiaren sektore estrategikoen ekosistemak sustatzea, eta nazioarteko inbertsioak eta talentua erakartzea.

b) Diseinatzea, bultzatzea eta koordinatzea Nafarroako Nazioarteko Plana, eta haren jarraipena egitea.

c) Sustatzea enpresen nazioartekotzea.

d) Testuinguru globalean, sustatzea Nafarroaren eta Nafarroako enpresen lehiakortasuna, koordinatuz ezagutza zentroen, enpresa erakundeen eta Nafarroako Gobernuaren nazioarteko estrategiak.

e) Sustatzea eta koordinatzea merkataritzako diplomazia Nazioarteko Planean helburu diren herrialde europarretan eta ez-europarretan.

f) Planifikatzea eta kudeatzea atzerriko inbertsioaren erakarpena.

g) Dinamizatzea BlogPIN web ataria, Nafarroa nazioartekotzeari buruzkoa.

h) Diseinatzea, prestatzea eta kudeatzea Europako funtsen programa operatiboak, Zuzendaritza Nagusia bitarteko erakundea denean, eta harremanak izatea Europar Batasunako ekonomiako agintariekin.

j) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

15. artikulua . Nazioarteko Proiekzioaren Zerbitzuaren egitura.

Egituran, honako atal hauek ditu Nazioarteko Proiekzioaren Zerbitzuak:

a) Nazioartekotzeko Laguntzen Atala.

b) Kanpo Sustapenaren Atala.

c) Europako Programen Atala.

d) Europako Funtsen Kontrolerako Atala.

16. artikulua . Nazioartekotzeko Laguntzen Atalaren eginkizunak.

Honako eginkizun hauek izanen ditu Nazioartekotzeko Laguntzen Atalak:

a) Koordinatzea eta abiaraztea Nafarroako Nazioarteko Planean aurreikusten diren eta atal honen eskumenekoak diren ekintzak, eta haien jarraipena egitea, bai eta berrikustea eta, aurrera egin ahala, berbideratzea ere.

b) Sustatzea Nafarroako enpresak nazioartekotu daitezela, esportazioaren bidez eta atzerrian ezartzearen bidez.

c) Sustatzea atzerrian lanbide praktikak egitea, bai eta atzerritarrek Nafarroan lanbide praktikak egitea ere.

d) Kanpo Sustapenaren Atalarekin koordinatzea, eta jarraipena egitea, laguntzeko itzul daitezela Becas Navarra Masters programaren onuradun izan direnak, koordinaturik Hezkuntza Departamentuarekin eta Nafarroako eragile sozioekonomikoekin.

e) Laguntza ematea Nafarroako enpresei parte har dezaten nazioarteko lizitazioetan.

f) Ezagutzea Nafarroan ezarritako nazioarteko enpresen jarduerak eta inbertsioak.

g) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

17. artikulua . Kanpo Sustapenaren Atalaren eginkizunak.

Honako eginkizun hauek izanen ditu Kanpo Sustapenaren Atalak:

a) Koordinatzea eta abiaraztea Nafarroako Nazioarteko Planean aurreikusten diren eta atal honen eskumenekoak diren ekintzak, eta haien jarraipena egitea, bai eta berrikustea eta, aurrera egin ahala, berbideratzea ere.

b) Zabalkundea ematea gure lurraldearen irudiari eta S3 estrategiaren sektore estrategikoen ekosistemei.

c) Antolatzea merkataritzako diplomazia Nazioarteko Planean helburu diren herrialde europarretan eta ez-europarretan: harremana izatea haien enbaxada eta erakundeekin afera ekonomikoetarako, nazioarteko misioetarako eta ferietarako.

d) Nazioartean sustatzea S3 estrategiaren sektore estrategikoen ekosistemak.

e) Planifikatzea talentuaren erakarpena eta atxikipena, koordinaturik Lehiakortasunaren Zerbitzuaren Lehiakortasunaren Atalarekin, eta koordinatzea eta gauzatzea plan horren erakarpen zatia.

f) Bultzatzea atzerriko inbertsioaren erakarpena.

g) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

18. artikulua . Europako Programen Atalaren eginkizunak.

Honako eginkizun hauek izanen ditu Europako Programen Atalak:

a) Idaztea eta tramitatzea programa operatibo hauek: Europako Gizarte Funtsa (EGIF) eta Eskualde Garapenerako Europako Funtsa (EGEF).

b) Jarraipena egitea programa operatibo horien betetzeari: kudeaketa, kontrola eta ebaluazioa.

c) Parte hartzea Programen Jarraipenerako Batzordeetan, koordinaturik horiek gauzatzen dituzten departamentu, unitate eta entitateekin.

d) Kontrolatzea EGIF eta EGEF programetako diru-sarrerak eta horiek banatzea kudeatzaileen artean.

e) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

19. artikulua . Europako Funtsen Kontrolerako Atalaren eginkizunak.

Honako eginkizun hauek izanen ditu Europako Funtsen Kontrolerako Atalak:

a) Egiaztatzea EGEF eta EGIF programa operatiboen kargura aitortutako gastuak; honako prozedura hauek daude barnean:

- Onuradunek aurkeztutako itzulketa-eskaeren egiaztapen administratiboak.

- Eragiketa zehatzei buruzko “in situ” egiaztapenak.

Zeregin horiek arautu dira Europako Parlamentuaren eta Kontseiluaren 1303/2013 (EB) Erregelamenduaren 125. artikuluko 4. apartatuan eta hurrengoetan. Aipatutako erregelamendu horren bidez, ezarri ziren Europako Egitura eta Inbertsio Funtsei buruzko xedapen amankomunak.

b) Deskribatzea, aldatzea eta eguneratzea EGEF eta EGIF programa operatiboak kudeatzeko eta kontrolatzeko sistemak, kontrolari dagokionez.

c) Beharrezkotzat jotzen diren kontrol mekanismoak ezartzea irregulartasunak harrapatzeko aitortutako gastuetan eta zuzenketa finantzarioa egiteko, eta mekanismo horien jarraipena egitea.

d) Txostenak egitea bitarteko erakundeak egindako egiaztapenen edukiaz, hala eskatzen dietenean kudeaketa, ziurtapen eta auditoretza arloetako agintariek edo Europako Batzordeak.

e) EGEF eta EGIF programa operatiboen kontrolari buruz bitarteko erakundeak duen beste edozein eginkizun.

f) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

4. ATALA. INDUSTRIA SUSTATZEKO ZERBITZUA

20. artikulua . Industria Sustatzeko Zerbitzuaren eginkizunak.

Foru dekretu honetan ezarritako eginkizunak izanen ditu, honako arlo hauetan, Industria Sustatzeko Zerbitzuak:

a) Inplementatzea eta ebaluatzea Nafarroako Industria Planeko ekintzak, eta haien jarraipena egitea.

b) Sustatzea industriako inbertsio jarduera.

c) Sustatzea izan daitezela jarduera ekonomikoetarako lurzorua eta espazioak, baita horiek funtzionatzeko behar diren azpiegiturak ere.

c) Diseinatzea, bultzatzea eta koordinatzea Nafarroako 4.0 industrializazio prozesuaNota de Vigencia.

d) Enpresen arloan, sustatzea informazioaren eta komunikazioaren teknologien erabilera.

e) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

21. artikulua . Industria Sustatzeko Zerbitzuaren egitura.

Egituran, honako atal hauek ditu Industria Sustatzeko Zerbitzuak:

a) Enpresen Digitalizazioaren AtalaNota de Vigencia.

b) Nekazaritzako Elikagai Industriak Sustatzeko Atala.

c) 4.0 Industria Sustatzeko Atala.

d) Industria Lurzoruaren AtalaNota de Vigencia.

22. artikulua . Enpresen Digitalizazioaren Atalaren eginkizunakNota de Vigencia.

Honako eginkizun hauek ditu Enpresen Digitalizazioaren Atalak:

a) Enpresen digitalizazioaren eta aldaketa teknologikoaren prozesuari jarraipena egitea eta koordinatzea.

b) Behar diren jarduketak kudeatzea bete daitezen Europa Digital Programak sozietateen digitalizaziorako ezartzen dituen helburuak, barnean direla inbertsioak eta deialdiak eta laguntzak ematea.

c) Informazioaren eta komunikazioaren teknologien erabilera sustatzea, eta bultzatzea enpresa sektoreak.

d) Industrianavarra40.com web ataria sustatzea, haren jarraipena egitea eta kalitatez mantentzea.

e) Kudeatzea Datu Zientzietako Laborategia, eta sustatzea enpresek parte har dezatela haren jardueran.

f) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

23. artikulua . Nekazaritzako Elikagai Industriak Sustatzeko Atalaren eginkizunak.

Honako eginkizun hauek izanen ditu Nekazaritzako Elikagai Industriak Sustatzeko Atalak:

a) Nekazaritzako elikagaien industrian, inbertsioa sustatzea, halako jarduerak sortzeko, finkatzeko eta hazteko.

b) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

24. artikulua . 4.0 Industria Sustatzeko Atalaren eginkizunakNota de Vigencia.

Honako eginkizun hauek izanen ditu 4.0 Industria Sustatzeko Atalak:

a) Sustatzea jarduera industriala sortu, hazi eta finkatu dadila.

b) Industrian, sustatzea inbertsio produktiboa, bai enpresa txiki eta ertainetan bai enpresa handietan.

c) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

25. artikulua . Industria Lurzoruaren Atalaren eginkizunakNota de Vigencia.

Honako eginkizun hauek ditu Industria Lurzoruaren Atalak:

a) Kudeatzea Nafarroako Foru Komunitateko Administrazioaren industria lurzorua.

b) Industria lurzorua kudeatzeko espedienteen departamentu arteko koordinazioa.

c) Kudeatzea industria lurzoruko azpiegiturak sustatzeko eta mantentzeko laguntzen deialdiak.

d) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

5. ATALA. LAN ZERBITZUA

26. artikulua . Lan Zerbitzuaren eginkizunak.

Foru dekretu honetan ezarritako eginkizunak izanen ditu, honako arlo hauetan, Lan Zerbitzuak:

a) Lan harremanak.

b) Laneko arriskuen prebentzioa.

c) Ekonomia soziala, eta, berariaz, koordinatzea Ekonomia Sozialerako Plan Integrala.

d) Lan autonomoa, eta, berariaz, koordinatzea Lan Autonomoaren Plana.

e) Sustatzea eta bultzatzea enpresaren gizarte erantzukizuna eta enpresetako berdintasun eta bateragarritasun politikak.

f) Jarraipena egitea lan merkatuaren bilakaerari, eta ebaluatzea Enplegu Plana, koordinaturik Eskubide Sozialetako Departamentuarekin.

g) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

27. artikulua . Lan Zerbitzuaren egitura.

Egituran, honako atal hauek ditu Lan Zerbitzuak:

a) Lan Harremanen eta Arriskuen Prebentzioaren Atala.

b) Ekonomia Sozialaren Atala.

c) Lan Autonomoaren Atala.

d) Enpresaren Gizarte Erantzukizunaren eta Enpresa Ereduaren Atala.

28. artikulua . Lan Harremanen eta Arriskuen Prebentzioaren Atalaren eginkizunak.

Honako eginkizun hauek izanen ditu Lan Harremanen eta Arriskuen Prebentzioaren Atalak:

a) Tramitatzea enplegu erregulazioko espedienteak.

b) Bitarteko lanak egitea erregulazio eta greba espedienteetan.

c) Jasotzea greben eta ugazaben itxieren berri.

d) Baimentzea adingabeen lana eta zehaztea laneko jaiegunen egutegia.

e) Tramitatzea bide judizialaren aurreko adiskidetze egintzak, laneko adiskidetzeetarako duen zerbitzuaren bidez.

f) Jasotzea lantokiak irekitzearen jakinarazpenak eta eraikuntza obretako segurtasun eta osasun planenak.

g) Gaitzea azpikontrataziorako liburuak.

h) Erregistratzea eraikuntzaren sektorean akreditatutako enpresak eta amiantoaren arriskua duten enpresak, eta tramitatzea amiantoarekin lotutako laneko planak baimentzeko eskaerak.

i) Lanaren arloan eta laneko arriskuen prebentzioaren eremuan, zehapen prozedurak tramitatzea.

j) Inplementatzea Nafarroako Lan Osasunaren Kontseiluan erabakitako ekintzak, atal honen eskumenei dagokienez.

k) Kudeatzea laneko arriskuen prebentzioa sustatzeko laguntzak.

l) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

29. artikulua . Ekonomia Sozialaren Atalaren eginkizunak.

Honako eginkizun hauek izanen ditu Ekonomia Sozialaren Atalak:

a) Kudeatzea kooperatiben, lan sozietateen eta eraldaketarako nekazaritza-sozietateen erregistroa.

b) Bere gain hartzea Nafarroako Kooperatiben Kontseiluaren idazkaritza eta jarraipena.

c) Nafarroako Gobernua ordezkatzea Ekonomia Sozialaren Europako Plataforman, eta haren jardueretan parte hartzea.

d) Koordinatzea Ekonomia Sozialeko Plan Integraleko batzorde tekniko iraunkorra.

e) Bultzada ematea egituratu daitezen sektore pribatua, elkarte sarea eta Gizarte Berrikuntzako Unitatea.

f) Ekonomia Sozialeko Plan Integralaren webgunea eta komunikazioa kudeatzea.

g) Kudeatzea laneko erregistro publikoak, honako hauei buruzkoak: hitzarmen kolektiboak, hauteskunde sindikalak, lanbide erakundeak, enpresa elkarteak, aldi baterako enpresak, eta agindutako beste batzuk.

h) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

30. artikulua . Lan Autonomoaren Atalaren eginkizunak.

Honako eginkizun hauek beteko ditu Lan Autonomoaren Atalak:

a) Kudeatzea langile autonomoen lanbide elkarteen erregistroa.

b) Dinamizatzea Nafarroako Lan Autonomoaren Plana.

c) Bultzatzea gizarte erantzukizuna Nafarroako lan autonomoaren eta enpresa mikro, txiki eta ertainen artean.

d) Kudeatzea belaunaldien erreleboko zorroa.

e) Langile autonomoentzako informazio zerbitzua.

f) Kudeatzea langile autonomoentzako laguntzak.

g) Kolektiboari laguntza ematea eta harremanak izatea ordezkagarritasun handieneko elkarteekin.

h) Bultzatzea Nafarroako lan autonomoaren planaren eta honako hauen arteko komunikazioa: navarraemprende.com webgunea, Nafarroako Lan Autonomoaren Feriaren antolakuntza eta kolektiboa ikusgarri egiteko gainerako jarduketen antolakuntza.

i) Bultzatzea bilerak egin daitezela Nafarroako Lan Autonomoaren Kontseiluan.

j) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

31. artikulua . Enpresaren Gizarte Erantzukizunaren eta Enpresa Ereduaren Atalaren eginkizunak.

Honako eginkizun hauek izanen ditu Enpresaren Gizarte Erantzukizunaren eta Enpresa Ereduaren Atalak:

a) Metodologia berriak bultzatzea “InnovaRSE” markapean eta enpresa eredu berriarekin, eta gaitutako kontsultoreak prestatzea eta homologatzea, inplementa daitezen.

b) Sustatzea enpresaren gizarte erantzukizuna eta har daitezela enpresa eredu berri bat lortzeko praktikak.

c) Nafarroako enpresetan, sustatzea aukera berdintasuna eta erantzunkidetasuna.

d) Dinamizatzea enpresaren gizarte erantzukizuneko eragileak eta Nafarroako enpresaren gizarte erantzukizunaren web ofiziala.

e) Kudeatzea zerbitzuaren kalitate sistema.

f) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

III. KAPITULUA. INDUSTRIAREN, ENERGIAREN ETA S3 PROIEKTU ESTRATEGIKOEN ZUZENDARITZA NAGUSIA

1. ATALA. ESKUMEN MATERIALEN ESPARRUA ETA EGITURA

32. artikulua . Industriaren, Energiaren eta S3 Proiektu Estrategikoen Zuzendaritza Nagusiaren eskumenen esparru materiala.

Foru dekretu honetan aurreikusitako eskudantziak izanen ditu, arlo hauetan, Industriaren, Energiaren eta S3 Proiektu Estrategikoen Zuzendaritza Nagusiak:

a) Proposatzea, betearaztea eta koordinatzea Nafarroako Espezializazio Adimentsuaren Estrategian (S3) aukeratutako proiektu estrategikoak, eta horien jarraipena egitea.

b) Enpresen esparruan, sustatzea ikerketa, garapen teknologikoa eta berrikuntza, indar berezia eginez eragin nabarmen samarreko proiektu estrategikoetan, loturik daudenean Nafarroako Espezializazio Adimentsuaren Estrategiako (S3) lehentasunezko sektoreekin.

c) Sustatzea helize laukoitza eta elkarlana izan dadila enpresen sarearen eta Nafarroako I+G+b sistemako eragileen artean.

d) Prestatzea eta koordinatzea Nafarroako Energia Plana, eta haren jarraipena egitea.

e) Sustatzea energia berriztagarriak, energia aurreztea, efizientzia energetikoa eta energiaren kudeaketa adimentsua.

f) Energia ekoizteko, garraiatzeko eta banatzeko azpiegiturak eta instalazioak.

g) Sustatzea efizientzia energetikoa Nafarroako Foru Komunitateko Administrazioan eta haren erakunde autonomoetan.

h) Kudeatzea energia zerbitzuak eta haiei lotutako obrak Nafarroako Foru Komunitateko Administrazioan eta haren erakunde autonomoetan.

i) Antolatzea, ikuskatzea eta zaintzea meatzaritzako jarduera.

j) Baimentzea, erregistratzea, kontrolatzea eta ikuskatzea industria segurtasuneko erregelamenduei lotutako entitateak, enpresak, instalazioak eta produktuak.

k) Ziurtagiriak ematea industriako segurtasunaren arloko profesionalei.

l) Ibilgailuen azterketa teknikoa eta aldizkako azterketak.

m) Kontrol metrologikoa.

n) Bere eskumenen esparruarekin lotutako jardueretarako dirulaguntzen lizitazioak eta deialdia egitea eta dirulaguntzak ematea.

ñ) Zehapen prozedurak bere eskumenen esparru materialean; zuzendaritza nagusiko titularrari dagokio prozedura hastea eta ebaztea.

o) Desjabetzeak Zuzendaritza Nagusiaren eskumeneko arloetan.

p) Europako proiektu eta foroetan parte hartzea bere eskumenen esparruan.

q) Indarra duten xedapenek Garapen Ekonomiko eta Enpresarialeko Departamentuari esleitzen dizkioten beste batzuk, Zuzendaritza Nagusiak bere duen esparruan, eta bere jardueraren eremuan agintzen zaizkionak.

33. artikulua . Industriaren, Energiaren eta S3 Proiektu Estrategikoen Zuzendaritza Nagusiaren egitura.

1. Honako zerbitzu hauek izanen ditu Industriaren, Energiaren eta S3 Proiektu Estrategikoen Zuzendaritza Nagusiak:

a) S3 Proiektu Estrategikoen Zerbitzua.

b) Trantsizio Energetikoaren Zerbitzua.

c) Industria Antolamenduaren, Azpiegitura Energetikoen eta Meatzeen Zerbitzua.

2. Zuzendaritza nagusiak bere baitan izanen du Industriaren, Energiaren eta Meatzeen Araubide Juridikoaren AtalaNota de Vigencia.

2. ATALA. S3 PROIEKTU ESTRATEGIKOEN ZERBITZUA

34. artikulua . S3 Proiektu Estrategikoen Zerbitzuaren eginkizunak.

Foru dekretu honetan ezarritako eginkizunak izanen ditu, honako arlo hauetan, S3 Proiektu Estrategikoen Zerbitzuak:

a) Parte hartzea Nafarroako Espezializazio Adimentsuaren Estrategikoa (S3) prestatzen eta hari jarraipena egiten.

b) Enpresen esparruan, sustatzea ikerketa, garapen teknologikoa eta berrikuntza, indar berezia eginez eragin nabarmen samarreko proiektu estrategikoetan, loturik daudenean Nafarroako Espezializazio Adimentsuaren Estrategiako (S3) lehentasunezko sektoreekin.

c) Sustatzea helize laukoitza eta elkarlana izan dadila enpresen sarearen eta Nafarroako I+G+b sistemako eragileen artean.

d) Proposatzea, betearaztea eta koordinatzea Nafarroako Espezializazio Adimentsuaren Estrategian (S3) aukeratutako proiektu estrategikoak, eta horien jarraipena egitea, bete daitezen bertan zehaztutako erronkak, esaterako industria eraldatzeko poloa eta medikuntza pertsonalizatuaren estrategia integrala garatzea.

e) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

35. artikulua . S3 Proiektu Estrategikoen Zerbitzuaren egitura.

Egituran, honako atal hauek ditu S3 Proiektu Estrategikoen Zerbitzuak:

a) Enpresa Berrikuntzaren Atala.

b) Jabetza Industrialaren, Patenteen eta Kalifikazio Fiskalen Atala.

c) Europako Berrikuntza Digitalaren Poloaren Atala.

d) Genomikarako eta Medikuntza Pertsonalizaturako Nafarroako Estrategiaren Atala.

36. artikulua . Enpresa Berrikuntzaren Atalaren eginkizunak.

Honako eginkizun hauek ditu Enpresa Berrikuntzaren Atalak:

a) Enpresetan sustatzea ikerketa, garapen teknologikoa eta berrikuntza, indar berezia eginez eragin nabarmen samarreko proiektu estrategikoetan, loturik daudenean Nafarroako Espezializazio Adimentsuaren Estrategiko (S3) lehentasunezko sektoreekin.

b) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

37. artikulua . Jabetza Industrialaren, Patenteen eta Kalifikazio Fiskalen Atalaren eginkizunak.

Honako eginkizun hauek izanen ditu Jabetza Industrialaren, Patenteen eta Kalifikazio Fiskalen Atalak:

a) Jabetza industrialari eta patenteei buruzko informazio gunea.

b) Kalifikazio fiskaleko txostenak egitea.

c) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

38. artikulua . Europako Berrikuntza Digitalaren Poloaren Atalaren eginkizunak.

Honako eginkizun hauek izanen ditu Europako Berrikuntza Digitalaren Poloaren Atalak:

a) Idaztea berrikuntza digitalaren poloaren estrategia (EDIH: European Digital Innovation Hub), industria eraldatzeko, eta ezagutza industria sarera transferitzeko. Bere baitan hartuko du proiektu estrategikoak, demostratiboak eta deialdiak definitzea, adimen artifizialaren, robotikaren, automatizazioaren eta komunikazioen esparruan.

b) Koordinatzea EDIH poloa garatzen inplikatutako departamentu, eragile eta enpresa guztiak, eta definitzea eta idaztea EDIH poloari lotutako proiektu teknikoak.

c) Tramitatzea EDIH poloa abiarazteko behar diren desjabetzeak eta proiektuen eta obren lizitazioak.

d) Diseinatzea, lizitatzea, erostea eta mantentzea EDIH poloan behar diren azpiegiturak.

e) Idaztea hurrengo 4 urterako EDIH poloaren plan estrategikoa, koordinaturik departamentu, eragile eta enpresekin, barnean direla plana gobernatzea; kudeatzea; gauzatzea; eta talentua, inbertsioak eta ekintzailetza erakartzeko planak.

f) Bilatzea EDIH poloa abiarazteko behar diren finantzaketa eta lankidetza nazionala eta europarra.

g) Nafarroa ordezkatzea foro nazionaletan eta nazioartekoetan, behar diren esparruetan.

h) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

39. artikulua . Genomikarako eta Medikuntza Pertsonalizaturako Nafarroako Estrategiaren Atalaren eginkizunak.

Honako eginkizun hauek izanen ditu Genomikarako eta Medikuntza Pertsonalizaturako Nafarroako Estrategiaren Atalak:

a) Koordinatzea Nafarroako Espezializazio Adimentsuaren Estrategiaren (S3) 8. erronka, hots, medikuntza pertsonalizatuari dagokiona.

b) Proiektuak definitzea eta ebaluatzea, genomikako eta medikuntza aurreratuko proiektu estrategikoen deialdian, eta haien jarraipena egitea.

c) Garapen Ekonomiko eta Enpresarialeko Departamentuak, Unibertsitateko, Berrikuntzako eta Eraldaketa Digitaleko Departamentuak eta Osasun Departamentuak adosten duten elkarlan esparruaren barnean, honako eginkizun hauek beteko ditu:

a’. Koordinatzea Genomikarako eta Medikuntza Pertsonalizaturako Nafarroako Estrategiako departamentu, eragile eta enpresa inplikatuak.

b’. Idaztea genomikarako eta medikuntza pertsonalizaturako estrategia, barnean direla gobernatzea, kronograma, ekintzak, azpiegiturak, aurrekontua eta adierazleak, inplikatutako departamentu eta eragile guztien ekarpenekin.

c’. Abiaraztea genomikarako eta medikuntza pertsonalizaturako estrategia gauzatzeko azpiegiturak eta zerbitzuak.

d’. Estrategiaren eboluzioa monitarizatzea eta jarraipena egitea, esparru guztietan: ikerketa, osasun zerbitzuen zorroa ezartzea, unibertsitateko hezkuntza, arauketa, deialdiak, ekintzailetza eta inbertsioen erakarpena. Betiere, galarazi gabe estrategiaren alderdi bakoitzaren ardura duten departamentuen eskumenak.

e’. Legegintza-proposamenak egitea, inplikatutako departamentuekin batera, genomikarako eta medikuntza pertsonalizaturako estrategiarekin loturik.

f’. Nazioarteko foroetan Nafarroa ordezkatzea, genomikarako eta medikuntza pertsonalizaturako estrategiarekin loturik.

g’. Diseinatzea eta exekutatzea estrategiaren komunikazio plana, eta jarraipena egitea.

d) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

3. ATALA. TRANTSIZIO ENERGETIKOAREN ZERBITZUA

40. artikulua . Trantsizio Energetikoaren Zerbitzuaren eginkizunak.

Foru dekretu honetan adierazten diren eginkizunak izanen ditu, arlo hauetan, Trantsizio Energetikoaren Zerbitzuak:

a) Prestatzea eta koordinatzea Nafarroako Energia Plana, eta haren jarraipena egitea.

b) Sustatzea energia berriztagarriak, barnean direla autokontsumoa eta sorkuntza: energia eolikoa, energia fotovoltaikoa, eguzki-energia termikoa, biomasa, geotermia edo bestelakoak.

c) Sustatzea energia aurrezpena, efizientzia energetikoa eta energiaren kudeaketa adimentsua.

d) Sustatzea garraio elektrikoa.

e) Sustatzea energia aurrezteko hiri adimentsuak, energia berriztagarrien erabilera, energiaren sorkuntza banatua, energia banatzeko sare adimentsuak eta emisioen murriztapena.

f) Sustatzea efizientzia energetikoa Nafarroako Foru Komunitateko Administrazioan eta haren erakunde autonomoetan.

g) Kudeatzea energia zerbitzuak eta haiei lotutako obrak Nafarroako Foru Komunitateko Administrazioan eta haren erakunde autonomoetan.

h) Sustatzea egin daitezela lankidetza-hitzarmenak eragile publikoekin eta pribatuekin, Nafarroan egin daitezen hauekin lotutako proiektuak: energia berriztagarrien eta energia biltegiratzearen arloko ikerketa, garapena, berrikuntza, prototipoak, instalazio pilotuak eta instalazio industrialak. Horiei esker, Nafarroa bihurtuko da honako hauek frogatzeko eskualde: energia berriztagarriak sortzeko sistemak, energia garraiatzeko eta banatzeko sistemak, eta energia biltegiratzeko sistemak.

i) Honako arlo hauetako proiektuetan parte hartzen duten departamentu, eragile eta enpresekin koordinatzea, proiektuak gauzatzea eta horiei jarraipena egitea: energia berriztagarrien ikerketa, garapena, berrikuntza, prototipoak, instalazio pilotuak, instalazio industrialak eta biltegiratzea. Betiere, proiektu estrategikoetarako laguntzen deialdian energiaren arloan aukeratu diren proiektuak izan behar dute.

j) Parte hartzea Nafarroarentzat interesekoak diren energiaren arloko proiektu europarretan.

k) Nafarroa ordezkatzea aukeratutako proiektu energetikoekin lotutako foro nazionaletan eta nazioartekoetan.

l) Behar diren arauak eta legeria prestatzea, erraztasunak izan daitezen trantsizio energetikoa egiteko eta proiektu estrategiko demostratiboak egiteko energia berriztagarrien eta horien biltegiratzearen eta banaketaren arloan.

m) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

41. artikulua . Trantsizio Energetikoaren Zerbitzuaren egitura.

Trantsizio Energetikoaren Zerbitzuak bere baitan du Plan Energetikoaren Atala.

42. artikulua . Plan Energetikoaren Atalaren eginkizunak.

Honako eginkizun hauek ditu Plan Energetikoaren Atalak:

a) Kudeatzea Nafarroako plan energetikoa, honako hauek barne: plana diseinatzea eta prestatzea, neurriak eta jarduerak proposatzea eta gauzatzea, eta betetze mailaren jarraipena egitea.

b) Prestatzea eta ebaluatzea Foru Komunitateko energia mix-a, eta haren jarraipena egitea.

c) Nafarroako Energia Planaren esparruan, energia berriztagarriak sustatzea autokontsumorako eta sorkuntza banaturako: energia eolikoa, energia fotovoltaikoa, eguzki-energia termikoa, biomasa, geotermia edo bestelakoak.

d) Nafarroako Energia Planaren esparruan, sustatzea energiaren aurrezpena, efizientzia energetikoa eta energiaren kudeaketa adimentsua, bizilekuetan nahiz industriaguneetan, bultzatuz zero emisioko eraikinak.

e) Nafarroako Energia Planaren esparruan, sustatzea garraio elektrikoa eta zero emisioko ibilgailuak.

f) Nafarroako Energia Planaren esparruan, sustatzea energia aurrezteko hiri adimentsuak (smart cities), energia berriztagarriak erabiltzea, energiaren sorkuntza banatua, energia banatzeko sare adimentsuak eta emisioak murriztea.

g) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

4. ATALA. INDUSTRIA ANTOLAMENDUAREN, AZPIEGITURA ENERGETIKOEN ETA MEATZEEN ZERBITZUA

43. artikulua . Industria Antolamenduaren, Azpiegitura Energetikoen eta Meatzeen Zerbitzuaren eginkizunak.

Foru dekretu honetan honako eginkizun hauek izanen ditu, arlo hauetan, Industria Antolamenduaren, Azpiegitura Energetikoen eta Meatzeen Zerbitzuak:

a) Antolatzea, ikuskatzea eta zaintzea meatzaritzako jarduera.

b) Baimentzea, erregistratzea, kontrolatzea eta ikuskatzea industria segurtasuneko erregelamenduei lotutako entitateak, enpresak, instalazioak eta produktuak.

c) Ziurtagiriak ematea industriako segurtasunaren arloko profesionalei.

d) Ibilgailuen azterketa teknikoa eta aldizkako azterketak.

e) Kontrol metrologikoa.

f) Bigarren eta hirugarren mailako instalazio erradioaktiboak baimentzea. Diagnostiko medikorako X izpien instalazioak inskribatzea eta erregistratzea, eta instalazio horiek saltzen edo instalazio horietarako aholkularitza teknikoa ematen duten enpresak baimentzea eta erregistratzea.

g) Nafarroa ordezkatzea ministerioetako lantalde teknikoen aurrean.

h) Nafarroako azpiegitura energetikoen planak prestatzea, koordinatzea eta haien jarraipena egitea.

i) Energia ekoiztu, garraiatu eta banatzeko azpiegiturak eta instalazioak kudeatzea, honako hauek barne: premien ebaluazioa, sustatzaileekiko eta beste eragile administratibo edo arauemaile batzuekiko elkarrizketa, zerbitzu mailaren jarraipena, espedienteen tramitazioa eta dagokion araudiaren proposamena eta prestaketa, Nafarroako Foru Komunitateko Administrazioaren eskumen eremuan.

j) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

44. artikulua . Industria Antolamenduaren, Azpiegitura Energetikoen eta Meatzeen Zerbitzuaren egitura.

Egituran, honako atal hauek ditu Industria Antolamenduaren, Azpiegitura Energetikoen eta Meatzeen Zerbitzuak:

a) Meatzeen Atala.

b) Enpresen Erregistroaren eta Industria Segurtasunaren Atala.

c) Azpiegitura Energetikoen Atala.

45. artikulua . Meatzeen Atalaren eginkizunak.

Meatzeen Atalak eginkizun hauek beteko ditu:

a) Antolatzea, ikuskatzea eta zaintzea meatzaritzako jarduera.

b) Zuzendaritza Nagusia ordezkatzea PCCS-Lurpeko Hoditeria Koordinatzeko Atarian eta SITNAn (Nafarroako Lurraldeari buruzko Informazio Sistema).

c) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

46. artikulua . Enpresen Erregistroaren eta Industria Segurtasunaren Atalaren eginkizunak.

Honako eginkizun hauek izanen ditu Enpresen Erregistroaren eta Industria Segurtasunaren Atalak:

a) Enpresak eta entitateak erregistratzea.

b) Enpresak eta entitateak kontrolatzea eta ikuskatzea.

c) Ziurtagiriak ematea industriako segurtasunaren arloko profesionalei.

d) Erregistratzea industria segurtasuneko erregelamenduei loturiko instalazio eta produktuak. Eginkizun hauei dagokienez, salbuespena da ardo-ontziratzaileen erregistroa.

e) Kontrolatzea eta ikuskatzea industria segurtasuneko erregelamenduei lotutako instalazioak eta produktuak.

f) Ibilgailuen azterketa teknikoa eta aldizkako azterketak.

g) Kontrol metrologikoa.

h) Metal preziatuak.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

47. artikulua . Azpiegitura Energetikoen Atalaren eginkizunak.

Honako eginkizun hauek izanen ditu Azpiegitura Energetikoen Atalak:

a) Kudeatzea energia garraiatzeko eta banatzeko azpiegiturak, honako hauek barne: Nafarroako azpiegitura energetikoen planen gaineko txostena, proposamena eta jarraipena egitea, zerbitzu mailaren jarraipena egitea, espedienteen tramitazioa eta dagokion araudiaren proposamena eta prestaketa egitea, Nafarroako Foru Komunitateko Administrazioaren eskumen eremuan.

b) Kudeatzea energia ekoizteko azpiegiturak eta sorkuntza banaturako eta autokontsumorako azpiegiturak, honako hauek barne: solaskide izatea sustatzaileekin eta beste eragile administratibo edo arauemaile batzuekin, espedienteak tramitatzea eta proposatzea eta prestatzea behar den araudia, Nafarroako Foru Komunitateko Administrazioaren eskumen eremuan.

c) Plan Energetikoaren Atalari laguntzea gauzatzen eskualdeko plangintza energetikoan aurreikusitako neurriak, honako hauek barne: kudeatzea laguntzen eta dirulaguntzen deialdiak, kenkari fiskalen gaineko txostenak egitea eta araudia proposatzea eta prestatzea, Nafarroako Foru Komunitateko Administrazioaren eskumen eremuan.

d) Plan Energetikoaren Atalari laguntzea kudeatzen zerbitzu energetikoak eta zerbitzu horiei lotutako obrak, Nafarroako Foru Komunitateko Administrazioan eta haren erakunde autonomoetan.

e) Kontrolatzea energia merkaturatzeko jarduera, Nafarroako Foru Komunitateko Administrazioaren eskumenen eremuan.

f) Kudeatzea Nafarroako eraikinen efizientzia energetikoaren ziurtagirien erregistroa.

g) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

5. ATALANota de Vigencia

5. ATALANota de Vigencia

INDUSTRIAREN, ENERGIAREN ETA MEATZEEN ARAUBIDE JURIDIKOAREN ATALA

48. artikulua . Industriaren, Energiaren eta Meatzeen Araubide Juridikoaren Atalaren eginkizunak.

Honako eginkizun hauek izanen ditu, industria antolamendu, energia eta meatzeen arloan, Industriaren, Energiaren eta Meatzeen Araubide Juridikoaren Atalak:

a) Errekurtso administratiboak ebazteko txostena eta proposamena egitea.

b) Xedapen orokorrak aztertzea eta prestatzea.

c) Biltzea Nafarroako, Estatuko eta Europar Batasuneko araudia.

d) Tramitatzea zehapen espedienteak.

e) Tramitatzea nahitaezko desjabetzeetarako espedienteak.

f) Eskatzen zaizkion txosten juridikoak egitea.

g) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

IV. KAPITULUA. TURISMO, MERKATARITZA ETA KONTSUMO ZUZENDARITZA NAGUSIA

1. ATALA. ESKUMEN MATERIALEN ESPARRUA ETA EGITURA

49. artikulua . Turismo, Merkataritza eta Kontsumo Zuzendaritza Nagusiaren eskumenen esparru materiala.

a) Definitzea Nafarroako Gobernuaren politikak eta helburu estrategikoak, sustatzen eta antolatzen direnean turismo, merkataritza, artisautza eta kontsumoa. Orobat, horiek efizientziaz kudeatzea, eta emaitzak ebaluatzea.

b) Departamentua ordezkatzea Estatuko organo, autonomia erkidego eta toki entitate eskudunekiko harremanetan, aipatutako gaiei dagokienez, eta jarduketak bultzatzea interes amankomuneko arloetan.

c) Bultzatzea elkarrizketa eta lankidetza Europako eta nazioarteko erakunde publiko eta pribatuekin, gai hauekin lotuta.

d) Planak eta programak bultzatzea eta gidatzea turismo, merkataritza, artisautza eta kontsumoaren esparruan, bereziki Turismoaren Plan Estrategikoa, Txikizkako Merkataritza Bultzatzeko Plana eta Nafarroako Espezializazio Adimentsuaren Estrategiako erronkak, eta haiei jarraipena egitea eta koordinatu, ebaluatu eta eguneratzea.

e) Turismo sektorea aztertzea ikuspuntu orokorretik, gabeziak hautematea eta neurriak proposatzea Nafarroako Foru Komunitatean susta daitezen berrikuntza, turismoaren kalitatea, irisgarritasuna eta jasangarritasuna.

f) Bultzatzea, garatzea, sustatzea eta koordinatzea Nafarroako Foru Komunitateko turismoko informazioa, gakoa izan dadin erabakiak hartzeko, eta palanka, Nafarroako sektorearen berrikuntzarako.

g) Behar den gobernantza garatzea Nafarroako baliabide eta jarduera turistikoak sustatzeko, planifikatzeko, antolatzeko eta promozionatzeko.

h) Sustatzea Nafarroaren garapen turistikorako lurralde ereduaren definizioa, oinarri hartuta kudeaketa turistiko jasangarria.

i) Garatzea behar den gobernantza, planifika eta antola daitezen Nafarroako artisautza eta txikizkako merkataritza.

j) Turismo eta merkataritzaren sektorean, bultzatzea publikoaren eta pribatuaren arteko elkarlan formula berriak.

k) Proposatzea arauen garapena turismo, merkataritza, artisautza eta kontsumoaren arloan.

l) Planifikatzea, kudeatzea eta gainbegiratzea laguntza eta dirulaguntza publikoen deialdia eta ebazpena, bai eta Zuzendaritza Nagusiak behar dituen kontratazioena ere.

m) Sustatzea azterketak, txostenak, lanak eta analisiak bere eskumeneko arloetan.

n) Kudeatzea zehapen prozedurak turismoaren, merkataritzaren eta kontsumoaren arloan; Zuzendaritza Nagusiaren titularrari dagokio zehatzeko ahala eta prozedura hastea eta ebaztea.

ñ) Kontsumitzaileen eta erabiltzaileen eskubideak defendatzeari eta babesteari lotutako jarduketak.

o) Kudeatzea Nafarroako Gobernuko Kontsumitzaile eta Erabiltzaileen Elkarteen Erregistroa. Informazioa ematea kontsumitzaile eta erabiltzaileei, eta laguntza tekniko eta administratiboa ematea Nafarroako Foru Komunitateko Kontsumoko Arbitraje Batzordeari eta Nafarroako Kontsumoaren Kontseiluari.

p) Desjabetzeak, Zuzendaritza Nagusiaren eskumeneko arloetan.

q) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

50. artikulua . Turismo, Merkataritza eta Kontsumo Zuzendaritza Nagusiaren egitura.

Bere egituran honako zerbitzu hauek izanen ditu Gizarte Politikako eta Kontsumoko Zuzendaritza Nagusiak:

a) Turismoaren Plangintza eta Berrikuntza Zerbitzua.

b) Turismoko Marketinaren eta Nazioartekotzearen Zerbitzua.

c) Turismoa eta Merkataritza Antolatu eta Sustatzeko Zerbitzua.

d) Kontsumo eta Arbitraje Zerbitzua.

2. ATALA. TURISMOAREN PLANGINTZA ETA BERRIKUNTZA ZERBITZUA

51. artikulua . Turismoaren Plangintza eta Berrikuntza Zerbitzuaren eginkizunak.

Foru dekretu honetan ezarritako eginkizunak izanen ditu, honako arlo hauetan, Turismoaren Plangintza eta Berrikuntza Zerbitzuak:

a) Turismoaren Plan Estrategikoa eta Nafarroako Espezializazio Adimentsuaren Estrategiako (S3) erronkak planifikatzea, jarraipena egitea eta ezarpena ebaluatzea, koordinaturik Turismoko Marketinaren eta Nazioartekotzearen Zerbitzuarekin eta Turismoa eta Merkataritza Antolatu eta Sustatzeko Zerbitzuarekin.

b) Programak, tresnak edo jarduketak prestatzea eta gauzatzea, sektore turistikoan honako hauek sustatzeko: modernizazioa, lehiakortasuna, produktuaren kalitatea, turismoko produktu berrien sorrera, berrikuntza, teknologia berriak, prestakuntza eta errendimenduaren hobekuntza.

c) Turismo eta Merkataritza Behatokia gidatzea eta garatzea, kontuan har daitezen bildutako informazioaren azterketa eta egindako azterlanak Nafarroako turismo eta merkataritza planifikatzean eta politika publikoak diseinatzean.

d) Diseinatzea, garatzea eta kudeatzea Turismoaren Informazio Integralaren Sistema. Prestatzea eta mantentzea Nafarroako Foru Komunitateko turismoaren arloko datu-base eta estatistikak, koordinaturik eta elkarlanean Nafarroako Estatistika Institutuarekin eta garapen teknologikorako unitatearekin.

e) Sustatzea sor daitezela turismoko produktu berriak, oinarritzat harturik turismoaren jasangarritasun ekonomikoa, soziala eta ingurumenekoa, helmuga turistiko adimentsu bat diseinatzeko elementu gisa.

f) Kudeatzea Departamentuari atxikitako azpiegitura turistikoak, gainerako zerbitzuekin koordinaturik.

g) Diseinatzea, planifikatzea eta exekutatzea Seinalizazio Turistikoaren Plana, arlo horretan eskumena duen departamentuarekin koordinaturik.

h) Koordinatzea eta gainbegiratzea Nafarroako Foru Komunitateko Administrazioaren Turismo Bulegoen sarea eta informaziorako beste gune batzuk.

i) Kudeatzea interes turistikoko zentroen sarea.

j) Prestatzea monumentuak eta intereseko eraikinak irekitzeko programak, eta haien jarraipena egitea.

k) Herritarren sentsibilizazioa sustatzea turismoaren onurei buruz, turismo jasangarriaren ikuspuntutik.

l) Garatzea behar diren metodologia eta prozedurak, Zuzendaritza Nagusian ezar daitezen kudeaketa aurreratuko sistemak.

m) Behar den gobernantza garatzea baliabide eta jarduera turistikoak sustatzeko, planifikatzeko, antolatzeko eta promozionatzeko Nafarroako Foru Komunitatean.

n) Sustatzea Nafarroaren garapen turistikorako lurralde ereduaren definizioa, oinarri hartuta kudeaketa turistiko jasangarria.

ñ) Planifikatzea lurraldearen egituraketa eta dinamizazioa, eta horretan laguntzea, espazio turistikoen kudeaketa jasangarriaren bidez.

o) Sostengatzea eta koordinatzea toki entitateen jarduketak turismoaren planifikazioan, turismoaren lurralde antolamenduan eta turismoko baliabideen sorreran.

p) Koordinazioa bultzatzea sektore publikoarekin, sektore pribatuarekin eta Nafarroako turismoan zeresana duten gainerako eragileekin.

q) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

52. artikulua . Turismoaren Plangintza eta Berrikuntza Zerbitzuaren egitura.

Egituran, honako atal hauek ditu Turismoaren Plangintza eta Berrikuntza Zerbitzuak:

a) Turismo Eraldaketako eta Behatokiko AtalaNota de Vigencia.

b) Turismoko Produktuen eta Lurralde Jasangarritasunaren Atala.

53. artikulua . Turismo Eraldaketako eta Behatokiko Atalaren eginkizunakNota de Vigencia.

Honako eginkizun hauek izanen ditu Turismo Eraldaketako eta Behatokiko Atalak:

a) Turismoko plan estrategikoen ezarpenaren emaitzen jarraipena, kontrola eta ebaluazioa egitea, bereziki jasangarritasun turistikoko planena eta turismoa eraldatzeko Europako funtsekin finantzatutako beste deialdi batzuena.

b) Aginte taula definitzea, hala erraztu dadin turismo eta merkataritzako planen jarraipena eta gauzatze kontrola, lankidetzan gainerako zerbitzu eta unitateekin, eta Nafarroako Espezializazio Adimentsuaren Estrategiako (S4) erronken jarraipena egitea.

c) Zuzendaritza Nagusiarekin eta gainerako zerbitzuekin koordinatuta, komunikazio plan integrala egitea eta garatzea Zuzendaritza Nagusiaren eta sektorearen xede diren hartzaileen artean.

d) Publikoari, sektore turistikoari, komertzialari eta kontsumitzaileei egindako komunikazioetan laguntza eta euskarria ematea.

e) Zuzendaritza Nagusiko Turismo eta Merkataritza Behatokia ezartzea, kudeatzea eta koordinatzea.

f) Nafarroako Foru Komunitateko Turismoaren Informazio Integraleko Sistema diseinatzea, garatzea eta kudeatzea, eta turismoaren kontu satelitea egitea, Nastat-ekin eta garapen teknologikoaz arduratzen den unitatearekin lankidetzan eta koordinatuta.

g) Azterketak eta lanak gauzatzea, egin dadin eskaintzaren, eskariaren eta lehia turistiko eta komertzialaren behaketa ekonomikoa eta estatistikoa; datuak analizatzea eta interpretatzea; eta sektoreari jakinaraztea.

h) Aztertzea eta garatzea jasangarritasuna neurtzeko sistemak eta datu-base masiboak, koordinaturik Administrazioaren beste unitate eskudun batzuekin.

i) Bultzatzea lankidetza izan dadila turismoa neurtzeari, aztertzeari eta sustatzeari lotutako Espainiako eta nazioarteko entitate edo erakundeekin.

j) Berrikuntza teknologikoa sustatzea turismo eta merkataritzaren sektorean, elkarlanean Gobernuaren beste unitate eta plan batzuekin.

k) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

54. artikulua . Turismoko Produktuen eta Lurralde Jasangarritasunaren Atalaren eginkizunak.

Honako eginkizun hauek izanen ditu Turismoko Produktuen eta Lurralde Jasangarritasunaren Atalak:

a) Nafarroako Turismoaren Plan Estrategikoan lehentasunezko edo estrategikotzat jotako neurriak ezartzea eta ebaluatzea, eta haien jarraipena egitea.

b) Programak, tresnak edo jarduketak prestatzea eta gauzatzea, sektore turistikoan honako hauek sustatzeko: modernizazioa, lehiakortasuna eta produktuaren kalitatea. Horretarako, sortuko dira turismoko produktu berriak, eta aplikatuko dira berrikuntza, teknologia berriak, prestakuntza eta errendimenduaren hobekuntza.

c) Garatzea turismoko produktu berriak eta birdiseinatzea oraingo produktu turistikoak, bat eginez Nafarroa helmuga turistiko adimentsua izateko helburuarekin.

d) Kudeatzea eta ebaluatzea Europar Batasunak kofinantzatutako proiektuak eta zeharkako proiektuak.

e) Kudeatzea turismoko produktu berrien berariazko planak.

f) Nafarroaren garapen turistikorako lurralde eredua ezartzea, oinarri hartuta kudeaketa turistiko jasangarria.

g) Koordinatzea eta gainbegiratzea Nafarroako Foru Komunitateko Administrazioaren Turismo Bulegoen sarea eta informaziorako beste gune batzuk.

h) Bultzatzea turismo unitateen eskualdeko planak.

i) Bultzatzea sektorearteko eta lurraldeko gobernantza eta lankidetza formulak, hala nola klusterrak, produktu klubak edo lan-mahaiak.

j) Kudeatzea Departamentuari atxikitako azpiegitura turistikoak, gainerako zerbitzuekin koordinaturik.

k) Diseinatzea, planifikatzea eta exekutatzea Seinalizazio Turistikoaren Plana, arlo horretan eskumena duen departamentuarekin koordinaturik.

l) Koordinatzea eta gainbegiratzea Nafarroako Foru Komunitateko Administrazioaren Turismo Bulegoen sarea eta informaziorako beste gune batzuk.

m) Kudeatzea interes turistikoko zentroen sarea.

n) Prestatzea monumentuak eta intereseko eraikinak irekitzeko programak, eta haien jarraipena egitea.

ñ) Herritarren sentsibilizazioa sustatzea turismoaren onurei buruz, turismo jasangarriaren ikuspuntutik.

o) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

3. ATALA. TURISMOKO MARKETINAREN ETA NAZIOARTEKOTZEAREN ZERBITZUA

55. artikulua . Turismoko Marketinaren eta Nazioartekotzearen Zerbitzuaren eginkizunak.

Foru dekretu honetan ezarritako eginkizunak izanen ditu, honako arlo hauetan, Turismoko Marketinaren eta Nazioartekotzearen Zerbitzuak:

a) Planifikatzea nola gauzatu Turismoaren Plan Estrategikoaren neurriak eta Nafarroako Espezializazio Adimentsuaren Estrategiako (S3) erronkak, gainerako zerbitzuekin koordinaturik.

b) Prestatzea Nafarroako Turismoko Marketineko Plana, arreta berezia emanez on line marketin programari.

c) Bultzatzea on line euskarriak, barne webgunea, kanpo webgunea, aplikazio mugikorrak eta sare sozialak, eta teknologia berriak erabiltzea turismoaren sustapen, merkaturatze eta informazioaren mesederako, eskumena duen zuzendaritza nagusiarekin elkarlanean.

d) Diseinatzea, planifikatzea eta gauzatzea turismoko argitalpen plana eta sustapeneko beste material batzuk, koordinaturik arlo horretan eskumena duen departamentuarekin.

e) Diseinatzea, planifikatea eta gauzatzea publizitate kanpainak, koordinaturik arlo honetan eskumena duen departamentuarekin.

f) Diseinatzea, planifikatzea eta gauzatzea komunikazio eta harreman publikoetako programak, koordinaturik arlo honetan eskumena duen departamentuarekin.

g) Diseinatzea, planifikatzea eta gauzatzea Nafarroako ekitaldi, azoka eta sustapen-aurkezpenen planak.

h) Antolatzea operadoreen, prentsaren eta preskriptoreen aurrean aurkezteko eta girotzeko bidaiak.

i) Bultzatzea eta koordinatzea turismo sustapeneko ekintzak, turismoaren oinarrizko segmentuetan eta berariazkoetan.

j) Nafarroa sustatzea helmuga turistiko gisa, eta barne turismoa bultzatzea.

k) Babestea, promozionatzea eta sustatzea Nafarroako turismoa eta turismoko baliabideak, barnean nahiz kanpoan, galarazi gabe Estatuari esleitutako eskumenak.

l) Ebaluatzea sustapen, publizitate eta babesletzetarako eskaerak, bat eginik Nafarroaren irudi turistikorako itzulketaren irizpide objektiboen.

m) Turismo marka garatzea eta aplikatzea, eta koordinatzea marka horrek beste marka edo azpimarkekiko duen erlazioa, eta, hala behar denean, ebaluatzea marka berrien garapena.

n) Diseinatzea, koordinatzea eta gauzatzea sustapen eta marketineko ekintzen plana, aztertuz hurbileko merkatuetan nitxo berriak.

ñ) Planifikatzea eta gauzatzea sustapen eta marketineko ekintzak, Nafarroa posizionatzeko nazioarteko merkatuan, beste unitate eskudunekin elkarlanean.

o) Turespañari laguntzea sustatzeko Espainiaren irudia atzerrian eta beste autonomia erkidego edo Europako herrialde batzuekin prestatutako produktuak (Donejakue bidea, Eurovelo, etab.).

p) Eskualde mugakideekin lankidetzan aritzea elkarrekin garatzeko eta sustatzeko produktu turistiko amankomunak.

q) Enpresa turistikoak bultzatu eta sostengatzea, Nafarroako turismo produktuak merkaturatzeko.

r) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

56. artikulua . Turismoko Marketinaren eta Nazioartekotzearen Zerbitzuaren egitura.

Egituran, honako atal hauek ditu Turismoko Marketinaren eta Produktuen Garapenerako Zerbitzuak:

a) Turismoko Marketinaren Atala.

b) Turismoko Nazioartekotzearen Atala.

57. artikulua . Turismoko Marketinaren Atalaren eginkizunak.

Honako eginkizun hauek izanen ditu Turismoko Marketinaren Atalak:

a) Planifikatzea nola gauzatu Nafarroako Turismoko Marketineko Planeko neurriak, behar diren emaitzak aztertuz.

b) Garatzea on line euskarriak, barne webgunea, kanpo webgunea, aplikazio mugikorrak eta sare sozialak, eta teknologia berriak erabiltzea turismoaren sustapenerako, merkaturatzeetarako eta informaziorako, eskumena duen unitatearekin elkarlanean.

c) Diseinatzea, mantentzea eta eguneratzea turismoko webgunea, koordinaturik sustapenerako eta merkaturatzeko beste informazio-euskarri batzuekin.

d) Diseinatzea, planifikatzea eta gauzatzea publizitate kanpainak, komunikazio programak, argitalpenak eta harreman publikoak, koordinaturik arlo horretan eskumena duen departamentuarekin.

e) Sustatzea eta hedatzea Nafarroako turismoaren irudi korporatiboa.

f) Turismo marka aplikatzea eta beste marka edo azpimarkekiko erlazioa koordinatzea.

g) Diseinatzea eta gauzatzea Nafarroako ekitaldi, azoka eta sustapen-aurkezpenen planak, koordinaturik Turismoko Nazioartekotzearen Atalarekin.

h) Ebaluatzea sustapen eta publizitateko laguntzetarako eta babesletzetarako eskaerak, bat eginik Nafarroaren irudi turistikorako itzulketaren irizpide objektiboen.

i) Mantentzea eta eguneratzea datu-baseak eta irudien artxiboa.

j) Koordinatzea Turismoa eta Merkataritza Antolatu eta Sustatzeko Zerbitzuarekin, eta diseinatzea, mantentzea eta eguneratzea turismo, merkataritza eta artisautza sektorearen barneko webgunea.

k) Gauzatzea Nafarroako Hurbileko Txikizkako Merkataritza Bultzatzeko Planeko turismoko eta merkataritzako marketin neurriak.

l) Bide berriak aztertzea turismoa sustatzeko, egokitzen direnak eskaintzaren eta eskariaren bilakaerara.

m) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

58. artikulua . Turismoko Nazioartekotzearen Atalaren eginkizunak.

Honako eginkizun hauek izanen ditu Turismoko Nazioartekotzearen Atalak:

a) Antolatzea nazioarteko operadore, prentsa eta preskriptoreen aurrean aurkezteko eta girotzeko bidaiak.

b) Diseinatzea, gauzatzea eta kudeatzea turismo sektorearen merkaturatzeari laguntzeko plana, beste unitate eskudun batzuekin lankidetzan.

c) Enpresa turistikoak bultzatzea eta sostengatzea Nafarroako turismo produktuak merkaturatzeko, hobetuz merkatu igorlearen eta Nafarroako enpresen arteko harremana.

d) Lankidetzan aritzea eskualde mugakideekin, elkarrekin garatzeko eta sustatzeko produktu turistiko amankomunak.

e) Koordinatzea eta gauzatzea sustapen eta marketineko ekintzen plana nazioarteko merkatuetan.

f) Sustapen eta marketineko ekintzak sustatzea Nafarroa nazioarteko merkatuan posizionatzeko, eta sektoreari laguntza ematea produktuak merkaturatzeko.

g) Turespañari laguntzea sustatzeko Espainiaren irudia atzerrian eta beste autonomia erkidego edo Europako herrialde batzuekin prestatutako produktuak (Donejakue bidea, Eurovelo, etab.).

h) Lankidetzan aritzea nazioko eta nazioarteko erakunde eta instituzioekin Nafarroa helmuga turistiko gisa sustatzeko komeni diren proiektuetan.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

4. ATALA. TURISMOA ETA MERKATARITZA ANTOLATU ETA SUSTATZEKO ZERBITZUA

59. artikulua . Turismoa eta Merkataritza Antolatu eta Sustatzeko Zerbitzuaren eginkizunak.

Foru dekretu honetan, honako arlo hauetan, aurreikusitako eginkizunak izanen ditu Turismoa eta Merkataritza Antolatu eta Sustatzeko Zerbitzuak:

a) Planifikatzea nola gauzatu Turismoaren Plan Estrategikoaren neurriak eta Nafarroako Espezializazio Adimentsuaren Estrategiako (S3) erronkak, gainerako zerbitzuekin koordinaturik.

b) Sustatzea eta planifikatzea turismoko eta merkataritzako kalitate programak, gainerako zerbitzuekin elkarlanean.

c) Sustatzea komunikaziorako teknologia berriak aplika daitezela turismoaren eta merkataritzaren sektoreetan.

d) Sustatzea, bultzatzea eta indartzea sektoreko eragileen modernizazioa eta kalitate ziurtagiriak, turismoak aurrera egiteko elementu diren aldetik.

e) Sustatzea behar diren azterketak eta lanak egin daitezela proposa daitezen neurriak nahiz jarduketak turismo, merkataritza eta artisautza sektoreak antolatzeko eta sustatzeko.

f) Sustatzea eta antolatzea turismo, merkataritza eta artisautza sektorearen jarduera.

g) Kudeatzea Turismo Erregistroa, Artisautza Erregistroa eta Nafarroako Merkataritza-establezimenduen Zentsua.

h) Bultzatzea elkarlan publiko-pribatuaren formula berriak, esaterako merkataritzako eta turismoko sektorera bideratutako sustapen ekonomikoko arloak.

i) Bultzatzea aplika daitezela turismoaren eta merkataritzaren sektoreetan sarbideak eta jasangarritasuna errazteko neurriak.

j) Antolatzea eta egokitzea Departamentuari atxikitako azpiegitura turistikoak, aztertuz kudeaketa formularik egokienak, gainerako zerbitzuekin koordinaturik.

k) Diseinatzea eta gauzatzea Turismo eta Merkataritza arloko Prestakuntza Plana, gainerako zerbitzuekin koordinaturik.

l) Tramitatzea beste administrazio publiko batzuekin egindako hitzarmenak, Zerbitzu honen eskumenekoak diren gaiei buruzkoak.

m) Sustatzea eta antolatzea merkataritza eta artisautza sektorearen jarduera.

n) Gauzatzea Hurbileko Txikizkako Merkataritza Bultzatzeko Planeko neurriak.

ñ) Prestatzea Turismoari buruzko Foru Legea eta Merkataritzari buruzko Foru Legea garatzeko araudia, eta sustatzea artisautzako araudiaren eguneraketa.

n) Gauzatzea Hurbileko Txikizkako Merkataritza Bultzatzeko Planeko neurriak.

o) Sustatzea energia berriztagarriak aplika daitezela establezimenduetan, baita jarduera turistikoan eta merkataritzakoan ingurumena eta jasangarritasuna zaintzeko bestelako neurriak ere.

p) Planifikatzea, kudeatzea eta gainbegiratzea turismo, merkataritza eta artisautzaren arloko laguntza eta dirulaguntza publikoen deialdia.

q) Ikuskatzea, kontrolatzea eta egiaztatzea ea betetzen den turismoaren, txikizkako merkataritzaren eta artisautzaren arloko araudia.

r) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

60. artikulua . Turismoa eta Merkataritza Antolatu eta Sustatzeko Zerbitzuaren egitura.

Egituran, honako atal ditu Turismoa eta Merkataritza Antolatu eta Sustatzeko Zerbitzuak:

a) Turismoaren Antolamenduaren, Prestakuntzaren eta Kalitatearen Atala.

b) Merkataritza eta Artisautza Antolatzeko eta Laguntza Ekonomikoen Atala.

61. artikulua . Turismoaren Antolamenduaren, Prestakuntzaren eta Kalitatearen Atalaren eginkizunak.

Honako eginkizun hauek beteko ditu Turismoaren Antolamenduaren, Prestakuntzaren eta Kalitatearen Atalak:

a) Antolatzea sektore turistikoaren jarduera.

b) Planifikatzea eta ebaluatzea turismoko prestakuntzarako eta kalitaterako programak, eta jarduketa proposamenak egitea.

c) Sustatzea, bultzatzea eta indartzea sektoreko eragileen modernizazioa eta kalitate ziurtagiriak, turismoak aurrera egiteko elementu diren aldetik.

d) Kudeatzea Nafarroako Turismo Erregistroa.

e) Koordinatzea eta sustatzea turismo sektoreko entitateekiko lankidetza.

f) Ebaluatzea nola ezartzen diren irisgarritasunerako neurriak turismoko azpiegituretan.

g) Aztertzea eta ebaluatzea azpiegitura turistikoen egoera, eta proposamenak egitea horiek antolatzeko eta egokitzeko.

h) Aztertzea eta ebaluatzea turismo arloko araudiaren egoera, eta proposamenak egitea Turismoari buruzko Foru Legea gara dadin arauen bidez.

i) Planifikatzea ikuskapen jarduera eta araudi turistikoaren betetzea.

j) Kontrolatzea turismoaren arloko intrusismoa eta lehia desleiala.

k) Tramitatzea turismo jarduerari lotutako erreklamazioak eta salaketak.

l) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

62. artikulua . Merkataritza eta Artisautza Antolatzeko eta Laguntza Ekonomikoen Atalaren eginkizunak.

Honako eginkizun hauek izanen ditu Merkataritza eta Artisautza Antolatzeko eta Laguntza Ekonomikoen Atalak:

a) Gauzatzea txikizkako merkataritza hurbila bultzatzeko neurriak, hots, jaso direnak Nafarroako Txikizkako Merkataritza Hurbila Bultzatzeko Planean, eta ebaluatzea planaren emaitzak.

b) Kudeatzea merkataritza-establezimenduen zentsua.

c) Antolatzea merkataritza eta artisautza jarduera.

d) Ikuskatzea eta begiratzea merkataritzako eta artisautzako jarduera eta araudia.

e) Aztertzea eta ebaluatzea merkataritza eta artisautza jarduerari buruzko araudiaren egoera, eta arlo horien araudia garatzeko proposamenak egitea.

f) Sustatzea aplika daitezela teknologia berriak, energia berriztagarriak, irisgarritasunerako neurriak, genero berdintasuna eta bestelakoak, helburua izanik aplika daitezela Turismo, Merkataritza eta Kontsumo Zuzendaritza Nagusiaren dirulaguntzen lerroetan.

g) Kudeatzea turismo, merkataritza eta artisautza jardueretarako dirulaguntzen programak, eta emaitzak ebaluatzea.

h) Tramitatzea merkataritza eta artisautza jarduerari lotutako erreklamazioak eta salaketak.

i) Sustatzea turismo, merkataritza eta artisautza sektorera zuzendutako komunikazioa, barne wegbunearen bidez eta bestelako bideen bitartez, koordinaturik Turismoko Marketinaren eta Nazioartekotzearen Zerbitzuarekin.

j) Turismoko Marketinaren eta Nazioartekotzearen Zerbitzuarekin koordinaturik, egitea merkataritza eta artisautza sustatzeko jarduketak.

k) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

5. ATALA. KONTSUMO ETA ARBITRAJE ZERBITZUA

63. artikulua . Kontsumo eta Arbitraje Zerbitzuaren eginkizunak.

Foru dekretu honetan, arlo hauetan, adierazten diren eginkizunak izanen ditu Kontsumo eta Arbitraje Zerbitzuak:

a) Kontsumitzaileen babesa.

b) Kontsumo arloko informazioa, hezkuntza eta prestakuntza.

c) Merkatuko diziplinari buruzko aferak.

d) Bere gain hartzea Lehiaren Zuzendaritza eta Sustapen Zuzendaritza, bat etorriz Lehiaren Babesari buruzko uztailaren 3ko 15/2007 Legearekin.

e) Aplikatzea organo eskuduna izendatzeko baliabideak, bat etorriz otsailaren 21eko 1/2000 Legearekin, zeinak hizpide baitu Estatuak eta autonomia erkidegoek lehiaren defentsaren arloan dituzten eskumenen koordinazioa.

f) Zehapen espedienteak tramitatzean sortzen ahal diren arazo intzidentalak ebaztea.

g) Tramitatutako espedienteak igortzea Lehiaren Defentsarako Batzorde Nazionalari, hark ebatz ditzan.

h) Zaintzea betetzen eta gauzatzen direla Lehiaren Defentsarako Batzorde Nazionalak hartzen dituen ebazpenak.

i) Sustatzea eta erabakitzea Lehiaren Defentsako Legeak debekatzen dituen jardunbideen ondorioz tramitatzen diren prozeduretan itundutako amaiera.

j) Lankidetzan aritzea, bere eginkizunen eremuan, autonomia erkidegoetako eta Estatuko Administrazio Orokorreko izen bereko erakundeekin. Bereziki dagokio jakinarazpenak egiteko eta hartzeko eskumena, hain zuzen ere jasota dagoena otsailaren 21eko 1/2002 Legearen 2.1 artikuluan (lehenbiziko paragrafoa) eta 2.2 artikuluan (lehenbiziko paragrafoa).

k) Lehia askearen kontrako jokabideak aztertzea eta, baldin erabakitzen badu badagoela merkatuetan lehiaren kontrako portaera, zehapen prozedurak instruitzea.

l) Sustatzea merkatuetan benetako lehia izan dadila.

m) Sustatzea kontsumitzaileen eta erabiltzaileen elkartegintza.

n) Bitartekotza eta arbitrajea, kontsumo gaietan.

ñ) Tramitatzea baimendutako prezioak.

o) Ikerketa eta azterketa lanak sustatzea eta egitea lehiaren arloan, bai orokorrak bai sektorialak.

p) Txosten ez-lotesleak egitea lehiari eragiten ahal dioten araudi-proiektuez.

q) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

64. artikulua . Kontsumo eta Arbitraje Zerbitzuaren egitura.

1. Egituran, honako atal hauek ditu Kontsumo eta Arbitraje Zerbitzuak:

a) Merkatua Kontrolatzeko, Sustapenerako eta Lehiaren Defentsarako Atala.

b) Kontsumitzaileen Babeserako eta Kontsumoko Arbitrajerako Atala.

2. Kontsumo eta Arbitraje Zerbitzuari atxikirik geldituko zaio Kontsumoko Arbitraje Batzordea.

65. artikulua . Merkatuaren Kontrolerako, Sustapenerako eta Lehiaren Defentsarako Atalaren eginkizunak.

Honako eginkizun hauek izanen ditu Merkatuaren Kontrolerako, Sustapenerako eta Lehiaren Defentsarako Atalak:

a) Merkatua zaintzea eta ikuskatzea kontsumoaren arloan.

b) Jarraipena egitea eta kontrolatzea ezen zehapenak betetzen direla, hots, ikuskapen jarduera gauzatzean atzemandako administrazioko arau-hausteen ondoriozko zehapen espedienteetan ezarritako zehapenak.

c) Kudeatzea Beltzarantzeko Zentroen Erregistroa eta homologatzea prestakuntza zentroak.

d) Merkatuak ikertzea eta zaintzea, eta instruitzea lehiaren defentsaren arloko zehapen eta baimen prozedurak.

e) Sustatzea merkatuetan benetako lehia izan dadila.

f) Kudeatzea eta artxibatzea bere eskumenen esparruko espedienteak.

g) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

66. artikulua . Kontsumitzaileen Babeserako eta Kontsumoko Arbitrajerako Atalaren eginkizunak.

Honako eginkizun hauek izanen ditu Kontsumitzaileen Babeserako eta Kontsumoko Arbitrajerako Atalak:

a) Kontsumitzaile eta erabiltzaileen babeserako informazio, prestakuntza eta hezkuntza ekintzak gauzatzea.

b) Arreta ematea kontsumitzaile eta erabiltzaileen kontsultei, kexei eta erreklamazioei.

c) Bitartekotza sustatzea.

d) Betetzea indarrean den araudiak kontsumoko arbitrajeari eta kontsumitzaileen babesari dagokionez esleitutako eginkizunak.

e) Kudeatzea Nafarroako Kontsumitzaile eta Erabiltzaileen Elkarteen Erregistroa.

f) Nafarroako Kontsumoaren Kontseiluari laguntza ematea bere eginkizunak gauzatu ditzan.

g) Laguntza ematea Nafarroako Foru Komunitatean ezar dadin sistema bat kexak eta erreklamazioak jar daitezen desgaitasunarekin lotutako aukeren berdintasunaren, bazterketa ezaren eta irisgarritasunaren arloan. Orobat, kasua bada, sistema hori kudeatzea.

h) Bere eskumenen esparruko espedienteak kudeatzea eta artxibatzea.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

V. KAPITULUA. IDAZKARITZA TEKNIKO NAGUSIA

67. artikulua . Idazkaritza Tekniko Nagusiaren egitura.

Egituran, honako atal hauek ditu Idazkaritza Tekniko Nagusiak:

a) Laguntza Juridikoaren Atala.

b) Modernizazioa Bultzatzeko Atala.

c) Ekonomia eta Aurrekontu Kudeaketarako Atala.

d) Sección de Régimen Jurídico de Industria, Energía y Minas.Nota de Vigencia

68. artikulua . Laguntza Juridikoaren Atalaren eginkizunak.

Laguntza Juridikoaren Atalak foru dekretu honetan aipatzen diren eginkizunak izanen ditu, idazkaritza tekniko nagusiei dagozkien eskumen juridikoekin loturik, eta, gainera, honako hauek:

a) Errekurtso administratiboak ebazteko txostena eta proposamena egitea.

b) Espedienteak prestatu eta berrikustea, organo jurisdikzionalei igortzeko.

c) Tramitatzea Nafarroako Foru Komunitateko Administrazioari eskatzen ahal zaizkion kalte-ordainak, eta horien gaineko ebazpen-proposamena egitea.

d) Xedapen orokorrak aztertzea eta prestatzea.

e) Biltzea Nafarroako, Estatuko eta Europar Batasuneko araudia.

f) Tramitatzea zehapen espedienteak.

g) Tramitatzea nahitaezko desjabetzeetarako espedienteak.

h) Eskatzen zaizkion txosten juridikoak egitea.

i) Genero ikuspegiaren zeharkakotasuna aplikatzeari lotutako eginkizunak gauzatzea Garapen Ekonomiko eta Enpresarialeko Departamentuaren politikak planifikatzean, kudeatzean eta ebaluatzean, bat eginik Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

j) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

69. artikulua . Modernizazioa Bultzatzeko Atalaren eginkizunak.

1. Modernizazioa Bultzatzeko Atalak foru dekretu honetan aipatzen diren eginkizunak izanen ditu, idazkaritza tekniko nagusiei dagozkien eskumen juridikoekin loturik, eta, gainera, honako hauek:

a) Behar den guztia prestatzea funtzionamendu egokia izan dezaten departamentuaren zerbitzu administratibo eta orokorrek.

b) Idazkaritza Tekniko Nagusiaren eskumena diren langileriari buruzko gaiak tramitatzea.

c) Agirien sarrera-irteeren erregistroaz arduratzea.

d) Koordinatzea antolakuntza eta kudeaketa sistemak hobetzeko proiektuak.

e) Tramitatzea eguneko gai zerrendak eta jakinarazpen administratiboak.

f) Agiriak konpultsatzea.

g) Koordinatzea Garapen Ekonomiko eta Enpresarialeko Departamentuaren jardueraren plangintza eta ebaluazioa, arlo hauetan: irisgarritasun unibertsala, eta Departamentuko webguneen eta gailu mugikorretarako aplikazioen irisgarritasun ordezkatuaren ardura duen unitatearen eginkizunak.

h) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

2. Modernizazioa Bultzatzeko Atalak beteko ditu informazioaren segurtasun arduradunaren eginkizunak, hain zuzen ere zehazten direnak Nafarroako Foru Komunitateko Administrazioaren datu-babeseko eta informazioaren segurtasuneko politikan, segurtatu eta zaindu dadin betetzen dela informazioaren segurtasunari buruzko indarreko araudia, barnean dela datu pertsonalen babesa; hori dena, Garapen Ekonomiko eta Enpresarialeko Departamentuaren eremuan.

70. artikulua . Ekonomia eta Aurrekontu Kudeaketarako Atalaren eginkizunak.

Ekonomia eta Aurrekontu Kudeaketarako Atalak foru dekretu honetan aipatzen diren eginkizunak izanen ditu, betiere departamentuaren ekonomia eta aurrekontu kudeaketarekin loturik, eta, berariaz, honako hauek:

a) Aurrekontuei buruzko aurreproiektua prestatzeko laguntza teknikoa.

b) Aurrekontuen kudeaketa, aldaketa eta exekuzioa kontrolatzea eta haien jarraipena egitea, bai eta eginkizun horien gaineko informazioa prestatzea ere.

c) Prestatzea, aldatzea eta kudeatzea epe ertaineko eta luzeko plangintza ekonomikoa.

d) Diru-sarrera eta gastuen administrazio eta ekonomia zirkuituak ezartzea eta kontrolatzea.

e) Departamentuaren kontabilitate zentroak kudeatzea.

f) Azterlanak eta estatistikak.

g) Tramitatutako espedienteak normalizatzea, koordinatzea, kontrolatzea eta haien jarraipen ekonomikoa egitea.

h) Ordaintzeko aginduak, justifikatu beharrekoak, kudeatu, jarraitu eta justifikatzea, eta departamentuaren kutxako aurrerakinen kontuak kudeatu eta kontrolatzea.

i) Departamentuaren gastuaren bilakaera analizatzea.

j) Azterlan ekonomikoak eta departamentuaren gastuaren kontrolari buruzkoak.

k) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

71. artikulua. Industriaren, Energiaren eta Meatzeen Araubide Juridikoaren Atalaren eginkizunak.Nota de Vigencia

Honako eginkizun hauek izanen ditu, industria antolamendu, energia eta meatzeen arloan, Industriaren, Energiaren eta Meatzeen Araubide Juridikoaren Atalak:

a) Errekurtso administratiboak ebazteko txostena eta proposamena egitea.

b) Xedapen orokorrak aztertzea eta prestatzea.

c) Biltzea Nafarroako, Estatuko eta Europar Batasuneko araudia.

d) Zehapen espedienteak tramitatzea.

e) Tramitatzea nahitaezko desjabetzeetarako espedienteak.

f) Eskatzen zaizkion txosten juridikoak egitea.

g) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

Lehen Xedapen Gehigarria. Eskumenak deskontzentratzeko baldintza orokorrak.

Indarra duten arauek organo bati ematen dizkioten eskumenak hierarkian menpeko diren beste organo batzuengan deskontzentratzen ahal dira, Nafarroako Aldizkari Ofizialean argitaratuko den xedapen orokor baten bitartez, galarazi gabe eskumenak esleitzeko arauetan finkatutako baldintzak bete beharra.

Bigarren Xedapen Gehigarria. Deskontzentrazioa.

1. Departamentuko Zuzendaritza Nagusien eta Idazkaritza Tekniko Nagusiaren titularrengan deskontzentratzen dira, bakoitzaren eskumenen esparruan, indarra duen araudiak Garapen Ekonomiko eta Enpresarialeko Departamentuko titularrari kontratazioaren arloan esleitzen dizkion eskumen administratiboen titulartasuna eta erabilera.

2. Turismo, Merkataritza eta Kontsumo Zuzendaritza Nagusiko titularrarengan deskontzentratzen dira turismoaren eta merkataritzaren arloan Kultura eta Kirol Departamentuari eta Nafarroako Gobernuari indarreko legedian esleitutako eskumenen titulartasuna eta erabilera, arau-hauste arin eta astunengatik irekitzen diren zehapen prozedurak hasteko eta ebazteko.

3. Departamentuko Idazkaritza Tekniko Nagusiko titularrarengan deskontzentratzen dira ondare-erantzukizunaren arloetan Garapen Ekonomiko eta Enpresarialeko Departamentuko titularrari indarreko legedian esleitutako eskumen administratiboen titulartasuna eta erabilera.

4. Kontsumo eta Arbitraje Zerbitzuko zuzendariarengan deskontzentratzen dira foru dekretu honetan honako gai hauetan Turismo, Merkataritza eta Kontsumoko zuzendari nagusiari esleitzen zaizkion eskumenen titulartasuna eta erabilera: kontsumoko zehapen prozedurak hastea eta ebaztea, kautelazko neurriak hartzea, eta kontsumoaren arloan erantzutea.

5. Garapen Ekonomiko eta Enpresarialeko Departamentuko titularrak eraginik gabe uzten ahalko du xedapen gehigarri honetan aipatzen den eskumenen deskontzentrazioa, salbu foru agindu baten bidez merkataritzaren arloan Nafarroako Gobernuari esleitzen zaizkionak. Foru agindu hori Nafarroako Aldizkari Ofizialean argitaratu beharko da.

Hirugarren Xedapen Gehigarria. Izendapenak berrestea.

1. Honako izendapen hauek berresten dira, egin ziren baldintza berberetan:

a) Enpresa Sustapenaren Zerbitzuko zuzendariarena, zeinari izena aldatzen baitzaio. Hemendik aurrera izanen da Industria Sustatzeko Zerbitzuko zuzendaria.

b) Energiaren, Meatzaritzaren eta Industria Segurtasunaren Zerbitzuko zuzendariarena, zeinari izena aldatzen baitzaio. Hemendik aurrera izanen da Lehiakortasunaren Zerbitzuko zuzendaria.

c) Laguntza Juridiko eta Administratiboaren Zerbitzuko zuzendariarena, zeinari izena aldatzen baitzaio. Hemendik aurrera izanen da S3 Proiektu Estrategikoen Zerbitzuko zuzendaria.

d) Turismoko Marketinaren Zerbitzuko zuzendariarena, zeinari izena aldatzen baitzaio. Hemendik aurrera izanen da Turismoko Marketinaren eta Nazioartekotzearen Zerbitzuko zuzendaria.

2. Berretsi egiten dira, bitarteko gisa, honako izendapen hauek:

a) Proiektu Estrategikoen eta Hitzarmenen Ataleko burua, zeinari izena aldatzen baitzaio. Hemendik aurrera izanen da Ekintzailetzaren Ataleko burua.

b) Enpresen Lehiakortasunaren Ataleko buruarena, zeinari izena aldatzen baitzaio. Hemendik aurrera izanen da Lehiakortasunaren Ataleko burua.

c) Ekonomia Sozialaren, Lan Autonomoaren eta Lan Erregistro Publikoen Ataleko buruarena, zeinari izena aldatzen baitzaio. Hemendik aurrera izanen da Ekonomia Sozialaren Ataleko burua.

d) Koordinazioaren eta Laguntza Teknikoaren Ataleko buruarena, zeinari izena aldatzen baitzaio. Hemendik aurrera izanen da Enpresaren Gizarte Erantzukizunaren eta Enpresa Ereduaren Ataleko burua.

e) Turismoko Produktuen Garapenerako Ataleko buruarena, zeinari izena aldatzen baitzaio. Hemendik aurrera izanen da Turismoko Produktuen eta Lurralde Jasangarritasunaren Ataleko burua.

Laugarren Xedapen Gehigarria. Unitate ezabatuak.

1. Ezabatu egiten dira Politika Ekonomiko eta Enpresarialaren eta Lanaren Zuzendaritza Nagusia, Industriaren, Energiaren eta Berrikuntzaren Zuzendaritza Nagusia eta Turismo eta Merkataritza Zuzendaritza Nagusia.

2. Enpresa Politikaren, Nazioarteko Proiekzioaren eta Lanaren Zuzendaritza Nagusian unitate hauek ezabatzen dira:

a) Politika Ekonomikoaren Zerbitzua.

b) Enpresa Sustapenaren Zerbitzua.

c) Proiektu Estrategikoen eta Hitzarmenen Atala.

d) Nazioarteko Ekintzaren Atala.

e) Industria Inbertsioa Sustatzeko Atala.

f) Enpresen Lehiakortasunaren Atala.

g) Koordinazioaren eta Laguntza Teknikoaren Atala.

h) Ekonomia Sozialaren, Lan Autonomoaren eta Lan Erregistro Publikoen Atala.

3. Industriaren, Energiaren eta S3 Proiektu Estrategikoen Zuzendaritza Nagusian honako unitate hauek ezabatzen dira:

a) Energiaren, Meatzaritzaren eta Industria Segurtasunaren Zerbitzua.

b) Laguntza Juridiko eta Administratiboaren Zerbitzua.

4. Turismo, Merkataritza eta Kontsumo Zuzendaritza Nagusian honako unitate hauek ezabatzen dira:

a) Turismoko Marketinaren Zerbitzua.

b) Turismoa Sustatzeko Atala.

c) Turismoko Produktuen Garapenerako Atala.

Bosgarren Xedapen Gehigarria. Lege aipamenak.

Indarreko araudian egiten diren aipamen organiko eta funtzionalak, eragiten dietenak foru dekretu honetan esleitutako eginkizunei, ulertuko da egiten zaizkiela foru dekretu honetan bertan araututako organo eta unitateei.

Seigarren Xedapen Gehigarria. Unitateak bere horretan uztea.

Foru dekretu hau garatzeko neurriak hartu bitartean, atalarena baino maila txikiagokoak diren unitate organikoek berdin segituko dute eta oraingo izenari eta eginkizunei eutsiko diete. Behin-behinekoz egitura berriko organoei atxikiko zaizkie, orain arte betetzen zituzten eginkizunen arabera.

Zazpigarren Xedapen Gehigarria. Zehatzeko ahala laneko arriskuen prebentzioaren arloan, meatzaritzako teknika aplikatzea eskatzen duten lanetarako.

1. Meatzeen arloko eskumenak dituen Zuzendaritza Nagusiko titularrari dagokio arau-hausteak zehatzea Nafarroako Foru Komunitateko Administrazioaren esparruan, laneko arriskuen prebentzioari dagokionez, meatze, harrobi eta tuneletako lanetan, eskatzen dutenean meatzaritzako teknikak aplikatzea, honako arau hauekin bat: Laneko Arriskuen Prebentzioari buruzko azaroaren 8ko 31/1995 Legearen 7.2 artikulua, eta abuztuaren 4ko 5/2000 legegintzako errege-dekretuaren 48.2 artikulua; legegintzako errege-dekretu horren bidez onetsi zen Lan Arloko Arau-hauste eta Zehapenei buruzko Legearen testu bategina.

2. Laneko arriskuen prebentzioari dagokionez, meatze, harrobi eta tuneletako lanetan, meatzaritzako teknikak aplikatzea eskatzen dutenean, zehapen prozedurak tramitatuko dira jarraikiz aplikatzekoa den meatzaritzako araudiari eta Administrazio Publikoetako prozedura administratibo erkideari buruzko legeriari.

Xedapen Iragankor Bakarra. Kredituen egozpena.

Foru dekretu honen bidez sortu edo aldatu diren zerbitzu eta atalen aurrekontu xedapenak egotziko zaizkie kasuan kasuko eginkizunak orain arte bete dituzten organoei dagozkien partidetako kredituei, 2019ko aurrekontu ekitaldia amaitu arte.

Xedapen Indargabetzaile Bakarra. Arauak indargabetzea.

Indarrik gabe gelditzen dira urtarrilaren 11ko 1/2017 Foru Dekretua, zeinaren bidez ezartzen baita Garapen Ekonomikorako Departamentuaren egitura organikoa, salbu 63. artikulutik 93. artikulura, eta foru dekretu honetan xedatutakoaren aurkakoak diren maila bereko edo apalagoko xedapen guztiak.

Azken Xedapenetako Lehena. Aldatzea abuztuaren 14ko 89/2019 Foru Dekretua, zeinaren bidez ezartzen baita Garapen Ekonomiko eta Enpresarialeko Departamentuaren oinarrizko egitura.

Aldatzen da abuztuaren 14ko 89/2019 Foru Dekretuaren artikulu bakarra; foru dekretu horren bidez ezartzen da Garapen Ekonomiko eta Enpresarialeko Departamentuaren oinarrizko egitura. Honela idatzita geldituko da:

Garapen Ekonomiko eta Enpresarialeko Departamentuak, bere titularraren goi-zuzendaritzapean, honako organo hauek ditu bere oinarrizko egituran:

a) Enpresa Politikaren, Nazioarteko Proiekzioaren eta Lanaren Zuzendaritza Nagusia.

b) Industriaren, Energiaren eta S3 Proiektu Estrategikoen Zuzendaritza Nagusia.

c) Turismo, Merkataritza eta Kontsumo Zuzendaritza Nagusia.

d) Idazkaritza Tekniko Nagusia.

Azken Xedapenetako Bigarrena. Aurrekontu aldaketak.

Ahalmena ematen zaio Ekonomia eta Ogasun Departamentuko titularrari behar diren aurrekontu aldaketak egin ditzan foru dekretu honetan ezarritakoa betetzeko.

Azken Xedapenetako Hirugarrena. Garatzeko ahalmenak.

Ahalmena ematen zaio Garapen Ekonomiko eta Enpresarialeko Departamentuko titularrari behar diren xedapenak eman ditzan foru dekretu honetan ezarritakoa garatzeko.

Azken Xedapenetako Laugarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

Iruñean, 2019ko urriaren 30ean.-Nafarroako Gobernuko lehendakaria, María Chivite Navascués.-Garapen Ekonomiko eta Enpresarialeko kontseilaria, Manuel Ayerdi Olaizola.

Iragarkiaren kodea: F1913760

Gobierno de Navarra

Contacte con nosotros | Accesibilidad | Aviso legal | Mapa web