LEXNAVARRA
260/2019 FORU DEKRETUA, URRIAREN 30EKOA, NAFARROAKO BERDINTASUNERAKO INSTITUTUA ERAKUNDE AUTONOMOAREN ESTATUTUAK ONESTEN DITUENA 
BON N.º 220 - 07/11/2019
- Atarikoa
- Artikulu bakarra. Estatutuak onestea.
- Lehen xedapen gehigarria.Aurreko institutuen aipamenak.
- Bigarren xedapen gehigarria.Kudeaketa esleipenak.
- Hirugarren xedapen gehigarria.Unitate berriak sortzea.
- Bosgarren xedapen gehigarria.Unitateak kentzea.
- Seigarren xedapen gehigarria.Izendapenak berrestea.
- Xedapen indargabetzaile bakarra.Arauak indargabetzea.
- Azken xedapenetako lehena. Aurrekontuko aldaketak.
- Azken xedapenetako bigarrena. Arauen garapena.
- Azken xedapenetako hirugarrena. Indarra hartzea.
I. TITULUA. IZAERA, ATXIKIPENA ETA ESKUMENAK
- 1. artikulua. Izaera.
- 2. artikulua. Atxikipena eta babesa.
- 3. artikulua. Eskumenak eta eginkizunak.
II. TITULUA. EGITURA ORGANIKOA
I. KAPITULUA. ZUZENDARITZA ORGANOAK
- 4. artikulua. Zuzendaritza organoak.
II. KAPITULUA. GOBERNU KONTSEILUA
- 5. artikulua. Osaera.
- 6. artikulua. Gobernu Kontseiluaren ahalmenak.
- 7. artikulua. Kontseiluburuaren ahalmenak.
- 8. artikulua. Idazkaria.
- 9. artikulua. Funtzionamendua.
- 10. artikulua. Aholkularitza.
III. KAPITULUA. ZUZENDARI KUDEATZAILEA
- 11. artikulua. Izendapena, kargutik kentzea eta ordeztea.
- 12. artikulua. Eginkizunak.
- 13. artikulua. Eginkizunak eskuordetzea.
IV. KAPITULUA. ZUZENDARITZAK , ATALAK ETA BERDINTASUN UNITATEAK
- 14. artikulua. Nafarroako Berdintasunerako Institutuko unitate organikoak .
- 15. artikulua. Zuzendariordeak izendatzea eta kargutik kentzea.
- 16. artikulua. Berdintasunerako Gobernantzaren Zuzendariordetza.
- 16. bis artikulua. Berdintasun unitateak .
- 17. artikulua. Berdintasunerako Gobernantzaren Zuzendariordetzaren atalak .
- 18. artikulua. Ikerketarako, Berrikuntzarako eta Ezagutza Kudeatzeko Atala .
- 19. artikulua. Emakumeen aurkako Indarkeriaren Atala .
- 20. artikulua. Emakumeen Herritartasun, Ahalduntze eta Partaidetzarako Zuzendariordetza .
- 21. artikulua. Emakumeen Herritartasun, Ahalduntze eta Partaidetzarako Zuzendariordetzaren atalak:
- 22. artikulua. Sentsibilizaziorako eta Balio Aldaketarako Atala .
- 23. artikulua. Programen Atala.
- 24. artikulua. LGTBI+ arloko Berdintasunerako Zuzendariordetza .
- 25. artikulua. Gai Juridikoen eta Kudeaketaren Zuzendariordetza .
- 26. artikulua. Bulegoak eta antzeko unitateak.
III. TITULUA. ONDAREA, BALIABIDEAK, AURREKONTUA ETA KONTROLA
- 27. artikulua. Ondarea.
- 28. artikulua. Baliabide ekonomikoak.
- 29. artikulua. Aurrekontu araubidea.
- 30. artikulua. Kontuhartzailetza.
- 31. artikulua. Kontabilitate araubidea.
IV. TITULUA. LANGILERIA
- 32. artikulua. Langileen araubidea.
V. TITULUA. EGINTZEN ARAUBIDE JURIDIKOA
- 33. artikulua. Araubide juridiko orokorra.
- 34. artikulua. Errekurtsoak.
- 35. artikulua. Laguntza juridikoa.
Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoko 44.18. artikuluak Nafarroako Foru Komunitateari erabateko eskumena eman dio berdintasun politiken arloan.
Berdintasunaren printzipio konstituzionalak eskatzen du generoan oinarritutako desberdintasun eta diskriminazio mota guztiak benetan desagerraraztea, eta emakumeen eta gizonen arteko berdintasuna lortzea Nafarroako bizitza politiko, ekonomiko, kultural eta sozialaren esparru guztietan, eta, horrela, bete egiten da Nafarroako Emakumeen eta Gizonen Berdintasunari buruzko apirilaren 4ko 17/2019 Foru Lege onetsi berrian eta Emakumeen eta Gizonen Berdintasun Eragingarrirako martxoaren 22ko 3/2007 Lege Organikoan xedatutakoa, bai eta Emakumeen Kontrako Indarkeriari Aurre Egiteko apirilaren 10eko 14/2015 Foru Legea ere.
Nafarroako Foru Komunitateko lehendakariaren abuztuaren 6ko 22/2019 Foru Dekretuak, Nafarroako Foru Komunitateko Administrazioaren departamentuen egitura ezartzen duenak, Lehendakaritzako, Berdintasuneko, Funtzio Publikoko eta Barneko Departamentuari esleitzen dio emakumeen eta gizonen arteko berdintasun politikei buruzko gaien gaineko eskumena.
Lehendakaritzako, Berdintasuneko, Funtzio Publikoko eta Barneko Departamentuaren oinarrizko egitura organikoa ezartzen duen abuztuaren 14ko 85/2019 Foru Dekretuaren bidez, Nafarroako Berdintasunerako Institutua departamentu horri atxikitzen zaio. Ondorioz, beharrezkoa da erakunde autonomoaren estatutuak aldatzea, Nafarroako Foru Komunitateko Administrazioaren antolaketa berrira eta Nafarroako Emakumeen eta Gizonen arteko Berdintasunari buruzko apirilaren 4ko 17/2019 Foru Legean ezarritako jarduketa eredu berrira egokitzeko.
Nafarroako Foru Komunitateko Administrazioari buruzko martxoaren 11ko 11/2019 Foru Legean xedatutakoari jarraikiz, Nafarroako Gobernuari dagokio erakunde publikoen estatutuak onestea.
Foru dekretu honen helburua da Nafarroako Berdintasunerako Institutuaren estatutuak onestea.
Horrenbestez, Lehendakaritzako, Berdintasuneko, Funtzio Publikoko eta Barneko kontseilariak proposaturik, eta Nafarroako Gobernuak bi mila eta hemeretziko urriaren hogeita hamarrean egindako bilkuran harturiko erabakiarekin bat,
DEKRETATZEN DUT:
Artikulu bakarra.- Estatutuak onestea.
Nafarroako Berdintasunerako Institutua erakunde autonomoaren estatutuak onesten dira. Horien testua foru dekretu honen eranskinean ageri da.
Lehen xedapen gehigarria .Aurreko institutuen aipamenak.
Gaur egun dagoen araudian edo jadanik emandako egintza administratiboetan gizonen eta emakumeen arteko berdintasunen arloko eskumenak izan dituzten institutuez egiten diren aipamen guztiak Nafarroako Berdintasunerako Institutuaz eginak bezala ulertuko dira.
Bigarren xedapen gehigarria .Kudeaketa esleipenak.
Nafarroako Berdintasunerako Institutuak ahalmena izanen du departamentu bereko edo beste bateko organo edo erakunde publikoei esleitzeko hark dituen helburu eta eginkizunak betetzeko beharrezkoak diren jarduera materialak, teknikoak edo zerbitzu arlokoak, arlo hori arautzen duen legedian xedatutakoaren arabera.
Hirugarren xedapen gehigarria .Unitate berriak sortzea.
Unitate hauek sortu dira:
-LGTBI+ arloko Berdintasunerako Zuzendariordetza.
-Programen Atala.
Laugarren xedapen gehigarria.-Izena aldatzea lehendik dauden unitateei.
Unitate hauen izena aldatzen da:
-Hemendik aurrera Plangintzaren eta Programen Zuzendariordetza deituko da Berdintasunerako Gobernantzaren Zuzendariordetza.
-Hemendik aurrera Sustapenaren eta Kudeaketaren Zuzendariordetza deituko da Emakumeen Herritartasun, Ahalduntze eta Partaidetzarako Zuzendariordetza.
-Hemendik aurrera Programen eta Genero Zeharkakotasunaren Atala deituko da Genero Zeharkakotasunaren Atala.
-Hemendik aurrera Informazioaren, Sentsibilizazioaren eta Partaidetza Sozialaren Atala deituko da Sentsibilizaziorako eta Balio Aldaketarako Atala.
-Hemendik aurrera Kudeaketaren eta Baliabideen Atala deituko da Gai Juridikoen eta Kudeaketaren Atala.
Bosgarren xedapen gehigarria .Unitateak kentzea.
Kentzen da LGTBI+ arloko Berdintasunerako Atala.
Seigarren xedapen gehigarria .Izendapenak berrestea.
Honako izendapen hauek berresten dira, egin ziren baldintza berberetan:
-Plangintzaren eta Programen zuzendariordearena; hemendik aurrera Berdintasunerako Gobernantzaren zuzendariordea izanen da.
-Sustapenaren eta Kudeaketaren Zuzendariordearena; hemendik aurrera Emakumeen Herritartasun, Ahalduntze eta Partaidetzarako Zuzendariordea izanen da.
-Informazioaren, Sentsibilizazioaren eta Partaidetza Sozialaren Ataleko buruarena; hemendik aurrera Sentsibilizaziorako eta Balio Aldaketarako Ataleko burua izanen da.
-Programen eta Genero Zeharkakotasunaren Ataleko buruarena; hemendik aurrera Genero Zeharkakotasunaren Ataleko burua izanen da.
-LGTBI+ arloko Berdintasunerako Ataleko buruarena; hemendik aurrera Programen Ataleko burua izanen da.
Xedapen indargabetzaile bakarra .Arauak indargabetzea.
Indargabetuta gelditzen dira foru dekretu honetan ezarritakoari aurka egiten dioten maila bereko edo apalagoko xedapen guztiak eta, zehazki, 240/2015 Foru Dekretua, irailaren 30ekoa, Nafarroako Berdintasunerako Institutua erakunde autonomoaren estatutuak onartzen dituena.
Azken xedapenetako lehena.- Aurrekontuko aldaketak.
Ahalmena ematen zaio Ekonomia eta Ogasuneko kontseilariari aurrekontuan beharrezkoak diren aldaketak egin ditzan, foru dekretu honetan ezarritakoa betetzeko.
Azken xedapenetako bigarrena.- Arauen garapena.
Ahalmena ematen zaio Lehendakaritzako, Berdintasuneko, Funtzio Publikoko eta Barneko kontseilariari foru dekretu hau garatzeko eta betetzeko behar diren xedapenak eman ditzan.
Azken xedapenetako hirugarrena.- Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2019ko urriaren 30ean.-Nafarroako Gobernuko lehendakaria, María Chivite Navascués.-Lehendakaritzako, Berdintasuneko, Funtzio Publikoko eta Barneko kontseilaria, Javier Remírez Apesteguía.
NAFARROAKO BERDINTASUNERAKO INSTITUTUA ERAKUNDE AUTONOMOAREN ESTATUTUAK
I. TITULUA. IZAERA, ATXIKIPENA ETA ESKUMENAK
Nafarroako Berdintasunerako Institutua erakunde autonomo bat da, nortasun juridiko propioa duena, bai eta jarduteko ahalmen osoa ere, xedeak bete ahal izateko.
Nafarroako Berdintasunerako Institutuak zeharkako izaera du, genero berdintasunerako politikak politika publiko guztietan txerta daitezen.
2. artikulua . Atxikipena eta babesa.
Nafarroako Berdintasunerako Institutua, bere helburuak betetzeko, Lehendakaritzako, Berdintasuneko, Funtzio Publikoko eta Barneko Departamentuak plangintza eta politika orokorrari buruz ematen dituen jarraibideen mendean dago, eta hari atxikita. Departamentu horren esku gelditzen dira institutua kontrolatu eta babesteko ahalmenak, estatutuetan, foru legerian eta antolamendu juridikoan esleitzen zaizkionak, hain zuzen ere.
3. artikulua . Eskumenak eta eginkizunak.
1. Nafarroako Berdintasunerako Institutuari eginkizun hauek dagozkio:
a) Nafarroako Foru Komunitateko emakumeen eta gizonen arteko berdintasunerako politikak koordinatzea eta kudeatzea.
b) Emakumeen aurkako indarkeriaren edo genero indarkeriaren aurkako neurri integralak koordinatzea eta kudeatzea.
c) LGTBI+ pertsonen berdintasun sozialari buruzko politikak koordinatzea eta kudeatzea.
2. Eskumen horiek garatzeko, eta horien esparru materialaren barnean, Nafarroako Berdintasunerako Institutuak honako eginkizun hauek beteko ditu:
a) Xedapen orokorreko proiektuak egitea bere eskumenenen esparruan.
b) Nafarroako emakumeen eta gizonen arteko berdintasunerako plan estrategikoa egitea.
c) Emakumeen eta gizonen arteko berdintasunaren arloan Nafarroako Gobernuaren plangintza orokorra prestatzea, departamentuek beren plangintza sektorialak prestatzeko dituzten eskumenak galarazi gabe.
d) Nafarroako Foru Komunitatean genero berdintasunerako politikak diseinatu, abian jarri, koordinatu eta ebaluatzea.
e) Laguntza ematea emakumeen elkarteei, talde feministei eta emakumeen eta gizonen arteko berdintasuna sustatzen aritzen diren beste entitate batzuei, eta sustatzea parte har dezaten genero-berdintasunaren arloko politiken diseinuan eta prestaketan.
f) Beharrezkotzat jotzen diren ekintza positiboko neurriak sustatzea, benetako berdintasuna arlo guztietan, publiko zein pribatuetan, bermatzeko xedez, familiakoa, soziala, kulturala, lanekoa, eta ekonomikoa barne.
g) Administrazio publiko desberdinen arteko lankidetza eta koordinazioa bultzatzea genero berdintasunerako gaietan.
h) Nafarroako Foru Komunitateko Administrazioak gauzatzen dituen politika publiko guztietan berdintasun-printzipioa zeharkakotasunez aplikatzen dela bermatzea, bai eta aurrekontuak egiterakoan ere.
i) Nafarroako Foru Komunitateko administrazio publikoen politika, programa eta ekintza guztietan genero ikuspegia sar dadin sustatzea, koordinatzea eta ebaluatzea.
j) Genero berdintasuna sustatzeko deialdiak kudeatzea, halakorik bada.
k) Genero berdintasunari buruzko aholkularitza teknikoa ematea departamentuetako berdintasun unitateei eta toki entitateei, eta horiek guztiak koordinatzea.
l) Nafarroako administrazio publikoetako langileen berdintasunari buruzko prestakuntza sustatzea, eta berdintasunaren arloko teknikarien prestakuntza espezifikoa bermatzea.
m) Nafarroako Foru Komunitatean emakumeen egoeraren bilakaerari buruzko azterlanak eta ikerketak egitea.
n) Genero inpaktuari buruzko txostenak eta berdintasun eskubidea bermatzeko gainerako mekanismoak bultzatzea eta horietan laguntzea.
ñ) Kanpainak eta jarduketak bultzatu eta gauzatzea Nafarroako gizartearen sentsibilizazioa sustatzeko emakumeen eta gizonen arteko berdintasunaren arloan.
o) Emakumeen aurkako indarkeriaren kontrako jarduketa integraleko neurriak modu egokian aplikatu eta benetan betetzen direla koordinatu eta bermatzea.
p) Nafarroako Gobernuak plan orokorrean eta plan sektorialetan onetsitako jarraibideak egoki aplikatu eta eraginkortasunez betetzen direla bermatzea, Emakumeen kontrako Indarkeriari aurre egiteko apirilaren 10eko 14/2015 Foru Legea garatzeko.
q) Bere eskumeneko arloei dagozkien baliabideak kudeatzea.
r) Emakumeen eta gizonen arteko berdintasunaren arloko eginkizunak dituzten teknikarien gaikuntzari dagozkion gutxieneko eta oinarrizko baldintza komunak ezartzea.
s) LGTBI+ errealitateari buruzko diagnostikorako azterlanak egitea.
t) LGTBI+ pertsonak ez direla diskriminatzen bermatzeko, proposamenak eta gomendioak egitea politika publikoetarako, LGTBI arloko prestakuntzarako eta jarduketetarako.
u) Bultzatzea LGTBI+ pertsonen eskubideak txerta daitezela politika publiko sektorialen formulazioan, abiaraztean, jarraipenean eta ebaluazioan.
v) Bermatzea ongi aplikatzen eta benetan betetzen direla Nafarroako Gobernuak onetsitako jarraibideak, LGTBI+ Pertsonen Berdintasun Sozialari buruzko ekainaren 19ko 8/2017 Foru Legea garatzeko Ekintza Planari dagokionez.
w) Zehapenak ezartzeko ahalmena erabiltzea, Nafarroako Emakumeen eta Gizonen arteko Berdintasunari buruzko apirilaren 4ko 17/2019 Foru Legean eta LGTBI+ Pertsonen Berdintasun Sozialari buruzko ekainaren 19ko 8/2017 Foru Legean jasotakoaren arabera.
x) Komunikaziorako bideak ezartzea sare sozialen bidez, eta plataforma edo aplikazio digitalak sortzea, gizartean genero berdintasunarekin eta emakumeen kontrako indarkeriarekin lotutako edukiak edo albisteak zabaltzeko aukera ematen dutenak.
y) Indarra duten xedapenek esleitutako edo agindutako gainerako eginkizunak.
II. TITULUA. EGITURA ORGANIKOA
I. KAPITULUA. ZUZENDARITZA ORGANOAK
4. artikulua . Zuzendaritza organoak.
Nafarroako Berdintasunerako Institutuaren zuzendaritza organoak hauek dira:
a) Gobernu Kontseilua.
b) zuzendari kudeatzailea.
II. KAPITULUA. GOBERNU KONTSEILUA
1. Nafarroako Berdintasunerako Institutuaren Gobernu Kontseiluak kide hauek ditu:
a) Kontseiluburua: Lehendakaritzako, Berdintasuneko, Funtzio Publikoko eta Barneko kontseilaria.
b) Kontseiluburuordea: Nafarroako Berdintasunerako Institutuko zuzendari kudeatzailea.
c) Departamentuetako bokalak: zuzendaritza nagusi hauetako titularrak: Aurrekontuak, Ondarea eta Politika Ekonomikoa; Enpresa Politika, Nazioarteko Proiekzioa eta Lana; Hezkuntza; Babes Soziala eta Garapenerako Lankidetza; Osasuna eta Nafar Lansare-Nafarroako Enplegu Zerbitzuko zuzendari kudeatzailea.
d) Beste bokal batzuk: Nafarroako Berdintasunerako Kontseiluak bere kideen artean izendatutako bi pertsona, eta Berdintasunerako Gobernantzaren zuzendariordea eta LGTBI+ arloko Berdintasunerako zuzendariordea.
e) Idazkaria: Nafarroako Berdintasunerako Institutuko Emakumeen Herritartasun, Ahalduntze eta Partaidetzarako zuzendariordea.
2. Departamentuek Gobernu Kontseiluan kide gisa dituzten zuzendari karguren bat hutsik geldituz gero, kasuko departamentuko titularrak haien ordezkoak izendatuko ditu, aldi baterako, behar diren izendapenak egin bitartean.
6. artikulua . Gobernu Kontseiluaren ahalmenak.
Gobernu Kontseiluak ahalmen hauek ditu:
a) Urtero, erakunde autonomoaren aurrekonturako aurreproiektuaren proposamena onestea.
b) Nafarroako Berdintasunerako Institutuaren ondarea administratzea.
c) Genero berdintasunerako politiken arloko urteko kudeaketa plana onestea, baita prestatzen diren urteko txosten guztiak ere.
d) Erakunde autonomoaren zuzendaritza funtzioak kontrolatu eta gainbegiratzea.
e) Esleitzen edo agintzen zaion beste edozein eginkizun, indarra duen antolamendu juridikoarekin bat.
7. artikulua . Kontseiluburuaren ahalmenak.
1. Kontseiluburuaren ahalmenak honako hauek dira:
a) Gobernu Kontseiluaren ordezkaria izatea jarduera mota guztietan, eta ordezkaritza hori gauzatzeko ahalak eta mandatuak ematea.
b) Gobernu Kontseiluaren bilkuretarako deia egitea, eguneko gai zerrenda finkatzea, bilkuretako buru izan eta horiek zuzentzea.
c) Gobernu Kontseiluko erabakiak eta Nafarroako Berdintasunerako Institutuaren funtzionamendua erregulatzen duten arauak betetzen direla zaintzea.
d) Presako kasuetan behar diren ebazpenak hartzea, eta ondotik egiten den lehenbiziko bilkuran horien berri ematea Gobernu Kontseiluari.
2. Postua hutsik dagoenean, kontseiluburua kanpoan edo eri dagoenean edo justifikatutako gainerako kasuetan, haren ordez kontseiluburuordea arituko da.
1. Emakumeen Herritartasun, Ahalduntze eta Partaidetzarako zuzendariordeak Kontseiluaren bilkuretan botoz eta hizpidez parte hartuko du eta Gobernu Kontseiluko idazkaria izanen da. Kanpoan dagoenean, Berdintasunerako Gobernantzaren zuzendariordea aritzen ahalko da haren ordez.
2. Kontseiluko idazkariak eginkizun hauek izanen ditu:
a) Kontseiluburuaren aginduz Gobernu Kontseiluaren bilkuretarako deia egitea eta gainerako kideentzako zitazioak egitea.
b) Gobernu Kontseiluaren lanak prestatzea, Nafarroako Berdintasunerako Institutuko zuzendaritza-kudeatzailetzarekin batera, eta erabakien betearazpena tramitatzea.
c) Gobernu Kontseiluaren bilkuretako aktak egitea, hartzen diren erabakien fede ematea eta eskatzen diren ziurtagiriak luzatzea, Gobernu Kontseiluaren liburu eta dokumentuak zaintzea eta deialdiez arduratzea.
d) Agintzen zaizkion gainerako eginkizunak betetzea.
9. artikulua . Funtzionamendua.
1. Gobernu Kontseilua nahitaez urtean behin, gutxienez, bilduko da bilkura arruntean. Bilkura bereziak lehendakaritzak hala erabakirik eginen dira.
2. Gobernu Kontseiluaren funtzionamenduaren araubidea da oro har ezarrita dagoena martxoaren 11ko 11/2019 Foru Legean, zeinak hizpide baititu Nafarroako Foru Komunitateko Administrazioa eta foru-sektore publiko instituzionala.
10. artikulua . Aholkularitza.
Gobernu Kontseiluak edozein unetan eskatzen ahalko du beste pertsona batzuen aholkua, daukaten ezagutza, prestakuntza, izen ona edo beste zergatiko bat dela kausa haien esku-hartzea egokitzat jotzen baldin badu. Kasu horretan, dei berezia eginen zaie horretarako.
III. KAPITULUA. ZUZENDARI KUDEATZAILEA
11. artikulua . Izendapena, kargutik kentzea eta ordeztea.
1. Nafarroako Berdintasunerako Institutuko zuzendari kudeatzailearen izendapena eta kargutik kentzea Nafarroako Gobernuak eginen du askatasunez, Lehendakaritzako, Berdintasuneko, Funtzio Publikoko eta Barneko kontseilariak proposatuta.
2. Kargua hutsik dagoenean, zuzendari kudeatzailea kanpoan edo eri denean, edo beste arrazoi batzuengatik beharrezkoa denean, ordeztuko du Berdintasunerako Gobernantzaren zuzendariordeak edo, hura kanpoan bada, Emakumeen Herritartasun, Ahalduntze eta Partaidetzarako zuzendariordeak edo, hura kanpoan bada, LGTBI+ arloko Berdintasunerako zuzendariordeak.
Nafarroako Berdintasunerako Institutuko zuzendari kudeatzaileak eginkizun hauek izanen ditu:
a) Erakunde autonomoaren ordezkaria izatea.
b) Gobernu Kontseiluaren eta kontseiluburuaren erabakiak bete eta betearaztea eta, presako kasuetan, beharrezkoa bada, behar diren ebazpenak ematea, eta hurrengo bilkuran Gobernu Kontseiluari horren berri ematea.
c) Bere gain hartzea Nafarroako Berdintasunerako Institutuaren funtzionamenduaren erantzukizun gorena.
d) Berdintasun politiken arloan, urteko jarduketa-ildo nagusiak erabakitzea, onesten diren plan estrategikoen helburuak lortzeko.
e) Nafarroako Berdintasunerako Institutuaren jardueren eta organoen barne antolaketa zuzendu eta koordinatzea.
f) Erakunde autonomoko giza eta finantza baliabideak, bai eta fisikoak ere, osoki kudeatzea, zerbitzu eraginkorrak eta kalitatekoak eman ahal izateko.
g) Txostenak egitea Lehendakaritzako, Berdintasuneko, Funtzio Publikoko eta Barneko kontseilariak espedienteen gainean ebazteko proposamenei buruz.
h) Erakunde autonomoak jarduteko behar dituen administrazio ebazpenak ematea eta administrazio egintzak bete daitezen agintzea.
i) Kontratazio administratiboaren arloan indarra duen araudiak erakunde autonomoen ordezkariei kontratuak egiteko esleitzen dizkien ahalmenak erabiltzea.
j) Nafarroako Berdintasunerako Institutuaren jarduketa programak prestatzea, bai eta aurrekontuen aurreproiektuaren proposamena eta urteko memoria ere, eta horiek guztiak Gobernu Kontseiluari aurkeztea, onets ditzan.
k) Nafarroako Berdintasunerako Institutuaren funtzionamendurako behar diren ordainketak eta gastuak baimentzea, indarra duen araudiak ezarri bezala.
l) Nafarroako Berdintasunerako Institutuaren lan metodoak hobetzen direla zaintzea.
m) Lehendakaritzako, Berdintasuneko, Funtzio Publikoko eta Barneko kontseilariari proposatzea atalburuak, bulegoburuak edo atala baino maila beheragoko unitateburuak, erakunde autonomoari atxikiak, bitarte baterako izendatzea, funtzio publikoaren arloan eskumena duen departamentuak aldeko txostena egin ondoren.
n) Ebazpen bidez izendatzea erakunde autonomoko zuzendariordeen eta atalburuen aldi baterako ordezkoak, kargua hutsik dagoenean, titularrak kanpoan direnean edo eritasun nahiz ezintasun bat dutenean.
ñ) Nafarroako Berdintasunerako Institutuko plantilla organikoaren eta lan eskaintzaren arloko proposamenak egitea eta funtzio publikoaren arloan eskumena duen departamentura igortzea.
o) Nafarroako Berdintasunerako Institutuaren langileen buru izatea, eta zehazki Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren 3., 5. eta 6. artikuluak ematen dituen ahalmenak erabiltzea.
p) Bere eskumeneko arloetan zehapen espedienteak hasi, tramitatu eta ebazteko ahalmenak erabiltzea.
q) Lehendakaritzako, Berdintasuneko, Funtzio Publikoko eta Barneko kontseilariak, bere kargua dela-eta, agintzen dizkion gainerako eginkizunak.
13. artikulua . Eginkizunak eskuordetzea.
Zuzendari kudeatzaileak bere eskudantzia batzuen erabilera uzten ahal du Berdintasunerako Gobernantzaren zuzendariordearen esku, edo Emakumeen Herritartasun, Ahalduntze eta Partaidetzarako zuzendariordearen esku, edo LGTBI+ arloko Berdintasunerako zuzendariordearen esku, indarra duten legeetan ezarritakoarekin bat.
IV. KAPITULUA. ZUZENDARITZAK , ATALAK ETA BERDINTASUN UNITATEAK
14. artikulua . Nafarroako Berdintasunerako Institutuko unitate organikoak .
Nafarroako Berdintasunerako Institutuak unitate organiko hauek ditu bere egituran, zuzenean zuzendari kudeatzailearen mendean:
a) Berdintasunerako Gobernantzaren Zuzendariordetza.
b) Emakumeen Herritartasun, Ahalduntze eta Partaidetzarako Zuzendariordetza.
c) LGTBI+ arloko Berdintasunerako Zuzendariordetza.
d) Gai Juridikoen eta Kudeaketaren Zuzendariordetza.
15. artikulua . Zuzendariordeak izendatzea eta kargutik kentzea.
Zuzendariordeen izendapena eta kargutik kentzea Nafarroako Gobernuak erabakiko du askatasunez, foru dekretu bidez, Lehendakaritzako, Berdintasuneko, Funtzio Publikoko eta Barneko kontseilariak proposatuta.
16. artikulua . Berdintasunerako Gobernantzaren Zuzendariordetza.
Berdintasunerako Gobernantzaren Zuzendariordetzak eginkizun hauek izanen ditu:
a) Zuzendari kudeatzaileari urteko jardueren plangintza proposatzea, emakumeen eta gizonen arteko berdintasun politiken eta emakumeen aurkako indarkeriaren esparruan, askotariko diskriminazio egoera guztiak kontuan hartuta.
b) Emakumeen eta gizonen berdintasunerako plan estrategikoa diseinatzea eta bete dadin sustatzea.
c) Emakumeen aurkako indarkeriari aurre egiteko 14/2015 Foru Legea garatzen duen Ekintza Plana diseinatzea eta bete dadin sustatzea.
d) Emakumeen aurkako indarkeriaren kontrako jarduketa integraleko neurriak modu egokian aplikatu eta benetan betetzen direla koordinatu eta sustatzea.
e) Emakumeen aurkako indarkeriaren prebentzio eta arretarako baliabideen funtzionamendu egokia sustatzea, zehazki harrera egiteko baliabideei, arreta emateko talde integralei, emakumeei laguntza juridikoa emateko zerbitzuari eta beste batzuei dagokienez.
f) Pertsonen Salerosketaren aurkako Nafarroako Foroa bultzatzea.
g) Sustatzea berdintasunerako antolaketa instituzionalaren sistemaren garapena, berdintasun eskubidea bermatzeko mekanismoak eta horretarako behar diren baliabideak.
h) Emakumeen eta gizonen arteko berdintasuna bultzatzea eta sustatzea, Nafarroako Foru Komunitateko Administrazioaren politika, plan, programa eta jarduketa guztien erdigune gisa.
i) Nafarroako administrazio publikoetan genero zeharkakotasunaren estrategia ikertzea, sustatzea, koordinatzea eta ebaluatzea, eta horren gaineko ekintza positiboak bultzatzea .
j) Nafarroako Foru Komunitateko Administrazioko departamentuetan genero berdintasunerako unitateak ezar daitezela sustatu eta arautzea.
k) Erraztasunak ematea Nafarroako Gobernuaren proiektuak eta haietan esku hartzen duten administrazio publiko eta erakundeenak prestatzeko eta haien gainean laguntza teknikoa jasotzeko, Nafarroako Foru Komunitaterako garrantzia berezia duten arau eta planetako genero inpaktuari buruz.
l) Nafarroako Gobernuko beste departamentuekin lankidetzan, Nafarroako Foru Administrazioan berdintasunaren arloan abian jartzen diren jarduketa planak ebaluatzea.
m) Jarraipenaren etengabeko azterketa egitea Nafarroako Foru Komunitateko genero berdintasunerako eta emakumeen aurkako indarkeriaren gaineko politiken betearazpenari buruz, informazio sistema baten garapena sustatuz.
n) Administrazio publikoetan berdintasunaren eta emakumeen aurkako indarkeriaren arloko prestakuntza ibilbidea sustatzea, eta berdintasuneko teknikariei arlo horretako prestakuntza espezifikoa bermatzea.
ñ) Estatuko eta autonomia erkidegoetako administrazioen kontseilu eta batzordeetan parte hartzea.
o) Funtzio publikoaren arloko eskumenak dituen departamentuari aholku ematea Foru Komunitateko Administrazioaren eta haren erakunde autonomoen berdintasun plana egiteko.
p) Emakumeen eta gizonen arteko berdintasunaren eta emakumeen aurkako indarkeriaren arloko batzorde instituzionalen funtzionamendua bultzatzea.
q) Emakumeen eta gizonen arteko berdintasunaren arloko eginkizunak dituzten teknikarien gaikuntzari dagozkion gutxieneko eta oinarrizko baldintza komunak ezartzea.
r) Zuzendariordetzari atxikitako langileak antolatzeko ahalmenak erabiltzea.
s) Zuzendari kudeatzaileak agintzen dizkion bestelako eginkizunak.
16. bis artikulua. Berdintasun unitateak .
Berdintasun unitateek eginkizun hauek bete behar dituzte, Nafarroako Berdintasunerako Institutuak gainbegiratuta eta Nafarroako Foru Komunitateko Administrazioko departamentuekin eta haren erakunde autonomoekin elkarlanean:
a) Emakumeen eta gizonen arteko berdintasunerako plan estrategikoa prestatzen laguntzea eta plana beren eskumen esparruan aplikatzen dela sustatzea.
b) Aholku ematea foru legeen aurreproiektuek, erregelamenduek eta planek izanen duten genero inpaktuari buruzko aurretiazko txostenak prestatzeari begira.
c) Genero berdintasunari buruzko politikak zeharka aplikatzeko planak eta programak betearaztea departamentuaren edo erakundearen eremu funtzionalean, Nafarroako Gobernuak ezartzen dituen jarraibide eta helburuekin bat etorriz.
d) Berdintasun printzipioaren zeharkakotasuna eta/edo genero ikuspegiarekin diseinatutako ekintza positiboak sustatzea aritzen diren departamentu edo erakundearen planak, programak, araudiak, azterlanak eta estatistikak diseinatzeko eta gauzatzeko orduan.
e) Departamentuaren eskumeneko gaietan berdintasun printzipioak aplikatzeari buruzko aholkuak ematea eta emakumeen eta gizonen berdintasunari buruzko txostenak egitea bere eremu funtzionalean.
f) Departamentuak prestatutako informazio estatistikoa jasotzea, eta aholku ematea, jarduera bakoitzean, sexuaren arabera egin beharreko banaketarako adierazleei buruz.
g) Departamentuak Berdintasunerako Departamentuarteko Batzordean dituen ordezkariei laguntza ematea.
h) Laguntza ematea bere eraginpeko departamentu edo erakundeko langileentzat prestatzen diren berdintasun arloko prestakuntza programak egiteko eta gauzatzeko orduan, bai eta programa horien jarraipen eta ebaluazio lanetan ere.
i) Bermatzea Emakumeen eta Gizonen arteko Berdintasunari buruzko apirilaren 4ko 17/2019 Foru Legea benetan betetzen dela kasuan kasuko eremu funtzionalean.
j) Genero ikuspegia ezartzeko beharrezkoa den beste edozein eginkizun betetzea.
17. artikulua . Berdintasunerako Gobernantzaren Zuzendariordetzaren atalak .
Berdintasunerako Gobernantzaren Zuzendariordetzak atal hauek ditu bere egituran:
a) Ikerketarako, Berrikuntzarako eta Ezagutza Kudeatzeko Atala.
b) Emakumeen aurkako Indarkeriaren Atala.
18. artikulua . Ikerketarako, Berrikuntzarako eta Ezagutza Kudeatzeko Atala .
Ikerketarako, Berrikuntzarako eta Ezagutza Kudeatzeko Atalak honako eginkizun hauek izanen ditu:
a) I+G+b arloan (ikerketa, garapena eta berrikuntza) genero ikuspegia bultzatzea.
b) Gizarte berrikuntza sortu eta bultzatzea genero ikuspegiarekin. (Gb+g).
c) Emakumeen eta gizonen berdintasunerako plan estrategikoaren ezarpena eta jarraipena koordinatzea, jarraipena egiteko adierazle sistema baten bidez.
d) Nafarroako Foru Komunitateko administrazio publikoetan genero zeharkakotasunaren estrategia ebaluatzea.
e) Generoagatiko desberdintasun egoerari eta emakumeen aurkako indarkeriari buruzko azterlanak, txostenak eta ikerketak egitea.
f) Lan erreproduktiboan eta zaintza lanetan emandako denborari dagokionez, gizonen eta emakumeen artean dauden desberdinkeria eta diferentziak aztertzea.
g) Nafarroako Estatistika Planean behar diren eragiketa estatistikoak gehitzea kalkulatzeko zenbatekoa den lan erreproduktiboak eta pertsonen arretak Nafarroako Foru Komunitatean duten balio ekonomikoa.
h) Nafarroako unibertsitateekin lankidetza ekintzak bultzatu eta kudeatzea.
i) 2030 Estrategiaren jarraipena egitea berdintasunari dagokionez.
j) Informazioaren eta komunikazioaren teknologiak berdintasun-irizpideekin ezartzea errazten duten ekintzak sustatzea.
k) Erakunde autonomoaren jarduerekin loturik agintzen zaizkion gainerako eginkizunak.
19. artikulua . Emakumeen aurkako Indarkeriaren Atala .
Emakumeen aurkako Indarkeriaren Atalak eginkizun hauek izanen ditu:
a) Emakumeen aurkako indarkeriari arreta ematean eta aurreneurriak hartzean eraginkortasunez koordinatzeko erakundeen arteko Akordioaren betetze mailaren jarraipena eta ebaluazioa koordinatzea.
b) Genero indarkeriaren arloko eskumenak dituen ministerioarekin koordinatzea.
c) Emakumeen aurkako indarkeriari aurre egiteko plan estrategikoak abiaraz daitezela proposatzea eta haien edukiak nola gauzatzen diren aztertzea.
d) Genero indarkeriaren arloan onesten den urteko plangintza koordinatu eta betearaztea, programak emakumeen aurkako indarkeria mota guztietara egokituz.
e) Laguntza juridikoa bermatzea genero indarkeria jasan duten emakumeei.
f) Emakumeen aurkako indarkeriaren arloan jartzen diren salaketa polizialen jarraipena egitea.
g) Emakumeen aurkako indarkeriaren prebentzio eta arretarako baliabideen jarraipen teknikoa egitea eta koordinatzea, zehazki harrera egiteko baliabideei, arreta emateko talde integralei, emakumeei laguntza juridikoa emateko zerbitzuari, laguntza ekonomikoei eta beste batzuei dagokienez.
h) Emakumeen aurkako indarkeriaren biktimen egiaztagirien jarraipen teknikoa egitea.
i) Genero indarkeria pairatzen duten emakumeen egiaztagirien tramitazio teknikoa egitea etxebizitza babestua eskura dezaten.
j) Emakumeen salerosketa eta sexu esplotazioaren arloan Nafarroan egiten diren jarduketak koordinatzea.
k) Emakumeen aurkako indarkeria kasu larrienetan, egin beharreko jarduketak eta kasuen jarraipena koordinatzea, indarreko araudia betez.
l) Emakumeen aurkako indarkeriaren biktimei arreta ematen lan egiten duten administrazio publikoetako profesionalentzako genero indarkeriaren arloko prestakuntza diseinatzen laguntzea.
m) Administrazio publikoetako langileei emakumeen kontrako indarkeriaren arloan prestakuntza emateko ekintzak bultzatzea eta ebaluatzea.
n) Erakunde autonomoaren jarduerekin loturik agintzen zaizkion gainerako eginkizunak.
20. artikulua . Emakumeen Herritartasun, Ahalduntze eta Partaidetzarako Zuzendariordetza .
Emakumeen Herritartasun, Ahalduntze eta Partaidetzarako Zuzendariordetzak eginkizun hauek izanen ditu:
a) Kudeaketa Zuzendaritzari estrategiak proposatzea genero berdintasunaren eta emakumeen aurkako indarkeriaren arloan Nafarroako gizartean eragina izateko, gizartea sentsibilizatzeko ekintzak eginez pertsonen eta taldeen jarrerak alda daitezen.
b) Gizartean eta politikan emakumeen parte-hartzea sustatu eta suspertzea, askotariko diskriminazio egoera guztiak kontuan hartuta.
c) Berdintasunaren aldeko emakumeen elkarte eta talde feministek planen eta ekintza politikoaren diseinu eta ebaluazioan daukaten parte-hartze aktiboa koordinatzea, gero eta handiagoa izan dadin, eta ahaleginak egitea plan horiek garatzeko behar diren baliabideak izan daitezen.
d) Emakumeen parte-hartzea bultzatuko duten batzordeak eta kontseiluak bultzatzea.
e) Eztabaida sozialak eta jarduketen programa integralak abiaraz daitezen erraztea genero desberdintasunaren eta emakumeen aurkako indarkeriaren aurrean.
f) Eremu publikoan eta hedabideetan jardunbide egokietarako kodeak proposatzea, emakumeen eta gizonen irudi estereotipatuak gainditzeko.
g) Kanpainak eta jarduketak bultzatu eta diseinatzea Nafarroako gizartearen sentsibilizazioa sustatzeko emakumeen eta gizonen arteko berdintasunaren eta emakumeen aurkako indarkeriaren arloan.
h) Sentsibilizazio jarduerak eta programak sustatzea, landa-eremuko emakumeek egiten duten lana ikusarazteko.
i) Historian zehar emakumeek diziplina guztietan egindakoa aintzat har dezaten sustatzea.
j) Nafarroako herritar guztiengana iristea ahalbidetuko duten komunikazio bideak sustatzea.
k) Zuzendariordetzari atxikitako langileak antolatzeko ahalmenak erabiltzea.
l) Bizitzaren iraunkortasuna sustatzen duten jarduerak eta programak sustatzea, hala eremu produktiboan nola erreproduktiboan, askotariko diskriminazio egoera guztiak kontuan hartuta.
m) Emakumeen parte-hartzea bultzatzea Nafarroako Berdintasunerako Kontseiluaren bidez.
n) Kudeaketa Zuzendaritzak agintzen dizkion bestelako eginkizunak.
21. artikulua . Emakumeen Herritartasun, Ahalduntze eta Partaidetzarako Zuzendariordetzaren atalak:
Emakumeen Herritartasun, Ahalduntze eta Partaidetzarako Zuzendariordetzak atal hauek izanen ditu bere egituran:
a) Sentsibilizaziorako eta Balio Aldaketarako Atala.
b) Programen Atala.
Unitate organiko horiek ondorengo artikuluetan ezarritako eginkizunez gainera, Nafarroako Gobernuko departamentuen arteko koordinazioaz ere arduratuko dira, sektorekako plangintzaren eta onesten diren berdintasun planen arabera.
22. artikulua . Sentsibilizaziorako eta Balio Aldaketarako Atala .
Sentsibilizaziorako eta Balio Aldaketarako Atalak eginkizun hauek izanen ditu:
a) Kanpainak eta jarduketak gauzatzea eta garatzea Nafarroako gizartearen sentsibilizazioa sustatzeko emakumeen eta gizonen arteko berdintasunaren arloan eta emakumeenganako indarkeriaren aurka.
b) Genero berdintasuna ikusarazten laguntzen duten jardunaldi, mintegi, biltzar eta hausnarketa-ekitaldi feministak antolatzea eta horietan parte har dadin sustatzea.
c) Esparru publikoan eta hedabideetan jardunbide egokiak bultzatuko dituzten jarduerak garatzea, berdintasunezko irudia transmititzeko, genero-rolekin loturarik gabea, eta emakumeen nahiz gizonen askotariko irudia eskaintzeko.
d) Generoagatiko desberdintasun egoerari eta emakumeen aurkako indarkeriari buruzko azterlanak, txostenak eta ikerketak egitea eta horien emaitzak zabaltzea.
e) Emakumeen parte-hartzea bultzatzea Nafarroako Berdintasunerako Kontseiluaren bidez.
f) makumeen elkarteen eta talde feministen errolda kudeatzea.
g) Emakumeen kontrako indarkeriaren biktimentzako gizarte erreparazioko jarduketak bultzatzea, Emakumeen kontrako indarkeriari aurre egiteko apirilaren 10eko 14/2015 Foru Legean aurreikusitakoak.
h) Zikloak, ikastaroak, mintegiak edo kongresuak antolatzea, gizarteari, oro har, informazioa emateko eta hausnarketa egiteko desberdintasunaren eta emakumeen aurkako indarkeriaren testuinguruan gertatutako giza eskubideen urraketen larritasunari eta garrantziari buruz.
i) Gizonen kontzientziazioa, parte-hartzea eta inplikazioa sustatzea emakumeen eta gizonen berdintasunaren alde, berdintasunezko maskulinitateak sustatuz.
j) Emakumeen eta gizonen arteko berdintasunaren gainean, estereotipatu gabeko balioak aldatzen laguntzen duten adierazpen kulturalak eta artistikoak, liburuen edizioak, ikus-entzunezko ekoizpenak eta beste edozein jarduera sustatzea eta antolatzea.
k) Pertsona fisiko edo juridikoei emakumeen eta gizonen arteko berdintasunaren aldeko lana aitortzea eta saritzea, Berdintasunerako Berdinna sariaren bidez eta beste sari batzuetan lankidetzan arituz.
l) Urteko memoria egitea Institutuaren kudeaketari eta funtzionamenduari buruz.
m) Emakumeek gizarte digitalaren eraikuntzan parte har dezaten sustatzeko jarduerak bultzatzea.
n) Nafarroako Berdintasunerako Institutuaren web-orriaren edukia mantentzea eta eguneratzea.
ñ) Ezagutza komunikatzeko eta kudeatzeko tresnak diseinatzea, erakunde autonomoaren beharrizanetarako.
o) Erakunde autonomoaren jarduerekin loturik agintzen zaizkion gainerako eginkizunak.
23. artikulua . Programen Atala.
Programen Atalak honako eginkizun hauek izanen ditu:
a) Bultzada eta laguntza ematea emakumeen elkarteei, talde feministei eta emakumeen eta gizonen arteko berdintasuna sustatzen aritzen diren Nafarroako beste entitate batzuei, eta sustatzea parte har dezaten genero berdintasunaren arloko politiken diseinuan eta prestaketan, sareak sortzea sustatuz.
b) Sustatzea emakumeen ahalduntzea eta berdintasunez erabat parte hartzea gizartearen arlo guztietan, erabakiak hartzeko eta boterea eskuratzeko prozesuetan parte hartzea barne.
c) Programak, foroak eta prestakuntza eskolak edo tailerrak bultzatzea, neskatoen, nesken eta emakumeen ahalduntze soziala ikusarazteko eta horretan aurrera egiteko, hainbat esparrutan: elkarteetan, politikan, enpresetan.
d) Emakumeek, mugimendu feministak eta emakumeen entitateek kontsulta organoetan parte har dezaten sustatzea.
e) Mugimendu feministaren, tokiko eragileen eta berdintasunean eta genero indarkerian aditu direnen parte-hartzea erraztea esleitzen zaizkion jarduketa eta txostenetan.
f) Emakumeen elkarteen eta talde feministen errolda kudeatzea .
g) Emakumeen parte-hartzea bultzatzea Nafarroako Berdintasunerako Kontseiluaren bidez.
h) Emakumeen aurkako indarkeria prebenitzeko jarduera espezifikoak garatzea.
i) Jarduerak bultzatzea emakumeen eta gizonen artean erantzunkidetasuna sustatzeko, bai eta lana, familia eta bizitza pertsonala uztartzea ere.
j) Etxeko lanen eta mendetasun-egoeran dauden pertsonak zaintzeko lanen funtzio sozial eta ekonomikoaren aitortza sustatzea, baita ordainsaririk eta aitortza profesionalik gabeko jarduera feminizatuena ere.
k) Enpresetan eta erakundeetan berdintasunerako neurriak eta planak egin eta ezar daitezen sustatzea, horiek egiteko laguntza eta aholkularitza emanez.
l) Berdintasunarekiko konpromisoa duten entitate eta enpresei, neurriak eta planak ezarri eta emakumeen eta gizonen arteko berdintasun-printzipioaren ezarpenean emaitzak lortzen dituztenei errekonozimendua emateko ekintzak bultzatzea.
m) Hainbat diziplinatan erreferenteak diren emakumeak ikusaraztea, genero-estereotipoen haustura sustatzeko eta emakumeen kultura eta gizarte aniztasuna islatzen duten ereduen sorrera zabaltzeko.
n) Erakunde autonomoaren jarduerekin loturik agintzen zaizkion gainerako eginkizunak.
24. artikulua . LGTBI+ arloko Berdintasunerako Zuzendariordetza .
LGTBI+ arloko Berdintasunerako Zuzendariordetzak eginkizun hauek beteko ditu:
a) LGTBI+ arloko berdintasunerako politiken esparruko jarduketen urteko plangintza proposatzea Kudeaketa Zuzendaritzari.
b) LGTBI+ arloko berdintasunerako politiken esparruko jardueren urteko plangintza sustatzea, gauzatzea eta haren jarraipena egitea.
c) LGTB+ kolektiboaren eskubideen benetako berdintasuna bultzatu eta sustatzea, eta berariazko arretarako neurriak garatzea kolektibo horrek jasaten duen genero diskriminazioa gainditzeko, genero desberdintasunaren aurrean ahula baita.
d) LGTBI+ Pertsonen Berdintasun Sozialari buruzko ekainaren 19ko 8/2017 Foru Legea garatzeko Ekintza Plana diseinatzea eta bete dadin sustatzea.
e) LGTBI+ pertsonen berdintasun soziala bultzatzea eta indartzea, Nafarroako Foru Komunitateko Administrazioaren politika, plan, programa eta jarduketen barrenean.
f) Nafarroan LGTBI+ pertsonei arreta emateko baliabideen funtzionamendu egokia sustatzea.
g) LGTBI+ pertsonen berdintasun soziala lortzeko sentsibilizazio ekintzak diseinatzea eta sustatzea.
h) Ebaluazio txostenak egitea, ikusteko ea Nafarroako Berdintasunerako Institutuan egiten diren arau, plan eta proiektuek zer-nolako inpaktua duten sexu orientazioari, genero adierazpenari eta sexu edo genero identitateari dagokienez.
i) Nafarroako Gobernuko departamentuen politika publikoen garapenean sexu orientazioaren, genero adierazpenaren eta sexu edo genero identitatearen gaineko inpaktuaren ebaluazio txostenak egin daitezen sustatzea eta prestaketa lanetan laguntza teknikoa sustatzea.
j) Nafarroako Gobernuko departamentuek lege eta arau xedapenak egin aurretik, oharren txostena egitea xedapen horiek prestatzean egiten diren sexu orientazioagatiko, genero adierazpenagatiko eta sexu edo genero identitateagatiko inpaktuaren gaineko txostenei buruz.
k) Etengabe aztertzea Nafarroako Foru Komunitateko LGTBI+ arloaren gaineko politiken betearazpenari egiten zaion jarraipena.
l) Administrazio publikoetan LGTBI+ berdintasunaren arloko prestakuntza bultzatzea.
m) LGTBI+ berdintasunaren arloko txostenak eta azterlanak egin daitezen bultzatzea.
n) LGTBI+ kolektiboaren elkartegintza eta parte-hartze soziala bultzatzea eta sustatzea, Nafarroako LGTBI+ Kontseiluaren bidez.
ñ) LGTBI+ pertsonen gizarte berdintasunarekin lotutako kontseilu eta batzordeetan parte hartzea.
o) Egoki den departamentuarekin elkarlanean aritzea hezkidetza, balioetan oinarritutako hezkuntza eta hezkuntza afektibo-sexuala garatzeko, ardatz baitira sexu eta genero aniztasunagatiko diskriminazioari aurrea hartzeko.
p) Nafarroako Gobernuan toki administrazioaren arloko eskumenak dituen departamentuarekin batera, Nafarroako toki entitateei dagokienez prestatzen diren LGTBI+ arloko berdintasun politikak koordinatzea eta horien jarraipena egitea.
q) Erakundearen barne eta kanpo komunikaziorako prozesuak diseinatzea, ezartzea, jarraipena egitea, koordinatzea eta ebaluatzea.
r) Ezagutza komunikatzeko eta kudeatzeko tresnak diseinatzea, erakunde autonomoaren beharrizanetarako.
s) Nafarroako Berdintasunerako Institutuaren komunikazio euskarrietako (webgunea, plataformak, sare sozialak...) edukien mantentze lanak egitea eta eguneratzea.
t) Sexuagatiko bereizkeria dela-eta izaten diren salaketen edo kexen aurrean jarduteko prozedura kudeatzea.
u) Zuzendariordetzari atxikitako langileak antolatzeko ahalmenak erabiltzea.
v) Kudeaketa Zuzendaritzak agintzen dizkion bestelako eginkizunak.
25. artikulua . Gai Juridikoen eta Kudeaketaren Zuzendariordetza .
Gai Juridikoen eta Kudeaketaren Zuzendaritza zuzenean atxikitzen zaio Kudeaketa Zuzendaritzari, eta eginkizun hauek izanen ditu:
a) Genero berdintasunaren arloko araudia onesteko orduan, sustatzaile eta bultzatzaile lana egitea eta lankidetzan aritzea.
b) Berdintasunaren arloko indarreko araudia aztertzea, eta txosten juridikoak egitea emakumeen kontrako diskriminazioa ezabatzeko neurriak hartzeko sostengu gisa.
c) Kudeaketa Zuzendaritzarekin batera, aurrekontuen aurreproiektua egitea eta aurrekontuko aldaketak proposatzea, bere eskumenen esparruan.
d) Jarraipena, betearazpenaren kontrola eta txostenak egitea, eskatzen zaionean, aurrekontuei eta prozedurei buruz eta gai ekonomiko, juridiko eta administratiboei buruz.
e) Genero indarkeria pairatzen duten emakumeentzako laguntza ekonomikoen espedienteak kudeatzea.
f) Genero indarkeria pairatzen duten emakumeentzako prebentzio eta arretarako baliabideak kudeatzea.
g) Genero indarkeria pairatzen duten emakumeen egiaztagiriak tramitatzea etxebizitza babestua eskura dezaten.
h) Erakunde autonomoan egiten diren dirulaguntzen eta kontratuen deialdiak kudeatzea.
i) Kudeaketa Zuzendaritzari jarraibideak proposatzea bere menpeko unitate organikoen funtzionamendurako, bai eta erakunde autonomoaren helburuak betetzen laguntzen duten proposamen eta prozedurak ere.
j) Aholkularitza ematea erakundearen eskumenekin lotura duten gai juridiko, ekonomiko eta administratiboetan.
k) Erakunde autonomoaren aurrekontuen eta ekonomiaren kudeaketa gauzatu eta kontrolatzea, bere eskumenen esparruan.
l) Erakunde autonomoaren artxiboa kudeatzea eta haren digitalizazioa bultzatzea.
m) Administrazioa sinplifikatzeko estrategia proposatzea eta garatzea erakunde autonomoaren prozedura eta izapide guztietan.
n) Zehapen espedienteak tramitatzea, instruitzea edo horiei buruzko txostenak egitea, erakunde autonomoaren eskumenekin lotutako indarreko araudia aplikatuz.
ñ) Erakunde autonomoko langileen prestakuntza ekintzak kudeatzea, kontuan harturik erakundearen zuzendariordetza guztietan dauden prestakuntza beharrak.
o) Nafarroako Foru Komunitateko Administrazioaren eta haren erakunde autonomoen datu-babeserako eta informazioaren segurtasunerako politikan zehaztutako informazioaren segurtasun arduradunaren eginkizunak betetzea, betiere erakunde autonomoaren eremuaren barnean, informazioaren segurtasunari buruzko indarreko araudia betetzen dela segurtatzeko eta zaintzeko, barnean dela datu pertsonalen babesa.
p) Laneko arriskuen prebentzioaren arloko arauzko xedapenetan jasota dauden neurriak hartzea, hala nola, ekintza zuzentzaileen koordinazioa, larrialdietako planak eta segurtasunaren hobekuntzak.
q) Erakunde autonomoaren jarduerekin loturik agintzen zaizkion gainerako eginkizunak.
26. artikulua . Bulegoak eta antzeko unitateak.
Bulegoak edo ataletatik beherako beste administrazio unitate batzuk sortu, aldatu edo kentzea Lehendakaritzako, Berdintasuneko, Funtzio Publikoko eta Barneko kontseilariaren aginduz eginen da, zuzendari kudeatzaileak proposaturik, aurretik ondorio horietarako eskumena duten departamentuek txostena emanda.
III. TITULUA. ONDAREA, BALIABIDEAK, AURREKONTUA ETA KONTROLA
Gai horiek erregulatzen dituen araudian xedatutakoari jarraikiz, Nafarroako Berdintasunerako Institutuari lotuta izanen dira erakundeari bere helburuak betetzeko atxikitzen zaizkion Nafarroako Ondarearen ondasun eta eskubide guztiak. Ondare horren ondasun direnez gero, dagokien jatorrizko kalifikazio juridikoa mantenduko dute.
28. artikulua . Baliabide ekonomikoak.
Nafarroako Berdintasunerako Institutuaren baliabideak honako hauek dira:
a) Hari atxikitako ondasunen eta eskubideen interesak, errentak eta mozkinak.
b) Nafarroako Foru Komunitateak erakundeari bere gizarte prestazio eta zerbitzuetarako atxikitzen dizkion baliabideak.
c) Nafarroako Aurrekontu Orokorren kargura egiten zaizkion transferentziak eta ekarpenak.
d) Bidezko diren xedapenen arabera jaso ditzakeen diru-sarrera arruntak nahiz bereziak.
e) Entitateek emandako borondatezko ekarpenak edo dirulaguntzak.
f) Jaso dezakeen beste edozein baliabide.
29. artikulua . Aurrekontu araubidea.
1. Nafarroako Berdintasunerako Institutuaren kudeaketa urteko aurrekontuen araubidearen menpe izanen da, eta hori Nafarroako Parlamentuak onetsi beharko du.
2. Aurrekontuen egitura, diru-sarreren eta gastuen sailkapenari eta horien zehaztasun mailari dagokienez, Nafarroako Aurrekontu Orokorretarako ezarritako arau eta erregelei egokituko zaie, aurrekontu orokor horien barnean baitira.
3. Aurrekontuen exekuzioari eta likidazioari dagokienez, Nafarroako Aurrekontu Orokorrei aplikatzen zaizkien arau orokorretara joko da.
30. artikulua . Kontuhartzailetza.
Nafarroako Berdintasunerako Institutuaren kudeaketa ekonomikoa, hau da, eskubide eta betebehar ekonomikoak dakartzaten egintza, dokumentu eta espedienteak, Nafarroako Foru Komunitateko Administrazioarentzat ezarritako modu eta baldintza berberetan eramanen da kontu-hartzailetzari eta kontabilitateari dagokienez.
31. artikulua . Kontabilitate araubidea.
1. Nafarroako Berdintasunerako Institutua kontabilitate publikorako araubidearen menean geldituko da, Nafarroako Foru Komunitatearen Administrazioak dituen modu eta baldintza berberetan.
2. Kontuak ematea Nafarroako Kontu Orokorretarako aurreikusitakoaren arabera formalizatu, tramitatu eta ebatziko da.
IV. TITULUA. LANGILERIA
32. artikulua . Langileen araubidea.
Nafarroako Berdintasunerako Institutuko langileria honako hauek osatuko dute:
a) Nafarroako Gobernuak hautaturik, izendapen libreko zuzendaritza karguetan aritzen direnak.
b) Nafarroako Foru Komunitateko Administrazioko funtzionarioak eta lan-kontratudunak, Nafarroako Berdintasunerako Institutuari atxikita daudenak eta atxikitzen zaizkionak.
c) Estatuko Administrazio Orokorretik edo beste administrazio batetik Nafarroako Foru Komunitatera transferitu eta Nafarroako Berdintasunerako Institutuari atxiki zaizkion langileak.
d) Erakunde autonomoaren beraren lan-kontratudunak eta administrazio araubidean kontratatutakoak.
V. TITULUA. EGINTZEN ARAUBIDE JURIDIKOA
33. artikulua . Araubide juridiko orokorra.
1. Nafarroako Berdintasunerako Institutuaren egintzen araubide juridikoa Nafarroako Foru Komunitateko Administrazioari eta foru-sekotre publikoari buruzko martxoaren 11ko 11/2019 Foru Legearen III. tituluko II. kapituluan erakunde autonomoetarako ezarritakoa da.
2. Langileei, kontratazioei eta aurrekontuei buruzko administrazio egintzei dagokienez, Nafarroako Foru Komunitateko Administrazioaren araudi berariazkoari jarraituko zaio.
Nafarroako Berdintasunerako Institutuak emandako egintza eta ebazpenen kontra bidezko izanen da legez ezarritako errekurtso administratibo eta jurisdikzionalak paratzea.
35. artikulua . Laguntza juridikoa.
1. Botere Judizialari buruzko Lege Organikoan xedatutakoari jarraikiz, Nafarroako Berdintasunerako Institutuaren ordezkaritza eta defentsa epaiketetan Nafarroako Gobernuko Aholkularitza Juridikoari dagokio, ordezkatu eta defendatzeko abokatuen elkargoko beste profesional bat izendatzen den kasuetan salbu.
2. Halaber, Nafarroako Gobernuaren Aholkularitza Juridikoak aholku juridikoa ematen ahalko dio Nafarroako Berdintasunerako Institutuari, erregelamenduz ezartzen den moduan.
Iragarkiaren kodea: F1913751
