LEXNAVARRA
44/2017 FORU DEKRETUA, MAIATZAREN 24KOA, "ARABARKO" IZENEKO BATASUNEKO GARRANTZIZKO LEKUA (BGL) KONTSERBAZIO BEREZIKO EREMU IZENDATU, ETA KONTSERBAZIO BEREZIKO EREMUAREN KUDEAKETA PLANA ONESTEN DUENA 
.
BON N.º 129 - 05/07/2017
- Atariko
- 1. artikulua. Xedea.
- 2. artikulua. Planaren aplikazio eremua eta lurralde mugaketa.
- 3. artikulua. Gidaritza Batzordea.
- Xedapen Gehigarri Bakarra. Landa Garapeneko, Ingurumeneko eta Toki Administrazioko kontseilaria gaitzea.
- Azken Xedapenetan Lehena. Kudeaketa Planaren indarraldia .
- Azken Xedapenetan Bigarrena. Beste plan batzuekiko erlazioa.
- Azken Xedapenetan Hirugarrena. Garatzeko gaikuntza.
ERANSKINA. "ARABARKO" HEGAZTIEN BABESGUNE BEREZIA ETA ES2200132 KONTSERBAZIO BEREZIKO EREMUA KUDEATZEKO PLANA
Arabarko izeneko gunea Nafarroako hego-ekialdean dago, Burgiko, Galozeko, Gorzako eta Bidankozeko udal-mugarteetan. Gune horretan badira Nafarroako aniztasun biologikoaren adierazgarri diren habitat naturalak eta basa flora eta fauna; gainera, zenbait kasutan horiek galzorian daude haien banaketa naturaleko eremuan, edo banaketa naturaleko azalera murritza daukate, bai atzera egiten ari direlako bai berez dutelako eremu murritza. Horregatik, eremu batzuk hautatu behar dira, non bermatuko baita habitat natural eta basa espezie horiek epe luzean iraunen dutela, kudeaketa aktibo eta prebentiborako sistema eraginkor eta eragingarrien bidez.
Habitat natural edo espezie horietako batzuk sarturik daude Kontseiluak 1992ko maiatzaren 21ean emandako Habitat naturalak eta basa fauna eta flora kontserbatzeari buruzko 92/43/EEE Zuzentarauan, edo Basa hegaztiak kontserbatzeari buruzko Europako Parlamentuaren eta Kontseiluaren azaroaren 30eko 2009/147/EE Zuzentarauan. Horrenbestez, balio handia dute ez bakarrik Foru Komunitatean, baita Europar Batasunean ere. Bi zuzentarau horiek dira Europar Batasunak naturaren kontserbazioaren arloan duen tresna nagusia. Horretarako, lekuen sare ekologiko bat sortu zen, Natura 2000 Sarea, non Batasunaren interesekotzat hartu diren basa florako eta faunako espezie eta habitat natural guztien adierazgarriak lehengoratu edo egoki kontserbatu behar baitira.
92/43/EEE Zuzentaraua abenduaren 7ko 1997/1995 Errege Dekretuaren bidez sartu zen Espainiako ordenamendu juridikoan.
Zuzentarauak irizpide zientifiko batzuk eta egutegi bat ezarri zituen Natura 2000 Sarea eratzeko. 4. artikuluaren arabera, Europar Batasuneko estatuek lekuen zerrenda bat proposatu behar diote Batzordeari, eta adierazi behar dituzte leku bakoitzean dauden habitat natural motak eta Batasunaren intereseko espezieak.
Nafarroako Foru Komunitateko Administrazioak, Gobernuak 2000ko maiatzaren 15ean hartutako Erabakiaren bidez, Kontserbazio Bereziko Eremu izendatzen ahal diren lekuen zerrenda behin-behinekoz onetsi zuen, gero Natura 2000 Europako sare ekologikoan sar zitezen. Horien artean, "Arabarko" izeneko ES0000132 gunea dago.
Batasuneko Garrantzizko Leku gisa onetsirik, Europar Batasuneko estatuak ahalik eta lasterren deklaratu behar du Kontserbazio Bereziko Eremu, gehienez ere sei urteko epean. Horretarako, kudeaketa plan baten bidez, behar diren kontserbazio neurriak ezarri behar dira Batasuneko Garrantzizko Leku izatearen arrazoi diren habitat naturalak eta espezieen populazioak kontserbazio egoera onean mantentzeko, edo egoera onera berriz ekartzeko.
2006ko uztailaren 19ko 2006/613/EE Erabakiaren bidez, Europako Batzordeak eskualde biogeografiko mediterraneoaren barreneko Batasuneko Garrantzizko Lekuen zerrenda onetsi zuen. Horrenbestez, Europako zuzentaraua aplikatzearen ondorioetarako, kontserbazio bereziko eremu izendatuko dira leku horiek.
"Arabarko" gunearen Kudeaketa Plana Europar Batasuneko araudiaren betebeharrekin bat prestatu da, eta, hortaz, bertan jaso dira leku horretan dauden habitat eta taxonen eskakizun ekologikoei dagozkien ekintza, neurri eta jarraibideak, aipatutako 92/43/EEE Zuzentarauan biltzen direnak.
Nafarroako Gobernuak 1996ko irailaren 16an hartutako Erabakiaren eta apirilaren 3ko 86/1995 Foru Dekretuaren arabera, Arabarko eremua Hegaztien Babesgune Berezia da (B-132 HBB, ES0000132 kodea ere baduena).
HBB horren mugak berraztertu ondoren eta doikuntza kartografikoak oinarri hartuta, egokia dirudi horiek berriz ere definitzea, “Arabarko” gunearen mugekin bat etor daitezen.
Horiek horrela, Landa Garapeneko, Ingurumeneko eta Toki Administrazioko kontseilariak proposaturik, eta Nafarroako Gobernuak 2017ko maiatzaren 24ko bilkuran hartutako Erabakiarekin bat,
DEKRETATU DUT:
Foru dekretu honen xedea hauxe da:
1. ES0000132 Batasuneko Garrantzizko Lekua, "Arabarko" izenekoa, Kontserbazio Bereziko Eremu izendatzea.
2. “Arabarko” izeneko B-132 Hegaztien Babesgune Bereziaren (HBB) mugak doitzea, Kontserbazio Bereziko Eremuaren mugekin bat etortzeko.
3. ES0000132 Kontserbazio Bereziko Eremua eta "Arabarko" B-132 Hegaztien Babesgune Berezia kudeatzeko plana onestea. Foru dekretu honi erantsi zaio.
2. artikulua . Planaren aplikazio eremua eta lurralde mugaketa.
"Arabarko" izeneko gunea Nafarroako ipar-ekialdean dago, Zaraitzuko eta Erronkariko ibarren artean, eta 1.717,78 hektareako azalera du.
Lekuak Pirinioen aurreko Arabarko eta Seseta mendilerro txikiak hartzen ditu bere baitan, eta muga hauek ditu: iparraldetik, Xabros erreka-zuloa; mendebaldetik eta ekitaldetik, Zaraitzu eta Binies ibaiak, hurrenez hurren; eta hegoaldetik, Ugaldea ibaia eta Sagarraga erreka-zuloa.
Foru dekretu honek onetsitako planaren aplikazio eremuaren mugaketa ofiziala planean berean jaso den kartografiak ezarri du.
3. artikulua . Gidaritza Batzordea.
1. Gidaritza batzorde bat sortzen da “Arabarko” gunearen kontserbazioa kudeatzeko kontsultarako eta partaidetzarako organoa izateko asmoz. Kudeaketa Planaren aplikazio esparruko eragileek eta Nafarroako Foru Komunitateko Administrazioko ordezkariek osatuko dute.
2. Gidaritza Batzordeak eginkizun hauek izanen ditu:
a) Kudeaketa planean jasotako neurriak bete daitezela sustatzea. Aurreikusitako egutegia betetzen saiatuko da eta planaren neurriak aplikatzeko ahalmena duten eskualdeko eragile guztien lankidetza eta koordinazioa bultzatuko du.
b) Planaren lan-programa dauden aukeretara egokitzea, Planaren neurriak ahalik eta errazen eta modurik eraginkorrenean aplikatzen direla errazteko.
c) Proposamenak egitea Planean ezarritako ekintzak eraginkorragoak izan daitezen, aurreikusitako helburuak betetzeari begira.
d) Foru Komunitateko Administrazioari jakinaraztea Kudeaketa Planaren garapena baldintza dezaketen ekintzak edo mehatxuak.
e) Planaren betetze-maila aldian behin ebaluatzea, eta entitate, administrazio eta organo eskudunei eskatzea neurriak garatzeko behar diren konpromisoak bete ditzatela.
f) Natura baliabideen azterketa eta ikerketa bultzatzea, baita gizarteak baliabide horiek ezagut ditzala eta haiekin goza dadila ere, betiere haien balioekiko errespetua eta ingurumen hezkuntza sustatuz.
Xedapen Gehigarri Bakarra. Landa Garapeneko, Ingurumeneko eta Toki Administrazioko kontseilaria gaitzea.
Landa Garapeneko, Ingurumeneko eta Toki Administrazioko kontseilariari ahalmena ematen zaio behar diren tramiteak egin ditzan foru dekretu hau eta, bidezkoa bada, plana aplikatzeko behar den kostu ekonomikoaren kalkuluak Europar Batzordeari igortzeko, Habitat naturalak eta basa fauna eta flora kontserbatzeari buruzko maiatzaren 21eko Kontseiluaren 92/43/EEE Zuzentarauaren 8. artikuluan aurreikusitako ondorioetarako.
Azken Xedapenetan Lehena. Kudeaketa Planaren indarraldia .
1. Hauxe da foru dekretu honen bidez onesten den kudeaketa planaren indarraldia:
a) Mugagabea, gako-elementuei, azken helburuei, arauei eta jarraibideei dagokienez.
b) 12 urtekoa, espero diren emaitzei eta jarduketei (neurriak) dagokienez. Epe hori bukatutakoan, neurriak berrikusiko dira, baina haien aplikazioa luzatuko da harik eta ordezko beste batzuk onesten diren arte.
2. Hala ere, ingurumenaren arloan eskumena duen departamentuak uste badu planean aurreikusirik ez zegoen funtsezko alderdiren bat nabarmen aldatu dela eta horrek eragina izan dezakeela gunearen balioen zainketan, plana berrikusten edo aldatzen ahalko da.
3. Kudeaketa planaren gako-elementuetan, azken helburuetan, araudian edo jarraibideetan eragina izan dezaketen aldaketak edo berrikuspenak foru dekretu bidez eginen dira. Espero diren emaitzen (helburu operatiboen) berrikuspenak eta aldaketak, baita jarduketak ere (neurriak), ingurumenaren arloan eskumena duen departamentuko titularraren foru aginduaren bidez onetsiko dira.
Azken Xedapenetan Bigarrena. Beste plan batzuekiko erlazioa.
1. Foru dekretu honek onesten duen plana bat etorriko da aniztasun biologikoaren kontserbazioari buruz ezartzen diren maila goragoko planekin, eta, zehazki, Nafarroako Naturaguneen Sarean jarduteko ildo orokorrak finkatzeko onesten direnekin.
2. Dena dela, Nafarroako Naturaguneei buruzko ekainaren 17ko 9/1996 Foru Legearen 7. artikuluan xedatutakoaren arabera, kudeaketa plan honetako zehaztapenak zuzenean aplikatu beharrekoak dira, eta tokiko entitateen hirigintzako udal planeamenduan sartuko dira, planeamendua egitean edo berraztertzen denean. Hori horrela, oraingo lurralde antolamendurako edo antolamendu fisikorako tresnak, kudeaketa plan honen aurkakoak badira, egokitu beharko dira, lehenbizikoz aldatzen edo berrikusten direnean.
Azken Xedapenetan Hirugarrena. Garatzeko gaikuntza.
Landa Garapeneko, Ingurumeneko eta Toki Administrazioko kontseilariari ahalmena ematen zaio foru dekretu hau garatzeko eta betearazteko behar diren xedapen guztiak eman ditzan.
Azken xedapenetan laugarrena.-Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2017ko maiatzaren 24an.-Nafarroako Gobernuko lehendakaria, Uxue Barkos Berruezo.-Garapeneko, Ingurumeneko eta Toki Administrazioko kontseilaria, Isabel Elizalde Arretxea.
ERANSKINA. "ARABARKO" HEGAZTIEN BABESGUNE BEREZIA ETA ES2200132 KONTSERBAZIO BEREZIKO EREMUA KUDEATZEKO PLANA
AURKIBIDEA
I.-Planaren helburua.
II.-Kontserbatu beharreko balio naturalak.
III.-Planaren azken helburuak.
IV.-Planaren aplikazioaren ondorioz espero diren emaitzak.
V.-Araudia.
VI.-Kudeaketarako jarraibide edo orientazioak.
VII.-Jarduketak.
VIII.-Kudeaketa planaren finantzaketa.
IX.-Mugak.
X.-Jarraipen-programa.
XI.-Mugaketa-mapa eta barnean dauden entitateak.
XII.-Kontserbazioaren xede diren objektuen eta ezarritako arauen, jarraibideen eta neurrien arteko egokitasuna.
I.-Planaren helburua.
Plan honen helburua da behar diren neurri aktiboak eta prebentzio neurriak ezartzea hurrengo atalean adieraziko diren habitat naturalak, espezieak, prozesu ekologikoak eta osagai natural eta kulturalak kontserbazio egoera onean mantentzeko edo egoera onera berriz ekartzeko (kasua zein den).
Kudeaketa plan honen arabera hartzen diren neurrien azken helburua da gunearen osotasun ekologikoa bermatzea eta Nafarroako Natura 2000 Sareari koherentzia ematen laguntzea. Kontserbazio Bereziko Eremua ukitzen ahal duen beste edozein plan, programa edo proiektuk bat etorri beharko du helburu horrekin.
Hala ere, plan honen bidez hartzen diren neurriek eta haren ondoriozkoek kontuan hartuko dituzte betebehar ekonomiko, sozial eta kulturalak, eta, ahal den neurrian, saiatuko dira bateragarri egiten gaur egungo erabilera eta aprobetxamenduak eta gizartearen eskari berriek ekar ditzaketenak, hala nola, aisialdia, ingurumen hezkuntza edo ikerkuntza. Era berean, eremu hau babesteko arrazoi diren balioak galtzea ekar dezaketen eraldaketak saihestuko dira.
II.-Kontserbatu beharreko balio naturalak.
Arabarko, batez ere, baso eremua da. Azalera gehiena ler gorriko pinudiek hartzen dute, horiek nagusi baitira, Quercus humilis espezieko hariztien, pagadi basofiloen edo karraskadien gainetik.
Aipagarriak dira izeidien masa erreliktikoak, are gehiago ez direlako ohikoak horren hegoaldean. Lekuko erreka-zulo batzuetan dauden ezki-basoak eta baso mistoak ere aipagarriak dira.
Basoko fauna espezie aipagarrien artean, okil beltza (Dryocopus martius) eta Graellssia isabelae lepidopteroa ditugu, baina intereseko hegazti batzuk ere badira, hala nola zapelatz liztorjalea (Pernis apivorus), miru gorria (Milvus milvus), miru beltza (Milvus migrans), arrano txikia (Aquila pennata), arrano sugezalea (Circaetus gallicus) edo zata arrunta (Caprimulgus europaeus).
Baso-masen artean irekitzen diren eremuetan ertzeko ezpeldiak, ezkaia eta elorri-triska eta larre mesoxerofiloak dira nagusi. Formazio horiek hartzen dituzten eremuak oso zabalak ez badira ere, interes handiko habitatak dituzte katalogatutako hegazti eta narrasti espezie batzuentzat. Ekotonoak eta basoen ertzetako sastrakadiak habitat garrantzitsuak dira Batasunaren intereseko bi lepidoptero espezierentzat: Eriogaster cataxa eta Euphydrias aurinia.
Lekuan sakabanatuak dauden harkaiztiak hegazti harkaiztar batzuentzako ugalketarako gune dira, hots: ugatzarentzat (Gypaetus barbatus), arrano beltzarentzat (Aquila chrysaetos), sai arrearentzat (Gyps fulvus), sai zuriarentzat (Neophron percnopterus) eta belatz handiarentzat (Falco peregrinus). Lekuan bizi diren beste hegazti harkaiztar batzuk belatxinga mokogorria (Pyrrhocorax pyrrhocorax) eta hontz handia dira (Bubo bubo).
-Kontserbazio Bereziko Eremu (KBE) honetan aurkitzen diren 92/43/EEE Zuzentarauko habitat motak, eta KBEaren ebaluazioa, horien arabera:
| I. ERANSKINEKO HABITAT MOTAK | KBE-AREN EBALUAZIO OROKORRA | |
| Kodea | Azalpena | A/B/C |
| 4090 | Txilardi oromediterraneo endemikoak, otaberarekin | C |
| 5110 | Buxus sempervirensen formazio egonkor xerotermofiloak aldapa harkaiztsuetan (Berberidion p.p.) | C |
| 6210 | Belardi lehor erdinaturalak eta sastraka-fazieak substratu karetsuen gainean (Festuco-Brometalia) (*orkidea ikusgarriak dituzten parajeak) | B |
| 8210 | Aldapa harkaiztsu kaltzikolak, landare kasmofitikoekin | C |
| 9150 | Cephalanthero-Fagion aliantzako pagadi kaltzikola erdieuroparrak | B |
| 9180* | Mendi-hegaletako, luizietako edo erreka-zuloetako Tilio-Acerion basoak | C |
| 9340 | Quercus ilex eta Quercus rotundifolia espezieetako basoak | A |
| Kodea: (*) = Lehentasunezko habitata. KBEaren ebaluazio orokorra: A = balio bikaina; B = balio ona; C = balio nabarmena. (-): Garrantzirik ez duten habitatak. | ||
-2009/147/EE Zuzentarauaren 4. artikulua aplikatzekoa duten KBEko espezieak, 92/43/EEE Zuzentarauaren II. eranskinean agertzen direnak, eta lekuaren ebaluazioa, horien arabera:
| TALDEA | IZEN ZIENTIFIKOA | MOTA | KBE-AREN EBALUAZIO OROKORRA |
| Ornogabeak | Eriogaster catax | p | - |
| Ornogabeak | Graellsia isabelae | p | - |
| Ornogabeak | Euphydryas aurinia | p | - |
| Hegaztiak | Pernis apivorus | r | - |
| Hegaztiak | Milvus migrans | r | - |
| Hegaztiak | Milvus milvus | p | - |
| Hegaztiak | Gypaetus barbatus | p | B |
| Hegaztiak | Neophron percnopterus | r | - |
| Hegaztiak | Gyps fulvus | p | A |
| Hegaztiak | Circaetus gallicus | r | - |
| Hegaztiak | Circus cyaneus | r | - |
| Hegaztiak | Aquila chrysaetos | p | - |
| Hegaztiak | Hieraaetus pennatus1 | r | - |
| Hegaztiak | Falco peregrinus | p | - |
| Hegaztiak | Bubo bubo | p | - |
| Hegaztiak | Caprimulgus europaeus | r | - |
| Hegaztiak | Dryocopus martius | p | - |
| Hegaztiak | Lullula arborea | p | - |
| Hegaztiak | Anthus campestris | r | - |
| Hegaztiak | Sylvia undata | p | - |
| Hegaztiak | Lanius collurio | r | - |
| Hegaztiak | Pyrrhocorax pyrrhocorax | p | - |
| Landareak | Narcissus asturiensis | p | - |
| Mota: p = iraunkorra; r = ugaltzailea; c = kontzentrazioa; w = negutarra; np = ez dago. KBEaren ebaluazio orokorra: A = balio bikaina; B = balio ona; C = balio nabarmena. (-): garrantzirik gabeko espezieak. | |||
-Faunako eta florako beste espezie batzuk:
| TALDEA | IZEN ZIENTIFIKOA |
| Narrastiak | Podarcis muralis |
| Narrastiak | Lacerta viridis2 |
| Narrastiak | Coronella austriaca |
| 1. Espezie horren oraingo izen zientifiko onartua Aquila pennata da. 2. Espezie horren oraingo izen zientifiko onartua Lacerta bilineata da. | |
Aurreko balioak kontuan hartuta, KBE honetan dauden edo egon litezkeen habitat batzuk eta flora eta fauna espezie batzuk hautatu dira, lurraldearen adierazgarri diren balio natural guztiak ordezkatzen dituztenak. Habitat eta espezie horiei "gako-elementu" esaten zaie. Izan ere, KBEaren kontserbazio "aktiboa" oinarritzeko ardatz nagusi gisa erabiltzen dira. Hori horrela, gako-elementu guzti-guztietarako proposatutako helburuetatik abiaturik, gaur egungo kontserbazio egoera baldintzatzen duten faktoreak aztertu ondoren, arau, kudeaketako jarraibide eta jarduketa batzuk proposatu dira, KBE osoaren balio naturalak mantentzeko eta hobetzeko aukera ematen dutenak.
Hona hemen KBEa kudeatzeko "gako-elementuak":
1. Baso autoktonoak.
2. Sastrakadiak eta larreak.
3. Harkaiztiak ea haiei lotutako komunitateak.
4. Ugatza.
5. Okil beltza.
Gainera, lan arlo hau zehaztu da:
A.-Erabilera publikoa.
III.-Planaren azken helburuak.
Kudeaketak, aurreko atalean aipatutako gako-elementu guztiak kontserbazio egoera onera ahalik eta lasterren eramateko, bilatu behar dituen xede edo helmugak dira azken helburuak.
1. Baso autoktonoak.
1.1. Baso autoktonoak kontserbazio egoera onean daudela bermatzea.
2. Sastrakadiak eta larreak.
2.1. Sastrakadi eta larreen habitaten kontserbazio egoera ona bermatzea.
3. Harkaiztiak eta haiei lotutako komunitateak.
3.1. Harkaiztietako espezieak eta habitatak kontserbatzea.
4. Ugatza.
4.1. Ugatza bertan bizitzeko behar diren habitat-baldintzak bermatzea.
5. Okil beltza.
5.1. Habitatak okil beltza onartzeko duen ahalmena handitzea.
A.-Erabilera publikoa.
A.1. Erabilera publikoa eta Lekuaren balio naturalen kontserbazioa bateratzea.
IV.-Planaren aplikazioaren ondorioz espero diren emaitzak.
Gerta liteke ezinezkoa izatea planaren azken helburuak edo helmugak lortzea haren indarraldiaren bitartean, arrazoi ekologiko, sozial edo ekonomikoengatik. Horregatik, indarra duen bitartean planaren aplikazioaren ondorioz espero diren emaitzak zehazten dira. Emaitza horiek proposatu diren azken helburuak lortzen lagundu behar dute. Hona hemen, bada, espero diren emaitzak gako-elementuekin eta azken helburuekin egindako numerazioaren arabera:
1. Baso autoktonoak.
1.1.1. Baso autoktonoen gaur egungo azalerak kontserbatzea.
1.1.2. Zuhaitz-masak ezagutu eta hobetzea ekologia aldetik.
1.1.3. Interes ekologikoa duen arboladiaren kontserbazioa bermatzea.
1.1.4. Baso autoktonoei loturiko intereseko fauna eta flora espezie batzuk hobeki ezagutu eta kontserbatzea.
2. Sastrakadiak eta larreak.
2.1.1. Larreetako eta sastrakadietako habitatak erabiltzea haien kontserbazioa segurtatzeko moduan.
2.1.2. Sastrakadiei eta larreei lotutako intereseko flora eta fauna espezieen gaineko ezagutza hobetzea.
3. Harkaiztiak eta haiei lotutako komunitateak.
3.1.1. Harkaiztiei lotutako habitaten eta espezieen gaineko ukipenak saihestea.
3.1.2 Harkaiztiei lotutako flora eta fauna espezie mehatxatuak ezagutzea eta kontserbatzea.
4. Ugatza.
4.1.1. Ugatzak Lekuan duen bilakaera ezagutzea.
4.1.2. Ugatzarentzat beharrezkoa den eskaintza trofikoa mantentzea.
4.1.3. Ugatzarentzako arrisku-faktoreak gutxitu eta desagertzea.
5. Okil beltza.
5.1.1. Okil beltzen kopurua eta banaketa ezagutzea.
5.1.2. Okil beltzaren habitatean kalitate egokia bermatzea.
A.-Erabilera publikoa.
A.1.1. Lekuan egiten diren erabilera publikoko jarduerak arautzea.
A.1.2. Informazio eta sentsibilizazio ekintzak egitea Lekuaren balio ekologikoei buruz.
V.-Araudia.
-Araudi orokorra.
1. Baso-zoruan egiteko aurreikusten den edozein jarduketa otsailaren 21eko 3/2007 Foru Legeak aldatutako Nafarroako Oihan Ondarea Babestu eta Garatzeari buruzko abenduaren 31ko 13/1990 Foru Legearen bidez arautuko da.
2. Ingurumena Babesteko Esku-hartzeari buruzko martxoaren 22ko 4/2005 Foru Legearen eta Ingurumen ebaluazioari buruzko abenduaren 9ko 21/2013 Legearen menpe egonen dira beren eranskinetako batean ageri diren titulartasun publiko nahiz pribatuko plan, programa, proiektu eta jarduerak, haiek sortu, abian jarri edo gauzatzearen ondorioz ingurumenaren baldintzak aldatzen ahal dituztenak, edo ingurumenari, pertsonen osasunari edo segurtasunari eta haien ondasunei kalteren bat eragiten ahal dietenak.
3. Ematen diren baimen guztietan bermatuko da Basa Fauna eta haren Habitatak Babestu eta Kudeatzeari buruzko martxoaren 5eko 2/1993 Foru Legean ezarritakoa betetzen dela eta ez direla ukitzen Batasunaren intereseko animalia eta landare espezieak, ez haien habitatak, ezta Kontserbazio Bereziko Eremua kontserbatzeko garrantzi handia duten paisaiako elementuak ere.
4. Ematen diren baimen guztietan bermatuko da honako arau hauetan ezarritakoa beteko dela: batetik, Natur Ondareari eta Biodibertsitateari buruzko abenduaren 13ko 42/2007 Legea, eta bestetik, otsailaren 4ko 139/2011 Errege Dekretua, babes bereziko araubidea duten basa espezieen zerrenda eta espezie mehatxatuen Espainiako katalogoa garatzekoa.
5. Urei buruzko Legearen Testu Bategina onetsi zuen uztailaren 20ko 1/2001 Legegintzako Errege Dekretuan ezarritakoa aplikatu beharko da, baita obra hidraulikoen arloko zerbitzuak Estatuko Administraziotik Nafarroako Foru Komunitatera eskualdatzeko azaroaren 18ko 1391/1988 Errege Dekretuan ezarritakoa ere.
6. Aplikatuko dira, orobat, Hondakinak hondakindegietan bilduz deuseztatzea arautzen duen martxoaren 28ko 23/2011 Foru Dekretua eta Hondakin eta Lurzoru Kutsatuei buruzko uztailaren 20ko 22/2011 Legea, baita martxoaren 28ko 23/2011 Foru Dekretua ere, Nafarroako Foru Komunitatearen lurralde eremuan eraikuntzako eta eraispenetako hondakinen produkzioa eta kudeaketa arautzen dituena.
-Berariazko araudia.
1. Habitatak, flora eta fauna.
1.1. Lekuaren intereseko habitatak eta flora eta fauna espezieak ukitzen dituzten erabilera eta jarduketetan, haien kontserbazioa bermatzeko behar diren baldintzak jasoko dira, salbu eta tartean giza osasunari eta segurtasun publikoari lotutako arrazoiak badaude.
1.2. Debeku da urak kutsatzeko edo Lekua degradatzeko arriskua ekar dezaketen hondakin solidoak, obra-hondakinak edo substantziak uztea ibaian.
1.3. 92/43/EEE Zuzentarauan dauden eta kontserbazio egoera onean dauden larreek eta sastrakadiek hartutako eremuetan ez da luberritzerik edo ereiterik eginen.
1.4. Idoi berriak eraikitzeko eta lehendik daudenak hobetzeko proiektu guztiek anfibioen kontserbaziorako neurriak bilduko dituzte, baita basa faunako espezieak itotzea eragozteko neurriak ere.
1.5. Faunaren eta floraren aldetik interes handikoak izanik kontserbazio egoera onean dauden harkaiztietan egiten diren erabileretan eta jarduketetan, behar diren baldintzak bete beharko dira haien kontserbazioa bermatzeko.
1.6. Aireko azpiegituren proiekturik ez da baimenduko, bereziki haize-sorgailuak eta goi tentsioko lineak jartzekoak hegaztientzat interesekoak diren malkarretan.
1.7. Ugatzen habiaren bat daukaten amildegietatik hurbil dauden zuhaitz-masetan ez da basolanik eginen abenduaren 31tik uztailaren 15era bitarteko aldi kritikoan, baldin eta makineria erabiltzen eta zarata ateratzen badute. Data horiek aldatzen ahalko dira eginen den monitorizazioaren emaitzen arabera.
1.8. Ibilguaren alterazio morfologikoa dakarten jarduketak ez dira onartuko, salbu eta tartean giza osasunari, segurtasun publikoari, natur balioen kontserbazioari edo indarrean dauden kontzesioak dituzten azpiegituren mantentze- edo konpontze-lanei lotutako arrazoiak badaude.
1.9. Leku horretako harkaiztietan eskaladako bide berriak irekitzeko edo ekipamendu berria jartzeko, beharrezkoa izanen da ingurumenaren arloan eskumena duen departamentuaren baimena edukitzea.
VI.-Kudeaketarako jarraibide edo orientazioak.
Kudeaketarako jarraibide edo orientazio hauek gomendio gisa hartu behar dira, eta aplikatu beharrekoak izanen dira, kontrakoa justifikatzen duen arrazoi oinarriturik ez badago.
1. Basoberritzeko proiektuetan, espezie autoktonoak erabiltzea sustatuko da, eta, ahal den neurrian, jatorriko eskualde bereko espezieak, basoberritzeko materialei dagokien legeria betez beti.
2. Interes ekologikoa duten zuhaitzek irautea bermatuko da.
3. Basoetan, lurrean edo zutik dagoen zur hila errespetatuko da.
4. Zuhaitz-masa naturalen azken mozketan, gutxienez 8-10 zuhaitz heldu kontserbatuko dira hektarea bakoitzeko, mendian duten ziklo biologikoa buka dezaten, teknikoki posible baldin bada betiere. Zuhaitz horiek irizpide ekologikoei jarraikiz aukeratuko dira.
5. Bigarren mailako espezieak errespetatuko dira, eta haiek bizirik irauteko ahaleginak eginen dira. Bigarren mailako zuhaitz espezie horiek baldin badaude birsortzeko mozketak egin behar diren eremuetan, behar diren neurriak hartuko dira espezie horiek mendian irauteko eta haien berezko birsorkuntza bermatzeko, espezie bakoitzaren behar ekologikoekin bat datozen jarduketen bidez.
6. Koniferen baso handien artean dauden ezki, pago eta haritzek osatutako zuhaiztien kontserbazioa bermatuko da.
7. 2-3 hektareatik gorako azalera jarraituetan edo higadura-arrisku nabarmena duten lurretan, ez da arraseko mozketarik eginen.
8. Baso-aprobetxamenduetan erreka bazterretako landareak errespetatuko dira, betiere espezie autoktonoak baldin badira.
9. Pistak hobetzeko eta eraikitzeko proiektuetan paisaiara egokitzeko neurriak jasoko dira.
10. Basolanak edo beste edozein jarduera eginez gero, zuhaitz-masen inguruetan dauden zuhaixkak errespetatuko dira. Posible ez denean, jarduketa bukatutakoan lehengoratuko dira.
11. Pistak eta zura ateratzeko bideak drainatzeko sistemak ez du utziko solidoak erreketara iristea.
12. Pistak hobetzeko eta eraikitzeko proiektuetan eta baso-aprobetxamenduetarako baldintza agirietan behar diren neurriak jasoko dira erreketako ukipena ahalik eta txikiena izan dadin.
13. 92/43/EEE Zuzentarauan adierazitako habitatak dituzten eremuak ongarritzeko eta/edo medeatzeko lanetan, tratatu beharreko eremuak, osagaiak eta erabiliko den dosia zehaztuko dira. Nolanahi ere, bermatu beharko da landaretza naturala ez dela ukituko, ezta lurzoruaren eta uren ezaugarriak ere. Gainera, proiektu jakin batek, iraganean gauzatu diren jarduketei dagokienez, izan dezakeen metatze efektua aintzat hartu eta aztertuko da.
14. Belar-sastrakak garbituko dira halako moduan non ondoriozko paisaia-egitura izanen baita larreen eta sastraken mosaiko heterogeneo eta orekatu bat.
15. %50etik gorako maldetan, ez da belar-sastrakarik garbituko larreak hobetzeko. Gainera, jarraibide hori aldatzen ahalko da, eta murritzaileago bihurtu eremu ahuletan.
16. Belar-sastrakak garbitu beharreko eremuetan, babestu beharreko elementu ekologiko interesgarriak mugatuko dira.
17. Ez da belar-sastrakarik garbituko edozein troka edo errekatatik 10 metroko tartea baino gutxiago badago.
18. Laborantzan erabilitako lurzatien eremuetan belar-sastrakak garbitzeko, haien arteko mugetako eta ezpondetako landare zerrendak errespetatuko dira.
19. Azienda erabiltzeari dagokionez, baso antolamendurako proiektuetan horri buruzko ataletan xedatutakoari beteko da.
20. Harkaiztietako eta harkaitz-buruetako ezpeldiek eta harkaiztietako landareek gaur egun hartzen duten azalera (edo gehiago) kontserbatuko dela bermatuko da.
21. Bordak egin eta konpontzeko proiektuetan, neurriak hartuko dira saguzarren kontserbaziorako.
22. Baliabide trofikoen hornikuntza bermatuko da, halako moduz non ugatzak eta gainerako hegazti nekrofagoek elikagaiak izanen dituzten urte osoan.
23. Ustez pozoiturik hil diren animaliak atzemanez gero, Nafarroako Gobernuak animalia pozoituentzat ezarri duen jarduketa protokoloari jarraituko zaio.
24. Okil beltza hazteko eremuak dituzten zuhaitz-masetan ez da basolanik eginen otsailaren 15etik ekainaren 15era bitarteko aldi kritikoan, baldin eta makineria erabiltzen eta zarata ateratzen badute,
25. Egun dauden soilguneak kontserbatu edo handituko dira.
26. Nekazaritzarako, basogintzarako eta ingurumen arloko laguntzetan plan honen jarraibideak betetzea sustatuko da.
27. Behar diren neurriak hartuko dira harrapakin-espezieen populazioa nahikoa izan dadin intereseko hegazti harrapakari nagusientzako oinarri trofiko gisa erabiltzeko.
VII.-Jarduketak.
Plan honek indarra duen eperako, jarduketa hauek ezarri dira:
1. Zuhaiztiei lotutako neurriak.
1.1. Lekuaren mugaketa berrian sartutako habitaten eremu berrien inbentarioa eta kartografia egitea.
1.2. Unada helduak lokalizatu, mugatu eta ezaugarritzea, eta haien kontserbazioa lehenestea.
1.3. Interes ekologikoko zuhaiztiei buruzko inbentarioa prestatzea (tamaina handiko zuhaitz helduak edo zuhaitz lepatuak).
2. Larre eta sastrakadiei lotutako neurriak.
2.1. Larre eta sastrakadiak kontserbatzeko plana prestatzea habitat horiek ageri diren eremu nagusietan.
2.2. Abeltzaintzari laguntzeko jarduketak egitea, larre eta sastrakadiak kontserbatzeko planaren arabera.
2.3. Larreen azalera handitzea, plan honen indarraldia bitartean gutxienez 40 hektareatan belarrak eta sastrakak kenduz, betiere abeltzaintzarako beharrezkoa dela egiaztatzen bada.
2.4. Aireko argazkien bidez eta landa-lanen bidez, larreen eta sastrakadien arteko bilakaeraren dinamikaren segimendua egiteko plan bat diseinatu eta abian jartzea.
2.5. Diagnostiko bat egitea Batasunaren interesekoak diren larre eta sastrakek hartzen dituzten eremuetan Nekazaritza Politika Erkidearen onargarritasun koefiziente berriak aplikatzetik datozen ondorioei buruz.
2.6. Nekazaritzako Elikagaien Teknologien eta Azpiegituren Institutuarekin eta NNPEK-Nafarroako Nekazaritzako Produkzio Ekologikoaren Kontseiluarekin elkarlanean, entitate titularren eta abeltzainen artean sustatzea larreak “produkzio ekologikoko eremutzat" jotzea, interesa duten ekoizleek lur horiek erabili ahal izatea bermatzeko.
2.7. Leku honetako larreak eta sastrakadiak erabiltzeko, Natura Sareari loturik hartu diren basogintzako neurrien segimendua eta ebaluazioa egitea.
3. Faunari lotutako neurriak.
3.1. Graellsia isabelae espeziearen laginketak egitea aldizka.
3.2. Eriogaster catax eta Euphydrias aurinia espezieen laginketak egitea aldizka.
3.3. Okil beltzaren errolda egitea eta haien kontserbaziorako interesgarriak diren eremuak ezartzea.
3.4. Lekuan bertan eta inguruetan sai arrea, arrano beltza, sai zuria eta belatz handia monitorizatzeko lanei jarraipena ematea.
3.5. Lekuan bertan eta inguruetan ugatza monitorizatzeko urtero egiten diren lanei jarraipena ematea.
3.6. Lekuan eta inguruan hegaztientzat arriskutsuak diren linea elektrikoak zuzentzen segitzea.
3.7. Ehizaldiek hegazti harkaiztarren habiagintzan eraginik ez dutela izanen bermatzeko jarduketa-prozedura zehazten duen protokolo bat ezartzea.
3.8. Saguzarrentzako aterpe-kutxak paratzea zuhaitz heldu gutxi dauden tarteetan, eta aldizkako prospekzioak egitea.
3.9. Saguzarren kolonientzako habitat edo babeslekuen prospekzioak egitea.
3.10. Babesleku artifizialak eraikitzea eta/edo eraikinak egokitzea saguzarren koloniak bertan gordetzeko.
4. Florari lotutako neurriak.
4.1. Prospekzioak egitea flora espezie mehatxatuen eta intereseko espezieen banaketa eremua ezagutzeko, batez ere Narcissus asturiensisarena.
5. Erabilera publikoari lotutako neurriak.
5.1. Malkarretan eta inguruetan egiten diren kirol jarduerek Lekua kontserbatzeko helburuen gainean duten eraginari buruzko azterketa bat egitea.
5.2. Lekuko harkaiztietan egiten diren kirol jarduerak arautzea, hegazti harkaiztarrekin bateragarriak direla bermatzeko, batez ere habiak egiteko aldi kritikoetan.
5.3. Eremuan dauden bide zaharren inbentarioa egitea, haien kontserbazio egoera adierazita, Lekuaren balioak hobeki ezagutzeko, herrien arteko komunikaziorako eta/edo erabilera turistikorako balio dutenak edo kultur aldetik interesa dutenak berriz erabiltzeko moduan jartzeko.
5.4. Lekuaren balioei buruzko materialak prestatzea, gizartea sentsibilizatzeko asmoz zabal daitezen.
VIII.-Kudeaketa planaren finantzaketa.
Landa Garapeneko, Ingurumeneko eta Toki Administrazioko Departamentuak honako hauek hartuko ditu bere gain:
-Gunearen kontserbazio egoera ona bermatzen duten mantentze eta lehengoratze proiektuak gauzatzeko behar diren diru zenbatekoak.
-Ekipamenduak eta kudeaketaren egitura mantentzeko behar diren diru zenbatekoak.
-Erabilerak eta jarduerak mugatzearen ondoriozko kalte-ordainak ordaintzeko behar diren partidak.
-Plana gauzatzeko eta haren helburuak lortzeko behar diren bestelako partidak.
Hori guztia ordainduko da horretarako kreditu egokia baldin badago. Beraz, behar diren konpromisoak hartuko dira unean-unean aurrekontuan dagoen diruaren arabera.
Nafarroako Gobernuko departamentuek beren politika sektorialak ingurumenean integratzeko sustatzen dituzten jarduketek, baita toki entitateek sustatzen dituzten ekintzek eta ekarpen pribatuekin edo Europar Batasunaren ekarpenekin egiten direnek ere, laguntzen ahal dute plan hau garatzen.
KBEa ongi kontserbatzen laguntzen duten jarduketek Landa Garapeneko, Ingurumeneko eta Toki Administrazioko Departamentuaren finantzaketa osoa izan dezakete, betiere diru-laguntzen arloko araudiak ezartzen duen esparruaren barrenean. Inguruko biziguneen garapen sozioekonomikoa sustatzeko asmoz, departamentu honen menpeko beste edozein laguntzatan, ahal denean, lehentasuna emanen zaie, guneen kontserbazioarekin bateragarriak izanik, Kontserbazio Bereziko Eremu honen barnean proposatzen diren jarduketei. Gainera, laguntzaren portzentajea handiagoa izanen da, eremu horretatik kanpo edo beste edozein naturagunetatik kanpo proposatzen diren beste jarduketa batzuekin alderatuta. Halaber, Landa Garapeneko, Ingurumeneko eta Toki Administrazioko Departamentua aurrekontuetatik kanpoko funtsak aplikatzen saiatuko da, baldin haien helburua plan honetan aurreikusitako ekintzen bat garatzea bada.
IX.-Mugak.
Nafarroako Naturaguneei buruzko ekainaren 17ko 9/96 Foru Legearen 28. artikuluan xedatu bezala ordainduko dira erabilerak eta jarduerak mugatzearen ondoriozko kalte-ordainak. Hala ere, bestelako kalte-ordainak ere hitzartzen ahalko dira, hala nola laguntzak, diru-laguntzak, zerbitzuak ematea edo bestelako sustapen bideak.
X.-Jarraipen programa.
Jarraipena egiteko programa bat ezartzen da, plana ongi gauzatzen dela eta haren helburuak lortzen direla bermatzeko. Programa horrek objektiboki egiaztatzen ahal den adierazle bat izanen du, gutxienez, helburu bakoitzerako.
Urtero, programa horren emaitzen eta, oro har, planaren gauzatze-mailaren berri emanen zaio Gidaritza Batzordeari.
Lortutako emaitzei erreparatuta ikusten bada espero ziren emaitzen aldean desbideratzeak gertatu direla edo emaitzak ezin izanen direla lortu aurreikusitako epean, kudeaketaren eragingarritasuna eta eraginkortasuna hobetzeko behar diren neurri guztiak eransten ahalko zaizkio planari.
| GAKO-ELEMENTUA | AZKEN HELBURUA | HELBURU OPERATIBOA | ADIERAZLEA | HASIERAKO BALIOA | ARRAKASTAREN IRIZPIDEA |
| 1. BASO AUTOKTONOAK | 1.1. Baso autoktonoak kontserbazio egoera onean daudela bermatzea | Kontserbazio egoera onean dauden baso autoktonoen azalera | Ezezaguna | Baso autoktonoen azaleraren %100 | |
| 1.1.1. Baso autoktonoen gaur egungo azalerak kontserbatzea | Baso autoktonoen azalera | 1.083,78 ha baso inbentariatuen barrenean, gehi baso horiek hartzen duten azalera Lekuari erantsi zaion 246,93 ha-ko eremuan | 1.083,78 ha baso inbentariatuen barrenean, gehi baso horiek hartzen duten azalera Lekuari erantsi zaion 246,93 ha-ko eremuan | ||
| Lekuaren mugaketa berrian sartutako habitaten azalera berriak | Ezezagunak | Ezagunak | |||
| 1.1.2. Zuhaitz-masak ezagutu eta hobetzea ekologia aldetik | Basoak kontserbatzeko eta ekologiaren aldetik hobetzeko jarraibideak | Aplikatzen dira | Aplikatzen dira | ||
| 1.1.3. Interes ekologikoa duten zuhaitzen kontserbazioa bermatzea | Interes ekologikoa duten zuhaitzen inbentarioa egitea | Egin gabe | Egina | ||
| 1.1.4. Baso autoktonoei loturiko intereseko fauna eta flora espezie batzuk hobeki ezagutu eta kontserbatzea | Graellsia isabelaearen laginketak | Egin gabe | Aldizkako laginketak | ||
| Basoetako kiropteroentzat jarritako aterpe-kutxen kopurua | 0 | 30 | |||
| “Harkaiztiak eta haiei lotutako komunitateak” gako-elementuaren “Saguzarren kolonien prospekzioak” adierazlea aplikatuko da. | |||||
| "Okil beltzaren" gako-elementuaren adierazleak aplikatuko dira | |||||
| 2. SASTRAKADIAK ETA LARREAK | 2.1. Sastrakadi eta larreen habitaten kontserbazio egoera ona bermatzea | Kontserbazio egoera onean dauden sastrakadi eta larreetako habitatek hartzen duten azalera | Ezezaguna | Larreen eta sastrakadien azaleraren %100 | |
| 2.1.1. Larreetako eta sastrakadietako habitatak erabiltzea haien kontserbazioa segurtatzeko moduan | Larreen eta sastrakadien azalera | 371,97 ha larre eta sastrakadi inbentariatuen barrenean, gehi horiek hartzen duten azalera Lekuari erantsi zaion 246,93 ha-ko eremuan | 371,97 ha larre eta sastrakadi inbentariatuen barrenean, gehi horiek hartzen duten azalera Lekuari erantsi zaion 246,93 ha-ko eremuan | ||
| Larre eta sastrakadiak kontserbatzeko plana | Egin gabe | Egina | |||
| Abeltzaintzari laguntzeko jarduketak egitea, aipatutako kontserbazio planaren arabera | Ekintza batzuk egin dira abeltzaintzari laguntzeko | Abeltzaintzari laguntzeko jarduerak indartu dira | |||
| Larreen eta sastrakadien arteko dinamika ebolutiboaren segimendua | Egin gabe | Egina | |||
| Nekazaritza Politika Erkidearen koefiziente berriak intereseko larre eta sastrakek hartzen dituzten eremuetan aplikatzetik datozen ondorioen diagnostikoa | Egin gabe | Egina | |||
| "Baso autoktonoak" gako-elementuaren “Lekuaren mugaketa berriaren ondorioz sartutako habitaten azalerak” adierazlea aplikatuko da | |||||
| 2.1.2. Sastrakadiei eta larreei lotutako intereseko flora eta fauna espezieen gaineko ezagutza hobetzea | Eriogaster catax eta Euphydrias aurinia espezieen laginketak | Egin gabe | Aldizkako laginketak | ||
| Flora mehatxatuaren eta intereseko floraren prospekzioak | Egin gabe | Prospekzioak egin dira | |||
| 3. HARKAIZTIAK ETA HAIEI LOTUTAKO KOMUNITATEAK | 3.1. Harkaiztietako espezieak eta habitatak kontserbatzea | Kontserbazio egoera onean dauden harkaiztietako habitaten azalera | Ezezaguna | Harkaiztien azaleraren %100 | |
| 3.1.1. Harkaiztiei lotutako habitaten eta espezieen gaineko ukipenak saihestea | Harkaiztietako habitaten azalera | Harkaiztien 10,17 ha | Harkaiztien 10,17 ha | ||
| Harkaiztietako habitatetan atzemandako ukipenak | Ezezagunak | Ez dago ukipenik | |||
| "Ugatza" gako-elementuaren adierazleak aplikatuko dira, "Ugatzarentzako eta beste hegazti nekrofago eta harkaiztar batzuentzako arrisku-faktoreak gutxitu eta desagertzea" helburu operatiboari dagokionez | |||||
| “Erabilera publikoa" gako-elementuaren “Balio naturalen gaineko ukipenak erabilera publikoko jarduerengatik” adierazlea aplikatuko da | |||||
| 3.1.2. Harkaiztiei lotutako flora eta fauna espezie mehatxatuak ezagutzea eta kontserbatzea | Sai arreen, arrano beltzen, sai zurien eta belatz handien erroldak | Aldizkako erroldak | Aldizkako erroldak | ||
| Saguzarren kolonien prospekzioak | Egin gabe | Prospekzioak egin dira | |||
| Leizeetako saguzarrentzako babesleku artifizialak eta/edo egokitzapenak | 0 | 2 | |||
| “Sastrakadiak eta larreak" gako-elementuaren “Flora mehatxatuaren eta intereseko floraren prospekzioak” adierazlea aplikatuko da. | |||||
| “Ugatza” gako-elementuaren “Ugatzaren segimendu intentsiboa” adierazlea aplikatuko da. | |||||
| 4. UGATZA | 4.1. Ugatza bertan bizitzeko behar diren habitat-baldintzak bermatzea | Ugatzarentzat kontserbazio egoera onean dauden habitaten azalera | Ezezaguna | Ugatzarentzako habitaten azaleraren %100 | |
| 4.1.1. Ugatzak Lekuan duen bilakaera ezagutzea | Ugatzaren segimendu intentsiboa | Urteko segimendua | Urteko segimendua | ||
| 4.1.2. Ugatzarentzat beharrezkoa den eskaintza trofikoa mantentzea | “Sastrakadiak eta larreak” gako-elementua aplikatuko da, “Larreetako eta sastrakadietako habitatak erabiltzea haien kontserbazioa segurtatzeko moduan” helburu operatiboari dagokionez | ||||
| 4.1.3. Ugatzarentzako arrisku-faktoreak gutxitu eta desagertzea | Hegaztientzat arriskutsuak diren linea elektrikoak | Badira | Zuzentzen dira | ||
| Basurde-ehizaldiak hegazti harkaiztarren habia egitearekin bat ez etortzeko protokolo idatzia | Ez dago | Protokoloa ezarrita dago | |||
| “Erabilera publikoa" gako-elementuaren “Balio naturalen gaineko ukipenak erabilera publikoko jarduerengatik” adierazlea aplikatuko da | |||||
| 5. OKIL BELTZA | 5.1. Habitatak okil beltza onartzeko duen ahalmena handitzea | Okil beltzak dituzten lekuneetatik zenbat dauden kontserbazio egoera onean | Ezezaguna | Okil beltzak dituzten lekuneetatik %100 daude kontserbazio egoera onean | |
| 5.1.1. Okil beltzen kopurua eta banaketa ezagutzea | Okil beltzen errolda | Egin gabe | Egina | ||
| 5.1.2. Okil beltzaren habitatean kalitate egokia bermatzea | “Baso autoktonoak” gako-elementuaren adierazleak aplikatuko dira, “Baso autoktonoen gaur egungo azalerak kontserbatzea” eta “Zuhaitz-masak ezagutu eta hobetzea ekologia aldetik” helburu operatiboei dagokienez | ||||
| A. ERABILERA PUBLIKOA | A.1. Erabilera publikoa eta lekuaren balio naturalen kontserbazioa bateratzea | Erabilera publikoaren ondorioz Lekuko gako-elementuei eragindako ukipenak | Ezezagunak | Ez dago ukipen nabarmenik | |
| A.1.1. Lekuan egiten diren erabilera publikoko jarduerak arautzea | Balio naturalen gaineko ukipenak erabilera publikoko jarduerengatik | Ezezagunak | Ezagutzen dira eta arautzen dira | ||
| A.1.2. Informazio eta sentsibilizazio ekintzak egitea Lekuaren balio ekologikoei buruz | Zabalkunderako eta sentsibilizaziorako materiala Lekuko balio naturalei buruz | Ez dago | Materiala prestatu da |
XI.-Mugaketa-mapa eta barnean dauden entitateak.
Deskargatu mapa (PDFa).
XII.-Kontserbazioaren xede diren objektuen eta ezarritako arauen, jarraibideen eta neurrien arteko egokitasuna.
Atal honetan, KBEa kudeatzeko gako-elementuen definizioak, planaren azken helburuak, planaren aplikaziotik espero diren emaitzak (helburu operatiboak) eta aurreikusitako jarduketak (neurriak) jaso dira, taula moduan, leku honetan kontserbazioaren xede den elementu bakoitzarentzat.
Taulan agertzen diren siglek hau esan nahi dute:
EC: gako-elementua.
OF: azken helburua.
OO: helburu operatiboa.
N: araua.
D: jarraibidea.
M: neurria.
| HABITATAK ETA ESPEZIEAK | EC | OF | OO | M/N/D |
| 4090 Txilardi oromediterraneo endemikoak, otaberarekin | 1. BASO AUTOKTONOAK | 1.1 | 1.1.1, 1.1.2 | N1.1, N1.2, N1.8 |
| 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.4, M2.5, M2.6, M2.7, N1.3 | |
| A. ERABILERA PUBLIKOA | A.1 | A.1.2 | M5.4 | |
| 5110 Buxus sempervirensen formazio egonkor xerotermofiloak aldapa harkaiztsuetan (Berberidion p.p.) | 1. BASO AUTOKTONOAK | 1.1 | 1.1.1 | N1.2 |
| 3. HARKAIZTIAK ETA HAIEI LOTUTAKO KOMUNITATEAK | 3.1 | 3.1.1 | D20, N1.5 | |
| A. ERABILERA PUBLIKOA | A.1 | A.1.2 | M5.4 | |
| 6210 Belardi lehor erdinaturalak eta sastraka-fazieak substratu karetsuen gainean (Festuco-Brometalia) (*orkidea ikusgarriak dituzten parajeak) | 1. BASO AUTOKTONOAK | 1.1 | 1.1.1, 1.1.2 | N1.1, N1.2, N1.8 |
| 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 | |
| A. ERABILERA PUBLIKOA | A.1 | A.1.2 | M5.4 | |
| 8210 Aldapa harkaiztsu kaltzikolak, landare kasmofitikoekin | 1. BASO AUTOKTONOAK | 1.1 | 1.1.1 | N1.2 |
| 3. HARKAIZTIAK ETA HAIEI LOTUTAKO KOMUNITATEAK | 3.1 | 3.1.1 | D20, N1.5 | |
| A. ERABILERA PUBLIKOA | A.1 | A.1.2 | M5.4 | |
| 9150 Cephalanthero-Fagion aliantzako pagadi kaltzikola erdieuroparrak | 1. BASO AUTOKTONOAK | 1.1 | 1.1.1, 1.1.2, 1.1.3 | M1.1, N1.1, N1.2, D10, D25, D3, D4, D5, D6, D8, M1.2, N1.8, D2, M1.3 |
| A. ERABILERA PUBLIKOA | A.1 | A.1.2 | M5.4 | |
| 9180* Mendi-hegaletako, luizietako edo erreka-zuloetako Tilio-Acerion basoak | 1. BASO AUTOKTONOAK | 1.1 | 1.1.1, 1.1.2, 1.1.3 | M1.1, N1.1, N1.2, D6, N1.8, D2, M1.3 |
| A. ERABILERA PUBLIKOA | A.1 | A.1.2 | M5.4 | |
| 9340 Quercus ilex eta Quercus rotundifolia espezieetako basoak | 1. BASO AUTOKTONOAK | 1.1 | 1.1.1, 1.1.2, 1.1.3 | M1.1, N1.1, N1.2, D10, D25, D3, D4, D5, D6, D8, M1.2, N1.8, D2, M1.3 |
| A. ERABILERA PUBLIKOA | A.1 | A.1.2 | M5.4 | |
| Anthus campestris (r) | 1. BASO AUTOKTONOAK | 1.1 | 1.1.1 | N1.1 |
| 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 | |
| 4. UGATZA | 4.1 | 4.1.3 | M3.6, N1.6 | |
| A. ERABILERA PUBLIKOA | A.1 | A.1.2 | M5.4 | |
| Aquila chrysaetos | 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 |
| 3. HARKAIZTIAK ETA HAIEI LOTUTAKO KOMUNITATEAK | 3.1 | 3.1.1, 3.1.2 | N1.5, D27, M3.4 | |
| 4. UGATZA | 4.1 | 4.1.2, 4.1.3 | D22, D23, M3.6, M3.7, N1.4, N1.6 | |
| A. ERABILERA PUBLIKOA | A.1 | A.1.1, A.1.2 | M5.1, M5.2, N1.9, M5.4 | |
| Bubo bubo | 3. HARKAIZTIAK ETA HAIEI LOTUTAKO KOMUNITATEAK | 3.1 | 3.1.1, 3.1.2 | N1.5, D27 |
| 4. UGATZA | 4.1 | 4.1.3 | M3.6, M3.7, N1.4, N1.6 | |
| A. ERABILERA PUBLIKOA | A.1 | A.1.1, A.1.2 | M5.1, M5.2, N1.9, M5.4 | |
| Caprimulgus europaeus (r) | 1. BASO AUTOKTONOAK | 1.1 | 1.1.1, 1.1.2, 1.1.3 | N1.1, D25, D2, M1.3 |
| 4. UGATZA | 4.1 | 4.1.3 | M3.6, N1.4, N1.6 | |
| A. ERABILERA PUBLIKOA | A.1 | A.1.2 | M5.4 | |
| Circaetus gallicus (r) | 1. BASO AUTOKTONOAK | 1.1 | 1.1.1, 1.1.2, 1.1.3 | N1.1, D3, D4, D2, M1.3 |
| 4. UGATZA | 4.1 | 4.1.3 | M3.6, N1.4, N1.6 | |
| A. ERABILERA PUBLIKOA | A.1 | A.1.2 | M5.4 | |
| Circus cyaneus (r) | 1. BASO AUTOKTONOAK | 1.1 | 1.1.1 | N1.1 |
| 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 | |
| 4. UGATZA | 4.1 | 4.1.3 | M3.6, N1.6 | |
| A. ERABILERA PUBLIKOA | A.1 | A.1.2 | M5.4 | |
| Coronella austriaca | 1. BASO AUTOKTONOAK | 1.1 | 1.1.1, 1.1.2 | N1.1, D10, D25 |
| 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 | |
| 4. UGATZA | 4.1 | 4.1.3 | N1.4 | |
| A. ERABILERA PUBLIKOA | A.1 | A.1.2 | M5.4 | |
| Dryocopus martius | 1. BASO AUTOKTONOAK | 1.1 | 1.1.1, 1.1.2, 1.1.3 | N1.1, D3, D4, D2, M1.3 |
| 4. UGATZA | 4.1 | 4.1.3 | M3.6, N1.6 | |
| 5. OKIL BELTZA | 5.1 | 5.1.1, 5.1.2 | M3.3, D24 | |
| A. ERABILERA PUBLIKOA | A.1 | A.1.2 | M5.4 | |
| Eriogaster catax | 1. BASO AUTOKTONOAK | 1.1 | 1.1.1, 1.1.2 | N1.1, D10, D25 |
| 2. SASTRAKADIAK ETA LARREAK | 2.1 | 2.1.1, 2.1.2 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3, M3.2 | |
| A. ERABILERA PUBLIKOA | A.1 | A.1.2 | M5.4 | |
| Euphydryas aurinia | 1. BASO AUTOKTONOAK | 1.1 | 1.1.1, 1.1.2 | N1.1, D10, D25 |
| 2. SASTRAKADIAK ETA LARREAK | 2.1 | 2.1.1, 2.1.2 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3, M3.2 | |
| A. ERABILERA PUBLIKOA | A.1 | A.1.2 | M5.4 | |
| Falco peregrinus | 3. HARKAIZTIAK ETA HAIEI LOTUTAKO KOMUNITATEAK | 3.1 | 3.1.1, 3.1.2 | N1.5, D27, M3.4 |
| 4. UGATZA | 4.1 | 4.1.3 | M3.6, M3.7, N1.4, N1.6 | |
| A. ERABILERA PUBLIKOA | A.1 | A.1.1, A.1.2 | M5.1, M5.2, N1.9, M5.4 | |
| Graellsia isabellae | 1. BASO AUTOKTONOAK | 1.1 | 1.1.1, 1.1.4 | N1.1, M3.1 |
| A. ERABILERA PUBLIKOA | A.1 | A.1.2 | M5.4 | |
| Gypaetus barbatus | 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 |
| 3. HARKAIZTIAK ETA HAIEI LOTUTAKO KOMUNITATEAK | 3.1 | 3.1.1 | N1.5 | |
| 4. UGATZA | 4.1 | 4.1.1, 4.1.2, 4.1.3 | M3.5, D22, D23, M3.6, M3.7, N1.4, N1.6, N1.7 | |
| A. ERABILERA PUBLIKOA | A.1 | A.1.1, A.1.2 | M5.1, M5.2, N1.9, M5.4 | |
| Gyps fulvus | 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 |
| 3. HARKAIZTIAK ETA HAIEI LOTUTAKO KOMUNITATEAK | 3.1 | 3.1.1, 3.1.2 | N1.5, M3.4 | |
| 4. UGATZA | 4.1 | 4.1.2, 4.1.3 | D22, D23, M3.6, M3.7, N1.4, N1.6 | |
| A. ERABILERA PUBLIKOA | A.1 | A.1.1, A.1.2 | M5.1, M5.2, N1.9, M5.4 | |
| Hieraaetus pennatus (r) | 1. BASO AUTOKTONOAK | 1.1 | 1.1.1, 1.1.2, 1.1.3 | N1.1, D3, D4, D2, M1.3 |
| 3. HARKAIZTIAK ETA HAIEI LOTUTAKO KOMUNITATEAK | 3.1 | 3.1.2 | D27 | |
| 4. UGATZA | 4.1 | 4.1.3 | M3.6, N1.4, N1.6 | |
| A. ERABILERA PUBLIKOA | A.1 | A.1.2 | M5.4 | |
| Lacerta viridis | 1. BASO AUTOKTONOAK | 1.1 | 1.1.1, 1.1.2 | N1.1, D10, D25 |
| 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 | |
| 4. UGATZA | 4.1 | 4.1.3 | N1.4 | |
| A. ERABILERA PUBLIKOA | A.1 | A.1.2 | M5.4 | |
| Lanius collurio | 1. BASO AUTOKTONOAK | 1.1 | 1.1.1, 1.1.2 | N1.1, D10, D25 |
| 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 | |
| 4. UGATZA | 4.1 | 4.1.3 | M3.6, N1.6 | |
| A. ERABILERA PUBLIKOA | A.1 | A.1.2 | M5.4 | |
| Lullula arborea | 1. BASO AUTOKTONOAK | 1.1 | 1.1.1 | N1.1 |
| 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 | |
| 4. UGATZA | 4.1 | 4.1.3 | M3.6, N1.6 | |
| A. ERABILERA PUBLIKOA | A.1 | A.1.2 | M5.4 | |
| Milvus migrans | 1. BASO AUTOKTONOAK | 1.1 | 1.1.1, 1.1.2, 1.1.3 | N1.1, D3, D4, D2, M1.3 |
| 3. HARKAIZTIAK ETA HAIEI LOTUTAKO KOMUNITATEAK | 3.1 | 3.1.2 | D27 | |
| 4. UGATZA | 4.1 | 4.1.2, 4.1.3 | D22, D23, M3.6, N1.4, N1.6 | |
| A. ERABILERA PUBLIKOA | A.1 | A.1.2 | M5.4 | |
| Milvus milvus | 1. BASO AUTOKTONOAK | 1.1 | 1.1.1 | N1.1 |
| 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 | |
| 3. HARKAIZTIAK ETA HAIEI LOTUTAKO KOMUNITATEAK | 3.1 | 3.1.2 | D27 | |
| 4. UGATZA | 4.1 | 4.1.2, 4.1.3 | D22, D23, M3.6, N1.4, N1.6 | |
| A. ERABILERA PUBLIKOA | A.1 | A.1.2 | M5.4 | |
| Narcissus asturiensis | 1. BASO AUTOKTONOAK | 1.1 | 1.1.1, 1.1.2 | N1.1, D25 |
| 2. SASTRAKADIAK ETA LARREAK | 2.1 | 2.1.1, 2.1.2 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3, M4.1 | |
| A. ERABILERA PUBLIKOA | A.1 | A.1.2 | M5.4 | |
| Neophron percnopterus (r) | 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 |
| 3. HARKAIZTIAK ETA HAIEI LOTUTAKO KOMUNITATEAK | 3.1 | 3.1.1, 3.1.2 | N1.5, M3.4 | |
| 4. UGATZA | 4.1 | 4.1.2, 4.1.3 | D22, D23, M3.6, M3.7, N1.4, N1.6 | |
| A. ERABILERA PUBLIKOA | A.1 | A.1.1, A.1.2 | M5.1, M5.2, N1.9, M5.4 | |
| Pernis apivorus (r) | 1. BASO AUTOKTONOAK | 1.1 | 1.1.1, 1.1.2, 1.1.3 | N1.1, D3, D4, D2, M1.3 |
| 4. UGATZA | 4.1 | 4.1.3 | M3.6, N1.4, N1.6 | |
| A. ERABILERA PUBLIKOA | A.1 | A.1.2 | M5.4 | |
| Podarcis muralis | 1. BASO AUTOKTONOAK | 1.1 | 1.1.1, 1.1.2 | N1.1, D10, D25 |
| 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 | |
| 4. UGATZA | 4.1 | 4.1.3 | N1.4 | |
| A. ERABILERA PUBLIKOA | A.1 | A.1.2 | M5.4 | |
| Pyrrhocorax pyrrhocorax | 3. HARKAIZTIAK ETA HAIEI LOTUTAKO KOMUNITATEAK | 3.1 | 3.1.1 | N1.5 |
| 4. UGATZA | 4.1 | 4.1.3 | M3.6, M3.7, N1.4, N1.6 | |
| A. ERABILERA PUBLIKOA | A.1 | A.1.1, A.1.2 | M5.1, M5.2, N1.9, M5.4 | |
| Sylvia undata | 1. BASO AUTOKTONOAK | 1.1 | 1.1.1 | N1.1 |
| 2. SASTRAKADIAK ETA LARREAK | 2.1 | 2.1.1 | D13, D14, D15, D16, D17, D18, D19, D26, M2.1, M2.2, M2.3, M2.4, M2.5, M2.6, M2.7, N1.3 | |
| 4. UGATZA | 4.1 | 4.1.3 | M3.6, N1.6 | |
| A. ERABILERA PUBLIKOA | A.1 | A.1.2 | M5.4 |
Iragarkiaren kodea: F1706340
