(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

23/2015 FORU LEGEA, abenduaren 28koa, zenbait zerga aldatu eta beste tributu-neurri batzuk hartzeari buruzkoa Nota de Vigencia

BON N.º 258 - 30/12/2015

ZIOEN AZALPENA

Foru lege proiektu honen xedea Nafarroako Gobernuaren zerga arloko politika definitu eta betearaztea da, bi helburu nagusirekin: batetik, diru-sarrera publikoen bilketa hobetzea, zerbitzu publikoak indartzeko, orokorrean, eta, bereziki, urgentzia sozialeko egoeren kontrako borrokari dagokionez; bestetik Nafarroako Foru Komunitateko zerga sistemaren ekitatea eta progresibitatea sendotzea.

Testuinguru horretan, foru lege honen helburua zenbait arau aldatzea da: Pertsona Fisikoen Errentaren gaineko Zergari buruzko Foru Legearen Testu Bategina, ekainaren 2ko 4/2008 Legegintzako Foru Dekretuaren bidez onetsi zena; Ondarearen gaineko Zergari buruzko azaroaren 19ko 13/1992 Foru Legea; Sozietateen gaineko Zergari buruzko abenduaren 30eko 24/1996 Foru Legea; Kooperatiben Zerga-araubidea arautzen duen ekainaren 21eko 9/1994 Foru Legea; Oinordetza eta Dohaintzen gaineko Zergaren Testu Bategina, abenduaren 16ko 250/2002 Legegintzako Foru Dekretuak onetsia; Ondare Eskualdaketen eta Egintza Juridiko Dokumentatuen gaineko Zergaren Testu Bategina, apirilaren 26ko 129/1999 Legegintzako Foru Dekretuak onetsia; Tributuei buruzko abenduaren 14ko 13/2000 Foru Lege Orokorra; Fundazioen eta Babes Jardueren Tributu Araubidea erregulatzen duen uztailaren 2ko 10/1996 Foru Legea; Nafarroako Lurralde Aberastasunaren Erregistroari eta Katastroei buruzko azaroaren 21eko 12/2006 Foru Legea; eta Nafarroako Foru Komunitateko Administrazioaren eta haren Erakunde Autonomoen Tasa eta Prezio Publikoei buruzko martxoaren 27ko 7/2001 Foru Legea.

Foru legearen egitura hauxe da: hamabost artikulu, bi xedapen gehigarri, xedapen indargabetzaile bat eta bi azken xedapen.

Pertsona Fisikoen Errentaren gaineko Zergari dagokionez, salbuespen berriak sartu dira, hala nola banku-fundazioek emandako bekak eta bortxazko delituen eta sexu-askatasunaren kontrakoen biktimei emandako laguntzak. Halaber xedatu da ez direla sartuko zerga-oinarrian nahitaez erantzun beharreko estatistiketan laguntzen dutenek jasotako kalte-ordainak, eta dibidendu digitalaren liberazioak ukitutako eraikinetan telebista bidezko ikus-entzunezko komunikazio zerbitzuak jaso edo ikusteak eragindako kostuak apaltzeko xedea duten laguntzak ere. Eremu horretan berean, atzerrian egindako lanengatik jasotako lan etekinen salbuespena aplikatzeko baldintzak eguneratu dira.

Lan etekinei dagokienez, 15.2. e) artikulua kentzen da; hori dela-eta, 2016ko urtarrilaren 1etik aurrera berriro ordainduko da negoziazio kolektiboko prozesuetan hitzarturiko espezie-ordainsariei dagokien zerga, bai eta ikastetxeek beren langileen seme-alabei dohainik edo merkatuko ohiko prezioan baino merkeago ematen dieten hezkuntza zerbitzuaren zenbatekoari dagokion zerga. Halaber, gauzazko ordainsari batzuk erakarri dituzten jarduerak enpresa baten ohiko jarduera diren kasurako, gauzazko ordainsari horien balorazioari muga bat ezarri zaio. Horiek horrela, subjektu pasiboak jasotzen dituen gainerako lan-kontraprestazioak 60.000 euro baino gutxiago badira, balorazio hori ez da izanen lan-kontraprestazio horien ehuneko 10 baino handiagoa.

Beste alde batetik, ezartzen da laneko etekin irregularrengatiko murrizketa aplikatzen ahalko dela modu zatikatuan jasotzen badira ere, eta azken kasu horretan 300.000 euroko muga aplikatuko zaiola jasoko den zenbateko osoari, eta ez zergaldi bakoitzean jasoari. Etekin irregularren gaineko berariazko arauketa kendu egiten da langilea kaleratzeagatiko kalte-ordainen kasuan. Beraz, kasu horretan ere aplikatzekoa izanen da ehuneko 30eko murrizketa orokorra, 300.000 euroko mugaraino.

Jarduera ekonomikoetako etekinei dagokienez, murriztu egiten da zenbatespen objektiboaren araubidearen aplikazioa, ezen, alde batetik, ezartzen baita araubidetik salbuetsita egoteko behar den eragiketa-bolumena konputatzeko sartuko direla ere subjektu pasiboarekin lotutako entitateek egiten dituzten eragiketak, eta, beste alde batetik, eragiketen bolumena gorabehera, zenbatespen objektibotik salbuetsiko direla ere haien eragiketen ehuneko 75 baino gehiago fakturatzen dietenak enpresariei edo profesionalei, baldin eta horiek badira haien ezkontidea edo ondorengo edo aurreko ahaideak, edo aurreko horietako edozein partaide deneko errenta-egozpenaren araubideko entitateei, edo subjektu pasiboarekin lotutako entitateei.

Horrez gain, pentsio planetarako ekarpenen mugak 5.000 eurora jaitsi dira (urtean), oro har, eta 7.000 eurora (urtean), berrogeita hamar urtetik gorako partaide edo mutuetako kideen kasuan.

Zergaren progresibitatea handitzeko asmoz, likidazio oinarri orokorraren karga tasen eskala aldatu da. Eskalan egindako aldaketek eragina dute bai zenbait tarteren konfigurazioan bai horietako batzuetan aplikatu beharreko karga-tasan.

Tarteen egiturari dagokionez, ez da kopurua aldatzen, baina lehenbiziko bost apalenak gorantz biribiltzen dira, eta, horren eraginez, horietan tributazioa jaitsi egiten da. Bestetik, zazpigarren eta zortzigarren tarteetako zenbatekoa aldatzen da, eta hiru altuenetan ez da aldaketarik egiten.

Tarte bakoitzaren tasa marjinalei dagokienez, bosgarrenetik aurrera igo egiten dira. Horrela, ehuneko 36koa izatetik ehuneko 36,5ekoa izatera pasatzen da. Hurrengoa ehuneko 40koa izatetik ehuneko 41,5ekoa izatera pasatzen da. Zazpigarrena ehuneko 42tik 44ra handitzen da, eta zortzigarrena ehuneko 45etik 47ra. Bederatzigarren hiru puntu handitzen da, ehuneko 46tik 49ra; hamargarrena, hiru puntu eta erdi, ehuneko 47tik 50,5era; eta azkena lau puntu igotzen da, ehuneko 48tik 52ra.

Ikusten denez, orokorrean eskalako progresibitatea handitzen da: lehendabiziko lau tarteetan tributazioa pixka bat jaisten da, eta handitzen joaten da zazpi altuenetan; tasa marjinal altuena ehuneko 48koa izatetik 52koa izatera pasatzen da.

Eta gainera, aurrezkien likidazio oinarri bereziaren gaineko zergapetzean beste tarte bat gehituko zaio eskalari, eta karga tasak handitu dira. Horren arabera, 6.000 eurotik 10.000 eurora bitarteko tarteak ehuneko 21eko karga izanen du; 10.000tik 15.000ra bitarteko tarte berriak ehuneko 23koa, eta 15.000 eurotik gorakoak, ehuneko 25ekoa.

Funtsezko berritasunetako bat hauxe izanen da: gutxieneko pertsonalen eta familiakoen zerga-oinarrian egiten zen murriztapena kuota osoan egin beharreko kenkari bihurtzen da. Edozein zergaren zergapetzeak pertsonen egiazko ahalmen ekonomikoa kontuan hartu behar duela oinarritzat harturik, Pertsona Fisikoen Errentaren gaineko Zergaren diseinua egiterakoan ez da ahantzi behar ahalmen hori baldintzatzen duten faktore garrantzitsuenak loturik daudela egoera pertsonal eta familiarrarekin, begi bistakoa delako pertsona baten egoera nolakoa izan, haren tributu ahalmena edo ordainketa ahalmena halakoa dela (hala nola, adina, desgaitasuna, seme-alaben kopurua, familia unitatea izatea nahi ez). Norberaren eta familiaren egoeraren araberako kontribuzio ahalmen desberdinak modu egokian neurtzeko, Ogasun Publikoaren doktrinan ikuspegi desberdinak daude egoera pertsonal horiek pertsona fisikoen errentaren gaineko zergaren zerga-oinarrian edo kuotan aintzat hartu behar diren edo ez ezartzeko garaian.

Testuinguru horretan, Nafarroako Gobernuak, doktrina zientifikoaren zati handi baten iritziarekin bat, ulertzen du gutxieneko pertsonalak eta familiarrak zerga-oinarrian kokatzeko sistemak pertsona fisikoen errentaren gaineko zergaren progresibitatea itxuragabetzen duela eta zergadunen arteko berdintasun printzipioa kaltetzen, egoera pertsonalak eta familiarrak zerga-oinarrian murriztapenaz eginez kontatzea onuragarria delako errenta hartzaile handientzat, subjektu pasiboei aplikatu beharreko karga-tasa marjinala murrizten baitu. Horregatik, Ogasunaren arloan, pertsona fisikoen errentaren gaineko zergan egoera pertsonalak eta familiarrak kontuan hartzeko, eta zerga modu zuzenagoan konfiguratzeko, ekitatea handitzeko xedeaz, erabaki du egoera pertsonal eta familiar horiek kuotako kenkari gisa aurreikusi behar direla eta ez zerga-oinarriaren gaineko murriztapen gisa. Horregatik, zerga-oinarriaren murriztapen horiek kuota osoko kenkari bihurtzeko, 0,25ekin biderkatu dira 2015ean indarra izan duten gutxieneko pertsonal eta familiarren zenbatekoak. Gainerakoan, kuota osoaren gaineko kenkaria aplikatzeko baldintzak ez dira ukitu.

Antzeko arrazoiengatik, laneko kenkaria arautzen duen 62.5 artikulua aldatu da. Lan etekinen gaineko kenkaria progresiboagoa izan dadin, kenkariaren tarteak handitu dira. Horrez gain, kenkari berriaren zenbatekoa handitu egin da etekinen beheko tarteetan eta murriztu, aldiz, goiko tarteetan.

Aldaketa nabarienak hiru tartetan gertatzen dira:

a) Tarte apalenean: 9.100 euroko edo gutxiagoko etekinetan kenkaria 1.290 eurotik 1.400 eurora igoko da.

b) Laugarren tartean: 35.000,01 eurotik 50.000 eurora bitarteko tartean, 700 euroko zenbatekoaren tartea murrizten joanen da, 400 euroraino. Gogoratu behar da indarreko kenkariarekin zenbatekoa kasu guztietan 700 eurokoa dela.

c) Bosgarren tartean: 50.000,01 eurotik gorako etekinetan: 400 euroko kenkaria. Komeni da zehaztea indarreko kenkariarekin zenbatekoa kasu guztietan 700 eurokoa dela.

Beste alde batetik, ohiko etxebizitzaren erosketagatik egiten den kenkarian erreforma sakona egin da. Oro har, subjektu pasiboaren ohiko etxebizitza erosteagatiko kenkaria izateko eskubidea izanen da, bakar-bakarrik, baldintzak baditu etxebizitza babestutzat kalifikatua izateko eta eskuratzen den unean salmenta-prezioaren muga bat ezarria badu. Gainera, kendu egiten da ohiko etxebizitza zaharberritzeagatiko kenkaria, eta etxebizitza-kontuetarako ekarpenengatiko kenkaria. Beraz, modu nabarmenean murrizten da kenkariaren aplikazioaren esparrua. Bestetik, kenkaria aplikatu ahal izateko gehieneko errenta batzuk mantentzen badira ere, aldaketa nabarmenak egin dira gehieneko zenbateko horietan eta horiek kalkulatzeko arauetan. Gutxieneko pertsonal eta familiarrak ezin izanen direnez jadanik zerga-oinarritik deskontatu, lehenagoko egoera eta oraingoa, oro har, berdintzeko asmoz eta kalkulua errazte aldera, kenkaria aplikatu ahal izateko etekinen gehieneko muga zehazteko egin behar den konputu berrian, abiatuko da subjektu pasiboaren zerga-oinarrietatik (alegia, Zergari buruzko Foru Legearen 53. eta 54. artikuluetan zehazten direnak, pentsio konpentsatzaileek gutxitua, kasua bada), eta banakako zerga-ordainketarako araubidean gehieneko atalase hauek finkatzen dira: 24.000 euro, oro har; 27.000 euro, kenkaria izateko eskubidea ematen dien seme-alaba bat edo bi dituzten subjektu pasiboentzat, eta 30.000 euro familia larrientzat. Baterako tributazio araubideari aurreko gehieneko zenbatekoak halako bi dagozkio. Gehieneko zenbateko horiek zehazteko, kontuan hartuko dira, halaber, subjektu pasiboaren edo haren ondorengo ahaideen desgaitasuna, horiengatik kenkaria egiteko eskubidea duen kasuan.

Gaur egun kenkaria aplikatzen duten subjektu pasiboei kalterik ez egiteko, bi araubide iragankor arautzen dira kenkaria aplikatzeko, bata 2013ko urtarrilaren 1a baino lehen erosi edo zaharberritutako etxebizitzen kasuan, eta bestea data horretatik 2015eko abenduaren 31 arte erosi edo zaharberritutakoen kasurako. Alde batetik, etxebizitza 2013ko urtarrilaren 1a baino lehen erosi edo zaharberritu zuten subjektu pasiboen egoera lehengo bera da. Hau da, kenkaria 2012ko abenduaren 31n indarra zuen testuan jasotako baldintza eta betebeharren arabera aplikatzen jarrai dezakete. Bestetik, araubide iragankor berri bat ezartzen da 2013ko urtarrilaren 1etik 2015eko abenduaren 31ra bitarte erosi edo zaharberritutako etxebizitzetarako kenkaria aplikatzeko. Kasu horretan, etxebizitza 2013an, 2014an edo 2015ean erosi edo zaharberritu duten subjektu pasiboek 2016ko urtarrilaren 1etik aurrera aplikatzen ahalko dutela kenkaria 2015eko abenduaren 31n indarra zuten baldintza eta betebeharrak betez gero, baina berezitasun honekin: errenten gehieneko kopuruak 2016ko urtarrilaren 1etik aurrera indarra izanen duen araudian ezarritakoak izanen dira, eta oinarriak araudi horretan bertan aurreikusitakoaren arabera zehaztuko dira. Gainera, hirugarren araubide iragankor bat ezartzen da, zeinaren bidez zilegi baita 2016ko urtarrilaren 1a baino lehen etxebizitza-kontuetan egindako ekarpenengatik izandako kenkariak bateratzea, baldin eta subjektu pasiboak betetzen baditu kenkaria aplikatzeko erabili zen araudiak eskatzen zituen baldintzak. Lehenago adierazi den bezala, ez da inoiz ere kenkarirako eskubiderik egonen 2016ko urtarrilaren 1etik aurrera etxebizitza-kontuetan egindako ekarpenengatik.

Kuotaren kenkarien esparruan, biomasako instalazio termikoetako inbertsioengatiko kenkaria zabaldu egiten da beste energia berriztagarri batzuk, esaterako, eguzki-energia, geotermia edo energia eolikoa, erabiltzen dituzten instalazioetako inbertsioetara.

Era berean, baterako tributazio araubideari aplikatu beharreko arauetan doikuntzak egiten dira. Lehenengo eta behin, ohiko etxebizitzan egindako inbertsioagatiko kenkaria aplikatu ahal izateko gehieneko oinarriak zein diren zehazteko kontaketa aldatu denez, 75. artikuluko 1. araua aldatzen da. Bigarrenik, gutxieneko pertsonal eta familiarrengatiko murriztapenak kuotako kenkari bihurtu direnez, 6. araua kendu behar da, eta 7. arauaren edukia aldatu, eta, hortaz, 7. araua 6. araua izanen da aurrerantzean; 6. arauaren testu berriaren arabera, guraso bakarreko familietan amaren edo aitaren gutxieneko pertsonalaren igoera, zerga-oinarrian 2.400 euroko murriztapena eragiten zuena, kuotan egin beharreko 600 euroko kenkari bihurtu da.

Gutxieneko pertsonal eta familiarren aplikazioan tratu ezberdinik egon ez dadin, Pertsona Fisikoen Errentaren gaineko Zergaren ondorioetarako, parekoak izanen dira mendekotasun egoera bat aitortua duten pertsonak eta ehuneko 65etik gorako desgaitasuna aitortua dutenak.

PFEZaren zergapetzean gertatzen diren aldaketa garrantzitsuen ondorioz, lan etekinen gaineko atxikipenen taula egokitu beharko da 2016ko urtarrilaren 1etik aurrera. Ondasun higigarrien kapitalaren etekinetan, inbertsio kolektiboko erakundeetako akzioen edo partaidetzen eskualdatzeen edo itzulketen ondoriozko ondare-gehitzeetan, sarietan, ondasun higiezinen errentamendu eta azpierrentamenduetan eta ondasun higiezinen kapitalaren bestelako etekin batzuetan egin beharreko atxikipenaren edo konturako diru-sarreraren ehunekoa ere aldatzen da.

Aurrekoaz gain, deslokalizazio interesatuen kontrako borrokari begira, egoitza atzerrira aldatzeak ekarritako ondare gehikuntza jakin batzuk zergapetzeko sistema berezi bat ezartzen da. Sistema hori “tax exit” izenekoa da. Kasua hauxe da: zergadunak izaera hori galtzen badu egoitza atzerrira aldatzeagatik, ondare gehikuntzatzat hartuko dira zergadunaren titularitateko edozein entitate motaren akzioek edo partaidetzek merkatuan duten balioaren eta haien erosketa balioaren arteko alde positiboak, baldin eta, zerga honen aitorpena aurkeztu beharreko azken zergaldia baino lehenagoko hamabost zergaldietatik hamarretan, gutxienez, zergaduna egoiliarra izan bada, eta gainera inguruabar hauetakoren bat tartean bada:

a) Akzio edo partaidetza guztien merkatuko balioa 4.000.000 eurotik gorakoa izatea.

b) Aurreko a) letran aurreikusitakoa betetzen ez denean, zerga honen aitorpena aurkeztu beharreko azken zergaldiko sorrarazpen datan entitateko partaidetza ehuneko 25etik gorakoa izatea, entitate horretako akzioen edo partaidetzen merkatuko balioa, gutxienez, 1.000.000 eurokoa bada.

Azkenik, xedapen iragankor bat ezarri da 2015eko aitorpenean kenketak egin ahal izateko kontzeptu hauengatik: sindikatu eta elkargoen zenbait kuota, alderdi politikoentzako kuotak eta ekarpenak, eta 2014ko zergaldian kenketarik eragin ez duten dohaintzak, betiere baldintza bat betetzen bada, alegia, entitate jasotzaileek horien aitorpena egitea 2015eko zergaldirako aurkeztu behar duten eredu informatiboan aurreikusitako moduan. Beraz, kuota edo dohaintza horien kenketa 2015eko aitorpenean egin ahal izateko, kuota edo dohaintza horiek jaso dituzten entitateek haien aitorpena egin beharko dute 182 eredu informatiboan, 2016ko urtarrilean aurkeztu behar duten horretan.

Ondarearen gaineko zergari dagokionez, enpresa edo lanbide jarduera bati atxikitako ondasun eta eskubideen tributu arloko tratamendua aldatzen da, bai eta enpresa jardueretan aritzen diren entitateetako partaidetzen tratamendua ere, entitate horietan subjektu pasiboa zuzendaritza lanak betetzen baditu. Arauaren aldaketaren funtsa da ondasun, eskubide eta partaidetza horiek zerga-oinarrian loturik egonen direla hemendik aurrera, ez salbuetsirik, baina haien gainean kenkaria egiten ahalko da, kuota osoan, ondasun, eskubide eta partaidetza horien balioaren lehenbiziko 1.000.000 eurori dagokion zati proportzionalaren ehuneko 100ekoa, eta 1.000.000 eurotik gorako zenbatekoari dagokion kuotaren ehuneko 80koa. Horrenbestez, subjektu pasiboak kenkaria aplikatzen ahalko du zergaren kuotan, enpresa edo lanbide jarduera bati atxikitako ondasun eta eskubide horien zenbatekoari dagokion zati proportzionalean. Horrela, ondasun eta eskubide horien zergapetzea arinago izanen bada ere, ez dute zergaren progresibitatea jasanen, subjektu pasiboaren tasa marjinala ez baita aldatuko, izan ere, definizioz, zergaren kuota osoan egindako kenkariek zergadun bakoitzaren batez bestekotik datorren kuota horren zenbatekoa gutxitzen dute eta ez dute eraginik tasa marjinalean.

Era berean, zerga honen ekitatea eta progresibitatea hobetze aldera, gutxieneko salbuetsia gutxitu eginen da: gaur egun 800.000 eurokoa da eta aurrerantzean 550.000 eurokoa izanen da. Horrela, zergaren likidazio oinarria zerga-oinarriari 550.000 euro kenduta ateratzen dena izanen da.

Bestetik, asmo berarekin gutxituko da zerga ezkutua izenekoa. Jakina denez, Ondarearen gaineko Zerga arautzen duen Foru legearen 31.1 artikuluaren testu indardunean kuota osoaren lehen muga bat dago: kuota oso hori, PFEZaren kuota osoarekin batera, ez da PFEZaren zerga-oinarriaren baturaren ehuneko 65etik gorakoa izanen. Horrez gain, arau horren beraren 31.2 artikuluan beste muga bat dago: bi kuoten batura (PFEZarena eta Ondarearen gaineko zergarena) PFEZaren zerga-oinarriaren ehuneko 65eko mugatik gorakoa bada, ondarearen gaineko zergaren kuota gutxitu eginen da, muga horretara iritsi arte, baina murriztapena ez da ehuneko 75etik gorakoa izanen. Lege aldaketaren funtsa bigarren muga hori ehuneko 75etik ehuneko 65era jaistea da. Beraz, PFEZaren eta ondarearen gaineko zergaren kuoten baturak PFEZaren zerga-oinarriaren ehuneko 65eko muga gainditzen badu (ondarearen gaineko zergaren 31.1 artikulua), subjektu pasiboaren ondarearen gaineko zergaren kuota osoko murriztapena ez da ehuneko 65etik gorakoa izanen, eta, horrela, subjektu pasiboak ondarearen gaineko zergaren kuota osoaren ehuneko 35aren gainean tributatuko du gutxienez. Horren helburua da ondare handien titular direnek ekarpen handiagoa egitea zerga honetan.

Sozietateen gaineko zergaren esparruan, aldaketek helburu desberdinak dituzte, horien artean zergaren diru-bilketarako prestazioak hobetzea, batetik, eta, bestetik, Nafarroako Gobernuaren oinarri diren alderdien akordio programatikoak ezarritako funtsezko ildoekin bat etortzea.

Horrez gain, xede nagusi hauek nabarmendu behar dira:

Lehena.–Zerga araudia egokitzea kontabilitatearen araudian gertatu diren aldaketetara: zehazki, bizi erabilgarri mugagabea duten aktibo ukiezinen kontabilizazio berrira.

Bigarrena.–Zerga estatuko araudian izandako aldaketetara egokitzea. Izan ere, zenbait kasutan foru araudira eraman behar dira aldaketa horiek, Hitzarmen Ekonomikoak hala eskatzen duelako (bereziki zerga-baterakuntzaren araubideetan eta enpresen berregituraketarako eragiketetan) eta beste zenbaitetan enpresei errazteko beraien zerga-betebeharrak betetzeko zeregina (hain zuzen ere, handitu egiten da bazkideen edo partaideen eta entitatearen arteko harremanetan eskatzen den partaidetzaren portzentajea, lotura ote dagoen zehazteko).

Beste gai batean, aldaketa nabariak egiten dira 40. artikuluan, aurreko zergaldietako likidazio oinarri negatiboen konpentsazioa arautzen duen horretan. Testu berriarekin, aurreko ekitaldietako likidazio oinarri negatiboen konpentsazioa mugatzen da, konpentsazio horren aurreko aldiko zerga-oinarriaren ehuneko 70era hain zuzen ere, eta konpentsatu daitekeen gutxienekoa milioi bat eurokoa izanen da.

Enpresa handien karga tasa ere aldatzen da, eta ehuneko 25etik ehuneko 28ra igotzen da. Ukitutako subjektu pasiboak izanen dira, oro har, aurre-aurreko zergaldian izandako negozio zifren zenbateko garbia hamar milioi eurokoa edo handiagoa izan dutenak.

Karga-tasari dagokionez, nabarmendu daiteke halaber kreditu kooperatibek eta rural kutxek ehuneko 25eko tributazioa izanen dutela aurrerantzean, kooperatibaren emaitzetan nahiz kooperatibaz kanpokoetan. Bestalde, SICAV direlako sozietateen tributazioa karga-tasa orokorraren araberakoa izanen da. Jakina denez, kapital aldakorreko inbertsio-sozietateek (SICAV izenekoak) zerga arloko tratamendu oso berezia zuten, ideia honetan oinarrituta: sozietateen gaineko zerga ez ordaintzea, (ehuneko 1eko karga-tasa sinbolikoa zuten), halatan haien tributazioa atzeratzeko, sozietate hauen bazkideek zergak ordaintzen zituztelako soilik sozietateek pilatutako erreserbak banatzen zituztenean edo bazkideek entitate horien akzioak eskualdatzen zituztenean. Ikus daitekeenez, tributazioaren atzerapen hori desfiskalizazio modu bat bihur zitekeen epe luzera. Arrazoi hori eta bazkideek egin zitzaketen trikimailu batzuk, iruzurretik gertukoak, direla eta, komeni da tributaziorako sistema berezi-berezi hori indargabetzea.

Enpresa txikientzako eta mikroenpresa deitzen diren horientzako tasa murriztearen aplikazioaren oinarrian dagoen muina bere horretan uzteko asmoarekin, xedatzen da tasa murriztu horren aplikazioa entitate horien ohiko jardueraren emaitzen gainean egitea. Horrexegatik, zergaldian, zerga-oinarrian ohiko jarduerakoak ez diren emaitza ekonomikoek askoz pisu handiagoa izanez gero, ez dira aplikatuko tasa orokor murriztu horiek. Horretarako, hauxe ezartzen da: enpresa txikientzako eta mikroenpresentzako karga-tasa murriztu horiek aplikatuko dira, soilik, zergaldiko negozio zifraren zenbateko garbia (hau da, enpresaren ohiko jardueraren eragiketak), zergaldi horretako zerga-oinarriaren erdia denean gutxienez. Zehaztapen horren xedea da karga-tasa murriztua kasu batzuetan aplikatzeko aukera ezabatzea: adibidez, enpresaren ohiko jarduera oso txikia izan, baina plusbalia handia lortu denean ibilgetua besterentzearen ondorioz.

Egiazko edo gutxieneko tributazioa finkatzeari buruzko arauan ere aldaketa nabarmenak egiten dira. Alde batetik, arauketa berriarekin gutxieneko tributaziotik bakarrik salbuesten da zergaldian zinema-ekoizpenetan eta ikus-entzunezko serieetan egindako inbertsioengatik aplikatu beharreko kenkari osoa, eta, halaber, I-G+Brengatik ekitaldian aplikatu beharrekoa, osorik enpresa txikien kasuan, eta ehuneko 50 enpresa handien kasuan. Hau da, inposizio bikoitza ekiditeko kenkariak alde batera utzirik, bakarrik zinema-ekoizpenetan eta ikus-entzunezko serieetan egindako inbertsioengatiko kenkariak eta I-G+Brengatiko kenkariak ekarri ahalko dute, aipatutako zenbatekoetan, benetako tributazioa adierazitako gutxienekoa baino txikiagoa izatea. Bestalde, gutxieneko tributazio hori ehuneko 13koa izanen dela finkatzen da.

Aktibo finko berriengatiko kenkari berriari dagokionez, asmoa da inbertsioaren xedea diren aktiboen helburua enpresaren ekoizpen jarduera sustatu eta handitzea izatea, eta ez soilik erabileraren poderioz amortizatutako ibilgetua berritzea. Hori dela eta xedatzen da inbertsioak, nahitaez, baldintza hau bete beharko duela zergaldian: ibilgetu materialaren eta higiezinetan egindako inbertsioen aurretiko kontabilitateko balioen baturaren ehuneko 10etik gorakoa izatea, amortizazioak kenduta. Ekitaldian egindako inbertsioen zenbatekoa 300.000 eurotik gorakoa bada, aurreko ehunekoa 5era murriztuko da.

Beste aldaketa garrantzitsua 67. artikuluaren eduki berria da: interes sozialeko deklarazioa duten kirol, kultura eta gizarte laguntzako jardueren babesletza kontratuetatik datozen publizitate gastuengatik kenkaria arautuko du. Horrela, babesletza kontratuetatik datozen publizitate gastuengatik kuotan eginen den kenkaria Zergaren Foru Legearen 67. artikulu horretan azalduko da, eta Sozietateen gaineko Zergaren xedapenen 1986ko testu Bategineko 22.B) artikulua indargabetu eginen da (orain arte hor zuen tokia kenkariak). Labur esanda, babesletzari laguntzeko zerga pizgarria Zergaren Foru Legean sartuko da, beste edozein kenkariren izaerarekin eta luzaroan gelditzeko asmoarekin. Arautze horren edukia 2014an aplikatu zen berbera izanen da, funtsean.

Azpimarratzekoa da, halaber, 69. artikuluaren aldaketa. Bertan biomasako instalazio termikoetako inbertsioengatiko kenkaria zabaldu egiten da beste energia berriztagarri batzuk, esaterako, geotermia edo eguzki-energia termikoa, erabiltzen dituzten instalazioetako inbertsioetara.

Enplegua sortzeagatiko kenkariari dagokionez, hiru aldaketa mota egiten dira, kenkari hau eta kalitatezko enplegua sortzea elkarlotzeko xedearekin nagusiki. Lehenengo eta behin, kenkaria kontatzeko kontuan hartuko da soilik enpresan lan-kontratu mugagabea dutenen plantilla (ez da baldintza berria, aldatzen den arauan ezarria zegoelako lehenagotik), baina baldintza berria soldatarena da, lanbidearteko gutxieneko soldata gehi ehuneko 70 baino handiagoa izan beharko baita. Hau da, mugagabeko lan-kontratu guztiek ez dute kenkaria ekarriko, soilik LGS baino ehuneko 70 handiagoa den soldata dutenek (2015ean, 9.080,40 euro 14 saritan). Bigarrenik, kenkaria sendotzeko, enplegua mantendu beharreko epea ere handitu da, hamabi hilabetetik hogeita laura. Hirugarrenik, batez besteko plantillen alderaketa lan-kontratu mugagabea (ez plantilla osoko batez bestekoekin), eta LGS baino ehuneko 70 handiagoa den soldata duten langileekin eginen da.

Zerga-baterakuntzako araubide berezian egiten diren aldaketen arrazoia hau da: Estatuko araudira egokitu beharra dago, Hitzarmen Ekonomikoaren 27.2 artikuluan ezarritakoarekin bat. Arau horrek ezartzen duenez, “zerga taldea, sozietate nagusia, menpeko sozietateak, menpekotasun maila eta talde barruko eragiketak kontzeptuak definitzeko, Estatuak unean-unean ezarria duen araudiaren berdin-berdina aplikatuko da”. Bestetik, komeni da Nafarroako araudia bat etortzea Estatuko araudiarekin zerga-baterakuntzaren araubidearen gaineko araudiaren gainerako alderdietan ere, Hitzarmen Ekonomikoaren aipatutako artikuluan aipatzen ez direnetan.

Aldaketek ez diete eragiten zerga-baterakuntzaren araubidearen oinarrizko arauei, eta hemendik aurrera ere zerga taldea osatzen duten entitateen banakako zerga-oinarrien batura aljebraikoaren emaitzaren gainean egituratuko dira, emaitza talde barruko eragiketei dagozkien ezabapenekin doitu ondoren. Nolanahi ere, aldaketa garrantzitsuak egiten dira baterakuntzaren perimetroari eta doikuntzak zerga-oinarrian zehazteari dagokienez.

Arrazoi berberengatik, aldaketak egiten dira birmoldatzeen araubide berezian, hau da, bat-egiteen, zatiketen, aktiboen ekarpenen eta baloreen trukearen gaineko araubide berezian. Hitzarmen Ekonomikoaren 47. artikuluak ezartzen duenez, Nafarroako Foru Komunitateak onetsitako araudiaren edukia lurralde komuneko araudiaren eduki bera izanen du bat-egiteen, zatiketen, aktiboen ekarpenen eta baloreen trukearen gaineko zerga araubide bereziari dagokionez, bai eta Europar Batasuneko estatu kide batetik beste batera sozietate europar bat edo sozietate kooperatibo europar baten helbidea aldatzeari aplikatu beharrekoari dagokionez ere. Beraz, Estatuko araudian gai honetan egindako aldaketak Nafarroako araudian sartu beharko dira.

Aldaketa nabarmenena hau da: hasiera batean, zerga araubide honen menpeko birmoldatzeetan araubidean bertan ezarritako atzeratze araubidea aplikatzen da, non ez den kontrakoa berariaz adierazten zerga administrazioari egin beharreko jakinarazpenean. Hortaz, araubideari uko egin ezean, bat-egiteetan eta zatiketetan jasotako ondasun eta baloreak entregatutakoen zerga balioaren arabera baloratuko dira zergaren ondorioetarako, eta entregatutako baloreen erosketa data ere mantenduko da. Beste aldaketa garrantzitsu bat hau da: zerga administrazioak egindako egiaztapen lanen ondorioz erabakitzen badu zerga araubide berezia osotara edo zati batean aplikatzerik ez dagoela, lortutako zerga abantailak sortutako ondorioak ezabatuko dira, horiek bakarrik.

Azkenik, aipatu beharra dago enpresa sustapeneko sozietateen araubide berezia desagertzen dela. Ageri denez, araubide horrek ez du eragin handirik izan Foru Komunitateko enpresa arloko dinamizazioan eta ez du enplegua sortzea ere lortu modu nabarmenean. Gainera, ikusi da araubide horren babesean egindako enpresa arloko eragiketa batzuek kalte handia egin dietela Nafarroako Zerga Ogasunari ordaindu beharreko zerga-oinarriei. Arrazoi horiengatik, egokitzat hartzen da araubidea ezabatzea, araubide iragankor bat arautzea galarazi gabe.

Kooperatiben zerga araubideari dagozkionez, aldaketa funtsezkoena hau da: entitate hauen gaineko zerga arloko legeetan sartzea Sozietateen gaineko Zerga arautzen duen Foru Legearen 40. artikuluan likidazio oinarri negatiboak murriztearen arloan egindako aldaketak, kontuan harturik, halere, kooperatibetan kuota negatiboak konpentsatzen direla, ez likidazio oinarri negatiboak. Horrekin bat, zergaldiko konpentsazio muga konpentsatu aurreko kuota osoaren ehuneko 70 izanen dela ezartzen da. Horrekin batera adierazten da konpentsatzen ahalko diren kuota osoen zenbatekoa izanen dela, edozein kasutan, milioi bat euro entitatearen batez besteko karga-tasarekin biderkatuta ateratzen dena.

Oinordekotzen eta dohaintzen gaineko zergaren arloan, zenbait presuntzio eta arau sartzen dira, zerga saihesteko trikimailu batzuei aurre egiteko xedearekin. Horrela, eguneroko bizitzan aski ohikoa den kasu batean irabazizko eskualdaketaren presuntzioa ezartzen da: aurreko ahaideak, ondorengo ahaide adingabearen ordezkari den aldetik, ondasun bat erosten du kostubidez berak ordezkatzen duenarentzat. Kasu horretan, iuris tantum presuntzioa ezartzen da, hau da, kontrako froga onartzen duena, alegia, horren aurretik ondorengo ahaidearen aldeko irabazizko eskualdaketa gertatu dela eskualdatutako ondasun edo eskubideen balioa adinakoa.

Xede berarekin, zergaren progresibitatea kaltetzen duen beste amarru baten kontra jotzen da. Kasua hau da: pertsona batek ondasun dohaintza bat egin nahi dio senide bati, eta horretarako erabiltzen duen bidea da dohaintza aitari egitea lehenbizi, eta aitak edo amak, berriz, beste seme edo alabari egiten dio dohaintza. Horrela, zerga ehuneko 0,8ko tasarekin ordaintzen da bi aldiz (bi dohaintza gurasoen eta seme-alaben artean), eta senideen arteko dohaintzen gaineko tributazio progresiboa saihesten da. Trikimailu hori erabil ez dadin, kasu horietan tributatzean lehen dohaintza-emailearen eta azken dohaintza-hartzailearen artean dagoen ahaidetasuna kontuan hartuko dela ezartzen da.

Beste alde batetik, desgaitasuna duten pertsonen zerga-zama leuntzen jarraitzeko, zergatik salbuesteko beste kasu bat ezarri da. Horiek horrela, salbuetsita egonen da eskualdatzailearen ohiko etxebizitzaren “inter vivos” dohainik eskuratzea, eroslea odolkidetasuneko lerro zuzeneko ondorengoa edo adoptatua bada, eta ehuneko 65eko edo gorako desgaitasuna duela frogatzen badu.

Aurrekoa gorabehera, foru lege proiektu honetan aldaketa nabariak egiten dira Tributuei buruzko Foru Lege Orokorrean, bi helburu nagusirekin: segurtasun juridikoa indartzea, araudiaren benetako esanahia argituz, eta zerga administrazioaren ahalmenak handitzea iruzurraren kontrako borrokari ekiteko. Ideia horrekin, agerian uzten da bi kontzeptu hauek bereizi beharra dagoela: batetik, zerga administrazioak egiaztatu eta ikertzeko duen eskubide-ahalmena, eta, bestetik, zerga zorra likidatzeko duen eskubide-ahalmena. Jakina da gaur egun eztabaida ugari izaten dela gai hauetan, batez ere honen inguruan: Administrazioak aukera izan dezakeen egiaztatzeko preskribitutako aldietan sortu diren baina preskribitu gabeko aldietan konpentsatu edo aplikatu behar diren zerga kreditu jakin batzuk zuzenak diren.

Gai horri dagokionez, testuan zehazten da Administrazioak zerga zorra likidatzeko daukan eskubide-ahalmenaren preskripzioa desberdina dela eta, kontzeptuen ikuspegitik, ezin dela lotu edo estekatu egiaztatu eta ikertzeko eskubide-ahalmenarekin. Bigarren kontzeptu horrek, oro har, ez du preskribitzen, eta foru legeek berariaz ezartzen dizkioten mugak baizik ez du izanen, bai tributuei buruzko foru lege orokorrak bai tributu bakoitzarenak.

Osagarri gisa, zordun nabarmenen zerrenda argitaratzeko modua eta baldintzak arautzen dira. Tributu ordainketen ez betetzeak 2017. urtean argitaratuko dira aurrenekoz, zordunen egoera zehazteko erreferentziako hasierako data gisa 2016ko abenduaren 31 hartuko baita. Neurri hori zerga iruzurraren kontrako borrokari zor zaio, eta haren helburua zerga betebeharrak borondatez betetzera bultzatuko duten prebentzio eta hezkuntza tresnak sendotzea da. Beste helburu bat du, tributu arloko egiazko kontzientzia zibikoa sustatzea alegia. Hori bai, tributu arloko datuen zabalkundearen eta haien pribatutasunaren garrantziaren arteko orekari eutsi behar zaionez, soilik argitaratuko dira nabarmentzen diren jokabideak, hau da, gaitzesgarriak direnak tartean zenbateko handiak direlako, eta Ogasun Publikoari kalte ekonomiko larria eragiten diotelako.

Horregatik, arauan xedatzen da 250.000 eurotik gorako zorrak eta zehapenak ordaindu gabe dituzten zergadunen (pertsona fisikoak edo juridikoak) zerrendak argitaratzea, betiere zor horiek borondatezko epean ordaindu ez badira, salbu eta geroratuta edo etenda daudenean.

Bestetik, iruzurraren kontrako borrokaren baitan, ikuskapen lanen epeen gaineko erregulazio berria ezartzen da, araudia errazteko eta lan horiek egiteko epeak handitzeko. Iraupenari dagokionez, berritasun aipagarrienak dira 18 hilabeteko epean amaitu beharko direla, oro har, edo 27 hilabeteko epean inguruabar bereziren bat tartean dagoelarik, hala nola, zergadunaren negozio bolumena dela-eta kontuak auditatu beharra izatea, edo zergaduna zerga-baterakuntzaren edo entitate taldearen araubidearen menpeko talde batean sartuta egotea.

Segurtasun juridikoa sendotzeko asmo berarekin, aldatu egin da 158.1 artikulua, Administrazioaren isilbidearen kasuetan erreklamazio ekonomiko eta administratiboa jartzea arautzeko, Konstituzio Auzitegiak arlo horretan duen doktrinarekin bat.

Era berean, Fundazioen zerga araubidea arautzen duen uztailaren 2ko 10/1996 Foru Legea aldatzen da, fundazioek beren errentei eta diru-sarrerei eman beharreko erabilera modu berri batez arautzeko. Oinarrizko araua izanen da “fundazioaren xedeak betetzeko erabili beharko dela, gutxienez, fundazioaren kontabilitate-emaitzaren ehuneko 70”. Egungo erregulazioak arazoak eta zalantzak planteatzen dituenez, arau zehatzagoa egiteko asmoa dago, kontabilitate arloko araudiarekin bat etorriko dena.

Helburu horrekin, testu berrian kontzeptu batzuk zehazten dira:

Lehena.–Nola kalkulatu ehuneko 70 hori, fundazioaren helburuak betetzeko erabili beharrekoa.

Bigarrena. Noiz ulertzen den zergaldian egin eta fundazioaren helburuak betetzen benetan lagundu duten gastu eta inbertsioen zenbatekoa fundazioaren xedeetarako erabili dela.

Beste gai batzuei dagokienez, hondakin uren saneamendu kanonaren tarifen zenbatekoa eguneratzen da. Nafarroako ibaien saneamendurako Plan Zuzentzaileak erabateko autonomia duenez Nafarroako Aurrekontu Orokorrekiko, bai eta bere finantzabidea ere, hondakin uren saneamendu kanonaren diru-bilketaren kargura, kanon horren tarifak aldian-aldian eguneratu behar dira, Planaren betebeharrei erantzuteko (besteak beste, instalazio berriak eraikitzea, egungoen mantentze-lanak eta uren arazketarako zerbitzuak handitzea) finantza oreka arriskuan jarri gabe.

Aurrekoez gain, Nafarroako Foru Komunitateko Administrazioaren eta haren Erakunde Autonomoen Tasa eta Prezio Publikoei buruzko martxoaren 27ko 7/2001 Foru Legea aldatzen da, Garapen Ekonomikorako Departamentuaren eta Landa Garapeneko, Ingurumeneko eta Toki Administrazioko Departamentuaren tasak berrantolatu eta modernizatzeko.

Diru-sarrera publikoak handitzeko helburuarekin, foru lege proiektu honek hidrokarburoen gaineko zergaren karga-tasa autonomikoak ezartzen ditu berriz Nafarroan. Zerga bereziei dagokienez, Hitzarmen Ekonomikoaren 35.5 artikuluak ezartzen du Nafarroako Foru Komunitateak ezartzen ahalko dituela zerga horiek karga-tasak, betiere, lurralde erkidean unean-unean indarra duten mugekin eta baldintzetan.

Beraz, agindu horrek aukera ematen du Nafarroan ezartzeko hidrokarburoen gaineko zergaren karga-tasa autonomikoak, aipatutako muga eta baldintzekin. Horrenbestez, erabilera orokorreko gasolioan eta kerosenoan, zerga-tasa autonomikoa 24 eurokoa izanen da mila litroko. Erabilera berezietarako eta berokuntzarako gasolioan, 6 eurokoa izanen da mila litroko, eta fuel-olioan euro batekoa tona bakoitzeko. Bestetik, Foru Komunitateak erabilera profesionaleko gasolioaren gaineko zerga-tasa autonomikoa itzuliko du, hau da, honako hauen titularrei: salgaien errepideko garraioan baizik aritzen ez diren ibilgailu motordunak, bidaiarien garraioan aritzen direnak, eta bidaiarien zerbitzu publikoan udal lizentziarekin eta taximetroarekin aritzen diren taxiak.

Bi xedapen gehigarrien helburuak hauek dira, hurrenez hurren: sozietateen gaineko zergan monetaren zuzenketarako koefizienteak ezartzea, 2016an hasten diren zergaldiei dagokienez, eta zerga horren subjektu pasiboei ahalmena ematea Inbertsioetarako Erreserba Berezirako zuzkidurak egiteko, 2016ko urtarrilaren 1ean hasitako lehenbiziko bi zergaldietan lortutako irabazien kargura.

Xedapen indargabetzaileak hiru eduki ditu:

Lehena.–Saltoki Handietarako Zerga bat sortzeko abenduaren 28ko 39/2013 Foru Legea indargabetzen du. Europako Batzordeak zalantzan jarri du maiz zerga hau, Estatuaren legez kanpoko laguntza zekarrelakoan. Batzorde horrek egindako errekerimenduen ondorioz, Nafarroako Gobernuak indargabetzeko tramite parlamentarioak egiteko konpromisoa hartu zuen.

Bigarrena.–Sozietateen gaineko zergaren xedapenen 1986ko Testu Bateginaren 22 B) artikulua indargabetzen du. Indargabetze horrekin batera, lehen aipatu denez, babesletza kontratuetatik datozen publizitate gastuengatik kuotan eginen den kenkaria (indargabetzen den arauan zegoena) Sozietateen gaineko Zergaren Foru Legearen 67. artikuluan azalduko da aurrerantzean.

Hirugarrena. Araudi fiskala aldatzeko eta jarduera ekonomikoa pizteko neurriak hartzeko abenduaren 24ko 29/2014 Foru Legearen xedapen gehigarri bakarra indargabetzen du, besterik gabe, argiago gelditzeko eta segurtasun juridikoa areagotzeko.

Azken xedapenetan lehenak ahalmena ematen dio Nafarroako Gobernuari foru legea garatzeko, eta azken xedapenetan bigarrenean, berriz, foru legearen indar hartzea arautzen da.

Lehenengo artikulua. Pertsona Fisikoen Errentaren gaineko Zergari buruzko Foru Legearen Testu Bategina.

Pertsona Fisikoen Errentaren gaineko Zergari buruzko Foru Legearen Testu Bateginaren manu hauek (testu bategina ekainaren 2ko 4/2008 Legegintzako Foru Dekretuaren bidez onetsi zen) testu hau izanen dute:

Bat.–7.h) artikulua, lehen eta bigarren lerroaldea. 2015eko urtarrilaren 1etik aurrera izanen du eragina.

“h) Beka publikoak, Fundazioen eta babes jardueren tributu araubidea erregulatzen duen uztailaren 2ko 10/1996 Foru Legearen aplikazio esparruan sartzen diren entitateek emandako bekak, bai eta aurrezki-kutxei eta banku-fundazioei buruzko abenduaren 27ko 26/2013 Legearen II. tituluan araututako banku-fundazioek beren gizarte ekintza gauzatzeko emandako bekak ere, hezkuntza sistemaren maila eta gradu guztietako ikasketa arautuak Espainian nahiz atzerrian egiteko ematen direnak, are doktoregokoak ere, erregelamenduz ezartzen den bezala.

Salbuetsita izanen dira, orobat, erregelamenduz ezarriko den bezala, prestakuntzako ikerlarien estatutua onetsi zuen urtarrilaren 27ko 63/2006 Errege Dekretuak finkatutako eremuan, irabazi-asmorik gabeko entitateek eta lehen aipatutako banku-fundazioek ikerketarako emandako bekak eta beka publikoak, eta orobat, Administrazio Publikoen zerbitzuko funtzionario eta langileei eta unibertsitateko irakasle eta ikerlariei, ikerketarako bakar-bakarrik, entitate haiek ematen dizkieten bekak eta beka publikoak”.

Bi.–7.n) artikulua. Eragina 2015eko urtarrilaren 1etik aurrera izanen du, 30.000 euroko gehieneko muga berriaren salbuespenarekin, eragina 2016ko urtarrilaren 1etik aurrera izanen baitu.

“n) Atzerrian egindako lanengatik jasotzen diren lanaren etekinak, ondoko baldintza hauek betetzen baldin badira:

Lehena. Lan horiek egiteko langileak atzerrira joan behar badu, lekualdatutako pertsona enplegatu duen enpresaren edo entitatearen nazioz gaindiko zerbitzu prestazio bat dela eta. Langilea enplegatu duen enpresak edo entitateak Espainiako egoiliarra izan beharko du.

Bigarrena. Lan horiek Espainiako egoiliarra ez den enpresa edo entitate batentzat edo atzerrian finkatutako establezimendu iraunkor batentzat egitea, erregelamendu bidez ezartzen diren baldintzetan. Bereziki, lan horiek hartuko dituen entitatea langilearen entitate enplegatzailearekin edo langileak bere zerbitzuak ematen ditueneko enpresarekin lotua badago, Sozietateen gaineko Zergari buruzko abenduaren 30eko 24/1996 Foru Legearen 29. artikuluan aurreikusitako baldintzak bete beharko dira.

Hirugarrena. Lanak egiten direneko lurraldean zerga hau bezalako edo antzeko beste zerga bat aplikatzea eta zerga paradisutzat jotzen den herrialde edo lurralde bat ez izatea. Baldintza hau betetzen dela ulertuko da lanak egiten direneko herrialde edo lurraldeak Espainiarekin hitzarmena badu nazioarteko zergapetze bikoitza saihesteko eta hitzarmen horrek informazioa trukatzeko klausularik badu.

Atzerrian egon bitartean sortutako ordainsariei aplikatuko zaie salbuespena, urtero 30.000 eurori gehienez. Erregelamenduz ezarri ahalko da egun bati dagokion diru-zenbateko salbuetsia kalkulatzeko prozedura.

Destinoa atzerrian duten subjektu pasiboen kasuan, salbuespen hau bateraezina da, Zerga honen Erregelamenduaren 8.A).3.b) artikuluaren arabera, tributaziotik kanpo dauden soberakinen araubidearekin, edozein dela ere haien zenbatekoa. Subjektu pasiboak zilegi izanen du salbuespen honen ordez soberakinen araubidea aukeratzea.

Salbuespen hau ez zaie aplikatuko mugaz gaindiko langileen izaera duten langileei, apirilaren 29ko 59/2011 Foru Aginduan aurreikusitakoarekin bat”.

Hiru.–7.w) artikulua. 2015eko urtarrilaren 1etik aurrera izanen du eragina.

“w) Erakunde publikoek genero indarkeriaren biktimei eta Bortxazko delituen eta sexu askatasunaren kontrako delituen biktimei laguntzak eta sorospena emateari buruzko abenduaren 11ko 35/1995 Legean aipatzen diren bortxazko delituen biktimei emandako diru prestazioak”.

Lau.–15.2 e) artikulua kentzea. 2016ko urtarrilaren 1etik aurrera izanen du eragina.

Bost.–16.1 g) artikulua. 2016ko urtarrilaren 1etik aurrera izanen du eragina.

“g) Aurreko letretan xedatutakoa gorabehera, ohiko jardunbidean gauzazko etekinak sortzen dituzten jardueretan aritzen diren enpresek ordaindutako gauzazko lan-etekinen kasuan, balorazioa ezin izanen da baxuagoa izan ondasun, eskubide edo zerbitzu horrek jendearentzat duen prezioa baino.

Jendearentzako preziotzat hartzen da Kontsumitzaile eta Erabiltzaileen Defentsarako Lege Orokorraren Testu Bategina onetsi zuen azaroaren 16ko 1/2007 Legegintzako Errege Dekretuaren 60. artikuluan eta beste lege osagarri batzuetan aurreikusi dena, deskontu arruntak kenduta. Deskontu arruntak dira enpresako langileen antzeko ezaugarriak dituzten beste giza talde batzuei eskaintzen zaizkienak, baita promozio deskontu orokorrak ere, horiek izaera orokorrekoak izanik indarra dutenak gauzazko ordainketa egiten denean, eta orobat, aurrekoetatik ezberdina den beste edozein, aipatutako prezioaren ehuneko 15etik gorakoa eta urtean 1.000 eurotik gorakoa ez den parteari dagokionez.

Subjektu pasiboak duen kargu edo lanpostuagatik jasotzen dituen gainontzeko lan kontraprestazioak 60.000 euro baino gutxiago badira, letra honetan aipatzen den balorazioa ez da izanen kontraprestazio horien ehuneko 10 baino handiagoa.

Sei.–17.2.a) artikulua. 2015eko urtarrilaren 1etik aurrera izanen du eragina.

“a) Ehuneko 30, bi urte baino gehiagoko sortze aldia duten etekinetarako (aldian-aldian edo behin eta berriz jasotzen direnak ez badira), eta erregelamendu bidez denboran modu irregular nabarmenean jasotakotzat jotzen direnetarako. Sortze-aldia bi urte baino luzeagoa duten etekinak modu zatikatuan jasotzen badira, murrizketa aplikatuko da, bakar-bakarrik, sortze-aldiko urte kopurua, datatik datara zenbatuta, zati modu zatikatuan jasotzeko zergaldien kopurua egitetik ateratzen den zatidura bi baino gehiago bada.

Murrizketa hori aplikatu ahal izateko, etekin osoak 300.000 eurokoak izanen dira gehienez. Hortik gorako soberakinari ez zaio inolako murrizketarik aplikatuko. Konputu honen ondorioetarako, etekin osoen zenbateko osoa honako hauen batuketa aritmetikoaren bidez zehaztuko da: enpresatik bertatik edo sozietateen taldeko beste enpresa batzuetatik (Merkataritza Kodearen 42. artikuluan aurreikusitako inguruabarrak dituztenak) ateratzen diren lan-etekinak, horietan salbuetsirik egon daitezkeen diru kopuruak sartuta, eta zenbat zergaldiri egozten zaizkion kontuan hartu gabe”.

Zazpi.–25.1.a) artikulua. 2015eko urtarrilaren 1etik aurrera izanen du eragina.

“a) Erdiesteko beharrezko direnak. Aipatutako ondasun edo eskubideak erosi edo hobetzeko inbertitutako besteren kapitalen interesengatik eta gainerako finantzaketa gastuengatik kendu beharreko zenbateko osoa, baita higiezina konpondu eta mantentzeko gastuengatikoa ere, ez da izanen, ondasun edo eskubide bakoitzean, ondasun higiezina edo eskubidea lagatzeagatik lortutako etekin osoak baino handiagoa. Soberakinaren kenkaria hurrengo lau urteetan egiten ahalko da, letra honetan ezarritakoarekin bat. Soberakin hori zergaldiko gastuekin batera gertatzen bada, gastuak aplikatuko dira lehendabizi”.

Zortzi.–28.d) artikulua. 2016ko urtarrilaren 1etik aurrera izanen du eragina.

“d) Akzio edo partaidetzen jaulkipen-primaren banaketa. Lortutako zenbatekoak gutxitu eginen du, deuseztatu arte, ukituriko akzio edo partaidetzen eskuratze-balioa, eta gera litekeen soberakinak ondasun higigarrien kapitalaren etekin gisa tributatuko du.

Aurreko lerroaldean xedatutakoa gorabehera, Europako Parlamentuaren eta Kontseiluaren 2004ko apirilaren 21eko 2004/39/EE Zuzentarauan (finantza tresnen merkatuei buruzkoa) definitutako balore-merkatu arautuetan negoziaziorako onartu ez diren eta sozietateen edo entitateen funts berekietako partaidetzen adierazgarri diren baloreei dagokien jaulkipen-primaren banaketa egiten denean, akzioen edo partaidetzen funts berekien balioaren (primaren jaulkipen data baino lehen itxitako azken zergaldiari dagokiona) eta haien eskuratze-balioaren arteko diferentzia positiboa denean, lortutako zenbatekoa edo jasotako ondasun edo eskubideen merkatuko balio normala ondasun higigarrien kapitalaren etekintzat hartuko da, aipatutako diferentzia positiboa muga izanik.

Ondorio horietarako, aurreko lerroaldeko funts berekien balioari jaulkipen-prima banatu aurretik banatutako etekinen zenbatekoa -hots, funts bereki horietan sartutako erreserbetatik heldu diren etekinen zenbatekoa- kenduko zaio, bai eta funts berekietan sartuta dauden eta legez erabili ezin diren erreserben zenbatekoa ere, akzioak edo partaidetzak eskuratu ondoren sortutakoak badira.

Mugaz gaineko soberakinak akzioen edo partaidetzen eskuratze-balioa murriztuko du, letra honetako lehen lerroaldean xedatutakoarekin bat.

Letra honen bigarren lerroaldean xedatutakoa aplikatuta, jaulkipen primaren banaketak ekartzen badu lortutako zenbateko osoa edo haren zati bat edo jasotako ondasun edo eskubideen merkatuko balio normal osoa edo haren zati bat ondasun higigarrien kapitalaren etekin gisa kontatzea, eta ondoren zergadunak dibidenduak edo mozkinetako partaidetzak lortzen baditu, 28.a) artikuluaren arabera, entitate berarengandik, jaulkipen prima banatu zenetik bere ondarean egondako akzio edo partaidetzekin loturik, dibidendu edo mozkinetako partaidetza horien bidez lortutako zenbatekoa akzio edo partaidetzen eskuratze-balioari kenduko zaio, letra honen lehen lerroaldean xedatutakoarekin bat, betiere akzio edo partaidetza horiei dagozkien eta aurretik kontatu diren ondasun higigarrien kapitalaren etekinak muga izanik”.

Bederatzi.–35. artikulua. Bosgarrena. 2016ko urtarrilaren 1etik aurrera izanen du eragina.

“Bosgarrena. Subjektu pasiboak berarentzat, ezkontidearentzat eta gutxiengo familiarra dela-eta kenkarirako eskubidea ematen dioten ondorengoentzat egin duen gaixotasun-aseguruaren primak gastu kengarritzat joko dira etekin garbia zuzeneko zenbatespenaren araubidearen arabera zehazterakoan. Aipatutako pertsona horietako bakoitzeko gehieneko gastu kengarria 500 eurokoa izanen da”.

Hamar.–36.1. 3. artikuluko bigarren lerrokada aldatzen da; 2016ko urtarrilaren 1etik aurrera izanen du eragina.

“Diru-sarreren bolumena konputatzeko, kontuan hartuko dira subjektu pasiboak eginiko enpresa jarduerei dagozkien eragiketak ez ezik baita ezkontideak, ondorengo ahaideek eta aurreko ahaideek egindakoei dagozkienak, aurreko horietako edozein pertsona partaide den errenta-egozpenaren araubideko entitateek egindakoei dagozkienak, eta Sozietateen gaineko Zergari buruzko abenduaren 30eko 24/1996 Foru Legearen 28. artikuluan adierazita bezala subjektu pasiboarekin lotutako entitateek egindakoei dagozkienak, inguruabar hauek batera gertatzen badira:”.

Hamaika.–39.3 artikulua, lehen lerroaldea. 2015eko urtarrilaren 1etik aurrera izanen du eragina.

“3. Ondarearen osaketan aldaketarik ez dela izan ulertuko da, esleipen soberakinik gertatzen ez bada, betiere:”

Hamabi.–39.4. a) artikulua, laugarren, bosgarren, seigarren eta zazpigarren lerrokadak gehitzea. 2016ko urtarrilaren 1etik aurrera izanen du eragina.

“Letra honen bigarren lerroaldean xedatutakoa gorabehera, xedetzat ekarpenak itzultzea duen eta mozkin ez banatuetatik ez datorren kapital-murrizketen kasuan, Europako Parlamentuaren eta Kontseiluaren 2004ko apirilaren 21eko 2004/39/EE Zuzentarauan (finantza tresnen merkatuei buruzkoan) definitutako balio-merkatu arautuetan negoziatzeko onartu ez diren baloreei dagokiena, balio horiek sozietateen edo entitateen funts berekietako partaidetzaren adierazgarri izanik, akzioen edo partaidetzen funts berekien balioaren (kapital-murrizketaren aurreko azken ekitaldi itxiari dagozkiona) eta eskuratze-balioaren arteko diferentzia positiboa denean, lortutako zenbatekoa edo jasotako ondasunen edo eskubideen merkatu-balio normala ondasun higigarrien kapitalaren etekintzat hartuko da, eta muga diferentzia positibo hori izanen da.

Ondorio horietarako, aurreko lerroaldean aipatzen den funts berekien balioari kapital-murriztapenaren aurretik banatutako etekinen zenbatekoa -hots, aipatu funts berekietan sartutako erreserbetatik heldu direnena- kenduko zaio, bai eta funts berekietan sartuta dauden eta legez erabili ezin diren erreserben zenbatekoa ere, akzioak edo partaidetzak eskuratu ondoren sortutakoak badira.

Mugaz gaineko soberakinak akzioen edo partaidetzen eskuratze-balioa murriztuko du, letra honen bigarren lerroaldean xedatutakoarekin bat.

Letra honen laugarren lerroaldean xedatutakoa aplikatuta, kapital-murriztapenak ekartzen badu lortutako zenbateko osoa edo haren zati bat edo jasotako ondasun edo eskubideen merkatuko balio normal osoa edo haren zati bat ondasun higigarrien kapitalaren etekintzat hartzea, eta ondoren zergadunak dibidenduak edo mozkinetako partaidetzak lortzen baditu, 28.a) artikuluarekin bat, entitate berarengandik, kapital-murriztapena egin zenetik bere ondarean egondako akzio edo partaidetzekin loturik, dibidendu edo mozkinetako partaidetza horien bidez lortutako zenbatekoa akzio edo partaidetzen eskuratze-balioari kenduko zaio, letra honen lehen lerroaldean xedatutakoarekin bat, betiere akzio edo partaidetza horiei dagozkien eta aurretik kontatu diren ondasun higigarrien kapitalaren etekinak muga izanik”.

Hamahiru.–43.1.b).a') artikulua. 2015eko urtarrilaren 1etik aurrera izanen du eragina.

“a´) Balioei dagokien ondare garbiaren zenbatekoa, zergaren sortzapenaren aurretik itxitako azken balantzetik ateratzen dena”.

Hamalau.–43.1.c) artikulua, lehenbiziko lerroaldea. 2015eko urtarrilaren 1etik aurrera izanen du eragina.

“c) 52. artikuluan aipatzen diren inbertsio kolektiboko erakundeen kapital edo ondarearen adierazgarri diren akzioen edo bestelako partaidetzen eskualdaketa edo errenboltsoaren kasuan, gehikuntza edo murrizketa zenbatuko da eskuratze-balioaren eta eskualdaketa balioaren arteko aldearen arabera; azken hori eskualdaketa edo errenboltsoa egiten den egunean duen likidazio-balio aplikagarriak zehaztuko du edo, horrelakorik ez izatera, argitaratutako azken likidazio-balioak. Likidazio-baliorik ez izatera, balioei dagokien ondare garbiaren zenbatekoa hartuko da, hots, zergaren sortzapenaren aurretik itxitako azken ekitaldiko balantzetik ateratzen dena”.

Hamabost.–43.1.k) artikulua. 2017ko urtarrilaren 1etik aurrera izanen du eragina.

“k) Harpidetza eskubideen eskualdaketan, lortutako zenbatekoa ondare gehikuntzatzat hartuko da eskualdaketa gertatzen den zergaldian”.

Hamasei.–43.2 artikuluko lehen lerrokada. 2017ko urtarrilaren 1etik aurrera izanen du eragina.

“2. Balio homogeneoei buruzko ondare aldaketen kasuan, honako irizpide hau hartuko da: subjektu pasiboak eskualdatutakoak lehenbizi eskuratutakoak direla”.

Hamazazpi.–44. artikulua, hirugarren lerroaldea. 2016ko urtarrilaren 1etik aurrera izanen du eragina.

“Betiere, justifikatu gabeko ondare gehikuntzatzat joko dira, eta erregulariza daitekeen preskribatu gabeko zergaldi zaharreneko likidazio-oinarri orokorrean sartuko dira, ondasun edo eskubideak izatea, aitortzea edo eskuratzea, baldin eta titularrak horiei buruz informatzeko duen betebeharra, Tributuei buruzko abenduaren 14ko 13/2000 Foru Lege Orokorraren hemezortzigarren xedapen gehigarrian aipatzen dena, ez badu bete horretarako duen epean, edo zerga administrazioaren aldetik egiaztapen prozedura baten hasiera jakinarazi aurretik”.

Hemezortzi.–52.1.c).b´) artikulua. 2016ko urtarrilaren 1etik aurrera izanen du eragina.

“b') Kapital murrizketa banatu ez diren mozkinetatik ateratakoa bada, mozkin horien zenbatekoa. Ondorio horietarako, ulertuko da kapital murrizketak, horien helburua edozein dela ere, lehenbizi, banatu gabeko mozkinetatik datorren kapital sozialaren zatiari aplikatzen zaizkiola, agortu arte.

Aipatutako muga horretatik gorako soberakina erabiliko da ukitutako akzioen eskuratze-balioa txikiagotzeko, 39.4.a) artikuluaren lehenbiziko lerroaldeko arauei jarraikiz, agortu arte. Bestalde, soberakinik badago, kopuru hori edozein entitate motatako funts berekietako partaidetzaren ondorioz lortutako ondasun higigarrien kapitalaren etekin gisa sartuko da, jaulkipen-prima banatzeko 28.d) artikuluko lehen lerroaldean aurreikusten den moduan”.

Hemeretzi.–53. artikulua. 2015eko urtarrilaren 1etik aurrera izanen du eragina.

“53. artikula. Zati orokorra.

Zerga-oinarriaren zati orokorra aurrezkiaren zati berezian sartzen ez diren etekinek eta ondare gehikuntzek eta murrizketek osatuko dute; hauek, hain zuzen:

a) Foru lege honetako 51., 52.4 eta 52. bis artikuluetan eta Sozietateen gaineko Zergari buruzko abenduaren 30eko 24/1996 Foru Legeko X. tituluko IV. kapituluan aipatzen diren errenta egozpenak eta errendimenduak zergaldi bakoitzean inolako mugarik gabe batzetik ateratzen den saldoa.

b) Hurrengo lerroaldeetan aurreikusitakotik ateratzen diren ondare gehikuntza eta murrizketen saldo positiboa.

Zergaldiko ondare gehikuntzak eta murrizketak batuko dira, hurrengo artikuluan aurreikusitakoak kenduta.

Emaitza positiboa izanez gero, aurreko ekitaldietatik datozen izaera bereko saldo negatiboak konpentsatu eginen dira, zaharrenetatik hasita, baina konpentsazioaren emaitza ez da inoiz negatiboa izanen.

Emaitza negatiboa bada, horren zenbatekoa idatz-zati honen a) letran aurreikusitako saldo positiboarekin konpentsatuko da, saldo positibo horren ehuneko 25 muga gisa harturik.

Letra honetan ezarritakoa aplikatu ondoren saldo negatiborik gelditzen bada, horren zenbatekoa hurrengo lau urteetan konpentsatuko da, aurreko lerroaldeetan ezarritako hurrenkera berean.

Konpentsazioa hurrengo urteetako bakoitzak ahalbidetzen duen zenbateko gehienekoan egin beharko da, eta ezin izanen da egin aurreko lerrokadan aipatzen den epetik kanpo, hurrengo urteetako ondare-gutxitzeei erantsiz”.

Hogei.–54.2. artikulua. 2015eko urtarrilaren 1etik aurrera izanen du eragina.

“2. Aurrezkiaren zati berezia idatz-zati honen a) eta b) letretatik ateratzen diren saldo positiboen batura izanen da.

a) Batu eginen dira ondasun higigarrien kapital etekinak, aurreko idatz-zatiko a) letran aipatzen direnak, aurrezkiaren zati berezian sartutakoak, zergaldiari dagozkionak.

Emaitza positiboa izanez gero, aurreko zergaldietatik datozen izaera bereko saldo negatiboak konpentsatu eginen dira, zaharrenetatik hasita, baina konpentsazio horren emaitza ez da inoiz negatiboa izanen.

Negatiboa bada, horren zenbatekoa konpentsatuko da idatz-zati honen b) letratik ateratzen den saldo positiboarekin, saldo positibo horren ehuneko 25 muga gisa harturik.

Letra honetan ezarritako arauak aplikatu ondoren saldo negatiborik gelditzen bada, horren zenbatekoa hurrengo lau urteetan konpentsatuko da, aurreko lerroaldeetan ezarritako hurrenkera berean.

b) Aurreko idatz-zatiko b) letran aipatzen diren ondare gehikuntzak eta murrizketak, zergaldian lortutakoak, batu eginen dira.

Emaitza positiboa izanez gero, aurreko ekitaldietatik datozen izaera bereko saldo negatiboak konpentsatu eginen dira, zaharrenetatik hasita, baina konpentsazioaren emaitza ez da inoiz negatiboa izanen.

Emaitza negatiboa bada, horren zenbatekoa idatz-zati honen a) letran aurreikusitako saldo positiboarekin konpentsatuko da, saldo positibo horren ehuneko 25 muga gisa harturik.

Letra honetan ezarritako arauak aplikatu ondoren saldo negatiborik gelditzen bada, horren zenbatekoa hurrengo lau urteetan konpentsatuko da, aurreko lerroaldeetan ezarritako hurrenkera berean”.

Hogeita bat.–55. artikulua, lehen lerroaldea. 2016ko urtarrilaren 1etik aurrera izanen du eragina.

“Likidazio-oinarri orokorra kalkulatzeko, zerga-oinarriaren zati orokorrari ondoren azaltzen diren murriztapenak aplikatuko zaizkio:”

Hogeita bi.–55.1.artikulua. Zazpigarrena.a).b´). 2016ko urtarrilaren 1etik aurrera izanen du eragina.

“b') 5.000 euro urtean.

Berrogeita hamar urtez goitiko partaide edo mutualisten kasuan, zenbatekoa 7.000 eurokoa izanen da urtean”.

Hogeita hiru.–55. artikulua, 3. idatz-zatia aldatzea eta 4., 5. eta 7. idatz-zatiak indargabetzea. 2016ko urtarrilaren 1etik aurrera izanen du eragina.

“3. Artikulu honetan aipatzen diren murriztapenak hamahirugarren, hamalaugarren eta hamabosgarren xedapen gehigarrietan ezarritakoekin batera eginen dira”.

Hogeita lau.–57. artikulua. 2016ko urtarrilaren 1etik aurrera izanen du eragina.

“57. artikulua. Aurrezkiaren likidazio-oinarri berezia.

Aurrezkiaren likidazio-oinarri berezia 54. artikuluan ezarritako zerga-oinarriaren aurrezkiaren zati berezia izanen da”.

Hogeita bost.–59.1 artikulua. 2016ko urtarrilaren 1etik aurrera izanen du eragina.

“1. Likidazio oinarri orokorrari ondoko eskalan adierazten diren karga-tasak aplikatuko zaizkio:

LIKIDAZIO-OINARRIA, ZENBATERAINO (eurotan)

 KUOTA OSOA (eurotan)

 OINARRIAREN SOBERAKINA, ZENBATERAINO (eurotan)

 APLIKATZEKOA DEN TASA (ehunekoa)
4. 000

 13,00
4. 000,00

 520

 5. 000

 22,00
9. 000,00

 1. 620

 10. 000

 25,00
19. 000,00

 4. 120

 13. 000

 28,00
32. 000,00

 7. 760

 14. 000

 36,50
46. 000,00

 12. 870

 14. 000

 41,50
60. 000,00

 18. 680

 20. 000

 44,00
80. 000,00

 27. 480

 45. 000

 47,00
125.000,00

 48. 630

 50. 000

 49,00
175.000,00

 73. 130

 125.000

 50,50
300.000,00

 136.255

 Gainerako oinarria

 52,00”

Hogeita sei.–59.3. artikulua, azken lerroaldea. 2015eko urtarrilaren 1etik aurrera izanen du eragina.

“Eskala modu bereizian aplikatzearen ondorioetarako, mantenurako urtesarien zenbateko osoak 6.000 euroko muga izanen du seme edo alaba bakoitzeko. Zenbateko hori 8.000 eurokoa izanen da ehuneko 33ko desgaitasuna edo handiagoa duten seme-alaben kasuan”.

Hogeita zazpi.–60. artikulua. 2016ko urtarrilaren 1etik aurrera izanen du eragina.

“60. artikulua. Aurrezkiaren likidazio-oinarri bereziaren karga.

Aurrezkiaren likidazio-oinarri bereziari ondoko eskalan adierazten diren karga-tasak aplikatuko zaizkio:

LIKIDAZIO-OINARRIA, ZENBATERAINO
(eurotan)

 KUOTA OSOA (eurotan)

 OINARRIAREN SOBERAKINA, ZENBATERAINO (eurotan)

 APLIKATZEKOA DEN TASA (ehunekoa)
6. 000

 19
6. 000

 1. 140

 4. 000

 21
10. 000

 1. 980

 5. 000

 23
15. 000

 3. 130

 Gainerakoa

 25”

Hogeita zortzi.–62.1. artikulua. 2016ko urtarrilaren 1etik aurrera izanen du eragina.

“1. Ohiko etxebizitzarengatiko kenkaria.

a) Subjektu pasiboaren ohiko etxebizitza dena edo izanen dena eskuratzeagatik kasuko zergaldian ordaindutako kopuruaren ehuneko 15, etxebizitza babestutzat kalifikatu bada eta eskuratzen den unean salmenta-prezioaren muga bat ezarria badu. Kenkari horren oinarri gehienezkoa urteko 7.000 eurokoa izanen da.

Kenkaria aplikatzeko ondokoa eskatuko da:

Lehena. Etxebizitza subjektu pasiboaren ohiko bizilekua izatea hiru urteko epean jarraian. Hala ere, etxebizitzak izaera hori izan zuela ulertuko da, nahiz epe hori ez iragan, subjektu pasiboa hiltzen bada edo etxebizitza aldatzera nahitaez behartzen duten inguruabarrak gertatzen badira.

Bigarrena. Subjektu pasiboa etxebizitzan benetan bizitzea eta etengabean hamabi hilabetez, etxebizitza erosi edo obrak bukatzen ziren egunetik kontatzen hasita. Hala ere, subjektu pasiboak ohiko exebizitza badu daukan kargu edo enpleguarengatik, epe hori kargu uztearen egunetik hasiko da kontatzen.

Ohiko etxebizitza erosteko kopurutzat hartuko dira, erregelamendu bidez ezartzen diren baldintzekin eta betebeharrekin, erosteko aukera biltzen duen errentamendu araubidearen kasuan, balio erantsiaren gaineko zerga dela-eta zergaldian ordaindutako kuotak, baldin eta kontratuetan klausula bat baldin badago, erosteko aukera duen pertsona irmoki konprometitzen duena aukera hortaz sei urtetik beherako epean baliatzeko, betiere ohiko etxebizitza erosteko kasuetan, etxebizitza babestutzat kalifikatu bada eta eskuratzen den unean salmenta-prezioaren muga bat ezarria badu. Baldin eta aukera hori ezarritako epean baliatzen ez bada, egindako kenkarirako eskubidea galduko da, eta erregelamenduz ezartzen den moduan erregularizatu beharko da egoera.

Ezkontza-deuseztasuneko, dibortzioko edo banantze judizialeko kasuetan, zergadunak kenkari hori baliatzen jarraitu ahalko du, erregelamendu bidez ezartzen denari jarraikiz, ezkontzak indarra izan zuen bitartean ohiko etxebizitza izan zena eroste aldera zergaldian ordaindutako kopuruena hain zuzen ere, baldin eta ohiko etxebizitza izaten jarraitzen badu elkarrekin izaniko seme-alabentzat eta haiekin gelditzen den gurasoarentzat, etxebizitza babestutzat kalifikatu bada eta eskuratzen denean saltzeko prezioan muga ezarria badu.

b) Kenkari honen oinarria etxebizitza erosteko ordaindutako diru kopuruek osatuko dute, eroslearen kargu sortu diren gastuak barne. Inoren finantzaketarekin egin bada, horren ondoriozko amortizazioa, korrituak eta gainerako gastuak ere gehituko zaizkio oinarriari.

Hauxe kenduko zaio aurreko lerroaldean aipatzen den kenkari-oinarriari: aurretik zegoen ohiko etxebizitzarengatik kuotari kendu zaizkion kenkariei zegokien oinarriaren zenbatekoa, eta baita ohiko etxebizitza berrian berriro inbertitzeagatik salbuetsitako ondare-gehikuntzaren zenbatekoa ere. Aipatutako kenketa hori egiteko, subjektu pasiboak ezin izango du ohiko etxebizitza berria erosteagatiko kenkaria aplikatu kuotan, baldin eta berri horretan inbertitzen diren zenbatekoek ez badituzte gainditzen lehen aipatutako kopuruak.

c) Ohiko etxebizitza edo etxebizitzak erosi edo zaharberritzeagatik egindako kenkariei dagozkien oinarrien zenbateko osoak ezin izanen du 120.000 euroko zenbatekoa gainditu, subjektu pasiboaren zergaldien batura aintzat hartuz.

d) Idatz-zati honetan xedatutakoaren eraginetarako, zergak aitorpen bateratua eginez ordaindu diren zergaldietan ohiko etxebizitza erosi edo zaharberritzeagatik egindako kenkariei dagozkien oinarriak, kenkarirako eskubidea sortu zuten subjektu pasiboek egindakotzat hartuko dira.

e) Kenkari honetarako, ezkontzaren araubide ekonomikoa konkista edo ganantzialak direlarik, joko da ezkontzak iraun duen artean pagatu diren kopuruak, idatz-zati honetako b) letrak aipatzen dituenak, konkista edo ganantzial sozietatearen funtsekin egin direla, eta kenkaria ezkontide bakoitzari dagokio bakoitzak sozietate horretan duen parte-hartzearen proportzioan.”

f) Aurreko a) letran ezarritakoa gorabehera, ohiko etxebizitza egokitzeko lan eta instalazioak egiten dituzten subjektu pasiboek, baita etxebizitza hori babestutzat kalifikatu ez denean ere, zilegi izanen dute ohiko etxebizitzarengatik aurreikusitako kenkaria aplikatzea, baita lan horiek eraikinaren elementu komunak eta finkatik bide publikora pasatzeko beharrezkoak direnak badira ere, ondoko zehaztapen hauekin:

a') Egokitze lan edo instalazioek Administrazio eskudunaren ziurtagiria izanen dute, haien irisgarritasuna eta zentzumen-komunikazioa bermatzeko beharrezkoak direla frogatzeko, bide emanen baitute horrela ezgaitasuna duten pertsonak haietan duintasunez moldatzeko, erregelamendu bidez ezarritako moduan.

b') Subjektu pasiboaren ohiko etxebizitzan egokitze lan edo instalazioak egin behar baldin badira subjektu pasiboak berak, haren ezkontideak edo bikotekide iraunkorrak, edo harekin bizi den ahaideren batek, zuzenekoa nahiz albokoa, odolkidetasunezkoa nahiz ezkontza bidezkoa, hirugarren gradura bitartekoa, hori barne, ezgaitasuna izateagatik, zilegi izanen da horiengatik kenkaria egitea.

c') Etxebizitzan b') letran aipaturiko pertsonetatik edozeinek bizi beharko du, jabe, errentari, azpierrentari nahiz usufruktudun izan.

Ulertuko da etxebizitza nahitaez aldatzea eskatzen duen egoera dela aurreko etxebizitza desegokia izatea ezgaitasuna dela-eta.

d') Egin beharreko obrak hiri-finkatik bide publikora pasatzeko beharrezkoak diren eraikineko elementu komunak aldatzeko nahiz zentzumenezko komunikaziorako oztopoak gainditzeko edo haien segurtasuna bultzatzeko balio duten dispositibo elektronikoak aplikatzeko behar direnak baldin badira, aurreko b') letran aipatutako subjektu pasiboaz gain, etxebizitza dagoen ondasun higiezinaren jabekide diren subjektu pasiboek ere aplikatzen ahalko dute kenkari hori.

g) Bi seme-alaba edo gehiagoko familia unitateen kasuan, a) letran adierazitako ehuneko 18koa izanen da. Portzentaje hori ehuneko 30ekoa izanen da abenduaren 31n familia ugariak direnen ohiko etxebizitzaren kasuan, Familia Ugariei buruzko martxoaren 25eko 20/2003 Foru Legean ezarritakoaren arabera.

h) Subjektu pasiboak kenkari hau aplikatzeko eskubidea izanen du zergaldiko oinarrien batura, 53. eta 54. artikuluek ezarritakoaren arabera kalkulatua eta, kasua bada, 55.2 artikuluak aipatzen dituen pentsio konpentsatzaileek gutxitua, ondoko zenbateko hauek baino txikiagoa baldin badauka:

a') 24.000 euro, orokorki.

b') 27.000 euro, kenkaria edukitzeko eskubidea ematen dien seme-alaba bat edo bi dituzten subjektu pasiboentzat.

c') 30.000 euro, g) letran aipatzen den familia ugaria bada.

Ezgaitasuna % 33koa baino handiagoa eta % 65ekoa baino txikiagoa duten subjektu pasiboendako, igoera 3.000 eurokoa izanen da; eta 7.000 eurokoa, ezgaitasun maila % 65ekoa edo handiagoa dutenendako. Lerrokada honetan adierazitako zenbatekoak 1.500 euro edo 3.500 euro izanen dira, hurrenez hurren, ezgaitasuna izan eta kenkaria edukitzeko eskubidea ematen duen ondorengo ahaide bakoitzagatik”.

Hogeita bederatzi.–62.5. artikulua. 2016ko urtarrilaren 1etik aurrera izanen du eragina.

“5. Lanagatiko kenkaria.

Lehena. Lan etekinak lortzen dituzten subjektu pasiboek diru-kopuru hauek kentzen ahalko dituzte:

a) 9.100 euroko edo hortik beherako laneko errendimendu garbiak dituzten subjektu pasiboak: 1.400 euro.

b) 9.100,01 eta 10.600 euro bitarteko laneko errendimendu garbiak dituzten subjektu pasiboak: kenkaria 1.400 eurokoa izanen da, eta horri formula honetatik ateratzen dena kenduko zaio: etekin garbien eta 9.100 euroren ateko aldea bider 0,2.

c) 12.600,01 eurotik 35.000 eurora bitarteko lan etekin garbiak dituzten subjektu pasiboak: 700 euro.

d) 35.000,01 eta 50.000 euro bitarteko laneko etekin garbiak dituzten subjektu pasiboak: kenkaria 700 eurokoa izanen da, eta horri formula honetatik ateratzen dena kenduko zaio: etekin garbi horien eta 35.000 euroren ateko aldea bider 0,02.

e) 50.000,01 eurotik gorako lan etekin garbiak dituzten subjektu pasiboak: 400 euro.

Bigarrena. Ehuneko 33ko desgaitasuna edo handiagoa eta ehuneko 65ekoa baino txikiagoa izanik, jarduneko langile gisa aritu eta lan etekinak lortzen dituzten subjektu pasiboen kasuan, aurreko idatz-zatian aipatzen den kenkaria ehuneko 50 handiagoa izanen da. Desgaitasuna ehuneko 65ekoa edo handiagoa dutenentzat kenkaria ehuneko 100 handituko da.

Hirugarrena. Bosgarren idatz-zati honetan aurreikusitako kenkariaren zenbatekoak ezin izanen du gainditu foru lege honetako 59.1 artikuluko eskala lan etekin garbiei aplikatzetik heldu den emaitza”.

Hogeita hamar.–62.7 artikulua, lehen eta bigarren lerroaldeak. 2016ko urtarrilaren 1etik aurrera izanen du eragina.

“7. Arrisku-kapitaleko entitateen kapitalari edo funts berekiei egindako ekarpenengatiko kenkaria.

Arrisku-kapitaleko entitateen kapitalari edo funts berekiei egindako diru ekarpenek kuota osoan kenkari bat izateko eskubidea emanen dute, zeina gauzatuko baita Sozietateen gaineko Zergari buruzko abenduaren 30eko 24/1996 Foru Legeko 110.10. artikuluan ezarritako moduan eta baldintzetan”.

Hogeita hamaika.–62. artikuluari 9. idatz-zatia gehitzea. 2016ko urtarrilaren 1etik aurrera izanen du eragina.

“9. Kenkari pertsonal eta familiarrak:

a) Gutxieneko pertsonalarengatik.

Oro har, gutxieneko pertsonalarengatiko kenkaria subjektu pasibo bakoitzeko urteko 972 eurokoa izanen da. Zenbateko horri honako hauek gehituko zaizkio:

a') 237 euro, hirurogeita bost urte edo gehiago dituzten subjektu pasiboentzat. Zenbatekoa 525 eurokoa izanen da subjektu pasiboak hirurogeita hamabost urte edo gehiago baldin baditu.

b') 688 euro desgaitasuna duten subjektu pasiboentzat, ehuneko 33ko desgaitasuna edo handiagoa eta ehuneko 65ekoa baino txikiagoa dutela frogatzen badute. Zenbateko hori 2.475 eurokoa izanen da subjektu pasiboak frogatzen badu % 65eko desgaitasun-maila edo handiagoa duela.

b) Gutxieneko familiarrengatik:

Gutxieneko familiarrengatik, kenkariak hauek izanen dira:

a') Subjektu pasiboarekin bizi, eta urtean ondorio askotarako errenta-adierazle publikoa (IPREM) baino errenta altuagorik jasotzen ez duen aurreko ahaide bakoitzeko, errenta salbuetsiak kenduta, zenbateko hauetako bat:

–237 euro, aurreko ahaideak hirurogeita bost urte edo gehiago baditu edo, gazteagoa izan arren, idatz-zati honetako c') letran aurreikusitako kenkariak aplikatzeko eskubidea sortzen badu.

–525 euro, baldin eta aurreko ahaideak hirurogeita hamabost urte edo gehiago baditu.

Letra honetan aurreikusitako errenten muga, aurreko ahaide horiek familia unitate baten parte badira, ondorio askotarako errenta-adierazle publikoa (IPREM) halako bi izanen da, familia unitate osorako.

b') Hogeita hamar urte baino gutxiagoko ondorengo ahaide ezkongabe bakoitzeko, baldin eta subjektu pasiboarekin bizi bada eta ondorio askotarako errenta-adierazle publikotik (IPREM) goragoko urteko errentarik jasotzen ez badu, salbuetsiak bazter utzirik:

–433 euro urtean, lehenbizikoagatik.

–460 euro urtean, bigarrenagatik.

–657 euro urtean, hirugarrenagatik.

–880 euro urtean, laugarrenagatik.

–998 euro urtean, bosgarrenagatik.

–1.155 euro seigarrenagatik eta ondokoengatik.

Zenbateko horiek orobat aplikatuko dira ondorengo ahaide ezkongabe bakoitzeko, haren adina zein ere den, baldin eta eskubidea ematen badu ondoko c') letran aurreikusitako kenkariak baliatzeko.

Horretaz gain, letra honetan ezarritako zenbatekoak aplikatzeko eskubidea ematen duten hiru urte baino gutxiagoko ondorengo ahaide edo haur adoptatu bakoitzeko, 578 euro urtean. Zenbateko hori 1.050 eurokoa izanen da urtean, baldin eta, aplikatzekoak diren arauen eta hitzarmenen arabera, adopzioak nazioartekoak badira. Adopzio kasuetan, kasuko kenkaria aplikatuko da Erregistro Zibileko izen-ematearen zergaldian eta hurrengo bietan.

c') Subjektu pasiboarekin bizi den ondorengo ahaide ezkongabe edo aurreko ahaide bakoitzeko, bere adina zein ere den, 605 euro urtean, arestiko letretan xedatutakoari jarraikiz bidezkoak diren zenbatekoez gain, baldin eta ondoko baldintzak betetzen badituzte: horien urteko errentak, salbuetsiak kanpo, kasuan kasuko zergaldian, ondorio askotarako errenta-adierazle publikoa (IPREM) baino handiagoak ez izatea, desgaitasunen bat izatea, eta desgaitasuna ehuneko 33koa edo handiagoa eta ehuneko 65ekoa baino txikiagoa dela frogatzea. Zenbateko hori 2.118 eurokoa izanen da urtean, egiaztatutako desgaitasun maila % 65ekoa edo handiagoa bada.

Aurreko ahaide horiek familia unitate baten parte badira, aurreko lerrokadan aurreikusitako errenten muga ondorio askotarako errenta-adierazle publikoaren halako bi izanen da, familia unitate osorako.

Aurreko b') eta c') letretan xedatutakoaren ondorioetarako, ondorengo ahaideen sailkapen berean sartuko dira aplikatzekoa den legedi zibilean ezarritako terminoetan egindako tutoretza, umeordetze edo harrera kasuengatik subjektu pasiboarekin lotura duten pertsonak, aurreko edo ondorengo ahaideak ez direnak.

Bi subjektu pasibok edo gehiagok baldin badute gutxieneko familiarrengatiko kenkariak aplikatzeko eskubidea, zenbatekoa haien artean banatuko da zati berdinetan. Ondorengo ahaideen zaintza partekatuaren kasuetan, berdin jokatuko da.

Nolanahi ere, subjektu pasiboek ahaidetasun gradu desberdina baldin badute aurreko ahaidearekin, ondorengoarekin edo pertsona lagunduarekin, gutxieneko familiarrarengatiko kenkaria gradurik hurbilenekoei aplikatuko zaie, non eta horiek ez duten ondorio askotarako errenta-adierazleaz (IPREM) goitiko errentarik (salbuetsiak alde batera utzita), kasu horretan hurrengo gradukoei aplikatuko baitzaie.

c) Ondorengo eta aurreko ahaideak, beste ahaide batzuk eta desgaitasuna duten pertsonak zaintzeagatik:

Kengarria izanen da subjektu pasiboak Gizarte Segurantzarekiko kotizazioengatik zergaldian ordaindutako kopuruen ehuneko 25, bai eta Gizarte Segurantzako kotizazio-oinarriaren ehuneko 3,75 ere, ondoko ezaugarriak dituzten pertsonak etxean zaintzeko lanetan aritzen direnekin formalizatutako kontratuen ondorioz:

a') Hamasei urtetik beherako ondorengoak.

b') Subjektu pasiboari eskubidea ematen diotenak artikulu honetako b) letrako a') edo c') letretan aurreikusitako gutxieneko familiarrarengatiko kenkaria aplikatzeko, edo hamahirugarren xedapen iragankorrean ezarritako baldintzetan pertsona lagunduaren izaera duten ahaideengatiko kenkaria aplikatzeko.

c') Aurreko ahaideak, anai-arrebak eta osaba-izebak, artikulu honen b) letrako a') edo c') letretan aurreko ahaideentzat ezarritako baldintzak betetzen badituzte.

Kenkari hori ere aplikatzen ahalko da subjektu pasiboa bera zaintzeko formalizatutako kontratuen kasuan, hirurogeita bost urte edo gehiago baditu edo ehuneko 65eko edo gehiagoko desgaitasuna frogatzen badu”.

Hogeita hamabi.–62.12. artikulua. 2016ko urtarrilaren 1etik aurrera izanen du eragina.

“12. Energia berriztagarrien instalazioetan inbertitzeagatiko kenkariak.

Eraikinetan erabilera termikorako instalazioetan egindako inbertsioek, energia iturria biomasa, geotermia edo eguzki-energia badute, eskubide emanen dute inbertsio horien ehuneko 15eko kenkaria aplikatzeko.

Eraikuntzaren Kode Teknikoari jarraikiz proiektu batean derrigorrezkoa bada energia berriztagarrien instalazio bat egitea etxeko ur beroa sortzeko, inbertsio horien kenkaria aplikatzeko, aipatu instalazioa diseinatu beharko da, halaber, berokuntzari eta/edo hozteari laguntza emateko, eta bakarrik aplikatuko da instalazioaren kostuaren ehuneko 70eko kenkaria, ulertzen baita gainerako ehuneko 30 dela aipatu araua betetzeko egin behar den inbertsioa.

Era berean, autokontsumorako instalazio fotovoltaikoetan eta instalazio eolikoetan egindako inbertsioaren ehuneko 15eko kenkaria egonen da. Zilegi izanen da sisteman energia elektrikoaren metaketa egotea.

Instalazio fotovoltaikoek ez dute kenkaria izateko eskubiderik emanen, Eraikuntzaren Kode Teknikoaren arabera derrigorrezko izaeta badute, salbu eta haien potentzia izenduna eskatzen den gutxienekoa baino handiagoa bada. Halakoetan, instalazioaren kostuaren kenkaria egon daiteke, eskatzen den gutxieneko horretatik gora instalatutako potentziaren proportzioan.

Instalazio fotovoltaikoak ondotik aipatzen diren kokapenetako bat izanen du:

a) Eraikin finko eta itxietako teilatu eta fatxadetan, baldin eta material sendoen bidez eginak badaude eta etxebizitza, zerbitzu, merkataritza edo industriarako erabiltzen badira, nekazaritza eta abeltzaintza sektorekoak barne.

b) Eusteko egitura finkoetan, aparkalekuak estaltzeko edo itzala emateko erabiltzen badira, bi kasuetan lehenagoko erabilerarako eremuetan kokaturik badaude.

Energiaren arloko organo eskudunak egindako inbertsioei buruzko egiaztapen-txosten bat emanen du, baina bertan ez dira sartuko energiaren produkziorako helburuak betetzeko beharrezkoak ez diren elementuen inbertsioa. Halaber egiaztatuko du instalazioak zerbitzuan jarri direla aplikatzekoa den erregelamendu teknikoaren arabera.

Kenkariaren oinarria txosten horretan egiaztatutako inbertsioen zenbatekoak determinatuko du.

Aurreko lerrokadetan ezarritakoa aplikatuko da instalazio horiek enpresa- nahiz lanbide-jarduerei atxikita ez daudenean.

Aipatutako instalazioak enpresa- edo lanbide-jarduerei atxikita baldin badaude, kenkaria aplikatuko da sozietateen gaineko zergari buruzko araudian ezarritakoaren arabera eta artikulu honetako 3. atalean ezarritakoarekin bat”.

Hogeita hamahiru.–68. bis. 4. artikulua. 4. idatz-zatia dena 5. idatz-zatia izanen da aurrerantzean. 2016ko urtarrilaren 1etik aurrera hasten diren zergaldietan izanen ditu ondorioak.

“4. Kenkariaren zenbatekoa ez da 500 eurotik gorakoa izanen sebjektu pasibo bakoitzeko”.

Hogeita hamalau.–73.2. artikulua. 2015eko urtarrilaren 1etik aurrera izanen du eragina.

“2. 53. artikuluko b) letrako likidazio-oinarri negatiboak eta saldo negatiboa, hala nola 54.2. artikuluko a) eta b) letretako saldo negatiboak, familia-unitateko kide batenak edo gehiagori dagozkienak, beste kide batzuen errenta positiboekin konpentsatuko dira, III. tituluko III. eta IV. kapituluetan ezarritako konpentsazio arauak aplikatuz. 53. eta 54. artikuluetan aipatzen den ehuneko 25eko muga bete behar duten konpentsazioak familia unitateko kideen artean egiten ahalko dira, soilik, haietako bakoitzak muga horretara iritsi ez bada. Konpentsazioa errenta-zati bakoitzaren kopuruaren hurrenkerari jarraituz eginen da, handienetik txikienera”.

Hogeita hamabost.–73.4. artikulua. 2016ko urtarrilaren 1etik aurrera izanen du eragina.

“4. Behin familia unitatearen kuota osoa kalkulatuta, bertan eginen dira 62. eta 66. artikuluetan ezarritako kenkariak, subjektu pasibo bakoitzaren banakako tributazioan dagozkionak, familia unitatearen kuota likidoa eta kuota diferentziala zehazteko, hurrenez hurren. Nolanahi ere, 62.9.a) artikuluan aipatzen den gutxieneko pertsonalarengatiko kenkaria, seme edo alaba bakoitzari dagokiona, ez da banakako kuota osoa baino handiagoa izanen”.

Hogeita hamasei.–75. artikulua. 2016ko urtarrilaren 1etik aurrera izanen du eragina.

“75. artikulua Baterako tributazioaren arau bereziak.

Baterako zerga-ordainketaren kasuetan, ondoko erregela bereziak aplikatuko dira:

Lehena. 62.1.h) artikuluan aipatzen den oinarrien baturaren zenbatekoa honakoak baino txikiagoa izanen da familia unitate osoarentzat:

a') 48.000 euro, oro har.

b') 54.000 euro, seme edo alaba bat edo bi seme-alaba dituzten familia unitateak direnean, horiek kenkaria egiteko eskubidea ematen badute.

c') 60.000 euro, familia ugarien kasuan, Familia Ugariei buruzko martxoaren 25eko 20/2003 Foru Legean ezarritakoaren arabera, abenduaren 31n izaera hori badute.

Zenbateko horiei 3.000 euro gehituko zaizkie ehuneko 33tik gorako eta ehuneko 65etik beherako desgaitasuna duen subjektu pasibo edo ondorengo bakoitzeko, kenkaria egiteko eskubidea ematen badu, edo 7.000 euro desgaitasuna ehuneko 65ekoa edo handiagoa denean.

Bigarrena.–62.1.a) artikuluan ezartzen den kenkarirako gehieneko oinarria 15.000 eurokoa izanen da familia unitate osoarentzat.

62. 1.c) artikuluan ezartzen diren kenkarirako oinarrien zenbatekoa, guztira, 240.000 eurokoa izanen da familia unitate osoarentzat.

Hirugarrena.–62.2. artikuluan aipatzen den errenten gehieneko zenbatekoa 60.000 eurokoa izanen da familia unitate osoarentzat.

Laugarrena.–64.1 artikuluan ezarritako muga familia unitateko kide guztien likidazio-oinarrien baturari aplikatuko zaio.

Bosgarrena.–64.2 artikuluan ezarritako muga familia unitateko kide guztien kuoten baturari aplikatuko zaio.

Seigarrena.–71.1.c) artikuluan aipatzen diren familia unitateen kasuan, aitari edo amari dagokion gutxieneko pertsonalarengatiko kenkaria (62.9.a) artikuluan ezarritakoa) 600 euro handituko da. Igoera hori ez da gertatuko aita eta ama elkarrekin bizi badira eta zaintza partekatuko kasuetan”.

Hogeita hamazazpi.–77.6. artikulua. 2016ko urtarrilaren 1etik aurrera izanen du eragina.

“6. 62.9.b) artikuluan aipatzen diren eta subjektu pasiboari dagozkion gutxieneko familiarrengatiko kenkariak zergaldia osatzen duten urte naturaleko egunen kopuruaren proportzioan gutxituko dira, salbu eta baterako tributazioaren kasuan, osorik kontatuko baitira.

Aurreko lerroaldean ezarritakoaren arabera egindako kenkarien zenbatekoak, edozein kasutan ere, gutxituko eginen du beste subjektu pasibo batzuek kontzeptu berdinengatik egin ditzaketen kenkarien zenbatekoa, horretarako eskubidea badute”.

Hogeita hemezortzi.–Bosgarren xedapen gehigarria aldatzen da, 2016ko urtarrilaren 1etik aurrerako eraginarekin.

“Bosgarren xedapen gehigarria.–Pertsona ezgaitutzat jotzea eta ezgaitasunaren gradua egiaztatzea.

1. Zerga honen ondorioetarako, 100eko 33ko edo gehiagoko ezgaitasuna dutenak hartuko dira pertsona ezgaitutzat.

2. Aurreko idatz-zatian ezarritakoaren ildotik, ezgaitasunaren gradua egiaztatutzat joko da Foru Komunitateko, Estatuko Administrazioko edo dagokion autonomia erkidegoko organo eskudunek egiaztatzen dutenean.

3. Hala ere, ulertuko da 100eko 33ko edo gehiagoko ezgaitasuna dutela administrazio publikoek aitortutako prestazioak, 100eko 65eko edo gehiagoko ezintasunaren ondoriozkoak, jasotzen dituzten pertsonek, aipatu prestazioak erabateko ezintasun iraunkorraren edo baliaezintasun handiaren ondoriozkoak direnean.

Halaber, ulertuko da 100eko 65eko edo gehiagoko ezgaitasuna dutela judizialki deklaratutako ezgaitasuna duten pertsonek eta mendekotasun egoera bat, edozein gradutakoa, aitortua dutenek”.

Hogeita hemeretzi.–Hamalaugarren xedapen gehigarria, 2.a) letraren azken lerroaldea aldatzea. 2016ko urtarrilaren 1etik aurrera izanen du eragina.

“Aurreko lerroaldean aipatzen diren murriztapenak 55.1 artikuluan ezarritakoekin batera aplikatuko dira”.

Berrogei.–Hogeita seigarren xedapen gehigarria. 2015eko urtarrilaren 1etik aurrerako ondorioekin.

“Hogeita seigarren xedapen gehigarria. Nahitaez erantzun beharreko estatistikak egiten laguntzen dutenek jasotako kalte-ordainak.

Nahitaez erantzun beharreko estatistiketan laguntzen dutenek jasotako kalte-ordainak, Nafarroako Estatistikaren ekainaren 27ko 11/1997 Foru Legearen 23. artikuluan aipatzen direnak, ez dira sartuko pertsona fisikoen errentaren gaineko zergaren edo sozietateen gaineko zergaren zerga-oinarrian”.

Berrogeita bat.–Hogeita zazpigarren xedapen gehigarria. 2015eko urtarrilaren 1etik aurrerako ondorioekin.

“Hogeita zazpigarren xedapen gehigarria. Dibidendu digitalaren liberazioak ukitutako eraikinetan telebista bidezko ikus-entzunezko komunikazio zerbitzuak jaso edo ikusteak eragindako kostuak konpentsatzeko diru-laguntzak.

Dibidendu digitalaren liberazioak ukitutako eraikinetan telebista bidezko ikus-entzunezko komunikazio zerbitzuak jaso edo ikusteak eragindako kostuak konpentsatzeko diru-laguntzak zuzenean ematea arautzen duen urriaren 31ko 920/2014 Errege Dekretuan xedatutakoari jarraikiz emandako laguntzak ez dira sartuko pertsona fisikoen errentaren gaineko zergaren edo sozietateen gaineko zergaren zerga-oinarrian”.

Berrogeita bi.–Hogeita zortzigarren xedapen gehigarria, 1. idatz-zatia, lehen, bigarren eta hirugarren lerroaldeak. 2016ko urtarrilaren 1etik aurrera izanen du eragina.

“1. Zergaldian ohiko etxebizitza zaharberritzeko ordaindutako diru-kopuruek ondoko tratamendua izanen dute pertsona fisikoen errentaren gaineko zergan, ohiko etxebizitzako inbertsioagatik kuotan egin beharreko kenkariari dagokionez, baldin eta etxebizitza eta hiri ondarea zaharberritzeko babesari dagokionez legez eska daitezkeen baldintzak bete eta Lurraldearen Antolamendu eta Etxebizitza Departamentuak emandako egiaztagiriaren bidez frogatzen badira:

Hamabosgarren xedapen iragankorrean xedatutakoa aplikatuko da, eta 62.1 artikuluaren a) eta g) letretan ezarritako kenkarien ehunekoak hiru puntu handiagoak izanen dira, ehuneko 18koa, ehuneko 21ekoa eta ehuneko 33koa, hurrenez hurren.”

Zaharberritzeko lan horiek energia eraginkortasuna hobetzekoak ere barne hartzen badituzte, 62.1 artikuluaren a) eta g) letretan ezarritako kenkarien ehunekoak bost puntu handiagoak izanen dira, ehuneko 20koa, ehuneko 23koa eta ehuneko 35ekoa, hurrenez hurren”.

Berrogeita hiru.–Hogeita hamahirugarren xedapen gehigarria, 1. idatz-zatia, lehen lerroaldea. 2016ko urtarrilaren 1etik aurrera izanen du eragina.

“1. Ohiko etxebizitzaren inbertsioagatiko kenkariaren ondorioetarako, prezio libre mugatuko etxebizitzaren kalifikazioa jasotzeko baldintzak betetzen dituen etxebizitzaren lehen erosleak zergaldian ordaindutako zenbatekoen kasuan, hamabosgarren xedapen iragankorrean xedatutakoa aplikatuko da, eta 62.1 artikuluaren a) eta g) letretan ezarritako kenkarien ehunekoak bost puntu handiagoak izanen dira eta, beraz, ehuneko 20koa, ehuneko 23koa eta ehuneko 35ekoa, hurrenez hurren”.

Berrogeita lau.–Hogeita hamabosgarren xedapen gehigarria, 1. idatz-zatia, lehen lerroaldea. 2016ko urtarrilaren 1etik aurrera izanen du eragina.

“1. Ohiko etxebizitzaren inbertsioagatiko kenkariaren ondorioetarako, babes ofizialeko edo prezio tasatuko etxebizitzaren kalifikazioa jasotzeko baldintzak betetzen dituen etxebizitzaren erosleak zergaldian ordaindutako zenbatekoen kasuan, hamabosgarren xedapen iragankorrean xedatutakoa aplikatuko da, eta 62.1 artikuluaren a) eta g) letretan ezarritako kenkarien ehunekoak bost puntu handiagoak izanen dira eta, beraz, ehuneko 20koa, ehuneko 23koa eta ehuneko 35ekoa, hurrenez hurren”.

Berrogeita bost.–Hogeita hemeretzigarren xedapen gehigarria. 2015eko urtarrilaren 1etik aurrera izanen du eragina.

“Hogeita hemeretzigarren xedapen gehigarria. Sozietateen gaineko Zergari buruzko abenduaren 30eko 24/1996 Foru Legearen 28. artikuluaren arabera bazkideei edo lotutako pertsonei ordaindutako etekinen gaineko atxikipenak.

66. eta 80.3 artikuluetan ezarritakoa gorabehera, entitate batek bere bazkideei edo berarekin lotutako pertsonei ordaindutako etekinak atxikipenaren menpe baldin badaude, bazkidearen edo lotutako pertsonaren zergan egiten ahalko da kenkaria atxikipenengatik baldin eta behar bezala egin badira eta egiaz ordaindu zerga administrazioan”.

Berrogeita sei.–Berrogeigarren xedapen gehigarria. 2015eko urtarrilaren 1etik aurrera izanen du eragina.

“Berrogeigarren xedapen gehigarria.–2015eko urtarrilaren 1a baino lehenago sortutako menpeko zorrak edo lehentasunezko partaidetzek eragindako errenta negatiboen konpentsazioa.

54. 2 artikuluan eta hirugarren xedapen iragankorraren 5. atalean ezarritakoa gorabehera, 2010., 2011., 2012., 2013. eta 2014ko zergaldiei dagozkien saldo negatiboetatik 2015eko urtarrilaren 1ean konpentsatu gabe dagoen zatia, jatorria menpeko zorren baloreek edo maiatzaren 25eko 13/1985 Legearen bigarren xedapen gehigarrian ezarritako baldintzetan emandako lehentasunezko partaidetzek eragindako ondasun higigarrien kapitalaren etekin negatiboetan baldin badu, edo ondasun higigarrien kapitalaren etekin negatiboetan edo ondare galeretan, baldin eta balio horien berrerosketa eta harpidetze edo truke eragiketetatik badatoz, 54.2 artikuluaren a) eta b) letretan aipatzen diren saldo positiboetako edozeinekin konpentsatzen ahalko dira. 13/1985 Legeak finantza bitartekarien inbertsio koefizienteak, baliabide berekiak eta informazio betebeharrak arautzen ditu.

Konpentsazio hori egin ondoren saldo negatiboa egonez gero, haren zenbatekoa aurreko lerroaldean ezarritako moduan konpentsatzen ahalko da, 2018an amaitzen den zergaldia arte.

Saldo negatibotik idatz-zati honen lehen lerroaldean aipatzen diren errentatik datorren zatia zein den zehazte aldera, beste izaera bateko errenta batzuk kontuan hartu direnean horiek zehazteko, eta saldo negatiboa hein batean konpentsatu bada ondoren, ulertuko da konpentsazioak bere eragina izan zuela, lehendabizi, izaera desberdineko errentei dagokien saldoaren zatian”.

Berrogeita zazpi.–Berrogeita batgarren xedapen gehigarria. 2016ko urtarrilaren 1etik aurrera izanen du eragina.

“Berrogeita batgarren xedapen gehigarria.–Lan etekinen gaineko atxikipenen edo konturako diru-sarreren portzentajeak.

1. Atxikipen-portzentajeen taula orokorra:

URTEKO ETEKINA EUROTAN

 SEME-ALABEN ETA BESTE ONDORENGO BATZUEN KOPURUA
Seme-alabarik gabe

 1

 2

 3

 4

 5

 6

 7

 8

 9

 10 edo gehiago.
11. 250 baino gehiago

 4,0

 2,0

 0,0

 0,0

 0,0

 0,0

 0,0

 0,0

 0,0

 0,0

 0,0
12. 750 baino gehiago

 6,0

 4,0

 2,0

 0,0

 0,0

 0,0

 0,0

 0,0

 0,0

 0,0

 0,0
14. 250 baino gehiago

 8,0

 6,0

 4,0

 2,0

 0,0

 0,0

 0,0

 0,0

 0,0

 0,0

 0,0
16. 750 baino gehiago

 10,0

 8,0

 6,0

 4,0

 1,0

 0,0

 0,0

 0,0

 0,0

 0,0

 0,0
19. 750 baino gehiago

 12,0

 11,0

 9,0

 7,0

 6,0

 4,0

 0,0

 0,0

 0,0

 0,0

 0,0
23. 250 baino gehiago

 13,5

 12,2

 11,5

 8,7

 7,7

 5,7

 3,6

 0,0

 0,0

 0,0

 0,0
25. 750 baino gehiago

 14,6

 13,3

 12,6

 9,9

 9,2

 7,8

 5,8

 3,8

 0,8

 0,0

 0,0
28. 250 baino gehiago

 15,8

 14,5

 13,7

 12,4

 10,7

 8,9

 7,9

 5,9

 3,9

 0,9

 0,1
32. 250 baino gehiago

 17,0

 16,0

 15,0

 13,6

 12,5

 10,8

 10,0

 8,0

 7,0

 5,0

 2,0
35. 750 baino gehiago

 18,1

 17,1

 16,5

 14,7

 14,0

 13,3

 12,2

 10,2

 9,1

 7,1

 6,1
41. 250 baino gehiago

 20,0

 19,0

 18,3

 16,9

 16,2

 15,5

 13,7

 12,4

 11,3

 10,2

 9,2
48. 000 baino gehiago

 22,1

 21,5

 20,9

 18,9

 18,3

 17,7

 16,6

 15,6

 14,5

 13,4

 12,3
55. 000 baino gehiago

 24,1

 23,5

 23,0

 22,0

 21,5

 20,9

 19,8

 18,7

 17,7

 16,6

 15,0
62. 000 baino gehiago

 26,1

 25,5

 24,5

 24,0

 23,5

 22,9

 21,9

 21,4

 19,8

 18,7

 17,2
69. 250 baino gehiago

 28,3

 27,7

 27,0

 26,6

 25,5

 25,0

 24,4

 22,9

 21,8

 20,3

 19,3
75. 250 baino gehiago

 29,6

 29,2

 28,3

 27,3

 27,2

 26,2

 26,1

 24,5

 23,4

 22,3

 21,3
82. 250 baino gehiago

 30,8

 30,5

 30,0

 29,4

 29,0

 28,3

 27,7

 26,6

 25,6

 24,5

 23,9
94. 750 baino gehiago

 32,2

 31,7

 31,2

 30,8

 30,4

 30,0

 29,5

 28,9

 27,8

 26,8

 25,7
107.250 baino gehiago

 33,5

 33,0

 32,6

 32,3

 32,0

 31,5

 31,0

 30,0

 29,5

 28,5

 28,0
120.000 baino gehiago

 35,1

 34,8

 34,6

 34,0

 33,5

 32,9

 32,4

 31,3

 30,7

 29,7

 29,1
132.750 baino gehiago

 36,2

 36,0

 35,8

 35,0

 34,5

 33,9

 33,4

 32,8

 32,0

 31,0

 30,0
146.000 baino gehiago

 38,0

 37,5

 37,0

 36,5

 35,5

 34,9

 34,4

 34,0

 33,5

 32,0

 31,5
200.000 baino gehiago

 40,0

 39,8

 39,4

 39,0

 38,5

 38,0

 37,5

 35,5

 34,5

 33,7

 33,0
280.000 baino gehiago

 42,0

 41,5

 41,2

 40,8

 40,0

 39,5

 39,0

 37,0

 36,0

 35,2

 34,5
350.000 baino gehiago

 43,0

 42,9

 42,8

 42,5

 41,5

 41,0

 40,5

 38,5

 37,5

 36,7

 36,0

2. Jardunean izan eta desgaitasuna duten langileei goiko 1. idatz-zatian ezarritako taulan dagokien atxikipena eginen zaie, baina ondoko eskalan ageri den koefiziente murriztailea aplikatuta:

URTEKO ETEKINAK (euroak)

 DESGAITASUN GRADUA
Zenbateko honetatik

 Zenbateko honetara

 100eko 33 edo gehiago

 100eko 65 edo gehiago
11. 250,01

 23. 250

 5

 15
23. 250,01

 41. 250

 3

 15
41. 250,01

 94. 750

 2

 8
94. 750,01

 Hortik gora

 2

 5

Eskala horretan agertzen diren murrizketak aplikatzearen ondorioz, ezin izanen da zerotik beherako portzentajerik atera.

3. Portzentaje horiek erregelamendu bidez aldatzen ahalko dira”.

Berrogeita zortzi.–Berrogeita bigarren xedapen gehigarria. 2016ko urtarrilaren 1etik aurrera izanen du eragina.

“Berrogeita bigarren xedapen gehigarria.–Ondasun higigarrien kapitalaren etekinetan, inbertsio kolektiboko erakundeetako akzioen edo partaidetzen eskualdatzeen edo errenboltsoen ondoriozko ondare-gehitzeetan, sarietan, ondasun higiezinen errentamendu eta azpierrentamenduetan eta ondasun higiezinen kapitalaren bestelako etekin batzuetan egin beharreko atxikipenaren edo konturako diru-sarreraren ehunekoa.

Ondasun higigarrien kapitalaren etekinetan, inbertsio kolektiboko erakundeetako akzioen edo partaidetzen eskualdatzeen edo itzulketen ondoriozko ondare-gehikuntzetan, sarietan, ondasun higiezinen errentamendu eta azpierrentamenduetan, jabetza intelektualaren edo industrialaren ondoriozko etekinetan, laguntza teknikoko prestazioen etekinetan eta ondasun higigarrien, negozioen edo meategien errentamenduaren edo azpierrentamenduaren ondoriozko etekinetan egin beharreko atxikipena edo konturako sarrera ehuneko 19koa izanen da.

Ehuneko hori erregelamendu bidez aldatzen ahalko da.”

Berrogeita bederatzi.–Berrogeita seigarren xedapen gehigarria. 2016ko urtarrilaren 1etik aurrera izanen du eragina.

“Berrogeita seigarren xedapen gehigarria. Ondare-gehikuntzak egoitza atzerrira aldatzeagatik.

1. Zergadunak izaera hori galtzen duenean egoitza aldatzeagatik, ondare-gehikuntzatzat hartuko dira zergadunaren titularitateko edozein entitate motaren akzioek edo partaidetzek merkatuan duten balioaren eta haien eskuratze-balioaren arteko difrentzia positiboak, baldin eta, zerga honen aitorpena aurkeztu beharreko azken zergaldia baino lehenagoko hamabost zergaldietatik hamarretan, gutxienez, zergaduna egoiliarra izan bada, eta inguruabar hauetakoren bat tartean bada:

a) Artikulu honen 3. idatz-zatian aipatzen diren akzio edo partaidetza guztien merkatuko balioa 4.000.000 eurotik gorakoa izatea.

b) Aurreko a) letran aurreikusitakoa betetzen ez denean, zerga honen aitorpena aurkeztu beharreko azken zergaldiko sortzapen datan entitateko partaidetza ehuneko 25etik gorakoa izatea, entitate horretako akzioen edo partaidetzen merkatuko balioa, artikulu honen 3. idatz-zatian aipatzen dena, gutxienez, 1.000.000 eurotik gorakoa bada.

Kasu honetan, artikulu honetan xedatutakoa aplikatuko zaie, soilik, b) letra honetan aipatzen diren akzio edo partaidetzei dagozkien ondare-gehikuntzei.

2. Ondare-gehikuntzak aurrezkiaren errentaren zati izanen dira 54.1.b) artikuluarekin bat, eta zerga honetan aitorpena egin behar den azken zergaldiari dagokion zerga-oinarrian sartu beharko dira, erregelamendu bidez ezarritako baldintzekin eta, hala behar denean, autolikidazio osagarria eginda eta inolako zehapenik, berandutze interesik eta errekargurik ezarri gabe.

3. Ondare-gehikuntza zenbatesteko, akzioek edo partaidetzek zerga honetan aitorpena egin behar den azken zergaldiko sortzapen datan duten merkatuko balioa hartuko da, arau hauen arabera zehaztuta:

a) Europako Parlamentuaren eta Kontseiluaren 2004ko apirilaren 21eko 2004/39/EE Zuzentarauan (finantza tresnen merkatuei buruzkoan) definitutako balio-merkatu arautuetan negoziatzeko onartu diren balioak, balio horiek sozietateetako edo entitateetako funts berekietako partaidetzaren adierazgarri izanik, haien kotizazioaren arabera baloratuko dira.

b) Europako Parlamentuaren eta Kontseiluaren 2004ko apirilaren 21eko 2004/39/EE Zuzentarauan (finantza tresnen merkatuei buruzkoan) definitutako balio-merkatu arautuetan negoziatzeko onartu ez diren balioak, balio horiek sozietateetako edo entitateetako funts berekietako partaidetzaren adierazgarri izanik, bi hauetako handienaren arabera baloratuko dira, beste merkatu-balio bat dutela frogatu ezean:

a´) Balioei dagokien ondare garbiaren balioa, zergaren sortzapenaren aurretik itxitako azken ekitaldiko balantzetik heldu dena.

b') Zergaren sortzapen data baino lehen sozietateak itxitako hiru ekitaldietako emaitzen batez bestekoa ehuneko 20ko tasan kapitalizatzetik ateratzen den emaitza. Azken ondorio horretarako, mozkintzat hartuko dira banatutako dibidenduak eta erreserbetara esleitutako kopuruak, balantzeen erregularizaziokoak edo eguneratzekoak kenduta.

c) Inbertsio kolektiboko erakundeen kapitalaren edo ondarearen adierazgarri diren akzio edo partaidetzen balorazioa egiteko, zerga honetan aitorpena egin behar den azken zergaldiko sortzapen datan aplikatzekoa den likidazio-balioaren arabera edo, halakorik ez bada, argitaratutako azken likidazio-balioaren arabera. Likidazio-baliorik ez izatera, akzioei edo partaidetzei dagokien ondare garbiaren balioa hartuko da, hots, sortzapen dataren aurretik itxitako azken ekitaldiko balantzetik heldu dena, beste merkatu-balio bat dutela frogatu ezean.

4. Erregelamenduz ezarriko diren baldintzetan, egoitza aldaketa lan arrazoiengatik gertatzen denean, aldi baterako, zerga paradisua ez den herrialde edo lurralde batera joateko, edo beste edozein arrazoirengatik, baina, bigarren kasu honetan, aldi baterako lekualdatzea Espainiarekin nazioarteko ezarpen bikoitza saihesteko hitzarmena (informazio trukerako klausula duena) izenpetua duen herrialde edo lurralde batera joateko bada, zerga administrazioak geroratu eginen du artikulu honetan araututako ondare-gehikuntzei dagokien tributu zorraren ordainketa, zergadunak hala eskatzen badu.

Gerorapen horretan aplikatzekoa izanen da Tributuei buruzko abenduaren 14ko 13/2000 Foru Lege Orokorrean eta hura garatzen duen araudian xedatutakoa, batez ere interesen sortzapenari eta gerorapenerako bermeak eratzeari dagokienez.

Aurreko lerroaldean aipatzen diren bermeak eratzeko, artikulu honetan aipatzen diren balioen gainean eratzen ahalko dira, osorik edo zati batean, alderdi juridikotik nahiz ekonomikorik aski badira.

Gerorapenaren mugaeguna, beranduenez, hurrengo lerroaldean aipatzen den epea amaitu eta hurrengo urteko ekainaren 30a izanen da.

Zergapekoa zerga honen zergadun bihurtzen bada berriz, zerga honetan aitorpena aurkeztu behar den azken zergaldiaren hurrengo bost zergaldien epean edozein unetan, aurreko 1. idatz-zatian aipatzen diren akzio edo partaidetzen titulartasunaren eskualdaketa egin gabe, geroratutako tributu zorra iraungi eginen da, bai eta sortutako interesak ere. Lan arrazoiek eragindako lekualdatzeak direnean, zergadunak eskatzen ahalko dio zerga administrazioari bost zergaldiko epe hori luzatzeko, lekualdatzea luzeagoa izateko arrazoiak daudenean, baina luzapena ez da inoiz ere izanen beste bost zergaldi baino handiagoa izanen.

Zergadunak zerga hau ordaindu behar duen lehen zergaldiko aitorpena aurkeztean gertatuko da aipatutako iraungipena.

Kasu horretan ez da eginen eratutako bermeen kostuaren errenboltsoa.

5. Zergapekoa zerga honen zergadun bihurtzen bada berriz aurreko 1. idatz-zatian aipatzen diren akzio edo partaidetzen titulartasunaren eskualdaketa egin gabe, autolikidazioaren zuzenketa eskatzen ahalko du, artikulu honetan arautzen diren ondare-gehikuntzei dagozkien diru-kopuruen itzulketa lortzeko. Ordainketaren egunetik ordainketa egiteko agintzen den egunera bitarte sortutako berandutza interesak ere sartuko dira itzulketan.

Zuzenketaren eskabidea zerga honetan aitorpena aurkeztu behar den lehen zergaldiari dagokion aitorpen epea amaitzen denetik aurrera aurkezten ahalko da.

6. Egoitza Europar Batasuneko estatu batera edo Europako Ekonomia Guneko kide den estatu batera (Espainiarekin zerga arloko informazioaren egiazko trukea duena, Iruzur Fiskalari Aurre egiteko azaroaren 29ko 36/2006 Legearen lehen xedapen gehigarriaren 4. atalean aurreikusitako moduan) aldatzen bada, zergadunak aukeratu dezake artikulu honetan arautzen diren ondare-gehikuntzetan honako berezitasunak aplikatzea:

a) Ondare-gehikuntzak autolikidazioa egin beharra ekarriko du, soilik, zerga honetan aitorpena egin beharreko azken zergaldiaren hurrengo hamar zergaldien epean inguruabar hauetako bat gertatzen bada:

Lehena. Akzioak edo partaidetzak inter vivos eskualdatzea.

Bigarrena. Zergadunak Europar Batasuneko edo Europako Ekonomia Guneko kide den estatu bateko egoiliarra izateari uztea.

Hirugarrena. Idatz-zati honetako c) letran aipatzen den jakinarazi beharra ez betetzea.

Ondare-gehikuntza zerga honetan aitorpena egin behar izan zen azken zergaldiari egotziko zaio, eta, hala behar denean, autolikidazio osagarria eginen da, inolako zehapenik, berandutze interesik eta errekargurik ezarri gabe.

Autolikidazioa epe honetan aurkeztuko da: a) letra honetan aipatzen diren inguruabarretako bat gertatzen den egunetik zergaren aitorpenak aurkezteko hurrengo epea amaitzen den arte.

b) Aurreko a) letraren lehen puntuan aipatzen den kasuan, ondare-gehikuntzaren zenbatekoari aurreko 3. idatz-zatian aipatzen diren akzioen edo partaidetzen merkatu-balioaren eta haien eskualdatze-balioaren arteko diferentzia positiboa kenduko zaio.

Ondorio horietarako, eskualdatze-balioari banatutako mozkinen zenbatekoa gehituko zaio, edo jasotako beste edozein zenbateko, zergadunaren izaera galdu ondoren entitatearen ondare garbiaren murrizketa eragin badute, salbu eta jasotako zenbateko horiengatik ez-egoiliarren errentaren gaineko zerga ordaindu bada.

c) Zergadunak zerga administrazioari jakinarazi beharko dizkio alderdi hauek, erregelamenduz zehazten den moduan: idatz-zati honetan aurreikusitako berezitasunak aplikatzea aukeratu duela, agerian jartzen den ondare-gehikuntza, egoitza zein estatutara aldatu behar duen, helbidea adierazita, bai eta ondorengo aldaketak ere, eta akzioen eta partaidetzen titulartasuna ez duela aldatuko.

d) Zergapekoak zergadunaren izaera berreskuratzen badu idatz-zati honetako a) letran aurreikusitako inguruabarretako bat gertatu gabe, artikulu honetako aurreikuspenek ez dute ondoriorik izanen.

7. Artikulu honetan xedatutakoa aplikatuko da, halaber, egoitza zerga paradisutzat hartzen den herrialde edo lurralde batera aldatzen denean, eta zergadunak ez badu bere izaera galtzen 10.1 artikuluaren bigarren lerroalderi jarraikiz.

Kasu horretan berezitasun hauek aplikatuko dira:

a) Ondare-gehikuntzak zergadunak ohiko egoitza Espainiako lurraldean izan duen azken zergaldiari egotziko zaizkio, eta, haiek zenbatesteko, 3. idatz-zatian aipatzen diren akzioek edo partaidetzek zergaldiaren sortzapen datan duten merkatu-balioa erabiliko da.

b) Akzioak edo partaidetzak zergadunak izaera hori mantentzen duen zergaldi batean eskualdatzen badira, eskualdaketari dagokion ondare-gehikuntza edo murrizketa kalkulatzeko, eskuratze-balio gisa hartuko da artikulu honetan aurreikusten den ondare-gehikuntza zehazteko kontuan hartutako merkatu-balioa, akzio edo partaidetzena alegia.

8. 10.2 artikuluan ezarritako zerga araubide berezia, Espainiako lurraldera lekualdatutako langileei aplikatzekoa, aukeratu duten zergadunen kasuan, xedapen gehigarri honen 1. idatz-zatian aipatzen den hamar zergaldiko epea araubide berezi hori aplikatzekoa ez den lehen zergalditik aurrera kontatuko da”.

Berrogeita hamar.–Berrogeita zazpigarren xedapen gehigarria, 2. idatz-zatia gehitzea. Xedapenak orain arte duen edukia 1. idatz-zatia izanen da. 2016ko urtarrilaren 1etik aurrera izanen du eragina.

“2. Aipatu muga horiek ezertan ukatu gabe, zenbatespen objektiboaren metodoa ez da aplikatuko urte batean, aurreko urtean subjektu pasiboaren etekin osoen ehuneko 75 baino gehiagoren hartzaile badira ezkontidea, ondorengo eta aurreko ahaideak, aurreko horietako edozein partaide deneko errenta-egozpenaren araubideko entitateak, edo Sozietateen gaineko Zergari buruzko 24/1996 Foru Legearen 28. artikuluan adierazitako zentzuan subjektu pasiboarekin lotuta dagoen beste edozein pertsona edo entitate, baldin eta etekin horiek badagozkie faktura emateko obligazioa dakarten eragiketei, apirilaren 10eko 23/2013 Foru Dekretuaren bidez onetsitako Fakturazioaren arloko betebeharrak arautzen dituen erregelamenduaren 2.2.a) artikuluaren arabera”.

Berrogeita hamaika.–Hamahirugarren xedapen iragankorra. 2016ko urtarrilaren 1etik aurrera izanen du eragina.

“Hamahirugarren xedapen iragankorra.–Pertsona lagundutzat hartzen diren ahaideengatiko kenkaria.

Subjektu pasiboak eskubidea izanen du kuotan 550 euroko kenkaria egiteko urtean, berarekin bizi den ahaide bakoitzeko, ahaideak pertsona lagunduaren izaera baldin badu 2009ko otsailaren 10a baino lehenagotik, gizarte zerbitzuen arloan eskumena duen departamentuak emandako ziurtagiriaren arabera, apirilaren 6ko 126/1998 Foru Dekretu indargabetuan ezarritako balorazio irizpideei jarraikiz, izan ere, horren bidez onetsi zen hirugarren adineko pertsonen mendekotasun maila baloratzeko metodo ofiziala.

Lagundutako pertsonaren ezkontideak edo bikotekide egonkorrak eginen du kenkaria eta, halakorik egon ezean, graduaren arabera hurbilen duen senideak.

Kenkaria ezin izanen da baliatu baldin eta lagundutako pertsonaren ahaideren batek pertsona horrengatik 62.9.b.c') artikuluan ezarritako gutxieneko familiarrarengatiko kenkaria baliatzen badu”.

Berrogeita hamabi.–Hamabosgarren xedapen iragankorra. 2016ko urtarrilaren 1etik aurrera izanen du eragina.

“Hamabosgarren xedapen iragankorra.–Ohiko etxebizitzako inbertsioaren ondoriozko kenkariari aplikatzen ahal zaion araubide iragankorra: 2013ko urtarrilaren 1a baino lehen erosi edo zaharberritutako etxebizitzak, bai eta data horren aurretik hasitako obrak eta ordaindutako kopuruak ere.

1. Subjektu pasiboak ohiko etxebizitzan egindako inbertsioagatik kenkaria aplikatzen ahalko du 2016ko urtarrilaren 1etik aurrera, 2012ko abenduaren 31n indarra zuten baldintza eta betebeharrekin bat eta hurrengo 2. lerroaldean xedatutakoari jarraikiz, arrazoi hauetako batekin ordaintzen dituen diru-kopuruengatik:

a) Ohiko etxebizitza erosi edo zaharberritzeagatik, baldin eta 2013ko urtarrilaren 1a baino lehen erosi edo zaharberritu bada.

b) Ohiko etxebizitza zaharberritu edo handitzeagatik, aipatu obrak 2013ko urtarrilaren 1a baino lehen hasi badira.

c) Ohiko etxebizitza eraikitzeko obrengatik, obrak 2013ko urtarrilaren 1a baino lehen hasi badira edo data horren aurretik obren sustatzaileari kopuruak ordaindu bazaizkio.

d) Etxebizitza egokitzeko obrengatik edo instalazioengatik (62.1.f) artikuluan aipatzen direnak) baldin eta obra eta instalazio horiek 2013ko urtarrilaren 1a baino lehen hasi badira.

e) Ezkontza deuseztatzen denean edo dibortzioaren edo banantze judizialaren kasuetan, ezkontzak indarra zuen garaian subjektu pasiboaren ohiko etxebizitza izan zena erosteagatik, baldin eta izaera hori izaten jarraitzen badu seme-alaba komunentzat eta haur horiekin bizi den aitarentzat edo amarentzat, betiere etxebizitza 2013ko urtarrilaren 1a baino lehen eskuratu bazen.

2 Kenkariaren gehieneko oinarria 7.000 eurokoa izanen da urtean banakako tributazioan, eta 15.000 eurokoa urtean baterako tributazioan”.

Berrogeita hamahiru.–Hamazazpigarren xedapen iragankorra gehitzea. 2016ko urtarrilaren 1etik aurrera izanen du eragina.

“Hamazazpigarren xedapen iragankorra.–Ohiko etxebizitzan egindako inbertsioagatiko kenkariari aplikatu beharreko araubide iragankorra: 2013ko urtarrilaren 1etik 2015eko abenduaren 31ra erosi edo zaharberritutako etxebizitzak, bai eta epe horretan hasitako obrak eta ordaindutako kopuruak ere.

1. Subjektu pasiboak ohiko etxebizitzan egindako inbertsioagatik kenkaria aplikatzen ahalko du 2016ko urtarrilaren 1etik aurrera, 2012ko abenduaren 31n indarra zuten baldintza eta betebeharrekin bat eta hurrengo 2. idatz-zatian xedatutakoari jarraikiz, arrazoi hauetako batekin ordaintzen dituen diru-kopuruengatik:

a) Ohiko etxebizitza erosi edo zaharberritzeagatik, baldin eta 2013ko urtarrilaren 1etik 2015eko abenduaren 31ra bitarte erosi edo zaharberritu bada.

b) Ohiko etxebizitza zaharberritu edo handitzeko lanengatik, aipatutako lanak 2013ko urtarrilaren 1etik 2015eko abenduaren 31ra bitarte hasi badira.

c) Ohiko etxebizitza eraikitzeko lanengatik, baldin eta lanak 2013ko urtarrilaren 1etik 2015eko abenduaren 31ra bitarte hasi badira edo etxebizitzen sustatzaileari konturako ordainketak egin bazaizkio epe horretan.

d) Etxebizitza egokitzeko obrengatik edo instalazioengatik (62.1.f) artikuluan aipatzen direnak), baldin eta obra eta instalazio horiek 2013ko urtarrilaren 1etik 2015eko abenduaren 31ra bitarte hasi badira.

e) Ezkontza deuseztatzen denean edo dibortzioaren edo banantze judizialaren kasuetan, ezkontzak indarra zuen garaian subjektu pasiboaren ohiko etxebizitza izan zena erosteagatik, baldin eta izaera hori izaten jarraitzen badu bien seme-alabentzat eta haur horiekin bizi den gurasoarentzat, betiere etxebizitza 2013ko urtarrilaren 1etik 2015eko abenduaren 31ra bitarte eskuratu bazen.

2. Kenkari hori aplikatzeko, subjektu pasiboaren oinarrien baturak, 53. eta 54. artikuluetan ezarritakoaren arabera kalkulatua, eta 55.2 artikuluan aipatzen diren konpentsazioko pentsioak kenduta, hala dagokionean, 62.1.h) artikuluan ezarritako zenbatekoetatik beherakoa izan beharko du banakako tributazioan eta 75. Lehena artikuluan ezarritakoetatik beherako baterako tributazioaren kasuan”.

Berrogeita hamalau.–Hemezortzigarren xedapen iragankorra gehitzea. 2016ko urtarrilaren 1etik aurrera izanen du eragina.

“Hemezortzigarren xedapen iragankorra. Araubide iragankorra, 2016ko urtarrilaren 1a baino lehenago etxebizitza kontuetan egindako ekarpenei eta erosteko aukera duten etxebizitza-errentamenduko kontratuetan data hori baino lehen balio erantsiaren zergaren kontzeptuan ordaindutako kuotei aplikatzekoa.

1. Etxebizitza kontuetan 2013ko urtarrilaren 1a baino lehen edo data horretatik 2015eko abenduaren 31 bitarte egindako ekarpenengatiko kenkaria aplikatu duen subjektu pasiboak ez du egindako kenkarietarako eskubidea galduko, betiere betetzen baditu 2012ko abenduaren 31n edo 2015eko abenduaren 31n, hurrenez hurren, indarra zuten baldintzak eta betebeharrak.

2. Erosteko aukera duten etxebizitza-errentamenduko kontratuetan, balio erantsiaren zergaren kontzeptuan ordaindutako kuotengatiko 2013ko urtarrilaren 1a baino lehen edo data horretatik 2015eko abenduaren 31 bitarte kenkaria aplikatu duen subjektu pasiboak ez du egindako kenkarietarako eskubidea galduko, betiere betetzen baditu 2012ko abenduaren 31n edo 2015eko abenduaren 31n, hurrenez hurren, indarra zuten baldintzak eta betebeharrak”.

Berrogeita hamabost.–Hemeretzigarren xedapen iragankorra gehitzea. 2015eko urtarrilaren 1etik aurrera izanen du eragina.

“Hemeretzigarren xedapen iragankorra.–Sindikatu eta elkargoen kuotak, alderdi politikoentzako kuotak eta ekarpenak, eta dohaintzak, 2014an ordaindutakoak.

Epean aurkeztutako aitorpen informatiboan sartu ez zirelako, 2014ko zergaldian kenketarik eragin ez zuten sindikatu eta elkargoen zenbait kuota, alderdi politikoentzako kuotak eta ekarpenak, eta dohaintzak kenkariaren xede izan daitezke 2015eko zergaldiko aitorpenean, 2014ko abenduaren 31n indarra zuen araudiarekin bat, betiere horiek jaso dituzten entitateek 2015eko zergaldian aurkeztu beharreko eredu informatiboan aurreikusitako moduan aitorpenean sartzen badituzte”.

Berrogeita hamasei.–Hogeigarren xedapen iragankorra gehitzea. 2015eko urtarrilaren 1etik aurrera izanen du eragina.

“Hogeigarren xedapen iragankorra.–Zatika kobratzen diren zenbait etekin irregularretan aplikatzekoak diren murrizketak.

2015eko urtarrilaren 1a baino lehenagotik zatika jasotzen diren etekinek, 25.3, 32.2 eta 34.6 artikuluetan (2014ko abenduaren 31n indarra zuen testuaren arabera) ezarritako murriztapenak aplikatzeko eskubidea eragin badute, eskubidea emanen dute 25.3, 32.2 eta 34.6 artikuluetan (2015eko abenduaren 31n indarra zuen testuaren arabera), hurrenez hurren, aurreikusitako murriztapena aplikatzeko, 2015eko urtarrilaren 1etik aurrera egozten den zati bakoitzean.

Aurreko lerroaldean aipatzen diren artikuluetan ezarritako 300.000 euroko muga zenbatesteko, 2015eko urtarrilaren 1etik aurrera ordaindu beharreko zenbateko osoa hartu beharko da kontuan. Murriztapena ekitaldian posible den gehieneko zenbatekoan aplikatuko da, 300.000 euroko mugara iritsi arte.

Era berean, 17.2.a) artikuluan ezarritako muga, 300.000 eurokoa, konputatu eginen da 2015eko urtarrilaren 1a baino lehen modu zatikatuan jasotzen ziren lan-etekinen kasuan”.

Berrogeita hamazazpi.–Hogeita batgarren xedapen iragankorra gehitzea. 2017ko urtarrilaren 1etik aurrera izanen du eragina.

“Hogeita batgarren xedapen iragankorra. 2017ko urtarrilaren 1a baino lehenagoko harpidetza eskubideen eskualdaketa.

Baloreen eskuratze-balioa, 43.1.a) artikuluan aipatzen dena, zehazteko, harpidetza eskubideen eskualdaketa, 2017ko urtarrilaren 1a baino lehenagokoa, egitean lortutako zenbatekoa kenduko da, salbu eta ondare-gehikuntza gisa tributatu duten eskubideen zenbatekoa. Halaber, harpidetza-eskubideak osorik eskualdatu ez badira, ulertuko da eskualdatutakoak lehenbizi eskuratutako balioenak direla”.

Bigarren artikulua.– Ondarearen gaineko Zergari buruzko Foru Legea.

2016ko urtarrilaren 1etik aurrerako zergaldietan, Ondarearen gaineko Zergari buruzko azaroaren 19ko 13/1992 Foru Legearen artikulu hauek honako testu hau izanen dute:

Bat.–5. artikulua, 8.,9. eta 10. idatz-zatiak indargabetzea.

Bi.–28.1. artikulua.

“1. Likidazio oinarria kalkulatzeko, zerga-oinarria 550.000 euro murriztuko da salbuetsita dagoen gutxienekoagatik”.

Hiru.–31.2. artikulua.

“2. Bi kuoten baturak 1. idatz-zatian aipatzen den muga gainditzen baldin badu, zerga horren kuota gutxituko da muga horretara iritsi arte; gutxitze hori ezin izanen da % 65 baino handiagoa izan”.

Lau.–33. artikulua.

“33. artikulua. kuotaren kenkariak.

1. Zergaren kuotari ondoko letretan jasotzen diren ondasun eta eskubideen balioari kuotan dagokion zati proportzionalaren ehuneko 100 kenduko zaio, ondasun eta eskubide horien gehieneko balioa 1.000.000 bitartekoa denean, eta balio horren gainekoari dagokion zati proportzionalaren ehuneko 80.

Hauek dira kenkari honetarako eskubidea ematen duten ondasun eta eskubideak:

a) Subjektu pasiboaren ondasun eta eskubideak eta senar-emazteenak direnak, enpresa-jarduera betetzeko beharrezkoak izanez gero, betiere jarduera hori subjektu pasiboak berak azturaz eta zuzenean burutzen badu eta aipatu jarduera burutzen duenaren errenta-iturri nagusia bada.

Errenta-iturri nagusia kalkulatzeko, ez dira kontuan hartuko zenbaki honetako b) letrak aipatzen dituen entitateetan burutzen diren zuzendaritza-eginkizunen ordainketak, ezta aipatu entitateetan parte hartzetik heldutako beste edozein ordainketa ere.

b) Entitateen partaidetzen jabetza osoa, jabetza soila eta biziarteko usufruktu eskubidea, merkatu antolatuetan kotizatu nahiz ez, baldintza hauek gertatzen badira:

Lehena. Entitateak, sozietatea izan nahiz ez izan, enpresa-jardueraren bat benetan burutzea eta ez dezala izan jarduera nagusitzat ondare higigarri edo higiezinen baten kudeaketa. Entitate batek ondare higigarri edo higiezin bat kudeatzen duela ulertuko da, eta horrenbestez, enpresa- edo lanbide-jarduera bat egiten ez duela, ekitaldi sozialeko 90 egun baino gehiagotan ondoko baldintzetako edozein gertatzen denean:

a') Bere aktiboaren erdia baino gehiago baloreek osatua izatea.

b') Bere aktiboaren erdia baino gehiago ez egotea lanbide- edo enpresa-jarduerei atxikia.

b) letran adierazitako ondorioetarako, enpresa- edo lanbide-jarduerarik ba ote den edo ondare-elementu bat halako jarduera bati lotuta ote dagoen finkatzeko, Pertsona Fisikoen Errentaren gaineko Zergan xedatutakoari segituko zaio.

Bai aktiboaren balioa, bai lanbide edo enpresa jarduerei loturik ez dauden ondare-elementuena, kontabilitatearen ondoriozkoak izanen dira, baldin eta horrek entitatearen ondare egoera zintzoki jasotzen badu.

Aurreko jarduerei atxikirik ez dauden balore edo ondare-elementuek osatutako aktibo-partea zehazteko:

1. Honako balore hauek ez dira kontatuko:

–Legezko eta erregelamenduzko betebeharrak betetzeko edukitzen direnak.

–Lanbide edo enpresa jarduerak garatzean ezarritako kontratu harremanen ondorioz sortutako kreditu eskubideak biltzen dituztenak.

–Balore-sozietateek beren xedea den jardueran aritzearen ondorioz dauzkatenak.

–Gutxienez ere bozkatzeko eskubideen ehuneko 5 ematen dituztenak, partaidetza zuzendu eta kudeatzeko asmoz edukitzen badira, betiere, horretarako, baliabide material eta langile aski badaude eta parte harturiko entitatea letra honetan agertzen ez bada.

2. Ez dira balore gisa kontatuko, ez eta lanbide edo enpresa jarduerei loturik ez dauden ondare-elementu gisa ere, haien erosketa-prezioa entitateek lorturiko mozkin ez banatuen zenbatekoa baino handiagoa ez bada, baldin eta mozkin horiek lanbide edo enpresa jardueren ondoriozkoak badira. Urte horretan berean eta azken hamar urteetan lorturiko mozkinen batura muga gisa hartuko da.

Ondorio horietarako, aurreko lerroaldeko azken zatian aipatutako baloreetatik heldu diren dibidenduak lanbide edo enpresa jardueretatik etorritako mozkinen parekoak izanen dira, baldin eta partaidetzako entitateak lortutako diru-sarreren ehuneko 90, gutxienez, lanbide edo enpresa jardueretatik heldu badira.

2. a. Subjektu pasiboak entitatearen kapitalean duen partaidetza 100eko 5ekoa izatea gutxienez, banaka zenbatua, edo 100eko 20koa, ezkontideak edo bigarren graduko aurrekoek, ondorengoek edo albo-ahaideek dutenarekin batera zenbatuz gero, ahaidetasuna odolkidetasunetik, ezkontzatik edo adopziotik datorrela.

3. a. Subjektu pasiboak entitatean zuzendaritza-eginkizunak betetzea egiazki, eta horretatik jasotzen duen ordainsaria lanbide edo enpresa jardueretatik eta lan pertsonaletik guztira bereganatzen duenaren 100eko 50 baino gehiagokoa izatea.

Aurreko kalkulua egiteko, 1. zenbaki honetako a) letrak aipatzen duen enpresa-jardueraren etekinak ez dira enpresa edo lanbide-jardueretatik eta lan pertsonaletik bereganatutako etekin gisa zenbatuko.

Entitatean duen partaidetza aurreko baldintzan aipatutako pertsona batekin edo batzuekin baterakoa bada, zuzendaritza-eginkizunak eta haien ondoriozko ordainsariak ahaideen taldeko pertsona batek bederen izan beharko ditu, deusetan galarazi gabe kenkarirako eskubidea denek izatea.

Kenkariak partaidetzen balioa baizik ez du hartuko -balio hori 15. eta 16. artikuluek ezarritako arauekin bat finkatuko da-, hain zuzen, lanbide edo enpresa jarduera burutzeko behar diren aktiboei jarduera horretatik heldu diren zorrak kendu ondoren ateratzen denaren eta entitateak duen ondare garbiaren balioaren artean dagoen proportzioari dagokion zatian. Arau horiexek aplikatuko dira entitate partaidetuaren partaidetzen balorazioan, entitate edukitzailearen partaidetzen balioa zehazteko.

2. Erregelamenduz ezarri ahalko dira:

a) Enpresa-jarduera garatzeko behar diren ondasun, eskubide eta zorrei dagokien kenkaria aplikatu ahal izateko betebeharrak.

b) Entitateetako partaidetzek bete behar dituzten baldintzak”.

Bost. 36. artikulua.

“36. artikulua. Aitorpena aurkezteko betebeharra duten pertsonak.

Haien tributu-kuota (zergari buruzko arauekin bat zehaztua, behin bidezkoak diren kenkariak eta hobariak aplikaturik) ordaindu beharrekoa ateratzen denean aurkeztu beharko dute nahitaez aitorpena subjektu pasiboek, edo, kasu hori gertatzen ez denean, haien ondasun edo eskubideen balioa (zergaren arauekin bat kalkulaturik) 1.000.000 eurotik gorakoa denean”.

Hirugarren artikulua.– Sozietateen gaineko Zergari buruzko Foru Legea.

2016ko urtarrilaren 1etik aurrera hasten diren zergaldietan ondorioak izateko, salbu eta hirurogeigarren atala, ondorioak foru lege hau argitaratzen den egunetik aurrera izanen baititu, Sozietateen gaineko Zergari buruzko abenduaren 30eko 24/1996 Foru Legearen arau hauek honako testua izanen dute:

Bat.–9.5 artikuluko lehenbiziko lerroaldea.

“5. Ulertuko da ondasun edo eskubideak aitortu gabeko errenten kargura eskuratu direla (preskribatu gabeko zergaldien artean erregularizatu daitekeen zaharrenari egotziko zaizkio errenta horiek), baldin eta haien subjektu pasiboak horretarako emandako epean, edo zerga administrazioak egiaztapen prozedura bat hasiko duela jakinarazi aurretik, bete ez badu informatzeko betebeharra, Tributuei buruzko abenduaren 14ko 13/2000 Foru Lege Orokorraren hemezortzigarren xedapen gehigarrian aipatzen dena”.

Bi.–15. artikulua.

“15. artikulua. Ibilgetu ukiezinaren amortizazioa.

1. Ibilgetu ukiezina haren bizitza erabilgarriaren arabera amortizatuko da. Bizitza erabilgarria modu fidagarrian zenbatesterik ez dagoelarik, amortizazioaren kenkariaren gehieneko muga, urtean, haren zenbatekoaren hamarrena izanen da.

Merkataritzako funtsaren amortizazioaren kenkariaren gehieneko muga, urtean, haren zenbatekoaren hamarrena izanen da.

2. Aktiboa errentak ematen hasten denetik aurrera hasiko da amortizazioa”.

Hiru.–17.4, 18 eta 21 artikuluak. Indargabetzea.

Lau.–28.3. artikulua, azken-aurreko lerroaldea.

“Lotura bazkideen edo partaideen eta entitatearen arteko harremanean oinarritzen bada, partaidetza ehuneko 25 edo gehiago izanen da. Administratzaileak aipatzen direnean, eskubidezkoak eta izatezkoak sartzen dira”.

Bost.–40. artikulua, 1. eta 3. idatz.zatiak.

“1. Zerga-oinarri positiboari aurre-aurreko hamabost urteetan amaitutako zergaldietako likidazio-oinarri negatiboak murrizten ahalko zaizkio, murrizketa hori egin aurretik zerga-oinarriak zuen zenbatekoaren ehuneko 70eko mugarekin. Aurretik bidezkoa den likidazioa edo autolikidazioa beharko dute likidazio oinarri negatibo horiek.

Edozein kasutan, zergaldian konpentsatzen ahalko diren likidazio-oinarri negatiboen gehieneko zenbatekoa milioi bat eurokoa izanen da. Zergaldiak urtebete baino gutxiago irauten badu, muga hori hau izanen da: milioi bat euro bider zergaldiaren iraupenak urtearekiko duen proportzioa.

Likidazio oinarri negatiboen konpentsazioaren mugatzea ez da aplikatzekoa izanen subjektu pasiboaren hartzekodunekin lortutako akordio baten ondoriozkoak diren kitei edo itxaroteei dagozkien errenten zenbatekoan. Errenta horiekin konpentsatzen diren zerga-oinarri negatiboak ez dira kontuan hartuko aurreko lerroaldean aipatzen den milioi 1 euroko zenbatekoari dagokionez.

Idatz-zati honetan aurreikusitako muga ez da aplikatuko entitatea desagertzen den zergaldian, salbu eta desagerpena X. tituluko IX. kapituluan ezarritako zerga araubide berezia aplikatzekoa zaion birmoldaketa baten ondorioa bada”.

“3. Zerga-oinarria positiboa den lehen zergaldia hasten denetik hurrengo hamabost urteetan, jarraian, amaitzen diren zergaldiei dagozkien zerga-oinarrietan murriztapena egin dezakete entitate eratu berriek sortutako likidazio-oinarri negatiboek, eta kasu horretan ez da aplikatzekoa izanen artikulu honen 1. idatz-zatiko lehen lerroaldean ezarritako muga zerga-oinarri positiboa sortzen den lehen 3 zergaldietan.

Ez dira zenbaki honetan sartuko enpresa-ondorengotza edo jarraipen kasuak”.

Sei.–50.1.a) artikulua.

“a) Ehuneko 28”.

Zazpi.–50.1.b).b`) artikulua, lehenengo lerroaldea.

“b') Aurreko a´) letran adierazitako baldintza betetzen ez duten entitateek ez izatea enpresaren ehuneko 25etik gorako partaidetza, ez zuzenean, ez zeharka, salbu eta kapital-arriskuko funtsak edo sozietateak badira, eta partaidetza entitate horien xede soziala betetzearen ondorioa bada”.

Zortzi.–50.1.b artikulua, c') azpiletra gehitzea.

“c´) b) letra honetan enpresa txikientzat arautzen diren karga-tasak aplikatzen ahalko dira, soilik, zergaldiko negozio zifraren zenbateko garbia zergaldi horretako zerga-oinarriaren erdia bada, gutxienez”.

Bederatzi.–50.2. artikulua, g) letra kentzea.

Hamar.–50.3.a) artikulua.

“a) Zerga arloan babestuak dauden sozietate kooperatiboak, kooperatibatik kanpoko emaitzei dagokienez izan ezik, emaitza horiei artikulu honetako 1. idatz-zatian aipatutakoaren arabera dagokien tasa orokorra aplikatuko baitzaie.

Nolanahi ere, kreditu kooperatibek eta rural kutxek ehuneko 25eko zerga-tasa ordainduko dute kooperatibaren emaitzetan nahiz kooperatibaz kanpokoetan”.

Hamaika.–50.5. artikuluan a) letra indargabetzea.

Hamabi.–51. artikulua.

“51. artikulua. Kuota osoa eta gutxieneko tributazioa.

1. Kuota osoa likidazio-oinarriari karga-tasa aplikatzetik ateratzen den zenbatekoa izanen da.

2. 50. artikuluko 1. eta 2. idatz-zatietan ezarritako karga-tasen arabera zerga ordaintzen duten subjektu pasiboen kasuan, kuota osoaren gainean hobariak eta kenkariak aplikatzetik ateratzen den zenbatekoa ezin izanen da ondoko idatz-zatian definitzen den gutxieneko tributazioa baino gutxiago izan.

3. Gutxieneko tributazioaren zenbatekoa zehazteko, honela jokatuko da:

Lehena. Kuotan aplikatutako hobariak eta 59. artikuluan aipatu barne zergapetze bikoitza galarazteko kenkariak karga-tasaren artean zatituta ateratzen den adina gutxituko da likidazio-oinarria, hobariak eta kenkariak ekitaldian aplikaturik.

Bigarrena.–Ateratzen den zenbatekoari % 13ko portzentajea aplikatuko zaio.

Hirugarrena.–Arestiko eragiketaren emaitzari, kasua bada, honako zenbateko hauek kenduko zaizkio:

a) Ekitaldian aplikatutako kenkariak, nazioarteko zergapetze bikoitzarenak.

b) Produkzio zinematografikoetan eta ikus-entzunezko serieetan egindako inbertsioengatiko kenkariak, 70. artikuluan arautuak.

c) 66. artikuluan araututako ikerketa, garapen eta berrikuntza teknologikoko jarduketak egiteagatiko kenkarien ehuneko 50. Subjektu pasiboek 50.1.b artikuluan ezarritako karga-tasen arabera ordaintzen badute zerga, aipatu portzentajea ehuneko 100 izanen da.

Arestiko b) eta c) letretan ezarritakoen ondorioetarako, ekitaldian sortutako kenkariak eta aurreko ekitaldietan aplikatu gabe gelditu direnak konputatu eginen dira.

4. Artikulu honetan ezarritakoa ez zaie aplikatuko 50.3 artikuluko entitateei, 50.1 artikuluan aipatzen diren zerga-tasa orokorrak aplikatzen zaizkien emaitzei dagokienez”.

Hamahiru.–64.c) artikulua.

“c) Inbertsioaren xedea den aktibo multzoaren zenbatekoa ez izatea 6.000 eurotik beherakoa, eta ibilgetu materialaren eta ondasun higiezinen gaineko inbertsioen aldez aurreko kontabilitate-balioen baturaren ehuneko 10etik gorakoa izatea ekitaldi bakoitzean, amortizazioak kenduta. Ekitaldian egindako inbertsioen zenbatekoa 300.000 eurotik gorakoa bada, aurreko ehunekoa 5era murriztuko da.

Kontabilitate-balioa zehazteko, inbertsioa egiten den ekitaldiaren aurre-aurreko zergaldiko azken egunari dagokion balantzeari begiratuko zaio, data horretan indarrean den inbertsioaren xede den aktibo finkoari dagokiona kontatu gabe”.

Hamalau.–67. artikulua.

“67. artikulua. Babesletza jarduerek eragindako publizitate gastuengatiko kenkaria.

1. Interes sozialaren deklarazioa duten kirol, kultur eta gizarte laguntzako jardueren babesletza kontratuek eragindako publizitate gastuek eskubidea emanen dute kuota likidoan kenkaria egiteko, ordaindutako zenbatekoei, ondasun edo eskubideen entregei eta zerbitzuen prestazioei eskala honetako ehunekoak aplikatuta ateratzen den zenbatekoa adinakoa:

KENKARIAREN OINARRIA

 APLIKATU BEHARREKO PORTZENTAJEA
30. 000 euro bitarte, hori barne

 100eko 30
60. 000 euro bitarte, hori barne

 100eko 35
Soberakoa 60.000 eurotik gora

 100eko 40

Interes sozialaren deklarazioa Foru Komunitateko Administrazioaren departamentu eskudunek eginen dute, eta bertan tramitatuko dira kasuan kasuko espedienteak.

2. Kenkariaren oinarria honako hauek osatuko dute:

a) Ordaindutako kopuruen zenbatekoa.

b) Ondasun edo eskubideen entregak direnean, haien kontabilitate-balio garbia, merkatuko batez besteko prezioa gaindi ez dezakeena.

c) Zerbitzuak ematen direnean, haien kostua, lagatako ondasunen amortizazioa barne, halakorik dagoenean”.

Hamabost.–69. artikulua.

“69. artikulua. Energia berriztagarrien instalazioetan inbertitzeagatiko kenkariak.

Entitatearen ustiatze ekonomikoaren garapenari atxikitako instalazioetan egindako inbertsioek, energia iturri gisa biomasa, geotermia edo eguzki-energia termikoa badute, eskubidea emanen dute inbertsio horien zenbatekoaren ehuneko 15eko kenkaria aplikatzeko.

Eraikuntzaren Kode Teknikoari jarraikiz proiektu batean derrigorrezkoa bada energia berriztagarrien instalazio bat egitea etxeko ur beroa sortzeko, beharrezkoa izanen da inbertsio horien kenkaria aplikatu ahal izateko, aipatu instalazioa diseinatzea berokuntzari eta/edo hozteari ere laguntza emateko. Kasu honetan instalazioaren kostuaren ehuneko 70eko kenkaria baino ez da aplikatuko, ulertzen baita gainerako ehuneko 30 dela aipatu araua betetzeko behar den inbertsioa.

Era berean, autokontsumorako instalazio fotovoltaikoetan eta instalazio eolikoetan egindako inbertsioaren ehuneko 15eko kenkaria egonen da. Zilegi izanen da sisteman energiaren metaketa egotea.

Instalazio fotovoltaikoek ez dute kenkaria izateko eskubiderik emanen, Eraikuntzaren Kode Teknikoaren arabera derrigorrezko izaeta badute, salbu eta haien potentzia izenduna eskatzen den gutxienekoa baino handiagoa bada. Halakoetan, instalazioaren kostuaren kenkaria egon daiteke, eskatzen den gutxieneko horretatik gora instalatutako potentziaren proportzioan.

Instalazio fotovoltaikoak ondotik aipatzen diren kokapenetako bat izanen du:

a) Eraikin finko eta itxietako teilatu eta fatxadetan, baldin eta material sendoen bidez eginak badaude eta etxebizitza, zerbitzu, merkataritza edo industriarako erabiltzen badira, nekazaritza eta abeltzaintza sektorekoak barne.

b) Eusteko egitura finkoetan, aparkalekuak estaltzeko edo itzala emateko erabiltzen badira, bi kasuetan lehenagoko erabilerarako eremuetan kokaturik badaude.

Halaber, mikrosareetan egindako inbertsioen ehuneko 15eko kenkaria aplikatuko da. Mikrosaretzat jotzen da halako multzo bat, kargak, generazio banaturako elementuak, biltegiratzeko elementuak eta kontrol eta kudeaketarako elementu eta sistemak dituena, eta horiek lotuta daude sare elektrikoarekin lotura puntu beraren bidez, eta energia kudeatzeko estrategia batekin elkartuta daude. Mikrosare horiek elikatuko dira, funtsean, generazio berriztagarriko iturrien bidez, baina baztertu gabe energia fosilen erabilera, euskarri gisa egoera jakin batzuetan, edo errentagarritasun ekonomikoko arrazoiengatik. Edonola ere, justifikatu egin beharko dira. Generazio ez berriztagarriko elementuei ez zaie kenkaririk aplikatuko.

Energiaren arloko organo eskudunak egindako inbertsioei buruzko egiaztapen-txosten bat emanen du, baina bertan ez dira sartuko energiaren produkziorako helburuak betetzeko beharrezkoak ez diren elementuen inbertsioa. Halaber egiaztatuko du instalazioak zerbitzuan jarri direla aplikatzekoa den erregelamendu teknikoaren arabera.

Kenkariaren oinarria txosten horretan egiaztatutako inbertsioen zenbatekoak determinatuko du”.

Hamasei.–70. artikulua. Produkzio zinematografikoetan eta ikus-entzunezko serieetan egindako inbertsioengatiko kenkariak.

“1. Espainiako film luze zinematografikoen eta ikus-entzunezko serieen (fikziokoak, animaziokoak edo dokumentalak) ekoizpenetan egindako inbertsioek, seriean egiteko ekoizpen industrialaren aurretik euskarri fisiko bat egitea ahalbidetzen dutenek, % 35eko kenkarirako eskubidea emanen diote ekoizleari. Kenkariaren oinarria produkzioaren guztizko kostuak osatuko du, bai eta kopiak egiteko eta publizitate gastuetarako gastuek eta ekoizlearen kargurako sustapen gastuek ere, bi kasuetan produkzio-kostuaren % 50eko mugaraino.

Kenkari-oinarriaren % 25, gutxienez, Nafarroako lurraldean egindako gastuena izanen da.

Kenkari hau aplikatu ahal izateko, betebehar hauek bete beharko dira:

a') Produkzioak dagokion naziotasun-ziurtagiria eskuratzea, eta halaber, edukiaren izaera kulturala, errealitate kulturalarekiko lotura edo Espainian aurkezten diren lan zinematografikoen aniztasun kulturalari egindako ekarpena egiaztatzen duen ziurtagiria, Zinematografiaren eta Ikus-entzunezko Arteen Institutuak emana.

b') Produkzioaren kopia berri bat eta egoera ezin hobea duena gordailuan uztea Espainiako Filmotekan edo dagokion autonomia erkidegoak ofizialki aitortutako filmotekan, urriaren 19ko KUL/2834/2009 Aginduan ezarritako moduan.

Baterako ekoizpenaren kasuan, idatz-zati honetan adierazitako zenbatekoak baterako ekoizle bakoitzak finkatuko ditu hartan daukan partaidetza-ehunekoaren arabera.

Kenkaria obraren ekoizpena bukatzen den zergalditik aurrera eginen da. Hala eta guztiz ere, ekoizpenak hamabi hilabete baino gehiagoko epea duenean edo entitatearen zergaldi batean baino gehiagotan eragiten duenean, entitateak zilegi izanen du kenkaria aplikatzea ordainketak egiten diren neurrian eta ordainketa horien zenbatekoan, kenkaria hasteko datan kenkarietarako indarrean dagoen araudia aplikatuta.

Kenkari-oinarria gutxituko da kenkarirako eskubidea sortzen duten inbertsioak finantzatzeko jasotako diru-laguntzen zenbatekoan, entitate jasotzailearen karga-mota diru-laguntza horiei aplikatzetik ateratzen den kopuruan gutxiagotua.

2. Hezkuntza, Kultura eta Kirol Ministerioko Enpresa Zinematografikoen Erregistroan izen emanda dauden ekoizleek, film luze zinematografikoen ekoizpenaz edo seriean eginiko ekoizpen industriala egin baino lehenagoko euskarri fisikoa egiteko modua ematen duten ikus-entzunezko obren ekoizpenaz arduratzen direnek, eskubidea izanen dute Nafarroako lurraldean egindako gastuen % 35eko kenkaria aplikatzeko. Kenkari hori aplikatu ahal izateko, ekoizpenean gutxienez ere astebeteko filmatzea egin beharko da Nafarroako barnealde edo kanpoaldeetan, salbu eta behar bezala justifikatutako inguruabarrengatik epea laburragoa denean, Nafarroako Foru Komunitatean ezin egiteagatik.

Kenkariaren oinarria Nafarroako lurraldean egin eta ekoizpenarekin zuzeneko lotura duten honako gastuek osatuko dute:

Lehena.–Sormenaren arloko langileen gastuak, baldin eta egoitza fiskala Espainian edo Europako Esparru Ekonomikoko kidea den estaturen batean badute, 50.000 euroko mugarekin pertsona bakoitzeko.

Bigarrena.–Industria teknikoak eta bestelako hornitzaile, garraio, ostatu eta mantenuak erabiltzetik heldutako gastuak, ekoizpenerako beharrezkoak direnak.

Kenkari-oinarria gutxituko da kenkarirako eskubidea sortzen duten inbertsioak finantzatzeko jasotako diru-laguntzen zenbatekoan, entitate jasotzailearen karga-mota diru-laguntza horiei aplikatzetik ateratzen den kopuruan gutxiagotua.

Idatz-zati honetan ezarritako kenkaria ez da aplikatuko zerbitzuak hartzen dituen ekoizleak artikulu honetako 1. idatz-zatian ezarritako kenkaria aplikatzen duenean.

3. Artikulu honetan arautzen diren kenkarien zenbatekoa, zergadunak zinemako film luze edo ikus-entzunezko lan bakoitzagatik jasotako gainerako laguntzekin batera, ez da izanen produkzio-kostuaren ehuneko 50 baino gehiago, salbu eta mugaz gaindiko produkzioa bada, Europar Batasuneko estatu bat baino gehiagok finantzatua, eta Europar Batasuneko estatu bat baino gehiagoko produktoreek parte hartzen badute. Halakoetan, ez da izanen produkzio-kostuaren ehuneko 60 baino gehiago.

Aurreko lerrokadan ezarritakoa ez zaie aplikatuko ikus-entzunezko obra zailei ez eta Ekonomiako Lankidetza eta Garapenerako Antolakundeko Garapenerako Laguntzako Batzordearen zerrendako herrialdeen parte-hartzearekin egindako koprodukzioei.

Erregelamenduaren arabera garatuko dira ikus-entzunezko obra bat zailtzat jotzeko baldintzak, artikulu honetan arautzen den kenkariaren ondorioetarako.

4. Subjektu pasiboak aurkeztu beharko du, artikulu honetan ezartzen diren kenkariak edukitzeko aurkezten den zergaren autolikidazioarekin batera, jasotako laguntza edo diru-laguntza publikoen zerrenda bat, zehaztu ahal izateko hirugarren idatz-zatian aipatzen diren gehieneko laguntzak nola betetzen diren.

5. Tributuei buruzko 13/200 Foru Lege Orokorraren 105. artikuluan xedatutakoa gorabehera, artikulu honetan arautzen den kenkaria aplikatzeko eskubidea dutela frogatzen duten subjektu pasiboek baimena ematen dute egiaztatuko kenkaria dagozkion datuak hedatzeari, Zinemako obretarako eta ikus-entzunezkoen sektoreko beste produkzio batzuetarako Estatuaren laguntzari buruzko Batzordearen Komunikazioaren 52. idatz-zatiaren 7. zenbakian aurreikusitakoari jarraikiz (2013/C 332/01). Ildo horretatik, Nafarroako Zerga Ogasunak argitara emanen du aipatu komunikazioan ezartzen den informazioa, bertan eskatzen diren baldintzetan.

6. Zergadunek kontsultak egiten ahal dizkiote Tributu Administrazioari, artikulu honetan arautzen diren kenkarien interpretazioaz eta aplikazioaz, kasu eta proiektu jakin batzuei dagokienez. Aipatu kontsultei emandako erantzunak lotesleak izanen dira”.

Hamazazpi. 71.1. artikulua. 2 3 eta 6.

“1. Zergaldian zehar plantillaren batez bestekoak izandako gehikuntzagatik 5.000 euroko kenkaria aplikatuko da kuotan, pertsona/urte bakoitzeko, lan-kontratu mugagabeduna bada, eta lanbide arteko gutxieneko soldata gehi ehuneko 70etik gorako soldata badu. Plantilla-gehikuntza hori neurtuko da zergaldia hasi aurre-aurreko hamabi hilabeteetan kontratu mota hori zeukan plantillaren batez bestekoarekin alderatuta. Ondorio horietarako, sortu berri diren entitateen kasuan, eratu aurreko aldian zero langile izan dituztela zenbatuko da.

Plantillan izan den batez bestekoaren gehikuntza kalkulatzeko, bakar-bakarrik zenbatuko da zenbat pertsona/urte dauden lan-kontratu mugagabearekin eta lanbide arteko gutxieneko soldata gehi ehuneko 70etik gorako soldatarekin. Lanaldi partzialeko kontratua duten langileen kasuan, benetan lan egindako orduen araberako proportzioan kontatuko dira.

Kenkariak, guztira, ez du gaindituko zergaldi horretan entitatearen plantilla osoaren batez bestekoan urtean gehitutako pertsona kopuruari legokiokeena, edozein izanik kontratazio modua.

2. Aurreko zergaldiko plantilla osoaren batez bestekoa mantenduz, plantillan lan-kontratu mugagabea eta lanbide arteko gutxieneko soldata gehi ehuneko 70etik gorako soldata dutenen batez bestekoa handitzen bada eta gehikuntza hori entitatearen plantilla osoaren batez bestekoaren gehikuntza baino handiagoa bada, pertsona eta urte bakoitzeko 2.000 euroko kenkaria aplikatuko da bi gehikuntza horien arteko diferentziagatik.

Aurreko zergaldiko plantilla osoaren batez bestekoa murriztuz, plantillan lan-kontratu mugagabea eta lanbide arteko gutxieneko soldata gehi ehuneko 70etik gorako soldata dutenen batez bestekoa handitzen bada, aurreko lerrokadan aipatu kenkaria eginen da aipatu den gehikuntzaren eta plantilla osoaren batez besteko murrizketaren arteko diferentzia positiboaren gainean.

3. Aurreko 1 eta 2 idatz-zatietan aurreikusitako kenkariak 6.800 eta 3.200 eurokoak izanen dira, hurrenez hurren, urtean kontratatzen den langile ezgaitu bakoitzeko, azaroaren 29ko 1/2013 Errege Dekretu Legegilearen bidez onetsitako Ezgaitasuna duten pertsonen eskubideei eta haien gizarteratzeari buruzko Lege Orokorraren Testu Bateginean xedatutakoarekin bat, bereizirik kalkulatuta eta aurreko zenbakietan ezarritako prozedurak erabiliz.

“6. Aurreko idatz-zatietako kenkariak bateraezinak dira elkarren artean.

Aurreko 1. eta 2. zenbakietan ezarritakoarekin bat egoki diren kenkariak izateko, beharrezkoa izanen da kenkaria sortzen duen zergaldiko plantillaren batez bestekoa, lan-kontratu mugagabea eta lanbide arteko gutxieneko soldata gehi ehuneko 70etik gorako soldata dutenena, txikiagoa izatea kenkaria sortu zuen zergaldia bukatu eta ondo-ondoko hogeita lau hilabeteko batez bestekoa baino, edo horren berdina.

Kenkaria sortu duen zergaldiko plantillaren batez besteko osoa, lan-kontratu mugagabea eta lanbide arteko gutxieneko soldata gehi ehuneko 70etik gorako soldata dutenena, handiagoa baldin bada zergaldi horren ondoko hogeita lau hilabeteko plantillaren batez bestekoa baino, subjektu pasiboak dagokion kenkaria galduko du, hau da, konparaturik batetik sortu duen kenkaria eta bestetik geroko hogeita lau hilabete horien plantilla osoaren batez bestekoaren, arabera, lan-kontratu mugagabea eta lanbide arteko gutxieneko soldata gehi ehuneko 70etik gorako soldata dutenenaren arabera, aterako litzatekeen kenkaria, diferentzia horri dagokion zenbatekoa galduko du.

Aurreko lerrokadan xedatutakoaren ondorioetarako, kenkaria aplikatu baldin bada lan-kontratu mugagabea eta lanbide arteko gutxieneko soldata gehi ehuneko 70etik gorako soldata dutenen plantilla mantendu beharreko hogeita lau hilabeteko aldia bukatu baino lehen, hogeita lau hilabete horiei dagokien aitorpenean ordaindu behar da desegoki aplikatutako zenbatekoa, dagozkion berandutza interesekin batera”.

Hemezortzi.–72. artikulua. 6 eta 7.

“6. Kenkarien aplikazioa ordena honen arabera egin beharko da:

Hobariak eta barneko nahiz nazioarteko ezarpen bikoitzagatiko kenkariak gauzatu ondotik, lehenbizi aurreko zergaldietan sortutako kenkariak aplikatuko dira, foru lege honetan ezarritako mugek ukitzen dituztenak.

Ondotik, aurreko 3. idatz-zatian ezarritako muga aplika dakiekeen kenkariak, ekitaldikoak, aplikatuko dira; betiere, aurreko lerrokadako kenkarien eta lerrokada honetakoen artean osotara % 25eko muga gainditzen ez den bitartean.

Ondoren, kuota likidoaren gainean mugarik gabe aplikatzen diren kenkariak, aurreko ekitaldiari dagozkionak, gauzatuko dira.

Azkenik, kuota likidoaren gainean mugarik gabe aplikatzen diren kenkariak, azken ekitaldiari dagozkionak, gauzatuko dira.

7 Kenkariok aplikatuko zaizkio subjektu pasiboak bere borondatez eginiko aitorpenetik ateratako kuotari, bai eta Administrazioak gauzatutako tributu erregularizaziotik ateratzen den kuotari ere, tributu-alorreko arau-hausteagatiko erantzukizunik ez bada bederen”.

Hemeretzi.–74.3. artikulua.

“3. Orobat, energia elektriko berriztagarria ekoizteko Nafarroan kokatuta dauden instalazioen titular edo titularkide diren subjektu pasiboentzat, instalazio bakoitzeko potentzia instalatu izenduna 100 kW-etik gorakoa ez bada, konturako ordainketatzat hartuko dira eta kengarriak izanen dira energia elektrikoaren ekoizpenaren balioaren gaineko zerga dela-eta Nafarroako Zerga Ogasunari ordaindutako tributu-kuotak.

Zer zergalditan ordaindu den, haietan ordaindutako tributu-kuotengatik eginen da kenkaria, zein den ere energia elektrikoaren ekoizpenaren balioaren gaineko zergaren autolikidazioari eta ordainketa zatikatuari dagokien zergaldia.

Energia elektrikoa ekoizten duten instalazioen titularkidetasunaren kasuan, titulartasun juridikoari kasu bakoitzean aplikatzen zaizkion arau edo itunen arabera eginen da kenkaria eta, haiek ez badira modu sinesgarrian agertzen, kenkaria erdibana dela ulertuko du Zerga Administrazioak.

Kenkariaren zenbatekoa ez da 500 eurotik gorakoa izanen subjektu pasibo bakoitzeko.

Ogasuneko eta Finantza Politikako Departamentuaren titularrak foru agindu bidez arautuko ditu kenkari hau aplikatzeko beharrezkoak diren xedapenak”.

Hogei.–110.10. artikulua, hirugarren lerroaldea.

Kenkari hori aplikatuko da, betiere, kapital-arriskuko entitateek eskaturik, Ogasuneko eta Finantza Politikako Departamentuak berariazko baimena ematen badu”.

Hogeita bat.–112. artikulua.

“112. artikulua. Inbertsio kolektiboko erakundeetako bazkide edo partaideen tributazioa.

1. Aurreko artikuluan aipatzen diren inbertsio kolektiboko erakundeen bazkide edo partaideek honako kontzeptu hauek sartuko dituzte zerga-oinarrian:

a) Akzioen edo partaidetzen eskualdaketaren ondorioz edo partaidetzen errenboltsoaren ondorioz lortutako errenta, positiboa nahiz negatiboa.

b) Inbertsio kolektiboko erakundeak banatutako mozkinak. Etekin horiek ez dute eskubiderik sortuko ezarpen bikoitzagatiko kenkarietarako.

2. Artikulu honetan ezarritako araubidea aplikatuko zaie Europako Parlamentuaren eta Kontseiluaren 2009ko uztailaren 13ko 2009/65/EE Zuzentarauaren bidez araututako inbertsio kolektiboko erakundeetako bazkide edo partaideei, baldin eta erakunde horiek ez badira foru lege honen 114. artikuluan aipatzen direnetakoak, Europar Batasuneko kide den estaturen batean eratuak eta helbideratuak badaude eta Balore Merkatuaren Batzorde Nazionalaren erregistro berezian inskribaturik badaude, Espainiako egoiliarrak diren entitateek merkaturatzearen ondorioetarako”.

Hogeita bi.–113. artikulua. Indargabetzea.

Hogeita hiru.–116. artikulua.

“116. artikulua. Subjektu pasiboa.

1. Zerga taldeak subjektu pasiboaren izaera izanen du.

2. Talde fiskalaren entitate ordezkariak zerga-baterakuntzaren araubideak sortutako zerga arloko betebehar materialak eta formalak bete beharko ditu. Talde fiskalaren entitate ordezkaria entitate nagusia izanen da Espainiako lurraldeko egoiliarra denean, edo talde fiskalak izendatzen duen entitatea, entitate nagusia izateko baldintzak betetzen dituen eta Espainiako lurraldeko egoiliarra den entitaterik ez dagoenean taldean.

3. Talde fiskala osatzen duten entitateek ere banakako tributazio araubideak dakartzan zerga betebeharrak bete beharko dituzte, araubide horretako tributu zorraren ordainketa izan ezik.

4. Talde fiskaleko edozein entitateri Administrazioak, taldearen ordezkaria den entitateak horren berri formala izanda, egindako egiaztapen eta ikerketa lanak direla eta, eten eginen da talde fiskal horri eragiten dion sozietateen gaineko zergaren preskripzio epea”.

Hogeita lau.–117. artikulua.

“117. artikulua. Zerga taldearen definizioa. Entitate nagusia. Menpeko entitateak.

1. Talde fiskala hau da: Espainiako lurraldeko egoiliarrak diren eta artikulu honetan ezarritako baldintzak betetzen dituzten entitateen multzoa, sozietate anonimoak, mugatuak eta akzio bidezko sozietate komanditarioak badira, bai eta artikulu honen 3. idatz-zatian aipatzen diren banku-fundazioak ere.

Espainiako lurraldeko edo paradisu fiskaltzat hartzen den herrialde edo lurralde bateko egoiliarra ez den entitate bat, nortasun juridikoa duena eta zerga honen berdina edo parekoa den zerga bati lotuta dagoena, ez salbuetsia, entitate nagusia denean menpeko bi entitaterekiko edo gehiagorekiko, talde fiskala 3. idatz-zatian aipatzen diren baldintzak betetzen dituzten menpeko entitate guztiek osatuko dute.

Zerga-baterakuntzaren araubidea aplikatzearen ondorioetarako soilik, entitate ez-egoiliarren establezimendu iraunkorrak entitate ez-egoiliar horiek kapitalaren ehuneko 100ean eta boto eskubideetan partaidetutako entitate egoiliarrak izanen dira.

Talde fiskaleko entitate nagusia Espainiako lurraldeko entitate egoiliar bat denean, eta sozietateen gaineko zergan banakako tributazioaren araubidean lurralde erkideko araudiaren menpe dagoenean, Estatuaren eta Nafarroako Foru Komunitatearen arteko Hitzarmen Ekonomikoarekin bat, talde fiskalaren zerga arloko tratamendua entitate nagusia Espainiako lurraldeko ez-egoiliarra duten talde fiskalen parekoa izanen da.

2. Baldintza hauek betetzen dituena izanen da entitate nagusia:

a) Nortasun juridikoa izatea eta sozietateen gaineko zergari edo zerga honen berdina edo parekoa denari loturik egotea, ez salbuetsia, betiere paradisu fiskaltzat hartzen den herrialde edo lurralde bateko egoiliarra ez bada. Espainiako lurraldeko entitate ez-egoiliarrek, paradisu fiskaltzat hartzen den herrialde edo lurralde bateko egoiliarrak ere ez direnek, Espainiako lurraldean dituzten establezimendu iraunkorrak entitate nagusitzat hartzen ahalko dira, establezimendu horiei atxikitako partaidetzak dituzten entitateei dagokienez.

b) Tributazio araubide hau aplikatzekoa den zergaldiko lehenbiziko egunean, menpeko izaera duen beste entitate baten edo batzuen kapital sozialean 100eko 75eko partaidetza edo handiagoa izatea, zuzenean edo zeharka, eta boto eskubideen gehiengoa.

Merkatu arautu batean negoziaziorako onartzen diren akzioak dituzten entitateen kasuan, aurreko ehunekoa 70ekoa izanen da gutxienez. Bigarren ehuneko hori aplikatuko da, orobat, beste entitate batzuetan zeharkako partaidetzak izanez gero, betiere ehuneko horretara iristen baldin bada merkatu arautu batean negoziaziorako onartzen diren akzioak dituzten entitate partaidetuen bitartez.

c) Partaidetza eta boto eskubideak zergaldi osoan mantentzea. Baldintza hau ez da eskatuko baldin eta entitate partaidetua desegiten bada.

d) Entitate nagusitzat hartzeko baldintzak betetzen dituen beste baten menpekoa ez izatea zuzenean nahiz zeharka.

e) Interes ekonomikoko elkarteen, espainiar zein europarren, nahiz enpresen aldi baterako batasunen araubide bereziaren menpekoa ez izatea, edo bi horien parekoa den bestelako araubideen menpekoa.

f) Espainiako lurraldeko entitate ez-egoiliarren establezimendu iraunkorren kasuan, entitate horiek ez izatea entitate nagusitzat hartzeko baldintzak betetzen dituen beste entitate baten menpekoak zuzenean nahiz zeharka, eta paradisu fiskaltzat hartzen den herrialde edo lurralde bateko egoiliarra ez izatea.

3. Entitate nagusi batek aurreko zenbakiko b) eta c) letretan aipatzen diren baldintzak betetzen dituen partaidetza duenean entitate batean, bigarren entitate hori menpeko entitatea izanen da; Espainiako lurraldeko egoiliarrak ez diren establezimendu iraunkorrak ere menpeko entitateak izanen dira, entitate batek aurreko idatz-zatian ezarritako baldintzak betetzen baditu haiei dagokionez.

Kreditu-entitateen Antolamenduari, Gainbegiratzeari eta Kaudimenari buruzko ekainaren 26ko 10/2014 Legearen bosgarren xedapen gehigarrian aipatutako babeseko erakunde-sistema batean integratutako kreditu entitateek ere izaera hori bera izanen dute, betiere sistemako entitate zentrala talde fiskaleko kidea bada.

Menpeko entitatetzat hartuko dira, halaber, Aurrezki-kutxei eta Banku-fundazioei buruzko abenduaren 27ko 26/2013 Legearen 43.1 artikuluan aipatzen diren banku-fundazioak, baldin eta talde fiskaleko entitate nagusia ez badira, bai eta kreditu entitatean partaidetza izateko bide ematen duten entitateek osotara partaidetua den edozein entitate ere.

4. Ondoren aipatzen diren gorabeheretako bat bere baitan biltzen duten entitateek ezin izanen dute zerga talde batean parte hartu:

a) Espainiako lurraldeko egoiliarra ez izatea.

b) Zerga honetatik salbuetsirik egotea.

c) Zergaldia ixten denean, konkurtso egoeran deklaratuta egotea, eta konkurtsoaren deklarazioak ondorioak dituen zergaldietan.

d) Zergaldia ixten denean, uztailaren 2ko 1/2010 Legegintzako Errege Dekretuaren bidez onetsitako Kapital-sozietateei buruzko Legearen Testu Bateginaren 363.1.e) artikuluan aurreikusitako ondare egoeran egotea, bere urteko kontuen arabera, salbu eta urteko kontuak onetsi behar direneko ekitaldia amaitu baino lehen egoera hori gainditu baldin badute.

e) Sozietateen gaineko zerga ordaindu behar duten menpeko entitateak izanik, haien karga-tasa talde fiskalaren entitate ordezkariarena ez izatea.

f) Menpeko sozietateak, haien sozietatearen ekitaldia, legeak agindurik zehaztua, ezin bazaio egokitu entitate ordezkariak duenari.

5. Entitate nagusiak bere izaera galtzen duenean talde fiskala iraungi eginen da.

Halere, talde fiskala ez da iraungiko entitate nagusiak bere izaera galtzen duenean eta Espainiako lurraldeko ez-egoiliarra denean, baldin eta menpeko entitate guztiek zerga-baterakuntzako taldea izateko baldintzak betetzen jarraitzen badute, salbu eta beste talde fiskal batean sartzen badira.

6. Banku-fundazio batek talde fiskal bateko entitate nagusiaren izaera galtzen badu zergaldi batean, kreditu entitatea subrogatu eginen da izaera horretan zergaldiaren hasieratik, eta ez dira gertatuko talde fiskalaren iraungipenaren ondorioak, 131. artikuluan aipatzen direnak, salbu eta 3. idatz-zatian adierazitako baldintzetan menpeko izaera ez izateagatik talde fiskaletik kanpo gelditzen diren entitateen kasuan.

7. Aktiboen kudeaketarako sozietateak, Finantza-sektoreko Higiezin Aktiboak Saneatu eta Saltzeari buruzko urriaren 30eko 8/2012 Legean xedatutakoarekin bat eratutakoak, kreditu entitateen talde fiskalean sartuko dira, baldin eta 2. idatz-zatiko b) eta c) letretan ezarritako baldintzak betetzen badira”.

Hogeita bost.–118. artikulua.

“118. artikulua. Sozietateak talde fiskalean sartzea edo hortik kanpo gelditzea.

1. Entitate baten partaidetza, zuzena nahiz zeharkakoa, aurreko artikuluko 2.b) definitu denaren modukoa, eskuratzen denean, eta idatz-zati horretan adierazitako gainerako baldintzak betetzen direnean, entitate hori talde fiskalean sartuko da nahitaez, hurrengo zergaldian ondorioak izateko. Entitate sortu berrien kasuan, eratzen den unetik beretik sartuko da taldean, baldin eta eratzen den unean talde fiskaleko kide izateko gainerako baldintzak betetzen baditu.

2. Menpeko entitateek izaera hori galtzen badute, talde fiskaletik kanpo geldituko dira, eta izaera galtzen den zergaldian bertan izanen ditu ondorioak”.

Hogeita sei.–119. artikulua:

“119. artikulua. Nagusitasuna eta boto eskubideak zehaztea zeharkako partaidetzetan.

1. Entitate batek partaidetza duenean beste entitate batean, eta bigarrenak hirugarren batean, eta, horrela, gehiagotan, lehenak beste entitateetan duen zeharkako partaidetza zehazteko, kapitalaren sozialean dituen partaidetza-ehunekoak elkarren artean biderkatuko dira, hurrenez hurren, halako moduan non biderketa horien emaitza kapital sozialaren ehuneko 75 izan beharko baita gutxienez, edo ehuneko 70, akzioak merkatu arautuan negoziaziorako onarturik dituzten entitateak direnean, edo azken horiek zuzenean nahiz zeharka partaidetutako entitateak.

2. Talde fiskal batean zeharkako eta zuzeneko partaidetza-harremanak badaude, entitate batek beste batean duen partaidetza osoa kalkulatzeko, hots, lehenbiziko entitateak zuzenean edo zeharka kontrolatzen duen entitate batean duena, zuzeneko eta zeharkako partaidetza-ehunekoak batuko dira. Entitate partaidetuak zerga taldean sartu beharko izateko, batura hori, gutxienez, kapital sozialaren 100eko 75 adinakoa izan beharko da edo, gutxienez, 100eko 70ekoa, merkatu arautu batean negoziaziorako onartzen diren akzioak dituzten entitateen kasuan edo zuzenean edo zeharka horrelako entitateek partaidetutako entitateak direnean, betiere entitate horien bidez ehuneko horretara iristen badira.

3. Entitateen arteko harremanetan elkarrekiko partaidetza, partaidetza zirkularra edo konplexua badago, datu objektiboen bidez frogatu beharko da partaidetza kapital sozialaren 100eko 75ekoa dela, gutxienez, edo 100eko 70ekoa, gutxienez, merkatu arautu batean negoziaziorako onartzen diren akzioak dituzten entitateen kasuan edo zuzenean edo zeharka horrelako entitateek partaidetutako entitateen kasuan, betiere entitate horien bidez ehuneko horretara iristen badira.

4. Boto eskubideak zehazteko, irailaren 17ko 1159/2010 Errege Dekretuaren bidez onetsi ziren urteko kontu bateratuak egiteko neurrietan, 3. artikuluan, ezarritakoa aplikatuko da”.

Hogeita zazpi.–120. artikulua.

“120. artikulua. Zerga-baterakuntzako araubidearen aplikazioa.

1. Zerga-baterakuntzaren araubidea talde fiskala osatu behar duten entitate guzti-guztiek hala erabakitzen dutenean aplikatuko da.

2. Aurreko idatz-zatian aipatzen diren erabakiak Administrazio Kontseiluak hartu beharko ditu -edo horren baliokidea den organoak-, eta zerga-baterakuntzako araubidea aplikatuko den zergaldiaren aurre-aurreko zergaldiko edozein egunetan hartzen ahal dira.

3. Hurrenez hurren talde fiskalean sartzen diren entitateek aurreko idatz-zatietan aipatzen diren betebeharrak bete beharko dituzte, eta horretarako epea -erga baterakuntzako araubidean tributatu behar duten lehen zergaldia amaitzen den egunean amaituko da.

4. Artikulu honetako 1. eta 2. idatz-zatietan aipatutako erabakiak hartzen ez badira, ezinezkoa izanen da zerga-baterakuntzako araubidea aplikatzea.

Talde fiskalean hurrenez hurren sartu beharreko entitateek erabakia ez hartzeak entitate ordezkariaren tributu arloko arau-hauste sinplea ekarriko du, eta 10.000 eta 20.000 euro bitarteko isuna ezarriko zaio, araubidea baldintza hori bete gabe aplikatu den lehen zergaldiagatik, eta 30.000 eta 50.000 euro bitarteko isuna bigarren eta hurrengo zergaldiengatik, eragotzi gabe ukitutako entitateak taldean egiazki sartzea.

5. Behin aukera eginda, talde fiskala araubide honi lotuta geratuko da, mugarik gabe, hurrengo zergaldietan, 117. artikuluko betebeharrak betetzen badira eta ez bada jakinarazten uko egiten zaiola hori aplikatzeari; jakinarazpen hori bi hilabeteko epean egin beharko da, araubide hori aplikatu den azken zergaldia amaitzen denetik aitzina.

6. Talde fiskaleko entitate ordezkariak Nafarroako Zerga Ogasunari jakinaraziko dizkio 1. idatz-zatian aipatzen diren erabakiak, araubide hau aplikatzekoa den zergaldia hasi baino lehen.

117.1 artikuluko bigarren lerroaldean ezarritako baldintzetan eratutako talde fiskal baten kasuan, entitate ordezkariak aurreko lerroaldean aurreikusitako moduan jakinaraziko du Espainiako lurraldeko egoiliarra ez den entitate nagusiak hartutako erabakia, talde fiskalaren entitate ordezkaria izendatzen duena alegia. Erabaki hori ez jakinarazteak 4. idatz-zatian ezarritako ondorioak izanen ditu.

Halaber, talde fiskalaren osaketan aldaketak izaten direnean, entitate ordezkariak, zergaldi bakoitza amaitu baino lehen, Nafarroako Zerga Ogasunari adieraziko dio zer osaketa izan duen taldeak zergaldi horretan, zer entitate sartu diren taldean eta zein atera diren adierazita”.

Hogeita zortzi.–121. artikulua.

“121. artikulua. Zerga taldearen zerga-oinarria zehaztea.

1. Honela zehaztuko da zerga taldeen zerga-oinarria:

a) Talde fiskalekoak diren entitate guztien banan banako zerga-oinarriak batuz, banakako oinarri negatiboengatiko murriztapenak sartu gabe, 121. bis artikuluan jasotako berezitasuna kontuan harturik. Nolanahi ere, kontabilitateko emaitza zehazteko kontabilitatearen arloko araudian ezarritako betebeharrak edo kalifikazioak, bai eta emaitzari edozein doikuntza egiteko foru lege honetan ezarritakoak, 13.3 artikuluan adierazitako moduan, talde fiskalari dagozkiola ulertuko da.

b) Ezabapenak eginez.

c) Aurreko zergaldietan egindako ezabapenak gaineratuz, 123. artikuluaren arabera egokia denean.

2. Zerga taldearen zerga-oinarria zehazterakoan, honako hau ez da kontusail kengarritzat joa izanen: sozietate nagusiak, zuzen edo zeharka, menpeko sozietateetan duen kapital-partaidetzaren kontabilitate-balioaren eta menpeko sozietate horien fondo berekietan balio horiek egiten duten zati proportzionalaren arteko diferentzia positiboa.

Diferentzia negatiboa bada, ez da kargatu beharreko errentatzat hartuko.

Aurreko bi lerroaldeetan aipatzen den diferentzia menpeko sozietatea edo sozietateak lehenbiziko aldiz zerga taldean sartzen diren egunean dagoena izanen da.

3. Talde fiskaleko entitate batek taldeko kide izateari uzten dionean. haren partaidetza eskualdatzearen ondoriozko errenta negatiboen zenbatekoa murriztuko da, eskualdatutako entitateak talde fiskalaren barnean sortutako zerga-oinarri negatiboen zenbatekoan, betiere taldearen barnean konpentsatu badira”.

Hogeita bederatzi.–121. bis artikulua gehitzea.

“121. bis artikulua. Talde fiskala osatzen duten entitateen banakako zerga-oinarriak zehaztean aplikatzekoa den arau berezia.

Talde fiskala osatzen duten entitateen banakako zerga-oinarriak, 121.1.a) artikuluak aipatzen dituenak, foru lege honetan aurreikusitako arau orokorren arabera zehaztuko dira, berezitasun honekin:

38. artikuluan finantza gastuen kengarritasunari dagokionez ezarritako muga talde fiskalari aplikatuko zaio. Muga hori ez da aplikatuko entitatea iraungitzen den kasuan, salbu eta iraungipena talde fiskalaren barruan gertatzen bada eta iraungitako entitateak kenkaria egin gabeko finantza gastuak baditu taldean sartzeko unean.

Hala ere, zerga baterakuntzaren araubidean izaera hori ez duten entitateekin batera tributatzen duten kreditu-entitateen edo aseguratzaileen kasuan, 38. artikuluan ezarritako muga lehen entitate horien etekin operatiboa eta finantza gastu garbiak kontuan harturik kalkulatuko da, bai eta talde osoari dagokionez kontuan hartu beharreko ezabapenak eta gaineratutakoak”.

Hogeita hamar.–121.ter artikulua gehitzea.

“121. ter artikulua. Entitateak talde fiskalean sartzeari buruzko arau berezia.

Entitate bat talde fiskalean sartzen bada, talde fiskalaren zerga-oinarria zehazteko arau hau aplikatuko da:

Talde fiskalean sartzean kenkaria egin gabe zituen finantza gastu garbien kenkaria -38. artikuluan aipatzen direnena- entitatearen beraren etekin operatiboaren ehuneko 30eko mugarekin eginen da, kontuan harturik entitate horri dagozkion ezabapenak eta gaineratutakoak, 122. eta 123. artikuluetan aurreikusitakoarekin bat. Finantza gastu horiek 38.1 artikuluan aipatzen den mugan ere hartuko dira kontuan.

Era berean, 38.2 artikuluan ezarritako diferentzia, entitate batek talde fiskalean sartu aurretik sortutakoa, aplikatzekoa izanen da entitateak berak sortutako finantza gastuei dagokienez”.

Hogeita hamaika.–122. artikulua.

“122. artikulua. Eliminazioak.

Ezabapenak irailaren 17ko 1159/2010 Errege Dekretuaren bidez onetsitako urteko kontu bateratuak egiteko arauetan ezarritako irizpideekin bat eginen dira, betiere banakako zerga-oinarriei eragiten badiete eta foru lege honetan berariaz aurreikusitakoa kontuan hartuta”.

Hogeita hamabi.–123. artikulua.

“123. artikulua. Gaineratutakoak.

1. Ezabatutako emaitzak talde fiskalaren zerga-oinarrian sartuko dira irailaren 17ko 1159/2010 Errege Dekretuaren bidez onetsi ziren urteko kontu bateratuak egiteko arauetan hala ezartzen denean.

Halere, ezabatutako emaitzak emaitza horiek sortu dituen eta talde fiskaletik kanpo gelditu den entitatearen banakako zerga-oinarrian sartuko dira entitatea taldetik kanpo gelditzen den zergaldian.

2. 37. artikuluan aurreikusitako murriztapenari dagozkion diru-sarrerak hirugarrenekiko egin diren zergaldian sartuko dira talde fiskalaren zerga-oinarrian, eta, kasu horretan, aktibo haien lagapenak 28.2 artikuluan aipatzen diren dokumentazio betebeharrak bete beharko ditu”.

Hogeita hamahiru.–124. artikulua.

“124. artikulua. Zerga-oinarria murritzea.

1. Zerga taldearen zerga-oinarria murrizten ahalko da talde horren likidazio oinarri negatiboekin, 40. artikuluak ezartzen duen moduan.

Talde fiskalean sartzen den unean edozein entitatek likidazio oinarri negatiboak konpentsatu gabe baditu, oinarri horiekin taldearen zerga-oinarria murrizten ahalko da, entitatearen beraren zerga-oinarriaren ehuneko 70eko mugarekin, eta zerga-oinarri horretatik kenduko dira -aipatu ondorioetarako soilik- dibidenduak edo mozkinetako partaidetzak, foru lege honetako 59.2 artikuluak aipatzen dituenak, entitate horri dagozkion ezabapenak eta gaineratutakoak kontuan harturik, 122. eta 123. artikuluetan ezarritakoarekin bat

2. Inbertsioetarako Erreserba Bereziaren kasuan, foru lege honen 41.2 artikuluan adierazitako murriztapenaren muga talde fiskalaren zerga-oinarriari dagokio. Erreserba hori zuzkidura egin zuen entitateak berak edo taldeko beste batek gauzatzen ahalko du. Azkeneko kasu horretan, zuzkidura egin zuen entitateak eta erreserba gauzatu zuenak behar den informazioa eman beharko diote elkarri foru lege honen 44. eta 45. artikuluetan ezarritako betebeharrak betetzeko”.

Hogeita hamalau.–125. artikulua.

“125. artikulua. Berrinbertsioa.

1. Talde fiskaleko sozietateek 36. artikuluan aipatzen den zerga onurari heltzen ahalko diote. Aparteko onura lortu zuen entitateak berak edo taldeko beste batek egin dezake berrinbertsioa. Berrinbertsioa taldeko beste entitate bati elementu bat erosiz gauzatzen ahalko da, elementu hori berria izatearen baldintzarekin.

2. Onura fiskal hori ez da bidezkoa izanen talde fiskaleko entitateen artean egiten diren eskualdatzeen kasuan”.

Hogeita hamabost.–126. artikulua.

“126. artikulua. Zergaldia.

1. Talde fiskalaren zergaldia haren entitate ordezkariarena izanen da.

2. Menpeko entitateetako batek zergaldi bat banakako tributazio araubidearen araudiari jarraikiz amaitzen badu, amaiera horrek ez du talde fiskalaren amaiera baldintzatuko”.

Hogeita hamasei.–126. bis artikulua gehitzea.

“126. bis artikulua. Talde fiskalaren karga-tasa.

Talde fiskalaren karga-tasa haren entitate ordezkariarena izanen da”.

Hogeita hamazazpi.–127. artikulua.

“127. artikulua. Zerga taldearen kuota osoa.

Talde fiskalaren kuota osoa kasuan kasuko karga-tasa, aurreko artikuluaren araberakoa, Talde fiskalaren likidazio-oinarriari aplikatuta ateratzen den zenbatekoa izanen da”.

Hogeita hemezortzi.–128. artikulua.

“128. artikulua. Zerga taldearen kuota osoaren kenkariak eta hobariak.

1. Talde fiskalaren kuota osoari VI. tituluko II., III. eta IV. kapituluetan eta 110.10 artikuluan aurreikusitako kenkarien eta hobarien zenbatekoa kenduko zaio, bai eta aplikatzekoa izan daitekeen beste edozein kenkari ere.

Aipatutako kenkariak eta hobariak aplikatzeko ezarri diren betebeharrak, baita 62. artikuluan ezarri den salbuespen-araubidea aplikatzekoak ere, talde fiskalari buruzkoak izanen dira.

2. Talde fiskalean sartzen den unean edozein entitatek aplikatu gabe dituen kenkariak taldearen kuota osoan kentzen ahalko dira, eta muga entitate horri tributaziorako banakako araubidean egokitu zaiona izanen da, entitate horri dagozkion ezabapenak eta gaineratutakoak kontuan harturik, 122. eta 123. artikuluetan ezarritakoarekin bat”.

Hogeita hemeretzi.–129. artikulua.

“129. artikulua. Informazioa emateko betebeharrak.

1. Zergaren ondorioetarako, talde fiskaleko entitate ordezkariak balantzea, galera eta irabazien kontua, ekitaldiko ondare garbiaren aldaketak azalduko dituen egoera-orria eta eskudiru-fluxuen egoera-orri bateratua egin behar izanen ditu, talde fiskala osatzen duten sozietate guztiei integrazio orokorreko metodoa ezarriz.

2. Egoera-orri bateratuen itxiera data eta zergaldia talde fiskalaren entitate ordezkariaren urteko kontuenak izanen dira, eta talde fiskala osatzen duten gainerako entitateek entitate ordezkariak egiten duen datan itxiko dute ekitaldi soziala.

3. Lehengo 1. zenbakiak aipatzen dituen agiriei honako argibide hauek eransti beharko zaizkie:

a) Aurreko zergaldietan egindako ezabapenak, gaineratzeko daudenak.

b) Zergaldian egindako ezabapenak, haien jatorria eta zenbatekoa behar bezala justifikatuta.

c) Zergaldian gaineratutakoak, haien jatorria eta zenbatekoa behar bezala justifikatuta.

d) Talde fiskalaren zerga-oinarria zehazteko egindako ezabapenen eta gaineratutakoen eta 1. idatz-zatian aipatzen diren dokumentuak egiteko ondorioetarako egindakoen artean egon daitezkeen diferentziak, behar bezala azalduta”.

Berrogei.–130. artikulua.

“130. artikulua. Kontsolidazio fiskaleko araubidea galtzea dakarten arrazoiak.

1. Kontsolidazio fiskaleko araubidea galduko da ondoren aipatzen direnak gertatuz gero:

a) Talde fiskaleko entitate batean edo batzuetan zeharkako zenbatespeneko araubidea aplikatzea eskatzen duten inguruabarretako bat gertatzea.

b) Aurreko artikuluko 1. idatz-zatian aipatzen diren informazio eman beharrak ez betetzea.

2. Zerga-baterakuntzaren araubidea galtzeak aurreko idatz-zatian aipatzen diren arrazoietako bat edo batzuk gertatzen diren zergaldian bertan izanen ditu ondorioak, eta talde fiskala osatzen duten entitateek banakako araubidean tributatuko dute zergaldi horretan”.

Berrogeita bat.–131. artikulua.

“131. artikulua. Zerga-baterakuntzaren araubidea galtzearen eta talde fiskala desagertzearen ondorioak.

1. Zerga-baterakuntzaren araubidea galtzen bada, edo talde fiskala iraungitzen bada, hau egin beharko da:

a) Gaineratu gabe dauden ezabapenak taldea osatzen duten entitateen banakako zerga-oinarrian sartuko dira, ezabapenaren xede den errenta sortu duten heinean.

b) Araubidea galtzen edo iraungitzen den zergaldian talde fiskala osatzen duten entitateek hau hartu beharko dute bere gain:

Lehena. Talde fiskalaren finantza gastu garbiak, kenkaria egin gabekoak, 38. artikuluan aipatzen direnak, horiek eratzen esku hartu duten proportzioan.

Bigarrena.–38.2 artikuluan ezarritako diferentzia, horiek eratzen esku hartu duten proportzioan.

Hirugarrena.–Talde fiskalaren likidazio-oinarri negatiboengatik egin gabe dagoen murriztapena egiteko eskubidea, horiek eratzen esku hartu duten proportzioan.

Murriztapena 40. artikuluan ezarritako epea bete arte falta diren zergaldietan tributaziorako banakako araubidean zehazten diren zerga-oinarri positiboetan eginen da. 40. artikuluko epea talde fiskalaren likidazio-oinarri negatiboak zehaztu ziren zergaldiaren edo zergaldien hurrengotik edo hurrengoetatik aurrera hasiko da kontatzen.

Laugarrena.–Talde fiskalak kuotan egin gabe dituen kenkariak aplikatzeko eskubidea, haiek eratzeko erabili diren proportzioan.

Egiteko dagoen kenkarirako foru lege honetan ezartzen den epea bete arte falta diren zergaldietan zehazten diren kuota osoetan eginen da kenkaria, eta epea kenkariaren zenbatekoak zehaztu ziren zergaldiaren edo zergaldien hurrengotik edo hurrengoetatik aurrera hasiko da kontatzen.

Bosgarrena.–Talde fiskalak egindako zatikako ordainketen kenkarirako eskubidea, horiek eratzen esku hartu duten proportzioan.

2. Aurreko idatz-zatian xedatutakoa talde fiskala osatzen duten entitateetako bat edo batzuk taldetik kanpo gelditzen direnean aplikatuko da.

3. 124.2 eta 125.1 artikuluetan ezarritako kasuetan, Inbertsioetarako Erreserba Bereziaren erabilera edo 36. artikuluan azaldutako berrinbertsioa talde fiskaleko beste entitate batek egiten badu, eta entitate hori taldetik ateratzen bada, hain zuzen ere 43.3 eta 36.2 artikuluetan, hurrenez hurren, inbertsioari eusteko ezarrita dauden gutxieneko epeak bukatu baino lehen, pizgarri horiek aplikatzeko betebeharrak hautsi direla ulertuko da, salbu eta Nafarroako Zerga Ogasunak horretarako berariazko baimena eman baldin badu, hori justifikatzen duten egoera berezietan.

4. Nolanahi ere, talde fiskal bateko entitate nagusia menpeko entitate bihurtzen denean, edo entitateren batek xurgatzen badu, X. tituluko IX. kapituluan jasotako zerga araubide bereziari lotutako bat-egite operazio baten bidez, eta horrek ekartzen badu bi kasuetan talde fiskalean sartutako entitate guztiak beste zerga talde batean sartzea, arau hauek aplikatuko dira:

a) Ez dira zerga-oinarrian sartuko gaineratu gabe dauden ezabapenak, beste talde fiskal batean sartzen diren entitateei dagokienez. Horiek beste talde fiskal horren zerga-oinarrian gaineratuko dira, 123. artikuluan ezarritako moduan.

b) Artikulu honen 1. idatz-zatian aurreikusitakoarekin bat, talde fiskal berrian sartzen diren entitateek bere gain hartzen dituzten eta kenkaria egin gabe dituzten finantza gastu garbien kenkaria entitate guztien etekin operatiboaren ehuneko 30eko mugarekin eginen da, kontuan harturik dagozkion ezabapenak eta gaineratutakoak, 122. eta 123. artikuluetan aurreikusitakoarekin bat.

Era berean, entitate horiek bere gain hartuko duten diferentzia, 38.2 artikuluan ezarritakoa, entitate horiek batera sortutako finantza gastuei dagokienez aplikatuko da.

c) Talde fiskal berrian sartzen diren entitateek bere gain hartzen dituzten eta konpentsatu gabe dauden zerga-oinarri negatiboak talde fiskal berriak konpentsatzen ahalko ditu, eta muga talde fiskal berrian sartzen diren entitateen zerga-oinarrien batura izanen da, kontuan harturik dagozkion ezabapenak eta gaineratutakoak, 122. eta 123. artikuluetan ezarritakoarekin bat.

d) Talde fiskal berrian sartzen diren entitateek bere gain hartzen dituzten eta aplikatu gabe dauden kenkariak talde fiskalaren kuota osoan egiten ahalko dira, eta muga talde berrian sartzen diren entitateen kuota osoen batura izanen da”.

Berrogeita bi.–132. artikulua.

“132. artikulua. Zerga taldearen aitorpena, beronek bere burua desegitea eta bertan sartzea.

1. Talde fiskalaren entitate ordezkaria beharturik egonen da, talde fiskalaren aitorpena aurkezten duenean, dagokion tributu zorra likidatzera eta ordainketa egitera Nafarroako Zerga Ogasunak ezarritako tokian, moduan eta epeetan. Talde fiskalaren entitate ordezkariak betebehar berberak izanen ditu zatikako ordainketei dagokienez.

Baldin eta araubide hori aplikatu beharreko lehenbiziko zergaldian talde fiskalak erabiltzen badu ordainketa zatikatuaren modalitate bat aurreko zergaldi bateko benetako kuotan edo beste magnitude batzuetan oinarritzen dena, talde fiskaleko entitate ordezkariak, ordainketa zatikatuaren zenbatekoa zehazteko, kontuan hartuko ditu aipatutako benetako kuota eta, hala behar bada, beste magnitudeak, aurreko zergaldi horri dagozkionak, betiere ordainketa zatikatua zer zergaldiri dagokion zergaldi horretan talde fiskala osatzen duten entitateenak. Talde fiskalean entitateren bat sartzen bada edo hartatik kanpo gelditzen bada, talde fiskalaren entitate ordezkariak horren benetako kuota eta, hala behar denean, gainerako magnitudeak ere kontuan hartuko ditu.”

2. Talde fiskalaren entitate ordezkariak banakako tributazioaren araubidean aitorpena egin beharko lukeen epean egin beharko da talde fiskalaren aitorpena.

3. Tributu zorren ordainketaren erantzukizun solidarioa izanen dute talde fiskaleko entitateek, zehapenak alde batera utzirik”.

Berrogeita hiru.–133.2. Lehena. b) eta c) artikulua.

“b) Entitate batek jarduera-adarrak osatzen dituen bere ondare sozialaren zati bat edo batzuk banatzen dituenean, eta blokean eskualdatzen dienean aurretik dauden edo sortu berriak diren entitate bati edo gehiagori, eta bere ondarean, gutxienez, jarduera-adar bat mantentzen badu entitate eskualdatzailean, edo beste entitate batzuen kapitaleko partaidetzak, entitate horien kapital sozialaren gehiengoa ematen diotenak, eta, horren trukean, entitate eskuratzailearen kapital sozialaren ordezkagarri diren baloreak jasotzen dituenean, berauen partaidetzaren arabera bazkideei eman beharko dizkiena, kapital soziala eta erreserbak beharrezkoa den zenbatekoan gutxituz, eta, hala bada, diru-konpentsazio bat, aurreko letran ezarritakoaren araberakoa.

c) Entitate batek bere ondare sozialaren zati bat banatzen duenean, beste entitate batzuen kapital sozialaren gehiengoa egiten duten partaidetzekin osatua, eta blokean eskualdatzen dizkienean aurretik dauden edo sortu berriak diren beste entitate bati edo gehiagori, eta bere ondarean, gutxienez, antzeko partaidetzak mantentzen baditu beste entitate baten edo batzuen kapitalean, edo, bestela, jarduera-adar bat, eta, horren trukean, entitate horien kapital sozialaren ordezkagarri diren baloreak jasotzen dituenean, berauen partaidetzaren arabera bazkideei eman beharko dizkiena, kapital soziala eta erreserbak behar den neurrian murriztuz, eta, hala bada, diru-konpentsazio bat, aurreko a) letran ezarritakoaren araberakoa”.

Berrogeita lau.–133.4. artikulua.

“4. Jarduera-adartzat joko da ustiapen ekonomikoa ekarriko duen atonomidadun unitate ekonomikoa osatzen ahal duen ondare-multzoa, hau da, bere baliabide propioen bidez jarduteko gai izanen den multzoa. Eskualdatuko diren elementuen antolamendurako edo funtzionamenduak sorraraziko zorrak esleitzen ahalko zaizkio entitate eskuratzaileari”.

Berrogeita bost.–134.1.d) artikulua.

“d) Espainiako lurraldeko entitate egoiliarrek Europar Batasuneko kide diren estatuetako lurraldeetan kokatutako establezimendu iraunkorrak bertako entitate egoiliarrei eskualdatzeagatik agerian geratzen direnak, Europar Batasuneko kide diren estatuetako sozietateen arteko bat-egiteei, zatiketei, zatiketa partzialei, aktiboen ekarpenei eta akzioen trukeei eta, orobat, europar sozietate edo europar sozietate kooperatibo baten helbidea Europar Batasuneko kide den estatu batetik beste batera aldatzeari buruzko eragiketetan ezarri beharreko zerga araubide erkideari buruzko urriaren 19ko 2009/133/EE Zuzentarauaren I. eranskineko A zatian zehaztutako formetako bat dutenak eta berorren I. eranskineko B zatian aipatutako zergetako bati loturik eta salbuetsi gabe daudenak”.

Berrogeita sei.–134.1 artikulua, e) letra gehitzea.

“e) Espainiako lurraldeko entitate ez-egoiliarrek beren herrialdeko edo lurraldeko entitate egoiliarrei edo Europar Batasuneko entitate egoiliarrei Espainiako lurraldeko entitate egoiliarretako partaidetzak eskualdatzean dizkietenean agerian geratzen direnak, betiere, bigarren kasuan, entitate eskualdatzailea eta eskuratzailea urriaren 19ko 2009/133/EE Zuzentarauaren I. eranskineko A zatian zehaztutako formetako bat dutenak eta berorren I. eranskineko B zatian aipatutako zergaren bati loturik eta salbuetsi gabe daudenak”.

Berrogeita zazpi.–134.1. artikuluko azken lerroaldea.

“Zerga-oinarritik kanpo geldituko dira idatz-zati honetan aipatutako eragiketetatik eratorritako errentak, nahiz eta entitate eskuratzailea karga-tasa edo zerga araubide berezi baten onuraduna izan. Entitate eskuratzaileari aplikatzen zaion karga-tasa edo zerga araubide berezia eskualdatzailearen berdina ez denean, eragiketa egiten denean dauden ondare elementuak eragiketa izan eta gero eskualdatzetik eratorritako errenta modu linealean sortu dela ulertuko da, kontrako frogarik ez badago, eskualdatutako elementua eduki den denbora guztian. Eragiketa egin arte sortutako errenta-zatiari entitate eskualdatzaileari legozkiokeen karga-tasa eta zerga araubidea ezarriko zaizkio”.

Berrogeita zortzi.–135. artikulua.

“135. artikulua. Eskuratutako ondasunen zerga-balorazioa.

1. Aurreko artikuluan ezarritako araubidea aplikatzekoa izan duten eragiketen ondoriozko eskualdaketen bidez eskuratutako ondasunak eta eskubideak baloratuko dira, zergaren ondorioetarako, entitate eskualdatzailean eragiketa egin aurretik zituzten balio berberen arabera, eta entitate eskualdatzaileak eskuratu zuen data ere mantenduko da 27. artikuluan xedatutakoa aplikatzearen ondorioetarako. Balore horiek eragiketa honetan benetan zergan ordaindu dituzten errenten zenbatekoan zuzenduko dira.

2. Aurreko artikuluan aurreikusitako araubidea aplikatzekoa ez den kasuetan, 26. artikuluaren arabera bidezkoa den balioa hartuko da.

3. Aurreko artikuluko 2. idatz-zatian aurreikusitako ukoaren aukera eginez gero, eskuratutako ondasun eta eskubideak 26. artikuluan ezarritakoaren arabera baloratuko dira. Kasu horretan, ondasun eta eskubide horien eskuratze data eskuratzeak merkataritzaren ondorioetarako eraginkortasuna hartzen duen eguna izanen da”.

Berrogeita bederatzi.–136. artikulua:

“136. artikulua. Ekarpenaren kontraprestazio gisa jasotako akzio edo partaidetzen zerga-balorazioa.

Jarduera-adarren edo ondare-elementuen ekarpen baten ondorioz jasotako akzio edo partaidetzek jarduera-adarrak edo ondare-elementuek zuten balio bera izanen dute, zergaren ondorioetarako.

Halere, 134.2 artikuluan aurreikusitako ukoaren aukera eginez gero, jasotako akzio edo partaidetzak 26. artikuluan ezarritako arauen arabera baloratuko dira”.

Berrogeita hamar.–137. artikulua.

“137. artikulua. Balore-trukearen zerga araubidea.

1. Balore-trukea dela-eta agerian geratzen diren errentak ez dira zerga honen, pertsona fisikoen errentaren gaineko zergaren edo ez-egoiliarren errentaren gaineko zergaren zerga-oinarrian sartuko, betiere baldintza hauek betetzen baldin badira:

a) Balore-trukea burutzen duten bazkideek egoitza Espainiako lurraldean, Europar Batasuneko kide den estaturen batean, edota beste edozein estatutan izatea, betiere, azken kasu honetan, jasotako baloreek egoitza Espainian duen entitate baten kapital sozialaren ordezkagarriak direnean.

Bazkidea errenta-eratxikitzeko araubideko entitatea denean, balore-trukean sortutako errenta ez da bazkide horren bazkide, oinorde, erkide edo partaide diren pertsonen edo entitateen zerga-oinarrian sartuko, baldin eta eragiketari kapitulu honetan ezarritako zerga araubidea aplikatzen ahal bazaio, edo 2009/133/EE Zuzentarauaren babesean egiten bada, eta bazkideak jasotako baloreek aldatutakoek zuten balorazio fiskalari eusten badiote.

b) Baloreak eskuratzen dituen entitatea Espainiako lurraldeko egoiliarra izatea edo, bestela, 133/2009/EE Zuzentarauaren aplikazio eremuan egotea.

2. Balore-trukea egiten duen entitateak jasotako baloreak ekarpena egiten duten bazkideen ondarean zuten balio fiskalaren arabera baloratuko dira zerga ondorioetarako, zerga honen, pertsona fisikoen errentaren gaineko zergaren edo ez-egoiliarren errentaren gaineko zergaren arauei jarraikiz, eta ekarpena egin duten bazkideek eskuratu zuten data ere mantenduko da.

Nolanahi ere, bazkideengan sorturiko errentek Espainiako lurraldean tributatzeko beharrik ez badute, merkatuko balioa hartuko da. Kasu horretan, akzioen eskurapen data balore-trukea egin zen data izanen da.

3. Bazkideek jasotako baloreak emandakoen balio fiskalaren arabera baloratuko dira, zergaren ondorioetarako, zerga honen, pertsona fisikoen errentaren gaineko zergaren edo ez-egoiliarren errentaren gaineko zergaren arauei jarraikiz zehaztuta, bidezkoa denaren arabera. Balorazio honi emandako edo jasotako diru-konpentsazio osagarriaren zenbatekoa gehitu edo kenduko zaio. Jasotako baloreek emandakoak eskuratzeko datari eutsiko diote.

4. Bazkideak Espainiako lurraldeko egoiliar izateari uzten badio, pertsona fisikoen errentaren gaineko zergaren edo zerga honen zerga-oinarrian sartuko da, zerga horien aitorpena aurkeztu behar den azken zergaldian, akzioek edo partaidetzek merkatuan duten balioaren eta aurreko idatz-zatian aipatu den balioaren arteko diferentzia, akzioak edo partaidetzak Espainiako lurraldean dagoen establezimendu iraunkor bati atxikita gelditzen ez badira.

Bazkideak egoiliarraren izaera eskuratzen duenean Europar Batasuneko edo Europako Gune Ekonomikoko kide den estatu batean (harekin tributu arloko informazio truke egiazkoa baldin badago), aurreko lerroaldean xedatutakoa aplikatuta ateratzen den tributu zorraren ordainketa geroratu eginen du tributu administrazioak, subjektu pasiboak hala eskatzen badu, ukitutako akzioak edo partaidetzak hirugarrenei eskualdatu arte, eta aplikatzekoa izanen da Tributuen Foru Lege Orokorrean eta hura garatzeko araudian xedatutakoa berandutza interesen sortzapenari eta gerorapenerako bermeak eratzeari dagokienez.

Zergapekoa zerga honen edo pertsona fisikoen errentaren gaineko zergaren zergadun bihurtzen bada berriz akzio edo partaidetzen titulartasunaren eskualdaketa egin gabe, autolikidazioaren zuzenketa eskatzen ahalko du, artikulu honetan arautzen diren ondare-irabaziei dagozkien diru-kopuru ordainduen itzulketa lortzeko. Zuzenketaren eskabidea zerga honen edo pertsona fisikoen errentaren gaineko zergaren autolikidazio bat aurkeztu behar den lehen zergaldiari dagokion aitorpen-epea amaitzen denetik aurrera aurkezten ahalko da.

Aurreko lerroaldean aipatzen den itzulketa Tributuen Foru Lege Orokorraren 88. artikuluan xedatutakoak arautuko du, salbu eta berandutza interesen ordainketari dagokionez, horiek diru-sarrera egin zen egunetik itzulketa ordaintzeko agintzen den egunera bitarte sortuko baitira.

5. Artikulu honetan aurreikusitako araubidea ez da aplikatuko paradisu fiskalaren izaera duten herrialde edo lurraldeetan ezarritako edo bertan helbidea duten entitateek esku hartutako edo haien bitartez lortutako eragiketei dagokienez”.

Berrogeita hamaika.–138. artikulua.

“138. artikulua. Bazkideen tributazioa bat-egiteetan eta banaketetan.

1. Entitate erosleak entitate eskualdatzaileko bazkideei baloreak egoztearen ondorioz ageri diren errentak ez dira zerga-oinarrian sartuko baldin eta bazkide horiek Espainiako lurraldeko edo Europar Batasuneko kide den beste Estatu bateko egoiliar badira eta azken kasu horretan, baloreak egoitza Espainian duen entitate baten kapital sozialaren adierazgarriak badira.

Bazkidea errentak eratxikitzeko araubideko entitatea denean, balore-eratxikipen horrek sortutako errenta ez da bazkide, oinorde, erkide edo partaide diren pertsonen edo entitateen zerga-oinarrian sartuko, baldin eta eragiketari kapitulu honetan ezarritako zerga araubidea aplikatzen ahal bazaio, edo 2009/133/EEE Zuzentarauaren babesean egiten bada, eta bazkideak jasotako baloreek aldatutakoek zuten balorazio fiskalari eusten badiote.

2. Bat-egiteen eta banaketen ondorioz jasotako baloreak, zergaren ondorioetarako, emandakoen balio fiskalaren arabera baloratuko dira, zerga honen, pertsona fisikoen errentaren gaineko zergaren edo ez-egoiliarren errentaren gaineko zergaren arauei jaraikiz zehaztua, bidezkoa denaren arabera. Balorazio honi emandako edo jasotako diru-konpentsazio osagarriaren zenbatekoa gehitu edo kenduko zaio. Jasotako baloreek emandakoak eskuratzeko datari eutsiko diote.

3. Bazkideak Espainiako lurraldeko egoiliar izateari uzten badio, pertsona fisikoen errentaren gaineko zergaren edo zerga honen zerga-oinarrian sartuko da, zerga horien aitorpena aurkeztu behar den azken zergaldian, akzioek edo partaidetzek merkatuan duten balioaren eta aurreko idatz-zatian aipatu den balioaren arteko diferentzia, akzioak edo partaidetzak Espainiako lurraldean dagoen establezimendu iraunkor bati atxikita gelditzen ez badira.

Bazkideak egoiliarraren izaera eskuratzen duenean Europar Batasuneko edo Europako Gune Ekonomikoko kide den estatu batean (harekin tributu arloko informazio truke egiazkoa baldin badago), aurreko lerroaldean xedatutakoa aplikatuta ateratzen den tributu zorraren ordainketa, geroratuko du tributu administrazioak, zergadunak hala eskatzen badu, ukitutako akzioak edo partaidetzak hirugarrenei eskualdatu arte, eta aplikatzekoa izanen da Tributuen Foru Lege Orokorrean eta hura garatzeko araudian xedatutakoa berandutza interesen sortzapenari eta gerorapenerako bermeak eratzeari dagokienez.

Zergapekoa zerga honen edo pertsona fisikoen errentaren gaineko zergaren zergadun bihurtzen bada berriz akzio edo partaidetzen titulartasunaren eskualdaketa egin gabe, autolikidazioaren zuzenketa eskatzen ahalko du, artikulu honetan arautzen diren ondare-irabaziei dagozkien diru-kopuru ordainduen itzulketa lortzeko. Zuzenketaren eskabidea zerga honen edo pertsona fisikoen errentaren gaineko zergaren autolikidazio bat aurkeztu behar den lehen zergaldiari dagokion aitorpen-epea amaitzen denetik aurrera aurkezten ahalko da.

Aurreko lerroaldean aipatzen den itzulketa Tributuen Foru Lege Orokorraren 88. artikuluan xedatutakoak arautuko du, salbu eta berandutza interesen ordainketari dagokionez, horiek diru-sarrera egin zen egunetik itzulketa ordaintzeko agintzen den egunera bitarte sortuko baitira.

4. Zerga honen, pertsona fisikoen errentaren gaineko zergaren edo ez-egoiliarren errentaren gaineko zergaren zerga-oinarrian sartuko dira paradisu fiskaltzat hartutako herrialde edo lurraldetan ezarrita dauden edo horietan helbidea duten entitateek esku hartutako eragiketetan edo haien bitartez lortutakoetan lortutako errentak”.

Berrogeita hamabi.–140. artikulua.

“140. artikulua. Zerga-eskubide eta betebeharretarako subrogazioa.

1. 133. eta 144. artikuluetan aipatutako eragiketek titulu unibertsaleko ondorengotza ekartzen dutenean, entitate eskuratzaileari eskualdatuko zaizkio entitate eskualdatzailearen zerga-eskubide eta betebeharrak.

Entitate eskuratzaileak bere gain hartuko du, zerga-onurak edukitzen jarraitzeko, edota entitate eskualdatzailea edukitakoak sendotzeko, beharrezkoak diren baldintzak betetzea.

2. Ondorengotza titulu unibertsalekoa ez denean, eskualdatutako ondasun eta eskubideei dagozkien zerga-eskubideak eta betetzeko dauden betebeharrak eskualdatuko zaizkio entitate eskuratzaileari.

Entitate eskuratzaileak bere gain hartuko du erakunde eskualdatzaileak zituen zerga onurak aplikatzen segitzeko edo entitate eskualdatzaileak aplikatzen zituenak sendotzeko beharrezkoak diren baldintzak betetzea, eskualdatutako ondasun eta eskubideei lotuta dauden heinean.

3. Entitate eskualdatzaileari dagozkion likidazio-oinarri negatiboak, konpentsatzeko daudenak, entitate eskuratzaileari eskualdatuko zaizkio, betiere inguruabar hauetako bat gertatzen bada:

a) Entitate eskualdatzailearen iraungipena.

b) Entitate eskualdatzailean zerga-oinarri negatiboak, konpentsatu gabekoak, sortu dituzten emaitzak dituen jarduera-adar baten eskualdaketa. Kasu horretan, eskualdatutako jarduera-adarrak sortutako zerga-oinarri negatiboak, konpentsatu gabekoak, eskualdatuko dira.

Entitate eskuratzaileak entitate eskualdatzailearen kapitalean partaidetza duenean, edo biak Merkataritza Kodearen 42. artikuluak aipatzen duen sozietate talde batekoak direnean, egoitza non duten eta urteko kontu bateratuak egiteko betebeharra duten kontuan hartu gabe, konpentsagarria den likidazio-oinarri negatiboari zenbateko hau murriztuko zaio: bazkideek edozein tituluz egiten dituzten ekarpenen balioaren eta balio fiskalaren arteko diferentzia positiboarena. Aipatu ekarpenak taldeko entitateek entitate eskualdatzailean duten partaidetzari edo partaidetzei dagozkie.

Ez dute inolaz ere murriztapenerako eskubidea emanen entitate eskualdatzaileak jasandako galerei dagozkien likidazio-oinarri negatiboek, baldin eta ekarri badute entitate eskuratzaileak entitate eskualdatzailearen kapitalean duen partaidetzaren balio-galera, edo beste entitate batek azken horretan duen partaidetzaren balio-galera, betiere denak Merkataritza Kodearen 42. artikuluak aipatzen duen sozietate talde batekoak badira.

4. Subrogazioetan sartuko dira, soilik, Espainiako legeen babesean sortutako eskubideak eta betebeharrak”.

Berrogeita hamahiru.–141. artikulua, indargabetzea.

Berrogeita hamalau.–142. artikulua.

“142. artikulua. Establezimendu iraunkorren galerak.

Establezimendu iraunkor baten eskualdaketan sortutako errentei 60. bis artikuluan ezarritako araubidea aplikatuko zaie.

Nolanahi ere, 60. bis artikuluan ezarritako baldintzak betetzen ez badira, errenta positiboaren zenbatekoak establezimendu iraunkorrak lortutako errenta negatibo garbiak gainditzen baditu, zenbateko hori entitate eskualdatzailearen zerga-oinarrian sartuko da, deusetan galarazi gabe kuota osotik kendu ahal izatea, 2009/133/EE Zuzentarauko xedapenengatik ez balitz, zerga-oinarrian sartutako errenta hori bera kargatuko zukeen zerga, hain zuzen ere establezimendu iraunkorra kokatuta dagoen estatu kidean, muga honekin: zerga-oinarrian sartutako errenta horri dagokion kuota osoaren zenbatekoa”.

Berrogeita hamabost.–143. artikulua.

“143. artikulua. Kontabilitateko betebeharrak.

1. Entitate eskuratzaileak ondoren aipatuko den informazioa sartu beharko du urteko txostenean, entitate eskualdatzaileak 134.2 artikuluan aipatu den ahalmena erabili ez badu; orduan, d) letran zehaztutakoa baino ez du bete behar izango:

a) Entitate eskualdatzaileak eskualdatutako ondasunak eskuratu zituen zergaldia.

b) Entitate eskualdatzaileak itxitako azken balantzea.

c) Eskuratutako ondasunak, eragiketa egin baino lehen entitate eskualdatzailearen liburuetan adierazia zuten balioaz beste batekin sartu direnak eskuratzailearen kontabilitate liburuetan; zerrendan bi balio horiek adieraziko dira, bai eta amortizazio funtsak eta bi entitateen kontabilitate-liburuetan eratutako balio-zuzenketak.

d) Entitate eskualdatzaileak zituen zerga-onuren zerrenda, zeinei buruz entitateak bere gain hartu behar baitu baldintza jakin batzuk betetzea, 140.1 artikuluan ezarritakoaren arabera.

Zenbaki honetan ezarritakoaren ondorioetarako, entitate eskualdatzaileak entitate eskuratzaileari jakinarazi beharko dizkio aipatu datu horiek.

2. Pertsona juridikoak diren bazkideek ondorengo datu hauek aipatu beharko dituzte urteko txostenean:

a) Emandako baloreen kontabilitate eta zerga arloko balioak.

b) Jasotako baloreak zein baliorekin kontabilizatu diren.

3. Aurreko zenbakietan ezarritako aipamenak eskuraturiko baloreak edo ondare-elementuak inbentarioan dauden bitartean burutu beharko dira edo, bestela, entitate eskualdatzaileak edukitako zerga pizgarriek eratorritako baldintzak bete behar diren bitartean.

Erakunde eskuratzaileak aukeratu ahal izango du, eta bigarren eta ondorengo urteko txostenei dagokienean, aipamenok eragiketaren ondorengo lehenengo urteko txostenean agertzen direlako adierazpen hutsa sartu, zein gorde egin beharko baita aurreko lerroaldean aipatzen den inguruabarra dagoen bitartean.

4. Aurreko idatz-zatietan ezarritako betebeharrak ez betetzea zerga-arauen hauste arintzat joko da, eta aldera utzitako datu bakoitzeko 525 eta 1.000 euro bitarteko isunarekin zehatzen ahalko da informazioa sartu ez den urte bakoitzeko, lehendabiziko 4 urteetan, eta aldera utzitako datu bakoitzeko 2.625 eta 5.000 euro bitarteko isunarekin hurrengo urte bakoitzeko; kasu horietan, muga izanen da entitate eskuratzaileak bere kontabilitatean zer balio adierazi duen eskualdatutako ondasun eta eskubideengatik, balio horren ehuneko 5”.

Berrogeita hamasei.–144. artikulua.

“144. artikulua. Kasu bereziak.

1. Zerga honen, pertsona fisikoen errentaren gaineko zergaren edo ez-egoiliarren errentaren gaineko zergaren subjektu pasiboak aukeratu dezake kapitulu honetan ezarritako araubidea diruzkoak ez diren ekarpenetan aplikatzea, baldintza hauek biltzen badituzte:

a) Ekarpena jasotzen duen erakundea Espainiako lurraldeko egoiliarra izatea edo, bestela, jarduerak hortxe burutzea, establezimendu iraunkor baten bidez, zeini ekarritako ondasunak lotuko baitzaizkio.

b) Ekarpena egindakoan, ekartzen duen entitateak, zerga honen, pertsona fisikoen errentaren gaineko zergaren, edo ez-egoiliarren errentaren gaineko zergaren subjektu pasiboak, ekarpena jasotzen duen entitatearen ehuneko 5eko partaidetza izatea, gutxienez.

c) Pertsona fisikoen errentaren gaineko zergaren edo Espainiako lurraldean establezimendu iraunkorrik ez duten ez-egoiliarren errentaren gaineko zergaren subjektu pasiboak akzio edo partaidetza sozialak ekartzen baditu, a) eta b) letretan ezarritako baldintzez gainera ondoko hauek ere betetzea:

a') Entitate horrek, zeinaren kapital sozialaren adierazgarriak baitira akzio edo partaidetza horiek, baldintza hauek betetzea: foru lege honetan aurreikusitako interes ekonomikoko elkarteen, espainiar zein europarren, enpresen aldi baterako batasunen eta ondare-sozietateen araubide berezia aplikatzekoa ez izatea; haren jarduera nagusia ondare higigarri edo higiezinen baten kudeaketa ez izatea, Ondarearen gaineko Zergari buruzko azaroaren 19ko 13/1992 Foru Legearen 33.1 artikuluan aurreikusitako moduan; eta ez betetzea foru lege honetako 147.1 artikuluaren laugarren lerroaldean ezarritako gainerako baldintzak.

b') Entitatearen funts berekien ehuneko 5 adinako partaidetza ordezkatzea gutxienez.

c') Ekarpena egiten duena ekarpena formalizatzeko agiri publikoaren data baino urtebete lehenagotik, etenaldirik gabe, haien jabe izatea.

d) Akzio edo partaidetza sozialak ez diren ondare elementuen ekarpenak direnean, pertsona fisikoen errentaren gaineko zergaren edo Europar Batasuneko kide diren estatu batean egoitza duten ez-egoiliarren errentaren gaineko zergaren subjektu pasiboek beraiek eginak, elementu horiek jarduera ekonomikoei atxikiak izatea eta haien kontabilitatea Merkataritzako Kodean edo legeria baliokidean xedatutakoaren arabera egitea.

2. Kapitulu honetan ezarritako araubidea jarduera-adarretako ekarpenetan ere aplikatuko da, ekarpen horiek pertsona fisikoen errentaren gaineko zergaren edo Europar Batasuneko kide diren estatu batean egoitza duten ez-egoiliarren errentaren gaineko zergaren subjektu pasiboek eginak badira eta, betiere, kontabilitatea Merkataritzako Kodean edo legeria baliokidean xedatutakoaren arabera egiten badute.”

Berrogeita hamazazpi.–146. artikulua.

“146. artikulua. Araubide fiskalaren aplikazioa.

1. Kapitulu honetan araututako eragiketetan bertan ezarritako araubidea aplikatzen dutela ulertuko da, kontrakoa adierazten ez bada hurrengo lerroaldean aipatzen den jakinarazpenaren bidez.

133. eta 144. artikuluetan aipatzen diren eragiketen berri eman beharko dio zerga administrazioari eragiketen entitate eskuratzaileak, salbu eta entitatea Espainiako lurraldeko egoiliarra ez bada, kasu horretan jakinarazpena entitate eskualdatzaileak eginen baitu. Jakinarazpen horretan egiten den eragiketa mota adierazi beharko da, bai eta kapitulu honetan aurreikusitako zerga araubide berezia ez aplikatzea erabaki den.

Eragiketaren entitate eskuratzailea eta eskualdatzailea Espainiako lurraldeko egoiliarra ez badira, aurreko lerroaldean aipatzen den jakinarazpena bazkideek egin beharko dute, adieraziz eragiketa kapitulu honetan ezarritakoaren parekoa den zerga araubide baten menpe dagoela.

Jakinarazpen hori erregelamenduz zehazten den moduan eta epeetan aurkeztuko da.

Jakinarazpen hori epean aurkezten ez bada, zerga arloko arau-hauste arina izanen da, eta 10.000 euroko isun finkoa jaso dezake informazioa eman gabe utzitako eragiketa bakoitzeko.

2. Kapitulu honetan ezarritako araubidea ez da aplikatuko egindako eragiketaren xede nagusietakoa iruzurra edo zerga ihesa direnean. Bereziki, araubidea ez da aplikatuko eragiketaren arrazoi ekonomikoak baliozkoak ez badira, hau da, bai eragiketan parte hartzen duten entitateen berregituraketa edo arrazionalizazioa baldin bada arrazoia, bai, baina ez xedea zergetan onurak erdiestea soilik baldin bada.

Tributuei buruzko Foru Lege Orokorraren 94. artikuluak xedatzen duenari jarraikiz, interesatuek kontsultak egiten ahal dizkiote zergetako Administrazioari eragiketa zehatzetan betebehar hori aplikatu eta konplitzearen gainean. Administrazioaren erantzuna loteslea izanen da Kapitulu honen araubide berezia aplikatzeko, bai tributu honetan bai beste edozeinetan.

Zerga administrazioaren egiaztapen jarduketek, aurreko lerroaldean xedatutakoa aplikatuta zerga araubide berezia osotara edo zati batean ez aplikatzea ekartzen dutenek, onura fiskalaren ondorioak kentzea baizik ez dute ekarriko.

3. Kapitulu honetan jasotzen den araubidea, errentak atzeratzekoa, ez da bateragarri izanen, 62. artikuluak dioenaren ariora, Espainiako lurraldeko egoiliarrak ez diren entitateen partaidetzak eskualdatzetik heldu diren errentetarako ezarritako salbuespenak aplikatzearekin”.

Berrogeita hemezortzi.–XV. kapitulua. Indargabetzea.

Berrogeita hemeretzi.–167. artikulua. Indargabetzea.

Hirurogei. Lehen xedapen gehigarria, 1. idatz-zatia, c) letra gehitzea.

“c) Nafarroako Foru Diputazioak 1972ko irailaren 1ean Nafarroako autobidea eraiki, kontserbatu eta ustiatzeko oinarrien pleguak onesteko hartutako Erabakian aurreikusitakoaren arabera, zerga honetatik salbuetsirik egondako mozkinetatik datozen dibidenduak”.

Hirurogeita bat.–Hogeita bosgarren xedapen gehigarria.

“Hogeita bosgarren xedapen gehigarria. 28. artikuluaren esanahiarekin bazkideei edo entitate lotuei ordaindutako etekinen gaineko atxikipenak.

74. artikuluan ezarritakoa gorabehera, entitate batek bere bazkideei edo berarekin lotutako pertsonei ordaindutako etekinak atxikipenaren menpe baldin badaude, bazkidearen edo lotutako entitatearen zergan egiten ahalko da kenkaria soilik atxikipenengatik, baldin eta behar bezala egin badira eta egiaz ordaindu zerga administrazioan”.

Hirurogeita bi.–Hogeita seigarren xedapen gehigarria. Indargabetzea.

Hirurogeita hiru.–Hogeita zazpigarren xedapen gehigarria.

“Hogeita zazpigarren xedapen gehigarria. Atxikipenaren edo konturako sarreraren portzentajea.

2016ko urtarrilaren 1etik aurrerako ondorioekin, atxikipenetan edo konturako sarreretan aplikatu beharreko ehunekoa 19koa izanen da, oro har, salbu eta irudia ustiatzeko eskubidearen edo hura erabiltzeko baimenaren lagapenak sortutako errentak badira.

Ehuneko hori erregelamendu bidez aldatzen ahalko da.”

Hirurogeita lau.–Seigarren xedapen iragankorra, 1. idatz-zatia.

“1. Foru lege honetako 15. artikuluan aipatu diren ibilgetu ukiezinaren elementuak, foru lege honek indarra hartu aurretik eskuratuak, baldin eta horien zenbatekoa ez bada kendu zerga-oinarria zehazteko ondorioetarako, amortizatzen ahalko dira, aipatutako artikuluan ezarritako baldintza eta betekizunekin, nahiz eta kontabilitatean amortizatuta egon”.

Hirurogeita bost. Laugarren xedapen iragankorra.

“Laugarren xedapen iragankorra. Enpresen sustapenerako sozietateen araubide berezia iraungitzeak eragindako araubide iragankorra.

1. 2015ean hasitako azken zergaldira arte 167. artikuluan (2015eko abenduaren 31n indarra duen testua) xedatutakoari jarraikiz tributatu duten zergadunek enpresen sustapenerako sozietateen araubide s berezia aplikatzeari utziko diote 2016ko urtarrilaren 1etik aurrera.

2. Akzioen eta partaidetzen eskualdaketen bidez lortutako errenten salbuespena, 167.3 artikuluan aipatzen dena (2015eko abenduaren 31n indarra duen testua) aplikatzen ahalko dute, eskualdaketak 2016ko urtarrilaren 1etik aurrera egindakoak badira, aipatutako araubidea aplikatu zuten zergaldiei dagokien zatian eta betiere 110.1 artikuluan aipatzen den gehieneko epea iragan ez bada eta bertan ezarritako baldintzak betez gero.

Salbuetsitako errentak zein diren zehazteko, eskualdatutako elementua eduki den denbora guztian modu linealean sortu direla ulertuko da, kontrako frogarik ezean.

3. 167.4 artikuluan (2015eko abenduaren 31n indarra duen testua) aipatzen den kuotaren kenkariaren kontzeptuan aplikatzeko dauden zenbatekoak 2016ko urtarrilaren 1ean hasten diren zergaldietan aplikatzen ahalko dira, artikulu horretan ezarritako modu eta baldintzetan”.

Hirurogeita sei.–Berrogeita bederatzigarren xedapen iragankorra.

“Berrogeita bederatzigarren xedapen iragankorra. Zerga-taldeak.

1. Zerga-baterakuntzaren araubidea 2016ko urtarrilaren 1a baino lehenago hasitako azken zergaldian aplikatu duten entitateek aplikatzen jarraituko dute X. tituluko VIII. kapituluan jasotako arauekin bat.

2. 117. artikuluan xedatutakoari jarraikiz, zerga-baterakuntzako talde baten menpeko entitatetzat hartzeko baldintzak betetzen dituzten entitateak, 2016ko urtarrilaren 1a baino lehenago hasitako azken zergaldian talde horretako kide izan gabe, horretarako baldintzak ez zituztelako betetzen, 2016ko urtarrilaren 1etik aurrera hasten den lehen zergaldian sartuko dira talde horretan. 120. artikuluan aipatzen diren aukera eta jakinarazpena zergaldi horren barrenean egin beharko dira.

2016ko urtarrilaren 1a baino lehen hasitako azken zergaldian talde fiskaleko entitate nagusia data horretan hasten den lehen zergaldian Espainiako lurraldeko egoiliarra ez den entitate baten menpeko entitate bihurtzen denean, 117. artikuluan xedatutakoa aplikatuta, talde fiskala ez da iraungiko, talde hori ez bada sartzen lehendik dagoen beste talde fiskal batean. Azken kasu horretan, aplikatzekoak izanen dira 131.4 artikuluan aurreikusitako ondorioak. 120. artikuluan aipatzen diren aukera eta jakinarazpena 2016an hasten den zergaldiaren barrenean egin beharko dira.

3. 117. artikuluan xedatutakoarekin bat, zerga-baterakuntzako talde bat osatzeko baldintzak betetzen dituzten entitateek, 2016ko urtarrilaren 1a baino lehen hasitako azken zergaldian taldekoak izan gabe, horretarako baldintzak ez betetzeagatik, aukeratzen ahalko dute zerga-baterakuntzako araubidea aplikatzea 2016ko urtarrilaren 1etik aurrera hasten den lehen zergaldian, betiere 120. artikuluan aipatzen diren aukera eta jakinarazpena 2016ko urtarrilaren 1etik aurrera hasten den zergaldi hori amaitu aurretik egiten badira.

4. 131.4 artikuluan aurreikusitako ondorioak talde fiskal hauen kasuan aplikatzekoak izanen dira: haien entitate nagusiak, 117. artikuluan xedatutakoa aplikatuta, Espainiako entitate egoiliar baten menpeko entitatearen izaera eskuratzen badu 2016ko urtarrilaren 1etik aurrera hasitako lehen zergaldian. Kasu horretan, 120. artikuluan aipatzen diren aukera eta jakinarazpena zergaldi horren barrenean egin beharko dira.

5. Bi talde fiskalek edo gehiagok 117. artikuluan xedatutakoa aplikatuta sartu behar baldin badute, 2017ko urtarrilaren 1etik aurrera hasitako lehen zergaldian sartuko dira horiek talde fiskalean, taldeko entitate nagusiak baldintza hori betetzen badu, bai eta beste entitate batzuk ere. Kasu horretan, zerga-baterakuntzako araubidea aplikatzen jarraitzen ahalko dute 2015eko abenduaren 31n zuten osaera berarekin 2016an hasten diren zergaldietan, horrek galarazi gabe 117. artikuluan, 2016ko urtarrilaren 1a baino lehen hasitako zergaldietarako indarra duen testuaren arabera, aurreikusitako inguruabarren bat gertatzea, entitateren bat taldetik kanpo gelditzea edo taldea desegitea ekar dezakeena.

6. 2016ko urtarrilaren 1a baino lehen hasitako zergaldietan talde fiskal batean egindako ezabapenak, jatorria entitateetako partaidetzetan dutenak eta data horretatik aurrera hasitako zergaldietan sartu gabe daudenak, 123. artikuluan ezarritakoarekin bat sartuko dira, eta 59. eta 62. artikuluetan xedatutakoa aplikatuko zaie”.

Laugarren artikulua.– Kooperatiben ZergaAraubidea arautzen duen Foru Legea.

2016ko urtarrilaren 1etik aurrera hasten diren zergaldietan ondorioak izateko, Kooperatiben Zerga Araubidea arautzen duen ekainaren 21eko 9/1994 Foru Legearen manu batzuek, ondotik heldu direnek, honako testua izanen dute:

Bat.–14.3. artikulua.

“3. Kapitalaren diru-laguntzak ekitaldi ekonomikoari egoztea aplikatzekoak diren kontabilitate arauetan aurreikusitako eran”.

Bi.–20.1.lehena. artikulua.

Lehena. Kooperatiben emaitzei dagokien zerga-oinarriari ehuneko 17ko tasa aplikatuko zaio”.

Hiru.–21. artikulua.

“21. artikulua. Kuota negatiboen konpentsazioa.

1. Aurreko artikuluak aipatzen duen batura algebraiko hori negatiboa bada, kooperatibak kopuru hori konpentsa dezake hurrengo eta jarraikako hamabost urteetan amaitzen diren zergaldietako kuota oso positiboekin, konpentsatu aurretik kuota osoak duen zenbatekoaren ehuneko 70eko mugarekin.

Zergaldian konpentsatzen ahalko diren kuota osoen zenbatekoa izanen da, edozein kasutan, milioi bat euro entitatearen batez besteko karga-tasarekin biderkatuta ateratzen dena. Zergaldia urtebetetik beherakoa bada, muga hori hau izanen da: emaitza bider zergaldiaren iraupenak urtearekiko duen proportzioa eginda ateratzen dena.

Likidazioaren edo autolikidazioaren emaitza izan beharko dute kuota negatibo horiek. Konpentsazioa gauzatzen baldin bada, kuota negatiboak dagozkien zergaldiek ez dutela preskribatu ulertuko da, bidezkoa den konpentsazioa zenbatesteko ondorioetarako soilik.

Kuota negatiboen konpentsazioaren mugatzea ez da aplikatzekoa izanen subjektu pasiboaren hartzekodunekin lortutako akordio baten ondoriozkoak diren kitei edo itxaroteei dagozkien errenten zenbatekoan. Kuota horiekin konpentsatzen diren kuota negatiboak ez dira kontuan hartuko idatz-zati honen lehen lerroaldearen azken tartean aipatzen den zenbatekoari dagokionez.

Idatz-zati honetan aurreikusitako muga ez da aplikatuko entitatea desagertzen den zergaldian, salbu eta desagerpena X. tituluko IX. kapituluan ezarritako zerga araubide berezia aplikatzekoa zaion birmoldaketa baten ondorioa bada.

2. Sortu berriak diren kooperatiben kasuan, aurreko idatz-zatian aipatzen den konpentsazio epearen kontaketa atzeratzen ahalko da kuotak positiboak diren lehenbiziko zergaldiaren hasiera arte, eta 1. idatz-zatiko lehen lerroaldean ezarritako muga ez da aplikatzekoa izanen kuota osoa positiboa den lehen hiru zergaldietan.

Ez dira zenbaki honetan sartuko enpresa-ondorengotza edo jarraipen kasuak”.

Lau.–30.b) artikulua.

“b) Sozietateen gaineko zerga.

Zergatik salbuestea, Sozietateen gaineko Zergari buruzko 24/1996 Foru Legearen X. tituluko XII. kapituluan ezarritako baldintzetan”.

Bost.–37. artikulua.

“37. artikulua. Karga-tasak.

Aurreko artikuluak aipatzen dituen kreditu kooperatiba babestuei, Sozietateen gaineko Zergari dagokionean, ondoko karga-tasak aplikagarri izanen zaizkie:

1. Kooperatiben emaitzei dagokien zerga-oinarriari ehuneko 25eko tasa aplikatuko zaio. Ondorio horietarako, II. tituluko I. kapituluko 3. sekzioan adierazitakoez gain, 36.2.b) artikuluko bigarren lerroaldean aipatzen diren eragiketetan jatorria dutenak ere kooperatibaren emaitzak izanen dira.

2. Kooperatibaz kanpoko emaitzei dagokien zerga-oinarriari ehuneko 25eko tasa aplikatuko zaio. Emaitza horiek bereizirik kontabilizatu beharko dira”.

Bosgarren artikulua. Oinordetzen eta Dohaintzen gaineko Zergaren Testu Bategina.

2016ko urtarrilaren 1etik aurrera gertatzen diren zerga-egitateetarako, abenduaren 16ko 250/2002 Legegintzako Foru Dekretuaren bidez onetsitako Oinordetzen eta Dohaintzen gaineko Zergaren Testu Bateginaren ondoko arau hauek jarraian agertzen den testua izanen dute:

Bat.–9.b) artikulua.

“b) Pertsona Fisikoen Errentaren gaineko Zergari buruzko Foru Legearen Testu Bateginaren 55.1.0 artikuluan ezarritakoaren ondorioz (testu bategin hori ekainaren 2ko 4/2008 Legegintzako Foru Dekretuaren bidez onetsi zen) ezkontideen artean edo bikote egonkor bateko kideen artean gertatzen diren eskualdaketak, agindu horretan ezarritako mugaraino”.

Bi.–10.2 eta 3 artikulua.

“2. Ondorengo ahaide adingabeen ordezkari gisa aurreko ahaideek egiten dituzten kostu bidezko eskurapenetan, haien aldeko kostu gabeko eskualdaketa bat gertatu dela ondorioztatuko da, eskualdatutako ondasunen edo eskubideen balioa adinakoa, non eta ez den frogatzen adingabekoak hura egiteko ondasun edo baliabide aski zituela aurretik, eta horretarako aplikatu direla.

3. Aurreko idatz-zatietan azaldu diren presuntzioak interesdunei jakinaraziko zaizkie, beren eskubidearen alde egokitzat jotzen dituzten alegazioak eta probak aurkeztu ahal izan ditzaten behar diren likidazioak igorri aurretik”.

Hiru.–12.e) artikulua.

“e) Eskualdatzailearen ohiko etxebizitzaren erabateko jabetza edo usufruktua dohaintzaren bidez edo “inter vivos”ko beste edozein negozio juridikoren bitartez eskuratzea, eroslea odolkidetasuneko lerro zuzeneko ondorengoa edo adoptatua bada, eta ehuneko 65eko edo gorako desgaitasuna duela frogatzen badu”.

Lau.–16.1. artikulua.

“1. Zergaren ordainketaren erantzule subsidiarioak honako hauek izanen dira:

a) Gordailuen, bermeen edo kontu korronteen “mortis causa” eskurapenetan, finantza bitartekariak eta, orobat, esku-dirua eta gordailuan utzitako baloreak entregatzen dituzten edo eratutako bermeak itzultzen dituzten gainerako entitate eta pertsonak.

Horren ondorioetarako, ez da esku-diruaren edo gordailuan utzitako baloreen entregatzat edo bermeen itzulketatzat hartuko banketxeetako txekeak luzatzea gordailuen edo bermeen kargura edo beharrezkoak diren baloreen salmenten emaitzaren kargura, baldin eta eragiketa horien helburu bakarra “mortis causa” eskurapena kargatzen duen oinordekotzen eta dohaintzen gaineko zerga bera ordaintzea baldin bada, eta, betiere, txekea luzatzen baldin bada zergaren hartzekoduna izanen den Administrazioaren izenean.

b) Kontratuetan izendatu gisa edo jaraunsle gisa agertzen diren onuradunei diru kopururen bat entregatzen zaienean, entrega horiek egiaztatzen dituzten aseguru entitateak.

Horren ondorioetarako, aseguru kontratuen onuradunei ematen zaien dirua ez da entregatzat hartuko baldin eta prestazioaren kontura egindako ordainketa horren helburu bakarra baldin bada prestazio hori jaso izana kargatzen duen oinordekotzen eta dohaintzen gaineko zerga bera ordaintzea, betiere ordainketa hori onuradunei emandako bankuko txeke baten bidez egiten bada eta txekea luzatzen bada zergaren hartzekodun den administrazioaren izenean.

c) Jaraunspenaren zati diren balore-tituluen eskualdaketan bitartekari aritu direnak.

Horren ondorioetarako, bitartekari horiek ez dira tributuaren erantzuletzat hartuko baldin eta beren jarduera mugatzen baldin bada “mortis causa” eskurapena kargatzen duen oinordekotzen eta dohaintzen gaineko zerga ordaintzeko behar-beharrezkoak diren baloreak saltzera, jaraunsleen aginduei jarraikiz, eta, betiere, salmenta horretan lortzen den prezioaren kontra onuradunei entregatzen bazaie bankuko txeke bat zergaren hartzekodun den Administrazioaren izenean luzatua”.

Bost.–33.2. artikulua.

“2. Dohaintzen bidezko edo dohainik eta “inter vivos” egindako beste edozein negozio juridiko bidezko eskurapenen tributazioa dohaintza-emailearen eta dohaintza-hartzailearen arteko ahaidetasun mailaren araberakoa izanen da.

Ondasun edo eskubideak ondorengo ahaide batek edo adoptatutako ahaide batek egindako dohaintza bidez edo dohainik eta “inter vivos” egiten den beste negozio juridiko baten bidez eskuratzen direnean, eta horren aurretik aurreko ahaideak edo adopzio-hartzaileak ondasun eta eskubide horiek beraiek eskuratu baditu bere ondorengo ahaide batengandik edo adoptatutako ahaide batengandik, dohaintza bidez edo dohainik eta “inter vivos” egindako beste negozio juridiko baten bidez, kargatu beharreko eskurapena gertatu aurreko hiru urteko epearen barrenean, tributazioa kalkulatuko da kontuan harturik lehenbiziko dohaintza-emailearen eta azkeneko dohaintza-hartzailearen arteko ahaidetasun mailaren arabera, aurreko dohaintzengatik ordaindutako kuota deskontatuta, halakorik bada”.

Sei.–44.1. artikulua.

“1. Jaraunspenari dohainik eta soilik uko eginez gero ukatutako zatiaz jabetuko diren jaraunskide guztien alde, Kode Zibilaren 1.000. artikuluaren 3. zenbakiaren azkeneko zatian ezarritakoari jarraikiz, ez da zergapeko egintzatzat hartuko, baina, kasu horretan, eta baita ere legatuei dohainik eta soilik uko egiten bazaie jaraunsle guztien alde, uko-egite horren onuradun gertatzen diren pertsonek eskuratutako zati horrengatik dagokien zerga ordaindu beharko dute, jaraunspenaren eskalari jarraikiz uko-egileari legokiokeen tasaren arabera, non eta kausatzailearen eta ukoaren onuradunaren arteko ahaidetasuna dela-eta ez dagokion tasa handiagoa ordaintzea.

Ukoaren onuradunak kausatzailearen beste ondasun batzuk eskuratzen baditu zuzenean, aurreko paragrafoan ezarritakoa aplikatuko da, bakar-bakarrik, baldin eta bi ondasun-multzo horiek bereiz eskuratzeagatik egindako likidazioen batura handiagoa bada ondasun guztien balioaren arabera kalkulatu dena baino, betiere kausatzailearen eta ukoaren onuradunaren arteko ahaidetasuna dela-eta dagokion karga tasa aplikatuta.

Kode Zibilaren 1.000. artikuluan ageri diren gainerako uko-kasuetan, uko-egileari jaraunspenagatik legokiokeen zerga eskatuko zaio, eta gainera, bidezkoa bada, likidazioa eginen da uko egindako zatiaren lagapenagatik edo dohaintzagatik”.

Zazpi.–44.2. artikulua. Orain arte 2. idatz-zatia izan dena 3. idatz-zatia izanen da.

“2. Aurreko ahaideen jaraunspena eskualdaketa-eskubidearen bidez jasotzen bada Nafarroako Foru Berriaren 304. Legean ezarritako legezko oinordetzaren indarrez, eta hori gertatzen bada jaraunspen-ordenaren arabera lehenago zegoen eskuratzaileak jaraunspenari uko egin ondoren, eskurapen horren tributazio kuota kalkulatuko da kausatzailearen eta lehenengo uko-egilearen arteko ahaidetasuna kontuan hartuz.

Tributazio kuota kausatzailearen eta dohaintza-emaile bihurturiko uko-egilearen arteko ahaidetasunaren arabera kalkulatuko da, orobat, uko-egileak jaraunspena eskuratu duenean kausatzailearen legezko aurreko ahaide jaraunsleek bere alde egindako dohaintza baten bidez, eta, betiere, uko egitearen eta dohaintzaren artean hiru urte igaro ez badira”.

Seigarren artikulua. Ondare Eskualdaketen eta Egintza Juridiko Dokumentatuen gaineko Zergaren Testu Bategina.

2006ko urtarrilaren 1etik aurrera eragiten diren zergapeko egintzetarako, apirilaren 26ko 129/1999 Legegintzako Foru Dekretuaren bidez onetsitako Ondare-eskualdaketen eta Egintza Juridiko Dokumentatuen gaineko Zergari buruzko Testu Bateginaren ondoko arau hauek jarraian agertzen den testua izanen dute:

Bat.–8. artikulua. 1. b).Laugarrena.

“Laugarrena. Eskurapenaren unean, familia-unitateko ezein kide ez izatea Nafarroako Foru Komunitatean kokatutako beste etxebizitza baten ehuneko 25en edo gehiagoren jabe”.

Bi.–9. artikulua.

“9. artikulua.

Finken errentamenduetan 1.000ko 4ko tasa aplikatuko da”.

Hiru.–35. artikulua. I. B).25.4.

“4. Hipotekak titulu bihurtzeko funtsak, finantza-aktiboak titulu bihurtzeko funtsak eta arrisku-kapitaleko funtsak sozietate-eragiketen modalitateari lotutako eragiketa guztietatik salbuetsita egonen dira”.

Zazpigarren artikulua. Tributuei buruzko Foru Lege Orokorra.

Tributuei buruzko abenduaren 14ko 13/2000 Foru Lege Orokorraren agindu hauek honako testu hau izanen dute:

Bat.–16.4. artikulua. Indargabetzea. 2016ko urtarrilaren 1etik aurrera izanen du eragina.

Bi.–55. bis artikulua gehitzea. 2016ko urtarrilaren 1etik aurrera hasten diren prozeduretan ondorioak izateko.

“55. bis artikulua. Egiaztapenak eta ikerketak egiteko eskubidea.

1. 55. artikuluan ezarritako eskubide preskripzioak ez du eraginik izanen Administrazioak egiaztapenak eta ikerketak egiteko duen eskubidean, 101. artikuluari jarraikiz, hurrengo idatz-zatian xedatutakoaren salbuespenarekin.

2. Tributu bakoitzaren araudiak bestelakorik ezarri ezean, Administrazioaren eskubideak, konpentsatuta edo konpentsatzeko dauden oinarriak edo kuotak edo aplikatuta edo aplikatzeko dauden kenkariak egiaztatzeko prozedura hastekoak, 10 urteko epean preskribatuko du, oinarri edo kuota horiek konpentsatzeko edo kenkari horiek aplikatzeko eskubidea sortu zen ekitaldiari edo zergaldiari dagokion aitorpena edo autolikidazioa ezarritako erregelamenduzko epea amaitu eta biharamunean kontatzen hasita.

Ikuskapen orokorreko prozeduretan, likidaziorako eskubidea preskribatu gabe duten tributu betebeharrei eta aldiei dagokienez, ulertuko da sartuta dagoela, edozein kasutan, konpentsatzeko dauden oinarri edo kuota guztiak edo aplikatzeko dauden kenkari guztiak egiaztatzea, horiek egiaztatzeko eskubideak preskribatu ez badu aurreko lerroaldean xedatutakoarekin bat. Bestela, idatz-zati honetan aipatzen den egiaztapena prozeduraren xedean sartzen dela aipatu beharko da berariaz, eta adierazi zein ekitaldi edo zergalditan sortu zen oinarriak edo kuotak konpentsatzeko edo egiaztatu beharreko kenkariak aplikatzeko eskubidea.

Idatz-zati honetan aipatzen den egiaztapena eta, hala behar bada, konpentsatuta edo konpentsatu gabe dauden oinarriak edo kuotak, edo aplikatuta edo aplikatu gabe dauden kenkariak, aurreko lerroaldean ezarri bezala, eskubidea preskribatu gabe dutenak, zuzendu edo erregularizatzeko lanak egiten ahalko dira, soilik, likidaziorako eskubidea preskribatu gabe duten zerga betebeharrei eta aldiei dagozkien egiaztapen prozeduren baitan.

3. Tributu bakoitzaren araudiak bestelakorik ezarri ezean, aurreko idatz-zatian aipatzen den egiaztapen eskubidearen mugak ez du eraginik izanen oinarriak, kuotak edo kenkariak sartutako likidazioak edo autolikidazioak aurkezteko betebeharrean, bai eta horien euskarria den kontabilitatea ere, idatz-zati horretan adierazitako konpentsazioak edo aplikazioak egin ziren preskribatu gabeko ekitaldien egiaztapen edo ikerketa prozeduren baitan”.

Hiru.–58.4. artikulua. 2016ko urtarrilaren 1etik aurrera hasten diren prozeduretan ondorioak izateko.

“4. Zergaldi preskribatuetan egindako eragiketetako datuen jatorria justifikatzeko betebeharra mantendu eginen da dagokion eragiketak ukitutako tributu zorrak zehazteko eskubidearen preskripzio epean, eta, edozein kasutan, 55. bis 2. eta 3. artikuluan aipatzen diren kasuetan”.

Lau.–70.4. artikulua. 2016ko urtarrilaren 1etik aurrera hasten diren prozeduretan ondorioak izateko.

“4. Zehapen espedientea ebazteko luzeeneko epea sei hilabetekoa izanen da.

Zehapen prozedura hasita dagoela, haren jatorrian dagoen ikuskapen prozeduran gertatzen bada 139.5 artikuluan aurreikusitako inguruabarretako bat, zehapen prozedura amaitzeko epea luzatu eginen da, idatz-zati horretan xedatutakoarekin bat bidezkoa den denboraz”.

Bost.–87.1. artikulua. 2016ko urtarrilaren 1etik aurrera hasten diren prozeduretan ondorioak izateko.

“1. Tributu arloko kudeaketa prozedurei buruz ebazpena emateko sei hilabeteko epea egonen da, aplikatzekoa den araudiak beste epe bat jartzen ez badu. Prozeduran izaten diren atzerapenek, zerga administrazioa bera errudun ez denean, eta foru lege honetan aurreikusitakoarekin bat epean gertatzen diren etenaldiak ez dira sartuko ebazpena emateko epearen kontaketan”.

Sei.–101. artikulua. 2016ko urtarrilaren 1etik aurrera hasten diren prozeduretan ondorioak izateko.

“101. artikulua Ahalmenak.

1. Zerga administrazioak zerga betebeharra osatzen duten egitateak, egintzak, elementuak, jarduerak, ustiaketak, negozioak, baloreak eta gainerako inguruabarrak egiaztatzen eta ikertzen ahalko ditu, aplikatzekoak diren arauak behar bezala betetzen direla egiaztatzeko.

Egiaztapen eta ikerketa horiek egiten ahalko dira haien xedea diren zerga arloko ekitaldiak edo zergaldiak eta kontzeptuak 55.a) artikuluan arautu bezala preskribatuta egonik ere, betiere egiaztapen edo ikerketa hori beharrezkoa bada 55. artikuluan aipatzen diren eta preskribitu gabe dauden eskubideetako bati dagokionez, tributu bakoitzaren araubidean ezarritakoaren salbuespenarekin eta 55. bis. 2 artikuluan aipatzen diren kasuetan, horietan artikuluan ezarritako muga aplikatuko baita.

Bereziki, egiaztapen eta ikerketa horiek zabaltzen ahalko dira 55.a) artikuluan arautu bezala preskribituta dauden ekitaldi edo zergaldietan gertatu, gauzatu, bete edo formalizatutako egitate, egintza, jarduera, ustiapen eta negozioen kasuan ere, zerga arloko ondorioak preskribatu gabeko ekitaldi edo aldietan izan behar badituzte.

2. Artikulu honetan aipatzen diren egiaztapen eta ikerketa eginkizunak betetzean, zerga administrazioak zergapekoak gauzatutako egitateak, egintzak, jarduerak, ustiapenak eta negozioak kalifikatzen ahalko ditu, zergapekoak berak aurretik emandako kalifikazioa eta ekitaldia edo zergaldia edozein izanik ere, eta behar denean, 17., 18. eta 20.2 artikuluetan xedatutakoa izanen da aplikatzekoa.

Zerga administrazioak, idatz-zati honetan xedatutakoa aplikatuta, egiaztapen eta ikerketa prozeduretan emandako kalifikazioak ondorioak izanen ditu, halaber, haien xede den zerga betebeharrari dagokionez eta, kasua bada, 55.a) artikuluan araututako preskripzioa gertatu gabeko besteei dagokionez ere”.

Zazpi.–105. artikulua. 1. idatz-zatiari m) letra gehitzea. 4. idatz-zatia aldatzea, horrela, 4. eta 5. idatz-zatietako egungo edukia aurrerantzean 5. eta 6. idatz-zatiena izanen da. 2016ko urtarrilaren 1etik aurrera izanen du eragina.

“m) Aktiboak Berreskuratu eta Kudeatzeko Bulegoarekin lankidetzan aritzea, prozesu penal batean enbargatu edo konfiskatutako ondasunak aurkitzeko beharrezkoak diren datuak, txostenak edo aurrekariak lagatzeko, inguruabar hori frogatu ondoren”.

“4. Artikulu honetan datuei ematen zaien izaera erreserbatua ez da eragozpen izanen publizitatea emateko, Europar Batasuneko araudiak hala eskatzen badu”.

Zortzi.–105. bis artikulua gehitzea. 2016ko urtarrilaren 1etik aurrera izanen du eragina.

“105. bis artikulua. Zerga betebeharren ez-betetze nabarmenak argitaratzea.

1. Zerga administrazioak erabakiko du aldian-aldian argitaratzea Nafarroako Ogasun Publikoaren zordunen zerrendak, tributu arloko zorrak dituztenenak, inguruabar hauek tartean direlarik:

a) Ordaintzeko dauden tributu zorren zenbatekoa, osotara, 250.000 eurotik gorakoa izatea.

b) Tributu zor horiek ordaindu gabe egotea borondatez ordaintzeko epea iragan ondoren.

Artikulu honetan xedatutakoaren ondorioetarako, tributu zorretan 50. artikuluan aipatzen diren kontzeptuak egonen dira sartuta, eta ez dira kontuan hartuko geroratuta edo etenda daudenak.

2. Zerrenda horietan informazio hau sartuko da:

a) Zordunen identifikazioa, xehetasun hauekin:

–Pertsona fisikoak: izena, deiturak eta IFZ.

–25. artikuluko pertsona juridikoak eta entitateak: sozietatearen izena, osorik, eta IFZ.

b) Argitaratzearen ondorioetarako kontuan hartzen diren ordaindu gabeko zorren zenbateko osoa.

3. Datuak argitaratzeko erabakia hartu aurreko urteko abenduaren 31 izanen da zerrendan sartzeko baldintzak betetzen direla zehazteko erreferentziako data, zein den ere erabakia hartzen den egunean ordaintzeko zegoen kopurua, 5. idatz-zatian xedatutakoaren salbuespenarekin.

Zerrendan sartzeko proposamena ukitutako zordunari jakinaraziko zaio, eta honek alegazioak egiten ahalko ditu 10 eguneko epean, jakinarazpena jaso eta biharamunetik hasita. Ondorio horietarako, jakinarazpena egina dagoela ulertzeko aski izanen da zerga administrazioak frogatzea jakinarazpena, edukiaren testu osoarekin, interesdunaren zerga helbidean egiten behin saiatu izana.

Alegazioen helburua izanen da, soilik, 1. idatz-zatian aipatzen diren baldintzei dagozkien akats materialak, egitatezkoak edo aritmetikoak egotea.

Alegazioen tramitearen ondorioz, Administrazioak erabaki dezake zerrenda zuzentzea modu sinesgarrian frogatzen bada 1. idatz-zatian zehaztutako lege baldintzak ez direla betetzen.

Zuzenketa egitea ofizioz ere erabakitzen ahalko da.

Egokiak diren zuzenketak eginda, argitaratzeko erabakia hartuko da.

Erabakia eta zerrenda argitaratuta, erabakia jakinarazi dela ulertuko da.

Argitalpena, betiere, bitarteko elektronikoak erabiliz eginen da, eta behar diren neurriak hartuko dira Interneteko bilaketa motorren bidez edukien indexazioa egin ez dadin, eta zerrendak ez dira eskuragarri egonen argitaratu eta hiru hilabeteko epea iragan ondoren.

Argitaratzeko behar diren datuen tratamendua Datu Orokorren Babesari buruzko abenduaren 13ko 15/1999 Lege Organikoan eta abenduaren 21eko 1720/2007 Errege Dekretuaren bidez onetsitako haren Erregelamenduan xedatutakoari lotuko zaio.

4. Artikulu honetan arautzen diren argitalpen erabakiak hartzeko eskumena Nafarroako Zerga Ogasuneko zuzendari kudeatzaileak izanen du, eta argitalpena, edozein kasutan, urte bakoitzeko lehen seihilekoan egin beharko da.

5. Zerrenda argitaratzean, bertan jasotako egoera 3. idatz-zatian aipatzen den erreferentziako datan dagoena dela zehaztuko da.

Hori gorabehera, zorduna ez da zerrendan sartuko erreferentziako data hori iraganik eta argitaratzeko erabakia hartu aurretik, bitarte horretan, ordaintzeko dauzkan zorrak ordaintzen baditu.

Artikulu honetan xedatutakoak ez du eraginik izanen foru lege honetan inpugnazioetarako ezarritako araubidean, tributu zorrak eragin dituzten jarduketei eta prozedurei dagokienez, ez eta, tributuak aplikatzeko, haiekin loturik hasitako edo ondoren has litezkeen jarduketetan eta prozeduretan ere.

Artikulu honetan araututako informazioa argitaratzeko artikuluan bertan ezarritako prozeduran betetako jarduketak ez dira etendurarako arrazoia 57. artikuluan aurreikusitako ondorioetarako.

6. Zerrenda argitaratzeko erabakiak bide administratiboa amaituko du”.

Bederatzi.–110. artikuluari 3. idatz-zatia gehitzea. 2016ko urtarrilaren 1etik aurrera izanen du eragina.

“3. Urtebetetik beherako likidazio aldiak dituzten zerga betebeharren kasuan, urteko kuotaren banaketa lineala egiten ahalko da kasuko likidazio aldien artean, zerga administrazioak, daukan informazioan oinarrituta, likidazio aldi zehatz bati egozterik ez badu tributuaren araudiarekin bat, eta zergapekoak, horretarako eskaera egiten zaionean, justifikatzen ez badu bestelako denbora banaketa egin behar dela”.

Hamar.–123.4. artikulua: 2016ko urtarrilaren 1etik aurrera izanen du eragina.

“4. Tributu zorraren kobrantza ziurtatzeko edo egiteko, diru-bilketako organoetako lanpostuetan aritzen diren funtzionarioek 131. artikuluan tributuen ikuskapenari aitortzen zaizkion ahalmenak izanen dituzte, bertan ezarritako betebeharrekin”.

Hamaika.–138.4. artikulua. Indargabetzea. 2016ko urtarrilaren 1etik aurrera izanen du eragina.

Hamabi.–139. artikulua. 2016ko urtarrilaren 1etik aurrera hasten diren prozeduretan ondorioak izateko.

“139. artikulua Ikuskapen jarduketen epeak.

1. Ikuskapen prozeduraren jarduketek epe hauetan amaitu behar dute:

a) 18 hilabeteko epean, oro har.

b) 27 hilabeteko epean, egiaztapenaren xede diren zerga betebeharretan edo zergaldietan inguruabar hauetako bat tartean dagoelarik:

Lehena.–Zergapekoaren negozioen urteko zifra kontuak auditatu beharra izateko adinakoa edo handiagoa izatea.

Bigarrena.–Zergapekoa ikuskapenaren xede den zerga-baterakuntzaren edo entitate taldearen araubidearen menpeko talde batean sartuta egotea.

Sozietateen gaineko Zergari buruzko abenduaren 30eko 24/1996 Foru Legearen 28. artikuluan ezarritakoarekin bat, lotutako pertsona edo entitate batzuen gaineko ikuskapenak egiten direnean, letra honetan aurreikusitako inguruabarrak gertatzen badira haietako edozeinetan, epe hau ezarriko da denekin bete beharreko ikuskapen prozeduretan.

Idatz-zati honetan aipatzen den prozeduraren iraupena luzatzen ahalko da 4. eta 5. idatz-zatietan adierazitako baldintzetan.

2. Ikuskapen prozeduraren epea zergapekoari hasiera jakinarazten zaion egunean hasiko da kontatzen, eta ikuskapenak eragindako egintza administratiboa jakinarazi arte edo jakinarazitzat eman arte iraunen du. Jakinarazteko betebeharra bete dela ulertzeko eta ebazpenerako epea zenbatzeko, aski izanen da frogatzea ebazpeneko testu osoa jakinarazteko saiakera bat egin dela.

Ikuskapen prozeduraren hasiera jakinaraztean, aplikatzekoa zaion epearen berri ere emanen zaio zergapekoari.

Aurreko idatz-zatiko b) letran aipatzen diren inguruabarrak ikuskapen lanak egin bitartean atzemanez gero, epea 27 hilabetekoa izanen da hasieraren jakinarazpena egiten denetik hasita, eta horren berri emanen zaio zergapekoari.

Ikuskapen prozeduraren xede diren zerga betebehar eta zergaldi guztietarako epe bakarra egonen da, nahiz eta epea zehazteko inguruabarrek prozeduran sartutako betebehar edo aldi guztietatik batzuei bakarrik eragin, 3. idatz-zatian aurreikusten den banaketa kasuaren salbuespenarekin.

Ikuskapen prozeduraren epearen kontaketaren ondorioetarako, ez da aplikatzekoa izanen 87.1 artikuluan xedatutakoa, prozeduran izaten diren atzerapenei buruz, administrazioa bera errudun ez denean.

3. Ikuskapen prozeduraren epearen kontaketa eten eginen da inguruabar hauetako bat gertatzen denean:

a) Espedientea Fiskaltzari edo jurisdikzio eskudunari bidaltzea.

b) Organo jurisdikzional baten jakinarazpena jasotzea, betetzen ari den ikuskapen prozedura bat eten edo geldiarazteko agindua ematen duena, zerga arloko betebehar jakin batzuei edo haien elementu batzuei dagokienez.

c) Ikuskapen prozedura betetzen ari den zerga administrazioak gatazka planteatzea autonomia erkidegoei buruzko araudian, Estatuaren eta Nafarroako Foru Komunitatearen arteko Hitzarmen Ekonomikoari buruzko abenduaren 26ko 28/1990 Legean eta Euskal Autonomia Erkidegoarekiko Hitzarmen Ekonomikoari buruzko maiatzaren 23ko 12/2002 Legean aurreikusitako Arbitraje Batzordeen aurrean, edo gatazkaren jakinarazpena jasotzea.

d) Zergapekoari ebazpen edo likidazio proposamena edo jarduketak osatzeko agindua ematen dion erabakia jakinarazteko ahalegina.

e) Jarduketak bertan behera uztera behartzen duen ezinbesteko arrazoia izatea tartean.

Idatz-zati honen d) letran aurreikusitako inguruabarra gertatu ezean, ikuskapenak ez du inolako jarduketarik betetzerik izanen aurreko arrazoiengatik etendako prozeduran, baina horrek ez du eragotziko zergapekoari edo hirugarrenei aldez aurretik egindako eskaerei erantzun beharra. Halere, zerga administrazioaren irudiko, etenduraren arrazoiek ez badute zergaldi bat, zerga arloko betebehar bat edo betebeharraren elementu bat ukitzen, horien gaineko ikuskapen prozedurak aurrera eginen du, eta, kasua bada, dagokien likidazioa egiten ahalko da. Gehieneko iraupenaren kontaketaren ondorioetarako soilik, kasu hauetan, etendurarako inguruabarra gertatzen den unetik, epeak banandu eginen dira, batetik, aurrera segitzen duen prozeduraren zatia, eta, bestetik, etenda geratzen dena. Banaketa egiten denez geroztik, prozeduraren zati bakoitzak bere arrazoiak izanen ditu epea eteteko eta luzatzeko.

Epearen kontaketa eteteak ondorioak izanen ditu lehen aipatutako inguruabarrak gertatzen direnetik aurrera, eta hala jakinaraziko zaio zergapekoari informazioaren ondorioetarako, salbu eta jakinarazpen horrek kaltetu dezakeenean ikerketa judizialak egitea; hala gertatzen denean, espedientean behar bezain arrazoituta geratu beharko da inguruabar hori. Jakinarazpen horretan zehaztu eginen dira zein diren etenda dauden zergaldiak, zerga arloko betebeharrak edo elementuak, eta zeinekin segitzen duen aurrera prozedurak, etenduraren arrazoiek ez dituztelako ukitzen.

Etendura amaituko da zerga administrazioaren erregistroan etendurarako arrazoia amaitu dela dioen agiria sartzen denean, jakinarazpena egitea lortzen denean edo ezinbesteko arrazoiak desagertu direla egiaztatzen denean.

Etendura amaitu ondoren, prozedurak aurrera segituko du falta den epean.

4. Entzutea emateko tramitea hasi aurretik, zergapekoak aldi bat -edo batzuk- eskatzen ahalko du, erregelamenduz ezartzen diren baldintzetan, horietan ikuskapenak jarduketarik egin ez dezan zergapekoarekin, eta, horrelakoetan, zergapekoari egindako errekerimenduei erantzuteko epea etenda geldituko da. Aldi horien iraupena, osotara, ez da 60 egun naturaletik gorakoa izanen prozedura osoan, eta prozeduraren gehieneko iraupenaren luzapen gisa hartuko da.

Organo jarduleak eskaera ukatzen ahalko du behar bezala justifikaturik ez badago edo jarduketei kalte egin diezaiekeela iruditzen bazaio. Ukoaren kontra ezin izanen da errekurtsorik edo erreklamazio ekonomiko administratiborik aurkeztu.

5. Ikuskapen prozedura betetzen ari den bitartean zergapekoak adierazten badu ez duela eskatutako informazioa edo ez duela aurkeztuko, edo hirugarren errekerimenduan emandako epean osorik aurkezten ez badu, eta ondoren aurkezten badu, ikuskapen prozeduraren gehieneko epea beste hiru hilabetez luzatuko da, betiere informazioa edo dokumentazioa aurkezten bada prozedura hasi zenetik gutxienez bederatzi hilabete iraganik. Halere, luzapena sei hilabetekoa izanen da aurkezpena akta formalizatu ondoren egiten bada eta ezartzen badu likidazioa egiteko eskumena duen organoak erabakiko duela jarduketa osagarriak egitea.

Era berean, ikuskapen prozeduraren gehieneko iraupena sei hilabetez luzatuko da baldin eta, zeharkako zenbatespenaren metodoa aplikatzea ezartzen duten inguruabarrak daudela adierazita, horren inguruko datuak, dokumentuak edo frogak aurkezten badira.

6. Baldin eta ez bada betetzen artikulu honen 1. idatz-zatian adierazten den prozeduraren epea, horrek ez du berarekin ekarriko prozedura iraungitzea. Prozedurak aurrera jarraituko du bukatu arte, baina ondorio hauek sortuko ditu likidatu gabe dauden zerga betebeharretan:

a) Preskripzioa ez da etentzat emanen, 1. idatz-zatian adierazitako epean betetako ikuskapen jarduketen ondorioz.

Preskripzioa etentzat emanen da jarduketak egiten badira 1. idatz-zatian aipatzen den epea amaitu ondoren. Zergapekoak eskubidea izanen du jakiteko eginen diren jarduketek zer kontzeptu eta zergaldi hartuko dituzten.

b) Epe honetan egiten diren diru-sarrerak borondatezkotzat hartuko dira, 52.3 artikuluaren ondorioetarako: prozedura hasten denetik 1. idatz-zatian aurreikusitako prozedura-epearen baldintza ez betetzearen ondotik egindako lehen jarduketa arte, betiere ikuskapen jarduketen xede den tributuari eta zergaldiari egozten badizkie tributudunak.

c) Ez-betetzea gertatzen denetik prozedura amaitu bitarte ez da berandutza interesik eskatuko.

7. Ebazpen judizial edo ekonomiko-administratibo batek akats formalak atzeman, eta ikuskapen jarduketen atzeraeragina agintzen duenean, horiek epe honetan bukatuko dira: jarduketak atzera eramaten direnetik artikulu honen 1. idatz-zatian adierazitako epea bukatzen den arte, edo sei hilabetean, baldin eta beste epea laburragoa bada. Ebazpena betearazteko eskumena duen organoak espedientea jasotakoan hasiko da kontatzen epe hori.

Prozedurari amaiera ematen dion likidazio berriagatik berandutza interesak eskatuko dira. Berandutza interesa kontatzen hasteko eguna baliogabetutako likidazioari zegokiokeen berbera izanen da, eta interesa likidazio berria ematen den unera bitarte sortuko da”.

Hamahiru.–140.2. artikulua. 2016ko urtarrilaren 1etik aurrera izanen du eragina.

“2. Prozedura eta egintza deusezen berrikuspena, egintza deuseztagarrien kaltegarritasunari buruzko deklarazioa, egintzen errebokazioa eta akats-zuzenketa eginen dira aurretik aipaturiko araubideari jarraituz. Bereziki, errebokazio prozeduretako ebazpenek bide administratiboa amaituko dute”.

Hamalau.–141. artikulua. 2. idatz-zatia gehitzen zaio, eta artikuluaren egungo edukia 1. idatz-zatiarena izanen da aurrerantzean. 2016ko urtarrilaren 1etik aurrera izanen du eragina.

“2. Prozedura amaitzeko ebazpenak bide administratiboa amaituko du”.

Hamabost.–144. artikulua. 2016ko urtarrilaren 1etik aurrera izanen du eragina.

“144. artikulua Erreklamazio ekonomiko administratiboa.

Bidegabeko diru-sarreren itzulketak egiteko eta akats materialak zuzentzeko prozedurak, 142. eta 143. artikuluetan aurreikusitakoak, amaitzen dituzten ebazpenen kontra erreklamazioak jarri daitezke, kapitulu honen 4. sekzioan erregulatzen direnak, hain zuzen”.

Hamasei.–148. artikulua. 2016ko urtarrilaren 1etik aurrera izanen du eragina.

“148. artikulua. Inpugnatutako egintzen betearazpena etetea.

1. Errekurtsoa edo erreklamazio ekonomiko-administratiboa aurkezteak ez du inpugnatutako egintzaren betearazpena etetea ekarriko, legezko ondorio guztiekin, kuota edo eskubide likidatuen, interesen eta errekarguen bilketa barne.

2. Halere, inpugnaturiko egintzaren betearazpena besterik gabe etenda geldituko da interesdunak hala eskatuta, honakoak bermatzen badira, erregelamenduz ezartzen diren baldintzetan: egintzaren zenbatekoa, etendurak sortutako berandutza interesak eta bermea betearaziz gero bidezkoak liratekeen errekarguak.

Inpugnazioak zerga arloko zehapen bati eraginez gero, betearazpena besterik gabe etenda geldituko da bermerik aurkeztu beharrik gabe, 70.6 artikuluan xedatutakoarekin bat.

Ebazpena edo erreklamazioa ebazteko eskumena duen organoak etendurari buruzko ebazpena aldatzen ahalko du hurrengo idatz-zatiko bigarren lerroaldean aurreikusten diren kasuetan.

3. Errekurtsoa edo erreklamazioa ebazteko eskumena duen organoak egintzaren betearazpena eten dezake, bermerik gabe (guztiak edo batzuk kenduta), betearazpenak kalte konponezinak edo konpontzen zailak eragin ditzakeenean.

Idatz-zati honetan aipatzen diren kasuetan, errekurtsoa edo erreklamazioa ebazteko eskumena duen organoak etendurari buruzko ebazpena aldatzen ahalko du, hura eragin zuten baldintzak desagertu direla iritziz gero, aurkeztutako bermeek balioa edo eraginkortasuna galdu dutenean, edo beste ondasun edo eskubideak badirela jakitean, berme gisa eman daitezkeenak eta etendurari buruzko ebazpena eman zenean ezagutzen ez zirenak.

4. Errekurtsoa izan duen egintzaren betearazpena eteten ahalko da, bermerik gabe, nabari baldin bada hura ematean akats aritmetiko, material edo egitateko bat egin dela.

5. Erreklamazioak ez badio eragiten tributu zor osoari, etendurak erreklamatutako zatiari eraginen dio, eta erreklamazio egileak gainerako zenbatekoa ordaindu beharko du.

6. Berraztertzeko errekurtsoa jarri izanagatik erabakitzen den etendurak bide ekonomiko-administratiboan segitzen ahalko du, erregelamenduz ezarritako baldintzetan.

7. Bide administratiboan gertatutako etendurak aurrera segituko du, interesdunak administrazioarekiko auzi-errekurtsoa aurkezteko epean jakinarazten badio zerga administrazioari errekurtso hori aurkeztu duela eta etendura eskatu duela. Etendurak aurrera segituko du, baldin eta bide administratiboan aurkeztu den bermeak indarra eta eraginkortasuna izaten segitzen badu, harik eta organo judizialak eskatutako etendurari buruz dagokion erabakia hartu arte.

Zehapenei dagokienez, etendurak erabaki judiziala hartu arte segituko du, aurreko lerroaldean aurreikusitako baldintzetan eta bermerik eman gabe.

8. Erreklamazioaren ebazpenaren ondorioz, inpugnatutako egintzak dakarren zenbatekoa osorik edo zati batean ordaindu behar denean, berandutza interesak sortuko dira etenduraren aldi osoan, 50.2.c) artikuluan ezarritako zenbatekoarekin.

9. Xedetzat tributu zor edo zenbateko likidorik ez duten egintzen kasuan, errekurtsoa edo erreklamazio ebazteko eskumena duen organoak betearazpena eteten ahalko du, interesdunak hala eskatzen badu eta frogatzen badu betearazpenak konpontzen zailak edo ezinezkoak diren kalteak eragin ditzakeela.

10. Berraztertzeko errekurtso berezi baten bidez inpugnatutako egintzaren edo ebazpenaren betearazpena ezin izanen da eten inola ere.

11. Erregelamenduz arautuko dira etendurako eskabideak tramitatu eta ebazteko baldintzak, organo eskudunak eta prozedura”.

Hamazazpi.–158.1. artikulua. 2016ko urtarrilaren 1etik aurrera izanen du eragina.

“1. Erreklamazio ekonomiko-administratiboa hilabeteko epean jarriko da, aurkaratutako egintza jakinarazi eta biharamunetik kontatzen hasita.

Administrazioaren isilbideko kasuetan, erreklamazioa jarri ahalko da haren eragina izan eta biharamunetik.”

Hemezortzi.–Bederatzigarren xedapen gehigarria. 2016ko urtarrilaren 1etik aurrera hasten diren prozeduretan ondorioak izateko.

“Bederatzigarren xedapen gehigarria. Ogasun Publikoaren kontrako delituengatiko erantzukizun zibilaren ordainarazpena eta isuna.

1. Ogasun Publikoaren kontrako delituaren prozeduretan, premiamenduko prozedura administratiboan eskatuko da erantzukizun zibila, eta, haren barrenean sartuta egonen da Nafarroako Zerga Ogasunak preskripzioagatik edo beste edozein arrazoi legalarengatik, foru lege honetan aurreikusitako baldintzetan, likidatu ez duen tributu zorraren zenbatekoa, berandutza interesak barne, isunarekin batera.

2. Epaia irmoa denean, epaia betearazteko eskumena duen epaileak edo epaimahaiak Nafarroako Zerga Ogasuneko organoei epaiaren lekukotza igorri eta ordainarazpena gauzatzeko aginduko die. Era berean jokatuko da epaileak edo epaimahaiak errekurtsoa jarritako epai bat behin-behinean betearaztea erabakiz gero.

3. Zigor Kodeko 125. artikuluari jarraiki erantzukizun zibilaren edo isunaren ordainketaren zatikapena erabakitzen denean, epaileak edo epaimahaiak Nafarroako Zerga Ogasunari jakinaraziko dio. Kasu horretan, zatikapenaren baldintzak bete ezean premiamendu prozedura hasiko da.

4. Nafarroako Zerga Ogasunak epaia eman duen epaileari edo epaimahaiari tramitazioaren eta, hala badagokio, epaiaren betearazpenari lotutako gorabeheren berri emanen dio, Espainiako Konstituzioaren 117.3 artikuluaren ondorioak izan ditzan”.

Hemeretzi.–Hamargarren xedapen gehigarria, 4. idatz-zatia. 2016ko urtarrilaren 1etik aurrera izanen du eragina.

“4. Emandako identifikazio fiskaleko zenbakiaren ezeztapena Nafarroako Aldizkari Ofizialean argitaratzen denean, zenbaki horrek zerga arloan balioa galduko du identifikazioaren ondorioetarako.

Era berean, argitalpen horrek ekarriko du kreditu entitateek kargurik edo ordainketarik ez egitea ezeztatutako zenbaki horien titularrak titular edo baimendu gisa ageri diren bankuko kontu eta gordailuetan, zenbakia berriz gaitu edo Identifikazio Fiskaleko Zenbaki berria esleitu arte.

Ezeztapena entitate bati dagokionean, argitalpenak ekarriko du, halaber, kasuan kasuko entitate motaren arabera dagokion erregistro publikoak, ezeztapenak zein entitate ukitzen duen, entitate horri irekitako orrian bazterreko ohar bat ezartzea, bertan jasotzeko ez dela aurrerantzean entitate horri dagokion inolako inskripziorik eginen, zenbakia berriz gaitu edo Identifikazio Fiskaleko Zenbaki berria esleitu arte.

Idatz-zati honetan xedatutakoa ez da traba izanen zerga administrazioak eska dezan ordaintzeko dauden zerga betebeharrak betetzeko. Halere, ezeztatutako identifikazio fiskaleko zenbaki bat daramaten autolikidazioak, aitorpenak, jakinarazpenak edo idatziak onartzeko baldintza izanen da, erregelamenduz ezarritako moduan, identifikazio fiskaleko zenbakia berriz gaitzea, edo zenbaki berria lortzea”.

Hogei.–Hogeita laugarren xedapen gehigarria gehitzea. 2016ko urtarrilaren 1etik aurrera izanen du eragina.

“Hogeita laugarren xedapen gehigarria. Berandutza interesa.

2016ko urtarrilaren 1etik aurrera, foru lege honen 50.2.c) artikuluan aipatzen den berandutzako interes-tasa ehuneko 3,75ekoa izanen da urtean”.

Hogeita bat.–Hogeita bosgarren xedapen gehigarria gehitzea. 2016ko urtarrilaren 1etik aurrera izanen du eragina.

“Hogeita bosgarren xedapen gehigarria. Tributu zorra geroratzeko edo zatikatzeko 2016an egiten diren eskaerei aplikatzen zaizkien neurri berariazkoak.

Tributu zorra geroratzeko edo zatikatzeko 2016an egiten diren eskaerei, betiere dirua biltzeko kudeaketa lana Ogasuneko eta Finantza Politikako Departamentuari badagokio, hogeita bigarren xedapen gehigarrian ezarritakoa aplikatuko zaie”.

Zortzigarren artikulua.– Fundazioen eta babes jardueren tributu araubidea erregulatzen duen Foru Legea.

2016ko urtarrilaren 1etik aurrera hasten diren zergaldietarako ondorioekin, Fundazioen eta Babes Jardueren Tributu Araubidea erregulatzen duen uztailaren 2ko 10/1996 Foru Legearen agindu batzuek, ondotik heldu direnek, honako testu hau izanen dute:

Bat. 9. artikulua.

“9. artikulua. Errenten eta diru-sarreren erabilera.

1. Fundazioaren xedeak betetzeko erabili beharko da, gutxienez, fundazioaren kontabilitate-emaitzako zenbatekoaren ehuneko 70, hurrengo zenbakietan adierazten diren doikuntzekin zuzenduta.

Kontabilitate-emaitzaren gainerakoak, fundazioaren xedeak betetzeko erabiltzen ez denak, alegia, zuzkidura edo erreserbak gehitu beharko ditu, patronatuko akordioaren arabera.

2. Honako hauek ez dira diru-sarrera gisa sartuko:

a) Fundatzaileak edo hirugarren pertsonek zuzkidura gisa emandako ondasunak eta eskubideak besterentzegatik edo kargatzeagatik lortzen den kontraprestazioa, baita modu iraunkorrean patronatuak fundazioaren xedeari lotutako beste batzuenak ere, sortzen ahal izan zen gainbalioa barne.

b) Ondasun higiezinen (non entitatea bere berariazko xedeko jardueran aritzen baita) kostu bidezko eskualdaketan lortutako diru-sarrerak, betiere aipatu eskualdaketaren zenbatekoa berriro inbertitzen bada ondasun higiezinetan, zeinetan inguruabar hori gertatzen baita.

3. Ez dira inolaz ere diru-sarreratzat hartuko fundazioa eratzen denean edo geroago ere zuzkidura gisa jasotako ekarpenak edo dohaintzak.

4. Ez dira honako gastu hauek kenduko:

a) Fundazioaren xedeak betetzeko garatzen diren jarduerekin lotura zuzena dutenak, amortizaziorako eta jarduera horiei atxikiak dauden ibilgetuen hornikuntzarako zuzkidurak barne.

b) Fundazioaren xedeak betetzeko garatzen diren jardueren multzoari dagozkion gastu komunen zati proportzionala.

Zati proportzional hori zehaztuko da jarduera bakoitzari baliabideak benetan aplikatzetik ondorioztatutako irizpide objektiboen arabera.

Aipatu gastu komun horietan, halakorik bada, ondoko hauek sartzen ahalko dira: kanpoko zerbitzuak, langileria, finantzak, tribututakoak eta kudeaketa eta administrazioko bestelako gastuak, baita patronatuko kideek ordaina hartzeko eskubidea dutenenak ere, 13. artikuluan ezarritakoari jarraikiz.

5. Zenbaketa horrek aipatzen dituen diru-sarrerak eta gastuak zehaztuko dira fundazioak egindako kontabilitatearen arabera, 11. artikuluan xedatuari jarraikiz.

6. Fundazioaren xedeetarako egintzat hartzen da ekitaldi bakoitzean egindako gastu eta inbertsioen zenbatekoa, betiere fundazioaren estatutuetan zehaztutako horren berariazko xedeak betetzeko benetan erabili badira horiek, amortizazioetarako eta hornikuntzarako zuzkidurak izan ezik.

Errenten eta diru-sarreren erabileraren gaineko baldintza betetzen dela zehazteko, fundazioaren xedeak betetzeko erabili diren inbertsioak finantzatu badira zenbait ekitalditan banatu beharreko diru-sarrerekin (hala nola, diru-laguntzak, dohaintzak eta legatuak) edo besteren finantza baliabideekin, aipatu inbertsio horiek konputatuko dira diru-sarrerak konputatzen diren proportzio berean edo besteren finantzaketa amortizatzen den moduan.

7. Fundazioak errentak erabiltzen ahalko ditu aurreko 1. idatz-zatiak aipatzen duen proportzioan, haiek jasotzen dituenetik 4 urteko epean”.

8. Memorian eman beharreko informazioaren ondorioetarako, fundazioaren xedeak betetzearen graduari dagokionez, 11.2 artikuluak aipatzen baitu, ehuneko 70eko portzentajea zer emaitzaren gainean aplikatzen den zehaztuko da eta fundazioaren xedeetarako erabiltzen diren gastuak eta inbertsioak, baita administrazioko gastuen zenbatekoa ere. Informazio hori ere sartuko da, aurreko ekitaldietako aplikatu gabeko saldoei dagokienez.

9. Fundazioaren ondarea osatzen duten ondasun eta eskubideak administratzeagatik zuzenean eragindako gastuen zenbatekoa, eta patronatuko kideek ordaina hartzeko eskubidea duten gastuena, ezin izango dira kopuru hauetatik gorakoak izan: bere funtsen ehuneko bost edo fundazioaren kontabilitate-emaitzaren ehuneko 20, artikulu honetan ezartzen diren doikuntzekin zuzendua.

10. Salbuespenez, artikulu honetako 1. idatz-zatiak aipatzen duen %70eko gutxieneko portzentajea txikiagoa izaten ahalko da entitatea sortu zeneko zuzkidura handitzea nahi denean, eta Ogasuneko eta Finantza Politikako Departamentuak horretarako baimena ematen badu, horri eskaera aurkeztu ondoren.

Beste alde batetik, 7. idatz-zatian aurreikusten den lau urteko epea luzatzen ahal da errenten helburua egokitzen zaionean fundazioak prestaturiko eta Ogasuneko eta Finantza Politikako Departamentuak onarturiko plan bati.

Idatz-zati honen aurreko paragrafoek aipatzen duten plana eskatu edo formulatu zenetik sei hilabete pasatu ondoren, ebazpen espresurik eman gabe, entitateak baietsitzat eman dezake haren proposamena”.

Bi.–Bederatzigarren xedapen gehigarria.

“Bederatzigarren xedapen gehigarria. Alderdi politikoentzako dohaintzak.

Pertsona fisikoek alderdi politikoei emaniko diruzko nahiz ondasunezko dohaintzei, alderdi politikoen finantzaketari buruzko uztailaren 4ko 8/2007 Lege Organikoak ezarritako mugen barrenean, foru lege honetako II. tituluko 1. kapituluan aurreikusitako dohaintzengatiko kenkariak aplikatuko zaizkie, hartan ezarritako beharkizun eta baldintzen arabera”.

Hiru.–Hamargarren xedapen gehigarria. Indargabetzea.

Lau.–Hamaikagarren xedapen gehigarria.

“Hamaikagarren xedapen gehigarria. Foru lege honen zerga-onuren bateraezintasuna.

Foru lege honen artikuluetan eta xedapen gehigarrietan araututako zerga onurak bateraezinak izanen dira Nafarroako Foru Komunitatean kultur mezenasgoa eta haren zerga pizgarriak arautzen dituen foru legean zenbateko berberetarako ezarritakoekin”.

Bost.–Hamabigarren xedapen gehigarria. Indargabetzea.

Bederatzigarren artikulua. Mezenasgoa eta haren zergapizgarriak arautzen dituen Foru Legea.

2016ko urtarrilaren 1etik aurrera hasten diren zergaldietarako ondorioekin, Nafarroako Foru Komunitatean Kultur mezenasgoa eta haren zerga-pizgarriak arautzen dituen maiatzaren 16ko 8/2014 Foru Legearen 19. artikulua honela geldituko da idatzita:

“19. artikulua. Bateraezintasunak.

Foru lege honetan araututako onura fiskalak bateraezinak izango dira, zenbateko beretarako, Fundazioen eta Babes Jardueren Tributu Araubidea erregulatzen duen uztailaren 2ko 10/1996 Foru Legean ezarritakoekin”.

Hamargarren artikulua. Nafarroako Lurralde Aberastasunaren Erregistroari buruzko Foru Legea.

2016ko urtarrilaren 1etik ondorioak izanen dituela, Nafarroako Lurralde Aberastasunaren Erregistroari eta Katastroei buruzko azaroaren 21eko 12/2006 Foru Legearen hirugarren xedapen gehigarriak ondoko testua izanen du:

“Hirugarren xedapen gehigarria. Ondare eskualdaketen eta egintza juridiko dokumentatuen gaineko zergan salbuespena izatea.

Ondare eskualdaketen eta egintza juridiko dokumentatuen gaineko zerga ordaintzetik salbuetsiko dira zenbait erregistroko-finkaren bat-egitea edo eranstea formalizatze aldera egiletsitako eskritura publikoak, ondoriozko finka Jabetzaren Erregistroan inskribatzearen ondorioetarako, baldin eta lurzati bakartzat agertzen bada Lurralde Aberastasunaren Erregistroan. Salbuespena baldintza hauek betetzen dituzten lursailei aplikatuko zaie bakarrik:

a) Katastroko lurzatien plano indardunean finken mugen kokapena ikusirik, jabetza-erregistroko deskribapenaren arabera, egiaztatzen bada finkak berez mugakideak direla eta kokapenak katastroko lurzati bakarrarekin bat egiten duela.

b) Lurzati bakarraren lursaila hiri lurzorutzat edo urbanizagarritzat jotzen ez bada hango toki entitatearen hirigintza arloko araudian, eta halakotzat jotzen ez bada lau urteko epean, egintza formalizatzen denetik hasita.

Salbuespena ez zaio inola ere aplikatuko katastroko lurzati bakarrean dauden eraikinen balioari, haien karakterizazioa gorabehera, ezta haiek okupatzen duten lurzoruari ere”.

Hamaikagarren artikulua .–Hondakin uren saneamenduko kanonaren tarifak Nota de Vigencia.

2016ko urtarrilaren 1etik ondorioak izanen dituela, Nafarroako Hondakin Uren Saneamenduari buruzko abenduaren 29ko 10/1988 Foru Legearen bigarren xedapen iragankorrak ondoko testua izanen du:

“Bigarren xedapen iragankorra. Hondakin uren saneamenduko kanonaren tarifak.

1. a) Saneamenduko sare publikoetara konektatutako etxeko ur-erabilerei aplikatu beharreko karga tasak: 0,597 euro metro kubiko bakoitzeko.

b) Saneamenduko sare publikoetara konektatutako ur-erabilerei, etxekoak ez direnei, aplikatu beharreko karga tasak: 0,715 euro metro kubiko bakoitzeko. Karga kutsatzaileari dagokion indize zuzentzailea aplikatuko da, hala behar denean, apirilaren 5eko 82/1990 Foru Dekretuan eta Nafarroako 2012ko Aurrekontu Orokorrei buruzko abenduaren 28ko 19/2011 Foru Legearen zazpigarren xedapen gehigarrian araututako moduan.

c) Saneamenduko sare publikoei konektaturik ez dauden baina erakunde eskudunek eman beharreko baimen administratiboak dituzten erabiltzaileak: 0,086 euro metro kubiko bakoitzeko. Ibilgu publikora isurtzeko baimenean ezarritako baldintzak betetzen ez badira, a) edo b) letretan ezarritakoaren arabera dagokion tarifa aplikatuko da.

2. Ur-banaketan aritzen diren entitateek horniduragatiko tasak arautzen dituzten ordenantzetan ezarritakoa aplikatu ahal izanen diote saneamenduko kanonari ur-ihesak daudenean isuria kalkulatzen den kasurako edo hobari sozialak aplikatzeko.

3. Arazketa-instalazio pribatuetatik datozen lohiei tarifa hauek aplikatuko zaizkie tratatuak izateagatik, baldin eta onartzen badira Nafarroako Ibaien Saneamendurako Plan Zuzendariari atxikitako hondakin-uren araztegietako lohien lerroetan:

NEURKETA

 PREZIOA
5 m³ arte

 42,50 euro
10 m³ arte

 85,00 euro
10 m³ baino gehiago

 8,50 euro/m³

4. Aurreko zenbatekoei balio erantsiaren gaineko zerga gehituko zaie”.

Hamabigarren artikulua .–Tasa eta Prezio Publikoei buruzko Foru Legea.

2016ko urtarrilaren 1etik aurrerako ondorioekin, Nafarroako Foru Komunitateko Administrazioko eta haren erakunde autonomoetako tasa eta prezio publikoei buruzko martxoaren 27ko 7/2001 Foru Legearen manu hauen testua honakoa izanen da:

Bat.–127. artikulua.

“127. artikulua. Tarifak.

EUROTAN
1. TARIFA

 Eraikinak egitea, berregitea edo handitzea. Gasolina-zerbitzuguneak ezartzea eta gasolina eta lubrifikatzaileak banatzeko aparatuak instalatzea:
1. 3.000 euro bitarteko aurrekontua dutenak:

 42,00
2 3.000tik 6.000 eurora bitarteko aurrekontua dutenak:

 78,00
3. 6.000tik 12.000 eurora bitarteko aurrekontua dutenak:

 105,00
4. 12.000tik 30.000 eurora bitarteko aurrekontua dutenak:

 163,00
5. 30.000 eurotik gorako aurrekontua dutenak:

 220,00
2. TARIFA

 Eraikinen kontserbaziorako obrak egitea:
1. 3.000 euro bitarteko aurrekontua dutenak:

 34,65
2 3.000tik 6.000 eurora bitarteko aurrekontua dutenak:

 44,10
3. 6.000 eurotik gorako aurrekontua dutenak:

 57,75
3. TARIFA

 Itxitura edo eustorma eraikitzea:
1. Itxitura ez gardena (fabrika-obra edo heskaia), metro linealeko:

 3,90 (T.m.31,50)
2. Itxitura gardena (hesola eta burdin haria edo sarea), metro linealeko:

 2,10 (T.m.31,50)
3. Eustorma, metro linealeko:

 5,25 (T.m.31,50)
4. TARIFA

 Uraren, elektrizitatearen, gasaren, telefonoaren eta abarren lurpeko hodiak paratzea:
1. Hodia babes eremuetan barna eramatea:

 2,10 (T.m.31,50)
2. Galtzada gurutzatzeko eroanbidea, metro 1,00 bitarteko diametrokoa, metro linealeko:

 5,25 (T.m.31,50)
3. Galtzada gurutzatzeko eroanbidea, fabrika-obraz edo zubi bidez, behin-behineko desbideraketa barne:

 165,50
5. TARIFA

 Lur gaineko lineak instalatzea:
1. Goi tentsioko lineako zutoin edo metalezko dorre bakoitzeko, babes eremuetan:

 11,40 (T.m.55,65)
2. Behe tentsioko lineako edo bestelako lineetako zutoin bakoitzeko, babes eremuetan:

 5,25 (T.m.37,80)
3. Errepidea goi tentsioko linea batez gurutzatzea, zelaigunearen gaineko metro linealeko:

 4,50 (T.m.55,65)
4. Errepidea behe tentsioko linea batez edo bestelako linea batez gurutzatzea; zelaigunearen gaineko metro linealeko:

 3,25 (T.m.37,80)
5. Babes eremuan dagoen transformazio zentro bakoitzeko:

 63,75
6. TARIFA

 Sarbideak, gurutzaguneak eta lotuneak:
1. Finketarako sarbideak, zoladurak, aparkalekuak edo espaloiak egin, konpondu eta egokitzea:

 42,00
2 Maila bereko gurutzaguneak eta maila desberdinetako lotuneak eraikitzea:

 214,20
7. TARIFA

 Harrobietako eta baso lanetako materialak gordetzea:
1. Sei hilabetetik behera:

 37,60
2 Gehienez urtebetean:

 60,75
8. TARIFA

 Bestelako obra eta aprobetxamenduak:
1. Arbolak bota edo landatzea:

 42,00
2 Baskulak instalatzea:

 42,00
3. Babes eremuan hobi septikoa egitea:

 44,20
4. Lurpeko ur edo gas gordailua eta kutxetak egitea:

 42,50
5. Informazio seinaleak eta kartelak jartzea, unitateko:

 37,60
6. Eraikinak eraistea:

 37,60
7. Finkak zelaitu eta betelana egitea:

 37,60
8. Aurrekoetan sartzen ez diren obra mota guztietarako:

 37,60”

Bi.–128. artikulua.

“128. artikulua. Fidantzak.

Emandako baimenen ondorioz errepideetan izan daitezkeen kalteen erantzukizunari dagokionez, zilegi izanen da honako fidantza hauek jartzeko exijitzea:

EUROAK
1.

Errepidea “sator” batez gurutzatzea:

 1. 155,00
2

 Errepidea lurpetik gurutzatzea:

 1. 155
3.

Goi tentsioko linea airez gurutzatzea:

 1. 155
4.

Behe tentsioko linea airez gurutzatzea:

 300
5.

Finketarako sarbideak:

 300
6.

Zur-ustiategiak:

 1. 155
7.

Maila bereko gurutzaguneak eta maila desberdinetako lotuneak eraikitzea, errepideak fabrikako obrekin edo zubiekin gurutzatzea eta behin-behineko desbideratzeak egitea:

Obra gauzatzeko aurrekontuaren ehuneko 6,5. (1.000 euro gutxienez)
8.

Tona-kopuru mugatua duten errepideetatik ibilgailu astunak pasatzea:

 1. 000tik 30.000ra
9.

Garraio bereziak Nafarroako Errepideen Sarean barna pasatzea (taularen arabera)

 3. 000

5. 000

10. 000

100.000
10.

Bestelako baimenak:

 378

Garraio berezien fidantzen zenbatekoa, ibilbide berean eta ibilgailuaren ezaugarri hauekin:

Zabalera (m)

 4,81 < A ≤ 5,50

 5,51 < A ≤ 6,00

 A > 6,01
Luzera (m)

 45,10 < L ≤ 55,09

 55,10 < L ≤ 60,09

 L > 60,10
Altuera (m)

 4,65 < h ≤ 4,75

 4,76 < h ≤ 4,90

 h > 4,90
Gehieneko masa edo tara

 130,10 < P ≤ 160,09

 160,10 < P ≤ 180,09

 P ≥ 180,10
Masa ardatzeko (Tn/ardatza)

 14,10 < p ≤ 15,09

 15,10 < p ≤ 16,09

 p ≥ 16,10
Fidantzaren zenbatekoa

 3. 000 euro

 5. 000 euro

 10. 000 euro
Fidantza edo abal bakarraren edo osoaren zenbatekoa, garraiolari bakoitzeko urteko:

 100.000 euro”

Hiru.–137. artikulua.

“137. artikulua. Oinarriak eta tasak.

Tasa eskatuko da ondorengo tarifetan zehazten diren oinarrien eta tasen arabera:

EUROTAN
1. TARIFA

 Erregistroetan inskribatzea eta karnetak luzatzea:
1. Pestiziden Establezimendu eta Zerbitzuen Erregistroan inskribatzea, hasierako ikuskapen fakultatiboa barne:

 17,00
2 Pestiziden Establezimendu eta Zerbitzuen Erregistroan inskripzioa berritzea:

 9,00
3. Hazi eta mintegiko sortzaile, merkaturatzaile eta inportatzaileen Erregistroan inskribatzea:

 6,00
4. Karnetak ematea:

 6,00
2. TARIFA

 Nekazaritzako makineriaren erregistroetan inskribatzea eta zirkulazioko kartilla ematea traktore, motore eta bestelako nekazaritzako makineriarentzako, inportatuak nahiz fabrikazio nazionalekoak izan, berriak edo berreginak.

 Prezioaren 1.000ako 2, saltzailearen fakturaren arabera, 1.803 eurotik aurrera”.

Lau.–138. artikulua. Indargabetzea.

Bost.–145. artikulua.

“145. artikulua. Sortzapena.

Zerbitzua egitean sortuko eta eskatuko da tasa. Nolanahi ere, tasak kobratzeko kudeaketa errazteko, kudeaketa horretaz arduratzen den zerbitzuak fakturaziorako sistema multzokatu bat ezar dezake, sei hilabeteko edo urte bateko epeak hartzen dituena”.

Sei.–146. artikulua. 10. tarifa indargabetzea.

Zazpi.–147. artikulua.

“147. artikulua. Salbuespenak.

Tasatik salbuetsita daude albaitaritzaren zerbitzuak eta Abeltzaintzako Laborategira igorririko laginen analisia, baldin eta Abereen Saneamendurako programa ofizialaren barnean edo Foru Komunitateko Administrazioak zehazturiko gaixotasun epizootiko edo zoonosikoak begiratzeko planen barnean badago jarduera eta ustiategian eta kasuan kasuko zerbitzuak proposatutako egunetan egiten bada.

Ez dira salbuetsiko aurreko artikuluko 8. Tarifan adierazitako zerbitzuak jasotzen dituzten Nafarroako toki entitateak”.

Zortzi.–IV. kapitulua eta haren 148., 149., 150. eta 151. artikuluak eransten dira.

“IV. Kapitulua. Tasak produktu zoosanitarioak saltzeko establezimendu eta delegazioetan urteko ikuskapena eta egiaztapena egiteagatik.

148. artikulua. Zergapeko egintza.

Tasaren zerga-egitatea da produktu zoosanitarioak saltzeko establezimendu eta delegazioetan Administrazioak urtero egiten dituen ikuskapena eta egiaztapena.

149. artikulua. Subjektu pasiboak.

Zerga-egitatea eratzen duten zerbitzuak zer pertsona fisikori nahiz juridikori egiten zaizkion, horiexek dira tasaren subjektu pasiboak.

150. artikulua. Sortzapena.

Zerbitzua egitean sortuko eta eskatuko da tasa.

151. artikulua. Oinarriak eta tasak.

Tasa eskatuko da ondorengo oinarrien eta tasen arabera:

1. Eskuordeturik edukitzeagatik: 50 euro.

2. Salmenta ezartzeagatik: 50 euro”.

Bederatzi.–V. kapitulua.

“V. Kapitulua. Tasa Nekazaritzako Elikagaien Laborategian analisi zerbitzuak egiteagatik.

152. artikulua. Zergapeko egintza.

Tasaren zerga-egitatea da Nekazaritzako Elikagaien Laborategiak 155. artikuluko zerbitzuak egitea.

153. artikulua. Subjektu pasiboak.

155. artikuluko zerbitzuak, dela ofizioz dela aurretik eskatuta, zer pertsona fisikori nahiz juridikori egiten zaizkion, horiexek dira tasaren subjektu pasiboak.

154. artikulua. Sortzapena.

Zerbitzua egitean sortuko eta eskatuko da tasa. Nolanahi ere, tasak kobratzeko kudeaketa errazteko, kudeaketa horretaz arduratzen den zerbitzuak fakturaziorako sistema bat ezar dezake, hilabete batzuk multzokaturik hartzen dituena.

155. artikulua. Tarifak.

Tarifa hauen arabera eskatuko da tasa:

EURO
1. TARIFA

 LANDARE BIOLOGIAREN BULEGOA
1. Erneketa:

 6,00
2 1.000 pikorreko pisua:

 3,00
3. Purutasuna:

 3,00
4. Hazien kontaketa:

 3,00
5. Hazien indarra:

 6,00
6. Nematodoak:

 24,00
7. Onddoak:

 15,00
8. BAKTERIOAK:
8. 1. ELISA * (1-40 lagin):

 24,00
8. 2. Proba biokimikoak:

 15,00
8. 3. Immunofluoreszentzia:

 9,00
8. 4. PCR:

 18,00
9. BIRUSAK:
9. 1. ELISA * (1-40 lagin):

 24,00
10. PCR:

 18,00
11. Intsektuen sailkapena:

 6,00
12. Landareen sailkapena:

 6,00
13. Aipatu ez diren beste zehaztapen batzuk:

 12,00

EURO
2. TARIFA

 ABEREEN LABORATEGIA
1. ANALISI SEROLOGIKOAK:
1. 1. Aglutinazio azkarra:

 0,90
1. 2. Plakako aglutinazioa:

 3,00
1. 3. Konplementuaren finkapena:

 4,50
1. 4. Immunodifusio erradiala:

 3,00
1. 5. Inhibizio hemoglutinazioa:

 3,00
1. 6. Elisa:

 3,00
1. 7. PCR:

 10,00
2 ANALISI MIKROBIOLOGIKOAK:
2. 1. Enterobakterioen determinazioa, clostridiuma:

 9,00
2. 2. Salmonellaren determinazioa:

 21,00
2. 3. Mikobakteriorik badagoen aztertzea:

 25,00
3. GENOTIPATUAREN ANALISIA
3. 1 Ardien- eta ahuntzen genotipatua

 5,00
3. 2 Ardien- eta ahuntzen aitatasun-froga

 10,00
3. 2 Zaldien genotipatua

 15,00
3. 3 Zaldien aitatasun-froga

 15,00
3. 4 Behiaren genotipatua

 30,00
3. 5 Behiaren aitatasun-froga

 15,00

EURO
3. TARIFA

 ENOLOGIA LABORATEGIA.
ANALISI SINPLEAK
1. Butanola

 Gasen kromatografia

 7,00
2. Propanola

 Gasen kromatografia

 7,00
3. Azetaldehidoa

 Gasen kromatografia

 7,00
4. Etilo azetatoa

 Gasen kromatografia

 7,00
5. Metilo azetatoa

 Gasen kromatografia

 7,00
6. Azidotasun finkoa

 Kalkulua

 2,00
7. Azidotasun osoa

 Bolumetria-MANB

 2,30
8. Azidotasun lurrunkorra

 Bolumetria-MANB

 2,30
8 .

 Espektrofotometria ikusgai ultramorea
9. Azido azetikoa

 Espektrofotometria ikusgai ultramorea/entzimatikoa

 2,30
10. Azido bentzoikoa

 Likidoen kromatografia, bereizmen handikoa

 9,70
11. Azido zitrikoa

 Espektrofotometria ikusgai ultramorea/entzimatikoa

 6,00
12. Azido glukonikoa

 Espektrofotometria ikusgai ultramorea/entzimatikoa

 6,00
13. Azido laktikoa

 Espektrofotometria ikusgai ultramorea/entzimatikoa

 6,00
14. Azido malikoa

 Espektrofotometria ikusgai ultramorea/entzimatikoa

 5,00
15. Azido salizilikoa

 Likidoen kromatografia, bereizmen handikoa

 9,70
16. Azido sorbikoa

 Likidoen kromatografia, bereizmen handikoa

 9,70
17. Azido tartarikoa

 Espektrofotometria ikusgai ultramorea/entzimatikoa

 6,00
18. Errautsen alkalinotasuna

 Bolumetria

 2,88
19. Anhidrido sulfuroso librea

 Espektrofotometria ikusgai ultramorea. Balorazioa

 2,28
20. Anhidrido sulfurosoa, guztira

 Espektrofotometria ikusgai ultramorea. Balorazioa

 2,28
21. Antozianoak

 Espektrofotometria ikusgai ultramorea

 3,00
22. Azukre gutxitzaileak

 Espektrofotometria ikusgai ultramorea

 2,28
23. Azukreak, guztira

 Espektrofotometria ikusgai ultramorea

 3,90
24. Bromuroak

 Potentziometria

 2,83
25. Kaltzioa

 Sugardun atomo-xurgapeneko espektrofotometria

 11,00
26. Katekinak

 Espektrofotometria ikusgai ultramorea

 3,00
27. Errautsak

 Grabimetria

 3,00
28. Kloruroak

 Potentziometria

 2,50
29. Kobrea

 Sugardun atomo-xurgapeneko espektrofotometria

 11,00
30. Koloratzaile sintetikoak

 Aterakuntza-finkapena

 6,30
31. Konduktibitatea

 Konduktimetria

 2,28
32. Cielab a koordenatua*

 Espektrofotometria ikusgai ultramorea

 4,00
33. Cielab b koordenatua*

 Espektrofotometria ikusgai ultramorea

 4,00
34. Cielab l koordenatua*

 Espektrofotometria ikusgai ultramorea

 4,00
35. Cielab c koordenatua*

 Espektrofotometria ikusgai ultramorea

 4,00
36. Cielab h koordenatua*

 Espektrofotometria ikusgai ultramorea

 4,00
37. Cielab s koordenatua*

 Espektrofotometria ikusgai ultramorea

 4,00
38. Dentsitate optikoa 280nm

 Espektrofotometria ikusgai ultramorea

 2,00
39. Dentsitate optikoa 420nm

 Espektrofotometria ikusgai ultramorea

 2,00
40. Dentsitate optikoa 520nm

 Espektrofotometria ikusgai ultramorea

 2,00
41. Dentsitate optikoa 620nm

 Espektrofotometria ikusgai ultramorea

 2,00
42. Dentsitate erlatiboa 20 °C-an

 Dentsimetria elektronikoa

 1,50
43. Dietilenglikola

 Gasen kromatografia

 5,50
44. Proteina egonkortasuna

 Nefelometria

 5,00
45. Egonkortasun tartarikoa

 Prezipitazioa

 5,00
46. Etanola

 Gasen kromatografia

 5,50
47. Aterakin ez gutxitzailea

 MANB kalkulua

 5,78
48. Aterakin gutxitua

 MANB kalkulua

 5,78
49. Aterakin lehorra, guztira

 Kalkulua edo lurrunketa

 3,50
50. Ferrozianuroa disoluzioan

 Prezipitazioa

 6,30
51. Ferrozianuroa esekiduran

 Prezipitazioa

 6,30
52. Fluoruroak

 Elektrodo hautakorrak

 2,83
53. Glizerina

 Espektrofotometria ikusgai ultramorea/entzimatikoa

 6,00
54. Glukosa + fruktosa

 Espektrofotometria ikusgai ultramorea/entzimatikoa

 6,60
55. Alkohol gradua pisuan

 Destilazioa

 3,90
56. Eskuratutako gradu alkoholiko bolumetrikoa

 Espektrofotometria infragorri hurbila

 2,00
5 6.

 MANB-Dentsimetria elektronikoa

 3,90
57. Alkohol gradu bolumetrikoa potentzian

 MANB kalkulua

 1,80
58. Alkohol gradua, guztira

 MANB kalkulua

 4,28
59. Beaume gradua

 MANB kalkulua

 1,80
60. Birx gradua (sakarosaren %)

 MANB kalkulua

 1,80
61. Burdina

 Sugardun atomo-xurgapeneko espektrofotometria

 11,00
62. Kolmatazio indizea

 Mintz bidez iragaztea

 6,30
63. Folin-Ciocalteu indizea

 Espektrofotometria ikusgai ultramorea

 3,00
64. Antozianoen ionizazio indizea

 Espektrofotometria ikusgai ultramorea

 3,00
65. Oxidasetako polifenol indizea

 Espektrofotometria ikusgai ultramorea

 3,00
66. Koloratzailearen trinkotasuna

 Espektrofotometria ikusgai ultramorea

 2,00
67. Isoamilikoak

 Gasen kromatografia

 7,00
68. Isobutanola

 Gasen kromatografia

 7,00
69. Nitrogeno amoniakala

 Espektrofotometria ikusgai ultramorea/entzimatikoa

 6,00
70. Nitrogeno α-aminikoa

 Espektrofotometria ikusgai ultramorea/entzimatikoa

 6,00
71. Nitrogeno asimilerraza

 Espektrofotometria ikusgai ultramorea/entzimatikoa

 12,00
72. Magnesioa

 Sugardun atomo-xurgapeneko espektrofotometria

 11,00
73. Masa bolumikoa 20. ºC-an

 MANB-Dentsimetria elektronikoa

 1,50
7 3.

 Errefraktometria

 1,80
74. Metanola

 Gasen kromatografia

 7,00
75. pH-a

 Potentziometria

 2,28
76. Beruna

 Atomo-xurgapeneko espektrofotometria-grafito labea

 24,00
77. Hezetasun portzentajea

 Grabimetria

 3,50
78. Potasioa

 Sugardun atomo-xurgapeneko espektrofotometria

 11,00
79. Hibridoen presentzia

 Fluoreszentziaren espektrofotometria

 5,25
80. Bakterio azetikoen kontaketa

 Kontaketa plakan

 12,00
81. Bakterio laktikoen kontaketa

 Kontaketa plakan

 12,00
82. Legamia kontaketa

 Kontaketa plakan

 12,00
83. Lizun kontaketa

 Kontaketa plakan

 12,00
84. Aterakinaren gainerakoa

 Kalkulua

 10,00
85. Sakarosa

 Espektrofotometria ikusgai ultramorea

 8,00
86. Sodioa

 Sugardun atomo-xurgapeneko espektrofotometria

 11,00
87. Sulfatoak

 Prezipitazioa

 5,50
88. Tonalitatea

 Espektrofotometria ikusgai ultramorea

 2,00
89. Uhertasuna

 Nefelometria

 5,50
90. Zinka

 Sugardun atomo-xurgapeneko espektrofotometria

 11,00

EURO
4. TARIFA

 ENOLOGIA LABORATEGIA.
ANALITIKA TALDEAK
AZKEN HARTZIDURA

 6,50
1. Azido malikoa

 Espektrofotometria ikusgai ultramorea/entzimatikoa
2. Glukosa + fruktosa
3. Azido azetikoa
EUROPAR BATASUNEKO MERKATUA EDO ESPORTAZIOA

 Lehorrak 16,00

Gozoak 18,00
1. Azidotasun lurrunkorra

 Espektrofotometria ikusgai ultramorea
2. Anhidrido sulfurosoa, guztira
3. Azukre gutxitzaileak
4. Azido zitrikoa

 Espektrofotometria ikusgai ultramorea/entzimatikoa
5. Gradu alkoholiko bolumetrikoa

 Espektrofotometria infragorri hurbila (lehorrak)

MANB-Dentsimetria elektronikoa (gozoak)
6. Azidotasun osoa

 Potentziometria
7. Metanola

 Gasen kromatografia
8. Alkohol gradua, guztira

 Kalkulua
9. Aterakin lehorra, guztira
10. Masa bolumikoa 20. ºC-an

 Dentsimetria elektronikoa
11. Akats organoleptikoak eta garbitasuna

 (ontziratu gabeko ardoetarako soilik)
EDARI DESTILATUEN EUROPAR BATASUNEKO MERKATUA EDO ESPORTAZIOA

 5,00
1. Gradu alkoholiko bolumetrikoa

 Dentsimetria elektronikoa (2870/2000 CEE)
2. Masa bolumikoa 20. ºC-an
3. Beaumé gradua

 Kalkulua
OSORIK

 Lehorrak 8,00 Gozoak 9,00
1. Gradu alkoholiko bolumetrikoa

 Espektrofotometria infragorri hurbila (lehorrak)

MANB-Dentsimetria elektronikoa (gozoak)
2. Azidotasun lurrunkorra

 Espektrofotometria ikusgai ultramorea
3. Azukre gutxitzaileak
4. Azidotasun osoa

 Potentziometria
5. pH
6. Anhidrido sulfurosoa, guztira

 Espektrofotometria ultramorea
7. Anhidrido sulfuroso librea
EBALUAZIO ERREFRAKTOMETRIKOA MUZIOETAN

 2,00
1. Azukreak, guztira (g/l)

 Errefraktometria-MANB
2. Masa bolumetrikoa 20.ºan
3. Errefrakzio indizea
4. Gradu probablea
5. Brix gradua (sakarosaren %)
GOI MAILAKO ALKOHOLAK

 8,00
1. Butanola

 Gasen kromatografia
2. Propanola
3. Azetaldehidoa
4. Etilo azetatoa
5. Metilo azetatoa
6. Metanola
7. Isiamilikoak
8. Isobutanola
KOLOREAREN TALDEA

 4,00
9. Dentsitate optikoa 420nm

 Espektrofotometria ikusgai ultramorea
10. Dentsitate optikoa 520nm
11. Dentsitate optikoa 620nm
12. Koloratzailearen intentsitatea
CIELAB PARAMETROAK

 4,00
1. a* osagai gorria

 Espektrofotometria ikusgai ultramorea / MANB
2. b* osagai horia
3. L* Argitasuna
4. C* Kromatizitatea
5. H* Tonalitatea
6. S* Saturazioa

Analitika talde bat egiten denean, baina taldean eskainitakoaz bestelako teknika baten bidez banakako entseguren bat egin behar izanda, teknika horren banakako kostua taldearen zenbatekoari gehituko zaio.

EURO
5. TARIFA

 NEKAZARITZAKO ELIKAGAIEN LABORATEGIAK. KONTZEPTU ADMINISTRATIBOAK
1. Kopiak eta jatorrizkoak, entseguaren lehenbiziko txostenetik aurrera

 2,00
2. Ziurtagiriak eta txostenak

 6,00

155. bis artikulua. Salbuespena.

Ofizialki deklaratutako izurri bat dagoenean, tasa ez da eskatuko Landare Biologiaren laborategiaren zerbitzuen kudeaketa tekniko edo fakultatiboa egiteagatik”.

Hamar.–VI. kapitulua.

“VI. kapitulua. Tasa lurzatiak lurzati berrantolamenduko prozesuetatik kanpo uztearen ziurtagiriak luzatzeagatik.

156. artikulua: Zergapeko egintza.

Tasaren zerga-egitatea da Foru Komunitateko Administrazioak eta haren erakunde autonomoek zerbitzu administratiboa egitea lurzatiak lurzati berrantolamenduko prozesuetatik kanpo uztearen ziurtagiriak luzatzeko.

157. artikulua: Subjektu pasiboak.

Aurreko artikuluari dagokion zerbitzua eskatzen duten pertsona fisikoak edo juridikoak dira tasaren subjektu pasiboak.

158. artikulua: Sortzapena.

Zerga-egitatea den zerbitzuaren eskaera aurkezten den unean berean sortuko da tasa.

159. artikulua: Tarifa.

Tarifa 10 eurokoa izanen da ziurtagiri bakoitzeko”.

Hamaika.–XII. titulua.

“XII. Titulua. Garapen ekonomikorako departamentuaren tasak.

Kapitulu bakarra.–Tasak industria eta meatzeen arloko zerbitzuengatik.

165. artikulua. Zergapeko egintza.

Ofizioz edo alderdiak eskaturik, 168. artikuluak aipatzen dituen zerbitzuak industria segurtasunaren eta meatzeen arloan egitea da tasaren zerga-egitatea.

166. artikulua. Subjektu pasiboak.

Zergapeko egintza eratzen duten zerbitzuak jasotzen dituzten pertsona fisikoak edo juridikoak dira tasaren subjektu pasiboak.

167. artikulua. Sortzapena.

Zerbitzua egitean sorraraziko da tasa.

Nolanahi ere, eskaera egitean edo espedientea hastean eska daiteke ordaintzeko.

168. artikulua. Tarifak.

Tasa tarifa hauen araberakoa izanen da:

A) Baimenak.

1. Baimen administratiboa industria segurtasunaren eta meatzeen arloan: 100 euro.

2. Baimen administratiboa industria segurtasunaren eta onura publikoa deklaratzearen arloan: 150 euro.

3. Baimena meatzeko eskubideen, instalazioen eta jardueren titulartasuna aldatzeko: 30 euro.

4. Meatzeko esplorazio, aztertze eta kontzesio baimenak: 1.500 euro.

B) Ziurtagiria.

Organo administratiboek ziurtagiriak eta egiaztagiriak luzatzea: 30 euro.

C) Beste batzuk.

1. Azterketa eskubideak industria segurtasunaren arloan: 15 euro.

2. Lanbide txartelak luzatzea eta berritzea: 15 euro.

3. Desjabetze espedientearen hasiera: 90 euro.

4. Okupazio akta: 50 euro.

5. Ikuskapena, erabilerako eredu eta patenteak praktikan jartzeko: 90 euro.

6. Ibilgailu historikoak katalogatzea: 30 euro”.

Hamahirugarren artikulua.– Lurraldearen Antolamenduari eta Hirigintzari buruzko Foru Legea.

Hamaseigarren xedapen gehigarria eransten da Lurraldearen Antolamenduari eta Hirigintzari buruzko abenduaren 20ko 35/2002 Foru Legean.

“Hamaseigarren xedapen gehigarria. Lur-ondasunen Zerbitzuaren txostena lurrak zatitu edo birzatitzeko hirigintzako operazioetan.

Hipoteka Legearen 9.b) artikuluan lurraldeen berrantolamenduaz aurreikusten diren operazioren bat helburu duten prozedura guztiak behin betiko onesteko, beharrezko txosten loteslea eduki beharko da, jarduketaren esparru geografikoaren perimetroari dagokionez, Nafarroako Zerga Ogasunean Lur-ondasunen Erregistroa zaintzeko eginkizuna duen zerbitzuak emana.

Txosten hori aipatutako zerbitzuari eskatuko dio proiektua sustatzen duen entitateak. Ondorio horietarako, berrantolatu gogo den finkaren edo finken perimetroa erantsiko du euskarri digitalean. Perimetroari buruzko informazioak baldintza teknikoak bete behar ditu Lur-ondasunen Erregistroan sartzeko, kasuan kasuko proiektua onetsi ondoren.

Aipatutako zerbitzuak egiten duen txostenak berretsiko du jarduketaren esparru geografikoaren perimetroak bat egiten duela katastroko kartografiako perimetroarekin, besterik ez, eta lurrak berrantolatzeko proiektua onetsi behar duen organoan sustatzaileak aurkeztu behar duen dokumentazioaren parte izanen da”.

Hamalaugarren artikulua .–Nekazaritzako Azpiegiturei buruzko Foru Legea.

Hirugarren xedapen gehigarria gehitu zaio Nekazaritzako Azpiegiturei buruzko martxoaren 30eko 1/2002 Foru Legeari.

“Hirugarren xedapen gehigarria.–Lur-ondasunen Zerbitzuaren txostena lurzati-berrantolamenduko jarduketetan.

Hipoteka Legearen 9.b) artikuluan nekazaritzako azpiegiturei dagokienez aurreikusten diren operazioren bat helburu duten prozedura guztiak behin betiko onesteko, beharrezko txosten loteslea eduki beharko da, jarduketaren esparru geografikoaren perimetroari dagokionez, Nafarroako Zerga Ogasunean Lur-ondasunen Erregistroa zaintzeko eginkizuna duen zerbitzuak emana.

Txosten hori aipatutako zerbitzuari eskatuko dio proiektua sustatzen duen entitateak. Ondorio horietarako, berrantolatu gogo den finkaren edo finken perimetroa erantsiko du euskarri digitalean. Perimetroari buruzko informazioak baldintza teknikoak bete behar ditu Lur-ondasunen Erregistroan sartzeko, kasuan kasuko proiektua onetsi ondoren.

Aipatutako zerbitzuak egiten duen txostenak berretsiko du jarduketaren esparru geografikoaren perimetroak bat egiten duela katastroko kartografiako perimetroarekin, besterik ez, eta lurrak berrantolatzeko proiektua onetsi behar duen organoan sustatzaileak aurkeztu behar duen dokumentazioaren parte izanen da”.

Hamabosgarren artikulua.– Hidrokarburoen gaineko zergaren tasa autonomikoak Nota de Vigencia.

1. Estatuarekin izenpetutako Hitzarmen Ekonomikoaren 35.5 artikuluarekin bat, eta 2016ko urtarrilaren 1etik aurrera gertatzen diren sortzapenetan ondorioak izateko, Foru Komunitatean hidrokarburoen gaineko zergaren tasa autonomikoen aplikazioa ezartzen da, hain zuzen ere Zerga Bereziei buruzko abenduaren 28ko 38/1992 Legearen 50. ter artikuluan aurreikusitakoak.

2. Hona hemen aplikatzekoak diren zerga-tasa autonomikoak:

a) Gasolinak: 24 euro, 1.000 litroko.

b) Gasolioa, erabilera orokorrekoa: 24 euro, 1.000 litroko.

c) Gasolioa, erabilera berezietakoa eta berokuntzakoa: 6 euro, 1.000 litroko.

d) Fuel-olioa: euro 1 tonako.

e) Kerosenoa, erabilera orokorrekoa: 24 euro, 1.000 litroko.

3. 38/1992 Legearen 52.bis artikuluan aurreikusitako ahalmenaz baliatuz, Foru Komunitateak erabilera profesionaleko gasolioari zerga-tasa autonomikoa aplikatzeagatik jasan edo ordaindutako kuoten itzulketa eginen du, agindu horretan ezarritako baldintzekin.

Erabilera profesionaleko gasolio horren itzulketarako tasa autonomikoa 24n eurokoa izanen da 1.000 litroko.

Itzulketa egiteko prozedura Ogasuneko eta Finantza Politikako Departamentuko titularrak ezarriko du, Estatuko araudian aurreikusitakoarekin bat.

Xedapen Gehigarria

Lehen . Sozietateen gaineko zergari buruzko abenduaren 30eko 24/1996 Foru Legearen 27. artikuluan aipatutako diruaren baliogalera zuzentzeko koefizienteak.

2016an hasten diren zergaldietan, Sozietateen gaineko zergari buruzko abenduaren 30eko 24/1996 Foru Legeko 27. artikuluan aipatutako diruaren balio-galera zuzentzeko koefizienteak ondoko hauek izanen dira, eskualdatutako ondare-elementuak eskuratu diren urtearen arabera:

1983 eta aurrekoak: 2,422

1984: 2,194

1985: 2,047

1986: 1,947

1987: 1,886

1988: 1,809

1989: 1,720

1990: 1,651

1991: 1,593

1992: 1,540

1993: 1,478

1994: 1,421

1995: 1,351

1996: 1,287

1997: 1,255

1998: 1,241

1999: 1,233

2000: 1,228

2001: 1,202

2002: 1,189

2003: 1,170

2004: 1,158

2005: 1,144

2006: 1,122

2007: 1,097

2008: 1,063

2009: 1,040

2010: 1,028

2011: 1,028

2012: 1,008

2013: 1,000

2014: 1,000

2015: 1,000

2016: 1,000

Bigarren .–Inbertsioetarako Erreserba Berezia.

Subjektu pasiboek zuzkidurak egiten ahal dituzte Sozietateen gaineko Zergari buruzko abenduaren 30eko 24/1996 Foru Legearen IV. tituluaren XI. kapituluko 2. atalean aipatzen den Erreserba Berezirako, 2016ko urtarrilaren 1etik aurrerako lehen bi ekitaldietan lortzen dituzten irabazien kontura.

Xedapen Indargabetzaile

Bakarra .–Arauak indaregabetzea.

1. 2016ko urtarrilaren 1etik aitzinako ondorioekin, indarrik gabe gelditzen da Saltoki Handien gaineko Zergari buruzko abenduaren 28ko 39/2013 Foru Legea.

2. 2016ko urtarrilaren 1etik aitzina hasten diren zergaldien ondorioetarako, indarrik gabe gelditzen da ekainaren 13ko 153/1986 Legegintzako Foru Dekretuaren bidez onetsitako Sozietateen gaineko Zergaren Xedapenen Testu Bateginaren 22. B) artikulua.

3. 2016ko urtarrilaren 1etik aitzina hasten diren zergaldien ondorioetarako, indarrik gabe gelditzen da Araudi fiskala aldatzeko eta jarduera ekonomikoa pizteko neurriak hartzeko abenduaren 24ko 29/2014 Foru Legearen xedapen gehigarri bakarra.

Azken Xedapenetan

Lehena .–Arauak emateko ahalmena.

Nafarroako Gobernuak foru lege hau garatu eta aplikatzeko behar diren xedapen guztiak emanen ditu.

Bigarrena .–Indarra hartzea.

Foru lege honek Nafarroako Aldizkari Ofizialean argitaratu eta biharamunean hartuko du indarra, legean berean aurreikusitako ondorioekin.

Nik, Nafarroako Foru Eraentza Berrezarri eta Hobetzeari buruzko Lege Organikoaren 22. artikuluan xedatutakoa bete dadin, foru lege hau B.M. Erregearen izenean aldarrikatzen dut, Nafarroako Aldizkari Ofizialean berehala argitara eta “Estatuko Aldizkari Ofizialera” igor dadila agintzen dut eta herritar eta agintariei bete eta betearaz dezatela manatzen diet.

Iruñean, 2015eko abenduaren 28an.–Nafarroako Gobernuko lehendakaria, Uxue Barkos Berruezo.

Iragarkiaren kodea: F1517320

Gobierno de Navarra

Contacte con nosotros | Accesibilidad | Aviso legal | Mapa web