(ir al contenido)

navarra.es

Castellano | Euskara | Français | English

LEXNAVARRA


Versión para imprimir

Versión en castellano

66/2014 FORU DEKRETUA, ABUZTUAREN 27KOA, PERTSONEK LAN-ESPERIENTZIAN EDO PRESTAKUNTZA BIDE EZ-FORMALETAN LORTUTAKO LANBIDE GAITASUNAK EBALUATZEKO ETA EGIAZTATZEKO PROZEDURA NAFARROAKO FORU KOMUNITATEAN EZARTZEKO ARAUAK ETA HORRETAZ ARDURATUKO DEN ANTOLAKETA EGITURA FINKATZEN DITUENA.

BON N.º 185 - 22/09/2014



  I. KAPITULUA. XEDEA, APLIKAZIO EREMUA ETA HELBURUA


  II. KAPITULUA. GAITASUNA NAFARROAN EBALUATZEKO EREDUA


  III. KAPITULUA. INFORMAZIOA ETA ORIENTABIDEAK


  IV. KAPITULUA. PROZEDURAREN DEIALDIA ETA IZENEMATEA


  V. KAPITULUA. PROZEDURAREN GARAPENA


  VI. KAPITULUA. PROZEDURAREN PLANGINTZA, ANTOLAKETA ETA KUDEAKETA


  VII. KAPITULUA. ZENTRO OFIZIALAK ETA EBALUAZIO BATZORDEAK


  VIII. KAPITULUA. AHOLKULARIAK ETA EBALUATZAILEAK


  I. ERANSKINA. LANBIDE GAITASUNEN EBALUAZIOA


  II. ERANSKINA. GAITASUNA EBALUATU ETA EGIAZTATZEKO PROZEDURAREN AHOLKULARITZA FASEAREN ONDORIOZKO AHOLKUA


  III. ERANSKINA. BALORAZIO BATZORDEAREN AKTA, ZEHARKAKO EBIDENTZIEN BALORAZIOARI BURUZKOA


  IV. ERANSKINA. BANAKAKO EBALUAZIO PLANA


  V. ERANSKINA. LANBIDE GAITASUNAREN BANAKAKO BALORAZIOAREN AKTA


  VII. ERANSKINA. AHOLKULARIEN PRESTAKUNTZA


  VIII. ERANSKINA. EBALUATZAILEEN PRESTAKUNTZA.


Zioen azalpena

Merkatuak globalizatuta eta informazioaren gizartea etengabeko aurrerabidean dauden honetan, Europar Batasunak enplegurako sustatzen dituen estrategia koordinatuak indar bereziz saiatzen dira biztanleria aktibo kualifikatua eta mugigarritasunerako eta joan-etorri askerako gai izanen dena lortzen.

Horiek horrela, Lanbide Kualifikazioei eta Lanbide Heziketari buruzko ekainaren 19ko 5/2002 Lege Organikoak emandako Kualifikazioen eta Lanbide Heziketaren Sistema Nazionalak bizitzan zeharreko prestakuntza sustatzen du, pertsonen enplegagarritasuna eta produkziorako lehiakortasuna areagotzeko helburuarekin, hori lagungarria izanen baita kohesio ekonomikoa eta soziala lortzeko eta enplegua sustatzeko. Lege horrek berak sistemaren xedetzat hartzen du lanbide-prestakuntza ofizialki ebaluatzea eta egiaztatzea, hori eskuratzeko modua zeinahi ere izanik, eta adierazten du sistemaren tresna eta ekintzetako bat dela lanbide-prestakuntzak aitortu, egiaztatu, ebaluatu eta erregistratzeko prozedura ezartzea.

Uztailaren 29ko 1147/2011 Errege Dekretuan, hezkuntza sistemaren esparruan lanbide heziketaren antolamendu orokorra ezartzen duen horretan, eta urtarrilaren 18ko 34/2008 Errege Dekretuan, lanbide ziurtagiriak arautu zituen hartan, zehazten dira eskuratutako prestakuntza ebaluatzeko eta egiaztatzeko prozedura eta aipatu dekretuek araututako eskaintzak osatzen dituzten lanbide-prestakuntzak. Lan-esperientziaren bidez lortutako lanbide gaitasunak onartzeari buruzko uztailaren 17ko 1224/2009 Errege Dekretuaren bidez, lan-esperientzian edo prestakuntza bide ez-formaletan lortutako lanbide gaitasunak ebaluatzeko eta egiaztatzeko prozedura bakarra arautu zen, hezkuntzaren esparruan nahiz lanekoan.

Azken errege dekretu horrek xedatzen duenez, autonomia erkidego bakoitzean, hezkuntza eta lan administrazioek batera ezarriko dute prozeduraren antolaketa egitura.

Nafarroako Gobernuak, 2005eko apirilaren 4an hartutako Erabakiaren bidez, Lanbide Kualifikazioen eta Lanbide Heziketaren Sistema Nazionala Nafarroan garatzeko gidalerroak ezarri zituen, Nafarroako Lanbide Heziketaren Kontseiluak proposaturik. Hala, ekainaren 19ko 5/2002 Lege Organikoa garatzeko esparrua ezarri zuen.

Erabaki horren bidez, tresna eta eragile kritikoen multzo oso bat zehaztu zen Nafarroako Kualifikazioen Sistema Nazionalerako: Behatokia, Nafarroako Lanbide Kualifikazioen Institutua, Lanbide-orientazioko Sare Integratua, ikastetxeak eta Gaitasunak Egiaztatzeko Prozedura. Halaber, erabaki horren arabera, esperientziaren bidez eta modu informal edo ez-formalean lortutako gaitasunen egiaztapena pertsonentzako zerbitzu estrategikoa da, enpresen lehiakortasuna hobetzeko eta kohesio soziala handiagotzeko aproposa.

Nafarroako Foru Komunitateko hezkuntza sistemaren esparruan lanbide heziketaren antolamendua eta garapena arautzen dituen maiatzaren 26ko 54/2008 Foru Dekretuak bere funtsezko helburuen artean ezarri du prestakuntza eta lanbide ibilbide malguen hautapena erraztea, eta horretarako, pertsonek beren lan esperientziaren edo ikaskuntzako sistema informalen edo ez-formalen bidez eskuratutako lanbide gaitasunak aitortzea aurreikusten du. Horrela, etengabeko ikaskuntzako prozesuak sustatu eta bultzatzen dira eta, horrenbestez, errealizazio pertsonaleko beharrei eta ekoizpen sektoreak eskatutako kualifikazioei erantzuteko lortu behar diren helburuak betetzen laguntzen da.

Urriaren 10eko 107/2012 Foru Dekretuaren 26. artikuluan adierazten denez, Lanbide Heziketaren Plangintza, Antolamendu eta Garapenerako Atalari dagokio, lege esparruaren barnean, gaitasuna ebaluatzeko prozesuan parte hartzen duten orientatzaileak eta ebaluatzaileak homologatzeko irizpideak proposatzea eta horien aplikazioa koordinatzea. Aipatu foru dekretuaren bidez, Hezkuntza Departamentuaren egitura organikoa ezarri zuen abuztuaren 24ko 132/2011 Foru Dekretua aldatu zen. Gainera, urriaren 10eko 100/2012 Foru Aginduaren 20. artikuluan zehazten denez, Nafarroako Lanbide Kualifikazioen Institutuaren zereginen artean, besteak beste, honako hauek daude: gaitasunaren ebaluazioarekin lotutako metodologiak, teknikak eta tresnak diseinatzea, egokitzea eta esperimentatzea, baita bere eskumenen esparruan prestakuntza planifikatzea, prestatzea eta ematea ere. Aipatu foru aginduaren bidez, Hezkuntza Departamentuko bulegoen atxikipena eta eginkizunak ezartzen dituen urriaren 5eko 189/2011 Foru Agindua aldatu zen.

Nafarroako Enplegu Zerbitzuko Estatutuak (martxoaren 14ko 15/2012 Foru Dekretuaren bidez onetsiak) aldatzen dituen martxoaren 20ko 19/2013 Foru Dekretuak Nafarroako Lanbide Heziketaren Kontseiluaren erabakia jasotzen du, non Nafarroako Enplegu Zerbitzua premiatzen den lan-esperientzian edo prestakuntza bide ez-formaletan lortutako lanbide gaitasunak egiaztatzeko prozedura diseinatu, koordinatu, kudeatu eta gauzatzeko zereginak har ditzan, inplikatutako eragile guztien parte-hartzearekin.

Foru dekretu honek lan-esperientzian lortutako lanbide gaitasunak egiaztatzeko prozedura eta prozedura hori Nafarroako Foru Komunitatearen esparruan antolatuko duen egitura zehazten ditu, uztailaren 17ko 1224/2009 Errege Dekretuarekin eta Nafarroako Gobernuak 2005eko apirilaren 4an hartutako Erabakiarekin bat.

Foru dekretu hau Ekonomia, Ogasun, Industria eta Enplegu Departamentuaren eta Hezkuntza Departamentuaren arteko elkarlanaren emaitza da. Lankidetza horretan Nafarroako Foru Komunitateko Nafarroako Enplegu Zerbitzuko Gobernu Kontseiluko kide diren eta ordezkari gehien dituzten eragile ekonomiko eta sozialek ere hartu dute parte, prozedura osatzen duten faseak garatzen hain zuzen. Horrenbestez, eragile horien oniritzia dauka, Nafarroako Lanbide Heziketaren Kontseiluko kide diren aldetik.

Nafarroako Enplegu Zerbitzuko Gobernu Kontseiluak aldeko txostena eman zion 2013ko azaroaren 25ean foru dekretu honen proiektuari.

Horrenbestez, Lehendakaritza, Justizia eta Barneko kontseilariak proposaturik, Nafarroako Gobernuari eta Lehendakariari buruzko abenduaren 3ko 14/2004 Foru Legearen 12.5 artikuluarekin bat, Nafarroako Kontseiluarekin bat eta Nafarroako Gobernuak 2014ko abuztuaren 27ko bilkuran hartutako Erabakiarekin bat,

DEKRETATU DUT:

I. KAPITULUA. XEDEA, APLIKAZIO EREMUA ETA HELBURUA

1. artikulua. Xedea eta aplikazio eremua.

1. Foru dekretu honen xedea da arauak ezartzea Nafarroako Foru Komunitatean lan-esperientzian edo prestakuntza bide ez-formaletan lortutako lanbide gaitasunak ebaluatu eta egiaztatzeko prozedura finkatzeko, bai eta horretaz arduratuko den egitura antolatzailea ezartzea ere, Laneko esperientzian lortutako gaitasun profesionalak aitortzen dituen uztailaren 17ko 1224/2009 Errege Dekretuarekin bat.

2. Arau honetan ezarritako xedapenak Nafarroako Foru Komunitateko Administrazioak egiten dituen deialdiei aplikatuko zaizkie.

2. artikulua. Helburuak.

Uztailaren 17ko 1224/2009 Errege Dekretuaren 3. artikuluan ezarritako helburuez gain, honako hauek bilatuko dira:

a) Pertsonak motibatzea lanbidean hobetu eta aurrera egin dezaten, bizitzan zeharreko prestakuntzaren bidez.

b) Lanbide heziketako ibilbideak egiteko orientabideak ematea, titulua edo lanbide ziurtagiria lortze aldera.

c) Enpresen lehiakortasuna eta langileen kualifikazioaren gardentasuna areagotzen laguntzea, haien lanbide gaitasunen egiaztagiri ofizialen bidez.

II. KAPITULUA. GAITASUNA NAFARROAN EBALUATZEKO EREDUA

3. artikulua. Gaitasun unitateak hautatzeko irizpideak.

1. Deialdietako gaitasun unitateak hautatzeko, honako irizpide hauek hartuko dira kontuan:

a) Jarduneko langileak egiaztagiri ofizial berria izatera behartzen dituzten lanbide arloko arau berriak agertzea.

b) Lanbide gaitasuna egiaztatzeko prozeduran sartzeko eskatutako baldintzak betetzen dituzten pertsonen lurralde eskaeraren bolumena.

c) Sektore jakin batzuetan garapen estrategikoarekin lotutako arrazoiak.

d) Teknikarien, azpiegituren edo finantzaketaren bidez parte hartzen duten sektoreek edo enpresek egindako eskaerak.

e) Birmoldaketa egoeran dauden lanbideetako eta sektoreetako langileei laguntzea.

f) Egiaztagirien eskaintzen zabaltasunaren eta eskuragarri dauden baliabide materialen eta giza baliabideen arteko doikuntza.

g) Beste autonomia erkidego batzuek eta Estatuko Administrazio Orokorrak gaitasunak aitortzeko egindako eskaintzak.

2. Aitortu beharreko gaitasun unitateen eskaintzak egiteko -deialdi bakarrean, ondoz ondoko deialdietan nahiz horietatik heldu diren prozesuetan- aintzat hartuko diren ibilbideek gaitasunak aitortzeko prozedura eta lanbide heziketako titulu bat edo lanbide ziurtagiria eskuratzeko beharrezkoa den prestakuntza osagarria bateratuko dituzte. Dena dela, gaitasun unitate independenteen deialdiak egiten ahalko dira.

4. artikulua. Sistema osoa.

1. Egiaztapen prozedurak gaitasun unitatea izanen du erreferente bakarra, baina Lanbide Heziketako titulu baten edo lanbide ziurtagiri baten esparruan kokatuko da, uztailaren 17ko 1224/2009 Errege Dekretuaren bigarren xedapen iragankorrean adierazitako kasuetan izan ezik.

2. Foru Komunitateko Administrazioak, irizpide orokor gisa, kualifikazio bateko gaitasun unitate guztien eskaintzak eginen ditu.

3. Era berean, lanbide eta prestakuntza moduluetara sartzeko beharrezkoa den prestakuntza bidezko laguntza antolatzen eta sustatzen ahalko du, lanbide heziketako titulua edo lanbide ziurtagiria lortzeko xedearekin.

5. artikulua. Lurralde banaketa.

Izangaiek bizitokia non duten, hurbilen dagoen eremu geografikoan gauzatuko dira gaitasunak egiaztatzeko prozeduraren faseak, aintzat hartuta zenbat diren eta, betiere, eremu bakoitzean eskura dauden baliabideek horretarako aukera ematen badute, eta ahalik eta antolaketa irizpide arrazionalenak aplikatuz. Horretarako, tokiko zentro ofizialak ezarriko dira, aukera emanen dutenak gaitasunak ebaluatu eta egiaztatzeko prozeduraren faseen lurralde banaketa handiagoa izateko.

6. artikulua. Sareko laguntza.

Nafarroako Foru Komunitateko Administrazioak informazioa eta orientabideak emanen ditu sarean, bereziki Informazioaren eta Orientabideen Sare Integratuaren atariaren bidez.

III. KAPITULUA. INFORMAZIOA ETA ORIENTABIDEAK

7. artikulua. Informazioa eta orientabideak.

1. Nafarroako Foru Komunitateko Administrazioak bideak bermatuko ditu, eskatzen duten guztiei informazioa eta orientabideak emateko honako hauei buruz: prozeduraren nondik norakoak eta faseak, prozeduran sartzeko bidea, izangaien eskubide eta betebeharrak, lor ditzaketen egiaztapen ofizialak eta horien ondorioak. Informazio eta orientabide horiei esker, izangaientzat errazagoa izanen da prozeduran parte hartzeari buruzko erabaki oinarriduna hartzea, eta, hala behar dutenean, lagundu eginen diete prozeduraren hasieran eta garapenean.

2. Informazio eta orientabide horiek, lehentasunez, Informazioaren eta Orientabideen Sare Integratuaren bidez emanen dira, hori baita Nafarroako Kualifikazioen Sistema Nazionalari laguntzeko tresna.

3. Zentro Berekien eta Esperientziaren bidezko Egiaztapenerako Atalak eta 22. artikuluan definitutako organo teknikoek prozeduran ebaluazioaren xede izan daitezkeen gaitasun unitateen metodologia eta informazio gidak eta autoebaluaziorako galde-sorten ereduak emanen dizkiete informazio eta orientabideen zerbitzua eskainiko duten entitateei. Helburua da pertsonek aukera izatea beren gaitasunak kasuan kasuko lanbide kualifikazioen erreferente ofizialekin alderatzeko.

4. Foru Komunitateko Administrazioa orientatzaileen eta hezkuntza eta lan administrazioetako (eta bere entitate laguntzaileetako) beste profesional batzuen prestakuntza eta eguneraketa bermatzeaz arduratuko da, artikulu honetako 1. atalean adierazitako funtzioak garatzeko.

5. Halaber, informazio eta aholkularitza zerbitzuak emanen zaizkie beren langileen gaitasunen egiaztapenean interesa duten enpresei, entitateei edo profesionalen elkarteei.

8. artikulua. Informazio eta orientabide zentroak.

1. Informazio eta orientabide zentroen sare bat sortuko da Nafarroan hiritarrari zerbitzu hurbila emateko asmoz, laguntzarako tresnen eta baliabideen eskurapena eta erabilera erraztuko duena. Zentroen sare hori Informazioaren eta Orientabideen Sare Integratua osatzen duten entitateek proposatuta sortuko da.

2. Zentro horiek baldintza egokiak bete beharko dituzte eta aldez aurretik izendatuko dira informazio eta orientabide funtzioak betetzeko.

3. Informazio eta orientabide zentrotzat hartuko dira:

a) Nafarroako Erreferentzia Nazionaleko Zentroak eta Lanbide Heziketako Ikastetxe Bateratuak.

b) Zentro Berekien eta Esperientziaren bidezko Egiaztapenerako Atala, Nafarroako Enplegu Zerbitzuko Enplegu Agentziak eta eragile sozialen orientazio zerbitzuak.

4. Halakotzat izendatzen ahalko dira:

a) Lanbide heziketako ikastetxeak.

b) Helduentzako ikastetxeak.

c) Nafarroako Enplegu Zerbitzuak egiaztatutako prestakuntza zentroak.

d) Egokitzat jotzen diren erakundeak eta/edo enpresa publiko nahiz pribatuak, egiten diren deialdien eta horien xedeko lanbide arloen arabera. Horiek aldi baterako izendatu eta sartuko dira informazioaren eta orientabideen sarean, deialdiaren beharren arabera.

5. Beren funtzioak garatzeko, aurreko artikuluan aipatutako laguntza materialak uzteaz gain, Foru Komunitateko Administrazioak tresna informatikoak jarriko ditu beren esku Informazioaren eta Orientabideen Sare Integratuaren bidez.

6. Zentro horiek jendaurrean jarriko dute herritarrei laguntzeko sistema, bai eta aldez aurretik hitzordua eskatuta laguntzeko sistema ere.

7. Erabiltzaileekin egindako jarduketen erregistroa prestatuko dute. Jarduketa horietan lortutako informazioak egiaztapenen eskaera potentziala identifikatzen lagunduko du.

9. artikulua. Informazioko eta orientazioko teknikariak.

1. Informazioa eta orientazioa, gaitasunak egiaztatzeko prozeduraren barnean, Hezkuntzaren, Lanbide Heziketaren eta Unibertsitateen Zuzendaritza Nagusiak edo Nafarroako Enplegu Zerbitzuko zuzendari kudeatzaileak behar bezala gaitutako pertsonek eman beharreko zerbitzu espezializatuak dira.

2. Informatzaile edo orientatzaile funtzioak betetzea ahalbidetzen duen gaikuntza lortzeko, beharrezkoa izanen da horretarako eman den prestakuntza aprobetxamenduz egitea eta zehazten diren eguneraketa ikastaroetara joatea.

3. Teknikari horiek, prozeduran parte hartzeko erabakiaren gaineko informazioa eta aholkularitza emateaz gain, deialdiak hala eskatzen badu, honako funtzio hauek izanen dituzte:

a) Deialdian eta aholkularitza fasean izena ematea erraztea.

b) Eskaerak onartzeko prozesurako dokumentazioa jasotzea.

c) Dokumentazioa baliozkotzea.

d) Izangaiari autobaremazioan laguntzea eta behin betiko baremazioa aztertzea.

e) Onarpen Batzordeari baremazioaren emaitza ematea.

f) Laguntza ematea prestakuntzaren ibilbidean eta prozeduraren ondoko prestakuntza osagarriaren identifikazioan.

g) Fase honen jarraipena kudeatzea horretarako ematen den tresna informatikoaren bidez.

4. Nafarroako Foru Komunitatean egiaztapen prozedurarako gaitutako informatzaileen eta orientatzaileen erregistroa sortuko da.

IV. KAPITULUA. PROZEDURAREN DEIALDIA ETA IZEN-EMATEA

10. artikulua. Ebaluazio prozedurarako deialdia.

1. Nafarroako Enplegu Zerbitzuko zuzendari kudeatzaileak edo Hezkuntzaren, Lanbide Heziketaren eta Unibertsitateen zuzendari nagusiak, beste administrazio organoaren aldeko txosten loteslearekin eta aldez aurretik Nafarroako Lanbide Heziketaren Kontseiluari jakinarazita, gaitasuna ebaluatzeko prozedurarako deialdia onetsiko du. Deialdi horretan, 1224/2009 Errege Dekretuaren 10.1 artikuluan adierazitakoaz gain, kasuan kasuko titulua edo lanbide ziurtagiria eskuratzeko beharrezkoak diren prestakuntza osagarriaren eskaintzen plangintza sartzen ahalko da.

2. Gaitasuna ebaluatu eta egiaztatzeko deialdia onesten duen ebazpenean, oro har, kualifikazio bati dagozkion gaitasun unitateen zerrenda osoa agertuko da.

3. Deialdia Nafarroako Aldizkari Ofizialean argitaratuko da osorik, eta laburpen bat, berriz, Estatuko Aldizkari Ofizialean, 1224/2009 Errege Dekretuaren 13.4 artikuluan adierazten den bezala.

4. Ebazpen horretan deialdien alderdi zehatzak jasotzen ahalko dira, esaterako, teknikari parte-hartzaileak, antolaketako alderdiak eta lurralde banaketari buruzkoak.

5. Nafarroako Lanbide Heziketaren Kontseiluan dauden eta ordezkaritza handiena duten sindikatu eta enpresa erakundeek, organo horren esparruaren barnean, eskaera egiten ahalko dute deialdi espezifikoak egin daitezen zenbait enpresaren, sektore profesionalen eta ekoizleen beharrak asetzeko, bai eta lan-munduan sartzeko zailtasun bereziak dituzten taldeenak ere.

6. Profesionalen edo enpresen elkarteek ere eskaera egiten ahalko dute gaitasuna egiaztatzeko prozedurarako deialdiak egin daitezen, eta horretarako, beren eskaerak Lanbide Heziketaren Nafarroako Kontseiluan ordezkatuak dauden eragile ekonomikoen eta sozialen bidez bideratuko dituzte.

11. artikulua. Parte hartzeko betebeharrak.

1. Prozeduran parte hartu nahi duten pertsonek uztailaren 17ko 1224/2009 Errege Dekretuaren 11. artikuluan adierazitako baldintzak bete beharko dituzte.

2. Antzeko gaitasunak ziurtatzeko prozeduran parte hartu nahi izanez gero, 14. artikuluan aipatutako Onarpen Batzordeak aipatu uztailaren 17ko 1224/2009 Errege Dekretuaren 11.1.c) 2 artikuluaren aplikazioa interpretatuko du.

12. artikulua. Prozeduran aurrez izena ematea eta onartzea.

1. Foru dekretu honen babesean deitutako prozeduretan interesa duten pertsonek aurrez izena emateko eskaera aurkeztu beharko dute deialdi ezberdinetan adierazitako moduan, epean eta tokian, eta sartzeko baldintzak betetzen dituztela frogatzen dituzten dokumentuen kopia baizik ez dute atxikiko, eta kasua bada, sartzeko baldintza gehigarrienak eta onartzeko lehentasunak aplikatzeko beharrezkoak diren datuena.

2. Eskaerarekin batera aurkeztutako dokumentazioaren egiazkotasuna bermatzeko, interesdunaren erantzukizuneko aitorpena aurkeztu beharko da, Foru Komunitateko Administrazioak gerora dokumentu horiek egiaztatzeko duen ahalmena galarazi gabe.

3. Onarpen Batzordeak, hots, foru dekretu honen 14. artikuluan definitutakoak, kasuan kasuko deialdiak ezartzen dituen irizpideak aplikatuko ditu deitutako plazak baino eskatzaile gehiago daudenean.

4. Jendaurrean jarriko da prozeduran onartutako izangaien zerrenda, sareko sistemen bidez kontsultatzen ahalko dena.

5. Izangaiek erreklamazioak aurkezten ahalko dituzte Onarpen Batzordearen aurrean, onartutako izangaien zerrenda argitaratu eta 3 egun balioduneko epean. Batzordeak erreklamazioak ebazteko hartutako erabakiaren aurka, gora jotzeko errekurtsoa jartzen ahalko da, Nafarroako Enplegu Zerbitzuko zuzendari kudeatzaileari edo Hezkuntzaren, Lanbide Heziketaren eta Unibertsitateen zuzendari nagusiari zuzendua.

13. artikulua. Prozeduran sartzeko baldintzen frogagiriak.

1. Lan-esperientzia frogatzeko, uztailaren 17ko 1224/2009 Errege Dekretuaren 12.1 artikuluan adierazitako dokumentuak aurkeztuko dira, aintzat hartuta Europar Batasuneko beste lurralde batzuetan lan-esperientzia egiaztatzeko dauden berezitasunak.

2. Prestakuntza bide ez-formaletan lortutako lanbide gaitasunen kasuan, prestakuntza emateaz arduratu den entitateak luzatutako egiaztagiriaren bidez frogatuko da, bertan egiaztatuko baita izangaiak baduela egiaztapenaren xedeko gaitasun unitateekin lotutako prestakuntza. Hona, egiaztagirian agertu beharrekoak:

a) Zentro, entitate edo administrazioaren datuak.

b) Prestakuntza noiz jaso den.

c) Ikaslearen datu pertsonalak.

d) Garatutako edukiak.

e) Prestakuntza orduen kopurua.

f) Zentro edo entitateko arduradunaren sinadura eta zigilua.

3. Foru Komunitatean ofiziala ez den hizkuntza batean luzatutako agirien itzulpen ofiziala edo zinpekoa eskatzen ahalko da.

14. artikulua. Onarpen Batzordea.

1. Onarpen Batzordea arduratuko da izangaiak gaitasunak aitortzeko prozeduran onartzeko prozesua instruitzeaz eta ebazteaz. Batzordeko kideak deialdian izendatuko dira.

2. Batzordeburua lan edo hezkuntza administrazioko funtzionario bat izanen da, eta batzordekide gisa sartzen ahalko dira profesionalak, enpresetako ordezkariak edo langileak, irakasleak edo prestatzaileak, edo kasua bada, Zentro Berekien eta Esperientziaren bidezko Egiaztapenerako Ataleko ordezkari bat; gutxienez ere hiru kide izanen ditu batzordeak eta, gehienez ere, bost.

3. Onarpen Batzordeak eginkizun hauek izanen ditu:

a) Pertsona eskatzaileek prozeduran sartzeko baldintzak betetzen dituztela egiaztatzea.

b) Ebaluazio eta egiaztapen prozesurako onartzen diren izangaien zerrenda ordenatua proposatzea.

c) Onarpen prozesuan egin daitezkeen erreklamazio guztiak ebaztea.

V. KAPITULUA. PROZEDURAREN GARAPENA

15. artikulua. Faseak.

Honako fase hauek ditu proiektuak:

- Lehen fasea: Aholkularitza.

- Bigarren fasea: Lanbide gaitasunaren ebaluazioa.

- Hirugarren fasea: Frogatutako gaitasunak egiaztatzea eta erregistratzea.

16. artikulua. Lehen fasea. Aholkularitza.

1. Aholkularitza fasean sartzen ahalko dira bertan onartuak izan diren pertsonak. Fase honetan parte hartu ahal izateko, onartutako pertsonak inskripzioa egin eta prozeduran sartzeko aurkeztutako dokumentuen frogagiriak erakutsi beharko ditu.

2. Fase honen xedea da izangaia gaitasunaren ebaluazioaren aurreko prozesuan gidatzea, dagokion dokumentazioa prestatzen lagunduz edo aukeran dagoen prestakuntzari buruzko aholkularitza emanez. Horretarako, fase honi saio kolektiboen bidez ematen ahalko zaio hasiera, norbanakoari emandako aholkularitzarekin osatuko direnak.

3. Norbanakoarentzako aholkularitza saioen xede nagusia da izangaiaren aurretiazko lanbide jarduerak aztertzea eta, kasua bada, autoebaluazioaren emaitza, izangaiak ikasitakoak egokienak izanen liratekeen gaitasun unitateekin duen korrespondentzia identifikatzeko, egiaztapena eskatze aldera. Horrez gain, prozesuan behar duen laguntza emanen zaio izangaiari.

4. Izangaiak, aholkulariaren laguntzaz, bere ikaskuntzak sorrarazi dituzten jarduerak gaitasunen txosten indibidual batean jasoko ditu agiri bidez, eta gutxienez ere, honako alderdi hauek jasoko ditu: bere prestakuntza ibilbideari buruzko (formala eta ez-formala) eta lanbide esperientziari buruzko informazioa (lanbide eta prestakuntza historia, I. eranskineko ereduaren arabera) eta aurkeztutako frogagiriak.

5. Aholkularitza derrigorrezkoa izanen da eta bertara agertuta edo bide telematikoak erabilita egiten ahalko da, dagokion deialdian hala ezartzen bada. Autoebaluazioa, zehazki, sarean egiten ahalko da.

6. Aholkulariak beharrezkotzat jotzen badu, izangaiari hitzordua emanen dio bere gaitasuna autoebaluatzen laguntzeko, bere historia pertsonala eta/edo prestakuntzakoa osatzen laguntzeko eta/edo horren frogagiriak aurkezten laguntzeko.

7. Aholkularitza fasea egitera agertzen ez bada edo uko egiten badio, izangaiak ebaluazio fasean parte hartzeko eskubidea galduko du. Ez da eskubide hori galduko kausak behar bezala justifikatzen badira, horiek aholkularitza fasea baino lehen edo aldi berean gertatzen badira.

8. Aholkularitza fasearen ardura duen pertsonak II. eranskinean jasotako ereduaren araberako txostena eginen du eta, txosten horretan, izangaiari ebaluazio prozesuan jarraitzeko edo ez jarraitzeko proposatuko dio. Txosten horren edukia ez da loteslea izangaiarentzat. Txosten hori eta gainerako dokumentazioa Ebaluazio Batzordeari igorriko zaio.

9. Txosten horretan izangaiari iradokitzen baldin bazaio ebaluazio fasean atzera egiteko, gaitasunak lortzeko bideak zein diren adieraziko zaio.

10. Gaitutako eta horretarako izendatutako aholkulariek garatuko dute fase hori.

17. artikulua. Bigarren fasea. Lanbide gaitasunaren ebaluazioa.

1. Nafarroako Enplegu Zerbitzuko zuzendari kudeatzaileak edo Hezkuntzaren, Lanbide Heziketaren eta Unibertsitateen zuzendari nagusiak eginen du Ebaluazio Batzordearen izendapena, deialdian sartutako kualifikazioak aintzat hartuta.

2. Ebaluazio fasean parte hartzeko, izangaiak definitu beharko du zein diren ebaluatzea nahi duen gaitasun unitateak eta ebaluazio fase horretarako inskripzioa egin beharko du.

3. Ebaluazioaren xedea, izangaiak inskripzioa egiten duen gaitasun unitate guztietarako, hauxe izanen da: kualifikazioan eskatutako lanbide gaitasuna ote duen egiaztatzea.

4. Deialdi bakoitzean ezarritako tokietan eta epeetan garatuko da ebaluazio fasea. Ebaluazioa amaitutakoan, izangai bakoitza ebaluatuta egonen da berak eskatu dituen gaitasun unitateetan, eta gaitasun-judizioa jasota.

5. Ebaluazio faseak hiru zati ditu:

- 1. zatia: zeharkako ebidentzien ebaluazioa. Ebaluazio Batzordeak, aholkulariaren txostena eta izangaiak aurkeztutako dokumentazioa ikusirik, zeharkako frogen lehen ebaluazioa eginen du, izangaiaren zenbait gaitasun agerian jartzeko nahikoak diren ala ez erabakitzeko. Azterketa horren emaitza gisa, eta kasua bada, akta eginen du, III. eranskineko ereduaren arabera; gaitasun unitate jakin batzuen ebaluazioan aurrera egiteko zeharkako ebidentzia nahikorik ez duten pertsonen izenak jasoko dira hartan.

- 2. zatia: ebaluazio plana prestatzea. Zati honetan, ebaluatzaileek ebaluazio fasearen ezaugarriei buruzko informazioa emanen diote izangai bakoitzari. Era berean, ebaluazio uneak, lekuak eta, ahal den neurrian, prozedurak ezarriko dira, eta hori guztia ebaluazio plan batean jasoko da, IV. eranskineko ereduari jarraituz. Talde ebaluatzaileak ebaluazio plan horren berri emanen dio izangai bakoitzari. Plan hori egiteko, izangaiak aholkularitza fasean ekarri eta sortu duen dokumentazio osoa hartuko da kontuan.

- 3. zatia: ebaluazioa garatzea. Kasuan kasuko ebaluazio batzordeko ebaluatzaileek ebaluatuko dute izangai bakoitza.

6. Izangaiari banakako ebaluazio aktaren bidez emanen zaio ebaluazioaren emaitzen berri (V. eranskina) eta eskubidea izanen du Ebaluazio Batzordearen aurrean erreklamazioa jartzeko hiru egun balioduneko epean, ebaluazioaren emaitzak ematen diren egunetik aurrera zenbatzen hasita. Ebaluazio Batzordeak gehienez ere hamar egun balioduneko epean ebatziko ditu erreklamazioak, horiek aurkeztu eta biharamunetik hasita. Ebaluazio Batzordearen erabakiaren aurka gora jotzeko errekurtsoa jartzen ahalko da Nafarroako Enplegu Zerbitzuko zuzendari kudeatzaileari edo Hezkuntzaren, Lanbide Heziketaren eta Unibertsitateen zuzendari nagusiari zuzendua.

7. Gaitutako eta horretarako izendatutako ebaluatzaileak arduratuko dira ebaluazioa prestatzeko eta garatzeko etapak gauzatzeaz.

18. artikulua. Hirugarren fasea. Lanbide gaitasunaren egiaztapena eta ondorioak.

1. Ebaluazio prozesua gainditzen duten izangaiei, haien lanbide gaitasuna erakutsi duten gaitasun unitateen egiaztapena luzatuko zaie, VI. eranskineko ereduarekin bat.

2. Prozedura honen bidez izangaiak lanbide heziketako titulu bat edo lanbide ziurtagiria lortzeko baldintzak betetzen baditu, Zentro Berekien eta Esperientziaren bidezko Egiaztapenerako Atalak hori eskuratzeko izapideak zein diren azalduko dio.

3. Gaitasun unitateen egiaztagiriak ondorio ofizialak izanen ditu 1224/2009 Errege Dekretuaren 19. artikuluan zehaztutako tituluen eta lanbide ziurtapenen gainean.

Teknikari edo goi mailako teknikari titulua lortzeko, kasuan kasuko irakaskuntzetan sartzeko baldintzak bete beharko dira, maiatzaren 3ko 2/2006 Lege Organikoan aurreikusi bezala. Ildo horretan, Hezkuntza Departamentuak, prozeduraren deialdiekin batera, prestakuntza zikloetara sartzeko probak prestatzen ahalko ditu, gaitasunak aitortzeko deialdietako parte-hartzaileentzat soilik zuzenduko direnak, baldin eta interesa badute lanbide heziketako titulu bat lortzeko.

19. artikulua. Egiaztagiriak luzatzea eta erregistratzea.

1. Nafarroako Enplegu Zerbitzuko zuzendari kudeatzaileak luzatuko ditu ebaluazio positiboa izan duten gaitasun unitateen egiaztagiriak, Ebaluazio Batzordeak igorritako proposamenetan oinarrituz.

2. Laneko esperientzian lortutako lanbide gaitasunak aitortzeari buruzko uztailaren 17ko 1224/2009 Errege Dekretuaren 18.2 artikuluan ezarritakoaren arabera, Nafarroako Enplegu Zerbitzuak Estatuko Enplegu Zerbitzuari igorriko dio luzatutako egiaztagirien zerrenda, Estatuko Administrazio Orokorrak emandako argibideei jarraikiz.

20. artikulua. Laguntzarako prestakuntza.

Lan-esperientzian edo prestakuntza bide ez-formaletan lortutako lanbide gaitasunak ebaluatu eta egiaztatzeko prozedura bukatzean, Zentro Berekien eta Esperientziaren bidezko Egiaztapenerako Atalak orientabideak ematen ahalko ditu lanbide heziketako titulu bat edo lanbidea ziurtagiria lortzeko beharrezkoa den prestakuntzari buruz, foru dekretu honen 4.1 artikuluan adierazitakoa galarazi gabe.

VI. KAPITULUA. PROZEDURAREN PLANGINTZA, ANTOLAKETA ETA KUDEAKETA

21. artikulua. Plangintza.

1. Nafarroako Lanbide Heziketaren Kontseiluak zenbait gomendio ezarriko ditu egiaztapen, jarraipen eta ikuskapen prozedura ezarri eta garatzeko.

2. Egiaztapen prozeduraren plangintzak Nafarroako garapen ekonomiko eta sozialari lagunduko dio, Nafarroako Gobernuak garatutako politika ekonomiko eta estrategikoekin koherentzia gordeta.

22. artikulua. Koordinazioa, kudeaketa eta laguntzarako organo teknikoak.

1. Zentro Berekien eta Esperientziaren bidezko Egiaztapenerako Atala arduratuko da prozedura antolatzeaz, koordinatzeaz eta kudeatzeaz.

2. Nafarroako Lanbide Kualifikazioen Institutua eta Nafarroako Enplegu Zerbitzuko Enplegurako Prestakuntza Garatzeko Atala dira Zentro Berekien eta Esperientziaren bidezko Egiaztapenerako Atalari eta prozedura garatzen duten zentro ofizialei laguntza teknikoa emanen dioten organo tekniko espezializatu nagusiak.

23. artikulua. Egiaztapenerako Batzordea.

1. Egiaztapenerako Batzordea sortzen da erakundeen eta gizartearen partaidetzarako organo kolegiatu gisa; aholku batzordea izanen da lanbide gaitasunen egiaztapenari dagokionez, egiaztapenerako deialdi bakoitzaren plangintzaren, ikuskapenaren eta jarraipenaren bidez.

2. Honako kide hauek izanen ditu: lau langile publiko, egiaztapenarekin lotutako gaietan ardura izanen dutena, eta Nafarroako Lanbide Heziketaren Kontseiluan ordezkaritza duten erakunde sozial eta ekonomikoetako lau kide.

3. Egiaztapenerako Batzorde horrek laguntza eskatzen ahalko die deialdietako lanbide esparruetako gaitasunen ebaluazioarekin eta egiaztapenarekin zerikusia duten adituei.

4. Honela izendatuko dira Egiaztapenerako Batzordeko kideak:

Langile publikoetako bi Hezkuntza Departamentuko Hezkuntzaren, Lanbide Heziketaren eta Unibertsitateen zuzendari nagusiak izendatuko ditu, eta beste biak, berriz, Nafarroako Enplegu Zerbitzuko zuzendari kudeatzaileak. Gainerako lau pertsonak Nafarroako Lanbide Heziketaren Kontseiluan ordezkaritza duten erakunde sozial eta ekonomikoek izendatuko dituzte: bi, erakunde sindikalek eta beste biak, enpresa erakundeek.

Batzordeko buruak lan edo hezkuntza administrazioko ordezkariak izanen dira, bi urteko epeetan txandakatuz.

Nafarroako Enplegu Zerbitzuko funtzionario bat idazkari lanetan ariko da, hizpidea duela baina botorik ez.

5. Erabakiak aho batez hartuko dira.

24. artikulua. Egiaztapenerako Batzordearen eginkizunak.

Nafarroako Lanbide Heziketaren Kontseiluaren jarraibideekin bat, Egiaztapenerako Batzordeak eginkizun hauek izanen ditu:

a) Deialdietarako proposamenak egitea, eskaria balioetsita eta lurralde mailako erantzuna emateko asmoz, edo kasua bada, Estatu mailako auzi bihurtuta, Estatuko Administrazio Orokorrak kudea dezan.

b) Langileen, sektoreen, enpresen eta Nafarroako Foru Komunitatean garatutako politika ekonomiko eta estrategikoen interesak eta beharrak aztertzea, egiaztapen prozedura bideratu eta zuzentze aldera.

c) Sektoreko batzordeen lankidetza sustatzea, egiaztapen eskaintzen plangintzarekin lotutako erabakietan.

d) Irizpideak proposatzea orientatzaileak izendatzeko, aholkulariak eta ebaluatzaileak gaitzeko, bai eta deialdi ezberdinetan parte har dezaketen erakunde eta enpresa publiko edo pribatuak zehazteko ere.

e) Hezkuntza Departamentuko Hezkuntzaren Lanbide Heziketaren eta Unibertsitateen Zuzendaritza Nagusiaren eta Nafarroako Enplegu Zerbitzuko Prestakuntza Zerbitzuaren laguntza teknikoarekin, tituluekin eta lanbide ziurtagiriekin lotutako gaitasunak ebaluatu eta egiaztatzeko prozesua prestatzeko eta osatzeko prestakuntza beharrak baloratzea.

f) Irizpideak proposatzea prozeduraren informaziorako eta orientaziorako eta Nafarroako I + O Sarearen edukietarako.

25. artikulua. Zentro Berekien eta Esperientziaren bidezko Egiaztapenerako Atala.

1. Zentro Berekien eta Esperientziaren bidezko Egiaztapenerako Atala da Nafarroako Foru Komunitateko Administrazioan prozeduraren kudeaketaz, antolaketaz eta koordinazioaz arduratzen den unitatea, eta horretarako, laguntzarako organo teknikoen laguntza dauka (Nafarroako Lanbide Kualifikazioen Institutua eta Enplegurako Prestakuntza Garatzeko Atala).

2. Nafarroako enpresentzat eta langileentzat erreferentea izanen da lan-esperientzian edo ikaskuntza ez-formal eta informaletan lortutako lanbide gaitasunak aitortzearen eta egiaztatzearen arloan.

3. Administrazioen eta Nafarroako Lanbide Heziketaren Kontseiluaren entitate kideen arteko koordinazioaz arduratuko da, herritarrarentzako zerbitzu bakarra eta integratua bermatzeko xedez.

4. Nafarroako Enplegu Zerbitzuko Zentro Berekien eta Esperientziaren bidezko Egiaztapenerako Atalak, foru dekretu honetan esleitutako eginkizunez gain, beste hauek ere beteko ditu:

a) Nafarroako Lanbide Kualifikazioen Institutuarekin elkarlanean, lanbide gaitasunak aitortzeko prozedurarako deialdien proposamena prestatzea.

b) Deialdiak kudeatzea: dibulgazio prozesua, informazioa, orientazioa, izangaiak hartzea eta onartzea, aholkularitza, ebaluazioa eta egiaztapena.

c) Gaitasunak aitortzeko sistema Nafarroan zabaltzeko koordinazio-lana egitea.

d) Egiaztapenerako prozeduraren informazio eta orientazio eredua koordinatzea eta proposatzea, 22. artikuluan aipatutako organo teknikoen eta Nafarroako Informazioaren eta Orientabideen Sare Integratuaren laguntzaz.

e) Estatuko Administrazio Orokorrari prozeduraren jarraipena eta ebaluazioa egiteko beharrezkoak diren datuak igortzea, Kualifikazioei eta Lanbide Heziketari buruzko ekainaren 19ko 5/2002 Lege Organikoaren 10.6 eta 17. artikuluetan ezarritako terminoetan.

26. artikulua. Nafarroako Lanbide Kualifikazioen Institutua.

1. Nafarroako Lanbide Kualifikazioen Institutuak prozedura ezartzeko eman beharreko laguntza teknikoaz arduratuko da.

2. Egiaztapenaren prozeduraren arloan, foru dekretu honek ezarritako zereginez gain, honako hauek ere beteko ditu:

a) Zentro Berekien eta Esperientziaren bidezko Egiaztapenerako Atalarekin elkarlanean aritzea lanbide gaitasunak aitortzeko prozedurarako deialdien proposamena prestatzeko.

b) Proposamen teknikoak eta metodologikoak prestatzea ahokularien eta ebaluatzaileen lanerako.

c) Materialak eta gidak egokitzea eta prestatzea prozeduran parte hartzen duten izangai eta teknikarientzat, prozedura optimizatu eta haren homogeneotasuna eta fidagarritasuna bermatze aldera, aintzat hartuta Estatuko Administrazio Orokorretik sortzen eta ekartzen dena. Zehazki, Nafarroara egokituko dira uztailaren 17ko 1224/2009 Errege Dekretuaren 9.1 artikuluan definitutako laguntzarako tresnak.

d) Prozedurako orientatzaileak, aholkulariak eta ebaluatzaileak prestatzea eta ikuskatzea, Zentro Berekien eta Esperientziaren bidezko Egiaztapenerako Atalaren lankidetzarekin eta Nafarroako Enplegu Zerbitzuko Enplegurako Prestakuntza Garatzeko Atalarekin, aipatu 1224/2009 Errege Dekretuan ezarritako programaren arabera.

e) Zentro Berekien eta Esperientziaren bidezko Egiaztapenerako Atalaren laguntzaz, Hezkuntza Departamentuaren mendeko zentroak, aholkulariak eta ebaluazio batzordeak koordinatzea, egiaztapen prozedurako fase ezberdinak egiteko.

f) Gaitutako orientatzaile profesionalen, aholkularien eta ebaluatzaileen erregistro bakarra, Nafarroako Enplegu Zerbitzuaren partekatutakoa, kudeatzea.

g) Prozeduraren jarraipena eta kalitatearen ikuskapena egitea Zentro Berekien eta Esperientziaren bidezko Egiaztapenerako Atalarekin elkarlanean.

h) Lanbide heziketako tituluekin lotutako gaitasunak ebaluatu eta egiaztatzeko prozesurako prestakuntza osagarriaren plangintzan eta programazioan laguntzea.

27. artikulua. Enplegurako Prestakuntza Garatzeko Atala.

1. Nafarroako Enplegu Zerbitzuko Enplegurako Prestakuntza Garatzeko Atalak laguntza teknikoa emanen du prozedura ezartzeko.

2. Enplegurako Prestakuntza Garatzeko Atalak honako eginkizun hauek izanen ditu foru dekretu honetan esleitutakoez gain:

a) Zonen, sektoreen eta profesionalen arabera egiaztapenetarako beharren eta lehentasunen azterketak egiten laguntzea, Enplegu Behatokiarekin batera.

b) Egiaztapen deialdien dibulgazio, informazio, orientazio eta izangaiak hartzeko prozesuetan aholku ematea eta laguntzea.

c) Izangaientzako eta teknikarientzako materialak eta laguntza gidak ikuskatzea eta prestatzen laguntzea; horiek Erreferentzia Nazionaleko Zentroen lan-egitasmoen esparruan eta lan administrazioak bultzatutako beste proiektu batzuen barnean garatuko dira. Hori guztia Estatuko Administrazio Orokorrak eta Nafarroako Lanbide Kualifikazioen Institutuak ezarritako irizpideekin bat.

d) Lanbide egiaztapenen prestakuntza osagarriaren plangintzan eta programazioan laguntzea.

e) Izangaiek Nafarroan lortutako gaitasun unitateen egiaztagiriak luzatzea eta erregistratzea eta Estatuko Enplegu Zerbitzu Publikoari helaraztea.

VII. KAPITULUA. ZENTRO OFIZIALAK ETA EBALUAZIO BATZORDEAK

28. artikulua. Ebaluaziorako zentroak.

1. Honako hauek izanen dira fase ezberdinak garatzeko egoitza nagusiak, betiere foru dekretu honetan ezarritakoaren eta baimena emateko baldintzen esparruaren barnean: lanbide heziketako ikastetxe bateratu publikoak, baimendutako ikastetxe bateratu pribatu itunduak, erreferentzia nazionaleko zentroak eta Zentro Berekien eta Esperientziaren bidezko Egiaztapenerako Atala.

2. Beharrezkoa bada, beste egoitza batzuk zehazten ahalko dira fase batzuk garatzeko, eta hitzarmenak sinatzen ahalko dira enpresekin edo bestelako entitate publiko edo pribatu batzuekin.

29. artikulua. Ebaluazio batzordeak.

Ebaluazio eta egiaztapen prozeduraren deialdia zein gaitasun unitaterentzat egiten den, horiei dagozkien espezialitate edo lanbide-arloetarako beharrezkoak diren batzordeak izendatuko dira.

30. artikulua. Ebaluazio batzordearen osaera eta funtzionamendua.

1. Uztailaren 17ko 1224/2009 Errege Dekretuaren 27. artikuluan ezarritakoarekin bat, ebaluazio batzorde bakoitzak gutxienez ere ebaluatzeko gaitutako bost pertsona izanen ditu.

2. Batzordeburua administrazio publikoko langile bat izanen da.

3. Idazkaria ere administrazio publikoko langilea izanen da, eta batzordeak hartutako erabakien fede emanen du.

4. Ebaluazio batzordeak profesional kualifikatuak aditu gisa sartzea proposatzen ahalko du, hitza izanen dutenak baina botorik ez, eta bidezkoa bada, Zentro Berekien eta Esperientziaren bidezko Egiaztapenerako Atalak izendatuko ditu.

5. Ebaluazio batzordearen funtzionamendua eta jarduketak Nafarroako Foru Komunitateko Administrazioari buruzko abenduaren 3ko 15/2004 Foru Legearen mende egonen dira, ebaluazioaren inpartzialtasuna eta zorroztasun teknikoa babeste aldera, eta foru dekretu honetan aurreikusitako berezitasunak galarazi gabe.

6. Ebaluazio batzordeak, antolaketa arrazoiengatik beharrezkoa denean, azpibatzordeetan jarduten ahalko du.

31. artikulua. Ebaluazio batzordeen eta haren kideen eginkizunak.

1. Ebaluazio batzordeek uztailaren 17ko 1224/2009 Errege Dekretuaren 28. artikuluan definitutako eginkizunak izanen dituzte.

2. Batzordeburuak eginkizun hauek izanen ditu:

a) Batzordea ordezkatzea eta zentro ofizialarekin hitz egitea, eta kasua bada, foru dekretu honen 22. artikuluan definitutako organo teknikoekin.

b) Batzordearen bilerak deitzea eta bilera horietan buru jardutea.

c) Batzordearen jarduerak zuzendu eta koordinatzea.

d) Kasuan kasuko deialdian ezarritako arauak bete daitezen arduratzea.

3. Hauek dira idazkariaren eginkizunak:

a) Aktak idaztea eta, eskatzen bazaio, batzordearen bileretan hartutako erabakien fede ematea.

b) Ebaluatzaileen gaitasun-judizioaren proposamenak jasotzea, batzordeari helarazteko.

c) Eskatutako egiaztagiri ez-akademikoak luzatzea.

4. Batzordekideen eginkizunak dira: foru dekretu honen 33. artikuluan ebaluatzaileentzat zehaztutakoak.

VIII. KAPITULUA. AHOLKULARIAK ETA EBALUATZAILEAK

32. artikulua. Aholkularien eta ebaluatzaileen eginkizunak.

1. Aholkularitza edo ebaluazio lanetarako gaitutako pertsonek honako eginkizun hauek izanen dituzte uztailaren 17ko 1224/2009 Errege Dekretuaren 23. eta 24. artikuluetan definitutakoez gain:

a) Aholkulari eta ebaluatzaileentzat: koordinazio eta prestakuntza bileretan parte hartzea, prozesu bakoitzari lotutako dokumentazioa betetzea eta tramitatzea.

b) Aholkularientzat: hala eskatzen denean, Internet bidez aholkularitza lana egitea.

c) Ebaluatzaileentzat: izangaiaren lanpostuan ebidentziak erregistratzea, hala erabakitzen denean.

2. Gaitasunaren aholkularitza edo ebaluazio lanak egiten dituzten pertsonek ezartzen diren diru konpentsazioak jasotzen ahalko dituzte.

33. artikulua. Aholkulariak gaitzea.

1. Uztailaren 17ko 1224/2009 Errege Dekretuaren 25. artikuluan adierazitako baldintzak betetzen dituzten pertsonek, foru dekretu honen VII. eranskinean definitutako prestakuntza egiten ari badira edo egin dutela frogatzen badute, beren eginkizunak betetzeko gaituak izaten ahalko dira, beren gaitasun unitateen, lanbidearen eta sektorearen esparruaren barnean. Gaikuntza hori Hezkuntzaren, Lanbide Heziketaren eta Unibertsitateen Zuzendaritza Nagusiak edo Nafarroako Enplegu Zerbitzuko zuzendari kudeatzaileak luzatuko dute.

2. Beste autonomia erkidego batzuetako aholkulariak Nafarroan aritzeko gaitzen ahalko dira, betiere arau honetan ezarritako baldintzak betetzen badituzte.

3. Aholkulariak, aldez aurretik adostasuna adierazita, erregistro nazional batean sartzen ahalko dira, abenduaren 13ko 15/1999 Lege Organikoan xedatutakoarekin bat.

4. Gaitutako aholkulariaren izaera galtzen ahalko da aholkulari gisa egindako lanaren ebaluazio negatiboa jasotzen badu. Gaikuntza galtzea Hezkuntzaren, Lanbide Heziketaren eta Unibertsitateen Zuzendaritza Nagusiaren edo Nafarroako Enplegu Zerbitzuko zuzendari kudeatzailearen ebazpen bidez eginen da.

34. artikulua. Ebaluatzaileak gaitzea.

1. Uztailaren 17ko 1224/2009 Errege Dekretuaren 25. artikuluan adierazitako baldintzak betetzen dituzten pertsonek, foru dekretu honen VIII. eranskinean definitutako prestakuntza egiten ari badira edo egin dutela frogatzen badute, gaikuntza jasotzen ahalko dute beren eginkizunak betetzeko, kasuan kasuko gaitasun unitateen, lanbidearen eta sektorearen esparruaren barnean. Hezkuntzaren, Lanbide Heziketaren eta Unibertsitateen zuzendari nagusiak edo Nafarroako Enplegu Zerbitzuko zuzendari kudeatzaileak luzatuko du gaikuntza hori.

2. Beste autonomia erkidego batzuetako ebaluatzaileak Nafarroan aritzeko gaitzen ahalko dira, betiere arau honetan ezarritako baldintzak betetzen badituzte.

3. Ebaluatzaileak, aldez aurretik adostasuna adierazita, erregistro nazional batean sartzen ahalko dira, abenduaren 13ko 15/1999 Lege Organikoan xedatutakoarekin bat.

4. Gaitutako ebaluatzailearen izaera galtzen ahalko da ebaluatzaile gisa egindako lanaren ebaluazio negatiboa jasotzen badu. Gaikuntza galtzea Hezkuntzaren, Lanbide Heziketaren eta Unibertsitateen Zuzendaritza Nagusiaren edo Nafarroako Enplegu Zerbitzuko zuzendari kudeatzailearen ebazpen bidez eginen da.

35. artikulua. Bateraezintasunak.

1. Aholkulari izendatutako pertsonek ezin izanen dute ebaluatzaile gisa parte hartu gaitasunak ebaluatu eta egiaztatzeko deialdi berean.

2. Ebaluatzaile izendatutako pertsonek ezin izanen dute izangaien prestakuntza jardueretan parte hartu inplikatuak dauden egiaztapen prozedurak dirauen bitartean.

3. Deialdi batean aholkulari edo ebaluatzaile izendatutako pertsonek ezin izanen dute deialdi horretako prozeduran izangai gisa parte hartu.

Lehen xedapen gehigarria. Finantzaketa.

1. Prozeduran onartutako izangaiek legez ezarritako tasak ordainduz prozeduraren fase ezberdinetan izandako gastuei aurre egiten lagunduko dute.

2. Ekonomia, Ogasun, Industria eta Enplegu Departamentuak eta Hezkuntza Departamentuak hitzarmenak sinatzen ahalko dituzte lanbide edo produkzio sektoreetako enpresekin, elkarteekin edo entitateekin, beren langileek lortutako lanbide gaitasunak ebaluatu eta egiaztatzeko. Kasu horietan, interesa duten enpresek, elkarteek edo entitateek prozedurak sorrarazitako gastu guztiak ordaindu beharko dituzte.

Bigarren xedapen gehigarria. Genero berdintasuna.

Zenbait pertsona, kargu edo lanposturi buruz ari denean foru dekretu honek genero gramatikal mugatuko izenak erabiltzen dituen kasu guztietan (gaztelaniazko “consejero”, “director”, “presidente”, “secretario” eta abar) ulertu behar da adierazpideen ekonomia hutsagatik jokatzen dela horrela, eta postu horiek orokorrean hartzen dituela hizpide, haiek bai emakumezkoek bai gizonezkoek betetzen dituztela ere, erabateko berdintasun-baldintzetan, ondorio guztietarako.

Azken xedapenetako lehena. Arauen garapena.

Ekonomia, Ogasun, Industria eta Enplegu Departamentuko kontseilariari eta Hezkuntzako kontseilariari ahamena ematen zaie foru dekretu hau garatu eta aplikatzeko beharrezkoak diren xedapen guztiak emateko.

Azken xedapenetan bigarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

Iruñean, 2014ko abuztuaren 27an.-Nafarroako Gobernuko lehendakaria, Yolanda Barcina Angulo.-Lehendakaritza, Justizia eta Barneko kontseilaria, F. Javier Morrás Iturmendi.

I. ERANSKINA. LANBIDE GAITASUNEN EBALUAZIOA

I. ERANSKINA

Aurreko esperientzien eta ikaskuntzen txosten pertsonala:

Izen-deiturak:

Eguna:

Izangaiarentzako jarraibideak

Dokumentu honen xedea da ahalik eta informazio gehien jasotzea izangaiaren lanbide esperientziari buruz, bereziki egiaztatu nahi diren gaitasun unitateekin lotutako lanbide jarduerei dagokienari buruz.

Dokumentu honetan jasotako informazio guztia egiazkoa izan behar da, eta ahal dela, egiaztatzeko modukoa (kasua bada, jasota utziko da ikaskuntzak egin diren edo esperientzia hartu den enpresa desagertu bada edo izena aldatu badu).

Dokumentuaren egitura oinarrizkoa da, lanbide esperientzia deskribatzeko modukoa; izangaiak bere lanbide ibilbidean ezagututako enpresak adina aldiz errepikatuko da.

Orrialde gehiago erabil daitezke hala behar izanez gero. Gogoan izan orrialdeei zenbakia jarri behar zaiela dokumentua osatzean.

Izangaiak planteatutako auziei ahalik eta argien eta zehatzenen erantzuten saiatu behar du.

Izangaiaren datu pertsonalak:

Izen-deiturak:

NANa/AIZ edo Pasaportea:

Sexua: ρ Gizona ρ Emakumea.

Jaioteguna:

Tokia:

Nazionalitatea:

Helbidea:

Herria:............................... Kalea/Plaza:

Zenbakia:................................... Solairua:....................... Letra:

Posta kodea:.............................. Probintzia:

Harremanetarako telefonoa:

Helbide elektronikoa:

Gaur egungo lan egoera:

ρ Langabea ρ Lanean.

Enpresa:

Lan kategoria/Lanpostua:

I.-Prestakuntza ibilbidearen informazioa.

-Prestakuntza arautua¹

Adierazi zein den froga dezakezun prestakuntza akademikoa:

ρ Lehen (mailako) ikasketak - Eskola-ziurtagiria.

ρ OHO.

ρ Derrigorrezko Bigarren Irakaskuntza (DBH edo baliokidea).

ρ Goi Mailako Batxilergoa - BBB.

ρ Batxilergoa LOGSE edo UBI.

ρ Erdi Mailako Lanbide Heziketa: teknikaria.

Adierazi lanbide-arloa eta espezialitatea

ρ Goi Mailako Lanbide Heziketa: goi mailako teknikaria.

Adierazi lanbide-arloa eta espezialitatea

ρ Aurreko Lanbide Heziketako beste titulazio batzuk (maisutza, ofizialtza, teknikari laguntzailea, teknikari espezialista).

Adierazi titulua, adarra/lanbide-arloa eta espezialitatea

Beste batzuk (zehaztu zein diren)

ρ Sarrera probarik gainditu baduzu, adierazi zein den (LHko zikloetan sartzeko proba, unibertsitatera sartzeko proba 25 urtetik gorakoentzat...)

Bukatu gabeko bestelako prestakuntza akademikorik baduzu, adierazi zein den eta horren iraupena:

(1) Prestakuntza araututzat joko da hezkuntza sisteman aitortutako titulua ematen duena.

-Arautu gabeko prestakuntza²

Adierazi egindako beste prestakuntza jarduera batzuk (etengabeko prestakuntzaren ikastaroak, lanerako prestakuntza, norberaren intereseko ikastaroak, eta abar) eta adierazi horien iraupena, data eta ikastaro horiek egiaztatuak dauden ala ez:

ρ Lanbide ziurtagiririk baduzu, adierazi zen den

Jarraian, adierazi egindako prestakuntza jarduerak, berrienetatik hasita eta zaharrenekin bukatuta.

IKASTAROAREN

IZENA

EMAN ZUEN

ERAKUNDEA EDO ZENTROA

IRAUPENA

DATAK

IKASTAROAREN EDUKIAK

ZIURTAGIRIA

(BAI / EZ)

Espazio gehiago behar izanez gero, formatu honetako orrialde gehiago erants ditzakezu.

(2) Arautu gabeko prestakuntzatzat hartuko da aitortutako titulurik ematen ez duena: enplegurako prestakuntza jarduerak, ikastaroak edo saioak, hitzaldietara, jardunaldietara edo mintegietara joatea, eta abar.

II.-Lanbide ibilbidearen informazioa.

Zerrendatu alderantzizko ordena kronologikoan (lehenbizi berrienak) zure lanbide esperientziak.

ENPRESA/

ERAKUNDEA

PRODUKZIO

SEKTOREA

ENPRESAREN

JARDUERA

MOTA

JARDUERAREN

HASIERA

JARDUERAREN

BUKAERA

ENPRESAREN

HERRIA

ENPRESA JARDUNEAN DA?

ENPRESAN IZAN DUZUN

OKUPAZIOA/LANPOSTUA

a) Lanbide jarduera deskribatu³

Enpres(et)an edo erankunde(et)an izan dituzun lanbide jarduera nagusiak deskribatu:

(3) Enpresa ezberdinetan antzeko lanbide jarduerak (edo berdinak) dituen lanpostua bete baduzu, ez da beharrezkoa haietako bakoitzerako II.a) y II.b) atalak betetzea. Nahikoa izanen da enpresa ezberdinetan garatutako antzeko jarduerak multzokatzea, hala II.a) blokean nola II.b) blokean, hurrenez hurren.

Lanbide jarduera deskribatu4

Enpres(et)an edo erankunde(et)an izan dituzun lanbide jarduera nagusiak deskribatu:

(4) Enpresa ezberdinetan antzeko lanbide jarduerak (edo berdinak) dituen lanpostua bete baduzu, ez da beharrezkoa haietako bakoitzerako II.a) y II.b) atalak betetzea. Nahikoa izanen da enpresa ezberdinetan garatutako antzeko jarduerak multzokatzea, hala II.a) blokean nola II.b) blokean, hurrenez hurren.

b) Lanbide jardueraren beste alderdi batzuk5

Jarraian, adierazi zein diren zure lanpostuan erabiltzen dituzun (edo zenituen) ekipoak eta elementuak (tresnak, ekipoak, erremintak, gailuak, materialak, aplikazio informatikoak eta abar) eta maiztasuna.

Erabilerako
maiztasuna

Ohikoa

Aldian behin

(5) Enpresa ezberdinetan antzeko lanbide jarduerak (edo berdinak) dituen lanpostua bete baduzu, ez da beharrezkoa haietako bakoitzerako II.a) y II.b) atalak betetzea. Nahikoa izanen da enpresa ezberdinetan garatutako antzeko jarduerak multzokatzea, hala II.a) blokean nola II.b) blokean, hurrenez hurren.

Bestelako informazio nabarmenak:

ρ Adierazi gidabaimenik duzun eta mota

ρ Lanbide agiririk duzun adierazi

ρ Lanbide txartelik duzun adierazi

ρ Hizkuntza-gaitasunik duzun adierazi:

Hizkuntza

Ahozkoaren ulermena

(maila adierazi: bikaina, ona, oinarrizkoa)

Idatziaren ulermena.

(maila adierazi: bikaina, ona, oinarrizkoa)

Ahozko adierazpena

(maila adierazi: bikaina, ona, oinarrizkoa)

Idatzizko adierazpena

(maila adierazi: bikaina, ona, oinarrizkoa)

Ikaskuntza informalak:

Nahi duzuna iruzkindu:

........................................... jaunak/andreak,............ NAN / AIZ / Pasaporte zenbakia duenak, adierazten du Lanbide eta Prestakuntza Historia hau prestatzeko aholkulariari emandako informazio guztia egiazkoa eta frogagarria dela.

....................... (e)n, 20...ko................... aren........(e)an.

Izangaiaren sinadura

III.-Erantsitako dokumentuen zerrenda zenbakitua.

(Tituluen fotokopiak, ikastaroen egiaztagiriak, enpresako egiaztagiriak, jarduerako produktuak, eta abar).

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

II. ERANSKINA. GAITASUNA EBALUATU ETA EGIAZTATZEKO PROZEDURAREN AHOLKULARITZA FASEAREN ONDORIOZKO AHOLKUA

II. ERANSKINA

....................................................................... izangaiak (NAN zenbakia:..............................................) aurkeztu dituen agirien azterketaren emaitza, autoebaluaziorako galde-sortaren emaitza eta fase honetan egindako aholkularitza lana direla eta, fasearen arduradunak egokitzat jo du honako aholku hau ematea:

Egokia da izangaiak ebaluazio fasean parte hartzea, honako gaitasun unitate hauetan6:

ρ GUXXX_X:

ρ GUXXX_X:

ρ GUXXX_X:

ρ GUXXX_X:

ρ GUXXX_X:

ρ GUXXX_X:

ρ GUXXX_X:

Eta iradokitzen du izangaiak prestakuntza osagarria egitea edo honako arlo hauetan esperientzia gehigarria lortzea:

.................(e)n, 20.....ko.............aren..............(e)an.

Aholkularia/Izangaia

Sin.:..................................... Sin.:.....................................

(6) Egiaztatze aukerei buruzko arrazoizko informazioa duten gaitasun unitateak jarri dira.

III. ERANSKINA. BALORAZIO BATZORDEAREN AKTA, ZEHARKAKO EBIDENTZIEN BALORAZIOARI BURUZKOA

III. ERANSKINA

.........................................(e)n bildurik7, kualifikaziorako/ kualifikazioetarako aurretiko ikaskuntzak ebaluatu eta egiaztatzeko prozesurako eratutako ebaluazio batzordeak 8 (prozesu hori......................(e)ko.......................aren.......(e)ko Ebazpenean ezarri da), eskatzaileek aurkeztutako agiriak baloraturik, erabaki du honako izangai hauek aurkeztutako zeharkako ebidentziak ez direla nahikoak edo egokiak ebaluazio prozesuan aurrera egiteko, ondoren adierazten diren gaitasun unitateetan:

Akta honetan.................................. izangai bildu dira. Zerrendako azken izangaia.............................. da.

.................(e)n, 20.....ko.............aren..............(e)an.

Ontzat emana

Batzordeburua Batzordekideak Idazkaria

(7) Bilera zein zentrotan egin den adierazi.

(8) Kualifikazioaren/kualifikazioen kodea adierazi.

IV. ERANSKINA. BANAKAKO EBALUAZIO PLANA

IV. ERANSKINA

Izangaiaren datuak:

Deiturak........................... Izena

NANa/AIZ................

Deialdiaren datuak: deialdia ezartzen duen araua adierazi

BANAKAKO EBALUAZIO PLANA

EBALUATU BEHARREKO GAITASUN UNITATEAK

AURREIKUSTEN DIREN EBALUAZIO TRESNAK*

EGITEKO TOKIA, EGUNA ETA ORDUA

KUALIFIKAZIO OSOA: kualifikazioaren kodea eta izena adierazi

r GUxxx_x

r GUxxx_x

r GUxxx_x

r GUxxx_x

KUALIFIKAZIO EZ-OSOA: kualifikazioaren kodea eta izena adierazi

r GUxxx_x

r GUxxx_x

*EBALUATZEKO TRESNAK

1.       Behaketa lanpostuan

2.       Lanbide jardueraren simulazioa

3.       Lanbideari buruzko elkarrizketa, ebaluaziorako egituratua

4.       Kasu teoriko-praktikoa

5.       Beste batzuk (zehaztu)

Ebaluazio tresnen aplikazioari buruzko oharrak:

EBALUATZAILEEN DATUAK

Izen-deiturak

NAN/AIZ:

Izen-deiturak

NAN/AIZ:

Plana adostu den tokia eta eguna:

20.....(e)ko...............aren.....(e)an.

Adostasun-sinadurak

Izangaia Ebaluazio batzordeko kidea

V. ERANSKINA. LANBIDE GAITASUNAREN BANAKAKO BALORAZIOAREN AKTA

V. ERANSKINA

Adierazitako lanbide kualifikazioetan definitutako lanbide gaitasunak ebaluatzeko eratutako Ebaluazio Batzordeak, 1224/2009 Errege Dekretuan ezarritakoarekin bat eta Kualifikazioen eta Lanbide Prestakuntzaren Sistema Nazionalaren esparruaren barnean, honako izangai honek adierazitako lanbide gaitasunak baloratu ondoren:

.......................................................... jauna/andrea,............... NAN/AIZ/Pasaporte zenbakia duena, ezarritako deialdiaren esparruaren barnean (adierazi zein den deialdia ezartzen duen araua),

Balorazio hau ematen du, ebaluazioaren xede izandako gaitasun unitateari/unitateei dagokienez:

(Zerrendatu ebaluatutako gaitasun unitateak soilik, haien kodea eta izena adierazita, Lanbide Kualifikazioen Katalogo Nazionalean ageri den bezala, eta bere baitan hartzen dituen lanbide kualifikazioaren kodea eta izena).

Lanbide kualifikazioaren kodea eta izena:

ρ Osoa ρ Ez-osoa.

Gaitasun unitateen kodea eta izena:

ρ GUXXX_X

ρ Gaitasun frogatua ρ Gaitasun frogatu gabea.

ρ GUXXX_X

ρ Gaitasun frogatua ρ Gaitasun frogatu gabea.

ρ GUXXX_X

ρ Gaitasun frogatua ρ Gaitasun frogatu gabea.

ρ GUXXX_X

ρ Gaitasun frogatua ρ Gaitasun frogatu gabea.

.................(e)n, 20....ko.............aren..............(e)an.

Ebaluazio Batzordeko burua

LANBIDE HEZIKETAKO TITULUETAN ETA LANBIDE ZIURTAGIRIETAN SARTUTAKO GAITASUN UNITATEEN EGIAZTAPENA

....................jaunak/andreak, Nafarroako Enplegu Zerbitzuko Kudeatzailetza ordezkatuz, honakoa egiaztatzen du:

Izena:............................................

NAN/AIZ zenbakia....................... duenak, bere lanbide gaitasuna frogatu du uztailaren 17ko 1224/2009 Errege Dekretuaren arabera egindako ebaluazioaren bidez, Kualifikazioen eta Lanbide Heziketaren Sistema Nazionalaren esparruaren barnean, honako gaitasun unitate hauei dagokienez:

KODEA

IZENA

MAILA

GU

GU

GU

GU

Eta hala jasota gera dadin eta, hala bada, tituluak eta/edo lanbide ziurtagiriak lortzeko egiaztapen partzialeko ondorio metagarriak izan ditzan, uztailaren 17ko 1224/2009 Errege Dekretuan aurreikusitakoaren arabera, behean adierazitako egunean eta tokian sinatzen da:

Iruñean,.........(e)ko....................aren..............(e)an.

Sin.:........................................

VII. ERANSKINA. AHOLKULARIEN PRESTAKUNTZA

VII. ERANSKINA

LANBIDE GAITASUNA EBALUATZEKO PROZEDURARAKO AHOLKULARIA PRESTATZEKO EDUKI-MULTZOAK

1. multzoa: Aholkularitzaren testuingurua.

1.1. Kualifikazioen eta Lanbide Heziketaren Sistema Nazionala.

1.2. Lanbide Kualifikazioen Katalogo Nazionala.

-Lanbide kualifikazioa: egitura.

-Gaitasun unitatea: lanbide burutzapenak, burutzapen-irizpideak, lanbide testuingurua.

1.3. Lanbiderako Informazioaren eta Orientabideen Sistema Integratua.

1.4. Lanbide kualifikazioak egiaztatzea: Lanbide heziketako tituluak, lanbide ziurtagiriak eta egiaztapen partzial metagarria.

1.5. Prestakuntzarako dauden baliabideak.

2. multzoa: Gaitasunak ebaluatu eta egiaztatzeko prozedura.

2.1. Prozeduraren faseak.

2.2. Lanbide gaitasunak ebaluatzeko eta egiaztatzeko baldintzak.

2.3. Egiaztapenaren ondorioak.

2.4. Ahokulariak prozeduran dituen zereginak eta eskumenak.

2.5. Kasu praktikoak.

3. multzoa: Aholkularitzaren oinarri teknikoak.

3.1. Aholkularitzaren tipologia eta lanbide ibilbideak.

3.2. Lan-esperientzian eta prestakuntza bide ez-formaletan lortutako gaitasunen ezaugarriak.

3.3. Eskariaren azterketa: Erabiltzaile-profilen azterlana.

3.4. Ahokulariak izangaiarekin duen harremana.

3.5. Aholkulariak Ebaluazio Batzordearekin dituen harremanak.

3.6. Aholkularitza prozesuaren jarraipena.

3.7. Kasu praktikoak.

4. multzoa: Metodoak eta tresnak.

4.1. Aholku emateko irizpide eta prozedurak.

4.2. Prozeduraren gidaliburua: izangaiaren gida, aholkulariaren gida eta ebaluatzailearen gida.

4.3. Lanbide eta prestakuntza historia: izangaiaren curriculum vitaea.

4.4. Izangaiaren autoebaluazioa: xedeak eta tresnak.

4.5. Izangaiaren gaitasunen txostena: ereduak, metodoak eta prestatzeko teknikak.

4.6. Laneko elkarrizketa, aholkularitzako xedeekin.

4.7. Hasierako diagnostikoaren txostena, emaitzak komunikatzea eta etengabeko ikaskuntzarako gomendioak.

4.8. Kasu praktikoak.

5. multzoa: Etika eta kalitatea aholkularitzan.

5.1. Kalitatezko tresnak aholkularitza prozesuan.

5.2. Aholkularitzaren printzipio etikoak eta jokabide-kodeak.

5.3. Egiaztapenari eragiten dioten lege kontuak.

VIII. ERANSKINA. EBALUATZAILEEN PRESTAKUNTZA.

VIII. ERANSKINA

LANBIDE GAITASUNAREN EBALUATZAILEAK PRESTATZEKO EDUKI-MULTZOAK

1. multzoa: Ebaluazioaren testuingurua.

1.1. Kualifikazioen eta Lanbide Heziketaren Sistema Nazionala.

1.2. Lanbide Kualifikazioen Katalogo Nazionala.

-Lanbide kualifikazioa: egitura.

-Gaitasun unitatea: lanbide burutzapenak, burutzapen-irizpideak, lanbide testuingurua.

1.3. Lan-esperientzian edo prestakuntza bide ez-formaletan lortutako lanbide gaitasunak ebaluatu eta egiaztatzeko baldintzak eta prozedurak, eta horien ondorioak.

1.4. Lanbide kualifikazioak egiaztatzea: Lanbide heziketako tituluak, lanbide ziurtagiriak eta egiaztapen partzial metagarria.

1.5. Prestakuntzarako dauden baliabideak.

2. multzoa: Gaitasunak ebaluatu eta egiaztatzeko prozedura.

2.1. Prozeduraren faseak.

2.2. Lanbide gaitasunak ebaluatzeko eta egiaztatzeko baldintzak.

2.3. Egiaztapenaren ondorioak.

2.4. Ebaluazio etaparen ezaugarriak.

2.5. Ebaluatzailearen eginkizunak eta eskumenak.

2.6. Kasu praktikoak.

3. multzoa: Ebaluazioaren oinarri teknikoak.

3.1. Ebaluatzailearen eginkizunak lanbide gaitasuna ebaluatzeko prozeduran.

3.2. Lanbidea gauzatzea, gaitasunak eta lanbide gaitasunen ebidentziak.

3.3. Lanbide gaitasunaren nahikoa ebidentzia lortzea ebaluazioaren ardatz gisa: Tipologia eta lortzeko moduak.

3.4. Ebaluazio metodoen eta tresnen azterketa.

3.5. Prozeduraren gidaliburua: izangaiaren gida, aholkulariaren gida eta ebaluatzailearen gida.

3.6. Aholkulariaren txostena eta hori ebaluazioan erabiltzea.

4. multzoa: Gaitasunaren ebidentziaren gida.

4.1. Kontzeptuak eta oinarrizko egitura.

4.2. Gidaren erabilera.

4.3. Kasu praktikoak.

5. multzoa: Lanbide gaitasuna ebaluatzeko metodoak eta tresnak.

5.1. Ebaluazioaren plangintza.

5.2. Metodoak hautatzea eta ebaluazioko jardueretan zehaztea.

-Behaketa lanpostuan.

-Simulazioak.

-Lanbide gaitasunen proba estandarizatuak.

-Laneko elkarrizketa.

5.3. Ebaluazio tresnen diseinua eta aplikazioa: fidagarritasuna, baliozkotasuna eta bidezkotasuna.

5.4. Ebaluazio baliabideen optimizazioa.

5.5. Kasu praktikoak.

6. multzoa: Gaitasunaren balorazioa.

6.1. Ebaluazio Batzordea: osaera eta eginkizunak.

6.2. Erabakiak hartzeko prozesua.

6.3. Kalitatezko tresnak ebaluazio prozesuan.

6.4. Printzipio etikoak eta jokabide-kodea gaitasunaren ebaluazioan.

6.5. Ebaluazio-txostena prestatzea.

6.6. Gaitasuna baloratzea eta emaitzak komunikatzea.

6.7. Lanbide gaitasuna ebaluatzeko prozeduraren dokumentazioa eta horren trazabilitatea.

6.8. Kasu praktikoak.

Iragarkiaren kodea: F1411869

Gobierno de Navarra

Contacte con nosotros | Accesibilidad | Aviso legal | Mapa web