567/1999 FORU DEKRETUA, URRIAREN 25EKOA, NAFARROAKO FORU KOMUNITATEARI MAIATZAREN 14KO 815/1999 ERREGE DEKRETUAREN BIDEZ TRANSFERITUTAKO BIGARREN ETA HIRUGARREN KATEGORIAKO INSTALAZIO ERRADIOAKTIBOEN ARLOKO ZERBITZU ETA EGINKIZUNAK INDUSTRI, MERKATARITZA, TURISMO ETA LAN DEPARTAMENTUARI ESLEITZEN DIZKIONA
BON N.º 140 - 08/11/1999
Maiatzaren 14ko 815/1999 Errege Dekretuaren bidez, Estatuko Administrazioak bigarren eta hirugarren kategoriako instalazio erradioaktiboen arloan zituen zerbitzu eta eginkizunak Nafarroako Foru Komunitateari transferitu zitzaizkion.
Zerbitzu eta eginkizun horien edukia ikusirik, bidezkoa da horiek Industri, Merkataritza, Turismo eta Lan Departamentuari eta, horren barrenean, Industri Segurtasunerako Zerbitzuari esleitzea.
Horrenbestez, Industri, Merkataritza, Turismo eta Lan kontseilariak proposaturik, eta Nafarroako Gobernuak mila bederatziehun eta laurogeita hemeretziko urriaren hogeita bosteko bilkuran harturiko Erabakiarekin bat,
DEKRETATU DUT:
Nafarroako Foru Komunitateari maiatzaren 14ko 815/1999 Errege Dekretuaren bidez transferitutako bigarren eta hirugarren kategoriako instalazio erradioaktiboen arloko zerbitzu eta eginkizunak Industri, Merkataritza, Turismo eta Lan Departamentuari eta, horren barrenean, Industri Segurtasunerako Zerbitzuari esleitzea.
Diagnostiko medikorako erabiltzen diren X izpien aparatuei dagozkien zerbitzu eta eginkizunak, aipatu Errege Dekretuaren bidez Nafarroako Foru Komunitateari transferitu zaizkionak, Osasun Departamentuari esleitzea, martxoaren 30eko 129/1992 Foru Dekretuan ezarritakoari jarraikiz.
Foru Dekretu honek 1999ko urriaren 1ean hartuko du indarra.
Iruñean, mila bederatziehun eta laurogeita hemeretziko urriaren hogeita bostean.-Nafarroako Gobernuko lehendakaria, Miguel Sanz Sesma.-Industri, Merkataritza, Turismo eta Lan kontseilaria, Nuria Iturriagagoitia Ripoll.
Iragarkiaren kodea: A9910680