(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

8/2011 FORU DEKRETUA, OTSAILAREN 7KOA, NAFARROAKO ERREPIDEKO OSASUN GARRAIOA ARAUTZEN DUENA

BON N.º 42 - 02/03/2011

  I. KAPITULUA. ARAU OROKORRAK

  II. KAPITULUA. ZIURTAGIRI TEKNIKOSANITARIOA

  III. KAPITULUA. GARRAIORAKO ADMINISTRAZIO BAIMENA

  1. ATALA. OSASUN GARRAIO PUBLIKORAKO BAIMENAK ETA OSASUN GARRAIO PRIBATU OSAGARRIRAKO BAIMENAK. XEDAPEN OROKORRAK

  2. ATALA. OSASUN GARRAIO PUBLIKORAKO BAIMENAK

  3. ATALA. OSASUN GARRAIO PRIBATU OSAGARRIRAKO BAIMENAK

  IV. KAPITULUA. ARAUHAUSTEAK ETA ZEHAPENAK

  1. ERANSKINA. ERREPIDEKO OSASUN GARRAIORAKO IBILGAILUEN EZAUGARRI TEKNIKOAK, OSASUN EKIPAMENDUA ETA LANGILEAK

  2. ERANSKINA. BIHOTZBIRIKAK BIZKORTZEKO EKIPAMENDU ERAMANGARRIAK OINARRIZKO BIZIEUSKARRIDUN ANBULANTZIETAN

  3. ERANSKINA. BIHOTZBIRIKAK BIZKORTZEKO EKIPAMENDU ERAMANGARRIAK, HELDUENTZAT ETA HAURRENTZAT, BIZIEUSKARRI AURRERATUKO ANBULANTZIETAN

  4. ERANSKINA. LAGUNTZAKO ANBULANTZIETAKO GAIXOTOKIETAN MATERIAL ETA EKIPAMENDUAK KOKATZEKO ESKEMA ORIENTAGARRIA

Atariko

Nafarroako Foru Komunitateak 90eko hamarkadaren hasieratik hona hainbat arau egin ditu Nafarroako lurraldean errepideko osasun garraioa arautzeko. Otsailaren 10eko 29/1997 Foru Dekretua, Nafarroako lurreko osasun garraioa arautzen duena, tresna erabilgarria izan da, bistan denez, Foru Komunitatean osasun garraioaren arloan ematen diren zerbitzuen modernizazioan.

Geroztik ibilgailuen ezaugarri teknikoek eta ibilgailuen barneko osasun ekipamenduek izan duten bilakaera teknologikoaren ondorioz, ordea, eskatu izan diren betekizunetako batzuk jada ez dira nahikoak edo eguneratu beharrean daude. Foru dekretu honetan anbulantzien hornidura eta ekipamenduak eguneratu egin dira, erantzuna eman nahian arloko zerbitzu, enpresa eta profesionalek behin eta berriz azaldutako eskakizunei.

Foru dekretu honetan ibilgailuen sailkapena eta deiturak aldatu egin dira, apirilaren 17ko 619/1998 Errege Dekretuan onetsitakoekin parekatuz, dekretu horren bidez zehaztu baitziren errepideko osasun garraiorako ibilgailuen ezaugarri teknikoak, osasun ekipamendua eta langileria. Termino berriak, bestalde, herritarrek eta osasun arloko profesionalek erabili ohi dituzten deituretara moldatu dira. Foru dekretu hau egitean kontuan hartu dira Estatuko oinarrizko araudian osasun garraiorako ibilgailuei buruz dauden xedapen guztiak.

Bere artikuluetan eta lau eranskinetan foru dekretu honek ondoko gaiak jorratzen ditu: anbulantzien ezaugarri teknikoak, osasun ekipamendua eta langileak. Arauketa sakona egiten du, erantzun ahalik eta osoena emateko urgentziazko eta larrialdietako osasun garraioaren arloan gaur egun ditugun laguntza-beharrei, baina noizbait, behar izanez gero, bere edukia erraz eguneratzeko bidea ere ematen du.

Azken urteotako esperientziak, halaber, prozedurak laburtu, alferrikako dokumentuak baztertu eta administrazio betekizunak erraztu beharra dagoela erakutsi du. Horregatik, foru dekretu honen bidez tramite administratiboak erraztu eta bizkortu zaizkie Osasun Departamentuak ematen duen ziurtagiri tekniko-sanitarioa edota Herri Lan, Garraio eta Komunikazio Departamentuak osasun garraiorako ematen duen baimena eskuratu behar dutenei.

Azpimarratzekoa da, gainera, foru dekretu honek garrantzi handia ematen diola anbulantzietan ariko diren langileen prestakuntzari. Alde batetik, Osasun Larrialdietako teknikari titulu berriaren ezarpena bere egiten du, eta trantsizio epe bat izanen dela aurreratzen du, baina oraindik ezin dela zehaztu zenbat iraunen duen. Bestetik, berariazko prestakuntzaren baldintzak ezartzen ditu lehenbiziko aldiz, bizi-euskarri aurreratuko laguntza-ibilgailuetan lan egiten duten osasun arloko profesionalentzat.

Arauari buruzko kontsulta egin da eta ukitutako sektore, erakunde, zerbitzu, enpresa eta osasun arloko profesionalen alegazioetarako prozesua bete da. Horrela ekarpen ugari jaso eta hasieran proposatutako testuari erantsi zaizkio.

Foru dekretu hau onetsi da Nafarroako Foru Komunitateak bere lurraldean osorik egiten den garraioaren gainean duen eskumen esklusiboa erabiliz, baita barneko osasunaren eta higienearen gainean dituen eskumenak ere; horiek hurrenez hurren Nafarroako Foru Eraentza Birrezarri eta Hobetzeari buruzko abuztuaren 10eko 13/1982 Lege Organikoaren 49.1.f) eta 53. artikuluetan daude.

Xedapen honek arau eta erregelamendu teknikoez eta informazioaren gizarteari dagozkion erregelamenduez argibideak emateko prozedura bete du, ondoko arauetan ezarrita dagoen bezala: Europako Parlamentuak eta Kontseiluak 1998ko ekainaren 22an emandako 98/34/EE Zuzentaraua, Europako Parlamentuak eta Kontseiluak 1998ko uztailaren 20an emandako 98/48/EE Zuzentarauaren bidez aldatua, eta uztailaren 31ko 1337/1999 Errege Dekretua, zuzentarau horiek Espainiako antolamendu juridikoan sartu zituena.

Horiek horrela, Lehendakaritza, Justizia eta Barne Departamentuko kontseilariak proposaturik, Osasuneko kontseilariak eta Herri Lan, Garraio eta Komunikazioetako kontseilariak aurrez eskaturik, Nafarroako Kontseiluaren txostenarekin ados, eta Nafarroako Gobernuak 2011ko otsailaren 7ko bilkuran hartutako erabakiarekin bat,

DEKRETATU DUT:

I. KAPITULUA. ARAU OROKORRAK

1. artikulua . Xedea eta aplikazio esparrua.

Foru dekretu honen xedea da Nafarroako Foru Komunitatearen lurraldean egiten den errepideko osasun garraioa arautzea, edozein motatakoa dela ere.

2. artikulua . Zer den errepideko osasun garraioa.

Osasun garraioa da pertsona eriak edo istripuetan kolpatuak garraiatzeko xedea duena edo, medikoki justifikatutako arrazoiak direnean, osasunarekin ikusteko duen beste arrazoiren batengatik, horretarakoxe egokitutako anbulantzia izeneko ibilgailuetan burutzen dena.

3. artikulua . Osasun garraiorako ibilgailuen motak.

Ibilgailuen ezaugarriei, ekipamendu materialari eta osasun langileei begiraturik eta zein zerbitzutarako erabiltzen diren kontuan harturik, anbulantziak honela sailkatzen dira:

1. Laguntzarik gabeko anbulantziak.

Medikuak hala adierazita, garraioa behar duten eriak eramateko ibilgailuak dira, haien egoerak bidean osasun laguntzarik beharko dutenik pentsarazten ez duenean. Ibilgailu horiek pertsona bakarra eramateko edo gehienez ere 6 pertsonako taldea eramateko erabil daitezke.

2. Laguntzako anbulantziak.

Bidean osasun laguntzaren beharra izan dezaketen eriak eramateko egokitutako ibilgailuak dira. Foru dekretu honen eranskinetan azaltzen diren osasun ekipamenduari eta osasun langileei begiraturik, mota hauetakoak izan daitezke:

a) Oinarrizko bizi-euskarridunak.

b) Oinarrizko bizi-euskarria duten erreskatekoak.

c) Bizi-euskarri aurreratua edo ZIU mugikorra dutenak.

4. artikulua . Ibilgailuen betekizunak.

1. Anbulantziek foru dekretu honen eranskinetan adierazten diren ezaugarri teknikoak, osasun ekipamendua eta langileak izan behar dituzte.

2. Oinarrizko bizi-euskarria duten erreskateko anbulantziek, oinarrizko bizi-euskarridun anbulantzien ezaugarri tekniko, osasun ekipamendu eta langile-hornidura berberez gainera, erreskaterako eta harrapatutako pertsonak askatzeko materialak ere izanen dituzte.

3. Salbuespenez, oinarrizko bizi-euskarridun anbulantziek bizi-euskarri aurreratuko anbulantzien lanak egin ahalko dituzte, betiere horrelako anbulantzietarako eskatzen diren ezaugarri tekniko guztiak, osasun ekipamendua eta langileak biltzen badituzte.

5. artikulua . Langileen prestakuntzari buruzko baldintzak.

1. Anbulantzietan aritzen diren teknikariek Osasun Larrialdietako teknikariaren titulua beharko dute, edo bestela, osasun garraioko teknikari gisa lan egiteko gaikuntza dutela frogatu beharko dute.

2. Bizi-euskarri aurreratuko anbulantzietan aritzen diren medikuek, berriz, gaikuntza egiaztagarria izan beharko dute laguntzadun garraioan, bizkortze tekniketan eta bizi-euskarri aurreratuko tekniketan aritzeko, eta, gainera, baldintza hauek bete beharko dituzte:

a) Osasun Sistema Nazionalean medikuntza orokorreko mediku lanetan aritzeari buruzko ekainaren 4ko 853/1993 Errege Dekretuan ezarritako betekizunak betetzea edo, bestela, Espainian modu ofizialean onartutako medikuntza espezialitateren bateko espezialista titulua edukitzea.

b) Helduen eta haurren bizi-euskarri aurreratuko ikastaroa, larrialdietan arnasbideari ekiteko eta zabalik eusteko ikastaroa eta traumatologiako bizi-euskarriko ikastaroa, Nafarroako Gobernuko Osasun Departamentuak emanak edo homologatuak, egin dituztela frogatzea, edo zerbitzuan hasten direnetik urtebeteko epean burutzea. Bestela, prestakuntza baliokidea frogatu beharko dute.

3. Bizi-euskarri aurreratuko anbulantzietan lan egiten duten erizaintzako unibertsitate-diplomadunek gaikuntza egiaztagarria izan beharko dute laguntzadun garraioan, bizkortze tekniketan eta bizi-euskarri aurreratuko tekniketan aritzeko. Horrez gain, helduen eta haurren bizi-euskarri aurreratuko ikastaroa eta larrialdietan arnasbideari ekiteko eta zabalik eusteko ikastaroa, Nafarroako Gobernuko Osasun Departamentuak emanak edo homologatuak, egin dituztela frogatu behar dute, edo zerbitzuan hasten direnetik urtebeteko epean burutu behar dituzte. Bestela, prestakuntza baliokidea frogatu behar dute.

II. KAPITULUA. ZIURTAGIRI TEKNIKO-SANITARIOA

6. artikulua . Ziurtagiri teknikosanitarioaren beharra.

Anbulantzia guztiek, osasun garraioan aritzeko eta, hala behar denean, garraiorako administrazio baimena lortzeko, ziurtagiri tekniko-sanitarioa beharko dute aldez aurretik.

7. artikulua . Ziurtagiri teknikosanitarioa eskuratzeko prozedura.

1. Ziurtagiri tekniko-sanitarioa lortzeko eskaerak Osasun Zuzendaritza Nagusiari zuzenduko zaizkio, honako agiri hauek erantsita:

a) Eskatzailearen NANa. Pertsona juridikoa bada, IFZ, eraketaren eskritura publikoa eta merkataritzako erregistroan edo bestelako erregistro egokian inskribatu izanaren frogagiria, eta, halaber, eskatzailearen ordezkaritza-agiria eta NANa.

b) Ziurtagiria behar duen ibilgailua zein motatakoa den eta gehienez zenbat eri eraman ditzakeen.

c) Ibilgailuen azterketa teknikoko txartela, non ibilgailua anbulantzia gisa sailkatuta agertuko baita.

d) Ibilgailuaren zirkulazio baimena, Nafarroako Foru Komunitateko helbidea izanen duena.

e) Ibilgailuetako langileen zerrenda, eta haien tituluen, prestakuntzaren, dedikazioaren eta, hala behar denean, Gizarte Segurantzako afiliazioaren justifikazioa.

2. Osasuneko zuzendari nagusiak, aurkeztutako dokumentazioa ikusirik, eta foru dekretu honetan ezarritako baldintzak betetzen diren aztertu ondoren, eskatutako ziurtagiria eman edo ukatuko du bi hilabeteko epean, eskaera aurkezten den egunetik hasita. Epe hori ebazpenik eman eta jakinarazi gabe iragaten bada, eskaera ezetsitzat joko da, Nafarroako Foru Komunitateko Administrazioari buruzko abenduaren 3ko 15/2004 Foru Legearen 2. eranskinean xedatutakoarekin bat.

Ziurtagirian ibilgailua zein motatakoa den adieraziko da, 3. artikuluan ezarritako sailkapena erabiliz, eta gehienez zenbat eri eraman ditzakeen.

3. Ziurtagiri tekniko-sanitarioa bi urterako emanen zaie ibilgailu berriei.

8. artikulua . Ziurtagiri teknikosanitarioa berritzea.

1. Osasun garraiorako ibilgailuen titularrek ziurtagiria berritzeko eskatu beharko dute haren indarraldia amaitu baino hilabete lehenago, gutxienez.

2. Hasierako ziurtagiria emateko eskatzen diren agiri berak erantsi behar zaizkio ziurtagiria berritzeko eskaerari ere.

3. Ziurtagiri tekniko-sanitarioa, bi urte bete eta gero, urtero berrituko da.

9. artikulua . Ziurtagiri teknikosanitarioaren baliozkotasuna.

1. Ziurtagiri tekniko-sanitarioa baliorik gabe geldituko da ibilgailuek 8 urte betetzen dituztenean, lehenbiziko matrikulaziotik hasita.

2. Foru dekretu honetan ezarritako baldintzak betetzen ez badira, osasun agiri teknikoa eten edo ezeztatu ahal izanen da.

10. artikulua . Jardueraren amaiera jakinaraztea.

Osasun garraiorako ibilgailuen titularrek haien jardueraren amaiera jakinarazi beharko diote Osasun Zuzendaritza Nagusiari hogeita hamar eguneko epean, jarduera amaitzen denetik hasita.

III. KAPITULUA. GARRAIORAKO ADMINISTRAZIO BAIMENA

1. ATALA. OSASUN GARRAIO PUBLIKORAKO BAIMENAK ETA OSASUN GARRAIO PRIBATU OSAGARRIRAKO BAIMENAK. XEDAPEN OROKORRAK

11. artikulua . Definizioak.

Foru dekretu honi dagokionez:

1. Osasun garraio publikoa da besteren kontura egiten dena, diruz ordainduta.

2. Osasun garraio pribatu osagarria da entitate batek bere kontura egiten duena beste jarduera nagusi batzuen osagarri gisa, jarduera horien garapen egokiari zuzenean loturik. Sail honetakoak dira irabazteko asmorik gabeko erakunde ongileek egiten duten garraioa eta babes zibilaren sisteman sartutako boluntario-erakundeena.

3. Osasun garraio ofiziala da administrazio publikoek beren ibilgailuekin egiten dutena. Sail honetakoa da Nafarroako Larrialdietako Agentziak egiten duen garraioa.

12. artikulua . Baimenaren beharra.

1. Osasun garraio publikoan edo osasun garraio pribatu osagarrian aritzeko beharrezkoa izanen da garraiorako administrazio baimena edukitzea. Ez da baimen horren beharrik izanen osasun garraio ofizialerako.

2. Ibilgailu bakoitzari osasun garraiorako administrazio baimen bat emanen zaio.

3. Errepideko osasun garraiorako baimenak emateko eskumena duen organoa Nafarroako Foru Komunitateko Administrazioko Garraio Zuzendaritza Nagusia da.

13. artikulua . Baimen agiria.

1. Osasun garraiorako baimenen agiria garraio txartela izanen da. Garraio txarteletan baimenaren zenbakia, titulartasuna, helbidea, ibilgailuaren matrikula eta Garraio Zuzendaritza Nagusiak zehazten dituen jardueraren beste inguruabarrak agertuko dira.

2. Osasun garraio publikorako baimenen agiria VS motako txartela izanen da.

3. Osasun garraio pribatu osagarrirako baimenen agiria VSPC motako txartela izanen da.

4. Garraio txartelean jasotako datuak aldatzen badira, haren ordez beste txartel bat eginen da, baimendutako aldaketara egokitutako zehaztapenak izanen dituena.

5. Garraiorako baimena ikus-onetsitakoan txartel berria emanen da aurrekoaren ordez.

14. artikulua . Baimenen baliozkotasuna.

1. Osasun garraio publikorako eta osasun garraio pribatu osagarrirako baimenak iraupen mugarik gabe emanen dira. Baliodunak izaten jarraitzeko, aldian behin ikus-onetsiko dira, ematerakoan eskatu ziren baldintzei eusten zaiela egiaztatu ondoren.

2. Bi urtean behin ikus-onetsiko dira.

3. Ziurtagiri tekniko-sanitarioa eteten edo kentzen bada edo epean berritzen ez bada, baimena ezeztatutzat joko da.

4. Garraio txartelean bertan ohartarazi behar da ziurtagiri tekniko-sanitarioa balioduna den bitartean iraunen duela.

2. ATALA. OSASUN GARRAIO PUBLIKORAKO BAIMENAK

15. artikulua . Osasun garraio publikorako baimenen titularrek bete behar dituzten baldintzak.

Osasun garraio publikorako baimenen titularrek betekizun hauek izanen dituzte:

a) Pertsona fisikoa edo pertsona juridikoa izatea; bigarren kasuan, merkataritzako sozietatea, lan sozietatea edo elkarlaneko kooperatiba izatea.

b) Indarra duen legerian ezarritako zerga betebeharrak betetzea.

c) Indarra duen legerian ezarritako lan eta gizarte betebeharrak betetzea.

d) Ziurtagiri tekniko-sanitario indarduna duten ibilgailuak edukitzea.

e) Erantzukizun zibilaren estaldura mugagabea izatea, garraioaren ondorioz eragin litezkeen kalteetarako.

f) Behar diren tituluak eta prestakuntza dituzten langileak izatea.

16. artikulua . Osasun garraio publikorako baimena lortzeko eskaera.

1. Osasun garraio publikorako baimena lortzeko, Garraio Zuzendaritza Nagusiari zuzendutako eskabidea aurkeztuko da, agiri hauekin batera:

a) Eskatzailearen NANa. Pertsona juridikoa bada, IFZ, eraketaren eskritura publikoa eta merkataritza erregistroan edo dagokion beste erregistroan inskribatu izanaren frogagiria. Halaber, eskatzailearen ordezkaritza frogatzen duen eskritura publikoa eta eskatzailearen NANa.

b) Jarduera ekonomikoaren gaineko zergan edo lizentzia fiskalean inskribatua egotearen frogagiria.

c) Zerga betebeharrak eguneratuak izatearen frogagiria.

d) Enpresa eskatzailea Gizarte Segurantzako araubide egokian afiliatuta egotearen frogagiria.

e) Ibilgailuen zirkulazio baimena, non agertuko baita osasun garraiorako ibilgailuak direla.

f) Ibilgailuen azterketa teknikoaren agiri indarduna.

g) Ziurtagiri tekniko-sanitario indarduna.

h) Mugagabeko erantzukizun zibilerako aseguru poliza sinatua izatearen frogagiria.

i) Entitatearen ibilgailuetako langileen zerrenda, eta haien tituluen, prestakuntzaren, dedikazioaren eta Gizarte Segurantzako afiliazioaren justifikazioa.

17. artikulua . Osasun garraio publikorako baimena ematea.

Garraio Zuzendaritza Nagusiak, aurkeztutako dokumentazioa ikusirik, eta foru dekretu honetan ezarritako baldintzak betetzen diren aztertu ondoren, eskatutako baimena eman edo ukatuko du.

18. artikulua . Osasun garraio publikorako baimenak ikusonestea.

1. Osasun garraio publikorako baimenari ikus-onetsia emateko, titularrak frogatu egin behar du hasieran eskatu zitzaizkion baldintzak betetzen segitzen duela.

2. Ezarritako epean ikus-onesten ez diren baimenak iraungitzat joko dira, berariaz ezeztatu beharrik izan gabe.

3. Ikus-onespenik ezagatik iraungitzen diren baimenak berriro baliodundu ahal izanen ditu haiek emateko eskumena duen organoak, ikus-onesteko epearen azken egunetik urtebete igaro baino lehen hala eskatzen bada, horretarako aurkeztu beharreko agiriak erantsita.

19. artikulua . Ibilgailuen eskuragarritasuna eta adina.

1. Enpresek ibilgailuen jabetza edo gozamena izan behar dute, edo finantza-errentamendua edo errentamendu arrunta, edo beste titulu juridikoren baten bitartez eskuragarritasun osoz erabiltzen ahal dituztela frogatu behar dute.

2. Osasun garraiorako baimena ematen zaienean, ibilgailuek ez dute bi urte baino gehiago eduki behar, lehenbizikoz matrikulatu zirenetik hasita.

3. Ibilgailuek gehienez ere zortzi urte izanen dituzte, lehenbizikoz matrikulatu zirenetik hasita.

20. artikulua . Ibilgailuak ordeztea.

Osasun garraio publikorako baimena duten ibilgailuen ordez beste batzuk jarri ahalko dira, ezarritako baldintzak betetzen badituzte eta ordeztutakoak baino berriagoak badira.

3. ATALA. OSASUN GARRAIO PRIBATU OSAGARRIRAKO BAIMENAK

21. artikulua . Osasun garraio pribatu osagarrirako baimena duten enpresa edo entitateen betekizunak.

1. Osasun garraio pribatu osagarrirako baimenen titularrek frogatu egin beharko dute garraioan aritu beharra dutela, enpresa edo entitatearen ezaugarriak eta jardueraren bolumena direla eta.

2. Osasun garraio pribatu osagarrirako baimenen titularrek foru dekretu honen bigarren atalean ezarritako baldintzak bete beharko dituzte.

3. Foru dekretu honen 15. artikuluko a), b) eta c) letretan ezarritako betebeharrei dagokienez, erakunde ongileek eta babes zibilaren sistemaren barnean diharduten boluntario-erakundeek, irabazteko asmorik gabe osasun garraioan aritzen direnean, aplikagarri duten araudia bete beharko dute.

22. artikulua . Osasun garraio pribatu osagarrirako baimena lortzeko eskaera. Baimena ikusonestea eta ibilgailuak ordeztea.

1. Osasun garraio pribatu osagarrirako baimena eskuratu nahi dutenei 16. artikuluan osasun garraio publikorako ezarritako agiri berak aurkezteko eta prozedura bera betetzeko eskatuko zaie.

2. Irabazteko asmorik gabe osasun garraioan aritzen diren erakunde ongileek ez dute aurkeztu beharko foru dekretu honen 16. artikuluko b), c) eta d) letretan eskatzen den dokumentazioa.

3. Baimenak ikus-onesteko eta baimendutako ibilgailuak ordezteko baldintzak eta prozedurak osasun garraio publikorako ezarritakoak berak izanen dira.

IV. KAPITULUA. ARAU-HAUSTEAK ETA ZEHAPENAK

23. artikulua . Arauhausteak eta zehapenak.

1. Ziurtagiri tekniko-sanitarioari dagozkion arau-hausteak Osasunari buruzko azaroaren 23ko 10/1990 Foru Legearen II. tituluko VII. kapituluan ezarritakoari jarraikiz zehatuko dira.

2. Garraiorako baimenei dagokienez, foru dekretu honetan xedatutakoaren kontrako arau-hausteak garraioaren arloan indarra duen legeriari jarraikiz zehatuko dira.

3. Ez da zehapena izanen osasun garraioko jarduera etetea, kautelazko neurri gisa, ziurtagiri tekniko-sanitarioa edo garraiorako administrazio baimena falta denean edo foru dekretu honetan ezarritako betekizunak betetzen ez direnean.

Lehen Xedapen Gehigarria.- Diruzehapenak betetzea.

Bai osasun garraio publikoan bai osasun garraio pribatu osagarrian, administrazio bidea amaitzen duen ebazpen batez diru-zehapena ezartzen bada garraioaren arloko legeriaren kontrako arau-haustea egiteagatik, zehapena ordaintzea ezinbesteko baldintza izanen da baimenak emateko, baimenak ikus-onesteko eta baimendutako ibilgailuak ordezteko.

Bigarren Xedapen Gehigarria .Genero berdintasuna.

Foru dekretu honek gaztelaniaz genero gramatikal maskulinoa erabiltzen duenean teknikari, osasun arloko profesional edo arduradun karguak aipatzeko, ulertu behar da adierazpenaren ekonomiagatik egiten duela hori eta gizonezkoak zein emakumezkoak aritzen ahal direla eginkizun horietan, ondorio juridiko berdinekin.

Hirugarren Xedapen Gehigarria .Beste estatu batzuetako ibilgailuak erabiltzea osasun garraiorako.

Foru dekretu honetan eta eranskinetan xedatutakoak ez du eragotziko Europar Batasuneko kide diren beste estatu batzuetatik nahiz Europako Esparru Ekonomikoaren gaineko Akordioa sinatu duten estatuetatik Foru Komunitatera ekarritako ibilgailuak erabiltzea osasun garraiorako, estatu horietan indarrean dauden zehaztapenen arabera eginak, baldin eta zehaztapen horiek arau honetan ezarritako ezaugarri tekniko-sanitarioen baliokideak bermatzen badituzte.

Lehen Xedapen Iragankorra .Araubide iragankorra anbulantzietako garraioko laguntzaileentzat.

Osasun garraioko teknikari gisa aritzeko gaikuntza prozedurak garatzen ez diren bitartean, horretan aritu ahalko dira, baita ere, Anbulantzietako Garraioko Laguntzaileen ikastaroa Osasun Departamentuak onartutako ikastetxe batean egin izana frogatzen dutenak.

Bigarren Xedapen Iragankorra .Desfibrilagailu erdiautomatikoak erabiltzeko gaikuntza.

Anbulantzietako garraioko laguntzaileek desfibrilagailu erdiautomatikoak erabiltzeko gaikuntza ikastaroa egin izana frogatu beharko dute hiru urteko epean, foru dekretu honek indarra hartzen duenetik hasita.

Hirugarren Xedapen Iragankorra .Gaur egun ziurtagiri teknikosanitarioa duten ibilgailuak.

Foru dekretu honek indarra hartzen duen egunean ziurtagiri tekniko-sanitarioa duten ibilgailuek agiri hori berritzen jarraitu ahalko dute, ziurtagiria lortu zutenean izandako baldintza berekin, lehenbizikoz matrikulatu zirenetik zortzi urte igaro arte.

Xedapen Indargabetzaile Bakarra .Arauen indargabetzea.

Indarrik gabe gelditzen dira otsailaren 10eko 29/1997 Foru Dekretua, Nafarroako lurreko osasun garraioa arautzen duena, eta foru dekretu honi aurka egiten dioten maila bereko edo beheragoko xedapen guztiak.

Azken Xedapenetako Lehena .Erregelamenduzko gaikuntza.

Esku ematen zaie Osasuneko eta Herri Lan, Garraio eta Komunikazioetako kontseilariei, foru dekretu hau betearazi eta garatzeko behar diren xedapenak eman ditzaten.

Azken Xedapenetako Bigarrena .Prestakuntzari buruzko betekizunak.

Anbulantzietako garraioko laguntzaileak osasun garraioko teknikari gisa lan egin dezaten gaitzeko prozedura ezarri ahalko da Osasuneko kontseilariaren foru agindu baten bidez.

Azken Xedapenetako Hirugarrena .Anbulantzien ezaugarri teknikosanitarioen eguneratzea.

Foru dekretu honen eranskinetan eskatzen diren ezaugarriak eta betekizunak aldatu ahal izanen dira Osasuneko kontseilariaren foru aginduen bidez.

Azken Xedapenetako Laugarrena .Indarra hartzea.

Foru dekretu honek Nafarroako Aldizkari Ofizialean argitaratzen denetik hiru hilabetera hartuko du indarra.

Iruñean, 2011ko otsailaren 7an.-Nafarroako Gobernuko lehendakaria, Miguel Sanz Sesma.-Lehendakaritza, Justizia eta Barne Departamentuko kontseilaria, Javier Caballero Martínez.

1. ERANSKINA. ERREPIDEKO OSASUN GARRAIORAKO IBILGAILUEN EZAUGARRI TEKNIKOAK, OSASUN EKIPAMENDUA ETA LANGILEAK

1. ERANSKINA

1. Anbulantzia guztietarako betekizunak.

1.1. Identifikazioa eta seinaleak.

a) Laguntzarik gabeko anbulantziak.

"ANBULANTZIA" hitza ibilgailuaren aurrealdean (ispiluan irakurtzeko moduan idatzita), alboetan eta atzealdean.

Ibilgailuaren jabe den enpresa edo erakundearen izena jarriko da ibilgailuaren alboetan.

b) Laguntzako anbulantziak.

"ANBULANTZIA" hitza ibilgailuaren aurrealdean (ispiluan irakurtzeko moduan idatzita), alboetan eta atzealdean.

"Oinarrizko bizi-euskarria" edo "ZIU mugikorra" ibilgailuaren aurrealdean, atzealdean eta alboen goialdean, ongi ikusteko moduko hondoaren gainean idatzita.

Ibilgailuaren jabe den enpresa edo erakundearen izena jarriko da ibilgailuaren alboetan, behealdean.

Laguntzako anbulantziak Nafarroako Gobernuaren urgentziazko osasun garraioaren sarekoak direnean, eriak eramateko kabinaren alboetako errotuluak tamaina berdintsuko hiru zerrendatan banatuko dira. Goikoan deitura jarriko da, erdikoan 112 zenbakia, eta behekoan ibilgailuaren jabe den erakundearen logotipoa edo izena.

c) Laguntzako anbulantziak edo laguntzarik gabekoak Nafarroako Osasun Zerbitzuarekin itunduak direnean, ibilgailuaren jabe den erakundearen logotipoa edo izena jartzeko tartean "Osasunbidea - Nafarroako Osasun Zerbitzua" jarriko da. Ibilgailuaren jabe den enpresa edo erakundearen izena, berriz, aurreko ateen behealdean jarriko da.

d) Prebentzio, Su-itzaltze eta Salbamendu Zerbitzuarenak diren oinarrizko bizi-euskarridun anbulantziek errotulu hauek izanen dituzte: "ANBULANTZIA-ERRESKATEA" eta "Oinarrizko bizi-euskarria".

e) Anbulantzia guztiei sabaian ere beren ezaugarria pintatuko zaie.

1.2. Argi eta soinu seinaleak.

Pasatzen uzteko argi eta soinu seinaleak, indarra duen araudian xedatutakoari egokituak. Pasatzen uzteko soinu seinaleen potentziaren erregulagailua, gutxienez 3 tonu sortzen ahal dituena, eta megafonia ekipamendu erantsia, gutxienez 35 watteko potentzia duen bozgorailuarekin, ibilgailuaren sabaian kokatua, aurrealdean. Eguneko eta gaueko sirena ekologikoa.

1.3. Nahitaezko dokumentazioa.

a) Osasun garraioko txartela.

b) Ibilgailuaren ziurtagiri tekniko-sanitarioa.

c) Garraiatutako gaixoen, gorabeheren eta egindako jarduketen erregistroa.

d) Laguntzako anbulantzietan, preskripzio medikoen erregistroa.

e) Kabinen eta ekipamenduaren desinfekzioen erregistroa.

f) Erreklamazio liburua.

2. Laguntzarik gabeko anbulantzien ezaugarri tekniko-sanitarioak.

Anbulantzia guztietarako ezarritako betekizun orokorrez gain, ibilgailu hauek ondoko baldintzak bete behar dituzte:

2.1. Pertsona bakarra eramateko anbulantziak.

2.1.1. Ibilgailua.

a) Behar adinako potentzia, esekidurak eta balazta sistemak dituen ibilgailua, pertsonak garraiatzeko araudi indarduna betetzen duena.

b) Gidariaren kabinan, hiru pertsonarentzako tokiak gehienez, buru-euskarria duten eserlekuak, segurtasun uhala toki guztietan. Airbagak gidariarentzat eta laguntzaileentzat.

c) Lainotako argiak aurrealdean eta atzealdean.

d) Hirugarren balazta-argia.

e) Urrutiko kontrola, itxiera zentralizatuarekin.

f) Ateak irekita daudela ohartarazteko gailua.

g) Atzera-martxa jartzean automatikoki pizten den segurtasun seinale akustikoa.

h) Kanpoko ispilu angeluzabalak. Haizetakoari izotza kentzeko sistema eraginkorra.

i) Gidariaren kabina eta eria eramateko kabina leihatila baten bidez eta/edo esku libreko interfono baten bidez komunikatuta.

j) Hartzeko-igortzeko irrati ekipamendua, eraginkorra bere jarduera eremu osoan, edo telefono mugikorra esku libreko gailu hari gabekoarekin, eta kaleen azken eguneratzeak dituen nabigazio sistema.

k) Su-itzalgailua, indarra duen araudian xedatutakoaren araberakoa.

l) Ibilgailuaren mantentze-lanetarako tresnak.

m) Esku argia kono horiarekin, eta bateria-kargagailua ibilgailuari atxikita, edo kargatzeko eskuzko sistema.

n) Norbera babesteko eta seinaleztatzeko materiala, zerrenda distiratsuekiko praka eta txalekoak barne.

ñ) Izotz eta elurretarako kateak, azkar batean jarri eta finkatzekoak.

2.1.2. Gaixotokia.

a) Eria ohatilan eseri ahal izateko adinako neurriak.

b) Aire-girotze, haize-berritze, berotze eta argitze sistema egokiak.

c) Isolamendu termikoa eta hotsgabetzea.

d) Eriaren intimitatea bermatzen duten neurriak.

e) Ateak eskuin alboan eta atzealdean, atzealdekoa erabat irekitzen dena, eria kabinara eroso sartu ahal izateko. Heldulekuak eta ointoki edo mailak izanen dituzte.

f) Pareten barne estaldura leunak, elementu zorrotzik gabekoak. Zoru irristagaitza. Horiek guztiak iragazgaitzak, ikuzten ahal direnak eta ohiko desinfektatzaileak jasaten ahal dituztenak.

g) Materialak, tresnak eta arropa zuria gordetzeko armairuak.

h) Bi konexio elektriko, korronte zuzeneko 12 voltekoak (12 V DC).

i) Zabor edukiontzi behar bezain handia, eskura dagoena eta garbitzen erraza.

2.1.3. Material hornidura erien kabinan.

a) Ekipamendu orokorra.

-Ohatila, gutxienez 185 cm luze eta 55 cm zabal, eria lotzeko 2 uhalekin, ez iraultzeko sistema duten gurpil eta finkagailuekin, behar diren osagarri eta arropa zuriekin. Ohatila atxiki, finkatu eta irristatzeko sistema, ohatila ibilgailu batetik bestera aldatu ahal izateko modukoa.

-Gurpil aulki tolesgarria edo beldar aulkia.

-Serum ontzia finkatzeko euskarri bat sabaian.

-Babes material sanitarioa: Erabili eta botatzeko S, M eta L neurrietako eskularru kaxak, maskarak, betaurrekoak, gel hidroalkoholikoaren banagailua eta erabili eta botatzeko eskuoihalak.

-Tapaki eta maindireak, pixa egiteko ontzi zapal eta botila hautsiezinak. Botaka egiteko poltsak.

b) Osasun ekipamendua.

-Fonendoskopioa, esfigmomanometroa, termometro digitala eta begiak aztertzeko esku-argia.

-Oxigenorako instalazio finkoa, elektrikoki isolatua. Harguneak oxigeno hitzaz egonen dira errotulaturik. Oxigeno botila, osotara 1.000 litroko edukiera duena, presio-neurgailuarekin eta minutuko 15 litroko fluxua ahalbidetzen duen emari-neurgailuarekin. Oxigeno botila ibilgailuaren barnealdetik erraz eskuratzeko moduko konpartimentu batean egonen da.

-Baloi erako eskuzko aireztagailua, haur eta helduentzat. Gordailua, aurpegi-maskara, itzulera eragozteko balbula eta luzagailua izanen ditu, eta behar adinako FiO2ko aireztapena ahalbidetuko du, oxigeno iturriarekiko konexioa dela medio.

-Venturi motako bi oxigeno-maskara eta bi sudur-kanula.

-Guedelen edo Mayoren hodiak, 0tik 5era bitarteko zenbakietakoak.

-Bizkar-ohol luzea edo koilara ohatila.

-Lepoko doigarriak, Philadelphia motakoak, haur eta helduentzat.

-Besoa eta hanka immobilizatzeko ferulak.

-Sendaketak egiteko materiala: erabili eta botatzeko eskularruak, 5 x 5eko hiru benda elastiko, 5 x 10eko zazpi benda elastiko eta 7 x 10eko bost benda elastiko, sei pakete gaza esteril, pakete bat konpresa esteril, telazko eta alergiaren kontrako paperezko esparatrapua, %10eko pobidona iododuna eta arropa ebakitzeko guraizeak.

c) Medikamentuak.

-Ahotik hartzeko parazetamola eta ibuprofenoa.

2.1.4. Langileak.

Teknikari gidaria, foru dekretu honetan eskatutako prestakuntza izanen duena.

Erien egoerak hala eskatzen duenean, teknikari gidariaz gainera osasun garraioko beste teknikari bat beharko da.

2.2. Taldeko anbulantziak.

Anbulantzia guztietarako betekizunez eta bakarka erabiltzeko laguntzarik gabeko anbulantzietarako betekizunez gain, ibilgailu hauek ondoko baldintzak bete beharko dituzte:

a) Vehículo de tipo furgón con potencia suficiente, suspensión con barra estabilizadora en ambos ejes o suspensión neumática y sistemas de freno adaptados a la normativa vigente para el transporte de personas.

b) Ez iraultzeko babes sistemak edo segurtasun uztaiak istripuetarako.

c) Gaixotokian 6 eserleku etzangarri izanen dituzte gehienez, segurtasun uhalekin.

d) Gurpil aulkiak sartzeko arrapala edo plataforma jasotzailea, gurpil aulkietarako plataformak eta finkatze sistemak dituzten ibilgailuetan.

e) Igarotzeko garaiera, gutxienez, 1,20 metro gaixotokira sartzeko ateetan eta 1,65 metro gaixotokiaren barnealdean.

f) Estraktorea ibilgailuaren sabaian.

3. Laguntzako anbulantzien ezaugarri tekniko-sanitarioak.

3.1. Oinarrizko bizi-euskarridun anbulantziak.

Anbulantzia guztietarako ezarritako betekizun orokorrez gain, ibilgailu hauek ondoko baldintzak bete behar dituzte:

3.1.1. Ibilgailua.

a) Furgoi motako ibilgailua, behar adinako potentzia izanen duena.

b) Esekidura bereizia, barra egonkortzailea duena bi ardatzetan, edo esekidura pneumatikoa.

c) Balazta sistema eraginkorra. Ez blokeatzeko balazta sistema (ABS) eta ez irristatzeko trakzio sistema. Egonkortasun programa elektroniko (ESP) batek koordinatuko ditu funtzio horiek.

d) Ez iraultzeko babes sistemak edo segurtasun uztaiak istripuetarako.

e) Gidariaren kabinan, hiru pertsonarentzako tokia gutxienez, buru-euskarria duten eserlekuak, segurtasun uhalak eserleku guztietan. Helduleku edo eskulekuak (bat sabaiaren erdian eta beste bat eskuineko alboan). Airbagak gidariarentzat eta laguntzaileentzat.

f) Instalazio elektrikoa:

-Zirkuitu elektriko bat ibilgailurako eta beste bat gaixotokirako, bata bestetik bereizita.

-Bateria bat ibilgailuaren zirkuiturako, eta 140 A-ko beste bat edo 90 A-ko beste bi gaixotokiaren zirkuiturako.

-Ibilgailuak segurtasun sistema izanen du, gaixotokiaren zirkuituko bateriek motorra martxan jarriko dutela bermatuko duena, ibilgailuaren zirkuituko bateriak huts egiten badu.

-Alternadore bat, gutxienez 120 A-koa.

-Alternadoretik kanpoko erregulagailu bat, 13,8 eta 14,4 V bitarteko elikadura egonkorra bermatuko duena.

-12 V DC - 220 V AC bihurgailu bat, 1.500 W-ekoa.

-Kanpotik 220 V-eko korronte alternoa hartzeko entxufea eta luzagailua.

g) Lainotako argiak aurrealdean eta atzealdean.

h) Hirugarren balazta-argia.

i) Urrutiko kontrola, itxiera zentralizatuarekin.

j) Ateak irekita daudela ohartarazteko gailua.

k) Atzera-martxa jartzean automatikoki pizten den segurtasun seinale akustikoa.

l) Kanpoko ispilu angeluzabalak. Haizetakoari izotza kentzeko sistema eraginkorra.

m) Gidariaren kabina eta eria eramateko kabina elkarrekin komunikaturik segurtasun beira ijeztuak dituen leihatila baten bidez eta esku libreko interfonoaren bidez.

n) Hartzeko-igortzeko irrati ekipamendua, eraginkorra bere jarduera eremu osoan, jarduera egoerak emateko aukerarekin, edo telefono mugikorra esku libreko gailu hari gabekoarekin.

ñ) Nabigazio ekipamendua, kaleen azken eguneratzeekin.

o) Argi seinaleak kanpoaldean. Argi zubia sabaiaren aurrealdean. Ertzeko argi keinukariak, LED motakoak edo estroboskopikoak, aurrealdean eta bi alboetan. LED argi sekuentzialak atzealdean (zerrenda sekuentziala). Argi halogeno zuriak alboetan eta atzealdean, lan eremua behar adina argiztatu eta 4 metrora ikustea bermatuko dutenak.

p) Pasatzen uzteko soinu seinaleen potentziaren erregulagailua, gutxienez 3 tonu sortzen ahal dituena, eta megafonia ekipamendu erantsia, gutxienez 100 watteko potentzia duen bozgorailuarekin, ibilgailuaren sabaian kokatua, aurrealdean. Eguneko eta gaueko sirena ekologikoa.

q) Balio anitzeko hautsezko su-itzalgailua, 6 kg-koa, indarra duen araudian xedatutakoaren araberakoa.

r) Ibilgailuaren mantentze-lanetarako tresnak.

s) Esku argia kono horiarekin, eta bateria-kargagailua ibilgailuari atxikita, edo kargatzeko eskuzko sistema.

t) Eskularru kaxetarako euskarria gidariaren kabinan.

u) Norbera babesteko eta seinaleztatzeko materiala. Bi kasko babes betaurrekoekin eta atzeko indargarriarekin, kopeta-argiak, zerrenda distiratsuekiko praka eta txalekoak.

v) Izotz eta elurretarako kateak, azkar batean jarri eta finkatzekoak.

w) Errepideko seinalizaziorako ekipamendu oinarrizkoa, arrisku seinale tolesgarria barne.

3.1.2. Gaixotokia.

a) Gune erabilgarriaren gutxieneko neurriak: 3,10 metro luze, 1,60 metro zabal eta 1,85 metro garai.

b) Aire-girotze, haize-berritze, berotze eta argitze sistemak, gidariaren kabinatik bereiz. Airea girotzeko sistemak 4.000 frigoria sortuko ditu, eta gaixotokitik kontrolatu ahal izanen da.

c) Isolamendu termikoa eta hotsgabetzea.

d) Eriaren intimitatea bermatzen duten neurriak.

e) Irisgarritasuna.

-Eskuin alboko sarrera: ate lerragarria, gutxienez 1,60 metro garai eta 1 metro zabal.

-Atzeko sarrera: bi orriko atea, gutxienez 180.º irekitzen dena, eta finkagailuak. Ate-orriek seinalizazio distiratsua izanen dute barnetik.

-Sarreretan heldulekuak eta ointoki edo mailak izanen dira.

f) Pareten barne estaldura leunak, elementu zorrotzik gabekoak. Zoru irristagaitza. Horiek guztiak iragazgaitzak, ikuzten ahal direnak eta ohiko desinfektatzaileak jasaten ahal dituztenak.

g) Ertz biribileko armairu eta tiraderak, botoi erako irekitze sistemarekin, ustekabean ireki ez daitezen, 4. eranskinean dagoen diseinuaren arabera kokatuak, gutxi gorabehera. Lanerako gainazal edo ohola metalezkoa izanen da, irristagaitza, ertz biribildu eta goratuak dituena.

h) Ibilgailua ibilian dabilela barnean seguru mugitzeko barra edo heldulekuak.

i) Instalazio elektrikoa:

Korronte zuzeneko 12 V-eko hiru hargune, korronte alternoko 220 V-eko hiru hargune eta metxero motako hargune bat.

j) Barneko argiztapen sistema erregulagarria, orientagarria, kolore naturalak aldatzen ez dituena, eriaren azalean 300 luxeko argia egiten ahal duena, gutxienez (150 luxera murrizteko aukerarekin), eta eriaren inguruetan 50 lux.

k) Zabor edukiontzi behar bezain handia, eskura dagoena eta garbitzen erraza.

Edukiontzi zurrun, iragazgaitz eta zulaezina 3. multzoko hondakin sanitarioetarako.

l) Aleazio arineko euskarriak, kabinako elementuak ongi atxikitzeko eta erraz ateratzeko modukoak.

3.1.3. Material hornidura erien kabinan.

a) Ekipamendu orokorra.

-Ezaugarri hauek dituen ohatila:

Aleazio arineko egitura izanen du, eta ahalik eta esfortzu txikienarekin uztartuko zaio bankadari. Gurpil trinkoak, biraketa librekoak, zabaltzeko eta finkatzeko sistema seguru eta fidagarria dutenak. Babes barrak, seruma eramatekoaren euskarria eta oxigeno botilaren euskarria.

Ohatila ibilgailuko bankadari finkatzeko sistema seguru eta sendoa behar da, ibilgailuak talka egiten badu ohatila askatu eta irauli ez dadin.

Ohatila ibilgailuari atxikitzeko sistemak 30 gradurainoko Trendelenburgen jarrera positibo nahiz negatiboak ahalbidetuko ditu, baita alboetarako mugimenduak ere.

Pazientea alde guztietatik begiratzeko aukera emanen du, eta toki librea izanen da ohatilaren buruaren ondoan.

Ohatilak 2 segurtasun uhal izanen ditu, eta paziente asaldatuei gorputz-adarrak lotzeko uhalak.

Koltxoi anatomikoa, kanpoko bihotz-masajea egin ahal izateko egokia.

-Bi jarleku anbulantziaren eskuineko alboan, tolesgarriak, aurrera begira jartzen ahal direnak, hiru puntutan finkatutako segurtasun uhalarekin eta buru-euskarriarekin.

-Gurpil aulki tolesgarria edo beldar aulkia.

-Hozkailu eta serum-berogailu elektrikoak, ibilgailuaren karrozerian sartuta.

-Sabaian sartutako bi euskarri bikoitz, gutxienez, serumak finkatzeko.

-Erloju eta termometro digitalak.

-Babes material sanitarioa: erabili eta botatzeko S, M eta L neurrietako eskularru kaxak, maskarak, betaurrekoak, gel hidroalkoholikoaren banagailua eta erabili eta botatzeko eskuoihalak.

-Tapaki eta maindireak, pixa egiteko ontzi zapal eta botila hautsiezinak. Tapaki termikoa. Botaka egiteko poltsak.

b) Osasun ekipamendua:

-Helduen eta haurren fonendoskopioa, esfigmomanometroa zorro estandarrarekin eta paziente gizenentzako eta haurrentzako zorroekin, termometro digitala eta begiak aztertzeko esku-argia.

-Oxigenorako instalazio finkoa, elektrikoki isolatua, "Oxigeno" hitza duten harguneak dituena. Bi oxigeno botila, 2.000 litroko edukiera dutenak, presioa kontrolatzeko manometroarekin eta emari-neurgailuarekin. Horiek minutuko 15 litroko fluxua ahalbidetuko dute. Oxigeno botilak ibilgailuaren barnealdetik erraz eskuratzeko moduko konpartimentu batean egonen dira. Hodiek laneko ohiko presioa baino bi aldiz handiagoa, gutxienez, jasan beharko dute.

-Baloi erako eskuzko aireztagailu bat helduentzat eta beste bat haurrentzat. Izanen dituzte aurpegi-maskara garden puzgarria, gordailua, itzulera eragozteko balbula eta luzagailua, eta behar adinako FiO2ko aireztapena ahalbidetuko dute, oxigeno iturriarekiko konexioa dela medio. Iragazki hezetzailea balbularen eta maskararen artean.

-Venturi efektuko hiru oxigeno maskara helduentzat eta bat haurrentzat; gordailudun maskara bat helduentzat eta beste bat haurrentzat; nebulizazioko maskara bat helduentzat eta beste bat haurrentzat. Sudur-kanulak.

-Intubazio manta:

Haur eta helduentzako laringoskopio paladuna. 2, 3, 4 eta 5 zenbakietako pala kurbatuak eta 0 eta 1 zenbakietako pala zuzenak. Ordezko pilak.

Tutu endotrakeal esterilen sortak, 3, 3.5, 4, 4.5, 5, 5.5, 6, 6.5, 7, 7.5 (2), 8(2), 8.5 (2) eta 9 zenbakietakoak.

Trakea barneko intubaziorako segurtagailu edo gidak.

Gazazko benda, metro batekoa, tutu endotrakealak finkatzeko prestatuta.

Guedel edo Mayo tutu orofaringeoak, 0, 1, 2, 3, 4 eta 5 zenbakietakoak.

Tutu endotrakealaren baloia puzteko 10 ml-ko xiringa.

Magill pintzak.

Lubrifikatzailea.

-Laringeko maskara. Krikotiroidotomia ekipamendua.

-Immobilizatzeko materiala:

Philadelphia motako hiru lepoko erregularri helduentzat eta bat haurrentzat.

Huts bidezko immobilizazio koltxoia.

Bizkar-ohol luzea, immobilizatzeko uhalekin eta lepoa immobilitzatzeko gailu doigarriekin.

Artazi erako ohatila edo koilara erakoa uhalekin.

Harrapatutako pertsonak immobilizatzeko Kendrick txalekoa.

Goiko eta beheko gorputz-adarrak immobilizatzeko ferulak helduentzat.

Goiko eta beheko gorputz-adarrak immobilizatzeko ferulak haurrentzat.

-Xurgapen zundak, 8, 10, 12, 14, 16 eta 18 zenbakietakoak. Neurri bakoitzeko bi.

-Zundaketa nasogastrikorako ekipamendua: 16 zenbakiko zunda nasogastrikoa, kono zabaleko 50 ml-ko xiringa, lubrifikatzailea, gazak, esparatrapua eta drainatze poltsa.

-Maskuriko zundaketarako ekipamendua: maskuriko Foley zundak, 14, 16 eta 18 zenbakietakoak; eskularru esterilak, eremu esteril zuloduna, dosi bakarreko lubrifikatzaile urologikoa, 10 ml-ko xiringa, 10 ml-ko serum fisiologikoa, poltsa biltzailea eta poltsa-euskarria, 50 ml-ko xiringa eta tapoia.

-Erditzeetarako ekipamendua: artazi esterilak, zilbor-hesterako bi pintza, eremu esterila, eskularru esterilak, konpresa eta gaza esterilak, erabili eta botatzeko bisturia, maskarak, 8 zenbakiko xurgapen zunda eta lubrifikatzailea.

-Serumak eta zain barneko perfusiorako materialak:

%0,9ko serum fisiologikoa, 500 ml-ko sei ontzi; Ringer laktatoa, 500 ml-ko bi ontzi; %5eko serum glukosatua, 500 ml; serum glukosalino hiposodikoa, 500 ml; %0,9ko serum fisiologikoa, 100 ml, eta %5eko serum glukosatua, 100 ml.

Sei serum ekipamendu, sei tantakatze sistema, eta hiru bideko sei giltza, luzagailuarekin. Orratzak: benabarnekoak (x10), muskulubarnekoak (x10), azalpekoak (x2). Xiringak: 2 ml (x5), 5 ml (x5), 10 ml (x7) eta 20 ml (x5). Abbocathak segurtasun sistemarekin: 14G, 16G, 18G, 20G (seina), 22G eta 24G (hiruna).

Zainetako bidea finkatzeko sistema: aposituak eta bendak.

-Material kirurgikoa: Mutur fineko guraizeak, guraize kurbatuak, erabili eta botatzeko bisturi esterila, pintza esterila, eltxo pintzak, orratz-etxe esterila, bi Kocher pintza; eskularru esterilak: S (2), M (2) eta L (2). 0 zenbakiko bi zeta orratz kurbatu atraumatikoarekin, 3/0 zenbakiko bi zeta orratz kurbatu triangeluarrarekin, eta eremu esteril zuloduna.

-Sendaketak egiteko materiala: 5 x 5eko hiru benda elastiko, 5 x 10eko zazpi benda elastiko eta 7 x 10eko bost benda elastiko, sei pakete gaza esteril, pakete bat konpresa esteril, telazko eta alergiaren kontrako paperezko esparatrapua, 70.º-ko 250 ml alkohol, %3ko ur oxigenatua (250 ml)%10eko pobidona iododuna, erreduretarako aposituak, nitrofuraldun pomada eta baselinadun aposituak. Arropa ebakitzeko guraizeak.

-Erabili eta botatzeko bizar-makinak, ilea kentzeko.

c) Elektromedikuntzako ekipamendua:

-Desfibrilagailu erdiautomatikoa.

-Hiru deribazioko bihotz monitorea, helduentzako eta haurrentzako elektrodoekin.

-Arnasgailu bolumetrikoa, minutuko 10 eta 40 ziklo bitarteko arnas funtzioa eta %50-100 bitarteko oxigeno emaria ahalbidetzen dituena. Emari-neurgailua, presioa kontrolatzeko manometroa, eta gehiegizko presiorako balbula soinu-alarmarekin.

-Jarioak xurgatzeko ekipamendu elektrikoa, 12 V-eko tentsioz elikatua, gordailuduna, garbitzen erraza, xurgapen autonomorako bateriarekin eta xurgapen indarraren erregulagailuarekin.

Mantentze lanetako kontratua izan behar da elektromedikuntzako tresna guztietarako, aldian behingo berrikuspenak barne.

d) Bihotz-birikak bizkortzeko ekipamendu eramangarriak, anbulantziatik kanpo erabiltzen ahal direnak. Haien edukia 2. eranskinean zehazten da.

e) Medikamentuak:

Medikamentu guztiak argi eta tenperatura baldintza egokietan gorde behar dira. Ez da erabiliko kolperen bat hartuta hondatu edo anbulantzian daudenei min egiten ahal dien ontzirik.

Adrenalina 1 mg (10 anpoila eta aurrez betetako 2 xiringa).

Aminofilina (2 anpoila).

Amiodarona 150 mg (3 anpoila).

Atropina 1 mg (3 anpoila).

Butileskopolamina 20 mg (2 anpoila).

Kloruro morfikoa %1 (2 anpoila).

Dexklorfeniramina 5 mg (2 anpoila).

Diazepama 10 mg (2 anpoila) eta mikroenemak, 10 mg-koak (2) eta 5 mg-koak (2).

Flumazeniloa 0,5 mg (2 anpoila).

Furosemida 20 mg (4 anpoila).

Glukagona (bial bat, hozkailuan).

%50eko glukosa (2 anpoila).

Ipratropioa (dosi bakarrekoak, 500 mcg-ko bi eta 250 mcg-ko bi).

Intsulina azkarra (bial bat, hozkailuan).

Lidokaina %5 (2 anpoila).

Mepibakaina %2 (2 anpoila).

Metamizola 2 g (2 anpoila).

Metilprednisolona 40 mg (2 anpoila).

Metoklopramida 10 mg (2 anpoila).

Midazolama 15 mg (2 anpoila).

Naloxona 0,4 mg (3 anpoila).

Salbutamola (10 ml-ko disoluzio bat arnasgailurako; aerosol-inhalagailu bat).

Sukzinil kolina 100 mcg (2 anpoila hozkailuan).

Tiamina 100 mg (2 anpoila).

Bekuronioa 10 mg (2 anpoila liofilizatu).

Azetilsalizilikoa 500 mg (mastekatzeko 5 konprimitu).

Alprazolama 0,5 mg (2 konprimitu).

Kaptoprila 25 mg (3 konprimitu).

Diazepama 5 mg-koa (3 konprimitu) eta 10 mg-koa (3 konprimitu).

Metamizola 575 mg (2 konprimitu).

Nitroglizerina 0,8 mg-ko konprimituetan (pakete bat).

Parazetamola (650 mg-ko 10 konprimitu); tantak 30 ml (ontzi bat); 150 mg-ko supositorioak (3 supositorio) eta 300 mg-koak (3 supositorio).

3.1.4. Langileak.

Teknikari gidaria eta osasun garraioko beste teknikari bat. Biek izan behar dute foru dekretu honetan eskatzen den prestakuntza.

3.2. Bizi-euskarri aurreratua edo ZIU mugikorra duten anbulantziak.

Anbulantzia guztietarako ezarritako betekizun orokorrez gain, ibilgailu hauek ondoko baldintzak bete behar dituzte:

3.2.1. Ibilgailua.

a) Furgoi motako ibilgailua, behar adinako potentzia izanen duena.

b) Esekidura bereizia, barra egonkortzailea duena bi ardatzetan, edo esekidura pneumatikoa.

c) Balazta sistema eraginkorra. Ez blokeatzeko balazta sistema (ABS) eta ez irristatzeko trakzio sistema. Egonkortasun sistema elektroniko (ESP) batek koordinatuko ditu funtzio horiek.

d) Ez iraultzeko babes sistemak edo segurtasun uztaiak istripuetarako.

e) Gidariaren kabinan, hiru pertsonarentzako tokia gutxienez, buru-euskarria duten eserlekuak, segurtasun uhalak eserleku guztietan. Helduleku edo eskulekuak (bat sabaiaren erdian eta beste bat eskuineko alboan). Airbagak gidariarentzat eta laguntzaileentzat.

f) Instalazio elektrikoa:

-Zirkuitu elektriko bat ibilgailurako eta beste bat gaixotokirako, bata bestetik bereizita.

-Bateria bat ibilgailuaren zirkuiturako, eta 140 A-ko beste bat edo 90 A-ko beste bi gaixotokiaren zirkuiturako.

-Ibilgailuak segurtasun sistema izanen du, gaixotokiaren zirkuituko bateriek motorra martxan jarriko dutela bermatuko duena, ibilgailuaren zirkuituko bateriak huts egiten badu.

-Alternadore bat, gutxienez 120 A-koa.

-Alternadoretik kanpoko erregulagailu bat, 13,8 eta 14,4 V bitarteko elikadura egonkorra bermatuko duena.

-12 V DC - 220 V AC bihurgailu bat, 1.500 wattekoa.

-Kanpotik 220 V-eko korronte alternoa hartzeko entxufea eta luzagailua.

g) Lainotako argiak aurrealdean eta atzealdean.

h) Hirugarren balazta-argia.

i) Urrutiko kontrola, itxiera zentralizatuarekin.

j) Ateak irekita daudela ohartarazteko gailua.

k) Atzera-martxa jartzean automatikoki pizten den segurtasun seinale akustikoa.

l) Kanpoko ispilu angeluzabalak. Haizetakoari izotza kentzeko sistema eraginkorra.

m) Gidariaren kabina eta eria eramateko kabina elkarrekin komunikaturik segurtasun beira ijeztuak dituen leihatila baten bidez eta esku libreko interfonoaren bidez.

n) Hartzeko-igortzeko irrati ekipamendua, eraginkorra bere jarduera eremu osoan, jarduera egoerak emateko aukerarekin. Bi telefono mugikor esku libreko gailu hari gabekoarekin.

ñ) Nabigazio ekipamendua, kaleen azken eguneratzeekin.

o) Argi seinaleak kanpoaldean. Argi zubia sabaiaren aurrealdean. Ertzeko argi keinukariak, LED motakoak edo estroboskopikoak, aurrealdean eta bi alboetan. LED argi sekuentzialak atzealdean (zerrenda sekuentziala). Argi halogeno zuriak alboetan eta atzealdean, lan eremua behar adina argiztatu eta gutxienez 4 metrora ikustea bermatuko dutenak.

p) Pasatzen uzteko soinu seinaleen potentziaren erregulagailua, gutxienez 3 tonu sortzen ahal dituena, eta megafonia ekipamendu erantsia, gutxienez 100 watteko potentzia duen bozgorailuarekin, ibilgailuaren sabaian kokatua, aurrealdean. Eguneko eta gaueko sirena ekologikoa.

q) Balio anitzeko hautsezko su-itzalgailua, 6 kg-koa, indarra duen araudian xedatutakoaren araberakoa.

r) Ibilgailuaren mantentze-lanerako tresnak.

s) Esku argia kono horiarekin, eta bateria-kargagailua ibilgailuari atxikita, edo kargatzeko eskuzko sistema.

t) Eskularru kaxetarako euskarria gidariaren kabinan.

u) Norbera babesteko eta seinaleztatzeko materiala. Lau kasko babes betaurrekoekin eta atzeko indargarriarekin, kopeta-argiak, zerrenda distiratsuekiko praka eta txalekoak.

v) Izotz eta elurretarako kateak, azkar batean jarri eta finkatzekoak.

w) Errepideko seinalizaziorako ekipamendu oinarrizkoa, arrisku seinale tolesgarria barne.

3.2.2. Gaixotokia.

a) Gune erabilgarriaren gutxieneko neurriak: 3,50 metro luze, 1,60 metro zabal eta 1,85 metro garai.

b) Aire-girotze, haize-berritze, berotze eta argitze sistemak, gidariaren kabinatik bereiz. Airea girotzeko sistemak 4.000 frigoria sortuko ditu, eta gaixotokitik kontrolatu ahal izanen da. Bero sistema autonomo programagarria, gaixotokia eta gidariaren kabina tenperatura gozoan edukitzeko. Berogailu elektrikoa 220 V-eko kanpoko hargunearekin konektatuta, ibilgailua toki itxietan aparkatuta dagoenean.

c) Isolamendu termikoa eta hotsgabetzea.

d) Eriaren intimitatea bermatzen duten neurriak.

e) Irisgarritasuna.

-Eskuin alboko sarrera: ate lerragarria, gutxienez 1,60 metro garai eta 1 metro zabal.

-Atzeko sarrera: bi orriko atea, gutxienez 180.º irekitzen dena, eta finkagailuak. Ate-orriek seinalizazio distiratsua izanen dute barnetik.

-Sarreretan heldulekuak eta ointoki edo mailak izanen dira.

f) Pareten barne estaldura leunak, elementu zorrotzik gabekoak. Zoru irristagaitza. Horiek guztiak iragazgaitzak, ikuzten ahal direnak eta ohiko desinfektatzaileak jasaten ahal dituztenak.

g) Ertz biribileko armairu eta tiraderak, botoi erako irekitze sistemarekin, ustekabean ireki ez daitezen, 4. eranskinean dagoen diseinuaren arabera kokatuak, gutxi gorabehera. Lanerako gainazal edo ohola metalezkoa izanen da, irristagaitza, ertz biribildu eta goratuak izanen dituena.

h) Ibilgailua ibilian dabilela barnean seguru mugitzeko barra edo heldulekuak.

i) Instalazio elektrikoa:

-Korronte zuzeneko 12 V-eko zortzi hargune, korronte alternoko 220 V-eko zortzi hargune eta metxero motako hargune bat.

j) Barneko argiztapen sistema erregulagarria, orientagarria, kolore naturalak aldatzen ez dituena, eriaren azalean 300 luxeko argia egiten ahal duena, gutxienez (150 luxera murrizteko aukerarekin), eta eriaren inguruetan 50 lux.

k) Zabor edukiontzi behar bezain handia, eskura dagoena, eta garbitzen erraza.

Edukiontzi zurrun, iragazgaitz eta zulaezina 3. multzoko hondakin sanitarioetarako.

l) Aleazio arineko euskarriak, kabinako elementuak ongi atxikitzeko eta erraz ateratzeko modukoak.

3.2.3. Material hornidura erien kabinan.

a) Ekipamendu orokorra.

-Ezaugarri hauek dituen ohatila:

Aleazio arineko egitura izanen du, eta ahalik eta esfortzu txikienarekin uztartuko zaio bankadari. Gurpil trinkoak, biraketa librekoak, zabaltzeko eta finkatzeko sistema seguru eta fidagarria dutenak. Babes barrak, seruma eramatekoaren euskarria eta oxigeno botilaren eta arnasgailuaren euskarria.

Ohatila ibilgailuko bankadari finkatzeko sistema seguru eta sendoa behar da, ibilgailuak talka egiten badu ohatila askatu eta irauli ez dadin.

Ohatila ibilgailuari atxikitzeko sistemak 30 gradurainoko Trendelenburgen jarrera positibo nahiz negatiboak ahalbidetuko ditu, baita alboetarako mugimenduak ere.

Pazientea alde guztietatik begiratzeko aukera emanen du, eta toki librea izanen da ohatilaren buruaren ondoan.

Ohatilak 2 segurtasun uhal izanen ditu, eta paziente asaldatuei gorputz-adarrak lotzeko uhalak.

Haurrentzako atxikitze sistema.

Koltxoi anatomikoa, kanpoko bihotz-masajea egin ahal izateko egokia.

-Inkubagailu eramangarria ongi tinkatzeko eta erraz ateratzeko sistema, oxigenorako, argindarrerako eta aire arnasgarrirako harguneak dituena.

-Bi jarleku anbulantziaren eskuineko alboan, tolesgarriak, aurrera begira jartzen ahal direnak, hiru puntutan finkatutako segurtasun uhalarekin eta buru-euskarriarekin.

-Gurpil aulki tolesgarria eta beldar aulkia.

-Hozkailu eta serum-berogailu elektrikoak, ibilgailuaren karrozerian sartuta.

-Sabaian sartutako bi euskarri bikoitz, gutxienez, serumak finkatzeko.

-Eskularru kaxetarako euskarria gidariaren kabinan.

-Erloju eta termometro digitalak.

-Babes material sanitarioa: erabili eta botatzeko S, M eta L neurrietako eskularru kaxak, maskarak, betaurrekoak, gel hidroalkoholikoaren 1 litroko banagailua eta erabili eta botatzeko eskuoihalak. Norbera babesteko ekipamendu gisa ziurtatutako nitrilozko eskularruak, S, M eta L neurrietakoak; oihal xurgatzaileak eta 4 babes-ekipamendu (betaurrekoak, erabili eta botatzeko mantala, FFP3 maskara iragazkiduna).

-Tapaki eta maindireak, pixa egiteko ontzi zapal eta botila hautsiezinak. Tapaki termikoa. Botaka egiteko poltsak.

b) Osasun ekipamendua:

-Helduen eta haurren fonendoskopioa, esfigmomanometroa zorro estandarrarekin eta paziente gizenentzako eta haurrentzako zorroekin, termometro digitala eta begiak aztertzeko esku-argia.

-Gluzemia-neurgailua, banda erreaktibodunak eta lantzatxoak.

-Oxigenorako instalazio finkoa, elektrikoki isolatua, "Oxigeno" hitza duten harguneak dituena. Bi oxigeno botila, 2.000 litroko edukiera dutenak, presioa kontrolatzeko manometroarekin eta emari-neurgailuarekin. Horiek minutuko 15 litroko fluxua ahalbidetuko dute. Botilak aldagailu automatiko batekin konektaturik egonen dira. Presioa beheratzeko gailua izanen dute, karga egiaztatzeko manometroarekin. Oxigeno botilak ibilgailuaren barnealdetik erraz eskuratzeko moduko konpartimentu batean egonen dira. Hodiek laneko ohiko presioa baino bi aldiz handiagoa, gutxienez, jasan beharko dute.

-Gutxienez ere, oxigenoa ateratzeko 4 hargune izanen dira anbulantziaren ezker paretan eta oxigenoa sartzeko 3 hargune oxigeno-instalazio finkoaren ondoan.

-Aire konprimatuaren instalazio finkoa.

-Baloi erako eskuzko aireztagailu bat helduentzat eta beste bat haurrentzat, pareta bikoitzekoak. Izanen dituzte aurpegi-maskara garden puzgarria, gordailua, itzulera eragozteko balbula eta luzagailua, eta behar adinako FiO2ko aireztapena ahalbidetuko dute, oxigeno iturriarekiko konexioa dela medio. Iragazki hezetzailea balbularen eta maskararen artean.

-Venturi efektuko bost oxigeno maskara helduentzat eta bi haurrentzat; hiru maskara gordailudun helduentzat eta bi haurrentzat; nebulizazioko hiru maskara helduentzat eta bi haurrentzat, eta lau sudur-kanula.

-Trakeotomiadunentzako maskara.

-CPAP sistemaren bidez aireztapen mekaniko ez-inbaditzailea egiteko maskara.

-Intubazio manta:

Zuntz optikozko laringoskopioa, helduentzako 2, 3, 4 eta 5 zenbakietako pala kurbatuekin. Ordezko pilak.

Tutu endotrakeal esterilen sortak, 6, 6.5, 7, 7.5 (2), 8 (2), 8.5 (2) eta 9 zenbakietakoak.

Trakea barneko intubaziorako segurtagailu edo gidak.

Gazazko benda, metro batekoa, tutu endotrakealak finkatzeko prestatuta.

Guedel edo Mayo tutu orofaringeoak, 2, 3, 4 eta 5 zenbakietakoak.

Tutu endotrakealaren baloia puzteko 10 ml-ko xiringa.

Magill pintzak.

Lubrifikatzailea.

-Arnasbide zailerako materiala: krikotiroidotomiarako set bat, zunda nasofaringeoak, maskara supraglotikoak, Airtraq eta Fastrach. Tutu endotrakealerako Eschmann motako gida.

-Immobilizatzeko materiala:

Philadelphia motako lau lepoko erregularri helduentzat eta bi haurrentzat.

Huts bidezko immobilizazio koltxoia.

Bizkar-ohol luzea, immobilizatzeko uhalekin eta lepoa immobilitzatzeko gailu doigarriekin.

Artazi erako ohatila edo koilara erakoa uhalekin.

Harrapatutako pertsonentzako Kendrick txalekoak, helduena eta haurrena.

Goiko eta beheko gorputz-adarrak immobilizatzeko ferulak helduentzat.

Goiko eta beheko gorputz-adarrak immobilizatzeko ferulak haurrentzat.

Femurreko trakzio-ferula.

-Xurgapen zundak, 8, 10, 12, 14, 16 eta 18 zenbakietakoak.

-Zundaketa nasogastrikorako ekipamendua: 16 eta 18 zenbakietako zunda nasogastrikoa, kono zabaleko 50 ml-ko xiringa, lubrifikatzailea, gazak, esparatrapua eta drainatze poltsa.

-Maskuriko zundaketarako ekipamendua: maskuriko Foley zundak, 14, 16 eta 18 zenbakietakoak; eskularru esterilak, eremu esteril zuloduna, dosi bakarreko lubrifikatzaile urologikoa, 10 ml-ko xiringa, 10 ml-ko serum fisiologikoa, poltsa biltzailea eta poltsa-euskarria, 50 ml-ko xiringa eta tapoia.

-Bide zentralaren ekipamendua: zaineko sargailua, kateter zentrala, 10 ml-ko xiringa, benabarneko eta muskulubarneko orratzak, maskara kirurgikoa, eremu esteril zuloduna, eskularru esterilak, erabili eta botatzeko bisturia, orratz-etxe esterila, 3/0ko zeta bere orratzarekin, gazak, %10eko pobidona iododunaren monodosiak eta apositu gardena.

-Hezurbarneko bidearen ekipamendua: hezurbarneko orratzak, eremu esteril zuloduna, %10eko pobidona iododunaren monodosiak, eskularru esterilak, infusio ponparen sistema eta hezurbarneko zulagailua.

-Toraxeko drainatze ekipamendua: 28 zenbakiko trokar torazikoa, toraxeko drainaketarako kateterra, Heimlich balbula, ur-zigilua, drainatzeko poltsa, eremu esteril zuloduna, eskularru esterilak, maskara kirurgikoa, erabili eta botatzeko bisturia, %10eko pobidona iododunaren monodosiak, gaza esterilak, baselina, eltxo pintzak, orratz-etxea, 0 zenbakiko zeta orratz kurbatu esterilarekin. Asherman txaplatak (2).

-Erditzeetarako ekipamendua: artazi esterilak, zilbor-hesterako bi pintza, eremu esterila, eskularru esterilak, konpresa eta gaza esterilak, erabili eta botatzeko bisturia, maskarak, 8 zenbakiko xurgapen zunda eta lubrifikatzailea.

-Erreduretarako ekipamendua: Maindireak eta gela helduentzat, umeentzat eta aurpegirako.

-Serumak eta zain barneko perfusiorako materialak:

%0,9ko serum fisiologikoa, 500 ml-ko zortzi ontzi; Ringer laktatoa, 500 ml-ko hiru ontzi; %20ko manitola, 500 ml; %5eko serum glukosatua, 500 ml; bikarbonato 1 molarra, 250 ml; %0,9ko serum fisiologikoa, 100 ml-ko bi ontzi; %5eko serum glukosatua, 100 ml-ko bi ontzi; serum koloidea, 500 ml (hidroxietil almidoia 130/0.4/%6).

Zortzi serum ekipamendu, zortzi tantakatze sistema, eta hiru bideko zortzi giltza, luzagailuarekin. Orratzak: benabarnekoak (x10), muskulubarnekoak (x10), azalpekoak (x2). Xiringak: 2 ml (x5), 5 ml (x5), 10 ml (x7) eta 20 ml (x5).

Abbocathak segurtasun sistemarekin: 14G, 16G, 18G, 20G (seina), 22G eta 24G (hiruna).

Zainetako bidea finkatzeko sistema: aposituak eta bendak.

Infusio ponparako bi ekipamendu.

-Material kirurgikoa: mutur fineko guraizeak, guraize kurbatuak, erabili eta botatzeko bisturi esterila, pintza esterila, eltxo pintzak, orratz-etxe esterila, bi Kocher pintza; eskularru esterilak: S (2), M (2) eta L (2). 0 zenbakiko bi zeta orratz kurbatu atraumatikoarekin, 3/0 zenbakiko bi zeta orratz kurbatu triangeluarrarekin, josturetarako grapagailua eta eremu esteril zuloduna.

-Sendaketak egiteko materiala: 5 x 5eko hiru benda elastiko, 5 x 10eko zazpi benda elastiko eta 7 x 10eko bost benda elastiko, hamar pakete gaza esteril, bost pakete konpresa esteril, telazko eta alergiaren kontrako paperezko esparatrapua, 70.º-ko 250 ml alkohol, %3ko ur oxigenatua (250 ml), %10eko pobidona iododunaren hamar monodosi, erreduretarako aposituak, nitroferaldun pomada eta baselinadun aposituak. Arropa ebakitzeko bi guraize.

-Erabili eta botatzeko bizar-makinak ilea kentzeko.

-Hondakin zorrotzetarako edukiontzi gogorra.

c) Elektromedikuntzako ekipamendua:

-Monitore-desfibrilagailua, talka-uhin bifasikoko teknologia duena energia tarte aldakorrekin, ohatilan bertan finkatzen ahal dena, honela hornitua: ETCO2 kapnometria, pultsioximetria, presioaren neurgailu ez-inbaditzailea, larruazalean zeharko taupada-markagailua, 12 deribazioko elektrokardiografia, eta garraio-poltsa, helduentzako eta haurrentzako elektrodoetarako poltsikoekin. Inprimatzeko papera, ordezko bateriak, kargagailurako konexio kablea, gel eroalea, bihotzaurrekoen kableak, kapnometroaren sentsoreak, taupada-markagailuaren kableak eta txaplatak.

-Arnasgailu eramangarria, minutuko 10-40 ziklo bitarteko arnas funtzioa eta %50-%100 bitarteko oxigeno emaria ahalbidetzen dituena, alarma optiko eta akustikoak dituena deskonexiorako, estenosirako, apnearako, Paw handirako eta doikuntza akatsetarako. Aireztapen modu hauek izan behar ditu: IPPV, SIMV eta CPAP. Ti : Te (1 : 3-2 : 1) erlazioa doitzeko aukera eman behar du. Monitorizazioa pantailan, ondokoetarako: Paw, MV, puntako presioa, fluxua, PEEP (0-15 mbar), Ti, CPAP. BBB modua izanen du, presio maximoa 80 mbar-era mugatuko duena eta puntako presiora iristean espiraziora pasatuko ez dena. Argindar sarearen beharrik gabe funtzionatzeko autonomia nahikoa izanen du. Hargunea 12 V-ekoa izanen da. Arnasgailua euskarri batean finkatuko da, oxigeno botila eramangarri bati konektatu ahal izateko moduan, hiru litroko oxigeno botila bera, aleazio arinekoa, minutuko 15 litroko fluxua ahalbidetuko duten presio eta emari neurgailuez hornitua, eta anbulantziatik erraz ateratzekoa.

-Pultsioximetro eramangarria, helduentzako eta haurrentzako zundekin. Azetona disoluzioa.

-Jarioak xurgatzeko ekipamendu elektrikoa, 12 V-eko tentsioz elikatua, gordailuduna, garbitzen erraza, xurgapen autonomorako bateriarekin eta xurgapen indarraren erregulagailuarekin.

-Xiringa bidezko infusio ponpa, 0,1 eta 1.200 ml/h bitarteko fluxuarekin. Sare elektrikoaren beharrik gabe funtzionatzeko autonomia nahikoa izanen du.

Mantentze lanetako kontratua izan behar da elektromedikuntzako tresna guztietarako, aldian behingo berrikuspenak barne.

d) Bihotz-birikak bizkortzeko ekipamendu eramangarriak, helduentzakoak eta haurrentzakoak, anbulantziatik kanpo erabiltzen ahal direnak. Haien edukia 3. eranskinean zehazten da.

e) Medikamentuak:

Medikamentu guztiak argi eta tenperatura baldintza egokietan gorde behar dira. Ez da erabiliko kolperen bat hartuta hondatu edo anbulantzian daudenei min egiten ahal dien ontzirik.

Lisina azetilsalizilatoa 900 mg (2 anpoila).

Adenosina 6 mg (5 anpoila).

Adrenalina 1 mg (15 anpoila eta aurrez betetako 5 xiringa).

Aminofilina (2 anpoila).

Amiodarona 150 mg (5 anpoila).

Atropina 1 mg (6 anpoila).

Biperidenoa 5 mg (2 anpoila).

Budesonida 0,5 mg (2 bial).

Butileskopolamina 20 mg (2 anpoila).

Ikatz aktibatua 50 g (flasko bat).

Zeftriaxona, benabarnekoa, 1 g (2 bial).

Zisatrakurio besilatoa 10 ml (2 anpoila, hozkailuan).

Klorazepato dipotasikoa 50 mg (2 anpoila).

Kloruro morfikoa %1 (5 anpoila).

Dexametasona 4 mg (2 anpoila).

Dexklorfeniramina 5 mg (4 anpoila).

Diazepama 10 mg (2 anpoila) eta mikroenemak, 10 mg-koak (2) eta 5 mg-koak (2).

Diklofenakoa 75 mg (2 anpoila).

Digoxina 0,25 mg (4 anpoila).

Diltiazema 25 mg (3 anpoila).

Dobutamina 250 mg (2 anpoila).

Dopamina 200 mg (2 anpoila).

Efedrina 1 ml (2 anpoila).

Sodio enoxaparina 40 mg (aurrez betetako 2 xiringa).

Esmolola 100 mg (2 anpoila).

Etomidatoa 20 mg (3 anpoila).

Sodio fenitoina 250 mg (4 anpoila).

Fentaniloa 150 mcg (4 anpoila).

Flumazeniloa 0,5 mg (3 anpoila).

Furosemida 20 mg (6 anpoila).

Glukagona (bial bat, hozkailuan).

%50eko glukosa (4 anpoila).

Haloperidola 5 mg (2 anpoila).

Sodio heparina %1 5000 U (2 anpoila).

Hidralazina 20 mg (2 anpoila).

Hidrokortisona 100 mg (2 bial) eta 1 g (2 bial).

Hidroxokobalamina 2,5 g (2 bial, hozkailuan).

Ipratropioa (dosi bakarrekoak, 500 mcg-ko hiru eta 250 mcg-ko hiru).

Isoproterenola (4 anpoila, hozkailuan).

Intsulina azkarra (bial bat, hozkailuan).

Ketamina 500 mg (2 anpoila).

Ketorolakoa 30 mg (3 anpoila).

Labetalola 100 mg (2 anpoila).

Lidokaina %5 (2 anpoila).

Magnesio sulfatoa 1,5 g (2 anpoila).

Mepibakaina %2 (2 anpoila).

Metamizola 2 g (3 anpoila).

Metilprednisolona 20 mg (2 anpoila), 40 mg (6 anpoila) eta 500 mg (4 anpoila).

Metoklopramida 10 mg (4 anpoila).

Midazolama 15 mg (4 anpoila).

Naloxona 0,4 mg (5 anpoila).

Nitroglizerina 5 mg (4 anpoila).

Omeprazola 40 mg (2 anpoila).

Parazetamola 1 g (1 bial).

Petidina 100 mg (2 anpoila).

Propofola %1ekoa (20 ml-ko 3 anpoila) eta %2koa (50 ml-ko 2 bial).

Propranolola 5 mg (2 anpoila).

Ranitidina 50 mg (2 anpoila).

Salbutamola (10 ml-ko disoluzio bat arnasgailurako, aerosol-inhalagailu bat eta 0,5 mg-ko 2 anpoila).

Sukzinil kolina 100 mcg (5 anpoila hozkailuan).

Sulpirida 100 mg (3 anpoila).

Tiamina 100 mg (2 anpoila).

Tramadola 100 mg (2 anpoila).

Urapidiloa 50 mg (5 anpoila).

Sodio balproatoa 400 (2 anpoila).

Bekuronioa 10 mg (4 anpoila liofilizatu).

Berapamiloa 5 mg (3 anpoila).

Azetilsalizilikoa 500 mg (10 konprimitu).

Alprazolama 0,5 mg (10 konprimitu).

Kaptoprila 25 mg (10 konprimitu).

Klopidogrela 300 mg (5 konprimitu).

Diazepama 5 mg-koa (5 konprimitu) eta 10 mg-koa (5 konprimitu).

Nitroglizerina konprimituak 0,8 mg (pakete bat) eta espraia 0,4 mg (ontzi bat).

Oxibuprokaina kolirioa.

Parazetamola (650 mg-ko 10 konprimitu); tantak 30 ml (ontzi bat); 150 mg-ko supositorioak (3 supositorio) eta 300 mg-koak (3 supositorio).

3.2.4. Langileak.

Teknikari gidaria, medikua eta Erizaintzako diplomaduna. Guztiek izan behar dute foru dekretu honetan eskatzen den prestakuntza.

2. ERANSKINA. BIHOTZ-BIRIKAK BIZKORTZEKO EKIPAMENDU ERAMANGARRIAK OINARRIZKO BIZI-EUSKARRIDUN ANBULANTZIETAN

2. ERANSKINA

1. Bizkortze ekipamendu eramangarria.

1.1. Zirkulazio-laguntzarako ekipamendua.

-Konpresoreak.

-Serumterapia sistemak.

-Hiru bideko giltzak luzagailuarekin eta luzagailurik gabe (bina).

-Bideak atxikitzeko eranskailuak.

-Benabarneko branulak, 26, 24, 22, 20, 18, 16 eta 14 zenbakietakoak. Bina.

-1 ml-ko, 2 ml-ko, 5 ml-ko eta 10 ml-ko xiringak. Bina.

-20 ml-ko xiringa.

-Benabarneko, muskulubarneko eta azalpeko orratzak. Bosna.

-Orratz-ontzia.

-Serum fisiologikoa, 100 ml.

1.2. Sendaketak egiteko ekipamendua.

-Hainbat neurritako eskularru esterilak.

-Larruazaleko josturetarako zerrenda itsaskorrak.

-Gazazko konpresak, 50 x 50 cm-koak (3). 20 x 40 cm-ko konpresak, 3 pakete, eta 10 x 10 cm-koak, beste 3 pakete.

-Harizko bendak.

-Benda elastikoa, handia eta txikia.

-Pobidona iododuna.

-Telazko eta alergiaren kontrako paperezko esparatrapua.

1.3. Askotariko ekipamendua.

-Guraize orokorrak.

-Botaka egiteko poltsa.

-Esku-argia.

-Esfigmomanometroa.

-Fonendoskopioa.

-Monitorerako eranskailuak (5).

-Gluzemia-neurgailua, banda erreaktibodunak (5) eta lantzatxoak (5).

-Pultsioximetroa, helduentzako eta haurrentzako zunda banarekin.

-Azetona disoluzioa.

-Maindire termikoa.

1.4. Medikamentuak.

Adrenalina 1 mg (5 anpoila eta aurrez betetako 2 xiringa).

Amiodarona 150 mg (3 anpoila).

Atropina 1 mg (3 anpoila).

Furosemida 20 mg (2 anpoila).

%50eko glukosa (2 anpoila).

Metamizola 2 g (anpoila bat).

Metilprednisolona 20 mg-koa (anpoila bat) eta 40 mg-koa (anpoila bat).

Azetilsalizilikoa 500 mg (mastekatzeko 2 konprimitu).

Nitroglizerina 0,8 mg.

2. Aireztapen eta oxigenoterapia ekipamendu eramangarria.

-Oxigeno botila eramangarria, aleazio arinekoa, 2,5/3 litrokoa, minutuko 15 litroko fluxua ahalbidetzen duen emari-neurgailuarekin eta presioa kontrolatzeko manometroarekin.

-Baloi erako eskuzko aireztagailua, helduentzakoa, pareta bikoitzekoa. Izanen ditu aurpegi-maskara garden puzgarria, gordailua, itzulera eragozteko balbula eta luzagailua, eta behar adinako FiO2ko aireztapena ahalbidetuko du, oxigeno iturriarekiko konexioa dela medio. Iragazki hezetzailea balbularen eta maskararen artean.

-Ertz pneumatikoko maskara gardenen sortak, helduentzakoak, aireztapen artifizialerako: 2, 3, 4 eta 5 zenbakietakoak.

-Venturi maskarak, helduentzako bat eta haurrentzako beste bat.

-Maskara gordailudunak, helduentzako bat eta haurrentzako beste bat.

-Oxigeno hargunerako luzagailua.

3. ERANSKINA. BIHOTZ-BIRIKAK BIZKORTZEKO EKIPAMENDU ERAMANGARRIAK, HELDUENTZAT ETA HAURRENTZAT, BIZI-EUSKARRI AURRERATUKO ANBULANTZIETAN

3. ERANSKINA

1. Helduentzako bizkortze ekipamendu eramangarria.

1.1. Intubaziorako ekipamendua edo manta.

-Zuntz optikozko laringoskopioa, helduentzako 2, 3, 4 eta 5 zenbakietako pala kurbatuekin. Ordezko pilak.

-Tutu endotrakeal esterilen sortak, 6, 6.5, 7, 7.5 (2), 8 (2), 8.5 (2) eta 9 zenbakietakoak.

-Trakea barneko intubaziorako segurtagailu edo gidak (2).

-Gazazko benda, metro batekoa, tutu endotrakealak finkatzeko prestatuta.

-Guedel edo Mayo tutu orofaringeoak, 2, 3, 4 eta 5 zenbakietakoak.

-10 ml-ko xiringa.

-Helduentzako Magill pintzak.

-Lubrifikatzaile hidrofiloa.

-Lubrifikatzaile liposolublea.

1.2. Zirkulazio-laguntzarako ekipamendua.

-Konpresoreak (2).

-Serumterapia sistemak (2)

-Hiru bideko giltzak luzagailuarekin eta luzagailurik gabe (bina).

-Bideak atxikitzeko eranskailuak.

-Benabarneko branulak, 24, 22 eta 20 zenbakietakoak (bina) eta 18, 16 eta 14 zenbakietakoak (launa).

-1 ml-ko xiringak (2). 2 ml-ko, 5 ml-ko eta 10 ml-ko xiringak. Bosna. 20 ml-ko xiringa bat.

-Benabarneko, muskulubarneko eta azalpeko orratzak. Bosna.

-Orratz-ontzia.

-Serum fisiologikoa, 100 ml eta 500 ml.

-%5eko serum glukosatua, 100 ml.

-Odola ateratzeko tutuak (2 ekipamendu).

1.3. Sendaketak egiteko ekipamendua.

-Hainbat neurritako eskularru esterilak.

-Larruazaleko josturetarako zerrenda itsaskorrak.

-Gazazko konpresak, 50 x 50 cm-koak (5). 20 x 40 cm-ko konpresak (5 konpresako 5 pakete) eta 10 x 10 cm-koak (beste 5 pakete).

-Harizko bendak (2).

-Benda elastiko handi bat, eta beste bi txikiak.

-Pobidona iododuna, monodosiak (5).

-Telazko eta alergiaren kontrako paperezko esparatrapua.

1.4. Askotariko ekipamendua.

-Guraize orokorrak.

-Botaka egiteko poltsa.

-Esku-argia.

-Esfigmomanometroa.

-Fonendoskopioa.

-Xurgagailuaren konexioak.

-Monitorerako eranskailuak (15).

-Desfibrilagailurako palak.

-Desfibrilagailurako gela.

-Gluzemia-neurgailua, banda erreaktibodunak (5) eta lantzatxoak (5).

-Pultsioximetroa helduentzako zundarekin.

-Azetona disoluzioa.

-Maindire termikoa.

1.5. Medikamentuak.

Lisina azetilsalizilatoa 5 mg (1 anpoila).

Adrenalina 1 mg (5 anpoila eta aurrez betetako 4 xiringa).

Aminofilina (2 anpoila).

Amiodarona 150 mg (3 anpoila).

Atropina 1 mg (3 anpoila).

Budesonida 0,5 mg (2 bial).

Butileskopolamina 20 mg (2 anpoila).

Klorazepato dipotasikoa 50 mg (1 anpoila).

Kloruro morfikoa %1 (4 anpoila).

Dexklorfeniramina 5 mg (1 anpoila).

Diazepama 10 mg (1 anpoila).

Diazepama 5 mg (1 anpoila).

Flumazeniloa 0,5 mg (1 anpoila).

Furosemida 20 mg (2 anpoila).

%50eko glukosa (2 anpoila).

Haloperidola 5 mg (1 anpoila).

Hidrokortisona 100 mg (1 bial).

Ketorolakoa 30 mg (2 anpoila).

Lidokaina %5 (1 anpoila).

Metamizola 2 g (1 anpoila).

Metilprednisolona 20 mg-koa (2 anpoila) eta 40 mg-koa (2 anpoila).

Metoklopramida 10 mg (1 anpoila).

Midazolama 15 mg (2 anpoila).

Naloxona 0,4 mg (3 anpoila).

Serum fisiologikoa 10 ml (5 bial).

Sukzinil kolina 100 mcg (2 anpoila).

Azetilsalizilikoa 500 mg (mastekatzeko 5 konprimitu).

Alprazolama 0,5 mg (3 konprimitu).

Klopidogrela 300 mg (2 konprimitu).

Diazepama 5 mg-koa (5 konprimitu) eta 10 mg-koa (5 konprimitu).

Mihipeko nitroglizerina.

Salbutamola (10 ml-ko disoluzio bat arnasgailurako; aerosol-inhalagailu bat).

2. Aireztapen eta oxigenoterapia ekipamendu eramangarria.

-Oxigeno botila eramangarria, aleazio arinekoa, 2,5/3 litrokoa, minutuko 15 litroko fluxua ahalbidetzen duen emari-neurgailuarekin eta presioa kontrolatzeko manometroarekin.

-Baloi erako eskuzko aireztagailua, helduentzakoa, pareta bikoitzekoa. Izanen ditu aurpegi-maskara garden puzgarria, gordailua, itzulera eragozteko balbula eta luzagailua, eta behar adinako FiO2ko aireztapena ahalbidetuko du, oxigeno iturriarekiko konexioa dela medio. Iragazki hezetzailea balbularen eta maskararen artean.

-Ertz pneumatikoko maskara gardenen sortak, helduentzakoak, aireztapen artifizialerako: 4 eta 5 zenbakietakoak.

-Helduentzako Venturi maskara (2).

-Helduentzako nebulizazio maskara.

-Helduentzako maskara gordailuduna.

-Trakeotomiadunentzako maskara.

-Sudur-kanulak.

-Oxigeno hargunerako luzagailua.

3. Haurrentzako bizkortze ekipamendu eramangarria.

3.1. Intubaziorako ekipamendua edo manta.

-Zuntz optikozko laringoskopioa, haurrentzako 0 eta 1 zenbakietako pala zuzenekin. Ordezko pilak.

-Tutu endotrakeal esterilen sortak, 2, 2.5, 3, 3.5, 4, 4.5, 5, 5.5 eta 6 zenbakietakoak.

-Trakea barneko intubaziorako segurtagailu edo gidak (2).

-Gazazko benda, tutu endotrakealak finkatzeko prestatuta.

-Guedel edo Mayo tutu orofaringeoak, 00, 0, 1 eta 2 zenbakietakoak.

-10 ml-ko xiringa.

-Haurrentzako Magill pintzak.

-Lubrifikatzailea.

3.2. Zirkulazio-laguntzarako ekipamendua.

-Konpresoreak (2).

-Serumterapia sistemak (2).

-Hiru bideko giltzak luzagailuarekin (2).

-Emari erregulagailua, benabarneko infusio seterako (2).

-Bideak atxikitzeko eranskailuak.

-Benabarneko branulak, 26, 24, 22 eta 20 zenbakietakoak. Bina.

-Hezurbarneko trokarra (2).

-Zilborreko kanulak, 3,5 CH-koak eta 5 CH-koak. Bina.

-Odola ateratzeko tutuak (2 ekipamendu).

-1 ml-ko, 2 ml-ko, 5 ml-ko eta 10 ml-ko xiringak. Bina.

-Benabarneko, muskulubarneko eta azalpeko orratzak. Bosna.

-Orratz-ontzia.

-Serum fisiologikoa, 100 ml.

3.3. Askotariko ekipamendua.

-Guraize orokorrak.

-Botaka egiteko poltsak (2).

-Esku-argia.

-Jaioberrientzako esfigmomanometroa.

-Haurrentzako esfigmomanometroa.

-Haurrentzako fonendoskopioa.

-Zilbor-hesterako pintzak (4).

-Xurgagailuaren konexioak.

-Atzamarreko pultsioximetroa haurrentzat eta bularrekoentzat.

-Monitorerako eranskailuak haurrentzat (15).

-Desfibrilagailurako palak haurrentzat.

-Xurgapen zundak, CH 8, CH 10, CH 12 eta CH 14. Bina.

3.4. Aireztapen ekipamendua.

-Baloi erako eskuzko aireztagailua, pareta bikoitzekoa. Izanen ditu aurpegi-maskara garden puzgarria, gordailua, itzulera eragozteko balbula eta luzagailua, eta behar adinako FiO2ko aireztapena ahalbidetuko du, oxigeno iturriarekiko konexioa dela medio. Haurrentzako bat eta bularrekoentzako beste bat. Iragazki hezetzailea balbularen eta maskararen artean.

-Ertz pneumatikoko maskara gardenen sortak, haurrentzakoak, aireztapen artifizialerako: 2 eta 3 zenbakietakoak.

-Haurrentzako Venturi maskara.

-Haurrentzako nebulizazio maskara.

-Haurrentzako maskara gordailuduna.

4. ERANSKINA. LAGUNTZAKO ANBULANTZIETAKO GAIXOTOKIETAN MATERIAL ETA EKIPAMENDUAK KOKATZEKO ESKEMA ORIENTAGARRIA

4. ERANSKINA

Iragarkiaren kodea: F1102330

Gobierno de Navarra

Contacte con nosotros | Accesibilidad | Aviso legal | Mapa web