LEXNAVARRA
148/1998 FORU DEKRETUA, APIRILAREN 29KOA, NAFARROAKO ENPLEGU ZERBITZUA DERITZON ERAKUNDE AUTONOMOA SORTU ETA BERONEN ESTATUTUAK ONETSI DITUENA
BON N.º 64 - 29/05/1998
- Atariko
- 1. artikulua
- 2. artikulua
- Azken Xedapenak Lehenengoa
- Azken Xedapenak Bigarrena
- Azken Xedapenak Hirugarrena
I. IZENBURUA. Xedapen orokorrak
I. KAPITULUA. IZAERA ETA EGINKIZUNAK
II. IZENBURUA. Gobernu Organoak eta Egitura Organikoa
I. KAPITULUA. GOBERNU ETA PARTAIDETZA ORGANOAK
- 3. artikulua
- 4. artikulua
- 5. artikulua
- 6. artikulua
- 7. artikulua
- 8. artikulua
- 9. artikulua
- 10. artikulua
II. KAPITULUA. EGITURA ORGANIKOA
- 11. artikulua
- 12. artikulua
- 13. artikulua
- 14. artikulua
- 15. artikulua
- 16. artikulua
- 17. artikulua
- 18. artikulua
- 19. artikulua
- 20. artikulua
- 21. artikulua
- 22. artikulua
- 23. artikulua
- 24. artikulua
- 25. artikulua
- 26. artikulua
- 27. artikulua. Enplegu Behatokiaren Unitatea.
III. KAPITULUA. ZENTRO LANKIDEAK
III. IZENBURUA. Ondare Pertsonala eta Erregimen Juridikoa
I. KAPITULUA. ONDAREA ETA AURREKONTUAK
II. KAPITULUA. LANGILERIAZ
III. KAPITULUA. ERREGIMEN JURIDIKOA
Langabeziaren arazoak gizartean duen geroz eta hedapen handiagoak, batetik, eta gai horrek Nafarroako Gobernuan eragiten duen etengabeko ardurak, bestetik, enplegua suspertzeko programen kudeaketan emaitza positiboak lortzen lagunduko duten antolaketa-neurriak hartzea plantearazi dute, langabeziaren aurkako borroka eraginkorraren eta enpleguaren sustapenaren arloko politikari dagokionez.
Agente ekonomiko eta sozial garrantzitsuenekin negoziazioak izan ondoren, Nafarroako Foru Komunitatean Enplegu Zerbitzu Publikoa ezartzea komenigarri zela ebatzi zen; hain zuzen ere, erakunde autonomoa den zerbitzu horrek Nafarroako Gobernuaren enplegu politikak osorik kudeatuko zituen, eta bestalde, LNEren 88. Hitzarmena betez, langileen ordezkarien eta enplegatzaileen lankidetza izanen zuen aipatu den Zerbitzu Publikoaren antolaketan eta funtzionamenduan.
Beste alde batetik, Enplegurako Erakunde Nazionalak zereginetako lanbide heziketaren arloan betetzen zituen eginkizunak eta zerbitzuak, zein 1998ko urtarrilaren 1etik aurrera Nafarroako Gobernuak kudeatzen baititu, abuztuaren 1eko 1319/1997 Errege Dekretuaren bidez Foru Administrazioari transferitu zaizkionez, eta egun Enplegurako Erakunde Nazionalaren eskumeneko diren gainerako enplegu politika eraginkorrak laster transferitzekoak direnez, egoki da horiek politika guztiak oso-osoan kudeatuko dituen Zerbitzu Publikoa sortzea.
Arestiko oharbideak oinarri harturik, Nafarroako Gobernuak, sindikatu eta enpresario-elkarterik garrantzitsuenen iritziak entzun ondorik eta berauen adostasuna izaki, eta Nafarroako Foru Komunitatearen Gobernu eta Administrazioari buruzko Foru Legearen 50. artikuluak iratxikitzen dizkion eskumenekin bat etorriz, Nafarroako Enplegu Zerbitzua deritzon Erakunde Autonomoa sortzea erabaki du, Industri, Merkataritza, Turismo eta Lan Departamentuari atxikirik egonen dena.
Hori dela bide, Industri, Merkataritza, Turismo eta Lan kontseilariak proposatuz eta Nafarroako Gobernuak apirilaren 29ko bilkuran hartu duen erabakiarekin bat etorriz, ondokoa
DEKRETATU DUT:
Nafarroako Enplegu Zerbitzua deritzon Erakunde Autonomoa sortu da; erakunde hori Industri, Merkataritza, Turismo eta Lan Departamentuari atxikia eta beronen zuzendaritza eta babespean egonen da, eta enplegu arloko eginkizunak eta zerbitzuak beteko ditu Nafarroako Foru Komunitatearen eskumeneko gaietan.
Nafarroako Enplegu Zerbitzua deritzon Erakunde Autonomoa eraenduko duten Estatutuak onetsi dira, zein honako Foru Dekretu honen eranskin gisa batu diren.
Industri, Merkataritza, Turismo eta Lan kontseilariari baimena eman zaio honako Foru Dekretu hau garatzeko beharrezko izaten ahal diren xedapen guztiak eman ditzan.
Ekonomi eta Ogasun Departamentuari baimena eman zaio bidezko diren aurrekontu-aldarazpenak egin ditzan, honako Foru Dekretu honetan xedaturik dagoena betetzeko behar diren kredituak emateari dagokionez.
Honako Foru Dekretu hau Nafarroako ALDIZKARI OFIZIALean argitaratzen den egunean jarriko da indarrean.
Iruñean, mila bederatziehun eta lauretan hogeita hemezortziko apirilaren hogeita bederatzian.-Lehendakaria, Miguel Sanz Sesma.Industri, Merkataritza, Turismo eta Lan kontseilaria, Ramón Bultó Llevat.
NAFARROAKO ENPLEGU ZERBITZUA DERITZON ERAKUNDE AUTONOMOAREN ESTATUTUAK
I. KAPITULUA. IZAERA ETA EGINKIZUNAK
Nafarroako Enplegu Zerbitzua izaera administratiboa duen Erakunde Autonomoa da; nortasun juridiko propioa du eta jarduteko gaitasun osoa bere xedeak betetzeko.
Nafarroako Enplegu Zerbitzua Nafarroako Gobernuaren Industri, Merkataritza, Turismo eta Lan Departamentuari atxikia egonen da, eta honek honako Estatutu hauek, foru legeriak eta antolamendu juridiko administratiboak Zerbitzuarekiko iratxikitzen dizkioten kontrol eta babes ahalmenak beteko ditu.
Nafarroako Enplegu Zerbitzuaren xedea ondokoa da: Nafarroako Gobernuaren enplegu politiken plangintza eta burutzapena egiteratzea, agente sozialak ados direlarik, enplegua sustatzeko abiarazi diren Zerbitzuak eta Programak era koordinatuan kudeatuz. Horretarako eginkizun hauek beteko ditu:
-Kontratazioa bideratzen eta pizten duten programak paratu eta bideratzea.
-Foru Komunitatean zereginetako lanbide heziketa etengabea kudeatu eta koordinatzea.
-Zereginetako lanbide heziketa etengaberako laguntzak ezartzea, Europako Fondo Sozialaren programa eta helburuekin koordinatuz.
-Lan merkatuko eskaintzaren eta eskariaren bitartekaritza eraginkorrean esku hartzea.
-Enplegu behatoki dinamikoa ezartzea, gainerako eginkizunen euskarri tekniko gisa.
-Laneratzea lortzeko lanbide orientaziorako zerbitzuak bultzatzea.
-Enplegurako planak egitea, agente sozialen adostasuna eta partaidetza izaki.
-Enplegu politika eraginkorrei buruzko programak kudeatzea, Estatuarenak zein Foru Komunitatearenak izan.
-Entitate pribatu eta publikoen ekinbidea sustatzea, enpleguratzea bideratzen duten neurriak hartzeko xedez.
-Enpleguaren kudeaketa eta sustapena hobetzea eragiten ahal duen bestelako jarduera oro.
I. KAPITULUA. GOBERNU ETA PARTAIDETZA ORGANOAK
1. Ondokoak dira Nafarroako Enplegu Zerbitzuaren organoak:
-Zuzendaritza Kontseilua.
-Zuzendaritza-Eraentza.
2. Zerbitzuan Lan Prestakuntzarako Nafarroako Kontseilua sartu da, organo aholkulari gisa.
Ondokoak izanen dira Zuzendaritza Kontseilua, hirualdeko ordezkaritza duena, osatuko dutenak:
-Lehendakaria: Industri, Merkataritza, Turismo eta Lan Departamentuaren kontseilaria, Erakunde Autonomoaren erakunde-ordezkaritza izanen duena.
Administrazioaren ordezkaritzan:
-Lehendakariordea: Lan zuzendari nagusia, lehendakaria ez dagoenean haren ordez jardunen duena.
-Mahaikidea: Industri zuzendaria nagusia.
-Mahaikidea: Ekonomi zuzendaria nagusia.
-Nafarroako Enplegu Zerbitzuaren zuzendari eraentzaileak Kontseiluaren bilkuretan esku hartuko du, hizpidez baina hautespiderik gabe.
Langileen Sindikatuen ordezkaritzan:
Nafarroako Foru Komunitatean ordezkaritzarik handienekotzat jotzen diren Sindikatuek izendaturiko lau mahaikide, abuztuaren 2ko sindikatuen askatasunari buruzko 11/1985 Lege organikoaren arabera.
Enpresarioen ordezkaritzan:
Nafarroako Enpresarioen Konfederakundeak izendaturiko lau mahaikide.
Zuzendaritza Kontseiluaren idazkaria Lan Zuzendaritza Nagusiaren Aholkularitza Juridiko eta Administratiboaren Zerbitzuaren zuzendaria izanen da, Erakunde Autonomoarekiko zerbitzu komuna denez gero.
Ondoko eskurantzak dagozkio Zuzendaritza Kontseiluari:
-Enpleguari ekiteko planak egitea eta horien kostua zenbatekotzea.
-Erakundeak ekitaldi bakoitzean izanen duen aurrekontuaren proiektua egin eta onestea, eta Nafarroako Gobernuari proposatzea, hark onar dezan.
-Nafarroako Enplegu Zerbitzuaren eta beronen Zuzendaritzaren kudeaketa kontrolatu, gainbegiratu eta ebaluatzea.
-Entitate lankideekin formalizatzen ahal diren lankidetza-hitzarmenekiko aurretiazko adostasuna ematea.
-Enplegu politiken plangintzan esku hartzea eta politika horiek garatzen dituzten arau erregulatzaileen aldeko txostena egitea.
-Zuzendari eraentzailearen izendapenaren aldeko txostena egitea.
-Gobernuari Erakunde Autonomoaren Estatutuak aldarazteko proposamena aurkeztea.
-Lehendakariari tramite edo presazko gaietan erabakiak hartzeko ahalmena eskuordetzea.
-Nafarroako Enplegu Zerbitzuaren ondarea administratzea.
Bilkura erregimena. Zuzendaritza Kontseilua bilkura arruntean batzartuko da bi hilerik behin Lehendakariak deituta, eta aparteko bilkuran, Lehendakariak hirualdeko ordezkaritzaren alderdi batek proposatuz deitzen duenean.
Arau orokor gisa, kideek aho batez hartu beharko dituzte erabakiak.
Honako Estatutu hauetan aurreikusirik ez dauden kasuetan, Zuzendaritza Kontseiluaren kideen erregimena, eta bai beronen funtzionamendu eta antolaketarena ere, elkargoen organoetarako Administrazio Publikoen Erregimen Juridiko eta Prozedura Administratibo Komunari buruzko azaroaren 26ko 30/1992 Legean ezarririk dagoena izanen da.
Zuzendari eraentzailea.
Nafarroako Enplegu Zerbitzuaren zuzendari eraentzailea Nafarroako Gobernuak izendatu eta kenduko du askatasunez, Industri, Merkataritza, Turismo eta Lan kontseilariak proposatuz eta Zuzendaritza Kontseiluaren aldeko txostenarekin.
Zuzendari eraentzailea ez dagoenean, beronek zehazten duen erakundearen zerbitzuaren zuzendariak jardunen du haren ordez.
Nafarroako Enplegu Zerbitzuaren zuzendari eraentzaileak ondoko eginkizun hauek beteko ditu:
a) Erakundearen ohiko ordezkari izatea.
b) Nafarroako Enplegu Zerbitzuaren unitate organiko guztien zuzendaritza eta antolaketa.
c) Erakundearen hegalpeko programak eta jarduketak kudeatzea, Departamentuaren enplegu politikak gauzatzeko xedez.
d) Indarrean dagoen arautegiak erakunde autonomoen ordezkariei enplegu arloan iratxikitzen dizkien kontratazio administratiborako ahalmenak betetzea.
e) Zuzendaritza Kontseiluari Nafarroako Enplegu Zerbitzuaren aurrekontuen aurreproiektua proposatzea.
f) Erakunde autonomoari esleitzen zaizkion aurrekontu- programak burutzeko, erakundearen funtzionamendu egokirako egin behar diren ordainketa eta gastu guztiak baimentzea.
g) Nafarroako Enplegu Zerbitzuaren eskumeneko espediente administratiboak ebaztea.
h) Departamentuaren kontseilariak hartu behar dituen ebazpen-proposamenei buruzko txostenak egitea.
i) Nafarroako Enplegu Zerbitzuan destinaturik dauden langileen buru izatea eta lan arloko xedapenetan aintzatesten zaizkion gainerako eskurantza guztiak betetzea.
j) Nafarroako Enplegu Zerbitzuaren enplegu publikoaren eskaintzari plantila organikoa proposatzea, ondorik Nafarroako Gobernuak onets dezan, Zuzendaritza Kontseiluaren aldeko txostenarekin.
k) Langileen hoben arin eta astunengatiko disziplinazko espedienteak ebaztea.
l) Langileen hoben oso astunengatiko disziplinazko espedienteak hastea, eta Nafarroako Gobernuari ebazpen- proposamena egitea.
m) Departamentuaren kontseilariak edo erakundearen Zuzendaritza Kontseiluak beraren karguari loturik eginarazten dizkion gainerako eginkizun guztiak.
II. KAPITULUA. EGITURA ORGANIKOA
1. Nafarroako Enplegu Zerbitzua bost unitate administratibotan egituratzen da, zein ondoko hauek baitira:
-Enplegua Sustatzeko Zerbitzua.
-Enplegurako Prestakuntza Zerbitzua.
-Lanposturatzeko Zerbitzua.
-Aholkularitza Juridiko eta Administratiboaren Zerbitzua, aholkularitza horizontalerako organo gisa; zerbitzu hori komuna da Lan Zuzendaritza Nagusi eta Nafarroako Enplegu Zerbitzuarekiko.
-Enplegu Behatokiaren Unitatea, Erakundearen Zuzendaritzaren mendean, zuzenean.
2. Zerbitzuaren zuzendariak Nafarroako Gobernuak izendatu eta kenduko ditu askatasunez, Industri, Merkataritza, Turismo eta Lan kontseilariak proposatuz eta Zuzendaritza Kontseiluaren proposamena oinarritzat harturik.
Lanposturatzeko Zerbitzuak ondoan adierazten diren eginkizunak beteko ditu:
-Lan eskaintza eta eskarien bitartekartitza sistema ezarri eta kudeatzea.
-Zerbitzuaren ZENTRO lankideen aintzatespena proposatzea.
-Unitate zentralak Zerbitzuaren ZENTRO lankideekin koordinatzea.
-Sistema informatiko egokien plangintza egitea eta beroriek ezartzea.
-Enpleguari loturik dauden zerbitzuak eta programak hobetzeko estatistikak egitea.
-Enplegurako lurralde unitateak koordinatzea eta horien kudeaketa kontrolatzea.
-INEMek transferitutako eskumenetatik eratortzen diren jarduera guztiak, ondorik adierazten diren arloetan:
.Enplegu eskatzaileen erregistroa.
.Langabetuen erregistroa.
.Eskarien berrikuntza eta bajen erregistroa.
.Eskatzaileen kalifikazio, sailkapen eta orientazioa.
.Enplegu eskaintzak.
.Enplegu estatistikak.
.Kontratuen erregistroa.
.EURES sarean ordezkaritza izatea, Enplegu Zerbitzu Nazionalarekin konektatuz.
Lanposturatzeko Zerbitzua bi ataletan egituratzen da, zein ondokoak baitira:
-Bitartekaritza Atala.
-Orientazio Atala.
Lanposturatzeko Zerbitzua, halaber, Enplegurako zenbait Lurralde Unitatetan egituratzen da, zein estrategikoki kokaturik egonen diren; unitateon kopurua eta lerrun organikoa Nafarroako Enplegu Zerbitzuak erabakiko ditu, eta Zerbitzuak enplegu arloan eskumeneko dituen eginkizunak deszentralizaturik beteko dituzte.
Bitartekaritza Atalak ondoko eginkizunak beteko ditu:
-Bitartekaritza prozesuari aplikatzen ahal zaion sistema informatikoaren diseinua, mantenimendua eta ustiapena.
-Zerbitzuaren ZENTRO lankideei eta unitate periferikoei euskarri teknikoak ematea, eta haien funtzionamendua gainbegiratzea.
-Enplegu eskatzaileen curriculumak eta lan eskaintzak definitu eta normalizatzea.
-Zerbitzuaren kudeaketa administratiboa eta sistemaren berezko dokumentazioa garatzea.
-ZENTRO lankideetan arduradunei sistema erabiltzen ikasteko prestakuntza-jarduerak eskaintzea.
-Enplegu eta zeregin eskaintzak jarraitzeko estatistikak egitea, Enplegu Behatokiarekin elkarlanean.
-Lanposturatzeko Zerbitzua sustatzea, Zerbitzua badela hedaraziz eta beraren funtzionamenduaren berri emanez.
Orientazio Atalak ondoan adierazten diren eginkizunak beteko ditu:
-Langabetuentzako lanbide informazio eta orientazioaren arloko ekintzak sustatu, burutu eta koordinatzea, langabetuok laneratzea bideratzeko xedez.
-Lan merkatuetako koalifikazio alorreko beharrizanei buruz etengabeko azterlana burutzea.
-Lan merkatura irten aurretik, Unibertsitate eta Lanbide Heziketa Arautuko ZENTROetan azken ikasturteetako ikasleentzako lanbide informazioa/orientazioa bultzatzea.
-Zereginetako heziketarako ikastaro guztietan enplegua bilatzeko moduluak sartzea bultzatzea.
-Gizarteratzeko arazoak dituzten taldeek enplegua bila dezaten, Lan orientaziorako sistemak ezartzea.
-Orientazioa enplegu bulegoetan proposatu eta koordinatzea.
-Zerbitzuaren lankide diren entitateek arestian aipatu esparruan burutzen dituzten orientaziorako programak kontrolatzea.
Enplegurako Lanbide Zerbitzuak ondoko eginkizunak beteko ditu:
-Enplegua bideratzeko lanbide heziketa osoa ezartzen modu eraginkorrean esku hartzea.
-Foru Komunitatean garatzen diren zereginetako etengabeko programa eta ekinbide guztiak koordinatzea.
-Langabetuak laneratzeko heziketa sustatzen duten programa propioak ezartzea.
-Lanean ari diren langileen etengabeko prestakuntza sustatzea, enplegua mantentzeko xedez.
-Ematen diren prestakuntza programak etengabe ebaluatzea.
-Aribideko gaietan ezartzen diren laguntzak kudeatzea.
-Europako Batasuneko Egiturazko Fondoekin batera finantzatzen diren eragiketa-programen plangintza eta jarraipena.
-INEMek transferitutako zerbitzuak kudeatzea, ondoko gaiei dagozkienean:
.Lanbide Heziketa eta Laneratzeko Plan Nazionala osatzen duten prestakuntzako ekintzak programatu, antolatu eta jarraitzea.
.Programa-kontratuak ezartzea, Foru Komunitatearen eremuan aplikatzeko.
.ZENTRO eta Entitate Lankideek ikastaroak emateko baimendu eta erregistratzea.
.Eskola-Lantegiak eta Zereginetako Etxeak sortu eta kudeatzea proposatzea.
.Enplegu Lantegiak sortu eta kudeatzea proposatzea.
.Profesionaltasun ziurtagiriak edo zereginetako kredituak luzatzea.
.Lanbide heziketa arautuarekiko baliozkotzeak eta homologazioak koordinatu eta proposatzea.
.Koalifikazioen Sistema Nazionalarekiko eta aribideko gaia kudeatzen duen Erakundearekiko lankidetza eta jarduketa-proposamena.
Enplegurako Prestakuntza Zerbitzua hiru ataletan egituratzen da, zein ondokoak baitira:
-Etengabeko Prestakuntzaren Atala.
-Lanerako Prestakuntzaren Atala.
-Prestakuntzako ZENTRO eta Enplegu Lantegien Atala.
Etengabeko Prestakuntzaren Atalak ondoan azaltzen diren eginkizunak beteko ditu:
-Enpresetan prestakuntzaren kultura sustatzea, berorietan beharrizanei buruzko diagnostikoak eta prestakuntzarako planak egiteratuz.
-Lanean ari diren langileentzako prestakuntza programa zehatzak proposatu eta ezartzea.
-Etengabeko Prestakuntzaren alorrari dagokionez, Europako Fondoekin batera finantzatzen diren eragiketa- programak gertutu eta proposatzea.
-Etengabeko Prestakuntzaren alorrean ezartzen diren laguntzak kudeatzea.
-Prestakuntzako ekintzak eta horietarako xedatzen diren dirulaguntzak kontrolatu, jarraitu eta ebaluatzea.
-Definitzen diren curriculumetatik eratorritako lanbide moduluak ezartzea.
-Prestakuntzatik edo/eta lan esperientziatik eratorritako profesionaltasun ziurtagiriak luzatzea proposatzea.
Lanerako Prestakuntzaren Atalak ondoan azaltzen diren eginkizunak beteko ditu:
-Langabezian dauden langabetuentzako prestakuntzako programa zehatzak proposatu eta ezartzea.
-Enpleguratze-Bitartekaritza Zerbitzuak eta Enplegu Behatokiak lan eskarien azterlanetan sumatzen dituen beharrizanetatik eratorritako prestakuntzako ekintzak proposatu eta programatzea.
-Europako Fondoekin batera finantzatzen diren eragiketa-programak gertutu eta proposatzea.
-Zereginetako prestakuntzarako programa propioetan eta Europako Fondoarekin batera finantzatzen diren programetan ezarritako laguntzak kudeatzea.
-Definitzen diren curriculumetatik eratorritako lanbide moduluak ezartzea.
-Prestakuntzatik eratorritako profesionaltasun ziurtagiriak luzatzea proposatzea.
-Lanbide Heziketa eta Laneratzeko Plan Nazionalean, bai ZENTRO propioetan, bai ZENTRO lankideetan eta programa-kontratuetan sartzeko ekintzak proposatzea.
-Nafarroan FIP Plana kudeatu, jarraitu, kontrolatu eta ebaluatzea.
-ZENTRO lankideek ikastaroak emateari buruzko azterlana egitea eta horretarako baimena proposatzea.
-ZENTRO eta Entitate Lankideen Erregistroa eta FIP Planari dagozkion datu estatistikoak kudeatzea.
-FIP Planaren prestakuntzako ekintzetan esku hartzen duten ikasleak hautatzen laguntzea, ZENTRO lankideekin era koordinatuan elkarlanean jardunez.
Prestakuntzako ZENTRO eta Enplegu Lantegien Atalak ondoan azaltzen diren eginkizunak beteko ditu:
-ZENTROko jarduera oro zuzendu eta koordinatzea.
-ZENTROari atxikitako langile guztien buru izatea eta bertako irakasleak eta irakasle ez diren langileak ukitzen dituzten barne erregimeneko arauak bete daitezen behatzea.
-ZENTROko baliabide materialak kudeatzea.
-ZENTROan burutzen diren prestakuntzako ekintzak ebaluatzea.
-ZENTROaren prestakuntzako ekintzen urteko programaziorako proposamena egitea.
-Eskola-Lantegiak eta Zereginetako Etxeak sortzea proposatzea, eta beroriek kudeatzea.
-Enplegu Lantegiak sortzea proposatzea, eta beroriek kudeatzea.
Enplegua Sustatzeko Zerbitzuak ondoan adierazten diren eginkizunak beteko ditu:
-Lanpostuak sortu eta mantentzea eta enpleguaren egonkortasuna bideratzen duten programak kudeatu eta gertutzea.
-Elbarrien Enplegurako ZENTRO Berezientzako laguntzak kudeatzea.
-Autoenplegua eta enpresa-ekinbideak pizten dituzten programak sustatzea.
-Europako Batasuneko Ekinbideen alorreko enplegu eta giza baliabideei buruzko proiektuak proposatu eta jarraitzea.
-Gazteak eta 40 urtetik gorakoak, langabetuak eta lan merkatutik at edo kanpoan geratzeko arriskuan dauden beste talde batzuk laneratzeko programa zehatzak ezartzea.
-INEMek transferitutako enplegu politika aktiboak betetzea, ondorik adierazten diren arloetan:
-Enplegua suspertzeko Estatu-Planak.
-Talde jakinak mugagabe kontratatzeko eta aldi baterako kontratuak mugagabeko kontratu bilakarazteko dirulaguntzak ematea.
-Elbarriak mugagabe kontratatzeko dirulaguntzak ematea.
-Enplegurako Toki Ekinbideak eta Toki Garapenerako Agenteak sustatzea.
-Toki Entitateekin eta Erakunde Publikoekin onura sozialerako obretan langabetuak kontratatzeko hitzarmenak egitea.
-Langabezi sorospenaren hartzaileekin lankidetza sozialaren arloko lanak bultzatzea.
Enplegua Sustatzeko Zerbitzua hiru ataletan egituratzen da, zein ondoko hauek baitira:
-Enplegurako Laguntzen Atala.
-Laneratzearen Atala.
-Europako Batasuneko Programa eta Ekinbideen Atala.
Enplegurako Laguntzen Atalak ondoan adierazten diren eginkizunak beteko ditu:
-Enplegurako laguntzen arloan informazioa, aholkularitza eta laguntza teknikoa ematea.
-Jarraian adierazten diren kariak direla bide, enplegurako laguntza eta dirulaguntzei buruzko espedienteen tramitazio administratiboa eta ebazpen proposamena:
.Jubilazio aurreratuak.
.Mugagabeko kontratazioak.
.Elbarriak eta lan merkatuan sartzen zail diren beste talde batzuk laneratzea.
.Toki entitateek onura orokor edo onura sozialerako obra edo zerbitzuetarako kontratazioak egitea.
.Enpresei Ekonomia Sozialerako programak aurkeztea.
-Enpresei dirulaguntzak ematea, lanpostuak sortzeko pizgarri gisa.
-Estatistika zehatzak gertutzea eta jarduerei buruzko memoria egitea.
-Enplegurako Programak eta enplegua sustatzeko ekintzak ezarri edo aldarazteko proposamenak egitea.
-Enpleguaren egonkortasuna sustatzen duten programak egitea.
-Enplegu Zerbitzuak agintzen dion bestelako jarduera oro.
Laneratzearen Atalak ondoan adierazten diren eginkizunak beteko ditu:
-Laneratze arloan informazioa, aholkularitza eta laguntza teknikoa ematea.
-Laneratzeko orientazio eta prestakuntzako programak aztertzea.
-Langabeziak bereziki ukitzen dituen taldeak eta lan merkatutik at edo kanpoan geratzeko arriskuan dauden taldeak laneratzeko programa zehatzak egitea.
-Laneratzeko dirulaguntzei buruzko espedienteen tramitazio administratiboa eta ebazpen proposamena.
-Laneratzeko xedatzen diren dirulaguntzak kudeatu eta kontrolatzea.
-Laneratze arloan ZENTRO lankideak jarraitzea, kontrolatzea eta beroriekin koordinatzea.
-Laneratze arloko estatistikak egitea.
-Enplegu Zerbitzuak agintzen dion bestelako jarduera oro.
Europako Batasuneko Programa eta Ekinbideen Atalak ondoan adierazten diren eginkizunak beteko ditu:
-Europako Batasuneko Programa eta Ekinbideen arloan informazioa, aholkularitza eta laguntza teknikoa ematea.
-Aurkezten ahal diren proiektuei dagokienez, Foru Komunitatearen Administrazioa fianantzakide izateari buruzko proposamena egiteko xedez, proiektuak erregistratu eta baloratzea, eta hauei buruzko txostena egitea.
-Europako Fondo Sozialaren Unitate Administratiboari, organo edo atal eskudunaren bidez, Europako Batasuneko ekinbideen proiektuak aurkeztu eta igortzea, behar bezala ebaluatu eta horiei buruzko txosten egokia egin ondorik.
-Onesten diren proiektuen jarraipen teknikoa eta burutzapenaren kontrola egitea.
-Proiektuaren finantzakidetzari dagozkion laguntzak eman eta ordaintzeko ebazpen proposamenak.
-Europako Batasunak Enplegu eta Giza Baliabideen alorrean dituen ekinbideak garatu eta kudeatzeko gauza diren erakundeak eta entitateak erakartzea.
-Nazioarteko proiektuak jarraitu, kontrolatu eta horietan elkarlanean jardutea, eta Europako Batasuneko kideen aldizkako bilkura edo batzarretan parte hartzea.
-Enplegu Zerbitzuak agintzen dion bestelako jarduera oro.
Aholkularitza Juridiko eta Administratiboaren Zerbitzuak Lan Zuzendaritza Nagusiak agindu dizkion eginkizunak beteko ditu erakunde autonomoan, eta arestion aipatutako Zuzendaritza Nagusiaren egitura arautu duen Foru Dekretuan ezarririk dagoen egitura izanen du.
27. artikulua. Enplegu Behatokiaren Unitatea.
Erakunde Autonomoaren zuzendari eraentzaileari zuzenean loturik dago eta Atalari dagokion kargu organikoa du; unitate hau lan merkatua aztertu eta ikertzeko unitate teknikoa da, hots, Nafarroako Enplegu Zerbitzuak taxutzen dituen prestakuntza eta enplegu politikak koherentziaz definitu eta programatzeko ezinbesteko laguntza-tresna.
Ondoan azaltzen diren eginkizunak beteko ditu, besteak beste:
-Lan merkatuan diren lan eskaintza eta eskariaren fluxuak aztertzea.
-Nafarroan diren lan beharrak aztertu eta jarraitzea.
-Lan merkatuak eskatzen dituen lanbide koalifikazioak definitzea.
-Ekoizpenaren arloan diren beharkizunei egokitutako prestakuntza eta enplegurako programei buruzko orientazioak ematea.
-Lan merkatuaren joerei buruzko azterlana egitea, lanpostuen etorkizunari dagokienean.
-Nafarroako Enplegu Zerbitzuak agintzen dion bestelako jarduera oro.
Eginkizunak egokiro bete ahal izateko, Enplegu Behatokiak INEMen lanpostuen behatoki iraunkorrak ematen dion informazioa erabiliko du, eta bai eremu honetan Nafarroako Enplegu Zerbitzuaren lankide gisa aintzatetsiko diren entitateek emandakoa ere.
III. KAPITULUA. ZENTRO LANKIDEAK
Nafarroako Enplegu Zerbitzuak ondokoak aintzatetsi ahal izanen ditu ZENTRO edo entitate lankide gisa: lanbide heziketa, bitartekaritza, orientazio, enplegu eta laneratze eremuetan dedikazio berezia dutela eraso eta Zerbitzuaren helburuekin bat datozen ZENTRO edo entitate guztiak, publikoak zein pribatuak direla.
ZENTRO lankide gisa aintzatesteko, Nafarroako Enplegu Zerbitzuak hitzarmena sinatu beharko du entitate horrekin, eta beronen Zuzendaritza Kontseiluak onetsi beharko du; halaber, hitzarmen horretan lankidetza arloa eta berorren hedadura ere ezarriko dira.
I. KAPITULUA. ONDAREA ETA AURREKONTUAK
Ondokoak dira Nafarroako Enplegu Zerbitzua deritzon Erakunde Autonomoaren ondarea osatzen dutenak.
a) Erakunde Autonomoa ukitzen duten eta beronen xedeak betetzeko atxikitzen zaizkion Nafarroako Ondarearen ondasunak eta eskubideak, Nafarroako Ondareari buruzko 1985eko irailaren 27ko Foru Legearen 61. artikuluaren eta hurrengoen hedadurarekin.
b) Estatuaren Administrazioak enplegu politika eraginkorrei dagozkien eginkizunak eta zerbitzuak intsuldatzearen ondorioz Nafarroako Ondareari eransten zaizkion ondasunak eta eskubideak, baldin Erakunde Autonomoari loturik geratzen badira.
Ondokoak dira Nafarroako Enplegu Zerbitzuaren baliabideak:
a) Gobernuak Erakundeari iratxikitzen dizkion mota guztietako baliabide ekonomikoak, beraren eginkizun eta zerbitzuak bete ditzan.
b) Erakundeari iratxikitzen zaizkion ondasun eta eskubideen emaitzak, errentak edo interesak.
c) Erakunderako xedatzen diren sarrera arruntak eta apartekoak.
d) Nafarroako Aurrekontu Orokorrek iratxikitako zainpeketak.
e) Pertsona fisikoek edo juridikoek egiten dituzten dohaintzak edo dohaineko ekarpenak, eta atxikitzen zaizkion bestelako baliabide guztiak.
Nafarroako Enplegu Zerbitzuaren kudeaketa urteko aurrekontuaren erregimenari loturik egonen da; aurrekontu hori, nagusi duen Departamentuarenarekin batera, Nafarroako Aurrekontu Orokorren barruan integratuko da.
Bai aurrekontuen egitura eta bai horien burutzapena eta likidazioa Nafarroako Aurrekontu Orokorretarako ezarririk dauden arauen pean jarriko dira.
Nafarroako Enplegu Zerbitzuaren jarduketak, baldin eskubide eta betebehar ekonomikoak eragiten badituzte, Ekonomi eta Ogasun Departamentuak ezarririk duen eran kontuhartu eta kontabilizatuko ditu Foru Komunitatearen Administraziorako.
Erakundea kontabilitate publikoaren erregimen nagusiaren pean egonen da.
II. KAPITULUA. LANGILERIAZ
Ondokoak dira Nafarroako Enplegu Zerbitzua osatzen dutenak:
-Erakundean zuzendaritza-karguak dituzten eta behin- behineko erregimenean dauden pertsonak, Nafarroako Gobernuak askatasunez izendatzen dituen.
-Erakunde Autonomoan zerbitzu aktiboan dauden funtzionarioak eta lan itunpeko langileria.
-Beste administrazio batzuek Foru Komunitateari transferitu dioten langileria, Erakunde Autonomoari atxikita dagoena.
III. KAPITULUA. ERREGIMEN JURIDIKOA
Nafarroako Enplegu Zerbitzuaren egintzei dagokien erregimen juridikoa Nafarroako Foru Komunitatearen Gobernuaren eta Administrazioak erakunde autonomoetarako ezarri duen apirilaren 11ko 23/1983 Foru Legean xedaturik dagoena izanen da.
Erakunde Autonomoaren organo eskudunak ematen dituen egintzen era juridikoa Ebazpenari dagokio, eta horien aurka errekurtso arrunta jarri ahal izanen da Nafarroako Gobernuaren aurrean.
Iragarkiaren kodea: A9804052
