(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

174/1999 FORU DEKRETUA, MAIATZAREN 24KOA, PERTSONA FISIKOEN ERRENTAREN GAINEKO ZERGAREN ERREGELAMENDUA ONESTEN DUENA Nota de Vigencia

BON N.º 98 - 06/08/1999

  I. TITULUA. ZERGAGAIAREN EREMU MATERIAL, PERTSONAL ETA DENBORAZKOA

  I. KAPITULUA. ERRENTA SALBUETSIAK

  II. KAPITULUA. ZERGALDIARI EGOZTEA

  II. TITULUA. ERRENTA ZEHAZTEA

  I. KAPITULUA. ARAU OROKORRAK

  II. KAPITULUA. ERRENTA ZERGAGARRIAREN DEFINIZIOA

  1. ATALA. LAN ETEKINAK

  2. ATALA. Kapitalaren etekinak

  1. AZPIATALA. Higiezinen kapitalaren etekinak

  2. AZPIATALA. Higigarrien kapitalaren etekinak

  3. ATALA. Enpresa eta lanbide jardueren etekinak

  1. AZPIATALA. Arau orokorrak

  2. AZPIATALA. Amortizazioak

  3. AZPIATALA. Zuzeneko zenbatespen erraztua eta zuzeneko zenbatespen bereziaNota de Vigencia

  4. AZPIATALA. Zenbatespen objetiboaNota de Vigencia

  4. ATALA. ONDARE GEHIKUNTZAK ETA MURRIZKETAK

  III. KAPITULUA. GAUZAZKO ERRENTAK

  IV. KAPITULUA. LIKIDAZIO OINARRI OROKORRA

  III. TITULUA. KUOTAREN KENKARIAK

  IV. TITULUA. ZERGAREN KUDEAKETA

  I. KAPITULUA

  II. KAPITULUA. Betebehar formalak, kontabilitatekoak eta erregistrokoak

  III. KAPITULUA. Aitorpen osagarriak

  V. TITULUA. KONTURAKO ORDAINKETAK

  I. KAPITULUA. Atxikipenak eta konturako sarrerak. Arau orokorrak

  II. KAPITULUA. Atxikipenak kalkulatzea

  1. ATALA. Lan etekinak

  2. ATALA. HIGIGARRIEN KAPITALAREN ETEKINAK

  3. ATALA. ENPRESA ETA LANBIDE JARDUEREN ETEKINAK

  4. ATALA. ONDARE GEHIKUNTZAK

  5. ATALA. Sekzioa Errenta jakin batzuen gaineko atxikipenen zenbatekoa, haien kalifikazioa edozein dela ere Nota de Vigencia

  III. KAPITULUA. KONTURAKO SARRERAK

  IV. KAPITULUA. ATXIKIPENAREN EGILEAREN ETA KONTURAKO SARRERA EGIN BEHAR DUENAREN BETEBEHARRAK

  V. KAPITULUA. Ordainketa zatikatuak

Atariko

Pertsona Fisikoen Errentaren gaineko Zergari buruzko abenduaren 30eko 22/1998 Foru Legearen aplikazioak erregelamenduzko zenbait zehaztapen eskatzen ditu, alde batetik Legean aurreikusiriko prozedurak garatu eta betebehar formal batzuk arautzeko eta, bestetik, hainbat arlotan erregelamenduaz egiten diren aipamenak bete eta gauzatzeko, berau izanik Erregelamendu honen ezaugarri nagusia.

Erregelamendu honen arauek Foru Legeak berak egiten dituen aipamen espezifikoetan dute abiaburua.

Erregelamenduak 94 artikuluak, 4 xedapen gehigarrik, 2 xedapen iragankorrek, xedapen derogatzaile batek eta 2 azken xedapenek osatzen dute, eta egiturak bost titulu ditu, kapitulu, atal eta azpiataletan banaturik.

I. tituluak errenta salbuetsiei eta dirusarrera eta gastuak zergaldiari egozteari dagozkien alderdiak arautzen ditu.

I. kapituluan salbuespen kasu batzuk zehazten dira, hala nola, kaleratzeagatiko kalteordaina, literatura, arte eta zientzi sari jakin batzuk, goi mailako kirolarientzako laguntzak, bake edo laguntza humanitarioko misioetan parte hartzeagatik hartutako ordainsari apartekoak; azkenik, atzerrian egindako lanen truke jasotako etekinak salbuesteko baldintzak ezartzen dira.

II. kapituluan egile eskubideen etekinak eta enpresa eta lanbide jardueren etekinak zergaldiari egozteko irizpideak arautzen dira.

II. tituluak errenta zergagarria finkatu eta zehazteko arauak erregulatzen ditu.

Lan etekinei dagokienez, lokomozio gastuetarako eta mantenu eta egonaldien gastu ohikoetarako dieta eta diru esleipenen araubidea erregulatzen da; denboran modu irregular nabarmenean jasotzen direnen kasuen zerrenda zehatz bat ezartzen da, eta, bestalde, sortze epea bi urtetik gorakoa duten etekinei aplikatu beharrezko arauak finkatzen dira; amaitzeko, etekin mota honetarako murrizketen aplikazioa garatzen da.

Higiezinen eta higigarrien kapitalaren etekinei dagokienez, gastu kengarriak zehazten dira, bai eta denboran modu irregular nabarmenean lortutakotzat hartzen direnak ere; horrez gain, aseguru kontratu batzuei eskatzen zaizkien baldintzak zehazten dira.

Enpresa eta lanbide jardueren etekinei dagokienez, jarduerari atxikiriko elementuak zehaztu, Zerga honetarako amortizazio araubide berariazkoa ezarri eta etekinak zehazteko araubideak garatzen dira.

Ondare gehikuntza eta murrizketei dagokienez, amortizazioak eskuratze balioan duen eragina arautzen da, bai eta etxebizitzan eta jarduera ekonomikoari atxikiriko elementuetan berrinbertitzeagatiko salbuespena aplikatu ahal izateko bete behar diren zenbait baldintza ere.

Gauzazko errentei buruzko kapituluan, gauzazko ordainsaritzat hartzen ez diren kasu batzuetan bete beharreko baldintzak eta balorazio arauak zehazten dira.

III. tituluak, kuotaren kenkariei buruzkoak, ezintasunagatiko eta ohiko etxebizitza erosteagatiko kenkaria garatu eta jarduera ekonomikoetako kenkariaren mugak nola aplikatu zehazten du.

IV. tituluan, zergaren kudeaketari buruzkoan, aitorpena egin beharrari eta aitorpenak aurkeztu eta kudeatzeko kanpoko lankidetzari dagozkien alderdi guztiak arautzen dira eta, azkenik, betebehar formalak eta kontabilitate, erregistro eta informazioaren arloetakoak ezarri.

V. tituluak zerga honetako konturako ordainketen erregulazioa, abenduaren 30eko 371/1998 Foru Dekretuaren bidez onetsia, eransten du, Zergari buruzko Foru Legearen erregelamendu garapena testu bakar batean osorik biltzeko.

Pertsona Fisikoen Errentaren gaineko Zergaren Erregelamenduaren xedapen gehigarriek honakoak erregulatzen dituzte: lanaren gauzazko ordainsariak baloratzeko aurretiko akordioak lortzeko prozedura bat, ibilgetu materialaren elementuak erregistratzeko zenbait arau eta kreditu entitateek zerga administrazioarekin lankidetzan aritzeko betebeharrak.

Xedapen Iragankorren gaiak, berriz, aitorpen eta idazkien aurkezpenaren indarraldia eta 1999ko urtarrilaren 1a baino lehen eratutako etxebizitza kontuak.

Hori horrela, Ekonomi eta Ogasun kontseilariak proposaturik eta Nafarroako Gobernuak mila bederatziehun eta lauretan hogeita hemeretziko maiatzaren hogeita lauan hartutako erabakiarekin bat,

DEKRETATU DUT:

Artikulu Bakarra

Pertsona Fisikoen Errentaren gaineko Zergaren Erregelamendua onestea. Haren testua ondotik ematen da.

Iruñean, mila bederatziehun eta lauretan hogeita hemeretziko maiatzaren hogeita lauan.-Nafarroako Gobernuko lehendakaria, Miguel Sanz Sesma.-Economi eta Ogasun kontseilaria, José María Aracama Yoldi.

PERTSONA FISIKOEN ERRENTAREN GAINEKO ZERGAREN ERREGELAMENDUA

I. TITULUA. ZERGAGAIAREN EREMU MATERIAL, PERTSONAL ETA DENBORAZKOA

I. KAPITULUA. ERRENTA SALBUETSIAK

1. artikulua Nota de Vigencia

Langilea kaleratu edo lana uzteagatik ematen diren kalteordainen salbuespena.

1. Zergari buruzko Foru Legearen 7. artikuluaren c) letran aurreikusiriko salbuespena ez da aplikatuko langilea kaleratu edo lana utzi eta ondoko hiru urteen barrenean langilea berriz hasten bada lanean enpresa horretan edo horrekin lotutako beste batean, Sozietateen gaineko Zergari buruzko abenduaren 30eko 24/1996 Foru Legearen 28. artikuluan aurreikusiriko moduan, beti ere, enpresen arteko lotura hori bazkide-sozietate harremanean oinarritzen den kasuan, partaidetza 100eko 25ekoa edo handiagoa bada, edo 100 5ekoa edo handiagoa, Espainiako bigarren mailako balore-merkatu ofizialetan negoziatzen diren baloreak baldin badira.

2. Kaleratu edo lana uzteagatik ematen diren kalteordainen salbuespena, aurreko idatz-zatiak aipatzen duena, galduz gero, subjektu pasiboak aitorpen-likidazio osagarria aurkeztu beharko du, berandutza interesak barne, zerbitzuan berriz hasten denetik inguruabar hori gertatzen den zergaldian aitorpena egiteko arauzko epea amaitu arteko denboraren barrenean.

1. artikulua . Literatura, arte eta zientzietako zenbait sariren salbuespenaNota de Vigencia.

1. Zergari buruzko Foru Legearen 7. artikuluaren g) letran aurreikusiriko salbuespenaren ondorioetarako, literatura, arte eta zientzietako sari nabarmena izanen da pertsona bati edo batzuei ondasunak edo eskubideak ematea, inolako ordainik gabe, literatura, arte edo zientziako lanen balioaren ordain edo aitorpen gisa, bai eta arlo horietan eginiko lan edo jardueraren merezimenduarena ere.

2.

1.º Sari emaileak ez du saritutako lanetik edo lanetatik mozkinik ateratzerik izanen, ezta horretarako interesik eduki ere.

Zehazki, sariak ez du ekarriko ezta eskatuko ere lanen gaineko jabetza eskubideak, jabetza intelektual zein industrialetik heldu direnak barne, laga edo mugatzea.

Lana jendaurrean zabaltzeagatik, irabazi asmorik gabe eta sei hilabete baino gutxiagoko aldi baterako baldin bada, ez da hautsiko arestiko betebeharra.

2.º Nolanahi ere, deialdia egin aurretik egindako lan edo jarduerek jasoko dute saria.

Aurreko 1. idatz-zatian aipatutako gaien inguruko lanak aurretik edo batera finantzatzeko bekak, laguntzak eta oro har, diru kopuruak ez dira sari salbuetsitzat hartuko.

3.º Deialdiak baldintza hauek bete beharko ditu:

a) Nafarroakoa, nazionala edo nazioartekoa izatea.

b) Parte hartzeko mugarik ez jartzea sariaren funtsari ez dagozkion arrazoiengatik.

c) Haren iragarkia Nafarroako, estatuko edo dagokion autonomi elkarteko aldizkari ofizialean ematea argitara.

Atzerrian edo nazioarteko entitateek deitutako sarien kasuan, salbuespena izateko baldintza bakarra arestiko b) letran aurreikusitakoa izanen da.

4.º Salbuespena Nafarroako Zerga Ogasuneko organo eskudunak deklaratu beharko du. Salbuespena beste zerga administrazio batek deklaratu badu, saria salbuetsia izanen da baldin eta Zergari buruzko Foru Legean eta erregelamendu honetan aurreikusitako baldintzak betetzen badira.

Aurreko deklarazio hori honakoek eskatu beharko dute, dagokion dokumentazioa erantsita:

a) Oro har, sariaren deialdia egin duen pertsonak edo entitatea.

b) Saria jaso duen pertsona, Nafarroako Foru Komunitatetik kanpo deitutako sariak direneanNota de Vigencia.

5.º Eskaera saria eman aurretik egin beharko da edo, arestiko zenbakiko b) letraren kasuan, eskuratu den ekitaldian aitorpena egiteko erregelamenduzko epea hasi aurretik.

Aitorpenak hurrengo deialdietarako ere balioko du, betiere espedientea eragin zuenaren nondik norakoak aldatzen ez badira.

Ondoko deialdiren batean aitorpenaren nondik norakoak aldatzen badira, edo salbuespena aplikatzeko baldintzaren bat betetzen ez bada, 2. idatz-zati honetako 4. zenbakiko lehen paragrafoan aipatutako Tributu Administrazioko organo berak adieraziko du salbuespenaren aplikaziorako eskubidea galdu dela aldaketa edo ez-betetze hori gertatu denetik.

Prozedura ebazteko gehieneko epea sei hilabetekoa izanen da. Epe hori organo eskudunak espresuki ebazpenik eman gabe iraganik, ezetsi egin dela ulertuko daNota de Vigencia-Nota de Vigencia.

3. Zerga arloko administrazioak saria salbuestea deklaratuta, aurreko idatz-zatiko 4. zenbakiko a) letrak aipatzen dituen pertsonak behartuta egonen dira administrazioari jakinaraztera, saria eman eta hurrengo hilabetearen barrenean, zein den saria, eman zen data eta lortu duenaren identifikazio datuak.

2 artikulua. Ikasketetarako eta zientzialari eta teknologoen prestakuntzarako beken salbuespena.

1. Zergari buruzko Foru Legearen 7.h) artikuluan ezarritakoaren ondorioetarako, ikasketa arautuak egiteko bekak salbuetsiko dira, printzipio hauen arabera ematen badira: merezimendua eta gaitasuna, eskuratzeko baldintzen orokortasuna eta bereizkeriarik eza, eta deialdiaren publikotasuna. Erakunde publikoek ikasketetarako ematen dituzten laguntzak ez dira salbuetsiko hartzaile bakarrak edo gehien-gehienak haien langileak badira, edo langileen ezkontideak edo odoleko nahiz ezkontza bidezko ahaide zuzen edo albokoak, hirugarren mailara artekoak, horiek ere barne.

2. Ikasketetarako beken kasuan, Fundazioen eta irabazi asmorik gabeko beste entitate batzuen eta mezenasgoaren pizgarri fiskalen zerga araubide bereziei buruzko xedapenen testu berreginean (maiatzaren 24ko 2/2023 Legegintza Foru Dekretuaren bidez onetsia) aurreikusitako zerga araubidea aplikatzen duten irabazi asmorik gabeko entitateek emanak direnean; edo Aurrezki kutxei eta banku fundazioei buruzko abenduaren 27ko 26/2013 Legearen II. tituluan araututako banku fundazioek emanak direnean, beren gizarte ekintza aurrera eramateko, aurreko printzipioak betetzen direla ulertuko da, baldintza hauek betetzen direnean:

a) Hartzaileak pertsona talde generikoak badira eta ezin bazaie inolako mugarik jarri, egin beharreko ikasketekin eta taldearen estatutuetan ezarritako xede edo helburua betetzeko jarduerekin zerikusirik ez duten arrazoiengatik.

b) Deialdiaren iragarkia argitara ematen bada Nafarroako Aldizkari Ofizialean edo Estatukoan eta, horrez gain, nazio mailako egunkari batean edo irabazi-asmorik gabeko elkarte nahiz fundazioaren web orrian.

c) Esleipena norgehiagokaren bidez egiten bada Nota de Vigencia.

3. Administrazio publikoen zerbitzuko funtzionario eta langileei eta unibertsitateko irakasle eta ikerlariei modu espezifikoan ikerketarako emandako bekak direnean, horiei dagozkien deialdietako oinarrietan aurreikusi beharko da, espresuki, baldintza edo merezimendu gisa, bekaren hartzaileak halakoak direla. Gainera, bekak emateko deialdia egiten duten entitateak arestian aipatutako testu berreginean aurreikusitako zerga araubide berezia aplikatzen duten irabazi asmorik gabeko entitateak direnean, edo 26/2013 Legearen II. tituluan araututako banku fundazioak direnean, beren gizarte ekintza gauzatzeko bidean, artikulu honetako bigarren apartatuan aurreikusitako baldintzak ere bete beharko dira Nota de Vigencia.

3. artikulua . Goi mailako kirolariei ematen zaizkien dirulaguntzak salbuestea.

Zergari buruzko Foru Legearen 7.l) artikuluan aurreikusitakoren ondorioetarako, kirol prestakuntza eta teknifikaziorako laguntza ekonomikoak salbuetsirik egonen dira, 60.100 euroko mugarekin, baldin eta baldintza hauek betetzen badituzteNota de Vigencia:

a) Onuradunak goi mailako kirolarien izaera onartuta izatea, Goi Mailako eta Errendimendu Handiko Kirolariei buruzko uztailaren 13ko 971/2007 Errege Dekretuan aurreikusitakoarekin bat, edo Nafarroako Kirolaren eta Gazteriaren Institutuak halakotzat hartzeaNota de Vigencia.

b) Beka horiek zuzenean edo zeharka honako erakunde hauek finantzatuak izatea: Foru Komunitateko Administrazioa, Kirol Kontseilu Gorena, Kirol Olinpikoen Elkartea, Espainiako Batzorde Olinpikoa, Espainiako Batzorde Paralinpikoa, Kirol Federazioak, edo Fundazioen eta irabazi asmorik gabeko beste entitate batzuen eta mezenasgoaren pizgarri fiskalen zerga araubide bereziei buruzko xedapenen testu berreginean aurreikusitako zerga araubidea aplikatzen duten fundazioak Nota de Vigencia.

4. artikulua . Nazioarteko bakearen edo gizakiaren aldeko eginkizunetan parte hartzeagatik jasotako aparteko dirulaguntzak.

Zergari buruzko Foru Legearen 7. artikuluko m) letran aurreikusitakoaren ondorioetarako, bakearen edo gizakiaren aldeko eginkizunetan parte hartzen dutenei Espainiako Estatuak emandako zenbateko hauek salbuetsirik egonen dira:

a) Bakearen edo gizakiaren aldeko nazioarteko eginkizunak betetzeari dagozkion aparteko dirulaguntzak, edozein motatakoak direla ere.

b) Eginkizun horietan jasandako kalte fisiko edo psikikoengatik ordaindutako kalteordainak edo prestazioak.

5. artikulua . Atzerrian egindako lanengatik jasotzen diren etekinak salbuestea.

1. Zergatik salbuetsirik egonen dira, Zergari buruzko Foru Legearen 7. artikuluko n) letran aurreikusitakoarekin bat, atzerrian egiaz egindako lanen etekinak, baldintza hauek betetzen direneanNota de Vigencia:

1.º Lan horiek Espainiako egoiliarra ez den enpresa edo entitate batentzat edo atzerrian finkatutako establezimendu iraunkor batentzat egitea. Bereziki, lanen xedeko entitatea langilea kontratatu duen entitatearekin edo langilearen zerbitzuak jasotzen dituen entitatearekin lotuta badago, lanak entitate ez-egoiliarrarentzat egin direla ulertuko da, Sozietateen gaineko Zergari buruzko abenduaren 28ko 26/2016 Foru Legearen 33. artikuluan ezarritakoarekin bat, entitate ez egoiliarrari “talde barneko” zerbitzu bat eman zaiola uler daitekeenean, zerbitzu horrek entitate hartzaileari abantaila edo erabilera eman diolako edo eman diezaiokeelakoNota de Vigencia.

2.º Lanak egiten direneko lurraldean zerga hau bezalako edo antzeko beste zerga bat aplikatzea eta zerga paradisutzat jotzen den herrialde edo lurralde bat ez izatea. Baldintza hau betetzat emanen da lanak egiten direneko herrialde edo lurraldeak Espainiarekin hitzarmena badu nazioarteko zergapetze bikoitza saihesteko eta hitzarmen horrek informazioa trukatzeko klausularik baduNota de Vigencia.

2. Atzerrian egindako lanei dagozkien ordainsarien zenbatekoa kalkulatzeko, langileak egiaz atzerrian emandako egunak hartuko dira kontuan, bai eta atzerrian emandako zerbitzuei dagozkien berariazko ordainsariak ereNota de Vigencia.

Atzerrian egindako lanek egunean zenbateko etekinak sortu dituzten kalkulatzeko, lan horiei dagozkien ordainsari berariazkoak gorabehera, proportzionaltasunezko banaketa irizpidea erabiliko da, urteko egunen kopurua kontuan hartutaNota de Vigencia.

3. Atzerrian aritzen diren subjektu pasiboen kasuan, salbuespen hori ez da bateragarria izanen tributaziorik gabeko soberakinen araubidearekin (8.A).3.b) artikuluan dago ezarria), haren zenbatekoa edozein izanda ere. Subjektu pasiboak soberakinen araubidea aplikatzea aukeratzen ahalko du, salbuespen honen ordezNota de Vigencia.

II. KAPITULUA. ZERGALDIARI EGOZTEA

6. artikulua . Dirusarrera eta gastuak zergaldiari egoztea.

1. Enpresa edo lanbide jarduerak gauzatzen dituzten subjektu pasiboek sozietateen gaineko zergaren araudian eta hura garatzeko arauetan aurreikusitako denbora-egozpeneko irizpideak aplikatuko dituzte jarduera horiek sortutako etekinetan, hurrengo apartatuan aurreikusitakoa ezertan ukatu gabe. Horrekin batera, aplikatzekoa izanen da Pertsona Fisikoen Errentaren gaineko Zergari buruzko Foru Legearen 77.3 eta 78.8 artikuluetan aurreikusitakoa, artikulu horietan aurreikusitako kasuetan egotzi gabe dauden errentei dagokienezNota de Vigencia.

2.

1.º Enpresa edo lanbide jarduerak gauzatzen dituzten subjektu pasiboek, kontabilitate eta erregistro betebeharrak 61. artikuluko 3., 4., 5. eta 6. apartatuetan aurreikusitakoarekin bat bete behar dituztenek, kobrantzen eta ordainketen irizpidea hautatzen ahalko dute beren enpresa edo lanbide jarduera guztietako sarreren eta gastuen denbora-egozpena egiteko.

Sozietateen gaineko Zergari buruzko abenduaren 28ko 26/2016 Foru Legearen 15.2 artikuluan aurreikusitakoaren ondorioetarako, zerga administrazioak irizpide hori onartzen duela ulertuko da aitorpenean hala adierazten bada, besterik gabe, eta hiru urtez bederen mantendu beharko da; epe hori urtez urte luzatutzat joko da, subjektu pasiboak aukera hori ezetsi arteNota de Vigencia.

2.º Apartatu honetan aipatzen den irizpidearen aukerak indarra galduko du baldin eta, aukera egin ondoren, subjektu pasiboak 61.2 artikuluan aurreikusitakoarekin bat bete behar baditu bere kontabilitate eta erregistro betebeharrakNota de Vigencia.

3.º Apartatu honetan xedatutakoa ez da aplikatuko baldin eta subjektu pasiboak enpresa edo lanbide jardueraren bat bete, eta haren gainean dituen kontabilitate eta erregistro betebeharrak 61.2 artikuluan aurreikusitakoarekin bat bete behar baditu edo kontabilitatea Merkataritza Kodean aurreikusitakoarekin bat eramaten baduNota de Vigencia.

4.º Sin perjuicio de lo señalado en este apartado, los sujetos pasivos que desarrollen actividades empresariales o profesionales y efectúen operaciones con personas o entidades vinculadas habrán de aplicar respecto de estas operaciones el mismo criterio de imputación temporal que el utilizado en relación con ellas por la persona o entidad vinculada.Nota de Vigencia

3. Zenbait urtetan sortzen diren egile eskubideen ustiapena lagatzetik heldu diren etekinen kasuan, subjektu pasiboak aukera izanen du horien konturako aurrerakina eskubideak sortu ahala egozteko.

4. Zergaldiari egozteko edo etekin garbia zehazteko araubiderako irizpidea aldatzeak ez du inolaz ere ekarriko gastu edo dirusarreraren bat kontatu gabe gelditzea edo beste ekitaldi bati berriz egoztea.

II. TITULUA. ERRENTA ZEHAZTEA

I. KAPITULUA. ARAU OROKORRAK

7. artikulua . Balore edo partaidetza homogeneoen kontzeptuaNota de Vigencia.

Balore edo partaidetzek baldintza hauek bete behar dituzte jaulkitzaile berarengandik datozen balore edo partaidetza homogeneotzat hartu ahal daitezen: finantza eragiketa berekoak izatea, edo xede bera izatea, finantziazioaren bilketa sistematikoa barne, eta izaera eta transmisio-araubidea ere berberak izatea, eta gainera beren titularrei, funtsean, antzeko eskubide eta betebeharrak egoztea.

Balore multzo baten homogeneotasunean beste inguruabar hauek, aldiz, ez dute eraginik izanen: baloreen zenbateko unitarioen arteko aldeak; zirkulazioan jartzeko, emateko edo prezioak finkatzeko egunak; kokatzeko prozedurak, inbertsiogile kategoria jakinentzako tarte edo blokeak barne; edo bigarren mailako beste edozein inguruabar. Bereziki, jaulkipena segidako tarteetan zatitzeak eta gehikuntzak aurreikusteak ez dute eraginik izanen homogeneotasunean.

II. KAPITULUA. ERRENTA ZERGAGARRIAREN DEFINIZIOA

1. ATALA. LAN ETEKINAK

8. artikulua . Dieta eta asignazioak, lokomozio gastuetarako eta mantenu eta egonaldien ohiko gastuetarako Nota de Vigencia.

A) Arau orokorrak:

1. Zergari buruzko Foru Legearen 14.1.d) artikuluan aurreikusitakoaren ondorioetarako, ez dira zergapetuko lokomozio gastuetarako eta ostalaritzako establezimenduetan mantenua hartu eta egoteagatik ohiko diren gastuetarako ematen diren asignazioak, betiere, artikulu honetan adierazitako baldintza eta mugekin.

2. Lokomozio gastuetarako asignazioak.

Ez dira zergapetuko enpresa, lantegi, tailer, bulego edo lantokitik beste toki batera lanera ateratzen den enplegatu edo langilearen lokomozio gastuak ordaintzeko erabiltzen dituen zenbatekoak, baldintza eta kopuru hauekin:

a) Enplegatu edo langileak garraiobide publikoak erabiltzen baditu, faktura edo agiri baliokidearen bidez egiaztatzen den gastuaren zenbatekoa.

b) Beste kasu batean, kilometroko 0,35 euro biderkatzetik ateratzen den kantitatea, joan-etorria egin dela frogatzen bada, gehi bidesarien eta aparkalekuaren gastuak, justifikatzen badira.

3. Mantenu eta egonaldiko gastuetarako asignazioak.

Ez dira zergapetuko enpresak, jasotzen duenaren ohiko lantokia eta bizilekua ez den herri batean, jatetxe, hotel eta ostalaritzako gainerako establezimenduetan mantenu hartu eta egoteagatik izaten diren ohiko gastuetarako erabiltzen dituen zenbatekoak.

Hurrengo b) letran aurreikuisitako kasuetan salbu, ohiko lantokiko herria ez den batera joan eta bertan, jarraian, bederatzi hilabete baino gehiago egoteko denean, asignazio horiek ez dira zergatik kanpo geldituko. Horretarako, ez da deskontatuko oporraldia, gaixorik egondako denbora edo enplegatuaren destinoa aldatzea ez dakarren beste egoera batean emandakoa.

a) Hotel, jatetxe eta ostalaritzako gainerako establezimenduetako mantenuko eta egonaldiko gastuetarako asignaziotzat ondoko hauek hartuko dira soilik:

1. Gaua ematen denean hartzailearen ohiko lanlekua dagoen udalerria edo bizi dena ez beste batean.

Egonaldi gastuengatik, faktura bidez justifikatzen diren zenbatekoak. Salgaiak errepidez garraiatzen dituzten ibilgailuetako gidarien kasuan, ez da justifikatu beharko, zenbatekoari dagokionez, egunean 16,41 eurotik gorakoak ez diren egonaldi gastuak, Espainiako lurraldean egindako joan-etorriengatik eginak badira, edo egunean 27,34 eurotiko gorakoak ez direnean, atzerriko lurraldera egindako joan-etorriengatik.

Mantenu gastuengatik, 58,34 euro egunean, baldin eta joan-etorria Espainiako lurraldearen barruan egin bada, edo 99,91 euro egunean, atzerriko lurraldean egin bada.

2. Gaua ordaina jasotzen duen langilearen ohiko lanlekua eta bizilekua kokatzen diren udalerritik kanpo igaro ez bada, 29,17 edo 52,59 eurotik gorakoak ez diren mantenu gastuak, Espainiako lurraldearen barruan edo atzerrira egindako joan-etorriak diren, hurrenez hurren.

Hegazkin konpainietako hegaldi langileen kasuan, mantenu gastu arruntetarako esleipentzat hartuko dira egunean 39,44 eurotik gorakoak ez diren zenbatekoak, Espainiako lurraldearen barruko joan-etorriei badagozkie, edo egunean 72,31 eurotik gorakoak, atzerrira egindako joan-etorriei badagozkie. Egun berean bi inguruabar horiek batera gertatzen badira, egindako hegaldi kopuru handienari dagokion zenbatekoa aplikatuko da.

Aurreko paragrafoetan adierazitakoaren ondorioetarako, ordaintzaileak joan-etorriaren eguna, lekua eta arrazoia frogatu beharko ditu.

b) Zergapetzetik kanpo geldituko diren dietak hauexek izanen dira:

1. Destinoa atzerrian duten funtzionario publikoek eta Administrazio Publikoen zerbitzuko langileek Espainian destinaturik egonez gero lansari, antzinatasun, osagarri edo pizgarriengatik osotara jasoko lituzketen ordainsariekiko hartzen duten soberakina. Ondorio horietarako, ordainsarien arloko organo eskudunak erabakiko du langile horiei, Espainian destinaturik egonez gero, ordainsarietan legozkiekeen parekatzeak zein diren.

2. Destinoa atzerrian duten enpresetako enplegatuek Espainian destinaturik egonez gero, beraien kargu, lanpostu, kategoria edo lanbidea dela eta, lansari, eguneko soldata, antzinatasun, aparteko lansari, mozkinena barne, famili laguntza edo beste edozein kontzepturengatik osotara jasoko lituzketen ordainsariekiko hartzen duten soberakina.

Letra honetan aurreikusitakoa ez da bateragarria izanen 5. artikuluan aurreikusitako salbuespenarekin.

4. Aurreko idatz-zatietan aurreikusitako araubidea aplikatuko zaie halaber lokomozio, mantenu eta egonaldiko gastuetarako asignazioei, horiek jasotzen dituzten langileak berariaz kontrataturik baldin badaude zerbitzuak emateko lantoki mugikor edo ibiltariak dituzten enpresetan, eta beti ere, asignazio horiek langilearen ohiko bizilekua ez den udalerri batera egindako joan-etorriengatik badira.

5. Artikulu honen arabera kargaz salbuetsirik dauden zenbatekoak zerga arloan eskumena duen departamentuko titularrak berrikusten ahal ditu, funtzionario publikoen dietak berrikusten diren proportzioan.

6. Artikulu honetan aurreikusitako mugak gainditzen dituzten lokomozio, mantenu eta egonaldiko gastuetarako asignazioak zergapetu eginen dira.

B) Arau bereziak:

1. Menpekotasunezko lan harreman berezietatik heldu diren lan etekinak eskuratzen dituzten subjektu pasiboek, zerbitzuak ematen dituzteneko enpresek lokomozio eta mantenu gastuak berariaz ordaintzen ez badizkiete, izan dituzten etekin garbiak zehazteko, ondoko zenbateko hauek kendu ahal izanen dituzte beraien dirusarreretatik, baldin eta joan-etorriak egin direla frogatzen badute:

a) Lokomozio gastuak:

Garraiobide publikoak erabiltzen direnean, faktura edo agiri baliokidearen bidez egiaztatzen den gastuaren zenbatekoa.

Beste kasu batean, kilometroko 0,35 euro biderkatzetik ateratzen den kantitatea, joan-etorria egin dela frogatzen bada, gehi bidesarien eta aparkalekuaren gastuak, justifikatzen badira.

b) Mantenu gastuengatik 29,17 edo 52,59 euro egunean, joan-etorria Espainiako lurraldean edo atzerrira egin den, horren arabera.

Aurrekoaren ondorioetarako, betiere enpresak berariaz ordaindutakoak izanen dira egonaldiko gastuak, eta artikulu honetako A) letrako 3.a) idatz-zatian ezarritakoari jarraituz arautuko dira.

2. Zergapetzetik kanpo geldituko dira subjektu pasiboari lanpostua beste udalerri batera aldatzeagatik ordaintzen zaizkion zenbatekoak, baldin eta lanpostuaren aldaketak bizilekua aldatzea ere ekartzen badu, eta zenbatekoak subjektu pasiboak eta haren sendikoek lekualdatzean zehar izandako lokomozio eta mantenuko gastuei eta altzari eta tresnak mugitzeko gastuei badagozkie.

3. Zinpekogaiek eta zinpeko titular eta ordezkoek beren eginkizunak betetzeko jardunean jasotzen dituzten diru kopuruak ez dira zergapetuko, martxoaren 1eko 385/1996 Errege Dekretuan ezarritakoarekin bat etorriz, ez eta Hauteskunde mahaietako kideek jasotzen dituztenak ere, Hauteskunde mahaietako kideen dieta arautzen duen martxoaren 1eko INT/212/2023 Aginduan ezarritakoarekin bat etorriz.

9. artikulua . Gastu kengarriak lanbide elkargoei ordaindutako kuotengatikNota de Vigencia.

Lan etekin garbia zehazteko, gastu kengarriak izanen dira lanbide elkargoei ordaindutako kuotak, lan egiteko elkargoko kide izatea ezinbestekoa denean, entitate horien funtsezko xedeei dagozkien heinean, gehienez ere 500 euro urtean.

10. artikulua . %30eko murrizketa lanaren etekin jakin batzuetanNota de Vigencia.

1. Zergari buruzko Foru Legearen 17.2.a) artikuluan aurreikusiriko murrizketa aplikatzearen ondorioetarako, denboran era irregular nabarmenean lortutako etekintzat hartuko dira ondotik zehazten diren lan etekinak, soilik, zergaldi bakar batean egozten badira:

a) Enpresak langileei beste lantoki batera joateagatik ordaintzen dizkien eta 8. artikuluan aurreikusitako zenbatekoak gainditzen dituzten kopuruakNota de Vigencia.

b) Ezintasuna eragiten ez duten lesioengatik emandako kalteordainak, Gizarte Segurantzaren edo Klase Pasiboen erregimen publikoetatik, bai eta erregimen pribatuetatik ere, heldu direnak, eta halaber, enpresek kontzeptu horretan ordaindutako prestazioak.

c) Ezintasun iraunkor partzial, oso eta erabatekoagatik ematen diren kalteordainak eta prestazioak, bai eta ezintasun nabarmenagatik ematen direnak ere, Zergari buruzko Foru Legearen 14.2.a) artikuluan aurreikusirik ez daudenak.

d) Heriotza eta ehorzketa edo hilobiratze gastuetarako prestazioak, Zergari buruzko Foru Legeko 7.q) artikuluan ezarririko muga gainditzen badute, Zergari buruzko Foru Legearen 14.2.a) artikuluan aurreikusitakoak salbuNota de Vigencia.

e) Mugarik gabeko iraupena duten lansari osagarriak, pentsioak edo urtekoak konpentsatu edo kitatzeko ordaindutako zenbatekoak, edo lan baldintzak aldatzeagatik ordaindutakoak.

f) Enpresak langileei ordaindutako zenbatekoak lan harremana alderdi bien adostasunarekin behin betikoz hausteagatik.

2. Zergari buruzko Foru Legearen 17.2.a) artikuluan jasotako murrizketa aplikatu ahal izateko, etekin osoak 300.000 eurokoak izanen dira gehienez. Zenbateko horretatik gorako soberakinari ez zaio inolako murrizketarik aplikatukoNota de Vigencia.

Aurreko paragrafoan ezarritako 300.000 euroko zenbatekoan sartuko dira salbuetsirik egon daitezkeen zenbateko guztiak, halako moduan non 17.2.a) artikuluan ezartzen den murriztapena aplikatuko baitzaio 300.000 euroko zenbatekoaren eta errenta salbuetsien zenbatekoaren arteko kendura positiboariNota de Vigencia.

3. Zergari buruzko Foru Legearen 17.2.a) artikuluan aurreikusiriko murrizketaren ondorioetarako, bi urtetik gorako sortze epea duten lan etekintzat hartuko dira, besteak beste, hauexek:

a) Langileei akzioak edo partaidetzak erosteko emandako eskubidetik heldu direnak, ematen denetik bi urte iraganik erabiltzen denean.

b) Zergari buruzko Foru Legearen 78.5 artikuluan xedatutakoari jarraikiz, lan etekinak kobrantza egiten den zergaldiari baizik egozten ez zaizkionen, aurreko bi zergaldiri baino gehiagori egotzi ahal bazaizkio ereNota de Vigencia.

11. artikulua . %40ko, %50eko eta %70eko murrizketak lanaren etekin jakin batzuetanNota de VigenciaNota de Vigencia.

1. Zergari buruzko Foru Legeko 17.2. b) c) eta d) letretan agintzen diren kenkariak, pagu-aldi bakarreko jasoera diren kapital itxurako prestazioei aplikatuko zaizkie.

Askotariko prestazioen kasuan, edonolako errentak eta kapital itxurako kobrantza bakarra biltzen badituzte, aipatu kenkariak kapital itxurako kobrantzari soilik aplikatuko zaizkio. Bereziki, errenta itxurako prestazioak kobratzen hasita errenta aurretik berreskuratzen bada, hor izandako irabaziari kenkaria eginen zaio errenta eratzerakoan tokatuko zen portzentajea aplikatuz, prestazioa kapital itxuran jaso balitz.

2. Heriotzagatik ematen diren prestazioei, Zergari buruzko Foru Legearen 14.2.a).1 eta 2 artikuluan aurreikusten direnei, edonola ere, 100eko 40ko murriztapena aplikatuko zaieNota de Vigencia.

3. 100eko 50eko murriztapena aplikatzen ahalko zaie mendekotasun-aseguruen prestazioei eta ezintasun iraunkor partzial, oso eta absolutuaren prestazioei, bai eta baliaezintasun handiagatik ematen direnei ere, Zergari buruzko Foru Legearen 14.2.a) artikuluan aurreikusitako kasuetanNota de Vigencia.

2. ATALA . Kapitalaren etekinak

1. AZPIATALA . Higiezinen kapitalaren etekinak

12. artikulua . Higiezinen kapitalaren etekinen gastu kengarriak.

1. Higiezinen kapitalaren etekin garbia zehazteko gastu kengarriak izanen dira hura lortzeko beharrezkoak diren guztiak eta erabilera edo denbora dela-eta etekinak eragin dituzten ondasun edo eskubideek izan duten hondatzearen zenbatekoa.

Aurreko lerroaldeak aipatzen dituen gastuen artean honako hauek daudela ulertuko da:

a) Besteren kapitalen interesak, baldin eta etekinak sortu dituzten ondasunak, eskubideak edo erabilera nahiz gozatzeko ahalmenak eskuratzeko edo hobetzeko inbertitu badira, bai eta finantzaketako gainerako gastuak ereNota de Vigencia.

b) Foru Komunitatearenak edo Estatuarenak ez diren zergak eta errekarguak, bai eta Foru Komunitatearen eta Estatuaren tasak, errekarguak eta kontribuzio bereziak, edozein dela beraien izendazioa, baldin eta zenbatutako etekinen gainekoak badira, edo beraiek ekoizten dituzten ondasun edota eskubideen gainekoak izanik zehapen izaerakoak ez badiraNota de Vigencia.

c) Hirugarrenek kontraprestazio zuzen edo zeharkako gisa, edo zerbitzu pertsonalen ondorioz, hala nola, administrazio, zaintza, atezaintza edo antzekoak, ordaindutako zenbatekoak.

d) Alokairua, berralokairua, lagapena edo eskubideen eraketa formalizatzeak eragindakoak, eta ondasun, eskubide edo mozkinei dagozkien babes juridikokoak.

e) Kobrantza zalantzazkoa duten saldoak, gorabehera hori aski justifikaturik baldin badago. Baldintza hori kasu hauetan betetzen dela ulertuko da:

a') Zorduna konkurtsoan dagoeneanNota de Vigencia.

b') Subjektu pasiboak kobrantzarako egindako lehenbiziko kudeaketatik zergaldiaren amaierara bitarte sei hilabetetik gora iragan direnean, eta kreditua berritu ez bada.

Zalantzazko saldo bat kenketa egin ondoren kobratuz gero kobratzen den ekitaldian dirusarrera bezala kontatuko da.

f) Kontserbazio eta konponketa gastuak. Ondorio hauetarako hauexek hartuko dira horrelakotzat:

Ondasun materialen ohiko erabilera mantentzeko erregulartasunez egiten direnak.

Zenbait elementu, hala nola, berokuntzako instalazioak, igogailua, segurtasuneko ateak eta abar berritzeko direnak.

Kontzeptu honengatik ez dira kengarriak izanen handitzen edo hobetzen erabilitako zenbatekoak.

g) Etekinak sortzen dituzten ondasun edo eskubideen gaineko aseguru kontratuen primen zenbatekoa, aseguru horiek erantzukizun zibilekoak, sute, lapurketa, kristalak haustea edo antzekoen kontrakoak direla.

h) Zerbitzu edo horniduretarako zenbatekoak.

i) Amortizaziorako zenbatekoak, Erregelamendu honen hurrengo artikuluan ezarritako baldintzetanNota de Vigencia.

2. Aurreko idatz-zatiko a) eta f) letretan aipatutako gastuen kenkari osoa ezin da izan, ondasun edo eskubide bakoitzeko, higiezinaren edo eskubidearen lagapena eginez lortutako etekin osoen zenbatekoa baino handiagoa. Soberakinaren kenkaria hurrengo lau urteetan jarraian egiten ahal da, kasuan kasuko zergaldikoekin batera eta idatz-zati honetan aipatzen diren mugekinNota de Vigencia.

13. artikulua . Amortizazio gastuak.

1. Higiezinen kapitalaren etekin garbia zehazteko, gastu kengarritzat hartuko dira higiezinaren eta harekin batera lagatako beste ondasunen amortizaziorako erabilitako zenbatekoak, balio-galera efektiboari baldin badagozkio, eta honelaxe ulertuta:

a) Higiezinak direnean: urtero, baldin eta ordaindutako eskuraketa edo hobekuntza kostuaren gainean %3 aplikatzearen emaitzako kopurua gainditzen ez badute, lurzoruaren kostua zenbatu gabeNota de Vigencia.

b) Ondasunak higigarriak direnean, urtebete baino gehiago erabili daitezkeenak eta higiezinarekin batera lagatakoak: urte bakoitzean balio-galera erosketarako ordaindutako kostuei Erregelamendu honen 26. artikuluak aipatzen duen amortizazio taulari jarraikiz zehaztutako amortizazio koefizienteak aplikatzetik heldu dena baino handiagoa ez bada, kontuan hartu gabe lurzoruarena.

2. Etekinak erabiltzeko edo gozatzeko eskubide edo ahalmenen titulartasunetik badatoz, ordaindutako eskuraketa kostua amortizatu ahal izanen da, gehieneko kopurua legez haietariko bakoitzaren etekin osoena dela.

Amortizazioa, horrelako kasuan, erregela hauen emaitza izanen da:

a) Eskubidearen edo ahalmenaren iraunaldia mugatua denean, orduan eskuraketa kostua eta iraunaldiaren urteen kopurua zatitzearen emaitza izanen da.

b) Eskubidea edo ahalmena bizi artekoa bada, ordaindutako eskuraketa kostuari %3ko portzentajea aplikatzearen emaitza izanen daNota de Vigencia.

13.bis. artikulua. 100eko 40ko murriztapena aplikatzea kapital higiezienaren etekin jakin batzuetanNota de Vigencia.

1. Zergari buruzko Foru Legearen 25.2 artikuluko bigarren paragrafoan aurreikusitako murriztapena aplikatuko zaie 2017ko abenduaren 31n errentan zeuden etxebizitzek emandako etekinei, betiere baldintza hauek betetzen badira:

a) Errentamenduko kontratua 2021eko urtarrilaren 1a baino lehenago amaitu beharko da.

b) Errentamenduari dagokion etekin osoa ez da izanen, etxebizitzaren eta haren eranskinaren kokapenaren eta metro kopuruaren arabera, ondotik aipatzen diren arauetan jasotako sozietate publiko instrumentalaren bitartez egindako etxebizitza errentamendurako finkatutako zenbatekoak baino handiagoa: Nafarroan Etxebizitza izateko Eskubideari buruzko maiatzaren 10eko 10/2010 Foru Legearen 13. artikulua, eta Etxebizitzaren arloko jarduketa babesgarriak arautzen dituen irailaren 18ko 61/2013 Foru Dekretuaren 77. artikulua. Zenbateko horiek taula honetan jasota daude:

Zerga arloko eskumena duen departamentuko titularrak eguneratuko ditu zenbateko horiek bitartekaritza bidezko errentamendurako urtero ezartzen direnekin bat.

2. Pertsona fisikoen errentaren gaineko zergaren autolikidazioa borondatezko epean aurkezten duenean, subjektu pasiboak adierazi beharko du etxebizitza bitartekaritza programan sartzeko bere konpromisoa, zerga arloko eskumena duen departamentuko titularrak ezarritako moduan.

3. Subjektu pasiboak ezin izanen du Zergari buruzko Foru Legearen 25.2 artikuluko bigarren paragrafoan aurreikusitako murriztapena aplikatzen jarraitu baldin eta, 1.a) apartatuan aipatzen den epea iragan ondoren, etxebizitza ez bada bitartekaritza programan sartzen sei hileko epean, edozein dela ere arrazoia, eta ordaindu ez dituen zenbatekoen eta berandutza interesen sarrera egin beharko du ez-betetzea gertatzen den aldiari dagokion autolikidazioan.

Halere, ez du sarrera hori egin beharko subjektu pasiboak frogatzen badu etxebizitza ez dela bitartekaritza programan sartu etxebizitza kokatuta dagoen tokian eskaririk ez dagoelako.

14. artikulua . Ondasun higiezinen kapitalaren etekinak, denboran batere erregulartasunik gabe eta zatika jasotakoakNota de Vigencia.

1. Zergari buruzko Foru Legearen 25.3 artikuluan aurreikusiriko murrizketa aplikatzeko, denboran era irregular nabarmenean jasotako etekinak izanen dira, zergaldi bakar batean egozten direnean, higiezinen kapitalaren etekin hauek soilik:

a) Negozio-lokalak alokatzeko kontratuak eskualdatu edo lagatzetik lortutako zenbatekoak.

b) Lagatako ondasunen kalte edo akatsak direla-eta errentari, azpierrentari edo lagapen-hartzailearengandik jasotako kalte-ordainak.

c) Erabili edo gozatzeko eskubideak, biziartekoak, eratu edo lagatzetik lortutako zenbatekoak.

2. Zergari buruzko Foru Legearen 25.3 artikuluan aurreikusitako murrizketa aplikatzen ahal da, soilik, gehienez ere 300.000 euroko etekin osoetan etekin garbi positiboei dagokien zati proportzionalean.

Etekin horiek zatika kobratzen badira, ez da murrizketa aplikatuko. Kobrantza zatika egina dela ulertuko da zergaldi batean baino gehiagotan egozten deneanNota de Vigencia.

2. AZPIATALA . Higigarrien kapitalaren etekinak

15. artikulua . Disposizio partziala aseguru kontratuetan.

Aseguru kontratuetako disposizio partziala dagoenean, higigarrien kapitalaren etekina kalkulatzeko berreskuratutako zenbatekoa lehenbizi ordaindutako primei dagokiela ulertuko da, bakoitzaren errentagarritasuna barne.

16. artikulua . Errenta geroratuak eratu arte lortutako errentagarritasunaren zerga ordainketa.

Zergari buruzko Foru Legearen 30.1.d) artikuluaren lehen lerroaldean aurreikusitakoren ondorioetarako, errenta geroratuak eratu arte lortutako errentagarritasuna honako arau hauen arabera zergapetuko da:

1. Eratzen den errentak egun duen balio finantzario-aktuarialaren eta ordaindutako primen zenbatekoaren arteko aldeak zehaztuko du errentagarritasuna.

2. Errentagarritasun hori linealki banatuko da biziarteko errenta kobratzen den lehenbiziko 10 urtetan. Aldi baterako errenten kasuan, iraupen urteetan banatuko da linealki, gehienez ere 10 urtetan.

17. artikulua . Errenta gisa jasotzen diren jubilazio eta ezintasun prestazioak dituzten zenbait aseguru kontratutan eskatu beharreko baldintzak.

Zergari buruzko Foru Legearen 30.1.d) artikuluaren bigarren lerroaldean aurreikusirikoa aplikatzeko, baldintza hauek bete beharko dira:

1. Prestazioak jasotzeko arrazoia eragin dezaketen inguruabarrak Pentsio Plan eta Funtsak arautzen dituen Legearen Testu Bateginak, azaroaren 29ko 1/2002 Legegintzako Errege Dekretuaren bidez one- tsiak, 8.6 artikuluan aurreikusitakoak izanen dira, aipatutakoentzat ezarritako eranNota de Vigencia.

2. Aseguru kontratuaren hornidurak nolabait mugitu direla ulertuko da Pentsio planak eta funtsak arautzeari buruzko Legearen Testu Bategineko lehenbiziko xedapen gehigarriak eta hura garatzeko arauek eskubide ekonomikoez baliatzeko ezartzen dituzten mugak betetzen ez badira, enpresen pentsio bidezko konpromisoak biltzen dituzten aseguru kolektiboei dagokienezNota de Vigencia.

18. artikulua . Gastu kengarriak higiezinen kapitalaren zenbait etekinetan.

Zergari buruzko Foru Legearen 32.1.b) artikuluak aipatzen duen bezala, etekina laguntza teknikoaren prestaziotik, ondasun higigarri, negozio edo meategiak errentan ematetik edo azpierrentamenduetatik heldu denean, higigarrien kapitalaren etekin garbia zehazterakoan gastu kengarriak izanen dira Erregelamendu honen 12. artikuluan aurreikusitakoak, berezitasun hauekin:

a) 12.2 artikuluan aurreikusitako muga ez da aplikatukoNota de Vigencia.

b) Amortizazio gastuak zenbatzeko, etekin garbia zuzeneko zenbatespenaren araubidearen modalitate erraztuaren bidez zehazten duten enpresa edo lanbide jarduerei atxikitako elementuetarako ezarritako arauak aplikatuko dira.

19. artikulua . Etekina aseguru kontratuetatik heldu denean, higigarrien kapitalaren etekinei aplikatu ahal zaizkien murrizketakNota de Vigencia.

1. Zergari buruzko Foru Legearen 32.2 artikuluko b) eta c) letretan aurreikusiriko murrizketak kapital gisa emandako prestazioetan aplikatuko dira, ordainketa bakarrean jasotzen badira.

Bereziki, poliza hein batean berreskuratzeko eskubidea erabiltzetik jasotakoaren kasuan, arestiko lerroaldeak aipatzen dituen murrizketak aplikatuko dira, salbu eta zenbatekoak aldizka ordaintzen badira, kontratuan hala aurreikusten delako, hartzaileak edo aseguratuak aseguru entitateari emandako agindua egoteagatik.

Prestazio mistoen kasuan, edozein motatako errentak eta kapital moduko kobrantza bakar bat batera ematen direnean, aipatutako murrizketak aplikatuko zaizkio soilik kapital moduan egindako kobrantzari. Bereziki, errenta gisa ematen diren prestazioak kobratzen hasirik dagoela, errenta berreskuratzen bada behar baino lehenago, lortutako etekinari murrizketa ezarri ahal izanen zaio, errenta eratzean prima bakoitzak duen antzinatasunren arabera dagozkion portzentajeak aplikatuz.

2. Kontratuaren iraupenean zehar ordaindutako primek behar adinako aldizkotasuna eta erregulartasuna dutela ulertzeko, lehenbiziko prima ordaindu zenetik hamabi urte baino gehiago iraganik, primen batez besteko iraunkortasun epea sei urtetik gorakoa izan beharko da.

Ondorio horietarako, primen batez besteko iraunkortasun epea kalkulatzeko, prima guztien batuketa egin, iraunkortasun urteen kopuruarekin biderkatu eta ordaindutako primen batuketa osoarekin zatitu beharko da.

3. Zergari buruzko Foru Legearen 32.2.c) artikuluan ezarritako 100eko 60ko murrizketa portzentajea ezintasunagatiko kalteordainetan aplikatuko da, baldin eta horiek jasotzen dituztenek 100eko 65eko minusbaliotasuna edo handiagoa badute.

4. Zergari buruzko Foru Legearen 30.1 artikuluan aurreikusiriko bizi aseguruen kontratuetatik heldu diren eta kapital gisa jasotzen diren prestazioen kasuan, aldizkako primak edo apartekoak dituztenean, lortutako etekin osoaren barrenean prima bakoitzari dagokiona zehazteko, etekin oso hori ondotik ematen den kozientetik heldu den ponderazio koefizientearekin biderkatu beharko da:

Zenbakitzailean, dagokion prima, hura ordaindu zenetik jaso beharrekoa kobratu arte iragandako urteen kopuruarekin biderkatuta ateratzen dena.

Izendatzailean, prima bakoitza, hura ordaindu zenetik jaso beharrekoa kobratu arte iragandako urteen kopuruarekin biderkatuta ateratzen diren emaitzen batuketa.

5. Zergari buruzko Foru Legearen 32.2 artikuluan aurreikusiriko ondorioetarako, aseguru entitateak ordaindutako kopuruetan ordaindutako prima bakoitzari dagokiona bereiziko du.

20. artikulua . Higigarrien kapitalaren etekinak, denboran era irregular nabarmenean lortutakoak eta zatika jasotakoakNota de Vigencia.

1. Zergari buruzko Foru Legearen 32.2 artikuluan aurreikusiriko murrizketa aplikatzeko, denboran era irregular nabarmenean jasotako etekinak izanen dira, zergaldi bakar batean egozten direnean, higigarrien kapitalaren etekin hauek soilik:

a) Alokairu-kontratuaren eskualdaketaren edo lagapenaren bidez lortutako zenbatekoak.

b) Alokairu kasuetan, kalte edo akatsak direla eta errentari edo azpierrentariarengandik jasotako kalte-ordainak.

c) Erabili edo gozatzeko eskubideak, Zergari buruzko Foru Legearen 30.3.f) artikuluan aipatzen direnak, eratu edo lagatzetik lortutako zenbatekoak, eskubideak biziartekoak direneanNota de Vigencia.

2. Zergari buruzko Foru Legearen 32.2 artikuluan aurreikusitako murrizketa aplikatzen ahal da, soilik, gehienez ere 300.000 euroko etekin osoetan kapital higigarriaren etekin garbiei dagokien zati proportzionalean.

Etekin horiek zatika kobratzen badira, ez da murrizketa aplikatuko. Kobrantza zatika egina dela ulertuko da zergaldi batean baino gehiagotan egozten deneanNota de Vigencia.

3. ATALA . Enpresa eta lanbide jardueren etekinak

1. AZPIATALA . Arau orokorrak

21. artikulua . Jarduera bati atxikitako ondare elementuak.

1. Subjektu pasiboak egindako enpresa edo lanbide jarduera bati atxikitako ondare elementuak ondokoak izanen dira, zerikusirik izan gabe titulartasuna, senar-emazteen kasuan, biena izatearekin ala ez:

a) Jarduera egiteko erabiltzen diren ondasun higiezinak.

b) Jardueraren zerbitzuko langileen zerbitzu ekonomiko eta soziokulturaletarako erabiltzen diren ondasunak.

c) Etekinak lortzeko beharrezkoak diren gainerako ondare elementuak.

Inolaz ere ez dira enpresa edo lanbide jarduera bati atxikitako elementutzat hartuko honakoak:

1. Entitate baten fondo berekien partaidetza edo norbere kapitalen lagapena erakusten duten aktiboak.

2. Jardueraren titularraren erabilera partikularrerako, aisiarako, adibidez, erabiltzen direnak.

2. Enpresa edo lanbide jarduera bati atxikitako ondare elementutzat hartuko dira soilik sujetu pasiboak jardueraren helburuetarako erabiltzen dituena.

3. Jardueraren helbururako zati batean baizik erabiltzen ez diren ondare elementuen kasuan, atxikipena jardueran egiazki erabiltzen den zati horretara mugatzen dela ulertuko da. Ildo horretatik, ondare elementuen zati atxikiak izanen dira gainerakotik bereizita aprobetxatu daitezkeenak.

4. Enpresa edo lanbide jarduera bati osorik edo hein batean atxikitako ondare elementu bat haren helburuetarako soilik erabiltzen ez bada, atxikipena izanen da elementu horrek, irizpide sendoekin egindako aurreikusten zaion erabileraren proportziokoa jardueran.

5. Garraio elementuen kasuan, Sozietateen gaineko Zergari buruzko abenduaren 28ko 26/2016 Foru Legearen 23.3 eta 4 artikuluetan eta haren erregelamenduan xedatutakoa bete beharko daNota de Vigencia.

6. Aurreko idatz-zatietan xedatutakoaren ondorioetarako, subjektu pasiboak egiaztatu beharko du, zuzenbidean onartutako edozein frogabide erabiliz, enpresa edo lanbide jardueran zenbat erabiltzen den. Ez da frogabide nahikoa izanen subjektu pasiboak aurkeztutako aitorpena, ez eta ondare elementu horiek enpresa edo lanbide jardueraren erregistro ofizialetan agertzea.

7. Enpresa edo lanbide jarduerei ondare pertsonaleko ondasun edo eskubideak atxikiak daudenean, ondasun edo eskubide horien amortizazioak kalkulatzeko, erosketaren baliotzat hartuko da Zergari buruzko Foru Legearen 41.1 eta 42. artikuluetan eta Erregelamendu honen 39. artikuluan aurreikusiriko arauak aplikatuta ateratzen dena. Arau hori, halaber, enpresa edo lanbide jarduerei atxikitako ondare pertsonaleko ondasun edo eskubideen desafektazioari aplikatuko zaio.

Halere, eta amortizazioak kalkulatzeko soilik, ondasun edo eskubideak zerga aldetik amortizagarriak izan ez baldin badira, aurreko lerroaldean xedatutakoaren ondorioz ateratzen den eskuratze-balioari kenduko zaio Erregelamendu honen 27. artikuluaren c) letra aplikatuz gal zezakeen balioaren zenbatekoa.

22. artikulua . Enpresa edo lanbide jardueren etekinak, denboran era irregularrean lortutakoak eta zatika jasotakoak.

1. Zergari buruzko Foru Legearen 34.6 artikuluan aurreikusiriko murrizketa aplikatzeko, denboran era irregular nabarmenean jasotako etekinak izanen dira zergaldi bakar batean egozten direnean, enpresa edo lanbide jardueren etekin hauek soilik:

a) Enpresa edo lanbide jarduerak uzteagatiko kalteordainak eta laguntzak.

b) Literatura, arte edo zientziako sariak, zerga honetaz salbuetsirik ez daudenak. Ondorio horietarako ez dira zergatzat hartzen jabetza inteleketual edo industrialerako eskubideen lagapenetik heldu diren kontraprestazio ekonomikoak edo hauen ordezkoak.

c) Iraupen mugagabeko eskubideen ordez jasotako kalteordainak.

2. Zergari buruzko Foru Legearen 34.6 artikuluan aurreikusitako murrizketa aplikatzen ahal da, soilik, gehienez ere 300.000 euroko etekin osoetan enpresa edo lanbide jardueren etekin garbiei dagokien zati proportzionalean.

Etekin horiek zatika kobratzen badira, ez da murrizketa aplikatuko. Kobrantza zatika egina dela ulertuko da zergaldi batean baino gehiagotan egozten deneanNota de Vigencia.

23. artikulua. Enpresa edo lanbide jardueretako etekinak zehazteko araubideakNota de Vigencia.

1. Zergari buruzko Foru Legearen 34.1 artikuluan ezarritakoarekin bat, enpresa edo lanbide jardueretako etekinak zuzeneko zenbatespenaren araubidea erabiliz zehaztuko dira, non modalitate hauek bereizten diren:

a) Normala.

b) Erraztua.

c) Berezia.

2. Subjektu pasiboek horietako modalitateren bat aplikatuko dute, kontuan hartuz aplikazio mugak eta bateraezintasunerako, uko egiteko eta baztertzeko arauak, Zergari buruzko Foru Legean eta erregelamendu honetan ezarrita daudenak.

24. artikulua . Etekinak zehazteko araubideen bateraezintasunakNota de Vigencia.

1. Enpresa edo lanbide jarduera baten etekina zuzeneko zenbatespenaren araubidea, edozein modalitatetakoa, erabiliz zehazten duten subjektu pasiboek enpresa edo lanbide jarduera guztien etekin garbia zehaztuko dute araubide horretaz, dagokion modalitatez, baliatuz.

2. Haien enpresa edo lanbide jardueretakoren baten etekina zuzeneko zenbatespen arrunta erabiliz zehazten duten subjektu pasiboek hori bera erabiliko dute jarduera guztietarako.

3. Subjektu pasiboak zenbatespen objetiboa erabiltzen baldin badu egiten dituen jardueren etekina zehazteko, eta urtean zehar enpresa edo lanbide jardueraren batean, zuzeneko zenbatespen objektiboan sartuta ez dagoena edo araubide horri uko egiten diona, hasten bada, 1. idatz-zatiak aipatzen duen baterezintasunak ez du ondoriorik izanen urte horretarako lehendik egiten ari ziren jardueren kasuan.

4. Subjektu pasiboak zuzeneko zenbatespena erabiltzen baldin badu egiten dituen jardueren etekina zehazteko, eta jardueraren batean, hasten bada, arau hauek aplikatuko dira:

a) Lehendik egiten ari ziren jardueren etekina mota arrunta erabiliz zehazten bada, jarduera berriari hori aplikatuko zaio.

b) Lehendik egiten ari ziren jardueren etekina modalitate erraztua erabiliz zehazten bada, urte horretan ez da aplikatuko 2. idatz-zatiak aipatzen duen bateraezintasuna.

2. AZPIATALA . Amortizazioak

25. artikulua . Jarduera bati atxikitako ibilgetu materialaren, ukiezinaren eta higiezinetako inbertsioen elementuak amortizatzeaNota de Vigencia.

Enpresa edo lanbide jarduera bati atxikitako ibilgetu materialaren, ukiezinaren eta higiezinetako inbertsioen elementuen amortizazioa sozietateen gaineko zergaren arauetan eta erregelamendu honen 26. eta 27. artikuluetan ezarritakoari jarraikiz eginen da, Sozietateen gaineko Zergari buruzko 26/2016 Foru Legearen 15.3.1) artikuluko bigarren paragrafoa eta haren Erregelamenduaren 3. artikulua salbu.

26. artikulua . Ibilgetu materialaren amortizazioa taulen arabera.

1. 1.Subjektu pasiboak beste metodorik aukeratu ez badu, ibilgetu materialaren eta higiezinetako inbertsioen elementuei taulen araberako amortizazioa aplikatuko zaie, koefiziente eta gehieneko epeak hauexek izanik::

Nota de Vigencia

2. Ondareko elementu baten balio-galera efektiboa dela ulertuko da elementu horren eskuratze-prezioari edo produkzio kostuari urteko gehieneko koefiziente lineala aplikatuta ateratzen dena baino handiagoa ez bada eta dotazioa urteen gehieneko epearen barruan egina bada.

3. Elementu bat kontabilitatez edo erregistro bidez amortizatu bada 1. idatz-zatian ezarritako gehieneko koefizienteak aplikatzetik ateratzen dena baino altuagoa den zenbatekoan, zenbateko horren zerga egozketa ondorengo zergaldietan eginen da, 1. idatz-zatian ezarritako gehieneko epearen barrenean, zergaldi horietan kontabilitate edo erregistroko amortizazioa gehieneko koefizientea aplikatuta ateratzen den zenbatekoa baino txikiagoa denean eta zenbateko horren mugen barrenean.

Kontabilizatutako edo erregistratutako amortizazio gehiegizkoaren zerga-egozketa, aurreko lerroaldean aurreikusitakoaren arabera, ondorengo zergaldietan egitea ezinezkoa denean, gehiegizko hori eta gehieneko epetik kanpo kontabilitate edo erregistro bidez egin diren dotazioen zenbatekoak ez dira inolaz ere kengarriak izanen zergen ondorioetarako.

27. artikulua . Gutxieneko amortizazioa.

Zerga amortizazioa izan dezakeen elementu orok balio-galera izanen du urtero zenbateko hauetan:

a) Enpresa edo lanbide jarduerei atxikirik ez dauden elementuak direnean kapitalaren etekin garbia zehazteko amortizazio gastuak kengarriak diren zergaldietarako, Erregelamendu honen 13 eta 18. artikuluetan xedatutakoarekin bat, portzentaje finkoa edo hurrengo letran xedatutakoaren arabera dagokiona aplikatzetik ateratzen den zenbatekoa.

b) Enpresa edo lanbide jarduerei atxikitako elementuen kasuan, atxikita egon diren zergaldietan jardueraren etekin garbia zehaztu bada zuzeneko zenbatespenaren araubide arrunta edo erraztua erabiliz, elementuak bere balio-bizitzan duen balio osoa estaltzearren legez hartutako irizpidearen arabera konputatu beharko zatekeen amortizazioaren kopurua, benetan gastu kengarri gisa hartzen den gorabehera Nota de Vigencia.

Hartutako irizpidea Erregelamendu honen 26. artikuluan araututako taulen araberako amortizazioa denean, aplikatzekoak diren koefizientea eta gehieneko epeari jarraikiz, epe horretan zergen ondorioetarako kengarria izan ez zitekeen zenbatekoa.

c) Enpresa jarduerei atxikitako ibilgetu materialaren eta higiezinetako inbertsioen elementuen kasuan, atxikita egon diren zergaldietan jardueraren etekin garbia zehaztu bada zuzeneko zenbatespenaren araubide berezia edo zenbatespen objektiboko araubidea erabiliz, 26. artikuluan adierazitako gehieneko amortizazio epearen ondoriozko koefizientea aplikatuz ateratzen den zenbatekoa Nota de Vigencia.

Ibilgetu ukiezinaren elementuen kasuan, amortizatu beharreko elementuaren balioa, erabilgarria den bitartean, hartzeko beharrezkoa den kuota linealaNota de Vigencia.

d) Cuando se trate de elementos de transporte afectos a una actividad económica, a los que se deba aplicar la limitación de la deducibilidad de gastos regulada en las letras a) y b) del artículo 23.3 de la Ley Foral 26/2016 del Impuesto sobre Sociedades, con independencia del régimen de determinación del rendimiento neto, en el importe resultante de aplicar el coeficiente que se deriva del periodo máximo de amortización previsto en el artículo 26 de este Reglamento al precio de adquisiciónNota de Vigencia.

3. AZPIATALA . Zuzeneko zenbatespen erraztua eta zuzeneko zenbatespen bereziaNota de Vigencia

28. artikulua . Uko egitea eta baztertzeaNota de Vigencia.

1. Etekin garbia zuzeneko zenbatespenaren araubide erraztua eta berezia aplikatuz kalkulatzeari uko egin nahi izanez gero, ondorioak zein urte naturaletan hastea nahi den, aurreko urteko abenduan egin beharko da, edo, jardueraren hasieraren kasuetan, jarduera hasi eta hurrengo hogeita hamar eguneko epean.

Ukoak hiru urterako ondorioak izanen ditu, gutxienez. Epe hori bukatuta, ondorioztatuko da ukoa isilbidez luzatzen dela modalitate hori aplika litekeen hurrengo urteetarako, urtez urte, salbu eta aurreko paragrafoan adierazitako epean ukoa errebokatzen bada.

Ukoak zein urtetan izan behar dituen ondorioak, horren aurre-aurreko urtean negozio-zifraren muga gainditu bada (dagokion modalitatearen aplikazio-eremuak zehazten du zifra hori), ukoa ez aurkeztutzat hartuko da.

Ukoa eta errebokatzea zerga arloan eskumena duen departamentuak onesten duen ereduarekin bat datorren aitorpenaren bidez aurkeztuko dira.

2. Zergari buruzko Foru Legearen 36. artikuluaren A).1 eta B.1) letretan ezarritako gehieneko negozio-zifrak gainditzeak berekin ekarriko du zuzeneko zenbatespenaren araubidearen modalitate erraztutik eta modalitate berezitik baztertzea, hurrenez hurren.

Muga hori zein urtetan gainditzen den, hurrengo urtean izanen ditu ondorioak bazterketak.

3. Baztertzeko arrazoia izanen da, orobat, Zergari buruzko Foru Legearen 35.2 artikuluan ezarritako bateraezintasuna, hantxe ezarritako ondorioekin.

4. Zuzeneko zenbatespenaren araubide erraztuari uko egiteak edo hortik baztertzeak berekin ekarriko du subjektu pasiboak araubide arrunta erabiliz zehaztu beharra bere enpresa edo lanbide jarduera guztien etekin garbia.

5. Zuzeneko zenbatespenaren araubide bereziari uko egiteak edo hortik baztertzeak berekin ekarriko du subjektu pasiboak araubide erraztua erabiliz zehaztu beharra bere enpresa edo lanbide jarduera guztien etekin garbia.

29. artikulua . Errentak eratxikitzeko araubideko entitateakNota de Vigencia.

1. Zuzeneko zenbatespenaren araubide erraztua eta berezia aplikatzen ahalko dira Zergari buruzko Foru Legearen 11. artikuluan aipatzen diren entitateek egindako enpresa edo lanbide jardueren etekin garbia kalkulatzeko, baldin eta:

Lehenengoa.–Entitatearen bazkide, jaraunsle, erkide edo partaide guztiak zerga honen subjektu pasibo diren pertsona fisikoak badira.

Bigarrena.–Entitateak Zergari buruzko Foru Legearen 36. artikuluaren A).1 eta B).1 letretan ezarritako betebeharrak betetzea, hurrenez hurren.

2. Ukoa bazkide, jaraunsle, erkide edo partaide guztiek egin beharko dute, 28. artikuluan xedatutakoarekin bat.

3. Modalitate erraztua edo berezia aplikatuko da zein diren ere bazkide, jaraunsle, erkide edo partaide bakoitzarengan biltzen diren inguruabarrak.

30. artikulua . Etekin garbia zehazteaNota de Vigencia.

1. Zuzeneko zenbatespenaren araubidearen modalitate erraztua aplikatzekoa zaien enpresa edo lanbide jardueren etekin garbia Pertsona Fisikoen Errentaren gaineko Zergari buruzko Foru Legearen 34 eta 35. artikuluetan bilduta dauden arauei jarraikiz zehaztuko da, berezitasun hauekin:

b) Ekarpenak ez dira kengarriak izanen, ez eta narriaduragatiko galerak ereNota de Vigencia.

1. Ibilgetu materialaren amortizazioak Erregelamendu honen 26. artikuluan ezarritako taulen metodoa soilik erabiliz eginen dira.

2. Hornidurak ez dira kengarriak izanen.

2. Aurreko idatz-zatian xedatutakoari jarraikiz kalkulatutako etekin garbi positiboari ehuneko 5a kenduko zaio.

31. artikulua . Esleipen araubideko entitateakNota de Vigencia.

1. Zuzeneko zenbatespenaren araubidearen modalitate erraztua aplikatzekoa izanen da Zergari buruzko Foru Legearen 11. artikuluak aipatzen dituen entitateek egindako enpresa edo lanbide jardueren kasuan, beti ere, baldintza hauekin:

1. Bere bazkide, jaraunsle, erkide edo partaide guztiak zerga honen kargapeko pertsonak fisikoak badiraNota de Vigencia.

2. Entitateak Erregelamendu honen 28. artikuluan zehaztutako baldintzak betetzea.

2. Modalitateari bazkide, oinordeko, erkide edo partaide guztiek eginen diote uko, eta Erregelamendu honen 29. artikuluan xedatutakoarekin bat.

3. Modalitate hau aplikatuko da bazkide, oinordeko, erkide edo partaideen banakako inguruabarrak zeinahi direla ere.

4. AZPIATALA . Zenbatespen objetiboaNota de Vigencia

32. artikulua . Aplikazio esparruaNota de Vigencia.

1. Zenbatespen objektiboko araubidea zerga arloko eskumena duen departamentuko titularrak ezartzen dituen enpresa eta lanbide jarduerei aplikatuko zaie, bakarka hartuta, salbu eta subjektu pasiboek uko egiten badiote araubide horri edo haren aplikaziotik kanpo badaude 33. eta 34. artikuluetan aurreikusitako moduan.

Nolanahi ere, araubide hau ezin izanen zaie aplikatu Espainiako lurraldetik kanpo osorik edo zati batean gauzatzen diren enpresa edo lanbide jarduerei.

2. Araubidea aplikatuko da zerga arloko eskumena duen departamentuko titularrak emandako foru agindu batean ezartzen diren baldintza eta betebeharrekin bat.

3. Diru-sarreren bolumenaren magnitudea konputatzeko, kontuan hartuko dira, subjektu pasiboak eginiko enpresa jarduerei dagozkien eragiketak ez ezik, ezkontideak, ondorengo ahaideek eta aurreko ahaideek egindakoei dagozkienak ere, bai eta ahaide horietakoren bat partaide duten errentak eratxikitzeko araubideko entitateek egindakoak ere, eta, orobat, subjektu pasiboari Sozietateen gaineko Zergari buruzko 26/2016 Foru Legearen 28. artikuluan ezarritako moduan lotutako entitateek egindakoak, inguruabar hauek gertatzen badira:

a) Gauzatzen diren enpresa jarduerak berdinak edo berdintsuak izatea. Ondorio horietarako, berdinak edo berdintsuak direla ulertuko da ekonomia jardueren gaineko zergan talde berean sailkatu badira.

b) Jarduera horien zuzendaritza bateratua izatea, baliabide materialak edo langileak partekatuz.

33. artikulua . Ukoa.

1. Zenbatespen objetiboaren araubidearen ukoa ondorioak izan behar dituen urtearen aurreko abenduan egin beharko da, edo jarduerari hasiera ematen bazaio, hasi ondoko hogeita hamar egunen epearen barrenean. Halere, araubide hau garatuko duen Foru Aginduan ukoa egiteko epe bereziak ezarri ahal izanen dira.

2. Zenbatespen objetiboari uko egiteak zuzeneko zenbatespenaren araubidearen modalitate erraztuaren aplikazio eremuan sartzea ekarriko du, 28. artikuluaren 1. idatz-zatian aurreikusiriko moduan.

3. Ukoak hiru urtetarako izanen ditu ondorioak, gutxienez. Epe hori iraganik, luzatzen dela ulertuko da besterik gabe, zenbatespen objetiboa aplikatzekoa izan daitekeen hurrengo urte bakoitzeko, salbu eta 1. idatz-zatian aurrekusiriko epean atzera botatzen bada.

Zenbatespen objetiboaren araubideari egindako ukoak ondorioak izan behar dituen urtearen aurrekoan aplikazio eremua zehazten duten mugak gainditzen badira, ukoa ez aurkeztutzat hartuko da.

4. Ukoa eta errebokatzea zerga arloko eskumena duen departamentuak onesten duen ereduarekin bat egindako aitorpen bidez aurkeztuko diraNota de Vigencia.

34. artikulua . Kanpo gelditzea.

1. Erregelamendu honen 32.2 artikuluak aipatzen dituen mugak gainditzeak zenbatespen obejtiboaren araubidetik kanpo gelditzea ekarriko du.

Aipatutako inguruabarra gertatu ondoko urtean izanen ditu ondorioak kanpoan gelditzeak.

2. Era berean, araubide honetatik kanpo gelditzeko arrazoia izanen da Erregelamendu honen 24. artikuluan aurreikusiriko bateraezintasuna egotea eta 35. artikululo 2. idatz-zatitik bazter gelditzea.

3. Zenbatespen objetiboaren araubidetik kanpo gelditzeak zuzeneko zenbatespenaren araubideko modalitate erraztuaren aplikazio eremuan sartzea ekarriko du, Eregelamendu honen 35. artikuluko 2. idatz-zatian aurreikusi bezala.

35. artikulua . Balio Erantsiaren gaineko zergarekin koordinatzea.

1. Araubide berezi erraztuari edo Balio Erantsiaren gaineko zergaren nekazaritza, abeltzaintza eta arrantzarako araubide bereziari uko egiteak zenbatespen objetiboaren araubideari uko egitea ekarriko du, subjektu pasiboak betetzen dituen enpresa eta lanbide jarduera guztietarako.

2. Balio Erantsiaren gaineko Zergaren araubide berezi erraztutik kanpo gelditzeak zenbatespen obejtiboaren araubidetik kanpo gelditzea ere ekarriko du, subjektu pasiboak betetzen dituen enpresa eta lanbide jarduera guztietarako.

36. artikulua . Etekin garbia zehaztea.

1. Subjektu pasiboek dagokion etekin garbia zehaztuko dute araubidea aplikatzekoa den jarduera bakoitzaren kasuan.

2. Subjektu pasiboak berak zehaztuko du aurreko apartatuan aipatzen den etekin garbia, jarduera bakoitzari zerga arloko eskumena duen departamentuko titularrak ezarritako zeinuak, indizeak edo moduluak egotziz.

Kalkulatzen den etekin garbian ez dira sartuko enpresa edo lanbide jarduerei atxikitako ibilgetuaren elementuetan izandako ondare gehikuntzak eta jaitsierak, horien zenbatespena eta tributazioa Zergari buruzko Foru Legean eta erregelamendu honetan ondare gehikuntza eta jaitsieretarako aurreikusitako arauekin bat eginen baitira.

Araubide honen babeseko nekazaritza, abeltzaintza eta basogintzako jarduerak direnean, sarrera gisa zenbatuko da 10 urtez ibilgetuaren elementu ez amortizagarriak edo 10 urtetik gorako amortizazio-epea dutenak finantzatu dituzten kapitaleko diru-laguntzen ehuneko hamarNota de Vigencia.

3. Araubide honen menpeko jarduera baten eragiketak urtarrilaren 1etik aurrera hasi edo abenduaren 31 baino lehen bukatzen badira, zeinu, indize edo moduluak subjektu pasiboa jardueran urte naturalean aritutako denboraren proportzioan aplikatuko dira.

Idatz zati honetan xedatutakoa ez da aplikatuko denboraldiko jardueren kasuan, horiek dagokion Foru Aginduan ezarritakoak arautuko baititu.

4.

1. Araubide hau aplikatzen duten enpresa edo lanbide jardueretan suterik, uholderik, edo sektore edo eremu zehatz bati eragiten dioten ohiz kanpoko gorabeherarik gertatzen bada, zerga arloko eskumena duen departamentuko titularrak, salbuespen gisa, zeinu, indize edo moduluak murriztea baimentzen ahalko du.

2. Araubide hau aplikatzen duten enpresa edo lanbide jardueretan suterik, uholderik, hondoratzerik edo matxura handirik edo antzeko ohiz kanpoko egoerarik gertatzen bada ekipo industrialean eta horrek jarduerari gorabehera larriak ekartzen badizkio, interesdunek zeinu, indize edo moduluak murriztea eskatzen ahalko diote zerga arloko eskumena duen departamentuari, haiek gertatu eta hogeita hamar eguneko epean. Horretarako, bidezkoak iruditzen zaizkien frogak aurkeztu beharko dituzte, eta gorabehera horiek direla-eta jaso beharreko kalte-ordainen berri ere eman beharko dute, halakorik bada. Gorabehera horien egiazkotasuna frogatzen bada, zeinu, indize edo moduluak murriztea baimentzen ahalko da, dagokiona.

3. Araubide hori aplikatzen duten enpresa edo lanbide jardueretan suterik, uholderik, hondoratzerik edo ohiz kanpoko beste gorabeherarik gertatzen bada eta, haien ondorioz, jardueraren prozesu normalean ohikoak ez diren gastuak sortzen badira, interesdunek zilegi dute ateratzen den etekin garbiari gastu horiek kentzea. Horretarako, subjektu pasiboek gorabehera horren berri eman beharko diote zerga arloko eskumena duen departamentuari, gertatu eta hogeita hamar eguneko epean. Frogagiriak aurkeztu beharko dituzte, eta ohiz kanpoko inguruabar horiek direla-eta jaso beharreko kalte-ordaina ere aipatu beharko dute. Departamentuak egiaztatuko du etekinaren murriztapenaren arrazoia eta haren zenbatekoa egiazkoak direnNota de Vigencia.

5. Jarduera bakoitzari aplikatzekoak zaizkion zeinu, indize edo moduluak finkatzen dituen Foru Aginduak zenbaketa egokirako jarraipideak bilduko ditu eta Nafarroako ALDIZKARI OFIZIALean argitaratuko da.

37. artikulua . Jarduera independienteak.

1. Zenbatespen objetiboaren araubidea aplikatzeko, jarduera independientetzat hartuko dira araubide hori erregulatzen duten Foru Aginduetan berariaz bilduko diren guztiak.

2. Jarduera honetan sartuta dauden eragiketa ekonomikoak zehazteko Jarduera Ekonomikoen gaineko Zergaren arauak erabiliko dira, aplikatu daitezkeen neurrian.

38. artikulua . Esleipen araubidean dauden entitateak.

1. Zenbatespen objetiboko araubidea aplikatuko da Zergari buruzko Foru legearen 11. artikuluak aipatzen dituen entitateek betetako enpresa edo lanbide jardueren etekin garbia zehazteko, beti ere bazkide, oinordeko, erkide edo partaide guztiek pertsona fisikoak badira eta dagokion Foru Aginduak ezarritako baldintzak betetzen badituzte.

2. Araubideari bazkide, oinordeko, erkide edo partaide guztiek eginen diote uko, eta Erregelamendu honen 33. artikuluan xedatutakoarekin bat.

3. Zenbatespen objektiboko araubidea aplikatuko da bazkide, oinordeko, erkide edo partaideen banakako inguruabarrak zeinahi direla ere.

Halere, sarreren bolumenaren magnitudea ezartzeko, kontuan hartuko dira, entitateak berak eratxekitzeko araubidean betetako enpresa jarduerei dagozkien eragiketak ez ezik, honakoek egindakoak ere: haren bazkideek, ondorengoek, erkideek edo partaideek; horien ezkontideek, eta ondorengo eta aurreko ahaideek; bai eta ahaide horietakoren bat partaide duten errentak eratxikitzeko araubideko entitateek edo pertsona horiekin lotura duten entitateek ere, Sozietateen gaineko Zergari buruzko 26/2016 Foru Legearen 28. artikuluan ezarritako moduan, betiere inguruabar hauek gertatzen badiraNota de Vigencia:

_ Enpresa jarduera berdinak edo berdintsuak egitea. Berdintzat edo berdintsutzat joko dira Jarduera Ekonomikoen gaineko Zergaren ondorioetarako multzo berean sailkaturik daudenak.

_ Jarduera horiek guztiek helbide komuna izatea eta langileak edo materialak partekatzeaNota de Vigencia.

4. ATALA. ONDARE GEHIKUNTZAK ETA MURRIZKETAK

39. artikulua . Eskuratzebalioa zehaztea.

1. Eskualdatutako ondare elementuen eskuratze-balioari zerga aldetik kengarriak diren amortizazioen zenbatekoa kenduko zaio, eta edozein kasutan Erregelamendu honen 27. artikuluak aipatzen duen gutxieneko amortizazioa kontatuko da, azken hori egiaz gastutzat hartu ala ez.

2. Eskuratze-balioa kalkulatzeko, kontuan hartuko dira legezko edo erregelamenduzko arauez baliatuz egindako enpresa edo lanbide jarduerei atxikitako ondare elementuen birbalorazioak, kontabilitatekoak nahiz erregistrokoak.

40. artikulua . Salbuespena, ohiko etxebizitza eskualdatzeanNota de Vigencia.

1. Subjektu pasiboaren ohiko etxebizitzaren eskualdaketan ageri diren ondare gehikuntzek salbuespena izan dezakete baldin eta lortutako zenbateko osoa berriz inbertitzen bada ohiko etxebizitza berria eskuratzeko edo birgaitzeko, artikulu honetan ezartzen diren baldintzetan.

Ez da ohiko etxebizitzako erosketan inbertitutako zenbatekotzat hartuko garajeko tokiak, lorategiak, parkeak, igerilekuak eta kirol instalazioak eskuratzea, ez eta, orokorrean, etxebizitza bera ez diren eranskinak edo beste edozein elementu ere.

Aurreko paragrafoan xedatutakoa gorabehera, etxebizitzaren erosketatzat hartuko dira trastelekua eta garajeko tokiak (bi gehienez ere) erostea, bizitzarekin batera erosten direnak, bai eta hirigintza arauen arabera etxebizitza eraikitzeko beharrezkoa den lur-eremua ere.

Ezohiko etxebizitza eskualdatzen duten subjektu pasiboek ere izan dezakete salbuespen hau, bai eta Zergari buruzko Foru Legearen 39.5.b) artikuluan aurreikusitakoa ere, baldin eta hura ohiko etxebizitza izan bada eskualdaketa egin aurreko bi urteetanNota de Vigencia.

2. Ondorio horietarako soilik, lortutako zenbateko osoa hau izanen da: eskualdatutako etxebizitza erosteko erabilitako maileguaren printzipalari, eskualdaketaren unean amortizatu gabe dagoenari, eskualdaketaren balioa kentzearen emaitzaNota de Vigencia.

3. Berrinbertsioaren zenbatekoa kalkulatzearen ondorioetarako, kontuan hartuko dira etxebizitza eskuratzeko edo birgaitzeko ordaindutako kopuruak, eskuratzailearen kontura izan diren gastuak barneNota de Vigencia.

4. Artikulu honetan ezarritako baldintzetako edozein ez betetzeak dagokion ondare gehikuntzaren zatia zergapetzea ekarriko du.

Hala izanez gero, subjektu pasiboak salbuetsirik ez dagoen ondare gehikuntzaren zatia hura lortu zuen urteari egotziko dio, eta aitorpen-likidazio osagarria, berandutza interesak barne, egin eta aurkeztuko du, ez betetzea gertatzen denetik data horren zergaldiari dagokion aitorpenerako erregelamenduzko epea amaitu arteko epean aurkeztuko du.

5. Berrinbertsioaren zenbatekoa salmentan lortutako guztizkoa baino txikiagoa bada, zergatik kanpo geratuko da artikulu honetako baldintzetan benetan inbertitutako zenbatekoari dagokion kapital-gehikuntzaren zati proportzionala soilik.

6.

a) Oro har, subjektu pasiboaren ohiko etxebizitza izanen da haren bizilekua gutxienez hiru urtez jarraian izan den eraikina.

Hala ere, etxebizitzak ohikoaren izaera izan zuela ulertuko da, nahiz eta epe hori ez iragan, subjektu pasiboa hiltzen bada edo etxebizitza aldatzera nahitaez behartzen duten inguruabarrak gertatzen badira, hala nola ezkontzea, ezkontideen banaketa, lana lekuz aldatzea, lehenbiziko lana lortzea, lana aldatzea edo etxebizitzaren desegokitasuna desgaitasunaren ondorioz edo justifikatutako antzeko beste egoera batzuengatik.

b) Etxebizitza subjektu pasiboaren ohiko bizilekutzat har dadin, subjektu pasiboa bera etxebizitzan benetan bizi beharko da etengabe hamabi hilabetez, etxebizitza erosi edo obrak bukatzen ziren egunetik kontatzen hasita.

Hala ere, ulertuko da etxebizitzak ez duela ohikoaren izaera galtzen subjektu pasiboa hiltzen bada edo etxebizitzaren okupazioa nahitaez galarazten duten beste inguruabar batzuk gertatzen direnean, artikulu honen 1. apartatuan aurreikusitako moduan.

Hala ere, subjektu pasiboak ohiko etxebizitza badu daukan kargu edo enpleguarengatik eta erositako etxebizitza ez bada erabiltzen, lehen aipatutako epe hori kargua edo enplegua uzten den egunetik hasiko da kontatzenNota de Vigencia.

7.

a) Etxebizitzaren erosketarekin parekatzen da hura eraikitzea, subjektu pasiboak zuzenean ordaintzen baditu lanak egiteak eragindako gastuak edo lanen sustatzaileari konturako diru-kopuruak ematen badizkio, lanak, betiere, inbertsioa hasi eta gehienez ere lau urteko epean amaitzen badira.

b) Konkurtso egoeran egoteagatik sustatzaileak ez baditu eraikuntza lanak amaitzen a) letran aipatzen den lau urteko epea iragan aurretik edo ezin baditu etxebizitzak entregatu epe horretan berean, epea beste lau urtez luzatuko da.

Kasu horietan, 6.b) apartatuak aipatzen duen hamabi hilabeteko epea entrega egiten denetik aurrera hasiko da kontatzen.

Apartatu honetan aurreikusten den epe luzapenak ondorioak izateko, subjektu pasiboak zergaren aitorpena aurkeztu beharko du, hasierako epea bete gabe gelditu den zergaldiari dagokiona, eta aitorpenari erantsi beharko dizkio etxebizitzan egin dituen inbertsioen ziurtagiriak eta aipatutako egoeretako bat gertatu izana frogatzen duten agiriak.

c) Subjektu pasiboari egotzi ezin zaizkion ohiz kanpoko beste inguruabar batzuk direla-eta lanak gelditzen badira eta ezin badira amaitu a) letran aipatzen den lau urteko epea iragan baino lehen, subjektu pasiboak epea luzatzeko eskatzen ahalko du epea bete gabe gelditu eta hurrengo hogeita hamar egunean, zerga kudeatzeko eskumena duen zerbitzuan.

Eskabidean epea ez betetzea eragin duten arrazoien justifikazioa aurkeztu beharko da, bai eta eraikitze lanak amaitzeko ustez beharko den denborarena ere; denbora gehigarri hori ez da lau urte baino gehiagokoa izanen.

Aurkeztutako dokumentazioa ikusirik, zerga kudeatzeko eskumena duen zerbitzuko arduradunak erabakiko du eskatutako luzapena bidezkoa den, baita luzapenaren epea ere, ez baita subjektu pasiboak eskatutakoa izan beharko nahitaez.

Luzapenerako eskaera hiru hilabeteko epean berariaz ebazten ez bada, ezetsi dela ulertzen ahalko da.

Onartutako luzapena hasiko da kontatzen epea bete gabe gelditu eta biharamuneanNota de Vigencia.

8. Birgaitzea izanen da etxebizitza eta hiri ondarea birgaitzeko babesari dagokionez legez eska daitezkeen baldintzak betetzen dituena, erakunde eskudunak emandako egiaztagiriaren bidez hala dela frogatutaNota de Vigencia.

9. Artikulu honetan ezarritako baldintzaren bat ez betetzeak baldintzatuko du dagokion kapital-gehikuntzaren zatia bahitura aurkeztea.

Halako batean, zergadunak kapital-gehikuntzaren salbuetsi gabeko zatia lortu den urtera bideratuko du, aitorpen-likidazio osagarria eginez, berandutza-interesak barne, eta dataren arteko epean aurkeztuko da. ez-betetzea gertatzen den eta ez-betetze hori gertatzen den zerga-aldiari dagokion aitorpen-epea iraungitzeaNota de Vigencia.

41. artikulua . Enpresa edo lanbide jarduerei atxikitako elementuak berrinbertitzeagatiko salbuespenaNota de Vigencia.

1. Sozietateen gaineko Zergari buruzko 26/2016 Foru Legearen 37.5.b) artikuluan ezarritako baldintza betetzeko, enpresa edo lanbide jardueretan aritzen diren subjektu pasiboek, baldin eta jarduera horien etekin garbia kalkulatzen badute zuzeneko zenbatespenaren araubide arrunta edo araubide erraztua erabiliz, inbertsio ondasunen erregistro liburuan jaso beharko dute berrinbertsioa zein elementutan gauzatu den, gainerako elementuetatik bereiziz, argi identifikatu ahal izateko.

Gainera, zergaren aitorpenetan, berrinbertitutako errentei buruzko datu guztiak adierazi beharko dituzte, bai eta berrinbertsio horiek zein elementutan gauzatu diren ere.

Beren jardueren etekin garbia zuzeneko zenbatespenaren araubide berezia erabiliz kalkulatzen duten subjektu pasiboek aurreko paragrafoan aipatutako datuak baizik ez dituzte adierazi beharko kasuan kasuko zerga aitorpenetan.

2. Sozietateen gaineko Zergari buruzko 26/2016 Foru Legearen 37. artikuluan ezarritako baldintzak ez betetzeak salbuespena osorik edo hein batean galtzea ekarriko du. Kasu horretan, subjektu pasiboak ez-betetzea gertatzen den zergaldiari dagokion pertsona fisikoen errentaren gaineko zergaren aitorpenean sartu beharko du salbuespena aplikatu zeneko ekitaldian zegokion kuota osoaren zenbatekoa, berandutze-interesak barne.

3. Sozietateen gaineko Zergari buruzko Foru Legearen 36. artikuluan ezarritako baldintzak ez betetzeak salbuespena osorik edo hein batean galtzea ekarriko du. Kasu horretan, subjektu pasiboak ez-betetzea gertatzen den zergaldiko Pertsona Fisikoen Errentaren gaineko Zergaren aitorpenean sartu beharko du salbuespena aplikatu zeneko ekitaldian zegokion kuota osoaren zenbatekoa, berandutze-interesak barneNota de Vigencia.

42. artikulua . Ondaregehikuntzak egoitza atzerrira aldatzeagatikNota de Vigencia.

1. Zergari buruzko Foru Legearen berrogeita seigarren xedapen gehigarrian aipatzen diren ondare-gehikuntzak zerga honetan aitorpena egin behar den azken zergaldiari dagokion zerga-oinarrian sartu beharko dira, eta autolikidazio osagarria egin beharko da, inolako zehapenik, berandutze-interesik eta errekargurik gabe, egoitza aldaketaren ondorioz zergadunak izaera hori galdu ondoko lehen ekitaldiari dagokion zerga aitorpena egiteko epean.

2. Zerga zorraren gerorapena, Zergari buruzko Foru Legearen berrogeita seigarren xedapen gehigarriaren 4. apartatuan aurreikusten dena, uztailaren 2ko 177/2001 Foru Dekretuaren bidez onetsitako Diru-bilketaren Erregelamenduan aurreikusitako arauek zuzenduko dute, berezitasun hauekin:

a) Eskaerak egin beharko dira aurreko apartatuan aipatzen den aitorpen-epean, eta eskaeran adierazi beharko da zergadunak zer herrialde edo lurraldetara aldatu duen egoitza.

b) Zerga honen aitorpena aurkezteko azken ekitaldia zein den, horren ondoko bost ekitaldietako epea amaitu eta hurrengo urteko ekainaren 30ean amaituko da gerorapena. Halere, epe hori 3. apartatuan xedatutakoaren arabera luzatu baldin bada, gerorapena epe berria amaitu eta hurrengo urteko ekainaren 30a arte luzatuko da.

c) Leku aldaketa lan arrazoiengatik egiten bada, lekualdatzea eragin duen lan harremana frogatzen duen agiri bat aurkeztu beharko da, pertsona edo entitate enplegatzaileak egindakoa.

d) Zergadunak akzioen edo partaidetzen titularitatea eskualdatzen badu Zergari buruzko Foru Legearen berrogeita seigarren xedapen gehigarriaren 4. apartatuak aipatzen duen epea amaitu aurretik, akzioak edo partaidetzak eskualdatzen direnetik hasi eta bi hilabeteko epean amaituko da gerorapena.

3. Lan arrazoiengatik paradisu fiskala ez den herrialde edo lurralde batera aldi baterako aldatzea justifikatzen duten inguruabarrak daudenean, eta aldaketaren iraupenak ez dionean zergapekoari zerga honen zergadun izaera berreskuratzeko aukerarik ematen zerga honetan aitorpena aurkeztu behar duen azken zergaldiaren ondoko bost ekitaldietan, zergapekoak epea luzatzeko eskatzen ahalko dio zerga administrazioari, aurreko apartatuan aurreikusitako gerorapenaren mugaeguna atzeratzeko.

Zerga honen aitorpena aurkezteko azken ekitaldia zein den, horren ondoko bost ekitaldien epea amaitu aurreko hiru hilabeteen barruan aurkeztu beharko da eskaera.

Eskaeran adierazi beharko dira lekualdatzea luzatzea justifikatzen duten arrazoiak eta zerga honen zergadun berriz izateko beharrezkotzat jotzen den denbora, dagokion justifikazioa erantsita.

Aurkeztutako dokumentazioa ikusirik, zerga administrazioak erabakiko du eskatutako luzapena bidezkoa den eta luzapenaren xede diren ekitaldiak zein diren.

Luzapenerako eskaera hiru hilabeteko epean berariaz ebazten ez bada, ezetsi dela ulertzen ahalko da.

4. Zergari buruzko Foru Legearen testu bateginaren berrogeita seigarren xedapen gehigarriaren 6. apartatuan aurreikusitako espezialitateak aukeratu nahi izanez gero, egoitza Europar Batasuneko edo Europako Esparru Ekonomikoko kide den beste estatu batera (harekin zerga arloko informazio truke egiazkoa badago) aldatzearen ondorioz, Iruzur Fiskalari aurre egiteko azaroaren 29ko 36/2006 Legearen lehen xedapen gehigarriaren 4. apartatuan aurreikusitako moduan, jakinarazpena bidali beharko zaio zerga administrazioari, zerga arloko eskumena duen departamentuko titularrak onesten duen ereduaren araberakoa eta hark ezarritako tokian eta moduan aurkeztu.

Jakinarazpen horretan, besteak beste, datu hauek jaso beharko dira:

a) Egoitza aldatzeagatik ondare gehikuntza ekarri duten akzioak edo partaidetzak identifikatzea.

b) Akzioen edo partaidetzen merkatuko balioa, Zergari buruzko Foru Legearen berrogeita seigarren xedapen gehigarriaren 3. apartatuan aipatzen dena.

c) Egoitza zer estatutara aldatzen den, helbidea adierazita, baita ondoren helbidea aldatu duen ere.

Lekualdaketa egiten denetik zergadunak egoitza aldaketaren ondorioz izaera hori galdu duen lehenbiziko ekitaldiari dagokion zergaren aitorpen epea amaitzen den arte aurkeztu beharko da jakinarazpena. Helbidearen aldaketak, c) letran aipatzen direnak, bi hilabeteko epean jakinarazi beharko dira, egiten direnetik hasita.

5. Ondare gehikuntzaren gaineko autolikidazioa egin behar bada Zergari buruzko Foru Legearen berrogeita seigarren xedapen gehigarriaren 6.a) apartatuan aipatzen diren inguruabarrak gertatzeagatik, autolikidazioa aurkeztuko da inguruabarra gertatzen den egunetik zerga honen aitorpenak aurkezteko hurrengo epearen amaierara bitarteko epean, edo egoitza aldaketaren ondorioz zergadunak izaera hori galdu ondoko lehen ekitaldiari dagokion zerga aitorpena egiteko epean, egoitza aldaketa ondoren gertatu denean.

III. KAPITULUA. GAUZAZKO ERRENTAK

43. artikulua . Sozietate fundatzaileen eskubideak.

Sozietate baten fundatzaile edo sustatzaileek, zerbitzu pertsonalen ordainsari gisa, beraiendako gordetzen dituzten eskubide ekonomiko bereziak, entitatearen mozkinen portzentajea direnean, jasoko duten gutxieneko balorazioa izanen da eskubide horiei mozkinean onartzen zaien partaidetza bera izatea ahalbidetzen duen kapital sozialaren baliokidea den balioa.

44. artikulua . Gauzazko ordainsariak ez diren eritasun aseguruen gastuakNota de Vigencia.

Zergari buruzko Foru Legearen 15.1.e) artikuluan aurreikusitakoari jarraikiz, ez dira gauzazko lan etenkintzat hartuko enpresek aseguru entitateei eritasunerako ordaindutako primak edo kuotak, baldintza hauek betetzen badira:

1. Eritasunerako aseguruak langilea bera hartzea, ezkontidea eta ondorengoak ere har ditzakeela.

2. Ordaindutako prima edo kuotek urtean 60.000 pezetatik gora ez egitea. Aseguruak ezkontidea edo ondorengoak ere hartzen baditu, muga 200.000 pezetakoa izanen da, urtean. Zenbateko horien gainetik dagoena gauzazko ordainsaria izanen da.

45. artikulua . Langileen gaikuntzarako edo birziklatzerako ikasketa gastuak, gauzazko lansariak ez direnakNota de Vigencia.

Zergari buruzko Foru Legearen 15.2.a) artikuluan aurreikusitakoaren ondorioetarako, ez dira gauzazko ordainsaritzat hartuko erakundeek, enpresek edo enplegu emaileek erabakitako ikasketak, haiek beraiek zuzenean nahiz zeharka finantzatuak daudenak beren langileak eguneratu, gaitu edo birziklatzeko asmoz, baldin eta beharrezkoak badira langileek beren jarduerak betetzeko edo lanpostuak dituen ezaugarriengatik, are beste pertsona edo entitate espezializatu batzuek ematen dituztenean ere. Kasu horietan, lokomozio, mantenu eta ostatatze gastuei dagokienez, 8. artikuluan ezarritakoak aginduko duNota de Vigencia.

Aurreko paragrafoan xedatutakoaren ondorioetarako, ulertuko da ikasketak pertsona edo entitate enplegatzaileak berak xedatu eta zeharka finantzatu dituela, nahiz eta beste enpresa edo entitate batzuek finantzatu, enpresa edo entitate horiek merkaturatzen dituzten produktuetarako beharrezkoa denean langileak prestakuntza egokia izatea, betiere enplegatzaileak ikasketetan parte-hartzea baimentzen badu.

46. artikulua . Enpresen jantokietako gastuakNota de Vigencia.

1. Zergari buruzko Foru Legearen 15.3.a) artikuluan jasotako salbuespenaren ondorioetarako, enpresen jantokietan merkeago egindako entregatzat hartuko dira zerbitzua emateko zeharkako eta zuzeneko formulak, lan arloko legerian onartutakoak, betiere baldintza hauek betetzen badituzteNota de Vigencia:

a) Zerbitzua enplegatuarentzat edo langilearentzat baliodunak diren egunetan ematea.

b) Zerbitzua ez ematea enplegatuak edo langileak 8. artikuluaren arabera zergapetzetik salbuetsirik dauden mantenu dietak sortzen dituzten egunetanNota de Vigencia.

2. Zerbitzua zeharkako formulen bidez ematen denean, aurreko idatz-zatian eskatzen diren baldintzez gain beste hauek ere bete beharko dira:

1. Zeharkako formulen zenbatekoa ez da 9 eurotik gorakoa izanen egunean. Eguneko zenbatekoa handiagoa izanez gero, gauzazko ordainsaria eman beharko da soberakinaren ordainez. Zenbateko hori Ekonomia eta Ogasun kontseilariak aldatu ahal izanen du formula horien bilakaera ekonomikoa eta eduki soziala kontuan harturik.

2. Zerbitzua emateko enplegatuari edo langileari jatordu-bonoak edo antzeko agiriak, ordaintzeko txartelak edo ordaintzeko bestelako bitarte elektronikoak ematen bazaizkio, honakoa bete beharko da:

a) Zenbakituta eta dagokionaren izenean luzatuta egonen dira, eta enpresa jaulkitzailea zein den agertuko da. Gainera, paperezko euskarrian ematen badira, zenbateko nominala ere agertuko da.

b) Ezin izanen dira eskualdatu eta egun batean kontsumitzen ez den zenbatekoa ezin izanen zaio beste egun batekoari gehitu.

c) Ezin izanen da haien zenbatekoa jaso ez enpresarengandik ez hirugarrenengandik.

d) Ostalaritzako establezimenduetan baizik ez dira erabiliko.

e) Ematen dituen enpresak enplegatu edo langile bakoitzari emandakoen zerrenda egin eta gorde beharko du, bertan honakoak adierazirik:

_ Jatordu-bonoak edo antzeko agiriak badira, agiriaren zenbakia, eman den eguna eta zenbateko nominala.

_ Txartelak edo ordaintzeko bestelako bitarteko elektronikoak badira, agiriaren zenbakia eta egun bakoitzean emandako zenbatekoaNota de Vigencia.

47. artikulua . Langileei akzio edo partaidetzak ematea.

1. Jarduneko langileei akzioak edo partaidetzak ematea salbuetsita egonen da Zergari buruzko Foru Legearen 15.3.e) artikuluan ezarritako baldintzak eta honako hauek betetzen direneanNota de Vigencia:

a) Eskaintza enpresako langile guztientzat baldintza berdinetan egiten dela ulertuko da eskaintza egiten denean enpresaren ordainsarien arloko politika orokorraren barruan edo, kasua bada, sozietateen taldearenean eta lagungarria bada langileek enpresan parte har dezaten.

Nolanahi ere, ez da ulertuko baldintza hori ez dela betetzen langileei gutxieneko antzinatasuna izatea eskatzen zaienean akzioak edo partaidetzak jasotzeko, antzinatasun hori berdina bada denentzat, edo zerga honen zergadunak izatea.

b) Langile bakoitzak, ezkontidearekin edo bigarren gradurainoko ahaideekin batera, 100eko 5etik gorako partaidetza zuzen edo zeharkakorik ez izatea zerbitzuak ematen dituen sozietatean edo taldeko beste edozeinetan. Portzentaje hori gainditzen bada partaidetza horiek erosteagatik, salbuespena entregatutako partaidetzei baizik ez zaie aplikatuko, 100eko 5 hori egin arteNota de Vigencia.

2. Akzioak edo partaidetzak langileak zerbitzuak ematen dituen sozietateak berak, taldeko beste sozietate batek edo akzioen titularra den ente publiko, sozietate edo administrazio publikoak eman ahal izanen ditu.

47. bis artikulua. Pertsonen garraio kolektiboaren zerbitzu publikoa ordaintzeko zeharkako formulakNota de Vigencia.

1. Zergari buruzko Foru Legearen 15.3.c) artikuluan ezarritako salbuespenaren ondorioetarako, pertsonen garraio kolektiboaren zerbitzu publikoa emateaz arduratzen diren entitateei zeharka ordaintzeko formulatzat hartuko da langileei honako baldintza hauek betetzen dituzten txartelak edo ordainketarako beste baliabide elektroniko batzuk entregatzea:

Lehenengoa.–Pertsonen garraio kolektiboaren zerbitzu publikoa erabiltzeko aukera ematen duten garraio-tituluak eskuratzeagatiko kontraprestazio gisa, eta ez beste ezertarako, erabili ahal izatea.

Bigarrena.–Zenbakiturik egotea, izendunak izatea eta enpresa jaulkitzailearen izena agertzea.

Hirugarrena.–Eskualdaezinak izatea.

Laugarrena.–Dirua itzultzeko aukerarik ez egotea, ez enpresarengandik ez hirugarrenengandik.

Bosgarrena.–Txartelak edo ordainketarako baliabide elektronikoak entregatzen dituen enpresak enplegatu edo langile bakoitzari emandakoaren zerrenda egitea eta gordetzea, honako hauek adierazita:

a) Agiri zenbakia.

b) Langilearen esku jarritako kopurua, urte osokoa.

2. Ordaintzeko zeharkako formula hauen bidez lortutako gauzazko ordainsarietatik salbuetsitako zenbatekoa ezin da izan 136,36 eurotik gorakoa hilero langile bakoitzeko, ez eta 1.500 eurotik gorakoa ere urte osoan.

47.ter artikulua. Gauzazko ordainketa jakin batzuen mugak eta ezaugarriakNota de Vigencia.

1. Zergari buruzko Foru Legearen 15.2.e) artikuluan aurreikusitakoaren ondorioetarako, honakoek ez dute gauzazko lansarien izaera izanen:

a) Baimena duten ikastetxeek emandako hezkuntza zerbitzuak (eskolaurrekoa, haur eta lehen hezkuntza, derrigorrezko bigarren hezkuntza, batxilergoa, lanbide heziketa eta unibertsitatekoa), betiere baldintza hauek betetzen badira:

1. Zerbitzua ematea ikastetxearekin lan harremana duten langileen seme-alabei.

2. Subjektu pasiboaren eta ikastetxearen arteko lan harremanek urtean eragindako diruzko ordainsariak, guztira, 60.000 eurotik beherakoak izatea.

Lan etekinak banaka kontatzeko arauekin bat, bi gurasoek lan harremana dutenean ikastetxearekin, jaso beharreko gauzazko ordainsariaren zenbatekoa erdi bana emanen zaie. Kasu horretan, 60.000 euroko gehieneko muga hori zenbatzeko, guraso bakoitzaren urteko diruzko ordainsari osoak hartuko dira kontuan.

b) Negoziazio kolektiboaren prozesuetan adostutakoak, aurreko a) letran jasotakoez bestelakoak eta gehienez ere 2.500 euroko zenbatekoarekin, betiere baldintza hauek betetzen badira:

1. Kasuan kasuko hitzarmen edo akordio kolektiboetan jasota egotea.

2. Subjektu pasiboak, ezkontidearekin, izatezko bikotekidearekin edo bigarren gradurainoko ahaideekin batera, 100eko 15etik gorako partaidetza zuzen edo zeharkakorik ez izatea zerbitzuak ematen dituen enpresan edo entitatean edo taldeko beste edozeinetan.

3. Subjektu pasiboak zerbitzuak ematen dituen enpresaren edo entitatearen aldetik edo taldeko beste edozeinen aldetik urtean osotara jasotzen dituen diruzko ordainsariek 60.000 euro egitea gehienez ere, lan etekinak baldin badira, betiere.

2. Aurreko 1.b) letran ezarritakoa ez da inola ere aplikatuko gauzazko ordainsari hauen kasuan, eta Zergari buruzko Foru Legearen 15. eta 16. artikuluetan eta erregelamenduan ezarritako araubidea mantenduko dute:

a) Zergari buruzko Foru Legearen 15.1.a) artikuluan aipatzen den etxebizitzaren erabilera.

b) Enpresak aseguru entitateei eritasuna estaltzeko ordaindutako primak edo kuotak, bai eta lan istripuetarako edo erantzukizun zibileko aseguru kontratuengatik ordaindutakoak ere, Zergari buruzko Foru Legearen 15.1.e) artikuluan aurreikusitako moduan.

c) Zergari buruzko Foru Legearen 15.1.f) artikuluan aipatutako kontribuzio eta ekarpenak.

d) Ikasketa eta mantenu gastuak ordaintzeko zenbatekoak, Zergari buruzko Foru Legearen 15.1.g) artikuluaren bigarren lerrokadan jasotakoak.

e) Prezio merkatua duten produktuen entregak, enpresetako kantina eta jantokietan edo ekonomato sozialetan egindakoak, zerbitzua zeharka emateko formulak barne, Zergari buruzko Foru Legearen 15.2.a) artikuluan araututakoak, hain zuzen.

f) Langileen zerbitzu sozial eta kulturaletarako ondasunen erabilera, Zergari buruzko Foru Legearen 15.2.b) artikuluan ezarritako moduan.

g) Sozietateek beren akzio edo partaidetzak, edo Merkataritza Kodearen 42. artikuluaren ildotik taldea osatzen duen edozein sozietateren akzio edo partaidetzak, jarduneko langileei doan edo merkatu prezio normala baino merkeago ematea, Zergari buruzko Foru Legearen 15.2.c) artikuluan jasotakoa.

h) Enplegatuak bizilekutik lantokira eramateko bidaiari-garraio kolektiboaren zerbitzu publikoa ematen duten entitateei ordaindutako diru-kopuruak, zeharka ordaintzeko formulak barne, Zergari buruzko Foru Legearen 15.2.d) artikuluan jaso bezala.

IV. KAPITULUA. LIKIDAZIO OINARRI OROKORRA

48. artikulua . Gizarte aurreikuspeneko mutualitateen eskubide kontsolidatuen erabilerakNota de Vigencia.

Zergari buruzko Foru Legearen 55.1.2.b) artikuluan aurreikusitakoaren ondorioetarako honakoa hartuko da kontuan:

1. Azaroaren 29ko 1/2002 Legegintzako Errege Dekretuak onetsitako Pentsio Plan eta Funtsak arautzen dituen Legearen testu bateginaren 8.8 artikuluan aurreikusitakoak ez bezalako kasuetan, eskubide kontsolidatuak erabiliz gero, lan etekintzat hartuko dira Nota de Vigencia.

2. Jasotako zenbatekoak erabilera aurreratua egiten den zergaldiari dagokion aitorpenean sartuko dira.

49. artikulua . Gizarte aurreikuspeneko sistemetarako ekarpen eta kontribuzioen soberakinakNota de Vigencia.

Zergari buruzko Foru Legearen 55.1.8 artikuluan eta hamabosgarren xedapen gehigarrian aipatzen diren soberakinengatik murrizketak egin ahal izanen dira zerga oinarrian hurrengo bost zergaldietan, erregela hauen arabera:

1. Murrizketaren zenbatekoa, hurrengo zergaldietako bakoitzean, izan daitekeen handiena izanen da, Zergari buruzko Foru Legearen 55.1.7 artikuluan eta hamabosgarren xedapen gehigarrian ezarritako mugak gainditu gabe.

2. Zergaldian egindako ekarpenekin pilatzen badira, lehenbizi aurreko urteetako soberakinei dagozkien murrizketak aplikatuko dira.

49 bis artikulua. Talde inbertsioko erakundeak: bazkideen kopurua, ondarea eta gehieneko partaidetzaportzentajeaNota de Vigencia.

1. Zergari buruzko Foru Legeko 52. artikuluaren arabera sozietate diren talde inbertsioko erakundeek izan behar duten gutxieneko bazkide kopurua honela zehaztuko da:

a) 52.1 artikuluan jasotzen diren inbertsio kolektiboko erakundeen kasuan, akziodunen kopurua, erakundeak Inbertsio Kolektiboko Erakundeei buruzko azaroaren 4ko 35/2003 Legearen Erregelamenduan xedatutakoari jarraikiz, Baloreen Merkatuko Batzorde Nazionalera, igorritako hiruhilekoko azken txostenean, eskualdaketa edo itzulketa data baino lehenagokoan, ageri dena. Erregelamendu hori uztailaren 13ko 1082/2012 Errege Dekretuaren bidez onetsi zenNota de Vigencia.

b) 52. artikuluko 2. idatz-zatian ageri diren talde inbertsioko erakundeetan, talde inbertsioko erakundeak edo beraren gestorak berariaz izendatutako erakunde merkaturatzaile bakar batek, Espainian establezimendua duenak, eskualdatu edo itzuli aurretik Balore Merkatuko Komisio Nazionalari erregistratutako sail edo azpifuntsez bidalitako urteko azken berriematean ageri den akziodun kopurua. Ondore horietarako eta hurrengo idatz-zatian xedatutakoaren ondoreetarako, berriemate horretan sail edo azpifunts bakoitzeko akziodunen guztirako kopurua, erakundearen, sailaren edo azpifuntsaren guztirako ondarea eta aurreko datuei dagokien data azaldu behar dira; berriemateak urtebeteko indarraldia izanen du, gehienez, aipatu datatik aurrera. Balore Merkaturako Komisio Nazionalak jendaurrean azalduko du informazio hori eta letra honetan azaldutako informazioaren berri emateko betekizun teknikoak eta prozedurak zehaztuko ditu.

2. Zergari buruzko Foru Arauko 52. artikuluan talde inbertsioko sozietate-erakunde batek parte hartzen duen eragiketetarako ezarritako gerorapen araubideari heldu nahi dioten subjektu pasiboek agiri bidez jakinarazi behar diote eskualdaketa eta itzulketa edo erosketa eta harpidetza eragiketak bitarteko gisa egiten dituzten erakundeei aurreko hamabi hiletan ez dutela parte hartu talde inbertsioko erakundearen kapitalaren %5 baino gehiagoko eragiketetan. Erakunde horiek Zerga Administrazioaren esku eduki behar dituzte subjektu pasiboek emandako berriemate-agiriak zerga-betebeharrek preskribitu arte.

III. TITULUA. KUOTAREN KENKARIAK

50. artikulua . Kenkarirako eskubidea ematen duen elbarritasun graduaNota de Vigencia.

1. Zergari buruzko Foru Legearen 62.1.d) artikuluak aipatzen duen minusbaliotasun gradua da 100eko 33ko minusbaliotasuna edo handiagoa duen pertsonaren legezko izaera dutenei dagokiena.

2. Kenkari hau izateko, subjektu pasiboak egiaztatu beharko du minusbaliotasuna eragiten duten inguruabarrak zergaren sortzapen datan ere gertatzen direla.

3. Minusbaliotasuna duen pertsonaren legezko izaera frogatutzat emanen da honelakoetan:

a) Foru Komunitateko gizarte ongizatearen zerbitzuek, Migrazio eta Gizarte Zerbitzuen Institutuak edo autonomi erkidegoetako dagokion organoak egiaztaturik dagoenean.

b) Ezintasun iraunkorra, osoa, erabatekoa edo handia, dela-eta, Administrazio Publikoak onarturiko prestazioa jasotzen denean.

51. artikulua . Ohiko etxebizitzaren kontzeptuaNota de Vigencia.

1. Orohar, subjektu pasiboaren etxebizitzatzat hartuko da gutxienez hiru urtetan, jarraian, bizileku izan duena.

Halere, epe hori iragan ez bada ere, etxebizitza ohikoa izan zela ulertuko da subjektu pasiboa hiltzen bada edo bizilekua nahitaez aldatu behar badu beste inguruabar batzuengatik, hala nola, ezkontza, ezkontideen banaketa, lantokia aldatzea, lehen enplegua lortzea edo hura aldatzea, edo justifikaturiko antzeko arrazoiak.

2. Etxebizitza subjektu pasiboaren ohiko etxebizitza izateko subjektu pasiboa egiaz bizi behar da bertan, etenik gabe, hamabi hilabeteko epean, erosten denetik edo lanak amaitzen direnetik aurrera kontatuta.

Halere, etxebizitzak ez du ohikoaren izaera galduko subjektu pasiboa hiltzen bada edo etxebizitza okupatzea ezinbestez galarazten duen beste zerbait gertatzen bada, artikulu honen 1. idatz-zatian aurreikusitako moduan.

Subjektu pasiboak bere kargu edo enpleguaren ondorioz ohiko etxebizitza baldin badu eta erositakoa erabiltzen ez bada, kasu horretan aurrerago aipatutako epea kontatuko baita kargua edo enplegua uzten den egunetik aurrera.

3. Aurreko idatz-zatietan aurreikusitako salbuespenak aplikatzekoak direnean, etxebizitza erosteagatiko kenkaria eginen da etxebizitza nahitaez aldatzera behartzen duten edo hura okupatzea galarazten duten inguruabarrak gertatu arte, salbu eta kargua edo enplegua dela-eta subjektu pasiboak ohiko etxebizitza badu, kasu horretan kenkaria mantenduko baita egoerak dirauen bitartean eta etxebizitza erabiltzen ez den artean.

52. artikulua . Ohiko etxebizitza erostea eta kenkariaren oinarriaNota de Vigencia.

1. Etxebizitza erostearen baliokidetzat hartuko dira hura eraikitzea edo handitzea, baldintza hauetan:

Etxebizitza handitzea, bizitzeko azalera handitzen denean estaligabeko zatiren bat itxiz edo beste modu batez, iraunkorra eta urte osorako baldin bada.

Eraikitzea, subjektu pasiboak zuzenean ordaintzen dituenean lanen exekuzioa edo lanen sustatzaileari konturako zenbatekoak enmaten dizkionean, beti ere inbertsioa hasi eta lau urteko epean amaitzen badira lanok.

2. Aitzitik, ez da etxebizitzaren erosketatzat hartuko:

a) Kontserbazio edo konponketako gastuak, Erregelamendu honen 12. artikuluan aurreikusitako baldintzetan.

b) Hobekuntzak.

c) Garajea erostea, lorategiak, parkeak, igerilekuak eta kiroldegiak eta, orohar, eranskinak edo etxebizitza bera ez dena.

Aurreko leroaldean xedatutakoa gorabehera, etxebizitzaren erosketatzat hartuko da horrekin batera erositako garajeak, bi gehienez, eta hirigintza arauei jarraikiz, etxebizitza eraikitzeko beharrezkoa den lurra.

3. Epai bidez deklaratutako porrotaren edo ordainketa etenduraren ondorioz, sustatzaileak eraikitze lanak amaitzen ez baditu artikulu honen 1. idatz-zatiak aipatzen duen lau urteko epea iragan baino lehen edo etxebizitzak epe horretan ezin baditu entregatu, epea beste lau urtetarako luzatuko da.

Kasu horietan, Erregelamendu honen 51.2 artikuluan aipatzen den hamabi hilabeteko epea entregatik aurrera hasiko da kontatzen.

Idatz-zati horretan aurreikusiriko epearen luzapenak ondorioak izateko, subjektu pasiboak hasierako epea bete ez den zergaldiari dagokion zergaren aitorpena aurkeztu beharko du, horri erantsirik etxebizitzan egindako inbertsioak egiaztatzen dituen agiriak eta aipatutako egoeretakoren bat izan dela frogatzen dutenak.

Idatz-zati honek aipatzen dituen kasuetan, subjektu pasiboa ez da beharturik egonen ezein dirusarrera egitera, eraikitze lanak amaitzeko lau urteko epe orokor hori bete ez delako.

4. Subjektu pasiboari leporatu ezin dakizkiokeen eta lanak geldiaraztea ekartzen duten inguruabar bereziak direla-eta, horiek amaitzerik ez badago artikulu honen 1. idatz-zatian aipatzen den lau urteko epea iragan aurretik, subjektu pasiboak Ekonomi eta Ogasun Departamentuan eskatu ahal izanen du epea luzatzea, epea akitu eta ondoko hogeita hamar egunetan.

Eskabidean agertu beharko dira epea ez betetzea eragin duten arrazoiak eta eraikitze lanak amaitzeko zenbat denbora beharko den, gehienez ere lau urte.

Aurreko lerroaldean adierazitakoaren ondorioetarako, subjektu pasiboak dagokion ziurtagiria aurkeztu beharko du.

Aurkeztutako dokumentazioa ikusirik, Tributuen Zerbitzuko zuzendariak erabakiko du bidezkoa den ala ez eskatutako luzapena ematea eta halaber luzapen horren iraupena, azken hau ez baita nahitaez izanen subjektu pasiboak eskatutakoa.

Hiru hilabeteko epean espreski ebazten ez diren luzapen eskaerak ezetsi egin direla ulertuko da.

Emanen den luzapenaren epea ez-betetzea gertatzen den egunaren biharamunetik bertatik hasiko da kontatzen.

5. Ohiko etxebizitza erostean edo zaharberritzean kapital gisako dirulaguntzak jasotzen direnean, horien zenbatekoa ondare gehikuntzatzat hartuko da, eta zerga oinarriaren zati berezian sartuko da, inolaz ere ekarri gabe kenkariaren oinarria murriztea.

Etxebizitzaren erosketa edo zaharberritzea finantzatzen duen maileguaren interes tasak hobaritu edo subsidiatzen dituzten dirulaguntzen kasuan, horien zenbatekoak kenkariaren oinarria jaitsiko du baina ez da errenta zergagarria izanen.

6. Zergari buruzko Foru Legeko 62.1 artikuluko f) letran aurreikusiriko kenkaria egiteko, subjektu pasiboaren ohiko etxebizitza egokitzeko obra eta instalaziotzat hartuko dira etxebizitzaren barneko aldea berritzea dakartenak, baita hiri finkaren eta kalearen artean beharrezko pasabidetako balio duten eraikinaren osagai komunak aldatzea ere, hala nola, eskailerak, igogailuak, korridoreak, atariak edo beste edozein osagai arkitektoniko, edo zentzumenezko komunikaziorako oztopoak gainditzeko edo haien segurtasuna bultzatzeko balio duten dispositibo elektronikoak aplikatzeko behar direnakNota de Vigencia.

7. Zergari buruzko Foru Legearen 62.1.a) artikuluan aipatutako kasuetan, hau da, ezkontza deuseztatu, ezkontideak dibortziatu edo epaileak banantzen dituenean, ezkontza desegin arte ezkontideen ohiko etxebizitza izan zena erosteko ordaindutako kopuruengatik ez ezik, subjektu pasiboak murrizketa egin ahalko du bere ohiko etxebizitza berria erosteko zergaldian ordaindu dituen kopuruengatik ere, 62.1.a) artikulu horretan ezartzen den baterako mugarekinNota de Vigencia.

8. Erosteko aukera duten etxebizitzen errentamenduen kasuan, balio erantsiaren gaineko zergaren kontura ordaindutako kuotak ohiko etxebizitza erosteko bideratu direla ondorioztatuko da, baldin eta kontratuan aukera hori erabiltzera behartzen duen konpromiso irmoa baldin badago, kontratua sinatu eta gehienez sei urteko epean erabili beharrekoa.

Erosteko aukera erabiltzeko konpromisoa duen errentamendu kontratua sinatzean balio erantsiaren gaineko zergaren kontura sorrarazitako diru-kopuru guztiak etxebizitza erosteko bideratu direla ondorioztatuko da eta ez dira erregularizatuko, erosteko aukera erabiltzen den unean doitzen badira ereNota de Vigencia.

53. artikulua . Etxebizitza kontuakNota de Vigencia.

1. Kreditu entitateetan, beste edozein dirusarrera motatatik bereizitako kontuetan gordetzen diren zenbatekoak etxebizitza erosi edo zaharberritzeko erabili direla ulertuko da, baldin eta horien saldoak subjektu pasiboaren ohiko etxebizitza lehen aldiz erosi edo zaharberritzeko baizik ez badira erabiltzen.

2. Kenkarirako eskubidea honakoetan galduko da:

a) Subjektu pasiboak ohiko etxebizitza lehen aldiz erosi edo zaharberritzea ez den helburu baterako erabiltzen baditu etxebizitza kontuetan gordetako zenbatekoak. Zati bat baino ez badu erabiltzen, erabilitako zenbatekoak kontuan gordetako lehenbizikoak direla ulertuko da.

b) Kontuan sartutako zenbatekoei dagokiena, kontua ireki zen zergaldia amaitu ondoko bost urteko epean etxebizitza lehen aldiz erosi edo zaharberritzeko erabili ez badira.

c) Etxebizitzaren erosketak edo zaharberritzeak kontzeptu horrengatik kenkaria izateko eskubidea ezartzen duten baldintzak betetzen ez dituenean.

3. Subjektu pasibo bakoitzak etxebizitza kontu bakar bat izan dezake.

4. Etxebizitza kontuaren egiaztagirian honako datu hauek agertu beharko dira, gutxienez:

Kontuaren titularra.

Kontu zein entitatetan eta noiz ireki den.

Kontuaren zenbakia.

Urtean zehar egindako mugimenduen laburpena.

Urte amaierako saldoa.

54. artikulua . Enpresa eta lanbide jardueretako kenkarien mugaNota de Vigencia.

Zergari buruzko Foru Legearen 64.2 artikuluan aipatzen diren enpresa eta lanbide jardueretako kenkarien mugak aplikatuko dira kuota osoari foru lege horren 62. artikuluko kenkariak kenduta ateratzen den kuota likidoaren gainean, artikulu bereko 3. apartatuan ezarritakoaren salbuespenarekin.

55. artikulua . Kenkarietarako eskubidea galtzea.

Egindako kenkarietarako eskubidea, osorik edo zati batean, galtzen denean horiek aplikatu ondorengo zergaldietan, subjektu pasiboa beharturik egonen da zergaren kuota likidoari, baldintzak bete ez diren ekitaldian sortutako horri, gaizki kendutako zenbatekoak, berandutza interesak barne, gehitzera.

IV. TITULUA . ZERGAREN KUDEAKETA

I. KAPITULUA

I. KAPITULUA

Aitorpena egiteko betebeharra

56. artikulua . Aitortu beharraNota de Vigencia.

Subjektu pasiboak beharturik egonen dira zerga honen aitorpena aurkeztu eta sinatzera Zergari buruzko Foru Legearen 82. artikuluan aurreikusiriko baldintzetan.

Hala ere, familia-unitaterik osatzen ez duten subjektu pasiboak edo, osatu arren, zergarekiko banakako lotura aukeratu dutenak ez daude aitorpena egitera beharturik, errenta mota hauek bakar-bakarrik jaso badituzte:

a) Urteko guztira 14.500 eurotik beherako lan etekinak Nota de Vigencia.

b) Ondasun higigarrien kapitalaren etekinak eta ondare gehitzeak, atxikipenaren edo konturako diru-sarreraren menpe daudenak, baldin eta bien artean, urtean eta osorik, 1.600 eurotik beherakoak badira.

Letra honetan xedatutakoa ez da aplikatuko talde inbertsioko erakundeen akzioen eta partaidetzen eskualdaketek eta diru-itzulketek eragindako ondare gehikuntzetan, haien atxikipen-oinarria zerga-oinarrian sartu beharreko zenbatekoaren arabera zehazterik ez dagoenean, 80.2 artikuluan ezarritakoarekin bat.

Zerga arloko eskumena duen departamentuko titularrari baimena ematen zaio lehen aipatutako zenbatekoak eguneratzekoNota de Vigencia.

57. artikulua . Autolikidazioa eta sarreraNota de Vigencia.

1. Zerga honen aitorpena aurkeztu behar duten subjektu pasiboek, aitorpena aurkeztean, zerga zorra zein den zehaztu, eta haren sarrera egin beharko dute zerga arloko eskumena duen departamentuko titularrak ezarritako tokian, moduan eta epeetan.

2. Autolikidazioaren ondorioz ordaindu beharreko diruaren sarrera bi zatitan egiten ahalko da, bakoitza zenbatekoaren erdia adinakoa, inolako interes edo errekargurik erantsi gabe, aurreko apartatuan aurreikusitakoaren arabera ezartzen diren epeetan.

Onura honetaz baliatu ahal izateko, aitorpena erregelamenduzko epean aurkeztu beharko da, eta lehen zatiaren sarrera egin zerga arloko eskumena duen departamentuko titularrak ezartzen duen epean. Aitorpen-likidazio osagarriei dagokien sarrera ezin izanen da zatikatu aurreko paragrafoan ezarritako prozeduraren arabera.

3. Zerga arloko eskumena duen departamentuak autolikidazioaren proposamena igortzen ahalko die subjektu pasiboei, departamentu horretako titularrak ezartzen dituen baldintzekin.

Subjektu pasiboaren iritziz autolikidaziorako proposamenean zuzen islatu bada zerga horren ondorioetarako duen zerga egoera, berresten ahalko du zerga arloko eskumena duen departamentuko titularrak ezartzen dituen baldintzekin.

57.bis artikulua. Alargun eta erretiropentsioengatiko kenkaria Nota de Vigencia.

1. Alargun pentsioengatik aplikatu beharreko kenkariaren zenbatekoa bat ez badator aurrez ordaindutakoarekin, subjektu pasiboak bere egoera erregularizatu beharko du zerga horren autolikidazioaren kuota diferentzialean, eta aurrez emandako ordainketa okerra edo gehiegizkoa izan bada, horren barnean sartu behar ditu aldez aurreko ordainketa egitetik aurrera sortutako berandutza interesak. Zerga horren autolikidazioa egiten ez duten subjektu pasiboek erregularizazioa eta itzulketa egin beharko dituzte abenduaren 13ko 110/2017 Foru Dekretuaren 10. artikuluan ezarritako moduan, Foru dekretu horren bidez arautzen baita alarguntza pentsioengatiko eta kotizazio gabeko erretiro pentsioengatiko kenkariak aldez aurretik ordaintzeko prozedura.

2. Zergari buruzko Foru Legearen 68. A) 4.3) eta 68.B) 4.4) artikuluetan aurreikusitako zenbatekoak zerga arloko eskumena duen departamentuko titularrak eguneratuko ditu foru agindu bidez, eta eguneratzen den urteko urtarriletik aurrera izanen ditu ondorioak.

Eguneratze portzentajea balio hauetako handiena izanen da: Nafarroan aurreko urtean Kontsumoko Prezioen Indizeak izandako urteko batez besteko igoera eta Nafarroako batez besteko soldatek izandakoa, lan kostuen gaineko hiru hilean behingo inkestan jasotzen den soldaten kostu arruntaren arabera kalkulatuta, aurreko urteko lehenbiziko hiru hiruhilekoetan eta urte horren aurreko urteko azken hiruhilekoan izandakoa kontuan hartuta, Estatistikako Institutu Nazionalaren datuen arabera. Bi adierazle horien bariazio tasak negatiboak diren aldietarako, eguneratze portzentajea zero izanen da.

58. artikulua . Zatikatzea, heriotza edo bizilekua galtzea.

1. Subjektu pasiboa hilez gero, eta Zergari buruzko Foru Legearen 77. artikuluan aurreikusitakoarekin bat, egozteko gelditutako errenta guztiak azken zergaldiko zerga-oinarrian sartu beharko dira.

2. Subjektu pasiboak bere izaera galtzen badu bizilekua aldatzeagatik, Zergari buruzko Foru Legearen 78.8 artikuluan aurreikusitakoarekin bat, egozteko gelditutako errenta guztiak azken zergaldiko zerga-oinarrian sartu beharko dira, eta beharrezkoa baldin bada, aitorpen-likidazio osagarria eginen da, zehapenik, berandutza interesik eta inolako errekargurik gabe, subjektu pasiboak bizilekua aldatzeagatik bere izaera galtzen duen urtearen hurrengoan, lehenbiziko hiru hilabeteen epean.

3. Kasu horietan, kausatzailearen ondorengoak edo subjektu pasiboak errenta horiei dagokien zerga zorraren zati bat zatika ordaintzea eskatu ahal izanen du, berandutza interesik sortu gabe. Zati hori kalkulatzeko, Zergari buruzko Foru Legearen 59.2 artikuluan aurreikusiriko tasa aplikatuko zaio zerga oinarri orokorrean sartutako errentari, eta 60. artikuluan aurreikusitako tasa aplikatuko zaio aurrezkiaren zerga oinarri berezian sartutakoariNota de Vigencia.

4. Zatikatzea Nafarroako Ogasun Publikoaren zuzenbide publikoko dirusarreren ordainketaren gerorapenak eta zatikatzeak arautzen dituen Nafarroako Foru Komunitateko Dirubilketaren Erregelamenduan xedatutakoak zuzenduko du, berezitasun hauekin:

a) Eskabideak aitorpenerako erregelamenduzko epearen barrenean egin beharko dira.

b) Artikulu honen 1. idatz-zatiaren kasuan eskatzaileak ez du bermerik eskaini beharko.

c) Eskatutako zatikatzea emanez gero, zati bakoitzaren zenbatekoa eta epea emanen dira errenta horiek, subjektu pasiboaren heriotza edo izaera galtzea gertatu izan ez balitz, egotzi beharreko zergaldien arabera, lau urtetarako gehienez. Muga hori gainditzen duten denbora tarteei dagokiena zati berdinetan egotziko da zatikatze denboranNota de Vigencia.

59. artikulua . Ofiziozko itzulketak.

1. Zergari buruzko Foru Legearen 85. artikuluak aipatzen dituen itzulketak bankuko transferentzia bidez eginen diraNota de Vigencia.

2. Ekonomi eta Ogasun kontseilariak baimena eman ahal izanen du aurreko idatz-zatiak aipatzen dituen itzulketak txeke gurutzatu edo izendunaren bidez egiteko, horretarako arrazoiak daudeneanNota de Vigencia.

60. artikulua . Aitorpenak eta jakinarazpenak aurkeztu eta kudeatzeko kanpoko lankidetzaNota de Vigencia.

1. Zerga honen aitorpenak eta jakinarazpenak aurkezteko lankidetza soziala gauzatzeko, zerbitzu horiek langileei erraztearekin lotuta, zerga arloko eskumena duen departamentuak hitzarmenak sinatu ahalko ditu beste administrazio publiko batzuekin, entitateekin eta sektore edo interes sozialak, laboralak, enpresakoak edo profesionalak ordezkatzen dituzten erakundeekin, edo enpresekin zuzenean.

2. Aurreko apartatuan aipatutako hitzarmenak, besteak beste, ondoko gaiei buruzkoak izan daitezke:

a) Informazio eta zabalkunde kanpainak.

b) Aitorpenak eta jakinarazpenak egiten eta modu egokian eta egiazkoan betetzen laguntzea.

c) Aitorpenak eta jakinarazpenak bidaltzea zerga administrazioari.

d) Akatsak zuzentzea, subjektu pasiboek baimena eman ondoren.

e) Ofiziozko itzulketen tramitazioa zertan den jakinaraztea, subjektu pasiboek baimena eman ondoren.

3. Zerga arloko eskumena duen departamentuak jarduera horiek betetzeko behar den laguntza teknikoa emanen du, baina horrek ez du kenduko zerbitzu horiek subjektu pasibo guztiei emateko aukera.

4. Zerga arloko eskumena duen departamentuko titularra:

a) Foru agindu bidez ezarriko ditu teknika eta baliabide elektroniko, informatiko eta telematikoen bidez lankidetza soziala gauzatzeko beharkizunak eta baldintzak.

b) Halaber, lankidetza sozialerako akordioen esparruan, ezarriko du akordio horiek izenpetu dituzten entitateek zein beharkizun eta baldintza beteta aurkeztuko dituzten bide telematikoz aitorpenak, komunikazioak, aitorpen-likidazioak, edo zerga araudiak ezarritako bestelako dokumentuak, hirugarrenen ordezkari gisa.

c) Halaber, aurreikusten ahalko du bestelako pertsona edo entitateek baliabide telematikoen bidezko aurkezpen sistema hori erabiltzeko aukera hirugarren pertsonen izenean.

II. KAPITULUA . Betebehar formalak, kontabilitatekoak eta erregistrokoak

61. artikulua . Betebehar formalak, kontabilitatekoak eta erregistrokoak.

1. Pertsona Fisikoen Errentaren gaineko Zergaren subjektu pasiboak beharturik daude beraien aitorpenetan agertu beharreko mota orotako eragiketen, errenten, gastuen, dirusarreren, murrizketen eta kenkarien ziurtagiriak eta egiaztagiriak gordetzera preskripzioko gehieneko epean, Zergaren aitorpenekin batera aurkeztera, hala ezartzen denean, eta tributuen arloko administrazioko organo eskudunetan erakustera, hala eskatzen zaienean.

2. Subjektu pasiboek betetzen dituzten enpresa jardueren etekina zuzeneko zenbatespenaren araubideko modalitate arruntaren bidez zehazten badute, beharturik daude Merkataritzako Kodean xedatutakoari lotutako kontabilitatea ematera.

3. Aurreko lerroaldean xedatutakoarekin ere, enpresa jarduera hori merkataritza arlokoa ez denean, Merkataritzako Kodeari jarraikiz, kontabilitate mailako betebeharra honako erregistro liburu hauek eramatea baizik ez da izanen:

a) Salmenten eta dirusarreren erregistro liburua.

b) Erosketen eta gastuen erregistro liburua.

c) Inbertsioko ondasunen erregistro liburua.

4. Beren enpresa jardueretako etekinak zuzeneko zenbatespeneko araubidearen modalitate erraztua erabiliz zehazten dituzten subjektu pasiboek kontabilitate arloan izanen dituzten betebeharrak aurreko idatz-zatian aipatzen diren liburuak eramatekoak izanen dira soilik.

Modalitate hori atxikitako subjektu pasiboek, zenbait eragiketatan faktura erraztua eta honen kopia eman ditzaketenek (apirilaren 10eko 23/2013 Foru Dekretuaren bidez onetsitako Fakturazio betebeharrak arautzen dituen erregelamenduaren 4. artikuluan xedatutakoarekin bat), eguneroko eragiketa guztien idatzohar bateratua egiten ahal dute salmenten eta diru-sarreren erregistro liburuanNota de Vigencia.

5. Lanbide jarduerak egiten dituzten subjektu pasiboek erregistro liburu hauek eraman beharko dituzteNota de Vigencia:

a) Dirusarreren erregistro liburua.

b) Gastuen erregistro liburua.

c) Inbertsio ondasunen erregistro liburua.

d) Fondo eta ordezpen horniduren erregistro liburua.

6. Beren enpresa jardueren etekin garbia zuzeneko zenbatespenaren araubide bereziaren bidez zehazten duten subjektu pasiboek 3. apartatuaren a) eta b) letretan ezarritako erregistro liburuak eraman beharko dituzte, salbu eta kontabilitatea Merkataritza Kodeari jarraikiz eramaten baduteNota de Vigencia.

7. Enpresa edo lanbide jarduerak egiten dituzten entitateek, errenta esleipeneko araubidekoak badira, egindako jarduerari dagozkion liburuak soilik eraman beharko dituzte nahitaez, bazkide, ondorengo, erkide edo partaideei dagokienez egin beharreko etekinen esleipena kendu gabe.

8. Kontabilitatea Merkataritza Kodeari jarraikiz eramaten duten subjektu pasiboak ez daude behartuak artikulu honen aurreko apartatuetan ezarritako erregistro liburuak eramateraNota de Vigencia.

9. Zerga arloko eskumena duen departamentuko titularrari baimena ematen zaio ezartzeko zein den artikulu honetan aipatzen diren erregistro liburuak eramateko moduaNota de Vigencia.

10. Enpresa edo lanbide jarduerak egiten dituzten subjektu pasiboek eurotan adierazi ahal izanen dituzte artikulu honen aurreko idatz-zatietan ezarritako erregistro liburuetako oharpenak. Aukera hori atzeraezina izanen da.

62. artikulua . Informazioa emateko beste betebehar formal batzukNota de Vigencia.

1. Hipoteka maileguak nahiz bestelako maileguak eman edo bitarteko gisa bideratzen dituzten entitateek, eta ondasun higiezinak edo ondasun higiezinen gaineko eskubide errealak eskuratzeko finantzaketan nolabait esku hartzen dutenek, urteko aitorpen informatiboa aurkeztu beharko dute eragiketa horiei buruz, datu hauek barne:

a) Mailegu-hartzaileen izen-deiturak edo sozietatearen izena edo izen osoa eta identifikazio fiskaleko zenbakia.

b) Mailegu-emaile den sozietatearen izen osoa eta identifikazio fiskaleko zenbakia.

c) Bitartekarien izen-deiturak edo sozietatearen izena edo izen osoa eta identifikazio fiskaleko zenbakia, halakorik badago.

d) Ondasun higiezinak edo ondasun higiezinen gaineko eskubide errealak eskuratzearekin zuzenean lotuta dauden beste finantza eragiketa batzuetako alderdien izen-deiturak edo sozietatearen izena edo izen osoa eta identifikazio fiskaleko zenbakia.

e) Maileguaren edo eragiketaren zenbateko osoa, urtean kapitalaren amortizaziorako, interesetarako eta gainerako finantzaketa gastuetarako ordaindutako kopuruak.

f) Mailegua edo eragiketa eratu zen urtea eta iraupena.

g) Eragiketaren hartzaileak higiezina ohiko etxebizitza izateko erabiltzeko asmoa jakinarazi duen adieraztea.

h) Katastroko erreferentzia.

i) Higiezinaren tasazio balioa.

2. Zergari buruzko Foru Legearen 62.4 artikuluan araututako kenkarirako eskubidea ematen duten dohaintzak jasotzen dituzten entitateek dohaintzei buruzko aitorpen informatiboa aurkeztu beharko dute, eta bertan, identifikazio datuez gain, beste datu hauek ere jasoko dituzte, dohaintza emaileei buruzkoak:

a) Izen-deiturak.

b) Identifikazio fiskaleko zenbakia.

c) Dohaintzaren zenbatekoa.

3. Talde inbertsioko erakundeen sozietate kudeatzaileek, sozietate kudeatzailerik izendatu ez duten inbertsio sozietateek, helbidea Espainian nahiz atzerrian duten talde inbertsioko erakundeen akzioen eta partaidetzen entitate merkaturatzaileek eta zerbitzuak aske emateko araubidean Espainian diharduten sozietate kudeatzaileen ordezkariek, hurrengo urteko urtarrilean, bazkide edo partaideek egindako akzio- edo partaidetza-besterentzeen berri emateko aitorpena aurkeztu beharko dute, eta bertan honako datu hauek agertuko diraNota de Vigencia:

a) Bazkidearen edo partaidearen izena, deiturak eta identifikazio fiskaleko zenbakia.

b) Akzioen edo partaidetzen eskuratze eta besterentze balioa.

c) Akzioek edo partaidetzek bazkidearen edo partaidearen eskuetan emandako denbora.

Ulertuko da betebehar hori bete dela erregelamendu honen 90.2 artikuluan aipatzen den urteko laburpena aurkeztu denean, betiere laburpenean jasota baldin badago aurreko letretan aurreikusitako informazioa.

4. Epe luzeko aurrezki planak merkaturatzen dituzten aseguru edo kreditu entitateek aitorpen informatibo bat igorri beharko dute, eta bertan, beraien identifikazio datuez gain, ekitaldian epe luzeko aurrezki planaren titular izan direnei buruzko informazio hau ere jasoko dute:

a) Izen-deiturak eta identifikazio fiskaleko zenbakia.

b) Epe luzeko aurrezki planaren identifikazioa.

c) Epe luzeko aurrezki plana egin zen data. Planaren baliabideak mugitu baldin badira, jatorrizko data hartuko da.

d) Ekitaldian epe luzeko aurrezki planari egindako ekarpenak, plana mugitu aurrekoak ere barne, halakorik bada.

e) Kapital higigarriaren etekin positiboak eta negatiboak, ekitaldian lortutakoak.

f) Epe luzeko aurrezki plana iraungi bada, iraungipen data adieraziko da, plana ireki zenetik lortutako kapital higigarriaren etekin positibo eta negatibo guztiak, eta egin beharreko konturako ordainketaren oinarria, halakorik bada.

5. Zergari buruzko Foru Legearen 55.1.3 eta 4 artikuluan, hirugarren eta laugarren ordinaletan, aipatzen diren aurreikuspen plan aseguratuak eta mendekotasun aseguruak merkaturatzen dituzten aseguru entitateek aitorpen informatibo bat aurkeztu beharko dute, datu hauek jasota:

a) Aseguru-hartzaileen izen-deiturak eta identifikazio fiskaleko zenbakia.

b) Aseguru-hartzaile horiek ordaindutako primen zenbatekoa.

6. Indarreko araudiari jarraikiz banku edo kreditu trafikoan aritzen diren kreditu entitateak eta gainerako entitateak beharturik egonen dira urteko aitorpen informatibo bat aurkeztera, entitate horietan irekitako kontu guztiei buruzkoa eta Espainiako lurraldean nahiz kanpoan dauden establezimenduetan haiek hirugarrenen esku jarritakoei buruzkoa.

Espainiako lurraldetik kanpo dauden establezimenduetan irekitako kontuak direnean, ez dira beharturik egonen Espainiako lurraldean establezimendu egonkorrik gabeko pertsona edo entitate ez-egoiliarrei buruzko informazioa ematera.

Zerga administrazioari eman beharreko informazioan kontuen identifikazio osoa agertuko da, eta kontu horien titular, baimendun edo onuradun diren pertsona edo entitateen izen-deiturak, edo sozietatearen izena edo izen osoa eta identifikazio fiskaleko zenbakia, kontuetan abenduaren 31n dituzten saldoak eta urteko azken hiruhilekoko batez besteko saldoak, eta beste edozein datu garrantzitsu, kasuan kasuko eredua onesteko foru aginduan ezartzen den informazioa zehazteko behar dena.

Eman beharreko informazioan kontu korronteak, aurrezki kontuak, eperako ezarpenak, kreditu kontuak eta bestelako kontu guztiak agertuko dira, zein den ere haien modalitatea edo izena, nahiz eta ordainketarik, atxikipenik edo konturako sarrerarik ez izan.

Pertsona edo entitate titular, baimendun edo onuradunen izen-deiturak, sozietatearen izena edo izen osoa eta identifikazio fiskaleko zenbakia aitorpenaren urteko momenturen batean halakoak izan direnei dagozkie.

7. Etxebizitzarako kontuetan diru gordailuak dituzten kreditu entitateek urteko aitorpen informatiboa aurkeztu beharko dute etxebizitzarako kontu horiei buruz, datu hauek barne:

a) Etxebizitzarako kontuaren titularren izena, deiturak eta identifikazio fiskaleko zenbakia.

b) Etxebizitzarako kontuaren identifikazioa.

c) Etxebizitzarako kontua ireki zen data.

d) Etxebizitzarako kontuak ekitaldi bakoitzean izandako hasierako eta bukaerako saldoa.

e) Ekitaldi bakoitzean etxebizitzarako kontuan izandako sarrerak eta irteerak.

f) Zergadun bakoitzak etxebizitzarako kontuan duen partaidetzaren portzentajea.

8. Kreditu entitateek esku-dirua, ondasunak, balioak edo beste txeke batzuk emanez igortzen diren txekeei buruzko informazioa jakinarazi beharko dute urtero, bankuko kontu batean igortzen direnak izan ezik.

Era berean, esku-dirutan eta ez bankuko kontuan ordaintzen dituzten eta kreditu entitate batek igorri dituen edo, pertsona ezberdinek igorri arren, 3.000 eurotik gorako balio faziala duten txekeei buruzko informazioa jakinarazi beharko dute.

Ondorio horietarako, kreditu entitateek aitorpen informatibo bat aurkeztu beharko dute urtero, gutxienez informazio hau jasoko duena:

a) Hartzaileen edo, hala denean, aitorpen honen xedeko txekeak kobratzeko aurkezten dituzten pertsonen izen-deiturak edo, hala denean, sozietatearen izen osoa eta identifikazio fiskaleko zenbakia.

b) Txekeen serie zenbakia eta zenbatekoa, entitateak igorri dituenak eta ordaindu dituenak bereizita. Era berean, beste kreditu entitate batzuek emandakoak eta beste pertsona batzuek igorritakoak ere bereiziko dira, 3.000 eurotik gorakoak badira.

9. Pentsio funtsak kudeatzen dituzten entitateek aitorpen informatibo bat aurkeztu beharko dute urtero, eta bertan banan-banan zerrendatuko dituzte funts horiei atxikitako planen partaideak eta funts horietara egin dituzten ekarpenen zenbatekoak, dela haiek zuzenean eginak, dela plan horien sustatzaileek eginak.

Pentsio indibidualen produktu paneuroparren sustatzaileak, Europako Parlamentuaren eta Kontseiluaren 2019/1238 (EB) Erregelamenduan (2019ko ekainaren 20koa, pentsio indibidualen produktu paneuropar –PEPP– bati buruzkoa) arautzen baitira, urteko aitorpen informatibo bat aurkeztu beharko dute, banan-banan zerrendatuz beren aurrezkiak plan horietan ematen dituzten pertsonak, bai eta PEPP delako kontu bakoitzean irekitako azpikontuetan egin dituzten ekarpenen zenbatekoak ere.

Pentsio planen sustatzaileek, plan horietara ekarpenak eginez gero, urteko aitorpen informatibo bat aurkeztu beharko dute, banan-banan zerrendatuz ekarpenak zer partaiderentzat egin dituzten, eta partaide bakoitzak egindako ekarpenaren zenbatekoak ere bai.

Pentsioengatiko konpromisoei aurre egiteko kontribuzioak edo ekarpenak Pentsio Planak eta Funtsak arautzeko Legearen testu bateginaren lehen xedapen gehigarrian eta hura garatzeko araudian aurreikusitako moduan egiten dituzten enpresek edo entitateek, alde batera utzita enpresen gizarte aurreikuspeneko planetarako kontribuzioak egiten dituztenak, urteko aitorpen informatibo bat aurkeztu beharko dute, banan-banan zerrendatuz kontribuzioak edo zuzkidurak zer partaiderentzat egin dituzten eta haietako bakoitzari dagozkien zenbatekoak.

Gizarte aurreikuspeneko mutualitateek urteko aitorpen informatiboa aurkeztu beharko dute, banan-banan zerrendatuz mutualitateko kideak eta kontingentzien estaldurarako haiek ordaindutako kopuruak, zerga horren araudian ezarritakoarekin bat, zergaren zerga oinarrian murriztapen edo gutxitzearen xede izan daitezkeen kopuruak badira.

Europar Batasuneko kide den beste estatu batean helbideratutako pentsio funtsek, Espainiako legeriaren menpeko enplegu pentsio planak garatzen badituzte Espainian, urteko aitorpen informatibo bat aurkeztu beharko dute, banan-banan zerrendatuz funts horiei atxikitako planen partaideak eta haietan egin dituzten ekarpenen zenbatekoak, dela haiek zuzenean eginak, dela baimendutako pertsonek edo plan horien sustatzaileek eginak.

Apartatu honetan aipatzen diren aitorpenetan aurreko urte naturaleko datuak eman behar dira Nota de Vigencia.

10. Efektu publikoak, baloreak edo bestelako titulu edo finantza-aktiboak jaulki, harpidetu, eskualdatu, trukatu, bihurtu, kitatu eta itzultzeko eragiketetan esku hartzen duten edo haietan bitartekari aritzen diren fede-emaile publikoek urteko aitorpen informatibo bat aurkeztu beharko dute eragiketa horiei buruz, baita, bereziki, hauei buruz ere: efektu, balore edo bestelako titulu edo finantza-aktibo horien gaineko eskubide errealei dagozkien eragiketei buruzkoak (barne direla bermekoak eta haien gaineko bestelako kargak), baloreen mailegu-eragiketei buruzkoak eta erantzukizun mugatuko sozietateen kapitaleko partaidetzei buruzkoak.

Ekarpenak hartzea edo jartzea edo partaide bakoitzak ekarritako zenbatekoa zehaztea zuzenean edo zeharka dakarten eragiketei buruzko urteko aitorpen informatiboa aurkeztu beharko dute kreditu-entitate eta -establezimendu finantzarioek, balore-sozietate eta -agentziek, gainerako finantza-bitartekariek eta beste edozein pertsona fisiko edo juridikok, ohiko zeregintzat duenak efektu publikoak, baloreak nahiz aktibo finantzarioen beste edonolako tituluak, indizeak, gerokoak eta aukerak (baita kontuko idatzoharren bitartez dokumentatzen direnak) merkatuan sartu eta horien bitartekaritza egitea.

Informazio betebehar hori izanen dute, halaber, kapital aldakorreko inbertsio sozietateek, Inbertsio Kolektiboko Erakundeei buruzko azaroaren 4ko 35/2003 Legearen 32.7 artikuluak aipatzen dituen kasuetan.

Halaber, ondoko erakundeek ere zehazten diren eragiketei buruzko urteko aitorpen informatiboa aurkeztu beharko dute: inbertsio kolektiboko erakundeen sozietate kudeatzaileak eta entitate merkaturatzaileak, beren akziodun edo partaideen erregistroetan sartuta dituzten erakunde horien akzioei edo partaidetzei dagokienez; merkatu antolatuetan kotizatu gabeko titulu edo balore izendunak jaulkitzen dituzten entitateak, beren jaulkipen-eragiketei dagokienez; eta gerokoen eta aukeren merkatuak zuzentzen dituzten sozietateak, merkatu horietako eragiketei dagokienez.

Kontuko idatzoharretan ordezkatutako zor publikoaren harpidetzan, eskualdaketan eta itzulketan esku hartzen duten entitate kudeatzaileek urteko aitorpen informatibo bat aurkeztu beharko dute eragiketa horiei dagokienez, bai eta interesak jasotzen dituzten komitenteen izen-zerrenda bat ere.

Aurreko paragrafoetan aurreikusten den betebeharra, hau da, zerga arloko eskumena duen departamentuari informazioa ematekoa, betetzearen ondorioetarako, eragiketa batean esku hartzen dutenean bai aurreko hirugarren paragrafoan aipatzen diren pertsonek edo entitateek bai apartatu honen lehen eta bigarren paragrafoetan aipatzen diren finantza arloko fede-emaileek edo bitartekariek, informazioa jasotzen duen aitorpena esku hartzen duen fede-emaileak edo bitartekariak egin beharko du.

Atzerrian jaulkitako baloreak badira edo atzerrian eratutako tresna deribatuak, aitorpena egin beharko dute balore horiek Espainian merkaturatzen dituzten entitateek eta zerbitzuak aske emateko araubidean aritzen diren entitate kudeatzaileek edo ordezkariek edo, horrelakorik izan ezean, Espainian balore horiek gordailuan dituzten entitateek.

Aurreko paragrafoetan aipatzen den informazioan sartu beharko dira, estatutik kanpo egin arren, Espainiako lurraldeko egoiliar diren edo bertan establezimendu iraunkorra duten bitartekariek, beren kabuz edo besteren kontura, esku hartuz egindako eragiketak eta kontratuak.

Urteko aitorpen informatiboan eragiketetan esku hartu duten subjektuen identifikazio osoa adieraziko da eta datu hauek emanen dira: zer gisa esku hartu duten eta parte-hartzearen portzentajea, haien izen-deiturak edo sozietatearen izena, helbidea eta identifikazio fiskaleko zenbakia, efektu publiko, balore, titulu eta aktiboen mota eta kopurua, eragiketa bakoitzaren zenbatekoa eta data, eta, halakorik bada, etekina edo emaitza. Aitorpena aurreko urte naturaleko eragiketei buruzkoa izanen da.

Aurreko paragrafoan aipatzen den informazio betebeharra ukatu gabe, honako hauek Neurri fiskalei, administratiboei eta arlo sozialekoei buruzko abenduaren 30eko 62/2003 Legearen hemezortzigarren xedapen gehigarriaren 3. apartatuan aipatzen den informazioa eman beharko diote zerga administrazioari: mailegurako baloreak negoziatzen diren merkatuko entitate partaideek edo konpentsazio eta likidazio sistemako kideek; balore mailegurako eragiketetan parte hartzen duten edo bitartekari aritzen diren finantza entitateak; eta Baloreen Erregistro, Konpentsazio eta Likidazio Sistemak kudeatzeko Sozietatea; edo, kasua bada, baloreak negoziatzeko merkatuen edo sistema antolatuen erregistro, konpentsazio eta likidazio eginkizunak betetzen dituen entitatea. Merkatu eta sistema horiek Balore Merkatuei buruzko Legearen testu bateginaren 43.4 artikuluan araututakoak dira (urriaren 23ko 4/2015 Legegintzako Errege Dekretuaren bidez onartutakoa).

Apartatu honetan ezarritako informazio betebeharra betetzat joko da, bertan atxikipenaren menpeko bezala aipatzen diren eragiketei dagokienez, atxikipenen urteko laburpenaren eredu ofizialaren arabera prestatutako hartzaile-zerrenda aurkezten denean, betiere.

11. Idatzohar bidezko Zor Publikoaren Merkatua kudeatzen duten entitateek, beraien komitenteen kontura egindako eragiketei dagokienez, eta Idatzoharren Zentralak, bertan kontuak dituzten titularrek norbere kontura egindako eragiketei dagokienez, bi kasuetan Altxorraren Letren harpidetze, eskualdaketa eta itzulketa eragiketekin lotuta, urteko aitorpen informatiboa aurkeztu beharko dute eragiketa horiei buruz, bertan adierazita: eragiketetan esku hartzen duten subjektuen identifikazio osoa, zer izaerarekin esku hartzen duten, izen-deiturak edo sozietatearen izena, haien helbideari dagokion probintzia/herrialdea kodea eta identifikazio fiskaleko zenbakia, bai eta eragiketa bakoitzaren zenbatekoa eta data.

12. Etxebizitzen sustatzaileak diren pertsonek edo entitateek urteko aitorpen informatibo bat aurkeztu beharko dute, etxebizitza horiek erosketa prezioaren kontura jaso dituzten kopuruei buruzkoa. Aitorpenean jaso beharrekoak dira kopuruak kontura eman dituzten subjektu pasiboen identitatea (izen-deiturak eta identifikazio fiskaleko zenbakia) eta zenbatekoa.

Konturako emateak kanbio-efektuen bidez egiten badira, efektu horien ordainketaren datari buruzkoa izanen da informazioa.

13. Desgaitasuna duten pertsonen ondarea babesteari eta Kode Zibila, Prozedura Zibilaren Legea eta helburu hori duen zerga araudia aldatzeari buruzko azaroaren 18ko 41/2003 Legeak araututako ondare babestuen titularrak diren subjektu pasiboek eta, haiek ezgaituta badaude, ondare horien administratzaileek, urteko aitorpen informatibo bat igorri beharko dute, urte natural bakoitzean jasotako ekarpenei eta egindako erabilerei buruz; beren identifikazio datuez gainera, honako informazio hau adierazi behar dute bertan:

a) Ekarpen-xedapenen egileen eta ekarpenen xedapenen onuradunen izen-deiturak eta identifikazio fiskala.

b) Jasotako ekarpenak eta egindako xedapenak zer motatakoak diren, zenbatekoak eta haien identifikazioa.

Aurkezten den lehen aitorpen informatiboari erantsi beharko zaio ondare babestuaren eraketa eskritura publikoaren kopia sinplea, bertan adierazita ondarea hasiera batean osatu zuten ondasun eta eskubideen zerrenda, bai eta ondare babestua eratu zenetik lehen aitorpen hori aurkeztu arte jasotako ekarpenak eta egindako xedapenak ere, zehatz-mehatz.

14. Pentsioak direla-eta, enpresek hartutako konpromisoak gauzatzen dituzten aseguru kolektiboko kontratuak merkaturatzen dituzten aseguru entitateek, Pentsio Plan eta Funtsak arautzen dituen Legearen testu bateginaren lehen xedapen gehigarrian eta hura garatzeko araudian ezarrita dagoen bezala, barne hartuta enpresen gizarte aurreikuspeneko planak, Zergari buruzko Foru Legearen 55.1.5 artikuluan aipatzen direnak, aitorpen informatibo bat aurkeztu beharko dute urtero, datu hauek adierazita:

a) Aseguru-hartzaileen eta aseguratuen izen-deiturak eta identifikazio fiskaleko zenbakia.

b) Aseguratuek egindako ekarpenen zenbatekoa eta hartzaileek aurreko haietako bakoitzaren alde ordaindutako ekarpenena.

15. Zergari buruzko Foru Legearen 30.1.g) artikuluan aipatzen diren aurrezki sistematikoko banakako planak merkaturatzen dituzten aseguru entitateek urteko aitorpen informatibo bat aurkeztu beharko dute, bertan datu hauek adierazita:

a) Aseguru-hartzaileen izen-deiturak eta identifikazio fiskaleko zenbakia.

b) Aseguru-hartzaileek ordaindutako primen zenbateko osoa, lehenbiziko primaren ordainketa data adierazita.

c) Biziarteko errenta eratu zenean jakinarazitako errenta salbuetsiaren zenbatekoa, eskubide ekonomikoak, osorik edo hein batean, jaso badira aldez aurretik.

d) Baldin eta, Zergari buruzko Foru Legearen hogeita bigarren xedapen gehigarriarekin bat, bizi aseguruko kontraturen bat aurrezpen sistematikoko banakako plan bihurtzen bada, aurreko a) eta b) letretan aipatutako datuak, eta xedapen horretan ezarritako muga (urtean ordaindutako primen gehieneko zenbatekoa) gainditu ez izanaren adierazpena.

16. Kreditu entitateek eta, indarra duen araudiaren arabera, banku edo kreditu trafikoan jarduten duten gainerako entitateek urteko hurrengo informazio aitorpenak aurkeztu beharko dituzte:

a) Horiek emandako kredituetan eta maileguetan urte bakoitzeko abenduaren 31n dauden 6.000 eurotik gorako saldoei buruzko aitorpena. Bertan adieraziko dira kreditu edo mailegu hartzailearen izen-deiturak edo sozietatearen izena edo izen osoa eta identifikazio fiskaleko zenbakia.

b) Txanponetan edo banku billetetan egiten diren ezarpenei, funts-xedapenei eta kobrantzei buruzko aitorpena, haien zenbatekoa 3.000 eurotik gorakoa denean (eurotan edo beste edozein monetatan emanda) eta edozein ingurune fisiko edo elektroniko erabiltzen dela.

Aitorpen informatibo horretan ez dira adieraziko 8. apartatuan ezarritakoaren arabera zerga administrazioari jakinarazi behar zaizkion eragiketak.

Aitorpenak honako hauek bilduko ditu: eragiketa bakoitzaren zenbatekoa, eurotan; ezarpena, xedapena edo kobrantza den; eguna; egin duenaren identifikazioa; zordunketak edo ordainketak egiteko kontuaren zenbakia; eta dagokion eredua onesten duen foru aginduak ezarritako informazioa zehazteko garrantzitsua den beste edozein datu.

17.

A) Balore higigarriak gordailuan dituzten entitateek urteko aitorpen informatibo bat aurkeztu beharko dute, gordailuan dituzten baloreei buruzko datu hauek adierazita:

a) Urte bakoitzeko abenduaren 31n entitate juridikoen funts berekietako edo kapitaleko akzio eta partaidetzen titularrak diren pertsonen edo entitateen izen-deiturak edo sozietatearen helbidea edo izen osoa eta identifikazio fiskaleko zenbakia, baldin eta akzio edo partaidetza horiek merkatu antolatuetan negoziatzen badira. Halaber, titular horien akzio eta partaidetzen kopurua, mota eta balio nominala adieraziko dira, Ondarearen gaineko Zergari buruzko azaroaren 19ko 13/1992 Foru Legearen 15. artikuluan xedatutakoari jarraikiz Nota de Vigencia.

b) Urte bakoitzeko abenduaren 31n merkatu antolatuetan negoziatzen diren kapital berekiak hirugarrenei laga izana ordezkatzen duten baloreen titularrak diren pertsonen edo entitateen izen-deiturak edo sozietatearen helbidea edo izen osoa eta identifikazio fiskaleko zenbakia. Halaber, titular horien baloreen kopurua eta mota adieraziko dira, bai eta balioa ere, Ondarearen gaineko Zergari buruzko azaroaren 19ko 13/1992 Foru Legearen 13. artikuluan xedatutakoari jarraikiz.

B) Inbertsio kolektiboko erakundeak kudeatzen dituzten sozietateek, Espainiako entitate merkaturatzaileek eta zerbitzuak aske emateko araubidean diharduten sozietate kudeatzaileen ordezkariek urteko aitorpen informatibo bat aurkeztu beharko dute, bertan honako datu hauek adierazita:

a) Urte bakoitzeko abenduaren 31n kasuko inbertsio kolektiboko erakundeen kapital sozialaren edo ondare funtsaren akzio eta partaidetzen titularrak diren pertsonen edo entitateen izen-deiturak edo sozietatearen helbidea edo izen osoa eta identifikazio fiskaleko zenbakia.

b) Zenbat akzio eta partaidetzaren titular diren eta haien motak, eta, behar balitz, zein konpartimentutakoak diren ere bai.

c) Likidazio-balioa abenduaren 31n.

Espainiako inbertsio erakundeen akzio edo partaidetzen mugaz haraindiko merkaturatzearen kasuan, informazioa emateko betebeharra hirugarren ez-egoiliarren konturako akzio edo partaidetza horien titular gisa ageri den atzerriko entitate merkaturatzailea izanen da, ez-egoiliarren errentaren gaineko zergaren erregelamenduaren xedapen gehigarri bakarraren 3.c) apartatuan ezarritakoarekin bat, kudeatzaileak edo inbertsio sozietateak zerga administrazioaren aurrean duen erantzukizuna ukatu gabe, xedapen gehigarri bakar horretan xedatutakoari jarraikiz.

Bigarren mailako merkatu batean edo baloreak negoziatzeko sistema antolatu batean negoziatzen diren inbertsio kolektiboko erakundeetako akzioen edo partaidetzen kasuan, B) letran aipatu den informazioa eman beharra akzio edo partaidetza horien gordailua duen entitateak izanen du.

C) Aseguru entitateek, barne direla egoitza Europako Esparru Ekonomikoko kide den beste estatu batean dutenak, Espainian lanean ari badira zerbitzuak aske emateko araubidean, eta berdin finantza entitateek, urteko aitorpen bat aurkeztu beharko dute, bertan informazio hau adierazita:

a) Abenduaren 31ko datan, bizi asegurua hartu duten pertsonen izen-abizenak edo sozietate izena edo izen osoa eta identifikazio fiskalerako zenbakia, data horretan duen erreskate balioa adierazita. Hala ere, hartzaileak ez badauka ahalmenik abenduaren 31n erreskate osoko eskubidea gauzatzeko, data horretan onuradunak lortu beharko lukeen kapitalaren balioa adieraziko da, Ondarearen gaineko Zergari buruzko azaroaren 19ko 13/1992 Foru Legearen 17. artikuluarekin bat etorriz, salbu eta kontratu horiek aldi baterako kontratuak badira, soilik heriotza edo baliaezintasunagatiko edo bestelako arriskuetarako berme osagarriengatiko prestazioak ematen dituztenak, edo kontrasegururik gabeko bizi osoko errentak eta aldi baterakoak.

b) Urte bakoitzeko abenduaren 31n aldi baterako edo bizi arteko errenta baten onuradun direnen izen-deiturak eta identifikazio fiskaleko zenbakia, errenta hori kapital bat dirutan, ondasun higigarrietan edo higiezinetan eman izanaren ondorioa denean, egun horretan duen kapitalizazio balioa adieraziz, Ondarearen gaineko Zergari buruzko azaroaren 19ko 13/1992 Foru Legearen 17. artikuluan xedatutakoarekin bat Nota de Vigencia.

18. Nekazaritza, abeltzaintza edo basogintza jarduerak direla-eta diru-laguntzak, kalte-ordainak edo laguntzak eman edo onartzen dituzten entitate publikoek edo pribatuek urteko aitorpen informatiboa aurkeztu beharko dute zerga administrazioko organo eskudunean, aurreko urtean ordaindutakoei buruzkoa.

Laguntza ematen duen entitateak helbidea Espainiatik kanpo baldin badu, aurreko paragrafoak aipatzen duen betebeharra haren aginduz diru-laguntza edo kalte-ordainak kudeatzeko lana esleiturik duen entitate egoiliarrak bete behar du.

Aitorpenean, aitorpen-egilearen identifikazio datuez eta aitorpenean sartutako diru-laguntzei, kalte-ordainei edo laguntzei dagokienez duen izaeraz gain, jasotzaileen izen-zerrenda bat jasoko da, datu hauekin:

a) Izen-deiturak edo sozietatearen izena edo izen osoa eta identifikazio fiskaleko zenbakia.

b) Eman edo ordaindutako diru-laguntzaren, kalte-ordain edo laguntzaren zenbatekoa, mota eta kontzeptua.

Kasuko aitorpenean sartzeari dagokionez, diru-laguntza, kalte-ordain edo laguntza horiek ordainketa-agindua ematen den egunean ordaindu direla ulertuko da. Ordainketa-agindurik ez baldin badago, kitatutzat hartuko dira ordainketa egiten denean.

19. Energia elektrikoaren enpresa hornitzaileek urteko aitorpena aurkeztu beharko diote zerga administrazioari, bertan gutxienez ere informazio hau adierazita:

a) Kontratatzaileen izen-deiturak edo sozietatearen izena edo izen osoa eta identifikazio fiskaleko zenbakia, eta, fakturak haren kargura kobratzen dituen pertsonarenak, kontratatzaileak ez direnean.

b) Higiezinaren katastroko erreferentzia eta kokapena.

c) Kontratatutako potentzia izendatua eta urteko kontsumoa kilowattetan.

d) Hornidura puntuaren kokapena.

e) Horniduraren altako eguna.

20. Bai banketxeek edo kreditu entitateek, bai, indarra duen araudiaren arabera, Espainian ezarrita dauden enpresaburuei eta profesionalei kobrantzak kudeatzeko zerbitzua kreditu edo zordunketa txartelen bidez eskaintzen dieten gainerako entitateek urteko informazio aitorpena aurkeztu beharko dute sistema horri atxikitako enpresaburuek edo profesionalek egiten dituzten eragiketei buruz, kobrantza horien urteko zenbateko garbia 3.000 eurotik gorakoa denean.

Aitorpenean informazio hau adieraziko da: enpresaburuen edo profesionalen identifikazio osoa, horiek sisteman lan egiteko erabiltzen duten merkataritza zenbakia, fakturaturiko urteko zenbatekoa, kobrantzak egiteko erabiltzen diren kontuen identifikazioa, eta dagokion eredua onesten duen foru aginduak ezarririko informazioa zehazteko garrantzitsua den beste edozein datu.

21. Finantza erakundeek haietan irekitako finantza kontuei buruzko aitorpen informatiboa aurkeztu beharko dute, kasu bakoitzean elkarren laguntzari buruz aplikatu beharreko araudian zehaztutako inguruabarrak gertatzen direnean; araudi horretan ezarritako moduan, kontu horien titulartasuna edo kontrola beren gain duten pertsonen egoitza edo nazionalitatea identifikatu beharko dute. Eman beharreko informazioan elkarren laguntzari buruzko arauditik datorrena sartuko da eta, betiere, aipatu pertsonen kontuen identifikazio osoa eta izen-deiturak edo sozietatearen izena edo izen osoa eta, zein den kasua, identifikazio fiskaleko zenbakia edo antzekoa, bai eta dagokion eredua onesten duen foru aginduan ezartzen den beste edozein datu garrantzitsu ere.

22. Ekarpenen itzulketaren bidez kapitala murrizteko eragiketak edo 2014/65/EB Zuzentarauan (finantza tresnen merkatuei buruzkoa eta 2002/92/EE Zuzentaraua eta 2011/61/EB Zuzentaraua onesten dituena, Europako Parlamentuak eta Kontseiluak 2014ko maiatzaren 15ean onetsia) definitutako balore-merkatu arautuetan negoziaziorako onartu ez diren eta sozietateen edo entitateen funts berekietako partaidetzak ordezkatzen dituzten baloreei dagokien jaulkipen-prima banatzeko eragiketak egiten dituzten entitateek aitorpen informatiboa egin beharko dute, baldin eta, erregelamendu honen 64.3.h) artikuluan xedatutakoarekin bat, eragiketa horiek atxikipenaren menpe ez badaude eta pertsona fisikoen alde egindakoak badira. Aitorpenean datu hauek adieraziko dira:

a) Eragiketa horien ondorioz zenbateko, ondasun edo eskubideren bat jasotzen duten bazkide edo partaideen identifikazio osoa, haien identifikazio fiskaleko zenbakia eta entitate aitortzailean duten partaidetza portzentajea barne.

b) Murrizketaren eragina izan duten edo jaulkipen-primaren banaketaren kasuan aitortuak bereak dituen akzio edo partaidetzen identifikazio osoa, haien mota, kopurua, balio nominala eta identifikazio kodea, baldin badute, barne direla.

c) Eragiketaren data eta eragiketan jasotako ondasunak, eskubideak edo zenbatekoa.

d) Kapitalaren murrizketaren eragina izan duten edo jaulkipen-primaren banaketaren kasuan aitortuak bereak dituen akzio edo partaidetzei dagozkien funts berekien zenbatekoa, kapital-murrizketaren edo jaulkipen-primaren banaketaren data baino lehen itxitako azken zergaldiari dagokiona, behin kendu ondoren eragiketaren dataren aurretik banatutako mozkinen zenbatekoa –hots, aipatu funts berekietan sartutako erreserbetatik heldu direnean– eta funts bereki horietan sartuta dauden eta legez erabili ezin diren erreserben zenbatekoa.

Gehigarri gisa, aurreko paragrafoetan aipatzen diren entitateek aurkeztu behar duten aitorpen informatiboa alde batera utzita, 10. apartatuan aipatzen den aitorpen informatiboa aurkezteko betebeharra duten subjektuek, ekarpenen itzulketaren bidez kapitala murrizteko eragiketetan edo jaulkipen-prima banatzeko eragiketetan esku hartzen dutenek adierazi beharko dituzte, aitorpen informatibo horretan, eragiketa horiek gauzatu dituzten entitateen identifikazio datuak eta horiek egin diren datak.

23. Aurreko apartatuetan aipatzen diren aitorpen informatiboak zerga arloko eskumena duen departamentuko titularrak ezartzen dituen epeetan, ereduetan eta moduan aurkeztu beharko dira; gainera, aitorpena ordenagailuz zuzenean irakur daitekeen euskarrian edo bide telematikoen bidez aurkezteko prozedura eta baldintzak ezartzen ahalko ditu. Aitorpen informatibo horiek Hitzarmen Ekonomikoan ezarritako eskumen irizpideen arabera aurkeztuko dira.

62 bis artikulua . Errentaeratxikipenaren araubideko erakundeen informatu beharraNota de Vigencia.

1. Errenta-eratxikipenaren araubidean dauden erakundeek informazio aitorpena aurkeztu behar dute urtero; bertan, euren identifikazio datuak (eta behar denean euren ordezkariarenak ere bai) eman ez ezik beste datu hauek ere agerrarazi behar dituzte:

a) Bazkide, jaraunsle, erkide edo partaideen (Espainiako egoiliar izan zein ez izan) identifikazioa, zerga helbidea eta identifikazio fiskaleko zenbakia; horiez gainera, zergaldian zehar entitatearen osaeran gertatu diren aldaketen berri eman behar da.

Entitateko kideren bat Espainiako egoiliarra ez bada, haren ordezkari fiskalaren identifikazioa, Ez-egoiliarren Errentaren gaineko Zergari buruzko Legearen Testu Bateginak, martxoaren 5eko 5/2004 Legegintzako Errege Dekretuaren bidez onetsiak, 10. artikuluan ezarritakoarekin bat.

Atzerrian eraturiko errenta-egozpenaren araubideko entitateak izanez gero, zerga honen edo Sozietateen gaineko Zergaren mendeko subjektu pasiboak diren kideak identifikatu behar dira, bai eta Ez-egoiliarren Errentaren gaineko Zergaren mende daudenak ere (zerga horri lotutako errentei dagokienez), eta identifikazioa artikulu honetan ezarritako moduan eginen daNota de Vigencia.

b) Erakundeak lortutako errenta guztien zenbatekoa eta kide bakoitzari egotzi beharreko errentena; behar izanez gero hauek zehaztu behar dira:

1go. Sarrera osoak eta gastu kengarriak, errenta-iturri bakoitzeko.

2gn. Atzerriko errenten zenbatekoa; herrialdea adierazi behar da, bai eta etekin osoak eta gastuak ere.

3gn. Zergari buruzko Legeko 49. artikuluko 4. idatz-zatian aipatutako balizkoan, eskualdatu edo harpidetu diren akzioen talde inbertsioko erakundearen identifikazioa, akzioak edo partaidetzak eskuratu edo harpidetu diren eguna eta haien eskuraketa-balioa, eta norberaren kapitalen lagapen-hartzaile den pertsona edo erakundearen identifikazioa.

c) Kenkarien oinarriak.

d) Erakundeak jasandako atxikipenen eta konturako sarreren zenbatekoa, eta kide bakoitzari eratxiki dakizkiokeenena.

e) Negozio zifraren zenbateko garbia, Merkataritzako Kodearen 35.2 artikuluko bigarren paragrafoaren araberaNota de Vigencia.

2. Aurreko idatz-zatian aipatutako informatu beharra errenta-eratxikipeneko araubideko erakundearen ordezkari denak bete behar du. Atzerrian eratutako erakundea izanez gero, zerga honen edo Sozietateen gaineko Zergaren kargapeko subjektu pasibo diren erakundeko kideek ere bete behar dute informatu beharra.

3. Errenta-eratxikipeneko araubideko erakundeek idatziz jakinarazi behar diete euren kideei aurreko 1. idatz-zatiko b), c) eta d) letretan aipatutako informazioa. Jakinarazpena aitorpena aurkezteko epea, 1. idatz-zatian aipatu dena, amaitu eta hilabete igaro aurretik egin behar da.

4. Zerga arloko eskumena duen departamentuko titularrak ezarriko du artikulu honetan aipatzen den aitorpen informatiboa aurkezteko eredua, epea, tokia eta modua. Aurkezpena Hitzarmen Ekonomikoan ezarritako eskumen irizpideen arabera eginen daNota de Vigencia.

62 ter artikulua. Plataformetako operadoreek jarduera jakin batzuei buruzko informazioa eman beharra Nota de Vigencia.

A) Informazio betebeharra.

1. "Informazio betebeharra duten plataforma operadoreek" "informazio betebeharra duten saltzaileek" "erreferentziako aldian" egindako "jarduera egokiei" buruzko informazioa, B) letran aipatzen dena, eman beharko diote Zerga Administrazioari.

2. Artikulu honetan aipatzen den informazio betebeharrari dagozkion terminoek Kontseiluaren 2011ko otsailaren 15eko 2011/16/EB Zuzentarauaren V. eranskineko I. sekzioan jasotzen den esanahia izanen dute. Zuzentarau hori fiskalitatearen arloko lankidetza administratiboari buruzkoa da eta 77/799/EEE Zuzentaraua indargabetzen du.

3. Espainiako araudien arabera, estatuko zerga administrazioarekiko "informazio betebeharra duten plataforma operadoreek" Nafarroako Foru Ogasunean aurkeztuko dute aitorpena hala dagokionean, bat etorriz Estatuaren eta Nafarroako Foru Komunitatearen arteko Hitzarmen Ekonomikoaren 46.2 artikuluan ezarritakoarekin.

4. Ondoko hauek ez daude artikulu honetan aipatzen den informazio betebeharrari atxikiak:

a) "Salbuetsitako plataforma operadoreak", baldin eta, legeria nazionalari jarraiki, frogatzen badute beren plataformaren enpresa ereduak ez duela "informazio betebeharra duen saltzailerik".

b) "Europar Batasunetik kanpoko plataforma operadore kualifikatuak", "dagozkion jarduera kualifikatuei" buruzko informazioari dagokionez.

B) Aitorpen informatiboa.

1 Artikulu honetan aipatzen den informazioa emateko aitorpen informatiboak datu hauek emanen ditu:

a) "Informazio betebeharra duen plataforma operadoreari" dagokionez:

1. Pertsona fisikoaren izen-abizenak edo entitatearen sozietate izena.

2. Identifikazio fiskaleko zenbakia eta, hala badagokio, Espainiako Zerga Administrazioak esleitutako identifikazio zenbaki indibiduala.

3. Plataformaren identifikazioa.

b) "Jarduera egokia" egin duen "informazio betebeharra duen saltzaile" bakoitzari dagokionez:

1. Estatuko araudian eginbide arduratsuei buruz ezarritako arau eta prozeduren arabera lortu behar diren datuak.

2. "Kontraprestazioa" ordaindu edo abonatzen den "finantza kontuaren identifikatzailea". Datu hori emanen da baldin eta "informazio betebeharra duen plataforma operadorearen" esku badago, eta "informazio betebeharra duen saltzaileak" egoitza duen Europako estatu kideko agintaritza eskudunak edo "Jurisdikzio kideak" ez badu jakinarazi "finantza kontuaren identifikatzailea" ez duela erabiliko helburu horietarako.

3. "Informazio betebeharra duen saltzailearen" izena eta "finantza kontuaren identifikatzailea" desberdinak direnean, "kontraprestazioa" ordaintzen edo abonatzen den finantza kontuaren titularraren izena eman behar da, "informazio betebeharra duen plataforma operadorearen" esku dagoen neurrian; horrez gain, "plataforma operadore" horrek kontuaren titular horri buruz duen finantza identifikazioaren inguruan eskura izaten ahal duen beste edozein informazio ere emanen da.

4. 2011/16/EB Zuzentarauaren V. eranskinaren II. sekzioaren D apartatuaren arabera, "informazio betebeharra duen saltzaileak" egoitza duen estatu kide edo "jurisdikzio kide" bakoitza.

5. "Erreferentzia aldiko" hiruhileko bakoitzean ordaindu edo abonatu den "kontraprestazioaren" guztirakoa, eta "kontraprestazioa" ordaindu edo abonatu beharra sortu duten "jarduera egokien" kopurua ere bai.

Moneta fiduziario batean ordaindu edo abonatu den "kontraprestazioari" buruzko informazioa ordaindu edo abonatu den monetan emanen da. Hala ez bada, eurotan jakinaraziko da, "informazio betebeharra duen plataforma operadoreak" uniformeki aplikatutako irizpide baten bidez bihurtua edo baloratua.

"Kontraprestazioari" eta beste zenbateko batzuei buruzko informazioa emanen da ordaindu edo abonatu den "erreferentzia aldiaren" hiruhilekoa kontuan hartuta.

6. "Informazio betebeharra duen plataforma operadoreak" "erreferentzia aldiko" hiruhileko bakoitzean atxiki edo kobratutako komisio, fidantza, tarifa, zerga eta bestelako kantitate guztiak.

c) Ondasun higiezinen errentamendua edo aldi baterako lagapena dakarren "jarduera egoki" bat egin duen "informazio betebeharra duen saltzaile" bakoitzari dagokionez, b) letran aipatzen den informazioaz gain, honako hauek ere eman behar ditu:

1. "Merkaturatutako ondasun higiezin" bakoitzaren helbidea, bidezkotasun eginbidearen prozeduren arabera zehaztua, eta dagokion katastroko erreferentzia zenbakia, edo haren baliokidea dagokion estatu kideko edo "jurisdikzio kideko" legerian, ezagutzen badu.

2. "Merkaturatutako ondasun higiezin" bakoitza "erreferentzia aldian" alokatu edo laga den egunen kopurua eta "merkaturatutako ondasun higiezin" bakoitzaren mota, jakinez gero.

Gainera, B).1.b).5. paragrafoan "kontraprestazioari" eta "jarduera egokiei" buruz aipatutako informazioa, "merkaturatutako ondasun higiezin" bakoitzari dagokionez jakinaraziko da.

2. Zerga arloan eskumena duen departamentuko titularrak "informazio betebeharra duten plataforma operadoreek" aurkeztu behar duten informazioa zehazten ahalko du, operadore horiek frogatzen ahal badute, legeria nazionalarekin bat etorriz, informazio hori bera jakinarazia duela "informazio betebeharra duen beste plataforma operadore" batek.

3. Aitorpena aurkeztuko da zerga arloan eskumena duen departamentuko titularrak ezartzen dituen epeetan eta moduan.

4. 13/2000 Foru Legearen III. tituluko VI. kapituluan ezarritakoaren ondorioetarako, datu desberdinak dira B).1 apartatuko letretako ordinal bakoitzak aipatzen dituen informazioak, informazio bakoitzak aipatzen duen "informazio betebeharra duen plataforma operadore" eta "informazio betebeharra duen saltzaile" bakoitzari dagokionez.

Arestian esandakoa hala izanda ere, B).1.b).1. apartatuan jasotzen den kasuan, ordinal horren arabera lortu beharreko datu guztiak hartuko dira datutzat.

62 quater artikulua. Lehentasuneko partaidetzekin eta beste zortresna batzuekin egiten diren eragiketa batzuei buruz informazioa eman beharraNota de Vigencia.

1. Informazioa emateko betebeharrak.

a) Zerga administrazioari erregelamendu honen 62.10 artikuluan aipatzen den informazioa eman behar duten pertsona edo entitateek lehentasunezko partaidetzei eta beste zor tresna batzuei dagozkien eragiketei buruzko informazioa eman beharko dute; tresna horien araubidea ezarrita dago Kreditu entitateak antolatzeari, gainbegiratzeari eta kaudimenari buruzko ekainaren 26ko 10/2014 Legearen lehen xedapen gehigarrian. Eman beharreko informazioan sartu beharko da eragiketetan esku hartzen duten subjektuen identifikazio osoa, honakoak adierazita: zer izaerarekin esku hartzen duten, izen-deiturak edo sozietatearen izena, helbidea eta identifikazio fiskalaren zenbakia, bai eta efektu publikoen, baloreen, tituluen eta aktiboen mota eta kopurua, eta eragiketa bakoitzaren zenbatekoa eta data ere, lehentasunezko partaidetza horiekin eta beste zor tresna batzuekin, zergapeko horiek bitartekari direla egindako eragiketei dagokienez.

b) Informazio hori zerga arloko eskumena duen departamentuko titularrak ezartzen duen moduan, tokian eta epean aurkeztuko da.

c) Artikulu honetan aipatzen den informazioa emateko betebeharra betetzeko, 62.10 artikuluko azken paragrafoan aurreikusitakoa aplikatuko daNota de Vigencia.

2. Estatuaren Zor Publikoarekin, lehentasuneko partaidetzekin eta beste zor-tresna batzuekin egiten diren eragiketa batzuei buruzko informazio araubidea.

a) Idatz-zati honetan xedatutakoa etekin hauetan aplikatuko da:

1º. Estatuaren Zor Publikoaren baloreen interesak, Idatzohar bidezko Zor Publikoaren Merkatuan negoziatuak, bai eta deskontura edo bereizirik jaulkitako antzeko baloreek eragindako beste etekin batzuk ere.

2º. Kreditu entitateak antolatu, gainbegiratu eta haien kaudimenari buruzko ekainaren 26ko 10/2014 Legearen lehen xedapen gehigarrian arautzen diren baloreen interesak, bai eta xedapen honetan aurreikusirik dauden eta hamabi hilabeteko edo gutxiagoko epearekin deskontura jaulkitakoak diren zor tresnek eragindako etekinak ereNota de Vigencia.

b) Estatuko Zor Publikoaren kasuan, jaulkitzaileak edo haren ordainketa-agente baimenduak Idatzohar bidezko Zor Publikoaren Merkatuaren entitate kudeatzaileei eta baloreen konpentsazio eta likidazio sistemak kudeatzen dituzten eta egoitza atzerrian duten entitateei –baldin eta hitzarmena izenpetua badute Espainiako lurraldean helbidea duen balore konpentsazio eta likidaziorako entitate batekin– ordainduko dizkie haien hirugarrenen kontuetan erregistratuta ageri diren baloreei dagozkien etekinak, mugaegun bakoitzean eta osorik, kontuetako baloreen onuradunak hauek direnean:

1º. Espainiako lurraldean establezimendu iraunkorrik ez duten ez-egoiliarrak.

2º. Sozietateen gaineko zergaren zergadunak, bai eta Espainiako lurraldean establezimendu iraunkorra duten ez-egoiliarrak ereNota de Vigencia.

3º. Pertsona Fisikoen Errentaren gaineko Zergaren zergadunak, kupoi bereiziei eta printzipal bereiziei dagokien zatian, diru-itzulketan entitate kudeatzaile batek esku hartzen duenean.

Era berean ordainduko dira, osorik, Idatzohar bidezko Zor Publikoaren Merkatuko kontu titularren kontu berekian erregistratutako saldoei dagozkien etekinak.

c) Aurreko b) letran aurreikusitakoaren ondorioetarako, entitate kudeatzaileek eta baloreen konpentsazio eta likidazio sistemak kudeatzen dituzten eta egoitza atzerrian duten entitateek, letran aipatutakoek, aitorpen bat aurkeztu beharko diote jaulkitzaileari, kasu honetan Espainiako Bankuaren bidez eta erregelamendu honen eranskinean jasotako ereduaren araberakoa, informazio hau bilduko duena, haien erregistroetan dagoenarekin bat:

1º. Baloreen identifikazioa.

2º. Etekinen zenbatekoa, guztira.

3º. Pertsona Fisikoen Errentaren gaineko Zergaren zergadunei dagozkien etekinen zenbatekoa, salbu eta Estatuko Zor Publikoaren kupoi bereiziak eta printzipal bereiziak direnean eta horien diru-itzulketan entitate kudeatzaile batek esku hartzen duenean.

4º. Aurreko b) letran aurreikusitakoari jarraikiz osorik ordaindu behar diren etekinen zenbatekoa.

Aitorpen hori ez da aurkeztu beharko Altxorraren Letren kasuan, eta entitate kudeatzaileek ez dute aurkeztu beharko Estatuko Zor Publikoaren kupoi bereiziei eta printzipal bereiziei dagokienez.

d) Idatz-zati honen a) letraren bigarren puntuak aipatzen dituen baloreak direnean, hasiera batean Espainiako lurraldean helbidea duen balore konpentsazio eta likidaziorako entitate batek erregistratuak, aitorpena aurreko c) letrak aipatzen dituen moduetan aurkeztuko dute beren hirugarrenen kontuetan baloreak erregistraturik dituzten entitateek, bai eta baloreen konpentsazio eta likidazio sistemak kudeatzen dituzten eta egoitza atzerrian duten entitateek ere, baldin eta hitzarmen bat izenpetua badute Espainiako lurraldean egoitza duen balore konpentsazio eta likidaziorako entitate horrekin.

Idatz-zati honen b) letrako lehen eta bigarren puntuetan aipatzen diren titularrei dagozkien etekinak ere osorik ordainduko dira.

Era berean ordainduko dira, osorik, gordailu-entitateen kontu berekian erregistraturik ageri diren saldoei dagozkien etekinak.

e) Idatz-zati honen a) letraren bigarren puntuak aipatzen dituen baloreak direnean, hasiera batean egoitza atzerrian duten eta, ondorio horietarako, Espainiako araudian edo ELGAko kide den beste herrialde batekoan onartuak diren balore konpentsazio eta likidaziorako entitateetan erregistratuak, jaulkitzaileak izendatutako ordainketa-agenteak aitorpena aurkeztu beharko dio jaulkitzaileari, erregelamendu honen eranskinean dagoen ereduaren araberakoa, informazioa emanez baloreen konpentsazio eta likidaziorako sistema kudeatzen duen eta egoitza atzerrian duen entitate bakoitzari dagozkion baloreen identifikazioaz eta etekinen zenbateko osoaz; etekin horiek osorik ordainduko dira.

f) Aurreko letretan aipatutako aitorpenak interesen mugaegun bakoitzaren aurreko egun baliodunean aurkeztuko dira edo, deskontura edo bereizirik jaulkitako baloreen kasuan, baloreen amortizazio-egun bakoitzaren aurreko egun baliodunean, egun horretan merkatua ixtean zegoen egoera islatuta. Aitorpen horiek bide telematikoak erabiliz igortzen ahal dira.

Deskontura edo bereizirik jaulkitako baloreak direnean, etekinei buruzko informazioaren ordez itzuli beharreko zenbatekoei buruzkoa emanen da. Nolanahi ere, atxikipenaren menpe dauden balore horien amortizazioak eragindako etekinei buruzko aitorpenean etekin horien zenbatekoa ere jasoko da.

Aurreko lerrokadan aurreikusitako kasuan, aitorpena jaulkitzaileari aurkeztuko zaio edo, kasua bada, jaulkitzaileak zein finantza entitateren esku utzi duen amortizazioa edo diru-itzulketa gauzatzea, entitate horretan.

g) Mugaegunera iritsitako interesen kasuan, artikulu honetan aipatzen den aitorpena aurkeztera beharturik dauden entitateetako batek hura aurkezten ez badu aurreko f) letrako lehen lerrokadan aurreikusitako datan, jaulkitzaileak edo haren ordainketa-agente baimenduak ordaindu beharko ditu entitate horri dagozkion interesak, atxikipen tasa orokorra interes guztiei aplikatuta ateratzen den zenbateko likidoan.

Geroago, Estatuko Zor Publikoaren baloreen kasuan, interesak mugaegunera iritsitako datatik aurrera hogeita hamar egun naturalean, edo idatz-zati honen a) letrako bigarren puntuan aipatzen diren baloreek eragindako interesak mugaegunera iristen diren hilabetetik hurrengo hilabeteko 10a baino lehen, aitorpena aurkeztera beharturik dagoen entitateak artikulu honetan araututako aitorpena aurkeztuko balu, jaulkitzaileak edo haren ordainketa-agente baimenduak gehiegi atxikitako zenbatekoak ordainduko ditu, aitorpena jaso bezain laster.

h) Aurreko letretan aurreikusitako guztia aplikatuko da, halere, tributuen arloko araudian izaera orokorrarekin ezarritako informazio betebeharrak galarazi gabe, bai jaulkitzaileentzat bai Espainian egoitza duten eta, finantza bitartekari diren aldetik, idatz-zati honen a) letran aipatzen diren baloreen gordailuzainak diren entitateentzat, honakoei dagokienez: pertsona fisikoen errentaren gaineko zergaren zergadunak, sozietateen gaineko zergaren subjektu pasiboak eta Espainian establezimendu iraunkorra duten ez-egoiliarren errentaren gaineko zergaren zergadunak, entitate horien erregistroetan jasotakoarekin bat baloreen titularrak direnakNota de Vigencia.

3. Deskontura jaulkitako zor-tresnen kasuan, epea hamabi hilabetetik gorakoa ez bada, baloreen errenboltsoa edo amortizazioa egiten den unean titularrak direnek beteko dituzte artikulu honetan ezarritako informazio-betebeharrakNota de Vigencia.

III. KAPITULUA . Aitorpen osagarriak

63. artikulua . Aitorpen osagarriak aurkezteko epea.

Zergari buruzko Foru Legearen 39.6 artikuluan, e) eta g) letretan aurreikusitakoaren ondorioetarako, subjektu pasiboak ondareko elementuak edo balore edo partaidetza homogeneoak eskualdeketatik heldu den ondare galera aintzat hartzen duen zergaldiko aitorpena egiteko erregelamenduzko epea amaituta eskuratzen dituenean, aitorpen-likidazio osagarria aurkeztu beharko du, berandutza interesak barne, eskuraketa egiten denetik eskuraketa egiten den zergaldiko aitorpena egiteko erregelamenduzko epea amaitu bitarteko epearen barnean.

V. TITULUA . KONTURAKO ORDAINKETAK

I. KAPITULUA . Atxikipenak eta konturako sarrerak. Arau orokorrak

64. artikulua . Atxikipena edo konturako sarrera egin behar duten errentak.

1. Honako errenta hauek egin behar dute atxikipena edo konturako sarrera:

a) Lan etekinak.

b) Higigarrien kapitalaren etekinak.

c) Ondoko jarduera hauen etekinak:

a') Lanbide jarduerak.

b') Nekazaritza eta abeltzaintzakoak.

c') Oihan jarduerak.

d') Erregelamendu honen 78.6 artikuluan aurreikusitako enpresa jarduerak, non etekin garbia zehazten baita zenbatespen objektiboaren araubidea edo zuzeneko zenbatespenaren araubide berezia erabiliz Nota de VigenciaNota de Vigencia.

d) Talde inbertsioko entitateen kapital edo ondarearen adierazgarri diren akzio eta partaidetzen eskualdaketatik edo itzulketetatik lortutako ondare gehikuntzak.

e) Harpidetza eskubideen eskualdatzearen ondoriozkoakNota de Vigencia

2. Ondoko errenta hauek ere, haien kalifikazioa edozein izanik ere, atxikipena edo konturako sarrera egin beharko dute:

a) Higiezinen errentamendu edo azpierrentamenduaren ondoriozko etekinakNota de Vigencia.

b) Hauetatik heldu diren etekinak: jabetza intelektual eta industrialetik, laguntza teknikoa ematetik, ondasun higigarri, negozio edo meategien alokairutik, aurreko ondare elementuen berralokairutik eta irudi eskubidea ustiatzeko eskubidearen lagapenetik.

c) Joko, lehiaketa, zozketa edo ausazko konbinazioetan parte hartzeak dakartzan sariak, ondasun, produktu edo zerbitzu batzuen eskaintza, sustapen edo salmentarekin loturik egon edo ez, haien atxikipen oinarria 300 eurotik gorakoa denean.

Halere, sariak abenduaren 28ko 27/2016 Foru Legearen 12.1.a) artikuluan (legeak jokoaren gaineko tributuak arautzen ditu Nafarroako Foru Komunitatean) aipatzen diren entitateek, izaera sozialaren deklarazioa dutenek, antolatutako tonboletan lortutakoak direnean, horien atxikipena edo konturako sarrera egin beharko da soilik atxikipen oinarria 2.500 eurotik gorakoa deneanNota de Vigencia.

3. Ez da beharrezkoa izanen atxikipena edo konturako sarrera egitea honako errenta hauen kasuan:

a) Errenta salbuetsiak, eta kargarik ez daukaten bidaia sari eta gastuakNota de Vigencia.

b) Espainiako Bankuak jaulkitako baloreen etekinak, baloreok diru merkatuan eskuhartzea erregulatzen duen tresna baldin badira eta Altxor Letren etekinak.

Halere, bezeroekin Altxor Letren gaineko eragiketetan oinarrituriko kontu kontratuak fomalizatzen dituzten kreditu entitateak eta gainerako finantza entitateak beharturik egonen dira atxikipenak egitera kontu horien titularrek lortutako etekinetan.

c) Obligazioak akzio bihurtzeko primak.

d) Atzerriko kontuen etekinak, egoitza Espainian duten finantza kreditu entitateek eta finantza establezimenduek atzerrian modu egonkorrean dauzkaten establezimenduek ordaindutakoak badira.

e) Dibidenduak edo mozkinen partaidetzak, baldin eta haien jatorrizko zergaldietan horiek banatzen dituen entitateak zerga gardentasuneko araubidean ordaindu baditu zergak.

Finantza aktibo horien eskualdaketan, amortizazioan edo itzulketan esku hartzen duten finantza entitateek balorearen titularrari egotzi beharreko etekina kalkulatu beharko dute eta horren berri eman bai titularrari bai zerga arloko eskumena duen departamentuari, zeinari, horrekin batera, arestian aipatzen diren eragiketetan esku hartzen duten pertsonei dagozkien datuak ere emanen baitizkieteNota de Vigencia.

e) Etekin esplizitua duten finantza aktiboen eskualdaketa edo itzulketatik heldu diren etekinak, Espainiako bigarren mailako balore merkatu batean negoziatzen badira eta kontuko oharpenen bidez adierazirik badaude.

Finantza aktibo horien eskualdaketan, amortizazioan edo itzulketan esku hartzen duten finantza entitateak beharturik egonen dira balorearen titularrari egotzi beharreko etekina kalkulatzera eta horren berri ematera titularrari eta Ekonomi eta Ogasun Departamentuari. Azken horri, halaber, arestian adierazitako eragiketetan esku hartzen duten pertsonen datuak emanen dizkiote.

Halere, bezeroekin balore horien gaineko eragiketetan oinarrituriko kontu kontratuak formalizatzen dituzten kreditu entitateak eta gainerako finantza entitateak beharturik egonen dira atxikipenak egitera kontu horien titularrek lortutako etekinetan.

Era berean, atxikipena izanen du kupoi korrituaren balio bera duen prezioaren zatiak, kupoiaren mugaeguna baino 30 egun lehenagoko epearen barrenean eskualdatutako finantza aktiboetan, baldintza hauek betetzen direnean:

1. Eskuratzailea Espainiako lurraldean egoitza ez duen pertsona edo entitatea izatea edo Sozietateen gaineko Zergaren subjektu pasiboa.

2. Eskualdatutako baloreetatik heldu diren etekin esplizitoak atxikitzeko betebeharretik salbuetsirik egoteaNota de Vigencia.

f) Joko-makinek eta kasinoek eta bingoek antolatutako jokoek emandako sariak, horiek Nafarroako Foru Komunitatean jokoaren gaineko tributuak arautzen dituen abenduaren 28ko 27/2016 Foru Legearen xedapenen menpe baitaudeNota de Vigencia.

g) Los rendimientos procedentes del arrendamiento o subarrendamiento de inmuebles urbanos cuando se trate de arrendamiento de vivienda por empresas para sus empleadosNota de Vigencia.

h) Akzioak edo partaidetzak jaulkitzearen prima eta kapital-murrizketaren prima itzultzetik datozen etekinak, ekarpenak itzultzen direnean, salbu eta murrizketa hori banatu gabeko etekinetatik datorren kapitalari badagokio, Zergari buruzko Foru Legearen 39.4.a) artikuluaren bigarren paragrafoan aurreikusitakoaren arabera.

Dena dela, Zergari buruzko Foru Legearen 52.1.c) artikuluaren lehenengo paragrafoan adierazten diren etekinen kasuan, atxikipena edo konturako diru-sarrera egin beharko da, baita Zergari buruzko Foru Legearen 52.1.d) artikuluan aipatzen den jaulkipen primaren zenbatekoen kasuan ere, kapital-murrizketatik (ekarpenen itzulketarekin) edo jaulkipen primaren itzulketatik datorrenean eta Inbertsio Kolektiboko Erakundeei buruzko Legearen arabera eratutako kapital aldakorreko inbertsioko sozietateenak direnean, hurrenez hurren.

Aurreko paragrafoan xedatutakoa aplikatuko da, orobat, etekin horiek Zergari buruzko Foru Legearen 52.2 artikuluan aipatutako inbertsio kolektiboko erakundeetatik baldin badatozNota de Vigencia.

i) Inbertsio kolektiboko erakundeetan partaidetzak edo akzioak itzuli edo eskualdatzearen ondoriozko ondare gehikuntzak, Zergari buruzko Foru Legearen 52. artikuluan ezarritakoaren arabera, horiek konputatzea bidezkoa ez denean Nota de Vigencia.

j) Inbertsio kolektiboko erakunde hauek jaulkitako partaidetzak edo akzioak itzuli edo eskualdatzearen ondoriozko ondare gehikuntzak:

1. Funts kotizatuak eta SICAV erako inbertsio sozietate kotizatuak, 35/2003 Legea garatzeko Erregelamenduaren 79. artikuluan arautzen direnak.

2. Atzerrian eratutako inbertsio kolektiboko erakundeak, 1. puntuan aipatutakoen antzekoak, eta Zergari buruzko Foru Legearen 52.4 artikuluan aurreikusitakoak ez direnak, merkatu arautu batean nahiz negoziazio sistema aldeaniztun batean kotizatzen dutenak, edozein dela ere erreproduzitzen, errepikatzen edo erreferentziatzat hartzen duten indizearen osaera, baldin eta, gainera, itzulketa edo eskualdaketa ez bada egiten jurisdikzio ez lankidetzat jotzen den herrialde edo lurralde bateko merkatu batean Nota de Vigencia.

65. artikulua . Atxikipena edo konturako sarrera egitera behartuta daudenak.

1. Oro har, ondoko hauek egin beharko dute atxikipena edo konturako sarrera, betebehar hori daukaten errentak ordaintzen dituztenean:

a) Pertsona juridikoak eta gainerako entitateak, jabeen elkarteak eta errenta esleipeneko araubidea daukaten entitateak barne direlarik.

b) Jarduera ekonomikoetan aritzen diren subjektu pasiboak, beraien jardueretan errentak ordaindu edo abonatzen badituzte.

c) Espainian egoitza ez duten pertsona fisiko, juridiko eta gainerako entitateak, establezimendu iraunkorren bidez bertan jarduten badute.

d) Espainiako lurraldeko egoiliarrak ez diren pertsona fisiko, juridiko eta gainerako entitateen kasuan, establezimendu iraunkorrik gabe jarduten badute bertan, kontuan hartuko dira ordaintzen dituzten lan-etekinak, bai eta atxikipenaren edo konturako sarreraren menpe dauden beste etekin batzuk ere, gastu kengarriak badira ez-egoiliarren errentaren gaineko zergari buruzko legearen testu bateginaren 24.2 artikuluan aipatutako errentak lortzeko (testu bategina martxoaren 5eko 5/2004 Legegintzako Errege Dekretuaren bidez onetsi zen) Nota de Vigencia.

2. Bereziki:

a) Entitate egoiliarrek edo establezimendu iraunkorrek atxikipena egin beharko dute, baldin eta bertan lan egiten duten subjektu pasiboei lan-etekinak ordaintzen badizkie beste entitate batek, egoiliarra izan nahiz ez, entitate egoiliarrekin Sozietateen gaineko Zergari buruzko 26/2016 Foru Legearen 28. artikuluan ezarritako moduan lotuta dagoenak, edo Espainiako lurraldean ezarrita dagoen establezimendu iraunkorraren atzerriko titularrakNota de Vigencia.

b) Finantza aktiboen gaineko eragiketetan, honakoak daude beharturik atxikipena egitera:

1. Finantza aktiboen amortizazioan edo itzulketan lortutako etekinetan, entitate jaulkitzailea. Halere, finantza entitate bati eskatzen bazaio eragiketa horiek gauzatzea, eragiketaren arduraduna den finantza entitateak egin beharko du atxikipena.

Jaulki ondoren finantza aktibo bihurtu diren igorpen-tresnen kasuan, kobratzeko aurkezten dituen fede-emaileak edo finantza entitateak egin beharko du atxikipena haien mugaegunean.

2. Finantza aktiboen eskualdaketan lortutako etekinetan, aurreko idatz-zatian aipatu diren igorpen-tresnak barne direlarik, finantza entitate baten edo bat baino gehiagoren bitartez bideratzen bada, eskualdatzailearen ordez ari den bankuak, kutxak edo entitateak egin beharko du atxikipena.

Idatz-zati honetan ezarritakoaren ondorioetarako, finantza aktiboak saltzeko agindua jasotzen duen bankua, kutxa edo finantza entitatea izanen da transmititzailearen ordez ari dena.

3. Aurreko idatz-zatietan jaso ez diren kasuetan, eragiketan nahitaez parte hartu behar duen fede-emaile publikoa.

c) Zor Publikoko baloreen eskualdaketetan, atxikipena egin beharko du eskualdaketan parte hartzen duen Oharpenetako Zor Publikoaren Merkatuko entitate kudeatzaileak.

d) Talde inbertsioko erakundeen kapitala edo ondarea ordezkatzen duten akzio nahiz partaidetzak eskualdatu edo itzultzen direnean, ondoko pertsona eta entitate hauek atxikipena edo konturako sarrera egin beharko dute:

1. Inbertsio funtsetako partaidetzak itzultzen direnean, sozietate kudeatzaileak, salbu eta partaideen kontura entitate merkaturatzaileen izenean erregistratutako partaidetzak, horien kasuan entitate merkaturatzaile horiek egin beharko baitute atxikipena edo konturako diru-sarreraNota de Vigencia.

2. Kapital aldakorreko inbertsio sozietate batek, ez burtsan ez baloreen negoziaziorako beste inongo merkatu edo sistema antolatutan kotizatzen ez duten akzioak dituenak, atzera erosten baditu subjektu pasiboak zuzenean edo merkaturatzailearen bidez berari erosi zizkion akzioak, sozietateak berak, salbu eta sozietate kudeatzaileren batek esku hartzen duenean; azken kasu horretan, sozietate kudeatzaileak.

3. Talde inbertsioko erakundeak egoitza atzerrian baldin badu, entitate merkaturatzaileek edo haien akzio nahiz partaidetzak merkaturatzeko ahalmena duten bitartekariek, eta, subsidiarioki, baloreak harpidedunen artean banatzeko ardura duten entitateek, itzulketa egiten dutenean.

4. Zerbitzuak aske emateko araubidean diharduten kudeatzaileen kasuan, Zergari buruzko Foru Legearen hamazazpigarren xedapen gehigarriko 2. idatz-zatian eta Inbertsio kolektiboko erakundeei buruzko azaroaren 4ko 35/2003 Legearen 55.7 artikuluan aipatzen den ordezkariakNota de Vigencia.

5. Aurreko zenbakietan ezarritakoaren arabera atxikipenik egin behar ez den kasuetan, eskualdaketa egin edo itzulketa lortzen duen bazkide edo partaideak konturako ordainketa bat egin beharko du. Konturako ordainketa hori 79., 80.1 eta 81. artikuluetako arauei jarraituz eginen daNota de Vigencia-Nota de Vigencia.

e) Zerbitzuak aske emateko araubidean aritzen diren aseguru entitateek Espainian egindako eragiketetan, aseguru entitateak egin beharko du atxikipena edo konturako sarrera, Zergari buruzko Foru Legearen hamazazpigarren xedapen gehigarrian xedatutakoarekin batNota de Vigencia.

f) Helbidea Europar Batasuneko kide den beste estatu batean duten pentsio funtsek Espainian egindako eragiketetan, Espainiako legediari lotutako enpleguko pentsio planak gauzatzen badituzte, Europako Parlamentuaren eta Kontseiluaren 2003ko ekainaren 3ko 2003/41/EE Zuzentarauan, enpleguko pentsio funtsen jarduerei eta gainbegiratzeari buruzkoan, xedaturikoarekin bat, pentsio funtsak egin beharko du atxikipena edo konturako sarrera, Zergari buruzko Foru Legearen hemezortzigarren xedapen gehigarriarekin batNota de Vigencia.

g) Kapital soziala murrizten denean, eta horrekin batera akzioen jaulkipen primaren banaketa eta ekarpenen itzulketa egiten bada, 64.3.h) artikuluaren bigarren eta hirugarren paragrafoetan adierazitako kasuetan, honako hauek egin beharko dute konturako diru-sarrera edo atxikipena:

1. Inbertsio Kolektiboko Erakundeei buruzko Legean araututako kapital aldakorreko inbertsioko sozietateen kasuan, sozietateak berak.

2. Zergari buruzko Foru Legearen 52.2.a) artikuluan aipatzen diren inbertsio kolektiboko erakundeen kasuan, entitate merkaturatzaileek, edo haien akzioak edo partaidetzak merkaturatzeko ahalmena duten bitartekariek, eta subsidiarioki, baloreak kokatu edo banatzeaz arduratzen diren entitateek, errenten ordainketan parte hartzen dutenek.

3. Zergari buruzko Foru Legearen 52.2.b) artikuluan adierazitako inbertsio kolektiboko erakundeen kasuan, baloreen gordailua egiten duen entitateak edo haietatik datozen errenten kobraketa kudeatzeaz arduratzen den entitateak.

4. Aurreko zenbakien arabera konturako diru-sarrera edo atxikipena egitea bidezkoa ez den kasuetan, konturako ordainketa egitera behartuta egonen da jaulkipen primaren banaketa edo ekarpenen itzulketa jasotzen duen bazkidea edo partaidea. Konturako ordainketa hori 73., 76.5 eta 77.1 artikuluetako arauei jarraituz eginen daNota de Vigencia.

h) 64.4 artikuluan aurreikusitako konturako ordainketa egiteko betebeharra dagoenean, subjektu pasiboak zer kreditu edo aseguru entitaterekin duen kontratatua epe luzerako aurrezki plana, entitate horrek egin beharko du, 73., 76.7 eta 77.3 artikuluetan ezarritakoarekin batNota de Vigencia.

i) Harpidetza eskubideen eskualdaketetan zerga horrengatik atxikipena edo konturako sarrera egiteko betebeharra izanen du entitate gordailuzainak edo, halakorik ezean, eragiketan esku hartu duen bitartekari finantzarioak edo fede-emaile publikoakNota de Vigencia.

66. artikulua . Pertsona Fisikoen Errentaren gaineko Zergaren atxikipenak edo konturako sarrerak egiteko betebeharra.

1. Erregelamendu honen aurreko artikuluan aipatutako pertsonek edo entitateek, 64. artikuluan aurreikusitako errentak ordaintzen dituztenean, atxikipena egin eta Nafarroako Ogasun Publikoan sartu beharko dute zenbatekoa, Hitzarmen Ekonomikoan ezarritako irizpideen arabera, hartzaileari dagokion Pertsona Fisikoen Errentaren gaineko Zergaren kontura egindako ordainketa modura, Foru Dekretu honetako arauak betez.

Era berean, atxikipena egin beharko da finantza aktiboen eskualdaketa eragiketetan eta talde inbertsioko entitateen akzio edo partaidetzen eskualdaketa edo itzulketa eragiketetan, Foru Dekretu honetan ezarritako baldintzetan.

2. Aipatutako errentak gauzatan ordaindu edo abonatzen direnean, aurreko zenbakian aipatutako pertsonek edo entitateek dirusarrera bat egin beharko dute, hartzaileari dagokion Pertsona Fisikoen Errentaren gaineko Zergaren kontura egindako ordainketa modura, Erregelamendu honetako arauak betez.

3. Erregelamendu honetan aurreikusitakoaren ondorioetarako, atxikipena egin behar duenari buruzko oharrak konturako sarrerak egin behar dituenari buruz ere egin direla ulertuko da, konturako ordainketa biak batera arautu behar direnean.

67. artikulua . Atxikipenaren edo konturako sarreraren zenbatekoa.

1. Atxikipenaren zenbatekoa honela kalkulatuko da: atxikipenaren oinarriari hurrengo Kapituluan aurreikusitakoaren arabera dagokion portzentajea aplikatuko zaio. Atxikipenaren oinarria ordaindu edo abonatzen den kopuru osoa izanen da; halere, hurrengo artikuluetan ezarritako hainbat berezitasun ager daiteke.

2. Gauzazko ordainsariengatik egin behar den konturako sarreraren zenbatekoa lortzeko, ordainketa horien balioari III. Kapituluan aurreikusitakoaren arabera dagokion portzentajea aplikatuko zaio. Aipatutako balio hori Erregelamendu honetako arauek zehaztuko dute.

68. artikulua . Atxikipena edo konturako sarrera egiteko beteharra sortzea.

1. Oro har, dagozkion errentak ordaindu edo abonatzen diren unean sortuko da atxikipena egiteko beteharra.

2. Higiezinen kapitalaren etekinen kasuan eta talde inbertsioko erakundeen akzio eta partaidetzen eskualdaketa edo itzulketetatik heldu diren ondare gehikuntzen kasuetan, Erregelamendu honetako 77 eta 81. artikuluetan aurreikusitakoa beteko da, hurrenez hurren.

3. Harpidetza eskubideen eskualdaketak eragindako ondare irabazien kasuan, atxikipena edo konturako sarrera egiteko betebeharra sortuko da eskualdaketa formalizatzen den unean, zein diren ere kobrantzarako itundutako baldintzak.

Betebehar hori entitate gordailuzainarena denean, entitate horrek eskualdaketaren zenbatekoa zergadunari emateko jasotzen duen datan eginen du atxikipena edo konturako sarreraNota de Vigencia.

69. artikulua . Atxikipenak edo konturako sarrerak zergaldiari egoztea.

Atxikipenen edo konturako sarreren menpean dauden errentak egozten diren aldiari egotziko dizkiote subjektu pasiboek atxikipenak edo konturako sarrerak, gauzatu diren unea alde batera utzita.

II. KAPITULUA . Atxikipenak kalkulatzea

1. ATALA . Lan etekinak

70. artikulua . Lan etekinen gaineko atxikipenen zenbatekoa.

Lan etekinen gainean egin behar den atxikipena zein den jakiteko, ordaindutako etekin osoari honako portzentaje hauetatik dagokiona aplikatu beharko zaio:

a) Oro har, etekinen zenbatekoaren arabera eta subjektu pasiboaren egoera pertsonalaren arabera, hurrengo artikuluan jasotako taula eta jarraibideak aplikatuz lortzen dena.

b) Administrazio kontseiluetako kideek, kontseilu horien ordez aritzen diren batzordeetako kideek eta antzeko ordezkaritza organoetako gainerako kideek, izaera hori dela-eta jasotzen dituzten lansarien kasuan, atxikipenaren portzentajea %35ekoa izanen daNota de Vigencia.

71. artikulua . Atxikipenen portzentaien taula eta horiek aplikatzeko jarraibideak Nota de Vigencia.

Bat. Atxikipen portzentajeen taula orokorra:

Bi.-Taula aplikatzeko jarraibide orokorrak.

1. Taularen aplikaziorako kontuan hartu beharreko seme-alaben eta bestelako ondorengoen kopurua izanen da Zergari buruzko Foru Legearen 62.9.b).b’) artikuluan aurreikusitako kenkarirako eskubidea ematen dutenena. Ondorio horietarako, familia egoera izanen da urte natural bakoitzeko lehen egunean dagoena, edo etekinak ordaintzen dituenarekiko harremana hasi zen egunekoa, harreman hori data hartatik aurrera hasia deneanNota de Vigencia.

2. Taularen aplikaziorako kontuan hartu beharreko ordainsarien zenbatekoa ezartzeko, hartuko da subjektu pasiboak, aplikatzekoak diren kontratuko arau edo estipulazioekin eta aurreikus daitezkeen gainerako inguruabarrekin bat, urte naturalean jaso beharko lukeen diru kopuru osoa, kenduta, batetik, pentsio planen eta gizarte aurreikuspeneko mutualitateen sustatzaileek eta enpresek beren gain hartutako pentsio konpromisoak gauzatzen dituzten aseguru kolektiboen hartzaileek ordaindutako kontribuzioak edo ekarpenak, pentsio planak eta funtsak arautzen dituen legearen testu bateginaren lehen xedapen gehigarrian eta hura garatzeko araudian aurreikusitako moduan, barne hartuta enpresako gizarte aurreikuspeneko planak, horien kontribuzioek edo ekarpenek zerga-oinarria murrizten badute, eta bestetik, dagozkion aldietatik kanpo jasotzen diren ordainsariak, betiere langileak enpresa ordaintzailean bete baldin baditu bere zerbitzuak aldi horretan. Ondorio horietarako, gauzazko ordainsariak beren balioaren arabera kontatuko dira, Zergari buruzko Foru Legearen 16. artikuluak ezartzen duenarekin bat ezarritako balioaren arabera alegia, konturako sarreraren zenbatekoa kontatu gabe.

Urtean jasotzen den diru kopuru osoan ordainsari finkoak nahiz aurreikus daitezkeen ordainsari aldakorrak sartuko diraNota de Vigencia.

3. Ordaindu edo abonatzen diren ordainsari guztiei aplikatuko zaie horrela zehaztutako atxikipenaren portzentajea, hura zehazteko baliatu zirenetatik desberdinak badira ere.

Halere, atxikipen tasa erregularizatzen ahal da kasu hauetan:

a) Kontratu batean hasieran aurreikusitako epea bukatzen denean langileak enplegatzaile berarentzat jarraitzen badu zerbitzuak ematen, edo urte naturalaren barnean berriz harentzat lan egiten badu.

b) Urte natural berean, langabeziaren prestazioen kobrantza eten ondoren, kobratzeko eskubidea berreskuratzen bada edo langabeziaren sorospena jasotzen hasten bada.

c) Arau orokorrengatik edo lan hitzarmen kolektiboengatik, urte berean ordainsarien zenbatekoan aldaketak daudenean.

Aurreko kasuetan, atxikipen portzentaje berria kalkulatuko da, kontuan hartuta bai aurretik ordaindutako ordainsariak bai urte natural berean ustez jaso behar dituenak. Portzentaje berri hori aipatutako aldaketak gertatzen direnetik aurrera baizik ez da aplikatukoNota de Vigencia.

4. Aurreko apartatuetan xedatutakotik ateratzen den atxikipen portzentajea ez da ehuneko 2 baino txikiagoa izanen, urtebetekoak edo lanaldi osokoak izatera iristen ez diren kontratuak edo harremanak direnean, edo arte eszenikoetan, ikus-entzunezkoetan eta musikaletan aritzen diren artisten lan harreman berezi batetik heldu direnean, ezta jarduera hori garatzeko beharrezkoak diren jarduera teknikoak edo osagarriak egiten dituzten pertsonen lan harremanetatik heldu direnean ere; eta ehuneko 15 baino txikiagoa ere ez, lanaren etekinak mendetasunezko beste lan harreman berezi batzuetatik heldu direnean.

Halere, aurreko paragrafoan aipatzen den 100eko 15eko gutxieneko atxikipena ez zaie aplikatuko espetxeetan zigortuta daudenek lortutako etekinei, ez eta desgaitasuna dutenen lan harreman bereziek eragindako etekinei ere.Nota de Vigencia

Hiru.-Taula aplikatzeko jarraibide berariazkoak.

1. Zergari buruzko Foru Legearen 14.2.a) artikuluak aipatzen dituen prestazio pasiboen kasuan, seme edo alaba bakarra daukaten subjektu pasiboei dagokien zutabean adierazitako atxikipen portzentajeak aplikatuko diraNota de Vigencia.

Aplikatu beharreko atxikipen portzentajea zehazteko soilik, ekitaldian pentsiodun edo sarrera pasiboen titularraren izaera hartzen dutenek, urte betea osatu arte zenbatu ahal izanen dituzte jasotzen dituzten kopuruak.

Halere, subjektu pasiboak atxikipen-taula orokorra aplikatzea aukeratu ahal izanen du, bere egoera pertsonala zein den kontuan harturik.

2. Gizalan edo eguneko soldaten bidez kobratzen duten esku-langileak direnean, hau da, enplegatzailearekin noizean behingo edo eguneko harremanaren ondorioz, dagokion taula aplikatzeko kontuan hartu behar den ordainsarien zenbatekoa egunean jasotako soldata 100ekin biderkatuz lortuko da.

3. Lan etekinen jasotzaileak, epailearen erabakiaren ondorioz, bere ezkontideari pentsio konpentsatzailea ordaindu behar dionean, atxikipen portzentajea kalkulatzeko kontuan hartu behar den ordainsarien zenbatekoa murriztu ahal izanen du pentsio horren zenbatekoak.

Horretarako, subjektu pasiboak bere ordaintzaileari jakinarazi beharko dio egoera hori, hurrengo artikuluan zehazten den moduan.

Idatz-zati honetan jasotako kasuetan, ateratzen den atxikipen-tasa ehuneko 2 baino txikiagoa bada, azken hori aplikatuko daNota de Vigencia.

4. Zergari buruzko Foru Legearen 17.2. artikuluan ezarritako murrizketak aplikatu behar direnean, atxikipena ordainsarien zenbateko osoan aplikatuko da, horri murrizketa horiengatik dagokion zenbatekoa kenduta.

Zergari buruzko Foru Legearen 80. artikuluko 9. idatz- zatian aurreikusten diren kasuetan, 4. idatz-zati honetako lehen lerroaldean aipatzen diren murrizketen aplikazioa ere hartuko da kontuanNota de Vigencia.

5. Langabeziako prestazioen kasuan, dagokion entitate kudeatzaileak onartuak badira, honako atxikipen portzentajeak aplikatuko dira:

URTEKO ETEKINAREN ZENBATEKOA (pezetatan) PORTZENTAJEA

1.450.000tik gora 3

1.550.000tik gora 5

1.650.000tik gora 6

1.850.000tik gora 8

2.150.000tik gora 10

Prestazioak jasotzeko eskubidea eteten den urte natural berean berreskuratzen bada eskubide hori, prestazioaren etenaldia gertatu denean egiten zen atxikipen portzentaje bera aplikatuko da.

Urte natural berean langabeziko prestazioaren jasotzailea horren dirulaguntza jasotzen hasten bada, langabeziko prestazioari aplikatzen zitzaion atxikipen portzentaje bera aplikatuko zaioNota de Vigencia.

72. artikulua . Jakinarazpenak.

1. Subjektu pasiboek beraien egoera pertsonala egiaztatu beharko diote ordaintzaileari, aplikatu beharreko atxikipen portzentajea kalkulatzeko.

Egoera pertsonalak atxikipen portzentajean eragina daukanean, subjektu pasiboak egoera hori egiaztatzeko eman dizkion agiriak gorde beharko ditu ordaintzaileak.

2. Pentsiodunek atxikipenaren taula orokorra aukera dezakete, nahi badute. Aukera hori idatziz egin beharko da dagokion ordaintzaileari edo entitate kudeatzaileari aurkeztuta, urte bakoitzaren abenduan edo pentsioduna edo sarrera pasiboaren titularraren izaera hartu aurreko hilabetean.

3. Subjektu pasiboek aurreko artikuluetan ezarritakoak baino atxikipen-tasa handiagoak aplikatu nahi badituzte, beraien ordaintzaileei eskatu beharko diete, arau hauek betez:

a) Eskaria idatziz egin beharko zaie ordaintzaileei. Horiek, nominak egin baino lehen jasotzen dituzten eskari guztiak aztertu beharko dituzte.

b) Eskatzen den atxikipen-tasa berria ezin izanen da aldatu eskaria egin eta urtearen amaiera bitartean, eta subjektu pasibo horri hurrengo ekitaldietan aplikatuko zaio, ehuneko horri ez badio idatziz uko egiten edo ez badu atxikipen-tasa handiagoa eskatzen, eta atxikipen-taulen arabera ez badago tasa handiagoa ezartzen duen egoera-aldaketarik.

4. Urtean zehar ordainsarien zenbatekoa jaisten bada langilearen kategoria jaisten delako, langileak eskatzen ahal die ordaintzaileei atxikipen portzentaje berria kalkulatzeko, kontuan hartuta bai aurretik ordaindutako ordainsariak bai urte natural horretan berean ustez jaso behar dituenak.

Eskabidea aurreko idatz-zatiaren a) letran aurreikusitako moduan eta ondorioekin eginen daNota de Vigencia.

72 bis artikulua. Egoitza atzerritik Espainiako lurraldera aldatuz gero, lanaren etekinen gaineko atxikipenak eta konturako sarrerak zehazteko prozedura bereziaNota de Vigencia.

1. Besteren konturako langileek, zerga honen subjektu pasibo izan ez baina Espainiako lurraldera eta Foru Komunitatera aldatzeagatik izaera hori hartu behar dutenek, inguruabar hori jakinarazten ahal diote Nafarroako Zerga Ogasunari, zerga arloko eskumena duen departamentuko titularrak onesten duen komunikazio ereduaren bidez; titular horrek ezarriko du, halaber, eredu hori aurkezteko modua, tokia eta epea, bai eta erantsi behar zaion dokumentazioa ereNota de Vigencia.

Berriemate horretan langilea eta lanaren etekinak ordaindu dituena identifikatu behar dira, Espainiako lurraldean zein egunetan sartu den eta ordaintzaile horrentzat lanean zein egunetan hasi den adierazi behar da, eta zehaztu behar da lan-harremanak direla eta pentsatzekoa denez Nafarroako lurraldean egoitza lekuz aldatzen duen urte naturalean, edo hurrengoan, bestela, ehun eta laurogeita hiru egun baino gehiago egonen den, Espainiako lurraldean lanean hasten denetik zenbatuta.

2. Nafarroako Zerga Ogasunak, berriematea eta harekin batera aurkeztutako agiriak aztertuta, frogagiria emanen dio langileari, bidezkoa bada, berriematea aurkeztu eta hamar astegun igaro aurretik, hain zuzen ere zerga honen ziozko atxikipenak noiztik aurrera aplikatu zaizkion adierazten duen frogagiria.

3. Langileak Nafarroako Zerga Ogasunak emandako agiri horren ale bat emanen dio lanaren etekinen ordaintzaileari, hark, atxikipenak aplikatzean, zerga honen kargapeko subjektu pasibotzat har dezan bertan adierazitako egunetik aurrera.

4. Agiri hori jasotakoan, atxikipenak aplikatu behar dituenak aplikatu eginen ditu, bertan adierazitako eguna kontuan hartuz eta zerga honi buruzko arauei lotuz.

5. Baldin eta interesduna lekuz aldatzen den urtean ez bada zerga honen subjektu pasibo gertatzen, Ez-egoiliarren Errentaren gaineko Zergaren aitorpenean zerga honen kontura aplikatutako atxikipenak kendu ahal izanen ditu.

Halaber, Ez-egoiliarren Errentaren gaineko Zergari buruzko Legearen Testu Bateginaren 32. artikuluan ezarritakoa aplikatu behar bada, eta langilea atzerrira joan den urtean Ez-egoiliarren Errentaren gaineko Zergaren kargapekoa izan ez bada, zerga horren ziozko atxikipenak eta konturako sarrerak Pertsona Fisikoen Errentaren gaineko Zergaren konturako ordainketatzat hartu beharko diraNota de Vigencia.

2. ATALA. HIGIGARRIEN KAPITALAREN ETEKINAK

73. artikulua . Kapital higigarriaren etekinen gaineko atxikipenen zenbatekoa Nota de Vigencia.

Kapital higigarriaren etekinen gaineko atxikipena edo konturako sarrera %19koa izanen da.

74. artikulua . Finantza aktiboen kontzeptua eta sailkapena.

1. Finantza aktiboak dira besteren kapitalak atzitu eta erabiltzea adierazten duten balore negoziagarriak, zein modutan dokumentatzen diren alde batera utzita.

2. Etekin inplizitudun finantza aktiboak izanen dira etekina honela sortzen bada: jaulkipenean, lehen ezarpenean edo endosuan ordaindutako zenbatekoari beren etekina, osorik edo zati batean, besteren baliabideak atzitzeko erabilitako edozein balore higigarriren bidez modu inplizituan ezartzen den eragiketen mugaegunean ordaintzeko hitza eman den kopurua kenduta.

Jaulkipen, amortizazio edo itzulketa primak etekin inplizitutzat joko dira.

Etekin inplizituaren kontzeptutik kanpo geratuko dira ezarpenaren hobariak edo primak, jaulkipenaren prezioaren gainean igorrita, baldintza hauek betetzen badituzte: merkatuaren jardueren barruan egotea eta Erregelamendu honek arautzen dituen finantza aktiboen jaulkipenean eta hedapenean jarduten duen bitartekari, aratekari edo finantza ezartzailearentzako dirusarrera izatea osorik.

Etekin inplizitudun finantza aktibotzat hartuko da edozein igorpen-tresna, bai eta merkataritza-eragiketetan sortutakoak ere, endosatzen edo eskualdatzen den momentutik aurrera. Horren salbuespena izanen da endosua edo lagapena hornitzaileen kreditua ordaintzeko bada.

3. Etekin esplizitudun finantza aktiboak izanen dira interesak sortzen dituztenak eta ordaintzeko beste edozein modu, ordainketa mota hori kapital propioak hirugarrenei lagatzearen kontraprestazio modura hitzartu bada eta ez badago aurreko idatz-zatian ezarri den etekin inplizituen kontzeptuaren barruan.

4. Etekin mistodun finantza aktiboek etekin esplizitudun finantza aktiboen araudia erabiliko dute, urtean modu horretan sortzen duten eskudirua jaulkipenaren unean indarra duen erreferentzia-tasaren berdina edo handiagoa denean, nahiz eta jaulkipen, amortizazio edo itzulketaren baldintzetan beste etekin gehigarri bat ezarri, modu inplizituan. Hiruhileko natural bakoitzean, erreferentzia-tasa hori aurreko hiruhilean egindako hiru urteko estatu-bonuen azken enkantean izan den batez besteko prezio ponderatu eta biribilduari dagokion tasa efektiboaren ehuneko 80 izanen da, lau urteko edo gutxiagoko epea daukaten finantza aktiboak izanez gero; bost urteko estatu-bonuen berdina izanen da, lau urte baino gehiago baina zazpi edo gutxiagoko epea daukaten finantza aktiboak izanez gero; 10, 15 edo 30 urteko estatu-obligazioen berdina izanen da, aipatutakoa baino epe luzeagoa daukaten aktiboak izanez gero. Eperen baterako ezin bada erreferentzia-tasa zehaztu, jaulkipen horretatik gertuen dagoen epearena aplikatuko da.

Idatz-zati honetan ezarritakoaren ondorioetarako, etekin aldakorra edo flotatzailea daukaten finantza aktiboen jaulkipenei dagokienez, eragiketaren interes efektibotzat bere barne etekinaren tasa hartuko da. Izaera esplizitua eta kalkulatua daukaten etekinak baino ez dira hartuko, egoki bada, parametroaren hasierako balorazioari dagokionez, horren arabera zehazten bada, aldizka, sortutako etekinen behin betiko zenbatekoa.

Nolanahi ere, etekin mistoa duen zor publikoa baldin bada, zeinaren kupoiak eta amortizazio zenbatekoak prezio indize baten arabera kalkulatzen baitira, lehen lerrokadako portzentajea ehuneko 40koa izanen daNota de Vigencia.

75. artikulua . Finantza aktiboak eskualdatzeko, itzultzeko eta amortizatzeko betekizun fiskalak.

1. Etekin inplizitua daukaten finantza titulu edo aktiboak eta eskualdaketa, amortizazio edo itzulketaren unean atxikipena izan behar duten etekin esplizitudun finantza aktiboak besterentzeko edo horien itzulketa lortzeko, titulu edo aktibo horiek, atxikipena egin behar duten fede-emaileen edo finantza entitateen parte hartzearekin, aldez aurretik erosi direla egiaztatu beharko da. Halaber, eragiketako prezioa adierazi beharko da.

Igorpen-tresna bat zirkulazioan jarri ondoren finantza aktibo bihurtzen denean, lehen endosua edo lagapena fede- emaile publiko edo finantza entitatearen bitartez egin beharko da, endosatzailea edo eroslea bera finantza entitatea ez bada. Fede-emaileak edo finantza entitateak dokumentuan idatziko dute finantza aktiboa dela eta lehen eroslea edo edukitzailea identifikatu.

2. Aurreko zenbakian ezarritakoaren ondorioetarako, jaulkipena egiten duen pertsonak edo entitateak, haren ordez aritzen den finantza entitateak, erosle edo gordailugilearen ordez aritzen den fede-emaile publikoak edo finantza entitateak, kasuan kasukoak, honakoen egiaztagiriak luzatu beharko dituzte:

a) Eragiketaren data eta aktiboaren identifikazioa.

b) Eroslearen izena.

c) Aipatutako erosle edo gordailugilearen identifikazio fiskaleko zenbakia.

d) Erosketaren prezioa.

Egiaztagiri hori hiru aletan eginen da. Horietatik, bi ale erosleari emanen zaizkio, eta hirugarrena egiaztagiria egin duen pertsona edo entitateak gordeko du.

3. Finantza entitateak eta fede-emaile publikoak ez dira bitarteko izanen eta ez dute esku hartuko aktibo horien eskualdaketan, eskualdatzaileak ez duenean artikulu honetan ezarritakoaren arabera bere erosketa egiaztatzen.

4. Finantza aktiboak jaulkitzen dituzten pertsonek edo entitateek, artikulu honetan aipatzen direnek, ezin izanen dituzte aktibo horiek itzuli edukitzaileak ez badu erosketa agiri egokiaren bidez egiaztatzen, 2. idatz-zatian ezarritakoa betez.

Jaulkitzaileak edo eragiketaz arduratzen diren finantza entitateek, aurreko lerroaldearen arabera ez badiote itzulketa egin behar titulu edo aktiboaren edukitzaileari, zenbateko horren pareko gordailua egin beharko dute, aginte judizialaren eskura egonen dena.

Denbora baino lehen berrerosteak, berreskuratzeak, ixteak edo amortizatzeak finantza entitate edo fede-emaile publiko batek esku hartzea edo bitartekaritzan aritzea eskatuko du. Aktiboa jaulkitzen duen entitatea edo pertsona erosle soila izanen da titulua berriro ateratzen bada.

5. Aseguru kontratuetatik datozen diru-jasotzeen kasuan, kapitalen ezarpenetatik datozen biziarteko edo aldi baterako errenten kasuan, eta orobat, kapital soziala murrizten den kasuetan, horrekin batera akzioen jaulkipen primen banaketa eta ekarpenen itzulketa egiten bada 64.3.h) artikuluaren bigarren eta hirugarren paragrafoan ezarritakoari jarraikiz, atxikipenaren oinarria izanen da Zergari buruzko Foru Legearen arabera kalkulatzen den zerga-oinarrian sartu beharreko kopuru bera.

6. Artikulu honetan aurreikusitako ondorioetarako, inter vivos irabazizko eskualdaketa denean, eroslea eskualdatzailearen erosketa balioan subrogatzen dela ulertuko da, aipatutako kostuaren justifikazio nahikoa egonez geroNota de Vigencia.

76. artikulua . Higigarrien kapitalaren etekinen gaineko atxikipenoinarria.

1. Eska daitekeen kontraprestazio osoa edo ordaindutako kontraprestazioa izanen da, oro har, higigarrien kapitalaren etekinen gaineko atxikipen-oinarriaNota de Vigencia.

2. Finantza aktiboen amortizazio, itzulketa edo eskualdaketaren kasuan, atxikipen oinarria izanen da aktibo horien amortizazio, itzulketa edo eskualdaketaren balioaren eta eskuratze edo harpidetzaren balioaren kendura positiboa. Erosketa baliotzat erosketaren egiaztagirian dagoena hartuko da. Ondorio horietarako, eragiketaren gastu gehigarriak ez dira murriztuko.

Eskualdatzaileari dagokion atxikipena kaltetu gabe, jaulkipena egiten duen entitateak berak jaulkitako aktibo bat erosten badu, tituluaren geroko edozein eskualdaketa- motatan, amortizazioan izan ezik, lortzen duen etekinaren gainean eginen dira atxikipena eta sarrera.

3. Atxikipena egiteko betebeharra Erregelamendu honen 64.3.e) artikuluaren azken lerroaldean aurreikusitakoan sortzen bada, balore eskualdatuaren kupoi jarraituaren baliokidea den prezioaren zatia izanen da atxikipen-oinarriaNota de Vigencia.

4. Zergari buruzko Foru Legearen 30. artikuluko 3. idatz-zatian araututako etekinei Zergari buruzko Foru Legearen 32.2 artikuluan aipatutako murrizketa aplikatu behar bazaie, etekin horien zenbateko osoan aplikatu beharreko murrizketak aplikatuz kalkulatuko da atxikipen-oinarriaNota de Vigencia.

5. Aseguru kontratuetatik heldu diren eskuratzeetan eta biziarteko errenta eta behin-behineko errentetan, kapitalen ezarpena bada horien sorburua, Zergari buruzko Foru Legearen arabera kalkulatutako zerga-oinarrian sartu beharreko zenbatekoa izanen da atxikipen-oinarriaNota de Vigencia.

6. Sozietateen gaineko Zergari buruzko 26/2016 Foru Legearen 29.2 artikuluan aurreikusitakoaren ondoriozko doikuntza sekundarioak atxikipena egin beharra sortzen duenean, atxikipen-oinarria hitzartutako balioaren eta merkatuko balioaren arteko kendura izanen daNota de Vigencia.

7. 64.4 artikuluan aurreikusitako konturako ordainketa egiteko betebeharra dagoenean, haren oinarria izanen da higigarrien kapitalaren etekin positiboen zenbatekoa, planaren indarraldian lortutakoena, etekin horiei Zergari buruzko Foru Legearen 7.s) artikuluan aurreikusitako salbuespena aplikatu bazaieNota de Vigencia.

77. artikulua . Higigarrien kapitalaren etekinen gainean atxikipena eta konturako sarrera egiteko betebeharra sortzea.

1. Oro har, atxikipena eta konturako sarrera egiteko betebeharra higigarrien kapitalaren etekinak, eskudirutan edo gauzatan, eskatu ahal diren momentuan sortuko da, atxikipena edo konturako sarrera egin behar bada, edo ordaindu edo entregatzen diren momentuan, aldez aurretikoa bada.

Bereziki, interesak eskrituran edo kontratuan kitatzeko edo kobratzeko adierazitako mugaegunean eskatu ahal izanen dira, edo kontuan beste modu batera onartzen direnean, nahiz eta jasotzaileak ez eskatu horiek kobratzerik edo etekinak eragiketaren printzipalari bildu. Dibidenduak, berriz, banaketa-akordioean ezarritako egunean edo hartzen diren egunaren biharamunetik aurrera eskatu ahal izanen dira, ez bada egunik zehazten.

2. Finantza aktiboen eskualdaketa, amortizazio edo itzulketatik heldu diren higigarrien kapitalaren etekinen kasuan, atxikipena egiteko betebeharra eskualdaketa, amortizazio edo itzulketaren momentuan sortuko da.

Eskualdaketa formalizatzen den egunean gauzatuko da atxikipena, kobratzeko hitzartutako baldintzak edozein izanik ere.

3. 64.4 artikuluan aurreikusitako konturako ordainketa egiteko betebeharra sortuko da ondoriozko emaitzaren edozein erabilera egitean Zergari buruzko Foru Legearen 7.s) artikuluan aurreikusitako epearen aurretik, edo epe luzerako aurrezki planak arautzen dituen estatuko araudian ekarpenetarako ezarritako muga urratzen deneanNota de Vigencia.

3. ATALA. ENPRESA ETA LANBIDE JARDUEREN ETEKINAK

78. artikulua . Enpresa eta lanbide jardueren etekinen gaineko atxikipenen zenbatekoa.

1. Etekinak lanbide jarduera baten kontraprestazioa direnean, ehuneko 15aren atxikipen-tasa aplikatuko da ordaindutako sarrera osoan.

Halere, atxikipen-tasa ehuneko 8 izanen da honakoei ordaindutako etekinak direnean:

a) Loterías y Apuestas del Estado estatu sozietatearen merkataritza ordezkariakNota de Vigencia.

b) Udalaren zerga-biltzaileak.

c) Aseguru-artekariak, kanpoko laguntzaileen zerbitzuak erabiltzen dituzteneanNota de Vigencia.

d) Maiatzaren 28ko 7/1996 Foru Legeak onartutako Jarduera Ekonomikoen gaineko Zergaren Tarifetan eta Instrukzioan jasota dauden bigarren sekzioko 851, 852, 853, 861, 862, 864 eta 869 taldeetan eta hirugarren sekzioko 01, 02, 03 eta 05 taldeetan jasotzen diren jarduerak garatzen dituzten zergadunak; edo jarduera profesional horren kontraprestazioa eratortzen denean zerbitzu-prestazio batetik, eta prestazio hori, besteren kontura eginez gero, sartuko balitz arte eszenikoetan. ikus-entzunezkoetan eta musikaletan aritzen diren artisten edo jarduera hori garatzeko beharrezkoak diren jarduera teknikoak edo osagarriak egiten dituzten pertsonen lan harreman berezien aplikazio esparruan, betiere, letra honetan aurreikusitako kasuetatik edozeinetan, jarduera horien etekin guztien bolumena, aurreko ekitaldiari dagokionez, 15.000 euro baino txikiagoa bada, eta zergadunak ekitaldi horretan lanetik eta jarduera ekonomikoetatik lortu dituen etekin guztien %75 baino gehiago bada. Atxikipen mota hori aplikatzeko, zergadunek etekinen ordaintzaileari jakinarazi beharko diote inguruabar horiek gertatzen direla, eta ordaintzaileak jakinarazpena gorde beharko du, behar bezala sinatuta Nota de Vigencia.

2. Aurreko idatz-zatian ezarritakoaren ondorioetarako, honakoak egonen dira lanbide jardueren etekinen barruan:

a) Oro har, Jarduera Ekonomikoen gaineko Zerga edo Lizentzia Fiskalaren Tarifen bigarren eta hirugarren ataletan jasotako jardueretan aritzetik heldu direnak.

b) Bereziki, honakoek eskuratutakoak hartuko dira lanbide etekintzat:

a') Jabego intelektual edo industrialetik heldu diren lanen egileak edo itzultzaileak. Egileek edo itzultzaileek beraiek argitaratzen dituztenean lanak, haien etekinak enpresa jarduerei dagozkienen barruan sartuko dira.

b') Komisionistak. Halakotzat hartuko dira kontratu bat egiteko interesatuta dauden alderdiak bildu edo gerturatzen dituztenak.

Alderantziz, komisionisten berariazko lanak soilik ez dituztela egiten ulertuko da aurreko lerroaldean deskribatutako eginkizunaz gain merkataritza-eragiketa horien arriskua eta zortea onartzen badute. Kasu horretan, enpresa jarduerei dagozkienen barruan sartuko da etekina.

c') Irakasleak, beraien etxebizitza, etxe partikular edo akademia edo establezimendu irekietan aritzen badira jarduera horretan, eta irakaskuntza mota edozein dela ere. Norberaren akademietan edo establezimenduetan egindako irakaskuntza enpresa jardueratzat joko da.

d') Ikastaroak, hitzaldiak, mahainguruak, mintegiak eta antzekoak ematetik heldu diren etekinak.

3. Ez dira lanbide jardueren etekintzat hartuko enpresa bateko soldatapean egon eta, enpresa horrentzat betetzen dituzten eginkizunengatik, lanbide elkargoetan izena eman behar duten pertsonek jasotzen dituzten zenbatekoak, ez eta, oro har, lan harreman edo menpekotasunezko harreman batetik heldu direnak ere. Zenbateko horiek lan etekinen barruan sartuko dira.

4. Etekinak nekazaritza edo abeltzaintzako jarduera baten kontraprestazioa direnean, honako atxikipen- portzentajeak aplikatuko dira:

a) Txerri-azienda gizentze eta hegazti-hazkuntzako abeltzaintza-jarduerak: ehuneko 1.

b) Gainerako kasuetan: ehuneko 2.

Portzentaje horiek ordaindutako sarrera osoetan aplikatuko dira. Egokia bada, nekazaritza, abeltzaintza eta arrantzako araubide bereziaren konpentsazioa sartuko da, eta dirulaguntza arruntak, kapitaleko laguntzak eta kalteordainen laguntzak kanpoan geratuko dira.

Ondorio horietarako, nekazaritza edo abeltzaintzako jardueratzat hartuko dira ustiategietatik produktu naturalak, landareak edo animaliak, lortzeko balio dutenak, ez badaukate eraldatze, lantze edo manufakturako prozesurik.

Eraldatze, lantze edo manufakturako prozesutzat hartuko da Jarduera Ekonomikoen gaineko Zerga edo Lizentzia Fiskalaren tarifetan industria-jarduerei dagokien epigrafe batean alta emanda eduki behar den jarduera denean.

Nekazaritza eta abeltzaintzako jardueren barruan hauexek ere sartuko dira:

a') Abeltzaintza independentea.

b') Nekazariek edo abeltzainek nekazaritza edo abeltzaintzako lanak edo zerbitzu osagarriak ematea, beraien ustiategietan erabili ohi dituzten baliabideen bitartez.

c') Azienda hazi, gorde eta zaintze zerbitzuak.

5. Irabaziak baso jarduera baten ordainsariak direnean 100eko 2ko atxikipen tasa aplikatuko zaie pagatutako sarrera osoei, horren barne delarik, egokitzen bada, Nekazaritza, Abeltzaintza eta Arrantza araubide bereziaren konpentsazioa eta dirulaguntza arrunt eta kapitalaren gainekoak eta kalteordainak kendutaNota de Vigencia.

6.

1. Etekinak lortu badira Bigarren puntuan adierazitako enpresa jardueretako baten kontraprestazio gisa, eta horien etekin garbia kalkulatzen bada zenbatespen objektiboa erabiliz edo zuzeneko zenbatespenaren araubide berezia erabiliz, ordaindutako diru-sarrera osoen %1eko atxikipen tasa aplikatuko da.

2. Apartatu honetan xedatutakoa aplikatuko da jarduera hauei edo jarduera-sektore hauei dagokienez:

3. Ez da zilegi izanen apartatu honetan aurreikusitako atxikipena egitea baldin eta enpresa jarduera egiten duen subjektu pasiboak ordaintzaileari jakinarazten badio jarduera horren etekin garbia kalkulatzen duela zuzeneko zenbatespenaren araubide arrunta edo araubide erraztua erabiliz.

Jakinarazpen horretan datu hauek jasoko dira:

a) Jakinarazpena egiten duenaren izen-abizenak, zerga-egoitza eta identifikazio fiskaleko zenbakia. Enpresa jarduera gauzatzen bada errentak eratxekitzeko araubideko entitate baten bidez, gainera, entitatearen sozietate-izena eta identifikazio fiskaleko zenbakia jakinarazi beharko ditu, baita haren ordezkari izaera ere.

b) Bigarren puntuan adierazitako jardueretatik zein enpresa jardueratan aritzen den, ekonomia-jardueren gaineko zergaren epigrafea zehaztuta.

c) Jarduera horren etekin garbia kalkulatzen duela zuzeneko zenbatespenaren araubide arrunta eta erraztua erabiliz.

d) Data eta jakinarazpena egiten duenaren sinadura.

e) Jakinarazpenaren hartzailea den pertsonaren edo entitatearen identifikazioa.

Gero batean subjektu pasiboak berriz ere kalkulatzen baditu jarduera horren etekinak zenbatespen objektiboaren araubidea erabiliz edo zuzeneko zenbatespenaren araubide berezia erabiliz, horren berri eman beharko dio ordaintzaileari, a), b), d) eta e) letretan adierazitako datuekin batera, atxikipena egiteko betebeharra sortu baino lehen.

Kasu guztietan, ordaintzaileak behar bezala sinatutako datu-jakinarazpenak gorde beharko ditu.

4. Hirugarren puntuan adierazitako datuak zuzen jakinarazteko betebeharra ez betetzeak Tributuei buruzko abenduaren 14ko 13/2000 Foru Lege Orokorrean xedatutako zerga ondorioak izanen ditu.

5. Zenbatespen objektiboaren araubideari edo zuzeneko zenbatespenaren araubide bereziari uko egiten bazaio F65 eredua betez edo Balio Erantsiaren gaineko Zergaren Erregelamenduaren 22.1 artikuluaren laugarren paragrafoan ezarrita dagoen moduan, ulertuko da subjektu pasiboak bere enpresa jardueraren etekin garbia zehazten duela modalitate arrunta edo erraztua erabiliz F65 eredua edo balio erantsiaren gaineko zergaren aitorpen-likidazioa aurkezten duen egunetik aurreraNota de Vigencia.

4. ATALA. ONDARE GEHIKUNTZAK

79. artikulua . Talde inbertsioko entitateetako akzio eta partaidetzen eskualdaketek edo itzulketek eragindako ondaregehikuntzen gaineko atxikipenen zenbatekoaNota de Vigencia.

Inbertsio kolektiboko erakundeen akzio eta partaidetzen eskualdaketek edo itzulketek eragindako ondare-gehikuntzen gainean egin behar den atxikipena atxikipen-oinarriari 100eko 19ko portzentajea aplikatzearen emaitza izanen da.Nota de Vigencia

Ez da atxikipenik eginen eskualdaketa edo itzulketa horiek eragindako ondare-gehikuntza kontuan hartu behar ez den kasuetan, Zergari buruzko Foru Legearen 52.1.a) artikuluan ezarritakoaren arabera.

80. artikulua . Talde inbertsioko erakundeen akzio eta partaidetzen eskualdaketa edo itzulketetatik heldu diren ondaregehikuntzen gaineko atxikipenoinarria.

1. Talde inbertsioko erakundeetako akzio eta partaidetzen eskualdaketa edo itzulketetatik heldu diren ondare-gehikuntzen gaineko atxikipen-oinarria zerga-oinarrian sartu beharreko zenbatekoa izanen da. Zerga-oinarri hori Pertsona Fisikoen Errentaren gaineko Zerga erregulatzen duen araudiaren arabera kalkulatuko da.

2. Nolanahi ere, Talde Inbertsioko Erakundeei buruzko azaroaren 4ko 35/2003 Legearen bidez araututako inbertsio funtsetako partaidetzen itzulketak direnean, itzulketaren xede diren partaidetzak edukitzeko epean, aldi berean, beste entitate batean erregistratutako partaidetza homogeneoen titular ere izan diren partaideek eginak, edo itzulketaren xede diren partaidetzen jatorria baldin bada beste partaidetza edo akzio batzuen itzulketa edo eskualdaketa bat edo batzuk edo ondoz ondokoak (Zergari buruzko Foru Legearen 52.1.a) artikuluaren bigarren lerrokadan aurreikusitako geroratze araubidea aplikatua dutenak), itzulketa edo eskualdaketa horietakoren bat ere itzulitako edo eskualdatutako partaidetzekin edo akzioekin batera egina bada, atxikipen oinarria hauxe izanen da: itzulketa zer entitaterekin egiten den, entitate horren partaideen erregistroan ageri diren partaidetzen eskualdaketaren balioaren eta erosketa balioaren arteko aldea; erregistro horretan daudenen artean, lehenengoz erositakoen itzulketa egina dela ulertu beharko da. Erregistro horretan geroratze araubidearen aplikaziotik datozen partaidetzak daudenean, eskualdaketan jakinarazitako erosketa data eta balio fiskalak hartuko dira aintzat.

Aurreko lerrokadan aipatzen diren inguruabarrak gertatzen direnean, partaideak atxikipena edo konturako diru-sarrera (itzulketarako erabili dena) egin behar duen entitateari jakinarazi beharko dio, idatziz edo jaso izana frogatzeko moduko beste edozein bitarteko erabiliz, itzulketak atxikipen-oinarririk sortzen ez duen kasuan ere; kasu horretan, entitateak jakinarazpena gorde beharko du zerga administrazioaren eskura, itzulitako partaidetzen homogeneoak diren beste batzuk zergadunaren izenean erregistraturik dituen bitarte osoan, eta preskripzio epean, gutxienez ere.

Idatz-zati honetan xedatutakoa aplikatuko da, halaber, helbidea atzerrian duten talde inbertsioko erakundeen partaidetzak edo akzioak, Espainiako lurraldean merkaturatuak, jarriak edo banatuak, itzultzean edo eskualdatzean, bai eta 35/2003 Legean arautzen diren inbertsio sozietateen akzioen eskualdaketan ereNota de Vigencia

81. artikulua . Atxikipena egiteko betebeharra sortzea.

Atxikipena egiteko betebeharra talde inbertsioko erakundeen akzio edo partaidetzen eskualdaketa edo itzulketa formalizatzen den momentuan sortuko da, kobrantza egiteko hitzartu diren baldintzak edozein direla ere.

82. artikulua. Bestelako ondaregehikuntzen gaineko atxikipenen zenbatekoaNota de Vigencia.

1. Eskudirutan ematen diren sarien gainean egin beharreko atxikipena haien zenbatekoaren 100eko 19koa izanen da.

2. Harpidetze eskubideen eskualdaketak eragindako ondare-irabazien gainean egin beharreko atxikipena eragiketan eskuratutako zenbatekoaren gaineko 100eko 19koa izanen da, edo, atxikipena egin behar duena entitate gordailuzaina baldin bada, entitateak zergadunari emateko jaso duen zenbatekoaren gainekoa.

5. ATALA. Sekzioa Errenta jakin batzuen gaineko atxikipenen zenbatekoa, haien kalifikazioa edozein dela ere Nota de Vigencia

83. artikulua. Higiezinen errentamendu eta azpierrentamenduen gaineko atxikipenen zenbatekoaNota de Vigencia.

Higiezinen errentamendu eta azpierrentamenduen etekinen gainean egin beharreko atxikipena, horien kalifikazioa edozein dela ere, errentatzaileari ordaintzen zaizkion kontzeptu guztien gainean, balio erantsiaren gaineko zerga kenduta, 100eko 19ko portzentajea aplikatzearen emaitza izanen da.

84. artikulua. Irudi eskubideen, jabetza intelektualaren eta industrialaren eta beste errenta batzuen gaineko atxikipenen zenbatekoa Nota de Vigencia.

1. Irudi eskubidea ustiatzeko eskubidea lagatzeak eragindako etekinen gainean egin beharreko atxikipena, kalifikazioa gorabehera, ordaindutako sarrera guztiei 100eko 20ko atxikipen tasa aplikatzearen emaitza izanen da.

2. 64.2.b) artikuluan jasotako gainerako kontzeptuetatik heldu diren etekinen gainean egin beharreko atxikipena, kalifikazioa gorabehera, jabetza intelektualetik eratorritakoak izan ezik, ordaindutako sarrera guztiei %19ko atxikipen tasa aplikatzearen emaitza izanen da.

3. Jabetza intelektualetik eratorritako etekinak badira, haien kalifikazioa edozein dela ere, atxikipenaren portzentajea %15 izanen da. Ondoko kasu hauetan, ordea, %7ko portzentajea aplikatuko da:

a) Lanaren etekin gisa kalifikatzen direnean, eta aurreko ekitaldiari dagokion etekin oso horien bolumena 15.000 eurotik beherakoa denean, eta zergadunak ekitaldi horretan bere jarduera ekonomikotik eta lanetik lortu dituen etekin osoen baturaren %75 baino gehiago osatzen duenean.

b) 78.1.d) artikuluan aipatzen diren lanbide jardueren etekinak direnean eta han ezarritako baldintzak betetzen direnean.

c) Zenbait urtetan sortuko diren egile eskubideen ustiapenaren lagapenetik eratorritako konturako aurrerakinak direnean.

Atxikipen mota hori a) eta b) letretan jasotako kasuetan aplikatzeko, zergadunek etekinen ordaintzaileari jakinarazi beharko diote inguruabar horiek gertatzen direla, eta ordaintzaileak komunikazioa gorde beharko du, behar bezala sinatuta.

III. KAPITULUA. KONTURAKO SARRERAK

85. artikulua . Lanaren gauzazko ordainsarien gaineko konturako sarrerak.

1. Gauzazko ordainsariengatik egin beharreko konturako sarreraren zenbatekoa kalkulatzeko, horren balioari, Zergari buruzko Foru Legearen 16. artikuluan jasotako arauen arabera zehaztuta, eta Erregelamendu honen bigarren xedapen gehigarrian aurreikusitako prozedura erabiliz, Erregelamendu honen 70. artikuluan aurreikusitako tasetatik dagokiona aplikatuko zaio.

2. Ez da konturako sarrerarik egin beharrik izanen pentsio planen eta gizarte aurreikuspeneko mutualitateen sustatzaileek ordaindutako kontribuzioengatik eta enpresek pentsioengatik beren gain hartutako konpromisoak gauzatzen dituzten aseguru kolektiboen hartzaileek ordaindutako kopuruengatik, pentsio plan eta funtsak arautzen dituen legearen testu bateginaren lehen xedapen gehigarrian eta hori garatzeko araudian ezarrita dagoen moduan, barne hartuta enpresen gizarte aurreikuspeneko planak, horien kontribuzioek zerga oinarria gutxitzen baduteNota de Vigencia.

86. artikulua . Higigarrien kapitalaren gauzazko ordainsarien gaineko konturako sarrerakNota de Vigencia.

1. Gauzazko ordainketengatik egin beharreko konturako sarreraren zenbatekoa kalkulatzeko, aurreko II. kapituluko 2. atalean xedatutakotik ateratzen den portzentajea aplikatu beharko zaio erosketaren balioa edo ordaintzailearentzako kostua %20 gehitzetik ateratzen den emaitzari.

2. Sozietateen gaineko Zergari buruzko 26/2016 Foru Legearen 29.2 artikuluan aurreikusitakoaren ondoriozko doikuntza sekundarioak konturako sarrera egin beharra sortzen duenean, konturako sarreraren oinarria hitzartutako balioaren eta merkatuko balioaren arteko kendura izanen daNota de Vigencia.

87. artikulua . Enpresa eta lanbide jardueren gauzazko ordainsarien gaineko konturako sarrerak.

Gauzazko ordainketengatik egin beharreko konturako sarreraren zenbatekoa kalkulatzeko, bere merkatu-balioari aurreko II. Kapituluko 3. Atalean xedatutakotik ateratako portzentajea aplikatu beharko zaio.

88. artikulua . Sarien gaineko konturako sarrerak.

Gauzatan ordaindutako sariengatik egin beharreko konturako sarreraren zenbatekoa kalkulatzeko, sari horiek ondare gehikuntza direnean, Erregelamendu honen 82. artikuluan xedatutakotik ateratako portzentajea aplikatu beharko zaio erosketaren balioa edo ordaintzailearentzako kostua ehuneko 20 gehituz ateratzen den emaitzari.

89. artikulua . Beste errenta batzuen gaineko konturako sarrera.

Erregelamendu honen 83 eta 84. artikuluetan aipatzen diren gauzazko errenten gaineko konturako sarreraren zenbatekoa kalkulatzeko, haren merkatu-balioari artikulu horietan aurreikusitako portzentajea aplikatuko zaio.

IV. KAPITULUA. ATXIKIPENAREN EGILEAREN ETA KONTURAKO SARRERA EGIN BEHAR DUENAREN BETEBEHARRAK

90. artikulua . Atxikipenaren egilearen eta konturako sarrera egin behar duenaren betebehar formalak.

1. Atxikitzaileak eta konturako diru-sarrera egin beharra duenak atxikitako diru kopuruen eta hiruhileko natural bakoitzeko dagozkion konturako diru-sarreren aitorpena aurkeztu beharko dute Nafarroako Ogasuneko eta Finantza Politikako Departamentuan, eta Nafarroako Ogasun Publikoan dirua sartu.

Aitorpena eta diru-sarrera egiteko epea hiruhileko bakoitza bukatu eta hurrengo hogei egun naturaleko epean izanen da, bigarren eta laugarren hiruhilekoena salbu, horiek abuztuaren 5era arte eta urtarrilaren 31ra arte egin ahalko baitira, hurrenez hurren.

Hala ere, Balio Erantsiaren gaineko zergan beren aitorpen-aldia hilabete naturalarekin bat egiten badu, atxikitzaileen eta konturako sarrera egitera behartutakoen aitorpena eta diru-sarrera hileko likidazioari dagokion aldiaren ondoko lehenbiziko hogeita hamar egun naturaleko epean aurkeztuko dira, edo otsaileko azken egunera arte, urtarrilari dagokion aitorpen-likidazioaren kasuan. Hala ere, ekainari dagokion aitorpen-likidazioa abuztuaren 5era arteko epean egin daiteke, uztailari dagokiona irailaren 20ra arteko epean, eta abenduari dagokiona, urtarrilaren 31ra arteko epean.

Atxikitzaileek edo behartutakoek kasuan kasuko aitorpen negatiboa aurkeztu beharko dute atxikipen edo konturako diru-sarrerak egiteko betebeharrari loturiko errentak ordaindu arren, kopurua dela-eta atxikipenik edo konturako sarrerarik egitea bidezkoa ez zenean. Aitorpen negatiboa aurkeztea ez da bidezkoa izanen atxikipen edo konturako diru-sarrerak egiteko betebeharrari loturiko errentak ordaindu ez badiraNota de Vigencia.

2. Atxikitzaileak edo konturako sarrera egitera beharturik dagoenak hurrengo urtean aurkeztu beharko du aurreko urtean egindako atxikipenen eta konturako sarreren laburpena. Laburpen horretan, bere identifikazio datuez gain, hartzaileen izenen zerrenda ere jasotzea eskatzen ahalko da, datu hauekinNota de Vigencia:

a) Izen-deiturak.

b) Identifikazio fiskaleko zenbakia.

c) Lortutako errenta, kontzeptuen identifikazioa, deskribapena eta izaera adieraziz, bai eta errenta hori zein ekitalditan sortua den ere. Era berean, haien kopurua dela-eta atxikipen edo konturako sarreren menpean ez dauden errentak agertu beharko dira, bai eta zergarik ez daukaten dietak eta salbuetsitako errentak ere.

d) Zergari buruzko Foru Legearen 17.2 eta 32.2 artikuluetan aurreikusitakoaren arabera aplikatutako murrizketak.

e) Zergari buruzko Foru Legearen 18. eta 32.1.a) artikuluetan aipatutako gastu kengarriak, lanbide elkargoei ordaindutako kuotak izan ezik, betiere ordaindutako etekinen ordaintzaileak egin badu horien kenkariaNota de Vigencia.

f) Ordaintzaileak dagokion atxikipen portzentajea aplikatzeko kontuan hartu dituen inguruabar pertsonalak eta familiarenak.

g) Ezkontideen arteko pentsio konpentsatzaileen zenbatekoa, atxikipenak egiteko kontuan hartu badira.

h) Egindako atxikipena edo konturako sarrera.

i) Ordaintzaileari itzulitako kopuruak, aurreko ekitaldietan sortutako errentetatik heldu direnak.

Aurreko lerroaldeetan ezarritako betebehar berberen menpean daude Espainian egoitza edo ordezkariak dauzkaten entitateak, atxikipenaren menpean dauden errentak beste batzuen kontura ordaintzen badituzte edo balore-errenten gordetzaile badira edo horien kobrantza kudeatzen baduteNota de Vigencia.

3. Atxikipenaren egileak edo konturako sarrera egin behar duenak subjektu pasiboaren aldeko agiria egin beharko du egindako atxikipen edo konturako sarrerak egiaztatuz, bai eta aurreko idatz-zatian aipatutako urteko laburpenean subjektu pasiboari buruz jaso beharreko gainerako datuak ere.

Egiaztagiri hori subjektu pasiboaren eskura jarri beharko da Zerga honen aitorpena egiteko epea hasi baino lehen.

Aurreko idatz-zatietan ezarritako betebehar berberen menpean egonen dira Espainian egoitza edo ordezkariak dauzkaten entitateak, atxikipenaren menpe daude errentak beste batzuen kontura ordaintzen dituztenean edo balore- errenten gordailu izan edo haien kobrantza kudeatzen dutenean.

4. Ordaintzaileek errentak ordaintzen dituzten momentuan jakinarazi beharko diete subjektu pasiboei egindako atxikipena edo konturako sarrera, eta aplikatutako portzentajea adierazi.

5. Artikulu honetan aipatzen diren aitorpenak eta, kasua bada, dagokion sarrera, zerga arloko eskumena duen departamentuko titularrak errenta mota bakoitzerako ezartzen dituen eredu, epe eta moduan eginen dira, eta atxikitzaileak edo konturako sarrera egitera behartuta dagoenak aitorpenetan dauden datu guztiak bete beharko ditu nahitaezNota de Vigencia.

V. KAPITULUA . Ordainketa zatikatuak

91. artikulua . Ordainketa zatikatua egin behar dutenakNota de Vigencia.

Enpresa edo lanbide jardueretan aritzen diren subjektu pasiboek ondoko artikuluetan ezarritakoaren ondorioz ateratako emaitza autolikidatu eta Nafarroako Ogasun Publikoan sartu beharko dute, Hitzarmen Ekonomikoan ezarritako irizpideekin bat etorriz, Pertsona Fisikoen Errentaren gaineko Zergaren kontura egindako ordainketa modura.

Aurreko lerroaldean xedatutakoa alde batera utzita, subjektu pasiboek ez dute konturako ordainketa egin beharko erregelamendu honen 78. artikuluko 4., 5. eta 6. idatz-zatietan aipatzen diren nekazaritza, abeltzaintza edo oihangintzako jarduerengatik, salgaien errepideko garraioarengatik edo etxe-aldaketako zerbitzuengatik.

92. artikulua . Zatien zenbatekoa.

Bat. Aurreko artikuluan aipatu diren subjektu pasiboek, aukeran, ondoko modalitate bietako bat aplikatzetik lortutako kopuruak sartuko dituzte:

Lehena

Subjektu pasiboak ordainketa zatikatuak egin baino azken-aurreko urtean lortutako enpresa edo lanbide etekin garbi guztien gainean portzentaje hauek aplikatzetik lortzen dena:

a) Etekin garbiak 6.500 eta 12.000 euro bitartekoak izan badira, %6Nota de Vigencia.

b) Etekin garbiak 12.000,01 eta 24.000 euro bitartekoak izan badira, %12 Nota de Vigencia.

c) tekin garbiak 24.000,01 eta 36.000 euro bitartekoak izan badira, %18 Nota de Vigencia.

d) Etekin garbiak 36.000 eurotik gorakoak izan badira, %24.

Subjektu pasiboek, egoki bada, lanbide eta enpresa jardueren etekinen gainean egin zitzaizkien atxikipenak eta konturako sarrerak kenduko dituzte, etekin horiek ordainketa zatikatuak egin baino azken-aurreko urteari badagozkio.

Aurreko lerroaldeetan xedatutakoa aplikatuz lortutako zenbatekoa lau zati egin eta zatika sartuko da hurrengo artikuluan ezarritako epeetan.

Sartu beharreko kopururik ez dagoenean, subjektu pasiboek ez dute aitorpena aurkeztu beharrik izanenNota de Vigencia.

Bigarrena

1. Aurreko modalitatean adierazitako portzentajeak urte horretako enpresa edo lanbide etekin garbiei aplikatzetik lortzen dena.

Portzentaje horiek zehazteko, urtearen lehen hiru hiruhilekoetako bakoitzean, urtearen lehen egunetik ordainketa zatikatuaren hiruhilekoaren azken eguneraino lortutako etekin garbiak urte osokoak direla joko da.

Enpresa edo lanbide jarduera urtarrilaren 1etik aurrera hasten bada, aipatutako zabaltze hori hasiera egunetik eta urte bereko abenduaren 31ra arteko egun naturalen kopuruaren arabera eginen da.

2. Zergak zenbatespen objektiboaren metodoaren bidez ordaintzen dituzten jardueren kasuan, etekin garbiak metodo horretatik lortutakoak izanen dira; behar izanez gero, indize zuzentzaile egokiak ere kontuan hartuko dira.

Urte horretako etekinak zeinu, indize eta moduluen modalitatean zehazteko, subjektu pasiboak urte horretan jardueran aritutako denborari dagozkion zeinu, indize edo moduluen zenbatekoaren batezbestekoa kalkulatu beharko duNota de Vigencia.

2. Aipatutako portzentajeak urtearen lehen egunetik ordainketa zatikatuaren hiruhilekoaren azken egunera arte eskuratutako etekinei aplikatuz lortutako zenbatekoa hurrengo artikuluan aipatzen diren epeetan sartuko du subjektu pasiboak.

Hiruhileko bakoitzean lortutako kopurutik honakoa kenduko da, egoki bada: lanbide etekinen eta enpresa etekinen gainean egin zaizkien atxikipen eta konturako sarreren zenbatekoa, hiri-ondasun higiezinen alokairutik heldu direnak, eta ordainketa zatikatuen zenbatekoa, aurreko hiruhilekoari edo hiruhilekoei dagokiena.

Subjektu pasiboek horien aitorpena egin beharko dute, sartzeko kopururik egon ez arrenNota de Vigencia.

Bi.- Lehenengo modalitatea automatikoki aplikatuko da, salbu eta subjektu pasiboek bigarrena aukeratzen badute eta hala jakinarazten badiote, berariaz, zerga arloko eskumena duen departamentuari urteko lehen hiruhilekoari dagokion aitorpen-likidazioan, erregelamenduz ezarritako epearen barruan.

Aukera horrek subjektu pasiboak egiten dituen enpresa eta lanbide jarduera guztiak hartuko ditu, eta urte horretako hiruhileko guztietarako ondorioak izanen ditu.

Aurreko paragrafoetan ezarritakoa deusetan galarazi gabe, subjektu pasiboak bigarren modalitatea aurkeztu arren, urte bereko hurrengo hiruhilekoren bati dagokion aitorpen-likidazioa aurkezten ez badu, zerga arloko eskumena duen zerbitzuak behin-behineko likidazioa egiten ahalko du, ez-betetzea gertatu den hiruhilekoari dagokiona, artikulu honen Bat apartatuan aipatzen diren modalitateetatik lehenengoa aplikatuz. Egindako likidazioaren jakinarazpena egin ondoren, subjektu pasiboak behin-behineko likidazio horri dagokion hiruhilekoko aitorpen-likidazioa aurkezten badu, egoera erregularizatuko da, betiere berandu aitortutako zenbatekoa, kontuan sartu beharrekoa, Administrazioak likidatutakoa baino handiagoa baldin badaNota de Vigencia.

Hiru.- Aipatutako portzentajeak urtearen lehen egunetik ordainketa zatikatuaren hiruhilekoaren azken egunera arte eskuratutako etekinei aplikatuz lortutako zenbatekoa hurrengo artikuluan aipatzen diren epeetan sartuko du subjektu pasiboak.

Hiruhileko bakoitzean lortutako kopurutik honakoa kenduko da, egoki bada: enpresa eta lanbide jardueretako etekinen gainean egin zaizkien atxikipen eta konturako sarreren zenbatekoa, eta ordainketa zatikatuen zenbatekoa, aurreko hiruhilekoari edo hiruhilekoei dagokiena.

Subjektu pasiboek horien aitorpena aurkeztu beharko dute, sartzeko kopururik egon ez arrenNota de Vigencia.

Lau.-Subjektu pasiboek adierazitakoak baino portzentaje handiagoak erabili ahal izanen dituzte ordainketa zatikatu bakoitzean.

93. artikulua . Aitorpena eta sarreraNota de Vigencia.

1. Aurreko artikuluan aipatzen diren subjektu pasiboak beharturik egonen dira hiru hilean behin aitorpena egin eta Nafarroako Zerga Ogasunean sarrera egitera, aurreko artikuluan xedatutakoaren arabera ezarritako zenbatekoena, hiruhileko natural bakoitzaren ondoko hileko lehenbiziko hogei egun naturaletan, salbu eta bigarren eta laugarren hiruhilekoei dagokiena, abuztuaren 5a eta urtarrilaren 31 arte egiten ahalko baitira, hurrenez hurren.

2. Zerga arloko eskumena duen departamentuak artikulu honetan aipatzen diren epeak luzatzen ahalko ditu, bai eta sarrera sei hilean behin egiteko kasuak ezarri ere, aurreko artikuluan ezartzen diren portzentajeetan behar diren egokitzapenak eginda.

3. Subjektu pasiboek Nafarroako Zerga Ogasunean aurkeztuko dituzten aitorpenak, eta zenbatekoaren sarrera Foru Komunitateko Diruzaintzan eginen dute.

Aitorpena bat etorriko da baldintza eta betebeharrekin eta sarrera zerga arloko eskumena duen departamentuko titularrak ezartzen duen moduan eginen da.

94. artikulua . Errentaeratxikipenaren araubidean dauden erakundeakNota de Vigencia.

Errenta-eratxikipenaren araubidean dauden erakundeek enpresa edo lanbide jarduerak eginez lortzen dituzten etekinak zatika ordainduz gero, bazkide, erkide edo partaide bakoitzari erakundearen errentatik eratxikitzen zaion proportzioan ordainduko zaio, Zergari buruzko Foru Legeko 11. artikuluan eta III. tituluko II. kapituluko 5. ataleko 1. azpiatalean xedatutakoarekin bat etorriz.

Xedapen Gehigarriak Lehenbizikoa. Lehengoratzemekanismoak, prestazioaldi ziurrak edo kontraaseguru formulak biziarteko errenta aseguratuen kontratuetan (2019ko apirilaren 1etik aurrera sinatuak)Nota de Vigencia.

Baldin eta zergaren foru legearen 30.1.g) eta 45.3 artikuluetan aipatutako biziarteko errenta aseguratuen kontratuetan (2019ko apirilaren 1etik aurrera sinatutakoen kasuan) lehengoratze-mekanismoak, prestazioaldi ziurrak edo kontraaseguru formulak baldin badaude heriotza kasuetarako, honako baldintza hauek bete beharko dira:

a) Lehengoratze-mekanismoak badaude aseguratua hiltzen den kasurako, biziarteko errentaren onuradun potentzial bat bakarra izaten ahalko da.

b) Prestazioaldi ziurren kasuan, aldi horiek 10 urtekoak izanen dira gehienez ere, biziarteko errenta eratzen denetik kontatzen hasita.

c) Kontraaseguru formulen kasuan, aseguratua hiltzeagatik guztira jaso beharreko zenbatekoa ezin da inola ere izan biziarteko errenta eratzeko erabilitako diru kopuruaren portzentaje hauek baino handiagoa:

Xedapen Gehigarriak Bigarrena .Lan pertsonalaren gauzazko ordainsariak baloratzeko aurretiko akordioak, Pertsona Fisikoen Errentaren gaineko Zergaren konturako sarrera zehazteko.

1. Gauzatan ordaintzen dituzten lan etekinen ondorioz konturako sarrerak egin behar dituzten pertsona edo entitateek zerga arloko administraziori eskatu ahal izanen diote errenta horiek baloratzea, Zergaren arauei jarraikiz, dagokion konturako sarrera zehazteko ondorioetarako, ez bestetarako.

2. Eskabidea idatziz aurkeztu beharko da dagokion ondasunen entrega edo zerbitzuen prestazioa izan baino lehen, eta eskatzaileak baloraziorako egindako proposamen bat erantsiko zaio.

Idazki horretan, gutxienez, honakoa azalduko da:

a) Pertsona edo entitate eskatzailearen identifikazioa.

b) Balorazioa zein ondasun entrega eta zerbitzu prestaziotarako eskatzen den, horien identifikazioa eta deskripzioa.

c) Proposatutako balorazioa, aplikatutako balorazio erregela eta kontuan hartu diren inguruabar ekonomikoak aipatuz.

3. Zerga arloko administrazioak aurreko lerroaldean aipatutako dokumentazioa aztertuko du eta eskatzaileei proposamenarekin zerikusia duten datu, txosten, aurrekin eta ziurtagiri guztiak eskatu ahal izanen dizkie.

Halaber, eskatzaileek, entzutea emateko tramitearen aurretiko prozeduraren edozein unetan alegazioak eta egokitzat jotzen dituzten agiriak eta ziurtagiriak aurkezteko aukera izanen dute.

Zuzenbidean onartutako edozein bitarteko erabiliz egokitzat jotzen dituzten frogak egitea proposatu ahal izanen dute eskatzaileek. Zerga arloko administrazioak ere beharrezkotzat jotzen dituen frogak egin ahal izanen ditu.

Zerga arloko administrazioak eta eskatzaileek balorazio proposamenaren edukiari buruzko peritu txostenak eskatu ahal izanen dituzte.

Behin prozedura izapidaturik eta ebazpen proposamena erredaktatu aurretik, zergaren arloko administrazioak eskatzaileari jakinaraziko dio, egindako frogen eduki eta ondorioekin eta eskatutako txostenekin batera. Azken hauek egokitzat jotzen dituzten alegazioak egin eta agiriak eta ziurtagiriak aurkeztu ahal izanen dituzte hamabost eguneko epean.

Prozedura sei hilabeteren buruan, gehienez, amaitu beharko da, administrazio organo eskudunaren erregistroetan sartzen den egunetik edo zerga arloko administrazioak eskatuta, eskabidea osatu edo zuzentzen den egunetik hasita. Aipatu epean zerga arloko administrazioak ebazpenik ez emateak eskatzaileak proposatutako baloreak ez onartzea ekarriko du.

4. Prozedurari amaiera ematen dion ebazpenak hauxe egin dezake:

a) Eskatzaileek hasiera batez proposatutakoa onetsi.

b) Eskatzaileek prozeduran zehar egindako proposamen alternatiboa onetsi.

c) Eskatzaileek egindako proposamena ezetsi.

Ebazpena arrazoitua izanen da eta, onartzen bada, honako zehaztapen hauek ere bilduko ditu:

a) Formalizazioaren eguna eta lekua.

b) Eskatzaileen identifikazioa.

c) Eragiketen deskripzioa.

d) Balorazio metodoaren deskripzioa, funtsezko elementuak eta bertatik heldu den edo diren balioak adierazita, eta halaber, aplikatzeko orduan oinarrizkotzat jo behar diren inguruabar ekonomikoak, bereziki funtsezko hipotesiak.

e) Proposamena zein denbora-tarteri dagokion. Indarraldia, gehienez, hiru urtekoa izanen da.

f) Zerga arloko administrazioaren arrazoiak edo zergatiak proposamena onartzeko.

g) Balorazioaren izaera loteslea adieraztea.

5. Emanen den ebazpenaren kontra ez da errekurtsorik aurkezterik izanen, ebazpenean ezarritako balioak aplikatzearen ondorioz egiten diren kitapen egintzen kontra errekurtsoak eta erreklamazioak aurkeztea baztertu gabe.

6. Zergaren arloko administrazioak eta eskatzaileek ebazpenean lanaren gauzazko errentetarako onartzen den balorazioa honen indarraldian aplikatu beharko dute, legeria edo baloraziorako oinarri gisa hartu ziren inguruabar ekonomikoak nabarmen aldatzen ez badira.

7. Prozedura ebazteko eskumena zerga kudeatzeko eskumena duen zerbitzuari dagokio, eta horri dagokio, halaber, prozeduraren instrukzioa; Nafarroako Foru Komunitateko Administrazioko departamentuei komenigarri iruditzen zaizkion txostenak eskatzen ahalko dizkie. Nota de Vigencia

Xedapen Gehigarriak Hirugarrena. Ibilgetu materialaren eta higiezinetako inbertsioen elementuak erregistratzeko arauak. Nota de Vigencia.

Beren enpresa edo lanbide jardueretako etekin garbiak, 1999. urtetik aurrera, zuzeneko zenbatespeneko araubidearen modalitate erraztua erabiliz zehazten dituzten subjektu pasiboek, jarduera horiei atxikia baldin badute araubide hori aplikatu aurretik eskuratutako ibilgetu materialaren eta higiezinetako inbertsioen elementurik, inbertsio ondasunen erregistro liburua eramatean arau hauek bete beharko dituzte:

1. Elementu horiek identifikatzeko moduan erregistratuko dituzte, eskuraketa eguna eta balioa adierazita.

2. Etekin garbia zenbatespen objektiboaren araubidea erabiliz zehaztu den zergaldiei dagokien amortizazio metatua erregistratzeko, erregelamendu honen 26. artikuluan aurreikusitako gehieneko amortizazio epetik heldu den koefizientea aipatutako zergaldi horietako bakoitzari aplikatuta ateratzen den emaitza kontatuko da

Xedapen Gehigarriak Laugarrena.- Kreditu erakundeekin lankidetzan aritzeko betebeharrak.

1. Banku edo kreditu jardueretan aritzen diren pertsona fisiko edo juridikoak, hala nola, bankuak, aurrezki kutxak eta kreditu kooperatibak, behartuta daude zerga arloko administrazioari ematera beste pertsona batzuekin dituzten harreman ekonomiko edo finantzarioen inguruko datu, txosten edo aurrekari mota guztiak.

2. Bereziki, pertsona edo entitate horiek beharturik egonen dira, zerga arloko administrazioak hala eskatuta, kontu korronteen, aurrezki eta eperako gordailuen, mailegu eta kreditu kontuen eta erakunde horiek edozein subjektu pasiborekin dituzten gainerako eragiketa aktibo eta pasiboen mugimenduak erakustera.

3. Zenbait pertsona, entitate edo erkidegoren izenean, azken hauek borondatezkoak izan ala ez, dauden kontu bereizgabe edo baterakoen kasuetan, titular anitzeko gordailuetan eta antzekoetan, titularkideetako baten gaineko informazioa eskatzeak kontu, gordailu edo eragiketaren datu eta mugimendu guztiak erabili ahal izatea ekarriko du, baina zergaren arloko Administrazioak ezin izanen du lortutako informazioa erabili beste titular batekiko, dagokion lankidetza prozedurako izapideak, beharrezkoak direnak, aurretik bete gabe.

4. Zerga arloko Ikuskaritzaren informazio jarduketetarako eta zerga administrazioak 2. apartatuan aipatzen diren kontu mugimenduei edo eragiketei dagokien2ez egiten dituen errekerimenduetarako, zerga arloko eskumena duen departamentuko titularraren baimena beharko da aldez aurretikNota de Vigencia.

Horretarako, zergaren arloko administrazioaren organo jarduleak aginduzko baimenaren eskabideari azalpen txosten bat erantsiko dio, pertsona edo banku edo kreditu entitate horrekiko jarduketa justifikatzen duten arrazoiak bilduko dituenaNota de Vigencia.

5. Errekerimenduak ikerketaren xede diren kontuak eta eragiketak zein diren zehaztu beharko du, bai eta ukitutako subjektu pasiboak eta ikerketak hartzen duen denbora tartea ere.

Eskatutako datuak honako hauen ingurukoak izan daitezke: kontuen saldo aktibo edo pasiboak; errekerimenduak hartzen duen denbora epean izandako mugimendu guztiak edo haien zati bat, eta izan diren gainerako eragiketak. Era berean, jarduketek eskatutako datuekin zerikusia duten agiriak eta gainerako aurrekariak ere hartu ahal dituzte.

Errekerimenduak, halaber, jarduketak egiteko modua zehaztuko du, hurrengo idatz-zatian xedatutakoarekin bat.

6. Dagokion ebazpena onetsirik eta agintari eskudunak errekerimendua baimenduta, errekerimendua jasoko duen pertsona edo entitateari jakinaraziko zaio.

Jarduketak bi modutan egin ahal izanen dira: errekeritutako pertsona edo entitateari eskatuz errekerimenduaren xede diren datu edo aurrekariak aurkez ditzala dagokion egiaztagirien bidez, edo pertsona edo entitatearen bulegoan agertuz, beharrezkoak diren agiriak aztertzeko.

Errekeritutako pertsona edo entitateak hamabost eguneko epean aurkeztu beharko ditu eskatutako datuak. Epe hori, gutxienez, iragan beharko da errekerimendua jakinarazten denetik pertsona edo entitatearen bulegoetan jarduketak egin bitarte.

7. Errekerimendua, behar bezala baimendua, ukitutako subjektu pasiboari edo atxikitzaileari jakinaraziko zaio, eta honek jarduketetan egoterik izanen du, haren bulegoetan edo banku edo kreditu entitatearenetan egiten direnean.

8. Zerga arloko administrazioaren organo eskudunek haiekin eragiketak egiten dituzten pertsonen edo finantza entitateen egiaztagiriak edo laburpenak eskatu ahal izanen dizkiete subjektu pasiboei, zerga aitorpenetan ezarritako egitateak frogatu edo egiaztatzeko beharrezkoak baldin badira. Interesatuek errekerimendua aintzat hartzen ez badute, dagokion pertsona edo entitateari buruzko informazioa aurreko artikuluetan xedatutakoari jarraikiz eskatu ahal izanen da.

Bosgarren Xedapen Gehigarria.– Jarduera Ekonomikoen gaineko Zergaren kuotakNota de Vigencia.

Zergari buruzko Foru Legearen 66.f) artikuluan ezarritakoaren arabera, pertsona fisikoen errentaren gaineko zergaren konturako ordainketatzat hartuko dira pertsona fisikoek ordaindutako jarduera ekonomikoen gaineko zergaren tributu kuotak, foru lege horren 85. artikuluaren 1. eta 2. apartatuetan aurreikusitakoaren ondorioetarako.

Subjektu pasiboak udal kuota batzuk ordaindu baldin baditu, udalerri batzuetakoak edo bakar batekoak, jarduera bera lokal desberdinetan edo jarduera batzuk lokal bakar batean betetzeagatik, ordaindutako kuota guztiak izanen dira kengarriak, eta kuota horietako bakoitzarengatik 66.f) artikuluan aurreikusitako kenkari muga aplikatuko da.

Errentak eratxikitzeko araubidean dauden entitateek jarduera ekonomikoen gaineko zergan ordaindutako kuoten kenkaria pertsona fisikoak diren bazkideek, erkideek edo partaideek eginen dute, entitatearen errenta eratxikipenaren proportzioan, zerga honi buruzko foru legearen 49.2 artikuluan xedatutakori jarraikiz.

Kenkari hori aplikatzen ahalko da, soilik, errentak eratxikitzeko araubidean dagoen entitateak zergaldian izandako negozio zifraren zenbateko garbia 1.000.000 euro baino gutxiagokoa izan denean. Negozio zifraren konputuaren ondorioetarako, Sozietateen gaineko Zergari buruzko 26/2016 Foru Legearen 12. artikuluan eta Merkataritza Kodearen 35.2 artikuluko bigarren paragrafoan xedatutakoa aplikatuko da.

Kenkari hori egiteko, beharrezkoa izanen da ordaindutako kuotak eta kasu bakoitzean ezarritako gutxieneko udal kuota agiri bidez justifikatzea.

Xedapen Gehigarriak Seigarrena. Ziurtagiria emateaNota de Vigencia.

Aurrezkietatik korrituen bidez lortzen diren etekinen fiskalitateari buruz Kontseiluak 2003ko ekainaren 3an emandako 2003/48/EE Zuzentarauaren 13.1.b) artikuluan aurreikusten den bezala atxikipena kendu ahal izateko, interesatuak hala eskatuz gero, tributu administrazioak ziurtagiria emanen die Pertsona Fisikoen Errentaren gaineko Zergaren kargapekoei, aipatu zuzentarau horren 11. artikuluan ezarritako konturako atxikipena aplikatzen duen Europar Batasuneko herrialderen batetik errentak jasotzen baldin badituzte. Ziurtagiriak honako datuak edukiko ditu:

a) Hartzailearen izena, helbidea eta identifikazio fiskaleko zenbakia.

b) Errentak ordaintzen dituen pertsona edo entitatearen izena eta helbidea.

c) Errenten hartzaileak emandako kontu zenbakia edo, halakorik ezean, kredituaren identifikazioa.

Ziurtagiria eskatu eta 10 egun baliodun iragan aurretik emanen da, eta hiru urterako izanen du indarra, ematen den egunetik hasita.

Xedapen Gehigarriak Zazpigarrena. Aktiboaren osaera zenbait erakundetanNota de Vigencia.

62 ter artikuluko 2. idatz-zatiko A) letrako c) azpiletran aipatutako portzentajea ehuneko 25 izanen da 2011ko urtarrilaren 1etik aurrera.

Xedapen Gehigarriak Zortzigarrena. Europar Batasuneko egoiliarren identifikazioa eta egoitza egiaztatzeko prozeduren aplikazioaNota de Vigencia.

Identitatea eta egoitza egiaztatzeko 62 ter artikuluan ezarritako prozedurak erabiliko dira, ezertan eragotzi gabe norberaren kapitalak hirugarrenei lagatzean lortzen diren korrituen eta gainerako etekinen salbuespena aplikatzeko Europar Batasuneko egoiliarrentzat aurreikusita dauden egiaztapen bideak arautzen dituzten xedapenetan ezarritakoa.

Bederatzigarren Xedapen Gehigarria.- Partaidetzak inbertsio funts kotizatuetan eta akzioak indizeen arabera kotizatutako kapital aldakorreko inbertsio sozietateetanNota de Vigencia.

Zergari buruzko Foru Legearen 52.1.a) artikuluaren azkeneko paragrafoan aurreikusten den geroratze araubidea ez da aplikagarria izanen eskualdatu edo itzultzen denaren nahiz, hala badagokio, harpidetu edo eskuratzen denaren xedea direnean inbertsio funts kotizatuetako ondarea ordezkatze duten partaidetzak edo gisa horretako sozietateen akzioak, Inbertsio Kolektiboko Erakundeei buruzko azaroaren 4ko 35/2003 Legearen Erregelamenduak (uztailaren 13ko 1082/2012 Errege Dekretuaren bidez onartua) 79. artikuluan aipatzen dituenak.

Hamargarren Xedapen Gehigarria. Etekin garbiak zehaztea zuzeneko zenbatespenaren metodo erraztua erabiliz, nekazaritza eta abeltzaintzako jardueretan, 2006 eta 2007. urteetanNota de Vigencia.

Nekazaritza eta abeltzaintzako jardueren etekin garbiak zuzeneko zenbatespenaren metodo erraztuaren bitartez zehazteko, 2006 eta 2007. urteetan soilik, eta Pertsona Fisikoen Errentaren gaineko Zergaren Erregelamenduaren (maiatzaren 24ko 174/1999 Foru Dekretuak onetsia) 30. artikuluko 2. idatz-zatian ezarritakoaren ondorioetarako, kendu beharreko portzentajea ehuneko 10 izanen da.

Hamaikagarren Xedapen Gehigarria.- Eginkizunak esleitzeaNota de Vigencia.

Erregelamendu honek eta Pertsona Fisikoen Errentaren gaineko Zergari buruzko bestelako arau juridikoek batzuetan Zuzeneko Tributu, Zehapen eta Errekerimenduen Zerbitzuari eta beste batzuetan zuzendariari esleitzen dizkioten eginkizunak, Pertsona Fisikoen Errentaren gaineko Zerga Kudeatzeko Zerbitzuari eta zerbitzu horretako zuzendariari esleitutzat joko dira, hurrenez hurren

Hamabigarren Xedapen Gehigarria.- Enpresa gazte eta berritzaileetan inbertsioak egiteagatiko kenkariaren aplikazioaNota de Vigencia.

Ekonomia eta Ogasun Departamentuak egiaztatu ahal izateko Zergari buruzko Foru Legearen 62.11 artikuluan araututako kenkaria egoki aplikatu ote den, inbertsioa gauzatu den sozietateak, kasuan kasuko zergaldiko aitorpena egiteko epea hasi baino lehen, betebeharrak betetzen direla frogatzeko behar diren datuak aurkeztu beharko ditu. Zerga Administrazioak sozietateari jakinarazi ondoren kenkariaren aplikazioarekin ados dagoela, sozietateak inbertsio-egileei jakinaraziko die.

Xedapen Iragankorrak Lehenbizikoa.- Aitorpenak aurkezteko arauen eta Erregelamendu honetan erregulatutako betebehar formalak ezartzen dituztenen indarraldia.

Aitorpenak aurkezteko arauak eta Erregelamendu honetan dauden betebehar formalen ingurukoak aplikatzekoak izanen dira 1999ko urtarrilaren 1ean hasitako zergaldietan, aitorpenak aurkeztu eta kudeatzeko kanpoko lankidetzari dagozkionak izan ezik, 1998ko ekitaldian aplikatuko baitira.

Xedapen Iragankorrak Bigarrena.- 1999ko urtarrilaren 1a baino lehenago eratutako etxebizitza kontuak.

Etxebizitza kontuetan 1999ko urtarrilaren 1a baino lehenago utzitako zenbatekoak, Erregelamendu honen 53. artikuluan aurreikusitakoaren ondorioetarako, 1998ko abenduaren 31n indarra duten arauetan ezarritako baldintza eta betebeharrekin erabiliko dira ohiko etxebizitza erosi edo zaharberritzeko.

Xedapen Iragankorra Hirugarren. Sozietate gardenen mozkinetako partaidetzak eta dibidenduakNota de Vigencia.

1. Halaber, ez da pertsona fisikoen errentaren gaineko zergaren kontura atxikipenik edo konturako sarrerarik egin beharrik izanen Zergari buruzko Foru Legearen 28.1 artikuluaren a) eta b) letretan aipatzen diren dibidenduen edo mozkinetako partaidetzen kasuan, banatzen dituen entitateari ondare sozietateen araubidea aplikatu zaion zergaldietatik baldin badatoz, Sozietateen gaineko Zergari buruzko 26/2016 Foru Legearen hamabosgarren xedapen iragankorrean ezarritakoarekin batNota de Vigencia.

2. Ez da Pertsona Fisikoen Errentaren gaineko Zergaren konturako sarrerarik ez atxikipenik egin beharko, halaber, Zergari buruzko Foru Legearen 28. artikuluko 1. idatz-zatiko a) eta b) letrek aipatutako dibidenduengatik edo mozkinetako partaidetzengatik, zergaldietan horien entitate banatzaileak aplikagarria izan badu ondare sozietateen araubidea, Sozietateen gaineko Zergari buruzko abenduaren 30eko 24/1996 Foru Legearen hogeita seigarren xedapen iragankorrean ezarritakoaren araberaNota de Vigencia.

Xedapen Iragankorrak Laugarrena. Uztailaren 4ko 19/2003 Legearen bigarren xedapen iragankorrean aipatutako baloreei dagokien informaziobetebeharra betetzeko prozeduraNota de Vigencia.

Lehentasuneko partaidetzak eta zorra uztailaren 4ko 19/2003 Legearen bigarren xedapen iragankorraren aplikazio eremukoak direnean (kanpokoekiko transakzio ekonomikoen eta kapital mugimenduen araubide juridikoari eta kapital zuriketa eragozteko zenbait neurriri buruzko legea), abuztuaren 2ko 1285/1991 Errege Dekretuan ezarritakoa aplikatuko da, jaulkipenean bitartekari jarduten duten finantza-erakundeei dagokienez.

Xedapen Iragankorrak Bosgarrena._ Errenta finkoko zenbait tresnaren tratamendua, egoitza Europar Batasuneko beste estatu batzuetan duten pertsona fisikoei buruzko informaziobetebeharren ondorioetarakoNota de Vigencia.

1. Obligazio nazional zein nazioartekoetatik eta gainerako zor-tresna negoziagarrietatik sortutako errentak ez dira erregelamendu honen 62 ter artikuluan aurreikusitako informazio-betebeharrari lotuta egonen honako baldintza hauek betetzen badira: jatorrizko jaulkipena 2001eko martxoaren 1a baino lehenagokoa izatea, edo jatorrizko jaulkipen orriak egun hori baino lehen onetsi izana agintari eskudunek, Kontseiluaren 1980ko martxoaren 27ko 80/390/EEE Zuzentarauari jarraituz (balore higigarriak balore-burtsako kotizazio ofizialerako onartzeko argitaratu behar den orria prestatu, kontrolatu eta zabaltzeko baldintzen koordinazioari buruzko zuzentaraua), nahiz hirugarren herrialdeetako agintari arduradunek; eta 2002ko martxoaren 1az gero halako zor-tresna negoziagarrien jaulkipen gehiago egin ez izana.

Gobernu batek edo parekatutako erakunde batek, organismo publiko gisa edo nazioarteko tratatu batean onartutako eginkizunetan diharduela, 2003/48/EE Zuzentarauaren eranskinean xedatutakoaren arabera, aurrean aipatutako zor-tresna negoziagarrien beste jaulkipen bat egiten badu 2002ko martxoaren 1etik aurrera, jatorrizko jaulkipenetik edo hurrengoetatik, oro har, sortutako errentak erregelamendu honen 62 ter artikuluan ezarritako informazio-betebeharrari lotuta egonen dira.

Aurreko paragrafoan aurreikusi gabeko jaulkitzaile batek tresna horien beste jaulkipen bat egiten badu 2002ko martxoaren 1etik aurrera, ondorengo jaulkipen horri dagokionez soilik, balore horietatik sortutako errentak erregelamendu honen 62 ter artikuluan ezarritako informazio-betebeharrari lotuta egonen dira.

1. Aurreko idatz-zatian ezarritakoa 2010eko abenduaren 31n indarrik gabe geratuko da.

Iragankorra Xedapen Iragankorra. Landalur birkalifikatuen ondarearen gehikuntzaNota de Vigencia.

Zergari buruzko Foru Legearen seigarren xedapen iragankorrean ezarritakoa 2006ko urtarrilaren 1etik aurrera egindako lur eskualdaketei aplikatu beharrekoa izanen da, baldin eta egun horretatik aurrera lur horiek hiri lurzoru edo lurzoru urbanizagarri gisa sailkatu badira edo hirigintzako edozein aprobetxamendu ezarri bazaieNota de Vigencia.

Baldin eta, arestian aipatu xedapen iragankorreko bigarren paragrafoan xedatutakoa aplikatzearen ondorioz, ondare gehikuntza handiagoa bada, subjektu pasiboak eskualdaketa egin zen zergaldiari egotziko dio gehikuntza hori, eta aitorpen-likidazio osagarria egin beharko du, zehapen, errekargu eta berandutzagatiko korriturik ordaindu behar izan gabe. Aitorpen-likidazio hori aurkezteko epea lur saila hiri lurzoru edo lurzoru urbanizagarri gisa sailkatzen den edo hirigintzako edozein aprobetxamendu ezartzen zaion egunean hasiko da, eta hori gertatu den zergaldiko aitorpena aurkezteko erregelamenduzko epearekin batera amaituko.

Lur sailak hiri lurzoru edo lurzoru urbanizagarri gisa sailkaturik daudela edo hirigintzako edozein aprobetxamendu ezarri zaiela pentsatuko da hirigintzako araudiak hala xedatzen duenean.

Zazpigarren Xedapen Iragankorra. Berrinbertsiorako epea luzatzea, ohiko etxebizitza eskualdatzen denean ohiko etxebizitza berria erosteko edo zaharberritzeko diru kopuruak ordaindu eta geroNota de Vigencia.

Zergari buruzko Foru Legearen hogeita hamaikagarren xedapen gehigarrian aurreikusten diren kasuetan, zergaduna bere ohiko etxebizitza eskualdatzen ari dela ulertuko da erregelamendu honen 40.6 artikuluan ezarritakoa betetzen denean, eta, era berean, eskualdatzen den etxebizitzak ohiko etxebizitza izateari utzi dionean, etxebizitza berria erosi ondorengo edozein momentutan ohiko bizilekua bertara aldatu delako.

Xedapen Indargabetzailea

1. Foru Dekretu honek indarra hartzen duenean, haren edukiaren kontra doazen maila bereko edo txikiagoko xedapen guztiak indarrik gabe geldituko dira. Bereziki, hauexek:

a) Pertsona Fisikoen Errentaren gaineko Zergaren Erregelamendua, ekainaren 8ko 209/1992 Foru Dekretuaren bidez onetsia.

b) Zuzeneko zenbatespen erraztuaren araubidea erregulatzen duen abenduaren 30eko 370/1998 Foru Dekretua.

c) Pertsona Fisikoen Errentaren gaineko Zergan konturako ordainketak erregulatzen dituen eta Sozietateen gaineko Zergaren Erregelamendua, atxikipen eta konturako ordainketen arloan, aldatzen duen abenduaren 30eko 371/1998 Foru Dekretua, Xedapen Gehigarria eta Iragankorra salbu.

2. Honakoek, berriz, indarra izaten segituko dute:

a) Zuzeneko zenbatespen erraztuaren araubidea erregulatzen duen abenduaren 30eko 370/1998 Foru Dekretuaren Lehen eta Bigarren Xedapen Iragankorrak.

b) 1999ko zergaldirako, bateraezintasunak eta 1998ko abenduaren 31n indarra duten enpresa edo lanbide jardueren etekinak zehazteko araubideen koordinazioa erregulatzen dituzten xedapenak.

c) Foru Dekretu honena baino lerrun beheragoko erregelamenduzko arauak, haren kontra ez doazenak Dekretu hoentan aurreikusitako gaikuntzak erabiltzen ez diren bitartean.

Azken Xedapenetako Lehena.– Arauak emateko gaitasunaNota de Vigencia.

Zerga arloko eskumena duen departamentuko titularrari baimena ematen zaio beharrezko xedapenak eman ditzan erregelamendu hau garatzeko.

Azken Xedapenak Bigarrena. Indarra hartu eta aplikatzea.

Foru Dekretu honetan xedatutakoak Nafarroako ALDIZKARI OFIZIALean argitaratu eta biharamunean hartuko du indarra eta Pertsona Fisikoen Errentaren gaineko Zergari buruzko abenduaren 30eko 22/1998 Foru legeak zuzentzen dituen zergaldietan izanen da aplikatzekoa, honako hauek salbu:

a) Bateraezintasunak eta enpresa edo lanbide jardueren etekinak zehazteko araubideen koordinazioa erregulatzen dituzten xedapenak, 2.000ko zergalditik aitzinera aplikatuko baitira.

b) Pertsona Fisikoen Errentaren gaineko Zergaren Erregelamenduaren 8. artikulua, Foru Dekretu honek indarra hartzen duen egunetik aitzinera aplikatuko baita.

Gobierno de Navarra

Contacte con nosotros | Accesibilidad | Aviso legal | Mapa web