(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

12/2026 FORU AGINDUA, OTSAILAREN 16KOA, HEZKUNTZAKO KONTSEILARIAK EMANA, HEZKUNTZA DEPARTAMENTUAREN EGITURA ORGANIKOA EZARTZEN DUENA BULEGOEN MAILAN

BON N.º 49 - 09/03/2026

  I. KAPITULUA. XEDEA ETA EGITURA OROKORRA

  II. KAPITULUA. HEZKUNTZAKO ETA LANBIDE HEZIKETAKO ZUZENDARITZA NAGUSIA

  1. ATALA. Antolamendu, Prestakuntza eta Kalitate Zerbitzua

  2. ATALA. Eleaniztasunaren eta Arte Ikasketen Zerbitzua

  3. ATALA. Inklusio, Berdintasun eta Bizikidetza Zerbitzua

  4. ATALA. Hezkuntzako Ikuskapen Zerbitzua

  5. ATALA. Haur Eskolen Zerbitzua

  6. ATALA. Lanbide Heziketaren Plangintza eta Integraziorako Zerbitzua

  7. ATALA. Lanbide Heziketaren Modernizaziorako eta Berrikuntzarako Zerbitzua

  III. KAPITULUA. DIGITALIZAZIOKO ETA HEZKUNTZA ZERBITZUETAKO ZUZENDARITZA NAGUSIA

  1. ATALA. Hezkuntza Zerbitzuen eta Ikasketetarako Laguntzen Zerbitzua

  2. ATALA. Hezkuntzako Teknologien eta IKT Azpiegituren Zerbitzua

  3. ATALA. Hezkuntzako Informazio Sistemen Zerbitzua

  IV. KAPITULUA. LANGILERIAREN ETA AZPIEGITUREN ZUZENDARITZA NAGUSIA

  1. ATALA. Aldi Baterako Langileak Kudeatzeko Zerbitzua

  2. ATALA. Nominen eta Gizarte Aseguruen Zerbitzua

  3. ATALA. Azterlan Ekonomikoen eta Ikastetxeen Finantzaketaren Zerbitzua

  4. ATALA. Hezkuntzako Azpiegituren Zerbitzua

  V. KAPITULUA. IDAZKARITZA TEKNIKO NAGUSIA

Atariko

Nafarroako Foru Komunitateko Lehendakariaren abuztuaren 17ko 10/2023 Foru Dekretuaren bidez, Nafarroako Foru Komunitateko Administrazioaren departamentuen egitura ezarri zen.

Halaber, abuztuaren 30eko 67/2023 Foru Dekretuaren bidez, Hezkuntza Departamentuaren oinarrizko egitura ezarri zen, eta azaroaren 15eko 245/2023 Foru Dekretuaren bidez, Hezkuntza Departamentuaren egitura organikoa, atalen mailara arte.

Horregatik, beharrezkoa da Hezkuntza Departamentuaren egitura eta eginkizunak osatu eta egokitzea bulegoen mailan.

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legeak 34.4 artikuluan ezartzen du ezen, bulegoak eta ataletatik beherako unitateak sortu, aldatu eta kentzeko, unitate horiek zein departamentutan sartuko diren, hango titularraren foru agindua beharko dela.

Hortaz, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 34.4 artikulua aplikatuz,

AGINTZEN DUT:

I. KAPITULUA. XEDEA ETA EGITURA OROKORRA

1. artikulua. Xedea.

Foru agindu honen xedea da Hezkuntza Departamentuaren egitura eta eginkizunak garatzea, bulegoen mailan.

2. artikulua. Hezkuntzako eta Lanbide Heziketako Zuzendaritza Nagusiaren egitura.

Hezkuntzako eta Lanbide Heziketako Zuzendaritza Nagusiak bulego hauek ditu bere egituran, atxikipen hauekin:

a) Antolamendu, Prestakuntza eta Kalitate Zerbitzuan:

- Antolamendu Bulegoa, Ikasketak Antolatzeko Atalari atxikia.

- Titulu eta Baliozkotze Bulegoa, Ikasketak Antolatzeko Atalari atxikia.

- Etengabeko Prestakuntzaren Bulegoa, Ikasketak Antolatzeko Atalari atxikia.

- Kalitate Bulegoa, Prestakuntza eta Kalitate Atalari atxikia.

- Irakasleentzako Laguntza Zentroen eta Berrikuntza Proiektuen Bulegoa, Prestakuntza eta Kalitate Atalari atxikia.

- Prestakuntza Programen Bulegoa, Prestakuntza eta Kalitate Atalari atxikia.

b) Eleaniztasunaren eta Arte Ikasketen Zerbitzuan:

- Euskararen Sustapenaren eta Didaktikaren Bulegoa, Euskara Atalari atxikia.

- Hizkuntzen Akreditazio Bulegoa, aipatu zerbitzuari atxikia.

- Hizkuntza Programen Bulegoa, Atzerriko Hizkuntzen Programen Atalari atxikia.

- Arte Ikasketen Bulegoa, Arte eta Hizkuntza Ikasketen Atalari atxikia.

- Musikaren Hiria Koordinatzeko Bulegoa, Arte eta Hizkuntza Ikasketen Atalari atxikia.

c) Inklusio, Berdintasun eta Bizikidetza Zerbitzuan:

- Hezkuntza Premien Bulegoa, Inklusio Atalari atxikia.

- Orientazio Bulegoa, Inklusio Atalari atxikia.

- Inklusio Proiektuetarako Bulegoa, Inklusio Atalari atxikia.

- Inklusio Proiektuen Aurrekontu Kudeaketako Bulegoa, Inklusio Atalari atxikia.

- Hezkidetza Bulegoa, Berdintasun eta Bizikidetza Atalari atxikia.

- Bizikidetzaren arloko Aholkularitza Bulegoa, Berdintasun eta Bizikidetza Atalari atxikia.

d) Hezkuntzako Ikuskapen Zerbitzuan:

- Kontrol Administratiboaren eta Artxiboaren Bulegoa, aipatu zerbitzuari atxikia.

- Eskolatze Bulegoa, aipatu zerbitzuari atxikia.

- Ebaluazio Bulegoa, Ebaluazio Atalari atxikia.

e) Haur Eskolen Zerbitzuan:

- Haur Eskolen Bulegoa, Haur Eskolen eta Landa Eskolen Atalari atxikia.

f) Lanbide Heziketaren Plangintza eta Integraziorako Zerbitzuan:

- Lanbide Irakaskuntzak Garatzeko Bulegoa, Lanbide Heziketaren Antolamendu eta Ebaluaziorako Atalari atxikia.

- Lanbide Heziketaren Ekipamendu eta Instalazioen Bulegoa, Etengabeko Lanbide Prestakuntzaren eta Enpresen Atalari atxikia.

- Enpresako Lanbide Heziketaren Bulegoa, Etengabeko Lanbide Prestakuntzaren eta Enpresen Atalari atxikia.

- Bizialdi Osoko Lanbide Heziketaren Bulegoa, Etengabeko Lanbide Prestakuntzaren eta Enpresen Atalari atxikia.

- Curriculum Garapenaren eta Akreditazio Profesionalen Bulegoa, Akreditazio Profesionalen Atalari atxikia.

g) Lanbide Heziketaren Modernizaziorako eta Berrikuntzarako Zerbitzuan:

- Lanbide Heziketa Nazioarteratzeko Bulegoa, Lanbide Heziketaren Proiektuen eta Nazioartekotzearen Atalari atxikia.

3. artikulua. Digitalizazioko eta Hezkuntza Zerbitzuetako Zuzendaritza Nagusiaren egitura.

Digitalizazioko eta Hezkuntza Zerbitzuetako Zuzendaritza Nagusiak bulego hauek ditu bere egituran, atxikipen hauekin:

a) Hezkuntzako Informazio Sistemen Zerbitzuan:

- Informazio Sistemen Eboluzio, Kudeaketa eta Arkitektura Bulegoa, aipatu zerbitzuari atxikia.

- Ikastetxeetako Informazio Sistemen Bulegoa, Ikastetxeetako Informazio Sistemen Garapenaren Atalari atxikia.

b) Hezkuntzako Teknologien eta IKT Azpiegituren Zerbitzuan:

- Ikasnova Zerbitzuen Arretarako Bulegoa, Ikastetxeetako Informazioa Kudeatzeko Atalari atxikia.

- Hezkuntzako Sistema eta Sareen Bulegoa, Hezkuntzako IKT Azpiegituren Atalari atxikia.

- Sostengu Bulegoa, Hezkuntzako IKT Azpiegituren Atalari atxikia.

- Ikastetxeak eta Irakaskuntzak Baimentzeko eta Erregistratzeko Bulegoa, Ikastetxeetako Informazioa Kudeatzeko Atalari atxikia.

- Hezkuntza Arloko Datuak Babesteko eta Kudeaketa Ekonomikoari Laguntzeko Bulegoa, aipatu zerbitzuari atxikia.

c) Hezkuntza Zerbitzuen eta Ikasketetarako Laguntzen Zerbitzuan:

- Ikasketetarako Laguntzen Bulegoa, Ikasketetarako Laguntzen eta Hezkuntza Zerbitzuen Kudeaketaren Atalari atxikia.

- Zerbitzu Osagarrien Koordinazio Bulegoa, Zerbitzu Osagarrien Atalari atxikia.

4. artikulua. Langileriaren eta Azpiegituren Zuzendaritza Nagusiaren egitura.

Langileriaren eta Azpiegituren Zuzendaritza Nagusiak bulego hauek ditu bere egituran, atxikipen hauekin:

a) Aldi Baterako Langileak Kudeatzeko Zerbitzuan:

- Plantilla eta Egitura Kontrolaren Bulegoa, Plantillen Atalari atxikia.

b) Nominen eta Gizarte Aseguruen Zerbitzuan:

- Hezkuntzako Langileen Nominen Bulegoa, Nominen Atalari atxikia.

- Itunpeko eta Diruz Lagundutako Ikastetxeetako Nominen Bulegoa, Nominen Atalari atxikia.

c) Azterlan Ekonomikoen eta Ikastetxeen Finantzaketaren Zerbitzuan:

- Finantzaketa Bulegoa, Ikastetxeen Finantzaketaren Atalari atxikia.

- Ikastetxeentzako Ordainketen Plangintza eta Kontrol Bulegoa, Ikastetxeen Finantzaketaren Atalari atxikia.

d) Hezkuntzako Azpiegituren Zerbitzuan:

- Eraikuntza Bulegoa, Obren Atalari atxikia.

- Erosketa Bulegoa, Obren Atalari atxikia.

- Mantentze-lanen Bulegoa, Egoitzen eta Ikastetxeen Mantentze-lanetarako Atalari atxikia.

- Instalazioen eta Ekipoen Bulegoa, Egoitzen eta Ikastetxeen Mantentze-lanetarako Atalari atxikia.

5. artikulua. Idazkaritza Tekniko Nagusiaren egitura.

Idazkaritza Tekniko Nagusiak bulego hauek ditu bere egituran, atxikipen hauekin:

- Laguntza Juridikoaren Bulegoa, Araubide Juridikoaren Atalari atxikia.

- Erregistro Bulegoa, Kudeaketa Juridiko-administratiboaren Atalari atxikia.

- Kontabilitatearen Kudeaketarako Bulegoa, Aurrekontuen eta Kudeaketa Ekonomikoaren Atalari atxikia.

- Ikastetxeei Laguntzeko eta Aurrekontua Kudeatzeko Bulegoa, Aurrekontuen eta Kudeaketa Ekonomikoaren Atalari atxikia.

II. KAPITULUA. HEZKUNTZAKO ETA LANBIDE HEZIKETAKO ZUZENDARITZA NAGUSIA

1. ATALA. Antolamendu, Prestakuntza eta Kalitate Zerbitzua

6. artikulua. Antolamendu Bulegoa.

Antolamendu Bulegoak, Ikasketak Antolatzeko Atalari atxikita dagoenak, eginkizun hauek izanen ditu:

a) Indarrean den hezkuntza sistemak eskatzen dituen lege garapenak aztertu eta proposatzea.

b) Ikasketen eta antolaketaren gaineko araudiaren proposamenak egitea.

c) Hezkuntza administrazioek estatuan eta autonomia erkidegoan onetsitako hezkuntza araudia kudeatzea.

d) Ikasketa planak irakaskuntza arautuen erregistroan sartzea, baita haiek prestatu eta gordetzea ere.

e) Antolamendu akademikoarekin lotutako prozesuak planifikatu, garatu eta gainbegiratzea.

f) Eskola kontseiluak berritzeko eta eratzeko prozesuen garapenari buruz aholkatzea, bai eta eskola kontseiluetako kideen erregistroa kudeatzea ere.

g) Helburuak egoki betetzeko bere kudeaketa esparruan agintzen zaizkion gainerako eginkizunak.

7. artikulua. Titulu eta Baliozkotze Bulegoa.

Titulu eta Baliozkotze Bulegoak, Ikasketak Antolatzeko Atalari atxikita dagoenak, eginkizun hauek izanen ditu:

a) Titulu akademikoak eta profesionalak emateko proposamenak izapidetzea, ikastetxeek eskatuta.

b) Titulu akademikoak eta profesionalak egitea eta ikastetxeei banatzea.

c) Diploma eta tituluen erregistroa kudeatzea.

d) Ziurtagiri akademikoak egitea.

e) Espainiako hezkuntza sistemako unibertsitateaz kanpoko ikasketa planen arteko baliokidetasunei buruzko kontsultak eta espedienteak ebaztea eta arlo horretan aholku ematea.

f) Helburuak egoki betetzeko bere kudeaketa esparruan agintzen zaizkion gainerako eginkizunak.

8. artikulua. Etengabeko Prestakuntzaren Bulegoa.

Etengabeko Prestakuntzaren Bulegoak, Ikasketak Antolatzeko Atalari atxikita dagoenak, eginkizun hauek izanen ditu:

a) Helduen hezkuntza garatzeko beharrezkoa den araudia prestatzea, zuzendaritza nagusiko beste zerbitzu batzuekin elkarlanean.

b) Helduentzako prestakuntza programak garatu, kudeatu, koordinatu eta horien jarraipena egitea.

c) Helduen hezkuntzan eta urrutiko irakaskuntzan diharduten ikastetxe eta ikasgelen sarearen koordinaziorako eta funtzionamendu akademikorako neurriak planifikatzea.

d) Helduen prestakuntza premietan izaten diren aldaketak atzeman eta aztertzea, eskaintza premia horietara egokitzeko.

e) Beste kultura batzuetako helduen integrazioa errazteko berariazko programak planifikatu eta abian jartzea.

f) Berrikuntza programak garatzea, helduei informazioaren eta komunikazioaren teknologiak erabiltzeko aukera emateko.

g) Helburuak egoki betetzeko bere kudeaketa esparruan agintzen zaizkion gainerako eginkizunak.

9. artikulua. Kalitate Bulegoa.

Kalitate Bulegoak, Prestakuntza eta Kalitate Atalari atxikita dagoenak, eginkizun hauek izanen ditu:

a) Nafarroako Foru Komunitateko unibertsitateaz kanpoko ikastetxe publikoetan etengabeko hobekuntzaren kultura garatzea, ikasleen, irakasleen, familien eta, oro har, hezkuntza komunitatearen premiak eta itxaropenak betetzeko.

b) Kalitatea Kudeatzeko Sistema (KKS) Nafarroako Foru Komunitateko unibertsitateaz kanpoko ikastetxe publikoetan ezartzeko eta mantentzeko programa koordinatzea.

c) KKSa eraginkortasunez diseinatu, ezarri eta mantentzeko prestakuntza jarduerak planifikatu, kudeatu eta garatzea.

d) Ikastetxeetan KKSa ezarri eta mantentzeko programa ebaluatzea.

e) Kanpo auditoretzak planifikatu eta egitea Nafarroako Foru Komunitateko unibertsitateaz kanpoko ikastetxe publikoen KKSaren aintzatespenak berritzeko, bat etorriz Hezkuntzako kontseilariaren abuztuaren 27ko 71/2020 Foru Aginduaren bidez onetsi zen IKKS Arauarekin.

f) KKSaren aintzatespenak ("Kalitatezko ikastetxea" eta "Ikastetxe bikaina") izapidetu eta egiteko lana koordinatzea.

g) KKSaren garapenean inplikatutako kanpo erakundeekiko harremanak dinamizatzea.

h) IKKS Araua berrikustea. Arau horretan ezartzen da zer baldintza bete behar dituzten Kalitatea Kudeatzeko Sistema (KKS) ezarri eta mantentzeko programan parte hartzen duten Nafarroako unibertsitateaz kanpoko ikastetxe publikoen kudeaketa sistemek.

i) Helburuak egoki betetzeko bere kudeaketa esparruan agintzen zaizkion gainerako eginkizunak.

10. artikulua. Irakasleentzako Laguntza Zentroen eta Berrikuntza Proiektuen Bulegoa.

Irakasleentzako Laguntza Zentroen eta Berrikuntza Proiektuen Bulegoak, Prestakuntza eta Kalitate Atalari atxikita dagoenak, eginkizun hauek izanen ditu:

a) Irakasleentzako laguntza zentroen antolaketaren eta jardunaren arau eta jarraibideak kudeatzea.

b) Irakasleentzako laguntza zentroetako langileen barne prestakuntza koordinatzea.

c) Irakasleentzako laguntza zentroen jarduna ebaluatzea.

d) Nafarroako Foru Komunitateko Irakasleen Urteko Prestakuntza Plana prestatzeko prozesua planifikatzea eta horretarako osatzen diren lan taldeak koordinatzea.

e) Irakasleen Etengabeko Prestakuntza Plana garatu eta ebaluatzea.

f) Prestakuntza jardueren erregistro eta ziurtapenen aplikazio informatikoa modu koordinatuan kudeatzea.

g) Prestakuntza jarduerak planifikatu eta garatzea, Hezkuntza Departamentuko beste zerbitzu batzuekin koordinatuta.

h) Irakasleek prestakuntza jardueretan parte hartzeko banakako laguntzen deialdia kudeatzea.

i) Berrikuntza proiektuen deialdia kudeatzea eta proiektu horiek zabaltzea.

j) Prestakuntza planifikatu, prestatu eta ematea, bere eskumenen esparruan.

k) Helburuak egoki betetzeko bere kudeaketa esparruan agintzen zaizkion gainerako eginkizunak.

11. artikulua. Prestakuntza Programen Bulegoa.

Prestakuntza Programen Bulegoak, Prestakuntza eta Kalitate Atalari atxikita dagoenak, eginkizun hauek izanen ditu:

a) Hezkuntza Departamentuko prestakuntza programak planifikatu eta kudeatzea.

b) Ikastetxe sareak planifikatu eta garatzea, Nafarroako Gobernuko beste departamentu batzuekin elkarlanean.

c) Ikastetxeen esparruan osasunerako hezkuntza, garapenerako hezkuntza, jasangarritasun eta ingurumenerako hezkuntza eta memoria historikoaren, bakearen eta bizikidetzaren aldeko hezkuntza bultzatzeko eta garatutako proiektuak zabaltzeko laguntzen deialdia garatu eta ebaluatzea.

d) Irakasleak prestatzeko jarduerak garatzeko prozedura administratiboetan laguntzea.

e) Irakasleen hasierako prestakuntza garatzeko unibertsitateekin egindako lankidetza hitzarmenak kudeatzea.

f) Entitate laguntzaileekin egindako prestakuntza jardueren lankidetza hitzarmenak kudeatzea, irakasleen etengabeko prestakuntza garatu eta hobetzeko.

g) Helburuak egoki betetzeko bere kudeaketa esparruan agintzen zaizkion gainerako eginkizunak.

2. ATALA. Eleaniztasunaren eta Arte Ikasketen Zerbitzua

12. artikulua. Euskararen Sustapenaren eta Didaktikaren Bulegoa.

Euskararen Sustapenaren eta Didaktikaren Bulegoak, Euskara Atalari atxikita dagoenak, eginkizun hauek izanen ditu:

a) Irakasleentzako euskarazko prestakuntza jarduerak programatzea, Hezkuntzako eta Lanbide Heziketako Zuzendaritza Nagusiko beste zerbitzu batzuekin lankidetzan.

b) Euskara irakasteko material didaktikoak eskuratu eta izapidetzea, Hezkuntzako eta Lanbide Heziketako Zuzendaritza Nagusiko beste zerbitzu batzuekin lankidetzan.

c) Euskara irakatsi eta ikasteko esperientzia berritzaileak hedatzen laguntzea, eta haien jarraipena egitea.

d) Euskara irakatsi eta ikasteko metodologiaren eta material didaktikoen arloan aholku ematea.

e) Ikastetxeei aholkularitza eta prestakuntza ematea, ikastetxearen hizkuntza proiektua egiteko, D ereduko ikastetxeetan.

f) Euskararen Irakaskuntzarako Baliabide Zentroaren urteko lan plana, ikasturte amaierako memoria eta antolaketarako agiria izapidetzea, eta haien jarraipena egitea.

g) Euskararen irakaskuntzaren curriculum garapenari buruzko txostenak eta azterlanak egitea, Hezkuntzako eta Lanbide Heziketako Zuzendaritza Nagusiko beste zerbitzu batzuekin lankidetzan.

h) Euskarazko eta euskararen irakaskuntza sustatzeko, ezartzeko eta garatzeko txostenak egitea eta laguntza ematea, Hezkuntzako eta Lanbide Heziketako Zuzendaritza Nagusiko beste zerbitzu batzuekin lankidetzan.

i) Hizkuntza arloan laguntza emateko hezkuntza jarduera osagarriak eta eskolaz kanpokoak izapidetzea, eta administrazio kudeaketa egitea, jarduera horiek ikastetxeko hezkuntza planetan integratzeko.

j) Eskola esparruan euskara erabiltzeko jarduerak egiten dituzten gizarte ekimeneko entitateekin hitzarmenak sinatzeko izapideak egitea.

k) Helduei euskara irakasteko curriculuma eta modalitateak eta material didaktiko egokiak izapidetzea, honako hauekin batera: Zubiarte euskaltegia, Euskararen Irakaskuntzarako Baliabide Zentroa (EIBZ) edo Hezkuntzako eta Lanbide Heziketako Zuzendaritza Nagusiko beste zerbitzu batzuk.

l) Helduei euskara irakasteko Zubiarte euskaltegi publikoaren administrazio kudeaketaren jarraipena egitea.

m) Euskarazko hizkuntza gaitasunaren ebaluazio probetarako testuak gainbegiratzea, Hezkuntza Departamentuko Ebaluazio Atalarekin lankidetzan.

n) Esleitu zaizkion gaien gaineko administrazio espedienteak bideratzea.

o) Helburuak egoki betetzeko bere kudeaketa esparruan agintzen zaizkion gainerako eginkizunak.

13. artikulua. Hizkuntzen Akreditazio Bulegoa.

Hizkuntzen Akreditazio Bulegoak, Eleaniztasunaren eta Arte Ikasketen Zerbitzuari atxikita dagoenak, eginkizun hauek izanen ditu:

a) Hizkuntzen ziurtagiriak lortzeko prozesua gainbegiratzea, Hezkuntza Departamentuaren eskumenen esparruan, araubide bereziko hizkuntza irakaskuntzen eta Nafarroako Gobernuko euskararen gaitasun agiri (EGA) propioaren bidez.

b) Hizkuntzetarako Europako Erreferentzia Esparru Bateratuaren araberako C mailako Erabiltzaile Gaituaren tituluen ziurtagiriak lortzeko probak egin, kudeatu eta balidatzeko irizpideak izapidetzea. Zehazki, C1 (EGA) eta C2 mailei dagokienez.

c) EGAren azterketako probetako epaimahaiak antolatu eta eratzea.

d) Nafarroako Gobernuko EGA lortzeko azterketen urteko deialdiak antolatu eta gauzatzea.

e) EGA maila bereko beste agiri batzuekin baliozkotzeko eskaerak onartzeko administrazio kudeaketa.

f) Gure komunitateko hizkuntza eskola ofizialak koordinatu, planifikatu, izapidetu eta kudeatzen laguntzea.

g) Hizkuntza eskola ofizialen hezkuntza eskaintzaren plangintzan eta administrazio kudeaketan laguntzea.

h) Hizkuntza laguntzako hezkuntza jarduera osagarriak eta eskolaz kanpoko jarduerak planifikatzen laguntzea, bai eta hizkuntza eskola ofizialetako hezkuntza planetan integratzen ere.

i) Hizkuntza eskola ofizialetako azterketen espezifikazioak egiten laguntzea.

j) Araubide bereziko hizkuntza irakaskuntzen mailen curriculuma izapidetzen laguntzea, abiapuntu hartuta estatuko araudian ezarritako alderdiak.

k) Ziurtagiri bat lortzera bideratutako araubide bereziko hizkuntza irakaskuntzen administrazio kudeaketan laguntzea.

l) Hizkuntza eskola ofizialetako proba homologatu eta bateratuak babestu, landu, baliozkotu eta pilotatzea.

m) Hizkuntza eskola ofizialetako hizkuntza ezagutzaren ziurtagiriak izapidetzen eta baloratzen laguntzea.

n) Hizkuntza eskola ofizialetako irakasleen prestakuntza izapidetzen eta diseinatzen laguntzea.

o) Nafarroako Urrutiko Hizkuntza Eskola Ofizialarekin (NUHEO) elkarlanean aritzen diren ikastetxeen elkarlan eskaerak izapidetzen laguntzea.

p) Hezkuntza Departamentuko beste zerbitzu batzuekin elkarlanean aritzea, hezkuntza eskaintza definitzeko.

q) Maila guztietako hizkuntzak akreditatzeko kudeaketa lanetan laguntzea.

r) Hizkuntza eskola ofizialetako adierazleak eguneratzen laguntzea.

s) Hizkuntza eskola ofizialetako zuzendaritza taldeei laguntzea behar diren gaietan, esleituta dituen eginkizunak gauzatzeko.

t) Hizkuntza eskola ofizialen eskaintzaren administrazio kudeaketan laguntzea, hizkuntzak eguneratzeko eta hobetzeko ikastaroetarako, bai eta irakasleak hizkuntzetan prestatzea ere.

u) Euskararen maila aurreratua akreditatzeko aholku ematea.

v) Euskara maila akreditatzeaz arduratzen diren Nafarroako Gobernuko beste entitate batzuei edo beste erakunde batzuei laguntzea eta haiekin elkarlanean aritzea.

w) Esleitu zaizkion gaien gaineko administrazio espedienteak bideratzea.

x) Helburuak egoki betetzeko agintzen zaion beste edozein eginkizun, kudeatzen duen esparruan.

14. artikulua. Hizkuntza Programen Bulegoa.

Hizkuntza Programen Bulegoak, Atzerriko Hizkuntzen Programen Atalari atxikita dagoenak, eginkizun hauek izanen ditu:

a) Haur Hezkuntzan, Lehen Hezkuntzan eta Derrigorrezko Bigarren Hezkuntzan atzerriko hizkuntzetan ikasteko programak izapidetu eta abian jartzea, eta haien administrazio kudeaketa egitea.

b) Koordinazio eta funtzionamendu neurriak proposatu eta babestea, atzerriko hizkuntzetan ikasteko programak garatu eta ezartzeko.

c) Atzerriko hizkuntza batean ikasteko programak ematen dituzten irakasleen prestakuntza izapidetzea, eta online prestakuntzako tresnak eta materialak sustatzea, haien erabilera eta sarbidea errazteko.

d) Azterlanak izapidetzea, atzerriko hizkuntzen ikaskuntza hobetzea sustatzen duten berrikuntza programak ezartzeko.

e) Irakasleen jardunbide egokiak bultzatzea sustatzen eta aldaketa metodologikoak egiteko testuinguruak eskaintzen dituzten jarduerak antolatzea.

f) Hezkuntza Departamentuko Ebaluazio Atalarekin elkarlanean aritzea Nafarroako ikasleei atzerriko hizkuntzen gaineko ezagutza ebaluatu eta kontrolatzeko probetan.

g) Prestakuntza Atalari laguntzea atzerriko hizkuntzen irakasleen prestakuntza diseinatzen.

h) Atzerriko hizkuntzen irakaskuntza eta ikaskuntza sustatzeko proposamenak izapidetzea eskola irakaskuntzen etapa guztietan, departamentuko beste zerbitzuekin koordinatuta.

i) Atzerriko hizkuntzak ikasteko eta haietan ikasteko programak garatzeko beharrezkoa den araudia izapidetzea, zuzendaritza nagusiko beste zerbitzu batzuekin elkarlanean.

j) Atzerriko hizkuntzak irakasteko esperientzia berritzaileen administrazio kudeaketa egitea, bereziki Europar Batasunean gehien erabiltzen diren hizkuntzei eta bertako hizkuntza ofizialei dagokienez.

k) Europako hezkuntza proiektuen gaineko informazioa zabaltzea eta ikastetxeei aholku ematea, programa horietan parte har dezaten.

l) Autonomia erkidegoa ordezkatzea Europako Erasmus+ eta e-Twinning programetan.

m) Ikasleek atzerrian ikasteko programak kudeatzea.

n) Atzerriko hizkuntzen mintzapraktikako laguntzaileen programak izapidetzea.

o) Hizkuntza mailak garatzea Hizkuntzetarako Europako Erreferentzia Esparru Bateratuari dagokionez, baita Hizkuntzen Portfolioa ere, Nafarroako eremuan.

p) Esleitu zaizkion gaien gaineko administrazio espedienteak bideratzea.

q) Helburuak egoki betetzeko agintzen zaion beste edozein eginkizun, kudeatzen duen esparruan.

15. artikulua. Arte Ikasketen Bulegoa.

Arte Ikasketen Bulegoak, Arte eta Hizkuntza Ikasketen Atalari atxikita dagoenak, eginkizun hauek izanen ditu:

a) Indarrean den hezkuntza sistemak eskatzen dituen lege garapenak aztertu eta izapidetzea, arte irakaskuntzei dagokienez, deusetan galarazi gabe lanbide heziketako unitate eskudunei dagozkien eginkizunak, arte plastikoetako eta diseinuko lanbide irakaskuntzaren arloan.

b) Arte ikasketen inguruan, hezkuntza arloko berrikuntza programak eta esperimentazio proiektuak proposatu eta koordinatzea eta horien jarraipena egitea.

c) Araubide orokorreko irakaskuntzaren etapetan, musika hezkuntza garatzen laguntzea, Hezkuntza Departamentuko beste instantzia batzuekin batera.

d) Musikaren Hiriko kontserbatorioetan, musika ikasketen hezkuntza eskaintza gainbegiratzea.

e) Bere kudeaketa esparruan egiten diren deialdiak kudeatzea.

f) Bere eginkizunak behar bezala gauzatzeko esleitzen zaizkion baliabide ekonomikoak kudeatzea.

g) Esleitu zaizkion gaien gaineko administrazio espedienteak bideratzea.

h) Helburuak egoki betetzeko bere kudeaketa esparruan agintzen zaizkion gainerako eginkizunak.

16. artikulua. Musikaren Hiria Koordinatzeko Bulegoa.

Musikaren Hiria Koordinatzeko Bulegoak, Arte eta Hizkuntza Ikasketen Atalari atxikita dagoenak, eginkizun hauek izanen ditu:

a) Musikaren Hiriaren instrumentuak erosteaz arduratzea.

b) Musikaren Hiriaren hornidura eta instalazio premiak izapidetzea eta premia horiei erantzutea.

c) Eskumena duten organoekiko administrazio kudeaketa egitea, Musikaren Hirian behar bezala funtziona dezaten sare informatikoek eta komunikazioek.

d) Musikaren Hiriaren eta bertan dauden pertsonen segurtasun premien administrazio kudeaketa egitea eta premia horiei erantzutea, lankidetzan arituz segurtasun arloan eskumena duten organoekin.

e) Musikaren Hiriari atxikitako langileak kudeatu eta administratzea, kontserbatorioetako zuzendaritza akademikoekin elkarlanean.

f) Musikaren Hiriko jarduera ez-akademikoen administrazio kudeaketa egitea.

g) Beste entitate batzuekin elkarlanean aritzea, Musikaren Hiriaren kanpo proiekzioa sustatzeko.

h) Kontserbatorioetako zuzendaritza taldeekin batera izapidetzea behar diren gaiak, esleituta dituen eginkizunak gauzatzeko.

i) Bere eginkizunak behar bezala gauzatzeko esleitzen zaizkion baliabide ekonomikoak kudeatzea.

j) Esleitu zaizkion gaien gaineko administrazio espedienteak bideratzea.

k) Helburuak egoki betetzeko bere kudeaketa esparruan agintzen zaizkion gainerako eginkizunak.

3. ATALA. Inklusio, Berdintasun eta Bizikidetza Zerbitzua

17. artikulua. Hezkuntza Premien Bulegoa.

Hezkuntza Premien Bulegoak, Inklusio Atalari atxikita dagoenak, eginkizun hauek izanen ditu:

a) Hezkuntza laguntzako berariazko premiak dituzten ikasleen inguruan, aniztasunari erantzutearen esparruan, Hezkuntza Departamentuan izanen diren funtzionamendu irizpideen eta araudiaren proposamena prestatzea, Nafarroako Hezkuntza Ekitaterako Baliabide Zentroarekin (NHEBZ) eta zuzendaritza nagusiko beste zerbitzu batzuekin elkarlanean.

b) Ikasteko berariazko zailtasunen, adimen-gaitasun handien, hezkuntza sisteman berandu sartzearen, gaixotasunen, baldintza pertsonalen edo eskola historiaren ondorioz, hezkuntza premia bereziak dituzten ikasleei laguntza emateko jarduketak, baliabideak eta euskarriak planifikatzea eta horien gaineko proposamena egitea, NHEBZrekin elkarlanean.

c) Hezkuntza arloko berrikuntza eta ikerketa programak eta esperimentazio proiektuak proposatu, zabaldu eta ebaluatzea, bai eta ikasleen aniztasunari eta behar den laguntza motari erantzuteko berariazko programak garatzea ere, NHEBZrekin elkarlanean.

d) Irakasle eta familientzako material didaktikoak prestatu, argitaratu eta zabaltzea, hezkuntza laguntzako berariazko premiak dituzten ikasleei hezkuntza hobea eman ahal izateko, NHEBZrekin elkarlanean arituz.

e) NHEBZtik bereziki, hezkuntza bereziko ikastetxeei, egiturei eta ikastetxe arruntei aholkuak eta laguntza ematea, aniztasunari eta, zehazkiago, hezkuntza laguntzako berariazko premiak dituzten ikasleei arreta emateko.

f) Departamentuak, berariazko premien arloan, premia orokorrak dituzten ikasle, ikastetxe eta familientzat dituen dirulaguntzak planifikatu eta kudeatzea, NHEBZrekin elkarlanean.

g) Hezkuntza laguntzako berariazko premiak dituzten ikasleei laguntzearekin zerikusia duten jarduketak eta programak planifikatzea eta departamentuan bertan eta beste departamentu, zerbitzu, erakunde eta entitate batzuekin koordinatzea.

h) Hezkuntza laguntzako berariazko premiak dituzten ikasleen zentsua egin eta kudeatzea, bere eskumenen esparruan, NHEBZrekin elkarlanean.

i) Hezkuntza sisteman berandu sartzearen edo berariazko beste egoera batzuen ondorioz sortzen diren berariazko premiak dituzten ikasleen eskolatzea planifikatzen laguntzea, eta, horretarako, Nafarroako ikastetxe guztien artean erantzukidetasun eta ekitate irizpideak ezartzea.

j) Esleitu zaizkion gaien gaineko administrazio espedienteak bideratzea.

k) Prestakuntza planifikatu, prestatu eta ematea, bere eskumenen esparruan.

l) Helburuak egoki betetzeko bere kudeaketa esparruan agintzen zaizkion gainerako eginkizunak.

18. artikulua. Orientazio Bulegoa.

Orientazio Bulegoak, Inklusio Atalari atxikita dagoenak, eginkizun hauek izanen ditu:

a) Orientazio departamentuen, hezkuntza laguntzako unitateen eta, oro har, orientazioko profesionalen orientazio lanari buruzko araudia aplikatzea.

b) Ikasleak eskolatzeko modalitateen gainean eta etorkizuneko lanbiderako prestatzeko aukeren gainean, orientazioko profesionalek egiten duten lana planifikatzea, irakasle taldeekin eta familiekin elkarlanean.

c) Orientazio lana, berrikuntza eta ikerketa, langileen koordinazioa, jardunbide egokien zabalkundea eta prestakuntzarako elkarlana etengabe hobetzeko laguntza ematea, online plataformen edo beste baliabide batzuen bitartez.

d) Irakasle taldeekin eta familiekin elkarlanean aritzea ikasleen eskolatze egokia errazteko eta horien jarraipena egiteko, etapa edo modalitatea aldatzen denean.

e) Inklusio proiektu eta inguruneetan dauden ikasleei arreta pertsonalizatua eta pertsonalizatzailea emateko, irakasleen eta beste profesional batzuen esku-hartzea koordinatzeko lana sustatzea.

f) Hezkuntza orientazioaren eginkizunak garatzeko behar diren material psikoteknikoak eta baliabide dokumental eta bibliografikoak erosi eta zabaltzea, NHEBZrekin elkarlanean.

g) Urteko plana eta memoria prestatzea, zerbitzuaren jarraibideen arabera.

h) Prestakuntza planifikatu, prestatu eta ematea, bere eskumenen esparruan.

i) Helburuak egoki betetzeko bere kudeaketa esparruan agintzen zaizkion gainerako eginkizunak.

19. artikulua. Inklusio Proiektuetarako Bulegoa.

Inklusio Proiektuetarako Bulegoak, Inklusio Atalari atxikita dagoenak, eginkizun hauek izanen ditu:

a) Hezkuntza Departamentuak onetsitako funtzionamendu irizpideak eta araudia zabaldu eta aplikatzea, ikasleak hezkuntza sisteman berandu sartzearen edo berariazko beste egoera batzuen ondorioz sortzen diren hezkuntza laguntzako berariazko premiei dagokienez.

b) Aurreko paragrafoan aipatutako ikasleei harrera egin eta arreta emateko behar diren jarduketen, baliabideen eta sostenguen proposamena eta programazioa egitea.

c) Irakasle eta familientzako material didaktikoak prestatu, argitaratu eta zabaltzea, ikasleak sisteman hobeki txertatzeko, lankidetzan arituz zuzendaritza nagusiko beste zerbitzu batzuekin.

d) Ikastetxeei aholkua eta laguntza ematea harrera programak, berandu eskolatzen diren ikasleei arreta emateko programak eta inklusio proiektuak ezartzerakoan.

e) Egoera sozial ahulean dauden ikasleek hezkuntza jasotzeko aukera berdinak dituztela bermatzeko laguntzak kudeatzea.

f) Ikasle atzerritarrei edo gizarte edo kultur egoera ahulean dauden ikasleei arreta ematen dieten ikastetxeen, gizarte zerbitzuen, erakundeen eta entitateen arteko koordinazio lana egitea.

g) Egoera soziokultural ahularen ondorioz hezkuntza premiak dituzten ikasleen zentsua egin eta kudeatzea, bere eskumenen esparruan.

h) Ikasleak hezkuntza sisteman txertatzeari begira Europan, estatuan, eskualdeetan eta udaletan egiten diren ekintzetan parte hartzea, eta biltzarrak, ekitaldiak eta jardunaldiak sustatzea jardunbide egokiak zabaltzeko ikasleak txertatzearen arloan, berrikuntzaren eta ikerkuntzaren arloan, hezkuntza bikaintasunaren arloan, hezkuntza pertsonalizatuaren arloan eta eskola uztea saihestu eta aurreikustearen arloan.

i) Eskolatze Batzordeari laguntzea hezkuntza sisteman berandu sartzearen edo beste egoera batzuen ondorioz sortzen diren berariazko premiak dituzten ikasleak eskolatzeko orduan, eta, horretarako, Nafarroako ikastetxe guztien artean erantzukidetasun eta ekitate irizpideak ezartzea.

j) Prestakuntza planifikatu, prestatu eta ematea, bere eskumenen esparruan.

k) Helburuak egoki betetzeko bere kudeaketa esparruan agintzen zaizkion gainerako eginkizunak.

20. artikulua. Inklusio Proiektuen Aurrekontu Kudeaketako Bulegoa.

Inklusio Proiektuen Aurrekontu Kudeaketako Bulegoak, Inklusio Atalari atxikita dagoenak, eginkizun hauek izanen ditu:

a) Inklusio programen eta proiektuen aurrekontu eta ekonomia kudeaketa.

b) Profesional espezialisten zuzkiduren ondoriozko aurreikuspen ekonomikoak egitea.

c) Beka eta laguntzen deialdiak gainbegiratzea, bai eta gastua dakarten deialdi eta hitzarmenak ere.

d) Zerbitzua arduradun den deialdietan gainbegiratzea eta aholku ematea, eta onarpen prozedura zuzen betetzen dela eta ondoren espedientea ixten dela ziurtatzea.

e) Zerbitzuaren kontabilitatea kudeatzea.

f) Zerbitzuko diru-sarreren eta ordainketen espedienteak izapidetzea.

g) Zerbitzuko kontabilitate kudeaketa erraztuko duten tresna informatikoak ezartzea eta horien jarraipena egitea.

h) Zerbitzuko aurrekontuaren betearazpena kontrolatzea eta haren jarraipena egitea.

i) Helburuak egoki betetzeko bere kudeaketa esparruan agintzen zaizkion gainerako eginkizunak.

21. artikulua. Hezkidetza Bulegoa.

Hezkidetza Bulegoak, Berdintasun eta Bizikidetza Atalari atxikita dagoenak, eginkizun hauek izanen ditu:

a) Irakasleen hezkidetzaren arloko prestakuntzaren diseinu pedagogikoa eta plangintza egitea.

b) Hezkuntza Departamentuak definitutako hezkidetzako programak garatzen dituzten ikastetxeen jarraipena egitea eta haiei aholku ematea.

c) Ikastetxeetan hezkidetza koordinatzeaz arduratzen direnentzako prestakuntza diseinatzea eta arlo horretan aholku ematea.

d) Hezkuntza komunitateko sektoreei hezkidetzaren arloan aholku ematea, Hezkuntza Departamentuak ezarritako mekanismoen bidez.

e) Ikasleekin eta irakasleekin jarduerak egitea sustatu, bultzatu eta koordinatzea, eskola ingurunean zein toki eremuan hezkidetza kultura garatzeko.

f) Hezkuntza komunitatearekin sentsibilizazio lana egitea, berdintasunaren alde modu koordinatuan lan egitearen beharraz, hori baita modu bakarra aurrera egin dadin indarkeria prebenitzeko eta benetako berdintasuna lortzeko bidean, gizarte askotarikoa eta inklusiboa helburu.

g) Hezkidetzaren arloko esperientzia berritzaileak sustatu eta zabaltzea.

h) Hezkidetzaren aldeko kanpainak aldian behin sustatu eta zabaltzea, baita hezkidetza hobetu eta garatzeko planak, jarduerak eta materialak ere.

i) Material didaktiko osagarriak zabaltzea, hezkuntza komunitateak balia ditzan emakumeen eta neskatoen kontrako indarkeria prebenitzeko eta emakumeen eta gizonen berdintasunean aurrera egiteko.

j) Berdintasun eta bizikidetzaren webguneko edukiak eta materialak eguneratzea.

k) Hezkidetzaren arloko hezkuntza esperientzien trukea bultzatzea Foru Komunitateko ikastetxeen artean.

l) Ikastetxeetan, familiekin eta ikasleekin aholku ematen edo esku hartzen laguntzea, jazarpen kasuetan edo sexismoarekin lotutako gatazketan.

m) Hezkuntza Departamentuko zerbitzuetako langileen hezkidetzaren arloko gaitasuna ahalbidetzeko diseinatutako jardueretan laguntzea.

n) Nafarroako ikastetxeen hezkidetza nortasunaren planak urtero berrikusteko prozesuan Hezkuntzako Ikuskapenarekin lankidetzan aritzea, beharrezkoa denean.

o) Prestakuntza Atalarekin koordinatzea, behar bezala kudeatu eta antolatzeko hezkidetzako ikastaroetako izen-emateak eta ziurtapenak.

p) Lankidetzan aritzea Hezkuntza Departamentuko zuzendaritza nagusiekin, berdintasunaren printzipioa txertatzeko hezkuntza politikan eta Nafarroako ikastetxeen irakas-praktikan eta antolaketan.

q) Hezkuntza Departamentuko Berdintasun Batzordearekin elkarlanean aritzea.

r) Nafarroako Berdintasunerako Institutuarekin lankidetzan eta koordinatuta aritzea materialak zabaltzeko, kanpainak edo beste gai batzuk garatzeko, eta sortzen diren lantaldeetan aktiboki parte hartzea, hezkuntza komunitateari zuzenduta dauden eta berdintasunarekin lotuta dauden jarduerak koordinatzeko.

s) Hezkidetza Bulegoko eta Nafarroako Osasun Publikoaren eta Lan Osasunaren Institutuko langileek osatzen duten lantaldean aktiboki parte hartzea, sexu hezkuntzarekin lotuta dauden jarduketak koordinatzeko ikastetxeetan.

t) Koordinazio lanak egitea hezkidetzarekin lotutako alderdiak lantzen dituzten erakundeen eta antolakundeen artean, bai eta departamentuak agintzen dituen ordezkaritza zereginetan ere.

u) Autonomia erkidegoan, estatuan edo Europan aritzen diren bestelako hezkuntza erakundeekin eta berdintasunaren aldeko erakundeekin koordinatzea, hezkidetzaren arloko helburuak lortzeko.

v) Esleitu zaizkion gaien gaineko administrazio espedienteak bideratzea.

w) Helburuak egoki betetzeko bere kudeaketa esparruan agintzen zaizkion gainerako eginkizunak.

22. artikulua. Bizikidetzaren arloko Aholkularitza Bulegoa.

Bizikidetzaren arloko Aholkularitza Bulegoak, Berdintasun eta Bizikidetza Atalari atxikita dagoenak, eginkizun hauek izanen ditu:

a) Bizikidetzaren arloko Aholkularitza zuzendu, koordinatu eta aktiboki prestatzea.

b) Bizikidetza hobetzera eta hobeki garatzera bideratutako plan, jarduera, kanpaina eta materialak bultzatu eta zabaltzea.

c) Hezkuntza sozioemozionala sustatzeko programak diseinatu eta ebaluatzea, eta haien jarraipena egitea.

d) Irakasleen Prestakuntzako Atalarekin bat, bizikidetzaren eremuko prestakuntza programak diseinatu eta proposatzea eta, behar izatera, prestakuntza hori ematea.

e) Aholku ematea hezkuntza komunitateko sektoreei eta Hezkuntza Departamentuak laguntzarako ezarritako telefonoaren eta bideen bidez planteatzen zaizkion kontsultei erantzutea, eskolako jazarpenaren, indarkeriaren eta tratu txarren gainean eta gatazken konponketaren gainean, eta halako kasuetan esku hartzea, Hezkuntzako Ikuskapen Zerbitzuarekin elkarlanean.

f) Ikastetxeei laguntza eta orientazioa ematea bizikidetza planak prestatu eta garatzeko orduan, eta informazioa ematea eskolako bizikidetza hobetzeko dauden materialei, baliabideei eta programei buruz, eta, horrez gain, Foru Komunitateko ikastetxeen artean hezkuntza arloan izandako esperientzien trukaketa sustatzea bizikidetzari dagokionez.

g) Ikastetxe, familia eta ikasleei aholku ematea eta/edo horiekin esku hartzea jazarpen kasu edo gatazka larrietan.

h) Nafarroako Foru Komunitateko eskola bizikidetza hobetzeko helburua duten jarduketen jarraipena egitea, Hezkuntzako Ikuskapenarekin batera.

i) Estatuko erakundeekin eta Nafarroako antolakundeekin elkarlanean aritzea, bizikidetzarekin lotutako alderdiak lantzeko.

j) Bizikidetza Batzordea dinamizatzea, Hezkuntza Departamentuko beste atal batzuekin komunikatzeko plataforma den aldetik.

k) Berdintasun eta bizikidetzaren webguneko edukiak eta materialak eguneratzea.

l) Helburuak egoki betetzeko bere kudeaketa esparruan agintzen zaizkion gainerako eginkizunak.

4. ATALA. Hezkuntzako Ikuskapen Zerbitzua

23. artikulua. Kontrol Administratiboaren eta Artxiboaren Bulegoa.

Kontrol Administratiboaren eta Artxiboaren Bulegoak, Hezkuntzako Ikuskapen Zerbitzuari atxikita dagoenak, eginkizun hauek izanen ditu:

a) Hezkuntzako Ikuskapen Zerbitzuari dagozkion espediente administratiboen izapidetzea eta jarraipena koordinatzea, Hezkuntza Departamentuaren mendeko ikastetxe eta programek igortzen dituztenena, hain zuzen ere.

b) Artxiboa antolatzea eta hori osatzen duten agiriak kontrolatzea.

c) Hezkuntzako Ikuskapen Zerbitzua osatzen duten ikuskatzaileei laguntza administratiboa ematea.

d) Eskolatze Bulegoari laguntza administratiboa ematea, Hezkuntzako Ikuskapen Zerbitzuko zuzendariak eskatuz gero.

e) Telefonoz eta bide administratiboaren bidez aurkezten diren eskariei kasu egin eta, hala bada, behar den moduan bideratzea.

f) Helburuak egoki betetzeko bere kudeaketa esparruan agintzen zaizkion gainerako eginkizunak.

24. artikulua. Eskolatze Bulegoa.

Eskolatze Bulegoak, Hezkuntzako Ikuskapen Zerbitzuari atxikita dagoenak, eginkizun hauek izanen ditu:

a) Tokiko eskolatze batzordeei esleitutako eginkizunak egitea, Iruñerriari dagokionez.

b) Guraso eta tutoreei, ikasleei eta ikastetxeei berei argibideak eta aholkuak ematea eskolatze prozesuari buruz.

c) Telefonoz eta bide administratiboaren bidez aurkezten diren eskari eta galderei kasu egin eta, hala bada, behar den moduan bideratzea.

d) Eskolatze prozesuei buruzko argibide materialak prestatzeko lanetan parte hartzea.

e) Nafarroako Eskolatze Batzorde Nagusiari dagozkion espediente administratiboak izapidetzea eta haien jarraipena egitea, baita haiek informatizatu, artxibatu eta kontrolatzea ere.

f) Ikasleei eta haien familiei orientabideak eta argibideak ematea hezkuntza sistemak eskaintzen dituen ikasketa aukerei buruz.

g) Nafarroako Eskolatze Batzorde Nagusiak hartzen dituen erabakiak ikastetxeei eta familiei jakinaraztea.

h) Ikasleen, eskaeren eta eskolatzeari buruzko bestelako kontuen datu base informatizatuak mantentzea.

i) Helburuak egoki betetzeko bere kudeaketa esparruan agintzen zaizkion gainerako eginkizunak.

25. artikulua. Ebaluazio Bulegoa.

Ebaluazio Bulegoak, Ebaluazio Atalari atxikita dagoenak, eginkizun hauek izanen ditu:

a) Nafarroako hezkuntza sistemako etapa eta irakaskuntza guztietan behar adina ebaluazio diseinatu, antolatu eta egitea.

b) Nafarroako hezkuntza sistemako etapei eta irakaskuntzei buruzko kanpo ebaluazioak diseinatu, antolatu eta egitea.

c) Hezkuntzari buruzko maiatzaren 3ko 2/2006 Lege Organikoan aurreikusitako diagnostikoko ebaluazioak antolatzea.

d) Hezkuntza, Kultura eta Kirol Ministerioko Ebaluazio Institutuak zuzentzen dituen estatuko eta nazioarteko ebaluazioak Nafarroan koordinatzea.

e) Nafarroako Foru Komunitateko Administrazioko Hezkuntza Departamentuak Hezkuntza, Kultura eta Kirol Ministerioaren Ebaluazio Institutuan duen parte-hartzea koordinatzea.

f) Urteroko txostenak egitea emaitza akademikoei buruz, honako hauei dagokienez: Lehen Hezkuntza, Derrigorrezko Bigarren Hezkuntza, Batxilergoa eta Lanbide Heziketa.

g) Nafarroako hezkuntzako adierazleak prestatzea, estatuko eta nazioarteko adierazleen sistemen testuinguruaren barnean.

h) Ebaluazio gaiei buruzko txostenak eta azterlanak egitea.

i) Hezkuntza sistemaren funtzionamenduari buruzko informazioa ematea, Hezkuntza Departamentuko beste instantzia batzuekin batera.

j) Hezkuntzako Ikuskapen Zerbitzuarekin batera aritzea ikastetxeak, irakasleak eta programak ebaluatzen.

k) Esleitu zaizkion gaien gaineko administrazio espedienteen instrukzioa egitea.

l) Helburuak egoki betetzeko bere kudeaketa esparruan agintzen zaizkion gainerako eginkizunak.

5. ATALA. Haur Eskolen Zerbitzua

26. artikulua. Haur Eskolen Bulegoa.

Haur Eskolen Bulegoak, Haur Eskolen eta Landa Eskolen Atalari atxikita dagoenak, eginkizun hauek izanen ditu:

a) Haur Hezkuntzako lehen zikloko hezkuntza eskaintza planifikatzeko lanetan parte hartzea.

b) Hitzarmenak egiten parte hartzea eta ikastetxeetako titularrei horiek izapidetzeko aholku ematea.

c) Dirulaguntzak eta beste finantzaketa gastu batzuk kudeatzeko espedienteak izapidetzea, departamentuko beste zerbitzu batzuekin koordinatuta.

d) Haur Hezkuntzako lehen zikloan, Departamentuko beste zerbitzu batzuekin eta beste administrazio batzuekin batera lan koordinatua egitea.

e) Ziklo horretako irakaskuntzak garatzeko beharrezkoa den araudia prestatzen laguntzea.

f) Hezkuntza Departamentuak ziklo horren inguruan onetsitako araudia eta funtzionamenduko irizpideak zabaltzea eta aplikatzea, atalak emandako jarraibideen arabera.

g) Familien eta hezkuntzako langileen arteko lankidetza bultzatzea.

h) Prebentzioko eta konpentsaziozko jarduketak bideratzeko ekintzak antolatzea, hezkuntzan ekitatearen alde jokatzeko.

i) Ikastetxeei orientazioa ematea, hezkuntza proiektuan sartu beharreko proposamen pedagogikoa egin eta gara dezaten.

j) Haur eskoletako hezkuntza langileentzako urteko prestakuntza planaren proposamena egitea, bai eta plan hori garatzeko lanetan parte hartzea ere, Departamentuko beste zerbitzu batzuekin lankidetzan.

k) Hezkuntza esperientziak sustatu eta zabaltzea, eta haiek garatzeko proposamenak egitea.

l) Esleitu zaizkion gaien gaineko administrazio espedienteak izapidetzea.

m) Helburuak egoki betetzeko bere kudeaketa esparruan agintzen zaizkion gainerako eginkizunak.

6. ATALA. Lanbide Heziketaren Plangintza eta Integraziorako Zerbitzua

27. artikulua. Lanbide Irakaskuntzak Garatzeko Bulegoa.

Lanbide Irakaskuntzak Garatzeko Bulegoak, Lanbide Heziketaren Antolamendu eta Ebaluaziorako Atalari atxikita dagoenak, eginkizun hauek izanen ditu:

a) Ikastaroen, sarrera proben eta oinarrizko gaitasunen baldintzen plangintza kudeatzea, helduentzako oinarrizko gaitasunak akreditatzeko prozeduraren esparruan, Bizialdi Osoko Lanbide Heziketaren Bulegoarekin lankidetzan eta Etengabeko Prestakuntzaren Bulegoaren laguntzarekin.

b) Lanbide Heziketako Sistemako graduetan, Arte Plastikoetako eta Diseinuko lanbide irakaskuntzetan eta Kirol Irakaskuntzako zikloetan sartzeko probak eta ikastaroak kudeatu eta koordinatzea.

c) Arte Plastikoetako eta Diseinuko lanbide irakaskuntzetarako gaitasun artistikoaren proba kudeatu eta koordinatzea.

d) Araubide bereziko Kirol Irakaskuntzetarako berariazko probak kudeatu eta koordinatzea.

e) Ekintza instituzionalak koordinatzea, Lanbide Heziketako irakaskuntzak, Arte Plastikoetako eta Diseinuko lanbide irakaskuntzak eta araubide bereziko Kirol Irakaskuntzak hedatzeko, bai eta Lanbide Heziketako Skills lehiaketekin lotutako ekintzak kudeatzea ere.

f) Hezkuntza, Lanbide Heziketa eta Kirol Ministerioaren mendeko lanbide orientazioko batzorde teknikoaren bitartez, lanbide orientazioko estrategia orokorra egiten parte hartzea Lanbide Heziketako Sisteman.

g) Lanbide Heziketako estrategiaren plangintza eta hura Nafarroako Lanbide Heziketako Sisteman ezartzea kudeatzea, bat etorriz Lanbide Heziketa Antolatu eta Integratzeari buruzko martxoaren 31ko 3/2022 Lege Organikoaren xedapenekin.

h) Nafarroako Gobernuko beste departamentu batzuetako eta beste administrazio publiko eta erakunde batzuetako beste orientazio zerbitzu eta baliabide batzuekiko koordinazioa eta elkarlana kudeatzea, protokoloak eta baterako jarduketak sustatzeko.

i) Nafarroako Lanbide Heziketako Sisteman lanbide orientazioa garatzeko ekintzak planifikatu, kudeatu eta koordinatzea.

j) Lanbide Heziketako tituluak eta profesionaltasun ziurtagiriak lortzeko prestakuntza eskaintzari buruzko informazioa ematea.

k) Lanbide Heziketako Sistema sustatzeko eta hedatzeko jarduketak egitea irakaskuntza horien ingurune produktibo eta sozialean, bai eta prospekzio jarduketak ere, Lanbide Heziketaren Plangintza eta Integraziorako Zerbitzuko beste unitate batzuekin lankidetzan, bat etorriz zerbitzu horrek ezarritako jarraibideekin.

l) Lanbide Heziketako webguneak diseinatzen eta mantentzen laguntzea.

m) Modu birtualean ikasteko prestakuntza ereduak garatzeak antolaketaren arloan dakartzan aldaketak aztertu eta planifikatzea, Lanbide Heziketaren Plangintza eta Integraziorako Zerbitzuaren kudeaketa eremuko irakaskuntzei dagokienez.

n) Aipatutako irakaskuntzak modu birtualean ikasteari lotutako prozesu operatiboak kudeatu eta administratzea.

o) Lanbide Heziketaren Plangintza eta Integraziorako Zerbitzuaren kudeaketa eremuko irakaskuntzak modu birtualean ikasteko prestakuntza eredua diseinatu, garatu eta ebaluatzea.

p) Lanbide Heziketako irakaskuntzak, Arte Plastikoetako eta Diseinuko lanbide irakaskuntzak eta araubide bereziko Kirol Irakaskuntzak modu birtualean ikasteko prestakuntza ereduaren diziplinarteko taldea kudeatzea.

q) Lanbide Heziketaren Plangintza eta Integraziorako Zerbitzuaren kudeaketa eremuko irakaskuntzak modu birtualean ikasteko prestakuntza ereduaren diseinu instrukzional eta teknologikoaren prozesuak koordinatzea, baita hipermediako prestakuntza materialak prestatzekoak ere.

r) Hipermediako materialetan eta laguntzazko jarduera birtualetan oinarritutako ikaskuntza jarduerak diseinatzeko lanak koordinatzea, baita orientazio eta irakaskuntza birtualari buruzkoak ere.

s) Lanbide Heziketako irakaskuntzak, Arte Plastikoetako eta Diseinuko lanbide irakaskuntzak eta araubide bereziko Kirol Irakaskuntzak modu birtualean ikasteko plataforma bat garatu eta kudeatzea.

t) Lan esperientziaren bidez, prestakuntza bide ez-formalen bidez eta ikaskuntza informalen bidez eskuratutako oinarrizko gaitasunak akreditatzeko prozedura planifikatzea eta kudeatzea.

u) Helburuak egoki betetzeko bere kudeaketa esparruan agintzen zaizkion gainerako eginkizunak.

28. artikulua. Lanbide Heziketaren Ekipamendu eta Instalazioen Bulegoa.

Lanbide Heziketaren Ekipamendu eta Instalazioen Bulegoak, Etengabeko Lanbide Prestakuntzaren eta Enpresen Atalari atxikita dagoenak, eginkizun hauek izanen ditu:

a) Berrikuntza teknologikoaren eta didaktikoaren jarraipena egitea, Espainiakoa eta atzerrikoa, batez ere Nafarroan gehien hedatzen ari diren sektore teknologikoetan.

b) Lanbide Heziketako ikastetxeetako sare informatikoak hobetzen eta optimizatzen dituzten ekintzak bultzatzea, Hezkuntzako Sistema eta Sareen Bulegoarekin koordinatuta.

c) Lanbide Heziketako ikastetxeetako ekipamenduak eta instalazioak modernizatzeko ekintzak sustatzea.

d) Lanbide Heziketako ikastetxeen berriztapen teknologikorako proiektuak garatzea.

e) Lanbide Heziketaren Berrikuntzaren eta Nazioartekotzearen Atalarekin elkarlanean aritzea, Lanbide Heziketako ikastetxeetan berrikuntza didaktikoko ekintzak bultzatzen.

f) Hezkuntza Departamentuaren eskumeneko ikastetxeetan ekipo eta ekipamenduekin lotutako premiak aztertzeko proiektuak garatzea.

g) Instalazio eta azpiegiturekin lotutako premiak aztertzeko proiektuak garatzea, departamentuko beste unitate batzuekin lankidetzan.

h) Lanbide Heziketaren Berrikuntzaren eta Nazioartekotzearen Atalarekin elkarlanean aritzea, arlo horiekin lotutako Lanbide Heziketako ikastetxeetan, enpresetan eta erakundeetan berrikuntza teknologikoa eta didaktikoa hedatu eta orokortzeko.

i) Lanbide Heziketako ikastetxeetako ekipamendua planifikatzeko irizpideak prestatzea.

j) Irakaskuntza horien berrikuntzaren arloan beste administrazio, entitate eta enpresa batzuekin elkarlanerako eta koordinaziorako loturak ezartzea.

k) Helburuak egoki betetzeko bere kudeaketa esparruan agintzen zaizkion gainerako eginkizunak.

29. artikulua. Enpresako Lanbide Heziketaren Bulegoa.

Enpresako Lanbide Heziketaren Bulegoak, Etengabeko Lanbide Prestakuntzaren eta Enpresen Atalari atxikita dagoenak, eginkizun hauek izanen ditu:

a) Lanbide Heziketako ikasleek enpresetan zein erakunde parekatuetan egiten duten prestakuntza eta etengabeko prestakuntza planifikatu, kudeatu eta koordinatzea.

b) Enpresetako eta erakunde parekatuetako tutoreentzako prestakuntza instituzionala antolatzea.

c) Lanbide Heziketa dualaren eta etengabeko prestakuntzako ekintzen ezarpena eta jarduna kudeatu eta ebaluatzea, eta haien jarraipena egitea.

d) Lanbide Heziketako titulua eta ziurtagiria dituzten ikasleen laneratzeari eta langileen eta langabeen prestakuntza premiei buruzko azterlanak egitea.

e) Heziketa programei dagokienez, elkarlanerako loturak sortzea Lanbide Heziketa irakasten duten ikastetxeen eta gizarte eta lan arloko estamentuen artean, bai eta prestakuntza zentroaren eta enpresaren arteko elkarlanerako bestelako esparruak sustatzea ere.

f) Entitate laguntzaileen katalogoa prestatu eta eguneratzea, Lanbide Heziketako lanbide profilen arabera.

g) Enpresa edo erakunde parekatuetako prestakuntza egonaldiaren koordinazioa hobetzeko eta etengabeko prestakuntzaren arloan ikastetxeei aholku emateko ezarritako jarraipen batzordeetan parte hartzea.

h) Ekintza instituzionalak garatzea, enpresaren eta Lanbide Heziketako ikastetxeen sarearen arteko loturak hobetzen dituztenak, prestakuntza eta enplegua hobeki egokitzeko elkarrekin.

i) Helburuak egoki betetzeko bere kudeaketa esparruan agintzen zaizkion gainerako eginkizunak.

30. artikulua. Bizialdi Osoko Lanbide Heziketaren Bulegoa.

Bizialdi Osoko Lanbide Heziketaren Bulegoak, Etengabeko Lanbide Prestakuntzaren eta Enpresen Atalari atxikita dagoenak, eginkizun hauek izanen ditu:

a) Bizialdi osoko etengabeko prestakuntzarako, hasierako prestakuntzarako eta etengabeko prestakuntzarako onarpen-prozedura planifikatzea, dagokion ataleko buruarekin batera.

b) Ikasleen, langileen eta langabeen prestakuntza premiak aztertzea, bai eta Lanbide Heziketako Sistemako ikastetxeek prestakuntzaren esparruan eskaintzen dituzten aukerak ere, haien ezaugarriak eta inguruabarrak kontuan hartuta.

c) Premia horiei erantzuteko, prestakuntza zentroen jarduketa ildoak planifikatzea eta ikasleen, langabeen eta langileen prestakuntzaren arloan eskumena duten erakundeei proposatzea.

d) Hezkuntza Departamentuaren mendeko Lanbide Heziketako ikastetxeetan ikasleentzat, langabeentzat eta langileentzat egiten diren prestakuntza ekintzen onarpen-prozedurak kudeatzea eta ebaluatzea, eta haien jarraipena egitea.

e) Hezkuntza Departamentuaren mendeko Lanbide Heziketako ikastetxeei aholku ematea ikasleak, langabeak eta langileak prestakuntzan onartzeari lotutako gaietan.

f) Helburuak egoki betetzeko bere kudeaketa esparruan agintzen zaizkion gainerako eginkizunak.

31. artikulua. Curriculum Garapenaren eta Akreditazio Profesionalen Bulegoa.

Curriculum Garapenaren eta Akreditazio Profesionalen Bulegoak, Akreditazio Profesionalen Atalari atxikita dagoenak, eginkizun hauek izanen ditu:

a) Lanbide Heziketako Sistemaren eskaintzetan jasotako lanbide konpetentzien estandarrei lotutako prestakuntza egitura modularraren garapena kudeatzea eta koordinatzea.

b) Lanbide Heziketako Sistemaren eskaintzetan jasotako lanbide konpetentzien estandarrei lotutako prestakuntza egitura modularra garatzen duten irakasleei laguntza teknikoa ematea.

c) Nafarroan lanbide konpetentzien estandarrak berrikusteko eta eguneratzeko tresna metodologikoak garatzea.

d) Nafarroako sektore produktiboek eskatzen dituzten lanbide konpetentzien estandarrak identifikatu eta egituratzea, eta behar bezalako arreta ematea aurrerapen teknologiko berrien ondorioz etorritako premiei.

e) Lehiakortasun estandarrak definitzen, eskakizun sektorialak eguneratzen eta konpetentzia-estandar berriak definitzen kolaboratzea.

f) Lanbide Heziketako Sistemaren eskaintzetan jasotako konpetentzia-estandarrei lotutako prestakuntza egitura modularra garatzea.

g) Curriculumak eguneratzea, prestakuntza premia berriei erantzuteko, Lanbide Heziketako Sistemaren eskaintzen bidez.

h) Konpetentziak ebaluatu, aitortu eta akreditatzeko prozedurak egiteko plangintza egitea, atxikita dagoen ataleko buruarekin batera.

i) Hezkuntza Departamentuaren mendeko Lanbide Heziketako ikastetxeetan, Lanbide Heziketako beste ikastetxe batzuetan eta entitate laguntzaileetan gaitasun profesionalak akreditatzeko prozedurak egiteko aukerak aztertzea.

j) Hezkuntza Departamentuaren mendeko Lanbide Heziketako ikastetxeei, Lanbide Heziketako beste ikastetxe batzuei eta entitate laguntzaileei laguntza teknikoa ematea, gaitasun profesionalak akreditatzeko prozedurak garatzeko.

k) Nafarroan garatutako gaitasun profesionalak akreditatzeko prozeduren jarraipena eta ebaluazioa egitea.

l) Lanbide Heziketako ikastetxeetan eta entitate laguntzaileetan akreditazioaz arduratzen direnek beharrezko duten prestakuntza planifikatu, kudeatu eta ematea.

m) Europan kualifikazioak aitortzeko eta mugigarritasunerako ekimenak sustatzea eta laguntzea.

n) Lan esperientziaren bidez eta prestakuntza ez-formalaren bidez eskuratutako gaitasunak ebaluatu, aitortu eta akreditatzeko prozedura antolatzea eta garatzea, Lanbide Konpetentzien Estandarren Katalogo Nazionalarekin bat.

o) Informazioko eta lanbide orientazioko sistemekin koordinatzea, langileei eta langabeei gaitasun profesionalak akreditatzeko prozedura baliatzea errazteko.

p) Aholkulariak eta ebaluatzaileak gaitzeko ikastaroak diseinatzen, kudeatzen eta ematen laguntzea.

q) Nafarroako aholkularien eta ebaluatzaileen datu-base bat egin eta eguneratzea.

r) Kalitate prozesuak sustatzea, Nafarroan gaitasun profesionalak akreditatzeko prozedurei dagokienez, eta haien jarraipena egitea.

s) Helburuak egoki betetzeko bere kudeaketa esparruan agintzen zaizkion gainerako eginkizunak.

7. ATALA. Lanbide Heziketaren Modernizaziorako eta Berrikuntzarako Zerbitzua

32. artikulua. Lanbide Heziketa Nazioarteratzeko Bulegoa.

Lanbide Heziketa Nazioarteratzeko Bulegoak, Lanbide Heziketaren Proiektuen eta Nazioartekotzearen Atalari atxikita dagoenak, eginkizun hauek izanen ditu:

a) Ikastetxeak bultzatzea nazioarteko mugigarritasun proiektuetan parte har dezaten, ikasleen lan proiekzioari dagokionez.

b) Ikastetxeak bultzatzea Lanbide Heziketaren helburuekin zerikusia duten nazioarteko proiektuetan parte har dezaten.

c) Irakasleei atzerrian eguneratze eta hobekuntza profesionala egiten laguntzea, nazioarteko programek eskaintzen dituzten aukeren bidez.

d) Espainiako edo atzerriko bestelako erakundeekin harremanak izateko aukerak aztertu eta haiekin harremanetan hastea, Hezkuntza Departamentuak Lanbide Heziketari buruzko interes komuneko proiektuetan parte hartzeko edo elkarlanean aritzeko.

e) Nazioarteko ekintza eta proiektuak planifikatu eta garatzea, eta haien jarraipena egitea, haien kontratu bidezko kudeaketa eta kudeaketa ekonomikoa egitea eta haiek justifikatzea erakunde eskudunen aurrean.

f) Lanbide Heziketaren arloan eskumena duen zuzendaritza nagusiak planifikatutako nazioarteko proiektuak Europar Batasunaren edo beste erakunde batzuen funtsen bidez kofinantzatzeko aukera aztertzea.

g) Lanbide Heziketaren arloan eskumena duen zuzendaritza nagusiari atxikitako irakasleak prestatzeko ekintzak kudeatzea eta haien jarraipena egitea.

h) Prestakuntza planifikatu, prestatu eta ematea, bere eskumenen esparruan.

i) Helburuak egoki betetzeko bere kudeaketa esparruan agintzen zaizkion gainerako eginkizunak.

III. KAPITULUA. DIGITALIZAZIOKO ETA HEZKUNTZA ZERBITZUETAKO ZUZENDARITZA NAGUSIA

1. ATALA. Hezkuntza Zerbitzuen eta Ikasketetarako Laguntzen Zerbitzua

33. artikulua. Ikasketetarako Laguntzen Bulegoa.

Ikasketetarako Laguntzen Bulegoak, Ikasketetarako Laguntzen eta Hezkuntza Zerbitzuen Kudeaketaren Atalari atxikita dagoenak, eginkizun hauek izanen ditu:

a) Unibertsitateaz kanpoko derrigorrezkoaren ondoko irakaskuntzetarako beken eta laguntzen espedienteak kudeatu, izapidetu eta kontrolatzea, bai eta ordaintzea proposatzea ere.

b) Hezkuntza, Lanbide Heziketa eta Kirol Ministerioaren unibertsitateaz kanpoko derrigorrezkoaren ondoko irakaskuntzetarako deialdi orokorretako bekak eta laguntzak kudeatu, izapidetu eta kontrolatzea, bai eta ordaintzea proposatzea ere.

c) Hezkuntza, Lanbide Heziketa eta Kirol Ministerioaren hezkuntza laguntzako berariazko premiak dituzten ikasleentzako deialdietako bekak eta laguntzak kudeatu, izapidetu eta kontrolatzea, bai eta ordaintzea proposatzea ere.

d) Beken edo laguntzen ezeztapenak kudeatzea, zer helburutarako eman ziren, helburu horretarako erabili ez direnean.

e) Testuliburuen Doakotasun Programa gauzatu ahal izateko, horren kudeaketa eta kontrola egitea, eta ikastetxeei dagozkien kopuruak ordaintzea proposatzea.

f) Helburuak egoki betetzeko bere kudeaketa esparruan agintzen zaizkion gainerako eginkizunak.

34. artikulua. Zerbitzu Osagarrien Koordinazio Bulegoa.

Zerbitzu Osagarrien Koordinazio Bulegoak, Zerbitzu Osagarrien Atalari atxikita dagoenak, eginkizun hauek izanen ditu:

a) Unibertsitateaz kanpoko hezkuntza mailetan, garraioan eta jantokietan dauden premiak planifikatzea, Hezkuntzako Ikuskapen Zerbitzuarekin elkarlanean.

b) Unibertsitateaz kanpoko hezkuntza mailetarako garraio eta jantokiko eskola zerbitzu osagarriekin zerikusia duten jarduerei dagokienez, deialdien proposamenak egitea, kudeatzea eta izapidetzea.

c) Helburuak egoki betetzeko bere kudeaketa esparruan agintzen zaizkion gainerako eginkizunak.

2. ATALA. Hezkuntzako Teknologien eta IKT Azpiegituren Zerbitzua

35. artikulua. Ikasnova Zerbitzuen Arretarako Bulegoa.

Ikasnova Zerbitzuen Arretarako Bulegoak, Ikastetxeetako Informazioa Kudeatzeko Atalari atxikita dagoenak, eginkizun hauek izanen ditu:

a) Ikastetxeetan, Educako, web aplikazioetako eta ikastetxeei eskainitako zerbitzuetako lehen mailako erabiltzaileei arreta ematea, ikastetxeetarako, Ikastetxeetako Informazioa Kudeatzeko Atalarekin eta Sostengu Bulegoarekin elkarlanean, Ikasnova estrategiaren barruan.

b) Ikastetxeei eskainitako sistema eta zerbitzuetatik sostengu informatikoa emateko egiten diren eskaera guztiak bideratu eta koordinatzea, Sostengu Bulegoarekin koordinatuta.

c) Ikastetxeen web presentzia sustatu, gainbegiratu eta koordinatzea, eta Interneten hezkuntza edukiak sortu eta hautatzea, ikastetxeetako ikasleek erabil ditzaten, komenigarritasun, irisgarritasun eta erabilerraztasun irizpideei jarraituz eta erabiltzaile esperientzia baloratuz, Ikasnova estrategiaren barruan.

d) Helburuak egoki betetzeko bere kudeaketa esparruan agintzen zaizkion gainerako eginkizunak.

36. artikulua. Hezkuntzako Sistema eta Sareen Bulegoa.

Hezkuntzako Sistema eta Sareen Bulegoak, Hezkuntzako IKT Azpiegituren Atalari atxikita dagoenak, eginkizun hauek izanen ditu:

a) Hezkuntza Departamentuak sustatutako programen sistemak, zerbitzuak eta konektibitatea mantendu, administratu, kudeatu eta garatzea.

b) Educa ikastetxeak kudeatzeko programari sostengua ematen dioten sistemak eta Hezkuntza Departamentuaren gainerako sistemak mantendu, administratu eta garatzea.

c) Ikastetxeetako komunikazio sistemak planifikatu, mantendu eta kontrolatzea.

d) Prestakuntza planifikatu, prestatu eta ematea, bere eskumenen esparruan.

e) Helburuak egoki betetzeko bere kudeaketa esparruan agintzen zaizkion gainerako eginkizunak.

37. artikulua. Sostengu Bulegoa.

Sostengu Bulegoak, Hezkuntzako IKT Azpiegituren Atalari atxikita dagoenak, eginkizun hauek izanen ditu:

a) Sostengu informatikoa eta lehen mailako arreta ematea ikastetxeetako eta informatika eta komunikazio sistemetako erabiltzaileei.

b) Erabiltzailearen laguntza zentroari (CAU) esleitutako teknikariak koordinatzea.

c) Ikastetxeei eskainitako sistema eta zerbitzuetatik sostengu informatikoa emateko egiten diren eskaera guztiak bideratu eta koordinatzea, Ikasnova Zerbitzuen Arretarako Bulegoarekin koordinatuta.

d) Aztertu eta baloratzea zer premia duten ekipamendu informatikoen aldetik Foru Komunitateko unibertsitateaz kanpoko ikastetxeek eta Hezkuntza Departamentuko bulegoek.

e) Unibertsitateaz kanpoko ikastetxeetan eta Hezkuntza Departamentuko bulegoetan eskura dagoen ekipamendu informatikoaren inbentarioa egitea.

f) Jakinaraztea erosketez arduratzen den unitate administratiboari zer premia duten ekipamendu informatikoen aldetik Foru Komunitateko unibertsitateaz kanpoko ikastetxeek eta Hezkuntza Departamentuko bulegoek, kasuan kasuko txostenak prestatu ondoren.

g) Helburuak egoki betetzeko bere kudeaketa esparruan agintzen zaizkion gainerako eginkizunak.

38. artikulua. Ikastetxeak eta Irakaskuntzak Baimentzeko eta Erregistratzeko Bulegoa.

Ikastetxeak eta Irakaskuntzak Baimentzeko eta Erregistratzeko Bulegoak, Ikastetxeetako Informazioa Kudeatzeko Atalari atxikita dagoenak, eginkizun hauek izanen ditu:

a) Unibertsitateaz kanpoko ikastetxeak eta ematen dituzten irakaskuntzak baimentzeko espedienteak izapidetzea.

b) Nafarroako unibertsitateaz kanpoko ikastetxeen erregistroa kudeatzea eta eguneratuta mantentzea, eta Hezkuntza, Lanbide Heziketa eta Kirol Ministerioaren unibertsitateaz kanpoko ikastetxeen estatuko erregistroarekin koordinatzea.

c) Hezkuntza, Lanbide Heziketa eta Kirol Ministerioaren Lanbide Heziketako ikastetxeen erregistro orokorra kudeatzea eta eguneratuta mantentzea.

d) Helburuak egoki betetzeko bere kudeaketa esparruan agintzen zaizkion gainerako eginkizunak.

39. artikulua. Hezkuntza Arloko Datuak Babesteko eta Kudeaketa Ekonomikoari Laguntzeko Bulegoa.

Hezkuntza Arloko Datuak Babesteko eta Kudeaketa Ekonomikoari Laguntzeko Bulegoak, Hezkuntzako Teknologien eta IKT Azpiegituren Zerbitzuari atxikita dagoenak, eginkizun hauek izanen ditu:

a) Digitalizazioko eta Hezkuntza Zerbitzuetako Zuzendaritza Nagusiak kudeatzen dituen Europako eta estatuko funts guztiak izapidetzen eta kudeatzen laguntzea.

b) Aholku ematea Digitalizazioko eta Hezkuntza Zerbitzuetako Zuzendaritza Nagusiaren aurrekontuen aurreproiektua egitean eta aurrekontuekin zerikusia duten gai guztietan.

c) Laguntza teknikoa ematea Digitalizazioko eta Hezkuntza Zerbitzuetako Zuzendaritza Nagusiko unitateei kontratazio publikoaren eta fakturazioaren arloan.

d) Informazioaren segurtasuneko arduradunaren eginkizunak, Nafarroako Foru Komunitateko Administrazioaren datuen babeserako eta informazioaren segurtasunerako politikan definituak, betetzen laguntzea.

e) Informazioaren segurtasunari buruz indarrean den araudia betetzen dela zaintzea, datu pertsonalen babesa barne; hori guztia Hezkuntza Departamentuaren esparruan.

f) Helburuak egoki betetzeko bere kudeaketa esparruan agintzen zaizkion gainerako eginkizunak.

3. ATALA. Hezkuntzako Informazio Sistemen Zerbitzua

40. artikulua. Informazio Sistemen Eboluzio, Kudeaketa eta Arkitektura Bulegoa.

Informazio Sistemen Eboluzio, Kudeaketa eta Arkitektura Bulegoak, Hezkuntzako Informazio Sistemen Zerbitzuari atxikita dagoenak, eginkizun hauek izanen ditu:

a) Proiektuak aztertu, definitu, garatu, abian jarri eta ezartzea, bai informazio sistema berriak sortzekoak, bai daudenak eboluzionatzekoak, Hezkuntza Departamentuak ezarritako premia eta lehentasunen ondoriozkoak.

b) Lankidetzan aritzea Hezkuntza Departamentuko informazio sistemak garatzeko, kudeatzeko, haien mantentze-lanak egiteko, eboluzionatzeko eta etengabe koordinatzeko, horrela premiei erantzuteko eta bertan inplikatutako eragile guztiei komunikazio elektronikoa errazteko pixkanaka-pixkanaka.

c) Aholku ematea eta laguntza teknikoa ematea informazio sistema guztiak barne hartzen dituzten eta estaldura ematen dieten garapen inguruneak eta arkitektura teknikoa definitzean eta haien mantentze eta euskarri lanak egitean.

d) Helburuak egoki betetzeko bere kudeaketa esparruan agintzen zaizkion gainerako eginkizunak.

41. artikulua. Ikastetxeetako Informazio Sistemen Bulegoa.

Ikastetxeetako Informazio Sistemen Bulegoak, Ikastetxeetako Informazio Sistemen Garapenaren Atalari atxikita dagoenak, eginkizun hauek izanen ditu:

a) Ikastetxeetako Informazioa Kudeatzeko Atalarekin batera, zehaztea zer premia duten Hezkuntza Departamentuak unibertsitateaz kanpoko ikastetxeen eskura jartzen dituen informazio sistemek modernizazioari eta hobekuntzari dagokienez, eta martxan jartzea horietatik heldu diren proiektuak.

b) Ikastetxeetako Informazioa Kudeatzeko Atalarekin koordinatuta, Hezkuntza Departamentuak unibertsitateaz kanpoko ikastetxeen eskura jartzen dituen hezkuntza kudeaketarako informazio sistemak eta aplikazioak garatzea, kudeatzea, haien mantentze-lanak egitea eta eboluzionatzea, haien premiei erantzuteko eta bertan inplikatutako eragile guztiei komunikazio elektronikoa errazteko pixkana-pixkana.

c) Helburuak egoki betetzeko bere kudeaketa esparruan agintzen zaizkion gainerako eginkizunak.

IV. KAPITULUA. LANGILERIAREN ETA AZPIEGITUREN ZUZENDARITZA NAGUSIA

1. ATALA. Aldi Baterako Langileak Kudeatzeko Zerbitzua

42. artikulua. Plantilla eta Egitura Kontrolaren Bulegoa.

1. Plantilla eta Egitura Kontrolaren Bulegoak, Plantillen Atalari atxikita dagoenak, eginkizun hauek izanen ditu:

a) Hezkuntza Departamentuaren lan publikoaren eskaintzetako eta deialdietako plazak kontrolatu eta eguneratzea.

b) Hezkuntza Departamentuaren egitura eta burutzak mantentzea.

c) Plazak zehaztea, Hezkuntza Departamentuko langileak finkotzat jotzeko epaiak betearazteko.

d) Plazak izapidetu eta prestatzea, kontratazio premietarako.

e) Langileen arloko administrazio espedienteetan laguntzea eta espedienteetako datuak aztertzea.

f) Helburuak egoki betetzeko bere kudeaketa esparruan agintzen zaizkion gainerako eginkizunak.

2. Bulego honen buruak bulegoa atxikita dagoen ataleko buruaren baldintza beretan emanen ditu zerbitzuak.

2. ATALA. Nominen eta Gizarte Aseguruen Zerbitzua

43. artikulua. Hezkuntzako Langileen Nominen Bulegoa.

Hezkuntzako Langileen Nominen Bulegoak, Nominen Atalari atxikita dagoenak, eginkizun hauek izanen ditu:

a) Langileen nominak egin eta justifikatzeko beharrezkoa den administrazio kudeaketa egitea.

b) Hartzekoen ordainketa eta atxikipena kudeatzea.

c) Langileentzako ziurtagiri ekonomikoak egitea.

d) Helburuak egoki betetzeko bere kudeaketa esparruan agintzen zaizkion gainerako eginkizunak.

44. artikulua. Itunpeko eta Diruz Lagundutako Ikastetxeetako Nominen Bulegoa.

Itunpeko eta Diruz Lagundutako Ikastetxeetako Nominen Bulegoak, Nominen Atalari atxikita dagoenak, eginkizun hauek izanen ditu:

a) Ikastetxe itunduetako irakasleen nomina izapidetu eta ordaintzea.

b) Langile horiei dagozkien Gizarte Segurantzako inprimakiak egitea eta kuotak ordaintzea.

c) Helburuak egoki betetzeko bere kudeaketa esparruan agintzen zaizkion gainerako eginkizunak.

3. ATALA. Azterlan Ekonomikoen eta Ikastetxeen Finantzaketaren Zerbitzua

45. artikulua. Finantzaketa Bulegoa.

Finantzaketa Bulegoak, Ikastetxeen Finantzaketaren Atalari atxikita dagoenak, eginkizun hauek izanen ditu:

a) Unibertsitateaz kanpoko ikastetxe publikoek funtzionamendu gastu arruntetarako eta irakaskuntza jardueretarako behar dituzten kredituak kudeatu, izapidetu eta ordaintzeko agintzea, eta horietatik zenbait gastu egiteko baimena ematea.

b) Derrigorrezko Bigarren Hezkuntzako ikasleak eskolatzen diren eskola eraikinen titularrak diren Nafarroako toki entitateen aldeko kredituak kudeatu, izapidetu eta ordaintzeko agintzea, garbiketa eta zaintza gastuak eta kontserbazio eta mantentze gastuak finantzatzeko.

c) Nafarroako toki entitateen aldeko kredituak kudeatu, izapidetu eta ordaintzeko agintzea, haiekin sinatutako hitzarmenak direla eta.

d) Ikastetxe publikoetako ikasleek hezkuntza jarduerak egiten dituzten enpresa publikoekin hitzarmenak sinatzea.

e) Eskolatze datuei buruzko txostenak egitea lurralde kohesioaren arloan eskumena duen departamentuarentzat.

f) Nafarroako Eskola Kontseiluari ordainketa espedientea egitea, funtzionamendu gastuak direla-eta.

g) Ikastetxe pribatuetarako hezkuntza itunak eta dirulaguntza arautuak kudeatu, izapidetu eta erregistratzea.

h) Ikastetxe pribatuetarako hezkuntza itunen eta dirulaguntza arautuen modulu ekonomikoak kudeatu eta izapidetzea.

i) Ikastetxe itunduen hezkuntza itunak berritu, aldatu eta sinatzeko prozesua prestatzea; matrikularen datuak eta bilakaera aztertzea, prozesu horretan inplikatutako zerbitzuek txostenak egin ondoren; itundu beharreko unitateak eta horien kostu ekonomikoa kalkulatzea; itundu beharreko unitateak interesdunei jakinaraztea; ikastetxeek egiten dituzten alegazioak kudeatzea eta ebaztea, itundutako unitateak berritu, aldatu eta sinatzeko ebazpena argitaratu aurretik.

j) Oinarrizko mailako heziketa zikloak eta curriculum egokituko programak emateko baimena duten irabazi-asmorik gabeko erakundeekin egiten diren hitzarmenak kudeatu eta izapidetzea.

k) Deialdien ordainketa espedienteak izapidetzea, hain zuzen ere, Inklusio, Berdintasun eta Bizikidetza Zerbitzuak ikastetxe itunduei hezkuntza laguntzako berariazko premiak dituzten ikasleak artatzeko profesionalak kontratatzeko zuzkidura ekonomikoa emateko egiten dituen deialdiena.

l) A ereduko ikastetxe itunduetan, Haur eta Lehen Hezkuntzan, euskara irakasten duten irakasleen eskola orduak onestea eta horien kostua kalkulatzea, bat etorriz Eleaniztasunaren eta Arte Ikasketen Zerbitzuaren txostenarekin.

m) Ikastetxe itunduetako, diruz lagundutako ikastetxeetako eta irabazi-asmorik gabeko erakundeekin hitzarmen bidez ezarritakoetako irakasleen titulazioak Educan baliozkotzea, Hezkuntzako Ikuskapen Zerbitzuak berrikusi ondotik.

n) Ikastetxeen Finantzaketaren Atalari dagozkion espedienteak egitea eta horiek interesdunei jakinaraztea.

o) Helburuak egoki betetzeko bere kudeaketa esparruan agintzen zaizkion gainerako eginkizunak.

46. artikulua. Ikastetxeentzako Ordainketen Plangintza eta Kontrol Bulegoa.

Ikastetxeentzako Ordainketen Plangintza eta Kontrol Bulegoak, Ikastetxeen Finantzaketaren Atalari atxikita dagoenak, eginkizun hauek izanen ditu:

a) Informazio egitura eguneratua izatea, egiten zaizkion kontsultei eta galderei buruzko datuak berehala lortzeko.

b) Aurrekontua ikastetxe publikoen artean funtzionamendu gastuen arabera banatzeko formula aztertu eta garatzea.

c) Ikastetxe itunduentzako funts publikoak kontrolatzea, eta ikuskatutako ikastetxeek aurkeztutako ziurtagirien euskarriak eta justifikazioak berrikustea, zerbitzuak urtero zehazten duen laginaren arabera. Halaber, ikastetxe horiek jasotako funts publikoak itzultzen badituzte, dagokion espedientea izapidetzea.

d) Irabazi-asmorik gabeko erakundeentzako funts publikoak kontrolatzea, eta erakunde horiekin hitzartutako ordainketak egin ahal izateko aurkeztutako euskarriak eta justifikazioak berrikustea.

e) Ikastetxeen Finantzaketaren Atalaren dirulaguntzak jaso dituzten ikastetxe itunduek aurkeztutako justifikazioak kontrolatzea.

f) Eskola Kontseiluak funtzionamendu gastuak direla-eta jasotako kopuruaren justifikazioa kontrolatzea.

g) Irakaskuntza publikoko ikasleei zuzendutako hezkuntza jarduerengatik entitate publikoei dirulaguntzak ordaintzeko espedienteetara bideratutako funts publikoak kontrolatzea.

h) Udal titulartasuneko Derrigorrezko Bigarren Hezkuntzako institutuen garbiketa eta zaintza gastuak eta kontserbazio eta mantentze gastuak finantzatzeari dagozkion espedienteetara bideratutako funts publikoak kontrolatzea.

i) Toki entitateekin beren instalazioak erabiltzeko sinatutako hitzarmenetara bideratutako funts publikoak kontrolatzea, ordaindu aurretik. Entitate horiek gastuen justifikazioa aurkeztu beharko dute.

j) Azterlan Ekonomikoen eta Ikastetxeen Finantzaketaren Zerbitzuari dagozkion aurrekontuko partiden betearazpenaren kontrola eta jarraipena egitea.

k) Balizko liberazio sindikalak direla-eta Hezkuntza Departamentuak ordaindu behar dituen ordezkapenak zehaztuko dituzten espedienteak egitea Nafarroako irakaskuntza itunduaren sektorean.

l) Azterlan Ekonomikoen eta Ikastetxeen Finantzaketaren Zerbitzuaren kudeaketa orokorra erraztuko duten tresna informatikoak ezartzea eta haien jarraipena egitea.

m) Helburuak egoki betetzeko bere kudeaketa esparruan agintzen zaizkion gainerako eginkizunak.

4. ATALA. Hezkuntzako Azpiegituren Zerbitzua

47. artikulua. Eraikuntza Bulegoa.

Eraikuntza Bulegoak, Obren Atalari atxikita dagoenak, eginkizun hauek izanen ditu:

a) Hezkuntza Departamentuaren obra espedienteak kudeatzea.

b) Obra Atalaren obra eta zerbitzu kontratuak izapidetzea.

c) Hezkuntzaren arloko obretarako dirulaguntzen deialdiak izapidetzea.

d) Obra, hornidura, ekipamendu eta laguntza teknikoko kontratuak arautu behar dituzten klausulak erregistratzea.

e) Ekipamenduaz arduratzen den unitatearekin, obra bukatutakoan behar diren altzari, ekipo eta bestelako beharrak koordinatzea.

f) Obren espedienteak eta adjudikazioak argitaratzeko lanak kudeatzea.

g) Bere kudeaketa esparruan, udalekin egiten dituen lankidetza hitzarmenak izapidetzea.

h) Helburuak egoki betetzeko bere kudeaketa esparruan agintzen zaizkion gainerako eginkizunak.

48. artikulua. Erosketa Bulegoa.

Erosketa Bulegoak, Obra Atalari atxikita dagoenak, eginkizun hauek izanen ditu:

a) Foru Komunitatearen eskola ekipamenduaren premiak erregistratzea, bai eta Hezkuntza Departamentuaren bulegoetakoak ere, salbu eta Lanbide Heziketako ikastetxeen berariazko ekipamendua, eta ekipamendu teknologiko eta informatikoa.

b) Foru Komunitateko ikastetxeetako eta departamentuko bulegoetako ekipamenduan egiten diren inbertsioak koordinatu eta izapidetzea, salbu eta Lanbide Heziketako ikastetxeen berariazko ekipamenduan eta ekipamendu teknologiko eta informatikoan egiten direnak.

c) Foru Komunitateko ikastetxeetako eta Hezkuntza Departamentuko lokal eta instalazioetako urteroko ekipamendu plana antolatzea.

d) Ikastetxeetako ekipamendua eta Hezkuntza Departamentuko lokal eta instalazioetako orotariko ekipamenduaren erosketa kudeatzea.

e) Fitxa teknikoen katalogoa prestatzea, eta eskolak eta, oro har, departamentuko bulegoak hornitzeko erosten diren gaien ezaugarriak zehaztea.

f) Ikastetxe bakoitzean dauden baliabideak erabiltzen eta egokitzen laguntzea, eta, horretarako, aurrekontuak prestatzea eta behar diren kudeaketak egitea, arlo bakoitzeko irakasle eta espezialistekin elkarlanean.

g) Erositako ekipamendua jaso eta martxan jartzeko prozesua kontrolatzea, eta bidezko diren erreklamazioak egitea.

h) Departamentuko biltegi nagusiko altzariak eta ekipamendua antolatu eta kontrolatzea, eta, orobat, soberako eskola materiala berreskuratu, konpondu eta, eskola sistemaren premien arabera, banatzea.

i) Helburuak egoki betetzeko bere kudeaketa esparruan agintzen zaizkion gainerako eginkizunak.

49. artikulua. Mantentzelanen Bulegoa.

Mantentze-lanen Bulegoak, Egoitzen eta Ikastetxeen Mantentze-lanetarako Atalari atxikita dagoenak, eginkizun hauek izanen ditu:

a) Hezkuntza Departamentuko Egoitzen eta Ikastetxeen Mantentze-lanetarako Atalaren obra, zerbitzu eta mantentze-lanen kontratuak izapidetzea.

b) Ikastetxe berriak eraikitzeko obren proiektuak izapidetzea, Obren Atalarekin koordinatuta.

c) Erosketa Bulegoarekin batera, arriskuren bat dakarten erosketetako segurtasunari buruz indarrean diren arauak betetzen direla begiratzea.

d) Nafarroako Gobernuaren eta departamentuaren ikastetxeen garbiketa kontratuak kudeatzea, bai eta haiek betetzen direla zaintzea ere.

e) Ikastetxeetako mantentze-lanak kudeatzea eta presakoak direnez arduratzea.

f) Helburuak egoki betetzeko bere kudeaketa esparruan agintzen zaizkion gainerako eginkizunak.

50. artikulua. Instalazioen eta Ekipoen Bulegoa.

Instalazioen eta Ekipoen Bulegoak, Egoitzen eta Ikastetxeen Mantentze-lanetarako Atalari atxikita dagoenak, eginkizun hauek izanen ditu:

a) Era guztietako instalazioetan segurtasun arauak betetzen direla zaintzea.

b) Ikastetxeetako instalazioak ikuskatzea, udalenak barne, eta bidezko diren txostenak egitea.

c) Igogailuetako instalazioen, berokuntzaren, jantokien, suteetarako instalazioen eta abarren mantentze-lanetarako laguntza teknikoko kontratuen arauketa kudeatzea.

d) Telekomunikazioetako arduradunekin batera, telefonoguneetako instalazioak, sare informatikoko kableak eta abar kontrolatu eta koordinatzea.

e) Helburuak egoki betetzeko bere kudeaketa esparruan agintzen zaizkion gainerako eginkizunak.

V. KAPITULUA. IDAZKARITZA TEKNIKO NAGUSIA

51. artikulua. Laguntza Juridikoaren Bulegoa.

Laguntza Juridikoaren Bulegoak, Araubide Juridikoaren Atalari atxikita dagoenak, eginkizun hauek izanen ditu:

a) Hezkuntza Departamentuko unitate organikoei sostengu eta laguntza juridikoa ematea.

b) Esleitzen zaizkion administrazio espedienteen gaineko txosten juridikoak egitea.

c) Atxikita dagoen atalak emandako jarraibideen arabera, zerbitzu juridikoen txostena behar duten espedienteak egoki izapidetzen direla begiratu eta koordinatzea.

d) Departamentuko zerbitzuek proposatutako administrazio espedienteak izapidetzea.

e) Idazkaritza Tekniko Nagusiko gainerako organoekin lankidetzan arituz, kontseilariak Nafarroako Gobernuari igortzen dizkion departamentuko gaien espedienteak izapidetzea.

f) Auzitegiek eskatzen dituzten espedienteen igorpenak prestatzea.

g) Helburuak egoki betetzeko bere kudeaketa esparruan agintzen zaizkion gainerako eginkizunak.

52. artikulua. Erregistro Bulegoa.

Erregistro Bulegoak, Kudeaketa Juridiko-administratiboaren Atalari atxikita dagoenak, eginkizun hauek izanen ditu:

a) Administrazio Prozedura Erkideari buruzko urriaren 1eko 39/2015 Legean erregistro kontuetan laguntza emateko bulegoentzat aurreikusitako eginkizun guztiak.

b) Paperean sartzen diren dokumentuak digitalizatzea izapideak elektronikoki egitera behartuta ez daudenentzat.

c) Baliabide elektronikoak erabiltzen laguntzea oro har, hau da, laguntza eta informazioa ematea honako hauekin lotuta: identifikazioa eta sinadura elektronikoa, horretarako dauden baliabideak eta erabilera moduak. Aurrez aurre eta telefono bidez.

d) Ziurtagiri digitalak eta identifikazioko edo sinadura elektronikoko beste sistema batzuk egitea.

e) Dokumentuak jasotzea eta horien tratamendua egitea erregistro sisteman.

f) Hezkuntza Departamentuak emandako tituluak konpultsatu eta ezarritako tasak kobratzea.

g) Indarra duten xedapenek ematen dizkioten gainerako eginkizunak eta aurrekoekin zerikusia duen edo haien ondoriozkoa den beste edozein.

h) Helburuak egoki betetzeko bere kudeaketa esparruan agintzen zaizkion gainerako eginkizunak.

53. artikulua. Kontabilitatearen Kudeaketarako Bulegoa.

Kontabilitatearen Kudeaketarako Bulegoak, Aurrekontuen eta Kudeaketa Ekonomikoaren Atalari atxikita dagoenak, eginkizun hauek izanen ditu:

a) Hezkuntza Departamentuari dagozkion diru-sarreren eta gastuen espedienteak kontrolatu eta kontabilizatzea, eta haien jarraipena egitea.

b) Justifikatu beharreko funts aurrerakinen kontuak koordinatu eta kontrolatzea, eta haien jarraipena egitea.

c) Aktibo finkoen modulua eguneratzea.

d) Helburuak egoki betetzeko bere kudeaketa esparruan agintzen zaizkion gainerako eginkizunak.

54. artikulua. Ikastetxeei Laguntzeko eta Aurrekontua Kudeatzeko Bulegoa.

Ikastetxeei Laguntzeko eta Aurrekontua Kudeatzeko Bulegoak, Aurrekontuen eta Kudeaketa Ekonomikoaren Atalari atxikita dagoenak, eginkizun hauek izanen ditu:

a) Ikastetxeei aholku ematea ekonomiaren eta kontabilitatearen arloan.

b) Ikastetxe publikoek kudeaketa ekonomikoaren arloan indarrean dagoen araudia betetzen duten zaintzea.

c) Ikastetxe publikoei prestakuntza ematea ekonomiaren eta kontabilitatearen arloan.

d) Ikastetxeen kontu korronteen ahalordetzeak kudeatzea.

e) Ikastetxeen kontabilitate kudeaketa erraztuko duten tresna informatikoak garatzea proposatu eta bultzatzea.

f) Ikastetxe publikoen kontabilitate informazioa kudeatu eta ustiatzea.

g) Aurrekontu kudeaketaren eta betearazpenaren jarraipena eta kontrola egitea, eta, aldian behin, haien gaineko txostenak egitea.

h) Hezkuntza Departamentuko unitateek proposatzen dituzten aurrekontu aldaketak izapidetzea.

i) Erakundeekin batera lan egitea, Hezkuntza Departamentuaren arlo ekonomikoko datu estatistikoak egiteko.

j) Helburuak egoki betetzeko bere kudeaketa esparruan agintzen zaizkion gainerako eginkizunak.

Lehen xedapen gehigarria. Izendapenak.

Foru agindu honetan ezarritako egituraren arabera izen bera duten burutzetako titularren izendapenak berresten dira.

Era berean, honako izendapen hauek berresten dira, egin ziren baldintza berberetan:

- 0-3 urteko Haurren Bulegoko buruarena, izena aldatu eta hemendik aurrera Haur Eskolen Bulegoko burua izanen baita.

- Lanbide Heziketa Berriztatzeko Bulegoko buruarena, izena aldatu eta hemendik aurrera Lanbide Heziketaren Ekipamendu eta Instalazioen Bulegoko burua izanen baita.

- Kualifikazio Sistemaren Kalitate eta Jarraipenerako Bulegoko buruarena, izena aldatu eta hemendik aurrera Curriculum Garapenaren eta Akreditazio Profesionalen Bulegoko burua izanen baita.

- Koordinazioaren, Modernizazioaren eta Atarien Bulegoko buruarena, izena aldatu eta hemendik aurrera Ikasnova Zerbitzuen Arretarako Bulegoko burua izanen baita.

- Langileriaren Plantillaren Bulegoko buruarena, izena aldatu eta hemendik aurrera Plantilla eta Egitura Kontrolaren Bulegoko burua izanen baita.

- Ikastetxeak Finantzatzeko Bulegoko buruarena, izena aldatu eta hemendik aurrera Finantzaketa Bulegoko burua izanen baita.

- Kudeaketa Ekonomikoaren Bulegoko buruarena, izena aldatu eta hemendik aurrera Kontabilitatearen Kudeaketarako Bulegoko burua izanen baita.

- Ikastetxeen Jarduera Ekonomikoari Laguntzeko eta Aurrekontu Kontrolerako Bulegoko buruarena, izena aldatu eta hemendik aurrera Ikastetxeei Laguntzeko eta Aurrekontua Kudeatzeko Bulegoko burua izanen baita.

Bigarren xedapen gehigarria. Bulegoak kentzea.

Bulego hauek kentzen dira:

- EGAren Bulegoa.

- Europako Proiektuen Bulegoa.

- Enpresako Lanbide Heziketaren eta Etengabeko Prestakuntzaren Bulegoa.

- Hezkuntza Zuzendaritza Nagusiko Informazio Sistemen Bulegoa.

- Unibertsitateen eta Hezkuntza Baliabideen Zuzendaritza Nagusiko Informazio Sistemen Bulegoa.

- Kontrol Administratiboaren eta Langileriaren Araubidearen Bulegoa.

Xedapen indargabetzaile bakarra. Arauak indargabetzea.

Indarrik gabe uzten da Hezkuntzako kontseilariaren otsailaren 3ko 9/2017 Foru Agindua, Hezkuntza Departamentuko bulegoen atxikipena eta eginkizunak ezartzen dituena.

Azken xedapen bakarra. Indarra hartzea.

Foru agindu honek Nafarroako Aldizkari Ofizialean argitaratu eta biharamunean hartuko du indarra.

Gobierno de Navarra

Contacte con nosotros | Accesibilidad | Aviso legal | Mapa web