(ir al contenido)

navarra.es

Castellano | Euskara | Français | English

LEXNAVARRA

Versión en castellano

16/2025 FORU LEGEA, ABENDUAREN 22KOA, 2026RAKO NAFARROAKO AURREKONTU OROKORREI BURUZKOA

BON N.º 260 - 31/12/2025; corr. err., BON 5/02/2026

  I. TITULUA. KREDITUAK ETA HORIEN ALDAKETAK

  I. KAPITULUA. HASIERAKO KREDITUAK ETA HAIEN FINANTZAKETA

  II. KAPITULUA. AURREKONTUKREDITUEN ALDAKETA

  II. TITULUA. LANGILERIAGASTUAK

  I. KAPITULUA. JARDUNEKO LANGILEEN ORDAINSARIAK

  II. KAPITULUA. NAFARROAKO ADMINISTRAZIO PUBLIKOEN MONTEPIOETAKO FUNTZIONARIOEN ESKUBIDE PASIBOAK

  III. KAPITULUA. IRAKASLEEN ORDAINSARIAK

  IV. KAPITULUA. OSASUNBIDEANAFARROAKO OSASUN ZERBITZUKO ETA NAFARROAKO OSASUN PUBLIKOAREN ETA LAN OSASUNAREN INSTITUTUKO LANGILEEN ORDAINSARIAK

  V. KAPITULUA. BESTE XEDAPEN BATZUK

  III. TITULUA. FINANTZAERAGIKETAK

  I. KAPITULUA. ABALAK ETA MAILEGUAK EMATEA

  II. KAPITULUA. ZORPETZEA

  IV. TITULUA. TOKIENTITATEAK

  V. TITULUA. AURREKONTUEN KUDEAKETA

  I ERANSKINA.

  II ERANSKINA. HEZKUNTZAMAILETAKO URTEKO MODULUAK ETA RATIOAK 2026

  III ERANSKINA. 2026KO INBERTSIO PROGRAMA

Eranskina

NAFARROAKO FORU KOMUNITATEKO LEHENDAKARIA NAIZEN HONEK.

Aditzera ematen dut Nafarroako Parlamentuak onetsi duela honako:

2026RAKO NAFARROAKO AURREKONTU OROKORREI BURUZKO FORU LEGEA.

I. TITULUA. KREDITUAK ETA HORIEN ALDAKETAK

I. KAPITULUA. HASIERAKO KREDITUAK ETA HAIEN FINANTZAKETA

1. artikulua. Nafarroako Aurrekontu Orokorren eremua.

1. Onetsi egiten dira 2026rako Nafarroako Aurrekontu Orokorrak. Atal hauek dituzte:

a) Nafarroako Parlamentuaren, Kontuen Ganberaren eta Arartekoaren erakundearen aurrekontua.

b) Foru Komunitateko Administrazioaren eta haren erakunde autonomoen aurrekontua.

c) Nafarroako Kontseiluaren aurrekontua.

d) Foru Komunitateko fundazio publikoen aurrekontuak.

e) Foru Komunitateko sozietate publikoen aurrekontuak.

f) Nafarroako Unibertsitate Publikoaren aurrekontu zenbatetsia eta finantzaketa.

g) Jardunbide Egokien Aldeko eta Ustelkeriaren Aurkako Bulegoaren aurrekontua.

2. Halaber jasotzen da Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoaren aplikazio-eremuan dauden beste subjektu eta entitate batzuen aurrekontuei buruzko informazioa, lege organiko horren 6.1 artikuluan ezarritakoarekin bat.

2. artikulua. Kredituen eta eskubide ekonomikoen zenbatekoa.

1. Aurreko artikuluan aipatutako aurrekontuetako gastuen egoera-orrietan sartuta dauden programak betetze aldera, zenbateko bateratua 6.741.514.953 eurokoa duten kredituak onesten dira. Horien xehakapena, kapitulu ekonomikoen araberakoa, foru lege honen I. eranskinean ageri da.

2. Aurreko artikuluan aipatutako aurrekontuetako diru-sarreren egoera-orrietan jasotzen dira aurrekontu ekitaldian likidatu asmo diren eskubide ekonomikoen zenbatespenak, zeinek zenbateko bateratua 6.741.514.953 eurokoa baitute. Horien xehakapena, kapitulu ekonomikoen araberakoa, foru lege honen I. eranskinean ageri da.

3. Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoaren 30. artikuluan ezartzen denarekin bat, gastu ez-finantzarioaren muga 5.041.659.452 euroan ezartzen da, emaitza horretara iritsita diru-sarrera ez finantzarioak, kontabilitate nazionalaren doikuntzak eta defizit-muga batuz, behin Toki Ogasunen Funtsa eta Estatuarentzako diru-ekarpena deskontatu ondoren.

II. KAPITULUA. AURREKONTU-KREDITUEN ALDAKETA

3. artikulua. Aurrekontukredituen aldaketa eta aurrekontumugimenduak.

1. Aurrekontu-kredituen aldaketak Nafarroako Ogasun Publikoari buruzko apirilaren 4ko 13/2007 Foru Legeko aginduen araberakoak izanen dira, foru lege honek agindu horiek aldatzen ez dituen heinean.

2. Zilegi izanen da partiden arteko funts-mugimenduak egitea, baldin eta partida horietan helburu bererako kredituak agertzen badira, partida horiek halere desberdinak izanda, hain zuzen Europar Batasunak, gastuak hein batean hark kofinantzatuak direnean, hori agintzearen ondorioz, gastuen zertarakoa hobeki kontrolatua izate aldera. Mugimendu horiek ez dira aurrekontu-aldaketatzat hartuko.

Partida zer departamenturi dagokion, departamentu horren titularrak izanen du funts-mugimendu horiek baimentzeko eskumena.

4. artikulua. Europar Batasuneko programen aurrekontualdaketak.

1. Ekonomia eta Ogasuneko kontseilariak proposatuta, eta Enpresen Sustapenerako eta Azpiegituretako zuzendari nagusiak txostena egin ondoren, Nafarroako Gobernuak zilegi izanen du aurrekontu-aldaketak baimentzea, beharrezkoak direnean Europar Batasunak kofinantzatutako programak eta proiektuak ekitaldian zehar ahalik eta hobekien betetzeko, Batzordeak hasierako dokumentuan onetsitakoari edo segimendu-lantaldeek nahiz Batzordeak berak geroago egindako aldaketei jarraikiz. Aurrekontu-aldaketak gastuen egoera-orrietan agertzen diren edozein motatako kredituen bidez finantzatu beharko dira.

2. Kreditu-aldaketa batek zuzeneko eragina badu Europar Batasunak kofinantzatzen dituen proiektuak biltzen dituzten partidetan, aldez aurretik Enpresen Sustapenerako eta Azpiegituretako Zuzendaritza Nagusiaren txostena beharko da. Salbuetsita uzten dira Landa Garapenerako Europako Nekazaritza Funtsak (LGENF) kofinantzatutako kredituei eragiten dieten aldaketak.

5. artikulua. Kredituhanditzeak.

1. Nafarroako Ogasun Publikoari buruzko apirilaren 4ko 13/2007 Foru Legearen 47. artikuluaren 1. apartatuaren a) letratik g) letrara bitartekoetan aipatutako kredituez gain, handigarritzat joko dira, 2026ko ekitaldiari dagokionez, terrorismoaren edo indarreko legedian jasotako motibazio politikoko ekintzen biktimentzako aintzatespen eta erreparaziorako onets litezkeen kalte-ordain, dirulaguntza eta maileguak emateko lehendik badauden partida guztiak edo ekitaldian zehar horretarako sortu beharreko suertatzen direnak, bai eta Gizarte Segurantzarako kotizazioen ordainketara bideratuta dauden partida guztiak ere.

2. Gainera, handigarritzat joko dira, 2026ko ekitaldiari dagokionez, Osasunbidea-Nafarroako Osasun Zerbitzuko itxarote-zerrendak murrizteko neurriak finantzatzeko lehendik badauden partida guztiak edo ekitaldian zehar horretarako sortu beharreko suertatzen direnak, are Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura ez dagoenean ere. "Itxarote-zerrendak" esamoldea agertu beharko da partida horien izenburuan.

3. Era berean, 2026. ekitaldirako handigarritzat joko dira foru lege honen 80. artikuluan aipatzen diren 2025eko inbertsio-programako inbertsioak finantzatzeko lehendik badauden partida guztiak edo aipatu helburuetara bideratuta ekitaldian zehar sortu beharreko suertatzen direnak, are Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura ez dagoenean ere. Partida horien izenean "PRIN25" aipamena jasoko da.

4. Aurrekoez gainera, honako hauek ere handigarritzat joko dira:

4.1. Ekonomia eta Ogasun Departamentuko partida hauek:

a) 100000-10000-4709-441100 partida, "AUDENASA. Merkataritza-politika" izenekoa.

b) 114001-13100-3101-923700 partida, "Kredituen interesak eta komisioak" izenekoa.

c) 114001-13100-3509-923700 partida, "Kontu korronte eta antzekoetako saldoengatiko ordainsaria" izenekoa.

d) 111002-11300-6002-923100 partida, "Lurrak eta natur ondasunak" izenekoa.

e) 111002-11300-6003-923100 partida, "Eraispenak" izenekoa.

f) 111002-11300-6020-923100 partida, "Instalazio berriko eraikinak eta obrak, eta ondare higiezina zaharberritzea" izenekoa.

g) 155005-17800-3501-932100 partida, "Berandutze-interesak sarrera bidegabeen eta zergen itzulketetan" izenekoa.

4.2. Lurralde Kohesiorako Departamentuko partida hauek:

a) 210001-21100-4609-942300 partida, "Toki-entitateentzako konpentsazioa toki-tributuetako hobariengatik" izenekoa.

b) 220000-22000-6010-453300 partida, "Prezio-berrikuspena" izenekoa.

c) 220003-22200-2090-453200 partida, "Iruña-Logroño A-12 autobiaren kanona" izenekoa.

d) 220003-22200-2090-453202 partida, "Pirinioetako A-21 autobiaren kanona" izenekoa.

e) 220004-22100-4700-452100 partida, "Nafarroako Ubidearen ureztaketen kanona. Handitzearen 1. fasea" izenekoa.

4.3. Hezkuntza Departamentuko partidok:

a) 400000-41000-1220-322000 partida, "Aldi baterako kontratudun langileen ordainsariak" izenekoa.

b) 400000-41000-1800-322000 partida, "Zerbitzuen onarpenak, osagarri berriak, gradua, antzinatasuna, eszedentzian egondakoen itzultzeak eta beste batzuk" izenekoa.

c) 400000-41000-1810-322000 partida, "Langileen ordainsariak, aurreko ekitaldietakoak" izenekoa.

d) 400000-41000-1820-322000 partida, "Epaiak betearaztea, kalte-ordainak eta egonkortzeagatiko konpentsazioa" izenekoa.

e) 410003 proiektukoak, "Irakaskuntza pribatu itundurako eta parekaturako dirulaguntzak" (kode ekonomikoa: 4811).

f) 430005-43500-2210-324100 partida, "Jantokiak" izenekoa.

g) 430005-43500-2230-324100 partida, "Eskola-garraioa" izenekoa.

h) 430005-43500-2230-324102 partida, "Hezkuntza bereziko eskola-garraioa" izenekoa.

i) 430005-43500-4800-324100 partida, "Eskola-garraiorako banakako laguntzak" izenekoa.

j) 430005-43500-4800-324102 partida, "Jantokietarako banakako laguntzak" izenekoa.

k) 420006-42600-4800-322E00 partida, "Lanbide Heziketako ikasleen praktikak: Gizarte Segurantza" izenekoa.

4.4. Osasun Departamentuko partida hauek:

a) 540000-52000-1810-311100 partida, "Langileen ordainsariak, aurreko ekitaldietakoak" izenekoa.

b) 540000-52000-1820-311100 partida, "Epaiak betearaztea, kalte-ordainak eta egonkortzeagatiko konpentsazioa" izenekoa.

c) 54. programa-taldekoak, artikulu honetako 2. apartatuan aipatutakoak izan ezik, honako kode ekonomiko hauei dagozkienak: 2210, 2213, 2214, 2215, 2216, 2286, 2287 eta 2500; bai eta 52. programa-taldearen barruan 2215 kode ekonomikoari dagozkionak ere.

d) 540002-52833-2231-311103 partida, "Enkargua BIDEAN sozietateari. Osasun-garraioa" izenekoa.

e) 540002-52833-4809-311104 partida, "Protesiak, ortesiak eta desgaitasuna dutenentzako ibilgailuak" izenekoa.

f) 540005-52831-4809-313100 partida, "Farmazia-prestazioak" izenekoa.

g) 540005-52831-4809-313102 partida, "Xurgatzaileak eta beste produktu sanitario batzuk" izenekoa.

h) 540005-52831-4809-313103 partida, "Farmazia-prestazioak-koordainketa arautzea" izenekoa.

i) 543000-52200-6057-312802 partida, "Kirurgia-tresnak" izenekoa.

j) 543004-52214-2276-312700 partida, "Plasma zatitzeko lanak, farmakoak ekoizteko" izenekoa.

k) 545000-52400-6057-312803 partida, "Kirurgia-tresnak" izenekoa.

l) 546000 52500 6057 312803 partida, "Kirurgia-tresnak" izenekoa.

4.5. Landa Garapeneko eta Ingurumeneko Departamentuko partida hauek:

a) 710004-71300-2218-412200 partida, "Albaitaritzako produktuak" izenekoa.

b) 710004-71300-2279-412205 partida, "Larrialdiko txertaketa ofizialak" izenekoa.

c) 710004-71300-7700-412200 partida, "Kalte-ordaina abereak epizootien ondorioz hil behar izateagatik" izenekoa.

d) 710006-71500-4700-414100 partida, "Nafarroako Ubidearen bidezko ureztaketen kanona" izenekoa.

4.6. Eskubide Sozialetako, Ekonomia Sozialeko eta Enpleguko Departamentuko partida hauek:

a) 2600 kode ekonomikokoak, 901003, 920005, 920006 eta 920008 proiektuetan daudenak, Gizarte Zerbitzuei buruzko abenduaren 14ko 15/2006 Foru Legean aurreikusitako gizarte zerbitzu orokorren zorroa onetsi zuen ekainaren 17ko 69/2008 Foru Dekretuan ezarritako prestazio bermatuak finantzatzeko direnak, salbu eta FSE+ funtsaren bidez kofinantzatutako partidak.

b) 901002-91100-4809-212100 partida, "Kotizazio gabeko pentsioak" izenekoa.

c) 901002-91100-4809-231500 partida, "Errenta bermatua" izenekoa.

d) 901002-91100-4809-231505 partida, "Bizitzeko gutxieneko errenta" izenekoa.

e) 901003-91600-4609-231500 partida, "Etxerik gabeko pertsonentzako harrera-zerbitzua eta etxegabeentzako gizarte-laguntzako beste programa batzuk" izenekoa.

f) 920004-93200-4809-231B00 partida, "Zerbitzuari lotutako laguntzak" izenekoa.

g) 920004-93200-4809-231B02 partida, "Zerbitzu pertsonalei erantzuteko laguntzak" izenekoa.

h) 920008-93300-4809-231700 partida, "Babes sistemako gazteen autonomiarako baliabideak" izenekoa.

i) 920008-93300-4809-231702 partida, "Familientzako prestazio ekonomikoak" izenekoa.

j) 920008-93300-4809-231704 partida, "Kanpoko zentroetako haurren kuotak" izenekoa.

k) 950001-96100-4709-241109 partida, "Enplegu-zentro berezietarako laguntzak" izenekoa.

4.7. Kultura, Kirol eta Turismo Departamentuko honako partida hau:

a) A20003-A2300-6056-333100 partida, "Kultura-ondasunak eskuratzea" izenekoa.

4.8. Lehendakaritzako, Funtzio Publikoko eta Justiziako Departamentuko partida hauek:

a) F20001-F2100-4819-112103 partida, "Doako laguntza juridikoa" izenekoa.

b) F30001-F3100-1001-921400 partida, "Lehendakari ohi, kontseilari ohi eta Nafarroako Gobernuko beste goi-kargudun batzuentzako prestazioak" izenekoa.

c) F30001-F3100-1620-921400 partida, "Langile-arloko erabakiak aplikatzeko funtsa" izenekoa.

d) F30001-F3100-1800-921400 partida, "Zerbitzuen onarpenak, osagarri berriak, gradua, antzinatasuna, eszedentzian egondakoen itzultzeak eta beste batzuk" izenekoa.

e) F30001-F3100-1800-921402 partida, "Ordainsari-igoera" izenekoa.

f) F30001-F3100-1810-921400 partida, "Langileen ordainsariak, aurreko ekitaldietakoak" izenekoa.

g) F30001-F3100-1820-921400 partida, "Epaiak betearaztea, kalte-ordainak eta egonkortzeagatiko konpentsazioa" izenekoa.

h) F40002-F4600-2140-921800 partida, "Ibilgailuen eta makineriaren konponketak eta mantentze-lanak" izenekoa.

i) F40002-F4600-2281-921800 partida, "Erregaiak eta lubrifikatzaileak" izenekoa.

j) F41000-F4100-2274-132103 partida, "Genero indarkeriatik babesteko segurtasun zerbitzuak" izenekoa.

II. TITULUA. LANGILERIA-GASTUAK

I. KAPITULUA. JARDUNEKO LANGILEEN ORDAINSARIAK

6. artikulua. Nafarroako Administrazio Publikoetako funtzionarioen eta estatutupeko langileen ordainsariak.

1. 2026ko urtarrilaren 1etik aurrerako ondorioekin, Nafarroako Administrazio Publikoen zerbitzura diharduten funtzionarioen eta estatutupeko langileen ordainsariek gehikuntza izanen dute; hain zuzen ere, Estatuko legediak sektore publikoaren zerbitzupeko langileentzat 2026rako ezartzen duen gehieneko gehikuntza globala. Horrek ez du ezertan galaraziko beharrezkoak diren ordainsari-doikuntzak egitea, halatan ziurtatzeko ezen lanpostu bakoitzari esleitutakoek behar bezalako zerikusia daukatela lanpostu horren edukiaren zailtasun tekniko bereziarekin, dedikazioarekin, erantzukizunarekin, arriskugarritasunarekin edo nekagarritasunarekin.

2. Maila bakoitzaren hasierako soldatak urteko zenbateko hau izanen du 2026an:

MAILAURTEKO ZENBATEKOA, EUROTAN
A30.395,26
B25.570,58
C21.211,82
D18.473,56
E16.249,66

7. artikulua. Nafarroako administrazio publikoetako langile lankontratudunen ordainsariak.

1. 2026ko urtarrilaren 1etik aurrerako ondorioekin, Nafarroako Foru Komunitateko Administrazioaren eta haren erakunde autonomoen zerbitzupeko langile lan-kontratudunen ordainsariak izanen dira foru lege honek funtzionarioentzat finkatutako irizpideei jarraikiz kasuko hitzarmen kolektiboan zehazten direnak.

2. Nafarroako gainerako administrazio publikoen zerbitzupeko langile lan-kontratudunen kasuan, haien ordainsariak izanen dira foru lege honetan funtzionarioentzat ezarritako irizpideei jarraikiz administrazio publiko bakoitzak bere aurrekontuetan ezartzen dituenak.

8. artikulua. Nafarroako Foru Komunitateko Administrazioko eta haren erakunde autonomoetako izendapen libreko zuzendaritzakarguen ordainsariak.

1. Nafarroako Foru Komunitateko Administrazioko zerbitzuetako zuzendariek, bai eta haren erakunde autonomoetako zuzendari izan eta haiekin parekatuta dauden zuzendariek ere, 60.713,38 euroko ordainsariak izanen dituzte 2026an, hamalau hileko ordainketatan banatuta, araudi indardunaren arabera legozkiekeen gradu, antzinatasun eta familia-laguntzako ordainsari pertsonalak jasotzeaz gainera, bai eta beren jatorrizko izendapenagatik edo beren zerbitzu-ematearen baldintza bereziengatik plantilla organikoan berariaz esleituta leuzkaketen ordainsari osagarriak ere, kontuan hartu gabe lanpostuko osagarriaren jatorrizko portzentajea, dagokion oroharreko ordainsariaren hasierako kalkuluan sartutakoa.

Zerbitzuetako zuzendariek erabateko prestasunez eta dedikazio osoz eginen dute beren lana.

2. Osasunbidea-Nafarroako Osasun Zerbitzuko eta Nafarroako Osasun Publikoaren eta Lan Osasunaren Institutuko izendapen libreko zuzendaritza-karguen ordainsariek ondotik zehazten diren zenbatekoak izanen dituzte 2026an, hamalau hileko ordainketatan banatuta, araudi indardunaren arabera legozkiekeen gradu, antzinatasun eta familia-laguntzaren ordainsari pertsonalak jasotzeaz gainera:

a) Zerbitzu-burutza ez-asistentzialak: 60.713,38 euro.

b) Nafarroako Odol eta Ehun Bankuko Zuzendaritza: 66.820,88 euro.

Baldin eta Osasunbidea-Nafarroako Osasun Zerbitzuko eta Nafarroako Osasun Publikoaren eta Lan Osasunaren Institutuko zuzendari horietakoren bat gaur egun zenbateko handiagoa jasotzen ari bada artikulu honetan ezarritakoa baino, aldea adinako ordain pertsonal bat emanen zaio kargu horretan diharduen bitartean.

3. Nafarroako Foru Komunitateko Administrazioan eta haren erakunde autonomoetan zuzendaritza-karguetan aritzen diren izendapen libreko langileen ordainsariek 6. artikuluan xedatzen denaren aplikaziotik eratortzen den igoera bera izanen dute.

9. artikulua. Nafarroako Gobernuko kideen, Nafarroako Foru Komunitateko Administrazioko goikargudunen eta gainerako behinbehineko langileen ordainsariak.

1. Nafarroako Gobernua osatzen duten kideek, zuzendari nagusiek, erakunde, sozietate eta fundazio publikoetako zuzendaritza-kargudunek eta Nafarroako Foru Komunitateko Administrazioko gainerako behin-behineko langileek hurrengo apartatuetan zehazten diren ordainsariak jasoko dituzte 2026an.

2. Nafarroako Gobernuari eta Lehendakariari buruzko abenduaren 3ko 14/2004 Foru Legearen 35. eta 45. artikuluetan ezarritakoari jarraikiz, Nafarroako Gobernuko kideek, 2026. urtean, ondoren zehazten diren urteko ordainsariak izanen dituzte, hamalau hileko ordainketatan banatuta. Langile finkoei eta kontratudunei dagokienez, kasuan kasuko zerbitzu-harremanari aplikatu beharreko araudiaren arabera legozkiekeen gradu- eta/edo antzinatasun-ordainsariak ere jasoko dituzte:

- Nafarroako Gobernuko lehendakaria: 83.381,76 euro.

- Lehendakariordea, kontseilaria eta kontseilari-eleduna: 77.597,52 euro.

3. Lehendakariaren eta Nafarroako Gobernuko departamentuetako titularren kabineteetan goi-kargudun izaera duten langileek ondoren zehazten diren urteko ordainsariak izanen dituzte 2026. urtean, hamalau hileko ordainketatan banatuta. Langile finko eta kontratudunek zilegi dute kasuan kasuko zerbitzu-harremanari aplikatzekoa zaion araudiaren arabera legozkiekeen gradu- eta/edo antzinatasun-ordainsariak ere jasotzea:

- Lehendakariaren aholkularia: 66.487,82 euro.

- Kontseilarien kabineteburuak: 61.884,06 euro.

4. Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.4 artikuluan ezarritakoari jarraikiz, zuzendari nagusiek 66.487,82 euroko ordainsariak izanen dituzte 2026. urtean, hamalau hileko ordainketatan banatuta, langile finkoak eta kontratudunak izanez gero kasuan kasuko zerbitzu harremanari aplikatu beharreko araudiaren arabera legozkiekeen gradu- eta/edo antzinatasun-ordainsariez gainera.

5. Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 52.1 artikuluan ezarritakoari jarraikiz, erakunde publikoetako zuzendaritza-karguek ondotik zehazten diren ordainsariak izanen dituzte 2026. urtean, hamalau hileko ordainketatan banatuta, langile finkoak eta kontratudunak izanez gero kasuan kasuko zerbitzu-harremanari aplikatu beharreko araudiaren arabera legozkiekeen gradu- eta/edo antzinatasun-ordainsariez gainera:

a) Erakunde autonomo bateko zuzendari kudeatzailea, salbu eta ondoko b) letran xedatutakoa: 66.487,82 euro.

b) Osasunbidea-Nafarroako Osasun Zerbitzuko eta Nafarroako Foru Ogasuneko zuzendari kudeatzaileak: 102.727,10 euro.

c) Erakunde autonomo bateko zuzendariordea: 60.713,38 euro.

d) Osasunbidea-Nafarroako Osasun Zerbitzuko zuzendaritza-karguak:

- Oinarrizko Osasun Laguntzako kudeatzailea, Nafarroako Ospitale Unibertsitarioko kudeatzailea, Profesionalen zuzendaria, Kudeaketa Ekonomikoaren eta Zerbitzu Orokorren zuzendaria eta Eriari Osasun Laguntza emateko zuzendaria: 78.498,70 euro.

- Tuterako Osasun Barrutiko kudeatzailea, Lizarrako Osasun Barrutiko kudeatzailea eta Nafarroako Ospitale Unibertsitarioko zuzendari asistentziala: 68.612,04 euro.

- Osasun Mentaleko kudeatzailea, Nafarroako Ospitale Unibertsitarioko zuzendariorde asistentzialak, Tuterako Osasun Barrutiko zuzendari asistentziala, Oinarrizko Osasun Laguntzako Kudeatzailetzako Oinarrizko Osasun Laguntzako eta Laguntzaren Jarraitutasunerako zuzendariordeak eta Nafarroako Larrialdietako zuzendariorde eta Hil ala Biziko Larrialdiei Arreta emateko zuzendari teknikoa, eta osasun-barrutietako zuzendariordeak: 66.820,88 euro.

- Zerbitzu Zentraletako zuzendariordeak: 65.613,80 euro.

- Profesionalen zuzendaria, Kudeaketa Ekonomikoaren eta Zerbitzu Orokorren zuzendaria, Nafarroako Ospitale Unibertsitarioko Osasun Zainketen zuzendaria eta Oinarrizko Osasun Laguntzako Zainketen, Etxeko Arretaren, Arreta Soziosanitarioaren eta Ekintza Komunitarioen zuzendariordea, Langileriaren eta Lan Harremanen zuzendariordea, Administrazioaren, Zerbitzu Orokorren eta Trantsizio Ekologikoaren zuzendariordea, Nafarroako Ospitale Unibertsitarioko Kalitatearen, Prozesu Klinikoen eta Garapenaren zuzendariordea eta Nafarroako Osasun Publikoaren eta Lan Osasunaren Institutuko zuzendariordeak: 62.644,40 euro.

- Nafarroako Laguntza Soziosanitarioko Planaren koordinatzailea eta Nafarroako Ospitale Unibertsitarioko Osasun Zainketen zuzendariordeak: 56.761,46 euro.

6. Lehendakariaren eta Nafarroako Gobernua osatzen duten kideen kabineteetako gainontzeko behin-behineko langileek ondoren zehazten diren urteko ordainsariak izanen dituzte 2026. urtean, hamalau hileko ordainketatan banatuta, langile finkoak eta kontratudunak izanez gero kasuan kasuko zerbitzu-harremanari aplikatu beharrekoa den araudiaren arabera legozkiekeen gradu- eta/edo antzinatasun-ordainsariez gainera:

- Lehendakariaren idazkaria: 41.051,50 euro.

- Kontseilariaren idazkaria: 37.418,64 euro.

- Kabineteko laguntzailea: 32.773,86 euro.

7. Aurreko apartatuetan araututako behin-behineko langileetatik langile finko edo kontratudun ez direnek Nafarroako Administrazio Publikoetako funtzionarioentzat ezarrita dagoen antzinatasun-saria jasoko dute, eta horretarako kontuan hartuko da behin-behineko lanpostuetan lanean emandako denbora.

8. Nafarroako Enpresa Korporazio Publikoan sartuta dauden Nafarroako Foru Komunitateko Administrazioko sozietate publikoetako zuzendaritza-kideetatik goi-kargudun izaera dutenek ordainsari hauek izanen dituzte 2026an:

Zuzendari kudeatzaileentzat urteko oinarrizko soldata gordina 66.048,30 eurokoa izanen da, hamalau hileko ordainketatan banatuta. Urteko ordainsari hori doitu eginen da kudeatu beharreko enpresa publikoaren konplexutasunaren arabera, taula honi jarraikiz:

SOZIETATE-MOTAKONPLEXUTASUNAREN OSAGARRIAURTEKO OINARRIZKO SOLDATA GORDINA, (eurotan)
Dehuneko 066.048,30
Cehuneko 1072.653,11
Behuneko 3085.862,78
Aehuneko 55102.374,84

Sozietateen sailkapena, haien motaren araberakoa, Nafarroako Gobernuaren erabaki baten bidez ezarriko da.

9. Nafarroako Foru Komunitateko Administrazioaren fundazio publikoetako zuzendariek urteko ordainsari hauek izanen dituzte 2026an, hamalau hileko ordainketatan banatuta:

- Miguel Servet Fundazioa: 65.613,88 euro.

- Desgaitasuna duten Pertsonei Laguntza Emateko Nafarroako Fundazio Publikoa (FUNDAPA): 56.761,27 euro.

- Baluarte Fundazioa: 72.016,32 euro.

- Gizain Fundazioa: 66.487,96 euro.

- Miguel Induráin Fundazioa: 54.900,28 euro.

10. Nafarroako Gobernuko kide den inork, ez eta Nafarroako Foru Komunitateko gainerako goi-kargudunek ere, ez dute inolako entitate publiko edo pribaturengandik dieta pertsonalik jasoko administrazio kontseiluen nahiz kide anitzeko inolako organoren bileretara joateagatik. Egiten duten ordezkaritzagatik dietarik jasotzen badute, ordaintzaile den sozietate edo erakundeak dirua zuzenean sartuko du Nafarroako Foru Komunitateko Administrazioaren kasuan kasuko aurrekontu- edo sozietate-kontuan.

11. Nafarroako Gobernua osatzen duten kideen, Nafarroako Foru Komunitateko Administrazioko goi-kargudunen eta gainerako behin-behineko langileen ordainsariek 6. artikuluan xedatzen denaren aplikaziotik eratorritako igoera bera izanen dute.

II. KAPITULUA. NAFARROAKO ADMINISTRAZIO PUBLIKOEN MONTEPIOETAKO FUNTZIONARIOEN ESKUBIDE PASIBOAK

10. artikulua. Nafarroako administrazio publikoen montepioetako funtzionarioen klase pasiboen pentsioak eguneratzea.

1. 2026ko urtarrilaren 1etik aurrerako ondorioekin, pentsio publikoek urte horretan duten igoera bera izanen dute Nafarroako Administrazio Publikoen montepioetako funtzionarioen klase pasiboen pentsioek, baldin indarreko araudiaren arabera eguneratzeko eskubidea badute.

2. Pentsio publikoen arloko araudi indarduna aplikatuz, eguneraketa ez zaie aplikatuko jadanik aitortuta dauden edo etorkizunean aitortuko diren pentsioei, baldin eta, berek bakarrik nahiz haiei, kasua bada, onuradun berak jasotzen dituen beste pentsio publiko batzuen zenbatekoa batuta, gainditu egiten badute pentsio publikoentzat ezartzen den urteko gehieneko zenbatekoa.

11. artikulua. Arauak, aplikatzekoak zaizkionak Nafarroako administrazio publikoen montepioetako funtzionarioen eskubide pasiboen araubide iragankorrari buruzko martxoaren 5eko 10/2003 Foru Legearen aurreko sistemari atxikitako funtzionarioen eskubide pasiboen araubideari.

1. Nafarroako Administrazio Publikoen zerbitzuko langileen estatutua arautzen duen martxoaren 30eko 13/1983 Foru Legeak indarra hartu baino lehen indarra zuten xedapenek arautuko dute artikulu honetan aipatzen den funtzionarioen eskubide pasiboen araubidea. Soldata erregulatzailea zehazteko, aipatu foru legearen eta hura betetzeko emandako ordainsarien behin-behineko erregelamenduaren aurreko sistemaren arabera funtzionarioek jasotako ordainsari handienak hartuko dira aintzakotzat, eta horiei Nafarroako Aurrekontu Orokorrei buruzko foru legeetan hurrengo urteetarako ezarritako ehunekoak gehituko zaizkie. Salbuespena izanen da lan istripuagatik edo eritasun profesionalagatik jasotako pentsioei buruz artikulu honetan xedatutakoa.

2. Aurreko apartatuan aipatutako xedapenen ildotik, zerbitzualdia erretiro eta pentsioen ondorioetarako neurtzeko, funtzionarioek zerbitzuan egiazki egindako urteak bakarrik hartuko dira kontuan. Urte horien barrenean sartuko dira Administrazio Publikoan egiazki emandako zerbitzu-urteak, betiere kasuko administrazioak aitortuak Foru Diputazioaren 1981eko urriaren 29ko eta 2001eko otsailaren 5eko erabakiei eta apirilaren 14ko 21/1983 Foru Dekretuari jarraikiz.

Hala ere, Nafarroako Foru Komunitateko Administrazioaren edo Nafarroako toki-entitateen montepioetakoren bati atxikitako funtzionarioek sortutako erretiro-, alargun- eta umezurtz-pentsioen kasuan, foru lege honek indarra hartzen duenetik aurrera hiltzen badira jardunean egonda edo erretiroa hartzen badute, pentsioaren zio den egintzarainoko atzeraeraginez zenbatuko dira aipatutako funtzionarioek Gizarte Segurantzaren araubideetan kotizatutako aldiak, baldin eta aldi horiek ez badira gainjartzen aipatu montepioei kotizatutako beste aldi batzuekin. Horren helburu bakarra izanen da zehaztea zein diren eskubide pasiboetarako hartzeko konputagarriak eta kasuko pentsioa kalkulatzeko aplikatu behar den ehunekoa edo kuota, kotizazio- edo zerbitzu-urteengatikoa.

Aurreko paragrafoan jasotako funtzionarioek sortutako erretiro-, alargun- eta umezurtz-pentsioetarako, inola ere ez dira honako hauek zenbatuko: aipatu funtzionarioek Gizarte Segurantzaren araubideetan kotizatutako aldiak, baldin eta aldi horiek, kasua bada beste batzuekin batuta, aipatutako araubideetan pentsiorako eskubiderik sortu badute. Salbuespen izanen dira SOVI delakoaren prestazioetarako eskubidea sortzen duen kotizazioaren aldiak, zenbatu eginen baitira horiek.

Bikote egonkorrentzako berdintasun juridikoari buruzko uztailaren 3ko 6/2000 Foru Legearekin bat, Nafarroako Foru Komunitateko Administrazioaren edo Nafarroako toki-entitateen montepioetakoren baten babesean dauden funtzionarioek alargun-pentsioa sortuz gero, bikotekide egonkorrek ere izanen dituzte eskubide pasibo horiek.

3. Artikulu honen 1. apartatuan xedatutakoa betez, eta Nafarroako Administrazio Publikoen zerbitzupeko langileen estatutuaren aplikazio-esparruaren barnean dauden funtzionario publikoek 2026. urtean sortutako erretiroak eta pentsioak finkatzeko, honako hau hartuko da kontuan:

a) Eskubide pasiboetan eragina duten lansari kontzeptuen zenbatekoak 2026. urteari dagozkionak izanen dira; hau da, 1983. urtekoei handik aurrerako aurrekontuen foru legeek finkatutako gehikuntzak aplikatu ondoren sortzen direnak.

Salbuespen gisa, lan istripuak edo gaixotasun profesionalak eragindako ezintasunagatiko erretiro-pentsioen kasuan, bai eta lan istripua edo gaixotasun profesionala dela-eta hiltzearen ondoriozko alargun- edo umezurtz-pentsioenean ere, hartzeko erregulatzailea osatuko dute erretiroa edo heriotza gertatu aurreko urtean kasuko funtzionarioak bere lanpostuagatik jasotako ordainsariek.

b) Nafarroako Parlamentuaren 1980ko urtarrilaren 29ko Arauaren, udal-administrazioko funtzionarioen ordainsariak Foru Diputazioko funtzionarioenekin parekatzeari buruzkoaren, ondorioz ezarritako ordainsari-sistematik kanpo geratu ziren udal funtzionarioentzat, haren bigarren xedapen gehigarriko bigarren paragrafoan emandako ahalmenari jarraituz, pasiboetan eragina duten ordainsari kontzeptuen zenbatekoa honako hau izanen da: funtzionario horientzako 1983ko zenbatekoari hurrengo urteetan izandako gehikuntzak aplikatzearen emaitza.

4. Funtzionarioek pentsio araubidearen finantzaketan parte hartuko dute 13/1983 Foru Legearen aurreko araudia aplikatzetik ateratzen den zenbatekoarekin, zenbateko horri ondorengo urteetako Nafarroako Aurrekontu Orokorrei buruzko foru legeetan ezarritako pentsio-igoerako ehunekoak gehiturik.

5. 2026ko urtarrilaren 1etik aurrerako ondorioekin, Nafarroako Administrazio Publikoetako montepioen gutxieneko erretiro-pentsioa, bai martxoaren 5eko 10/2003 Foru Legearen aurreko sisteman jarraitzen duten funtzionarioena, bai aipatu foru legean aurreikusitakoari atxikitakoenena, 2025. urterako ezarritakoa izanen da, zeina 18.536,28 eurokoa baita, baina 2026. urtera eguneratua, pentsio publikoek urte horretan oro har izanen duten igoera aplikaturik.

70 urte betetzen dituztenetik aurrera, honakoei ere aitortuko zaie arestiko paragrafoan ezarritako gutxieneko pentsioaren baliokidea den zenbatekoa jasotzeko eskubidea: beren borondatez erretiratu eta, martxoaren 5eko 10/2003 Foru Legearen aurretik zegoen eskubide pasiboen sisteman jarraituta, dagokien administrazio publikoan 30 urte baino gutxiagoko zerbitzualdi aitortua frogatzeagatik eguneratze-eskubiderik gabeko pentsioa sortu dutenei.

6. 2026ko urtarrilaren 1etik aurrerako ondorioekin, gutxieneko alargun-pentsioaren zenbatekoa izanen da urteko zenbateko gordin bat, ekitaldi horretarako ezarriko den lanbide arteko gutxieneko soldata adinakoa.

7. Artikulu honen 6. apartatuan xedatutakoa aplikatuko zaie, halaber, martxoaren 5eko 10/2003 Foru Legearen aurreko eskubide pasiboen sistema aplikatuz emandako umezurtz-pentsioei, Nafarroako Administrazio Publikoen montepioetako edozeinen kargura eta haietako bakoitzaren erregelamenduan xedatutakoaren arabera eman ere, oinarri hartuta 1991ko ekitaldirako Nafarroako Aurrekontu Orokorrei buruzko otsailaren 26ko 5/1991 Foru Legearen hemezortzigarren xedapen gehigarriak emandako testua.

Aurreko paragrafoan xedatutakotik baztertu egiten dira, beraz, aipatu 5/1991 Foru Legean ezarritako aldaketaren aurretik aplikatzekoa zen araudiaren arabera emandako umezurtz-pentsio guztiak, onuradunaren ezintasun egoerarengatik onartu zirenak izan ezik.

8. Foru Diputazioko funtzionarioen erretiroei eta pentsioei buruzko Erregelamenduaren 8. artikuluaren 3. apartatuan eta Udal funtzionarioen eskubide pasiboei buruzko Erregelamenduaren 10. artikuluan aipatzen diren umezurtz-pentsioak eta udal montepio partikularretan ezaugarri berak dituzten umezurtz-pentsioak onartu eginen dira, baldin eta pentsio horiek eskuratzeko bete beharreko baldintza guztiak betetzen badira pentsioaren kausatzailea hiltzen den egunean edo, kasua bada, alargun-pentsioa jasotzen duen haren ezkontidea edo bikotekide egonkorra, zeinak alarguntze-pentsioa jasotzen baitu, hiltzen den egunean.

9. Nafarroako Administrazio Publikoetako montepioen alargun-pentsioak bateragarriak dira bai norberak egindako lanarengatik jasotako diru-sarrerekin bai erretiro-pentsioarekin.

10. Ezintasun iraunkorraren deklarazioak, bai eta haren graduak ere, berrikusten ahalko dira, baldin eta onuraduna 65 urtetik beherakoa baldin bada, dela egoera larriagotzeagatik dela hobetzeagatik, edo diagnostikoaren akatsaren ondorioz, betiere arau hauei jarraituz:

a) Ezintasun gradua berrikusteko espedientea ofizioz edo interesdunak eskatuta irekitzen ahalko da, eta Ezintasunak Baloratzeko Nafarroako Epaimahai Medikoak horri buruzko proposamen loteslea eginen du.

b) Ezintasun iraunkorreko gradu jakin bat deklaratua duen funtzionarioa gradu altuago batean birsailkatua izanez gero, dela egoera larriagotzeagatik dela diagnostiko-akats batengatik, kasuko pentsio-esleipenak eragina izanen du berrikuspen-espedientea ebatzi eta hurrengo hilabeteko lehen egunetik aurrera.

Birsailkapena diagnostiko-akats baten ondorioa denean, eskubidea izanen du zera jasotzeko, espedientea ebatzi arte jasotakoaren eta ezintasun-gradu altuagoa aitortuta jaso beharko zukeenaren arteko aldeak egiten duen zenbatekoa, lau urtera arteko mugarekin.

c) Aurreko apartatuetan aipatzen den berrikuspenak Foru Diputazioaren 1970eko apirilaren 17ko eta 1972ko azaroaren 24ko erabakietan ezarritako eraginak izanen ditu. Erabaki horiek indarra izaten jarraituko dute foru lege honetan ezarritakoaren kontra ez doan guztian.

12. artikulua. Udal funtzionarioen montepioen finantzaketa.

1. Nafarroako Gobernuak ekarpena eginen du Nafarroako toki-entitateetako funtzionarioen pentsioak finantzatzeko, Udal Funtzionarioen Montepio Orokorrekoak direnen kasuan; ekarpen hori banatuko da Udal Funtzionarioen Montepio Orokorraren kudeaketagatik 2025eko ekitaldian sortutako kostuen ordainketari dagokionez udal bakoitzari esleitu zaion kuotaren araberako proportzioan.

2. Halaber, Nafarroako Gobernuak ekarpen bana eginen die Iruñeko, Tuterako eta Tafallako udalei, haien montepioen kudeaketak 2025eko ekitaldian sortutako kostuen araberakoak.

3. Aurreko apartatuetan ezarritako ekarpenen zenbatekoa izanen da Nafarroako Administrazio Publikoen montepioetako funtzionarioen eskubide pasiboen araubide iragankorrari buruzko martxoaren 5eko 10/2003 Foru Legearen hamargarren xedapen gehigarria aplikatzetik suertatzen dena.

4. Udal Funtzionarioen Montepio Orokorrak bere klase pasibo guztien prestazioak direla-eta daukan defizita estaltze aldera udalerri bakoitzari esleitzen zaion kuota kalkulatuko da udalerri bakoitzak defizita kalkulatzen den unean duen biztanle-kopuru ofizialarekiko proportzioan. Banaketa horretatik salbuetsita geratuko dira Iruña, Tutera eta Tafalla udalerriak, montepio propioa dutelako.

III. KAPITULUA. IRAKASLEEN ORDAINSARIAK

13. artikulua. Nafarroako Gobernuko Hezkuntza Departamentuak diruz lagundutako eskolajantokietan diharduten irakasleen ordainsariak.

Nafarroako Foru Komunitateko unibertsitateaz kanpoko ikastetxe publikoetako jantokiak arautzen dituen maiatzaren 29ko 58/2024 Foru Dekretuan xedatutakoaren arabera, jantokiko administratzaile, arduradun edo zaintzaile lanak egiten dituzten irakasleek honako ordainsari gordin hauek jasoko dituzte benetan lan egindako egun bakoitzeko:

BAZKALTIAR KOPURUAJANTOKIKO ARDURADUNA, (eurotan)ADMINISTRATZAILEA, (eurotan)ZAINTZAILE BAKOITZEKO, (eurotan)
1-8019,2817,0319,28
81-16021,5117,0319,28
161-24023,0819,0919,28
240 baino gehiago23,8821,8819,28

Artikulu honetan ezarritako zenbatekoak eguneratuko dira Nafarroako Administrazio Publikoetako funtzionarioen eta estatutupeko langileen ordainsariak kasuan kasuko aurrekontuei buruzko foru legeetan eguneratzen diren ehuneko berean.

14. artikulua. Irakasleei prestakuntza ikastaroak emateagatik diruzko ordainsaria jasotzea.

1. Nafarroako Foru Komunitateko Administrazioko eta haren erakunde autonomoetako langileek diruzko ordainsaria jasotzen ahalko dute Hezkuntza Departamentuak urtero egiten duen Irakasleen Prestakuntza Planean jasotako prestakuntza-jardueraren bat irakasteagatik edo Hezkuntza Departamentuko zuzendaritza nagusiek edo irakasleentzako laguntza-zentroek zuzenean antolatutakoren bat irakasteagatik, baldin eta lan hori beren lanalditik kanpo egiten badute. Ordainsari hauek izanen dituzte:

a) Prestakuntza presentziala:

a.1. Ponentzia bakoitzeko, halakotzat ulertuta aditu batek prestakuntza-jarduera batean ematen duen eskola-ordua, 62,85 euro ordainduko dira gehienez.

a.2. Konferentzia bakoitzeko, halakotzat ulertuta aditu batek zientziaren, teknologiaren edo humanitateen arlokoa den intereseko gai bati buruz ematen duen jendaurreko hitzaldia, gutxienez 90 minutuko iraupenekoa, 383,78 euro ordainduko dira gehienez.

b) Urrutiko prestakuntza:

b.1. Urrutiko prestakuntza-jardueretan koordinatzaile telematiko gisa parte hartzeagatik 1.112,98 euroko ordaina emanen da gehienez, bost tutore koordinatzeagatik. Koordinatu beharreko tutoreak bost baino gutxiago baldin badira, ordainsaria proportzioan kalkulatuko da. Koordinatu beharreko tutoreak bost baino gehiago baldin badira, koordinatzaile telematikoak 104,33 euroko ordainsaria jasoko du tutore bakoitzeko, bosgarren tutoretik aurrera.

b.2. Urrutiko prestakuntza-jardueretan tutore telematiko gisa parte hartzeagatik 49,85 euroko ordaina emanen da gehienez, tutoretzapeko ikasle bakoitzeko.

2. Aurreko apartatuan adierazitakoa ez zaie aplikatuko irakasleentzako laguntza-zentroetan edo unibertsitateaz kanpoko irakaskuntzako prestakuntza-jarduerak diseinatu eta garatzen dituzten unitate organikoetan destinoa duten irakasleei.

3. Artikulu honetan ezarritako zenbatekoak eguneratuko dira Nafarroako Administrazio Publikoetako funtzionarioen eta estatutupeko langileen ordainsariak kasuan kasuko aurrekontuei buruzko foru legeetan eguneratzen diren ehuneko berean.

15. artikulua. Nafarroako Goi Mailako Musika Kontserbatorioko ordainsariak eta osagarriak.

1. Nafarroako Goi Mailako Musika Kontserbatorioan beren irakastordu guztiak ematen dituzten Musikako eta Arte Eszenikoetako irakasleei esleitutako irakaskuntzako osagarri berariazkoa Musikako eta Arte Eszenikoetako katedradunen kidegoko funtzionarioek jasotzen duten bera izanen da.

2. Musikako eta Arte Eszenikoetako irakasleek beren ordutegiaren parte bat Nafarroako Goi Mailako Musika Kontserbatorioan ematen badute, zentro horretan emandako lanaldi-ehunekoaren proportzioan jasoko dute Musikako eta Arte Eszenikoetako katedradunei esleitutako irakaskuntzako osagarri berariazkoaren eta Musikako eta Arte Eszenikoetako irakasleen kidegoari esleitutakoaren artean dagoen aldea.

16. artikulua. Prestakuntzajardueretara joandako irakasleentzako diruordaina, kilometroengatikoa.

Kilometroengatiko diru-ordaina jasotzeko eskubidea izanen dute prestakuntza-jardueretara joaten diren irakasleek, baldin eta prestakuntza-jarduerarako deialdia Hezkuntza Departamentuko zuzendari nagusien ebazpen bidez egin bada eta, betiere, eskubide hori berariaz jasotzen bada kasuko ebazpenean.

17. artikulua. Irakaskuntzako praktiketan dauden funtzionarioen ordainsariak.

Irakasle-kidegoetan sartzeko eta igotzeko izangaiek, praktiketako funtzionario izendatuak izan ondoren, honako ordainsari hauek jasoko dituzte izaera horrek dirauen bitartean: betetzen duten lanpostuaren mailari dagokion oinarrizko soldata eta ordainsari osagarriak, antzinatasun saria, graduari dagokion ordainsaria, familia-laguntza, bai eta Nafarroako Foru Komunitatearen Administrazioko administrazio-kontratudunentzat orokortasunez ezartzen den beste edozein ordainsari ere.

18. artikulua. Lanbidegaitasunen ebaluazio, aitorpen eta akreditazioprozeduretan esku hartzen duten irakaskuntza publikoko langileentzako ordainsariak.

1. Nafarroako Foru Komunitateko Administrazioaren eta haren erakunde autonomoen zerbitzupeko irakasleek, lanbide-gaitasuna akreditatzeko prozeduretako aholkularitza- edo ebaluazio-faseetan esku hartzeko izendatutakoek, arlo horretan eskumena duten departamentuek dei eginda, ondotik aipatzen diren ordainsariak jasotzeko eskubidea izanen dute, abuztuaren 27ko 66/2014 Foru Dekretuan araututakoarekin bat, zeinak finkatzen baititu pertsonek lan-esperientziaren edo beste prestakuntza-bide ez-formal batzuen bidez lortutako lanbide-gaitasunak ebaluatzeko eta akreditatzeko prozedura Nafarroako Foru Komunitatean ezartzeko arauak eta horretaz arduratuko den antolaketa-egitura:

a) Akreditazio-prozedurako aholkulariak:

- Ordainsaria izangai bakoitzeko, kasu hauetan:

Aholkatutako 3 gaitasun-unitate arte, 123,6 euro.

Aholkatutako 4, 5 edo 6 gaitasun-unitate, 154,5 euro.

Aholkatutako 6 gaitasun-unitate baino gehiago, 185,4 euro.

- Osagarria, lanbide-arlo bereko kualifikazio gehigarria izateagatik, izangai berarentzat, 51,5 euro.

b) Akreditazio-prozedurako ebaluatzaileak:

- Ordainsaria, ebaluatzaile nagusia izateagatik, izangai bakoitzeko, kasu hauetan:

Ebaluatutako 3 gaitasun-unitate arte, 133,9 euro.

Ebaluatutako 4, 5 edo 6 gaitasun-unitate, 169,96 euro.

Ebaluatutako 6 gaitasun-unitate baino gehiago, 206 euro.

- Ordainsaria, bigarren mailako ebaluatzailea izateagatik, izangai bakoitzeko, kasu hauetan:

Ebaluatutako 3 gaitasun-unitate arte, 61,8 euro.

Ebaluatutako 4, 5 edo 6 gaitasun-unitate, 77,26 euro.

Ebaluatutako 6 gaitasun-unitate baino gehiago, 92,7 euro.

- Ebaluazio-batzordearen arduradun izateagatiko ordainsaria (taldeko).

Ebaluazio-batzordeko burua, 206 euro.

Ebaluazio-batzordeko idazkaria, 103 euro.

Ordainsari hauek konpentsazio gisa ezartzen dira, kontzeptu hauengatik: aholkularitza- eta ebaluazio-saioen prestaketa eta garapena; izangaiei zuzeneko arreta ematea; prozeduraren agirien kudeaketa, eta deialdia egiten duten administrazioekiko koordinazio-lana.

2. Nafarroako Gobernuak zilegi izanen du foru dekretuz baimentzea prozeduran esku hartzeagatiko ordainsaria eman dakien aholkulari eta ebaluatzaileez bestelako pertsona batzuei, baldin eta haien laguntza beharrezkotzat jotzen bada egokiro gara daitezen lanbide-gaitasuna egiaztatzeko prozedurak.

19. artikulua. Hezkuntza Departamentuaren mendekoak diren unibertsitateaz kanpoko irakasle funtzionarioen ordainsariak.

Hezkuntza Departamentuaren mendekoak diren unibertsitateaz kanpoko irakasle funtzionarioen irakaskuntzako osagarri berariazkoa, Nafarroako Administrazio Publikoen Zerbitzuko Langileen Estatutuaren testu bateginaren 104. artikuluan ezarria (abuztuaren 30eko 251/1993 Legegintzako Foru Dekretuaren bidez onetsi zen testu bategin hori), maila bakoitzari dagokion soldataren ehuneko hauetan finkatzen da:

a) Maisu-maistren kidegoa eta parekatuak: ehuneko 38,07.

b) Katedradunen kidegoak eta parekatuak: ehuneko 39,48.

c) Bigarren Hezkuntzako irakasleen kidegoa eta parekatuak: ehuneko 33,48.

d) Iraungitze bidean dagoen Lanbide Heziketako irakasle teknikoen kidegoa eta parekatuak: ehuneko 45,17.

e) Lanbide Heziketako sektore berezietako irakasle espezialisten kidegoa eta parekatuak: ehuneko 45,17.

f) Musika eta Arte Eszenikoetako irakasleen kidegoa eta parekatuak: ehuneko 33,48.

g) Arte Plastikoetako eta Diseinuko lantegiko maisu-maistren kidegoa eta parekatuak: ehuneko 45,17.

h) Arte Plastikoetako eta Diseinuko irakasleen kidegoa eta parekatuak: ehuneko 33,48.

i) Hizkuntza eskola ofizialetako irakasleen kidegoa eta parekatuak: ehuneko 33,48.

j) Bigarren Hezkuntzako erlijio irakasleak: ehuneko 33,48.

k) Haur eta Lehen Hezkuntzako erlijio irakasleak: ehuneko 38,07.

l) Maisu-maistren kidegoko eta parekatuetako langileek, Hezkuntzari buruzko maiatzaren 3ko 2/2006 Lege Organikoaren lehen xedapen iragankorrean ezarritakoari jarraituz Derrigorrezko Bigarren Hezkuntzako lanpostuetara behin betiko edo behin-behinean atxikiak badira, Bigarren Hezkuntzako irakasle bati dagokiona jasoko dute irakaskuntzako osagarri berariazko gisa. Era berean, osagarri berezi bat jasoko dute, B mailako hasierako soldataren ehuneko 5,45ekoa.

20. artikulua. Irakasleen irakastorduak zehaztea.

Irakasle-lanpostuak ikasturte bakoitzaren hasieran dauden beharrizanen arabera betetze aldera, eta baldin kasuan kasuko espezialitatean ez badago irakastordu nahikorik, unibertsitateaz kanpoko irakasleek beste irakaste-espezialitate batzuetan irakatsiz beteko dute beren ordutegia, Hezkuntza Departamentuak ezarritako kasuei eta baldintzei atxikirik.

21. artikulua. Ikastetxe publiko sortu berriak.

Hezkuntza Departamentuak zilegi izanen du irakaskuntzako zuzendaritza-karguak izendatzea ikastetxe publiko baten sorrera baino lau hilabete lehenagoko gehieneko aurredenboraz. Horiek erregelamendu organikoetan ezarrita dauden eginkizunak beteko dituzte, eta eskola-kontseiluari esleitutako eskumenak egikarituko dituzte hura eratzen den arte.

IV. KAPITULUA. OSASUNBIDEA-NAFARROAKO OSASUN ZERBITZUKO ETA NAFARROAKO OSASUN PUBLIKOAREN ETA LAN OSASUNAREN INSTITUTUKO LANGILEEN ORDAINSARIAK

22. artikulua. Aldi baterako kontratupeko medikuen eta fakultatibo espezialisten esklusibotasunaraubidea.

2026an, Osasunbidea-Nafarroako Osasun Zerbitzuari atxikitako langileen araubide berezia arautzen duen urriaren 20ko 11/1992 Foru Legearen A.1 eta A.2.5 estamentuetako langileen aldi baterako kontratazioa dedikazio esklusiboaren araubidean eginen da, eta kontratatutako profesionalak aukera izanen du dedikazio ez-esklusiboaren araubidea hautatzeko, bere kontratazioaren lehen egunetik hasita, hala nahi badu.

V. KAPITULUA. BESTE XEDAPEN BATZUK

23. artikulua. Lanpostuak birmoldatzea.

1. Nafarroako Gobernuari baimena ematen zaio behar diren neurriak har ditzan, plantilla-berregituraketengatik edo eman beharreko zerbitzuen berrantolaketagatik edukirik gabe gelditutako lanpostu ez-hutsak bestelako lanpostu bihurtzeko. Eginkizun-berresleipenak eta horien ondoriozko lekualdatzeak, maila beraren barnekoak, salbuespen kasuetan baino ez dira eginen, eta Barneko, Funtzio Publikoko eta Justiziako Departamentuak eginen ditu zuzenean, sindikatuetako ordezkariei entzun ondoren eta ukitutako langileen adostasunarekin.

2. Lanpostu horiek maila bereko bestelako lanpostu batzuk izateko birmoldatzerik ez badago, salbuespen gisa baimena ematen ahalko da beste maila bateko lanpostuei dagozkien eginkizunak berresleitzeko, baldin eta ukitutako langileek bete egiten badituzte horiek betetzeko lanbide kualifikazioa eta gainerako baldintzak. Esleipen berri hori aldi baterako izanen da kasu guztietan, gehienez ere langilearen mailan atxiki edo birmoldatzea posible izan arte, eta beti bermatuko da langileak jaso eginen dituela aurretik betetzen zuen lanpostuari zegozkion oinarrizko ordainsariak eta ordainsari osagarriak.

24. artikulua. Konpentsazioak, baimen edo lizentzia ordainduen egunetako aldagaiengatik.

Nafarroako Foru Komunitateko Administrazioko eta haren erakunde autonomoetako enplegatu publikoek bidezko diren konpentsazioak jasotzeko eskubidea izanen dute, txandakako, gaueko ordutegiko eta jaiegunetako lanagatik, baimen edo lizentzia ordaindua duten egunetan, baldin eta baimen edo lizentzia horiek izateak ez badu berekin prestaziorik ekartzen Gizarte Segurantzako Institutu Nazionalaren edo gizarte-aurreikuspeneko beste erakunde edo mutualitate batzuen kargura.

25. artikulua. Nafarroako Administrazio Publikoen zerbitzupeko langileen arloko presako neurriak.

1. Oro har, 2026ra luzatzen dira Nafarroako Administrazio Publikoen zerbitzupeko langileen arloko presako neurri haiek, zeinak jasotzen baitira ekainaren 21eko 13/2012 Foru Legearen 1. artikuluaren 1., 2., 3. eta 6. apartatuetan.

Aurreko paragrafoan aipatutako 1. artikuluaren apartatuak funtzionario guztiei aplikatuko zaizkie erretiroa hartzeko adinari dagokionez, funtzionarioa atxikita dagoen gizarte-aurreikuspeneko sistema zein ere den, barne hartuta Nafarroako Administrazio Publikoen montepioetako funtzionarioen eskubide pasiboen araubide iragankorrari buruzko martxoaren 5eko 10/2003 Foru Legearen aurreko sistemari atxikiak, bai eta araubide horri atxikiak ere.

2. Hala ere, eta salbuespen gisa, Osasun Departamentuak zilegi izanen du bere zenbait langileren zerbitzu aktiboa 2026an zehar luzatzea zerbitzuaren premiengatik eta profesionalik ezarengatik. Betiere, arrazoi horiek behar bezala justifikatu beharko dira. Halatan, Gizarte Segurantzak xedatutako legezko erretirorako adinera iritsi ondoren zerbitzu aktiboko egoera luzatzea baimentzen ahalko zaie Osasunbidea-Nafarroako Osasun Zerbitzuari atxikitako langileen berariazko erregimena arautzen duen urriaren 20ko 11/1992 Foru Legeko A.1 eta A.2.5. estamentuetako profesional fakultatiboei, baldin eta norbere espezialitateko kontratazio-zerrenda irekita badago. Era berean, estamentu horietako profesionalei luzapena baimentzen ahalko zaie laguntza-zerbitzuko buruaren edo laguntza-ataleko buruaren eginkizunak betetzen ari direnean, baldin eta norbere espezialitateko kontratazio-zerrenda irekita badago eta aldi baterako kontrataziorako izangairik ez badago. Luzapena baimentze aldera inguruabar hori egiaztatzeko momentua izanen da legezko erretirorako ezarrita dagoen data iritsi baino hilabete lehenago.

Era berean, Eskubide Sozialetako, Ekonomia Sozialeko eta Enpleguko Departamentuak zilegi izanen du 2026an zehar zerbitzu aktiboa luzatzea Pertsonen Autonomiarako eta Garapenerako Nafarroako Agentziako osasun-fakultatiboei, zerbitzuaren premiengatik eta profesionalik ezarengatik. Betiere, arrazoi horiek behar bezala justifikatu beharko dira, nahiz eta burutza baten eginkizunak betetzen ari izan.

Edozein kasutan, luzapena urtebeterako eginen da, eta denbora gehiagorako egiten ahalko da baimen-ematearen baldintzei eusten bazaie, interesdunak horretarako eskaera aurretiaz eginda eta hirurogeita hamar urteko adina mugatzat hartuta.

3. Enplegu publikoan sartzen utziko zaie 65 beteak dituztenei, baldin eta ez badute osatu beren aurreikuspen sozialeko sisteman erretiro-saria jasotzeko eskubidea sortzeko ezarritako gabealdia, bai eta pentsioa osorik kobratzeko beharrezkoak diren kotizazio-urteak osatu ez dituztenei ere.

26. artikulua. Nafarroako administrazio publikoek onetsitako hautapen prozesuen deialdiei buruzko xedapenak.

1. Nafarroako administrazio publikoei ahalmena ematen zaie Administrazioan sartzeko edo bertako lanpostuak betetzeko hautapen prozesuen deialdietako eskabideak eta gainerako dokumentazioa bitarteko elektronikoen bidez aurkez daitezela eskatzeko. Halaber, Nafarroako administrazio publikoei ahalmena ematen zaie elektronikoki jakinaraz dezaten prozesu horiekin lotutako edozein izapide.

27. artikulua. Nafarroako administrazio publikoek aldi baterako kontrataziorako prozesuetan egiten dituzten deiei buruzko xedapenak.

1. Nafarroako administrazio publikoei ahalmena ematen zaie bitarteko telematikoak eta elektronikoak erabil daitezen eskabideak aurkezteko, hautagaiak deitzeko eta kontratuak hautatzeko, aldi baterako kontrataziorako prozesuetan.

2. Kasu horretan, deia Administrazio Publikoaren webgunean iragarki publiko bat argitaratuz eginen da. Iragarki horretan, deitutako izangaiak eta eskainitako kontratuak argitaratuko dira, eta eskainitako kontratuak modu elektronikoan hautatzeko epea adieraziko da.

3. Nafarroako Foru Komunitateko Administrazioak eta haren erakunde autonomoek aldi baterako kontrataziorako izangaien zerrendak erabiltzen ahalko dituzte zerrenda horien eraketaren arloa ez den beste baterako, baldin eta ez badago kontratatzeko moduko izangairik deia egiten duen kontratazio-arloan aplikatu beharreko zerrendetan. Horrek ez du inola ere aldatuko izangaien lehentasun-hurrenkera.

28. artikulua. Laneskaintza publikoak onesten dituzten foru dekretuetan jasotako plazen betekizunak aldatzea.

Nafarroako Foru Komunitateko Administrazioko eta haren erakunde autonomoetako lan-eskaintza publikoak onesten dituzten foru dekretuetan jasotako plazen betekizunak aldatzen ahalko dira kasuko foru dekretua onetsi ondoren, eta administrazioan sartzeko kasuko deialdiaren datan plantilla organikoan ageri diren betekizunekin eskainiko dira plazak.

29. artikulua. Nafarroako administrazio publikoek enplegua egonkortzeko onetsitako deialdiak.

Enplegu Publikoan dagoen Behin-behinekotasuna Murrizteko Premiazko Neurriei buruzko abenduaren 28ko 20/2021 Legean ezarritakoarekin bat etorriz, uztailaren 1eko 19/2022 Foru Legean ezarritakoaren arabera egindako deialdietako enplegua egonkortzeko prozesuak 2024ko abenduaren 31n amaituko dira, hargatik eragotzi gabe, Nafarroako administrazio publikoen zerbitzupeko langileen arloan aplikatzekoa den berariazko araudiarekin bat, bidezko diren izendapen osagarriak egitea.

30. artikulua. Nafarroako Foru Komunitateko Administrazioaren eta haren erakunde autonomoen zerbitzupeko langileen betebeharra, Administrazioarekiko harremanetan bitarteko elektronikoak erabiltzekoa.

Nafarroako Foru Komunitateko Administrazioaren eta haren erakunde autonomoen zerbitzupeko langileek Nafarroako Gobernuaren egoitza elektronikoa erabili beharko dute Administrazioarekiko harremanetan, enplegatu publikoak izateagatik egiten dituzten izapide eta jarduketetarako. Horretarako, erabiliko dute Nafarroako Gobernuaren sare korporatiboan esleiturik daukaten posta elektronikoko helbidea, edo horren ordez interesdunak identifikatu duen helbidea.

31. artikulua. Unibertsitateaz kanpoko irakasleentzako lan publikoaren eskaintza.

1. Nafarroako Foru Komunitateko Administrazioko unibertsitateaz kanpoko irakasleen plazak, hutsik gelditzen direnak erretiroaren, heriotzaren, ukoaren edo plaza-erreserbarik ez dakarren beste edozein egoera administratiboren ondorioz, bai eta bete gabe gelditzen direnak sartzeko edo igotzeko hautapen prozesuetan, automatikoki esleituko zaizkio plantilla organikoan jatorriko irakasle-kidegoari edo -lanpostuari, plazen gainerako ezaugarriak zehaztu gabe.

2. Nafarroako Foru Komunitateko Administrazioko unibertsitateaz kanpoko irakasleen lan publikoaren eskaintzetan ezarriko da irakasle-kidego edo -lanpostu bakoitzeko zenbat plaza barne hartzen dituzten guztira. Lan-eskaintza horietan sartutako plazen ezaugarriak eta, betiere, espezialitatea eta hizkuntza, plantilla organikoa aldatzeko foru dekretu batean ezarriko dira.

3. Aurreko bi apartatuetan ezarritakoa ez zaio aplikatuko Hezkuntzako Ikuskarien Kidegoari.

4. Langileak hautatzeko organoetako kideak izendatzeko (aipatuta azaltzen dira Nafarroako Foru Komunitateko Administrazioko unibertsitateaz kanpoko irakasle funtzionarioen hautapenari eta lanpostuen betetzeari begira neurriak ezartzen dituen maiatzaren 4ko 11/2022 Foru Legean), irakasle kidegoetarako sarbideari buruzko Estatuko araudian xedatutakoa aplikatuko da. Lehentasunez, hautaketa-prozesuaren xede den irakasle-lanposturako izendatutako irakasle funtzionarioek osatuko dituzte organo horiek. Dagokion lanpostuan langile nahikorik ez badago, irakasleen kidegoetako edo antzeko lanpostuetako funtzionarioak hautatuko dira.

32. artikulua. Hezkuntzalaguntzako espezialistalanpostuak aldi baterako betetzea.

Nafarroako Foru Komunitateko Administrazioaren eta haren erakunde autonomoen zerbitzupeko langileen arloko neurriak onesten dituen irailaren 16ko 10/2020 Foru Lege Dekretuaren 2.4 artikuluan aipatzen den iragankortasun-aldia igarota, 2026ko abenduaren 31ra arte, hezkuntza-laguntzako espezialisten lanpostua aldi baterako betetzen ahalko dute C mailako/taldeko lanpostuetara sartzeko eskatzen den titulazio generikoa duten izangaiek. Nolanahi ere, lehentasuna izanen dute Gizarteratzeko Goi Mailako teknikari titulua dutenek edo, kasua bada, Batxilergo titulua edo baliokidea dutenek, hezkuntza-premia bereziak dituzten ikasleen arretarako profesionaltasun-ziurtagiria izanez gero.

33. artikulua. Unibertsitateaz kanpoko irakasleen eta administrazioaraubidean kontratatutako ikastetxeetako laguntzako langileen erretiroa.

Nafarroako Administrazio Publikoen zerbitzuko langileen arloko premiazko neurriei buruzko ekainaren 21eko 13/2012 Foru Legearen 1.1 artikuluan xedatutakotik salbuetsita geratzen dira ikasturte osoko premietarako administrazio-araubidean kontratatutako irakasleak eta ikastetxeetako laguntzako langileak, baldin eta nahitaezko erretiroa hartzen dutenean edo nahitaezko erretiroa hartzeko adina betetzen duten ikasturtea amaitzean osatu gabe badute beren gizarte-aurreikuspeneko sistemak pentsio baterako eskubidearen sorrerari dagokionez ezartzen duen gabealdia; halaber, pentsio osoa jasotzeko kotizazio-urteak bete ez dituztenak ere. Irakasleak ikasturte osoko premietarako kontratatzen ahalko dira kidego, espezialitate eta hizkuntza berean eta ikastetxe berean, betiere etenik gabe eta helburu horietarako aldiak osatu arte; betiere, hirurogeita hamar urteko adina bete arte. Ikastetxeetako laguntza-langileak kontratatzen ahalko dira ikasturte osoko premietarako eta ikastetxe berean, betiere etenik gabe eta helburu horietarako aldiak burutu bitartean, gehienez ere hirurogeita hamar urteko adina bete arte.

34. artikulua. Kontratusuntsiarazpeneko prozedura ebazteko gehieneko epea (betetzen den irakaslelanpostuan aritzeko gaitasun faltaren ondoriozko edo lanpostu horretara ez egokitzearen ondoriozko suntsiarazpena, Hezkuntzako kontseilariaren apirilaren 8ko 37/2020 Foru Aginduaren 18. artikuluan arautua).

Gerora sortutako arrazoiengatik kontratua suntsiarazteko prozedura ebazteko gehieneko epea 4 hilabetekoa izanen da, baldin gertatzen bada betetzen den lanpostuan aritzeko gaitasun falta edo lanpostu horretara egokitu ezina. Prozedura hori araututa dago Hezkuntzako kontseilariak emandako apirilaren 8ko 37/2020 Foru Aginduan, zeinaren bidez onesten baitira Hezkuntza Departamentuaren zerbitzuan aldi baterako kontratuekin irakasle lanpostuetan aritu nahi duten izangaien zerrendak kudeatzeko arauak; zehazki, haren 18. artikuluan.

35. artikulua. Oporren araubidea Hezkuntza Departamentuaren mendeko haureskolei atxikitako enplegatuentzat.

Hezkuntza Departamentuaren mendeko haur-eskolei atxikitako enplegatuek opor-egunak sortuko dituzte jarduneko zerbitzuan egiten duten ikasturte oso bakoitzeko, eta opor-egun horiek hartu beharko dituzte ikastetxearen urte-sasoiko itxialdian, sortu diren ikasturtean. Ez zaie aplikatuko, bada, otsailaren 9ko 11/2009 Foru Dekretuaren 6. artikuluaren 1. apartatua (Foru Dekretu horren bidez onetsi zen Nafarroako Administrazio Publikoetako funtzionarioen opor, lizentzia eta baimenen erregelamendua).

Ezin izan badute oporrik izan aldi baterako ezintasunaren ondorioz edo otsailaren 9ko 11/2009 Foru Dekretuaren 7. artikuluan jasotako egoeretako baten ondorioz, oporrak hartuko dira, nahitaez, lanera itzultzen den egunetik aurrera.

III. TITULUA. FINANTZA-ERAGIKETAK

I. KAPITULUA. ABALAK ETA MAILEGUAK EMATEA

36. artikulua. Abalak eta maileguak ematea.

1. Nafarroako Gobernuak abalak edo antzeko beste berme batzuk ematen ahalko ditu, gehienez ere 56.000.000 euro eginen dutenak.

Era berean, aurreko paragrafoko mugaren barnean, Ekonomia eta Ogasun Departamentuari baimena ematen zaio Nafarbide, el Camino de los Navarros, SL sozietate publikoari gehienez ere 36.000.000 euroko abal bat emateko.

2. Enpresa-erakunde publikoek, fundazio publikoek eta sozietate publikoek abalak edo antzeko beste berme batzuk ematen ahalko dituzte, Nafarroako Gobernuak baimena eman ondoren eta Ekonomia eta Ogasun Departamentuko titularrak proposatuta; gehienez ere, 30.000.000 euro eginen dute.

Baimena ematen zaie Nafarroako Foru Komunitateko sozietate publikoei 2026an abal-eragiketa berriak egiteko edo antzeko beste berme batzuk emateko Nafarroako Natura Parkea SA sozietateari, gehienez 2.842.334 euroko zenbatekoarekin, artikulu honetan ezarritako mugen barnean.

3. Nafarroako Ogasun Publikoari buruzko apirilaren 4ko 13/2007 Foru Legearen 75.1 artikuluan ezarritakoaren ondorioetarako, Nafarroako Foru Komunitateko Administrazioak ematen dituen abalen edo antzeko beste bermeen gehieneko arrisku bizia 47.000.000 eurokoa izanen da. Enpresa-erakunde publikoen, fundazio publikoen eta sozietate publikoen kasuan, berriz, gehieneko arrisku bizia 92.000.000 eurokoa izanen da.

4. Enpresa-erakunde publikoek, fundazio publikoek eta sozietate publikoek maileguak ematen ahalko dituzte, Nafarroako Gobernuak baimena eman ondoren eta Ekonomia eta Ogasun Departamentuko titularrak proposatuta, eta gehienez ere 17.000.000 euro eginen dute.

5. Nafarroako Ogasun Publikoari buruzko apirilaren 4ko 13/2007 Foru Legearen 82. ter artikuluan ezarritakoaren ondorioetarako, Nafarroako Foru Komunitateko Administrazioak ematen dituen maileguen gehieneko arrisku bizia 99.000.000 eurokoa izanen da. Enpresa-erakunde publikoen, fundazio publikoen eta sozietate publikoen kasuan, berriz, gehieneko arrisku bizia 128.000.000 eurokoa izanen da.

6. Ekonomia eta Ogasun Departamentuak behar diren prozedurak ezarriko ditu, araudiak finantza-zuhurtziaren printzipioari dagokionez ezartzen dituen mugak betetzen direla bermatzeko. Printzipio hori Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoan zehaztuta dago.

II. KAPITULUA. ZORPETZEA

37. artikulua. Zorpetzeeragiketak egiteko baimena eta zorpetzemuga.

1. Nafarroako Gobernuari baimena ematen zaio zorpetze-eragiketak egiteko. Ildo horretan, Europako Kontuen Sistemaren arabera (SEC 2010) Nafarroako Foru Komunitateko Administrazio Publikoen azpisektorea osatzen duten entitateen 2026ko abenduaren 31ko zorraren saldo biziak ez du 87.896.700 euro baino gehiagoko kopuruan gaindituko 2026ko urtarrilaren 1eko saldo bizia (BPGaren ehuneko 0,3ko defizit aurreikusiaren finantzaketa).

Horrez gain, Nafarroako Gobernuari baimena ematen zaio gehienez 30.000.000 euroko zorpetze-eragiketak egin ditzan Nafarroako Enpresa Korporazio Publikoa SLUren kapital-zabalkuntza finantzatzeko, foru lege honen 81.b) artikuluan jasotako inbertsioetarako.

2. Artikulu honetako lehen apartatuan ezarritako mugak ekitaldiaren amaieran izanen du eragina, eta beherantz aldatzen ahalko da honako arrazoi hauen ondorioz:

a) Kitatzeke dagoen zorpetze garbiaren maila murriztea, aplikatu direlako Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoaren 32. artikulua eta hura garatzeko arau bereziak, aurrekontu-superabitarekin lotutakoak.

b) Finantzatutako defizit-erreferentzia handiagoa izatea egiazki izan den defizita baino, Ogasun Ministerioaren adostasunarekin eta Hitzarmen Ekonomikoaren Koordinazio Batzordeari entzun ondoren.

Era berean, ezarritako muga gorantz aldatzen ahalko da honako inguruabar hauek gertatzen direnean:

a) Hasiera batean aurreikusitakoa baino defizit handiagoa finantzatzeko, gainetiko zenbateko hori finantzatzeko beharrezkoa den zenbatekoan, Hitzarmen Ekonomikoaren Koordinazio Batzordeak hala erabaki ondoren.

b) Nafarroako Gobernuak eta Ogasun Ministerioak hitzartutako bestelako zorpetze-eragiketa batzuk egiteko, Hitzarmen Ekonomikoaren Koordinazio Batzordeari entzun ondoren.

c) Nafarroako Foru Komunitateko Administrazio Publikoen azpisektorean sartzen diren entitate berrien zorpetzearen zenbatekoa dela eta, halako entitaterik sartzen bada sailkapen horretan, Europar Batasuneko Nazio eta Eskualdeko Kontuen Europako Sistemaren irizpideen arabera.

3. Aurreko apartatuetan jasotako zorpetze-eragiketen jaulkipena eta, kasua bada, formalizazioa, eragiketa batean edo batzuetan gauzatzen ahalko dira, eta 2026ko ekitaldiaz harago ere berandutzen ahalko dira.

4. Betiere, Nafarroako Gobernuak zorpetze-estrategia egokituko du baimendu beharreko gehieneko bolumenak errespeta dezan artikulu honetan jasotako muga Foru Komunitateko Administrazio Publikoen azpisektorearen barnean, Europar Batasuneko Nazio eta Eskualdeko Kontuen Europako Sistemaren irizpideen arabera.

5. Ekonomia eta Ogasun Departamentuak, hiru hilabetean behin, aurreko apartatuetan aurreikusitako zorpetze-eragiketen jaulkipen edo formalizazio guztien berri emanen dio Nafarroako Parlamentuari.

38. artikulua. Informazioa ematea.

1. Entitate publikoetako arduradunek edo Europar Batasuneko Nazio eta Eskualdeko Kontuen Europako Sistemaren irizpideen arabera Foru Komunitateko Administrazio Publikoen sektorean sartzen diren entitateetako arduradunek informazioa eman beharko dute hitzartutako zorpetze-eragiketei buruz, barne direla aurrekontu-ekitaldi beraren barnean formalizatu eta kitatuak. Informazio hori eman beharko dute Ekonomia eta Ogasun Departamentuak eskatutako formatu eta epeetan. Horren guztiaren helburua izanen da bete daitezela Nafarroako Gobernuak eta Ogasun Ministerioak aurrekontu egonkortasunerako adostutako konpromisoak.

2. Hiru hilabetean behin, Ekonomia eta Ogasun Departamentuak entitate horiei baimendutako zorpetze-eragiketen berri emanen dio Nafarroako Parlamentuari.

IV. TITULUA. TOKI-ENTITATEAK

39. artikulua. Ohiturazko elkarteen inbertsioetarako dirulaguntza eta onurak.

Nafarroako Aurrekontu Orokorretan Nafarroako Ogasun Publikoaren kargura ezarritako ekarpenak eta gainerako onurak jasotzen ahalko dituzte Errege Bardeako Komunitateak eta Aezkoako, Erronkariko eta Zaraitzuko batzarrek, beren organo eskudunek onesten dituzten inbertsioetarako.

V. TITULUA. AURREKONTUEN KUDEAKETA

40. artikulua. Aurreikusitako dirusarrera handiagoen bidez finantzatzen diren aurrekontualdaketak.

Nafarroako Ogasun Publikoari buruzko apirilaren 4ko 13/2007 Foru Legearen II. tituluko I. kapituluko 2. atalean ezarritakoari jarraituz, kreditu-sorrerak dira kredituak handitzen dituzten aurrekontu-aldaketa batzuk, hasierako aurrekontuan aurreikusi gabekoak edo aurreikusitakoak baino handiagoak diren diru-sarrera jakin batzuen ondoriozkoak.

Salbuespen gisa, beste administrazio edo entitate publiko batzuek finantzatutako gastuak direnean, kredituak handitzen ahalko dira aurrekontuko gastuen egoera-orrian dagokion diru-sarrera egiazki gertatu gabe, baldin eta dokumentuz frogatzen bada funtsak jarri behar dituen entitatearen edo administrazioaren finantzaketa konpromisoa, kasu hauetan:

a) Langileria-gastuei aurre egiteko beharrezkoak direnean.

b) Helburutzat prestazio pertsonal edo sozialak dituzten aldizkako transferentzia edo dirulaguntzei dagozkienean.

c) Finantzaketa diru-itzulketa baten bidez jasotzen duten programei dagozkienean. Egiazki izandako gastuek frogatuta egon beharko dute.

d) Suspertze, Eraldatze eta Erresilientziarako Planeko jarduketak finantzatzea helburu duten ekarpenak direnean.

e) Behar bezala justifikatutako beste kasu batzuetan, Nafarroako Gobernuak baimena ematen badu, aurrekontuen arloko eskumena duen departamentuak txostena egin ondoren.

41. artikulua. Gastu konpromisoak etorkizuneko aurrekontuen kargura.

1. Nafarroako Gobernuak zilegi izanen du urte anitzeko gastu konpromisoak hartzeko baimena ematea, Nafarroako Ogasun Publikoari buruzko apirilaren 4ko 13/2007 Foru Legeak baimendutako mugak eta urteko zenbatekoak gaindituz, kasu hauetan:

a) Etxebizitza babestuen sustatzaileei, eskuratzaileei, erabiltzaileei eta adjudikaziodunei dirulaguntzak emateko, eta etxebizitzak birgaitzeko dirulaguntzak emateko, baldin eta ez badira gainditzen aurreko ekitaldian helburu horretarako ezarritako zenbatekoak.

b) Europar Batasunak eta/edo Estatuko Administrazio Orokorrak kofinantzatzen dituzten planak, programak eta ekimenak aurrera eramateko, bai eta haietatik eratorritako betebeharrei aurre egiteko ere, bost urte baino gehiagoko plangintza eduki behar dutenean.

c) Enpresek, I+G+B proiektuak finantzatzeko, hitzartzen dituzten kreditu edo maileguen interesetarako hobari gisako laguntzak emateko, eta zentro teknologikoei eta azpiegitura zientifiko eta teknologiko bereziei laguntzak emateko.

d) Otsailaren 26ko 196/2010 Errege Dekretuak ezarritako dirulaguntzak emateko. Dekretu horren bidez zenbait neurri ezartzen dira, 2001eko martxoaren 8ko eta 2001eko uztailaren 31ko 76/2000 eta 25/2001 enplegu-erregulazioko espedienteek ukitutako langileak laneratzen laguntzeko, eta haientzako laguntza bereziak ezartzeko.

e) Hezkuntzari buruzko maiatzaren 3ko 2/2006 Lege Organikoan hezkuntza-itunak berritzeari buruz ezarritakoa betetzeko beharrezkoak direnak.

f) Toki-entitateei dirulaguntzak emateko, udal hirigintza-plangintza egin edo berrikus dezaten.

g) Ondasun higiezinen errentamendua.

2. Hezkuntza Departamentuak kontratatzen ahalko ditu eskola-garraioa eta eskola-jantokien zerbitzua, eta ematen ahalko ditu, orobat, garraiorako eta jantokirako banakako laguntzak, xede horrekin gastu konpromisoak hartuta hurrengo ekitaldiko aurrekontuaren kargura, betiere konpromiso horiek, ikasturteko beharrei erantzuteagatik, aurrekontu-ekitaldiaz bestelako urte-aldi bati badagozkio.

3. Unibertsitateko, Berrikuntzako eta Eraldaketa Digitaleko Departamentuak eta Hezkuntza Departamentuak bekak eta laguntzak ematen ahalko dituzte, xede horrekin gastu-konpromisoak hartuta hurrengo ekitaldiko aurrekontuaren kargura, betiere konpromiso horiek, ikasturteko beharrei erantzuteagatik, aurrekontu-ekitaldiaz bestelako urte-aldi bati badagozkio.

42. artikulua. Funtsmugimenduak, ordainsarien igoeraren ondoriozkoak.

Funtzio Publikoko Zuzendaritza Nagusiko titularrak baimena ematen ahalko du funts-mugimenduak egiteko "Ordainsarien igoera" izeneko F30001-F3100-1800-921402 partidaren kargura, 6., 7., 8. eta 9. artikuluetan ezarritako ordainsari igoerak eragindako gastua zer partidari egozten zaien, partida horiek finantzatzeko xedez.

43. artikulua. Funtsmugimenduak, aldi baterako kontrataziorako modukoak ez diren lanpostuetarako laneskaintza publikotik heldutako langileak laneratzearen ondoriozkoak.

Funtzio Publikoko Zuzendaritza Nagusiko titularrak baimena ematen ahalko du funts-mugimenduak egiteko "Kontratatzeko modukoak ez diren lanpostuen lan publikoaren eskaintza" izeneko F30001-F3100-1800-921404 partidaren kargura, langileak hartzeak eragindako gastua zer partidari egozten zaien, partida horiek finantzatzeko xedez.

44. artikulua. Erakunde sindikalen funtzionamendugastuaren konpentsazioa Nafarroako Foru Komunitateko administrazioaren eta haren erakunde autonomoen esparruan.

F30001-F3300-4819-921302; 410005-41700-4819-321100 eta 540000-52000-4819-311100 partiden bidez (hirurak "Erakunde sindikalen funtzionamendu-gastuen konpentsazioa" izenekoak), erakunde sindikalen berezko jarduna egiteko beharrezko diren gastuak finantzatuko dira, gastu horiek edozein motatakoak direla ere.

Partida bakoitzeko kreditua dagokion eremuko erakunde sindikalen artean banatuko da, azken hauteskunde sindikaletan lortutako botoen proportzioan.

45. artikulua. Funtsmugimenduak, Ondare Zerbitzuko obren, Higiezinei buruzko Planaren eta altzarien gastuen ondoriozkoak.

Aurrekontuen eta Ondarearen Zuzendaritza Nagusiko titularrak baimena ematen ahalko du partida hauen artean funts-mugimenduak egiteko: 111002-11300-6020-923104 partida, "Higiezinei buruzko Plana. Administrazio bulegoak" izenekoa, 111002-11300-6020-923100 partida, "Instalazio berriko eraikinak eta obrak, eta ondare higiezina zaharberritzea" izenekoa, eta 111002-11300-6050-923100 partida, "Higiezinei buruzko Plana. Eraikinetako eta obretako altzariak eta ekipamendua" izenekoa.

46. artikulua. Interesengatiko funtsmugimenduak.

Ekonomia-Next Generation Zuzendaritza Nagusiko titularrak baimena ematen ahalko du interesak eta bestelako gastu finantzarioak ordaintzera bideratutako partiden artean funts-mugimenduak egiteko, bai eta gaitu behar diren gainerako partiden artean ere, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura, berdin delarik horien sortzapenaren arrazoia zorra, maileguak, diruzaintzako eragiketak edo kontuetako saldoak izatea.

47. artikulua. Tokientitateen Partehartzearen Funtseko funtsmugimenduak.

1. Toki Administrazioaren eta Despopulazioaren zuzendari nagusiak funts-mugimenduak egiten ahalko ditu toki-entitateek Nafarroako tributuetan duten parte-hartzearen funtseko partiden artean, bai eta funts horren barnean aurrekontu-partidak sortu ere, kapital-transferentzia moduan, beharrezkotzat jotzen denean.

2. Toki Administrazioaren eta Despopulazioaren zuzendari nagusiak funts-mugimenduak egiten ahalko ditu toki ogasunek Nafarroako tributuetan duten parte-hartzearen funtseko partiden artean, bai eta haren barnean aurrekontu-partidak sortu ere, transferentzia arrunten bidez, beharrezkotzat jotzen denean.

48. artikulua. Ikasliburuen doakotasunerako plana finantzatzeko funtsmugimenduak.

Funts-mugimenduak egiten ahalko dira ikasliburuen eta hezkuntzako materialaren doakotasunerako plana finantzatzera bideratutako aurrekontu-partiden artean edo gaitu beharko diren partiden artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura, haiek behar bezala finantzatzeko. Arlo horretan eskumena duen Hezkuntza Departamentuko zuzendaritza nagusiko titularrak izanen du funts-mugimendu horiek baimentzeko eskumena.

49. artikulua. Eskolagarraioko eta jantokiko gastuen arteko funtsmugimenduak.

Arlo horretan eskumena duen Hezkuntza Departamentuko zuzendari nagusiak baimena ematen ahalko du eskola-garraiorako partiden eta behar bezala gauzatzeko gaitu behar diren partiden artean funts-mugimenduak egiteko, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

Era berean, eskola-jantokietara bideratutako partiden eta behar bezala gauzatzeko gaitu behar diren partiden arteko funts-mugimenduak baimentzen ahalko ditu, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

50. artikulua. Funtsmugimenduak ikastetxe publikoen eraikuntzara eta obretara bideratutako partiden artean.

Hezkuntza Departamentuko Langileriaren eta Azpiegituren Zuzendaritza Nagusiko titularrak baimena ematen ahalko du funts-mugimenduak egin daitezen ikastetxe publikoen eraikuntzara eta obretara bideratutako partiden eta xede horretarako gaitu beharko direnen artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

51. artikulua. Funtsmugimenduak "EGIF+ 2127 AAren eskolaastea" partiden artean.

Europako Gizarte Funtsak kofinantzatutako "EGIF+ 21-27 AAren eskola-astea" proiektuko partidei dagokienez, funts-mugimenduak egiten ahalko dira lehendik dauden partiden artean edo ekitaldian sortu beharrekoen artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura, helburua izanik gastua behar bezala aplikatzea. Mugimenduak egiten ahalko dira baldin eta proiektuaren helburuak betetzeak horretarako bidea ematen badu.

Arlo horretan eskumena duen Hezkuntza Departamentuko zuzendaritza nagusiko titularrak izanen du funts-mugimendu horiek baimentzeko eskumena.

52. artikulua. UHUNUrrutiko Hezkuntzarako Unibertsitate Nazionalaren ikastetxe elkartuen aurrekontuzuzkidura.

UHUNen Iruñeko eta Tuterako ikastetxe elkartuen finantzaketarako transferentzia arruntak, oro har, hiruhileko aurreratuetan igorriko dira.

53. artikulua. Ikastetxe itunduen eta parekatuen sostengua.

1. Hezkuntzari buruzko maiatzaren 3ko 2/2006 Lege Organikoaren 117. artikuluan ezarritakoaren arabera, eskola unitate bakoitzeko modulu ekonomikoaren diru kopurua, 2026. urterako, laugarren xedapen gehigarrian ezarritakoa izanen da, itundutako eta diruz lagundutako ikastetxeen sostengurako funts publikoen zenbateko globala banatzeari dagokionez.

Nafarroako Gobernuari ahalmena ematen zaio, irakaskuntza itunduaren sektorearekin negoziatu ondoren eta Ekonomia eta Ogasun Departamentuak aldeko txostena egin ondoren, laugarren xedapen gehigarriko modulu ekonomikoak eta ratioak eta artikulu honen bosgarren apartatuan finkatutako zenbatekoak aldatzeko, bai eta aldaketaren eraginkortasun eguna ezartzeko ere.

Irakasleentzat laugarren xedapen gehigarrian jasotako ordainsariei buruzko aurreikuspenak 2026ko urtarrilaren 1etik hasita jarriko dira indarrean, alde batera utzita noiz izenpetzen diren irakaskuntza pribatuaren hitzarmen kolektiboak. Administrazioak konturako ordainketak onartzen ahalko ditu enpresaburuen elkarte guztiek espresuki eta batera horrela eskatu eta sindikatuei kontsulta egin ondoren, kasuan kasuko hitzarmena izenpetu arte; konturako ordainketa horiek 2026ko urtarrilaren 1etik aurrera izanen dute eragina.

"Bestelako gastuak" eta, hala balitz, "langileak eta gastu espezifikoak" xede dituen moduluko osagaiak -laugarren xedapen gehigarrian jasotakoak- 2026ko urtarrilaren 1etik aurrera izanen du eragina.

Administrazioak, ordainketa eskuordetuaren bidez, zuzenean ordainduko ditu irakasleen soldatetarako adierazita dauden zenbatekoak, karga sozialak barne, irakasleen eta dagokien ikastetxeko titularraren arteko lan harremana ukatu gabe.

"Bestelako gastuak" eta, hala balitz, "langileak eta gastu espezifikoak" ataletako zenbatekoak ikastetxe itunduei ordainduko zaizkie, eta horiek ikasturte bakoitzaren amaieran justifikatu beharko dute aplikatu direla, kontuan hartuta hezkuntza bereziko unitateen "langileak eta gastu espezifikoak" atalean gutxienez laguntzaile bat sartu behar dela, Hezkuntzako kontseilariaren ekainaren 20ko 50/2019 Foru Aginduan aipatzen direnetakoa.

"Gastu aldakorrak" atala osatzen duten zenbatekoen banaketa eginen da itunen araubideari buruzko xedapenetan ezarritakoaren arabera.

2. Hezkuntza Departamentuko Langileriaren eta Azpiegituren Zuzendaritza Nagusiko titularrak baimena ematen ahalko du funts-mugimenduak egiteko "Irakaskuntza pribatu itundurako eta parekaturako dirulaguntzak" izeneko 410003 proiektuan (kode ekonomikoa: 4811) handigarritzat jotako partiden eta gaitu beharrekoen artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

3. Gaur egun Nafarroan ez direnez Berariazko Lanbide Heziketako titulu guztiak irakasten, Hezkuntza Departamentuak behin-behinean finkatuko ditu 2026-2027 ikasturtean lehen aldiz ezarriko diren eta laugarren xedapen gehigarrian sartuta ez dauden oinarrizko, erdi- eta goi-mailako heziketa-zikloetako modulu ekonomikoak, eta aipatutako xedapen gehigarri horretan sartutakoak behin-behinean aldatzen ahalko ditu; aldaketa horiek 2026-2027 ikasturtearen hasieran izanen dituzte ondorioak, haien ezarpena zein den ikusita.

4. Derrigorrezko Bigarren Hezkuntzako lehen eta bigarren zikloa, Batxilergoa, oinarrizko, erdi edo goi-mailako heziketa-zikloak eta Oinarrizko Lanbide Heziketa ezarri dituzten ikastetxe itunduei finantzaketa emanen zaie Hezkuntzari buruzko maiatzaren 3ko 2/2006 Lege Organikoaren 2.2 artikuluak aipatzen dituen hezkuntza-, psikopedagogia- eta lanbide-orientazioko zerbitzu espezializatuetarako. Finantzaketa hori honako proportzioan eginen da: eginkizun horietan aritzeko egokia den profesionalaren lanaldi oso bat, aipatu hezkuntza maila horietako 25 unitate itunduko. Hortaz, ikastetxe itunduek eskubidea izanen dute aipatu profesionalaren lanaldirako finantzaketa jasotzeko, maila horietan itunduta daukaten unitate kopuruaren arabera.

5. Goi-mailako heziketa-zikloetako itun berezia partziala izanen da; beraz, ez baita derrigorrezko maila, goi-mailako heziketa-zikloen irakaskuntzarako izenpetzen diren itun berezi partzialen araubideari esleitzen zaizkion funts publikoetatik lortutako finantzaketaren osagarri gisa, araututako irakaskuntzaren kontzeptu gisa soilik, hau izanen da ikasleengandik jaso beharreko zenbatekoa: 36 euro ikasle eta hileko, hamar hilabetez, 2026ko urtarrilaren 1etik urte bereko ekainaren 30era arte, eta 2026ko irailaren 1etik urte bereko abenduaren 31ra arte; horretatik kanpo daude lantokiko lanbide prestakuntzakoa baizik ez den ikastaro batean matrikulatuta dauden ikasleak. Azken horiek 32,45 euro ordainduko dituzte ikasle eta hileko, 2026-2027 ikasturteko lantokiko lanbide prestakuntzak irauten duen hiru hilean.

Online egiten diren goi-mailako heziketa-zikloetako itun berezia partziala izanen da; beraz, ez baita derrigorrezko maila, goi-mailako online heziketako zikloen irakaskuntzarako izenpetzen diren itun berezi partzialen araubideari esleitzen zaizkion funts publikoetatik lortutako finantzaketaren osagarri gisa, araututako irakaskuntzaren kontzeptuan soilik, hau izanen da ikasleengandik jaso beharreko zenbatekoa: 11,01 euro ikasle eta hileko, hamar hilabetez, 2026ko urtarrilaren 1etik urte bereko ekainaren 30era arte, eta 2026ko irailaren 1etik urte bereko abenduaren 31ra bitarte; horretatik kanpo daude lantokietako lanbide-prestakuntza baizik ez den ikastaro batean matrikulatuta dauden ikasleak. Azken horiek 9,90 euro ordainduko dituzte ikasle eta hileko, 2026-2027 ikasturteko lantokietako lanbide-prestakuntzak irauten duen hiru hilean.

Ikastetxeek ikasleei diru kopuru horiek kobratzearen ondorioz eskuratutako finantzaketa erabiliko da modulu ekonomikoko "bestelako gastuak" izeneko atalerako; eta, beraz, Administrazioak ordainduko du "bestelako gastuak" atalaren zenbatekoa osatzeko falta den kopurua bakarrik.

6. Zuzendaritzako eginkizunetan laguntzeko, Hezkuntzari buruzko maiatzaren 3ko 2/2006 Lege Organikoaren hogeita zazpigarren xedapen gehigarrian ezarritakoarekin bat, finantzaketaren beharra dago. Hori dela eta, hezkuntza maila eta modalitate guztietako eskola-unitate bakoitzeko modulu ekonomiko guztiek (foru lege honen laugarren xedapen gehigarrian finkatutakoak), lantokietako prestakuntza soileko unitateek izan ezik, 771,51 euroko kopurua daukate urtean "bestelako gastuak" kontzeptuan (514,34 euro goi-mailako onlineko heziketako zikloetan), zuzendaritzako eta/edo pedagogiako eginkizunetako beste kargu batzuk finantzatzeko, zein ere den zuzendaritza-osagarria, zeinak "gastu aldakorrak" izeneko atalean baitirau.

7. Haur Hezkuntzako eta derrigorrezko irakaskuntzetako ikastetxe itunduek artatzen badituzte hezkuntza-premia bereziak dituzten ikasleak, edo gizarte edo kultur egoera ahulean daudenak edo etxeko laguntza jasotzen dutenak, bestelako giza baliabideak eta baliabide ekonomikoak izanen dituzte: ikasle horiei arreta emateko laguntza-irakasleak, logopedia zerbitzuak, eta zaintzaileak edo bestelako langile osagarriak.

Baliabide horiek esleitzeko, deialdi publikoa eginen da, Hezkuntza Departamentuak onetsia, behar diren txosten teknikoak baliatuta.

8. Foru lege honen II. eranskinean ezarrita dago Hezkuntza Departamentuarekin hitzarmena sinatu duten irabazi-asmorik gabeko entitateetako eskola-unitate bakoitzeko modulu ekonomikoaren zenbatekoa.

54. artikulua. Funtsmugimenduak, Konferentzia Sektorialaren funtsekin finantzatzen diren jarduketetara bideratutako kredituak kudeatzekoak.

Dauden partiden eta gaitu beharreko partiden artean funts-mugimenduak egiten ahalko dira, nahiz eta Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatutako eta araututako loturarik ez egon, enplegurako egiazta daitezkeen Lanbide Heziketako ekintzei eta enplegu-politika aktiboei dagozkien gastuak behar bezala egozteko, izaeraren arabera; bi talde horiek Konferentzia Sektorialetik datozen funtsekin finantzatzen dira.

Funts-mugimendu horiek egiteko eskumena izanen dute, hurrenez hurren, Hezkuntza Departamentuko Lanbide Heziketaren arloko eskumena duen zuzendaritza nagusiaren titularrak eta Eskubide Sozialetako, Ekonomia Sozialeko eta Enpleguko Departamentuari atxikitako Nafar Lansare Nafarroako Enplegu Zerbitzuaren kudeatzaileak.

55. artikulua. Ikerketaren sustapena.

Osasun Departamentuak osasun zientzien arloan ikerketa sustatzea haren inbertsio berekitzat joko da, eta horri ez zaio aplikatuko azaroaren 9ko 11/2005 Foru Legea, Dirulaguntzei buruzkoa, salbu eta aurrerakinei dagokienez, zeinak arau horretan ezarritakoaren arabera antolatuko baitira.

56. artikulua. Organotransplanteen sustapena.

Ospitaleek organo-transplanteen sustapenerako jasotzen duten diru kopuru finalista ondasun arruntetako eta zerbitzuetako gastuetan nahiz ondasun inbentariagarrietako gastuetan erabiltzen ahalko da, jasotako diru horren helburuarekin zerikusia baldin badute betiere.

57. artikulua. Funtsmugimenduak, OsasunbideaNafarroako Osasun Zerbitzuan kreditu handigarriak kudeatzekoak.

Osasunbidea-Nafarroako Osasun Zerbitzuko Kudeaketa Ekonomikoaren eta Zerbitzu Orokorren zuzendariak baimena ematen ahalko du 54. programa-taldeko aurrekontu-partiden artean funtsak mugitzeko; zehazki, lege honen 5. artikuluaren 4.4 apartatuaren c), f), g), i), j), k) eta l) letretan handigarritzat jotakoen artean, bai eta gaitu beharrekoen artean ere, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

58. artikulua. Funtsmugimenduak, OsasunbideaNafarroako Osasun Zerbitzuko itxarotezerrendak murrizteko kredituak kudeatzeko.

Funts-mugimenduak egiten ahalko dira itxarote-zerrendei dagozkien partiden artean -foru lege honen 5. artikuluaren bigarren apartatuan aipatzen direnak-, gastua hobeki kudeatzeko.

Osasunbidea-Nafarroako Osasun Zerbitzuko Kudeaketa Ekonomikoaren eta Zerbitzu Orokorren zuzendariak izanen du eskumena funts-mugimendu horiek egiteko.

59. artikulua. Funtsmugimenduak egitea osasun zentroetako inbertsioetarako partiden artean.

Osasunbidea-Nafarroako Osasun Zerbitzuko Aurrekontu Kudeaketaren eta Zerbitzu Orokorren Zuzendaritza Nagusiaren titularrak zilegi izanen du baimena ematea, funtsak mugi daitezen osasun-zentroak eraikitzeko eta haietako mantentze-obra eta ekipamenduetarako partiden artean, bai eta horretarako gaitu beharreko partiden artean ere, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura. Zehazki, aipatu partida horiek 540.etik 547.era bitarteko programetan sartuta daude, eta 6020, 6057, 6059 eta 7609 kode ekonomikoak dituzte. Mugimenduen helburua izanen da gastua hobeki kudeatzea, eta eginen dira baldin eta ekitaldirako betebeharrak finkatu badira horietako bakoitzean.

60. artikulua. Osasun zentroen funtzionamendurako transferentziak.

Nafarroako udalen jabetzakoak diren herri-kontsultategien eta kontsultategi osagarrien funtzionamendu-gastuak finantzatzeko "Osasun zentroen funtzionamendurako transferentziak" izeneko 547001-52300-4609-312200 aurrekontu-partidan dagoen zenbatekoa banatzeko, Osasunbidea-Nafarroako Osasun Zerbitzuko kudeatzaileak urtero onesten dituen gehieneko zenbatekoak eta moduluak hartuko dira kontuan, eta ez da aplikatuko Dirulaguntzei buruzko azaroaren 9ko 11/2005 Foru Legea.

Betiere, modulu horiek kontuan hartuko dituzte kontsultategi mota eta azalera.

Herrietako kontsultategiak hornitzeaz Osasunbidea-Nafarroako Osasun Zerbitzua arduratuko da, kasua bada.

61. artikulua. Funtsmugimenduak, Nafarroako 20142022 Landa Garapeneko Programa eta 20232027 NPEren Plan Estrategikoa finantzatzera bideratutako kredituak kudeatzeko.

Funts-mugimenduak egiten ahalko dira Nafarroako Landa Garapeneko 2014-2022 Programa eta 2023-2027 NPEren Plan Estrategikoa finantzatzera bideratutako aurrekontu-partiden artean, edo haiek behar bezala gauzatzeko gaitu behar diren partiden artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

Ukitutako partidak zer departamenturi dagozkion, hango kontseilariak izanen du aipatutako partiden arteko funts-mugimenduak baimentzeko eskumena. Baldin departamentu bati baino gehiagori badagokie, Ekonomia eta Ogasuneko kontseilariarena izanen da eskumena, ukitutako departamentuek adostasuna eman ondoren.

62. artikulua. Nekazaritzaren eta basogintzaren arloetako estatulaguntzei aplika dakizkiekeen Europar Batasunaren zuzentarauekin bat etorriz Europako Batzordeak baimendutako laguntzak.

Europako Batzordeak laguntza-araubide batzuk baimendu ditu, bat etorriz Europar Batasunaren zuzentarauekin, eta horiek aplika dakizkieke Nafarroako Aurrekontu Orokorren kargura osotara edo partez finantzatzen diren nekazaritzaren eta basogintzaren arloetako estatu-laguntzei. Laguntza-araubide horiek kasu bakoitzean aplika daitekeen Europar Batasuneko araudiaren arabera antolatuko dira lehentasunez.

63. artikulua. Funtsmugimenduak, Hondakin Funtsaren kredituak kudeatzeko.

Funts-mugimenduak egiten ahalko dira Hondakinen Funtsari dagozkion partiden artean, lehendik daudenen eta sortu behar direnen artean, gastua hobeki kudeatzeko, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatutako eta araututako lotura.

Ukitutako partidak zer departamenturi dagozkion, hango kontseilariak izanen du aipatutako partiden arteko funts-mugimenduak baimentzeko eskumena. Baldin departamentu bati baino gehiagori badagokie, Ekonomia eta Ogasuneko kontseilariarena izanen da eskumena, ukitutako departamentuek adostasuna eman ondoren.

64. artikulua. Hondakinen Funtsari dagozkion gastukreditu exekutatugabeen txertaketak.

Hondakinei eta haien Fiskalitateari buruzko ekainaren 18ko 14/2018 Foru Legeak sortutako Hondakinen Funtsari dagokion gastua, Nafarroako Aurrekontu Orokorretan kontsignatutakoa, kasuan kasuko ekitaldian exekutatzen ez den zatian, diruzaintzako gerakin lotutzat joko da eta hurrengo aurrekontu-ekitaldietan txertatzen ahalko da.

Gainera, txertatu beharreko kopuruetatik erabili gabeko soberakinak geratzen direnean, hurrengo aurrekontu-ekitaldietan jatorrikoak ez diren beste fluxu eta aurrekontu-partida batzuetara bideratzen ahalko dira, betiere Hondakinen Funtserako ezarritako helburuen eta xedeen barnean eta behar bezala identifikatutako partidetan.

65. artikulua. Funtsmugimenduak, Nafarroako Klima Funtsaren kredituak kudeatzeko.

Gastua hobeki kudeatzeko, funts-mugimenduak egiten ahalko dira Nafarroako Klima Funtsari dagozkion partiden artean, lehendik daudenen eta gaitu beharrekoen artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

Ukitutako partidak zer departamenturi dagozkion, hango kontseilariak izanen du funts-mugimendu horiek baimentzeko eskumena. Baldin departamentu bati baino gehiagori badagokie, Ekonomia eta Ogasuneko kontseilariarena izanen da eskumena, ukitutako departamentuek adostasuna eman ondoren.

66. artikulua. Nafarroako Klima Funtsari dagozkion gastukreditu exekutatugabeen txertaketak.

Klima Aldaketari eta Trantsizio Energetikoari buruzko martxoaren 22ko 4/2022 Foru Legeak sortutako Nafarroako Klima Funtsari dagokion gastua, Nafarroako Aurrekontu Orokorretan kontsignatutakoa, kasuan kasuko ekitaldian exekutatzen ez den zatian diruzaintzako gerakin lotutzat joko da eta hurrengo aurrekontu-ekitaldietan txertatzen ahalko da.

67. artikulua. CENER Fundazioari funtsak ematea, I+G+B proiektu eta inbertsioetarako.

G20001-G2100-7301-467300 partida, "CENER Fundazioari funtsak ematea I+G+Bko proiektu eta inbertsioetarako" izenekoa, aplikatuko zaio Energia Berriztagarrien Zentro Nazionala Fundazioak (CENER) energia berriztagarrien arloko ikerketa eta garapeneko bere helbururako egiten dituen proiektu eta inbertsioak finantzatze aldera lortzen dituen maileguen saldoaren amortizazioari.

68. artikulua. Funtsmugimenduak, Nafarroako ehuneko 0,7 Funtsaren kredituak kudeatzeko.

Funts-mugimenduak egiten ahalko dira ehuneko 0,7ko Funtsari dagozkion partiden artean, baita gastuaren kudeaketa hobea izateko beharrezkoak direnak sortu ere.

Partidak zer departamenturi dagozkion, haren titularrak izanen du funts-mugimendu horiek baimentzeko eskumena. Baldin departamentu bati baino gehiagori badagokie, Ekonomia eta Ogasuneko kontseilariarena izanen da eskumena, ukitutako departamentuek adostasuna eman ondoren.

69. artikulua. Kreditutxertaketa, Foru Komunitateko zergadunek gizarteintereseko beste xede batzuetarako bideratzen duten tributuen 100eko 0,7 arautzeko ekainaren 5eko 7/2009 Foru Legeari dagokion gastua ez exekutatzearen ondoriozkoa.

Foru Komunitateko zergadunek gizarte-intereseko beste xede batzuetarako bideratzen duten tributuen ehuneko 0,7 arautzen duen ekainaren 5eko 7/2009 Foru Legeari dagokion gastua, Nafarroako aurrekontu orokorretan kontsignatua, diruzaintzako gerakin lotutzat joko da kasuan kasuko ekitaldian exekutatzen ez den zatian, eta hurrengo aurrekontu-ekitaldietan txertatzen ahalko da.

70. artikulua. Sindikatuak eta enpresaburuen elkarteak.

Nafarroako Aurrekontu Orokorretan sindikatuentzat eta enpresaburuen elkarteentzat kontsignatutako gastua kontzeptu hauetara bideratuko da:

a) 970000-97000-4819-494100 partida, "Berrikuntza Sozialerako Unitatea elkartearentzako dirulaguntza, bere funtzionamendurako" izenekoa, erabiliko da Berrikuntza Sozialerako Unitatea elkartearen azpiegiturako eta mantentze-lanetako gastuak ordaintzeko, horrela bete ahal izan dezan bere helburua, zeina baita berrikuntza soziala sustatu eta bultzatzea eta desafio sozialei erantzuteko eta garapen ekonomiko berritzailea, soziala, jasangarria eta pertsonengana zuzendua sustatzeko bide berritzaileak lankidetzan sortu eta garatzea, enpresa-jarduera eta kalitatezko enplegua abiarazirik.

b) 970000-97000-4819-494103 partida, "Sindikatuen hauteskunde prozesuaren segimendurako lantaldea osatzen duten sindikatuei bertan parte hartzeagatik egin beharreko ordainketa" izenekoa, banatuko da urriaren 3ko 182/1994 Foru Dekretuaren bidez sortutako batzordean parte hartzen duten sindikatuen artean, haietako bakoitzak duen ordezkari kopuruaren proportzioan.

c) 970000-97000-4819-494108 aurrekontu-partida, "Sindikatuentzako transferentziak, haien ordezkagarritasunaren arabera" izenekoa, haien guztien artean banatuko da, bakoitzak Foru Komunitatean duen ordezkaritzaren arabera eta aintzat hartuta 2021eko urtarrilaren 1etik 2024ko abenduaren 31ra bitarte egindako hauteskundeetako eta boto-kontaketetako aktetan adierazitako emaitzak. Ordezkaritza-agintea indarrean izan beharko dute azken data horretan, hala ezarrita baitago Garapen Ekonomikorako kontseilariaren ekainaren 16ko 26E/2017 Foru Aginduan, zeinaren bidez ezartzen baita sindikatuei beren jarduera arruntak gauzatzeko ematen zaien dirulaguntzaren araubidea, Nafarroan lortutako ordezkari kopuruaren proportzioa aintzat hartzen duena, bai eta urteko deialdian ere.

d) 970000-97000-4819-494111 partida, "Eragile sozial eta enpresarialentzako transferentzia, haien parte-hartzearen araberakoa" izenekoa, erabiliko da eragile sozialen eta enpresarialen parte-hartze instituzionala sustatzeko, hala ezarrita baitago Garapen Ekonomikorako kontseilariaren azaroaren 3ko 222/2016 Foru Aginduan. Foru agindu horren bidez arautzen dira erakunde sindikalek eta enpresaburuen erakundeek parte hartzeagatik jasoko dituzten konpentsazioak.

e) 970000-97000-4819-494113 partida, "Enpresa erakundeentzako transferentzia, haien ordezkagarritasunaren arabera. CEN" izenekoa, erabiliko da Nafarroako Enpresaburuen Konfederazioaren azpiegitura- eta funtzionamendu-gastuak ordaintzeko, bete ditzan bere funtsezko helburuak, erakundearen estatutuetan jasoak.

f) 970000-97000-4819-494114 partida, "Ekonomia sozialeko entitateak sustatu eta mantentzea. ANEL" izenekoa, erabiliko da Nafarroako Ekonomia Sozialeko Enpresen Elkartea (ANEL) izenekoaren azpiegitura eta mantentze-lanen gastuak ordaintzeko, ekonomia soziala bultzatu, garatu, sustatu eta indartzeko xedea bete dezan.

g) 970000-97000-4819-494121 partida, "Transferentzia Ekimen Sozialeko Enplegu Zentro Berezien Elkarteari" izenekoa, erabiliko da Nafarroako Ekimen Sozialeko Enplegu Zentro Berezien Elkartearen (CEISNA) azpiegitura- eta funtzionamendu-gastuak ordaintzeko, desgaitasuna duten pertsonen lan- eta gizarte-inklusio erabatekoaren alde lan egin dezan, entitate horrek Nafarroako ekonomia soziala ordezkatzen baitu.

h) 970000-97000-4819-494122 partida, "Transferentzia Nafarroako Gizarteratze Enpresen Elkarteari (EINA). ESPI" izenekoa, erabiliko da Nafarroako Gizarteratze Enpresen Elkartearen (EINA) azpiegitura- eta funtzionamendu-gastuak ordaintzeko, lan egin dezan lan-merkatuan sartzeko zailtasun bereziak dituzten pertsonak gizarteratzearen eta laneratzearen alde, entitate horrek Nafarroako ekonomia soziala ordezkatzen baitu.

i) 970000-97000-4819-494123 partida, "Transferentzia Nafarroako Fundazioen Elkarteari. ESPI" izenekoa, erabiliko da Nafarroako Fundazioen Elkartearen azpiegitura- eta funtzionamendu-gastuak ordaintzeko, fundazio-eredua susta dezan ekonomia sozialetik, eta fundazioen kudeaketa eta haien arteko elkarlana hobetu ditzan, entitate horrek Nafarroako ekonomia soziala ordezkatzen baitu.

j) 970000-97000-4819-494131 partida, "Nafarroako Enpresaburuen Konfederazioarentzako (CEN) dirulaguntza, enpresetan berdintasunaren arloan sustatzeko eta dinamizatzeko" izenekoa, erabiliko da Nafarroako enpresetan genero berdintasuna bultzatzeko, aholkatzeko eta sustatzeko.

k) 950002-96200-4819-242106 partida, "Prestakuntza-premiak ikertu eta planifikatzeko jardueretan parte hartzeagatiko konpentsazioa" izenekoa, banatuko da Lan-arloko Enplegurako Lanbide Heziketaren Sistema arautzen duen irailaren 9ko 30/2015 Legean xedatutakoari jarraituz.

71. artikulua. Funtsmugimenduak, gizarte inklusioaren arloko prestazioetara bideratutako kredituak kudeatzeko.

Eskubide Sozialetako, Ekonomia Sozialeko eta Enpleguko Departamentuko titularrak funts-mugimenduak egiten ahalko ditu "Errenta bermatua" izeneko 901002-91100-4809-231500 partidaren eta "Bizitzeko gutxieneko errenta" izeneko 901002-91100-4809-231505 partidaren eta gaitu beharrekoen artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan araututako eta eskatutako lotura, gastua hobeki kudeatzeko.

72. artikulua. Funtsmugimenduak, Gizarte Zerbitzuen Zorroak mendekotasunaren, desgaitasunaren eta gaixotasun mentalaren arretarako bermatzen dituen prestazioetara bideratutako kredituak kudeatzeko.

Eskubide Sozialetako, Ekonomia Sozialeko eta Enpleguko Departamentuko titularrak funts-mugimenduak egiten ahalko ditu partida hauen eta helburu beretarako gaitu beharrekoen artean:

a) 920005-93100-2600-231B04 partida, "Adinekoentzako zentroen kudeaketa" izenekoa.

b) 920005-93100-2600-231B05 partida, "Desgaitasuna duten pertsonentzako zentroen kudeaketa" izenekoa.

c) 920005-93100-2600-231B06 partida, "Osasun mentaleko zentroen kudeaketa" izenekoa.

d) 920004-93200-4809-231B00 partida, "Zerbitzuari lotutako laguntzak" izenekoa.

e) 920004-93200-4809-231B02 partida, "Zerbitzu pertsonalei arreta emateko laguntzak" izenekoa.

73. artikulua. Funtsmugimenduak, Gizarte Zerbitzuen Zorroak haurrei eta nerabeei arreta emateko bermatzen dituen prestazioetara bideratutako kredituak kudeatzeko.

Eskubide Sozialetako, Ekonomia Sozialeko eta Enpleguko Departamentuko titularrak funts-mugimenduak egiten ahalko ditu foru lege honen 5. artikuluaren 4.6 apartatuan handigarritzat jotzen diren 920008 proiektuko partiden eta gaitu beharrekoen artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

74. artikulua. Funtsmugimenduak, ParquenasaSendavivari dirulaguntzak emateko partiden artean.

Turismo Zuzendaritza Nagusiko titularrak funts-mugimenduak baimentzen ahalko ditu "Parquenasa-Sendavivari dirulaguntzak" izeneko A30004-A3400-4709-458300 partidaren eta "Parquenasa-Sendavivari dirulaguntzak. Inbertsioak" izeneko A30004-A3400-7709-458300 partidaren artean.

75. artikulua. Funtsmugimenduak, Suspertze eta Erresilientzia Mekanismoari dagozkion kredituak kudeatzeko.

Funts-mugimenduak egiten ahalko dira Estatuko Administrazioko organo eskudunak onetsitako Suspertze, Eraldatze eta Erresilientzia Planeko azpiproiektu bakoitzeko partiden artean, lehendik daudenen edo ekitaldian sortu beharrekoen artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

Ukitutako partidak zer departamenturi dagozkion, hango kontseilariak izanen du funts-mugimendu horiek baimentzeko eskumena. Baldin departamentu bati baino gehiagori badagokie, Ekonomia eta Ogasuneko kontseilariarena izanen da eskumena, ukitutako departamentuek adostasuna eman ondoren.

76. artikulua. Kreditualdaketak, Suspertze eta Erresilientzia Mekanismoari dagozkionak.

1. Suspertze eta Erresilientzia Mekanismoari dagokion gastua, Nafarroako Aurrekontu Orokorretan kontsignatutakoa, kasuan kasuko ekitaldian exekutatzen ez den zatian, diruzaintzako gerakin lotutzat joko da eta hurrengo aurrekontu-ekitaldietan txertatzen ahalko da, proiektu bakoitzaren partidetatik edozeinetan.

2. Suspertze eta Erresilientzia Mekanismoaren dirulaguntzei dagozkien partiden aurrekontu-aldaketak Dirulaguntzei buruzko azaroaren 9ko 11/2005 Foru Legearen 17.2.a) artikuluko mugetatik kanpo geratzen dira.

77. artikulua. Suspertze, Eraldatze eta Erresilientzia Planaren 14. osagaiaren funtsekin finantzatutako dirulaguntzen ordainketa aurreratuak.

Ez da beharrezkoa izanen Dirulaguntzei buruzko azaroaren 9ko 11/2005 Foru Legearen 33.2 artikuluan ezarritako bermeak ematea, honako funts hauekin emandako dirulaguntzen ordainketa aurreratuak egiteko: Europar Batasunaren Next Generation EU funtsak finantzatzen dituen Suspertze, Eraldatze eta Erresilientzia Planaren 14. osagaiaren ("Turismo Modernizaziorako eta Lehiakortasunerako Plana") 1. inbertsioaren ("Turismo Eredua Jasangarritasunerantz Eraldatzea") 2. azpi-neurriaren funtsekin ("Helmugako Turismo Jasangarritasunerako Planen Programa").

78. artikulua. Suspertze, Eraldatze eta Erresilientzia Planeko 2. osagaiko dirulaguntzen deialdiak.

Administrazio-ebazpen bidez kreditu-zenbateko gehigarriak onesten ahalko dira urriaren 5eko 853/2021 Errege Dekretuan jasotako Suspertze, Eraldatze eta Erresilientzia Planeko etxebizitza-birgaikuntza arloko laguntza-programen garapen gisa onetsitako dirulaguntza-deialdietan, baita eskabideak aurkezteko epea bukatuta dagoenean ere, programa horiek finantzatzeko jaso diren funts berrien zenbatekoarekin. Halaber, eskueran dauden funtsak programen artean birbanatzea onesten ahalko da, errege dekretu horretan ezarritakoari jarraituz. Gastu gehigarriaren igoera onesteak ez du berekin ekarriko eskabideak aurkezteko beste epe bat abiaraztea.

79. artikulua. Itoizko urtegiak ukitutako udalerri eta kontzejuen lurraldegarapen jasangarrirako inbertsioen Plan Estrategikoaren proposamenean identifikatutako inbertsioak diruz laguntzeko zenbatekoaren banaketa. Proposamen hori "Itoiz Batzordeak" onetsi zuen.

210002-21400-7609-922105 partida, "Itoizko Lurralde Garapen Jasangarrirako Proiektuak, Longida, Artzibar, Agoitz eta Orotz-Beteluko udalekiko hitzarmena" izenekoa, Itoizko urtegiak ukitutako udalerri eta kontzejuetara bideratuko da, eta udalekin egindako hitzarmenen bidez artikulatuko da, honela banatuta:

- Agoizko Udala: ehuneko 47.

- Artzibarko Udala eta kontzejuak: ehuneko 24.

- Longidako Udala eta kontzejuak: ehuneko 24.

- Orotz-Beteluko Udala: ehuneko 5.

Beren eskumeneko inbertsioetarako, kontzejuek kudeaketa-esleipenak egiten ahalko dizkiete beren udalei.

80. artikulua. 2025eko inbertsioprograma.

1. Aurreko ekitaldietan lortutako gastu orokorren diruzaintzako gerakina, 43.766.500 eurokoa, III. eranskinean jasotako inbertsioak finantzatzeko erabiliko da, artikulu honetan ezarritako baldintzetan.

2. Kasuko gastu-espedientearen hasiera eta egindako inbertsiotik heldutako betebehar ekonomiko guztien aitorpena 2026ko ekitaldia amaitu baino lehen egin beharko dira.

Hala ere, exekuzio-epea aurrekontu-ekitaldia baino luzeagoa duten eta aurreikusitako gastua 2026ko ekitaldian osorik exekutatu ezin den inbertsio-proiektuetan, baimendutako gastuaren gainerako zatia hurrengo ekitaldietan konprometitu eta kontabilizatzen ahalko da, eta diruzaintzako gerakinaren kargura finantzatuko da; gerakin hori xede horri lotuta geratuko da gainerako zenbateko horretan.

Halaber, 2025eko Aurrekontu Orokorren kargura baimendutako gastua, 2025eko abenduaren 31 baino lehen exekutatu ezin den heinean, 2026. urtean konprometitu eta kontabilizatzen ahalko da, eta diruzaintzako gerakinaren kargura finantzatuko da; gerakin hori xede horri lotuta geratuko da baimendu den eta konprometitzeke geratu den zenbatekoan.

3. Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatutako eta araututako lotura ez dagoenean ere, III. eranskinean adierazitako aurrekontu-partidak edo gaitu beharreko suertatzen diren horiek zuzkitzeko behar diren aurrekontu-aldaketak lotuko zaizkio Nafarroako Ogasun Publikoari buruzko apirilaren 4ko 13/2007 Foru Legean eta foru lege honetan horri buruz xedatutakoari.

Dirulaguntzei dagozkien partiden aurrekontu-aldaketak Dirulaguntzei buruzko azaroaren 9ko 11/2005 Foru Legearen 17.2.a) artikuluko murriztapenetatik kanpo geratzen dira.

4. Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoaren azken xedapenetako hirugarrenean eta Estatuaren eta Nafarroako Foru Komunitatearen arteko Hitzarmen Ekonomikoa onesten duen abenduaren 26ko 28/1990 Legearen 67.2.l) artikuluan xedatutakoaren babesean, xedapen honek jasotako zehaztapenak direla-eta suertatzen ahal diren gaiak Hitzarmen Ekonomikoaren Koordinazio Batzordean arautuko eta interpretatuko dira.

81. artikulua. Nafarroako Enpresa Korporazio Publikoa SLU sozietatearen kapitalhanditzea, industriaren eta etxebizitzaren sektoreetarako.

Nafarroako Aurrekontu Orokorretako "Sektore publikoko akzioak erostea" izeneko 111002-11300-8500-923100 partidan kontsignatutako gastua bideratuko da Nafarroako Enpresa Korporazio Publikoa SLU sozietatearen kapitala honako xede hauetarako zabaltzera:

a) Nafarroako Inbertsio Institutua SLra bideraturik: 3.000.000 euro, Funts Sozialerako urteko kapital-ekarpen gisa, 2022ko maiatzaren 11n onetsi zen Jarduketa, Inbertsio eta Finantzaketa Planean xedatutako finantzaketa osatzeko.

b) Industriaren, industria-lurzoruaren eta etxebizitzaren arloko erakartze eta sustatze jarduketak egin daitezen, aurreikusten da 30.000.000 euroko aparteko zuzkidura bat egitea, honako sozietate hauen bidez:

- Nafarroako Lurzorua eta Etxebizitzak SAra bideraturik: 5.000.000 euro, inbertsioak egin daitezen Nafarroako Merkatu Tentsionatuko Zonetarako Neurri Planaren esparruan eta Foru Komunitateko Landa-etxebizitzaren Estrategiaren esparruan, bai eta etxebizitzak eskuratu daitezen ere, erabilera soziala emateko.

- Nafarroako Lurzorua eta Etxebizitzak SAra bideraturik: 5.000.000 euro, industria-lurzorua sustatzeko, Iruñeko Garraioaren Hiriko urbanizazio obretan gauzatu behar den inbertsiorako, bai eta industria-lurzorua sustatzeko beste jarduketa batzuetarako ere, Nafarroako Gobernuak ezarritako jarraibideen arabera.

- Nafarroako Garapen Sozietatea SLra bideraturik: 5.000.000 euro, sozietateak Nafarroako enpresa-ehundurari hazten eta sendotzen laguntze aldera kapital-partaidetza hartuz egin dezakeen inbertsio-jarduera bultzatzeko.

- Nafarroako Inbertsio Institutua SLra bideraturik: 15.000.000 euro, tresna bat sor dezan, bitartekoa izanen dena epe luzeko industria-inbertsiorako funts baten tankeratzea bideragarri egiteko, eta bultza dezan ekonomiako sektore estrategikoetan partaidetza izatea, zuzeneko inbertsioaren bidez, sozietatearen estatutuetan jasotzen den bezala.

82. artikulua. Nafarroako Gobernuak Bruselan duen ordezkaritza.

Nafarroako Gobernuaren Europar Batasuneko Bulego Iraunkorraren ohiko jardunerako beharrezkoak diren gastuak kutxa finkoko aurrerakinekin edo, hala bada, justifikatu beharreko ordain-aginduekin ordaintzen ahalko dira.

83. artikulua. Nafarroako Parlamentuaren, Kontuen Ganberaren, Arartekoaren, Nafarroako Kontseiluaren eta Jardunbide egokien aldeko eta ustelkeriaren kontrako Bulegoaren aurrekontuzuzkidurak.

1. Nafarroako Parlamentuaren, Kontuen Ganberaren eta Arartekoaren aurrekontu-zuzkidurak ordaintzeko aginduak irmoki eta aldizka jaulkiko dira, hurrenez hurren Parlamentuko Mahaiak eta erakunde horietako ordezkariek eskatu ahala.

2. Duten independentzia organikoa eta funtzionala ezertan galarazi gabe, Nafarroako Kontseilua eta Jardunbide egokien aldeko eta ustelkeriaren kontrako Bulegoa Foru Komunitateko Administrazioaren ekonomia- eta aurrekontu-kudeaketari buruzko araudi orokorraren esanetara egonen dira.

Halaber, haien ekonomia- eta aurrekontu-jarduna Nafarroako Gobernuaren Kontu-hartzailetzaren kontrolpean egonen da, Nafarroako Foru Komunitateko Administrazioarentzat eta haren erakunde autonomoentzat ezarrita dauden baldintza beretan.

Nafarroako Kontseiluarentzako eta Jardunbide egokien aldeko eta ustelkeriaren kontrako Bulegoarentzako transferentzia arruntak, oro har, hiruhileko aurreratuetan igorriko dira, non eta ez den behar handiagorik justifikatzen.

Kapital transferentziak igorriko dira erakunde horien ordezkariek haiek eskatu ahala, eskaera eragin duen gastuaren beharra justifikatuta.

Lehenengo xedapen gehigarria. Trafikoaren eta ibilgailu motordunen zirkulazioaren arloko zerbitzutransferentzia.

1. Nafarroako Gobernuari baimena ematen zaio Foru Komunitateko Administrazioaren plantillan sar ditzan apirilaren 4ko 252/2023 Errege Dekretuaren 2. zerrendan identifikatzen diren funtzionarioak edo langile lan-kontratudunak. Errege-dekretu horren bidez Nafarroako Foru Komunitateari eskualdatzen zaizkio Estatuko Administrazioak trafikoaren eta ibilgailu motordunen zirkulazioaren arloan dituen zenbait eginkizun eta zerbitzu.

2. Baimena ematen zaio Barneko, Funtzio Publikoko eta Justiziako Departamentuari, Trafiko Taldean zerbitzuak ematen dituzten Estatuko Administrazio Orokorreko funtzionarioak Foruzaingoan sartu ahal izateko beharrezkoak diren mekanismoak gaitzeko, Nafarroako Poliziei buruzko azaroaren 19ko 23/2018 Foru Legearen bederatzigarren xedapen gehigarrian xedatutakoarekin bat etorriz.

3. Gerta daiteke transferentzia egin aurretik zenbait langilek, oinarrizko ordainsariak eta ordainsari osagarriak batuta, zenbateko handiagoa jasotzea Nafarroako Foru Komunitateko Administrazioaren zerbitzupeko langileen ordainsari-araudia aplikatuta legokiekeena baino. Langile horiei osagarri bat esleituko zaie, aldea konpentsatzeko. Konpentsazio hori xurgatu eginen da haien ordainsarietan izaten den edozein gehikuntzarekin, eta horien artean sartuko dira, espresuki, bai ordainsari pertsonalei eta osagarriei dagozkienak, bai oro har aplika daitezkeen ordainsari eguneratzeei dagozkienak.

Bigarren xedapen gehigarria. Eskumenak Nafarroako Ubidearen 1. eta 2. faseetako eremu ureztagarrietan.

Lurralde Kohesiorako Departamentuari dagozkio Nafarroako Ubidearen 1. faseko eremu ureztagarriaren (handitutako eremua barne) interes orokorreko azpiegiturak eraiki eta ustiatzeko herri-lanen emakidarako kontratuetako eskumenak, Nafarroako Foru Komunitateko Administrazioak dituenak Nafarroako Ubidearen eremu ureztagarriko interes orokorreko azpiegituren eraikuntza eta ustiapena arautzen dituen azaroaren 22ko 12/2005 Foru Legearen 3.1.b) artikuluaren arabera, salbu eta lurzatiak biltzeko prozesuen eta sektore edo eremu bakoitza ureztatzen hasteko deklarazioen eta haien aldaketen gainekoak. Emakida-kontratuko obra-proiektuen eta haien aldaketen onespen administratiboa Lurralde Kohesiorako Departamentuak emanen du.

Dagokion departamentuak ordainduko ditu emakida-kontratuen kanonak, kredituen aurrekontu-kontsignazioaren arabera.

Era berean, Nafarroako Foru Komunitateko Administrazioak Nafarroako Ubidearen 2. faseko eremu ureztagarrietan dauzkan jarduketa-eskumenak Lurralde Kohesiorako Departamentuari dagozkio, salbu eta lurzatiak biltzeko prozesuen eta sektore edo eremu bakoitza ureztatzen hasteko deklarazioen eta haien aldaketen gainekoak.

Nafarroako Ubidearen eremu ureztagarrian interes orokorreko azpiegiturak eraikitzeko obra guztiak bukatuta daudenean, azpiegitura horren gaineko eskumenak Landa Garapeneko eta Ingurumeneko Departamentuak egikarituko ditu.

Hirugarren xedapen gehigarria. Garraioaren arloko eskudantziak.

Garraio-zerbitzuen kontratazioa egiteko eta xedetzat garraio-jarduerak dituzten dirulaguntzak emateko, betiere beharrezkoa izanen da aldez aurretik Lurralde Kohesiorako Departamentuko Garraioen eta Mugikortasun Jasangarriaren Zuzendaritza Nagusiak aldeko txostena jaulkitzea.

Laugarren xedapen gehigarria. Ikastetxe itunduen sostengurako funts publikoak banatzeko modulu ekonomikoak.

Honela daude banatuta hezkuntza-maila nahiz modalitate ezberdinetan itundutako ikastetxeen eskola-unitate bakoitzeko modulu ekonomikoen urteko zenbatekoak: "Irakasleen soldatak, karga sozialak barne", unitate itundu bakoitzeko irakasle titular eta agregatuen ratioa zehaztuta, "Gastu aldakorrak", "Bestelako gastuak", eta, halakorik badago, "Langileria eta gastu espezifikoak", kontzeptu bakoitzak modulu osoarekiko egiten duen ehunekoa adierazita, II. eranskinean jasotakoak izanen dira.

"Irakasleen soldatak, karga sozialak barne" kontzeptuan biltzen da irakasleen ordainsarien eta haien karga sozialen ondoriozko kostua, kasuan kasuko irakaskuntza-mailan.

"Gastu aldakorrak" kontzeptuan biltzen dira, irakasleen antzinatasunaren eta horrek Gizarte Segurantzan duen eraginaren kostuaz gain, irakasle-ordezteak, zuzendaritza-osagarria eta Langileen Estatutuaren 68.e) artikuluan ezarritakoaren ondoriozko betebeharrak.

Diru kopuru horiek funts orokor batean bilduko dira, zeina ikastetxe itunduetako irakasleen artean irakaslez irakasle banatuko baita haietako bakoitzari doituta, irakasle bakoitzarengan suertatzen diren inguruabarren arabera.

Bosgarren xedapen gehigarria. Ikasliburuen doakotasunerako programako liburuen salmenta.

Liburu-salmentan jarduteko gaikuntza ematen dien baimena duten establezimenduek bakarrik, eta ez beste inork, saltzen ahalko dituzte ikasliburuen doakotasunerako programako liburuak.

Seigarren xedapen gehigarria. Eskubide sozialen arloan bidegabeki jasotako prestazioak itzultzea.

Ekonomia eta Ogasun Departamentuak ezarriko du zatika itzul daitezela, interesik edo bermerik eskatu gabe, Babes Sozialaren eta Garapenerako Lankidetzaren Zuzendaritza Nagusiak, Pertsonen Autonomiarako eta Garapenerako Nafarroako Agentziak eta Nafarroako Berdintasunerako Institutuak ordaindutako aldizkako prestazio eta pentsio gisa bidegabeki jaso diren kopuruak, aipatutako zuzendaritza nagusiak eta erakunde autonomoek proposatuta, kasua bada.

Zazpigarren xedapen gehigarria. Nekazaritzako estatistikalanetan laguntzeagatiko diruordainak.

Landa Garapeneko eta Ingurumeneko Departamentuak diru-ordainak ematen ahalko dizkie nekazaritzaren arloko estatistikan laguntzen duten pertsonei, laguntza horrek sortzen dizkien gastuengatik, betiere muga hauekin (euroak urteko):

Laboreen urteko azalerak85
Laboreen urteko ekoizpenak85
Abeltzaintzako beste ekoizpen batzuen ebaluazioa275
Lurraren prezioak1.400
Landa errentamenduen kanonak380
Nekazaritzako eta abeltzaintzako produktuen asteroko prezioak1.900
Nekazariek eta abeltzainek jasotako prezioak1.200
Nekazariek eta abeltzainek ordaindutako prezioak655
Munta txikiko produktuen prezioak330
Nekazaritzako lansariak220
Kontu makroekonomikoak220
Meteorologia-Osoa1.440
Meteorologia-Erdizka1.275
Meteorologia-Termoplubiometrikoa, elurrari buruzko informazioarekin1.070
Meteorologia-Termoplubiometrikoa820
Meteorologia-Plubiometrikoa725
Meteorologia-Erdizka, elurrari buruzko informazioarekin1.525

Zortzigarren xedapen gehigarria. Zerbitzu kontratuak eta enkarguak, Nekazaritza Bermatzeko Europako Funtsetik (NBEUF) eta Landa Garapenerako Europako Nekazaritza Funtsetik (LGENF) heldu diren laguntzak kontrolatzekoak.

Europako Batzordearen 2021eko abenduaren 7ko 2022/127 (EB) Erregelamendu Delegatuaren bidez osotu zen Europako Parlamentuaren eta Kontseiluaren 2021/2116 (EB) Erregelamendua, eta zenbait arau eman ziren ordaintze-erakundeei eta beste organo batzuei buruz, finantza-kudeaketari buruz, kontuen likidazioari buruz, bermeei buruz eta euroaren erabilerari buruz. Hori horrela, bermatzearren bete egiten direla erregelamendu delegatu horrek Europako NBEUF eta LGENF funtsen kontuak kitatzeko prozedurari dagokionez ezartzen dituen betebeharrak, Landa Garapeneko eta Ingurumeneko Departamentuak zerbitzu-kontratuak egiten ahalko ditu, halatan kontrolatze eta egiaztatze aldera Europako funts horietatik heldu diren laguntzen eskatzaileei ordainketak egiteko oinarri gisa hartzen diren egitateak, edo Nafarroako Foru Komunitateko Ordaintze-erakundearen eginkizunen betetzeari laguntze aldera. Era berean, zilegi izanen du eginkizun horiek betetzeko enkargua egitea Nafarroako Foru Komunitateko Administrazioaren entitate instrumentalei.

Bederatzigarren xedapen gehigarria. Osasun Departamentuari eta haren erakunde autonomoei atxikitako osasunlangileak gaitzea irakaskuntza edo ikerketaekintzetan parte hartzeko.

1. Osasun Departamentuari eta haren erakunde autonomoei atxikitako osasun-langileek zilegi izanen dute beren eginkizunen esparruan Nafarroako Unibertsitate Publikoarekin irakaskuntza-lankidetzan jardutea irakaskuntza biziagotzeko programetan parte hartuz, programa horiek ezartzen direnean Osasun Departamentuaren eta Nafarroako Unibertsitate Publikoaren artean sinatutako hitzarmen bidez.

2. Era berean, Osasun Departamentuari eta haren erakunde autonomoei atxikitako osasun-langileei gaikuntza ematen zaie beren eginkizunen esparruan ikerketa-ekintzak egin ditzaten, Nafarroako Gobernuarentzat interesekoak diren foru sektore publiko instituzionaleko entitateetan.

3. Aurreko apartatuetan aipatutako jarduerak egiteko baimena eman ahal izateko, beharrezkoa izanen da Osasun Zuzendaritza Nagusiak, Osasunbidea-Nafarroako Osasun Zerbitzuko Zuzendaritza Kudeatzailetzak edo Nafarroako Osasun Publikoaren eta Lan Osasunaren Institutuaren Zuzendaritza Kudeatzailetzak aldez aurretik ebazpena jaulkitzea, interesdunaren atxikipen organikoaren arabera.

4. Nafarroako Gobernuaren eta Nafarroako Unibertsitate Publikoaren arteko hitzarmen baten bidez lotura ezartzen ahalko da Unibertsitateko irakasle- eta ikertzaile-plazen eta osasun-erakunde publikoetako laguntza-zerbitzuen edo osasun publikokoen artean, horretarako jarraituz Osasunari buruzko Lege Orokorrean, Unibertsitate Sistemaren Lege Organikoan eta horiek garatzeko xedapenetan ezarritakoari. Plaza horiek izaten ahalko dira unibertsitateko irakasle-kidegoetakoak, lan-araubideko irakasle egonkorrenak eta doktore-mailako laguntza-irakasleenak, eta Osasun Departamentura eta horren erakunde autonomoetara atxikitako osasun-langileen plazei lotzen ahalko zaizkie. Halaber, irakasle- eta asistentzia-eginkizunak bete beharra ekarriko diote plaza betetzen duenari. Plaza horietako baldintzak eta lan-ordutegia hitzarmenean zehaztuko dira.

Hamargarren xedapen gehigarria. Fakultatiboen produktibitate finkoko osagarriaren aplikazioeremua zabaltzea.

Osasunbidea-Nafarroako Osasun Zerbitzuari atxikitako langileen berariazko erregimena arautzen duen urriaren 20ko 11/1992 Foru Legearen 6.3.i) artikuluan ezarritako produktibitate finkoko osagarriaren aplikazio-eremua Nafarroako Foru Komunitateko Administrazioko eta haren erakunde autonomoetako departamentu guztietako osasun-fakultatibo guztienganaino zabaltzen da, baldin haien izendapena aipatu foru legearen eranskineko A.1, A.2.5.1etik A.2.5.6ra bitarteko edo A.2.5.8 osasun-estamentuetarakoa bada, zeinetara espresuki bidaltzen baitu foru lege horren beraren 15. ter artikuluak.

Hamaikagarren xedapen gehigarria. Etxebizitza babestuen gehieneko salmentaprezioa 2026an.

1. Etxebizitza babestuak eta haien eranskinak saltzeko 2026ko gehieneko prezioa zehaztean, ez da aplikatuko Nafarroan etxebizitza izateko eskubideari buruzko maiatzaren 10eko 10/2010 Foru Legearen 10. artikuluaren 1.a) eta 1.d) apartatuetan xedatutakoa.

2. Nafarroako etxebizitza arloko jarduketa babesgarriei 2026an aplikatuko zaien modulu ponderatua 1.648,59 eurokoa izanen da metro koadro erabilgarri bakoitzeko.

3. Nafarroako etxebizitza arloko jarduketa babesgarriei 2026an aplikatuko zaien modulu ponderatu gabea 1.582,65 eurokoa izanen da metro koadro erabilgarri bakoitzeko.

Azken xedapenetako lehenengoa. 13/2007 Foru Legea aldatzea, apirilaren 4koa, Nafarroako Ogasun Publikoari buruzkoa.

Bat. 36. artikuluaren 3. apartatua aldatzen da, eta hauxe da testu berria:

"3. Urte bakoitzeko azaroaren 1a baino lehen, Nafarroako Gobernuak Parlamentuari bidaliko dio aurrekontu orokorren foru-lege proiektua, azter dezan, zuzenketak egin diezazkion eta, hala bada, onets dezan.

Foru-lege proiektu horri aurkeztutako zuzenketek ezin dute inola ere proposatu foru lege honetako 47. artikuluaren 1. apartatuaren a), b), c) eta d) letretan jasotako kreditu zabalgarrietarako aurreikusitako kontsignazioaren murrizketarik. Era berean, ezin dute proposatu foru lege baten bitartezko finantzaketa lotua duten partidetan jasotako kredituak ez handitzerik ez murrizterik".

Bi. 40. artikuluko 2. apartatua aldatzen da, eta hauxe da testu berria:

"2. Gastuak ezin izanen zaizkie egotzi bost ekitaldi baino gehiagori, salbu eta lege-mailako arau batek baimendutako kasuetan. Baimendu ondoko ekitaldietan egozten den gastua ezin da handiagoa izan kapitulu bakoitzaren hasierako kredituen bolumenari ehuneko hauek aplikatzearen ondoriozko zenbatekoa baino: hurren-hurreneko ekitaldian, ehuneko 70; bigarren ekitaldian, ehuneko 60; eta hurrengo ekitaldietan, ehuneko 50.

Muga horiek eta urteko kopuru horiek ez zaizkie aplikatuko zorpetzearen finantza-kargaren ondoriozko konpromisoei".

Hiru. 66. artikuluaren 1. apartatua aldatzen da, eta hauxe da testu berria:

"1. Legezko baimenari buruz 64. artikuluan jasotzen diren zertzeladekin, Nafarroako Gobernuari dagokio, Ekonomia eta Ogasun kontseilariak proposaturik:

a) 61. artikuluan jasotako zorpetze-eragiketak erabakitzea.

b) Formalizatuko den gehieneko zenbatekoa ezartzea.

c) Interes-tasa finkatzea.

d) Epea zehaztea.

e) Eragiketa bakoitzaren zenbatekoa zehaztea".

Lau. 81.-artikuluaren 1. apartatua aldatzen da, eta hauxe da testu berria:

"1. Honako hauek Nafarroako Gobernuaren baimena beharko dute zorra jaulkitzeko edo kreditua hartzeko, salbu eta aurrekontu-ekitaldi beraren barnean egin eta kitatzen diren kreditu-eragiketen kasuan: enpresa-entitate publikoek, fundazio publikoek, sozietate publikoek eta aurrekoen artean ez dauden baina Europako Kontu Sistemaren irizpideen arabera administrazio publikoen azpisektorekoak edo Nafarroako Foru Komunitateko sozietate ez-finantzario publikoen azpisektorekoak diren beste entitate batzuek.

Nafarroako Gobernuaren baimena Ekonomia eta Ogasun kontseilariak proposatuta izapidetuko da".

Azken xedapenetako bigarrena. 11/2005 Foru Legea aldatzea, azaroaren 9koa, Dirulaguntzei buruzkoa.

Bat. 31. artikuluaren 3. apartatuaren a) letrako 2. puntua aldatzen da, eta hauxe da testu berria:

"2. Erabilgarri dagoen aurrekontu-kredituaren zenbatekoa handitu izana kreditua sortu, gehitu edo eranstearen ondorioz edo Nafarroako aurrekontu orokorrei buruzko foru-lege proiektua izapidetu bitartean onetsi den zuzenketa parlamentario baten ondorioz".

Bi. h) letra gehitzen zaio 2. artikuluaren 3. apartatuari. Honako testu hau izanen du:

"h) Sindikatuen berezko jarduerarako funtzionamendu-gastuengatik ematen diren konpentsazioak, Nafarroako Foru Komunitateko Administrazioaren esparruan langileen ordezkaritza-organoak diren aldetik".

Azken xedapenetako hirugarrena. 2/2018 Foru Legea aldatzea, apirilaren 13koa, Kontratu Publikoei buruzkoa.

Bat. 13. artikuluari 4. apartatua gehitzen zaio, testu honekin:

"4. Kontratua lizitatzen den bitartean, aldi baterako enpresa-elkartearen edo batera parte hartu duten enpresen osaeran aldaketarik bada, eskaintzaren aldaketatzat joko da hori, eta eskaintza baztertzea ekarriko du berekin.

Kontratua adjudikatu eta gero, kontratazio-organoak zilegi izanen du aldi baterako enpresa-elkarte baten osaeraren aldaketa baimentzea, espresuki eta honako baldintza hauek egiaztatutakoan:

a) Hasierako prestazioaren ehuneko 20 exekutatu izana gutxienez, eta exekuzioa hasi zenetik urtebete iragan izana. Obra-emakidako edo zerbitzu-emakidako kontratuen kasuan, baldintza hori betetzat joko da emandako epearen bosten bat ustiatu bada gutxienez.

b) Adjudikaziorako eskatzen den kaudimenari eustea.

c) Aldi baterako enpresa-elkarteko parte-hartzaile berriek, halakorik bada, frogatu beharko dute badutela jardute-gaitasuna eta ez daudela kontratatzeko debekurako arrazoia den egoera batean.

Aldi baterako enpresa-elkarterik eratu gabe parte hartzen denean, aldaketa subjektiboa kontratu-lagapentzat joko da, eta errespetatu beharko du foru lege honetan halakoetarako ezartzen dena".

Bi. 15. artikulua aldatzen da, eta hauxe da testu berria:

"Europar Batasunekoak edo Europako Esparru Ekonomikokoak ez diren estatuetako enpresek frogatu beharko dute badaukatela jardute-gaitasuna beren jatorrizko estatuko legeriaren arabera, bai eta kaudimen ekonomiko, finantzario, tekniko edo profesionala ere, gainerako lizitatzaileek bezalaxe.

Hirugarren estatuetako enpresei dagokienez, kontratuak ez badaude babestuta Europar Batasunarekiko nazioarteko akordio baten bidez, zeinak bermatuko baitu kontratu publikoetan berdintasunez eta elkarrekikotasunez parte hartzeko aukera, kontratazio-organoak kasuz kasu erabakiko du haiek onartzea edo ez onartzea.

Halako enpresetakoren baten parte-hartzea onartzen badu, zilegi izanen du trataera desberdin bat ezartzea, puntuazio-doikuntzetan edo beste modalitate objektibo batzuetan gauzatua, zeinak pleguetan jasota egon beharko baitira.

Betiere, aurreko apartatuetan jasotzen diren onarpenerako, bazterketarako edo tratu desberdinerako baldintzak argi adierazi beharko dira administrazio-klausula partikularren pleguetan, kasu guztietan errespetatuta segurtasun juridikoaren printzipioa eta bidezko konfiantzaren babesaren printzipioa.

Obra-kontratuetan beharrezkoa izanen da, gainera, enpresa horiek Espainian sukurtsal irekia edukitzea, beren eragiketak egiteko ahaldunak edo ordezkariak izendatuta izatea, eta Merkataritza Erregistroan inskribatuta egotea".

Hiru. 88. artikuluaren 3. apartatua aldatzen da, eta hauxe da testu berria:

"3. Artikulu honen 2. apartatuan aipatzen den informazioa kasu guztietan izanen da argitaratu beharrekoa. Salbuespenez, eta aurretiaz espedientean justifikatuta, ez da halako betebeharrik izanen isilpekotzat edo erreserbatutzat deklaratuak izan diren kontratuen kasuan, zeinetan kontratu-exekuzioa segurtasun-neurri bereziak betez egin beharra dagoen, indarreko legediaren arabera".

Azken xedapenetako laugarrena. Nafarroako Administrazio Publikoen zerbitzuko Langileen Estatutuaren testu bategina aldatzea, abuztuaren 30eko 251/1993 Legegintzako Foru Dekretuaren bidez onetsitakoa.

Bat. Hogeita seigarren xedapen gehigarriaren lehen paragrafoa aldatzen da, eta hauxe da testu berria:

"Enplegatu publikoek zilegi izanen dute seme, alaba edo familian urtebete baino gehiagoz hartuta daukaten adingabe bat zaintzeko guraso-baimena hartzea, adingabeak zortzi urte bete arte. Gehieneko iraupena elkarren segidako nahiz etenez bereizitako zortzi astekoa izanen du, eta lanaldi osoko nahiz lanaldi partzialeko araubidean hartua izaten ahalko da, zerbitzuaren beharrek horretarako modua ematen dutenean eta erregelamenduz ezartzen diren baldintzak betez. Baimen hori ez da ordaindua izanen".

Bi. Hogeita hamargarren xedapen gehigarria eransten da, testu honekin:

"Hogeita hamargarren xedapen gehigarria.-Organoak emateko baimen ordaindua.

Enplegatu publikoei baimen ordaindua emanen zaie organoak edo ehunak emateko prestamenetarako ezinbestekoa den denborarako, baldin eta laneko ordutegiaren barnean egin beharreko suertatzen badira".

Azken xedapenetako bosgarrena. Martxoaren 5eko 10/2003 Foru Legea aldatzea, Nafarroako administrazio publikoen montepioetako funtzionarioen eskubide pasiboen araubide iragankorrari buruzkoa.

Hogeigarren xedapen gehigarria eransten da, testu honekin:

"Hogeigarren xedapen gehigarria.-Basozainak-Ingurumena Zaintzeko Taldeko langileen erretiro-adinerako koefiziente murriztailea ezartzea.

Basozainak-Ingurumena Zaintzeko Taldeko langileek, montepioen sistemaren barnean badaude, aukeratzen ahalko dute ez aplikatzea Gizarte Segurantzaren araudian erretiro-adinerako ezarritako koefiziente murriztailea, araudi horrek indarra hartu eta hiru hilabeteko epean".

Azken xedapenetako seigarrena. Urriaren 20ko 11/1992 Foru Legea aldatzea, OsasunbideaNafarroako Osasun Zerbitzuari atxikitako langileen berariazko erregimenari buruzkoa.

Hamalaugarren xedapen gehigarria eransten da, testu honekin:

"Hamalaugarren xedapen gehigarria.-Guardiak egun berezietan.

Osasunbidea-Nafarroako Osasun Zerbitzuko langileek edo Nafarroako Osasun Publikoaren eta Lan Osasunaren Institutukoek guardiak egun berezietan egiten dituztenean, produktibitate-modulu aldakor bat jasotzen ahalko dute, guardiari dagokionaren zenbateko bera izanen duena. Horren ondorioetarako, egun berezitzat joko dira abenduaren 24a, 25a eta 31 eta urtarrilaren 1a, 5a eta 6a".

Azken xedapenetako zazpigarrena. Apirilaren 6ko 11/1999 Foru Legea aldatzea, OsasunbideaNafarroako Osasun Zerbitzuaren fakultatiboentzako lanbidekarrerako sistema arautzen duena.

Laugarren xedapen gehigarria eransten da, testu honekin:

"Laugarren xedapen gehigarria.-Lanbide-karrerako maila aitortua aplikatzea Osasun Sistema Nazionaletik etorritako langileei.

1. Osasun Departamentuan eta haren erakunde autonomoetan plaza finkoa lortzen duten fakultatiboei Osasun Sistema Nazionaleko beste osasun-zerbitzu batean frogatutako karrera-graduak aitortzen zaizkie, espezialitate, lanbide-kategoria edo titulazio-talde berari dagozkionak. Gradu horiek ordainduko dira jarraikiz Osasunbidea-Nafarroako Osasun Zerbitzuko langile horien lanbide-karrerako sistema arautzen duen foru legedian eta hura garatzeko araudian ezarritakoari.

2. Osasun Sistema Nazionaleko beste osasun-zerbitzu batzuetatik iritsitako langileei, Osasun Departamentuko erakunde autonomoetan plaza bat zerbitzu-eginkizunetan betetzen badute, Osasun Sistema Nazionaleko beste osasun-zerbitzu batean frogatutako karrera-graduak aitortzen zaizkie. Gradu horien ordainsariak pagatuko dira Osasunbidea-Nafarroako Osasun Zerbitzuko osasun-langileen lanbide-karrerari buruzko araudian ezarritakoaren arabera".

Azken xedapenetako zortzigarrena. Irailaren 30eko 12/2024 Foru Legea aldatzea, zeinaren bidez ezartzen baita Osasun Departamentuari eta haren erakunde autonomoei atxikitako osasun arloko langileen lanbide karreraren sistema, salbu eta fakultatibo espezialistena, osasun arloko beste fakultatibo batzuena eta osasun arloko diplomadunena.

Seigarren xedapen gehigarria eransten da, testu honekin:

"Seigarren xedapen gehigarria.-Lanbide-karrerako maila aitortua aplikatzea Osasun Sistema Nazionaletik etorritako langileei.

1. Osasun Departamentuan eta haren erakunde autonomoetan plaza finkoa lortzen duten C eta D mailetako osasun-langileei Osasun Sistema Nazionaleko beste osasun-zerbitzu batean frogatutako karrera-graduak aitortzen zaizkie, espezialitate, lanbide-kategoria edo titulazio-talde berari dagozkionak. Gradu horiek ordainduko dira jarraikiz Osasunbidea-Nafarroako Osasun Zerbitzuko langile horien lanbide-karreraren sistema arautzen duen foru legedian eta hura garatzeko araudian ezarritakoari.

2. Osasun Sistema Nazionaleko beste osasun-zerbitzu batzuetatik iritsitako langileei, Osasun Departamentuko erakunde autonomoetan plaza bat zerbitzu-eginkizunetan betetzen badute, Osasun Sistema Nazionaleko beste osasun-zerbitzu batean frogatutako karrera-graduak aitortzen zaizkie. Gradu horien ordainsariak pagatuko dira Osasunbidea-Nafarroako Osasun Zerbitzuko osasun-langileen lanbide-karrerari buruzko araudian ezarritakoaren arabera".

Azken xedapenetako bederatzigarrena. Apirilaren 10eko 14/2015 Foru Legea aldatzea, Emakumeen kontrako indarkeriari aurre egitekoa.

55. artikulua aldatzen da, eta hauxe da testu berria:

"Aurreko artikuluetan ezarritako laguntzez gain, Nafarroako Foru Komunitateko Administrazioak zilegi izanen du diruzko beste prestazio berariazko batzuk ezartzea erregelamenduz, aurrekoekin bateragarriak direnak, edo jadanik badauden prestazioak jasotzeko baldintzak aldatzea, bermatze aldera indarkeriaren biktima izan diren eta/edo indarkeriatik bizirik irten diren emakumeak eta haien seme-alabak oneratu daitezen. Zehazki, erregelamenduz diruzko laguntzak garatuko dira emakumeen aurkako indarkeriaren ondorioz hildakoen umezurtzei erreparazioa eta arreta emateko".

Azken xedapenetako hamargarrena. Ekainaren 18ko 14/2018 Foru Legea aldatzea, Hondakinei eta haien Fiskalitateari buruzkoa.

43. artikuluari m) letra gehitzen zaio, testu honekin:

"m) Amiantoarekin lotutako plangintzarako eta hura kentzeko eta egoki kudeatzeko laguntza, ingurumen-larrialdiko jarduketekin lotuta. Hondakinen arloan eskumenak dituen departamentuak Hondakinen Funtsaren baliabideak bideratzen ahalko ditu horretarako, baldin eta aurreko ekitaldietako bestelako hondakinen fluxuaren diruzaintzako gerakinik bada Hondakinen Funtsean. Urtean kontzeptu horretarako erabiliko den gehieneko zenbatekoa kalkulatzeko, 0,1 faktorea aplikatuko zaio ekitaldi horretako bertako Hondakinen Funtsaren urteko osaerari, haren erregelamendu-definizioaren arabera".

Azken xedapenetako hamaikagarrena. Azaroaren 4ko 19/1996 Foru Legea aldatzea, Nafarroako Gobernuko kideen eta Nafarroako Foru Komunitatearen Administrazioko goikarguen bateraezintasunei buruzkoa.

3. bis artikuluaren 3. eta 4. puntuak aldatzen dira. Honela gelditzen dira idatzita:

"3. Aurreko apartatuan araututako prestazioa bateraezina da honako hauekin:

a) Beste edozein lanpostutan aritzeagatiko ordainsariekin, sektore publikokoak izan, edo pribatukoak izan.

b) Edozein lanbide- edo merkataritza-jardueratatik etorritako diru-sarrerekin.

c) Nafarroako Parlamentura edo beste edozein organismo edo erakunde publikotara joateagatiko dietekin.

d) Enpresa publiko edo pribatuen administrazio kontseiluetara joateagatiko dietekin.

e) Aurreikuspen sozialeko edozein araubide publikotako erretiro-sariekin.

Aipatutako ordainsariak edo diru-sarrerak txikiagoak badira, urteko zenbaketan, aurreko apartatuan ezarritako prestazio ekonomikoa baino, aldea jasotzeko eskubidea besterik ez dute izanen.

4. Ezein kasutan ez dute aurreko apartatuetan ezarritako prestazio ekonomikoa jasoko edozein administrazio publikotan edo horien mendeko erakunde autonomoetan lanpostu bat erreserbatuta duten enplegatu publikoek, ez eta kargua utzi ostean aurreikuspen sozialeko edozein araubide publikotatik erretiro-pentsioa jasotzera igarotzen diren pertsonek ere".

Azken xedapenetako hamabigarrena. Nafarroako Babes Zibilari eta Larrialdien Kudeaketari buruzko uztailaren 1eko 8/2005 Foru Legea aldatzea.

55. artikuluaren 2. apartatua aldatzen da. Honela geldituko da idatzita:

2. Eritasuna edo istripua dela-eta beren lanpostuaren eginkizunak betetzeko ezinduta suertatzen diren su-itzaltze eta salbamendu zerbitzuetako langile finkoak ere bigarren jarduerako lanpostu batean aritzera pasatzen ahalko dira (zerbitzu osagarrietan), halako moldez non operazio-taldean lanpostu hutsa sortuko baita.

Azken xedapenetako hamahirugarrena. Zenbait Fundazioren Zuzendaritza Organoak arautzen dituen otsailaren 17ko 2/2014 Foru Legea aldatzea.

Xedapen gehigarri berri bat eransten da; laugarrena. Testu hau izanen du:

"Laugarren xedapen gehigarria.-Nafarroako aurrezki-kutxen eraldaketatik sortutako fundazioen xedeetara bideratzea baliabideak.

Foru Lege honetan araututako fundazioei ez zaizkie aplikatuko Nafarroako Fundazioei buruzko ekainaren 30eko 13/2021 Foru Legearen 47. artikuluan ezarritako mugak.

Azken xedapenetako hamalaugarrena. Nafarroako Poliziei buruzko azaroaren 19ko 23/2018 Foru Legea aldatzea.

Bat. 47. artikulua aldatzen da, eta testu hau izanen du aurrerantzean:

"1. Merezimendu, gaitasun, antzinatasun eta berdintasun printzipioei jarraikiz eginen da Nafarroako Polizietako lanpostu-betetzea.

2. Lanpostuak betetzeko baliatuko diren prozedurak dira lehiaketa, zeina izanen baita lanpostuak betetzeko sistema arrunta, eta berariazko lehiaketa, izendapen askea, langile-birbanaketa, behin-behineko atxikipena, zerbitzu-eginkizunak, barne-izendapena eta postutik kentzea.

3. Erregelamendu bidez garatuko dira aurreko apartatuan aipatutako lanpostuak betetzeko sistemak".

Bi. 52. artikulua aldatzen da, eta hauxe da testu berria:

"47. artikuluan aipatutako lanpostu-betetzeko egoerez gainera, antolaketa-beharrek hala eskatzen dutenean, Nafarroako Polizietako langileak beste unitate batzuetara atxikitzen ahalko dira espezialitate beraren barruan.

Atxikipen-aldaketa hori borondatezkoa izanen da, behin betiko izaera izanen du eta ez du ekarriko aldaketarik destino berriko eta aurreko destinoko soldata-osagarriei dagokienez, ez eta herria aldatzeko beharrik edo eskalafoi-galerarik ere".

Azken xedapenetako hamabosgarrena. 1/2017 Legegintzako Foru Dekretua aldatzea, uztailaren 26koa, zeinaren bidez onesten baita Lurraldearen Antolamenduari eta Hirigintzari buruzko Foru Legearen testu bategina.

Titulu berri bat gehitzen da, honako tes5tu hau duena:

"VII. TITULUA.-LIZENTZIA ETA ERANTZUKIZUNPEKO ADIERAZPENA BEHAR DUTEN EGINTZETAKO LANKIDETZA PUBLIKO-PRIBATUAREN ARAUBIDEA

247. artikulua. Entitate pribatuen lankidetza hirigintza-alorreko administrazio-eginkizunetan.

1. Udalek zilegi izanen dute laguntzaile diren hirigintzako entitate pribatuekin lankidetzan betetzea lege honen 190. eta 192. artikuluetan aipatzen diren hirigintza-arloko eginkizunak.

2. Hirigintza-arloko entitate pribatu laguntzaileen araubide juridikoa eta funtzionamendua kapitulu honetan ezarritakoak izanen dira. Hala ere, hor xedatzen denaren esparruan, udalek zilegi izanen dute beren dermioan entitate laguntzaileei aplikatzekoa izanen zaien araubide juridikoa garatzea. Hala, zehazten ahalko dute lege honen 190. eta 192. artikuluetan aurreikusitako eginkizunetatik zeintzuk betetzen ahalko dituzten, eta zehazten ahalko dituzte, orobat, entitate laguntzaileen esku-hartzearen norainokoa, haien lanak betetzeko jarraitu beharreko prozedura eta lege honetan ezarritakoa errespetatuta zer betebehar gehigarri daukaten. Gainera, betebehar horiei dagokien zehapen-araubidea osatzen ahalko dute.

Era berean, udalek ezarriko dituzte entitate laguntzaileek kasuko udal-mugartean jasoko dituzten prezioen gutxieneko eta gehieneko zenbatekoak; eta, betiere, esku hartzen duten hirigintza-zerbitzuei dagokien udal-tasa kenduko da.

248. artikulua. Hirigintza-arloko entitate pribatu laguntzaileen kontzeptua eta eginkizunak.

1. Hirigintza-arloko entitate pribatu laguntzailetzat hartuko dira beren ardurapean jarduten duten eta lege honetan aurreikusitako baldintzak betetzen dituzten pertsona juridikoak, behar bezala akreditatuta eta Nafarroako Foru Komunitateko hirigintza-arloko entitate pribatu laguntzaileen Erregistroan inskribatuta daudenak.

2. Hirigintza-arloko entitate pribatu laguntzaileek izaera teknikoa eta berezko nortasun juridikoa izanen dute, eta hurrengo artikuluan jasotzen diren eginkizunak egokiro betetzeko behar dituzten giza baliabideak eta baliabide material eta finantzarioak edukiko dituzte.

3. Hirigintza-arloko entitate pribatu laguntzaileek honako eginkizun hauek betetzen laguntzen ahalko dute, hirigintzako erabilera edozein dela-ere:

a) Egiaztapeneko, esku-hartzeko eta kontroleko eginkizunak betetzea hirigintzako lizentziak eta erantzukizunpeko adierazpenak izapidetzeko prozeduretan, zeinak herritarrak eskatuta egiten baitira hirigintzako lizentzien eta erantzukizunpeko adierazpenen egiaztatze-aktak eta adostasun-ziurtagiriak jaulkita.

b) Zoruaren edo zorupearen erabilerari buruzko ekintzak eta eraikuntza-ekintzak egiaztatzea eta ikuskatzea.

249. artikulua. Hirigintza-arloko entitate pribatu laguntzaileen araubide juridikoa.

1. Hirigintza-arloko entitate pribatu laguntzaileek inpartzialtasunez, konfidentzialtasunez eta independentziaz jardunen dute, eta lehia askeko araubidean eta bateraezintasunen arloko xedapenak errespetatuz beteko dute beren jarduera. Beren eginkizunak betetzean sortutako kalte eta galeren erantzule izanen dira.

2. Hirigintza-arloko entitate pribatu laguntzaileek interesdunak edo udalak eskatuta jardunen dute, haien esku-hartzea ez baita nahitaezkoa. Era berean, Nafarroako Foru Komunitateak eta haren mendeko zuzenbide publikoko entitateek ere eskatzen ahalko dute entitate horiek jardun dezatela.

3. Hirigintza-arloko entitate pribatu laguntzaileek ez dute agintaritza-izaerarik izanen, eta haien jardunak ezin izanen du eragotzi administrazio publikoen zerbitzu teknikoek berezkoa duten egiaztatze-, ikuskatze- eta kontrol-eginkizuna.

4. Interesdunek beren borondatez erabiltzen ahalko dituzte entitate pribatu laguntzaileek ematen dituzten zerbitzuak, baina horrek ez du ekarriko udalaren aldetik tratamendu berezia jasotzea.

5. Beren jardunean, entitate laguntzaileek egiaztapen-aktak, ziurtagiriak eta txostenak jaulkitzen ahalko dituzte. Udalek administrazio-espedienteari erantsiko dizkiote horiek, eta haien edukia bere eginen dute edo, kasua bada, aurkako jarrera arrazoitua adieraziko dute.

6. Edonola ere, udal-zerbitzuek jaulkitako txostenak gailentzen zaizkio entitate laguntzaileek beren jardunean jaulkitako dokumentazioari.

7. Adostasun-ziurtagirien ondorioak udal-zerbitzu teknikoek jaulkitakoen parekoak izanen dira.

250. artikulua. Nafarroako Foru Komunitateko hirigintza-arloko entitate pribatu laguntzaileen erregistroa.

1. Nafarroako Foru Komunitateko hirigintza-arloko entitate pribatu laguntzaileen erregistroa erregistro administratiboa da, izaera publikoa duena, eta lurralde-antolamenduaren eta hirigintzaren arloko departamentu eskudunaren mende egonen da.

2. Antolamenduaren arloko eskumenak dituen departamentuaren foru agindu baten bidez ezarriko dira hirigintza-arloko entitate pribatu laguntzaileen erregistroaren araubide juridikoa, bertan inskribatzeko gutxieneko datuak, inskribatzeko prozedura, inskripzioaren eraginkortasunaren etetea eta erregistroko inskripzioaren desegitea.

251. artikulua. Nafarroako Foru Komunitateko hirigintza-arloko entitate pribatu laguntzaileen akreditazioa.

Nafarroako Foru Komunitateko hirigintza-arloko entitate pribatu laguntzaileen erregistroan inskribatuak izan ahal izateko, hirigintza-arloko entitate pribatu laguntzaileek akreditazio bat eduki beharko dute, ENAC-Akreditazio Entitate Nazionalak jaulkitakoa, akreditaziorako erakunde nazionala den aldetik. Akreditazio hori UNE-EN ISO/IEC 17020 (A motako entitateak) araua edo hura ordezten duena beteta eman beharko da, eta honako baldintza hauek bete beharko dituzte entitateek:

a) Modu baliodunean eratuta egotea, aplikatzekoa den araudiari jarraikiz.

b) Erantzukizun zibileko aseguru bat kontratatuta edukitzea, gutxienez 1.000.000 eurokoa, entitatearen eta haren langileen jarduna estaliko duena, entitate laguntzaile gisa dihardutenekoa. Zenbateko horrek ez du erantzukizuna mugatuko, eta eguneratzen ahalko da lurralde-antolamenduaren eta hirigintzaren arloko eskumenak dituen departamentuaren agindu bidez.

c) Entitateak Nafarroako Foru Komunitatean betetzen dituen eginkizunetara atxikita edukitzea une oro honako ezaugarri hauek dituzten langileak:

1. Gutxienez arkitekto edo ingeniari bat, gutxienez hamar urteko lan-esperientzia egiaztatua duena honako eginkizun hauetako bakoitzean:

Lehenengoa.-Eraikuntza-obretarako proiektuen idazketa, zuzendaritza eta interpretazioa.

Bigarrena.-Hirigintza-planeamenduko eta hirigintza-kudeaketarako tresnen idazketa, interpretazioa eta aplikazioa.

2. Gutxienez abokatu edo ingeniari bat, gutxienez hamar urteko lan-esperientzia egiaztatua duena honako eginkizun hauetako bakoitzean:

Lehenengoa.-Aholkularitza juridikoa hirigintzako planeamendu, kudeaketa eta diziplinaren arloan.

Bigarrena.-Aholkularitza juridiko-teknikoa eraikuntza, eraikingintza eta urbanizazio-lanen arloan.

252. artikulua. Hirigintza-arloko entitate pribatu laguntzaileen betebeharrak.

Hirigintza-arloko entitate pribatu laguntzaileek betebehar hauek konplitu beharko dituzte:

a) Izena emateko bidea eman zuten baldintzak betetzea eta indarrean mantentzea, eta horien aldaketa ororen berri ematea izena emateko baimena eman zuen organoari.

b) Behar bezala betetzea aztertze-, egiaztatze-, ikuskatze- edo kontrol-eginkizunak, jasotako akreditazio-ziurtagiriarekin bat.

c) Beren eginkizunetan jasotzen duten informazioaren konfidentzialtasuna bermatzea eta izaera pertsonaleko datuen babesaren arloan aplikatzekoa den araudia betetzea.

d) Aztertze-, egiaztatze-, ikuskatze- eta kontrol-eginkizunak betetzearekin zerikusia duten jarduketak ez azpikontratatzea, akreditazioan aurreikusitako moduan.

e) Egiaztatze-akten, ziurtagirien eta txostenen kopia ematea, bai eta beren eginkizunak betetzean administrazioek eskatzen dieten beste edozein informazio ere.

f) Prozedura berariazkoak edukitzea bezeroek beren jarduerengatik aurkeztutako erreklamazioak tratatzeko, eta horiekin zerikusia duen jarduketa ororen artxibo bat edukitzea.

g) Jarduketen tarifak zehaztea, eta urtero ezartzea beren eginkizunak betetzeagatik jaso beharreko prezioak. Prezio horiek Erregistroaren ardura duen organoari jakinaraziko zaizkio indarrean egonen diren urte naturala hasi baino bi hilabete lehenago gutxienez, hark argitara eman ditzan.

h) Zazpi urtez gordetzea izapidetutako espedienteak, bai eta jaulkitako egiaztatze-aktak, ziurtagiriak eta txostenak ere.

i) Beren instalazioetan eta bulegoetan sartzeko baimena ematea akreditazio-entitateari eta Nafarroako Foru Komunitateko langile eskudunei, bai eta, kasua bada, beren eginkizunak betetzen dituzten udaletakoei ere.

j) Dituzten aztertze-, egiaztatze- eta kontrol-eginkizunei eta entitate pribatu laguntzaile gisa ematen dituzten zerbitzuei buruzko informazio zuzena ematea herritarrei oro har eta, bereziki, beren bezeroei. Zehazki, entitate laguntzaileek modu indibidualizatuan emanen diete honako gai hauei buruzko informazioa interesdunei:

1. Egin nahi den jarduketari dagokion esku-hartze administratiboko bidea, kasu bakoitzean jarraitu beharreko izapidetzea eta legezko epeak.

2. Oro har aurkeztu behar duten dokumentazioa, bai eta aurreko egoeretan oinarritutako uziak justifikatzeko beharrezkoa den dokumentazio espezifikoa edota egin nahi den jarduera edo hirigintza-jarduketa gauzatzeko eduki beharreko dokumentazioa ere.

3. Beren jarduketa ezinezkoa egiten duen betekizun teknikorik ba ote dagoen, eta aplikatzekoa den arau-mugartea.

4. Lizentzia lortzea edo erantzukizunpeko adierazpena egitea eskatzen duten eragiketengatik sortzen ahal diren prezio, tasa eta zergak, bai eta ordaintzeko modua eta unea eta ordainketaren zenbatekoa ere.

5. Kexak eta erreklamazioak aurkezteko prozedura.

6. Kasua bada, eskaeraren izapidetze-egoerari buruzko informazioa elektronikoki eskuratzea.

7. Aplikatzekoa zaien araudi sektorialak ezarritako edo udalek beren udal-mugarterako araututako beste edozein gairi buruzkoa.

253. artikulua. Hirigintza-arloko entitate pribatu laguntzaileen bateraezintasunak.

1. Hirigintza-arloko entitate pribatu laguntzaileek eta haien zerbitzupeko langileek aplikatzekoak diren bateraezintasun-arloko xedapenak errespetatu beharko dituzte.

2. Edonola ere, bateraezintasun-arrazoi hauek aplikatuko zaizkie beren eginkizunak betetzean, udal bakoitzak bere ordenantzetan ezartzen dituenak ezertan galarazi gabe:

a) Ezin izanen dute hirigintza-jarduketen proiektu-egile, ekoizle, zuzkitzaile, instalatzaile, hornitzaile, erosle, jabe, erabiltze, mantentzaile, aholkulari edo zuzendari izan, horiek gainean 190. eta 192. artikuluetan aurreikusitako eginkizunen bat baldin badute.

b) Ez dute azpiegiturarik, instalaziorik, antolamendu-egiturarik, langilerik, baliabiderik, ekiporik, publizitaterik edo informatika-sistemarik partekatuko aurreko apartatuan aipatzen diren jarduerak gauzatzen dituzten enpresekin.

c) Ezin izanen dute hirigintza-jarduketen gaineko egiaztatze-, ikuskatze- eta kontrol-eginkizunik bete, entitateko titularrak, bazkideak edo zuzendaritzako-kideak jarduketaren titularren ahaideak -zuzeneko nahiz alboko lerrokoak izan, bigarren graduraino-, ezkontideak edo ezkontzaren antzeko bizikidetza harreman afektiboak dituzten pertsonak badira.

d) Ezin izanen dute ikuskatu jarduketa bat, aldez aurretik haren gaineko ziurtagiriren bat eman badute interesdunen batek eskatuta.

254. artikulua. Hirigintza-arloko entitate pribatu laguntzaileen arau-hausteak.

1. Lege honetan araututako hirigintza-arloko entitate pribatu laguntzaileei artikulu honetan xedatutako arau-hausteei buruzko araubidea aplikatuko zaie.

2. Hirigintza-arloko entitate pribatu laguntzaileen arau-hauste oso astunak izanen dira udalek beren ordenantzetan hala kalifikatutakoak, eta, betiere, honako hauek:

a) Jarduerak eta eginkizunak gauzatzea aldez aurretik hirigintza-arloko entitate pribatu laguntzaileen erregistroan akreditatuta eta izena emanda egon gabe.

b) Lege honetan ezarritakoaren arabera egin ezin dituzten jarduerak eta eginkizunak gauzatzea.

c) Administrazio-organo eskudunaren ikuskapen-jarduketak oztopatzea.

d) Lege honetan jasotako eskakizunen ikuspegitik gaitu gabe edo kualifikatu gabe dauden langile teknikarien esku uztea beren jarduera eta eginkizunak.

e) Gertaeren errealitatearekin bat ez datozen egiaztatze-akta, ziurtagiri eta txostenak jaulkitzea doloz.

f) Udalari ez jakinaraztea beren aztertze-, egiaztatze-, ikuskatze- eta kontrol-eginkizunetan hautemandako hirigintza-arloko arau-hausteak.

g) Arau-hauste astun gisa kalifikatuta egonik kalte konponezinak eragiten dituztenak edo pertsonen segurtasunerako, ondasunetarako edo ingurumenerako hurbil-hurbileko arriskua dakartenak.

3. Hirigintza-arloko entitate pribatu laguntzaileen arau-hauste astunak izanen dira udalek beren ordenantzetan hala kalifikatutakoak, eta, betiere, honako hauek:

a) Datu faltsuak edo okerrak dituzten egiaztatze-akta, ziurtagiri eta txostenak jaulkitzea zabarkeriaz.

b) Aztertze-, egiaztatze-, ikuskatze- eta kontrol-eginkizunak modu osatugabean edo emaitza oker edo justifikatu gabeekin betetzea.

c) Lege honetan eskatzen den aseguru-polizaren zenbatekoa ez eguneratzea.

d) Beren eginkizunak betetzean, konfidentzialtasun-, inpartzialtasun- eta independentzia-printzipioak urratzea, bai eta aplikatzekoa zaien bateraezintasun-araubidea urratzea ere.

4. Hirigintza-arloko entitate pribatu laguntzaileen arau-hauste arinak izanen dira udalek beren ordenantzetan hala kalifikatutakoak eta, betiere, kapitulu honetan ezarritakoaren aurkakoak diren egintza edo ez-egiteak, arau-hauste astuntzat edo oso astuntzat hartu ezin direnak.

5. Udalek beren ordenantzetan tipifikatutako arau-hausteak oso astun, astun edo arin gisa kalifikatuko dira, honako irizpide hauek kontuan hartuta banaka zein batera:

a) Pertsonen segurtasunerako, ondasunentzako edo ingurumenerako dakarten kaltearen larritasuna.

b) Entitate laguntzaileen zerbitzuen kalitate-murrizketa, eta zerbitzuen erabiltzaileei ekartzen ahal dien babesgabetasuna, zabarkeria eta/edo desinformazioa.

c) Laguntzaile-jarduna gauzatzean udalari egiten ahal dioten kaltea, bere jarduketen zuzentasun tekniko faltagatik eta/edo zuzentasun juridiko-prozedurazkoaren faltagatik.

d) Beren inpartzialtasun, konfidentzialtasun eta independentziaren balizko kaltea.

255. artikulua. Hirigintza-arloko entitate pribatu laguntzaileen zehapenak.

1. Aurreko artikuluan ezarritako arau-hausteak eginez gero, honako zehapen hauek ezarriko dira:

a) Arau-hauste arinak 3.000 eta 30.000 euro bitarteko isunaz zehatuko dira.

b) Arau-hauste astunak 30.001 eta 100.000 euro bitarteko isunaz zehatuko dira.

c) Arau-hauste oso astunak 100.001 eta 500.000 euro bitarteko isunaz zehatuko dira.

Eragindako kaltearen arabera, arau-hauste horiek ekartzen ahal dute, neurri osagarri gisa, entitatearen Erregistroko inskripzioa bertan behera uztea eta gehienez ere bi urteko epean berriro eskatu ezin izatea. Edonola ere, inskripzioa bertan behera uztea ezartzeko, beharrezkoa izanen da bi arau-hauste oso astun edo gehiago egin izatea, eta horiek administrazio-bideko ebazpen irmo baten bidez deklaratuta egotea.

2. Udalek beren ordenantzetan tipifikatutako arau-hausteen kasuan, aplikatu beharreko zehapenak artikulu honen 1. apartatuan ezarritakoari egokituko zaizkio, arau-haustearen kalifikazioaren arabera.

3. Zehapena arau-haustetzat jotako egintzen larritasunaren araberakoa izanen da. Hala, honako irizpide hauek hartuko dira kontuan, banaka edo batera:

a) Arau-hauslearen erruduntasun-maila eta asmoa.

b) Arau-haustea egiten jarraitzea edo behin eta berriro egitea.

c) Eragindako kalteen izaera.

d) Arau-haustea berriz egina den; hau da, ea urtebetean eite bereko arau-hauste bat baino gehiago egin diren, administrazio-bideko ebazpen irmo batek hala deklaratu duenean.

4. Arau-haustea egiteak inolaz ere ezin du onura ekonomikorik izan arau-hauslearentzat. Hori dela-eta, administrazioak, kasuan kasuko zehapena ezartzeaz gain, egindako arau-haustearen ondorioz jasotako onura konfiskatuko du edo zenbateko baliokidearen ordainketa eskatuko du.

5. Era berean, artikulu honen babesean ezarritako zehapenen zenbatekoa ehuneko 50 murriztuko da borondatezko epean ordaintzen badira eta epe berean arau-hausleak, bere erantzukizuna onartzeaz gain, idazki bidez adierazten badu ados dagoela ezarri zaion zehapenarekin eta espresuki uko egiten badio epe horretan administrazio-bideko inpugnazio-ekintzak baliatzeari. Ondoren inpugnazio-egintza baliatuz gero, aipatutako murrizketa ez da eginen.

256. artikulua. Zehapen-prozedura eta arau-hauste eta zehapenen preskripzioa.

1. Udalena izanen da hirigintza-arloko entitate pribatu laguntzaileek kasuko udal-mugartean egindako arau-hausteengatiko zehapen-prozedurak hasi eta izapidetzeko eskumena.

Lurralde-antolamenduaren arloko departamentu eskudunaren barrenean Erregistroaren kudeaketa esleituta duen organoa jakinaren gainean jarriko da zehapenak hasten direnean, eta haien ebazpenaren eta administrazio-bidean irmo bilakatu izanaren berri ere emanen zaio.

2. Lurralde-antolamenduaren arloko departamentu eskudunak jakinen balu hirigintza-arloko entitate laguntzaile batek lege honetan aurreikusitako arau-haustetzat jotzen ahal den egintzaren edo ez-egiteren bat egin duela, kasuko udalari emanen dio horren berri, bidezkoak diren legezko neurriak har ditzan eta, kasua bada, dagokion zehapen-prozedura has dezan.

3. Alkateari dagokio bere udal-mugartean hasi eta izapidetutako zehapen-prozedurak ebaztea, geroago eskuordetu edo deskontzentratu egiten ahal badira ere.

4. Lege honetan aurreikusitako zehapenak ezartzeko, zehapen-prozedura izapidetu beharko da, urriaren 1eko 39/2015 Legeari eta urriaren 1eko 40/2015 Legeari jarraikiz, bai eta, kasua bada, udal ordenantzetan ezarritakoari jarraikiz ere.

5. Kapitulu honetan ezarritako arau-hauste eta zehapenak preskribatzeko epea hiru urtekoa izanen da arau-hauste oso astunen kasuan, bi urtekoa arau-hauste astunen kasuan eta sei hilabetekoa arinen kasuan.

Azken xedapenetako hamaseigarrena. Indarra hartzea.

Foru lege honek Nafarroako Aldizkari Ofizialean argitaratu eta biharamunean hartuko du indarra.

Nik, Nafarroako Foru Eraentza Berrezarri eta Hobetzeari buruzko Lege Organikoaren 22. artikuluan xedatutakoa bete dadin, foru lege hau B.M. Erregearen izenean aldarrikatzen dut, Nafarroako Aldizkari Ofizialean berehala argitara eta Estatuko Aldizkari Ofizialera igor dadila agintzen dut eta herritar eta agintariei bete eta betearaz dezatela manatzen diet.

I ERANSKINA.

I ERANSKINA

Vínculo a objeto

II ERANSKINA. HEZKUNTZA-MAILETAKO URTEKO MODULUAK ETA RATIOAK 2026

II ERANSKINA

Vínculo a objeto

III ERANSKINA. 2026KO INBERTSIO PROGRAMA

III ERANSKINA

Vínculo a objeto

Gobierno de Navarra

Contacte con nosotros | Accesibilidad | Aviso legal | Mapa web