LEXNAVARRA
52/2024 FORU AGINDUA, EKAINAREN 14KOA, BARNEKO, FUNTZIO PUBLIKOKO ETA JUSTIZIAKO KONTSEILARIAK EMANA, BARNEKO, FUNTZIO PUBLIKOKO ETA JUSTIZIAKO DEPARTAMENTUAREN EGITURA ORGANIKOA EZARTZEN DUENA BULEGOEN MAILAN
BON N.º 129 - 24/06/2024
I. KAPITULUA. XEDEA ETA EGITURA OROKORRA
- 1. artikulua. Xedea.
- 2. artikulua. Barne Zuzendaritza Nagusiaren egitura.
- 3. artikulua. Funtzio Publikoko Zuzendaritza Nagusiaren egitura.
- 4. artikulua. Justizia Zuzendaritza Nagusiaren egitura.
- 5. artikulua. Ekonomia eta Aurrekontu Kudeaketarako Zerbitzuaren egitura.
- 6. artikulua. Idazkaritza Tekniko Nagusiaren egitura.
II. KAPITULUA. BARNE ZUZENDARITZA NAGUSIA
1. ATALA. SEGURTASUN POLITIKAK GARATZEKO ZERBITZUA
- 7. artikulua. Baimenak Kudeatu, Inskribatu eta Tramitatzeko Bulegoa.
- 8. artikulua. Langileak Garraiatzeko Zerbitzuak Kudeatu eta Koordinatzeko Bulegoa.
- 9. artikulua. Segurtasun Pribatuaren eta Sistemen Bulegoa.
2. ATALA. BARNEKO ARAUBIDE JURIDIKOAREN ZERBITZUA
- 10. artikulua. Kudeaketa Administratiboaren Bulegoa.
3. ATALA. NAFARROAKO SUHILTZAILEEN ZERBITZUA
- 11. artikulua. Logistikaren eta Ekipoen Bulegoa.
- 12. artikulua. Langile Operatiboen Kudeaketarako Bulegoa.
4. ATALA. LARRIALDIETAKO, PREBENTZIOKO ETA BABES ZIBILEKO ZERBITZUA
- 13. artikulua. Boluntarioen Bulegoa.
- 14. artikulua. Laguntza Administratiboaren eta Langileriaren Bulegoa.
- 15. artikulua. Prestakuntza eta Gainbegiratze Bulegoa.
III. KAPITULUA. FUNTZIO PUBLIKOKO ZUZENDARITZA NAGUSIA
1. ATALA. ZEHARKAKO LAGUNTZA ADMINISTRATIBOAREN BULEGOA
- 16. artikulua. Zeharkako Laguntza Administratiboaren Bulegoa.
2. ATALA. LANGILERIAREN GASTUAREN KONTROLAREN ETA NOMINEN ZERBITZUA
- 17. artikulua. Gizarte Segurantzaren Bulegoa.
3. ATALA. LANGILERIAREN PROZEDURAK KUDEATZEKO ZERBITZUA
- 18. artikulua. Hautaketa Prozesuen Koordinazio Juridikoko Unitatea.
- 19. artikulua. Hautaketa Prozesuen Koordinazio Administratiboko Unitatea.
4. ATALA. ARAUBIDE JURIDIKOAREN ETA GIZARTE AURREIKUSPENAREN ZERBITZUA
- 20. artikulua. Administrazio Laguntzako Bulegoa.
- 21. artikulua. Prozesu Judizialen Koordinazioko Unitatea.
5. ATALA. ARAUEN GARAPENERAKO ETA LAN HARREMANETARAKO ZERBITZUA
- 22. artikulua. Arauen Koordinaziorako eta Azterketarako Unitatea.
6. ATALA. EGITURAKO, PLANTILLAKO ETA LANGILEEN ALDI BATERAKO KONTRATAZIOETAKO ZERBITZUA
- 23. artikulua. Lanpostuak Antolatzeko Bulegoa.
7. ATALA. NAFARROAKO ADMINISTRAZIO PUBLIKOAREN INSTITUTUAREN ZERBITZUA
- 24. artikulua. Zerbitzu Osagarrien Bulegoa.
- 25. artikulua. Prestakuntza Koordinatu eta Ebaluatzeko Bulegoa.
- 26. artikulua. Hizkuntza Komunitarioetako Prestakuntza Bulegoa.
8. ATALA. ADMINISTRAZIOA MODERNIZATZEKO ETA LANPOSTUAK ETA EGITURA PLANIFIKATZEKO ATALA
- 27. artikulua. Unitateen Informazioaren eta Egituraren Bulegoa.
IV. KAPITULUA. JUSTIZIA ZUZENDARITZA NAGUSIA
1. ATALA. GIZA BALIABIDEEN ETA BULEGO JUDIZIAL ETA FISKAL BERRIAREN ZERBITZUA
- 28. artikulua. Langileriaren eta Erregistroaren Bulegoa.
- 29. artikulua. Akreditazioetarako eta Herritarren Arretarako Bulegoa.
2. ATALA. AZPIEGITURA JUDIZIALEN ZERBITZUA
- 30. artikulua. Artxibo Judizialaren Bulegoa.
- 31. artikulua. Hornidura Bulegoa.
- 32. artikulua. Mantentzelanen Bulegoa.
3. ATALA. JUSTIZIAKO GIZARTE ZERBITZUA
- 33. artikulua. Doako Justiziaren Bulegoa.
- 34. artikulua. Kudeaketa eta Laguntza Administratiborako Bulegoa.
- 35. artikulua. Auzitegiko Gizarte Lanaren Bulegoa.
- 36. artikulua. Auzitegiko Psikologia Bulegoa.
4. ATALA. GIZARTERATZEKO, BITARTEKARITZAKO ETA JUSTIZIA ERRESTAURATIBOKO ZERBITZUA
- 37. artikulua. Bitartekaritzako eta Justizia Errestauratiboko Bulegoa.
V. KAPITULUA. EKONOMIA ETA AURREKONTU KUDEAKETARAKO ZERBITZUA
- 38. artikulua. Barneko Kontabilitate Zentroaren Bulegoa.
- 39. artikulua. Kontabilitate Zentroaren Bulegoa.
- 40. artikulua. Suhiltzaileen eta Babes Zibilaren eta Larrialdien Kontabilitate Zentroaren Bulegoa.
VI. KAPITULUA. IDAZKARITZA TEKNIKO NAGUSIA
- 41. artikulua. Kudeaketa Administratiboaren Bulegoa.
- Lehen xedapen gehigarria. Izendapenak.
- Bigarren xedapen gehigarria. Bulegoak kentzea.
- Hirugarren xedapen gehigarria. Bulegoak eta unitateak sortzea.
- Xedapen indargabetzaile bakarra. Arauak indargabetzea.
- Azken xedapen bakarra. Indarra hartzea.
Nafarroako Foru Komunitateko Lehendakariaren abuztuaren 17ko 10/2023 Foru Dekretuaren bidez, Nafarroako Foru Komunitateko Administrazioaren departamentuen egitura ezarri zen.
Halaber, abuztuaren 30eko 73/2023 Foru Dekretuaren bidez, Barneko, Funtzio Publikoko eta Justiziako Departamentuaren oinarrizko egitura ezarri zen, eta azaroaren 15eko 254/2023 Foru Dekretuaren bidez, Barneko, Funtzio Publikoko eta Justiziako Departamentuaren egitura organikoa, atalen mailara arte.
Horregatik, beharrezkoa da Barneko, Funtzio Publikoko eta Justiziako Departamentuaren egitura eta eginkizunak osatzea eta egokitzea, bulegoen mailan.
Horrenbestez, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 34.4 artikuluak ematen dizkidan ahalmenak erabiliz,
AGINTZEN DUT:
I. KAPITULUA. XEDEA ETA EGITURA OROKORRA
Foru agindu honen xedea da Barneko, Funtzio Publikoko eta Justiziako Departamentuaren egitura eta eginkizunak garatzea, bulegoen mailan.
2. artikulua. Barne Zuzendaritza Nagusiaren egitura.
Barne Zuzendaritza Nagusiak bulego hauek ditu bere egituran, atxikipen hauekin:
Segurtasun Politikak Garatzeko Zerbitzuan:
- Baimenak Kudeatu, Inskribatu eta Tramitatzeko Bulegoa, Jokoaren eta Ikuskizun Publikoen Atalari atxikia.
- Langileak Garraiatzeko Zerbitzuak Kudeatu eta Koordinatzeko Bulegoa, Ibilgailu Parkearen Atalari atxikia.
- Segurtasun Pribatuaren eta Sistemen Bulegoa, Segurtasunaren Koordinazio Atalari atxikia.
Barneko Araubide Juridikoaren Zerbitzuan:
- Kudeaketa Administratiboaren Bulegoa, aipatu zerbitzuari atxikia.
Nafarroako Suhiltzaileen Zerbitzuan:
- Logistikaren eta Ekipoen Bulegoa, Gai Teknikoen, Logistikaren eta Ekipoen Atalari atxikia.
- Langile Operatiboen Kudeaketarako Bulegoa, Gai Administratiboak eta Langileria Kudeatzeko Atalera atxikia.
Larrialdietako, Prebentzioko eta Babes Zibileko Zerbitzuan:
- Boluntarioen Bulegoa, aipatu zerbitzuari atxikia.
- Laguntza Administratiboaren eta Langileriaren Bulegoa, aipatu zerbitzuari atxikia.
- Prestakuntza eta Gainbegiratze Bulegoa, SOS Nafarroa Atalari atxikia.
3. artikulua. Funtzio Publikoko Zuzendaritza Nagusiaren egitura.
Funtzio Publikoko Zuzendaritza Nagusiak bulego eta unitate hauek ditu bere egituran, atxikipen hauekin:
- Zeharkako Laguntza Administratiboaren Bulegoa, aipatu zuzendaritza nagusiari atxikia.
Langileriaren Gastuaren Kontrolaren eta Nominen Zerbitzuan:
- Gizarte Segurantzaren Bulegoa, Nominen eta Gizarte Segurantzaren Atalari atxikia.
Langileriaren Prozedurak Kudeatzeko Zerbitzuan:
- Hautaketa Prozesuen Koordinazio Juridikoko Unitatea, Hautapen Prozesuetako, Lanpostuak Betetzeko eta Administrazio Egoeretako Atalari atxikia.
- Hautaketa Prozesuen Koordinazio Administratiboko Unitatea, Hautapen Prozesuetako, Lanpostuak Betetzeko eta Administrazio Egoeretako Atalari atxikia.
Araubide Juridikoaren eta Gizarte Aurreikuspenaren Zerbitzuan:
- Administrazio Laguntzako Bulegoa, aipatu zerbitzuari atxikia.
- Prozesu Judizialen Koordinazioko Unitatea, Araubide Juridikoaren Atalari atxikia.
Arauen Garapenerako eta Lan Harremanetarako Zerbitzuan:
- Arauen Koordinaziorako eta Azterketarako Unitatea, aipatu zerbitzuari atxikia.
Egiturako, Plantillako eta Langileen Aldi Baterako Kontratazioetako Zerbitzuan:
- Lanpostuak Antolatzeko Bulegoa, Egituraren Antolaketako, Plantillako eta Langileen Ordainsarietako Atalari atxikia.
Nafarroako Administrazio Publikoaren Institutuaren Zerbitzuan:
- Zerbitzu Osagarrien Bulegoa, aipatu zerbitzuari atxikia.
- Prestakuntza Koordinatu eta Ebaluatzeko Bulegoa, Prestakuntza eta Garapen Atalari atxikia.
- Hizkuntza Komunitarioetako Prestakuntza Bulegoa, Berrikuntzaren eta Hizkuntzen Atalari atxikia.
Administrazioa Modernizatzeko eta Lanpostuak eta Egitura Planifikatzeko Atalean:
- Unitateen Informazioaren eta Egituraren Bulegoa, aipatu atalari atxikia.
4. artikulua. Justizia Zuzendaritza Nagusiaren egitura.
Justizia Zuzendaritza Nagusiak bulego hauek ditu bere egituran, atxikipen hauekin:
Giza Baliabideen eta Bulego Judizial eta Fiskalaren Zerbitzuan:
- Langileriaren eta Erregistroaren Bulegoa, Justizia Administrazioko Lan Harremanen eta Langileriaren Kudeaketaren Atalari atxikia.
- Akreditazioetarako eta Herritarren Arretarako Bulegoa, Bulego Judizial eta Fiskalaren Atalari atxikia.
Azpiegitura Judizialen Zerbitzuan:
- Artxibo Judizialaren Bulegoa, Informatikako Proiektu eta Sistemen Atalari atxikia.
- Hornidura Bulegoa, Higiezinen Atalari atxikia.
- Mantentze-lanen Bulegoa, Higiezinen Atalari atxikia.
Justiziako Gizarte Zerbitzuan:
- Doako Justiziaren Bulegoa, aipatu zerbitzuari atxikia.
- Kudeaketa eta Laguntza Administratiborako Bulegoa, aipatu zerbitzuari atxikia.
- Auzitegiko Gizarte Lanaren Bulegoa, aipatu zerbitzuari atxikia.
- Auzitegiko Psikologia Bulegoa, aipatu zerbitzuari atxikia.
Gizarteratzeko, Bitartekaritzako eta Justizia Errestauratiboko Zerbitzuan:
- Bitartekaritzako eta Justizia Errestauratiboko Bulegoa, Bitartekaritzako eta Justizia Errestauratiboko Atalari atxikia.
5. artikulua. Ekonomia eta Aurrekontu Kudeaketarako Zerbitzuaren egitura.
Ekonomia eta Aurrekontu Kudeaketarako Zerbitzuak bulego hauek ditu bere egituran, atxikipen hauekin:
- Barneko Kontabilitate Zentroaren Bulegoa, Aurrekontuen Kudeaketarako Atalari atxikia.
- Kontabilitate Zentroaren Bulegoa, Aurrekontuen Kudeaketarako Atalari atxikia.
- Suhiltzaileen eta Babes Zibilaren eta Larrialdien Kontabilitate Zentroaren Bulegoa, Aurrekontuen Kudeaketarako Atalari atxikia.
6. artikulua. Idazkaritza Tekniko Nagusiaren egitura.
Idazkaritza Tekniko Nagusiak bulego hauek ditu bere egituran, atxikipen hauekin:
- Kudeaketa Administratiboaren Bulegoa, Araubide Administratiboaren eta Langileen Atalari atxikia.
II. KAPITULUA. BARNE ZUZENDARITZA NAGUSIA
1. ATALA. SEGURTASUN POLITIKAK GARATZEKO ZERBITZUA
7. artikulua. Baimenak Kudeatu, Inskribatu eta Tramitatzeko Bulegoa.
Baimenak Kudeatu, Inskribatu eta Tramitatzeko Bulegoak, Jokoaren eta Ikuskizun Publikoen Atalari atxikirik, eginkizun hauek izanen ditu:
a) Atalburuari laguntza administratiboa ematea.
b) Baimen, erregistro eta egiaztapenen kudeaketa bultzatzea eta laguntzea, bere eskumeneko arloan.
c) Baimenen eta egiaztapenen tramiteekin lotutako nahitaezko agiri guztiak gordailutzea.
d) Sinplifikazio administratibora jotzea, aldian behin prozeduren egokitasuna berrikusiz.
e) Bulegoaren langile eta baliabide beharrak bideratzea.
f) Langileen prestakuntzan laguntzea, bere eskumeneko arloetan.
g) Indarra duten xedapenek esleitzen dizkioten beste batzuk, edo agintzen zaizkionak.
8. artikulua. Langileak Garraiatzeko Zerbitzuak Kudeatu eta Koordinatzeko Bulegoa.
Langileak Garraiatzeko Zerbitzuak Kudeatu eta Koordinatzeko Bulegoak, Ibilgailu Parkearen Atalari atxikirik, eginkizun hauek izanen ditu:
a) Ibilgailu Parkearen Atalari atxikitako gidarien txandak eta ordutegiak kudeatzea.
b) Ibilgailu Parkearen Atalari atxikitako ibilgailuen mantentze-lanetako laguntzaileen oporrak kudeatzea.
c) Administrazioko langileei eskaini beharreko garraio zerbitzuen katalogoa aztertu eta ezartzea.
d) Informazioaren ustiapen sistema mantentzea ibilgailu parkeari atxikitako ibilgailuen erabilera datuei buruz.
e) Eskatzen diren garraio zerbitzuak erregistratu, aztertu eta banatzea.
f) Egiten diren garraio zerbitzuak erregistratu, kontrolatu eta koordinatzea.
g) Eskatzen den zerbitzu bakoitza antolatu eta ibilgailua eta gidaria esleitzea.
h) Txostenak egitea eta aldaketak edo hobekuntzak proposatzea, zerbitzuen kalitatea bermatzeko.
i) Erregistratzen diren datuak aztertu, analizatu eta ustiatzea, ibilgailu parkeari eskatzen zaizkion garraio zerbitzuen kostuak zehazteko.
j) Ibilgailuen, makinen eta ekipo lagungarrien aseguruak erregistratu, kontrolatu eta haien jarraipena egitea.
k) Ibilgailu parkearen aplikazioan alten eta bajen mantentze-lana egitea langileei eta ibilgailuei dagokienez.
l) Nafarroako Gobernuaren flotako ibilgailuei ezartzen zaizkien isunak erregistratu eta kontrolatzea.
m) Ibilgailu parkeko gidariek ostatuetan eta jatetxeetan sortzen dituzten gastuak erregistratu eta kontrolatzea.
n) Hoteletan logelak erreserbatzea gidarientzat.
o) Indarra duten xedapenek esleitzen dizkioten beste batzuk, edo agintzen zaizkionak.
9. artikulua. Segurtasun Pribatuaren eta Sistemen Bulegoa.
Segurtasun Pribatuaren eta Sistemen Bulegoak, Segurtasunaren Koordinazio Atalari atxikirik, eginkizun hauek izanen ditu:
a) Segurtasun pribatuko zerbitzu eta sistemak kontratatzeko kudeaketa zentralizatuaren kontrol administratiboa eta ebaluazioa.
b) Azterlanak eta proiektuak egitea segurtasun arloan.
c) Eraikinen segurtasun neurrien katalogoa prestatu eta eguneratzea, segurtasunaren aldetik Segurtasunaren Koordinazio Atalak kudeatzen dituen eraikinei dagokienez.
d) Zaintza eta segurtasun zerbitzuak kontratatu, ikuskatu eta haien jarraipena egitea.
e) Atalak kudeatzen dituen segurtasun pribatuko kontratuak gainbegiratu, koordinatu eta kontrolatzea.
f) Segurtasun sistemetako instalazioak koordinatu, kontratatu, haien jarraipena egin eta haien gaineko aholkuak ematea.
g) Indarra duten xedapenek esleitzen dizkioten beste batzuk, edo agintzen zaizkionak.
2. ATALA. BARNEKO ARAUBIDE JURIDIKOAREN ZERBITZUA
10. artikulua. Kudeaketa Administratiboaren Bulegoa.
Kudeaketa Administratiboaren Bulegoak, Barneko Araubide Juridikoaren Zerbitzuari atxikirik, eginkizun hauek izanen ditu:
a) Artxibo administratiboak eta espedienteak tramitatu, haien jarraipena egin, antolatu, mantendu, artxibatu eta kontrolatzea, zerbitzuaren eskumeneko arloetan.
b) Zerbitzuko zuzendariari laguntza administratiboa ematea eta Barne Zuzendaritza Nagusiko gainerako unitate organikoekin lankidetzan aritzea.
c) Laguntza administratiboa ematea, kasuan kasuko erabakitze organoei bidali beharreko gaien prestaketan.
d) Aplikazio eta tresna informatikoen inguruko beharrak koordinatzea.
e) Zerbitzuaren edukiak mantentzea, eguneratzea eta argitaratzea, eta atarietarako eta web-orrietarako sarbidea, zerbitzuari dagozkion arloetan.
f) Administrarien koordinazioa.
g) Indarra duten xedapenek esleitzen dizkioten beste batzuk, edo agintzen zaizkionak.
3. ATALA. NAFARROAKO SUHILTZAILEEN ZERBITZUA
11. artikulua. Logistikaren eta Ekipoen Bulegoa.
Logistikaren eta Ekipoen Bulegoak, Gai Teknikoen, Logistikaren eta Ekipoen Atalari atxikirik, eginkizun hauek izanen ditu:
a) Baldintza teknikoen agiriak prestatzea material teknikoen eta ekipoen arloan, Nafarroako Suhiltzaileen Zerbitzuko gainerako atalekin koordinatuta.
b) Zehaztapen teknikoak prestatu eta eguneratzea.
c) Langile operatiboen uniformeak eta ekipamendua proposatzea.
d) Ekipo, makineria, material, jantzi eta ekipamendu beharrei buruzko txostenak hartu eta prestatzea.
e) Inbentarioak, materialak, ekipoak eta, oro har, ekipamendu operatiboa kontrolatzea eta haien egoeraren berri izatea.
f) Araudia eta legezko xedapenak bildu eta eguneratzea, bere eskumeneko esparruan.
g) Azterlanak, txostenak eta proiektuak prestatzea, bere eskumeneko esparruan.
h) Metodoak eta prozedurak prestatzen eta ezartzen parte hartzea, bere eskumeneko esparruan.
i) Indarra duten xedapenek esleitzen dizkioten beste batzuk, edo agintzen zaizkionak.
12. artikulua. Langile Operatiboen Kudeaketarako Bulegoa.
Langile Operatiboen Kudeaketarako Bulegoak, Gai Administratiboak eta Langileria Kudeatzeko Atalari atxikirik, eginkizun hauek izanen ditu ofizial, ofizialorde, sarjentu, kabo eta suhiltzaile lanpostuetan aritzen diren langileei dagokienez:
a) Langileen erregistroa mantendu eta eguneratzea.
b) Ezarririk dagoen erregelamenduzko prozedurari jarraituz aldi baterako langileak kontratatzearen arloko beharrak kontrolatzea.
c) Langileen nominako elementu aldakorren kudeaketa materiala eta kontrola.
d) Langileen lanaldiak kontrolatzeko sistema kudeatzea.
e) Langileen osasun azterketak kudeatu eta kontrolatzea.
f) Aldi baterako ezintasun egoeran dauden langileen baja-agiriak tramitatzea, bajak eta altak berrestea eta istripu-agiriak eta laneko gertakariak tramitatzea.
g) Bere esparruko azterlan bereziak (memoriak, azterlanak eta abar) egiten laguntzea.
h) Indarra duten xedapenek esleitzen dizkioten beste batzuk, edo agintzen zaizkionak.
4. ATALA. LARRIALDIETAKO, PREBENTZIOKO ETA BABES ZIBILEKO ZERBITZUA
13. artikulua. Boluntarioen Bulegoa.
Boluntarioen Bulegoak, Larrialdietako, Prebentzioko eta Babes Zibileko Zerbitzuari atxikirik, eginkizun hauek izanen ditu:
a) Boluntarioen erakundeekin koordinatzea, honako hauekin esaterako: Gurutze Gorria, DYA, salbamendu txakurren taldeak, Hondamendietako Esku-hartze Psikologikoaren Taldea, kirol federazioak, babes zibileko udal batasunak eta larrialdietako, prebentzioko eta babes zibileko lanetan boluntario gisa aritzen ahal den beste edozein erakunde.
b) Sektore publiko eta pribatuari aholku teknikoa ematea, boluntariotzaren arloan.
c) Udalekin eta irabazi asmorik gabeko entitateekin babes zibilaren arloan sinatzen diren hitzarmenak prestatu, kudeatu eta haien jarraipena egitea.
d) Zerbitzuen gutunen eta entitateek Nafarroako Gobernuko babes zibilaren egituran parte hartzeko urteroko programen jarraipena egitea.
e) Boluntarioen prestakuntza planak prestatzea eta horiekin koordinatzea.
f) Zerbitzuko jarduerekin lotuta agintzen zaion beste edozein eginkizun.
14. artikulua. Laguntza Administratiboaren eta Langileriaren Bulegoa.
Laguntza Administratiboaren eta Langileriaren Bulegoak, Larrialdietako, Prebentzioko eta Babes Zibileko Zerbitzuari atxikirik, eginkizun hauek izanen ditu:
a) Artxibo administratiboak eta espedienteak tramitatu, haien jarraipena egin, antolatu, mantendu, artxibatu eta kontrolatzea, zerbitzuko zuzendariaren eskumeneko arloetan.
b) Laguntza administratiboa ematea, kasuan kasuko erabakitze organoei bidali beharreko gaien prestaketan.
c) Kudeatzea, koordinatzea eta kontrolatzea ekipamendu eta instalazioen obrak, erosketak, eskuratzeak, hornidura, berrikuntza eta haien mantentze-lanak; horietatik kanpo gelditzen dira beste unitate organiko batzuek tramitatu behar dituztenak, berariaz esleituta dutelako tramitazio hori.
d) Zerbitzuko zuzendariari laguntza administratiboa ematea eta Barne Zuzendaritza Nagusiko gainerako unitate organikoekin lankidetzan aritzea.
e) Kasuan kasuko erabaki organoaren aurrean tramitatzea Larrialdietako, Prebentzioko eta Babes Zibileko Zerbitzuari atxikitako langileei buruzko gaiak, hala nola langileen erregistroa mantendu eta eguneratzea, ezarririk dagoen erregelamenduzko prozedurari jarraituz aldi baterako langileak kontratatzearen arloko beharrak kontrolatzea, langileen nominako elementu aldakorren kudeaketa materiala eta kontrola, langileen lanaldiak kontrolatzeko sistemaren kudeaketa materiala, langileen osasun azterketak kudeatu eta kontrolatzea, aldi baterako ezintasun egoeran dauden langileen baja-agiriak tramitatzea, bajak eta altak berrestea eta, orobat, laneko istripu eta gorabeheren agiriak tramitatzea, beste unitate bati esleituta daudenean izan ezik.
f) Indarra duten xedapenek esleitzen dizkioten beste batzuk, edo agintzen zaizkionak.
15. artikulua. Prestakuntza eta Gainbegiratze Bulegoa.
Prestakuntza eta Gainbegiratze Bulegoak, SOS Nafarroa Atalari atxikirik, eginkizun hauek izanen ditu:
a) Larrialdiak kudeatzeko zentroari atxikitako langileen etengabeko prestakuntza gainbegiratzea.
b) Operadoreen eta aretoko buruen jarduera gainbegiratzea.
c) Baliabideak larrialdietan mobilizatzeko protokoloak, baliabideen katalogoak eta, oro har, informazioa eta datu baseak mantentzea eta prestatzea.
d) Osasun zerbitzuekin batera aritzea larrialdiak planifikatzean eta kudeatzean, osasun kontuei dagokienez, baita hil edo biziko larrialdiez arduratzeko berariazko protokoloak prestatzean ere.
e) Analisi funtzionalean laguntzea larrialdien informazio sistemen integrazioari dagokionez, eta hura sare nazionaletan eta nazioartekoetan sartzea.
f) Barne koordinazioa zabalkuntza eta sentsibilizazio tresnak egiteko: kanpainak, prestakuntza ekintzak, etab.
g) Eguneko jarduerari buruzko parteak, oharrak eta agiriak egitea eta informazioa eguneratzea eskumena duten unitate zentralek ezarritako bideetan (web-orriak eta sare sozialak).
h) Estatistikak egitea eta kudeatzea.
i) Bere esparruko azterlanak eta memoriak egiten laguntzea.
j) Indarra duten xedapenek esleitzen dizkioten beste batzuk, edo agintzen zaizkionak.
III. KAPITULUA. FUNTZIO PUBLIKOKO ZUZENDARITZA NAGUSIA
1. ATALA. ZEHARKAKO LAGUNTZA ADMINISTRATIBOAREN BULEGOA
16. artikulua. Zeharkako Laguntza Administratiboaren Bulegoa.
Zeharkako Laguntza Administratiboaren Bulegoak, Funtzio Publikoko Zuzendaritza Nagusiari atxikirik, eginkizun hauek izanen ditu:
a) Kudeaketa administratibo arrunta egitea eta administrazio agiriak eta espedienteak tramitatu, haien jarraipena egin, antolatu, mantendu, artxibatu eta kontrolatzea, zuzendaritza nagusiaren eskumeneko arloetan.
b) Zuzendaritza nagusiari gai administratiboetan laguntzeko eginkizunak.
c) Zuzendaritza nagusiak sinatu beharreko dokumentazioa prestatzea.
d) Zuzendaritza nagusiaren komunikazioak eta postontzi elektronikoa kudeatzea.
e) Zuzendaritza nagusiari laguntza administratiboa ematea eta Barne Zuzendaritza Nagusiko gainerako unitate organikoekin lankidetzan aritzea.
f) Gai administratiboetako premiak koordinatzea, zuzendaritza nagusiaren mendeko unitateek eskatuta.
g) Zuzendaritza nagusiko administrazio zerbitzuek ongi funtzionatzeko beharrezko diren eginbideak kudeatzea.
h) Beste edozein eginkizun, bere jarduketaren eremuan agintzen zaiona.
2. ATALA. LANGILERIAREN GASTUAREN KONTROLAREN ETA NOMINEN ZERBITZUA
17. artikulua. Gizarte Segurantzaren Bulegoa.
Gizarte Segurantzaren Bulegoak, Nominen eta Gizarte Segurantzaren Atalari atxikirik, eginkizun hauek izanen ditu:
a) Nafarroako Foru Komunitateko Administrazioaren eta haren erakunde autonomoen esparru guztietako Gizarte Segurantzaren kudeaketa koordinatzea, eta kudeaketa horretarako beharrezkoak diren informazio komunak mantentzea.
b) Nafarroako Foru Komunitateko Administrazioko organoen eta Gizarte Segurantzako Diruzaintza Nagusiaren arteko harreman eta komunikazio guztiak bideratzea.
c) Gizarte-aurreikuspeneko araubide horri lotutako langileen Gizarte Segurantza kudeatzea Funtzio Publikoko Zuzendaritza Nagusiaren esparruan.
d) Gizarte-aurreikuspeneko beste araubide batzuk kudeatzea, Nafarroako Foru Komunitateko Administrazioaren eta haren erakunde autonomoen Montepioko funtzionarioena izan ezik, Funtzio Publikoko Zuzendaritza Nagusiaren eskumenen esparruan.
e) Agintzen zaion beste edozein eginkizun.
3. ATALA. LANGILERIAREN PROZEDURAK KUDEATZEKO ZERBITZUA
18. artikulua. Hautaketa Prozesuen Koordinazio Juridikoko Unitatea.
Hautaketa Prozesuen Koordinazio Juridikoko Unitateak, Hautapen Prozesuetako, Lanpostuak Betetzeko eta Administrazio Egoeretako Atalari atxikirik, eginkizun hauek izanen ditu:
a) Langileen arloko sarrerako eta lanpostuak betetzeko deialdiak egitea, Funtzio Publikoko Zuzendaritza Nagusiaren eskumenekoak direnak.
b) Langileen arloko sarrera eta igoera prozedurak tramitatzea, Funtzio Publikoko Zuzendaritza Nagusiari dagozkionak.
c) Langileen arloko sarrera eta igoera prozedurak kudeatzeko koordinazio juridikoa, Funtzio Publikoko Zuzendaritza Nagusiari dagozkion prozeduretan.
d) Hautaketa organoen jardunaren koordinazioa, jarraipena eta aholkularitza juridikoa, eta haien jardueren balorazioa.
e) Atalari esleitutako langileen arloetan arauzko xedapenak eta administrazio egintzak betearaztea eta aplikazio irizpideak zehaztea, beste organo eskudun batzuekin batera.
f) Atalari esleitutako hautaketa prozesuen berezko gaiei buruzko txosten juridikoak egitea.
g) Helburuak egoki betetzeko agintzen zaion beste edozein eginkizun juridiko, kudeatzen duen esparruan.
19. artikulua. Hautaketa Prozesuen Koordinazio Administratiboko Unitatea.
Hautaketa Prozesuen Koordinazio Administratiboko Unitateak, Hautapen Prozesuetako, Lanpostuak Betetzeko eta Administrazio Egoeretako Atalari atxikirik, eginkizun hauek izanen ditu:
a) Langileen arloko sarrerako eta lanpostuak betetzeko prozeduren administrazio espedienteak tramitatzea eta koordinatzea, Funtzio Publikoko Zuzendaritza Nagusiari dagozkion prozeduretan.
b) Langileen arloko sarrerako eta lanpostuak betetzeko prozedurak kudeatzeko behar diren administrazio datuak eta administrazio dokumentazioa koordinatzea, prestatzea eta eguneratzea, Funtzio Publikoko Zuzendaritza Nagusiari dagozkion prozeduretan.
c) Langileen arloko sarrerako eta lanpostuak betetzeko prozeduretako hautaketa organoek egindako dokumentazio guztiaren jarraipena, kontrola eta koordinazioa egitea, Funtzio Publikoko Zuzendaritza Nagusiari dagozkion prozeduretan.
d) Langileen arloko sarrerako eta lanpostuak betetzeko prozeduretako argitalpenak koordinatzea, bai ebazpenenak bai hautaketa organoen jarduketenak, Funtzio Publikoko Zuzendaritza Nagusiari dagozkion prozeduretan.
e) Funtzio Publikoko Zuzendaritza Nagusiari dagozkion hautaketa prozeduren dokumentazioa artxibatzea.
f) Nafarroako Foru Komunitateko Administrazioko eta haren erakunde autonomoetako funtzionarioen izendapenak koordinatzea.
g) Modernizazio elektronikorako proiektuak eta informazioa kudeatzeko sistemak ezartzeko hobekuntzak koordinatzea, gauzatzea eta horietan parte hartzea, zehazki, Nafarroako Foru Komunitateko Administrazioko eta haren erakunde autonomoetako langileen arloko sarrerako eta lanpostuak betetzeko prozeduren tramitazioarekin lotura dutenetan.
h) Informazio sistemetako datuak modu koordinatuan kudeatzea eta mantentzea, Funtzio Publikoko Zuzendaritza Nagusiari dagozkion langileen arloko sarrerako eta lanpostuak betetzeko prozedurak kudeatzeko.
i) Informazioa kudeatzea eta emaitzak ebaluatzeko datuen jarraipena egitea, Funtzio Publikoko Zuzendaritza Nagusiari dagozkion langileen arloko sarrerako eta lanpostuak betetzeko prozedurei dagokienez.
j) Helburuak egoki betetzeko agintzen zaion beste edozein eginkizun, kudeatzen duen esparruan.
4. ATALA. ARAUBIDE JURIDIKOAREN ETA GIZARTE AURREIKUSPENAREN ZERBITZUA
20. artikulua. Administrazio Laguntzako Bulegoa.
Administrazio Laguntzako Bulegoak, Araubide Juridikoaren eta Gizarte Aurreikuspenaren Zerbitzuari atxikirik, eginkizun hauek izanen ditu:
a) Administrazio laguntza, Araubide Juridikoaren Atalaren espedienteak tramitatzeko.
b) Administrazio laguntza, Bateraezintasunen Araubidearen eta Langileria Irizpideen Atalaren espedienteak tramitatzeko.
c) Organo judizialekiko eta beste administrazio organo batzuekiko komunikazioaren kudeaketa administratiboa, Araubide Juridikoaren Atalaren eta Bateraezintasunen Araubidearen eta Langileria Irizpideen Atalaren espedienteetan.
d) Agiriak kontrolatzea eta artxibatzea, Araubide Juridikoaren Atalak eta Bateraezintasunen Araubidearen eta Langileria Irizpideen Atalak tramitatutako espedienteei dagokienez.
e) Bere helburuak egoki betetzeko agintzen zaion beste edozein eginkizun.
21. artikulua. Prozesu Judizialen Koordinazioko Unitatea.
Prozesu Judizialen Koordinazioko Unitateak, Araubide Juridikoaren Atalari atxikirik, eginkizun hauek izanen ditu:
a) Administrazioarekiko auzien jurisdikzioko organoetan funtzio publikoaren arloan aurkezten diren errekurtsoei dagozkien administrazio espedienteak bidaltzea, dagokion dokumentazioa prestatu ondoren.
b) Aurreko letran adierazitako prozedura judizialetan beharrezkoak diren epatze-deiak, jakinarazpenak eta argitalpenak egitea aldizkari ofizialetan.
c) Kontratu administratiboak, kontratazio espedienteak eta, oro har, lan arloko epaitegiek eskatzen duten dokumentazio guztia bidaltzea, jurisdikzio horretan demandak jartzen dituztenean, Nafarroako Foru Komunitateko Administrazioaren eta haren erakunde autonomoen aurka, horien zerbitzura ari diren Administrazio Erroko langileek.
d) Organo judizialek egiten dituzten dokumentu frogen eskaerak tramitatzea, bai aldez aurretik Funtzio Publikoko Zuzendaritza Nagusiak igorritako espedienteekin lotorik daudenak, bai eta, espedienteak beste administrazio organo batzuek igorritakoak izan arren, epaitegiek eta auzitegiek Funtzio Publikoko Zuzendaritza Nagusiari dokumentu frogak eskatzen dizkiotenean ere.
e) Organo judizialek funtzio publikoaren arloan ematen dituzten epaiak betearaztea.
f) Funtzio publikoaren arloko ebazpen judizial irmoak bete bitartean edo horiek bete behar direla-eta, interesdunek planteatzen dituzten betearazpen intzidente guztiak tramitatzea.
g) Helburuak egoki betetzeko agintzen zaion beste edozein eginkizun, kudeatzen duen esparruan.
5. ATALA. ARAUEN GARAPENERAKO ETA LAN HARREMANETARAKO ZERBITZUA
22. artikulua. Arauen Koordinaziorako eta Azterketarako Unitatea.
Arauen Koordinaziorako eta Azterketarako Unitateak, Arauen Garapenerako eta Lan Harremanetarako Zerbitzuari atxikirik, eginkizun hauek izanen ditu:
a) Arauen Garapenerako eta Lan Harremanetarako Zerbitzuari laguntzeko eginkizunak.
b) Funtzio publikoaren arloko araudiaren eta jurisprudentziaren azterketa konparatua.
c) Testu arauemaileen txosten-proposamenak egitea.
d) Dokumentazioa prestatzea negoziazio kolektiboaren mende jartzeko.
e) Bere jarduketa esparruan, arauen azterketarekin eta garapenarekin loturik agintzen zaion beste edozein eginkizun.
6. ATALA. EGITURAKO, PLANTILLAKO ETA LANGILEEN ALDI BATERAKO KONTRATAZIOETAKO ZERBITZUA
23. artikulua. Lanpostuak Antolatzeko Bulegoa.
Lanpostuak Antolatzeko Bulegoak, Egituraren Antolaketako, Plantillako eta Langileen Ordainsarietako Atalari atxikirik, eginkizun hauek izanen ditu:
a) Plantilla organikoari buruzko foru dekretuak tramitatzea.
b) Txostenak, azterlanak eta proiektuak egitea, zerikusia dutenak Nafarroako Foru Komunitateko Administrazioaren eta haren erakunde autonomoen zerbitzuko langileen lanpostuak sortu, konfiguratu eta zehaztearekin, ordainsari osagarrien analisia, zehaztapena eta balorazioa barne.
c) Administrazio unitateak sortzeko, aldatzeko edo kentzeko espedienteetako txostenak egitea, hala dagokionean, indarreko araudian ezarritako baldintza eta eskakizunen arabera, eta, orobat, egitura organikoari buruzko proposamenen gaineko txostenak egitea.
d) Beste edozein eginkizun, bere jarduketaren eremuan agintzen zaiona.
7. ATALA. NAFARROAKO ADMINISTRAZIO PUBLIKOAREN INSTITUTUAREN ZERBITZUA
24. artikulua. Zerbitzu Osagarrien Bulegoa.
Zerbitzu Osagarrien Bulegoak, Nafarroako Administrazio Publikoaren Institutuari atxikirik, eginkizun hauek izanen ditu:
a) Lokalak egokitzea prestakuntza eta hautapen jardueretarako, ekitaldi instituzionaletarako eta bestelakoetarako.
b) Lokalak erabiltzeko tokiak eta denborak kontrolatu eta banatzea.
c) Baliabide teknologiko-didaktikoen mantentze-lanak egitea, eta horiek puntuan izatea prestakuntza jarduera, bilera, jardunaldi eta abarretarako.
d) Lokalen garbiketa eta mantentze-lana gainbegiratzea.
e) Material suntsikorrak kontrolatu eta horien erosketa proposatzea.
f) Institutuaren liburuxka, informazio eta gutunak banatu eta igortzea.
g) Agintzen zaion beste edozein eginkizun.
25. artikulua. Prestakuntza Koordinatu eta Ebaluatzeko Bulegoa.
Prestakuntza Koordinatu eta Ebaluatzeko Bulegoak, Prestakuntza eta Garapen Atalari atxikirik, eginkizun hauek izanen ditu:
a) Langileak prestatzeko beharrak identifikatu eta aztertzea.
b) Prestakuntza arloetako ekintzak gainbegiratzea.
c) Prestakuntza ekintzak aztertu, baloratu, antolatu eta haien jarraipena egitea, administrazio unitateek eskatzen dutenean.
d) Urteko prestakuntza planen hasierako proposamena egitea.
e) Egiten diren ekintzak ebaluatzea, honako hauek eginez, besteak beste: programen kalitatea eta egokitasuna aztertzea, hobekuntza planak garatzea, gogobetetzeari buruzko galdera-sortak hobetzeko azterlana egitea eta beste prestakuntza plan batzuk aztertzea.
f) Agintzen zaion beste edozein eginkizun.
26. artikulua. Hizkuntza Komunitarioetako Prestakuntza Bulegoa.
Hizkuntza Komunitarioetako Prestakuntza Bulegoak, Berrikuntzaren eta Hizkuntzen Atalari atxikirik, eginkizun hauek izanen ditu:
a) Ingeleseko, frantseseko eta alemaneko ikastaroak antolatzea, orokorrak eta espezifikoak, online, udakoak, eta hizkuntzei buruzko beste jarduera batzuk.
b) Hizkuntza-prestakuntza antolatzea, unitateek eskatzen dutenean.
c) Administrazio unitateei hizkuntzako gaiei buruz aholkularitza ematea.
d) Ziurtagiriak balioestea eta hizkuntza probak egitea.
e) Lanpostuetako hizkuntz eskakizunak balioesteko txostenak egitea.
f) Departamentuekin lan egitea eskualde arteko prestakuntza esperientziak planifikatzen eta garatzen.
g) Agintzen zaion beste edozein eginkizun.
8. ATALA. ADMINISTRAZIOA MODERNIZATZEKO ETA LANPOSTUAK ETA EGITURA PLANIFIKATZEKO ATALA
27. artikulua. Unitateen Informazioaren eta Egituraren Bulegoa.
Unitateen Informazioaren eta Egituraren Bulegoak, Administrazioa Modernizatzeko eta Lanpostuak eta Egitura Planifikatzeko Atalari atxikirik, eginkizun hauek izanen ditu:
a) Unitate organikoei loturiko informazio funtzionala tramitatzea.
b) Unitateen analisi funtzionala eguneratzea, eta egitura berrien aldaketak direla-eta antolamenduan duten sailkapena baliozkotzea.
c) Unitateek dituzten eginkizunei buruzko datu-basea eguneratuta mantentzea, kontuan izanik sortu, aldatu edo kentzen diren unitateak.
d) Analisiak eta txostenak egitea unitateen eginkizunei eta sektoreei buruz eta horien artean gerta daitezkeen inkoherentziei eta bikoizketei buruz.
e) Eginkizunen gainean arduradunen baliozkotzea inplementatzea hala dagokionean, antolamenduko sailkapena baliozkotze aldera.
f) Unitateei dagozkien Nafarroako Aldizkari Ofizialaren arloko eginkizunen zehaztapena hedatzea, hala dagokionean, zehaztuta egon daitezen araudiaren aldaketei begira eta idazkaritza tekniko nagusiek jaso ditzaten, hurrengo egiturak zehazte aldera.
g) Analisi konbinatuak zehaztea, barnean sartuta eskuragarri dagoen beste unitate batzuen informazioa, garrantzitsua bada funtzio publikoaren esparruan.
h) Indarrean dauden xedapenek esleitzen dioten beste edozein eginkizun, edo bere helburuak egoki betetzeko agintzen zaion edozein.
IV. KAPITULUA. JUSTIZIA ZUZENDARITZA NAGUSIA
1. ATALA. GIZA BALIABIDEEN ETA BULEGO JUDIZIAL ETA FISKAL BERRIAREN ZERBITZUA
28. artikulua. Langileriaren eta Erregistroaren Bulegoa.
Langileriaren eta Erregistroaren Bulegoak, Justizia Administrazioko Lan Harremanen eta Langileriaren Kudeaketaren Atalari atxikirik, eginkizun hauek izanen ditu:
a) Nafarroako Justizia Administrazioko langileei buruzko gaien kudeaketa arrunta, Justizia Zuzendaritza Nagusiaren eskumenen barnean.
b) Nafarroako Justizia Administrazioko langileei buruzko prozedurak tramitatzen laguntzea, horien eskumena Justizia Zuzendaritza Nagusiari dagokionean.
c) Justizia arloan eskumena duen ministerioari eta Mutualitate Judizial Orokorrari (Mugeju) tramitatzen laguntzea haien eskumenekoak diren prozedurak, Nafarroako Justizia Administrazioko langileei buruzkoak.
d) Nafarroako Justizia Administrazioko langileei buruzko datu-baseak mantentzea eta eguneratzea.
e) Nafarroako Justizia Administrazioko langileei buruzko espedienteak, paperean zein euskarri digitalean, mantentzea eta eguneratzea.
f) Justizia Zuzendaritza Nagusian Erregistro bulegoari dagozkion eginkizunak antolatu eta gainbegiratzea.
g) Nafarroako Gobernuaren Erregistro Orokorrarekin koordinatzea erregistro lanak.
h) Laguntza administratiboa ematea antolaketa judizialaren eredu berria ezartzeko.
i) Agintzen zaion beste edozein eginkizun.
29. artikulua. Akreditazioetarako eta Herritarren Arretarako Bulegoa.
Akreditazioetarako eta Herritarren Arretarako Bulegoak, Bulego Judizial eta Fiskalaren Atalari atxikirik, eginkizun hauek izanen ditu:
a) Herritarrei arreta ematea, aurrez aurre zein telefonoz.
b) Iruñeko Justizia Auzitegian sartzen diren pertsonak akreditatzea eta haien nortasun agiriak eskaneatzea.
c) Justizia Administrazioko posta eta paketeak jaso, banatu eta sailkatzea, eta fakturak posta bulegora bidaltzea GANES programaren bidez.
d) Justizia Zuzendaritza Nagusiaren paperak eta liburuak jaso eta banatzea eta Artxibo Judizialari laguntzea espedienteak banatzen organo judizialei eta Fiskaltzari.
e) Profesionalek eta herritarrei oro har prozedura judizialei buruzko informazioa eskatzen laguntzea.
f) Organo judizialen bulegoetako sarrerak irekitzea.
g) Beharrezkoa denean, Iruñeko Justizia Auzitegian sartzen diren pertsonei lagun egitea.
h) Erreprografiako lanak egitea eta dokumentuak prestatzen laguntzea Justizia Administrazioko langileei.
i) Protokolo ekitaldietan lagun egitea eta arreta ematea.
j) Agintzen zaion beste edozein eginkizun.
2. ATALA. AZPIEGITURA JUDIZIALEN ZERBITZUA
30. artikulua. Artxibo Judizialaren Bulegoa.
Artxibo Judizialaren Bulegoak, Informatikako Proiektu eta Sistemen Atalari atxikirik, eginkizun hauek izanen ditu:
a) Artxibo Judizialeko dokumentazioaren erregistro, artxibo, zaintza eta kontserbazio lanak gainbegiratzea.
b) Ziurtatzea espedienteak lokalizaturik eta eskuragarri daudela, eta, orobat, ikusteko, maileguan hartzeko edo kontsultatzeko moduan, sortzen dituzten organo judizialentzat edo baimendutako eskatzaileentzat.
c) Nafarroako Agiri Judizialak Suntsitzeko Batzordearekin kolaboratzea.
d) Nafarroako organo judizialetan administrazio elektronikoa garatzen laguntzea.
e) Artxibo digitalen ezarpenean laguntzea.
f) Organo judizialei eta Fiskaltzari ematen zaizkien funts bibliografikoaren mailegu zerbitzuari eta informazio buletinen harpidetzari dagozkion lanak betetzea.
g) Artxiboari buruzko dibulgazio eta prestakuntza ekintzak proposatu eta antolatzea.
h) Bulegoaren eginkizunei buruzko txosten teknikoak egitea.
i) Bere eremuari atxikitako langileen lanak gainbegiratzea.
j) Jardueren memoria prestatzea.
k) Agintzen zaion beste edozein eginkizun.
31. artikulua. Hornidura Bulegoa.
Hornidura Bulegoak, Higiezinen Atalari atxikirik, eginkizun hauek izanen ditu:
a) Justizia Zuzendaritza Nagusiaren eta Nafarroako Justizia Administrazioaren material suntsikorraren, altzarien eta bulegoko materialaren hornidurak bideratu eta kontrolatzea, Nafarroako Foru Komunitateko Administrazioak erosketa zentralizatuetarako dituen organoen bitartez.
b) Horniduretako materialaren entrega kudeatzea eta haren jarraipena eta kontrola egitea.
c) Agintzen zaion beste edozein eginkizun.
32. artikulua. Mantentzelanen Bulegoa.
Mantentze-lanen Bulegoak, Higiezinen Atalari atxikirik, eginkizun hauek izanen ditu:
a) Justizia Zuzendaritza Nagusiari atxikitako eraikinetako instalazioen eta makinen mantentze-lanak, prebentziokoak eta zuzentzekoak, antolatu, koordinatu eta egiaztatzea, bai zuzendaritzako langileek egiten dituztenak bai kanpoko enpresetan kontratatuak; horien artean daude, halaber, gertatzen diren larrialdiei berehalako erantzuna bermatzeko behar diren jarduketak.
b) Tuterako, Tafallako, Lizarrako eta Agoizko justizia jauregietako zerbitzu orokorretako langileek egindako lanak gainbegiratu eta kontrolatzea.
c) Zuzendaritza nagusiari atxikitako eraikin eta instalazioetako mantentze-lanak egiteko behar diren erosketak tramitatu eta kontrolatzea, eta eskaerak jasotzea.
d) Laneko Arriskuen Prebentziorako Zerbitzuarekin elkarlanean aritzea epaitegien, auzitegien eta zuzendaritza nagusiaren prebentzio-jardueraren plangintza ezartzeko eta gainbegiratzeko orduan.
e) Eraikuntza eta eraberritze lanen proiektuak aztertzen laguntzea, Higiezinen Atalarekin koordinatuta, eta lankidetzan aritzea ataleko langileekin, kontratatutako lanen jarraipenean.
f) Azpiegitura Teknologikoen Zerbitzuko langileekin elkarlanean betetzea epaitegietako, auzitegietako eta zuzendaritza nagusiko lan hauen kontrola eta koordinazioa: telekomunikazioak, telefonoguneak instalatu eta konfiguratzea, sareko harguneen altak eta lekualdatzeak, sare informatiko eta telefonikorako kableak eta beste batzuk.
g) Higiezinen Atalari eta arloko eskumenak dituen departamentuari laguntzea epaitegietako eraikinen eta zuzendaritza nagusiaren garbiketarako kontratuak eta langile berekien garbitzaileentzat beharrezkoak diren material eta jantziak erostekoak kontrolatzen.
h) Justizia Zuzendaritza Nagusiari atxikitako higiezinetako lokaletan altzariak lekualdatu eta muntatzeko lanak egitea.
i) Epaiketa aretoetako laguntzaileei eta Nafarroako justizia auzitegietako epaiketa aretoetako ikus-entzunezkoen ekipamendu eta mantentze-lanetarako kontratatutako enpresetako langileei laguntza ematea.
j) Agintzen zaion beste edozein eginkizun.
3. ATALA. JUSTIZIAKO GIZARTE ZERBITZUA
33. artikulua. Doako Justiziaren Bulegoa.
Doako Justiziaren Bulegoak, Justiziako Gizarte Zerbitzuari atxikirik, eginkizun hauek izanen ditu:
a) Nafarroako Doako Laguntza Juridikoaren Batzordeari sostengu administratiboa ematea.
b) Doako justizia onartzeko ebazpenak interesdunei eta organo eskudunei igortzea.
c) Ukitutako lanbide elkargoen fakturazioaren gainean ebaztea.
d) Justiziako prestazioen gaineko aholkuak ematea herritarrei eta profesionalei.
e) Zerbitzuak edo zuzendaritza nagusiak agintzen dizkion guztiak.
34. artikulua. Kudeaketa eta Laguntza Administratiborako Bulegoa.
Kudeaketa eta Laguntza Administratiborako Bulegoak, Justiziako Gizarte Zerbitzuari atxikirik, eginkizun hauek izanen ditu:
a) Nafarroako organo judizialek eskatzen dituzten itzulpen eta interpretazio zerbitzuetarako eskaerak kudeatzea eta haien jarraipena eta kontrola egitea.
b) Peritu judizialak izendatzeari buruzko informazioa eta orientazioa.
c) Justiziako Gizarte Zerbitzuaren fakturazioaren jarraipena, kontrola eta tratamendu administratiboa, salbu eta doako justiziaren prozeduran parte hartzen duten lanbide elkargoena.
d) Agintzen zaion beste edozein eginkizun.
35. artikulua. Auzitegiko Gizarte Lanaren Bulegoa.
Auzitegiko Gizarte Lanaren Bulegoak, organikoki Justiziako Gizarte Zerbitzuari atxikirik eta funtzionalki Nafarroako Auzitegi-medikuntzaren eta Zientzia Kriminalistikoen Institutuari atxikirik, eginkizun hauek izanen ditu:
a) Justizia Administrazioari laguntza eta sostengu teknikoa ematea gizarte lanari dagozkion arloen gainean, gizarte programa eta baliabideak sustatuz.
b) Argibideak eta aholkuak ematea dauden baliabideei eta eskubideei buruz.
c) Gizarte arazoei buruzko aholku espezializatuak ematea.
d) Gizarte-bazterketa egoeran dauden herritarrekin koordinazio lanak egitea neurri judizialei eta gizarte eta osasun zerbitzuei dagokienez.
e) Gizarte lankidetza sustatzea, zabalkunde kanpainetan eta gizartea sentsibilizatzeko kanpainetan sostengu teknikoa emanez eta Nafarroako Unibertsitate Publikoko Gizarte Lanaren Sailarekin koordinatuz abian jartzen dela hango ikasleek praktikak justiziaren esparruan egiteko programa, baita horren jarraipena eta ebaluazioa ere.
f) Eskatzen zaizkion txosten eta peritu-irizpen guztiak egitea.
g) Agintzen zaion beste edozein eginkizun.
36. artikulua. Auzitegiko Psikologia Bulegoa.
Auzitegiko Psikologia Bulegoak, organikoki Justiziako Gizarte Zerbitzuari atxikirik eta funtzionalki Nafarroako Auzitegi-medikuntzaren eta Zientzia Kriminalistikoen Institutuari atxikirik, eginkizun hauek izanen ditu:
a) Peritu txostenak eta azterketa judizialak egitea organo judizialek eskatuta.
b) Aldez aurretik eratutako frogak, organo judizialek eskatzen dituztenak, koordinatu eta egitea.
c) Epai bidez bideratutako kasuen jarraipena.
d) Delituen Biktimei Laguntzeko Atalarekin koordinatzea.
e) Nafarroako Auzitegi-medikuntzaren eta Zientzia Kriminalistikoen Institutuko zerbitzu eta unitateekin koordinatzea.
f) Estatistikak eta urteko memoria prestatzea.
g) Indarrean dagoen legeriak esleitzen dion beste edozein edo Justizia Zuzendaritza Nagusiak agintzen dizkionak, bere eskumeneko arloetan.
4. ATALA. GIZARTERATZEKO, BITARTEKARITZAKO ETA JUSTIZIA ERRESTAURATIBOKO ZERBITZUA
37. artikulua. Bitartekaritzako eta Justizia Errestauratiboko Bulegoa.
Bitartekaritzako eta Justizia Errestauratiboko Bulegoak, Justizia Errestauratiboko Atalari atxikirik, eginkizun hauek izanen ditu:
a) Epaitegietatik eta beste bitartekaritza instituzio batzuetatik justizia errestauratiboko zerbitzura eta gatazken konponbiderako erabil daitekeen beste edozein metodo alternatibotara bideratzen diren kasuez arduratzea.
b) Bitartekaritza instituzioei eta justizia errestauratiboko zerbitzuei eskura jartzea prozesua hasteko behar den dokumentazioa.
c) Bitartekaritzaren eta beste prozesu errestauratibo batzuen jarraipeneko estatistikak egitea, jurisdikzioen arabera eta aintzat hartuz Botere Judizialaren Kontseilu Nagusiaren adierazleak eta Gizarteratzeko, Bitartekaritzako eta Justizia Errestauratiboko Zerbitzuak zehazten dituenak.
d) Profesionalei eta herritarrei argibideak ematea bitartekaritzako baliabideari eta justiziaren esparruko beste prozesu errestauratibo batzuei buruz eta, halaber, jardunbide errestauratibo komunitarioei buruz.
e) Nafarroako Bitartekaritza Erregistroko eta Kalitate Zigiluaren eskaerak eta eguneratzeak tramitatzea.
f) Laguntza administratiboa ematea justizia errestauratiboarekin, bitartekaritzarekin eta jardunbide errestauratiboekin lotutako ikerketa, prestakuntza eta zabalkunde ekintzetarako.
g) Agintzen zaion beste edozein eginkizun.
V. KAPITULUA. EKONOMIA ETA AURREKONTU KUDEAKETARAKO ZERBITZUA
38. artikulua. Barneko Kontabilitate Zentroaren Bulegoa.
Barneko Kontabilitate Zentroaren Bulegoak, Aurrekontuen Kudeaketarako Atalari atxikirik, eginkizun hauek izanen ditu:
a) Barne Zuzendaritza Nagusiaren kontabilitatea, bai orokorra bai diru-sarrera eta gastuen aurrekontuarena, salbu eta Nafarroako Suhiltzaileen Zerbitzuarena eta Larrialdietako, Prebentzioko eta Babes Zibileko Zerbitzuarena.
b) Munta txikiko gastuak berrikusi eta argitaratzea kontratazioaren atarian.
c) Aurrekontua ixteari eta hurrengoa irekitzeari buruzko txostenak egitea.
d) Gastuen espedienteen ondorengo kontrolari buruzko dokumentazioa prestatzea, auditoretza egiteko eta horri buruzko kontsultak ebazteko.
e) Kontabilitate espedienteak artxibatzea, trazabilitatea eta araudi espezifikoa betetzen dela bermatuz.
f) Agintzen zaion beste edozein eginkizun.
39. artikulua. Kontabilitate Zentroaren Bulegoa.
Kontabilitate Bulegoak, Aurrekontuen Kudeaketarako Atalari atxikirik, eginkizun hauek izanen ditu:
a) Funtzio Publikoko Zuzendaritza Nagusiaren eta Justizia Zuzendaritza Nagusiaren kontabilitatea, bai orokorra bai diru-sarrera eta gastuen aurrekontuarena.
b) Munta txikiko gastuak berrikusi eta argitaratzea kontratazioaren atarian.
c) Aurrekontua ixteari eta hurrengoa irekitzeari buruzko txostenak egitea.
d) Gastuen espedienteen ondorengo kontrolari buruzko dokumentazioa prestatzea, auditoretza egiteko eta horri buruzko kontsultak ebazteko.
e) Kontabilitate espedienteak artxibatzea, trazabilitatea eta araudi espezifikoa betetzen dela bermatuz.
f) Agintzen zaion beste edozein eginkizun.
40. artikulua. Suhiltzaileen eta Babes Zibilaren eta Larrialdien Kontabilitate Zentroaren Bulegoa.
Suhiltzaileen eta Babes Zibilaren eta Larrialdien Kontabilitate Zentroaren Bulegoak, Aurrekontuen Kudeaketarako Atalari atxikirik, eginkizun hauek izanen ditu:
a) Nafarroako Suhiltzaileen Zerbitzuaren eta Larrialdietako, Prebentzioko eta Babes Zibileko Zerbitzuaren kontabilitatea, bai orokorra bai diru-sarrera eta gastuen aurrekontuarena.
b) Munta txikiko gastuak berrikusi eta argitaratzea kontratazioaren atarian.
c) Aurrekontua ixteari eta hurrengoa irekitzeari buruzko txostenak egitea.
d) Gastuen espedienteen ondorengo kontrolari buruzko dokumentazioa prestatzea, auditoretza egiteko eta horri buruzko kontsultak ebazteko.
e) Kontabilitate espedienteak artxibatzea, trazabilitatea eta araudi espezifikoa betetzen dela bermatuz.
f) Agintzen zaion beste edozein eginkizun.
VI. KAPITULUA. IDAZKARITZA TEKNIKO NAGUSIA
41. artikulua. Kudeaketa Administratiboaren Bulegoa.
Kudeaketa Administratiboaren Bulegoak, Araubide Administratiboaren eta Langileen Atalari atxikirik, eginkizun hauek izanen ditu:
a) Kudeaketa administratibo arrunta egitea eta administrazio agiriak eta espedienteak tramitatu, haien jarraipena egin, antolatu, mantendu, artxibatu eta kontrolatzea, Idazkaritza Tekniko Nagusiaren eskumeneko arloetan.
b) Laguntza administratiboa ematea otsailaren 21eko 29/2005 Foru Dekretuaren 6. artikuluan xedatutako eginkizunetan (Nafarroako Foru Komunitateko Administrazioko Idazkaritza Tekniko Nagusiak arautzen dituen Erregelamendua onesten duen foru dekretua).
c) Laguntza administratiboa ematea Araubide Juridikoaren Atalari eta Araubide Administratiboaren eta Langileen Atalari.
d) Material suntsikorraren, altzarien eta bulegoko materialaren erosketak, Nafarroako Foru Komunitateko Administrazioak erosketa zentralizatuetarako dituen organoen bitartez. Horniduretako materialaren entrega kudeatzea eta haren jarraipena eta kontrola egitea.
e) Dagokion departamentuaren barnean administratiboki bideratzea foru parlamentarien galderak eta informazio eskaerak, horien tramitazio instituzionalaz arduratzen den unitateak igortzen dizkionak, eta, halaber, Arartekoak igortzen dizkion kexa eta gomendioak.
f) Herritarren parte-hartzea, Nafarroako Parte-hartze Demokratikoari buruzko martxoaren 22ko 12/2019 Foru Legearen arabera.
g) Agintzen zaion beste edozein eginkizun.
Lehen xedapen gehigarria. Izendapenak.
1. Foru agindu honetan ezarritako egituraren arabera izen berari eusten dioten bulegoetako eta koordinazio unitateetako buruen izendapenak berresten dira, haiek egin zireneko baldintza berberetan.
2. Honako izendapen hauek berresten dira, egin ziren baldintza berberetan:
Justizia Zuzendaritza Nagusian:
- Langileriaren eta Bulego Judizialaren Bulegoko buruarena, izena aldatu eta hemendik aurrera Langileriaren eta Erregistroaren Bulegoko burua izanen baita.
- Herritarrentzako Argibide eta Arretarako Bulegoko buruarena, izena aldatu eta hemendik aurrera Akreditazioetarako eta Herritarren Arretarako Bulegoko burua izanen baita.
Ekonomia eta Aurrekontu Kudeaketarako Zerbitzuan:
- Barneko Ekonomiaren eta Kontabilitatearen Kudeaketa Bulegoko buruarena, izena aldatu eta hemendik aurrera Barneko Kontabilitate Zentroaren Bulegoko burua izanen baita.
- Suhiltzaileen, Babes Zibilaren eta Larrialdien arloetako Ekonomiaren eta Kontabilitatearen Kudeaketa Bulegoko buruarena, izena aldatu eta hemendik aurrera Suhiltzaileen eta Babes Zibilaren eta Larrialdien Kontabilitate Zentroaren Bulegoko burua izanen baita.
Idazkaritza Tekniko Nagusian:
- Langileriaren Kudeaketarako Bulegoko buruarena, izena aldatu eta hemendik aurrera Kudeaketa Administratiboaren Bulegoko burua izanen baita.
Bigarren xedapen gehigarria. Bulegoak kentzea.
1. Barne Zuzendaritza Nagusiko bulego hau kentzen da:
- Sistemen eta Komunikazioaren Bulegoa, Larrialdien eta Komunikazio Sistemen Plangintza eta Koordinazio Atalari atxikia.
Hirugarren xedapen gehigarria. Bulegoak eta unitateak sortzea.
1. Barne Zuzendaritza Nagusian, bulego sortzen da.
- Baimenak Kudeatu, Inskribatu eta Tramitatzeko Bulegoa, Jokoaren eta Ikuskizun Publikoen Atalari atxikia.
2. Funtzio Publikoko Zuzendaritza Nagusian, bulego eta unitate hauek sortzen dira:
- Zeharkako Laguntza Administratiboaren Bulegoa, aipatu zuzendaritza nagusiari zuzenean atxikia.
- Administrazio Laguntzako Bulegoa, Araubide Juridikoaren eta Gizarte Aurreikuspenaren Zerbitzuari atxikia.
- Arauen Koordinaziorako eta Azterketarako Unitatea, Arauen Garapenerako eta Lan Harremanetarako Zerbitzuari atxikia.
- Lanpostuak Antolatzeko Bulegoa, Egituraren Antolaketako, Plantillako eta Langileen Ordainsarietako Atalari atxikia.
- Unitateen Informazioaren eta Egituraren Bulegoa, Administrazioa Modernizatzeko eta Lanpostuak eta Egitura Planifikatzeko Atalari atxikia.
Xedapen indargabetzaile bakarra. Arauak indargabetzea.
Indarrik gabe uzten dira foru agindu honetan ezarritakoaren aurka doazen maila bereko edo beheragoko xedapen guztiak, eta, bereziki, hauek: 88/2021 Foru Agindua, maiatzaren 21ekoa, Lehendakaritzako, Berdintasuneko, Funtzio Publikoko eta Barneko kontseilariak emana, zeinaren bidez ezartzen baita Lehendakaritzako, Berdintasuneko, Funtzio Publikoko eta Barneko Departamentuaren egitura organikoa bulegoen mailan; eta 5/2020 Foru Agindua, martxoaren 6koa, Migrazio Politiketako eta Justiziako kontseilariak emana, Migrazio Politiketako eta Justiziako Departamentuaren egitura garatzen duena bulegoen mailan.
Azken xedapen bakarra. Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
