16. artikulua. Zerga Kudeaketa Zerbitzuaren eremu material eta funtzionala.
17. artikulua. Zerga Kudeaketa Zerbitzuaren egitura.
18. artikulua. Enpresa Handien Atalaren eremu material eta funtzionala.
19. artikulua. Ezegoiliarren Errentaren eta Sozietateen gaineko Zergen Atalaren eremu material eta funtzionala.
20. artikulua. Balio Erantsiaren gaineko Zergaren Atalaren eremu material eta funtzionala.
21. artikulua. BEZaren Itzulketaren Atalaren eremu material eta funtzionala.
22. artikulua. Zerga Berezien eta Bestelako Tributuen Atalaren eremu material eta funtzionala.

2. ATALA. PERTSONA FISIKOEN ERRENTAREN ETA ONDAREAREN GAINEKO ZERGAK KUDEATZEKO ZERBITZUA

23. artikulua. Pertsona Fisikoen Errentaren eta Ondarearen gaineko Zergak Kudeatzeko Zerbitzuaren eremu material eta funtzionala.
24. artikulua. Pertsona Fisikoen Errentaren eta Ondarearen gaineko Zergak Kudeatzeko Zerbitzuaren egitura.
25. artikulua. Pertsona Fisikoen Errentaren eta Ondarearen gaineko Zergen Atal Tekniko eta Kontrolekoaren eremu material eta funtzionala.
26. artikulua. Pertsona Fisikoen Errentaren eta Ondarearen gaineko Zergen Kanpainako Programen eta Prozesuen Analisirako eta Kontrolerako Atalaren eremu material eta funtzionala.
27. artikulua. Pertsona Fisikoen Errentaren eta Ondarearen gaineko Zergen Kanpainako Zergadunekiko Harremanen Atalaren eremu material eta funtzionala.
28. artikulua. Pertsona Fisikoen Errentaren eta Ondarearen gaineko Zergak Koordinatzeko Atalaren eremu material eta funtzionala.

3. ATALA. TRIBUTU IKUSKAPENERAKO ZERBITZUA

29. artikulua. Tributu Ikuskapenerako Zerbitzuaren eremu material eta funtzionala.
30. artikulua. Bulego Teknikoaren Atalaren eremu material eta funtzionala.

4. ATALA. DIRUBILKETA ZERBITZUA

31. artikulua. Dirubilketa Zerbitzuaren eremu material eta funtzionala.
32. artikulua. Dirubilketa Zerbitzuaren egitura.
33. artikulua. Gerorapenak Kudeatzeko Atalaren eremu material eta funtzionala.
34. artikulua. Derrigorrezko Dirubilketaren Atalaren eremu material eta funtzionala.
35. artikulua. Prozedura Berezien Atalaren eremu material eta funtzionala.
36. artikulua. Araubide Juridikoaren Atalaren eremu material eta funtzionala.
37. artikulua. Dirubilketaren Aplikazio eta Kontrolaren Atalaren eremu material eta funtzionala.

5. ATALA. HITZARMEN EKONOMIKOAREN, ANALISI FISKALEN ETA ADMINISTRAZIOAREN ZERBITZUA

38. artikulua. Hitzarmen Ekonomikoaren, Analisi Fiskalen eta Administrazioaren Zerbitzuaren eremu material eta funtzionala.
39. artikulua. Hitzarmen Ekonomikoaren, Analisi Fiskalen eta Administrazioaren Zerbitzuaren egitura.
40. artikulua. Azterlan Fiskalen Atalaren eremu material eta funtzionala.
41. artikulua. Hitzarmen Ekonomikoaren Finantza Fluxuen Atalaren eremu material eta funtzionala.
42. artikulua. Administrazio Atalaren eremu material eta funtzionala.
43. artikulua. Lurondasunen eta Ondarearen gaineko Tributuen Zerbitzuaren eremu material eta funtzionala.
44. artikulua. Lurondasunen eta Ondarearen gaineko Tributuen Zerbitzuaren egitura.
45. artikulua. Lurondasunen Erregistroaren Atalaren eremu material eta funtzionala.
46. artikulua. Higiezinak Baloratzeko Atalaren eremu material eta funtzionala.
47. artikulua. Oinordetzen eta Dohaintzen, Ondare Eskualdaketen eta Egintza Juridiko Dokumentatuen gaineko Zergen Atalaren eremu material eta funtzionala.

7. ATALA. ZERGADUNEI LAGUNTZA ETA ARGIBIDEAK EMATEKO ZERBITZUA

48. artikulua. Zergadunei Laguntza eta Argibideak Emateko Zerbitzuaren eremu material eta funtzionala.
49. artikulua. Zergadunei Laguntza eta Argibideak Emateko Zerbitzuaren egitura.
50. artikulua. Zergadunei Arreta Emateko Atalaren eremu material eta funtzionala.
51. artikulua. Laguntza Teknikoaren eta Entitate Laguntzaileen Atalaren eremu material eta funtzionala.
52. artikulua. Errekerimenduen, Jakinarazpenen eta EJZren Atalaren eremu material eta funtzionala.

8. ATALA. TRIBUTUEN ARLOKO INFORMAZIO SISTEMEN ZERBITZUA

53. artikulua. Tributuen arloko Informazio Sistemen Zerbitzuaren eremu material eta funtzionala.
54. artikulua. Tributuen arloko Informazio Sistemen Zerbitzuaren egitura.
55. artikulua. Koordinazio Informatikoaren Atalaren eremu material eta funtzionala.
56. artikulua. Informazio Sistemen Analisirako Atalaren eremu material eta funtzionala.
57. artikulua. Identifikazio, Truke eta Eredu Informatiboen Atalaren eremu material eta funtzionala.
58. artikulua. Segurtasunerako eta Prozedurak Hobetzeko Atalaren eremu material eta funtzionala.
59. artikulua. Bilakaera Teknologikoaren Atalaren eremu material eta funtzionala.

9. ATALA. ARAUEN GARAPEN ETA AHOLKULARITZA JURIDIKORAKO ZERBITZUA

60. artikulua. Arauen Garapen eta Aholkularitza Juridikorako Zerbitzuaren eremu material eta funtzionala.
61. artikulua. Arauen Garapen eta Aholkularitza Juridikorako Zerbitzuaren egitura.
62. artikulua. Tributu Sistema Garatzeko Atalaren eremu material eta funtzionala.
63. artikulua. Tributuen arloko Aholkularitza eta Zabalkunderako Atalaren eremu material eta funtzionala.

III. TITULUA. ONDAREA, LANGILEAK ETA ARAUBIDE JURIDIKOA

I. KAPITULUA. ONDAREA, BALIABIDEAK, AURREKONTUA ETA KONTROLA

64. artikulua. Ondarea.
65. artikulua. Baliabide ekonomikoak.
66. artikulua. Aurrekontuen araubidea.
67. artikulua. Kontuhartzearen araubidea.
68. artikulua. Kontabilitatearaubidea.

II. KAPITULUA. LANGILEAK

69. artikulua. Nafarroako Foru Ogasuneko langileak.
70. artikulua. Zuzendaritzako langileen ordainsariak.
71. artikulua. Ataletatik beherako administraziounitateak.
72. artikulua. Langileriaren arloko eskudantziak.

III. KAPITULUA. ARAUBIDE JURIDIKOA

73. artikulua. Administrazioegintzen araubide juridikoa.
74. artikulua. Ebazteko ahalmena.
75. artikulua. Errekurtsoak eta erreklamazioak.
76. artikulua. Defentsa juridikoa.

Zioen azalpena

Irailaren 13ko 352/1999 Foru Dekretuaren bidez, Nafarroako Zerga Ogasuna erakunde autonomoa sortzea xedatu zen. Ondoren, 264/2019 Foru Dekretuaren ondorioz, erakunde autonomoak Nafarroako Foru Ogasuna izena hartu zuen.

Erakunde publiko hori zerga sistema aplikatzeko ardura duen antolakunde administratiboa da, eta eginkizun horretan Nafarroako Foru Komunitateko Administrazioaren izenean eta haren kontura aritzen da. Tributuak zuzen eta eraginkortasunez kudeatu eta biltzeko beharrezkoak diren jarduketa guztiak egitea dagokio, bai eta haien gaineko arauak zorrotz eta modu orokorrean betetzen direla bermatzea ere.

Gaur egun, azaroaren 6ko 300/2019 Foru Dekretuaren bidez onetsitako estatutuek arautzen dituzte erakundearen antolakuntza eta funtzionamendua.

Foru dekretu honen bidez, aurreko araua indargabetzen da, eta, ondorioz, estatutu berriak onesten dira organismo autonomoarentzat. Erabaki hori hartu da, batetik, beharra dagoelako erakunde publikoaren egituran aldaketa batzuk egiteko, nahiz eta funtsean funtzionamendua ez aldatu; eta, bestetik, aldaketa horiek, beren garrantzia gorabehera, arauaren manu askori eragiten dietelako, zenbait arrazoi direla tarteko: erakundea berrantolatzeko irizpide berriak, eremu funtzionaletan izandako aldaketa batzuk, eta aurreko estatutuak onetsi zirenetik sortutako legeria berria, egokitzapenak egiteko beharra baitakar.

Alderdi substantiboei dagokienez, estatutu hauetan zerbitzu kopuru bera ezartzen da, baina guztira bi atal gehiago ezartzen dira; izan ere, batetik, Diru-bilketa arloko Azterlanen Atala kentzen da Hitzarmen Ekonomikoaren, Analisi Fiskalen eta Administrazioaren Zerbitzutik, eta, bestetik, hiru atal berri sortzen dira: Pertsona Fisikoen Errentaren eta Ondarearen gaineko Zergak Koordinatzeko Atala, Pertsona Fisikoen Errentaren eta Ondarearen gaineko Zergak Kudeatzeko Zerbitzuan; Araubide Juridikoaren Atala, Diru-bilketa Zerbitzuan, eta Bilakaera Teknologikoaren Atala, Tributuen arloko Informazio Sistemen Zerbitzuan. Unitate gehiago sortzea justifikatuta dago, beharrezkoa delako honako hauek indartzea eta hobetzea: PFEZaren eta ondarearen gaineko zergaren kanpainetan egiten den kudeaketa, zerga-bilketarako egintzen aurkako administrazio-errekurtsoen tramitazioa, eta Foru Ogasunaren eremuko eraldaketa digitala eta bilakaera teknologikoa, horien helburua baita zerga-betebeharrak sinplifikatzea, bermatzea betebehar horiek denek betetzen dituztela, eta zerga-arloko kontrola indartzea.

Maila organiko eta funtzionalean, azpimarratu behar da aldatzen direla zerbitzu baten izena eta zenbait atalena. Hala, Zergadunari Laguntza eta Argibideak Emateko Zerbitzua, aurrerantzean, Zergadunei Laguntza eta Argibideak Emateko Zerbitzua izanen da; Ez-egoiliarren Errentaren, Sozietateen eta Saltoki Handien gaineko Zergen Atala, aurrerantzean, Ez-egoiliarren Errentaren eta Sozietateen gaineko Zergen Atala izanen da; Pertsona Fisikoen Errentaren eta Ondarearen gaineko Zergen Kanpainako Zergadunekiko Harremanen eta Erregistro Laguntzailearen Atala, aurrerantzean, Pertsona Fisikoen Errentaren eta Ondarearen gaineko Zergen Kanpainako Zergadunekiko Harremanen Atala izanen da; Tributu arloko Azterlanen Atala, aurrerantzean, Azterlan Fiskalen Atala izanen da; Estatuarekiko Finantza Fluxuen Atala, aurrerantzean, Hitzarmen Ekonomikoaren Finantza Fluxuen Atala izanen da; Tasazio Atala, aurrerantzean, Higiezinak Baloratzeko Atala izanen da; Zergadunari Laguntza Emateko Atala, aurrerantzean, Zergadunei Arreta Emateko Atala izanen da; Proiektuak Bulkatzeko, Prozedurak Hobetzeko eta Segurtasunerako Atala, aurrerantzean, Segurtasunerako eta Prozedurak Hobetzeko Atala izanen da; Tributu Sistemaren Fiskalitate eta Garapenerako Atala, aurrerantzean, Tributu Sistema Garatzeko Atala izanen da, eta Tributuen arloko Aholkularitza, Dokumentazio eta Zabalkunderako Atala, aurrerantzean, Tributuen arloko Aholkularitza eta Zabalkunderako Atala izanen da.

Erakundearen eremu funtzionaletan ere, aldatzen dira zerbitzu eta atalek bete behar dituzten eginkizunak, eta hori guztia bideratuta dago bakoitzaren eskumenak argitzera, egungo egoeretara egokitzera eta koordinazio handiagoa eta jarduera eraginkorragoa bilatzera.

Bestalde, Nafarroako Foru Komunitateko Administrazioari eta Foru-sektore publiko instituzionalari buruzko martxoaren 11ko 11/2019 Foru Legearen 129. artikuluak ezartzen duenez, arauaren zioen azalpenean behar bezala justifikatu behar da erregulazio onaren printzipioetara egokitzen dela. Uste da arau honek zentzuz betetzen dituela printzipio horiek.

Hitz batean, helburua da erakunde autonomoari tresna onenak ematea eraginkortasun handienarekin bete ditzan esleiturik dituen eginkizunak. Bestalde, proportzionaltasun printzipioaren ikuspegitik, bete beharreko premiari erantzuteko ezinbestekoa den gutxieneko erregulazioa jasotzen da, hain murriztaileak ez diren edo betebehar gutxiago ezartzen dituzten beste erregulazio-aukera batzuei bide eman gabe.

Foru dekretu honek ere segurtasun juridikoaren printzipioa betetzen du, uste baita araua bat datorrela hura integratzen den gainerako ordenamendu juridikoarekin. Hori horrela, behar bezala betetzen duen xedea da arau-esparru egonkorra sortzea, aurreikusteko modukoa, integratua, argia eta ziurra, ezaguterraza eta ulerterraza eta, beraz, pertsonen eta enpresen jarduketa eta erabakiak hartzeko prozesua erraztuko dituena.

Azken batean, efizientzia-printzipioa ere betetzen da, kontuan hartzen bada arauak ez dakarrela karga handiagorik edo baliabide publiko gehigarririk aurreko araudi-egoerarekin alderatuta, ez baita gastu publikoa handitzen.

Horrenbestez, Ekonomia eta Ogasuneko kontseilariak proposaturik, eta Nafarroako Gobernuak 2023ko azaroaren 15ean egindako bilkuran harturiko erabakiarekin bat,

DEKRETATZEN DUT:

Artikulu bakarra. Estatutuak onestea.

Nafarroako Foru Ogasuna erakunde autonomoaren estatutuak onesten dira. Horien testu osoa honen ondotik erantsi da.

Lehen xedapen gehigarria. Araudiko aipamenak.

Indarreko legeriak Nafarroako Zerga Ogasuna erakunde autonomoari egiten dizkion aipamen guztiak Nafarroako Foru Ogasunari egiten zaizkiola ulertuko da.

Tributuei buruzko arauetan aurreko egituraren arabera eratutako unitate organikoak aipatuz gero, ulertuko da foru dekretu honen ondorioz beren eginkizunak bereganatu direnak direla, nahiz eta beste izen bat hartu.

Bigarren xedapen gehigarria. Unitateak kentzea.

Diru-bilketa arloko Azterlanen Atala kentzen da Hitzarmen Ekonomikoaren, Analisi Fiskalen eta Administrazioaren Zerbitzutik.

Hirugarren xedapen gehigarria. Izendapenak eta baldintzak berrestea.

1. Honako zerbitzu eta atal hauetako buruen izendapenak berresten dira, izendatu zireneko baldintza beretan:

a) Zergadunari Laguntza eta Argibideak Emateko Zerbitzua; aurrerantzean, Zergadunei Laguntza eta Argibideak Emateko Zerbitzua izanen da.

b) Ez-egoiliarren Errentaren, Sozietateen eta Saltoki Handien gaineko Zergen Atala; aurrerantzean, Ez-egoiliarren Errentaren eta Sozietateen gaineko Zergen Atala izanen da.

c) Pertsona Fisikoen Errentaren eta Ondarearen gaineko Zergen Kanpainako Zergadunekiko Harremanen eta Erregistro Laguntzailearen Atala; aurrerantzean, Pertsona Fisikoen Errentaren eta Ondarearen gaineko Zergen Kanpainako Zergadunekiko Harremanen Atala izanen da.

d) Tributu arloko Azterlanen Atala; aurrerantzean, Azterlan Fiskalen Atala izanen da.

e) Estatuarekiko Finantza Fluxuen Atala; aurrerantzean, Hitzarmen Ekonomikoaren Finantza Fluxuen Atala izanen da.

f) Tasazio Atala; aurrerantzean, Higiezinak Baloratzeko Atala izanen da.

g) Zergadunari Laguntza Emateko Atala; aurrerantzean, Zergadunei Arreta Emateko Atala izanen da.

h) Proiektuak Bulkatzeko, Prozedurak Hobetzeko eta Segurtasunerako Atala; aurrerantzean, Segurtasunerako eta Prozedurak Hobetzeko Atala izanen da.

i) Tributu Sistemaren Fiskalitate eta Garapenerako Atala; aurrerantzean, Tributu Sistema Garatzeko Atala izanen da.

j) Tributuen arloko Aholkularitza, Dokumentazio eta Zabalkunderako Atala; aurrerantzean, Tributuen arloko Aholkularitza eta Zabalkunderako Atala izanen da.

2. Berresten da Zergadunari Laguntza Emateko Ataleko langileen lanpostuko osagarria, atalburuarena izan ezik (atal hori, aurrerantzean, Zergadunei Arreta Emateko Atala deituko da). Osagarri hori 1. artikuluan jasotzen du abuztuaren 16ko 267/1999 Foru Dekretuak, Nafarroako Foru Komunitateko Administrazioaren eta haren erakunde autonomoen behin-behineko plantilla organikoa aldatzen duenak. Halaber, berresten da lanpostuko osagarri hori aplikatuko zaiela atal horretako bulego eta unitateetako lanpostuei eta burutzei.

Laugarren xedapen gehigarria. Ataletako burutzetarako eskakizunak.

Pertsona Fisikoen Errentaren eta Ondarearen gaineko Zergak Koordinatzeko Ataleko burutza eta Bilakaera Teknologikoaren Ataleko burutza betetzeko, berariazko betekizuna izanen da A edo B mailako langilea izatea, eta ogasuneko teknikari izateko izendatua izatea, edo ogasuneko kudeatzaile eta ikertzaile laguntzaile izateko.

Xedapen iragankor bakarra. Ataletik beherako maila organikoko unitateak.

Foru dekretu honetan ezarritako egiturak ez du aldatuko ataletik beherako maila duten unitate organikoen egungo izena, harik eta abenduaren 15eko 105/2015 Foru Agindua aldatzen ez den arte; izan ere, foru agindu horrek ezarri zuen erakunde autonomoaren antolaketa-egitura, atalarena baino maila txikiagoko administrazio-unitateen mailan.

Xedapen iragankor bakarra

Indarrik gabe gelditzen dira foru dekretu honi aurka egiten dioten maila bereko edo apalagoko xedapen guztiak eta, bereziki, Nafarroako Foru Ogasunaren estatutuak onetsi zituen azaroaren 6ko 300/2019 Foru Dekretua.

Azken xedapenetako lehena. Aurrekontu aldaketak.

Ahalmena ematen zaie Ekonomia eta Ogasuneko kontseilariari, Lehendakaritza eta Berdintasuneko kontseilariari eta Barneko, Funtzio Publikoko eta Justiziako kontseilariari, behar diren xedapen guztiak eman ditzaten foru dekretu honetan xedatutakoa garatu eta betetzeko, eta behar den gisan banatu eta esleitu ditzaten langileak, baliabide ekonomikoak eta baliabide materialak.

Azken xedapenetako bigarrena. Garatzeko ahalmenak.

Baimena ematen zaio Ekonomia eta Ogasuneko kontseilariari foru dekretu honetan ezarritakoa garatzeko beharrezkoak diren xedapenak eman ditzan.

Azken xedapenetako hirugarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

XEDAPEN OROKORRAK

1. artikulua . Izena eta izaera juridikoa.

Nafarroako Foru Ogasuna erakunde autonomoa da; hain zuzen ere, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 46.1.a) artikuluan aurreikusitakoetako bat.

Erakunde autonomo honek nortasun juridiko propioa du, eta jarduteko gaitasuna, ordenamendu juridikoak esleitzen dizkion helburuak betetzeko.

2. artikulua . Atxikipena.

Nafarroako Foru Ogasuna, bere helburuak betetzeko, Nafarroako Gobernuak eta Ekonomia eta Ogasun Departamentuak plangintzaren eta politika orokorraren arloan ematen dituzten aginpideen menean dago. Bestalde, Ekonomia eta Ogasun Departamentuari atxikirik dago, eta departamentu horren esku izanen dira hura kontrolatzeko ahalmenak, Estatutuetan, foru legerian eta administrazioaren ordenamendu juridikoan esleitzen zaizkionak.

3. artikulua . Eskumenak.

Ordenamendu juridikoak eman diezaiokeen beste edozein eginkizun alde batera utzi gabe, erakunde autonomoari dagokio Nafarroako Ogasun Publikoaren tributu-sistema aplikatzea. Horretarako, Nafarroako Foru Ogasunaren ardura da baliabide pertsonal, material eta tekniko guztiak behar bezala koordinatzea, tributuen kudeaketa eta bilketa zuzen eta eraginkorra lortzeko. Izan ere, azken helburua da denek zehatz-mehatz betetzea zerga arloko araudia, alde batera utzi gabe zergadunaren segurtasun juridikoa, eta araudi horrek sorrarazten duen zeharkako presio fiskala gutxituz. Xede horrekin, Nafarroako Foru Ogasunak bere esku dauden jarduera guztiak eginen ditu.

II. TITULUA. EGITURA ORGANIKOA

I. KAPITULUA. ZUZENDARITZA-ORGANOAK

4. artikulua . Zuzendaritzaorganoak.

Hauek dira Nafarroako Foru Ogasuneko zuzendaritza-organoak:

- Gobernu Kontseilua.

- Zuzendari kudeatzailea.

- Zuzendaritza Batzordea.

1. ATALA. GOBERNU KONTSEILUA

5. artikulua . Gobernu Kontseiluaren egitura.

Gobernu Kontseiluko kideak hauek izanen dira:

Kontseiluburua:

- Ekonomia eta Ogasuneko kontseilaria.

Batzordekideak:

- Nafarroako Foru Ogasuneko zuzendari kudeatzailea.

- Aurrekontuen eta Ondarearen zuzendari nagusia.

- Funtzio Publikoko zuzendari nagusia.

- Telekomunikazioetako eta Digitalizazioko zuzendari nagusia.

Eritasunagatik edo beste arrazoi batzuengatik Departamentuaren titularra ez dagoelarik, Nafarroako Foru Ogasuneko zuzendari kudeatzailea arituko da burutzan.

Nafarroako Foru Ogasuneko arduradunak Gobernu Kontseiluaren bilkuretara joaten ahalko dira, hizpidea dutela baina botorik gabe.

Gobernu Kontseiluko kideren bat ez badago edo haren tokia hutsik badago, Ekonomia eta Ogasuneko kontseilariak izendatuko du haren ordezko kidea, behin-behinean.

6. artikulua . Gobernu Kontseiluaren eginkizunak.

Gobernu Kontseiluak eginkizun hauek ditu:

a) Urtero, txostena egitea erakundearen aurrekonturako aurreproiektuaren proposamenaz.

b) Erakunde autonomoaren planen eta jarduketa-programen berri jasotzea.

c) Nafarroako Foru Ogasunaren urteko memoria onestea.

d) Nafarroako Foru Ogasunaren ondarea administratzea.

e) Ondasun higiezinak eskuratzeko edo besterentzeko proposamena egitea.

7. artikulua . Gobernu Kontseiluko idazkaria.

1. Ekonomia eta Ogasun Departamentuko idazkari tekniko nagusia izanen da Gobernu Kontseiluko idazkaria, hizpidea duela baina botorik gabe.

2. Hona hemen idazkariaren eginkizunak:

a) Gobernu Kontseiluaren lanak prestatzea, Nafarroako Foru Ogasuneko kudeatzailearen jarraibideen arabera, eta erabakiak betetzeko tramiteak egitea.

b) Bilkuren aktak egitea, hartzen diren erabakien fede ematea eta eskatzen diren ziurtagiriak luzatzea, Gobernu Kontseiluaren liburu eta dokumentuak zaintzea eta deialdiak egitea.

c) Agintzen zaizkion gainerako eginkizunak betetzea.

8. artikulua . Bilkurak.

Gobernu Kontseiluak nahitaez ohiko bilkura bat eginen du urtean, gutxienez. Halaber, bilkura berezia eginen du kontseiluburuak dei eginez gero.

9. artikulua . Antolamenduaren eta funtzionamenduaren araubidea.

Estatutu hauetan aurreikusirik ez dagoen guztian, antolamendu eta funtzionamenduaren araubidea eta Gobernu Kontseiluko kideen estatutu pertsonala izanen da Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean kide anitzeko organoentzat oro har ezarritakoa.

10. artikulua . Aholkularitza.

Gobernu Kontseiluak edozein unetan eskatzen ahalko du beste norbaitek aholkua emateko, haren esku-hartzea egokitzat jotzen baldin badu dituen ezagupena, prestakuntza, entzutea edo bestelako inguruabarrak direla medio. Kasu horretan, dei berezia eginen zaio horretarako.

2. ATALA. ZUZENDARI KUDEATZAILEA

11. artikulua . Izendapena eta ordeztea.

Nafarroako Gobernuak izendatuko du Nafarroako Foru Ogasuneko zuzendari kudeatzailea, Ekonomia eta Ogasuneko kontseilariak proposatuta.

Eritasunagatik edo beste arrazoi batzuengatik kanpoan denean, indarra duen araudiari jarraikiz ordeztuko da zuzendari kudeatzailea.

12. artikulua . Eginkizunak.

Nafarroako Foru Ogasuneko zuzendari kudeatzaileak eginkizun hauek izanen ditu:

a) Nafarroako Foru Ogasuna ordezkatzea, zuzentzea, antolatzea eta kudeatzea, eta haren funtzionamendua koordinatzea.

b) Erakunde autonomoari atxikitako langileen buru egitea.

c) Beste erakunde eta entitate batzuekin erakunde autonomoaren eskumeneko gaietan egiten diren hitzarmenak eta itunak onartzea eta sinatzea.

d) Erakunde autonomoaren diru-sarrera eta gastuen aurrekontuen aurreproiektua prestatzea.

e) Urteko memoria egitea eta Nafarroako Foru Ogasunarekin lotutako txostenak eta estatistikak egitea eta argitaratzea.

f) Organo eskudunei arau-proposamenak egitea, Nafarroako Foru Ogasunarekin zerikusia duten gaietan.

g) Erakunde autonomoaren jarduera-plan eta -programa orokorrak definitzea eta, bereziki, Tributuen kontrolerako urteko plana onartzea.

h) Zaintzea ezen lan-metodoak hobetzen direla, berrikuntza teknologiko aplikagarriak sartzen direla, irudi korporatiboa egoki erabiltzen dela, eta zentroak, instalazioak eta ekipoak zaintzen eta mantentzen direla.

i) Nafarroako Foru Ogasuneko kontratu publikoak egitea eta kontratazio administratiboari buruzko arau indardunek erakunde autonomoetako ordezkariei ematen dizkieten kontratuak egiteko gainerako ahalmenak erabiltzea.

j) Gastuak baimentzea eta xedatzea eta ordaintzeko betebeharrak onartzea.

k) Erakunde autonomoaren ondare-erantzukizuneko prozedurak ebaztea.

l) Nafarroako Foru Ogasunaren zerbitzuko langileen lan- eta administrazio-kontratuak egitea, baldin eta horretarako langileak eta baliabide materialak badaude.

m) Nafarroako Foru Ogasuneko plantilla organikoko lanpostuen zerrendak eta enplegu publikoaren eskaintza proposatzea, ondotik Nafarroako Gobernuak onets ditzan.

n) Erakunde autonomoko unitate organikoen burutzak betetzeko lehiaketen deialdiak proposatzea eta, hala behar denean, bitarte baterako izendapenak egitea, erregelamenduzko sistemaren bidez betetzen diren artean.

ñ) Deialdien oinarriak, arauak eta merezimendu orokorren baremoak proposatzea, Nafarroako Foru Ogasuneko plaza eta lanpostuak betetzeko, lekuz aldatzeko eta txandaz igotzeko prozeduretan.

o) Diziplinazko espedienteak irekitzea falta oso astunak egiteagatik eta horiek ebazteko proposamena Nafarroako Gobernuari igortzea.

p) Falta arin edo astunengatik irekitako diziplinazko espedienteak ebaztea.

q) Urteko oporren, lanaldiaren eta ordutegien plana onestea, Nafarroako Gobernuak onesten duen araubide orokorrarekin bat.

r) Bitarte baterako izendatzea Nafarroako Foru Ogasuneko atalburuak, bulegoburuak edo beste administrazio-unitateetako buruak.

s) Langileei lanpostu bat esleitzea eta, beteta nahiz hutsik dauden lanpostuei dagokienez, aldaketak egitea.

t) Erregelamenduak ezarritako lizentziak eta baimenak ematea, bai eta aparteko orduak egiteko baimena ematea ere, arauetan ezarritako baldintzekin bat.

u) Erakunde autonomoko langileek lanaldia murrizteko egiten dituzten eskaerak ebaztea, kasuan kasuko unitate organikoko arduradunak txostena eman ondoren, hala behar bada.

v) Ziurtagiriak ematea erakunde autonomoaren eskumenekoak diren aferetan.

w) Indarrean dagoen araudian ezarritako beste edozein, edo Ekonomia eta Ogasuneko kontseilariak edo Gobernu Kontseiluak bere karguari buruz agintzen dizkioten guztiak.

13. artikulua . Eginkizunak eskuordetzea.

Zuzendari kudeatzaileak eskudantzia batzuk zerbitzuetako zuzendarien edo atalburuen esku uzten ahalko ditu, indarra duten legeetan ezarritakoarekin bat.

3. ATALA. ZUZENDARITZA BATZORDEA

14. artikulua . Zuzendaritza Batzordea.

Zuzendari kudeatzaileak eta zerbitzuetako zuzendariek osatuko dute Nafarroako Foru Ogasuneko Zuzendaritza Batzordea, bai eta, hala badagokio, aztertu beharreko gaien arabera egoki diren atalburuek ere.

Zuzendaritza Batzordeak erakunde autonomoaren jarduerak koordinatu eta haien jarraipena eginen du, bermatu dadin modu integralean eta kohesionatuan jarduten dela eta baliabideak modu efizientean kudeatzen direla.

II. KAPITULUA. EGITURA

15. artikulua . Unitate organikoak.

1. Nafarroako Foru Ogasunaren egituran honako unitate organiko hauek daude, zuzenean zuzendari kudeatzailearen mende:

a) Zerga Kudeaketa Zerbitzua.

b) Pertsona Fisikoen Errentaren eta Ondarearen gaineko Zergak Kudeatzeko Zerbitzua.

c) Tributu Ikuskapenerako Zerbitzua.

d) Diru-bilketa Zerbitzua.

e) Hitzarmen Ekonomikoaren, Analisi Fiskalen eta Administrazioaren Zerbitzua.

f) Lur-ondasunen eta Ondarearen gaineko Tributuen Zerbitzua.

g) Zergadunei Laguntza eta Argibideak Emateko Zerbitzua.

h) Tributuen arloko Informazio Sistemen Zerbitzua.

i) Arauen Garapen eta Aholkularitza Juridikorako Zerbitzua.

2. Aipatutako unitate organikoetako titularrek elkarrenganako laguntzatik abiatuta beteko dituzte beren eginkizunak, gainerako unitate organikoetako titularren eskudantziak galarazi gabe.

3. Unitate horien titularrek beren eginkizunak beteko dituzte Nafarroako Foru Ogasuneko Kudeaketako Zuzendaritzaren goragoko plangintza, zuzendaritza eta koordinazioaren arabera.

1. ATALA. ZERGA KUDEAKETA ZERBITZUA

16. artikulua . Zerga Kudeaketa Zerbitzuaren eremu material eta funtzionala.

Zerga Kudeaketa Zerbitzuak eginkizun hauek izanen ditu bere esparruko tributu guztiei dagokienez:

a) Tributu-kudeaketaren zuzendaritza teknikoa.

b) Autolikidazioak, tributu izaerako informazio adierazpenak, informazio-hornikuntzak, komunikazioak eta tributu izaerako beste idazki batzuk aurkezteko moduak diseinatu eta garatzea, Tributuen arloko Informazio Sistemen Zerbitzuarekin eta Zergadunei Laguntza eta Argibideak Emateko Zerbitzuarekin lankidetzan.

c) Tributuak egiaztatu eta likidatzeko irizpideak prestatu eta hartzea, Arauen Garapen eta Aholkularitza Juridikorako Zerbitzuarekin elkarlanean.

d) Kontsulta fiskalen alde teknikoei arreta ematea, Zergadunei Laguntza eta Argibideak Emateko Zerbitzuarekin koordinaturik, eta, bereziki, tributuen arloko kontsultak aztertu eta ebaztea, Arauen Garapen eta Aholkularitza Juridikorako Zerbitzuarekin elkarlanean.

e) Zergapekoen erroldak zaintzea, bere eskumenekoak diren zergetan.

f) Aitorpenak aztertu, berrikusi eta egiaztatzea, ziurtagiriak eskatzea eta behin-behineko likidazioak ofizioz egitea, baita kasuan kasuko berandutze-interesak ezartzea ere.

g) Zerbitzuaren egintzen aurka jarritako berraztertze-errekurtsoak tramitatzea eta ebaztea, baita autolikidazioen eta atxikipenen edo konturako sarreren aurkaratzeak ere. Halaber, behar diren tributu-likidazioak egitea.

h) Zerbitzuaren egintzei bide ekonomiko-administratiboan egindako aurkaratzeei buruzko ebazpen judizialak eta erabakiak tramitatzea.

i) Aplikatzekoak diren errekarguak likidatzea, berariaz administrazioaren beste organo batzuen esku ez badago.

j) Tributuen arloko arau-hausteen ondoriozko zehapenak likidatzea, bere eskumenen esparruan, baita haien kontra jartzen diren berraztertze-errekurtsoak ebaztea ere.

k) Enpresa handiei dagokienez, aipatu direnez gainera, eginkizun berak izanen ditu pertsona fisikoen errentaren gaineko zergari eta ondarearen gaineko zergari dagokienez, araudiaren irizpide interpretatzaileak prestatu eta hartzea izan ezik.

l) Enpresa handien arloan beste zerga-administrazio batzuekin izaten diren harremanak koordinatzea, erakundeko beste zerbitzu batzuekin elkarlanean.

m) Pertsona eta erakunde ekintzaileen erregistroa kudeatzea, arlo horrekin zerikusia duten gainerako zerbitzuekin elkarlanean.

n) Tributuen kontrolerako urteko plana prestatzen, betearazten eta ebaluatzen parte hartzea, Tributu Ikuskapenerako Zerbitzuarekin eta beste zerbitzu batzuekin elkarlanean.

ñ) Zerbitzuari dagozkion helburuak eta jarduera-adierazleak prestatzea eta emaitzen ebaluazioa egitea, bai eta zerbitzuaren memoria prestatzea ere.

o) Indarra duten xedapenek esleitzen dizkioten eta Nafarroako Foru Ogasuneko zuzendari kudeatzaileak haren gain uzten dituen gainerako eginkizunak.

17. artikulua . Zerga Kudeaketa Zerbitzuaren egitura.

Zerga Kudeaketa Zerbitzuak atal hauek ditu:

a) Enpresa Handien Atala.

b) Ez-egoiliarren Errentaren eta Sozietateen gaineko Zergen Atala.

c) Balio Erantsiaren gaineko Zergaren Atala.

d) BEZaren Itzulketaren Atala.

e) Zerga Berezien eta Bestelako Tributuen Atala.

18. artikulua . Enpresa Handien Atalaren eremu material eta funtzionala.

Enpresa Handien Atalak eginkizun hauek izanen ditu:

a) Enpresa handien errolda osatzea eta mantentzea. Enpresa handien errolda osatuko dute Hitzarmen Ekonomikoaren arabera zergak zenbait zerga-administraziotan ordaindu behar dituzten zergadunek, betiere lurralde bakoitzean egindako eragiketa kopuruaren arabera, sozietateen gaineko zergan kontsolidazio fiskalaren araubide berezia dela-eta, aseguru-primen gaineko zerga edo kreditu-erakundeen gordailuen gaineko zerga direla-eta, edo balio erantsiaren gaineko zergan erakunde-taldeen araubide berezia dela-eta. Orobat, errolda osatuko dute aurreko urte naturalean 9.000.000 eurotik gorako fakturazioa izan dutenek, Balio Erantsiaren gaineko Zerga arautzen duen 19/1992 Foru Legean agertzen diren irizpideen arabera zehaztuta. Arrazoi bereziak direla medio, beste zenbait enpresa ere sar daitezke errolda horretan, nahiz eta baldintza orokorrak ez bete, uste baldin bada enpresa handiekin batera sailkatu behar direla.

b) Tributuen arloko laguntza eta informazioa ematea enpresa handiei, Zergadunei Laguntza eta Argibideak Emateko Zerbitzuarekin koordinaturik.

c) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

d) Ekimena izatea honako hauek diseinatzeko eta garatzeko: autolikidazioak, zerga-izaerako aitorpen informatiboak, informazio-hornikuntzak, komunikazioak eta bere eskumeneko beste tributu-idazki batzuk aurkezteko moduak.

e) Honako atal hauei enpresa handien arloan esleitutako eginkizunak garatzea, berauekin koordinaturik: Ez-egoiliarren Errentaren eta Sozietateen gaineko Zergen Atala, Balio Erantsiaren gaineko Zergaren Atala, BEZaren Itzulketaren Atala, eta Pertsona Fisikoen Errentaren eta Ondarearen gaineko Zergen Atala.

f) Enpresa handiei dagozkien aitorpen informatiboak kudeatzea.

g) Enpresa handiek zerga-betebeharrak betetzen dituztela kontrolatzea.

h) Enpresa handien zerga-harremanak eta informazioa koordinatzea.

i) Jarraipena egitea, Hitzarmen Ekonomikoa enpresa handietan nola aplikatzen den.

j) Txosten eta proposamenak egitea eta azterlan eta proiekzioak egitea enpresa handien tributu-egoeraren bilakaerari buruz, haien betebehar fiskalen zenbatekoari buruz eta aurreikus daitekeen betetze-mailari buruz.

k) Enpresak berrantolatzeko operazioekin lotutako gaiei buruzko espedienteak aztertu, tramitatu eta ebaztea, baldin eta ukitutako pertsona edo erakunde bat enpresa handien erroldan badago.

l) Finantza-transakzioen gaineko zerga eta zenbait zerbitzu digitalen gaineko zerga kudeatzea.

m) Indarra duten xedapenek haren gain uzten dituzten gainerako eginkizunak, eta aurrekoekin loturik edo haietan oinarriturik Zerga Kudeaketa Zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

19. artikulua . Ezegoiliarren Errentaren eta Sozietateen gaineko Zergen Atalaren eremu material eta funtzionala.

Ez-egoiliarren Errentaren eta Sozietateen gaineko Zergen Atalak zerga hauei loturiko eginkizunak izanen ditu: sozietateen gaineko zerga, ez-egoiliarren errentaren gaineko zerga, kreditu-erakundeen gordailuen gaineko zerga eta saltoki handien gaineko zerga, baita beste tributu batzuk ere, horiek kudeatzeko esleipena egiten bazaio. Zehazki, hauek izanen dira eginkizun horiek:

a) Aitorpenak aztertu, berrikusi eta egiaztatzea, ziurtagiriak eskatzea eta tributu-likidazioak egitea bere eskumeneko tributuekin lotura duten tributu-zorren osagai guztien gainean, berandutze-interesak eta legez aplikatzekoak diren errekarguak barne.

b) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

c) Tributuen arloko arau-hausteen ondoriozko zehapenak likidatzea, bere eskumenen esparruan, baita haien kontra jartzen diren berraztertze-errekurtsoak ebaztea ere.

e) Atalak emandako egintzen aurka jartzen diren aurkaratzeak eta berraztertze-errekurtsoak tramitatu eta ebaztea.

f) Kontsulta fiskalei alde teknikotik erantzutea eta, bereziki, tributuen arloko kontsultak aztertu eta ebaztea.

g) Bere eskumenekoak diren gaiei buruzko ebazpen judizialak eta erabakiak tramitatzea.

h) Araubide bereziei eta onura fiskalei buruzko espedienteak tramitatzea eta horiek ebazteko proposamenak egitea.

i) Zergapekoen erroldak zaintzea, bere eskumenekoak diren zergetan.

j) Pertsona eta erakunde ekintzaileen erregistroa kudeatzea, arlo horrekin zerikusia duten gainerako zerbitzuekin elkarlanean.

k) Indarra duten xedapenek haren gain uzten dituzten gainerako eginkizunak, eta aurrekoekin loturik Zerga Kudeaketa Zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

20. artikulua . Balio Erantsiaren gaineko Zergaren Atalaren eremu material eta funtzionala.

Balio Erantsiaren gaineko Zergaren Atalak, tributu horri dagokionez, eginkizun hauek izanen ditu:

a) Aitorpenak aztertu, berrikusi eta egiaztatzea, BEZaren Itzulketaren Atalari esleitutakoak salbu, ziurtagiriak eskatzea eta tributu-likidazioak egitea bere eskumeneko tributuekin lotura duten tributu-zorren osagai guztien gainean, berandutze-interesak eta legez aplikatzekoak diren errekarguak barne.

b) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

c) Tributuen arloko arau-hausteen ondoriozko zehapenak likidatzea, bere eskumenen esparruan, baita haien kontra jartzen diren berraztertze-errekurtsoak ebaztea ere.

e) Atalak emandako egintzen aurka jartzen diren aurkaratzeak eta berraztertze-errekurtsoak tramitatu eta ebaztea.

f) Kontsulta fiskalei alde teknikotik erantzutea eta, bereziki, tributuen arloko kontsultak aztertu eta ebaztea.

g) Bere eskumenekoak diren gaiei buruzko ebazpen judizialak eta erabakiak tramitatzea.

h) Araubide bereziei eta onura fiskalei buruzko espedienteak tramitatzea eta horiek ebazteko proposamenak egitea.

i) Zergapekoen erroldak zaintzea, bere eskumenekoak diren zergetan.

j) Indarra duten xedapenek haren gain uzten dituzten gainerako eginkizunak, eta aurrekoekin loturik Zerga Kudeaketa Zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

21. artikulua . BEZaren Itzulketaren Atalaren eremu material eta funtzionala.

BEZaren Itzulketaren Atalak eginkizun hauek izanen ditu:

a) Itzulketa-eskaera duten aitorpenak aztertu, berrikusi eta egiaztatzea, ziurtagiriak aurkezteko errekerimenduak egitea tributu-likidazioak egitea bere eskumeneko tributuekin lotura duten tributu-zorren osagai guztien gainean, berandutze-interesak eta legez aplikatzekoak diren errekarguak barne.

b) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

c) Tributuen arloko arau-hausteen ondoriozko zehapenak likidatzea, bere eskumenen esparruan, baita haien kontra jartzen diren berraztertze-errekurtsoak ebaztea ere.

d) Atalak emandako egintzen aurka jartzen diren aurkaratzeak eta berraztertze-errekurtsoak tramitatu eta ebaztea.

e) Bere eskumenekoak diren gaiei buruzko ebazpen judizialak eta erabakiak tramitatzea.

f) Indarra duten xedapenek haren gain uzten dituzten gainerako eginkizunak, eta aurrekoekin loturik Zerga Kudeaketa Zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

22. artikulua . Zerga Berezien eta Bestelako Tributuen Atalaren eremu material eta funtzionala.

Zerga Berezien eta Bestelako Tributuen Atalak zerga hauei loturiko eginkizunak izanen ditu: zerga bereziak, berotegi-efektuko gas fluordunen gaineko zerga, aseguru-primen gaineko zerga, jokoarekin zerikusia duten tributuak, hondakinak hondakindegietan uztearen eta hondakinen errausketaren eta koerrausketaren gaineko zerga eta meategien azaleraren kanona, baita beste tributu batzuk ere, horiek kudeatzeko esleipena egiten bazaio. Zehazki, hauek izanen dira eginkizun horiek:

b) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

c) Ekimena izatea honako hauek diseinatzeko eta garatzeko: autolikidazioak, zerga-izaerako aitorpen informatiboak, informazio-hornikuntzak, komunikazioak eta bere eskumeneko beste tributu-idazki batzuk aurkezteko moduak.

d) Atalak emandako egintzen aurka jartzen diren aurkaratzeak eta berraztertze-errekurtsoak tramitatu eta ebaztea.

e) Kontsulta fiskalei alde teknikotik erantzutea eta, bereziki, tributuen arloko kontsultak aztertu eta ebaztea.

f) Bere eskumenekoak diren gaiei buruzko ebazpen judizialak eta erabakiak tramitatzea.

g) Araubide bereziei eta onura fiskalei buruzko espedienteak tramitatzea eta horiek ebazteko proposamenak egitea.

h) Zergapekoen erroldak zaintzea, bere eskumenekoak diren zergetan.

i) Fabrikazio-zerga berezien kontu-hartzailetza lanak egitea, kudeaketa hutsa edo egiaztapen laburtua denean.

j) Tributuen arloko arau-hausteen ondoriozko zehapenak likidatzea, bere eskumenen esparruan, baita haien kontra jartzen diren berraztertze-errekurtsoak ebaztea ere.

2. ATALA. PERTSONA FISIKOEN ERRENTAREN ETA ONDAREAREN GAINEKO ZERGAK KUDEATZEKO ZERBITZUA

23. artikulua . Pertsona Fisikoen Errentaren eta Ondarearen gaineko Zergak Kudeatzeko Zerbitzuaren eremu material eta funtzionala.

Pertsona Fisikoen Errentaren eta Ondarearen gaineko Zergak Kudeatzeko Zerbitzuak, tributu horiei dagokienez, eginkizun hauek izanen ditu:

a) Tributu-kudeaketaren zuzendaritza teknikoa egitea, pertsona fisikoen errentaren gaineko zergari eta ondarearen gaineko zergari dagokienez.

b) Errentaren kanpaina zuzendu, antolatu eta koordinatzea, kanpainari buruzko berariazko publizitatea diseinatzen laguntzea barne, hautagaiak hautatzea eta pertsona fisikoen errentaren gaineko zergaren autolikidazio-proposamenak sortu eta igortzea ere.

c) Behar diren lanak zuzentzea, pertsona fisikoen errentaren gaineko zergaren konturako ordainketa zatikatuen autolikidazio-proposamenak sortzeko eta igortzeko.

d) Irizpideak ezartzea, aplikatu daitezen pertsona fisikoen errentaren gaineko zergaren eta ondarearen gaineko zergaren aitorpenak prestatzen, berresten eta likidatzen direnean, Arauen Garapen eta Aholkularitza Juridikorako Zerbitzuarekin elkarlanean.

e) Tributuen arloko kontsultak eta zerga-onurak aztertu eta ebaztea, Arauen Garapen eta Aholkularitza Juridikorako Zerbitzuarekin elkarlanean.

f) Kontsulta fiskalen alde teknikoei arreta ematea, Zergadunei Laguntza eta Argibideak Emateko Zerbitzuarekin eta Arauen Garapen eta Aholkularitza Juridikorako Zerbitzuarekin koordinaturik.

g) Tributuen eta konturako sarreren behin-behineko likidazioak egitea, legez aplikatzen ahal diren berandutze-interesak eta errekarguak barne.

h) Tributuen arloko arau-hausteen ondoriozko zehapenak likidatzea, bere eskumenen esparruan, baita haien kontra jartzen diren berraztertze-errekurtsoak ebaztea ere.

i) Zerbitzuaren egintzen aurka jarritako aurkaratzeak eta administrazio-errekurtsoak tramitatzea eta ebaztea, baita atxikipenen edo konturako sarreren egintzak ere.

j) Zergapekoen erroldak zaintzea, bere eskumenekoak diren zergetan.

k) Zerbitzuaren egintzei bide ekonomiko-administratiboan egindako aurkaratzeei buruzko ebazpen judizialak eta erabakiak tramitatzea.

l) Eskatzen zaizkion azterlanak eta proposamenak egitea.

m) Pertsona eta erakunde ekintzaileen erregistroa kudeatzea, arlo horrekin zerikusia duten gainerako zerbitzuekin elkarlanean.

n) Tributuen kontrolerako urteko plana prestatzen, betearazten eta ebaluatzen parte hartzea, gainerako zerbitzuekin elkarlanean.

ñ) Zerbitzuari dagozkion helburuak eta jarduera-adierazleak prestatzea eta emaitzen ebaluazioa egitea, bai eta zerbitzuaren memoria prestatzea ere.

o) Indarra duten xedapenek haren gain uzten dituzten gainerako eginkizunak, eta aurrekoekin loturik Nafarroako Foru Ogasuneko zuzendari kudeatzaileak esleitzen dizkionak.

24. artikulua . Pertsona Fisikoen Errentaren eta Ondarearen gaineko Zergak Kudeatzeko Zerbitzuaren egitura.

1. Pertsona Fisikoen Errentaren eta Ondarearen gaineko Zergak Kudeatzeko Zerbitzuak atal hauek ditu:

a) Pertsona Fisikoen Errentaren eta Ondarearen gaineko Zergen Atal Tekniko eta Kontrolekoa.

b) Pertsona Fisikoen Errentaren eta Ondarearen gaineko Zergen Kanpainako Programen eta Prozesuen Analisirako eta Kontrolerako Atala.

c) Pertsona Fisikoen Errentaren eta Ondarearen gaineko Zergen Kanpainako Zergadunekiko Harremanen Atala.

d) Pertsona Fisikoen Errentaren eta Ondarearen gaineko Zergak Koordinatzeko Atala.

2. Zerbitzu beharrak direla-eta egokitzat jotzen denean eta, bereziki, pertsona fisikoen errentaren gaineko zergaren kanpaina bitartean, bidezkoa izanen da ataletako langileei bestelako eginkizunak agintzea, atal jakin batean egoteagatik berariaz egiten ari diren eginkizunez aparte.

25. artikulua . Pertsona Fisikoen Errentaren eta Ondarearen gaineko Zergen Atal Tekniko eta Kontrolekoaren eremu material eta funtzionala.

Pertsona Fisikoen Errentaren eta Ondarearen gaineko Zergen Atal Tekniko eta Kontrolekoak eginkizun hauek izanen ditu:

a) Irizpideak prestatzea eta proposatzea, aplikatu daitezen pertsona fisikoen errentaren gaineko zergaren eta ondarearen gaineko zergaren aitorpenak prestatzen, berresten eta likidatzen direnean, Pertsona Fisikoen Errentaren eta Ondarearen gaineko Zergak Koordinatzeko Atalarekin eta Arauen Garapen eta Aholkularitza Juridikorako Zerbitzuarekin elkarlanean.

b) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

c) Aitorpenak aztertu, berrikusi eta egiaztatzea, ziurtagiriak eskatzea eta tributu-likidazioak egitea bere eskumeneko tributuekin lotura duten tributu-zorren osagai guztien gainean, berandutze-interesak eta legez aplikatzekoak diren errekarguak barne.

d) Tributuen arloko arau-hausteen ondoriozko zehapenak likidatzea, bere eskumenen esparruan, baita haien kontra jartzen diren berraztertze-errekurtsoak ebaztea ere.

e) Ekimena izatea honako hauek diseinatzeko eta garatzeko: autolikidazioak, zerga-izaerako aitorpen informatiboak, informazio-hornikuntzak, komunikazioak eta bere eskumeneko beste tributu-idazki batzuk aurkezteko moduak.

f) Behar diren lanak egitea, pertsona fisikoen errentaren gaineko zergaren konturako ordainketa zatikatuen autolikidazio-proposamenak sortzeko eta igortzeko.

g) Tramitatzea eta ebaztea atalak emandako egintzen kontra jarritako berraztertze-errekurtsoak eta aurkaratzeak, baita konturako sarreren edo atxikipenen egintzak ere.

h) Kontsulta fiskalei alde teknikotik erantzutea eta, bereziki, tributuen arloko kontsultak aztertu eta ebaztea.

i) Bere eskumenekoak diren gaiei buruzko ebazpen judizialen eta erabakien tramitazioa.

j) Araubide bereziei eta onura fiskalei buruzko espedienteak tramitatzea eta horiek ebazteko proposamenak egitea.

k) Zergapekoen erroldak zaintzea, bere eskumenekoak diren zergetan.

l) Eredu informatiboak aldatu beharra dakarten berrikuntzak analizatzea eta errentaren eta ondarearen gaineko zergen kudeaketan sortzen den informazio berria aztertzea.

m) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

26. artikulua . Pertsona Fisikoen Errentaren eta Ondarearen gaineko Zergen Kanpainako Programen eta Prozesuen Analisirako eta Kontrolerako Atalaren eremu material eta funtzionala.

Pertsona Fisikoen Errentaren eta Ondarearen gaineko Zergen Kanpainako Programen eta Prozesuen Analisirako eta Kontrolerako Atalak eginkizun hauek izanen ditu:

a) Ekimena izatea honako hauek diseinatzeko eta garatzeko: aitorpenak betetzeko eta aurkezteko moduak, eta kanpainan ematen diren gainerako zerbitzuak.

b) Pertsona fisikoen errentaren gaineko zergari eta ondarearen gaineko zergari eragiten dieten arau berriak funtzionalki analizatzea, gero horiek ezartzeko errentaren eta ondarearen aitorpenak prestatzeko laguntza-aplikazioetan.

c) Eredu informatiboetan eragina duten berrikuntzak eta zerga-arloan garrantzia duen informazio berria tratatzea, errentaren eta ondarearen gaineko zergetan aplikatzeko.

d) Informazio-iturriak ustiatzea, ereduak betetzeko programetan txertatzeko eta eskura jartzeko PFEZarekin eta ondarearen gaineko zergarekin zerikusia duten zerbitzuetan.

e) Errentaren eta ondarearen gaineko zergen aitorpenak prestatzeko programak mantentzea, eguneratzea eta garatzea.

f) Indarra duten xedapenek haren gain uzten dituzten gainerako eginkizunak, eta aurrekoekin loturik edo haietan oinarriturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

27. artikulua . Pertsona Fisikoen Errentaren eta Ondarearen gaineko Zergen Kanpainako Zergadunekiko Harremanen Atalaren eremu material eta funtzionala.

Pertsona Fisikoen Errentaren eta Ondarearen gaineko Zergen Kanpainako Zergadunekiko Harremanen Atalak eginkizun hauek ditu:

a) Aitorpenak aurrez aurre eta telefonoz betetzea PFEZaren eta ondarearen gaineko zergaren kanpainan, Zergak Koordinatzeko Atalarekin elkarlanean.

b) Pertsona fisikoen errentaren eta ondarearen gaineko zergei buruzko aitorpenak eta gainontzeko dokumentazioa aztertu, berrikusi eta egiaztatzea, ziurtagiriak eskatzea eta tributu-likidazioak egitea, Tributuei buruzko Foru Lege Orokorrean xedatutakoari jarraituz, Atal Tekniko eta Kontrolekoarekin eta Zergak Koordinatzeko Atalarekin elkarlanean.

c) Tributuen arloko arau-hausteen ondoriozko zehapenak likidatzea bere eskumeneko eremuan, eta horien kontra aurkezten diren berraztertze-errekurtsoak ebaztea, Atal Tekniko eta Kontrolekoarekin eta Zergak Koordinatzeko Atalarekin elkarlanean.

d) Atalak emandako egintzen aurka jartzen diren aurkaratzeak eta berraztertze-errekurtsoak tramitatu eta ebaztea, Atal Tekniko eta Kontrolekoarekin eta Zergak Koordinatzeko Atalarekin elkarlanean.

e) Zergadunei alde administratibotik laguntzea eta argibideak ematea pertsona fisikoen errentaren eta ondarearen gaineko zergei buruzko kontsulta eta erreklamazioen gainean.

f) Administrazio- eta logistika-lanak egitea pertsona fisikoen errentaren gaineko zergaren eta ondarearen gaineko zergaren kanpainak prestatzeko Nafarroako Foru Ogasunak gaitutako bulegoetan, bai eta zergadunen esku jartzen diren gainontzeko kanal eta laguntza-zerbitzuetan ere.

g) Zerbitzuko erregistro laguntzailean sartzen diren agiriak jasotzea, erregistratzea eta igortzea.

h) Indarra duten xedapenek haren gain uzten dituzten gainerako eginkizunak, eta aurrekoekin loturik edo haietan oinarriturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

28. artikulua . Pertsona Fisikoen Errentaren eta Ondarearen gaineko Zergak Koordinatzeko Atalaren eremu material eta funtzionala.

Pertsona Fisikoen Errentaren eta Ondarearen gaineko Zergak Koordinatzeko Atalak eginkizun hauek izanen ditu:

a) Irizpideak prestatu eta proposatzea, aplikatu daitezen pertsona fisikoen errentaren gaineko zergaren eta ondarearen gaineko zergaren aitorpenak prestatzen, egiaztatzen eta likidatzen direnean, Atal Tekniko eta Kontrolekoarekin eta Arauen Garapen eta Aholkularitza Juridikorako Zerbitzuarekin elkarlanean.

b) Pertsona fisikoen errentaren gaineko zergaren autolikidazio-proposamenak egin eta bidaltzeko lanetan parte hartzea, Tributuen arloko Informazio Sistemen Zerbitzuarekin elkarlanean.

c) Antolatzea PFEZaren eta ondarearen gaineko zergaren kanpainarekin zerikusia duten ikastaroak, prestakuntza-ekintzak, dibulgaziozko edukiak eta laguntza eta argibideak emateko edukiak.

d) Kontsulta fiskalei alde teknikotik erantzutea, Atal Tekniko eta Kontrolekoarekin elkarlanean.

e) Laguntza teknikoa ematea pertsona fisikoen errentaren gaineko zergaren kanpaina gauzatzen laguntzen duten erakundeei.

f) Koordinatzea nola aplikatzen diren irizpide teknikoak pertsona fisikoen errentaren eta ondarearen gaineko zergen aitorpenen prestaketan.

g) Aitorpenak aurrez aurre eta telefonoz betetzea PFEZaren eta ondarearen gaineko zergaren kanpainan, Zergadunekiko Harremanen Atalarekin elkarlanean.

h) Pertsona fisikoen errentaren eta ondarearen gaineko zergei buruzko aitorpenak eta gainontzeko dokumentazioa aztertu, berrikusi eta egiaztatzea, ziurtagiriak eskatzea eta tributu-likidazioak egitea, Tributuei buruzko Foru Lege Orokorrean xedatutakoari jarraituz, Atal Tekniko eta Kontrolekoarekin eta Zergadunekiko Harremanen Atalarekin elkarlanean.

i) Tributuen arloko arau-hausteen ondoriozko zehapenak likidatzea bere eskumeneko eremuan, eta horien kontra aurkezten diren berraztertze-errekurtsoak ebaztea, Atal Tekniko eta Kontrolekoarekin eta Zergadunekiko Harremanen Atalarekin elkarlanean.

j) Atalak emandako egintzen aurka jartzen diren aurkaratzeak eta berraztertze-errekurtsoak tramitatu eta ebaztea, Atal Tekniko eta Kontrolekoarekin eta Zergadunekiko Harremanen Atalarekin elkarlanean.

k) Indarra duten xedapenek haren gain uzten dituzten gainerako eginkizunak, eta aurrekoekin loturik edo haietan oinarriturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

3. ATALA. TRIBUTU IKUSKAPENERAKO ZERBITZUA

29. artikulua . Tributu Ikuskapenerako Zerbitzuaren eremu material eta funtzionala.

Tributu Ikuskapenerako Zerbitzuak eginkizun hauek izanen ditu:

a) Zerga-arloan eragina duen informazioa eskuratzea, kudeatzea eta analizatzea, Tributuen arloko Informazio Sistemen Zerbitzuarekin eta zergak biltzeko eta kudeatzeko eskumenak dituzten zerbitzuekin koordinaturik, iruzur egiteko arriskua duten sektoreak eta praktikak detektatzeko eta hautatzeko.

b) Tributuen ikuskapenerako planak prestatu, proposatu eta betearaztea.

c) Tributuen kontrolerako urteko plana prestatzen, betearazten eta ebaluatzen parte hartzea, gainerako zerbitzuekin elkarlanean.

d) Zerbitzuari dagozkion helburuak eta jarduera-adierazleak prestatzea eta emaitzen ebaluazioa egitea, bai eta zerbitzuaren memoria prestatzea ere.

e) Informazioa trukatzea beste zerga-administrazio eta erakunde publiko batzuekin, eta haiekin lankidetzan aritzea ikuskapen-arloan.

f) Beste zerga-administrazio batzuetatik jasotako ikuskapen-aktak kudeatzea.

g) Laguntza judizialeko lanak egitea, eskatzen zaizkiolarik.

h) Ogasun Publikoaren kontrako delituen gaineko espedienteak abiaraztea eta, arlo honetaz, Nafarroako Gobernuko aholkularitza juridikoarekin, Fiskaltzarekin eta auzitegiko organoekin koordinatzea.

i) Arauen Garapen eta Aholkularitza Juridikorako Zerbitzuarekin eta Zerga Kudeaketa Zerbitzuarekin elkarlanean, parte hartzea administrazioen artean sortzen diren desadostasunak tramitatzen, honako hauei dagozkienean: zergadunen helbideratzea, tributazio-kasuetan aplikatu beharreko portzentajeak balio erantsiaren gaineko zergan eta sozietateen gaineko zergan egindako eragiketen bolumenaren arabera, eta Hitzarmen Ekonomikoan araututako gainerako gaiak.

j) Aholkua ematea eta txostenak egitea tributuak aplikatzearekin zerikusia duten gaietan.

k) Indarra duten xedapenek esleitzen dizkioten eta Nafarroako Foru Ogasuneko zuzendari kudeatzaileak haren gain uzten dituen gainerako eginkizunak.

30. artikulua . Bulego Teknikoaren Atalaren eremu material eta funtzionala.

Tributu Ikuskapenerako Zerbitzuak Bulego Teknikoaren Atala izanen du, eta honako eginkizun hauek izanen ditu:

a) Tributu Ikuskapenerako Zerbitzuari aholkularitza juridikoa ematea tributuen arloan, eta zerbitzuarentzat interesgarriak diren arau, epai, kontsulta eta argitalpenak zabaltzea.

b) Aholku ematea eta parte hartzea tributuen arloko ikuskapen-planak eta tributuen kontrolerako urteko planak diseinatzen eta prestatzen.

c) Ikuskapen-egintzen normalizaziorako irizpideak, jarraibideak eta gidalerroak proposatzea.

d) Ikuskapen-jarduketen kalitatea gainbegiratzea eta irizpide homogeneoak aplikatzea espedienteak tramitatzean, zerbitzuko administrazio-unitateekin koordinaturik.

e) Zerbitzuan instruitutako espedienteak ebazteko proposamenak prestatzea, bereziki desadostasuna dagoenean.

f) Balizko delituekin loturiko likidazioak adosteko proposamenak egitea.

g) Ebazpenak edo epaiak betearazteko proposamenak egitea.

h) Ikuskapen-jarduerei buruzko txostenak egitea, Tributu Ikuskapenerako Zerbitzuko zuzendariak eskatuta.

i) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

4. ATALA. DIRU-BILKETA ZERBITZUA

31. artikulua . Dirubilketa Zerbitzuaren eremu material eta funtzionala.

Diru-bilketa Zerbitzuak eginkizun hauek izanen ditu:

a) Zuzendaritza teknikoa egitea eta kontrolatzea nola kudeatzen den Nafarroako Foru Ogasunaren diru-bilketa.

b) Tributuen kontrolerako urteko plana prestatzen, betearazten eta ebaluatzen parte hartzea, gainerako zerbitzuekin elkarlanean.

c) Zorrak biltzeko kudeaketan beste erakunde publiko batzuekin koordinatzea eta, hala behar denean, lankidetza-akordioak prestatu eta proposatzea.

d) Zorrak geroratzeko baimena eman edo tramitatzea, indarra duten xedapenek esleitutako eskumenen arabera.

e) Jarduteko edo ekintzak gauzatzeko irizpideak finkatzea, zailtasun estruktural edo koiunturalak dituzten sektore ekonomikoetako pertsona edo entitateen zorrak biltzeko kudeaketan, pertsona edo entitate horiek Nafarroako Foru Ogasunarekin dituzten betebeharrak bete ditzaten.

f) Premiamendu-bide administratiboko diru-bilketa kudeatzea eta kontrolatzea eskubide publikoko diru-sarrerei dagokienez, Nafarroako Foru Komunitatearen edo haren erakunde autonomoen titulartasunekoak direnean.

g) Tributuei buruzko abenduaren 14ko 13/2000 Foru Legearen arabera diru-bilketaren bidez kalkulatu behar diren errekargu eta interesak likidatzea.

h) Konkurtso-prozesuetan edo prozedura berezietan egin beharreko ekintzak zuzentzea eta, hala behar denean, ebatzi eta kudeatzea.

i) Honako espediente hauek instruitzea: ofiziozko preskripzioak, kaudimengabeziak, zenbateko txikiko zorren bajak eta zorren barkatzeak.

j) Diru-bilketa Zerbitzuko organoek emandako egintzen kontra aurkezten diren errekurtso administratiboak eta hirugarrengotzakoak tramitatzea eta irizpideak koordinatzea.

k) Nafarroako Foru Ogasunaren berandutze-interesen ordainketa tramitatzea, beste organo administratibo batzuen eskumenekoa ez bada.

l) Prozesuak administratu, kudeatu, garatu eta eguneratzea Nafarroako Foru Ogasunak hirugarrenen kontabilitate osagarria egiteko duen sisteman, eta eragiketak kontabilizatzen laguntzea Nafarroako Gobernuaren kontabilitate orokorreko sisteman. Hitzarmen Ekonomikoaren, Analisi Fiskalen eta Administrazioaren Zerbitzuarekin elkarlanean eginen dira tributu-itzulketak.

m) Zorrak konpentsatzea, indarra duten xedapenek esleitutako eskumenen arabera.

n) Zerga-bilketaren arloko zorrak ordaintzeko eta komunikazioak, eskaerak eta bestelako idazkiak aurkezteko prozedurak diseinatu eta garatzea, Tributuen arloko Informazio Sistemen Zerbitzuarekin eta Zergadunei Laguntza eta Argibideak Emateko Zerbitzuarekin lankidetzan.

ñ) Harremanetan egotea diru-bilketaren arloan laguntza ematen duten finantza-erakundeekin.

o) Zerbitzuari dagozkion helburuak eta jarduera-adierazleak prestatzea eta emaitzen ebaluazioa egitea, bai eta zerbitzuaren memoria prestatzea ere.

p) Indarra duten xedapenek esleitzen dizkioten eta Nafarroako Foru Ogasuneko zuzendari kudeatzaileak haren gain uzten dituen gainerako eginkizunak.

32. artikulua . Dirubilketa Zerbitzuaren egitura.

Diru-bilketa Zerbitzuak atal hauek ditu:

a) Gerorapenak Kudeatzeko Atala.

b) Derrigorrezko Diru-bilketaren Atala.

c) Prozedura Berezien Atala.

d) Araubide Juridikoaren Atala.

e) Diru-bilketaren Aplikazio eta Kontrolaren Atala.

33. artikulua . Gerorapenak Kudeatzeko Atalaren eremu material eta funtzionala.

Gerorapenak Kudeatzeko Atalak eginkizun hauek izanen ditu:

a) Zerga-zorrak eta zuzenbide publikoko beste zor batzuk geroratzeko edo zatikatzeko eskaerak kudeatzea, tramitatzea eta kontrolatzea.

b) Erakunde publikoen zorrak premiamendua baino lehen kobratzeko kudeaketa egitea, eta, oro har, premiamendu-prozedura hasteko behar diren zor-erreklamazioak egitea, delitu fiskalei lotutako likidazioetatik eratorritakoak barne.

c) Premiamendu-biderako igorpenak tramitatzea eta gauzatzea.

d) Behar diren estatistikak egitea atalaren jardueren kudeaketa kontrolatzeko.

e) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

34. artikulua . Derrigorrezko Dirubilketaren Atalaren eremu material eta funtzionala.

Derrigorrezko Diru-bilketaren Atalak eginkizun hauek izanen ditu:

a) Premiamendu-bide administratiboko diru-bilketa kudeatzea eta kontrolatzea eskubide publikoko diru-sarrerei dagokienez, Nafarroako Foru Komunitatearen edo haren erakunde autonomoen titulartasunekoak direnean, legez ezarritako ahalmenen bidez eta erabili behar diren prozedura administratiboen arabera.

b) Behar diren estatistikak egitea atalaren jardueren kudeaketa kontrolatzeko.

c) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

35. artikulua . Prozedura Berezien Atalaren eremu material eta funtzionala.

Prozedura Berezien Atalak honako eginkizun hauek izanen ditu:

a) Konkurtso-prozesuetan sartuta dauden zordunen zor guztien diru-bilketa kudeatu eta kontrolatzea eta, behar denean, Nafarroako Foru Komunitatearen ordezkari izatea bilkura, batzorde, konkurtso-administrazio eta antzeko kudeaketa-organoetan.

b) Nafarroako Foru Ogasunaren eskubideak defendatzeko beharrezkoak diren jarduketak kontrolatu eta betetzea, eskubide horien kalterako izan daitezkeen desegite eta likidazio prozesuetan edo entitateek har ditzaketen horrelako beste erabaki batzuetan.

c) Erantzukizuna besterenganatzeko prozedurak tramitatzea.

d) Diru-bilketako organoek proposatutako kaudimengabezia-aitorpenak tramitatzea.

e) Behar diren estatistikak egitea atalaren jardueren kudeaketa kontrolatzeko.

f) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

36. artikulua . Araubide Juridikoaren Atalaren eremu material eta funtzionala.

Araubide Juridikoaren Atalak eginkizun hauek izanen ditu:

a) Diru-bilketa Zerbitzuko organoek emandako egintzen kontra aurkezten diren errekurtso administratiboak eta hirugarrengotzakoak tramitatzea.

b) Diru-bilketaren prozedura eteteko eskaerak kudeatzea eta haien jarraipena eta kontrola egitea.

c) Nafarroako Foru Ogasunaren berandutze-interesak aztertu, kalkulatu eta haien ordainketa tramitatzea, beste organo administratibo batzuen eskumenekoa ez bada.

d) Honako espediente hauek tramitatzea: ofiziozko preskripzioak, kaudimengabeziak, zenbateko txikiko zorren bajak eta zorren barkatzeak.

e) Bermeak aurkeztean sortutako gastuen onarpenaren arloan aurkeztutako eskaerak tramitatzea eta kontrolatzea, eta epai judizialetan ezarritako kostuak ordaintzea, Nafarroako Foru Ogasunak emandako egintzen aurrean jarraitutako prozeduren ondoriozkoak direnean.

f) Izapideak egitea Nafarroako Ogasun Publikoko zordunen zerrenda aldizka argitaratzeko.

g) Diru-bilketa Zerbitzuko titularrak eskatzen dituen txosten juridikoak eta irizpenak ematea.

h) Diru-bilketako organoek proposatutako espedienteak aztertu eta tramitatzea, baldin eta haiei buruzko egintzak Aholkularitza Juridikoaren eskumenekoak badira.

i) Behar diren estatistikak egitea atalaren jardueren kudeaketa kontrolatzeko.

j) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

37. artikulua . Dirubilketaren Aplikazio eta Kontrolaren Atalaren eremu material eta funtzionala.

Diru-bilketaren Aplikazio eta Kontrolaren Atalak eginkizun hauek izanen ditu:

a) Nafarroako Foru Komunitateko Administrazioaren zor eta zordun guztien gaineko kontrol ekonomikoa eta kontabilitatekoa egitea, baldin eta Nafarroako Foru Ogasunak hirugarrenen kontabilitate osagarria egiteko duen sistemara eskualdatuta badaude eta Diru-bilketaren Erregelamendu Orokorra aplikatzen bazaie. Halaber, sistema horren parametroak administratu eta eguneratzea, eta eragiketak Nafarroako Gobernuaren kontabilitate-sistema orokorrean kontabilizatzen laguntzea.

b) Prozesuak kudeatzea, kontrolatzea eta materialki betearaztea Nafarroako Foru Ogasunak hirugarrenen kontabilitate osagarria egiteko duen sisteman idatzitako zorren kobrantzak aplikatzeko.

c) Bidezko diren tributuak eta bidezko ez diren diru-sarrerak ofizioz itzultzeko prozesuak kudeatzea, kontrolatzea eta materialki betearaztea.

d) Zorrak konpentsatzeko espedienteak tramitatzea, ordaintzeko betebeharra duenak eskaturik.

e) Beste agintari batzuek agindutako tributu-itzulketak eta bidegabeko diru-sarrerak enbargatzeko aginduak betearaztea.

f) Zerga-sarrerak helbideratzeko aginduak tramitatzeko prozedurak kudeatzea.

g) Beste administrazio publiko batzuetan sartutako tributu-zorren jarraipena eta kontrola egitea.

h) Finantza-erakundeen jarduketak garatu eta kontrolatzea, Nafarroako Foru Ogasunaren diru-bilketan laguntzaile direnean.

i) Zerga-betebeharren ordainbideak garatu eta hobetzea.

j) Behar diren estatistikak egitea atalaren jardueren kudeaketa kontrolatzeko.

k) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

5. ATALA. HITZARMEN EKONOMIKOAREN, ANALISI FISKALEN ETA ADMINISTRAZIOAREN ZERBITZUA

38. artikulua . Hitzarmen Ekonomikoaren, Analisi Fiskalen eta Administrazioaren Zerbitzuaren eremu material eta funtzionala.

Hitzarmen Ekonomikoaren, Analisi Fiskalen eta Administrazioaren Zerbitzuak eginkizun hauek izanen ditu:

a) Nafarroako Gobernuari laguntza teknikoa ematea Hitzarmen Ekonomikoari buruzko gaietan Estatuarekin behar duen koordinazio ekonomikoan eta lidergo estrategikoko lanetan, lan horiek Nafarroako Foru Ogasunak gauzatzen dituenean.

b) Foru Komunitateko sektore publikoan ukitutako gainerako organoekin elkarlanean, azterketa eta ikerketak egitea ekarpen ekonomikoaren osagaien eta doikuntza fiskalen kalkuluari eta balorazioari buruz, metodologiari buruz eta determinazioari buruz, eta beharrezkoa den araudia eta Hitzarmenaren Koordinazio Batzordearen eta Negoziazio Batzordearen barnean hartu beharreko erabakiak artikulatzea.

c) Laguntza teknikoa ematea, ukitutako gainerako erakundeekin koordinatzea eta Koordinazio Batzordearen idazkaritza-lanak egitea Hitzarmen Ekonomikoa Estatuarekin negoziatzeko prozesuan.

d) Laguntza teknikoa ematea Foru Komunitatearen eta Estatuko Administrazioaren artean transferitu beharreko eskumenak edo zerbitzuak baloratzeko, ukitutako zerbitzuetako arduradunekin elkarlanean, eta abenduaren 19ko 2356/1984 Foru Dekretuan aurreikusitako Transferentzien Batzordeari laguntzeko.

e) Estatuarekiko Hitzarmen Ekonomikoarekin lotuta dauden finantza-fluxuak kudeatu eta tramitatzea.

f) Txostenak prestatzea Nafarroako Foru Komunitatearen eta Estatuko Administrazioaren artean sinatu beharreko hitzarmenak, lankidetza akordioak, programak eta elkarrekin jarduteko planak -eduki ekonomikoa dutenak- onetsi aurretik, Hitzarmen Ekonomikoan duten inplikazioari dagokionez.

g) Aldez aurreko analisia eta jarraipena egitea Nafarroako Gobernuko erakundeek, Estatuko Administrazio Orokorrarekin elkarlanean, Nafarroari transferitutako eskumenen eta zerbitzuen balorazioari buruz garatu beharreko programen eta plan sektorialen gainean.

h) Nafarroako Foru Ogasunak kudeatu beharreko sarreren eta itzulketen kontrol ekonomikoa eta kontabilitatekoa egitea, eta, bereziki, tributu-itzulketen egutegiak eta zenbatekoak zehaztea, Diru-bilketa Zerbitzuarekin koordinatuta.

i) Nafarroako Foru Ogasunaren eskumeneko ordainarazpeneko diru-sarreren aurreikuspenak egitea, aztertzea eta horien jarraipena egitea, baita Hitzarmen Ekonomikoari lotutako finantza-fluxuena ere.

j) Diru-bilketaren gaineko txostenak, azterlanak, analisiak eta aurreikuspenak egitea.

k) Behar diren analisi eta simulazioak egitea, ebaluatzeko zer eragin izanen duten tributuen arloko neurriek diru-bilketaren gainean.

l) Tributuen arloko txosten eta estatistikak prestatzea.

m) Gastu fiskalak aztertzea eta arrazionalizatzeko proposamenak egitea.

n) Tributuen kontrolerako urteko plana prestatzen parte hartzea, gainerako zerbitzuekin elkarlanean.

ñ) Zuzendari kudeatzaileari laguntza ematea eta koordinatzea, erakunde autonomoaren aurrekontu-aurreproiektua egin dezan eta aurrekontuaren betearazpenaren jarraipena egin dezan.

o) Zerbitzuari dagozkion helburuak eta jarduera-adierazleak prestatzea eta emaitzen ebaluazioa egitea, bai eta zerbitzuaren memoria prestatzea ere.

p) Nafarroako Foru Ogasunaren urteko memoria egitea, erakunde autonomoaren gainerako zerbitzuekin koordinatuta.

q) Erakunde autonomoko langileen kudeaketa planifikatzea, koordinatzea, tramitatzea, jarraipena egitea eta kontrolatzea, hari dagozkion eskumenen arabera eta Funtzio Publikoaren Zuzendaritzarekin koordinatuta.

r) Ordezkaritza sindikalak erakunde autonomoaren esparruan sustatzen dituen hauteskunde-prozesuetan laguntzea eta langileen ordezkaritza-organoekin harremanak izatea, zuzendari kudeatzaileak esleitzen dizkion gaietan.

s) Aholku ematea Nafarroako Foru Ogasunaren jardueran genero-ikuspegiaren zeharkakotasuna aplikatzeko, Ekonomia eta Ogasun Departamentuko Idazkaritza Tekniko Nagusiarekin koordinatuta.

t) Nafarroan desgaitasuna dutenei arreta emateari eta beren eskubideak bermatzeari buruzko azaroaren 28ko 31/2022 Foru Legearen arabera egokitzea.

u) Indarra duten xedapenek esleitzen dizkioten eta Nafarroako Foru Ogasuneko zuzendari kudeatzaileak haren gain uzten dituen gainerako eginkizunak.

39. artikulua . Hitzarmen Ekonomikoaren, Analisi Fiskalen eta Administrazioaren Zerbitzuaren egitura.

Hitzarmen Ekonomikoaren, Analisi Fiskalen eta Administrazioaren Zerbitzuak atal hauek ditu:

a) Azterlan Fiskalen Atala.

b) Hitzarmen Ekonomikoaren Finantza Fluxuen Atala.

c) Administrazio Atala.

40. artikulua . Azterlan Fiskalen Atalaren eremu material eta funtzionala.

Azterlan Fiskalen Atalak eginkizun hauek izanen ditu:

a) Nafarroako Foru Ogasunaren eskumeneko ordainarazpeneko diru-sarreren aurreikuspenak egitea, aztertzea eta horien jarraipena egitea.

b) Zerga-bilketari buruzko azterlanak, txostenak eta estatistikak egitea.

c) Behar diren analisi eta simulazioak egitea, ebaluatzeko zer eragin izanen duten tributuen arloko neurriek diru-bilketaren gainean.

d) Zerga-estatistikak eta bestelako azterlan fiskalak egitea.

e) Gastu eta onura fiskalak aztertzea eta arrazionalizatzeko proposamenak egitea.

f) Nafarroako Foru Ogasunak kudeatu beharreko sarreren eta itzulketen kontrol ekonomikoa eta kontabilitatekoa egitea, eta, bereziki, tributu-itzulketen egutegiak eta zenbatekoak zehaztea, Diru-bilketa Zerbitzuarekin koordinatuta.

g) Nafarroako Foru Ogasunaren urteko memoria prestatzea.

h) Foru Komunitatearen Administrazioan eta haren erakunde publikoetan informazio publikoaren gaineko ardura daukaten unitateen eginkizunak betetzea, Nafarroako Foru Ogasunaren unitateekin lankidetzan.

i) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

41. artikulua . Hitzarmen Ekonomikoaren Finantza Fluxuen Atalaren eremu material eta funtzionala.

Hitzarmen Ekonomikoaren Finantza Fluxuen Atalak eginkizun hauek izanen ditu:

a) Laguntza ematea Hitzarmen Ekonomikoaren, Analisi Fiskalen eta Administrazioaren Zerbitzuak Koordinazio Batzordean dituen idazkaritza-lanetan.

b) Estatuarekin sinatutako Hitzarmen Ekonomikoari lotutako finantza-fluxuak kudeatu eta tramitatzea, eta aldizkako jarraipena eta aurreikuspenak egitea.

c) Estatuarekiko diru-ekarpenaren zehaztapenari eta doikuntza fiskalei buruzko txosten eta estatistikak egitea, bai eta bi administrazioen artean ezar daitezkeen finantza-fluxuei buruzkoak ere.

d) Txostenak prestatzea Nafarroako Foru Komunitatearen eta Estatuko Administrazioaren artean sinatu beharreko hitzarmenak, lankidetza akordioak, programak eta elkarrekin jarduteko planak -eduki ekonomikoa dutenak- onetsi aurretik, Hitzarmen Ekonomikoan duten inplikazioari dagokionez.

e) Aldez aurreko analisia eta jarraipena egitea Nafarroako Gobernuko erakundeek, Estatuko Administrazio Orokorrarekin elkarlanean, Nafarroari transferitutako eskumenen eta zerbitzuen balorazioari buruz garatu beharreko programen eta plan sektorialen gainean.

f) Gainerako departamentuetako arduradunekin batera, Estatuko Administraziotik jasotako transferentzien eta bestelako diru-sarreren jarraipena eta koordinazioa egitea, Hitzarmen Ekonomikoan duten inplikazioari dagokionez.

g) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

42. artikulua . Administrazio Atalaren eremu material eta funtzionala.

Administrazio Atalak honako eginkizun hauek izanen ditu:

a) Laguntza teknikoa eta administratiboa ematea erakunde autonomoaren aurrekontuen aurreproiektua prestatzeko.

b) Nafarroako Foru Ogasunaren aurrekontuen kudeaketaren eta betetzearen gaineko kontrola.

c) Erakunde autonomoaren kontratu administratiboak sustatu eta kudeatzea.

d) Nafarroako Foru Ogasuneko langileen kudeaketa koordinatzea, tramitatzea, jarraipena egitea eta kontrolatzea, langileriari dagozkion eskudantzien arabera eta Funtzio Publikoaren Zuzendaritzarekin koordinatuta.

e) Langileen arloko espedienteak tramitatzea, baldin eta horiek ebaztea Nafarroako Foru Ogasuneko zuzendari kudeatzaileari badagokio.

f) Nafarroako Foru Ogasuneko langileak kudeatzeko organoei esleitzen zaizkien eginkizunak betetzea, langileen ordezkari izateko eta batzordeak osatzeko hauteskunde-prozesuak garatzeko.

g) Langileen bertaratzeak eta absentziak kontrolatzeko sistema kudeatzea.

h) Aholku ematea Nafarroako Foru Ogasunaren jardueran genero-ikuspegiaren zeharkakotasuna aplikatzeko, Ekonomia eta Ogasun Departamentuko Idazkaritza Tekniko Nagusiarekin koordinatuta.

i) Indarra duten xedapenek haren gain uzten dituzten gainerako eginkizunak, eta aurrekoekin loturik edo haietan oinarriturik Nafarroako Foru Ogasuneko zuzendari kudeatzaileak esleitzen dizkionak.

6. ATALA

LUR-ONDASUNEN ETA ONDAREAREN GAINEKO TRIBUTUEN ZERBITZUA

43. artikulua . Lurondasunen eta Ondarearen gaineko Tributuen Zerbitzuaren eremu material eta funtzionala.

Lur-ondasunen eta Ondarearen gaineko Tributuen Zerbitzuak eginkizun hauek izanen ditu:

1. Lur-ondasunei dagokienez:

a) Lur-ondasunen Erregistroa zaintzeko Nafarroako Foru Ogasunari dagozkion jarduerak garatzea eta, bereziki, oinarrizko datuak ikuskatu eta eguneratzea eta behar diren datu osagarriak biltzea funtzio publikoak ongi garatzeko.

b) Lur-ondasunen Erregistroaren oinarrizko datuen aldaketa guztiak udalei jakinaraztea eta, oro har, erregistro administratibo hori eta katastroak zaintzeko behar diren argibideak haiei ematea.

c) Ondasun higiezinak karakterizatu eta baloratzeko jarduketak egitea eta, bereziki, Nafarroa osoan koordinatzea, Batzorde Mistoak balorazio-txostenen edukia finkatzen parte hartzea, balorazio-txostenak onestea, eta karakterizatu eta baloratzeko xedapen orokorren proiektuak prestatzea.

d) Erregistro-eginkizunetarako behar diren sistema eta bitarteko elektroniko, informatiko eta telematikoak diseinatu, ezarri, ustiatu eta mantentzea, eta jarduerak garatzea Lur-ondasunen Erregistroan jasotako informazioa eskuratu, eman, erabili eta ziurtatzeari dagokionez.

e) Lur-ondasunen Artxibo Historikoa zaintzea.

f) Balorazio Txostenen Erregistroko kontserbazio-, mantentze-, gordetze- eta publizitate-lanak egitea.

g) Ondasun higiezinen balio eta prezioak bildu eta aztertzea, baloratzeko irizpideak ezartzea eta zenbatesten diren balioen finkapena eta zabalkundea egitea.

h) Nafarroan dauden ondasun higiezinen balioak modu sistematikoan eskuratzeko prozedurak aztertzea eta proposatzea, Nafarroako Foru Ogasunak berezko dituen eginkizunak bete ditzan.

i) Higiezinak baloratzeko irizpenak egitea, egiaztatzeko zer balio duten egintza juridiko dokumentatuen, ondare-eskualdaketen eta oinordetza eta dohaintzen gaineko zergek, bai eta beste tributu batzuetarako ere, eta, oro har, Foru Komunitateko Administrazioan ondasun higiezinen balorazioa egitea eskatzen duen jarduketa orotarako.

j) Txostenak prestatzea Nafarroan dauden ondasun higiezinen balioen kariaz eta tributuei dagokienez aurkezten diren errekurtsoen gainean.

k) Lankidetzan aritzea eta informazioa trukatzea beste administrazio, instituzio eta fede-emaile publiko batzuekin, eta Jabetza Erregistroarekin koordinatzea.

l) Nafarroako kale-izendegia eguneratzea eta mantentzea.

2. Oinordetzen eta dohaintzen, ondare-eskualdaketen eta egintza juridiko dokumentatuen gaineko zergei dagozkienez:

a) Tributuak egiaztatu eta likidatzeko irizpideak prestatu eta proposatzea, Arauen Garapen eta Aholkularitza Juridikorako Zerbitzuarekin elkarlanean.

b) Kontsulta fiskalen alde teknikoei arreta ematea, Zergadunei Laguntza eta Argibideak Emateko Zerbitzuarekin koordinaturik, eta, bereziki, tributuen arloko kontsultak aztertu eta ebaztea, Arauen Garapen eta Aholkularitza Juridikorako Zerbitzuarekin elkarlanean.

c) Zergapekoen erroldak zaintzea, bere eskumenekoak diren zergetan.

d) Aitorpenak aztertu, berrikusi eta egiaztatzea, ziurtagiriak eskatzea eta behin-behineko likidazioak ofizioz egitea, baita kasuan kasuko berandutze-interesak ezartzea ere.

e) Zerbitzuaren egintzen aurka jarritako berraztertze-errekurtsoak tramitatzea eta ebaztea, baita autolikidazioen eta atxikipenen edo konturako sarreren aurkaratzeak ere. Halaber, behar diren tributu-likidazioak egitea.

f) Zerbitzuaren egintzei bide ekonomiko-administratiboan egindako aurkaratzeei buruzko ebazpen judizialak eta erabakiak tramitatzea.

g) Aplikatzekoak diren errekarguak likidatzea, berariaz administrazioaren beste organo batzuei esleitu ez bazaie.

h) Tributuen arloko arau-hausteen ondoriozko zehapenak likidatzea, bere eskumenen esparruan, baita haien kontra jartzen diren berraztertze-errekurtsoak ebaztea ere.

3. Halaber, Tributuen kontrolerako urteko plana prestatzen eta gauzatzen parte hartuko du, beste zerbitzu batzuekin lankidetzan; zerbitzuari dagozkion helburuak, jarduera-adierazleak eta emaitzen ebaluazioa landuko ditu, eta haren memoria eginen du, bai eta indarrean dauden xedapenek esleitzen dizkioten edo Nafarroako Foru Ogasuneko zuzendari kudeatzaileak esleitzen dizkion gainerako eginkizunak ere.

44. artikulua . Lurondasunen eta Ondarearen gaineko Tributuen Zerbitzuaren egitura.

Lur-ondasunen eta Ondarearen gaineko Tributuen Zerbitzuak atal hauek ditu:

a) Lur-ondasunen Erregistroaren Atala.

b) Higiezinak Baloratzeko Atala.

c) Oinordetzen eta Dohaintzen, Ondare Eskualdaketen eta Egintza Juridiko Dokumentatuen gaineko Zergen Atala.

45. artikulua . Lurondasunen Erregistroaren Atalaren eremu material eta funtzionala.

Lur-ondasunen Erregistroaren Atalak eginkizun hauek izanen ditu:

b) Lur-ondasunen Erregistroaren oinarrizko datuen aldaketa guztiak udalei jakinaraztea, eta, oro har, erregistro administratibo hori eta katastroak zaintzeko behar diren argibideak haiei ematea.

c) Ondasun higiezinen erregistro-balioa karakterizatzeko eta zehazteko jarduketak egitea eta, bereziki, Nafarroako lurralde osoan koordinatzea, eta karakterizazioari buruzko xedapen orokorren proiektuak egitea.

d) Lur-ondasunen Erregistroan dagoen informazioaren gaineko ziurtagiriak eta agiri normalizatuak ematea eta, bereziki, lurzati-zedula ematea, unitate higiezinak eta Jabetza Erregistroan inskribatutako finkak koordinatu ahal izateko.

e) Informazio babestu gabea eraldatzeko proposamenak egitea eta hirugarrenei lagatzeko baimenak ematea.

f) Lur-ondasunen Artxibo Historikoa zaintzea.

g) Lur-ondasunen Erregistroa eta Nafarroako katastroak arautzen dituen araudian aurreikusitako zehapen-espedienteak instruitzea.

h) Nafarroako kale-izendegia eguneratzea eta mantentzea.

i) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

46. artikulua . Higiezinak Baloratzeko Atalaren eremu material eta funtzionala.

Higiezinak Baloratzeko Atalak eginkizun hauek izanen ditu:

a) Ondasun higiezinen balio eta prezioak bildu eta aztertzea, baloratzeko irizpideak ezartzea eta zenbatesten diren balioen finkapena eta zabalkundea egitea.

b) Nafarroan dauden ondasun higiezinen balioak modu sistematikoan eskuratzeko prozedurak aztertzea eta proposatzea, Nafarroako Foru Ogasunak berezko dituen eginkizunak bete ditzan.

c) Higiezinak baloratzeko irizpenak egitea, egiaztatzeko zer balio duten egintza juridiko dokumentatuen, ondare-eskualdaketen eta oinordetza eta dohaintzen gaineko zergek, bai eta beste tributu batzuetarako ere, eta, oro har, Foru Komunitateko Administrazioan ondasun higiezinen balorazioa egitea eskatzen duen jarduketa orotarako.

d) Txostenak prestatzea erabili beharreko egiaztatze-bitartekoei buruz, bai eta Nafarroan dauden ondasun higiezinen balioen kariaz eta tributuei dagokienez aurkezten diren errekurtsoen gainean ere.

e) Datuak lagatzea balioen aldaketa kolektiboen aurreproiektuak egiteko, parte hartzea Batzorde Mistoak balorazio-txostenen edukia finkatzen duenean, eta balorazio-txostenak onesteko proposamenak egitea.

f) Balorazioaren gaineko xedapen orokorren proiektuak prestatzea eta balorazio-parametro orokorrak aldatzeko proposamenak egitea.

g) Balorazio Txostenen Erregistroko kontserbazio-, mantentze-, gordetze- eta publizitate-lanak egitea.

h) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

47. artikulua . Oinordetzen eta Dohaintzen, Ondare Eskualdaketen eta Egintza Juridiko Dokumentatuen gaineko Zergen Atalaren eremu material eta funtzionala.

Oinordetzen eta Dohaintzen, Ondare Eskualdaketen eta Egintza Juridiko Dokumentatuen gaineko Zergen Atalak eginkizun hauek izanen ditu:

b) Tributuen arloko Informazio Sistemen Zerbitzuarekin lankidetzan aritzea, aurkeztutako aitorpenak berrikusi eta egiaztatzeko ezarri edo egin beharreko kontrolak diseinatu eta ezartzeko.

c) Tributuen arloko arau-hausteen ondoriozko zehapenak likidatzea, bere eskumenen esparruan, baita haien kontra jartzen diren berraztertze-errekurtsoak ebaztea ere.

d) Autolikidazioak, adierazpenak, komunikazioak eta bere eskumeneko beste zerga-idazki batzuk aurkezteko moduak diseinatzeko eta garatzeko ekimena izatea.

e) Atalak emandako egintzen aurka jartzen diren aurkaratzeak eta berraztertze-errekurtsoak tramitatu eta ebaztea.

f) Kontsulta fiskalei alde teknikotik erantzutea eta, bereziki, tributuen arloko kontsultak aztertu eta ebaztea.

g) Bere eskumenekoak diren gaiei buruzko ebazpen judizialak eta erabakiak tramitatzea.

h) Araubide bereziei eta onura fiskalei buruzko espedienteak tramitatzea eta horiek ebazteko proposamenak egitea.

i) Zergapekoen erroldak zaintzea, bere eskumenekoak diren zergetan.

j) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

7. ATALA. ZERGADUNEI LAGUNTZA ETA ARGIBIDEAK EMATEKO ZERBITZUA

48. artikulua . Zergadunei Laguntza eta Argibideak Emateko Zerbitzuaren eremu material eta funtzionala.

Zergadunei Laguntza eta Argibideak Emateko Zerbitzuak eginkizun hauek izanen ditu:

a) Tributuen arloko laguntza eta argibideak emateko jarduketak egitea, aurrez aurre eta beste komunikazio-kanal batzuen bidez. Eginkizun horiek, besteak beste, honako hauek izan daitezke: zerga-betebeharrak betetzen laguntzea, tributuen arloko informazio orokorra zabaltzea edo kontsultei eta informazio-eskaerei erantzutea.

b) Nafarroako Foru Ogasunaren lurralde-bulegoak zuzentzea.

c) Zergadunei laguntza eta argibideak emateko kanpainak planifikatu eta programatzea, bai eta Nafarroako Foru Ogasunari buruzko publizitate-kanpainak ere, pertsona fisikoen errentaren eta ondarearen gaineko zergen kanpainari dagokiona izan ezik.

d) Tributuen arloko Informazio Sistemen Zerbitzuarekin lankidetzan aritzea, Nafarroako Foru Ogasunaren eremuan eraldaketa digitala eta bilakaera teknologikoa sustatzeko. Horretarako, prozedura eta tresna berriak diseinatu eta ezarriko dira, eta daudenak hobetuko dira, zerga-betebeharrak sinplifikatzeko, guztiek betetzea errazteko eta geroko kontrola indartzeko. Halaber, eten digitala txikitzeko ekintzak eginen dira.

e) Kudeaketa eta diru-bilketako organoekin eta Tributuen arloko Informazio Sistemen Zerbitzuarekin lankidetzan aritzea honako hauek aurkezteko moduak diseinatu eta garatzeko: autolikidazioak, tributu-izaerako aitorpen informatiboak, informazio-hornikuntzak, zorren ordainketa, komunikazioak eta tributu-izaerako beste idazki batzuk.

f) Ekimena izatea Nafarroako Foru Ogasunaren webgunean informazioa sartu eta eguneratzeko.

g) Zergapekoek aurkezten ez dituzten aitorpenak oro har erreklamatzea.

h) Egindako errekerimenduei kasurik ez egiteagatik eta bestelako arau-hauste soilengatik ezartzen diren zehapenak likidatzea.

i) Nafarroako Foru Ogasunak ordainarazten dituen tributu-prozeduren ondoriozko egintza administratiboen jakinarazpenak kudeatu eta kontrolatzea.

j) Ekonomia-jardueren gaineko zerga dela-eta Ekonomia eta Ogasun Departamentuari esleitzen zaizkion eginkizunak.

k) Toki-entitateekin lankidetzan aritzea haien tributuak kudeatzeko lanetan eta Foru Komunitatearen tributu-sistema orokorrarekin koordinatzeko lanetan.

l) Datuak lagatzeko eskaerak tramitatzea, datuak bere eremu funtzionalari dagozkionean.

m) Tributuen kontrolerako urteko plana prestatzen eta betearazten parte hartzea, beste zerbitzu batzuekin lankidetzan.

n) Zerbitzuari dagozkion helburuak eta jarduera-adierazleak prestatzea eta emaitzen ebaluazioa egitea, bai eta zerbitzuaren memoria prestatzea ere.

ñ) Indarra duten xedapenek haren gain uzten dituzten gainerako eginkizunak, eta aurrekoekin loturik Nafarroako Foru Ogasuneko zuzendari kudeatzaileak esleitzen dizkionak.

49. artikulua . Zergadunei Laguntza eta Argibideak Emateko Zerbitzuaren egitura.

Zergadunei Laguntza eta Argibideak Emateko Zerbitzuak atal hauek ditu:

a) Zergadunei Arreta Emateko Atala.

b) Laguntza Teknikoaren eta Entitate Laguntzaileen Atala.

c) Errekerimenduen, Jakinarazpenen eta EJZren Atala.

50. artikulua . Zergadunei Arreta Emateko Atalaren eremu material eta funtzionala.

Zergadunei Arreta Emateko Atalak eginkizun hauek izanen ditu:

a) Tributuen arloko laguntza eta argibideak emateko jarduketak egitea, alderdi administratiboei dagokienez, aurrez aurre eta beste komunikazio-kanal batzuen bidez.

b) Nafarroako Gobernuaren erregistro-bulegoei dagozkien eginkizunak betetzea.

c) Nortasuna eta erregistroa egiaztatzea ziurtapen digitaleko zerbitzuei dagokienez, baita identifikazioko, autentifikazioko eta sinadura elektronikoko beste sistema batzuei dagokienez ere, betiere Nafarroako Foru Ogasunak zergadunari harreman elektronikoa ahalbidetzeko onartzen dituen sistemak erabiltzean.

d) Nafarroako Foru Ogasunaren eta Nafarroako Foru Auzitegi Ekonomiko Administratiboaren eremuan borondatezko ordezkaritzaren errolda kudeatzea.

e) Aitorpenak eta autolikidazioak jasotzea eta aurreaitorpenak kudeatzea.

f) Ziurtagiriak ematea eta inprimakiak saltzea eta entregatzea.

g) Identifikazio fiskaleko zenbakia esleitzea, errebokatzea eta birgaitzea.

h) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

51. artikulua . Laguntza Teknikoaren eta Entitate Laguntzaileen Atalaren eremu material eta funtzionala.

Laguntza Teknikoaren eta Entitate Laguntzaileen Atalak eginkizun hauek izanen ditu:

a) Tributuen arloko laguntza eta argibideak emateko jarduketak egitea, alderdi teknikoei dagokienez, aurrez aurre eta beste komunikazio-kanal batzuen bidez.

b) Arreta espezifikoa ematea tributuen arloan kudeaketa-zerbitzuak eman ohi dituzten profesionalei eta entitateei, baldin eta Nafarroako Foru Ogasunarekin kanpoko lankidetzan aritzeko akordioari atxikita badaude.

c) Aholkularitza teknikoa ematea zerbitzua osatzen duten administrazio-unitateei.

d) Nafarroako Foru Ogasuneko zerbitzuetako atalekin koordinatzea, irizpideak bateratzeko eta prozedurak finkatzeko.

e) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

52. artikulua . Errekerimenduen, Jakinarazpenen eta EJZren Atalaren eremu material eta funtzionala.

Errekerimenduen, Jakinarazpenen eta EJZren Atalak eginkizun hauek izanen ditu:

a) Zergapekoek aurkezten ez dituzten aitorpenak oro har erreklamatzea.

b) Egindako errekerimenduei kasurik ez egiteagatik eta bestelako arau-hauste soilengatik ezartzen diren zehapenak likidatzea.

c) Nafarroako Foru Ogasunak ordainarazten dituen tributu-prozeduren ondoriozko egintza administratiboen jakinarazpenak kudeatu eta kontrolatzea.

d) Ekonomia-jardueren gaineko zerga dela-eta Ekonomia eta Ogasun Departamentuari esleitzen zaizkion eginkizunak.

e) Zergapekoen erroldak zaintzea, bere eskumenekoak diren zergetan, eta gainerako zerbitzuekin lankidetzan aritzea arlo horri dagokionez.

f) Toki-entitateekin lankidetzan aritzea haien tributuak kudeatzeko lanetan eta Foru Komunitatearen tributu-sistema orokorrarekin koordinatzeko lanetan.

g) Aurkeztu gabeko aitorpenen erreklamazio orokorrari, tributu-arloko zehapenei eta ekonomia-jardueren gaineko zergari buruzko kontsulta fiskalei erantzutea eta, bereziki, bere eskumenekoak diren tributu-arloko kontsultak tramitatu eta ebaztea.

h) Indarra duten xedapenek haren gain uzten dituzten gainerako eginkizunak, eta aurrekoekin loturik zerbitzuko zuzendariak edo Nafarroako Foru Ogasuneko zuzendari kudeatzaileak esleitzen dizkionak.

8. ATALA. TRIBUTUEN ARLOKO INFORMAZIO SISTEMEN ZERBITZUA

53. artikulua . Tributuen arloko Informazio Sistemen Zerbitzuaren eremu material eta funtzionala.

Tributuen arloko Informazio Sistemen Zerbitzuak eginkizun hauek izanen ditu:

a) Tributuetarako eragina duen informazioa lortu, mantendu, ustiatu eta zabaltzeko modua planifikatzea, koordinatzea eta betearaztea.

b) Tributuak kudeatzeko, ikuskatzeko eta biltzeko eskumena duten zerbitzuekin lankidetzan aritzea, ezarri edo egin beharreko kontrolak diseinatzeko eta ezartzeko autolikidazioak eta aitorpenak berrikusi eta egiaztatzeari dagokionez.

c) Tributuak kudeatzeko eta biltzeko eskumena duten zerbitzuekin lankidetzan aritzea, zergapekoen erroldak arautuko dituzten baldintzak definitzeko.

d) Kudeaketa eta diru-bilketako eskumena duten zerbitzuekin eta Zergadunei Laguntza eta Argibideak Emateko Zerbitzuarekin lankidetzan aritzea honako hauek aurkezteko moduak diseinatu eta garatzeko: autolikidazioak, tributu-izaerako aitorpen informatiboak, informazio-hornikuntzak, zorren ordainketa, komunikazioak eta tributu-izaerako beste idazki batzuk.

e) Proiektuen azterketa funtzionala gainbegiratzea, kudeaketaren jarraipen xehakatua egitea eta funtzionamendu zuzena balioztatzea, egungo aplikazio informatikoen gainean eta ezarpen-fasean abiatu beharreko proiektu berrien gainean, bere ekimenez nahiz erakunde autonomoko beste unitate batzuekin lankidetzan.

f) Nafarroako Foru Ogasunaren estrategia teknologikoa definitzen laguntzea.

g) Nafarroako Foru Ogasunaren arloan eraldaketa digitala eta ekintza administratibo elektronikoa bultzatzea. Horretarako, prozedura eta tresna berriak diseinatu eta ezarriko dira, eta daudenak hobetuko dira, zerga-betebeharrak sinplifikatzeko, guztiek betetzea errazteko eta geroko kontrola indartzeko.

h) Nafarroako Foru Ogasuneko unitateak bultzatzea eta zuzentzea kalitatea etengabe hobetzeko eta kudeatzeko teknikak bereganatzera eta informazioaren eta komunikazioen teknologien erabilera efizientea lortzera, eta erabiltzaileen artean zabalkundea egitea eta aholkularitza ematea aplikazio, prozesu eta tresna informatikoen erabilerari eta eginkizunei buruz.

i) Telekomunikazioetako eta Digitalizazioko Zuzendaritza Nagusiarekin lankidetzan aritzea eta koordinazio-eginkizunak betetzea, Nafarroako Foru Ogasuneko tributu-informazioko sistemak eta aplikazio informatikoen proiektuak planifikatzen, kudeatzen eta horien bideragarritasuna aztertzen, baita informazioaren estandar teknologikoen erabilera hedatzeko eta horien gainean aholkua emateko lanetan ere.

j) Kontrolatzea ezen Nafarroako Foru Ogasunean datuak babesteko xedapenak betetzen direla.

k) Beste administrazio, erakunde eta organismo batzuekin akordioak eta hitzarmenak sustatzea, informazioa trukatu dadin tributuekin zerikusia duten helburuak betetzeko.

l) Nafarroako Foru Ogasunaren artxibo administratibo eta informatikoak kudeatzea.

m) Datuak lagatzeko eskaerak tramitatzea, ez bada eskaera horien tramitazioa berariaz beste zerbitzu batzuei esleituta dagoela.

n) Tributuen kontrolerako urteko plana prestatzen eta betearazten parte hartzea, beste zerbitzu batzuekin lankidetzan.

ñ) Zerbitzuari dagozkion helburuak eta jarduera-adierazleak prestatzea eta emaitzen ebaluazioa egitea, bai eta zerbitzuaren memoria prestatzea ere.

o) Indarra duten xedapenek esleitzen dizkioten eta Nafarroako Foru Ogasuneko kudeaketako zuzendaritzak bere gain uzten dituen gainerako eginkizunak.

54. artikulua . Tributuen arloko Informazio Sistemen Zerbitzuaren egitura.

Tributuen arloko Informazio Sistemen Zerbitzuak atal hauek ditu:

a) Koordinazio Informatikoaren Atala.

b) Informazio Sistemen Analisirako Atala.

c) Identifikazio, Truke eta Eredu Informatiboen Atala.

d) Segurtasunerako eta Prozedurak Hobetzeko Atala.

e) Bilakaera Teknologikoaren Atala.

55. artikulua . Koordinazio Informatikoaren Atalaren eremu material eta funtzionala.

Koordinazio Informatikoaren Atalak eginkizun hauek izanen ditu:

a) Nafarroako Foru Ogasuneko informazio-sistemak koordinatzea.

b) Unitate organiko erabiltzaileei laguntza ematea behar diren analisi funtzionalak egiten.

c) Proiektuen analisi funtzionalak gainbegiratzea eta haien kudeaketaren jarraipen xehatua egitea, aplikazio guztiak kudeaketa-prozesu bakar batean integratzeko.

d) Unitate organiko erabiltzaileekin batera, dauden aplikazio informatikoek eta ezarpen-fasean abiarazi behar diren proiektu berriek behar bezala funtzionatzen dutela baliozkotzea.

e) Telekomunikazioetako eta Digitalizazioko Zuzendaritza Nagusiarekin lankidetzan aritzea eta koordinatzea, Nafarroako Foru Ogasuneko tributu-informazioko sistemak eta aplikazio informatikoen proiektuak planifikatzen, kudeatzen eta horien bideragarritasuna aztertzen, baita informazioaren estandar teknologikoen erabilera hedatzeko eta horien gainean aholkua emateko lanetan ere.

f) Kudeaketako eta diru-bilketako organoekin eta Zergadunei Laguntza eta Argibideak Emateko Zerbitzuarekin lankidetzan aritzea honako hauek aurkezteko moduak diseinatu eta garatzeko: autolikidazioak, tributu-izaerako aitorpen informatiboak, informazio-hornikuntzak, zorren ordainketa, komunikazioak eta tributu-izaerako beste idazki batzuk.

g) Kudeaketa-aplikazioak nola eta zertan erabil daitezkeen zabaltzea erabiltzaileen artean.

h) Aldizkako informatika lanak programatzea eta nola egiten diren kontrolatzea.

i) Elementu informatikoen inbentarioa kudeatzea, beharrak aztertzea eta erosketa berriak proposatzea.

j) Laguntza teknikoa ematea, informazio-sistemako edozein elementuren funtzionamenduan gerta litezkeen arazoak konpontzeko.

56. artikulua . Informazio Sistemen Analisirako Atalaren eremu material eta funtzionala.

Informazio Sistemen Analisirako Atalak eginkizun hauek izanen ditu:

a) Tributuen arloan garrantzia duen informazioa biltzea, tratatzea eta ustiatzea.

b) Tributuak kudeatzeko, ikuskatzeko eta biltzeko eskumena duten zerbitzuekin lankidetzan aritzea, ezarri edo egin beharreko kontrolak diseinatzeko eta ezartzeko autokikidazioak eta aitorpenak berrikusi eta egiaztatzeari dagokionez.

c) Tributuak kudeatzeko eta biltzeko eskumena duten zerbitzuekin lankidetzan aritzea, zergapekoen erroldak arautuko dituzten baldintzak definitzeko.

d) Datu-baseetako informazioaren koherentzia aztertzea.

e) Tributuen arloko aitorpenak egiteko programak diseinatzen eta garatzen parte hartzea, gainerako zerbitzuekin elkarlanean.

57. artikulua . Identifikazio, Truke eta Eredu Informatiboen Atalaren eremu material eta funtzionala.

Identifikazio, Truke eta Eredu Informatiboen Atalak eginkizun hauek izanen ditu:

a) Zergadunen fitxategi nagusia mantentzea.

b) Tributuen arloko informazio guztia eta horrekin lotura duten dokumentuak jaso eta sistemetan kargatzea.

c) Aurkeztutako autolikidazio eta aitorpenekin zerikusia duten pertsonak eta erakundeak identifikatzea eta baliozkotzea.

d) Aitorpen informatiboak kudeatzea eta mantentzea.

e) Informazio-trukeak bultzatzea eta koordinatzea, tributuen arloko helburuak betetze aldera, beste administrazio, erakunde eta organismo batzuekin eta Nafarroako Foru Komunitateko Administrazioko beste organo eta unitate batzuekin.

f) Beste administrazio, erakunde eta organismo batzuekin akordioak eta hitzarmenak sustatzea, informazioa trukatu dadin tributuekin zerikusia duten helburuak betetzeko.

g) Datuak lagatzeko eskaerak tramitatzea, datuak bere eremu funtzionalari dagozkionean.

h) Gainerako unitateek eskatzen duten informazioaz arduratzea.

i) Nafarroako Foru Ogasuneko artxiboa kudeatu eta zaintzea.

j) Indarra duten xedapenek haren gain uzten dituzten gainerako eginkizunak, eta aurrekoekin loturik edo haietan oinarriturik zerbitzuko zuzendariak edo Nafarroako Foru Ogasuneko Kudeaketa-zuzendaritzak agintzen dizkionak.

58. artikulua . Segurtasunerako eta Prozedurak Hobetzeko Atalaren eremu material eta funtzionala.

Segurtasunerako eta Prozedurak Hobetzeko Atalak eginkizun hauek izanen ditu:

a) Nafarroako Foru Ogasunaren eremuan informazioaren segurtasunaz arduratzen den pertsonaren berezko eginkizunak gauzatzea, bat etorriz Nafarroako Foru Komunitateko Administrazioaren eta haren erakunde publikoen datuak babesteko eta informazioaren segurtasunerako politikarekin.

b) Irizpideak prestatzea eta zabaltzea datuak lagatzeko arloan.

c) Datuak lagatzeko eskaerak tramitatzea, datuak bere eremu funtzionalari dagozkionean.

d) Nafarroako Foru Ogasuneko unitateei laguntza ematea kalitatea etengabe hobetzeko eta kudeatzeko teknikak txertatzen eta informazioaren eta komunikazioen teknologiak modu efizientean erabiltzen.

e) Indarra duten xedapenek haren gain uzten dituzten gainerako eginkizunak, eta aurrekoekin loturik edo haietan oinarriturik zerbitzuko zuzendariak edo Nafarroako Foru Ogasuneko Kudeaketa-zuzendaritzak agintzen dizkionak.

59. artikulua . Bilakaera Teknologikoaren Atalaren eremu material eta funtzionala.

Bilakaera Teknologikoaren Atalak eginkizun hauek izanen ditu:

a) Nafarroako Foru Ogasunaren estrategia teknologikoa definitzen laguntzea.

b) Nafarroako Foru Ogasunaren arloan eraldaketa digitala eta bilakaera teknologikoa bultzatzea. Horretarako, prozedura eta tresna berriak diseinatu eta ezarriko dira, eta daudenak hobetuko dira, zerga-betebeharrak sinplifikatzeko, guztiek betetzea errazteko eta geroko kontrola indartzeko.

c) Irizpide batzuk zehaztea, tributuen kudeaketa hobetzen dutelako interes berezia duten proiektu informatikoak hautatu eta sustatu daitezen, eta horien gaineko dokumentazioa egitea.

d) Sortzen ari diren teknologia eta zerbitzuak identifikatzea eta baliozkotzea, tributuen arloan aplikatu ahal izateko.

9. ATALA. ARAUEN GARAPEN ETA AHOLKULARITZA JURIDIKORAKO ZERBITZUA

60. artikulua . Arauen Garapen eta Aholkularitza Juridikorako Zerbitzuaren eremu material eta funtzionala.

Arauen Garapen eta Aholkularitza Juridikorako Zerbitzuak eginkizun hauek izanen ditu:

a) Tributuen arloko xedapenetarako proiektu eta aurreproiektuak prestatzea.

b) Nafarroako tributuen arloko arau-proiektuen tramitazioa eta jarraipena egitea, erabat aldarrikatu eta argitaratu arte.

c) Erakunde autonomoarentzat interesgarriak diren araudi, epai, ebazpen, kontsulta eta argitalpenak bildu, sistematizatu eta zabaltzea.

d) Hitzarmen Ekonomikoaren aplikazioaren jarraipena eta azterketa egitea, tributuen arloari dagokionez.

e) Hitzarmen Ekonomikoan ezartzen den Arbitraje Batzordearen mende dauden aferak aztertzea eta tramitatzea.

f) Europar Batasuneko araudia eta jurisprudentzia aztertzea eta haien jarraipena egitea, bai eta Nafarroako tributu-arloko araudian dituzten ondorioak ebaluatzea ere.

g) Erakunde autonomoko organo eta unitateei aholkularitza juridikoa ematea tributuen arloan, eta haiekin lankidetzan aritzea tributuen arloko kontsulten azterketan eta ebazpenean.

h) Tributuen arloko kontu juridikoak interpretatzeko proposamenak prestatzea eta horietan parte hartzea.

i) Beste erakunde eta organismo batzuekin tributuen arloan egiten diren akordioak eta hitzarmenak tramitatzea eta barne-hedapenerako eta administrazio-erregistroko gainerako jarduerak egitea.

j) Nafarroako Parlamentuak, Kontuen Ganberak edo Arartekoak egindako eskaera eta kontsultei eman beharreko erantzunak prestatu eta tramitatzea, gainerako zerbitzuekin koordinatuta.

k) Erakunde autonomoko prestakuntza-plana egin eta ezartzea.

l) Nafarroako Zerga arloko Heziketa Plana prestatu eta haren jarraipena egitea, gainerako zerbitzuekin lankidetzan.

m) Tributuen kontrolerako urteko plana prestatzen eta betearazten parte hartzea, beste zerbitzu batzuekin lankidetzan.

n) Zerbitzuari dagozkion helburuak eta jarduera-adierazleak prestatzea eta emaitzen ebaluazioa egitea, bai eta zerbitzuaren memoria prestatzea ere.

ñ) Indarra duten xedapenek esleitzen dizkioten eta Nafarroako Foru Ogasuneko zuzendari kudeatzaileak haren gain uzten dituen gainerako eginkizunak.

61. artikulua . Arauen Garapen eta Aholkularitza Juridikorako Zerbitzuaren egitura.

Arauen Garapen eta Aholkularitza Juridikorako Zerbitzuak atal hauek ditu:

a) Tributu Sistema Garatzeko Atala.

b) Tributuen arloko Aholkularitza eta Zabalkunderako Atala.

62. artikulua . Tributu Sistema Garatzeko Atalaren eremu material eta funtzionala.

Tributu Sistema Garatzeko Atalak eginkizun hauek izanen ditu:

a) Tributuen arloko xedapenen aurreproiektuak eta proiektuak prestatzeko lanetan parte hartzea, beharrezkoak diren txostenak eta proposamenak eginez.

b) Tributuen arloko aitorpen- eta autolikidazio-ereduetarako arauak egin eta proposatzea.

c) Nafarroako tributuen araudirako proiektuak tramitatzea eta haien jarraipena egitea, aldarrikatu eta argitaratu arte.

d) Estatuko eta autonomia-erkidegoetako araudia eta jurisprudentzia aztertzea eta haien jarraipena egitea, bai eta Nafarroako tributu-arloko araudian dituzten ondorioak ebaluatzea ere.

e) Europar Batasuneko araudia eta jurisprudentzia aztertzea eta haien jarraipena egitea, bai eta Nafarroako tributu-arloko araudian dituzten ondorioak ebaluatzea ere.

f) Fundazioen eta irabazi-asmorik gabeko bestelako entitateen zerga-araubide berezia aplikatzeko aukera jakinarazten duten entitateen errolda kudeatzea.

g) Toki entitateei konpentsazio ekonomikoa emateko proposamenak prestatzea, baldin eta toki-tributuetan hobari fiskalak aplikatu badizkiete fundazioei eta irabazi-asmorik gabeko gainerako entitateei.

h) Nafarroako Kooperatiben Kontseiluan parte hartzea.

i) Erakunde autonomoko organo eta unitateei aholkularitza juridikoa ematea tributuen arloan, eta haiekin lankidetzan aritzea tributuen arloko kontsulten azterketan eta ebazpenean.

63. artikulua . Tributuen arloko Aholkularitza eta Zabalkunderako Atalaren eremu material eta funtzionala.

Tributuen arloko Aholkularitza eta Zabalkunderako Atalak eginkizun hauek izanen ditu:

a) Erakunde autonomoko organo eta unitateei aholkularitza juridikoa ematea tributuen arloan, eta haiekin lankidetzan aritzea tributuen arloko kontsulten azterketan eta ebazpenean.

b) Arauen interpretaziotik sortzen diren irizpideak aztertu eta proposatzea, erakunde autonomoaren gainerako zerbitzuekin koordinaturik.

c) Erakunde autonomoarentzat interesgarria den araudia eguneratu eta hedatzea.

d) Erakunde autonomoarentzat interesgarriak diren epai, ebazpen, kontsulta eta argitalpenak bildu, sistematizatu eta zabaltzea.

e) Hitzarmen Ekonomikoaren aplikazioaren jarraipena eta azterketa egitea, tributuen arloari dagokionez.

f) Hitzarmen Ekonomikoan ezartzen den Arbitraje Batzordearen mende dauden aferak aztertzea eta tramitatzea.

g) Beste erakunde eta organismo batzuekin tributuen arloan egiten diren akordioak eta hitzarmenak tramitatzea eta barne-hedapenerako eta administrazio-erregistroko gainerako jarduerak egitea.

h) Erakunde autonomoko prestakuntza plana egin eta ezartzea, gainerako zerbitzuekin koordinatuta.

i) Nafarroako Zerga arloko Heziketa Plana prestatzea eta haren jarraipena egitea.

j) Nafarroako Foru Ogasunaren liburutegia kudeatu eta mantentzea.

III. TITULUA. ONDAREA, LANGILEAK ETA ARAUBIDE JURIDIKOA

I. KAPITULUA. ONDAREA, BALIABIDEAK, AURREKONTUA ETA KONTROLA

64. artikulua . Ondarea.

Nafarroako Foru Ogasunaren ondarea mota guztietako ondasunek eta eskubideek osatzen dute, Nafarroako Foru Komunitatearen ondarekoak badira eta erakunde autonomoari atxikitakoak badira horrek bere helburuak bete ditzan, ondare horretako ondasunak izateagatik dagokien jatorrizko kalifikazio juridikoari eusten diotela; hori guztia, indarreko araudian ezarritako irismenarekin.

65. artikulua . Baliabide ekonomikoak.

Honako baliabide hauek osatuko dute Nafarroako Foru Ogasuna:

a) Eskura jartzen zaizkion ondasun eta eskubideak.

b) Ondasun eta eskubide horien produktu eta errentak.

c) Jasotzeko baimenduta dituen diru-sarrera arruntak eta apartekoak, horiek arautzen dituzten xedapenen arabera.

d) Transferentziak, arruntak edo kapitalekoak, Nafarroako Foru Komunitateko aurrekontu orokorretan esleiturik dituenak.

e) Administrazioetatik edo erakunde publikoetatik jasotzen dituen dirulaguntzak, arruntak edo kapitalekoak.

f) Dohaintzak, legatuak eta entitate pribatuen nahiz partikularren bestelako ekarpenak.

g) Esleitzen zaion beste edozein baliabide.

66. artikulua . Aurrekontuen araubidea.

1. Nafarroako Foru Ogasunaren aurrekontuaren kudeaketa urteko aurrekontu integratuaren araubidearen mende dago, Ekonomia eta Ogasun Departamentuarenarekin batera, Nafarroako Aurrekontu Orokorretan.

2. Nafarroako Foru Ogasunaren aurrekontuaren egitura, egiteko prozedura, exekuzioa eta likidazioa Nafarroako Aurrekontu Orokorretarako ezarritako arau eta erregeletan ezarritakoaren arabera arautuko dira.

67. artikulua . Kontuhartzearen araubidea.

Nafarroako Foru Ogasuneko kudeaketa ekonomikoa -hots, eduki ekonomikoko betebehar eta eskubideak sortzen dituzten egintza, agiri eta espedienteak- Nafarroako Foru Komunitateko Administrazioarentzat ezarritako modu eta baldintza berberetan eramanen da kontu-hartzailetzari eta kontabilitateari dagokienez.

68. artikulua . Kontabilitatearaubidea.

1. Nafarroako Foru Ogasuna kontabilitate publikoaren araubidearen mende geratuko da, Foru Komunitateko Administrazioaren baldintza berberetan.

2. Kontuak ematea Nafarroako Kontu Orokorretarako aurreikusitakoaren arabera formalizatu, tramitatu eta ebatziko da.

II. KAPITULUA. LANGILEAK

69. artikulua . Nafarroako Foru Ogasuneko langileak.

1. Honako hauek dira Nafarroako Foru Ogasuneko langileak:

a) Nafarroako Gobernuak hautaturik, izendapen libreko zuzendaritza karguetan aritzen direnak.

b) Nafarroako Foru Ogasunari eta hura osatzen duten unitate organikoei atxikita dauden edo atxikiko zaizkion funtzionarioak, administrazio-kontratudunak eta langile lan-kontratudunak.

2. Nafarroako Foru Ogasuneko langileen hautaketa kudeatuko da langileen arloko eskudantziei buruzko berariazko foru dekretu batean ezartzen denarekin bat.

3. Funtzio publikoaren arloan eskumenak dituen departamentuak giza baliabideen gainean ezarritako jarraibideak aplikatuko ditu Nafarroako Foru Ogasunak.

70. artikulua . Zuzendaritzako langileen ordainsariak.

Zuzendaritzako langileen ordainsariak Nafarroako Aurrekontu Orokorrei buruzko foru legeetan agertu beharko dira, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 52. artikuluan ezarritakoaren arabera.

71. artikulua . Ataletatik beherako administraziounitateak.

Bulegoak edo ataletatik beherako beste administrazio-unitate batzuk sortu, aldatu edo kentzea Ekonomia eta Ogasuneko kontseilariaren foru agindu baten bidez eginen da, Nafarroako Foru Ogasuneko zuzendari kudeatzaileak proposaturik, funtzio publikoaren, antolaketa administratiboaren eta aurrekontuen arloetan eskumena duten departamentuek txostena eman ondoren.

Sortzen diren administrazio-unitateek izanen dituzte bulegoek dituzten lansari osagarriak eta maila berbera.

72. artikulua . Langileriaren arloko eskudantziak.

Zuzendari kudeatzaileari, zerbitzu, atal eta bulegoen titularrei edo ataletik beherako unitateen titularrei dagozkien eginkizunak deusetan ukatu gabe, eskudantzia hauek izanen dituzte beren ardurapean dauden langileen arloan:

a) Absentismoa kontrolatzea eta ordutegien, dedikazioaren eta errendimenduaren inguruko beharkizunak betearaztea.

b) Unitateari atxikitako langileen baimen, lizentzia, opor eta joan-etorriak onartzea.

c) Langileen komunikazioa eta partaidetza erraztu eta bultzatzea eta lan giro ona, errendimendua eta produktibitatea sustatzea.

d) Nork bere unitateari atxikita dauzkan langileen jarduerak, lanak eta eginkizunak zuzendu eta koordinatzea.

III. KAPITULUA. ARAUBIDE JURIDIKOA

73. artikulua . Administrazioegintzen araubide juridikoa.

1. Nafarroako Foru Ogasunaren administrazio-egintzen araubide juridikoa da Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen III. tituluko II. kapituluan erakunde autonomoentzat eskuarki ezarritakoa, deusetan ukatu gabe foru lege hartako bigarren xedapen gehigarrian xedatzen dena tributu-arloko prozedura administratiboei dagokienez eta zehapen-araubideari dagokionez.

2. Langileei, kontratazioari eta aurrekontuei buruzko administrazio-egintzei dagokienez, Foru Komunitateko Administrazioaren araudi berariazkoari jarraituko zaio.

74. artikulua . Ebazteko ahalmena.

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 49.1.c) artikuluan xedatuarekin bat, ebazteko gaitasuna izanen dute, Nafarroako Foru Ogasuna erakunde autonomoko zuzendari kudeatzaileak eta erakundea osatzen duten zerbitzuek ez ezik, honako hauek ere, nork bere eskumenen eremuan: Zerga Kudeaketa Zerbitzuko atalek, Pertsona Fisikoen Errentaren eta Ondarearen gaineko Zergak Kudeatzeko Zerbitzuko atalek, Tributu Ikuskapenerako Zerbitzuko atalek, Diru-bilketa Zerbitzuko atalek, Oinordetzen eta Dohaintzen, Ondare Eskualdaketen eta Egintza Juridiko Dokumentatuen gaineko Zergen Atalak (Lur-ondasunen eta Ondarearen gaineko Tributuen Zerbitzua), eta Errekerimenduen, Jakinarazpenen eta EJZren Atalak (Zergadunei Laguntza eta Argibideak Emateko Zerbitzua).

75. artikulua . Errekurtsoak eta erreklamazioak.

1. Nafarroako Foru Ogasuneko organoek tributuen arloan ematen dituzten egintza eta ebazpen administratiboak aurkaratzen ahalko dira Tributuei buruzko abenduaren 14ko 13/2000 Foru Legean eta hori garatzen duten xedapenetan ezarritakoaren arabera.

2. Aurreko 1. zenbakian jaso ez diren administrazio-egintza eta ebazpenak aurkaratzen ahalko dira Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 57. artikuluan ezarritakoaren arabera.

76. artikulua . Defentsa juridikoa.

Botere Judizialari buruzko uztailaren 1eko 6/1985 Lege Organikoaren 551.3 artikuluan xedatuari jarraikiz, Nafarroako Foru Ogasunaren ordezkaritza eta defentsa epaiketetan Nafarroako Gobernuko Aholkularitza Juridikoan aritzen diren legelariei dagokie, salbu eta elkargoko abokatu bat izendatzen bada ordezkatu eta defendatzeko.

Halaber, Nafarroako Gobernuaren Aholkularitza Juridikoak aholku juridikoa ematen ahalko dio Nafarroako Foru Ogasunari. Hori guztia Aholkularitza Juridikoa arautzen duen urtarrilaren 5eko 4/1984 Foru Dekretuan ezarritako moduan.

Contacte con nosotros | Accesibilidad | Aviso legal | Mapa web