LEXNAVARRA
166/2015 FORU AGINDUA, EKAINAREN 10EKOA, EKONOMIA, OGASUN, INDUSTRIA ETA ENPLEGUKO KONTSEILARIAK EMANA, “KOSTU BIDEZKO ONDARE ESKUALDAKETAK. PARTIKULARREI EROSITAKO ONDASUN HIGIGARRIAK” IZENEKO 797 ORDAINKETA-GUTUNAREN EREDUA ONETSI ETA HONAKO HAUEK ALDATZEN DITUENA: EKONOMIA, OGASUN, INDUSTRIA ETA ENPLEGUKO KONTSEILARIAREN AZAROAREN 28KO 461/2014 FORU AGINDUA, “KOSTU BIDEZKO ONDARE ESKUALDAKETEN GAINEKO ZERGA. PARTIKULARREI EROSITAKO ONDASUN HIGIGARRIAK” IZENEKO 601 EREDUA ONESTEN DUENA; EKONOMIA ETA OGASUNEKO KONTSEILARIAREN URTARRILAREN 24KO 1/2011 FORU AGINDUA, ONDARE ESKUALDAKETEN ETA EGINTZA JURIDIKO DOKUMENTATUEN GAINEKO ZERGAREN AUTOLIKIDAZIOKO 620 EREDUA, ZENBAIT GARRAIOBIDE ERABILIEN ESKUALDAKETARENA, ONESTEN DUENA, BAITA 743 ETA 789 ORDAINKETA-GUTUNAK ERE, J-50 ETA 630 EREDUEI DAGOZKIENAK; ETA EKONOMIA ETA OGASUNEKO KONTSEILARIAREN URTARRILAREN 24KO 2/2011 FORU AGINDUA, ONDARE ESKUALDAKETEN ETA EGINTZA JURIDIKO DOKUMENTATUEN GAINEKO ZERGAREN AUTOLIKIDAZIOKO 600 ETA 605 EREDUAK ONESTEN DITUENA, KOSTU BIDEZKO ONDARE ESKUALDAKETEN ETA SOZIETATE-ERAGIKETEN MODALITATEARENA ETA EGINTZA JURIDIKO DOKUMENTATUEN MODALITATEARENA, HURRENEZ HURREN
BON N.º 122 - 25/06/2015
- Atariko
- 1. artikulua. 797 ordainketagutunaren eredua onestea.
- 2. artikulua. Foru agindu hauek aldatzen dira: Ekonomia, Ogasun, Industria eta Enpleguko kontseilariaren azaroaren 28ko 461/2014 Foru Agindua, “Kostu bidezko ondare eskualdaketen gaineko zerga. Partikularrei erositako ondasun higigarriak” izeneko 601 eredua onesten duena; Ekonomia eta Ogasuneko kontseilariaren urtarrilaren 24ko 1/2011 Foru Agindua, ondare eskualdaketen eta egintza juridiko dokumentatuen gaineko zergaren autolikidazioko 620 eredua, zenbait garraiobide erabilien eskualdaketarena, onesten duena, baita 743 eta 789 ordainketagutunak ere, J50 eta 630 ereduei dagozkienak; eta Ekonomia eta Ogasuneko kontseilariaren urtarrilaren 24ko 2/2011 Foru Agindua, ondare eskualdaketen eta egintza juridiko dokumentatuen gaineko zergaren autolikidazioko 600 eta 605 ereduak onesten dituena, kostu bidezko ondare eskualdaketen eta sozietateeragiketen modalitatearena eta egintza juridiko dokumentatuen modalitatearena, hurrenez hurren.
- Azken Xedapen Bakarra. Indarra hartzea.
ERANSKINA
Ekonomia, Ogasun, Industria eta Enpleguko kontseilariaren azaroaren 28ko 461/2014 Foru Aginduaren bidez, “Kostu bidezko ondare eskualdaketen gaineko zerga. Partikularrei erositako ondasun higigarriak” izeneko 601 eredua onetsi zen, kostu bidezko ondare eskualdaketak direla-eta ondare eskualdaketen gaineko zergaren autolikidazioa egitera behartuta dauden subjektu pasiboek modua izan dezaten hura egiteko, zergaduna enpresaburu edo profesional bat denean eta eskualdaketaren xedea partikularrei erositako ondasun higigarriak direnean haiek berriz saltzeko, salbu balore higigarriak eta txatar bihurtzeko ez diren garraiobide erabiliak.
Arau honek ezartzen du 601 eredu horren autolikidazioa, likidazio aldian egindako eskurapen guztiak erantsita biltzen baititu, nahitaez aurkeztu behar dela bide telematikoan, Internet bitartez, hiruhileko bakoitzaren ondoko lehen hogei egun naturalean, salbu bigarren eta laugarren hiruhilekoei dagozkien aitorpenen kasuan, horien epeak abuztuaren 5ean eta urtarrilaren 31n bukatzen baitira, hurrenez hurren.
Orobat, adierazten du subjektu pasiboak, aurreko atalean aipatzen den epearen barrenean, behartuta daudela autolikidaziotik ateratako zerga-zorra Nafarroako Ogasun Publikoaren laguntzaile den edozein finantza entitatetan ordaintzera. 601 ereduari dagokion diru-sarrera egiteko, “770 ordainketa-gutuna” erabiliko dute. Gainera, ordaintzeko onartuta dagoen beste edozein bide erabiliz ere egin dezakete diru-sarrera.
Hiru hilean behin 601 eredua aurkeztuz egindako ordainketak eta ondare eskualdaketen eta egintza juridiko dokumentatuen gaineko zergako kostu bidezko ondare eskualdaketen modalitateko gainerako ordainketak bereiztearren, komenigarritzat jo da “797 ordainketa-gutuna” izeneko eredua onestea.
Ondare eskualdaketen eta egintza juridiko dokumentatuen gaineko zergaren erregelamenduko 94. artikuluaren arabera, subjektu pasiboek, zergaren aitorpena aurkezteko orduan, dagokien zerga-zorra zehaztu beharko dute, eta diru-sarrera egin, aipatu erregelamenduan zehazten diren tokian, moduan, eta epeetan.
Horren beraren bigarren azken xedapenak Ekonomia, Ogasun, Industria eta Enplegu Departamentuaren titularra baimentzen du hura garatzeko beharrezkoak diren xedapen guztiak eman ditzan.
Horrenbestez, AGINDU DUT:
1. artikulua . 797 ordainketagutunaren eredua onestea.
“Kostu bidezko ondare eskualdaketak. Partikularrei erositako ondasun higigarriak” izeneko 797 ordainketa-gutunaren eredua, foru agindu honen eranskinean ageri dena, onesten da.
601 ereduko autolikidazioari dagozkion ordainketak egiteko erabiliko da ordainketa-gutun hori.
2. artikulua . Foru agindu hauek aldatzen dira: Ekonomia, Ogasun, Industria eta Enpleguko kontseilariaren azaroaren 28ko 461/2014 Foru Agindua, “Kostu bidezko ondare eskualdaketen gaineko zerga. Partikularrei erositako ondasun higigarriak” izeneko 601 eredua onesten duena; Ekonomia eta Ogasuneko kontseilariaren urtarrilaren 24ko 1/2011 Foru Agindua, ondare eskualdaketen eta egintza juridiko dokumentatuen gaineko zergaren autolikidazioko 620 eredua, zenbait garraiobide erabilien eskualdaketarena, onesten duena, baita 743 eta 789 ordainketagutunak ere, J50 eta 630 ereduei dagozkienak; eta Ekonomia eta Ogasuneko kontseilariaren urtarrilaren 24ko 2/2011 Foru Agindua, ondare eskualdaketen eta egintza juridiko dokumentatuen gaineko zergaren autolikidazioko 600 eta 605 ereduak onesten dituena, kostu bidezko ondare eskualdaketen eta sozietateeragiketen modalitatearena eta egintza juridiko dokumentatuen modalitatearena, hurrenez hurren.
Azaroaren 28ko 461/2014 Foru Aginduaren 3.2. artikuluak testu hau izanen du:
“2. Subjektu pasiboak, aurreko atalean aipatzen den epearen barrenean, behartuta egonen dira autolikidaziotik ateratako zerga-zorra ordaintzera. 601 ereduari dagokion diru-sarrera egiteko, “797 ordainketa gutuna” erabiliko dute. Gainera, ordaintzeko onartuta dagoen beste edozein bide erabiliz ere egin dezakete diru-sarrera.”
Azken Xedapen Bakarra. Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
ERANSKINA
797 ORDAINKETA-GUTUNAREN EREDUA (PDF).
Iragarkiaren kodea: F1508945
