LEXNAVARRA
209/2015 FORU AGINDUA, MAIATZAREN 20KOA, LANDA GARAPENEKO, INGURUMENEKO ETA TOKI ADMINISTRAZIOKO KONTSEILARIAK EMANA, ARAUBIDE OROKORRA EZARTZEN DUENA NEKAZARITZA, INGURUMEN ETA KLIMAREN LAGUNTZAK (10. NEURRIA) ETA NEKAZARITZA EKOLOGIKOARENA (11. NEURRIA) EMAN, KUDEATU ETA KONTROLATZEKO NAFARROAKO FORU KOMUNITATEAN. LAGUNTZA HORIEK NAFARROAKO FORU KOMUNITATEKO LANDA GARAPENERAKO 2014-2020 PROGRAMAREN BARNEAN DAUDE
BON N.º 106 - 03/06/2015
I. TITULUA. ALDERDI OROKORRAK
- 1. artikulua. Helburua.
- 2. artikulua. Jarduketa eremua.
- 3. artikulua. Arau esparrua eta laguntzen identifikazioa.
- 4. artikulua. Nafarroako Landa Garapenerako 20142020 Programaren aipamena.
- 5. artikulua. Definizioak.
- 6. artikulua. Konpromisoak zabaltzea.
- 7. artikulua. Konpromisoak eskualdatzea.
- 8. artikulua. Konpromisoak betetzeko salbuespeneko zailtasunak edo ez betetzeko ezinbesteko arrazoiak.
II. TITULUA. 10. NEURRIA.NEKAZARITZA, INGURUMENA ETA KLIMA
I. KAPITULUA. SUSTAPENA HAZITARAKO PATATAREN LABORANTZA INTEGRATURAKO
- 9. artikulua. Laguntzaren deskripzioa.
- 10. artikulua. Laguntza mota.
- 11. artikulua. Onargarritasun baldintzak.
- 12. artikulua. Konpromisoak.
- 13. artikulua. Araubidean sartzea.
- 14. artikulua. Laguntzaren zenbatekoa.
- 15. artikulua. Urteroko ordainketen eskariak.
- 16. artikulua. Bateraezintasunak eta hautaketa irizpideak.
- 17. artikulua. Ezbetetzeen mailaketak.
II. KAPITULUA. ABELTZAINTZAKO SISTEMA JASANGARRIAK, ANIMALIAK LARRATUZ ETA SISTEMA ESTENTSIBOA ZABALDUZ
- 18. artikulua. Laguntzaren deskripzioa.
- 19. artikulua. Laguntza mota.
- 20. artikulua. Onargarritasun baldintzak.
- 21. artikulua. Konpromisoak.
- 22. artikulua. Araubidean sartzea eta laguntzaren zenbatekoa.
- 23. artikulua. Ordaintzeko eskaerak eta urteroko ordainketak.
- 24. artikulua. Bateraezintasunak eta hautaketa irizpideak.
- 25. artikulua. Ezbetetzeen mailaketak.
III. KAPITULUA. NEKAZARITZAKO ESTEPA HABITATAK HOBETZEA
- 26. artikulua. Laguntzaren deskripzioa.
- 27. artikulua. Laguntza mota.
- 28. artikulua. Onargarritasun baldintzak.
- 29. artikulua. Konpromisoak.
- 30. artikulua. Araubidean sartzea eta laguntzaren zenbatekoa.
- 31. artikulua. Ordaintzeko eskaerak eta urteroko ordainketak.
- 32. artikulua. Bateraezintasunak eta hautaketa irizpideak.
- 33. artikulua. Ezbetetzeen mailaketak.
IV. KAPITULUA. NEKAZARITZAKO SISTEMA MEDITERRANEO JASANGARRIAK ZAINTZEA
- 34. artikulua. Laguntzaren deskripzioa.
- 35. artikulua. Laguntza mota.
- 36. artikulua. Onargarritasun baldintzak.
- 37. artikulua. Konpromisoak.
- 38. artikulua. Araubidean sartzea eta laguntzaren zenbatekoa.
- 39. artikulua. Ordaintzeko eskaerak eta urteroko ordainketak.
- 40. artikulua. Bateraezintasunak eta hautaketa irizpideak.
- 41. artikulua. Ezbetetzeen mailaketak.
V. KAPITULUA. GALZORIAN DAUDEN TOKIKO ARRAZAK KONTSERBATU ETA SUSTATZEA
- 42. artikulua. Laguntzaren deskripzioa.
- 43. artikulua. Laguntza mota.
- 44. artikulua. Onargarritasun baldintzak.
- 45. artikulua. Konpromisoak.
- 46. artikulua. Laguntzaren zenbatekoa.
- 47. artikulua. Ordaintzeko eskaerak eta urteroko ordainketak.
- 48. artikulua. Bateraezintasunak eta hautaketa irizpideak.
- 49. artikulua. Ezbetetzeen mailaketak.
III. TITULUA. 11. NEURRIA.NEKAZARITZA EKOLOGIKOA
- 50. artikulua. Laguntzaren deskripzioa.
- 51. artikulua. Laguntza mota.
- 52. artikulua. Onargarritasun baldintzak.
- 53. artikulua. Konpromisoak.
- 54. artikulua. Araubidean sartzea eta laguntzaren zenbatekoa.
- 55. artikulua. Ordaintzeko eskaerak eta urteroko ordainketak.
- 56. artikulua. Bateraezintasunak eta hautaketa irizpideak.
- 57. artikulua. Ezbetetzeen mailaketak.
IV. TITULUA. XEDAPEN KOMUNAK
- 58. artikulua. Ebaluazioa, jarraipena eta kontrola.
- 59. artikulua. Deialdiaren antolamendua, instrukzioa eta ebazpena.
- 60. artikulua. Laguntzak ukatzea eta zehapenak.
- 61. artikulua. Oker jasotako ordainketen itzulketa.
- 62. artikulua. Laguntzen publizitatea.
- Xedapen Indargabetzaile Bakarra. Arauak indargabetzea.
- Azken Xedapen Bakarra. Indarra hartzea.
I. ERANSKINA. ERREGIONALIZAZIO INDIZEAK
OINARRIZKO LERROKO BALDINTZAK
Europako Parlamentuak eta Kontseiluak Landa Garapenerako Europako Nekazaritza Funtsaren (LGENF) bidez landa garapena laguntzeari buruz 2013ko abenduaren 17an onetsitako 1305/2013 (EB) Erregelamenduak zenbait neurri ezartzen ditu landa eremuen garapen jasangarrirako, besteak beste nekazaritza ekologikoaren laguntzak, nekazaritza, ingurumen eta klimaren laguntzak eta Natura 2000 Sarearen eta Urari buruzko Esparru Zuzentarauaren babespeko laguntzak.
Batzordearen 2014ko martxoaren 11ko 807/2014 (EB) Erregelamendu Delegatuak osatzen du Europako Parlamentuaren eta Kontseiluaren 1305/2013 (EB) Erregelamendua.
Batzordearen 2014ko uztailaren 17ko 808/2014 (EB) Exekuzio Erregelamenduak xedapenak ezartzen ditu Europako Parlamentuaren eta Kontseiluaren 1305/2013 (EB) Erregelamendua aplikatzeko.
Europako Parlamentuaren eta Kontseiluaren 2013ko abenduaren 17ko 1306/2013 (EB) Erregelamenduak, nekazaritzako politika bateratuaren finantzaketari, kudeaketari eta jarraipenari buruzkoak, Kontseiluaren 352/78 (EE), 165/94 (EE), 2799/98 (EE), 814/2000 (EE), 1290/2005 (EE) eta 485/2008 (EE) Erregelamenduak indargabetzen ditu.
Batzordearen 2014ko martxoaren 11ko 640/2014 (EB) Erregelamendu Delegatuak Europako Parlamentuaren eta Kontseiluaren 1306/2013 (EB) Erregelamendua osatzen du kudeaketaren eta kontrolaren sistema integratuari dagokionez, ordainketak ukatu edo kentzeko baldintzei dagokienez eta ordainketa zuzenei, landa garapeneko laguntzari eta baldintzazkotasunari aplika dakizkiekeen zehapen administratiboei dagokienez.
Batzordearen 2014ko uztailaren 17ko 809/2014 (EB) Exekuzio Erregelamenduak xedapenak ezartzen ditu Europako Parlamentuaren eta Kontseiluaren 1306/2013 (EB) Erregelamendua aplikatzeko, kudeaketaren eta kontrolaren sistema integratuari, landa garapeneko neurriei eta baldintzazkotasunari dagokienez.
Abenduaren 19ko 1075/2014 Errege Dekretuak erregulatzen ditu nekazaritzari eta abeltzaintzari 2015etik aurrera egiten zaizkien ordainketa zuzenak eta laguntzeko beste araubide batzuk, baita ordainketa zuzenen eta landa garapenerako ordainketen kudeaketa eta kontrola ere.
Abenduaren 26ko 2129/2008 Errege Dekretuak abere arrazak zaindu, hobetu eta sustatzeko programa nazionala ezarri ditu eta arrazen katalogo nazionala arautu.
2014-2020ko landa garapenerako esparru nazionalaren agiriak estatuko eta erregioetako programen estrategiak garatzen ditu, koadro finantzarioa bildu eta landa garapenerako neurriak aplikatzeko baldintzak harmonizatu.
Foru agindu honi Diru-laguntzei buruzko azaroaren 9ko 11/2005 Foru Legea aplikatuko zaio.
Nafarroako Landa Garapenerako 2014-2020 Programak ondoko laguntzak biltzen dituzten neurriak hartzen ditu:
10. neurria.-Nekazaritza, ingurumena eta klima:
1. Hazitarako patataren produkzio integraturako laguntza.
2. Abeltzaintzako sistema jasangarriak, animaliak larratuz eta sistema estentsiboa zabalduz.
3. Nekazaritzako estepa habitatak hobetzea.
4. Nekazaritzako sistema mediterraneo jasangarriak zaintzea.
5. Galzorian dauden tokiko arrazak kontserbatu eta hobetzea.
11. neurria.-Produkzio ekologikoa.
1. Nekazaritza ekologikoaren metodo eta jarduketetara aldatzea.
2. Nekazaritza ekologikoaren metodo eta jarduketak mantentzea.
Foru agindu honen helburua da laguntza horiek eman, kudeatu eta kontrolatzeko araubide orokorra ezartzea.
Urtarrilaren 23ko 7/2013 Foru Dekretuan, Nekazaritza Bermatzeko Europako Funtsak (NBEUF) eta Nekazaritza Aldeen Garapenerako Nekazaritzaren Europako Funtsak (LGENF) finantzatutako gastuak ordaintzen dituen erakundea Nafarroako Foru Komunitatean baimendu, eta haren antolamendua eta funtzionamendua ezarri ziren. Foru dekretu horren azken xedapenetako bigarrenak ahalmena eman zion Landa Garapeneko, Ingurumeneko eta Toki Administrazioko kontseilariari, bere eskumenen barruan, behar diren xedapen guztiak emateko foru dekretua garatu eta betearazteko; bereziki, nekazaritzarako Europako funtsekin osorik edo hein batean finantzatzen diren diru-laguntzei buruzko arauak ezartzeko.
Azaldutakoarekin bat, eta Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1.g) artikuluak ematen dizkidan eskudantziak erabiliz, AGINDU DUT:
I. TITULUA. ALDERDI OROKORRAK
Foru agindu honen helburua da araubide orokorra ezartzea Nafarroako Foru Komunitateko Landa Garapenerako 2014-2020 Programaren barnean dauden ondoko neurri hauei dagozkien laguntzak eman, kudeatu eta kontrolatzeko Nafarroako Foru Komunitatean:
- 10. neurria.-Nekazaritza, ingurumena eta klima.
- 11. neurria.-Nekazaritza ekologikoa.
2. artikulua . Jarduketa eremua.
Foru agindu honetan ezarritako laguntzen araubidea Nafarroako Foru Komunitatean kokatutako nekazaritzako eta abeltzaintzako ustiategi guztiei aplikatuko zaie.
3. artikulua . Arau esparrua eta laguntzen identifikazioa.
1. Kontseiluaren 1698/2005 (EE) Erregelamendua indargabetzeko eta Landa Garapenerako Europako Nekazaritza Funtsaren bidezko landa garapeneko laguntzei buruz Europako Parlamentuak eta Kontseiluak 2013ko abenduaren 17an onetsitako 1305/2013 (EB) Erregelamenduaren 28. artikulua (Nekazaritza, ingurumena eta klima) eta 29.a (Nekazaritza ekologikoa).
2. 1305/2013 (EB) Erregelamendua osatzeko Batzordeak 2014ko martxoaren 11n onetsitako 87/2014 (EB) Erregelamendu Delegatuaren 7.a artikulua (Nekazaritza, ingurumena eta klima), 8.a (Baliabide genetikoak kontserbatzea nekazaritzan eta basozaintzan) eta 9.a (Klimarako eta ingurumenerako onuragarriak diren nekazaritzako jarduketen eta antzeko jarduketen finantzabide bikoitza baztertzea).
3. 1305/2013 (EB) Erregelamendua aplikatzeko xedapenak ezartzeko Batzordeak 2014ko uztailaren 17an onetsitako 808/2014 (EB) Exekuzio Erregelamenduaren 10. artikulua (Kostu gehigarriei eta diru-sarreren galerei buruzko hipotesi normalizatuak) eta 11.a (Konpromisoen konbinazioa eta neurrien konbinazioa).
4. artikulua . Nafarroako Landa Garapenerako 20142020 Programaren aipamena.
1. Laguntza hauek Nafarroako Landa Garapenerako 2014-2020 Programaren barnean sartzen dira, zein 1305/2013 (EB) Erregelamendutik baitator, eta Landa Garapenerako Programan neurri hauei buruz ezarritakoari jarraituko diote:
- 10. neurria.-Nekazaritza, ingurumena eta klima.
- 11. neurria.-Nekazaritza ekologikoa.
2. Laguntza horiek emateko, Europako Batzordeak Landa Garapenerako 2014-2020 Programa behin betiko onetsi beharko du. Landa Garapenerako 2014-2020 Programa aldatzeak ekarriko du laguntzei buruzko araudia egokitzea. Europako Batzordearen eskakizunak aintzakotzat hartzeko neurri horietan egin beharreko edozein aldaketak foru agindu honetako laguntzei buruzko arauen egokitzapena ekarriko du.
3. Aplikagarria izanen da 1305/2013 (EB) Erregelamenduaren 48. artikuluan zehaztutako berrikuspen baldintza foru agindu honen babespean egindako kontratuetan, haiek egokituko direla bermatzeko baldin eta aplikatu beharreko nahitaezko arauak, betekizunak eta betebeharrak aldatzen badira.
1. Foru agindu honen ondorioetarako, ondokoetan zehaztutako definizioak aplikatuko dira: Europako Parlamentuaren eta Kontseiluaren 2013ko abenduaren 17ko 1305/2013 (EB) Erregelamendua, Landa Garapenerako Europako Nekazaritza Funtsaren bidezko landa garapeneko laguntzei buruzkoa; Europako Parlamentuaren eta Kontseiluaren 2013ko abenduaren 17ko 1307/2013 (EB) Erregelamendua, nekazaritzako politika bateratuaren esparruan laguntzaren araubideen arabera nekazariei ordainketa zuzenak egiteko aplikagarriak diren arauak ezartzeko; Batzordearen martxoaren 11ko 640/2014 (EB) Erregelamendu Delegatua, kontuan hartzen dituena 1306/2013 (EB) Erregelamendua eta abenduaren 19ko Errege Dekretua, nekazaritzari eta abeltzaintzari 2015etik aurrera egiten zaizkien ordainketa zuzenak eta laguntzeko beste araubide batzuk erregulatzen dituena, baita ordainketa zuzenen eta landa garapenerako ordainketen kudeaketa eta kontrola ere.
2. Halaber, foru agindu honen ondorioetarako, honako definizioak hartuko dira aintzat:
a) Nekazaritza ekologikoaren metodo eta jarduketak mantentzea: ziurtatzeko erakunde ofizial batek kontrolatu eta ziurtatutako produkzioa egitea, hasierako eraldatze epea iraganda, 834/2007 (EE) Erregelamenduaren, 889/2008 (EE) Erregelamenduaren eta 617/1999 Foru Dekretuaren arabera. Haren bidez, onetsi zen Nafarroako Foru Komunitatearen eremuan, nekazaritza produkzio ekologikoaren eta nekazaritzako produktu eta elikagaietan horren igarbidea jartzearen gaineko erregelamendua.
b) Nekazaritza ekologikoaren metodo eta jarduketetara aldatzea: nekazaritza ez-ekologikotik nekazaritza ekologikora pasatzea denbora jakin batean, zeinetan produkzio ekologikoari buruzko xedapenak aplikatuko baitira.
c) Belar-laboreak: zerealen, proteina-landareen, olio-landareen eta lekadunen laboreak, lur goldagarrien gainean, urtero txandakatuak. Haiekin, tokian tokiko baldintza arruntetan egiten da nekazaritzako jarduera.
d) Bazka-laboreak: larre naturaletako bazka belar guztiak, edo larreetarako edo ebakitzeko belardietarako hazien nahasketetan daudenak, baita bazkarako lekadunak eta bazkarako artoa ere, ebakitzeko izan edo larratzeko izan.
e) Bazkatokiaren eremua: nekazaritzako azalera erabilgarria, abereak bazkatzeko, dela animaliak larratuz dela ebakiz. Halaber, halakotzat joko da ustiategiaren titularrak larratzerako erabiltzen duena, banaka edo taldeka izan, urtaroaren araberako aprobetxamendurako eskubidea edukitzeagatik. Bazkatokiaren eremua honakoek eraturik dago: larre iraunkorrek (larrea, zuhaixka-larrea edo larre zuhaiztuna), kontuan izanda larreen onargarritasunaren koefizientea, eta aurreko atalean zehazturiko bazka-laboreek.
f) Larratzeko belardiak: bazkatzeko belardi naturalak (espontaneoak) edo landutakoak (ereinak), larre iraunkorrak barne daudela, larratzeko erabiliak NELIGS erabilera edozein dela ere.
g) Larreen azalera garbia: azalera gordinari larreen onargarritasunaren koefizientea aplikatzearen emaitza.
h) Abeltzaintza estentsiboa: elikaduraren zati handi bat larratzearen bidez lortzen duten behi, ardi, ahuntz, zaldi eta zerri ustiategiak. Horretatik kanpo gelditzen dira estabulazio iraunkorreko ustiategiak edo ia-iraunkorrekoak (nahiz eta elikaduraren zati bat larre ustiatuak ebakitzetik lortzen den).
i) Bazka-labore monofitoak: espezie bakar batek osatutakoak. Gehienbat hura ebakiz aprobetxatzen da, eta, maiz, zikloaren bukaera, animaliak hartan larratuz.
j) Azienda larriko unitatea: Abeltzaintzako ustiategien erregistroko erregistro ofizialetan sartuta dauden ustiategietako animaliei dagozkienak, baliokidetzen taula honen arabera:
| AZIENDA MOTA | AZIENDA LARRIKO UNITATEA |
| 6 hilabetetik gorako zaldi azienda | Azienda larriko unitate 1,00 |
| 2 urtetik gorako behi azienda | Azienda larriko unitate 1,00 |
| Sei hilabetetik 2 urtera bitarteko (barne) behi azienda | Azienda larriko 0,60 unitate |
| Ardi azienda (erditu diren emeak edo urte 1etik gorakoak eta hazitarako ahariak) | Azienda larriko 0,15 unitate |
| Ahuntz azienda (erditu diren emeak edo urte 1etik gorakoak eta hazitarako ahariak) | Azienda larriko 0,15 unitate |
| Ugalketarako zerri azienda (erregimen estentsiboan) | Azienda larriko 0,50 unitate |
k) Ugalketarako animaliak edo etorkizunean ugalketarakoak direnak: erditu diren emeak edo gutxieneko adina dutenak, espeziearen arabera etorkizunean ugalketarako erabiltzeko modukoak:
i. Ugalketarako ardi eta ahuntz aziendetako emeak: erditu direnak edo gutxienez urte bat bete dutenak.
ii. Ugalketarako behi aziendako emeak: erditu direnak edo gutxienez 18 hilabete bete dituztenak.
iii. Ugalketarako zaldi aziendako emeak: erditu direnak edo gutxienez 18 hilabete bete dituztenak.
Salbuespenez, 2015ean, behi zein zaldi azienden kasuan, ugalketarako emetzat edo etorkizuneko ugalketarako emetzat hartuko dira 8 hilabetetik gorako emeak.
l) Arraza autoktonoak eta galzorian dauden Nafarroako arraza autoktonoak: halakotzat jotako arrazak, Landa Garapeneko, Ingurumeneko eta Toki Administrazioko kontseilariak Nafarroako Abere Arrazen Katalogo Ofiziala onesteko abuztuaren 29an eman 309/2014 Foru Aginduaren arabera.
m) Mahasti zaharra: mahats landaketa erregularrak edo errenkadan eginak finken muga edo ertzetan, baldin eta laboreen %75 gutxienez 1985 baino lehenago landatu bazen eta laborantza baldintza onean badaude.
n) Olibadi zaharra: olibo landaketa erregularrak edo errenkadan eginak finken muga edo ertzetan, baldin eta zuhaitzen %75 gutxienez 1955 baino lehenago landatu bazen eta laborantza baldintza onean badaude.
6. artikulua . Konpromisoak zabaltzea.
Laguntzaren eskaera egin ondoko urteetan laguntzen deialdia egiten bada berriz, konpromisoa duten titularrek aukera izanen dute bost urteko beste konpromiso bat hartzeko, hautatzen ahal diren azienda larriko unitateen edo azaleraren arabera, hasierako konpromisoa baino %10 handiagoa badira.
7. artikulua . Konpromisoak eskualdatzea.
1. Konpromisoak iraun bitartean, onuradun batek konpromiso horren eskualdaketa, osoa edo hein batekoa, egiten ahalko du, baldin eta hitzarturiko azalerak edo azienda larriko unitateak eskualdatzen baditu eta haiek jasotzen dituenak ezarri den epea bukatu arte konpromisoari eusten bazaio.
2. Titular berriak azpineurri edo ekintza bakoitzerako ezarritako onargarritasun baldintzak bete beharko ditu konpromisoa eskualdatzen deneko kanpainako eskabide bakarra aurkezteko epea bukatzean.
3. Ustiategia erabat edo partez eskualdatzen denetan, eskualdaketaren agiriaren kopia aurkeztuko da. Horretan, ondoko datu hauek jaso behar dira gutxienez: lagatzailearen eta lagapen-hartzailearen izena eta NANa edo IFZ, eskualdatzen diren lurzatien edo animalien zerrenda, lagapen-hartzaileak mantenduko dituenak konpromisoak irauten duen bitartean.
4. Konpromisoari eutsi ezik, onuradunak kobraturiko laguntzak itzuli beharko ditu.
8. artikulua . Konpromisoak betetzeko salbuespeneko zailtasunak edo ez betetzeko ezinbesteko arrazoiak.
1. Jasotako laguntza itzultzeko ez da eskatuko 1306/2013 (EB) Erregelamenduaren 2. artikuluan eta abenduaren 19ko 1076/2014 Errege Dekretuaren 17. artikuluan bildutako salbuespeneko inguruabarrak eta ezinbesteko arrazoiak suertatuz gero.
2. Onuradunak erretiroa hartzen duenean ere ez da eskatuko.
3. Eskatzaileak beharturik daude idatziz jakinaraztera Landa Garapeneko, Ingurumeneko eta Toki Administrazioko Departamentuari beren ustiategian gertatzen diren gorabeherak, hauen berri izan bezain laster, gorabehera horiek laguntzak eskuratzeko baldintzak ez betetzea badakarte.
II. TITULUA. 10. NEURRIA.-NEKAZARITZA, INGURUMENA ETA KLIMA
I. KAPITULUA. SUSTAPENA HAZITARAKO PATATAREN LABORANTZA INTEGRATURAKO
9. artikulua . Laguntzaren deskripzioa.
Kapitulu honetan araututako laguntzen bidez nekazariei lagundu gogo zaie hazitarako patataren laborantzari euts diezaioten hazitarako patata produzitzeko eremu baimenduetan laborantza integratuarekin teknikei jarraituz, inguruneak nekazaritzaren eta ingurumenaren aldetik dituen balioak gorde eta zaintzeko.
10. artikulua . Laguntza mota.
1. Urteroko prima bat da, hazitarako patataren laborantzarako erabiltzen den azalera hautagarriaren hektarea bakoitzeko, patataren laborantzarako produkzio integratuaren erregelamendu teknikoan (abuztuaren 29ko 303/2014 Foru Aginduaren bidez onetsia) produkzio integraturako biltzen diren arauak betez gero eta uztailaren 11ko 255/2006 Foru Aginduan eta haren ondoko aldaketetan jasotako udalerriren batean produzitzen bada, 5 urteko konpromisoarekin.
2. Foru agindu honen 11. artikuluan jasotzen diren onargarritasun baldintzak betetzen dituztenei emanen zaizkie laguntzak.
3. Laguntzak emateko prozedura norgehiagokako araubidearen bitartez tramitatuko da.
11. artikulua . Onargarritasun baldintzak.
Laguntzak, soil-soilik, emanen dira laguntza eskatzeko epea bukatzen denean eta konpromisoak irauten duen bitartean ondoko baldintzak betetzen dituzten eskatzaileei edo ustiategiei:
- Onuradunak:
a) Pertsona fisikoa eta juridikoa izatea, Nafarroako Nekazaritza Ustiategien Erregistroan inskribatua.
b) Nekazaritza, ingurumen eta klimaren laguntzen araubidetik baztertua ez izatea.
- Ustiategiak.
a) Nekazari-laguntzaile gisa integraturik egotea hazitarako edo goi mailako patataren ekoizle-ugaltzaile titulua duen entitate batean.
b) Patata ekoizle gisa inskribaturik egotea Nafarroako Produkzio Integratuaren Erregistro Ofizialean, Ekoizpen integratua eta produktuen desberdintzea arautzen dituen maiatzaren 26ko 143/1997 Foru Dekretuarekin bat.
c) Laguntzaren azalera hautagarria izatea, gutxienez, hektarea batekoa.
d) Produkzio integratuko hazitarako patata edukitzea Nafarroako Foru Komunitateko lurzatietan, uztailaren 11ko 255/2006 Foru Aginduan eta ondoko aldaketetan zerrendatutako udalerriren batean, zein lau produkzio eremutan banatzen baitira:
I. Pirinio aldea.
II. Kodes aldea.
III. Izarbeibar aldea.
IV. Baimendutako beste eremu batzuk.
Eskatzaileek bost urtez gutxienez konpromiso hauek borondatez hartu behar dituzte beren gain:
a) Urtero eskatzea kanpainaren eskaera bakarrean laguntza ordaintzeko, Batzordearen 2014ko martxoaren 11ko (EB) 640/2014 Erregelamendu Delegatuan xedatuarekin bat.
b) Patataren produkzio integratua kontrolatzeko erregelamendu teknikoa (abuztuaren 29ko 303/2014 Foru Agindua) aplikatzea laguntzaren azaleran. Ulertzen da produkzio integratuaren ustiategiaren koadernoa betetzen dela konpromisoaren xedeko lurzatietan. Hartan, produkzio jarduerarekin ikustekoa duten jarduketa guztiak jasoko dira, baita informazio osagarria ere unitateei, datei, ongarrien dosiei eta abarri dagokionez.
c) Hazitarako patataren laborantza integratuaren azalerari eustea, eta kanpaina bakar batean ere norberaren ustiategian ereindako azalera ez izatea laguntzaren araubideari atxiki zitzaion urtean zehaztutako azaleraren %90etik beherakoa. Baldintza hau betetzetik salbuetsita daude, ez-betetzerik sortu gabe, hasiera batean laborantza horretarako hartutako soroak, azterketak egin ondoren haietan ezin bada erein nematodoak egoteagatik eta ezin badira beste soro batzuekin ordezkatu.
d) Parte hartzea, hala eskatzen zaioenean, neurriari buruz Landa Garapeneko, Ingurumeneko eta Toki Administrazioko Departamentuak edo Nafarroako Gobernuari atxikitako edozein organok antolatzen dituen prestakuntza ekintzetan. Horri dagokionez, ulertuko da konpromisoa bete dela onuradunaren ordez haren ordezkoa joaten bada. Hala ere, horrek laguntzaren xede diren lurzatietan laborantza ekintza materialak egiteko erantzukizuna eduki beharko du.
e) Nafarroan taldeka antola litezkeen babes fitosanitarioko programetan parte hartzea, baldin eta Landa Garapeneko, Ingurumeneko eta Toki Administrazioko Departamentuak berak, horren entitate instrumentalek hala gomendatzen badute.
f) Eman eta hartutako diru-laguntzak direla eta, Landa Garapeneko, Ingurumeneko eta Toki Administrazioko Departamentuak egiten dituen egiaztapen ekintzak oro onartzea. Hartarako, Administrazioko ikuskatzaileei eta ziurtapen eta kontrol agintaritzari libre utzi beharko zaie lurzatietara sartzen, eta neurriaren xedeko jardueraren gainean eskatzen zaien informazio guztia emanen zaie.
g) Helburu bereko beste diru-laguntza batzuk eskatu edo lortu izanaren berri ematea Landa Garapeneko, Ingurumeneko eta Toki Administrazioko Departamentuari.
h) Oinarrizko lerroko konpromisoak betetzea, laguntza horri buruz foru agindu honen II. eranskinean jasoak.
13. artikulua . Araubidean sartzea.
1. Laguntzaren araubidean sartzeko eskaerak laguntzen eskabide bakarrean aurkeztuko dira. 5 urterako urteko laguntza eman ahalko zaie 11. artikuluan ezarritako onargarritasun baldintzak betetzen dituzten eskatzaileei. Laguntzaren eskabideak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.
14. artikulua . Laguntzaren zenbatekoa.
1. Hautagarritzat hartutako azalerari aplikatu beharreko zenbateko unitarioa produkzio eremuaren araberakoa izanen da:
I. Pirinio aldea: 600 euro/ha.
II. Kodes aldea: 400 euro/ha.
III. Izarbeibar aldea: 400 euro/ha.
IV. Beste eremu batzuk: 400 euro/ha.
2. Emakidaren zenbatekoa eragiketa honen emaitza izanen da: zenbateko unitarioa bider zehazturiko azalerak, administrazio kontrolak eta tokian bertakoak egin ondoren eta behar baino gehiago deklaratzeagatik jartzen diren penalizazioak aplikatu baino lehen.
3. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.
15. artikulua . Urteroko ordainketen eskariak.
1. 5 urteko laguntzaren onuradunek urtero eskatu behar dute hura ordaintzeko laguntzaren eskabide bakarraren bidez. Laguntza jasotzeko, 11. artikuluko baldintzak eta 12. artikuluko konpromisoak bete beharko dituzte.
2. Ordainketaren zenbatekoa kalkulatzeko, zenbateko unitarioa biderkatuko da kasuan kasuko kontrol administratibo eta landa kontrol guztiak egin ondoren ordaintzeko kalkulatzen den azalerarekin, 17. artikuluko penalizazioak aplikatuta.
16. artikulua . Bateraezintasunak eta hautaketa irizpideak.
1. Hazitarako patataren produkzio integraturako laguntza bateraezina da laborantza bererako produkzio ekologikorako laguntzarekin.
2. 2015eko ekitaldian laguntzak emateko, onarturiko eskaeretarako kalkulatu den zenbatekoaren batura osoa aurrekontuko kontu-sailean dagoen kreditua baino handiagoa bada, laguntza lehentasunez emanen zaie Natura 2000 Sarean sartutako azalerei.
3. Aurrekontua lehentasunezko talderen baten eskaerak finantzatzeko aski ez bada, talde horren barrenean kobratu beharreko zenbatekoak hainbanatuko dira.
17. artikulua . Ezbetetzeen mailaketak.
1. 11. artikuluan aipatzen den edozein onargarritasun baldintza eta 12. artikuluko a), f) edo g) letretako konpromisoa bete ezik, lehenengo urtean ordainketa ukatuko da eta, kasua errepikatzen bada, araubidetik baztertu eta harturiko dirua itzuli beharko du.
2. 12. artikuluko d) eta e) letretako konpromisoa bete ezik, lehenengo urtean laguntza %20an murriztuko da, bigarrenean %40an eta, hirugarrenetik aurrera, araubidetik baztertu eta harturiko dirua itzuli beharko du.
3. 12. artikuluko c) letrako konpromisoa bete ezik, lehenengo urtean laguntza %50ean murriztuko da, bigarrenean %100ean eta, hirugarrenetik aurrera, araubidetik baztertu eta harturiko dirua itzuli beharko du.
4. 12. artikuluko b) letrako konpromisoetako bat bete ezik, zehazki ongarriei, landare materialari, laborantzaren babesari eta sasiak garbitzeari dagokienez, urteko ordainketa ukatuko da eta, kasua errepikatzen bada, araubidetik baztertu eta harturiko dirua itzuli beharko du. Atal horretako bestelako konpromisoren bat bete ezik, lehenengo urtean laguntza %50ean murriztuko da, bigarrenean %100ean eta, hirugarrenetik aurrera, araubidetik baztertu eta harturiko dirua itzuli beharko du.
5. 12. artikuluko h) letra bete ezik, zehazki ongarriari eta laborantzaren babesari dagokienez, araubidetik baztertu eta harturiko dirua itzuli beharko du. Atal horretako bestelako konpromisoren bat bete ezik, lehenengo urtean laguntza ukatuko da eta, kasua errepikatzen bada, araubidetik baztertu eta harturiko dirua itzuli beharko du.
6. Behar baino azalera gehiago deklaratzeari buruzko neurriak bete ezik, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Kontseiluaren 1306/2013 (EE) Erregelamenduaren aplikazio-xedapenak ezarri ziren, landa garapenari laguntzeko neurriei kontrolaren eta baldintzen prozedurak aplikatzeari dagokionez.
II. KAPITULUA. ABELTZAINTZAKO SISTEMA JASANGARRIAK, ANIMALIAK LARRATUZ ETA SISTEMA ESTENTSIBOA ZABALDUZ
18. artikulua . Laguntzaren deskripzioa.
1. Laguntza horren xedea da larratzean oinarritzen diren abeltzaintzako ustiapen sistema estentsibo tradizionalak bultzatzea, abeltzaintzako karga kontrolatuz sistemaren jasangarritasuna bermatzeko. Gainera, nekazariak adoretu nahi ditu lurrari lotutako abere arraza autoktonoak mantentzeko.
2. Ekintza horrekin ondoko onurak bultzatu gogo dira nekazaritzaren, ingurumenaren eta gizartearen arloetan:
a) Abere espezieen dibertsitate genetikoa zaintzea, Nafarroako Foru Komunitateari lotutako arrazak mantenduz, eta, batik bat, arraza autoktonoak eta galzorian daudela katalogatu direnak.
b) Laguntzea abeltzaintza ingurune hauskorren zaintzarekin bateragarria izan dadin higadura izateko arrisku handiko tokietan eta larratzeko azalerak era jasangarriak erabil daitezen, abeltzaintzako karga egokitasunez gobernatuz, behar baino gehiago edo gutxiago larratzea saihestuz.
c) Bazkatzeko azaleren kontrol naturala hobetzea, haien narriadura murriztu nahian, eta basoetan suteak sor ditzaketen zuhaixkak kontrolatzea, baita potentzial ekologikoari eustea ere abeltzaintzako bazka aprobetxamendu tradizionaleko eremuetan.
3. Halaber, landa paisaia eta abeltzaintzari lotutako ekosistemak zaintzen dira.
19. artikulua . Laguntza mota.
1. Laguntzak ematen dira kostu gehigarriak, osorik edo partez, konpentsatzeko, baita jaso gabeko errentak ere, modu aktiboan larratzeko hartutako konpromisoen ondorioz, eta ustiategia era estentsiboan gobernatzeko sistema tradizionalei eusteko.
2. Laguntza prima bat da bazkatzeko azaleraren hektarea bakoitzeko, eta ezin izanen du ustiategiko abeltzaintza estentsiboko AzLUen balioa gainditu. Kontuan hartu beharreko AzLUa izanen da SIMOGAN datu basean zenbatutako bost balioen batez bestekoa, laguntzen eskaerak aurkezteko epea bukatu eta hurrengo bost hilabete bakoitzeko lehenbiziko lanegunean, eta, halaber, tokian berean egindako kontrolean atzemandako AzLUen balioen batez bestekoa.
3. Deialdi honen xedeko diru-laguntzak norgehiagokako araubidearen bidez emanen dira.
20. artikulua. Onargarritasun baldintzak.
1. Laguntzak, soil-soilik, emanen dira laguntza eskatzeko epea bukatzen denean eta konpromisoak irauten duen bitartean ondoko baldintzak betetzen dituzten eskatzaileei edo ustiategiei:
- Onuradunak.
a) Pertsona fisikoa edo juridikoa izatea, Nafarroako Foru Komunitateko nekazaritza eta abeltzaintzako ustiategi baten titularra izatea eta Nafarroako Nekazaritza Ustiategien Erregistroan inskribatuta egotea.
- Ustiategiak:
a) Ugalketarako animaliak edukitzea ustiategian, abeltzaintza estentsiboko araubidean.
b) Nafarroako Foru Komunitateko lurzatietan larratzea.
c) Nekazaritza, ingurumen eta klimaren neurrian sartutako laguntzetatik baztertuta ez izatea.
Neurri honi atxikitzen zaizkion titularrek ondoko konpromisoak bete beharko dituzte gutxienez 5 urtez:
a) Ustiategiaren titularrak eskatu beharko du laguntza urtero pagatu diezaiotela, eskabide bakarrean, Batzordearen 2014ko martxoaren 11ko 640/2014 Erregelamenduan ezarririko moduan eta laguntzen deialdian ezarritako tokian, moduan eta epean.
b) Urteko eskabidean, adieraztea zer lurzatik osatzen duen ustiategiko bazkarako azalera Nafarroako Foru Komunitatean eta haietarako laguntza eskatzea.
c) Ustiategiko bazkarako azaleran larratzea, dela osoan dela zati batean. Larratutako lurzatietako hondar eremuak eta errefusak bide mekanikoen bidez ebakiz edo garbituz mantenduko dira.
d) Bazkarako azalerak ez dira oinarrizko primarako ezarritako hektareen %90tik beherakoak izanen laguntzaren araubideari atxikitzen zaion urtean.
e) Abeltzaintzako dentsitatea izatea 0,4 AzLU/ha-koa edo handiagoa eta 1,5 AzLU/ha edo txikiagoa. Abere dentsitate hori kalkulatzeko, bazka-azalera eta ustiategiaren abeltzaintza estentsiboko AzLUak hartuko dira kontuan. Unitate horiek kalkulatzeko, SIMOGAN datu basean kontabilizatutako bost balioen batez bestekoa aterako da; balioak laguntzaren eskaerak aurkezteko epea bukatu eta hurrengo bost hilabeteetako lehendabiziko lanegunean hartutakoak izanen dira, edo tokian berean egindako kontrolean atzemandako AzLUenak.
f) Landa Garapeneko, Ingurumeneko eta Toki Administrazioko Departamentuak agintzen dizkien prestakuntza ekintzetan parte hartzea. Horri dagokionez, ulertuko da konpromisoa bete dela onuradunaren ordez haren ordezkoa joanen balitz. Hala ere, horrek konpromisoaren xede diren lurzatietan laborantza ekintzak egin eta kontrolatzeko erantzukizuna eduki beharko du.
g) Bazka-labore monofitoen proportzioa %20tik beherakoa izatea bazkarako azalera garbian.
h) Eman edo jasotako diru-laguntzak eta hartutako konpromisoak direla eta, Landa Garapeneko, Ingurumeneko eta Toki Administrazioko Departamentuak egiten duen egiaztapen ekintza oro onartzea. Ondorio horietarkao, Administrazioko ikuskatzaileei eta ziurtapen eta kontrol agintaritzari libre utzi beharko zaie lurzatietara sartzen, eta laguntzaren xedeko jardueraren gainean eskatzen zaien informazio guztia emanen zaie.
22. artikulua . Araubidean sartzea eta laguntzaren zenbatekoa.
1. Laguntzaren araubidean sartzeko eskaerak laguntzen eskabide bakarrean aurkeztuko dira.
2. 5 urterako urteko laguntza eman ahalko zaie 20. artikuluan ezarritako onargarritasun baldintzak betetzen dituzten eskatzaileei.
3. Laguntzaren eskabideak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.
4. Honako hau izanen da hautagarritzat hartutako azalerari aplikatu beharreko zenbateko unitarioa:
I. oinarrizko prima: 25 euro/ha.
II. Prima osagarria: 6,25 euro/ha. Arrazen liburu geneologikoetan inskribaturiko animaliak dituzten ustiategiek jasoko dituzte, abenduaren 26ko 2129/2008 Errege Dekretuaren arabera. Prima hori kalkulatzeko, Nafarroako Foru Komunitateko arrazako abereen hezitzailean elkartekoak diren espezieen AzLU adina hektarea hartuko dira kontuan. Ustiategiko abere estentsiboen AzLUak hartuko dira kontuan. Horiek dira SIMOGANen eta liburu genealogikoetan inskribatutako animalien batez bestekoa, laguntzaren eskabideak aurkezteko epea bukatu ondoko bost hilabete bakoitzeko lehenbiziko lanegunean.
5. Emakidaren zenbateko kalkulatzeko, oinarrizko primaren zenbateko unitarioa biderkatuko da prima horretarako ezarritako azalerarekin, eta prima osagarriaren zenbateko unitarioa, berriz, prima horretarako ezarritako azalerarekin, bi kasuetan, kontrol administratiboak eta tokian bertakoak egin ondoren eta behar baino gehiago deklaratzeagatik jartzen diren penaliazioak aplikatu baino lehen.
6. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.
23. artikulua. Ordaintzeko eskaerak eta urteroko ordainketak.
1. 5 urteko laguntzaren onuradunek urtero eskatu behar dute hura ordaintzeko laguntzaren eskabide bakarraren bidez. Laguntza jasotzeko, 20. artikuluko baldintzak eta 21. artikuluko konpromisoak bete beharko dituzte.
2. Ordainketaren zenbatekoa kalkulatzeko, zenbateko unitarioa biderkatuko da kasuan kasuko kontrol administratibo eta landa kontrol guztiak egin ondoren ordaintzeko kalkulatzen den azalerarekin, 25. artikuluko penalizazioak aplikatuta.
24. artikulua. Bateraezintasunak eta hautaketa irizpideak.
1. Laguntza honen bateraezintasunak, oro har, Landa garapenari FEADERen eta hura garatzen duen araubidearen bidez laguntzeari buruzko Europako Parlamentuaren eta Kontseiluaren 1305/2013 (EB) Erregelamendutik sortzen direnak dira.
2. Nolanahi ere, bateraezina da larratzeko belardien eta bazka-laboreen taldeetarako produkzio ekologikoaren laguntzan kontuan hartutako azalerekin.
3. Laguntza horretarako prima osagarria bateraezina da galzorian dauden tokiko arrazak kontserbatu eta hobetzeko laguntza jaso duten arrazetarako.
4. Bateraezina da Natura 2000 Sarearen eta Urari buruzko Esparru Zuzentarauaren babesean egindako laguntzekin: Natura sareko nekazaritzako eremuak konpentsatzeko ordainketak. Errege Bardean ardi azienda larratzeagatik konpentsatzeko ordainketa.
5. Eskatutako laguntzen zenbatekoak aurrekontuetako mugak gainditzen baditu, hautatzeko irizpide hauei jarraituko zaie:
a) Bazkarako azalerari lehentasuna emanez mendikotzat katalogatutako eremuan.
b) Bigarrenik, bazkarako azalerari lehentasuna emanez Natura 2000 Sarean.
c) Gainerako lekuak.
Aurrekontua lehentasunezko talderen baten eskaerak finantzatzeko aski ez bada, talde horren barrenean kobratu beharreko zenbatekoak hainbanatuko dira.
25. artikulua . Ezbetetzeen mailaketak.
1. 17. artikuluan aipatzen den edozein onargarritasun baldintza eta 21. artikuluko a), c), e) eta h) letretako konpromisoa bete ezik, lehenengo urtean ordainketa ukatuko da eta, kasua errepikatzen bada, araubidetik baztertu eta harturiko dirua itzuli beharko du.
2. 21. artikuluko f) letrako konpromisoa bete ezik, lehenengo urtean laguntza %20an murriztuko da, bigarrenean %40an eta, hirugarrenetik aurrera, araubidetik baztertu eta harturiko dirua itzuli beharko du.
3. d) letrako konpromisoa bete ezik, lehenengo urtean laguntza %50ean murriztuko da, bigarrenean %100ean eta, hirugarrenetik aurrera, araubidetik baztertu eta, harturiko dirua itzuli beharko du.
4. 18. artikuluko b) letrako konpromisoa bete ezik, urteko laguntza ukatuko da eskaeratik kanpo dauden lurzatietarako.
5. 21. artikuluko g) letrako konpromisoa bete ezik, bazak-labore monofitoen lurzatien urteroko ordainketa ukatuko da.
6. Behar baino azalera gehiago deklaratzeari buruzko neurriak bete ezik, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Kontseiluaren 1306/2013 (EE) Erregelamenduaren aplikazio-xedapenak ezarri ziren, landa garapenari laguntzeko neurriei kontrolaren eta baldintzen prozedurak aplikatzeari dagokionez.
III. KAPITULUA. NEKAZARITZAKO ESTEPA HABITATAK HOBETZEA
26. artikulua . Laguntzaren deskripzioa.
Laguntza honen helburua da Nafarroako Erriberako lehorreko lur erdiaridoetako balio handiko nekazaritzako sisteman dauden intereseko hegaztien populazioak mantentzen laguntzea, haien ugalketa, elikadura eta babeserako habitatak hobetzen dituzten nekazaritzako jarduketak martxan jarriz.
1. Hektarea bakoitzeko ordainketa bat egiten zaie 28. eta 29. artikuluetako konpromisoak eta onargarritasun irizpideak konpromisoaldiko 5 urtean betetzen dituzten nekazariei.
2. Deialdi honen xedeko diru-laguntzak norgehiagokako araubidearen bidez emanen dira.
28. artikulua . Onargarritasun baldintzak.
1. Laguntzak, soil-soilik, emanen dira Nafarroako Nekazaritza Ustiategien Erregistroan inskribatuta laguntza eskatzeko epea bukatzen denean eta konpromisoak irauten duen bitartean ondoko baldintzak betetzen dituzten eskatzaileei edo ustiategiei:
a) SIGPACen lehorreko lur goldagarritzat katalogatutako nekazaritzako azalera izan behar du.
b) Azalera hautagarria egonen da ondoko udal mugapeek (haiek barne) osatzen duten lerrotik hegoaldera dauden udalerri edo fazerietan: Viana, Bargota, Armañanzas, Santsol, Los Arcos, Barbarin, Arroitz, Arellano, Deikaztelu, Morentin, Aberin, Villatuerta, Mendigorria, Larraga, Tafalla, Erriberri, Beire, Pitillas, Santacara, Murillo el Fruto eta Zarrakaztelu.
Neurri honi atxikitzen zaizkion titularrek ondoko konpromisoak bete beharko dituzte gutxienez 5 urtez:
a) Ustiategiaren titularrak eskatu beharko du laguntza urtero pagatu diezaiotela, eskabide bakarrean, Batzordearen 640/2014 Erregelamenduan ezarririko moduan eta laguntzen deialdian ezarritako tokian, moduan eta epean.
b) Urteko eskabidean, adieraztea ustiategiko zer lurzati den laguntzaren xedeko eta haietarako laguntza eskatzea.
c) Urtero eustea norberaren konpromisoko azaleraren %90ko azalera hautagarriari gutxienez.
d) Eman edo jasotako diru-laguntzak eta hartutako konpromisoak direla eta, Landa Garapeneko, Ingurumeneko eta Toki Administrazioko Departamentuak egiten duen egiaztapen ekintza oro onartzea.
e) Landa Garapeneko, Ingurumeneko eta Toki Administrazioko Departamentuak agintzen dizkien prestakuntza ekintzetan parte hartzea.
f) Gauez ez da uzta jasoko ez eta fardorik eginen ere.
g) Uztondo eta lugorrietan produktu fitosanitariorik ez aplikatzea, irailaren 15etik aurrera zuzenean ereiteko prestakuntza lanetan izan ezik.
h) Lugorriko azalerak laguntzaren xedeko oinarrizko azalera osoarekiko urtero izanen duen portzentajea aldatuko da ustiategiaren udalerriaren arabera. Hartara, %40koa izanen da 1,8 T/ha-ko erregionalizazio indizea dutenetan, %34koa 2,2 T/ha-koa denean, %29koa 2, T/ha-koa denean, %26koa 2,2 T/ha-koa denean, %18koa 3,2 T/ha-koa denean eta %10 3,7 T/ha-koa edo handiagoa denean. Ustiategi batek oinarrizko azalera udalerri batean baino gehiagotan duenean, erregionalizazio indizerik handiena daukan udalerriari dagokion lugorriaren portzentajea eskatuko zaio.
i) Faunarako zerrendak/uztondoak: urtero laguntzaren barnean sartzen den zerealen azaleraren %25ean, gutxienez, urte bateko edo gehiagoko zerrendak paratuko dira, 2 metroko zabalerakoak, lurzatiaren perimetroan. Haietan ez da nekazaritzako lanik eginen: ereitea, fitosanitariorik aplikatzea, biltzea eta abar. Urtero hautatzen diren lurzati horietan bertan, lastoa osorik utziko da, xehatu gabe, uztondoaren gainean, zabaldu edo bildu gabe. Azalera horietan larratzea baimentzen da abuztuaren 1etik aurrera, eta altxatzea irailaren 1etik aurrera.
j) Faunarako lugorriak: urtero laguntzaren barnean sartzen den lugorriko azaleraren %50ean, gutxienez, ez da inolako nekazaritzako lanik eginen: lantzea, nibelatzea, sakanak kentzea, harriak kentzea, ereitea, tratatzea, landare hondarrak erretzea eta abar, aurreko uzta biltzen denetik uzta horren ondoko urteko irailaren 1era arte. Handik aurrea baimentzen da hura altxatzea. Baimentzen da udazkenean azaleko laboratze bakarra egitea, irauli gabe, azaroaren 1etik abenduaren 15era bitarte.
k) Faunarako ereitea: laguntzaren xedeko azaleraren %10ean ereinen da lekaleen estaldura bat izateko, nekazaritzarako aprobetxamendurik izanen ez duena abuztuaren 1era arte. Baimentzen da abereak maiatzaren 1etik aurrera iragatea, lugorrian erein bada, edo abuztuaren 1etik aurrera, berriz, laboreak izan dituen lurzati batean. Irailaren 1etik aurrera altxatzea baimentzen da.
30. artikulua . Araubidean sartzea eta laguntzaren zenbatekoa.
1. Laguntzaren araubidean sartzeko eskaerak laguntzen eskabide bakarrean aurkeztuko dira. 5 urterako urteko laguntza eman ahalko zaie 25. artikuluan ezarritako onargarritasun baldintzak betetzen dituzten eskatzaileei. Laguntzaren eskabideak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.
2. Emakidaren zenbatekoa kalkulatzeko, zenbateko unitarioa (34 euro/Tm) biderkatuko da hektarea bakoitzaren kokalekuko udalerriaren erregionalizazio indizearekin (foru agindu honen I. eranskinean jasotzen da), eta zehaztutako azalerarekin, kontrol administratiboak eta tokian bertakoak egin ondoren eta behar baino gehiago deklaratzeagatik jartzen diren penalizazioak aplikatu baino lehen.
3. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.
31. artikulua . Ordaintzeko eskaerak eta urteroko ordainketak.
1. 5 urteko laguntzaren onuradunek urtero eskatu behar dute hura ordaintzeko laguntzaren eskabide bakarraren bidez. Laguntza jasotzeko, 25. artikuluko baldintzak eta 26. artikuluko konpromisoak bete beharko dituzte.
2. Ordainketaren zenbatekoa kalkulatzeko, zenbateko unitarioa (34 euro/Tm) biderkatuko da hektarea bakoitzaren kokalekuko udalerriaren erregionalizazio indizearekin (foru agindu honen I. eranskinean jasotzen da), eta ordaindu beharreko azalerarekin, kontrol administratibo eta tokian bertako guztiak egin ondoren eta foru agindu honen 30. artikuluan zehaztutako penalizazioak aplikatu ondoren.
32. artikulua . Bateraezintasunak eta hautaketa irizpideak.
1. Laguntza hau ez da bateraezina Nafarroako Landa Garapenerako 2014-2020 Programako beste laguntza batzuekin, ezta laguntza zuzenekin ez Greening-en ordainketekin ere.
2. Eskaerek aurrekontuko gehieneko zenbatekoa gaindituz gero, eskatzaileen artean lehentasuna ezartzeko irizpidea izanen da laguntzaren xedeko zer portzentaje laguntzaren xedeko azalera osoarekiko dagoen sartuta Nafarroako Foru Komunitatean estepako hegaztiak zaintzeko intereseko eremuen barnean.
Deialdi honen ondorioetarako soilik, Nafarroako Foru Komunitatean estepako hegaztiak zaintzeko intereseko eremuen barnean egonen dira katastroko ondoko poligonoetan dauden lehorreko lur goldagarriak: Aberin (4), Ablitas (2, 6, 7, 9, 11, 12, 13 eta 14), Allo (5 eta 6), Andosilla (1, 6 eta 11), Arellano (4), Arguedas (8, 10 eta 11), Errege Bardeak (denak), Berbintzana (4 eta 5), Cabanillas (6, 7, 8 eta 9), Caparroso (1), Carcar (2, 4, 6, 7 eta 10), Zarrakaztelu (16, 17 eta 18), Cascante (14, 15 eta 1), Castejón (5), Corella (13, 14, 15 y 16), Deikaztelu (9), Faltzes (5, 11, 14, 15, 16, 20 eta 21), Funes (7 eta 8), Fustiñana (1, 4, 5, 6, 7, 8, 10, 11 eta 12), Larraga (4, 5 eta 6), Lerin (1, 5, 6, 7, 8, 9 eta 11), Lodosa (8 eta 9), Los Arcos (13 eta 18), Lukin (3), Martzilla (7 eta 9), Mendabia (10, 11 eta 15), Miranda Arga (1 eta 2), Morentin (2), Erriberri (1, 2, 6 eta 12), Oteiza (1, 3 eta 4), Azkoien (5, 12, 13 eta 14), Sartaguda (2), Sesma (1, 4, 5, 3, 7 eta 10), Tafalla (9, 10, 11, 12, 13, 14 eta 15), Tutera (10, 11, 13, 14, 25, 26, 39, 40, 41, 42, 43, 44, 45, 46, 47, 48 eta 49), Valtierra (12) eta Villatuerta (4). Berdinketarik izanez gero, kontratuan oinarrizko azalera handienarekin dauden ustiategiek izenen dute lehentasuna.
33. artikulua. Ezbetetzeen mailaketak.
1. 28. artikuluan aipatzen den edozein onargarritasun baldintza eta 29. artikuluko a), eta d) letretako konpromisoak bete ezik, lehenengo urtean ordainketa ukatuko da eta, kasua errepikatzen bada, araubidetik baztertu eta harturiko dirua itzuli beharko du.
2. 29. artikuluko b) letrako konpromisoa bete ezik, urtean adierazi ez diren lurzatietarako edo eskaeratik kanpo daudenetarako laguntza uxatuko da.
3. 29. artikuluko e) letrako konpromisoa bete ezik, lehenengo urtean laguntza %20an murriztuko da, bigarrenean %40an eta, hirugarrenetik aurrera, araubidetik baztertu eta harturiko dirua itzuli beharko du.
4. 29. artikuluko c) letrako konpromisoak bete ezik, lehenengo urtean laguntza %50ean murriztuko da, bigarrenean %100ean eta, hirugarrenetik aurrera, araubidetik baztertu eta harturiko dirua itzuli beharko du.
5. 29. oinarriko f), g), h), i), j) eta k) konpromisoetako edozein betetzen ez den lehen urtean, laguntzaren zenbatekoa %20 murriztuko da, konpromiso bakarra bete ez bada; eta %40 murriztuko da bi konpromiso betetzen ez badira; eta %100 murriztuko da hiru konpromiso betetzen ez badira. Ez betetzearen bigarren urtean arestian aipatu diren kasuak direla-eta hurrengo murrizketa hauek aplikatuko dira: %40an konpromiso bat ez betetzeagatik; %80an, bi ez betetzeagatik, eta %100ean hiru konpromiso ez betetzeagatik. Hirugarren urtea egiten bada bete gabe, titularra laguntzaren araubidetik kanpo geratuko da eta jasotako zenbatekoak itzuli beharko ditu.
6. Behar baino azalera gehiago deklaratzeari buruzko neurriak bete ezik, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Kontseiluaren 1306/2013 (EE) Erregelamenduaren aplikazio-xedapenak ezarri ziren, landa garapenari laguntzeko neurriei kontrolaren eta baldintzen prozedurak aplikatzeari dagokionez.
IV. KAPITULUA. NEKAZARITZAKO SISTEMA MEDITERRANEO JASANGARRIAK ZAINTZEA
34. artikulua . Laguntzaren deskripzioa.
Titulu honetako laguntzen bitartez sostengua eman gogo zaie ustiategietan mahatsondo zaharrak zein olibondo zaharrak mantendu eta zaintzen dituzten nekazariei, ulertzen baita paisaiaren oinarrizko osagaiak direla eta nekazaritzako sistema mediterraneoei lotuta daudela.
35. artikulua . Laguntza mota.
1. Laguntza urteroko prima bat da, I. tituluko 5. artikuluan definitutako mahatsondo zaharrak eta olibondo zaharrak dituzten azalera hautagarriaren hektarea bakoitzeko, 5 urteko konpromisoaldiarekin.
2. Titulu honen 36. artikuluan jasotzen diren onargarritasun baldintzak betetzen dituztenei emanen zaizkie laguntzak.
3. Laguntzak emateko prozedura norgehiagokako araubidearen bitartez tramitatuko da.
36. artikulua . Onargarritasun baldintzak.
Laguntzak, soil-soilik, emanen dira laguntza eskatzeko epea bukatzen denean eta konpromisoak irauten duen bitartean ondoko baldintzak betetzen dituzten eskatzaileei edo ustiategiei:
- Onuradunak:
a) Pertsona fisikoa eta juridikoa izatea, Nafarroako Nekazaritza Ustiategien Erregistroan inskribatua.
b) Nekazaritza, ingurumen eta klimaren neurrian sartutako laguntzen araubidetik baztertuta ez egotea.
- Ustiategiak:
a) Legez kontrako landaketei dagokienez, mahastizaintzari eta ardogintzari buruz indarra duen araudia betetzea, Mahastizaintza eta ardogintza arautzeari buruzko abenduaren 5eko 16/2005 Foru Legea garatzen duen abuztuaren 16ko 56/2006 Foru Dekretuarekin bat.
b) Nafarroako Foru Komunitateko lurzatietan labore hauetakoren bat izatea:
I. Mahatsondoak (Vitis vinifera), Nafarroako Mahastien Erregistroan laguntzaren eskatzailearen izenarekin inskribatuak, 30 urte edo gehiago badituzte.
II. Olibondoak (Olea europaea), 60 urte edo gehiago badituzte.
c) Laguntzaren xedeko azalera, gutxienez, 2.000 m²-koa izatea.
Eskatzaileek bost urtez konpromiso hauek borondatez hartu behar dituzte beren gain:
a) Urtero eskatzea kanpainaren eskaera bakarrean laguntza ordaintzeko, Batzordearen 2014ko martxoaren 11ko (EB) 640/2014 Erregelamendu Delegatuan xedatuarekin bat.
b) Mahatsondo eta olibondo zaharren landaketak laborantzarako baldintza egokietan mantentzea, laborantza tradizionalen sistemekin bat, eta beharrezko lan kulturalak egitea (inaustea, ongarritzea, izurriak eta landare espontaneoak kontrolatzea, bilketa egitea, eta abar) 5 urtez gutxienez.
c) Mahatsondo eta olibondo zaharren landaketen azalera ez murriztea norberaren ustiategia laguntzaren araubidean sartu zen urtean zehaztutako azaleraren %90etik behera.
d) Parte hartzea erakunde publikoek ezartzen dituzten programetan olibondo eta mahatsondo zaharren barietateak identifikatzeko, laginak hartzeko, kontserbatzeko, errendimenduak kontrolatzeko eta hobetzeko.
e) Berak edo hark eskuordetzen duenak Landa Garapeneko, Ingurumeneko eta Toki Administrazioko Departamentuak adierazten dituen prestakuntza jardueretan parte hartzea.
f) Nafarroan taldeka antola litezkeen babes fitosanitarioko programetan parte hartzea, baldin eta Landa Garapeneko, Ingurumeneko eta Toki Administrazioko Departamentuak berak, horren entitate instrumentalek hala gomendatzen badute.
g) Eman edo jasotako diru-laguntzak eta hartutako konpromisoak direla eta, Landa Garapeneko, Ingurumeneko eta Toki Administrazioko Departamentuak egiten duen egiaztapen ekintza oro onartzea. Ondorio horietarako, Administrazioko ikuskatzaileei libre utzi beharko zaie lurzatietara sartzen, eta neurriaren xedeko jardueraren gainean eskatzen zaien informazio guztia emanen zaie.
h) Urtero adieraztea ustiategiko zer lurzatitan dauden laguntza honen xedeko landaketak eta laguntza eskatzea barruti bakoitzerako.
i) Olibondoak inausteko hondarrak lurzatian edukitzea, xehatu gabe, ondoren desegiteko, maiatzaren 30a baino lehenago, Phloeotribus scarabaeoides Bern-aren kontra zeharka egiteko.
j) Bactrocera oleae-ren kontra egiteko tratamenduak aplikatzen direnean, INTIAko abisu estazioaren zehaztapenei jarraituko zaie.
38. artikulua . Araubidean sartzea eta laguntzaren zenbatekoa.
1. Laguntzaren araubidean sartzeko eskaerak laguntzen eskabide bakarrean aurkeztuko dira. 5 urterako urteko laguntza eman ahalko zaie 33. artikuluan ezarritako onargarritasun baldintzak betetzen dituzten eskatzaileei. Laguntzaren eskabideak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.
2. Ondoko zenbateko unitarioak aplikatuko dira laborearen arabera:
I. 300 euro hektarea bakoitzeko, olibondoaren kasuan.
II. 450 euro hektarea bakoitzeko, “Nafarroa” Jatorrizko Deiturako mahatsondoaren kasuan.
III. 250 euro hektarea bakoitzeko, “Errioxa” Jatorrizko Deiturako mahatsondoaren kasuan.
3. Emakidaren zenbatekoa eragiketa honen emaitza izanen da: zenbateko unitarioa bider zehazturiko azalerak, administrazio kontrolak eta tokian bertakoak egin ondoren eta behar baino azalera gehiago deklaratzeagatik jartzen diren penalizazioak aplikatu baino lehen.
4. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.
39. artikulua . Ordaintzeko eskaerak eta urteroko ordainketak.
1. 5 urteko laguntzaren onuradunek urtero eskatu behar dute hura ordaintzeko laguntzaren eskabide bakarraren bidez. Laguntza jasotzeko, 36. artikuluko baldintzak eta 37. artikuluko konpromisoak bete beharko dituzte.
2. Ordainketaren zenbatekoa kalkulatzeko, zenbateko unitarioa biderkatuko da ordaintzeko kontuan hartutako azalerarekin, kasuan kasuko kontrol administratibo eta landa kontrol guztiak egin ondoren, 38.3. artikuluko modulazioak eta araudian ezarritako penalizazioak aplikatuta.
40. artikulua . Bateraezintasunak eta hautaketa irizpideak.
1. Eskatutako laguntzen zenbatekoak aurrekontuetako mugak gainditzen baditu, hautatzeko irizpide hauei jarraituko zaie, ondoko lehentasunarekin:
a) Lehorreko azalerak.
b) %15etik gorako maldetan dauden azalerak.
c) Natura 2000 Sarean sartutako azalerak.
2. Aurrekontua lehentasunezko talderen baten eskaerak finantzatzeko aski ez bada, talde horren barrenean kobratu beharreko zenbatekoak hainbanatuko dira.
41. artikulua . Ezbetetzeen mailaketak.
1. 36. artikuluan aipatzen den edozein onargarritasun baldintza eta 37. artikuluko a) edo g) letretako konpromisoa bete ezik, lehenengo urtean ordainketa ukatuko da eta, kasua errepikatzen bada, araubidetik baztertu eta harturiko dirua itzuli beharko du.
2. 37. artikuluko d), e), f), i) eta j) letretako konpromisoa bete ezik, ez-betetzearen lehenengo urtean laguntza %20an murriztuko da, bigarrenean %40an eta, hirugarrenetik aurrera, araubidetik baztertu eta harturiko dirua itzuli beharko du.
3. c) letrako konpromisoak bete ezik, lehenengo urtean laguntza %50ean murriztuko da, bigarrenean %100ean eta, hirugarrenetik aurrera, araubidetik baztertu eta harturiko dirua itzuli beharko du.
4. 37. artikuluko h) letrako konpromisoa bete ezik, urtean adierazi ez diren lurzatietarako edo eskaeratik kanpo daudenetarako laguntza uxatuko da.
5. 37. artikuluko b) letra bete ezik, baldintzak betetzen ez dituen azaleraren ordainketa ukatuko da eta, lehen urtean, azalera onargarriaren %20 murriztuko, eta %100 bigarrenean, eta, hirugarrenetik aurrera, araubidetik baztertu eta harturiko dirua itzuli beharko du.
6. Behar baino azalera gehiago deklaratzeari buruzko neurriak bete ezik, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Kontseiluaren 1306/2013 (EE) Erregelamenduaren aplikazio-xedapenak ezarri ziren, landa garapenari laguntzeko neurriei kontrolaren eta baldintzen prozedurak aplikatzeari dagokionez.
V. KAPITULUA. GALZORIAN DAUDEN TOKIKO ARRAZAK KONTSERBATU ETA SUSTATZEA
42. artikulua . Laguntzaren deskripzioa.
1. Ekintzak helburu du nekazariak adoretzea desagertzeko arriskuan dauden tokiko abere arraza autoktonoak eta berezko ustiapen sistema tradizionalak manten ditzaten, galzorian dauden tokiko arrazen zentsua handi dadila sustatzea, eta haien produktibitatea eta errentagarritasuna hobetzea, aldi berean eusten zaiela larrekotasunari eta ingurumenarekiko egokitasunari eta gobernatzeko sistema tradizionalei.
2. Laguntza horrekin ondoko onurak bultzatu gogo dira nekazaritzaren, ingurumenaren eta gizartearen arloetan:
a) Abere espezieen dibertsitate genetikoa zaintzea, Nafarroako arraza autoktonoak mantenduz, eta, batik bat, galzorian daudela katalogatu diren arrazak.
b) Laguntzea abeltzaintza ingurune hauskorren zaintzarekin bateragarria izan dadin higadura izateko arrisku handiko tokietan eta larratzeko azalerak era jasangarriak erabil daitezen, abeltzaintzako karga egokitasunez gobernatuz, behar baino gehiago edo gutxiago larratzea saihestuz.
c) Bazkatzeko azaleren kontrol naturala hobetzea, haien narriadura murriztu nahian, eta basoetan suteak sor ditzaketen zuhaixkak kontrolatzea, baita potentzial ekologikoari eustea ere abeltzaintzako bazka aprobetxamendu tradizionaleko eremuetan.
3. Landa Garapeneko, Nekazaritza, Abeltzaintza eta Elikadurako kontseilariaren 2003ko maiatzaren 26ko Foru Agindua aldatzeko Ingurumeneko eta Toki Administrazioko kontseilariak abenduaren 29an eman 309/2014 Foru Aginduarekin bat, ondoko arraza autoktono hauek galzorian diren arrazatzat jotzen dira, eta, hortaz, babes berezia merezi dute:
I. Behi aziendak: Betizua.
II. Ardi aziendak: Sasi Ardia.
III. Zaldi aziendak: Auritz, Nafarroako zaldikoa eta Pottoka.
IV. Ahuntz aziendak: Pirinioetako ahuntza.
V. Zerri azienda: Euskal Txerria.
43. artikulua . Laguntza mota.
Diru-laguntza bat da, azienda larriko unitate eta urte bakoitzeko ordaintzen den prima. Laguntza urtero emanen da, eta desagertzeko arriskuan dauden tokiko arrazak mantentzeak eta haiek modu estentsibo tradizionalean gobernatzeak sortzen dituzten kostu gehigarriak eta diru-sarreren galerak estaliko ditu, konpromisoa 5 urtekoa delarik.
44. artikulua . Onargarritasun baldintzak.
Laguntzak, soil-soilik, emanen dira laguntza eskatzeko epea bukatzen denean eta konpromisoak irauten duen bitartean ondoko baldintzak betetzen dituzten eskatzaileei edo ustiategiei:
- Onuradunak:
a) Pertsona fisikoa edo juridikoa izatea, Nafarroako Foru Komunitateko nekazaritza eta abeltzaintzako ustiategi baten titularra izatea eta Nafarroako Nekazaritza Ustiategien Erregistroan inskribatuta egotea.
b) Abeltzaintzako elkarte batekoa izatea, eta elkartearen helburua izatea abenduaren 26ko 2129/2008 Errege Dekretuan ezarri bezala neurriaren xedeko arrazak hobetu eta kontserbatzea.
- Ustiategiak:
a) 309/2014 Foru Aginduaren arabera galtzeko zorian dauden arraza autoktonoren bateko ugalketarako abereak -edo etorkizunean ugalketarako direnak- izatea ustiategian, eta dagokion liburu genealogikoan inskribatuta edukitzea.
b) Nekazaritza, ingurumen eta klimaren neurrian sartutako laguntzetatik baztertuta ez izatea.
Neurri honi atxikitzen zaizkion titularrek ondoko konpromisoak bete beharko dituzte gutxienez 5 urtez:
a) Ustiategiaren titularrak eskatu beharko du laguntza urtero pagatu diezaiotela, eskabide bakarrean, Batzordearen 640/2014 Erregelamenduan ezarririko moduan eta laguntzen deialdian ezarritako tokian, moduan eta epean.
b) Laguntzaren araubideari atxikitzen zaion urtean zehaztutako AzLUen %80, gutxienez, mantentzea Nafarroako Abere Arrazen Katalogo Ofiziala onesten duen abuztuaren 29ko 309/2014 Foru Aginduan definitutako galtzeko zorian dauden arraza autoktonoren batean.
c) Arraza zaindu, hobetu eta sustatzeko programan parte hartzea. Liburu genealogikoak kudeatzen dituen elkarteak ezartzen du programa hori, eta ofizialki onetsi behar da.
d) Laguntzaren xedeko animaliak liburu genealogikoetan inskribatzea liburuetan ezarritako epeetan.
e) Gutxienez 3 AzLU dagokion liburu genealogikoan inskribatuta egotea.
f) Abeltzaintzako ustiapeneko sistema estentsiboa mantentzea, non azienda neurri handi batean larratuz elikatzen den, abereen dentsitatea 2 AzLU/ha-tik beherakoa izanda. Abere dentsitate hori kalkulatzeko, bazka-azalera eta ustiategiaren abeltzaintza estentsiboko AzLUak hartuko dira kontuan. Unitate horiek kalkulatzeko, SIMOGAN datu basean kontabilizatutako bost balioen batez bestekoa aterako da; balioak laguntzaren eskaerak aurkezteko epea bukatu eta hurrengo bost hilabete bakoitzeko lehendabiziko lanegunean hartutakoak izanen dira, edo tokian berean egindako kontrolean atzemandako AzLUenak.
g) Berak edo hark eskuordetzen duenak Landa Garapeneko, Ingurumeneko eta Toki Administrazioko Departamentuak adierazten dituen prestakuntza jardueretan parte hartzea.
h) Eman edo jasotako diru-laguntzak eta hartutako konpromisoak direla eta, Landa Garapeneko, Ingurumeneko eta Toki Administrazioko Departamentuak egiten duen egiaztapen ekintza oro onartzea. Hartarako, Administrazioko ikuskatzaileei eta ziurtapen eta kontrol agintaritzari libre utzi beharko zaie lurzatietara sartzen, eta eragiketaren xedeko jardueraren gainean eskatzen zaien informazio guztia emanen zaie.
46. artikulua . Laguntzaren zenbatekoa.
1. Laguntzaren araubidean sartzeko eskaerak laguntzen eskabide bakarrean aurkeztuko dira. 5 urterako urteko laguntza eman ahalko zaie 44. artikuluan ezarritako onargarritasun baldintzak betetzen dituzten eskatzaileei. Laguntzaren eskabideak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.
2. Galzorian dauden tokiko arraza bakoitzean ustiategian hautatzen ahal diren azienda larriko unitateei aplikatu beharreko zenbateko unitarioa:
| GALZORIAN DAOGEN TOKIKO ARRAZA | GEHIENEKO ZENBATEKOA (euro/AzLU) |
| Zaldi azienda: Nafarroako zaldikoa | 140,00 |
| Behi azienda: Betizua | 120,00 |
| Ardi azienda: Sasi Ardia | 120,00 |
| Zaldi azienda: Auritz | 100,00 |
| Zaldi azienda: Pottoka | 100,00 |
| Ahuntz azienda: Piriniarra | 100,00 |
| Zerri azienda: Euskal Txerria | 100,00 |
3. Konpromisoa eta ordainketa kalkulatzeko kontuan hartzen diren AzLUak hauetako txikiena izanen da: eskatutako AZLU onargarriak; dagokion liburu genealogikoetan inskribatuta eta SIMOGAN datu basean kontabilizatuak dauden AzLUak (laguntzaren eskaerak aurkezteko epea bukatu eta hurrengo bost hilabete bakoitzeko lehendabiziko lanegunean hartutakoak); eta ikuskaritzak baliozkotutako AzLUak. AzLUak zenbatzeko, ugalketarako diren eme guztiak -eta etorkizunean ugalketarako izanen direnak- hartuko dira kontuan, eta, gainera, ugalketarako diren edo etorkizunean ugalketarako izanen diren 0tik 20ra arteko eme inskribatu dituzten taldeetan ar 1, 21etik 40ra arteko taldeetan 2 ar, 41etik 60ra arteko taldeetan 3 ar, eta 60tik gorako taldeetan 4 ar.
4. Emakidaren zenbatekoa eragiketa honen emaitza izanen da: zenbateko unitarioa bider zehazturiko AzLUak, administrazio kontrolak eta tokian bertakoak egin ondoren eta behar baino gehiago deklaratzeagatik jartzen diren penalizazioak aplikatu baino lehen.
5. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.
47. artikulua. Ordaintzeko eskaerak eta urteroko ordainketak.
1. 5 urtez urteko ordainketa emanen zaie 44. eta 45. artikuluetan ezarritakoari jarraikiz onargarritasun baldintza eta konpromisoak betetzen dituzten abeltzainei, betiere dagokion kanpainaren eskabide bakarrean urteko ordainketa eskatu badute prima jaso dezaketen abereen gehieneko kopuruarengatik (46.3 artikuluan zenbateko ezarritako egunetan dauden abereak kontuan hartuta).
2. Ordainketaren zenbatekoa kalkulatzeko, zenbateko unitarioa biderkatuko da kasuan kasuko kontrol administratibo eta landa kontrol guztiak egin ondoren ordaintzeko kalkulatzen diren AzLUekin, 48.2. artikuluko penalizazioak aplikatuta, eta 48.2 artikuluan ezarritako zenbateko unitarioekin.
3. Eskualdatutako unitateak ordezten dituzten produkzio unitateek (ugalketarako abereak) edo konpromisoak handitzea ahalbidetzen dutenek inskribatuta egon behar dute Nafarroako arraza autoktonoaren liburu genealogikoaren erregistro ofizialetan.
48. artikulua . Bateraezintasunak eta hautaketa irizpideak.
1. Laguntza hau bateraezina da, oro har, Landa garapenari FEADERen eta hura garatzen duen araubidearen bidez laguntzeari buruzko Europako Parlamentuaren eta Kontseiluaren 1305/2013 (EB) Erregelamendutik sortzen direnekin.
2. Galzorian dauden tokiko arrazak kontserbatu eta hobetzeagatik prima jasotzen duten arrazek ez dute jasoko animaliak larratze eta sistema estentsiboa zabaltzearen bidezko abeltzaintzako sistema jasangarrien laguntza osagarria, bi laguntzak bateraezinak direla jotzen baita.
3. Eskatzen diren laguntzen zenbatekoak aurrekontuaren mugak gainditzen baditu, arrazen artean hautatzeko edo lehenesteko ondoko irizpidea ezartzen da: urte bakoitzean ugalketarako diren eta liburu genealogikoan inskribaturik dauden emeen AzLU gutxien dituen arraza lehenetsiko da. Aurrekontua arraza baten eskaerak finantzatzeko aski ez bada, arraza horren barrenean kobratu beharreko zenbatekoak hainbanatuko dira.
49. artikulua . Ezbetetzeen mailaketak.
1. 44. artikuluan aipatzen den edozein onargarritasun baldintza eta 45. artikuluko a), c), e), f) eta h) letretako konpromisoa bete ezik, lehenengo urtean ordainketa ukatuko da eta, kasua errepikatzen bada, araubidetik baztertu eta harturiko dirua itzuli beharko du.
2. 45. artikuluko a) letrako konpromisoa bete ezik, ez-betetzearen lehenengo urtean laguntza %20an murriztuko da, bigarrenean %40an eta, hirugarrenetik aurrera, araubidetik baztertu eta harturiko dirua itzuli beharko du.
3. b) letrako konpromisoa bete ezik, lehenengo urtean laguntza %50ean murriztuko da, bigarrenean %100ean eta, hirugarrenetik aurrera, araubidetik baztertu eta, harturiko dirua itzuli beharko du.
4. 45. artikuluko d) letrako konpromisoa bete ezik, konpromiso horiek betetzen ez dituzten animalien urteko ordainketa uxatuko da.
5. Behar baino abere gehiago deklaratzeari buruzko neurriak bete ezik, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 31. artikuluan ezarritakoarekin bat. Erregelamendu horren bidez, Kontseiluaren 1306/2013 (EE) Erregelamenduaren aplikazio-xedapenak ezarri ziren, landa garapenari laguntzeko neurriei kontrolaren eta baldintzen prozedurak aplikatzeari dagokionez.
III. TITULUA. 11. NEURRIA.-NEKAZARITZA EKOLOGIKOA
50. artikulua . Laguntzaren deskripzioa.
1. Produkzio ekologikoa nekazaritzako kudeaketarako eta elikagaien produkziorako sistema orokor bat da, ondokoak biltzen dituena: jardunbide egokienak ingurumenaren arloan, biodibertsitate maila altua, baliabide naturalen babesa eta animalien ongizateari buruzko arau zorrotzen aplikazioa. Halaber, nekazaritza ekologikoak oinarri ditu tokiko nekazaritza sistemetan integratutako baliabide berriztagarriak.
2. Produktu ekologikoen merkatua handitzen ari da; hala ere, azken kontsumitzaileek, ordaintzen duten prezioaren bidez, ez dute erabat konpentsatzen haien kostu handiagoak eta produkzio txikiagoa. Horrenbestez, sektorearen aurrerapena ekarriko duten baldintzak sustatu behar dira, produkzioaren eta merkatuaren bilakaerarekin bat.
3. Nafarroako Landa Garapenerako 2014-2020 Programaren proposamenean, nekazaritza ekologikoari buruzko neurria dago, bi azpineurri hauekin:
a) Nekazaritza ekologikoaren metodo eta jarduketetara aldatzea.
b) Nekazaritza ekologikoaren metodo eta jarduketak kontserbatzea.
4. Titulu honen ondorioetarako, 5. artikuluko definizioak aplikatuko dira.
51. artikulua . Laguntza mota.
1. Laguntza urteko prima bat da hektarea bakoitzeko, produkzio ekologikorako lurzatien azalera hautagarriaren eta 52. artikuluan definitutako labore moten arabera emandakoa eskaeraren urtean, 5 urteko konpromisoaldiarekin.
2. Titulu honen 52. artikuluan jasotzen diren onargarritasun baldintzak betetzen dituztenei emanen zaizkie laguntzak.
3. Laguntzak emateko prozedura norgehiagokako araubidearen bitartez tramitatuko da.
52. artikulua . Onargarritasun baldintzak.
1. Laguntzak, soil-soilik, emanen dira laguntza eskatzeko epea bukatzen denean eta konpromisoak irauten duen bitartean ondoko baldintzak betetzen dituzten eskatzaileei edo ustiategiei:
-Onuradunak.
a) Nekazari aktiboa izatea (1307/2013 (EB) Erregelamenduaren 9. artikuluaren arabera) eta Nafarroako Nekazaritza Ustiategien Erregistroan inskribatuta egotea.
b) Nekazaritza Ekologikoaren neurrian sartutako laguntzetatik baztertuta ez izatea.
c) Nafarroako Nekazal Produkzio Ekologikoaren Kontseiluaren lizentzia edukitzea.
-Ustiategiak.
Nafarroako Foru Komunitateko lurzatiak produkzio ekologikorako erabiltzea, labore mota hauekin:
a) Ebakitzeko belar laboreak eta bazka-laboreak lehorreko lurretan. Produkzioa Eskualdekatzeko Planaren arabera, hektarea bakoitzeko 2,2 tonakoa edo gutxiagoko lehorreko errendimendua duten udalerriak.
b) Ebakitzeko belar laboreak eta bazka-laboreak lehorreko lurretan. Hektarea bakoitzeko 2,2 tonakoa baino gehiagoko eta 3,7 tonakoa edo gutxiagoko lehorreko errendimendua duten udalerriak.
c) Ebakitzeko belar laboreak eta bazka-laboreak lehorreko lurretan. Hektarea bakoitzeko 3,7 tonakoa baino gehiagoko lehorreko errendimendua duten udalerriak.
d) Ebakitzeko belar laboreak eta bazka-laboreak ureztalurretan.
e) Arroza.
f) Ardotarako mahatsa.
g) Fruitu oskoldunak.
h) Olibondoa.
i) Fruta-arbolak.
j) Landare usaintsuak, sendabelarrak eta tindatzekoak.
k) Aire zabaleko barazkiak eta berotegietakoak.
l) Nekazaritza ekologikoaren ustiategi baten larreak, ondoko espezietarako:
I. Behi azienda, zezenketakoa izan ezik.
II. Ardi azienda.
III. Ahuntz azienda.
IV. Zaldi azienda, haragitarako gaitasunarekin.
2. Nekazaritza ekologikora aldatzeko laguntzetatik bazterturik daude aurreko aldian “nekazaritza ekologikoa” eta/edo “abeltzaintza ekologikoa” neurrietan laguntzak jaso eta Nafarroako ziurtapen ekologikorako erakunde ofizialean zuten inskripzioa deuseztatu zituzten lurzatiak. Emakida kalkulatuko zaie lurzati horiei eta, aldatzeko aldia gainditu ondoren, nekazaritza ekologikoaren metodo eta jarduketak kontserbatzeagatik ematen den ordainketa onartuko zaie. Bazterketa hori ez da izango lurzatien zati bat edo ustiategi osoa salerosi, eskualdatu edo errentan hartzen direnean.
3. Ez dira onargarritzat hartuko herrilurretako larreen bazka-azalerak.
Neurri honi atxikitzen zaizkion titularrek ondoko konpromisoak bete beharko dituzte gutxienez 5 urtez:
a) Ustiategiaren titularrak eskatu beharko du laguntza urtero pagatu diezaiotela, eskabide bakarrean, Batzordearen 640/2014 Erregelamenduan ezarririko moduan eta laguntzen deialdian ezarritako tokian, moduan eta epean.
b) Laguntzaren araubidean sartzen den urtean zehaztutako azaleraren %90 edo gehiago produkzio ekologikoan mantentzea. Atxikipenaren ondoko urteetan, laguntzak jasotzen segitu nahi izanez gero, konpromisoko lurzati berberak jarriko dira. Produkzio ekologikoko beste batzuekin ordezka litezke, bakar-bakarrik, eskaera egiten den urteko urtarrilaren 1ean ekologikora aldatzeko epea gainditua baldin badute.
c) Eman eta hartutako diru-laguntzak direla eta, Landa Garapeneko, Ingurumeneko eta Toki Administrazioko Departamentuak egiten dituen egiaztapen ekintzak oro onartzea. Horretarako, baimena eman beharko zaie ikuskatzaileei eta ziurtatu eta kontrolatzeko agintariei lurzatietan eta ustiategiei loturiko instalazioetan askatasun osoz sartzeko.
d) Landa Garapeneko eta Ingurumeneko Departamentuak agintzen dizkien prestakuntza-ekintzetan parte hartzea. Horri dagokionez, ulertuko da konpromisoa bete dela onuradunaren ordez haren ordezkoa joanen balitz. Hala ere, horrek konpromisoaren xede diren lurzatietan laborantza ekintzak egin eta kontrolatzeko erantzukizuna eduki beharko du.
e) Ustiategiko koadernoa eguneraturik edukitzea, non laborantza-lan guztiak adieraziko baitira.
f) Helburu bereko beste diru-laguntza publiko batzuk eskatu izanaren berri ematea Landa Garapeneko, Ingurumeneko eta Toki Administrazioko Departamentuari.
g) Urtero ustiategiko lurzatiak adieraztea, produkzio ekologikorako erabiltzen direnak eta laguntzaren urteko ordainketaren xede direnak azalduz.
h) Ustiategiko azienda ekologikoak aprobetxatuko ditu larre iraunkorrak eta larratzeko bazka-azalerak.
i) Bazka-azaleren aprobetxamendu estentsiboa mantentzea abeltzaintzaren urteroko karga egokiaren bidez (1,5 AzLUren eta 0,2 AzLUren arteko karga hektareako). Abere dentsitate hori kalkulatzeko, bazka-azalera ekologikoa eta ustiategiaren abeltzaintza estentsibo ekologikoko AzLUak hartuko dira kontuan. Unitate horiek kalkulatzeko, SIMOGAN datu basean kontabilizatutako bost balioen batez bestekoa aterako da; balioak laguntzaren eskaerak aurkezteko epea bukatu eta hurrengo bost hilabete bakoitzeko lehendabiziko lanegunean hartutakoak izanen dira, edo tokian berean egindako kontrolean atzemandako AzLUenak.
j) Ustiategiaren produktoreek metodo ekologikoak erabili behar dituzte nekazaritzako produkzioaren prozesu osoan, azken kontsumitzailearentzako edo industria eraldatzailearentzako produktu egokia lortu arte.
Nekazaritzako lurzatien kasuan, eskatzen da nekazaritzako jarduera eremuko baldintza arruntetan egitea eta landatutako lurzatietan uzta biltzea.
Hazteko abeltzaintza ekologikoaren kasuan, eskatzen da hiltzeko edo gizentzeko azken ekoizle ekologiko bati saltzea ondoko proportzioan: haragitarako behi eta zaldien produkzioan, 0,25 abere ugalketarako den eme bakoitzeko eta urteko; haragitarako ardi eta ahuntzen produkzioan, 0,40 abere ugalketarako den eme bakoitzeko eta urteko. Behi esnearen produkzioan, eskatzen da gutxienez 3.000 kg esne produzitu eta saltzea ugalketarako den eme bakoitzeko eta urteko; Ardi eta ahuntz esnearen produkzioan, 60 eta 100 kg esne eme bakoitzeko, hurrenez hurren.
Gizentzeko abeltzaintza ekologikoaren kasuan, eskatzen da hiltzeko saltzea urtean saldutako abereen %50 edo gehiago.
k) 834/2007 (EE) Erregelamenduan eta 889/2008 (EE) Erregelamenduan produkzio ekologikorako ezarritako metodoak aplikatzea neurri honen xedeko produkzio unitateetan (azaleretan eta abereetan), eta Nafarroako organismo ziurtatzailearen (NPPEK) ziurtagiria lortzea.
l) Oinarrizko lerroko konpromisoak betetzea, laguntza horri buruz foru agindu honen II. eranskinean jasoak.
Erakunde ordaintzaileak ustiategien erregistroetan aztertuko du nekazaritza ekologikoaren arauak errespetatu ez izanaren zantzuak dauden eta, kontrol organismo batek gomendio bat egin badu, onuradunak horri emandako erantzuna.
54. artikulua . Araubidean sartzea eta laguntzaren zenbatekoa.
1. Laguntzaren araubidean sartzeko eskaera laguntzen eskabide bakarraren bidez eginen da. 5 urterako urteko laguntza eman ahalko zaie 52. artikuluan ezarritako onargarritasun baldintzak betetzen dituzten eta 53. artikuluan ezarritako konpromisoei atxikitzen zaizkien eskatzaileei. Laguntzaren eskabideak ebaluatuko dira, eta organo eskudunak onartu edo ukatuko ditu 3 hilabeteko epean, ebazpen baten bidez. Epe hori igarota, eskaera ezetsitzat joko da.
2. Laguntza honela kalkulatuko da:
a) Laguntzaren zenbatekoak egokitzeko, zenbateko unitario osoa aplikatzen zaie zehaztutako azalerei, behar baino gehiago deklaratzeagatik jartzen diren penalizazioak aplikatu baino lehen, ustiategiko 10.000 euroko laguntza osoa lortu arte; ustiategian zehaztutako gainerako azalerei, zenbateko unitarioaren erdia aplikatzen zaie. Labore mota guztien azalera bateratzeko eta azalera baliokideak lortzeko, ondoko baliokidetasun koefizienteak aplikatzen zaizkie labora mota bakoitzean zehaztutako azalerei:
| LABORANTZA MOTA | APLIKATUTAKO KOEFIZIENTEAK. MANTENTZEA | APLIKATUTAKO KOEFIZIENTEAK. ALDATZEA |
| Ebakitzeko belarkiak eta bazka-laboreak lehorreko lurrean. Hektarea bakoitzeko 2,2 tonakoa edo gutxiagoko errendimendua duten udalerriak | 0,100 | 0,116 |
| Ebakitzeko belarkiak eta bazka-laboreak lehorreko lurrean. Hektarea bakoitzeko 2,2 tonakoa baino gehiagoko eta 3,7 tonakoa edo gutxiagoko errendimendua duten udalerriak | 0,213 | 0,247 |
| Ebakitzeko belarkiak eta bazka-laboreak lehorreko lurrean. Hektarea bakoitzeko 3,7 tonakoa baino gehiagoko errendimendua duten udalerriak | 0,283 | 0,328 |
| Ebakitzeko belarkiak eta bazka-laboreak ureztalurrean | 0,333 | 0,386 |
| Landare usaintsuak, sendabelarrak eta tindatzekoak. | 0,375 | 0,435 |
| Arroza | 0,416 | 0,483 |
| Aire zabaleko barazkiak eta berotegietakoak | 1,000 | 1,000 |
| Fruitu oskoldunak | 0,375 | 0,435 |
| Ardotarako mahatsa | 0,583 | 0,676 |
| Olibondoa | 0,566 | 0,657 |
| Fruta arbolak | 0,875 | 1,000 |
| Ustiategi bateko larratzeak nekazaritza ekologikoan | 0,250 | 0,290 |
3. Lehenbiziko 16,6 unitate baliokideei, labore mota bakoitzean zehaztutako azaleraren arabera banatuak, zenbateko unitario oso aplikatzen zaie. Hurrengo unitate baliokideei, zenbateko unitarioaren %50 aplikatzen zaie. Bi zenbatekoen baturak bat egiten du emandako laguntzaren zenbatekoarekin.
4. Sozietateen kasuan, zenbateko oso gisa ordain daitezkeen 10.000 euroko muga handituko da, bazkideen kopuruarekin biderkatuz (3 gehienez).
5. Ondoko zenbateko unitarioak aplikatuko zaizkie labora mota bakoitzean zehaztutako azalerei, mantentzeko azalerak eta aldatzeko azalerak bereiziz:
| LABORANTZA MOTA | ZENBATEKO UNITARIOAK. MANTENTZEA (euroak/ha) | ZENBATEKO UNITARIOAK. ALDATZEA (euroak/ha) |
| Ebakitzeko belarkiak eta bazka-laboreak lehorreko lurrean. Hektarea bakoitzeko 2,2 tonakoa edo gutxiagoko errendimendua duten udalerriak | 60,00 | 69,60 |
| Ebakitzeko belarkiak eta bazka-laboreak lehorreko lurrean. Hektarea bakoitzeko 2,2 tonakoa baino gehiagoko eta 3,7 tonakoa edo gutxiagoko errendimendua duten udalerriak | 128,00 | 148,48 |
| Ebakitzeko belarkiak eta bazka-laboreak lehorreko lurrean. Hektarea bakoitzeko 3,7 tonakoa baino gehiagoko errendimendua duten udalerriak | 170,00 | 197,20 |
| Ebakitzeko belarkiak eta bazka-laboreak ureztalurrean | 200,00 | 232,00 |
| Landare usaintsuak, sendabelarrak eta tindatzekoak. | 225,00 | 261,00 |
| Arroza | 250,00 | 290,00 |
| Aire ageriko barazkiak eta berotegietakoak | 600,00 | 600,00 |
| Fruitu oskoldunak | 225,00 | 261,00 |
| Ardotarako mahatsa | 350,00 | 406,00 |
| Olibondoa | 340,00 | 394,40 |
| Fruta arbolak | 525,00 | 600,00 |
| Ustiategi bateko larratzeak nekazaritza ekologikoan | 150,00 | 174,00 |
6. Ustiategiak aldatzen ari diren lurzatiak baditu, ulertuko da labore bat labore mota batzuetan dagoela aldatzen edo mantentzen ari bada. Titular bakoitzarentzat, aldatzen ari diren azaleretarako emakida kalkulatzeko, egoera horretan dauden lurzatiak hartuko dira kontuan, egoera horretan egon behar duten kanpainetarako; mantentzen ari diren azaleratako emakida kalkulatzeko, egoera horretan dauden lurzatiak eta mantentzeko aldia bukatu dutenak hartuko dira kontuan.
7. 1. atalaren arabera onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan ordaintzeko eskabideei aplikatuko zaiena.
8. Ustiategiaren azienda ekologikoak aprobetxatuko ditu larre iraunkorren azalera eta larratzeko bazka-azalera, eta diru-laguntza jaso dezaketen hektareek ezin dute ustiategiko AzLU ekologikoen balioa gainditu. NPPEKn ekologikotzat erregistratutako espezietarako konpromisoa eta ordainketa kalkulatzeko kontuan hartu beharreko AzLUa izanen da SIMOGAN datu basean zenbatutako bost balioen batez bestekoa, laguntzen eskaerak aurkezteko epea bukatu eta hurrengo bost hilabete bakoitzeko lehenbiziko lanegunean, eta, halaber, tokian berean egindako kontrolean atzemandako AzLUen balioen batez bestekoa.
9. NELIGS esparru batean edo haien zati batean, eremu bererako laguntzak hartzen ahal dituzten laborantzak errepikatzen badira, laguntza zehazteko zenbateko unitario handiena daukan laborantza hartuko da kontuan. Betiere, eremu bererako nekazaritza urte batean bakarrik laguntza bat kobratzen ahalko da araubide horregatik.
10. Lugorria emakidaren urteko lehorreko belarkietarako deklaratutako azaleraren erdia baino gehiago bada, titularrak eskatzen ahalko du azalera horiek kontuan har daitezen konpromisoaren azalera eta urteko gehieneko zenbatekoa zehazteko, betiere lehorreko lurretan labore mota horretako nekazaritza ekologikoaren lur azalera osoaren %50 gainditu gabe. Aintzakotzat hartzen diren lugorriei, kontzesiorako, lehorreko lurretako belarkien zenbateko unitarioa aplikatuko zaie.
11. Eskaeraren urtean lurzatiak berrantolatzeko prozesuan dauden eta landatzea ezinezko duten udalerrien kasuan, berrantolatze prozesuaren hasieraren aurreko urteko laborantzen aitorpena hartuko da laguntzaren zenbatekoa kalkulatzeko erreferentzia gisa.
12. Ez dira emango 100 eurotik beherako emakidarik.
55. artikulua . Ordaintzeko eskaerak eta urteroko ordainketak.
1. Urteko ordainketa laguntzen eskabide bakarraren bidez eskatuko da, non aitortuko diren 50. artikuluan adierazitako konpromisoak mantenduko dituzten lurzatiak edo NELIGS barrutiak, kanpaina horren labore nagusiak adierazita.
2. Urte bateko laboreen kasuan, urteko ordainketaren eskaera laborearen ziklo begetatiboaren erdia baino gehiago gertatzen den urtean aurkeztu behar da. Laborea landatu edo ereiten denetik bilketa egin bitartekoa hartzen da ziklo begetatibotzat. Kruzifero eta urazen laborantzan azaroaren 1etik abenduaren 31 bitartean eginiko laborantzetarako laguntzak hurrengo urtean eskatu beharko dira.
3. Urteko ordainketa kanpaina horretan ezarritako laboreen arabera (egokitzapena aplikatuta) eta foru agindu honen 51. artikuluan ezarritako labore moten zenbatekoaren arabera kalkulatuko da, kanpaina horretarako emandako laguntzaren mugaraino.
56. artikulua. Bateraezintasunak eta hautaketa irizpideak.
1. Laguntza honen bateraezintasunak, oro har, Landa garapenari FEADERen eta hura garatzen duen araubidearen bidez laguntzeari buruzko Europako Parlamentuaren eta Kontseiluaren 1305/2013 (EB) Erregelamendutik sortzen direnak dira.
2. Nolanahi ere, ondoko hauekin bateraezina da:
a) “Abeltzaintzako sistema jasangarriak sustatzea, animaliak larratze eta sistema estentsiboa zabaltzearen bidez” laguntzarekin, ebakitzeko belarki laboreak eta bazka-laboreak lehorreko lurretan eta ureztalurretan eta larreak labore moten kasuan.
b) “Hazitarako patataren laborantza sustatzea” laguntzarekin, labore horren kasuan.
c) Ekintza planetan, programa operatiboetan eta berariazko neurrietan konpromiso berak edo antzekoak biltzen dituzten laguntzekin.
3. Produkzio ekologikoa neurriaren onuradunek, ordainketa zuzenak jaso eta, greening-a betetzetik salbuetsita ez daudenez, neurri horretarako konprometitutako azaleran egitea erabakitzen badute, produkzio ekologikoaren ordainketa murriztuko zaie finantzaketa ez bikoizteko, klimarako eta ingurumenerako onuragarriak diren nekazaritzako jarduketetarako ordainketaren onuradunak baitira.
4. Eskatutako laguntzen zenbatekoak aurrekontuetako mugak gainditzen baditu, hautatzeko irizpide hauei jarraituko zaie garrantzitsuak direlako ingurumenaren aldetik, ondoko lehentasunarekin:
a) Ureztalurren eremuak.
b) Nekazaritzan erabilitako nitratoek ura kutsatzeko arriskua duten eremuak.
c) Natura 2000 eremuak.
5. Aurrekontua lehentasunezko talde batean eskaerak finantzatzeko aski ez bada, talde horren barrenean kobratu beharreko zenbatekoak hainbanatuko dira.
57. artikulua . Ezbetetzeen mailaketak.
1. 52. artikuluan aipatzen den edozein onargarritasun baldintza eta 53. artikuluko a), c) edo f) letretako konpromisoak bete ezik, lehenengo urtean ordainketa ukatuko da eta, kasua errepikatzen bada, araubidetik baztertu eta harturiko dirua itzuli beharko du.
2. 53. artikuluko d) letrako konpromisoa bete ezik, ez-betetzearen lehenengo urtean laguntza %20an murriztuko da, bigarrenean %40an eta, hirugarrenetik aurrera, araubidetik baztertu eta harturiko dirua itzuli beharko du.
3. 53. artikuluko b), e) eta j) letretako konpromisoak bete ezik, lehenengo urtean laguntza %50ean murriztuko da, bigarrenean %100ean eta, hirugarrenetik aurrera, araubidetik baztertu eta harturiko dirua itzuli beharko du.
4. 53. artikuluko g) letrako konpromisoa bete ezik, urtean adierazi ez diren lurzatietarako edo eskaeratik kanpo daudenetarako laguntza uxatuko da.
5. 53. artikulukok k) letrako konpromisoetako bat bete ezik, zehazki ongarriak eta fitosanitarioak aplikatzeari, erabilitako hazi eta landaretxoei dagokienez, urteko ordainketa ukatuko da eta, kasua errepikatzen bada, araubidetik baztertu eta harturiko dirua itzuli beharko du. Atal horretako bestelako konpromisoren bat edo ekoizpen paraleloari dagokiona bete ezik, lehenengo urtean laguntza %50ean murriztuko da, bigarrenean %100ean eta, hirugarrenetik aurrera, araubidetik baztertu eta harturiko dirua itzuli beharko du.
6. 53. artikuluko h) eta i) letretako konpromisoak bete ezik, larratzeko larreen motarako urteko ordainketa ukatuko da.
7. 53. artikulukok l) letrako konpromisoetako bat bete ezik, zehazki ongarriak eta fitosanitarioak aplikatzeari eta erabilitako hazi edo landaretxoei dagokienez, araubidetik baztertu eta harturiko dirua itzuli beharko du. Atal horretako bestelako konpromisoren bat bete ezik, lehenengo urtean laguntza ukatuko da eta, kasua errepikatzen bada, araubidetik baztertu eta harturiko dirua itzuli beharko du.
8. Behar baino azalera gehiago deklaratzeari buruzko neurriak bete ezik, murrizketak eta bazterketak aplikatuko dira, Batzordearen martxoaren 11ko 640/2014 (EB) Erregelamendu Delegatuaren 19. artikuluan ezarritakoarekin bat. Erregelamendu horren bidez, Kontseiluaren 1306/2013 (EE) Erregelamenduaren aplikazio-xedapenak ezarri ziren, landa garapenari laguntzeko neurriei kontrolaren eta baldintzen prozedurak aplikatzeari dagokionez.
IV. TITULUA. XEDAPEN KOMUNAK
58. artikulua . Ebaluazioa, jarraipena eta kontrola.
Eskaeren ebaluazioa, kontrol administratiboa eta ordainketaren ebazpen proposamena Nekazaritza Zerbitzuak eginen ditu; tokian berean egindako kontrola, berriz, Ikuskapenen Atalak eginen du; eta Nekazaritzako estepa habitatak hobetzea laguntzaren kasuan, Biodibertsitatea Zaintzeko Zerbitzuak eginen du; horretarako, behar diren egiaztapenak eginen dira, eta eskatzaileak eskatzen zaion informazio osagarri osoa eman beharko du.
59. artikulua . Deialdiaren antolamendua, instrukzioa eta ebazpena.
1. Eskabidea jaso ondoren, egiaztatuko da interesdunek onuraduna eta hautatua izateko baldintzak betetzen dituztela, baita Diru-laguntzei buruzko azaroaren 9ko 11/2005 Foru Legearen 9. artikuluan ezarritako betebeharrak ere. Agiri guztiak ez badaude, interesdunari eskatuko zaio hogeita hamar eguneko epean zuzendu ditzala, eta adieraziko zaio, hori egin ezean, eskaerari uko egiten diola ondorioztatuko dela eta artxibatzeko ebazpena eginen dela eta jakinaraziko zaiola.
2. Zerbitzu kudeatzaileak eskaera ebaluatu ondoren, ebazpen proposamena eginen da.
3. Foru agindu honen babespeko laguntzak Nekazaritza eta Abeltzaintzako zuzendari nagusiak emanen (eta ordainduko) edo ukatuko ditu modu arrazoituan; Nekazaritzako estepa habitatak hobetzea laguntzaren kasuan, Ingurumenaren eta Uraren zuzendari nagusiak eginen du.
4. Prozeduraren gainean ebazteko epea hiru hilabetekoa izanen da, eskaerak aurkezteko epea bukatzen denetik hasita. Epea espresuki ebazpenik gabe bukatzen bada, ezetsitzat joko da eskaera.
60. artikulua . Laguntzak ukatzea eta zehapenak.
1. Onargarritasun baldintzak bete ezik, laguntzak ukatuko dira.
2. Ezarritako kontrol administratiboen edo landa kontrolen ondorioz egiaztatzen bada alde bat dagoela eskatutako hektarea edo AzLUen eta egiaztatutakoen artean, dagozkion zehapenak jarriko dira, Batzordearen 640/2014 (EB) Erregelamendu Delegatuaren 19. eta 31. artikuluekin bat.
3. Ustiategiko azalerak erabat ez deklaratzeak Batzordearen 640/2014 (EB) Erregelamendu Delegatuaren 16. artikuluan aurreikusitako zehapena ekarriko du.
4. Laguntzaren xedeko azalerek baldintzazkotasun arauak ezartzen dituen abenduaren 19ko 1078/2014 Errege Dekretuan ezarritako bete beharko dute. Arau horiek bete ezik, dagozkion zehapenak jarriko dira.
5. Aurrekoez gain, Diru-laguntzei buruzko azaroaren 9ko 11/2005 Foru Legean xedatutako arau-hausteen eta zehapenen araubideari jarraituko zaio.
61. artikulua . Oker jasotako ordainketen itzulketa.
1. Ordainketa bat oker jasotzen denean, horren zenbatekoa eta interesak, jasotzaileari itzulketa egiteko jakinarazten zaionetik itzulketa edo kenkaria egin arteko denborari dagozkionak, pagatu beharko ditu jasotzaileak, Batzordearen 2014ko uztailaren 17ko 809/2014 (EB) Exekuzio Erregelamenduaren 7. artikuluan xedatuarekin bat.
62. artikulua . Laguntzen publizitatea.
Onuradunen zerrenda argitaratuko da 1306/2013 (EB) Erregelamenduaren IV. kapituluan ezartzen den bezala. Onuradunei jakinaraziko zaie haien datuak erregelamendu horren 111. artikuluarekin bat argitaratuko direla, eta auditoretzak eta azterketak egiteko erakundeek har ditzaketela datuak, Batasunaren finantza interesak babestuak gelditzeko. Datuak pertsonalak direnean, onuradunei haien eskubideen berri emanen zaie, datuak babesteko arauekin eta eskubide horiek baliatzeko prozedura aplikagarriekin bat.
Xedapen Indargabetzaile Bakarra. Arauak indargabetzea.
Honako arau hauek gelditzen dira indarrik gabe: Nekazaritza, Abeltzaintza eta Elikadurako kontseilariak otsailaren 12an emandako 33/2007 Foru Agindua, nekazaritza ekologikorako laguntzak eman, kudeatu eta kontrolatzeko araubide orokorra ezartzen duena; Nekazaritza, Abeltzaintza eta Elikadurako kontseilariak otsailaren 12an emandako 35/2007 Foru Agindua, abeltzaintza ekologikorako laguntzak eman, kudeatu eta kontrolatzeko araubide orokorra ezartzen duena; Nekazaritza, Abeltzaintza eta Elikadurako kontseilariak otsailaren 12an emandako 36/2007 Foru Agindua, galtzeko zorian dauden arraza autoktonoak babesteko eta sustatzeko laguntzak eman, kudeatu eta kontrolatzeko araubide orokorra ezartzen duena; Landa Garapeneko eta Ingurumeneko kontseilariak otsailaren 9an emandako 50/2009 Foru Agindua, estepa eremuetako nekazaritza-ingurumen arloko laguntzak eman, kudeatu eta kontrolatzeko araubide orokorra ezartzen duena; Landa Garapeneko eta Ingurumeneko kontseilariaren ekainaren 15eko 322/2009 Foru Agindua, hazitarako patataren laborantzan nekazaritzako ingurumen neurriak sustatzeko laguntzak emateko arauak onetsi dituena; eta Landa Garapeneko eta Ingurumeneko kontseilariak otsailaren 19an emandako 76/2010 Foru Agindua, mahastietan nekazaritza eta ingurumen arloko neurriak aplikatzeko laguntzak eman, kudeatu eta kontrolatzeko arauak onetsi dituena.
Azken Xedapen Bakarra. Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra. Arau hau 2015eko martxoaren 1etik aurrera aurkeztu diren laguntzen eskaerei aplikatuko zaie.
Iruñean, 2015eko maiatzaren 20an.-Landa Garapeneko, Ingurumeneko eta Toki Administrazioko kontseilaria, José Javier Esparza Abaurrea.
Eranskinaren kodea: I. eranskina. Izena: Erregionalizazio indizeak.
Eranskinaren kodea: II. eranskina. Izena: Oinarrizko lerroko baldintzak.
I. ERANSKINA. ERREGIONALIZAZIO INDIZEAK
II. ERANSKINA
OINARRIZKO LERROKO BALDINTZAK
Iragarkiaren kodea: F1507844
