navarra.es

Castellano | Euskara | Français | English

LEXNAVARRA

Versión para imprimir
Versión en castellano

99/2025 FORU DEKRETUA, IRAILAREN 3KOA, NAFARROAKO FORU KOMUNITATEKO ADMINISTRAZIOAREN ETA HAREN ERAKUNDE AUTONOMOEN PLANTILLA ORGANIKOA ALDATZEN DUENA

BON N.ş 181 - 11/09/2025

• Preámbulo
• Artikulu bakarra. Hezkuntza Departamentuko unibertsitateaz kanpoko irakasleen plaza hutsen espezialitatea eta hizkuntza zehaztea.
• Azken xedapenetako lehena. Foru dekretu hau garatu eta betearazteko gaikuntza.
• Azken xedapenetako bigarrena. Indarra hartzea.

  I. ERANSKINA. ESPEZIALITATEA ETA HIZKUNTZA, MAISUMAISTREN ETA MUSIKAKO ETA ARTE ESZENIKOETAKO IRAKASLEEN KIDEGOETAKO PLAZA HUTSETAN

• I. ERANSKINA

Preámbulo

Abenduaren 27ko 303/2023 Foru Dekretuaren bidez onetsi zen Nafarroako Foru Komunitateko Administrazioaren eta haren erakunde autonomoen unibertsitateaz kanpoko irakasleen 2023ko lan publikoaren eskaintza partzial bat, 2023. urterako Estatuko Aurrekontu Orokorrei buruzko abenduaren 23ko 31/2022 Legean ezarritako ordezte-tasari dagokiona.

Abenduaren 27ko 305/2023 Foru Dekretuaren bidez onetsi zen Nafarroako Foru Komunitateko Administrazioaren eta haren erakunde autonomoen unibertsitateaz kanpoko irakasleen 2023ko lan publikoaren eskaintza partzial bat, 2023. urterako Estatuko Aurrekontu Orokorrei buruzko abenduaren 23ko 31/2022 Legean ezarritako ordezte-tasari dagokiona.

Abenduaren 27ko 119/2024 Foru Dekretuaren bidez onetsi zen Nafarroako Foru Komunitateko Administrazioaren eta haren erakunde autonomoen unibertsitateaz kanpoko irakasleen 2024ko lan publikoaren eskaintza partzial bat, 2023. urterako Estatuko Aurrekontu Orokorrei buruzko abenduaren 23ko 31/2022 Legean ezarritako ordezte-tasa espezifikoari dagokiona (2024ra luzatu dira aurrekontuok).

Abuztuaren 27ko 96/2025 Foru Dekretuaren bidez onetsi zen Nafarroako Foru Komunitateko Administrazioaren eta haren erakunde autonomoen unibertsitateaz kanpoko irakasleen 2025eko lan publikoaren eskaintza partzial bat, 2023. urterako Estatuko Aurrekontu Orokorrei buruzko abenduaren 23ko 31/2022 Legean ezarritako ordezte-tasari dagokiona (2025era luzatu dira aurrekontuok).

2025erako Nafarroako Aurrekontu Orokorrei buruzko abenduaren 26ko 19/2024 Foru Legearen 31.2 artikuluak xedatzen du ezen Nafarroako Foru Komunitateko Administrazioko eta haren erakunde autonomoetako unibertsitateaz kanpoko irakasleen lan publikoaren eskaintzetan sartzen diren plazen ezaugarriak, eta betiere espezialitatea eta hizkuntza, plantilla organikoa aldatzeko foru dekretu batean ezarriko direla, sartzeko hautapen proben deialdia egin baino lehen.

Aldaketa honek ez du kostu ekonomikorik.

Hori horrela, Barneko, Funtzio Publikoko eta Justiziako kontseilariak proposaturik, eta Nafarroako Gobernuak bi mila eta hogeita bosteko irailaren hiruan egindako bilkuran hartutako erabakiarekin bat,

DEKRETATZEN DUT:

Artikulu bakarra. Hezkuntza Departamentuko unibertsitateaz kanpoko irakasleen plaza hutsen espezialitatea eta hizkuntza zehaztea.

Nafarroako Foru Komunitateko Administrazioaren eta haren erakunde autonomoen plantilla organikoa aldatu egiten da, foru dekretu honen I. eranskinean jasotzen diren plaza hutsen espezialitatea eta hizkuntza zehazteko. Plaza horiek Nafarroako Foru Komunitateko Administrazioko eta haren erakunde autonomoetako unibertsitateaz kanpoko irakasleen honako enplegu publikoaren eskaintza partzial hauei dagozkie: 2023koari (abenduaren 27ko 303/2023 Foru Dekretuaren eta 305/2023 Foru Dekretuaren bidez onetsi zen), 2024koari (abenduaren 27ko 119/2024 Foru Dekretuaren bidez onetsi zen) eta 2025ekoari (abuztuaren 27ko 96/2025 Foru Dekretuaren bidez onetsi zen), unibertsitateaz kanpoko maisu-maistren eta Musikako eta Arte Eszenikoetako irakasleen kidegoetako plazei hutsei dagokienez.

Azken xedapenetako lehena. Foru dekretu hau garatu eta betearazteko gaikuntza.

Ahalmena ematen zaio Barneko, Funtzio Publikoko eta Justiziako kontseilariari foru dekretu hau garatzeko eta betearazteko behar diren xedapenak eman ditzan.

Azken xedapenetako bigarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

I. ERANSKINA. ESPEZIALITATEA ETA HIZKUNTZA, MAISU-MAISTREN ETA MUSIKAKO ETA ARTE ESZENIKOETAKO IRAKASLEEN KIDEGOETAKO PLAZA HUTSETAN

I. ERANSKINA

Maisu-maistren eta Musikako eta Arte Eszenikoetako irakasleen kidegoetako plaza hutsetan espezialitatea eta hizkuntza, Nafarroako Foru Komunitateko Administrazioko eta haren erakunde autonomoetako unibertsitateaz kanpoko irakasleen honako enplegu publikoaren eskaintza partzial hauetakoak: 2023koa (abenduaren 27ko 303/2023 Foru Dekretuaren eta 305/2023 Foru Dekretuaren bidez onetsi zen), 2024koa (abenduaren 27ko 119/2024 Foru Dekretuaren bidez onetsi zen) eta 2025ekoa (abuztuaren 27ko 96/2025 Foru Dekretuaren bidez onetsi zen).

Contacte con nosotros | Accesibilidad | Aviso legal | Mapa web