LEXNAVARRA
20/2024 FORU LEGEA, ABENDUAREN 26KOA, ZENBAIT ZERGA ALDATU ETA BESTE TRIBUTU-NEURRI BATZUK HARTZEN DITUENA
BON N.º 265 - 31/12/2024
- Atariko
- Lehen artikulua. Pertsona Fisikoen Errentaren gaineko Zergari buruzko Foru Legearen testu bategina.
- Bigarren artikulua. Ondarearen gaineko Zergari buruzko Foru Legea.
- Hirugarren artikulua. Sozietateen gaineko Zergari buruzko Foru Legea.
- Laugarren artikulua. Oinordetzen eta dohaintzen gaineko zergari buruzko xedapenen testu bategina.
- Bosgarren artikulua. Ondare eskualdaketen eta egintza juridiko dokumentatuen gaineko zergari buruzko xedapenen testu bategina.
- Seigarren artikulua. Tributuei buruzko Foru Lege Orokorra.
- Zazpigarren artikulua. Fundazioen eta irabaziasmorik gabeko bestelako entitateen zergaaraubide bereziko xedapenen eta mezenasgorako zergapizgarrien testu bategina.
- Zortzigarren artikulua. Nafarroako Foru Komunitateko Administrazioko eta haren Erakunde Autonomoetako Tasa eta Prezio Publikoei buruzko Foru Legea.
- Bederatzigarren artikulua. Nafarroako Toki Ogasunei buruzko Foru Legea.
- Xedapen gehigarri bakarra. Nafarroako Inbertsio Institutuaren onura fiskalak.
- Azken xedapenetako lehena. Nafarroako Hondakin Uren Saneamenduari buruzko Foru Legearen aldaketa.
- Azken xedapenetako bigarrena. 2/2018 Foru Legea aldatzea, apirilaren 13koa, Kontratu Publikoei buruzkoa.
- Azken xedapenetan hirugarrena. Araugintzarako gaikuntza.
- Azken xedapenetako laugarrena. Indarra hartzea.
NAFARROAKO FORU KOMUNITATEKO LEHENDAKARIA NAIZEN HONEK.
Aditzera ematen dut Nafarroako Parlamentuak onetsi duela honako:
ZENBAIT ZERGA ALDATU ETA BESTE TRIBUTU-NEURRI BATZUK HARTZEKO FORU LEGEA.
HITZAURREA
Foru lege honen xedea da honako arau hauek aldatzea: Pertsona Fisikoen Errentaren gaineko Zergari buruzko Foru Legearen testu bategina, Ondarearen gaineko Zergari buruzko Foru Legea, Sozietateen gaineko Zergari buruzko Foru Legea, Oinordetza eta dohaintzen gaineko zergaren xedapenak biltzen dituen testu bategina, Ondare eskualdaketen eta egintza juridiko dokumentatuen gaineko zergaren xedapenak biltzen dituen testu bategina, Tributuei buruzko Foru Lege Orokorra, Fundazioen eta irabazi-asmorik gabeko bestelako entitateen zerga-araubide bereziko xedapenen eta mezenasgorako zerga-pizgarrien testu bategina, Nafarroako Foru Komunitateko Administrazioaren eta haren erakunde autonomoen tasa eta prezio publikoei buruzko Foru Legea eta Nafarroako Toki Ogasunei buruzko Foru Legea.
Oro har, aipatu arauak aldatzean, enpresa-jardueraren fiskalitatea hobetu nahi da. Horregatik, arreta handia jarriko da lehen sektorean eta ikus-entzunezkoen sektorean.
Lehen sektorearen fiskalitateari dagokionez, pertsona fisikoen errentaren gaineko zergan, NBEUFek finantzatutako laguntzak erabat salbuetsita egonen dira (lehen, salbuespena ehuneko 50ekoa zen) baldin zergaren sortzapen datan ogibide nagusia nekazaritza dutenek edo lehentasunezko nekazaritza ustiategien titular direnek jaso badituzte. Salbuespenaren zenbatekoaren muga 20.000 euro izanen da betiere, eta LGENFen laguntzekin bateragarria izanen da.
Edonola ere, muga horretatik kanpo egonen dira eko-erregimenen laguntzak; izan ere, nahiz eta NBEUFek finantzatzen dituen, salbuetsita daude, nork jasotzen dituen kontuan hartu gabe. Halaber, lehen sektoreko belaunaldi-berritzea eta sektore horren gaztetzea sustatzeko, baztertuta geratuko dira aipatu salbuespenaren mugatik nekazarien lehenengo instalaziorako laguntza publikoak.
Zergadun gehiagok modua izan dezaten zuzeneko zenbatespen bereziaren araubidearen bidez beren nekazaritza-, abeltzaintza-, basogintza- edo arrantza-jardueraren etekin garbia kalkulatzeko, 300.000 eurotik 350.000 eurora igotzen da aurreko ekitaldiko eragiketa-bolumenaren atalasea, zeinak ahalbidetzen baitu pertsona fisikoen errentaren gaineko zergaren aipatu araubidea aplikatzea. Aldaketa horren ondorioz, beharrezkoa da zuzeneko zenbatespen bereziari uko egiteko epe berariazko bat ezartzea 2025erako, 2024an 350.000 euro baino gehiagoko eragiketa-bolumenik izan ez duten zergadunendako. Ukoa 2025eko urtarrilaren 31ra arte egiten ahalko da.
Halaber, denbora-egozpeneko arau berezi bat ezartzen da 2024an nekazaritza-aseguruetatik kalte-ordainak jaso dituzten subjektu pasiboendako, beren jardueraren diru-sarrerak galtzearen ondoriozko konpentsazioa badira. Kalte-ordain horiengatik jasotako zenbateko guztiak 2024ko edo 2025eko zergaldiari egozten ahalko dizkiote, baldin eta aukera hori pertsona fisikoen errentaren gaineko zergaren 2024ko autolikidazioa aurkezteko ezartzen den epearen barruan gauzatzen badute.
Halaber, ehuneko 19tik 5era murrizten da pertsona fisikoen errentaren gaineko zergaren konturako atxikipenaren edo sozietateen gaineko zergaren konturako atxikipenaren ehunekoa, aplikatzen ahal dena landa-higiezinen errentamenduaren edo azpierrentamenduaren ondoriozko errentetan.
Azkenik, beren produktuak eraldatzen dituzten nekazaritzako sozietate zibilek sozietateen gaineko zerga ordaindu beharrean pertsona fisikoen errentaren gaineko zerga ordaintzen jarraitu ahal izateko, ez dute inskribatuta egon beharko jada existitzen ez den Nekazaritzako elikagaiak zuzenean saltzen dituzten operadoreen Nafarroako erroldan, baizik eta Nekazaritzako elikagaiak merkaturatzeko bide laburren Nafarroako erregistro berrian.
Horrez gain, 180.000 eurotik 200.000 eurora igotzen da negozio zifraren zenbateko garbiaren atalasea, zeinak aipatu sozietate zibilei ahalbidetzen baitie errentak eratxikitzeko araubidean ordaintzea pertsona fisikoen errentaren gaineko zerga.
Enpresek berrinbertsio-eragiketak egin ditzaten errazteko, jarduera ekonomikoari lotutako elementuak eskualdatzean adierazitako errenten erabateko salbuespena berrezartzen da, eskualdaketaren zenbatekoa elementu halaber lotuetan epe ezarrietan berrinbertitzearen kasurako. Berrinbertitzeagatiko salbuespen hori jarduera ekonomikoak gauzatzen dituzten pertsona fisikoek zein entitateek aplikatuko dute.
Beste alde batetik, eginiko aldaketek orobat islatzen dute Nafarroako Gobernuak energia berriztagarrien eta mugikortasun elektrikoaren aldeko apustua egiten duela.
Mugikortasun elektrikoan egindako inbertsioengatiko kenkariei dagokienez, egokitzat jotzen da indar handiagoz sustatzea turismo-ibilgailuak (M1) eta furgoneta edo kamioi arinak (N1) eros daitezen; eta, horretarako, halako ibilgailuen kenkariaren oinarriaren muga 32.000 euro izatetik 35.000 euro izatera pasako da. Horri kontrajarririk, 2025eko urtarrilaren 1etik aurrera bertan behera uzten dira pedalei eragiteko motor elektrikozko laguntza duten bizikletak erosteagatiko kenkariak.
Gainera, potentzia handiko karga-sistemetan egindako inbertsioagatiko kenkaria ere hobetzen da. Hala, alde batetik, ezartzen da ezen, 2025eko urtarrilaren 1etik aurrera, bost portzentaje-puntu igoko dela 50 kW baino gehiagoko potentzia duten kargaguneei aplikaturiko kenkariaren ehunekoa; izan ere, horiek dira gaur egun garapen teknologikoan daudenak. Horrez gain, 50 kW baino gehiagoko potentzia handiko kargaguneetan inbertsioa eginez gero, kenkari-oinarriaren muga altuagoa ezartzen da, instalazio konplexuak direnez gero.
Ibilgailu elektrikoetan edo hibrido entxufagarrietan eta karga-sistemetan inbertsioak egiteagatik aplikatuko diren kenkari horiek guztiak pertsona fisikoek nahiz entitateek aplikatzen ahal dituzte.
Ibilgailu elektriko edo hibrido entxufagarrietan inbertitzeagatiko kenkaria pertsona fisikoen errentaren gaineko zergan gehiegi erabilia izatea eragozteko, 2025eko urtarrilaren 1etik aurrera eskuratuak direnetarako eskatuko da kenkarirako eskubidea eman duten ibilgailuek bost urte iraun dezatela subjektu pasiboaren ondarean. Hala, sozietateen gaineko zergarekin gertatzen den bezala, ibilgailua aipatu epea igaro baino lehen eskualdatzen bada, aplikatutako onura fiskala erregularizatu egin beharko da. Horrez gain, ibilgailu mota bera erosteagatiko onura fiskala berriz aplikatzeko iragan behar den epea lau urtetik bost urtera igotzen da.
Aurreko paragrafoan adierazitako helburu berarekin, malgutasunezko edo aukera anitzeko finantzaketarako kontratuen bitartez finantzatutako ibilgailu elektriko edo hibrido entxufagarrietan inbertitzeagatiko kenkaria egiteko baldintzatzat ezartzen da aukera egin dadila ibilgailuaren jabetzari eustearen alde, halako moduz non, aukera hori baliatzen ez bada, aplikatutako onura fiskala erregularizatzeko betebeharra ezartzen baita.
Azkenik, energiaren arloan eskumena duen organoak emandako txostena behar duten ingurumen-kenkarien segurtasun juridikoa areagotze aldera, foru agindu bidez zehazten ahalko dira kenkariak izan ditzaketen eta, beraz, kenkariaren oinarri gisa dagokion txostenean jaso daitezkeen gastuak.
Etxebizitza eskuratzeko zailtasuna dela-eta Nafarroako Gobernuak duen kezkaren erakusgarri, pizgarri berriak ezartzen dira etxebizitza gisa erabiltzeko higiezinen errentamendurako. Neurri horien bidez sustatu nahi da tentsiopeko etxebizitza-merkatuaren zonalde batean dauden etxebizitzen errentamendu iraunkorra, Hiri Errentamenduei buruzko Legearen 2. artikuluan ezarritakoari jarraikiz egina, turismo-, sasoiko edo gelakako errentamenduen aldean, halako pizgarriekin non errendimendu garbiaren ehuneko 90erainoko murrizketakoak izan baitaitezke.
Beste aldaketa batzuen bidez, zergadunei zein zerga-administrazioari segurtasun juridiko handiagoa emateko beharra ase nahi da. Horren adibide nagusiak dira Tributuei buruzko Foru Lege Orokorrean ezarritako geroratze-araubide berria, edo oinordetzen eta dohaintzen gaineko zergan nahiz ondare-eskualdaketen eta egintza juridiko dokumentatuen gaineko zergan ezarritako epea, garaiz kanpo aurkezteagatiko errekarguaren sortzapenik gabekoa, baldintzak bete ez dituzten onura fiskalak erregularizatzekoa.
Halaber, Kontseiluaren 2016ko uztailaren 12ko 2016/1164 (EB) Zuzentarauaren transposizioa osatu egin da nazioarteko gardentasun fiskalaren araubideari dagokionez. Zuzentarau horren bidez zenbait arau ezarri ziren barne merkatuaren funtzionamenduan zuzeneko eragina duten saiheste fiskaleko jardunbideen kontra.
Foru legearen egitura hauxe da: bederatzi artikulu, xedapen gehigarri bat eta lau azken xedapen.
Pertsona fisikoen errentaren gaineko zergari dagokionez, lehen sektoreari, jarduera ekonomikoei eta energia berriztagarrietako instalazioetan eta mugikortasun elektrikoan inbertitzeagatiko kenkariei dagokienez egindako aldaketa aipatuez gain, beste batzuk egin dira kapital higiezinaren etekinei, ondarearen gehitze eta gutxitzeei eta kuota diferentzialaren kenkariei dagokienez.
Kapital higiezinaren etekinez denaz bezainbatean, gastuen kenkaria mugatzen da higiezin edo eskubide bakoitzaren errentamenduagatik edo lagapenagatik lortutako etekin osoaren zenbatekora, halako moldez non kapital higiezinaren etekin garbia ezin izanen baita negatiboa izan. Edonola ere, zergaldian kenkarira eraman ez diren gastuen zenbatekoa hurrengo lau urteetan eramaten ahalko da kenkarira, muga berarekin. Lehenik urteko gastuen kenkaria egin beharko da, eta gero, aurreko urteetakoena.
Esan bezala, etxebizitza iraunkorren errentamendua sustatu nahi da bestelako errentamenduen aldean, hala nola turistikoak, sasoikoak edo gelakakoak; horretarako, errentamenduaren ondoriozko etekin garbi positiboaren gaineko ehuneko 50eko murriztapena ezartzen da, baldin eta etxebizitza kokatuta badago tentsiopeko etxebizitza-merkatuaren zonalde batean. Murriztapen hori aplikatzeko, errentamendua izan beharko da Hiri Errentamenduei buruzko azaroaren 24ko 29/1994 Legearen 2. artikuluan ezarritako errentamenduetako bat.
NASUVINSAren bitartekaritza bidezko errentamenduan sortutako etekin garbiei aplikatzen ahal zaien ehuneko 70eko murriztapena mantendu egiten da, eta Nafarroan laster deklaratuko direnez tentsiopeko etxebizitza-merkatuaren zonaldeak, murriztapen hori ehuneko 20 handituko da baldin errentan hartutako etxebizitza tentsiopeko etxebizitza-merkatuaren zonalde batean kokatuta badago.
Aipatu murriztapenak aplikatu ahal izateko, eskatzen da kontratua behar bezala erregistratuta egon dadila Nafarroako Etxebizitza Errentamenduko Kontratuen Erregistroan, zeina jasota agertzen baita Nafarroan Etxebizitza izateko Eskubideari buruzko maiatzaren 10eko 10/2010 Foru Legearen 90. artikuluan.
Araudiaren aldaketak 2025eko urtarrilaren 1etik aurrera izanen du eragina, baina murriztapen berriak aplikatuko dira tentsiopeko etxebizitza-merkatuaren zonaldeak deklaratuta eta argitaratuta dauden zergaldietan bakarrik.
Ondarearen gehitzeei eta gutxitzeei dagokienez, aldatu egiten da balore-merkatu arautuetan negoziatzeko onartzen ez diren baloreen kostu bidezko eskualdatzearen ondoriozko gehikuntza edo gutxitzea zehazteko modua arautzen duen artikulua, halako moldez non, egoera eztabaidagarrietan, aplikatzekoa izanen baita gai horri buruzko jurisprudentzia eta doktrina joria.
Salbuetsitako dirulaguntzekin finantzatzen diren inbertsioengatiko kenkariak kudeatzea eta aplikatzea errazagoa izan dadin, ezartzen da ezen zerga ordaintzetik salbuetsita dauden emandako dirulaguntzek kenkariaren oinarria murriztuko dutela (nahiz eta dirulaguntzak jaso gabe egon). Neurri horren bidez ekidin nahi da autolikidazioak aurkaratuak izatea inbertsioa egin ondorengo zergaldi batean jasotzen denean dirulaguntza.
Pentsioak urteko 14.490 euroko zenbatekoraino irits daitezen osatuak izate aldera, kotizaziopeko erretiro-pentsioengatik eta alarguntza-pentsioengatik kuota diferentzialari aplikatzekoak zaizkion kenkarien zenbatekoa handitu egiten da. Handitze hori erabat aplikagarria izan dadin bi ezkontideek kenkarirako eskubidea duten pentsioak jasotzen dituzten kasuetan, beharrezkoa da familia-unitatearen errenten zenbateko osoaren muga 29.980 eurora igotzea, zeinetatik gora ez baitago kenkarirako eskubiderik.
Ondarearen gaineko zergari dagokionez, egokitzapen tekniko bat egin da bizi aseguruen balorazioan: "onuradunari legokiokeen kapitalaren balioa" kontzeptuaren ordez, "hornidura matematikoaren balioa" kontzeptua sartuko da, horixe denez Aseguru- eta berraseguru-entitateen antolamenduari, gainbegiratzeari eta kaudimenari buruzko azaroaren 20ko 1060/2015 Errege Dekretuan erabiltzen den terminoa.
Halaber, beste urtebetez luzatzen da 2022an, 2023an eta 2024an indarrean zegoen zergaren eskala.
Sozietateen gaineko zergan, aipatu aldaketez gain, zenbait hobekuntza gehitzen dira film zinematografikoetan eta beste ikus-entzunezko obra batzuetan inbertsioak egiteagatiko kenkarian, 2024ko urtarrilaren 1etik aurrera hasitako zergaldietarako eraginarekin.
Lehenik eta behin, kenkariaren ehunekoa, arau orokor gisa, ehuneko 35etik 45era igotzen da, eta Nafarroako gastuen lurraldekako banaketaren ehunekoa inbertsioaren ehuneko 40an mantentzen. Gainera, "obra zailetarako" kenkariaren ehunekoa igo egiten da; kenkariaren oinarriko lehen milioian ehuneko 40koa zen, eta ehuneko 50ekoa izanen da lehenengo hiru milioietan. Film laburrak "obra zail" gisa kontuan hartzen dira, kenkariaren ehuneko 50 hori aplikatzeko modukoak.
Eta, 65.2 artikuluan araututako kenkariari dagokionez, mugatu egiten da proiektuen exekuzioaz arduratzen diren ekoizleen kenkaria ("service ekoiztetxeak") atzerriko ekoizpenen exekuziora, eta argitzen da ezen, "service ekoiztetxe" horiek Nafarroako lurraldean egiten dituzten gastuak zehazteko, 65.1 artikuluan ekoizlearentzat araututako kenkarirako irizpide berberak aplikatuko direla; hau da, Ekonomia eta Ogasuneko kontseilariaren maiatzaren 7ko 69/2021 Foru Aginduaren 2. artikuluan xedatutakoa aplikatuko da.
Azkenik, laguntzen intentsitatearen muga ehuneko 85an ipintzen da (ehuneko 50 izatearen ordez) milioi bat euro baino gutxiagoko ekoizpen-kostua duen ikus-entzunezko edozein proiekturentzat.
Bestalde, aldatu egiten da nazioarteko gardentasun fiskalaren araubidea, behingoz erabat egokituta egon dadin Kontseiluaren 2016ko uztailaren 12ko 2016/1164 (EB) Zuzentaraura. Zuzentarau horren bidez zenbait arau ezarri ziren barne merkatuaren funtzionamenduan zuzeneko eragina duten saiheste fiskaleko jardunbideen kontra. Zuzentarau hori Europar Batasunean tributazio justuago, errazago eta eraginkorragoa lortzeko Europako Batzordearen neurri-multzokoa da.
Araubide horretako errenta-egozpenak barne hartzen ditu partaidetzaren gehiengoa zergadunarena duten entitateek lortutako errentak ez ezik, atzerrian establezimendu iraunkorren bidez lortutakoak ere, establezimendu iraunkor horiek zergadunarenak berarenak izan nahiz partaidetzaren gehiengoa harena duten entitateenak izan.
Zuzentarauan xedatutakoaren arabera, eta transposizio agindua betetzeko, aldaketaren helburua da bermatzea, partaidetzaren gehiengoa zergadunarena duen entitatearen establezimendu iraunkorrak nahiz entitate horrek berak lortutako errenten tributazio efektiboa kalkulatze aldera, entitate bereiziaren ikuspegia aplikatzen dela, halako moldez non errenta horien tributazio efektiboa bereiz zehaztuko den partaidetzaren gehiengoa zergadunarena duen entitatearen jurisdikzioan eta haren establezimendu iraunkorrarenean, hurrenez hurren; horretarako, jurisdikzio bakoitzean ordaindutako zergak eta lortutako errentak soilik hartuko dira kontuan, betiere establezimendu iraunkorrak lortutako errentak partaidetzaren gehiengoa zergadunarena duen entitatearen jurisdikzioan tributazioaren menpe ez badaude edo horretatik salbuetsita badaude.
Azkenik, beste urtebetez luzatzen dira likidazio-oinarri negatiboak murrizteari jarritako mugak.
Aurretiaz adierazi bezala, oinordetzen eta dohaintzen gaineko zergan eta ondare-eskualdaketen eta egintza juridiko dokumentatuen gaineko zergan berariaz jaso da ezen onura fiskalak aplikatu ahal izateko baldintzak ez betetzearen kasuak erregularizatzeko epea dela ez-betetzea gertatzen denetik bi hilabetekoa. Halaber argitzen da ezen, erregularizazioarekin batera, aginduzkoa dela kuota ordaindugabea gehi horri dagozkion berandutze-interesak ordaintzea. Hortaz, ezarritako epean egiten bada erregularizazioa, ez da aplikatuko epez kanpoko aurkezpenetarako ezarritako errekargua. Gainera, bi zergetan zuzenketa teknikoren bat egiten da: oinordetza eta dohaintzen gaineko zergan, hiru paragrafo kentzen dira ez-betetzearen kasurako erregularizazioari buruz, orain erredundanteak izanen lirateke-eta; eta ondare eskualdaketen eta egintza juridiko dokumentatuen gaineko zergan, berriz, kendu egiten da "aldi baterako" izaerari buruzko aipamena, azalera-eskubidearen eta antzeko beste eskubide batzuen zerga-oinarria ezartzeko arauan egiten dena, gozamenari buruzko arauetarako igorpena egitean.
Tributuei buruzko Foru Lege Orokorrean eginiko aldaketa nagusia geroratzeen eta zatikatzeen arautzeari dagokio. Aldaketa horren bidez, foru legean bertan barreiatuta zegoen arau-multzo bat berrantolatu eta eguneratu nahi izan da, eta lege-maila eman diru-bilketa erregelamenduan jasotako eta indartu beharrekotzat jotako zenbait zertzeladari. Horretarako, 52. bis artikulua sortzen da, non jasotzen baita geroratzeen eta zatikatzeen araubide nagusia. Artikulu horretan, lehenik, aukera gisa ezartzen da erantzukizunpeko adierazpen bidez formulatu ahal izatea epe barneko pagamendua aldi batez eragozten duen egoera ekonomiko-finantzarioa (zeina ezinbestekoa baita edozein geroratzetarako). Horrek geroratzeei buruzko garapen-araudiari modua ematen dio ezartzeko ea zer kasutan baimendu ahalko den eskaerak arinago kudeatzea.
Halaber, lege-mailara igotzen da, eta eguneratzen, geroratu ezin diren zergen eta geroratze- edo zatikatze-eskaerak ez onartzeko arrazoien zerrenda. Horrela, gure ordenamendua gure ingurukora egokitzen da, eta berariazko lege-babesa ematen zaie zenbait eskaeraren onarpena eragozten duten arrazoi batzuei. Esanbidez ezartzen da ezen eskaera ez onartzearen ondorioa eskaera ez aurkeztutzat jotzea dela; beraz, eskaera horiek aurkezteak ez du etenen epe exekutiboa hastea.
Zor-etendurarako eskaera egitea bateraezintzat jotzen denez zor hori geroratzeko edo zatikatzeko eskaera izapidetua izatearekin, halaber ezartzen da ezen etete-eskaera bat aurkezten bada geroratze-eskaera bat tramitean dagoelarik, ex lege ulertuko dela azken horri uko egiten zaiola.
Horrez gain, argitzen da ezen, geroratzea edo zatikatzea onartu ondoren, zor geroratua edo zatikatua eteteko eskaerek ez dutela ekidinen ordainketak egin behar izatea. Eskatutako etetea onartzen denean baino ez da bertan behera utziko geroratzea edo zatikatzea, eta etetea onartu den momentuan ordainkizun dauden zenbatekoei eraginen die.
Azkenik, bermeak ematea eskatzen da, tributuen arloan eskumena duen departamentuko titularrak berariaz ezarritako salbuespenekin. Horrez gain, foru-lege mailara igotzen da eman beharreko bermeen zehaztapena, horiek lortu ezina frogatzen duen dokumentazioarena, eta, kasu horretan, onargarriak diren beste berme batzuena, tributuen arloan eskumena duen departamentuaren titularrak xedatzen duenarekin bat.
Geroratzeen araubide berriaren eskutik, 116., 118. eta 143. artikuluak aldatzen dira.
116. artikuluak borondatezko epea eta epe exekutiboa arautzen ditu, eta 4. apartatuan ezartzen dira geroratzeko, zatikatzeko, gauzazko ordainketarako edo konpentsatzeko eskaerak aurkezteak zer eragin izanen dituen epe horietan. Zehazki, ezartzen da borondatezko epean aurkeztutako eskaerek eragotzi egiten dutela epe exekutiboa hastea. Edonola ere, horrek ez du borondatezko epearen iragatea eragozten. Horrenbestez, argi utzi behar da ezen, aipatu epea igaro bada, eskaeretako edozein ebazteak ondorio gisa ekarriko duela epe exekutiboaren hasiera, zeina gerarazita egon baita eskaera aurkezteagatik. Horregatik azpimarratzen da borondatezko epean geroratze edo zatikatze bat onartzeak ez duela ekartzen aipatu ordaintze-epearen luzatzerik; eta, ondorioz, geroratutako zorrari buruzko etete-eskaera bat egin bada, epe exekutiboan egin dela ulertuko da.
Horrez gain ezartzen denez, baldin eta geroratzeko, zatikatzeko, gauzatan ordaintzeko edo konpentsatzeko eskaera bat, borondatezko epean egindakoa, ukatu egiten bada, ebazpenean zor-ordainketarako epe bat ezarriko da. Eta ohartarazten da ezen, zorra jadanik epe exekutiboan egonda ere, ebazpenean adierazten den epean ordainduz gero ez direla epe exekutiboari dagozkion errekarguak eskatuko. Hori guztia, dagozkiokeen interesen kalterik gabe.
Epe exekutiboan aurkeztutako geroratzeko, zatikatzeko, gauzatan ordaintzeko edo konpentsatzeko eskaerei dagokienez, epe horren eteterik eza ezartzen zuen araubideari eutsi egiten zaio.
Borondatezko epearen eta epe exekutiboaren denbora-mugak argitzeko asmo berarekin, paragrafo bat gehitzen da 143.7 artikuluan. Eteteko eskaerak, geroratzeko, zatikatzeko, gauzatan ordaintzeko eta konpentsatzeko eskaerek ez bezala, borondatezko epea gerarazten du, eta geldirik iraunen du eskaera ebazten den arte. Horregatik, eskaera ukatzen dela jakinarazten denean, borondatezko epeak aurrera segituko du bere amaierarako gelditzen ziren egunak agortu arte, eta orduantxe hasiko da epe exekutiboa, kasua bada.
Azkenik, 52. artikuluko apartatu batzuk indargabetu egiten dira, geroratzeei buruzko araubidea berrantolatzearen ondorioz, eta Tributuei buruzko Foru Lege Orokorraren xedapen gehigarrietatik eta iragankorretatik indargabetzen dira 2010az geroztik aurkeztutako geroratze-eskaerei aplikatzen ahal zitzaizkien urteko berariazko neurriak arautzen zituztenak.
Geroratzeez landa, tributuen arloko arau-hausteen eta zehapenen araubidean sartzen da zerga berezien araudiak eskatutako zirkulazio dokumentuak zuzen jaulki, jaso edo erabiltzeari buruzko betebeharrak ez betetzearen berariazko tipifikazioa, zehapena eta mailaketa.
Azkenik, xedapen iragankor bat txertatzen da, non arautzen baitira 2025ean eskatzen diren geroratze edo zatikatzeei aplikatzen ahal zaizkien berariazko baldintzak.
Fundazioen eta irabazi-asmorik gabeko bestelako entitateen zerga-araubide bereziko xedapenen eta mezenasgorako zerga-pizgarrien testu bateginean, testuari argitasun handiagoa emate aldera, berariaz ezartzen da ikerketa-erakunde publikoen edo zentro teknologikoen jardueren antzekoak egiten dituzten irabazi-asmorik gabeko entitateei egindako diru dohaintzengatiko kenkaria ehuneko 40 dela; hau da, ikerketa eta garapeneko eta berrikuntza teknologikoko jarduerak egiteagatiko kenkariari aplikatzen zaion portzentaje bera. Horrez gain, adierazten da ezen kenkari horri mezenasgoagatiko gainerako kenkarietarako ezarritako muga bera aplikatuko zaiola.
Pertsona fisikoek mikromezenasgoa egin dezaten sustatzeko, 150 eurotik 250 eurora igotzen da pertsona fisikoen gaineko zergan ehuneko 80ko kenkaria aplikatzeko eskubidea ematen duen mezenasgo-dohaintzen zenbatekoa. 250 euroren gaindikinaren kenkari-portzentajea ehuneko 40an mantentzen da kultur mezenasgoaren kasuan, eta ehuneko 35etik 40ra igotzen da gizarte-, ingurumen- eta kirol-mezenasgoenean. Hala, mezenasgo modalitate guztietako kenkari-portzentajeak parekatuta egonen dira.
Nafarroako Foru Komunitateko Administrazioko eta haren erakunde autonomoetako tasa eta prezio publikoei buruzko Foru Legeari dagokionez, bertan ezarritako tasak eguneratu eta egokitu egin dira, erabilerekin, errealitateekin eta arau berriekin bat egin dezaten; eta zuzenketa tekniko txikiren bat ere egin da.
Nafarroako Toki Ogasunei buruzko Foru Legean eguneratu egiten dira, 2025eko urtarrilaren 1etik aurrera aplikatzeko, hirilurren balio-gehikuntzaren gaineko zergaren zerga-oinarria zehazteko aplikatu beharreko gehieneko koefizienteak, 175.2 artikuluan jasoak. Toki Ogasunei buruzko Foru Legean xedatutakoari jarraikiz, koefiziente horiek urtero eguneratu behar dira. Eguneratzeak aintzat hartzen du Nafarroan pisuen batez besteko prezioek izandako bilakaera.
Horrez gain, trakzio mekanikoko ibilgailuen gaineko zergaren tarifak ere eguneratzen dira, ehuneko 2,9 zehazki, 2025eko urtarrilaren 1etik aurrera.
Xedapen gehigarri bakarrak ezartzen ditu “Nafarroako Inbertsio Institutua” sozietate publikoak ondare-eskualdaketen eta egintza juridiko dokumentatuen gaineko zergan eta sozietateen gaineko zergan aplikatzen ahal dituen onura fiskalak.
Azken xedapenetako lehenengoak eguneratu egiten ditu, 2025eko urtarrilaren 1etik aurrerako eraginez, Nafarroako Hondakin Uren Saneamenduari buruzko Foru Legean ezartzen diren saneamendu-kanonaren tarifak. Tarifak igotzeko arrazoia da Hiri erabilerarako uraren ziklo osoaren plan gidarian integratuta dagoen Nafarroako Ibaien Saneamendurako Plan Gidariak pixkanakako oreka bilatu nahi duela epe luzean.
Azken xedapenetako bigarrenak kendu egiten du Kontratu Publikoei buruzko apirilaren 13ko 2/2018 Foru Legearen 85.4 a) artikulua, aipatu foru legea Europar Batasunaren araudira egokitzeko.
Bukatzeko, azken xedapenetako hirugarrenak Nafarroako Gobernua gaitzen du beharrezkoak diren xedapen guztiak eman ditzan foru lege hau garatu eta aplikatzeko, eta azken xedapenetako laugarrenak arautzen du foru legeak indarra hartuko duela Nafarroako Aldizkari Ofizialean argitaratua izan eta biharamunean, bertan aurreikusitako efektuekin.
Proiektu hau egitean aintzat hartu dira arauketa onaren printzipioak, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 129. artikuluan ezarriak. Horrela, foru lege honek bete egiten ditu, lehen adierazi diren arrazoiengatik, beharrizanaren eta eraginkortasunaren printzipioak: justifikatuta dago interes orokorrari dagozkion arrazoiengatik, zenbait zerga-arau aldatzen duenez; lortu nahi diren eta aurreko paragrafoetan zehaztuta dauden helburuen identifikazio argian oinarritzen da; eta, azkenik, helburu horiek lortzeko tresna egokia da, zerga arloan lege-erreserbak agintzen baitu, Tributuei buruzko abenduaren 14ko 13/2000 Foru Lege Orokorraren 11. artikuluan ezarritakoa den horrek.
Foru lege honek beste foru lege batzuen zenbait artikulu aldatzen ditu ahalik eta zehaztasun handienarekin, eta, beraz, proportzionaltasunaren printzipioa ere betetzen da. Arrazoi beragatik betetzen da, halaber, segurtasun juridikoaren printzipioa. Izan ere, zehatz-mehatz zaindu dira ordenamendu juridikoaren gainerakoarekiko koherentzia, egonkortasuna, aurreikusgarritasuna eta pertsona nahiz enpresendako ziurtasuna, oreka egokia lortze aldera legegilearen borondatearen eta errealitate juridikoaren gainontzekoaren artean, barne harturik jurisprudentziarik berriena ere. Foru lege honekin lortu nahi diren zenbait helburu erdiesteko, oso kontuan hartu da sinpletasun eta efizientziaren printzipioa ere, zeinak xede baitu beharrik gabeko edo bigarren mailako zama administratiboak ekiditea eta baliabide publikoen kudeaketa arrazionalizatzea.
Foru legea Nafarroako Parlamentuaren Aldizkari Ofizialean, Nafarroako Aldizkari Ofizialean eta www.nafarroa.eus web-orrian argitaratzeak gardentasunaren eta irisgarritasunaren printzipioekiko begirunea lantzen du.
Bukatzeko, kontuan izan da gizonezkoen eta emakumezkoen berdintasunaren printzipioa, eta aldaketak egin dira, arauetan hizkera inklusiboa eta ez-sexista erabiltzearren.
Lehen artikulua. Pertsona Fisikoen Errentaren gaineko Zergari buruzko Foru Legearen testu bategina.
Ekainaren 2ko 4/2008 Legegintzako Foru Dekretuaren bidez onetsitako Pertsona Fisikoen Errentaren gaineko Zergari buruzko Foru Legearen testu bategineko manu hauek testu hau izanen dute:
Bat. 7.z) artikulua; 2024ko urtarrilaren 1etik aurrera jasotako laguntzetan izanen du eragina.
"z) Nekazaritza Bermatzeko Europako Funtsak (NBEUF) osoki finantzatutako laguntzak, zergaren sortzapen datan ogibide nagusitzat nekazaritza dutenek edo lehentasunezko nekazaritza-ustiategien titularrek jaso badituzte, uztailaren 2ko 150/2002 Legegintzako Foru Dekretuaren bidez onetsitako Nafarroako Nekazaritza Ustiategien Erregistroari buruzko Foru Legearen testu bateginean ezarritakoari jarraikiz. Halaber, Landa Garapenerako Europako Nekazaritza Funtsak (LGENF) kofinantzatutako Nafarroako landa-garapeneko programako laguntzak ere barne hartuko dira.
Aurreko paragrafoan aipaturiko laguntzei dagokien salbuespenaren gehieneko zenbateko bateratua 20.000 eurokoa izanen da.
Salbuetsita egonen dira halaber, aurreko paragrafoetan ezarritako muga eta betekizunei lotu gabe, Europar Batasuneko nekazaritza-politikak klimaren eta ingurumenaren aldeko araubideetarako (eko-araubideak) ematen dituen laguntzak eta nekazarien lehen instalaziorako ematen diren laguntza publikoak".
Bi. 25.1 artikulua, 2025eko urtarrilaren 1etik aurrerako eraginarekin.
"1. Kapital higiezinaren etekin garbia izanen da etekin osoa honako kopuruekin murriztearen emaitza: hura lortzeko beharrezkoak diren gastuen zenbatekoa, bai eta etekinen jatorri diren ondasun edo eskubideek erabileragatik edo denboraren igarotzeagatik jasandako narriaduraren zenbatekoa ere. Erregelamendu bidez zehaztuko dira baldintzak.
Ondasun edo eskubide bakoitzeko, kenkariaren zenbateko osoa ezin izanen da handiagoa izan higiezinaren edo eskubidearen errentamendua edo lagapena eginez lortutako kasuan kasuko etekin osoaren zenbatekoa baino. Soberakinaren kenkaria hurren-hurrengo lau urte ondoz ondokoetan egiten ahal da, kasuan kasuko zergaldikoekin batera, eta apartatu honetan aipatzen den mugarekin. Baldin soberakin hori zergaldiko gastuekin batera gertatzen bada, azken horiek aplikatuko dira lehendabizi".
Hiru. 25.2 artikulua, 2025eko urtarrilaren 1etik aurrerako eraginarekin.
"2. Aurreko apartatuan xedatutakoari jarraituz kalkulatutako etekin garbi positibotik honako murrizketak eginen dira:
a) Ehuneko 70, jatorria duenean sozietate publiko instrumentalaren bitartekotzazko etxebizitza-errentamendua. Sozietate hori arautzen da Nafarroan etxebizitza izateko eskubideari buruzko maiatzaren 10eko 10/2010 Foru Legearen 13. artikuluan eta Etxebizitzaren arloko jarduketa babesgarriak arautzen dituen irailaren 18ko 61/2013 Foru Dekretuan.
Aurreko paragrafoan ezarritako murriztapena ehuneko 90ekoa izanen da baldin eta errentamendu kontratua tentsiopeko etxebizitza-merkatuaren zonalde batean dauden etxebizitzen gainekoa bada.
b) Ehuneko 50, baldin eta etxebizitza tentsiopeko etxebizitza-merkatuaren zonalde batean kokatuta egotearekin batera, etekina badator etxebizitza iraunkorrerako errentamendutik, zeina arautzen baita Hiri Errentamenduei buruzko azaroaren 24ko 29/1994 Legearen 2. artikuluan. Ondorio horietarako, gelakako errentamenduak ez dira barne hartzen.
Bigarren apartatu honetan ezarritako murriztapenak aplikatu ahal izateko, beharrezkoa izanen da errentamendu kontratua behar bezala erregistratuta egotea Nafarroako Etxebizitza Errentamenduko Kontratuen Erregistroan, zeina aurreikusita baitago Nafarroan etxebizitza izateko eskubideari buruzko maiatzaren 10eko 10/2010 Foru Legearen 90. artikuluan.
Murriztapenak aplikatzen ahalko dira subjektu pasiboak aitortu egin dituen etekinetan soilik".
Lau. 36.B).1.a) artikulua, 2025eko urtarrilaren 1etik aurrerako eraginarekin.
a) Nekazaritza, abeltzaintza, basogintza edo arrantzako jarduerak egiten dituzten subjektu pasiboek, baldin haien negozio-zifraren zenbateko garbia ez bada aurre-aurreko urtean 350.000 euro baino gehiagokoa izan".
Bost. 43.1.b) artikulua, bigarren paragrafoa, 2025eko urtarrilaren 1etik aurrerako eraginarekin.
"Non eta ez den frogatzen ezen ordaindutako zenbatekoa alde independenteek merkatuko baldintza normaletan hitzartuko zuketenarekin bat datorrela, eskualdatze-balioa ezin da izan honako bi hauetako handiena baino txikiagoa:"
Sei. 45.2 artikulua, lehen paragrafoa, 2025eko urtarrilaren 1etik aurrerako eraginarekin.
"2. Enpresa- edo lanbide-jarduera bati atxikita dauden ibilgetu materialeko, ibilgetu ukiezineko eta higiezin-inbertsioetako elementuen eskualdaketan azaleratzen diren ondare-gehitzeak kargatu gabe uzten ahal dira, baldin besterentzearen zenbateko osoa lehen aipatutako elementuetatik edozeinetan berrinbertitzen bada, Sozietateen gaineko Zergaren ondorioetarako ezarritako baldintza berberetan".
Zazpi. 62.12.e) artikulua, hirugarren paragrafoa gehitzea, 2025eko urtarrilaren 1etik aurrerako eraginarekin.
"Tributuen arloan eskumena duen departamentuaren titularraren foru agindu bidez zehazten ahalko dira kenkariaren oinarriaren parte diren gastuak".
Zortzi. 62.13.a) artikulua, ‘Zortzigarrena’ ordinala ezabatzea, 2025eko urtarrilaren 1etik aurrerako eraginarekin.
Bederatzi.-62.13.b) artikulua, ‘Lehenengoa’ ordinala aldatzea eta ‘bosgarrena’ ordinala ezabatzea, 2025eko urtarrilaren 1etik aurrerako eraginarekin.
"1. M1 eta N1 kategorietako ibilgailuei dagokienez: 35.000 euro".
Hamar. 62.13.c) artikulua, 2025eko urtarrilaren 1etik aurrera eskuratutako ibilgailuentzako eraginarekin.
"c) Subjektu pasiboak kenkaria aplikatzen ahalko du a) letraren ordinaletako bakoitzean jasotzen diren ibilgailuetako bakar batengatik soilik.
Aipatu ordinaletan jasotako ibilgailu mota bakoitzeko, kenkaria bost urtean behin besterik ezin izanen da aplikatu, salbu eta ibilgailua galdu izanaren justifikazioa aurkezten bada. Kasu horretan, subjektu pasiboak aseguruarengandik kalte-ordaina jaso badu, kenkariaren oinarria kalte-ordainaren zenbatekoarekin minoratuko da. Era berean, ibilgailuak subjektu pasiboaren ondarean gutxienez bost urtez egon beharko du, eskualdatu edo laga gabe, salbu eta galdu dela justifikatzen bada".
Hamaika. 62.14.a) artikulua, lehenengo paragrafoa, b).2, c).2 eta ‘Hirugarrena’ ordinala gehitzea eta d) apartatuan hirugarren paragrafoa gehitzea, 2025eko urtarrilaren 1etik aurrerako eraginarekin.
"a) Kengarria izanen da erregai alternatiboetarako azpiegitura baten ezarpenari buruzko Europako Parlamentuaren eta Kontseiluaren 2023ko irailaren 13ko 2023/1804 (EB) Erregelamenduan ezarritako definizioaren arabera potentzia arruntekoa edo potentzia handikoa den karga-sistema bat zerbitzuan jartzeko beharrezkoak diren obra zibilean, instalazioetan, kableetan eta konexio-puntuan egindako inbertsioaren zenbatekoaren 100eko 15".
"2. Karga-tokiaren potentzia 22 kW baino handiagoa bada, kenkariaren portzentajea 5 puntu handituko da".
"2. Potentzia handiko karga-tokiak, 50 kW-erainokoak: 25.000 euro.
3. Potentzia handiko karga-tokiak, 50 kW baino gehiagokoak: 200.000 euro".
"Tributuen arloan eskumena duen departamentuaren titularraren foru agindu bidez zehazten ahalko dira kenkariaren oinarriaren parte diren gastuak".
Hamabi. 64.4 artikulua, lehen paragrafoa, 2024ko urtarrilaren 1etik aurrerako eraginarekin.
"Zerga ordaintzetik salbuetsitzat jotzen diren dirulaguntzak eman badira inbertsioa finantzatzeko, horiek kenkariaren oinarria minoratuko dute".
Hamahiru. 68. artikulua, 2025eko urtarrilaren 1etik aurrerako eraginarekin.
"68. artikulua. Alarguntza-pentsioen eta kotizaziopeko erretiro-pentsioen ondoriozko kenkariak.
A) Alarguntza-pentsioen ondoriozko kenkariak.
1. Gutxieneko osagarrietarako eskubidea duten alarguntza-pentsioengatiko kenkaria.
1.-Kasuan kasuko kuota diferentziala finkatu ondoren, alarguntza-pentsioa jasotzen duten subjektu pasiboek, eskubidea badute urriaren 30eko 8/2015 Legegintzako Errege Dekretuz onetsitako Gizarte Segurantzari buruzko Lege Orokorraren testu bateginaren 59. artikuluan aipatutako gutxieneko osagarriak jasotzeko, zilegi izanen dute kenkari bat aplikatzea, honako hauen arteko alde negatiboa adinakoa: batetik, kasuan kasuko pentsio-motarentzat finkatutako urteko gutxieneko zenbatekoa, zeinari gehituko baitzaio, kasua bada, testu bategin horren 60. artikuluan arautzen den amatasunagatiko osagarria, eta bestetik, 14.490 euroko zenbatekoa.
2.-Alarguntza-pentsioarekin batera beste pentsioren bat kobratzen bada, kenkariaren zenbatekoa izanen da honako hauen arteko alde negatiboa adinakoa: jasotako pentsioen zenbatekoen batura, amatasunagatiko osagarria barne, halakorik bada, eta 14.490 euroko zenbatekoa.
3.-Zilegi izanen da eskubide sozialen arloko eskumena duen departamentuari eskatzea kenkari hori garaiz aurretik ordain dezala. Kasu horretan ez da zergako kuota diferentzialaren gaineko kenkaririk eginen.
Erregelamendu bidez arautuko da kenkari hori egiteko prozedura, bai eta garaiz aurretiko abonua eskatzeko eta eskuratzeko prozedura ere. Erregelamendu horretan, kudeaketa efizienterako irizpideei jarraikiz, gutxieneko bat ezartzen ahalko da, zeinaren azpitik ez baita kenkariaren garaiz aurreko ordainketarik jasoko.
2. Gutxieneko osagarrietarako eskubiderik ez duten alarguntza-pentsioengatiko kenkaria.
1.-Dagokion kuota diferentziala zehaztua izan ondoren, Gizarte Segurantzarengandik kotizaziopeko alarguntza-pentsioa jasotzen duen subjektu pasiboak, harako pentsioa zeina kasuan kasuko pentsio-motarentzat finkatutako urteko gutxieneko zenbatekoa baino handiagoa eta 14.490 euro baino gutxiagokoa baita, zilegi izanen du kenkaria egitea, zeina izanen baita jasotako pentsioaren urteko zenbatekoaren (aipatu testu bateginaren 60. artikuluan arautzen den amatasunagatiko osagarria barne, halakorik bada) eta aipatu 14.490 euroko zenbatekoaren arteko diferentzia negatiboa adinakoa.
2.-Alarguntza-pentsioarekin batera beste pentsioren bat kobratzen bada, kenkariaren zenbatekoa izanen da honako hauen arteko alde negatiboa adinakoa: jasotako pentsioen zenbatekoen batura, amatasunagatiko osagarria barne, halakorik bada, eta 14.490 euroko zenbatekoa.
3.-Kenkari hori egiteko, beharrezkoa izanen da subjektu pasiboa beharturik ez egotea ondarearen gaineko zergaren aitorpena aurkeztera, eta, horrekin batera, zergaldian beste errentarik jaso ez izana, salbuetsiak barne, zeinek, alarguntza-pentsioari eta kenkariari berari gehituta, 21.619,59 euro baino gehiagoko zenbatekoa egiten baitute guztira.
Aipatutako errentek muga hori gaindituz gero, gaindikinak behar den kopuruan gutxituko du kenkariaren zenbatekoa, ezereztu arte, kasua bada.
Subjektu pasiboa familia-unitate bateko kide denean, kenkaria egiteko beharrezkoa izanen da familia-unitate horretako ezein kide beharturik ez egotea ondarearen gaineko zergaren aitorpena aurkeztera; eta, horrekin batera, lehenengo paragrafoan ezarritako errenta-muga 28.980 eurokoa izanen da, eta familia-unitatearen multzo osoa hartuko du barne. Kasua bada, kenkaria gutxituko da, bigarren paragrafoan ezarritako moduaren arabera.
Aurreko paragrafoetan ezarritako errenta-muga zehazteko, ez dira kontuan hartuko pobrezia energetikoa edo etxebizitzaren galera ekiditeko laguntza publikoak, ahulezia ekonomiko berezia edo gizarte-bazterketako arriskua duten etxeetan jasotzen direnak.
4.-Bigarren apartatu honetan araututako kenkaria ezin izanen da aldez aurretik abonatu.
Kenkari hori baliatzeko prozedura erregelamendu bidez ezarriko da.
3. SOVI-Zahartzaroko eta baliaezintasuneko nahitaezko asegurutiko alarguntza-pentsioen ondoriozko kenkaria.
1.-Kasuko kuota diferentziala zehaztuta dagoelarik, SOVI-zahartzaroko eta baliaezintasuneko nahitaezko asegurutiko alarguntza-pentsioa jasotzen duen subjektu pasiboak zilegi du kenkaria egitea, jasotako pentsioaren urteko zenbatekoaren (aipatu testu bateginaren 60. artikuluan arautzen den amatasunagatiko osagarria barne, halakorik bada) eta 14.490 euroren arteko diferentzia negatiboa adinakoa.
2.-SOVI-zahartzaroko eta baliaezintasuneko nahitaezko asegurutiko alarguntza-pentsioarekin batera beste pentsioren bat kobratzen bada, kenkariaren zenbatekoa kalkulatzeko eragiketa hau eginen da: jasotako pentsioen baturaren (amatasunagatiko osagarria barne, halakorik bada) eta 14.490 euroren arteko diferentzia negatiboa.
3.-Kenkari hori egiteko, beharrezkoa izanen da subjektu pasiboa beharturik ez egotea ondarearen gaineko zergaren aitorpena aurkeztera, eta, horrekin batera, zergaldian beste errentarik jaso ez izana, salbuetsiak barne, zeinek, alarguntza-pentsioari eta kenkariari berari gehituta, 21.619,59 euro baino gehiagoko zenbatekoa egiten baitute guztira.
Aipatutako errentek muga hori giandituz gero, gaindikinak kenkariaren zenbatekoa gutxituko du behar den kopuruan, ezereztu arte, kasua bada.
Subjektu pasiboa familia-unitate bateko kide denean, kenkaria egiteko beharrezkoa izanen da unitateko kide bat ere beharturik ez egotea ondarearen gaineko zergaren aitorpena aurkeztera; eta, horrekin batera, lehenengo paragrafoan ezarritako errenta-muga 28.980 eurokoa izanen da eta familia-unitatearen multzo osoa hartuko du barne; kenkaria gutxituko da, kasua bada, bigarren paragrafoan ezarritako moduan.
Aurreko paragrafoetan ezarritako errenta-muga zehazteko, ez dira kontuan hartuko pobrezia energetikoa edo etxebizitzaren galera ekiditeko laguntza publikoak, ahulezia ekonomiko berezia edo gizarte bazterketaren arriskua duten etxeetan jasotzen direnak.
4.-Zilegi izanen da eskubide sozialen arloko eskumena duen departamentuari eskatzea kenkaria garaiz aurretik ordain dezala. Kasu horretan ez da zergako kuota diferentzialaren gaineko kenkaririk eginen.
Erregelamendu bidez arautuko da kenkari hori egiteko prozedura, bai eta garaiz aurreko abonua eskatzeko eta eskuratzeko prozedura ere. Erregelamendu horretan, kudeaketa efizienterako irizpideei jarraikiz, gutxieneko bat ezartzen ahalko da, zeinaren azpitik ez baita kenkariaren garaiz aurreko ordainketarik jasoko.
4. A) letran jasotako kenkariei aplikatzeko arau orokorrak.
Lehena. Letra honetan araututako kenkariak kalkulatzeko, baldin alarguntza-pentsioa edo horrekin batera suertaturiko pentsioetatik edozein ez bada zergaldi osoan zehar jaso, horren zenbatekoa urtera eramanen da. Kasu horretan, zergaldian zehar alarguntza-pentsioa jasotzeko eskubidea ematen duen egun-kopuruaren proportzioan kalkulatuko da kenkaria.
Bigarrena. Letra honetan araututako kenkariak bateraezinak izanen dira errenta bermatuko prestazioekin, zeina azaroaren 11ko 15/2016 Foru Legean, inklusio sozialerako eta errenta bermaturako eskubideak arautzen dituenean, araututa baitago, eta bizitzeko gutxieneko diru-sarrerarekin, abenduaren 20ko 19/2021 Legean arautuarekin.
Hori hala izanik ere, prestazio horiek ez badira zergaldi osoan zehar jaso, prestazioak zenbat egunetan ez diren jaso, kopuru horren proportzioan kalkulatuko dira kenkariak.
B) Kotizaziopeko erretiro-pentsioen ondoriozko kenkariak.
1. Kotizaziopeko erretiro-pentsioen ondoriozko kenkariak, gutxieneko osagarrietarako eskubidea dutenak.
1.-Dagokion kuota diferentziala zehaztuta dagoelarik, Gizarte Segurantzaren kotizaziopeko erretiro-pentsioa jasotzen duen subjektu pasiboak, Gizarte Segurantzari buruzko Lege Orokorraren testu bateginaren 59. artikuluan ezarritako gutxieneko osagarriak jasotzeko eskubidea badu, kenkaria aplikatzen ahalko du, kasuan kasuko pentsio motarentzat finkatutako urteko gutxieneko zenbatekoaren (aipatu testu bateginaren 60. artikuluan arautzen den amatasunagatiko osagarria gehituta, halakorik bada) eta 14.490 euroko kopuruaren arteko diferentzia negatiboa adinakoa.
2.-Erretiro-pentsioarekin batera beste pentsioren bat kobratzen bada, kenkaria kalkulatzeko eragiketa hau eginen da: jasotako pentsioen baturaren (amatasunagatiko osagarria barne, halakorik bada) eta 14.490 euroren arteko diferentzia negatiboa.
3.-Subjektu pasiboa familia-unitate bateko kide denean, kenkaria egin ahal izateko beharrezkoa izanen da familia-unitateko kide bat ere beharturik ez egotea ondarearen gaineko zergaren aitorpena aurkeztera; eta, horrekin batera, zergaldian, familia-unitatearen errentek, salbuetsiak barne, erretiro-pentsioa eta kenkaria bera gehituta, ezin izanen dute gainditu 28.980 euroko kopurua.
Aipatutako errentak muga horretatik gorakoak izanez gero, gaindikinak kenkariaren zenbatekoa gutxituko du behar den kopuruan, hura ezereztu arte, kasua bada.
Aurreko paragrafoan ezarritako errenta-muga zehazteko, ez dira kontuan hartuko pobrezia energetikoa edo etxebizitzaren galera ekiditeko laguntza publikoak, ahulezia ekonomiko berezia edo gizarte bazterketaren arriskua duten etxeetan jasotzen direnak.
2. Kotizaziopeko erretiro-pentsioen ondoriozko kenkariak, gutxieneko osagarrietarako eskubidea ez dutenak.
1.-Dagokion kuota diferentziala ezarrita dagoelarik, kasuan kasuko pentsio motarentzat finkatutako urteko gutxieneko zenbatekoa baino gehiagoko eta 14.490 euro baino gutxiagoko kotizaziopeko erretiro-pentsioa Gizarte Segurantzatik jasotzen duen subjektu pasiboak zilegi du kenkaria egitea, zeina izanen baita jasotako pentsioaren urteko zenbatekoaren (aipatu testu bateginaren 60. artikuluan arautzen den amatasunagatiko osagarria barne, halakorik bada) eta 14.490 euroko kopuru horren arteko diferentzia negatiboa adinakoa.
2.-Erretiro-pentsioarekin batera beste pentsioren bat kobratzen bada, eragiketa hau eginen da kenkaria kalkulatzeko: jasotako pentsioen baturaren (amatasunagatiko osagarria barne, halakorik bada) eta 14.490 euroko kopuruaren arteko diferentzia negatiboa.
3.-Kenkari hori egin ahal izateko, beharrezkoa izanen da subjektu pasiboa beharturik ez egotea ondarearen gaineko zergaren aitorpena aurkeztera, eta, horrekin batera, zergaldian beste errentarik jaso ez izana, salbuetsiak barne, erretiro-pentsioari eta kenkariari berari baturik 21.619,59 euro baino gehiagoko guztizko zenbatekoa egiten duenik.
Aipatutako errentak muga horretatik gorakoak izanez gero, gaindikinak behar den kopuruan gutxituko du kenkariaren zenbatekoa, hori ezerezteraino, kasua bada.
Subjektu pasiboa familia-unitate bateko kide denean, kenkaria egin ahal izateko beharrezkoa izanen da familia-unitate horretako ezein kide beharturik ez egotea ondarearen gaineko zergaren aitorpena aurkeztera; eta, horrekin batera, lehenengo paragrafoan ezarritako errenta-muga 28.980 eurokoa izanen da eta familia-unitatearen multzo osoa hartuko du barne. Kasua bada, kenkaria gutxituko da bigarren paragrafoan ezarritako moduan.
Aurreko paragrafoetan ezarritako errenta-muga zehazteko, ez dira kontuan hartuko pobrezia energetikoa edo etxebizitzaren galera ekiditeko laguntza publikoak, ahulezia ekonomiko berezia edo gizarte bazterketaren arriskua duten etxeetan jasotzen direnak.
3. Zahartzaroko eta baliaezintasuneko nahitaezko aseguruko zahartzaro-pentsioen ondoriozko kenkariak.
1.-Dagokion kuota diferentziala ezarrita dagoelarik, zahartzaroko eta baliaezintasuneko nahitaezko aseguruaren (SOVI) zahartzaro-pentsio bat jasotzen duen subjektu pasiboak zilegi du kenkaria egitea, jasotako pentsioaren urteko zenbatekoaren (aipatu testu bateginaren 60. artikuluan arautzen den amatasunagatiko osagarria barne, halakorik bada) eta 14.490 euroko kopuruaren arteko diferentzia negatiboa adinakoa.
2.-Zahartzaroko eta baliaezintasuneko nahitaezko aseguruko(SOVI) zahartzaro-pentsioarekin batera beste pentsioren bat kobratzen bada, kenkariaren zenbatekoa kalkulatzeko eragiketa hau eginen da: jasotako pentsioen baturaren (amatasunagatiko osagarria barne, halakorik bada) eta 14.490 euroko kopuruaren arteko diferentzia negatiboa.
3.-Kenkari hori egin ahal izateko, beharrezkoa izanen da subjektu pasiboa beharturik ez egotea ondarearen gaineko zergaren aitorpena aurkeztera; eta, horrekin batera, hark zergaldian beste errentarik jaso ez izana, salbuetsiak barne, erretiro-pentsioari eta kenkariari berari baturik 21.619,59 euro baino gehiagoko guztizko zenbatekoa egiten duenik.
Aipatutako errentak muga horretatik gorakoak izanez gero, gaindikinak kenkariaren zenbatekoa gutxituko du behar den kopuruan, hori ezerezteraino, kasua bada.
Subjektu pasiboa familia-unitate bateko kide denean, kenkaria egiteko beharrezkoa izanen da familia-unitate horretako ezein kide beharturik ez egotea ondarearen gaineko zergaren aitorpena aurkeztera; eta, horrekin batera, lehenengo paragrafoan ezarritako errenta-muga 28.980 eurokoa izanen da, eta familia-unitateko kide guztiak hartuko ditu barne. Kasua bada, kenkaria gutxituko da bigarren paragrafoan ezarritako zertzeladen arabera.
Aurreko paragrafoetan ezarritako errenta-muga zehazteko, ez dira kontuan hartuko pobrezia energetikoa edo etxebizitzaren galera ekiditeko laguntza publikoak, ahulezia ekonomiko berezia edo gizarte-bazterketako arriskua duten etxeetan jasotzen direnak.
4. Arau orokorrak, B) letran jasotako kenkariei aplikatzekoak.
Lehena.-Letra honetan araututako kenkariak kalkulatzeko, erretiro-pentsioa edo aintzat hartzen den beste edozein pentsio ez bada zergaldi osoan zehar jaso, horren zenbatekoa urtera eramanen da. Kasu horretan, kenkaria kalkulatuko da zergaldian zehar erretiro-pentsioa jasotzeko eskubidea dagoen egun-kopuruaren proportzioan.
Bigarrena. Letra honetan araututako kenkariak bateraezinak izanen dira inklusio sozialerako eta errenta bermaturako eskubideak arautzen dituen azaroaren 11ko 15/2016 Foru Legean eraentzen den errenta bermatuko prestazioak jasotzearekin eta abenduaren 20ko 19/2021 Legean araututako bizitzeko gutxieneko errenta jasotzearekin.
Hori hala izanik ere, prestazio horiek ez badira zergaldi osoan zehar jasotakoak, kenkariak kalkulatuko dira prestazioak zenbat egunetan ez diren jaso, horren proportzioan.
Hirugarrena. Letra honetan araututako kenkariak ezin izanen dira aurretiaz ordaindu.
Kenkari hori egiteko prozedura erregelamendu bidez arautuko da".
Hamalau. 78. artikulua, 2. apartatuaren bigarren paragrafoa ezabatzea, 2024ko urtarrilaren 1etik aurrerako eraginarekin.
Hamabost. 78.3 artikulua, bigarren paragrafoa, 2024ko urtarrilaren 1etik aurrerako eraginarekin.
"Laguntza publikoen ondoriozko ondare-gehikuntzak kobrantza gertatzen den zergaldiari egotziko zaizkio".
Hamasei. 86.2 artikulua, bigarren paragrafoa.
"Dena den, zilegi izanen da erregelamenduz betebehar horretatik salbuestea Merkataritza Kodearen arabera merkataritza-izaerarik ez duen enpresa-jardueraren bat gauzatzen duten zergadunak, bai eta beren etekin garbia zuzeneko zenbatespenaren araubideko modalitate sinplifikatu edo bereziaren bidez zehazten duten subjektu pasiboak ere".
Hamazazpi. Hogeita hamargarren xedapen gehigarria, 2025eko urtarrilaren 1etik aurrerako eragina izanen duena.
"Hogeita hamargarren xedapen gehigarria.-Kapital higiezinaren etekin garbi positiboaren murriztapena.
Lege honen 25.2.a) artikuluaren bigarren paragrafoan eta 25.2.b) artikuluan hurrenez hurren ezarritako ehuneko 90eko eta ehuneko 50eko murriztapenak ez dira aplikatuko tentsiopeko etxebizitza-merkatuaren zonaldeak deklaratu eta argitaratu diren zergaldira arte".
Hemezortzi. Berrogeita hamargarren xedapen gehigarria, bigarren paragrafoa, 2025eko urtarrilaren 1etik aurrerako eragina duena.
"Atxikipenaren edo konturako sarreraren portzentajea ehuneko 5ekoa izanen da".
Hemeretzi. Berrogeita hamalaugarren xedapen gehigarria; 2025eko urtarrilaren 1etik aurrera eskuratutako ibilgailuetan izanen du eragina.
"Berrogeita hamalaugarren xedapen gehigarria.-Finantza-errentamenduko kontratu bidez eginak edo finantzaketa malgu edo aukera askoko finantzaketako kontratu bidez finantzatuak diren inbertsioak.
1. Lege honen 62. artikuluaren 12., 13. eta 14. apartatuetan araututako kenkariak aplikatzearen ondorioetarako, onartu eginen dira finantza-errentamenduko kontratuak baliatuz egindako inbertsioak, baldin subjektu pasiboak erosketa-aukera erabiltzeko konpromisoa hartzen badu.
Erosteko aukera ez gauzatzeak esan nahiko du ez dela bete kenkari hauek aplikatzeko betekizuna; horrenbestez, subjektu pasiboak bere tributu egoera erregularizatu beharko du, 83.4 artikuluan ezartzen denarekin bat etorriz.
2. Lege honen 62.13 artikuluan araututako kenkaria aplikatzeari dagokionez, baldin eta inbertsioa malgutasunezko edo aukera anitzeko finantzaketarako kontratuen bitartez finantzatzen bada, kenkaria aplikatzeko baldintza izanen da kontratuan ibilgailuaren jabetza mantentzeko aukera hautatu izana.
Aukera hori ez baliatzeak esan nahiko du kenkaria aplikatzeko baldintzak ez direla betetzen, eta subjektu pasiboa behartuta egonen dela bere tributu egoera erregularizatzera, 83.4 artikuluak ezartzen duenarekin bat etorriz.
Malgutasunezko edo aukera anitzeko finantzaketarako kontratutzat joko dira erosleari ibilgailuaren jabetza ez mantentzearen aukera eskaintzen diotenak".
Hogei. Hirurogeita hamaikagarren xedapen gehigarria gehitzea. 2024ko zergaldian izanen du eragina.
"Hirurogeita hamaikagarren xedapen gehigarria. Denbora-egozpena egitea, jardueraren diru-sarreretan izandako galerak konpentsatze aldera nekazaritza-aseguruetatik 2024an jasotako kalte-ordainena.
Beren jardueraren diru-sarreretan izandako galerak konpentsatze aldera 2024an nekazaritza-aseguruetatik kalte-ordainak jaso dituzten subjektu pasiboek hautatzen ahalko dute, zein ere den aplikatzen duten edo aplikatu izan duten denbora-egozpeneko irizpidea, kalte-ordain gisa jasotako kopuru horien osotasuna 2024ko zergaldiari egoztea ala 2025eko zergaldiari.
Aukera hori baliatuko da pertsona fisikoen errentaren gaineko zergaren 2024ko zergaldiko autolikidazioan, zeina aurkeztuko baita pertsona fisikoen errentaren gaineko zergaren eta ondarearen gaineko zergaren 2024ko zergaldiko autolikidazio-ereduak onetsi eta horiek aurkeztu eta sartzeko arauak xedatzen dituen foru aginduak ezartzen duen epean, eta ezin izanen da aldatu epe hori igarota dagoenean".
Hogeita bat. Hogeita hamaikagarren xedapen iragankorra gehitzea, 2024ko urtarrilaren 1etik aurrerako eraginarekin.
"Hogeita hamaikagarren xedapen iragankorra.-Lehen sektorearendako laguntza publikoak, 2024ko urtarrilaren 1ean egotzi gabe dirautenak.
2024ko urtarrilaren 1a baino lehen jasotakoak diren lehen sektorearendako laguntza publikoen zenbatekoak, baldin egotzi gabe badiraute 2024ko urtarrilaren 1ean, 78.2 eta 3 artikuluak 2023ko abenduaren 31n indarrean zeukan testuan ezarritako denbora-egozpeneko araubidea aplikatzearen ondorioz, ez dira salbuetsita egonen, eta laguntza-jasotzearen aldian indarrean zeuden denbora-egozpeneko arauen arabera egotziko dira".
Hogeita bi. Hogeita hamabigarren xedapen iragankorra gehitzea.
"Hogeita hamabigarren xedapen iragankorra.-2025erako zuzeneko zenbatespen bereziari uko egiteko ohiz kanpoko epea.
2024an 300.000 euro baino gehiagoko baina 350.000 euro edo gutxiagoko negozio-zifraren zenbateko garbia izan eta nekazaritza, abeltzaintza, basogintza edo arrantzako jarduerak egiten dituzten subjektu pasiboek uko egiten ahalko diote, erregelamenduz ezarritako ondorioekin, 2025erako zuzeneko zenbatespen berezia aplikatzeari, 2025eko urtarrilean zehar.
Bigarren artikulua. Ondarearen gaineko Zergari buruzko Foru Legea.
Ondarearen gaineko Zergari buruzko azaroaren 19ko 13/1992 Foru Legearen agindu hauek aldatzen dira, eta aurrerantzean testu hau izanen dute:
Bat. 17.1 artikuluaren bigarren paragrafoa.
"Edonola ere, Aseguru Kontratuari buruzko urriaren 8ko 50/1980 Legearen 87. artikulua aplikatzearen ondorioz erreskaterako eskubidea galdu bada aseguruaren hartzaileak onuradunaren izendapena errebokatzeko ahalmenari uko egiteagatik, asegurua hartzailearen zerga-oinarrian konputatuko da zergaren sortzapen-unean hornidura matematikoak duen balioarekin. Hartzailearen zerga-oinarrian balio bera konputatuko da erreskaterako eskubiderik gabeko aseguruen kasuan. Paragrafo honetan xedatutakoa ez zaie aplikatuko aldi baterako aseguru-kontratuei, baldin eta heriotza edo balioezintasun kasuetarako prestazioak edo arrisku kasuetarako beste berme osagarri batzuk baizik jasotzen ez badituzte, ez eta kontraasegururik gabeko biziarteko eta aldi baterako errentei ere".
Bi. Lehenengo xedapen gehigarria. 2025eko zergaldian izanen du eragina.
"Lehenengo xedapen gehigarria.-Ondarearen gaineko Zergaren 2025eko eskala.
2025eko zergaldian, honako eskala honetan adierazten diren karga-tasak aplikatuko zaizkio zergaren likidazio-oinarriari":0
| LIKIDAZIO-OINARRIA GEHIENEZ (eurotan) | KUOTA OSOA (eurotan) | LIKIDAZIO-OINARRIAREN GAINERAKOA GEHIENEZ (eurotan) | APLIKATZEKOA DEN TASA (ehunekoa) |
| 0,00 | 0,00 | 155.511,88 | 0,16 |
| 155.511,88 | 248,82 | 155.511,88 | 0,24 |
| 311.023,76 | 622,04 | 311.023,76 | 0,40 |
| 622.047,53 | 1.866,13 | 622.047,53 | 0,72 |
| 1.244.095,06 | 6.344,87 | 1.244.095,06 | 1,04 |
| 2.488.190, 11 | 19.283,46 | 2.488.190, 11 | 1,36 |
| 4.976.380,22 | 53.122,84 | 4.976.380,22 | 1,68 |
| 9.952.760,45 | 136.726,02 | 1.051.024,05 | 2,00 |
| 11.003.784,50 | 157.746,50 | Hortik gora | 3,50 |
Hirugarren artikulua. Sozietateen gaineko Zergari buruzko Foru Legea.
Sozietateen gaineko Zergari buruzko abenduaren 28ko 26/2016 Foru Legearen honako manu hauek jarraian azaltzen den testua izanen dute:
Bat. 37.1 artikulua, lehen paragrafoa; 2025eko urtarrilaren 1etik aurrera hasten diren zergaldietan izanen du eragina.
"1. Ez dira zerga-oinarrian sartuko ibilgetu materialeko, ukiezineko edo higiezin-inbertsioetako ondare-elementuen kostu bidezko eskualdatzetik lorturiko errentak, ez eta elementu horien eskualdatzetik lorturikoak halako kasuan zeinean sailkatuak izan baitira eskualdatuak izan baino lehenago salmentarako mantendutako aktibo ez korronte gisa, entitatearen ustiatze ekonomikoaren garapenari atxikiak egon eta, gutxienez ere, urtebetez funtzionamenduan egon badira eskualdaketaren aurreko hiru urteetan, baldin aipatu eskualdaketen zenbatekoa berrinbertitzen bada lehen aipatu diren eta halaber atxikita dauden ondare-elementuetako edozeinetan, halako epean zeina hasten baita ondare-elementua entregatu edo eskura jarri den data baino urtebete lehenago eta amaitzen baita ondoko hiru urteen buruan".
Bi. 64.A).5 artikulua, hirugarren paragrafoa gehitzea; 2025eko urtarrilaren 1etik aurrera hasten diren zergaldietan izanen du eragina.
"Tributuen arloan eskumena duen departamentuaren titularraren foru agindu bidez zehazten ahalko dira kenkariaren oinarriaren parte diren gastuak".
Hiru. 64.B.1.a) artikulua, ‘Zortzigarrena’ ordinala ezabatzea; 2025eko urtarrilaren 1etik aurrera hasten diren zergaldietan izanen du eragina.
Lau. 64.B).1.b) artikulua, ‘Lehenengoa’ ordinala aldatzea eta ‘Bosgarrena’ ordinala ezabatzea; 2025eko urtarrilaren 1etik aurrera hasten diren zergaldietan izanen du eragina.
"1. M1 eta N1 kategorietako ibilgailuei dagokienez: 35.000 euro".
Bost. 64.B)2.a) artikulua, lehenengo paragrafoa.
"a) Kengarria izanen da erregai alternatiboetarako azpiegitura baten ezarpenari buruzko Europako Parlamentuaren eta Kontseiluaren 2023ko irailaren 13ko 2023/1804 (EB) Erregelamenduan ezarritako definizioaren arabera potentzia arruntekoa edo potentzia handikoa den karga-sistema bat zerbitzuan jartzeko beharrezkoak diren obra zibilean, instalazioetan, kableetan eta konexio-puntuan egindako inbertsioaren zenbatekoaren 100eko 15".
Sei. 64.B.2.b).3 artikulua; 2025eko urtarrilaren 1etik aurrera hasten diren zergaldietan izanen du eragina.
"3. Karga-tokiaren potentzia 22 kW baino handiagoa bada, kenkariaren portzentajea 5 puntu handituko da".
Zazpi. 64.B)2.c).2. artikulua eta ‘Hirugarrena’ ordinala gehitzea; 2025eko urtarrilaren 1etik aurrera hasten diren zergaldietan izanen du eragina.
"2. Potentzia handiko karga-tokiak, 50 kW-erainokoak: 25.000 euro.
3. Potentzia handiko karga-tokiak, 50 kW baino gehiagokoak: 200.000 euro".
Zortzi. 64.B)2.d) artikulua, hirugarren paragrafoa gehitzea; 2025eko urtarrilaren 1etik aurrera hasten diren zergaldietan izanen du eragina.
"Tributuen arloan eskumena duen departamentuaren titularraren foru agindu bidez zehazten ahalko dira kenkariaren oinarriaren parte diren gastuak".
Bederatzi. 64 bis.3 artikulua, laugarren paragrafoa gehitzea; 2025eko urtarrilaren 1etik aurrera hasten diren zergaldietan izanen du eragina.
"Tributuen arloan eskumena duen departamentuaren titularraren foru agindu bidez zehazten ahalko dira kenkariaren oinarriaren parte diren gastuak".
Hamar. 65. artikulua 1.a), 2 eta 3.a); 2024ko urtarrilaren 1etik aurrera hasten diren zergaldietan izanen dute eragina.
"1.a) Pelikula zinematografikoen eta ikus-entzunezko beste lan batzuen (fikziokoak, animaziokoak edo dokumentalak) espainiar ekoizpenetan egindako inbertsioek, jendearenganatuak izan aurretiko euskarri fisiko bat egitea ahalbidetzen dutenek, ekoizleari eskubidea emanen diote kuota likidoan ehuneko 45eko kenkaria egiteko.
Kenkariaren oinarria, zeina Nafarroako Gobernuan kultura arloan eskumena duen organoaren ebazpen bidez zehaztuko baita, ekoizlearen inbertsioak osatuko du, baldin eta Nafarroako lurraldean eginiko gastuak inbertsioaren ehuneko 40ra iristen badira. Bestela, kenkariaren oinarria izanen da Nafarroako lurraldean eginiko gastuak 0,4rekin zatitzearen emaitza.
Tributuen arloan eskumena duen departamentuaren titularraren foru agindu bidez zehaztuko dira kenkariaren oinarriaren parte izan daitezkeen gastuak, bai eta gastuak Nafarroako lurraldean egintzat hartzeko irizpideak ere.
a) letra honen lehen paragrafoan ezarritako kenkariaren portzentajea ehuneko 50ekoa izanen da kenkariaren oinarriko lehen hiru milioi euroen gainean, honako hauen kasuan:
1.-Jatorrizko bertsio bakarra euskarazkoa duten ekoizpenak.
2.-Zuzendaritzat bakar-bakarrik emakumezkoak dituzten ekoizpenak.
3.-Ekoizpen dokumentalak.
4.-Animazio-ekoizpenak.
5.-Inolako film luze zinematografikorik edo fikzio-, animazio- edo dokumental-alorrekoa den ikus-entzunezko serierik zuzendu edo kozuzendu ez duen pertsona baten zuzendaritzapeko ekoizpenak.
6.-Film laburrak.
Apartatu honetan araututako kenkariaren zenbatekoa ez da bost milioi euro baino gehiagokoa izanen.
Koprodukzioen kasuan, apartatu honetan adierazitako zenbatekoak koproduktore bakoitzarentzat zehaztuko dira koprodukzio horretan izan duen parte-hartzearen portzentajearen arabera".
"2. Zinematografiaren eta Ikus-entzunezko Arteen Institutuko Enpresa Zinematografikoen eta Ikus-entzunezkoen Erregistro Administratiboan erregistratuta egon eta film zinematografikoen edo ikus-entzunezko beste lan batzuen ekoizpen atzerritarraz arduratzen diren ekoiztetxeek, baldin 1.d) apartatuan aipatzen den kultur izaera frogatzen duen ziurtagiria badute, eskubidea izanen dute Nafarroako lurraldean egindako gastuen ehuneko 35eko kenkaria kuota likidoan aplikatzeko. Kenkari hori aplikatu ahal izateko, ekoizpenean gutxienez ere astebeteko filmatzea egin beharko da Nafarroako barnealde edo kanpoaldeetan, salbu eta behar bezala justifikatutako inguruabarrengatik epea laburragoa denean, Nafarroako Foru Komunitatean ezin egiteagatik.
Kenkariaren oinarria osatuko dute Nafarroako lurraldean eginak izan eta ekoizpenarekin zuzeneko zerikusia duten honako gastuek:
1. Sormenaren arloko langileriaren gastuak, baldin eta egoitza fiskala Espainian edo Europako Esparru Ekonomikoaren kidea den estaturen batean badu, pertsona bakoitzeko 50.000 euroko mugarekin.
2. Industria teknikoak eta bestelako hornitzaile, garraio, ostatu eta mantenuak erabiltzetik heldutako gastuak, ekoizpenerako beharrezkoak direnak.
Nafarroaren lurraldean egin diren gastuak zehazteko, Ekonomia eta Ogasuneko kontseilariaren maiatzaren 7ko 69/2021 Foru Aginduaren 2. artikuluan ezarritakoa hartuko da aintzat.
Kenkari horren zenbatekoa ez da bost milioi euro baino gehiagokoa izanen.
Kenkariaren oinarria ez da izanen ekoizpenaren guztizko kostuaren ehuneko 80 baino gehiagokoa.
Apartatu honetan ezarritako kenkaria ez da aplikatzekoa izanen zerbitzu-hartzaile den ekoizleak artikulu honetako 1. apartatuan ezartzen den kenkaria aplikatzen duenean".
"a) 1.000.000 euro baino gutxiagoko ekoizpen-kostua duten proiektu edo film laburretarako, ehuneko 85".
Hamaika. 82.1.b) artikulua; 2024ko urtarrilaren 1etik aurrera hasten diren zergaldietarako eraginarekin.
"b) Espainiaren lurraldeko egoiliar ez den entitateak zerga honen izaera bera edo antzekoa duen karga batengatik ordaindutako kopurua, 83.1 eta 2. artikuluan ezarritako errenta-motetakoren bati egozten ahal zaiona, txikiagoa izatea aipatu zergaren arauen arabera egokituko zatekeenaren 100eko 75 baino.
Espainiako lurraldeko egoiliar ez den entitateak ordaindu beharko zukeen sozietateen gaineko zerga ulertuko da kalkulatzen dela foru lege honetan eta zergaren zehaztapenari buruzko gainerako xedapenetan ezarritako printzipio eta irizpideei jarraituta.
Egozpen hori halaber izanen da prozedurazkoa errenta horiek establezimendu iraunkor baten bidez lortzen direnean, baldin b) letran aurreikusitako inguruabarra gertatzen bada. Azken kasu horretan, ez da aplikatzekoa izanen 36. artikuluan aurreikusitako salbuespena.
Letra honen lehenengo paragrafoan aurreikusitako zenbatekoa kalkulatze aldera, ez da kontuan hartuko Espainiaren lurraldeko egoiliar ez den entitate baten establezimendu iraunkorra, baldin eta establezimendu horrek entitate horren egoitza den herrialde edo lurraldean ez badu zerga honen izaera berekoa edo antzeko izaerakoa den kargarik, edo hori ordaintzetik salbuetsita badago".
Hamabi. 130.a) artikulua, lehen paragrafoa.
"a) Irabazi-asmorik gabeko entitate eta erakundeak, baldin eta legezko ordezkaritzako karguak doakoak badira eta, horretaz gain, kasua bada kontuak ematen bazaizkio dagokion organoari, halako neurrian non entitate horiek ez dituzten harako baldintzak betetzen, zeinak beharrezkoak baitira maiatzaren 24ko 2/2023 Legegintzako Foru-dekretuaren bidez onetsitako testu bateginean ezarritako tributu-araubidea baliatzeko; testu bategina, hain zuzen, fundazioen eta irabazi-asmorik gabeko beste entitate batzuen zerga-araubide bereziko xedapenena eta mezenasgorako zerga-pizgarriena".
Hamahiru. Hamabosgarren xedapen gehigarria, bigarren paragrafoa, 2025eko urtarrilaren 1etik aurrerako eraginarekin.
"Egin beharreko konturako sarreraren edo atxikipenaren portzentajea ehuneko 5ekoa izanen da".
Hamalau. Hamazazpigarren xedapen gehigarria, errubrika:
"Hamazazpigarren xedapen gehigarria. 2025ean hasten diren zergaldietan likidazio-oinarri negatiboak murrizteko mugak".
Hamabost. Hemeretzigarren xedapen gehigarria, b) letra.
"b) Inskribatuta egotea nekazaritzako elikagaiak merkaturatzeko Nafarroako kanal laburren erregistroan, zeina martxoaren 9ko 5/2023 Foru Legearen bidez araututa baitago".
Hamasei. Hemeretzigarren xedapen gehigarria, c) letra; 2025eko urtarrilaren 1etik aurrera hasten diren zergaldietan izanen du eragina.
"c) Beren negozio-zifraren zenbateko garbia ez izatea 200.000 euro baino gehiagokoa".
Hamazazpi. Hogeita hirugarren xedapen gehigarria, gehitzea; 2025eko urtarrilaren 1etik aurrera eskuratutako ibilgailuetan izanen du eragina.
"Hogeita hirugarren xedapen gehigarria.-Ibilgailu berrietako inbertsioak, malgutasunezko edo aukera anitzeko finantzaketarako kontratuen bidez finantzatuak.
Lege honetako 64.B).1 artikuluan araututako kenkaria aplikatzeari dagokionez, inbertsioa malgutasunezko edo aukera anitzeko finantzaketarako kontratuen bidez finantzatua izanez gero, kenkaria aplikatzeko baldintza izanen da ibilgailuaren jabetza mantentzearen aukera dela hautatu beharrekoa.
Aukera hori ez hautatzeak esan nahiko du ez direla betetzen kenkaria aplikatzeko baldintzak; zergadunak bere zerga-egoera erregularizatu beharko du 76.3 artikuluan ezartzen denaren arabera.
Malgutasunezko edo aukera anitzeko finantzaketarako kontratutzat hartuko dira erosleari ibilgailuaren jabetza ez mantentzearen aukera eskaintzen diotenak".
Laugarren artikulua. Oinordetzen eta dohaintzen gaineko zergari buruzko xedapenen testu bategina.
Abenduaren 16ko 250/2002 Legegintzako Foru-dekretuaren bidez onetsitako oinordetzen eta dohaintzen gaineko zergari buruzko xedapenen testu bategineko manu hauek testu hau izanen dute:
Bat. 11. artikuluan, 8. paragrafoa kentzea.
Bi. 12. artikuluan, 14. paragrafoa eta azken paragrafoa kentzea.
Hiru. 58. bis artikulua gehitzea.
"58. bis artikulua. Onura fiskalak erregularizatzea.
Baldin eta salbuespen, kenkari edo pizgarri fiskal bat aplikatu ondoren galdu egiten bada hori aplikatzeko eskubidea, ez direlako horretarako baldintzak bete, kasu horretan zergapekoak tributu-egoera erregularizatu beharko du, ez-betetzea eragin duen egitatea gertatu eta bi hilabeteko epean aurkeztuz zertzelada hori azaltzen duen autolikidazio bat.
Autolikidazio hori aurkeztearekin batera, onura fiskala aplikatu izanaren ondorioz ordaindu gabe utzi zen zerga-zatia gehi dagozkion berandutze-interesak ordaindu beharko ditu".
Bosgarren artikulua. Ondare eskualdaketen eta egintza juridiko dokumentatuen gaineko zergari buruzko xedapenen testu bategina.
Apirilaren 26ko 129/1999 Legegintzako Foru Dekretuaren bidez onetsitako ondare eskualdaketen eta egintza juridiko dokumentatuen gaineko zergari buruzko xedapenen testu bategineko manu hauek testu hau izanen dute:
Bat. 11.9 artikulua.
"9. Azalera-eskubidearen eta antzeko beste eskubide batzuen zerga-oinarria zehaztean, aplikatzekoak izanen dira 7.2.a) artikuluan gozamen-eskubideari buruz ezarritako arauak".
Bi. 44. bis artikulua gehitzea.
"44. bis artikulua. Onura fiskalak erregularizatzea.
Baldin eta salbuespen, kenkari edo pizgarri fiskal bat aplikatu ondoren galdu egiten bada hori aplikatzeko eskubidea, ez direlako horretarako baldintzak bete, kasu horretan zergapekoak tributu-egoera erregularizatu beharko du, ez-betetzea eragin duen egitatea gertatu eta bi hilabeteko epean aurkeztuz zertzelada hori azaltzen duen autolikidazio bat.
Autolikidazio hori aurkeztearekin batera, onura fiskala aplikatu izanaren ondorioz ordaindu gabe utzi zen zerga-zatia gehi dagozkion berandutze-interesak ordaindu beharko ditu".
Seigarren artikulua. Tributuei buruzko Foru Lege Orokorra.
Tributuei buruzko abenduaren 14ko 13/2000 Foru Lege Orokorraren manu hauek honako testu hau izanen dute:
Bat.-52. artikulua, 4. eta 5. apartatuak indargabetzea; 2025eko urtarrilaren 1etik aurrera aurkezten diren geroratze- edo zatikatze-eskaeretan izanen du eragina.
Bi.-52. bis artikulua gehitzea; 2025eko urtarrilaren 1etik aurrera aurkezten diren geroratze- edo zatikatze-eskaeretan izanen du eragina.
"52. bis artikulua. Ordainketa geroratzea eta zatikatzea.
1. Zergapekoak eskatzen badu, borondatezko epean edo epe exekutiboan dauden zerga-zorrak diru-bilketari buruzko araudian ezartzen den moduan geroratzen edo zatikatzen ahalko dira, baldin eta zergapekoaren egoera ekonomiko-finantzarioak ez badio aldi batez modurik ematen ezarritako epeetan ordaintzeko. Diru-bilketari buruzko araudian hala ezarritako kasuetan, zilegi izanen da egoera ekonomiko-finantzario horren berri erantzukizunpeko adierazpen baten bidez ematea, Administrazio Publikoen Administrazio Prozedura Erkideari buruzko urriaren 1eko 39/2015 Legearen 69. artikuluan ezarritako ondorioetarako.
Geroratzea edo zatikatzea onartzearekin, eskatzailea egunean geratu beharko da bere zerga-betebeharren betetzean, eta egoera horri eutsi beharko dio onarpen horren indarraldi osoan zehar.
Epe exekutiboan eginiko geroratze- edo zatikatze-eskaerak aurkezten ahalko dira harik eta ondasun enbargatuak besterentzeko erabakia zergapekoari jakinarazten zaion unera arte.
2. Ez dira onartuko honako geroratze- edo zatikatze-eskaera hauek:
a) Autolikidazio bidez deklaratu behar diren zorrei buruzkoak, baldin eta autolikidazioa ez bada aurkeztu geroratze- edo zatikatze-eskaera baino lehenago edo horrekin batera.
b) Atxikipenen, konturako diru-sarreren, zatikatutako ordainketen edo konturako ordainketen ondoriozko zorrei buruzkoak, salbu eta tributuen arloan eskumena duen departamentuaren titularrak ezarritako kasuetan.
c) Zozketetan, tonboletan, apustuetan, ausazko konbinazioetan eta zorizko, postura edo ausazko jokoetan ezarritako tasekin zerikusia duten zorrei buruzkoak.
d) Zenbait garraiobideren gaineko zerga berezitik eratorritako zorrei buruzkoak.
e) Balio erantsiaren gaineko zergaren autolikidazioaren ondoriozko zorrei buruzkoak, araubide berezi batean, zeina aplikatzen baitzaie Komunitatean establezimendurik ez duten enpresaburu edo profesionalek nori eta enpresaburu edo profesional izan gabe hala ari diren hartzaileei egindako zerbitzuei.
f) VI. tituluan araututako estatu-laguntzak berreskuratzeko erabakiak betetzearen ondoriozko zorrei buruzkoak.
g) Halako zorrei buruzkoak direnak zeinen zenbateko osoa, geroratu edo zatikatzekoa, txikiagoa baita tributuen arloan eskumena duen departamentuaren titularrak ezarritako zenbatekoa baino.
h) Berme-onarpena edo lekapen osoa nahiz partziala eskatzen den kasuetan, diru-bilketari buruzko araudiak galdatutako dokumentazioarekin batera aurkezten ez direnak.
i) Etendako zorrei edo etete-tramitean dauden zorrei buruzkoak.
j) Errekurtso edo erreklamazio ekonomiko-administratibo batean edo administrazioarekiko auzi-errekurtso batean jaulkitako ebazpen irmo erabat nahiz partzialki ezesleak betearaztearen ondoriozko zorrei buruzkoak, baldin eta aldez aurretik etenik geratu badira errekurtso edo erreklamazio horiek izapidetu bitartean.
k) Geroratua edo zatikatua izatea eskatzen den zorrari dagokion autolikidazioa aurkeztu denean aurretiaz ikuskapen-prozedura bat hasia egon eta etenda geratu delarik 139.3.a) artikuluan aurreikusitakoaren arabera; baldin eta eskaera, betiere, etendura-kausaren eraginpeko harako kontzeptu eta epeei buruzkoa bada zeinen berri eman baitzaio jurisdikzio eskudunari edo Fiskaltzari.
l) Nahitaez efektu tinbredunak erabiliz ordaindu beharreko zorrei buruzkoak direnak.
m) Hartzekodunen konkurtsoan deklaratutako zordunek aurkeztuak direnak, edo funtzionamenduan dagoen enpresaren salmentarik gabeko likidazioko prozesu berezia, konkurtso-legean ezarritakoa, ireki zaien mikroenpresek aurkeztuak direnak.
3. Geroratzeko edo zatikatzeko eskaera ez bada onartzen, ez aurkeztutzat hartuko da ondorio guztietarako.
Ez onartzearen erabakiaren aurka, errekurtso edo erreklamazio ekonomiko-administratibo bat aurkezten ahalko da.
4. Zerga-zor bat geroratzeko edo zatikatzeko eskaera tramitatu bitartean zerga-zor horren beraren etendurarako eskaera aurkezten bada, geroratze- edo zatikatze-eskaera horretan atzera egin dela ulertuko da, eta izapide gehiagorik gabe artxibatuko da.
Onartutako geroratze bat edo zatikatze bat indarrean dagoen bitartean etete-eskera aurkezteak ez du eragiten ordainkizun dirauten epeen nahitaezkotasunean; hortaz, bete beharrekoak izanen dira mugaeguneratzen direnean, eskaera hori onartzen ez den bitartean. Etetea onartzeak esan nahiko du geroratzea edo zatikatzea indargabetu egiten dela, eta horren eragina hedatzen da etetearen egunean ordainkizun dauden zenbatekoetara.
5. Geroratutako edo zatikatutako zorrek berme bat izan beharko dute, salbu eta tributuen arloan eskumena duen departamentuaren titularrak ezarritako kasuetan.
Bermea abal solidario bat izanen da, kreditu-entitate batek edo elkar bermatzeko sozietate batek emana, edo kauzio-aseguruaren ziurtagiria. Aurkeztutako dokumentazioan justifikatzen bada ezin dela abal edo ziurtagiri hori lortu, edo hori aurkezteak jarduera ekonomikoaren bideragarritasuna larriki kaltetuko duela, Administrazioak zilegi izanen du tributuen arloan eskumena duen departamentuaren titularrak ezarritako beste berme batzuk onartzea".
Hiru.-67.1 artikulua, g) letra gehitzea; foru lege honek indarra hartzen duenetik aurrera egiten diren arau-hausteetan izanen du eragina.
"g) Zerga bereziei buruzko araudian eskatutako zirkulazio dokumentuak behar bezala jaulkitzeari, jasotzeari edo erabiltzeari dagozkion betebeharrak ez betetzea, salbu eta aipatu zergak arautzen dituen legean tipifikatutako arau-hauste bat bada, ezen, kasu horretan, azken lege horrek ezarritako zehapena aplikatuko da".
Lau.-71.1 artikulua, g) letra gehitzea; foru lege honek indarra hartzen duenetik aurrera egiten diren arau-hausteetan izanen du eragina.
"g) 67.1.g) artikuluak aipatutako ez-betetzeak egiaztatze- edo ikertze-epean jaulkitako, jasotako edo erabilitako zirkulazio dokumentuen ehuneko 20 baino gehiago ukitzen badu, 72.8 bis artikuluan ezarritako zehapenaren zenbatekoa ehuneko 100 handituko da".
Bost.-72. artikulua, 8 bis apartatua gehitzea; foru lege honek indarra hartzen duenetik aurrera egiten diren arau-hausteetarako izanen du eragina.
"8 bis. 67.1.g) artikuluan jasotako arau-haustearen zehapena, oker jaulkitako, jasotako edo erabilitako dokumentu bakoitzeko, 300 euroko diru-zigor finko bat izanen da".
Sei.-116.4.5. artikulua, eta 6. apartatua gehitzea; 2025eko urtarrilaren 1etik aurrera aurkezten diren geroratze- edo zatikatze-eskaeretan izanen du eragina.
"4. Borondatezko epean aurkeztuz gero geroratu, zatikatu, gauzatan ordaindu edo konpentsatzeko eskaera, espediente horiek izapidetzen diren bitartean ezin izanen da epe exekutiboa hasi.
Aipatu eskaeren ebazpena jakinaraztearekin, bertan behera geratuko da aurreko paragrafoan adierazitako eragozpena, eta, beraz, 3. apartatuan adierazitakoari heldu beharko zaio zorra epe exekutiboan ote dagoen zehazteko.
Borondatezko epean eskatutako geroratzea edo zatikatzea onartzeko ebazpenak ezein kasutan ez du ekarriko aipatu epea luzatzea edo handitzea, baizik eta, besterik gabe, zorraren ordaintzea epeetako bakoitza amaitzen den arte geroratzea. Ondorioz, geroratzea edo zatikatzea indarrean egon bitartean eskatzen bada horrek barne hartzen dituen zorrak etetea, ulertuko da eskaera hori epe exekutiboan egin dela.
Geroratzeko, zatikatzeko, gauzatan ordaintzeko edo konpentsatzeko eskaera, borondatezko epean egina, ukatzen duen ebazpenak zor-ordainketarako epe bat ezarriko da, zeinetan, baita zorra epe exekutiboan egonda ere, ez baitira epe horri dagozkion errekarguak eskatuko. Edonola ere, ordaintze-momentura arte aplikatzekoak diren berandutze-interesak indarrean egonen dira.
Epe exekutiboan geroratzeko, zatikatzeko, gauzatan ordaintzeko edo konpentsatzeko eskaera bat aurkezteak ez du etete-ondoriorik ekarriko, eta diru-bilketako organoak hasiera edo jarraipena eman beharko dio premiamendu-prozedurari. Halere, enbargatutako ondasunak besterentzeko jarduketak eten egin beharko dira harik eta eskaera ukatzen duen ebazpena jakinarazten den arte.
5. Zehapen baten aurka errekurtso edo erreklamazio bat behar den moduan eta epean aurkeztuz gero, epe exekutiboa ezin izanen da hasi harik eta zehapena administrazio bidean irmo bilakatu eta borondatez ordaintzeko epea bukatu arte.
6. Konkurtso-deklarazioak ez du etenik eraginen konkurtsoari buruzko legeriaren arabera konkurtso-kalifikazioa duten zorrak ordaintzeko borondatezko epean, horrek ukatu gabe epe exekutiboko jarduketak araudi horretan xedatzen denaren araberakoak izatea".
Zazpi.-118. artikulua, 9. apartatua gehitzea; 2025eko urtarrilaren 1etik aurrera aurkezten diren geroratze- edo zatikatze-eskaeretan izanen du eragina.
"9. Zerga-zorrak geroratzearen edo zatikatzearen kasuetan, zergapekoak zilegi izanen du zerga-administrazioari eskatzea kautelazko neurriak har ditzala 52. bis.5 artikuluan aipatzen diren beharrezko bermeen ordez.
Kautelazko neurri horiek 3. apartatuko a) eta b) letretan aipatutakoak izan daitezke. Zilegi izanen da hirugarrenen titulartasuneko kredituen, ondasunen edo eskubideen gainean hartzea neurri horiek, baldin eta zordunaren eskaerarekin batera hirugarren horren eskaintza fede-emailea aurkezten bada.
Ondasun edo eskubide horiek erregistro publiko batean inskribatzeko modukoak direnean, beharrezkoa izanen da, geroratzea edo zatikatzea onartzeko, kasuko erregistroan aurretik inskribatzea.
Kasu horietan ez da aplikatzekoa izanen 5. apartatuan xedatutakoa.
Geroratzea edo zatikatzea ebazten den erabakian berean, zerga administrazioak eskatzen denari baietza edo ezetza emanen dio, kontuan hartuz, besteak beste, zordunaren egoera ekonomiko eta finantzarioa, edo kautelazko neurriaren xede izan beharko lukeen ondasun edo eskubidearen izaera. Nolanahi ere, erabakiak arrazoitua beharko du izan.
Ondasun edo eskubide horien enbargatzea 121. artikulutik 124.era bitartekoek xedatzen dutenarekin bat egiten ahal denean, ezezkoa emanen zaio eskaerari.
Beharrezko bermeen ordezko kautelazko neurriak hartzeagatiko kostuak zordunaren kargura izanen dira. Kontabilitatean sartzean ordaindu gabe dagoen lehen kuotarekin batera exijituko dira kostu horiek.
Geroratzea edo zatikatzea ez betetzearen kasuan, ordainketarik ezaren kasuetarako Diru-bilketaren Erregelamenduan orokortasunez xedatzen dena aplikatuko da. Bermea ordainarazi aurretik, hartutako kautelazko neurria behin betikoa bihurtu beharko da premiamendu prozeduran".
Zortzi.-143.7 artikulua.
"7. Eteteko eskaera borondatezko epean aurkeztu izanez gero, ukatzeko erabakiaren jakinarazpenarekin batera borondatezko epe horren zenbaketa berriz hasiko da, jakinarazpena egin eta biharamunetik aurrera. Aipatu epea amaitzean ez bada ordainketa egin, epe exekutiboa hasiko da.
Zorra epe exekutiboan egonda, etete-eskaera aurkezten bada etendura automatikoa lortzeko beharrezkoak direnez bestelako bermeekin, edo berme-lekapen erabatekoarekin nahiz partzialarekin, edo akats aritmetiko, material edo egitatezkoan oinarrituta, horrek ez du eragotziko Administrazioaren jarduketek aurrera jarraitzea, hargatik eragotzi gabe eskaeraren dataren ondoren egin direnak deuseztatuak izatea, baldin etetea azken batean onartu egiten bada".
Bederatzi.-Honako xedapen gehigarri hauek indargabetzea: hamahirugarrena, hamazazpigarrena, hogeigarrena, hogeita bigarrena, hogeita bosgarrena, hogeita seigarrena, hogeita bederatzigarrena, hogeita hamaikagarrena, hogeita hamabigarrena, hogeita hamabosgarrena, hogeita hamazazpigarrena, hogeita hemezortzigarrena eta berrogeigarrena. Indargabetzeak 2025eko urtarrilaren 1etik aurrera aurkezten diren geroratze- edo zatikatze-eskaeretan izanen du eragina.
Hamar.-Hogeita zortzigarren xedapen gehigarria, B).3, lehenengo paragrafoa.
"3. Pertsona fisikoen errentaren gaineko zergan eta sozietateen gaineko zergan araututako prozedurak:"
Hamaika.-Hirugarren eta laugarren xedapen iragankorrak, indargabetzea, 2025eko urtarrilaren 1etik aurrera aurkezten diren geroratzeko edo zatikatzeko eskaeretan izanen du eragina.
Hamabi.-Zazpigarren xedapen iragankorra gehitzea, eragina 2025. urtean izanen duena.
Zazpigarren xedapen iragankorra.-2025ean egiten diren geroratze- edo zatikatze-eskaerei aplikatzekoak diren neurri berariazkoak.
"2025. urtean zehar egiten diren geroratze- edo zatikatze-eskaerei, baldin eta horien gaineko diru-bilketa kudeatzeko lana tributuen arloan eskumena duen departamentuari badagokio, honako xedapen berariazko hauek aplikatuko zaizkie:
1. Geroratu edo zatikatu beharreko zenbatekoa ezin izanen da izan 100 euro baino txikiagoa pertsona fisikoen kasuan, eta 300 euro baino txikiagoa pertsona juridikoen edo nortasun juridikorik gabeko entitateen kasuan.
2. Borondatezko epean dauden zorren kasuan, geroratze- edo zatikatze-eskaera automatikoki ezetsiko da baldin eta lau geroratze edo zatikatze edo gehiago baldin badaude kitatu gabe, salbu geroratzea eskatutako zorrak bermatu egiten badira, edo aurrekoak bermaturik badaude, soil-soilik Nafarroako Foru Komunitateko Diru-bilketaren Erregelamenduaren (uztailaren 2ko 177/2001 Foru Dekretuaren bidez onetsia) 50.1 eta 50.2.a) artikuluetan adierazitako berme motekin.
3. Berme-lekapena:
a) Diru-bilketaren Erregelamenduan adierazitako bermeak ez dira eskatuko honako baldintza hauek betetzen dituzten geroratze edo zatikatzeetan:
1.-Geroratu edo zatikatu nahi den zorraren guztizko zenbatekoa ez izatea 6.000 euro baino gehiagokoa.
2.-Epea ez dadila izan hamabi hilabete baino gehiagokoa..
b) Era berean, Diru-bilketaren Erregelamenduan adierazitako bermeak ez dira eskatuko honako baldintza hauek betetzen dituzten geroratze edo zatikatzeetan:
1.-Geroratu edo zatikatu nahi den zorraren guztizko zenbatekoa ez izatea 200.000 euro baino gehiagokoa.
2.-Epea ez dadila izan hogeita lau hilabete baino gehiagokoa.
3.-Eskabidea aurkeztearekin batera edo horren aurretik, eskatzaileak ordain dezala geroratzea eskatzen duen zorraren ehuneko 30.
4. 52 bis.2.b) artikuluan aipatzen diren atxikipen, konturako diru-sartze, ordainketa zatikatu edo konturako ordainketengatiko zorrak geroratzen edo zatikatzen ahalko dira 3.a) apartatuan ezarritako baldintzei jarraikiz.
5. Epe exekutiboan geroratu edo zatikatu beharreko zorren artean aurrez ere epe horretan geroratutako edo zatikatutako zorrak badaude, eta horien geroratzea edo zatikatzea kitatu egin bada, betiere exijituko da zor horien ehuneko 30 ordaintzea kontura, eskaera berria egitearekin batera edo hori baino lehen.
Zenbateko horiek eskatuko dira, era berean, bermea eratzea exijitzeko modukoak diren geroratze edo zatikatzeetan.
Geroratze- edo zatikatze-eskaeran jasotako gainerako zorretarako, halakorik egonez gero, aurreko lehenengo xedapenetik laugarrenera bitartekoetan ezarritakoa aplikatuko da".
Zazpigarren artikulua. Fundazioen eta irabaziasmorik gabeko bestelako entitateen zergaaraubide bereziko xedapenen eta mezenasgorako zergapizgarrien testu bategina.
Ondotik ematen den bezala geldituko dira idatzirik Fundazioen eta irabazi-asmorik gabeko bestelako entitateen zerga-araubide bereziko xedapenen eta mezenasgorako zerga-pizgarrien Testu Bategineko ondoko manuak (testu bategin hori onetsi zen maiatzaren 24ko 2/2023 Legegintzako Foru Dekretuaren bidez):
Bat. 19.2. artikulua; 2025eko urtarrilaren 1etik aurrera hasten diren zergaldietan izanen du eragina.
"2. Gainera, ikerketa-erakunde publikoek edo teknologia-zentroek gauzatzen dituzten jardueren antzekoak egiten dituzten irabazi-asmorik gabeko entitateei diru dohaintza eginez gero, kuota osoan dohaintzaren zenbatekoaren ehuneko 40 adinako kenkaria aplikatzeko eskubidea izanen da.
Kuotaren kenkaria sozietateen gaineko zergaren araudian ezarritakoarekin bat aplikatuko da, eta Sozietateen gaineko Zergari buruzko 26/2016 Foru Legearen 67.4 artikuluan ezarritako mugaren ondorioetarako zenbatuko da".
Bi. 30.1 artikulua; 2025eko urtarrilaren 1etik aurrera izanen du eragina.
"1. Pertsona fisikoen errentaren gaineko zergaren zergadunek eskubidea izanen dute 24. artikuluan aipatutako kultura mezenasgoaren modalitateei ematen zaien balioaren lehen 250 euroen ehuneko 80 kentzeko zergaren kuotatik. 250 euro baino gehiagoko zenbatekoek ehuneko 40ko kenkaria aplikatzko eskubidea izanen dute. 250 euroen muga hori zergadun bakoitzeko eta zergaldi bakoitzeko aplikatuko da".
Hiru. 43.1 artikulua; 2025eko urtarrilaren 1etik aurrera izanen du eragina.
"1. Pertsona fisikoen errentaren gaineko zergaren zergadunek eskubidea izanen dute mezenasgo mota bakoitzeko modalitateei ematen zaien balioaren lehen 250 euroen ehuneko 80 kentzeko zergaren kuotatik. 250 euro baino gehiagoko zenbatekoek ehuneko 40ko kenkarirako eskubidea izanen dute. 250 euroko muga hori zergadun bakoitzeko eta zergaldi bakoitzeko aplikatuko da".
Zortzigarren artikulua. Nafarroako Foru Komunitateko Administrazioko eta haren Erakunde Autonomoetako Tasa eta Prezio Publikoei buruzko Foru Legea.
2025eko urtarrilaren 1etik aurrerako eraginarekin, Nafarroako Foru Komunitateko Administrazioko eta haren Erakunde Autonomoetako Tasa eta Prezio Publikoei buruzko otsailaren 11ko 2/2021 Foru Legearen manu hauek testu hau izanen dute:
Bat. 23. bis artikulua.
"23. bis artikulua. Hautaprozesuetako dokumentazioaren kopiak formatu elektronikoan eta fisikoan bidaltzeagatiko tasa.
1. Zerga-egitatea.
Tasaren zerga-egitatea da Nafarroako Foru Komunitateko Administrazioak eta haren erakunde autonomoek beren baitan izapidetutako edozein hautaprozesuren administrazio-espedientea osatzen duten dokumentu guztien kopiak bidaltzea, formatu elektronikoan nahiz fisikoan.
Ondorio horietarako, kopia elektronikotzat hartuko da aurreko paragrafoan aipatutako dokumentazioa formatu fisikotik elektronikora bihurtzea eta ondoren subjektu pasiboari bide elektronikoz bidaltzea.
2. Subjektu pasiboak.
Tasaren subjektu pasibo dira zerga-egitate diren kopia elektroniko edo fisikoak bidaltzeko eskatzen duten pertsona fisikoak.
3. Sortzapena.
Kopia elektronikoak edo fisikoak bidaltzeko eskaera aurkezten den unean sortuko da tasa, eta bidalketaren aurretik ordainduko da.
4. Tarifak.
Tasa 0,06 eurokoa izanen da, kopiatutako eta bidalitako orrialde bakoitzeko".
Bi. 31. bis artikulua gehitzea.
"31. bis artikulua. Azterketa-eskubideen tasa, udaltzain laguntzaileak gaitzeko ikastaroan sartzeko hautaprozeduretan.
1. Zerga-egitatea.
Tasaren zerga-egitatea honako hau da: Administrazioak zerbitzuak ematea, udaltzain laguntzaileak gaitzeko ikastaroan sartzeko hautaprozeduretan parte hartzeko beharrezkoak direnak. Ikastaro hori Nafarroako Segurtasun eta Larrialdi Eskolan egiten da.
2. Subjektu pasiboak.
Tasaren subjektu pasibo dira tasaren zerga-egitatea osatzen duen zerbitzu-ematea eskatzen duten pertsona fisikoak.
3. Sortzapena.
Tasa sortuko da hautaprozeduretan izena emateko eskaera aurkezten den unean.
4. Tarifa.
Azterketa-eskubiderako eskatuko den tasa 46,00 eurokoa izanen da.
5. Salbuespenak.
Hautaprobarako deialdia argitaratu baino hilabete bat lehenagotik gutxienez langabe gisa inskribaturik dauden pertsonak".
Hiru. 41.4 artikulua, 1. eta 2. tarifak.
"1. Osasun-zentro, -zerbitzu eta -establezimenduak:
2. Farmazia-establezimenduak:
Lau. 41.4 artikulua, 5. tarifa.
"5. Albaitaritza-zerbitzuak.
(1) 20,00 euro, gutxienez. 5. egunetik aurrera, 3,00 euro gehituko dira egonaldi-egun bakoitzeko".
Bost. 43.4 artikulua, 4. tarifa.
Sei. 48.4 artikulua, 1., 2., 3., 4., 5. eta 6. tarifak; eta 7. tarifa gehitzea.
Zazpi. 51.4. artikulua, 1. tarifa.
Zortzi. 53.4 artikulua, 9.3 tarifa; 11.6 tarifaren indargabetzea.
Bederatzi. 54.4 artikulua, 1., 2., 3. eta 4. tarifak.
1.9, 2.1, 2.2 eta 2.9 tarifetan, deskontu hauek aplikatuko dira, guztira eskatu diren determinazio analitiko bereko analisien kopuruaren arabera:
a) 11 eta 25 arteko kopurua: ehuneko 25.
b) 26 eta 50 arteko kopurua: ehuneko 50.
c) 51 eta 100 arteko kopurua: ehuneko 60.
d) 101 eta 500 arteko kopurua: ehuneko 70.
e) 500 baino gehiago: ehuneko 75.
Analitika-multzo bat eginda ere, banako entseguren bat egin behar baldin bada multzoan eskainitakoaz bestelako teknika baten bidez, teknika horren banako kostua multzoaren zenbatekoari gehituko zaio".
Hamar. 57.4. artikulua, 2. eta 3. tarifak.
Hamaika. 59. artikulua indargabetzea.
Bederatzigarren artikulua. Nafarroako Toki Ogasunei buruzko Foru Legea.
2025eko urtarrilaren 1etik aurrerako eraginarekin, Nafarroako Toki Ogasunei buruzko martxoaren 10eko 2/1995 Foru Legearen manu hauek testu hau izanen dute:
Bat. 162.1 artikulua.
"1. Zerga honako kuota hauen arabera eskatuko da:
a) Turismo ibilgailuak:
-8 zaldi fiskal baino gutxiagokoak: 22,95.
-8 zaldi fiskaletik 12ra bitartean: 64,54.
-12 zaldi fiskal baino gehiagokoak eta gehienez 16koak: 137,66.
-16 zaldi fiskal baino gehiagokoak: 172,15.
b) Autobusak:
-21 leku baino gutxiagokoak: 160,60.
-21 lekutik 50era bitartekoak: 229,48.
-50 leku baino gehiagokoak: 286,85.
c) Kamioiak:
-1.000 kg baino gutxiagoko karga erabilgarria: 80,40.
-1.000 kg-tik 2.999 kg-rainoko karga erabilgarria: 160,60.
-2.999 kg baino gehiagotik 9.999 kg-rainoko karga erabilgarria: 229,48.
-9.999 kg baino gehiagoko karga erabilgarria: 286,85.
d) Traktoreak:
-16 zaldi fiskal baino gutxiagokoak: 39,43.
-16 zaldi fiskaletik 25erainokoak: 78,83.
-25 zaldi fiskal baino gehiagokoak: 157,46.
e) Atoiak eta erdi atoiak:
-1.000 kg baino gutxiagoko karga erabilgarria: 40,24.
-1.000 kg-tik 2.999 kg-rainoko karga erabilgarria: 80,40.
-2.999 kg baino gehiagoko karga erabilgarria: 160,60.
f) Bestelako ibilgailuak:
-Ziklomotorrak: 5,78.
-125 cc-rainoko motozikletak: 8,68.
-125 cc baino gehiagotik 250 cc-rainoko motozikletak: 14,39.
-250 cc baino gehiagotik 500 cc-rainoko motozikletak: 28,36.
-500 cc baino gehiagotik 1.000 cc-rainoko motozikletak: 56,75.
-1.000 cc baino gehiagoko motozikletak: 113,50."
Bi. Honako hauek izanen dira 175.2 artikuluan ezarritako gehieneko koefizienteak:
| KOEFIZIENTEA | SORTZE-ALDIA |
| 0,13 | 20 urte edo hortik gora |
| 0,06 | 19 urte |
| 0,06 | 18 urte |
| 0,06 | 17 urte |
| 0,06 | 16 urte |
| 0,16 | 15 urte |
| 0,17 | 14 urte |
| 0,22 | 13 urte |
| 0,29 | 12 urte |
| 0,35 | 11 urte |
| 0,47 | 10 urte |
| 0,52 | 9 urte |
| 0,46 | 8 urte |
| 0,40 | 7 urte |
| 0,33 | 6 urte |
| 0,27 | 5 urte |
| 0,30 | 4 urte |
| 0,27 | 3 urte |
| 0,17 | 2 urte |
| 0,06 | 1 urte |
| 0,06 | Urtebete baino gutxiago |
Xedapen gehigarri bakarra. Nafarroako Inbertsio Institutuaren onura fiskalak.
“Nafarroako Inbertsio Institutua” sozietate publikoak honako onura fiskal hauek izanen ditu:
1. Ondare eskualdaketen eta egintza juridiko dokumentatuen gaineko zergan:
a) Bere helburuak betetzeko zereginean lurren eta gainerako higiezinen erosketarako egiten dituen eragiketetarako salbuespena, bai eta Balioen Merkatuari eta Inbertsio Zerbitzuei buruzko martxoaren 17ko 6/2023 Legearen 338.2 artikuluan aurreikusitako baldintzak betetzen dituzten entitateen funts berekietan partaidetzak eskuratzeko diren eragiketetarakoa ere.
b) Maileguak, kredituak edo abalak bermatze aldera sozietatearen alde ematen diren berme mota guztiak kargatzen dituen zergaren salbuespena.
2. Sozietateen gaineko zergan:
a) Salbuetsirik egonen dira enpresen kapitaleko edo funts berekietako partaidetzaren adierazgarri diren baloreen eskualdaketan lortzen dituen errentak, zein ere diren haietan duen partaidetzaren portzentajea edo gradua eta haiek eduki dituen aldiaren iraupena.
b) Salbuetsirik egonen dira parte hartzen duen sozietateek banatutako dibidenduak edo partaidetzak.
Azken xedapenetako lehena. Nafarroako Hondakin Uren Saneamenduari buruzko Foru Legearen aldaketa.
2025eko urtarrilaren 1etik aurrerako eraginarekin, Nafarroako Hondakin Uren Saneamenduari buruzko abenduaren 29ko 10/1988 Foru Legearen 13. artikulua aldatzen da 1.a), b) eta c) letretan eta 4. apartatuan araututako tarifei dagokienez.
"a) Saneamendu-sare publikoetara konektatutako etxeko ur-erabilerei aplikatu beharreko karga-tasak: 0,77 euro metro kubiko bakoitzeko.
b) Saneamendu-sare publikoetara konektatutako etxekoez bestelako ur-erabilerei aplikatu beharreko karga-tasak: 0,81 euro metro kubiko bakoitzeko. Kutsatze-kargari dagokion indize zuzentzailea aplikatuko da hala behar denean, apirilaren 5eko 82/1990 Foru Dekretuan eta abenduaren 28ko 19/2011 Foru Legearen zazpigarren xedapen gehigarrian araututako moduan.
c) Saneamendu-sare publikoei konektaturik ez dauden baina erakunde eskudunek emandako baimen administratibo beharrezkoak dituzten erabiltzaileak: 0,095 euro metro kubiko bakoitzeko. Ibilgu publikora isurtzeko baimenean ezarritako baldintzak betetzen ez badira, kasuko tarifa aplikatuko da, a) edo b) letretan ezarritakoa".
"4. Arazketa-instalazio pribatuetatik datozen lohiei tarifa hauek aplikatuko zaizkie tratatuak izateagatik, baldin eta onartzen badira Nafarroako Ibaien Saneamendurako Plan Zuzendariari atxikitako hondakin-uren araztegietako lohi-lerroetan:
| NEURKETA | PREZIOA |
| 5 m³ arte | 51,77 euro |
| 10 m³ arte | 103,54 euro |
| 10 m³ baino gehiago | 10,36 euro/m³ |
Azken xedapenetako bigarrena. 2/2018 Foru Legea aldatzea, apirilaren 13koa, Kontratu Publikoei buruzkoa.
85. artikuluko 4 a) apartatua kentzea.
Azken xedapenetan hirugarrena. Araugintzarako gaikuntza.
Nafarroako Gobernuak foru lege hau garatu eta aplikatzeko behar diren xedapen guztiak emanen ditu.
Azken xedapenetako laugarrena. Indarra hartzea.
Foru lege honek Nafarroako Aldizkari Ofizialean argitaratua izan eta biharamunean hartuko du indarra, legean berean aurreikusitako efektuekin.
Nik, Nafarroako Foru Eraentza Berrezarri eta Hobetzeari buruzko Lege Organikoaren 22. artikuluan xedatutakoa bete dadin, foru lege hau B.M. Erregearen izenean aldarrikatzen dut, Nafarroako Aldizkari Ofizialean berehala argitara eta Estatuko Aldizkari Ofizialera igor dadila agintzen dut eta herritar eta agintariei bete eta betearaz dezatela manatzen diet.
