(ir al contenido)

navarra.es

Castellano | Euskara | Français | English

LEXNAVARRA

Versión en castellano

19/2024 FORU LEGEA, ABENDUAREN 26KOA, 2025ERAKO NAFARROAKO AURREKONTU OROKORREI BURUZKOA

BON N.º 265 - 31/12/2024; corr. err., BON 17/01/2025

  I. TITULUA. KREDITUAK ETA HORIEN ALDAKETAK

  I. KAPITULUA. HASIERAKO KREDITUAK ETA HORIEN FINANTZAKETA

  II. KAPITULUA. AURREKONTUKREDITUEN ALDAKETA

  II. TITULUA. LANGILERIAGASTUAK

  I. KAPITULUA. JARDUNEKO LANGILEEN ORDAINSARIAK

  II. KAPITULUA. NAFARROAKO ADMINISTRAZIO PUBLIKOEN MONTEPIOETAKO FUNTZIONARIOEN ESKUBIDE PASIBOAK

  III. KAPITULUA. IRAKASLEEN ORDAINSARIAK

  IV. KAPITULUA. OSASUNBIDEANAFARROAKO OSASUN ZERBITZUKO ETA NAFARROAKO OSASUN PUBLIKOAREN ETA LAN OSASUNAREN INSTITUTUKO LANGILEEN ORDAINSARIAK

  V. KAPITULUA. BESTELAKO XEDAPENAK

  III. TITULUA. FINANTZAERAGIKETAK

  I. KAPITULUA. ABALAK ETA MAILEGUAK EMATEA

  II. KAPITULUA. ZORPETZEA

  IV. TITULUA. TOKI ERAKUNDEAK

  V. TITULUA. AURREKONTUEN KUDEAKETA

  I. ERANSKINA. HEZKUNTZA MAILA DESBERDINETAKO URTEKO MODULUAK ETA RATIOAK, 2025

  II. ERANSKINA.

  III. ERANSKINA.

Atariko

NAFARROAKO FORU KOMUNITATEKO LEHENDAKARIA NAIZEN HONEK.

Aditzera ematen dut Nafarroako Parlamentuak onetsi duela honako:

2025ERAKO NAFARROAKO AURREKONTU OROKORREI BURUZKO FORU LEGEA.

I. TITULUA. KREDITUAK ETA HORIEN ALDAKETAK

I. KAPITULUA. HASIERAKO KREDITUAK ETA HORIEN FINANTZAKETA

1. artikulua. Nafarroako Aurrekontu Orokorren eremua.

1. Onetsi egiten dira 2025erako Nafarroako Aurrekontu Orokorrak. Atal hauek dituzte:

a) Nafarroako Parlamentuaren, Kontuen Ganberaren eta Arartekoaren erakundearen aurrekontuak.

b) Foru Komunitateko Administrazioaren eta haren erakunde autonomoen aurrekontuak.

c) Nafarroako Kontseiluaren aurrekontua.

d) Foru Komunitateko fundazio publikoen aurrekontuak.

e) Foru Komunitateko sozietate publikoen aurrekontuak.

f) Nafarroako Unibertsitate Publikoaren aurrekontu zenbatetsia eta finantzaketa.

g) Jardunbide egokien aldeko eta ustelkeriaren kontrako Bulegoaren aurrekontua.

2. Halaber, jasotzen da Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoaren aplikazio eremuan dauden beste subjektu eta entitate batzuen aurrekontuei buruzko informazioa, lege organiko horren 6.1 artikuluan ezarritakoarekin bat.

2. artikulua. Kredituen eta eskubide ekonomikoen zenbatekoa.

1. Aurreko artikuluan aipatutako aurrekontuetako gastuen egoera-orrietan sartutako programak betetze aldera, onesten dira 6.431.264.947 euroko zenbateko bateratua duten kredituak.

2. Aurreko artikuluan aipatutako aurrekontuetako diru-sarreren egoera-orrietan, aurrekontu ekitaldian likidatu asmo diren eskubide ekonomikoen zenbatespenak agertzen dira; hain zuzen ere, 6.431.264.947 euroko zenbateko bateratua dute.

3. Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoaren 30. artikuluan ezarritakoarekin bat, gastu ez-finantzarioaren muga, behin Toki Ogasunen Funtsa eta Estatuarentzako ekarpena deskontatu ondoren, 4.781.527.567 eurokoa da, diru-sarrera ez finantzarioak, kontabilitate nazionalaren doikuntzak eta defizit-muga batuta.

II. KAPITULUA. AURREKONTU-KREDITUEN ALDAKETA

3. artikulua. Aurrekontukredituen aldaketa eta aurrekontumugimenduak.

1. Aurrekontu-kredituen aldaketak Nafarroako Ogasun Publikoari buruzko apirilaren 4ko 13/2007 Foru Legeko aginduen araberakoak izanen dira, foru lege honek agindu horiek aldatzen ez dituen heinean.

2. Partiden arteko funts-mugimenduak egiten ahalko dira, baldin eta partida horietan agertzen diren kredituek helburu bera badute baina partidak desberdinak badira Europar Batasunak horretara behartzen duelako, gastuen erabilera hobeto kontrolatzearren, gastuak hein batean hark kofinantzatuak izatearen ondorioz. Mugimendu horiek ez dira aurrekontu-aldaketatzat hartuko.

Partida zer departamenturi dagokion, departamentu horretako kontseilariak izanen du funts-mugimendu horiek baimentzeko eskumena.

4. artikulua. Europar Batasuneko programen aurrekontualdaketak.

1. Nafarroako Gobernuak, Ekonomia eta Ogasuneko kontseilariak proposaturik, eta Enpresen Sustapenerako zuzendari nagusiak txostena egin ondoren, zilegi izanen du beharrezkoak diren aurrekontu-aldaketak baimentzea, Europar Batasunak kofinantzatutako programak eta proiektuak modurik onenean betetzeko ekitaldian zehar, Batzordeak hasierako dokumentuan onetsitakoari edo jarraipen batzordeek edo Batzordeak berak ondoren eginiko aldaketei jarraituz. Aurrekontu-aldaketak gastuen egoera-orrietan agertzen diren edozein motatako kredituen bidez finantzatu beharko dira.

2. Kreditu-aldaketak zuzeneko eragina badu Europar Batasunak kofinantzatzen dituen proiektuak biltzen dituzten partidetan, aldez aurretik Enpresen Sustapenerako Zuzendaritza Nagusiaren txostena beharko da. Landa Garapenerako Europako Nekazaritza Funtsak (LGENF) kofinantzatutako kredituei eragiten dieten aldaketak salbuetsirik daude.

5. artikulua. Kredituhanditzeak.

1. Nafarroako Ogasun Publikoari buruzko apirilaren 4ko 13/2007 Foru Legearen 47. artikuluko 1. apartatuko a) letratik g) letrara bitartekoetan aipatutako kredituez gain, handigarritzat joko dira, 2025eko ekitaldiari dagokionez, helburu hauetarako lehendik dauden partidak edo aipatu helburuetara bideraturik ekitaldian zehar sortu beharreko suertatzen direnak: terrorismoaren biktimak edo motibazio politikoko ekintzen biktimak aintzatestearen eta horiei erreparazioa ematearen ondorioz, indarreko legedian zehaztu bezala, onets litezkeen kalte-ordain, dirulaguntza eta maileguak emateko partida guztiak, bai eta Gizarte Segurantzarako kotizazioen ordainketari dagozkion partida guztiak ere.

2. Gainera, 2025eko ekitaldirako handigarriak izanen dira Osasunbidea-Nafarroako Osasun Zerbitzuko itxarote-zerrendak murrizteko neurriak finantzatzera bideratuta dauden edo ekitaldian zehar xede horrekin sortu beharreko suertatzen diren partida guztiak, nahiz eta Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura ez egon. Partida horien izenean "itxarote-zerrendak" aipamena jasoko da.

3. Era berean, 2025eko ekitaldirako handigarritzat joko dira 2025eko inbertsio-programakoak izanik foru lege honen 80. artikuluan jasotakoak diren inbertsioak finantzatzera bideratuta dauden edo ekitaldian zehar xede horrekin sortu beharreko suertatzen diren partida guztiak, nahiz eta Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura ez egon. Partida horien izenean "PRIN25" aipamena jasoko da.

4. Aurrekoez gainera, honako hauek ere handigarritzat joko dira:

4.1. Ekonomia eta Ogasun Departamentuko partida hauek:

a) 100000-10000-4709-441100 partida, "AUDENASA. Merkataritza-politika" izenekoa.

b) 114001-13100-3101-923700 partida, "Kredituen interesak eta komisioak" izenekoa.

c) 114001-13100-3509-923700 partida, "Kontu korronte eta antzekoetako saldoengatiko ordainsaria" izenekoa.

d) 111002-11300-6002-923100 partida, "Lurrak eta natur ondasunak" izenekoa.

e) 111002-11300-6003-923100 partida, "Eraispenak" izenekoa.

f) 111002-11300-6020-923100 partida, "Instalazio berriko eraikinak eta obrak, eta ondare higiezinaren erreforma" izenekoa.

g) 111002-11300-6020-923104 partida, "Higiezinei buruzko Plana. Administrazio bulegoak" izenekoa.

h) 111002-11300-6050-923100 partida, "Higiezinen Plana. Eraikin eta obretako altzariak eta ekipamendua" izenekoa.

i) 111002-11300-8500-923100 partida, "Sektore publikoko akzioak erostea" izenekoa.

j) 151000-17300-2273-923400 partida, "Enkargua TRACASA Instrumental sozietateari. Tributuen arloko informazio sistemetan datu fiskalak jasotzea eta integratzea" izenekoa.

k) 155005-17800-3501-932100 partida, "Berandutze-interesak sarrera bidegabeen eta zergen itzulketetan" izenekoa.

4.2. Lurralde Kohesiorako Departamentuko partida hauek:

a) 210001-21100-4609-942300 partida, "Toki erakundeentzako konpentsazioa toki tributuetako hobariengatik" izenekoa.

b) 220000-22000-6010-453300 partida, "Prezio-berrikuspena" izenekoa.

c) 220003-22200-2090-453200 partida, "Iruña-Logroño A-12 autobiaren kanona" izenekoa.

d) 220003-22200-2090-453202 partida, "Pirinioetako A-21 autobiaren kanona" izenekoa.

e) 220003-22200-6010-453305 partida, "Errepide sarearen kontserbazioa eta kontrol zentroa" izenekoa.

f) 220003-22200-6010-453306 partida, "Zoruak sendotzea" izenekoa.

g) 220004-22100-4700-452100 partida, "Nafarroako Ubidetik egindako ureztaketen kanona" izenekoa. Handitzearen 1. fasea".

4.3. Etxebizitzako, Gazteriako eta Migrazio Politiketako Departamentuko partida hauek:

a) 320000-32100-4809-261400 partida, "Etxebizitzen errentarientzako dirulaguntzak" izenekoa.

b) 320000-32100-7800-261400 partida, "Etxebizitzaren arloko jardueretarako dirulaguntzak eta subsidioak" izenekoa.

4.4. Hezkuntza Departamentuko partida hauek:

a) 400000-40100-3501-321100 partida, "Berandutze-interesak" izenekoa.

b) 400000-41000-1220-322000 partida, "Aldi baterako kontratudun langileen ordainsariak" izenekoa.

c) 400000-41000-1800-322000 partida, "Zerbitzuen, osagarri berrien, graduaren, antzinatasunaren, eszedentzia-itzuleren eta beste batzuen aitorpena" izenekoa.

d) 400000-41000-1810-322000 partida, "Langileen ordainsariak, aurreko ekitaldietakoak" izenekoa.

e) 400000-41000-1820-322000 partida, "Epaiak, kalte-ordainak eta egonkortzeagatiko konpentsazioak exekutatzea" izenekoa.

f) 410000-41600-4609-322004 partida, "Unibertsitateaz kanpoko etapetako ikasleek espazioak erabiltzeagatiko transferentziak" izenekoa.

g) 430004-43500-6081-322000 partida, "Ikasliburuen doakotasunerako plana" izenekoa.

h) 430004-43500-7811-322000 partida, "Ikasliburuen doakotasunerako programa" izenekoa.

i) 410003 proiektukoak, "Irakaskuntza pribatu itundurako eta parekaturako dirulaguntzak" (kode ekonomikoa: 4811).

j) 430005-43500-2210-324100 partida, "Jantokiak" izenekoa.

k) 430005-43500-2230-324100 partida, "Eskola-garraioa" izenekoa.

l) 430005-43500-2230-324102 partida, "Hezkuntza bereziko eskola-garraioa" izenekoa.

m) 430005-43500-4800-324100 partida, "Eskola-garraiorako banakako laguntzak" izenekoa.

n) 430005-43500-4800-324102 partida, "Jantokietarako laguntza banakatuak" izenekoa.

ñ) 420007-42900-4609-322100 partida, "Hitzarmenak udalekin, 0 eta 3 urte bitarteko haurrak eskolatzekoak" izenekoa.

o) 430001 43100 4800 322E00 partida, "Lanbide Heziketako ikasleen praktikak: Gizarte Segurantza" izenekoa.

4.5. Osasun Departamentuko partida hauek:

a) 54. programa-taldekoak, artikulu honetako 2. apartatuan aipatutakoak izan ezik, honako kode ekonomiko hauei dagozkienak: 2210, 2213, 2214, 2215, 2216, 2286, 2287 eta 2500; bai eta 52. programa-multzoaren barruan 2215 kode ekonomikoari dagozkionak ere.

b) 540000-52000-1800-311100 partida, "Osasun-langileen lanbide karrera".

c) 540000-52000-1810-311100 partida, "Langileen ordainsariak, aurreko ekitaldietakoak" izenekoa.

d) 540000-52000-1820-311100 partida, "Epaiak, kalte-ordainak eta egonkortzeagatiko konpentsazioak exekutatzea" izenekoa.

e) 540002-52833-2231-311100 partida, "Osasun-larrialdietarako eta anbulantzietarako Plana" izenekoa.

f) 540002 52833 2231 311103 partida, "Enkargua BIDEAN sozietateari. Osasun-garraioa" izenekoa.

g) 540002-52833-4809-311104 partida, "Protesiak, ortesiak eta desgaitasuna dutenentzako ibilgailuak" izenekoa.

h) 540005-52831-4809-313100 partida, "Farmazia-prestazioak" izenekoa.

i) 540005-52831-4809-313102 partida, "Xurgatzaileak eta beste osasun-produktu batzuk" izenekoa.

j) 540005-52831-4809-313103 partida, "Farmazia-prestazioak-koordainketa arautzea" izenekoa.

k) 543000-52200-6057-312802 partida, "Kirurgia-tresnak" izenekoa.

l) 543004-52214-2276-312700 partida, "Farmako-ekoizpenerako plasma-zatikatze lanak" izenekoa.

m) 545000-52400-6057-312803 partida, "Kirurgia-tresnak" izenekoa.

n) 546000-52500-6057-312803 partida, "Kirurgia-tresnak" izenekoa.

4.6. Landa Garapeneko eta Ingurumeneko Departamentuko partida hauek:

a) 710000-71200-4700-412100 partida, "Landaketak erauzteagatiko kalte-ordaina" izenekoa.

b) 710000-71200-4700-412107 partida, "Aparteko uholdeak direla-eta azpiegitura pribatuetan izaniko kalteak eta errenta-galera arintzeko laguntzak" izenekoa.

c) 710001-71200-4700-414210 partida, "Aseguru primen konpentsazioa Agroseguroren bitartez" izenekoa.

d) 710004-71300-2279-412205 partida, "Larrialdiko txertaketa ofizialak" izenekoa.

e) 710004-71300-7700-412200 partida, "Kalte-ordaina abereak epizootien ondorioz hil behar izateagatik" izenekoa.

f) 710006-71500-4700-414100 partida, "Nafarroako Ubidearen ureztaketen kanona" izenekoa.

g) 710006-71500-7609-414402 partida, "Aparteko uholdeek eta suteek kaltetutako nekazaritza-azpiegitura publikoetarako laguntzak" izenekoa.

h) 710006-71500-7700-414400 partida, "Aparteko uholdeek eta suteek kaltetutako nekazaritza-azpiegitura pribatuetarako laguntzak".

i) 710006-71500-7819-414100 partida, "Ureztatzaileen Elkarteen nekazaritza azpiegiturak konpontzea, aparteko uholdeengatik" izenekoa.

j) 710006 71500 7400 414302 partida, "INTIArentzako kapital transferentzia, makinerian eta espazioetan inbertsioak egitekoa" izenekoa.

k) 720004 72200 7400 412100 partida, "INTIArentzako kapital transferentzia, makinerian eta espazioetan inbertsioak egitekoa" izenekoa.

l) 740002 74200 7400 456300 partida, "Kapital-transferentzia GAN-NIK enpresari, bere instalazioetan inbertsioak egitekoa" izenekoa.

4.7. Industriako eta Enpresen Trantsizio Ekologiko eta Digitalerako Departamentuko partida hauek:

a) 810001-81100-4819-422203 partida, "Eskualdeetako plan estrategikoak" izenekoa.

b) 810001-81100-7819-422200 partida, "Eskualdeetako plan estrategikoak. Proiektuak" izenekoa.

c) 810001-81100-7609-458104 partida, "Eguesibarko Udalarentzako transferentzia. Berrikuntza Hiriko aparkalekua" izenekoa.

4.8. Eskubide Sozialetako, Ekonomia Sozialeko eta Enpleguko Departamentuko partida hauek:

a) 2600 kode ekonomikokoak, Gizarte Zerbitzuei buruzko abenduaren 14ko 15/2006 Foru Legean aurreikusitako Gizarte Zerbitzu Orokorren Zorroa onetsi zuen ekainaren 17ko 69/2008 Foru Dekretuan ezarritako prestazio bermatuak finantzatzeko izan eta 901003, 920005, 920006 eta 920008 proiektuetan daudenak, salbu eta FSE+ funtsaren bidez kofinantzatutako partidak.

b) 901002-91100-4809-212100 partida, "Kotizazio gabeko pentsioak" izenekoa.

c) 901002-91100-4809-231500 partida, "Errenta bermatua" izenekoa.

d) 901002-91100-4809-231502 partida, "Gizarte inklusiorako laguntza bereziak" izenekoa.

e) 901002-91100-4809-231505 partida, "Bizitzeko gutxieneko errenta" izenekoa.

f) 901003-91600-4809-231600 partida, "Prestazio ekonomikoak eta ingurune irekiko akonpainamendu soziala gizarte-bazterketan daudenentzat" izenekoa.

g) 901003-91600-4609-231500 partida, "Etxerik gabeko pertsonentzako harrera-zerbitzua eta PSH akonpainamendu sozialeko beste programa batzuk" izenekoa.

h) 901003-91600-4609-231502 partida, "Oinarrizko laguntzako gizarte-zerbitzuak" izenekoa.

i) 901001-91100-4819-143103 partida, "Nazioarteko larrialdiei berehalako erantzuna ematea" izenekoa.

j) 920004-93200-4809-231B00 partida, "Zerbitzuari lotutako laguntzak" izenekoa.

k) 920004-93200-4809-231B02 partida, "Zerbitzu pertsonalei erantzuteko laguntzak" izenekoa.

l) 920004-93200-4809-231B06 partida, "Bizimodu independenterako laguntzaileak kontratatzea desgaitasuna duten pertsonentzat" izenekoa.

m) 920008-93300-4809-231700 partida, "Babes sistemako gazteen autonomiarako baliabideak" izenekoa.

n) 920008-93300-4809-231702 partida, "Familientzako prestazio ekonomikoak" izenekoa.

ñ) 920008-93300-4809-231704 partida, "Besteren ikastetxeetako haur-kuotak" izenekoa.

o) 950001-96100-4709-241109 partida, "Enplegu-zentro berezietarako laguntzak" izenekoa.

p) 950001-96100-4809-241109 partida, "Autoenplegua sustatzeko laguntzak" izenekoa.

q) 950001-96100-4819-241104 partida, "Konferentzia sektoriala. Zailtasunik handieneko kolektiboen gizarteratze- eta laneratze-programetarako laguntzak" izenekoa.

4.9. Kultura, Kirol eta Turismo Departamentuko honako partida hau:

a) A20003-A2300-6056-333100 partida, "Kultura-ondasunak eskuratzea" izenekoa.

b) A30001-A3100-7819-432107 partida, "Aralarko San Miguel- bidegunea. Ostatu-aterpetxea izatekoa den eraikina birgaitzea" izenekoa.

4.10. Lehendakaritzako, Funtzio Publikoko eta Justiziako Departamentuko partida hauek:

a) F20001-F2100-4819-112103 partida, "Doako laguntza juridikoa" izenekoa.

b) F30001-F3100-1001-921400 partida, "Lehendakari ohi, kontseilari ohi eta Nafarroako Gobernuko beste goi kargudun batzuentzako prestazioak" izenekoa.

c) F30001-F3100-1620-921400 partida, "Langileen arloko erabakiak aplikatzeko funtsa" izenekoa.

d) F30001-F3100-1800-921400 partida, "Zerbitzuen, osagarri berrien, graduaren, antzinatasunaren, eszedentzia-itzuleren eta beste batzuen aitorpena" izenekoa.

e) F30001-F3100-1800-921402 partida, "Ordainsarien igoera" izenekoa.

f) F30001-F3100-1800-921405 partida, "Osasun-langileen lanbide-karrera" izenekoa.

g) F30001-F3100-1810-921400 partida, "Langileen ordainsariak, aurreko ekitaldietakoak" izenekoa.

h) F30001-F3100-1820-921400 partida, "Epaiak, kalte-ordainak eta egonkortzeagatiko konpentsazioak exekutatzea" izenekoa.

i) F30001-F3100-1820-921403 partida, "Lan istripuengatiko kalte-ordainak" izenekoa.

j) F30001-F3200-1614-211100 partida, "Erretiro aurreratuengatiko kalte-ordainak" izenekoa.

k) F40002-F4600-2140-921800 partida, "Ibilgailuen eta makineriaren konponketak eta mantentze-lanak" izenekoa.

l) F40002-F4600-2281-921800 partida, "Erregaiak eta lubrifikatzaileak" izenekoa.

m) F41000-F4100-2274-132103 partida, "Genero indarkeriatik babesteko segurtasun zerbitzuak" izenekoa.

4.11. Unibertsitateko, Berrikuntzako eta Eraldaketa Digitaleko Departamentuko partida hau:

a) G10001-G1100-7455-322302 partida, "Kapital transferentziak NUPi: Medikuntzako eraikina" izenekoa.

II. TITULUA. LANGILERIA-GASTUAK

I. KAPITULUA. JARDUNEKO LANGILEEN ORDAINSARIAK

6. artikulua. Nafarroako Administrazio Publikoetako funtzionarioen eta estatutupeko langileen ordainsariak.

1. 2025eko urtarrilaren 1etik aurrerako ondorioekin, Nafarroako Administrazio Publikoen zerbitzuko funtzionarioen eta estatutupeko langileen ordainsariek gehikuntza izanen dute; hain zuzen ere, Estatuko legediak sektore publikoan diharduten langileentzat 2025erako ezartzen duen gehieneko gehikuntza orokorra. Horrek ez du ezertan galaraziko beharrezkoak diren ordainsari-doikuntzak egitea, halatan ziurtatzeko ezen lanpostu bakoitzari esleitutakoak behar bezalako zerikusia daukala lanpostu horren edukiak berezi duen zailtasun tekniko, dedikazio, erantzukizun, arriskugarritasun edo nekagarritasunarekin.

2. Maila bakoitzaren hasierako soldatak urteko zenbateko hau izanen du 2025ean:

MAILA URTEKO ZENBATEKOA, eurotan
A30.247,00
B25.445,84
C21.108,36
D18.383,54
E16.170,42

7. artikulua. Nafarroako Administrazio Publikoetako lankontratudunen ordainsariak.

1. 2025eko urtarrilaren 1etik aurrerako ondorioekin, Nafarroako Foru Komunitateko Administrazioan eta haren erakunde autonomoetan diharduten langile lan-kontratudunen ordainsariak haien hitzarmen kolektiboan zehazten direnak izanen dira, foru lege honetan funtzionarioentzat finkatutako irizpideei jarraikiz.

2. Nafarroako gainerako administrazio publikoetan diharduten lan-kontratudun langileen ordainsariak, berriz, administrazio publiko bakoitzak bere aurrekontuetan ezartzen dituenak izanen dira, foru lege honek funtzionarioentzat ezarritako irizpideei jarraikiz.

8. artikulua. Nafarroako Foru Komunitateko Administrazioko eta haren erakunde autonomoetako izendapen libreko zuzendaritzakarguen ordainsariak.

1. Nafarroako Foru Komunitateko Administrazioko zerbitzuetako zuzendaritzentzat, bai eta haren erakunde autonomoetako zuzendaritzak izan eta haiekin parekatuta daudenentzat ere, 60.417,28 euroko urte-ordainsariak ezartzen dira 2025erako, hamalau hilekotan banatuta, araudi indardunaren arabera legozkiekeen gradu, antzinatasun eta familia-laguntzako ordainsari pertsonalez gainera eta, beren jatorrizko izendapenagatik edo beren zerbitzu-ematearen baldintza bereziengatik, plantilla organikoan berariaz esleituta leuzkaketen ordainsari osagarriez gainera. Horretarako, ez da kontuan izanen lanpostuko osagarriaren hasiera bateko ehunekoa, sartuta dagoena kasuko honenbesteko ordainsariaren lehenbiziko kalkuluan.

Zerbitzuetako zuzendariek beren jarduna eskuragarritasun osozko eta erabateko dedikaziozko araubidean beteko dute.

2. Osasunbidea-Nafarroako Osasun Zerbitzuko eta Nafarroako Osasun Publikoaren eta Lan Osasunaren Institutuko izendapen askeko zuzendaritza-karguen 2025eko ordainsariek ondotik zehazten diren urte-zenbatekoak izanen dituzte, hamalau hilekotan banatuta, ezertan galarazi gabe araudi indardunaren arabera legozkiekeen gradu, antzinatasun eta familia-laguntzaren ordainsari pertsonalak:

a) Zerbitzu ez-asistentzialetako burutzak: 60.417,28 euro.

b) Nafarroako Odol eta Ehun Bankuko Zuzendaritza: 66.494,96 euro.

Baldin eta Osasunbidea-Nafarroako Osasun Zerbitzuko eta Nafarroako Osasun Publikoaren eta Lan Osasunaren Institutuko zuzendaritza-kargu horien titular den pertsonaren bat artikulu honetan jasotzen den zenbatekoa baino gehiago jasotzen ari bada gaur egun, aldeagatik konpentsazio pertsonal bat ordainduko zaio, kargu horretan diharduen bitartean.

3. Nafarroako Foru Komunitateko Administrazioan eta haren erakunde autonomoetan izendapen askeko zuzendaritza-karguetan diharduten langileen ordainsariek izanen dute, kasua bada, 6. artikuluan xedatzen denaren aplikaziotik eratorritako igoera bera.

9. artikulua. Nafarroako Gobernuko kideen, Nafarroako Foru Komunitateko Administrazioko goikargudunen eta behinbehineko beste langileen ordainsariak.

1. Nafarroako Gobernua osatzen duten kideek, zuzendari nagusiek, erakunde, sozietate eta fundazio publikoetako zuzendariek eta Nafarroako Foru Komunitateko Administrazioko gainerako behin-behineko langileek hurrengo apartatuetan zehazten diren ordainsariak jasoko dituzte 2025ean.

2. Nafarroako Gobernuari eta Lehendakariari buruzko abenduaren 3ko 14/2004 Foru Legearen 35. eta 45. artikuluetan ezarritakoari jarraikiz, Nafarroako Gobernuko kideek, 2025ean, ondoren zehazten diren urteko ordainsariak izanen dituzte, hamalau hilekotan banatuta, ezertan galarazi gabe, langile finko eta kontratudunei dagokienez, kasuan kasuko zerbitzu-harremanari aplikatu beharreko araudiaren arabera legozkiekeen gradu- eta/edo antzinatasun-ordainsariak:

- Nafarroako Gobernuko lehendakaria: 82.975,06 euro.

- Lehendakariordea, kontseilaria eta kontseilari-eleduna: 77.218,96 euro.

3. Lehendakariaren kabinetean eta Nafarroako Gobernuko departamentuetako titularren kabineteetan goi-kargudun izaera duten langileek ondoren zehazten diren urteko ordainsariak izanen dituzte 2025ean, hamalau hilekotan banatuta, ezertan galarazi gabe, langile finko eta kontratudunen kasuan, kasuan kasuko zerbitzu-harremanari aplikatu beharreko araudiaren arabera legozkiekeen gradu- eta/edo antzinatasun-ordainsariak:

- Lehendakariaren aholkularia: 66.163,58 euro.

- Kontseilarien kabineteburuak: 61.582,22 euro.

4. Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.4 artikuluan ezarritakoari jarraikiz, zuzendari nagusiek 66.163,58 euroko urteko ordainsariak izanen dituzte 2025ean, hamalau hilekotan banatuta, ezertan galarazi gabe, langile finko eta kontratudunen kasuan, kasuko zerbitzu-harremanari aplikatu beharreko araudiaren arabera legozkiekeen gradu- eta/edo antzinatasun-ordainsariak.

5. Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 52.1 artikuluan ezarritakoari jarraikiz, erakunde publikoetako zuzendaritza-karguek ondotik zehazten diren ordainsariak izanen dituzte 2025. urtean, hamalau hilekotan banatuta, ezertan galarazi gabe, langile finkoak eta kontratudunak izanez gero, kasuan kasuko zerbitzu-harremanari aplikatu beharreko araudiaren arabera legozkiekeen gradu eta/edo antzinatasun ordainsariak:

a) Erakunde autonomo bateko zuzendari kudeatzailea, salbu eta ondoko b) letran xedatutakoa: 66.163,58 euro.

b) Osasunbidea-Nafarroako Osasun Zerbitzuko eta Nafarroako Zerga Ogasuneko zuzendari kudeatzaileak: 102.225,90 euro.

c) Erakunde autonomo bateko zuzendariordea: 60.417,28 euro.

d) Osasunbidea-Nafarroako Osasun Zerbitzuko zuzendaritza-karguak:

- Oinarrizko Osasun Laguntzako kudeatzailea, Nafarroako Ospitale Unibertsitarioko kudeatzailea, Profesionalen zuzendaria, Kudeaketa Ekonomikoaren eta Zerbitzu Orokorren zuzendaria eta Eriari Osasun Laguntza emateko Ataleko zuzendaria: 78.115,80 euro.

- Tuterako Osasun Barrutiko kudeatzailea, Lizarrako Osasun Barrutiko kudeatzailea eta Nafarroako Ospitale Unibertsitarioko zuzendari asistentziala: 68.277,44 euro.

- Osasun Mentaleko kudeatzailea, Nafarroako Ospitale Unibertsitarioko zuzendariorde asistentzialak, Tuterako Osasun Barrutiko zuzendari asistentziala, Oinarrizko Osasun Laguntzako Kudeatzailetzako Oinarrizko Osasun Laguntzako eta Laguntzaren Jarraitutasunerako zuzendariordeak eta Nafarroako Larrialdietako zuzendariordea eta Hil ala Biziko Larrialdiei Arreta emateko zuzendari teknikoa, eta osasun barrutietako zuzendariordeak: 66.494,96 euro.

- Zerbitzu Zentraletako zuzendariordeak: 65.293,76 euro.

- Profesionalen zuzendaria, Kudeaketa Ekonomikoaren eta Zerbitzu Orokorren zuzendaria, Nafarroako Ospitale Unibertsitarioko Osasun Zainketen zuzendaria eta Oinarrizko Osasun Laguntzako Zainketen, Etxeko Arretaren, Arreta Soziosanitarioaren eta Ekintza Komunitarioen zuzendariordea, Langileriaren eta Lan Harremanen Zuzendariordea, Administrazioaren, Zerbitzu Orokorren eta Trantsizio Ekologikoaren Zuzendariordea, Nafarroako Ospitale Unibertsitarioko Kalitatearen, Prozesu Klinikoen eta Garapenaren Zuzendariordea eta Nafarroako Osasun Publikoaren eta Lan Osasunaren Institutuko zuzendariordeak: 62.338,78 euro.

- Nafarroako Laguntza Soziosanitarioko Planaren koordinatzailea eta Nafarroako Ospitale Unibertsitarioko Osasun Zainketen zuzendariordeak: 56.484,54 euro.

6. Lehendakariaren eta Nafarroako Gobernua osatzen duten kideen kabineteetako gainontzeko behin-behineko langileek ondoren zehazten diren urteko ordainsariak izanen dituzte 2025. urtean, hamalau hilekotan banatuta, ezertan galarazi gabe, langile finko eta kontratudunei dagokienez, kasuan kasuko zerbitzu-harremanari aplikatu beharreko araudiaren arabera legozkiekeen gradu- eta/edo antzinatasun-ordainsariak:

- Lehendakariaren idazkaria: 40.851,16 euro.

- Kontseilariaren idazkaria: 37.236,08 euro.

- Kabineteko laguntzailea: 32.613,98 euro.

7. Aurreko apartatuetan araututako behin-behineko langile izanik langile finko edo kontratudun ez direnek, Nafarroako Administrazio Publikoetako funtzionarioei dagokien antzinatasun-saria jasoko dute, eta horretarako kontuan hartuko da behin-behineko lanpostuetan lanean emandako denbora.

8. Nafarroako Enpresa Korporazio Publikoan sartuta dauden Nafarroako Foru Komunitateko Administrazioko sozietate publikoetako goi-kargu izaerako zuzendaritza-karguek ordainsari hauek izanen dituzte 2025ean:

Zuzendari kudeatzaileentzat, urteko oinarrizko soldata gordina, hamalau hilekotan banatuta, 65.726,11 eurokoa izanen da. Urteko ordainsari hori doitu eginen da kudeatu beharreko enpresa publikoaren konplexutasunaren arabera, taula honi jarraituz:

SOZIETATE MOTAKONPLEXUTASUNAREN OSAGARRIAURTEKO OINARRIZKO SOLDATA GORDINA, eurotan
D%065.726,11
C%1072.298,70
B%3085.443,93
A%55101.875,45

Sozietateen sailkapena, sozietate-motaren araberakoa, Nafarroako Gobernuaren erabaki baten bidez ezarriko da.

9. Nafarroako Foru Komunitateko Administrazioaren fundazio publikoetako zuzendariek urteko ordainsari hauek izanen dituzte 2025ean, hamalau hilekotan banatuta:

- Miguel Servet Fundazioa: 65.293,81 euro.

- Desgaitasuna duten Pertsonei Lagungarriak Helarazteko Nafarroako Fundazio Publikoa (FUNDAPA): 56.484,38 euro.

- Baluarte Fundazioa: 71.665,02 euro.

- Gizain Fundazioa: 66.163,63 euro.

- Miguel Indurain Fundazioa: 54.632,48 euro.

10. Nafarroako Gobernuko kide den inork, ez eta Nafarroako Foru Komunitateko gainerako goi kargudunek ere, ez dute dieta pertsonalik jasoko inolako entitate publiko edo pribaturengandik, administrazio kontseiluen nahiz kide anitzeko inolako organoren bileretara joatearen ondoriozkorik. Baldin eta betetzen duten ordezkaritzagatiko dietarik jasotzen badute, ordaintzaile den sozietateak edo erakundeak dirua zuzenean sartuko du Nafarroako Foru Komunitateko Administrazioaren kasuan kasuko aurrekontu- edo sozietate-kontuan.

11. Nafarroako Gobernua osatzen duten kideen, Nafarroako Foru Komunitateko Administrazioko goi kargudunen eta gainerako behin-behineko langileen ordainsariek 6. artikuluan xedatzen dena aplikatzetik kasua bada eratorritako igoera bera izanen dute.

II. KAPITULUA. NAFARROAKO ADMINISTRAZIO PUBLIKOEN MONTEPIOETAKO FUNTZIONARIOEN ESKUBIDE PASIBOAK

10. artikulua. Nafarroako Administrazio Publikoen montepioetako funtzionarioen klase pasiboen pentsioak eguneratzea.

1. 2025eko urtarrilaren 1etik aurrerako ondorioekin, pentsio publikoek urte horretan duten igoera bera izanen dute Nafarroako Administrazio Publikoen montepioetako funtzionarioen klase pasiboen pentsio izanik indarreko araudiaren arabera eguneratzeko eskubidea duten pentsioek.

2. Pentsio publikoen arloko araudi indarduna aplikatuz, eguneraketa ez zaie aplikatuko jadanik aitortuta dauden edo etorkizunean aitortuko diren pentsioei, baldin eta, berek bakarrik nahiz haiei baturik, kasua bada, onuradun berak jasotzen dituen beste pentsio publiko batzuen zenbatekoa, gainditu egiten badute pentsio publikoentzat ezartzen den urteko gehieneko zenbatekoa.

11. artikulua. Arauak, aplikatzekoak zaizkionak Nafarroako administrazio publikoen montepioetako funtzionarioen eskubide pasiboen araubide iragankorrari buruzko martxoaren 5eko 10/2003 Foru Legearen aurreko sistemari atxikitako funtzionarioen eskubide pasiboen araubideari.

1. Martxoaren 30eko 13/1983 Foru Legea indarrean jarri baino lehen indarrean zeuden xedapenei jarraituko die artikulu honetan aipatzen den funtzionarioen eskubide pasiboen araubideak. Erregulatze-soldata zehazteko, kontuan hartuko dira funtzionarioek foru lege horren eta hori betetzeko emandako behin-behineko ordainsari-erregelamenduaren aurreko sistemaren arabera jasotzen zituzten ordainsaririk handienak, horiei ekitaldi bakoitzeko Nafarroako aurrekontu orokorrei buruzko foru legeetan adierazitako portzentajeak gehiturik. Salbuespena izanen da lan istripuagatik edo gaixotasun profesionalagatik eskuratutako pentsioei buruz artikulu honetan xedatutakoa.

2. Aurreko apartatuan aipaturiko xedapenen ildotik, zerbitzualdia erretiro eta pentsioen ondorioetarako zenbatzeko, funtzionarioek zerbitzuan egiazki egindako urteak bakarrik hartuko dira kontuan. Urte horien barrenean sartuko dira Administrazio Publikoan egiazki emandako zerbitzu-urteak, betiere kasuko administrazioak aitortuak Foru Diputazioaren 1981eko urriaren 29ko eta 2001eko otsailaren 5eko Erabakiei eta apirilaren 14ko 21/1983 Foru Dekretuari jarraikiz.

Hala ere, Nafarroako Foru Komunitateko Administrazioaren edo Nafarroako toki erakundeen montepioetakoren bati atxikitako funtzionarioek sortutako erretiro-, alargun- eta umezurtz-pentsioen kasuan, foru lege honek indarra hartu ondoren jardunean daudela hiltzen badira edo erretiroa hartzen badute, pentsioaren zio den egitaterainoko atzeraeraginez zenbatuko dira aipatutako funtzionarioek Gizarte Segurantzaren araubideetan kotizatutako aldiak, baldin eta aldi horiek ez badira gainjartzen aipatu montepioei kotizatutako beste batzuekin. Horren helburu bakarra izanen da zehaztea zein diren eskubide pasiboetarako hartzeko zenbagarriak eta kasuko pentsioa kalkulatzeko aplikatu behar den portzentajea edo kuota, kotizazio- edo zerbitzu-urteengatikoa.

Aurreko paragrafoan jasota egon eta funtzionarioek sortuak diren erretiro-, alargun- eta umezurtz-pentsioetarako, inola ere ez dira honako hauek zenbatuko: aipatu funtzionarioek Gizarte Segurantzaren araubideetan kotizatutako aldiak, baldin eta aldi horiek, kasua bada beste batzuekin batuta, aipaturiko araubideetan pentsiorako eskubiderik sortu badute. Salbuespen izanen dira SOVI delakoaren prestazioetarako eskubidea sortzen duen kotizazioa eragin duten aldiak, zenbatu eginen baitira horiek.

Nafarroako Foru Komunitateko Administrazioak edo Nafarroako toki erakundeek dituzten montepioetakoren baten babesean dauden funtzionarioek alargun-pentsioa sortuz gero, bikotekide egonkorrek ere izanen dituzte eskubide pasibo horiek, Bikote egonkorrentzako berdintasun juridikoari buruzko uztailaren 3ko 6/2000 Foru Legearekin bat.

3. Artikulu honen 1. apartatuan xedatutakoa betez, eta Nafarroako Administrazio Publikoen zerbitzuko langileen estatutuaren aplikazio-esparruaren barnean dauden funtzionario publikoek 2025ean zehar sortutako erretiroak eta pentsioak finkatzeko, honako hau hartuko da kontuan:

a) Eskubide pasiboetan eragina duten lansari kontzeptuen zenbatekoak 2025. urteari dagozkionak izanen dira; hau da, 1983. urtekoei geroko aurrekontuei buruzko foru legeek finkatutako gehikuntzak aplikatzearen emaitza direnak.

Salbuespen gisa, lan istripuak edo gaixotasun profesionalak eragindako ezintasunagatiko erretiro-pentsioen kasuan, bai eta lan istripua edo gaixotasun profesionala dela-eta hiltzearen ondoriozko alargun- edo umezurtz-pentsioenean ere, hartzeko erregulatzailea osatuko dute erretiroa edo heriotza gertatu aurreko urtean kasuko funtzionarioak bere lanpostuagatik jasotako ordainsariek.

b) 1980ko urtarrilaren 29ko Parekatze Arautik eratorritako ordainsari-sistematik kanpo geratu ziren udal funtzionarioentzat, haren bigarren xedapen gehigarriko bigarren paragrafoan emandako ahalmenari jarraikiz, pasiboetan eragina duten ordainsari kontzeptuen zenbatekoa honako hau izanen da: funtzionario horientzako 1983ko zenbatekoari hurrengo urteetan izandako gehikuntzak aplikatzearen emaitza.

4. Funtzionarioek pentsio araubidearen finantzaketan parte hartuko dute 13/1983 Foru Legearen aurreko araudia aplikatzetik ateratzen den zenbatekoarekin, zenbateko horri ondorengo urteetako Nafarroako Aurrekontu Orokorrei buruzko foru legeetan ezarritako pentsio-igoerako portzentajeak gehiturik.

5. 2025eko urtarrilaren 1etik aurrerako ondorioekin, Nafarroako Administrazio Publikoetako montepioen gutxieneko erretiro-pentsioa, bai martxoaren 5eko 10/2003 Foru Legearen aurreko sisteman jarraitzen duten funtzionarioena, bai aipatu foru legean aurreikusitakoari atxikitakoenena, 2024. urterako ezarritakoa izanen da, zeina 18.031,44 eurokoa baita, baina 2025era eguneratua, pentsio publikoek urte horretan oro har izanen duten igoera aplikaturik.

Hirurogeita hamar urteko adina betetzen dutenetik aurrera, honakoei ere aitortuko zaie arestiko paragrafoan ezarritako gutxieneko pentsioaren baliokidea den zenbatekoa jasotzeko eskubidea: beren borondatez erretiratu eta, martxoaren 5eko 10/2003 Foru Legearen aurretik zegoen eskubide pasiboen sisteman jarraituta, dagokien administrazio publikoan hogeita hamar urte baino gutxiagoko zerbitzualdi aitortua frogatzeagatik eguneratze-eskubiderik gabeko pentsioa sortu dutenei.

6. 2025eko urtarrilaren 1etik aurrerako ondorioekin, gutxieneko alargun-pentsioaren zenbatekoa izanen da ekitaldi horretarako ezarriko den lanbide arteko gutxieneko soldataren adinako urteko zenbatekoa.

7. Artikulu honen 6. apartatuan xedatutakoa aplikatuko zaie, halaber, martxoaren 5eko 10/2003 Foru Legearen aurreko eskubide pasiboen sistema aplikatuz emandako Nafarroako Administrazio Publikoen montepioetako edozeinen kargurako umezurtz-pentsioei, horietako bakoitzaren erregelamenduan xedatutakoaren arabera eman ere, 1991ko ekitaldirako Nafarroako Aurrekontu Orokorrei buruzko otsailaren 26ko 5/1991 Foru Legearen hemezortzigarren xedapen gehigarriak emandako testuaren arabera hain zuzen.

Aurreko paragrafoan xedatutakotik baztertu egiten dira, beraz, aipatu 5/1991 Foru Legean ezarritako aldaketaren aurretik aplikatzekoa zen araudiaren arabera emandako umezurtz-pentsio guztiak, salbu eta onuradunaren ezintasun-egoerarengatik eman zirenak.

8. Foru Diputazioko funtzionarioen erretiroei eta pentsioei buruzko Erregelamenduaren 8. artikuluko 3. apartatuan eta Udal funtzionarioen eskubide pasiboei buruzko Erregelamenduaren 10. artikuluan aipatzen diren umezurtz-pentsioak eta udal montepio partikularretan ezaugarri berak dituzten umezurtz-pentsioak onartu eginen dira, baldin eta pentsio horiek eskuratzeko bete beharreko baldintza guztiak betetzen badira pentsioa sorrarazten duen pertsona edo, bestela, alargun-pentsioa jasotzen duen ezkontidea edo bikotekide egonkorra hiltzen den egunean.

9. Nafarroako Administrazio Publikoetako montepioetako alargun-pentsioak bateragarriak dira bai norberak egindako lanarengatik jasotako diru-sarrerekin bai erretiro-pentsioarekin.

10. Ezintasun iraunkorraren deklarazioak, bai eta haren graduak ere, berrikusten ahalko dira onuraduna 65 urte baino gutxiagoko adinekoa izanez gero, dela egoera larriagotu nahiz hobetzeagatik, dela diagnostiko-akatsagatik, betiere arau hauei jarraikiz:

a) Ezintasun gradua berrikusteko espedientea ofizioz edo interesdunak eskatuta irekitzen ahalko da, eta Ezintasunak Baloratzeko Nafarroako Epaimahai Medikoak horri buruzko proposamen loteslea eginen du.

b) Ezintasun iraunkorreko gradu jakin bat deklaratua duen funtzionarioa gradu altuago batean birsailkatua izanez gero, dela egoera larriagotzeagatik dela diagnostiko-akats batengatik, kasuko pentsio-esleipenak eragina izanen du berrikuspen-espedientea ebatzi eta hurrengo hilabeteko lehen egunetik aurrera.

Birsailkapena diagnostiko-akats baten ondorioa denean, eskubidea izanen du harako zenbatekoa jasotzeko zeina baita espedientea ebatzi arte jasotakoaren eta ezintasun gradu altuagoa aitortuta jaso beharko zukeenaren arteko aldearena, lau urteren mugarekin.

c) Aurreko apartatuetan aipatzen den berrikuspenak Foru Diputazioaren 1970eko apirilaren 17ko eta 1972ko azaroaren 24ko erabakietan ezarritako eraginak izanen ditu. Erabaki horiek indarra izaten jarraituko dute foru lege honetan ezarritakoaren aurka ez doan guztian.

12. artikulua. Udal funtzionarioen montepioen finantzaketa.

1. Nafarroako Gobernuak ekarpena eginen du Nafarroako toki erakundeetako funtzionarioen pentsioak finantzatzeko, Udal Funtzionarioen Montepio Orokorrekoak direnen kasuan. Ekarpen hori banatuko da Udal Funtzionarioen Montepio Orokorraren kudeaketagatik 2024ko ekitaldian sortutako kostuen ordainketari dagokionez udal bakoitzari esleitu zaion kuotaren araberako proportzioan.

2. Halaber, Nafarroako Gobernuak ekarpen bana eginen die Iruñeko, Tuterako eta Tafallako udalei, beraien montepio berekien kudeaketak 2024ko ekitaldian sortutako kostuen arabera.

3. Aurreko apartatuetan ezarritako ekarpenen zenbatekoa izanen da ateratzen dena Nafarroako Administrazio Publikoen montepioetako funtzionarioen eskubide pasiboen araubide iragankorrari buruzko martxoaren 5eko 10/2003 Foru Legearen hamargarren xedapen gehigarria aplikatzetik.

4. Udal Funtzionarioen Montepio Orokorrak bere klase pasibo guztien prestazioak direla-eta daukan defizita estaltze aldera udalerri bakoitzari esleitzen zaion kuota kalkulatuko da udalerri bakoitzak defizita kalkulatzen den unean duen biztanle-kopuru ofizialarekiko proportzioan. Banaketa horretatik salbuetsita geratuko dira Iruña, Tutera eta Tafalla udalerriak, Montepio propioa dutelako.

III. KAPITULUA. IRAKASLEEN ORDAINSARIAK

13. artikulua. Nafarroako Gobernuko Hezkuntza Departamentuak diruz lagundutako eskolajantokietan diharduten irakasleen ordainsariak.

Nafarroako Foru Komunitateko unibertsitateaz kanpoko ikastetxe publikoetako jantokiak arautzen dituen maiatzaren 29ko 58/2024 Foru Dekretuan xedatutakoaren arabera jantoki-administratzaile, -arduradun edo -zaintzaile lanak egiten dituzten irakasleek honako ordainsari gordin hauek jasoko dituzte jardun efektiboko egun bakoitzeko:

BAZKALTIAR KOPURUAJANTOKIKO ARDURADUNA eurotanADMINISTRATZAILEA eurotanZAINTZAILE BAKOITZEKO eurotan
1-8019,1916,9519,19
81-16021,4116,9519,19
161-24022,9719,0019,19
240 baino gehiago23,7621,7719,19

Artikulu honetan ezarritako zenbatekoak eguneratuko dira Nafarroako Administrazio Publikoetako funtzionarioen eta estatutupeko langileen ordainsariak kasuan kasuko aurrekontuen foru legeetan eguneratzen diren ehuneko berean.

14. artikulua. Irakasleei prestakuntza emateagatiko ordainsaria.

1. Nafarroako Foru Komunitateko Administrazioko eta haren erakunde autonomoetako langileek ordainsaria jasotzen ahalko dute irakasle aritzeagatik dela Hezkuntza Departamentuak urtero egiten duen Irakasleen Prestakuntza Planean jasotzen den prestakuntza-jardueraren batean, dela Hezkuntza Departamentuko zuzendaritza nagusiek nahiz Irakasleei Laguntzeko Zentroek zuzenean antolatuak direnetakoren batean; betiere, eginkizun hori beren lanalditik kanpo betetzen badute. Aipatu ordainsariak honako hauek izanen dira:

- Prestakuntza presentziala:

a.1. Ponentzia bakoitza, halakotzat ulerturik prestakuntza-jarduera batean aditua den pertsona batek ematen duen eskola-ordua, gehienez 62,55 eurorekin ordainduko da.

a.2. Konferentzia bakoitza, halakotzat ulerturik aditu batek interesekoa den zientzia-, teknologia- edo gizarte-gai bati buruz ematen duen jendaurreko hitzaldia, gutxienez 90 minutuko iraupenekoa, 381,91 eurorekin ordainduko da gehienez ere.

- Urrutiko prestakuntza:

b.1. Urrutiko prestakuntzako jardueretan koordinatzaile telematiko gisa parte hartzea 1.107,55 eurorekin ordainduko da gehienez, bost tutore koordinatzeagatik. Koordinatu beharreko tutoreak bost baino gutxiago baldin badira, ordainsaria proportzioan kalkulatuko da. Koordinatu beharreko tutoreak bost baino gehiago baldin badira, koordinatzaile telematikoak 103,83 euroko ordainsaria jasoko du tutore bakoitzeko, bosgarren tutoretik aurrera.

b.2. Urrutiko prestakuntzako jardueretan tutore telematiko gisa parte hartzeagatik 49,60 euroko ordainsaria emanen da gehienez, tutoretzapeko ikasle bakoitzeko.

2. Aurreko apartatuan adierazitakoa ez zaie aplikatuko Irakasleentzako Laguntza Zentroetan edo unibertsitateaz kanpoko irakaskuntzako prestakuntza jarduerak diseinatu eta garatzen dituzten unitate organikoetan destinoa duten irakasleei.

3. Artikulu honetan ezarritako zenbatekoak eguneratuko dira Nafarroako Administrazio Publikoetako funtzionarioen eta estatutupeko langileen ordainsariak kasuko aurrekontuei buruzko foru legeetan eguneratzen diren ehuneko berean.

15. artikulua. Nafarroako Goi Mailako Musika Kontserbatorioko ordainsariak eta osagarriak.

1. Beren irakastordu guztiak Nafarroako Goi Mailako Musika Kontserbatorioan ematen dituzten Musikako eta Arte Eszenikoetako irakasleei esleitutako irakaskuntzako osagarri berariazkoa Musikako eta Arte Eszenikoetako katedradunen kidegoko funtzionarioek jasotzen duten bera izanen da.

2. Musikako eta Arte Eszenikoetako irakasleek beren ordutegiaren parte bat Nafarroako Goi Mailako Musika Kontserbatorioan ematen badute, azken zentro horretan emandako lanaldi-portzentajearen proportzioan jasoko dute Musikako eta Arte Eszenikoetako katedradunei esleitutako irakaskuntzako osagarri berariazkoaren eta Musikako eta Arte Eszenikoetako irakasleen kidegoari esleitutakoaren artean dagoen aldea.

16. artikulua. Kilometroengatiko diruordaina, prestakuntza jardueretara joandako irakasleentzat.

Kilometroengatiko diru-ordaina jasotzeko eskubidea izanen dute Hezkuntza Departamentuko zuzendaritza nagusietako titularren ebazpen bidez deitutako prestakuntza-jardueretara hezkuntza-administrazioak berariaz izendatuta joaten diren irakasleek, betiere eskubide hori berariaz jasotzen bada dagokion ebazpenean.

17. artikulua. Irakaskuntzako praktiketan dauden funtzionarioen ordainsariak.

Irakasle kidegoetan sartzeko eta igotzeko izangaiek, praktiketako funtzionario izendatuak izan ondoren, honako ordainsari hauek jasoko dituzte izaera horrek dirauen bitartean: betetzen duten lanpostuaren mailari dagokion oinarrizko soldata eta ordainsari osagarriak, antzinatasun saria, graduari dagokion ordainsaria, familia-laguntza, bai eta Nafarroako Foru Komunitateko Administrazioko administrazio-kontratudunentzat orokortasunez ezartzen den beste edozein ordainsari ere.

18. artikulua. Lanbidegaitasunen ebaluazio, aitorpen eta egiaztapenerako prozeduretan esku hartzen duten irakaskuntza publikoko langileentzako ordainsariak.

1. Nafarroako Foru Komunitateko Administrazioaren eta haren erakunde autonomoen zerbitzuko irakasleek, lanbide-gaitasuna egiaztatzeko prozeduretako aholkularitza- edo ebaluazio-faseetan esku hartzeko izendatuak baldin badira, arlo horretan eskumena duten departamentuek dei eginda, ondotik aipatzen diren ordainsariak jasotzeko eskubidea izanen dute, abuztuaren 27ko 66/2014 Foru Dekretuan araututakoarekin bat, zeinak finkatzen baititu pertsonek lan-esperientziaren edo beste prestakuntza-bide ez-formal batzuen bidez lortutako lanbide-gaitasunak ebaluatzeko eta egiaztatzeko prozedura Foru Komunitatean ezartzeko arauak eta horretaz arduratuko den antolaketa egitura:

a) Egiaztatze prozedurako aholkulariak:

- Izangai bakoitzagatik jaso beharrekoa, kasu hauetan:

3 gaitasun-unitate aholkatura bitarte, 123 euro.

4, 5 edo 6 gaitasun-unitate aholkatu, 153,75 euro.

6 gaitasun-unitate aholkatu baino gehiago, 184,50 euro.

- Izangai berak lanbide arlo bereko kualifikazio gehigarria izateagatiko osagarria, 51,25 euro.

b) Egiaztatze prozedurako ebaluatzaileak:

- Izangai bakoitzagatiko ebaluatzaile nagusi izatearen ordainsaria, honako kasu hauetan:

Ebaluatutako 3 gaitasun-unitate bitarte, 133,25 euro.

Ebaluatutako 4, 5 edo 6 gaitasun-unitate, 169,13 euro.

Ebaluatutako 6 gaitasun-unitate baino gehiago, 205 euro.

- Izangai bakoitzagatiko bigarren mailako ebaluatzaile izatearen ordainsaria, honako kasu hauetan:

Ebaluatutako 3 gaitasun-unitate bitarte, 61,50 euro.

Ebaluatutako 4, 5 edo 6 gaitasun-unitate, 76,88 euro.

Ebaluatutako 6 gaitasun-unitate baino gehiago, 92,25 euro.

- Ebaluazio batzordearen arduradun izateagatiko ordainsaria (taldeko).

Ebaluazio batzordeko burua, 205 euro.

Ebaluazio batzordeko idazkaria, 102,50 euro.

Ordainsari hauek konpentsazio gisa ezartzen dira, kontzeptu hauengatik: aholkularitza- eta ebaluazio-saioen prestaketa eta garapena; izangaiei zuzeneko arreta ematea; prozedurako agiri-kudeaketa; eta deialdia egiten duten administrazioekin koordinatzeko lana.

2. Nafarroako Gobernuak baimena eman dezake, foru dekretuz, prozeduran esku hartzeagatiko ordainsaria eman dakien aholkulari eta ebaluatzaileez bestelako pertsona batzuei, baldin eta haien laguntza beharrezkotzat jotzen bada egokiro aurrera eraman daitezen lanbide-gaitasuna egiaztatzeko prozedurak.

19. artikulua. Hezkuntza Departamentuaren mendekoak diren unibertsitateaz kanpoko irakasle funtzionarioen ordainsariak.

Hezkuntza Departamentuaren mendekoak diren unibertsitateaz kanpoko irakasle funtzionarioen irakaskuntzako osagarri berariazkoa, zeina ezarrita baitago abuztuaren 30eko 251/1993 Legegintzako Foru Dekretuaren bidez onetsitako Nafarroako Administrazio Publikoen Zerbitzuko Langileen Estatutuaren testu bateginaren 104. artikuluan, zehazten da kasuko mailari dagokion soldataren portzentaje hauen bidez:

a) Maisu-maistren kidegoa eta parekatuak: Ehuneko 38,07.

b) Katedradunen kidegoak eta parekatuak: Ehuneko 39,48.

c) Bigarren Hezkuntzako irakasleen kidegoa eta parekatuak: Ehuneko 33,48.

d) Iraungitze bidean dagoen Lanbide Heziketako irakasle teknikoen kidegoa eta parekatuak: Ehuneko 45,17.

e) Lanbide Heziketako sektore berezietako irakasle espezialisten kidegoa eta parekatuak: Ehuneko 45,17.

f) Musika eta Arte Eszenikoetako irakasleen kidegoa eta parekatuak: Ehuneko 33,48.

g) Arte Plastikoetako eta Diseinuko lantegiko maisu-maistren kidegoa eta parekatuak: Ehuneko 45,17.

h) Arte Plastikoetako eta Diseinuko irakasleen kidegoa eta parekatuak: Ehuneko 33,48.

i) Hizkuntza eskola ofizialetako irakasleen kidegoa eta parekatuak: Ehuneko 33,48.

j) Bigarren Hezkuntzako erlijio irakasleak: Ehuneko 33,48.

k) Haur eta Lehen Hezkuntzako erlijio irakasleak: Ehuneko 38,07.

l) Maisu-maistren kidegoko eta parekatuetako langileek, baldin Hezkuntzari buruzko maiatzaren 3ko 2/2006 Lege Organikoaren lehen xedapen iragankorrean ezarritakoari jarraikiz Derrigorrezko Bigarren Hezkuntzako lanpostuetara behin betiko edo behin-behinean atxikiak badira, Bigarren Hezkuntzako irakasle bati dagokion kopuru bera jasoko dute irakaskuntzako osagarri berariazko gisa. Era berean, osagarri berezi bat jasoko dute, B mailako hasierako soldataren ehuneko 5,45ekoa.

20. artikulua. Irakasleen irakastorduak zehaztea.

Irakasle-lanpostuak ikasturte bakoitzaren hasieran dauden beharrizanen arabera betetze aldera, eta baldin kasuan kasuko espezialitatean ez badago irakastordu nahikorik, unibertsitateaz kanpoko irakasleek beste irakaste-espezialitate batzuetan irakatsiz beteko dute beren ordutegia, Hezkuntza Departamentuak ezarritako kasu eta baldintzetan.

21. artikulua. Ikastetxe publiko berriak.

Hezkuntza Departamentuak zilegi izanen du ikastetxe publiko baten sorrera baino lau hilabete lehenagorainoko aurredenboraz izendatzea irakaskuntzako zuzendaritza-karguak, zeinek erregelamendu organikoetan ezarrita dauden eginkizunak bete eta Eskola Kontseiluari esleituta dauden eskumenak egikarituko baitituzte, hura eratzen den bitartean.

IV. KAPITULUA. OSASUNBIDEA-NAFARROAKO OSASUN ZERBITZUKO ETA NAFARROAKO OSASUN PUBLIKOAREN ETA LAN OSASUNAREN INSTITUTUKO LANGILEEN ORDAINSARIAK

22. artikulua. OsasunbideaNafarroako Osasun Zerbitzuko eta Nafarroako Osasun Publikoaren eta Lan Osasunaren Institutuko langileen guardiak egun berezietan.

Osasunbidea-Nafarroako Osasun Zerbitzuko langileek eta Nafarroako Osasun Publikoaren eta Lan Osasunaren Institutukoek guardiak egun berezietan egiten dituztenean, produktibitate-modulu aldakor bat jasotzen ahalko dute, guardiari dagokionaren zenbateko bera izanen duena. 2024ko abenduan eta 2025eko urtarrilean, abenduaren 24a, 25a eta 31 eta urtarrilaren 1a, 5a eta 6a ordainduko dira, kontzeptu honen ordainsaria ematearren.

23. artikulua. Lanbide karrerako maila aitortua aplikatzea Osasun Sistema Nazionaletik etorritako langileei.

1. Osasun Departamentuan eta haren erakunde autonomoetan lanpostu finkoa lortzen duten C eta D mailetako fakultatiboei eta sanitarioei Osasun Sistema Nazionaleko beste osasun zerbitzu batean egiaztatutako karrera-graduak aitortzen zaizkie, espezialitate, lanbide-kategoria edo titulazio-talde berari dagozkionak. Gradu horiek ordainduko dira Osasunbidea-Nafarroako Osasun Zerbitzuko langile horien karrera profesionaleko sistema arautzen duen foru legediak eta garapen-araudiak ezartzen dutenaren arabera.

2. Osasun Sistema Nazionaleko beste osasun zerbitzu batzuetatik iritsitako langileei, Osasun Departamentuko erakunde autonomoetan lanpostu bat zerbitzu eginkizunetan betetzen badute, Osasun Sistema Nazionaleko beste osasun zerbitzu batean egiaztatutako karrera-graduak aitortzen zaizkie. Gradu horiek Osasunbidea-Nafarroako Osasun Zerbitzuko osasun-langileen lanbide karrerako araudian ezartzen denaren arabera ordainduko dira.

24. artikulua. Aldi baterako kontratua duten medikuen eta fakultatibo espezialisten esklusibotasun araubidea.

2025ean, Osasunbidea-Nafarroako Osasun Zerbitzuari atxikitako langileen araubide berezia ezartzen duen 11/1992 Foru Legearen A.1 eta A.2.5 estamentuetako langileen aldi baterako kontratazio berriak dedikazio esklusiboaren araubidean eginen dira, eta kontratatutako profesionalak aukera izanen du dedikazio ez-esklusiboaren araubidea hautatzeko, bere lehenengo kontratazio-egunetik hasita, hala nahi badu.

V. KAPITULUA. BESTELAKO XEDAPENAK

25. artikulua. Lanpostuak birmoldatzea.

1. Nafarroako Gobernuari baimena ematen zaio behar diren neurriak har ditzan, plantilla berregituratzeagatik edo eman beharreko zerbitzuak berrantolatzeagatik edukirik gabe gelditutako lanpostuak, hutsik ez daudenak, bestelako lanpostu bihurtzeko. Salbuespen gisa, eginkizun-berresleipenak eta horien ondoriozko lekualdatzeak, maila beraren barnekoak, Barneko, Funtzio Publikoko eta Justiziako Departamentuak eginen ditu zuzenean, sindikatuetako ordezkariei entzun ondoren eta ukitutako langileen adostasunarekin.

2. Lanpostu horiek maila bereko bestelako lanpostu bihurtzerik ez badago, salbuespen gisa baimena ematen ahalko da beste maila bateko lanpostuei dagozkien eginkizunak berresleitzeko, baldin eta ukitutako langileek eginkizun horiek betetzeko lanbide kualifikazioa eta eskatzen diren gainerako baldintzak betetzen badituzte. Berresleipen hori aldi baterako izanen da kasu guztietan, gehienez ere lanpostuaren mailaren barreneko atxikitzea edo birmoldaketa posible izan arterainokoa; eta beti bermatuko da langileak jaso eginen dituela aurretik betetzen zuen lanpostuari zegozkion oinarrizko ordainsariak eta ordainsari osagarriak.

26. artikulua. Nafarroako administrazio publikoen zerbitzuko langileen arloko presako neurriak.

1. Arau orokor gisa, 2025era luzatzen dira Nafarroako Administrazio Publikoen zerbitzuko langileen arloko presako neurriak, ekainaren 21eko 13/2012 Foru Legearen 1. artikuluko 1., 2., 3. eta 6. apartatuetan jasoak.

Erretiroa hartzeko adinari dagokionez aurreko paragrafoan aipatzen diren 1. artikuluko apartatuak funtzionario guztiei aplikatuko zaizkie, berdin delarik gizarte-aurreikuspeneko zer sistemari dauden atxikita, barne harturik Nafarroako Administrazio Publikoen montepioetako funtzionarioen eskubide pasiboen araubide iragankorrari buruzko martxoaren 5eko 10/2003 Foru Legearen aurreko sistemari atxikiak, bai eta araubide horri atxikita daudenak ere.

2. Hala ere, eta salbuespen gisa, Osasun Departamentuak zilegi izanen du bere zenbait langileren zerbitzu aktiboa 2025ean zehar luzatzea zerbitzuaren beharrengatik eta profesionalik ezarengatik; betiere, arrazoi horiek behar bezala justifikatu beharko dira. Halatan, zilegi izanen da zerbitzu aktiboaren luzapena baimendu dakien, Gizarte Segurantzak xedaturiko legezko erretirorako adinera iritsi direlarik, Nafarroako Osasun Zerbitzua-Osasunbideari atxikitako langileen berariazko erregimenari buruzko 11/1992 Foru Lege Arau-emaileko A.1 eta A.2.5. estamentuetako profesional fakultatiboei, baldin eta norbere espezialitateko kontratazio-zerrenda irekita badago. Luzapenerako baimena halaber ematen ahalko zaie estamentu horietako profesionalei, laguntza-zerbitzuko edo laguntza-ataleko buruaren eginkizunak betetzen ari direnean, baldin eta, beren espezialitateko kontratazio-zerrenda irekita egonik, aldi baterako kontrataziorako izangairik ez badago. Inguruabar hori luzapena baimentzeari begira egiaztatzeko momentua izanen da legezko erretirorako aurreikusita dagoen data iritsi baino hilabete lehenago.

Luzapena urtebeterako eginen da, eta luzagarria izanen da baimen-ematearen baldintzek beren horretan iraunez gero, interesdunak horretarako eskaera aurretiaz eginik eta hirurogeita hamar urteko adina mugatzat harturik.

27. artikulua. Nafarroako administrazio publikoek deitutako hautapenprozesuei buruzko xedapenak.

1. Nafarroako Administrazio Publikoei ahalmena ematen zaie Administrazioan sartzeko edo bertako lanpostuak betetzeko hautapen-prozesuen deialdietan eskabideen eta gainerako dokumentazioaren aurkezpen elektronikoa nahitaezkotzat ezartzeko.

2. Aurreko apartatuan aipatutako hautapen-prozesuetan parte hartzeko eskabideak aurkezteko epeak egunetan adierazi badira, egun naturaletan adierazita daudela ulertuko da beti.

28. artikulua. Nafarroako administrazio publikoek aldi baterako kontrataziorako prozesuetan egiten dituzten deialdiei buruzko xedapenak.

1. Nafarroako administrazio publikoei ahalmena ematen zaie bitarteko telematikoak eta elektronikoak erabil daitezen aldi baterako kontratazio-prozesuetan eskabideak aurkeztu, hautagaiak deitu eta kontratuak hautatzeko.

2. Kasu horretan, deia Administrazio Publikoaren webgunean iragarki publiko bat argitaratuz eginen da. Iragarki horretan, deitutako izangaiak eta eskainitako kontratuak argitaratuko dira, eta eskainitako kontratuak modu elektronikoan hautatzeko epea adieraziko da.

29. artikulua. Lan eskaintza publikoak onesten dituzten foru dekretuetan jasotako lanpostuetako betekizunak aldatzea.

Nafarroako Foru Komunitateko Administrazioko eta haren erakunde autonomoetako lan eskaintza publikoak onesten dituzten foru dekretuetan jasotako lanpostuen betekizunak aldatzen ahalko dira kasuko foru dekretuaren onespenaren ondoren, eta administrazioan sartzeko kasuko deialdiaren datan plantilla organikoan agertzen diren betekizunekin eskainiko dira lanpostuak.

30. artikulua. Nafarroako administrazio publikoek deitutako enpleguegonkortze prozesuak.

Enplegu Publikoan dagoen Behin-behinekotasuna Murrizteko Premiazko Neurriei buruzko abenduaren 28ko 20/2021 Legean ezarritakoarekin bat etorriz, uztailaren 1eko 19/2022 Foru Legean ezarritakoaren arabera deitutako enplegu-egonkortze prozesuak 2024ko abenduaren 31n amaituko dira, hargatik eragotzi gabe bidezko diren izendapen osagarriak egin daitezen, Nafarroako administrazio publikoen zerbitzuko langileen arloan aplikatzekoa den berariazko araudiarekin bat.

31. artikulua. Unibertsitateaz kanpoko irakasleentzako lan publikoaren eskaintza.

1. Nafarroako Foru Komunitateko Administrazioko unibertsitateaz kanpoko irakasleen lanpostuak, harakoak zeinak erretiroaren, heriotzaren, ukoaren edo lanpostu-erreserbarik ez dakarren beste edozein egoera administratiboren ondorioz hutsik gelditzen baitira, automatikoki esleituko zaizkio plantilla organikoan jatorriko irakasleen kidegoari edo lanpostuari, lanpostuen gainerako ezaugarriak zehaztu gabe.

2. Nafarroako Foru Komunitateko Administrazioko unibertsitateaz kanpoko irakasleen lan publikoaren eskaintzetan ezarriko da irakasle-kidego edo -lanpostu bakoitzetik zenbat lanpostu barne hartzen dituzten guztira. Enplegu-eskaintza horietan sartutako lanpostuen ezaugarriak, eta betiere espezialitatea eta hizkuntza, plantilla organikoa aldatzeko foru dekretu batean ezarriko dira, sarrera-hautaproben deialdia egin aurretik.

3. Maiatzaren 4ko 11/2022 Foru Legeak, zeinak Nafarroako Foru Komunitateko Administrazioko unibertsitateaz kanpoko irakasle funtzionarioen hautapenari eta lanpostuen betetzeari begira neurriak ezartzen baititu, aipatzen dituen langile-hautatze organoetako kideak izendatzeko, irakasle-kidegoetarako sarbideari buruzko Estatuko araudian xedatutakoa aplikatuko da. Organo horiek lehentasunez osaturik egonen dira hautaketa-prozesuaren xede den irakasle-lanposturako izendatutako irakasle funtzionarioekin. Dagokion lanpostuko langile eskuragarri nahikorik ez badago, irakasleen kidegoetako edo antzeko lanpostuetako funtzionarioak hautatuko dira.

32. artikulua. Hezkuntzalaguntzako espezialistalanpostuen aldi baterako betetzea.

Nafarroako Foru Komunitateko Administrazioaren eta haren erakunde autonomoen zerbitzuko langileen arloko neurriak onesten dituen irailaren 16ko 10/2020 Foru Lege-dekretuaren 2.4 artikuluan aipatzen den iragate-aldia igarota, 2026ko abenduaren 31ra arte Hezkuntza Laguntzako espezialisten lanpostua aldi baterako betetzen ahalko dute C mailako/taldeko lanpostuetara sartzeko eskatzen den titulazio generikoa duten izangaiek. Nolanahi ere, lehentasuna izanen dute Goi Mailako Gizarteratze-teknikari titulua duten izangaiek edo, kasua bada, Batxilergo titulua edo baliokidea dutenek, hezkuntza-premia bereziak dituzten ikasleen arretarako profesionaltasun-ziurtagiria izanez gero.

33. artikulua. Unibertsitateaz kanpoko irakasleen eta administrazioaraubidean kontratatutako ikastetxeetako laguntzako langileen erretiroa.

Salbuetsita geratzen dira Nafarroako Administrazio Publikoen zerbitzuko langileen arloko premiazko neurriei buruzko ekainaren 21eko 13/2012 Foru Legearen 1.1 artikuluan xedatutakotik ikasturte osoko premian administrazio-araubidean kontratatutako irakasleak eta ikastetxeetako laguntza-langileak, baldin eta haien nahitaezko erretiroaren egunean edo nahitaezko erretiroa hartzeko adina betetzen duten ikasturtea amaitzean beren aurreikuspen sozialeko sisteman pentsio baterako eskubidea sortzeko ezarrita dagoen gabealdia osatu ez badute, bai eta pentsio osoa jasotzeko kotizazio-urteak bete ez dituztenak ere. Irakasleak ikasturte osoko premietarako kontratatzen ahalko dira kidego, espezialitate eta hizkuntza berean eta ikastetxe berean, betiere denboraren jarraitutasunean etenik izan gabe eta helburu horietarako aldiak osatu arte; kasu orotan, hirurogeita hamar urteko adina bete arte. Ikastetxeetako laguntza-langileak ikasturte osoko premietarako eta ikastetxe bererako kontratatzen ahalko dira, betiere etenik gabe eta helburu horietarako aldiak osatu arte; betiere, hirurogeita hamar urteko adina bete arte.

34. artikulua. Hezkuntza Departamentuari atxikitako langileen betebeharra, Administrazioarekiko harremana telematikoa izatekoa.

Hezkuntza Departamentuari atxikitako langileek Nafarroako Gobernuaren egoitza elektronikoaren bidez izan beharko dituzte harremanak harekin, enplegatu publiko izateagatik egiten dituzten izapide eta jarduketetarako; horretarako, berariaz adierazi beharko dute zer helbide elektronikotan egin behar diren kasuan kasuko jakinarazpenak.

III. TITULUA. FINANTZA-ERAGIKETAK

I. KAPITULUA. ABALAK ETA MAILEGUAK EMATEA

35. artikulua. Abalak eta maileguak ematea.

1. Nafarroako Gobernuak abalak edo antzeko beste berme batzuk ematen ahalko ditu, gehienez ere 36.000.000 euro eginen dutenak.

Aurreko paragrafoko mugaren barnean, Ekonomia eta Ogasun Departamentuari baimena ematen zaio Nafarbide, el Camino de los Navarros SL sozietate publikoari gehienez ere 16.000.000 euroko abal bat emateko.

2. Enpresa-entitate publikoek, fundazio publikoek eta sozietate publikoek abalak edo antzeko beste berme batzuk ematen ahalko dituzte, Nafarroako Gobernuak baimena eman ondoren eta Ekonomia eta Ogasun Departamentuko kontseilariak proposatuta, gehienez ere 30.000.000 euro eginen dutenak.

Nafarroako Foru Komunitateko sozietate publikoei baimena ematen zaie 2025ean Nafarroako Natura Parkea SA sozietatearentzako abal-eragiketa berriak edo antzeko beste berme batzuetarakoak egiteko, gehienez 2.442.354,00 euroko zenbatekoan, artikulu honetan ezarritako mugen barruan.

3. Nafarroako Ogasun Publikoari buruzko apirilaren 4ko 13/2007 Foru Legearen 75.1 artikuluan ezarritakoaren ondorioetarako, Nafarroako Foru Komunitateko Administrazioak ematen dituen abalen edo antzeko beste berme batzuen gehieneko arrisku bizia 66.000.000 eurokoa izanen da. Enpresa-entitate publikoen, fundazio publikoen eta sozietate publikoen kasuan, berriz, gehieneko arrisku bizia 85.000.000 eurokoa izanen da.

4. Enpresa-entitate publikoek, fundazio publikoek eta sozietate publikoek maileguak ematen ahalko dituzte, Nafarroako Gobernuak baimena eman ondoren eta Ekonomia eta Ogasun Departamentuko kontseilariak proposatuta, 17.000.000 euroko gehieneko mugarekin.

5. Nafarroako Ogasun Publikoari buruzko apirilaren 4ko 13/2007 Foru Legearen 82. ter artikuluan ezarritakoaren ondorioetarako, Nafarroako Foru Komunitateko Administrazioak ematen dituen maileguen gehieneko arrisku bizia 99.000.000 eurokoa izanen da. Enpresa-erakunde publikoen, fundazio publikoen eta sozietate publikoen kasuan, gehieneko arrisku bizia 125.000.000 eurokoa izanen da.

6. Ekonomia eta Ogasun Departamentuak behar diren prozedurak ezarriko ditu, Aurrekontuaren Egonkortasunari eta Finantza Iraunkortasunari buruzko apirilaren 27ko 2/2012 Lege Organikoan zehazten den finantza-zuhurtziaren printzipioari dagokionez araudiak ezartzen dituen mugak betetzen direla bermatuko dutenak.

II. KAPITULUA. ZORPETZEA

36. artikulua. Zor Publikoa jaulki edo maileguak nahiz kredituak ituntzeko baimena.

1. Zorpetze-eragiketak egiteko baimena ematen zaio Nafarroako Gobernuari, muga honekin: Europako Kontu Sistemaren arabera (SEC 2010) Nafarroako Foru Komunitateko Administrazioaren azpisektorea osatzen duten entitateen 2025eko abenduaren 31ko saldo biziak ez gainditzea 81.840.374 euro baino gehiagoan 2025eko urtarrilaren 1eko saldo bizia (BPGaren %0,3ko defizit aurreikusiaren finantzaketa).

2. Artikulu honetako lehen apartatuan ezarritako muga aldatzen ahalko da murrizten denean kitatzeke dagoen zorpetze garbiaren maila, dela aplikatu direlako Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoaren 32. artikulua eta hura garatzeko neurri bereziak, aurrekontu-superabitarekin lotutakoak, dela finantzatutako defizit erreferentzia handiagoa delako egiazki izan den defizita baino, Ogasun Ministerioaren adostasunarekin eta Hitzarmen Ekonomikoaren Koordinazio Batzordeari entzun ondoren.

3. Era berean, artikulu honetako lehen apartatuan ezarritako muga gainditzen ahalko da baldin eta hasiera batean aurreikusitakoa baino defizit handiagoa finantzatzen bada, eta gainetiko zenbateko hori finantzatzeko beharrezkoa den zenbatekoan baino ez. Gainditzen ahalko da, halaber, Nafarroako Gobernuak eta Ogasun Ministerioak hitzar litzaketen bestelako zorpetze-eragiketak egiteko, Hitzarmen Ekonomikoaren Koordinazio Batzordeari entzun ondoren.

4. Aurreko apartatuetan jasotako zorpetze-eragiketen jaulkipena eta, kasua bada, formalizazioa, eragiketa batean edo batzuetan gauzatzen ahalko dira, eta 2025eko ekitaldiaz harago ere berandutzen ahalko dira.

5. Betiere, Nafarroako Gobernuak behar den zorpetze-estrategia egokituko du, baimentzen den gehieneko zorpetze-bolumenak errespeta ditzan Nafarroako Gobernuak eta Ogasun Ministerioak aurrekontu-egonkortasunari buruzko araudian ezartzen denaren barruan adostutako mugak.

6. Nafarroako Gobernuak, hiru hilabetean behin, aurreko apartatuetan aurreikusitako zorpetze-eragiketen jaulkipen edo formalizazio guztien berri emanen dio Nafarroako Parlamentuari.

37. artikulua. Nafarroako Foru Komunitateko administrazio publikoen sektoreko gainerako entitateen zorpetzea.

1. Nafarroako Foru Komunitateko administrazio publikoen sektorean Europako Kontu Sistemako irizpideen arabera sartuta dauden entitateek Ekonomia eta Ogasun Departamentuaren baimena lortu beharko dute beren zorpetze-eragiketak formalizatu aurretik, eta erabat deusezak izanen dira baimen hori gabe hartutako erabakiak.

Ekonomia eta Ogasun Departamentuak zorpetze-eragiketa horietarako baimen guztien berri hiruhilekoan behin emanen dio Nafarroako Parlamentuari.

2. Aurreko apartatuko entitateei baimenduko zaien gehieneko zorpetze bolumenak errespetatu eginen ditu Nafarroako Gobernuak eta Ogasun Ministerioak aurrekontu-egonkortasunari buruzko araudiaren barruan adostutako mugak.

3. Artikulu honen 1. apartatuan aipatzen diren entitateen arduradunek Ekonomia eta Ogasun Departamentuak eskatzen dizkien formatu eta epeetan eman beharko dute informazioa, Nafarroako Gobernuak eta Ogasun Ministerioak aurrekontu-egonkortasuna dela-eta adostutako konpromisoak betetzeko.

IV. TITULUA. TOKI ERAKUNDEAK

38. artikulua. Ohiturazko elkarteen inbertsioetarako dirulaguntza eta onurak.

Nafarroako Aurrekontu Orokorretan Nafarroako Ogasun Publikoaren kargura ezarritako ekarpenak eta gainerako onurak jasotzen ahalko dituzte Errege Bardeako Komunitateak eta Erronkariko, Zaraitzuko eta Aezkoako batzarrek, beren organo eskudunek onesten dituzten inbertsioetarako.

V. TITULUA. AURREKONTUEN KUDEAKETA

39. artikulua. Aurreikusitako dirusarrera handiagoen bidez finantzaturiko aurrekontualdaketak.

Nafarroako Ogasun Publikoari buruzko apirilaren 4ko 13/2007 Foru Legearen II. tituluko I. kapituluko 2. atalean ezarritakoari jarraituz, kreditu-sorrerak dira kredituak handitzen dituzten aurrekontu-aldaketa batzuk, hasierako aurrekontuan aurreikusi gabekoak edo aurreikusitakoak baino handiagoak diren diru-sarrera jakin batzuen ondoriozkoak.

Salbuespen gisa, beste administrazio edo entitate publiko batzuek finantzatutako gastuei dagokienez, zilegi izanen da aurrekontuko gastuen egoera-orrian kredituak handitzea, behar den diru-sarrerarik ez denean modu efektiboan izan, baldin eta, betiere, dokumentuz frogatzen bada funtsak jarri behar dituen entitatearen edo administrazioaren finantzaketa-konpromisoa; hain zuzen, kasu hauetan:

a) Langileria-gastuei aurre egiteko beharrezkoak direnean.

b) Helburutzat prestazio pertsonal edo sozialak dituzten aldizkako dirulaguntzei dagozkienean.

c) Diru-itzulketa baten bitartezko finantzaketa jasotzen duten programei dagozkienean, egiazki izandako gastuak frogatuta jaso ere.

d) Suspertze, Eraldatze eta Erresilientzia Planeko jarduketak finantzatzea helburu duten ekarpenak direnean.

e) Behar bezala frogatuta egon eta Nafarroako Gobernuak baimenduta dauden beste kasu batzuetan, aurrekontuen arloko eskumena duen departamentuak txostena egin ondoren.

40. artikulua. Etorkizuneko aurrekontuen kargurako gastukonpromisoak.

1. Nafarroako Gobernuak zilegi izanen du urte anitzeko gastu-konpromisoak hartzeko baimena ematea, Nafarroako Ogasun Publikoari buruzko apirilaren 4ko 13/2007 Foru Legeak baimendutako mugez eta urteko zenbatekoez haragokoak direnetarakoa hain zuzen, kasu hauetan:

a) Etxebizitza babestuen sustatzaileei, eskuratzaileei, erabiltzaileei eta adjudikaziodunei dirulaguntzak emateko, eta etxebizitzak birgaitzeko, baldin eta ez badira gainditzen aurreko ekitaldian helburu horretarako ezarritako zenbatekoak.

b) Europar Batasunak eta/edo Estatuko Administrazio Orokorrak kofinantzatzen dituzten planei, programei eta ekimenei aurre egiteko, bai eta haietatik eratorritako betebeharrei ere, bost urte baino gehiagoko plangintza eduki behar dutenean.

c) Enpresek I+G+b proiektuen finantzaketarako hitzartzen dituzten kreditu edo maileguen interesetarako hobari gisako laguntzak emateko, eta zentro teknologiko nahiz azpiegitura zientifiko eta teknologiko bereziei laguntzak emateko.

d) Otsailaren 26ko 196/2010 Errege Dekretuak ezarritako dirulaguntzak emateko. Dekretu horren bidez zenbait neurri ezartzen dira, 2001eko martxoaren 8ko eta 2001eko uztailaren 31ko 76/2000 eta 25/2001 enplegu-erregulazioko espedienteek ukitutako langileak laneratzen laguntzeko eta haientzako laguntza bereziak ezartzeko.

e) Hezkuntzari buruzko maiatzaren 3ko 2/2006 Lege Organikoan hezkuntza-itunen berritzeari buruz ezarritakoa betetzeko beharrezkoak direnak.

f) Toki erakundeei laguntza ekonomikoak eman behar zaizkienean beren udal hirigintza-plana egiteko edo berrikusteko.

g) Ondasun higiezinen errentamendua.

2. Hezkuntza Departamentuak eskola-garraioa eta eskola-jantokiko zerbitzua kontratatzen ahalko ditu, xede horrekin hurrengo ekitaldiko aurrekontuaren kargurako gastu-konpromisoak hartuta, betiere konpromiso horiek, ikasturtearen beharrei erantzuteagatik, aurrekontu-ekitaldiaz bestelako urte-aldi bati badagozkio.

3. Unibertsitateko, Berrikuntzako eta Eraldaketa Digitaleko Departamentuak eta Hezkuntza Departamentuak bekak eta laguntzak ematen ahalko dituzte, horretarako gastu-konpromisoak hartuta hurrengo ekitaldiko aurrekontuaren kargura, betiere konpromiso horiek, ikasturtearen beharrei erantzuteagatik, aurrekontu-ekitaldiaz bestelako urte-aldi bati badagozkio.

41. artikulua. Ordainsarien igoeraren ondoriozko funtsmugimenduak.

Funtzio Publikoko zuzendari nagusiak baimena ematen ahalko du funts-mugimenduak egin daitezen "Ordainsarien igoera" izeneko F30001-F3100-1800-921402 partidaren kargura, 6., 7., 8. eta 9. artikuluetan ezarritako ordainsari-igoeraren ondoriozko gastua egozten zaien partidak finantzatzeko xedez.

42. artikulua. Aldi baterako kontratatzeko modukoak ez diren lanpostuen enplegueskaintza publikotik eratorritako langileak lanpostuetaratzearen ondoriozko funtsmugimendua.

Funtzio Publikoko zuzendari nagusiak baimena ematen ahalko du funts-mugimenduak egiteko "Kontratatzeko modukoak ez diren lanpostuen enplegu-eskaintza publikoa" izeneko F30001-F3100-1800-921404 partidaren kargura, langileen lanpostuetaratze efektiboak eragiten duen gastua egozten zaien partidak finantzatzeko xedez.

43. artikulua. Funtsmugimenduak baimentzea Funtzio Publikoko Zuzendaritza Nagusian, osasunlangileen lanbidekarrerako aurrekontupartiden kargura.

Funtzio Publikoko zuzendari nagusiak baimena eman dezake "Osasun-langileen lanbide-karrera" izeneko F30001-F3100-1800-921405 eta "Osasun-langileen lanbide-karrera" izeneko 540000-52000-1800-311100 aurrekontu-partiden kargura funts-mugimenduak egiteko, horrela finantzatze aldera harako partidak zeinetan egozten baita aldi baterako kontratupeko osasun arloko langile fakultatiboei eta diplomadunei lanbide-karrerarako eskubidea aitortzetik eta aldi baterako kontratualdian emandako zerbitzuak lanbide-karreraren ondorioetarako aitortzetik eratorritako gastua, bai eta finantzatze aldera harako partidak ere zeinetan egozten baita langile ez-fakultatibo eta ez-diplomadunen lanbide-karreraren ondoriozko gastua, foru legez ezarritakoa. Ez dituzte bete beharko Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eta 44.etik 50.era bitartekoetan ezarritako mugak.

44. artikulua. Erakunde sindikalen funtzionamendugastuaren konpentsazioa Nafarroako Foru Komunitateko Administrazioaren eta haren erakunde autonomoen esparruan.

F30001-F3300-4819-921302 partidaren, 410005-41700-4819-321100 partidaren eta 540000-52000-4819-311100 partidaren bidez, hirurak "Erakunde sindikalen funtzionamendu-gastuen konpentsazioa" izenekoak, finantzatuko dira erakunde sindikalen berezko jarduna egiteko beharrezko diren edozein motatako gastuak.

Partida bakoitzeko kreditua egin diren azken hauteskunde sindikaletan lortutako botoen proportzioan banatuko da kasuko eremuko erakunde sindikalen artean.

45. artikulua. Funtsmugimenduak, Ondare Zerbitzuko obren, Higiezinei buruzko Planaren eta altzarien gastuen ondoriozkoak.

Aurrekontuen eta Ondarearen zuzendari nagusiak baimena ematen ahalko du funts-mugimenduak egin daitezen partida hauen artean: 111002-11300-6020-923104 partida, "Higiezinei buruzko Plana. Administrazio bulegoak" izenekoa, 111002-11300-6020-923100 partida, "Instalazio berriko eraikinak eta obrak, eta ondare higiezinaren erreforma" izenekoa, eta 111002-11300-6050-923100 partida, "Higiezinei buruzko Plana. Eraikinetako eta obretako altzariak eta ekipamendua" izenekoa.

46. artikulua. Interesengatiko funtsmugimenduak.

Ekonomia-Next Generation zuzendari nagusiak baimena ematen ahalko du funts-mugimenduak egin daitezen interesak eta bestelako gastu finantzarioak ordaintzera bideratutako partiden eta sortu beharreko suertatzen diren guztien artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura, berdin delarik horien sortzapena zorraren, maileguen, diruzaintzako eragiketen edo kontuetako saldoen ondoriozkoa izatea.

47. artikulua. Toki erakundeen Partaidetza Funtseko funtsmugimendua.

1. Toki Administrazioaren eta Despopulazioaren zuzendari nagusiak funts-mugimenduak egiten ahalko ditu toki erakundeek Nafarroako tributuetan duten parte-hartzearen funtseko partiden artean, bai eta aurrekontu-partidak sortu ere funts horren barruan, kapital-transferentzien arloan, beharrezkotzat jotzen denean.

2. Toki Administrazioaren eta Despopulazioaren zuzendari nagusiak funts-mugimenduak egiten ahalko ditu toki ogasunek Nafarroako tributuetan duten parte-hartzearen funtseko partiden artean, bai eta haren barruan aurrekontu-partidak sortu ere, transferentzia arrunten bidez, beharrezkotzat jotzen denean.

48. artikulua. Ikasliburuen doakotasunerako plana finantzatzeko funtsmugimendua.

Zilegi izanen da funts-mugimenduak egitea ikasliburuen eta hezkuntzako materialaren doakotasunerako plana finantzatzera bideratutako aurrekontu-partiden artean edo sortu beharreko suertatzen diren partiden artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura, haiek behar bezala finantzatzeko. Funts-mugimendu horiek baimentzeko eskumena izanen da arlo horretan eskumena duen Hezkuntza Departamentuko zuzendari nagusiarena.

49. artikulua. Garraiogastuen eta eskolajantokien arteko funtsmugimendua.

Gaiagatik eskumena duen Hezkuntza Departamentuko zuzendari nagusiak baimena ematen ahalko du eskola-garraiorako partiden eta hori behar bezala gauzatzeko sortu beharreko suertatzen diren partiden artean funts-mugimenduak egiteko, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

Era berean, zilegi izanen du baimentzea eskola-jantokietara bideratutako partiden eta exekuzio egoki baterako sortu beharreko suertatzen diren partiden arteko funts-mugimenduak egin daitezen, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

50. artikulua. Funtsmugimendua ikastetxe publikoen eraikuntzara eta obretara bideratutako partiden artean.

Hezkuntza Departamentuko Langileriaren eta Azpiegituren zuzendari nagusiak baimena ematen ahalko du funts-mugimenduak egin daitezen ikastetxe publikoetako eraikuntzara eta obretara bideratutako partiden eta xede horretarako sortu beharreko suertatzen direnen artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

51. artikulua. UHUNUrrutiko Hezkuntzarako Unibertsitate Nazionalaren ikastetxe elkartuen aurrekontuzuzkidura.

UHUNen Iruñeko eta Tuterako ikastetxe elkartuen finantzaketarako transferentzia arruntak, oro har, aurreraturiko hiruhilekoka eginen dira.

52. artikulua. Itundutako ikastetxeen eta parekatuen sostengua.

1. Hezkuntzari buruzko maiatzaren 3ko 2/2006 Lege Organikoaren 117. artikuluan ezarritakoaren arabera, eskola-unitate bakoitzeko modulu ekonomikoaren zenbatekoa, 2025. urterako, laugarren xedapen gehigarrian ezarritakoa izanen da, itundutako eta diruz lagundutako ikastetxeen sostengurako funts publikoen zenbateko globala banatzeari dagokionez.

Nafarroako Gobernuari ahalmena ematen zaio irakaskuntza itunduaren sektorearekin negoziatu ondoren eta Ekonomia eta Ogasun Departamentuak aldeko txostena eman ondoren laugarren xedapen gehigarriko modulu ekonomikoak eta ratioak eta artikulu honen bosgarren apartatuan finkatutako zenbatekoak aldatzeko, bai eta aldaketaren eraginkortasun-eguna ezartzeko ere.

Irakaskuntzako langileentzat laugarren xedapen gehigarrian jasotako ordainsariei buruzko aurreikuspenak 2025eko urtarrilaren 1etik aurrera egonen dira indarrean, zein ere den irakaskuntza pribatuko hitzarmen kolektiboak izenpetzen diren eguna. Administrazioak zilegi izanen du, enpresaburu-elkarte guztiek espresuki eta batera horrela eskatu badute eta sindikatuei entzun ondoren, konturako ordainketak onartzea kasuan kasuko hitzarmena izenpetzen den arte. Joko da ezen konturako ordainketa horiek 2025eko urtarrilaren 1etik aurrera izanen dutela eragina.

Laugarren xedapen gehigarrian jasotzen den moduluaren osagaiak, zeinak xede baititu "bestelako gastuak" eta, kasua bada, "langileria eta gastu espezifikoak", 2025eko urtarrilaren 1etik aurrera izanen du eragina.

Administrazioak zuzenean ordainduko ditu, ordainketa eskuordetuaren bidez, irakasleen soldatetarako adierazita dauden zenbatekoak, karga sozialak barne. Horrek ez du ezertan eragozten irakasleen eta kasuan kasuko ikastetxearen titular denaren arteko lan harremana.

"Bestelako gastuak" eta, hala badagokio, "langileria eta gastu espezifikoak" ataletako zenbatekoak ikastetxe itunduei ordainduko zaizkie, eta zenbateko horien aplikazioa ikasturte bakoitzaren amaieran justifikatu beharko dute aipatu ikastetxeek, kontuan hartuta hezkuntza bereziko unitateen "langileria eta gastu espezifikoak" atalean gutxienez laguntzaile bat sartu behar dela, Hezkuntzako kontseilariaren ekainaren 20ko 50/2019 Foru Aginduan aipatzen direnetakoa.

"Gastu aldakorrak" atala osatzen duten zenbatekoen banaketa egiteko, itun-araubideari buruzko xedapenetan ezartzen denari jarraituko zaio.

2. Hezkuntza Departamentuko Langileriaren eta Azpiegituren zuzendari nagusiak baimena ematen ahalko du funts-mugimenduak egin daitezen "Irakaskuntza pribatu itundurako eta parekaturako dirulaguntzak" izenekoa eta 4811 kode ekonomikokoa den 410003 proiektuan zabalgarritzat deklaratutako partiden eta sortu beharreko suertatzen direnen artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

3. Gaur egun Nafarroan ez direnez irakasten Berariazko Lanbide Heziketako titulu guztiak, Hezkuntza Departamentuak behin-behinekoz finkatuko ditu 2025-2026 ikasturtean lehenengo aldiz ezarriak izan eta laugarren xedapen gehigarrian sarturik ez dauden oinarrizko, erdi edo goi mailako heziketa-zikloetako modulu ekonomikoak, eta zilegi izanen du aipaturiko xedapen gehigarri horretan jasotakoak behin-behinekoz aldatzea, 2025-2026 ikasturtearen hasierarako eraginarekin, haien ezarpena zein den ikusita.

4. Derrigorrezko Bigarren Hezkuntzako lehen eta bigarren zikloa, Batxilergoa, oinarrizko, erdi edo goi mailako heziketa-zikloak eta Oinarrizko Lanbide Heziketa ezarri dituzten ikastetxe itunduei finantzaketa emanen zaie Hezkuntzari buruzko maiatzaren 3ko 2/2006 Lege Organikoaren 2.2 artikuluak aipatzen dituen hezkuntza-, psikopedagogia- eta lanbide-orientazioko zerbitzu espezializatuetarako. Finantzaketa hori honako proportzioan eginen da: eginkizun horietan aritzeko gai den profesionalaren lanaldi oso bat, aipatu hezkuntza-maila horietako 25 unitate itunduko. Hortaz, ikastetxe itunduek eskubidea izanen dute aipatu profesionalaren lanaldirako finantzaketa jasotzeko, maila horietan itunduta daukaten unitate kopuruaren arabera.

5. Goi mailako heziketa-zikloetako itun berezia partziala izanen da, halako moldez non honako hauek izanen baitira ikasleengandik jaso beharreko zenbatekoak, osagarrizko finantzaketa izanen zaizkionak goi mailako heziketa-zikloen ez-derrigorrezko mailaren irakaskuntza arautu hertsirako izenpetzen diren itun berezi partzialen araubidera atxikitako funts publikoetatik heldutako finantzaketari: 36 euro ikasle eta hileko, hamar hilabetez, 2025eko urtarrilaren 1etik urte bereko ekainaren 30era arte eta 2025eko irailaren 1etik urte bereko abenduaren 31ra arte, horretatik kanpo daudela hertsiki lantokiko lanbide heziketakoa den kurtso batean matrikulatutako ikasleak. Azken horiek 32,45 euro ordainduko dute ikasle eta hileko, 2025-2026 ikasturteko lantokiko lanbide heziketak irauten duen hiru hilean zehar.

Goi mailako online heziketa-zikloetako itun berezia partziala izanen da, halako moldez non honako hauek izanen baitira ikasleengandik jaso beharreko zenbatekoak, osagarrizko finantzaketa izanen zaizkionak goi mailako online heziketa-zikloen ez-derrigorrezko mailaren irakaskuntza arautu hertsirako izenpetzen diren itun berezi partzialen araubidera atxikitako funts publikoetatik heldutako finantzaketari: 11,01 euro ikasle eta hileko, hamar hilabetez, 2025eko urtarrilaren 1etik urte bereko ekainaren 30era arte eta 2025eko irailaren 1etik urte bereko abenduaren 31ra arte, horretatik kanpo daudela hertsiki lantokiko lanbide heziketakoa den kurtso batean matrikulatutako ikasleak. Azken horiek 9,90 euro ordainduko dute ikasle eta hileko, 2025-2026 ikasturteko lantokiko lanbide heziketak irauten duen hiru hilean zehar.

Ikastetxeek ikasleei diru kopuru horiek kobratzearen ondorioz eskuraturiko finantzaketa erabiliko da modulu ekonomikoko "bestelako gastuak" izeneko atalerako; eta, beraz, Administrazioak "bestelako gastuak" atalaren guztizko zenbatekora iristeko falta den gainerako kopurua baizik ez du ordainduko.

6. Zuzendaritza-eginkizunetan laguntzeko, Hezkuntzari buruzko maiatzaren 3ko 2/2006 Lege Organikoaren hogeita zazpigarren xedapen gehigarrian ezarritakoarekin bat, beharrezkoa da finantzaketa bat egotea, zeinaren arabera, foru lege honen laugarren xedapen gehigarrian zehazten diren hezkuntza-maila eta -modalitateetako eskola-unitate bakoitzeko modulu ekonomiko guztiek, salbu eta huts-hutsik lantokietako prestakuntzakoak diren unitateetakoek, urteko 771,51 euroko kopurua baitaukate, "bestelako gastuak" kontzeptuan (514,34 euro, goi mailako online heziketa-zikloetan), zuzendaritza- eta/edo pedagogia-eginkizunetako beste kargu batzuen finantzaketarako, zein ere den zuzendaritza-osagarria, zeinak "gastu aldakorrak" izeneko atalean baitirau.

7. Hezkuntza-premia bereziak dituzten edo egoera sozial edo kultural ahulean dauden edo etxeko laguntza jasotzen duten ikasleak artaturik haur hezkuntzako eta derrigorrezko irakaskuntzetakoak diren ikastetxe itunduek bestelako giza baliabideak eta baliabide ekonomikoak izanen dituzte: ikasle horiei arreta emateko laguntza-irakasleak, logopedia-zerbitzuak, eta zaintzaileak edo bestelako langile osagarriak.

Baliabide horiek esleituko dira behar diren txosten teknikoak baliatuta eta Hezkuntza Departamentuak onetsitako deialdi publikoa aurretiaz eginda.

8. Hezkuntza Departamentuarekin sinaturiko hitzarmena duten irabazi-asmorik gabeko entitateetako eskola-unitate bakoitzeko modulu ekonomikoaren zenbatekoa I. eranskinean ezartzen da.

53. artikulua. Funtsmugimendua, Konferentzia Sektorialaren funtsekin finantzatutako jarduketetara bideratutako kredituak kudeatzekoa.

Dauden partiden eta sortu beharreko suertatzen diren partiden artean funts-mugimenduak egiten ahalko dira, nahiz eta Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatutako eta araututako loturarik ez egon, behar bezala egoztearren, beren izaeraren arabera, enplegurako egiaztatzeko modukoak diren lanbide-heziketako ekintzei eta enplegu-politika aktiboei dagozkien gastuak. Bi talde horiek Konferentzia Sektorialetik datozen funtsekin finantzatzen dira.

Funts-mugimendu horiek egiteko eskumena izanen dute, hurrenez hurren, Hezkuntza Departamentuko lanbide-heziketaren arloko eskumena duen zuzendari nagusiak eta Eskubide Sozialetako, Ekonomia Sozialeko eta Enpleguko Departamentuari atxikitako Nafar Lansare-Nafarroako Enplegu Zerbitzuaren kudeatzaileak.

54. artikulua. Ikerketaren sustapena.

Osasun Departamentuak osasun zientzien arloan ikerketa sustatzea haren inbertsio berekitzat joko da, eta horri ez zaio aplikatuko azaroaren 9ko 11/2005 Foru Legea, Dirulaguntzei buruzkoa, salbu eta aurrerakinei dagokienez, zeinak arau horretan ezarritakoaren arabera antolatuko baitira.

55. artikulua. Organotransplanteen sustapena.

Ospitaleek organo-transplanteen sustapenerako jasotzen duten diru kopuru helburuduna ondasun arruntetako eta zerbitzuetako gastuetan nahiz ondasun inbentariagarrietako gastuetan erabiltzen ahalko da, baldin gastu horiek betiere zerikusia badute jasotako diru horrek duen helburuarekin.

56. artikulua. Funtsmugimendua, OsasunbideaNafarroako Osasun Zerbitzuan kreditu zabalgarriak kudeatzeko.

Osasunbidea-Nafarroako Osasun Zerbitzuko Kudeaketa Ekonomikoaren eta Zerbitzu Orokorren zuzendariak baimena ematen ahalko du funts-mugimendua egin dadin foru lege honen 5. artikuluko 4.5 apartatuaren a), h), i), k), l), m) eta n) letretan zabalgarritzat sailkatuta dauden 54. programa-taldeko aurrekontu-partiden eta sortu beharreko suertatzen direnen artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

57. artikulua. Funtsmugimendua, OsasunbideaNafarroako Osasun Zerbitzuko itxarotezerrendak murrizteko kredituak kudeatzekoa.

Gastua hobeki kudeatze aldera, funts-mugimenduak egiten ahalko dira itxarote-zerrendei dagozkien partiden artean, zeinak foru lege honen 5. artikuluko bigarren apartatuan aipatzen baitira.

Osasunbidea-Nafarroako Osasun Zerbitzuko Kudeaketa Ekonomikoaren eta Zerbitzu Orokorren zuzendariak izanen du funts-mugimendu horiek egiteko eskumena.

58. artikulua. Funtsmugimendua, OsasunbideaNafarroako Osasun Zerbitzuan osasun garraioko kreditu zabalgarriak kudeatzekoa. Funtsmugimenduak egiten ahalko dira 540002528332231311100 partidaren ("Larrialdi sanitariorako eta anbulantzietarako arretaplana" izenekoa) eta 540002528332231311103 partidaren artean ("Enkargua BIDEAN sozietateari. Osasungarraioa" izenekoa), gastua hobeki kudeatzeko.

Osasunbidea-Nafarroako Osasun Zerbitzuko Kudeaketa Ekonomikoaren eta Zerbitzu Orokorren zuzendariak izanen du funts-mugimendu horiek egiteko eskumena.

59. artikulua. Funtsmugimendua, OsasunbideaNafarroako Osasun Zerbitzuan BIDEAN sozietateari egindako transferentzien kredituak kudeatzekoa.

Funts-mugimenduak egiten ahalko dira "BIDEAN sozietatearentzako transferentzia arrunta" izeneko 540002-52833-4400-311100 partidaren eta "BIDEAN sozietatearentzako kapital-transferentzia" izeneko 540002-52833-7400-311100 partidaren artean, gastua hobeki kudeatzeko.

Osasunbidea-Nafarroako Osasun Zerbitzuko Kudeaketa Ekonomikoaren eta Zerbitzu Orokorren zuzendariak izanen du funts-mugimendu horiek egiteko eskumena.

60. artikulua. Osasun zentroen funtzionamendurako transferentziak.

"Osasun zentroen funtzionamendurako transferentziak" izeneko 547001-52300-4609-312200 aurrekontu-partidan, Nafarroako udalen jabetzakoak diren herrietako kontsultategien eta kontsultategi osagarrien funtzionamendu-gastuak finantzatzekoa den horretan, dagoen zenbatekoa banatuko da Osasunbidea-Nafarroako Osasun Zerbitzuko kudeatzaileak urtero onesten dituen gehieneko zenbatekoen eta moduluen arabera, eta ez zaio aplikatuko Dirulaguntzei buruzko azaroaren 9ko 11/2005 Foru Legea.

Edozein kasutan, modulu horiek kontuan hartuko dituzte kontsultategi-mota eta -azalera.

Kasua bada, herrietako kontsultategien ekipamenduaz Osasunbidea-Nafarroako Osasun Zerbitzua arduratuko da.

61. artikulua. Funtsmugimendua, Nafarroako 20142022 Landa Garapeneko Programa eta 20232027 NPEren Plan Estrategikoa finantzatzera bideratutako kredituak kudeatzekoa.

Zilegi izanen da funts-mugimenduak egitea Nafarroako Landa Garapeneko 2014-2022 Programa eta 2023-2027 NPEren Plan Estrategikoa finantzatzera bideratutako aurrekontu-partiden artean, edo haiek behar bezala gauzatzeko sortu beharreko suertatzen diren partiden artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatutako eta araututako lotura.

Ukitutako partidak zer departamenturi dagozkion, bertako kontseilariak izanen du aipatutako partiden arteko funts-mugimenduak baimentzeko eskumena. Baldin departamentu bati baino gehiagori badagokie, eskumena Ekonomia eta Ogasuneko kontseilariarena izanen da, ukitutako departamentuek adostasuna eman ondoren.

62. artikulua. Europako Batzordeak baimendutako laguntzak, nekazaritzaren eta basogintzaren sektoreetako estatulaguntzei aplikatzekoak diren Europar Batasunaren zuzentarauen araberakoak.

Nekazaritzaren eta basogintzaren sektoreetako estatu-laguntzei aplikatzekoak zaizkien Europar Batasunaren zuzentarauei jarraiturik Europako Batzordeak baimendutako laguntza-araubideak osoki nahiz partzialki Nafarroako Aurrekontu Orokorren kargura finantzatzen badira, lehentasunez bete beharko dute kasu bakoitzean aplikatzekoa den Europar Batasuneko araudia.

63. artikulua. Hondakin Funtseko kredituak kudeatzeko funtsmugimendua.

Funts-mugimenduak egiten ahalko dira Hondakin Funtsari dagozkion partiden artean, lehendik daudenen eta sortu beharreko suertatzen direnen artean, nahiz eta gastua hobeki kudeatzeko Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatutako eta araututako loturarik ez egon.

Ukitutako partidak zer departamenturi dagozkion, bertako kontseilariak izanen du aipatutako partiden arteko funts-mugimenduak baimentzeko eskumena. Baldin departamentu bati baino gehiagori badagokie, eskumena Ekonomia eta Ogasuneko kontseilariarena izanen da, ukitutako departamentuek adostasuna eman ondoren.

64. artikulua. Hondakinen Funtsari dagozkion gastukreditu exekutatugabeen txertatzeak.

Nafarroako Aurrekontu Orokorretan kontsignatuta egon eta Hondakinei eta haien fiskalitateari buruzko ekainaren 18ko 14/2018 Foru Legeak sortutako Hondakinen Funtsari dagokion gastua, kasuan kasuko ekitaldian exekutatzen ez den zatian, diruzaintzako gerakin atxikitzat joko da, eta hurrengo aurrekontu-ekitaldietan txertatzen ahalko da.

Gainera, txertatu beharreko kopuruetatik soberakin erabiligabeak geratzen direnean, beren jatorrikoak ez diren beste fluxu eta aurrekontu-partida batzuetara bideratzen ahalko dira hurrengo aurrekontu-ekitaldietan, betiere Hondakinen Funtserako ezarritako helburuen eta xedeen barruan, eta behar bezala identifikatutako partidetan.

65. artikulua. Nafarroako Klima Funtseko kredituak kudeatzeko funtsmugimendua.

Funts-mugimenduak egiten ahalko dira Nafarroako Klima Funtsean dauden eta sortu beharreko suertatzen diren partiden artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura, gastua hobeki kudeatzeko.

Ukitutako partidak zer departamenturi dagozkion, bertako kontseilariak izanen du funts-mugimendu horiek baimentzeko eskumena. Departamentu bati baino gehiagori badagokie, eskumena Ekonomia eta Ogasuneko kontseilariarena izanen da, ukitutako departamentuek adostasuna eman ondoren.

66. artikulua. Nafarroako Klima Funtsari dagozkion gastukreditu exekutatugabeen txertatzeak.

Klima Aldaketari eta Trantsizio Energetikoari buruzko martxoaren 22ko 4/2022 Foru Legeak sortutako Nafarroako Klima Funtsari dagokion gastua, Nafarroako Aurrekontu Orokorretan jasoa, kasuan kasuko ekitaldian exekutatzen ez den zatian, diruzaintza-gerakin atxikitzat joko da, eta hurrengo aurrekontu-ekitaldietan txertatzen ahalko da.

67. artikulua. CENER Fundazioari funtsak ematea I+G+b proiektu eta inbertsioetarako.

G20001-G2100-7309-467300 partida, "CENER Fundazioari funtsak ematea I+G+B-ko proiektu eta inbertsioetarako" izenekoa, aplikatuko da Energia Berriztagarrien Zentro Nazionala Fundazioak (CENER) bere helbururako -energia berriztagarrien arloko ikerketa eta garapena- egiten dituen proiektu eta inbertsioak finantzatzeko lortutako maileguen saldoa amortizatzeko.

68. artikulua. Funtsmugimendua, %0,7aren Funtseko kredituak kudeatzekoa.

Funts-mugimenduak egiten ahalko dira %0,7aren Funtsari dagozkion partiden artean, eta gastua hobeki kudeatzeko beharrezkoak direnak sortzen ahalko dira.

Ukituriko partidak zer departamenturi dagozkion, hartako kontseilariak izanen du funts-mugimendu horiek baimentzeko eskumena. Departamentu bati baino gehiagori badagokie, eskumena Ekonomia eta Ogasuneko kontseilariarena izanen da, ukitutako departamentuek adostasuna eman ondoren.

69. artikulua. Ekainaren 5eko 7/2009 Foru Legeari, zeinak arautzen baitu Foru Komunitateko zergadunek gizarteintereseko beste xede batzuetarako bideratzen duten tributuen 100eko 0,7a, dagokion gastukreditu exekutatugabearen txertatzea.

Foru Komunitateko zergadunek gizarte-intereseko beste xede batzuetarako bideratzen duten tributuen %0,7a arautzen duen ekainaren 5eko 7/2009 Foru Legeari dagokion gastua, Nafarroako aurrekontu orokorretan jasoa, kasuko ekitaldian exekutatzen ez den zatian, diruzaintza-gerakin atxikitzat joko da, eta hurrengo aurrekontu-ekitaldietan txertatzen ahalko da.

70. artikulua. Sindikatuak eta enpresaburuen elkarteak.

Nafarroako Aurrekontu Orokorretan sindikatuentzat eta enpresaburuen elkarteentzat jasotako gastua kontzeptu hauetara bideratuko da:

a) 970000-97000-4819-494100 partida, "Berrikuntza Sozialerako Unitatea deritzon elkartearentzako dirulaguntza, haren funtzionamendurakoa" izenekoa, erabiliko da Berrikuntza Sozialerako Unitatea elkartearen azpiegiturako eta mantentze-lanetako gastuak ordaintzeko, horrela bete ahal izan dezan bere helburua, zeina baita berrikuntza soziala sustatu eta bultzatzea eta gizarte-erronkei erantzuteko eta garapen ekonomiko berritzaile, sozial, jasangarri eta pertsonengana zuzendua sustatzen duten bide berritzaileak lankidetzaz tankeratu eta garatzea, enpresa-jarduera eta kalitatezko enplegua sortuta.

b) 970000-97000-4819-494103 partida, "Sindikatuen hauteskunde prozesua jarraitzeko batzordea osatzen duten sindikatuei bertan parte hartzeagatik egin beharreko ordainketa" izenekoa, urriaren 3ko 182/1994 Foru Dekretuaren bidez sorturiko batzorde horretan parte hartzen duten sindikatuen artean banatuko da, bertan bakoitzak duen ordezkari kopuruaren proportzioan.

c) Aurrekontuko 970000-97000-4819-494108 partida, "Sindikatuentzako transferentziak, haien ordezkaritasunaren araberakoak" izenekoa, haien guztien artean banatuko da bakoitzak Foru Komunitatean duen ordezkaritzaren arabera; eta, horretarako, 2021eko urtarrilaren 1etik 2024ko abenduaren 31ra bitarte egindako hauteskundeetako eta boto-kontaketetako aktetan adierazitako emaitzak hartuko dira kontuan. Ordezkaritza-agintea indardun izan beharko dute azken data horretan, hala ezarrita baitago Garapen Ekonomikorako kontseilariaren ekainaren 16ko 26E/2017 Foru Aginduan, zeinaren bidez ezartzen baita sindikatuei beren jarduera arruntak gauzatzeko ematen zaien dirulaguntzaren araubidea, Nafarroan lortutako ordezkari kopuruaren araberakoa, bai eta kasuan kasuko urteko deialdian ere.

d) 970000-97000-4819-494111 partida, "Eragile sozial eta enpresarialentzako transferentzia, haien parte-hartzearengatikoa" izenekoa, eragile sozialen eta enpresarialen parte-hartze instituzionala sustatzeko izanen da, hala ezarrita baitago Garapen Ekonomikorako kontseilariaren azaroaren 3ko 222/2016 Foru Aginduan, zeinaren bidez arautzen baitira erakunde sindikalek eta enpresaburuen erakundeek parte hartzeagatik jasoko dituzten konpentsazioak.

e) 970000-97000-4819-494113 partida, "Enpresa-erakundeentzako transferentzia, haien ordezkaritasunaren araberakoa. CEN" izenekoa, Nafarroako Enpresaburuen Konfederazioaren azpiegitura- eta funtzionamendu-gastuak ordaintzeko izanen da, bere funtsezko helburuak, erakundearen estatutuetan jasotakoak, bete ahal izan ditzan.

f) 970000-97000-4819-494114 partida, "Ekonomia sozialeko entitateak sustatu eta mantentzea. ANEL" izenekoa, Nafarroako Lan Enpresen Elkartea (ANEL) izenekoaren azpiegituraren eta mantentze-lanen gastuak ordaintzeko erabiliko da, ekonomia soziala bultzatu, garatu, sustatu eta indartzeko duen xedea bete ahal izan dezan.

g) 970000-97000-4819-494121 partida, "Transferentzia, Ekimen Sozialeko Enplegu Zentro Berezien Elkartearentzakoa (CEISNA)" izenekoa, erabiliko da Nafarroako Ekimen Sozialeko Enplegu Zentro Berezien azpiegitura- eta funtzionamendu-gastuak ordaintzeko, desgaitasuna duten pertsonen lan- eta gizarte-inklusio erabatekoaren alde lan egin dezan, entitate horrek Nafarroako ekonomia soziala ordezkatzen baitu.

h) 970000-97000-4819-494122 partida, "Transferentzia, Nafarroako Gizarteratze Enpresen Elkartearentzakoa (EINA)" izenekoa, erabiliko da Nafarroako Gizarteratze Enpresen Elkartearen azpiegitura- eta funtzionamendu-gastuak ordaintzeko, lan egin dezan lan-merkatuan sartzeko zailtasun bereziak dituzten pertsonak gizarteratzearen eta laneratzearen alde, entitate horrek Nafarroako ekonomia soziala ordezkatzen baitu.

i) 970000-97000-4819-494123 partida, "Transferentzia, Nafarroako Fundazioen Elkartearentzakoa (PIES)" izenekoa, erabiliko da Nafarroako Fundazioen Elkartearen azpiegitura- eta funtzionamendu-gastuak ordaintzeko, fundazio-eredua susta dezan ekonomia sozialetik, eta fundazioen kudeaketa eta haien arteko elkarlana hobetu ditzan", entitate horrek Nafarroako ekonomia soziala ordezkatzen baitu.

j) 970000-97000-4819-494131 partida, "Nafarroako Enpresaburuen Konfederazioarentzako (CEN) dirulaguntza, enpresetan berdintasunaren arloko sustapena eta dinamizazioa egiteko" izenekoa, Nafarroako enpresetan genero berdintasuna bultzatzeko, aholkatzeko eta sustatzeko erabiliko da.

k) 950002-96200-4819-242106 partida, "Prestakuntza-premiak ikertu eta planifikatzeko jardueretan parte hartzeagatiko konpentsazioa" izenekoa, banatuko da Lan arloan enplegurako lanbide heziketako sistema arautzen duen irailaren 9ko 30/2015 Legean aurreikusitakoari jarraikiz.

71. artikulua. Funtsmugimendua, dirusarrerak bermatzekoak diren gizarteinklusioko prestazioetarako kredituak kudeatzekoa.

Eskubide Sozialetako, Ekonomia Sozialeko eta Enpleguko Departamentuko kontseilariak funts-mugimenduak egiten ahalko ditu "Errenta bermatua" izeneko 901002-91100-4809-231500 partidaren eta "Bizitzeko gutxieneko errenta" izeneko 901002-91100-4809-231505 partidaren eta sortu beharreko suertatzen direnen artean, nahiz eta Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan araututako eta eskatutako loturarik ez egon, gastua hobeki kudeatzeko.

72. artikulua. Funtsmugimendua, Gizarte Zerbitzuen Zorroak mendekotasunaren, desgaitasunaren eta gaixotasun mentalaren arretarako bermatzen dituen prestazioetarako kredituak kudeatzekoa.

Eskubide Sozialetako, Ekonomia Sozialeko eta Enpleguko Departamentuko kontseilariak funts-mugimenduak egiten ahalko ditu partida hauen eta helburu horietarako sortu beharreko suertatzen direnen artean:

a) 920005-93100-2600-231B04 partida, "Adinekoentzako zentroen kudeaketa" izenekoa.

b) 920005-93100-2600-231B05 partida, "Desgaitasuna duten pertsonentzako zentroen kudeaketa" izenekoa.

c) 920005-93100-2600-231B06 partida, "Osasun mentaleko zentroen kudeaketa" izenekoa.

d) 920004-93200-4809-231B00 partida, "Zerbitzuari lotutako laguntzak" izenekoa.

e) 920004-93200-4809-231B02 partida, "Zerbitzu pertsonalei arreta emateko laguntzak" izenekoa.

73. artikulua. Funtsmugimendua, Gizarte Zerbitzuen Zorroak haur eta nerabeentzako arretarako bermatzen dituen prestazioetara bideratutako kredituak kudeatzekoa.

Eskubide Sozialetako, Ekonomia Sozialeko eta Enpleguko Departamentuko kontseilariak funts-mugimenduak egiten ahalko ditu foru lege honen 5. artikuluko 4.8 apartatuan zabalgarritzat jotzen diren 920008 proiektuko partiden eta sortu beharreko suertatzen direnen artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

74. artikulua. ParquenasaSendavivari dirulaguntzak emateko partiden arteko funtsmugimendua.

Turismoko zuzendari nagusiak funts-mugimenduak baimentzen ahalko ditu "Parquenasa-Sendavivari dirulaguntza" izeneko A30004-A3400-4709-458300 partidaren eta "Parquenasa-Sendavivari dirulaguntza. Inbertsioak" izeneko A30004-A3400-7709-458300 partidaren artean.

75. artikulua. Funtsmugimendua, Suspertze eta Erresilientzia Mekanismoari dagozkion kredituak kudeatzekoa.

Funts-mugimenduak egiten ahalko dira Estatuko Administrazioko organo eskudunak onetsitako Suspertze, Eraldatze eta Erresilientzia Planeko azpiproiektu bakoitzeko partiden artean, lehendik daudenen edota ekitaldian sortu beharreko suertatzen direnen artean, nahiz eta ez egon Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatzen eta arautzen den lotura.

Ukitutako partidak zer departamenturi dagozkion, bertako kontseilariak izanen du funts-mugimendu horiek baimentzeko eskumena. Departamentu bati baino gehiagori badagokie, eskumena Ekonomia eta Ogasuneko kontseilariarena izanen da, ukitutako departamentuek adostasuna eman ondoren.

76. artikulua. Kreditualdaketak, Suspertze eta Erresilientzia Mekanismoari dagozkionak.

1. Suspertze eta Erresilientzia Mekanismoari dagokion gastua, Nafarroako Aurrekontu Orokorretan kontsignatutakoa, kasuan kasuko ekitaldian exekutatzen ez den zatian, diruzaintzako gerakin atxikitzat joko da eta hurrengo aurrekontu-ekitaldietan txertatzen ahalko da, proiektu bakoitzaren partidetatik edozeinetan.

2. Suspertze eta Erresilientzia Mekanismoaren dirulaguntzei dagozkien partiden gaineko aurrekontu-aldaketak Dirulaguntzei buruzko azaroaren 9ko 11/2005 Foru Legearen 17.2.a) artikuluko mugetatik kanpo geratzen dira.

77. artikulua. Suspertze, Eraldatze eta Erresilientzia Planaren 14. osagaiko funtsekin finantzatutako dirulaguntzen ordainketa aurreratuak.

Europar Batasunaren Next Generation EU funtsarekin finantzatzen den Suspertze, Eraldatze eta Erresilientzia Planaren 14. osagaiaren ("Turismo Modernizaziorako eta Lehiakortasunerako Plana") 1. inbertsioaren ("Turismo Eredua Jasangarritasunerantz Eraldatzea") 2. azpi-neurriaren ("Helmugako Turismo Jasangarritasunerako Planen Programa") funtsekin emandako dirulaguntzen ordainketa aurreratuak egiteko ez da beharrezkoa izanen Dirulaguntzei buruzko azaroaren 9ko 11/2005 Foru Legearen 33.2 artikuluan ezarritako bermeak ematea.

78. artikulua. Suspertze, Eraldatze eta Erresilientzia Planeko 2. osagaiko dirulaguntzen deialdiak.

Administrazio-ebazpen bidez kreditu-zenbateko gehigarriak onesten ahalko dira Suspertze, Eraldatze eta Erresilientzia Planeko etxebizitza-birgaitzearen arloko laguntza-programak garatzean onetsitako dirulaguntza-deialdietan, urriaren 5eko 853/2021 Errege Dekretuan ezarritakoari jarraikiz, baita eskabideak aurkezteko epea bukatuta baldin badago ere, programa horiek finantzatzeko jaso diren funts berrien zenbatekoarekin. Halaber, baliagarri dauden funtsak programen artean birbanatzea onesten ahalko da, errege dekretu horretan ezarritakoari jarraikiz. Gastu gehigarriaren igoera onesteak ez du berekin ekarriko eskabideak aurkezteko beste epe bat abiaraztea.

79. artikulua. Itoizko urtegiak ukitutako udalerri eta kontzejuen lurraldegarapen jasangarrirako inbertsioen Plan Estrategikoaren proposamenean identifikatutako inbertsioak diruz laguntzeko zenbatekoaren banaketa. Proposamen hori "Itoiz Batzordeak" onetsi zuen.

210002-21400-7609-922105 partida, "Itoizko Lurralde Garapen Iraunkorreko Proiektuak, Longida, Artzibar, Agoitz eta Orotz-Beteluko udalekiko hitzarmena" izenekoa, Itoizko urtegiak ukitutako udalerri eta kontzejuetara bideratuko da, eta udalekin egindako hitzarmenen bidez artikulatuko da, honela banatuta:

- Agoizko Udala: %47.

- Artzibarko Udala eta kontzejuak: %24.

- Longidako Udala eta kontzejuak: %24.

- Orotz-Beteluko Udala: %5.

Beren eskumeneko inbertsioetarako, kontzejuek kudeaketa-esleipenak egiten ahalko dizkiete beren udalei.

80. artikulua. 2025eko inbertsioprograma.

1. Aurreko ekitaldietan kontabilitate nazionalari dagokionez lortutako gastu orokorren diruzaintzako gerakina, 67.139.000 eurokoa, III. eranskinean jasotako inbertsioak finantzatzeko erabiliko da, artikulu honetan ezarritako baldintzetan.

2. Kasuko gastu-espedientearen hasiera eta egindako inbertsiotik heldutako betebehar ekonomiko guztien aitorpena 2025eko ekitaldia amaitu baino lehen egin beharko dira.

Hala ere, exekuzio-epea aurrekontu-ekitaldia baino luzeagoa duten eta aurreikusitako gastua 2025eko ekitaldian osorik gauzatu ezin den inbertsio-proiektuetan, baimendutako gastuaren gainerako zatia hurrengo ekitaldietan konprometitu eta aintzatesten ahalko da, eta diruzaintzako gerakinaren kargura finantzatuko da; gerakin hori xede horri atxikita geratuko da gainerako zenbateko horretan.

3. Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eskatutako eta araututako loturarik ez egon arren, III. eranskinean adierazitako aurrekontu-partidak edo gaitu beharrekoak zuzkitzeko behar diren aurrekontu-aldaketak Nafarroako Ogasun Publikoari buruzko apirilaren 4ko 13/2007 Foru Legean eta foru lege honetan horri buruz xedatutakoari lotuko zaizkio.

Dirulaguntzei dagozkien partiden aurrekontu-aldaketak Dirulaguntzei buruzko azaroaren 9ko 11/2005 Foru Legearen 17.2.a) artikuluko mugetatik kanpo geratzen dira.

4. Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoaren azken xedapenetako hirugarrenean eta Estatuaren eta Nafarroako Foru Komunitatearen arteko Hitzarmen Ekonomikoa onesten duen abenduaren 26ko 28/1990 Legearen 67.2.l) artikuluan xedatutakoaren babesean, xedapen honetan jasotako zehaztapenen babesean sor daitezkeen gaiak Hitzarmen Ekonomikoaren Koordinazio Batzordean arautuko eta interpretatuko dira.

81. artikulua. Nafarroako Gobernuak Bruselan duen ordezkaritza.

Europar Batasuneko Gaietarako Nafarroak duen Bulego Iraunkorraren ohiko jardunerako behar diren gastuak kutxa finkoko aurrerakinekin edo, hala bada, justifikatu beharreko ordain-aginduekin ordaintzen ahalko dira.

82. artikulua. Nafarroako Parlamentuaren, Kontuen Ganberaren, Arartekoaren, Nafarroako Kontseiluaren eta Jardunbide egokien aldeko eta ustelkeriaren kontrako Bulegoaren aurrekontuzuzkidurak.

1. Nafarroako Parlamentuaren, Kontuen Ganberaren eta Arartekoaren aurrekontu-zuzkidurak ordaintzeko aginduak, hurrenez hurren, Parlamentuko Mahaiak edo erakunde horietako ordezkariek eskatu ahala eginen dira, irmoki eta aldizka.

2. Duten independentzia organikoa eta funtzionala ezertan galarazi gabe, Nafarroako Kontseilua eta Jardunbide egokien aldeko eta ustelkeriaren kontrako Bulegoa Foru Komunitateko Administrazioaren ekonomia- eta aurrekontu-kudeaketari buruzko araudi orokorraren mendean egonen dira.

Halaber, haien ekonomia- eta aurrekontu-jarduna Nafarroako Gobernuaren Kontu-hartzailetzaren kontrolpean egonen da, Nafarroako Foru Komunitateko Administrazioarentzat eta haren erakunde autonomoentzat ezarrita dauden baldintza beretan.

Nafarroako Kontseilurako eta Jardunbide egokien aldeko eta ustelkeriaren kontrako Bulegorako transferentzia arruntak, oro har, hiru hilabeteko aurrerapenarekin libratuko dira, non eta behar handiagoak ez diren justifikatzen.

Kapital transferentziak erakunde horietako ordezkariek eskatu ahala eginen dira, eskaera eragin duen gastuaren beharra justifikatuta.

Lehen xedapen gehigarria. Trafikoaren eta ibilgailu motordunen zirkulazioaren arloko zerbitzutransferentzia.

1. Nafarroako Gobernuari baimena ematen zaio Foru Komunitateko Administrazioaren plantillan sar ditzan apirilaren 4ko 252/2023 Errege Dekretuaren 2. zerrendan identifikatzen diren funtzionarioak edo langile lan-kontratudunak. Errege dekretu horren bidez Nafarroako Foru Komunitateari eskualdatzen zaizkio Estatuko Administrazioak trafikoaren eta ibilgailu motordunen zirkulazioaren arloan dituen zenbait eginkizun eta zerbitzu.

2. Baimena ematen zaio Barneko, Funtzio Publikoko eta Justiziako Departamentuari, Trafiko Taldean zerbitzuak ematen dituzten Estatuko Administrazio Orokorreko funtzionarioak Foruzaingoan sartu ahal izateko beharrezkoak diren mekanismoak sor ditzan, Nafarroako Poliziei buruzko azaroaren 19ko 23/2018 Foru Legearen bederatzigarren xedapen gehigarrian ezarritakoarekin bat etorriz.

3. Baldin transferentziaren aurretik langile batzuek oinarrizko ordainsarien eta ordainsari osagarrien batura gisa jasotzen zuten zenbatekoa handiagoa bazen Nafarroako Foru Komunitateko Administrazioaren zerbitzura diharduten langileei aplikatzekoa zaien ordainsari-araubidearen arabera dagokiena baino, osagarri bat esleituko zaie alde hori konpentsatzeko. Konpentsazio hori xurgatu eginen da haien ordainsarietan izaten den edozein gehikuntzarekin, eta horien artean espresuki sartuko dira bai haien ordainsari pertsonalei eta osagarriei dagozkienak, bai orokortasunez aplika daitezkeen ordainsari-eguneratzeei dagozkienak.

Bigarren xedapen gehigarria. Eskumenak, Nafarroako Ubidearen 1. eta 2. faseetako eremu ureztagarrietakoak.

Nafarroako Ubidearen eremu ureztagarriaren (handitutako eremua barne) 1. faseko interes orokorreko azpiegiturak eraiki eta ustiatzeko herri-lanen emakidarako kontratuetan Nafarroako Foru Komunitateko Administrazioak dituen eskumenak, azaroaren 22ko 12/2005 Foru Legeko -zeinak arautzen baititu Nafarroako Ubidearen eremu ureztagarriko interes orokorreko azpiegituren eraikuntza eta ustiapena- 3.1.b) artikuluaren araberakoak, Lurralde Kohesiorako Departamentuari dagozkio, salbu eta lurzati-berrantolamenduko prozesuen eta sektore edo eremu bakoitza ureztatzen hasteko deklarazioen eta haien aldaketen gainekoak. Emakida-kontratuko obra-proiektuen administrazio-ebazpena eta kontratu horien aldaketena Lurralde Kohesiorako Departamentuak emanen du.

Dagokion departamentuak ordainduko ditu emakida-kontratuen kanonak, kredituek aurrekontuetan jarrita duten diruaren arabera.

Era berean, Nafarroako Foru Komunitateko Administrazioak Nafarroako Ubidearen 2. faseko eremu ureztagarrietan dauzkan jarduketa-eskumenak Lurralde Kohesiorako Departamentuari dagozkio, kasu horretan ere salbuespen direla lurzati-berrantolamenduko prozesuen eta sektore edo eremu bakoitza ureztatzen hasteko deklarazioen eta haien aldaketen gainekoak.

Nafarroako Ubidearen eremu ureztagarrian interes orokorreko azpiegiturak eraikitzeko obra guztiak bukatuta daudenean, azpiegitura horren gaineko eskumenak Landa Garapeneko eta Ingurumeneko Departamentuarenak izanen dira.

Hirugarren xedapen gehigarria. Garraioaren arloko eskudantziak.

Garraio zerbitzuak kontratatzeko eta xedetzat garraio jarduerak dituzten dirulaguntzak emateko, betiere beharrezkoa izanen da Lurralde Kohesiorako Departamentuko Garraioen eta Mugikortasun Jasangarriaren Zuzendaritza Nagusiak aurretik aldeko txostena jaulkitzea.

Laugarren xedapen gehigarria. Itundutako ikastetxeen sostengurako funts publikoak banatzeko modulu ekonomikoak.

Ikastetxe itunduetako hezkuntza-maila eta -modalitate desberdinetan, eskola-unitate bakoitzeko modulu ekonomikoen urteko zenbatekoak, kontzeptu hauetan xehakaturikoak: "Irakasleen soldatak, gizarte-kargak barne", unitate itundu bakoitzeko irakasle titular eta agregatuen ratioa zehaztuta, "Gastu aldakorrak", "Bestelako gastuak", eta, halakorik badago, "Langileria eta gastu espezifikoak", kontzeptu bakoitzak modulu osoarekiko egiten duen portzentajea adierazita, I. eranskinean jasotakoak izanen dira.

"Irakasleen soldatak, gizarte-kargak barne" kontzeptuan biltzen da irakasleen ordainsarien eta haien gizarte-kargen ondoriozko kostua, irakaskuntza-mailen araberakoa.

"Gastu aldakorrak" kontzeptuan biltzen dira, irakasleen antzinatasunaren eta horrek Gizarte Segurantzan duen eraginaren kostuaz gain, irakasle-ordezteak, zuzendaritza-osagarria eta Langileen Estatutuaren 68.e) artikuluan ezarritakoaren ondoriozko betebeharrak.

Diru kopuru horiek funts orokor batean bilduko dira, zeina irakaslez irakasle banatuko baita ikastetxe itunduetako irakasleen artean, irakasle bakoitzarengan gertatzen diren inguruabarren arabera.

Bosgarren xedapen gehigarria. Ikasliburuen doakotasunerako programako liburuen salmenta.

Ikasliburuen doakotasunerako programako liburuak saltzen ahalko dituzte, bakar-bakarrik, liburu-salmentan jarduteko gaikuntza ematen dien baimena daukaten establezimenduek.

Seigarren xedapen gehigarria. Eskubide sozialen alorrean bidegabeki jasotako prestazioak itzultzea.

Ekonomia eta Ogasun Departamentuak ezarriko du zatika itzul daitezen Babes Sozialaren eta Garapenerako Lankidetzaren Zuzendaritza Nagusiak, Pertsonen Autonomiarako eta Garapenerako Nafarroako Agentziak eta Nafarroako Berdintasunerako Institutuak ordaindutako aldizkako prestazio eta pentsio gisa bidegabeki jasoak izan diren kopuruak, interesik eta bermerik eskatu gabe, kasua bada zuzendaritza nagusi eta erakunde autonomo horiek proposatuta.

Zazpigarren xedapen gehigarria. Nekazaritzaestatistikako lanetan laguntzeagatiko diruordainak.

Landa Garapeneko eta Ingurumeneko Departamentuak diru-ordainak ematen ahalko dizkie nekazaritzaren arloko estatistikan laguntzen duten pertsonei, laguntza horrek sortzen dizkien gastuengatik, betiere gehieneko muga hauekin (eurotan, urtero):

Urte osoko labore-azalerak85
Urte osoko labore-ekoizpenak85
Abeltzaintzako beste ekoizpen batzuen ebaluazioa275
Lurraren prezioak1.400
Landa-errentamenduen kanonak380
Nekazaritzako eta abeltzaintzako produktuen asteroko prezioak1.900
Nekazariek eta abeltzainek jasotako prezioak1.200
Nekazariek eta abeltzainek ordaindutako prezioak655
Munta txikiko produktuen prezioak330
Nekazaritzako lansariak220
Kontu makroekonomikoak220
Meteorologia-Osoa1.440
Meteorologia-Erdizka1.275
Meteorologia-Termoplubiometrikoa, elurrari buruzko informazioarekin1.070
Meteorologia-Termoplubiometrikoa820
Meteorologia-Plubiometrikoa725
Meteorologia-Erdizka, elurrari buruzko informazioarekin1.525

Zortzigarren xedapen gehigarria.-Zerbitzu kontratuak eta enkarguak, Nekazaritza Bermatzeko Europako Funtsetik (NBEUF) eta Landa Garapenerako Europako Nekazaritza Funtsetik (LGENF) heldu diren laguntzak kontrolatzekoak.

Europako Batzordearen 2021eko abenduaren 7ko 2022/127 (EB) Erregelamendu delegatuaren bidez osotu zen Europako Parlamentuaren eta Kontseiluaren 2021/2116 (EB) Erregelamendua erakunde ordaintzaile eta beste organo batzuei, finantza kudeaketari, kontuen likidazioari, bermeei eta euroaren erabilerari buruzko arauekin; hori horrela, bermatzearren bete egiten direla erregelamendu delegatu horrek Europako NBEUF eta LGENF funtsen kontuak kitatzeko prozedurari dagokionez ezartzen dituen betebeharrak, Landa Garapeneko eta Ingurumeneko Departamentuak zerbitzu-kontratuak egiten ahalko ditu, kontrolatu eta egiaztatze aldera Europako funts horietatik heldu diren laguntzen eskatzaileei ordainketak egiteko oinarri gisa hartzen diren egitateak, edo aldezte aldera Nafarroako Foru Komunitateko Erakunde Ordaintzailearen eginkizunen betetzea. Era berean, zilegi izanen du eginkizun horiek betetzeko enkargua egitea Nafarroako Foru Komunitateko Administrazioaren entitate instrumentalei.

Bederatzigarren xedapen gehigarria. Osasun Departamentuari eta haren erakunde autonomoei atxikitako osasunlangileak gaitzea irakaskuntza edo ikerketaekintzetan parte hartzeko.

1. Osasun Departamentuari eta haren erakunde autonomoei atxikitako osasun-langileek irakaskuntza-lankidetzan jarduten ahalko dute Nafarroako Unibertsitate Publikoarekin, beren eginkizunen esparruan, irakaskuntza biziagotzeko programetan parte hartuz, horrelakoak ezartzen direnean Osasun Departamentuaren eta Nafarroako Unibertsitate Publikoaren arteko hitzarmen bat sinatuz.

2. Era berean, Osasun Departamentuari eta haren erakunde autonomoei atxikitako osasun-langileei gaikuntza ematen zaie beren eginkizunen esparruan ikerketa-ekintzak egin ditzaten, Nafarroako Gobernuarentzat interesekoak diren foru sektore publiko instituzionaleko entitateetan.

3. Aurreko apartatuetan aipatutako jarduerak egiteko baimena eman ahal izateko, aurrez Osasun Zuzendaritza Nagusiaren, Osasunbidea-Nafarroako Osasun Zerbitzuko Kudeaketa Zuzendaritzaren edo Nafarroako Osasun Publikoaren edo Lan Osasunaren Institutuaren Kudeaketa Zuzendaritzaren ebazpena beharko da, interesdunaren atxikipen organikoaren arabera.

4. Nafarroako Gobernuaren eta Nafarroako Unibertsitate Publikoaren arteko hitzarmen bidez lotura ezarri ahalko da Unibertsitateko irakasle- eta ikertzaile-postuen eta osasun-erakunde publikoetako laguntza-zerbitzuen edo osasun publikokoen artean, Osasunari buruzko Lege Orokorrean, Unibertsitate Sistemaren Lege Organikoan eta horien garapenerako xedapenetan ezarritakoari jarraituz. Postu horiek unibertsitateko irakasle-kidegoetakoak, lan-araubideko irakasle egonkorretakoak eta doktore-mailako laguntza-irakasleetakoak izan ahalko dira, eta lotuta egon ahalko dira Osasun Departamentuari eta horren erakunde autonomoei atxikitako osasun-langileen postuetara; eta, postu horiek betetzen dituztenentzat, irakasle- eta laguntza-eginkizunak bete beharra ekarriko dute. Postu horietako baldintzak eta lan-ordutegia hitzarmenean zehaztuko dira.

Hamargarren xedapen gehigarria. Fakultatiboen produktibitate finkoko osagarriaren aplikazioeremua zabaltzea.

Osasunbidea-Nafarroako Osasun Zerbitzuari atxikitako langileen berariazko erregimena arautzen duen urriaren 20ko 11/1992 Foru Legearen 6.3.i) artikuluan ezarritako produktibitate finkoko osagarriaren aplikazio-eremua Nafarroako Foru Komunitateko Administrazioko eta haren erakunde autonomoetako departamentu guztietako osasun-fakultatibo guztienganaino zabaltzen da.

Lehen xedapen iragankorra. LHko ikasleen praktikak: Gizarte Segurantza.

2025ean zehar, 430001-43100-4800-322E00 partidari egotziko zaizkio, "Lanbide Heziketako ikasleen praktikak: Gizarte Segurantza" izenekoari, prestakuntza-praktikak edo kanpoko praktika akademikoak egiten ari diren Lanbide Heziketako ikasleek Gizarte Segurantzan kotizatzeko gastuak, baldin eta praktika horiek funts publikoekin ordaindutako ikastetxeetako prestakuntza-programetan sartuta badaude.

Bigarren xedapen iragankorra. Etxebizitza babestuen gehieneko salmentaprezioak 2025ean.

1. Etxebizitza babestuak eta haien eranskinak saltzeko 2025eko gehieneko prezioa zehazteko, ez da aplikatuko Nafarroan etxebizitza izateko eskubideari buruzko maiatzaren 10eko 10/2010 Foru Legearen 10.1.a) eta 10.1.d) artikuluan xedatutakoa.

2. Nafarroako etxebizitza arloko jarduketa babesgarriei 2025ean aplikatuko zaien modulu ponderatua 1.540,74 eurokoa izanen da metro koadro erabilgarri bakoitzeko.

3. Nafarroako etxebizitza arloko jarduketa babesgarriei 2025ean aplikatuko zaien modulu ponderatu gabea 1.479,11 eurokoa izanen da metro koadro erabilgarri bakoitzeko.

Azken xedapenetako lehena. Aldaketa Kontratu Publikoei buruzko apirilaren 13ko 2/2018 Foru Legean.

Bat. 16. artikuluko 2. apartatuko c) letra aldatzen da, eta hauxe da testu berria:

"c) Negozio-bolumen orokorrari buruzko adierazpena, eta, hala behar denean, kontratuaren xedearen antzekoa den jarduera-arloko negozio-bolumenari buruzkoa, eskueran dauden azken hiru ekitaldietakoa gehienez ere, lizitatu behar duenaren eratze-egunaren edo horren jardueren hasiera-egunaren arabera, betiere negozio-bolumen horren erreferentziak eskura dauden heinean.

Eskatzen den urteko gutxieneko negozio-bolumena ez da izanen kontratuaren balio zenbatetsia halako bat eta erdi baino handiagoa. Bereziki, prestazio jarraituko kontratuetan, zeinetan balio zenbatetsiaren kalkuluak zenbait urteko epeak aurreikusten baititu, eska daitekeen negozio-bolumena kalkulatuko da prestazioak urte bakoitzeko duen batez besteko balioa kontuan hartuta.

Aurreko paragrafoan xedatutakoa gorabehera, behar bezala justifikatutako kasuetan zilegi izanen da muga horiek gainditzea, hala nola obren, zerbitzuen edo horniduren izaerari lotutako arrisku bereziekin zerikusia dutenetan. Kasu horretan, betekizun hori ezartzeko arrazoi nagusiak adierazi eginen dira 138.3. artikuluak aipatzen duen premiei buruzko txostenean".

Kontratu bat sortatan banatzen denean, irizpide hau sorta bakoitzari dagokionez aplikatuko da. Hala ere, kontratazio-organoak zilegi izanen du sorta-multzoak erreferentzia gisa hartuz ezartzea lizitatzaileei eskatutako urteko gutxieneko negozio-bolumena, baldin eta adjudikazio-hartzaileari aldi berean exekutatu beharrekoak diren zenbait sorta adjudikatu bazaizkio".

Bi. 22. artikuluko 1. puntuko f) letra aldatzen da, eta hauxe da testu berria:

"f) Eguneraturik ez egotea indarreko xedapenek ezartzen dituzten zerga arloko edo Gizarte Segurantzako betebeharretan, erregelamenduz ezartzen den moduan; edo, 50 langile edo gehiagoko enpresen kasuan, gutxienez langileen %2 desgaitasuna duten langileak izatearen baldintza ez betetzea, azaroaren 29ko 1/2013 Legegintzako Errege Dekretuak, Desgaitasuna duten pertsonen eskubideei eta haiek gizarteratzeari buruzko Lege Orokorraren testu bategina onesten duenak, 42. artikuluan ezarritakoaren arabera, erregelamenduz ezartzen den moduan; edota, 50 langile edo gehiagoko enpresen kasuan, ez betetzea kasuko erregistroan inskribatu beharko den berdintasun-plan bat edukitzearen betebeharra, Gizonen eta Emakumeen Berdintasunerako martxoaren 22ko 3/2007 Lege Organikoan xedatzen denaren arabera".

Hiru. Hogeita batgarren xedapen gehigarria aldatzen da, eta honela idatzita geratuko da:

"Sendagaien Prezioetarako Ministerioarteko Batzordearen erabakiz, Osasunbidea-Nafarroako Osasun Zerbitzuak eta Nafarroako Osasun Publikoaren eta Lan Osasunaren Institutuak lizitazio-deialdirik gabeko prozedura negoziatuaren bidez eskuratzen ahalko dituzte patente-babesa duten sendagaiak, sistema publikoan duten prezioa eta finantzaketa-baldintzak zehaztuta egonik Osasun Ministerioko Osasun Sistema Nazionalaren eta Farmaziaren Zerbitzu Erkideen Zorrorako Zuzendaritza Nagusiaren ebazpen bidez. Tramitatzeko orduan, ase beharreko premien izaera berezia kontuan hartuta, huts-hutsik honako hau eskatuko da:

a) Beharrizanaren eta kreditua egotearen justifikazioa.

b) Kontratuaren baldintzak onartzearen agiria, behar bezala sinatua.

c) Osasunbidea-Nafarroako Osasun Zerbitzuaren edo Nafarroako Osasun Publikoaren eta Lan Osasunaren Institutuaren Kudeaketa Zuzendaritzaren ebazpena, gastua eta kontratua onesten dituena.

Kontratu horiek publiko eginen dira, foru lege honen 102.1 artikuluan ezarritakoarekin bat".

Azken xedapenetako bigarrena. Aldatzea 16/2019 Foru Legea, martxoaren 26koa, eskuin muturreko taldeek edo funtzionario publikoek eragindako motibazio politikoko ekintzen biktimen errekonozimenduari eta erreparazioari buruzkoa.

12. artikuluko 1. apartatua aldatzen da, eta hauxe da testu berria:

"1. Foru lege honen xedapenen arabera biktima deklaratuak diren pertsonek aitortuta edukiko dituzte, osasun arretaz gainera, kalte fisiko, psikologiko edo materialengatiko ordain ekonomikoak.

Ordain ekonomiko horiek bateragarri dira beste erakunde batzuengandik gertakari berengatik jasotako edo jasotzea haizu den beste kopuru batzuekin, baldin eta foru lege honen babesean aitortu diren ordain ekonomikoak baino baxuagoak badira. Ondorioz, beste entitate batzuengandik jasotako edo haiek aitortutako kopuruak baxuagoak direnean Foru Komunitateko Administrazioak emandakoak baino, hartzaileak azken horrengandik jasoko du bi laguntza horien arteko aldea bakarrik.

Ordain ekonomikoak gehienez ere lau urteko epean pagatu beharko dira, eskaera baiesten duen ebazpenaren datatik zenbatzen hasita, eta kontzeptu horrengatik aitortutako eta likidatutako obligazioei ez zaie aplikatuko ordainketa eskatzeko eskubidearen preskripzio-epe orokorra, Nafarroako Ogasun Publikoari buruzko apirilaren 4ko 13/2007 Legearen 25.1b) artikuluan ezarritakoa".

Azken xedapenetako hirugarrena. Aldatzea 251/1993 Legegintzako Foru Dekretua, abuztuaren 30ekoa, Nafarroako Administrazio Publikoen zerbitzuko langileen estatutuaren testu bategina onesten duena.

Bat. 45. artikuluaren 2. apartatua aldatzen da, eta hauxe du testu berria:

"2. Lanpostu horiek betetzen dituztenek erabateko eskuragarritasun eta dedikazioko araubidean emanen dituzte zerbitzuak, eta ezin izanen dute bestelako irabazizko jarduerarik egin ez sektore publikoan ez pribatuan, honako hauek izan ezik:

a) Norberaren edo familiaren ondarea administratze hutsa.

b) Unibertsitate-zentroetako irakaslana, betiere lanaldi partzialean eta denbora jakin baterako egiten bada, eta kargu publikoan aritzeari kalte egin gabe.

c) Funtzionarioak edo irakasleak prestatzeko zentro ofizialetan mintegien zuzendaritzaz arduratzea edo ikastaro nahiz hitzaldiak ematea, baldin eta ez bada modu iraunkorrean edo ohikotasunez egiten, eta horrek ez baditu urtean 75 ordu baino gehiago hartzen.

d) Funtzio publikoan sartzeko prestakuntza ematea, zeinak berekin betiere ekarriko baitu langile-hautaketako organoen kide izateko bateraezintasuna, noiz eta ez den urteko 75 ordu baino gehiagoko dedikaziokoa, eta ez duen lan-ordutegiaren ez-betetzerik eragiten.

e) Administrazio publikoetan sartzeko hautaprobetako kalifikazio-epaimahaietan parte hartzea.

f) Literatura-, arte-, zientzia- eta teknika-ekoizpena eta -sorkuntza, bai eta horien ondoriozko argitalpenak ere, baldin eta ez badira enplegu-harreman baten edo zerbitzu-emate harreman baten ondoriozkoak.

g) Edozein gizarte-hedabideren mahai-inguru eta programetako parte-hartze soltea.

h) Kongresu, mintegi, hitzaldi edo ikastaro profesionaletako parte-hartze eta elkarlan soltea".

Bi. 63. artikuluko m) letra kentzen da.

Hiru. 64. artikuluari l) letra eransten zaio, eta honela geratzen da idatzita:

"l) Sexu-jazarpena".

Lau. 70. artikuluaren 3. apartatua aldatzen da, eta hauxe du testu berria:

"3. Arau-hauste arinengatik ezartzen diren zehapenak urtebeteren buruan preskribatuko dira; arau-hauste astunengatik ezartzen direnak, bi urteren buruan; eta arau-hauste oso astunengatik ezartzen direnak, hiru urteren buruan".

Bost. Hogeita seigarren xedapen gehigarria gehitzen da, testu honekin:

"Hogeita seigarren xedapen gehigarria.-Guraso-baimena.

Enplegatu publikoek urtebete baino gehiagoko guraso-baimena hartzen ahalko dute seme-alabak edo familian hartutako adingabeak zaintzeko, adingabeak zortzi urte bete arte. Zortzi aste jarraituko edo eteneko iraupena izanen du gehienez, eta lanaldi osokoa edo lanaldi partzialekoa izan daiteke, zerbitzuaren beharrek ahalbidetzen dutenean eta erregelamendu bidez ezarritako baldintzen arabera.

Baimen hori gurasoen, adoptatzaile edo hartzaileen, gizon zein emakumeen, eskubide indibiduala da, eta horren egikaritzea ezin da eskualdatu.

Zerbitzuaren beharrek ahalbidetzen dutenean, gurasoak, adoptatzaileak edo hartzaileak zehaztu beharko du zein egunetan hasiko eta amaituko den edo diren baimen-erabilaldia edo -erabilaldiak. Administrazioari hamabost eguneko aurredenboraz jakinarazi beharko dio, eta aste osoka eginen da.

Administrazioak zilegi izanen du guraso-baimenaren ematea geroratzea arrazoizkoa den denbora batez, hori idatziz justifikatuz eta arrazoizkoagoa den erabilera-hautabide bat eskaini ondoren, baldin eta bi gurasoengan, adoptatzaileengan edo hartzaileengan suertatuko balitz, subjektu eta gertaera beragatik, eta larriki asaldatuko balu biek lan egiten duten administrazio-unitatearen funtzionamendu egokia.

Atal honetan xedatutakoaren ondorioetarako, ‘ama biologikoa’ terminoak haurdun dauden trans pertsonak ere barne hartzen ditu".

Sei. Hogeita zazpigarren xedapen gehigarri berria eransten da, testu honekin:

"Hogeita zazpigarren xedapen gehigarria.-Enplegu publikora sartzeko lehentasuna ematea genero-indarkeriaren biktima diren emakumeei.

1. Nafarroako Foru Komunitateak onetsitako araudiaren araberako deialdi batean lanpostua lortzen duten genero-indarkeriaren biktima diren emakumeek, edozein txandatan eta izaera hori frogatzen badute, gainerako izangaiekiko lehentasuna izanen dute lanpostu hutsak hautatzeko orduan, hargatik eragotzi gabe desgaitasuna duten pertsonentzat ezarritako lehentasun-hurrenkera.

2. Era berean, haien babesa edo gizarte-laguntza integralerako eskubidea gauzatzeko, aldi baterako kontrataziorako izangaien zerrendetan hamar lanpostutik bigarrena gordeko da genero-indarkeriaren biktima diren emakumeek beteak izateko, betiere haiek kasuko hautaketa-probak gaindituz gero eta beren izaera frogatuz gero".

Azken xedapenetako laugarrena. 10/2003 Foru Legea aldatzea, martxoaren 5ekoa, Nafarroako administrazio publikoen montepioetako funtzionarioen eskubide pasiboen araubide iragankorrari buruzkoa.

Bat. 36. artikuluko 1. eta 2. apartatuak aldatzen dira, eta hauxe dute testu berria:

"1. Nahitaezko erretiroko pentsioa jasotzea bateraezina izanen da sektore publikoan edo pribatuan lanpostu, kargu edo jarduera batean aritzearekin.

Pentsio-jasotzea eten eginen da lanpostu horretako jardunak dirauen bitartean, haren balio-handitzeetan eraginik izan gabe.

2. Erretiroa hartu duen funtzionarioa behartuta dago pentsioa aitortu dion Nafarroako Administrazio Publikoaren montepioari jakinaraztera ezen sektore publikoko edo pribatuko lanpostu, kargu edo jarduera batean diharduela".

Bi. 53. artikuluko 1. apartatua aldatzen da, eta hauxe du testu berria:

"1. Ezintasun iraunkorragatiko biziarteko pentsioa, dagokion ezintasun-gradua edozein dela ere, bateraezina izanen da sektore publikoan soldata batez ordainduriko lanpostu, kargu edo jarduera batean aritzearekin".

Azken xedapenetako bosgarrena. 14/2018 Foru Legea aldatzea, ekainaren 18koa, Hondakinei eta haien fiskalitateari buruzkoa.

Bat. 42. artikuluko 3. puntuko g) letra aldatzen da, eta hauxe du testu berria:

"g) Nafarroako Gobernuari sustapen eta komunikazio ekintzetarako zuzenean egindako ekarpenak, edo antzeko beste batzuk, ontzi-hondakinak kudeatzeko ezartzen diren sistemekin sinaturiko hitzarmenetatik edo ekoizlearen erantzukizun zabalduaren esparruan garatzen diren hondakin-kudeaketako beste sistema batzuetatik eratorriak; eta, kasua bada, toki erakundeek helburu horietarako erabiltzen ez dituztenak."

Bi. 43. artikuluari l) letra eta beste paragrafo bat erantsiko zaizkio, honako testu honekin:

"l) Baimenen eta hitzarmenen kontrola, ikuskapena eta jarraipena, ekoizlearen erantzukizun zabalduaren esparruan.

Zilegi izanen da Nafarroako Hondakinen Funtsaren baliabide ekonomikoak bideratzea hura kudeatzeko behar diren baliabideen hornikuntzarako".

Azken xedapenetako seigarrena. 268/1996 Foru Dekretua aldatzea, uztailaren 1ekoa, Hartz arrea (Ursus Arctos) Berreskuratzeko Plana onesten duena.

Bat. Nafarroan hartz arrea berreskuratzeko Planaren eranskinaren hirugarren puntuko 2. helburuaren 6. neurria aldatzen da, eta honela geratuko da idatzita:

"Hirugarrena.-2 helburua. 6. neurria. Sistema arin eta sinplifikatua ezartzea, zeinaren bidez Ingurumen, Lurraldearen Antolamendu eta Etxebizitza Departamentuak konpentsatuko baititu hartz arreak eragindako balizko kalte guztiak.

d) Hartz arreak eragindako kalteen tasazioa, kasua denean, animalien merkatu-prezioaren batez besteko balioespen estimatuaren arabera eginen da, adinaren, gaitasunaren eta arrazaren arabera. Nekazaritza eta Abeltzaintza Zuzendaritza Nagusiak urtero finkatzen du balioespen hori, zeina haztapen-koefiziente batzuen bidez zuzenduko baita, lotutako beste galera-kontzeptu batzuk estaltzekoak eta prebentzio-neurriak hartu dituzten ustiategiak lehenestekoak. Balorazio horri, halaber, zenbateko jakin bat gehituko zaio erasoagatik, abere-taldearen kudeaketaren nahasmenduengatik (ganaduaren sakabanatzea, espezieen estresa, oneratzeko larratzea eta beste batzuk). Bai kalteen tasazioaren gainean aplikatu beharreko haztapen-koefizienteak, bai erasoagatiko nahasmendu gisako kopurua, biodibertsitatearen arloan eskumena duen kontseilariaren foru-agindu bidez zehaztuko dira. Foru agindu horrek, era berean, baremoak definitzen ahalko ditu, abeltzaintzari nahiz tokiko beste jarduera batzuei, hala nola erlezaintzari, egindako beste kalte batzuk tasatzekoak. Halaber, foru agindu bidez zehaztuko dira haztapen-koefizienteen etorkizuneko eguneratzeak, kalte-ordaina jaso behar duten jarduerak eta erasoaren ondoriozko nahasmendu gisa dagokien zenbatekoa, zenbateko horiek gorantz berrikustearen ildotik.

Baldin eta langile kualifikatuek aurreko paragrafoan adierazten diren kontzeptuengatiko kalte handiagoak jakinaraziko edo ziurtatuko balituzte, kalte horien benetako zenbatekoa hartuko litzateke kontuan".

Bi. Nafarroan hartz arrea berreskuratzeko Planaren I. eranskina kentzen da.

Azken xedapenetako zazpigarrena. Indarra hartzea.

Foru lege honek Nafarroako Aldizkari Ofizialean argitaratua izan eta biharamunean hartuko du indarra.

Nik, Nafarroako Foru Eraentza Berrezarri eta Hobetzeari buruzko Lege Organikoaren 22. artikuluan xedatutakoa bete dadin, foru lege hau B.M. Erregearen izenean aldarrikatzen dut, Nafarroako Aldizkari Ofizialean berehala argitara eta Estatuko Aldizkari Ofizialera igor dadila agintzen dut eta herritar eta agintariei bete eta betearaz dezatela manatzen diet.

I. ERANSKINA. HEZKUNTZA MAILA DESBERDINETAKO URTEKO MODULUAK ETA RATIOAK, 2025

I. ERANSKINA

Vínculo a objeto

II. ERANSKINA.

II. ERANSKINA

Vínculo a objeto

III. ERANSKINA.

III. ERANSKINA

Vínculo a objeto

Gobierno de Navarra

Contacte con nosotros | Accesibilidad | Aviso legal | Mapa web