LEXNAVARRA
172E/2024 FORU AGINDUA, EKAINAREN 6KOA, LANDA GARAPENEKO ETA INGURUMENEKO KONTSEILARIAK EMANA, LANDA GARAPENEKO ETA INGURUMENEKO DEPARTAMENTUKO BULEGOEN ATXIKIPENA ETA EGINKIZUNAK ONESTEN DITUENA 
BON N.º 132 - 27/06/2024
I. KAPITULUA. EGITURA OROKORRA
- 1. artikulua. Landa Garapeneko Zuzendaritza Nagusia.
- 2. artikulua. Nekazaritza eta Abeltzaintza Zuzendaritza Nagusia.
- 3. artikulua. Ingurumen Zuzendaritza Nagusia .
- 4. artikulua. Idazkaritza Tekniko Nagusia .
- 5. artikulua. Bulegoak kentzea.
II. KAPITULUA. BULEGOEN EGINKIZUNAK
1. ATALA. LANDA GARAPENEKO ZUZENDARITZA NAGUSIA
- 6. artikulua. Nekazaritzako Ustiategietan Inbertitzeko Laguntzen Bulegoa.
- 7. artikulua. Nekazaritzako Elkarteen eta Koordinazioaren Bulegoa.
- 8. artikulua. Nekazaritzako Elikagaien Kalitate Kontrolaren Bulegoa.
- 9. artikulua. Nekazaritza Ekologikoa eta Kalitate Bereiztua Sustatzeko Bulegoa.
- 10. artikulua. Elikakatearen Bulegoa.
- 11. artikulua. Mahastizaintzako Bulegoa.
- 12. artikulua. Enologia Bulegoa.
- 13. artikulua. NBEUFLGENF Funtsen Kontabilitate Bulegoa.
- 14. artikulua. NBEUFen eta LGENFen Ordainketak Burutzeko Bulegoa.
- 15. artikulua. Kudeaketa eta Kontrol Sistema Integratuko Ikuskapenen Bulegoa.
- 16. artikulua. Baldintzen eta Kudeaketa eta Kontrol Sistema Integratutik kanpoko NBEUFko Ikuskapenen Bulegoa.
- 17. artikulua. Nekazaritzako Informazio Sistemen Bulegoa.
- 18. artikulua. Landa Dibertsifikaziorako LGENF Laguntzen Bulegoa.
2. ATALA. NEKAZARITZA ETA ABELTZAINTZA ZUZENDARITZA NAGUSIA
- 19. artikulua. Landare Osasuneko Bulegoa.
- 20. artikulua. Landare Kontrol eta Ziurtapen Bulegoa.
- 21. artikulua. Nekazaritzako Ekoizpen Baliabideen eta Jasangarritasunaren Bulegoa.
- 22. artikulua. Merkatuen Erregulazioaren eta Berariazko Laguntzen Bulegoa.
- 23. artikulua. Mahastizaintza eta Ardogintza Sektoreari Laguntzeko Bulegoa.
- 24. artikulua. Azaleraren araberako Zuzeneko Laguntzen Bulegoa.
- 25. artikulua. Nekazaritzako Ingurumen arloko eta Landa Ingurunea Hobetzeko Laguntzen Bulegoa.
- 26. artikulua. Abeltzaintzarako Laguntzen Bulegoa.
- 27. artikulua. Abeltzaintzaren Garapenerako Bulegoa.
- 28. artikulua. Epizootiologia Bulegoa.
- 29. artikulua. Lagun Egiteko Animalien Bulegoa.
- 30. artikulua. Elikagaien Segurtasuneko Bulegoa.
- 31. artikulua. Landare Biologiaren Laborategiaren Bulegoa.
- 32. artikulua. Enologia eta Olio Laborategiaren Bulegoa.
- 33. artikulua. Animalien Osasunaren Laborategiaren Bulegoa.
- 34. artikulua. Ingurumenaren Kontroleko Bulegoa.
- 35. artikulua. Lurzoru eta Klimatologia Bulegoa.
- 36. artikulua. Obra Bulegoa .
- 37. artikulua. Nekazaritzako Azpiegituretarako Laguntzen Bulegoa .
- 38. artikulua. Lurzati Berrantolamenduaren Bulegoa.
3. ATALA. INGURUMEN ZUZENDARITZA NAGUSIA
- 39. artikulua. Gobernantza eta Sentsibilizazio Bulegoa.
- 40. artikulua. Administrazio Laguntzako Bulegoa.
- 41. artikulua. Europako Proiektuak Kudeatzeko Bulegoa .
- 42. artikulua. Baimen Bulegoa .
- 43. artikulua. Kontrol eta Kalitate Bulegoa .
- 44. artikulua. Hondakinen Prebentziorako eta Ekonomia Zirkularra Sustatzeko Bulegoa .
- 45. artikulua. Espezieen Bulegoa.
- 46. artikulua. Naturaguneen Bulegoa .
- 47. artikulua. Plangintza eta Klima Aldaketaren Bulegoa .
- 48. artikulua. IEEaren eta Ingurumen Jarraipenaren Bulegoa .
- 49. artikulua. Proiektuen Ingurumenaren gaineko Eraginaren Bulegoa.
- 50. artikulua. Arrantza Bulegoa .
- 51. artikulua. Administrazio Laguntzako Bulegoa.
- 52. artikulua. Basoak Lehengoratzeko Bulegoa.
- 53. artikulua. Basoko Suteei Aurrea Hartzeko Bulegoa.
- 54. artikulua. Ingurune Naturaleko Plan eta Programen Bulegoa.
- 55. artikulua. Baso Ondarearen Bulegoa.
- 56. artikulua. Baliabideen Kudeaketarako eta Laguntzarako Bulegoa.
- 57. artikulua. Ingurumen Kudeaketaren Kalitatearen Bulegoa.
- 58. artikulua. Ingurumen Hezkuntzaren Bulegoa.
- 59. artikulua. Administrazio Laguntzako Bulegoa.
- 60. artikulua. Koordinazio unitateak.
4. ATALA. IDAZKARITZA TEKNIKO NAGUSIA
- 61. artikulua. NBEUFek eta LGENFek finantzatutako Laguntzen eta Estatuaren Laguntzen Laguntza Juridikoaren Bulegoa.
- 62. artikulua. Kudeaketa Administratiboaren Bulegoa .
- 62. artikulua. Zerbitzu Orokorren Bulegoa.
- 63. artikulua. Langileria Bulegoa.
- 64. artikulua. Herritarren Arretarako Bulegoa .
- 65. artikulua. Ekonomia Aferetarako Bulegoa.
- 66. artikulua. Aurrekontuen Kontrolerako Bulegoa.
- 67. artikulua. NBEUFen eta LGENFen Laguntzen Kudeaketa Informatikorako Bulegoa.
- 68. artikulua. Laguntza Mikroinformatikoaren Bulegoa.
- 69. artikulua. Informazioaren Segurtasunari Laguntzeko eta LKSren Arearen Bulegoa.
- Lehen xedapen gehigarria. Izendapenak.
- Xedapen indargabetzaile bakarra. Indargabetutako arauak.
- Azken xedapen bakarra. Indarra hartzea.
Nafarroako Foru Komunitateko Lehendakariaren abuztuaren 17ko 10/2023 Foru Dekretuaren bidez, Nafarroako Foru Komunitateko Administrazioaren departamentuen egitura ezarri zen.
Halaber, abuztuaren 30eko 74/2023 Foru Dekretuaren bidez Landa Garapeneko eta Ingurumeneko Departamentuaren oinarrizko egitura ezarri zen.
Irailaren 15eko 255/2023 Foru Dekretuaren bidez Landa Garapeneko eta Ingurumeneko Departamentuaren egitura organikoa ezarri zen.
Landa Garapeneko eta Ingurumeneko kontseilariak eman urriaren 19ko 179/2020 Foru Aginduaren bidez onetsi ziren Landa Garapeneko eta Ingurumeneko Departamentuko bulegoen atxikipena eta eginkizunak.
Foru agindu hori gerora aldatu egin zen, Landa Garapeneko eta Ingurumeneko kontseilariaren urriaren 21eko 182/2021 Foru Aginduaren bidez, Landa Garapeneko eta Ingurumeneko kontseilariaren urriaren 26ko 138/2022 Foru Aginduaren bidez eta Landa Garapeneko eta Ingurumeneko kontseilariaren otsailaren 14ko 16/2023 Foru Aginduaren bidez; bulegoak egokitzeko unean uneko antolakuntza beharretara.
Behin azaroaren 15eko 255/2023 Foru Dekretua onetsirik, beharrezkoa da bulegoen gaur egungo eskema egokitzea egitura berrira, kasu batzuetan sortutako zerbitzu eta atal berriei atxikitzeko bulego batzuk, eta, beste batzuetan, indarreko bulegoen atxikipenari eusteko. Hori guztia araugintzako testu berri baten barnean sartzen da, administrazio unitateen jarduketa errazteko eta administratuei nola herritarrei zehaztasuna eta segurtasun juridikoa eskaintzeko.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legeak 34.4 artikuluan ezartzen du ezen, bulegoak eta ataletatik beherako unitateak sortu, aldatu eta kentzeko, unitate horiek zein departamentutan sartuko diren, hango titularraren foru agindua beharko dela.
Nafarroako Gobernuari eta Lehendakariari buruzko abenduaren 3ko 14/2004 Foru Legearen 41 artikuluan eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 29.2 artikuluan ezarritakoarekin bat osatu da egitura.
I. KAPITULUA. EGITURA OROKORRA
1. artikulua. Landa Garapeneko Zuzendaritza Nagusia.
Landa Garapeneko Zuzendaritza Nagusian bulego hauek ezarriko dira:
a) Nekazaritzako Ustiategiak eta Nekazarien Elkarteak Sustatzeko Atalari atxikita:
- Nekazaritzako Ustiategietan Inbertitzeko Laguntzen Bulegoa.
- Nekazaritzako Elkarteen eta Koordinazioaren Bulegoa.
b) Nekazaritzako Elikagaien Kalitatearen eta Sustapenaren Atalari atxikita:
- Nekazaritzako Elikagaien Kalitate Kontrolaren Bulegoa.
- Nekazaritza Ekologikoa eta Kalitate Bereiztua Sustatzeko Bulegoa.
- Elikakatearen Bulegoa.
c) Mahastizaintza eta Enologia Atalari atxikita:
- Mahastizaintzako Bulegoa.
- Enologia Bulegoa.
d) Koordinazio Atalari atxikita:
- NBEUF-LGENF Funtsen Kontabilitate Bulegoa.
- NBEUFen eta LGENFen Ordainketak Burutzeko Bulegoa.
e) Ikuskapenen Atalari atxikita:
- Kudeaketa eta Kontrol Sistema Integratuko Ikuskapenen Bulegoa.
- Baldintzen eta Kudeaketa eta Kontrol Sistema Integratutik kanpoko NBEUFko Ikuskapenen Bulegoa.
- Nekazaritzako Informazio Sistemen Bulegoa.
f) Landa Dibertsifikaziorako eta Garapen Jasangarrirako Atalari atxikita:
- Landa Dibertsifikaziorako LGENF Laguntzen Bulegoa.
2. artikulua. Nekazaritza eta Abeltzaintza Zuzendaritza Nagusia.
Nekazaritza eta Abeltzaintza Zuzendaritza Nagusian bulego hauek ezarriko dira:
a) Landareen Ekoizpen eta Osasun Atalari atxikita:
- Landare Osasuneko Bulegoa.
- Landare Kontrol eta Ziurtapen Bulegoa.
- Nekazaritzako Ekoizpen Baliabideen eta Jasangarritasunaren Bulegoa.
b) Merkatuen Erregulaziorako Atalari atxikita:
- Merkatuen Erregulazioaren eta Berariazko Laguntzen Bulegoa.
- Mahastizaintza eta Ardogintza Sektoreari Laguntzeko Bulegoa.
c) Etekinetarako Laguntzen Atalari atxikita:
- Azaleraren araberako Zuzeneko Laguntzen Bulegoa.
- Nekazaritzako Ingurumen arloko eta Landa Ingurunea Hobetzeko Laguntzen Bulegoa.
- Abeltzaintzarako Laguntzen Bulegoa.
d) Abere Ekoizpenaren Atalari atxikita:
- Abeltzaintzaren Garapenerako Bulegoa.
e) Abere Osasuneko Atalari atxikita:
- Epizootiologia Bulegoa.
f) Lagun Egiteko eta Esperimentaziorako Animalien Atalari atxikita:
- Lagun Egiteko Animalien Bulegoa.
g) Elikagaien Segurtasunaren eta Abeltzaintzako Langelen Atalari atxikita:
- Elikagaien Segurtasunaren Bulegoa.
h) Nekazaritzako Elikagaien Laborategiaren Atalari atxikita:
- Landare Biologiaren Laborategiaren Bulegoa.
- Enologia eta Olio Laborategiaren Bulegoa.
- Animalien Osasunaren Laborategiaren Bulegoa.
i) Nekazaritzako Azpiegituren Zerbitzuari atxikita:
- Ingurumenaren Kontroleko Bulegoa.
- Lurzoru eta Klimatologia Bulegoa.
- Obren Bulegoa .
j) Ureztalurren eta Lurzati Berrantolamenduaren Atalari atxikita:
- Nekazaritzako Azpiegituretarako Laguntzen Bulegoa.
- Lurzati Berrantolamenduaren Bulegoa .
3. artikulua. Ingurumen Zuzendaritza Nagusia .
Ingurumen Zuzendaritza Nagusian bulego hauek ezarri dira:
a) Klima Aldaketaren aurkako Ekintzak Koordinatzeko Atalari atxikita:
- Gobernantza eta Sentsibilizazio Bulegoa.
b) Ekonomia Zirkularraren eta Berrikuntzaren Zerbitzuari atxikita:
- Administrazio Laguntzako Bulegoa.
- Europako Proiektuak Kudeatzeko Bulegoa.
c) Kutsaduraren aurkako Prebentzio Atalari atxikita:
- Baimen Bulegoa.
d) Ingurumen Ikuskapenen Atalari atxikita:
- Kontrol eta Kalitate Bulegoa.
e) Hondakinen Atalari atxikita:
- Hondakinak Prebenitzeko eta Ekonomia Zirkularra Bultzatzeko Bulegoa.
f) Naturaguneen eta Espezie Babestuen Atalari atxikita:
- Espezieen Bulegoa.
- Naturaguneen Bulegoa.
- Plangintzaren eta Klima Aldaketaren Bulegoa.
g) Ingurumen Ebaluaziorako Atalari atxikita:
- IEEaren eta Ingurumen Jarraipenaren Bulegoa.
- Proiektuen Ingurumen Inpaktuaren Bulegoa.
h) Arrantza Kudeaketarako Atalari atxikita:
- Arrantza Bulegoa.
i) Basoen eta Ehiza Kudeaketaren Zerbitzuari atxikita:
- Administrazio Laguntzako Bulegoa.
j) Basoak Kudeatzeko Atalari atxikita:
- Basoak Lehengoratzeko Bulegoa.
- Basoko Suteei Aurrea Hartzeko Bulegoa.
k) Baso Plangintzarako Atalari atxikita:
- Ingurune Naturaleko Plan eta Programen Bulegoa.
- Baso Ondarearen Bulegoa.
l) Ingurumen Hezkuntzaren, Kalitatearen eta Zaintzaren Zerbitzuari atxikita:
- Baliabideen Kudeaketarako eta Laguntzarako Bulegoa.
- Ingurumen Kudeaketaren Kalitatearen Bulegoa.
- Ingurumen Hezkuntzaren Bulegoa.
- Administrazio Laguntzako Bulegoa.
m) Ingurumena Zaintzeko Atalari atxikita:
- Bidasoko Koordinazio Unitatea.
- Aezkoa-Kintoko Koordinazio Unitatea.
- Erronkaribar-Zaraitzuko Koordinazio Unitatea.
- Iruñerriko Koordinazio Unitatea.
- Koordinazio Unitate Transbertsala.
- Ingurumenaren Koordinazio Unitate Zentrala.
- Estellerriko 1. Koordinazio Unitatea.
- Estellerriko 2. Koordinazio Unitatea.
- Sakana-Mendialdeko Koordinazio Unitatea.
- Agoizko Koordinazio Unitatea.
- Tafalla-Zangozako Koordinazio Unitatea.
- Tuterako Koordinazio Unitatea.
4. artikulua. Idazkaritza Tekniko Nagusia .
Idazkaritza Tekniko Nagusian honako bulego hauek ezarriko dira:
a) Landa Garapenaren, Nekazaritzaren eta Abeltzaintzaren Araubide Juridikoaren Atalari atxikita:
- NBEUFek eta LGENFek finantzatutako Laguntzen eta Estatuaren Laguntzen Laguntza Juridikoaren Bulegoa.
b) Gai Administratiboak eta Baliabideak Kudeatzeko Atalari atxikita:
- Zerbitzu Orokorren Bulegoa.
c) Langileriaren eta Herritarrei Arreta emateko Atalari atxikita:
- Langileria Bulegoa.
- Herritarren Arretarako Bulegoa.
d) Aurrekontuen Kudeaketarako Atalari atxikita:
- Ekonomia Aferetarako Bulegoa.
- Aurrekontuen Kontrolerako Bulegoa.
e) Informatika Kudeatzeko Atalari atxikita:
- NBEUFen eta LGENFen Laguntzen Kudeaketa Informatikorako Bulegoa.
- Laguntza Mikroinformatikoaren Bulegoa.
- Informazioaren Segurtasunari eta LKSren Areari Laguntzeko Bulegoa.
5. artikulua. Bulegoak kentzea.
Honako hauek kendu dira: Landareen Ekoizpen eta Osasun Atalari atxikitako Ugalketarako Materiala Ziurtatzeko eta Landare Osasuneko Bulegoa eta Nekazaritza Ekologikoari Laguntzeko eta Nekazaritza Sektoreko Zeharkako Ekintzetarako Bulegoa; Uraren Kalitatearen eta Obra Hidraulikoen Atalari atxikitako Uholdeen aurkako eta Ibai Inguruneko Jarduketen Bulegoa; Klima Aldaketaren aurkako Ekintzak Koordinatzeko Atalari atxikitako Klima Aldaketaren Gobernantzaren Bulegoa; Berrikuntzaren eta Europako Proiektuen Atalari atxikitako Toki Agenden eta Lankidetzaren Bulegoa; Ingurumena Zaintzeko Atalari atxikitako Koordinazio Unitate Zentrala: eta Informatika Kudeatzeko Atalari atxikitako Informazioaren Teknologiaren Bulegoa.
II. KAPITULUA. BULEGOEN EGINKIZUNAK
1. ATALA. LANDA GARAPENEKO ZUZENDARITZA NAGUSIA
6. artikulua. Nekazaritzako Ustiategietan Inbertitzeko Laguntzen Bulegoa.
Eginkizun hauek izanen ditu:
a) Informazio eta zabalkunde ekintzak gauzatzea Nafarroako nekazaritzako ustiategietan ekoizpen egiturak sortzeko eta modernizatzeko.
b) Besteak beste, deialdi eta oinarri arautzaileen proposamenak egitea: Nekazaritzako ustiategietan inbertsioak egiteko laguntzak, Nekazaritzako makinak amankomunean erabiltzen dituzten kooperatiben inbertsioetarako laguntzak eta Nekazari gazteak eta/edo berriak lan mundura sartzeko laguntzak, Estatuaren laguntzek deitutakoak (LGNEFk kofinantzatuta edo kofinantzatu gabe) zein Europar Batasunaren beste funts batzuek deitutakoak izan.
c) Aurreko apartatuan adierazitako laguntzen espedienteak kudeatzea eta tramitazio administratiboa egitea.
d) Itsasoko, Arrantzako eta Akuikulturako Europako Funtsarekin batera kofinantzatutako akuikulturarako laguntzak kudeatzea eta tramitatzea.
e) Nekazaritzako Ustiategiak eta Nekazarien Elkarteak Sustatzeko Atalak kudeatutako laguntzak kudeatzeko eta tramitatzeko egin beharrekoak definitzen dituzten prozedura-eskuliburuak egitea.
f) Agintzen zaion beste edozein eginkizun, Atalari esleitutakoen artean.
7. artikulua. Nekazaritzako Elkarteen eta Koordinazioaren Bulegoa.
Eginkizun hauek izanen ditu:
a) Laguntzak eta beste ekintza batzuk kudeatzea kooperatibismoa, asoziazionismoa eta landa-eremuko, nekazaritzako eta elikagaien arloko erakundeak sustatzeko, arreta berezia emanik emakumeei eta gazteei.
b) Nekazaritzako Ustiategiak eta Nekazarien Elkarteak Sustatzeko Atalak kudeatutako laguntzetan, laguntzak kontrolatzeko planak sortzea eta eskaeretan laguntza ordaindu aurretik aplikatzen ahal diren kontrolak definitzea.
c) Kalkulatutako laguntzen zenbatekoak ordaindu aurreko administrazio berrikuspena egitea, eta dagokion funtsaren espezifikotasunak eskatzen dituzten espedienteei lotutako dokumentazioa prestatzea eta tramitatzea, Europako funtsekin kofinantzatutako laguntzen kasuan.
d) Nekazaritzako Ustiategietan Inbertsioak egiteko Laguntzen Bulegoak kudeatutako laguntzak lekuan bertan eta ondoren kontrolatzea.
e) Nekazaritzako Ustiategiak eta Nekazarien Elkarteak Sustatzeko Atalak tramitatutako laguntzak kudeatzeko aplikazioen garapena koordinatzea.
f) NPEPEren, LGPren, IAAEFren eta SEMaren esparruan atalak kudeatutako laguntzetan eskatzen diren informaziorako baldintzak koordinatzea eta horien jarraipena egitea, eta adierazleak eta txostenak sortzea.
g) Agintzen zaion beste edozein eginkizun, Atalari esleitutakoen artean.
8. artikulua. Nekazaritzako Elikagaien Kalitate Kontrolaren Bulegoa.
Eginkizun hauek izanen ditu:
a) Nekazaritzako elikagaiak merkaturatzeko erregelamenduzko xedapenak betetzen ote diren ikuskatu, kontrolatu eta egiaztatzea.
b) Elikagaien Katearen Kontrol Ofizialerako Programa Nazionalarekin lotutako eginkizunak betetzea, elikagaien merkataritza-kalitatearen esparruan, eta Nekazaritza, Arrantza eta Elikadura Ministerioarekin zein beste autonomia erkidego batzuekin koordinatzea.
c) Artikulu honek eta lotutakoek aipatzen dituzten gaietako zehapen-espedienteak ireki eta ebazten laguntzea.
d) SIMO/REMOA olioaren merkatuaren erregistroa kudeatzea.
e) Agintzen zaion beste edozein eginkizun, Atalari esleitutakoen artean.
9. artikulua. Nekazaritza Ekologikoa eta Kalitate Bereiztua Sustatzeko Bulegoa.
Eginkizun hauek izanen ditu:
a) Nekazaritzako ekoizpen jasangarriko sistemak sustatzea, bultzatzea eta zabaltzea, batez ere nekazaritza ekologikoari, ekoizpen integratuari eta ekoizpen jasangarri eta kalitate bereiztuari dagokionez.
b) Nafarroako ekoizpen ekologikoa sustatzen eta babesten diharduten eragile teknikoen jarduerak koordinatzea.
c) Ekoizpen ekologikoa aukeratzen duten nekazariei eta abeltzainei informazioa ematea, Departamentuan edo beste erakunde batzuetan ekoizpen eredu hori ezartzeko zer prozedura, betekizun eta zerbitzu dauden jakin dezaten.
d) Nafarroako Nekazaritzako Produkzio Ekologikoaren Kontseiluaren bileretan departamentu honek duen ordezkaritzan parte hartzea.
e) Nekazaritzako ekoizpen ekologikoari buruzko txosten estatistikoak egitea eta intereseko informazio teknikoa sektorearen eskura jartzea.
f) Estatuan edo autonomia erkidegoan nekazaritza ekologikoaren edo ekoizpen bereiztuaren arloan nekazaritza sektoreari laguntzeko neurrien prospektiba.
g) Kalitate bereiztuko figurak (JDB, AGB, BET) inskribatzeko espedienteak tramitatzea Europar Batasuneko erregistro ofizialetan eta aldaketa espedienteetan.
h) Nekazaritza, Arrantza eta Elikadura Ministerioarekin eta beste autonomia erkidego batzuekin koordinatzea, jatorri geografikoarekin lotutako kalitate berezituko Kontrol Ofizialeko Plan Nazionala gauzatzeko, merkaturatu aurretik, baita ekoizpen ekologikoari buruzko programa gauzatzeko ere.
i) Nafarroako kalitate bereiztuko figurak kudeatzeko organoei laguntzea baldintza-agiriak egiten, tramitatzen eta aldatzen.
j) Kalitate bereiztuko figurei laguntza teknikoa ematea: JDB, AGB, BET, Nekazaritzako Elikagaien Artisautza, baimen-baldintzak... baldintza-agiriak egin, tramitatu, aldatu eta aplikatzeko esparruan.
k) Deialdi eta oinarri arautzaileen proposamenak egitea, eta kalitate bereiztuko ikurrekin babestutako nekazaritzako elikagaien, produktu ekologikoen edo nekazaritzako elikagaien artisautzako produktuen sustapen eta publizitatera bideratutako laguntzak kudeatzea, estatu-laguntza gisa ezarriak edo LGENFek edo Europako beste funts batzuek kofinantzatuak, bai eta kontrol eta ziurtapen prozesuetarako laguntzak ere.
l) Nekazaritzako elikagaien eskulangintzako enpresen erregistro ofiziala kudeatzea.
m) Departamentuak ezartzen dituen kalitate figuren kontseilu arauemaileetan Departamentuaren izenean parte hartzea.
n) Nekazaritzako elikagaien ziurtapen eta kontrolerako entitateak erregistratzea eta baimenak tramitatzea Nafarroako Foru Komunitatean.
ñ) Nekazaritzako elikagaien kalitateko produktuak sustatzeko eta kalitate bereiztuko figuren eremuan kontrolatzeko eta ziurtatzeko ekintzak zuzenean gauzatzea eta/edo INTIArekin koordinatzea.
o) Agintzen zaion beste edozein eginkizun, Atalari esleitutakoen artean.
10. artikulua. Elikakatearen Bulegoa.
Eginkizun hauek izanen ditu:
a) Kontrola eta koordinazioa egitea Elikakatearen Funtzionamendua Hobetzeko Neurriei buruzko abuztuaren 2ko 12/2013 Legearen aplikazioan Nafarroan.
b) 12/2013 Legeari dagozkion zehapen-espedienteak instruitzen eta ebazten laguntzea.
c) Elikakatearen Behatokia garatzea eta kudeatzea.
d) Nekazaritzako merkaturatze-katea berrorekatzeko ekintzak egitea eta laguntzak tramitatzea, nekazaritzako ekoizleen posizioa indartuz.
e) Merkaturatzeko bide laburrak sustatzea eta zabaltzea, eta operadoreen erregistroa kudeatzea, Nekazaritzako Elikagaiak Merkaturatzeko Kanal Laburrei buruzko martxoaren 9ko 5/2023 Foru Legearekin bat etorriz.
f) Merkaturatzeko bide laburreko eta zuzeneko salmentako ekoizle elkarteak sortzeko eta garatzeko laguntzak kudeatzea, bereziki ekoizpen ekologikoari bideratutakoei dagokienez.
g) Merkaturatzeko bide laburreko eta zuzeneko salmenta hedatzeko eta zabaltzeko laguntzak, eta sasoiko, hurbileko eta kalitateko produktuen erosketa publikoa babestea.
h) Merkaturatzeari buruzko informazio eta antolaketa sistemak garatzea.
i) Agintzen zaion beste edozein eginkizun, Atalari esleitutakoen artean.
11. artikulua. Mahastizaintzako Bulegoa.
Eginkizun hauek izanen ditu:
a) Mahastizaintza arloko esperimentazioa garatzea eta koordinatzea, eta finka esperimentalak kudeatzea.
b) Mahastizaintzaren sektorera egungo teknologia eta ezagutza transferitzea, eta teknikariei mahastizaintzaren inguruan aholku ematea.
c) Mahatsondoen barietateak bildu, identifikatu eta karakterizatzea, baita mahatsondoen barietateen erregistroa koordinatzea, barietateen hautespen klonala eta ekoizle-hautatzailearen kategorian klonak egiaztatzea ere.
d) Nafarroako mahatsondoen laborantzaren analisi tekniko-ekonomikoak egitea, Nafarroako mahastizaintza ekoizpenaren neurketa eta sektoreari buruzko beste txosten ofizial batzuk egitea, ziklo begetatiboan zehar mahastiaren asteko egoera fenologikoen taula egitea, heltzea kontrolatzea eta mahats-bilketaren inguruko gomendioak, Departamentuaren webgunean argitaratzeko.
e) Mahatsondoen izurriteak jakinarazteko estazio-sarea mantendu eta koordinatzea, eta mahatsondoen gaixotasunak aurreikusteko ereduak ezarri eta sustatzea.
f) Bekadunen eta praktiketako ikasleen prestakuntza koordinatzea.
g) Agintzen zaion beste edozein eginkizun, Atalari esleitutakoen artean.
12. artikulua. Enologia Bulegoa.
Eginkizun hauek izanen ditu:
a) Nafarroako Mahastizaintza eta Enologia Zentroaren Upeltegi Esperimentala kudeatzea, barne hartuta Nafarroako Gobernuko "EVENA" eta "Palacio de Navarra - Nafarroako Jauregia" markekin ardo instituzionalak egitea, botilatzea, etiketatzea eta banatzea.
b) Enologiaren arloko esperimentazio eta ikerketa proiektuak martxan jartzea edo horietan parte hartzea, bereziki Atalak parte hartzen duen mahastizaintza eta ardogintzako esperientzietako eta proiektuetako ardoen tratamendu, ardogintza eta botilatzeak gauzatzea eta kontrolatzea.
c) Esperimentazioaren ondoriozko transferentzia teknologikoa sektorera egitea eta prestakuntza egitea, argitalpenen, jardunaldi teknikoen edo dastatzeak antolatzearen bidez.
d) Bekadunen eta praktiketako ikasleen prestakuntza koordinatzea.
e) Ardoen eta mahastizaintzako eta ardogintzako produktuen mugimendua kontrolatzeko erregistro-liburu ofizialak eta dokumentu osagarriak kudeatzea.
f) Laginak biltzea eta muztioak eta ardoak egitea ardoen datu-banku isotopikorako.
g) Erriberriko Enozentruma (Nafarroako Mahastizaintza eta Ardogintza Kulturaren Zentroa) kudeatzea, eta Nafarroako mahastizaintza eta ardogintzako produktuak sustatzeko ekintzak garatzea.
h) Mahastizaintzaren eta enologiaren arloetako ekintzailetza eta berrikuntza sustatzeko laguntzak kudeatzea.
i) Agintzen zaion beste edozein eginkizun, Atalari esleitutakoen artean.
13. artikulua. NBEUFLGENF Funtsen Kontabilitate Bulegoa.
Eginkizun hauek izanen ditu:
a) Ordainketen eta "gastu negatiboen" kontabilitatea, Europar Batasuneko araudiaren eremuan bakarrik.
b) Nekazaritza Bermatzeko Espainiako Funtsa izeneko koordinazio erakundeari aldian behin bidaltzea gastuen finantza-programazioa, aurrefinantzaketa nazionalerako eskaera eta NBEUFen eta LGENFen berariazko kontuen diruzaintza-egoera.
c) Nekazaritza Bermatzeko Espainiako Funtsa izeneko koordinazio erakundeari behar den informazioa bidaltzea, epeen barnean eta Europar Batasuneko xedapenetan aurreikusitako moduan, honako hauei buruz: NBEUF eta LGENF funtsen kargurako egindako gastu kontabilizatuak eta aurreikuspenekiko izandako desbideratzeak.
d) Behar diren agiri zehatzak prestatzea NBEUF eta LGENF funtsen urteko likidaziorako.
e) NBEUF eta LGENF funtsen zordunen segimendua eta behar diren erregistro informatikoak mantentzea.
f) Erakunde ordaintzailearen aurrerakinen eta bermeen jarraipena.
g) Agintzen zaion beste edozein eginkizun, Atalari esleitutakoen artean.
14. artikulua. NBEUFen eta LGENFen Ordainketak Burutzeko Bulegoa.
Eginkizun hauek izanen ditu:
a) Aurrefinantzaketa nazionala eskatzeaz arduratzen den unitateari jakinaraztea zein diren epe bakoitzean egin beharreko ordainketak.
b) Itzuli gabe dauden eta NBEUFen eta LGENFen eta baldintzazkotasunaren zordunei dagozkien diru kopuruak atxikitzea, baimen-unitateek egindako ordainketa proposamenetan oinarriturik.
c) Behar diren dokumentazioa eta euskarri magnetikoak prestatzea eta unitate egokira bidaltzea, ordainketarako proposatutako titularrei (edo haien lagapen-hartzaileei) ordainketak burutzeko, edo, LGENFren kasuan, Europar Batasunak Nafarroako Foru Komunitateko aurrekontua kofinantzatzeko.
d) NBEUFen eta LGENFen kargura onuradunei egindako ordainketen erregistro informatikoak prestatzea eta Nekazaritza Bermatzeko Espainiako Funtsa izeneko koordinazio erakundeari komunikatzea.
e) Agintzen zaion beste edozein eginkizun, Atalari esleitutakoen artean.
15. artikulua. Kudeaketa eta Kontrol Sistema Integratuko Ikuskapenen Bulegoa.
Eginkizun hauek izanen ditu:
a) Nekazaritzako ustiategien kontrolak antolatzea, koordinatzea eta gauzatzea, administratiboak izan ezik: lurraldeari dagozkion kontrola, dokumentuei buruzko kontrolak, monitorizatu ezin diren baldintzei buruzko kontrolak... eta kontroleko dagozkion txostenak egitea eta bidaltzea. Salbuespen izanen dira administrazio txostenak, zeinak beharrezkoak baitira kudeaketa eta kontrol sistema integratuan oinarritutako NBEUFek eta LGENFek ematen dituzten laguntzak tramitatzeko.
b) Agintzen zaion beste edozein eginkizun, Atalari esleitutakoen artean.
16. artikulua. Baldintzen eta Kudeaketa eta Kontrol Sistema Integratutik kanpoko NBEUFko Ikuskapenen Bulegoa.
Eginkizun hauek izanen ditu:
a) Ikuskapen eta kontrolak antolatu, kontrolatu eta egitea, beharrezkoak direnak kudeaketa eta kontrol sistema integratuan sartu gabeko NBEUFen kargurako laguntzak tramitatzeko.
b) Baldintzazkotasunari buruzko araudia betearazteko kontrolak antolatu, koordinatu eta egitea.
c) Agintzen zaion beste edozein eginkizun, Atalari esleitutakoen artean.
17. artikulua. Nekazaritzako Informazio Sistemen Bulegoa.
Eginkizun hauek izanen ditu:
a) Nekazaritzako Lurzatien Informazio Geografikorako Sistema (SIGPAC) kudeatzea, mantentzea eta zabaltzea.
b) Nekazaritzako Lurzatien Informazio Geografikorako Sistema (SIGPAC) beste erregistro publiko batzuekin koordinatzea.
c) Nafarroako Lurraldeari buruzko Informazio Sisteman parte hartzea.
d) Agintzen zaion beste edozein eginkizun, Atalari esleitutakoen artean.
18. artikulua. Landa Dibertsifikaziorako LGENF Laguntzen Bulegoa.
Eginkizun hauek izanen ditu:
a) Oinarri arautzaileak prestatzea, jarraipena egitea eta betearaztea Landa Dibertsifikaziorako Atalak kudeatutako LGENF laguntza lerroetatik honako gai hauei buruzkoak:
1. Landa eremuetan nekazaritzakoak ez diren jardueretarako enpresak sortzeko eta horietan inbertitzeko laguntzak.
2. Landa Kooperaziorako eta Berrikuntzarako laguntzak.
3. Tokiko garapen parte-hartzailerako (LEADER) laguntzak kudeatzea tokiko ekintza taldeen bidez:
- Prestatzeko laguntza.
- Eragiketen inplementazioa, Tokiko Garapen Parte-hartzailearen Estrategiari jarraituz.
- Lankidetza jarduerak.
- Funtzionamendu eta animazio kostuak.
4. Nekazaritzako ustiategiei aholku emateko laguntza kudeatzea.
5. Atalari esleitzen zaion beste edozein.
b) Prestatzea prozedura eskuliburuak eta laguntzak kontrolatzeko planak.
c) Ataleko programetarako laguntzen oinarri arautzaileak egitea eta gauzatzea, eta laguntza horien jarraipena egitea.
d) Atalean tramitatutako espedienteak ikuskatzea eta horien kontrol administratiboa egitea.
e) Nafarroako NBEUF-LGENF laguntzak ordaintzen dituen erakundeak eskatutako estatistikak prestatzea eta jarraipena egitea.
f) Tramitatzea inplementatutako laguntzen gainean eragina duten beste lan eta azterlan batzuk.
g) Hierarkiako goreneko organoek programa inplementatuei buruz agintzen dizkioten guztiak.
2. ATALA. NEKAZARITZA ETA ABELTZAINTZA ZUZENDARITZA NAGUSIA
19. artikulua. Landare Osasuneko Bulegoa.
Eginkizun hauek izanen ditu:
a) Landare osasunaren kontrol ofizialerako programa gauzatzea.
b) Baimena ematea pasaporte fitosanitarioa emateko.
c) Esportatzeko landareen eta landare produktuen ziurtapen fitosanitarioa.
d) Berrogeialdirako estazioak eta konfinamendurako instalazioak baimendu eta kontrolatzea.
e) Landare ekoizpenari dagozkion xedapen fitosanitarioak betetzen ote diren begiratzea.
f) Nekazaritza laboreen izurriteak eta gaixotasunak prebenitzea eta haien aurka borrokatzea, INTIAren abisu estazioarekin koordinatuta.
g) Nekazaritza arloko esperimentazioa eta ikerketa sustatzea.
h) Nekazaritza arloko esperimentazioaren gaineko prestakuntza eta horren emaitzen transferentzia.
i) INTIAren (Nekazaritzako Industrien Teknologien eta Azpiegituren Institutua) bidez esperimentazioaren, ikerketaren eta aholkularitzaren arloan gauzatutako jarduketetarako finantza-babesa kudeatzea.
j) Zehapen-espedienteak instruitzen eta ebazten laguntzea, artikulu honetan aipatzen diren gaietan.
k) Agintzen zaion beste edozein eginkizun, Zerbitzuari esleitutakoen artean.
20. artikulua. Landare Kontrol eta Ziurtapen Bulegoa.
Eginkizun hauek izanen ditu:
a) Haziak eta mintegiko landareak kontrolatu eta ziurtatzea.
b) Ugalketarako Landare Materialen ekoizleak baimentzeko proposatzea.
c) Landareen Operadore Profesionalen Erregistroa (ROPVEG) kudeatzea.
d) Hazi lote prezintatuen kontrol aurreko eta ondoko saiakuntzak koordinatzea, baita Nafarroan egiten diren balio agronomikoko saiakuntzak ere.
e) Elikagaiak eta pentsuak ekoizteko genetikoki eraldatutako organismoak (GEO) borondatez askatzeko kontrol ofizialeko programa gauzatzea.
f) Merkataritza Barietateen Erregistroan barietateak inskribatzeko eskaerak tramitatzea.
g) Ugalketarako basogintzako materialen eredu ziurtagiriak igortzea.
h) Landareen aldakortasun genetikoaren kontserbazioa, berreskurapena eta erabilera sustatzea, eta elikadurarako eta nekazaritzarako baliabide fitogenetikoen eskuragarritasunari buruzko Batzorde Nazionalean parte hartzea.
i) Nafarroako Ekoizpen Integratua nekazaritza arloan kontrolatzeko eta ziurtatzeko sistema koordinatzea.
j) Zehapen-espedienteak instruitzen eta ebazten laguntzea, artikulu honetan aipatzen diren gaietan.
k) Agintzen zaion beste edozein eginkizun, Zerbitzuari esleitutakoen artean.
21. artikulua. Nekazaritzako Ekoizpen Baliabideen eta Jasangarritasunaren Bulegoa.
Eginkizun hauek izanen ditu:
a) Nekazaritzako ekoizpen primarioaren higienearen eta produktu fitosanitarioen erabileraren kontrol ofizialeko programa gauzatzea.
b) Nekazaritzako ekoizpen primarioko higiene-jardunbide egokiak sustatzea.
c) Produktu fitosanitarioen merkaturatzearen kontrol ofizialerako programa gauzatzea.
d) Gai fitosanitarioen erabilera jasangarriari buruzko zuzentaraua Nafarroako Foru Komunitatean ezartzea.
e) Beharrezkotzat jotzen den laboreetan produktu fitosanitarioak erabiltzeko ezohiko baimena proposatzea.
f) Defentsa fitosanitarioko bitartekoen ekoizleen eta operadoreen erregistro ofiziala kudeatzea eta produktu fitosanitarioen erabilerari buruzko prestakuntza ikastaroak koordinatzea.
g) Nekazaritzako ustiategien koaderno digitala kontrolatzea, bai eta merkataritzako koaderno digitalekiko eta SIEX plataformarekiko interrelazioa ere.
h) Ongarrien, araztegiko lohien eta mantenugaiak ematen dituzten edo nekazaritzako lurraren baldintzak hobetzen dituzten beste material batzuen hornidura eta erabilera kontrolatzea eta horien jarraipena egitea.
i) Ongarrien fabrikatzaileen eta beste eragile ekonomiko batzuen erregistro orokorra (REGFER) kudeatzea.
j) Baldintzazkotasun indartuko kontrolak egitea fitoosasunaren, elikagaien segurtasunaren eta ongarritze jasangarriaren esparruan.
k) Nekazaritzako ekoizpen jasangarriaren sistemak sustatzea.
l) Laguntzak kudeatzea nekazaritzako ekoizpenetan izandako kalteetarako, kalte horiek eragiten dituztenean hondamendi naturalen parekoak diren baldintza klimatologiko kaltegarriek.
m) Zehapen-espedienteak instruitzen eta ebazten laguntzea, artikulu honetan aipatzen diren gaietan.
n) Agintzen zaion beste edozein eginkizun, Atalari esleitutakoen artean.
22. artikulua. Merkatuen Erregulazioaren eta Berariazko Laguntzen Bulegoa.
Eginkizun hauek izanen ditu:
a) Fruta eta barazki ekoizleen elkarteak eta nekazarien elkarteak aitortzea.
b) Fruta eta barazki ekoizleen erakundeei eta nekazaritzako ekoizleen elkarteentzako laguntzak tramitatzea eta kudeatzea.
c) Fruta eta barazki sektorearentzako salbuespenezko neurriak tramitatzea eta kudeatzea.
d) Ikastetxeetan ikasleei esnea eta zenbait esneki emateko laguntzak tramitatzea eta kudeatzea.
e) Erlezaintzako produktuen ekoizpena eta merkaturatzea hobetzeko jarduerak sustatzeko laguntzak tramitatzea eta kudeatzea.
f) Ikastetxeetan fruta eta barazkiak banatzeko laguntzak tramitatzea eta kudeatzea.
g) Zerealen eta arrozaren, behi-haragiaren, gurinaren eta esnekien erosketa eta esku-hartzeen ingurukoak, eta merkatuak arautzeko bestelako neurri batzuk.
h) Txerrikiaren biltegiratze pribaturako laguntzak.
i) Oliba olioaren biltegiratze pribaturako laguntzak.
j) Merkatuko krisien prebentzioaren eta kudeaketaren arloko jarduketak.
k) Agintzen zaion beste edozein eginkizun, Atalari esleitutakoen artean.
23. artikulua. Mahastizaintza eta Ardogintza Sektoreari Laguntzeko Bulegoa.
Eginkizun hauek izanen ditu:
a) Mahastizaintza eta Ardogintza Sektorerako Laguntza Programa onesteko eta gero aldaketetarako behar den informazioa kudeatzea eta tramitatzea.
b) Ardoa hirugarren herrialdeetan sustatzeko planak eta horien aldaketak onestea.
c) Ardoa hirugarren herrialdeetan sustatzeko laguntzak tramitatzea eta kudeatzea.
d) Ardoa hirugarren herrialdeetan sustatzeko laguntzen kontrolak tokian bertan egitea.
e) Mahastia berregituratzeko eta birmoldatzeko laguntzak tramitatzea eta kudeatzea.
f) Mahastizaintza eta ardogintzako azpiproduktuen destilaziorako laguntzak tramitatzea eta kudeatzea.
g) Mahastizaintza eta ardogintzaren sektorean inbertitzeko laguntzak tramitatzea eta kudeatzea.
h) Mahastizaintza eta ardogintzaren sektorean berrikuntzak egiteko laguntzak tramitatzea eta kudeatzea.
i) Mahastizaintza eta ardogintzaren sektorean uzta berde biltzeko laguntza tramitatzea eta kudeatzea.
j) Ekoizleek eta biltegiratzaileek Mahastizaintza eta Ardogintza Arloko Eragileen Erregistro Orokorrean (REOVI) inskribatzeko, aldaketak egiteko eta baja hartzeko tramiteak.
k) Mahastizaintza eta ardogintzako produkzio deklarazioak kontrolatzea.
l) Mahastizaintza eta ardogintzako uztari buruzko deklarazioak kontrolatzea.
m) Mahastizaintza eta ardogintzako izakinei buruzko deklarazioak kontrolatzea.
n) Legez kanpoko mahastietako produkzioen destinoari buruzko deklarazioak kontrolatzea, mahastizaintza eta ardogintza arlokoa.
ñ) Agintzen zaion beste edozein eginkizun, Atalari esleitutakoen artean.
24. artikulua. Azaleraren araberako Zuzeneko Laguntzen Bulegoa.
Eginkizun hauek izanen ditu:
a) NBEUFek finantzatutako azaleraren araberako zuzeneko laguntzen eskaera bakarra aurkezteko eta erregistratzeko prozesuak koordinatzea, baita eskaera bakarra aldatzeko eskaerak, eskaera bakarrari egindako alegazioak eta herri-larreen aitorpenak ere.
b) Nafarroako Nekazaritza Ustiategien Erregistro Autonomikoa Laguntzen Kudeaketa Sisteman (LKS) eta Nekazaritza, Abeltzaintza eta Nekazaritza Ekoizpenaren Informazio Sistema (SIEX) konfiguratzeko prozesuak koordinatzea. Halaber, Nafarroako Ustiategien Erregistroan inskripzio eskaerak eta erregistroaren eguneraketa kudeatzea.
c) Urbasa eta Andia mendilerroetako bazka-azaleren banaketa kudeatzea.
d) Nafarroako errentarako oinarrizko laguntza eskubideen esleipena koordinatzea, Nekazaritza Politika Erkidearen jasangarritasunerako oinarrizko errentarako laguntza eskubideei buruzko abenduaren 27ko 1045/2022 Errege Dekretuaren arabera.
e) Jasangarritasunerako errentarako oinarrizko laguntza eskubideei dagozkien lagapenak eta erreserba nazionala kudeatzea eta tramitatzea.
f) NBEUFek finantzatutako azaleren araberako zuzeneko laguntza ildo hauen eskaeren kontrol administratiboa, abenduaren 27ko 1048/2022 Errege Dekretuan jasotakoa:
I. Errentaren Oinarrizko Laguntza, jasangarritasunerako.
II. Errentaren laguntza birbanatzaile osagarria, jasangarritasunerako.
III. Nekazari gazteentzako errentarako laguntza osagarria.
IV. Azaleraren araberako klimaren, ingurumenaren eta animalien ongizatearen aldeko erregimenak.
V. Azaleraren araberako labore-errentarako laguntza.
g) Azaleraren araberako zuzeneko laguntzak ordaintzeko proposamenak.
h) Txostenak egitea Nekazaritza Bermatzeko Espainiako Funtsarekin informazioa trukatzeko, baita gainerako erakunde ordaintzaileekin ere, azalaren araberako zuzeneko laguntzen kudeaketarekin lotutako eginkizunetan.
i) Laguntzen eskaera bakarrari dagozkion datu-baseetako informazioaren lagapena kudeatzea.
j) Agintzen zaion beste edozein eginkizun, Atalari esleitutakoen artean.
25. artikulua. Nekazaritzako Ingurumen arloko eta Landa Ingurunea Hobetzeko Laguntzen Bulegoa.
Eginkizun hauek izanen ditu:
a) Laguntzen eskaera bakarra aurkeztu eta erregistratzeko prozesuak koordinatzea eta ereduak prestatzea. Eskaera hori Nafarroako Landa Garapeneko Programako Kudeaketa eta Kontroleko Sistema Integratuaren laguntzetarako da, baita NPEPE 2023-2027 planeko zenbait esku-hartzeri dagozkion ingurumen eta klima arloko konpromisoetarako eta kudeaketarako beste hainbat konpromisotarako landa garapenerako laguntzetarako ere .
b) Ondorengo laguntza lerroetarako eskaeren administrazio kontrola.
- Landa Garapenerako 2014-2020 Programako Europako Parlamentuaren eta Kontseiluaren 1305/2013 (EB) Erregelamenduak landa garapenerako jasotzen dituen laguntzei dagokienez:
I. Nafarroako mendialdeko eskualdeetarako eta naturak mugatuetarako konpentsazio laguntza, eta laguntza iragankorra, Europako Parlamentuaren eta Kontseiluaren 2013ko abenduaren 17ko 1305/2013 (EB) Erregelamenduaren 31.5 artikuluan xedatutakoaren arabera.
II. Nekazaritza ekologikorako laguntza.
III. Hazitarako patataren ingurumen-nekazaritzako ekoizpenerako laguntza.
IV. Galzorian dauden arrazak gorde eta sustatzeko laguntza.
V. Karbonoa atzemateko laguntza, Nafarroako lehorreko lur erdiaridoetan.
VI. Landa garapenerako laguntzak lortzeko eskaera, beste autonomia erkidego batzuetan onetsitako programen esparruan.
- NPEPE 2023-2027 planak barne hartutako eskualdeko esku-hartzeetarako laguntzei dagokienez:
VII. Biodibertsitaterako erlezaintza.
VIII. Animalien ongizatea hegazti-hazkuntzarako.
IX. Hazitarako patataren ingurumen-nekazaritzako ekoizpena.
X. Agrosistema mediterraneo jasangarriak.
XI. Nafarroako bertako arrazak.
XII. Nekazaritza ekologikoa.
XIII. Balio natural handiko sega-belardiak.
XIV. Estepa-hegaztientzako lugorriak.
XV. Abeltzaintza estentsiboa eta haragijale handiak batera izatea.
XVI. Abeltzaintza sistema jasangarriak .
c) Nafarroako Landa Garapenerako Programaren kontrol eta kudeaketa sistema integratuaren laguntzen eta 2023-2027ko NPEPEan sartutako eskualdeko esku-hartzeen ordainketa proposamenak.
d) NBEFrekin eta gainerako erakunde ordaintzaileekin informazioa trukatzeko behar diren txostenak egitea, Nafarroako Landa Garapenerako Programaren kontrol eta kudeaketa sistema integratuaren laguntzen kudeaketarekin eta 2023-2027ko NPEPEan sartutako eskualdeko esku-hartzeekin lotutako funtzioetan.
e) Agintzen zaion beste edozein eginkizun, Atalari esleitutakoen artean.
26. artikulua. Abeltzaintzarako Laguntzen Bulegoa.
Eginkizun hauek izanen ditu:
a) Laguntzak aurkezteko eta erregistratzeko prozesuak koordinatzea eta ereduak prestatzea, NBEUFen finantzatutako abeltzainentzako zuzeneko laguntza lotuei dagokienez.
b) Beste laguntza batzuetan, abeltzaintzarekin lotura duen kontrola, eta abeltzainentzako zuzeneko laguntza lotu hauetan -NBEUFekin finantzatuak-, kontrol administratiboa:
I. Klimaren, ingurumenaren eta abeltzaintzako ustiategietarako animalien ongizatearen aldeko erregimenak.
II. Abeltzaintzako ustiategiei lotutako errentarako laguntza.
c) Abeltzainentzako zuzeneko laguntza lotuak ordaintzeko proposamenak.
d) Txostenak egitea Nekazaritza Bermatzeko Espainiako Funtsarekin informazioa trukatzeko, baita gainerako erakunde ordaintzaileekin ere, abeltzainentzako zuzeneko laguntza lotuen kudeaketarekin lotutako eginkizunetan.
e) Agintzen zaion beste edozein eginkizun, Atalari esleitutakoen artean.
27. artikulua. Abeltzaintzaren Garapenerako Bulegoa.
Eginkizun hauek izanen ditu:
a) Abeltzaintzako ustiategien eta gune zoologikoen erregistroa kudeatzea .
b) Indarra duen araudia aplikatzea abereak identifikatzeko eta haien SITRAN erregistroa (REGA, REMO, RIIA) eta abeltzaintzako zentsuak mantendu eta eguneratzeko.
c) Esnekien arloko deklarazioak kudeatzea.
d) Abeltzaintzako ustiategietan esnearen kalitate higienikoaren kontrolak egitea.
e) Esnearen kontrola eta esnearen entregen adierazpena gainbegiratzea .
f) Abeltzain elkarteentzako laguntzak sustatzea eta kudeatzea.
g) Abeltzaintzarako estatu laguntzak sustatzea eta kudeatzea.
h) Abeltzaintza integratua sustatzea.
i) Hiltegietan kanalak sailkatzeari lotutako jarduerak kudeatzea.
j) Abeltzaintzako lehiaketa eskaerak tramitatzea eta kudeatzea.
k) Abere ekoizpenaren arloan ezartzen zaizkion gainerako eginkizunak.
28. artikulua. Epizootiologia Bulegoa.
Eginkizun hauek izanen ditu:
a) Abereak eta ustiategiak kontrolatzea eta zaintzea, epizootiak atzemateko.
b) Europar Batasunaren edota gure foru komunitatearen interesekoak deklaratutako gaixotasunak zaindu, kontrolatu eta ezabatzeko programak planifikatu, antolatu, zuzendu, gauzatu eta ebaluatzea.
c) Abeltzaintzako Laborategiarekin koordinaturik aritzea, abere osasunerako kanpainetako analisi ofizialak egiteko eta abere osasunaren arloko gainerako determinazioak betetzeko.
d) Abeltzaintzaren saneamenduko kanpainak egiteko ezartzen diren kalte-ordainak kudeatzea.
e) Osasun defentsarako elkartearen osasun programa kontrolatzea.
f) Agente ziurtatzaileen erregistroa.
g) Abereen garraioan nahitaezkoak diren neurri zoosanitarioak kontrolatzea.
h) Abereen osasuna eta ustiategien segurtasun biologikoa garatu eta hobetu daitezen sustatzea.
i) Erakunde publikoei beharrezko informazioa ematea, abereen osasuna koordinatzeko.
j) Abere osasunaren arloan ezartzen zaizkion gainerako eginkizunak.
29. artikulua. Lagun Egiteko Animalien Bulegoa.
Eginkizun hauek izanen ditu:
a) Lagun egiteko animaliak Nafarroan babesteari buruzko 19/2019 Foru Legean jasotako jarduerak erregelamendu bidez garatzea, tramitatzea, betearaztea eta kontrolatzea.
b) Lagun Egiteko Animalien Nafarroako Erregistroa kudeatzea.
c) Kudeatzea entitate kolaboratzaileen erregistroa eta arau hausleen erregistroa.
d) Lagun egiteko animalien osasun arloa kontrolatzea eta zaintzea.
e) Gainbegiratzea eta kontrolatzea Nafarroako Gobernuko Animaliak Babesteko Zentroa.
f) Harremana izatea animaliak babesteko elkarteekin eta entitate kolaboratzaileak aitortzea.
g) Gainbegiratzea lagun egiteko animalien zentroak eta katu koloniak.
h) Txostenak, prozedurak eta azterlanak egitea, eta gainbegiratzea animaliak jasotzeko, zaintzeko, adoptatzeko, konfiskatzeko eta hiltzeko protokoloak.
i) Kudeatzea animaliak babes daitezen bultzatzeko laguntzak.
j) Babesa ematea udalek eta segurtasun indarrek egindako kontrolei.
k) Esleitutako gaiei buruzko txostenak, prozedurak eta azterlanak egitea.
l) Agindu zaizkion zereginak erregistratzea eta artxibatzea.
m) Abere ekoizpenaren arloan ezartzen zaizkion gainerako eginkizunak.
30. artikulua. Elikagaien Segurtasuneko Bulegoa.
Eginkizun hauek izanen ditu:
a) Animalientzako medikamentuekin lotutako establezimenduak erregistratzea.
b) Animalientzako medikamentuak kontrolatzea.
c) Produktu zoosanitarioen banatzaileak erregistratzea eta kontrolatzea.
d) Abeltzaintzaren arloan hondakinak ikertzeko plan nazionala (PNIR) garatzea.
e) Animalien elikaduraren sektoreko establezimenduak erregistratzea.
f) Animalien elikadura kontrolatzea.
g) Aurrekoen osagarri diren eginkizunak, edo elikaduren segurtasunari loturik agintzen zaizkionak.
31. artikulua. Landare Biologiaren Laborategiaren Bulegoa.
Eginkizun hauek izanen ditu:
a) Landareen gaitzak atzemateko analisiak egitea.
b) Hazien analisi ofizialak, ziurtapenak egiteko.
c) Genetikoki aldatutako organismoak antzeman eta kuantifikatzea.
d) Analisi ofizialak bermatzeko behar diren akreditazioak lortzea eta mantentzea.
e) Nafarroako Gobernuko departamentuei eta sozietate publikoei laguntza ematea fitopatologian, hazien ziurtapenean eta genetikoki eraldatutako organismoetan.
f) Nekazaritzako Elikagaien Laborategiaren Atalari esleitutako eskumenen barnean ematen zaizkion gainerakoak.
32. artikulua. Enologia eta Olio Laborategiaren Bulegoa.
Eginkizun hauek izanen ditu:
a) Ardoei eta edari destilatuei analisi fisiko-kimiko ofizialak egitea, Nafarroa, Errioxa eta Nafarroako Patxarana jatorrizko deituretarako.
b) Mahastizaintzako eta ardogintzako produktuen analisia, mahastizaintzaren arloko eta mahastizaintza eta ardogintzaren sustapen arloko ikerketa eta esperimentazio proiektuetan, baita Mahastizaintza eta Enologia Atalaren erakunde-upeltegiko ardo prestaketan ere.
c) Analisi fisiko-kimikoak eta mikrobiologikoak egitea ardoei eta mahastizaintza eta ardogintzako produktuei, elikagaien segurtasunerako kontrol ofizialean.
d) Mahastizaintzaren eta ardogintzaren sektoreko analisi ofizialak egitea eta ziurtagiri administratiboak ematea (2018/273 EB Erregelamendua eta 1308/2013 EE Erregelamendua), estatu kideek merkatu librerako eta hirugarren herrialdeekiko merkataritzarako izendatutako Laborategien Europako Batzordearen 3. zerrendan sartzeagatik.
e) Analisi ofizialak bermatzeko behar diren akreditazioak lortzea eta mantentzea.
f) Ardoaren eta eratorrien laborategien foro ofizialetan parte hartzea, eta analisi-metodo ofizialen garapenean lankidetzan aritzea.
g) Umotzearen kontrolerako analisiak egitea, mahats-biltzearen kanpainan, sektorearentzako oharrak argitaratzeko.
h) Ardoei eta edari destilatuei analisi fisiko-kimikoak egitea, upeltegietarako eta partikularrentzat.
i) Beste produktu batzuen analisi fisiko-kimikoak eta mikrobiologikoak egitea: sagardoak, alkoholak, ozpinak, uxualak, hondarrak, muztioak, garagardoak, upeltegiko urak...
j) Bere eskumeneko analisi gaietan aholku ematea, bai inplikatutako sektoreei, bai zehapen-espedienteetan hala eskatzen duten agintariei.
k) Nafarroako Jatorri Deitura kalifikaziorako olioaren analisi fisiko-kimiko ofizialak egitea.
l) Olioaren analisi fisiko-kimikoak oilo-errota eta partikularrentzat.
m) Bekadunen eta praktiketako ikasleei prestakuntza ematea.
n) Nekazaritzako Elikagaien Laborategiaren Atalari esleitutako eskumenen barnean ematen zaizkion gainerakoak.
33. artikulua. Animalien Osasunaren Laborategiaren Bulegoa.
Eginkizun hauek izanen ditu:
a) Animalien gaixotasunak atzemateko analisiak egitea.
b) Giza kontsumorako ez diren animalia-azpiproduktuen analisi mikrobiologikoak egitea.
c) Animalien gaixotasunen eta gaixotasun zoonotikoen bektoreak aztertzea.
d) Analisi ofizialak bermatzeko behar diren akreditazioak lortzea eta mantentzea.
e) Animalien osasunaren arloko laguntza ematea Nafarroako Gobernuko departamentuei eta sozietate publikoei.
f) Bekadunei eta praktiketako langileei prestakuntza ematea.
g) Nekazaritzako Elikagaien Laborategiaren Atalari esleitutako eskumenen barnean ematen zaizkion gainerakoak.
34. artikulua. Ingurumenaren Kontroleko Bulegoa.
Eginkizun hauek izanen ditu:
a) Tramitatzea, gainbegiratzea eta artxibatzea ingurumen eraginaren azterketetatik Landa Garapeneko eta Ingurumeneko Departamentuak sustatzen dituen nekazaritzako azpiegituren arloko jarduketei loturiko horiek.
b) Herri-lurren Atalarekin eta Ureztalurren eta Lurzati Berrantolamenduaren Atalarekin jarduketak koordinatzea, horiek nekazaritzako azpiegituren arloko jarduketen ingurumen eraginaren adierazpenari loturik daudenean.
c) Ingurumenaren eta Uraren Zuzendaritza Nagusiarekin harremanak koordinatzea, horiek nekazaritzako azpiegituren arloko jarduketen ingurumen eraginaren adierazpenari loturik daudenean.
d) Ingurumena lehengoratzeko beharrezko proiektuak tramitatu eta gainbegiratzea, baita proiektu horietan hasitako lanak zuzendu eta gauzatzea ere.
e) Ingurumen edukia duten txostenak prestatzea eta nekazaritzako azpiegituren arloko lanetan diharduten funtzionarioen ingurumen prestakuntza lanetan inplikatzea.
f) Nekazaritzako azpiegituren arloko jarduketen ingurumen jarraipenari eta kontrolari loturik agintzen zaizkion lan guztiak egitea.
35. artikulua. Lurzoru eta Klimatologia Bulegoa.
Eginkizun hauek izanen ditu:
a) Agroklimatologiari, edafologiari eta, oro har, Nafarroako nekazaritzako natur baliabideen inbentarioari eta ebaluazioari buruzko azterlanak egitea. Klimaren eta lurzoruaren gaineko datu bankuak mantendu eta kudeatzea.
b) Meteorologia eta klimatologia arloko jarraipena eta garapena. Estatuko Meteorologia Agentziarekiko harremanak. Beste departamentu batzuekin koordinatzea meteorologiarekin eta klimatologiako informazioarekin zerikusia duten jarduketetan, eta Nafarroako Meteorologia Sarea sustatu eta mantentzea.
c) Lurzoruak nekazaritzaren ondoriozko degradazio prozesuetatik (higadura, gazitzea eta beste batzuk) babesteko azterlanak egitea.
d) Nekazaritzako natur baliabideen arloan aholku ematea Nafarroako Gobernuko departamentuei eta Departamentuak zehaztuko dituen entitate eta erakunde publikoei eta haiekin elkarlanean aritzea.
e) Nafarroako Nekazaritza Arro Esperimentalen Sarea sustatu, mantendu eta kudeatzea, nekazaritzak eragindako higadura eta kutsadura ikertzeko.
f) Agintzen zaion beste edozein eginkizun, Atalari esleitutakoen artean.
Eginkizun hauek izanen ditu:
a) Bide eta hustubideen sareetako obretarako planak, oinarrizko proiektuak eta eraikuntza proiektuak gainbegiratzea, lurzati berrantolamenduen zonetan.
b) Obrak esleitzeko espedienteak tramitatu eta artxibatzea.
c) Bide eta hustubideen sareetako obretarako eraikuntza proiektuetako obra zuzendaritza, lurzati berrantolamenduen zonetan.
d) Egindako obrei buruz aurkeztu alegazio eta errekurtsoak aztertu eta ebazpena proposatzea.
e) Nafarroako abelbideen mantentze- eta egokitze-lanekin lotutako obrak kudeatzea, zuzentzea eta gauzatzea.
f) Obrekin loturik zerbitzuak agintzen dizkion lan guztiak egitea.
37. artikulua. Nekazaritzako Azpiegituretarako Laguntzen Bulegoa .
Eginkizun hauek izanen ditu:
a) Toki entitateek sustatutako abeltzaintzako eta nekazaritza industriako azpiegiturei laguntzeko espedienteak tramitatzea.
b) Kudeatzea eta koordinatzea nekazaritzako azpiegituretan izandako kalteak konpontzeko ezartzen diren laguntzak, kalte horiek eragiten dituztenean hondamendi naturalen parekoak diren baldintza klimatologiko kaltegarriek.
c) Zerbitzuaren eginkizunei loturik agintzen zaizkion lan guztiak egitea.
38. artikulua. Lurzati Berrantolamenduaren Bulegoa.
Eginkizun hauek izanen ditu:
a) Lurzati berrantolamenduaren zona bakoitzean egiten diren lan eta jardueren aplikazioaz arduratzea, haiek hasteko foru agindua ematen denetik lursail berrien jabetza hartzen den arte.
b) Lurzati berrantolamenduaren batzorde aholku-emailearen bileretan parte hartzea.
c) Administrazioak berak edo lurzati berrantolamenduaren dokumentazio ofizialarekin zerikusia duten enpresa eta hirugarrenek egindako lan guztiak zuzendu eta gainbegiratzea.
d) Lurzati berrantolamenduaren lanak egitean aurkeztutako alegazioak aztertzea eta ebaztea.
e) Lurzati berrantolamenduari loturiko erreklamazio eta errekurtsoak aztertzea eta ebazpena proposatzea.
f) Zerbitzuko zuzendariak agindurik, lurzati berrantolamenduari loturiko lan guztiak egitea.
3. ATALA. INGURUMEN ZUZENDARITZA NAGUSIA
39. artikulua. Gobernantza eta Sentsibilizazio Bulegoa.
Eginkizun hauek izanen ditu:
a) Klima aldaketa arintzearen eta hartara egokitzearen arloan planifikatzea.
b) Laguntza ematea klima aldaketara egokitzeko Administrazioan eta haren politiketan.
c) Foru Administrazioak onetsitako klima aldaketaren inguruko estrategiak eta ekintza-planak koordinatzea eta horien jarraipena egitea.
d) Gai horri buruz identifikatutako plan edo proiektu interesgarrien neurri espezifikoak ezartzea, bai Foru Administrazioan, bai Europako sare eta proiektuetan.
e) Estrategia horren esparruan sortutako gobernantza eta parte-hartze organoen idazkaritza-lanak.
f) Parte hartzen duen klima aldaketaren sareetan definitzen diren ekintzak dinamizatzea eta koordinatzea.
g) Jarraipena egitea klima aldaketaren arloko jakinarazpen, prestakuntza eta sentsibilizazio ekintzei.
h) Agintzen zaion beste edozein eginkizun, Atalari esleitutakoen artean.
40. artikulua. Administrazio Laguntzako Bulegoa.
Eginkizun hauek izanen ditu:
a) Zerbitzuko zuzendaritzari laguntzea eta harekin elkarlanean aritzea.
b) Atal eta bulegoen lan administratiboa antolatzea.
c) Zerbitzuari atxikitako ibilgailuen erabilera eta mantentzea kontrolatzea eta antolatzea.
d) Zerbitzuari buruzko agirien sarrera-irteerak kontrolatzea eta erregistratzea.
e) Kanpoko eta telefono bidezko eskaerei arreta ematea.
f) Aurrekontuen betetze-mailaren egoera-orriez arduratzea.
g) Fakturak kudeatzen laguntzea.
h) Zerbitzuaren artxibo, liburu eta agiriak kudeatzea eta kontrolatzea.
i) Zerbitzuaren jardueren estatistika eta adierazleak lantzea.
j) Zerbitzuak haren esku uzten dituen beste guztiak.
41. artikulua. Europako Proiektuak Kudeatzeko Bulegoa .
Eginkizun hauek izanen ditu:
a) Lehentasuneko ildoak eta proiektuetarako aukerak identifikatzea, zuzendaritza nagusiari dagozkion gaietan.
b) Proposamenak definitu eta prestatzea eta proiektuak dinamizatzea, zuzendaritza nagusiaren arlo estrategikoetan baliabideak eskuratzeko.
c) Zuzendaritza nagusiak sustatutako proiektuak finantzatzeko baliabide publikoak kudeatzea.
d) Zuzendaritza nagusiak eta hari atxikitako entitate publikoek Europako zer proiektutan parte hartzen duten, horien jarraipena eta kontrola egitea eta dagozkien komunikazio ekintzak gauzatzea.
e) Beste departamentu batzuekin eta zentro teknologiko eta enpresekin koordinatzea, Europako proiektuetan eta Foru Komunitaterako proiektu estrategikoetan parte hartzea sustatzeko.
f) Zuzendaritza nagusiaren intereseko eta jardun eremuko arloetan Espainian eta nazioartean dauden sareetan parte hartzea eta haien jarraipena egitea.
g) Ingurumen arloko I+G+b sustatzea.
h) Europako seihilekoen jarraipena egitea, parte hartuz zuzendaritza nagusiaren intereseko gaietan ministerioei laguntzeko eratzen diren autonomia erkidegoen batzordeetan.
i) Garapen jasangarrirako politika sustatzeko behar diren jarduerak egitea.
j) Ingurumen jasangarritasuna sustatzeko neurriak aplikatzeko behar diren neurriak kudeatzea eta gauzatzea.
k) Atalak haren esku uzten dituen beste guztiak.
42. artikulua. Baimen Bulegoa .
Eginkizun hauek izanen ditu:
a) Ingurumena babesteko jarduera sailkatuen espedienteen txostena egitea eta horiek tramitatzea, Ingurumenean eragina duten jarduerak arautzen dituen abenduaren 16ko 17/2020 Foru Legea garatzeko Erregelamenduaren xedapen iragankor bakarrean jasotako kasuetan.
b) Toki entitateen akonpainamendu teknikoa egitea ingurumena babesteko jarduera sailkatuei buruzko araudiaz.
c) Ingurumen baimen integratuaren eta ingurumen baimen bateratuaren espedienteak tramitatzea eta txostenak egitea, barnean direla baimen hori emateko proposamena egitea, hura aldatzea, berrikustea, azkentzea edo iraungitzea.
d) Jabari publiko hidraulikora egiten diren isurketen gaineko ingurumen txostenak egitea, Uren Legean eta dagokion foru araudian xedatutakoari jarraikiz.
e) Aurreko jarduerekin lotuta dauden alorretan laguntzen eta dirulaguntzen espedienteak tramitatzea.
f) Beste edozein eginkizun, atxikirik dagoen atalari esleitutakoen artean.
43. artikulua. Kontrol eta Kalitate Bulegoa .
Eginkizun hauek izanen ditu:
a) Esku-hartze jakinarazpenak tramitatzea, kontrol entitate akreditaziodunenak (isuriak) eta laborategi akreditaziodunenak (zarata, atmosfera), eta beharrezkoak diren kontrol jarduketak egitea.
b) Txostenak tramitatzea, kontrol entitate akreditaziodunek eta laborategi akreditaziodunek ingurumen arloko esku-hartzearen menpean diren instalazioetan egindakoak, eta beharrezkoak diren kontrol jarduketak egitea.
c) Erregistratzea eta ebaluatzea bai jarraipen txostenak baita instalazioek egindako autokontroletako datuak ere, horien barruan direlarik Departamentuaren kontrol sareari (SCAN) lotutako neurketa sistema automatikoen datuak (SAM) -instalazio industrialetako emisioetakoak eta isurietakoak-.
d) Neurketa sistema automatikoen (SAM) inbentarioa zaintzea, Nafarroan atmosferara eginiko emisioena, eta fabrikazioan akreditazio maila betetzen den egiaztatzea (NGC1, kalitate bermearen 1. maila).
e) Ingurumen ikuskapeneko lanetarako egiaztapena duten kontrol organoak kontrolatzea eta zaintzea.
f) Laguntzea akreditazioa duten ikuskapen entitateei (isuriak) edo laborategiei (zarata, atmosfera) Egiaztatze Erakunde Nazionalak akreditazioak berritu diezazkien.
g) Kontrolatzea 117/2003 Errege Dekretuak ukitutako instalazioen inbentarioa, eta instalazio horien kudeaketa planak jasotzea eta betetzea.
h) Atalak haren esku uzten dituen beste guztiak.
44. artikulua. Hondakinen Prebentziorako eta Ekonomia Zirkularra Sustatzeko Bulegoa .
Eginkizun hauek izanen ditu:
a) Hondakinak sortzeko prebentzioa sustatzea, Hondakinen Plan indardunean ezarritako helburuak bete daitezen.
b) Hondakinak berrerabili eta birziklatzeko prestakuntza eta balorizazio materialerako beste bide batzuetarako prestakuntza sustatzea, Hondakinen Plan indardunaren arabera.
c) Hondakinen eta ekonomia zirkularraren gaineko datuen jarraipena egitea.
d) Aliantzak bilatzea hondakinen kudeaketan inplikaturiko eragileekin eta lankidetzan aritzea Nafarroako Hondakinen Erakunde Publikoarekin.
e) Hondakinei buruzko lan mahaiak sortzea eta dinamizatzea.
f) Hondakinen Plan indardunari egindako jarraipenaren zabalkundea eta komunikazioa.
g) Hondakinei eta ekonomia zirkularrari buruzko kontsulta orokorrak bideratzea.
h) Atalak haren esku uzten dituen beste guztiak.
45. artikulua. Espezieen Bulegoa.
Eginkizun hauek izanen ditu:
a) Faunako eta florako espezieekin lotutako planak gauzatzeko eta laguntza ematea eta jarraipena egitea.
b) Fauna Sendatzeko Ilundaingo Zentroa koordinatzea eta jarraipena egitea.
c) Espezieen katalogoekin lotutako ekintzak koordinatzea eta jarraipena egitea.
d) Espezieen kontserbazioa hobetzera bideratutako laguntza araubideak proposatzea eta jarraipena egitea.
e) Zentro eta gune zoologikoetako jarduketak koordinatzea eta jarraipena egitea.
f) Atalak haren esku uzten dituen beste guztiak.
46. artikulua. Naturaguneen Bulegoa .
Eginkizun hauek izanen ditu:
a) Nafarroako Natura 2000 Espazio Sarea koordinatzea.
b) Natura 2000 Sareko espazioen plangintzako dokumentuak prestatzea.
c) Natura 2000 Sareko espazioen plangintza gauzatzearen jarraipena egitea.
d) Natura 2000 Sareari buruzko nahitaezko informazioa prestatu eta mantentzea.
e) Biodibertsitatearen kontserbaziorako interesa duten beste arlo batzuk kudeatzen laguntzea.
f) Habitat naturalen jarraipena egitea, kontserbazio egoera txarrean dauden habitatak babestu eta leheneratzeko behar diren planak egitea, eta beharrezko neurriak betetzen direla bermatzea.
g) Aurreko apartatuetan jasotako eginkizunak gauzatzeko, Plangintzaren eta Klima Aldaketaren Bulegoarekiko koordinazioa beharrezkoa izanen da.
h) Agintzen zaion beste edozein eginkizun, atalari esleitutakoen artean.
47. artikulua. Plangintza eta Klima Aldaketaren Bulegoa .
Eginkizun hauek izanen ditu:
a) Klima aldaketa txertatzea naturaguneen plangintzan eta kudeaketan.
b) Nafarroako Naturagune Babestuen Sarearen plangintzarako dokumentuak prestatzea.
c) Nafarroako Naturagune Babestuen Sarea kudeatzea, Baso Ondarearen Bulegoarekin koordinatuta Urbasa eta Andiako parke naturalari dagokionez.
d) Nafarroako Naturagune Babestuen Sarearen plangintza gauzatzearen jarraipena egitea eta klima aldaketaren eragina aztertzea.
e) Nafarroako Naturagune Babestuen Sarearen erabilera eta jarduerei buruzko nahitaezko txostenak prestatzea.
f) Aurreko apartatuetan jasotako eginkizunak gauzatzeko, Naturaguneen Bulegoarekiko koordinazioa beharrezkoa izanen da.
g) Naturaguneetako erabileren mugaketaren ondorioz bidezkoak diren kalte-ordainak tramitatzea.
h) Agintzen zaion beste edozein eginkizun, atalari esleitutakoen artean.
48. artikulua. IEEaren eta Ingurumen Jarraipenaren Bulegoa .
Eginkizun hauek izanen ditu:
a) Ingurumen ebaluazio estrategiko arruntak eta sinplifikatuak tramitatzea eta horiei buruzko txostenak egitea planetan, programetan eta lurralde-antolamendurako tresnetan, baita horien aldaketetan ere.
b) Neurri babesle, zuzentzaile eta konpentsatzaileak gauzatzearen jarraipena eta kontrola, proiektuen eta eginiko ingurumen ebaluazioen arabera.
c) Funtzionamenduaren fasean, inplementatutako neurrien eraginkortasunari buruzko jarraipena eta kontrola. Proposamenak egitea eginiko ingurumen ebaluazioen baldintzak berrikusteko eta neurri zuzentzaile berriak ezartzeko.
d) Ingurumena zaintzeko programak kontrolatzea, honako hauek garatzean: ingurumen inpaktuaren adierazpenak, ingurumen adierazpen estrategikoak eta ingurumen ukipenen ebaluazioak. Kontrola arlo honetan indarrean dagoen legediaren arabera eginen da, legediak ingurumen organoari esleitzen dion bezala.
e) Ingurunean inpaktua izan dezaketen jardueren sustatzaileek konponbide berriak proposatzen dituztenean neurri zuzentzaileetarako, horien ingurumen-egokitasuna ebaluatzea.
f) Ingurumenaren gaineko hondar-inpaktuak zuzentzeko inbertsioetarako dirulaguntzen eta laguntzen espedienteak tramitatzea.
g) Ingurumen arloko tramitazioa duten proiektuek eragindako gertakarien datu-baseak mantentzea eta kudeatzea. Ukitutako enpresen eta Nafarroako Gobernuaren beste organo batzuen datu-baseekin koordinatzea.
h) Ingurumen jarraipenerako batzordeetan parte hartzea, Nafarroako Foru Komunitatean egiten diren proiektu handi edo estrategikoen kasuan.
i) Hitzarmenak prestatu, proposatu eta koordinatzea ingurune naturalean ondorioak dituzten jarduerak zuzentzeko.
j) Atalak haren esku uzten dituen beste guztiak.
49. artikulua. Proiektuen Ingurumenaren gaineko Eraginaren Bulegoa.
Eginkizun hauek izanen ditu:
a) Proiektuen ingurumen eraginaren ebaluazioa. Proiektuen azterketa eta ebaluazioa, txostenak egin aurretik, eta, gero, ingurumen eraginaren adierazpena egitea. Ingurumen ebaluazio arrunterako eta ingurumen ebaluazio sinplifikaturako behar diren txostenak egitea.
b) Behar diren txostenak egitea ingurumenaren gaineko eraginaren ebaluazioa tramitatzean, Estatuko Administrazio Orokorrak baimendu edo onetsi behar dituen proiektuetarako, eta Ingurumenaren gaineko eraginaren ebaluazioaren menpe dauden proiektuetan, baldin autonomia erkidego bat baino gehiago ukitzen badituzte edo autonomia erkidego mugakideetan garatzen badira.
c) Ingurumen ukipenetarako baimenaren eskaera tramitatzea. Lurzoru urbanizaezinean egin beharreko proiektuak edo jarduketak aztertzea eta ebaluatzea, kasu horietan, non, ingurumenaren gaineko eraginaren ebaluazioa behar duten multzoan ez egonik ere, lurraldean ingurumen eragina sor dezaketen.
d) Ingurumen ukipenen gaineko txostenak egitea eta tramitatzea, ingurumen babeserako esku hartzeari buruzko foru araudiak arautzen dituen eta Nafarroako Foru Komunitateko Administrazioaren organo batek sustatzen dituen jarduketetan.
e) Tramitazio sektorialetan, ingurumen ukipenei buruzko txostenak egitea. Nafarroako Gobernuaren unitateetarako txostenak egitea sektore bakoitzaren araudian ezarritakoari jarraikiz: lurralde-antolamendua, meatzeak, hondakinak, kutsaduraren prebentzioa eta abar.
f) Atalak haren esku uzten dituen beste guztiak.
50. artikulua. Arrantza Bulegoa .
Eginkizun hauek izanen ditu:
a) Arrantza debekatzeko aginduen proposamenak prestatzea.
b) Animalia urtarren populazioen jarraipena egitea.
c) Arrantzako beste jarduerak kudeatzea.
d) Nafarroako Gobernuaren piszifaktoriak kudeatzea eta kontrolatzea.
e) Arrantzako Aholku Batzordeari buruzko agiriak artxibatzea eta erregistratzea, eta beste parte-hartze organo batzuei babesa ematea.
f) Fauna espezie urtarrekin lotutako planak gauzatzeko laguntza ematea eta jarraipena egitea.
g) Atalak esleitzen dizkion beste guztiak.
51. artikulua. Administrazio Laguntzako Bulegoa.
Eginkizun hauek izanen ditu:
a) Zerbitzuko zuzendaritzari laguntzea eta harekin elkarlanean aritzea.
b) Atal eta bulegoen lan administratiboa antolatzea.
c) Zerbitzuari buruzko agirien sarrera-irteerak kontrolatzea eta erregistratzea.
d) Kanpoko eta telefono bidezko eskaerei arreta ematea.
e) Aurrekontuen betetze-mailaren egoera-orriez arduratzea.
f) Zerbitzuaren artxibo, liburu eta agiriak kudeatzea eta kontrolatzea.
g) Zerbitzuaren jardueren estatistika eta adierazleak lantzea.
h) Ehizari buruzko agirien sarrerak kontrolatzea eta erregistratzea.
i) Ehiza barruti eta ehiza antolatzeko planetako erregistro, artxibo eta datu-basea eguneratzea eta mantentzea.
j) Ehizako Aholku Batzordeari buruzko agiriak artxibatzea eta erregistratzea, eta antzeko beste organo batzuei babesa ematea.
k) Ingurumen txostenak egiteko eskaerak hartzea.
l) Zerbitzuak haren esku uzten dituen beste guztiak.
52. artikulua. Basoak Lehengoratzeko Bulegoa.
Eginkizun hauek izanen ditu:
a) Foru Komunitatean izurriak eta beste hondamendi batzuk jasaten dituzten baso eremuak lehengoratzeko ekintzak prestatzea eta jarraipena egitea.
Aurrekoaz gain, eta atal honek agintzen dion eremu geografikoan, eginkizun hauek beteko ditu:
b) Mendi antolatuak ustiatzeko eta hobetzeko urteroko planak prestatzea eta haien jarraipena egitea.
c) Mendi antolatu gabeetan mozketak egiteko baimenak prestatzea eta haien jarraipena egitea.
d) Basogintzako jarduketak prestatzea eta proposatzea, hala nola basoberritzeak, azpiegiturak, suteei aurrea hartzekoak, etab.
e) Toki entitateek eta partikularrek proposaturiko basogintzako jarduketen gainean txostenak ematea.
f) Basoetako zorua ukitzen duten egintza, plan eta proiektuen gainean txostenak ematea.
g) Mendi katalogatuen jarraipena egitea.
h) Nafarroako Baso Ondareko finkak kudeatzen laguntzea.
i) Basoak kudeatzeko planak prestatzea eta haien jarraipena egitea eta Natura 2000 Sarean basogintzaren arlorako aurreikusiriko neurrien gainean txostenak ematea.
j) Atalak haren esku uzten dituen beste eginkizun guztiak.
53. artikulua. Basoko Suteei Aurrea Hartzeko Bulegoa.
Eginkizun hauek izanen ditu:
a) Foru Komunitatean basoko suteei aurrea hartzeko behar diren ekintzak prestatzea eta jarraipena egitea.
Aurrekoaz gain, eta atal honek agintzen dion eremu geografikoan, eginkizun hauek beteko ditu:
b) Mendi antolatuak ustiatzeko eta hobetzeko urteroko planak prestatzea eta haien jarraipena egitea.
c) Mendi antolatu gabeetan mozketak egiteko baimenak prestatzea eta haien jarraipena egitea.
d) Basogintzako jarduketak prestatzea eta proposatzea, hala nola basoberritzeak, azpiegiturak, suteei aurrea hartzekoak, etab.
e) Toki entitateek eta partikularrek proposaturiko basogintzako jarduketen gainean txostenak ematea.
f) Basoetako zorua ukitzen duten egintza, plan eta proiektuen gainean txostenak ematea.
g) Mendi katalogatuen jarraipena egitea.
h) Nafarroako Baso Ondareko finkak kudeatzen laguntzea.
i) Basoak kudeatzeko planak prestatzea eta haien jarraipena egitea eta Natura 2000 Sarean basogintzaren arlorako aurreikusiriko neurrien gainean txostenak ematea.
j) Atalak haren esku uzten dituen beste eginkizun guztiak.
54. artikulua. Ingurune Naturaleko Plan eta Programen Bulegoa.
Eginkizun hauek izanen ditu:
a) Europar Batasuneko programen jarraipena egitea, Zerbitzuak kudeatzen dituen neurriak biltzen badituzte, eta laguntzen deialdiak koordinatzea.
b) Koordinatzea basogintzaren esparruan plan sektorialak eta zeharkako beste dokumentu batzuk prestatzea eta ezartzea.
c) Zura eta basoetako biomasa erabiltzearekin, sustatzearekin eta ziurtagiriak egitearekin zerikusia duten jarduketak.
d) Basoko osasunarekin zerikusia duten jarduketak. Zehazki basoko gaixotasunei eta izurriteei jarraipena egitea eta horiek kontrolatzea, eta Batzorde Fitosanitarioa ordezkatzea.
e) Basogintzaren ikerketari eta esperimentazioari laguntzea.
f) Basoei buruzko estatistika egitea.
g) Mendi babesleen eta onura publikokoen katalogoak mantentzea.
h) Administrazioa modernizatzeko prozesuetan laguntzea, bereziki basogintzako jarduketetan georreferentziak egiteko tresnak erabiltzeari dagokionez.
j) Atalak haren esku uzten dituen beste guztiak.
55. artikulua. Baso Ondarearen Bulegoa.
Eginkizun hauek izanen ditu:
a) Baso kudeaketa koordinatzea eta inplementatzea, Nafarroako Baso Ondareko finketan.
b) Nafarroako Baso Ondarean dauden mendi antolatuak aprobetxatzeko eta hobetzeko urteko planak egitea eta horien jarraipena egitea.
c) Nafarroako Baso Ondareko finketan basoberritzeak, azpiegiturak, suteak prebenitzeko lanak eta abarrekoak egitea eta proposatzea.
d) Urbasa-Andia Parke Naturala kudeatzea, Naturaguneen Bulegoarekin koordinatuta.
e) Harremanetan egotea Nafarroako baso elkarteekin, eta horiekin elkarlanean aritzeko eta horiei jarraipena egiteko proposamenak prestatzea.
f) Zurgaiak eta zurezkoak diren produktuen aprobetxamenduarekin eta merkatuarekin lotutako jarduketak, EUTR Erregelamendua barne hartuta.
g) Basogintzako industrian emanen diren laguntzen deialdiak prestatzea, kudeatzea eta horien jarraipena egitea.
h) Basogintzako mantentze-lanetako jarduketak gauzatzea Donejakue bidean.
i) Atalak haren esku uzten dituen beste eginkizun guztiak.
56. artikulua. Baliabideen Kudeaketarako eta Laguntzarako Bulegoa.
Eginkizun hauek izanen ditu:
a) Basozainak / Ingurumena Zaintzeko Taldearen funtzionamendurako beharrezko ibilgailuak, baliabideak eta materialak kudeatzea.
b) Jantziak erosteko, biltegiratzeko eta emateko prozesuak kudeatzea, eta baliabideak kudeatzeko aplikazioa zaintzea.
c) Miluzeko finka kudeatzeko langileak eta baliabideak koordinatzea.
d) Basozainak / Ingurumena Zaintzeko Taldearen dronetan espezializatutako taldea koordinatzea.
e) Haren esku uzten den beste edozein eginkizun, aipatutakoen antzekoa edo osagarria bada.
57. artikulua. Ingurumen Kudeaketaren Kalitatearen Bulegoa.
Eginkizun hauek izanen ditu:
a) Proposatzea eta martxan jartzea kasu bakoitzean eta une bakoitzean egokien diren sistemak, etenik gabe hobetu dadin Zuzendaritza Nagusiak ematen dituen zerbitzu publikoen kalitatea.
b) Zuzendaritza Nagusiak ematen dituen zerbitzuak etengabe hobetzeko prozedurak eta protokoloak egitera bideratutako beharrezko lantaldeak sortzea eta koordinatzea.
c) Zuzendaritza Nagusiak ematen dituen zerbitzuak hobetzea ahalbidetzen duten gaietan, teknikarien eta administrarien prestakuntza definitzea, abian jartzea eta ebaluatzea.
d) Basozainak / Ingurumena Zaintzeko Taldearen prestakuntza beharrak identifikatzea, aztertzea eta lehenestea, bi urtez behingo prestakuntza planak egiteko, kudeatzeko eta garatzeko, haien eskumenak hobeto gauzatu ahal izateko.
e) Abian jartzea Zuzendaritza Nagusiko zerbitzuak ezagutzera emateko aukera emanen duten gaiei buruzko komunikazio ekintzak.
f) Zerbitzuak haren esku uzten dituen beste guztiak.
58. artikulua. Ingurumen Hezkuntzaren Bulegoa.
Eginkizun hauek izanen ditu:
a) Ingurumen Zuzendaritza Nagusiaren ingurumen hezkuntzako planak eta programak koordinatzea eta horien jarraipena egitea, batez ere Jasangarritasunerako Ingurumen Hezkuntzarako Nafarroako Estrategia-ENEAS 2030 estrategiari dagokionez.
b) Ingurumena zaintzeko laguntzaile eta boluntarioen jarduerak sustatzeko eta kudeatzeko behar diren ekintzak egitea natur inguruneko eta hiri inguruneko eremu guztietan, hala nola lankidetza sareak, komunitate birtualak, zientzia herritarra eta sare sozialak.
c) Atalaren ardurapekoa den ingurumen hezkuntzarako ekipamenduak kudeatzea.
d) Nafarroako ingurumen elkarteetatik sortu diren ingurumen hezkuntzako eta boluntariotzako jarduerei sustapena eta laguntza ematea.
e) Ikastetxeetan ingurumen hezkuntza bultzatzea.
f) Atalak sustatzen dituen ingurumen hezkuntzako eta boluntariotzako proiektuetan esku hartzen duten aholkularitza teknikoak koordinatzea eta kudeatzea.
g) Koordinatzea eta laguntza ematea Ingurumen Zuzendaritza Nagusiaren barruan eta bereziki Basozainak / Ingurumena Zaintzeko Taldean sortzen diren ingurumen hezkuntzako ekimenei.
h) Harremanetan egotea, une oro, Trantsizio Ekologikorako eta Erronka Demografikorako Ministerioarekin, hori izanen baita ingurumen hezkuntza eta jasangarritasun arloetan erreferentziazko unitatea.
i) Atalak haren esku uzten dituen beste guztiak.
59. artikulua. Administrazio Laguntzako Bulegoa.
Eginkizun hauek izanen ditu:
a) Zerbitzuko zuzendaritzari laguntzea eta harekin elkarlanean aritzea.
b) Basozainak / Ingurumena Zaintzeko Taldearen hileko lanak kudeatzea: jaiegunak, konpentsazioak, dietak, Nafarroatik kanpo egindako irteerak, eta abar.
c) Basozainak / Ingurumena Zaintzeko Taldeko langileen altak eta bajak kudeatzea.
d) Zerbitzuaren posta elektronikoa kudeatzea, baita unitate teknikoen eta mugapeen artekoa ere.
e) Zerbitzuari buruzko agirien sarrera-irteerak kontrolatzea eta erregistratzea.
f) Kanpoko eta telefono bidezko eskaerei arreta ematea.
g) Basozainak / Ingurumena Zaintzeko Taldeak eginiko salaketak altan ematea Extr@ plataforman.
h) Ibilgailuak kudeatzea: hileko parteak, abisuak: IATak, erregaia hartzeko eta autobiderako txartelak, aseguruen dokumentuak...
i) Fakturak kudeatzen laguntzea.
j) Konfiskatzeak kudeatzea.
k) Aurrekontuen betetze-mailaren egoera-orriez arduratzea.
l) Basozainak / Ingurumena Zaintzeko Taldearen Ezagutza Kudeatzeko tresna kudeatzea.
m) Ingurumena Zaintzeko Atalaren lan administratiboa antolatzea.
n) Haren esku uzten den beste edozein eginkizun, aipatutakoen antzekoa edo osagarria bada.
60. artikulua. Koordinazio unitateak.
Koordinazio unitateek Basozainak / Ingurumena Zaintzeko Taldeko langileen araubide berariazkoa arautzen duen urtarrilaren 30eko 7/2019 Foru Dekretuan ezarritako eginkizunak izanen dituzte.
4. ATALA. IDAZKARITZA TEKNIKO NAGUSIA
61. artikulua. NBEUFek eta LGENFek finantzatutako Laguntzen eta Estatuaren Laguntzen Laguntza Juridikoaren Bulegoa.
Eginkizun hauek izanen ditu:
a) Laguntza juridikoa ematea Nafarroako Landa Garapenerako Programa eta NPE 2023-2027 plan estrategikoko esku hartzeak gauzatzeko, bai eta Erakunde Ordaintzailearen Zuzendaritzari laguntza juridikoa ematea ere.
b) Aholku ematea Estatuko laguntzei buruz, horiek nekazaritza sektoreari emandako laguntzak arautzen dituen Europar Batasuneko araudiarekin duten bateragarritasunari buruz, komunikazioari buruz eta Nafarroako Foru Komunitateak Europako Batzordeari jakinarazitako laguntzei aplika dakizkiekeen prozedurei buruz.
c) Bere jardueraren esparruan agintzen zaizkion gainerakoak.
62. artikulua. Kudeaketa Administratiboaren Bulegoa .
Eginkizun hauek izanen ditu:
a) Garraioko araudiaren kontra egindako arau-hausteekin lotutako zehapen-espedienteak kudeatzea eta kontrolatzea.
b) Ingurumen arloan jarritako errekurtso administratiboak kudeatzea eta kontrolatzea.
c) Ingurumenaren Araubide Juridikoaren Atalak sortzen dituen ebazpenen, foru aginduen eta gobernu erabakien administrazio-kudeaketa.
d) Bulegoaren jarduerari buruz aldian behingo txostenak egitea.
e) Bere jardueraren esparruan agintzen zaizkion gainerakoak.
62. artikulua. Zerbitzu Orokorren Bulegoa.
Eginkizun hauek izanen ditu:
a) Departamentuaren instalazioen mantentze osoa, prebentziozkoa eta zuzentzailea.
b) Segurtasunerako eta laneko arriskuei aurrea hartzeko neurrien ezarpena eta jarraipena.
c) Departamentuari atxikitako higiezin eta finketako beharrei erantzutea.
d) Departamentuaren bulegoetarako bulego-materialen hornidura kudeatzea eta kontrolatzea.
e) Eraikinen mantentze-lanari eta erosketei buruzko ordainagiriak kontrolatzea.
f) Posta zerbitzuaz arduratzea.
g) Kopiak egiteko zerbitzua.
h) Agintzen zaion beste edozein eginkizun, Atalari esleitutakoen artean.
63. artikulua. Langileria Bulegoa.
Eginkizun hauek izanen ditu:
a) Departamentuari atxikitako langileei dagozkien gaiak tramitatzea (bertaratzea kontrolatzea, lizentziak, baimenak, kilometraje eta dieta gastuak...).
b) Langile bekadunen altak eta bajak kontrolatzea.
c) Ikastetxeetako ikasleek praktikak Departamentuan egiteko dokumentazioa tramitatzea.
d) Departamentuko plantilla organikoa berrikustea eta kontrolatzea.
e) Lanpostuak atxiki, amortizatzeko eta sortzeko proposamenak prestatzea.
f) Izendapenak, kargu-uzteak eta kontratazio eskaerak kudeatzea.
g) Departamentuko langileek eginiko prestakuntza ekintzak kontrolatzea.
h) Agintzen zaion beste edozein eginkizun, Atalari esleitutakoen artean.
64. artikulua. Herritarren Arretarako Bulegoa .
Eginkizun hauek izanen ditu:
a) Ezartzea zein diren departamentuko erregistroetako antolakuntza eta koordinazio irizpideak, gainerako unitate organiko eta eskudunekin elkarlanean, eta kudeatzea departamentura sartzen diren dokumentuen erregistroa.
b) Departamentuko informazio orokorraren telefonoaz arduratzea, baita informazio orokorraren postontziaz ere.
c) Ziurtagiri digitalen akreditazioa egitea.
d) Dokumentuak konpultsatzea.
e) Erregistroari eta informazioari buruzko adierazleak prestatzea.
f) Gaitutako helbide elektronikoaren eta herritar karpetaren bitartez departamentuari zuzendutako jakinarazpen telemantikoetarako sarbidea.
g) Idazkaritza Tekniko Nagusiari laguntza emateko lanak.
h) Departamentuko barruti-bulegoen sarea antolatzea eta koordinatzea.
i) Agintzen zaion beste edozein eginkizun, atalari esleitutakoen artean.
65. artikulua. Ekonomia Aferetarako Bulegoa.
Eginkizun hauek izanen ditu:
a) Departamentuko Kontabilitate Zentroa kudeatzea.
b) Departamentuen diru-sarrera eta gastuen espedienteak kontabilizatzea.
c) Justifikatu beharreko funts libratuak kudeatzea, jarraipena egitea eta justifikatzea.
d) Departamentuko zuzendaritza nagusiekin elkarlanean aritzea aurrekontua betearazteko arloan.
e) Zordunak kudeatzea eta diru-sarrerak kontrolatzea.
f) Agintzen zaion beste edozein eginkizun, Atalari esleitutakoen artean.
66. artikulua. Aurrekontuen Kontrolerako Bulegoa.
Eginkizun hauek izanen ditu:
a) Departamentuan dagoen informazio ekonomikoa ustiatzea.
b) Aurrekontuen kudeaketaren eta betearazpenaren jarraipena eta kontrola eta, aldian behin, haien gaineko txostenak egitea.
c) Kontabilizatzea Departamentuan jaso diren fakturak, eta elkarlanean aritzea beste unitateekin horiek tramitatzeko, eta horretarako laguntza ematea.
d) Agintzen zaion beste edozein eginkizun, Atalari esleitutakoen artean.
67. artikulua. NBEUFen eta LGENFen Laguntzen Kudeaketa Informatikorako Bulegoa.
Eginkizun hauek izanen ditu:
a) NBEUFen eta LGENFen laguntzak kudeatzeko behar diren aplikazioen inguruko lanak koordinatzea eta gainbegiratzea: diseinua, garapen informatikoa, saiakuntzak, abian jartzea, dokumentazioa, ekoizpenera igarotzea, mantentzea eta eguneratzea.
b) NBEUFen eta LGENFen laguntzak kudeatzeko behar diren informatikako prozesu guztien dokumentazioa eguneratzea eta funtzionalitateak kontrolatzea.
c) Departamentuko Informazio Sistema Integratuan dagoen informazioa tratatzea, prestatzea eta kudeatzea.
d) Nafarroako Erakunde Ordaintzailearen laguntzen ordainketarekin lotutako prozesu informatikoak garatzea eta kudeatzea.
e) Web-orria eta Ezagutzaren Ataria kudeatzea: edizioa, edukiak eguneratzea, baimenak eta Departamentuko unitate organikoen lan metodoak hobetzeko eta integratzeko zereginak.
f) Agintzen zaion beste edozein eginkizun, Atalari esleitutakoen artean.
68. artikulua. Laguntza Mikroinformatikoaren Bulegoa.
Eginkizun hauek izanen ditu:
a) Departamentuko inguru mikroinformatikoetan ekipamendua eta sistemak mantentzea.
b) Barneko eta kanpoko giza baliabideak koordinatzea Departamentuko laguntza eta mantentze-lan mikroinformatikoen arloan.
c) Eskuratu beharrekoen zerrenda egitea, eta organo eskudunen aurrean kudeaketa lanak egitea, Departamentuaren tresneria informatikoa egokitzeko eta mantentzeko behar direnak eskuratzeko.
d) Departamentuko informazio sistemetan baimenak kudeatzea eta aztertzea gorabeheren kudeaketaren arloan sistema horien segurtasunerako beharrezkotzat jotzen diren neurriak betetzen diren.
e) Parte hartzea Departamentuaren webguneko aplikazio informatikoak erabiltzean herritarrek jakinarazitako gorabeherez arduratzen, horiek bideratzen eta ebazten.
f) NBEUFen eta LGENFen laguntzen aplikazio ofimatikoak garatzea eta mantentzea.
g) Agintzen zaion beste edozein eginkizun, Atalari esleitutakoen artean.
69. artikulua. Informazioaren Segurtasunari Laguntzeko eta LKSren Arearen Bulegoa.
Eginkizun hauek izanen ditu:
a) Informazioaren segurtasunaren eta datuen babesaren arloan beharrezko diren neurriak ezarri eta haien jarraipena egitea, informazio sistemak eta aplikazio informatikoak eratzeko eta ezartzeko, auditoretzarako eta kontrolerako, informazioaren segurtasunari eta datuen babesari dagokionez, departamentuetakoak edo korporatiboak izan. Hori dena, informatikaren eta informazioaren segurtasunaren eta datuen babesaren arloan Nafarroako Gobernuan korporazio-eremuan eskumena duen zuzendaritza nagusiarekin elkarlanean.
b) Kudeatzea eta jarraipena egitea erakunde ordaintzailearen laguntzak kudeatzeko arloan entitate laguntzaileekin dituen lankidetza hitzarmenei, Idazkaritza Tekniko Nagusiko Zerbitzu Juridikoekin elkarlanean.
c) Departamentuan administrazio elektronikoa bultzatzea, ezartzea eta haren jarraipena egitea, legeetan ezarritakoa betez eta elkarlanean arituz Nafarroako Gobernuaren unitateetatik gai horretan eskumena duen harekin.
d) Parte hartzea Departamentuak eskatutako ziurtapen eta auditoretzetan.
e) Kudeatzea eta garatzea LKSren laguntzen kudeaketa sistemaren areako informatika, LKSren aplikazio sateliteak, NPEri buruzko kontsulta, LKSren interfazeak eta dokumentuak.
f) Agintzen zaion beste edozein eginkizun, Atalari esleitutakoen artean.
Lehen xedapen gehigarria. Izendapenak.
Berretsi edo finkatu egiten dira, sortu ziren baldintza beretan, Landa Garapeneko eta Ingurumeneko Departamentuaren egitura organikoan izanik, foru agindu honetan ezarritako egitura organikoan izen bera duten bulegoetako buruen izendapenak. Horiez gainera, baita honako bulegoburu hauen izendapenak ere:
a) Nekazaritzako Kalitateko Elikagaien Sustapenaren Bulegoko buruaren izendapena, bulego horren izena Nekazaritza Ekologikoa eta Kalitate Bereiztua Sustatzeko Bulegoa izanen baita hemendik aurrera.
b) Enologia Laborategiaren Bulegoko buruaren izendapena, bulego horren izena Enologia eta Olio Laborategiaren Bulego izanen baita hemendik aurrera.
c) Animalien Osasunaren Bulegoko buruaren izendapena, bulego horren izena Animalien Osasunaren Laborategiaren Bulego izanen baita hemendik aurrera.
d) Ingurumen Jarraipenaren Bulegoko buruaren izendapena, bulego horren izena IEEaren eta Ingurumen Jarraipenaren Bulego izanen baita hemendik aurrera.
e) Ingurumen Ebaluazioaren Bulegoko buruaren izendapena, bulego horren izena Proiektuen Ingurumenaren gaineko Eraginaren Bulego izanen baita hemendik aurrera.
f) Arrantza Kudeatzeko Bulegoko buruaren izendapena, bulego horren izena Arrantza Bulego izanen baita hemendik aurrera.
g) Ingurumen Hezkuntza eta Informazioaren Bulegoko buruaren izendapena, bulego horren izena Ingurumen Hezkuntzaren Bulego izanen baita hemendik aurrera.
h) Informazioaren Segurtasunari Laguntzeko Bulegoko buruaren izendapena, bulego horren izena Informazioaren Segurtasunari Laguntzeko eta LKSren Arearen Bulego izanen baita hemendik aurrera.
Xedapen indargabetzaile bakarra. Indargabetutako arauak.
Indarrik gabe gelditzen da, Landa Garapeneko eta Ingurumeneko Departamentuaren eskumenen esparruari dagokionez bakarrik, Landa Garapeneko eta Ingurumeneko kontseilariak eman urriaren 19ko 179/2020 Foru Agindua, zeinaren bidez onesten baitira Landa Garapeneko eta Ingurumeneko Departamentuko bulegoen atxikipena eta eginkizunak.
Azken xedapen bakarra. Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
