(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

60/2024 FORU DEKRETUA, EKAINAREN 5EKOA, PERTSONEN AUTONOMIARAKO ETA GARAPENERAKO NAFARROAKO AGENTZIA ERAKUNDE AUTONOMOAREN ESTATUTUAK ONESTEN DITUENA

BON N.º 128 - 21/06/2024

  PERTSONEN AUTONOMIARAKO ETA GARAPENERAKO NAFARROAKO AGENTZIA ERAKUNDE AUTONOMOAREN ESTATUTUAK. I.TITULUA

  IZAERA, ATXIKIPENA ETA ESKUMENAK

  II. TITULUA. EGITURA ORGANIKOA

  I. KAPITULUA. ZUZENDARITZA ORGANOAK

  II. KAPITULUA. GOBERNU KONTSEILUA

  III. KAPITULUA. KUDEAKETA ZUZENDARITZA

  IV. KAPITULUA. ZUZENDARIORDETZAK

  V. KAPITULUA. ATALAK

  1. ATALA. KUDEAKETAREN ETA BALIABIDEEN ZUZENDARIORDETZA

  2. ATALA. BALORAZIOEN ETA ZERBITZUEN ZUZENDARIORDETZA

  3. ATALA. HAURTZAROAREN, NERABEZAROAREN ETA FAMILIAREN ZUZENDARIORDETZA

  VI. KAPITULUA. ATALETIK BEHERAKO UNITATEAK ETA ZENTROAK

  III. TITULUA. ONDAREA, BALIABIDEAK, AURREKONTUAK ETA KONTROLA

  IV. TITULUA. LANGILEAK

  V. TITULUA. EGINTZEN ARAUBIDE JURIDIKO ADMINISTRATIBOA

Atariko

Autonomia pertsonala sustatzeari eta mendekotasun egoeran dauden pertsonak zaintzeari buruzko abenduaren 14ko 39/2006 Legeak autonomia pertsonala sustatzeari eta mendetasun egoeran dauden pertsonak zaintzeari buruzko oinarrizko baldintzak arautzen ditu, Mendekotasuna dutenen Autonomiarako eta Arretarako Sistema bat sortuz, administrazio publiko guztien elkarlanarekin eta partaidetzarekin.

Gizarte Zerbitzuei buruzko abenduaren 14ko 15/2006 Foru Legea onesteak, Gizarte Zerbitzu Orokorren Zorroa onesten duen ekainaren 17ko 69/2008 Foru Dekretuaren bidez erregelamendua geroago garatzearekin eta ondoren, martxoaren 20ko 30/2019 Foru Dekretuaren bidez, hura aldatzearekin batera, Nafarroako Foru Komunitateko gizarte zerbitzuen bultzada eta prozesu berri bat ekarri du, Espainiako Konstituzioak ezartzen duen gizarte estatuaren ereduan aurrera egitea sustatzen duena, Nafarroako herritarren ongizatean aurrerapena ekarriz.

Hori kontuan harturik, Nafarroako Gobernuak Nafarroako Mendekotasun Agentzia sortu zuen irailaren 10eko 184/2007 Foru Dekretuaren bidez. Erakunde hori mendekotasun egoeran dauden edo egoteko arriskuan dauden pertsonei arreta emateko gizarte zerbitzuak kudeatzeko ereduak egituratu eta berrantolatzeko asmoz sortu zen. Ondoren, arau horren ordez Pertsonen Autonomiarako eta Garapenerako Nafarroako Agentziaren estatutuak onesten dituen uztailaren 25eko 74/2012 Foru Dekretua, irailaren 3ko 172/2015 Foru Dekretua eta azaroaren 6ko 301/2019 Foru Dekretua ezarri ziren.

Gobernuaren egitura berria onetsi denez, gomendagarria da Agentziaren Estatutu berriak egitea. Izan ere, Nafarroako Foru Komunitateko Lehendakariaren abuztuaren 17ko 10/2023 Foru Dekretuaren bidez, Nafarroako Foru Komunitateko Administrazioko departamentuen egitura berria ezarri zen, eta abuztuaren 30eko 71/2023 Foru Dekretuaren bidez, berriz, Eskubide Sozialetako, Ekonomia Sozialeko eta Enpleguko Departamentuaren oinarrizko egitura. Azkeneko dekretu horren artikulu bakarrean xedatzen da Pertsonen Autonomiarako eta Garapenerako Nafarroako Agentzia erakunde autonomoa departamentu horri atxikita gelditzen dela.

Bestalde, Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 49.2 artikuluak xedatzen du erakunde publikoen estatutuak Nafarroako Gobernuaren foru dekretu bidez aldatuko direla, erakundea atxikita duen departamentuko titularrak proposaturik.

Hori horrela, Eskubide Sozialetako, Ekonomia Sozialeko eta Enpleguko kontseilariak proposaturik, eta Nafarroako Gobernuak bi mila eta hogeita lauko ekainaren bostean egindako bilkuran hartutako erabakiarekin bat,

DEKRETATZEN DUT:

Artikulu bakarra. Estatutuen onespena.

Pertsonen Autonomiarako eta Garapenerako Nafarroako Agentzia erakunde autonomoaren Estatutuak onetsi dira. Horien testua foru dekretu honen eranskinean ageri da.

Lehen xedapen gehigarria. Izendapenak berrestea.

Honako izendapen hauek berresten dira, egin ziren baldintza berberetan:

- Familiaren eta Adingabeen zuzendariordea Familia, Haurtzaro eta Nerabezaroaren zuzendariorde.

- Pertsonarengan Zentratutako Arretaren Ataleko burua pertsonarengan zentratutako arretaren eta koordinazio soziosanitarioaren Ataleko buru.

- Familia Ataleko burua Familiaren eta Haurren Eskubideen Sustapenaren Ataleko buru.

- Neurri Judizialak Zaindu eta Betearazteko Kudeaketa Ataleko burua Zaintza Kudeatzeko Ataleko buru.

- Arreta Goiztiarreko Zentroko burua Arreta Goiztiarreko Zerbitzuko Zentro Koordinatzaileko buru.

Bigarren xedapen osagarria. Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretua aldatzea.

1. Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuaren 3. artikuluaren 1. apartatua aldatzen da, eta testu hau izanen du:

"1. Eskubide Sozialetako, Ekonomia Sozialeko eta Enpleguko Departamentuak, bere titularraren goi zuzendaritzapean, honako organo hauek izanen ditu bere egituran:

a) Babes Sozialaren eta Garapenerako Lankidetzaren Zuzendaritza Nagusia.

b) Ekonomia Sozialeko eta Laneko Zuzendaritza Nagusia.

c) Idazkaritza Tekniko Nagusia.

d) Sustapen eta Eraldaketa Digitalaren Zerbitzua".

2. Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Dekretutik ezabatu egin da: "V. kapitulua. Pertsonarengan Zentratutako Arretaren Atala".

Hirugarren xedapen gehigarria. Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretua aldatzea.

Aldatu egiten da Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren hirugarren xedapen gehigarriko 1. apartatua, honela idatzita geldituko baita:

"1. Foru dekretu honen 8. artikuluan adierazitako eskumenez gain, Pertsonen Autonomiarako eta Garapenerako Nafarroako Agentziako organoei, beren estatutuen erregulazioaren arabera eskudunak badira, erakunde autonomo horren langileak aldi baterako kontratatzeko deialdiak onetsi, tramitatu eta ebaztea dagokie, administrazio araubidean izan zein lanekoan, Funtzio Publikoko Zuzendaritza Nagusiak baimendu ondoren, aurrekontuko aurreikuspenen barrenean, bai eta agentzian destinoa duten langileen kontratuak kontratatzeko, baimentzeko eta formalizatzeko deiak egitea ere, funtzio publikoaren gaineko eskumena duen Departamentuak ezarritako jarraipen eta kontroleko jarraibide eta prozedurei lotuz.

Xedapen iragankor bakarra. Administrazio unitateen iraupena.

Foru dekretu hau garatzeko neurriak hartu bitartean, atalarena baino maila txikiagokoak diren unitate organikoek berdin segituko dute eta oraingo izenari eta eginkizunei eutsiko diete. Behin-behineko egitura berriko organoei atxikiko zaizkie, orain arte betetzen zituzten eginkizunen arabera.

Xedapen indargabetzaile bakarra. Arauak indargabetzea.

Indarrik gabe gelditzen dira foru dekretu honi aurka egiten dioten maila bereko edo apalagoko xedapen guztiak, eta, bereziki, Pertsonen Autonomiarako eta Garapenerako Nafarroako Agentziaren Estatutuak onesten dituen azaroaren 6ko 301/2019 Foru Dekretua.

Azken xedapenetako lehena. Erregelamendua garatzeko ahalmena.

Eskubide Sozialetako, Ekonomia Sozialeko eta Enpleguko kontseilariari baimena ematen zaio foru dekretu honetan ezarritakoa garatzeko eta betetzeko behar diren xedapenak eman ditzan.

Azken xedapenetako bigarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

IZAERA, ATXIKIPENA ETA ESKUMENAK

1. artikulua. Izaera.

Pertsonen Autonomiarako eta Garapenerako Nafarroako Agentzia erakunde administratibo autonomo bat da, berezko nortasun juridikoa duena, bai eta jarduteko ahalmen osoa ere, bere xedeak bete ahal izateko.

2. artikulua. Atxikipena.

Pertsonen Autonomiarako eta Garapenerako Nafarroako Agentzia, bere xedeak betetzeko, Eskubide Sozialetako, Ekonomia Sozialeko eta Enpleguko Departamentuak plangintzari eta politika orokorrari dagokienez ematen dituen jarraibideen menpean eta hari atxikia dago. Hortaz, departamentu horren esku gelditzen dira Agentzia kontrolatu eta babesteko ahalmenak, estatutuetan, foru legedian eta antolamendu juridiko administratiboan esleitzen zaizkionak.

3. artikulua. Eskumenak.

Pertsonen Autonomiarako eta Garapenerako Nafarroako Agentziari dagozkio autonomia pertsonala sustatzeko eta mendekotasunari aurrea hartzeko politikak eta adinekoei eta desgaitasuna eta/edo eritasun mentala dutenei arreta ematekoak Nafarroan koordinatu eta kudeatzeko eskumenak, baita adingabeen sustapen, arreta eta babeserako politikak eta familiei begira ezartzen direnak koordinatu eta kudeatzeko eskumenak ere.

Eskumen horiek garatzeko, Pertsonen Autonomiarako eta Garapenerako Nafarroako Agentziak eginkizun hauek izanen ditu:

a) Mendekotasuna eta desgaitasuna baloratzeko behar diren zerbitzuak eta baliabideak kudeatzea.

b) Mendekotasun eta/edo desgaitasun egoeran bizi diren pertsonei arreta emateko behar diren zerbitzuen eta baliabideen zorroa kudeatzea.

c) Autonomia pertsonala sustatzeko, mendekotasunari aurrea hartzeko eta mendekotasun eta/edo desgaitasun egoeran bizi diren pertsonei arreta emateko behar diren zerbitzuak eta baliabideak kudeatzea, hala berekiak, nola ekimen pribatuko entitateenak, pertsonari bere ohiko giroan irauteko erraztasunak ematea helburu.

d) Gizarte eta osasun arloko baliabideak garatu eta kudeatzea, bere eta entitate laguntzaileen programa eta ekintzen bidez, departamentuen arteko koordinazioa sustatuz.

e) Herritarrei informazioa eskaini, erraztu, hurbildu eta eskuragarri jartzea.

f) Baliabideak lortzea mendekotasun eta desgaitasun arloko arreta eta sostengu programetarako.

g) Autonomia sustatzeko eta mendekotasunari eta desgaitasunari aurrea hartzeko indarreko araudia bete beharraren ondoriozko jarduketak egitea, Foru Komunitateko edozein erakunde publikok eskatuta.

h) Departamentuak mendekotasunaren eta desgaitasunaren arloan dituen planak eta programak diseinatzen, gauzatzen, ebaluatzen eta jarraipena egiten laguntzea.

i) Autonomia pertsonala sustatzeko eta mendekotasunari eta desgaitasunari aurrea hartzeko programetarako baliabideak indartu eta bideratzea.

j) Familientzako politikak diseinatu, abian jarri, koordinatu eta ebaluatzea Nafarroako Foru Komunitatean, baita haurren eta nerabeen sustapen, arreta eta babeserakoak ere.

k) Nafarroako Foru Komunitateko Administrazio Publikoei laguntza ematea herritarren ardurakidetza publiko eta pribatua bultzatzen duen politika bat gara dezaten familiei dagokienez.

l) Nafarroan autonomia pertsonala sustatzeko eta mendekotasunari eta desgaitasunari aurrea hartzeko gaietan, Nafarroako Foru Komunitateko Administrazioaren eta gainerako administrazio publiko, entitate eta erakunde publiko zein pribatuen arteko harremanak sustatzea, baita familientzako, haurrentzako eta nerabeentzako politikak koordinatu eta kudeatzeko eskumenak ere.

m) Departamentuari arau berrien beharra proposatzea eta haiek prestatzen laguntzea.

n) Departamentuari programak gauzatzeko finantzaketa beharrak proposatzea.

ñ) Antzeko beste edozein eginkizun, Agentziaren helburuak lortzen laguntzen badu.

II. TITULUA. EGITURA ORGANIKOA

I. KAPITULUA. ZUZENDARITZA ORGANOAK

4. artikulua. Zuzendaritza organoak.

Honako hauek dira Pertsonen Autonomiarako eta Garapenerako Nafarroako Agentziako zuzendaritza organoak:

a) Gobernu Kontseilua.

b) Kudeaketa Zuzendaritza.

c) Kudeaketaren eta Baliabideen Zuzendariordetza.

d) Balorazioen eta Zerbitzuen Zuzendariordetza.

e) Haurtzaroaren, Nerabezaroaren eta Familiaren Zuzendariordetza.

II. KAPITULUA. GOBERNU KONTSEILUA

5. artikulua. Osaera.

1. Pertsonen Autonomiarako eta Garapenerako Nafarroako Agentziako Gobernu Kontseiluak honako kide hauek ditu:

a) Kontseiluburua: Eskubide Sozialetako, Ekonomia Sozialeko eta Enpleguko Departamentuaren titularrari dagokio. Kanpoan badago, Pertsonen Autonomiarako eta Garapenerako Nafarroako Agentziako Kudeaketa Zuzendaritzak ordeztuko du.

b) Kontseilukideak: Pertsonen Autonomiarako eta Garapenerako Nafarroako Agentziaren Kudeaketa Zuzendaritza eta Zuzendariordetzak, Nafarroako Enplegu Zerbitzuko Kudeaketa Zuzendaritza eta osasunaren, hezkuntzaren, aurrekontuen eta ondarearen arloetan eskumena duten zuzendaritza nagusiak izanen dira kontseilukideak.

Era berean, Nafarroako Gizarte Ongizatearen Kontseiluko hiru kide ere izanen dira Gobernu Kontseiluko kide, organo hartan Foru Komunitateko Administrazioaren izenean aritzen ez diren kideen artetik hautatuko direnak.

2. Eskubide Sozialetako, Ekonomia Sozialeko eta Enpleguko Departamentuak Gobernu Kontseiluan dituen kideen zuzendaritza karguren bat hutsik geldituz gero, Eskubide Sozialetako, Ekonomia Sozialeko eta Enpleguko Departamentuko titularrak haien ordezkoak izendatuko ditu aldi baterako, behin betiko izendapenak egin bitartean.

6. artikulua. Ahalmenak.

Gobernu Kontseiluak ahalmen hauek ditu:

a) Pertsonen Autonomiarako eta Garapenerako Nafarroako Agentziaren ondarea administratzea.

b) Ondasun higiezinen erosketa edo haiek erabiltzearen gaineko edozein egintza proposatzea.

c) Gizarte zerbitzuen sistema publikoko zentro eta zerbitzuetan sartzeko baremoa onestea.

d) Sistema publikoko zentro eta zerbitzuak erabiltzeko prezio publikoen araubidea onestea.

e) Kontseiluko Burutzak presako kasuetan emandako ebazpenen eta probidentzien berri izatea.

7. artikulua. Kontseiluburuaren ahalmenak.

Pertsonen Autonomiarako eta Garapenerako Nafarroako Agentziako Gobernu Kontseiluko Burutzari honako ahalmen hauek dagozkio:

a) Gobernu Kontseiluaren bileretarako dei egitea eta horietarako gai zerrenda ezartzea, bilkuretan buru eta zuzendari lanetan aritzea, eta haren erabakiak eta funtzionamendu arauak betetzen direla zaintzea.

b) Presako kasuetan behar diren probidentzia eta ebazpenak hartzea, eta ondotik egiten den lehenbiziko bilkuran horien berri ematea Gobernu Kontseiluari.

8. artikulua. Idazkaritza.

1. Eskubide Sozialetako, Ekonomia Sozialeko eta Enpleguko Departamentuko Idazkaritza Tekniko Nagusian dagoena izanen da Kontseiluko idazkaria.

2. Honako hauek izanen dira idazkariari dagozkion eginkizunak:

a) Gobernu Kontseiluaren lanak prestatzea, Kontseiluburutzaren jarraibideen arabera, eta erabakiak betearazteko izapideak egitea.

b) Osoko bilkuretako akta egitea, hartzen diren erabakien fede ematea eta eskatzen diren ziurtagiriak luzatzea, Gobernu Kontseiluaren liburu eta dokumentuak zaintzea eta deialdiak egitea.

c) Agintzen zaizkion gainerako eginkizunak betetzea.

9. artikulua. Funtzionamendua.

1. Gobernu Kontseilua nahitaez urtean behin bilduko da bilkura arruntean. Bilkura bereziak Kontseiluburutzak hala erabakirik eginen dira.

2. Gobernu Kontseiluaren funtzionamenduari dagokionez, Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legean kide anitzeko organoentzat ezarritakoari men eginen zaio.

10. artikulua. Aholkularitza.

Gobernu Kontseiluak edozein unetan eskatzen ahalko du beste pertsona batzuen aholkua, daukaten ezagutza, prestakuntza, izen ona edo beste zergatiko bat dela kausa haien esku-hartzea egokitzat jotzen baldin badu. Kasu horretan, dei berezia eginen zaie horretarako.

III. KAPITULUA. KUDEAKETA ZUZENDARITZA

11. artikulua. Izendatzea eta kargutik kentzea.

1. Kudeaketa Zuzendaritza Nafarroako Gobernuak libreki izendatu eta kargutik kenduko da, Eskubide Sozialetako, Ekonomia Sozialeko eta Enpleguko Departamentuko titularrak proposatuta.

2. Kudeaketa Zuzendaritza kanpoan dagoenean, gaixo egoteagatik edo bestelako gorabeherengatik, Zuzendariordetzek ordeztuko dute, honako hurrenkera honi jarraikiz:

a) Balorazioen eta Zerbitzuen Zuzendariordetza.

b) Kudeaketaren eta Baliabideen Zuzendariordetza.

c) Haurtzaroaren, Nerabezaroaren eta Familiaren Zuzendariordetza.

12. artikulua. Eginkizunak.

Pertsonen Autonomiarako eta Garapenerako Nafarroako Agentziako Kudeaketa Zuzendaritzak eginkizun hauek izanen ditu, besteak beste:

a) Pertsonen Autonomiarako eta Garapenerako Nafarroako Agentziaren jardunaren erantzukizunik gorena bere gain hartzea.

b) Erakundearen ordezkaria izatea.

c) Gobernu Kontseiluko erabakiak bete eta betearaztea.

d) Pertsonen Autonomiarako eta Garapenerako Nafarroako Agentziaren organoak eta jarduerak zuzendu, kudeatu eta antolatzea.

e) Erakunde autonomoak jarduteko behar dituen administrazio ebazpenak onartzea eta administrazio egintzak bete daitezen agintzea.

f) Kontratazio administratiboaren arloan indarra duen araudiak erakunde autonomoen ordezkariei kontratuak egiteko ematen dizkien ahalmenak egikaritzea.

g) Zerbitzuen kontratazioa eta itun sozialak ebaluatzeko eta horien jarraipena egiteko batzordeetan izanen diren ordezkariak izendatzea, baita gainerako kideak ere, enpresa edo erakunde adjudikazio-hartzaileak, enpresa batzordeak eta zentroan parte hartzeko kontseiluak proposatuta.

h) Pertsonen Autonomiarako eta Garapenerako Nafarroako Agentziari dagozkion ondare erantzukizuneko prozeduren gainean ebaztea.

i) Pertsonen Autonomiarako eta Garapenerako Nafarroako Agentziaren transferentzietarako eta funtzionamendurako gastu eta ordainketak baimentzea, indarreko araudian ezarritakoarekin bat.

j) Pertsonen Autonomiarako eta Garapenerako Nafarroako Agentziaren jarduketa programak diseinatzea.

k) Mendekotasun eta desgaitasun egoerak aintzat hartzeko prozedurak ebaztea.

l) Pertsonen Autonomiarako eta Garapenerako Nafarroako Agentziako langileendako prestakuntza programak koordinatzea, kudeatzea, kontrolatzea eta ebaluatzea.

m) Lan metodoak hobetzeaz, berrikuntza teknologiko aplikagarriak sartzeaz, zentroak, instalazioak eta ekipamenduak zaindu eta mantentzeaz eta diru-sarrera eta gastuak optimizatzeaz arduratzea.

n) Departamentuak Pertsonen Autonomiarako eta Garapenerako Nafarroako Agentziaren eskumen esparruan dituen planak eta programak diseinatzen, gauzatzen, ebaluatzen eta haien jarraipena egiten laguntzea.

ñ) Pertsonen Autonomiarako eta Garapenerako Nafarroako Agentziari atxikitako atalburutzak, bulegoburutzak eta ataletik beherako beste unitate batzuetako burutzak bitarte baterako izendatzea, funtzio publikoaren arloan eskumena duen departamentuak aldeko txostena eman ondoren.

o) Pertsonen Autonomiarako eta Garapenerako Nafarroako Agentziari atxikitako zentroetako zuzendariak izendatzea eta kargutik kentzea, funtzio publikoaren arloan eskumena duen departamentuak aldeko txostena eman ondoren.

p) Proposamenak egitea Pertsonen Autonomiarako eta Garapenerako Nafarroako Agentziako plantilla organikoa aldatzeko eta lan eskaintzak ateratzeko, eta funtzio publikoaren arloan eskumena duen departamentuari igortzea, Nafarroako Foru Komunitateko eta haren erakunde autonomoetako organoetako langileria arloko eskudantziak zehazten dituen otsailaren 21eko 30/2005 Foru Dekretuaren 1. artikuluaren b) eta c) letretan xedatutako ondorioetarako.

q) Langileak zuzentzeko eta antolatzeko ahalmenak erabiltzea, haien mailarekin eta izendapenarekin bat datozen eginkizunak eta funtzioak esleitzekoak barne.

r) Langile bakoitzari dagokion lanpostua esleitzea, eta, orobat, atxikipen aldaketak egitea Pertsonen Autonomiarako eta Garapenerako Nafarroako Agentziaren barrenean beteak edo hutsik dauden lanpostuen artean.

s) Hutsegite larriak edo oso larriak egiteagatik diziplina espedienteak irekitzea.

t) Langileen behin-behineko eginkizun gabetzearen egoera administratiboa deklaratzea.

u) Hutsegite larri eta arinengatik diziplina espedienteen gainean ebaztea.

v) Bide jurisdikzional sozial eta zibilaren aurreko erreklamazioak ebaztea.

w) Desgaitasuna duten Pertsonei Babesak Emateko Nafarroako Fundazioaren Patronatuko burutza izatea, fundazio hori sortzen duen irailaren 24ko 269/2001 Foru Dekretuan ezarritako eginkizunak betez.

x) Eskubide Sozialetako, Ekonomia Sozialeko eta Enpleguko Departamentuko titularrak eta Agentziako Gobernu Kontseiluak, bere kargua dela eta, agintzen dizkioten eginkizun guztiak betetzea.

13. artikulua. Eskuordetzea.

Kudeaketa Zuzendaritzak eskudantzietako batzuk Pertsonen Autonomiarako eta Garapenerako Nafarroako Agentziako zuzendariordetzen esku utz ditzake, indarra duen legedian ezarritakoaren arabera.

IV. KAPITULUA. ZUZENDARIORDETZAK

14. artikulua. Pertsonen Autonomiarako eta Garapenerako Nafarroako Agentziako zuzendariordetzak.

Pertsonen Autonomiarako eta Garapenerako Nafarroako Agentziak zuzendariordetza hauek ditu bere egituran, zuzenean Kudeaketa Zuzendaritzaren menpean:

a) Kudeaketaren eta Baliabideen Zuzendariordetza.

b) Balorazioen eta Zerbitzuen Zuzendariordetza.

c) Haurtzaroaren, Nerabezaroaren eta Familiaren Zuzendariordetza.

15. artikulua. Zuzendariordetzak.

Zuzendariordetzen izendapena eta kargutik kentzea Nafarroako Gobernuak erabakiko du askatasunez, foru dekretu bidez, Eskubide Sozialetako, Ekonomia Sozialeko eta Enpleguko Departamentuko titularrak proposatuta.

Kargua hutsik gelditzen denean, titularra kanpoan edo gaixorik dagoenean edo beste ezintasun bat duenean, zuzendariordeek elkar ordeztuko dute aldi baterako, 14. artikuluan ezarritako ordenari jarraikiz.

16. artikulua. Kudeaketa eta Baliabideen Zuzendariordetzaren esparru material eta funtzionala.

Kudeaketaren eta Baliabideen Zuzendariordetzak eginkizun hauek izanen ditu:

a) Agentziako Zuzendaritzari laguntzea zuzendaritza organoak koordinatzen.

b) Ekimen publikoko edo pribatuko entitateekiko kontratuak eta itun sozialak antolatu, bultzatu, kudeatu eta kontrolatzea, Agentziako gainerako organoekin koordinaturik.

c) Ekimen pribatuko entitateekiko kontratuak eta itun sozialak egiteko irizpide ekonomikoak, baldintzak eta adierazleak diseinatzea.

d) Departamentuak dituen planak eta programak diseinatzen, gauzatzen, ebaluatzen eta haien jarraipena egiten laguntzea.

e) Kontu-egoerak eta auditoriak egiteko lanak koordinatzea.

f) Zentro berekietan eta esleitzen zaizkionetan programaturiko obretarako, instalazioetarako eta ekipamenduetarako inbertsioak kudeatzea.

g) Bere eremu materialari dagozkion dirulaguntzen deialdiak egin, kudeatu eta kontrolatzea.

h) Zentro berekietako ondasun eta zerbitzuen hornidura planifikatu, koordinatu eta kontrolatzea.

i) Agentziatik egiten diren zerbitzuei dagozkien kontratuen eta itun sozialen baldintza ekonomikoak eta Agentziatik sustatzen diren zerbitzuetako hitzarmenen baldintza ekonomikoak betetzen direla kontrolatzea.

j) Autonomia pertsonala sustatzeko eta mendekotasunari eta desgaitasunari aurrea hartzeko jarduerak antolatzea eta sentsibilizazio jarduketak sustatzea.

k) Autonomia pertsonala sustatzeko eta mendekotasunari eta desgaitasunari aurrea hartzeko programa berritzaileetarako baliabide berriak sustatzea.

l) Pertsonen Autonomiarako eta Garapenerako Nafarroako Agentziaren giza baliabideen arloko beharrak koordinatzea, kudeatzea eta gainbegiratzea.

m) Pertsonen Autonomiarako eta Garapenerako Nafarroako Agentziaren menpeko zentroetako eta instalazioetako segurtasun eta higiene programak planifikatzea.

n) Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen araudiak erakunde autonomoei esleitzen dizkien eginkizunak betetzea, Kudeaketa Zuzendaritzari esleiturik ez daudenak.

ñ) Pertsonen Autonomiarako eta Garapenerako Nafarroako Agentziako langileak administrazio araubidean edo lan araubidean aldi baterako kontratatzeko deialdiak onetsi, tramitatu eta ebaztea, Funtzio Publikoko Zuzendaritza Nagusiak baimendu ondoren.

o) Agentziako kudeaketa zuzendariaren ikuskaritzapean, Pertsonen Autonomiarako eta Garapenerako Nafarroako Agentziaren zerbitzura dauden langileen lan eta administrazio kontratuak baimendu eta formalizatzea eta kontrataziorako deiak egitea.

p) Pertsonen Autonomiarako eta Garapenerako Nafarroako Agentziaren langileentzako prestakuntza programak koordinatzea, bultzatzea eta kudeatzea.

q) Zahar etxeen erabiltzaileek egonaldien zerbitzuak finantzatzeko egin beharreko diru-ekarpena arautzen duen abenduaren 29ko 17/2000 Foru Legea aplikatzearen ondoriozko administrazio jarduketei buruzko informazioa ematea, gainbegiratzea, kudeatzea eta kontrolatzea zorra, eta gainerako administrazio jarduketak.

r) Pertsonen Autonomiarako eta Garapenerako Nafarroako Agentziako Zuzendaritzari, baita haren menpeko administrazio unitateei ere, laguntzea bere eskumeneko arloetan.

s) Azaldutako eginkizunen antzekoa edo osagarria izanik, beste administrazio unitateren bati espresuki esleitu ez zaiona, eta eskuordetzen edo agintzen zaion beste edozein eginkizun.

17. artikulua. Balorazioen eta Zerbitzuen Zuzendariordetzaren eremu material eta funtzionala.

Balorazioen eta Zerbitzuen Zuzendariordetzak honako eginkizun hauek beteko ditu:

a) Agentziako Zuzendaritzari laguntzea zuzendaritza organoak koordinatzen.

b) Desgaitasuna eta mendekotasuna baloratzeko lantaldeak koordinatzea.

c) Mendekotasuna dutenen Autonomiarako eta Arretarako Sistemak (SAAD) bermatutako prestazio ekonomikoak koordinatzea eta horien jarraipena egitea.

d) Mendekotasuna dutenen Autonomia Pertsonalerako eta Arretarako Informazio Sistemarekin (SISAAD) koordinatzea sistemako prestazioen jarraipena egiteko eta prestazio horiek finantzatzeko.

e) Desgaitasuna eta/edo mendekotasuna duten pertsonei arreta emateko zerbitzu eta zentroen kudeaketa koordinatzea eta haiei laguntza eta aholkularitza ematea.

f) Desgaitasuna eta/edo mendekotasuna duten pertsonentzako zerbitzuei loturiko prestazio ekonomikoen antolaketa eta kudeaketa koordinatzea.

g) Gizarte zerbitzuen sistema publikoko zentroetako erabiltzaileen sarreren kudeaketa gainbegiratzea.

h) Zerbitzu berekietan eta/edo itunduetan profilei, zainketei, jarduerei eta esku hartzeko programei dagokienez dauden laguntza beharrak baloratzea.

i) Departamentuak dituen planak eta programak diseinatzen, gauzatzen, ebaluatzen eta haien jarraipena egiten laguntzea.

j) Bere eskumeneko arloetan, departamentuen eta erakundeen arteko lantalde teknikoetan parte hartzea.

k) Pertsonen Autonomiarako eta Garapenerako Nafarroako Agentziako Zuzendaritzari, baita haren menpeko administrazio unitateei ere, laguntzea bere eskumeneko arloetan.

l) Autonomia pertsonala sustatzeko eta mendekotasunari aurrea hartzeko programak bultzatzea, koordinatzea, kudeatzea eta haien jarraipena egitea, Osasun Departamentuarekin lankidetzan arituz programak optimizatzeko.

m) Mendekotasun eta/edo desgaitasun egoeran dauden pertsonen profesionalei eta senideei bideratutako prestakuntza programak eta jardunbide onak sustatzea, koordinatzea eta kudeatzea.

n) Agentziak zerbitzuei buruz egiten dituen kontratuetan eta itun sozialetan baldintza teknikoak betetzen direla begiratzea.

ñ) Autonomia pertsonala sustatzeko eta mendekotasunari eta desgaitasunari aurrea hartzeko jarduerak antolatzea eta sentsibilizazio jarduketak sustatzea.

o) Autonomia pertsonala sustatzeko eta mendekotasunari eta desgaitasunari aurrea hartzeko programa berritzaileetarako baliabide berriak sor daitezela sustatzea.

p) Azaldutako eginkizunen antzekoa edo osagarria izanik, beste administrazio unitateren bati espresuki esleitu ez zaiona, eta eskuordetzen edo agintzen zaion beste edozein eginkizun.

18. artikulua. Haurtzaroaren, Nerabezaroaren eta Familiaren Zuzendariordetzaren eremu materiala eta funtzionala.

Haurtzaroaren, Nerabezaroaren eta Familiaren Zuzendariordetzak eginkizun hauek izanen ditu:

a) Agentziako Zuzendaritzari laguntzea zuzendaritza organoak koordinatzen.

b) Haurtzaroaren, Nerabezaroaren eta Familiaren gaineko politiken urteko plangintza proposatzea Kudeaketa Zuzendaritzari, beren eskumenen eremuan.

c) Haurtzaroaren, Nerabezaroaren eta Familiaren Departamentuaren planak eta programak diseinatzen, ebaluatzen eta haien jarraipena egiten laguntzea.

d) Haurtzaroaren, nerabezaroaren eta familiaren gaineko araudi guztia onesteko orduan, sustatzaile eta bultzatzaile lana egitea eta lankide gisa aritzea.

e) Departamenduen, departamendu arteko eta erakunde arteko jarduerak planifikatzea, Foru Komunitatean haurren eta nerabeen eskubideak eraginkortasunez betetzeko beharrezkoak diren baldintzen dibulgazioari eta sustapenari buruz eta familien babes eta sustapenari buruz.

f) Haur eta nerabeei arreta eta babesa eman eta haien familiak, eskubideak eta berdintasuna sustatzeko maiatzaren 11ko 12/2022 Foru Dekretuaren betearazpena eta garapena sustatzea.

g) Arrisku edo babesgabezia egoeran dauden adingabeak babesteko neurriak kudeatzeko eta babesgabezia baloratzeko taldeak kudeatzea eta koordinatzea.

h) Gazteentzako Justizia Sistemaren jarduerak kudeatzea eta koordinatzea, organo jurisdikzionalek ezarritako neurriak betearaztearen esparruan.

i) Garapenean nahasdurak dituzten edo jasateko arriskua duten 0 eta 3 urte bitarteko haurren prozesuak ikuskatzea, bai sarrerako hasierako balorazioan, bai esku-hartzean.

j) Arreta goiztiarreko zerbitzuaren diseinua, koordinazioa, aplikazioa eta ebaluazioa ikuskatzea, bai eta arreta goiztiarraren gaineko araudia ere.

k) Babesgabeziaren gaineko zaurgarritasun egoeren aurrean sentsibilizazio, prestakuntza, prebentzio eta arretarako programak garatzea.

l) Kudeaketa Zuzendaritzari proposamenak egitea menpean dituen unitate organikoen funtzionamendurako jarraibideei buruz.

m) Kudeaketa Zuzendaritzari aholku ematea gai ekonomikoetan, eta, zehazki, aurrekontuen aurreproiektuak prestatzerako garaian eta aurrekontuetako aldaketak proposatzean, bere eskumenen esparruan.

n) Eskuordetuz gero, zuzendariordetzako langileriaren antolaketaren gaineko ahalmenak erabiltzea, lanak eta eginkizunak bakoitzaren mailaren eta izendapenaren arabera banatzea eta absentismoa kontrolatzea barne, eta Kudeaketa Zuzendaritzari langileriaren arloko bidezko jarduketak proposatzea, hori guztia bere eskumenen esparruaren barrenean.

ñ) Zuzendariordetzako langileen urteko prestakuntza plana prestatzea eta haren jarraipena egitea, bere eskumenen esparruan.

o) Pertsonen Autonomiarako eta Garapenerako Nafarroako Agentziako Zuzendaritzari, baita haren menpeko administrazio unitateei ere, laguntzea bere eskumeneko arloetan.

p) Azaldutako eginkizunen antzekoa edo osagarria izanik, beste administrazio unitateren bati espresuki esleitu ez zaiona, eta eskuordetzen edo agintzen zaion beste edozein eginkizun.

V. KAPITULUA. ATALAK

1. ATALA. KUDEAKETAREN ETA BALIABIDEEN ZUZENDARIORDETZA

19. artikulua. Kudeaketaren eta Baliabideen Zuzendariordetzaren egitura.

Kudeaketaren eta Baliabideen Zuzendariordetzak atal hauek ditu bere egituran:

a) Ituntze Atala.

b) Inbertsio, Obra eta Hornidura Atala.

c) Programen eta Dirulaguntzen Kudeaketaren Atala.

d) Langileria Atala.

20. artikulua. Ituntze Atalaren esparru material eta funtzionala.

Ituntze Atalak honako eginkizun hauek izanen ditu:

a) Erakunde autonomoak gizarte zerbitzuen arloko jarduerak osatzeko sinatzen dituen kontratuak, enkarguak eta itun sozialak koordinatzea eta gainbegiratzea, erantzukizun publikokoak direnean, kasuan kasuko arloen arduradunekin elkarlanean.

b) Zerbitzuen kontratu, itun sozial eta hitzarmen gehiago sinatzeko proposamenak egitea (plazak ituntzea, egoitza zentroak, eguneko zentroak etab.), kasuan kasuko arloen arduradunekin elkarlanean.

c) Pertsonen Autonomiarako eta Garapenerako Nafarroako Agentziako Kudeaketa Zuzendaritzari eta bere antolamenduan dituen gainerako unitateei bere eskumeneko arloetan laguntzea.

d) Bere eskumenen esparruko espedienteak kudeatzea eta artxibatzea.

e) Azaldutako eginkizunen antzekoa edo osagarria izanik, beste administrazio unitateren bati espresuki esleitu ez zaiona, eta eskuordetzen edo agintzen zaion beste edozein eginkizun.

21. artikulua. Inbertsio, Obra eta Hornidura Atalaren eremu material eta funtzionala.

Inbertsio, Obra eta Hornidura Atalak honako eginkizun hauek izanen ditu:

a) Ekipamendu eta instalazioen berrikuntza eta haien mantentze lanak planifikatu eta sustatzea.

b) Departamentuak bere zentro berekietan egiten dituen lanak kudeatzea, tramitatzea eta kontrolatzea.

c) Erakundeek edo enpresek zentroetan egiten dituzten lanak baimentzea eta kontrolatzea.

d) Departamentuak duen ibilgetuaren inbentarioa sortzea eta horren mantentze lanez arduratzea.

e) Gizarte zerbitzuen gaineko ekipamendu, azpiegitura proiektu, obra eta inbertsioetarako dirulaguntzak izapidetzea, kudeatzea eta kontrolatzea.

f) Kudeatzea eta kontrolatzea departamentuak gizarte zerbitzuen arloan dituen zentroetarako kontratuak, hots, obrakoak, zerbitzuetakoak, laguntza teknikoa ematekoak eta hornidurakoak.

g) Arlo honetan beharrezkoak diren aurrekontu aldaketak proposatu eta tramitatzea.

h) Bere eskumenen esparruko espedienteak kudeatzea eta artxibatzea.

i) Azaldutako eginkizunen antzekoa edo osagarria izanik, beste administrazio unitateren bati espresuki esleitu ez zaiona, eta eskuordetzen edo agintzen zaion beste edozein eginkizun.

22. artikulua. Programen eta Dirulaguntzen Kudeaketaren Atalaren eremu material eta funtzionala.

Programen eta Dirulaguntzen Kudeaketaren Atalak honako eginkizun hauek izanen ditu:

a) Autonomia pertsonala bultzatzeko eta mendekotasunari eta desgaitasunari aurrea hartzeko prestazioak sustatzea eta kudeatzea.

b) Gizarte ekimeneko entitateekin koordinatzea eta elkarlanean aritzea, autonomia pertsonala sustatzeko eta mendekotasunari eta desgaitasunari aurrea hartzeko programak garatzeko.

c) Autonomia pertsonala sustatzeko eta mendekotasunari eta desgaitasunari aurrea hartzeko laguntzen eta dirulaguntzen espedienteak kudeatzea eta kontrolatzea.

d) Pertsonen Autonomiarako eta Garapenerako Nafarroako Agentziak autonomia pertsonala sustatzeko eta mendekotasunari eta desgaitasunari aurrea hartzeko programak garatzen dituzten entitateekin sinatzen dituen hitzarmenak kudeatzea eta kontrolatzea.

e) Gizarte ekimeneko entitateekin koordinatzea eta lankidetzan aritzea boluntarioen programak garatzeko mendekotasunaren, adindunen, desgaitasunaren eta eritasun mentalen esparruetan.

f) Bere eskumeneko arloetan, departamentuen eta erakundeen arteko lantalde teknikoetan parte hartzea.

g) Laguntzarekiko garraio egokituaren programa kudeatzea Adinekoentzako Zerbitzuen Atalarekin eta Desgaitasuna duten Pertsonentzako Zerbitzuen Atalarekin koordinatuz.

h) Telelaguntza programa kudeatzea.

i) Adinekoei bideratutako jantokien programako laguntzak kudeatzea.

j) Bere eskumenen esparruko espedienteak kudeatzea eta artxibatzea.

k) Azaldutako eginkizunen antzekoa edo osagarria izanik, beste administrazio unitateren bati espresuki esleitu ez zaiona, eta eskuordetzen edo agintzen zaion beste edozein eginkizun.

23. artikulua. Langileria Atalaren esparru material eta funtzionala.

Langileria Atalak honako eginkizun hauek beteko ditu:

a) Sindikatuekiko eta langileen ordezkaritza organoekiko harremanak bideratzea.

b) Pertsonen Autonomiarako eta Garapenerako Nafarroako Agentziaren menpeko zentroak, administrazio unitateak eta zerbitzuak ikuskatzea eta kontrolatzea laneko eskubide eta betebeharrak begiratu eta betetzeari dagokionez.

c) Langileriaren arloan teknikoki aholkatzea, erakundeko administrazio unitate, zentro eta zerbitzu guztietan.

d) Pertsonen Autonomiarako eta Garapenerako Nafarroako Agentziaren menpeko zentro, administrazio unitate eta menpeko zerbitzuetan segurtasun eta osasun programak gainbegiratzea.

e) Langileen erregistroa ireki, mantendu eta eguneratzea.

f) Pertsonen Autonomiarako eta Garapenerako Nafarroako Agentziaren menpeko zentroetako, administrazio unitateetako eta zerbitzuetako lanpostuak hautatzeari buruzko proposamenak egitea, urteko plantilla organikoa prestatzeko.

g) Langileriaren, nominen eta gizarte segurantzaren kudeaketa koordinatzea eta kontrolatzea, Pertsonen Autonomiarako eta Garapenerako Nafarroako Agentziako langileei dagokienez.

h) Hautapen eta balorazio epaimahaien lana koordinatu eta jarraipena egitea.

i) Pertsonen Autonomiarako eta Garapenerako Nafarroako Agentziaren menpeko zentroetako langile beharrak eta aurrekontua kontrolatzea, baita lan publikoaren eskaintzako proposamenak eta deialdiak prestatzea ere.

j) Pertsonen Autonomiarako eta Garapenerako Nafarroako Agentziaren menpeko zentroetako, administrazio unitateetako eta zerbitzuetako langileentzako prestakuntza programak koordinatzea eta gainbegiratzea.

k) Bere eskumenen esparruko espedienteak kudeatzea eta artxibatzea.

l) Azaldutako eginkizunen antzekoa edo osagarria izanik, beste administrazio unitateren bati espresuki esleitu ez zaiona, eta eskuordetzen edo agintzen zaion beste edozein eginkizun.

2. ATALA. BALORAZIOEN ETA ZERBITZUEN ZUZENDARIORDETZA

24. artikulua. Balorazioen eta Zerbitzuen Zuzendariordetzaren egitura.

Balorazioen eta Zerbitzuen Zuzendariordetzak honako atal hauek ditu bere egituran:

a) Adinekoentzako Zerbitzuen Atala.

b) Desgaitasuna duten Pertsonentzako Zerbitzuen Atala.

c) Prestazioak Kudeatzeko Atala.

d) Pertsonarengan zentratutako arretaren eta koordinazio soziosanitarioaren atala.

e) Balorazio Zentroa.

25. artikulua. Adinekoentzako Zerbitzuen Atalaren eremu material eta funtzionala.

Adinekoentzako Zerbitzuen Atalak honako eginkizun hauek izanen ditu:

a) Premiak hautematea eta programa eta baliabide komunitarioak diseinatzea adinekoen instituzionalizazioa prebenitzeko.

b) Gizarte zerbitzuen sistema publikoko zentroetan, adinekoen sarrera antolatu, planifikatu eta kudeatzea.

c) Adinekoei arreta emateko gizarte eta osasun zerbitzu eta zentroak koordinatzea, kudeatzea, haiei sostengu eta aholku ematea eta haiek ebaluatzea.

d) Osasun Departamentuarekin koordinatzea baterako lan programetako esku-hartzea.

e) Zerbitzuek dituzten beharrak baloratzea, profilei, zainketei, jarduerei eta esku hartzeko programei dagozkienak, zuzendariordetzako beste atal batzuekin elkarlanean.

f) Adinekoentzako zerbitzuei loturiko prestazio ekonomikoak koordinatzea, antolatzea, izapidetzea eta kudeatzea.

g) Zahar etxeen erabiltzaileek egonaldien zerbitzuak finantzatzeko egin beharreko diru-ekarpena arautzen duen abenduaren 29ko 17/2000 Foru Legea aplikatzearen ondoriozko zorraren berri ematea eta hura kontrolatzea, Kudeaketaren eta Baliabideen Zuzendariordetzarekin koordinaturik.

h) Bere eskumenen esparruko espedienteak kudeatzea eta artxibatzea.

i) Azaldutako eginkizunen antzekoa edo osagarria izanik, beste administrazio unitateren bati espresuki esleitu ez zaiona, eta eskuordetzen edo agintzen zaion beste edozein eginkizun.

26. artikulua. Desgaitasuna duten Pertsonentzako Zerbitzuen Atalaren esparru material eta funtzionala.

Desgaitasuna duten Pertsonentzako Zerbitzuen Atalak eginkizun hauek izanen ditu:

a) Premiak hautematea eta programa eta baliabide komunitarioak diseinatzea eritasun mentala duten pertsonen eta desgaitasuna duten pertsonen instituzionalizazioa prebenitzeko.

b) Gizarte zerbitzuen sistema publikoko zentroetan, desgaitasuna duten pertsonen eta eritasun mentala duten pertsonen sarrera antolatzea, planifikatzea eta kudeatzea.

c) Desgaitasuna edo eritasun mentala duten pertsonei arreta emateko gizarte eta osasun zerbitzu eta zentroak koordinatu eta kudeatzea eta haiei sostengu eta aholku ematea.

d) Baterako lan programak koordinatzea Osasun Departamentuarekin bai eta Nafarroako Gobernuaren gainerako departamentuekin ere.

e) Zerbitzuek dituzten laguntza beharrak baloratzea, soslai, zainketa, jarduera eta esku hartzeko programei dagozkienak, Zuzendariordetzako beste atal batzuekin elkarlanean.

f) Desgaitasuna edo eritasun mentala duten pertsonentzako zerbitzuei loturiko prestazio ekonomikoen antolaketa, tramitazioa eta kudeaketa koordinatzea.

g) Eritasun mentala duten pertsonentzako Esku-hartze Soziokomunitarioko Programa kudeatzea.

h) Desgaitasuna duten pertsonentzako Esku-hartze Soziokomunitarioko Programa kudeatzea.

i) Bere eskumenen esparruko espedienteak kudeatzea eta artxibatzea.

j) Azaldutako eginkizunen antzekoa edo osagarria izanik, beste administrazio unitateren bati espresuki esleitu ez zaiona, eta eskuordetzen edo agintzen zaion beste edozein eginkizun.

27. artikulua. Prestazioak Kudeatzeko Atalaren eremu material eta funtzionala.

Prestazioak Kudeatzeko Atalak honako eginkizun hauek izanen ditu:

a) Mendekotasun maila aintzat hartua duten pertsonentzako prestazioak eskatzeko prozedura administratiboak koordinatzea.

b) Banakako Arreta Programa prestatzeko eta Prestazioak Kudeatzeko egin beharreko lana eta harremanak koordinatzea dauden esparru soziosanitarioen artean.

c) Banakako Arreta Programak tramitatzea eta kudeatzea, bere eskumenen esparruan.

d) Pertsonen gaitasun ekonomikoa baloratzea, erabiltzaileek prestazioak edo zerbitzuak eskuratzeko.

e) Mendeko pertsonen zaintza profesionaletarako eta familia zainketetarako prestazio ekonomikoen eta laguntza pertsonalerako prestazio ekonomikoen antolaketa, izapidetzea eta kudeaketa koordinatzea.

f) Bere eskumenen esparruko espedienteak kudeatzea eta artxibatzea.

g) Mendekotasuna dutenen Autonomiarako eta Arretarako Sistemak (SAAD) bermatutako prestazio ekonomikoen jarraipena egitea.

h) Mendekotasuna dutenen Autonomia Pertsonalerako eta Arretarako Informazio Sistemarekin (SISAAD) koordinatzea sistemako prestazioen jarraipena egiteko eta prestazio horiek finantzatzeko.

i) Azaldutako eginkizunen antzekoa edo osagarria izanik, beste administrazio unitateren bati espresuki esleitu ez zaiona, eta eskuordetzen edo agintzen zaion beste edozein eginkizun.

28. artikulua. Pertsonarengan zentratutako arretaren eta koordinazio soziosanitarioaren atalaren eremu material eta funtzionala.

Pertsonarengan zentratutako arretaren eta koordinazio soziosanitarioaren atalak eginkizun hauek izanen ditu:

a) Gizarte zerbitzuetan pertsonarengan zentratutako arretaren ikuspegia ezartzearekin zerikusia duten jarduera guztiak sustatzea, baita komunitateko erakundeen eta eragileen artean sentsibilizazio, prestakuntza, koordinazio eta ebaluazio ekintzak bultzatzea ere.

b) Gizarte eta osasunean koordinazioan aritzea Nafarroako eremuen eta oinarrizko arloen artean.

c) Gizarte zerbitzuen sistema berrantolatzen parte hartzea, pertsonen inguruan babesak ezartzeko.

d) Zaintzen sare bat garatzera bideratuak dauden baliabide sanitario eta sozialak sortzeko, ordenatzeko eta koordinatzeko estrategia orokorrak prestatzea.

e) Eremu geografiko guztietan bultzatzea pertsonei arreta integratua ematea, gizarte eta osasun zerbitzuen elkarlanaren bidez eta gaia zeharka lantzen duten bestelako arloen parte hartzearekin, batez ere hezkuntzarenarekin.

f) Nafarroako gizarte eta osasun arreta integratua emateko programak sustatzea, Osasun Departamentuarekin batera.

g) Beharrezko jo eta agintzen diren bestelako ikerketa eta proposamen eginkizunak, gizarte-hezkuntza arloarekin eta/edo gizarteratze-laneratze arloarekin lotutakoak barne.

h) Pertsonengan eta komunitatean zentratutako ikuspegiaren esparruan sortutako lantalde teknikoetan eta batzorde soziosanitarioetan parte hartzea.

29. artikulua. Balorazio Zentroaren esparru material eta funtzionala.

Balorazio Zentroak honako eginkizun hauek beteko ditu:

a) Desgaitasun mailaren kalifikazioaren eta horren ondoko berariazko egoeren gaineko balorazioa, orientazioa eta proposamena egitea.

b) Mendekotasun mailaren gaineko balorazioa, orientazioa eta proposamena egitea.

c) Desgaitasuna duten pertsonentzako etxebizitzari buruzko txosten teknikoak egitea.

d) Desgaitasuna duten pertsonen lan gaitasuna, lan orientazioa, hautaketa probetan epaimahaiei emandako aholkularitza eta lanpostuetan sartzeko laguntza baloratzea.

e) Desgaitasuna edo/eta mendetasuna duten pertsonen laguntza beharrak antzematea.

f) Autonomia sustatzeko eta mendekotasunari aurrea hartzeko eskura dauden zerbitzuei buruzko orientazioa eta aholkularitza ematea erabiltzaileei.

g) Autonomia Sustatzeko eta Mendekotasunaren Prebentziorako zerbitzuak kudeatzea.

h) Laguntza Produktuen Zentroa kudeatzea eta irisgarritasun unibertsala sustatzea.

i) Laguntza txakurraren izaera aitortzea eta hirugarren pertsonaren bidezko baimen berezia ematea.

j) Desgaitasunen bat duten pertsonei orientazioa eta aholkularitza ematea beren bizitzan zehar bizimodu independentea lortzeko azal ditzaketen laguntza beharrei buruz.

k) Desgaitasuna edo/eta mendetasuna duten pertsonen bizimodu independentean laguntzeko zerbitzuak sustatzea.

l) Aholkularitza tekniko espezializatua ematea ANADPeko beste atal batzuei mendetasunaren eta desgaitasunaren arloan.

m) Bere eskumeneko arloetan, departamentuen eta erakundeen arteko lantalde teknikoetan parte hartzea.

n) Bere eskumenen esparruko espedienteak kudeatzea eta artxibatzea.

ñ) Azaldutako eginkizunen antzekoa edo osagarria izanik, beste administrazio unitateren bati espresuki esleitu ez zaiona, eta eskuordetzen edo agintzen zaion beste edozein eginkizun.

3. ATALA. HAURTZAROAREN, NERABEZAROAREN ETA FAMILIAREN ZUZENDARIORDETZA

30. artikulua. Haurtzaroaren, Nerabezaroaren eta Familiaren Zuzendariordetzaren egitura.

Haurtzaroaren, Nerabezaroaren eta Familiaren Zuzendariordetzak atal hauek ditu bere egituran:

a) Familiaren eta Haurren Eskubideen Sustapenaren Atala.

b) Babesgabetasun Egoeren Balorazio Atala.

c) Zaintza Kudeatzeko Atala.

d) Arreta Goiztiarreko Zerbitzuko Zentro Koordinatzailea.

31. artikulua. Familiaren eta Haurren Eskubideen Sustapenaren Atalaren esparru material eta funtzionala.

Familiaren eta Haurren Eskubideen Sustapenaren Atalak honako eginkizun hauek beteko ditu:

a) Familiak lagundu eta babesteko prestazio ekonomiko, laguntza eta dirulaguntzen antolaketa, izapide eta kudeaketa koordinatzea, familia ereduen bilakaeraren arabera, gizartearen errealitatearen arabera eta prestazio horiek zainketen ardurakidetzan duten eraginaren arabera.

b) Familia ugariaren eta guraso bakarreko familiaren egiaztagiria baloratu eta izapidetzea.

c) Familia Orientazioko Zerbitzua kudeatu eta koordinatzea.

d) Familia Bitartekotzaren Zerbitzua kudeatu eta koordinatzea.

e) Familia Elkargunearen Zerbitzua kudeatu eta koordinatzea.

f) Bere eskumenen esparruko kontratuak, itunak edo enkarguak kontrolatu eta gainbegiratzea.

g) Familia politikei buruzko dokumentazioa eta argitalpenak egitea, eta Agentziako gainerako unitateekin lankidetzan aritzea haien eskumen esparruan legeak garatzen.

h) Haurrei, nerabeei eta familiei zuzendutako politika publikoen plangintzan parte hartzea, baita arlo horretan zehazten diren plan eta programetan ere.

i) Haurren eskubideei eta familien babesari eta laguntzari buruzko departamenduen, departamendu arteko eta erakunde arteko lantalde teknikoetan parte hartzea.

j) Administrazio publikoetako beste unitate batzuekin eta gizarte erakundeekin lankidetzan aritzea, haurren eta nerabeen eskubideen babesa bermatzeko.

k) Haur eta nerabeen eskubideak sustatu eta haien berri zabaltzea, gizartean partaidetza aktiboa sustatuz.

l) Bere eskumenen esparruko espedienteak kudeatzea eta artxibatzea.

m) Familien Sostengu eta Sustapenari buruzko arautik eratortzen diren guztiak.

ñ) Pertsonen Autonomiarako eta Garapenerako Nafarroako Agentziaren jarduerei loturik agintzen zaion beste edozein eginkizun.

32. artikulua. Babesgabetasun Egoeren Balorazio Atalaren eremu material eta funtzionala.

Babesgabetasun Egoeren Balorazio Atalak honako eginkizun hauek izanen ditu:

a) Babesgabetasun egoeran dauden adingabeak baloratzea, babesgabetasunaren maila zehazteko (arriskua, babesgabetasuna, zaintzaren borondatezko lagapena) eta babes neurri zehatza proposatzea.

b) Nafarroako toki entitateekin lankidetzan aritzea haur eta nerabeen arrisku egoerak baloratu eta deklaratzeko, arrisku egoeran dauden neurrien betearazpena bere gain hartuz, kasuaren konplexutasunagatik edo baliabide faltagatik toki entitateak ezin duenean gauzatu eta hala adosten denean.

c) Oinarrizko laguntzako gizarte zerbitzuekin eta babesgabezia egoeren prebentzio, balorazio eta jarraipenaren esparruko bestelako zerbitzuekin lankidetzan aritzea.

d) Adingabeen babesaren gainean zehazten diren departamentuko, departamentuen arteko edo erakundeen arteko lantalde teknikoetan parte hartzea.

e) Balorazio prozesuan dauden adingabeak baloratzea, gainbegiratzea eta haien jarraipena egitea, prozesu horiek behaketa eta harrera zentroetan zein larrialdiko familietan egin direnean.

f) Ataletik deribatutako familia babesteko programetan sartutako adingabeen balorazioa, ikuskapena eta jarraipena egitea (Familian Esku Hartzeko Programa Espezializatua, Familia Hezkuntzako Programa, Gurasoen aurkako Indarkeriaren Programa, Eguneko Zentroa edo beste batzuk).

g) EAIArekin lankidetzan aritzea adingabeak babesteko neurriak baloratu, gainbegiratu eta ezartzeko.

h) Banakako babes plana prestatzea haurraren edo nerabearen zaintza kudeatzen duen lantaldearekin batera, hura, zein den kasua, berriz familian txertatzeko programan sartzeko.

i) Berehalako eta premiazko arreta ematea, egoerak hala eskatzen duenean.

j) Haurren babesgabetasunari aurrea hartzeko sentsibilizazio kanpainak garatzen laguntzea.

k) Babesgabezia egoeran dauden adingabeak dituzten familientzako laguntza ekonomikoak baloratzea eta kudeatzea.

l) Bere eskumenen esparruko espedienteak kudeatzea eta artxibatzea.

m) Bere eskumenen esparruko kontratuak, itunak edo enkarguak kontrolatu eta gainbegiratzea.

n) Etorkizuneko profesionalen prestakuntzan eta profesionalak espezializatzeko prestakuntza jardueretan parte hartzea, bakoitzaren eskumen eremuari buruzko edukietan.

ñ) Haur eta nerabeei arreta eta babesa eman eta haien familiak, eskubideak eta berdintasuna sustatzeko maiatzaren 11ko 12/2022 Foru Lege betetzeko eta garatzeko jarraipena egitea eta bultzada ematea.

o) Pertsonen Autonomiarako eta Garapenerako Nafarroako Agentziaren jarduerei loturik agintzen zaion beste edozein eginkizun.

33. artikulua. Zaintza Kudeatzeko Atalaren eremu material eta funtzionala.

Zaintza Kudeatzeko Atalak honako eginkizun hauek izanen ditu:

a) Familia harrera sustatzeko jarduketak gainbegiratu, egin eta bultzatzea, modalitate guztietan, behin-behineko zaintzan, babesgabezian edo borondatezko zaintzan dauden adingabeak babesteko lehen neurria izan dadin.

b) Harrera eta adopzio familiak hautatzea eta haiei informazioa, prestakuntza eta laguntza ematea eta balorazio psikosoziala eta jarraipena egitea.

c) Hala badagokio, familiei egokitasunaren ziurtagiriak eta jarraipena egiteko konpromisoa igortzea.

d) Familia harrerak formalizatzea, eta, kasua bada, epaitegian adoptatzeko proposamenak egitea, eta adopzioen eta harreren jarraipena egitea.

e) Babes etxebizitza funtzionaletan, egoitza zentroetan eta familia harreran dauden adingabeentzat ezarritako banakako babes planak garatzea, eta horien jarraipena gainbegiratzea.

f) Etorkizuneko profesionalen prestakuntzan eta profesionalak espezializatzeko prestakuntza jardueretan parte hartzea, bakoitzaren eskumen eremuari buruzko edukietan.

g) Kontratuak eta itunak kudeatzea, gainbegiratzea eta kontrolatzea, bai eta horiek kudeatzen dituzten erakundeekin koordinatzea ere, Atalaren eremu materialaren barruan.

h) Familia eta egoitza harrerako zerbitzuetan familia biologikoen guraso eginkizunak berreskuratzeko programak garatzea.

i) Adingabeen eta haien familien esku-hartzearen lehen mailako arretako baliabideekin koordinatzea, babes neurriak irauten duen bitartean eta neurri hori eteten denean.

j) Adopzioaren ondoko prozesuan familiei orientazioa ematea eta jarraipena egitea.

k) Egoitza edo familia harrera baten onuradun izan diren adingabeen familia itzulketen plangintza eta jarraipena egitea.

l) Babes neurrien bidez arreta ematen zaien gazteei laguntzeko programak garatzea, emantzipazio prozesurako.

m) Erakundeen babespetik atera eta gero adingabeen jarraipena egitea.

n) Hala badagokio, egokitasunaren ziurtagiriak eta jarraipena egiteko konpromisoa luzatzea.

ñ) Familia harrerei buruzko datu-basearen eta Nafarroako Adopzioen Erregistroaren mantentze eta eguneratze lanez arduratzea.

o) Adingabeen familia harreraren edo adopzioaren arloko koordinazioan eta lankidetza teknikoan parte hartzea departamentuan, autonomia erkidegoan, autonomia erkidegoen artean eta nazioartean.

p) Adopzio espedienteak tramitatzea, Espainiako zein atzerriko agintari eskudunen aurrean.

q) Haur eta nerabeei arreta eta babesa eman eta haien familiak, eskubideak eta berdintasuna sustatzeko maiatzaren 11ko 12/2022 Foru Lege betetzeko eta garatzeko jarraipena egitea eta bultzada ematea.

r) Bere eskumenen esparruko espedienteak kudeatzea eta artxibatzea.

s) Pertsonen Autonomiarako eta Garapenerako Nafarroako Agentziaren jarduerei loturik agintzen zaion beste edozein eginkizun.

34. artikulua. Arreta Goiztiarreko Zerbitzuaren Zentro Koordinatzailearen eremu material eta funtzionala.

Arreta Goiztiarreko Zerbitzua arautzen duen foru aginduan ezarritako eginkizunak eta eskumenak beteko ditu Arreta Goiztiarreko Zerbitzuko Zentro Koordinatzaileak.

VI. KAPITULUA. ATALETIK BEHERAKO UNITATEAK ETA ZENTROAK

35. artikulua. Pertsonen Autonomiarako eta Garapenerako Nafarroako Agentziari atxikitako zentroak.

1. Pertsonen Autonomiarako eta Garapenerako Nafarroako Agentziak, Balorazio Zentroaz eta Arreta Goiztiarreko Zerbitzuaren Zentro Koordinatzaileaz gainera, atxikirik ditu eta zuzenean kudeatzen ditu honako zentro bereki hauek:

a) Iruñeko El Vergel zahar etxea, Balorazioen eta Zerbitzuen Atalaren mende dagoena.

b) Lizarrako Santo Domingo zahar etxea, Balorazioen eta Zerbitzuen Atalaren mende dagoena.

c) Iruñeko San José zentroa, Balorazioen eta Zerbitzuen Atalaren mende dagoena.

d) Lur Gorri zahar etxea, Desgaitasuna duten Pertsonentzako Zerbitzuen Atalaren eta Balorazioen eta Zerbitzuen Zuzendariordetzaren mende dagoela, zeina, aldi berean. aurrekoaren mende baitago.

2. Iruñeko El Vergel zahar etxea el Vergel zahar etxeko Koordinazio Atalean egituratzen da eta honako eginkizun hauek ditu:

a) Egoitzako zuzendaritza ordeztea titularra falta denean.

b) Egoitzako profesional anitzeko taldea eta unitate eta zerbitzuak ikuskatzea eta koordinatzea.

c) Egoitzako giza baliabideak eta langile premiak kudeatzea eta koordinatzea, eta langileen arloan hobetzeko neurriak eta ekimenak proposatzea.

d) Egoitzaren aldi baterako kontratazioaren izapidetzea kudeatzea eta gainbegiratzea, Pertsonen Autonomiarako eta Garapenerako Nafarroako Agentziako Langileria Atalarekin koordinatuta.

e) Lan egutegiak, lan txanden banaketa eta ordutegi arauak diseinatzea eta gainbegiratzea, Pertsonen Autonomiarako eta Garapenerako Nafarroako Agentziako Langileria Atalarekin koordinatuta.

f) Egoitzako langileen zereginak betetzeko beharrezkoak diren baliabide materialak kudeatzea eta gainbegiratzea.

g) Langileak prestatzeko beharrak planifikatu eta koordinatzea. Langile sartu berriei harrera, prestakuntza eta informazioa ematea.

h) Zainketak behar bezala gauzatzeko plangintza diseinatzea eta gainbegiratzea, erabiltzaileen beharrak kontuan hartuta, pertsonarengan oinarritutako arreta integralaren oinarrizko premien arabera.

i) Pertsonarengan zentratutako banakako arreta planen ezarpena, ebaluazioa eta jarraipena gainbegiratzea.

j) Baliabide komunitarioekin planifikatzea eta koordinatzea, pertsonek komunitateko jardueretan parte har dezaten sustatzeko.

k) Zentroko gelak behar bezala banatzen eta prestatzen direla koordinatzea, gainbegiratzea eta kontrolatzea.

l) Egoitzaren urteko helburuak eta beharrezko baliabideak ezartzea. Zentroko Zuzendaritzak eskatutako txostenak, azterlanak eta estatistikak egitea.

m) Beste edozein eginkizun, bere jarduketaren eremuan Zentroko Zuzendaritzak agintzen diona.

2. Balorazioen eta Zerbitzuen Zuzendariordetzari dagokio zentro horien koordinazioa, langileria arloko eginkizunak izan ezik, horiek Pertsonen Autonomiarako eta Garapenerako Nafarroako Agentziako Kudeaketaren eta Baliabideen Zuzendariordetzari baitagozkio.

36. artikulua. Atalen azpiko unitate administratiboak.

Bulegoak edo ataletatik beherako beste administrazio unitate batzuk sortu, aldatu eta kentzea Eskubide Sozialetako, Ekonomia Sozialeko eta Enpleguko Departamentuko titularraren foru agindu baten bidez eginen da, Pertsonen Autonomiarako eta Garapenerako Nafarroako Agentziako Kudeaketa Zuzendaritzak proposaturik, aurretik funtzio publikoaren, antolaketa administratiboaren eta ekonomiaren arloetan eskumena duten departamentuek txostena emanda.

III. TITULUA. ONDAREA, BALIABIDEAK, AURREKONTUAK ETA KONTROLA

37. artikulua. Ondarea.

Nafarroako Ondareari buruzko apirilaren 4ko 14/2007 Foru Legearekin bat, honako hauek atxikitzen zaizkio Pertsonen Autonomiarako eta Garapenerako Nafarroako Agentziari:

a) Nafarroako Ondarekoak izanik, erakundeari bere helburuak betetzeko atxikitzen zaizkion ondasun eta eskubide guztiak; ondare horren ondasun diren aldetik dagokien jatorrizko kalifikazio juridikoa mantenduko dute, hori guztia aipatutako foru legearen 75. artikuluan ezarrita dagoen bezala.

b) Gizarte Zerbitzuen arloan gertatutako eskualdatze prozesuaren ondorioz, Nafarroako Ondarekoak izatera pasatu diren Gizarte Segurantzako sistemaren ondasun eta eskubideak, erakunde autonomoari atxikitzen zaizkionak.

38. artikulua. Baliabide ekonomikoak.

Pertsonen Autonomiarako eta Garapenerako Nafarroako Agentziaren baliabideak honako hauek izanen dira:

a) Hari atxikitako ondasunen eta eskubideen interesak, errentak eta mozkinak.

b) Foru Komunitateak erakundeari bere gizarte prestazio eta zerbitzuetarako atxikitzen dizkion baliabideak.

c) Nafarroako Aurrekontu Orokorren kargura egiten zaizkion transferentziak eta ekarpenak.

d) Bidezko diren xedapenen arabera jaso ditzakeen diru sarrera arruntak nahiz bereziak.

e) Entitateek emandako borondatezko ekarpenak edo dirulaguntzak.

f) Jaso dezakeen beste edozein baliabide.

39. artikulua. Aurrekontua.

1. Pertsonen Autonomiarako eta Garapenerako Nafarroako Agentziako kudeaketa urteko aurrekontuen araubidearen menpe izanen da, eta hori Nafarroako Parlamentuak onetsi beharko du.

2. Aurrekontuen egitura, diru sarrera eta gastuen sailkatzeari eta horien zehaztasun mailari dagokienez, Nafarroako Aurrekontu Orokorretarako ezarritako arau eta erregelei egokituko zaie, aurrekontu orokor horien barnean baitira.

3. Aurrekontuen exekuzioari eta likidazioari dagokienez, Nafarroako Aurrekontu Orokorrei aplikatzen zaizkien arau orokorretara joko da.

40. artikulua. Kontuhartzailea.

Pertsonen Autonomiarako eta Garapenerako Nafarroako Agentziako kudeaketa ekonomikoa -hots, eduki ekonomikoko ondasunak eta eskubideak sorrarazten dituzten egintza, agiri eta espedienteak- Nafarroako Foru Komunitateko Administrazioarentzat ezarritako modu eta baldintza berberetan eginen da, kontu-hartzailetzari eta kontabilitateari dagokienez.

41. artikulua. Kontabilitatea.

1. Pertsonen Autonomiarako eta Garapenerako Nafarroako Agentzia kontabilitate publikorako araubidearen menpean geldituko da, Foru Komunitatearen Administrazioak dituen modu eta baldintza berberetan.

2. Kontu ematea Nafarroako Kontu Orokorretarako aurreikusitakoaren arabera formalizatu, tramitatu eta ebatziko da.

IV. TITULUA. LANGILEAK

42. artikulua. Langileria.

Pertsonen Autonomiarako eta Garapenerako Nafarroako Agentziako langileak honako hauek dira:

a) Nafarroako Gobernuak hautaturik, izendapen libreko zuzendaritza karguetan aritzen direnak.

b) Nafarroako Foru Komunitateko Administrazioko funtzionarioak edo Pertsonen Autonomiarako eta Garapenerako Nafarroako Agentziari atxikita daudenak eta atxikitzen zaizkionak.

c) Estatuko Administraziotik edo beste administrazio batetik Foru Komunitatera transferitu eta Pertsonen Autonomiarako eta Garapenerako Nafarroako Agentziari atxiki zaizkion langileak.

d) Erakunde autonomoaren beraren lan-kontratudunak eta administrazio-kontratudunak.

43. artikulua. Zentroetako zuzendaritza lanpostuak.

1. Pertsonen Autonomiarako eta Garapenerako Nafarroako Agentziak zuzenean kudeatutako egoitza berekietako zuzendaritza lanpostuak, lanpostu horien titularrek irabazi dituzten eskubideak galarazi gabe, izendapen librearen bidez beteko dira, Nafarroako administrazio publikoren bateko funtzionarioen artetik edo hari atxikita daudenen artetik.

2. Balorazio Zentroko eta Arreta Goiztiarreko Zentroko zuzendarien ordainsariak atalburuenak bezalakoak izanen dira, eta Lur Gorri Egoitzako zuzendariarenak bulegoburuenak bezalakoak; gainerako zentroetako zuzendarien ordainsariak Nafarroako Gobernuak plantilla organikoan finkatutakoak izanen dira.

V. TITULUA. EGINTZEN ARAUBIDE JURIDIKO ADMINISTRATIBOA

44. artikulua. Araubide juridiko orokorra.

1. Pertsonen Autonomiarako eta Garapenerako Nafarroako Agentziaren egintzen araubide juridikoa Nafarroako Foru Komunitateko eta foru sektore publiko instituzionalari buruzko martxoaren 11ko 11/2019 Foru Legearen III. tituluko II. kapituluan erakunde autonomoentzat ezarritakoa izanen da.

2. Langileei, kontratazioei eta aurrekontuei buruzko administrazio egintzei dagokienez, Foru Komunitateko Administrazioaren araudi berariazkoari jarraituko zaio.

45. artikulua. Errekurtsoak.

Pertsonen Autonomiarako eta Garapenerako Nafarroako Agentziako organoen egintzen eta ebazpenen kontra bidezko izanen da legez ezarritako errekurtso administratibo eta jurisdikzionalak paratzea.

46. artikulua. Laguntza juridikoa.

Botere Judizialari buruzko Lege Organikoaren 551.3 artikuluari jarraikiz, Pertsonen Autonomiarako eta Garapenerako Nafarroako Agentziaren ordezkaritza eta defentsa epaiketetan Nafarroako Gobernuko Aholkularitza Juridikoari dagokio, Agentzia ordezkatzeko eta defendatzeko elkargoko abokatu bat izendatzen den kasuetan salbu.

Halaber, Nafarroako Gobernuaren Aholkularitza Juridikoak aholku juridikoa ematen ahalko dio Pertsonen Autonomiarako eta Garapenerako Nafarroako Agentziari. Hori guztia, urtarrilaren 5eko 4/1984 Foru Dekretuak agintzen duen bezala.

Gobierno de Navarra

Contacte con nosotros | Accesibilidad | Aviso legal | Mapa web