(ir al contenido)

navarra.es

Castellano | Euskara | Français | English

LEXNAVARRA

Versión en castellano

2/2024 FORU LEGEA, MARTXOAREN 13KOA, 2024RAKO NAFARROAKO AURREKONTU OROKORREI BURUZKOA

BON N.º 55 - 14/03/2024

  I. TITULUA. KREDITUAK ETA HORIEN ALDAKETAK

  I. KAPITULUA. HASIERAKO KREDITUAK ETA HORIEN FINANTZAKETA

  II. KAPITULUA. AURREKONTUKREDITUEN ALDAKETA

  II. TITULUA. LANGILERIA GASTUAK

  I. KAPITULUA. JARDUNEKO LANGILEEN ORDAINSARIAK

  II. KAPITULUA. NAFARROAKO ADMINISTRAZIO PUBLIKOEN MONTEPIOETAKO FUNTZIONARIOEN ESKUBIDE PASIBOAK

  III. KAPITULUA. IRAKASLEEN ORDAINSARIAK

  IV. KAPITULUA. OSASUNBIDEANAFARROAKO OSASUN ZERBITZUKO ETA NAFARROAKO OSASUN PUBLIKOAREN ETA LAN OSASUNAREN INSTITUTUKO LANGILEEN ORDAINSARIAK

  V. KAPITULUA. BESTELAKO XEDAPENAK

  III. TITULUA. FINANTZAERAGIKETAK

  I. KAPITULUA. ABALAK ETA MAILEGUAK EMATEA

  II. KAPITULUA. ZORPETZEA

  IV. TITULUA. TOKIENTITATEAK

  V. TITULUA. AURREKONTUEN KUDEAKETA

Atariko

I. TITULUA. KREDITUAK ETA HORIEN ALDAKETAK

I. KAPITULUA. HASIERAKO KREDITUAK ETA HORIEN FINANTZAKETA

1. artikulua. Nafarroako Aurrekontu Orokorren eremua.

1. Onetsi egiten dira 2024rako Nafarroako Aurrekontu Orokorrak. Atal hauek dituzte:

a) Nafarroako Parlamentuaren, Kontuen Ganberaren eta Arartekoaren erakundearen aurrekontuak.

b) Foru Komunitateko Administrazioaren eta haren erakunde autonomoen aurrekontua.

c) Nafarroako Kontseiluaren aurrekontua.

d) Foru Komunitateko fundazio publikoen aurrekontuak.

e) Foru Komunitateko sozietate publikoen aurrekontuak.

f) Nafarroako Unibertsitate Publikoaren aurrekontu zenbatetsia eta finantzaketa.

g) Jardunbide egokien aldeko eta ustelkeriaren kontrako Bulegoaren aurrekontua.

2. Halaber jasotzen da Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoaren aplikazio eremuan dauden beste subjektu eta entitate batzuen aurrekontuei buruzko informazioa, lege organiko horren 6.1 artikuluan ezarritakoarekin bat.

2. artikulua. Kredituen eta eskubide ekonomikoen zenbatekoa.

1. Aurreko artikuluan aipatutako aurrekontuetako gastuen egoera-orrietan sartutako programak betetze aldera, onesten dira 6.355.410.182 euroko zenbateko bateratua duten kredituak.

2. Aurreko artikuluan aipatutako aurrekontuetako diru-sarreren egoera-orrietan, aurrekontu ekitaldi honetan likidatu asmo diren eskubide ekonomikoen zenbatespenak agertzen dira; hain zuzen ere, 6.355.410.182 euro egiten dute, bateratuta.

3. Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoaren 30. artikuluan ezarritakoarekin bat, gastu ez-finantzarioaren muga, behin Toki Ogasunen Funtsa eta Estatuarentzako ekarpen ekonomikoa deskontatu ondoren, 4.684.182.014 eurokoa da, diru-sarrera ez finantzarioak, kontabilitate nazionalaren doikuntzak eta defizitaren muga batuta.

II. KAPITULUA. AURREKONTU-KREDITUEN ALDAKETA

3. artikulua. Aurrekontukredituen aldaketa eta aurrekontumugimenduak.

Aurrekontu-kredituen aldaketak Nafarroako Ogasun Publikoari buruzko apirilaren 4ko 13/2007 Foru Legeko aginduen araberakoak izanen dira, foru lege honek agindu horiek aldatzen ez dituen heinean.

a) Partiden arteko funts mugimenduak egin ahalko dira, baldin eta partida horietako kredituek helburu berbera badute, eta Europar Batasunak, horiek hein batean kofinantzatzeagatik, horien erabileraren gaineko kontrola hobetzea eskatzen duelako desberdinak badira. Mugimendu horiek ez dira aurrekontuko aldaketatzat hartuko, ezein kasutan.

Partida zer departamenturi dagokion, departamentu horren titularrak izanen du funts-mugimendu horiek baimentzeko eskumena.

4. artikulua. Europar Batasuneko programen aurrekontualdaketak.

1. Nafarroako Gobernuak, Ekonomia eta Ogasuneko kontseilariak proposaturik, eta Enpresen Sustapenerako zuzendari nagusiak txostena egin ondoren, zilegi izanen du beharrezkoak diren aurrekontu-aldaketak baimentzea, beharrezkoak direnean Europar Batasunak kofinantzatutako programak eta proiektuak ahalik eta hobekien betetzeko ekitaldian zehar, jarraituz Batzordeak hasierako dokumentuan onetsitakoari edo jarraipen batzordeek edo Batzordeak berak ondoren eginiko aldaketei. Aurrekontu-aldaketak gastuen egoera-orrietan agertzen diren edozein motatako kredituen bidez finantzatu beharko dira.

2. Europar Batasunak kofinantzatzen dituen proiektuak biltzen dituzten partidetan eragin zuzena duen kreditu aldaketa oro egiteko Enpresen Sustapenerako Zuzendaritza Nagusiaren txostena beharko da aldez aurretik. Salbuetsirik daude Landa Garapenerako Europako Nekazaritza Funtsak (LGENF) kofinantzatutako kredituei eragiten dieten aldaketak.

5. artikulua. Kredituzabalpenak.

Nafarroako Ogasun Publikoari buruzko apirilaren 4ko 13/2007 Foru Legearen 47. artikuluko 1. apartatuko a)tik g)ra bitarteko letretan aipatutako kredituez gain, zabalgarritzat joko dira, 2024ko ekitaldiari dagokionez, helburu hauek dituzten partidak edo aipatu helburuetara bideraturik ekitaldian zehar sortu beharrekoak: terrorismoaren biktimak edo indarreko araudian zehaztutako motibazio politikoko ekintzen biktimen errekonozimendu eta erreparazioaren ondorioz onets litezkeen kalte-ordain, dirulaguntza eta maileguak emateko partida guztiak, bai eta Gizarte Segurantzako kotizazioen ordainketari dagozkion partida guztiak ere.

Gainera, zabalgarriak izanen dira, 2024ko ekitaldirako, Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugak izan gabe, Osasunbidea-Nafarroako Osasun Zerbitzuko itxarote-zerrendak murrizteko neurriak finantzatzeko partida guztiak, lehendik daudenak edo ekitaldian horretarako sortu behar direnak; partida horiek "Itxarote-zerrendak" izena izanen dute.

Aurrekoez gainera, ondorengoek ere gehikuntza izaten ahal dute:

1. Ekonomia eta Ogasun Departamentuko partida hauek:

a) 100000-10000-4709-441100 partida, "AUDENASA. Merkataritza-politika" izenekoa.

b) 114001-13100-3101-923700 partida, "Interesak eta kreditu komisioak" izenekoa.

c) 114001-13100-3509-923700 partida, "Kontu korronte eta antzekoetako saldoengatiko ordainsaria" izenekoa.

d) 111002-11300-6002-923100 partida, "Lurrak eta natur ondasunak" izenekoa.

e) 111002-11300-6003-923100 partida, "Eraispenak" izenekoa.

f) 111002-11300-6020-923100 partida, "Instalazio berriko eraikinak eta obrak, eta ondare higiezinaren erreforma" izenekoa.

g) 111002-11300-6020-923104 partida, "Higiezinei buruzko Plana. Administrazio bulegoak" izenekoa.

h) 111002-11300-6050-923100 partida, "Higiezinei buruzko Plana. Eraikin eta obretako altzariak eta ekipamendua" izenekoa.

i) 111002-11300-8500-923100 partida, "Sektore publikoko akzioak erostea" izenekoa.

j) 151000-17300-2273-923400 partida, "Enkargua TRACASA Instrumental sozietateari. Tributuen arloko informazio sistemetan datu fiskalak jasotzea eta integratzea" izenekoa.

k) 155003-17800-3501-932100 partida, "Berandutze-interesak sarrera bidegabeen eta zergen itzulketetan" izenekoa.

2. Lurralde Kohesiorako Departamentuko partida hauek:

a) 210001-21100-4609-942300 partida, "Toki-entitateentzako konpentsazioa toki tributuetako hobariengatik" izenekoa.

b) 220000-22000-6010-453300 partida, "Prezio-berrikuspena" izenekoa.

c) 220003-22200-2090-453200 partida, "Iruña-Logroño A-12 autobiaren kanona" izenekoa.

d) 220003-22200-2090-453202 partida, "Pirinioetako A-21 autobiaren kanona" izenekoa.

e) 220003-22200-6010-453305 partida, "Errepide sarea eta kontrol zentroa kontserbatzea" izenekoa.

f) 220003-22200-6010-453306 partida, "Zoruak sendotzea" izenekoa.

g) 220004-22100-4700-452100 partida, "Nafarroako Ubidearen ureztaketen kanona. Handitzearen 1. fasea" izenekoa.

3. Etxebizitzako, Gazteriako eta Migrazio Politiketako Departamentuko partidok:

a) 320000-32100-4809-261400 partida, "Etxebizitzen errentarientzako dirulaguntzak" izenekoa.

b) 320000-32100-7609-261405 partida, "Hitzarmena Arakilgo Udalarekin, etxebizitzari bultzada emateko" izenekoa.

c) 320000-32100-7800-261400 partida, "Etxebizitzaren arloko jardueretarako dirulaguntzak eta subsidioak" izenekoa.

4. Hezkuntza Departamentuko partidok:

a) 400000-40100-3501-321100 partida, "Berandutze-interesak" izenekoa.

b) 400000-41000-1220-322000 partida, "Aldi baterako lan-kontratudunen ordainsariak" izenekoa.

c) 400000-41000-1800-322000 partida, "Zerbitzuen onarpenak, osagarri berriak, gradua, antzinatasuna, eszedentzian egondakoen itzultzeak eta beste batzuk" izenekoa.

d) 400000-41000-1810-322000 partida, "Langileen lansariak, aurreko ekitaldietakoak" izenekoa.

e) 400000-41000-1820-322000 partida, "Epaiak betearaztea, egonkortzeagatiko kalte-ordainak eta konpentsazioak" izenekoa.

f) 410000-41600-4609-322004 partida, "Transferentziak Bigarren Hezkuntzako eta Lanbide Heziketako ikasleek udal espazioak erabiltzeagatik" izenekoa.

g) 430004-43500-6081-322000 partida, "Ikasliburuen doakotasunerako plana" izenekoa.

h) 430004-43500-7811-322000 partida, "Ikasliburuen doakotasunerako programa" izenekoa.

i) 410003 proiektukoak, "Irakaskuntza pribatu itundurako eta parekaturako dirulaguntzak" (kode ekonomikoa: 4811).

j) 430005-43500-2210-324100 partida, "Jantokiak" izenekoa.

k) 430005-43500-2230-324100 partida, "Eskola garraioa" izenekoa.

l) 430005-43500-2230-324102 partida, "Hezkuntza bereziko eskola-garraioa" izenekoa.

m) 430005-43500-4800-324100 partida, "Eskola garraiorako banakako laguntzak" izenekoa.

n) 430005-43500-4800-324102 partida, "Jantokietarako banakako laguntzak" izenekoa.

ñ) 420007-42900-4609-322100 partida, "Udalekiko hitzarmenak, 0 eta 3 urte bitarteko haurrak eskolatzekoak" izenekoa.

o) 430001 43100 4800 322E00 partida, "Lanbide Heziketako ikasleen praktikak: Gizarte Segurantza" izenekoa.

5. Osasun Departamentuko partida hauek:

a) 54. programa-multzokoak, kode ekonomiko hauei dagozkienak: 2210, 2213, 2214, 2215, 2216, 2286, 2287 eta 2500; bai eta 52. programa-multzoaren barruan 2215 kode ekonomikoari dagozkionak ere.

b) 540000-52000-1800-311100 partida, "Lanbide-karrera aldi baterako zerbitzuak" izenekoa.

c) 540000-52000-1810-311100 partida, "Langileen lansariak, aurreko ekitaldietakoak" izenekoa.

d) 540000-52000-1820-311100 partida, "Epaiak betearaztea, egonkortzeagatiko kalte-ordainak eta konpentsazioak" izenekoa.

e) 540002 52833 2231 311100 partida, "Osasun-larrialdiak artatzeko eta anbulantzien Plana" izenekoa.

f) 540002-52833-4809-311104 partida, "Protesiak, ortesiak eta desgaitasuna dutenentzako ibilgailuak" izenekoa.

g) 540005-52831-4809-313100 partida, "Farmazia-prestazioak" izenekoa.

h) 540005-52831-4809-313102 partida, "Xurgatzaileak eta beste osasun-produktu batzuk" izenekoa.

i) 540005-52831-4809-313103 partida, "Farmazia-prestazioak-koordainketa arautzea" izenekoa.

j) 543000-52200-6057-312802 partida, "Kirurgia-tresnak" izenekoa.

k) 543004-52214-2276-312700 partida, "Plasma zatitzeko lanak, farmakoak ekoizteko" izenekoa.

l) 545000 52400 6057 312803 partida, "Kirurgia-tresnak" izenekoa.

m) 546000 52500 6057 312803 partida, "Kirurgia-tresnak" izenekoa.

6. Landa Garapeneko eta Ingurumeneko Departamentuko partida hauek:

a) 710000-71200-4700-412100 partida, "Landaketak erauzteagatiko kalte-ordainak" izenekoa.

b) 710000-71200-4700-412107 partida, "Aparteko uholdeak direla-eta azpiegitura pribatuetan izaniko kalteak eta errenta-galera arintzeko laguntzak" izenekoa.

c) 710001-71200-4700-414210 partida, "Aseguru primen konpentsazioa Agroseguroren bitartez" izenekoa.

d) 710004-71300-2279-412205 partida, "Larrialdiko txertaketa ofizialak" izenekoa.

e) 710004-71300-7700-412200 partida, "Kalte-ordaina abereak epizootien ondorioz hil behar izateagatik" izenekoa.

f) 710006-71500-4700-414100 partida, "Nafarroako Ubidearen ureztaketen kanona" izenekoa.

g) 710006-71500-7609-414402 partida, "Aparteko uholdeek eta suteek kaltetutako nekazaritza-azpiegitura publikoetarako laguntzak" izenekoa.

h) 710006-71500-7700-414400 partida, "Aparteko uholdeek eta suteek kaltetutako nekazaritza-azpiegitura pribatuetarako laguntzak".

i) 710006 71500 7819 414100 partida, "Ureztatzaileen Elkarteen nekazaritza azpiegiturak konpontzea, aparteko uholdeengatik" izenekoa.

7. Industriako eta Enpresen Trantsizio Ekologiko eta Digitalerako Departamentuko partida hauek:

a) 810001-81100-4819-422203 partida, "Eskualdeetako plan estrategikoak" izenekoa.

b) 810001-81100-7819-422200 partida, "Eskualdeetako plan estrategikoak. Proiektuak" izenekoa.

c) 820001-82500-7809-425202 partida, "Ibilgailuak txatar bihurtzeko laguntzen deialdia" izenekoa.

8. Eskubide Sozialetako, Ekonomia Sozialeko eta Enpleguko Departamentuko partida hauek:

a) 2600 kode ekonomikokoak, Gizarte Zerbitzuei buruzko abenduaren 14ko 15/2006 Foru Legean aurreikusitako gizarte zerbitzu orokorren zorroa onetsi zuen ekainaren 17ko 69/2008 Foru Dekretuan ezarritako prestazio bermatuak finantzatzeko izanik 901003, 920005, 920006 eta 920008 proiektuetan kokatuta daudenak.

b) 901002-91100-4809-212100 partida, "Kotizazio gabeko pentsioak" izenekoa.

c) 901002-91100-4809-231500 partida, "Errenta bermatua" izenekoa.

d) 901002-91100-4809-231502 partida, "Gizarte inklusiorako laguntza bereziak" izenekoa.

e) 901002-91100-4809-231505 partida, "Bizitzeko gutxieneko errenta" izenekoa.

f) 901003-91600-4809-231600 partida, "Prestazio ekonomikoak eta akonpainamendu soziala ingurune irekian gizarte-bazterketan daudenentzat" izenekoa.

g) 901003-91600-4609-231500 partida, "Etxegabeentzako harrera zerbitzua" izenekoa.

h) 901003-91600-4609-231502 partida, "Oinarrizko laguntzako gizarte zerbitzuak" izenekoa.

i) 901001-91100-4819-143103 partida, "Nazioarteko larrialdiei berehalako erantzuna ematea" izenekoa.

j) 920004-93200-4809-231B00 partida, "Zerbitzuari lotutako laguntzak" izenekoa.

k) 920004-93200-4809-231B02 partida, "Laguntzak, zerbitzu pertsonalak emateko" izenekoa.

l) 920004-93200-4809-231B06 partida, "Desgaitasuna duten pertsonek bizimodu independentea izateko laguntzaileak kontratatzea" izenekoa.

m) 920008-93300-4809-231700 partida, "Babes-sistemako gazteen autonomiarako baliabideak" izenekoa.

n) 920008-93300-4809-231702 partida, "Familientzako prestazio ekonomikoak" izenekoa.

ñ) 920008-93300-4809-231704 partida, "Kanpoko ikastetxeetako haurren kuotak" izenekoa.

o) 950001-96100-4709-241109 partida, "Enplegu-zentro berezietarako laguntzak" izenekoa.

p) 950001-96100-4809-241109 partida, "Autoenplegua sustatzeko laguntzak" izenekoa.

q) 950001-96100-4819-241104 partida, "Zailtasun gehienak dituzten kolektiboen gizarteratze eta laneratze programetarako laguntzak. Konferentzia sektoriala" izenekoa.

9. Kultura, Kirol eta Turismo Departamentuko partidok:

a) A30001-A3100-7819-432107 partida, "Aralarko San Miguel, bidegunea eta ostatu-aterpetxea birgaitzea" izenekoa.

10. Barneko, Funtzio Publikoko eta Justiziako Departamentuko partida hauek:

a) F20001-F2100-2279-112108 partida, "Doako laguntza juridikoa" izenekoa.

b) F20001-F2300-6020-112102 partida: "Lokal bat egokitzea Barnahuserako" izenekoa.

c) F30001-F3100-1001-921400 partida, "Lehendakari ohi, kontseilari ohi eta Nafarroako Gobernuko beste goi kargudun batzuentzako prestazioak" izenekoa.

d) F30001-F3100-1620-921400 partida, "Langileen arloko erabakiak aplikatzeko funtsa" izenekoa.

e) F30001-F3100-1800-921400 partida, "Zerbitzuen onarpenak, osagarri berriak, gradua, antzinatasuna, eszedentzian egondakoen itzultzeak eta beste batzuk" izenekoa.

f) F30001-F3100-1800-921402 partida, "Ordainsari-igoera" izenekoa.

g) F30001-F3100-1810-921400 partida, "Langileen lansariak, aurreko ekitaldietakoak" izenekoa.

h) F30001-F3100-1820-921400 partida, "Epaiak betearaztea, egonkortzeagatiko kalte-ordainak eta konpentsazioak" izenekoa.

i) F30001-F3100-1820-921403 partida, "Lan-istripuengatik jaso beharreko kalte-ordainak" izenekoa.

j) F30001-F3200-1614-211100 partida, "Aldez aurretik erretiratzeagatik jaso beharreko kalte-ordainak" izenekoa.

k) F40000 F4600 6000 131100 partida, "Lurrak eskuratzea" izenekoa.

l) F40000 F4600 6020 131103 partida, "Larrialdiak eta Segurtasuna Koordinatzeko Zentroaren egoitza berriko obrak" izenekoa.

m) F40002-F4600-2140-921800 partida, "Ibilgailuen eta makineriaren konponketak eta mantentze-lanak" izenekoa.

n) F40002-F4600-2281-921800 partida, "Erregaiak eta labaingarriak" izenekoa.

ñ) F41000-F4100-2274-132103 partida, "Genero indarkeriatik babesteko segurtasun zerbitzuak" izenekoa.

11. Unibertsitateko, Berrikuntzako eta Eraldaketa Digitaleko Departamentuko partida hau:

a) G10001-G1100-7455-322302 partida, "Kapital transferentziak NUPera: Medikuntzako eraikina" izenekoa.

II. TITULUA. LANGILERIA GASTUAK

I. KAPITULUA. JARDUNEKO LANGILEEN ORDAINSARIAK

6. artikulua. Nafarroako Administrazio Publikoetako funtzionarioen eta estatutupeko langileen ordainsariak.

1. 2024ko urtarrilaren 1etik aurrerako eraginez, Nafarroako Administrazio Publikoen zerbitzuko funtzionarioen eta estatutupeko langileen ordainsariek gehikuntza izanen dute; hain zuzen ere, Estatuko legediak sektore publikoaren zerbitzuko langileentzat 2024rako ezartzen duen gehieneko gehikuntza orokorra. Horrek ez du ezertan galaraziko beharrezkoak diren ordainsari-doikuntzak egitea, beharrezkoa bada, halatan ziurtatzeko ezen lanpostu bakoitzari esleitutakoek behar bezalako zerikusia daukatela lanpostu horren edukiarekin, zailtasun teknikoa, dedikazioa, erantzukizuna, arriskugarritasuna edo nekagarritasun berezia dela eta.

2. Maila bakoitzaren hasierako soldatak urteko zenbateko hau izanen du 2024an:

MAILAZENBATEKOA (URTEAN ETA EUROTAN)
A29.510,74
B24.826,34
C20.594,56
D17.935,96
E15.776,74

7. artikulua. Nafarroako Administrazio Publikoetako lankontratudunen ordainsariak.

1. 2024ko urtarrilaren 1etik aurrerako ondorioekin, Nafarroako Foru Komunitateko Administrazioaren eta haren erakunde autonomoen zerbitzuko lan-kontratudunen ordainsariak haien hitzarmen kolektiboan zehazten direnak izanen dira, foru lege honetan funtzionarioentzat finkatutako irizpideei jarraikiz.

2. Nafarroako gainerako administrazio publikoen zerbitzuko lan-kontratudunen ordainsariak, berriz, administrazio publiko bakoitzak bere aurrekontuetan ezartzen dituenak izanen dira, betiere foru lege honetan funtzionarioentzat ezarritako irizpideei jarraikiz.

8. artikulua. Nafarroako Foru Komunitateko Administrazioko eta haren erakunde autonomoetako izendapen libreko zuzendaritzakarguen ordainsariak.

1. Nafarroako Foru Komunitateko Administrazioko zerbitzuetako zuzendariek eta haren erakunde autonomoetakoek (aurrekoekin parekatutakoek) 58.946,44 euroko ordainsariak izanen dituzte 2024an, hamalau hilekotan banatuta, araudi indardunaren arabera legozkiekeen gradu, antzinatasun eta familia-laguntzako ordainsari pertsonalak jasotzeaz gainera, bai eta, jatorrizko izendapenagatik edo beren zerbitzu-ematearen baldintza bereziengatik, plantilla organikoan espezifikoki esleituta dituzten ordainsari osagarriak ere. Horretarako, ez da kontuan izanen lanpostuko osagarriaren jatorrizko ehunekoa, honenbesteko ordainsariaren hasierako kalkuluan sartutakoa.

Zerbitzuetako zuzendariek beren lana erabateko eskuragarritasunez eta dedikazio osoz eginen dute.

2. Osasunbidea-Nafarroako Osasun Zerbitzuko eta Nafarroako Osasun Publikoaren eta Lan Osasunaren Institutuko izendapen libreko zuzendaritza-karguen ordainsariek ondotik zehazten diren zenbatekoak izanen dituzte 2024an, hamalau hilekotan banatuta, araudi indardunaren arabera legozkiekeen gradu, antzinatasun eta familia laguntzaren ordainsari pertsonalak jasotzeaz gainera:

a) Zerbitzu ez-asistentzialetako burutzak: 58.946,44 euro.

b) Nafarroako Odol eta Ehun Bankuko Zuzendaritza: 64.876,14 euro.

Baldin eta gaur egun Osasunbidea-Nafarroako Osasun Zerbitzuko eta Nafarroako Osasun Publikoaren eta Lan Osasunaren Institutuko zuzendaritza kargu horien titularren batek artikulu honetan jasotako zenbatekoa baino gehiago jasotzen badu gaur egun, aldeagatik konpentsazio pertsonal bat ordainduko zaio, kargu horretan diharduen bitartean.

3. Nafarroako Foru Komunitateko Administrazioan eta haren erakunde autonomoetan zuzendaritza-karguetan aritzen diren izendapen libreko langileen ordainsariek 6. artikuluan xedatutakoaren aplikazioak eragindako igoera bera izanen dute.

9. artikulua. Nafarroako Gobernuko kideen, Nafarroako Foru Komunitateko Administrazioko goi kargudunen eta gainerako behinbehineko langileen ordainsariak.

1. Nafarroako Gobernua osatzen duten kideek, zuzendari nagusiek, erakunde, sozietate eta fundazio publikoetako zuzendaritza-karguek eta Nafarroako Foru Komunitateko Administrazioko gainerako behin-behineko langileek hurrengo apartatuetan zehazten diren ordainsariak jasoko dituzte 2024an.

2. Nafarroako Gobernuari eta Lehendakariari buruzko abenduaren 3ko 14/2004 Foru Legearen 35. eta 45. artikuluetan ezarritakoari jarraikiz, Nafarroako Gobernuko kideek, 2024. urtean, ondoren zehazten diren urteko ordainsariak izanen dituzte, hamalau hilekotan banatuta, langile finkoak eta kontratudunak izanez gero kasuan kasuko zerbitzu harremanari aplikatu beharreko araudiaren arabera legozkiekeen gradu eta/edo antzinatasun ordainsariez gainera:

- Nafarroako Gobernuko lehendakaria: 80.955,14 euro.

- Lehendakariordea, kontseilaria eta kontseilari-eleduna: 75.339,18 euro.

3. Lehendakariaren eta Nafarroako Gobernuko departamentuetako titularren kabineteetan goi kargudunaren izaera duten langileek ondoren zehazten diren urteko ordainsariak izanen dituzte 2024. urtean, hamalau hilekotan banatuta, langile finkoak eta kontratudunak izanez gero kasuan kasuko zerbitzu harremanari aplikatu beharreko araudiaren arabera legozkiekeen gradu eta/edo antzinatasun ordainsariez gainera:

- Lehendakariaren aholkularia: 64.552,88 euro.

- Kontseilarien kabineteburua: 60.083,10 euro.

4. Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.4 artikuluan ezarritakoari jarraikiz, zuzendari nagusiek 64.552,88 euroko ordainsariak izanen dituzte 2024. urtean, hamalau hilekotan banatuta, langile finkoak eta kontratudunak izanez gero kasuan kasuko zerbitzu harremanari aplikatu beharreko araudiaren arabera legozkiekeen gradu eta/edo antzinatasun ordainsariez gainera.

5. Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 52.1 artikuluan ezarritakoari jarraikiz, erakunde publikoetako zuzendaritza-kideek ondotik zehazten diren ordainsariak izanen dituzte 2024. urtean, hamalau hilekotan banatuta, langile finkoak eta kontratudunak izanez gero kasuan kasuko zerbitzu harremanari aplikatu beharreko araudiaren arabera legozkiekeen gradu eta/edo antzinatasun ordainsariez gainera:

a) Erakunde autonomo bateko zuzendari kudeatzailea, salbu eta ondoko b) letran xedatutakoa: 64.552,88 euro.

b) Osasunbidea-Nafarroako Osasun Zerbitzuko eta Nafarroako Zerga Ogasuneko zuzendari kudeatzaileak: 99.737,40 euro.

c) Erakunde autonomo bateko zuzendariordea: 58.946,44 euro.

d) Osasunbidea-Nafarroako Osasun Zerbitzuko zuzendaritzako kideak:

- Oinarrizko Osasun Laguntzako kudeatzailea, Nafarroako Ospitale Unibertsitarioko kudeatzailea, Profesionalen zuzendaria, Kudeaketa Ekonomikoaren eta Zerbitzu Orokorren zuzendaria eta Eriari Osasun Laguntza emateko Ataleko zuzendaria: 76.214,04 euro.

- Tuterako Osasun Barrutiko kudeatzailea, Lizarrako Osasun Barrutiko kudeatzailea eta Nafarroako Ospitale Unibertsitarioko zuzendari asistentziala: 66.615,22 euro.

- Osasun Mentaleko kudeatzailea, Nafarroako Ospitale Unibertsitarioko zuzendariorde asistentzialak, Tuterako eta Lizarrako osasun barrutietako zuzendari asistentzialak, Oinarrizko Osasun Laguntzako eta Laguntzaren Jarraitutasunerako zuzendariordeak, Nafarroako Larrialdietako zuzendariordea eta Hil ala Biziko Larrialdiei Arreta emateko zuzendaritza teknikoa eta osasun barrutietako zuzendariordeak: 64.876,14 euro.

- Zerbitzu Zentraletako zuzendariordeak: 63.704,20 euro.

- Profesionalen zuzendaria, Kudeaketa Ekonomikoaren eta Zerbitzu Orokorren zuzendaria, Nafarroako Ospitale Unibertsitarioko Osasun Zainketen zuzendaria eta Oinarrizko Osasun Laguntzako Zainketen, Etxeko Arretaren, Arreta Soziosanitarioaren eta Ekintza Komunitarioen zuzendariordea, Langileriaren eta Lan Harremanen Zuzendariordetza, Administrazioaren, Zerbitzu Orokorren eta Trantsizio Ekologikoaren Zuzendariordetza, Nafarroako Ospitale Unibertsitarioko Kalitatearen, Prozesu Klinikoen eta Garapenaren Zuzendariordetza eta Nafarroako Osasun Publikoaren eta Lan Osasunaren Institutuko zuzendariordetzak. 60.821,32 euro.

- Nafarroako Laguntza Soziosanitarioko Planaren koordinatzailea eta Nafarroako Ospitale Unibertsitarioko Osasun Zainketen zuzendariordeak: 55.109,46 euro.

6. Lehendakariaren eta Nafarroako Gobernua osatzen duten kideen kabineteetako gainontzeko behin-behineko langileek ondoren zehazten diren urteko ordainsariak izanen dituzte 2024. urtean, hamalau hilekotan banatuta, langile finkoak eta kontratudunak izanez gero kasuan kasuko zerbitzu harremanari aplikatu beharreko araudiaren arabera legozkiekeen gradu eta/edo antzinatasun ordainsariez gainera:

- Lehendakariaren idazkaria: 39.856,74 euro.

- Kontseilariaren idazkaria: 36.329,58 euro.

- Kabineteko laguntzailea: 31.820,04 euro.

7. Aurreko apartatuetan araututako behin-behineko langileek, langile finko edo kontratudun ez direnek, Nafarroako Administrazio Publikoetako funtzionarioei dagokien antzinatasun saria jasoko dute, eta horretarako kontuan hartuko da behin-behineko lanpostuetan lanean emandako denbora.

8. Nafarroako Enpresa Korporazio Publikoan sartuta dauden Nafarroako Foru Komunitateko Administrazioko sozietate publikoetako zuzendaritza-kideek, goi kargudunaren izaera dutenek, ordainsari hauek izanen dituzte 2024an:

Zuzendari kudeatzaileentzat, urteko oinarrizko soldata gordina, hamalau hilekotan banatuta, 64.126,07 eurokoa izanen da. Urteko ordainsari hori doitu eginen da kudeatu beharreko enpresa publikoaren konplexutasunaren arabera, taula honi jarraituz:

SOZIETATE MOTAKONPLEXUTASUNAREN OSAGARRIAURTEKO OINARRIZKO SOLDATA GORDINA, EUROTAN
D%064.126,07
C%1070.538,66
B%3083.363,88
A%5599.395,39

Sozietateen sailkapena, motaren araberakoa, Nafarroako Gobernuaren erabaki baten bidez ezarriko da.

9. Nafarroako Foru Komunitateko Administrazioaren fundazio publikoetako zuzendariek urteko ordainsari hauek izanen dituzte 2024an, hamalau hilekotan banatuta:

- Miguel Servet Fundazioa: 63.704,29 euro.

- Nafarroako Pertsona Helduak Tutelatzeko Fundazioa: 55.109,33 euro.

- Baluarte Fundazioa: 69.920,41 euro.

- Gizain Fundazioa: 64.552,94 euro.

- Miguel Induráin Fundazioa: 53.302,50 euro.

10. Nafarroako Gobernuko kide den inork, ez eta Nafarroako Foru Komunitateko gainerako goi kargudunek ere, ez dute dieta pertsonalik jasoko inolako entitate publiko edo pribatutik administrazio kontseiluen nahiz kide anitzeko inolako organoren bileretara joateagatik. Betetzen duten ordezkaritzagatiko dietak jasotzen badituzte, ordaintzaile den sozietateak edo erakundeak dirua zuzenean sartuko du Nafarroako Foru Komunitateko Administrazioaren kasuan kasuko aurrekontu- edo sozietate-kontuan.

11. Nafarroako Gobernua osatzen duten kideen, Nafarroako Foru Komunitateko Administrazioko goi kargudunen eta gainerako behin-behineko langileen ordainsariek 6. artikuluan xedatutakoaren aplikazioak eragindako igoera bera izanen dute.

II. KAPITULUA. NAFARROAKO ADMINISTRAZIO PUBLIKOEN MONTEPIOETAKO FUNTZIONARIOEN ESKUBIDE PASIBOAK

10. artikulua. Nafarroako Administrazio Publikoen montepioetako funtzionarioen klase pasiboen pentsioak eguneratzea.

1. 2024ko urtarrilaren 1etik aurrerako ondorioekin, pentsio publikoek urte horretan duten igoera bera izanen dute Nafarroako administrazio publikoen montepioetako funtzionarioen klase pasiboen pentsioek, indarreko araudiaren arabera eguneratzeko eskubidea dutenek.

2. Pentsio publikoen arloko araudi indarduna aplikatuz, eguneraketa ez zaie aplikatuko jadanik aitortuta dauden edo etorkizunean aitortuko diren pentsioei, baldin eta, berek bakarrik nahiz haiei baturik, kasua bada, onuradun berak jasotzen dituen beste pentsio publiko batzuen zenbatekoa, gainditu egiten badute pentsio publikoetarako ezartzen den urteko gehieneko zenbatekoa.

11. artikulua. Arauak, aplikatzekoak zaizkionak Nafarroako administrazio publikoen montepioetako funtzionarioen eskubide pasiboen araubide iragankorrari buruzko martxoaren 5eko 10/2003 Foru Legearen aurreko sistemari atxikitako funtzionarioen eskubide pasiboen araubideari.

1. Artikulu honetan aipatzen den funtzionarioen eskubide pasiboen araubideak beteko ditu martxoaren 30eko 13/1983 Foru Legeak indarra hartu baino lehen indarra zuten xedapenak. Erregulatze-soldata zehazteko, kontuan hartuko dira funtzionarioek foru lege horren eta hura betetzeko emandako behin-behineko ordainsari-erregelamenduaren aurreko sistemaren arabera jasotzen zituzten ordainsaririk handienak, eta gehituko zaizkie geroko ekitaldietako Nafarroako aurrekontu orokorrei buruzko foru legeetan adierazitako portzentajeak. Salbuespena izanen da artikulu honetan lan istripuagatik edo gaixotasun profesionalagatik eskuratutako pentsioei buruz xedatutakoa.

2. Aurreko apartatuan aipaturiko xedapenen ildotik, erretiro eta pentsioen ondorioetarako zerbitzualdia zenbatzeko, funtzionarioek zerbitzuan egiazki egindako urteak bakarrik hartuko dira kontuan. Urte horien barrenean sartuko dira Administrazio Publikoan egiazki emandako zerbitzu-urteak, betiere kasuko administrazioak aitortuak Foru Diputazioaren 1981eko urriaren 29ko eta 2001eko otsailaren 5eko Erabakiei eta apirilaren 14ko 21/1983 Foru Dekretuari jarraikiz.

Hala ere, Nafarroako Foru Komunitateko Administrazioaren edo Nafarroako toki-entitateen montepioetakoren bati atxikitako funtzionarioek sortutako erretiro-, alargun- eta umezurtz-pentsioen kasuan, foru lege honek indarra hartu ondoren jardunean daudela hiltzen badira edo erretiroa hartzen badute, pentsioaren zio den egintzarainoko atzeraeraginez zenbatuko dira aipatutako funtzionarioek Gizarte Segurantzaren araubideetan kotizatutako aldiak, baldin eta aldi horiek ez badira gainjartzen aipatu montepioei kotizatutako beste batzuekin. Horren helburu bakarra izanen da zehaztea zein diren eskubide pasiboetarako hartzeko zenbagarriak eta kasuko pentsioa kalkulatzeko aplikatu behar den portzentajea edo kuota, kotizazio- edo zerbitzu-urteengatikoa.

Aurreko paragrafoan jasotako funtzionarioek sortutako erretiro-, alargun- eta umezurtz-pentsioetarako, inola ere ez dira honako hauek zenbatuko: aipatu funtzionarioek Gizarte Segurantzaren araubideetan kotizatutako aldiak, baldin eta aldi horiek, kasua bada beste batzuekin batuta, aipaturiko araubideetan pentsiorako eskubiderik sortu badute. Salbuespen izanen dira SOVI delakoaren prestazioetarako eskubidea sortzen duen kotizazioa duten aldiak, zenbatu eginen baitira horiek.

Bikote egonkorrentzako berdintasun juridikoari buruzko uztailaren 3ko 6/2000 Foru Legearekin bat, Nafarroako Foru Komunitateko Administrazioak edo Nafarroako toki-entitateek dituzten montepioetakoren baten babesean dauden funtzionarioek alargun-pentsioa sortuz gero, bikotekide egonkorrek ere izanen dituzte eskubide pasibo horiek.

3. Artikulu honen 1. apartatuan xedatutakoa betez, eta Nafarroako Administrazio Publikoen zerbitzuko langileen estatutuaren aplikazio-esparruaren barnean dauden funtzionario publikoek 2024. urtean sortutako erretiroak eta pentsioak finkatzeko, honako hau hartuko da kontuan:

a) Eskubide pasiboetan eragina duten lansari kontzeptuen zenbatekoak 2024. urteari dagozkionak izanen dira, hau da, 1983. urtekoei geroko aurrekontuei buruzko foru legeek finkatutako gehikuntzak aplikatu ondoren sortzen direnak.

Salbuespen gisa, lan istripuak edo gaixotasun profesionalak eragindako ezintasunagatiko erretiro-pentsioen kasuan, bai eta lan istripua edo gaixotasun profesionala dela-eta hiltzearen ondoriozko alargun- edo umezurtz-pentsioenean ere, hartzeko erregulatzailea osatuko dute erretiroa edo heriotza gertatu aurreko urtean kasuko funtzionarioak bere lanpostuagatik jasotako ordainsariek.

b) 1980ko urtarrilaren 29ko Parekatze Arautik eratorritako ordainsari-sistematik kanpo geratu ziren udal funtzionarioentzat, haren bigarren xedapen gehigarriko bigarren paragrafoan emandako ahalmenari jarraikiz, pasiboetan eragina duten ordainsari kontzeptuen zenbatekoa honako hau izanen da: funtzionario horientzako 1983ko zenbatekoari hurrengo urteetan izandako gehikuntzak aplikatzearen emaitza.

4. Funtzionarioek pentsio araubidearen finantzaketan parte hartuko dute 13/1983 Foru Legearen aurreko araudia aplikatzetik ateratzen den zenbatekoarekin, zenbateko horri ondorengo urteetako Nafarroako Aurrekontu Orokorrei buruzko foru legeetan ezarritako pentsio-igoerako portzentajeak gehiturik.

5. 2024ko urtarrilaren 1etik aurrerako ondorioekin, Nafarroako Administrazio Publikoetako montepioen gutxieneko erretiro-pentsioa, bai martxoaren 5eko 10/2003 Foru Legearen aurreko sisteman jarraitzen duten funtzionarioena, bai aipatu foru legean aurreikusitakoari atxikitakoenena, 2023. urterako ezarritakoa izanen da, zeina 17.371,34 eurokoa baita, baina 2024ra eguneratua, pentsio publikoek urte horretan oro har izanen duten igoera aplikaturik.

70 urte betetzen dituztenetik aurrera, honakoei ere aitortuko zaie arestiko paragrafoan ezarritako gutxieneko pentsioaren baliokidea den zenbatekoa jasotzeko eskubidea: beren borondatez erretiratu eta, martxoaren 5eko 10/2003 Foru Legearen aurretik zegoen eskubide pasiboen sisteman jarraituta, dagokien administrazio publikoan 30 urtetik beherako zerbitzualdi aitortua frogatzeagatik eguneratze-eskubiderik gabeko pentsioa sortu dutenei.

6. 2024ko urtarrilaren 1etik aurrerako ondorioekin, gutxieneko alargun-pentsioaren zenbatekoa izanen da ekitaldi horretarako ezarriko den lanbide arteko gutxieneko soldataren adinako urteko zenbatekoa.

7. Artikulu honen 6. apartatuan xedatutakoa aplikatuko zaie, halaber, martxoaren 5eko 10/2003 Foru Legearen aurreko eskubide pasiboen sistema aplikatuz emandako umezurtz-pentsioei, Nafarroako Administrazio Publikoen montepioetako edozeinen kargura, zein bere erregelamenduan xedatutakoaren arabera, 1991ko ekitaldirako Nafarroako Aurrekontu Orokorrei buruzko otsailaren 26ko 5/1991 Foru Legearen hemezortzigarren xedapen gehigarriak emandako testua oinarri harturik.

Aurreko paragrafoan xedatutakotik baztertu egiten dira, beraz, aipatu 5/1991 Foru Legean ezarritako aldaketaren aurretik aplikatzekoa zen araudiaren arabera emandako umezurtz-pentsio guztiak, onuradunaren ezintasun-egoerarengatik onartu zirenak izan ezik.

8. Foru Diputazioko funtzionarioen erretiroei eta pentsioei buruzko Erregelamenduaren 8. artikuluko 3. apartatuan eta udal funtzionarioen eskubide pasiboei buruzko Erregelamenduaren 10. artikuluan aipatzen diren umezurtz-pentsioak, bai eta udal montepio partikularretan ezaugarri berak dituzten umezurtz-pentsioak ere, aitortu eginen dira baldin eta pentsio horiek eskuratzeko bete beharreko baldintza guztiak betetzen badira pentsioa sorrarazten duen pertsona edo, bestela, alargun-pentsioa jasotzen duen ezkontidea edo bikotekide egonkorra hiltzen den egunean.

9. Nafarroako Administrazio Publikoetako montepioen alargun-pentsioak bateragarriak dira bai norberak egindako lanarengatik jasotako diru-sarrerekin bai erretiro-pentsioarekin.

10. Ezintasun iraunkorraren deklarazioak, bai eta haren graduenak ere, berrikusten ahalko dira, baldin eta onuraduna 65 urtetik beherakoa baldin bada, dela egoera larriagotzeagatik dela hobetzeagatik, edo diagnostikoaren akatsaren ondorioz, betiere arau hauei jarraikiz:

a) Ezintasun gradua berrikusteko espedientea ofizioz edo interesdunak eskatuta irekitzen ahalko da, eta Ezintasunak Baloratzeko Nafarroako Epaimahai Medikoak horri buruzko proposamen loteslea eginen du.

b) Ezintasun iraunkorreko gradu jakin bat deklaratua duen funtzionarioa gradu altuago batean birsailkatua izanez gero, dela egoera larriagotzeagatik dela diagnostiko-akats batengatik, kasuko pentsio-esleipenak eragina izanen du berrikuspen-espedientea ebatzi eta hurrengo hilabeteko lehen egunetik aurrera.

Birsailkapena diagnostiko-akats baten ondorioa denean, eskubidea izanen du jasotzeko espedientea ebatzi arte jasotakoaren eta ezintasun gradu altuagoa aitortuta jaso beharko zukeenaren arteko aldeak egiten duen zenbatekoa, lau urtera arteko mugarekin.

c) Aurreko apartatuetan aipatzen den berrikuspenak Foru Diputazioaren 1970eko apirilaren 17ko eta 1972ko azaroaren 24ko erabakietan ezarritako eraginak izanen ditu. Erabaki horiek indarra izaten jarraituko dute foru lege honetan ezarritakoaren aurka ez doan guztian.

III. KAPITULUA. IRAKASLEEN ORDAINSARIAK

12. artikulua. Nafarroako Gobernuko Hezkuntza Departamentuak diruz lagundutako eskolajantokietan diharduten irakasleen ordainsariak.

Derrigorrezko irakaskuntza-mailetan Nafarroako ikastetxe publiko ez-unibertsitarioetako eskola-jantokiak arautzen dituen uztailaren 24ko 246/1991 Foru Dekretuan eta dekretu horretan xedatutakoa garatzeko Hezkuntza eta Kultura kontseilariak emandako maiatzaren 11ko 186/1993 Foru Aginduan xedatutakoari jarraikiz jantokiko administratzaile, arduradun edo zaintzaile lanetan aritzen diren irakasleek honako ordainsari gordin hauek jasoko dituzte zeregin horretan emandako egun bakoitzeko:

BAZKALTIAR KOPURUAJANTOKIKO ARDURADUNA EUROTANADMINISTRATZAILEA EUROTANZAINTZAILE BAKOITZEKO EUROTAN
1-8018,7216,5418,72
81-16020,8916,5418,72
161-24022,4118,5418,72
240 baino gehiago23,1821,2418,72

13. artikulua. Irakasleei prestakuntza ikastaroak emateagatiko ordainsaria.

1. Nafarroako Foru Komunitateko Administrazioko eta haren erakunde autonomoetako langileek prestakuntza jardueraren batean irakasle gisa parte hartzen badute, dela Hezkuntza Departamentuak urtero egiten duen Irakasle Prestakuntzako Planean jasotakoetan, dela zuzenean Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiak, Hezkuntza Zuzendaritza Nagusiak edo Irakasleentzako Laguntza Zentroek antolatutakoetan, ordainsaria jasotzen ahalko dute, baldin eta jarduera hori beren lanalditik kanpo egiten badute. Aipaturiko ordainsariak honakoak izanen dira:

Prestakuntza presentziala:

a.1) Ponentzia bakoitzeko, hots, aditu batek prestakuntza jarduera batean ematen duen eskola ordu bakoitzeko, 61,03 euro ordainduko dira, gehienez.

a.2) Konferentzia bakoitzeko, halakotzat ulerturik aditu batek zientzia, teknologia edo gizarte gai interesgarri bati buruz ematen duen jendaurreko hitzaldia, gutxienez 90 minutuko iraupenekoa, 372,61 euro ordainduko dira gehienez.

Urrutiko prestakuntza:

b.1. Urrutiko prestakuntza jardueretan koordinatzaile telematiko gisa parte hartzeagatik 1.080,58 euroko ordaina emanen da gehienez, guztira bost tutore koordinatzeagatik. Koordinatu beharreko tutoreak bost baino gutxiago baldin badira, ordainsaria proportzioan kalkulatuko da. Koordinatu beharreko tutoreak bost baino gehiago baldin badira, koordinatzaile telematikoak 101,30 euroko ordainsaria jasoko du tutore bakoitzeko, bosgarren tutoretik aurrera.

b.2. Urrutiko prestakuntza jardueretan tutore telematiko gisa parte hartzeagatik 48,40 euroko ordaina emanen da, gehienez, tutoretzapeko ikasle bakoitzeko.

2. Aurreko apartatuan adierazitakoa ez zaie aplikatuko Irakasleentzako Laguntza Zentroetan edo unibertsitateaz kanpoko irakaskuntzako prestakuntza jarduerak diseinatu eta garatzen dituzten unitate organikoetan destinoa duten irakasleei.

3. Artikulu honetan aurreikusitako zenbatekoak eguneratuko dira Nafarroako administrazio publikoetako funtzionarioen eta estatutupeko langileen ordainsariak, kasuan kasuko aurrekontuei buruzko foru legeetan, eguneratzen diren ehuneko berean.

14. artikulua. Nafarroako Goi Mailako Musika Kontserbatorioko ordainsariak eta osagarriak.

1. Nafarroako Goi Mailako Musika Kontserbatorioan beren irakastordu guztiak ematen dituzten Musikako eta Arte Eszenikoetako irakasleei esleitutako irakaskuntzako osagarri berariazkoa Musikako eta Arte Eszenikoetako katedradunen kidegoko funtzionarioek jasotzen duten bera izanen da.

2. Musikako eta Arte Eszenikoetako irakasleek beren ordutegiaren parte bat Nafarroako Goi Mailako Musika Kontserbatorioan ematen badute, zentro horretan emandako lanaldi-portzentajearen proportzioan jasoko dute Musikako eta Arte Eszenikoetako katedradunei esleitutako irakaskuntzako osagarri berariazkoaren eta Musikako eta Arte Eszenikoetako irakasleen kidegoari esleitutakoaren artean dagoen aldea.

15. artikulua. Kilometroengatiko diruordaina, prestakuntza jardueretara joandako irakasleentzat.

Kilometroengatiko diru-ordaina jasotzeko eskubidea izanen dute Lanbide Heziketako, Digitalizazioko eta Hezkuntza Zerbitzuetako zuzendari nagusiaren edo Hezkuntzako zuzendari nagusiaren ebazpen baten bidez deitutako prestakuntza-jardueretara hezkuntza-administrazioak espresuki hautatuta joandako irakasleek, baldin eta eskubide hori espresuki aipatuta agertzen bada kasuko ebazpenean.

16. artikulua. Irakaskuntzako praktiketan dauden funtzionarioen ordainsariak.

Irakasle kidegoetan sartzeko izangaiek, praktiketako funtzionario izendatuak izan ondoren, honako ordainsari hauek jasoko dituzte izaera horrek dirauen bitartean: betetzen duten lanpostuaren mailari dagokion oinarrizko soldata eta ordainsari osagarriak, antzinatasun saria, graduari dagokion ordainsaria, familia-laguntza, bai eta Nafarroako Foru Komunitatearen Administrazioko administrazio-kontratudunentzat orokortasunez ezartzen den beste edozein ordainsari ere.

17. artikulua. Lanbidegaitasunen ebaluazio, aitorpen eta egiaztatze prozeduretan esku hartzen duten irakaskuntza publikoko langileentzako ordainsariak.

1. Nafarroako Foru Komunitateko Administrazioaren eta haren erakunde autonomoen zerbitzuko irakasleek, lanbide-gaitasuna egiaztatzeko prozeduretan aholkularitza edo ebaluazio faseetan esku hartzeko izendatutakoek, arlo horretan eskumena duten departamentuek dei eginda, ondotik aipatzen diren ordainsariak jasotzeko eskubidea izanen dute, 66/2014 Foru Dekretuan araututakoarekin bat, zeinak finkatzen baititu pertsonek lan-esperientziaren edo prestakuntza bide ez-formalen bidez lortutako lanbide gaitasunak ebaluatzeko eta egiaztatzeko prozedura Nafarroako Foru Komunitatean ezartzeko arauak eta horretaz arduratuko den antolaketa egitura:

a) Egiaztatze prozedurako aholkulariak:

- Izangai bakoitzagatik jaso beharrekoa, kasu hauetan:

Aholkaturiko 3 gaitasun unitate bitarte, 120 euro.

Aholkaturiko 4, 5 edo 6 gaitasun unitate, 150 euro.

Aholkaturiko 6 gaitasun unitate baino gehiago 180 euro.

- Lanbide arlo bereko kualifikazio gehigarria izateagatiko osagarria, izangai berarentzakoa 50 euro.

b) Egiaztatze prozedurako ebaluatzaileak:

- Izangai bakoitzagatiko ebaluatzaile nagusi izatearen ordainsaria, honako kasu hauetan:

Ebaluatutako 3 gaitasun unitate bitarte, 130 euro.

Ebaluatutako 4, 5 edo 6 gaitasun unitate, 165 euro.

Ebaluatutako 6 gaitasun unitate baino gehiago, 200 euro.

- Izangai bakoitzagatiko bigarren mailako ebaluatzaile izatearen ordainsaria, honako kasu hauetan:

Ebaluatutako 3 gaitasun unitate bitarte, 60 euro.

Ebaluatutako 4, 5 edo 6 gaitasun unitate, 75 euro.

Ebaluatutako 6 gaitasun unitate baino gehiago, 90 euro.

- Ebaluazio batzordeko arduradun izateagatiko ordainsaria (taldeko):

Ebaluazio batzordeko burua, 200 euro.

Ebaluazio batzordeko idazkaria, 100 euro.

Ordainsari hauek konpentsazio gisa ezartzen dira, kontzeptu hauengatik: aholkularitza eta ebaluazio saioen prestaketa eta garapena; izangaiei zuzeneko arreta ematea; prozeduraren agirien kudeaketa; eta deialdia egiten duten administrazioekiko koordinazio lana.

2. Nafarroako Gobernuak baimena eman dezake, foru dekretuz, prozeduran esku hartzeagatiko ordainsaria eman dakien aholkulari eta ebaluatzaileez bestelako pertsona batzuei, baldin eta haien laguntza beharrezkotzat jotzen bada egokiro gara daitezen lanbide-gaitasuna egiaztatzeko prozedurak.

18. artikulua. Hezkuntza Departamentuaren mendeko unibertsitateaz kanpoko irakasle funtzionarioen ordainsariak.

Hezkuntza Departamentuaren mendeko unibertsitateaz kanpoko irakasle funtzionarioen irakaskuntzako osagarri berariazkoa, Nafarroako Administrazio Publikoen Zerbitzuko Langileen Estatutuaren Testu Bateginaren 104. artikuluan ezarria (abuztuaren 30eko 251/1993 Legegintzako Foru Dekretuaren bidez onetsi zen testu bategin hori), maila bakoitzari dagokion soldataren ehuneko hauetan finkatzen da:

a) Maisu-maistren kidegoa eta parekatuak:%38,07.

b) Katedradunen kidegoak eta parekatuak:%39,48.

c) Bigarren Hezkuntzako irakasleen kidegoa eta parekatuak:%33,48.

d) Iraungitze bidean dagoen Lanbide Heziketako irakasle teknikoen kidegoa eta parekatuak:%45,17.

e) Lanbide Heziketako sektore berezietako irakasle espezialisten kidegoa eta parekatuak: %45,17.

f) Musika eta arte eszenikoetako irakasleen kidegoa eta parekatuak: %33,48.

g) Arte Plastikoetako eta Diseinuko lantegiko maisu-maistren kidegoa eta parekatuak: %45,17.

h) Arte Plastikoetako eta Diseinuko irakasleen kidegoa eta parekatuak: %33,48.

i) Hizkuntza eskola ofizialetako irakasleen kidegoa eta parekatuak: %33,48.

j) Bigarren Hezkuntzako erlijio irakasleak: %33,48.

k) Haur eta Lehen Hezkuntzako erlijio irakasleak: %38,07.

l) Maisu-maistren kidegoko langileak eta parekatuak, Hezkuntzari buruzko maiatzaren 3ko 2/2006 Lege Organikoaren lehen xedapen iragankorrean ezarritakoari jarraikiz Derrigorrezko Bigarren Hezkuntzako lanpostuei behin betikoz edo behin-behinekoz atxikiak badira, Bigarren Hezkuntzako irakasle bati dagokiona jasoko dute irakaskuntzako osagarri berariazko gisa. Era berean, osagarri berezi bat jasoko du, B mailako hasierako soldataren %5,45ekoa.

IV. KAPITULUA. OSASUNBIDEA-NAFARROAKO OSASUN ZERBITZUKO ETA NAFARROAKO OSASUN PUBLIKOAREN ETA LAN OSASUNAREN INSTITUTUKO LANGILEEN ORDAINSARIAK

19. artikulua. OsasunbideaNafarroako Osasun Zerbitzuko edo Nafarroako Osasun Publikoaren eta Lan Osasunaren Institutuko langileen guardiak egun berezietan.

Osasunbidea-Nafarroako Osasun Zerbitzuko langileek edo Nafarroako Osasun Publikoaren eta Lan Osasunaren Institutukoek guardiak egun berezietan egiten dituztenean, produktibitate-modulu aldakor bat jasotzen ahalko dute, guardiari dagokionaren zenbateko bera izanen duena. Osasunbidea-Nafarroako Osasun Zerbitzuak edo Nafarroako Osasun Publikoaren eta Lan Osasunaren Institutuak Mahai Sektorialean dauden sindikatuen iritzia eskatuko du, ea zein jo behar diren egun berezitzat, aipatu modulua jasotzearen ondorioetarako. 2023ko abenduan eta 2024ko urtarrilean, abenduaren 24a, 25a eta 31 eta urtarrilaren 1a, 5a eta 6a ordainduko dira, kontzeptu horren ordainsaria ekitaldi honetatik aurrera ematearren.

20. artikulua. Lanbide karrerako maila aitortua aplikatzea Osasun Sistema Nazionaletik etorritako langileei.

1. Osasun Departamentuan eta haren erakunde autonomoetan lanpostu finkoa lortzen duten fakultatiboei Osasun Sistema Nazionaleko beste osasun zerbitzu batean egiaztatutako karrera-graduak aitortzen zaizkie, espezialitate, lanbide kategoria edo titulazio-talde berari dagozkionak. Gradu horiek ordainduko dira Osasunbidea-Nafarroako Osasun Zerbitzuko langile fakultatiboen lanbide karrerako sistema arautzen duen apirilaren 6ko 11/1999 Foru Legean eta hori garatzeko araudian ezarritakoari jarraikiz.

2. Osasun Sistema Nazionaleko beste osasun-zerbitzu batzuetatik iritsitako langileei, Osasun Departamentuko erakunde autonomoetan lanpostu bat zerbitzu eginkizunetan betetzen badute, Osasun Sistema Nazionaleko beste osasun-zerbitzu batean egiaztatutako karrera-graduak aitortzen zaizkie. Gradu horien ordainsariak Osasunbidea-Nafarroako Osasun Zerbitzuko osasun-langileen lanbide karrerako araudian ezarritakoaren arabera ordainduko dira.

21. artikulua. Aldi baterako kontratua duten medikuen eta fakultatibo espezialisten esklusibotasun araubidea.

2024an, Osasunbidea-Nafarroako Osasun Zerbitzuari atxikitako langileen araubide berezia arautzen duen 11/1992 Foru Legearen A.1 eta A.2.5 estamentuetako langileen aldi baterako kontratazioa dedikazio esklusiboaren araubideaz eginen da. Hala ere, kontratatutako profesionalak aukera izanen du bestelako araubidea, dedikazio ez-esklusibokoa, hautatzeko, kontratazioaren lehen egunetik hasita.

V. KAPITULUA. BESTELAKO XEDAPENAK

22. artikulua. Lanpostuak eraldatzea.

1. Nafarroako Gobernuari baimena ematen zaio behar diren neurriak har ditzan, plantilla berregituratzeagatik edo eman beharreko zerbitzuak berrantolatzeagatik edukirik gabe gelditutako lanpostuak, hutsik ez daudenak, bestelako lanpostu bihurtzeko. Eginkizunen esleipen berria eta horren ondoriozko lekualdatzeak, maila beraren barnean, salbuespenez Barneko, Funtzio Publikoko eta Justiziako Departamentuak berak zuzenean eginen ditu, sindikatuen ordezkariei entzun ondoren eta ukitutako langileen adostasunarekin.

2. Lanpostu horiek maila bereko bestelako lanpostu batzuk izateko birmoldatzerik ez badago, salbuespen gisa baimena ematen ahalko da beste maila bateko lanpostuei dagozkien eginkizunak berresleitzeko, baldin eta ukitutako langileek horiek betetzeko lanbide kualifikazioa eta gainerako baldintzak betetzen badituzte. Esleipen berri hori aldi baterako izanen da kasu guztietan, gehienez ere langilearen mailan atxiki edo bihurtzea posible izan arte, eta beti bermatuko da langileak jaso eginen dituela aurretik betetzen zuen lanpostuari zegozkion oinarrizko ordainsariak eta ordainsari osagarriak.

23. artikulua. Udal funtzionarioen montepioen finantzaketa.

1. Nafarroako Gobernuak ekarpena eginen du Nafarroako toki-entitateetako funtzionarioen pentsioak finantzatzeko, Udal Funtzionarioen Montepio Orokorrekoak direnen kasuan; ekarpen hori banatuko da Udal Funtzionarioen Montepio Orokorraren kudeaketagatik 2023ko ekitaldian sortutako kostuen ordainketari dagokionez udal bakoitzari esleitu zaion kuotaren araberako proportzioan.

2. Halaber, Nafarroako Gobernuak ekarpen bana eginen die Iruñeko, Tuterako eta Tafallako udalei, beraien montepioen kudeaketak 2023ko ekitaldian sortutako kostuen arabera.

3. Aurreko apartatuetan ezarritako ekarpenen zenbatekoa Nafarroako Administrazio Publikoen montepioetako funtzionarioen eskubide pasiboen araubide iragankorrari buruzko martxoaren 5eko 10/2003 Foru Legearen hamargarren xedapen gehigarria aplikatuta ateratzen dena izanen da.

III. TITULUA. FINANTZA-ERAGIKETAK

I. KAPITULUA. ABALAK ETA MAILEGUAK EMATEA

24. artikulua. Abalak eta maileguak ematea.

1. Nafarroako Gobernuak abalak edo antzeko beste berme batzuk ematen ahalko ditu, gehienez ere 58.000.000 euro eginen dutenak.

Era berean, aurreko paragrafoko mugaren barnean, Ekonomia eta Ogasun Departamentuari baimena ematen zaio Navarra de Infraestructuras Locales SAU sozietate publikoari 38.000.000 euroko abal bat emateko.

2. Enpresa-entitate publikoek, fundazio publikoek eta sozietate publikoek abalak edo antzeko beste berme batzuk ematen ahalko dituzte, Nafarroako Gobernuak baimena eman ondoren eta Ekonomia eta Ogasun Departamentuko titularrak proposatuta, eta gehienez ere 35.000.000 euro eginen dute.

3. Nafarroako Ogasun Publikoari buruzko apirilaren 4ko 13/2007 Foru Legearen 75.1 artikuluan ezarritakoaren ondorioetarako, Nafarroako Foru Komunitateko Administrazioak ematen dituen abalen edo antzeko beste bermeen gehieneko arrisku bizia 51.000.000 eurokoa izanen da. Enpresa-entitate publikoen, fundazio publikoen eta sozietate publikoen kasuan, berriz, gehieneko arrisku bizia 90.000.000 eurokoa izanen da.

4. Enpresa-entitate publikoek, fundazio publikoek eta sozietate publikoek maileguak ematen ahalko dituzte, Nafarroako Gobernuak baimena eman ondoren eta Ekonomia eta Ogasun Departamentuko titularrak proposatuta, eta gehienez ere 18.000.000 euro eginen dute.

5. Nafarroako Ogasun Publikoari buruzko apirilaren 4ko 13/2007 Foru Legearen 82 ter artikuluan ezarritakoaren ondorioetarako, Nafarroako Foru Komunitateko Administrazioak ematen dituen maileguen gehieneko arrisku bizia 89.000.000 eurokoa izanen da. Enpresa-entitate publikoen, fundazio publikoen eta sozietate publikoen kasuan, berriz, gehieneko arrisku bizia 135.000.000 eurokoa izanen da.

6. Ekonomia eta Ogasun Departamentuak behar diren prozedurak ezarriko ditu, araudiak finantza zuhurtziaren printzipioari dagokionez ezartzen dituen mugak betetzen direla bermatzeko. Printzipio hori Aurrekontuaren Egonkortasunari eta Finantza Iraunkortasunari buruzko apirilaren 27ko 2/2012 Lege Organikoan zehazturik dago.

II. KAPITULUA. ZORPETZEA

25. artikulua. Zor Publikoa jaulki edo maileguak nahiz kredituak ituntzeko baimena.

1. Zorpetze-eragiketak egiteko baimena ematen zaio Nafarroako Gobernuari, muga honekin: Europako Kontuen Sistemaren arabera (SEC 2010), Nafarroako Foru Komunitateko Administrazioaren azpisektorea osatzen duten entitateen 2024ko abenduaren 31ko saldo bizia ez izatea 2024ko urtarrilaren 1ekoa baino 77.158.900 euro handiagoa (BPGaren %0,3ko defizit aurreikusiaren finantzaketa).

2. Artikulu honetako lehen apartatuan ezarritako muga aldatzen ahal izanen da murrizten denean kitatzeke dagoen zorpetze garbiaren maila, dela aplikatu direlako Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoaren 32. artikulua eta hura garatzeko neurri bereziak, aurrekontu-superabitarekin lotutakoak, dela finantzatutako defizit erreferentzia handiagoa delako egiazki izan den defizita baino, Ogasun Ministerioaren adostasunarekin eta Hitzarmen Ekonomikoaren Koordinazio Batzordeari entzun ondoren.

3. Era berean, artikulu honetako lehen apartatuan ezarritako muga gainditu ahal izanen da baldin eta hasiera batean ezarritakoa baino defizit handiagoa finantzatzen bada, eta gainetiko zenbateko hori finantzatzeko beharrezkoa den zenbatekoan baino ez. Gainditu ahal izanen da, halaber, Nafarroako Gobernuak eta Ogasun Ministerioak hitzar litzaketen bestelako zorpetze-eragiketak egiteko, Hitzarmen Ekonomikoaren Koordinazio Batzordeari entzun ondoren.

4. Aurreko apartatuetan jasotako zorpetze-eragiketen jaulkipena eta, kasua bada, formalizazioa, eragiketa batean edo batzuetan gauzatzen ahalko dira, eta 2024ko ekitaldiaz harago ere berandutzen ahalko dira.

5. Nolanahi ere, Nafarroako Gobernuak behar den zorpetze-estrategia egokituko du, baimentzen den gehieneko zorpetze-bolumena ez dadin izan aurrekontuen egonkortasunari buruzko araudian ezarritakoa dela-eta Nafarroako Gobernuak eta Ogasun Ministerioak adostutako mugatik gorakoa.

6. Nafarroako Gobernuak, hiru hilabetean behin, aurreko apartatuetan aurreikusitako zorpetze-eragiketen jaulkipen edo formalizazio guztien berri emanen dio Nafarroako Parlamentuari.

26. artikulua. Nafarroako Foru Komunitateko Administrazio Publikoen sektoreko gainerako entitateen zorpetzea.

1. Nafarroako Foru Komunitateko administrazio publikoen sektorean Europako Kontuen Sistemako irizpideen arabera sartuta dauden entitateek Ekonomia eta Ogasun Departamentuaren baimena lortu beharko dute beren zorpetze-eragiketak formalizatu aurretik, eta erabat deusezak izanen dira baimen hori gabe hartutako erabakiak.

Hiru hilabetean behin, Ekonomia eta Ogasun Departamentuak zorpetze-eragiketa horietarako baimen guztien berri emanen dio Nafarroako Parlamentuari.

2. Aurreko apartatuko entitateei baimenduko zaien gehieneko zorpetze bolumenak ez ditu gaindituko Nafarroako Gobernuak eta Ogasun Ministerioak aurrekontuen egonkortasunari buruzko araudiaren barruan adostutako mugak.

3. Artikulu honen 1. apartatuan aipatzen diren entitateetako arduradunek Ekonomia eta Ogasun Departamentuak eskatzen dien formatu eta epeetan eman beharko dute informazioa, Nafarroako Gobernuak eta Ogasun Ministerioak aurrekontu-egonkortasuna dela-eta adostutako konpromisoak betetzeko.

IV. TITULUA. TOKI-ENTITATEAK

27. artikulua. Elkarte tradizionalen inbertsioetarako dirulaguntzak eta onurak.

Nafarroako Aurrekontu Orokorretan Nafarroako Ogasun Publikoaren kargura ezarritako ekarpenak eta gainerako onurak jasotzen ahalko dituzte Errege Bardeako Komunitateak eta Erronkariko, Zaraitzuko eta Aezkoako batzarrek, beren organo eskudunek onesten dituzten inbertsioetarako.

V. TITULUA. AURREKONTUEN KUDEAKETA

28. artikulua. Aurreikusitako dirusarrera handiagoen bidez finantzatzen diren aurrekontuko aldaketak.

Nafarroako Ogasun Publikoari buruzko apirilaren 4ko 13/2007 Foru Legearen II. tituluko I. kapituluko 2. atalean ezarritakoari jarraituz, kreditu-sorrerak dira kredituak handitzen dituzten aurrekontu-aldaketa batzuk, hasierako aurrekontuan aurreikusi gabekoak edo aurreikusitakoak baino handiagoak diren diru-sarrera jakin batzuen ondoriozkoak.

Salbuespen gisa, beste administrazio edo entitate publiko batzuek finantzatutako gastuak direnean, kredituak handitzen ahalko dira aurrekontuko gastuen egoera-orrian dagokion diru-sarrera gertatu gabe, baldin eta dokumentuz frogatzen bada funtsak jarri behar dituen entitatearen edo administrazioaren finantzaketa konpromisoa kasu hauetan:

a) Langileria-gastuei aurre egiteko beharrezkoak direnean.

b) Helburutzat prestazio pertsonal edo sozialak dituzten aldizkako dirulaguntzei dagozkienean.

c) Finantzaketa diru-itzulketa baten bidez jasotzen duten programei dagozkienean. Egiazki izandako gastuek frogatuta egon beharko dute.

d) Suspertze, Eraldatze eta Erresilientziarako Planeko jarduketak finantzatzea helburu duten ekarpenak direnean.

e) Beste kasu batzuetan; behar bezala frogatuta eta Nafarroako Gobernuak baimenduta egon beharko dute, eta aurrekontuen arloko departamentu eskudunak txostena egina izan beharko du.

29. artikulua. Gastu konpromisoak etorkizuneko aurrekontuen kargura.

1. Nafarroako Gobernuak zilegi izanen du urte anitzeko gastu konpromisoak hartzeko baimena ematea, Nafarroako Ogasun Publikoari buruzko apirilaren 4ko 13/2007 Foru Legeak baimendutako mugak eta urteko zenbatekoak gaindituz, kasu hauetan:

a) Etxebizitza babestuen sustatzaileei, eskuratzaileei, erabiltzaileei eta esleipen-hartzaileei dirulaguntzak emateko, eta etxebizitzak birgaitzeko, baldin eta ez badira gainditzen aurreko ekitaldian helburu horretarako ezarritako zenbatekoak.

b) Europar Batasunak eta/edo Estatuko Administrazio Orokorrak kofinantzatzen dituzten planak, programak eta ekimenak aurrera eramateko, bai eta haietatik eratorritako betebeharrei aurre egiteko ere, bost urte baino gehiagoko plangintza eduki behar dutenean.

c) Enpresek I+G+b proiektuak finantzatzeko hitzartzen dituzten kreditu edo maileguen interesetarako hobari gisako laguntzak emateko, eta zentro teknologikoei eta azpiegitura zientifiko eta teknologiko bereziei laguntzak emateko.

d) Otsailaren 26ko 196/2010 Errege Dekretuak ezarritako dirulaguntzak emateko. Dekretu horren bidez zenbait neurri ezartzen dira, 2001eko martxoaren 8ko eta 2001eko uztailaren 31ko 76/2000 eta 25/2001 enplegu-erregulazioko espedienteek ukitutako langileak laneratzen laguntzeko eta haientzako laguntza bereziak ezartzeko.

e) Hezkuntzari buruzko maiatzaren 3ko 8/2013 Lege Organikoan ezarritakoa betetzeko, hezkuntza itunak berritzeari dagokionez.

f) Toki-entitateei laguntzak eman behar zaizkienean bakoitzaren udal plan orokorrak hirigintzako araudira egokitzeko.

g) Ondasun higiezinen errentamendua.

2. Hezkuntza Departamentuak zilegi izanen du eskola-garraioa eta eskola-jantokien zerbitzua kontratatzea, hurrengo ekitaldiko aurrekontuaren kargura gastu konpromisoak hartuta, betiere konpromiso horiek aurrekontuko ekitaldia ez den urteko aldi bati badagozkio, ikasturteko beharrei erantzunez.

3. Unibertsitateko, Berrikuntzako eta Eraldaketa Digitaleko Departamentuak eta Hezkuntza Departamentuak bekak eta laguntzak ematen ahalko dituzte, xede horrekin gastu-konpromisoak hartuz hurrengo ekitaldiko aurrekontuaren kargura, betiere konpromiso horiek aurrekontu-ekitaldiaz bestelako urtealdi bati badagozkio, ikasturtearen beharrei erantzuteagatik.

30. artikulua. Ordainsarien igoeraren ondoriozko funtsak mugitzea.

Funtzio Publikoko zuzendari nagusiak baimena eman dezake funtsak mugitzeko "Ordainsarien igoera" izeneko F30001-F3100-1800-921402 partidaren kargura, finantzatzeko 6., 7., 8. eta 9. artikuluetan aurreikusitako ordainsari-igoerak eragindako gastua egozten zaien partidak.

31. artikulua. Funtsak mugitzea, langileak hartzeagatik aldi baterako kontratatu ezin diren lanpostuen lan publikoaren eskaintzaren ondorioz.

Funtzio Publikoko Zuzendaritza Nagusiaren titularrak baimena eman dezake "Aldi baterako kontratatu ezin diren lanpostuen lan publikoaren eskaintza" izeneko F30001-F3100-1800-921404 partidaren kargurako funtsak mugitzeko, langileak hartzearen ondoriozko gastuaren egozpena duten partidak finantzatzeko.

32. artikulua. Erakunde sindikalen funtzionamendugastuaren konpentsazioa Nafarroako Foru Komunitateko administrazioaren eta haren erakunde autonomoen esparruan.

F30001-F3300-4819-921302; 410005-41700-4819-321100 eta 540000-52000-4819-311100 partiden bidez (hirurak "Erakunde sindikalen funtzionamendu-gastuaren konpentsazioa" izenekoak), edozein motatako gastuak finantzatzen ahal dira, beharrezkoak badira erakunde sindikalen berezko jarduna egiteko.

33. artikulua. Funtsmugimenduak Ondare Zerbitzuko Higiezinei eta altzariei buruzko Planaren obra gastuengatik.

Aurrekontuen eta Ondarearen zuzendari nagusiak baimena eman dezake funts-mugimenduak egin daitezen partida hauen artean: 111002-11300-6020-923104 partida, "Higiezinei buruzko Plana. Administrazio bulegoak" izenekoa, 111002-11300-6020-923100 partida, "Instalazio berriko eraikinak eta obrak, eta ondare higiezinaren erreforma" izenekoa, eta 111002-11300-6050-923100 partida, "Higiezinei buruzko Plana. Eraikinetako eta obretako altzariak eta ekipamendua" izenekoa.

34. artikulua. Interesengatiko funtsmugimenduak.

Ekonomia-Next Generation Zuzendaritza Nagusiaren titularrak baimena ematen ahalko du funtsen mugimenduak egin daitezen interesak eta bestelako gastu finantzarioak ordaintzeko partiden artean, bai eta gaitu behar diren gainerako partiden artean ere, Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugarik gabe, gastuen sorrera zorra, maileguak, diruzaintzako eragiketak edo kontuetako saldoak izan.

35. artikulua. Ikasliburuen doakotasunerako plana finantzatzeko funtsmugimenduak.

Funts-mugimenduak egiten ahalko dira testuliburuen eta hezkuntzako materialaren doakotasun-plana finantzatzera bideratutako aurrekontu-partiden artean edo gaitu beharko diren partiden artean, Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugarik gabe, haiek behar bezala finantzatzeko. Funts mugimendu horiek baimentzeko eskumena Hezkuntza Departamentuko Lanbide Heziketako, Digitalizazioko eta Hezkuntza Zerbitzuetako zuzendari nagusiak izanen du.

36. artikulua. Eskolagarraioko eta jantokiko gastuen arteko funtsmugimenduak.

Hezkuntza Departamentuko Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiaren titularrak baimena ematen ahalko du funts-mugimenduak egiteko eskola-garraiorako partiden eta gaitu beharko diren partiden artean, Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugarik gabe, haiek behar bezala gauzatzeko.

Era berean, funts-mugimenduak egiteko baimena ematen ahalko du eskola-jantokietara bideratutako partiden gaitu beharko diren partiden artean, eta Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugarik gabe, haiek behar bezala gauzatzeko.

37. artikulua. Ikastetxeak eraikitzeko eta bertan obrak egiteko partiden arteko funtsmugimenduak.

Hezkuntza Departamentuko Langileriaren eta Azpiegituren Zuzendaritza Nagusiaren titularrak baimena ematen ahalko du funts-mugimenduak egiteko ikastetxe publikoetan eraikuntzara eta obretara bideratutako partiden eta xede horretarako gaitu beharko direnen artean, Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugarik gabe.

38. artikulua. UHUNUrrutiko Hezkuntzarako Unibertsitate Nazionalaren ikastetxe elkartuen aurrekontuzuzkidura.

UHUNen Iruñeko eta Tuterako ikastetxe elkartuen finantzaketarako transferentzia arruntak, oro har, hiru hilabeteko aurrerapenarekin eginen dira.

39. artikulua. Itundutako ikastetxeen eta parekatuen sostengua.

1. Hezkuntzari buruzko maiatzaren 3ko 2/2006 Lege Organikoaren 117. artikuluan ezarritakoaren arabera, eskola unitate bakoitzeko modulu ekonomikoaren diru-kopurua bederatzigarren xedapen gehigarrian ezarritakoa izanen da 2024. urterako, diruz lagundutako eta itundutako ikastetxeak mantentzeko funts publikoen zenbateko osoa banatzeari dagokionez.

Nafarroako Gobernuari ahalmena ematen zaio, irakaskuntza itunduaren sektorearekin negoziatu ondoren eta Ekonomia eta Ogasun Departamentuak aldeko txostena eman ondoren, bederatzigarren xedapen gehigarriko modulu ekonomikoak eta ratioak eta artikulu honen bosgarren apartatuan finkatutako zenbatekoa aldatzeko, bai eta aldaketaren eraginkortasun eguna ezartzeko ere.

Irakaskuntzako langileentzat bederatzigarren xedapen gehigarrian jasotako ordainsariei buruzko aurreikuspenek 2024ko urtarrilaren 1etik hasita hartuko dute indarra, Irakaskuntza Pribatuaren Talde Hitzarmenak noiz izenpetzen diren, horretan eraginik izan gabe. Administrazioak konturako ordainketak onartzen ahalko ditu enpresaburuen elkarte guztiek espresuki horrela eskatu eta sindikatuek esaten dutena entzun ondoren, kasuan kasuko hitzarmena izenpetu arte; konturako ordainketa horiek 2024ko urtarrilaren 1etik aurrera izanen dute eragina.

"Beste gastu batzuetarako" eta, hala balitz, "langile eta berariazko gastuetarako" moduluko osagaiak -bederatzigarren xedapen gehigarrian jasotakoa- 2024ko urtarrilaren 1etik aurrera izanen du eragina.

Administrazioak, ordainketa eskuordetuaren bidez, zuzenean ordainduko ditu irakasleen soldatetarako adierazita dauden zenbatekoak, gizarte-kargak barne, irakasleen eta dagokien ikastetxeko titularraren arteko lan harremana ukatu gabe.

"Beste gastu batzuetarako" eta, hala balitz, "langile eta berariazko gastuetarako" zenbatekoak ordainduko zaizkie ikastetxe itunduei, eta ikastetxe horiek haien aplikazioa justifikatu beharko dute ikasturte bakoitzaren amaieran, aintzat hartuta hezkuntza bereziko unitateen "langileak eta berariazko gastuak" atalean Hezkuntza kontseilariaren ekainaren 15eko 50/2019 Foru Aginduan zehazturiko laguntzako pertsona bat gutxienez jaso behar dela.

"Gastu aldakorrak" osatzen dituzten zenbatekoen banaketa eginen da itunen araubideari buruzko xedapenetan ezarritakoaren arabera.

2. Langileriaren eta Azpiegituren Zuzendaritza Nagusiko titularrak baimena ematen ahalko du funts-mugimenduak egiteko "Irakaskuntza pribatu itundurako eta parekaturako dirulaguntzak" izeneko 410003 proiektuan (kode ekonomikoa: 4811) zabalgarritzat jotako partiden eta gaitu beharko direnen artean, Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugarik gabe.

3. Egun Nafarroan irakasten ez direnez berariazko lanbide heziketako titulu guztiak, Hezkuntza Departamentuak behin-behinekoz finkatuko ditu 2024-2025eko ikasturtean lehenengo aldiz ezarriko diren eta hamaikagarren xedapen gehigarrian sarturik ez dauden oinarrizko, erdi edo goi mailako heziketa zikloetako modulu ekonomikoak, eta aipaturiko xedapen gehigarri horretan sartutakoak behin-behinekoz aldatzen ahalko ditu; aldaketa horiek 2024-2025eko ikasturtearen hasieran izanen dituzte ondorioak, haien ezarpena zein den ikusita.

4. Derrigorrezko Bigarren Hezkuntzako lehen eta bigarren zikloa, Batxilergoa, oinarrizko, erdi edo goi mailako heziketa zikloak eta Oinarrizko Lanbide Heziketa ezarri dituzten ikastetxe itunduei finantzaketa emanen zaie Hezkuntzari buruzko maiatzaren 3ko 2/2006 Lege Organikoaren 2.2 artikuluak aipatzen dituen hezkuntza-, psikopedagogia- eta lanbide-orientazioko zerbitzu espezializatuetarako. Finantzaketa hori honako proportzioan eginen da: eginkizun horietan aritzeko gai den profesionalaren lanaldi oso bat, aipatu hezkuntza maila horietako 25 unitate itunduko. Hortaz, ikastetxe itunduek eskubidea izanen dute aipatu profesionalaren lanaldirako finantzaketa jasotzeko, maila horretan itunduta daukaten unitate kopuruaren arabera.

5. Goi mailako heziketa zikloetako itun berezia partziala izanen da; beraz, derrigorrezkoa ez den mailarako -goi mailako heziketa zikloetarako- izenpetzen diren itun berezi partzialen araubideari esleitzen zaizkion funts publikoetatik lorturiko finantzaketaren osagarri gisa, arauturiko irakaskuntzaren kontzeptu gisa soilik, hau izanen da ikasleengandik jaso beharreko zenbatekoa: 36 euro ikasle eta hileko, hamar hilabetez, 2024ko urtarrilaren 1etik urte bereko ekainaren 30era arte, eta 2024ko irailaren 1etik urte bereko abenduaren 31ra arte; horretatik kanpo daude lantokiko lanbide prestakuntzakoa baizik ez den kurtso batean matrikulatuta dauden ikasleak. Horiek 32,45 euro ordainduko dute ikasle eta hileko, 2024-2025 ikasturteko lantokiko lanbide prestakuntzak irauten duen hiru hilean.

On line egiten diren goi mailako heziketa zikloetako itun berezia partziala izanen da; beraz, goi mailako online heziketa zikloetako derrigorrezko irakaskuntzakoa ez den mailarako izenpetzen diren itun berezi partzialen araubideari esleitzen zaizkion funts publikoetatik lorturiko finantzaketaren osagarri gisa, ikasleengandik jaso beharreko zenbatekoa, araututako irakaskuntzaren kontzeptuan soilik, hau izanen da: 11,01 euro hileko eta ikasleko, hamar hilabetez, 2024ko urtarrilaren 1etik urte bereko ekainaren 30era arte, eta 2024ko irailaren 1etik urte bereko abenduaren 31ra bitarte; horretatik kanpo daude lantokiko lanbide prestakuntza baizik ez den kurtso batean matrikulatuta dauden ikasleak. Horiek 9,90 euro ordainduko dute ikasle eta hileko, 2024-2025 ikasturteko lantokiko lanbide prestakuntzak irauten duen hiru hilean.

Ikastetxeek ikasleei diru kopuru horiek kobratzearen ondorioz eskuraturiko finantzaketa erabiliko da modulu ekonomikoko "bestelako gastuak" deitutako apartaturako eta, beraz, Administrazioak "bestelako gastuak" delako atalaren zenbatekoa osatzeko falta den kopurua baizik ez du ordainduko.

6. Zuzendaritzako eginkizunetan laguntzeko, Hezkuntzari buruzko maiatzaren 3ko 2/2006 Lege Organikoaren hogeita zazpigarren xedapen gehigarrian ezarritakoarekin bat, finantzaketaren beharra dago. Hori dela eta, hezkuntza maila eta modalitate guztietako eskola-unitate bakoitzeko modulu ekonomiko guztiek (foru lege honen hamalaugarren xedapenean finkatutakoak), lantokiko prestakuntza soileko unitateek izan ezik, 771,51 euroko kopurua daukate urtean "bestelako gastuak" kontzeptuan (514,34 euro goi mailako online heziketa zikloetan), zuzendaritzako eta/edo pedagogiako eginkizunetako beste kargu batzuk finantzatzeko. Hori zuzendaritza-osagarriaz gain, zeinak "gastu aldakorrak" izeneko atalean baitirau.

7. Haur Hezkuntzako eta derrigorrezko irakaskuntzetako ikastetxe itunduek artatzen badituzte hezkuntza premia bereziak dituzten ikasleak, edo gizarte edo kultur egoera ahulean daudenak edo etxeko laguntza jasotzen dutenak, bestelako giza baliabideak eta baliabide ekonomikoak izanen dituzte: ikasle horiei arreta emateko laguntza-irakasleak, logopedia zerbitzuak, eta zaintzaileak edo bestelako langile osagarriak.

Baliabide horiek esleitzeko, deialdi publikoa eginen da, Hezkuntza Departamentuak onetsia, behar diren txosten teknikoak baliatuta.

8. I. eranskinean ezarrita dago Hezkuntza Departamentuarekin hitzarmena sinatu duten irabazi-asmorik gabeko erakundeetako eskola-unitate bakoitzeko modulu ekonomikoaren zenbatekoa.

40. artikulua. Konferentzia Sektorialetik eratorritako funtsekin finantzaturiko jarduketetarako kredituak kudeatzeko funtsmugimenduak.

Funts-mugimenduak egiten ahalko dira dauden partiden eta gaitu beharreko suertatzen direnen artean, Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugak izan gabe, gastuak behar bezala egozteko, haien izaeraren arabera, enplegurako lanbide prestakuntza egiaztagarrirako ekintzen eta enplegurako politika aktiboen arloetan, biak Konferentzia sektorialetik eratorritako funtsekin finantzatutakoak.

Funts mugimendu horiek egiteko eskumena dute Hezkuntza Departamentuko Lanbide Heziketako, Digitalizazioko eta Hezkuntza Zerbitzuetako zuzendari nagusiak eta Eskubide Sozialetako, Ekonomia Sozialeko eta Enpleguko Departamentuari atxikitako Nafar Lansare-Nafarroako Enplegu Zerbitzuaren kudeatzaileak, hurrenez hurren.

41. artikulua. Ikerketaren sustapena.

Osasun Departamentuak osasun zientzien arloan ikerketa sustatzea haren inbertsio berekitzat joko da, eta horri ez zaio aplikatuko azaroaren 9ko 11/2005 Foru Legea, Dirulaguntzei buruzkoa, salbu eta aurrerakinei dagokienez, zeinak arau horretan ezarritakoaren arabera antolatuko baitira.

42. artikulua. CENER Fundazioari funtsak ematea I+G+b proiektu eta inbertsioetarako.

G20001-G2100-7309-467300 partida, "CENER Fundazioari funtsak ematea I+G+B-ko proiektu eta inbertsioetarako" izenekoa, Energia Berriztagarrien Zentro Nazionala Fundazioak (CENER) energia berriztagarrien arloan ikerketa- eta garapen-lanak egiteko xedetzat dituen proiektu eta inbertsioak finantzatzeko lortutako maileguen saldoaren amortizazioari aplikatuko zaio.

43. artikulua. Organoen transplanteen sustapena.

Ospitaleek organoen transplanteak sustatzeko jasotzen duten diru kopuru helburuduna ondasun arruntetako eta zerbitzuetako gastuetan nahiz ondasun inbentariagarrietako gastuetan erabiltzen ahalko da, jasotako diru horren helburuarekin zerikusia baldin badute betiere.

44. artikulua. Kreditu zabalgarrien kudeaketarako funtsmugimendua OsasunbideaNafarroako Osasun Zerbitzuan.

Osasunbidea-Nafarroako Osasun Zerbitzuko Kudeaketa Ekonomikoaren eta Zerbitzu Orokorren zuzendariak baimena ematen ahalko du funts-mugimenduak egiteko partida hauen artean: batetik, 54. programa multzoko aurrekontu-partidak, zabalgarri deklaratu direnak foru lege honen 5. artikuluko 5. apartatuko a), g), h), j), k), l) eta m) letretan adierazitakoaren arabera, eta bestetik, Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugarik gabe Osasunbidea-Nafarroako Osasun Zerbitzuan gaitu beharreko partidak.

45. artikulua. OsasunbideaNafarroako Osasun Zerbitzuko itxarotezerrendak murrizteko kredituen kudeaketarako funtsmugimendua.

Funts-mugimenduak egiten ahalko dira foru lege honen 5. artikuluko bigarren paragrafoan zehazturiko itxarote-zerrendei dagozkien partiden artean, gastuaren kudeaketa hobea izateko.

Osasunbidea-Nafarroako Osasun Zerbitzuko Kudeaketa Ekonomikoaren eta Zerbitzu Orokorren zuzendariak izanen du eskumena funts-mugimendu horiek egiteko.

46. artikulua. OsasunbideaNafarroako Osasun Zerbitzuan osasungarraioko kredituen kudeaketarako funtsmugimendua.

Funts-mugimenduak egiten ahalko dira honako partida hauen artean: "Enkargua BIDEANi. Osasun-garraioa" izeneko 540002-52833-2231-311103 partida; "Transferentzia arrunta, BIDEAN" izeneko 540002-52833-4400-311100 partida; eta "Kapital-transferentzia, BIDEAN" izeneko 540002-52833-7400-311100 partida, gastuak hobeto kudeatzeko Nafarroako Ogasun Publikoaren apirilaren 4ko 13/2007 Foru Legearen 38. artikuluko mugarik gabe.

Osasunbidea-Nafarroako Osasun Zerbitzuko Kudeaketa Ekonomikoaren eta Zerbitzu Orokorren zuzendariak izanen du eskumena funts-mugimendu horiek egiteko.

47. artikulua. Funtsmugimendua Nafarroako 20142020 Landa Garapeneko Programa eta 20232027 NPEren Plan Estrategikoa finantzatzera bideratutako kredituak kudeatzeko.

Funts-mugimenduak egiten ahalko dira Nafarroako Landa Garapeneko 2014-2020 Programa eta 2023-2027 NPEren Plan Estrategikoa finantzatzera bideratutako aurrekontu-partiden artean, edo haiek behar bezala gauzatzeko gaitu behar diren partiden artean, alde batera utzita Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan ezarritako mugak.

Ukitutako partidak zer departamenturi dagozkion, bertako kontseilariak izanen du aipatutako partiden arteko funts-mugimenduak baimentzeko eskumena. Departamentu bati baino gehiagori badagokie, eskumena Ekonomia eta Ogasuneko kontseilariarena izanen da, ukitutako departamentuek adostasuna eman ondoren.

48. artikulua. Europako Batzordeak baimendutako laguntzak, nekazaritzaren eta basogintzaren arloetako estatulaguntzei aplika dakizkiekeen Europar Batasunaren zuzentarauekin bat etorriz.

Europako Batzordeak laguntza-araubide batzuk baimendu ditu, bat etorriz Europar Batasunaren zuzentarauekin. Araubide horiek aplika dakizkieke nekazaritzaren eta basogintzaren arloetan eta Nafarroako Aurrekontu Orokorren kargura osotara edo partez finantzatzen diren estatu-laguntzei. Laguntza-araubide horiek beteko dute, lehentasunez bete ere, kasu bakoitzean aplikatu daitekeen Europar Batasuneko araudia.

49. artikulua. %0,7ko Funtseko kredituak kudeatzeko funtsmugimenduak.

Funts-mugimenduak egiten ahalko dira %0,7ko Funtsari dagozkion partiden artean, eta gastuaren kudeaketa hoberako beharrezkoak direnak sortzen ahalko dira.

Partidak zer departamenturi dagozkion, haren titularrak izanen du funts-mugimendu horiek baimentzeko eskumena. Departamentu bati baino gehiagori badagokie, eskumena Ekonomia eta Ogasuneko kontseilariarena izanen da, ukitutako departamentuek adostasuna eman ondoren.

50. artikulua. Kreditutxertaketak gastu exekutatugabeagatik, zeina baitagokio ekainaren 5eko 7/2009 Foru Legeari, zeinak arautzen baitu Foru Komunitateko zergadunek gizarteintereseko beste xede batzuetarako bideratzen duten tributuen %0,7.

Foru Komunitateko zergadunek gizarte-intereseko beste xede batzuetarako bideratzen duten tributuen %0,7 arautzen duen ekainaren 5eko 7/2009 Foru Legeari dagokion gastua, Nafarroako aurrekontu orokorretan kontsignatutakoa, kasuan kasuko ekitaldian exekutatzen ez den zatian, diruzaintzako gerakin atxikitzat joko da, eta hurrengo aurrekontu ekitaldietan txertatzen ahalko da.

51. artikulua. Hondakinen Funtseko kredituak kudeatzeko funtsmugimenduak.

Funts-mugimenduak egiten ahalko dira dauden partiden eta Hondakinen Funtsetik gaitu beharreko suertatzen direnen artean, gastuak hobeto kudeatzeko Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugak izan gabe.

Ukitutako partidak zer departamenturi dagozkion, bertako kontseilariak izanen du aipatutako partiden arteko funts-mugimenduak baimentzeko eskumena. Departamentu bati baino gehiagori badagokie, eskumena Ekonomia eta Ogasuneko kontseilariarena izanen da, ukitutako departamentuek adostasuna eman ondoren.

52. artikulua. Hondakinen Funtsari dagozkion gastukreditu exekutatugabeen txertaketak.

Nafarroako Aurrekontu Orokorretan kontsignatutako gastua, Hondakinei eta haien fiskalitateari buruzko ekainaren 18ko 14/2018 Foru Legeak sortutako Hondakinen Funtsari dagokiona, kasuan kasuko ekitaldian exekutatzen ez den zatian, diruzaintzako gerakin atxikitzat joko da eta hurrengo aurrekontu-ekitaldietan txertatzen ahalko da.

Gainera, txertatu beharreko kopuruetan erabili gabeko soberakinik geratuz gero, jatorrikoa ez bestelako beste fluxu eta aurrekontu-partida batzuetara bideratu daitezke hurrengo aurrekontu-ekitaldi batzuetan, betiere Hondakinen Funtserako eta zuzen identifikatutako partidetan ezarritako helburu eta destinoen baitan.

53. artikulua. Nafarroako Klima Funtsaren kredituak kudeatzeko funtsmugimenduak.

Funts-mugimenduak egiten ahalko dira dauden partiden eta Nafarroako Klima Funtsetik gaitu beharreko suertatzen direnen artean, gastuak hobeto kudeatzeko Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugak izan gabe.

Ukitutako partidak zer departamenturi dagozkion, bertako kontseilariak izanen du funts-mugimendu horiek baimentzeko eskumena. Departamentu bati baino gehiagori badagokie, eskumena Ekonomia eta Ogasuneko kontseilariarena izanen da, ukitutako departamentuek adostasuna eman ondoren.

54. artikulua. Nafarroako Klima Funtsari dagozkion gastukreditu exekutatugabeen txertaketak.

Nafarroako Aurrekontu Orokorretan kontsignatutako gastua, Klima Aldaketari eta Trantsizio Energetikoari buruzko martxoaren 22ko 4/2022 Foru Legeak sortutako Nafarroako Klima Funtsari dagokiona, kasuan kasuko ekitaldian exekutatzen ez den zatian, diruzaintzako gerakin atxikitzat joko da eta hurrengo aurrekontu-ekitaldietan txertatzen ahalko da.

55. artikulua. Sindikatuak eta enpresaburuen elkarteak.

Nafarroako Aurrekontu Orokorretan sindikatuei eta enpresaburuen elkarteei kontsignatutako gastua honako kontzeptu hauetan erabiliko da:

a) 970000-97000-4819-494100 partida, "Berrikuntza Sozialerako Unitatea elkartearentzako dirulaguntza, bere funtzionamendurako" izenekoa, erabiliko da Berrikuntza Sozialerako Unitatea elkartearen azpiegiturako eta mantentze-lanetako gastuak ordaintzeko, horrela bete ahal izan dezan bere helburua, zeina baita berrikuntza soziala sustatu eta bultzatzea eta desafio sozialei erantzuteko eta garapen ekonomiko berritzailea, soziala, jasangarria eta pertsonengana zuzendua sustatzen duten bide berritzaileak lankidetzan sortu eta garatzea, enpresa-jarduera eta kalitatezko enplegua sortzearekin batera.

b) 970000-97000-4819-494103 partida, "Hauteskunde sindikalen prozesuaren jarraipen batzordea osatzen duten sindikatuei bertan parte hartzeagatik egin beharreko ordainketa" izenekoa, banatuko da urriaren 3ko 182/1994 Foru Dekretuaren bidez sorturiko batzorde horretan parte hartzen duten sindikatuen artean, bertan bakoitzak duen ordezkari kopuruaren proportzioan.

c) Aurrekontuko 970000-97000-4819-494108 partida, "Sindikatuentzako transferentziak, haien ordezkagarritasunaren arabera" izenekoa, haien guztien artean banatuko da bakoitzak Foru Komunitatean duen ordezkaritzaren arabera, eta horretarako 2020ko urtarrilaren 1etik 2023ko abenduaren 31ra bitarte egindako hauteskundeetako eta boto-kontaketetako aktetan adierazitako emaitzak hartuko dira kontuan. Ordezkaritza-agintea indardun izan beharko dute azken data horretan, hala ezarrita baitago Garapen Ekonomikorako kontseilariaren ekainaren 16ko 26E/2017 Foru Aginduan. Foru agindu horren bidez, sindikatuei beren jarduera arruntak gauzatzeko ematen zaien dirulaguntzaren araubidea ezarri da, Nafarroan lortutako ordezkari kopuruaren arabera, bai eta urteko deialdia ere.

d) 970000-97000-4819-494111 partida, "Eragile sozial eta enpresarialentzako transferentzia, haien parte-hartzearen araberakoa" izenekoa, eragile sozialen eta enpresarialen parte-hartze instituzionala sustatzeko erabiliko da, hala ezarrita baitago Garapen Ekonomikorako kontseilariaren azaroaren 3ko 222/2016 Foru Aginduan. Foru agindu horren bidez erakunde sindikalek eta enpresaburuen elkarteek parte hartzeagatik jasoko dituzten konpentsazioak arautzen dira.

e) 970000-97000-4819-494113 partida, "Enpresa erakundeentzako transferentzia, haien ordezkagarritasunaren arabera. CEN" izenekoa, Nafarroako Enpresaburuen Konfederazioaren azpiegitura- eta funtzionamendu-gastuak ordaintzeko izanen da, bere funtsezko helburuak, erakundearen estatutuen 4. artikuluan jasoak, bete ditzan.

f) 970000-97000-4819-494114 partida, "Ekonomia sozialeko entitateak sustatu eta mantentzea. ANEL" izenekoa, erabiliko da Nafarroako Ekonomia Sozialeko Enpresen Elkartea (ANEL) izenekoaren azpiegiturako eta mantentze-lanetako gastuak ordaintzeko, ekonomia soziala bultzatu, garatu, sustatu eta indartzeko duen xedea bete ahal izan dezan.

g) 970000-97000-4819-494121 partida, "Transferentzia Ekimen Sozialeko Enplegu Zentro Berezien Elkarteari" izenekoa, erabiliko da Nafarroako Ekimen Sozialeko Enplegu Zentro Berezien (CEISNA) azpiegitura- eta funtzionamendu-gastuak ordaintzeko, desgaitasuna duten pertsonen lan- eta gizarte-inklusio erabatekoaren alde lan egin dezan, entitate horrek Nafarroako ekonomia soziala ordezkatzen baitu.

h) 970000-97000-4819-494122 partida, "Transferentzia Nafarroako Gizarteratze Enpresen Elkarteari (EINA) PIES" izenekoa, erabiliko da Nafarroako Gizarteratze Enpresen Elkartearen (EINA) azpiegitura- eta funtzionamendu-gastuak ordaintzeko, lan egin dezan lan-merkatuan sartzeko zailtasun bereziak dituzten pertsonak gizarteratzearen eta laneratzearen alde, entitate horrek Nafarroako ekonomia soziala ordezkatzen baitu.

i) 970000-97000-4819-494123 partida, "Transferentzia Nafarroako Fundazioen Elkarteari (PIES)" izenekoa, erabiliko da Nafarroako Fundazioen Elkartearen azpiegitura- eta funtzionamendu-gastuak ordaintzeko, fundazio-eredua susta dezan ekonomia sozialetik, eta fundazioen kudeaketa eta haien arteko elkarlana hobetu ditzan, entitate horrek Nafarroako ekonomia soziala ordezkatzen baitu.

j) 970000-97000-4709-494128 partida, "Dirulaguntza CEN Nafarroako Enpresaburuen Konfederazioari enpresetan berdintasun arloko sustapena eta dinamizazioa egiteko" izenekoa, erabiliko da Nafarroako enpresetan genero-berdintasuna bultzatzeko, sustatzeko eta aholkularitza emateko.

k) 950002-96200-4819-242106 partida, "Prestakuntza-premiak ikertu eta planifikatzeko jardueretan parte hartzeagatiko konpentsazioa" izenekoa, banatuko da Lan arloan enplegurako lanbide heziketako sistema arautzen duen irailaren 9ko 30/2015 Legean aurreikusitakoari jarraikiz.

56. artikulua. Gizarteinklusioko prestazioetarako kredituak kudeatzeko funtsmugimenduak.

Eskubide Sozialetako, Ekonomia Sozialeko eta Enpleguko Departamentuko titularrak funts-mugimenduak egiten ahalko ditu "Errenta bermatua" izeneko 901002-91100-4809-231500 partidaren eta "Bizitzeko gutxieneko diru-sarrera" izeneko 901002-91100-4809-231505 partidaren eta gaitu beharrekoak suertatzen diren partiden artean, gastuak hobeto kudeatzeko Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugak izan gabe.

57. artikulua. Gizarte Zerbitzuen Zorroak mendekotasunaren, desgaitasunaren eta gaixotasun mentalen arretarako bermatzen dituen prestazioetarako kredituak kudeatzeko funtsmugimenduak.

Eskubide Sozialetako, Ekonomia Sozialeko eta Enpleguko Departamentuko titularrak funts-mugimenduak egiten ahalko ditu honako partida hauen eta helburu horietarako gaitu beharrekoen artean:

a) 920005-93100-2600-231B04 partida, "Adinekoentzako zentroen kudeaketa" izenekoa.

b) 920005-93100-2600-231B05 partida, "Desgaitasuna duten pertsonentzako zentroen kudeaketa" izenekoa.

c) 920005-93100-2600-231B06 partida, "Osasun mentaleko zentroen kudeaketa" izenekoa.

d) 920004-93200-4809-231B00 partida, "Zerbitzuari lotutako laguntzak" izenekoa.

e) 920004-93200-4809-231B02 partida, "Zerbitzu pertsonalei arreta emateko laguntzak" izenekoa.

58. artikulua. Gizarte Zerbitzuen Zorroak haurren eta nerabeen arretarako bermatzen dituen prestazioetarako kredituak kudeatzeko funtsmugimenduak.

Eskubide Sozialetako, Ekonomia Sozialeko eta Enpleguko Departamentuko titularrak funts-mugimenduak egiten ahalko ditu foru-lege honen 5. artikuluko 8. apartatuan zabalgarritzat jotako 920008 proiektuko partiden eta gaitu beharrekoen artean, Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugarik gabe.

59. artikulua. Dirulaguntza Parquenasa Sendavivari.

"Dirulaguntza Parquenasa - Sendavivari" izeneko A30004-A3400-4709-458300 partidaren bidez, Sendaviva Parkearen jarduera garatzeko beharrezkoak diren edozein motatako gastuak finantzatzen ahalko dira.

Dirulaguntza horri dagokionez, Nafarroako Foru Komunitateko sozietate publikoei baimena ematen zaie 2024an abal eragiketa berriak edo antzeko beste berme batzuk emateko Parque de la Naturaleza de Navarra SAri, partida horren gehieneko zenbatekoraino, foru-lege honen 25.2. artikuluak ezarritako mugaren barruan.

60. artikulua. Nafarroako Gobernuak Bruselan duen ordezkaritza.

Europar Batasuneko Gaietarako Nafarroak duen Bulego Iraunkorraren ohiko jardunerako behar diren gastuak kutxa finkoko aurrerakinekin edo, hala bada, justifikatu beharreko ordain-aginduekin ordaindu ahalko dira.

61. artikulua. Nafarroako Parlamentuaren, Kontuen Ganberaren, Arartekoaren, Nafarroako Kontseiluaren eta Jardunbide egokien aldeko eta ustelkeriaren kontrako Bulegoaren aurrekontuzuzkidurak.

1. Nafarroako Parlamentuaren, Kontuen Ganberaren eta Arartekoaren aurrekontu-zuzkidurak ordaintzeko aginduak, irmoki eta aldizka eginen dira, Parlamentuko Mahaiak eta erakunde horietako ordezkaritza dutenek hurrenez hurren eskatu ahala.

2. Duten independentzia organikoa eta funtzionala ezertan galarazi gabe, Nafarroako Kontseilua eta Jardunbide egokien aldeko eta ustelkeriaren kontrako Bulegoa Foru Komunitateko Administrazioaren ekonomia- eta aurrekontu-kudeaketari buruzko araudi orokorraren mendean egonen dira.

Halaber, haren ekonomia- eta aurrekontu-jarduna Nafarroako Gobernuaren Kontu-hartzailetzaren kontrolpean egonen da, Nafarroako Foru Komunitateko Administrazioarentzat eta haren erakunde autonomoentzat ezarrita dauden baldintza beretan.

Nafarroako Kontseilurako eta Jardunbide egokien aldeko eta ustelkeriaren kontrako Bulegorako transferentzia arruntak, oro har, hiru hilabeteko aurrerapenarekin libratuko dira, non eta behar handiagoak ez diren justifikatzen.

Kapital-transferentziak eginen dira erakunde horietako ordezkaritza dutenek eskatu ahala, eskaera eragin duen gastuaren beharra justifikatuta.

62. artikulua. Suspertze eta Erresilientziarako Mekanismoaren kredituak kudeatzeko funtsmugimenduak.

Funts-mugimenduak egiten ahalko dira Estatuko Administrazioko organo eskudunak onetsitako Suspertze, Eraldatze eta Erresilientzia Planeko azpiproiektu bakoitzeko partiden artean, lehendik daudenen edota ekitaldian sortu behar izan direnen artean, Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugarik gabe.

Ukitutako partidak zer departamenturi dagozkion, bertako kontseilariak izanen du funts-mugimendu horiek baimentzeko eskumena. Departamentu bati baino gehiagori badagokie, eskumena Ekonomia eta Ogasuneko kontseilariarena izanen da, ukitutako departamentuek adostasuna eman ondoren.

63. artikulua. REACTEU kredituak kudeatzeko funtsmugimenduak.

Funts-mugimenduak egiten ahalko dira REACT-EU baliabideekin finantzaturiko helburu espezifiko bakoitzari dagozkion partiden artean, lehendik daudenen edota ekitaldian sortu behar izan direnen artean, Nafarroako Ogasun Publikoari buruzko apirilaren 4ko 13/2007 Foru Legearen 38. artikuluko mugarik gabe.

Ukitutako partidak zer departamenturi dagozkion, bertako kontseilariak izanen du funts-mugimendu horiek baimentzeko eskumena. Departamentu bati baino gehiagori badagokie, eskumena Ekonomia eta Ogasuneko kontseilariarena izanen da, ukitutako departamentuek adostasuna eman ondoren.

64. artikulua. Suspertze eta Erresilientzia Mekanismoari dagozkion gastukreditu exekutatugabeen txertaketak.

Nafarroako Aurrekontu Orokorretan kontsignatutako gastua, Suspertze eta Erresilientzia Mekanismoari dagokiona, kasuan kasuko ekitaldian exekutatzen ez den zatian, diruzaintzako gerakin atxikitzat joko da eta txertatzen ahalko da hurrengo aurrekontu-ekitaldietan, proiektu bakoitzaren partidetatik edozeinetan.

65. artikulua. Suspertze, Eraldatze eta Erresilientzia Planeko 14. osagaiko funtsekin finantzatutako dirulaguntzen ordainketaaurrerakinak.

Dirulaguntzei buruzko azaroaren 9ko 11/2005 Foru Legearen 33.2. artikuluan aurreikusitako bermea ez da beharrezkoa izanen ordainketa-aurrerakinak egiteko baldin eta dirulaguntza horiek eman badira Europar Batasunak (Next Generation EU) finantzatutako Suspertze, Eraldatze eta Erresilientzia Planaren 14. osagaiko -"Turismoaren modernizazio eta lehiakortasun plana", "Turismo-ereduaren eraldaketa jasangarritasunera bidean" 1. inbertsioa, "Helmugen Jasangarritasun Turistikoari buruzko Planen Programa" 2. azpineurria- funtsekin.

66. artikulua. Suspertze, Eraldatze eta Erresilientzia Planeko 2. osagaiko dirulaguntzen deialdiak.

Administrazio-ebazpen bidez onesten ahalko dira kreditu-zenbateko gehigarriak Suspertze, Eraldatze eta Erresilientzia Planeko etxebizitzen birgaitzearen arloko laguntza-programak garatzean onetsitako dirulaguntzen deialdietan, urriaren 5eko 853/2021 Errege Dekretuan ezarritakoari jarraikiz, baita eskabideak aurkezteko epea bukatuta dagoenean ere, programa horiek finantzatzeko jaso diren funts berrien zenbatekoarekin. Halaber, baliagarri dauden funtsak programen artean birbanatzea onesten ahalko da, errege dekretu horretan ezarritakoari jarraikiz. Gastu gehigarriaren igoera onesteak ez du berekin ekarriko eskabideak aurkezteko beste epe bat abiaraztea.

67. artikulua. Tokientitateen artean banatzea Itoitz inguruan lurraldegarapen jasangarriko proiektuak diruz laguntzera bideratutako zenbatekoa.

210002-21400-7609-922105 partida, "Itoizko lurralde-garapen jasangarriko proiektuak. Longidako, Artzibarko, Agoizko eta Orotz-Betelu Udalekiko hitzarmena" izenekoa, hitzarmenen bidez antolatuko da toki-entitate bakoitzarekin, banaketa honen arabera:

- Agoizko Udala: %47.

- Artzibarko Udala: %24.

- Longidako Udala: %24.

- Orotz-Beteluko Udala: %5.

68. artikulua. Funtsak mugitzeko baimena Funtzio Publikoaren Zuzendaritza Nagusian, "Lanbidekarrera aldi baterako zerbitzuak" eta "Beste osasunlangileak" aurrekontupartiden kargura.

Funtzio Publikoko Zuzendari Nagusiak baimena eman dezake funtsak mugitzeko "Lanbide-karrera aldi baterako zerbitzuak" izeneko F30001-F3100-1800-921405 eta "Lanbide-karrera aldi baterako zerbitzuak" izeneko 540000-52000-1800-311100 aurrekontu-partiden kargura, finantzatze aldera aldi baterako kontratupeko osasun arloko langile fakultatiboei eta diplomadunei lanbide-karrerarako eskubidea eta lanbide-karreraren ondorioetarako aldi baterako kontratualdian emandako zerbitzuak aitortzearen ondoriozko gastuaren egozpena duten partidak, bai eta finantzatze aldera langile ez-fakultatibo eta ez-diplomadunen lanbide-karreraren ondoriozko gisa foru legez ezarritako gastuaren egozpena duten partidak ere. Nafarroako Ogasun Publikoari buruzko apirilaren 4ko 13/2007 Foru Legearen 38. artikuluan eta 44.etik 50.era bitartekoetan ezarritako mugak ez dira bete beharrekoak.

Lehenengo xedapen gehigarria. Nafarroako administrazio publikoen zerbitzuko langileen arloko presako neurriak.

Orokortasunez luzatzen dira, 2024rako, Nafarroako Administrazio Publikoen zerbitzuko langileen arloko presako neurriak, ekainaren 21eko 13/2012 Foru Legearen 1. artikuluaren 1., 2., 3. eta 6. apartatuetan aurreikusiak.

Erretiroa hartzeko gehieneko adinari dagokionez aurreko paragrafoan aipatutako 1. artikuluko apartatuak funtzionario guztiei aplikatuko zaie, funtzionarioa atxikita dagoen gizarte-aurreikuspeneko sistema zein den ere, barne harturik Nafarroako administrazio publikoen montepioetako funtzionarioen eskubide pasiboen araubide iragankorrari buruzko martxoaren 5eko 10/2003 Foru Legearen aurreko sistemari atxikiak, bai eta araubide horri atxikiak ere.

Hala ere, eta salbuespen gisa, Osasun Departamentuak zilegi izanen du bere zenbait langileren zerbitzu aktiboa 2024. urtean zehar luzatzea zerbitzuaren premiengatik eta profesionalik ezarengatik; betiere, arrazoi horiek behar bezala justifikatu beharko dira. Halatan, zilegi izanen da zerbitzu aktiboaren luzapena baimendu dakien, Gizarte Segurantzak xedaturiko legezko erretirorako adinera iritsi ondoren, Nafarroako Osasun Zerbitzua-Osasunbideari atxikitako langileen berariazko erregimenari buruzko 11/1992 Foru Legearen A.1 eta A.2.5 estamentuetako profesional fakultatiboei, betiere norbere espezialitateko kontratazio-zerrenda irekita badago; era berean, luzapena baimendu ahalko zaie estamentu horietako profesionalei baldin eta zerbitzuburu edo laguntza-ataleko buruaren eginkizunak betetzen ari badira, betiere norbere espezialitateko kontratazio-zerrenda irekita badago eta zerrendan aldi baterako kontratatzeko izangairik ez badago. Luzapena baimentze aldera inguruabar hori egiaztatzeko momentua izanen da legezko erretirorako aurreikusita dagoen data iritsi baino hilabete lehenago.

Luzapena urtebeterako eginen da, eta luzagarria izanen da baimen-ematearen baldintzei eutsiz gero, interesdunak horretarako eskaera aurretiaz eginik eta hirurogeita hamar urteko adina mugatzat harturik.

Bigarren xedapen gehigarria. Nafarroako Administrazio Publikoek deitutako hautapen prozesuei dagozkien xedapenak.

1. Nafarroako Administrazio Publikoei ahalmena ematen zaie Administrazioan sartzeko edo bertako lanpostuak betetzeko hautapen prozesuen deialdietako eskabideak eta gainerako dokumentazioa baliabide elektronikoen bidez aurkez daitezela eskatzeko.

2. Aurreko apartatuan aipatutako hautapen prozesuetan parte hartzeko eskabideak aurkezteko epeak, egunetan adierazitakoak, egun naturalekoak direla ulertuko da beti.

Hirugarren xedapen gehigarria. Nafarroako administrazio publikoek aldi baterako kontratazioprozesuetan egiten dituzten deialdiei buruzko xedapenak.

1. Nafarroako administrazio publikoei ahalmena ematen zaie, aldi baterako kontratazio-prozesuetan, bitarteko telematikoak eta elektronikoak erabil ditzaten hautagaiak deitzeko eta kontratuak hautatzeko.

2. Kasu horretan, deia Administrazio Publikoaren webgunean iragarki publiko bat argitaratuz eginen da. Iragarki horretan, deitutako izangaiak eta eskainitako kontratuak argitaratuko dira, eta eskainitako kontratuak modu elektronikoan hautatzeko epea adieraziko da.

Laugarren xedapen gehigarria. Lan eskaintza publikoak onesten dituzten foru dekretuetan jasotako lanpostuen betekizunak aldatzea.

Nafarroako Foru Komunitateko Administrazioko eta haren erakunde autonomoetako lan eskaintza publikoak onesten dituzten foru dekretuetan jasotako lanpostuen betekizunak aldatzen ahalko dira kasuko foru dekretua onetsi ondoren, eta administrazioan sartzeko kasuko deialdiaren datan plantilla organikoan agertzen direnei jarraikiz eskainiko dira lanpostuak.

Bosgarren xedapen gehigarria. Trafikoaren eta ibilgailu motordunen zirkulazioaren arloko zerbitzutransferentzia.

1. Nafarroako Gobernuari baimena ematen zaio Foru Komunitateko Administrazioaren plantillan sar ditzan Estatuko Administrazioak trafikoaren eta ibilgailu motordunen zirkulazioaren arloan dituen zenbait eginkizun eta zerbitzu Nafarroako Foru Komunitatearen esku uzteko apirilaren 4ko 252/2023 Errege Dekretuaren 2. Zerrendan identifikatutako funtzionarioak edo lan-kontratudunak.

2. Barneko, Funtzio Publikoko eta Justiziako Departamentuari baimena ematen zaio, Nafarroako Poliziei buruzko azaroaren 19ko 23/2018 Foru Legearen bederatzigarren xedapen gehigarrian xedatutakoari jarraituz, behar diren mekanismoak gaitu ditzan Trafikoko Elkartean zerbitzua ematen duten Estatuko Administrazio Orokorreko funtzionarioak Foruzaingoan sartzea ahalbidetzeko.

3. Gerta daiteke transferentzia egin aurretik zenbait langilek, oinarrizko ordainsariak eta ordainsari osagarriak batuta, zenbateko handiagoa jasotzea Nafarroako Foru Komunitateko Administrazioaren zerbitzuko langileen ordainsari-araudia aplikatuta legokiekeena baino. Langile horiei osagarri bat esleituko zaie, aldea konpentsatzeko. Konpentsazio hori xurgatu eginen da beren ordainsarietan izaten den edozein gehikuntzarekin, eta horien artean sartuko dira, espresuki, bai ordainsari pertsonalei eta osagarriei dagozkienak bai oro har aplika daitezkeen ordainsari eguneratzeei dagozkienak.

Seigarren xedapen gehigarria. Tokientitateen partaidetza funtsaren tratamendua.

1. Kredituak, toki-entitateek Nafarroako tributuetan parte hartzeko funtsa osatzen dutenak, kapital-transferentzien arloan, aurrekontu-erabilerarik gabe gelditzen badira ekitaldi-itxieran, jatorria ekitaldi itxietako ekonomietan dutenak, eta itzultzen diren kopuruak funts horri atxikitako diruzaintza-gerakintzat hartuko dira. Gerakin hori ekitaldi bakoitzeko aurrekontu-kredituarekin batera esleitzen ahalko da, aurrekontuaren exekuzio mailaren arabera eta diru-sarreren aurreikuspenek horretarako bidea ematen badute, inbertsio planetan sartutako obren exekuziorako toki-entitateei ematen zaizkien ekarpenak finantzatzeko.

2. Toki Administrazioaren eta Despopulazioaren zuzendari nagusiak funts-mugimenduak egiten ahalko ditu toki-entitateek Nafarroako tributuetan duten parte-hartzearen funtseko partiden artean, kapital transferentzien arloan, beharrezkotzat jotzen denean.

Era berean, aurrekontuko partidak sortzen ahalko dira toki-entitateek Nafarroako tributuetan duten parte-hartzearen funtsean, kapital-transferentzien arloan, beharrezkotzat jotzen denean.

3. Toki Administrazioaren eta Despopulazioaren Zuzendaritza Nagusiak bere gain hartuko du Toki Inbertsioen Planeko kredituen artetik plan zuzentzaileetako azterlan eta proiektuak finantzatzeko diren kredituak kudeatzeko lana, dela ente instrumental bati enkargua emanez, dela kontratu publikoei buruzko foru legeriaren araberako kontratazio baten bidez; kudeaketa horretan sartzen dira planak garatu eta gauzatzeko beharrezkotzat jotzen diren zerbitzu, inbertsio eta jarduketekin lotura duten edonolako gastuak. Edozein kasutan, ulertuko da Gastuen Aurrekontuan kudeaketa horretarako aitortzen diren betebeharrak Toki Inbertsioen Planaren gastu bereki direla.

4. Toki Administrazioaren eta Despopulazioaren zuzendari nagusiak funts-mugimenduak egiten ahalko ditu Toki Ogasunek Nafarroako tributuetan duten parte-hartzearen Funtseko partiden artean, transferentzia arrunten arloan, mugimendu horiek beharrezkotzat jotzen direnean.

Halaber, aurrekontu partidak sortzen ahalko dira Toki Ogasunek Nafarroako Tributuetan duten Parte-hartzearen Funtsaren barruan, transferentzia arrunten arloan, beharrezkotzat jotzen denean.

Zazpigarren xedapen gehigarria. Eskumenak Nafarroako Ubidearen 1. eta 2. faseko eremu ureztagarrietan.

Nafarroako Ubidearen eremu ureztagarriko interes orokorreko azpiegituren eraikuntza eta ustiapena arautzen dituen azaroaren 22ko 12/2005 Foru Legeko 3.1.b) artikuluaren arabera Nafarroako Foru Komunitateko Administrazioak dituen eskumenak, Nafarroako Ubidearen eremu ureztagarriaren 1. fasearen (handitzea barne) interes orokorreko azpiegiturak eraiki eta ustiatzeko herri-lanen emakidarako kontratuetakoak, Lurralde Kohesiorako Departamentuari dagozkio, salbu eta lurzatiak biltzeko prozesuen eta sektore edo eremu bakoitza ureztatzen hasteko adierazpenen eta haien aldaketen gainekoak. Emakida-kontratuko obra-proiektuen eta haien aldaketen onespen administratiboa Lurralde Kohesiorako Departamentuak emanen du.

Dagokion departamentuak ordainduko ditu emakida-kontratuen kanonak, kredituen aurrekontu-kontsignazioaren arabera.

Era berean, Nafarroako Foru Komunitateko Administrazioak Nafarroako Ubidearen 2. faseko eremu ureztagarrietan dauzkan jarduketa-eskumenak Lurralde Kohesiorako Departamentuari dagozkio, salbu eta lurzatiak biltzeko prozesuen eta sektore edo eremu bakoitza ureztatzen hasteko adierazpenen eta haien aldaketen gainekoak.

Nafarroako Ubidearen eremu ureztagarriko interes orokorreko azpiegiturak eraikitzeko lan guztiak amaitutakoan, azpiegitura horri dagozkion eskumenak Landa Garapeneko eta Ingurumeneko Departamentuak beteko ditu.

Zortzigarren xedapen gehigarria. Garraioaren arloko eskudantziak.

Garraio zerbitzuak kontratatzeko eta xedetzat garraio jarduerak dituzten dirulaguntzak emateko, Lurralde Kohesiorako Departamentuko Garraioen eta Mugikortasun Jasangarriaren Zuzendaritza Nagusiak aldeko txostena eman beharko du aurretik, betiere.

Bederatzigarren xedapen gehigarria. Ikastetxe itunduen sostengurako funts publikoak banatzeko modulu ekonomikoak.

Hezkuntza maila nahiz modalitate ezberdinetan ikastetxe itunduen eskola unitate bakoitzeko modulu ekonomikoen urteko zenbatekoak kontzeptu hauetan xehakatuta daude: "Irakasleen soldatak, gizarte-kargak barne", unitate itundu bakoitzeko irakasle titular eta agregatuen ratioa zehaztuta, "Gastu aldakorrak", "Bestelako gastuak", eta, halakorik badago, "Langileria eta gastu espezifikoak", kontzeptu bakoitzak modulu osoarekiko egiten duen portzentajea adierazita, I. eranskinean jasotakoak izanen dira.

"Irakasleen soldatak, gizarte-kargak barne" kontzeptuan biltzen da irakasleen ordainsarien eta haien gizarte-kargen ondoriozko kostua, irakaskuntza mailen arabera.

"Gastu aldakorrak" kontzeptuan biltzen dira, irakasleen antzinatasunaren eta horrek Gizarte Segurantzan duen eraginaren kostuaz gain, irakasle-ordezteak, zuzendaritza-osagarria eta Langileen Estatutuaren 68.e) artikuluan ezarritakoaren ondoriozko betebeharrak.

Diru kopuru horiek funts orokor batean bilduko dira, zeina irakaslez irakasle banatuko baita ikastetxe itunduetako irakasleen artean, irakasle bakoitzarengan gertatzen diren inguruabarren arabera.

Hamargarren xedapen gehigarria. Ikasliburuen doakotasunerako programako liburuen salmenta.

Ikasliburuen doakotasunerako programako liburuak saltzen ahalko dituzte, bakar-bakarrik, liburu-salmentan jarduteko gaikuntza ematen dien baimena daukaten establezimenduek.

Hamaikagarren xedapen gehigarria. Irakasleen irakastorduak zehaztea.

Irakasle-lanpostuak ikasturte bakoitzaren hasieran dauden beharrizanen arabera betetze aldera, eta baldin kasuan kasuko espezialitatean ez badago irakastordu nahikorik, unibertsitateaz kanpoko irakasleek beste irakaste-espezialitate batzuetan irakatsiz beteko dute beren ordutegia, Hezkuntza Departamentuak ezarritako kasuetan eta baldintzetan.

Hamabigarren xedapen gehigarria. Ikastetxe publiko berriak.

Hezkuntza Departamentuak zilegi izanen du ikastetxe publiko baten sorrera baino lau hilabete lehenago gehienez ere izendatzea irakaskuntzako zuzendaritza-karguak; horiek erregelamendu organikoetan ezarrita dauden eginkizunak beteko dituzte, bai eta Eskola Kontseiluari esleitutako eskumenak ere, hura eratzen den arte.

Hamahirugarren xedapen gehigarria. Unibertsitateaz kanpoko irakasleentzako lan publikoaren eskaintza.

1. Nafarroako Foru Komunitateko Administrazioko unibertsitateaz kanpoko irakasleen lanpostuak, erretiroaren, heriotzaren, ukoaren edo lanpostu-erreserbarik ez dakarren beste edozein egoera administratiboren ondorioz hutsik gelditzen direnak, automatikoki esleituko zaizkio plantilla organikoan jatorriko irakasle kidegoari edo irakaspostuari, lanpostuen gainerako ezaugarriak zehaztu gabe.

2. Nafarroako Foru Komunitateko Administrazioko unibertsitateaz kanpoko irakasleen lan publikoaren eskaintzetan ezarriko da irakasle kidego edo irakaspostu bakoitzeko zenbat lanpostu barne hartzen dituzten guztira. Enplegu eskaintza horietan sartutako lanpostuen ezaugarriak, eta betiere espezialitatea eta hizkuntza, plantilla organikoa aldatzeko foru dekretu batean ezarriko dira, sarrerako hautaproben deialdia egin aurretik.

3. Langileak hautatzeko organoetako kideak izendatzeko (aipatuta azaltzen dira Nafarroako Foru Komunitateko Administrazioko unibertsitateaz kanpoko irakasle funtzionarioen hautapenari eta lanpostuen betetzeari begira neurriak ezartzen dituen maiatzaren 4ko 11/2022 Foru Legean), irakasle kidegoetarako sarbideari buruzko Estatuko araudian xedatutakoa aplikatuko da. Lehentasunez, hautaketa-prozesuaren xede den irakasle-lanposturako izendatutako irakasle funtzionarioek osatuko dituzte organo horiek. Dagokion lanpostuan langile nahikorik ez badago, irakasleen kidegoetako edo antzeko lanpostuetako funtzionarioak izendatuko dira.

Hamalaugarren Xedapen Gehigarria. Osasun zentroen funtzionamendurako transferentziak.

547001-52300-4609-312200 aurrekontu-partidan, "Osasun zentroen funtzionamendurako transferentziak" izenekoan, Nafarroako udalen jabetzakoak diren herrietako kontsultategien eta kontsultategi osagarrien funtzionamendurako den horretan, dagoen zenbatekoa banatzeko, Osasunbidea-Nafarroako Osasun Zerbitzuko kudeatzaileak urtero onesten dituen gehieneko zenbatekoak eta moduluak hartuko dira kontuan, eta ez zaio aplikatuko Dirulaguntzei buruzko azaroaren 9ko 11/2005 Foru Legea.

Edozein kasutan, modulu horiek kontuan hartuko dituzte kontsultategi mota eta azalera.

Herrietako kontsultategiak hornitzeaz Osasunbidea-Nafarroako Osasun Zerbitzua arduratuko da, kasua bada.

Hamabosgarren xedapen gehigarria. Nekazaritzako estatistikalanetan laguntzeagatiko kalteordainak.

Landa Garapeneko eta Ingurumeneko Departamentuak diru-ordainak ematen ahalko dizkie nekazaritzaren arloko estatistikan laguntzen duten pertsonei, laguntza horrek sortzen dizkien gastuengatik, betiere muga hauekin (eurotan, urtero):

Urte osoko labore-azalerak85
Laboreen urteroko ekoizpenak85
Abeltzaintzako beste ekoizpen batzuen ebaluazioa275
Lurraren prezioak1.400
Landa errentamenduen kanonak380
Nekazaritzako eta abeltzaintzako produktuen asteroko prezioak1.900
Nekazariek eta abeltzainek jasotako prezioak1.200
Nekazariek eta abeltzainek ordaindutako prezioak655
Munta gutxiko produktuen prezioak330
Nekazaritzako lansariak220
Kontu makroekonomikoak220
Meteorologia-Osoa1.440
Meteorologia-Erdizka1.275
Meteorologia-Termoplubiometrikoa, elurrari buruzko informazioarekin1.070
Meteorologia-Termoplubiometrikoa820
Meteorologia-Plubiometrikoa725
Meteorologia-Erdizka, elurrari buruzko informazioarekin1.525

Hamaseigarren xedapen gehigarria. Arazoak dituzten enpresei zorrak geroratzeko baldintza bereziak.

Zuzendaritza nagusi eskudunak proposaturik, Nafarroako Gobernuak baldintza bereziak eskaintzen ahalko dizkie arazoak dituzten enpresatzat hartutakoei, bat etorriz Ekonomia, Ogasun, Industria eta Enpleguko kontseilariaren irailaren 3ko 397/2012 Foru Aginduan edo agindu horren ordezko xedapen batean zehaztutakoarekin. Baldintza berezi horiek izanen dira kasuko enpresak Nafarroako Foru Komunitatearekin dituen zorren zatikapen eta geroratzea egiteko, enpresa bere bitartekoak erabiliz bideragarria izateko beharrezkoak diren amortizazio-epe eta -sistemari dagokienez, eta aplikatuko den interes-tasa ez da izanen legezko interes indardunaren ehuneko 50 baino gehiagokoa. Gainerako baldintzei dagokienez, zorrak zatikatzeko eta geroratzeko oro har ezarritakoak izanen dira.

Hamazazpigarren xedapen gehigarria. Eskubide sozialen arloko prestazio bidegabeki jasotakoak itzultzea.

Ekonomia eta Ogasun Departamentuak ezarriko du zatika itzul daitezen Babes Sozialaren eta Garapenerako Lankidetzaren Zuzendaritza Nagusiak, Pertsonen Autonomiarako eta Garapenerako Nafarroako Agentziak eta Nafarroako Berdintasunerako Institutuak ordaindutako aldizkako prestazio eta pentsio gisa bidegabeki jasotako kopuruak, aipatu diren erakunde autonomoek eta zuzendaritza nagusiak proposatuta, kasua bada; eta ez du ez interesik ez bermerik eskatuko.

Hemezortzigarren xedapen gehigarria. Zerbitzukontratuak eta enkarguak Nekazaritza Bermatzeko Europako Funtsetik (FEAGA) eta Landa Garapenerako Europako Nekazaritza Funtsetik (FEADER) heldu diren laguntzak kontrolatzeko.

Europako Batzordearen 2014ko martxoaren 11ko 907/2014 (EB) Erregelamendu delegatuaren bidez osotu zen Europako Parlamentuaren eta Kontseiluaren 1306/2013 (EB) Erregelamendua erakunde ordaintzaile eta beste organo batzuei, finantza kudeaketari, kontuen likidazioari, bermeei eta euroaren erabilerari dagokienez; hori horrela, bermatzearren bete egiten direla erregelamendu delegatu horrek Europako NBEUF eta LGENF funtsen kontuak kitatzeko prozedurari dagokionez ezartzen dituen betebeharrak, Landa Garapeneko eta Ingurumeneko Departamentuak zerbitzu-kontratuak egiten ahalko ditu, kontrolatu eta egiaztatze aldera Europako funts horietatik heldu diren laguntzen eskatzaileei ordainketak egiteko oinarri gisa hartzen diren egitateak, edo aldezte aldera Nafarroako Foru Komunitateko Erakunde Ordaintzailearen eginkizunen betetzea. Era berean, eginkizun horiek betetzeko mandatua eman diezaieke Nafarroako Foru Komunitateko Administrazioaren entitate instrumentalei.

Hemeretzigarren xedapen gehigarria. Gaikuntza Osasun Departamentuari eta haren organismo autonomoei atxikitako osasunalorreko langileek irakaskuntza edo ikerketaekintzetan parte hartzeko.

1. Osasun Departamentuari eta haren organismo autonomoei atxikitako osasun-alorreko langileek irakaskuntza-lankidetzan jarduten ahalko dute Nafarroako Unibertsitate Publikoarekin, beren eginkizunen esparruan, irakaskuntza biziagotzeko programetan parte hartuz, horrelakoak ezartzen direnean Nafarroako Gobernuaren eta aipatutako Nafarroako Unibertsitate Publikoaren arteko hitzarmenen bidez.

2. Era berean, Osasun Departamentuari eta haren organismo autonomoei atxikitako osasun-alorreko langileei gaikuntza ematen zaie beren eginkizunen esparruan ikerketa-ekintzak egin ditzaten, Nafarroako Gobernuarentzat interesgarriak direnak, foru-erkidegoko sektore publiko instituzionaleko entitateetan.

3. Aurreko apartatuetan aipatutako jarduerak egiteko baimena eman ahal izateko, aurrez lortu beharko da Osasun Zuzendaritza Nagusiaren, Osasunbidea-Nafarroako Osasun Zerbitzuko Kudeaketa Zuzendaritzaren edo Nafarroako Osasun Publikoaren edo Lan Osasunaren Institutuaren Kudeaketa Zuzendaritzaren ebazpena, interesdunari dagokion organoaren arabera.

Hogeigarren xedapen gehigarria. Pertsona Fisikoen Errentaren gaineko Zergan denboraegozpena egitea, 2023an nekazaritzaaseguruengandik jardueraren sarreretan izandako galerak konpentsatzeko jasotako kalteordainena.

2023an nekazaritza-aseguruengandik jardueraren sarreretan izandako galerak konpentsatzeko kalte-ordainak jaso dituzten Pertsona Fisikoen Errentaren gaineko Zergaren zergadunek zilegi izanen dute erabakitzea, zein ere den aplikatzen duten edo aplikatu izan duten denbora-egozpeneko irizpidea, kalte-ordain gisa jasotako zenbateko horien osotasuna 2023ko edo 2024ko zergaldiari egoztea.

Aukera hori baliatuko da Pertsona Fisikoen Errentaren gaineko Zergaren 2023ko zergaldiari dagokion autolikidazioan, zeina aurkeztuko baita Pertsona Fisikoen Errentaren gaineko Zergaren eta Ondarearen gaineko Zergaren 2023ko zergaldiko autolikidazio-ereduak onetsi eta horiek aurkeztu eta sartzeko arauak xedatzen dituen foru aginduan ezarritako epean, eta ezin izanen da aldatu behin epe hori igarota.

Lehenengo xedapen iragankorra. LHko ikasleen praktikak: Gizarte Segurantza.

2024. urtean zehar, "Lanbide Heziketako ikasleen praktikak: Gizarte Segurantza" izeneko 430001-43100-4800-322E00 partidari egotziko zaizkio funts publikoekin eutsitako ikastetxeetako prestakuntza-programetan sarturikoak diren prestakuntza-praktiketan edo kanpo-praktika akademikoetan diharduten Lanbide Heziketako ikasleen gastuak, Gizarte Segurantzarentzako kotizaziorakoak.

Bigarren xedapen iragankorra. Langile jakin batzuen jarduneko zerbitzua luzatzeko baimenak.

Salbuespen gisa, 2024ko ekainaren 30era arte, Nafarroako administrazio publikoek zilegi izanen dute luzapena baimentzea, noiz eta zerbitzu publikoen emate egokiak ezinbestekoa badu langile jakin batzuek jarduneko zerbitzuan irautea, gehienez ere urtebetez, kontatzen hasita nahitaezko erretiroaren adina betetzen den egunetik, eta luzapen posiblerik gabe. Nafarroako Foru Komunitateko Administrazioaren eta haren erakunde autonomoen zerbitzuko langileei dagokienez, baimen berezi hori Nafarroako Gobernuaren erabakiaren bidez emanen da.

Xedapen honetan ezarritakoari helduko ahal dioten langile bakarrak dira Nafarroako administrazio publikoetako funtzionarioak, zeinek, 2024. urte honetan zehar, nahitaezko erretiroaren adina betetzen baitute. Lehenagotik baimenduta dauden egoerak ezin izanen dira luzatu.

Azken xedapenetan lehena. 13/2007 Foru Legea aldatzea, apirilaren 4koa, Nafarroako Ogasun Publikoari buruzkoa.

Bat. 2. artikulua aldatzen da, eta testu hau izanen du aurrerantzean:

"2. artikulua. Foru sektore publikoa.

Foru lege honen ondorioetarako, honako hauek osatzen dute Nafarroako sektore publikoa:

a) Nafarroako Foru Erkidegoko Administrazioak eta haren erakunde autonomoek.

b) Nafarroako Parlamentuak eta haren mendeko organoek.

c) Nafarroako Kontseiluak.

e) Nafarroako Foru Komunitateko jardunbide egokien aldeko eta ustelkeriaren kontrako Bulegoak.

e) Nafarroako Foru Komunitateko Administrazioaren enpresa-entitate publikoek.

f) Nafarroako Foru Komunitateko sozietate publikoek, Nafarroako Ondareari buruzko apirilaren 4ko 14/2007 Foru Legean ezarritakoari jarraikiz.

g) Nafarroako Foru Komunitateko Administrazioaren eta haren organismo publikoen fundazio publikoek, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean ezarritakoari jarraikiz.

h) Berritik eratuak diren beste entitate publiko batzuek, eratze-xedapenak esanbidez hala xedatzen baldin badu.

i) Nafarroako Unibertsitate Publikoak, zeina bere araudi bereziari lotuta egonen baita eta, modu osagarrian, foru lege honen xedapenei".

Bi. 27. artikulua aldatzen da, eta testu hau izanen du aurrerantzean:

"27. artikulua. Irismen subjektiboa.

Honako hauek osatzen dituzte Nafarroako aurrekontu orokorrak:

a) Legebiltzarraren, eta Arartekoaren eta Kontuen Ganberaren aurrekontuak.

b) Foru Komunitateko Administrazioaren eta haren erakunde autonomoen aurrekontuak.

c) Foru lege honetako 2. artikuluko c), d) eta h) letrek aipatzen dituzten Foru Komunitatearen entitate publikoen aurrekontuak.

d) Enpresa-entitate publikoen aurreikuspeneko egoera-orri finantzarioek.

e) Foru Komunitateko fundazio publikoen eragiketa arrunten eta kapital- eta finantza-eragiketen aurrekontuek.

f) Foru Komunitateko sozietate publikoen jarduketa-, inbertsio- eta finantzaketa-programak, bai eta haien finantzen egoera-orriak ere.

f) Nafarroako Unibertsitate Publikoaren aurrekontu estimatua eta finantzaketa".

Hiru. 29. artikuluaren 2. paragrafoa aldatzen da. Hurrengo idazkera izanen du:

"2. 27. artikuluko d), e) eta f) eta g) letrek aipatzen dituzten agiriek titulu honetako II. kapituluan aurreikusten den informazioa jasoko dute:

Lau. 33. artikulua aldatzen da, eta testu hau izanen du aurrerantzean:

"33. artikulua. Legebiltzarraren, Kontuen Ganberaren, Arartekoaren eta beste entitate batzuen aurrekontuak.

Legebiltzarraren, Kontuen Ganberaren, Arartekoaren eta 27. artikuluko c) letran bildutako beste entitate publiko batzuen aurrekontuen onespena foru lege honetako lehen xedapen gehigarrian xedaturikoarekin bat etorriko da".

Bost. 38. artikuluaren 5. puntua aldatzen da. Hurrengo idazkera izanen du:

"5. Partida berriak ere sortzen ahalko dira, loturarik ez dagoenean ere, kreditua inkorporazio batetik edo gastuari loturiko diru-sarrera batetik heldua denean".

Sei. 60. artikulua aldatzen da, eta testu hau izanen du aurrerantzean:

"60. artikulua. Aurrekontuak.

1. Foru lege honetako 27. artikuluko d), e) eta f) letretan aipatzen diren Nafarroako Foru Komunitateko Administrazioko enpresa-entitate publikoek, fundazio publikoek eta sozietate publikoek, urtero, urriaren 15a baino lehen, agiri hauek prestatu eta Ekonomia eta Ogasun Departamentuari igorri beharko dizkiote:

a) Ustiapenaren aurrekontua, urteroko baliabide eta dotazioak zehaztuko dituena.

b) Kapital-aurrekontua, aurreko apartatuko xehetasun bera izanen duena.

c) Ustiapen- eta kapital-aurrekontuen edukia eta ekitaldian lortu nahi diren helburuak azaltzen dituen oroitidazkia.

2. Aurreko zenbakian aipatzen diren ustiapen- eta kapital-aurrekontuak osatuta egonen dira kasuan kasuko ekitaldiko emaitza-kontuaren eta finantzaketa-taularen aurreikuspen batez.

3. Sozietate publikoek eta enpresa-entitate publikoek, agiri haiekin batera, azken ekitaldiko likidazioko eta garatzen ari den ekitaldiko zenbatespeneko emaitzen kontua eta finantzaketa taula ere aurkeztuko dituzte. Azken ekitaldi likidatuko egoeraren balantzea, garatzen ari den ekitaldiko zenbatespena eta hurrengo ekitaldiko aurreikuspena ere sartuko dituzte.

4. Ekitaldi bakoitzeko urriaren 15a baino lehen, Nafarroako Unibertsitate Publikoak Nafarroako Gobernuari honako agiri hauek igorriko dizkio, Nafarroako Aurrekontu Orokorren proiektuan txerta daitezen: kasuko ekitaldiko aurrekontua prestatzeko irizpide orokorrak, diru-sarreren eta gastuen aurreikuspen bat, eta aurreikusitako finantzaketa-koadroa".

Zazpi. 82. quinquies artikulua aldatzen da, eta hauxe izanen du testu berria:

"82. quinquies artikulua. Maileguak formalizatzea.

Ekonomia eta Ogasun Departamentuaren titularrak formalizatuko ditu Nafarroako Gobernuak onetsitako maileguak; eta enpresa-entitate publikoek, fundazio publikoek eta sozietate publikoek onetsitakoak, berriz, entitate horietako zuzendariak edo kudeatzaileak."

Zortzi. 109. artikulua aldatzen da, eta testu hau izanen du aurrerantzean:

"109. artikulua. Definizioa.

Auditoretza publikoa egiaztapen-lan bat izanen da, gerora eta sistematikoki egina, foru-sektore publikoaren jarduera ekonomiko eta finantzarioari buruzkoa, kanpoan utzirik foru lege honen 2. artikuluko b), c) eta d) letretan jasotzen diren organo eta entitateak. Egiaztapena egiteko, aplikatzekoak diren auditoretza-arauetan eta jarraibideetan jasotako berrikuspen-prozedura bereizleak aplikatuko dira.

Halaber, Nafarroako sektore publikotik kanpoko pertsona fisiko eta juridikoek funts publikoak zuzen aplikatzen dituzten ere aztertuko du".

Bederatzi. 118. artikuluaren 1. puntua aldatzen da. Hurrengo idazkera izanen du:

"1. Nafarroako sektore publikoa, foru lege honetako 2. artikuluko b), c) eta d) letretan aipatzen diren entitate eta organoak izan ezik, titulu honetan aurreikusiriko kontabilitate-araubidearen pean egonen da".

Hamar. 126. artikulua aldatzen da, eta testu hau izanen du aurrerantzean:

"126. artikulua. Foru erakunde zenbaiten urteroko kontuen edukia.

Foru lege honetako 2. artikuluko b), c) eta d) letretan aipatzen diren foru erakundeen urteroko kontuen edukia bat etorriko da foru lege honetako lehen xedapen gehigarrian adierazten denarekin".

Hamaika. Lehenengo xedapen gehigarriaren 1. puntua aldatzen da. Puntu horrek hurrengo idazkera izanen du:

"1. Nafarroako Parlamentuak eta haren mendeko organoek, Nafarroako Kontseiluak eta Jardunbide egokien aldeko eta Ustelkeriaren kontrako Bulegoak, zeinek bere araudi berariazkoa beterik, beren aurrekontu-proiektua onetsi, eta Nafarroako Gobernuari ekitaldi bakoitzeko urriaren 1a baino lehen igorriko diote, Nafarroako Aurrekontu Orokorren proiektuan txertatua izateko".

Azken xedapenetan bigarrena. Aldaketa Kontratu Publikoei buruzko apirilaren 13ko 2/2018 Foru Legean.

Bat. 16. artikuluaren 2. c) puntua aldatzen da. Honako testu hau izanen du aurrerantzean:

"c) Negozio-bolumen orokorrari buruzko adierazpena, eta, hala behar denean, kontratuaren xedearen antzekoa den jarduera-arloko negozio-bolumenari buruzkoa, eskueran dauden azken hiru ekitaldietakoa gehienez ere, lizitatu behar duenaren eratze-egunaren edo jardueren hasiera-egunaren arabera, betiere negozio-bolumen horren erreferentziak eskura dauden heinean.

Urteko gutxieneko negozio bolumen exigitua ez da izanen kontratuaren balio zenbatetsia halako bat eta erdi baino handiagoa. Zehazki prestazio jarraituko kontratuetan, zeinetan balio zenbatetsiaren kalkuluak urteko kuota bat baino gehiago aurreikusten baitu, exiji daitekeen negozio-bolumena kalkulatuko da prestazioak daukan urteko batez besteko balioa kontuan hartuz.

Aurreko paragrafoan xedatzen dena gorabehera, behar bezala justifikaturiko kasuetan, hala nola obren, zerbitzuen edo horniduren izatasunarekin loturiko arrisku bereziekin zerikusia daukatenetan, zilegi izanen da muga horiek gainditzea. Kasu horretan, 138.3. artikuluak aipatzen duen premiei buruzko txostenean adieraziko dira betekizun hori ezartzeko arrazoi nagusiak".

Bi. 22. artikuluko 1. puntuko b) eta f) letrak aldatzen dira, eta hauxe da testu berria:

b) Zehapen irmoa jaso izana beren zintzotasuna zalantzan jartzen duen arau-hauste astuna egiteagatik, honako gaietan: merkatuko diziplina, lehia faltsutzea, desgaitasuna duten pertsonen laneratze, aukera-berdintasun eta diskriminaziorik eza, atzerritarrak, ingurumen-, gizarte- edo lan-arloan arau-hauste oso astuna egitea, edo sexu-jazarpena, edo sexuagatiko jazarpena, indarreko araudiaren arabera, edo bere zerbitzura lanean hasten diren langileen hasierako afiliazioa edo alta ez eskatzea, edo hori eskatzea baina ikuskapen-jarduera baten ondorioz eta ezarritako epeaz kanpo. Ondorio horietarako, arau-haustetzat bana joko da kalteturiko langileetako bakoitzeko, edo arau-hausteen berri ematen duten pertsonak babestu eta ustelkeriaren aurka borrokatzeari buruzko otsailaren 20ko 2/2023 Legeak aurreikusitako arau-hauste oso astunetako bakoitzeko, edo tratu-berdintasunaren eta sexu-orientazio eta -identitateagatik, genero-adierazpenagatik edo sexu-ezaugarriengatik ez diskriminatzearen alorrean eginiko arau-hauste astun edo oso astun bakoitzeko, debekua erabaki denean trans pertsonen benetako berdintasun efektiborako eta LGTBI pertsonen eskubideak bermatzeko otsailaren 28ko 4/2023 Legeak ezarritako moduan".

"f) Eguneraturik ez egotea indarreko xedapenek ezartzen dituzten zerga arloko edo Gizarte Segurantzako betebeharretan, erregelamenduz ezartzen den moduan; edo, 50 langile edo gehiagoko enpresen kasuan, gutxienez langileen ehuneko 2 ezgaituak izatearen baldintza ez betetzea, azaroaren 29ko 1/2013 Legegintzako Errege Dekretuak, Desgaitasuna duten pertsonen eskubideei eta haiek gizarteratzeari buruzko Lege Orokorraren testu bategina onesten duenak, 42. artikuluak ezarritakoaren arabera, erregelamenduz ezartzen den moduan; edota, 50 langile edo gehiagoko enpresen kasuan, ez betetzea Gizonen eta Emakumeen Berdintasunerako martxoaren 22ko 3/2007 Lege Organikoko 45. artikuluaren araberako berdintasun plan bat edukitzearen betebeharra".

Hiru. 45. artikuluko 1. eta 3. puntuak aldatzen dira, eta hauxe da testu berria:

"1. Kontratu publikoen iraupena ezartzeko, kontuan hartuko dira honakoak: prestazioen izaera, finantzaketaren ezaugarriak, eta horien ematea aldizka norgehiagokan jarri beharra.

Kontratuan luzapen bat edo gehiago aurreikusten ahalko dira, baldin eta haren ezaugarriak ez badira aldatzen luzapenen iraunaldian, eta adjudikaziorako norgehiagoka egina bada kontratuaren gehieneko iraupena kontuan hartuta, luzapenak barne.

Luzapena espresuki erabakiko da, bi aldeak aurrez ados jarrita, non eta hori arautzen duen orriak ez duen ezartzen kontratazio-organoak nahitaezko luzapena onesteko aukera duela".

"3. Baldin eta, kontratu baten muga-egunean, aurreikusi ezin diren gertaeretatik eratorritako gorabeheren ondorioz, formalizatu ez bada prestazioaren jarraipena bermatzen duen kontratu berria eta interes publikoko arrazoiak badaude hura ez eteteko, zilegi izanen da jatorrizko kontratua luzatzea, gehienez bederatzi hilabetez, edo, oinarrizko eskubide bat bermatzeko beharrezkoa den prestazioa duten kontratuak direnean, hogeita lau hilabetez, gainerako baldintzak aldatu gabe, harik eta kontratu berria gauzatzen hasi arte, baldin eta azken horren lizitazio-iragarkia gutxienez hiru hilabete lehenago argitaratu bada jatorrizko kontratuaren amaiera-data baino; edo, gonbidapenezko prozeduren kasuan, gonbidapen hori hamabost egun lehenago bidali bada".

Lau. 109. artikuluaren 1. puntua aldatzen da. Hurrengo testua izanen du:

"1. Foru lege honen mende dauden entitateek egindako kontratu publikoen prezioak aldizka eta aurrez ezarrita berrikusten ahalko dira, betiere foru lege honetan ezarritako moduan. Prezioa kontratuaren edozein ordain edo kontraprestazio ekonomikoa dela ulertuko da, Administrazioak nahiz erabiltzaileek ordaindutakoa.

Prezio-berrikuspena kontratu hauetan bakarrik egiten ahalko da: obra-kontratuetan, Administrazio Publikoen ekipamendurako kontratuetan, erregaiak hornitzeko kontratuetan eta inbertsioa berreskuratzeko aldia bost urtekoa edo gehiagokoa duten kontratuetan, espedientean justifikatu ondoren.

Horrez gain, eta espedientean justifikatu ondoren, zilegi izanen da prezio-berrikuspena gainerako kontratuetan onartzea, baldin eta erabili behar diren lehengaien, tarteko ondasunen eta energiaren parteen baturak kontratuaren oinarrizko lizitazio-aurrekontuaren ehuneko 20 gainditzen badu. Kasu horietan, berrikuspenak eragina izanen ahal du parte horrek kontratuaren prezioan egiten duen prezio-zatian bakarrik. Pleguak zehaztu beharko du ehuneko 1 baino gehiagoko partea duen lehengai, tarteko ondasun edo energia-hornidura bakoitzaren pisua, bai eta bakoitzaren prezio-berrikuspenerako indize ofiziala ere.

Prezioen berrikuspena egiteko ezinbestekoa izanen da kontratuaren zenbatekoaren ehuneko 20 gutxienez exekutatuta egotea eta formalizatu zenetik urtebete iraganik izatea, salbu eta erregai-hornidurako kontratuen kasuan.

Ez dira inola ere berrikusten ahalko amortizazioei lotutako kostuak, finantza kostuak, gastu orokorrak edo egiturakoak eta industria mozkina".

Bost. Hamargarren xedapen gehigarria aldatzen da, eta hauxe da testu berria:

"Hamargarren xedapen gehigarria.-Irakaskuntza-jarduerekin zerikusia duten kontratuetarako araubide berezia.

Irakaskuntza- edo prestakuntza-jarduerez osaturiko xedea duten kontratuetan, kontratu horiek pertsona fisikoei esleituak izanik, eta garatuak Administrazioaren zerbitzuko langileen prestakuntza edo trebakuntzarako ikastaroen bitartez edo enplegurako prestakuntzako ikastetxe publikoetan irakatsitako prestakuntza-ekintzen bitartez, bai eta mintegietan, elkarrizketetan, mahai-inguruetan, hitzaldietan, lankidetzetan, zientzia-artikuluetan edo idatzizko materialen prestakuntzan, exijitzeko moduko izapide bakarrak izanen dira, aplikatzekoa den aurrekontu-legeriari jarraikiz, organo eskudunak eginiko hautaketa edo izendapena eta kasuko fakturaren aurkezpena".

Sei. Hogeita batgarren xedapen gehigarriaren 2. puntua ezabatzen da.

Zazpi. Xedapen gehigarri berri bat eransten da. Eduki hau izanen du:

"Hogeita hirugarren xedapen gehigarria".-Osasunbidea-Nafarroako Osasun Zerbitzuak eta Nafarroako Osasun Publikoaren eta Lan Osasunaren Institutuak eginiko kontratu jakin batzuetarako araubide berezia.

Kontratu batzuetan hornitze-entitate batek bere gain hartzen duen betebeharra bada denboran zehar elkarren ondotik eta unitate-prezioan zenbait ondasun edo zerbitzu helaraztea, kontratu horien egile Osasunbidea-Nafarroako Osasun Zerbitzua edo Nafarroako Osasun Publikoaren eta Lan Osasunaren Institutua izaki eta kontratu horiek kudeatuak izanik organismo horietan erosketa-kudeaketarako eta gastu-kontrolerako ezarritako lanabesaren bitartez, ez da beharrezkoa izanen espedienteari atxikitzea foru lege honen 138.3 artikuluak aipatzen duen erreserba. eta gastuaren baimentze-dokumentua; eta aurrekontu-eskuragarritasuna frogatu beharko da Ogasun alorrean eskudun den Departamentuak zehaztuko duen moduan".

Azken xedapenetan hirugarrena. Tributuei buruzko Foru Lege Orokorra aldatzea.

Tributuei buruzko abenduaren 14ko 13/2000 Foru Lege Orokorraren 105.1 artikuluari p) letra eransten zaio. Hona hemen haren testua:

"p) Ondare-alorrean eskudun den zerbitzuarekiko lankidetza, Nafarroako Foru Komunitatearen aldeko legezko oinordetza bidez ondasun eta eskubideak eskuratzeko prozeduretan, Nafarroako Ondareari buruzko 14/2007 Foru Legeak xedatuaren arabera".

Azken xedapenetako laugarrena. Pertsona Fisikoen Errentaren gaineko Zergari buruzko Foru Legearen testu bateginaren aldaketa.

Ekainaren 2ko 4/2008 Legegintzako Foru Dekretuaren bidez onetsitako Pertsona Fisikoen Errentaren gaineko Zergari buruzko Foru Legearen testu bateginaren hirurogeita bosgarren xedapen gehigarria honela geldituko da:

"Hirurogeita bosgarren xedapen gehigarria.-Etxebizitzen energia-efizientzia hobetzeko obrengatiko kenkaria.

1. Zergadunek zilegi izanen dute beren ohiko etxebizitzaren edo une horretan etxebizitza gisa erabilia izateko alokairuan emana nahiz alokagai duten beren jabetzako beste edozein etxebizitzaren berokuntza- eta hozkuntza-eskaria murrizteko asmoz 2022an, 2023an eta 2024an eginiko obrengatik epe horretan ordaindu dituzten kopuruen ehuneko 20 kentzea, baldin eta, azken kasu horretan, etxebizitza 2025eko abenduaren 31 baino lehenago alokatzen bada.

Ondorio horietarako, etxebizitzaren berokuntza- eta hozkuntza-eskaria murriztu dela ulertuko da, soilik, ehuneko 7 murrizten bada, gutxienez ere, obrak egin ondoren teknikari eskudunak jaulkitako etxebizitzaren energia-efizientziari buruzko ziurtagirian jasotako berokuntza- eta hozkuntza-eskariaren adierazleen batura, obrak hasi aurretik jaulkitako ziurtagirikoekin alderatuta.

Kenkaria eginen da obrak egin ondoren eginiko energia-efizientziaren ziurtagiria jaulkitzen den zergaldian. Edozein kasutan, ziurtagiri hori 2025eko urtarrilaren 1a baino lehenago jaulki beharko da.

Kenkari horren gehienezko oinarria urteko 5.000 eurokoa izanen da.

2. Zergadunek zilegi izanen dute beren ohiko etxebizitzaren edo une horretan etxebizitza gisa erabilia izateko alokairuan emana nahiz alokagai duten beren jabetzako beste edozein etxebizitzaren energia primario ez-berriztagarriaren kontsumoa hobetzeko asmoz 2022an, 2023an eta 2024an eginiko obrengatik epe horretan ordaindu dituzten kopuruen ehuneko 40 kentzea, baldin eta, azken kasu horretan, etxebizitza 2025eko abenduaren 31 baino lehenago alokatzen bada.

Ondorio horietarako, obra horiek egin diren etxebizitzaren energia primario ez-berriztagarriaren kontsumoa hobetu dela ulertuko da, soilik, gutxienez ere ehuneko 30 murrizten denean energia primario ez-berriztagarriaren kontsumoaren adierazlea, edo etxebizitzaren energia-kalifikazioaren hobekuntza bat lortzen denean, halako moldez non, kalifikazio-eskala berean, “A” edo “B” energia-klasea lortzen den, hori frogaturik obrak egin ondoren teknikari eskudunak jaulkitako energia-efizientziaren ziurtagiriaren bidez, obren hasiera aurretik jaulki zenarekin alderatuta.

Kenkaria eginen da obrak egin ondoren eginiko energia-efizientziaren ziurtagiria jaulkitzen den zergaldian. Edozein kasutan, ziurtagiri hori 2025eko urtarrilaren 1a baino lehenago jaulki beharko da.

Kenkari horren gehienezko oinarria urteko 7.500 eurokoa izanen da.

3. Nagusiki etxebizitza-erabilerakoak diren eraikinetan kokaturiko etxebizitzen jabe diren zergadunek, baldin eta eraikin horietan 2022an, 2023an, 2024an eta 2025ean energia-birgaitze obrak egin badira, zilegi izanen dute aipatu obrengatik epe horretan ordaindutako kopuruen ehuneko 60 kentzea. Ondorio horietarako, eraikinaren energia-birgaitze obratzat joko dira halakoak non etxebizitza kokatzen den eraikinaren energia-efizientzia hobetzea lortzen baita, eta frogatu egin beharko da, eraikinaren energia-efizientziaren ziurtagiriaren bitartez, zeina teknikari eskudunak jaulkiko baitu obrak egin direnean, energia primario ez-berriztagarriaren kontsumoaren beherakada izan dela, energia-ziurtagirian jasoa eta gutxienez ere ehuneko 30ekoa edo, bestela, eraikinaren energia-kalifikazioa hobetu dela, kalifikazio-eskala berean “A” edo “B” energia-klasea lorturik, obren hasiera aurretik jaulkitako ziurtagiriarekin alderatuta.

Etxebizitzekin parekatuko dira haiekin batera erosiak diren garaje-plazak eta trastelekuak.

Ez dute kenkari hori egiteko eskubiderik emanen jarduera ekonomiko bati atxikita dagoen etxebizitza-zatian eginiko obrek.

Kenkaria 2022, 2023, 2024 eta 2025eko zergaldietan eginen da haietako bakoitzean ordaindutako kopuruei dagokienez, baldin eta energia-efizientziaren ziurtagiria kenkaria eginen den zergaldia amaitu aurretik jaulki bada. Ziurtagiria jaulkitzen denean obra horiengatiko kopuruak ordaindu ziren zergaldiaren ondorengo batean, kenkaria eginen da ziurtagiria jaulkitzen den aldian. Nolanahi dela ere, ziurtagiri hori 2026ko urtarrilaren 1a baino lehenago jaulki beharko da. Kenkari horren gehienezko oinarria urteko 5.000 eurokoa izanen da. Kenkariaren urteko gehieneko oinarria gainditzeagatik kendu gabe geratu diren kopuru ordainduak kentzen ahalko dira, muga berarekin, hurrengo lau ekitaldietan. Kenkariaren oinarri metatuak ezin izanen du ezein kasutan 15.000 euro gainditu.

4. Ez da eskubiderik egonen 1. eta 2. apartatuetan jasotako kenkariak egiteko, obra egiten denean jarduera ekonomiko bati atxikitako etxebizitza-parteetan, garaje-plazetan, trastelekuetan, lorategietan, parkeetan, igerileku eta kirol- instalazioetan eta antzeko beste elementu batzuetan.

Etxebizitza batean eginiko obra batek berak ez du ezein kasutan eskubiderik emanen 1. eta 2. apartatuetan jasotako kenkariak egiteko. Era berean, kenkari horiek ez dira aplikagarri izanen halako kasuetan non frogaturiko hobekuntza eta ordainduriko kopuruak eraikinaren osotasunean gauzaturiko ekimenen ondoriozkoak izan eta xedapen honen 3. apartatuan jasotako kenkaria aplikatzekoa denean.

1, 2 eta 3. apartatuetan jasotako kenkarien oinarria 64.4 artikuluan ezarritakoaren arabera zehaztuko da, eta soilik hartuko dira kontuan obra horiek egiten dituzten pertsona edo erakundeei, bai eta aipatu ziurtagiriak ematen dituzten pertsona edo erakundeei ere, kreditu edo zordunketa txartel bidez, banku transferentziaren bidez, txeke izendunen bidez edo kreditu erakundeetako kontuetan egindako diru-sarreren bidez ordaindutako zenbatekoak. Ezein kasutan ez dute kenkaria egiteko eskubiderik emanen legezko diruaren emateen bitartez ordaindutako kopuruek.

Ondorio horietarako, eginiko obrengatik ordaindutako kopurutzat joko dira obrak egiteko beharrezkoak direnak, barne harturik lanbide-ordainsariak, proiektu teknikoak idaztearen kostuak, obra-zuzendaritzarenak, obra edo instalazioak egitearen kostuak, ekipamendu eta materialetan eginiko inbertsioak eta horien garapenerako beharrezkoak diren beste gastu batzuk, bai eta energia-efizientziari buruzko kasuko ziurtagirien jaulkipena ere.

Nolanahi ere, kopuru horietan ez dira aintzat hartuko jatorri fosileko erregaiak darabiltzaten ekipamenduak instalatu edo ordezteko kostuak.

Jabe-erkidego batek eginiko obren kasuan, zergadun bakoitzaren kenkariaren oinarria osa dezakeen zenbatekoa, 3. apartatuan aipatua, suertatuko da jabe-erkidegoak ordaindutako kopuruei, aurreko paragrafoan aipatuei, partaidetza-koefizientea aplikatzetik.

5. Aurreko apartatuetan aipatuta datozen energia-efizientziako ziurtagiriak jaulki eta erregistratuak izan beharko dira ekainaren 1eko 390/2021 Errege Dekretuari jarraikiz, zeinaren bidez onesten baita eraikinen energia-efizientziaren ziurtagiria egiteko oinarrizko prozedura.

Kenkari horiek egiteko eskatzen diren baldintzak betetzen direla frogatzeko, baliodun izanen dira obrak hasi aurretik jaulkitako ziurtagiriak, baldin eta ez bada bi urteko epea igaro jaulkipen-dataren eta obra-hasieraren dataren artean.

6. Energiaren eta etxebizitzaren alorretan eskudun diren departamentuek informazioa helarazi beharko diote Nafarroako Foru Ogasunari energia-efizientziari buruzko ziurtagiri erregistratuei eta eman diren laguntzen ebazpen behin betikoei buruz, horiek eman direnean etxebizitzen energia-efizientzia hobetzeko obrengatik. Informazio horri gehituko zaizkio kasuko katastro-erreferentziako zenbakiak.

Tributu-alorrean eskudun den departamentuko kontseilariaren foru agindu bidez zehazten ahalko da zein den eman beharreko informazioa eta informatze-betebehar hori nola eta zer epetan bete behar den".

Azken xedapenetako bosgarrena. Aldatzea 16/2019 Foru Legea, martxoaren 26koa, eskuin muturreko taldeek edo funtzionario publikoek eragindako motibazio politikoko ekintzen biktimen errekonozimenduari eta erreparazioari buruzkoa.

Bigarren paragrafo bat gehitzen zaio 16. artikuluaren 5. apartatuari. Hona testua: "Halaber, Nafarroako Auzitegiko Medikuntzaren Institutuak izendatutako pertsonek Gobernu Akordioan horretarako ezartzen den kalte-ordaina jasoko dute, foru lege honen 10. artikuluaren 6. apartatuan ezarritako txosten teknikoa prestatzen parte hartzeagatik".

Azken xedapenetako seigarrena. Aldatzea 251/1993 Legegintzako Foru Dekretua, abuztuaren 30ekoa, Nafarroako Administrazio Publikoen zerbitzuko langileen estatutuaren testu bategina onesten duena.

102. artikuluaren b) apartatua aldatzen da. Hemendik aurrera, hauxe izanen da haren testua:

"b) Estatutu honen 103, 104, 105 eta 105. bis artikuluek arauturiko ordainsari osagarriak".

2. 105. bis artikulua gehitzen da. Testu hau izanen du:

"105.bis artikulua. Irakaskuntzako zuzendaritza lanpostuko osagarriaren finkatze partziala, ikastetxe publikoetako zuzendari-karguan aritzearen ondoriozkoa.

1. Irakaskuntzako zuzendaritza lanpostuko osagarria partzialki finkatuko dute, ikastetxe publikoetako zuzendari-karguan aritzearen ondorioz, ikastetxe publikoetako langileek, honako betekizun hauek betez gero:

a) Zuzendari-karguan jardun izana, deialdi batean izendatua izan ondoren.

b) Zuzendari-karguaren jarduna 2024ko ekainaren 30ean edo geroago bukatu izana, eta jarduneko zerbitzuan edo prestakuntzarako zerbitzu berezietako egoeran irautea.

c) Kargu-jardunari buruz ebaluazio positiboa lortu izana, Hezkuntza Departamentuko titularrak foru agindu bidez asmo horrekin ezarriko duen prozedurari jarraikiz.

2. Osagarriaren finkapenaren ehunekoa.

Zuzendari-karguan jarduteagatiko irakaskuntzako zuzendaritza-lanpostuko osagarriaren finkapenaren ehunekoa honako hau izanen da:

a) Karguan lau urtez edo gehiagoz eta zortzi urte baino gutxiagoz aritzeagatik: %25.

b) Karguan zortzi urtez edo gehiagoz eta hamabi urte baino gutxiagoz aritzeagatik: %40.

c) Karguan hamabi urtez edo gehiagoz aritzeagatik: %60.

3. Aurreko apartatuetan aipaturiko epeak modu jarraituan nahiz ez-jarraituan aritu izandakoak izan ahalko dira.

4. Goiko 2. apartatuan ezarritakoaren ondorioetarako, aintzat hartuko da zer zenbateko zeukan zuzendari gisa jasotzen ari zen berariazko osagarriak azken zuzendaritza-uzte momentuan, zeinak osagarriaren finkapena ekarriko baitu.

5. Zuzendaritza-osagarriaren parte finkatua jasotzea bateraezina izanen da Irakaskuntza arloko zuzendaritza lanpostuaren osagarriaren esleipena arautzen duen uztailaren 25eko 71/2012 Foru Dekretuak aurreikusitako beste edonolako osagarri jasotzearekin, hezkuntzako ikuskatzaile postuarekin, Administrazioko aholkulari, zuzendari edo buru postuarekin, behin-behineko langilearen postuarekin eta Nafarroako Gobernuak bateraezin deklaratzen dituen beste postuekin.

Aurreko paragrafoan ezartzen dena ezertan galarazi gabe, baldin eta bertan aipatzen diren postuetan aritzeari dagokion osagarria ordainduta badago zuzendari-karguan aritzeagatiko osagarriaren zenbateko finkatua baino baxuagoa den kopuru batekin, funtzionarioak berdintze-osagarri bat jasoko du, izaera pertsonalekoa, diferentzia hori bezainbestekoa.

6. Artikulu honetan aurreikusitakoaren aplikaziorako, aintzat hartuko dira zuzendari-karguaren jardunean emandako epe guztiak, 1. apartatuari jarraikiz, baldin eta jardun hori uzteko unean aipatu kargua deialdi bat tarteko betetzen bada.

7. Irakaskuntzako zuzendaritza-lanpostuko osagarriaren portzentaje finkatua ofizioz ordainduko du Administrazioak, kontuan harturik, eragin-data gisa, zuzendari-karguaren jarduna uztearen data".

Azken xedapenetako zazpigarrena. Indarrean sartzea.

Foru lege honek Nafarroako Aldizkari Ofizialean argitara eman eta biharamunean hartuko du indarra.

Nik, Nafarroako Foru Eraentza Berrezarri eta Hobetzeari buruzko Lege Organikoaren 22. artikuluan xedatutakoa bete dadin, foru lege hau B.M. Erregearen izenean aldarrikatzen dut, Nafarroako Aldizkari Ofizialean berehala argitara eta "Estatuko Aldizkari Ofizialera" igor dadila agintzen dut eta herritar eta agintariei bete eta betearaz dezatela manatzen diet.

Gobierno de Navarra

Contacte con nosotros | Accesibilidad | Aviso legal | Mapa web