(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

245/2023 FORU DEKRETUA, AZAROAREN 15EKOA, HEZKUNTZA DEPARTAMENTUAREN EGITURA ORGANIKOA EZARTZEN DUENA

BON N.º 244 - 23/11/2023

  I. KAPITULUA. XEDAPEN OROKORRAK

  II. KAPITULUA. HEZKUNTZA ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. ANTOLAMENDU, PRESTAKUNTZA ETA KALITATE ZERBITZUA

  3. ATALA. ELEANIZTASUNAREN ETA ARTE IKASKETEN ZERBITZUA

  4. ATALA. INKLUSIO, BERDINTASUN ETA BIZIKIDETZA ZERBITZUA

  5. ATALA. HEZKUNTZAKO IKUSKAPEN ZERBITZUA

  6. ATALA. HAUR ESKOLEN ZERBITZUA

  III. KAPITULUA. LANBIDE HEZIKETAKO, DIGITALIZAZIOKO ETA HEZKUNTZA ZERBITZUETAKO ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. LANBIDE HEZIKETAREN PLANGINTZA ETA INTEGRAZIORAKO ZERBITZUA

  3. ATALA. LANBIDE HEZIKETAREN MODERNIZAZIORAKO ETA BERRIKUNTZARAKO ZERBITZUA

  4. ATALA. HEZKUNTZAKO INFORMAZIO SISTEMEN ZERBITZUA

  5. ATALA. HEZKUNTZAKO TEKNOLOGIEN ETA IKT AZPIEGITUREN ZERBITZUA

  6. ATALA. HEZKUNTZA ZERBITZUEN ETA IKASKETETARAKO LAGUNTZEN ZERBITZUA

  IV. KAPITULUA. LANGILERIAREN ETA AZPIEGITUREN ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. LANGILEEN ARAUBIDE JURIDIKOAREN ZERBITZUA

  3. ATALA. IRAKASLEAK HAUTATZEKO ETA LANPOSTUAK BETETZEKO ZERBITZUA

  4. ATALA. ALDI BATERAKO LANGILEAK KUDEATZEKO ZERBITZUA

  5. ATALA. NOMINEN ETA GIZARTE ASEGURUEN ZERBITZUA

  6. ATALA. AZTERLAN EKONOMIKOEN ETA IKASTETXEEN FINANTZAKETAREN ZERBITZUA

  7. ATALA. HEZKUNTZAKO AZPIEGITUREN ZERBITZUA

  V. KAPITULUA. IDAZKARITZA TEKNIKO NAGUSIA

Zioen azalpena

Nafarroako Gobernuari dagokio departamentu bakoitzaren egitura organikoa onestea, martxoaren 11ko 11/2019 Foru Legeari jarraikiz (foru lege horrek hizpide ditu Nafarroako Foru Komunitateko Administrazioa eta foru-sektore publiko instituzionala).

Nafarroako Foru Komunitateko lehendakariaren abuztuaren 17ko 10/2023 Foru Dekretuaren bidez, ezarri zen Nafarroako Foru Komunitateko Administrazioaren departamentuen egitura.

Era berean, abuztuaren 30eko 67/2023 Foru Dekretuaren bidez, ezarri zen Hezkuntza Departamentuaren oinarrizko egitura organikoa.

Egokia da, orain, behar bezala garatzea Foru Komunitateko Administrazioaren departamentu bakoitzaren egitura.

Foru dekretu honen xedea da Hezkuntza Departamentuaren egitura organiko berria garatzea.

Horrenbestez, Hezkuntzako kontseilariak proposaturik, eta jarraikiz Nafarroako Gobernuak bi mila eta hogeita hiruko azaroaren hamabostean egindako bilkuran hartutako erabakiari,

DEKRETATZEN DUT:

I. KAPITULUA. XEDAPEN OROKORRAK

1. artikulua . Hezkuntza Departamentuaren eskumenen esparrua.

Hezkuntza Departamentuak beteko ditu Foru Komunitateko Administrazioak gai hauetan esleituak dituen eskumenak: unibertsitateaz kanpoko irakaskuntza, eta indarra duten xedapenetan ematen zaizkion gainerako eskudantziak.

2. artikulua . Hezkuntza Departamentuko titularra.

1. Hezkuntzako kontseilariari dagokio, Departamentuaren titularra den aldetik, dauzkan eskudantziak erabiltzea, hots, honako hauek eman dizkiotenak, betiere foru dekretu honen 1. artikuluan zehaztu den eskumen esparruaren barnean: abenduaren 3ko 14/2004 Foru Legearen 41. artikuluak (foru lege horrek hizpide ditu Nafarroako Gobernua eta Lehendakaria) eta martxoaren 11ko 11/2019 Foru Legearen azken xedapenetako lehenak (foru lege horrek hizpide ditu Nafarroako Foru Komunitateko Administrazioa eta foru-sektore publiko instituzionala).

2. Zehazki, hari dagokio ezartzea langileriari buruzko politika eta langileriaren arloko eskudantziak, jarraikiz otsailaren 21eko 30/2005 Foru Dekretuan ezarritakoari; izan ere, foru dekretu horren bidez zedarritu baitira Nafarroako Foru Komunitateko Administrazioko eta haren erakunde autonomoetako organoek langileen arloan dituzten eskudantziak.

3. Era berean, Hezkuntza Departamentuko titularrari dagokio kide anitzeko organo hauetako buru izatea:

a) Nafarroako Foru Komunitateko Ikasleen Gurasoen Mahaia.

b) Nafarroako Lanbide Heziketaren Kontseilua.

4. Hezkuntza Departamentuko titularrari sostengu politiko eta teknikoa emateko unitate gisa, eta zuzenean haren mende, bada kabinete bat Departamentuan, zeina loturik baitago abenduaren 3ko 14/2004 Foru Legearen 19. artikuluari (lege horrek hizpide ditu Nafarroako Gobernua eta Lehendakaria).

3. artikulua . Hezkuntza Departamentuaren antolaketa orokorra.

Hezkuntza Departamentuak, bere titularraren goi zuzendaritzapean, honako organo hauek ditu bere oinarrizko egituran:

a) Hezkuntza Zuzendaritza Nagusia.

b) Lanbide Heziketako, Digitalizazioko eta Hezkuntza Zerbitzuetako Zuzendaritza Nagusia.

c) Langileriaren eta Azpiegituren Zuzendaritza Nagusia.

d) Idazkaritza Tekniko Nagusia.

4. artikulua . Zuzendaritza nagusien eskudantziak.

Foru dekretu honen 2. artikuluan ezarritakoa galarazi gabe, Hezkuntza Departamentuko zuzendaritza nagusiei dagokie, Departamentuko titularraren goi zuzendaritzapean eta foru dekretu honetan bakoitzari esleitutako esparruan, erabiltzea martxoaren 11ko 11/2019 Foru Legean ezarritako eskudantziak, hain zuzen ere foru legearen 31. eta 32. artikuluetan eta azken xedapenetako lehenbizikoan ezarritakoak (foru lege horrek hizpide ditu Nafarroako Foru Komunitateko Administrazioa eta foru-sektore publiko instituzionala) eta, horietaz gainera, indarrean dauden xedapenek esleitzen dieten edo Hezkuntza Departamentuko titularrak agintzen dien beste edozein.

5. artikulua . Idazkaritza Tekniko Nagusiaren eskudantziak.

Hezkuntza Departamentuko Idazkaritza Tekniko Nagusiak, foru dekretu honen 1. artikuluan zehaztu den eskumen esparruan, eta Hezkuntza Departamentuko titularraren goi zuzendaritzapean, berari atxikita baitago zuzenean Idazkaritza Tekniko Nagusia, honako eskudantzia hauek izanen ditu:

a) Aurreikusita daudenak martxoaren 11ko 11/2019 Foru Legearen 33. artikuluan (foru lege horrek hizpide ditu Nafarroako Foru Komunitateko Administrazioa eta foru-sektore publiko instituzionala).

b) Otsailaren 21eko 29/2005 Foru Dekretuan ezarritakoak (foru dekretu horren bidez arautu ziren idazkaritza tekniko nagusiak), barnean direla ekonomia eta aurrekontu izaera duen arau horren 8. artikuluan deskribatutakoak, eta salbuetsirik otsailaren 21eko 30/2005 Foru Dekretuaren 6. artikuluan ezarritakoak (foru dekretu horren bidez zehaztu ziren langileriaren arloko eskudantziak).

c) Informazio publikoa kudeatzea, jarraikiz maiatzaren 17ko 5/2018 Foru Legeari (foru lege horrek hizpide ditu gardentasuna, informazio publikoa eskuratzea eta gobernu ona).

d) Herritarren parte-hartzea, jarraikiz martxoaren 22ko 12/2019 Foru Legeari (foru lege horrek hizpide du Nafarroako parte-hartze demokratikoa).

e) Departamentuko zerbitzuko zuzendaritzen edo burutzen titularren jabetza-hartzeak izapidetzea.

f) Indarrean dauden xedapenek esleitzen dizkioten beste edozein edo Hezkuntza Departamentuko titularrak agintzen dion beste edozein, eta horretarako behar diren ebazpenak emanen ditu.

6. artikulua . Zerbitzuen eskudantziak.

Zerbitzuek ondotik ematen diren eginkizunak izanen dituzte, Departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 35. artikuluarekin: beren menpeko atalak edo unitate organikoak planifikatu, koordinatu, zuzendu eta kontrolatzea; prozedurak arindu, arrazionalizatu eta sinplifikatzeko printzipioak bultzatu eta sustatzea; eta, halaber, indarra duten xedapenek berariaz esleitzen dizkieten beste edozein edo departamentuko organo eskudunek haietan deskontzentratzen edo eskuordetzen dituzten beste edozein.

7. artikulua . Atalen eskudantziak.

Atalek ondotik ematen diren eginkizunak izanen dituzte, Departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 37. artikuluarekin: beren eskumenen esparruko lanak gauzatzea eta goragoko nagusientzako txostenak eta proposamenak egitea; beren mendeko bulegoek eta unitateek egiten dituzten lanak koordinatzea, zuzentzea eta kontrolatzea; eta, halaber, Departamentuko organo eskudunek agintzen dizkieten gainerako eginkizun guztiak betetzea.

II. KAPITULUA. HEZKUNTZA ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

8. artikulua . Hezkuntza Zuzendaritza Nagusiaren eskumenen esparru material eta funtzionala.

Hezkuntza Zuzendaritza Nagusiak ondotik ematen diren eginkizunak izanen ditu, dagokienez Haur Hezkuntzari, Lehen Hezkuntzari, Bigarren Hezkuntzari, Batxilergoari, hizkuntzen irakaskuntzei, arte-irakaskuntzei eta helduen irakaskuntzei:

a) Ikasketa horien planifikazioa, programazioa eta kudeaketa diseinatzea Nafarroako Foru Komunitatearen eskumenen esparruan.

b) Behar diren jarduketak diseinatzea, unibertsitateaz kanpoko hezkuntza zerbitzua eraginkorki eta kalitatez emateko, Nafarroako Foru Komunitatearen eskumenen eremuan.

c) Legeak eta erregelamenduak egiteko ekimenak aztertzea eta Hezkuntza Departamentuko titularrari proposatzea, aipatu diren irakaskuntza guztien arloan Nafarroako Foru Komunitateak dituen eskumenen esparruan.

d) Bultzada ematea irakaskuntzak curriculum bidez garatzeko, eta curriculum materialak eta beste dokumentu batzuk prestatzea eta banatzea, irakasleei beren eginkizunak betetzen laguntzeko, eta arlo horretako berrikuntzak eta saiakuntzak diseinatzea eta garatzea.

e) Proposatzea berdintasun prozesuak hedatzea eta horietan sakontzea, Zuzendaritza Nagusi honen eskumenen esparruan.

f) Proposatzea bizikidetza prozesuak hedatzea eta horietan sakontzea, Zuzendaritza Nagusi honen eskumenen esparruan.

g) Proposatzea kalitate prozesuak hedatzea eta horietan sakontzea, Zuzendaritza Nagusi honen eskumenen esparruan.

h) Bai hezkuntza sistemaren bai Administrazioaren esku-hartzearen kalitate mailak hobetzeko planak diseinatzea.

i) Hezkuntza mailen kalitatea sustatzeko eta ebaluatzeko politikak diseinatzea, horretarako bultzatuz zehaztu daitezela eta ezar daitezela sistemak, kalitate prozesuak eta kalitatea ziurtatzeko, ebaluatzeko eta kontrolatzeko metodoak.

j) Haur Hezkuntzako lehen zikloarekin eta landa eskolekin lotutako jarduketak diseinatzea.

k) Irakasleentzako prestakuntza programak eta proposamenak diseinatzea.

l) Bertako hizkuntzak, gaztelania eta euskara, eta atzerrikoak irakasteko programak proposatzea, Zuzendaritza Nagusi honen kudeaketa esparruan.

m) Eskola eta lanbide orientaziorako programak proposatzea.

n) Ikasleen inklusioa lagunduko duten programak proposatzea, dibertsitateari erantzuna emanez.

ñ) Ekitatea-berdintasuna bultzatzeko programak proposatzea.

o) Helduen hezkuntzarako programak proposatzea.

p) Behar diren jarduketak diseinatzea, Departamentuari esleitutako hezkuntza-ikuskapen eginkizuna betetzeko.

q) Zuzendaritza Nagusiaren eremuari esleitutako baliabideak kudeatzea.

r) Indarra duten xedapenek Hezkuntza Departamentuari agintzen dizkioten gainerako eginkizunak, Zuzendaritza Nagusi honen esparruan.

9. artikulua . Hezkuntza Zuzendaritza Nagusiaren egitura.

Hezkuntza Zuzendaritza Nagusiak zerbitzu hauek ditu bere egituran:

a) Antolamendu, Prestakuntza eta Kalitate Zerbitzua.

b) Eleaniztasunaren eta Arte Ikasketen Zerbitzua.

c) Inklusio, Berdintasun eta Bizikidetza Zerbitzua.

d) Hezkuntzako Ikuskapen Zerbitzua.

e) Haur Eskolen Zerbitzua.

2. ATALA. ANTOLAMENDU, PRESTAKUNTZA ETA KALITATE ZERBITZUA

10. artikulua . Antolamendu, Prestakuntza eta Kalitate Zerbitzuaren esparru material eta funtzionala.

Antolamendu, Prestakuntza eta Kalitate Zerbitzuak honako eginkizun hauek beteko ditu:

a) Indarreko hezkuntza sistemak behar duen araugintza-garapena planifikatzea.

b) Estatuko eta autonomia erkidegoetako hezkuntza administrazioek onesten duten araudiaren erregistroa, katalogoa eta artxiboa koordinatzea.

c) Titulu akademikoak eta ziurtagiri akademikoak emateko prozesuei jarraipena eta kontrola egitea.

d) Tituluak homologatzeko eta ikasketak baliozkotzeko prozesuei jarraipena eta kontrola egitea.

e) Eskola irakaskuntzetako maila, etapa eta modalitate guztietako curriculum edukiak prestatzeko eta eguneratzeko prozesuak koordinatzea.

f) Helduen hezkuntza planifikatu eta garatzea.

g) Kalitate prozesuak eta etengabeko hobekuntza prozesuak progresiboki ezartzeko programazioa egitea, bikaintasuna lor dezaten Departamentu honen menpeko ikastetxe publikoek.

h) Eskola erakundeetan kalitatea akreditzatzeko prozesuak kontrolatzea.

i) Irakasleen prestakuntza planifikatzea, egiazko egoeraren arabera eta hezkuntza sistemaren aurreikuspenen arabera.

j) Irakasleen prestakuntza plana koordinatzea.

k) Irakasleentzako laguntza zentroak koordinatzea.

l) Oinarrizko prestakuntzaz eta etengabekoaz arduratzen diren ikastetxe eta erakunde unibertsitarioekin eta irakasleen hobekuntzaren ardura duten beste erakunde batzuekin dauden lankidetza hitzarmenak kontrolatzea eta horien jarraipena egitea.

m) Irakasleen prestakuntzarako beharrezkoak diren laguntzak emateko deialdiak programatzea.

n) Hezkuntza berrikuntzako programak eta proiektuak planifikatzea.

ñ) Behar den koordinazioa gauzatzea baliabide didaktikoen zabalkundea egiteko eta, hala behar denean, horiek prestatzeko.

o) Esleitu zaizkion gaien gaineko administrazio espedienteen instrukzioa egitea.

p) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

11. artikulua . Antolamendu, Prestakuntza eta Kalitate Zerbitzuaren egitura.

Antolamendu, Prestakuntza eta Kalitate Zerbitzuaren egituran atal hauek daude:

a) Ikasketak Antolatzeko Atala.

b) Prestakuntza eta Kalitate Atala.

12. artikulua . Ikasketak Antolatzeko Atalaren esparru material eta funtzionala.

Ikasketak Antolatzeko Atalak honako eginkizun hauek beteko ditu:

a) Indarra duen hezkuntza sistemak araudiaren aldetik behar duen garapena aztertu eta proposatzea.

b) Ikasketen eta hezkuntza antolaketaren arloetako araudia prestatu eta proposatzea.

c) Estatuko nahiz autonomia erkidegoetako hezkuntza administrazioek onesten duten araudia erregistratu, katalogatu eta artxibatzea.

d) Titulu akademikoak emateko eta ikasketak baliozkotzeko proposamenak tramitatu eta ebaztea.

e) Ikasketa ziurtagiriak ematea eta tituluak homologatzeko eta ikasketak baliozkotzeko espedienteak tramitatzea eta, hala behar denean, ebaztea.

f) Ikasketen eta espezialitateen erregistroa eta diplomen eta tituluen erregistroa kudeatzea.

g) Eskola ikasketen maila, etapa eta modalitate guztietako curriculum edukiak eguneratzen laguntzea.

h) Helduen hezkuntza programatzea eta gauzatzea.

i) Esleitu zaizkion gaien gaineko administrazio espedienteen instrukzioa egitea.

j) Helburuak egoki betetzeko agintzen zaizkion gainerako eginkizunak, kudeatzen duen esparruan.

13. artikulua . Prestakuntza eta Kalitate Atalaren esparrua eta eginkizunak.

Prestakuntza eta Kalitate Atalak honako eginkizun hauek beteko ditu:

a) Irakasleen prestakuntza beharrak zehaztea, egiazko egoeraren arabera eta hezkuntza sistemaren aurreikuspenen arabera.

b) Irakasleen prestakuntza plana prestatu eta gauzatzea, Departamentuko beste zerbitzuekin koordinatuta.

c) Irakasleentzako laguntza zentroak eta baliabide zentroak kudeatzea eta jarraipena egitea.

d) Lankidetza hitzarmenak egitea eta kudeatzea oinarrizko prestakuntzaz eta etengabekoaz arduratzen diren ikastetxe eta erakunde unibertsitarioekin eta irakasleen hobekuntzaren ardura duten beste erakunde batzuekin.

e) Irakasleen prestakuntzarako beharrezkoak diren laguntzak emateko deialdiak egin eta kudeatzea

f) Garatzea eta gauzatzea urrutiko irakaskuntzan ari diren irakasleentzako teknologia berrien arloko prestakuntza-ikastaroak edo curriculumean teknologia berriak txertatzen dituztenak.

g) Departamentuko beste zerbitzu batzuekin batera, informazioaren eta komunikazioaren teknologietako prestakuntza jarduerak garatzea irakasleentzat, eta bultzatzea teknologia berriak baliabide didaktiko gisa erabil daitezela.

h) Hezkuntza berrikuntzarako proiektuak eta programak, onestea, gauzatzea eta ebaluatzea.

i) Baliabide didaktikoen zabalkundea egin eta, hala behar denean, horiek prestatzea.

j) Kalitate prozesuak eta etengabeko hobekuntza prozesuak ezartzea, bikaintasuna lor dezaten Departamentu honen menpeko ikastetxe publikoek.

k) Eskola erakundeetarako egokia den kalitate-akreditazioa garatzea.

l) Behar diren formulak garatzea, zerbitzuak etengabe hobetzeko egiten diren ekarpenak aitortzeko.

m) Esleitu zaizkion gaien gaineko administrazio espedienteen instrukzioa egitea.

n) Helburuak egoki betetzeko agintzen zaizkion gainerako eginkizunak, kudeatzen duen esparruan.

3. ATALA. ELEANIZTASUNAREN ETA ARTE IKASKETEN ZERBITZUA

14. artikulua . Eleaniztasunaren eta Arte Ikasketen Zerbitzuaren eremu material eta funtzionala

Eleaniztasunaren eta Arte Ikasketen Zerbitzuak honako eginkizun hauek beteko ditu:

a) Euskararen irakaskuntza planifikatzea, Zuzendaritza Nagusi honen esparrukoak diren mailetan.

b) Hizkuntza arloko laguntza ematearren, bultzatzea eta antolatzea hezkuntzako jarduera osagarriak eta eskolaz kanpokoak.

c) Foru Komunitatean, jarraipena egitea Hezkuntzako eta Lanbide Heziketako Ministerioak sustatzen dituen lurraldeko lankidetza programei.

d) Euskararen curriculum edukiak aztertzea eta koordinatzea, koordinaturik Departamentuko gainerako zerbitzuekin.

e) Esperientzia berritzaileak sustatzea euskara irakasteko eta ikasteko, eta haien jarraipena egitea.

f) Euskararen maila aurreratua akreditatzeari jarraipena egitea.

g) Haur Hezkuntzan, Lehen Hezkuntzan eta Bigarren Hezkuntzan euskara irakasteko material didaktiko osagarriak planifikatzea eta zabaltzea, lankidetzan arituz Nafarroako Gobernuko beste departamentu batzuekin eta Zuzendaritza Nagusiko beste zerbitzu batzuekin.

h) Euskara irakasteko tituluei edo euskararen gaitasun tituluei jarraipena egitea, eta haiek eskuratzeko probak egitea.

i) Euskara irakasleen edo eskolak euskaraz ematen dituzten irakasleen hobekuntza ikastaroak planifikatzea eta egitea, lankidetzan arituz Zuzendaritza Nagusiko beste zerbitzu batzuekin.

j) Euskararen Irakaskuntzarako Baliabide Zentroko (EIBZ) programazioa egitea.

k) Helduei euskara irakasteko irakaskuntza modalitateak eta curriculum edukiak planifikatzea, eguneratzea eta aztertzea, Gobernuko beste zerbitzu batzuekin lankidetzan.

l) Atzerriko hizkuntzen irakaskuntza eta ikaskuntza sustatzea derrigorrezko irakaskuntzaren etapetan, derrigorrezkoaren ondokoan eta hizkuntza eskola ofizialetan, Departamentuan dagozkion zerbitzuekin koordinatuta.

m) Atzerriko hizkuntzen irakaskuntzako esperientzia berritzaileak planifikatzea, sustatzea eta haien jarraipena egitea, bereziki dagokienez Europar Batasunean gehien erabiltzen diren hizkuntzei eta bertako hizkuntza ofizialei.

n) Jarraipena egitea atzerriko hizkuntzak irakasteko programei eta material didaktikoei.

ñ) Hizkuntzen ikaskuntza funtzionalari laguntzeko jarduerak planifikatzea, egitea eta kontrolatzea.

o) Sustatzea ikas daitezela Europar Batasuneko estatuetako hizkuntza ofizialak eta euskara, hizkuntza eskola ofizialekin koordinaturik.

p) Hizkuntza eskola ofizialak planifikatzea eta koordinatzea, lankidetzan arituz Departamentuko beste zerbitzu batzuekin.

q) Hizkuntza eskola ofizialek egiten duten eskaintza planifikatzea, lankidetzan arituz Departamentuko beste zerbitzu batzuekin.

r) Zehaztea zer ikastaro eskainiko diren hizkuntzen ezagutza eguneratzeko eta hobetzeko, eta irakasleek eta kolektibo profesionalek prestakuntza jasotzeko.

s) Behar den programazioa egitea, ezartzeko Europar Batasunak ezartzen dituen hizkuntzen ezagutza mailak, Hizkuntzetarako Europako Erreferentzia Esparru Bateratuan, eta erabil dadin Europako Hizkuntzen Portfolioa, hezkuntza maila ez-unibertsitarioetan.

t) Europako hezkuntza proiektuen plangintza, aholkularitza eta sustapena.

u) Indarreko hezkuntza sistemak araudiaren aldetik behar duen garapena proposatzea, arte irakaskuntzei dagokienez, deusetan galarazi gabe Lanbide Heziketako unitate eskudunei dagozkien eginkizunak, arte plastikoen eta diseinuaren lanbide irakaskuntzaren arloan.

v) Arte ikasketen inguruan, hezkuntza arloko berrikuntza programak eta esperimentazio proiektuak planifikatu, sustatu eta koordinatzea, eta horien jarraipena egitea.

w) Araubide orokorreko irakaskuntzaren etapetan, musikaren hezkuntza garatzen laguntzea, Hezkuntza Departamentuko beste instantzia batzuekin batera.

x) Musikaren Hiriko kontserbatorioetan, musika irakaskuntzen hezkuntza eskaintza zehaztu eta koordinatzea.

y) Bere esparruan egiten diren deialdiak planifikatzea.

z) Musikaren Hiriaren instalazio eta hornidura beharrak planifikatzea eta behar horiei erantzutea.

aa) Musikaren Hiriaren instrumentu beharrak planifikatzea eta kontratatzea.

ab) Musikaren Hiriaren ekipamendu didaktikorako eta azpiegituretarako zehazten diren planak planifikatu, gauzatu eta kontrolatzea.

ac) Eskumena duten organoekin koordinatu eta elkarlanean aritzea, behar bezala funtziona dezaten Musikaren Hiriko sare informatikoek eta komunikazioek.

ad) Musikaren Hiriaren eta bertan dauden pertsonen segurtasun beharrak programatzea eta behar horiei erantzutea, lankidetzan arituz segurtasun arloan eskumena duten organoekin.

ae) Musikaren Hiriari atxikitako langileen planifikazioa.

af) Musikaren Hirian jarduera ez akademikoak planifikatu eta programatzea.

ag) Beste entitate batzuekin koordinaturik aritzea, Musikaren Hiriaren kanpo-proiekzioa sustatzeko.

ah) Kontserbatorioetako zuzendaritza taldeekin koordinatzea, beharrezkoak diren gaietan, esleituta dituen eginkizunak gauzatzeko.

ai) Jarraipena egitea esleitu zaizkion gaien gaineko administrazio espedienteen kudeaketari.

aj) Indarrean dauden xedapenek esleitzen dizkioten gainerako eginkizunak, eta helburuak egoki betetzeko agintzen zaizkion guztiak, kudeatzen duen esparruan.

15. artikulua . Eleaniztasunaren eta Arte Ikasketen Zerbitzuaren egitura.

Eleaniztasunaren eta Arte Ikasketen Zerbitzuaren egituran atal hauek daude:

a) Euskara Atala.

b) Atzerriko Hizkuntzen Programen Atala.

c) Arte eta Hizkuntza Ikasketen Atala.

16. artikulua . Euskara Atalaren esparru material eta funtzionala.

Euskara Atalak honako eginkizun hauek beteko ditu:

a) Proposatzea nola arautu euskarazko hizkuntza ereduak eta euskara sartzen duten ereduak.

b) Txostenak, azterlanak eta proposamenak egitea euskararen irakaskuntzaren curriculumak garatzeko, lankidetzan arituz Zuzendaritza Nagusiko beste zerbitzu batzuekin.

c) Proposamenak egitea euskara irakasteko material didaktikoak prestatzeko eta erosteko, lankidetzan arituz Zuzendaritza Nagusiko beste zerbitzu batzuekin.

d) Proposatzea irakasleentzako euskarazko prestakuntza jarduerak, lankidetzan arituz Zuzendaritza Nagusiko beste zerbitzu batzuekin.

e) Esperientzia berritzaileak sustatzea euskara irakasteko eta ikasteko, eta haien jarraipena egitea.

f) Proposatzea onets daitezela Euskararen Irakaskuntzarako Baliabide Zentroaren (EIBZ) urteko lan plana, ikasturte amaierako memoria eta antolaketarako agiria, eta haien jarraipena egitea.

g) Proposatzea nola planifikatu, hizkuntza arloan laguntza emateko, hezkuntza jarduera osagarriak eta eskolaz kanpokoak, eta zer estrategia erabili jarduera horiek ikastetxeko hezkuntza planetan integratzeko.

h) Proposatzea hitzarmenak sinatu daitezela eskola esparruan euskara erabiltzeko jarduerak egiten dituzten gizarte ekimeneko entitateekin edo entitate publikoekin.

i) Behar diren irizpideak prestatzea eta proposatzea, prestatu eta egin daitezen Euskararen Gaitasun Agiria (EGA) eskuratzeko Nafarroako Gobernuak antolatzen dituen probak, eta proposatzea proba horien baliokidetzak eta homologazioak.

j) Euskararen maila aurreratua akreditatzeko aholku ematea.

k) Helduei euskara irakasteko irakaskuntza modalitateak eta curriculuma proposatzea, bai eta material egokiak ere, lankidetzan arituz Gobernuko beste zerbitzu batzuekin.

l) Jarraipena egitea euskara helduei irakasteko Zubiarte euskaltegi publikoari.

m) Esleitu zaizkion gaien gaineko administrazio espedienteen instrukzioa egitea.

n) Helburuak egoki betetzeko agintzen zaizkion gainerako eginkizunak, kudeatzen duen esparruan.

17. artikulua . Atzerriko Hizkuntzen Programen Atalaren esparru materiala eta funtzionala.

Atzerriko Hizkuntzen Programen Atalak honako eginkizun hauek beteko ditu:

a) Aholku ematea, atzerriko hizkuntzetan ikasteko programak ezar daitezen Haur Hezkuntzako ikastetxeetan, Lehen Hezkuntzako ikastetxeetan eta Derrigorrezko Bigarren Hezkuntzako ikastetxeetan.

b) Jarraipena egitea atzerriko hizkuntzen irakaskuntzari eta ikaskuntzari, eskolako irakaskuntzen etapa guztietan, koordinaturik Departamentuan egoki diren beste zerbitzuekin.

c) Atzerriko hizkuntzak irakasteko esperientzia berritzaileak sustatzea eta haien jarraipena egitea, bereziki dagokienez Europar Batasunean gehien erabiltzen diren hizkuntzei eta bertako hizkuntza ofizialei.

d) Aholku ematea atzerriko hizkuntzak irakasteko programen eta material didaktikoen gainean.

e) Hizkuntzen ikaskuntza funtzionalari laguntzeko jarduerak proposatzea, egitea eta kontrolatzea.

f) Proposatzea, hizkuntza arloan laguntzeko, planifika daitezela hezkuntza jarduerak, hezkuntza jarduera osagarriak, eskolaz kanpoko jarduerak eta baliabideak, bai eta jarduera horiek ikastetxeko hezkuntza planetan integratzeko estrategiak ere.

g) Behar diren jarduketak, helburu dutenak ezartzea Hizkuntzetarako Europako Erreferentzia Esparru Bateratuaren ondoriozko hizkuntzen jakite-mailak eta erabiltzea Europako Hizkuntzen Portfolioa, hezkuntza maila ez-unibertsitarioetan

h) Europako hezkuntza proiektuen gaineko informazioa zabaltzea eta ikastetxeei aholku ematea, programa horietan parte har dezaten.

i) Ekintzak proposatzea etapa guztietan atzerriko hizkuntzen irakaskuntza sustatzeko edukien bidez, eta jarraipena egitea.

j) Hizkuntzei buruzko hezkuntza programa berritzaileak aztertzea eta haiek garatzeko betebeharrak zehaztea

k) Hizkuntzak ikasteko programak proposatzea, eta haien gaineko aholkuak ematea, etapa guztietako ikastetxe publikoetan, baita irakasleen prestakuntzaren arloan ere.

l) Laguntza ematea ikasleek etapa guztietan lortzen dituzten emaitzak baloratzeko.

m) Prestakuntza Atalari laguntzea atzerriko hizkuntzen irakasleen prestakuntza diseinatzen.

n) Ikasleek atzerrian ikasteko programak proposatu eta kudeatzea.

ñ) Esleitu zaizkion gaien gaineko administrazio espedienteen instrukzioa egitea.

o) Helburuak egoki betetzeko agintzen zaion beste edozein eginkizun, kudeatzen duen esparruan.

18. artikulua . Arte eta Hizkuntza Ikasketen Atalaren esparru materiala eta funtzionala.

Arte eta Hizkuntza Ikasketen Atalak honako eginkizun hauek beteko ditu:

a) Indarreko hezkuntza sistemak araudiaren aldetik behar duen garapena aztertzea eta proposatzea, arte irakaskuntzei dagokienez, deusetan galarazi gabe Lanbide Heziketako unitate eskudunei dagozkien eginkizunak, arte plastikoen eta diseinuaren lanbide irakaskuntzaren arloan.

b) Arte ikasketen inguruan, hezkuntza arloko berrikuntza programak eta esperimentazio proiektuak proposatu, sustatu eta koordinatzea eta horien jarraipena egitea.

c) Araubide orokorreko irakaskuntzaren etapetan, musikaren hezkuntza garatzen laguntzea, Hezkuntza Departamentuko beste instantzia batzuekin batera.

d) Musikaren Hiriko kontserbatorioetan, musika ikasketen hezkuntza eskaintza gainbegiratzea.

e) Atalak kudeatzen duen esparruan egiten diren deialdiak prestatu eta kudeatzea.

f) Musikaren Hiriaren instalazio eta hornidura beharrak aztertzea eta behar horiei erantzutea.

g) Musikaren Hiriaren instrumentu beharrak aztertzea eta kontratatzea.

h) Musikaren Hiriaren ekipamendu didaktikorako eta azpiegituretarako zehazten diren planak proposatzea eta horien exekuzioa kontrolatzea.

i) Eskumena duten organoak zehaztea eta haiekin elkarlanean aritzea, Musikaren Hirian behar bezala funtziona dezaten sare informatikoek eta komunikazioek.

j) Musikaren Hiriaren eta bertan dauden pertsonen segurtasun beharrak programatzea eta behar horiei erantzutea, lankidetzan arituz segurtasun arloan eskumena duten organoekin.

k) Musikaren Hiriari atxikitako langileen kudeaketa eta administrazioa.

l) Musikaren Hiriko jarduera ez-akademikoak zehaztea.

m) Beste entitate batzuekin elkarlanean aritzea, Musikaren Hiriaren kanpo-proiekzioa sustatzeko.

n) Kontserbatorioetako zuzendaritza taldeekin batera aztertzea behar diren gaiak, esleituta dituen eginkizunak gauzatzeko.

ñ) Nafarroako hizkuntza eskola ofizialak kudeatzea.

o) Sustatzea ikas daitezela Europar Batasuneko estatuetako hizkuntza ofizialak eta euskara, hizkuntza eskola ofizialekin koordinaturik.

p) Proposatzea zer ikastaro eskaini hizkuntzen ezagutza eguneratzeko eta hobetzeko, eta irakasleek eta kolektibo profesionalek prestakuntza jasotzeko.

q) Hizkuntza eskola ofizialetako zuzendaritza taldeekin batera gainbegiratzea behar diren gaiak, esleituta dituen eginkizunak gauzatzeko.

r) Bere eginkizunak behar bezala gauzatzeko esleitzen zaizkion baliabide ekonomikoak kudeatzea.

s) Esleitu zaizkion gaien gaineko administrazio espedienteen instrukzioa egitea.

t) Helburuak egoki betetzeko agintzen zaizkion gainerako eginkizunak, kudeatzen duen esparruan.

4. ATALA. INKLUSIO, BERDINTASUN ETA BIZIKIDETZA ZERBITZUA

19. artikulua . Inklusio, Berdintasun eta Bizikidetza Zerbitzuaren eremu material eta funtzionala.

Inklusio, Berdintasun eta Bizikidetza Zerbitzuak honako eginkizun hauek beteko ditu:

a) Hezkuntza Departamentuari proposamenak egitea, eta proposamen horiek planifikatzea, hezkuntza laguntzako berariazko premiak dituzten ikasleei buruz, lankidetzan arituz Zuzendaritza Nagusiko beste zerbitzuekin, eta, orobat, Hezkuntza Departamentuari proposamenak egitea, eta proposamen horiek planifikatzea, orientazio departamentuen orientazio lanari buruz.

b) Ikasle guztien inklusioa bultzatuko duten programak planifikatzea, jatorri edo ezaugarrietan bereizketarik egin gabe.

c) Nafarroako Hezkuntza Bereziko Baliabideen Zentroa (NHBBZ) kontrolatzea eta hari jarraipena egitea.

d) Planifikatzea behar diren jarduerak eta programak, loturik daudenak hezkuntza laguntzako premia berariazkoak dituzten ikasleei laguntzearekin, eta koordinatzea Departamentuaren barnean eta beste departamentu, zerbitzu, erakunde eta entitate batzuekin.

e) Orientazioko langileen jarduerak planifikatzea, ikasleen eskolatze modalitateetan eta geroko lanbiderako prestatzeko aukeren gainean.

f) Koordinatzea Irakasle eta familientzako material didaktikoaren prestaketa, argitalpena eta zabalkundea, hezkuntza hobea ematearren hezkuntza laguntzako berariazko premiak dituzten ikasleei.

g) Lankidetzan aritzea Zuzendaritza Nagusiko beste zerbitzu batzuekin eta ikastetxeekin, proposatzeko, onesteko, gauzatzeko eta ebaluatzeko dibertsitateari erantzutearekin lotutako hezkuntza arloko berrikuntza programak eta esperimentazio proiektuak.

h) Koordinatzea hezkuntza laguntzako berariazko premien arloan diharduten entitate eta erakunde ofizialekin eta gizarte ekimenekoekin.

i) Jarraipena egitea eta kontrolatzea betetzen dela azaroaren 28ko 31/2022 Foru Legea, zeinak hizpide baitu Nafarroan desgaitasuna dutenei arreta ematea eta haien eskubideak bermatzea Nafarroako hezkuntza sisteman.

j) Koordinatzea Hezkuntza Departamentuko beste zerbitzu batzuekin eta toki erakundekin, ikastetxeetan izan daitezen oztoporik gabeko eta sarrera errazeko eremuak.

k) Unibertsitatearekin lankidetzan aritzea hezkuntza premia bereziak dituzten ikasleen eta kultura-aniztasunaren inguruko programei buruzko ikerketan eta aplikazioan.

l) Kontrola eta jarraipena egitea honako honen erantzukizuna duen pertsonari: genero ikuspegiaren transbertsalitatea aplikatzearekin lotutako eginkizunak gauzatzea Hezkuntza Departamentuaren politikak planifikatzean, kudeatzean eta ebaluatzean, jarraikiz apirilaren 4ko 17/2019 Foru Legeari (Emakumeen eta Gizonen arteko Berdintasunari buruzko Foru Legea).

m) Kontrola eta jarraipena egitea, emakumeen eta gizonen arteko berdintasunaren printzipioa txertatu dadin Departamentuaren jardueran, horretarako laguntza emanez gaian eskumena duten organoei, printzipio hori aplikatzeko.

n) Departamentuaren jardueran, emakumeen eta gizonen arteko berdintasunaren printzipioa txertatzea xede orokorra duten planak koordinatzea.

ñ) Esleitu zaizkion gaien gaineko administrazio espedienteen instrukzioa egitea.

o) Indarra duten xedapenek esleitzen dizkioten gainerako eginkizunak, eta bere helburuak egoki betetzeko agintzen zaizkion guztiak, kudeatzen duen esparruan.

20. artikulua . Inklusio, Berdintasun eta Bizikidetza Zerbitzuaren egitura.

Inklusio, Berdintasun eta Bizikidetza Zerbitzuaren egituran atal hauek daude:

a) Inklusio Atala.

b) Berdintasun eta Bizikidetza Atala.

21. artikulua . Inklusio Atalaren esparru material eta funtzionala.

Inklusio Atalak honako eginkizun hauek beteko ditu:

a) Hezkuntza Departamentuan izanen diren funtzionamendu irizpideen eta araudiaren proposamena prestatzea, hezkuntza laguntzako berariazko premiak dituzten ikasleen inguruan, dibertsitateari erantzutearen esparruan; hori dena, Zuzendaritza Nagusiko beste zerbitzu batzuekin batera.

b) Behar diren jarduketak, baliabideak eta euskarriak programatzea, laguntza eman dakien hezkuntza premia berariazkoak dituzten ikasleei, premia horiek izanik jokabidearen nahasmendu larrien ondorioz edo desgaitasunaren ondorioz, eta horien gaineko proposamenak egitea. Aipatutako hezkuntza premia horiek izanen dira honako hauengatik: ikasteko berariazko zailtasunengatik, adimen-gaitasun handiengatik, hezkuntza sisteman berandu sartzeagatik, gaixotasunagatik, baldintza pertsonalengatik edo eskola historiarengatik.

c) Programatzea, zabaltzea eta ebaluatzea hezkuntza arloko berrikuntza eta ikerketa programak eta esperimentazio proiektuak, bai eta ikasleen dibertsitateari erantzuteko eta behar den laguntza motari erantzuteko berariazko programak garatzea ere.

d) Irakasleak eta familiak gidatzeko material didaktikoak prestatu, argitaratu eta zabaltzea, hezkuntza-erantzun hobea ematearren hezkuntza laguntzako premia berariazkoak dituzten ikasleei.

e) Hezkuntza bereziko ikastetxeei eta ikastetxe arruntei aholkuak eta laguntza ematea, bereziki Nafarroako Hezkuntza Bereziko Baliabideen Zentroaren bidez (NHBBZ), arreta ematearren hezkuntza laguntzako berariazko premiak dituzten ikasleen dibertsitateari.

f) Hezkuntza premia berezien arloan, premia orokorreko ikasle, ikastetxe eta familiei Departamentuak ematen dizkien dirulaguntzak programatzea eta kudeatzea.

g) Hezkuntza laguntzako berariazko premiak dituzten ikasleei laguntzearekin zerikusia duten jarduketak eta programak programatzea, eta jarraipena egitea, Departamentuaren barnean eta beste departamentu, zerbitzu, erakunde eta entitate batzuekin.

h) Hezkuntza laguntzako berariazko premiak dituzten ikasleen zentsua egitea eta kudeatzea, bere eskumenen esparruan.

i) Laguntza ematea planifikatzeko hezkuntza premiak dituzten ikasleen eskolatzea, premia horiek izanik hezkuntza sisteman berandu sartzearen ondorioz edo beste egoera berariazko batzuen ondorioz, behar diren irizpideak ezarriz erantzukizuna Nafarroako ikastetxe guztien artean partekatzeko eta zuzentasunez jokatzeko.

j) Orientazio departamentuen eta, oro har, orientazioko langileen orientazio lanari buruzko araudia aplikatzea.

k) Programatzea orientazioko profesionalek egiten duten lana, ikasleak eskolatzeko modalitateen gainean eta etorkizuneko lanbiderako prestatzeko aukeren gainean, lankidetzan arituz irakasle taldeekin eta familiekin.

l) Laguntza ematea etengabe hobetzeko orientazio lana, berrikuntza, ikerketa, langileen koordinazioa, jardunbide egokien zabalkundea eta prestakuntzarako elkarlana, on line plataformen bidez edo beste baliabide batzuen bitartez.

m) Txostenak egitea orientatzaileen berariazko esku-hartzea behar duten ikasleei buruz.

n) Hezkuntza laguntzako berariazko premiak garaiz atzematea.

ñ) Irakasle taldeekin eta familiekin elkarlanean aritzea ikasleen eskolatze egokia errazteko eta horien jarraipena egiteko, etapa edo modalitatea aldatzen denean.

o) Irakasleek eta beste langile batzuek esku hartzeko irizpideak eta jarraibideak koordinatzea, ikasleentzako arreta pertsonalizatua izan dadin.

p) Behar diren material psikoteknikoak eta baliabide dokumental eta bibliografikoak kudeatzea eta eguneratzea, NHBBZrekin batera, hezkuntza orientazioaren eginkizunak betetzeko.

q) Urteko Plana eta kasuan kasuko Memoria prestatzea, zerbitzuaren jarraibideen arabera.

r) Hezkuntza Departamentuak onetsitako funtzionamendu irizpideei eta araudiari zabalkundea ematea eta aplikatzea, hezkuntza premiak daudenean ikasleak hezkuntza sisteman berandu sartzeagatik edo berariazko beste egoera batzuengatik.

s) Behar diren jarduketak, baliabideak eta sostenguak programatzea eta proposatzea, hezkuntza premiak dituzten ikasleei arreta emateko, premia horien zergatia izanik hezkuntza sisteman berandu sartzea, komunikazio-hizkuntza ez jakitea edo egoera soziokultural ahulean egotea; hori dena, dibertsitateari erantzutearen esparruan.

t) Irakasle eta familiak gidatzeko material didaktikoak prestatu, argitaratu eta zabaltzea, ikasleak sisteman hobeki txertatzeko, lankidetzan arituz Zuzendaritza Nagusiko beste zerbitzu batzuekin.

u) Ikastetxeei aholkua eta laguntza ematea, harrera programak ezartzerakoan eta berandu eskolatzen diren ikasleei arreta emateko programak ezartzerakoan.

v) Hezkuntzan aukera berdintasuna bermatzeko laguntzak kudeatzea, eta egoera sozial ahula izateagatik ikasleek jasan ditzaketen ondorioak konpentsatzeko laguntzak ere kudeatzea.

w) Behar den koordinazio lana egitea, ikasle atzerritarrei edo gutxiengo soziokulturaletako ikasleei laguntzen dieten ikastetxeen, gizarte zerbitzuen, osasun zerbitzuen, erakundeen eta entitateen artean.

x) Egoera soziokultural ahularen ondorioz hezkuntza premia bereziak dituzten ikasleen zentsua egitea eta kudeatzea, bere eskumenen esparruan.

y) Parte hartzea ikasleak sisteman txertatzeari begira egiten diren ekintzetan, Europan, Estatuan, Foru Komunitatean eta udaletan, eta kongresuak eta jardunaldiak sustatzea jardunbide egokiak bultzatzeko honako hauek garatzeko: ikasleak txertatzea, hezkuntza bikaintasuna, hezkuntza pertsonalizatua eta eskola-uztearen prebentzioa.

z) Esleitu zaizkion gaien gaineko administrazio espedienteen instrukzioa egitea.

aa) Helburuak egoki betetzeko bere kudeaketa esparruan agintzen zaizkion gainerako eginkizunak.

22. artikulua . Berdintasun eta Bizikidetza Atalaren esparru material eta funtzionala.

Berdintasun eta Bizikidetza Atalak honako eginkizun hauek beteko ditu:

a) Genero ikuspegiaren transbertsalitatea aplikatzearekin lotutako eginkizunak betetzea Hezkuntza Departamentuaren politikak planifikatzean, kudeatzean eta ebaluatzean, jarraikiz apirilaren 4ko 17/2019 Foru Legeari (Emakumeen eta Gizonen arteko Berdintasunari buruzko Foru Legea).

b) Lankidetzan aritzea Nafarroako Berdintasunerako Institutuarekin eta Nafarroako Gobernuaren gainerako unitateekin, behar diren ibilbideak ezartzeko, berdintasunaren printzipioa txertatu dadin hezkuntza sisteman eta prozesu horren ebaluazioa eta jarraipena egin dadin.

c) Lankidetzan aritzea Hezkuntza Departamentuko Zuzendaritza Nagusiekin, berdintasunaren printzipioa txertatzeko hezkuntza politiketan eta Nafarroako ikastetxeen irakaslanean eta antolaketan.

d) Laguntza ematea Hezkuntza Departamenturako Berdintasun Plan bat garatzeko, behar dituen egiturak eta lan prozesuak ezarriz.

e) Teknikari eta irakasleek behar duten espezializazioa, gaitasuna eta orientazioa bermatzea.

f) Hezkuntza komunitatearekin sentsibilizazio lana egitea, berdintasunaren alde modu koordinatuan lan egitearen beharraz, hori baita modu bakarra aurrera egin dadin indarkeria prebenitzeko eta benetako berdintasuna lortzeko bidean, gizarte askotarikoa eta inklusiboa helburu.

g) Berdintasun planaren esparruan egiten diren ekintzak komunikatu, hedatu eta horien gainean kontu ematea hezkuntza komunitateari eta gizarteari oro har, ekintza horiek laguntzen baitute prebenitzen emakumeen eta neskatilen aurkako indarkeria mota guztiak.

h) Genero ikuspegia txertatzea Hezkuntza Departamentuak egindako estatistika eta azterlanetan.

i) Lankidetzan aritzea toki erakundeen berdintasun arloekin, nork bere eskumenen esparruan, horrela garatzeko baterako hezkuntzari buruzko eta indarkeria prebenitzeko programak eta proiektuak, hezkuntza komunitatearentzat.

j) Helburuak lortzeko, parte hartzea eta koordinatzea autonomia erkidegoan, estatuan edo Europan aritzen diren bestelako hezkuntza instituzioekin eta berdintasunaren aldeko erakundeekin.

k) Hezkuntza komunitateko sektoreek egiten dituzten kontsulta guztiei kasu egitea eta aholku ematea, Hezkuntza Departamentuak ezarritako bideak erabiliz, honako hauen gainean: eskolako jazarpena, indarkeria eta tratu txarrak eta, orobat, bizikidetzari eta gatazken konponketari buruzko beste kontu batzuk.

l) Ikastetxe, familia eta ikasleei aholku ematea eta/edo esku hartzea jazarpen kasu edo gatazka larrietan. Esku-hartze horiek eginen dira aholku emateko eta elkarlanerako bisiten, harremanen eta elkarrizketen bidez, eta koordinaturik Hezkuntza Departamentuko zerbitzuekin nahiz kanpoko baliabide edo erakundeekin.

m) Arduratzea indarkeriaren eta tratu txarren kontra Hezkuntza Departamentuak berariaz ezarritako laguntzarako doako linea telefonikoaz eta posta elektronikoaz.

n) Ikastetxeetako gatazketan esku hartzea, eta horien konponketa prozesuen jarraipena egitea, ukitutakoek hala eskatzen dutenean edo ofizioz, baldin eta Hezkuntza Departamentuak idatziz arrazoitzen badu esku-hartze horren beharra.

ñ) Hezkuntza Departamentuko Bizikidetzaren Batzordean parte hartzea, baita Nafarroako eskoletako bizikidetzari buruzko arauak prestatzen ere.

o) Aktiboki parte hartzea Haurrei eta nerabeei arreta emateko hezkuntzaren, osasunaren eta gizarte zerbitzuen arteko elkarlanerako batzordean, zailtasun psikosozial bereziak dituzten ikasleentzako jarduketak koordinatzeko eta haien jarraipena egiteko.

p) Ikastetxeei sostengua ematea bizikidetza planak garatu eta eguneratzeko.

q) Lankidetzan aritzea Hezkuntza Departamentuko Ikuskapen Zerbitzuarekin eta Bizikidetzaren Batzordearekin, Nafarroako ikastetxeetako bizikidetza planak urtero berrikusteko prozesuan.

r) Bizikidetzaren aldeko kanpainak aldian behin sustatzea eta zabaltzea, baita hura hobetzeko eta garatzeko planak, jarduerak eta materialak ere.

s) Berdintasunaren eta bizikidetzaren webguneko edukiak eta materialak eguneratzea.

t) Bizikidetzaren arloko hezkuntza esperientzien trukea bultzatzea Foru Komunitateko ikastetxeen artean.

u) Irakasleen prestakuntzarako planeko bizikidetzaren programa sustatzea, diseinatzea eta garatzea, horretarako eginez eskolako bizikidetzari buruzko jardunaldiak, mintegiak, ikastaroak, informazio saioak eta lantegiak, eta haren jarraipena egitea Prestakuntza eta Kalitate Atalaren laguntzarekin.

v) Bizikidetzaren arloko aholkulariak koordinatzea, baita Berdintasun eta Bizikidetza Ataleko bizikidetza arloko prestatzaile-laguntzaileen taldearena ere.

w) Dauden baliabideak ahalik eta hobekien erabiltzeko, koordinazioa bultzatzea honako hauen artean: instituzioak (Nafarroako Gobernuko departamentuak, udalak, mankomunitateak, unibertsitateak, Bizikidetzaren Behatokia...) eta bizikidetzaren aldeko hezkuntzaren berariazko alorretan lanean ari diren erakundeak. Horretaz gain, ebaluazioa eta ikerketa egitea alor horretan.

x) Ikastetxeei aholku ematea bizikidetza planak prestatzeko eta garatzeko, eta programak sustatzea bizikidetzaren aldeko hezkuntzari buruz, bitartekotzari eta bakearen aldeko hezkuntzari buruz, hezkuntza emozionalari buruz eta eskolako jazarpenaren prebentzioari buruz, besteak beste.

y) Ikasleen eta irakasleen partaidetza duten jarduerak sustatu, bultzatu eta koordinatzea, eskolako bizikidetza hobetzeko, batik bat eskolako bitartekotza programak eta ikasle laguntzaileen programak.

z) Erakunde eta antolakundeak koordinatzeko jarduketetan parte hartzea, horiek bizikidetzari lotutako alderdiak lantzera bideratzen direnean, baita Departamentuak Berdintasun eta Bizikidetza Atalaren esku uzten dituen ordezkaritza lanetan ere.

aa) Hezkuntza Departamentuaren ordezkaria izatea estatuan nahiz Europan eskolako bizikidetzari buruz egiten diren jarduera eta proiektu guztietan.

ab) Ikastetxe bakoitzean bizikidetzaren arduradunaren figura lagundu eta sustatzea, eta baliabideak ematea bere eginkizunak bete ditzan.

ac) Esleitu zaizkion gaien gaineko administrazio espedienteen instrukzioa egitea.

ad) Helburuak egoki betetzeko bere kudeaketa esparruan agintzen zaizkion gainerako eginkizunak.

5. ATALA. HEZKUNTZAKO IKUSKAPEN ZERBITZUA

23. artikulua . Hezkuntzako Ikuskapen Zerbitzuaren eremu material eta funtzionala.

Hezkuntzako Ikuskapen Zerbitzuak honako eginkizun hauek beteko ditu:

a) Ekainaren 30eko 80/2008 Foru Dekretuan ezartzen direnak (foru dekretu horren bidez arautu zen Hezkuntza Departamentuko Hezkuntzako Ikuskapenaren antolaketa eta funtzionamendua).

b) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

24. artikulua . Hezkuntzako Ikuskapen Zerbitzuaren egitura.

Hezkuntzako Ikuskapen Zerbitzuak Ebaluazio Atala atxikirik dauka.

25. artikulua . Ebaluazio Atalaren esparru materiala eta funtzionala.

Ebaluazio Atalak honako eginkizun hauek izanen ditu:

a) Nafarroako hezkuntza sistemako etapei eta irakaskuntzei buruzko kanpoko ebaluazioak diseinatu, antolatu eta egitea.

b) Hezkuntzari buruzko maiatzaren 3ko 2/2006 Lege Organikoan aurreikusitako diagnostikoko ebaluazioak antolatzea.

c) Nafarroan koordinatzea Hezkuntzako eta Lanbide Heziketako Ministerioko Ebaluazio Institutuak zuzendutako nazio eta nazioarte mailako ebaluazioak.

d) Koordinatzea eta bideratzea Nafarroako Foru Komunitateko Administrazioko Hezkuntza Departamentuak Hezkuntzako eta Lanbide Heziketako Ministerioaren Ebaluazio Institutuan duen parte-hartzea.

e) Urteroko txostenak egitea emaitza akademikoei buruz, honako hauei dagokienez: Lehen Hezkuntza, Derrigorrezko Bigarren Hezkuntza, Batxilergoa eta Lanbide Heziketa.

f) Nafarroako hezkuntzako adierazleak prestatzea, estatuko eta nazioarteko adierazleen sistemen testuinguruaren barnean.

g) Ebaluazio gaiei buruzko txostenak eta azterlanak egitea.

h) Hezkuntza Departamentuaren beste instantzia batzuekin lankidetzan aritzea, hezkuntza sistemaren funtzionamenduari buruzko informazioa emanez.

i) Laguntza teknikoa ematea Hezkuntzako Ikuskapen Zerbitzuko arloei, horiek ebaluatu behar baitituzte ikastetxeak, irakasleak eta programak.

j) Hezkuntzako Ikuskapen Zerbitzuko zuzendariak bere kudeaketa eremuan agintzen dizkion gainerako eginkizunak.

6. ATALA. HAUR ESKOLEN ZERBITZUA

26. artikulua . Haur Eskolen Zerbitzuaren eremu material eta funtzionala.

Haur Eskolen Zerbitzuk honako eginkizun hauek beteko ditu:

a) Koordinatzea Haur Hezkuntzako lehen zikloa antolatzeko araudiaren prestaketa.

b) Haur Hezkuntzako lehen zikloko hezkuntza-eskaintza planifikatzea eta onestea.

c) Hezkuntza Departamentuari atxikitako haur eskolen kudeaketa koordinatzea, kontrolatzea eta jarraipena egitea.

d) Hezkuntza Departamentuari atxikitako haur eskoletako langileen jarduerak planifikatzea.

e) Haur Hezkuntzako lehen zikloaren kudeaketa ekonomikoa planifikatzea.

f) Dirulaguntzak eta finantzaketako beste gastu batzuk kudeatzea, koordinaturik Departamentuko beste zerbitzu batzuekin.

g) Beste administrazio batzuekin lankidetzan aritzea Haur Hezkuntzako lehen zikloaren arloan.

h) Beste administrazio batzuekin koordinatzea, errazteko haurrak sartzea Haur Hezkuntzako lehen zikloan, horretarako prebentzio eta konpentsazio neurriak hartuz.

i) Plangintza egitea eta aholku ematea, Haur Hezkuntzako lehen zikloko proposamen pedagogikoa egiteko eta garatzeko.

j) Behar diren plangintza eta proposamena egitea, urteko prestakuntza eman dakien Haur Hezkuntzako lehen zikloko ikasleez arduratzen diren hezkuntza-langileei.

k) Haur eskoletan hezkuntza esperientziak sustatzea.

l) Landa eskolei dagokienez, jarduketak planifikatzea eta jarraipena egitea.

m) Landa eskoletan hezkuntza esperientziak sustatzea.

n) Esleitu zaizkion gaien gaineko administrazio espedienteen instrukzioa egitea.

ñ) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

27. artikulua . Haur Eskolen Zerbitzuaren egitura.

1. Haur Eskolen Zerbitzuak Haur Eskolen eta Landa Eskolen Atala atxikita du.

2. Orobat, honako haur eskolak ditu atxikirik:

- Egunsenti, Burlatan.

- Niño Jesús, Corellan.

- Nuestra Señora de Roncesvalles, Iruñean.

- Ninia Etxea, Iruñean.

- San Jorge, Iruñean.

- Santa Teresa, Iruñean.

- Nuestra Señora de Los Ángeles, Iruñean.

Izendapen librearen bidez beteko dira haur eskoletako zuzendari lanpostuak (galarazi gabe lanpostu horien titularrek irabazi dituzten eskubideak), Nafarroako Foru Komunitateko Administrazioko funtzionarioen artetik, edo hari atxikita daudenen artetik. Hezkuntza Departamentuko kontseilariak izendatuko ditu zuzendari horiek.

28. artikulua . Haur Eskolen eta Landa Eskolen Atalen eremu material eta funtzionala.

Haur Eskolen eta Landa Eskolen Atalak honako eginkizun hauek beteko ditu:

a) Prestatzea, zabaltzea eta aplikatzea Hezkuntza Departamentuak Haur Hezkuntzako lehen zikloaren inguruan onetsitako araudia eta funtzionamendurako irizpideak.

b) Haur Hezkuntzako lehen zikloaren curriculum edukiak prestatzea eta eguneratzea.

c) Haur Hezkuntzako lehen zikloko hezkuntza-eskaintza planifikatzea eta onestea.

d) Jarraipena egitea Hezkuntza Departamentuaren haur eskoletarako proposatutako jarduketei.

e) Proposatzea hitzarmenak egin daitezela haur eskolen entitate titularrekin, eta horiek zehaztea.

f) Dirulaguntzak eta finantzaketako beste gastu batzuk kudeatzea, koordinaturik Departamentuko beste zerbitzu batzuekin.

g) Beste administrazio batzuekin lankidetzan aritzea Haur Hezkuntzako lehen zikloaren arloan.

h) Ziklo honetan familien eta hezitzaileen arteko lankidetza sustatzea.

i) Prebentzio eta konpentsazio neurriak programatzea eta planifikatzea, errazteko haurrak Haur Hezkuntzako lehen zikloan sartzea.

j) Proposatzea eta jarraipena egitea, Haur Hezkuntzako lehen zikloko proposamen pedagogikoa egiteko eta garatzeko.

k) Behar diren programazioa, prestaketa eta zabalkundea egitea, urteko prestakuntza eman dakien Haur Hezkuntzako lehen zikloko ikasleez arduratzen diren hezkuntza-langileei.

l) Haur eskoletan hezkuntza-esperientziak sustatzea, baita hedatzea ere.

m) Prestakuntza jarduerak zehaztea berariaz landa eskoletarako.

n) Landa eskoletan hezkuntza-esperientziak sustatu eta garatzea, baita hedatzea ere.

ñ) Landa eskolei dagokienez, jarduketak programatzea eta jarraipena egitea.

o) Helburuak egoki betetzeko bere kudeaketa esparruan agintzen zaizkion gainerako eginkizunak.

III. KAPITULUA. LANBIDE HEZIKETAKO, DIGITALIZAZIOKO ETA HEZKUNTZA ZERBITZUETAKO ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

29. artikulua . Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiaren eremu material eta funtzionala.

Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiak ondotik ematen diren eginkizunak beteko ditu, honako hauei dagokienez: Lanbide Heziketako irakaskuntzak, arte plastikoen eta diseinuaren lanbide irakaskuntzak, araubide bereziko kirol-irakaskuntzak, enplegurako lanbide-prestakuntzako irakaskuntza egiaztagarriak, gaitasun profesionalak ebaluatzea eta akreditatzea, hezkuntza sistema digitalizatzeko bultzada eta hobekuntza, ikasteko laguntzak kudeatzea, zerbitzu osagarriak, eta Hezkuntza Departamentuko prozedura eta prozesu guztietarako sostengua diren informazio-sistemak modernizatzea eta hobetzea.

a) Kontuan hartuz ezarritako helburuak eta esleitutako eginkizunak, gauzatu beharreko ekintzen lidergoa eta zuzendaritza.

b) Solaskide gisa jardutea bere aplikazio eremuko erakundeekin, organismoekin eta eragile sozial eta ekonomikoekin.

c) Gobernuak eta Nafarroako gizarteak Foru Komunitatearentzat ezarritako garapen estrategiekin lerrokatzea.

d) Eguneratzea Nafarroako Lanbide Heziketarako plan estrategikoak.

e) Prestakuntza eskaintza zehaztea, honako hauetarako: hasierako Lanbide Heziketako irakaskuntzak, Gaitasun Profesionalen Estandarren Katalogo Nazionalari lotutako enplegurako lanbide irakaskuntzak, arte plastikoetako eta diseinuko lanbide irakaskuntzak eta araubide bereziko kirol irakaskuntzak. Hori dena, gizarte eta lurralde kohesioa errespetatuz.

f) Irakaskuntza horiek antolatzeko jarduketak planifikatzea, eta horien modalitateak zehaztea, arreta emanez kolektiboei eta herritarrei, oro har.

g) Aztertzea zer behar dauden lanbide irakaskuntzetako ikastetxeetan, honako hauei dagokienez: langileak, ekipamendua eta azpiegiturak.

h) Estrategikoki zuzentzea Lanbide Heziketako irakaskuntzen berrikuntza eta nazioartekotzea, Lanbide Heziketa Garatzeko Europako Zentroaren (LHGEZ) sarearen esparruan.

i) Estrategikoki zuzentzea Lanbide Heziketaren modernizazioa eta eraldaketa digital eta jasangarria.

j) Sustatzea lanbide irakaskuntzetako ikasleen artean ikas daitezela Europar Batasunean gehien erabiltzen diren komunikazio hizkuntzak.

k) Nafarroako Eskola Kontseiluan eta Nafarroako Lanbide Heziketaren Kontseiluan parte hartzea, eta lankidetzan aritzea Nafarroako Foru Komunitateko Administrazioko beste departamentu batzuekin eta eragile ekonomiko eta sozialekin, Zuzendaritza Nagusi honen eginkizunekin lotutako guztian.

l) Hezkuntzako teknologiak sustatzea eta ezartzea, eta curriculumean txertatzea, eta, orobat, hezkuntzako informazioaren eta komunikazioaren teknologien azpiegiturak hobetzea.

m) Informazio sistemak garatzea, kudeatzea, mantentzea eta bilakatzea, erantzuna emateko Hezkuntza Departamentuaren kudeaketa-premiei.

n) Indarra duten xedapenek Hezkuntza Departamentuari agintzen dizkioten gainerako eginkizunak, Zuzendaritza Nagusi honen esparruan.

30. artikulua . Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiaren egitura.

Lanbide Heziketako, Digitalizazioko eta Hezkuntza Zerbitzuetako Zuzendaritza Nagusia zerbitzu hauen bidez egituratzen da:

a) Lanbide Heziketaren Plangintza eta Integraziorako Zerbitzua.

b) Lanbide Heziketaren Modernizaziorako eta Berrikuntzarako Zerbitzua.

c) Hezkuntzako Informazio Sistemen Zerbitzua.

d) Hezkuntzako Teknologien eta IKT Azpiegituren Zerbitzua.

e) Hezkuntza Zerbitzuen eta Ikasketetarako Laguntzen Zerbitzua.

2. ATALA. LANBIDE HEZIKETAREN PLANGINTZA ETA INTEGRAZIORAKO ZERBITZUA

31. artikulua . Lanbide Heziketaren Plangintza eta Integraziorako Zerbitzuaren eremu material eta funtzionala.

Lanbide Heziketaren Plangintza eta Integraziorako Zerbitzuak honako eginkizun hauek beteko ditu:

a) Behar den prospekzioa egitea Lanbide Heziketaren eskaintzak planifikatzeko, Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiaren eskumenekoei dagokienez.

b) Solaskide operatiboa izatea beste administrazio batzuekin (administrazio zentrala eta autonomia erkidegoetakoak), baita Nafarroako Foru Komunitateko Administrazioaren beste departamentu eta erakunde autonomo batzuekin ere.

c) Erantzunkidetasuna sustatzea eragile ekonomiko eta sozialekin eta sektore produktiboekin, ezartzen denean Lanbide Heziketako eskaintza, egoki diren modalitateetan.

d) Hezkuntza sistemako honako irakaskuntza hauek planifikatzea, antolatzea, integratzea eta garatzea: Lanbide Heziketako irakaskuntzak, arte plastikoetako eta diseinuko lanbide irakaskuntzak, araubide bereziko kirol irakaskuntzak eta Gaitasun Profesionalen Estandarren Katalogo Nazionalari lotutako enplegurako lanbide irakaskuntzak, egoki diren modalitateetan. Betiere, arreta handia jarriko da Lanbide Heziketa Duala ezartzeko.

e) Enplegurako lanbide prestakuntzako ikastetxe publikoei lotuta ez dauden deialdiak kudeatzea, Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiren eskumenekoa denean.

f) Irakaskuntza horietan onartuak izateko eta sartzeko moduekin lotutako proiektuak antolatzea eta kudeatzea, baita bizitza osoan trebatzearekin lotuak daudenak ere.

g) Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiak garatzen dituen proiektuak eta irakaskuntzak ebaluatzea.

h) Gaitasun profesionala akreditatzeko prozedurak antolatzea, planifikatzea eta garatzea.

i) Ikastetxe bateratuen eta Lanbide Heziketako ikastetxeen behar bezalako antolaketa-egitura ziurtatzea, esleitu zaizkien lan eta eginkizun guztiei erantzuteko modukoa.

j) Departamentuaren beste unitate batzuekin lankidetzan, ikastetxe bateratuen, Lanbide Heziketako ikastetxeen eta erreferentzia nazionaleko ikastetxeen araudia garatzea, esleitu zaizkien lan eta eginkizun guztiei erantzuteko.

k) Behar diren tresnak ezartzea, ahalbidetzeko prestakuntza eskaintza integratua eta haren modalitateak egokitzea ingurune produktibo eta sozialera.

l) Lanbide Heziketa sustatzeko eta hedatzeko ekintzak garatzea, lanbide irakaskuntza hauen ezagutza eta irudi soziala hobetzeko.

m) Behar diren irizpideak ezartzea Lanbide Heziketako ikastetxeen eta arte eskolen azpiegiturak planifikatzeko eta ekipamendua planifikatzeko eta erosteko, Hezkuntza Departamentuko beste unitate batzuekin lankidetzan.

n) Europar Batasunetik datozen laguntzak eta funtsak kudeatzea, Lanbide Heziketaren sistema hobetzeko zerbitzu honen eskumenen esparruan.

ñ) Nafarroako Lanbide Heziketaren plan estrategikoak eguneratzea, eta Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiak ezarritako jarduketak garatzea, lankidetzan arituz Lanbide Heziketaren Modernizaziorako eta Berrikuntzarako Zerbitzuarekin.

o) Nafarroako Lanbide Heziketaren Kontseiluan parte hartzea, lankidetzan arituz Nafarroako Foru Komunitateko Administrazioko beste departamentu batzuekin, eta harremana izatea eragile ekonomiko eta sozialekin, zerbitzu honen eginkizunekin lotutako guztian.

p) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

32. artikulua . Lanbide Heziketaren Plangintza eta Integraziorako Zerbitzuaren egitura.

Lanbide Heziketaren Plangintza eta Integraziorako Zerbitzuaren egituran honako atal hauek daude:

a) Lanbide Heziketaren Antolamendu eta Ebaluaziorako Atala.

b) Etengabeko Lanbide Prestakuntzaren eta Enpresen Atala.

c) Akreditazio Profesionalen Atala.

33. artikulua . Lanbide Heziketaren Antolamendu eta Ebaluaziorako Atalaren eremu material eta funtzionala.

Lanbide Heziketaren Antolamendu eta Ebaluaziorako Atalak honako eginkizun hauek beteko ditu:

a) Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiak kudeatzen duen eremuko ikasketak antolatzea eta irakaskuntzak garatzea.

b) Irakaskuntza horien prestakuntza modalitateak antolatzea, bermatuz bertan sartuko direla hezkuntza laguntzako berariazko premiak eta hezkuntza premia bereziak dituzten pertsonak eta gizarte bazterketa jasateko arriskua dutenak.

c) Onartuak izateko prozesua kudeatzea Lanbide Heziketako irakaskuntzetan, arte plastikoetako eta diseinuko lanbide irakaskuntzetan eta araubide bereziko kirol irakaskuntzetan, eta onarpen prozesu horren jarraipena egitea, lankidetzen arituz eskolatzeko arloan eskumena duen organoarekin.

d) Nafarroako produkzio ingurunera egokitzea Lanbide Heziketaren, arte plastikoetako eta diseinuko lanbide irakaskuntzen eta araubide bereziko kirol irakaskuntzen tituluak.

e) Lanbide orientaziorako estrategia orokor bat garatzeko ekintzak sustatzea, kudeatzea, informazioa koordinatzea eta jarraipena egitea, arlo horretan eskumena duten entitateekin batera.

f) Irakaskuntzetara sartzeko bideak eta probak eta ikastaroak planifikatzea, Lanbide Heziketaren Plangintza eta Integraziorako Zerbitzuaren kudeaketa eremuan.

g) Lanbide Heziketaren eskaintza ebaluatzea, eta estatistikak eta azterlanak prestatzea, loturik daudenak Lanbide Heziketako eskaintzarekin, eta, orobat, loturik daudenak Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiaren kudeaketa eremuko tituluak dituzten ikasleen laneratzearekin.

h) Lankidetzan aritzea Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiko gainerako atalekin eta Hezkuntza Departamentuaren beste unitate batzuekin, garatzen duten araudia prestatzen.

i) Kofinantzaketarako eskaerak edo akordioak prestatzea eta tramitatzea, koordinaturik Nafarroako Foru Komunitateko Administrazioan arlo horretako eskumena duen departamentuarekin.

j) Esleitu zaizkion gaien gaineko administrazio espedienteen instrukzioa egitea.

k) Helburuak egoki betetzeko agintzen zaion beste edozein eginkizun, kudeatzen duen esparruan.

34. artikulua . Etengabeko Lanbide Prestakuntzaren eta Enpresen Atalaren eremu material eta funtzionala.

Etengabeko Lanbide Prestakuntzaren eta Enpresen Atalak honako eginkizun hauek beteko ditu:

a) Lanbide Heziketako eskaintzak planifikatzea, kudeatzea eta jarraipena egitea, Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiaren kudeaketa eremuan, arreta emanez enpleguarekin lotutako irizpideei, eskaera sektorialei, eskaintzen lurralde-banaketari, zentroen tamainari eta beharrezkoa duten espezializazioari edo polibalentziari.

b) Lanbide Heziketa Dualeko eskaintzak eta proiektuak garatzea, diseinatzea eta jarraipena egitea. Gauza bera enpresetako beste edozein prestakuntza programekin ere.

c) Aholku ematea Lanbide Heziketa Dualeko prestakuntza proiektuak prestatzeko, koordinatuz prestakuntza ikastetxeekin eta inplikatutako enpresekin, eta, horretaz gain, definitzea enpresako tutoreen eta ikastetxeko tutoreen prestakuntza.

d) Lanbide Heziketaren arloan aholkularitza ematea eta jarduketa ildoak proposatzea Hezkuntza Departamentuaren menpe dauden lanbide irakaskuntzetako ikastetxeetan.

e) Behar diren oinarri tekniko arau-emaileak prestatzea eta proposatzea, enplegurako akreditagarriak diren lanbide prestakuntzako ekintzak garatzeko deialdietarako.

f) Beka eta laguntzen espedienteak kudeatzea, kontrolatzea eta tramitatzea, enplegurako akreditagarriak diren lanbide prestakuntzako ekintzetan parte hartzen dutenentzat.

g) Lanbide irakaskuntzetako ikastetxeetan azterlan eta jarduketa proposamenak egitea, azpiegitura teknologikoak eta ekipamendukoak hobetzeari dagokionez.

h) Lanbide Heziketako ikastetxeentzako eta arte eskolentzako ekipamendua kudeatzea eta hura gauzatzeko plangintza egitea, lankidetzan arituz Departamentuko beste unitate batzuekin.

i) Kofinantzaketarako eskaerak edo akordioak prestatzea eta tramitatzea, koordinaturik Nafarroako Foru Komunitateko Administrazioan arlo horretako eskumena duen departamentuarekin.

j) Lankidetzan aritzea Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiko gainerako atalekin, atal horietan garatzen diren programa eta proiektuak txertatzeko Lanbide Heziketako ikastetxeetan.

k) Esleitu zaizkion gaien gaineko administrazio espedienteen instrukzioa egitea.

l) Helburuak egoki betetzeko agintzen zaion beste edozein eginkizun, kudeatzen duen esparruan.

35. artikulua . Akreditazio Profesionalen Atalaren eremu material eta funtzionala.

Akreditazio Profesionalen Atalak honako eginkizun hauek beteko ditu:

a) Gaitasun profesionalak akreditatzeko prozedurak planifikatzea, kudeatzea eta haien jarraipena egitea.

b) Aholkularientzako eta ebaluatzaileentzako prestakuntza-prozesuen deialdia egitea, arreta emanez akreditazio-prozeduren baldintzei.

c) Gaitasun profesionalak identifikatzea eta zehaztea, garrantzitsuak direnak Nafarroako produkzio sarea garatzeko.

d) Hezkuntza Departamentuaren eskumenen esparruan, Lanbide Heziketako titulazioak eta graduak prestatzea eta eguneratzea, Nafarroako sektoreen produktiboen premien arabera.

e) Lantaldeak koordinatzea, prestakuntza-curriculumak prestatzeko irakaskuntza hauetarako: Lanbide Heziketa, arte plastikoetako eta diseinuko lanbide irakaskuntzak eta araubide bereziko kirol irakaskuntzak.

f) Lankidetzan aritzea Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiko gainerako atalekin, Lanbide Heziketako irakaskuntzak planifikatzean.

g) Esleitu zaizkion gaien gaineko administrazio espedienteen instrukzioa egitea.

h) Helburuak egoki betetzeko agintzen zaion beste edozein eginkizun, kudeatzen duen esparruan.

3. ATALA. LANBIDE HEZIKETAREN MODERNIZAZIORAKO ETA BERRIKUNTZARAKO ZERBITZUA

36. artikulua . Lanbide Heziketaren Modernizaziorako eta Berrikuntzarako Zerbitzuaren eremu material eta funtzionala.

Lanbide Heziketaren Modernizaziorako eta Berrikuntzarako Zerbitzuak honako eginkizun hauek izanen ditu:

a) Halako proiektu estrategiko batzuk zehaztea eta kudeatzea, Lanbide Heziketako ikastetxeak egokitu daitezen teknologia aurreratuko ingurunera eta irakasleen eskumenak hobetu daitezen, hezkuntzako berrikuntzari, esperimentazioari eta ikerketari dagokienez.

b) Lidergoa gauzatzea Hezkuntza Departamentuari atxikitako erreferentzia nazionaleko ikastetxeetan.

c) Hezkuntza Departamentukoak diren eta Erreferentzia Nazionaleko Bikaintasun Ikastetxeen Sareko eskumenekoak diren jarduketak eta proiektuak sustatzea eta jarraipena egitea.

d) Digitalizazio plan bat bultzatzea eta aplikatzea, ahalbidetuko duena Nafarroako Lanbide Heziketaren sistema modernizatzea eta eraldatzea.

e) Sustatzea eta diseinatzea irakasleentzako prestakuntza tekniko eta metodologikoko plan bat, horren bidez erantzuteko sektore produktiboen aurrerapen teknologikoei eta ikasgelako ikaskuntza-metodologia berrien garapenari.

f) Plataforma digitalak eta beste euskarri informatiko batzuk planifikatzea eta garatzea, eta behar den ekipamendua erostea, lankidetzan arituz Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiko beste unitate batzuekin, Nafarroako Lanbide Heziketa digitalizatzeko.

g) Ekintzailetza plan bat zehaztea eta bultzatzea, egokiturik egonen dena Lanbide Heziketako prestakuntza-mailetara eta espezialitateetara.

h) Ikastetxeen digitalizazio proiektuak eta berrikuntza teknologiko eta didaktikoko proiektuak sustatzea, lankidetza sustatuz beste entitate eta enpresa batzuekin.

i) Planifikatzea eta garatzea izaera sozialeko proiektuak, ekintzailetza sustatzekoak eta irakaskuntza hauetako ikasleen enplegagarritasuna hobetzekoak.

j) Europar Batasunetik datozen laguntza eta funtsak kudeatzea, Lanbide Heziketaren sistema hobetzeko zerbitzu honen eskumenen esparruan.

k) Lanbide irakaskuntzetako ikastetxeen nazioarteko dimentsioa sustatzea eta garatzea, horretarako garatuz ikasleak, irakasleak eta zuzendaritza taldeak nazioarteko esparruan mugitzeko proiektuak.

l) Lanbide Heziketako ikastetxeetan proiektuak garatzea, lankidetzan arituz Lanbide Heziketaren Plangintza eta Integraziorako Zerbitzuarekin.

m) Lankidetzan aritzea Lanbide Heziketaren Plangintza eta Integraziorako Zerbitzuarekin, eguneratzeko Nafarroako Lanbide Heziketaren plan estrategikoak eta sustatzeko Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiak ezarritako jarduketak.

n) Nafarroako Lanbide Heziketaren Kontseiluaren idazkari lanak egitea, eta lankidetzan aritzea Nafarroako Foru Komunitateko Administrazioko beste departamentu batzuekin eta harremana izatea eragile ekonomiko eta sozialekin, zerbitzu honen eginkizunekin lotutako guztian.

ñ) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

37. artikulua . Lanbide Heziketaren Modernizaziorako eta Berrikuntzarako Zerbitzuaren egitura.

Lanbide Heziketaren Modernizaziorako eta Berrikuntzarako Zerbitzuaren egituran honako atal hauek daude:

a) Lanbide Heziketa Eraldatzeko Atala.

b) Lanbide Heziketaren Proiektuen eta Nazioartekotzearen Atala.

38. artikulua . Lanbide Heziketa Eraldatzeko Atalaren eremu material eta funtzionala.

Lanbide Heziketa Eraldatzeko Atalak honako eginkizun hauek beteko ditu:

a) Behar den laguntza teknikoa ematea, sor daitezen eta, behar denean, garatu daitezen erreferentzia nazionaleko Lanbide Heziketako ikastetxe berriak eta bikaintasun ikastetxe berriak.

b) Laguntza ematea zenbait urtetarako jarduketa-planak definitzeko, erreferentzia nazionaleko ikastetxeetarako, bai eta urteko jarduketa-planerako ere.

c) Jarraipena egitea aipatutako planetan ezarritako helburuen betetzeari.

d) Erreferentzia nazionaleko ikastetxeetan eta bikaintasun ikastetxeetan egindako jarduketen finantzaketa eta kostua kudeatzea eta justifikatzea, lankidetzan arituz arlo horretan eskumena duen unitatearekin.

e) Behar diren baliabideak aplikatzea Lanbide Heziketako ikastetxeak eta arte eskolak digitalki eraldatzeko.

f) Ikastetxeetarako azterlanak eta jarduketa-proposamenak egitea.

g) Behar diren zerbitzuak eta ekipoak kudeatzea, Lanbide Heziketako ikastetxeak eta arte eskolak digitalki eraldatzeko.

h) Behar diren plataforma digitalak ezartzea, kudeatu daitezen Lanbide Heziketako eta proiektuetako eskaintza bateratuak, lankidetzan arituz hezkuntzako teknologiaren arloan eskumena duen unitatearekin.

i) Lankidetzan aritzea Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiko gainerako atalekin eta Hezkuntza Departamentuaren beste unitate batzuekin, garatzen duten araudia prestatzen.

j) Kofinantzaketarako eskaerak edo akordioak prestatzea eta tramitatzea, koordinaturik Nafarroako Foru Komunitateko Administrazioan arlo horretako eskumena duen departamentuarekin.

k) Esleitu zaizkion gaien gaineko administrazio espedienteen instrukzioa egitea.

l) Helburuak egoki betetzeko agintzen zaion beste edozein eginkizun, kudeatzen duen esparruan.

39. artikulua . Lanbide Heziketaren Proiektuen eta Nazioartekotzearen Atalaren eremu material eta funtzionala.

Lanbide Heziketaren Proiektuen eta Nazioartekotzearen Atalak honako eginkizun hauek beteko ditu:

a) Hobekuntza teknologiko eta didaktikoak sustatzea Lanbide Heziketako, arte plastikoetako eta diseinuko eta araubide bereziko kirol irakaskuntzen irakaslanean, eta ikastetxeei arlo horretako aholkuak ematea.

b) Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiaren eskumeneko ikastetxeak eta lanbide irakaskuntzak digitalizatzeko proiektu berriak proposatzea, garatzea eta horien jarraipena egitea.

c) Lanbide Heziketako ikastetxeetan eta arte eskoletan berrikuntza proiektuetarako deialdiak kudeatzea eta horien gaineko jarraipena egitea.

d) Berrikuntza metodologikorako proiektuak garatu eta aplikatzea, konparazio batera "Kimua" programa, eta proposatzea beharrezkoak diren neurriak har daitezela etengabe eguneratzeko.

e) Ekintzaile espiritua garatzeko programak sustatzea, "Inizia" programaren bidez.

f) Irakasleek dituzten prestakuntza premiak aztertu eta diseinatzea, Lanbide Heziketaren Modernizaziorako eta Berrikuntzarako Zerbitzuak definitutako berrikuntza estrategiei erantzuteko.

g) Berariazko prestakuntzarako urteko plana planifikatu eta kudeatzea, zerbitzu honek kudeatzen duen eremuko irakaskuntzak ematen dituzten irakasleentzat, lankidetzan arituz Departamentuko beste unitate batzuekin.

h) Lankidetza akordioak bultzatzea beste autonomia erkidego, erakunde ofizial edo produkzio inguruneko entitate batzuekin, berrikuntzaren arloan trebatu daitezen Lanbide Heziketaren Modernizaziorako eta Berrikuntzarako Zerbitzuak kudeatzen duen eremuko irakaskuntzak ematen dituzten irakasleak.

i) Nazioarteko ekintza eta proiektuak garatzea eta haien jarraipena egitea, haiek kudeatzea kontratuei eta ekonomiari dagokienez, eta erakunde eskudunen aurrean justifikatzea.

j) Nazioarteko mugikortasun ekintzak planifikatu, sustatu, kudeatu eta horien jarraipena egitea, Lanbide Heziketako ikastetxeetako eta arte eskoletako irakasle eta ikasleentzat eta Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiko langileentzat.

k) Parte hartzea, behar denean, Europar Batasunak Lanbide Heziketaren Plangintza eta Integraziorako Zerbitzuak kudeatzen duen eremuko irakaskuntzen arloan egiten dituen programen ardura duten Espainiako erakundeetan, eta harremanetan jartzea Espainiako edo atzerriko beste erakunde batzuekin, denen intereseko proiektuetan parte hartzeko edo laguntzeko.

l) Aztertzea zer aukera dauden Europar Batasunaren edo beste erakunde batzuen funtsen bidez kofinantzatzeko Lanbide Heziketaren irakaskuntzak, arte plastikoen eta diseinuen lanbide irakaskuntzak eta araubide bereziko kirol irakaskuntzak edo Hezkuntza Departamentuko nazioarteko proiektuak.

m) Kofinantzaketarako eskaerak edo akordioak prestatzea eta tramitatzea, koordinaturik Nafarroako Foru Komunitateko Administrazioan arlo horretako eskumena duen departamentuarekin.

n) Lankidetzan aritzea Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiko beste atal batzuekin, ikastetxeetan txertatzeko atal honek garatzen dituen programak eta proiektuak.

ñ) Lankidetzan aritzea Nafarroako Foru Komunitateko Administrazioko beste departamentu batzuekin, antolamenduaren eta teknologiaren alorretako berrikuntza eta hobekuntza politiketan.

o) Esleitu zaizkion gaien gaineko administrazio espedienteen instrukzioa egitea.

p) Helburuak egoki betetzeko agintzen zaion beste edozein eginkizun, kudeatzen duen esparruan.

4. ATALA. HEZKUNTZAKO INFORMAZIO SISTEMEN ZERBITZUA

40. artikulua . Hezkuntzako Informazio Sistemen Zerbitzuaren esparru material eta funtzionala.

Hezkuntzako Informazio Sistemen Zerbitzuak honako eginkizun hauek izanen ditu:

a) Zehaztea zein diren Hezkuntza Departamentuko informazio sistemen modernizazioaren eta hobekuntzaren arloko estrategiak eta lehentasunak, Departamentuko beste zerbitzu batzuekin batera.

b) Proiektuak aztertzea, definitzea, garatzea eta abian jartzea, bai informazio sistema berriak sortzekoak, bai daudenak garatzekoak, Hezkuntza Departamentuak ezarritako premia eta lehentasunen ondoriozkoak.

c) Aztertzea eta baliozkotzea garapen edo bilakaera berrien eskaeren bideragarritasuna, lortzeko informazio sistema elkarreragingarri, integratu, bateratu, denboran zehar iraunkor eta bikoiztasunik gabekoak.

d) Garapen informatikoa estandaritzatzeko irizpideak definitzea, horrela eskuratzeko informazio sistema integratu, elkarreragingarri eta denboran iraunkorrak.

e) Informazio sistemak garatzea, kudeatzea, haien mantentze-lanak egitea eta etengabe eguneratzea, Departamentuaren beharrei erantzuteko eta bertan inplikatutako eragile guztiei komunikazio elektronikoa errazteko pixkanaka-pixkanaka.

f) Hezkuntza Departamentuak unibertsitateaz kanpoko ikastetxeen eskura jartzen dituen hezkuntza kudeaketarako informazio sistemak eta aplikazioak garatzea, kudeatzea, haien mantentze-lanak egitea eta etengabe eguneratzea, haien beharrei erantzuteko eta bertan inplikatutako eragile guztiei komunikazio elektronikoa errazteko pixkanaka-pixkanaka.

g) Hezkuntza Departamentuko informazio sistemak erabiliz, bertako prozedura eta prozesu nagusien kudeaketa erraztea, modernizatzea eta arrazionalizatzea.

h) Beharrezko erreformak proposatu eta bultzatzea, garatzeko eta ezartzeko informazio sistema mantengarriak eta elkarreragingarriak.

i) Definizio, mantentze eta euskarri lanak egitea softwarea garatzeko inguruneetan eta arkitektura teknikoan, zeinek informazio sistema guztiak osatzen baitituzte eta sistema horiei estaldura ematen baitiete.

j) Lankidetzan eta koordinaturik aritzea, administrazioaren modernizaziorako eta administrazio elektronikorako proiektuak ezartzeko, Hezkuntza Departamentuaren eremu funtzionalean.

k) Behar diren unitateak koordinatzea digitalizazio korporatiboaren arloan eskumena duen Zuzendaritza Nagusiarekin.

l) Datuak egiaztatzeko eta kontsultatzeko zerbitzuen baimen-eskaerak kudeatzea Hezkuntza Departamenturako.

m) Irisgarritasun eskuordetuaren unitate arduradunaren eginkizunak betetzea, Departamentuko webgune eta gailu eramangarrietarako aplikazioei dagokienez.

n) Helburuak egoki betetzeko bere kudeaketa esparruan agintzen zaizkion gainerako eginkizunak.

41. artikulua . Hezkuntzako Informazio Sistemen Zerbitzuaren egitura.

Hezkuntzako Informazio Sistemen Zerbitzuak honako atal hauek ditu bere egituran:

a) Informazio Sistemen Kudeaketaren Atala.

b) Ikastetxeetako Informazio Sistemen Garapenaren Atala.

c) Informazio Sistemen Eboluzio Proiektuen eta Administrazio Elektronikoaren Atala.

d) Hezkuntzako Software Arkitekturaren Atala.

42. artikulua . Informazio Sistemen Kudeaketaren Atalaren eremu material eta funtzionala.

Informazio Sistemen Kudeaketaren Atalak honako eginkizun hauek izanen ditu:

a) Informazio sistemen mantentze-lanak kudeaketa, garapena eta etengabeko eragiketa egitea, Hezkuntza Departamentuaren beharrei erantzuteko eta bertan inplikatutako eragile guztiei komunikazio elektronikoa errazteko pixkanaka-pixkanaka.

b) Beharrezkoak diren kudeaketa-prozesuak kudeatzea eta koordinatzea, konplitu dadin ikasturte hasieran irakasleen lanpostuak betetzeko finkatutako egutegia.

c) Lankidetzan aritzea datuen ustiapenaren eta ingeniaritzaren arloan eskumena duen unitatearekin, planifikatzeko, exekutatzeko eta kontrolatzeko datuen kalitatea kudeatzeko jarduerak, Hezkuntza Departamentuko kudeaketarako informazio sistemetan.

d) Departamentuko unitateen arteko informazio truke transbertsaleko prozesuei jarraipena egitea, lankidetzan arituz datuen ustiapen eta ingeniaritzako arloan eskumena duen unitatearekin.

e) Jarraipena egitea Hezkuntzako Informazio Sistemen Zerbitzuak garapen informatikoa estandarizatzeko ezartzen dituen ildoei, helburua izanik informazio sistema elkarreragingarriak, mantengarriak eta denboran iraunkorrak lortzea.

f) Jarraipena egitea Hezkuntza Departamentuko informazio sistemak modernizatzeko eta hobetzeko ezarritako estrategiari eta lehentasunei.

g) Hezkuntzako Informazio Sistemen Zerbitzuko gainerako unitateekin batera lan egitea, kudeatutako proiektu eta produktu guztiak ezagutzeko, eta, horrela, euskarri homogeneoa emateko eragile guztiei, eta informazio sistema irekiak eta elkarri laguntzekoak sortzeko, Hezkuntza Departamentu osorako.

h) Datuak babesteko kultura sustatzea eta informazioaren segurtasunerako mekanismoak ezartzea Hezkuntza Departamentuaren informazio sistemen eraikuntzan eta eragiketan, lankidetzan arituz informazioaren segurtasunaren eta datuen babesaren ardura duen unitatearekin.

i) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

43. artikulua . Ikastetxeetako Informazio Sistemen Garapenaren Atalaren eremu material eta funtzionala.

Ikastetxeetako Informazio Sistemen Garapenaren Atalak honako eginkizun hauek beteko ditu:

a) Ikastetxeetako informazio sistemak sortu eta garatzeko proiektu informatikoak aztertu, definitu, garatu eta abian jartzea, oinarri harturik Hezkuntza Departamentuak eta, zehazki, eskola informazioa kudeatzeko eskumena duen unitateak ezartzen dituzten beharrak eta lehentasunak.

b) Ikastetxeetako informazio sistemak etengabe mantentzea, kudeatzea, garatzea eta erabiltzea, ikastetxeen beharrei erantzuteko eta komunikazio elektronikoa errazteko Hezkuntza Departamentuarekin eta hezkuntza komunitatearekin.

c) Jarraipena egitea Hezkuntzako Informazio Sistemen Zerbitzuak garapen informatikoa estandarizatzeko ezartzen dituen ildoei, helburua izanik informazio sistema elkarreragingarriak, mantengarriak eta denboran iraunkorrak lortzea.

d) Jarraipena egitea Hezkuntza Departamentuko informazio sistemak modernizatzeko eta hobetzeko ezarritako estrategiari eta lehentasunei.

e) Hezkuntzako Informazio Sistemen Zerbitzuko gainerako unitateekin batera lan egitea, kudeatutako proiektu eta produktu guztiak ezagutzeko, eta, horrela, euskarri homogeneoa emateko eragile guztiei, eta informazio sistema irekiak eta elkarri laguntzekoak sortzeko, Hezkuntza Departamentu osorako.

f) Datuak babesteko kultura sustatzea eta informazioaren segurtasunerako mekanismoak ezartzea Hezkuntza Departamentuaren informazio sistemen eraikuntzan eta eragiketan, lankidetzan arituz informazioaren segurtasunaren eta datuen babesaren ardura duen unitatearekin.

g) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

44. artikulua . Informazio Sistemen Eboluzio Proiektuen eta Administrazio Elektronikoaren Atalaren eremu material eta funtzionala.

Informazio Sistemen Eboluzio Proiektuen eta Administrazio Elektronikoaren Atalak honako eginkizun hauek beteko ditu:

a) Proiektuak aztertzea, definitzea, gauzatzea eta abian jartzea, bai informazio sistema berriak sortzekoak, bai daudenak garatzekoak, Hezkuntza Departamentuak ezarritako premia eta lehentasunen ondoriozkoak.

b) Informazio sistemen eboluzio proiektuak koordinatzea, baldin aldi berean ukitzen badira Hezkuntza Departamentuko unitate baten baino gehiagoren kudeaketa.

c) Lankidetzan aritzea Hezkuntza Departamentuko informazio sistemak garatzeko, kudeatzeko, haien mantentze-lanak egiteko, eboluzionatzeko eta etengabe koordinatzeko, horrela beharrei erantzuteko eta bertan inplikatutako eragile guztiei komunikazio elektronikoa errazteko pixkanaka-pixkanaka.

d) Datuak egiaztatzeko eta kontsultatzeko zerbitzuen baimen-eskaerak kudeatzea Hezkuntza Departamenturako.

e) Hezkuntza Departamentuko administrazio elektronikoko soluzioak definitzea eta ezartzea, lehenetsiz estandar teknologikoei jarraitzea eta elementu berrerabilgarriak berrerabiltzea, koordinaturik arloan eskumena duen unitate korporatiboarekin.

f) Aholkularitza eta laguntza teknikoa ematea Hezkuntza Departamentuko unitateen kudeaketa antolatzeko eta administrazioa modernizatzen duten proiektuak martxan jartzeko.

g) Jarraipena egitea Hezkuntzako Informazio Sistemen Zerbitzuak garapen informatikoa estandarizatzeko ezartzen dituen ildoei, helburua izanik informazio sistema elkarreragingarriak, mantengarriak eta denboran iraunkorrak lortzea.

h) Jarraipena egitea Hezkuntza Departamentuko informazio sistemak modernizatzeko eta hobetzeko ezarritako estrategiari eta lehentasunei.

i) Hezkuntzako Informazio Sistemen Zerbitzuko gainerako unitateekin batera lan egitea, kudeatutako proiektu eta produktu guztiak ezagutzeko, eta, horrela, euskarri homogeneoa emateko eragile guztiei, eta informazio sistema irekiak eta elkarri laguntzekoak sortzeko, Hezkuntza Departamentu osorako.

j) Datuak babesteko kultura sustatzea eta informazioaren segurtasunerako mekanismoak ezartzea Hezkuntza Departamentuaren informazio sistemen eraikuntzan eta eragiketan, lankidetzan arituz informazioaren segurtasunaren eta datuen babesaren ardura duen unitatearekin.

k) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

45. artikulua . Hezkuntzako Software Arkitekturaren Atalaren eremu material eta funtzionala.

Hezkuntzako Software Arkitekturaren Atalak honako eginkizun hauek beteko ditu:

a) Hezkuntza Departamentuaren informazio sistema guztiei dagokienez eta datuen ustiapeneko eta ingeniaritzako sistema guztiei dagokienez, horien parte diren edo horiei estaldura ematen dieten arkitektura teknikoa, osagaiak eta softwarea garatzeko inguruneak definitzea, eguneratzea, mantentzea eta sostengatzea.

b) Aholkularitza teknikoa ematea, erabil daitezen eta hedatu daitezen informazio sistema guztiak estaltzen eta osatzen dituzten arkitektura teknikoa, osagaiak eta garapen-inguruneak.

c) Informazio sistema guztietarako berrerabil daitezkeen elementu nagusiak definitzea, sortzea eta mantentzea.

d) Beharrezko egiturazko eta arkitektura teknikoko erreformak proposatu, definitu eta bultzatzea, horren bidez lortzeko informazio sistema elkarreragingarriak, mantengarriak eta denboran iraunkorrak.

e) Zerbitzuko zuzendaritzarekin batera, Hezkuntza Departamentuko unitateen kudeaketa prozedurak edo informazio sistemak hobetzeko eskaerak koordinatzea, aztertzea, lehenestea eta esleitzea.

f) Devops kultura bultzatu eta sustatzea garapen ekipoen barnean.

g) Hezkuntzako Informazio Sistemen Zerbitzuko gainerako unitateekin batera lan egitea, kudeatutako proiektu eta produktu guztiak ezagutzeko, eta, horrela, euskarri homogeneoa emateko eragile guztiei, eta informazio sistema irekiak eta elkarri laguntzekoak sortzeko, Hezkuntza Departamentu osorako.

h) Datuak babesteko kultura sustatzea eta informazioaren segurtasunerako mekanismoak ezartzea Hezkuntza Departamentuaren arkitektura teknikoaren eraikuntzan eta eragiketan, lankidetzan arituz informazioaren segurtasunaren eta datuen babesaren ardura duen unitatearekin.

i) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

5. ATALA. HEZKUNTZAKO TEKNOLOGIEN ETA IKT AZPIEGITUREN ZERBITZUA

46. artikulua . Hezkuntzako Teknologien eta IKT Azpiegituren Zerbitzuaren eremu material eta funtzionala.

Hezkuntzako Teknologien eta IKT Azpiegituren Zerbitzuak honako eginkizun hauek beteko ditu:

a) Hezkuntza ingurunean informazioaren eta komunikazioaren teknologiak sustatzeko eta bultzatzeko ekintzak egitea, baita curriculumean txertatzekoak ere.

b) Behar diren irizpide eta planak zehaztea, ikastetxeak hornitzeko informatika eta ikus-entzuneko ekipamenduez, robotikaz, komunikazio sistemez eta informazioaren teknologiez.

c) Ikastetxeek Interneterako sarbidea eta konektibitatea izateko behar diren jarduketak gainbegiratzea.

d) Kudeatzea eta mantentzea Departamentuaren eta ikastetxeen arteko informazio trukerako eta komunikaziorako sistemak, baita ikastetxeetako ekipo informatikoak ere.

e) Premiak aztertu eta definitzea, eta sustatzea ikastetxeetako prozesuei eta eskolako informazioa kudeatzeko prozesuei lotutako programak; arloan eskumena duen unitateak ezarriko ditu.

f) Eskola-estatistika egitea, lankidetan arituz Departamentuko gainerako zuzendaritza eta zerbitzuekin.

g) Datuen ingeniaritza-plataforma definitzea eta kudeatzea, Hezkuntza Departamentuaren eremu funtzionalean, lankidetzan arituz software arkitekturan eskumena duen Departamentuko unitatearekin.

h) Baliabide informatikoei eta komunikazioei lotutako jarduketa teknikoak koordinatzea, administrazioko beste unitate batzuekin.

i) Bere eskumeneko alorrean, koordinatzea Unibertsitateko, Berrikuntzako eta Eraldaketa Digitaleko Departamentuko behar diren unitateekin.

j) Nafarroako IkasNOVA (baliabide digitalen zentroa) kudeatzea, hura eratutakoan. Hari transferituko zaizkio, sortzen denean, foru dekretu honetan aurreikusitako eginkizunak, osatzen duten atalei esleitutako eginkizunei dagokienez.

k) Hezkuntzaren digitalizazioaren bultzada.

l) Ikastetxeko beharretara egokitutako plan digitalak sustatzea eta gainbegiratzea.

m) Orientazioa eta laguntza ematea ekimen digitalak ezar ezar daitezen hezkuntzaren esparruan.

n) Antolatzea eta eskaintzea tresna eta metodologia digitalei buruzko prestakuntza berariazkoa irakasleentzat.

ñ) Plataforma digitaletan erabiltzeko moduko hezkuntza-edukiak sortzea eta egokitzea, horretarako garatuz hezkuntzako material digital bereziak, hezkuntza-sistemako premiei egokituak.

o) Gaitasun digitalak ebaluatzea eta ziurtagiriak egitea, bai irakasleei bai ikasleei.

p) Pentsamendu konputazionala txertatzea curriculumean eta hezkuntzako metodologietan.

q) Berrikuntza sustatzea eta sostengatzea hezkuntzaren eremuan, bereziki digitalizazioari dagokionez, eta lider izatea hezkuntzako digitalizazioarekin lotutako proiektuetan, eta horiek ebaluatzea.

r) Bultzatzea ikasleek hezkuntza digital ziur eta errespetuzkoa izateko duten eskubidea.

s) Sustatzea ikastetxeen Gaitasun Digitalen Europako Esparruaren baitako jarduketak.

t) STEAM jarduera, robotika eta adimen artifiziala bultzatzea hezkuntzako ingurunean, koordinaturik Gobernuaren mailan eskumenak dituzten unitate transbertsalekin.

u) Hezkuntzako ingurunean, gaitasun digitala bultzatzea irakasleen eta herritarren artean, koordinaturik Gobernuaren mailan eskumenak dituzten unitate transbertsalekin.

v) Informazioaren segurtasun arduradunaren eginkizunak betetzea, hain zuzen ere zehazten direnak Nafarroako Foru Komunitateko Administrazioaren datu-babeseko eta informazioaren segurtasuneko politikan, betiere Hezkuntza Departamentuaren eremuaren barnean, segurtatzeko eta zaintzeko betetzen dela informazioaren segurtasunari buruzko indarreko araudia, barnean dela datu pertsonalen babesa.

w) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

47. artikulua . Hezkuntzako Teknologien eta IKT Azpiegituren Zerbitzuaren egitura.

Hezkuntzako Teknologien eta IKT Azpiegituren Zerbitzuak honako atal hauek ditu bere egituran:

a) Hezkuntzako Teknologiak Txertatzeko eta Zerbitzua Emateko Atala.

b) Hezkuntzako IKT Azpiegituren Atala.

c) Ikastetxeetako Informazioa Kudeatzeko Atala.

d) Datuen Ustiapen eta Ingeniaritzaren Atala.

48. artikulua . Hezkuntzako Teknologiak Txertatzeko eta Zerbitzua Emateko Atalaren eremu material eta funtzionala.

Hezkuntzako Teknologiak Txertatzeko eta Zerbitzua Emateko Atalak honako eginkizun hauek beteko ditu:

a) Hezkuntza ingurunean informazioaren eta komunikazioaren teknologiak sustatu eta erabiltzeko ekintzak egitea, baita curriculumaren arlo eta irakasgaietan txertatzekoak ere.

b) Zerbitzuko webguneko edukiak eta materialak eguneratzea hezkuntzako digitalizazioari buruzko informazioarekin.

c) Hezkuntzako ikasteko ingurune birtualak eta beste web tresna eta zerbitzu batzuk bultzatzea.

d) Curriculumean berrikuntza eta gaitasun digitalaren garapena sustatzea.

e) Hezkuntzako berrikuntzaren eta garapen teknologikoaren eremuko proiektuen garapena bultzatzea, ikasNOVA ikasgela-sarean oinarrituta.

f) STEAM jarduerak, robotika eta adimen artifiziala bultzatzea hezkuntzaren ingurunean, eta pentsamendu konputazionala garatzea.

g) IkasNOVA ikasgela-sarea garatzea, zeina estu lotuta baitago hezkuntzako berrikuntzari.

h) Unitate eskudunekin batera, hezkuntza-proposamenean berdintasunaren digitalizazioa bultzatzea eta zenbait alderdi indartzea, hala nola ekitatea, bizikidetza digitala, zibersegurtasuna eta pentsamendu kritikoa.

i) Irakasleak hezkuntzako digitalizazioan trebatzeko beharrak detektatzea eta behar den prestakuntza mota garatu eta ematea, baita curriculumean teknologia berriak txertatzekoak ere, irakasleen urteko prestakuntza planaren barrenean.

j) Hezkuntzako digitalizazioarekin lotutako ekimenak, estrategiak, tresnak, baliabideak eta ekintzak zuzentzea eta koordinatzea. Behin eratuta, IkasNOVA Baliabide Digitalen Zentroak bere gain hartuko ditu hezkuntzako digitalizazioa garatzeko eskumenak, eta digitalizazioaren erreferentea eta erakunde arduraduna izanen da.

k) Ikastetxeetan hezkuntzako teknologiak integratzeko ekintzak zuzendu eta koordinatzea, lankidetzan arituta irakasleentzako laguntza zentroetako hezkuntzako teknologiaren arloko aholkulariekin, hezkuntzako teknologien koordinatzaileen eta ikasNOVAren arduradunen laguntzarekin batera.

l) Hezkuntza komunitateko sektoreek curriculum integrazioari, gailuei, metodologiei eta abarrei buruz egiten dituzten kontsulta guztiei kasu egin eta aholku ematea, Hezkuntza Departamentuak ezarritako bideak erabiliz.

m) Irakasleen hezkuntzako digitalizazioko prestakuntza kudeatzea eta koordinatzea, Prestakuntza Atalarekin eta irakasleentzako laguntza zentroekin koordinatuta.

n) Hezkuntza berrikuntzako proiektuen jarraipena egitea, ikastetxeen heldutasun teknologikoari eta plan digitalari lotuta, baita irakasleen eta ikasleen konpetentzia digitalari ere.

ñ) Lan egitea konpetentzia digitala hobetzeko proiektuetan eta hezkuntzako teknologiei eta hezkuntzari buruzko gaietan, beste erakunde batzuekin batera (Gobernuko beste departamentu batzuk, beste autonomia erkidego batzuk, Hezkuntzako eta Lanbide Heziketako Ministerioa, Europako Batzordea).

o) Hezkuntzako IKT Azpiegituren Atalarekin koordinaturik, ikasgelako balizko hornidura osatzen duten elementuak ezagutzea eta ebaluatzea.

p) Ikaskuntzaren metrikak osatzeko adierazleak analizatzea, eta, horietatik abiatuta, hezkuntzako teknologiak txertatzeko hobekuntzak proposatzea.

q) Eskola erakundeentzat, irakasleentzat eta ikasleentzat egokia den heldutasun teknologikoa egiaztatzeko modu bat garatzea.

r) Atalaren lan ildoak garatzeko asmoz entitateekin sinatzen diren lankidetza-hitzarmenak prestatzea eta haiek betetzeko moduari buruzko jarraipena egitea.

s) Hezkuntzako eduki digitalak ezartzeko ezagutza eta ebaluazioa, ikastetxe eskatzaileekin eta Doakotasunaren Legearen arabera eskumena duen unitate organikoarekin batera.

t) Hezkuntzako baliabide irekiak prestatu, hedatu eta zaintzea.

u) Nafarroako Foru Komunitateko unibertsitateaz kanpoko ikastetxeetan dauden sistema informatikoetako teknikari-ofizialen lana zuzentzea eta koordinatzea, Hezkuntzako IKT Azpiegituren Atalarekin batera.

v) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

49. artikulua . Hezkuntzako IKT Azpiegituren Atalaren eremu material eta funtzionala.

Hezkuntzako IKT Azpiegituren Atalak honako eginkizun hauek beteko ditu:

a) Nafarroako Foru Komunitatean unibertsitatekoak ez diren ikastetxeetan dagoen ekipamendu informatikoa, periferikoak eta gailuak erregularizatu eta erabiltzeko prest uztea.

b) Unibertsitatekoak ez diren Foru Komunitateko ikastetxeei sostengu informatikoa emateko beharrezkoak diren sistema eta konponbide informatikoak garatzea.

c) Behar diren sistema eragileak garatzea eta eguneratzea, unibertsitatekoak ez diren Foru Komunitateko ikastetxeetako ordenagailuetan erabiltzeko.

d) Unibertsitatekoak ez diren Foru Komunitateko ikastetxeetako ordenagailuetan instalaturiko aplikazio eta sistema eragileen eguneraketak kudeatzea.

e) Aplikazioak instalatzeko paketeak garatu eta eguneratzea, unibertsitatekoak ez diren Foru Komunitateko ikastetxeetako ordenagailuetan erabiltzeko.

f) Nafarroako Foru Komunitatean unibertsitatekoak ez diren ikastetxeetako erabiltzaileei lehen mailako arreta eta sostengu informatikoa ematea.

g) Ikastetxeetan erabiltzaileei sostengua emateko estrategia eta baliabideak zehaztea.

h) Nafarroako Foru Komunitateko unibertsitateaz kanpoko ikastetxeetako informatika eta komunikazio sistemen sostenguaz arduratzea.

i) Nafarroako Foru Komunitatean unibertsitatekoak ez diren ikastetxeetan dagoen ekipamendu informatikoaren inbentarioa kudeatzea.

j) Gorabehera informatikoen kudeaketa, Nafarroako Foru Komunitatean unibertsitatekoak ez diren ikastetxeetako ekipamendu informatikoarena zein komunikazio sistemena.

k) Unibertsitatekoak ez diren Foru Komunitateko ikastetxeetako ekipamendu informatikoan matxurak konpontzeaz arduratzen den enpresaren kontratazioa kudeatzea.

l) Unibertsitatekoak ez diren Foru Komunitateko ikastetxeetako ekipamendu informatikoan matxurak konpontzeaz arduratzen den enpresa gainbegiratzea.

m) Foru Komunitateko unibertsitateaz kanpoko ikastetxeek eta Hezkuntza Departamentuko bulegoek behar dituzten ekipo informatikoak, periferikoak eta gailuak erosteko plangintza egitea eta plan horiek gauzatu eta kontrolatzea.

n) Tresna informatikoak eta administratiboak kudeatzea Hezkuntza Departamentuak nahiz ikastetxeek IKT aktiboak eta zerbitzuak eskura ditzaten.

ñ) Informazioaren teknologietako materialak eskuratzea, ikastetxeak ekipamendu informatikoz eta ikus-entzunezkoz, robotikaz, komunikazio sistemaz eta informazioaren teknologiaz hornitzeko.

o) Ikastetxeek informazioaren teknologietako materialak eskuratzeko egiten dituzten erosketak kudeatzea eta gainbegiratzea.

p) Informazioaren eta komunikazioaren teknologietako materialak eskuratzea Hezkuntza Departamentuko bulegoak hornitzeko.

q) Komunikazio eta informatika sistemak kudeatzea, mantentzea eta haietan beste jarduketa batzuk egitea, ikastetxeei Interneterako sarbidea eta konektagarritasuna emateko.

r) Hezkuntza Departamentuko Erabiltzailearen Laguntza Zentroan (ELZ) diren sistema informatikoetako teknikari-ofizialen lana zuzentzea eta koordinatzea.

s) Aholkularitza ematea hezkuntza komunitateko sektoreei, eta gailu eta konponbide informatikoen alorrean planteatzen dituzten kontsultak erantzutea.

t) Baliabide informatikoei eta komunikazioei loturiko jarduketa teknikoak koordinatzea, administrazioko beste unitate batzuekin batera.

u) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

50. artikulua . Ikastetxeetako Informazioa Kudeatzeko Atalaren eremu material eta funtzionala.

Ikastetxeetako Informazioa Kudeatzeko Atalak honako eginkizun hauek beteko ditu:

a) Garapen-eskaerak biltzea, aztertzea eta lehenestea, eskola kudeaketarako aplikazioen gainetik.

b) Hezkuntzako Informazio Sistemen Zerbitzuarekin batera, zehaztea zer premia duten Hezkuntza Departamentuak unibertsitateaz kanpoko ikastetxeen eskura jartzen dituen informazio sistemek modernizazioari eta hobekuntzari dagokienez, eta martxan jartzea horietatik heldu diren proiektuak.

c) Prestakuntza planifikatzea, prestatzea eta ematea, bere eskumenen esparruan.

d) Euskarri funtzionala egitea, hala ikastetxeetan nola Hezkuntza Departamentuan, eskola kudeatzeko aplikazioetarako, Hezkuntzako IKT Azpiegituren Atalarekin koordinatuta.

e) Euskarri funtzionala eta laguntza ematea Educaren eta eskola kudeaketarako beste aplikazio batzuen artean datuak trukatzeko dauden web zerbitzuen erabiltzaileei, Hezkuntzako IKT Azpiegituren Atalarekin koordinatuta.

f) Doakotasunaren Legearen arabera eskuduna den unitatearekin koordinatzea, irizpideak eta modalitateak ezartzeko eta kudeatzeko, eskola-informazioa kudeatzeko sistemaren baitan.

g) Nafarroako unibertsitateaz kanpoko ikastetxeen erregistroa kudeatzea eta eguneratuta mantentzea, eta Hezkuntzako eta Lanbide Heziketako Ministerioaren unibertsitateaz kanpoko Ikastetxeen Estatuko Erregistroarekin koordinatzea.

h) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

51. artikulua . Datuen Ustiapen eta Ingeniaritzaren Atalaren eremu material eta funtzionala.

Datuen Ustiapen eta Ingeniaritzaren Atalak honako eginkizun hauek beteko ditu:

a) Hezkuntza Departamentuaren eremu funtzionalean, datuen ingeniaritzako plataforma eta datu-biltegiak definitzea, garatzea eta kudeatzea, arloan eskumena duen unitate korporatiboarekin eta Departamentuko software arkitekturan eskumena duen unitatearekin koordinatuta.

b) Txostenak eta aginte-taulak egitea, Departamentuko unitateek arintasunez ustiatu ahal izan ditzaten beren datuak, eta kalitateko datu integratuetan oinarritutako erabakiak hartu ahal izan ditzaten.

c) Informazio sistemetako datuak ateratzeko, eraldatzeko, integratzeko eta datu-biltegietara kargatzeko prozesuak ezartzea, Hezkuntza Departamentuko unitateek ustiatu eta azter ditzaten.

d) Hezkuntza Departamentuaren datuen kudeaketa koordinatzea, baita metadatuak eta gobernua ere.

e) Eskola-estatistika egitea, lankidetan arituz Departamentuko gainerako zuzendaritza eta zerbitzuekin.

f) Hezkuntzaren eta Departamentuaren kudeaketaren gaineko aplikazioetatik atera daitezkeen datuei buruz (gehituak edo zehaztuak) Hezkuntza Departamentuak egiten dituen eskaerak jasotzea.

g) Hezkuntza Departamentuko kudeaketarako informazio-sistemetan datuen kalitatea kudeatzeko jarduerak planifikatzea, gauzatzea eta kontrolatzea, lankidetzan arituta Departamentuan datuak sortzen eta kudeatzen dituzten unitate guztiekin.

h) Adierazleak aztertzea eta argitaratzea: txostenak egiteko eta erabakiak gidatzeko garrantzitsuak diren hezkuntza-adierazleak biltzea, aztertzea eta argitaratzea.

i) Beste entitate erreferente batzuekin batera lan egitea hezkuntza arloko datuen argitalpenean, hala nola Nafarroako Eskola Kontseiluarekin, helburu komunak lortzeko.

j) Hezkuntzari buruzko estatistika bildu, araztu eta ustiatzea eta Nafarroako eta Estatuko estatistika institutuekin elkarlanean aritzea.

k) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

6. ATALA. HEZKUNTZA ZERBITZUEN ETA IKASKETETARAKO LAGUNTZEN ZERBITZUA

52. artikulua . Hezkuntza Zerbitzuen eta Ikasketetarako Laguntzen Zerbitzuaren eremu material eta funtzionala.

Hezkuntza Zerbitzuen eta Ikasketetarako Laguntzen Zerbitzuak honako eginkizun hauek beteko ditu:

a) Ikasketak egiteko beka eta laguntza deialdiak proposatu, kudeatu eta kontrolatzea, unibertsitateaz kanpoko mailetan.

b) Testuliburuak finantzatzeko programa proposatu, kudeatu eta kontrolatzea.

c) Garraioaren eta eskolako jantokien zerbitzu osagarriak planifikatzea, Hezkuntzako Ikuskapen Zerbitzuaren eta Inklusio, Berdintasun eta Bizikidetza Zerbitzuaren laguntzarekin.

d) Garraioaren eta eskolako jantokien zerbitzu osagarriei buruzko deialdi-, kudeaketa- eta kontrol-proposamenak bideratzea eta egitea.

e) Hezkuntza Departamentuaren eremu funtzionalean administrazioa modernizatzeko proiektuak txertatzen laguntzea eta prozesu horietan parte hartzea.

f) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

53. artikulua . Hezkuntza Zerbitzuen eta Ikasketetarako Laguntzen Zerbitzuaren egitura.

Hezkuntza Zerbitzuen eta Ikasketetarako Laguntzen Zerbitzuak honako atal hauek ditu bere egituran:

a) Ikasketetarako Laguntzen eta Hezkuntza Zerbitzuen Kudeaketaren Atala.

b) Zerbitzu Osagarrien Atala.

54. artikulua . Ikasketetarako Laguntzen eta Hezkuntza Zerbitzuen Kudeaketaren Atalaren eremu material eta funtzionala.

Ikasketetarako Laguntzen eta Hezkuntza Zerbitzuen Kudeaketaren Atalak honako eginkizun hauek beteko ditu:

a) Ikasketa beken eta dirulaguntzen deialdiak proposatu, kudeatu eta kontrolatzea.

b) Beka espedienteen ordainketa kudeatu, tramitatu, kontrolatu eta proposatzea.

c) Testuliburuak finantzatzeko programa proposatu, kudeatu eta kontrolatzea.

d) Unibertsitateaz kanpoko irakaskuntzetarako beka eta laguntza deialdi arruntak proposatzea, Inklusio, Berdintasun eta Bizikidetza Zerbitzuari dagozkionak ez beste.

e) Kudeatzea eta kontrolatzea behar bezala egiten direla garraio eta jantokiko eskola zerbitzu osagarriak.

f) Garraio eta jantokiko eskola zerbitzuak ematearekin lotutako laguntzak planifikatu, proposatu eta kudeatzea.

g) Eskola zerbitzuekin lotutako gastua kontrolatzea, justifikatzea eta egiaztatzea.

h) EDUCAren aplikazio informatikoak eta tresnak koordinatzea garraio eta jantokiko eskola zerbitzuak kudeatzeko.

i) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

55. artikulua . Zerbitzu Osagarrien Atalaren eremu material eta funtzionala.

Zerbitzu Osagarrien Atalak honako eginkizun hauek beteko ditu:

a) Hezkuntzako Ikuskapen Zerbitzuarekin koordinatuta, garraio eta jantokiko eskola zerbitzu osagarriak planifikatzea.

b) Hezkuntza bereziko ikasleen garraio eta jantokiko eskola zerbitzu osagarriak planifikatzea, Inklusio, Berdintasun eta Bizikidetza Zerbitzuarekin eta Nafarroako Hezkuntza Bereziko Baliabideen Zentroarekin koordinatuta.

c) Unibertsitateaz kanpoko hezkuntza mailetarako garraio eta jantokiko eskola zerbitzu osagarriekin zerikusia duten jardueren deialdiaren proposamenak egitea eta haiek tramitatzea.

d) Garraio eta jantokiko eskola zerbitzuei dagozkien administrazio espedienteak instruitzea.

e) Informazioa ematea tramitazio administratiboetako eta/edo judizialetako gai teknikoei buruz eta garraio eta jantokiko eskola zerbitzu osagarriei buruz.

f) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

IV. KAPITULUA. LANGILERIAREN ETA AZPIEGITUREN ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

56. artikulua . Langileriaren eta Azpiegituren Zuzendaritza Nagusiaren eskumenen eremu material eta funtzionala.

Langileriaren eta Azpiegituren Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Behar diren jarduketak zuzendu eta sustatzea ematen den hezkuntza zerbitzua eraginkorra izan dadin.

b) Unibertsitateaz kanpoko irakasleriaren politika, I. kapituluko aurrekontuen aurreproiektua eta unibertsitateaz kanpoko irakasleen ordezkaritza organoekin izan beharreko harremana diseinatu eta garatzea, Departamentuan eskumena duten beste organo batzuekin batera.

c) Departamentuko langileen nomina eta kotizazioak ordaintzeko beharrezkoak diren jarduketak planifikatzea.

d) Ikastetxeen finantzaketaren arloko jarduerak sustatzea.

e) Nafarroako Foru Komunitateko Administrazioaren eskumenekoak diren hezkuntza arloko azpiegitura obrak planifikatzea.

f) Bere eskumenen esparruko dirulaguntzak proposatu, eman, kudeatu eta kontrolatzea.

g) Indarra duten xedapenek Hezkuntza Departamentuari esleitzen dizkioten gainerako eginkizunak, Zuzendaritza Nagusi honen esparruan.

57. artikulua . Langileriaren eta Azpiegituren Zuzendaritza Nagusiaren egitura.

Langileriaren eta Azpiegituren Zuzendaritza Nagusiak zerbitzu hauek ditu bere egituran:

a) Langileen Araubide Juridikoaren Zerbitzua.

b) Irakasleak Hautatzeko eta Lanpostuak Betetzeko Zerbitzua.

c) Aldi Baterako Langileak Kudeatzeko Zerbitzua.

d) Nominen eta Gizarte Aseguruen Zerbitzua.

e) Azterlan Ekonomikoen eta Ikastetxeen Finantzaketaren Zerbitzua.

f) Hezkuntzako Azpiegituren Zerbitzua.

2. ATALA. LANGILEEN ARAUBIDE JURIDIKOAREN ZERBITZUA

58. artikulua . Langileen Araubide Juridikoaren Zerbitzuaren eremu material eta funtzionala.

Langileen Araubide Juridikoaren Zerbitzuak honako eginkizun hauek beteko ditu:

a) Aholkularitza juridikoa ematea Langileriaren eta Azpiegituren Zuzendaritza Nagusiari langileen arloan.

b) Langileen arloan sindikatuekin egindako akordio proiektuak programatzea eta horien jarraipena egitea.

c) Langileen arloko arauzko xedapenen eta administrazio ebazpenen aurreproiektuak planifikatu eta koordinatzea, baita lizentziei eta baimenei buruzko lana ere.

d) Langileen bateraezintasun araubidea kontrolatzea.

e) Hezkuntza Departamentuari dagozkion langileen arloko espedienteen jarraipena egitea.

f) Langileen arloko epaiak eta administrazio-errekurtsoak betearaztea, salbu eta irakasleak hautatzeko organoek emandako egintzen aurkakoak.

g) Izendapenak, lanpostu hartzeak, destinoa, kargu-uzteak eta langileen arloko beste gorabehera batzuk kontrolatzea, bai eta Departamentuko langileen araubide juridikoari buruzko gaiak ere.

h) Departamentuaren menpeko langileen lan baldintzen gaineko araudia prestatzeko edo aldatzeko proiektuei buruzko azterlanak planifikatzea.

i) Hezkuntza Departamentuko zerbitzu eskudunekin kolaboratzea eta elkarlanean aritzea sindikatuekin langileen arloko akordioak sinatzeko proiektuei buruzko azterketak eta txostenak egiteko orduan.

j) Hezkuntza Departamentuaren eremu funtzionalean administrazioa modernizatzeko proiektuak txertatzen laguntzea eta prozesu horietan parte hartzea.

k) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

59. artikulua . Langileen Araubide Juridikoaren Zerbitzuaren egitura.

Langileen Araubide Juridikoaren Zerbitzuak honako atal hauek ditu bere egituran:

a) Langileriaren arloko Laguntza Juridikoaren Atala.

b) Kontrol Administratiboaren Atala.

60. artikulua . Langileriaren arloko Laguntza Juridikoaren Atalaren eremu material eta funtzionala.

Langileriaren arloko Laguntza Juridikoaren Atalak honako eginkizun hauek beteko ditu:

a) Arauzko xedapenen aurreproiektuen idazketa teknikoa, eta haien izapidetzearen jarraipena egitea.

b) Langileriaren arloan Langileriaren eta Azpiegituren Zuzendaritza Nagusiari esleitutako administrazio-egintzak berrikustea.

c) Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 132. artikuluari jarraikiz beste departamentu batzuek irakasleen inguruan ematen dituzten arauzko xedapenen txostena.

d) Langileen araubide juridikoari buruzko kontsultak ebaztea.

e) Laguntza ematea Hezkuntza Departamentuko beste unitate batzuei langileen araubide juridikoari buruzko gaietan.

f) Langileen arloko epaiak eta administrazio-errekurtsoak betearazteko proposamenak egitea, salbu eta irakasleak hautatzeko organoek emandako egintzen aurka.

g) Langileriaren eta Azpiegituren Zuzendaritza Nagusiari langileen arloan esleituriko eskaera eta erreklamazioen gaineko ebazpen espedienteen txostena eta tramitazioa egitea.

h) Arauzko xedapenak bildu eta mantentzea, Langileriaren eta Azpiegituren Zuzendaritza Nagusiari langileen arloan esleitutako gaietan.

i) Langileriaren eta Azpiegituren Zuzendaritza Nagusiari langileen arloan esleitutako administrazio espediente eta dokumentuak organo judizialetara bidaltzeko prestatzea, Departamentuko Idazkaritza Tekniko Nagusiarekin batera.

j) Langileen bateraezintasunen araubidea aplikatzea.

k) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

61. artikulua . Kontrol Administratiboaren Atalaren eremu material eta funtzionala.

Kontrol Administratiboaren Atalak honako eginkizun hauek beteko ditu:

a) Langileriaren eta Azpiegituren Zuzendaritza Nagusiari langileen arloan zuzendutako dokumentazio guztia gainbegiratzea.

b) Laguntza Juridikoaren Atalak zerbitzuaren eskumenekoak diren arloetan ezarririko irizpideak aplikatzea.

c) Langileriaren eta Azpiegituren Zuzendaritza Nagusiaren eskumenekoak diren langileen arloko administrazio espedienteak tramitatzea.

d) Langileen arloan Langileriaren eta Azpiegituren Zuzendaritza Nagusian emandako ebazpenak gainbegiratzea, jarraipena egitea eta igortzea.

e) Langileriaren eta Azpiegituren Zuzendaritza Nagusian langileen arloan sortutako dokumentazioa kontrolatzea eta artxibatzea.

f) Izendapenak, jabetza hartzeak, kargu uzteak eta Hezkuntza Departamentuko langileekin lotutako beste edozein gorabehera.

g) Hezkuntza Departamentuaren mendeko funtzionarioen espediente pertsonalak etengabe eguneratzea eta zaintzea.

h) Bere helburuak egoki betetzeko agintzen zaizkion gainerako eginkizunak.

3. ATALA. IRAKASLEAK HAUTATZEKO ETA LANPOSTUAK BETETZEKO ZERBITZUA

62. artikulua . Irakasleak Hautatzeko eta Lanpostuak Betetzeko Zerbitzuaren eremu material eta funtzionala.

Irakasleak Hautatzeko eta Lanpostuak Betetzeko Zerbitzuak honako eginkizun hauek beteko ditu:

a) Hezkuntza Departamentuari dagozkion lanpostuak betetzeko deialdiak eta prozedurak planifikatu eta koordinatzea.

b) Hezkuntza Departamentuari dagozkion sartzeko prozedurak eta deialdiak planifikatu eta koordinatzea.

c) Departamentuko irakasle funtzionarioen plantilla eta lan publikoaren eskaintza planifikatzea, Departamentuko gainerako organo eskudunekin batera.

d) Zerbitzuaren eremu funtzionalean administrazioa modernizatzeko proiektuak txertatzen laguntzea eta prozesu horietan parte hartzea.

e) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

63. artikulua . Irakasleak Hautatzeko eta Lanpostuak Betetzeko Zerbitzuaren egitura.

Irakasleak Hautatzeko eta Lanpostuak Betetzeko Zerbitzuak honako atal hauek ditu bere egituran:

a) Hautatze Prozeduren Atala.

b) Lanpostuak Betetzeko Atala.

64. artikulua . Hautatze Prozeduren Atalaren eremu material eta funtzionala.

Hautatze Prozeduren Atalak honako eginkizun hauek beteko ditu:

a) Langileak hautatzeko deialdiak oro har eta sartzeko eta igotzeko deialdiak prestatu eta kudeatzea, Hezkuntza Departamentuaren eskumenekoak direnean.

b) Departamentuaren lan publikoaren eskaintza proposatzea langile horietarako, Departamentuko gainerako organo eskudunekin lankidetzan.

c) Atalari esleitutako arloetan arauzko xedapenak eta administrazio egintzak betearaztea eta aplikazio irizpideak zehaztea, beste organo eskudun batzuekin batera.

d) Deialdien tramitazioan informazioa kudeatzeko sistemak ezartzeko beharrezkoak diren berrikuntzak aztertzea, arlo horretan eskumena duen unitate organikoak ezarritako irizpideei jarraikiz.

e) Txosten teknikoak egitea atalari esleitutako gaietan.

f) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

65. artikulua . Lanpostuak Betetzeko Atalaren eremu material eta funtzionala.

Lanpostuak Betetzeko Atalak honako eginkizun hauek beteko ditu:

a) Departamentuko organo eskudunak ikastetxeetan zehazten dituen irakasle funtzionarioen plantillak kudeatu eta administratzea.

b) Hezkuntza Departamentuko irakasleen lanpostuak betetzeko deialdiak prestatu eta tramitatzea.

c) Atalari esleitutako arloetan arauzko xedapenak eta administrazio egintzak betearaztea eta aplikazio irizpideak zehaztea, beste organo eskudun batzuekin batera.

d) Atalari esleitutako arloetan agintzen zaizkion administrazio espedienteak betearaztea eta horien jarraipena egitea.

e) Deialdien tramitazioan informazioa kudeatzeko sistemak ezartzeko beharrezkoak diren berrikuntzak aztertzea, arlo horretan eskumena duen unitate organikoak ezarritako irizpideei jarraikiz.

f) Txosten teknikoak egitea atalari esleitutako gaiei buruz.

g) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

4. ATALA. ALDI BATERAKO LANGILEAK KUDEATZEKO ZERBITZUA

66. artikulua . Aldi Baterako Langileak Kudeaketako Zerbitzuaren eremu material eta funtzionala.

Aldi Baterako Langileak Kudeatzeko Zerbitzuak honako eginkizun hauek beteko ditu:

a) Langileak kontratatzeko irizpideak ezartzea.

b) Irakasleen eta langile ez irakasleen administrazio kontratuak kontrolatzea.

c) Aniztasunari erantzuna emateaz arduratzen diren langile ez irakasleen ikastetxeetako plantillen plangintza eta jarraipena, Departamentuko gainerako organo eskudunekin batera.

d) Irizpideak prestatzea langile ez irakasleen plantillak egokitzeko eta eskura dauden baliabideak kudeatzeko.

e) Laneko alten eta bajen arloan eskumena duten erakundeekin koordinatzea.

f) Zerbitzua taxuz emateko ikastetxeak aski langilez hornitzeko behar diren jarduketen programazioa.

g) Zerbitzuaren eremu funtzionalean administrazioa modernizatzeko proiektuak txertatzen laguntzea eta prozesu horietan parte hartzea.

h) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

67. artikulua . Aldi Baterako Langileak Kudeatzeko Zerbitzua.

Aldi Baterako Langileak Kudeatzeko Zerbitzuak atal hauek ditu bere egituran:

a) Giza Baliabideen Plangintzarako Atala.

b) Langileen Kontrataziorako Atala.

c) Plantillen Atala.

68. artikulua . Giza Baliabideen Plangintzarako Atalaren eremu material eta funtzionala.

Giza Baliabideen Plangintzarako Atalak honako eginkizun hauek beteko ditu:

a) Jarraipena egitea aldi baterako ezintasun prozesuei, absentismoari eta langileak (irakasleak eta bestelakoak) ordeztu beharra ekartzen duten egoerei.

b) Irizpideak prestatzea irakasle ez diren langileen plantillak egokitzeko.

c) Eskura dauden baliabideak kudeatzea.

d) Departamentuko plantilla organikoa aldatzeko proposamenak egitea, hura egokitzeko ikastetxe bakoitzaren egoera eta beharretara.

e) Proposamenak egitea ikastetxeetako irakasle ez diren langileen antolamenduari, kudeaketari eta eginkizunei buruz, Departamentuko beste zerbitzu batzuekin lankidetzan.

f) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

69. artikulua . Langileen Kontrataziorako Atalaren eremu material eta funtzionala.

Langileen Kontrataziorako Atalak honako eginkizun hauek beteko ditu:

a) Aldi baterako kontratatzeko izangaien zerrendak eta Departamentuko lanpostuak betetzeko beharrezkoak diren kontratuak kudeatzea.

b) Departamentuak kontratatutako langileen espediente pertsonalak eguneratzea.

c) Txosten teknikoak egitea atalari esleitutako gaiei buruz.

d) Bere helburuak egoki betetzeko agintzen zaizkion gainerako eginkizunak.

70. artikulua . Plantillen Atalaren eremu material eta funtzionala.

Plantillen Atalak honako eginkizun hauek beteko ditu:

a) Hezkuntza Departamentuko plantilla organikoari jarraipena egitea eta gaurkotzea.

b) Ikastetxeetako zuzendaritza karguen proposamenak tramitatzea, Hezkuntza Departamentuko organo eskudunekin lankidetzan.

c) Analisi, azterketa eta aholkularitza lanak egitea, langileen arloko informazioa eta ezagutza egoki kudeatzeko.

d) Lanpostuak atxiki, amortizatu, moldatu eta sortzeko proposamenak tramitatzea.

e) Ikerketak, azterlanak eta aholkularitza lanak egitea, Langileriaren eta Azpiegituren Zuzendaritza Nagusiak agindutako arloetan.

f) Bere helburuak egoki betetzeko, agintzen zaizkion gainerako eginkizunak.

5. ATALA. NOMINEN ETA GIZARTE ASEGURUEN ZERBITZUA

71. artikulua . Nominen eta Gizarte Aseguruen Zerbitzuaren eremu material eta funtzionala.

Nominen eta Gizarte Aseguruen Zerbitzuak honako eginkizun hauek beteko ditu:

a) Langileen nominak eta Gizarte Segurantzan egindako kotizazioen likidazioak koordinatzea eta jarraipena egitea.

b) Jarraipena egitea hartzekoak ordaintzeko espedienteei.

c) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

72. artikulua . Nominen eta Gizarte Aseguruen Zerbitzuaren egitura.

Nominen eta Gizarte Aseguruen Zerbitzuak honako atal hauek ditu:

a) Nominen Atala.

b) Gizarte Aseguruen Atala.

73. artikulua . Nominen Atalaren eremu material eta funtzionala.

Nominen Atalak honako eginkizun hauek beteko ditu:

a) Departamentuko langileen nominak egitea.

b) Itunpeko ikastetxe pribatuetako langileen nominak egitea eta ordezkapenen ordainketa kudeatzea, ordainketa eskuordetua barne.

c) Hartzekoak ordaintzeko espedienteak tramitatzea.

d) Esleitu zaizkion gaien gaineko administrazio espedienteen instrukzioa egitea.

e) Helburuak egoki betetzeko agintzen zaion beste edozein eginkizun, kudeatzen duen esparruan.

74. artikulua . Gizarte Aseguruen Atalaren eremu material eta funtzionala.

Gizarte Aseguruen Atalak honako eginkizun hauek beteko ditu:

a) Departamentuko langileen afiliazio-mugimenduen berri ematea Gizarte Segurantzari.

b) Departamentuko langileen kotizazio oinarriak egitea.

c) Langileen Gizarte Segurantzako kuotak ordaintzea.

d) Gizarte Segurantzari datu ekonomikoak jakinaraztea lanerako ezintasun prozesuetan.

e) Esleitu zaizkion gaien gaineko administrazio espedienteen instrukzioa egitea.

f) Helburuak egoki betetzeko agintzen zaion beste edozein eginkizun, kudeatzen duen esparruan.

6. ATALA. AZTERLAN EKONOMIKOEN ETA IKASTETXEEN FINANTZAKETAREN ZERBITZUA

75. artikulua . Azterlan Ekonomikoen eta Ikastetxeen Finantzaketaren Zerbitzuaren eremu material eta funtzionala.

Azterlan Ekonomikoen eta Ikastetxeen Finantzaketaren Zerbitzuak honako eginkizun hauek beteko ditu:

a) Kostuen azterketak planifikatzea Langileriaren eta Azpiegituren Zuzendaritza Nagusiaren esparruan.

b) I. kapituluko aurrekontuen aurreproiektua koordinatzea, bai eta itunpeko irakaskuntzarena ere, Departamentuko gainerako organo eskudunekin lankidetzan.

c) Hezkuntza Departamentuko langileen gastuak eta Langileriaren eta Azpiegituren Zuzendaritza Nagusiaren eremuko gainerako gastuak planifikatzea eta gainbegiratzea.

d) Ikastetxeen ohiko funtzionamendurako finantzaketa planifikatzea.

e) Hezkuntza Departamentuaren eremu funtzionalean administrazioa modernizatzeko proiektuak txertatzen laguntzea eta prozesu horietan parte hartzea.

f) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

76. artikulua . Azterlan Ekonomikoen eta Ikastetxeen Finantzaketaren Zerbitzuaren egitura.

Azterlan Ekonomikoen eta Ikastetxeen Finantzaketaren Zerbitzuak honako atal hauek ditu:

a) Azterlan Ekonomikoen Atala.

b) Ikastetxeen Finantzaketaren Atala.

77. artikulua . Azterlan Ekonomikoen Atalaren eremu material eta funtzionala.

Azterlan Ekonomikoen Atalak honako eginkizun hauek beteko ditu:

a) I. kapituluko aurrekontuen aurreproiektua prestatzea, Departamentuan eskudunak diren gainerako organoekin batera.

b) Langileria gastuak eta Langileriaren eta Azpiegituren Zuzendaritza Nagusiaren esparruko gainerako gastuak kontrolatzea eta aurrekontuaren jarraipena egitea.

c) Kostuen azterketak prestatzea Langileriaren eta Azpiegituren Zuzendaritza Nagusiaren esparruan.

d) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

78. artikulua . Ikastetxeen Finantzaketaren Atalaren eremu material eta funtzionala.

Ikastetxeen Finantzaketaren Atalak honako eginkizun hauek beteko ditu:

a) Kredituak esleitzea ikastetxe publikoei ohiko funtzionamendurako.

b) Unibertsitateaz kanpoko hezkuntza mailetako ikastetxe pribatuekin sinatutako hezkuntza itunak eta ikastetxe horiei ematen zaizkien dirulaguntza arautuak proposatu eta kudeatzea.

c) Ikastetxe pribatuendako hezkuntza itunen eta dirulaguntza arautuen modulu ekonomikoak aztertu eta proposatzea.

d) Udalek beren mendean dituzten ikastetxe publikoen funtzionamendurako dirulaguntzak proposatzea eta haiek kudeatzea, kanpo daudela inbertsioetarako, obretarako eta ekipamendurako dirulaguntzak.

e) Hezkuntzako Ikuskapen Zerbitzuak berrikusi ondoren, EDUCAn baliozkotzea ikastetxe pribatuetako eta Hezkuntza Departamentuaren titulartasunekoak ez diren ikastetxe publikoetako irakasleen titulazioak, bai eta ere ikastetxe horietako osaera pedagogiko-administratiboa. EDUCAn sarbidea ez duten ikastetxeetan, fitxa pedagogikoen bidez eginen da.

f) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

7. ATALA. HEZKUNTZAKO AZPIEGITUREN ZERBITZUA

79. artikulua . Hezkuntzako Azpiegituren Zerbitzuaren eremu material eta funtzionala.

Hezkuntzako Azpiegituren Zerbitzuak honako eginkizun hauek beteko ditu:

a) Nafarroako Foru Komunitatean hezkuntzako azpiegitura beharrak proposatu eta kontrolatzea, epe laburrera, ertainera eta luzera.

b) Hezkuntza Departamentuko egoitza administratiboaren instalazio eta egoitza guztietako mantentze-lanak programatu eta kontrolatzea.

c) Agintzen zaizkion obrak kudeatzea hezkuntzaz kanpoko azpiegiturak egiteko.

d) Ikastetxe eta egoitzetako mantentze-lanak kontrolatzea, bai eta hezkuntza beharretara egokitzen direla ere.

e) Nafarroako Gobernuaren ikastetxeetako eta Departamentuko bertako garbiketa kontratuak planifikatu eta kontrolatzea.

f) Departamentuaren menpeko ikastetxe eta zerbitzuak ekipamenduz hornitzeko planak gauzatu eta kontrolatzeko plangintza egitea. Eremu honetatik kanpo gelditzen dira tresneria informatikoa, lizentziak, periferikoak eta gelako gailuak, Hezkuntzako Teknologien eta IKT Azpiegituren Zerbitzuaren eskumenekoak izanen baitira. Halaber, eremu horretatik kanpo gelditzen da Lanbide Heziketako ikastetxeetako eta arte eskoletako zentralizatu gabeko berariazko ekipamendua.

g) Toki erakundeei hezkuntza arloko obrak eta inbertsioak egiteko eta ekipamendua erosteko ematen zaizkien dirulaguntzen jarraipena egitea.

h) Hezkuntza Departamentuaren mendekoak diren eta hezkuntzarako erabilera duten eraikinak erabiltzeko bidezkoak diren baimenak koordinatu eta proposatzea.

i) Toki erakundeekin lankidetza hitzarmenak koordinatu eta proposatzea, udal instalazioak hezkuntzarako erabiltzeko.

j) Zerbitzuaren eremu funtzionalean administrazioa modernizatzeko proiektuak txertatzen laguntzea eta prozesu horietan parte hartzea.

k) Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

80. artikulua . Hezkuntzako Azpiegituren Zerbitzuaren egitura.

Hezkuntzako Azpiegituren Zerbitzuak honako atal hauek ditu bere egituran:

a) Obren Atala.

b) Egoitzen eta Ikastetxeen Mantentze-lanetarako Atala.

81. artikulua . Obren Atalaren eremu material eta funtzionala.

Obren Atalak honako eginkizun hauek beteko ditu:

a) Nafarroako Gobernuaren menpeko ikastetxeetako obrak gauzatzea eta jarraipena egitea.

b) Hezkuntza Departamentuan behar diren obrak gauzatzea eta jarraipena egitea.

c) Hezkuntzaz kanpoko azpiegituretarako agintzen zaizkion obrak gauzatzea eta jarraipena egitea.

d) Hezkuntzaren arloko obretarako dirulaguntzak emateko deialdiak egin, kudeatu eta kontrolatzea.

e) Nafarroako Gobernuaren eskoletan obra zibilen konponketak egitea, hala behar denean.

f) Txostenak egitea Hezkuntza Departamentuaren mendekoak diren eta hezkuntzarako erabilera duten eraikinak erabiltzeko espedienteen gainean eta udal instalazioak hezkuntzarako erabiltzeko toki erakundeekin egiten diren lankidetza hitzarmenen gainean, eta haiek tramitatzea eta proposatzea.

g) Ikastetxe edo hezkuntzako egoitza berrien ekipamendua, Lanbide Heziketako eta irakaskuntza artistikoetako ikastetxeetakoak ez beste.

h) Nafarroako Gobernuaren mendeko ikastetxe guztietan ekipamendu didaktikoaren eta azpiegituraren planak gauzatzea eta haien jarraipena egitea, Lanbide Heziketako eta irakaskuntza artistikoko ikastetxeetako berariazko ekipamenduaren ez beste kasuetan.

i) Esleitu zaizkion gaien gaineko administrazio espedienteen instrukzioa egitea.

j) Helburuak egoki betetzeko agintzen zaion beste edozein eginkizun, kudeatzen duen esparruan.

82. artikulua . Egoitzen eta Ikastetxeen Mantentzelanetarako Atalaren eremu material eta funtzionala.

Egoitzen eta Ikastetxeen Mantentze-lanetarako Atalak honako eginkizun hauek beteko ditu:

a) Nafarroako Gobernuaren ikastetxeetako instalazioak mantentzea.

b) Udal titulartasuneko ikastetxeak behar bezala mantentzeko lanak gainbegiratzea.

c) Nafarroako Gobernuaren menpeko ikastetxeetan segurtasun arauak betetzen diren begiratzea, eraikinen ebakuazioari, hornidurei, instalazioei, jantokiei eta abarri dagokienez.

d) Hezkuntza Departamentuaren instalazio eta hornidura beharrak aztertzea eta behar horiei erantzutea.

e) Hezkuntza Departamentuaren eta bertan dauden pertsonen segurtasun beharrak zehaztea eta behar horiei erantzutea, segurtasunaren arloan eskumena duten organoekin lankidetzan.

f) Nafarroako Gobernuaren menpeko ikastetxeetako garbiketa kontratuak programatzea eta jarraipena egitea.

g) Lankidetzan aritzea sare publikoko ikastetxeetan informatika eta komunikazio sareak instalatzeko eskumena duten organoekin.

h) Esleitu zaizkion gaien gaineko administrazio espedienteen instrukzioa egitea.

i) Helburuak egoki betetzeko agintzen zaion beste edozein eginkizun, kudeatzen duen esparruan.

V. KAPITULUA. IDAZKARITZA TEKNIKO NAGUSIA

83. artikulua . Idazkaritza Tekniko Nagusiaren egitura.

Idazkaritza Tekniko Nagusiak atal hauek ditu bere egituran:

a) Araubide Juridikoaren Atala.

b) Kudeaketa Juridiko-administratiboaren Atala.

c) Laguntza Tekniko-juridikoaren Atala.

d) Aurrekontuen eta Kudeaketa Ekonomikoaren Atala.

84. artikulua . Araubide Juridikoaren Atalaren esparru material eta funtzionala.

Araubide Juridikoaren Atalak honako eginkizun hauek izanen ditu:

a) Hezkuntza Departamentuak tramitatu behar dituen administrazio errekurtsoak tramitatzea eta haiei buruzko txostenak egitea, ikuspuntu juridikotik.

b) Ondare-erantzukizuneko erreklamazioak izapidetzea eta horiei buruzko txostenak egitea, izapidea Hezkuntza Departamentuari dagokionean.

c) Txosten juridikoak egitea, Nafarroako Gobernuari eta Lehendakariari buruzko Foru Legean ezarritako moduan, Departamentuak eta haren erakunde autonomoek prestatzen dituzten foru legeen aurreproiektuei eta xedapen orokorren proiektuei buruz.

d) Administrazio espedienteei buruzko txosten juridikoak egitea, agintzen zaionean.

e) Hezkuntza Departamentuaren administrazio espedienteetan dagoen dokumentazioaren eskuragarritasuna murriztu beharra kontrolatzea eta horri buruzko txostenak prestatzea.

f) Nafarroako Kontseiluaren irizpena behar duten Departamentuaren aferen kasuan, haien gaineko espedienteak gainbegiratu eta koordinatzea.

g) Hezkuntza fundazioen gaineko babesletzarekin zerikusia duten eginkizun juridikoak betetzea.

h) Hezkuntza fundazioen araubidearekin zerikusia duten alderdien gaineko txosten juridikoak prestatzea eta, halaber, agintzen zaizkion bestelako txostenak.

i) Hezkuntza Departamentuarekin zerikusia duten organoetako idazkaritzenak izaten diren eginkizunak, agintzen zaizkionak, betetzea.

j) Idazkaritza Tekniko Nagusiari dagozkion eginkizunetatik, izaera juridikoa dutenak.

k) Bere helburuak egoki betetzeko agintzen zaizkion gainerako eginkizunak.

85. artikulua . Kudeaketa Teknikoadministratiboaren Atalaren eremu material eta funtzionala.

Kudeaketa Tekniko-administratiboaren Atalak honako eginkizun hauek beteko ditu:

a) Aholkularitza juridikoa ematea Hezkuntza Departamentuko unitateei eta ikastetxeei.

b) Hezkuntza Departamentuko unitateek izapidetutako espedienteak berrikustea eta baliozkotzea.

c) Beharrezkoak diren zereginak koordinatzea eta gainbegiratzea, bete daitezen maiatzaren 17ko 5/2018 Foru Legea (hizpide ditu gardentasuna, informazio publikoa eskuratzea eta gobernu ona) eta martxoaren 22ko 12/2019 Foru Legea (Nafarroako Parte-hartze Demokratikoari buruzkoa).

d) Herritarrei ziurtagiriak emateko prozesua kudeatzea.

e) Herritarrentzako arreta zuzeneko jarduketak kontrolatzea, gai horretan eskumena duen unitatea organikoak ezarritako irizpideei jarraikiz.

f) Dokumentuak konpultsatzeko eta ezarritako tasak kobratzeko prozesua kudeatzea.

g) Hezkuntza Departamentuari atxikitako eskolazainen eta zerbitzu orokorretako langileen plaza duten langileei esleitutako eginkizunak antolatzea, kontrolatzea eta gainbegiratzea.

h) Departamentuko informazioa zabaltzeko helburua duten jarduera guztiak egitea.

i) Departamentuaren jarduerei buruzko informazio orokorra ematea herritarrei ikuspuntu korporatibo batetik, aurrez aurreko bideak, telefonokoak nahiz telematikoak erabiliz, gai horretan eskumena duen unitateak ezarritako gidalerroei jarraikiz.

j) Departamentuari eskatzen zaizkion inprimaki, ziurtagiri eta bestelako dokumentuak helaraztea interesdunei.

k) Araubide Juridikoaren Atalari laguntzea eduki juridikoa duten espedienteak kudeatzen.

l) Gainerako antzeko eginkizunak, Idazkaritza Tekniko Nagusiari dagozkionen sailekoak betiere.

86. artikulua . Laguntza Teknikojuridikoaren Atalaren eremu material eta funtzionala.

Laguntza Tekniko-juridikoaren Atalak honako eginkizun hauek beteko ditu:

a) Aholkularitza juridikoa ematea kontratazio publikoaren eta dirulaguntzen arloan Hezkuntza Departamentuko unitateei.

b) Kontratazio-orrien ereduak eta dirulaguntzen oinarri arautzaileenak prestatzea eta eguneratzea.

c) Irizpideak finkatzea eta bateratzea kontratazio publikoaren eta dirulaguntzen arloan.

d) Txosten juridikoak egitea kontratazio publikoaren eta dirulaguntzen arloko administrazio-espedienteen gainean.

e) Hezkuntza Departamentuak izapidetzen dituen hitzarmenei buruzko txosten juridikoak berrikustea eta prestatzea.

f) Kontratazio organoei laguntzea kontratazio publikoaren arloko erreklamazioen kasuan.

g) Kontratazio publikoaren eta dirulaguntzen arloan jartzen diren administrazio-errekurtsoak izapidetzea eta horiei buruzko txostena egitea, ikuspegi juridikotik.

h) Nafarroako Arartekoaren bulegoak Hezkuntza Departamentuaren eskumenen esparruan egindako eskaerak eta jarduketak kontrolatzea, jarraipena egitea, berrikustea eta, hala badagokio, horiei buruzko txostena egitea.

i) Justiziako auzitegiek egindako dokumentazio-eskaerak kontrolatzea, jarraipena egitea eta gainbegiratzea.

j) Foru parlamentarien galderak eta informazio eskaerak administratiboki bideratzea, dagokion Departamentuaren barnean, haien izapide instituzionala egiteko ardura duen unitateak Idazkaritza Tekniko Nagusiari bidalitakoan.

k) Idazkaritza Tekniko Nagusiaren arauen eta jurisprudentziaren jarraipena egitea eta eguneratzea.

l) Bere helburuak egoki betetzeko agintzen zaizkion gainerako eginkizunak.

87. artikulua . Aurrekontuen eta Kudeaketa Ekonomikoaren Atalaren eremu material eta funtzionala.

Aurrekontu eta Kudeaketa Ekonomikoaren Atalak honako eginkizun hauek izanen ditu:

a) Hezkuntza Departamentuko dirulaguntzen plan estrategikoa, urte anitzeko esparru ekonomikoa eta aurrekontuen aurreproiektua prestatzeko eginkizunak eta haiei buruzko aholkularitza ematekoak.

b) Hezkuntza Departamentuko aurrekontuen aurreproiektua koordinatu eta tramitatzea.

c) Departamentuko organo eskudunei aurrekontuak kudeatzen laguntzea.

d) Hezkuntza Departamentuko aurrekontuen kudeaketari buruzko informazioa beti eguneraturik edukitzea.

e) Ordaintzeko aginduak, justifikatu beharrekoak, kudeatu, jarraitu eta justifikatzea, eta Hezkuntza Departamentuko kutxako aurrerakinen kontuak kudeatu eta kontrolatzea.

f) Hezkuntza Departamentuari dagozkion diru-sarreren eta gastuen espedienteak kontabilizatzea.

g) Ogasuneko Kontu-hartzailetza Delegatuarekin eta Ekonomia eta Ogasun Departamentuak gastua kontrolatzeko dituen organoekin elkarlanean aritzea.

h) Hezkuntza Departamentuko titularrak, zuzendaritza nagusiek eta zerbitzuetako zuzendaritzek proposatutako aurrekontu-aldaketak izapidetzea.

i) Organismoekin lankidetzan aritzea hezkuntzaren gastu publikoaren alorrean datu estatistikoak prestatzeko.

j) Ikastetxe publikoek, kudeaketarako duten autonomiaren eremuan dituzten gastu eta sarreren informazio ekonomikoaren kudeaketa, ustiapena eta kontrola.

k) Ikastetxe publikoetako langileen prestakuntza, kontabilitatearen arloan.

l) Idazkaritza Tekniko Nagusiari dagozkion eginkizunetatik, aurrekontu eta ekonomia arloetakoak direnak.

Lehen xedapen gehigarria. Eskumenak deskontzentratzeko baldintza orokorrak.

Indarra duten arauek organo bati ematen dizkioten eskumenak hierarkian mendeko diren beste organo batzuengan deskontzentratzen ahal dira, Nafarroako Aldizkari Ofizialean argitaratuko den xedapen orokor baten bitartez, galarazi gabe eskumenak esleitzeko arauetan finkatutako baldintzak bete beharra.

Bigarren xedapen gehigarria. Deskontzentrazioa.

1. Hezkuntza Zuzendaritza Nagusian, Lanbide Heziketako, Digitalizazioko eta Hezkuntza Zerbitzuetako Zuzendaritza Nagusian eta Langileriaren eta Azpiegituren Zuzendaritza Nagusiaren esku uzten dira, bakoitzaren eskumenen esparruan, Hezkuntza Departamentuko titularrari langileria arloan esleitu zaizkion honako eskudantzia administratibo hauek:

- Zerbitzuetako zuzendariak, atalburuak, bulegoburuak eta zein bere Zuzendaritza Nagusian beherago dauden beste unitate batzuetako buruak aldi baterako ordezteko izendapenak egitea.

2. Hezkuntza Zuzendaritza Nagusian, Lanbide Heziketako, Digitalizazioko eta Hezkuntza Zerbitzuetako Zuzendaritza Nagusian eta Langileriaren eta Azpiegituren Zuzendaritza Nagusiaren esku uzten dira, bakoitzaren eskumenen esparruan, indarra duen araudian Hezkuntza Departamentuko titularrari esleitzen zaizkion kontratazio administratiboaren arloko eskudantzia administratiboen titulartasuna eta erabilera.

3. Hezkuntza Zuzendaritza Nagusian, Lanbide Heziketako, Digitalizazioko eta Hezkuntza Zerbitzuetako Zuzendaritza Nagusian eta Langileriaren eta Azpiegituren Zuzendaritza Nagusiaren esku uzten dira, bakoitzaren eskumenen esparruan, Hezkuntza Departamentuko titularrari indarreko legeriak esleitzen dizkion hitzarmenen onarpena eta sinadura.

4. Langileriaren eta Azpiegituren Zuzendaritza Nagusiaren esku uzten dira Hezkuntza Departamentuko titularrari langileriaren arloan esleitu zaizkion eskudantzia administratiboen titulartasuna eta erabilera, honako hauek izan ezik:

a) Langileriari buruzko politika zehaztea Hezkuntza Departamentuaren eskumenen esparruan.

b) Nafarroako Foru Komunitateko Administrazioaren eta haren erakunde autonomoen organoek langileen arloan dituzten eskudantziak zehazten dituzten arauetan Nafarroako Gobernuko departamentuetako titularrei oro har esleitzen zaizkien eskudantziak, beren departamentuko langileei dagokienez.

c) Berariaz beste administrazio organo batzuen esku utzi diren eskudantziak.

5. Ondotik aipatzen diren langileria arloko eskudantzia administratiboak, Hezkuntza Departamentuko titularrari esleituak, Idazkaritza Tekniko Nagusiaren esku utziko ditu Hezkuntzako kontseilariak:

- Atalburuak, bulegoburuak eta Idazkaritza Tekniko Nagusian beherago dauden beste unitate batzuetako buruak aldi baterako ordezteko izendapenak egitea.

6. Hezkuntza Departamentuko titularrak indarrik gabe uzten ahalko du xedapen gehigarri honetan aipatzen diren eskumenen deskontzentrazioa, Nafarroako Aldizkari Ofizialean argitaratu beharko den foru agindu baten bidez.

Hirugarren xedapen gehigarria. Hezkuntza Departamentuko aholkulariak.

Hezkuntza Departamentuko aholkulari lanpostuak departamentu horren menpeko edo hari atxikitako funtzionarioek soilik betetzen ahalko dituzte, eta zuzendaritza postuko osagarri bat jasoko dute, urtarrilaren 31ko 1/1997 Foru Legeak hezkuntza programetako aholkulari eta laguntzaileei esleitzen dien portzentaje berekoa.

Laugarren xedapen gehigarria. Izendapenak.

Foru dekretu honetan ezarritako egituraren arabera izen bera duten zerbitzuetako zuzendaritzetako edo atalburutzetako titularren izendapenak berresten dira.

Era berean, berretsi egiten da, egin zen baldintza berberetan, Laguntza Juridikoaren Ataleko buruaren izendapena; hemendik aurrera, Langileriaren arloko Laguntza Juridikoaren Ataleko burua izanen da.

Bosgarren xedapen gehigarria. Unitate organikoak kentzea.

Foru dekretu honetan ezarritako egitura organikoarekin bat, ondoko unitate organiko hauek kentzen dira:

- Azterlan Ekonomikoen eta Nominen Zerbitzua.

- Ikastetxeen Finantzazioaren, Ikasketetarako Laguntzen eta Zerbitzu Osagarrien Zerbitzua.

- Lanbide Heziketako Proiektuen eta Kualifikazioen Zerbitzua.

- Ikastetxeen Finantzaketaren eta Ikasketetarako Laguntzen Atala.

- Nominen eta Gizarte Aseguruen Atala.

- Gizarte Aseguruen Bulegoa

- Eskola Zerbitzuak Kudeatzeko Atala.

- Software Arkitekturaren eta Datuen Ingeniaritzaren Atala.

- Ikastetxeetako Informazioa Kudeatzeko Bulegoa.

- Lanbide Heziketaren Plangintzarako Atala.

- Kualifikazioen eta Lanbide Orientazioaren Atala.

- Lanbide Heziketaren Berrikuntzaren eta Nazioartekotzearen Atala.

- Hezkuntzako Teknologiak Txertatu eta Ustiatzeko Atala.

- Atzerriko Hizkuntzen Atala.

- Arte Ikasketen Atala.

Seigarren xedapen gehigarria.-Unitateak sortzea.

Foru dekretu honen bidez, honako unitate hauek sortzen dira:

- Nominen eta Gizarte Aseguruen Zerbitzua.

- Azterlan Ekonomikoen eta Ikastetxeen Finantzaketaren Zerbitzua.

- Hezkuntza Zerbitzuen eta Ikasketetarako Laguntzen Zerbitzua.

- Lanbide Heziketaren Modernizaziorako eta Berrikuntzarako Zerbitzua.

- Ikastetxeen Finantzaketaren Atala.

- Nominen Atala.

- Gizarte Aseguruen Atala.

- Ikasketetarako Laguntzen eta Hezkuntza Zerbitzuen Kudeaketaren Atala.

- Hezkuntzako Software Arkitekturaren Atala.

- Datuen Ustiapen eta Ingeniaritzaren Atala.

- Ikastetxeetako Informazioa Kudeatzeko Atala.

- Hezkuntzako Teknologiak Txertatzeko eta Zerbitzua Emateko Atala.

- Etengabeko Lanbide Prestakuntzaren eta Enpresen Atala.

- Akreditazio Profesionalen Atala.

- Berrikuntzaren eta Lanbide Heziketa Nazioartekotzearen Atala.

- Lanbide Heziketaren Plangintzarako Atala.

- Atzerriko Hizkuntzen Programen Atala.

- Arte eta Hizkuntza Ikasketen Atala.

- Laguntza Tekniko-juridikoaren Atala.

Zazpigarren xedapen gehigarria. Burutza berriak merezimendu lehiaketa bidez betetzeko baldintzak.

Sorrera berriko burutzak merezimendu lehiaketa bidez hornitzeko eskatuko diren baldintzak zehazten dira jarraian:

- Ikastetxeen Finantzaketaren Atala: A, B edo C mailako funtzionarioak.

- Nominen Atala: A edo B mailako funtzionarioak, Ekonomiako edo Enpresen Administrazio eta Zuzendaritzako lizentziadun titulua dutenak, edo dagokion gradua, edo Enpresa Zientzietako diplomadun titulua edo dagokion gradua.

- Gizarte Aseguruen Atala: A, B edo C mailako funtzionarioak.

- Enpresa Zientzietako diploma: ez da berariazko betebeharrik eskatzen.

- Hezkuntzako Softwarea Arkitekturaren Atala: ez da berariazko betebeharrik eskatzen.

- Datuen Ustiapen eta Ingeniaritzaren Atala: ez da berariazko betebeharrik eskatzen.

- Ikastetxeetako Informazioa Kudeatzeko Atala: ez dago berariazko baldintzarik.

- Hezkuntzako Teknologiak Txertatzeko eta Zerbitzua Emateko Atala: ez da berariazko betebeharrik eskatzen.

- Etengabeko Lanbide Prestakuntzaren eta Enpresen Atala: A edo B mailako funtzionarioak.

- Akreditazio Profesionalen Atala: A edo B mailako funtzionarioak.

- Berrikuntzaren eta Lanbide Heziketa Nazioartekotzearen Atala: A edo B mailako funtzionarioak.

- Lanbide Heziketaren Plangintzarako Atala: A edo B mailako funtzionarioak.

- Atzerriko Hizkuntzen Programen Atala: A edo B mailako funtzionarioak, eta unibertsitateaz kanpoko irakasleen kidegoren batekoak direnak.

- Arte eta Hizkuntza Ikasketen Atala: A edo B mailako funtzionarioak, eta unibertsitateaz kanpoko irakasleen kidegoren batekoak direnak.

- Laguntza Tekniko-juridikoaren Atala: administrazio publikoko teknikariaren (arlo juridikoa) lanpostuko funtzionarioak.

Zortzigarren xedapen gehigarria. Atal mailatik beherako unitateen iraupena.

Foru dekretu hau garatzeko neurriak hartu bitartean, atal mailatik beherako unitate organikoek berdin jarraituko dute eta oraingo izenari eta eginkizunei eutsiko diete. Behin-behinekoz, egitura berriko organoei atxikiko zaizkie, orain arte izan dituzten eginkizunekin bat.

Bederatzigarren xedapen gehigarria. Burua izateko eskakizunak.

Prestasun osoa eta erabateko dedikazioa izanen dute atal hauetako buruek:

Langileen Araubide Juridikoaren Zerbitzuan:

- Langileriaren arloko Laguntza Juridikoaren Atala.

Irakasleak Hautatzeko eta Lanpostuak Betetzeko Zerbitzuan:

- Hautatze Prozeduren Atala.

- Lanpostuak Betetzeko Atala.

Aldi Baterako Langileak Kudeatzeko Zerbitzuan:

- Giza Baliabideen Plangintzarako Atala.

- Langileen Kontrataziorako Atala.

- Plantillen Atala.

Nominen eta Gizarte Aseguruen Zerbitzuan:

- Nominen Atala.

Hezkuntzako Azpiegituren Zerbitzuan:

- Obren Atala.

Hezkuntzako Informazio Sistemen Zerbitzuan:

- Informazio Sistemen Kudeaketaren Atala.

Hezkuntza Zerbitzuen eta Ikasketetarako Laguntzen Zerbitzuan:

- Zerbitzu Osagarrien Atala.

Xedapen indargabetzaile bakarra. Arauak indargabetzea.

Indarrik gabe gelditzen dira urriaren 30eko 267/2019 Foru Dekretua, zeinak ezartzen baitu Hezkuntza Departamentuaren egitura organikoa, eta foru dekretu honetan xedatutakoaren aurkakoak diren maila bereko edo apalagoko xedapen guztiak.

Azken xedapenetako lehena. Gaikuntzak.

Lehendakaritza eta Berdintasun Departamentuko titularrari, Barneko, Funtzio Publikoko eta Justiziako Departamentuko titularrari eta Ekonomia eta Ogasun Departamentuko titularrari gaikuntza ematen zaie behar diren xedapen guztiak eman ditzaten foru dekretu honetan xedatutakoa garatu eta betetzeko, eta bidezkoak diren langileen eta baliabide ekonomiko eta materialen esleipena eta banaketa egin dezaten.

Azken xedapenetako bigarrena. Garatzeko ahalmenak.

Ahalmena ematen zaio Hezkuntza Departamentuko titularrari foru dekretu honetan ezarritakoa garatzeko beharrezkoak diren xedapenak eman ditzan.

Azken xedapenetako hirugarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

Gobierno de Navarra

Contacte con nosotros | Accesibilidad | Aviso legal | Mapa web