(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

243/2023 FORU DEKRETUA, AZAROAREN 15EKOA, ZEINAREN BIDEZ EZARTZEN BAITA EKONOMIA ETA OGASUN DEPARTAMENTUAREN EGITURA ORGANIKOA

BON N.º 244 - 23/11/2023

  I. KAPITULUA. XEDAPEN OROKORRAK

  II. KAPITULUA. EKONOMIA NEXT GENERATION ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. EKONOMIA ETA FINANTZA ZERBITZUA

  3. ATALA. SUSPERTZE PLANAREN KOORDINAZIOAREN ETA KONTABILITATE NAZIONALAREN ZERBITZUA

  III. KAPITULUA. AURREKONTUEN ETA ONDAREAREN ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. AURREKONTUEN ETA PROGRAMAZIO EKONOMIKOAREN ZERBITZUA

  3. ATALA. ONDARE ZERBITZUA

  IV. KAPITULUA. KONTUHARTZAILETZAKO ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. KONTUHARTZE ZERBITZUA

  3. ATALA. FINANTZA KONTROLERAKO ETA AUDITORETZAKO ZERBITZUA

  4. ATALA. KONTABILITATE OROKORRAREN ETA AURREKONTUETAKOAREN ZERBITZUA

  5. ATALA. LAGUNTZA JURIDIKOAREN ATALA

  V. KAPITULUA. IDAZKARITZA TEKNIKO NAGUSIA

  VI. KAPITULUA. NAFARROAKO FORU AUZITEGI EKONOMIKOADMINISTRATIBOA

  VII. KAPITULUA. NAFARROAKO KONTRATU PUBLIKOEN ADMINISTRAZIO AUZITEGIKO IDAZKARITZA

Zioen azalpena

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean xedatutakoari jarraikiz, Nafarroako Gobernuari dagokio departamentu bakoitzaren egitura organikoa onestea.

Nafarroako Foru Komunitateko Lehendakariaren abuztuaren 17ko 10/2023 Foru Dekretuaren bidez, ezarri zen Nafarroako Foru Komunitateko Administrazioaren departamentuen egitura.

Era berean, irailaren 6ko 152/2023 Foru Dekretuaren bidez, Ekonomia eta Ogasun Departamentuaren oinarrizko egitura ezarri zen.

Egokia da, orain, behar bezala garatzea Foru Komunitateko Administrazioaren departamentu bakoitzaren egitura.

Foru dekretu honen xedea da Ekonomia eta Ogasun Departamentuaren egitura organiko berria garatzea.

Horrenbestez, Ekonomia eta Ogasuneko kontseilariak proposaturik, eta Nafarroako Gobernuak bi mila eta hogeita hiruko azaroaren 15ean egindako bilkuran harturiko erabakiarekin bat,

DEKRETATZEN DUT:

I. KAPITULUA. XEDAPEN OROKORRAK

1. artikulua . Ekonomia eta Ogasun Departamentuaren eskumenen esparrua.

Ekonomia eta Ogasun Departamentuak beteko ditu Nafarroako Foru Komunitateko Administrazioak gai hauetan esleituak dituen eskumenak:

a) Jarduera ekonomikoa planifikatu eta programatzea.

b) Ogasun publikoa.

c) Aurrekontuen plangintza eta prestakuntza eta kontrol ekonomiko-finantzarioa.

d) Finantza politika eta koordinazio ekonomikoa Estatuarekin eta gainerako Administrazio Publikoekin.

e) Ondarea.

f) Gobernuaren politika gauzatzea eta haren gaineko proposamenak egitea gai ekonomikoei eta lehiakortasuna hobetzeko erreformei buruz.

g) Next Generation funtsen harira, Espainiako Gobernuarekin koordinatzea eta harekin harremanetan egotea.

h) Hitzarmen Ekonomikoa kudeatzea.

i) Nafarroako Enpresa Korporazio Publikoa koordinatzea, departamentu bakoitzari esleitutako enpresa publikoak errespetatuta.

j) Indarra duten xedapenetan ematen zaizkion gainerako eskudantziak.

2. artikulua . Ekonomia eta Ogasun Departamentuko titularra.

1. Ekonomia eta Ogasun Departamentuko titularrak, foru dekretu honen 1. artikuluan zehaztutako eskumen esparruari loturik, izanen ditu Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluan ezarritako eskudantziak.

2. Era berean, departamentuko titularrari dagokio kide anitzeko organo hauetako buru izatea:

a) Kontratazio Publikorako Batzordea.

b) Nafarroako Zerga Ogasuneko Gobernu Kontseilua.

c) Iruzur Fiskalaren eta Ezkutuko Ekonomiaren Kontra Borrokatzeko Batzordea.

3. Ekonomia eta Ogasun Departamentuko titularrari sostengu politiko eta teknikoa emateko unitate gisa, eta zuzenean haren mende, kabinete bat dago departamentuan, Nafarroako Gobernuari eta Lehendakariari buruzko abenduaren 3ko 14/2004 Foru Legearen 19. artikuluari lotua dagoena.

3. artikulua . Ekonomia eta Ogasun Departamentuaren antolaketa orokorra.

1. Ekonomia eta Ogasun Departamentuak, bere titularraren goi zuzendaritzapean, honako organo hauek ditu bere egituran:

a) Ekonomia-Next Generation Zuzendaritza Nagusia.

b) Aurrekontuen eta Ondarearen Zuzendaritza Nagusia.

c) Kontu-hartzailetzako Zuzendaritza Nagusia.

d) Departamentuko Idazkaritza Tekniko Nagusia.

e) Nafarroako Foru Auzitegi Ekonomiko-Administratiboa.

2. Nafarroako Kontratu Publikoen Administrazio Auzitegia, independentzia funtzionala duen organoa, Ekonomia eta Ogasun Departamentuari atxikitzen zaio.

Nafarroako Kontratu Publikoen Administrazio Auzitegiko Idazkaritza, atalaren maila duena, Ekonomia eta Ogasun Departamentuko titularrari atxikitzen zaio.

3. Nafarroako Foru Ogasuna erakunde autonomoa Ekonomia eta Ogasun Departamentuari atxikita egonen da eta bere estatutuek arautuko dute.

4. artikulua . Zuzendaritza nagusien eskudantziak.

Foru dekretu honen 2. artikuluan ezarritakoa galarazi gabe, Ekonomia eta Ogasun Departamentuko zuzendaritza nagusiek, Departamentuko titularraren goi zuzendaritzapean eta foru dekretu honetan bakoitzari esleitutako esparru materialean, Nafarroako Foru Komunitateko Administrazioari buruzko eta foru-sektore publiko instituzionalari buruzko martxoaren 11ko 11/2019 Foru Legearen 31. eta 32. artikuluetan eta azken xedapenetako lehenbizikoan ezarritako eskudantziak izanen dituzte eta, horietaz gainera, indarra duten xedapenek esleitzen dieten edo Ekonomia eta Ogasun Departamentuko titularrak agintzen dien beste edozein.

5. artikulua . Idazkaritza Tekniko Nagusiaren eskudantziak.

Ekonomia eta Ogasun Departamentuko Idazkaritza Tekniko Nagusiak, foru dekretu honen 1. artikuluan zehaztu den eskumen esparruan, eta Ekonomia eta Ogasun Departamentuko titularraren goi zuzendaritzapean, berari atxikita baitago zuzenean, honako eskudantzia hauek izanen ditu:

a) Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 33. artikuluan eta Idazkaritza Tekniko Nagusiak arautzen dituen otsailaren 21eko 29/2005 Foru Dekretuan ezarritakoak, kanpo utzita arau horren 8. artikuluan ezarritakoak (ekonomia eta aurrekontu izaera dute).

b) Langileriaren arloko eskudantziak zehazten dituen otsailaren 21eko 30/2005 Foru Dekretuaren 6. artikuluan ezarritakoak.

c) Genero ikuspegiaren zeharkakotasuna aplikatzea Ekonomia eta Ogasun Departamentuaren politikak planifikatu, kudeatu eta ebaluatzean, bat etorriz Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

d) Nafarroan desgaitasuna dutenei arreta emateari eta beren eskubideak bermatzeari buruzko azaroaren 28ko 31/2022 Foru Legearen arabera aritzea.

e) Informazio publikoa kudeatzea, jarraikiz maiatzaren 17ko 5/2018 Foru Legeari (foru lege horrek hizpide ditu gardentasuna, informazio publikoa eskuratzea eta gobernu ona).

f) Herritarren parte-hartzea, jarraikiz martxoaren 22ko 12/2019 Foru Legeari (foru lege horrek hizpide du Nafarroako parte-hartze demokratikoa).

g) Departamentuko gainerako organoei laguntzea informazioaren segurtasunari buruzko araudia aplikatzen, Nafarroako Foru Komunitateko Administrazioaren Datuak Babesteko eta Informazioaren Segurtasunerako Politikan zehaztutakoa betetzeko.

h) Departamentuko zerbitzuko zuzendaritzen edo burutzen titularren jabetza-hartzeak izapidetzea.

i) Indarrean dauden xedapenek esleitzen dizkioten edo Ekonomia eta Ogasun Departamentuko titularrak agintzen dion beste edozein, eta horretarako behar diren ebazpenak emanen ditu.

6. artikulua . Zerbitzuen eskudantziak.

Zerbitzuek, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 35. artikuluarekin, eginkizun hauek izanen dituzte: beren menpeko atalak edo unitate organikoak planifikatu, koordinatu, zuzendu eta kontrolatzea; prozedurak arindu, arrazionalizatu eta sinplifikatzeko printzipioak bultzatu eta sustatzea; eta, halaber, indarra duten xedapenek berariaz esleitzen dizkieten edo departamentuko organo eskudunek haietan deskontzentratzen edo eskuordetzen dituen beste edozein.

7. artikulua . Atalen eskudantziak.

Atalek, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 37. artikuluarekin, eginkizun hauek izanen dituzte: beren eskumenen esparruko lanak gauzatzea eta goragoko nagusientzako txostenak eta proposamenak egitea; beren mendeko bulegoek eta unitateek egiten dituzten lanak koordinatzea, zuzentzea eta kontrolatzea; eta, halaber, Departamentuko organo eskudunek agintzen dizkieten gainerako eginkizun guztiak betetzea.

II. KAPITULUA. EKONOMIA - NEXT GENERATION ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

8. artikulua . Ekonomia Next Generation Zuzendaritza Nagusiaren esparru material eta funtzionala.

Ekonomia - Next Generation Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Politika ekonomiko orokorraren azterketa eta plangintza, eta haren jarraipena egitea.

b) Ekonomia eta finantza arloan eskumena duen ministerioarekiko harremanak koordinatzea.

c) Jarraibideak ezartzea koadro makroekonomikoa prestatzeko, eta abala eskatzea Erantzukizun Fiskaleko Agintaritza Independenteari.

d) Erregulazioa eta Negozio Giroa Hobetzeko Konferentzia Sektorialean parte hartzea.

e) Foru Komunitateko Administrazioari dagokion finantza politikaren kudeaketa, planifikazioa eta koordinazioa.

f) Nafarroaren zorpetzea administratzea eta kontrolatzea.

g) Buru aritzea Finantzaketa Jasangarriaren Departamentuarteko Batzordean.

h) Foru Komunitateko Administrazioaren kreditu-kalifikazioa lortzeko beharrezkoak diren jarduketak zuzentzea.

i) Diruzaintzako aurreikuspenak aztertzea eta ordaintzeko betebeharrak bete egiten direla bermatzeko beharrezkoak diren neurriak hartzea, beste unitate batzuekin koordinatuta.

j) Estatuarekin eta beste administrazio publiko batzuekin koordinazio ekonomikoa edukitzea, deusetan galarazi gabe Nafarroako Gobernuko beste organo batzuek ere gai honi buruz eduki dezaketena.

k) Modu koordinatuan lan egitea Aurrekontuen eta Ondarearen Zuzendaritza Nagusiarekin, Zuzendaritza Nagusiaren berezko gaiei dagokienez.

l) Suspertze, Eraldatze eta Erresilientzia Planean (aurrerantzean, Suspertze Plana) sartutako jarduketak koordinatzea, baldin eta jarduketa horien erantzukizuna Foru Komunitateko Administrazioaren organoei edo haren mendeko erakundeei badagokie.

m) Ogasuneko eta Funtzio Publikoko Ministerioarekin solaskide gisa jardutea Suspertze Plana kudeatzeko sortutako estatu organoetan.

n) Informazio ekonomiko-finantzarioari buruzko datuen jarraipena egitea, gainbegiratzeko ekitaldia ixtean betetzen direla aurrekontu egonkortasunaren helburua, gastu arauarena eta zor publikoaren helburua, Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoan ezarritako baldintzetan.

ñ) Indarra duten xedapenek esleitzen dizkioten gainerako eginkizunak.

9. artikulua . Ekonomia Next Generation Zuzendaritza Nagusiaren egitura.

Ekonomia - Next Generation Zuzendaritza Nagusiak zerbitzu hauek ditu bere egituran:

a) Ekonomia eta Finantza Zerbitzua.

b) Suspertze Planaren Koordinazioaren eta Kontabilitate Nazionalaren Zerbitzua.

2. ATALA. EKONOMIA ETA FINANTZA ZERBITZUA

10. artikulua . Ekonomia eta Finantza Zerbitzuaren esparru material eta funtzionala.

Ekonomia eta Finantza Zerbitzuak eginkizun hauek izanen ditu:

a) Langileei laguntzea lanpostu bakoitzari dagozkion prestakuntza beharretan, eta ekintza egokiak sustatzea.

b) Zerbitzuaren lan eremuan teknologia berrien ezarpena bultzatzea.

c) Ekonomia, finantza eta diruzaintza politikaren arloko jarduketak koordinatzea.

d) Lankidetzan aritzea Aurrekontuen eta Programazio Ekonomikoaren Zerbitzuarekin, zerbitzuak aurrekontu politikaren arloan dituen berezko gaiei dagokienez.

e) Zuzendaritza Nagusiari laguntzea Nafarroako Gobernuari ekonomia, finantza eta diruzaintza arloan dagozkion irizpideak eta jarraibideak prestatzen.

f) Lankidetzan aritzea Zuzendaritza Nagusiarekin, Foru Komunitateko Administrazioaren kreditu-kalifikazioa lortzeko beharrezkoak diren jarduketak egiteko.

g) Erregulazioa eta Negozio Giroa Hobetzeko Konferentzia Sektorialaren barnean, Informazio ekonomikoari eta koiuntura-adierazleei buruzko lantaldean parte hartzea.

h) Zuzendaritza Nagusiari laguntzea epe ertaineko programazio ekonomikoa eta aurrekontuak egiteko oinarri izanen den koadro makroekonomikoa onesten.

i) Finantza arloan eskumena duen ministerioarekiko eta Erantzukizun Fiskaleko Agintaritza Independentearekiko harremanak koordinatzea, zerbitzuari dagozkion gaietan.

j) Zuzendaritza Nagusiari txostenak igortzea eta neurriak proposatzea zorraren helburua betetzeko eta superabita aplikatzeko eta, hala badagokio, zorpetzea murrizteko.

k) Diruzaintzako aurreikuspenen azterketa eta jarraipena.

l) Laguntzea diruzaintzako baliabideak kudeatzen.

m) Indarra duten xedapenek esleitzen dizkioten gainerako eginkizunak.

11. artikulua . Ekonomia eta Finantza Zerbitzuaren egitura.

Ekonomia eta Finantza Zerbitzuaren egituran atal hauek daude:

a) Politika Ekonomikoaren Atala.

b) Finantza Politikarako Atala.

c) Diruzaintza Atala.

12. artikulua . Politika Ekonomikoaren Atalaren esparru material eta funtzionala.

Politika Ekonomikoaren Atalak honako eginkizun hauek izanen ditu:

a) Nafarroako ekonomiaren egoeraren eta bilakaera orokor eta sektorialaren jarraipena, bai eta Estatuko eta nazioarteko egoera ekonomikoarena ere.

b) Nafarroako ekonomiaren, haren egituraren eta bilakaeraren analisiak eta azterlanak egitea eta zabaltzea. Zehazki, Nafarroako ekonomiaren urtekaria eta ekonomiaren eta Nafarroako Ogasun Publikoaren egoerari eta aurreikuspenei buruzko txostena idaztea.

c) Nafarroako koadro makroekonomikoan jasotako aurreikuspen ekonomikoak balioestea eta horiei buruzko txostenak egitea.

d) Nafarroako Gobernuaren politika ekonomikoaren arloko proposamenak egitea, aztertzea eta haien jarraipena egitea.

e) Beste erakunde batzuek eskatutako informazioa prestatzea, Nafarroako Gobernuko beste organo batzuek arlo horretan esleituta izan ditzaketen eskumenak galarazi gabe.

f) Finantza Politikarako Atalarekin lankidetzan aritzea txostenak eta aurkezpenak egiten.

g) Indarra duten xedapenek esleitzen dizkioten gainerako eginkizunak.

13. artikulua . Finantza Politikarako Atalaren esparru material eta funtzionala.

Finantza Politikarako Atalak eginkizun hauek izanen ditu:

a) Zorpetze politika lantzea eta aztertzea, bai eta Nafarroako Foru Komunitateko Administrazioaren eta, hala badagokio, enpresa-entitate publikoen, sozietateen eta fundazio publikoen beste finantzaketa aukera batzuk ere, Zuzendaritza Nagusiaren jarraibideei jarraituz, eta betiere Estatuaren eta Europar Batasunaren finantza politikekin koordinatuta.

b) Nafarroako Foru Komunitatearen zorpetzea kudeatzea, kontrolatzea eta administratzea.

c) Finantzaketa Jasangarriaren Departamentuarteko Batzordean ordezkari gisa eta idazkaritza eginkizunekin parte hartzea.

d) Nafarroako Foru Komunitateak aseguru pribaturako bitartekaritzaren arloan dituen eskumenez baliatzea.

e) Beste erakunde batzuek eskatutako informazioa prestatzea, Nafarroako Gobernuko beste organo batzuek arlo horretan esleituta izan ditzaketen eskumenak galarazi gabe.

f) Zorpetzeari buruzko txostenak eta aurkezpenak egitea eta zabaltzea, eta web-orrian gai horri buruz dagoen informazioa etengabe edukitzea eguneratuta. Zehazki, zorrari buruzko memoranduma eta finantzaketa jasangarriaren esleipenaren eta inpaktuaren txostena idaztea.

g) Indarra duten xedapenek esleitzen dizkioten gainerako eginkizunak.

14. artikulua . Diruzaintza Atalaren esparru material eta funtzionala.

Diruzaintza Atalak honako eginkizun hauek izanen ditu:

a) Foru Komunitateko Administrazioaren ordainketa guztiak kontrolatzea eta betearaztea, arauetan ezarritako sistemen bidez, salbu eta "justifikatu beharreko funts libratu" gisa tramitatzen direnen materializazioa.

b) Foru Komunitateko Administrazioaren funts likidoak kudeatzea.

c) Foru Komunitateko Administrazioaren diruzaintzako aurrekontuak prestatu eta haien jarraipena egitea.

d) Foru Komunitatearen izenean finantza entitateetan irekitako kontuen kudeaketa, kontrola eta jarraipena, bai eta Foru Komunitateko Administrazioaren kudeaketa zentroei eta erakunde autonomoei baimendutakoena ere, eta, beraz, haien kobrantzen eta ordainketen fluxuena ere.

e) Foru Komunitateko Administrazioari aurkeztutako berme mota guztiak, diruzkoak ez direnak, administratu eta zaintzea.

f) Nafarroako Foru Komunitateko Administrazioaren eta hari lotutako edo haren mendeko erakunde autonomo, sozietate eta fundazio publikoen banku-kontuei buruz argitaratu beharreko informazioa bildu eta prestatzea.

g) Beste erakunde batzuek eskatutako informazioa prestatzea, Nafarroako Gobernuko beste organo batzuek arlo horretan esleituta izan ditzaketen eskumenak galarazi gabe.

h) Indarra duten xedapenek esleitzen dizkioten gainerako eginkizunak.

3. ATALA. SUSPERTZE PLANAREN KOORDINAZIOAREN ETA KONTABILITATE NAZIONALAREN ZERBITZUA

15. artikulua . Suspertze Planaren Koordinazioaren eta Kontabilitate Nazionalaren Zerbitzuaren esparru material eta funtzionala.

Suspertze Planaren Koordinazioaren eta Kontabilitate Nazionalaren Zerbitzuak eginkizun hauek izanen ditu:

a) Suspertze Planetik Foru Komunitateko Administrazioaren departamentuei esleitutako azpiproiektuak koordinatzea, egoki daitezen Suspertze Planaren kudeaketa eta jarraipena egiteko informazio-sistemaren errekerimenduetara.

b) Suspertze Planaren exekuzioari lotutako informaziorako barne-sistemak definitzea.

c) Ogasuneko eta Funtzio Publikoko Ministerioko Planaren eta Suspertze eta Erresilientzia Mekanismoaren Zuzendaritza Nagusiarekin koordinatzea, informazioa emateko Suspertze Planeko azpiproiektuei eta jarduketei buruz.

d) Foru-sektore publikoa osatzen duten erakundeen informazio ekonomiko eta finantzarioa ematea Estatuko Administrazio Orokorrari, aurrekontu egonkortasunari eta finantza iraunkortasunari buruzko araudiaren jarraipena egiteko.

e) Aurrekontu egonkortasunari eta finantza iraunkortasunari buruzko araudian jasotako zerga arauen helburua betetzen den aurreikustea eta aztertzea.

f) Indarra duten xedapenek esleitzen dizkioten gainerako eginkizunak.

16. artikulua . Suspertze Planaren Koordinazioaren eta Kontabilitate Nazionalaren Zerbitzuaren egitura.

Suspertze Planaren Koordinazioaren eta Kontabilitate Nazionalaren Zerbitzuak honako atal hauek ditu bere egituran:

a) Suspertze Planaren Koordinaziorako Atala.

b) Kontabilitate Nazionalaren Atala.

17. artikulua . Suspertze Planaren Koordinaziorako Atalaren esparru material eta funtzionala.

Suspertze Planaren Koordinaziorako Atalak eginkizun hauek izanen ditu:

a) Suspertze Planetik Nafarroako Foru Komunitateko Administrazioaren departamentuei esleitutako azpiproiektuen multzoaren gaineko kudeaketa zentralizatua eta horri buruzko informazioaren azterketa.

b) Suspertze Planeko azpiproiektuak exekutatu behar dituzten departamentuei zabalkundea eta aholkularitza ematea Suspertze eta Erresilientzia Mekanismoari eta Suspertze Planari buruzko arau, metodologia eta orientabideen gainean.

c) Informazio sistemen funtzionamendu zuzena monitorizatzea.

d) Aholkularitza eta laguntza ematea Suspertze Planeko azpiproiektuak exekutatu behar dituzten departamentuei, kudeaketa- eta jarraipen-datuak erregistratzeko informazio sistemetan.

e) Indarra duten xedapenek esleitzen dizkioten gainerako eginkizunak.

18. artikulua . Kontabilitate Nazionalaren Atalaren esparru material eta funtzionala.

Kontabilitate Nazionalaren Atalak eginkizun hauek izanen ditu:

a) Foru Komunitateko Administrazioaren eta haren erakunde autonomoen informazio ekonomiko eta finantzarioa prestatzea eta Estatuko Administrazio Orokorrari ematea, aurrekontu egonkortasunari eta finantza iraunkortasunari buruzko araudiaren jarraipena egiteko.

b) Foru sektore publikoa osatzen duten gainerako erakundeen informazio ekonomiko eta finantzarioa koordinatzea, jasotzea eta ondoren Estatuko Administrazio Orokorrari ematea, aurrekontu egonkortasunari eta finantza iraunkortasunari buruzko araudiaren jarraipena egiteko.

c) Foru sektore publikoaren jarduera ekonomiko eta finantzarioaren eragina aztertzea kontabilitate nazionalaren aldetik, aplikatzen ahal den Europar Batasuneko araudiaren arabera.

d) Foru sektore publiko osoaren informazio bateratua prestatzea eta argitaratzea, aurrekontu egonkortasunari eta finantza iraunkortasunari buruzko araudiak eskatzen dituen baldintzak betetzen diren ebaluatzeko.

e) Indarra duten xedapenek esleitzen dizkioten gainerako eginkizunak.

III. KAPITULUA. AURREKONTUEN ETA ONDAREAREN ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

19. artikulua . Aurrekontuen eta Ondarearen Zuzendaritza Nagusiaren esparru material eta funtzionala.

Aurrekontuen eta Ondarearen Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Nafarroako Aurrekontu Orokorrak prestatzea, Nafarroako Gobernuak ezartzen duen bezala, eta horien jarraipena egitea eta exekuzioa bultzatzea.

b) Nafarroako Gobernuak aurrekontu-egonkortasunaren helburuak betetzeko ezartzen dituen neurri orokorrei edo partikularrei bultzada ematea.

c) Zuzendaritza Nagusiari eragiten dioten berdintasunaren arloko ekintzei bultzada ematea, eta, bereziki, genero-ikuspegiaren zeharkakotasuna Nafarroako aurrekontu orokorretan txertatzeko ekintzei.

d) Nafarroako Gobernuak epe ertainerako ezartzen duen programazio ekonomikoa egitea beste departamentuekin batera, eta horren jarraipena eta kontrola egitea.

e) Dirulaguntzen plan estrategikoa prestatzea hiru urtetik behin, eta urtero eguneratzea, gainerako departamentuekin lankidetzan.

f) Estatuarekin eta beste administrazio publiko batzuekin koordinazio ekonomikoa edukitzea, deusetan galarazi gabe Nafarroako Gobernuko beste organo batzuek ere gai honi buruz eduki dezaketena.

g) Lankidetzan aritzea Estatuarekiko Hitzarmen Ekonomikoaren arloko gaietan, deusetan galarazi gabe Nafarroako Gobernuko beste organo batzuek ere gai horiei buruz eduki dezaketen eskumena.

h) Nafarroako Ondarearen ondasun eta eskubideak eskuratu, besterendu eta lagatzea.

i) Nafarroako Ondarea babestu eta defendatzea.

j) Nafarroako Ondarearen ondasun eta eskubideak antolatu, afektatu eta atxikitzea.

k) Sektore publikoko erabilera administratiboko edo funtzionaleko ondasun higiezinen gaineko politika diseinatu, antolatu eta kudeatzea.

l) Nafarroako enpresa ondare publikoa osatzen duten eskubideak erabili, kontrolatu eta kudeatzea.

m) Nafarroako Gobernuko sektore publikoko enpresen antolaketa eta ohiko kontrola, bai eta haietako zuzendaritza eta administrazio organoena ere, eta enpresa horien atxikipena.

n) Indarra duten xedapenek esleitzen dizkioten gainerako eginkizunak.

20. artikulua . Aurrekontuen eta Ondarearen Zuzendaritza Nagusiaren egitura.

Aurrekontuen eta Ondarearen Zuzendaritza Nagusiak honako zerbitzu hauek ditu bere egituran:

a) Aurrekontuen eta Programazio Ekonomikoaren Zerbitzua.

b) Ondare Zerbitzua.

2. ATALA. AURREKONTUEN ETA PROGRAMAZIO EKONOMIKOAREN ZERBITZUA

21. artikulua . Aurrekontuen eta Programazio Ekonomikoaren Zerbitzuaren eremu material eta funtzionala.

Aurrekontuen eta Programazio Ekonomikoaren Zerbitzuak eginkizun hauek beteko ditu:

a) Zuzendaritza Nagusiari laguntzea Nafarroako Gobernuari aurrekontu programazioaren arloan dagozkion irizpideak eta jarraibideak prestatzen.

b) Zuzendaritza Nagusiari laguntzea Nafarroako aurrekontu orokorren proiektua egiten.

c) Zuzendaritza Nagusiari jakinaraztea zerga arauak betetzen diren, eta aurrekontu egonkortasuneko helburuak lortzeko neurriak proposatzea.

d) Aurrekontuen arloan eskumena duen ministerioarekiko harremanak koordinatzea.

e) Zaintzea betetzen direla aurrekontu egonkortasunari eta finantza iraunkortasunari buruzko Estatuko arauetan eta Erantzukizun Fiskaleko Agintaritza Independentea sortzekoetan xedatutako betebeharrak informazioa bidaltzeari dagokionez.

f) Gainerako departamentuetako unitateekin eta Foru Komunitateko sektore publikoko entitateekin koordinatzea zerbitzuari dagozkion eskumenak baliatzeko beharrezkoa den informazioaren hornidura.

g) Zuzendaritza Nagusiari igortzea dirulaguntzen plan estrategikoari buruzko txostena, bai eta egoki diren hobekuntza-proposamenak; hori guztia, 11/2005 Foru Legearen 5 bis artikuluaren 1. puntuan ezarritako baimena lortzeko.

h) Aurrekontu politikaren arloko jarduketa Ekonomia eta Finantza Zerbitzuarekin koordinatzea, ekonomia, finantza eta diruzaintza politikari dagokienez.

i) Langileei laguntzea lanpostu bakoitzari dagozkion prestakuntza beharretan, eta ekintza egokiak sustatzea.

j) Zerbitzuaren lan eremuan teknologia berrien ezarpena bultzatzea.

k) Laguntzea garatzen aurrekontu-eredu estrategiko batzuk, bat datozenak Nafarroako Gobernuak ezarritako helburuekin, eta Nafarroako aurrekontu orokorrei buruzko lege-proiektuan txertatzea, besteak beste, honako hauek: genero-ikuspegia, garapen jasangarriarekin bat datozen helburuak eta klima-ikuspegia.

l) Indarra duten xedapenek esleitzen dizkioten gainerako eginkizunak.

22. artikulua . Aurrekontuen eta Programazio Ekonomikoaren Zerbitzuaren egitura.

Aurrekontuen eta Programazio Ekonomikoaren Zerbitzuaren egituran atal hauek daude:

a) Aurrekontuen Atala.

b) Aurrekontuen Plangintzarako Atala.

23. artikulua . Aurrekontuen Atalaren esparru material eta funtzionala.

Aurrekontuen Atalak honako eginkizun hauek izanen ditu:

a) Koordinazio lanak betetzea Nafarroako Aurrekontu Orokorren aurreproiektuak prestatzean, bai eta Foru Komunitateko Administrazioaren sozietate eta fundazio publikoen ustiapen eta kapital aurrekontuenak eta jarduketa programen, inbertsioen eta finantzaketarenak ere.

b) Foru Komunitateko Administrazioaren organo eta entitateei dagokien aurrekontu egitura zehaztea.

c) Aurrekontuen aurreproiektuak egiteko jarraibide teknikoak eta prozeduraren diseinua prestatzea Zuzendaritza Nagusiak ezarritako jarraibideei jarraikiz.

d) Aurrekontuen gaineko memoria ekonomikoa prestatzea eta ekitaldi bakoitzean Nafarroako aurrekontu orokorren proiektuari erantsi beharreko dokumentazioa editatzea.

e) Nafarroako aurrekontu orokorrek Parlamentuan duten izapidetzeari jarraipena egitea, eta aurrekontuen proiektuari aurkezten zaizkion zuzenketak kudeatzeko prozesua koordinatzea.

f) Departamentuaren eskumenen esparruan informatu beharreko aurrekontu aldaketak aztertu, izapidetu eta kontrolatzea, Nafarroako Ogasun Publikoaren foru araudian eta aurrekontu egonkortasunaren eta finantza iraunkortasunaren arloan indarrean dagoen araudian ezarritakoa betetzen dela zainduz.

g) Urte anitzeko espedienteei eta izapidetze aurreratuei buruzko txostenak egitea, epe ertaineko programazio ekonomikoaren arabera, eta zainduz betetzen dela ezarrita dagoena Nafarroako Ogasun Publikoari buruzko foru araudian eta aurrekontu egonkortasunaren eta finantza iraunkortasunaren arloan indarrean dagoen araudian.

h) Txostenak egitea etorkizuneko ekitaldietarako aurrekontu gastua dakarten foru dekretuen proiektuei buruz edo bestelako arau-xedapenei buruz; bat etorriz horretarako ezarrita dauden jarraibideekin Nafarroako Foru Komunitateko Administrazioari eta foru-sektore publiko instituzionalari buruzko 11/2019 Foru Legean.

i) Nazioarteko edo Espainiako finantzaketaren bitartez kofinantzaturiko proiektuen gastu-espedienteei buruzko txostenak egitea.

j) Nafarroako Aurrekontu Orokorren eta aurrekontuen arloko xedapenen betetzeari jarraipena egin eta bultzada ematea.

k) Nafarroako Gobernuak eta Nafarroako Parlamentuak aurrekontuen arloan dituzten harremanen inguruko azterlanak eta txostenak.

l) Estatuko erakundeek eskatutako informazioa prestatzea, Nafarroako Gobernuko beste organo batzuek arlo horretan esleituta izan ditzaketen eskumenak galarazi gabe.

m) Aurrekontuen exekuzioari buruzko memoria prestatzea. Memoria hori Nafarroako Kontu Orokorretan txertatuko da.

n) Indarra duten xedapenek esleitzen dizkioten gainerako eginkizunak.

24. artikulua . Aurrekontuen Plangintzarako Atalaren esparru material eta funtzionala.

Aurrekontuen Plangintzarako Atalak eginkizun hauek ditu:

a) Epe ertainerako programazio ekonomikoa prestatzea Nafarroako Gobernuak zehaztutako irizpideen arabera, bai eta horren jarraipena egitea ere.

b) Arau fiskalak betetzen ote diren jarraitzeko mekanismoak prestatzea, bai eta horiek aztertzea eta izapidetzea ere.

c) Administrazioaren efizientzia ekonomikorako eta gastu publikoa optimizatzeko politiken analisia bultzatzea.

d) Plan ekonomiko eta finantzarioa eta oreka berreskuratzeko planak formulatzea eta haiei jarraipena egitea.

e) Estatuko erakundeek eta kreditu-kalifikaziorako entitateek eskatutako informazioa prestatzea, Nafarroako Gobernuko beste organo batzuek arlo horretan esleituta izan ditzaketen eskumenak galarazi gabe.

f) Nafarroako Gobernuaren dirulaguntzen plan estrategikoa prestatzeko lanak koordinatzea eta plana Nafarroako Parlamentuari bidaltzea.

g) Nafarroako Gobernuaren departamentuetan aurrekontuaren exekuzioaren jarraipena, azterketa eta kontrola egitea.

h) Indarra duten xedapenek esleitzen dizkioten gainerako eginkizunak.

3. ATALA. ONDARE ZERBITZUA

25. artikulua . Ondare Zerbitzuaren esparru material eta funtzionala.

Ondare Zerbitzuak honako eginkizun hauek izanen ditu:

a) Foru Komunitatearen ondare-ondasunak eta ondare-etekinak eskuratu, besterendu, kudeatu eta zaintzea.

b) Sozietate eta enpresetako partaide den aldetik, Foru Komunitateari dagozkion eskubideak kudeatu eta kontrolatzea.

c) Foru Komunitateko Administrazioaren higiezinen politikarako planak idatzi, kudeatu eta gainbegiratzea.

d) Foru Komunitateko Administrazioak emandako berme eta abalak tramitatu, kontrolatu eta jarraipena egitea, administrazio honetako beste organo eta departamentu batzuen eskumenak galarazi gabe.

e) Hornidura kontratuak kudeatzea indarreko arauetan ezarritako moduan.

f) Erosketa-zentrala den aldetik izenpetzen dituen kontratuak kudeatzea.

g) Kontratazio Publikoaren Batzordeko Idazkaritzari dagozkionak.

h) Kontratazio publikoaren arloko koordinazio, aholkularitza eta kontrola eta garapenerako proposamena.

i) Foru Komunitateko Administrazioaren eta haren erakunde autonomoen eta horien zerbitzuko langileen ondare erantzukizunaren asegurua eta kalteen asegurua kontratatzea.

j) Indarra duten xedapenek esleitzen dizkioten gainerako eginkizunak.

26. artikulua . Ondare Zerbitzuaren egitura.

Ondare Zerbitzuak honako atal hauek ditu bere egituran:

a) Ondarearen Kudeaketa Juridikoaren Atala.

b) Ondarearen Kudeaketa Teknikoaren Atala.

c) Kontratazio eta Aseguruen Atala.

d) Sozietate Publikoen, Abalen eta Afera Ekonomikoen Atala.

27. artikulua . Ondarearen Kudeaketa Juridikoaren Atalaren eremu material eta funtzionala.

Ondarearen Kudeaketa Juridikoaren Atalak eginkizun hauek beteko ditu:

a) Ondasunak eskuratzea, errentan hartzea, besterentzea eta kargatzea, bai eta haien afektazioa, desafektazioa, atxikipena, desatxikipena eta destino aldaketa, Nafarroako Ondarea arautzen duen Foru Legean ezartzen den moduan.

b) Foru Komunitateko jabari pribatuko ondasun eta eskubideen kudeaketa eta administrazioa, haien erabilera edo ustiapena ez bazaie esleitu beste organo edo pertsona batzuei, bai eta eskubide eta ondasun horien erabilera edo ustiapena lagatzeko proposamena ere.

c) Foru Komunitateko Ondarearen partetzat hartzen diren ondasun eta eskubide ororen ikerketa, eta haien mugaketa eta zedarritzea; haien babesa, defentsa eta erreibindikazioa, bai eta haien inguruko zehapen ahalmenak eta erantzukizunak eskatzekoak ere.

d) Foru Komunitateko Ondasun eta Eskubideen Inbentarioa egin eta eguneratzea, eta horiek baloratzea, egoera fisiko eta juridikoa araztea eta kasuan kasuko erregistro publikoetan inskribatzea.

e) Nafarroako Foru Komunitateko Ondareko ondasun eta eskubideak ordezkatu edo gauzatzen dituzten dokumentu, eskritura eta balore-titulu guztiak edukitzea eta gordetzea.

f) Indarra duten xedapenek esleitzen dizkioten gainerako eginkizunak.

28. artikulua . Ondarearen Kudeaketa Teknikoaren Atalaren eremu material eta funtzionala.

Ondarearen Kudeaketa Teknikoaren Atalak eginkizun hauek izanen ditu:

a) Eraikin administratiboak optimizatzeko planak prestatu eta haien jarraipena egitea, eta, behar denean, horien ondoriozko obren proiektuak idatzi eta exekutatzeko lanak kontratatzea, eta, orobat, egin beharreko obren gastuaren ikuskapena, jarraipena eta kontrola egitea.

b) Ekonomia eta Ogasun Departamentuaren ondare higiezinaren barnean -eta, bereziki, administrazio eraikinetan- eraikitzeko, handitzeko, birgaitzeko eta zaintzeko obrak exekutatzea, horretarako kontratatuz proiektuak idatzi eta exekutatzeko lanak eta eginez obren gastuaren ikuskapena, jarraipena eta kontrola.

c) Obrak exekutatzea Foru Komunitateko beste departamentu batzuetan, baldin beharrezkoa bada garrantziarengatik, edo zailtasun teknikoarengatik, edo hainbat departamentutako unitate organikoak ukitzeagatik, edo beste inguruabar batzuengatik.

d) Foru Komunitatearen ondasun eta eskubideei eragiten dien hirigintza-plangintzaren jarraipena egitea; alegazioak formulatzea eta eskumenei buruzko txostenak ematea lurraldearen antolamenduko eta hirigintza-plangintzako tresnen gainean, eta ordezkari izatea konpentsazio batzordeetan Ekonomia eta Ogasun Departamentuari atxikitako ondasunei dagokienez.

e) Higiezinak baloratzea, horiek eskuratu edo besterentzeko; errenten estimazioa egitea errentamendu-kontratuetan eta Nafarroako Foru Komunitatearen jabetzakoak diren ondasun higiezinen gaineko ukipena baloratzea.

f) Aholkularitza teknikoa, Foru Komunitateko Administrazioaren ondasun higiezinen ondarea kudeatzeko eta higiezinen merkatuaren prospekziorako, higiezinen erosketa eta errentamendu eskaerei erantzuteko.

g) Nafarroako Foru Komunitateak eta haren erakunde autonomoek administraziorako erabiltzen dituzten eraikinetan energia-efizientzia hobetzeko jarduketak proposatzea.

h) Indarra duten xedapenek esleitzen dizkioten gainerako eginkizunak.

29. artikulua . Kontratazio eta Aseguruen Atalaren esparru material eta funtzionala.

Kontratazio eta Aseguruen Atalak eginkizun hauek ditu:

a) Kontratazioen legezkotasuna begiratu eta behar diren neurriak hartzea ahalik eta koordinazio, ekonomia eta eraginkortasunik handiena lortzeko Foru Komunitateko Administrazioak izenpetzen dituen kontratuetan.

b) Ondare Zerbitzuari dagozkion arloetako arauen proiektuak prestatzea, eta, beste departamentu batzuekin lankidetzan arituz, kontratazio publikoaren arlokoak ere bai.

c) Kontratuak kudeatu eta zentralizatzeko proposamenak egitea.

d) Proposamenak egitea Nafarroako Foru Komunitateko Administrazioak kontratazio publikoa estrategikoki erabil dezan.

e) Bere eskumenen esparruan, kontratazio-prozedurak sinplifikatzeko neurriak bultzatzea.

f) Lankidetzan aritzea Funtzio Publikoko Zuzendaritza Nagusiarekin eta Nafarroako Administrazio Publikoaren Institutuarekin, kontratazio publikoaren arloa profesionalizatzeko. Horretarako, definituko dira enplegatu publikoentzako prestakuntza-ibilbideak, kontratatzeko gaikuntza daukaten profil profesionalak eta behar bezala dimentsionatutako lantaldeak.

g) Jardunbide egokien komunitateak antolatzea. Komunitate horiek kontratazio publikoaren arloko ezagutzaren katalizatzaile izanen dira.

h) Kontratazio Publikorako Batzordeko Idazkaritzaren berezko eginkizunak aurrera eramatea, eta batzordeari laguntza teknikoa eta administratiboa ematea.

i) Kontratuen Erregistroaz eta Lizitatzaileen Borondatezko Erregistroaz arduratzea.

j) Planifikatzea, balidatzea, kudeatzea eta mantentzea Nafarroako Kontratazioaren Ataria eta Nafarroako Lizitazio Plataforma, bai eta kontratazio publikoaren sistema osatzen duten beste sistema elektronikoak ere, barne hartuta laguntza teknikoa ematea kontratazio publiko elektronikoaren sistemako tresnen erabiltzaileei.

k) Estatuarekin eta gainerako autonomia-erkidegoekin kontratazio publikoaren arloan lankidetzan aritzeko organoetan parte hartzea.

l) Eragile ekonomikoei laguntzea eta haiekin harremanetan egotea, kontratazio publikoaren merkatuan parte dezaten bultzatzeko.

m) Kontratuak planifikatzea eta egikaritzea eta kontratu zentralizatuen gaineko aholkularitza eta kontrola egitea.

n) Ekonomia eta Ogasun Departamentuak adjudikatu beharreko hornidura-kontratuak izapidetzea eta egikaritzea, jarraikiz xedatuta dagoenari Kontratu publikoei buruzko Foru Legean.

ñ) Trantsizio energetikoaren arloan eskumena duen departamentuarekin lankidetzan aritzea, zerbitzu energetikoen kontratazioak hobetzeko.

o) Foru Komunitateko Administrazioaren eta haren erakunde autonomoen ondare-erantzukizuneko asegurua eta kalte asegurua kontratatzeko espedienteak tramitatzea, Osasunbidea-Nafarroako Osasun Zerbitzuarenak eta haren menpeko zentroenak izan ezik, goian aipatutako lehenengo aseguruari dagokionez.

p) Ekonomia eta Ogasun Departamentuak tramitatzen dituen kontratazio espedienteetan aholku juridikoak ematea.

q) Erosketen zentralen berezko eginkizunak aurrera eramatea. Eginkizun horien artean dago jarduketak koordinatzea eta lankidetzan aritzea beste administrazio publiko batzuetako erosketen zentralekin.

r) Ekonomia eta Ogasun Departamentuak ebatzi behar dituen ondare-erantzukizuneko espedienteak izapidetzea, bai eta Foru Komunitateko Administrazio osoaren kalte-espedienteak ere.

s) Indarra duten xedapenek esleitzen dizkioten gainerako eginkizunak.

30. artikulua . Sozietate Publikoen, Abalen eta Afera Ekonomikoen Atalaren esparru material eta funtzionala.

Sozietate Publikoen, Abalen eta Afera Ekonomikoen Atalak eginkizun hauek izanen ditu:

a) Nafarroako Foru Komunitateak zuzenean parte hartzen duen sozietateen gaineko eskubideak kudeatu eta kontrolatzea, sozietate horiek publikoak izan ala ez.

b) Nafarroako Foru Komunitateak zeharka parte hartzen duen sozietate publikoen gaineko eskubideak kudeatu eta kontrolatzea.

c) Nafarroako Gobernuko sektore publikoko enpresen antolaketa eta ohiko kontrol ohikoa, bai eta haietako zuzendaritza eta administrazio organoena ere, eta enpresa horien atxikipena.

d) Foru Komunitateak zuzenean edo zeharka parte hartzen duen sozietate publikoak sortu, elkartu eta desegiteko espedienteak eta estatutu aldaketak tramitatu eta kudeatzea.

e) Nafarroako Foru Komunitateko Administrazioko enpresa-entitate publikoek, fundazio publikoek eta sozietate publikoek abalak eta maileguak emateko baimenen tramitazioa.

f) Ekonomia eta Ogasun Departamentuko gainerako zerbitzuekin lankidetzan aritzea sozietate publikoen ikuskapen jarraitua kontrolatzeko.

g) Foru Komunitateko Administrazioak eman eta formalizatutako abalak eta haien bermeak tramitatu eta kontrolatzea eta horien jarraipena egitea, bai eta komisioak ere, Foru Komunitateko Administrazioaren beste organo eta departamentu batzuen eskumenak galarazi gabe.

h) Ondare Zerbitzuaren aurrekontua egitea, kudeatzea eta kontrolatzea.

i) Ondarea osatzen duten ondasunen ustiapenetik datorren kudeaketa ekonomikoa.

j) Ondare Zerbitzuari aholkularitza ekonomikoa ematea.

k) Indarra duten xedapenek esleitzen dizkioten gainerako eginkizunak.

IV. KAPITULUA. KONTU-HARTZAILETZAKO ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

31. artikulua . Kontuhartzailetzako Zuzendaritza Nagusiaren eskumenen esparru materiala eta eginkizunak.

1. Kontu-hartzailetzako Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Foru sektore publikoa osatzen duten entitateen kudeaketa ekonomiko eta finantzarioaren barne kontrola.

b) Kontu-hartzailetza eginkizunen ondorioz pizten diren desadostasunak ebaztea.

c) Barne kontrolaren arloko arau eta prozedurak garatzeko proposamenak egitea.

d) Barne kontrolaren eremuan ezartzen den urteko plangintzarako proposamena egitea eta hura betetzea.

e) Kontuen Ganberarekin koordinatzea eta lankidetzan aritzea, Foru Komunitateko Administrazioaren jarduera ekonomiko eta finantzarioaren kontrolari dagokionez.

f) Nafarroako Gobernuaren kontabilitate korporatiboa.

g) Nafarroako Kontu Orokorrak prestatzea.

h) Harremanetan egotea eta modu koordinatuan aritzea Estatuko Administrazioaren Kontu-hartzailetza Orokorrarekin.

i) Indarra duten xedapenek esleitzen dizkioten gainerako eginkizunak.

2. Kontu-hartzailetzako zuzendari nagusiak Nafarroako Ogasun Publikoa arautzen duen Foru Legean eta hura garatzeko araudian Kontu-hartzailetza Nagusiari esleitutako eginkizunak beteko ditu.

32. artikulua . Kontuhartzailetzako Zuzendaritza Nagusiaren egitura.

Kontu-hartzailetzako Zuzendaritza Nagusiak unitate organiko hauek ditu bere egituran:

a) Kontu-hartze Zerbitzua.

b) Finantza Kontrolerako eta Auditoretzako Zerbitzua.

c) Kontabilitate Orokorraren eta Aurrekontuetakoaren Zerbitzua.

d) Laguntza Juridikoaren Atala.

2. ATALA. KONTU-HARTZE ZERBITZUA

33. artikulua . Kontuhartze Zerbitzuaren esparru material eta funtzionala.

1. Kontu-hartze Zerbitzuak honako eginkizun hauek beteko ditu:

a) Kontu-hartzailetza eta finantza kontrol iraunkorra gauzatzea, jarraikiz ezarrita dagoenari Nafarroako Ogasun Publikoa arautzen duen foru legean eta barne-kontrolerako erregelamenduan.

b) Txostenak, irizpideak eta proposamenak egitea arauak eta prozedurak garatzeko eta aplikazio informatikoak garatzeko, kontu-hartzailetzako eginkizuna hobeto betetzeko.

c) Kontu-hartzailetza behar bezala egiten dela zaintzea.

d) Departamentuetako kontu-hartzailetza delegatuen jarduketak koordinatzea.

e) Kontu-hartzaile delegatuen prestakuntza.

f) Barne kontrolaren eremuan ezartzen den plangintzan parte hartzea.

g) Kontu-hartze eginkizuna betetzean sortzen diren desadostasunak aztertzea eta horiek ebazteko proposamenak egitea.

h) Bere eskumenen esparruan agintzen zaizkion azterlanak eta txostenak egitea.

i) Finantza Kontrolerako eta Auditoretzako Zerbitzuarekin koordinatzea finantza kontrol iraunkorreko zereginak gauzatzean.

j) Indarra duten xedapenek esleitzen dizkioten gainerako eginkizunak.

2. Kontu-hartze Zerbitzuko zuzendariak kontu-hartzaile nagusiaren delegazio iraunkorra beteko du kontu-hartzailetzari dagozkion berezko gaietan.

34. artikulua . Kontuhartze Zerbitzuaren egitura.

Egituran, honako atal hauek ditu Kontu-hartze Zerbitzuak:

a) Kontu-hartzea Kudeatzeko Atala.

b) Kontu-hartzea Antolatzeko Atala.

35. artikulua . Kontuhartzea Kudeatzeko Atalaren esparru material eta funtzionala.

1. Honako eginkizun hauek ditu Kontu-hartzea Kudeatzeko Atalak:

a) Kontu-hartzailetza eta finantza kontrol iraunkorra gauzatzea, jarraikiz ezarrita dagoenari Nafarroako Ogasun Publikoa arautzen duen foru legean eta barne-kontrolerako erregelamenduan.

b) Kudeaketa organoei aholkuak ematea beren kontrol funtzioekin zerikusia duten gaietan.

c) Kontu-hartzaile delegatuak antolatzeko moduak aztertzea eta horien gaineko proposamenak egitea.

d) Kontu-hartzaile delegatuei aholkuak ematea, fiskalizazio-eginkizunari dagokionez.

e) Kontu-hartzaile delegatuek beren eginkizunak aurrera eramatean erabiltzen dituzten irizpideak eta prozedurak kontrolatzea eta horien gaineko jarraipena egitea.

f) Prestakuntza ematea kontu-hartzaile delegatuei, kontu-hartzailetzan hobeki jardun dezaten beharrezkoak diren arloei buruz.

g) Kontu-hartzailetzako eginkizuna betetzearen ondorioz sortzen diren desadostasunen konponbidea aztertzea eta proposatzea.

h) Indarra duten xedapenek esleitzen dizkioten gainerako eginkizunak.

2. Kontu-hartzea Kudeatzeko Ataleko buruak kontu-hartzaile nagusiaren delegazio iraunkorra beteko du kontu-hartzailetzari dagozkion berezko gaietan.

36. artikulua . Kontuhartzea Antolatzeko Atalaren esparru material eta funtzionala.

1. Honako eginkizun hauek ditu Kontu-hartzea Antolatzeko Atalak:

a) Kontu-hartzailetza hobeto gauzatzeko arauak eta prozedurak lantzea eta proposatzea.

b) Prestakuntza ematea kontu-hartzaile delegatuei, kontu-hartzailetzan hobeki jardun dezaten beharrezkoak diren arloei buruz.

c) Aplikatzekoak diren arauak eta jarraibideak azaltzea kudeaketa- eta kontrol-organoei.

d) Jurisprudentziaren, doktrinaren, irizpideen eta prozeduren jarraipena, bilketa eta hedapena, kontu-hartzailetzako eginkizuna gauzatzeari dagozkion gaietan.

e) Indarra duten xedapenek esleitzen dizkioten gainerako eginkizunak.

2. Kontu-hartzea Antolatzeko Ataleko buruak kontu-hartzaile nagusiaren delegazio iraunkorra beteko du kontu-hartzailetzari dagozkion berezko gaietan.

37. artikulua . Kontuhartzailetza delegatuak.

1. Kontu-hartzailetza delegatuak Kontu-hartze Zerbitzuko Zuzendaritzaren mende daude organikoki, eta haren zuzendaritzapean eta koordinatuta gauzatzen dituzte beren eskumenak.

2. Kontu-hartzailetza delegatuek honako eginkizun hauek izanen dituzte:

a) Kontu-hartzailetza eta finantza kontrol iraunkorra gauzatzea, jarraikiz ezarrita dagoenari Nafarroako Ogasun Publikoa arautzen duen foru legean eta barne-kontrolerako erregelamenduan.

b) Kudeaketa organoei aholkuak ematea beren kontrol funtzioekin zerikusia duten gaietan.

c) Indarra duten xedapenek esleitzen dizkioten gainerako eginkizunak.

3. ATALA. FINANTZA KONTROLERAKO ETA AUDITORETZAKO ZERBITZUA

38. artikulua . Finantza Kontrolerako eta Auditoretzako Zerbitzuaren esparru material eta funtzionala.

Finantza Kontrolerako eta Auditoretzako Zerbitzuak eginkizun hauek izanen ditu:

a) Foru Komunitateko Administrazioaren, haren erakunde autonomoen eta Nafarroako Ogasun Publikoa arautzen duen Foru Legearen aplikazio eremuan sartzen diren entitate eta sozietateen finantza kontrol iraunkorra eta auditoretza.

b) Kontuen Ganberarekin koordinatzea eta lankidetzan aritzea barne kontrolaren arloan.

c) Europako funtsak kontrolatzea, eta erakunde nazionalei eta Europar Batasunekoei informazioa ematea eta haiekin modu koordinatuan jardutea.

d) Finantza kontrol iraunkorra eta auditoretza betetzeko behar diren arauak eta irizpideak prestatzea.

e) Barne-kontrolerako urteko plana eta finantza-kontrol iraunkorra eskatzen duen jardueraren urteko laburpenaren txostena prestatzea.

f) Bere kargu dauden langileen prestakuntza.

g) Indarra duten xedapenek esleitzen dizkioten gainerako eginkizunak.

39. artikulua . Finantza Kontrolerako eta Auditoretzako Zerbitzuaren egitura.

Finantza Kontrolerako eta Auditoretzako Zerbitzuak honako atal hauek ditu bere egituran:

a) Finantza Kontrol Iraunkorrerako eta Auditoretzako Atala.

b) Osasunbidea-Nafarroako Osasun Zerbitzuaren Finantza Kontrol Iraunkorrerako Atala.

c) Egitura Funtsen Finantza Kontrolerako Atala

d) Nbeuf-Lgenf Dirulaguntzen Finantza Kontrolerako Atala.

40. artikulua . Finantza Kontrol Iraunkorrerako eta Auditoretzako Atalaren esparru material eta funtzionala.

Finantza Kontrol Iraunkorrerako eta Auditoretzako Atalak eginkizun hauek izanen ditu:

a) Foru Komunitateko Administrazioaren eta haren erakunde autonomoen finantza kontrol iraunkorra, Osasunbidea-Nafarroako Osasun Zerbitzuarena izan ezik.

b) Foru sektore publikoaren jarduera ekonomiko-finantzarioaren auditoria egitea, Nafarroako Ogasun Publikoari buruzko Foru Legean ezarritako jarraibideekin bat, Osasunbidea-Nafarroako Osasun Zerbitzuarena izan ezik, eta zaintzea foru sektore publikotik kanpoko pertsona fisiko eta juridikoek behar bezala aplikatzen dituztela funts publikoak; hori guztia, barne-kontrolerako urteko planean zehaztutako irismenarekin.

c) Bere eskumenen esparruan finantza kontrol iraunkorra eta auditoretza betetzeko behar diren arauak eta irizpideak prestatzea.

d) Kontuen Ganberak Foru Komunitateko Ogasunaren kontuen fiskalizazioaz eta baliabideen kudeaketaz egiten dituen txostenetan adierazten dituen ondorio, gomendio eta irizpideak aplikatzeko baldintzen eta kontrolaren jarraipena, Osasunbidea-Nafarroako Osasun Zerbitzuari egiten dizkionak izan ezik.

e) Indarra duten xedapenek esleitzen dizkioten gainerako eginkizunak.

41. artikulua . OsasunbideaNafarroako Osasun Zerbitzuaren Finantza Kontrol Iraunkorreko Atalaren eginkizunak.

Osasunbidea-Nafarroako Osasun Zerbitzuaren Finantza Kontrol Iraunkorreko Atalak eginkizun hauek izanen ditu:

a) Osasunbidea-Nafarroako Osasun Zerbitzua erakunde autonomoaren finantza kontrol iraunkorra.

b) Kontuen Ganberarekin koordinatzea eta lankidetzan aritzea Osasunbidea-Nafarroako Osasun Zerbitzua erakunde autonomoaren kontrolaren arloan.

c) Osasun Departamenturako barne-kontrolerako urteko planean ezarritako auditoretza-lanak egitea edo zuzentzea.

d) Kontuen Ganberak Osasunbidea-Nafarroako Osasun Zerbitzua erakunde autonomoaren kontuen fiskalizazioaz eta baliabideen kudeaketaz egiten dituen txostenetan adierazten dituen ondorio, gomendio eta irizpideak aplikatzeko baldintzen eta kontrolaren jarraipena.

e) Arau eta irizpide zehatzak prestatzea Osasunbidea-Nafarroako Osasun Zerbitzua erakunde autonomoaren finantza kontrol iraunkorra aurrera eramateko.

f) Indarra duten xedapenek esleitzen dizkioten gainerako eginkizunak.

42. artikulua . Egitura Funtsen Finantza Kontrolerako Atalaren esparru material eta funtzionala.

Honako eginkizun hauek izanen ditu Egitura Funtsen Finantza Kontrolerako Atalak:

a) Egitura funtsek eta Europako Itsas eta Arrantza Funtsak batera finantzatutako ekintzekin lotutako kontrol jarduerak planifikatzea eta egitea.

b) Gauzatutako jarduketei buruzko txostenak prestatzea.

c) Txostenetan jasotako gomendioen segimendua egitea.

d) Erakunde nazionalei eta Europar Batasunekoei informazioa ematea kontrol jarduketei buruz.

e) Egindako jarduketetatik datozen itzulketa espedienteen segimendua.

f) Indarra duten xedapenek esleitzen dizkioten gainerako eginkizunak.

43. artikulua . NBEUFLGENF Dirulaguntzen Finantza Kontrolerako Atalaren eginkizunak.

NBEUF-LGENF Dirulaguntzen Finantza Kontrolerako Atalak honako eginkizun hauek izanen ditu:

a) NBEUF-LGENF dirulaguntzei dagokienez, kontrol jarduketak planifikatu eta betetzea.

b) Gauzatutako jarduketei buruzko txostenak prestatzea.

c) Txostenetan jasotako gomendioen segimendua egitea.

d) Erakunde nazionalei eta Europar Batasunekoei informazioa ematea kontrol jarduketei buruz.

e) Egindako jarduketetatik datozen itzulketa espedienteen segimendua.

f) Indarra duten xedapenek esleitzen dizkioten gainerako eginkizunak.

4. ATALA. KONTABILITATE OROKORRAREN ETA AURREKONTUETAKOAREN ZERBITZUA

44. artikulua . Kontabilitate Orokorraren eta Aurrekontuetakoaren Zerbitzuaren esparru material eta funtzionala.

Kontabilitate Orokorraren eta Aurrekontuetakoaren Zerbitzuak eginkizun hauek izanen ditu:

a) Foru Komunitateko Administrazioaren eta haren erakunde autonomoen kontabilitate publikoa antolatzea.

b) Kudeaketa arauak eta prozedurak prestatzea, Foru Komunitateko Administrazioan eta haren erakunde autonomoetan egiten diren eragiketak behar bezala erregistratzeko kontabilitatean, bai eta eragiketak gauzatzen dituzten unitateek benetan aplikatzen dituztela kontrolatzeko ere.

c) Foru Komunitateko Administrazioaren eta haren erakunde autonomoen jarduera ekonomiko eta finantzarioari eta haren emaitzei buruzko informazio sistema definitzea.

d) Sektore publikoa osatzen duten entitateen jarduerari eta emaitzei buruzko informazio ofiziala prestatu eta argitaratzea.

e) Foru Komunitateko Administrazioaren eta haren erakunde autonomoen kontabilitatearekin aritzen diren aplikazioak eta prozesuak koordinatzea.

f) Nafarroako Gobernuko kontabilitate zentroen arteko koordinazio funtzionala, kontabilitatearen arloan.

g) Indarra duten xedapenek esleitzen dizkioten gainerako eginkizunak.

45. artikulua . Kontabilitate Orokorraren eta Aurrekontuetakoaren Zerbitzuaren egitura.

Kontabilitate Orokorraren eta Aurrekontuetakoaren Zerbitzuak honako atal hauek ditu:

a) Kontabilitate Orokorraren Atala.

b) Kontabilitateko Prozesu Berezien Atala.

46. artikulua . Kontabilitate Orokorraren Atalaren esparru material eta funtzionala.

Kontabilitate Orokorraren Atalak eginkizun hauek izanen ditu:

a) Kudeaketa ekonomiko-finantzariorako sistema zuzen dabilela kontrolatzea.

b) Foru Komunitateko Administrazioaren eta haren erakunde autonomoen unitateek betetzen dituzten kontabilitate eragiketetan erabili beharreko kontabilitateko prozedurak, liburuak, erregistroak eta dokumentuak ezartzea.

c) Nafarroako Foru Komunitateko Administrazioa eta haren erakunde autonomoak ukitzen dituzten kontabilitate-idatzoharrak kontrolatzea eta, behar izanez gero, gauzatzea.

d) Hilabeteko eta urteko itxieren kontabilitate-prozesuak kudeatzea.

e) Nafarroako Kontu Orokorrak prestatzea, bai eta Foru Komunitateko Administrazioari eta haren erakunde autonomoei lotutako ekonomiari nahiz ondareari buruzko gainerako agiri guztiak ere.

f) Indarra duten xedapenek esleitzen dizkioten gainerako eginkizunak.

47. artikulua . Kontabilitateko Prozesu Berezien Atalaren esparru materiala eta funtzionala.

Kontabilitateko Prozesu Berezien Atalak eginkizun hauek izanen ditu:

a) Nominaren kontabilizazio lan guztiak kontrolatzea.

b) Zergapekoak ez diren kobrantzak aplikatzeko eragiketak kontrolatzea.

c) Kontabilizazio automatiko edo programatuen eragiketetan sistemak ongi funtzionatzen duela kontrolatzea.

d) Kontabilitate-sistemarekin aritzen diren sistemekiko elkarreragingarritasun-eskemak definitzea, bai kanpokoak, bai administrazio elektronikoaren berezkoak direnak.

e) Jarduketak proposatzea funtzionaltasuna hobetzeko kontabilitate-sisteman edo sistema osagarrietan: Nafarroako Gobernuaren Dirulaguntzen Datu-basea, fakturen erregistroa eta, oro har, kontabilitate-sistemak tratatzeko moduko datuak biltzen dituzten guztiak.

f) Indarra duten xedapenek esleitzen dizkioten gainerako eginkizunak.

5. ATALA. LAGUNTZA JURIDIKOAREN ATALA

48. Artikulua . Laguntza Juridikoaren atalaren esparru material eta funtzionala.

1. Laguntza Juridikoaren Atalak eginkizun hauek izanen ditu:

a) Aholkularitza juridikoa ematea Kontu-hartzailetzako Zuzendaritza Nagusiari eta haren zerbitzuei.

b) Zuzendaritza Nagusiaren gaietan, jurisprudentziaren, doktrinaren eta interes juridikoko informazioen segimendua, bilketa eta zabalkundea egitea.

c) Kontu-hartzailetza delegatuek gauzatutako kontu-hartzailetza eginkizunen ondorioz pizten diren desadostasunak, kontu-hartzailetza horiek adierazitako eragozpenen ondorioz azaleratu direnak, konpontzeko proposamenen txostenak igortzea.

d) Kontu-hartzailetzako Zuzendaritza Nagusiak eskatzen dizkion txosten juridiko guztiak egitea.

e) Kontu-hartzailetzako Zuzendaritza Nagusiak bere eskumenen esparruan agintzen dion beste edozein.

f) Indarra duten xedapenek esleitzen dizkioten gainerako eginkizunak.

2. Kontu-hartze Zerbitzuko zuzendariak kontu-hartzaile nagusiaren delegazio iraunkorra beteko du kontu-hartzailetzari dagozkion berezko gaietan.

V. KAPITULUA. IDAZKARITZA TEKNIKO NAGUSIA

49. artikulua . Idazkaritza Tekniko Nagusiaren egitura.

Idazkaritza Tekniko Nagusiak atal hauek ditu bere egituran:

a) Araubide Juridikoaren Atala.

b) Araubide Administratiboaren Atala.

50. artikulua . Araubide Juridikoaren Atalaren esparru material eta funtzionala.

Honako eginkizun hauek ditu Araubide Juridikoaren Atalak:

a) Aginduzko txosten juridikoak egitea beharrezko duten espedienteetan, bai eta idazkari tekniko nagusiak agintzen dion beste edozein ere.

b) Aholkularitza juridikoa ematea departamentuko kontseilariari, zuzendari nagusiei eta zerbitzuetako zuzendariei.

c) Departamentuan tramitatzen diren errekurtsoei buruzko txostenak egitea.

d) Departamentuari dagozkion gaiei buruzko araudia bildu eta mantentzea.

e) Departamentuaren gaietan, jurisprudentziaren, doktrinaren eta interes juridikoko informazioen segimendua, bilketa eta zabalkundea egitea.

f) Giza baliabideen eta lanerako baldintza materialen arloko arauzko xedapenetan jasota dauden neurriak hartzea, hala nola laneko arriskuen prebentzioa, ekintza zuzentzaileen koordinazioa, emergentzia planak eta segurtasunaren hobekuntzak.

g) Aurrekontuen kudeaketa egokirako behar diren neurriak hartzea.

h) Nafarroako Foru Komunitateko Administrazioaren eta haren erakunde publikoen datu-babeseko eta informazioaren segurtasuneko politikan definitzen diren segurtasun-erantzulearen eginkizunak betetzea, departamentuaren eremuan, Nafarroako Zerga Ogasuna erakunde autonomoan izan ezik.

i) Indarra duten xedapenek esleitzen dizkioten gainerako eginkizunak.

51. artikulua . Araubide Administratiboaren Atalaren esparru material eta funtzionala.

Araubide Administratiboaren Atalak eginkizun hauek izanen ditu:

a) Nafarroako Kontseiluaren irizpena behar duten departamentuaren aferen kasuan, haien gaineko espedienteak gainbegiratu eta igortzea.

b) Departamentuko organoek onetsitako foru aginduak eta ebazpenak erregistratu, artxibatu eta gordetzea.

c) Departamentuko erregistro eta artxibo administratiboak antolatu eta koordinatzeko irizpideak ezartzea, gainerako unitate organikoekin elkarlanean.

d) Departamentuaren jarduerei buruzko informazio orokorra herritarrei emateko lanak koordinatu eta bultzatzea ikuspuntu korporatibotik, gaur egun eskura dauden bideak eta etorkizunean sor daitezkeenak erabiliz, gai horretan eskumena duen unitate organikoarekin koordinaturik eta hark ezarritako gidalerroei jarraikiz.

e) Giza baliabideen arloko kontsultei erantzuna ematea, zehazki, departamentuko langileen opor, lizentzia eta baimenei buruz, funtzio publikoaren arloan eskumena duen departamentuarekin koordinatuta.

f) Informatikaren, telekomunikazioen eta teknologia berrien arloan eskumena duen Zuzendaritza Nagusiarekin koordinatzeko eginkizunak bere gain hartzea.

g) Akordioak eta hitzarmenak dagokien erregistroan inskribatzeko kudeaketa lanak eta tramiteak betetzea.

h) Herritarrek egindako kexak, eskaerak eta iradokizunak kudeatu eta tramitatzea, arlo honetan eskumenak esleituak dituzten beste departamentu batzuekin koordinatuta.

i) Departamentuaren barrenean administratiboki bideratzea foru parlamentarien eta Arartekoaren galderak eta informazio eskaerak, horien izapidetze instituzionalaz arduratzen den unitateak igorritakoak.

j) Genero ikuspegiaren zeharkakotasuna aplikatzeari lotutako eginkizunak gauzatzea Ekonomia eta Ogasun Departamentuaren politikak planifikatu, kudeatu eta ebaluatzean, bat eginik Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

k) Indarra duten xedapenek esleitzen dizkioten gainerako eginkizunak.

VI. KAPITULUA. NAFARROAKO FORU AUZITEGI EKONOMIKO-ADMINISTRATIBOA

52. artikulua . Nafarroako Foru Auzitegi EkonomikoAdministratiboaren eskudantziak.

Nafarroako Foru Auzitegi Ekonomiko-Administratiboari dagokio Tributuei buruzko abenduaren 14ko 13/2000 Foru Lege Orokorra garatzen duen Erregelamenduaren 18. artikuluan aurreikusitako eskudantziak baliatzea, egintzak administrazio bidean berrikusteari dagokionez (erregelamendu hori onetsi zen urriaren 17ko 85/2018 Foru Dekretuaren bidez).

VII. KAPITULUA. NAFARROAKO KONTRATU PUBLIKOEN ADMINISTRAZIO AUZITEGIKO IDAZKARITZA

53. artikulua . Nafarroako Kontratu Publikoen Administrazio Auzitegiko Idazkaritzaren esparru material eta funtzionala.

Nafarroako Kontratu Publikoen Administrazio Auzitegiko idazkariak honako eginkizun hauek beteko ditu:

a) Nafarroako Kontratu Publikoen Administrazio Auzitegiaren bilkuretara joatea, hizpidearekin baina botorik gabe.

b) Nafarroako Kontratu Publikoen Administrazio Auzitegiaren bileren deia egitea, haren buruak aginduta.

c) Berak ezagutu beharreko jakinarazpenak, datu eskaerak, zuzenketak edo bestelako idazkiak jasotzea, prozeduren izapidetzearen egoeraren berri ematea interesdunei eta jendearentzako arreta lanak egitea.

d) Nafarroako Kontratu Publikoen Administrazio Auzitegiaren bileren aktak idaztea eta baimentzea.

e) Aurkezten diren errekurtsoen izapidetzea koordinatzea, kontrolatzea eta jarraipena egitea.

f) Aurkezten diren errekurtsoen izapide-egintzak ematea.

g) Nafarroako Kontratu Publikoen Administrazio Auzitegiak onesten dituen erabakiak jakinaraztea, eta, behar denean, horien ziurtagiriak ematea.

h) Urtero prestatzea Nafarroako Kontratu Publikoen Administrazio Auzitegiaren jardueren memoria, buruak emandako jarraibideei segituz.

i) Oro har, prozeduren legezkotasun materiala eta formala zaintzea.

j) Idazkaritzak berezkoak dituen gainerako eginkizunak, eta lehendakariak agintzen dizkionak.

k) Indarra duten xedapenek esleitzen dizkioten gainerako eginkizunak.

Lehen xedapen gehigarria. Eskumenak deskontzentratzeko baldintza orokorrak.

Indarra duten arauek organo bati ematen dizkioten eskumenak hierarkian menpeko diren beste organo batzuengan deskontzentratzen ahal dira, Nafarroako Aldizkari Ofizialean argitaratuko den xedapen orokor baten bitartez, galarazi gabe eskumenak esleitzeko arauetan finkatutako baldintzak bete beharra.

Bigarren xedapen gehigarria. Deskontzentrazioa.

1. Ekonomia eta Ogasun Departamentuko zuzendaritza nagusien eta Nafarroako Foru Auzitegi Ekonomiko-Administratiboaren buruaren esku uzten dira, bakoitzaren eskumenen esparruan, indarra duen araudiak Ekonomia eta Ogasun Departamentuko titularrari kontratazioaren, gastuen baimenaren eta xedapenaren eta ordaintzeko obligazioen aitorpenaren arloan esleitzen dizkion eskumen administratiboen titulartasuna eta erabilera.

2. Aurrekontuen eta Ondarearen Zuzendaritza Nagusiaren titularraren esku uzten dira Ekonomia eta Ogasun Departamentuko titularrak ondare-erantzukizunaren arloan esleituak dituen eskumenen titulartasuna eta erabilera.

3. Ekonomia eta Ogasun Departamentuko titularrak indarrik gabe uzten ahalko du xedapen gehigarri honetan aipatzen diren eskumenen deskontzentrazioa, foru agindu baten bidez. Foru agindu hori Nafarroako Aldizkari Ofizialean argitaratu beharko da.

Hirugarren xedapen gehigarria. Nafarroako Foru Auzitegi EkonomikoAdministratiboko buruaren, kideen eta idazkariaren maila hierarkikoa.

Auzitegiko buruak Nafarroako Foru Komunitateko Administrazioaren zerbitzuko zuzendari kategoria izanen du, eta kideak eta idazkaria Nafarroako Foru Komunitateko Administrazioko atalburuen parekoak izanen dira.

Bigarren xedapen gehigarria. Unitateak kentzea.

Honako hauek kentzen dira: Finantza Kontrol Iraunkorrerako eta Auditoretzako Atala, Suspertze, Eraldatze eta Erresilientzia Planaren Koordinazioaren eta Kontabilitate Nazionalaren Zerbitzua, Suspertze, Eraldatze eta Erresilientzia Planaren Koordinazioaren Atala, Kontu-hartzearen Koordinazio eta Azterlanen Atala eta Kontrol Juridikoaren Atala.

Bosgarren xedapen gehigarria. Izendapenak berrestea.

Honako zerbitzu eta atal hauetako buruen izendapenak berresten dira, izendatu zireneko baldintza beretan: Finantza Kontrol Iraunkorrerako eta Auditoretzako Zerbitzua (Finantza Kontrolerako eta Auditoretzako Zerbitzua deituko da); Suspertze, Eraldatze eta Erresilientzia Planaren Koordinazioaren eta Kontabilitate Nazionalaren Zerbitzua (Suspertze Planaren Koordinazioaren eta Kontabilitate Nazionalaren Zerbitzua deituko da); Suspertze, Eraldatze eta Erresilientzia Planaren Koordinazioaren Atala (Suspertze Planaren Koordinaziorako Atala deituko da).

Bigarren xedapen gehigarria. Ataletako burutzetarako eskakizunak.

Kontu-hartzailetzako Zuzendaritza Nagusian atalburu aritzeko, honako eskakizun hauek bete beharko dira:

Kontu-hartzea Antolatzeko Atalean: A, B edo C maila.

Laguntza Juridikoaren atalean: Zuzenbideko lizentzia edo gradua edo Administrazioko Zientzia Juridikoetako gradua.

Xedapen iragankor bakarra. Administrazio unitateen iraupena.

Atalez azpiko maila duten unitate organikoek indarrean diraute eta gaur egungo izendapenari eta funtzioei eutsiko diete, harik eta foru dekretu hau garatzeko neurriak hartu arte; behin-behinean, egitura berriko organoei atxikiko zaizkie betetzen ari ziren funtzioen arabera.

Xedapen indargabetzaile bakarra. Arauak indargabetzea.

Indarrik gabe gelditzen dira foru dekretu honen edukiari aurka egiten dioten maila bereko edo apalagoko xedapen guztiak eta, bereziki, urriaren 30eko 264/2019 Foru Dekretua, zeinaren bidez ezarri baitzen Ekonomia eta Ogasun Departamentuaren egitura organikoa.

Azken xedapenetako lehena. Aurrekontu aldaketak.

Ahalmena ematen zaie Ekonomia eta Ogasuneko kontseilariari, Lehendakaritza eta Berdintasuneko kontseilariari eta Barneko, Funtzio Publikoko eta Justiziako kontseilariari, behar diren xedapen guztiak eman ditzaten foru dekretu honetan xedatutakoa garatu eta betetzeko, eta behar den gisan banatu eta esleitu ditzaten langileak, baliabide ekonomikoak eta baliabide materialak.

Azken xedapenetako bigarrena. Garatzeko ahalmenak.

Ahalmena ematen zaio Ekonomia eta Ogasuneko kontseilariari foru dekretu honetan ezarritakoa garatzeko beharrezkoak diren xedapenak eman ditzan.

Azken xedapenetako hirugarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

Gobierno de Navarra

Contacte con nosotros | Accesibilidad | Aviso legal | Mapa web