(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

238/2023 FORU DEKRETUA, AZAROAREN 15EKOA, LEHENDAKARITZA ETA BERDINTASUN DEPARTAMENTUAREN EGITURA ORGANIKOA EZARTZEN DUENA

BON N.º 244 - 23/11/2023

  I. KAPITULUA. XEDAPEN OROKORRAK

  II. KAPITULUA. LEHENDAKARITZAKO, GOBERNU IREKIKO ETA NAFARROAKO PARLAMENTUAREKIKO HARREMANETAKO ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. AHOLKULARITZA JURIDIKOAREN ZERBITZUA

  3. ATALA. GOBERNUAREN IDAZKARITZAKO, ERAKUNDEEKIKO HARREMANETAKO ETA ARAUGINTZAKO ZERBITZUA

  4. ATALA. GOBERNU IREKIAREN ETA HERRITARRENTZAKO ARRETAREN ZERBITZUA

  5. ATALA. NAFARROAKO GOBERNUKO DATUAK BABESTEKO ORDEZKARITZA

  6. ATALA. NAFARROAKO ALDIZKARI OFIZIALAREN ATALA

  III. KAPITULUA. POLITIKA PUBLIKOEN PLANGINTZA, KOORDINAZIO, BERRIKUNTZA ETA EBALUAZIOKO ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. POLITIKA PUBLIKOEN PLANGINTZA, KOORDINAZIO, BERRIKUNTZA ETA EBALUAZIOKO ZERBITZUA

  3. ATALA. NASTATNAFARROAKO ESTATISTIKA INSTITUTUA

  IV. KAPITULUA. KOMUNIKAZIOAREN ETA PROIEKZIO INSTITUZIONALAREN ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. KOMUNIKAZIO ZERBITZUA

  3. ATALA. PROIEKZIO INSTITUZIONALAREN ETA NAFARROA MARKAREN ZERBITZUA

  V. KAPITULUA. IDAZKARITZA TEKNIKO NAGUSIA

  VI. KAPITULUA. NAFARROAKO ADMINISTRAZIO AUZITEGIA

Zioen azalpena

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean xedatutakoari jarraikiz, Nafarroako Gobernuari dagokio departamentu bakoitzaren egitura organikoa onestea.

Nafarroako Foru Komunitateko Lehendakariaren abuztuaren 17ko 10/2023 Foru Dekretuaren bidez, Nafarroako Foru Komunitateko Administrazioaren departamentuen egitura ezarri zen.

Era berean, abuztuaren 30eko 64/2023 Foru Dekretuaren bidez, Lehendakaritza eta Berdintasun Departamentuaren oinarrizko egitura organikoa ezarri zen.

Egokia da, orain, behar bezala garatzea Foru Komunitateko Administrazioaren departamentu bakoitzaren egitura.

Foru dekretu honen xedea da Lehendakaritza eta Berdintasun Departamentuaren egitura organiko berria garatzea.

Hori horrela, Lehendakaritza eta Berdintasuneko kontseilariak proposaturik, eta Nafarroako Gobernuak bi mila eta hogeita hiruko azaroaren hamabostean egindako bilkuran hartutako erabakiarekin bat,

DEKRETATZEN DUT:

I. KAPITULUA. XEDAPEN OROKORRAK

1. artikulua . Lehendakaritza eta Berdintasun Departamentuaren eskumenen esparrua.

Lehendakaritza eta Berdintasun Departamentuari dagozkio Nafarroako Foru Komunitateko Administrazioak ondotik zehazten diren arloetan esleitutako eskumenak:

a) Gobernuko lehendakariari eta Idazkaritzari laguntzea.

b) Erregistro Orokorra.

c) Departamentuen arteko politiken koordinazioa eta departamentuen arteko koordinazio juridiko eta administratiboa.

d) Nafarroako Aldizkari Ofiziala.

e) Aholkularitza juridikoa eta Foru Komunitatearen ordezkaritza eta defentsa epaiketetan.

f) Foru Zuzenbide Zibila.

g) Gobernu Irekia, gardentasuna eta datu irekiak koordinatzea eta sustatzea.

h) Hauteskunde prozesuak.

i) Azterketa estrategikoak.

j) Herritarren parte-hartzerako politikak.

k) Parlamentuarekiko eta Foru Komunitateko, autonomia erkidegoetako eta estatuko beste erakunde batzuekiko harremanak.

l) Boluntariotzaren politika eta irisgarritasun unibertsala koordinatzea.

m) Gizartearen errealitatea, aldaketaren prozesuak eta gizartearen erronkak aztertzea.

n) Politika publikoak planifikatu, koordinatu eta ebaluatzea.

ñ) Lurralde mailako proiektu estrategikoak ebaluatzea.

o) Administrazioaren sinplifikazioa.

p) Toki administrazioa digitalizatzen laguntzea.

q) Nafarroako Gobernuaren irudi instituzionala eta Nafarroa marka babestea, garatzea eta sustatzea.

r) Informazio-politikaren koordinazioa.

s) Herritarrentzako arreta.

t) Koordinazioa komunikabide sozialekin.

u) Nafarroako Gobernuak Interneten eta sare sozialetan duen presentzia.

v) Gizonen eta emakumeen arteko berdintasun politikak.

w) LGTBI+ pertsonen berdintasun sozialeko politikak.

x) Indarra duten xedapenetan ematen zaizkion gainerako eskudantziak.

2. artikulua . Lehendakaritza eta Berdintasun Departamentuko titularra.

1. Lehendakaritza eta Berdintasun Departamentuko titularrak, foru dekretu honen 1. artikuluan zehaztutako eskumen esparruari loturik, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluan ezarritako eskudantziak izanen ditu.

2. Zehazki, Nafarroako Gobernuko idazkaritza dagokio, Gobernuak hartutako erabakien ziurtapena barne, Nafarroako Gobernuari eta Lehendakariari buruzko abenduaren 3ko 14/2004 Foru Legearen 13. artikuluan ezarritakoarekin bat.

3. Era berean, Lehendakaritza eta Berdintasun Departamentuko titularrari dagokio, departamentuaren titularra den aldetik, kide anitzeko organo hauen presidentetza:

a) Nafarroako Foru Komunitateko Administrazioa Koordinatzeko Batzordea.

b) Politika publikoak eta zerbitzu publikoen kalitatea ebaluatzeko Foru Batzordea.

c) Nafarroako Foru Zuzenbide Zibilaren Aholku Kontseilukoa.

d) Gardentasuna eta Gobernu Irekirako Departamentuarteko Batzordea.

e) Irisgarritasun Unibertsala eta Pertsona Ororentzako Aukera-berdintasuna Sustatzeko Kontseilua.

f) Herritarren Parte-hartzerako Nafarroako Kontseilua.

g) Nafarroako Boluntariotzaren Kontseilua.

h) Nafarroako Berdintasunerako Kontseilua.

i) Nafarroako LGTBI+ Kontseilua.

j) Nafarroako Estatistika Kontseilua.

4. Lehendakaritza eta Berdintasun Departamentuko titularrari sostengu politiko eta teknikoa emateko unitate gisa, eta zuzenean haren mende, kabinete bat dago departamentuan, Nafarroako Gobernuari eta Lehendakariari buruzko abenduaren 3ko 14/2004 Foru Legearen 19. artikuluari lotua dagoena.

3. artikulua . Lehendakaritza eta Berdintasun Departamentuaren antolamendu orokorra.

1. Lehendakaritza eta Berdintasun Departamentuak, bere titularraren goi-zuzendaritzapean, honako organo hauek ditu bere egituran:

a) Lehendakaritzako, Gobernu Irekiko eta Nafarroako Parlamentuarekiko Harremanetako Zuzendaritza Nagusia.

b) Politika Publikoen Plangintza, Koordinazio, Berrikuntza eta Ebaluazioko Zuzendaritza Nagusia.

c) Komunikazioaren eta Proiekzio Instituzionalaren Zuzendaritza Nagusia.

d) Nafarroako Berdintasunerako Institutua.

e) Idazkaritza Tekniko Nagusia.

f) Nafarroako Administrazio Auzitegia.

2. Analisi eta Prospekzio Bulegoa erakunde autonomoa Politika Publikoen Plangintza, Koordinazio, Berrikuntza eta Ebaluazioko Zuzendaritza Nagusiari atxikita egonen da, eta haren estatutuetan ezarritakoari jarraituz arautuko da.

4. artikulua . Zuzendaritza nagusien eskudantziak.

Foru dekretu honen 2.2. artikuluan ezarritakoa galarazi gabe, Lehendakaritza eta Berdintasun Departamentuko zuzendaritza nagusiei dagokie, departamentuko titularraren goi zuzendaritzapean eta foru dekretu honetan bakoitzari esleitutako esparruan, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 31. eta 32. artikuluetan eta azken xedapenetako lehenbizikoan ezarritako eskudantziak erabiltzea eta, horietaz gainera, indarrean dauden xedapenek esleitzen dieten edo departamentuko titularrak agintzen dien beste edozein.

5. artikulua . Idazkaritza Tekniko Nagusiaren eskudantziak.

Lehendakaritza eta Berdintasun Departamentuko Idazkaritza Tekniko Nagusiak, foru dekretu honen 1. artikuluan zehaztu den eskumen esparruan, eta Lehendakaritza eta Berdintasun Departamentuko titularraren goi zuzendaritzapean, berari atxikita baitago zuzenean, honako eskudantzia hauek izanen ditu:

a) Martxoaren 11ko 11/2019 Foru Legearen 33. artikuluan zehazturikoak(foru lege horrek hizpide ditu Nafarroako Foru Komunitateko Administrazioa eta foru-sektore publiko instituzionala).

b) Nafarroako Foru Komunitateko Administrazioko Idazkaritza Tekniko Nagusiak arautzen dituen Erregelamendua onesten duen otsailaren 21eko 29/2005 Foru Dekretuan aurreikusitakoak, barne daudela aurrekontu eta ekonomia arlokoak diren arau horretako 8. artikuluan deskribatutakoak, bai eta Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren 6. artikuluan aurreikusitakoak ere.

c) Genero ikuspegiaren zeharkakotasuna aplikatzea Lehendakaritza eta Berdintasun Departamentuaren politikak planifikatu, kudeatu eta ebaluatzean, bat etorriz Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

d) Departamentuko gainerako organoei laguntzea informazioaren segurtasunari buruzko araudia aplikatzen, Nafarroako Foru Komunitateko Administrazioaren Datuak Babesteko eta Informazioaren Segurtasunerako Politikan zehaztutakoa betetzeko.

e) Departamentuko zerbitzuko zuzendaritzen edo burutzen titularren jabetza-hartzeak izapidetzea.

f) Indarrean dauden xedapenek esleitzen dizkioten edo Berdintasun eta Osasun Departamentuko titularrak agintzen dion beste edozein, eta horretarako behar diren ebazpenak emanen ditu.

6. artikulua . Zerbitzuen eskudantziak.

Zerbitzuek, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 35. artikuluarekin, eginkizun hauek izanen dituzte: beren mendeko atalak edo unitate organikoak planifikatu, koordinatu, zuzendu eta kontrolatzea; prozedurak arindu, arrazionalizatu eta sinplifikatzeko printzipioak bultzatu eta sustatzea; eta, halaber, indarra duten xedapenek berariaz esleitzen dizkieten edo departamentuko organo eskudunek haietan deskontzentratzen edo eskuordetzen dituzten beste edozein.

7. artikulua . Atalen eskudantziak.

Atalek, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 37. artikuluarekin, eginkizun hauek izanen dituzte: beren eskumenen esparruko lanak gauzatzea eta goragoko nagusientzako txostenak eta proposamenak egitea; beren mendeko bulegoek eta unitateek egiten dituzten lanak koordinatzea, zuzentzea eta kontrolatzea; eta, halaber, Departamentuko organo eskudunek agintzen dizkieten gainerako eginkizun guztiak betetzea.

II. KAPITULUA. LEHENDAKARITZAKO, GOBERNU IREKIKO ETA NAFARROAKO PARLAMENTUAREKIKO HARREMANETAKO ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

8. artikulua . Lehendakaritzako, Gobernu Irekiko eta Nafarroako Parlamentuarekiko Harremanetarako Zuzendaritza Nagusiaren esparru materiala eta funtzionala.

Lehendakaritzako, Gobernu Irekiko eta Nafarroako Parlamentuarekiko Harremanetarako Zuzendaritza Nagusiak bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Lehendakaritzari laguntzea.

b) Gobernuari eta Koordinazio Batzordeari laguntzea.

c) Gobernuaren Idazkaritza, Nafarroako Gobernuari eta Lehendakariari buruzko abenduaren 3ko 14/2004 Foru Legearen 17. artikuluan aurreikusitako eskumenak erabiliz.

d) Departamentuen arteko koordinazio juridikoa eta administratiboa.

e) Araugintza teknikaren gidalerroak prestatzea eta araugintza ebaluazioa sustatzea.

f) Dokumentuak Estatuko Aldizkari Ofizialera igortzea.

g) Foru Zuzenbide Zibila eta Nafarroako zuzenbidea oro har sustatzea.

h) Koordinazio Batzordearen eremuan kudeaketa prozedurak eta jarduera materialak arrazionalizatzea, sinplifikatzea eta arintzea.

i) Nafarroako elkarteak, fundazioak, lanbide elkargoak eta lanbide elkargoetako kontseiluak erregistratzea eta haien araubideaz arduratzea.

j) Nafarroako Parlamentuaren eta Arartekoaren jardueraren ondoriozko dokumentazioa eta prozedurak kudeatu eta izapidetzea.

k) Nafarroako Foru Komunitateko Administrazioaren Hitzarmen eta Akordioen Erregistroa.

l) Lankidetza Batzordeari eta Transferentzia Batzordeari sostengua ematea.

m) Nafarroako Foru Komunitateko Administrazioari eta haren mendeko erakunde publikoei aholku juridikoak ematea, eta haiek ordezkatu eta defendatzea epaiketetan.

n) Ondorioak atzerrian sortu behar dituzten dokumentuetan Nafarroako Foru Komunitateko Administrazioko agintari eta funtzionarioen sinadurak legeztatzea.

ñ) Nafarroako Gobernuko Datuak Babesteko ordezkariaren eginkizunak.

o) Gobernu Irekia eta datu irekiak bultzatzea eta koordinatzea.

p) Nafarroako Gobernuaren datu publikoak irekitzeko prozesua zuzendu eta bultzatzea, eta berrerabilera erraztea.

q) Nafarroako toki entitateekin elkarlanean aritzea gobernu irekiko politikak ezartzen eta hedatzen.

r) Erregistro Orokorra.

s) Herritarrentzako arreta koordinatzea.

t) Nafarroako Foru Komunitateko Administrazioaren prozeduren katalogoa edo inbentarioa.

u) Nafarroako Aldizkari Ofiziala.

v) Nafarroako Foru Komunitatearen mendeko hauteskundeak.

w) Nafarroako Foru Komunitateko Administrazioaren eta foru-sektore publiko instituzionalaren webguneen eta gailu mugikorren aplikazioen irisgarritasuneko unitate arduradunak bete beharreko eginkizunak.

x) Boluntariotza eta irisgarritasun unibertsala bultzatzea eta koordinatzea.

y) Indarra duten xedapenek Lehendakaritza eta Berdintasun Departamentuari esleitzen dizkiotenak, zuzendaritza nagusiak bere duen esparruan.

9. artikulua . Lehendakaritzako, Gobernu Irekiko eta Nafarroako Parlamentuarekiko Harremanetako Zuzendaritza Nagusiaren egitura.

1. Lehendakaritzako, Gobernu Irekiko eta Nafarroako Parlamentuarekiko Harremanetako Zuzendaritza Nagusia unitate hauek ditu bere egituran:

a) Aholkularitza Juridikoaren Zerbitzua.

b) Gobernuaren Idazkaritzako, Erakundeekiko Harremanetako eta Araugintzako Zerbitzua.

c) Gobernu Irekiaren eta Herritarrentzako Arretaren Zerbitzua.

d) Nafarroako Gobernuko Datuak Babesteko Ordezkaritza.

e) Nafarroako Aldizkari Ofizialaren Atala.

f) Baliabideen Kudeaketaren eta Irisgarritasuneko Unitate Arduradunaren Atala.

2. Nafarroako Gobernuko Datuak Babesteko Ordezkaritzaren titularrak Nafarroako Gobernuko Datuak Babesteko ordezkari izena izanen du (ordezkaritza horrek zerbitzuaren maila dauka).

2. ATALA. AHOLKULARITZA JURIDIKOAREN ZERBITZUA

10. artikulua . Aholkularitza Juridikoaren Zerbitzuaren esparru materiala eta funtzionala.

Aholkularitza Juridikoko Zerbitzuak eginkizun hauek ditu:

a) Foru Komunitateko Administrazioari eta haren mendeko erakunde publikoei aholku juridikoak ematea, eta haiek ordezkatu eta defendatzea epaiketetan haren ordena jurisdikzional guztietan.

b) Nafarroako Ondareko ondasun eta eskubideen ordezkaritza eta defentsa epaiketetan.

c) Lehendakaritza eta Berdintasun Departamentuko kontseilariak aldez aurretik baimenduta, Nafarroako Foru Komunitateko Administrazioko agintari, funtzionario eta langileen ordezkaritza eta defentsa epaiketetan, edozein delarik haien egoera prozesuan, prozedurak karguari loturiko egite edo ez-egiteengatik burutzen direnean.

d) Nafarroako Foru Komunitateko Administrazioak zaindu eta tutelatzen dituen adingabeen ordezkaritza eta defentsa epaiketetan, ordena zibilean zein penalean, bat etorriz Haur eta nerabeei arreta eta babesa eman eta haien familiak, eskubideak eta berdintasuna sustatzeko maiatzaren 11ko 12/2022 Foru Legearen 106.10 eta 111.4 artikuluekin.

e) Bidezko diren errekurtsoak paratzea ordena jurisdikzionalen ebazpenen kontra, Foru Komunitatearen interesen kontra jotzen dutenean.

f) Interes orokorrerako komenigarria izan daitekeelarik eta indarra duten legeekin bat, amore ematea, transakzioak egitea edo bertan behera uztea.

g) Departamentuei eta erakunde autonomoei aholkularitza juridikoa ematea, epaileen ebazpenei dagokienez, kasuan kasuko arlo jurisdikzionalean.

h) Nafarroako Foru Komunitateko Administrazioa Lankidetza Batzordean ordezkatzen dutenei aholkularitza juridiko eta administratiboa ematea eta aholkularitza juridikoa bestelako bitariko organo edo batzordeetan ere bai, hala agintzen zaionean.

i) Revista Jurídica de Navarra aldizkaria kudeatzea.

j) Nafarroako Foru Komunitateko Administrazioaren eta haren erakunde autonomoen zentro aholku-emaile gorena izatea, departamentuetako idazkaritza tekniko nagusiei esleituriko eginkizunak eta Nafarroako Kontseiluari esleituriko eginkizun bereziak deusetan galarazi gabe.

k) Aholkularitza juridikoa, Nafarroako Gobernuak, lehendakariak edo Lehendakaritza eta Berdintasun Departamentuko titularrak hala eskatuta.

l) Nafarroako Foru Komunitateko edozein organo exekutibo Konstituzio Auzitegian ordezkatu eta defendatzea.

m) Nafarroako Gobernuaren Aholkularitza Juridikoari buruzko urtarrilaren 5eko 4/1984 Foru Dekretuak esleitzen dizkion gainerakoak, bai eta indarrean dauden lege xedapenek esleitzen dizkiotenak ere.

11. artikulua . Aholkularitza Juridikoaren Zerbitzuaren egitura.

Aholkularitza Juridikoaren Zerbitzuak atal hauek ditu bere egituran:

a) Administrazioarekiko Auzien Atala.

b) Zerga Aferen Atala.

c) Afera Zibilen Atala.

d) Afera Penalen Atala.

e) Lan arloko Aferen Atala.

f) Kudeaketa Administratiboaren Atala.

12. artikulua . Administrazioarekiko Auzien Atalaren esparru materiala eta funtzionala.

Administrazioarekiko Auzien Atalak, administrazioarekiko auzien jurisdikzioari dagokionez, eginkizun hauek ditu:

a) Aholkularitza Juridikoaren Zerbitzuaren aholkularitza- eta auzi-eginkizunak.

b) Zerbitzuko titularrari bere eginkizunak betetzen laguntzea.

c) Aholkulari juridikoen jarduna koordinatzea.

d) Zerbitzuaren kudeaketa administratiboa egitea eremu horretan, salbu eta tributuen arloan edo zerbitzuaren titularrak, haren berezitasunagatik, beste atal bati esleitzen dizkion beste gai batzuetan.

13. artikulua . Zerga Aferen Atalaren esparru materiala eta funtzionala.

Zerga Aferen Atalak, tributuen arloei dagokienez, eginkizun hauek ditu:

a) Aholkularitza Juridikoaren Zerbitzuaren aholkularitza- eta auzi-eginkizunak.

b) Zerbitzuko titularrari bere eginkizunak betetzen laguntzea.

c) Aholkulari juridikoen jarduna koordinatzea.

d) Zerbitzuaren administrazio-kudeaketa egitea arlo horretan edo zerbitzuko titularrak esleitzen dizkion beste gai batzuetan.

14. artikulua . Afera Zibilen Atalaren esparru materiala eta funtzionala.

Afera Zibilen Atalak, jurisdikzio-ordena zibilari dagokionez, eginkizun hauek ditu:

a) Aholkularitza Juridikoaren Zerbitzuaren aholkularitza- eta auzi-eginkizunak.

b) Zerbitzuko titularrari bere eginkizunak betetzen laguntzea.

c) Aholkulari juridikoen jarduna koordinatzea.

d) Zerbitzuaren administrazio-kudeaketa egitea arlo horretan edo zerbitzuko titularrak esleitzen dizkion beste gai batzuetan.

15. artikulua . Afera Penalen Atalaren esparru materiala eta funtzionala.

Afera Penalen Atalak, jurisdikzio-ordena zibilari dagokionez, eginkizun hauek ditu:

a) Aholkularitza Juridikoaren Zerbitzuaren aholkularitza- eta auzi-eginkizunak.

b) Zerbitzuko titularrari bere eginkizunak betetzen laguntzea.

c) Aholkulari juridikoen jarduna koordinatzea.

d) Zerbitzuaren administrazio-kudeaketa egitea arlo horretan edo zerbitzuko titularrak esleitzen dizkion beste gai batzuetan.

16. artikulua . Lan arloko Aferen Atalaren esparru materiala eta funtzionala.

Lan arloko Aferen Atalak, lan arloko jurisdikzioari dagokionez, eginkizun hauek ditu:

a) Aholkularitza Juridikoaren Zerbitzuaren aholkularitza- eta auzi-eginkizunak.

b) Zerbitzuko titularrari bere eginkizunak betetzen laguntzea.

c) Aholkulari juridikoen jarduna koordinatzea.

d) Zerbitzuaren administrazio-kudeaketa egitea arlo horretan edo zerbitzuko titularrak esleitzen dizkion beste gai batzuetan.

17. artikulua . Kudeaketa Administratiboaren Atalaren esparru materiala eta funtzionala.

Kudeaketa Administratiboaren Atalak foru dekretu honetan esleitzen zaizkion eginkizunak beteko ditu kudeaketa tekniko-administratiboaren arloan, zerbitzuari emandako eginbeharrei dagokienez.

3. ATALA. GOBERNUAREN IDAZKARITZAKO, ERAKUNDEEKIKO HARREMANETAKO ETA ARAUGINTZAKO ZERBITZUA

18. artikulua . Gobernuaren Idazkaritzako, Erakundeekiko Harremanetako eta Araugintzako Zerbitzuaren esparru materiala eta funtzionala.

Gobernuaren Idazkaritzako, Erakundeekiko Harremanetako eta Araugintzako Zerbitzuak eginkizun hauek ditu:

a) Nafarroako Gobernuari eta Lehendakariari buruzko abenduaren 3ko 14/2004 Foru Legearen 17. artikuluan aurreikusitakoak.

b) Lehendakaritzari laguntzea.

c) Foru Komunitateko Lehendakaritzak Nafarroako Kontseiluari egindako irizpen-eskaerak koordinatu eta kudeatzea.

d) Gobernu bilkurak gainbegiratzea, bai eta horiek egitearen ondoriozko jarduketak guztiak ere.

e) Nafarroako Foru Komunitateko Administrazioak Transferentzia Batzordean duen ordezkaritzaren dokumentazioa zaintzea.

f) Koordinazio Batzordearen idazkaritza eta hartan parte hartzea.

g) Koordinazio Batzordearen eremuan kudeaketa prozeduren eta jarduera materialen arrazionalizazioa eta homogeneotasuna.

h) Departamentuen arteko koordinazio juridikoa eta administratiboa.

i) Dokumentuak Estatuko Aldizkari Ofizialera igortzea.

j) Mezularitzako zerbitzu zentralizatuaren planifikazioa.

k) Foru Komunitateko Administrazioarentzat interes komuna duten xedapen orokorren aurreproiektuak eta proiektuak prestatzea, Administrazioko departamentuekin koordinatuta, behar denean.

l) Xedapen orokorren aurreproiektu eta proiektuen arauen kalitatea gainbegiratzea, hala badagokio, administrazioko departamentuekin koordinatuta.

m) Urteko araugintza-plana egiteko lanak koordinatzea eta betetzen dela gainbegiratzea.

n) Foru Zuzenbide Zibilaren Aholku Kontseiluko idazkaritza eta bertan parte hartzea.

ñ) Foru Zuzenbide Zibilaren eguneratzea eta zabalkundea sustatzea.

o) Elkarteen Erregistroa, Fundazioen Erregistroa eta Lanbide Elkargoen Erregistroa antolatu eta gainbegiratzea.

p) Nafarroako Foru Komunitateko Administrazioaren Elkarrekin Jarduteko Planen, Hitzarmenen eta Akordioen Erregistroa antolatzea eta gainbegiratzea.

q) Nafarroako Gobernuaren eta Nafarroako Foru Komunitateko Administrazioaren eta Nafarroako Parlamentuaren arteko harremanen ondoriozko prozeduren kudeaketa zentralizatua gainbegiratzea.

r) Gainbegiratzea Nafarroako Foru Komunitateko Administrazioak kexak barnean izapidetzeko eta Nafarroako Arartekoak egindako ikerketa eta ikuskapenekin lotutako informazioa bidaltzeko duen sistema zentralizatua.

s) Herritarrentzat interesgarriak diren estatistikak definitzea, Nafarroako Parlamentuari eta Foru Komunitateko Arartekoari buruz.

t) Lehendakaritzako, Gobernu Irekiko eta Nafarroako Parlamentuarekiko Harremanetako Zuzendaritza Nagusiaren eskumenen esparru materialarekin lotuta agintzen zaion beste edozein eginkizun.

19. artikulua . Gobernuaren Idazkaritzako, Erakundeekiko Harremanetako eta Araugintzako Zerbitzuaren egitura.

Gobernuaren Idazkaritzako, Erakundeekiko Harremanetako eta Araugintzako Zerbitzuak atal hauek ditu bere egituran:

a) Gobernuaren Idazkaritza Atala.

b) Koordinazio eta Araugintza Atala.

c) Foru Erakundeekiko Prozeduren Kudeaketarako Atala.

20. artikulua . Gobernuaren Idazkaritza Atalaren esparru materiala eta funtzionala.

Gobernuaren Idazkaritza Atalak eginkizun hauek ditu:

a) Nafarroako Gobernuko lehendakariaren foru dekretuak egiteko, izapidetzeko eta onesteko lanak koordinatzea eta kudeatzea.

b) Nafarroako Gobernuko lehendakariari bere eskudantzietan eta administrazioarekiko edo beste organo batzuekiko harremanetan laguntzea.

c) Gainbegiratzea foru legeen aldarrikapena eta argitalpena Nafarroako Aldizkari Ofizialean eta Estatuko Aldizkari Ofizialean.

d) Gobernuaren bilkuretako gai-zerrenda prestatzea, Nafarroako Gobernuko kideei igortzea eta bilkura horien ondorioz egin beharreko jarduketak kudeatzea.

e) Nafarroako Gobernuaren bilkuretan onetsitako gaien ziurtagiriak, helarazpenak eta jakinarazpenak koordinatzea.

f) Nafarroako Gobernuaren bilkuretan onetsitako dokumentazioa Aldizkari Ofizialetara eta Gobernu Irekiaren Atarira igortzea.

g) Nafarroako Gobernuaren bilkuretako dokumentazio guztia zaintzea.

h) Nafarroako Kontseiluari irizpena eskatzeko espedienteak kudeatzea eta izapidetzea.

i) Paperezko administrazio-jakinarazpenetarako posta zerbitzuak koordinatzea.

j) Gutunen banaketa gainbegiratzea administrazioaren eremuan.

k) Administrazioaren barneko postaren bilketa eta banaketa koordinatzea.

l) Talde administratiboa eta mandatari zerbitzua koordinatzea.

m) Gobernuaren Idazkaritzako, Erakundeekiko Harremanetako eta Araugintzako Zerbitzuaren eskumenen esparru materialarekin lotuta agintzen zaion beste edozein eginkizun.

21. artikulua . Koordinazio eta Araugintza Atalaren esparru materiala eta funtzionala.

Koordinazio eta Araugintza Atalak eginkizun hauek ditu:

a) Zerbitzuko unitate guztiei laguntza juridikoa eman eta koordinatzea.

b) Xedapen orokorren aurreproiektu eta proiektuen gaineko txostenen prestakuntza gainbegiratzea, hala badagokio, administrazioko departamentuekin koordinatuta.

c) Zerbitzuaren eskumenari dagozkion arau-proposamenak egitea.

d) Urteko araugintza-planaren betetze-mailari buruzko txostena eta jarraipena egitea.

e) Legegintzako datu-baseen urteko esleipena kudeatzea.

f) Informazio Juridikoaren Buletina egin eta argitaratzea.

g) Foru Zuzenbide Zibilaren eguneratzea eta zabalkundea sustatzeko laguntzak kudeatzea.

h) Nafarroako Foru Komunitateko Administrazioaren kide anitzeko organoen inbentarioaren jarraipena eta koordinazioa egitea.

i) Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean aurreikusitako administrazio-prozeduren inbentarioaren jarraipena eta koordinazioa egitea.

j) Administrazioak erregistratutako markak koordinatzea.

k) Elkarteen Erregistroaren, Fundazioen Erregistroaren eta Lanbide Elkargoen Erregistroaren eskumenekoak diren inskripzio-espedienteak eta erregistroaren publikotasuna kudeatzea eta izapidetzea.

l) Nafarroako Foru Komunitateko Administrazioaren hitzarmen, akordio eta elkarrekin jarduteko planen erregistro-inskripzioa eta horien publizitatea gainbegiratzea.

m) Gobernuaren Idazkaritzako, Erakundeekiko Harremanetako eta Araugintzako Zerbitzuaren eskumenen esparru materialarekin lotuta agintzen zaion beste edozein eginkizun.

22. artikulua . Foru Erakundeekiko Prozeduren Kudeaketarako Atalaren esparrua material eta funtzionala.

Foru Erakundeekiko Prozeduren Kudeaketarako Atalak eginkizun hauek izanen ditu:

a) Laguntza ematea Nafarroako Gobernuaren eta Nafarroako Parlamentuaren arteko komunikazioak eta prozedurak modu zentralizatuan kudeatzeko eskumena duen kontseilariari, haien artean sinatutako hitzarmenaren indarrez.

b) Nafarroako Parlamentuko organoek hartutako erabakiak eta gai-zerrenda departamentuetara modu koordinatuan bidaltzea.

c) Departamentuei Europar Batasuneko legegintzako proposamenen berri ematea, Nafarroako Gobernuak subsidiariotasunaren printzipioarekin bat datorrela adieraz dezan.

d) Nafarroako Gobernuari zuzendutako interpelazioen, informazio-eskaeren, galderen, mozioen eta agerraldien jarraipena egitea.

e) Bidezko dokumentazioa igortzea Nafarroak Estatuarekin duen hitzarmen ekonomikoa izapidetu, aldatu eta onets dezan Nafarroako Parlamentuak.

f) Aurrekontuko aldaketak eta gainerako jarduketa ekonomikoak aldian-aldian jakinaraztea Nafarroako Parlamentuari.

g) Legegintzako prozedurarekin zerikusia duten jarduketen erregistroa, harrera eta jarraipena koordinatzea.

h) Nafarroako Arartekoarekin egiten diren prozeduren kudeaketa eta izapideak koordinatzea.

i) Nafarroako Parlamentuarekin eta Nafarroako Arartekoarekin egiten diren jarduketen ondoriozko espedienteak eta dokumentazioa artxibatu eta kontrolatzea.

j) Herritarrentzat interesgarriak diren estatistikak prestatzea Nafarroako Parlamentuari eta Nafarroako Arartekoari buruz.

k) Gobernuaren Idazkaritzako, Erakundeekiko Harremanetako eta Araugintzako Zerbitzuaren eskumenen esparru materialarekin lotuta agintzen zaion beste edozein eginkizun.

4. ATALA. GOBERNU IREKIAREN ETA HERRITARRENTZAKO ARRETAREN ZERBITZUA

23. artikulua . Gobernu Irekiaren eta Herritarrentzako Arretaren Zerbitzuaren esparru materiala eta funtzionala.

Gobernu Irekiaren eta Herritarrentzako Arretaren Zerbitzuak eginkizun hauek ditu:

a) Gobernu irekia planifikatu eta bultzatzea, eta herritarrek gardentasunaren, parte-hartzearen eta gobernu irekiaren arloetan dituzten eskubideen eraginkortasunerako behar diren eginkizunak eta jarduketak koordinatzea.

b) Gobernu Irekiaren Espazio Digitalaren funtzionaltasuna eta edukiak garatzea eta mantentzea eta kudeatzea, eta herritar guztien irisgarritasuna, elkarreragingarritasuna eta informazioaren berrerabilpena erraztea.

c) Informazioa edo ezagutza kudeatzeko sistema osoaren ezarpena sustatzea, informazio publikoa emateko bide desberdinak bere baitan elkartuko dituena.

d) Departamentu guztien jarduna koordinatzea, eta, zehazki, informazio publikoaren ardura duten unitateena eta herritarren partaidetzarako unitateena, gardentasunari, informazio publikoa eskuratzeari, datuak irekitzeari eta herritarren parte-hartzeari buruzko betebeharrak betetzeko.

e) Informazio Publikoko Eskabideen Erregistroa kudeatzea.

f) Gardentasunerako eta Gobernu Irekirako Departamentuarteko Batzordeari laguntza ematea.

g) Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen erregelamendu bidezko garapena bultzatzea.

h) Nafarroako Parte-hartze Demokratikoari buruzko martxoaren 22ko 12/2019 Foru Legearen erregelamendu bidezko garapena bultzatzea.

i) Gardentasunari eta gobernu irekiari buruzko legeriaren berrikuspen eta garapenaren azterketa.

j) Nafarroako Foru Komunitateko Administrazioaren datu publikoak irekitzeko prozesua bultzatu eta zuzentzea, eta sektore publikoko informazioa berrerabiltzea erraztea.

k) Foru Komunitateko Administrazioko eta haren mendeko organismo eta entitateetako erregistro, informazio eta herritarren arretarako zerbitzuen zuzendaritza.

l) Nafarroako Gobernuaren Erregistro Orokorra.

m) Laguntza eta aholkularitza eskaintzea toki entitateei eta gobernu irekiaren esparruan gardentasun legeria bete behar duten gainerako pertsonei edo entitateei.

n) Administrazioaren eta herritarren arteko lan bateratua sustatzea.

ñ) Gobernu irekiaren berezko gaiei buruzko prestakuntza plan espezifikoak proposatzea eta horietan laguntzea.

o) Nafarroako Gardentasun Kontseiluari funtzionamendurako laguntza ematea, Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 67.2 artikuluan aurreikusitako moduan.

p) Herritarren Parte-hartzerako Kontseiluari laguntzea, Nafarroako Parte-hartze Demokratikoari buruzko martxoaren 22ko 12/2019 Foru Legearen 48. artikuluan aurreikusitako baldintzetan.

q) Boluntariotza bultzatzea eta koordinatzea, eta Ekintza Boluntarioko Entitateen Errolda kudeatzea.

r) Barneko koordinazioa etika eta zintzotasun publikoaren arloan.

s) Agintzen zaion beste edozein eginkizun, aipatutakoen antzekoa edo osagarria bada.

24. artikulua . Gobernu Irekiaren eta Herritarrentzako Arretaren Zerbitzuaren egitura.

Gobernu Irekiaren eta Herritarrentzako Arretaren Zerbitzuak atal hauek izanen ditu:

a) Herritarren Arretarako Atala.

b) Herritarren Partaidetzarako eta Boluntariotzarako Atala.

c) Gardentasun eta Osotasun Atala.

d) Datu Irekien Atala.

25. artikulua . Herritarren Arretarako Atalaren esparru materiala eta funtzionala.

Herritarren Arretarako Atalak eginkizun hauek izanen ditu:

a) Gobernu Irekiaren Plana egiten eta garatzen laguntzea, herritarren arretaren ikuspegitik.

b) Sostengua ematea herritarren arretarako bulegoen eta Nafarroako Foru Komunitateko Administrazioaren erregistroen zuzendaritzan.

c) Nafarroako Gobernuaren Erregistro Orokorra kudeatzea.

d) Herritarrentzako arretaren eta erregistroaren zerbitzuak hobetzea, herritarrak erdigunean jarriz.

e) Deskribatutakoen antzekoa edo osagarria den beste edozein eginkizun, zerbitzuko zuzendaritzari bere eginkizunak betetzen laguntzen badio.

26. artikulua . Herritarren Partaidetzarako eta Boluntariotzarako Atalaren esparru materiala eta funtzionala.

Herritarren Partaidetzarako eta Boluntariotzarako Atalak eginkizun hauek ditu:

a) Gobernu Irekiaren Plana egiten eta garatzen laguntzea, herritarren parte-hartzearen eta boluntariotzaren koordinazioaren ikuspegitik.

b) Herritarren parte-hartzea sustatzen laguntzea.

c) Herritarren parte-hartzearen arloko prestakuntza bultzatzen laguntzea.

d) Parte hartzeko webgunea kudeatzea, pertsona guztien irisgarritasuna erraztuz.

e) Nafarroako Partaidetza Demokratikoari buruzko martxoaren 22ko 12/2019 Foru Legeak partaidetzaren arloan espezializatutako unitateari esleitutako eginkizunak betetzea.

f) Boluntariotza koordinatzen eta errolda kudeatzen laguntzea.

g) Deskribatutakoen antzekoa edo osagarria den beste edozein eginkizun, zerbitzuko zuzendaritzari bere eginkizunak betetzen laguntzen badio.

27. artikulua . Gardentasun eta Osotasun Atalaren esparru materiala eta funtzionala.

Gardentasun eta Osotasun Atalak eginkizun hauek ditu:

a) Gobernu Irekiaren Plana egiten eta garatzen laguntzea, gardentasunaren, etikaren eta osotasunaren ikuspegitik.

b) Nafarroako Gobernuaren gobernu irekiaren webgunea kudeatzea, pertsona guztiei sarbidea erraztuz.

c) Gardentasunaren, informazio publikorako sarbidearen, etikaren eta osotasun fisikoaren arloko sentsibilizazioan eta prestakuntzan laguntzea.

d) Interes taldeen erregistroa ezartzen eta kudeatzen laguntzea.

e) Salatzailearen barne kanala kudeatzea.

f) Deskribatutakoen antzekoa edo osagarria den beste edozein eginkizun, zerbitzuko zuzendaritzari bere eginkizunak betetzen laguntzen badio.

28. artikulua . Datu Irekien Atalaren esparru materiala eta funtzionala.

Datu Irekien Atalak eginkizun hauek ditu:

a) Gobernu Irekiaren Plana egiten eta garatzen laguntzea, datu irekien ikuspegitik.

b) Parte hartzea datuaren gobernantzan eta Nafarroako Gobernuan datuak dituzten proiektuetan.

c) Datu irekien arloko prestakuntza bultzatzen laguntzea.

d) Datu-multzoak irekitzea eta berrerabiltzea sustatzen laguntzea.

e) Datu irekien ataria gainbegiratzea eta planifikatzea, eta datuak irekitzeko instituzioen arteko ekimenetan parte hartzea.

f) Deskribatutakoen antzekoa edo osagarria den beste edozein eginkizun, zerbitzuko zuzendaritzari bere eginkizunak betetzen laguntzen badio.

5. ATALA. NAFARROAKO GOBERNUKO DATUAK BABESTEKO ORDEZKARITZA

29. artikulua . Nafarroako Gobernuko Datuak Babesteko Ordezkaritzaren esparru materiala eta funtzionala.

Nafarroako Gobernuko Datuak Babesteko Ordezkaritzak eginkizun hauek ditu:

a) Informazioa eta aholkuak ematea, Europako Parlamentuaren eta Kontseiluaren 2016ko apirilaren 27ko 2016/679 (EE) Erregelamenduari jarraikiz eta Europar Batasunak edo Espainiak datuen babesari buruz emandako bestelako xedapenei jarraikiz, egokitu zaizkien betebeharren tratamenduaren arduradunei eta hartaz arduratzen diren langileei.

b) Aipatu erregelamenduan, Europar Batasunak edo Espainiak datuen babesari buruz emandako bestelako xedapenetan eta datu pertsonalak babesteko arloko arduradunaren politiketan xedatutakoa betetzen dela gainbegiratzea, barnean sartuta erantzukizunen esleipena, kontzientziazioa eta tratamendu eragiketetan parte hartzen duten langileen prestakuntza eta kasuan kasuko auditoriak.

c) Datuak babesteari buruzko eraginaren ebaluazioari buruz eskatzen zaion aholkularitza ematea, eta ebaluazio horren aplikazioa gainbegiratzea, Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduaren 35. artikuluarekin bat.

d) Europako Parlamentuaren eta Kontseiluaren 2016ko apirilaren 27ko 2016/679 (EE) Erregelamenduan aurreikusitako kontrol-agintaritzarekin elkarlanean aritzea.

e) Kontrol-agintaritzarentzat harreman gunea izatea datuen tratamenduari buruzko gaietan, barnean sartuta aldez aurreko kontsulta (Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduaren 36. artikuluan aipatutakoa) eta kontsultak egitea, kasua bada, beste edozein gairi buruz.

6. ATALA. NAFARROAKO ALDIZKARI OFIZIALAREN ATALA

30. Artikulua . Nafarroako Aldizkari Ofizialaren Atalaren esparru materiala eta funtzionala.

Nafarroako Aldizkari Ofizialaren Atalak eginkizun hauek izanen ditu:

a) Nafarroako Foru Komunitateko xedapen orokorrak eta administrazio egintzak kudeatzea, editatzea eta zabaltzea, modu esklusiboan, bai eta Nafarroako Aldizkari Ofizialean argitaratu beharrekoa den edozein xedapen ere, berariazko araudiaren arabera.

b) Nafarroako Gobernuaren iritziz Nafarroako Aldizkari Ofizialean argitaratzeko interesgarriak diren txosten, dokumentu edo komunikazioak kudeatzea, editatzea eta zabaltzea.

c) Interes orokorreko lege edo xedapenei buruzko separatak editatzea eta zabaltzea.

d) Nafarroako Aldizkari Ofizialeko edukien sarbide unibertsal, libre eta doakoa bermatzea, informazioa aurkitzeko behar diren tresnak eskainiz.

e) Argitaratzeko bidalitakoen adostasun formala eta teknologikoa baliozkotzea, eta, hala badagokio, zuzenketa edo deuseztapena proposatzea, baldin eta bat ez badatoz edo akatsak badituzte edo argitaratzea nahitaezkoa ez bada.

f) Nafarroako Aldizkari Ofizialean argitaratutakoaren benetakotasuna eta osotasuna bermatzea, Nafarroako Foru Komunitateko Administrazioak aitortutako sistemetako baten bidez.

g) Informazio sistemak egokitzea eta eboluzionatzea, behar den hedapen, artxibo eta segurtasun zerbitzuaren jarraitutasunari dagokionez funtzionamendu egokia bermatzeko.

h) Datuak babesteko ardura duen unitatearekin lankidetzan aritzea, berariazko araudia betetzeko.

7. ATALA

BALIABIDEEN KUDEAKETAREN ETA IRISGARRITASUNEKO UNITATE ARDURADUNAREN ATALA

31. Artikulua . Baliabideen Kudeaketaren eta Irisgarritasuneko unitate Arduradunaren Atalaren esparru materiala eta funtzionala.

Baliabideen Kudeaketaren eta Irisgarritasuneko Unitate Arduradunaren Atalak honako eginkizun hauek ditu:

a) Zuzendaritza nagusiko unitateei laguntza teknikoa ematea irisgarritasun unibertsalaren eta inklusioaren arloan.

b) Irisgarritasun unibertsaleko plan operatiboak egiteko koordinazioa eta sostengua.

c) Nafarroako Foru Komunitateko Administrazioaren eta foru-sektore publiko instituzionalaren webguneen eta gailu mugikorren aplikazioen irisgarritasuneko unitate arduradunak bete beharreko eginkizunak.

d) Nafarroako Jauregiko eta haren inguruko eraikinaren zerbitzu osagarriak kudeatzea.

e) Nafarroako Foru Komunitateko Administrazioaren Datuak Babesteko eta Informazioaren Segurtasunerako Politikan definitutako informazioaren segurtasunaren arduradunaren eginkizunak betetzea, informazioaren segurtasunari buruz indarrean dagoen araudia, datu pertsonalen babesa barne, betetzen dela ziurtatzeko eta zaintzeko, hori guztia Lehendakaritzako, Gobernu Irekiko eta Nafarroako Parlamentuarekiko Harremanetako Zuzendaritza Nagusiaren esparruan.

f) Zuzendaritza nagusiaren esparruan, informazio sistemen ezarpenaren jarraipen-txostenak egitea.

g) Zuzendaritza nagusiko unitateei laguntzea administrazio elektronikoaren arloan.

h) Nafarroako Jauregia eta departamentuari atxikitako beste eraikin batzuk optimizatzeko planak egitea eta horien jarraipena egitea, eta, hala badagokio, proiektuak idaztea eta obrak gauzatzea.

i) Laguntza ematea balio artistiko, historiko, arkitektoniko, arkeologiko, etnologiko, dokumental, bibliografiko, industrial, zientifiko eta teknikoa duten eta Jauregian kokatuta dauden ondasun higigarrien inbentarioa egiten eta hura eguneratuta edukitzea.

III. KAPITULUA. POLITIKA PUBLIKOEN PLANGINTZA, KOORDINAZIO, BERRIKUNTZA ETA EBALUAZIOKO ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

32. artikulua . Politika Publikoen Plangintza, Koordinazio, Berrikuntza eta Ebaluazioko Zuzendaritza Nagusiaren esparru materiala eta funtzionala.

Politika Publikoen Plangintza, Koordinazio, Berrikuntza eta Ebaluazioko Zuzendaritza Nagusiak, bere kudeaketa esparruko gaietan, foru dekretu honetan aurreikusitako eskudantziak izanen ditu, eta, zehazki, honako eginkizun hauek beteko ditu:

a) Nafarroako Foru Komunitateko Administrazioaren plangintza estrategikoari laguntzea.

b) Nafarroako Foru Komunitateko Administrazioan zeharkako ekimenak koordinatzea.

c) Berrikuntza publikoko ekimenak bultzatzea.

d) Nafarroako Foru Komunitateko Administrazioaren datuen eta informazioaren estrategia bultzatzea eta horretan laguntzea, erabakiak hobeki hartzeko, ahalegin operatiboa murrizteko, tartean dauden eragile guztien beharrak babesteko, langileak gaitzeko, prozesu jasangarriak eraikitzeko, eraginkortasuna handitzeko eta gardentasuna eta araudia betetzen dela bermatzeko.

e) Sozietate publikoekin koordinatzea, beren jarduna alor hauetan antolatzeko, administrazio publikoari dagokion heinean: berrikuntza publikoa, plangintza estrategikoa, ebaluazioa eta datuaren estrategia.

f) Nafarroako Foru Komunitateko Administrazioan eta haren erakunde autonomoetan proiektuak identifikatu, sustatu eta ezartzea, helburu hauek dituztela: antolaketa hobetzea, prozedurak erraztea eta berrikuntza publikoa.

g) Langileak gaitzea plangintza, ebaluazio eta berrikuntza publikoaren arloan, eta haien barne igoera Nafarroako sektore publiko instituzionalean eta departamentuetan.

h) Toki administrazioan digitalizazioa babestea eta bultzatzea.

i) Garapen jasangarrirako 2030 Agenda Nafarroan inplementatzeko sustapena eta lankidetza.

j) Laguntza teknikoa ematea bere eskumenekoak diren gaietan legezko eta erregelamenduzko arauak egiteko.

33. artikulua . Politika Publikoen Plangintza, Koordinazio, Berrikuntza eta Ebaluazioko Zuzendaritza Nagusiaren egitura.

Politika Publikoen Plangintza, Koordinazio, Berrikuntza eta Ebaluazioko Zuzendaritza Nagusiak zerbitzu hauek ditu:

a) Politika Publikoen Plangintza, Koordinazio, Berrikuntza eta Ebaluazioko Zerbitzua.

b) Nastat-Nafarroako Estatistika Institutua.

2. ATALA. POLITIKA PUBLIKOEN PLANGINTZA, KOORDINAZIO, BERRIKUNTZA ETA EBALUAZIOKO ZERBITZUA

34. artikulua . Politika Publikoen Plangintza, Koordinazio, Berrikuntza eta Ebaluazioko Zerbitzuaren esparru materiala eta funtzionala.

Politika Publikoen Plangintza, Koordinazio, Berrikuntza eta Ebaluazioko Zerbitzuak bere atalen berezko eginkizun guztiak beteko ditu, eta haren barneko koordinazioa eginen du.

35. artikulua . Politika Publikoen Plangintza, Koordinazio, Berrikuntza eta Ebaluazioko Zerbitzuaren egitura.

Politika Publikoen Plangintza, Koordinazio, Berrikuntza eta Ebaluazioko Zerbitzuak atal hauek ditu:

a) Plangintza Estrategikoaren Atala.

b) Erabakiak Hartzen Laguntzeko Atala.

36. artikulua . Plangintza Estrategikoaren Atalaren esparru materiala eta funtzionala.

Plangintza Estrategikoaren Atalak eginkizun hauek ditu:

a) Kudeaketa publikoko ereduen garapena eta bilakaera, erabakiak hartzea, helburuen araberako kudeaketa eta ebaluazioa errazteko.

b) Gomendioak prestatzea Nafarroako Gobernuaren, bere departamentuen eta Nafarroako Gobernuko sektore publiko instituzionalaren programa eta plan estrategikoak diseinatu, jarraitu eta ebaluatzeko.

c) Gomendioak prestatzea Nafarroako Foru Komunitateko Administrazioaren eta haren erakunde autonomoen prozesuei begira, eta departamentuek ebaluazioa egin dezaten erraztea.

d) Esparru orokorra diseinatu eta garatzea, Nafarroako Foru Komunitateko Administrazioan zerbitzu publikoak etengabe hobetzeko.

e) Nafarroako zerbitzu publikoak berritu eta hobetzeko estrategia Europako eta Estatuko gomendio eta araudiekin lerrokatzea.

f) Langileak gaitzea plangintza eta ebaluazioaren arloan, eta haien barne igoera Nafarroako sektore publiko instituzionalean eta departamentuetan.

g) Garapen jasangarrirako 2030 Agenda koordinatzea eta sustatzea departamentuan.

37. artikulua . Erabakiak Hartzen Laguntzeko Atalaren esparru materiala eta funtzionala.

Erabakiak Hartzen Laguntzeko Atalak eginkizun hauek ditu:

a) Nafarroako Foru Komunitateko Administrazioaren datuen eta informazioaren estrategia bultzatzea eta horretan laguntzea, erabakiak hobeki hartzeko, ahalegin operatiboa murrizteko, tartean dauden eragile guztien beharrak babesteko, langileak gaitzeko, prozesu jasangarriak eraikitzeko, eraginkortasuna handitzeko eta gardentasuna eta araudia betetzen dela bermatzeko.

b) Administrazioaren eraginkortasuna sustatzea, datuetan eta informazioan oinarritutako tresna eta prozesuen egokitzapena bultzatuz.

c) Zeharkako ekimenak eta programak bultzatzea, kudeaketako erabakiak, erabaki exekutiboak edo estrategikoak hartzeko ezagutza errazago lortzearren.

d) Departamentuentzako sustapena, koordinazioa eta aholkularitza, prozedurak sinplifikatzeko eta herritarrei kalitatezko zerbitzu digitalak ezartzeko.

e) Departamentuetan planei eta programei buruzko informazio bilketa errazteko baliabideak koordinatzea eta haien jarraipena egitea.

f) Toki administrazioaren modernizazio digitala bultzatzea eta sustatzea.

3. ATALA. NASTAT-NAFARROAKO ESTATISTIKA INSTITUTUA

38. artikulua . NastatNafarroako Estatistika Institutuaren esparru materiala eta funtzionala.

Nastat-Nafarroako Estatistika Institutuak foru dekretu honetan ezarritako eskudantziak ditu honako arlo hauetan:

a) Nafarroarentzat interesa duen jarduera estatistiko publikoaren sustapena, zuzendaritza eta koordinazioa.

b) Nafarroarentzat interesa duen jarduera estatistiko publikoaren printzipioen, helburuen eta gainerako alderdien zabalkundea egitea.

c) Nafarroako Estatistika Planaren aurreproiektua prestatzea, Foru Komunitateko Administrazioaren Estatistika Sistemaren gainerako unitateekin eta Toki Administrazioekin elkarlanean.

d) Datuak sailkatzeko eta emaitzak aurkezteko kontzeptuen, definizioen, sailkapenen, nomenklaturen eta kodeen gaineko arauak proposatzea, bai eta horiek sustatzea Nafarroako jarduera estatistikoan erabil daitezen, eta horrekin batera, koordinazio metodologikoa bultzatzea toki entitateen, beste autonomia erkidegoen, Estatuko Administrazio Orokorraren, Europar Batasunaren eta egoki diren beste erakunde batzuen jarduera estatistikoarekin.

e) Estatistikako urteko programek agindutako estatistika eragiketak betetzea.

f) Estatistika demografiko, ekonomiko eta sozialetako sistema integratuak egitea.

g) Unitate estatistikoen direktorioak prestatzea eta beharrezkoak diren zentsu eragiketak egitea lurraldeari, populazioari, etxebizitzei eta jarduera ekonomikoei buruzko informazio esparru eta parametro oinarrizkoak egunean edukitzeko.

h) Estatistikaren arloko ikerketa sustatzea, bai eta estatistikan aritzen diren langileen lanbide prestakuntza eta hobekuntza ere.

i) Foru Komunitateko Administrazioaren ordezkari izatea estatistika gaietan espezializaturik dauden toki, autonomia erkidego, estatu eta nazioarteko unitate eta erakundeekiko harremanetan, eta haiekiko koordinazioa eta lankidetza bultzatzea jarduera estatistikoan. Ordezkari lan hori betetzean, departamentuetako unitate espezializatuen laguntza izanen du, eta haietan eskuordetu ahal izanen du zeregina, bidezko jotzen duenean.

j) Estatistika sistemako unitateekin lankidetzan aritzea estatistikaren arloko sekretua aplikatu eta errespetatzeko.

k) Nafarroari buruzko estatistiken zabalkundea bultzatzea.

l) Foru Komunitateko Administrazioaren partaidetza duten hitzarmen edo akordiorako proiektu guztiei buruzko aginduzko txostena egitea, bai eta zerbitzuen kontratazioetan ere, bitartekoetan edo helburuetan jasota egon daitekeen jarduera estatistikoari dagokionez.

m) Foru Komunitateko Administrazioaren unitateek egin nahi dituzten eragiketa estatistikoen proiektu guztiei buruzko txostenak egitea, horien ondorioz informazioa eskatu behar baldin badiete pertsona fisiko edo juridikoei, haien eginkizunei dagozkien administrazio harremanetatik kanpo.

n) Nafarroako Estatistika Planean sartutako eragiketa estatistikoak egiteko behar diren erregistroei eragiten dieten galde-sortei, administrazio prozedurei eta aplikazio informatikoei buruzko informazioa.

ñ) Nafarroako Estatistikari buruzko ekainaren 27ko 11/1997 Foru Legearen bidez araututako jarduera estatistikoa betetzen duten unitateek estatistikak egitean erabilitako galde-sorten eta metodoen eraginkortasuna frogatzeko ikerketak egitea.

o) Nafarroako Estatistika Kontseiluak modu egokian jarduteko behar dituen baliabideak izatea.

p) Beste entitate publiko edo pribatu batzuekiko hitzarmenetatik datozen jarduera estatistikoak betetzea.

q) Nafarroan interes publikokoa den informazio estatistikoari buruzko datu-baseak garatzea.

r) Dimentsio geografikoa txertatzea datu-base horiei lotutako estatistika eragiketetan.

s) Foru Komunitatean estatistikaren arloan dagoen eskaeraren beharrak eta bilakaera aztertzea.

t) Aurreikuspen ereduak prestatzea, plangintza ekonomikoari eta demografikoari erantzuteko.

u) Politika Publikoen Plangintza, Koordinazio, Berrikuntza eta Ebaluazioko Zuzendaritza Nagusiaren eginkizunekin zerikusia duten eta eskatzen zaizkion txostenak egitea.

v) Nafarroako Foru Komunitateko Administrazioaren eta haren erakunde publikoen datu-babeseko eta informazioaren segurtasuneko politikan definitzen diren segurtasun-erantzulearen eginkizunak betetzea, Nastat-Nafarroako Estatistika Institutuaren beraren eremuan.

w) Nafarroako adierazle sistema koordinatzea.

x) Indarra duten xedapenek esleitzen dizkioten gainerako eginkizunak.

39. artikulua . NastatNafarroako Estatistika Institutuaren egitura.

Nastat-Nafarroako Estatistika Institutuak atal hauek ditu:

a) Azpiegitura Estatistikoaren Atala.

b) Ekoizpen Estatistikoaren Atala.

c) Estatistikaren Koordinazio eta Zabalkunderako Atala.

40. artikulua . Azpiegitura Estatistikoaren Atalaren esparru materiala eta funtzionala.

Azpiegitura Estatistikoaren Atalak eginkizun hauek ditu:

a) Unitate estatistikoen direktorioak prestatzea, hain zuzen, lurraldeari, populazioari, etxebizitzei eta jarduera ekonomikoei buruzko informazio esparru eta parametro oinarrizkoak sortu eta egunean edukitzeko beharrezkoak direnak.

b) Indarra duten xedapenek esleitzen dizkioten gainerako eginkizunak.

41. artikulua . Ekoizpen Estatistikoaren Atalaren esparru materiala eta funtzionala.

Ekoizpen Estatistikoaren Atalak, Nastat-Nafarroako Estatistika Institutuaren berezko gaiei dagokienez, eginkizun hauek izanen ditu:

a) Agintzen zaizkion eragiketa estatistikoak egitea, bai eta beste organo estatistiko batzuekiko lankidetza akordioetatik datozenak ere.

b) Datu-baseak sortzea, beraiek ekoitzitako informazio estatistikoarekin eta kanpokoen eragiketetatik datorrenarekin.

c) Sintesiko estatistikak egitea.

d) Indarra duten xedapenek esleitzen dizkioten gainerako eginkizunak.

42. artikulua . Estatistikaren Koordinazio eta Zabalkunderako Atalaren esparru materiala eta funtzionala.

Estatistikaren Koordinazio eta Zabalkunderako Atalak, Nastat-Nafarroako Estatistika Institutuaren berezko gaiei dagokienez, eginkizun hauek ditu:

a) Nafarroari buruzko estatistiken zabalkundea bultzatzea.

b) Informazio estatistikoaren arloan egiten zaizkion eskaerei erantzutea.

c) Nafarroari buruzko informazio estatistikoa biltegiratu eta kontsultatzeko prozedura egokienak garatu eta mantentzea.

d) Datuak sailkatzeko eta emaitzak aurkezteko sailkapenak, nomenklaturak eta kodeak mantentzea eta haien zabalkundea egitea, eta koordinazio metodologikoa bultzatzea.

e) Nafarroako adierazle sistema koordinatzea.

f) Indarra duten xedapenek esleitzen dizkioten gainerako eginkizunak.

IV. KAPITULUA. KOMUNIKAZIOAREN ETA PROIEKZIO INSTITUZIONALAREN ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

43. artikulua . Komunikazioaren eta Proiekzio Instituzionalaren Zuzendaritza Nagusiaren esparru materiala eta funtzionala.

Komunikazioaren eta Proiekzio Instituzionalaren Zuzendaritza Nagusiak, bere kudeaketa esparruko gaietan, foru dekretu honetan aurreikusitako eskudantziak izanen ditu, eta, zehazki, honako eginkizun hauek beteko ditu:

a) Nafarroako Foru Komunitateko Administrazioko departamentuetako eta beren kabineteetako politika informatiboak koordinatzea.

b) Komunikabideekiko harremanez arduratzea.

c) Publizitate instituzionala.

d) Nafarroako Gobernuaren eta Nafarroako Foru Komunitateko Administrazioaren agerpena sare sozialetan.

e) Ikus-entzunezko komunikazio zerbitzuak.

f) Nafarroako Gobernuaren eta Nafarroako Foru Komunitateko Administrazioaren presentzia Interneten.

g) Nafarroako Foru Komunitateko Administrazioaren tramite eta zerbitzuen katalogoa.

h) Nafarroako Foru Komunitatea ordezkatzea Espainiako foro, batzorde, biltzar eta erakundeetan, deusetan galarazi gabe Estatuko Administrazio Orokorraren eta Nafarroako Gobernuko gainerako departamentuen eskumenak.

i) Nafarroako Gobernuaren protokoloa eta zeremoniala.

j) Nafarroako nortasuna hedatzea.

k) Nafarroako Gobernuaren argitalpenak eta paperezko materialak.

l) Nafarroako Gobernuaren eta haren departamentuen identitate korporatiboa.

m) Komunikazio politika koordinatzea Nafarroako Enpresa Korporazio Publikoarekin eta Nafarroako Foru Komunitateko Administrazioaren mendeko sektore publiko osoarekin.

n) Nafarroako Foru Komunitateko Administrazioaren Datuak Babesteko eta Informazioaren Segurtasunerako Politikan definitutako informazioaren segurtasunaren arduradunaren eginkizunak betetzea, informazioaren segurtasunari buruz indarrean dagoen araudia, datu pertsonalen babesa barne, betetzen dela ziurtatzeko eta zaintzeko, hori guztia Komunikazioaren eta Proiekzio Instituzionalaren Zuzendaritza Nagusiaren esparruan.

ñ) Indarra duten xedapenek Lehendakaritza, Justizia eta Barne Departamentuari esleitzen dizkiotenak, zuzendaritza nagusiak bere duen esparruan.

44. artikulua . Komunikazioaren eta Proiekzio Instituzionalaren Zuzendaritza Nagusiaren egitura.

Komunikazioaren eta Proiekzio Instituzionalaren Zuzendaritza Nagusiak zerbitzu hauek ditu bere egituran:

a) Komunikazio Zerbitzua.

b) Proiekzio Instituzionalaren eta Nafarroa Markaren Zerbitzua.

2. ATALA. KOMUNIKAZIO ZERBITZUA

45. artikulua . Komunikazio Zerbitzuaren esparru materiala eta funtzionala.

Komunikazio Zerbitzuak eginkizun hauek izanen ditu:

a) Nafarroako Gobernuak komunikabideekin dituen harremanen arloan finkatzen den politika sustatu eta betearaztea.

b) Nafarroako Gobernuak hartutako erabakiei eta Gobernuko kideen jardunari buruzko informazioa koordinatzea eta komunikabideek egiten dituzten informazio eskaerei erantzutea.

c) Departamentuei Nafarroari buruz argitaratutako informazioa ematea.

d) Foru Komunitateko Administrazioak eta haren mendeko erakundeek nahiz entitateek sustaturiko publizitatearen arloan, aholkularitza eta koordinazio lanak egitea.

e) Nafarroako Gobernuaren sare sozialetako agerpena zuzentzea.

f) Ikus-entzunezko sektorea sustatzeko laguntzak.

g) Nafarroako Foru Komunitatean ikus-entzunezko komunikazio zerbitzuak ematearekin lotutakoak.

h) Nafarroako Foru Komunitateko Administrazioaren zerbitzu eta tramiteen katalogoa zuzentzea.

i) Zuzentzea Nafarroako Gobernuak eta Nafarroako Foru Komunitateko Administrazioak Interneten duten agerpena, herritarrei zuzendua.

j) Informazioaren arloko lanbide-elkarteekiko harremanez arduratzea.

k) Aurrekoen antzekoa edo osagarria izanik, Komunikazioko eta Erakundeekiko Harremanetako Zuzendaritza Nagusiak agintzen dion beste edozein eginkizun.

46. artikulua . Komunikazio Zerbitzuaren egitura.

Komunikazio Zerbitzuak atal hauek ditu bere egituran:

a) Prentsa Bulegoaren Atala.

b) Publizitate Instituzionalaren, Sare Sozialen eta Ikus-entzunezko Baliabideen Atala.

c) navarra.es Atariaren Atala.

47. artikulua . Prentsa Bulegoaren Atalaren esparru materiala eta funtzionala.

Prentsa Bulegoaren Atalak eginkizun hauek ditu:

a) Nafarroako Gobernuaren eledunari laguntzea komunikabideei Nafarroako Gobernuaren eta Nafarroako Foru Komunitatearen Administrazioaren jarduerei buruz ematen zaien informazioaren arloan.

b) Nafarroako Gobernuari eta departamentuei aholku teknikoak ematea komunikabideen arloan.

c) Nafarroari buruz edo Nafarroako Gobernuaren jardunari buruz idatzizko, ikus-entzunezko edo Interneten bidezko komunikabideetan argitaratzen edo agertzen diren informazioak jaso eta antolatzea.

d) Nafarroako Gobernuaren jardunari buruzko politika informatiboaren eraginkortasuna ebaluatzea.

e) Nafarroako Gobernuari buruzko berriak zabaltzea "navarra.es" Interneteko atariaren eta gizarte sareen bidez.

f) Nafarroako Jauregiko Prentsa Aretoa kudeatzea.

g) Nafarroako Gobernuaren Irudien Funtsa kudeatu eta zabaltzea.

h) Aurrekoen antzekoa edo osagarria izanik, Komunikazio Zerbitzuak agintzen dion beste edozein eginkizun.

48. artikulua . Publizitate Instituzionalaren, Sare Sozialen eta Ikusentzunezko Baliabideen Atalaren esparru materiala eta funtzionala.

Publizitate Instituzionalaren, Sare Sozialen eta Ikus-entzunezko Baliabideen Atalak eginkizun hauek ditu:

a) Nafarroako Gobernuaren publizitate-kanpainen plangintza eta diseinua.

b) Arloko edo departamentuetako publizitate-kanpainen edo -iragarkien kudeaketa, diseinua eta jarraipena.

c) Nafarroako Gobernuaren sare sozialen kudeaketa eta arloko eta departamentuetako sare sozialekiko koordinazioa.

d) Nafarroako ikus-entzunezkoen sektorearen sustapena.

e) Foru Komunitatean ikus-entzunezko komunikazio zerbitzuen arloko lizentzia lehiaketak, baimenak eta bestelako prozedurak izapidetzea.

f) Nafarroako ikus-entzunezko komunikazio zerbitzuen emaileen Erregistroa kudeatzea eta mantentzea.

g) Ikus-entzunezko komunikazio zerbitzuen arloan Estatuko Administrazio Orokorrarekin harremana izatea.

h) Aurrekoen antzekoa edo osagarria izanik, Komunikazio Zerbitzuak agintzen dion beste edozein eginkizun.

49. artikulua . navarra.es Atariaren Atalaren esparru materiala eta funtzionala.

Navarra.es Atariaren Atalak eginkizun hauek ditu:

a) navarra.es web atariaren estilo liburua eta ataria antolatzeko eta funtzionatzeko eredua prestatzea.

b) navarra.es web atarian dauden edukiak sustatu, homogeneizatu eta gainbegiratzea, eta eduki berriak gehitzeko aukera aztertzea.

c) navarra.es web atarian eleaniztasuna sustatzea.

d) Nafarroako Foru Komunitateko Administrazioaren zerbitzu eta tramiteen katalogoa kudeatzea.

e) navarra.es web atarian edukia sortzeko prozesurako laguntza, eta zuzendaritzaren laguntza teknikoa.

f) navarra.es web atariaren erabilera-datuak aztertzea.

g) navarra.es web atariko zuzendaritzak atarirako onesten dituen ekintza planak gauzatzea.

h) Aurrekoen antzekoa edo osagarria izanik, atxikia duen zerbitzuak agintzen dion beste edozein eginkizun.

3. ATALA. PROIEKZIO INSTITUZIONALAREN ETA NAFARROA MARKAREN ZERBITZUA

50. artikulua . Proiekzio Instituzionalaren eta Nafarroa Markaren Zerbitzuaren esparru materiala eta funtzionala.

Proiekzio Instituzionalaren eta Nafarroa Markaren Zerbitzuak eginkizun hauek ditu:

a) Nafarroako Gobernuaren protokoloa eta zeremoniala.

b) Gobernuak erakundeekin, entitateekin eta pertsonekin dituen harreman sozialak.

c) Nafarroaren errealitatea ezagutarazteko ekimenak antolatzea eta ohiz kanpoko ekitaldietan parte hartzea.

d) Nafarroako Foru Komunitateko Administrazioko departamentuek euskarri inprimatuan, ikus-entzunezkoan eta digitalean egiten dituzten argitalpenen plangintza eta edizioa koordinatzea, sustatzea eta banatzea.

e) Nafarroako Gobernuaren Argitalpenen Katalogoko salmenta prezioak baimen ditzala proposatzea Nafarroako Gobernuari.

f) Edizio prozesuarekin lotutako edozein alderdiri buruzko aholkuak ematea Nafarroako Foru Komunitateko Administrazioko departamentuei.

g) Nafarroako Foru Komunitatea ordezkatzen duten adierazpen grafikoen identitateari buruzko arauak proposatu, garatu, aplikatu eta kontrolatzea.

h) Garrantzi berezia duten Nafarroako Gobernuaren argitalpenak sustatzeko jarduerak antolatzea, inprimatuak izan, ikus-entzunezkoak, digitalak zein euskarri berezietan eginak.

i) Nafarroako Foru Komunitatearen iragana, oraina eta etorkizuna ezagutzeko garrantzi berezia duten lanak argitaratzeko proposamenak egitea Nafarroako Gobernuari, euskarri inprimatuan, ikus-entzunezkoan zein digitalean.

j) Aurrekoen antzekoa edo osagarria izanik, Komunikazioko eta Erakundeekiko Harremanetako Zuzendaritza Nagusiak agintzen dion beste edozein eginkizun.

51. artikulua . Proiekzio Instituzionalaren eta Nafarroa Markaren Zerbitzuaren egitura.

Proiekzio Instituzionalaren eta Nafarroa Markaren Zerbitzuak atal hauek ditu bere egituran:

a) Protokolo Atala.

b) Nafarroa Markaren eta Argitalpenen Atala.

c) Koordinazio eta Kudeaketa Administratiboko Atala.

52. artikulua . Protokolo Atalaren esparru materiala eta funtzionala.

Protokolo Atalak eginkizun hauek izanen ditu:

a) Nafarroako Gobernuak, lehendakariak edo departamentuetako titularrek, edo Foru Komunitateko Administrazioko departamentuek sustatzen dituzten ekitaldi ofizialak antolatzea.

b) Gobernu taldeari laguntzea egin behar dituen bisitetan eta bestelako jarduera ofizialetan.

c) Aholkularitza ematea Gobernuari, administrazioko beste organo batzuei, toki erakundeei eta beste erakunde publiko eta pribatu batzuei, hala behar badute, protokoloari, zeremoniari eta ekitaldi ofizialak antolatzeari buruz.

d) Nafarroako Jauregian, hots, Gobernuaren egoitzan, egiten diren jarduerak eta bertako bisitak koordinatzea.

e) Proiekzio Instituzionalaren eta Nafarroa Markaren Zerbitzuak agintzen dion beste edozein eginkizun.

53. artikulua . Nafarroa Markaren eta Argitalpenen Atalaren esparru materiala eta funtzionala.

Nafarroa Markaren eta Argitalpenen Atalak eginkizun hauek ditu:

a) Gobernuak Nafarroaren eta bere markaren posizionamendurako onesten dituen ekintza planak eta programak gainbegiratu, hedatu eta gauzatzea.

b) Nafarroa marka sustatu eta zabaltzeko programei buruzko lanak departamentuen artean koordinatzea eta haien kalitatea aztertzea.

c) Nafarroaren nortasun grafikoa eta irudi instituzionala gainbegiratzea, proiektatzen dutena Nafarroako Foru Komunitateko Administrazioaren argitalpenek eta zabalkunde publikoko gainerako baliabideek, bat etorriz Nafarroako Gobernuaren ikur ofizialari buruz indarrean dagoen araudiarekin eta Nafarroako lurraldea ordezkatzen duen markarekin.

d) Nafarroako Gobernuari proposatzea edozein euskarritako obrak editatzea edo dokumentuak edo objektuak prestatzea Nafarroako Gobernuaren proiekzio instituzionala egiteko eta Nafarroako lurraldea ordezkatzen duen marka zabaltzeko.

e) Aholkularitza ematea Nafarroako Foru Komunitateko Administrazioko departamentuei argitalpenak diseinatzeko eta editatzeko prozesuetan, euskarria dela inprimatua, ikus-entzunezkoa edo digitala.

f) Nafarroako Foru Komunitateko Administrazioko departamentuek sustatutako argitalpenen diseinua gainbegiratzea eta inprimatzeko edo ekoizteko prozesua koordinatzea, bat etorriz argitalpenaren, jabetza intelektualaren eta lege-gordailuaren arloan indarrean dagoen araudiarekin.

g) Publikoarentzako salmenta-prezioa proposatzea Nafarroako Foru Komunitateko Administrazioko departamentuek argitaratutako argitalpenetan, eta argitalpen horien zabalkundea, sustapena eta merkataritza-banaketa egitea.

h) Koordinatzea Nafarroako Foru Komunitateko Administrazioaren departamentuetan erabili ohi diren paperen inprimaketa-prozesua, Nafarroako Gobernuaren nortasun grafiko instituzionala txertatuta.

i) Proiekzio Instituzionalaren eta Nafarroa Markaren Zerbitzuak agintzen dion beste edozein eginkizun.

54. artikulua . Koordinazio eta Kudeaketa Administratiboko Atalaren esparru materiala eta funtzionala.

Koordinazio eta Kudeaketa Administratiboko Atalak eginkizun hauek ditu:

a) Proiekzio Instituzionalaren eta Nafarroa Markaren Zerbitzuak esleituta dituen eginkizunak behar bezala betetzeko beharrezkoak diren zeregin administratibo eta lagungarriak koordinatu, planifikatu eta kontrolatzea.

b) Neurri teknikoak koordinatzea eta kontrolatzea, ekoizpen administratiboa hobetzeko, eta horien ezarpenaren jarraipena egitea.

c) Zerbitzuko giza baliabideak kudeatzea.

d) Proiekzio Instituzionalaren eta Nafarroa Markaren Zerbitzuaren kontabilitate-kudeaketa koordinatzea.

e) Zerbitzuaren jarduerarako erabiltzen diren datu-baseak eguneratu, sostengatu eta mantentzeko lanak koordinatzea.

f) Ekitaldiak kudeatzeko aplikazioaren (Stela) laguntza teknikoa, mantentze-lanak eta kudeaketa egitea.

g) Erosketak, inbentarioak eta hornitzaileekiko harremanak kontrolatzea.

h) Agintzen zaion beste edozein eginkizun, zerikusia baldin badu Proiekzio Instituzionalaren eta Nafarroa Markaren Zerbitzuaren eskumenen esparru materialarekin.

V. KAPITULUA. IDAZKARITZA TEKNIKO NAGUSIA

55. artikulua . Idazkaritza Tekniko Nagusiaren egitura.

Idazkaritza Tekniko Nagusiak atal hauek ditu bere egituran:

a) Araubide Juridikoaren Atala.

b) Gai Administratiboak eta Langileria Kudeatzeko Atala.

c) Ekonomia Atala.

d) Estatistiken eta Informazio Kudeaketaren Atala.

56. artikulua . Araubide Juridikoaren Atalaren esparru materiala eta funtzionala.

Araubide Juridikoaren Atalak eginkizun hauek izanen ditu:

a) Txostenak egitea, Nafarroako Gobernuari eta Lehendakariari buruzko abenduaren 3ko 14/2004 Foru Legean ezarritakoaren arabera, departamentuak eta haren erakunde autonomoek egindako foru lege aurreproiektuei eta xedapen orokorren proiektuei buruz.

b) Aholkularitza juridikoa ematea departamentuko kontseilariari, zuzendari nagusiei eta zerbitzuko zuzendariei eskatzen dituzten gaietan, ezertan galarazi gabe Lehendakaritza eta Berdintasun Departamentuko Aholkularitza Juridikoaren Zerbitzuak esleituta dituen egitekoak.

c) Aldez aurreko txosten juridikoak egitea departamentuan izapidetzen diren errekurtso administratiboen ebazpenari buruz.

d) Txostenak egitea auzibide zibila eta lan auzibidea baino lehenagoko erreklamazioei buruz, langileen arloan izan ezik. Erreklamazio horiek dagokion departamentuko titularrak ebatzi behar ditu.

e) Espedientea izapidetzen duen zuzendaritza nagusiak edo zerbitzuak eskatuta, agintzea espediente horretako zenbait agiriren hedapena eta ezagupena mugatua izan dadila, pertsonen intimitateari eragiten diotelako, prozedura bakoitzaren eskakizunen arabera.

f) Administratiboki askiestea departamentuan izapidetzen diren espedienteetan ondorioak sortu behar dituzten ahalordeak. Idazkaritza Tekniko Nagusiko titularrak horretarako behar den titulaziorik ez badu, Idazkaritza Tekniko Nagusian bertan titulazioa duen baten esku utziko du eginkizun hori.

g) Departamentuaren berezko gaiei buruzko araudia biltzea eta mantentzea.

h) Departamentuaren berezko gaietan, jurisprudentziaren, doktrinaren eta interes juridikoko informazioen segimendua, bilketa eta zabalkundea egitea.

i) Nafarroako Kontseiluaren irizpena behar duten departamentuaren aferen kasuan, haien gaineko espedienteak gainbegiratu eta igortzea.

j) Departamentuko titularrak Nafarroako Gobernuari igortzen dizkion departamentuko eta haren erakunde autonomoetako gaien espedienteak koordinatu eta gainbegiratzea.

k) Departamentuaren jardun eremuan sortutako ondare erantzukizunagatiko espedienteak izapidetzea.

l) Genero ikuspegiaren zeharkakotasuna aplikatzeari lotutako eginkizunak gauzatzea Lehendakaritza eta Berdintasun Departamentuaren politikak planifikatu, kudeatu eta ebaluatzean, bat eginik Emakumeen eta gizonen arteko berdintasunari buruzko apirilaren 4ko 17/2019 Foru Legearekin.

m) Indarra duten xedapenek esleitzen dioten beste edozein, edo agintzen zaizkionak.

57. artikulua . Gai Administratiboak eta Langileria Kudeatzeko Atalaren esparru materiala eta funtzionala.

Gai Administratiboak eta Langileria Kudeatzeko Atalak eginkizun hauek ditu:

a) Foru dekretu honetan zehazten diren eginkizunak, lotuta daudenak idazkaritza tekniko nagusiei langileriaren arloan esleitutakoekin Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuan.

b) Beharrezkotzat jotzen diren aldaketak proposatu eta sustatzea departamentuko unitate organikoen lan metodoak hobetzeko, ahalik arinen eta eraginkorrenak izan daitezen, administrazioa modernizatu eta prozedurak erraztearen arloan eskumena duten unitate organikoekin koordinatuta eta haiek ezarritako gidalerroei jarraikiz.

c) Departamentuko erregistro eta agiritegi administratiboak antolatzeko irizpideak ezarri eta koordinatzea, gai horietan eskumena duten gainerako unitate organikoekin lankidetzan.

d) Indarra duten xedapenek esleitzen dioten beste edozein, edo agintzen zaizkionak.

58. artikulua . Ekonomia Atalaren esparru materiala eta funtzionala.

Ekonomia Atalak eginkizun hauek ditu, bat etorriz Nafarroako Ogasun Publikoari buruzko apirilaren 4ko 13/2007 Foru Legeak eta Nafarroako Gobernuak arlo horretan onesten dituen xedapenek esleitzen dizkietenekin:

a) Kontseilariari eta zuzendari nagusiei aholkularitza ematea departamentuko aurrekontuen aurreproiektua eta epe ertainerako plan ekonomikoa egiteko.

b) Departamentuaren aurrekontuen aurreproiektua koordinatzea eta izapidetzea.

c) Departamentuko organo eskudunei aurrekontuak kudeatzen eta gauzatzen laguntzea.

d) Departamentuko aurrekontuen kudeaketari buruzko informazioa beti eguneraturik edukitzea.

e) Ordaintzeko aginduak, justifikatu beharrekoak, kudeatu, jarraitu eta justifikatzea, eta Departamentuaren kutxako aurrerakinen kontuak kudeatu eta kontrolatzea.

f) Departamentuari dagozkion diru-sarrera eta gastuen espedienteen kontabilitatea eramatea.

g) Ogasuneko Kontu-hartzailetza Delegatuarekin eta Ekonomia eta Ogasun Departamentuak gastua kontrolatzeko dituen organoekin elkarlanean aritzea.

h) Azterlan ekonomikoak egitea.

i) Indarra duten xedapenek esleitzen dioten beste edozein, edo agintzen zaizkionak.

59. artikulua . Estatistiken eta Informazio Kudeaketaren Atalaren esparru materiala eta funtzionala.

1. Estatistiken eta Informazio Kudeaketaren Atalak honako eginkizun hauek ditu:

a) Departamentuaren jarduerei buruzko informazio orokorra herritarrei emateko lanak koordinatu eta bultzatzea ikuspuntu korporatibotik, gaur egun eskura dauden bideak eta etorkizunean sor daitezkeenak erabiliz, gai horretan eskumena duen unitatearekin koordinaturik eta hark ezarritako gidalerroei jarraikiz, zehazki departamentuaren web-orria mantentzea eta eguneratzea.

b) Departamentuko informazio-sistemaren hobekuntzak sustatu, aholkatu eta koordinatzea.

c) Departamentuaren estatistiken prestaketa koordinatzea, arlo horretan eskumena duten gainerako unitate organikoekin lankidetzan.

d) Ordezkari eginkizunak betetzea departamentuan, Administrazio Elektronikoaren Atalak bultzatutako lantaldeetan. Administrazio elektronikorako tresna berriak erabiltzearen arloan izandako aurrerapenen berri eta jarduteko jarraibideak eta prozedurak emanen dizkie departamentuko unitateetako arduradun eta erabiltzaileei, eta, era berean, lantalde horiei igorriko dizkie unitate horiek identifikatutako behar berriak, iradokizunak edo zalantzak.

e) Indarra duten xedapenek esleitzen dioten beste edozein, edo agintzen zaizkionak.

2. Idazkaritza Tekniko Nagusiaren eta Politika Publikoen Plangintza, Koordinazio, Berrikuntza eta Ebaluazioko Zuzendaritza Nagusiaren eremuan, lotura izanik Nafarroako Foru Komunitateko Administrazioaren Datuak Babesteko eta Informazioaren Segurtasunerako Politikan definitutako informazioaren segurtasunaren arduradunaren eginkizunak betetzearekin eta helburua izanik informazioaren segurtasunari buruz (datu pertsonalen babesa barne) indarrean dagoen araudia betetzen dela ziurtatzea eta zaintzea:

a) Informazioaren segurtasunaren arloko politikak eta jarraibide zehatzak proposatzea, lantzea, eguneratzea eta horien jarraipena egitea.

b) Honako arlo hauetan informazioaren segurtasun neurriak bultzatzea eta horien hobekuntzen jarraipena egitea: informazioa tratatzeko prozesuak, bere zerbitzuko langileei prestakuntza ematea eta gaitzea, eta erabiltzen diren informazio sistemak. Azken kasu horretan, Telekomunikazioetako eta Digitalizazioko Zuzendaritza Nagusiarekin elkarlanean ariko da.

c) Telekomunikazioetako eta Digitalizazioko Zuzendaritza Nagusiari laguntzea informazio sistemen segurtasunean sortzen diren gorabeherak kudeatzen, bai euskarri elektronikoan bai beste euskarri batzuetan, segurtasun gorabeherei erantzun erreaktiboak emanez.

d) Barneko auditoretzak egitea eta kanpoko auditoretzak egiten parte hartzea, informazioaren segurtasunari buruzko araudia betetzen dela egiaztatzeko.

VI. KAPITULUA. NAFARROAKO ADMINISTRAZIO AUZITEGIA

60. artikulua . Atxikipena, eginkizunak eta egitura.

1. Nafarroako Administrazio Auzitegia organikoki atxikitzen zaio Lehendakaritzako, Gobernu Irekiko eta Nafarroako Parlamentuarekiko Harremanetako Zuzendaritza Nagusiari, eta men eginen dio haren erregelamendu organikoari.

2. Nafarroako Administrazio Auzitegiak zerbitzuen maila organikoa du. Hiru atal eta idazkaritza bat ditu bere egituran, erregelamendu organikoak ematen dizkion eginkizunak burutuko dituztenak.

Lehen xedapen gehigarria. Eskumenak deskontzentratzeko baldintza orokorrak.

1. Indarra duten arauek organo bati ematen dizkioten eskumenak hierarkian mendeko diren beste organo batzuengan deskontzentratzen ahal dira, Nafarroako Aldizkari Ofizialean argitaratuko den xedapen orokor baten bitartez, galarazi gabe eskumenak esleitzeko arauetan finkatutako baldintzak bete beharra.

2. Lehendakaritza eta Berdintasun Departamentuko kontseilariak indarrik gabe uzten ahalko du xedapen gehigarri honetan aipatzen den eskumen deskontzentrazioa, foru agindu baten bidez. Foru agindu hori Nafarroako Aldizkari Ofizialean argitaratu beharko da.

Bigarren xedapen gehigarria. Deskontzentrazioa.

Departamentuko zuzendari nagusiei dagokie, kasuan kasuko eskumenen esparruan, kontratazio arloan indarra duen legeriak Lehendakaritzako, Berdintasuneko, Lehendakaritza eta Berdintasun Departamentuko kontseilariari ematen dizkion eskudantzia administratiboen titulartasuna eta erabilera.

Hirugarren xedapen gehigarria. Aholkulari juridikoen eginkizun berekiak.

Foru dekretu honen 11. artikuluan ezartzen den Aholkularitza Juridikoaren Zerbitzuaren egitura organikoak ez dio eragotziko aholkulari juridikoak eginkizun berekietan aritzea, Aholkularitza Juridikoaren Zerbitzuaren eskumeneko edozein esparrutan, Aholkularitza Juridikoaren Zerbitzuko zuzendariak hala agintzen dionean.

Laugarren xedapen gehigarria. Hainbat zerbitzu zuzendaritza eta atal burutzatarako izendapenak.

Honako izendapen hauek berresten dira, egin ziren baldintza berberetan:

1. Lehendakaritzako, Gobernu Irekiko eta Nafarroako Parlamentuarekiko Harremanetako Zuzendaritza Nagusian:

- Gobernuaren Idazkaritzako eta Araugintzako Zerbitzuko zuzendaria, hemendik aurrera, Gobernuaren Idazkaritzako, Erakundeekiko Harremanetako eta Araugintzako Zerbitzuko zuzendaria izanen da.

- Koordinazio Ataleko burua, hemendik aurrera, Koordinazio eta Araugintza Ataleko burua izanen da.

- Gardentasunaren Ataleko burua, hemendik aurrera, Datu Irekien Ataleko burua izanen da.

- Administrazioa Berritzeko eta Modernizatzeko Ataleko burua, hemendik aurrera, Baliabideen Kudeaketaren eta Irisgarritasuneko Unitate Arduradunaren Atala izanen da.

2. Politika Publikoen Plangintza, Koordinazio, Berrikuntza eta Ebaluazioko Zuzendaritza Nagusian:

- Proiektu Estrategikoen Plangintza eta Garapenerako Zerbitzuko zuzendaria, hemendik aurrera, Politika Publikoen Plangintza, Koordinazio, Berrikuntza eta Ebaluazioko Zerbitzuko zuzendaria izanen da.

- Proiektu Estrategikoen Kudeaketa eta Koordinaziorako Ataleko burua, hemendik aurrera, Plangintza Estrategikoaren Ataleko burua izanen da.

- Jasangarritasunaren eta Informazioaren Ataleko burua, hemendik aurrera, Erabakiak Hartzen Laguntzeko Ataleko burua izanen da.

- Nastat - Nafarroako Estatistika Institutuko zuzendaria.

- Azpiegitura Estatistikoaren Ataleko burua.

- Ekoizpen Estatistikoaren Ataleko.

- Estatistikaren Koordinazio eta Zabalkunderako Ataleko burua.

3. Komunikazioaren eta Proiekzio Instituzionalaren Zuzendaritza Nagusian:

- Proiekzio Instituzionalaren Zerbitzuko zuzendaria, hemendik aurrera, Proiekzio Instituzionalaren eta Nafarroa Markaren Zerbitzuko zuzendaria izanen da.

- Argitalpen Ataleko burua, hemendik aurrera, Nafarroa Markaren eta Argitalpenen Ataleko burua izanen da.

Bosgarren xedapen gehigarria. Unitate organikoak kentzea.

1. Honako unitate organiko hauek kentzen dira Lehendakaritzako, Gobernu Irekiko eta Nafarroako Parlamentuarekiko Harremanetako Zuzendaritza Nagusitik:

- Gobernuaren Idazkaritzako eta Araugintzako Zerbitzua.

- Koordinazio Atala.

- Gardentasunaren Atala.

- Administrazioa Berritzeko eta Modernizatzeko Atala.

2. Honako unitate organiko hauek kentzen dira Politika Publikoen Plangintza, Koordinazio, Berrikuntza eta Ebaluazioko Zuzendaritza Nagusitik:

- Proiektu Estrategikoen Plangintza eta Garapenerako Zerbitzua.

- Proiektu Estrategikoen Azterketa eta Plangintzarako Atala, Lurralde Kohesiorako Departamentuari atxiki baitzaio, Analisi eta Plangintza Estrategikoaren eta Politika Publikoen Koordinazioaren Atalaren izenarekin.

- Proiektu Estrategikoen Kudeaketa eta Koordinaziorako Atala.

- Jasangarritasunaren eta Informazioaren Atala.

3. Honako unitate organiko hauek kentzen dira Komunikazioaren eta Proiekzio Instituzionalaren Zuzendaritza Nagusitik:

- Proiekzio Instituzionalaren Zerbitzua.

- Argitalpen Atala.

Seigarren xedapen gehigarria. Lege aipamenak.

Indarreko araudian egiten diren aipamen organiko eta funtzionalak, eragiten dietenak foru dekretu honetan esleitutako eginkizunei, ulertuko da egiten zaizkiela foru dekretu honetan bertan araututako organo eta unitateei.

Xedapen iragankor bakarra. Unitateak bere horretan uztea.

Foru dekretu hau garatzeko neurriak hartu bitartean, atalarena baino maila txikiagokoak diren unitate organikoek berdin segituko dute eta oraingo izenari eta eginkizunei eutsiko diete. Behin-behineko egitura berriko organoei atxikiko zaizkie, orain arte betetzen zituzten eginkizunen arabera.

Xedapen indargabetzaile bakarra. Arauak indargabetzea.

Indarrik gabe gelditzen dira Lehendakaritzako, Berdintasuneko, Funtzio Publikoko eta Barneko Departamentuaren egitura organikoa ezartzen duen urriaren 30eko 259/2019 Foru Dekretua eta foru dekretu honetan xedaturikoari aurka egiten dioten maila bereko edo beheragoko xedapen guztiak.

Azken xedapenetako lehenengoa. Urriaren 11ko 217/2023 Foru Dekretua aldatzea, zeinaren bidez Analisi eta Prospekzio Bulegoa erakunde autonomoa sortu eta haren estatutuak onetsi baitziren.

Bakarra.-Estatutuen 11. artikuluaren n) apartatua aldatzen da, eta hona hemen idazketa berria:

"n) Lehendakaritza eta Berdintasun Departamentuko titularrari proposatzea bitarte baterako izenda ditzala Analisi eta Prospekzio Bulegoko atalburuak, bulegoburuak edo ataletik beherako beste unitate batzuetako buruak, behin funtzio publikoaren arloan eskumena duen departamentuak aldeko txostena emanda".

Azken xedapenetako bigarrena. Urtarrilaren 5eko 4/1984 Foru Dekretua aldatzea, zeinaren bidez arautu baitzen Nafarroako Gobernuaren Aholkularitza Juridikoa.

Nafarroako Gobernuaren Aholkularitza Juridikoa arautzen duen urtarrilaren 5eko 4/1984 Foru Dekretua aldatzen da, honela:

Bat.-1. artikuluaren 1. apartatua aldatu, eta hemendik aurrera honela idatzita agertuko da:

"1. Aholkularitza Juridikoko Zerbitzuari atxikita egonen dira dagokion plantillan zehazten diren aholkulari juridikoak."

Bi.-1. artikuluari 3. apartatua gehitzen zaio, testu hau duena:

"3. Zerbitzua baino maila apalagoko unitate organikoen burutzak Aholkularitza Juridikoaren Zerbitzuari atxikitako aholkulari juridikoen artean baino ezin izanen dira bete, funtzio publikoaren arloko foru arauei jarraituz.

Aurreko paragrafoan aurreikusitakotik kanpo gelditzen da kudeaketa tekniko administratiboaren arloan eskumenak dituen atalburutza, bai eta horren mende egon daitezkeenak ere".

Hiru.-2. artikulua honela idatzita agertuko da:

"2. artikulua. Aholkularitza Juridikoaren Zerbitzuaren eginkizunak:

1. Nafarroako Foru Komunitateko Administrazioaren eta haren erakunde publikoen ordezkaritzaz eta defentsaz bezainbatean, Nafarroako Foru Komunitateko Aholkularitza Juridikoari dagokio foru dekretu honetan aurreikusitako eginkizunak betetzea honako gai hauei dagokienez:

a) Foru Komunitateko Administrazioari eta haren mendeko erakunde publikoei aholku juridikoak ematea, eta haiek ordezkatu eta defendatzea epaiketetan haren ordena jurisdikzional guztietan.

b) Nafarroako Ondareko ondasun eta eskubideen ordezkaritza eta defentsa epaiketetan.

c) Bidezko errekurtsoak jartzea Foru Komunitatearen interesen aurkakoak diren jurisdikzio-ordenen ebazpenen aurka, Foru Komunitateko Administrazioa edo haren mendeko edozein erakunde publiko parte izan den prozeduretan.

d) Amore ematea, transakzioak egitea edo atzera egitea, interes orokorrerako komenigarria izan daitekeelarik eta indarra duten legeekin eta foru dekretu honetako arau prozesalekin bat.

e) Aholkularitza juridikoa ematea Nafarroako Foru Komunitateko Administrazioaren mendeko departamentu eta erakunde publikoei, jurisdikzio-ordenetan ebazpen judizialak betetzeari dagokionez.

f) Nafarroako Foru Komunitateko edozein organo exekutibo ordezkatu eta defendatzea, bai Konstituzio Auzitegian, bai Europar Batasuneko Justizia Auzitegian.

g) Nafarroako Foru Komunitatea ordezkatzea Kontuen Auzitegian, Merkatuen eta Lehiaren Batzorde Nazionalean, Europako erakundeetan edo antzeko beste edozein organotan bideratzen diren edozein motatako auzietan.

2. Kontsulta eginkizunari dagokionez, Nafarroako Foru Komunitateko Aholkularitza Juridikoaren Zerbitzuak aholkularitza juridikoaren eginkizuna beteko du, Nafarroako Gobernuak, lehendakariak edo Lehendakaritza eta Berdintasun Departamentuko titularrak hala eskatuta, ezertan galarazi gabe departamentuetako idazkaritza nagusi teknikoei esleitutako eginkizunak, bai eta Nafarroako Kontseiluari esleitutako eginkizun bereziak ere.

3. Funtzionarioen eta enplegatuen defentsari dagokionez, Nafarroako Foru Komunitateko aholkulari juridiko-letraduek ordezkatu eta defendatzen ahalko dituzte epaiketetan Foru Komunitateko Administrazioko edo haren erakunde publikoetako agintariak, funtzionarioak eta langileak, edozein delarik ere haien egoera prozesuan, baldin eta prozedurak beren eginkizunetan edo karguetan zilegitasunez aritzearekin lotutako egiteen edo ez-egiteen ondorio badira, interes-gatazkarik ez badago eta interes publiko orokorrari kalterik eragiten ez bazaio. Horretarako, Lehendakaritzako eta Berdintasuneko departamentuko titularrak baimena eman beharko du aldez aurretik. Horretarako, interesdunak eskatu beharko du eta funtzionarioa edo agintaria atxikita dagoen erakunde publikoko departamentuko edo organo eskuduneko titularraren aldeko proposamena beharko da.

Kasu hauetan ez da bidezkoa izanen laguntza judizialerako aurreko baimena:

a) Foru Komunitateko Administrazioarekin edo haren mendeko erakunde publikoekin interes-gatazka dagoenean. Interes-gatazka egon daitekeela adierazten denean, Aholkularitza Juridikoaren Zerbitzuak horren berri emanen du, horri buruzko txostena edo oharra eginez.

b) Foru Komunitateko Administrazioaren eta haren organismo publikoen zerbitzuko langileen artean sortzen diren prozeduretan, edo langile horiek beren nagusi hierarkikoen aurka sustatzen dituztenetan.

c) Eskatzaileak bere ordezkaritza eta/edo defentsa beste profesional batzuen esku utzi duen prozeduretan, edo ofizioz eslei dakiola eskatu duenean, edo prozeduraren hasieran edo lehen auzialdian laguntza eskatu ez duenean.

Apartatu honetako a) eta b) letretan aurreikusitako kasuetan, esku hartzeko oztopo bakarra baldin bada, soilik, Aholkularitza Juridikoaren Zerbitzuaren txostenak adieraztea interes-gatazkarik egon daitekeela, interesdunak eskatzen ahalko du defentsa- eta ordezkaritza-gastuak ordain diezazkiola, egitateak gertatu ziren unean, zer departamentutan edo erakunde publikotan aritzen zen, horrexek, baldin eta zerbitzu horiek prozesuan derrigorrezkoak baziren eta aurkako alderdiak ordaintzen ez baditu kostuak ordaintzera kondenatuta egoteagatik. Ordainketa hori Aholkularitza Juridikoaren Zerbitzuak dituen zerbitzu-sarien irizpideen arabera pagatuko da.

Aholkularitza Juridikoaren Zerbitzuak ez du inola ere bidezkoa izanen Foru Komunitateko Administrazioaren eta haren erakunde publikoen zerbitzuko langileen eta agintarien defentsa judiziala egitea baldin eta Fiskaltzak haien aurkako akusazioa egiten badu administrazio publikoaren aurkako delituengatik.

4. Nafarroako Foru Komunitateko Aholkularitza Juridikoaren Zerbitzuak, gainera, eginkizun hauek ditu:

a) Foru Komunitateko aholkulari juridiko-letraduek Nafarroako Foru Komunitateko Administrazioaren zaintzapean eta tutoretzapean dauden adingabeen ordezkaritza eta defentsa judiziala eginen dute, bat etorriz haurrentzako eta nerabeentzako sustapenari, laguntzari eta babesari buruzko araudiak ezartzen duenarekin.

b) Aholkularitza Juridikoaren Zerbitzuari dagokio, halaber, Lankidetza Batzordean Nafarroako Foru Komunitateko Administrazioa ordezkatzeko arauetan esleitzen zaion laguntza juridikoa eta parte-hartzea, bai eta Foru Komunitateko Administrazioak beste organo batzuetan edo aldebiko batzordeetan ordezkatzeko parte-hartzea eta laguntza juridikoa ere, hala eskatzen zaionean.

c) Dagokion departamentu, organismo edo entitate publikoko titularrak aldez aurretik baimenduta eta Aholkularitza Juridikoaren Zerbitzuko zuzendariari entzun ondoren, Nafarroako Foru Komunitateko aholkulari juridiko-letraduek Komunitatea eta haren mendeko erakunde publikoak ordezkatu eta defendatzen ahalko dituzte arbitraje-prozeduretan eta auzibidetik kanpoko beste erreklamazio batzuetan.

d) Revista Jurídica de Navarrako zuzendaritza eta haren kudeaketan parte hartzea, hala agintzen zaionean.

e) Indarrean dauden legezko xedapenetatik eratortzen diren gainerakoak".

Lau.-3. artikulua honela idatzita agertuko da:

"3. artikulua. Aholkularitza Juridikoaren jarduketari buruzko arau prozesalak.

1. Nafarroako Foru Komunitateko Aholkularitza Juridikoaren Zerbitzuak, jardun ahal izateko (kereilak aurkeztea barne), Nafarroako Gobernuak aldez aurretik hartutako erabakia beharko du; bestela, lege edo erregelamendu mailako xedapen bati jarraikiz eskumen zehatz hori berariaz esleitua duten organoen edo erakunde publikoko organo eskudunaren baimena. Dena dela, akzioen eskaintza egonez gero, Aholkularitza Juridikoaren Zerbitzuak zuzenean egiten ahalko ditu, departamentu edo erakunde publiko eskudunak eskaera egin ondoren. Presazko kasuetan, erabaki hori Lehendakaritza eta Berdintasun Departamentuko titularrak hartzen ahalko du, ondoren Nafarroako Gobernuari horren berri emanda.

Kasuan kasuko departamentuak edo erakunde autonomoak proposaturik aurkeztuko ditu salaketak Aholkularitza Juridikoaren Zerbitzuak.

2. Abian diren prozesuetan atzera egiteko, akzioak egiteko gaitutako organoaren edo organismoaren baimena beharko da, artikulu honen 1. apartatuari jarraituz.

3. Transakzio judizialak egiteko edo aurkako alderdiaren uziei amore emateko, Nafarroako Gobernuaren edo kasuan kasuko organismo publikoaren organo eskudunaren baimena beharko da, ezertan galarazi gabe legeak bitartekaritzaren arloan ezar dezakeena.

4. Zigor arloko prozesuetan ondorioak aldatzen ahalko dira epaiketaren garapenak hori ezartzen badu eta ezinezkoa bada kasuan kasuko departamentuaren edo erakunde publikoaren baimena lortzea. Era berean, ez da horien baimenik beharko hori lortzea egingarria ez bada eta aldez aurreko adostasunak egon badira.

5. Aldaketa espedienteetan, ez da baimenik beharko erantzukizun zibila onartzeari buruzko adostasunerako, erantzukizun penala onartzeari buruzko adostasuna badago.

6. Nafarroako Foru Komunitateak, Foru Komunitateko aholkulari juridiko-letraduen bidez epaiketan jarduten duenean, Estatuaren berezitasun prozesal berberak izanen ditu, bat etorriz Estatuari eta erakunde publikoei laguntza juridikoa emateaz Estatuko legerian xedatutakoarekin.

7. Estatuko legerian xedatutakoari jarraituz arautuko dira jakinarazpenak, zitazioak, epatzeak eta prozesuko gainerako komunikazio-egintzak, bai eta gordailuen eta kauzioen salbuespena, kostuen tasazioa, autoen bilakabidearen etendura eta erakunde publikoen lurralde forua ere.

8. Bereziki, komunikazio prozesaleko egintzak zuzenean igorri beharko zaizkio Nafarroako Gobernuko Aholkularitza Juridikoaren Zerbitzuari, horretarako ezartzen den egoitzan edo helbidean. Aholkularitza Juridikoaren Zerbitzua izanen da Nafarroako Foru Komunitateko Administrazioaren ordezkari prozesala, halakotzat agertzen dena komunikazio eta izapidetze prozesal elektroniko edo telematikoko sistemetan. Epaiketetan ordezkaritza gauzatzeko auzitegietako abokatu edo prokuradoreren bat izendatu den kasuetan, komunikazio-egintzak auzitegiei zuzenduko zaizkie.

9. Ordena jurisdikzionalen kontrako ebazpenik emanez gero, Aholkularitza Juridikoaren Zerbitzuak aurkeztuko ditu errekurtso arruntak, kasuan kasuko departamentu edo erakundeak kontrako jakinarazpenik adierazten ez duen bitartean. Errekurtso berezien kasuan, arloan eskuduna den departamentuak edo erakundeak proposatu beharko ditu, prestatu edo aurkeztu ahal izateko. Proposamen hori behar bezalako aurrerapenaz eginen da.

10. Aholkularitza Juridikoaren Zerbitzuak konstituzio-kontrakotasuneko errekurtsoak aurkeztu ahal izateko eta konstituzio-kontrakotasuneko errekurtsoetan eta konstituzionaltasuneko bestelako auzietan agertu eta jardun ahal izateko, Nafarroako Gobernuak aldez aurretik halaxe erabaki beharko du.

11. Babes errekurtsoak departamentu edo erakunde eskudunak proposatuta aurkeztuko dira. Hirugarrenek aurkezten badute eta horietan agertzen edo bertaratzen badira, departamentu edo erakunde eskudunari horren berri emanen zaio berehala.

12. Aholkularitza Juridikoaren Zerbitzuak, Foru Komunitateko Administrazioko organo eskudunak edo haren mendeko organismo publikoak eskatuta, herri-akzioa egikaritzen ahalko du lege mailako arau batean hala aurreikusten den kasuetan, legeria prozesalean ezarritako moduan eta baldintzetan, eta foru dekretu honetan jasotakoarekin bat etorriz.

13. Kasuan kasuko departamentu edo erakunde publikoak bete edo betearaziko ditu epaileen ebazpenak, administrazioak pagatu beharreko kostuak barne, Aholkularitza Juridikoaren Zerbitzuaren jarduketa prozesalak eta aholkuak deusetan galarazi gabe.

14. Organismoen arteko interesen balizko aurkakotasun kasuetan, ondotik zehazten diren arauak beteko dira baldin eta, edozein jurisdikzio-ordenaren aurrean administrazio edo organismo publikoek elkarren artean auzitan jarduten badute edo interes kontrajarriak badituzte, Aholkularitza Juridikoaren Zerbitzuak haien legezko edo hitzarmenezko ordezkaritza edukita:

a) Kasu guztietan, Foru Komunitateko Administrazioaren interesen ordezkaritzak eta defentsak izanen du lehentasuna.

b) Ondoren, araudi berezian xedatutakoa beteko da, edo, hala badagokio, kasuan kasuko enpresa-entitate publikoei edo organismo publikoei laguntza juridikoa ematea arautzen duten hitzarmen bidezko klausuletan xedatutakoa.

c) Arauan edo hitzarmenean isiltasuna badago, Aholkularitza Juridikoaren Zerbitzuko zuzendaritzak, lehen izapide prozesala egin aurretik, eta kontuan izanik zer interes dagoen gatazkan, auzian dauden administrazio, entitate edo organismoei azalduko die zer irizpide duen, bai auzia auzibidetik kanpo konpontzeko, ahal izanez gero, bai, halakorik ezean, Nafarroako Foru Komunitateko aholkulari juridiko-letraduek beren gain hartu beharko luketen postulazioari dagokionez, betiere babesgabetasun-egoerak saihestuz. Aholkularitza Juridikoaren Zerbitzuak txostena egin ondoren, Lehendakaritza eta Berdintasun Departamentuko titularrak bidezkoa dena ebatziko du, Aholkularitza Juridikoaren Zerbitzuko kideak bere gain hartu beharreko postulazioari dagokionez.

d) Adingabeen defentsa juridikoan, auziren batean interes-gatazkarik badago Nafarroako Foru Komunitateko Administrazioaren edo haren mendeko erakunde publikoen zaintzapean dauden adingabeen eta haien guraso-agintea edo tutoretza dutenen artean, baldin eta haien ordezkaritza eta defentsa ere Aholkularitza Juridikoaren Zerbitzuaren esku badago, adingabeentzako defendatzaile judizial bat izendatzeko eskatuko da".

Bost.-Beste azken xedapen bat gehitu da, bigarrena. Testu hau izanen du:

"Azken xedapenetako bigarrena. Izapideak egiteko gaikuntza.

Halaber, gaikuntza ematen zaio kudeaketa tekniko administratiboaren arloan eskumena duen ataleko burutzako titularrari Nafarroako Gobernuko Aholkularitza Juridikoaren izenean idatziak bidali, jakinarazpenak jaso eta gainerako eginbideak betetzeko, edozein epaitegi edo auzitegitan".

Azken xedapenetako hirugarrena. Aurrekontuetako aldaketak.

Ahalmena ematen zaio Ekonomia eta Ogasun Departamentuko titularrari foru dekretu honetan ezarritakoa betetzeko beharrezkoak diren aurrekontu-aldaketak egin ditzan.

Azken xedapenetan laugarrena. Garatzeko ahalmenak.

Ahalmena ematen zaio Lehendakaritza eta Berdintasun Departamentuko titularrari foru dekretu honetan ezarritakoa garatzeko beharrezkoak diren xedapenak eman ditzan.

Azken xedapenetako bosgarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

Gobierno de Navarra

Contacte con nosotros | Accesibilidad | Aviso legal | Mapa web