(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

256/2023 FORU DEKRETUA, AZAROAREN 15EKOA, KULTURA, KIROL ETA TURISMO DEPARTAMENTUAREN EGITURA ORGANIKOA EZARTZEN DUENA

BON N.º 244 - 23/11/2023

  I. KAPITULUA. XEDAPEN OROKORRAK

  II. KAPITULUA. VIANAKO PRINTZEA ERAKUNDEAKULTURA ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. ONDARE HISTORIKOAREN ZERBITZUA

  3. ATALA. ARTXIBOEN ETA DOKUMENTU ONDAREAREN ZERBITZUA

  4. ATALA. MUSEOEN ZERBITZUA

  5. ATALA. LIBURUTEGI ZERBITZUA

  6. ATALA. KULTUR EKINTZA ZERBITZUA

  7. ATALA. BALIABIDEEN ETA GARAPEN ESTRATEGIKOAREN ATALA

  III. KAPITULUA. TURISMO ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. TURISMOAREN LURRALDE GARAPEN JASANGARRIKO ZERBITZUA

  3. ATALA. TURISMOKO MARKETINAREN ETA PRODUKTUEN ZERBITZUA

  4. ATALA. TURISMOAREN ANTOLAMENDU, KUDEAKETA ETA KALITATEKO ZERBITZUA

  IV. KAPITULUA. IDAZKARITZA TEKNIKO NAGUSIA

Zioen azalpena

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean xedatutakoari jarraikiz, Nafarroako Gobernuari dagokio departamentu bakoitzaren egitura organikoa onestea.

Nafarroako Foru Komunitateko Lehendakariaren abuztuaren 17ko 10/2023 Foru Dekretuaren bidez, Nafarroako Foru Komunitateko Administrazioaren departamentuen egitura eta departamentu bakoitzaren eskumenen esparrua finkatu ziren.

Era berean, abuztuaren 30eko 75/2023 Foru Dekretuaren bidez, Kultura, Kirol eta Turismo Departamentuaren oinarrizko egitura ezarri zen, deusetan galarazi gabe gerora garatu ahal izatea.

Beraz, foru dekretu honen xedea da Kultura, Kirol eta Turismo Departamentuaren egitura organikoa finkatzea eta garatzea.

Horrenbestez, Kultura, Kirol eta Turismoko kontseilariak proposaturik, eta Nafarroako Gobernuak bi mila eta hogeita hiruko azaroaren hamabostean egindako bilkuran hartutako erabakiarekin bat,

DEKRETATZEN DUT:

I. KAPITULUA. XEDAPEN OROKORRAK

1. artikulua . Kultura, Kirol eta Turismo Departamentuaren eskumenen esparrua.

Kultura, Kirol eta Turismo Departamentuak beteko ditu Nafarroako Foru Komunitateko Administrazioak gai hauetan esleituak dituen eskumenak: kultur ondarea babestu eta handitzea; herritarren kulturarako irispidea demokratizatzea; arte sorkuntza eta hedapena bultzatu eta sustatzea; kirola sustatzea bizi kalitatea hobetzeko oinarrizko ardatz gisa; kirol azpiegiturak arautu eta hobetzea; Nafarroan turismoaren sektorea antolatzea, sustatzea, haren marketina egitea, hura nazioartekotzea eta berritzea, eta indarrean dauden xedapenetan ematen zaizkion gainerako eskudantziak.

2. artikulua . Kultura, Kirol eta Turismo Departamentuko titularra.

1. Kultura, Kirol eta Turismo Departamentuko titularrak, foru dekretu honen 1. artikuluan zehaztutako eskumenen esparruari loturik, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluan ezarritako eskudantziak izanen ditu.

2. Zehazki, dirulaguntza deialdiak eta haien oinarri arautzaileak onestea dagokio.

3. Era berean, Kultura, Kirol eta Turismo Departamentuko titularrari dagokio kide anitzeko organo hauetako buru izatea:

a) Nafarroako Kulturaren eta Arteen Kontseilua.

b) Nafarroako Kirolaren Kontseilua.

c) Nafarroako Turismo Kontseilua.

4. Kultura, Kirol eta Turismo Departamentuko titularrari sostengu politiko eta teknikoa emateko unitate gisa, departamentuan kabinetea dago, Nafarroako Gobernuari eta Lehendakariari buruzko abenduaren 3ko 14/2004 Foru Legearen 19. artikuluari lotua dagoena, zuzenean departamentuko titularraren mende.

3. artikulua . Kultura, Kirol eta Turismo Departamentuaren antolamendu orokorra.

1. Kultura, Kirol eta Turismo Departamentuak, bere titularraren goi-zuzendaritzapean, honako organo hauek izanen ditu bere egituran:

a) Vianako Printzea Erakundea-Kultura Zuzendaritza Nagusia.

b) Turismo Zuzendaritza Nagusia.

c) Idazkaritza Tekniko Nagusia.

2. Nafarroako Kirolaren eta Jarduera Fisikoaren Institutua erakunde autonomoa bere estatutuek arautuko dute eta Kultura, Kirol eta Turismo Departamentuari atxikita gelditzen da.

4. artikulua . Zuzendaritza nagusien eskudantziak.

Foru dekretu honen 2. artikuluan ezarritakoa galarazi gabe, Kultura, Kirol eta Turismo Departamentuko zuzendaritza nagusiei dagokie, departamentuko titularraren goi-zuzendaritzapean eta foru dekretu honetan bakoitzari esleitutako esparruan, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 31. eta 32. artikuluetan eta azken xedapenetako lehenbizikoan ezarritako eskudantziak erabiltzea eta, horietaz gainera, indarrean dauden xedapenek esleitzen dieten edo Kultura, Kirol eta Turismo Departamentuko titularrak agintzen dien beste edozein.

5. artikulua . Idazkaritza Tekniko Nagusiaren eskudantziak.

1. Kultura, Kirol eta Turismo Departamentuko Idazkaritza Tekniko Nagusiari dagokio Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 33. artikuluan ezarritako eskudantziak erabiltzea, betiere Kultura, Kirol eta Turismo Departamentuko titularraren goi-zuzendaritzapean -hari atxikita baitago zuzenean- eta foru dekretu honen 1. artikuluan zehaztutako eskumenen esparruari dagokionez; baita Idazkaritza Tekniko Nagusien Erregelamendua onesten duen otsailaren 21eko 29/2005 Foru Dekretuan ezarritakoak (bere 8. artikuluan ezarritakoak barne) eta indarrean dauden xedapenek esleitzen dioten edo Kultura, Kirol eta Turismo Departamentuko titularrak agintzen dion beste edozein ere, eta horretarako behar diren ebazpenak emanen ditu.

2. Langileen arloan, dagozkion eginkizunak beteko ditu, Nafarroako Foru Komunitateko Administrazioko eta haren erakunde autonomoetako organoen arloan eskudantziak zehazten dituen araudiari jarraikiz, Vianako Printzea Erakundea-Kultura Zuzendaritza Nagusiari, Turismo Zuzendaritza Nagusiari eta Idazkaritza Tekniko Nagusiari atxikitako langileei dagokienez.

6. artikulua . Zerbitzuen eskudantziak.

Zerbitzuek, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 35. artikuluarekin, eginkizun hauek izanen dituzte: beren menpeko atalak edo unitate organikoak planifikatu, koordinatu, zuzendu eta kontrolatzea; prozedurak arindu, arrazionalizatu eta sinplifikatzeko printzipioak bultzatu eta sustatzea; eta, halaber, indarra duten xedapenek berariaz esleitzen dizkieten edo Departamentuko organo eskudunek haietan deskontzentratzen edo eskuordetzen dituzten beste edozein.

7. artikulua . Atalen eskudantziak.

Atalek, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 37. artikuluarekin, eginkizun hauek izanen dituzte: beren eskumenen esparruko lanak gauzatzea eta goragoko nagusientzako txostenak eta proposamenak egitea; beren mendeko bulegoek eta unitateek egiten dituzten lanak koordinatzea, zuzentzea eta kontrolatzea; eta, halaber, Departamentuko organo eskudunek agintzen dizkieten gainerako eginkizun guztiak betetzea.

II. KAPITULUA. VIANAKO PRINTZEA ERAKUNDEA-KULTURA ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

8. artikulua . Vianako Printzea ErakundeaKultura Zuzendaritza Nagusiaren eskumenen esparru materiala.

Vianako Printzea Erakundea-Kultura Zuzendaritza Nagusiak foru dekretu honetan aipatzen diren eskudantziak izanen ditu arlo hauetan:

a) Kultura, Estatuarekin koordinaturik.

b) Ondare historikoa, artistikoa, monumentala, arkitektonikoa, immateriala, arkeologikoa eta zientifikoa, deusetan ukatu gabe ondare hori esportazioaren eta espoliazioaren aurka defendatzeko Estatuak dituen ahalmenak.

c) Artxiboak, museoak eta kultur gordailurako gainerako zentroak, haien titularra Estatua ez bada.

d) Liburutegiak eta hemerotekak.

e) Indarrean dauden xedapenek Kultura, Kirol eta Turismo Departamentuari esleitzen dizkiotenak, Vianako Printzea Erakundea-Kultura Zuzendaritza Nagusiaren berezko esparruan.

9. artikulua . Vianako Printzea ErakundeaKultura Zuzendaritza Nagusiaren egitura.

1. Vianako Printzea Erakundea-Kultura Zuzendaritza Nagusiak zerbitzu hauek ditu bere egituran:

a) Ondare Historikoaren Zerbitzua.

b) Artxiboen eta Dokumentu Ondarearen Zerbitzua.

c) Museoen Zerbitzua.

d) Liburutegi Zerbitzua.

e) Kultur Ekintza Zerbitzua.

2. Vianako Printzea Erakundea-Kultura Zuzendaritza Nagusiari zuzenean atxikita, Baliabideen eta Garapen Estrategikoaren Atala dago.

2. ATALA. ONDARE HISTORIKOAREN ZERBITZUA

10. artikulua . Ondare Historikoaren Zerbitzuaren esparru material eta funtzionala.

Ondare Historikoaren Zerbitzuak eginkizun hauek izanen ditu:

a) Ondare historikoa babestu, kontserbatu, katalogatu eta hedatzea, haren adierazpen artistiko,arkeologiko eta antzekoetan.

b) Ondare historikoa kontserbatu eta babesteko irizpide teknikoak ezartzea.

c) Obra publiko edo pribatu batek multzo edo ondasun higiezin historikoak edo ondasun arkeologiko edo higigarriak edo horien inguruak ukitzen baldin baditu, proiektu horiei buruz nahitaezko txostenak egitea eta, arlo horretan, Nafarroako Gobernuaren beste zerbitzu batzuekiko koordinazioa erraztea, bakoitzaren eskudantzien esparruan.

d) Ondare historikoa ikuskatzea indarreko legeek ezarri bezala.

e) Nafarroako Kultur Ondareko Ondasunen Erregistroa sortu eta kudeatzea.

f) Kultur intereseko ondasunak, ondasun inbentariatuak eta garrantzi lokaleko ondasunak deklaratzeko espedienteak tramitatzea.

g) Nafarroako kultur ondarearen kontserbazioa, babesa eta hedapena sustatzea, indarreko legedian aurreikusita dauden ekintzen bitartez.

h) Nafarroako Gobernuko ondare historikoaren inbentarioak eta katalogo dokumental eta teknikoak prestatu, mantendu eta kontsultarako antolatzea.

i) Nafarroako ondare historikoaren gainean egiten diren esku-hartzeen proiektuak prestatu edo gainbegiratzea eta lan horiek zuzentzea.

j) Bere ardurapean dauden Nafarroako Gobernuaren monumentuen kudeaketa planifikatu, kontratatu eta gainbegiratzea.

k) Nafarroako Gobernuaren arkeologia funtsak antolatu eta kudeatzea.

l) Indusketa eta prospekzio arkeologikoetarako baimenak eman behar ote diren proposatzea eta horiek tramitatzea, eta, behar denean, baita lan horiek egitea ere.

m) Kultura-intereseko ondasunei buruz Departamentuak sustatzen dituen programa guztietan parte hartzea.

n) Aurretik adierazitako eginkizunei dagozkien espediente administratiboen instrukzioa egitea.

ñ) Ekintzak eta programak koordinatzea ondare historikoa kontserbatu eta babesteko esku-hartzeen zabalkunde eta hedapen didaktiko eta pedagogikoari mesede egiteko.

o) Vianako Printzea Erakundea-Kultura Zuzendaritza Nagusiko gainerako zerbitzuekin egiten diren koordinazio bileretan parte hartzea, ekintza bateratua finkatzeko.

p) Zerbitzuaren jardueren urteko memoria idaztea.

q) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

11. artikulua . Ondare Historikoaren Zerbitzuaren egitura.

Ondare Historikoaren Zerbitzuak atal hauek ditu bere egituran:

a) Ondare Arkitektonikoaren Atala.

b) Erregistroaren, Ondasun Higigarrien eta Arkeologiaren Atala.

12. artikulua . Ondare Arkitektonikoaren Atalaren esparru material eta funtzionala.

Ondare Arkitektonikoaren Atalak eginkizun hauek izanen ditu:

a) Ondare arkitektonikoaren legezko babesaz arduratzea eta monumentuak ikuskatzea.

b) Ondare arkitektonikoa dokumentatzea.

c) Ondare arkitektonikoa hedatzea eta zabaltzea.

d) Ondare arkitektonikoaren eraikinetan obra proiektuak eta zuzendaritza lana egitea.

e) Eraikin historiko artistikoetako obren plangintza eta kontratazioa.

f) Vianako Printzea Erakundearen Artxiboa, Monumentuen Batzordearena eta Argazkien Artxiboa kontserbatzea eta horien mantentze-lanez arduratzea.

g) Ondare arkitektonikoaren kultur intereseko ondasunak, ondasun inbentariatuak eta garrantzi lokaleko ondasunak deklaratzeko espedienteak prestatzea.

h) Inbentario arkitektonikoa prestatzea.

i) Atalaren jardueren urteko memoria prestatzea.

j) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

13. artikulua . Erregistroaren, Ondasun Higigarrien eta Arkeologiaren Atalaren esparru material eta funtzionala.

Erregistroaren, Ondasun Higigarrien eta Arkeologiaren Atalak eginkizun hauek izanen ditu:

a) Ondare higigarriari legezko babesa ematea.

b) Kultura-intereseko ondasunen eta ondasun higigarri inbentariatuen espedienteak prestatzea.

c) Nafarroako Kultur Ondareko Ondasunen Erregistroa sortu eta kudeatzea.

d) Nafarroako Kultur Ondareko Ondasun Higigarrien Katalogoa prestatzea, ondare higigarria dokumentatu eta hedatzeko.

e) Nafarroako kultur ondareko ondasun higigarri eta higiezinetan esku-hartzeak prestatu, zuzendu, planifikatu eta kontratatzea.

f) Ondasun higigarri historiko artistikoak berritzeko ezartzen diren laguntzak kudeatzea.

g) Bere ardurapean dauden Nafarroako Gobernuaren kultur ondareko ondasun higigarriak mantendu eta kudeatzea.

h) Ondare higigarria eta ondare arkeologikoa zabaltzea eta haren dibulgazioa egitea.

i) Zeharkako koordinazioa Vianako Printzea Erakundea-Kultura Zuzendaritza Nagusiko gainerako zerbitzuekin, aholkularitza teknikoa eta jarraipena emanez esku-hartzeetan, bai eta azterketa, analisi, diagnostiko, trataera eta kontrola ere Nafarroako Kultur Ondareko margolanak, eskulturak eta material arkeologikoak kontserbatu eta zaharberritzeko.

j) Ondare Historikoa Babesteko Plana egitea eta koordinatzea.

k) Ondare arkeologikoaren katalogazioa, Nafarroako Arkeologia Inbentarioan sartzeko.

l) Ondare arkeologikoari legezko babesa ematea.

m) Ondare arkeologikoaren kultura-intereseko ondasunak, ondasun inbentariatuak eta garrantzi lokaleko ondasunak deklaratzeko espedienteak prestatzea.

n) Nafarroako Gobernuaren arkeologia funtsak eta balio arkeologikoko higiezinak (aztarnategiak) kudeatu eta kontserbatzea.

ñ) Esku-hartze arkeologikoak tramitatzea eta kudeatzea: Indusketen Urteko Planerako programatuta daudenak eta presakoak.

o) Ondare arkeologikoaren kultura-intereseko ondasunak, ondasun inbentariatuak eta garrantzi lokaleko ondasunak deklaratzeko espedienteak prestatzea.

p) Atalaren jardueren urteko memoria erredaktatzea.

q) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

3. ATALA. ARTXIBOEN ETA DOKUMENTU ONDAREAREN ZERBITZUA

14. artikulua . Artxiboen eta Dokumentu Ondarearen Zerbitzuaren esparru material eta funtzionala.

Artxiboen eta Dokumentu Ondarearen Zerbitzuak eginkizun hauek izanen ditu:

a) Nafarroako dokumentu ondarea osatzen duten dokumentuen eskuragarritasuna sustatzea, kontuan hartu gabe haien titulartasuna, betiere ezagutza eta ikerketa helburuekin, eta indarreko legediaren arabera.

b) Nafarroako Artxiboen Errolda egin eta eguneraturik edukitzea.

c) Dokumentu ondarearen arloko zehapen-espedienteak ikuskatzeko eta, hala badagokio, tramitatzeko ahalmenak erabiltzea.

d) Artxiboetako profesionalei zuzendutako prestakuntza bultzatzea, bereziki artxiboen kudeaketan informazioaren eta komunikazioaren teknologiak ezartzeari dagokionez.

e) Nafarroako artxibo sistema koordinatzea, bertan parte hartzen duten organoak sustatuz, arauak garatuz eta artxibistikaren teknika eta jardunbide egokiak ezarriz.

f) Nafarroako Artxibo Sisteman sartutako artxiboen dokumentu-ondareari dagokionez, kontserbazio eta arriskuen prebentzioko programak sustatzea, bai eta ondare hori antolatu, deskribatu eta zabaltzeko programak ere.

g) Nafarroako Artxibo Sistemako artxiboei eragiten dieten hondamendiei aurre egiteko babes jarduerak gainbegiratzea.

h) Betekizunak ezartzea eta laguntzea Nafarroako Administrazio Publikoetako artxibo digital segurua ezartzen, bereziki toki-entitateekin.

i) Dokumentuen ebaluazioa koordinatzea eta bultzatzea.

j) Dokumentuen ondareari dagokionez, kultur intereseko ondasun eta ondasun inbentariatu deklaratzeko espedienteak tramitatzea.

k) Nafarroako Artxibo Sistemako artxiboei aplikagarri zaizkien estatistika-metrikoak eta jardueraren ebaluazio-adierazleak definitzea.

l) Nafarroako Foru Komunitateko Administrazioan ezarri beharreko arau eta metodologiak, irizpideak eta teknikak definitzea, administrazio-espedienteak edozein artxibo-fasetan antolatu, tratatu, eskuratu eta kontserbatzeko.

m) Nafarroako Foru Komunitateko Administrazioaren artxibo digital segururako baldintza funtzionalak eta operatiboak ezartzea.

n) Nafarroako Errege Artxibo Nagusiari eta Nafarroako Artxibo Garaikideari esleitutako berariazko eginkizunak gainbegiratzea eta koordinatzea.

ñ) Aurretik adierazitako eginkizunei dagozkien espediente administratiboen instrukzioa egitea.

o) Dokumentuen ondareko ondasunei buruz Kultura, Kirol eta Turismo Departamentuak sustatzen dituen programa guztietan parte hartzea.

p) Zerbitzuaren jardueren urteko memoria idaztea.

q) Vianako Printzea Erakundea-Kultura Zuzendaritza Nagusiko gainerako zerbitzuekin egiten diren koordinazio bileretan parte hartzea, ekintza bateratua finkatzeko.

r) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

15. artikulua . Artxiboen eta Dokumentu Ondarearen Zerbitzuaren egitura.

Artxiboen eta Dokumentu Ondarearen Zerbitzuak atal hauek ditu bere egituran:

a) Nafarroako Errege Artxibo Nagusiaren Atala.

b) Nafarroako Artxibo Garaikidearen Atala.

16. artikulua . Nafarroako Errege Artxibo Nagusiaren Atalaren esparru material eta funtzionala.

Nafarroako Errege Artxibo Nagusiaren Atalak eginkizun hauek izanen ditu:

a) Nafarroako Errege Artxibo Nagusia kudeatzea.

b) Bere zaintzapeko dokumentu-funtsak kontserbatu, antolatu eta zabaltzea.

c) Dokumentuak kontserbatzeko sistemak planifikatzea eta dokumentuak zaharberritu eta digitalizatzeko teknikak aplikatzea.

d) Dokumentuak kontserbatzeko baldintzei buruzko aholkuak ematea.

e) Hondamendiak prebenitzeko programak diseinatzea.

f) Funtsak antolatzeko koadroa ezartzea.

g) Dokumentuak sailkatu, antolatu eta deskribatzeko programak garatzea.

h) Funts bibliografikoa antolatu eta katalogatzea.

i) Dokumentazioa eskuratzeko eta kontsultatzeko zerbitzua ematea.

j) Erreprografia zerbitzua kudeatzea.

k) Gordailutzen den dokumentazio historikoari tratamendu tekniko egokia ematen zaiola gainbegiratzea.

l) Nafarroako Dokumentu Ondarea hedatu eta zabaltzeko programak garatzea.

m) Programak diseinatzea beste erakunde edo entitate batzuekin elkarlanean.

n) Atalaren jardueren urteko memoria idaztea eta zerbitzu-kartaren jarraipena egitea.

ñ) Artxiboen eta Dokumentu Ondarearen Zerbitzuko zuzendaritzarekin lankidetzan aritzea, zerbitzuaren eginkizunak betetzeko.

o) Jatorri pribatuko dokumentu funts historikoen dohaintza sustatzea, eta funts horiek kontserbatu, teknikoki tratatu, hedatu eta balioesteko programak abiaraztea.

p) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

17. artikulua . Nafarroako Artxibo Garaikidearen Atalaren esparru material eta funtzionala.

Nafarroako Artxibo Garaikidearen Atalak eginkizun hauek izanen ditu:

a) Nafarroako Foru Komunitateko Administrazioaren Artxiboa kudeatzea.

b) Foru Komunitateko Administrazioaren artxibo sistemaren funtzionamendua zaintzea, eta dokumentuen kudeaketarako irizpideak ezartzea bulegoetako artxiboetan eta artxibo zentraletan, behar bezala aplikatzen direla gainbegiratuz.

c) Nafarroako oraina ulertzeko garrantzitsu diren jatorri pribatuko dokumentu funtsen dohaintza sustatzea, bereziki galzorian badaude, eta funts horiek kontserbatu, teknikoki tratatu, hedatu eta balioesteko programak abiaraztea.

d) Funts garaikideak eta Nafarroako orainari buruzkoak ikertu eta zabaltzeko programak bultzatzea.

e) Dokumentuen Ebaluaziorako Batzordearen lana bultzatzea, eta ebaluazio akordioak betetzen direla gainbegiratzea.

f) Dokumentazioa kontserbatzeko eta Kontserbazio- eta Irispide-egutegia mantentzeko epeak argitaratzea, Dokumentuen Ebaluaziorako Batzordearen irizpenekin bat etorriz.

g) Nafarroako Artxiboen Ataria sustatu eta eguneratzea.

h) Informaziorako sarbidea sustatzea, indarrean dagoen legeria betetzen dela bermatuz.

i) Dokumentazio historikoa Foru Komunitateko Administrazioaren Artxibotik Nafarroako Errege Artxibo Nagusira transferitzea.

j) Artxibo Digitalaren ezarpena sustatzea Foru Komunitateko Administrazioaren kudeaketa elektronikoan.

k) Etengabeko prestakuntzarako programak diseinatu eta sustatzea administrazio publikoetako artxibo eta dokumentuen ardura duten langileentzat.

l) Atalaren jardueren urteko memoria idaztea eta zerbitzu-kartaren jarraipena egitea.

m) Artxiboen eta Dokumentu Ondarearen Zerbitzuko zuzendaritzarekin lankidetzan aritzea, zerbitzuaren eginkizunak betetzeko.

n) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

4. ATALA. MUSEOEN ZERBITZUA

18. artikulua . Museoen Zerbitzuaren esparru material eta funtzionala.

Museoen Zerbitzuak eginkizun hauek izanen ditu:

a) Museoen plangintza prestatzea eta horien administrazio-kudeaketaz arduratzea.

b) Nafarroako Museoen Sistema babestea, sistema osatzen duten organoen berezko funtzioak proposatuz, erraztuz eta bideratuz.

c) Museoen inguruko administrazio jarduketak eta jardueren programazioak planifikatu eta kontrolatzea.

d) Museoetako bildumak osatzen dituzten funtsak kontserbatzeko, babesteko eta zabaltzeko irizpide teknikoak ezartzea.

e) Museoetako bildumak ikuskatzea, indarra duen legediak ezarritako moduan.

f) Museoen eta bilduma museografiko iraunkorretan ondasunen kontserbazioa, ikerketa, erakusketa eta zabalkundea sustatzea.

g) Kultura, Kirol eta Turismo Departamentuaren museoak eta beren funtsak zuzentzea eta kudeatzea, eta museoei dagozkien kontserbazio-, gehikuntza-, zabalkunde- eta dibulgazio-programak gauzatzea.

h) Kultura, Kirol eta Turismo Departamentuak museoekin lotuta sustatzen dituen programetan parte hartzea.

i) Museoetarako eta bilduma museografiko iraunkorretarako ezartzen diren laguntzak kudeatzea.

j) Foru-titulartasuneko museo eta bilduma museografiko iraunkor berriak sortzea eta egokitzea.

k) Nafarroako ondare etnologikoko eta kultura-ondare immaterialeko ondasunak kultura-intereseko ondasuntzat eta inbentariatutako ondasuntzat deklaratzeko espedienteak izapidetzea.

l) Nafarroako museo eta bilduma museografiko iraunkorretako funtsak interes kulturaleko ondasun deklaratzeko espedienteetan nahitaezkoa den informazioa.

m) Museoei eta bilduma museografiko iraunkorrei aholkularitza eta laguntza teknikoa ematea.

n) Museoen eta bilduma museografiko iraunkorren hedapen jarduerak, zabalkunde jarduerak eta jarduera didaktiko eta pedagogikoak gauzatzeko ekintzak eta programak bultzatu eta koordinatzea.

ñ) Nafarroako Ondare Etnologikoa eta Nafarroako Kultur Ondare Immateriala dokumentatu, babestu eta hedatzea.

o) Vianako Printzea Erakundea-Kultura Zuzendaritza Nagusiko gainerako zerbitzuekin egiten diren koordinazio bileretan parte hartzea, ekintza bateratua finkatzeko.

p) Zerbitzuaren jardueren urteko memoria idaztea.

q) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

19. artikulua . Museoen Zerbitzuaren egitura.

Museoen Zerbitzuak atal hauek ditu bere egituran:

a) Museoen Atala.

b) Nafarroako Museoaren Atala.

20. artikulua . Museoen Atalaren esparru material eta funtzionala.

Museoen Atalak eginkizun hauek izanen ditu:

a) Museoetarako eta bilduma museografiko iraunkorretarako ezartzen diren laguntzak kudeatzea.

b) Museoak eta bilduma museografiko iraunkorrak onartzeko espedienteak tramitatzea, indarreko legediaren arabera.

c) Nafarroako Museoen eta Bilduma Museografiko Iraunkorren Erregistroa prestatzea eta eguneratzea.

d) Nafarroako museoetako eta bilduma museografiko iraunkorretako funtsen inbentario orokorra prestatu eta eguneraturik izatea.

e) Museoetako eta bilduma museografiko iraunkorretako funtsak zaindu, ikertu eta ezagutarazteko lanak sustatu eta koordinatzea.

f) Museoak eta bilduma museografiko iraunkorrak ikuskatzea, eta haiei aholku ematea, indarra duen legedian ezartzen den moduan.

g) Museoen eta bilduma museografiko iraunkorren hedapen jarduerak, zabalkunde jarduerak eta jarduera didaktiko eta pedagogikoak gauzatzeko ekintzak eta programak diseinatu eta gauzatzea.

h) Nafarroako museoen eta bilduma museografiko iraunkorren bisitari eta erabiltzaileen datuak biltzea estatistikarako.

i) "Julio Caro Baroja" Nafarroako Etnologia Museoaren eta Karlismoaren Museoaren funtsak eta programazioa kudeatu eta koordinatzea.

j) Nafarroako Ondare Etnologikoa eta Nafarroako Kultur Ondare Immateriala dokumentatu, babestu eta hedatzeko ekintzak diseinatu eta gauzatzea.

k) Atalaren jardueren urteko memoria prestatzea.

l) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

21. artikulua . Nafarroako Museoaren Atalaren esparru material eta funtzionala.

Nafarroako Museoaren Atalak eginkizun hauek izanen ditu:

a) Nafarroako Museoari esleitutako funtsen tratamendu administratibo eta teknikoa.

b) Nafarroako Museoan zaindutako funtsen kontserbazioa eta segurtasuna.

c) Nafarroako Museoari esleitutako funtsak erakusteko proiektu museografikoak diseinatu eta gauzatzea.

d) Beste toki batzuetan gordailututako funts propioak kontrolatzea.

e) Nafarroako Museoaren instalazioetako mantentze eta segurtasun lanak.

f) Oinarrizko jarduketa arloei buruz (eskuratzea, kontserbazioa, ikerketa, hedapena) izaten diren jardueren urteko plana prestatu eta organo eskudunari proposatzea.

g) Nafarroako Museoaren jarduera eta ematen dituen zerbitzuak antolatu eta kudeatzea.

h) Bildumari dagozkion zabalkunde-, hedapen- eta hezkuntza-ekintzak sustatu, erraztu eta koordinatzea.

i) Atalaren jardueren urteko memoria prestatzea.

j) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

5. ATALA. LIBURUTEGI ZERBITZUA

22. artikulua . Liburutegi Zerbitzuaren esparru material eta funtzionala.

Liburutegi Zerbitzuak eginkizun hauek izanen ditu:

a) Kultura, informazio, prestakuntza eta ezagutzaren irispidea demokratizatzea, Nafarroako Liburutegien Sistemaren bitartez.

b) Nafarroako lurralde errealitatera egokitzen den liburutegi eredua diseinatu eta bultzatzea, liburutegien sarea errealitate ezberdinak egituratu eta kohesionatzeko ardatza izan dadin.

c) Nafarroako Liburutegien Sistema antolatu, egituratu eta kohesionatzea, zentro, baliabide eta zerbitzuen antolakundea den aldetik, komunitateari gizarteratu, kulturizatu eta herritartzeko espazioak eskaintzeko.

d) Foru Administrazioak Nafarroako Liburutegi Publikoen Sistemari ematen dizkion baliabideak efizientziaz kudeatu eta koordinatzea.

e) Herritar guztiei, edozein izanik ere bere egoera, jatorria, adina, kultur maila edo diru sarrerak, baliabideak eta zerbitzuak eskaintzeko politika planifikatu, ahalbidetu, ebaluatu eta neurtzea.

f) Irakurketa Maparen jarraibideak eta zerbitzu-kartarenak Nafarroako Liburutegi Publikoen Sistemako liburutegietan berrikusi, eguneratu eta aplikatzea, eta Nafarroako Liburutegi Publikoen Sistemaren erregelamenduak erredaktatzea.

g) Nafarroako ondare bibliografikoa, filmografikoa eta ikus-entzunezkoa babestea, kontserbatzea, antolatzea eta zabaltzea.

h) Informazioaren eta komunikazioaren teknologien erabilera sustatu eta zabaltzea Nafarroako Liburutegi Publikoen Sisteman.

i) Liburutegiko langileen etengabeko prestakuntza sustatzea.

j) Liburutegi publikoak kudeatzeko toki entitateekin sinatutako hitzarmenak eguneratu, kudeatu eta garatzea, udalerri bakoitzean liburutegien kudeaketa integratua izateko.

k) Liburutegien beste sistemekin eta irakurketa eta informazioaren teknologia berriak sustatzeko erakundeekin elkarlanean aritzeko prozedurak ezarri eta garatzea, bai Foru Komunitatean bai Foru Komunitatetik kanpoan.

l) Liburutegi Publikoen Sistema Nafarroako Liburutegien Sistemarekin elkarlanean aritzeko prozedurak ezarri eta garatzea.

m) Vianako Printzea Erakundea-Kultura Zuzendaritza Nagusiko gainerako zerbitzuekin egiten diren koordinazio bileretan parte hartzea, ekintza bateratua finkatzeko.

n) Liburutegi Zerbitzuaren urteko memoria idaztea.

ñ) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

23. artikulua . Liburutegi Zerbitzuaren egitura.

Liburutegi Zerbitzuak honako atal hauek ditu bere egituran:

a) Nafarroako Liburutegiaren Atala.

b) Liburutegien Sarearen Atala.

24. artikulua . Nafarroako Liburutegiaren Atalaren esparru material eta funtzionala.

Nafarroako Liburutegiaren Atalak eginkizun hauek izanen ditu:

a) Nafarroako Liburutegien Sistemaren gidari izatea, eta liburutegietako zerbitzuen erreferentea izatea herritar guztientzat.

b) Atalaren giza baliabideak eta baliabide materialak eraginkortasunez eta efizientziaz planifikatu, kudeatu, neurtu, ebaluatu eta optimizatzea.

c) Nafarroako ondare bibliografikoa, filmografikoa, ikus-entzunezkoa eta digitala bildu, babestu eta ezagutaraztea.

d) Nafarroarentzat interesgarriak diren obrak eta dokumentuak hautatzea eta digitalizatzea.

e) Lege-gordailua kudeatzea, eta Nafarroako bibliografia antolatzea.

f) Nafarroako Liburutegi Digitalaren prestaketa eta hedapena bultzatu eta koordinatzea, haren dokumentuak Kulturaren Atari Digitalean sartzea, eta Espainiako eta Europako proiektuetan (Hispana, Europeana...) parte hartzea.

g) Erabiltzaileei arreta emateko zerbitzuak diseinatu, programatu, kudeatu eta ebaluatzea.

h) Liburutegiaren zerbitzuak sustatu eta hedatzeko tresnak sortu eta jarduerak antolatzea herritar guztientzat.

i) Nafarroako Liburutegiak eta Liburutegi Publikoen Sareak behar dituzten informazio baliabideak hautatu, ebaluatu, kudeatu eta eskuratzea zenbait euskarri eta formatutan.

j) Nafarroako Liburutegirako dokumentuen eskuratzea programatu, kudeatu, prozesu teknikoa gauzatu eta ebaluatzea.

k) Kultura-intereseko ondasun deklaratzeko espedienteak prestatzea, ondare bibliografikoari dagokionez.

l) Nafarroako Ondare Bibliografikoaren Katalogo Kolektiboaren prestaketa eta hedapena koordinatzea.

m) Atalaren jardueren urteko memoria prestatzea.

n) Indarra duten xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

25. artikulua . Liburutegien Sarearen Atalaren esparru material eta funtzionala.

Liburutegien Sarearen Atalak eginkizun hauek izanen ditu:

a) Nafarroako Liburutegi Publikoen Sareko liburutegiak zuzendu, koordinatu eta kohesionatzea, kudeaketan bere elementuen parte-hartze aktiboa sustatuz.

b) Atalaren giza baliabideak eta baliabide materialak eraginkortasunez eta efizientziaz planifikatu, kudeatu, ebaluatu eta optimizatzea.

c) Informazioaren sorkuntza eta hedapena erraztea, liburutegietako zerbitzuetatik erabiltzaileengana eta alderantziz.

d) Liburutegi publikoak sustatu eta hedatzeko programak diseinatu, gauzatu eta ebaluatzea, herritarrengandik hurbil dauden erakundeak diren aldetik.

e) Nafarroako Liburutegi Publikoen Sistemako liburutegietan zerbitzuak emateko jarraibideak erredaktatu, arautu eta aplikatzea.

f) Nafarroako Liburutegien Sisteman liburutegi-hedapeneko programak sustatu, sostengatu eta koordinatzea.

g) Nafarroako Liburutegi Publikoen Sistemako zerbitzu informatikoak hautatu, kudeatu eta ebaluatzea.

h) Informazioaren eta komunikazioaren teknologien erabilera gauzatu, garatu eta sustatzea.

i) Nafarroako Liburutegi Publikoen Sistemako liburutegien ekipamendu, antolaketa eta jendearentzako zerbitzua hobetzeko Foru Administrazioak ematen dituen laguntzak kudeatzea.

j) Liburutegi publikoak kudeatzeko toki entitateekin sinatutako hitzarmenen jarraipena egitea, eta Foru Administrazioaren konpromisoak gauzatzea.

k) Atalaren jardueren urteko memoria prestatzea.

l) Indarra duten xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

6. ATALA. KULTUR EKINTZA ZERBITZUA

26. artikulua . Kultur Ekintzako Zerbitzuaren eremu materiala eta funtzionala.

Kultur Ekintza Zerbitzuak eginkizun hauek izanen ditu:

a) Promozio, plangintza, koordinazio eta sustapen lana egitea, herritar guztiek eskura izan dezaten kalitatezko kultura eskaintza zabala, Nafarroako Foru Komunitateko lurralde osoan banatua.

b) Arte programa berekiak diseinatu, gauzatu eta ebaluatzea, sektorearen garapena eta kultur eskaintza taxutu eta osatzeko asmoarekin.

c) Herritarren artean kultura-aniztasuna sustatzea.

d) Herritarren parte-hartze horizontala, oro har, eta eragile kultural eta artistikoena, bereziki, sustatzea Vianako Printzea Erakundea-Kultura Zuzendaritza Nagusiaren eragin-lerroen eta programen informazio, antolaketa eta ebaluazio prozesuetan.

e) Arte eta kultur eskaintza eta arte eta kultur entitateen sorrera eta garapenerako bulkada koordinatzea Vianako Printzea Erakundea-Kultura Zuzendaritza Nagusiko zerbitzuekin.

f) Arte eta kultur programak egiten dituzten kultur eragileekin batera lan egitea, hala nola entitate publiko eta pribatuekin, herritarren elkarteekin eta talde artistikoekin.

g) Arte arloko talentua eta sorkuntza mesedetu, bultzatu eta sustatzea, kalitatea sustatzen duten irizpideak erabiliz, baita herritarren arte jardun ezberdinak ere, hala zuzenean nola hirugarrenekin elkarlanean.

h) Arteetarako ikus-entzuleak eta ikus-entzuleak sortzea, prestatzea eta fidelizatzea.

i) Kultur eskaintzaz gozatzeko herritarrek izan ditzaketen oztopo guztiak kentzea (ekonomikoak, sozialak, fisikoak, heziketakoak eta bestelakoak).

j) Artearen eta kulturaren garapenean laguntzea gizarteak, boluntarioek eta ekimen pribatuak parte har dezaten, eta eginkizun horretan aurrera egitea.

k) Kultura-proiektuak sustatzeko, kultura-erakundeak garatzeko, kultura-irisgarritasunerako eta herritarrek kultura-bizitzan parte hartzeko ezartzen diren laguntzak diseinatzea eta kudeatzea.

l) Arte eta kultur entitateekin izenpetzen diren hitzarmenak kudeatzea, eta horien jarraipena egitea indarrean dauden bitartean.

m) Arte eta kulturaren sektore berritzaileak, kultur industriak eta sormenezko entitateak promozionatu, sustatu eta koordinatzeko jarduerak gauzatzea, bai eta gaur egun arteen elkarketa, diziplinartekotasuna eta berrikuntza proposatzen dituzten agerpenenak ere.

n) Arte produkzioen eta sortzaileen proiekzioa eta aintzatespena sustatzea herritarren artean eta beste kultur eragile batzuen artean, eta, bereziki, behar diren bideak irekitzea herritarrek laguntza publikoak jasotzen dituzten artisten eta kultur entitateen lana ezagutu dezaten.

ñ) Kudeaketa, erabiltzen diren baliabideen eraginkortasuna eta gastuaren eta inbertsioaren errentagarritasuna hobetzea, eta helburu eta adierazleak ezartzea, gero ebaluatu ahal izateko.

o) Nafarroatik kanpo bizi eta lan egiten duten artista nafarren hurbilpena, aurkezpena eta balioespena sustatzea.

p) Kultur eta arte sektorearen koordinazio tresnak garatzea, plan estrategikoak abiapuntu hartuta, eta laguntzen eta etengabeko hobekuntzako baliabideen berri ematea aldian-aldian eta iraunkorki.

q) Nafarroako arte eta ikus-entzunezko sormenaren eta produkzioaren kanpoko proiekzioa sustatzea, eta Espainian eta atzerrian sareak, entitateak, arte zentroak, jaialdiak eta entitate publiko eta pribatuak etengabe bilatzea.

r) Kudeaketa, erabiltzen diren baliabideen eraginkortasuna eta gastuaren eta inbertsioaren errentagarritasuna hobetzea, eta helburu eta adierazleak ezartzea, gero ebaluatu ahal izateko.

s) Toki entitateekin elkarlanean aritzea, bereziki hurbiltasuneko kultur ekipamenduak bultzatu eta dinamizatzeko deialdi eta laguntzen bidez, zehazki arlo hauetan: antzerkia, musika, dantza, ikus-entzunezkoak eta arte plastiko eta ikusizkoak, liburua, artearen bestelako agerpen garaikideak, ondareari lotutakoak eta beste edozein agerpen.

t) Sektoreko agenteen profesionalizazioa sustatu eta sostengatzea, kultur ekintzailetzari eta kultur eta sormen industriei laguntza emanez.

u) Vianako Printzea Erakundea-Kultura Zuzendaritza Nagusiko gainerako zerbitzuekin egiten diren koordinazio bileretan parte hartzea, ekintza bateratua finkatzeko.

v) Kultur Ekintza Zerbitzuko jardueren urteko memoria idaztea.

w) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

27. artikulua . Kultur Ekintza Zerbitzuaren egitura.

Kultur Ekintza Zerbitzuak atal hauek ditu bere egituran:

a) Programa Artistikoen eta Hedapenaren Atala.

b) Kultur Ekimenaren eta Berrikuntzaren Atala.

c) Ikus-entzunezko Proiektuen eta Proiektu Digitalen Atala.

28. artikulua . Programa Artistikoen eta Hedapenaren Atalaren eremu material eta funtzionala.

Programa Artistikoen eta Hedapenaren Atalak eginkizun hauek izanen ditu:

a) Kultur eragileei arreta eta aholku ematea modu integralean, bai eta haien sormen, produkzio eta hedapen prozesu guztiei ere.

b) Arte sektorea koordinatzea eremu guztietan eta eragile guztiekin, plan estrategikoak abiapuntu hartuta, eta laguntzen eta etengabeko hobekuntzako baliabideen berri ematea aldian-aldian eta modu iraunkorrean.

c) Kultur zerbitzu, proiektu eta programak koordinatu eta planifikatzea, programa berekien bidez edo hirugarrenekin elkarlanean, eta kalitatezkoak izan daitezen eta arte komunitateak eta herritarrek parte har dezaten begiratzea.

d) Vianako Printzea Erakundea-Kultura Zuzendaritza Nagusiko gainerako zerbitzuekin, Baluarte Fundazioarekin, Uharteko Arte Garaikideko Zentroarekin eta Zuzendaritza Nagusiaren beste entitate laguntzaileekin bakoitzak artearen hedapenerako prestatzen dituen programak koordinatzea, eskaintza bateratua egiteko, jarduerak bikoiztea saihesteko eta ahalik eta eskaintza zabalena eta bateratzaileena osatzeko.

e) Artearen hedapenerako programak gauzatzea kultur eragileekin, entitate publiko eta pribatuekin eta elkarteekin elkarlanean, bai eta interes publikotzat jotzen diren ekimenak dituztenekin ere.

f) Zuzeneko arteen sektoreekin aritzeko batzorde artistikoak eta lantaldeak proposatu eta koordinatzea, bai eta jaialdi eta jarduera berekien zuzendari artistiko eta koordinatzaileekin garatzen den lana ere.

g) Publiko berriak sortu, trebatu eta fidelizatzea helburu duten hedapen estrategiak gauzatzea.

h) Heziketa, zabalkuntza eta bitartekaritza estrategiak sartu, sustatu eta koordinatzea artearen hedapenerako programetan.

i) Atalaren eremuko sektore profesionalen berariazko prestakuntza laguntzeko lerroak sustatzea, hala nola bekak, jardunaldiak, biltzarrak eta interesekotzat jotzen diren beste edozein.

j) Toki entitateekin elkarlana erraztu eta sustatzea, haien kultur ekipamenduak eta arte programak ahalik eta hobekien dinamizatzeko.

k) Atalaren jardueren urteko memoria prestatzea.

l) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

29. artikulua . Kultur Ekimenaren eta Berrikuntzaren Atalaren esparru material eta funtzionala.

Kultur Ekimenaren eta Berrikuntzaren Atalak eginkizun hauek izanen ditu:

a) Kultur ekintzailetzako ekimenei arreta eta aholku ematea modu integralean, sektorearen profesionalizazioan laguntzeko.

b) Sormena, produktu artistikoen garapena eta arte eta kultur entitateen garapena sustatzen eta ahalbidetzen duten deialdiak eta laguntzak diseinatu eta kudeatzea, sormenaren eta kulturaren sektore egonkor, zabal, berritzaile eta lehiakor bat hobetzen laguntzeko.

c) Berrikuntza eta sormena bultzatzea, ataleko eskumenen esparruko programa eta proiektu guztietan, zeharka, eragile sozial, kultural, artistiko eta ekonomikoa diren aldetik.

d) Arte produkzioen eta sortzaileen proiekzioa eta aintzatespena sustatzea herritarren artean eta beste kultur eragile batzuen artean, eta, bereziki, bideak irekitzea laguntza publikoak jasotzen dituzten pertsonen eta entitateen lana ahalik eta hobekien heda dadin, ataleko eskumenen esparruan.

e) Sortzaileekin, arte eragileekin eta kultur enpresekin elkarlanean aritzea baterako programetan, kultur ekimena eta ekintzailetza sustatzeko.

f) Zeharkako ekintzak koordinatzea Vianako Printzea Erakundea-Kultura Zuzendaritza Nagusiko gainerako zerbitzuekin eta Nafarroako Gobernuko erakundeekin, kultur sektorea modu jasangarrian garatu ahal izateko.

g) Foru Komunitateko kultur sektorearen sustapen eta hedapena sostengatzea Nafarroatik kanpo.

h) Kanpoko finantzabideak (eskualdekoa, Espainiakoa, Europakoa) aztertzea, bai programa berekietarako, bai atal honetako eskumenen esparruko sektore artistikoetako profesional eta entitateek egiten dituzten programetarako.

i) Sektoreko batzordeak koordinatzea arlo hauetan: kulturaren sektoreak, elkarteak, kultura herrikoiari lotutako entitateak eta arte sektorearen eta alboko arteen ekintzaileak.

j) Atalaren eremuko sektore profesionalen berariazko prestakuntza programak sustatzea, hala nola prestakuntza artistikorako bekak, jardunaldiak, biltzarrak eta interesekotzat jotzen diren beste edozein.

k) Toki entitateekin lan egiteko ildo berriak ezartzea, bai eta lurraldea sustatzekoak ere, landa garapenari lotuak.

l) Atalaren jardueren urteko memoria prestatzea.

m) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

30. artikulua . Ikusentzunezko Proiektuen eta Proiektu Digitalen Atalaren eremu material eta funtzionala.

Ikus-entzunezko Proiektuen eta Proiektu Digitalen Atalak eginkizun hauek izanen ditu:

a) Berrikuntza eta sormena zeharka bultzatzea, ataleko eskumenen esparruko programa eta proiektu guztietan, eragile sozial, kultural, artistiko eta ekonomikoa diren aldetik, arreta sektore ikus-entzunezko eta digitaletan jarriz.

b) Lan ildoak, estrategiak eta programak garatzea berrikuntzaren eta sormen eta kultur industrien eremuetan, Vianako Printzea Erakundea-Kultura Zuzendaritza Nagusiko zerbitzuekin eta Nafarroako Foru Komunitateko Administrazioko erakundeekin lankidetzan, sormena landu, ezagutza sortu eta edukiak produzitzen dituen lurralde gisa posizionatu ahal izateko.

c) Sorkuntza eta proiektu artistiko berritzaileen garapena sustatzen eta ahalbidetzen duten laguntza eta deialdien programak diseinatu eta kudeatzea, sormenaren eta kulturaren sektore egonkor, berritzaile eta lehiakor bat hazten laguntzeko, atalaren eskumenen esparruan.

d) Zeharkako ekintzak eta programak koordinatzea Vianako Printzea Erakundea-Kultura Zuzendaritza Nagusiko zerbitzuekin eta Nafarroako Foru Komunitateko Administrazioko erakundeekin, sektore ikus-entzunezko eta digitala modu jasangarrian garatu ahal izateko.

e) Kanpoko finantzabideak (eskualdekoa, Espainiakoa, Europakoa) aztertzea, sektore ikus-entzunezko eta digitala garatzeko eta Nafarroako kultur sektorean berrikuntza sendotzeko.

f) Atalaren eremuko sektore profesionalen berariazko prestakuntza programak sustatzea, hala nola prestakuntza artistikorako bekak, jardunaldiak, biltzarrak eta interesekotzat jotzen diren beste edozein.

g) Atalaren jardueren urteko memoria prestatzea.

h) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

7. ATALA. BALIABIDEEN ETA GARAPEN ESTRATEGIKOAREN ATALA

31. Artikulua . Baliabideen eta Garapen Estrategikoaren Atalaren eremu materiala eta funtzionala.

Baliabideen eta Garapen Estrategikoaren Atalak eginkizun hauek izanen ditu:

a) Vianako Printzea Erakundea-Kultura Zuzendaritza Nagusiaren lan ildoen barneko eta kanpoko komunikazioa erraztea.

b) Vianako Printzea Erakundea-Kultura Zuzendaritza Nagusiarekin batera eta zerbitzuekin zeharka lan egitea denen intereseko proiektu eta planetan.

c) Vianako Printzea Erakundea-Kultura Zuzendaritza Nagusiaren planak, zerbitzuak eta atalak lagundu, kontrolatu eta ebaluatzea.

d) Kultur eta arte sektoreen garapena eta balioespena bultzatzen dituzten Nafarroako Gobernuko beste departamentuekin elkarlanean aritzea.

e) Vianako Printzea Erakundea-Kultura Zuzendaritza Nagusiak eskatzen dituen departamentuarteko lan-mahaietan parte hartzea.

f) Herritarrak kulturaren arloan sentsibilizatzen laguntzea, bai eta kultur ohitura eta praktiketan parte-hartzen ere.

g) Kulturaren irisgarritasuna bultzatzea herritarren artean, komunikazio, sustapen eta zabalkuntzaren bidez.

h) Zeharkako programak gauzatu eta koordinatzea Vianako Printzea Erakundea-Kultura Zuzendaritza Nagusiko zerbitzuekin eta beste eragile batzuekin, lankidetza errazteko eta lurraldeko premia eta errealitateetan oinarritutako erabakiak ahalbidetzeko.

i) Vianako Printzea Erakundea-Kultura Zuzendaritza Nagusiaren beharren arabera, edozein lurraldetan jarduteko eta garapen-ereduetarako dauden aukerak aztertzea, eta beste kultur eta sormenezko entitate batzuek kultur politikaren eta kudeaketaren arloan aplikatzen dituzten neurriak konparatzea.

j) Espainiako eta atzerriko sareetan parte-hartzea sustatzea, bai eta informazioa trukatzea eta beste errealitateak ezagutzea ere, sortzaileen eta herritarren mesedetan.

k) Kultur sektore eta eremuetan lan egiten duten pertsonen duintasuna eta kalitatea errazten dituzten kultur prozesuetan behar diren baliabideak ematea.

l) Berrikuntza eta zabalkuntza sustatzea Vianako Printzea Erakundea-Kultura Zuzendaritza Nagusiak garatzen dituen jarduketetan.

m) Nafarroako Kulturaren Behatokia, datuen bilketa eta datu horiek erabiltzeko proposamenak sustatu eta garatzea.

n) Nafarroako Kulturaren eta Arteen Kontseiluarekin elkarlanean aritzea eta harekin lan egitea Kontseiluko kideen eta batzordeen eginkizunak hobeki gauzatzeko, modu pluralean eta kultur sentsibilitate guztiei erantzunez.

ñ) Nafarroako Kulturaren Plan Estrategikoa eta hortik sortzen diren neurriak garatu, ebaluatu eta eguneratzea.

o) Kultur mezenasgoa arautzen duen araudia sustatu, zabaldu eta jarraitzea, hainbat eragilerekin lankidetzan.

p) Nafarroako Eskubide Kulturalei buruzko urtarrilaren 15eko 1/2019 Foru Legea garatu eta abiaraztea, Vianako Printzea Erakundea-Kultura Zuzendaritza Nagusiko zerbitzuekin eta sektoreko erakunde, entitate eta eragile inplikatuekin elkarlanean.

q) Vianako Printzea Erakundea-Kultura Zuzendaritza Nagusiaren argitalpenen urteko planaren proposamena prestatzea (argitalpen monografikoak, zientifikoak, dibulgatiboak, aldizkariak, inprimakiak, entzunezko materialak, ikus-entzunezkoak eta multimediakoak).

r) Parte-hartze prozesuak zeharka sustatzea Administrazioan eta sektorean, prozesu berri eta bateratzaileei bide emanez eta prozesuaren garapen egokirako metodologiak aplikatuz.

s) Vianako Printzea Erakundea-Kultura Zuzendaritza Nagusiko zerbitzuekin egiten diren koordinazio bileretan parte hartzea, ekintza bateratua finkatzeko.

t) Departamentuko webgune eta gailu eramangarrietarako aplikazioen irisgarritasun eskuordetuaren unitate arduradunaren eginkizunak.

u) Genero ikuspegiaren zeharkakotasuna aplikatzeari lotutako eginkizunak gauzatzea Kultura eta Kirol Departamentuaren politikak planifikatu, kudeatu eta ebaluatzean, bat eginik Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

v) Online ingurunerako edukiak sortzea (webguneak, sare sozialak, datu-baseak, tresnak), Kultura, Kirol eta Turismo Departamentuko unitateekin koordinatuta.

w) Telekomunikazioen eta Digitalizazioaren Zuzendaritza Nagusiarekiko departamentuko erreferentearen figurarekin lotutakoak.

x) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

III. KAPITULUA. TURISMO ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

32. artikulua . Turismo Zuzendaritza Nagusiaren eskumenen esparru material eta funtzionala.

Turismoko Zuzendaritza Nagusiak eginkizun hauek izanen ditu:

a) Nafarroako turismoa sustatzeko, antolatzeko eta sustatzeko politikak eta helburu estrategikoak definitzea, kudeaketa eraginkorra egitea eta emaitzak ebaluatzea.

b) Departamentua ordezkatzea Estatuko organo, autonomia erkidego eta toki entitate eskudunekiko harremanetan, aipatutako gaiei dagokienez, eta jarduketak bultzatzea interes amankomuneko arloetan.

c) Bultzatzea elkarrizketa eta lankidetza Europako eta nazioarteko erakunde publiko eta pribatuekin, gai hauekin lotuta.

d) Turismoaren arloan egiten diren planak eta programak bultzatzea eta zuzentzea, bereziki Turismoaren Plan Estrategikoa eta Nafarroako Espezializazio Adimendunaren Estrategiaren erronkak, bai eta horien jarraipena, koordinazioa, ebaluazioa eta eguneratzea ere.

e) Turismo sektorea ikuspegi globaletik aztertzea, gabeziak hautematea eta neurriak proposatzea Nafarroako Foru Komunitatean susta daitezen berrikuntza, turismoaren kalitatea, irisgarritasuna, irisgarritasuna eta jasangarritasuna.

f) Bultzatzea, garatzea, sustatzea eta koordinatzea Nafarroako Foru Komunitateko turismoko informazioa, gakoa izan dadin erabakiak hartzeko, eta palanka, Nafarroako sektorearen berrikuntzarako.

g) Behar den gobernantza garatzea Nafarroako baliabide eta jarduera turistikoak sustatzeko, planifikatzeko, antolatzeko eta promozionatzeko.

h) Sustatzea Nafarroaren garapen turistikorako lurralde ereduaren definizioa, oinarri hartuta kudeaketa turistiko jasangarria.

i) Sektore turistikoan lankidetza publiko eta pribatuko formula berriak bultzatzea.

j) Turismoaren arloko arauak garatzeko proposamena.

k) Planifikatzea, kudeatzea eta gainbegiratzea laguntza eta dirulaguntza publikoen deialdia eta ebazpena, bai eta zuzendaritza nagusiak behar dituen kontratazioena ere.

l) Sustatzea azterketak, txostenak, lanak eta analisiak bere eskumeneko arloetan.

m) Turismoaren arloko zehapen-prozedurak kudeatzea.

n) Desjabetzeak zuzendaritza nagusiaren eskumeneko arloetan.

ñ) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

33. artikulua . Turismo Zuzendaritza Nagusiaren egitura.

Turismo Zuzendaritza Nagusiak zerbitzu hauek ditu bere egituran:

a) Turismoaren Lurralde Garapen Jasangarriko Zerbitzua.

b) Turismoko Marketinaren eta Produktuen Zerbitzua

c) Turismoaren Antolamendu, Kudeaketa eta Kalitateko Zerbitzua.

2. ATALA. TURISMOAREN LURRALDE GARAPEN JASANGARRIKO ZERBITZUA

34. artikulua . Turismoaren Lurralde Garapen Jasangarriko Zerbitzuaren eremu material eta funtzionala.

Turismoaren Lurralde Garapen Jasangarriaren Zerbitzuak eginkizun hauek izanen ditu:

a) Turismoko Plan Estrategikoaren ezarpenaren eta Nafarroako Espezializazio Adimendunaren Estrategiaren (S4) erronken plangintza, jarraipena eta ebaluazioa, gainerako zerbitzuekin koordinatuta.

b) Modernizazioa, lehiakortasuna, produktuaren kalitatea, produktu turistiko berrien sorkuntza, berrikuntza eta teknologia berriak, eta sektore turistikoaren prestakuntza eta errendimenduaren hobekuntza sustatzen dituzten programak, tresnak edo jarduerak egitea eta gauzatzea, gainerako zerbitzuekin koordinatuta eta zeharka.

c) Behatoki Turistikoa zuzendu eta garatzea, datuekin eta azterlanekin euskarria emateko zuzendaritza nagusiko zerbitzu guztien erabakiak hartu eta proiektuak garatzeari, bai eta sektorearen eskura dauden datuak eta azterlanak ekoizteko ere, Nafarroan enpresen lehiakortasuna eta turismo-jardueraren jasangarritasuna sustatzen dutenak.

d) Diseinatzea, garatzea eta kudeatzea Turismoaren Informazio Integralaren Sistema. Prestatzea eta mantentzea Nafarroako Foru Komunitateko turismoaren arloko datu-base eta estatistikak, koordinaturik eta elkarlanean Nafarroako Estatistika Institutuarekin (NASTAT) eta garapen teknologikorako unitatearekin.

e) Kudeatzea Departamentuari atxikitako azpiegitura turistikoak, gainerako zerbitzuekin koordinaturik.

f) Diseinatzea, planifikatzea eta exekutatzea Seinalizazio Turistikoaren Plana, arlo horretan eskumena duen departamentuarekin koordinaturik.

g) Koordinatzea eta gainbegiratzea Nafarroako Foru Komunitateko Administrazioaren Turismo Bulegoen sarea eta informaziorako beste gune batzuk.

h) Kudeatzea interes turistikoko zentroen sarea.

i) Prestatzea monumentuak eta intereseko eraikinak irekitzeko programak, eta haien jarraipena egitea.

j) Herritarren sentsibilizazioa sustatzea turismoaren onurei buruz, turismo jasangarriaren ikuspuntutik.

k) Zuzendaritza Nagusian kudeaketa aurreratuko sistemak ezartzeko beharrezkoak diren metodologia eta prozedurak garatzea.

l) Behar den gobernantza garatzea baliabide eta jarduera turistikoak sustatzeko, planifikatzeko, antolatzeko eta promozionatzeko Nafarroako Foru Komunitatean.

m) Sustatzea Nafarroaren garapen turistikorako lurralde ereduaren definizioa, oinarri hartuta kudeaketa turistiko jasangarria.

n) Planifikatzea lurraldearen egituraketa eta dinamizazioa, eta horretan laguntzea, espazio turistikoen kudeaketa jasangarriaren bidez.

ñ) Sostengatzea eta koordinatzea toki entitateen jarduketak turismoaren planifikazioan, turismoaren lurralde antolamenduan eta turismoko baliabideen sorreran.

o) Koordinazioa bultzatzea sektore publikoarekin, sektore pribatuarekin eta Nafarroako turismoan zeresana duten gainerako eragileekin.

p) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

35. artikulua . Turismoaren Lurralde Garapen Jasangarriaren Zerbitzuaren egitura.

Turismoaren Lurralde Garapen Jasangarriaren Zerbitzuak atal hauek ditu:

a) Turismo Behatoki eta Berrikuntzako Atala.

b) Turismo Gobernantzaren eta Plangintzaren Atala.

36. artikulua . Turismo Behatoki eta Berrikuntzako Atalaren eremu materiala eta funtzionala.

Turismo Behatoki eta Berrikuntzako Atalak honako eginkizun hauek izanen ditu:

a) Turismoko plan estrategikoen ezarpenaren emaitzen jarraipena, kontrola eta ebaluazioa egitea, bereziki jasangarritasun turistikoko planena eta turismoa eraldatzeko Europako funtsekin finantzatutako beste deialdi batzuena.

b) Aginte taula definitzea, hala erraztu dadin turismo planen jarraipena eta gauzatze kontrola, lankidetzan gainerako zerbitzu eta unitateekin, eta Nafarroako Espezializazio Adimentsuaren Estrategiako (S4) erronken jarraipena egitea.

c) Hainbat publikori eta sektore turistikoari egindako komunikazioetan laguntzea eta euskarria ematea.

d) Datuak sortzea, azterlanak egitea eta informazioa biltzea, zuzendaritzako gainerako zerbitzuei beren jarduerak diseinatzen eta ezartzen laguntzeko.

e) Zuzendaritza Nagusiko Turismo Behatokia ezartzea, kudeatzea eta koordinatzea.

f) Nafarroako Foru Komunitateko Turismoaren Informazio Integraleko Sistema diseinatzea, garatzea eta kudeatzea, eta turismoaren kontu satelitea egitea, Nastat-ekin eta garapen teknologikoaz arduratzen den unitatearekin lankidetzan eta koordinatuta.

g) Azterketak eta lanak gauzatzea, egin dadin eskaintzaren, eskariaren eta lehia turistikoaren behaketa ekonomikoa eta estatistikoa; datuak analizatzea eta interpretatzea; eta sektoreari jakinaraztea.

h) Aztertzea eta garatzea jasangarritasuna neurtzeko sistemak eta datu-base masiboak, koordinaturik Administrazioaren beste unitate eskudun batzuekin.

i) Bultzatzea lankidetza izan dadila turismoa neurtzeari, aztertzeari eta sustatzeari lotutako Espainiako eta nazioarteko entitate edo erakundeekin.

j) Berrikuntza teknologikoa sustatzea turismoaren sektorean, elkarlanean Gobernuaren beste unitate eta plan batzuekin.

k) Indarrean dauden xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

37. artikulua . Turismoaren Gobernantza eta Plangintza Atalaren eremu material eta funtzionala.

Turismoaren Gobernantza eta Plangintza Atalak ondoko eginkizunak izanen ditu:

a) Nafarroako Turismoaren Plan Estrategikoan lehentasunezkotzat edo estrategikotzat jotzen diren neurrien ezarpena, jarraipena eta ebaluazioa.

b) Modernizazioa, lehiakortasuna edo produktuaren kalitatea sustatzen duten neurriak diseinatu eta ezartzea, gainerako zerbitzuekin koordinatuta.

c) Kudeatzea eta ebaluatzea Europar Batasunak kofinantzatutako proiektuak eta zeharkako proiektuak.

d) Nafarroaren garapen turistikorako lurralde eredua ezartzea, oinarri hartuta kudeaketa turistiko jasangarria.

e) Koordinatzea eta gainbegiratzea Nafarroako Foru Komunitateko Administrazioaren Turismo Bulegoen sarea eta informaziorako beste gune batzuk.

f) Bultzatzea turismo unitateen eskualdeko planak.

g) Diseinatzea eta gauzatzea Turismoko Prestakuntza Plana, gainerako zerbitzuekin koordinaturik.

h) Bultzatzea sektorearteko eta lurraldeko gobernantza eta lankidetza formulak, hala nola klusterrak, produktu klubak edo lan-mahaiak.

i) Kudeatzea Departamentuari atxikitako azpiegitura turistikoak, gainerako zerbitzuekin koordinaturik.

j) Diseinatzea, planifikatzea eta gauzatzea Seinalizazio Turistikoaren Plana, arlo horretan eskumena duen departamentuarekin koordinaturik.

k) Koordinatzea eta gainbegiratzea Nafarroako Foru Komunitateko Administrazioaren Turismo Bulegoen sarea eta informaziorako beste gune batzuk.

l) Kudeatzea interes turistikoko zentroen sarea.

m) Prestatzea monumentuak eta intereseko eraikinak irekitzeko programak, eta haien jarraipena egitea.

n) Herritarren sentsibilizazioa sustatzea turismoaren onurei buruz, turismo jasangarriaren ikuspuntutik.

ñ) Indarrean dauden xedapenek esleitzen dizkioten beste batzuk, bai eta bere jardueraren eremuan agintzen zaizkionak ere.

3. ATALA. TURISMOKO MARKETINAREN ETA PRODUKTUEN ZERBITZUA

38. artikulua . Turismoko Marketinaren eta Produktuen Zerbitzuaren eremu materiala eta funtzionala.

Turismoko Marketinaren eta Produktuen Zerbitzuak eginkizun hauek izanen ditu:

a) Planifikatzea nola gauzatu Turismoaren Plan Estrategikoaren neurriak eta Nafarroako Espezializazio Adimentsuaren Estrategiako (S4) erronkak, gainerako zerbitzuekin koordinaturik.

b) Nafarroako turismo posizionamenduaren estrategia planifikatu, garatu eta ebaluatzea.

c) Turismoko produktuen estrategia planifikatzea, garatzea eta ebaluatzea.

d) Nafarroako Turismoaren Marketin Plana diseinatzea eta ezartzea.

e) Turismoa sustatzeko, publizitaterako eta merkaturatzeko planak eta ekintzak diseinatu eta kudeatzea, bai helmugaren sustapen orokorrera bideratuak, bai identifikatutako eta lehenetsitako nitxo eta segmentuetara bideratuak.

f) Bultzatzea on line euskarriak, barne webgunea, kanpo webgunea, aplikazio mugikorrak eta sare sozialak, eta teknologia berriak erabiltzea turismoaren sustapen, merkaturatze eta informazioaren mesederako, eskumena duen zuzendaritza nagusiarekin elkarlanean.

g) Diseinatzea, planifikatzea eta gauzatzea turismoko argitalpen plana eta sustapeneko beste material batzuk, koordinaturik arlo horretan eskumena duen departamentuarekin.

h) Ebaluatzea sustapen, publizitate eta babesletzetarako eskaerak, bat eginik Nafarroaren irudi turistikorako itzulketaren irizpide objektiboen.

i) Turismo marka garatzea eta aplikatzea, eta koordinatzea marka horrek beste marka edo azpimarkekiko duen erlazioa, eta, hala behar denean, ebaluatzea marka berrien garapena.

j) Turespañari laguntzea sustatzeko Espainiaren irudia atzerrian eta beste autonomia erkidego edo Europako herrialde batzuekin prestatutako produktuak (Donejakue bidea, Eurovelo, etab.).

k) Eskualde mugakideekin lankidetzan aritzea elkarrekin garatzeko eta sustatzeko produktu turistiko amankomunak.

l) Enpresa turistikoak bultzatu eta sostengatzea, Nafarroako turismo produktuak merkaturatzeko.

m) Indarrean dauden xedapenek esleitzen dizkioten beste batzuk, bai eta bere jardueraren eremuan agintzen zaizkionak ere.

39. artikulua . Turismoko Marketinaren eta Produktuen Zerbitzuaren egitura.

Turismoko Marketinaren eta Produktuen Zerbitzuak atal hauek ditu bere egituran:

a) Turismoko Produktuaren eta Lehiakortasunaren Atala.

b) Turismoko Marketinaren eta Komunikazioaren Atala.

40. artikulua . Turismoko Produktuaren eta Lehiakortasunaren Atalaren eremu material eta funtzionala.

Turismoko Produktuaren eta Lehiakortasunaren Atalak eginkizun hauek izanen ditu:

a) Produktu turistikoen portfolio-estrategia planifikatu, garatu eta ebaluatzea, Nafarroak merkatuan duen posizionamendu turistikoarekin lerrokatuta, eta gainerako zerbitzuekin koordinatuta.

b) Produktu-klubak edo antzeko tresnak diseinatzea eta garatzea, merkatuko nitxo eta segmentuka eskaintza artikulatzeko eta merkaturatzeko, lurraldeko enpresa-sektorearekin eta balio-kateko beste eragile publiko eta pribatu batzuekin batera.

c) Turismo produktuen balio-katean parte hartzen duten eragile publiko eta pribatuen lehiakortasuna sustatzeko neurriak eta jarduerak planifikatzea, ezartzea eta ebaluatzea.

d) Indarrean dauden xedapenek esleitzen dizkioten beste batzuk, bai eta bere jardueraren eremuan agintzen zaizkionak ere.

41. artikulua . Turismoko Marketinaren eta Komunikazioaren Atalaren eremu material eta funtzionala.

Honako eginkizun hauek izanen ditu Turismoko Marketinaren eta Komunikazioaren Atalak:

a) Nafarroa helmuga eta bere produktuen portfolioa komunikatzeko, sustatzeko eta merkaturatzeko euskarriekin lotutako jardueren estrategia diseinatzea eta inplementatzea.

b) Diseinatzea, mantentzea eta eguneratzea turismoko webgunea, koordinaturik sustapenerako eta merkaturatzeko beste informazio-euskarri batzuekin.

c) Diseinatzea, planifikatzea eta gauzatzea publizitate kanpainak, komunikazio programak, argitalpenak eta harreman publikoak, koordinaturik arlo horretan eskumena duen departamentuarekin.

d) Sustatzea eta hedatzea Nafarroako turismoaren irudi korporatiboa.

e) Turismo marka aplikatzea eta beste marka edo azpimarkekiko erlazioa koordinatzea.

f) Ebaluatzea sustapen eta publizitateko laguntzetarako eta babesletzetarako eskaerak, bat eginik Nafarroaren irudi turistikorako itzulketaren irizpide objektiboen.

g) Mantentzea eta eguneratzea datu-baseak eta irudien artxiboa.

h) Turespañari laguntzea sustatzeko Espainiaren irudia atzerrian eta beste autonomia erkidego edo Europako herrialde batzuekin prestatutako produktuak (Donejakue bidea, Eurovelo, etab.).

i) Lankidetzan aritzea nazioko eta nazioarteko erakunde eta instituzioekin Nafarroa helmuga turistiko gisa sustatzeko komeni diren proiektuetan.

j) Indarrean dauden xedapenek esleitzen dizkioten beste batzuk, bai eta bere jardueraren eremuan agintzen zaizkionak ere.

4. ATALA. TURISMOAREN ANTOLAMENDU, KUDEAKETA ETA KALITATEKO ZERBITZUA

42. artikulua . Turismoaren Antolamendu, Kudeaketa eta Kalitateko Zerbitzuaren eremu material eta funtzionala.

Honako eginkizun hauek beteko ditu Turismoaren Antolamendu, Kudeaketa eta Kalitateko Zerbitzuak:

a) Planifikatzea nola gauzatu Turismoaren Plan Estrategikoaren neurriak eta Nafarroako Espezializazio Adimentsuaren Estrategiako (S4) erronkak, gainerako zerbitzuekin koordinaturik.

b) Sustatzea eta planifikatzea turismoko eta merkataritzako kalitate programak, gainerako zerbitzuekin elkarlanean.

c) Komunikaziorako teknologia berriak sektore turistikoan aplika daitezen sustatzea.

d) Sustatzea, bultzatzea eta indartzea sektoreko eragileen modernizazioa eta kalitate ziurtagiriak, turismoak aurrera egiteko elementu diren aldetik.

e) Turismo-sektorea antolatzeko eta sustatzeko neurri edo jarduketa posibleei buruzko proposamenak egiteko behar diren azterlanak eta lanak sustatzea.

f) Turismo-sektorearen jarduera sustatzea eta antolatzea.

g) Turismo Erregistroa kudeatzea.

h) Lankidetza publiko-pribaturako formula berriak bultzatzea, hala nola sektore turistikora bideratutako sustapen ekonomikoko arloak.

i) Turismo-sektorean irisgarritasun- eta jasangarritasun-neurrien aplikazioa sustatzea.

j) Antolatzea eta egokitzea Departamentuari atxikitako azpiegitura turistikoak, aztertuz kudeaketa formularik egokienak, gainerako zerbitzuekin koordinaturik.

k) Tramitatzea beste administrazio publiko batzuekin egindako hitzarmenak, zerbitzu honen eskumenekoak diren gaiei buruzkoak.

l) Turismoari buruzko Foru Legea garatzeko araudia egitea.

m) Establezimenduetan energia berriztagarrien aplikazioa sustatzea, bai eta jarduera turistikoan ingurumena eta jasangarritasuna zaintzeko komeni diren neurri guztiak ere.

n) Turismoaren arloko laguntza eta dirulaguntza publikoen deialdia planifikatu, kudeatu eta gainbegiratzea.

ñ) Turismo-arloko araudia betetzen dela ikuskatu, kontrolatu eta egiaztatzea, eta turismo-produktua garatzeko programen betekizunak egiaztatzen laguntzea, gainerako zerbitzuekin koordinatuta.

o) Indarrean dauden xedapenek esleitzen dizkioten beste batzuk, bai eta bere jardueraren eremuan agintzen zaizkionak ere.

43. artikulua . Turismoaren Antolamendu, Kudeaketa eta Kalitateko Zerbitzua.

Turismoaren Antolamendu, Kudeaketa eta Kalitateko Zerbitzuaren egituran atal hauek daude:

a) Antolamenduaren, Kalitatearen eta Azpiegituren Atala.

b) Laguntzen eta Dirulaguntzen Atala.

44. artikulua . Antolamenduaren, Kalitatearen eta Azpiegituren Atalaren eremu material eta funtzionala.

Antolamenduaren, Kalitatearen eta Azpiegituren Atalak eginkizun hauek izanen ditu:

a) Antolatzea sektore turistikoaren jarduera.

b) Turismo-kalitatea hobetzeko eta ziurtatzeko prestakuntza-programak planifikatzea eta ebaluatzea, eta jarduera-proposamenak egitea.

c) Sustatzea, bultzatzea eta indartzea sektoreko eragileen modernizazioa eta kalitate ziurtagiriak, turismoak aurrera egiteko elementu diren aldetik.

d) Kudeatzea Nafarroako Turismo Erregistroa.

e) Koordinatzea eta sustatzea turismo sektoreko entitateekiko lankidetza.

f) Ebaluatzea nola ezartzen diren irisgarritasunerako neurriak turismoko azpiegituretan.

g) Aztertzea eta ebaluatzea azpiegitura turistikoen egoera, eta proposamenak egitea horiek antolatzeko eta egokitzeko.

h) Aztertzea eta ebaluatzea turismo arloko araudiaren egoera, eta proposamenak egitea Turismoari buruzko Foru Legea gara dadin arauen bidez.

i) Planifikatzea ikuskapen jarduera eta araudi turistikoaren betetzea.

j) Kontrolatzea turismoaren arloko intrusismoa eta lehia desleiala.

k) Tramitatzea turismo jarduerari lotutako erreklamazioak eta salaketak.

l) Indarrean dauden xedapenek esleitzen dizkioten beste batzuk, bai eta bere jardueraren eremuan agintzen zaizkionak ere.

45. artikulua . Laguntzen eta Dirulaguntzen Atalaren eremu materiala eta funtzionala.

Laguntzen eta Dirulaguntzen Atalak eginkizun hauek beteko ditu:

a) Turismo-jarduerarako dirulaguntzen programak kudeatzea eta emaitzak ebaluatzea.

b) Sustatzea aplika daitezela teknologia berriak, energia berriztagarriak, irisgarritasunerako neurriak, genero berdintasuna eta bestelakoak, helburua izanik aplika daitezela Turismo Zuzendaritza Nagusiaren dirulaguntzen lerroetan.

c) Turismoaren arloko jarduera ikuskatzea eta zaintzea, eta araudia betetzea.

d) Tramitatzea turismo jarduerari lotutako erreklamazioak eta salaketak.

e) Turismo-sektoreari zuzendutako komunikazioa sustatzea, gainerako zerbitzuekin koordinatuta.

f) Indarrean dauden xedapenek esleitzen dizkioten beste batzuk, bai eta bere jardueraren eremuan agintzen zaizkionak ere.

IV. KAPITULUA. IDAZKARITZA TEKNIKO NAGUSIA

46. artikulua . Idazkaritza Tekniko Nagusiaren egitura.

Idazkaritza Tekniko Nagusiak atal hauek ditu bere egituran:

a) Araubide Juridikoaren Atala.

b) Kudeaketa Administratiboaren Atala.

c) Aurrekontuen eta Kudeaketa Ekonomikoaren Atala.

47. artikulua . Araubide Juridikoaren Atalaren esparru material eta funtzionala.

Honako eginkizun hauek ditu Araubide Juridikoaren Atalak:

a) Nahitaezko txosten juridikoak egitea beharrezko duten espedienteetan, bai eta agintzen zaizkion bestelako txostenak ere.

b) Departamentuaren egintza eta xedapenen kontra jarritako administrazio errekurtsoen ebazpen proposamenak prestatzea.

c) Departamentuaren eskumeneko arau eta xedapenen proiektuak prestatzen laguntzea eta haien gaineko txostenak egitea.

d) Aholkularitza juridikoa ematea departamentuko organo tekniko eta administratiboei.

e) Departamentuko babesletzaren menean jartzen diren fundazioekin zerikusia duten izaera juridikoko eginkizunak gauzatzea.

f) Jabetza Intelektualaren Erregistroaren kudeaketarekin zerikusia duten eginkizunak gauzatzea.

g) Departamentuari lotutako organoetako idazkaritzen eskumenak izan arren, esleitzen zaizkion eginkizunak betetzea.

h) Departamentuari eragiten dion eta Nafarroan aplikatzekoa den Nafarroako, Estatuko eta Europar Batasuneko legedia biltzea eta eguneratzea.

i) Arlo juridikoko funts bibliografikoak eratzea eta mantentze-lanez arduratzea.

j) Departamentuaren intereseko legedia, jurisprudentzia eta doktrina aztertu eta haien gaineko txostenak egitea.

k) Nafarroako Foru Komunitateko Administrazioaren datu-babeseko eta informazioaren segurtasuneko politikan zehaztutako informazioaren segurtasun arduradunaren eginkizunak, betiere Kultura, Kirol eta Turismo Departamentuaren eremuaren barnean, informazioaren segurtasunari buruzko indarreko araudia betetzen dela segurtatzeko eta zaintzeko, barnean dela datu pertsonalen babesa.

l) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

48. artikulua . Kudeaketa Administratiboaren Atalaren esparru material eta funtzionala.

Kudeaketa Administratiboaren Atalak eginkizun hauek izanen ditu:

a) Departamentuko zerbitzuek proposatzen dituzten espediente guztiak tramitatzea eta artxibatzea eta horien kontrol administratiboa egitea.

b) Departamentuaren egitura organikoa kontrolatu eta haren jarraipena egitea.

c) Departamentuari atxikitako langileak kontrolatu eta kudeatzea.

d) Organo eskudunekin lankidetzan aritzea Departamentuaren modernizaziorako eta prozedurak antolatu eta koordinatzeko sistemak hobetzeko proiektuetan.

e) Agiriak konpultsatzea.

f) Agirien sarrera-irteeren erregistroaz arduratzea.

g) Jendeari argibideak ematea eta, horrekin batera, Departamentuarekin zerikusia duten inprimaki eta dokumentu guztiak eskura jartzea.

h) Atalaren jarduerei buruzko txosten eta memoriak prestatzea.

i) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

49. artikulua . Aurrekontuen eta Kudeaketa Ekonomikoaren Atalaren esparrua eta eginkizunak.

Aurrekontu eta Kudeaketa Ekonomikoaren Atalak eginkizun hauek izanen ditu:

a) Departamentuko aurrekontuen aurreproiektua egiten laguntzea eta lan hori koordinatzea.

b) Diru-sarrera eta gastuen aurrekontua nola garatzen den kontrolatzea, eta zerbitzuei zein unitateei aldian-aldian informazioa ematea, erabakitzen den maiztasunarekin.

c) Klausula ekonomikoak dituzten espedienteak tramitatzen laguntzea, eskatzen denean.

d) Aurrekontu-aldaketak proposatzea, kudeaketak hala eskatzen duenean.

e) Departamentuko aurrekontuaren kudeaketaren arduradunei informazioa ematea eta prestatzea, aurrekontua behar bezala gauzatzeko jarraibideak edo irizpideak ezartzeko.

f) Idazkaritza Tekniko Nagusiak eskatzen dizkion txostenak prestatzea.

g) Eskatzen zaizkion txostenak, azterlanak edo datuak prestatzea.

h) Ogasun Publikoari buruzko Foru Legea departamentuari dagokionean betetzen dela begiratzea.

i) Kontu-hartzaile delegatuarekin lankidetzan aritzea.

j) Nafarroako Estatistika Institutuarekin elkarlana izatea eta, beraz, Institutuak eskatzen duen informazioa koordinatu eta prestatzea, zehazten diren estatistika plan eta programen arabera.

k) Indarrean dauden xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.

Lehen xedapen gehigarria. Eskumenak deskontzentratzeko baldintza orokorrak.

Indarrean dauden arauek organo bati ematen dizkioten eskumenak hierarkian menpeko diren beste organo batzuengan deskontzentratzen ahal dira, Nafarroako Aldizkari Ofizialean argitaratuko den xedapen orokor baten bitartez, galarazi gabe eskumenak esleitzeko arauetan finkatutako baldintzak bete beharra.

Bigarren xedapen gehigarria. Deskontzentrazioa.

1. Vianako Printzea Erakundea-Kultura Zuzendaritza Nagusiko eta Turismoko Zuzendaritza Nagusiko titularren artean deskontzentratzen dira, bakoitzak bere eremuan, indarrean dagoen araudiaren arabera kontratazioaren eta ondare-erantzukizunaren arloan Kultura, Kirol eta Turismo Departamentuko titularrari esleitzen zaizkion administrazio-eskumenen titulartasuna eta eskumen horien erabilera.

2. Vianako Printzea Erakundea-Kultura Zuzendaritza Nagusiko titularraren eta Turismo Zuzendaritza Nagusiko titularraren artean deskontzentratzen dira kulturaren eta turismoaren arloko arau-hauste arin eta astunengatiko zehapen-prozedurak hasteko eta ebazteko eskumenen titulartasuna eta eskumen horien erabilera. Eskumen horiek, hurrenez hurren, Kultura, Kirol eta Turismo Departamentuko titularrari eta Nafarroako Gobernuari esleitzen zaizkie, indarreko araudiaren arabera.

3. Kultura, Kirol eta Turismo Departamentuko titularrak eraginik gabe uzten ahalko du xedapen gehigarri honetan aipatzen den eskumenen deskontzentrazioa, foru agindu baten bidez, kulturaren arloan Nafarroako Gobernuari esleitzen zaizkionak salbu. Foru agindu hori Nafarroako Aldizkari Ofizialean argitaratu beharko da.

Hirugarren xedapen gehigarria. Unitateak kentzea.

1. Vianako Printzea Erakundea-Kultura Zuzendaritza Nagusian honako unitate hauek kentzen dira:

- Proiektu Estrategiko Ikus-entzunezkoen eta Digitalen Atala.

2. Turismo Zuzendaritza Nagusian honako unitate hauek kentzen dira:

- Turismoaren Plangintza eta Berrikuntza Zerbitzua.

- Turismoko Marketinaren eta Nazioartekotzearen Zerbitzua.

- Turismoa eta Merkataritza Antolatu eta Sustatzeko Zerbitzua.

- Turismoko Produktuen eta Lurralde Jasangarritasunaren Atala.

- Turismo Eraldaketako eta Behatokiko Atala.

- Turismoko Nazioartekotzearen Atala.

- Turismoko Marketinaren Atala.

- Turismoaren Antolamenduaren, Prestakuntzaren eta Kalitatearen Atala.

Laugarren xedapen gehigarria. Izendapenak berrestea.

1. Honako izendapen hau berretsi da, gertatu zen baldintza berberetan:

Turismoaren Plangintza eta Berrikuntza Zerbitzuko zuzendaria: izena aldatu, eta Turismoaren Lurralde Garapen Jasangarriko Zerbitzuko zuzendaria jarri.

2. Berretsi egiten dira, bitarteko gisa, honako izendapen hauek:

a) Proiektu Estrategiko Ikus-entzunezkoen eta Digitalen Ataleko burua; izena aldatu, eta Ikus-entzunezko Proiektuen eta Proiektu Digitalen Ataleko burua jarri.

b) Turismo Eraldaketako eta Behatokiko Ataleko burua; izena aldatu eta Berrikuntza eta Turismo Behatokiko Ataleko burua izanen da.

Bosgarren xedapen gehigarria. Atalburutza berrietarako eskakizunak.

Foru dekretu honen bidez sortzen diren ataletako burutza berriak betetzeko, baldintza hauek bete behar dira:

- Ikus-entzunezko Proiektuen eta Proiektu Digitalen Atala.

Maila: A B.

- Turismo Gobernantzaren eta Plangintzaren Atala.

Maila: A B C D.

- Berrikuntza eta Turismo Behatokiko Atala.

Maila: A B C D.

- Turismoko Produktuaren eta Lehiakortasunaren Atala.

Maila: A B C D.

- Turismoko Marketinaren eta Komunikazioaren Atala.

Maila: A B C D.

- Antolamenduaren, Kalitatearen eta Azpiegituren Atala.

Maila: A B C D.

- Laguntzen eta Dirulaguntzen Atala.

Maila: A B C D.

Seigarren xedapen gehigarria. Organo eta unitate administratiboak.

Foru dekretu honek Kultura, Kirol eta Turismo Departamentuko titularrari edo hierarkikoki haren mende dauden organoei esleitutako funtzioei eragiten dieten indarreko araudian dauden aipamen guztiak foru dekretu honetan araututako organo eta unitateei egindakotzat hartuko dira.

Lehenbiziko xedapen iragankorra. Kreditu egozpena.

Foru dekretu honen bidez sortu edo aldatu diren zerbitzu eta atalen aurrekontu xedapenak egotziko zaizkie kasuan kasuko eginkizunak orain arte bete dituzten organoei dagozkien partidetako kredituei, 2023ko aurrekontu ekitaldia amaitu arte.

Bigarren xedapen iragankorra. Unitateen jarraipena.

Foru dekretu hau garatzeko neurriak hartu bitartean, atalarena baino maila txikiagokoak diren unitate organikoek berdin segituko dute eta oraingo izenari eta eginkizunei eutsiko diete. Behin-behinekoz egitura berriko organoei atxikiko zaizkie, orain arte betetzen zituzten eginkizunen arabera.

Xedapen indargabetzaile bakarra. Arauak indargabetzea.

Xedapen hauek indarrik gabe uzten dira:

a) 273/2019 Foru Dekretua, urriaren 30ekoa, Kultura eta Kirol Departamentuaren egitura organikoa ezartzen duena.

b) Foru dekretu honek ezarritakoari aurka egiten dioten maila bereko edo beheragoko xedapen guztiak.

Azken xedapenetako lehena. Aurrekontu aldaketak.

Ahalmena ematen zaio Ekonomia eta Ogasun Departamentuko titularrari foru dekretu honetan ezarritakoa betetzeko beharrezkoak diren aurrekontu-aldaketak egin ditzan.

Azken xedapenetako bigarrena. Garatzeko ahalmenak.

Ahalmena ematen zaio Kultura, Kirol eta Turismo Departamentuko titularrari foru dekretu honetan ezarritakoa garatzeko beharrezkoak diren xedapenak eman ditzan.

Azken xedapenetako hirugarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

Gobierno de Navarra

Contacte con nosotros | Accesibilidad | Aviso legal | Mapa web