(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

255/2023 FORU DEKRETUA, AZAROAREN 15EKOA, LANDA GARAPENEKO ETA INGURUMENEKO DEPARTAMENTUAREN EGITURA OINARRIZKOA EZARTZEN DUENA

BON N.º 244 - 23/11/2023

  I. KAPITULUA. XEDAPEN OROKORRAK

  II. KAPITULUA. LANDA GARAPENEKO ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. NEKAZARITZAKO USTIATEGIEN ETA ELIKAGAIEN SUSTAPENERAKO ZERBITZUA

  3. ATALA. ERAKUNDE ORDAINTZAILEAREN ZERBITZUA

  4. ATALA. LANDA DIBERTSIFIKAZIORAKO ETA GARAPENERAKO ZERBITZUA

  5. ATALA. LANDA GARAPENEKO ZUZENDARITZA NAGUSIAREN MENDEKO ATALA

  III. KAPITULUA. NEKAZARITZA ETA ABELTZAINTZA ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. NEKAZARITZA ZERBITZUA

  3. ATALA. ABELTZAINTZA ZERBITZUA

  4. ATALA. NEKAZARITZAKO AZPIEGITUREN ZERBITZUA

  IV. KAPITULUA. INGURUMEN ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. NAFARROAKO KLIMA ALDAKETARAKO BULEGOAREN ZERBITZUA

  3. ATALA. EKONOMIA ZIRKULARRAREN ETA BERRIKUNTZAREN ZERBITZUA

  4. ATALA. BIODIBERTSITATEAREN ETA ARRANTZA KUDEAKETAREN ZERBITZUA

  5. ATALA. BASOEN ETA EHIZA KUDEAKETAREN ZERBITZUA

  6. ATALA. INGURUMEN HEZKUNTZAREN, KALITATEAREN ETA ZAINTZAREN ZERBITZUA

  V. KAPITULUA. IDAZKARITZA TEKNIKO NAGUSIA

Zioen azalpena

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean xedatutakoari jarraikiz, Nafarroako Gobernuari dagokio departamentu bakoitzaren egitura organikoa onestea.

Nafarroako Foru Komunitateko Lehendakariaren abuztuaren 17ko 10/2023 Foru Dekretuaren bidez, Nafarroako Foru Komunitateko Administrazioaren departamentuen egitura ezarri zen.

Halaber, abuztuaren 30eko 74/2023 Foru Dekretuaren bidez Landa Garapeneko eta Ingurumeneko Departamentuaren oinarrizko egitura ezarri zen.

Egokia da, orain, behar bezala garatzea Foru Komunitateko Administrazioaren departamentu bakoitzaren egitura.

Landa Garapeneko eta Ingurumeneko Departamentuaren egitura organiko berria garatzea du xede foru dekretu honek.

Horrenbestez, Landa Garapeneko eta Ingurumeneko kontseilariak proposaturik, eta Nafarroako Gobernuak bi mila eta hogeita hiruko azaroaren hamabostean egindako bilkuran harturiko erabakiarekin bat,

DEKRETATZEN DUT:

I. KAPITULUA. XEDAPEN OROKORRAK

1. artikulua . Landa Garapeneko eta Ingurumeneko Departamentuaren eskumenen esparrua.

Landa Garapeneko eta Ingurumeneko Departamentuak beteko ditu Nafarroako Foru Komunitateko Administrazioak gai hauetan esleituak dituen eskumenak: nekazaritza; abeltzaintza; elikadura; nekazaritzako azpiegiturak eta landa garapen jasangarri eta partaidetzazkoa; landa ingurunearen jasangarritasuna sustatzeko proiektuak inplementatzea; ingurumenaren babesa, kontserbazioa, kudeaketa eta informazioa; azpiegitura berdea, eta konektagarritasun eta leheneratze ekologikoak; paisaiaren integrazioa plan, programa eta proiektuen ingurumen ebaluazioan; baliabide hidrikoak; klima-aldaketaren aurkako estrategia zehaztea, bai eta aldaketa horretara egokitzeko ekimenak ere; trantsizio ekologikoa; ekonomia zirkularra sustatzea; eta indarreko xedapenetan ematen zaizkion gainerako eskudantziak.

2. artikulua . Landa Garapeneko eta Ingurumeneko Departamentuaren titularra.

Landa Garapeneko eta Ingurumeneko Departamentuaren titularrak, foru dekretu honen 1. artikuluan zehaztutako eskumenen esparruari loturik, izanen ditu Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluan ezarritako eskudantziak.

Orobat, Landa Garapeneko eta Ingurumeneko kontseilariaren zeregina da, departamentuaren titularra den aldetik, kide anitzeko organo hauetako buru izatea:

a) Nafarroako Nekazaritza Kontseilua.

b) Nafarroako Ingurumen Kontseilua.

c) Urbasa-Andia Parke Naturaleko Patronatua.

d) Bertizko Jaurerriko Parke Naturaleko Patronatua.

Landa Garapeneko eta Ingurumeneko Departamentuaren titularrari sostengu politiko eta teknikoa emateko unitate gisa, eta zuzenean haren mende, badago kabinete bat departamentuan, Nafarroako Gobernuari eta Lehendakariari buruzko abenduaren 3ko 14/2004 Foru Legearen 19. artikuluari lotua dagoena.

3. artikulua . Landa Garapeneko eta Ingurumeneko Departamentuaren antolaketa orokorra.

Landa Garapeneko eta Ingurumeneko Departamentuak, bere titularraren goi-zuzendaritzapean, honako organo hauek ditu bere egituran:

a) Landa Garapeneko Zuzendaritza Nagusia.

b) Nekazaritza eta Abeltzaintza Zuzendaritza Nagusia.

c) Ingurumen Zuzendaritza Nagusia.

d) Idazkaritza Tekniko Nagusia.

4. artikulua . Zuzendaritza nagusien eskudantziak.

Foru dekretu honen 2. artikuluan ezarritakoa galarazi gabe, Landa Garapeneko eta Ingurumeneko Departamentuko zuzendaritza nagusiei dagokie, departamentuaren titularraren goi-zuzendaritzapean eta foru dekretu honetan bakoitzari esleitutako esparru materialean, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 31. eta 32. artikuluetan eta azken xedapenetako lehenbizikoan ezarritako eskudantziak erabiltzea, bai eta indarrean dauden xedapenek esleitzen dieten edo Landa Garapeneko eta Ingurumeneko Departamentuaren titularrak agintzen dien beste edozein ere.

5. artikulua . Idazkaritza Tekniko Nagusiaren eskudantziak.

Landa Garapeneko eta Ingurumeneko Departamentuko Idazkaritza Tekniko Nagusiak, foru dekretu honen 1. artikuluan zehaztutako eskumenen esparruan, eta Landa Garapeneko eta Ingurumeneko Departamentuaren titularraren goi-zuzendaritzapean, berari atxikita baitago zuzenean Idazkaritza Tekniko Nagusia, honako eskudantzia hauek izanen ditu:

a) Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 33. artikuluan eta Idazkaritza Tekniko Nagusiak arautzen dituen otsailaren 21eko 29/2005 Foru Dekretuan ezarritakoak.

b) Idazkaritza Tekniko Nagusiak arautzen dituen otsailaren 21eko 29/2005 Foru Dekretuan ezarritakoak, ekonomia eta aurrekontu izaera duen arau horren 8. artikuluan ezarritakoak barne, bai eta langileriaren arloko eskudantziak zehazten dituen otsailaren 21eko 30/2005 Foru Dekretuaren 6. artikuluan ezarritakoak ere.

c) Genero ikuspegiaren zeharkakotasuna aplikatzea Landa Garapeneko eta Ingurumeneko Departamentuaren politikak planifikatu, kudeatu eta ebaluatzean, bat etorriz Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

d) Nafarroan desgaitasuna dutenei arreta emateari eta beren eskubideak bermatzeari buruzko azaroaren 28ko 31/2022 Foru Legearen arabera aritzea.

e) Informazio publikoa kudeatzea, Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen arabera.

f) Herritarren parte-hartzea, Nafarroako Parte-hartze Demokratikoari buruzko martxoaren 22ko 12/2019 Foru Legearen arabera.

g) Departamentuko gainerako organoei laguntzea informazioaren segurtasunari buruzko araudia aplikatzen, Nafarroako Foru Komunitateko Administrazioaren Datuak Babesteko eta Informazioaren Segurtasunerako Politikan zehaztutakoa betetzeko.

h) Departamentuko zerbitzuko zuzendaritzen edo burutzen titularren jabetza-hartzeak izapidetzea.

i) Indarrean dauden xedapenek esleitzen dizkioten edo Landa Garapeneko eta Ingurumeneko Departamentuaren titularrak agintzen dion beste edozein, eta horretarako behar diren ebazpenak emanen ditu.

6. artikulua . Zerbitzuen eskudantziak.

Zerbitzuek, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 35. artikuluarekin, eginkizun hauek izanen dituzte: beren mendeko atalak edo unitate organikoak planifikatu, koordinatu, zuzendu eta kontrolatzea; prozedurak arindu, arrazionalizatu eta sinplifikatzeko printzipioak bultzatu eta sustatzea; eta, halaber, indarra duten xedapenek berariaz esleitzen dizkieten edo Departamentuko organo eskudunek haietan deskontzentratzen edo eskuordetzen dituzten beste edozein.

7. artikulua . Atalen eskudantziak.

Atalek, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 37. artikuluarekin, eginkizun hauek izanen dituzte: beren eskumenen esparruko lanak gauzatzea eta goragoko nagusientzako txostenak eta proposamenak egitea; beren mendeko bulegoek eta unitateek egiten dituzten lanak koordinatzea, zuzentzea eta kontrolatzea; eta, halaber, Departamentuko organo eskudunek agintzen dizkieten gainerako eginkizun guztiak betetzea.

II. KAPITULUA. LANDA GARAPENEKO ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

8. artikulua . Landa Garapeneko Zuzendaritza Nagusiaren esparru material eta funtzionala.

Landa Garapeneko Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Landa garapeneko politika espezifikoak zuzentzea, Nafarroako landa eremuak hobetzeko, eta, horrela, haien bideragarritasuna, oreka eta lehiakortasuna bermatzea.

b) Nekazaritzako eta/edo akuikulturako ustiategiak hobetzea, eta nekazari berriak jardueran hastea, gazteak eta emakumeak bereziki.

c) Jatorri-deitura babestuei, adierazpen geografiko babestuei eta espezialitate tradizional bermatuei buruzko agintaritza eskuduna izatea.

d) Nekazaritzako produktuen eta nekazaritzako elikagaien merkaturatzea sustatzea; ekoizpen fasean kalitate komertziala eta kalitate bereizia kontrolatzea, eta merkaturatze kanal laburrak eta nekazaritzako elikagaien erosketa publikoa sustatzea.

e) Nekazaritza ekologikoa, ekoizpen integratukoa eta ekoizpen jasangarriko beste sistema batzuk sustatzea, bai eta horien merkaturatzea ere.

f) Agintaritza betearazle gisa dagozkionak, Elikatze-katearen Funtzionamendua Hobetzeko Neurriei buruzko abuztuaren 2ko 12/2013 Legearen esparruan.

g) Kooperatibismoa eta asoziazionismoa sustatzea landa-eremuan, nekazaritzan eta elikagaien arloan, arreta berezia emanik emakume eta gazteei.

h) Mahastizaintza eta enologia bultzatzea.

i) Nekazaritzako ustiategien eta horien ekoizpen-elementuen erregistroak zuzentzea.

j) Nekazaritza Bermatzeko Europako Funtsaren (NBEUF) eta Landa Garapenerako Europako Nekazaritza Funtsaren (LGENF) laguntzen Nafarroako Erakunde Ordaintzailea zuzentzea.

k) Nafarroako Landa Garapenerako 2014-2020 aldiko Programa zuzentzea, eta haren jarraipena eta ebaluazioa egitea.

l) Kudeaketarako eskualdeko agintaritza eta plangintza estrategikoa Nekazaritza Politika Erkideari dagokionez (2023-2027ko NPEaren Plan Estrategikoa), Nekazaritza eta Abeltzaintza Zuzendaritza Nagusiarekin koordinaturik, hori guztia Europar Batasuneko eta autonomia-erkidegoko araudiaren esparruan.

m) Buru izatea Nafarroan NPEaren Plan Estrategikoaren Jarraipena egiteko Batzordean, eta koordinatzea eta lankidetzan aritzea NPEaren Plan Estrategikoaren Kudeaketarako Agintaritza Nazionalarekin, arau esparruan ezarritakoarekin bat.

n) Landa-eremuaren dibertsifikazioa eta garapena sustatzea, hala Europar Batasuneko landa garapenerako programazioaren esparruan, nola eskualdekoaren eta mugaz haraindiko hurbilekoaren esparruan.

ñ) Lehen sektorean lankidetza, ekintzailetza eta berrikuntza bultzatzea, produktu, prozesu eta teknologia berrien garapenari buruzko proiektu pilotuen bidez, bereziki Europar Batasuneko landa garapenerako programazioaren esparruan.

o) Landa ingurunearen jasangarritasuna sustatzeko proiektuak sustatzea eta inplementatzea, Nafarroako landa eremuetan bizi diren pertsonen bizi-kalitatea hobetzeko eta ongizate-maila handitzeko, horiek bertan geratzea eta biztanle berriak kokatzea errazteko moduan.

p) Nekazaritzako ustiategientzako aholkularitza sistema, bereziki Europar Batasuneko landa garapenerako programazioaren esparruan.

q) Landa garapen jasangarriko programak edo gisakoak zuzentzea, sektore pribatuak landa garapen jasangarrian parte har dezan sustatuz.

r) Landa garapen jasangarrirako "landa-kontakizun" berria sustatzea.

s) Prestakuntza sustatzea nekazaritza sektorean eta landa garapen jasangarrian.

t) Partaidetzazko toki garapenaren estrategiak zuzentzea (LEADER ikuspegia), tokiko ekintza taldeen bidez, Europar Batasuneko programazioaren esparruan.

u) Itsasoko, Arrantzako eta Akuikulturako Europako Funtsaren kudeaketa-agintaritza nazionalarekiko solaskidetza koordinatzea, Nafarroan kudeaketarako bitarteko erakundea den aldetik.

v) Indarrean dauden xedapenek Landa Garapeneko eta Ingurumeneko Departamentuari ematen dizkioten gainerako eginkizunak, zuzendaritza nagusi honen esparruan.

9. artikulua . Landa Garapeneko Zuzendaritza Nagusiaren egitura.

1. Landa Garapeneko Zuzendaritza Nagusiak honako zerbitzu hauek ditu bere egituran:

a) Nekazaritzako Ustiategien eta Elikagaien Sustapenerako Zerbitzua.

b) Erakunde Ordaintzailearen Zerbitzua.

c) Landa Dibertsifikaziorako eta Garapenerako Zerbitzua.

2. Barne Auditoretzako Atala Landa Garapeneko zuzendari nagusiaren mende dago zuzenean.

2. ATALA. NEKAZARITZAKO USTIATEGIEN ETA ELIKAGAIEN SUSTAPENERAKO ZERBITZUA

10. artikulua . Nekazaritzako Ustiategien eta Elikagaien Sustapenerako Zerbitzuaren esparru material eta funtzionala.

Nekazaritzako Ustiategien eta Elikagaien Sustapenerako Zerbitzuak honako eginkizun hauek beteko ditu:

a) Nekazaritzako eta/edo akuikulturako ustiategien eraginkortasuna hobetzea.

b) Nekazari berriak nekazaritzako jardueran has daitezen sustatzea, gazteak eta emakumeak bereziki.

c) Jatorri deitura babestuei, adierazpen geografiko babestuei eta espezialitate tradizional bermatuei buruzko agintaritza eskuduna izatea Nafarroako Foru Komunitatearen esparruan.

d) Nekazaritzako elikagaien prozesuen eta produktuen kalitate kontrola sustatu, babestu eta kontrolatzea.

e) Nekazaritzako produktuen eta nekazaritzako elikagaien merkaturatzea sustatzea.

f) Nekazaritzako elikagaiak merkaturatzeko kanal laburrak bultzatzea.

g) Hurbileko, sasoiko eta kalitateko produktuen erosketa publikoa sustatzea, erakunde publikoek erosita, beste entitate eta departamentu batzuekin lankidetzan.

h) Nekazaritza ekologikoa, ekoizpen integratukoa eta ekoizpen jasangarriko beste sistema batzuk sustatzea, bai eta horien merkaturatzea ere.

i) Kontrola eta koordinazioa egitea Elikatze-katearen Funtzionamendua Hobetzeko Neurriei buruzko abuztuaren 2ko 12/2013 Legearen aplikazioan.

j) Nekazaritzako ekoizpen jasangarriko sistemak sustatzea eta bultzatzea, bai eta horien merkaturatzea ere.

k) Kooperatibismoa eta asoziazionismoa sustatzea landa-eremuan, nekazaritzan eta elikagaien arloan, arreta berezia emanik emakume eta gazteei.

l) Mahastizaintzaren eta enologiaren arloko esperimentazioa eta ikerketa.

m) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

11. artikulua . Nekazaritzako Ustiategien eta Elikagaien Sustapenerako Zerbitzuaren egitura.

Nekazaritzako Ustiategien eta Elikagaien Sustapenerako Zerbitzuak honako atal hauek ditu bere egituran:

a) Nekazaritzako Ustiategiak eta Nekazarien Elkarteak Sustatzeko Atala.

b) Nekazaritzako Elikagaien Kalitatearen eta Sustapenaren Atala.

c) Mahastizaintza eta Enologia Atala.

12. artikulua . Nekazaritzako Ustiategiak eta Nekazarien Elkarteak Sustatzeko Atalaren esparru material eta funtzionala.

Nekazaritzako Ustiategiak eta Nekazarien Elkarteak Sustatzeko Atalak honako eginkizun hauek beteko ditu:

a) Laguntzak eta ekintzak kudeatzea nekazaritzako eta/edo akuikulturako ustiategietako inbertsioetarako.

b) Laguntzak eta ekintzak kudeatzea nekazarien lehen instalaziorako, gazteei eta emakumeei dagokienez bereziki.

c) Laguntzak eta ekintzak izapidetzea nekazaritzako jarduera uzte aurreraturako eta belaunaldi-erreleborako, zuzenean edo beste entitate batzuekin lankidetzan.

d) Laguntzak izapidetzea erabilera amankomuneko makinak eta ekipamenduak eskuratzeko.

e) Laguntzak eta ekintzak kudeatzea kooperatibismoa, asoziazionismoa eta landa-eremuko, nekazaritzako eta elikagaien arloko erakundeak sustatzeko, arreta berezia emanik emakume eta gazteei.

13. artikulua . Nekazaritzako Elikagaien Kalitatearen eta Sustapenaren Atalaren esparru material eta funtzionala.

Nekazaritzako Elikagaien Kalitatearen eta Sustapenaren Atalak honako eginkizun hauek beteko ditu:

a) Laguntzak eta ekintzak kudeatzea nekazaritzako elikagaien kalitatea sustatzeko eta kontrolatzeko.

b) Laguntzak eta ekintzak kudeatzea elikagaien kalitate-deiturak, partzuergoak eta marka kolektiboak sustatzeko.

c) Elikakatearen Behatokia kudeatzea.

d) Programak eta ekintzak diseinatzea eta kudeatzea, bultzatzeko nekazaritzako elikagaiak merkaturatzeko kanal laburrak, tokiko eta lurraldekako elikagai sistemak, eta erakunde publikoek hurbileko, sasoiko eta kalitateko produktuak erostea.

e) Laguntzak eta ekintzak kudeatu eta dinamizatzea, nekazaritza ekologikoari, ekoizpen integratuko nekazaritzari eta ekoizpen jasangarriko eta kalitate bereiziko beste sistema batzuei zuzendurik.

14. artikulua . Mahastizaintza eta Enologia Atalaren esparru material eta funtzionala.

Mahastizaintza eta Enologia Atalak honako eginkizun hauek beteko ditu:

a) Mahastizaintzaren eta enologiaren arloko ikerketa eta esperimentazioa.

b) Mahastizain eta upategientzako transferentzia teknologikoa.

c) Programak eta ekintzak diseinatzea eta kudeatzea mahastizaintzaren eta enologiaren arloko ekintzailetza eta berrikuntza proiektuak laguntzeko.

d) Enozentrum museoa eta ardoa sustatzeko ekintzak kudeatzea.

3. ATALA. ERAKUNDE ORDAINTZAILEAREN ZERBITZUA

15. artikulua . Erakunde Ordaintzailearen Zerbitzuaren esparru material eta funtzionala.

Erakunde Ordaintzailearen Zerbitzuak honako eginkizun hauek beteko ditu:

a) Nekazaritza Bermatzeko Europako Funtsaren (NBEF) eta Landa Garapenerako Europako Nekazaritza Funtsaren (LGENF) laguntzak kudeatzeko barne prozedurak eta eskuliburuak onestea.

b) Solaskidetza koordinatzea NBEF koordinatzeko erakundearen aurrea (Nekazaritza Bermatzeko Espainiako Funtsa), NBEUF eta LGENF funtsek ematen dituzten laguntzei dagokienez.

c) Nekazaritzako Europako funtsen gastuen aurrefinantzaketarako Espainiako sistema eta horien kontuak likidatzeko prozesua koordinatzea.

d) NBEUFren eta LGENFren kargura aurrerakinak jasotzeko abalen eta diruzkoak ez diren beste berme batzuen gordailua, kontrola eta jarraipena.

e) Erakunde Ordaintzailearen prestakuntza-plana prestatzea eta aplikatzea.

f) Departamentuak, erakunde ordaintzailea den aldetik, egiten dituen ordainketak gauzatzea eta kontabilizatzea.

g) Baldintzazkotasun indartuaren eta gizarte-baldintzazkotasunaren kontrolen koordinazioa, eta zehapenak aplikatzea ez-betetzeengatik, bat etorriz Europako Parlamentuaren eta Kontseiluaren 2021eko abenduaren 2ko 2021/2116 (EB) Erregelamenduan ezarritakoarekin (Nekazaritza Politika Erkidearen finantzaketari, kudeaketari eta jarraipenari buruzko Erregelamendua).

h) Nekazaritza Politika Erkidearen finantzaketari, kudeaketari eta jarraipenari buruzko Europako Parlamentuaren eta Kontseiluaren 2021eko abenduaren 2ko 2021/2116 (EB) Erregelamenduan ezarritako Kudeaketa eta Kontroleko Sistema Integratua koordinatzea.

i) Administraziokoak ez diren kontrolak koordinatzea, eskatzen direnak NBEUFk finantzaturiko laguntzak eta LGENFk kofinantzaturiko laguntzak, Kudeaketa eta Kontroleko Sistema Integratuaren parekoak, aplikatzeko araudian.

j) Nekazaritzako lurzatiak identifikatzeko sistemak kudeatzea, mantentzea eta zabaltzea NBEUF eta LGENF funtsen laguntzak ordaintzeko.

k) Nekazaritzako ustiategien eta horien ekoizpen-elementuen inguruko erregistroak kudeatzea eta koordinatzea.

l) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

16. artikulua . Erakunde Ordaintzailearen Zerbitzuaren egitura.

Erakunde Ordaintzailearen Zerbitzuak honako atal hauek ditu bere egituran:

a) Koordinazio Atala.

b) Ikuskapenen Atala.

c) Nekazaritzako Erregistroen Atala.

17. artikulua . Koordinazio Atalaren esparru material eta funtzionala.

Koordinazio Atalak honako eginkizun hauek beteko ditu:

a) Koordinatzea, Erakunde Ordaintzailearen esparruan, Europako Batzordearen eskura jarri behar den informazioaren bilketa, urteko kontuaren eta urteko errendimendu txostenaren aurkezpena eta kontuak likidatzeko prozedurak.

b) NBEUFren eta LGENFren laguntzen kudeaketa eta kontroleko afera horizontalak koordinatzea, horien aplikazio homogeneoa sustatzeko.

c) Erakunde Ordaintzailearen prestakuntza-planaren barneko prestakuntza jardunaldiak antolatzea.

d) NBEUF eta LGENF funtsak kontabilizatzea.

e) Erakunde Ordaintzailearen zordunen, aurrerakinen eta bermeen erregistroa kudeatu eta mantentzea.

f) NBEUFren eta LGENFren laguntzen ordainketa gauzatzea.

18. artikulua . Ikuskapenen Atalaren esparru material eta funtzionala.

Ikuskapenen Atalak honako eginkizun hauek beteko ditu:

a) Administraziokoak ez diren kontrolak gauzatzea, aplikatu beharreko araudian eskatzen direnak Erakunde Ordaintzaileak izapideturiko laguntza hauetan: NBEUFk finantzaturiko laguntzak eta LGENFk kofinantzaturiko laguntzak, Kudeaketa eta Kontroleko Sistema Integratuaren parekoak.

b) Baldintzazkotasun kontrolak egitea, bat etorriz Landa Garapeneko, Ingurumeneko eta Toki Administrazioko kontseilariaren otsailaren 20ko 63/2015 Foru Aginduan ezarritakoarekin (horren bidez izendatu ziren baldintzazkotasunaren esparruan eskumena duten kontrol agintaritzak).

c) Nekazaritzako lurzatiak identifikatzeko sistema mantentzea eta zabaltzea NBEUF eta LGENF funtsen laguntzak ordaintzeko, eta hura koordinatzea informazio geografikoko beste sistema batzuekin.

19. artikulua . Nekazaritzako Erregistroen Atalaren esparru material eta funtzionala.

Nekazaritzako Erregistroen Atalak eginkizun hauek beteko ditu:

a) Kudeatzea eta koordinatzea mahastizaintzaren, ustiategien, makineriaren eta landa errentamenduen erregistroak.

b) Kudeatzea eta koordinatzea nekazaritzako ustiategien eta horien ekoizpen-elementuen inguruko beste erregistroa batzuk.

4. ATALA. LANDA DIBERTSIFIKAZIORAKO ETA GARAPENERAKO ZERBITZUA

20. artikulua . Landa Dibertsifikaziorako eta Garapenerako Zerbitzuaren esparru material eta funtzionala.

Landa Dibertsifikaziorako eta Garapenerako Zerbitzuak honako eginkizun hauek beteko ditu:

a) Kudeaketa-agintaritzaren eginkizunak betetzea Europako Parlamentuaren eta Kontseiluaren 2013ko abenduaren 17ko 1305/2013 (EB) Erregelamenduaren eta hori garatzen duen araudiaren esparruan.

b) Nafarroako Landa Garapenerako 2014-2020 aldiko Programaren gauzatzea eta prestaketa koordinatzea, eta haren jarraipena eta ebaluazioa egitea.

c) Nekazaritza Politika Erkidearekin (NPE) lotutako plangintza estrategikoa, eta dagozkion plan eta programen aldaketa, jarraipena eta ebaluazioa, Nekazaritza eta Abeltzaintza Zuzendaritza Nagusiarekin koordinaturik.

d) Buruorde izatea Nafarroan NPEaren Plan Estrategikoaren Jarraipena egiteko Batzordean.

e) Laguntza teknikoko, informazioko eta publizitateko neurriak koordinatzea, bereziki Europar Batasuneko programei dagokienez.

f) Koordinatzea eta zuzentzea nekazaritza arloko prestakuntzaren eta landa garapen jasangarrirako prestakuntzaren sustapena.

g) Zuzendaritza nagusiari bere ordezkaritza lanetan laguntzea honako hauen mendeko batzorde eta lantaldeetan: Nekazaritza, Arrantza eta Elikadura Ministerioa, NPEaren Sarea, Espainiako Esparrua, Espainiako Landa Garapeneko Programa, eta NPEaren Plan Estrategikoa.

h) LGENF funtsak finantzaturiko oinarri arautzaileak eta laguntzak berrikustea, egiaztatzea eta kontrolatzea, Europar Batasuneko programan esku-hartze bakoitzerako sartutako irizpide eta eskakizunen arabera.

i) Landa Garapeneko Batzordetik eta Europako nahiz Estatuko beste erakunde batzuetatik heldu diren legeak, dokumentazioa eta argibideak biltzea eta haien jarraipena egitea, eta horiek jakinaraztea departamentuetako unitateei, sektoreari eta haiek ordezkatzen dituzten erakundeei.

j) Zuzendaritza nagusiari laguntzea Itsasoko, Arrantzako eta Akuikulturako Europako Funtsaren kudeaketa-agintaritza nazionalarekiko solaskidetzan jarduten eta hura koordinatzen, Nafarroan kudeaketarako bitarteko erakundea den aldetik.

k) Zuzendaritza nagusiari laguntzea Itsasoko, Arrantzako eta Akuikulturako Europako Funtsaren kudeaketarako bitarteko erakunde gisa dagozkion eginkizunak betetzen.

l) Itsasoko, Arrantzako eta Akuikulturako Europako Funtsaren kudeaketa-agintaritza nazionalarekin lankidetzan aritzea Itsasoko, Arrantzako eta Akuikulturako Europako Funtsaren Espainiarako Programa Operatiboa prestatzen, izapidetzen, haren jarraipena egiten eta aldatzen.

m) Landa-eremuaren dibertsifikazioa eta garapena programatzea eta koordinatzea, hala Europar Batasuneko landa garapenerako programazioaren esparruan, nola eskualdekoaren eta mugaz haraindiko hurbilekoaren esparruan. Bereziki, lehentasuna emanen dio biztanleak landa-eremura erakartzeari eta daudenak finkatzeari, eta sektore pribatuaren parte-hartzea sustatuko du.

n) Laguntzak eta ekintzak programatu eta koordinatzea lehen sektorean eta landa sektorean, proiektu pilotuen bidez, hala Europar Batasuneko landa garapenerako programazioaren esparruan, nola eskualdekoaren eta mugaz haraindiko hurbilekoaren esparruan.

ñ) Landa ingurunearen jasangarritasuna sustatzeko proiektuak diseinatu eta gauzatzea, Nafarroako landa eremuetan bizi diren pertsonen bizi-kalitatea hobetzeko eta ongizate-maila handitzeko, horiek bertan geratzea eta biztanle berriak kokatzea errazteko moduan.

o) Nekazaritzako ustiategiei aholkularitza ematea, bereziki Europar Batasuneko landa garapenerako programazioaren esparruan. Landa eremuko ekintzailetza bultzatuko da, bai eta talentu berritzailea erakartzea ere landa eremuetara, programa eta ekintzen bidez.

p) Landa garapen jasangarriko programak edo gisakoak programatu eta gauzatzea, sektore pribatuak landa garapen jasangarrian parte har dezan sustatuz.

q) Partaidetzazko toki garapenaren estrategiak aplikatzea, koordinatzea eta kontrolatzea (LEADER ikuspegia), tokiko ekintza taldeen bidez, Europar Batasuneko landa garapenerako programazioaren esparruan.

r) Programak eta ekintzak diseinatu eta gauzatzea landa balioak zabaltzeko eta landatartasun berria posizionatzeko, garapen jasangarri baterako.

s) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

21. artikulua . Landa Dibertsifikaziorako eta Garapenerako Zerbitzuaren egitura.

Landa Dibertsifikaziorako eta Garapenerako Zerbitzuak honako atal hauek ditu bere egituran:

a) NPEaren Plangintzarako eta Landatartasun Berrirako Atala.

b) Landa Dibertsifikaziorako eta Garapen Jasangarrirako Atala.

22. artikulua . NPEaren Plangintzarako eta Landatartasun Berrirako Atalaren esparru material eta funtzionala.

NPEaren Plangintzarako eta Landatartasun Berrirako Atalak honako eginkizun hauek beteko ditu:

a) Landa garapenerako programak prestatzea eta haien jarraipena eta ebaluazioa egitea.

b) Nekazaritza Politika Erkidearekin (NPE) lotutako plangintza estrategikoaren garapen teknikoa, Nekazaritza eta Abeltzaintza Zuzendaritza Nagusiarekin koordinaturik, eta dagozkion plan eta programen jarraipena, aldaketa eta ebaluazioa egitea.

c) Laguntza teknikoak, informazioa eta publizitatea gauzatzea, bereziki Europar Batasuneko programen inguruan.

d) Programak, ekintzak eta laguntzak izapidetzea landatartasun berria sustatzeko; informazioa eta prestakuntza emanen zaizkie landa inguruneko biztanleei beren ingurunearen eta beren kontakizunaren ahalmenari buruz.

e) Programak eta laguntzak kudeatzea nekazaritza sektorearen prestakuntzarako eta landa garapenerako.

f) Landa garapen jasangarriko edo gisakoak prestatu eta gauzatzea, laguntzak eta programak bideratuta.

g) Ordezkari izatea batzorde eta lantaldeetan, dokumentazioa eta araudia biltzea eta horien jarraipena egitea Europar Batasuneko politiken eta landa garapenaren eta akuikulturaren inguruan.

h) Itsasoko, Arrantzako eta Akuikulturako Europako Funtsaren programa operatiboa izapidetzeko, haren jarraipena egiteko eta aldatzeko lanetan laguntzea, bai eta kudeaketarako bitarteko erakundea kontrolatzeko eginkizuna betetzea ere.

i) Azterketa eta analisiko lan teknikoa, etorkizuneko esku-hartzeak eta operazioak baloratu ahal izateko, edo horiek aldatu departamentuak kudeatzen dituen Europar Batasuneko programetan, edo Nafarroako landa garapenerako programen eta horiek abian jartzearen inguruan.

23. artikulua . Landa Dibertsifikaziorako eta Garapen Jasangarrirako Atalaren esparru material eta funtzionala.

Landa Dibertsifikaziorako eta Garapen Jasangarrirako Atalak honako eginkizun hauek beteko ditu:

a) Laguntzak eta ekintzak kudeatzea landa dibertsifikaziorako eta landa garapen jasangarrirako, hala Europar Batasuneko esparruan, nola eskualdeko eta mugaz haraindiko hurbileko esparruan. Bereziki, lehentasuna emanen dio biztanleak landa-eremura erakartzeari eta daudenak finkatzeari, eta sektore pribatuaren parte-hartzea sustatuko du.

b) Laguntzak eta ekintzak kudeatzea lehen sektorean eta landa sektorean, proiektu pilotuen bidez, hala Europar Batasuneko esparruan, nola eskualdeko eta mugaz haraindiko hurbileko esparruan.

c) Laguntzak eta ekintzak kudeatzea nekazaritzako ustiategien aholkularitzarako, landa eremuko ekintzailetzarako eta talentu berritzailea erakartzeko, modu integralean, landa eremuetan.

d) Partaidetzazko toki garapenaren estrategiak kudeatzea eta horietan laguntzea (LEADER ikuspegia), tokiko ekintza taldeen bidez.

e) Kooperazio eta lankidetza sareak kudeatzea eta dinamizatzea, landa garapen jasangarriaren esparruan.

f) Landa inguruneko baliabide endogenoak kudeatzea, bai propioak, bai lagatakoak, landa garapen jasangarria helburu.

g) Landa elkarteentzako laguntzak kudeatzea, lehentasuna emanik emakumeenei eta gazteenei.

5. ATALA. LANDA GARAPENEKO ZUZENDARITZA NAGUSIAREN MENDEKO ATALA

24. Artikulua . Barne Auditoretzako Atalaren esparru material eta funtzionala.

Barne Auditoretzako Atalak honako eginkizun hauek beteko ditu:

a) NBEUF eta LGENF funtsek finantzaturiko espedienteen kontrol teknikoa.

b) Erakunde ordaintzailearen prozedurak egiaztatzea.

c) Biltegietan gordetzen diren nekazaritzako produktuak kontrolatzea esku-hartze publikoan.

III. KAPITULUA. NEKAZARITZA ETA ABELTZAINTZA ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

25. artikulua . Nekazaritza eta Abeltzaintza Zuzendaritza Nagusiaren esparru material eta funtzionala.

Nekazaritza eta Abeltzaintza Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Nekazaritzako eta abeltzaintzako ekoizpena kontrolatzea eta sustatzea.

b) Landareen eta animalien osasuna kontrolatzea.

c) Haziak eta mintegiko landareak kontrolatzea.

d) Nekazaritzako ustiategien koaderno digitala kontrolatzea.

e) Nekazaritzako aseguruak sustatzea.

f) Nekazaritzako eta abeltzaintzako ikerketa eta garapena koordinatzea.

g) Nekazaritza Politika Erkidearekin (NPE) lotutako plangintza estrategikoa, Landa Garapeneko Zuzendaritza Nagusiarekin koordinaturik.

h) Nekazarien eta abeltzainen errentetarako laguntzak kudeatzea.

i) Animalien ongizatea babestea.

j) Merkatuak erregulatzea eta haietan esku hartzea.

k) Siloen oinarrizko sarea mantentzea eta zaintzea.

l) NBEUF funtsaren kargura, nekazari eta abeltzainentzako zuzeneko ordainketen bidez egiten diren esku-hartzeak kudeatzea.

m) NBEUF funtsaren kargura, NPEaren Plan Estrategikoaren barnean egiten diren esku-hartze sektorialak kudeatzea, mahastizaintza eta ardogintzaren sektoreari, fruta eta barazkien sektoreari eta erlezaintzari dagokienez.

n) Ikastetxeetan fruta eta esnea banatzeko planak kudeatzea.

ñ) Diseinatu eta kudeatzea LGENF funtsaren kargurako eskualdeko esku-hartzeak, Kudeaketa eta Kontroleko Sistema Integratuaren parekoak.

o) Nekazaritzaren arloko prestakuntza.

p) Abeltzaintzako eta nekazaritzako laborategiak.

q) Nekazaritzako azpiegiturak berritzea eta nekazaritzaren garapena.

r) Ureztalur berriak sortzea eta jadanik daudenak modernizatzea eta sendotzea.

s) Nekazaritzako azpiegituretarako laguntzak kudeatzea.

t) Herri-ondasunak babestea eta berreskuratzea.

u) Altxonbideak kudeatzea.

v) Indarrean dauden xedapenek Landa Garapeneko eta Ingurumeneko Departamentuari esleitzen dizkiotenak, bereak dituen nekazaritzaren, abeltzaintzaren eta nekazaritzako azpiegituren esparruetan.

26. artikulua . Nekazaritza eta Abeltzaintza Zuzendaritza Nagusiaren egitura.

Nekazaritza eta Abeltzaintza Zuzendaritza Nagusiak honako zerbitzu hauek ditu bere egituran:

a) Nekazaritza Zerbitzua.

b) Abeltzaintza Zerbitzua.

c) Nekazaritzako Azpiegituren Zerbitzua.

2. ATALA. NEKAZARITZA ZERBITZUA

27. artikulua . Nekazaritza Zerbitzuaren esparru material eta funtzionala.

Nekazaritza Zerbitzuak honako eginkizun hauek beteko ditu:

a) Nekazaritzako ekoizpen-bideak kontrolatzea elikagaien segurtasunaren, fitosanitarioen erabileraren, lohien eta ongarrien esparruan.

b) Landare osasuna kontrolatzea.

c) Haziak eta mintegiko landareak kontrolatu eta ziurtatzea.

d) Nekazaritza arloko ikerketaren gaineko prestakuntza eta horren emaitzen transferentzia.

e) Nekazaritza Politika Erkidearekin (NPE) lotutako plangintza estrategikoa, Landa Garapeneko Zuzendaritza Nagusiarekin koordinaturik.

f) Laguntzetarako eskabide bakarra antolatzea, bat etorriz Europako Parlamentuaren eta Kontseiluaren 2021eko abenduaren 2ko 2021/2116 (EB) Erregelamenduan -edo hura ordezten duen arauan- ezarritakoarekin (Nekazaritza Politika Erkidearen finantzaketari, kudeaketari eta jarraipenari buruzko Erregelamendua).

g) Europako Parlamentuaren eta Kontseiluaren 2021eko abenduaren 2ko 2021/2115 (EB) Erregelamenduan -edo hura ordezten duen arauan- ezarritako Kudeaketa eta Kontroleko Sistema Integratuaren barnean, eta Nekazaritza Bermatzeko Europako Funtsaren (NBEUF) kargura, nekazari eta abeltzainei ematen zaizkien laguntzak kudeatzea, bai eta sistema horren parekoak, Landa Garapenerako Europako Nekazaritza Funtsak (LGENF) kofinantzatuak, Nekazaritza eta Abeltzaintza Zuzendaritza Nagusiak nahiz Nafarroako Gobernuak diseinatutakoak.

h) Merkatuko krisien prebentzioaren eta kudeaketaren arloko jarduketak.

i) Ekoizpenaren, uztaren eta izakinen aitorpenak kontrolatzea, bai eta legez kanpoko mahastietatik ateratzen diren ekoizpenen xedea ere.

j) Nekazaritza Bermatzeko Europako Funtsak (NBEUF) fruta eta barazki ekoizleen erakundeen programa operatiboetarako, destilazioetarako eta mahastiak berregituratzeko ematen dituen laguntzak kudeatzea, bai eta beste batzuk ere, Merkatu Antolakunde Erkide Bakarren ondoriozkoak.

k) Nekazaritzako aseguruen kontratazioa sustatzea.

l) Laguntzak kudeatzea nekazaritzako ustiategietan izandako kalteetarako, kalte horiek eragiten dituztenean hondamendi naturalen parekoak diren baldintza klimatologiko kaltegarriek.

m) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

28. artikulua . Nekazaritza Zerbitzuaren egitura.

Nekazaritza Zerbitzuak honako atal hauek ditu bere egituran:

a) Landareen Ekoizpen eta Osasun Atala.

b) Merkatuen Erregulaziorako Atala.

c) Etekinetarako Laguntzen Atala.

29. artikulua . Landareen Ekoizpen eta Osasun Atalaren esparru material eta funtzionala.

Landareen Ekoizpen eta Osasun Atalak honako eginkizun hauek beteko ditu:

a) Nekazaritzako ekoizpen-bideen, fitosanitarioen, lohien eta ongarrien erabilera jasangarria kontrolatzea.

b) Elikagaien Katea Kontrolatzeko Plan Nazionala gauzatzea, nekazaritzako ekoizpen primarioaren esparruan.

c) Nekazaritzako ustiategien koaderno digitala kontrolatzea, bai eta merkataritzako koaderno digitalekiko eta SIEX plataformarekiko interrelazioa ere.

d) Landare osasuna kontrolatzea.

e) Haziak eta mintegiko landareak kontrolatu eta ziurtatzea.

f) Esperimentazioa eta ikerketa sustatzea.

g) Laguntza finantzarioa ematea INTIAren bidez gauzatutako nekazaritzaren arloko esperimentazio eta ikerketa jarduketei.

h) Nekazaritza arloko ikerketaren gaineko prestakuntza eta horren emaitzen transferentzia.

i) Laguntzak kudeatzea nekazaritzako ekoizpen aseguraezinetan izandako kalteetarako, kalte horiek eragiten dituztenean hondamendi naturalen parekoak diren baldintza klimatologiko kaltegarriek.

30. artikulua . Merkatuen Erregulaziorako Atalaren esparru material eta funtzionala.

Merkatuen Erregulaziorako Atalak honako eginkizun hauek beteko ditu:

a) Merkatuko krisiak prebenitzea eta kudeatzea.

b) Ekoizpenaren, uztaren eta izakinen aitorpenak kontrolatzea mahastizaintzaren eta ardogintzaren esparruan.

c) Nekazaritza Bermatzeko Europako Funtsaren (NBEUF) kargurako esku-hartze sektorialak kudeatzea: fruta eta barazki ekoizleen erakundeen programa operatiboak, ardoaren azpiproduktuen destilazioa, mahastiak berregituratzea eta birmoldatzea, ardoa sustatzea beste herrialde batzuetan, mahastizaintzaren eta ardogintzaren sektoreko eta erlezaintzako inbertsioak.

d) Ikastetxeetan fruta eta esnea banatzeko planak diseinatu kudeatzea.

31. artikulua . Etekinetarako Laguntzen Atalaren esparru material eta funtzionala.

Etekinetarako Laguntzen Atalak honako eginkizun hauek beteko ditu:

a) Laguntzetarako eskabide bakarra antolatzea, bat etorriz Europako Parlamentuaren eta Kontseiluaren 2021eko abenduaren 2ko 2021/2116 (EB) Erregelamenduan -edo hura ordezten duen arauan- ezarritakoarekin (Nekazaritza Politika Erkidearen finantzaketari, kudeaketari eta jarraipenari buruzko Erregelamendua).

b) Europako Parlamentuaren eta Kontseiluaren 2021eko abenduaren 2ko 2021/2115 (EB) Erregelamenduan -edo hura ordezten duen arauan- ezarritako Kudeaketa eta Kontroleko Sistema Integratuaren barnean, eta Nekazaritza Bermatzeko Europako Funtsaren (NBEUF) kargura, nekazari eta abeltzainei ematen zaizkien laguntzak kudeatzea, bai eta sistema horren parekoak, Landa Garapenerako Europako Nekazaritza Funtsak (LGENF) edo Nafarroako Gobernuak kofinantzatuak.

c) Administrazio kontrolak eta monitorizazio sistemaren bidez egiten direnak gauzatzea, NBEUF funtsaren kargura zuzeneko ordainketen bidez egiten diren esku-hartzeen gainean eta LGENF funtsaren kargura egiten diren Kudeaketa eta Kontroleko Sistema Integratuaren pareko eskualdeko esku-hartzeen gainean.

d) Nekazaritza Ustiategien Informazio Sistema (SIEX) kudeatzea eta kontrolatzea.

e) Nekazaritzako ustiategien inskripzioa kudeatzea eta datuak eguneratzea Nekazaritza Ustiategien Erregistroan, Espainiako Nekazaritza Ustiategien Informazio Sistemari (SIEX) lotuta.

3. ATALA. ABELTZAINTZA ZERBITZUA

32. artikulua . Abeltzaintza Zerbitzuaren esparru material eta funtzionala.

Abeltzaintza Zerbitzuak honako eginkizun hauek beteko ditu:

a) Animalien ekoizpena sustatzea eta garatzea.

b) Animalien osasuna kontrolatzea eta zaintzea.

c) Animalien ongizatea kontrolatzea.

d) Lagun egiteko animalien eta esperimentaziorako animalien babesa sustatzea eta kontrolatzea.

e) Elikagaien Katea Kontrolatzeko Plana koordinatzea, nekazaritzako eta abeltzaintzako ekoizpen primarioari dagokionez.

f) Elikagaien Katea Kontrolatzeko Planeko programak gauzatzea, abeltzaintzako ekoizpen primarioari dagokionez.

g) Abeltzaintza arloko ikerketaren eta garapenaren emaitzen transferentzia.

h) Abeltzaintzako ustiategiak erregistratzea eta abereak identifikatzea.

i) Eskualdeetako albaitaritza bulegoak koordinatzea.

j) Nekazaritza eta abeltzaintza arloko laborategiak kudeatzea, nekazaritzako elikagaien arloko laborategiak koordinatzea, eta biosegurtasun arloko koordinazioa egitea.

k) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

33. artikulua . Abeltzaintza Zerbitzuaren egitura.

Abeltzaintza Zerbitzuak honako atal hauek ditu bere egituran:

a) Animalien Ekoizpenaren Atala.

b) Animalien Osasunaren Atala.

c) Lagun egiteko eta Esperimentaziorako Animalien Atala.

d) Elikagaien Segurtasunaren eta Abeltzaintzako Langelen Atala.

e) Nekazaritzako Elikagaien Laborategiaren Atala.

34. artikulua . Animalien Ekoizpenaren Atalaren esparru material eta funtzionala.

Animalien Ekoizpenaren Atalak honako eginkizun hauek beteko ditu:

a) Abeltzaintzako animalien ekoizpena sustatzea.

b) Abeltzaintzako ustiategiak eta gune zoologikoak erregistratzea.

c) Animalien identifikazioa erregistratzea eta kontrolatzea, abeltzaintzako zentsuak mantentzea.

d) Espainiako Abere Trazabilitatearen Sistema Integralarekin (SITRAN) koordinatzea eta komunikatzea.

e) Abeltzaintza arloko ikerketaren eta esperimentazioaren emaitzen transferentzia.

f) Honako hauek kontrolatzea: esnearen kalitatea eta higienea, esnearen kontrola, esnegintza arloko kontratuak, eta esnearen entregen aitorpenak.

g) Arraza autoktonoak eta abere hazleen elkarteak sustatzea eta kontrolatzea.

h) Abere lehiaketak baimentzea eta sustatzea.

i) Kanalen sailkapena kontrolatzea hiltegietan.

j) Estatuaren abeltzaintza arloko laguntzak kudeatzea.

k) Ekoizpenerako animalien ongizatea kontrolatzea abeltzaintzako establezimenduetan.

l) Ekoizpenerako animalien ongizatea kontrolatzea garraioan.

m) Animalia bizien garraiorako ibilgailuak baimendu, kontrolatu eta erregistratzea.

35. artikulua . Animalien Osasunaren Atalaren esparru material eta funtzionala.

Animalien Osasunaren Atalak honako eginkizun hauek beteko ditu:

a) Animalien gaixotasunen zaintza, kontrol eta desagerrarazte ofizialerako programak gauzatzea.

b) Kontingentzia-planak prestatzea, berehala desagerrarazi beharreko gaixotasun-fokuak agertzen direnean.

c) Biosegurtasun programak. Gaiari lotutako heziketa, dibulgazio eta sustapen kanpainak.

d) Animalien joan-etorriaren osasun kontrola. Animalien joan-etorriak erregistratzea eta baimentzea.

e) Abereen garraiorako ibilgailuak desinfektatzeko zentroen kontrol programa.

f) Herri-larreen osasun kontrola.

g) Basafaunaren gaixotasunak zaintzeko programak, Ingurumenekoekin koordinaturik eta lankidetzan.

h) Material genetikoaren zentroak erregistratzea eta kontrolatzea.

i) Animalien osasunaren arloko agente ziurtagiri-emaileak erregistratzea eta kontrolatzea.

j) Abereen osasunaren defentsarako elkarteak erregistratzea eta kontrolatzea.

k) Giza kontsumorako ez diren animalia-azpiproduktuak kontrolatzeko programa gauzatzea, animalien ekoizpenaren eta osasunaren esparruan.

36. artikulua . Lagun egiteko eta Esperimentaziorako Animalien Atalaren esparru material eta funtzionala.

Lagun egiteko eta Esperimentaziorako Animalien Atalak honako eginkizun hauek beteko ditu:

a) Lagun egiteko Animaliak Nafarroan Babesteari buruzko 19/2019 Foru Legean ezarritakoa gauzatu, koordinatu, kontrolatu eta garatzea.

b) Lagun egiteko animalien ongizatea eta babesa sustatzea eta kontrolatzea.

c) Lagun egiteko animalien zentroak baimentzea eta kontrolatzea.

d) Lagun egiteko animalien identifikazioa eta osasuna kontrolatzea.

e) Lagun egiteko animalien inguruko erregistroak kontrolatzea eta kudeatzea.

f) Nafarroako Gobernuaren ordezkari izatea animalien babeserako elkarteekin eta lagun egiteko animaliekin lotutako beste batzuekin izaten diren harremanetan.

g) Lagun egiteko animalien inguruko laguntzak kudeatzea.

h) Prestakuntzako, dibulgazioko eta informazioko jarduerak sustatzea lagun egiteko animalien babesari buruz.

i) Nafarroako Gobernuaren Animaliak Babesteko Zentroa kudeatzea.

j) Esperimentaziorako animalien ongizatea eta babesa sustatzea eta kontrolatzea.

k) Esperimentaziorako animalien zentroak baimentzea eta kontrolatzea.

l) Animaliak erabiltzen dituzten zientzia-proiektuak baimentzea.

m) Zientzia-proiektuak ebaluatzeko gaitutako erakundeak baimentzea eta kontrolatzea.

n) Esperimentaziorako animaliekin aritzen diren langileen gaikuntza baloratzea.

ñ) Txostenak eta baimenak ematea, lagun egiteko animalien ongizatearen arloko atal eskuduna den aldetik.

37. artikulua . Elikagaien Segurtasunaren eta Abeltzaintzako Langelen Atalaren esparru material eta funtzionala.

Elikagaien Segurtasunaren eta Abeltzaintzako Langelen Atalak honako eginkizun hauek beteko ditu:

a) Albaitaritzaren arloan koordinatzea eskualdeetako albaitaritza bulegoak eta alorreko bulegoak.

b) Elikagaien Katea Kontrolatzeko Plana koordinatzea, nekazaritzako eta abeltzaintzako ekoizpen primarioari dagokionez.

c) Elikagaien Katea Kontrolatzeko Planeko programak gauzatzea eta koordinatzea, abeltzaintzako ekoizpen primarioari dagokionez.

d) Abeltzaintzako ekoizpen primarioaren higienea kontrolatzea.

e) Akuikulturako ekoizpenaren higienea kontrolatzea.

f) Osasun alertak koordinatzea abeltzaintzako ekoizpenaren eta animalien elikagaien esparruan.

g) Albaitaritzako medikamentuak eta antibiotikoen erabilera jasangarria kontrolatzea.

h) Produktu zoosanitarioen banatzaileak kontrolatzea.

i) Osagai farmazeutiko aktiboak kontrolatzea abeltzaintzan.

j) Osasun plan integrala eta ustiategiko albaitaritzakoa kontrolatzea.

k) Nekazaritzako ustiategiei eskatu beharreko baldintzazkotasun beharkizunak kontrolatzea.

l) Esportazioaren inguruko kontrolak eta ziurtagiriak animalien elikagaien esparruan.

m) Zezen ikuskizunetan parte-hartzea eta laguntzea, zezenketen erregelamenduan ezarritakoarekin bat.

38. artikulua . Nekazaritzako Elikagaien Laborategiaren Atalaren esparru material eta funtzionala.

Nekazaritzako Elikagaien Laborategiaren Atalak honako eginkizun hauek beteko ditu:

a) Saiakuntza analitikoak egitea nekazaritzako elikagaien esparruan, beharrezkoak badira Landa Garapeneko eta Ingurumeneko Departamentuaren kontrol ofizialeko programen arabera.

b) Kanpoko laborategi-baliabideak kudeatzea.

c) Koordinazio orokorra Nafarroako Foru Komunitateko eta estatuko beste laborategi batzuekin.

d) Haren gain utzitako beste saiakuntza analitiko batzuk egitea.

e) Biosegurtasun arloko koordinazioa egitea.

4. ATALA. NEKAZARITZAKO AZPIEGITUREN ZERBITZUA

39. artikulua . Nekazaritzako Azpiegituren Zerbitzuaren esparru material eta funtzionala.

Nekazaritzako Azpiegituren Zerbitzuak honako eginkizun hauek beteko ditu:

a) Azpiegituren eraberritzea eta nekazaritzaren garapena sustatzea.

b) Uholdeen ondorioz nekazaritzako azpiegituretan izaten diren kalteengatik ematen diren laguntzak kudeatzea.

c) Ureztalur berriak sortzea eta jadanik daudenak modernizatzea eta sendotzea.

d) Ordainketak kudeatzea, landa garapeneko Europako programazioan jasotako nekazaritzako azpiegituretarako neurriei dagokienez.

e) Herri-ondasunak babestea eta berreskuratzea, bat etorriz Nafarroako Toki Administrazioari buruzko uztailaren 2ko 6/1990 Foru Legean eta hura garatzen duten xedapenetan ezarritakoarekin.

f) Altxonbideak babestea eta berreskuratzea.

g) Ingurumeneko neurrien jarraipena egitea eta horiek kontrolatzea azpiegiturak eraberritzeko obretan.

h) Natura-baliabideen inbentarioak eta ebaluazioa koordinatzea, bai eta lurzoruak degradaziotik babesteko ikerlanak ere. Lurzoruei buruzko datu baseak biltzen duen informazio edafologikoa kudeatzea, bai kartografikoa, bai alfanumerikoa. Ingurumen faktoreen gaineko jarraipen sareen diseinua eta inplementazioa kudeatzea, barnean direla meteorologia eta klimatologia.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

40. artikulua . Nekazaritzako Azpiegituren Zerbitzuaren egitura.

Nekazaritzako Azpiegituren Zerbitzuak honako atal hauek ditu bere egituran:

a) Ureztalurren eta Lurzati Berrantolamenduaren Atala.

b) Herri-lurren Atala.

41. artikulua . Ureztalurren eta Lurzati Berrantolamenduaren Atalaren esparru material eta funtzionala.

Ureztalurren eta Lurzati Berrantolamenduaren Atalak honako eginkizun hauek beteko ditu:

a) Azpiegituren eraberritzea, ureztalur berriak edo jadanik daudenen modernizazioa barne, eta haiek kudeatzea, landa garapenari buruzko programazioari dagokionez.

b) Ureztalurren Foru Plana berrikustea eta eguneratzea.

c) Laguntzak kudeatzea nekazaritzako eta nekazaritza-industriako tokiko azpiegituretarako.

d) Kudeatzea eta koordinatzea nekazaritzako azpiegituretan izandako kalteak konpontzeko ezartzen diren laguntzak, kalte horiek eragiten dituztenean hondamendi naturalen parekoak diren baldintza klimatologiko kaltegarriek.

42. artikulua . Herrilurren Atalaren esparru material eta funtzionala.

Herri-lurren Atalak honako eginkizun hauek beteko ditu:

a) Txostenak ematea eta espedienteak izapidetzea herri-lurren esparruan.

b) Toki-erakundeei aholkularitza ematea eta horien kontrola egitea, kargak luditzearen eta herri-lurren esparruan.

c) Altxonbideak babestu, berreskuratu eta kudeatzea.

IV. KAPITULUA. INGURUMEN ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

43. artikulua . Ingurumen Zuzendaritza Nagusiaren esparru material eta funtzionala.

Ingurumen Zuzendaritza Nagusiak honako eginkizun hauek beteko ditu:

a) Klima-aldaketaren aurkako estrategia zehaztea, bai eta aldaketa horretara egokitzeko ekimenak ere.

b) Ekonomia zirkularra sustatzea.

c) Plangintza egitea esparru hauetan: hondakinak, airearen kalitatea eta kutsaduraren prebentzioa.

d) Plangintza eta kudeaketa egitea esparru hauetan: baso ondarea, naturagune babestuak eta Natura 2000 Sarea, habitatak eta basaflora eta basafauna.

e) Azpiegitura berdea eta konektagarritasuna zehaztea, planifikatzea eta kudeatzea, bai eta leheneratze ekologikoak ere.

f) Ingurumen-ebaluazioa, kutsaduraren prebentzio eta kontrol integratuak, eta baimentze, zaintze, ikuskatze eta zehatze lanak egitea ingurumenean eragina duten jardueretan.

g) Informazio sektoriala txertatzea plan, programa eta proiektuen ingurumen-ebaluazioan.

h) Uraren eta airearen natura-baliabideak, eta biodibertsitatea, ebaluatzea.

i) Basozainak-Ingurumena Zaintzeko Taldeko langileen araubide berariazkoa arautzen duen urtarrilaren 30eko 7/2019 Foru Dekretuan ezarritako eginkizunak.

j) I+G+b sustatzea Ingurumen Zuzendaritza Nagusiaren esparruetan, bai eta prestakuntzako eta heziketako jarduerak ere, ingurumenari eta natura-baliabideen aprobetxamendu jasangarriari buruzko gaietan.

k) Koordinazioa egitea ingurumen hezkuntzaren eta ingurumen osasunaren esparruetan, bai eta Foru Komunitateak ingurumen politikan parte hartzearen ondoriozko beste guztietan ere.

l) Txostenak egitea ingurumen informazioaren eskaeren gainean, horiek izapidetzen dituen unitatearekin koordinaturik.

m) Beste administrazio batzuekin lankidetzan aritzea ingurumenaren arloko gaietan.

n) Koordinatzea ingurumen ekimenekin (klimaren aldeko itunak) eta jasangarritasun estrategiekin (Garapen Jasangarrirako 2030 Agenda), hainbat esparrutan eta lurralde-mailatan.

ñ) Indarrean dauden xedapenek Landa Garapeneko eta Ingurumeneko Departamentuari ematen dizkioten gainerako eginkizunak, zuzendaritza nagusi honen esparruan.

44. artikulua . Ingurumen Zuzendaritza Nagusiaren egitura.

Ingurumen Zuzendaritza Nagusiak honako zerbitzu hauek ditu bere egituran:

a) Nafarroako Klima Aldaketarako Bulegoaren Zerbitzua.

b) Ekonomia Zirkularraren eta Berrikuntzaren Zerbitzua.

c) Biodibertsitatearen eta Arrantza Kudeaketaren Zerbitzua.

d) Basoen eta Ehiza Kudeaketaren Zerbitzua.

e) Ingurumen Hezkuntzaren, Kalitatearen eta Zaintzaren Zerbitzua.

2. ATALA. NAFARROAKO KLIMA ALDAKETARAKO BULEGOAREN ZERBITZUA

45. artikulua . Nafarroako Klima Aldaketarako Bulegoaren Zerbitzuaren esparru material eta funtzionala.

Nafarroako Klima Aldaketarako Bulegoaren Zerbitzuak honako eginkizun hauek beteko ditu:

a) Klima-aldaketari eta Energia-trantsizioari buruzko martxoaren 22ko 4/2022 Foru Legea garatzea eta haren jarraipena egitea, ingurumen arloko eskumenak dituen departamentuari esleitutako gaietan.

b) Klima-aldaketaren gobernantza, Klima-aldaketari eta Energia-trantsizioari buruzko martxoaren 22ko 4/2022 Foru Legean jasotzen diren parte-hartzerako organoak koordinatuz.

c) Klima-aldaketaren aurkako estrategia inplementatzea, arintzeko eta egokitzeko jarduketak barne.

d) Ingurumen kalitatearen jarraipena egitea ingurune urtarrean, atmosferikoan eta lurtarrean, plangintza, jarraipen eta kontroleko ekintzen bidez.

e) Jarduketak sustatzea ingurune naturalean, klima-aldaketara egokitzeko, eta leheneratzeko, ingurumenaren arloko berezko eskumenen, klima-aldaketak ekarritako ondorioen, eta lotutako muturreko gertaeren arabera.

f) Jarduketa eta inbertsio publikoak eta pribatuak sustatzea I+G+b arloko proiektuetan, klima-aldaketaren aurkako borrokaren esparruan.

g) Komunitate zientifikoaren jarduerak sustatzea honako gai hauetan: klima-aldaketa, klima-sistemaren behaketa, eskualdeko ereduen sorrera, eta zerikusia duten aldagaien jarraipen eta kalkulurako metodologiak.

h) Abian jartzea parte hartzeko, kontzientziatzeko, dibulgatzeko eta zabaltzeko lanak, klima-aldaketaren esparruan.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

46. artikulua . Nafarroako Klima Aldaketarako Bulegoaren Zerbitzua.

Nafarroako Klima Aldaketarako Bulegoaren Zerbitzuak honako atal hauek ditu bere egituran:

a) Klima Aldaketaren aurkako Ekintzak Koordinatzeko Atala.

b) Uraren Kalitatearen eta Obra Hidraulikoen Atala.

c) Airearen Kalitatearen eta Klima Aldaketaren Atala.

47. artikulua . Klima Aldaketaren aurkako Ekintzak Koordinatzeko Atalaren esparru material eta funtzionala.

Klima Aldaketaren aurkako Ekintzak Koordinatzeko Atalak Klima-aldaketari eta Energia-trantsizioari buruzko martxoaren 22ko 4/2022 Foru Legea garatu, eta haren jarraipena eginen du, eta honako eginkizun hauek beteko ditu esparru juridiko-administratiboan:

a) Lege eta erregelamendu proposamenak prestatzea klima-aldaketaren arloan.

b) Foru legean xedatutako kide anitzeko organoak bultzatzea eta kudeatzea, hala nola Klima-aldaketaren eta Energia-trantsizioaren Departamentuarteko Batzordea, Klima-aldaketaren eta Energia-trantsizioaren arloko Politikarako Gizarte Kontseilua, Klima-aldaketaren Nafar Herritar-batzarra.

c) Klima-inpaktuak ebaluatzeko txostenak prestatzea.

d) Klima-aldaketari buruzko Nafarroako ibilbide-orria (KLINa) berrikustea eta haren jarraipena egitea.

e) Gauzatze maila ebaluatzea, Nafarroako klima-aldaketaren arloko neurriei dagokienez.

f) Nafarroako Klima Funtsa kudeatzea.

g) Fiskalitate berdea inplementatzen laguntzea, klima-aldaketaren aurkako borroka helburu, karbono-aztarnarekin koordinaturik.

h) Nafarroan bultzatzea, koordinatzea eta prestatzea estrategia, ekintza-plan eta lan-programetarako proposamenak, klima-aldaketaren arloan, estatuan eta Europar Batasunean harturiko konpromisoak oinarri direla.

i) Proiektuak bultzatzea eta sustatzea klima-aldaketara egokitzeko eta ingurune naturala leheneratzeko.

j) Toki-erakundeei laguntza ematea tokiko neurriak ezar ditzaten.

k) Gizarte osoa kontzientziatu eta informatzeko jarduerak sustatzea eta egitea, bai eta zabalkundekoak ere, klima-aldaketari lotutako alderdi guztiez. Klima-aldaketaren inguruko desinformazioari aurre egitera bideraturik.

l) Gizarte osoarentzat, eta bereziki herritarrentzat, etengabeko komunikazio eta dibulgazio lana egitea, sentsibilizatzera eta egokitze eta arintze neurriak sustatzera bideraturik.

m) Sustatzea enpresek, administrazioek eta beste instituzio nahiz erakunde batzuek parte har dezaten arintze eta egokitze arloko borondatezko programa eta proiektuetan.

n) Klima-aldaketaren arloko berrikuntza sozialeko proiektuei eta negozio eredu berriei laguntzea.

ñ) Parte-hartzea sustatzea klimaren arloko Espainiako, Europar Batasuneko eta nazioarteko batzorde eta sareetan, bai eta beste ordezkaritza-, lankidetza- nahiz erabakitze-organo batzuetan ere.

48. artikulua . Uraren Kalitatearen eta Obra Hidraulikoen Atalaren esparru material eta funtzionala.

Uraren Kalitatearen eta Obra Hidraulikoen Atalak honako eginkizun hauek beteko ditu:

a) Aholkularitza eta laguntza ematea udalerri, erakunde eta entitateei uren esparruan, horiek eskatzen dituztenean; ibai-ingurunea berreskuratzea, leheneratzea edo mantentzea, eta klima-aldaketara egokitzea, bereziki uholdeak prebenitu eta kudeatzeari dagokionez.

b) Urari buruzko 2030 Esparru Estrategia Integratua bultzatzea.

c) Hiri erabilerarako uraren ziklo osoari buruzko Plan Zuzentzailearen jarraipena egitea, ingurumenari dagokionez.

d) Ingurune hidrikoaren plangintza eta kudeaketarako azterlanak eta ikerketak biltzea eta egitea, horiek Plan Zuzentzailearen esparruan sartuak ez badaude.

e) Uholde-arriskuaren gaineko txostenak egitea eta arlo horretako espedienteak izapidetzea.

f) Uholdeen aurkako prebentzio eta babes neurriei buruzko azterlanak eta ikerketak biltzea eta egitea.

g) Jarduketak sustatu, diseinatu eta gauzatzea, ingurune fisikoan klima-aldaketara egokitzeko, barnean direla uholde-arriskua prebenitzeko edo minimizatzekoak, gainerako zerbitzuekin lankidetzan.

h) Ibai-ingurunea berreskuratzeko, leheneratzeko edo mantentzeko obren proiektuak idatzi eta gauzatzea, bereziki Natura 2000 Sareko ibai-inguruneko lekuei dagokienez.

i) Klima-aldaketara egokitzeko jarduketak sustatzea, beste administrazio batzuekin lankidetzan, klima-aldaketak ingurumenean dituen inpaktuak minimizatzeko.

j) Jabari publiko hidraulikoko ur kontzesioen gaineko ingurumen txostenak egitea, Uren Legean xedatutakoari jarraikiz.

k) Kontrol piezometriko eta hidrometrikoko sareak eta uren eta bainuguneen kalitatekoak prestatu, ezarri eta mantentzea.

l) Aldian behin honako hauek aztertzea, konfederazio hidrografikoekin lankidetzan: plubiometriaren bilakaera; zirkulatzen duten emariak, eta nekazaritza, hiri eta industria kontsumoak.

m) Datu hidrologiko eta hidrogeologikoen bankua mantendu eta ustiatzea, eta informazioa ematea.

n) Deialdiak eta laguntzak ematea kudeatzea ibai-ingurunearen gaineko jarduketetarako, bai ibai-ingurunea leheneratzeko, bai uholde-arriskuak gutxitzeko.

ñ) Jarduketak eta proiektuak bultzatzea, klima-aldaketak Nafarroan dituen inpaktuen aurrean egokitzeko gaitasuna hobetzeko, eta egokitzapena politika sektorialetan txertatzeko.

49. artikulua . Airearen Kalitatearen eta Klima Aldaketaren Atalaren esparrua material eta funtzionala.

Airearen Kalitatearen eta Klima Aldaketaren Atalak honako betekizun hauek beteko ditu:

a) Ingurumen atmosferikoaren kalitatea ebaluatzea eta kontrolatzea, atmosferara egiten diren emisioen inbentarioak egitea eta airearen kalitateari buruzko planak eta atmosferaren kutsatzaileen emisioak murrizteko programak idaztea, klima-aldaketaren aurkako borrokaren barnean.

b) Ikuspegi eta kudeaketa integratua sustatzea airearen kutsadurari buruz eta horrek klima-aldaketan duen eraginari buruz; jatorria, prozesuak eta ondorioak.

c) Jarduketak sustatzea I+G+b arloko proiektuetan, klima-aldaketaren aurkako borrokaren esparruan.

d) Berotegi-efektuko gas isurketen salerosketan dauden instalazioak kontrolatzea eta horien jarraipena egitea.

e) Berotegi-efektuko gas isurketen inbentarioaren garapena koordinatzea, hustubideak barne, bai eta isurketa proiekzioen sistemena ere, nazioartean onetsi diren metodologiak oinarri harturik.

f) Europar Batasuneko merkataritza araubidearen arloko eskumenak erabiltzea, berotegi-efektuko gas isurketen gaineko eskubideei dagokienez.

g) Txostena egitea klima-aldaketari eragiten ahal dioten plan eta programetako ingurumen ebaluazio estrategikoetarako prozeduretan.

h) Laguntza ematea toki-erakundeen esparruan aldaketa klimatikora egokitzeko.

i) Komunitate zientifikoaren jarduerak sustatzea honako gai hauetan: klima-aldaketa, klima-sistemaren behaketa, eta eskualdeko ereduen sorrera.

j) Berotegi-efektuko gasen (BEG) emisioak kalkulatzeko metodologien jarraipena egitea.

3. ATALA. EKONOMIA ZIRKULARRAREN ETA BERRIKUNTZAREN ZERBITZUA

50. artikulua . Ekonomia Zirkularraren eta Berrikuntzaren Zerbitzuaren esparru material eta funtzionala.

Ekonomia Zirkularraren eta Berrikuntzaren Zerbitzuak honako eginkizun hauek beteko ditu:

a) Ekonomia zirkularra sustatzea, kutsaduraren, lurzoru kutsatuen eta hondakinen plangintza, kontrola eta prebentzioa eginez.

b) Ingurumenean eragina duten jarduerak baimentzea, ikuskatzea eta kontrolatzea.

c) I+G+b sustatzea Ingurumen Zuzendaritza Nagusiaren esparru guztietan.

d) Jarduketa eta inbertsio publikoak eta pribatuak sustatzea I+G+b arloko proiektuetan, ingurumenaren esparruan.

e) Europako proiektuak sustatzea eta kontrolatzea, eta horien jarraipena egitea, bai eta proiektu berriak definitzea eta prestatzea ere, zuzendaritza nagusiaren lan esparruan.

f) Lurralde-eremuko azpiegiturei loturiko proiektu energetikoak bultzatzea.

g) Zuzendaritza nagusiaren eskumeneko helburuak betetzeko proiektu estrategikoak sustatzea, honako hauetara bideraturik: jarduera propioak dinamizatzea, hala nola baso-baliabidea; Nafarroako baso-baliabideen zentroa dinamizatzea; eremu babestuei loturiko ingurumen azpiegiturak aktibatzea eta dinamizatzea, ingurune naturalaren elementu egituratzaile eta dinamizatzaile gisa.

h) Zerbitzuaren eskumeneko gaietan parte hartzen duten administrazio unitate guztiak koordinatzea, eta jarraibide eta gidalerro teknikoak ezartzea eskumen horiek inplementatzeko eta horien jarraipena egiteko.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

51. artikulua . Ekonomia Zirkularraren eta Berrikuntzaren Zerbitzuaren egitura.

Ekonomia Zirkularraren eta Berrikuntzaren Zerbitzuak atal hauek ditu bere egituran:

a) Kutsaduraren aurkako Prebentzio Atala.

b) Ingurumen Ikuskapenen Atala.

c) Hondakinen Atala.

d) Berrikuntzaren eta Europako Proiektuen Atala.

52. artikulua . Kutsaduraren aurkako Prebentzio Atalaren esparru material eta funtzionala.

Kutsaduraren aurkako Prebentzio Atalak, ingurumen prebentzioaren esparruan, honako eginkizun hauek beteko ditu:

a) Ingurumen-baimen integratua eta ingurumen-baimen bateratua emateko espedienteei buruzko txostenak egitea eta espediente horiek kontrolatzea eta izapidetzea, Ingurumenean Eragina duten Jarduerak arautzen dituen abenduaren 16ko 17/2020 Foru Legean ezarritakoari jarraikiz, barnean dela Ingurumen Erantzukizunari buruzko urriaren 23ko 26/2007 Legeak ezarritako neurri eta berme finantzarioak eskatzea.

b) Toki-erakundeei aholkularitza teknikoa ematea, ingurumenean eragina duten jardueren gaineko araudiaz.

c) Ingurumen-txostenak egitea ingurumen-ebaluazio estrategikoko plan eta programen administrazio prozeduretan, bai eta ingurumen-inpaktuaren ebaluazioari buruzko txostenak ere, horiek guztiak kutsadura murriztearen esparruan.

d) Jarraibideak, irizpideak eta arau proposamenak ematea, aipaturiko 17/2020 Foru Legean eta aplikatu beharreko beste arau batzuetan jasotzen diren jarduerei buruz.

e) Jabari publiko hidraulikora egiten diren isurketen gaineko ingurumen-txostenak egitea, Uren Legean eta dagokion foru araudian xedatutakoari jarraikiz.

f) Zaratari buruzko mapa estrategikoak eta zarataren aurkako ekintza planak egitea Iruñerriko hiri-multzoaren eremuan, Inguruneko zarataren ebaluazioari eta kudeaketari buruzko 2002ko ekainaren 25eko 2002/49/EE Zuzentaraua aplikatuz.

53. artikulua . Ingurumen Ikuskapenen Atalaren esparru material eta funtzionala.

Ingurumen Ikuskapenen Atalak honako eginkizun hauek beteko ditu:

a) Ingurumen ikuskapenerako planak eta programak prestatzea eta gauzatzea, ingurumen-baimen integratua eta ingurumen-baimen bateratua behar duten industria jarduerei dagokienez.

b) Industria jarduerak kontrolatu eta ikuskatzea honako hauei dagokienez: atmosferarako emisioak, efluente likidoen isurketak, hondakinen sorrera eta kudeaketa, eta zarata eta bibrazioen emisioa.

c) Ingurumen ikuskapeneko lanetarako egiaztapena duten kontrol organoak kontrolatu eta zaintzea.

d) Ingurumen ikuskapenaren arloan eskumenak dituzten agintariekin koordinatzea.

e) Igorpen eta Jatorri Kutsagarrien Nafarroako Erregistroa (PRTR) kudeatzea eta mantentzea, Estatuko Administrazioarekin koordinaturik.

f) Ingurumen arloko kudeaketa eta auditoriarako Europar Batasuneko sistemaren (EMAS) erregistroa mantentzea.

g) Europar Batasuneko etiketa ekologikoa erabiltzeko baimentzen duen erakunde eskuduna izatea Nafarroan, eta Europako Parlamentuaren eta Kontseiluaren 2009ko azaroaren 25eko 66/2010 (EE) Erregelamenduak eta aplikatu beharreko gainerako arauek esleitzen dizkioten gainerako eginkizunak betetzea.

54. artikulua . Hondakinen Atalaren esparru material eta funtzionala.

Hondakinen Atalak honako eginkizun hauek beteko ditu:

a) Hondakinen Prebentziorako eta Ekonomia Zirkularra Sustatzeko Bulegoa kudeatzea.

b) Nafarroako Hondakinen Plana prestatzea, berrikustea eta haren jarraipena egitea.

c) Nafarroako Hondakinen Funtsa kudeatzea, bai eta hondakinen arloko beste funts batzuk ere.

d) Txostenak egitea eta espedienteak izapidetzea, eta haien jarraipena egitea, hondakin-sortzailearen erantzukizun zabalduko sistemen baimen edo komunikazioari dagokionez, bai eta haietako bakoitzarekin sinatzen diren hitzarmenei dagokienez ere.

e) Txostenak egitea hondakinak sortzeko eta kudeatzeko baimena emateko espedienteen gainean, eta espediente horiek izapidetzea.

f) Prebentzioko eta aplikatutako ontzien ekodiseinuko enpresa-planen emaitzak berrikustea, bai eta hondakin arriskutsuak minimizatzeko planen emaitzak ere.

g) Hondakinak garraiatzeko espedienteen gaineko txostenak egitea eta espediente horiek kontrolatu eta tramitatzea.

h) Nafarroako Hondakinen Sortzaileen eta Kudeatzaileen Erregistroa kontrolatu eta mantentzea, eta haren ingurumen jarraipena egitea.

i) Lurzoruak kutsatzen ahal dituzten jardueren kontrola eta jarraipena egitea.

j) Lur kutsatuen adierazpena eta lur horiek ingurumenaren aldetik leheneratzeko proiektuen onespena proposatzea.

k) Lur kutsatuak leheneratzeko proiektuak abian jartzea.

l) Nafarroan Ekonomia Zirkularra garatzeko Agenda prestatzea, berrikustea eta haren jarraipena egitea.

m) Nafarroako produktu eta zerbitzuen karbono-aztarnaren erregistroa kudeatzea, Ekonomia Zirkularraren Agendarekin loturik, eta Klima-aldaketari buruzko Foru Legean ezarritako zehaztapenei jarraikiz.

n) Nafarroan ekonomia zirkularra bultzatzeko dibulgazio eta sentsibilizazio lana egitea.

55. artikulua . Berrikuntzaren eta Europako Proiektuen Atalaren esparru material eta funtzionala.

Berrikuntzaren eta Europako Proiektuen Atalak, I+G+b sustatzeko, Europako finantzaketa duten proiektuetan parte hartzeko eta ingurumen jasangarritasuneko ekimenetan toki-erakundeekin lankidetzan aritzeko esparruan, honako eginkizun hauek beteko ditu:

a) Lehentasuneko ildoak eta proiektuetarako aukerak identifikatzea, zuzendaritza nagusiari dagozkion gaietan.

b) Proposamenak definitu eta prestatzea eta proiektuak dinamizatzea zuzendaritza nagusiaren arlo estrategikoetan baliabideak bereganatzeko.

c) Baliabide publikoak kudeatzea zuzendaritza nagusiak sustatutako proiektuen finantzaketarako.

d) Zuzendaritza nagusia eta hari atxikitako entitate publikoak partaide dituzten Europako proiektuen jarraipena eta kontrola egitea.

e) Beste departamentu batzuekin eta zentro teknologiko eta enpresekin koordinatzea, Europako proiektuetan parte hartzea sustatzeko.

f) Zuzendaritza nagusiaren intereseko eta jardun eremuko arloetan Espainian eta nazioartean dauden sareetan parte hartzea eta haien jarraipena egitea.

g) Ingurumen arloko I+G+b sustatzea.

h) Europako seihilekoen jarraipena egitea, parte hartuz zuzendaritza nagusiaren intereseko gaietan ministerioei laguntzeko eratzen diren autonomia erkidegoen batzordeetan.

i) Ingurumen arloko diagnostikoetan, auditoretzetan eta neurrietan laguntzea, tokiko jasangarritasuna hobetzeko.

j) Laguntza ematea Agenda 21 Tokiko Jasangarritasunerako Ekintza Planak eta Klimaren eta Energia Jasangarriaren aldeko Ekintza Planak (PACES) prestatu eta garatzeko.

k) Jasangarritasun neurriak proposatzea departamentuaren instalazio, ekipamendu eta ekintzetarako, halako neurrien erreferente rola indartzeko gizartearen aurrean.

4. ATALA. BIODIBERTSITATEAREN ETA ARRANTZA KUDEAKETAREN ZERBITZUA

56. artikulua . Biodibertsitatearen eta Arrantza Kudeaketaren Zerbitzuaren esparru material eta funtzionala.

Biodibertsitatearen eta Arrantza Kudeaketaren Zerbitzuak honako eginkizun hauek beteko ditu:

a) Naturaguneak, habitatak eta espezie basatiak kontserbatzea.

b) Arrantza kudeatzea.

c) Konektagarritasun ekologikoa hobetzea, azpiegitura berdea garatuz.

d) Ingurumen-ebaluazioa.

e) Zerbitzuaren eskumeneko gaietan parte hartzen duten administrazio unitate guztiak koordinatzea, eta jarraibide eta gidalerro teknikoak ezartzea eskumen horiek inplementatzeko eta horien jarraipena egiteko.

f) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

57. artikulua . Biodibertsitatearen eta Arrantza Kudeaketaren Zerbitzuaren egitura.

Biodibertsitatearen eta Arrantza Kudeaketaren Zerbitzuak honako atal hauek ditu bere egituran:

a) Naturaguneen eta Espezie Babestuen Atala.

b) Ingurumen Ebaluaziorako Atala.

c) Arrantza Kudeaketarako Atala.

58. artikulua . Naturaguneen eta Espezie Babestuen Atalaren esparru material eta funtzionala.

Naturaguneen eta Espezie Babestuen Atalak honako eginkizun hauek beteko ditu:

a) Nafarroako Naturaguneen Sarea kudeatzea, eta, bereziki, Natura 2000 Sarea.

b) Naturagune deklaratzeko proposamenak eta naturaguneak aldatzeko proposamenak egitea, bai eta haiek planifikatzeko tresnak prestatu eta berrikustea ere, Natura 2000 Sareko lekuak barne.

c) Nafarroako Gobernuko edo beste administrazio batzuetako administrazio unitateek aipatu planak betetzen dituztela begiratzea, neurriak aplikatzeko eta arauak eta jarraibideak betetzeko arduradunak direnean, bakoitzaren eskumenen arabera.

d) Foru Administrazioak kudeatu beharreko naturagune babestuak administratzea, alde batera utzi gabe kudeaketa horretan beste administrazio unitate batzuek parte hartzea, bakoitzaren eskumenen arabera. Nafarroako Baso Ondareko lurretan dauden naturagune babestuen kasuan, behar den prozedura ezarriko da Basoen eta Ehiza Kudeaketarako Zerbitzuarekin batera, egoki kudeatzeko.

e) Naturaguneen kudeaketa arautuko duten kontserbazio irizpideak ezartzea, eta bermatzea guneen kudeatzaileek ere hartzen dituztela aintzat irizpide horiek.

f) Azpiegitura berdea garatzea, konektagarritasun ekologikoa hobetuz.

g) Basaflorako eta basafaunako espezieen populazioei eta habitat naturalei buruzko azterlanak, zentsuak eta, oro har, jarraipena egitea, eta dagozkien datu-baseak -kartografikoak zein alfanumerikoak- sortu, mantendu eta ustiatzea.

h) Espezie mehatxatuak eta kontserbazio egoera txarrean dauden habitat naturalak babestu eta leheneratzeko behar diren planak egitea, eta ezartzen diren neurriak betetzen direla bermatzea.

i) Espezie exotikoen gaineko prebentzio eta kontrolerako planak prestatzea, ezartzen diren neurriak betetzen direla bermatzea, eta herritarrak sentsibilizatzea espezie horiek sortzen dituzten arazoez.

j) Planak berrikustea, klima-aldaketak etorkizunean izanen dituen inpaktuak kontuan hartuz, eta horien egokitzapena. Horretarako identifikatuko dira bereziki kalteberak diren espezie eta habitatak, helburuak, ekintzak eta aurreratze eta betetze adierazleak, bai eta konektagarritasun planak beste espezie babestu batzuekin.

k) Habitatak eta espezie basatiak babesteko nekazaritza eta ingurumen arloko laguntzak diseinatzea, horien kudeaketaren ardura duten unitateekin batera.

l) Habitatak berreskuratzeko, leheneratzeko edo mantentzeko neurriak gauzatzea, bai eta espezie babestuekiko bizikidetzan lagundu dezaketen jarduketak ere.

m) Naturaguneetako erabilerei eta jarduerei buruzko informazioa ematea, nahitaezkoa dena naturagune babestuetan, eta aukerakoa Natura 2000 Sareko lekuetan.

n) Naturaguneetan erabilerak mugatzearen ondorioz bidezkoak diren kalte-ordainak izapidetzea, bai eta, Ingurumenaren Araubide Juridikoaren Atalarekin koordinaturik, espezie basatiek sortutako kalteen ondoriozkoak ere.

ñ) Basafauna eta basaflorako espezieak ukitu ditzaketen jardueretan, nahitaezko txostenak eta baimenak ematea eta jarduera horien jarraipena egitea, eta Nafarroan animalia basatiak harrapatzeko bitarteko eta metodoak kontrolatzea.

o) Foru Administrazioak dituen basafauna sendatzeko zentroak kudeatzea.

p) Parke zoologikoetan dagoen basafauna babesteari buruzko eskumenak erabiltzea. Martxoaren 1eko 108/2004 Foru Dekretuan ezarri ziren aipatu eskumenak.

q) Ex-situ eta germoplasma-bankuetan dagoen material genetikoa kontrolatzea.

r) Txostenak egitea Estatuko Administrazio Orokorrarentzat, eta parte hartzea naturaguneen, habitaten eta espezie basatien arloan dauden batzorde eta lantalde teknikoetan.

59. artikulua . Ingurumen Ebaluaziorako Atalaren esparru material eta funtzionala.

Ingurumen Ebaluaziorako Atalak honako eginkizun hauek beteko ditu:

a) Indarreko legedian jasotako plan eta programen gaineko ingurumen-ebaluazio estrategiko arrunt eta sinplifikatuko prozedurak izapidetzea eta haiei buruzko txostenak egitea.

b) Proiektuen gaineko ingurumen-inpaktuaren ebaluazio arrunt eta sinplifikatuko espedienteak izapidetzea eta haiei buruzko txostenak egitea, ingurumenaren arloan indarrean dagoen legediaren arabera.

c) Txostenak egitea, administrazio publiko ukitu gisa, ingurumen-ebaluazio estrategikoko eta ingurumen-inpaktuaren ebaluazioko prozeduretan, ingurumen organoa Estatua edo autonomia erkidego mugakide bat denean.

d) Ingurumen ukipenen ebaluazio espedienteak izapidetzea eta haien gaineko txostenak egitea, Ingurumenean Eragina duten Jarduerak arautzen dituen abenduaren 16ko 17/2020 Foru Legean ezarritakoari jarraikiz.

e) Dirulaguntzen eta laguntzen espedienteak izapidetzea ingurumen-inpaktua prebenitzeko eta zuzentzeko inbertsioetarako.

f) Txostenak egitea espedienteen ingurumen-izapidetzeari buruzko kontsultetarako (partikularrak, udalak, Parlamentua, Arartekoa, ministerioa eta abar).

g) Jarraibideak prestatzea ingurumen-ebaluazioa behar duen jarduera mota bakoitza ezartzeko, indarreko legediarekin bat.

h) Aholku ematea eta ebaztea udal, profesional eta partikularrek honako hauei buruz egiten dituzten kontsulten gainean: batetik, ingurumen-azterketa estrategikoen edo ingurumen-inpaktuaren azterketen irispideari buruz, eta, bestetik, ingurumen-ebaluazioaren arloan indarrean dagoen legediaren mendeko plan eta proiektuak izapidetzean eskatzen diren ingurumen baldintzei buruz.

i) Arlo honetan indarrean dagoen legediaren arabera ingurumen-ebaluazioa behar duten plan, programa eta proiektuen jarraipena egitea, legediak ingurumen organoari esleitzen dion bezala. Neurri zuzentzaileen eraginkortasunaren jarraipena egitea. Ingurumen organoari laguntzea hari dagozkion jarraipen lanetan.

j) Ingurumen organoarekin lankidetzan aritzea ingurumen jarraipenerako batzordeetan, proiektu handien kasuan edo Nafarroako Foru Komunitatean garatzen diren proiektu estrategikoen kasuan.

k) Hitzarmenak prestatu, proposatu eta koordinatzea ingurune naturalean ondorioak dituzten jarduerak zuzentzeko.

l) Konektagarritasun ekologikoa eta azpiegitura berdearen garapena sartzea arloko indarreko legediaren mende dauden ingurumen-ebaluazioko prozeduretan.

60. artikulua . Arrantza Kudeaketarako Atalaren esparru material eta funtzionala.

Arrantza Kudeaketarako Atalak honako eginkizun hauek beteko ditu:

a) Aholkularitza eta laguntza ematea ibaiak leheneratzeari buruz.

b) Txostenak ematea ibai-ekosistemei buruz.

c) Txostenak ematea konfederazio hidrografikoek eskatzen dituzten espedienteei buruz, obren inguruan eta ibaietako biodibertsitatea leheneratzearen eta mantentzearen inguruan.

d) Txostenak ematea erretenak, isurbideak, idoiak eta horrelakoak garbitzeari buruz, horiek jatorriz naturalak zein artifizialak izan.

e) Azterlanak eta jarduketak egitea ibaietako biodibertsitateari buruz, bereziki honako hauei dagokienez: Natura 2000 Sareko ibai-inguruneko lekuak, naturagune babestuak, eta ibai-inguruneko espezie mehatxatuak leheneratzeko planak eta kontserbatzeko planak.

f) Proposamenak egitea habitatak eta ibai-espezieak leheneratzeko obretarako, bereziki Natura 2000ko lekuetan.

g) Neurriak definitzea ibai-inguruneko espezie babestuak leheneratzeko planetarako.

h) Arrantzaren plangintza integrala Nafarroan.

i) Arrain-faunaren populazioen kudeaketa eta plangintza jasangarria, populazio sedentarioak zein migratzaileak izan.

j) Ibai-inguruneko espezie exotiko inbaditzaileak kontrolatu eta desagerrarazteko neurriak aplikatzea.

k) Arrantza antolatzeko planak prestatu eta aplikatzea.

l) Arrantza kudeatzeko aholkularitza teknikoa.

m) Proposamenak prestatzea arrantza-debekualdiei buruzko xedapenetarako.

n) Arrantza-lizentziak eta arloko administrazio-baimenak kudeatzea.

ñ) Foru Administrazioaren titulartasuneko arrain-haztegiak kontrolatzea, bai eta arrain-espezieen birpopulatzeak ere, eta horien jarraipena egitea.

5. ATALA. BASOEN ETA EHIZA KUDEAKETAREN ZERBITZUA

61. artikulua . Basoen eta Ehiza Kudeaketaren Zerbitzuaren esparru material eta funtzionala.

Basoen eta Ehiza Kudeaketaren Zerbitzuak honako eginkizun hauek beteko ditu:

a) Mendiak babestu eta hobetzea.

b) Baso-plangintza.

c) Zura eta baso biomasa mobilizatzea eta horien erabilera sustatzea.

d) Laguntza teknikoa ematea suteak itzaltzeko lanen arduradunei, hala eskatzen dutenean.

e) Basogintza-sektoreari laguntzea.

f) Zerbitzuaren eskumeneko gaietan parte hartzen duten administrazio unitate guztiak koordinatzea, eta jarraibide eta gidalerro teknikoak ezartzea eskumen horiek inplementatzeko eta horien jarraipena egiteko.

g) Ehizaren kudeaketa.

h) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

62. artikulua . Basoen eta Ehiza Kudeaketaren Zerbitzuaren egitura.

Basoen eta Ehiza Kudeaketaren Zerbitzuak honako atal hauek ditu bere egituran:

a) Basoak Kudeatzeko Atala.

b) Baso Plangintzarako Atala.

c) Ehiza Kudeaketarako Atala.

63. artikulua . Basoak Kudeatzeko Atalaren esparru material eta funtzionala.

Basoak Kudeatzeko Atalak, basoen esparruan, honako eginkizun hauek beteko ditu:

a) Antolatuak dauden mendiak aprobetxatu eta hobetzeko urteko planak prestatu eta onestea, eta haien jarraipena egitea.

b) Antolatuak ez dauden mendietan, hala herri-mendietan nola partikularretan, mozketak egiteko baimenak prestatu eta onestea, eta haien jarraipena egitea.

c) Mendiak antolatzeko proiektuak, horien berrikuspenak eta basoak kudeatzeko plan teknikoak prestatzea, eta haien jarraipena egitea.

d) Txostenak egitea okupazioak, desafektazioak eta mendi katalogatuak ukitzen dituzten ekintza guztiak baimentzeko espedienteen gainean.

e) Nahitaezko txostenak egitea baso lurrak ukitzen dituzten era guztietako jarduketen, laguntza deialdien, planen eta proiektuen gainean, barnean direla Natura 2000ko kudeaketa planetan eta horien berrikuspenetan ezarritako neurriak.

f) Baso-suteak prebenitzeko behar diren ekintzak planifikatzea eta gauzatzea, eta izurriek eta beste hondamendi batzuek jotako baso eremuak leheneratzeko lanak egitea.

g) Nafarroako Baso Ondareko finkak kudeatzea, zerbitzuak agintzen dizkion jarduketetan. Eremu babestuko deklarazioa duten Nafarroako Baso Ondareko finketan, behar den prozedura ezarriko da Biodibertsitatearen eta Arrantza Kudeaketaren Zerbitzuarekin batera, egoki kudeatzeko.

h) Zerbitzuak eskumenekoak dituen laguntzetarako deialdien txostenak eta horien jarraipen teknikoa egitea.

i) Behar diren neurriak gauzatzea ibaiak eta basoak leheneratzeko, bai eta mendiak mantendu, hobetu eta modu jasangarrian erabiltzeko ere.

j) Natura-monumentu deklaratutako zuhaitz apartekoak kontserbatzea.

k) Bere eskumenen esparruan, espezie basatiak, habitatak eta naturagune babestuak babestu, zaindu eta kudeatzeko planetan jasotzen diren neurriak gauzatzea.

l) Beste unitate batzuei laguntzea ingurumen hezkuntzarekin loturiko jarduketetan, zerbitzuak hala agintzen dizkionean.

m) Laguntza ematea baso-ziurtapenera bideratutako lanetan.

n) Jarduketa eta inbertsio publikoak eta pribatuak sustatzea, karbono-hustubideak babestu eta hobetzeko, eta klima-aldaketara egokitzeko.

ñ) Aholkularitza teknikoa ematea ehiza jarduera kudeatzeari dagokionez, eta laguntzea Nafarroan ehiza lurralde-mailan planifikatzeko proposamenetan.

o) Kudeaketa tekniko eta administratiboa ehiza antolatzeko planen esparruan.

p) Ehiza barrutiak eratu eta aldatzeko espedienteak izapidetzea.

q) Ehiza antolatzeko planak onetsi eta aldatzeko espedienteak izapidetzea.

64. artikulua . Baso Plangintzarako Atalaren esparru material eta funtzionala.

Baso Plangintzarako Atalak honako eginkizun hauek beteko ditu:

a) Basoetako gaixotasun eta izurrien jarraipena eta kontrola egitea.

b) Ekintzak eta proiektuak garatzea basoei buruzko ikerketa eta esperimentaziorako.

c) Basoei buruzko estatistika egitea.

d) Aldizkako deialdiak prestatzea zerbitzuak izapidetzen dituen laguntzetarako.

e) Deialdiak prestatzea Europar Batasuneko programa kofinantzatuetan sartzen diren eta zerbitzuak izapidetzen dituen laguntzetarako, eta aipatu programen jarraipena egitea zerbitzuak kudeatutako neurriak jasotzen dituztenean.

f) Dirulaguntza kanpaina horietako espedienteen kudeaketa administratiboa.

g) Honako hauekin loturiko ekintzak: irizpide teknikoak ezartzea; basoen plangintza estrategikoa; eta, bereziki, zuraren eta baso biomasaren erabilera sustatzea.

h) Mendi babesleen eta onura publikokoen katalogoak mantentzea.

i) Baso industriarentzako laguntzen deialdiak gauzatzea eta horien jarraipena egitea.

j) Nafarroako Baso Ondareko finketan, esperimentazioa egitea baso aprobetxamendu nagusien eta bigarren mailakoen gainean, bai eta horiek bultzatu eta indartzea ere, zerbitzuak agintzen dizkion jarduketetan. Eremu babestuko deklarazioa duten Nafarroako Baso Ondareko finketan, behar den prozedura ezarriko da Biodibertsitatearen Zerbitzuarekin batera, egoki kudeatzeko.

k) Honako hauetarako parte hartzea eta koordinatzea: basoen esparruko landa garapeneko programazioa prestatzea; basoen esparruko arau-aldaketak, eta baso estrategia garatzea eta bultzatzea, Ekonomia Zirkularraren eta Berrikuntzaren Zerbitzuarekin lankidetzan.

l) Zurari buruzko EUTR Erregelamendua gauzatzea, ikuskapen sistema bat ezarririk, legez kontrako zurik ez merkaturatzea bermatzeko.

m) Lankidetza harremanak ezartzea unibertsitateekin eta ikerketa zentroekin, zuzendaritza nagusiaren lan arloetan.

n) Modernizatu eta sinplifikatzeko ekintzak abian jartzea zerbitzuaren prozeduretan. Barnean sartzen dira loturik daudenak zerbitzuaren jarduketak georreferentziatzeko tresnen aplikazioarekin.

ñ) Basogintzako elkarteei buruzko espedienteak kudeatzea eta horiekin solaskidetzan jardutea.

o) Basogintzako mantentze-lanetako jarduketak gauzatzea Donejakue bidean.

65. artikulua . Ehiza Kudeaketarako Atalaren esparru material eta funtzionala.

Ehiza Kudeaketarako Atalak honako eginkizun hauek beteko ditu:

a) Ehizaren plangintza integrala Nafarroan.

b) Ehiza faunaren populazioak kontrolatzea eta haien jarraipena egitea.

c) Ehiza jarduera kudeatzeko aholkularitza teknikoa.

d) Proposamenak prestatzea ehiza-debekualdiei buruzko eta harrapatu eta merkaturatu daitezkeen animalia espezieei buruzko xedapenetarako.

e) Ehiza-lizentziak kudeatzea.

f) Administrazio-baimenak kudeatzea ehizaren esparruan.

g) Ehizaren arloko laguntzak diseinatu eta kudeatzea.

h) Txostenak egitea Trantsizio Ekologikorako eta Erronka Demografikorako Ministerioak edo beste erakunde batzuek ehizari buruz edo ehiza-espeziei buruz eginiko eskaeren gainean.

i) Lankidetzan aritzea unibertsitateekin, ikerketa zentroekin eta bestelako entitateekin, ehizaren arloko proiektu edo azterlan pilotuetan.

j) Ehizazainen akreditazioa ematea Nafarroan.

k) Ehiza-hegaztien erregistroa kudeatzea.

l) Ehiza-trofeoak homologatzea.

m) Epizootia eta zoonosi kasuetan, horietaz arduratzen diren beste erakunde batzuekin koordinaturik parte hartzea.

6. ATALA. INGURUMEN HEZKUNTZAREN, KALITATEAREN ETA ZAINTZAREN ZERBITZUA

66. artikulua . Ingurumen Hezkuntzaren, Kalitatearen eta Zaintzaren Zerbitzuaren esparru material eta funtzionala.

Ingurumen Hezkuntzaren, Kalitatearen eta Zaintzaren Zerbitzuak honako eginkizun hauek beteko ditu:

a) Basozainak-Ingurumena Zaintzeko Taldeko langileen araubide berariazkoa arautzen duen urtarrilaren 30eko 7/2019 Foru Dekretuan ezarritako eginkizunak.

b) Barne prozesuak aztertzea eta oinarrizko prozeduren mapa prestatzen laguntzea, Europar Batasunak eskatzen duen elkarreragingarritasuna lortzearren.

c) Departamentuko unitateei laguntza ematea eta unitate horiek koordinatzea izapideak modernizatzeko, arintzeko eta sinplifikatzeko, betiere herritarrentzako arretan eragimena handitzeko asmoz.

d) Prozesu bakoitzeko kalitate adierazleen ezarpena garatzea, bai eta gogobetetasun inkestak, barne kalitatea hobetzeko planak, kalitatea kudeatzeko sistema estandarizatuak eta politika eta eredu korporatiboekin lerrokatutako sinplifikazio administratiborako sistemak ere.

e) Barne autoebaluaziorako metodoak ezartzea prozesuen mapan, Politika Publikoak eta Zerbitzu Publikoen Kalitatea Ebaluatzeari buruzko abenduaren 29ko 21/2005 Foru Legeari dagokionez.

f) Barne koordinazioa eta dinamizazioa, kalitate prozesuak bultzatzen direla bermatzeko.

g) Ingurumen Zuzendaritza Nagusiaren prestakuntza ekintzak prestatu eta haien jarraipena egitea.

h) Departamentuaren ordezkari izatea eta SOS zentroarekin eta segurtasun indar eta kidegoekin koordinatzea.

i) Sustatzea ingurumenaren arloko heziketarako, prestakuntzarako, boluntariotzarako eta herritarren zientziarako ekintzak.

j) Jasangarritasunerako Ingurumen Hezkuntzaren Nafarroako Estrategia-ENEAS 2030 inplementatzea.

k) ENEAS 2030 estrategiaren jarraipena eta behar lukeen berrikuspena egitea.

l) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

67. artikulua . Ingurumen Hezkuntzaren, Kalitatearen eta Zaintzaren Zerbitzuaren egitura.

Ingurumen Hezkuntzaren, Kalitatearen eta Zaintzaren Zerbitzuak atal hau du bere egituran:

- Ingurumena Zaintzeko Atala.

68. artikulua . Ingurumena Zaintzeko Atalaren esparru material eta funtzionala:

Ingurumena Zaintzeko Atalak honako eginkizun hauek beteko ditu:

a) Basozainak-Ingurumena Zaintzeko Taldeko langileen araubidea berariazkoa arautzen duen urtarrilaren 30eko 7/2019 Foru Dekretuak zaintzaren, ikuskapenaren, ikerketaren eta kudeaketaren arloetan Basozainak-Ingurumena Zaintzeko Taldeari esleitutako eginkizunak kudeatzea.

b) Barrutietako koordinazio unitateak antolatzea, egutegiak prestatuz.

c) Koordinatzea Ingurumen Zuzendaritza Nagusiko gainerako atalekin.

d) Informazioa bideratzea barrutien eta zerbitzuko zuzendaritzaren artean.

e) Basozainak-Ingurumena Zaintzeko Taldeko langileen eskaerak aztertzea.

f) Honako arlo hauei buruzko proposamenak jasotzea eta zerbitzuko zuzendaritzari aurkeztea: jarduketa-protokoloak, arropa erostea, ibilgailuak eta materiala, lan arlo jakin batzuetarako lantalde espezializatuak, beste unitate batzuekiko harremanak eta Basozainak-Ingurumena Zaintzeko Taldearentzat interes orokorrekoa den beste edozein afera.

g) Zerbitzuko zuzendaritzari proposamenak egitea lantalde espezializatuei buruz eta prestakuntza planari buruz, zerbitzuko zuzendaritzak azter eta balora ditzan.

h) Lan arriskuen prebentzio planen jarraipena eta gauzatzearen kontrola.

i) Basozainak-Ingurumena Zaintzeko Taldeko instalazioen mantentze-lana: Miluzeko finka eta eskualdeetako bulegoak.

V. KAPITULUA. IDAZKARITZA TEKNIKO NAGUSIA

69. artikulua . Idazkaritza Tekniko Nagusiaren egitura.

Idazkaritza Tekniko Nagusiak atal hauek ditu bere egituran:

a) Landa Garapenaren, Nekazaritzaren eta Abeltzaintzaren Araubide Juridikoaren Atala.

b) Ingurumenaren Araubide Juridikoaren Atala.

c) Gai Administratiboak eta Baliabideak Kudeatzeko Atala.

d) Langileriaren eta Herritarrei Arreta emateko Atala.

e) Aurrekontuen Kudeaketarako Atala.

f) Informatika Kudeatzeko Atala.

g) Landa eta Ingurumen Estatistikaren eta Informazioaren Atala.

70. artikulua . Landa Garapenaren, Nekazaritzaren eta Abeltzaintzaren Araubide Juridikoaren Atalaren esparru material eta funtzionala.

Landa Garapenaren, Nekazaritzaren eta Abeltzaintzaren Araubide Juridikoaren Atalak, landa garapenaren, nekazaritzaren eta abeltzaintzaren esparruan, honako eginkizun hauek beteko ditu:

a) Laguntza juridikoa ematea foru legeen aurreproiektuak eta xedapen orokorren proiektuak egiteko eta izapidetzeko.

b) Administrazio-errekurtsoak ebazteko txostena eta proposamena egitea.

c) Landa garapen, nekazaritza eta abeltzaintzari buruzko legeria aplikaturik Nafarroako Foru Komunitateko Administrazioari ondarearen gaineko erantzukizunaz eskatzen ahal zaizkion erreklamazioak izapidetzea eta horien gaineko ebazpenak proposatzea.

d) Araudia biltzea eta mantentzea.

e) Espedienteak prestatu eta berrikustea, organo jurisdikzionalei igortzeko.

f) Gainbegiratzea eta bidaltzea Nafarroako Kontseiluaren irizpena behar duten espedienteak.

g) Zehapen espedienteak instruitzea eta haien jarraipena egitea, eta zigor jurisdikzioarekin koordinazioa izatea.

h) Laguntza juridikoa ematea Nafarroako Landa Garapenerako Programa eta NPE 2023-2027 plan estrategikoko esku hartzeak gauzatzeko, bai eta Erakunde Ordaintzailearen Zuzendaritzari laguntza juridikoa ematea ere.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

71. artikulua . Ingurumenaren Araubide Juridikoaren Atalaren esparru material eta funtzionala.

Ingurumenaren Araubide Juridikoaren Atalak, ingurumenaren esparruan, honako eginkizun hauek beteko ditu:

a) Laguntza juridikoa ematea foru legeen aurreproiektuak eta xedapen orokorren proiektuak egiteko eta izapidetzeko.

b) Administrazio-errekurtsoak ebazteko txostena eta proposamena egitea.

c) Ingurumenari buruzko legeriak aplikaturik Nafarroako Foru Komunitateko Administrazioari ondarearen gaineko erantzukizunaz eskatzen ahal zaizkion erreklamazioak izapidetzea eta horien gaineko ebazpenak proposatzea.

d) Araudia biltzea eta mantentzea.

e) Espedienteak prestatu eta berrikustea, organo jurisdikzionalei igortzeko.

f) Gainbegiratzea eta bidaltzea Nafarroako Kontseiluaren irizpena behar duten espedienteak.

g) Zehapen espedienteak instruitzea eta haien jarraipena egitea, eta zigor jurisdikzioarekin koordinazioa izatea.

h) Laguntza juridikoa ematea Nafarroako Landa Garapenerako Programa eta NPE 2023-2027 plan estrategikoko esku hartzeak gauzatzeko, bai eta Erakunde Ordaintzailearen Zuzendaritzari laguntza juridikoa ematea ere.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

72. artikulua . Gai Administratiboak eta Baliabideak Kudeatzeko Atalaren esparru material eta funtzionala.

Gai Administratiboak eta Baliabideak Kudeatzeko Atalak honako eginkizun hauek beteko ditu:

a) Foru aginduen, ebazpenen eta departamentuaren akordioen administrazio-kudeaketa egitea.

b) Erakunde-harremanen ondoriozko jarduketen administrazio-kudeaketa egitea.

c) Plangintza eta ebaluazioa koordinatzea departamentuaren zerbitzuetako prebentzio arloko jardueretarako.

d) Koordinatzea departamentuaren jardueren plangintza eta ebaluazioa, irisgarritasun unibertsalaren arloan.

e) Aholku ematea genero ikuspegiaren zeharkakotasuna aplikatzeko departamentuko jardueraren plangintzan, kudeaketan eta ebaluazioan.

f) Kudeatzea departamentuaren eraikin eta instalazioen mantentze-lanak eta hornikuntza, eta kudeatzea eraikinari atxikitako finkak.

g) Ibilgailu parkearekin koordinazioa izatea eta kudeaketa lanak egitea departamenturako ibilgailuak erosteko.

h) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

73. artikulua . Langileriaren eta Herritarrei Arreta emateko Atalaren esparru material eta funtzionala.

Langileriaren eta Herritarrei Arreta emateko Atalak honako eginkizun hauek beteko ditu:

a) Giza baliabideen kudeaketa.

b) Erregistroa eta herritar, enpresa eta entitateentzako arreta.

c) Barruti-bulegoen sarea kudeatzea.

d) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

74. artikulua . Aurrekontuen Kudeaketarako Atalaren esparru material eta funtzionala.

Aurrekontuen Kudeaketarako Atalak eginkizun hauek beteko ditu:

a) Izapidetzea departamentuaren aurrekontuen aurreproiektua.

b) Departamentuko gastuen eta diru-sarreren espedienteen kontabilizazioa egitea.

c) Aurrekontuko aldaketak izapidetzea.

d) Departamentuko Kontabilitate Zentroa kudeatzea.

e) Departamentuko aurrekontu betearazpenari buruzko informazioa prestatzea.

f) Ordaintzeko eta justifikatu beharreko aginduak zein kutxa finkoko aurrerakinen kontuak kudeatzea, justifikatzea eta haien jarraipena egitea.

g) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

75. artikulua . Informatika Kudeatzeko Atalaren esparru material eta funtzionala.

Informatika Kudeatzeko Atalak honako eginkizun hauek beteko ditu:

a) Biltzea, identifikatzea, definitzea eta lehenestea departamentuko administrazio unitateetako erabiltzaileen eskaerak, beharrak eta gorabehera informatikoak. Horretarako, dagokion zuzendaritza nagusiarekin lankidetzan arituko da, departamentukoak zein korporatiboak diren sistema eta aplikazio informatikoak eraiki eta ezartzeko, IKT ekipamendua emateko eta informazioaren segurtasuna kontrolatzeko eta horren auditoretza egiteko.

b) Garatzea eta kudeatzea Nafarroako Erakunde Ordaintzailearen aplikazio informatikoak.

c) Parte hartzea departamentuaren webguneko aplikazio informatikoak erabiltzean herritarrek jakinarazitako gorabeherez arduratzen, horiek bideratzen eta ebazten.

d) Departamentuan administrazio elektronikoa bultzatzea, ezartzea eta haren jarraipena egitea, legeetan ezarritakoa betez eta elkarlanean arituz Nafarroako Gobernuaren unitateetatik gai horretan eskumena duen harekin.

e) Parte hartzea departamentuak eskatutako ziurtapen eta auditoretzetan.

f) Nafarroako Foru Komunitateko Administrazioaren datu-babeseko eta informazioaren segurtasuneko politikan zehaztutako informazioaren segurtasun arduraduna izatea, betiere departamentuaren eremuaren barnean, informazioaren segurtasunari buruzko indarreko araudia betetzen dela segurtatzeko eta zaintzeko, barnean dela datu pertsonalen babesa.

g) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

76. artikulua . Landa eta Ingurumen Estatistikaren eta Informazioaren Atalaren esparru material eta funtzionala.

Landa eta Ingurumen Estatistikaren eta Informazioaren Atalak honako eginkizun hauek beteko ditu:

a) Sortzea eta mantentzea adierazleen, balantzeen eta estatistiken sistema bat, ezagutza hedatzeko eta gardentasuna bermatzeko. Hori NASTATekin lankidetzan eginen da, sistema Nafarroako Estatistika Planean sartzeko. Horrez gain, departamentuko estatistikak koordinatu eta hedatzea.

b) Departamentuan garatzen diren planetako datu eta adierazleak aztertzea.

c) Gobernuak bultzatzen dituen eragiketa estatistiko, erregistro eta ebaluazio-proiektuetan parte hartzea.

d) Nafarroako Nekazaritzako Kontabilitate Sarea (RICAN) kudeatzea eta koordinatzea, eta nekazaritzako ustiategien eta produkzio sistemen karakterizazio tekniko-ekonomikoaren analisia egitea.

e) Departamentuak Nafarroako Lurraldeari buruzko Informazio Sistemari (SITNA) eman beharreko informazioa kudeatzea, koordinatzea eta mantentzea, departamentuaren informazio geografikoaren ekoizpena, eguneratzea, ustiapena eta zabalkundea hobetzeko.

f) Informazio geografikoa eta eskuratzen dituen sateliteko irudiak kudeatzea eta ustiatzea, Erakunde Ordaintzailearen Zerbitzuarekin koordinatua.

g) Departamentuko dokumentazio-zentro eta liburutegia mantentzea eta kudeatzea, eta bertako baliabideak hobeto ezagutzea eta hedatzea ahalbidetzen duten ikerketak, inkestak eta buletinak egitea.

h) Kudeatzea eta izapidetzea ingurumenari buruzko informazioari zein informazio publikoari dagozkion eskaerak eta gardentasunari buruzko foru araudiaren araberako betebeharrak.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

Lehen xedapen gehigarria. Eskumenak deskontzentratzeko baldintza orokorrak.

Indarra duten arauek organo bati ematen dizkioten eskumenak hierarkian mendeko diren beste organo batzuengan deskontzentratzen ahal dira, Nafarroako Aldizkari Ofizialean argitaratuko den xedapen orokor baten bitartez, galarazi gabe eskumenak esleitzeko arauetan finkatutako baldintzak bete beharra.

Bigarren xedapen gehigarria. Eskumenen deskontzentrazioa Landa Garapeneko Zuzendaritza Nagusian.

Landa Garapeneko Zuzendaritza Nagusiaren titularraren esku uzten dira, bere eskumenen esparru materialean, indarrean dagoen araudiak Landa Garapeneko eta Ingurumeneko Departamentuaren titularrari arlo hauetan esleitzen dizkion eskumen administratiboen titulartasuna eta erabilera: dirulaguntzak, kontratazioa, mandatuak, ondare-erantzukizuna eta zehapen espedienteak, barnean direla gastuak baimentzea eta xedatzea eta ordaintzeko betebeharrak aitortzea.

Beken arloko eskumen administratiboen titulartasunaren eta erabileraren eskualdaketaren barruan dago aurrekontu-kredituak kudeatzea Nafarroako Aurrekontu Orokorren 700 programan (Landa garapeneko eta ingurumeneko zuzendaritza eta zerbitzu orokorrak) dauden gastu-esleipenetarako.

Hirugarren xedapen gehigarria. Eskumenen deskontzentrazioa Nekazaritza eta Abeltzaintza Zuzendaritza Nagusian.

Nekazaritza eta Abeltzaintza Zuzendaritza Nagusiaren titularraren esku uzten dira, bere eskumenen esparru materialean, indarrean dagoen araudiak Landa Garapeneko eta Ingurumeneko Departamentuaren titularrari arlo hauetan esleitzen dizkion eskumen administratiboen titulartasuna eta erabilera: dirulaguntzak, kontratazioa, mandatuak, ondare-erantzukizuna eta zehapen espedienteen gainekoa, barnean direla gastuak baimentzea eta xedatzea eta ordaintzeko betebeharrak aitortzea.

Beken arloko eskumen administratiboen titulartasunaren eta erabileraren eskualdaketaren barruan dago aurrekontu-kredituak kudeatzea Nafarroako Aurrekontu Orokorren 700 programan (Landa garapeneko eta ingurumeneko zuzendaritza eta zerbitzu orokorrak) dauden gastu-esleipenetarako.

Laugarren xedapen gehigarria. Eskumenen deskontzentrazioa Ingurumen Zuzendaritza Nagusian.

Ingurumen Zuzendaritza Nagusiaren titularraren esku uzten dira, bere eskumenen esparru materialean, indarra duen araudiak Landa Garapeneko eta Ingurumeneko Departamentuaren titularrari arlo hauetan esleitzen dizkion eskumen administratiboen titulartasuna eta erabilera: dirulaguntzak, kontratazioa, ondare-erantzukizuna eta zehapen espedienteen gainekoa, barnean direla gastuak baimentzea eta xedatzea eta ordaintzeko betebeharrak aitortzea.

Beken arloko eskumen administratiboen titulartasunaren eta erabileraren eskualdaketaren barruan dago aurrekontu-kredituak kudeatzea Nafarroako Aurrekontu Orokorren 700 programan (Landa garapeneko eta ingurumeneko zuzendaritza eta zerbitzu orokorrak) dauden gastu-esleipenetarako.

Era berean, Ingurumen Zuzendaritza Nagusiaren titularraren esku uzten dira indarra duen araudiak Landa Garapeneko eta Ingurumeneko Departamentuaren titularrari arlo hauetan esleitzen dizkion eskumen administratiboen titulartasuna eta erabilera: ingurumena babesteko esku hartzea, ehiza eta arrantza, eta basoen kudeaketa.

Bosgarren xedapen gehigarria. Izendapenak.

Berretsi egiten dira, sortu ziren baldintza berdinetan, foru dekretu honetan ezarritako egituran izena mantentzen duten zerbitzu eta atalburutzen izendapenak, baita honako hauek ere:

a) Basoen eta Ehizaren Zerbitzuko zuzendariarena, hemendik aurrera Basoen eta Ehiza Kudeaketaren Zerbitzukoa izanen baita.

b) Biodibertsitatearen Zerbitzuko zuzendariarena, hemendik aurrera Biodibertsitatearen eta Arrantza Kudeaketaren Zerbitzukoa izanen baita.

c) Ingurumen Kudeaketaren Kalitatearen eta Zaintzaren Zerbitzuko zuzendariarena, hemendik aurrera Ingurumen Hezkuntzaren, Kalitatearen eta Zaintzaren Zerbitzukoa izanen baita.

d) NPEaren Plangintzarako Ataleko buruarena, hemendik aurrera NPEaren Plangintzarako eta Landatartasun Berrirako Atalekoa izanen baita.

e) Landa Dibertsifikaziorako Ataleko buruarena, hemendik aurrera Landa Dibertsifikaziorako eta Garapen Jasangarrirako Atalekoa izanen baita.

f) Animalien Ongizatearen Ataleko buruarena, hemendik aurrera Lagun egiteko eta Esperimentaziorako Animalien Atalekoa izanen baita.

g) Ingurumen Eraginaren Ataleko buruarena, hemendik aurrera Ingurumen Ebaluaziorako Atala izanen baita.

h) Baso Plangintzarako eta Ingurumen Hezkuntzarako Ataleko buruarena, hemendik aurrera Baso Plangintzarako Atala izanen baita.

i) Informazioa Kudeatzeko Ataleko buruarena, hemendik aurrera Informatika Kudeatzeko Atalekoa izanen baita.

j) Baliabideak Kudeatzeko eta Laguntza Teknikoaren Ataleko buruarena, hemendik aurrera Gai Administratiboak eta Baliabideak Kudeatzeko Atalekoa izanen baita.

k) Landa eta Ingurumen Estatistikaren Ataleko buruarena, hemendik aurrera Landa eta Ingurumen Estatistikaren eta Informazioaren Atala izanen baita.

Seigarren xedapen gehigarria. Unitateak kentzea.

Ingurumen Zuzendaritza Nagusiko unitate hauek kendu dira:

- Klima Aldaketaren Atala.

- Ibai Ingurunearen Atala.

- Europako Proiektuen eta Tokiko Jasangarritasunaren Atala.

Zazpigarren xedapen gehigarria. Unitateak sortzea.

Honako unitate hauek sortu dira, kasu bakoitzean aipatzen diren baldintzekin:

- Nafarroako Klima Aldaketarako Bulegoaren Zerbitzua.

- Klima Aldaketaren aurkako Ekintzak Koordinatzeko Atala. Baldintzak: Maila: A edo B.

- Uraren Kalitatearen eta Obra Hidraulikoen Atala. Baldintzak: Maila: A edo B.

- Airearen Kalitatearen eta Klima Aldaketaren Atala. Baldintzak: Maila: A edo B.

- Berrikuntzaren eta Europako Proiektuen Atala. Baldintzak: Maila: A edo B.

- Arrantza Kudeaketarako Atala. Baldintzak: Maila: A edo B.

Zortzigarren xedapen gehigarria. Unitateak bere horretan uztea.

Foru dekretu hau garatzeko neurriak hartu bitartean, atal mailatik beherako unitate organikoek berdin jarraituko dute eta oraingo izenari eta eginkizunei eutsiko diete. Behin-behinekoz, egitura berriko organoei atxikiko zaizkie, orain arte izan dituzten eginkizunekin bat.

Bederatzigarren xedapen gehigarria. Arauen eta planen aipamena.

Kasua bada, foru dekretu honetan egiten diren arauei buruzko aipamenak horiek ordezkatzen dituzten arauei dagozkie.

Era berean, plan eta programa berariazkoei buruzko aipamen espresuak plan eta programa horiek ordezkatzen edo osatzen dituztenei dagokie, bai eta departamentuko unitate bakoitzaren eskumenen esparruan prestatzen diren horiei guztiei ere.

Hamargarren xedapen gehigarria. Ingurumena Zaintzeko Ataleko burua izateko baldintzak.

Ingurumena Zaintzeko Ataleko burutza esklusibotasuneko araubidean beteko da, burutza horretarako prestasun osoa eta erabateko dedikazio osoa behar baitira.

Xedapen indargabetzaile bakarra. Arauak indargabetzea.

Indarrik gabe gelditzen da, foru dekretu honen kontra doan orotan eta Landa Garapeneko eta Ingurumeneko Departamentuaren eskumenen esparruari dagokionez, Landa Garapeneko eta Ingurumeneko Departamentuaren egitura organikoa ezartzen duen urriaren 23ko 258/2019 Foru Dekretua, bai eta foru dekretu honetan xedaturikoari aurka egiten dioten maila bereko edo beheragoko xedapen guztiak ere.

Azken xedapenetako lehena. Aldatzea 49/2023 Foru Dekretua, maiatzaren 24koa, zeinaren bidez arautzen baita Nekazaritza Politika Erkidearen Plan Estrategikoaren gobernantza sistema, haren antolakuntza eta funtzionamendua.

Bat.-6. artikulua aldatzen da, eta honela idatzita geldituko da:

"1. Erakunde ordaintzailearen zuzendaritza Erakunde Ordaintzailearen Zuzendaritza Nagusiaren titularrari dagokio, eta honako eginkizun hauek beteko ditu:

a) Erakunde ordaintzailea ordezkatzea.

b) NBEUFri eta LGENFri egozten ahal zaizkien ordainketen betetze-mailari, kontabilitateari, kontu-emateari eta barneko eta kanpoko kontrolari buruzko argibide guztiak hartu eta igortzea.

c) Erakunde ordaintzaileko organoak koordinatzea NBEUF eta LGENF funtsen kargurako laguntzak kudeatzeko. Horretarako, aldian-aldian dei egiten ahalko die erakunde ordaintzaileari loturiko eginkizunak dituzten organo eta unitateei. Zuzendaritza funtzionala izanen du organo eta unitate horien gainean. Halaber, prozeduren legezkotasuna, eraginkortasuna eta homogeneotasuna bermatzeko jarraibideak ematen ahalko ditu.

d) Auditoria plan bat prestatzea auditoria pasa duen finantza ekitaldi bakoitzerako, aurreikusitako auditoria arriskuaren arabera.

e) Parlamentuaren eta Kontseiluaren abenduaren 2ko 2021/2116 (EB) Erregelamenduaren 9. artikuluan aurreikusitako kudeaketa adierazpena sinatzea.

2. Landa Garapeneko Zuzendaritza Nagusiaren titularra da Landa Garapeneko eta Ingurumeneko Departamentuko Erakunde Ordaintzaileko zuzendaria, eta behin-behinean ordeztuko da postua hutsik uzten badu, kanpoan denean, gaixo dagoenean edo ezintasun pertsonal bat duenean, honako ordena honen arabera:

a) Erakunde Ordaintzailearen Zerbitzuaren titularra.

b) Koordinazio Atalaren titularra".

Bi.-9.2. artikulua aldatzen da, eta honela idatzita geldituko da:

"2. Landa Garapeneko eta Ingurumeneko Departamentuko Informatika Kudeatzeko Atalak begiratuko du erakunde ordaintzailearen informazio sistemen segurtasuna, alde batera utzi gabe Unibertsitateko, Berrikuntzako eta Eraldaketa Digitaleko Departamentuaren Telekomunikazioetako eta Digitalizazioko Zuzendaritza Nagusiaren eskumenak.

Azken xedapenetako bigarrena. Gaikuntzak.

Gaikuntza ematen zaie Lehendakaritzako, Berdintasuneko, Funtzio Publikoko eta Barneko Departamentuaren eta Ekonomia eta Ogasun Departamentuaren titularrei behar diren xedapen guztiak eman ditzaten foru dekretu honetan xedatutakoa garatu eta betetzeko, eta bidezkoak diren langileen eta baliabide ekonomiko eta materialen esleipena eta banaketa egin dezaten.

Azken xedapenetako hirugarrena. Garatzeko ahalmenak.

Ahalmena ematen zaio Landa Garapeneko eta Ingurumeneko Departamentuaren titularrari foru dekretu honetan ezarritakoa garatzeko behar diren xedapenak eman ditzan.

Azken xedapenetako laugarrena. Indarrean jartzea.

Foru dekretu hau Nafarroako Aldizkari Ofizialean argitaratu eta biharamunean jarriko da indarrean.

Gobierno de Navarra

Contacte con nosotros | Accesibilidad | Aviso legal | Mapa web