(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

254/2023 FORU DEKRETUA, AZAROAREN 15EKOA, BARNEKO, FUNTZIO PUBLIKOKO ETA JUSTIZIAKO DEPARTAMENTUAREN OINARRIZKO EGITURA EZARTZEN DUENA

BON N.º 244 - 23/11/2023

  I. KAPITULUA. XEDAPEN OROKORRAK

  II. KAPITULUA. BARNEKO ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. SEGURTASUN POLITIKAK GARATZEKO ZERBITZUA

  3. ATALA. BARNEKO ARAUBIDE JURIDIKOAREN ZERBITZUA

  4. ATALA. BARNEKO GIZA BALIABIDEEN ZERBITZUA

  5. ATALA. NAFARROAKO SUHILTZAILEEN ZERBITZUA

  6. ATALA. LARRIALDIETAKO, PREBENTZIOKO ETA BABES ZIBILEKO ZERBITZUA

  7. ATALA. TRAFIKO ZERBITZUA

  III. KAPITULUA. FUNTZIO PUBLIKOKO ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. LANGILERIAREN GASTUAREN KONTROLAREN ETA NOMINEN ZERBITZUA

  3. ATALA. LANGILERIAREN PROZEDURAK KUDEATZEKO ZERBITZUA

  4. ATALA. ARAUBIDE JURIDIKOAREN ETA GIZARTE AURREIKUSPENAREN ZERBITZUA

  5. ATALA. ARAUEN GARAPENERAKO ETA LAN HARREMANETARAKO ZERBITZUA

  6. ATALA. EGITURAKO, PLANTILLAKO ETA LANGILEEN ALDI BATERAKO KONTRATAZIORAKO ZERBITZUA

  7. ATALA. NAFARROAKO ADMINISTRAZIO PUBLIKOAREN INSTITUTUAREN ZERBITZUA

  8. ATALA. ADMINISTRAZIOA MODERNIZATZEKO ETA LANPOSTUAK ETA EGITURA PLANIFIKATZEKO ATALA

  IV. KAPITULUA. JUSTIZIA ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. GIZA BALIABIDEEN ETA BULEGO JUDIZIAL ETA FISKALAREN ZERBITZUA

  3. ATALA. AZPIEGITURA JUDIZIALEN ZERBITZUA

  4. ATALA. JUSTIZIAKO GIZARTE ZERBITZUA

  5. ATALA. GIZATERATZEKO, BITARTEKARITZAKO ETA JUSTIZIA ERRESTAURATIBOKO ZERBITZUA

  V. KAPITULUA. EKONOMIA ETA AURREKONTU KUDEAKETARAKO ZERBITZUA

  V. KAPITULUA. IDAZKARITZA TEKNIKO NAGUSIA

ATARIKOA

Nafarroako Gobernuari dagokio departamentu bakoitzaren egitura organikoa onestea, martxoaren 11ko 11/2019 Foru Legeari jarraikiz (foru lege horrek hizpide ditu Nafarroako Foru Komunitateko Administrazioa eta foru-sektore publiko instituzionala).

Nafarroako Foru Komunitateko Lehendakariaren abuztuaren 17ko 10/2023 Foru Dekretuaren bidez, ezarri zen Nafarroako Foru Komunitateko Administrazioaren departamentuen egitura.

Era berean, abuztuaren 30eko 73/2023 Foru Dekretuaren bidez, Barneko, Funtzio Publikoko eta Justiziako Departamentuaren oinarrizko egitura ezarri zen.

Egokia da, orain, behar bezala garatzea Foru Komunitateko Administrazioaren departamentu bakoitzaren egitura.

Foru dekretu honen xedea da Barneko, Funtzio Publikoko eta Justiziako Departamentuaren egitura organiko berria garatzea.

Hori horrela, Barneko, Funtzio Publikoko eta Justiziako kontseilariak proposaturik, eta Nafarroako Gobernuak bi mila eta hogeita hiruko azaroaren hamabostean egindako bilkuran hartutako erabakiarekin bat,

DEKRETATZEN DUT:

I. KAPITULUA. XEDAPEN OROKORRAK

1. artikulua . Barneko, Funtzio Publikoko eta Justiziako Departamentuaren eskumenen esparrua.

Barneko, Funtzio Publikoko eta Justiziako Departamentuari dagozkio Nafarroako Foru Komunitateko Administrazioak arlo hauetan esleituak dituen eskumenak:

a) Segurtasun politikak.

b) Trafikoa.

c) Polizia.

d) Jokoak eta ikuskizunak.

e) Babes zibila eta larrialdiei erantzutea.

f) Funtzio publikoa.

g) Justizia administrazioa.

h) Delituen biktimei laguntzea.

i) Delitugileen errehabilitazioa eta birgizarteratzea.

j) Indarra duten xedapenetan ematen zaizkion gainerako eskudantziak.

2. artikulua . Barneko, Funtzio Publikoko, eta Justiziako kontseilaria.

1. Barneko, Funtzio Publikoko eta Justiziako kontseilariak eskudantzia hauek izanen ditu, denak ere foru dekretu honen 1. artikuluan zehaztutako eskumenen esparruari loturik: Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluan ezarritakoak eta Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen Foru Dekretuak esleitutakoak.

2. Era berean, Barneko, Funtzio Publikoko eta Justiziako kontseilariari dagokio kide anitzeko organo hauetako buru izatea:

a) Laneko Segurtasuna eta Osasuna Koordinatzeko Batzordekoa.

b) Nafarroako Babes Zibilerako Batzordekoa.

c) Nafarroako Udaltzaingoak Koordinatzeko Batzordekoa.

d) Bide Segurtasunaren Batzordekoa.

e) Nafarroako Polizien Kontseilukoa.

f) Nafarroako Herritarren Segurtasunerako Kontseilukoa.

g) Nafarroako Jokoaren Kontseilukoa.

h) Nafarroako Justizia Kontseilukoa.

3. Barneko, Funtzio Publikoko eta Justiziako kontseilariari sostengu politiko eta teknikoa emateko, bada Departamentuan kabinete bat zuzenean haren mende, Nafarroako Gobernuari eta Lehendakariari buruzko abenduaren 3ko 14/2004 Foru Legearen 19. artikuluari lotua dagoena.

3. artikulua . Barneko, Funtzio Publikoko, eta Justiziako Departamentuaren antolamendu orokorra.

1. Barneko, Funtzio Publikoko eta Justiziako Departamentuak, kontseilariaren goreneko zuzendaritzapean, honako organo hauek ditu bere oinarrizko egituran:

a) Barneko Zuzendaritza Nagusia.

b) Funtzio Publikoko Zuzendaritza Nagusia.

c) Justizia Zuzendaritza Nagusia.

d) Ekonomia eta Aurrekontu Kudeaketarako Zerbitzua.

e) Departamentuko Idazkaritza Tekniko Nagusia.

2. Nafarroako Segurtasun eta Larrialdi Eskola Barneko Zuzendaritza Nagusiari atxikirik gelditu da eta bere funtzionamendurako erregelamenduaren arabera gobernatuko da, irailaren 12ko 113/2005 Foru Dekretuaren bidez onetsi baitzen.

3. Nafarroako Foruzaingoa Barneko, Funtzio Publikoko eta Justiziako Departamentuan kokaturik dago, Barneko Zuzendaritza Nagusiari atxikirik. Nafarroako Segurtasun Publikoari buruzko ekainaren 20ko 8/2006 Foru Legeak eta Nafarroako Poliziei buruzko azaroaren 19ko 23/2018 Foru Legeak ematen dizkioten eginkizunak burutuko ditu eta haren berariazko arautegian ezartzen den egitura izanen du.

4. artikulua . Zuzendaritza nagusien eskudantziak.

Foru dekretu honen 2.2. artikuluan ezarritakoa galarazi gabe, Barneko, Funtzio Publikoko eta Justiziako Departamentuko zuzendaritza nagusiei dagokie, kontseilariaren goreneko zuzendaritzapean eta foru dekretu honetan bakoitzari esleitutako esparruan, martxoaren 11ko 11/2019 Foru Legean ezarritako eskudantziak erabiltzea, hain zuzen ere, foru legearen 31. eta 32. artikuluetan eta azken xedapenetako lehenbizikoan ezarritakoak (foru lege horrek hizpide ditu Nafarroako Foru Komunitateko Administrazioa eta foru-sektore publiko instituzionala) eta, horietaz gainera, indarrean dauden xedapenek esleitzen dizkietenak, edo kontseilariak agintzen dien beste edozein.

5. artikulua . Idazkaritza Tekniko Nagusiaren eskudantziak.

Barneko, Funtzio Publikoko eta Justiziako Departamentuko Idazkaritza Tekniko Nagusiak honako eskudantzia hauek izanen ditu, foru dekretu honen 1. artikuluan zehazturiko eskumen-esparruan, eta Barneko, Funtzio Publikoko eta Justiziako kontseilariaren goreneko zuzendaritzapean, berari atxikita baitago zuzenean:

a) Martxoaren 11ko 11/2019 Foru Legearen 33. artikuluan zehazturikoak (foru lege horrek hizpide ditu Nafarroako Foru Komunitateko Administrazioa eta foru-sektore publiko instituzionala).

b) Idazkaritza Tekniko Nagusiak arautzen dituen otsailaren 21eko 29/2005 Foru Dekretuan ezarritakoak, ekonomiaren eta aurrekontuaren arlokoak izan ezik, eta langileriaren arloko eskudantziak zehazten dituen otsailaren 21eko 30/2005 Foru Dekretuaren 6. artikuluan ezarritakoak.

c) Genero-ikuspegia zeharka aplikatzea Barneko, Funtzio Publikoko eta Justiziako Departamentuaren politikak planifikatu, kudeatu eta ebaluatzean, bat etorriz Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

d) Nafarroan desgaitasuna dutenei arreta emateari eta beren eskubideak bermatzeari buruzko azaroaren 28ko 31/2022 Foru Legearen arabera aritzea.

e) Dagozkion eginkizunak betetzea Nafarroako Foru Komunitateko Administrazioaren datu-babeseko eta informazioaren segurtasuneko politikan zehaztutako informazioaren segurtasun arduraduna den aldetik, informazioaren segurtasunari buruzko indarreko araudia betetzen dela segurtatzeko eta zaintzeko, barnean dela datu pertsonalen babesa; hori guztia Departamentuaren Idazkaritza Tekniko Nagusiaren esparruan eta Ekonomia eta Aurrekontu Kudeaketarako Zerbitzuarenean.

f) Indarrean dauden xedapenek esleitzen dizkioten gainerakoak, eta Barneko, Funtzio Publikoko eta Justiziako kontseilariak agintzen dion beste edozein, eta horretarako behar diren ebazpenak emanen ditu.

6. artikulua . Zerbitzuen eskudantziak.

Zerbitzuek, Departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 35. artikuluarekin, eginkizun hauek izanen dituzte: beren mendeko atalak edo unitate organikoak planifikatu, koordinatu, zuzendu eta kontrolatzea; prozedurak arindu, arrazionalizatu eta sinplifikatzeko printzipioak bultzatu eta sustatzea; eta, halaber, indarra duten xedapenek berariaz esleitzen dizkieten edo Departamentuko organo eskudunek haietan deskontzentratzen edo eskuordetzen dituzten beste edozein.

7. artikulua . Atalen eskudantziak.

Atalek, Departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 37. artikuluarekin, eginkizun hauek izanen dituzte: beren eskumenen esparruko lanak gauzatzea eta goragoko nagusientzako txostenak eta proposamenak egitea; beren mendeko bulegoek eta unitateek egiten dituzten lanak koordinatzea, zuzentzea eta kontrolatzea; eta, halaber, Departamentuko organo eskudunek agintzen dizkieten gainerako eginkizun guztiak betetzea.

II. KAPITULUA. BARNEKO ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

8. artikulua . Barneko Zuzendaritza Nagusiaren eskumenen esparru material eta funtzionala.

Barneko Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek izanen ditu:

a) Segurtasun politikak kudeatzea.

b) Segurtasun publikoaren arloko politikak gauzatzea.

c) Udaltzaingoen koordinazioa.

d) Segurtasun, trafiko eta zirkulazioko poliziaren eginkizuna.

e) Babes zibila, larrialdiak, suteen prebentzioa, su-itzaltzea eta salbamendua.

f) Joko eta ikuskizun publikoetarako politikak bultzatu, koordinatu eta kudeatzea.

g) Bide segurtasuneko, trafikoko eta ibilgailu motordunen zirkulazioko politikak kudeatzea.

h) Indarra duten xedapenek Barneko, Funtzio Publikoko eta Justiziako Departamentuari esleitzen dizkiotenak, Zuzendaritza Nagusiak bere duen esparruan.

9. artikulua . Barneko Zuzendaritza Nagusiaren egitura.

1. Barneko Zuzendaritza Nagusiak zerbitzu hauek ditu bere egituran:

a) Segurtasun Politikak Garatzeko Zerbitzua.

b) Barneko Araubide Juridikoaren Zerbitzua.

c) Barneko Giza Baliabideen Zerbitzua.

d) Nafarroako Suhiltzaileen Zerbitzua.

e) Larrialdietako, Prebentzioko eta Babes Zibileko Zerbitzua.

f) Trafiko Zerbitzua.

2. Nafarroako Segurtasun eta Larrialdi Eskola Barneko Zuzendaritza Nagusiari atxikita gelditu da, zerbitzu baten maila organikoa izanen du eta irailaren 12ko 113/2005 Foru Dekretuari jarraikiz garatuko da, zeinak onesten baitu Nafarroako Segurtasun eta Larrialdi Eskolaren Antolamendu eta Funtzionamendurako Erregelamendua.

2. ATALA. SEGURTASUN POLITIKAK GARATZEKO ZERBITZUA

10. artikulua . Segurtasun Politikak Garatzeko Zerbitzuaren esparru material eta funtzionala.

Segurtasun Politikak Garatzeko Zerbitzuak eginkizun hauek izanen ditu:

a) Barneko zuzendari nagusiari eta segurtasun arloko gainerako agintariei laguntzea segurtasun publikorako politikak kudeatzen eta segurtasun publikoari buruzko politika publiko, plan eta programak bultzatzen eta orokorrean koordinatzen.

b) Joko eta ikuskizun publikoetarako politikak bultzatu, koordinatu eta kudeatzea.

c) Nafarroako Gobernuaren ibilgailuen parkeko zerbitzu teknikoak, langileak eta baliabideak antolatu eta kudeatzea.

d) Barneko zuzendari nagusiari eta segurtasun arloko gainerako agintariei Nafarroako segurtasun publikoko sistemako plan eta programak proposatzen eta taxutzen laguntzea.

e) Laguntza teknikoa Nafarroako Herritarren Segurtasunerako Kontseiluari eta Nafarroako Udaltzaingoak Koordinatzeko Batzordeari.

f) Udaltzaingoen koordinazioa, ezertan galarazi gabe babes zibilaren esparruan xedatutakoa.

g) Segurtasun politikei buruzko azterlanak, txosten teknikoak eta plangintza-proposamenak egitea, aintzat harturik zer-nolako bilakaera duten delituen arloko fenomenoek eta, oro har, Nafarroako segurtasun publikoaren sistemarekin zerikusia dutenek.

h) Analisiak, azterlanak eta txostenak egitea eta proposamenak egitea delituen arloko fenomenoen jarraipena egiteko eta Nafarroako Segurtasun Publikoaren Sistemak behar dituen adierazleak eta estatistikak definitzeko eta mantentzeko.

i) Modu zentralizatuan izapidetzea segurtasun elementuetako hornidura, zerbitzu eta instalazioak kontratatzeko eta haien mantentze-lanetarako espedienteak.

j) Larrialdietan baliabide bereziak kontratatzeko espedienteak modu zentralizatuan izapidetzea.

k) Zuzendaritza Nagusiaren instalazioei buruzko kontratazio-espedienteak izapidetzea.

l) Segurtasun zerbitzu pribatuak eta Nafarroako Gobernuaren bulegoetako segurtasun instalazioak modu zentralizatuan kudeatzea.

m) Zuzendaritza Nagusiko zerbitzuen kalitatea hobetzeko sistemak proposatu eta ezartzea.

n) Zuzendaritza nagusiak agintzen dion beste edozein edo indarra duten xedapenek esleitzen dizkiotenak.

11. artikulua . Segurtasun Politikak Garatzeko Zerbitzuaren egitura.

Segurtasun Politikak Garatzeko Zerbitzuak atal hauek ditu bere egituran:

a) Jokoaren eta Ikuskizun Publikoen Atala.

b) Ibilgailu Parkearen Atala.

c) Segurtasunaren Koordinazio Atala.

12. artikulua . Jokoaren eta Ikuskizun Publikoen Atalaren esparru material eta funtzionala.

Jokoaren eta Ikuskizun Publikoen Atalak honako eginkizun hauek izanen ditu:

a) Zerbitzuaren eskumenen esparru materialekoak diren administrazio-baimenak ematea.

b) Jokoa eta ikuskizun publikoak kontrolatzea eta ikuskatzea, eta eginkizun horiek betetzen dituzten unitateekin koordinatzea.

c) Jokoaren, ikuskizun publikoen eta josteta jardueren arloko segurtasun publikorako politiken arauak garatzea eta gauzatzea.

d) Homologazio-prozedurak eta erregistroetan inskribatzeko prozedurak.

e) Laguntza teknikoa eta aholkularitza ematea toki-erakundeei eta jendaurreko ikuskizunak eta jokoak antolatzen dituzten enpresei, gai horietako bakoitzean indarrean dagoen araudiaren irismenari dagokionez.

f) Beste edozein eginkizun, Segurtasun Politikak Garatzeko Zerbitzuaren eskumenen esparrukoa izanik, agintzen zaiona.

13. artikulua . Ibilgailu Parkearen Atalaren esparru material eta funtzionala.

Ibilgailu Parkearen Atalak honako eginkizun hauek izanen ditu:

a) Osoki kudeatzea Nafarroako Gobernuaren ibilgailuak eta makineria.

b) Kudeatutako baliabideen eraginkortasunaren eta eragimenaren aldian behingo segimendua eta kontrola.

c) Etengabe ebaluatzea zer-nola dauden eta zer premia dituzten Nafarroako Gobernuaren ibilgailuen eta makineriaren elementuek.

d) Ataleko esparru materialari lotutako azterlan eta proposamenak prestatzea, baliabideak albait hobekien erabiltzeko.

e) Agintariak eta beste pertsona batzuk garraiatzeko zerbitzuak kudeatzea eta koordinatzea.

f) Beste edozein eginkizun, Segurtasun Politikak Garatzeko Zerbitzuaren eskumenen esparrukoa izanik, agintzen zaiona.

14. artikulua . Segurtasunaren Koordinazio Atalaren esparru material eta funtzionala.

Segurtasunaren Koordinazio Atalak honako eginkizun hauek izanen ditu:

a) Nafarroako Segurtasun Publikoaren Sistemarekin lotutako informazio-sistemen instalazioen, zerbitzuen eta horniduren kudeaketa administratiboa, erosketen kudeaketa eta mantentze-lanak.

b) Arrazionalizatu eta arintzea Zuzendaritza Nagusi honen eskumenekoak diren eta segurtasunarekin lotuak dauden administrazio-prozedurak eta kudeaketa-jarduerak.

c) Segurtasun-zerbitzuen kudeaketarekin lotutako azterlanak eta proiektuak egitea.

d) Eraikinen segurtasun-neurrien katalogoa egitea eta eguneratzea.

e) Segurtasun pribatuaren zerbitzuak eta sistemak kontratatzeko kudeaketa zentralizatuaren kontrol administratiboa eta ebaluazioa, baita zaintza eta segurtasun zerbitzuen kontratazioa eta segimendua ere.

f) Segurtasun pribatuko kontratuak gainbegiratzea, koordinatzea eta kontrolatzea.

g) Segurtasun sistemetako instalazioak koordinatu, kontratatu, haien jarraipena egin eta haien gaineko aholkuak ematea.

h) Abian jartzea eta sostengatzea Nafarroako Segurtasun Publikoaren Sistema toki-esparruan osatzen duten partaidetza- eta koordinazio-organoak.

i) Informazioaren segurtasunaren arduradunaren eginkizunak betetzea Komunikazioaren eta Barneko Zuzendaritza Nagusiaren esparruan, Nafarroako Foru Komunitateko Administrazioaren Datuak Babesteko eta Informazioaren Segurtasunerako Politikan definitu bezala, informazioaren segurtasunari buruz indarrean dagoen araudia betetzen dela ziurtatzeko eta zaintzeko, datu pertsonalen babesari buruzkoa barne.

j) Udaltzaingoak koordinatzea Nafarroako Poliziei buruzko Foru Legean eta Nafarroako Segurtasun Publikoari buruzko Foru Legean araututako alderdietan baldin eta alderdi horiek zerikusia badute elkarri eman beharreko informazioa bateratzea, baliabide pertsonal eta materialen zuzkidura homogeneizatzea eta administrazio eskudunen arteko harremanetarako mekanismoak sortzea ahalbidetzen duten sistemak zehaztearekin; hori guztia, udaltzaingoek gauzatu beharreko ekintzak segurtasun publikoko sistema osoan integra daitezen.

k) Nafarroako Udaltzaingoak Koordinatzeko Batzordearen idazkaritza.

3. ATALA. BARNEKO ARAUBIDE JURIDIKOAREN ZERBITZUA

15. artikulua . Barneko Araubide Juridikoaren Zerbitzuaren esparru material eta funtzionala.

Barneko Araubide Juridikoaren Zerbitzuak honako eginkizun hauek izanen ditu:

a) Barne-prozesuak aztertzea eta oinarrizko prozeduren mapa bat egiten laguntzea zuzendaritza nagusiaren eremuko erakundeak elkarren artean eragingarriak izan daitezen.

b) Honako hauek bultzatzea: ezagutza kudeatzeko sistemak eta tresnak, lan egiteko metodoak, administrazio-prozesuak, unitateen arteko koordinazioa eta zuzendaritza nagusiaren jardueraren segimendua eta ebaluazioa.

c) Zuzendaritza Nagusiko unitateen arteko lankidetza eta berrikuntza bultzatzea, laneko prozesuak, prozedurak eta tresnak hobetzeko neurriak ezarriz.

d) Bere eskumeneko esparruarekin lotuta dauden espedienteak koordinatu eta kudeatzea administrazioaren, dokumentazioaren eta artxiboaren aldetik.

e) Barneko Zuzendaritza Nagusiko unitateei eta Foruzaingoari sostengu juridikoa ematea beren eginkizunak bete ditzaten.

f) Zuzendaritza Nagusiaren eskumenen esparruko araugintza planifikatzea eta koordinatzea.

g) Zuzendaritza Nagusiko zerbitzuei laguntzea Foru Komunitateko Administrazioko beste unitate batzuekin izan beharreko harremanetan.

h) Barneko Zuzendaritza Nagusiaren eskumenen esparruko zehapen-espedienteak izapidetzea, Trafiko Zerbitzuari dagozkionak izan ezik.

i) Zuzendaritza Nagusiari laguntzea kide anitzeko organoetako ordezkaritza- eta partaidetza-lanetan, baita kide den lantalde eta batzordeetan ere.

j) Barneko Zuzendaritza Nagusiaren eskumenen esparruari buruzko legeria, dokumentazioa eta informazioa biltzea eta haien jarraipena egitea.

k) Bere eskumenen esparruaren barruan agintzen zaion beste edozein eginkizun.

16. artikulua . Barneko Araubide Juridikoaren Zerbitzuaren egitura.

Barneko Araubide Juridikoaren Zerbitzuak atal hauek ditu bere egituran:

a) Araubide Juridikoaren Atala.

b) Zehapen Prozeduraren Atala.

17. artikulua . Araubide Juridikoaren Atalaren esparru material eta funtzionala.

Araubide Juridikoaren Atalak honako eginkizun hauek izanen ditu:

a) Barneko Zuzendaritza Nagusiko unitateei eta Foruzaingoari sostengu juridikoa ematea beren eginkizunak bete ditzaten.

b) Zuzendaritza Nagusiaren eskumenen esparruko araugintza planifikatzea eta koordinatzea.

c) Zuzendaritza Nagusiko zerbitzuei laguntzea Foru Komunitateko Administrazioko beste unitate batzuekin izan beharreko harremanetan.

d) Zuzendaritza Nagusiari laguntzea kide anitzeko organoetako ordezkaritza- eta partaidetza-lanetan, baita kide den lantalde eta batzordeetan ere.

e) Barneko Zuzendaritza Nagusiaren eskumenen esparruari buruzko legeria, dokumentazioa eta informazioa biltzea eta haien jarraipena egitea.

f) Zerbitzuko zuzendaritzak agintzen dion beste edozein eginkizun.

18. artikulua . Zehapen Prozeduraren Atalaren esparru material eta funtzionala.

Zehapen Prozeduraren Atalak honako eginkizun hauek izanen ditu:

a) Zehapen-espedienteak izapidetzea zerbitzuaren eskumenen eremuan.

b) Zehapen-prozedurei buruzko legeria, dokumentazioa eta informazioa biltzea eta haien jarraipena egitea.

c) Zerbitzuko Zuzendaritzak agintzen dizkion bestelako eginkizunak.

4. ATALA. BARNEKO GIZA BALIABIDEEN ZERBITZUA

19. artikulua . Barneko Giza Baliabideen Zerbitzuaren esparru material eta funtzionala.

Barneko Giza Baliabideen Zerbitzuak honako eginkizun hauek izanen ditu, Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen foru dekretuaren eremuan:

1. Nafarroako Foruzaingoa osatzen duten langileei dagokienez:

a) Nafarroako Foruzaingoaren kidegoko lanpostuak betetzeko deialdiak onestea, izapidetzea eta ebaztea.

b) Plantilla organikoari eta enplegu-eskaintzari buruzko proposamenak egitea, baita plantillako egoera administratiboak kudeatu eta erregistratzea ere.

c) Aldi baterako ezintasuneko egoeran dauden langileen baja-parteak, baja berresteko parteak eta alta-parteak kudeatu eta izapidetzea.

d) Aplikatu beharreko araudian jasotako bateragarritasun-baimenak izapidetzea eta ebaztea.

e) Lanaldia murrizteko eskaerak ebaztea, kasuan kasuko unitate organikoko arduradunak txostena eman ondoren, hala behar bada.

f) Hutsik nahiz beteta dauden lanpostuen atxikipenen aldaketak ebaztea, eta, orobat, langileen lekualdaketak eta lanpostuen atxikipenen aldaketak, zerbitzuaren beharrek eragindakoak direnean.

g) Zehapen-espedienteak izapidetzen laguntzea.

h) Langileei buruzko gai guztiak izapidetzea, baldin eta Barneko Zuzendaritza Nagusiak ebatzi beharrekoak badira.

i) Funtzio Publikoko Zuzendaritza Nagusiaren aurrean izapidetzea langileei buruzko gai guztiak, baldin eta Nafarroako Gobernuaren Funtzio Publikoaren arloko eskumena duen zuzendaritza nagusiko titularrak ebatzi beharrekoak badira.

j) Sindikatuekiko eta ordezkaritza organoekiko harremanak kudeatzea, Funtzio Publikoko Zuzendaritza Nagusiaren jarraibideei loturik.

k) Foruzaingoko kideen langileen araubide juridikoari buruzko araudia egitea.

l) Bere eskumenen esparruaren barruan agintzen zaion beste edozein eginkizun.

2. Nafarroako Babes Zibilari eta Larrialdien Kudeaketari buruzko uztailaren 1eko 8/2005 Foru Legearen 53.1 artikuluan zehaztu lanpostuak betetzen dituzten langileei dagokienez:

a) Lanpostuak betetzeko deialdiak onetsi, izapidetu eta ebaztea.

b) Sindikatuekin eta ordezkaritza-organoekin egiten diren proposamenak koordinatzea, Funtzio Publikoko Zuzendaritza Nagusiaren jarraibideen arabera.

c) Bere eskumenen esparruaren barruan agintzen zaion beste edozein eginkizun.

20. artikulua . Barneko Giza Baliabideen Zerbitzuaren egitura.

Barneko Giza Baliabideen Zerbitzuak atal hau izanen du:

Langileriaren Kudeaketako Atala.

21. artikulua . Langileriaren Kudeaketako Atalaren esparru material eta funtzionala.

Langileriaren Kudeaketako Atalak honako eginkizun hauek izanen ditu:

1. Foruzaingoko langileei dagokionez:

a) Nafarroako Foruzaingoaren kidegoko lanpostuak betetzeko deialdiak egitea, izapidetzea eta ebaztea.

b) Plantilla organikoari eta enplegu-eskaintzari buruzko proposamenak egitea, baita plantillako egoera administratiboak kudeatu eta erregistratzea ere.

c) Aldi baterako ezintasuneko egoeran dauden langileen baja-parteak, baja berresteko parteak eta alta-parteak kudeatu eta izapidetzea.

d) Aplikatu beharreko araudian jasotako bateragarritasun-baimenak izapidetzea eta ebaztea.

e) Lanaldia murrizteko eskaerak izapidetzea, kasuan kasuko unitate organikoko arduradunak txostena eman ondoren, hala behar bada.

f) Hutsik nahiz beteta dauden lanpostuen atxikipenen aldaketak izapidetzea, eta, orobat, langileen lekualdaketak eta lanpostuen atxikipenen aldaketak, zerbitzuaren beharrek eragindakoak direnean.

g) Zehapen-espedienteak izapidetzen laguntzea.

h) Langileei buruzko gai guztiak izapidetzea, baldin eta Barneko Zuzendaritza Nagusiak ebatzi beharrekoak badira.

i) Funtzio Publikoko Zuzendaritza Nagusiaren aurrean izapidetzea langileei buruzko gai guztiak, baldin eta Nafarroako Gobernuaren Funtzio Publikoaren arloko eskumena duen zuzendaritza nagusiko titularrak ebatzi beharrekoak badira.

j) Sindikatuekiko eta ordezkaritza organoekiko harremanak kudeatzea, Funtzio Publikoko Zuzendaritza Nagusiaren jarraibideei loturik.

k) Foruzaingoko kideen langileen araubide juridikoari buruzko araudia egitea.

l) Bere eskumenen esparruaren barruan agintzen zaion beste edozein eginkizun.

2. Aipatutako eginkizunak betetzeko, Foruzaingoaren kidegoko plantillako langileak izanen ditu. Langile horiek giza baliabideen taldekoak izanen dira eta Langileriaren Kudeaketako Atalari lotuak egonen dira funtzionalki.

3. Nafarroako Babes Zibilari eta Larrialdien Kudeaketari buruzko uztailaren 1eko 8/2005 Foru Legearen 53.1 artikuluan zehaztu lanpostuak betetzen dituzten langileei dagokienez:

a) Lanpostuak betetzeko deialdiak egin, izapidetu eta ebaztea.

b) Sindikatuekin eta ordezkaritza-organoekin egiten diren proposamenak koordinatzea, Funtzio Publikoko Zuzendaritza Nagusiaren jarraibideen arabera.

c) Bere eskumenen esparruaren barruan agintzen zaion beste edozein eginkizun.

5. ATALA. NAFARROAKO SUHILTZAILEEN ZERBITZUA

22. artikulua . Nafarroako Suhiltzaileen Zerbitzuaren esparru material eta funtzionala.

Nafarroako Suhiltzaileen Zerbitzuak honako eginkizun hauek izanen ditu:

a) Suhiltzaileen unitateen eta Nafarroako suhiltzaileen etxeen funtzionamendurako ildo nagusiak zuzentzea. Horretarako, jardueraren helburuak ezarri eta burutza bakoitzari bere eginkizunak betetzeko eskatuko zaio.

b) Nafarroako Suhiltzaile profesionalen eta boluntarioen etxeen sare guztia zuzentzea eta beren ekintzak gainbegiratzea.

c) Nafarroako Suhiltzaileen etxeen kudeaketa operatiboa gainbegiratzea, txanden barne funtzionamendua, prestakuntza eta prebentzio operatiboak barne.

d) Operatiboko zaintza zerbitzuak planifikatzea.

e) Langile operatiboen jarduerak planifikatu eta programatzea.

f) Nafarroako Suhiltzaileen langile operatiboen txandak eta lan egutegiak kudeatzea.

g) Burutzetako arduradunen segimendua eta koordinazioa eta, halaber, haiei aholku ematea.

h) Nafarroako Suhiltzaile profesionalen eta boluntarioen etxeen sareko langile operatiboen prestakuntza eta birziklatzea planifikatu eta gainbegiratzea.

i) Zerbitzuen eta zerbitzu honekin loturiko bestelako aferen kontrola eta ebaluazioa.

j) Nafarroako Suhiltzaile profesionalen eta boluntarioen etxeen sareko langile operatiboen eta bigarren jarduerakoen uniformeak eta ekipamendua zehaztea.

k) Zerbitzuen funtzionamendua gainbegiratu eta kontrolatzea.

l) Langile operatiboen lan araubidea, egutegiak, ordutegiak eta ordainsariak kontrolatzea.

m) Nafarroako Suhiltzaileen zerbitzu operatiboetan funtzionalki esku hartzen duten Nafarroako Suhiltzaile boluntarioen taldeekin sinatu beharreko hitzarmenak eta itunak prestatu eta kudeatzea.

n) Manatzen zaizkion obra, instalazio eta ekipamendu programatuetarako inbertsioak kudeatzea.

ñ) Zuzendaritza Nagusiak agintzen dion beste edozein edo indarra duten xedapenek esleitzen dizkiotenak.

23. artikulua . Nafarroako Suhiltzaileen Zerbitzuaren egitura.

1. Nafarroako Suhiltzaileen Zerbitzuak atal hauek ditu bere egituran:

a) Prebentzio, Ikuskapen eta Zabalkunde Atala.

b) Gai Teknikoen, Logistikaren eta Ekipoen Atala.

c) Esku-hartze Operatiboaren, Suhiltzaile Etxeen, Kanpainen eta Taldeen Atala.

d) Prestakuntza Atala.

e) Gai Administratiboak eta Langileria Kudeatzeko Atala.

2. Atalek talde operatiboak izaten ahalko dituzte, baita erreskate taldeak eta talde bereziak ere. Barneko, Funtzio Publikoko eta Justiziako kontseilariaren foru aginduaren bidez sortuko dira eta hartan zehaztuko dira taldeen tamainari eta berezitasunei buruzko irizpideak.

Talde bakoitzean suhiltzaile agintari bat izanen da buru. Haren maila ezaugarrien arabera ezarriko da, eta aipatutako foru aginduan agertuko da.

3. Nafarroako Suhiltzaileen Zerbitzuak eskualdeak eta suhiltzaile etxeak ditu bere lurralde egituran.

4. Eskualdeak banaketa geografiko batzuk dira, beren baitan suhiltzaile etxe bat edo batzuk hartzen dituztenak. Barneko, Funtzio Publikoko eta Justiziako Departamentuko kontseilariaren foru agindu bidez ezarriko dira.

Eskualde bakoitzean suhiltzaile agintari bat izanen da buru. Haren maila ezaugarrien arabera ezarriko da eta aipatutako foru aginduan agertuko da.

5. Nafarroako Suhiltzaileen Zerbitzuko suhiltzaile etxeak Barneko, Funtzio Publikoko eta Justiziako Departamentuko kontseilariaren foru agindu bidez sortu eta deseginen dira. Bertan zehaztuko dira haien tipologia, langileen eta esku-hartzearen kopurua, xede dituzten herriak eta arriskuen mapa.

Suhiltzaile etxe bakoitzean suhiltzaile agintari bat izanen da buru. Haren maila suhiltzaile etxearen motaren araberakoa izanen da eta aipatutako foru aginduan agertuko da.

6. Erregelamendu bidez, bigarren jarduerako taldeak ezar daitezke, Nafarroako Suhiltzaileen Zerbitzuaren mende eginkizunei eta antolaketari dagokienez. Haien ezaugarriak, lan baldintzak eta lehentasunak Barneko, Funtzio Publikoko eta Justiziako kontseilariaren foru aginduaren bidez alda daitezke.

24. artikulua . Prebentzio, Ikuskapen eta Zabalkunde Atalaren esparru material eta funtzionala.

Prebentzio, Ikuskapen eta Zabalkunde Atalak honako eginkizun hauek izanen ditu:

a) Suteen eta ezbeharren prebentzioaren arloko araudia betetzen den ikuskatzeko planifikatzen diren jarduerak egitea, Larrialdietako, Prebentzioko eta Babes Zibileko Zerbitzuarekin koordinaturik, protokoloak agintzen duen moduan.

b) Hondamendiei eta istripu handi eta txikiei aurrea hartzeko autobabeseko edo babes zibileko neurriak, oro har gizartean eta, bereziki, ikasle eta langileen artean zabaltzeko planifikatzen diren informazio eta prestakuntza jarduerak egiten laguntzea, Larrialdietako, Prebentzioko eta Babes Zibileko Zerbitzuko unitateekin koordinaturik, protokoloak agintzen duen moduan.

c) Entitateei eta erakunde publiko zein pribatuei sostengu eta aholkua ematea, ebakuazio eta autobabeserako beren planak egin ditzaten.

d) Zentro, instalazio eta jardueren autobabeserako eta ebakuaziorako planen prestaketa, mantentze-lanak eta berrikuspenak gainbegiratzea, halakoak behar dituztenean, Larrialdietako, Prebentzioko eta Babes Zibileko Zerbitzuko unitateekin koordinaturik, protokoloak agintzen duen moduan.

e) Ezbeharrak ikertzea, zergatik sortu eta garatu diren zehazteko, horretarako lankidetzan arituko direlarik Larrialdietako, Prebentzioko eta Babes Zibileko Zerbitzuarekin eta Nafarroako Suhiltzaileen gainerako unitateekin eta, hala behar bada, segurtasun indar eta kidegoekin.

f) Bigarren jarduerako egoerarekin bateragarriak diren administrazio- eta kudeaketa-lanak, Prestakuntza Atalarekin zuzenean koordinaturik.

g) Prebentzio eta su-itzaltze zerbitzuen zabalkunde eta transmisio lanak hedabide eta herritarrekin, Nafarroako Foru Komunitateko Administrazioaren esparruan horretarako eskumena duten bide eta organoen bitartez.

h) Zuzendaritza Nagusiak agintzen dion beste edozein edo indarra duten xedapenek esleitzen dizkiotenak.

25. artikulua . Gai Teknikoen, Logistikaren eta Ekipoen Atalaren esparru materiala eta funtzionala.

Gai Teknikoen, Logistikaren eta Ekipoen Atalak honako eginkizun hauek izanen ditu:

a) Nafarroako suhiltzaile profesionalen eta boluntarioen etxeen sareko material teknikoaren, ibilgailuen, jantzien, ekipoen eta azpiegituren egoeraren jarraipena egitea eta arlo horietan plangintzarik eta programaziorik baden begiratzea.

b) Nafarroako Suhiltzaileen Zerbitzuaren eta Larrialdietako, Prebentzioko eta Babes Zibileko Zerbitzuaren logistika kudeatzea, funtzionamendu egokia izan dezaten.

c) Material, ibilgailu, ekipo eta azpiegituren beharrak atzeman direla, aztertzen ari direla eta, bidezko bada, konponbidean egon daitezen programaturik daudela koordinatzea.

d) Baldintza teknikoen agiriak prestatzea, ibilgailuen, material teknikoaren, ekipoen, ekipamenduaren eta azpiegituren arloetarako.

e) Zehaztapen teknikoak prestatu eta eguneratzea.

f) Langile operatiboen uniformeak eta ekipamendua proposatzea.

g) Eraikinen, instalazioen eta azpiegituren mantentze-lanez arduratzea.

h) Ibilgailu, ekipo, makineria, material, jantzi, ekipamendu eta azpiegituren beharrei buruzko txostenak hartu, prestatu eta aztertzea.

i) Inbentarioak, materialak, ekipoak, ibilgailuak eta ekipamendua kontrolatzea eta haien egoeraren berri izatea.

j) Zehaztapen teknikoak, biltegia, ibilgailuak, materialak, ekipoak eta ekipamendua mantentzea.

k) Bere eskumenen esparruko araudia eta legezko xedapenak bildu eta eguneratzea.

l) Atalari atxikitako unitateen eta langileen jarduera koordinatzea, gainbegiratzea eta sostengua ematea, helburuak ezarriz, haiek betetzen direla kontrolatuz eta haien jarduera koordinatuz, Nafarroako Suhiltzaileen Zerbitzuak ematen dituen jarraibideekin bat.

m) Azterlanak, txostenak eta proiektuak prestatzea zerbitzuarentzat.

n) Laguntza teknikoa ematea Nafarroako Suhiltzaileen Zerbitzuko gainerako atalei eta Larrialdietako, Prebentzioko eta Babes Zibileko Zerbitzukoei.

ñ) Zuzendaritza Nagusiak agintzen dion beste edozein edo indarra duten xedapenek esleitzen dizkiotenak.

26. artikulua . Eskuhartze Operatiboaren, Suhiltzaile Etxeen, Kanpainen eta Taldeen Atalaren esparru material eta funtzionala.

Esku-hartze Operatiboaren, Suhiltzaile Etxeen, Kanpainen eta Taldeen Atalak honako eginkizun hauek izanen ditu:

a) Nafarroako Suhiltzaile profesionalen suhiltzaile-etxeen sarearen kudeaketa operatiboa, eskatzen zaizkien esku-hartzeei eta eman beharreko prebentzio-zerbitzuei erantzute aldera.

b) Nafarroako Suhiltzaile profesionalen suhiltzaile-etxeen sareko giza baliabideen eta baliabide materialen eraginkortasun osoa bermatzea, zerbitzuen kalitate-estandarraren eta isokronoen araberako erantzuna emateko eta, hortaz, Nafarroa osoan ekitatea bermatzeko.

c) Jarduerak, zentroak, establezimenduak eta instalazioak ikuskatzeko planetan agintzen zaizkion lanak egitea.

d) Zentro, instalazio eta jardueren autobabeserako eta ebakuaziorako planen prestaketa, mantentze-lanak eta berrikuspenak gainbegiratzea, Larrialdietako, Prebentzioko eta Babes Zibileko Zerbitzuarekin koordinaturik.

e) Larrialdietarako autobabeseko eta babes zibileko neurriak zabaltzeari begira agintzen zaizkion informazio eta prestakuntza jarduera planifikatuak egitea Larrialdietako, Prebentzioko eta Babes Zibileko Zerbitzuko unitateekin koordinaturik.

f) Esku hartzeko gutxieneko zerbitzuen eta langile operatiboen lan egutegien kontrola eta segimendua egitea.

g) Suhiltzaile etxeetako zuzkidurak aztertu eta kontrolatzea, esku hartzeko gaitasunaren eraginkortasuna hobetzearren.

h) Langile operatiboen segimendu berariazkoa egitea laneko arriskuen prebentzioko eta lan osasuneko neurriei dagokienez.

i) Zuzendaritzak prestatutako instalazioen, ibilgailuen, materialen eta ekipoen mantentze-planen kontrolean eta segimenduan laguntzea.

j) Lurraldeetako suhiltzaile etxeetako biltegietako inbentarioak eta ekipamendua kontrolatu eta haien jarraipena egitea.

k) Nafarroako Suhiltzaileen zerbitzu bereziak diseinatu, abian jarri eta kudeatzea, istripu handi eta txikietan eta babes zibileko larrialdietarako planetan ezarritako egoeretan aurrea hartu edo esku hartzeko lanetan sortzen diren beharretarako.

l) Nafarroako eskualdeetako baso-suteen kontrako kanpainak diseinatu, abian jarri eta kudeatzea.

m) Nafarroako Suhiltzaileen Zerbitzuko osasun unitateek larrialdietako osasun garraioko sarean duten parte-hartzea koordinatzea.

n) Honako hauek diseinatu, abian jarri, kudeatu eta etengabe ebaluatzea: uretako eta mendiko erreskate taldeak, baita aldi baterako edo modu iraunkorrean eratzen ahal diren esku-hartze talde bereziak ere, eta bereziki, tartean gai arriskutsuak eta NEBK gaiak dauden istripuetarako direnak.

ñ) Langile operatiboen esku-hartze eta mobilizaziorako protokoloak prestatzea.

o) Zerbitzuaren erantzun operatiboa aztertzea, ondokoei dagokienez: gutxieneko zerbitzuak, isokronen analisia, eskualdeen araberako suhiltzaile etxeen banaketa eta erantzun-denborak.

p) Babes zibileko planen aplikazio operatiboa, zerbitzuaren erantzun operatibotik abiatuta, batez ere ondoko gaiei buruzkoak: salgai arriskutsuak, tunelak, lurrikarak, uholdeak, baso-suteak.

q) Babes zibilerako plan berezien esparruan, simulakroen antolakuntzan parte hartzea.

r) Nafarroako Foru Komunitateko suhiltzaile boluntarioen taldeekin koordinatzea.

s) Zuzendaritza Nagusiak agintzen dion beste edozein edo indarra duten xedapenek esleitzen dizkiotenak.

27. artikulua . Prestakuntza Atalaren esparru material eta funtzionala.

Prestakuntza Atalak honako eginkizun hauek beteko ditu:

a) Nafarroako Suhiltzaileen Zerbitzuaren etengabeko prestakuntza plana diseinatu, abian jarri, kudeatu eta ebaluatzea Nafarroako Segurtasun eta Larrialdi Eskolarekin elkarlanean.

b) Nafarroako Segurtasun eta Larrialdi Eskolari laguntzea ekintza hauen kudeaketan eta tutoretzetan: Nafarroako Suhiltzaileen Zerbitzuaren oinarrizko prestakuntza, espezializaziorako prestakuntza eta etengabeko prestakuntza.

c) Nafarroako Suhiltzaileen Zerbitzuaren etengabeko prestakuntza fisikorako programa diseinatu, abian jarri, kudeatu eta ebaluatzea.

d) Nafarroako Suhiltzaileen Zerbitzuaren mendeko lanpostuetan txertatzeko, sartzeko eta mailaz igotzeko curriculumak diseinatzea, Segurtasun eta Larrialdi Eskolarekin elkarlanean.

e) Langile operatiboen prestakuntza fisikoa kontrolatu eta haren jarraipena egitea.

f) Laguntza ematea Nafarroako Suhiltzaileen Zerbitzuko gainerako atalei eta Larrialdietako, Prebentzioko eta Babes Zibileko Zerbitzukoei.

g) Zuzendaritza Nagusiak agintzen dion beste edozein edo indarra duten xedapenek esleitzen dizkiotenak.

28. artikulua . Gai Administratiboak eta Langileria Kudeatzeko Atalaren esparru material eta funtzionala.

Gai Administratiboak eta Langileria Kudeatzeko Atalak honako eginkizun hauek ditu:

1. Nafarroako Suhiltzaileen Zerbitzuaren esparruan:

a) Ekipamenduen eta instalazioen berrikuntza eta mantentze-lanak planifikatzea eta sustatzea.

b) Informazio lana, antolaketa lana eta agiriak kudeatu eta koordinatzea.

c) Datu estatistikoak kudeatzea.

d) Administrazio-prozesuak koordinatzea, Nafarroako Suhiltzaileen Zerbitzurako jarduketa irizpide bateratuak ezarriz.

e) Administrazioaren ekoizpena hobetzeko neurri teknikoak proposatu eta haien ezarpenaren jarraipena egitea.

f) Kontratuak kudeatzea, hau da, obretakoak, zerbitzuetakoak, laguntza teknikokoak eta hornidurakoak.

g) Zentro berekietako ondasun eta zerbitzuen hornidura koordinatu eta kontrolatzea.

h) Berekiak ez diren entitateekiko lankidetza akordioak kudeatzea.

i) Aseguruak kudeatu eta kontrolatzea.

j) Nafarroako Suhiltzaileen zentroak eta zerbitzuak koordinatzea laneko eskubideak eta eginbeharrak begiratu eta betetzeari dagokionez.

k) Kudeaketa administratiboaren eta langileriaren kudeaketaren arloetarako garatu beharreko aplikazio informatikoen beharrak jakinarazi eta kontrolatzea.

l) Jendearentzako arreta zerbitzua gainbegiratu eta kontrolatzea.

m) Zerbitzuko zuzendaritzak edo Barneko Zuzendaritza Nagusiak agintzen dion beste edozein edo indarra duten xedapenek esleitzen dizkiotenak.

2. Nafarroako Babes Zibilari eta Larrialdien Kudeaketari buruzko uztailaren 1eko 8/2005 Foru Legearen 53.1 artikuluan zehaztu lanpostuak betetzen dituzten langileei dagokienez:

a) Langileriaren kudeaketari jarraipena egitea, eta hura koordinatu eta kontrolatzea.

b) Langileriaren arloko espedienteak izapidetzea, Barneko zuzendari nagusiari edo zerbitzuko zuzendariari baldin badagokio haien gainean ebaztea.

c) Barneko Giza Baliabideen Zerbitzuarekin lankidetzan aritzea lanpostuak betetzeko deialdiak egin, izapidetu eta ebazteko.

d) Funtzio Publikoko Zuzendaritza Nagusian izapidetzea langileen arloko gai guztiak, baldin eta haren eskumena bada gai horiei buruzko ebazpena ematea.

e) Langileen erregistroa ireki, mantendu eta eguneratzea.

f) Ezarririk dagoen erregelamenduzko prozedurari jarraituz aldi baterako langileak kontratatzeko beharrak gainbegiratzea.

g) Absentismoa kontrolatu, baja-agiriak izapidetu eta langileen egutegirako, absentismorako, oporretarako eta lizentzietarako programa ezarri eta kudeatzea.

h) Lanaldiz kanpoko lanei buruzko araudi orokorra betetzen ote den begiratu eta kontrolatzea.

i) Erakunde sindikalekin eta Nafarroako Suhiltzaileen kolektiboen ordezkaritza-organoekin izan beharreko harremanen ohiko kudeaketa, Funtzio Publikoko Zuzendaritza Nagusiaren jarraibideen arabera eta Barneko Giza Baliabideen Zerbitzuarekin koordinaturik.

6. ATALA. LARRIALDIETAKO, PREBENTZIOKO ETA BABES ZIBILEKO ZERBITZUA

29. artikulua . Larrialdietako, Prebentzioko eta Babes Zibileko Zerbitzuaren esparru material eta funtzionala.

Larrialdietako, Prebentzioko eta Babes Zibileko Zerbitzuak honako eginkizun hauek izanen ditu:

a) Arriskuei aurrea hartzeko planak eta programak diseinatu eta abian jartzea babes zibilaren arloan.

b) Babes zibilaren gaineko azterketa teknikoak egitea.

c) Nafarroako Foru Komunitatearen lurralde eremuan aplikagarriak diren babes zibileko planak prestatu, ezarri eta haien eraginkortasuna mantentzea.

d) Larrialdietarako tokian tokiko planak homologatzeko prozesua kudeatzea.

e) Nafarroako Foru Komunitateko baliabideen katalogoak, arriskuen katalogoa eta mapa eta jarduera arriskutsuen katalogoak prestatu eta etengabe eguneratzea.

f) Babes zibileko planetarako baliabideak planifikatu eta kudeatzea, bereziki irrati-komunikazioetakoak eta telekomunikazioetakoak.

g) Larrialdiak kudeatzeko zentroa zuzentzea.

h) Larrialdien gaineko informazio-sistemak diseinatu, abian jarri eta kudeatzea.

i) Administrazio eta teknika arloetan, Babes Zibileko koordinazio organoen euskarria izatea.

j) Jarduera sailkatuei eta, oro har, arriskuen prebentzioari eta babes zibilari buruzko espedienteak direla-eta, ikuskatze jarduketak eta egin beharreko txosten teknikoak kudeatzea, Barneko Zuzendaritza Nagusiko organo teknikoa baita.

k) Berekiak ez diren entitateekin larrialdien arretarako eta babes zibilerako sinatutako itun eta hitzarmenak prestatu eta kudeatzea.

l) Udaltzaingoak koordinatzea babes zibilaren eta larrialdien arloan.

m) Nafarroako Babes Zibileko Batzordean parte hartzea, hari buruzko arau erregulatzailean zehaztuko den moduan.

n) Larrialdietarako telekomunikazio-sareak ezartzea eta kudeatzea.

ñ) Arrisku-mailei lotutako aginte-taulak eta adierazleak egitea, eta haien jarraipena, balorazioa eta zabalkundea egitea Barneko Zuzendaritza Nagusiaren eskumen-esparruan.

o) Baloratzea zer baliabide teknologiko eta informazio-sistema behar diren -irrati-komunikaziokoak eta telekomunikazioetakoak barne- Barneko Zuzendaritza Nagusiari esleitutako eskumenak gauzatzeko, haien kostu ekonomikoa ebaluatzea eta haiek inplementatzea.

p) Baliabide teknologikoei eta informazio-sistemei buruzko eskaerak bideratzea arlo horretan eskumena duen zuzendaritza nagusira.

q) Arrisku-adierazleak prestatzea Barneko Zuzendaritza Nagusiaren eskumen-esparruan, eta haien jarraipena eta balorazioa egitea.

r) Informazio eta Alertako Foru Sarea sortu eta kudeatzea larrialdien, segurtasun politiken, segurtasun publikoaren, trafikoaren eta bide segurtasunaren arloan.

s) Foru Komunitateko Babes Zibileko Larrialdi Planen Erregistroa eta Larrialdiei eta Hondamendiei buruzko Datuen Erregistroa bultzatzea eta sortzea.

t) Organo eskudunek ezartzen dituzten ariketetan eta simulakroetan parte hartzea, baita segurtasunarekin eta babes zibilarekin zerikusia duten prebentzio-jardueretan ere.

u) Babes zibileko larrialdietan laguntza eta aholkularitza emateko dauden aholkularitzako eta aurrea hartzeko batzorde Teknikoetan parte hartzea, baita lan-batzordeetan ere, Babes Zibilarekin koordinaturik.

v) Azterlanak egitea larrialdietarako prestatu beharraren kultura garatzeko, eta hautematen diren arriskuak murriztu edo ezabatzeko prebentzio-neurriak ezartzen eta gauzatzen parte hartzea, Barneko Zuzendaritza Nagusiaren eskumen-arlo guztiekin koordinaturik.

w) Herritarrek, boluntarioen erakundeen bidez, segurtasuneko eta autobabeseko jardueretan borondatez parte har dezaten bultzatzea Barneko Zuzendaritza Nagusiaren plangintza estrategikoarekin bat etorriz.

x) Zuzendaritza Nagusiak agintzen dion beste edozein edo indarra duten xedapenek esleitzen dizkiotenak.

30. artikulua . Larrialdietako, Prebentzioko eta Babes Zibileko Zerbitzuaren egitura.

Larrialdietako, Prebentzioko eta Babes Zibileko Zerbitzuak atal hauek ditu bere egituran:

a) SOS Nafarroa Atala.

b) Larrialdien eta Komunikazio Sistemen Plangintza eta Koordinazio Atala.

c) Larrialdietako Prebentzio, Informazio eta Prestakuntza Atala.

d) Berrikuntza Teknologikoaren Atala.

31. artikulua . SOS Nafarroa Atalaren esparru material eta funtzionala.

SOS Nafarroa Atalak honako eginkizun hauek izanen ditu:

a) 112 SOS Nafarroa larrialdiak kudeatzeko zentroaren kudeaketa material eta operatiboa, haren funtzionamendurako erregelamenduan agindutakoari jarraikiz.

b) Larrialdietan baliabideak mobilizatzeko protokoloak prestatu eta mantentzea, baita gaitasunen eta baliabideen katalogoak eta, oro har, informazioa eta datu-baseak ere.

c) Operadoreen eta aretoko buruen jarduera kudeatzea eta gainbegiratzea.

d) Eguneroko jardueraren parteak, abisuak eta jakinarazpenak egitea, eta jarduerak behar laguntza administratiboa.

e) Zentroari atxikitako langileen lan-araubidea kontrolatzea, baita txandak, egutegia eta ordutegiak ere.

f) 112 SOS Nafarroa zentroan aritzen diren osasun arloko koordinatzaileen goi koordinazio funtzionala egitea.

g) Larrialdiak kudeatzeko zentroari atxikitako langileen etengabeko prestakuntza gainbegiratzea.

h) Egindako prestazioak aztertzea eta ebaluatzea.

i) Larrialdietako deien erantzuna kudeatzen dituzten beste zentro batzuekin koordinatzea.

j) Nafarroako Babes Zibileko sistemari atxikitako boluntariotza-erakundeekin koordinatzea, suhiltzaile boluntarioen elkarteekin izan ezik, haiek Nafarroako Suhiltzaileen Zerbitzuaren esparruan sartzen baitira.

k) Nafarroako Babes Zibileko Alarma eta Alerta Sarea ustiatzea horren eskumena duen organoarekin koordinaturik eta zeharka.

l) Hedabideekin eta zabalkundeko eta prestakuntzako kanpaina eta ekimenekin lankidetzan aritzea eta haietan parte hartzea babes zibilaren arlokoak direnean.

m) Ariketa eta simulakroetan parte hartzea, baita babes zibilaren arloan finkatzen diren beste zeinahi prebentzio-jardueretan ere.

n) Aholkularitzako eta aurrea hartzeko batzorde teknikoetan eta babes zibileko larrialdi bat dela-eta eratzen diren batzordeetan parte hartzea, baita, kasua bada, zaintza operatibo teknikoan ere, halakorik ezartzen bada ezohiko koordinazioa behar duten larrialdietarako erantzuna prestatze aldera.

ñ) Zuzendaritza Nagusiak agintzen dion beste edozein edo indarra duten xedapenek esleitzen dizkiotenak.

32. artikulua . Larrialdien eta Komunikazio Sistemen Plangintza eta Koordinazio Atalaren esparru material eta funtzionala.

1. Larrialdien eta Komunikazio Sistemen Plangintza eta Koordinazio Atalak honako eginkizun hauek izanen ditu:

a) Larrialdietan esku hartzeko eta zerbitzu operatiboen jarduketa bateratuetarako protokoloak prestatu eta mantentzea.

b) Zehaztuko diren ikuskatze eta kontrol prozeduren bidez, zerbitzu operatiboen jarduketa eta ezarritako protokoloak betetzen direla gainbegiratzea.

c) Protokoloak aplikatzean gertatzen diren ohiz kanpoko egoerak ebaztea, halakorik izanez gero, eta berehala zuzentzea larrialdiak kudeatzeko sistemaren funtzionamenduan gertatzen diren akatsak, halakorik izanez gero.

d) Larrialdietako planetan, kasuan kasuko aktibatze mailan, kudeaketarako laguntza teknikoa ematea eta, zuzendaritza teknikoa edo aholku batzordea oraindik eratu gabe dagoenean, zuzendaritza eta koordinazio eginkizunak bere gain hartzea.

e) Babes zibileko informazio eta alarma sistemen eta sareen definizioa eta jarraipen teknikoa.

f) Larrialdiei erantzuteko eta babes zibilaren arloko erabaki, itun edo hitzarmen proposamenak prestatzea eta haien jarraipena egitea.

g) Osasun zerbitzuekin batera aritzea larrialdiak planifikatzean eta kudeatzean, osasun kontuei dagokienez, baita hil edo biziko larrialdiez arduratzeko berariazko protokoloak prestatzean ere.

h) Larrialdietarako osasun garraioko sarea kudeatzea, osasun zerbitzuekin koordinatuta.

i) Babes zibileko plan bereziak direla-eta, simulakroak koordinatu eta antolatzea.

j) Nafarroako Gobernuak onetsi beharreko babes zibileko planak proposatu eta prestatzea, baita haiek ezarri eta haien eraginkortasunari eustea ere.

k) Planen prestaketa eta ezarpena bultzatu eta koordinatzea, haien esparrua herria edo eskualdea denean edo haien prestaketa toki entitateen esku dagoenean.

l) Babes zibileko eskualde, udal eta udalez gaindiko planak homologatzeko proposamena eta azterketa teknikoa egitea.

m) Hondamendi arriskuen eta arrisku berezi eta berariazkoen gaineko ebaluazioak egitea.

n) Istripu larri eta txikiei buruzko eta, oro har, gertatzen diren larrialdi eta hondamendiei buruzko azterketak eta estatistikak egitea.

ñ) Larrialdiak kudeatzeko zentroko ekipoen eta instalazioen eta, bereziki, larrialdiak kudeatzeko sistemaren mantentze-lanak.

o) Nafarroako Foru Komunitatean izaten diren larrialdiei erantzuteko irrati-komunikazioen sareaz arduratzea eta jarraipen teknikoa egitea, eta sare hori eta dauden sare sektorialak elkarrekin koordinatzea.

p) Zerbitzu berekietan instalatutako komunikazio sistemen eta baliabideen inbentarioa egitea eta kontrolatzea, are haien erabilera babes zibilarekin nahiz herritarren segurtasunarekin loturiko beste zerbitzu, erakunde edo instituzio batzuei laga bazaizkie ere.

q) Nafarroako Suhiltzaileen eta Babes Zibileko eta Larrialdietako zerbitzuen informazio-sistema berekia, aginte koadroak eta telekomunikazio-sistemak diseinatu eta abian jartzea.

r) Zuzendaritza Nagusiak agintzen dion beste edozein edo indarra duten xedapenek esleitzen dizkiotenak.

2. Larrialdietan, oro har, eta babes zibileko planen aktibazio fase guztietan, arestian aipatu eginkizunak betetzeko, segurtasunaren eta babes zibilaren arloetako goi mailako teknikariak, Nafarroako suhiltzaileen ofizialak eta, hala behar bada, larrialdien kudeaketarekin loturiko bestelako teknikariak aritzen ahalko dira. Langile horiek, eginkizunei dagokienez, Larrialdien eta Komunikazio Sistemen Plangintza eta Koordinazio Atalari atxikiko zaizkio. Txanden eta zaintza orduen sistema bat ezarriko da, eta halaber, lana antolatuko da, aipatutako taldeetako ordezkari bana egon dadin gutxienez une oro, eta hortaz, etengabeko arreta berma dadin.

Barneko zuzendari nagusiaren ebazpen baten bidez izendatuko dira langile horiek eta antolatu eta ezarriko da txanden eta zaintza orduen araubidea. Horretarako, izendaturiko langileek aplikatzekoa den araudiaren araberako ordainsariak jasoko dituzte.

33. artikulua . Larrialdietako Prebentzio, Informazio eta Prestakuntza Atalaren esparru material eta funtzionala.

Larrialdietako Prebentzio, Informazio eta Prestakuntza Atalak honako eginkizun hauek izanen ditu:

a) Arriskuen prebentziora bideratutako ekintza mota oro programatzea.

b) Beste entitate eta erakunde batzuei aholkularitza teknikoa ematea arriskuen prebentzioari buruz.

c) Hondamendien eta istripu larri zen txikien kontrako segurtasunaren gaineko ikerketa teknikoak egitea.

d) Suteen eta bestelako arriskuen kontrako segurtasun neurrien gaineko txostena egitea behar diren espediente administratiboetan, batez ere, ingurumenean eragina duten jarduerei buruzkoetan.

e) Ezbeharren ikerketa teknikoen prozesuetan parte hartzea, zergatik sortu eta garatu diren zehazteko, horretarako lankidetzan arituko direlarik arloarekin zerikusia duten eginkizunak eta eskumenak dauzkaten entitate eta erakundeekin.

f) Suteen eta bestelako arriskuen kontrako segurtasun neurriei buruzko jardueren ikuskapen-plana prestatu eta haren segimendua egitea. Plana eskudunak diren beste departamentu-unitateekin lankidetzan arituz beteko da, protokoloak agindutako moduan.

g) Txostenak egitea, aholkularitza ematea eta lurralde-antolamenduaren eta hirigintzaren arloarekin lotutako eztabaida-organoetan parte hartzea, arriskuei eta babes zibilaren plangintzari dagokienez.

h) Autobabeserako eta babes zibilerako neurriak zabaltzeko informazio- eta prestakuntza-jarduerak diseinatu, sustatu, abiarazi, kudeatu eta ebaluatzea, bai larrialdiei aurre egiteko ardura duten langileentzako eta bai arrisku edo larrialdien eraginpean gerta litezkeen pertsona eta taldeentzako.

i) Sustapeneko eta zabalkundeko behar beste ekintza egitea Nafarroako gizartearen maila guztietan autobabesaren kultura ezarri eta garatzeko herritarren artean.

j) Zuzendaritza Nagusiak agintzen dion beste edozein edo indarra duten xedapenek esleitzen dizkiotenak.

34. artikulua . Berrikuntza Teknologikoaren Atalaren esparru material eta funtzionala.

Berrikuntza Teknologikoaren Atalak honako eginkizun hauek izanen ditu:

a) Larrialdietarako telekomunikazio-sareak ezartzea eta kudeatzea.

b) Arrisku-mailei lotutako aginte-taulak eta adierazleak egitea, eta haien jarraipena, balorazioa eta zabalkundea egitea Barneko Zuzendaritza Nagusiaren eskumen-esparruan eta, batez ere, trafikoarekin, bide segurtasunarekin eta ibilgailu motordunen zirkulazioarekin loturikoak badira.

c) Baloratzea zer baliabide teknologiko eta informazio-sistema behar diren Barneko Zuzendaritza Nagusiari esleitutako eskumenak gauzatzeko, bereziki trafikoarekin, bide segurtasunarekin eta ibilgailu motordunen zirkulazioarekin lotutakoak, eta orobat komunikazioetako eta telekomunikazioetako baliabideak, eta haien kostu ekonomikoa eta ezarpena ebaluatzea.

d) Baliabide teknologikoei eta informazio-sistemei buruzko eskaerak bideratzea arlo horretan eskumena duen Zuzendaritza Nagusira, bereziki trafikoaren eta ibilgailu motordunen zirkulazioaren arloko eskumenak hartzeko behar diren baliabide eta sistemei buruzkoak.

e) Arrisku-adierazleak prestatzea Barneko Zuzendaritza Nagusiaren eskumen-esparruan, eta haien jarraipena eta balorazioa egitea.

f) Informazio eta Alertako Foru Sarea sortu eta kudeatzea larrialdien, segurtasun politiken, segurtasun publikoaren, trafikoaren eta bide segurtasunaren arloan.

g) Foru Komunitateko Babes Zibileko Larrialdi Planen Erregistroa eta Larrialdiei eta Hondamendiei buruzko Datuen Erregistroa bultzatzea eta sortzea.

h) Organo eskudunek ezartzen dituzten ariketetan eta simulakroetan parte hartzea, baita segurtasunarekin eta babes zibilarekin zerikusia duten prebentzio-jardueretan ere.

i) Babes zibileko larrialdietan laguntza eta aholkularitza emateko dauden aholkularitzako eta aurrea hartzeko batzorde Teknikoetan parte hartzea, baita lan-batzordeetan ere, Babes Zibilarekin koordinaturik.

j) Zuzendaritza Nagusiak agintzen dion beste edozein edo indarra duten xedapenek esleitzen dizkiotenak.

7. ATALA. TRAFIKO ZERBITZUA

35. artikulua . Trafiko Zerbitzuaren esparru material eta funtzionala.

Trafiko Zerbitzuak honako eginkizun hauek izanen ditu:

a) Trafikoko eta bide segurtasuneko politikak bultzatu, koordinatu eta kudeatzea Nafarroako Foru Komunitatean.

b) Trafikoari, ibilgailu motordunen zirkulazioari eta bide segurtasunari buruz indarrean dagoen araudian ezarritako baimenak izapidetzea.

c) Trafikoaren eta bide segurtasunaren arloko zehapen-espedienteak izapidetzea.

d) Jarduerak planifikatu, zuzendu eta koordinatzea segurtasuna eta arintasuna hobetzeko hiriarteko bideetan, bide tarteetan eta trafiko-dentsitate handiko gune arriskutsuetan eta zeharbideetan.

e) Neurketa-ekipo berriak ezarri, erosi eta mantentzeko aukera aztertzea bideen erabiltzaileen segurtasuna hobetzeko.

f) Trafikoa arautzeko neurri bereziak ezartzea, Nafarroako Foru Komunitateko errepideetarako indarrean dagoen legeriaren arabera.

g) Bide hezkuntzako eta bide prestakuntzako jarduera-programak eta zabalkunde-kanpainak garatzea.

h) Trafikoari eta bide ezbeharrei buruzko datu estatistikoak prestatzea eta haien berri zabaltzea.

i) Zuzendaritza Nagusiari proposatzea zer jarraibide bete behar dituen udaltzainen jardunak zirkulazio-arauak bete eta interpretatzeko, Estatuarekin koordinatuta.

j) Analisiak, azterlanak eta txostenak egitea, baita bide segurtasuna hobetzeko proposamenak ere.

k) Sistemak proposatu eta ezartzea, Nafarroan trafikoa arautu eta zaintzeko ardura duten agenteek ematen dituzten zerbitzuen kalitatea hobetze aldera.

l) Zuzendaritza Nagusiak agintzen dion beste edozein edo indarra duten xedapenek esleitzen dizkiotenak.

36. artikulua . Trafiko Zerbitzuaren egitura.

Trafiko Zerbitzuak atal hauek ditu bere egituran:

a) Trafikoa Koordinatzeko Atala.

b) Bide Prestakuntzako eta Hezkuntzako Atala.

c) Kontrol eta Zehapen Atala.

37. artikulua . Trafiko Atalaren esparru material eta funtzionala.

Trafikoa Koordinatzeko Atalak honako eginkizun hauek izanen ditu:

a) Trafikoari, ibilgailu motordunen zirkulazioari eta bide segurtasunari buruz indarrean dagoen araudian ezarritako baimenak izapidetzea, Foru Komunitatearen lurraldean.

b) Foru Komunitatearen lurraldean egiten diren kirol-probek eta bestelako ekitaldiek trafikoan duten eraginari buruzko txostena.

c) Nafarroan jarduten duten trafiko-poliziek eta udaltzainek Istripuen Biktimen Erregistro Nazionalean grabatutako datuen txostena, jarraipena eta kontrola.

d) Foru Komunitateko trafikoari eta bide ezbeharrei buruzko datu estatistikoak prestatzea eta zabaltzea, Berrikuntza Teknologikoaren Atalarekin koordinaturik.

e) Etengabe aztertu eta ebaluatzea zertan diren neurketa-ekipoak (egoera, mantentzea eta premia berriak), besteak beste, Foru Komunitateko Administrazioaren radarrak, etilometroak eta zinemometroak.

f) Ibilgailuen zirkulazioa murrizteko arau bereziak aztertzea eta proposatzea.

g) Zerbitzuaren eskumenak gauzatzeko beharrezkoak diren proiektu informatikoak eta datu-baseak aztertzea, eta Trafiko Zerbitzuko atalei sostengu teknologikoa ematea, Berrikuntza Teknologikoaren Atalarekin koordinaturik.

h) Agintzen zaion beste edozein eginkizun, zerikusia baldin badu Trafiko Zerbitzuaren eskumenen esparru materialarekin.

38. artikulua . Bide Prestakuntzako eta Hezkuntzako Atalaren esparru material eta funtzionala.

Bide Prestakuntzako eta Hezkuntzako Atalak honako eginkizun hauek izanen ditu:

a) Gidariendako eskola partikularrei beren jarduera garatzeko ematen zaizkien baimenak izapidetzea, baita baimen horiek aldatzea, kontrolatzea eta ikuskatzea ere.

b) Gidariei osasun-azterketak egiteko zentroentzako baimenak izapidetzea, baita baimen horiek aldatzea, kontrolatzea eta ikuskatzea ere.

c) Prestakuntza-zentroei bide sentsibilizazioaren eta bide berreziketaren arloan ikastaroak emateko baimenak izapidetzea, baita baimen horiek aldatzea, kontrolatzea eta ikuskatzea ere.

d) Herritarrentzako bide segurtasuneko dibulgazioko, prestakuntzako eta hezkuntzako ekintzak eta kanpainak egitea, eta hezkuntza-administrazioarekin lankidetzan aritzea bide segurtasuneko hezkuntza-ekintzak programatzeko ikastetxeetan.

e) Bide hezkuntzaren arloko lankidetza-hitzarmenak aztertzea eta kudeatzea.

f) Agintzen zaion beste edozein eginkizun, zerikusia baldin badu Trafiko Zerbitzuaren eskumenen esparru materialarekin.

39. artikulua . Kontrol eta Zehapen Atalaren esparru material eta funtzionala.

Kontrol eta Zehapen Atalak honako eginkizun hauek izanen ditu:

a) Salaketa automatizatuak eta automatizatu gabekoak baliozkotzea.

b) Trafikoari, ibilgailuen zirkulazioari eta bide segurtasunari buruzko araudiaren aurka egindako arau-hausteengatiko zehapen-espedienteak izapidetzea eta kudeatzea, baita administrazio-bideko berrikuspen-prozedurak izapidetzea ere.

c) Trafikoaren arloko zehapen-espedienteei buruzko estatistikak egiten laguntzea.

d) Herritarrei laguntza eta informazioa ematea atalaren eskumen-esparruko gaietan.

e) Trafikoaren eta bide segurtasunaren arloko beste arau-hauste batzuengatik hasitako zehapen-espedienteak izapidetzea eta kudeatzea.

f) Zuzendaritza Nagusiak agintzen dion beste edozein edo indarra duten xedapenek esleitzen dizkiotenak.

III. KAPITULUA. FUNTZIO PUBLIKOKO ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

40. artikulua . Funtzio Publikoko Zuzendaritza Nagusiaren eskumenen esparru materiala.

Funtzio Publikoko Zuzendaritza Nagusiak foru dekretu honetan eta Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen foru dekretuan zehazten diren eskudantziak izanen ditu, artikulu honetan finkaturiko arlo hauei dagokienez, eta, zehazki, honako eginkizun hauek izanen ditu:

a) Langileriari buruzko politikaren goreneko zuzendaritza eta betearazpena.

b) Eraginkortasun administratiboa, gardentasuna eta herritarrarentzako zerbitzua bultzatzea, eta funtzionarioak eta enplegatuak jarduketa administratiboan parte har dezaten bultzatzea.

c) Nafarroako Gobernuak eta funtzio publikoaren arloko eskudantziak dituen kontseilariak ematen dituzten erregelamenduzko xedapenak eta administrazio-ebazpenak betearaztea, Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren 1. eta 2. artikuluetan ezarritako eskudantziei dagokienez.

d) Aurrekoen osagarri den beste edozein jarduera, Nafarroako Foru Komunitateko Administrazioa eta haren erakunde autonomoak hobetzen laguntzen duena.

e) Nafarroako Aurrekontu Orokorren I. kapituluaren aurreproiektuaren lanketa gainbegiratzea, pertsonal-gastuaren kontrola eta jarraipena kudeatzea, eta gastu-aurrekontuaren I. kapituluko kudeaketa-irizpideak ezartzea, hori guztia bat etorriz Nafarroako Ogasun Publikoari buruzko apirilaren 4ko 3/2007 Foru Legean xedatutakoarekin.

f) Foru Komunitateko Administrazioko eta haren erakunde autonomoetako langileen espediente pertsonalen irekiera eta etengabeko eguneraketa zuzentzea, eta arlo horretako ziurtagiriak egitea.

g) Langileen nominen eta gizarte-aurreikuspeneko sistemen kudeaketa zuzentzea.

h) Funtzio publikoan sartu aurretik langileek administrazio publikoari emandako zerbitzuen aitorpena onestea.

i) Behin-behineko destinoaren esleipena onestea, Nafarroako Administrazio Publikoetako lanpostuak betetzeko erregelamenduan ezarritako kasuetan.

j) Onestea beste administrazio publiko bateko funtzionarioak zerbitzu-eginkizunetan aldi baterako atxikitzea Foru Komunitateko Administrazioari edo haren erakunde autonomo bati.

k) Onestea irakasleak zerbitzu-eginkizunetan aldi baterako atxikitzea Foru Komunitateko Administrazioko departamentuetako eta erakunde autonomoetako irakaskuntzakoak ez diren lanpostuei.

l) Deialdiak onestea Foru Komunitateko Administrazioan eta haren erakunde autonomoetan lanpostuak betetzeari, langileak sartzeari eta mailaz igotzeari buruzkoak direnean.

m) Langileei zerbitzu-eginkizunak baimentzea, beste administrazio publiko batean aldi baterako zerbitzuak emateko.

n) Foru Komunitateko Administrazioko departamentuen eta erakunde autonomoen arteko zerbitzu-eginkizunak baimentzea.

ñ) Langileak izendatzea beren lanpostuaren maila bereko eta kategoria bereko nahiz goragoko beste lanpostu batean bitarte batez aritzeko.

o) Langileen administrazio-egoeren eskaerei buruzko ebazpenak onestea, artikulu honen ba) letran ezarritakoaren arabera.

p) Funtzionarioak eta lan-kontratudun langile finkoak izendatzea lanpostuak betetzeko deialdien ebazpenetan, artikulu honen ba) letran ezarritakoaren arabera.

q) Lan-arloko auzibidera jo aurreko administrazio-erreklamazioak eta funtzio publikoaren arloko administrazio-errekurtsoak ebazteko baimena ematea, baita langileen arloko ebazpen judizialak betearaztea ere.

r) Langileen arloko irizpideak finkatzea, oro har, Nafarroako Foru Komunitateko Administrazio osorako eta haren erakunde autonomoetarako, lanaldiei eta presentziei buruzko irizpideak barne, baita funtzio publikoaren arloko jarraibideak onestea ere, bat etorriz funtzio publikoaren arloko eskudantziak dituen Departamentuko kontseilariak finkatzen dituen irizpideekin.

s) Langileen bateragarritasun-baimenen ebazpena onestea.

t) Funtzio publikoaren arloko eskaerak ebazteko baimena ematea.

u) Nafarroako Foru Komunitateko Administrazioko montepioko eta udal-funtzionarioen montepioko funtzionarioen klase pasiboen sistemaren kudeaketa zuzentzea, baita gainerako gizarte-onurena ere.

v) Beren lana egiteko ezintasuna dutelako langileak lekuz aldatzeko prozedurak ebazteko baimena ematea.

w) Erretiroa eskatzeko eta zerbitzu aktiboan jarraitzeko baimena ematea.

x) Nafarroako Foru Komunitateko Administrazioaren eta haren erakunde autonomoen zerbitzuko langileen hauteskunde sindikalen koordinazioa zuzentzea.

y) Langileen ordezkaritza, eta haien lan-baldintzak negoziatu eta zehaztea.

z) Langileen ordezkari sindikalarekin izan beharreko harremanak zuzentzea.

aa) Negoziazio Mahai Orokorretan, Hitzarmen Kolektiboaren Negoziazio Batzordean eta Mahai Sektorialetan negoziatzen den langileen arloko araudia onestea, hala egitea bidezko denean zuzendaritza nagusi honen proposamen direlako.

ab) Nahitaezko txostena ematea Foru Komunitateko Administrazioko eta haren erakunde autonomoetako langileei eragiten dieten arau-proposamenei buruz, langileen gastuetan duten eraginari dagokionez, baita langileen arloan Nafarroako Gobernuari aurkezten zaizkion proposamen guztiei buruz ere, onets ditzan.

ac) Betetako lanpostuen edo lanpostu hutsen atxikipenak alda daitezen baimentzea.

ad) Nafarroako Foru Komunitateko Administrazioaren eta haren erakunde autonomoen zerbitzuko langileen lanpostuen sorrerarekin, konfigurazioarekin eta definizioarekin zerikusia duten txosten, azterlan, proiektu eta proposamenak zuzendu eta onestea, barne harturik ordainsari osagarrien azterketa, definizioa eta balorazioa, baita, hala dagokionean, unitate administratiboak sortu, aldatu edo kentzeko espedienteei buruzko txostenak ere, indarreko araudian ezarritako betebehar eta eskakizunen arabera, eta, orobat, egitura organikoari buruzko antolaketari eta proposamenei buruzko txostenak egitea eta enplegu publikoaren eskaintza onestea.

ae) Langileen Erregistro Nagusia zuzentzea eta Estatuko Administrazio Orokorreko eta gainerako Administrazio Publikoetako Langileen Erregistro Nagusiarekin koordinatzea.

af) Plantilla organikoari buruzko foru dekretuak zuzentzea eta onestea.

ag) Langile finkoen aldi baterako igoerei buruzko deialdiak zuzentzea eta ebaztea, baita langileak administrazio-araubidean edo lan-araubidean, modu finkoan edo aldi baterako, kontratatzeko deialdiak ere, betiere aurrekontuko aurreikuspenen barnean.

ah) Langileak kontratatzeko deialdien ondoriozko kontratuak baimentzea eta formalizatzea.

ai) Prestakuntzarako eta kontrataziorako izangaien zerrendak onestea.

aj) Nafarroako administrazio publikoen zerbitzuko langileen gaitasun eta trebakuntza profesionala bultzatzea.

ak) Nafarroako Justizia Administrazioaren zerbitzuko langileen prestakuntzarako programa eta jardueren diseinua, plangintza eta betearazpena zuzentzea eta proposatzea.

al) Nafarroako Administrazio Publikoetako langileen prestakuntza, eguneraketa, espezializazioa eta hobekuntza zuzentzea.

am) Partaidetza zuzentzea enplegurako prestakuntza-planen sustatzaile autonomiko gisa Administrazio Publikoen Enplegurako Prestakuntzari buruzko Akordioaren esparruan.

an) Funtzio publikoan sartzeko sistemak definitzeko eta haiek gauzatzeko eta zuzendari-postuetarako hautagaien egokitasuna ebaluatzeko parte hartzearen jarraipena egitea, barne harturik Nafarroako Administrazio Publikoetako lanpostuak betetzeko egokitasunari eta gaitasunari buruzko txostenak egitea. Orobat, langile horiek hartzeko hautapenean lagunduko du, eta haien orientazio profesionala gidatuko du, beste orientazioren bat, garapen profesionala edo lan-aldaketa behar denean.

añ) Prestakuntza-eredu berriak garatzeko eta ezartzeko zuzendaritza, Nafarroako administrazio publikoetako langileek hizkuntzak ikasi eta hobetu ditzaten sustatuz, kalterik egin gabe arlo horretan beste organo batzuei esleitutako eskumenei. Halaber, hizkuntzen ezagutzak egiaztatzeko probak eginen ditu, eta hautapen prozesuetan aurkezten diren hizkuntza-ziurtagiriak baloratuko ditu.

ao) Nafarroako sektore publikoarekin lotutako jardunaldi, sari, argitalpen eta beste zernahi jarduera onestea.

ap) Administrazioa Funtzio Publikoaren arloan modernizatzeko estrategia definitzea.

aq) Epe ertain eta laburreko jarduerak planifikatzea Funtzio Publikoaren esparruko estrategia hedatzeko.

ar) Bete beharreko helburu estrategikoen plangintza eta definizioa, baita horien jarraipena eta ebaluazioa ere.

as) Funtzio publikoa eraldatzeko proiektuak bultzatzea.

at) Funtzio Publikoaren eremuan administrazioa hobetzeko eta eraldatzeko proiektuak ezartzeko behar eta baliabideei buruzko txostenak eta azterketak egiten direla gainbegiratzea.

au) Lanpostuak ikuspegi estrategikoarekin antolatzeko plangintza.

av) Unitateen azterketa funtzionalerako sistema zuzentzea eta antolamenduan duten sailkapena baliozkotzea.

aw) Lanpostuen eta profilen azterketari, beharren azterketari, egokitasunari edo amortizazioari buruzko txostenak gainbegiratzea.

ax) Modernizazio-proiektuak diseinatzea unitate organikoei dagokienez, betiere lanpostuak eta haien jarduna kontuan hartuta.

ay) Definitzea zer informazio-premia eta garapen instrumentaleko premia dauden gaur egungo funtzio publikoko prozesuak hobetzeko balioko duten lanpostuei buruzko informazioa eskuratzeko.

az) Indarrean dauden xedapenek Funtzio Publikoko Zuzendaritza Nagusiari esleitzen dizkioten gainerakoak.

ba) Aurreko apartatuetan aipatutako eskudantziak Funtzio Publikoko zuzendari nagusiak izanen ditu, ezertan galarazi gabe otsailaren 21eko 30/2005 Foru Dekretuak Foru Komunitateko Administrazioko zenbait organo, departamentu eta erakunde autonomori ematen dizkienak; izan ere, Foru Dekretu horrek zehazten baititu Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak.

41. artikulua . Funtzio Publikoko Zuzendaritza Nagusiaren egitura.

1. Funtzio Publikoko Zuzendaritza Nagusiak unitate hauek ditu:

a) Langileriaren Gastuaren Kontrolaren eta Nominen Zerbitzua.

b) Langileriaren Prozedurak Kudeatzeko Zerbitzua.

c) Araubide Juridikoaren eta Gizarte Aurreikuspenaren Zerbitzua.

d) Arauen Garapenerako eta Lan Harremanetarako Zerbitzua.

e) Egiturako, Plantillako eta Langileen Aldi Baterako Kontratazioetako Zerbitzua.

f) Nafarroako Administrazio Publikoaren Institutuaren Zerbitzua.

g) Administrazioa Modernizatzeko eta Lanpostuak eta Egitura Planifikatzeko Atala.

2. Artikulu honetako 1. apartatuan aipatu unitate guztiek Funtzio Publikoko zuzendari nagusiari lagunduko diote, foru dekretu honen 40. artikuluaren a), b), c) eta d) letretan aipatzen diren eskudantziak baliatuz lagundu ere.

2. ATALA. LANGILERIAREN GASTUAREN KONTROLAREN ETA NOMINEN ZERBITZUA

42. artikulua . Langileriaren Gastuaren Kontrolaren eta Nominen Zerbitzuaren esparru material eta funtzionala.

Langileriaren Gastuaren Kontrolaren eta Nominen Zerbitzuak foru dekretu honetan ezarritako eskudantziak izanen ditu, foru dekretu honen 40. artikuluan zerrendatutako e), f) eta g) arloei dagokienez, eta, bereziki, honako eginkizun hauek izanen ditu:

a) Nafarroako Aurrekontu Orokorren I. kapituluaren aurreproiektua planifikatzea eta lantzea, langileriaren gastuaren kontrola eta jarraipena kudeatzea, eta gastu-aurrekontuaren I. kapituluko kudeaketa-irizpideak ezartzea, hori guztia bat etorriz Nafarroako Ogasun Publikoari buruzko apirilaren 4ko 3/2007 Foru Legean xedatutakoarekin.

b) Foru Komunitateko Administrazioko eta haren erakunde autonomoetako langileen espediente pertsonalen irekiera eta etengabeko eguneraketa kontrolatzea, eta arlo horretako ziurtagiriak egitea.

c) Langileen nominen eta gizarte-aurreikuspeneko sistemen kudeaketa koordinatzea.

d) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

43. artikulua . Langileriaren Gastuaren Kontrolaren eta Nominen Zerbitzuko egitura

Langileriaren Gastuaren Kontrolaren eta Nominen Zerbitzuak atal hauek ditu bere egituran:

a) Aurrekontuen Kudeaketarako Atala.

b) Nominen eta Gizarte Segurantzaren Atala.

44. artikulua . Aurrekontuen Kudeaketarako Atalaren esparru material eta funtzionala.

Aurrekontuen Kudeaketarako Atalak foru dekretu honen 40. artikuluaren e) letran ezarritako eginkizunak izanen ditu, eta, bereziki, honako hauek:

a) Nafarroako Aurrekontu Orokorren I. kapituluaren aurreproiektua lantzea, langileriaren gastuaren kontrola eta jarraipena kudeatzea, eta gastu-aurrekontuaren I. kapituluko kudeaketa-irizpideak ezartzea, hori guztia bat etorriz Nafarroako Ogasun Publikoari buruzko apirilaren 4ko 3/2007 Foru Legean xedatutakoarekin.

b) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

45. artikulua . Nominen eta Gizarte Segurantzaren Atalaren esparru materiala eta funtzionala.

Nominen eta Gizarte Segurantzaren Atalak foru dekretu honen 40. artikuluaren f) eta g) letretan ezarritako eginkizunak izanen ditu, eta, bereziki, honako hauek:

a) Foru Komunitateko Administrazioko eta haren erakunde autonomoetako langileen espediente pertsonalen irekiera eta etengabeko eguneraketa, eta arlo horretako ziurtagiriak egitea.

b) Langileen nominak eta gizarte aurreikuspeneko sistemak kudeatzea.

c) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

3. ATALA. LANGILERIAREN PROZEDURAK KUDEATZEKO ZERBITZUA

46. artikulua . Langileriaren Prozedurak Kudeatzeko Zerbitzuaren esparru material eta funtzionala.

Langileriaren Prozedurak Kudeatzeko Zerbitzuak foru dekretu honetan ezarritako eskudantziak izanen ditu foru dekretu honen 40. artikuluan zerrendatutako h), i), j), k), l), m), n), ñ) o) eta p) arloei dagokienez, eta, bereziki, honako eginkizun hauek izanen ditu:

a) Funtzio publikoan sartu aurretik langileek administrazio publikoari emandako zerbitzuen aitorpena gainbegiratzea.

b) Behin-behineko destinoaren esleipena gainbegiratzea, Nafarroako Administrazio Publikoetako lanpostuak betetzeko erregelamenduan ezarritako kasuetan.

c) Gainbegiratzea beste administrazio publiko bateko funtzionarioak zerbitzu-eginkizunetan aldi baterako atxikitzea Foru Komunitateko Administrazioari edo haren erakunde autonomo bati.

d) Gainbegiratzea irakasleak zerbitzu-eginkizunetan aldi baterako atxikitzea Foru Komunitateko Administrazioko departamentuetako eta erakunde autonomoetako irakaskuntzakoak ez diren lanpostuei.

e) Deialdiak planifikatzea Foru Komunitateko Administrazioan eta haren erakunde autonomoetan lanpostuak betetzeari, langileak sartzeari eta mailaz igotzeari dagokienez.

f) Baimenak gainbegiratzea langileak zerbitzu-eginkizunetan aritzeko aldi batean beste administrazio publiko batean.

g) Foru Komunitateko Administrazioko departamentuen eta erakunde autonomoen arteko zerbitzu-eginkizunetarako baimenak gainbegiratzea.

h) Langileen izendapenak gainbegiratzea, beren lanpostuaren maila bereko eta kategoria bereko nahiz goragoko beste lanpostu batean bitarte batez aritzeko izendatzen direnean.

i) Langileen administrazio-egoeren eskaerak izapidetzea eta ebazpena kontrolatzea, 40. artikuluaren ba) letran ezarritakoaren arabera.

j) Funtzionarioen eta lan-kontratudun langile finkoen izendapenak kontrolatzea lanpostuak betetzeko deialdien ebazpenetan, artikulu honen ba) letran ezarritakoaren arabera.

k) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

47. artikulua . Langileriaren Prozedurak Kudeatzeko Zerbitzuaren egitura.

Langileriaren Prozedurak Kudeatzeko Zerbitzuak atal hau du:

Hautapen Prozesuetako, Lanpostuak Betetzeko eta Administrazio Egoeretako Atala.

48. artikulua . Hautapen Prozesuetako, Lanpostuak Betetzeko eta Administrazio Egoeretako Atalaren esparru material eta funtzionala.

Hautapen Prozesuetako, Lanpostuak Betetzeko eta Administrazio Egoeretako Atalak foru dekretu honen 40. artikuluaren h), i), j), k), l), m), n), ñ) o) eta p) letretan ezarri diren eginkizunak beteko ditu, eta, bereziki, honako hauek:

a) Funtzio publikoan sartu aurretik langileek administrazio publikoari emandako zerbitzuak aitortzea.

b) Behin-behineko destinoaren esleipena, Nafarroako Administrazio Publikoetako lanpostuak betetzeko erregelamenduan ezarritako kasuetan.

c) Beste administrazio publiko bateko funtzionarioak zerbitzu-eginkizunetan aldi baterako atxikitzea Foru Komunitateko Administrazioari edo haren erakunde autonomo bati.

d) Irakasleak zerbitzu-eginkizunetan aldi baterako atxikitzea Foru Komunitateko Administrazioko departamentuetako eta erakunde autonomoetako irakaskuntzakoak ez diren lanpostuei.

e) Deialdiak onetsi, izapidetu eta ebaztea Foru Komunitateko Administrazioan eta haren erakunde autonomoetan lanpostuak betetzeari, langileak sartzeari eta mailaz igotzeari dagokienez.

f) Baimenak izapidetzea langileak zerbitzu-eginkizunetan aritzeko aldi batean beste administrazio publiko batean.

g) Foru Komunitateko Administrazioko departamentuen eta erakunde autonomoen arteko zerbitzu-eginkizunak izapidetzea.

h) Langileen izendapenak izapidetzea beren lanpostuaren maila bereko eta kategoria bereko nahiz goragoko beste lanpostu batean bitarte batez aritzeko.

i) Langileen administrazio-egoeren eskaerak izapidetzea eta ebaztea, 40. artikuluaren ba) letran ezarritakoaren arabera.

j) Funtzionarioen eta lan-kontratudun langile finkoen izendapenak izapidetzea lanpostuak betetzeko deialdien ebazpenetan, artikulu honen ba) letran ezarritakoaren arabera.

k) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

4. ATALA. ARAUBIDE JURIDIKOAREN ETA GIZARTE AURREIKUSPENAREN ZERBITZUA

49. artikulua . Araubide Juridikoaren eta Gizarte Aurreikuspenaren Zerbitzuaren esparru materiala eta funtzionala.

Araubide Juridikoaren eta Gizarte Aurreikuspenaren Zerbitzuak foru dekretu honetan ezarritako eskudantziak izanen ditu 40. artikuluaren q), r), s), t), u), v), eta w) arloei dagokienez; eta, bereziki, honako eginkizun hauek beteko ditu:

a) Lan-arloko auzibidera jo aurreko administrazio-erreklamazioak eta funtzio publikoaren arloko administrazio-errekurtsoen izapidetzea eta ebazpena gainbegiratzea, baita langileen arloko ebazpen judizialak betearaztea ere.

b) Langileen arloko irizpideak finkatzea, oro har, Nafarroako Foru Komunitateko Administrazio osorako eta haren erakunde autonomoetarako, lanaldiei eta presentziei buruzko irizpideak barne, baita funtzio publikoaren arloko jarraibideak onestea ere, bat etorriz funtzio publikoaren arloko eskudantziak dituen Departamentuko kontseilariak finkatzen dituen irizpideekin.

c) Langileen bateragarritasun-baimenen izapidetzea eta ebazpena gainbegiratzea.

d) Funtzio publikoaren arloko eskaerak izapidetzea eta ebazpena gainbegiratzea.

e) Nafarroako Foru Komunitateko Administrazioko montepioko eta udal-funtzionarioen montepioko funtzionarioen klase pasiboen sistemaren kudeaketa kontrolatzea, baita gainerako gizarte-onurena ere.

f) Beren lana egiteko ezintasuna dutelako langileak lekuz aldatzeko prozedurei buruzko ebazpenak gainbegiratzea.

g) Erretiroa hartzeko eta jarduneko zerbitzuan luzeago jarraitzeko eskaeren izapideak kontrolatzea.

h) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

50. artikulua . Araubide Juridikoaren eta Gizarte Aurreikuspenaren Zerbitzuaren egitura.

Araubide Juridikoaren eta Gizarte Aurreikuspenaren Zerbitzuak atal hauek ditu bere egituran:

a) Araubide Juridikoaren Atala.

b) Bateraezintasunen Araubidearen eta Langileria Irizpideen Atala.

c) Montepioak eta Onura Sozialak Kudeatzeko Atala.

51. artikulua . Araubide Juridikoaren Atalaren eremu material eta funtzionala.

Araubide Juridikoaren Atalak foru dekretu honen 40. artikuluaren q) letran ezarritako eginkizunak izanen ditu, eta, bereziki, honako hauek:

a) Lan-arloko auzibidera jo aurreko administrazio-erreklamazioak eta funtzio publikoaren arloko administrazio-errekurtsoak izapidetzea eta ebaztea, baita langileen arloko ebazpen judizialak betearaztea ere.

b) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

52. artikulua . Bateraezintasunen Araubidearen eta Langileria Irizpideen Atalaren esparru material eta funtzionala.

Bateraezintasunen Araubidearen eta Langileria Irizpideen Atalak foru dekretu honen 40. artikuluaren s r), s) eta t) letran ezarritako eginkizunak izanen ditu, eta, bereziki, honako hauek:

a) Langileen arloko irizpideak proposatzea, oro har, Nafarroako Foru Komunitateko Administrazio osorako eta haren erakunde autonomoetarako, lanaldiei eta presentziei buruzko irizpideak barne, baita funtzio publikoaren arloko jarraibideak onestea ere, bat etorriz funtzio publikoaren arloko eskudantziak dituen Departamentuko kontseilariak finkatzen dituen irizpideekin.

b) Langileen bateragarritasun-baimenak izapidetu eta ebaztea.

c) Funtzio publikoaren arloko eskaerak izapidetu eta ebaztea.

d) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

53. artikulua . Montepioak eta Onura Sozialak Kudeatzeko Atalaren esparru material eta funtzionala.

Montepioak eta Onura Sozialak Kudeatzeko Atalak foru dekretu honen 40. artikuluaren u), v) eta w) letran ezarritako eginkizunak izanen ditu, eta, bereziki, honako hauek:

a) Nafarroako Foru Komunitateko Administrazioko montepioko eta udal-funtzionarioen montepioko funtzionarioen klase pasiboen sistema kudeatzea, baita gainerako gizarte-onurak ere.

b) Beren lana egiteko ezintasuna dutelako langileak lekuz aldatzeko prozedurak ebaztea.

c) Erretiroa hartzeko eta jarduneko zerbitzuan luzeago jarraitzeko eskaerak izapidetzea.

d) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

5. ATALA. ARAUEN GARAPENERAKO ETA LAN HARREMANETARAKO ZERBITZUA

54. artikulua . Arauen Garapenerako eta Lan Harremanetarako Zerbitzuaren esparru material eta funtzionala.

Arauen Garapenerako eta Lan Harremanetarako Zerbitzuak foru dekretu honetan ezarritako eskudantziak izanen ditu 40. artikuluan zerrendatutako x), y), z), aa) eta ab) arloei dagokienez, eta, bereziki, honako eginkizun hauek izanen ditu:

a) Nafarroako Foru Komunitateko Administrazioaren eta haren erakunde autonomoen zerbitzuko langileen hauteskunde sindikalen koordinazioa gainbegiratzea.

b) Langileen lan-baldintzak negoziatu eta zehaztea.

c) Langileen ordezkari sindikalekiko harremanak.

d) Negoziazio Mahai Orokorretan, Hitzarmen Kolektiboaren Negoziazio Batzordean eta Mahai Sektorialetan negoziatzen den langileen arloko araudiaren lanketa eta izapidetzea gainbegiratzea, zuzendaritza nagusi honen proposamen direlako bidezko denean.

e) Nahitaezko txostena proposatzea Foru Komunitateko Administrazioko eta haren erakunde autonomoetako langileei eragiten dieten arau-proposamenei buruz, langileen gastuetan duten eraginari dagokionez, baita langileen arloan Nafarroako Gobernuari aurkezten zaizkion proposamen guztiei buruz ere, onets ditzan.

f) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

55. artikulua . Arauen Garapenerako eta Lan Harremanetarako Zerbitzuaren egitura.

Arauen Garapenerako eta Lan Harremanetarako Zerbitzuak atal hauek ditu bere egituran:

a) Lan Harremanen Atala.

b) Arauen Garapenerako Atala.

56. artikulua . Lan Harremanen Atalaren esparru material eta funtzionala.

Lan Harremanen Atalak foru dekretu honen 40. artikuluaren x), y) eta z) letretan ezarritako eginkizunak izanen ditu, eta, bereziki, honako hauek:

a) Nafarroako Foru Komunitateko Administrazioaren eta haren erakunde autonomoen zerbitzuko langileen hauteskunde sindikalak koordinatzea.

b) Langileen lan-baldintzak negoziatu eta zehazteko prestalanak.

c) Langileen ordezkari sindikalarekin izan beharreko harremanetan laguntzea.

d) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

57. artikulua . Arauen Garapenerako Atalaren esparru material eta funtzionala.

Arauen Garapenerako Atalak foru dekretu honen 40. artikuluaren aa) eta ab) letretan ezarritako eginkizunak izanen ditu, eta, bereziki, honako hauek:

a) Negoziazio Mahai Orokorretan, Hitzarmen Kolektiboaren Negoziazio Batzordean eta Mahai Sektorialetan negoziatzen den langileen arloko araudia egitea eta izapidetzea, zuzendaritza nagusi honen proposamen direlako bidezko denean.

b) Nahitaezko txostena idazten laguntzea Foru Komunitateko Administrazioko eta haren erakunde autonomoetako langileei eragiten dieten arau-proposamenei buruz, langileen gastuetan duten eraginari dagokionez, baita langileen arloan Nafarroako Gobernuari aurkezten zaizkion proposamen guztiei buruz ere, onets ditzan.

c) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

6. ATALA. EGITURAKO, PLANTILLAKO ETA LANGILEEN ALDI BATERAKO KONTRATAZIORAKO ZERBITZUA

58. artikulua . Egiturako, Plantillako eta Langileen Aldi Baterako Kontratazioetako Zerbitzuaren esparru material eta funtzionala.

Egiturako, Plantillako eta Langileen Aldi Baterako Kontratazioetako Zerbitzuak foru dekretu honetan ezarritako eskudantziak izanen ditu 40. artikuluan zerrendatutako ac), ad), ae), af), ag), ah) eta ai) arloei dagokienez, eta, bereziki, honako eginkizun hauek izanen ditu:

a) Betetako lanpostuen edo lanpostu hutsen atxikipenak aldatzeko proposamenak gainbegiratzea.

b) Nafarroako Foru Komunitateko Administrazioaren eta haren erakunde autonomoen zerbitzuko langileen lanpostuen sorrerarekin, konfigurazioarekin eta definizioarekin zerikusia duten txosten, azterlan, proiektu eta proposamenak gainbegiratzea, barne harturik ordainsari osagarrien azterketa, definizioa eta balorazioa, baita, hala dagokionean, unitate administratiboak sortu, aldatu edo kentzeko espedienteei buruzko txostenak ere bai, indarreko araudian ezarritako betebehar eta eskakizunen arabera, eta, orobat, egitura organikoari buruzko antolaketari eta proposamenei buruzko txostenak egitea eta enplegu publikoaren eskaintza onestea.

c) Langileen Erregistro Nagusiaren kudeaketa gainbegiratzea eta Estatuko Administrazio Orokorreko eta gainerako Administrazio Publikoetako Langileen Erregistro Nagusiarekin koordinatzea.

d) Plantilla organikoari buruzko foru dekretuen izapidetzea koordinatzea eta gainbegiratzea.

e) Langile finkoen aldi baterako igoerei buruzko deialdien onespena, izapidetzea eta ebazpena planifikatu eta gainbegiratzea, baita langileak administrazio-araubidean edo lan-araubidean, modu finkoan edo aldi baterako, kontratatzeko deialdiena ere, betiere aurrekontuko aurreikuspenen barnean.

f) Langileak kontratatzeko deialdien ondoriozko kontratuen baimena eta formalizazioa gainbegiratzea.

g) Prestakuntzarako eta kontrataziorako izangaien zerrendak izapidetzea eta haien kudeaketa gainbegiratzea eta kontrolatzea.

h) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

59. artikulua . Egiturako, Plantillako eta Langileen Aldi Baterako Kontratazioetako Zerbitzuaren egitura.

Egiturako, Plantillako eta Langileen Aldi Baterako Kontratazioetako Zerbitzuak atal hauek ditu bere egituran:

a) Egituraren Antolaketako, Plantillako eta Langileen Ordainsarietako Atala.

b) Barne Igoeraren eta Aldi Baterako Kontratuen Atala.

60. artikulua . Egituraren Antolaketako, Plantillako eta Langileen Ordainsarietako Atalaren esparru material eta funtzionala.

Egituraren Antolaketaren, Plantillaren eta Langileen Ordainsarien Atalak foru dekretu honen 40. artikuluaren ad), ae) eta af) letretan ezarritako eginkizunak izanen ditu, eta, bereziki, honako hauek:

a) Nafarroako Foru Komunitateko Administrazioaren eta haren erakunde autonomoen zerbitzuko langileen lanpostuen sorrerarekin, konfigurazioarekin eta definizioarekin zerikusia duten txosten, azterlan eta proiektuak egitea, barne harturik ordainsari osagarrien azterketa, definizioa eta balorazioa, baita, hala dagokionean, unitate administratiboak sortu, aldatu edo kentzeko espedienteei buruzko txostenak ere bai, indarreko araudian ezarritako betebehar eta eskakizunen arabera, eta, orobat, egitura organikoari buruzko antolaketari eta proposamenei buruzko txostenak egitea eta enplegu publikoaren eskaintza onestea.

b) Langileen Erregistro Nagusia kudeatzea eta Estatuko Administrazio Orokorreko eta gainerako Administrazio Publikoetako Langileen Erregistro Nagusiarekin koordinatzea.

c) Plantilla organikoari buruzko foru dekretuak izapidetzea.

d) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

61. artikulua . Barne Igoeraren eta Aldi Baterako Kontratuen Atalaren esparru material eta funtzionala.

Barne Igoeraren eta Aldi Baterako Kontratuen Atalak foru dekretu honen 40. artikuluaren ag), ah) eta ai) letretan ezarritako eginkizunak beteko ditu, eta, bereziki, honako hauek:

a) Langile finkoen aldi baterako igoerei buruzko deialdien onespena, izapidetzea eta ebazpena, baita langileak administrazio-araubidean edo lan-araubidean, modu finkoan edo aldi baterako, kontratatzeko deialdiena ere, betiere aurrekontuko aurreikuspenen barnean.

b) Langileak kontratatzeko deialdien ondoriozko kontratuen baimena eta formalizazioa prestatzea.

c) Prestakuntzarako eta kontrataziorako izangaien zerrendak izapidetzea eta kudeatzea.

d) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

7. ATALA. NAFARROAKO ADMINISTRAZIO PUBLIKOAREN INSTITUTUAREN ZERBITZUA

62. artikulua . Nafarroako Administrazio Publikoaren Institutuaren Zerbitzuaren esparru material eta funtzionala.

Nafarroako Administrazio Publikoaren Institutuaren Zerbitzuak foru dekretu honetan ezarritako eskudantziak izanen ditu 40. artikuluan zerrendatutako aj), ak), al), am), an), añ) eta ao) arloei dagokienez, eta, bereziki, honako eginkizun hauek izanen ditu:

a) Nafarroako administrazio publikoen zerbitzuko langileen gaitasun eta trebakuntza profesionala bultzatzeko plangintza.

b) Nafarroako Justizia Administrazioaren zerbitzuko langileen prestakuntzarako programa eta jardueren diseinua, plangintza eta betetzea planifikatzea eta gainbegiratzea.

c) Nafarroako administrazio publikoetako langileen prestakuntza, eguneraketa, espezializazioa eta hobekuntza programatu eta koordinatzea.

d) Partaidetzaren jarraipena egitea enplegurako prestakuntza-planen sustatzaile autonomiko gisa Administrazio Publikoen Enplegurako Prestakuntzari buruzko Akordioaren esparruan.

e) Funtzio publikoan sartzeko sistemak definitzeko eta haiek gauzatzeko eta zuzendari-postuetarako hautagaien egokitasuna ebaluatzeko parte hartzea gainbegiratzea, barne harturik Nafarroako Administrazio Publikoetako lanpostuak betetzeko egokitasunari eta gaitasunari buruzko txostenak egitea. Orobat, langile horiek hartzeko hautapenean lagunduko du, eta haien orientazio profesionala gidatuko du, beste orientazioren bat, garapen profesionala edo lan-aldaketa behar denean.

f) Prestakuntza-eredu berriak planifikatzea, Nafarroako administrazio publikoetako langileek hizkuntzak ikasi eta hobetu ditzaten sustatuz, kalterik egin gabe arlo horretan beste organo batzuei esleitutako eskumenei. Halaber, hizkuntzen ezagutzak egiaztatzeko probak eginen ditu, eta hautapen prozesuetan aurkezten diren hizkuntza-ziurtagiriak baloratuko ditu.

g) Nafarroako sektore publikoarekin lotutako jardunaldiak, sariak, argitalpenak eta beste edozein jarduera planifikatzea.

h) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

63. artikulua . Nafarroako Administrazio Publikoaren Institutuaren Zerbitzuaren egitura.

Nafarroako Administrazio Publikoaren Institutuaren Zerbitzuak atal hauek ditu bere egituran:

a) Prestakuntza eta Garapen Atala.

b) Psikologia Aplikatuaren Atala.

c) Berrikuntzaren eta Hizkuntzen Atala.

64. artikulua . Prestakuntza eta Garapen Atalaren esparru material eta funtzionala.

Prestakuntza eta Garapen Atalak foru dekretu honen 40. artikuluaren aj), ak) eta al) letretan ezarritako eginkizunak beteko ditu, deusetan galarazi gabe arlo horietan beste organo batzuek esleituak dituzten eskumenak, eta, bereziki, honako eginkizun hauek izanen ditu:

a) Nafarroako administrazio publikoen zerbitzuko langileen gaitasun eta trebakuntza profesionala bultzatzeko jarduketak diseinatzea.

b) Nafarroako Justizia Administrazioaren zerbitzuko langileen prestakuntzarako programa eta jarduerak diseinatzen, planifikatzen eta gauzatzen laguntzea.

c) Nafarroako administrazio publikoetako langileen prestakuntza, eguneraketa, espezializazio eta hobekuntzarako planak definitzea.

d) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

65. artikulua . Psikologia Aplikatuaren Atalaren esparrua eta eginkizunak.

Psikologia Aplikatuaren Atalak foru dekretu honen 40. artikuluaren an) letran ezarritako eginkizunak izanen ditu, eta, bereziki, honako hauek:

a) Funtzio publikoan sartzeko sistemak definitzeko eta haiek gauzatzeko eta zuzendari-postuetarako hautagaien egokitasuna ebaluatzeko lanetan parte hartzea, barne harturik Nafarroako Administrazio Publikoetako lanpostuak betetzeko egokitasunari eta gaitasunari buruzko txostenak egitea. Orobat, langile horiek hartzeko hautapenean lagunduko du, eta haien orientazio profesionala gidatuko du, beste orientazioren bat, garapen profesionala edo lan-aldaketa behar denean.

b) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

66. artikulua . Berrikuntzaren eta Hizkuntzen Atalaren esparrua eta eginkizunak.

Berrikuntzaren eta Hizkuntzen Atalak foru dekretu honen 40. Artikuluaren am), añ) eta ao) letretan ezarritako eginkizunak beteko ditu, deusetan galarazi gabe arlo horretan beste organo batzuek esleituak dituzten eskumenak, eta, bereziki, honako eginkizun hauek izanen ditu:

a) Parte hartzea enplegurako prestakuntza-planen sustatzaile autonomiko gisa Administrazio Publikoen Enplegurako Prestakuntzari buruzko Akordioaren esparruan.

b) Prestakuntza-eredu berriak garatzea eta ezartzea, Nafarroako administrazio publikoetako langileek hizkuntzak ikasi eta hobetu ditzaten sustatuz, kalterik egin gabe arlo horretan beste organo batzuei esleitutako eskumenei. Halaber, hizkuntzen ezagutzak egiaztatzeko probak eginen ditu, eta hautapen prozesuetan aurkezten diren hizkuntza-ziurtagiriak baloratuko ditu.

c) Nafarroako sektore publikoarekin lotutako jardunaldiak, sariak, argitalpenak eta beste edozein jarduera prestatzea.

d) Informazioaren segurtasunaren arduradunaren eginkizunak betetzea Funtzio Publikoko Zuzendaritza Nagusiaren esparruan, Nafarroako Foru Komunitateko Administrazioaren Datuak Babesteko eta Informazioaren Segurtasunerako Politikan finkatu bezala, informazioaren segurtasunari buruz indarrean dagoen araudia betetzen dela ziurtatzeko eta zaintzeko, datu pertsonalen babesari buruzkoa barne.

e) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

8. ATALA. ADMINISTRAZIOA MODERNIZATZEKO ETA LANPOSTUAK ETA EGITURA PLANIFIKATZEKO ATALA

67. Artikulua . Administrazioa Modernizatzeko eta Lanpostuak eta Egitura Planifikatzeko Atalaren esparru material eta funtzionala.

Administrazioa Modernizatzeko eta Lanpostuak eta Egitura Planifikatzeko Atala zuzenean dago atxikia Funtzio Publikoko Zuzendaritza Nagusiari eta foru dekretu honen 40. artikuluaren ap), aq), ar), as), at), au), av), aw), ax) eta ay) letretan ezarritako eginkizunak beteko ditu, eta, bereziki, honako hauek:

a) Zuzendaritza nagusiari laguntza eta aholku ematea Administrazioa Funtzio Publikoaren arloan modernizatzeko estrategia bat definitzen.

b) Epe ertain eta laburreko jarduerak garatu eta proposatzea Funtzio Publikoaren esparruko estrategia hedatzeko.

c) Bete beharreko helburu estrategikoak prestatzea, baita haien jarraipena eta ebaluazioa ere.

d) Zuzendaritza nagusiari laguntzea, funtzio publikoa eraldatzeko proiektuak bultzatzeko.

e) Funtzio Publikoaren eremuan administrazioa hobetzeko eta eraldatzeko proiektuak ezartzeko behar eta baliabideei buruzko txostenak eta azterketak egitea.

f) Lanpostuak ikuspegi estrategikotik antolatzeko plangintza garatzea eta proposatzea.

g) Unitateen azterketa funtzionala mantentzea eta erakundean duten sailkapena baliozkotzea.

h) Lanpostuen eta profilen azterketari, beharren azterketari, egokitasunari edo amortizazioari buruzko txostenak egitea.

i) Modernizazio-proiektuak inplementatzea unitate organikoei dagokienez, betiere lanpostuak eta haien jarduna kontuan hartuta.

j) Garatzea eta proposatzea zer informazio-premia eta garapen instrumentaleko premia dauden gaur egungo funtzio publikoko prozesuak hobetzeko balioko duten lanpostuei buruzko informazioa eskuratzeko.

k) Indarrean dauden xedapenek esleitzen dizkioten gainerako eginkizunak, edo bere helburuak egoki betetzeko agintzen zaizkion guztiak.

IV. KAPITULUA. JUSTIZIA ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

68. artikulua . Justizia Zuzendaritza Nagusiaren eskumenen esparru material eta funtzionala.

Justizia Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Justiziaren zerbitzu publikoa modernizatzeko behar diren langile, baliabide eta antolamenduzko egiturak zuzkitzea eta kudeatzea eta, oro har, Nafarroako Foru Komunitatearen Administrazioari dagozkion eskumen guztiak gauzatzea Justizia Administrazioaren alorrean.

b) Mugaketa eta egitura judizialaren aldaketak aztertzea eta proposatzea.

c) Herritar guztiei justizia berdintasunez bermatzeko neurriak hartzea.

d) Delitu bortitzen eta sexu askatasunaren kontrako delituen biktimei laguntza integrala ematea eta delitugileak berreztea eta gizarteratzea.

e) Nafarroako Foru Komunitateko Bikote Egonkorren Erregistro Bakarra zuzentzea, kudeatzea eta mantentzea.

f) Legeriak espetxeetako administrazioaren organoei esleitzen dizkien eskumenak erabiltzea Nafarroako Foru Komunitateko Administrazioaren eskumenen esparruan.

g) Espetxe-arloko Estatuaren legeria betearaztea, biktimentzako erreparazioa, gizarteratzea eta delituen prebentzioa ahalbidetuko duen zigor betearazpena sustatuz eta garatuz, Nafarroako Foru Komunitateko Administrazioaren eskumenen esparruan.

h) Justizia errestauratiboko, bitartekaritzako eta jardunbide errestauratiboetako zerbitzuak, programak eta prozesuak kalitatez homogeneoak direla bermatzeko beharrezko neurriak hartzea, zein bere izaera bereziaren arabera.

i) Notaritzetako eta erregistroetako titularrak izendatzeko proposamena egitea.

j) Justizia Administrazioaren erabiltzaileen hizkuntza-eskubideak bermatzeko behar diren neurriak bultzatzea, euskararen eta gaztelaniaren koofizialtasuna arautzen duen araudiaren arabera.

k) Indarrean dauden xedapenek Justizia Zuzendaritza Nagusiari esleitzen dizkioten gainerakoak.

69. artikulua . Justizia Zuzendaritza Nagusiaren egitura.

Justizia Zuzendaritza Nagusiak honako zerbitzu hauek ditu:

a) Giza Baliabideen eta Bulego Judizial eta Fiskalaren Zerbitzua.

b) Azpiegitura Judizialen Zerbitzua.

c) Justiziako Gizarte Zerbitzua.

d) Gizarteratzeko, Bitartekaritzako eta Justizia Errestauratiboko Zerbitzua.

2. Zuzendaritza Nagusiaren mende egonen da zuzenean Nafarroako Auzitegiko Medikuntzaren eta Zientzia Forentseen Institutua, azaroaren 13ko 355/2000 Foru Dekretuaren bidez sortua eta Lehendakaritza, Justizia eta Barneko kontseilariaren irailaren 6ko 147/2002 Foru Aginduaren bidez abian jarria.

2. ATALA. GIZA BALIABIDEEN ETA BULEGO JUDIZIAL ETA FISKALAREN ZERBITZUA

70. artikulua . Giza Baliabideen eta Bulego Judizial eta Fiskalaren Zerbitzuaren esparru materiala eta eginkizunak.

Giza Baliabideen eta Bulego Judizial eta Fiskalaren Zerbitzuak honako eginkizun hauek izanen ditu:

a) Justizia Zuzendaritza Nagusiaren eskumenak kudeatzea, Nafarroako Justizia Administrazioaren zerbitzuko langileei dagokienez.

b) Justizia Administrazioko langileei buruzko araudien proposamenak prestatzea.

c) Lan arriskuak prebenitzeko jarduketak planifikatzea eta betearaztea, zerbitzuaren eskumenen esparruan, Azpiegitura Judizialen Zerbitzuarekin elkarlanean.

d) Botere Judizialari buruzko Lege Organikoan ezarritako bulego judizial eta fiskalaren eredu berrirako aldaketa planifikatzea eta antolamenduko eredu berria progresiboki ezartzea.

e) Nafarroako Justizia Administrazioan ordezkaritza duten sindikatuekin negoziaketak bultzatzea bulego judizial eta fiskalaren eredu berria ezartzeko.

f) Araudien proposamenak prestatzea bulego judizial eta fiskalaren eredu berria ezartzeko.

g) Antolamenduko unitate berrietako lanpostuen zerrenden onespena proposatzea eta bultzatzea, eta lanpostuak betetzeko prozesuak gauzatzea.

h) Zerbitzuaren dokumentazioa erregistratzea, artxibatzea eta zaintzea.

i) Zerbitzuaren jardueren memoria egitea.

j) Indarrean dagoen legeriak esleitzen dion beste edozein edo Justizia Zuzendaritza Nagusiak agintzen dizkionak, bere eskumeneko arloetan.

71. artikulua . Giza Baliabideen eta Bulego Judizial eta Fiskalaren Zerbitzuaren egitura.

Giza Baliabideen eta Bulego Judizial eta Fiskalaren Zerbitzuak honako atal hauek ditu:

a) Justizia Administrazioko Lan Harremanen eta Langileriaren Kudeaketaren Atala.

b) Bulego Judizial eta Fiskalaren Atala.

72. artikulua . Justizia Administrazioko Lan Harremanen eta Langileriaren Kudeaketaren Atalaren esparru materiala eta eginkizunak.

Justizia Administrazioko Lan Harremanen eta Langileriaren Kudeaketaren Atalak honako eginkizun hauek izanen ditu:

a) Zuzendaritza Nagusiaren eskumenekoak diren arloen ohiko kudeaketa egitea, Justizia Administrazioaren zerbitzuko langileei dagokienez.

b) Lanpostuetan sartzeko eta horiek betetzeko zuzendaritza nagusiaren eskumenak erabiltzea.

c) Aldi baterako langileen hautaketa eta izendapena kudeatzea Nafarroako Justizia Administrazioaren zerbitzuko lanpostuak betetzeko.

d) Justizia Administrazioaren zerbitzuko langileekin lotutako dokumentazioa erregistratzea, artxibatzea eta zaintzea.

e) Zuzendaritza nagusiaren jardunean eta zereginetan laguntzea, lan harremanei eta Justizia Administrazioaren zerbitzuko langileria kudeatzeari dagokienez.

f) Zuzendaritza nagusiari laguntzea ordezkari sindikalekin izan beharreko negoziaketetan, Justizia Administrazioaren zerbitzuko langileen enplegu-baldintzei buruzko horietan, bere eskumenen esparruan.

g) Zuzendaritza nagusiari laguntzea Justizia Administrazioko ordezkaritza sindikalaren organoak hautatzeko prozesuetan.

h) Justizia Zuzendaritza Nagusian erregistro-bulegoari dagozkion lanak antolatu eta gainbegiratzea.

i) Zerbitzuaren jardueren memoria prestatzen laguntzea.

j) Indarrean dagoen legeriak esleitzen dion beste edozein edo Justizia Zuzendaritza Nagusiak agintzen dizkionak, bere eskumeneko arloetan.

73. artikulua . Bulego Judizial eta Fiskalaren Atalaren esparru materiala eta eginkizunak.

Bulego Judizial eta Fiskalaren Atalak honako eginkizun hauek ditu:

a) Botere Judizialari buruzko Lege Organikoan ezarritako bulego judizial eta fiskalaren eredu berrirako aldaketaren planifikazioa bultzatzea eta antolamenduko eredu berria progresiboki ezartzeko lan egitea.

b) Nafarroako Justizia Administrazioan ordezkaritza duten sindikatuekin negoziaketetan parte hartzea bulego judizial eta fiskalaren eredu berria ezartzeko.

c) Bulego judizial eta fiskalaren eredu berria ezartzeko araudien proposamenen prestaketa bultzatzea.

d) Antolamenduko unitate berrietako lanpostuen zerrendak onesteko ikerketak eta proposamenak egitea, eta lanpostuak betetzeko prozesuak gauzatzea.

e) Bulego Judizial eta Fiskalarekin lotutako dokumentazioa erregistratzea, artxibatzea eta zaintzea.

f) Zerbitzuaren jardueren memoria prestatzen laguntzea.

g) Indarrean dagoen legeriak esleitzen dion beste edozein edo Justizia Zuzendaritza Nagusiak agintzen dizkionak, bere eskumeneko arloetan.

3. ATALA. AZPIEGITURA JUDIZIALEN ZERBITZUA

74. artikulua . Azpiegitura Judizialen Zerbitzuaren esparru materiala eta eginkizunak.

Azpiegitura Judizialen Zerbitzuak honako eginkizun hauek ditu:

a) Higiezinei eta antolamenduari buruzko proiektuak kudeatzea, eta zuzendaritza nagusiari atxikitako azpiegituretako obrak planifikatzea, exekutatzea eta kontrolatzea.

b) Justizia Administrazioaren zerbitzuko higiezinak eta instalazioak zaindu, mantendu eta hobetzea, indarrean dagoen araudiari egokituz eta efizientzia energetiko hobea izan dezaten sustatuz.

c) Justizia Zuzendaritza Nagusiari atxikitako egoitzen mantentze-lanetako, garbiketako eta zaintzako kontratuak kudeatzea, arloko eskumenak dituzten beste zuzendaritzekin elkarlanean.

d) Eraikinen segurtasun eta sarbide-kontroleko instalazioak kudeatzea eta larrialdietako eta ebakuazio planak ezartzea zuzendaritza nagusiari atxikitako higiezinetan.

e) Lan arriskuak prebenitzeko jarduketen gauzatzea planifikatzea eta kontrolatzea, zuzendaritza nagusiaren eskumenen esparruan, Giza Baliabideen eta Bulego Judizial eta Fiskalaren Zerbitzuarekin elkarlanean.

f) Baliabide material eta teknikoak hornitzea eta ematea organo judizialei, fiskaltzari eta zuzendaritza nagusiko langileei.

g) Informatikako ekipamendu eta sistemak kudeatzea, Justizia Administrazioaren, fiskaltzaren eta Justizia Zuzendaritza Nagusiaren beraren funtzionamendurako eta haiek modernizatzeko beharrezkoak diren horiek, hain zuzen, galarazi gabe informatikako ekipoetako eta oinarri-softwarearen erosketen eta mantentze-lanen kudeaketan eskudun den zuzendaritza nagusiari esleitutako eginkizunak.

h) Informazioaren segurtasunari buruzko indarreko araudia betetzen dela bermatzea eta begiratzea Justizia Zuzendaritza Nagusiaren esparruan, barnean dela datu pertsonalen babesa, arlo horretan eskudun den zuzendaritza nagusiarekin elkarlanean.

i) Artxibo judizialak eta epaitegi eta auzitegientzako mailegu zerbitzua zaintzea eta kudeatzea.

j) Zerbitzuaren jardueren memoria egitea.

k) Indarrean dagoen legeriak esleitzen dion beste edozein edo Justizia Zuzendaritza Nagusiak agintzen dizkionak.

75. artikulua . Azpiegitura Judizialen Zerbitzuaren egitura.

Azpiegitura Judizialen Zerbitzuak atal hauek ditu:

a) Informatikako Proiektu eta Sistemen Atala.

b) Higiezinen Atala.

76. artikulua . Informatikako Proiektu eta Sistemen Atalaren esparru materiala eta eginkizunak.

Informatikako Proiektu eta Sistemen Atalak honako eginkizun hauek izanen ditu:

a) Nafarroako Justizia Administrazioa modernizatzeko eta digitalizatzeko eta Administrazio Elektronikoa Justizia Zuzendaritza Nagusian gauzatzeko proiektu informatikoak eta antolaketa proiektuak progresiboki ezartzeko ekimenak garatzea, baita ezarritako ekimenen eta proiektuen ebaluazioa eta kontrola egitea ere.

b) Administrazio Judizial Elektronikoaren Estatuko Batzorde Teknikoarekin (CTEAJE) parte hartzea eta lankidetzan aritzea, Nafarroako Justizia Administrazioan ezarri behar diren proposatutako ekimenak koordinatuz.

c) Nafarroako Justizia Administrazioa eta zuzendaritza nagusia sostengatzen dituzten informazio-sistemak kudeatzea, arloko eskudun den zuzendaritza nagusiarekin eta zerbitzuez hornitzen dituzten enpresekin elkarlanean.

d) Nafarroako Justizia Administraziorako eta zuzendaritza nagusirako ekipamendu informatikoa eta ikus-entzunezkoa kudeatzea, arloko eskudun den zuzendaritza nagusiarekin eta zerbitzuez hornitzen dituzten enpresekin elkarlanean.

e) Justiziako langileentzako urteko prestakuntza plana prestatzea eta gauzatzea.

f) Organo judizialek artxiboetan gordetzeko ematen dituzten agiriak gainbegiratu eta zainduko ditu; halaber, mailegu zerbitzua bermatu eta etorkizuneko artxibo digitalen ezarpena bultzatuko du.

g) Nafarroako Agiri Judizialak Suntsitzeko Batzordearen bilkuren prestakuntzan parte hartzea.

h) Zuzendaritza Nagusiko dokumentazioa erregistratzea, artxibatzea eta zaintzea.

i) Zerbitzuaren jardueren memoria prestatzen laguntzea.

j) Informazioaren segurtasunaren arduradunaren eginkizunak betetzea Justizia Zuzendaritza Nagusiaren esparruan, Nafarroako Foru Komunitateko Administrazioaren Datuak Babesteko eta Informazioaren Segurtasunerako Politikan finkatu bezala, informazioaren segurtasunari buruz indarrean dagoen araudia betetzen dela ziurtatzeko eta zaintzeko, datu pertsonalen babesari buruzkoa barne.

k) Indarrean dagoen legeriak esleitzen dion beste edozein edo Justizia Zuzendaritza Nagusiak agintzen dizkionak.

77. artikulua . Higiezinen Atalaren esparru material eta funtzionala.

Higiezinen Atalak eginkizun hauek izanen ditu:

a) Justizia Zuzendaritza Nagusiari atxikitako eraikin judizialen eta bulegoen obren eta berritze lanen lizitazioa eta kontratazioa kudeatzea, horien exekuzioak eta entregak kontrolatzea, eta eraikinen eta bulegoen efizientzia energetikoa hobetzea.

b) Eraikin judizialetako eta zuzendaritza nagusiko azpiegiturak garbitzeko eta mantentzeko kontratuak kudeatzea eta kontrolatzea, arlo horretan eskumenak dituzten beste departamentu batzuekin elkarlanean.

c) Premiak aztertzea, proposamenak egitea, eraikin judizialetako eta Zuzendaritza Nagusiko espazioak birkokatzea eta berrantolatzea.

d) Zuzendaritza nagusiko, epaitegietako eta auzitegietako unitateak materialez eta altzariz hornitzea beren ohiko funtzionamendurako.

e) Laneko Arriskuen Prebentziorako Zerbitzuarekin elkarlanean aritzea epaitegien, auzitegien eta zuzendaritza nagusiaren prebentzio-jardueraren plangintza kontrolatzeko, ezartzeko eta gainbegiratzeko orduan.

f) Zerbitzuaren jardueren memoria prestatzen laguntzea.

g) Indarrean dagoen legeriak esleitzen dion beste edozein edo Justizia Zuzendaritza Nagusiak agintzen dizkionak.

4. ATALA. JUSTIZIAKO GIZARTE ZERBITZUA

78. artikulua . Justiziako Gizarte Zerbitzuaren esparru materiala eta eginkizunak.

Justiziako Gizarte Zerbitzuak honako eginkizun hauek izanen ditu:

a) Delituaren biktimei laguntza integrala ematea.

b) Justizia Administrazioarekiko eta bestelako administrazio publiko, entitate, agente eta profesionalekiko harremanak izatea eta haiekin koordinatzea, delituaren biktimei laguntzearen gainean.

c) Ustezko ahultasuna edo bazterketa sozialeko kasuak atzemateko neurriak hartu eta bultzatzea hipoteka betearazteko prozeduretan eta/edo etxegabetzeetan, beste erakunde publiko batzuekin eta agintari judizialarekin koordinaturik.

d) Desgaitasuna duten adin nagusikoei beren gaitasun juridikoa baliatzen laguntzeko informazioa eta orientazioa ematea.

e) Doako justizia kudeatzea, abokatuen elkargoekin elkarlanean, eta Nafarroako Doako Laguntza Juridikoaren Batzordeari laguntza juridiko eta administratiboa ematea bertan aurkeztutako eskaerei buruz.

f) Organo judizialei laguntza teknikoa ematea, hala eskatzen badute, zerbitzuak bere dituen arloetan, bereziki doako interpretazio, itzulpen eta perituen laguntza lanetan.

g) Bitartekaritza eta adiskidetze judiziala kudeatzea Adingabeen Talde Teknikoaren bitartez, adingabeen erantzukizun penala arautzen duen legeriarekin bat etorriz.

h) Peritu-txosten psikologikoak eta sozialak egitea, bai eta miaketa judizialak eta aldez aurretik eratutako frogak egitea ere, jurisdikzio zibileko eta zigor-arloko jurisdikzioetako epaitegi eta auzitegiek eskatuz gero.

i) Barnahus baliabidea ezartzea, kudeatzea eta koordinatzea, arreta integrala emateko Nafarroako Foru Komunitatean bizi diren adingabeei sexu-indarkeriaren biktima direnean.

j) Agintaritza judizialarekin lankidetzan aritzea, epaia betearazteko gurasotasun-planak ezartzearren.

k) Nafarroako Foru Komunitateko Bikote Egonkorren Erregistro Bakarra ezarri, kudeatu eta mantentzea.

l) Indarrean dagoen legeriak esleitzen dion beste edozein edo Justizia Zuzendaritza Nagusiak agintzen dizkionak, bere eskumeneko arloetan.

79. artikulua . Justiziako Gizarte Zerbitzuaren egitura.

Justiziako Gizarte Zerbitzuak atal hauek ditu:

a) Nafarroako Delituen Biktimei Laguntzeko eta Organo Judizialekin Aritzeko Atala.

b) Nafarroako Foru Komunitateko Bikote Egonkorren Erregistro Bakarraren Atala.

80. artikulua . Nafarroako Delituen Biktimei Laguntzeko eta Organo Judizialekin Aritzeko Atalaren esparru materiala eta funtzionala.

Nafarroako Delituen Biktimei Laguntzeko eta Organo Judizialekin Aritzeko Atalak honako eginkizun hauek izanen ditu:

a) Foru dekretu honetan ezarritako eginkizunak betetzea delituaren biktimei laguntza integrala emateko ezartzen diren neurriak aplikatzearen arloan.

b) Instituzioen arteko jarduketa protokoloak bultzatzea, delituaren biktimentzako eta familia barruko erasotzaileentzako.

c) Justizia Administrazioari laguntza teknikoa ematea atalari dagozkion gaietan.

d) Informazioa eta orientazioa ematea laguntza-neurri judizialak, kautela-neurriak eta baimen judizialak eskatzeko, desgaitasuna duten adin nagusikoei dagokienez.

e) Agintari judizialak hala eskatzen badu, etxegabetzeko prozedura judizialetan daudenei informazioa eta aholku ematea, eta, behar denean, dagokion gizarte baliabidera bideratzea.

f) Barnahus baliabidea koordinatzea eta departamentuen arteko protokoloak egitea Nafarroako Foru Komunitatean haurren sexu-abusuak detektatzeko eta egoera horietan esku hartzeko.

g) Indarrean dagoen legeriak esleitzen dion beste edozein edo Justizia Zuzendaritza Nagusiak agintzen dizkionak, bere eskumeneko arloetan.

81. artikulua . Nafarroako Foru Komunitateko Bikote Egonkorren Erregistro Bakarraren Atalaren esparru material eta funtzionala.

Nafarroako Foru Komunitateko Bikote Egonkorren Erregistro Bakarraren Atalari dagozkio eginkizun hauek gauzatzea:

a) Nafarroako Foru Komunitateko Bikote Egonkorren Erregistro Bakarra kudeatzea.

b) Bikote egonkorrak eratzeko, inskribatzeko eta ezeztatzeko eskaerak izapidetzea eta ebazpen-proposamena egitea.

c) Erregistroan utzitako agiriak artxibatzea eta zaintzea.

d) Erregistroan inskribatzen diren egintzen publikotasun erregistrala eta froga.

e) Datu estatistikoak ematea, Nafarroako Estatistika Planean sar daitezen, eta txosten teknikoak egitea, erakunde publikoek hala eskatzen badute.

f) Indarrean dagoen legeriak esleitzen dion beste edozein edo Justizia Zuzendaritza Nagusiak agintzen dizkionak, bere eskumeneko arloetan.

5. ATALA. GIZATERATZEKO, BITARTEKARITZAKO ETA JUSTIZIA ERRESTAURATIBOKO ZERBITZUA

82. artikulua . Gizarteratzeko, Bitartekaritzako eta Justizia Errestauratiboko Zerbitzuaren esparru material eta funtzionala.

Gizarteratzeko, Bitartekaritzako eta Justizia Errestauratiboko Zerbitzuak eginkizun hauek izanen ditu:

a) Behar diren neurriak hartzea bermatzeko justizia errestauratiboko, bitartekaritzako eta jardunbide errestauratiboetako zerbitzuak, programak eta prozesuak kalitatez homogeneoak direla, zein bere izaera bereziaren arabera, Nafarroako Foru Komunitate osoan, lurralde-kohesioaren eta berdintasunaren printzipioak betetze aldera.

b) Nafarroako Bitartekaritza Erregistroaren eta Nafarroako Kalitate Zigiluaren kudeaketa.

c) Nafarroako justizia errestauratiboa, bitartekaritza eta jardunbide errestauratiboak sustatzeko lau urteko plan estrategikoa egitea, baita bi urteko kalitate-plana ere.

d) Justizia errestauratiboaren zerbitzuen, bitartekaritzaren eta jardunbide errestauratiboen jardueren gaineko datuak biltzea, zeregin estatistikoetarako, eta emaitzak argitaratzea.

e) Justizia errestauratiboari, bitartekaritzari eta jardunbide errestauratiboei buruzko zabalkunde-programak eta prestakuntza-programak bultzatu eta garatzea, profesionalei eta langile boluntarioei zuzendutakoak, foru-lurralde osoan, berdintasuneko eta lurralde-kohesioko irizpideei jarraikiz.

f) Justizia errestauratiboari, bitartekaritzari eta jardunbide errestauratiboei buruzko ikerketa eta azterlana sustatzea, eta arlo horietako ezagutzen, esperientzien eta berritasunen trukea sustatzea.

g) Zigorturiko eta espetxetik ateratako pertsonak gizarteratzeko programak bultzatzea, estatutuan espetxeei buruz aurreikusitakoa garatzen den neurrian Nafarroako Foru Komunitateari esleitzen zaizkion ahalmenen arabera.

h) Zigorturiko eta espetxetik ateratako pertsonei osasun, hezkuntza eta gizarte ongizate zerbitzuetara sarbidea bermatzea eta, oro har, baliabide guztietara, beren eskubideak gainerako herritarren baldintza beretan balia ditzaten, jaso duten zigorrak ezarritako muga baizik ez dutela.

i) Beharrezkoak diren koordinazio-mekanismoak indartzea patologia psikiatrikoa, adikzio-nahasmendua edo pertzepzioaren alterazioa duten pertsona guztiek osasun-arreta eta gizarte-arreta egokia izan dezaten Nafarroako organo judizialen aurreko prozedura judizial penaletan daudenean edo Foru Komunitatean kokatutako espetxeetan zigorrak edo segurtasun-neurriak betetzen ari direnean, epaia eman duen auzitegia edozein dela ere.

j) Epaitegiei osasun eta gizarte arloko txostenak eskuratzea, eta zigorrak eta segurtasun-neurriak betetzeko proposamenak egitea.

k) Nafarroako errealitate penalari eta haren bilakaerari buruzko azterlanak, prestakuntza-ikastaroak eta dibulgazio-ekintzak prestatzea Administrazioarentzat, gizarte-erakundeentzat eta gizarte osoarentzat.

l) Indarrean dagoen legeriak esleitzen dion beste edozein edo Justizia Zuzendaritza Nagusiak agintzen dizkionak, bere eskumeneko arloetan.

83. artikulua . Gizarteratzeko, Bitartekaritzako eta Justizia Errestauratiboko Zerbitzuaren egitura.

Gizarteratzeko, Bitartekaritzako eta Justizia Errestauratiboko Zerbitzuak atal hauek ditu:

a) Gizarteratzeko Atala.

b) Bitartekaritzako eta Justizia Errestauratiboko Atala.

84. artikulua . Gizarteratzeko Atalaren esparru material eta funtzionala.

Gizarteratzeko Atalak honako eginkizun hauek izanen ditu:

a) Prestakuntzako, laneko, kulturako eta kiroleko programak egitea, zigorturiko pertsonak eta segurtasun-neurriak bete behar dituztenak gizarteratzeko ibilbide batzuen esparruan.

b) Zigorren eta segurtasun-neurrien jarraipena, behar diren txostenak egitea eta eremu judizialaren, osasun-eremuaren eta gizartea-eremuaren arteko lotura sustatzea.

c) Gizarteak errealitate penalarekin lotura izan dezan erraztea, eta zigortuek kanpoaldearekin eta gizartearekin lotura izan dezaten ere bai, prestakuntza-ikastaroak eta sentsibilizazio-ekintzak ere eginez.

d) Gizarte-erakundeek egiten dituzten gizarteratze-jarduerak sustatzea eta haien jarduerak koordinatzea Espetxeetako Mahaiaren esparruan.

e) Indarrean dagoen legeriak esleitzen dion beste edozein edo Justizia Zuzendaritza Nagusiak agintzen dizkionak, bere eskumeneko arloetan.

85. artikulua . Bitartekaritzako eta Justizia Errestauratiboko Atalaren esparru material eta funtzionala.

Bitartekaritzako eta Justizia Errestauratiboko Atalak eginkizun hauek izanen ditu:

a) Bultzatu, antolatu eta gainbegiratzea Nafarroako Justizia Errestauratiboaren Zerbitzua, auzitegi barruko bitartekaritza sustatzeko neurriak eta jardunbide errestauratibo komunitarioen programak.

b) Nafarroako Bitartekaritza Erregistroa kudeatzea eta etengabe eguneratzen dela gainbegiratzea.

c) Bitartekaritzaren kalitate-zigilua emateko izapideak egitea eta haren jarraipena egitea.

d) Nafarroako justizia errestauratiboa, bitartekaritza eta jardunbide errestauratiboak sustatzeko plan estrategikoa eta kalitate-plana koordinatzea.

e) Prozesu errestauratibo komunitarioak eskainiko dituen sare bat eratu eta koordinatzea.

f) Justizia errestauratiboari, bitartekaritzari eta praktika errestauratiboei buruzko ikerketak, prestakuntzak eta dibulgazio-ekintzak bultzatzea.

g) Prozesu errestauratiboen kalitatea gainbegiratzea, ziurtatzeko, bereziki, genero ikuspegia aplikatzen dela esparru guztietan.

h) Indarrean dagoen legeriak esleitzen dion beste edozein edo Justizia Zuzendaritza Nagusiak agintzen dizkionak, bere eskumeneko arloetan.

V. KAPITULUA. EKONOMIA ETA AURREKONTU KUDEAKETARAKO ZERBITZUA

86. artikulua . Ekonomia eta Aurrekontu Kudeaketarako Atalaren esparru material eta funtzionala.

Ekonomia eta Aurrekontu Kudeaketarako Zerbitzua zuzenean dago atxikia kontseilariari eta honako eginkizun hauek izanen ditu, batez ere:

a) Departamentuaren aurrekontuen aurreproiektuaren prestaketan aholkularitza ematea.

b) Departamentuko aurrekontuen aurreproiektua koordinatu, berraztertu eta izapidetzea.

c) Aurrekontuaren kudeaketa koordinatu eta kontrolatzea, eta aholkuak ematea. Beharrezkoak diren aurrekontu-aldaketak izapidetzea.

d) Aurrekontuaren gauzatzeari buruzko informazioa prestatzea.

e) Departamentuaren epe ertaineko eta luzerako plangintza ekonomikoaren prestaketa eta aldaketa koordinatu eta tramitatzea, eta hari buruzko aholkuak ematea.

f) Departamentuko diru-sarrera eta gastuen administrazio eta ekonomia zirkuituak ezartzea, koordinatzea eta kontrolatzea.

g) Departamentuaren kontabilitate zentroak koordinatzea.

h) Gastu arruntaren, inbertsioen, kontratazioen eta dirulaguntzen analisia, kontrola eta jarraipen ekonomikoa egitea, kasuan-kasuko gastu-kudeatzaileekin elkarlanean.

i) Trafikoaren arloko diru-sarreren eta gastuen kudeaketa ekonomikoa eta aurrekontuko eta kontabilitateko kudeaketa, Trafiko Zerbitzuarekin eta Ekonomia eta Ogasun Departamentuarekin koordinaturik.

j) Espediente ekonomikoak modu zentralizatuan kudeatzea, hala behar denean.

k) Ekonomiarekin eta gastuaren kontrolarekin lotutiko azterlanak, zerbitzuaren eskumenen esparruari dagozkionak.

l) Departamentuan dagoen informazio ekonomikoa ustiatzea.

m) Ekonomia eta aurrekontu arloetan Departamentuko zuzendaritza nagusiekin elkarlanean aritzea.

n) Azterlanak eta estatistikak prestatzea.

ñ) Indarra duten xedapenek esleitzen dizkioten beste batzuk, baita Zuzendaritza Nagusiari bere jardueraren eremuan agintzen zaizkionak ere.

87. artikulua . Ekonomia eta Aurrekontu Kudeaketarako Zerbitzuaren egitura.

Ekonomia eta Aurrekontu Kudeaketarako Zerbitzuak atal hauek ditu:

a) Aurrekontuen Kudeaketarako Atala.

b) Kudeaketa Ekonomikoaren eta Azterlan eta Lan Teknikoen Atala.

88. artikulua . Aurrekontuen Kudeaketarako Atalaren eskumenen esparru material eta funtzionala.

Aurrekontuen Kudeaketarako Atalak eginkizun hauek izanen ditu:

a) Departamentuaren aurreproiektua egiteko laguntza teknikoa ematea.

b) Departamentuko aurrekontuen aurreproiektua koordinatu, berrikusi eta izapidetzea.

c) Aurrekontuaren kudeaketa koordinatu eta kontrolatzea, eta aholkuak ematea. Beharrezkoak diren aurrekontu-aldaketak izapidetzea.

d) Departamentuko unitateen diru-sarrera eta gasuen kontabilitate orokorra eta aurrekontuen kontabilitatea.

e) Urte anitzeko espedienteak kontrolatzea, eta kudeatzaileak eta Ekonomia eta Ogasun Departamentuko Aurrekontuen eta Programazio Ekonomikoaren Zerbitzua koordinatzea.

f) Aurrekontua betetzeaari buruzko informazioa prestatzea, Ekonomia eta Ogasun Departamentuarekin koordinaturik.

g) Arau fiskalen zenbateslea prestatzea eta hiru hilean behin berrikustea.

h) Munta txikiko gastuak berrikusi eta argitaratzea kontratazioaren atarian.

i) Aurrekontua ixteari eta hurrengoa irekitzeari buruzko txostenak egitea.

j) Dirulaguntzen Plan Estrategikoa berrikustea eta deialdiak ebaluatzeko txostenak egitea.

k) Gastuen espedienteen ondorengo kontrolari buruzko dokumentazioa prestatzea, auditoretza egiteko eta horri buruzko kontsultak ebazteko.

l) Aktibo finkoetara egozteko erregistroen kontabilitate-tratamendua kontrolatzea.

m) Parlamentuak, Kontuen Ganberak edo hirugarrenek kontabilitatearen informazio-sistemaren ustiaketari buruz egiten dituzten galderen erantzunak izapidetzea.

n) Departamentuaren kontabilitate zentroak koordinatzea.

ñ) Kontabilitate-espedienteak artxibatzea, trazabilitatea eta araudi espezifikoa betetzen dela bermatuz.

o) Indarra duten xedapenek esleitzen dizkioten beste batzuk, baita Zuzendaritza Nagusiari bere jardueraren eremuan agintzen zaizkionak ere.

89. artikulua . Kudeaketa Ekonomikoaren eta Azterlan eta Lan Teknikoen Atalaren eskumenen esparru material eta funtzionala.

Kudeaketa Ekonomikoaren eta Azterlan eta Lan Teknikoen Atalak eginkizun hauek izanen ditu:

a) Trafikoaren arloko kudeaketa ekonomikoa Trafiko Zerbitzuarekin eta Ekonomia eta Ogasun Departamentuarekin koordinaturik.

b) Europako funtsak eta Departamentuaren gainerako funts finalistak kudeatzea: PEP elementuak sortzea, txostenak egitea, jarraipena, kontrola, urteko itxiera eta auditoretzei informazioa ematea.

c) Espediente ekonomikoak modu zentralizatuan kudeatzea, hala behar denean.

d) Kutxa finkoko banku-kontuak eta Departamentuak justifikatu beharreko ordainketa-aginduak kontrolatzea. Transferentziak egitea, T bideetako altak eta bajak kudeatzea eta Diruzaintzarako txostenak egitea.

e) Diru-sarrera eta gastuen administrazio eta ekonomia zirkuituak ezartzea, koordinatzea eta kontrolatzea.

f) Fakturen erregistroak Departamentuan ongi funtzionatzen duela kontrolatzea.

g) Kostuen azterketak egitea, batez ere trafikoaren arlokoak.

h) Ekitaldia ixteko eta irekitzeko Foru Aginduari buruz aholku ematea Departamentuko unitateei.

i) Indarra duten xedapenek esleitzen dizkioten beste batzuk, baita Zuzendaritza Nagusiari bere jardueraren eremuan agintzen zaizkionak ere.

V. KAPITULUA. IDAZKARITZA TEKNIKO NAGUSIA

90. artikulua . Idazkaritza Tekniko Nagusiak atal hauek ditu:

a) Araubide Juridikoaren Atala.

b) Araubide Administratiboaren eta Langileen Atala.

91. artikulua . Araubide Juridikoaren Atalaren esparru material eta funtzionala.

Araubide Juridikoaren Atalak honako eginkizun hauek izanen ditu:

a) Txostenak egitea, Nafarroako Gobernuari eta Lehendakariari buruzko Foru Legean ezarritako moduan, departamentuak eta haren erakunde autonomoek prestatzen dituzten foru legeen aurreproiektuei eta xedapen orokorren proiektuei buruz.

b) Departamentuko kontseilariari, zuzendari nagusiei eta zerbitzuko zuzendariei aholku juridikoa ematea eskatzen dizkioten arloen gainean.

c) Aldez aurreko txostenak egitea Departamentuan izapidetzen diren errekurtso administratiboen ebazpenari buruz.

d) Departamentuaren berezko gaiei buruzko araudia biltzea eta mantentzea.

e) Departamentuaren berezko gaietan, jurisprudentziaren, doktrinaren eta interes juridikoko informazioen segimendua, bilketa eta zabalkundea egitea.

f) Departamentuko aferen gaineko espedienteak gainbegiratu eta igortzea Nafarroako Kontseiluaren irizpena behar dutenean.

g) Departamentuko kontseilariari aurkeztea Idazkaritza Tekniko Nagusiari dagozkion gaietan hartu behar diren foru aginduen proposamenak.

h) Koordinatu eta gainbegiratzea Departamentuko kontseilariak Departamentuko eta haren erakunde autonomoetako gaiei buruz Nafarroako Gobernuari igortzen dizkion espedienteak.

i) Idazkaritza Nagusi Teknikoaren eskumeneko gaietan hartu beharreko ebazpenak izapidetzea, hala behar denean.

j) Departamentuaren jardun-esparruan sortzen diren ondare-erantzukizunek eragindako espedienteak izapidetzea.

k) Genero ikuspegia zeharka aplikatzearekin loturiko eginkizunak gauzatzea Departamentuaren politikak planifikatu, kudeatu eta ebaluatzean, bat etorriz Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

l) Indarra duten xedapenek esleitzen dioten beste edozein, edo agintzen zaizkionak.

92. artikulua . Araubide Administratiboaren eta Langileen Atalaren esparru material eta funtzionala.

Araubide Administratiboaren eta Langileen Atalak honako eginkizun hauek izanen ditu:

a) Foru dekretu honetan zehazten diren eginkizunak, idazkaritza tekniko nagusiek langileriaren arloan esleituak dituztenak Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren Foru Dekretuan.

b) Departamentuko organoek onetsitako foru aginduak eta ebazpenak erregistratu, artxibatu eta gordetzea.

c) Beharrezkotzat jotzen diren aldaketak proposatu eta sustatzea Departamentuko unitate organikoen lan metodoak hobetzeko, ahalik arinen eta eraginkorrenak izan daitezen, administrazioa modernizatu eta prozedurak erraztearen arloan eskumena duten unitate organikoekin koordinatuta eta haiek ezarritako gidalerroei jarraikiz.

d) Departamentuko erregistro eta agiritegi administratiboak antolatzeko irizpideak ezarri eta koordinatzea, gai horietan eskumena duten gainerako unitate organikoekin lankidetzan.

e) Dagozkion eginkizunak betetzea Nafarroako Foru Komunitateko Administrazioaren datu-babeseko eta informazioaren segurtasuneko politikan zehaztutako informazioaren segurtasun arduraduna den aldetik, informazioaren segurtasunari buruzko indarreko araudia betetzen dela segurtatzeko eta zaintzeko, barnean dela datu pertsonalen babesa; hori guztia Ekonomia eta Aurrekontu Kudeaketarako Zerbitzuaren esparruan eta Idazkaritza Tekniko Nagusiarenean.

f) Departamentuaren jardueraren plangintza eta ebaluazioa koordinatzea irisgarritasun unibertsalaren arloan, eta Departamentuko webguneen eta gailu mugikorretarako aplikazioen irisgarritasunerako unitate arduradun delegatuaren eginkizunak betetzea.

g) Indarra duten xedapenek esleitzen dioten beste edozein, edo agintzen zaizkionak.

Lehen xedapen gehigarria. Eskumenak deskontzentratzeko baldintza orokorrak.

1. Indarra duten arauek organo bati ematen dizkioten eskumenak hierarkian mendeko diren beste organo batzuengan deskontzentratzen ahal dira, Nafarroako Aldizkari Ofizialean argitaratuko den xedapen orokor baten bitartez, galarazi gabe eskumenak esleitzeko arauetan finkatutako baldintzak bete beharra.

2. Barneko, Funtzio Publikoko eta Justiziako kontseilariak indarrik gabe uzten ahalko du xedapen gehigarri honetan aipatzen den eskumenen deskontzentrazioa, Nafarroako Aldizkari Ofizialean argitaratu beharko den foru agindu baten bidez.

Bigarren xedapen gehigarria. Deskontzentrazioa.

1. Departamentuko zuzendari nagusiei dagokie, kasuan kasuko eskumenen esparruan, kontratazio arloan indarra duen legeriak Barneko, Funtzio Publikoko eta Justiziako Departamentuko kontseilariari ematen dizkion eskudantzia administratiboen titulartasuna eta erabilera.

2. Barneko zuzendari nagusiaren esku uzten dira, bere eskumenen esparru materialean, indarra duen araudiak Barneko, Funtzio Publikoko eta Justiziako kontseilariari arlo hauetan esleitzen dizkion eskumen administratiboen titulartasuna eta erabilera: dirulaguntzak, kontratazioa eta enkarguak, barnean direla gastuak baimentzea eta xedatzea eta ordaintzeko betebeharrak aitortzea.

Barneko zuzendari nagusiari dagokio, kasuan kasuko eskumenen esparruan, zehapen espedienteen gainean ebazteko indarra duen legeriak Barneko, Funtzio Publikoko eta Justiziako kontseilariari ematen dizkion eskudantzia administratiboen titulartasuna eta erabilera.

3. Funtzio Publikoko zuzendari nagusiari dagokio Nafarroako Ogasun Publikoari buruzko apirilaren 4ko 13/2007 Foru Legeak, langileen gastuaren kapituluaren barrenean aurrekontuko mugimendu eta transferentzien arloan, Barneko, Funtzio Publikoko eta Justiziako kontseilariaren esku uzten dituen eskudantzia administratiboen titulartasuna eta erabilera.

Hirugarren xedapen gehigarria. Trafikoko Burutza Probintzialari buruzko aipamenak.

Bi foru dekretu hauetan Trafikoko Burutza Probintzialari buruzko aipamenak Trafiko Zerbitzuari dagozkiola ulertuko da: 44/1990 Foru Dekretua, martxoren 8koa, Ikuskizunak eremu publikoetan baimentzeko baldintzak arautzen dituena, eta 249/1992 Foru Dekretua, ekainaren 29koa,zezen ikuskizunen erregelamendua onesten duena.

Laugarren xedapen gehigarria. Hainbat zerbitzu zuzendaritza eta atalburutzatarako izendapenak.

Berretsi egiten dira, sortu ziren baldintza berberetan, foru dekretu honetan ezarritako egituran izena mantentzen duten burutzen izendapenak, baita honako hauek ere:

1. Barneko Zuzendaritza Nagusia:

- Babes Zibileko eta Larrialdietako Zerbitzuko zuzendariarena, zeina Larrialdietako, Prebentzioko eta Babes Zibileko Zerbitzuko zuzendaria izanen baita.

- Trafikoaren eta Bide Segurtasunaren Ataleko buruarena, zeina Trafikoa Koordinatzeko Ataleko burua izanen baita.

2. Funtzio Publikoko Zuzendaritza Nagusia:

- Langileriaren Kudeaketako Zerbitzuko zuzendariarena, zeina Langileriaren Prozedurak Kudeatzeko Zerbitzuko zuzendaria izanen baita.

- Funtzio Publikoaren Antolamenduko Zerbitzuko zuzendariarena, zeina Araubide Juridikoaren eta Gizarte Aurreikuspenaren Zerbitzuko zuzendaria izanen baita.

- Lan Harremanen eta Prestazio Sozialen Zerbitzuko zuzendariarena, zeina Arauen Garapenerako eta Lan Harremanetarako Zerbitzuko zuzendaria izanen baita.

- Egituraren, Lanpostuen Antolaketaren eta Langileen Plantillaren Zerbitzuko zuzendariarena, zeina Egiturako, Plantillako eta Langileen Aldi Baterako Kontratazioetako Zerbitzuko zuzendaria izanen baita.

- Aurrekontuen Kudeaketaren eta Goi Mailako Kargudunen Erregistroaren Ataleko buruarena, zeina Aurrekontuen Kudeaketarako Ataleko burua izanen baita.

- Hautapenaren, Hornikuntzaren eta Administrazio Egoeren Ataleko buruarena, zeina Hautaketa Prozesuetako, Lanpostuak Betetzeko eta Administrazio Egoeretako Ataleko burua izanen baita.

- Langileriaren Erregistro Nagusiaren Ataleko buruarena, zeina Egituraren Antolaketako, Plantillako eta Langileen Ordainsarietako Ataleko burua izanen baita.

- Langileen Antolaketaren eta Presentziaren Kudeaketaren Ataleko buruarena, zeina Administrazioa Modernizatzeko eta Lanpostuak eta Egitura Planifikatzeko Ataleko burua izanen baita.

3. Justizia Zuzendaritza Nagusian:

- Zigor Betearazpeneko eta Justizia Errestauratiboko Zerbitzuko zuzendariarena, zeina Gizarteratzeko, Bitartekaritzako eta Justizia Errestauratiboko Zerbitzuko zuzendaria izanen baita.

- Zigor Betearazpeneko Ataleko buruarena, zeina Gizarteratzeko Ataleko burua izanen baita.

- Justizia Errestauratiboko Ataleko buruarena, zeina Bitartekaritzako eta Justizia Errestauratiboko Ataleko burua izanen baita.

4. Ekonomia eta Aurrekontu Kudeaketarako Zerbitzuan:

- Ekonomia Ataleko buruarena, zeina Aurrekontuen Kudeaketarako Ataleko burua izanen baita.

Bosgarren xedapen gehigarria. Zenbait unitateren atxikipena aldatzea.

Lanpostuak Antolatzeko Atala Egituraren, Lanpostuen Antolaketaren eta Langileen Plantillaren Zerbitzuari atxikia zegoen, Barneko, Funtzio Publikoko eta Justiziako Departamentuko Funtzio Publikoko Zuzendaritza Nagusiaren barrenean, eta orain Administrazio Elektronikoko, Ogasuneko, Giza Baliabideetako eta SITNAko Zerbitzuaren mende egonen da, Telekomunikazioetako eta Digitalizazioko Zuzendaritza Nagusiaren barnean, eta honela deituko da: Langileen Prozeduren Bultzada Digitalaren eta Modernizazioaren Atala.

Seigarren xedapen gehigarria. Unitate organiko bat kentzea.

Barneko Zuzendaritza Nagusiko unitate organiko hau kendu da:

- Giza Baliabideen Atala.

Zazpigarren xedapen gehigarria. Zenbait unitate organikoren sorrera.

1. Barneko Zuzendaritza Nagusiko unitate organiko hauek sortu dira:

- Trafiko Zerbitzua.

- Barneko Giza Baliabideen Zerbitzua.

- Langileriaren Kudeaketako Atala.

- Berrikuntza Teknologikoaren Atala.

- Bide Prestakuntzako eta Hezkuntzako Atala.

- Kontrol eta Zehapen Atala.

2. Funtzio Publikoko Zuzendaritza Nagusian unitate organiko hau sortu da:

Nafarroako Administrazio Publikoaren Institutuaren Zerbitzua.

3. Ekonomia eta Aurrekontu Kudeaketarako Zerbitzuan unitate organiko hau sortu da:

- Kudeaketa Ekonomikoaren eta Azterlanen eta Lan Teknikoen Atala.

4. Idazkaritza Tekniko Nagusian unitate organiko hauek sortu dira:

- Araubide Juridikoaren Atala. Zuzenbideko lizentzia edo gradua duen A mailako funtzionario batek bete beharko du atalburutza.

Zortzigarren xedapen gehigarria. Lege aipamenak.

Indarreko araudian egiten diren aipamen organiko eta funtzionalak, eragiten dietenak foru dekretu honetan esleitutako eginkizunei, ulertuko da egiten zaizkiela foru dekretu honetan bertan araututako organo eta unitateei.

Bederatzigarren xedapen gehigarria. Unitate jakin batzuen jardunerako baldintzak.

1. Nafarroako Segurtasun eta Larrialdi Eskolaren Laguntza Juridikoaren eta Kudeaketa Administratiboaren Ataleko buru izateko ez da maila-eskakizunik egonen.

2. Justizia Zuzendaritza Nagusiko Bulego Judizial eta Fiskalaren Ataleko burutza eta Informatikako Proiektu eta Sistemen Ataleko burutza A, B edo C mailako funtzionarioek bete beharko dituzte.

3. Aurrekontuen Kudeaketarako Ataleko burutza A edo B mailako funtzionarioek bete beharko dute, eta funtzionario horiek titulu hauetako bat izan beharko dute: Enpresa Zientzietako diplomatura, Ekonomiako, EAZko, Enpresa Zientzietako edo antzeko lizentzia edo gradua.

4. Foru dekretu hau indarrean jarri aurretik zeuden gainerako atalburuek baldintza eta betekizun berberak izaten segituko dute.

Lehenengo xedapen iragankorra. Trafikoaren eta ibilgailu motordunen zirkulazioaren arloko zehapeneskumena.

Trafikoari eta ibilgailu motordunen zirkulazioari buruzko administrazio-zehapenak ezartzeko ahalmenari dagozkion eginkizunek 2025eko urtarrilaren 1etik aitzina hartuko dute indarra, eta, ordura arte, Estatuko Administrazio Orokorreko organo eskudunei dagokie eginkizun horiek betetzea, apirilaren 4ko 252/2023 Errege Dekretuan ezarritakoaren arabera (252/2023 Errege Dekretua, Estatuko Administrazioak trafikoaren eta ibilgailu motordunen zirkulazioaren arloan dituen eginkizunak eta zerbitzuak Nafarroako Foru Komunitateari eskualdatzekoa).

Bigarren xedapen iragankorra. Unitateen iraupena.

Foru dekretu hau garatzeko neurriak hartu bitartean, atalarena baino maila txikiagokoak diren unitate organikoek berdin segituko dute eta oraingo izenari eta eginkizunei eutsiko diete. Behin-behinekoz egitura berriko organoei atxikiko zaizkie, orain arte betetzen zituzten eginkizunen arabera.

Xedapen indargabetzaile bakarra. Arauak indargabetzea.

Indarrik gabe uzten dira, foru dekretu honen kontra doan orotan eta Barneko, Funtzio Publikoko eta Justiziako Departamentuaren eskumenen esparruari dagokionez, 259/2019 Foru Dekretua, urriaren 30ekoa, Lehendakaritzako, Berdintasuneko, Funtzio Publikoko eta Barneko Departamentuaren egitura organikoa ezartzen duena, eta 266/2019 Foru Dekretua, urriaren 30ekoa, Migrazio Politiketako eta Justiziako Departamentuaren egitura organikoa ezartzen duena, eta, orobat, foru dekretu honetan xedaturikoari aurka egiten dioten maila bereko edo beheragoko xedapen guztiak.

Azken xedapenetako lehena. Gaikuntzak.

Barneko, Funtzio Publikoko eta Justiziako kontseilaria eta Ekonomia eta Ogasuneko kontseilaria gaitu egiten dira beharrezkoak diren xedapen guztiak eman ditzaten foru dekretu honetan xedatutakoa garatu eta betetzeko, eta bidezkoak diren langileen eta baliabide ekonomiko eta materialen esleipena eta banaketa egin dezaten.

Azken xedapenetako bigarrena. Garatzeko ahalmenak.

Ahalmena ematen zaio Barneko, Funtzio Publikoko eta Justiziako kontseilariari foru dekretu honetan ezarritakoa garatzeko beharrezkoak diren xedapenak eman ditzan.

Azken xedapenetako hirugarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

Gobierno de Navarra

Contacte con nosotros | Accesibilidad | Aviso legal | Mapa web