(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

252/2023 FORU DEKRETUA, AZAROAREN 15EKOA, UNIBERTSITATEKO, BERRIKUNTZAKO ETA ERALDAKETA DIGITALEKO DEPARTAMENTUAREN EGITURA ORGANIKOA EZARTZEN DUENA

BON N.º 244 - 23/11/2023

  I. KAPITULUA. XEDAPEN OROKORRAK

  II. KAPITULUA. UNIBERTSITATEKO ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. UNIBERTSITATEKO ZERBITZUA

  III. KAPITULUA. ZIENTZIA, TEKNOLOGIA ETA BERRIKUNTZA ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. I+G+b ZERBITZUA

  3. ATALA. EROSKETA PUBLIKO BERRITZAILEAREN ATALA

  IV. KAPITULUA. TELEKOMUNIKAZIOETAKO ETA DIGITALIZAZIOKO ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. TELEKOMUNIKAZIOEN, AZPIEGITUREN ETA ZIBERSEGURTASUNAREN ZERBITZUA

  3. ATALA. PLATAFORMEN ETA ERAGIKETEN ZERBITZUA

  4. ATALA. DEPARTAMENTUETAKO INFORMAZIO SISTEMEN ZERBITZUA

  5. ATALA. OSASUNEKO INFORMAZIOAREN TEKNOLOGIEN ZERBITZUA

  6. ATALA. ASISTENTZIA ETA OSASUN KUDEAKETARAKO INFORMAZIO SISTEMEN ZERBITZUA

  7. ATALA. ADMINISTRAZIO ELEKTRONIKOKO, OGASUNEKO, GIZA BALIABIDEETAKO ETA SITNAKO ZERBITZUA

  8. ATALA. AURRERAPEN DIGITALERAKO ZERBITZUA

  9. ATALA. ARAUBIDE JURIDIKOAREN ATALA

  10. ATALA. KUDEAKETA ADMINISTRATIBO ETA EKONOMIKOAREN ATALA

  V. KAPITULUA. IDAZKARITZA TEKNIKO NAGUSIA

Zioen azalpena

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legean xedatutakoari jarraikiz, Nafarroako Gobernuari dagokio departamentu bakoitzaren egitura organikoa onestea.

Nafarroako Foru Komunitateko Lehendakariaren abuztuaren 17ko 10/2023 Foru Dekretuaren bidez, Nafarroako Foru Komunitateko Administrazioaren departamentuen egitura ezarri zen.

Aldi berean, abuztuaren 30eko 72/2023 Foru Dekretuaren bidez, Unibertsitateko, Berrikuntzako eta Eraldaketa Digitaleko Departamentuaren oinarrizko egitura ezarri zen.

Egokia da, orain, behar bezala garatzea Foru Komunitateko Administrazioaren departamentu bakoitzaren egitura.

Unibertsitateko, Berrikuntzako eta Eraldaketa Digitaleko Departamentuaren egitura organiko berria garatzea du xede foru dekretu honek.

Horrenbestez, Unibertsitateko, Berrikuntzako eta Eraldaketa Digitaleko kontseilariak proposaturik, eta Nafarroako Gobernuak bi mila eta hogeita hiruko azaroaren hambostean egindako bilkuran hartutako erabakiarekin bat,

DEKRETATZEN DUT:

I. KAPITULUA. XEDAPEN OROKORRAK

1. artikulua . Unibertsitateko, Berrikuntzako eta Eraldaketa Digitaleko Departamentuaren eskumenen esparrua.

Unibertsitateko, Berrikuntzako eta Eraldaketa Digitaleko Departamentuak beteko ditu Nafarroako Foru Komunitateko Administrazioak gai hauetan esleituak dituen eskumenak:

a) Unibertsitateko jarduera planifikatu eta programatzea.

b) Ikerketa zientifikoa bultzatu, planifikatu, gauzatu eta ebaluatzea.

c) Garapen teknologikoa eta berrikuntza.

d) Egoitza Nafarroan duten unibertsitateen nazioartekotzea sustatzea, baita Foru Komunitatean garatzen den jarduera berritzailea ere.

e) Europar Batasunaren zientzia, ikerketa, garapen eta berrikuntza politiken jarraipena egitea.

f) Erosketa publiko berritzaileko prozedurak bultzatu, planifikatu eta koordinatzea.

g) Lehen aipatutako jardueretatik eratorritako kalitatea eta lehiakortasuna sustatu, planifikatu eta ebaluatzea.

h) Foru Komunitateko Administrazioaren informatika eta telekomunikazio sistemak bultzatu, sustatu, modernizatu, berritu eta garatzea.

i) Indarra duten xedapenetan ematen zaizkion gainerako eskudantziak.

2. artikulua . Departamentuko titularra.

1. Unibertsitateko, Berrikuntzako eta Eraldaketa Digitaleko Departamentuko titularrak, foru dekretu honen 1. artikuluan zehaztutako eskumenen esparruari loturik, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluan ezarritako eskudantziak izanen ditu.

2. Orobat, Unibertsitateko, Berrikuntzako eta Eraldaketa Digitaleko kontseilariaren zeregina da, departamentuko titularra den aldetik, kide anitzeko organo hauetan parte hartzea:

a) Unibertsitate Partzuergoaren Zuzendaritza Batzordea, Urrutiko Hezkuntzarako Unibertsitate Nazionalaren Iruñeko Zentro Elkartuan.

b) Unibertsitate Partzuergoaren Zuzendaritza Batzordea, Urrutiko Hezkuntzarako Unibertsitate Nazionalaren Tuterako Zentro Elkartuan.

c) Administrazio Elektronikoaren Batzordea.

d) SITNAren Koordinazio Batzordea edo Osoko Bilkura.

e) SITNAren Batzorde Iraunkorra.

f) Nafarroako I+G+b arloko Aholku Kontseilua.

g) Nafarroako Zientzia, Teknologia eta Berrikuntza Plana Kudeatzeko Departamentuarteko Batzordea.

h) Zientzia, Teknologia eta Berrikuntza Planaren Batzorde Betearazlea.

i) Datuaren Gobernantza Koordinatzeko Batzordea.

j) Medikuntza Pertsonalizatuaren Departamentuarteko Batzordea.

k) Berrikuntza Digitalaren Poloaren Departamentuarteko Batzordea.

3. Unibertsitateko, Berrikuntzako eta Eraldaketa Digitaleko Departamentuko titularrari sostengu politiko eta teknikoa emateko unitate gisa, eta zuzenean haren mende, kabinete bat dago departamentuan, Nafarroako Gobernuari eta Lehendakariari buruzko abenduaren 3ko 14/2004 Foru Legearen 19. artikuluari lotua dagoena.

3. artikulua . Unibertsitateko, Berrikuntzako eta Eraldaketa Digitaleko Departamentuaren antolaketa orokorra.

Unibertsitateko, Berrikuntzako eta Eraldaketa Digitaleko Departamentuak, bere titularraren goi zuzendaritzapean, honako organo hauek ditu bere egituran:

a) Unibertsitateko Zuzendaritza Nagusia.

b) Zientzia, Teknologia eta Berrikuntza Zuzendaritza Nagusia.

c) Telekomunikazioetako eta Digitalizazioko Zuzendaritza Nagusia.

d) Departamentuko Idazkaritza Tekniko Nagusia.

4. artikulua . Zuzendaritza nagusien eskudantziak.

Unibertsitateko, Berrikuntzako eta Eraldaketa Digitaleko Departamentuko zuzendaritza nagusiek, departamentuko titularraren goi zuzendaritzapean eta foru dekretu honetan bakoitzari esleitutako esparruan, izanen dituzte arau hauetan ezarritako eskudantziak: Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 31. eta 32. artikuluak eta foru lege beraren azken xedapenetako lehena. Horietaz gainera, indarra duten xedapenek esleitzen dieten beste edozein.

5. artikulua Idazkaritza Tekniko Nagusiaren eskudantziak.

Unibertsitateko, Berrikuntzako eta Eraldaketa Digitaleko Departamentuko Idazkaritza Tekniko Nagusiak, foru dekretu honen 1. artikuluan zehaztu den eskumenen esparruan, eta departamentuko titularraren goi zuzendaritzapean, berari atxikita baitago zuzenean, honako eskudantzia hauek izanen ditu:

a) Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 33. artikuluan eta Idazkaritza Tekniko Nagusiak arautzen dituen otsailaren 21eko 29/2005 Foru Dekretuan ezarritakoak.

b) Idazkaritza Tekniko Nagusiak arautzen dituen otsailaren 21eko 29/2005 Foru Dekretuan ezarritakoak, ekonomia eta aurrekontu izaera duen arau horren 8. artikuluan ezarritakoak barne, baita Langileriaren arloko Eskurantzak zehazten dituen otsailaren 21eko 30/2005 Foru Dekretuaren 6. artikuluan ezarritakoak ere.

c) Genero ikuspegiaren zeharkakotasuna aplikatzea Unibertsitateko, Berrikuntzako eta Eraldaketa Digitaleko Departamentuaren esparruko politikak planifikatu, kudeatu eta ebaluatzean, bat etorriz Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

d) Nafarroan desgaitasuna dutenei arreta emateari eta beren eskubideak bermatzeari buruzko azaroaren 28ko 31/2022 Foru Legearen arabera aritzea.

e) Informazio publikoa kudeatzea, Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen arabera.

f) Herritarren parte-hartzea, Nafarroako Parte-hartze Demokratikoari buruzko martxoaren 22ko 12/2019 Foru Legearen arabera.

g) Departamentuko gainerako organoei laguntzea informazioaren segurtasunari buruzko araudia aplikatzen, Nafarroako Foru Komunitateko Administrazioaren Datuak Babesteko eta Informazioaren Segurtasunerako Politikan zehaztutakoa betetzeko.

h) Departamentuko zuzendaritza nagusietako, zerbitzu zuzendaritzetako edo burutzetako titularren izendapenak eta kargu-uzteak tramitatzea.

i) Indarrean dauden xedapenek esleitzen dizkioten edo Unibertsitateko, Berrikuntzako eta Eraldaketa Digitaleko Departamentuko titularrak agintzen dion beste edozein, eta horretarako behar diren ebazpenak emanen ditu.

6. artikulua . Zerbitzuen eskudantziak.

Zerbitzuek, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 35. artikuluarekin, eginkizun hauek izanen dituzte: beren menpeko atalak edo unitate organikoak planifikatu, koordinatu, zuzendu eta kontrolatzea; prozedurak arindu, arrazionalizatu eta sinplifikatzeko printzipioak bultzatu eta sustatzea; eta, halaber, indarra duten xedapenek berariaz esleitzen dizkieten edo departamentuko organo eskudunek haietan deskontzentratzen edo eskuordetzen dituzten beste edozein.

7. artikulua . Atalen eskudantziak.

Atalek ondotik ematen diren eginkizunak izanen dituzte, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 37. artikuluarekin: beren eskumenen esparruko lanak gauzatzea eta goragoko nagusientzako txostenak eta proposamenak egitea; beren mendeko bulegoek eta unitateek egiten dituzten lanak koordinatzea, zuzentzea eta kontrolatzea; eta, halaber, Departamentuko organo eskudunek agintzen dizkieten gainerako eginkizun guztiak betetzea.

II. KAPITULUA. UNIBERTSITATEKO ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

8. artikulua . Unibertsitateko Zuzendaritza Nagusiaren eskumenen esparru material eta funtzionala.

Unibertsitateko Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Unibertsitateen esparruko berezko jarduera estrategikoki planifikatu, koordinatu, kontrolatu eta gainbegiratzea.

b) Unibertsitateen esparruan zerbitzuak eraginkortasunez emateko behar diren jarduketak programatu eta gauzatzea.

c) Bere eskumeneko unibertsitateen finantzaketa planifikatzea eta, bereziki, Nafarroako Unibertsitate Publikoarena.

d) Bere eskumenen esparruko dirulaguntzak eta laguntzak planifikatu eta onestea.

e) Nafarroako komunitate zientifikoaren partaidetza sustatu eta babestea unibertsitateen esparruko prestakuntza eta ikerketa zientifiko eta teknikorako programetan, Estatukoak, Europar Batasunekoak zein nazioartekoak izan.

f) Unibertsitateen esparruan ikerketa, berrikuntza (I+G+b) eta nazioartekotzea bultzatu, lagundu eta babestea, Zientzia, Teknologia eta Berrikuntza Zuzendaritza Nagusiarekin lankidetzan.

g) Nafarroako Gobernuko beste departamentu batzuekin lankidetzan aritzea, talentua erakartzeko eta atxikitzeko estrategiak planifikatzeko eta garatzeko.

h) Bokazio zientifikoak sustatzea, bereziki emakumeak STEM lanbideetan sar daitezen bultzatzea.

i) Adimen artifiziala bultzatu, koordinatu eta garatzea, unibertsitateen esparruari dagokionez.

j) Nafarroako Foru Komunitateko legeria unibertsitateen esparruko Estatuko legeriara egokitzea.

k) Ikasteko beken eta laguntzen politika planifikatzea, aukera berdintasuna lortzeko.

l) Bizialdi osoko prestakuntza sustatzea unibertsitateen esparruan.

m) Unibertsitatearen eta enpresaren arteko harremana indartzea.

n) Indarrean dauden xedapenek Unibertsitateko, Berrikuntzako eta Eraldaketa Digitaleko Departamentuari ematen dizkioten gainerako eginkizunak, zuzendaritza nagusi honen berezko esparruan.

9. artikulua . Unibertsitateko Zuzendaritza Nagusiaren egitura.

Unibertsitateko Zuzendaritza Nagusiak zerbitzu hau du bere egituran:

a) Unibertsitateko Zerbitzua.

2. ATALA. UNIBERTSITATEKO ZERBITZUA

10. artikulua . Unibertsitateko Zerbitzuaren esparru material eta funtzionala.

Unibertsitateko Zerbitzuak eginkizun hauek izanen ditu:

a) Unibertsitateen esparruko planak eta programak prestatu eta gauzatzea.

b) Estatuko zein autonomia erkidegoko legeriak unibertsitate arloan esleitzen dizkion betebeharretatik eratorritako ekintzak planifikatu eta gauzatzea.

c) Nafarroako Unibertsitate Publikoarekin urte anitzeko finantzaketa hitzarmena bultzatu eta kudeatzea.

d) Agintzen zaizkion jarduketak bultzatu eta garatzea, unibertsitateen esparruan ikerketa, berrikuntza eta nazioartekotzea bultzatu, sustatu eta koordinatzeko.

e) Unibertsitateko goi mailako irakaskuntzaren arloan, Estatuko beste administrazio, erakunde publiko eta entitate batzuekiko harremanetan parte hartzea, bai eta Nafarroan kokatutako unibertsitateekiko harremanetan ere, erabaki organoetan parte hartuz.

f) Bere kudeaketa eremuan azterlanak eta txostenak egitea Nafarroako Foru Komunitatean unibertsitateko goi mailako irakaskuntzaren plangintzari buruz.

g) Bere kudeaketa eremuari dagozkion laguntzen eta dirulaguntzen deialdiak egin, kudeatu eta kontrolatzea.

h) Unibertsitateen esparrura bideratutako ikasketa beka eta laguntzen deialdiak egin, kudeatu eta kontrolatzea.

i) Unibertsitate hedapeneko jarduerak bultzatu eta garatzea.

j) Unibertsitateko arau garapena aztertu eta proposatzea.

k) Indarrean dauden xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

11. artikulua . Unibertsitateko Zerbitzuaren egitura.

Unibertsitateko Zerbitzuak atal hau du bere egituran:

a) Unibertsitateko Atala.

12. artikulua . Unibertsitateko Atalaren esparru material eta funtzionala.

Unibertsitateko Atalak honako eginkizun hauek izanen ditu:

a) Arau garapena ezartzea unibertsitateen esparruan.

b) Nafarroako Foru Komunitatean unibertsitateen esparruan egiten diren dirulaguntzen deialdiak, laguntzak eta hitzarmenak proposatu, kudeatu eta kontrolatzea.

c) Agintzen zaizkion txosten teknikoak eta azterlanak egitea.

d) Nafarroako unibertsitate zentroak eta unibertsitate ikasketak baimentzeko espedienteak tramitatzea, eta unibertsitate zentroen erregistroa eguneratu eta haren jarraipena egitea.

e) Ikasketa beken eta laguntzen espedienteak tramitatzea.

f) Unibertsitate hedapeneko jarduerak garatzeko eta jarduera horien administrazio eta finantza kudeaketa egiteko hitzarmen espezifikoak egitea.

g) Nafarroako unibertsitateei (berariaz Nafarroako Unibertsitate Publikoari) egin beharreko transferentzia ekonomikoak kudeatzea, eta horien jarraipena eta kontrol administratiboa egitea.

h) Unibertsitateko Informazio Sistema Integratuan laguntzea, bere eskumeneko Nafarroako unibertsitateetako datuak emanez eta baliozkotuz, eta unibertsitateetako adierazleak eta datu estatistikoak prestatzean parte hartuz, Unibertsitateko Zuzendaritza Nagusiaren eskumenen esparruan.

i) Helburuak egoki betetzeko agintzen zaizkion gainerako eginkizunak, kudeatzen duen esparruan.

III. KAPITULUA. ZIENTZIA, TEKNOLOGIA ETA BERRIKUNTZA ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

13. artikulua . Zientzia, Teknologia eta Berrikuntza Zuzendaritza Nagusiaren esparru material eta funtzionala.

Zientzia, Teknologia eta Berrikuntza Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Foru Komunitatean ikerketa, garapen teknologikoa eta berrikuntza sustatzea.

b) Nafarroako Zientzia eta Teknologiaren Legeko atal guztiak erregelamenduz garatzeko ekintzak planifikatu eta gauzatzea.

c) Nafarroako Zientzia, Teknologia eta Berrikuntza Plana egin, koordinatu eta haren jarraipena egitea.

d) Zientzia, Teknologia eta Berrikuntza Planaren Batzorde Betearazlea zuzentzea.

e) Nafarroako Zientzia, Teknologia eta Berrikuntza Plana ezartzeko tresnak eta ekintzak garatzea, planean jasotako eremu guztietan.

f) Nafarroarentzat estrategikoak diren zientziaren, teknologiaren eta berrikuntzaren arloko proiektuak bultzatu eta aktiboki sustatzea, hala nola Medikuntza Pertsonalizatuaren Estrategia Integrala, Berrikuntza Digitalaren Poloa, adimen artifiziala eta komunitatearen garapenerako interesgarritzat jotzen diren beste batzuk.

g) Nafarroako I+G+b sistemako (SINAI) eragileak koordinatzea, eta haien bikaintasun zientifiko-teknologikoa sustatzea.

h) Ezagutza zientifikoa eta teknologikoa, bereziki SINAIko eragileek sortutakoa, sustatzea eta enpresa jarduerara transferitzeko ekintzak gauzatzea (negozio aukera berritzaileak antzematea, spin-offak eta oinarri teknologikoko enpresak sortzea, etab.).

i) Azpisistema zientifiko eta teknologikoek gizarte zibilarekin eta enpresa gizartearekin duten lotura eta elkarreragina bultzatu eta erraztea.

j) Nafarroako ikerketa erakundeek Europako I+G programetan eta Europako sare zientifiko-teknologikoetan parte har dezaten bultzatzea.

k) Nafarroarentzat interes estrategikoa duten azpiegitura zientifiko-teknologiko berriak bultzatzea.

l) Industria eraldatzeko eta ezagutza industria-ehunera transferitzeko Berrikuntza Digitalaren Poloaren estrategiaren jarraipena egin, koordinatu eta eguneratzea, eta, besteak beste, estrategia horren ondoriozko ekintzak koordinatzea.

m) Nafarroako Foru Komunitatearen ordezkari izatea zientziaren, teknologiaren, ikerketaren eta berrikuntzaren arloko instituzio, organo edo erakunde publiko eta pribatuetan.

n) Administrazioaren ekintzen garapena, ezarpena, koordinazioa eta ebaluazioa sustatzea erosketa publiko berritzailearen prozesuetan eta jarduera parekagarrietan.

ñ) Dirulaguntzen deialdiak egitea eta dirulaguntzak ematea bere eskumenen esparruarekin lotutako jardueretarako.

o) Zehapen prozedurak tramitatzea bere eskumenen esparru materialean; zuzendaritza nagusiko titularrari dagokio prozedura hastea eta ebaztea.

p) Europako proiektu eta foroetan parte hartzea bere eskumenen esparruan.

q) Indarrean dauden xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

14. artikulua . Zientzia, Teknologia eta Berrikuntza Zuzendaritza Nagusiaren egitura.

Zientzia, Teknologia eta Berrikuntza Zuzendaritza Nagusiak unitate hauek ditu bere egituran:

a) I+G+b Zerbitzua.

b) Erosketa Publiko Berritzailearen Atala.

2. ATALA. I+G+b ZERBITZUA

15. artikulua . I+G+b Zerbitzuaren esparru material eta funtzionala.

I+G+b zerbitzuak eginkizun hauek izanen ditu:

a) Nafarroako Zientzia eta Teknologiaren Legeko puntu guztiak erregelamenduz garatzea.

b) Nafarroako Zientzia, Teknologia eta Berrikuntza Plana egin, koordinatu eta haren jarraipena egitea.

c) Nafarroako I+G+b Sistemako (SINAI) exekuzioko eragileak erregistratzea.

d) Ikerketa zientifikoa, garapen teknologikoa eta berrikuntza sustatzea, eta arreta berezia jartzea Nafarroako Espezializazio Adimentsuaren Estrategian (S4) definitutako lehentasun tematikoetan, bai eta Nafarroako Gobernuak garatzen dituen beste plan edo estrategia batzuetan ere, hala nola Nafarroa Suspertu Plana edo antzekoak.

e) Dirulaguntzen eta laguntzen deialdiak eta ebazpenak kudeatu eta tramitatzea bere eskumenen esparruarekin lotutako jardueretarako.

f) Ezagutza zientifiko eta teknologikoa, bereziki SINAIko eragileek sortutakoa, enpresa jarduerara transferitzea sustatzea (negozio aukera berritzaileak antzematea, spin-offak eta oinarri teknologikoko enpresak sortzea, etab.).

g) Nafarroarentzat estrategikoak diren zientziaren, teknologiaren eta berrikuntzaren arloko proiektuak bultzatu eta aktiboki sustatzea, hala nola Medikuntza Pertsonalizatuaren Estrategia Integrala, Berrikuntza Digitalaren Poloa, adimen artifiziala eta komunitatearen garapenerako interesgarritzat jotzen diren beste batzuk.

h) Industria eraldatzeko eta ezagutza industria-ehunera transferitzeko Berrikuntza Digitalaren Poloaren estrategiaren jarraipena egitea, hura koordinatu eta eguneratzea, eta, besteak beste, estrategia horren ondoriozko ekintzak koordinatzea, hala nola European Digital Innovation Hub (EDIH); adimen artifizialaren, robotikaren, automatizazioaren eta komunikazioen esparruko erakusketa proiektuak edo deialdiak; datuak dinamizatzeko, biltzeko eta eskaintza eta eskaria zabaltzeko ekintzak; eta Poloak ukitzen dituen erakunde guztiak dinamizatzeko ekintzak.

i) Kultura zientifikoa sustatzea, Nafarroan egindako I+G+b zabaltzea eta STEM bokazioak sustatzea (zientzia, teknologia, ingeniaritza eta matematika).

j) Talentu zientifiko-teknologikoa erakartzeko eta atxikitzeko ekintzak sustatzea.

k) Nafarroako Berrikuntzaren Behatokia mantendu eta garatzea.

l) Indarrean dauden xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

16. artikulua . I+G+b Zerbitzuaren egitura.

I+G+b Zerbitzuak atal hauek ditu bere egituran:

a) Nafarroako Berrikuntzaren Behatokiaren Atala.

b) SINAIren Bikaintasuna Sustatzeko Atala.

c) Ezagutza Transferitzeko Atala.

d) Jarraipen eta Ebaluazio Atala.

e) Berrikuntza Digitalaren Poloaren Atala.

17. artikulua . Nafarroako Berrikuntzaren Behatokiaren Atalaren esparru material eta funtzionala.

Honako eginkizun hauek ditu Nafarroako Berrikuntzaren Behatokiaren Atalak:

a) Nafarroako Berrikuntzaren Behatokia ezarri eta kudeatzea.

b) Nafarroako Berrikuntzaren Behatokiko talde tekniko aholkularia koordinatzea.

c) Datuen bilketarako eta adierazleetarako metodologia bat egin eta argitaratzea, bat etorriz Zientzia eta Teknologiari buruzko ekainaren 27ko 15/2018 Foru Legean eta haren plangintza tresnetan ezarritakoarekin, eta Nafarroako Estatistika Institutuarekin (NASTAT) lankidetzan.

d) Zientzia, Teknologia eta Berrikuntza Planaren adierazleen jarraipena egin eta haiek ebaluatzea.

e) Nafarroako Berrikuntzaren Behatokiaren jardueren urteko memoria egin eta argitaratzea.

f) Ikerketa, garapen eta berrikuntzako politikei buruzko informazio zientifikoa, teknologikoa eta ekonomikoa bildu eta argitaratzea.

g) Ezagutza sareak sortzea, ikerketa, garapena eta berrikuntza neurtu, aztertu eta sustatzearekin lotutako beste erakunde batzuekin lankidetzan, naziokoak zein nazioartekoak izan.

h) Indarrean dauden xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

18. artikulua . SINAIren Bikaintasuna Sustatzeko Atalaren esparru material eta funtzionala.

Honako eginkizun hauek ditu SINAIren Bikaintasuna Sustatzeko Atalak:

a) SINAIko eragileak koordinatzea.

b) SINAIko eragileen bikaintasun zientifiko-teknikoa sustatzea.

c) SINAIko eragileen arteko lankidetza bultzatzea.

d) Nafarroako I+G+b Sistemako (SINAI) exekuzioko eragileak erregistratzea.

e) Nafarroako Zientzia, Teknologia eta Berrikuntza Plana egin, koordinatu eta haren jarraipena egitea.

f) Nafarroako ikerketa erakundeek Europako I+G programetan eta Europako sare zientifiko-teknologikoetan parte har dezaten bultzatzea.

g) Nafarroarentzat interes estrategikoa duten azpiegitura zientifiko-teknologiko berriak bultzatzea.

h) Indarrean dauden xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

19. artikulua . Ezagutza Transferitzeko Atalaren esparru material eta funtzionala.

Honako eginkizun hauek ditu Ezagutza Transferitzeko Atalak:

a) Ezagutza zientifiko eta teknologikoa, bereziki SINAIko eragileek sortutakoa, enpresa jarduerara transferitzea sustatzea (negozio aukera berritzaileak antzematea, spin-offak eta oinarri teknologikoko enpresak sortzea, etab.).

b) Ezagutza gizartera transferitzea sustatzea, kultura zientifikoa bultzatuz, Nafarroan egindako I+G+b zabalduz eta STEM bokazioak sustatuz (zientzia, teknologia, ingeniaritza eta matematika).

c) Talentu ikertzailea erakartzea eta atxikitzea sustatzea.

d) Azpisistema zientifiko eta teknologikoek gizarte zibilarekin eta enpresa gizartearekin duten lotura eta interakzioa bultzatu eta sustatzea.

e) Indarrean dauden xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

20. artikulua . Jarraipen eta Ebaluazio Atalaren esparru material eta funtzionala.

Honako eginkizun hauek ditu Jarraipen eta Ebaluazio Atalak:

a) I+G+b Zerbitzuak kudeatutako programak, dirulaguntzak eta laguntzak gauzatzen direla kontrolatzea eta jarraipen ekonomiko-administratiboa egitea, gainerako atalekin lankidetzan.

b) Gainerako atalek egindako jarraipen jarduketa guztiak koordinatzea.

c) I+G+b Zerbitzuaren eskumenen esparruan gauzatutako programak ebaluatzea, Berrikuntzaren Behatokiaren Atalarekin koordinatuta.

d) Datuak biltzeko eta tratatzeko sistema ezartzea Zientzia, Teknologia eta Berrikuntza Zuzendaritza Nagusiaren jarduera eremuan.

e) Indarrean dauden xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

21. artikulua . Berrikuntza Digitalaren Poloaren Atalaren esparru material eta funtzionala.

Honako eginkizun hauek ditu Berrikuntza Digitalaren Poloaren Atalak:

a) Berrikuntza Digitalaren Poloaren eta berrikuntza ekosistemaren (erakunde publikoak eta pribatuak) plan edo estrategietatik eta Foru Komunitateko eraldaketa digitalean inplikatutako gobernuko departamentuetatik eratorritako jarduerak koordinatzea, eremu guztietan. Oro har, administrazio publikoen, industriaren eta gizarte zibilaren eraldaketa digitaleko ekintzak koordinatzea, hala nola European Digital Innovation Hub (EDIH); adimen artifizialaren, robotikaren, automatizazioaren eta komunikazioen esparruko erakusketa proiektuak edo deialdiak; eta digitalizazioaren arloan datuak dinamizatzeko, biltzeko eta eskaintza eta eskaria zabaltzeko ekintzak.

b) Berrikuntza Digitalaren Poloaren Plan Estrategikoaren jarraipena egitea eta hura eguneratzea, gobernantza, kudeaketa, eragiketa, eta talentua, inbertsioak eta ekintzailetza erakartzeko planak barne.

c) Espezializazioak koordinatzea (arloko helburu estrategikoak zehaztea; arloko jarduketa ildoak, zerbitzuak, azpiegiturak eta ekipamenduak identifikatzea; ekosistemaren karakterizazioa eta garapena; lankidetza eta komunikazioa; barne antolamendua; eta abar).

d) Poloarekin zerikusia duen guztia komunikatzeko eta zabaltzeko ekintzak koordinatu eta abian jartzea.

e) Poloarekin lotutako sariak eta ekitaldiak koordinatzea.

f) Poloaren barnean administrazioari eta gizarteari zuzentzen zaizkion digitalizazio jarduerak koordinatu, sustatu eta, hala badagokio, abian jartzea.

g) Berrikuntza Digitalaren Poloari lotutako azpiegituren kudeaketa eredua koordinatzea, baita hura gauzatzetik eta mantentzetik eratorritako ekintzak ere.

h) Poloaren leihatila bakarra kudeatzea.

i) Nafarroa ordezkatzea foro nazionaletan eta nazioartekoetan, behar diren esparruetan.

j) Indarrean dauden xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

3. ATALA. EROSKETA PUBLIKO BERRITZAILEAREN ATALA

22. Artikulua . Erosketa Publiko Berritzailearen atalaren esparru material eta funtzionala.

Honako eginkizun hauek ditu Erosketa Publiko Berritzailearen Atalak:

a) Erosketa publiko berritzailea bultzatu eta sustatzea, bai Nafarroako Gobernuan, bai Nafarroako Foru Komunitateko gainerako administrazio publikoetan.

b) Zerbitzu publikoen hobekuntza sustatu eta bultzatzea, ondasun edo zerbitzu berritzaileak sartuz, enpresa berrikuntza garatzen eta berrikuntza nazioartekotzen laguntzeko.

c) Departamentu eskudunekin elkarlanean eta Nafarroako Zientzia, Teknologia eta Berrikuntza Planarekin eta Nafarroako Foru Komunitateko RIS4 estrategiarekin koordinaturik, kontratazio publikoaren arau egokiak sustatzea, berrikuntza arloan lizitazio prozesuak garatzeko tarte aproposa uzteko, eta eskaera publikotik berrikuntza sustatzeko trabak kentzea: arrisku banaketaren antolaketa, jabetza intelektual eta industrialaren eskubideei lotutako alderdiak, edo jarduera berritzaile honen finantzaketa aukerak, besteak beste.

d) Neurriak sustatzea Nafarroako ikerketa zentroek, zentro teknologikoek eta enpresek sortutako ezagutza enpresetara transferitzeko, enpresek erabil dezaten, eta enpresek erosketa publiko berritzailearen prozesuetan eta jarduera parekagarrietan parte hartzeko.

e) Erosketa publiko berritzailearen mikrogunea kudeatu eta mantentzea. Bertan argitaratuko dira Nafarroako Gobernuak eta Nafarroako beste administrazio publiko batzuek erosketa publiko berritzaileari buruz egindako jarduketa guztien albisteak.

f) Indarrean dauden xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

IV. KAPITULUA. TELEKOMUNIKAZIOETAKO ETA DIGITALIZAZIOKO ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

23. artikulua . Telekomunikazioetako eta Digitalizazioko Zuzendaritza Nagusiaren eskumenen esparru material eta funtzionala.

Telekomunikazioetako eta Digitalizazioko Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Eraldaketa digitalari lotutako jarduketa administratibo guztien zeharkako plangintza koordinatu, sostengatu eta haren jarraipena egitea, indarrak batzeko eta Nafarroaren lehiakortasuna eta herritarren ongizatea ahalik eta gorenera eramateko.

b) Aldaketa transformatzaileak aztertzea administrazioan, enpresetan, hezkuntza zentroetan eta gainerako eragileetan, hemengo eta eskualde aitzinatuetako aurrerapenak alderatuz.

c) Ildo estrategikoak ezartzea Nafarroako Foru Komunitatearentzat berrikuntza publikoaren arloan eta informazioaren eta komunikazioen teknologien aplikazioan.

d) Foru Komunitateko Administrazioaren eta haren erakunde autonomoen berrikuntza.

e) Informazioaren teknologia berriak eta informatikako eta telekomunikazioetako azpiegiturak garatzea Foru Komunitateko Administrazioan eta haren erakunde autonomoetan.

f) Azpiegitura teknologikoak kudeatu eta mantentzea eta erabiltzaileentzako laguntza ematea.

g) Informazio sistemen segurtasunaren erabilera eta funtzionamendu egokiak ezartzea.

h) Telekomunikazioetako eta Digitalizazioko Zuzendaritza Nagusiaren barne proiektuak garatzea, departamentuei ematen dizkien zerbitzuen kalitatea eta eraginkortasuna hobetzeko.

i) Indarrean dauden xedapenek Unibertsitateko, Berrikuntzako eta Eraldaketa Digitaleko Departamentuari ematen dizkioten gainerako eginkizunak, zuzendaritza nagusi honen berezko esparruan.

24. artikulua . Telekomunikazioetako eta Digitalizazioko Zuzendaritza Nagusiaren egitura.

Telekomunikazioetako eta Digitalizazioko Zuzendaritza Nagusiak unitate hauek ditu bere egituran:

a) Telekomunikazioen, Azpiegituren eta Zibersegurtasunaren Zerbitzua.

b) Plataformen eta Eragiketen Zerbitzua.

c) Departamentuetako Informazio Sistemen Zerbitzua.

d) Osasuneko Informazioaren Teknologien Zerbitzua.

e) Asistentzia eta Osasun Kudeaketarako Informazio Sistemen Zerbitzua.

f) Administrazio Elektronikoko, Ogasuneko, Giza Baliabideetako eta SITNAko Zerbitzua.

g) Aurrerapen Digitalerako Zerbitzua.

h) Araubide Juridikoaren Atala.

i) Kudeaketa Administratibo eta Ekonomikoaren Atala.

2. ATALA. TELEKOMUNIKAZIOEN, AZPIEGITUREN ETA ZIBERSEGURTASUNAREN ZERBITZUA

25. artikulua . Telekomunikazioen, Azpiegituren eta Zibersegurtasunaren Zerbitzuaren esparru material eta funtzionala.

Telekomunikazioen, Azpiegituren eta Zibersegurtasunaren Zerbitzuak honako eginkizun hauek beteko ditu, ezarritako eskumenen esparruaren barruan:

a) Nafarroako Gobernuaren ekoizpen, aurreprodukzio eta garapen inguruneen euskarri den hardware azpiegituren ekosistema bilakatzeko ildo estrategikoak ezarri eta bultzatzea.

b) Datuak prozesatzeko zentroak eta horien zenbatzeko eta biltegiratzeko gaitasuna diseinatu, ezarri eta garatzea, eta cloud zerbitzuekin eta kanpoko ostatuekin integratzea.

c) Hardware azpiegituren arkitekturak diseinatu eta eraikitzea, haien elkarreragingarritasuna, berrerabilgarritasuna, segurtasuna eta jasangarritasuna bermatuz.

d) Nafarroako Gobernuaren egoitzak lotuko dituen eta banda zabala Foru Komunitate osoan hedatzeko oinarri izanen den lurralde komunikazioen sare bat diseinatu, ezarri eta garatzea.

e) Nafarroako Foru Komunitateko Administrazioaren ekoizpen azpiegitura eta sistema guztiei segurtasuna emateko beharrezkoak diren tresnak eta prozedurak diseinatu, ezarri eta garatzea.

f) Telebista digitalaren hedapena diseinatu, ezarri eta garatzea II. eremuan.

g) Esleitutako eginkizunak betetzeko beharrezkoak diren kontratazio espedienteen eta sozietate publikoei egindako enkarguen zuzendaritza teknikoa eta kudeaketa aurreratua gauzatzea.

h) Produkzio azpiegiturak eta sistemak eta negozioko segurtasuna eta jarraitutasuna kudeatzeko sistemak diseinatu, garatu, gauzatu eta sostengatzeko beharrezkoak diren lan metodologiak ezartzea, Plataformen eta Eragiketen Zerbitzuarekin lankidetzan.

i) Zerbitzuaren eskumenekin zerikusia duten IKTen arloko Estatuko lantaldeetan eta lantalde korporatiboetan parte hartzea, arreta berezia jarriz telekomunikazioen eta zibersegurtasunaren arloko Estatuko lantaldeetan.

j) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

26. artikulua . Telekomunikazioen, Azpiegituren eta Zibersegurtasunaren Zerbitzuaren egitura.

Telekomunikazioen, Azpiegituren eta Zibersegurtasunaren Zerbitzuak atal hauek ditu bere egituran:

a) Azpiegitura Teknologikoen Atala.

b) Telekomunikazioen eta Banda Zabalaren Atala.

c) Zibersegurtasunerako eta Errendimenduaren Kudeaketarako Atala.

27. artikulua . Azpiegitura Teknologikoen Atalaren esparru material eta funtzionala.

Honako eginkizun hauek ditu Azpiegitura Teknologikoen Atalak:

a) Nafarroako Gobernuaren informazio sistema guztiak kudeatzen dituzten datuak prozesatzeko zentroak (DPZ) diseinatu, ezarri eta garatzea.

b) Perimetroko suebakien, DPZen, sare pribatu birtualaren (VPN) eta behar bereziak dituzten sareen komunikazio azpiegitura seguruak diseinatu, ezarri eta garatzea, baita telelanerako eta urruneko sarbiderako beharrezkoak direnak ere.

c) Zerbitzu emateko azpiegitura teknologiko fisiko eta birtualak diseinatu, ezarri eta garatzea.

d) Biltegiratzeko eta backup-erako azpiegitura teknologikoak diseinatu, ezarri eta garatzea.

e) Aplikazioak inprimatzeko eta argitaratzeko azpiegitura teknologikoak diseinatu, ezarri eta garatzea.

f) Sarea eta posta elektronikoa identifikatzeko eta domeinu izenak ebazteko azpiegiturak diseinatu, ezarri eta garatzea.

g) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

28. artikulua . Telekomunikazioen eta Banda Zabalaren Atalaren esparru material eta funtzionala.

Honako eginkizun hauek ditu Telekomunikazioen eta Banda Zabalaren Atalak:

a) Barne konektagarritasunaren (sare korporatiboa, sare lokalak, wifia, sare helbideratzeak eta egoitzetako kableen kudeaketa) eta kanpo konektagarritasunaren (Internet eta beste erakunde publiko batzuk) erabilera orokorreko komunikazio azpiegiturak diseinatu, ezarri eta garatzea Nafarroako Gobernuaren egoitza guztietan.

b) Nafarroan banda zabalaren hedapena definitzea, koordinatzea eta haren jarraipena egitea, telekomunikazioetan eskumena duten Estatuko organoekin koordinatuta.

c) Segurtasun eskakizun edo prestazio handiko sektore jarduerarako komunikazio azpiegiturak diseinatu, ezarri eta garatzea, arreta berezia jarriz Nafarroako larrialdietako segurtasun komunikazioen sarean, Nafarroa osorako larrialdiak kudeatzeko zentro integratua barne (SOS Nafarroa).

d) Telefonia finkoko eta contact center guneko komunikazio azpiegiturak diseinatu, ezarri eta garatzea.

e) Telefonia mugikorreko, "makinaz makina" (M2M) komunikazio zerbitzuetako eta SMS mezularitzako komunikazio azpiegiturak diseinatu, ezarri eta garatzea.

f) Nafarroako Gobernuko unitate administratiboen edozein obra berritan edo lekualdaketatan eskatzen diren sare korporatiborako konektagarritasunari buruzko jarduketak planifikatzea eta baliozkotzea.

g) Telebista digitalaren II. eremuko hedapenaren zerbitzu maila zehaztu, mantendu, garatu eta kudeatzea, eta eremu horretan LTD sarea ustiatzea.

h) Azpiegituren Lurralde Plana kudeatzea, Foru Komunitatean uhin elektromagnetiko ez-gidatuen bidezko oinarrizko telekomunikazio estazioak antolatzeko.

i) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

29. artikulua . Zibersegurtasunerako eta Errendimenduaren Kudeaketarako Atalaren esparru material eta funtzionala.

Honako eginkizun hauek ditu Zibersegurtasunerako eta Errendimenduaren Kudeaketarako Atalak:

a) Informazioaren segurtasuna kudeatzeko sistemak eta negozio jarraipeneko sistemak zehaztu eta ezartzea, azpiegitura teknologikoen eta ekoizpen sistemen esparruan.

b) Gorabeherak kudeatzea eta segurtasuneko auzitegi analitikako txostenak egitea, azpiegitura teknologikoen eta ekoizpen sistemen esparruan.

c) IKT sistemen esparruan segurtasun auditoretzak egiteko tresnak eta prozedurak ezartzea.

d) Postuetako, zerbitzarietako eta aplikazioetako malwarearen aurkako babeserako azpiegiturak eta plataformak diseinatu, ezarri eta garatzea, bai eta segurtasun gertaerak biltzeko, zaintzeko, alertak emateko eta aztertzeko azpiegiturak eta plataformak ere.

e) Azpiegitura eta sistemekin lotutako zerbitzu mailak eta ezaugarriak betetzen direla gainbegiratzea, elementu bakoitza ezarritako zerbitzu mailen arabera behar bezala ustiatzeko.

f) Ekoizpen azpiegituren eta sistemen ustiapena kudeatzea, eskuragarritasun, errendimendu eta zibersegurtasun irizpideen arabera.

g) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

3. ATALA. PLATAFORMEN ETA ERAGIKETEN ZERBITZUA

30. artikulua . Plataformen eta Eragiketen Zerbitzuaren esparru material eta funtzionala.

Honako eginkizun hauek ditu Plataformen eta Eragiketen Zerbitzuak:

a) Informazio sistemen plataformen ekosistema garatzeko ildo estrategikoak ezarri eta bultzatzea, Nafarroako Gobernuaren IKT sistemen funtzionamendurako beharrezkoak diren ostatu zerbitzuak izateko, cloud zerbitzuak eta kanpoko ostatuak erabiltzeko balorazioa eta erabakia barne.

b) Lanpostu digitala garatzeko ildo estrategikoak ezarri eta bultzatzea, Nafarroako Gobernuaren IKT sistemen funtzionamenduaren eta erabileraren oinarri baitira.

c) Nafarroako Gobernuaren IKT sistemak hartzen dituzten egikaritze plataformak, datu baseenak eta integrazio plataformak diseinatu, ezarri eta garatzea, bai eta horiek erabiltzen dituzten lanpostuenak ere.

d) Informazio sistemen ekoizpen arkitekturak diseinatzea eta eraikitzea, haien elkarreragingarritasuna, berrerabilgarritasuna, segurtasuna eta jasangarritasuna bermatuz.

e) IKT ostatuak kategorizatzea eta lotutako eragiketa eta euskarri zerbitzuak ezartzea, baita informazio sistemek zerbitzu horiek erabili ahal izateko bete behar dituzten baldintzak ere.

f) IKT sistemak lehen eta bigarren mailako eragiketa eta euskarri sistema homogeneoz hornitzeko eta automatizatzeko behar diren tresnak eta prozedurak diseinatu, ezarri eta garatzea.

g) IKT sistemen kritikotasuna kategorizatzea, lotutako zerbitzu mailei eta horiek betetzeko sistemek izan behar dituzten ezaugarriei dagokienez.

h) Nafarroako Foru Komunitateko Administrazioaren informazio sistemen ostatuari, telekomunikazioei eta lanpostuei loturiko IKT eskaera guztiak modu zentralizatuan eta koordinatuan kudeatzea.

i) Informazio sistemak eta horien oinarri diren hardware azpiegiturak ostatatzeko zerbitzuen esparruan irizpideak ezartzea eta metodologia garatzea, Telekomunikazioen, Azpiegituren eta Zibersegurtasunaren Zerbitzuarekin lankidetzan.

j) Nafarroako Foru Komunitateko Administrazioaren IKT sistemen zaharkitze teknologikoa minimizatzeko behar diren tresnak eta prozedurak ezartzea.

k) Esleitutako eginkizunak betetzeko beharrezkoak diren kontratazio espedienteen eta sozietate publikoei egindako enkarguen zuzendaritza teknikoa eta kudeaketa aurreratua gauzatzea.

l) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

31. artikulua . Plataformen eta Eragiketen Zerbitzuaren egitura.

Plataformen eta Eragiketen Zerbitzuak atal hauek ditu bere egituran:

a) Ostatuaren eta Plataformen Atala.

b) IKT Aktiboak Kudeatzeko Atala.

c) Euskarri Zentroaren Atala.

32. artikulua . Ostatuaren eta Plataformen Atalaren esparru material eta funtzionala.

Honako eginkizun hauek ditu Ostatuaren eta Plataformen Atalak:

a) Ostatu zerbitzuen arloko ildo estrategikoak eta estandarrak zehaztea ingurune hauetan: zerbitzu moduko plataformak (PaaS), zerbitzu moduko azpiegiturak (IaaS) eta ostaturako espazio fisikoa (Housing). Ingurune horiek egokiak dira Nafarroako Gobernuaren informazio sistemetarako, eta lerrokatuak daude azpiko azpiegitura teknologikoekin. Halaber, ostatu mota bakoitzari lotutako ezarpen eta ustiapen zerbitzuak zehaztea.

b) Informazio sistemen funtzionamendurako beharrezkoak diren zeharkako egikaritze eta integrazio plataformak diseinatu, ezarri eta garatzea, bai eta sistema horiek IKT proiektuen esparruan ezartzea kudeatzea ere.

c) Azpiegiturekin eta sistemekin lotzen diren zerbitzu mailak eta ezaugarriak ezartzea, elementu bakoitza bere kritikotasunaren arabera behar bezala ustiatzeko.

d) Bigarren mailako IKT laguntza zerbitzua kudeatzea, lehen mailako laguntza taldeetatik eskalatutako gorabeherak konpontzeko.

e) Bigarren mailako IKT operazio zerbitzua kudeatzea, azpiegiturek, plataformek eta informazio sistemek behar bezala funtzionatzeko ezarritako prozedurak gauzatuz.

f) Nafarroako Gobernuaren zerbitzu digitalen oinarri diren azpiegitura teknologikoen eta ekoizpen sistemen teknologien bizi zikloa kudeatzea, zaharkitzea eta zor teknikoa minimizatzeko.

g) Administrazioko lanpostuen funtzionamendurako behar diren teknologiak diseinatu, ezarri eta garatzea, eta lanpostu digitalaren hedapena bultzatu, gidatu eta koordinatzea.

h) Ingeniaritza zerbitzuak ezartzea espezializazio handiko eskakizunak dituzten proiektuetan, azpiegitura teknologikoen eta ekoizpen sistemen arloekin lankidetzan.

i) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

33. artikulua . IKT Aktiboak Kudeatzeko Atalaren esparru material eta funtzionala.

Honako eginkizun hauek ditu IKT Aktiboak Kudeatzeko Atalak:

a) Nafarroako Gobernuaren azpiegitura teknologikoen eta ekoizpen sistemen esparruko hardware- eta software-aktiboak kontrolatzeko prozedurak zehaztu eta ezartzea.

b) Administrazioko lanpostuetan oro har erabiltzen diren hardware- eta software-aktiboen eskaeren beharrak aztertzea eta horien kudeaketa tekniko zentralizatua egitea.

c) Nafarroako Gobernuaren azpiegitura teknologikoen eta ekoizpen sistemen esparruko IKTen beharrizanen kudeaketa administratiboa egitea eta tramiteak kudeatzea, barne hartuta eskaerak jasotzea, balorazioak igortzea, eskura jarritakoak jasotzea eta fakturak tramitatzea, bai eta IKT zerbitzuen kudeaketan laguntzeko beste zeregin administratibo batzuk ere.

d) Azpiegitura teknologikoen eta ekoizpen sistemen esparruan, aktiboen tipologia bakoitzerako kontratazio tresna egokiak zehaztea.

e) Azpiegitura teknologikoen eta ekoizpen sistemen esparruan, aldizkako tramiteak kontratatzeko prozedurak kudeatzea, unitate eskudunarekin lankidetzan.

f) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

34. artikulua . Euskarri Zentroaren Atalaren esparru material eta funtzionala.

Honako eginkizun hauek ditu Euskarri Zentroaren Atalak:

a) Erabiltzaileen gorabeherei arreta emateko zerbitzuak eta lehen mailako euskarri teknologikoa (CAU) kudeatzea eta etengabe hobetzea.

b) Lanpostu eta zerbitzarien informatika elementuen hardwarea mantentzeko zerbitzua kudeatzea eta etengabe hobetzea.

c) Lehendik dauden ekoizpen sistemen, azpiegitura teknologikoen eta informazio sistemen esparruan, eragiketak automatizatzeko plataforma bultzatu, diseinatu, ezarri eta garatzea.

d) Erabiltzaileen eta barneko IKT zerbitzuen arteko koordinaziorako zeharkako tresnak diseinatu, ezarri eta garatzea, hala nola inbentarioak, konfigurazioak, hedapen mapak eta kudeaketa tresnak.

e) Nafarroako Gobernuaren azpiegitura teknologikoen eta ekoizpen sistemen esparruan, IKT zerbitzuen helburuak zehazteko eta ebaluatzeko behar diren tresnak diseinatu, ezarri eta garatzea.

f) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

4. ATALA. DEPARTAMENTUETAKO INFORMAZIO SISTEMEN ZERBITZUA

35. artikulua . Departamentuetako Informazio Sistemen Zerbitzuaren esparru material eta funtzionala.

Honako eginkizun hauek ditu Departamentuetako Informazio Sistemen Zerbitzuak:

a) Foru Komunitateko Administrazioaren eta haren erakunde autonomoen eskumenen arloan, sektore bakoitzerako soluzio berrien, informazio sistemen eta aplikazio informatikoen eskariak planifikatzea eta horien zuzendaritza teknikoa egitea.

b) Sistema sektorialen informazio teknologien arloko garapen ildoak ezartzea eta informazioaren estandar teknologikoen eta aplikazioen erabilera sustatzea, bai eta bere eskumenen arloko sistemak normalizatzea ere.

c) Harreman eredua ezartzea eta bultzatzea, bere esparruko IKT soluzioen eskaria lehenesteko, koordinatzeko eta modu zentralizatuan kudeatzeko.

d) Bere esparruko proiektuetan inplikatutako eragileekin koordinatzea, arreta berezia jarriz IKT soluzioen hornitzaileetan eta laguntza teknikoetan, sektore unitate bakoitzeko zuzendaritza taldeetan eta Zuzendaritza Nagusian lotutako gainerako unitateetan.

e) Lantalde mistoak ad hoc eta Telekomunikazioetako eta Digitalizazioko Zuzendaritza Nagusiko unitateekin kudeatzea modu koordinatuan, unitate bakoitzaren beharrei erantzuteko eta sistemak ezartzeko, zerbitzu mailan jarraitzeko beharrezkoa den ezagutzaren atxikipena bermatuz.

f) Kontratazio espedienteetarako agiri teknikoen eta esleitutako eginkizunak betetzeko behar diren enkarguen zuzendaritza teknikoa eta kudeaketa espezializatua egitea.

g) Telekomunikazioetako eta Digitalizazioko Zuzendaritza Nagusiko arlo guztietako eskaerak, proiektuak eta baliabideak barnean kudeatzeko tresnez arduratzen diren lantalde operatiboak antolatzea.

h) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

36. artikulua . Departamentuetako Informazio Sistemen Zerbitzuaren egitura.

Departamentuetako Informazio Sistemen Zerbitzuak atal hauek ditu bere egituran:

a) Lehendakaritza, Barne eta Justizia arloetarako Informazio Sistemen Atala.

b) Eskubide Sozialen, Ekonomia Sozialaren eta Enpleguaren arloetarako Informazio Sistemen Atala.

c) Lurralde Kohesio, Etxebizitza, Unibertsitate eta Berrikuntza arloetarako Informazio Sistemen Atala.

d) Landa Garapen eta Ingurumenaren, Gazteriaren, Migrazio Politiken eta Berdintasunaren arloetarako Informazio Sistemen Atala.

e) Industria, Memoria eta Bizikidetza eta Kultura, Kirol eta Turismo arloetarako Informazio Sistemen Atala.

37. artikulua . Lehendakaritza, Barne eta Justizia arloetarako Informazio Sistemen Atalaren esparru material eta funtzionala.

Honako eginkizun hauek ditu Lehendakaritza, Barne eta Justizia arloetarako Informazio Sistemen Atalak:

a) Bere jarduketa eremuko unitateen IKTen arloko administrazio eskariak kudeatzea, ezarritako harreman ereduaren jarraibide eta prozeduren arabera.

b) Beharrak eta irtenbide aukerak analizatzea eta horien bideragarritasuna aztertzea.

c) Soluzio berriak planifikatu, garatu eta ezartzea, edo sektoreko informazio sistemak eta aplikazio informatikoak garatzea.

d) Soluzioen garapenarekin lotzen diren proba teknologikoen planak diseinatzea eta zerbitzuen unitate hartzaileekin batera lan egitea, aplikazioak eta sistemak erabili aurretik horien funtzionamendu egokia ziurtatzeko.

e) Plataforma, sistema eta aplikazioak azpiegitura teknologiko korporatiboen arloko unitate eskudunekin ezartzen eta ustiatzen laguntzea.

f) Agiri teknikoak egitea eta kontratazio espedienteak eta enkarguak kudeatzea, bere jarduketa eremuan sistemak eskatzen dituzten unitate sektorial guztietarako.

g) Telekomunikazioetako eta Digitalizazioko Zuzendaritza Nagusiko arlo guztietako eskaerak, proiektuak eta baliabideak barnean kudeatzeko tresnen jarduera operatiboa kudeatzea.

h) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

38. artikulua . Eskubide Sozialen, Ekonomia Sozialaren eta Enpleguaren arloetarako Informazio Sistemen Atalaren esparru material eta funtzionala.

Honako eginkizun hauek ditu Eskubide Sozialen, Ekonomia Sozialaren eta Enpleguaren arloetarako Informazio Sistemen Atalak:

a) Bere jarduketa eremuko unitateen IKTen arloko administrazio eskariak kudeatzea, ezarritako harreman ereduaren jarraibide eta prozeduren arabera.

b) Beharrak eta irtenbide aukerak analizatzea eta horien bideragarritasuna aztertzea.

c) Soluzio berriak planifikatu, garatu eta ezartzea, edo sektoreko informazio sistemak eta aplikazio informatikoak garatzea.

d) Soluzioen garapenarekin lotzen diren proba teknologikoen planak diseinatzea eta zerbitzuen unitate hartzaileekin batera lan egitea, aplikazioak eta sistemak erabili aurretik horien funtzionamendu egokia ziurtatzeko.

e) Plataforma, sistema eta aplikazioak azpiegitura teknologiko korporatiboen arloko unitate eskudunekin ezartzen eta ustiatzen laguntzea.

f) Agiri teknikoak egitea eta kontratazio espedienteak eta enkarguak kudeatzea, bere jarduketa eremuan sistemak eskatzen dituzten unitate sektorial guztietarako.

g) Telekomunikazioetako eta Digitalizazioko Zuzendaritza Nagusiko arlo guztietako eskaerak, proiektuak eta baliabideak barnean kudeatzeko tresnen jarduera operatiboa kudeatzea.

h) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

39. artikulua . Lurralde Kohesio, Etxebizitza, Unibertsitate eta Berrikuntza arloetarako Informazio Sistemen Atalaren esparru material eta funtzionala.

Honako eginkizun hauek ditu Lurralde Kohesio, Etxebizitza, Unibertsitate eta Berrikuntza arloetarako Informazio Sistemen Atalak:

a) Bere jarduketa eremuko unitateen IKTen arloko administrazio eskariak kudeatzea, ezarritako harreman ereduaren jarraibide eta prozeduren arabera.

b) Beharrak eta irtenbide aukerak analizatzea eta horien bideragarritasuna aztertzea.

c) Soluzio berriak planifikatu, garatu eta ezartzea, edo sektoreko informazio sistemak eta aplikazio informatikoak garatzea.

d) Soluzioen garapenarekin lotzen diren proba teknologikoen planak diseinatzea eta zerbitzuen unitate hartzaileekin batera lan egitea, aplikazioak eta sistemak erabili aurretik horien funtzionamendu egokia ziurtatzeko.

e) Plataforma, sistema eta aplikazioak azpiegitura teknologiko korporatiboen arloko unitate eskudunekin ezartzen eta ustiatzen laguntzea.

f) Agiri teknikoak egitea eta kontratazio espedienteak eta enkarguak kudeatzea, bere jarduketa eremuan sistemak eskatzen dituzten unitate sektorial guztietarako.

g) Telekomunikazioetako eta Digitalizazioko Zuzendaritza Nagusiko arlo guztietako eskaerak, proiektuak eta baliabideak barnean kudeatzeko tresnen jarduera operatiboa kudeatzea.

h) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

40. artikulua . Landa Garapen eta Ingurumenaren, Gazteriaren, Migrazio Politiken eta Berdintasunaren arloetarako Informazio Sistemen Atalaren esparru material eta funtzionala.

Honako eginkizun hauek ditu Landa Garapen eta Ingurumenaren, Gazteriaren, Migrazio Politiken eta Berdintasunaren arloetarako Informazio Sistemen Atalak:

a) Bere jarduketa eremuko unitateen IKTen arloko administrazio eskariak kudeatzea, ezarritako harreman ereduaren jarraibide eta prozeduren arabera.

b) Beharrak eta irtenbide aukerak analizatzea eta horien bideragarritasuna aztertzea.

c) Soluzio berriak planifikatu, garatu eta ezartzea, edo sektoreko informazio sistemak eta aplikazio informatikoak garatzea.

d) Soluzioen garapenarekin lotzen diren proba teknologikoen planak diseinatzea eta zerbitzuen unitate hartzaileekin batera lan egitea, aplikazioak eta sistemak erabili aurretik horien funtzionamendu egokia ziurtatzeko.

e) Plataforma, sistema eta aplikazioak azpiegitura teknologiko korporatiboen arloko unitate eskudunekin ezartzen eta ustiatzen laguntzea.

f) Agiri teknikoak egitea eta kontratazio espedienteak eta enkarguak kudeatzea, bere jarduketa eremuan sistemak eskatzen dituzten unitate sektorial guztietarako.

g) Telekomunikazioetako eta Digitalizazioko Zuzendaritza Nagusiko arlo guztietako eskaerak, proiektuak eta baliabideak barnean kudeatzeko tresnen jarduera operatiboa kudeatzea.

h) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

41. artikulua . Industria, Memoria eta Bizikidetza eta Kultura, Kirol eta Turismo arloetarako Informazio Sistemen Atalaren esparru material eta funtzionala.

Honako eginkizun hauek ditu Industria, Memoria eta Bizikidetza eta Kultura, Kirol eta Turismo arloetarako Informazio Sistemen Atalak:

a) Bere jarduketa eremuko unitateen IKTen arloko administrazio eskariak kudeatzea, ezarritako harreman ereduaren jarraibide eta prozeduren arabera.

b) Beharrak eta irtenbide aukerak analizatzea eta horien bideragarritasuna aztertzea.

c) Soluzio berriak planifikatu, garatu eta ezartzea, edo sektoreko informazio sistemak eta aplikazio informatikoak garatzea.

d) Soluzioen garapenarekin lotzen diren proba teknologikoen planak diseinatzea eta zerbitzuen unitate hartzaileekin batera lan egitea, aplikazioak eta sistemak erabili aurretik horien funtzionamendu egokia ziurtatzeko.

e) Plataforma, sistema eta aplikazioak azpiegitura teknologiko korporatiboen arloko unitate eskudunekin ezartzen eta ustiatzen laguntzea.

f) Agiri teknikoak egitea eta kontratazio espedienteak eta enkarguak kudeatzea, bere jarduketa eremuan sistemak eskatzen dituzten unitate sektorial guztietarako.

g) Telekomunikazioetako eta Digitalizazioko Zuzendaritza Nagusiko arlo guztietako eskaerak, proiektuak eta baliabideak barnean kudeatzeko tresnen jarduera operatiboa kudeatzea.

h) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

5. ATALA. OSASUNEKO INFORMAZIOAREN TEKNOLOGIEN ZERBITZUA

42. artikulua . Osasuneko Informazioaren Teknologien Zerbitzuaren esparru material eta funtzionala.

Honako eginkizun hauek ditu Osasuneko Informazioaren Teknologien Zerbitzuak:

a) Osasun Departamentuaren eta haren erakunde autonomoen osasun estrategiak eta eraldaketa digitala garatzeko behar diren informazioaren teknologien eta kultura eta antolaketa aldaketen arloko garapen ildoak ezartzea eta bultzatzea, Osasun Departamentuko unitate eskudunekin koordinatuta eta haien irizpideen arabera.

b) Osasun Departamentuaren eta haren erakunde autonomoen jarduera asistentzialerako informazio sistemak eta aplikazioak planifikatu eta ezartzea.

c) Osasun Departamentuaren jarduera asistentzialari buruzko IKT eskaera guztiak modu zentralizatuan eta koordinatuan kudeatzea.

d) Garapen, produktu, integrazio eta informazioko beharrezko arkitekturak diseinatu eta prestatzea, osasun arloko produktuak eta haien integrazioak modu eraginkor eta jasangarrian eraikitzen direla bermatzeko.

e) Osasun arloko proiektu eta informazio sistema asistentzialetan inplikatutako eragileekin koordinatzea, arreta berezia jarriz IKT soluzioen hornitzaileetan eta laguntza teknikoetan.

f) Harreman eredua ezartzea eta bultzatzea, IKT soluzioen eskaria lehenesteko, koordinatzeko eta modu zentralizatuan kudeatzeko, osasuneko IKT unitate zentralekin koordinatuta.

g) Esleitutako eginkizunak betetzeko beharrezkoak diren kontratazio espedienteen eta sozietate publikoei egindako enkarguen zuzendaritza teknikoa eta kudeaketa espezializatua gauzatzea.

h) Osasun Departamentuaren jarduera asistentzialean parte hartzen duten informazio sistema guztien arkitektura teknikoa eta funtzionala koordinatzea.

i) Osasun Departamentuan eta haren erakunde autonomoetan kanpoko eta barruko estandar teknologikoak sustatzea eta horiek erabiltzen laguntzea.

j) Telekomunikazioetako eta Digitalizazioko Zuzendaritza Nagusiko arlo guztietako eskaerak, proiektuak eta baliabideak barnean kudeatzeko tresnen zuzendaritza teknikoa egitea.

k) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

43. artikulua . Osasuneko Informazioaren Teknologien Zerbitzuaren egitura.

Osasuneko Informazioaren Teknologien Zerbitzuak atal hauek ditu bere egituran:

a) Osasun Sistemetarako Software Arkitekturaren Atala.

b) Osasun Antolamendurako Sistemen Atala.

c) Osasuneko Informazioaren Teknologien Berrikuntzaren Atala.

d) Osasuneko IKT Ekipamenduen Atala.

44. artikulua . Osasun Sistemetarako Software Arkitekturaren Atalaren esparru material eta funtzionala.

Honako eginkizun hauek ditu Osasun Sistemetarako Software Arkitekturaren Atalak:

a) Osasuneko IKT produktuak eta horien integrazioak modu homogeneoan eraikitzen direla bermatzeko behar diren software arkitekturak zehaztu eta ezartzea.

b) Osasuneko IKT soluzioak eraikitzeko eta mantentzeko prozedurak sortzea, horien elkarreragingarritasuna, berrerabilgarritasuna, segurtasuna, auditagarritasuna, errendimendua eta eskalagarritasuna bermatzeko.

c) Garapen eta integrazio arkitekturako lanak egitea, software hedagarria eta modu homogeneoan mantentzeko modukoa eraikitzeko eta informazioa ustiatzeko sistema fidagarriak sortzeko.

d) Osasun sistema guztiak eta horien osagaiak eguneraturik mantentzea, teknologiari dagokionez.

e) Departamentuaren IKT ekosisteman elementu berriak aztertzeko eta kategorizatzeko irizpideak eta estandarrak ezartzea, integrazioa, hedapena eta mantentze homogeneoa ahalbidetzeko.

f) Honako hauek bermatzea: sistema asistentzialen arteko koordinazioa, kudeaketa epidemiologikoa, osasun elkarreragingarritasuna, osasun datuen segurtasuna, osasun erregistroen sorrera eta mantentzea, baheketa programen kudeaketa, eta prestazio eta itun sistemen bidez kanpoko osasun erakundeekiko harremana.

g) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

45. artikulua . Osasun Antolamendurako Sistemen Atalaren esparru material eta funtzionala.

Honako eginkizun hauek ditu Osasun Antolamendurako Sistemen Atalak:

a) Nafarroako Osasun Sistema Publikoaren osasun antolamenduaren jardueraren euskarri diren informazio sistemak diseinatu eta ezartzea.

b) Alergologiako, analisi klinikoetako, hematologiako, hemoterapiako eta mikrobiologiako laborategien eta Nafarroako Laborategi Bateratuaren (LUNA) jardueraren euskarri diren informazio sistemak diseinatu eta ezartzea.

c) Osasun Zuzendaritza Nagusiaren eta Nafarroako Osasun Publikoaren eta Lan Osasunaren Institutua erakunde autonomoaren jardueraren euskarri diren informazio sistemak diseinatu eta ezartzea, arreta berezia jarriz epidemiologiari eta elikagaien segurtasunari buruzkoetan.

d) Pazienteen osasun txartelaren eta informazio deskribatzaile guztiaren euskarri diren informazio sistemen ikuskapen teknologikoa eta laguntza ebolutiboa gauzatzea.

e) Prozesu guztiak egituratzen eta integratzen dituzten osagai digital komunak eguneratu eta sustatzea, hala nola kodetze suitea, identifikatzaile bakarra edo profesionalentzako txartel adimenduna.

f) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

46. artikulua . Osasuneko Informazioaren Teknologien Berrikuntzaren Atalaren esparru material eta funtzionala.

Honako eginkizun hauek ditu Osasuneko Informazioaren Teknologien Berrikuntzaren Atalak:

a) O-NOZen digitalizazioa eta berrikuntza teknologikoa bultzatzea, unitate eskudunekin eta osasun ekosistemako kanpo eragileekin lankidetzan (unibertsitateak, Miguel Servet Fundazioa eta Navarrabiomed).

b) Osasun zerbitzuen, prozesuen eta prozeduren eraldaketa digitalerako aukerak eta beharrak aztertzea, inplikatutako osasungintzako profesionalen taldeekin lankidetzan.

c) Osasun arloari aplikatutako IKT soluzioen merkatuaren adimen teknologikoa eta prospektiba.

d) Osasunari aplikatutako berrikuntza teknologiko publiko handia duten programak eta proiektuak garatzeko Europako baliabideak erakartzen laguntzea.

e) Osasun arlo desberdinetarako IKT teknika eta garapen berritzaileak aztertzeko, diseinatzeko eta prototipoak egiteko laborategia.

f) Lengoaia naturalaren prozesatzea eta adimen artifizialeko teknikak diseinatu eta ezartzea, osasun laguntzaren prozedurak eta denborak optimizatzeko.

g) Osasuneko IKT ekosisteman sartzen diren sistemen eta aplikazioen kalitatea eta sinplifikazioa etengabe ikuskatzea.

h) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

47. artikulua . Osasuneko IKT Ekipamenduen Atalaren esparru material eta funtzionala.

Honako eginkizun hauek ditu Osasuneko IKT Ekipamenduen Atalak:

a) Irudi digitaleko sistemak, pazienteak monitorizatzeko ekipamendua eta departamentuko sistemekin integratzen diren gailu eta ekipamendu guztiak ezartzea, errendimendu, segurtasun eta jasangarritasun bermeekin, pazienteei arreta egokia emateko.

b) Erradiologiako, erradiofisikako, irudi digitaleko eta audio-bideoko sistemetako ekipamenduek eta softwarea duten gainerako osasun elementuek bete behar dituzten estandar teknologikoak eta funtzionalak ezartzea, Osasun Departamentuko hornidura unitateekin lankidetzan.

c) Elektromedikuntzako ekipamenduen euskarri eta eragiketa egokia bermatzea, Osasun Departamentuko mantentze unitateekin lankidetzan.

d) Osasun Departamentuaren ekipamenduek eta gailuek sortzen dituzten datu, irudi eta bideo guztien segurtasuna zaintzea.

e) Osasun sistema osagarri guztiak integratzea, besteak beste: ZIU, pazienteen geolokalizazioa, endokrinologia, dosimetria erradiologikoa, teleinterpretazioa, elektromedikuntza, inbentarioa, eraikinetako mantentze lanak eta domotika, eta hainbat osasun zerbitzutako sistema espezifikoak.

f) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

6. ATALA. ASISTENTZIA ETA OSASUN KUDEAKETARAKO INFORMAZIO SISTEMEN ZERBITZUA

48. artikulua . Asistentzia eta Osasun Kudeaketarako Informazio Sistemen Zerbitzuaren esparru material eta funtzionala.

Honako eginkizun hauek ditu Asistentzia eta Osasun Kudeaketarako Informazio Sistemen Zerbitzuak:

a) Osasun arloko zuzendaritzarako, kudeaketa klinikorako eta tramiteetarako informazio sistemen garapen ildoak ezarri eta bultzatzea, bai eta Osasun Departamentuaren eta haren erakunde autonomoen jarduera administratiboa digitalizatzeko beharrezkoak diren kultura eta antolaketa aldaketenak ere.

b) Osasun Departamentuaren eta haren erakunde autonomoen gerentziako eta administrazioko informazio sistemak eta aplikazioak aztertu, planifikatu, ezarri eta eguneratzea.

c) IKT soluzioen eskaria modu zentralizatuan kudeatzea, osasun arloko zuzendaritza eta kudeaketarako proiektu eta informazio sistemetan inplikatutako eragileekin koordinatuta, arreta berezia jarriz Proiektuak Kudeatzeko Bulegoan (PMO), soluzio hornitzaileetan eta inplikatutako osasungintzako profesionalen kolektiboetan.

d) Kudeaketa klinikorako eta administratiborako soluzioen integrazioa, haien eraginkortasuna eta haietan sartzen diren prozedura eta datuen kalitatea eta osotasuna zaintzea.

e) Esleitutako eginkizunak betetzeko beharrezkoak diren kontratazio espedienteen eta sozietate publikoei egindako enkarguen zuzendaritza teknikoa eta kudeaketa espezializatua gauzatzea.

f) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

49. artikulua . Asistentzia eta Osasun Kudeaketarako Informazio Sistemen Zerbitzuaren egitura.

Asistentzia eta Osasun Kudeaketarako Informazio Sistemen Zerbitzuak atal hauek ditu bere egituran:

a) Historia Kliniko Digitalen Atala.

b) Farmazia Digitalizatzeko Atala.

c) Osasun arloko Zuzendaritza eta Kudeaketarako Informazio Sistemen Atala.

50. artikulua . Historia Kliniko Digitalen Atalaren esparru material eta funtzionala.

Honako eginkizun hauek ditu Historia Kliniko Digitalen Atalak:

a) Jarduera kliniko orokorraren (oinarrizko osasun laguntzako eta arreta espezializatuko historia klinikoak) euskarri diren informazio sistema bertikalak diseinatu, garatu eta eguneratzea.

b) Andia, HCI eta Atenea historia klinikoen euskarri diren plataforma teknologikoen fidagarritasuna eta osotasuna integratu eta bermatzea.

c) Zeharka eta Irati suiteak egituratuta, erizaintzako jardueraren euskarri diren informazio sistemak diseinatu eta ezartzea, osasun unitate guztietan.

d) Ingurune kirurgikoen jardueraren euskarri diren informazio sistemak diseinatu eta ezartzea, prozesu eta ekipamendu guztien trazabilitatea bermatuz.

e) Historia soziosanitarioa diseinatu eta garatzea eta Estatuarekiko eta Europarekiko elkarreragingarritasuna (HCDSNS eta SIMMS) bermatzea, arloan eskumena duten beste unitate batzuekin lankidetzan.

f) Sistema nagusiak indartzeko elementu osagarriak diseinatu eta garatzea, hala nola ahotsaren ezagutza edo irudi digitala.

g) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

51. artikulua . Farmazia Digitalizatzeko Atalaren esparru material eta funtzionala.

Honako eginkizun hauek ditu Farmazia Digitalizatzeko Atalak:

a) Jarduera farmakologikoaren euskarri diren informazio sistemak diseinatu, garatu eta eguneratzea.

b) Farmaziako elementuen integrazioa eta zeharkakotasuna zaintzea, bai kanpokoa (errezeta elektronikoa) bai barnekoa (ospitaleko farmazia, eguneko farmazia), bai eta plataforma teknologikoen integrazioa ere (Lamia eta Farho).

c) Preskripzio zentralizaturako (SAPE) eta preskripziorako laguntzarako soluzioak bultzatu eta garatzea (Observa).

d) Osasun Departamentuaren telemedikuntzako estrategia herritarrengana hedatzeko behar diren sistemak ezartzea, O-NOZek pazienteentzat eta profesionalentzat dituen mugikortasun elementuetatik eta aplikazioetatik abiatuta.

e) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

52. artikulua . Osasun arloko Zuzendaritza eta Kudeaketarako Informazio Sistemen Atalaren esparru material eta funtzionala.

Honako eginkizun hauek ditu Osasun arloko Zuzendaritza eta Kudeaketarako Informazio Sistemen Atalak:

a) Osasun Departamentuaren administrazio eta tramitatze jardueraren euskarri diren informazio sistemak diseinatu eta ezartzea.

b) Administrazio kudeaketari laguntzeko sistema nagusiak modu integratuan garatzea, arreta berezia jarriz HIS, Leire, Dietools, Prokirur eta Movarc sistemetan.

c) O-NOZeko zerbitzu zentralen administrazio kudeaketako jardueraren euskarri diren informazio sistemak aztertu, ezarri eta eguneratzea, arreta berezia jarriz fakturazioan, biltegien kudeaketan, dokumentuen kudeaketan, erregistroetan, langileak kudeatzeko zerbitzu bertikaletan eta zerbitzu ekonomikoetan.

d) Prozesuen eta datuen analitika gehitzea Osasun Departamentuaren plan eta programa estrategikoen plangintzan eta ebaluazioan.

e) Sistemetan sartutako informazioa ustiatzeko IKT soluzioak diseinatu eta ezartzea; izan ere, informazio hori osasun politikak eta zerbitzuak diseinatzeko erabiliko da, eta horietan biztanleriaren kudeaketa eta medikuntza pertsonalizatua txertatu nahi dira, besteak beste.

f) Osasun jardueraren eta biztanlerian edo segmentu jakin batzuetan duen eraginaren jarraipena eta ebaluazioa egiteko IKT soluzioak diseinatu eta ezartzea.

g) Osasun Departamentuaren informazio ustiapen integratuko suitearen (Bardena) moduluen zuzendaritza teknikoa gauzatzea, eta farmaziako informazio sistemekin integratzea.

h) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

7. ATALA. ADMINISTRAZIO ELEKTRONIKOKO, OGASUNEKO, GIZA BALIABIDEETAKO ETA SITNA-KO ZERBITZUA

53. artikulua . Administrazio Elektronikoko, Ogasuneko, Giza Baliabideetako eta SITNAko Zerbitzuaren esparru material eta funtzionala.

Honako eginkizun hauek ditu Administrazio Elektronikoko, Ogasuneko, Giza Baliabideetako eta SITNAko Zerbitzuak:

a) Arau legalek zein teknikoek transformazio teknologiko-administratiboa gauzatzeko finkatutako tresnak gauzatzea, zuzendaritza, kudeaketa eta tramitazio administratiboak pertsonalizatuagoak eta modernoagoak izan daitezen.

b) Foru Komunitateko Administrazioko eta haren erakunde publikoetako informazio sistema eta aplikazio informatiko horizontal guztiak planifikatu, proiektatu, analizatu, garatu, gauzatu, mantendu eta kudeatzea eta haien bideragarritasuna aztertzea. Batzuk aipatzearren, honako hauek: kudeaketa ekonomiko eta finantzarioko sistemak; giza baliabideen kudeaketako sistemak; kontratazio elektronikoko sistemak; lurralde informazioko sistemak, SITNA barne; prozedura eta zerbitzu elektronikoen kudeaketako sistemak; sinadura sistemak; jakinarazpen elektronikoko sistemak; espedienteen digitalizazio, elkarreragingarritasun, kudeaketa eta tramitazio elektronikoko sistemak; komunikazio elektroniko seguruko sistemak; sarrera erregistroa; sarbideen kontrola; artxibo digitala; ordainketa zerbitzua; eta datuak egiaztatzeko eta kontsultatzeko zerbitzuak.

c) Ogasuneko eta Finantza Politikako arloetako informazio sistema eta aplikazio informatikoak, bertikalak edo departamentukoak, planifikatu, proiektatu, analizatu, garatu, gauzatu, mantendu eta kudeatzea eta haien bideragarritasuna aztertzea.

d) Barne koordinazioa gauzatzea Telekomunikazioetako eta Digitalizazioko Zuzendaritza Nagusiko unitateekin, behar denean, bere eskumenen esparruan jasotako eskaerei dagokienez.

e) Informazio sistemen arlo teknologikoan eboluzioaren ildo estrategikoak ezartzea, bere eskumenen esparruan.

f) Informazioaren eta aplikazioen estandar teknologikoak erabiltzeko hedapena, aholkularitza eta lankidetza gauzatzea, bere eskumenen esparruan.

g) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

54. artikulua . Administrazio Elektronikoko, Ogasuneko, Giza Baliabideetako eta SITNAko Zerbitzuaren egitura.

Administrazio Elektronikoko, Ogasuneko, Giza Baliabideetako eta SITNAko Zerbitzuak atal hauek ditu bere egituran:

a) Administrazio Elektronikoko Sistemak Mantentzeko eta Eboluzionatzeko Atala.

b) Administrazio Elektronikoko Sistemak Kudeatzeko eta Sostengatzeko Atala.

c) Ekonomia, Koordinazio eta Teknologia arloko Informazio Sistema Zentralen Atala.

d) Giza Baliabideen arloko Informazio Sistema Zentralen Atala.

e) Lurraldeko Informazio Sistemen Atala.

f) Ogasuneko eta Finantza Politikako arloetako Informazio Sistemen Proiektuen Atala.

g) Langileen Prozeduren Bultzada Digitalaren eta Modernizazioaren Atala.

55. artikulua . Administrazio Elektronikoko Sistemak Mantentzeko eta Eboluzionatzeko Atalaren esparru material eta funtzionala.

Honako eginkizun hauek ditu Administrazio Elektronikoko Sistemak Mantentzeko eta Eboluzionatzeko Atalak:

a) Arkitektura teknologikoa zehaztea Nafarroako Foru Komunitateko Administrazioko administrazio elektronikoko (Adele) informazio sistema korporatiboetarako, kontuan izanik estandar teknologikoak eta elkarreragingarritasuneko arau teknikoen betekizunak.

b) Informazio sistema korporatiboak aztertu, garatu, mantendu, eboluzionatu eta ezartzea, baldin eta tramitazio elektronikoa Administrazioan ohiko lan modua bilakatzeko behar diren eginkizunak badituzte. Batzuk aipatzearren, jarduketa arlo hauetako soluzioak daude:

- Interesdunen identifikazio sistema orokorrak.

- Sinadura elektronikoko plataforma.

- Egiaztapen kode segurua (EKS), dokumentu elektronikoak autentifikatzeko.

- Prozeduren katalogoa (Sian@) eta bere lotura Estatuaren Administrazio Informazioko Sistemarekin (AIS).

- Unitate organikoen direktorioa (DirNA) eta bere lotura Estatuaren DIR3 sistemarekin.

- Nafarroako Foru Komunitateko espediente elektronikoen kudeatzaile korporatiboa (Extr@).

- Jakinarazpen elektronikoko sistema. Dokumentuak digitalizatzeko sistema, EEN formatuan, elkarreragingarritasun tekniken arabera. Administrazio publikoek datuak trukatzeko plataforma. Dokumentuen gordailuak informazio sistemetarako tramitazio fasean.

c) Gainerako administrazio unitateekin lankidetzan aritzea, Adeleren informazio sistema korporatiboak beste soluzio informatiko batzuekin integratzeko, elkarreragingarritasunaren esparruan.

d) Estatuko Administrazio Orokorrarekin lankidetzan aritzea, Nafarroako Foru Komunitateko Administrazioan administrazio elektroniko korporatiboko (Adele) soluzioak Administrazio Elektronikoaren Batzorde Sektorialak ezarritako baldintzetara egokitzeko.

e) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

56. artikulua . Administrazio Elektronikoko Sistemak Kudeatzeko eta Sostengatzeko Atalaren esparru material eta funtzionala.

Honako eginkizun hauek ditu Administrazio Elektronikoko Sistemak Mantentzeko eta Eboluzionatzeko Atalak:

a) Administrazio, konfigurazio eta sostengu lanak egitea Nafarroako Foru Komunitateko Administrazioko administrazio elektronikoko informazio sistema korporatiboetan (Adele), baldin horien eskumena ez badagokio Nafarroako Gobernuko ezein unitateri. Batzuk aipatzearren, jarduketa arlo hauek sartzen dira:

- Interesdunen identifikazio sistema orokorrak.

- Sinadura elektronikoko plataforma.

- Egiaztapen kode segurua (EKS), dokumentu elektronikoak autentifikatzeko.

- Jakinarazpen elektronikoko sistema.

- Prozeduren katalogoa (Sian@) eta bere lotura Estatuaren Administrazio Informazioko Sistemarekin (AIS).

- Nafarroako Foru Komunitateko espediente elektronikoen kudeatzaile korporatiboa (Extr@).

- Dokumentuak digitalizatzeko sistema, EEN formatuan, elkarreragingarritasun tekniken arabera.

- Unitate organikoen direktorioa (DirNA) eta bere lotura Estatuaren DIR3 sistemarekin.

- Administrazio publikoek datuak trukatzeko plataforma.

- Dokumentuen gordailuak informazio sistemetarako tramitazio fasean.

b) Departamentuko unitate eskudunarekin lankidetzan aritzea jarduketa politikak eta gidalerroak definitzeko eta ezartzeko arauak eta prozedurak planifikatzen, aztertzen, lantzen eta proposatzen, eta administrazio elektronikoaren eremuan beharrezkoa den esparru juridikoa ematea Nafarroako Foru Komunitateko Administrazioarentzat eta haren erakunde autonomoentzat, administrazio elektronikoko soluzio korporatiboei dagokienez, baldin eta haien eskumena ez badagokio Nafarroako Gobernuko ezein unitateri.

c) Administrazio elektronikoko soluzio korporatiboekin lotutako hedapen, orientazio eta prestakuntza jarduerak planifikatzea, eta horien erabilera sustatzea.

d) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

57. artikulua . Ekonomia, Koordinazio eta Teknologia arloko Informazio Sistema Zentralen Atalaren esparru material eta funtzionala.

Ekonomia, Koordinazio eta Teknologia arloko Informazio Sistema Zentralen Atalak, dagokion eskumen arloaren testuinguruan, kudeaketa ekonomiko-finantzarioko sistemari eta kontratazio elektronikoko sistemari dagokienez, eta, oro har, eremu horretako informazio sistema horizontal guztiei dagokienez, honako eginkizun hauek beteko ditu:

a) Informazio sistemen ezarpena aztertu, garatu eta prestatzea.

b) Informazioko eta aplikazioetako estandar teknologikoak erabiltzeko sustapena, zabalkundea, aholkularitza eta lankidetza koordinatzea.

c) Informazio sistemen estandarizazioa gauzatzea.

d) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

58. artikulua . Giza Baliabideen arloko Informazio Sistema Zentralen Atalaren esparru material eta funtzionala.

Giza Baliabideen Arloko Informazio Sistema Zentralen Atalak, dagokion eskumen arloaren testuinguruan, giza baliabideak kudeatzeko sistemei eta, oro har, eremu horretako informazio sistema horizontal guztiei dagokienez, honako eginkizun hauek beteko ditu:

a) Informazio sistemen ezarpena aztertu, garatu eta prestatzea.

b) Informazioko eta aplikazioetako estandar teknologikoak erabiltzeko sustapena, zabalkundea, aholkularitza eta lankidetza koordinatzea.

c) Informazio sistemen estandarizazioa gauzatzea.

d) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

59. artikulua . Lurraldeko Informazio Sistemen Atalaren esparru material eta funtzionala.

Lurralde Informazioko Sistemen Atalak, Foru Komunitateko Administrazioaren eta haren erakunde autonomoen lurralde informazioko sistemei dagokienez eta, oro har, eremu horretako informazio sistema horizontal guztiei dagokienez, honako eginkizun hauek beteko ditu:

a) Informazio sistemen ezarpena aztertu, garatu eta prestatzea.

b) Informazioko eta aplikazioetako estandar teknologikoak erabiltzeko sustapena, zabalkundea, aholkularitza eta lankidetza koordinatzea.

c) Informazio sistemen estandarizazioa gauzatzea.

d) Nafarroako Lurraldeari buruzko Informazio Sistemaren (SITNA) Koordinaziorako Batzordearen idazkaritza.

e) Nafarroako Lurraldeari buruzko Informazio Sistemari eta horrekin zerikusia duten azpisistemei buruzko informazio eta zabaltze programak eta ekintzak garatzea, horrela komunikazioa eta sistema horien eskualde, nazio eta nazioarte mailako ezagutza errazteko.

f) Lurraldeari buruzko informazio sistemekin lotutako proiektuak garatu eta haien jarraipena egitea, Espainian zein Europar Batasunean beste instituzio eta erakunde batzuek bultzatutako programetan.

g) Lankidetza eta jarduketa ildoak garatu eta haien jarraipena egitea, lurraldeari buruzko informazio sistemekin lotutako eragile publiko eta pribatuen aurrean, Nafarroan hori garatzeko beharrezko baldintzak lortzeko.

h) Halaber, informazioaren eta aplikazioen estandar teknologikoak erabiltzeko sustapena, hedapena, aholkularitza eta lankidetza egiteko eta informazio sistemak estandarizatzeko behar diren koordinazio lanak egitea. Hori guztia, bere eskumenen esparruan.

i) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

60. artikulua . Ogasuneko eta Finantza Politikako arloetako Informazio Sistemen Proiektuen Atalaren esparru material eta funtzionala.

Honako eginkizun hauek ditu Ogasuneko eta Finantza Politikako arloetako Informazio Sistemen Proiektuen Atalak:

a) Informazio sistema eta aplikazio informatiko bertikaletako proiektuen bideragarritasuna, plangintza eta kudeaketa aztertzea, bai eta horien ezarpena aztertu, garatu eta prestatzea ere.

b) Departamentuetako informazio sistemen unitateekin koordinatzea.

c) Informazioaren eta aplikazioen estandar teknologikoak erabiltzeko eta informazio sistemak estandarizatzeko behar diren sustapen, hedapen, aholkularitza eta lankidetza lanak egitea.

d) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

61. artikulua . Langileen Prozeduren Bultzada Digitalaren eta Modernizazioaren Atalaren esparru material eta funtzionala.

Honako eginkizun hauek ditu Langileen Prozeduren Bultzada Digitalaren eta Modernizazioaren Atalak:

a) Langileen presentzia sistemaren hedapena planifikatzea, Funtzio Publikoaren Zuzendaritza Nagusiko Bateraezintasunen Araubidearen eta Langileria Irizpideen Atalak ezarritako irizpideen arabera, eta tresna digitalak bultzatzea funtzio publikoko prozeduretan.

b) Funtzio publikoko prozesuak garatzen lagunduko duten tresna digitalen garapena bultzatzea.

c) Antolaketan tresna digitalak ezartzea.

d) Langileen kudeaketari buruzko tresna digitalak departamentuen artean hedatzea.

e) Zuzendaritza nagusi osoaren beharrizan informatikoak planifikatzea eta IKTei dagokienez ezarri beharreko hobekuntzak detektatzea.

f) Zuzendaritza nagusian prozesuak digitalizatzeko proiektuen edo hobekuntzen ezarpena gainbegiratzea.

g) Funtzio publikoko prozesuetan teknologia berrien integrazioa bultzatzea proposatzea.

h) Ezarri beharreko aukera teknologikoak gainbegiratzea.

i) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

8. ATALA. AURRERAPEN DIGITALERAKO ZERBITZUA

62. artikulua . Aurrerapen Digitalerako Zerbitzuaren esparru material eta funtzionala.

Honako eginkizun hauek ditu Aurrerapen Digitalerako Zerbitzuak:

a) Eraldaketa digitala sustatzea Administrazioan eta gizartean, herritarrak, erakunde laguntzaileak, enpresak eta langile publikoak haien diseinuan, kudeaketan eta ebaluazioan engaiatuz.

b) Eten digitala murriztea Nafarroako Foru Komunitatean, edonolakoa delarik ere: geografikoa, kulturala, soziala, ekonomikoa, generokoa, etab.

c) Eraldaketa digitala zeharka garatzea Nafarroako Foru Komunitateko Administrazioko departamentu guztietan eta haren erakunde autonomoetan.

d) Nafarroako Foru Komunitateko Administrazioaren zerbitzu publiko eta prozedura administratiboen eraldaketa digitalerako estrategia lerrokatzea Europar Batasuneko eta Estatuko gomendio eta arauekin.

e) Zerbitzu publikoen eraldaketa digitalerako departamentu arteko planak prestatu, koordinatu eta bultzatzea.

f) Nafarroako Foru Komunitateko Administrazioaren eta haren erakunde autonomoen datu base guztiak normalizatu eta biltzea, negozio adimenaren eta datu masiboen bidez ustiatuz.

g) Foru Komunitateko Administrazioaren eta haren erakunde publikoen analitika eta analitika aurreratuko sistema horizontalen plangintza, bideragarritasuna, proiektua, analisia, garapena, gauzapena, mantentzea eta kudeaketa gauzatzea, bai eta sistema bertikalena edo departamentuko sistemena ere, informazio sistemen arloan eskumena duten departamentuetako zerbitzuekin lankidetzan.

h) Planifikazioa, bideragarritasunaren azterketa, proiektua, analisia eta sistemen kudeaketa gauzatzea navarra.es-en edukiak argitaratzeko, webguneak eta atariak ezartzeko eta esperientzia digitaleko plataformetan oinarritutako soluzioak emateko, baita Foru Komunitateko Administrazioaren eta haren erakunde publikoen ezagutza kudeatzeko sistemetarako ere.

i) Nafarroako Datuaren Bulegoko erabaki organoetan parte hartzea. Plangintza, bideragarritasunaren azterketa, proiektua, analisia, ezarpena eta proiektuen kudeaketa gauzatzea eremu honetan.

j) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

63. artikulua . Aurrerapen Digitalerako Zerbitzuaren egitura.

Aurrerapen Digitalerako Zerbitzuak atal hauek ditu bere egituran:

a) Konfiantzaren eta Eten Digitalaren Atala.

b) Datuen Ingeniaritzaren eta Adimen Artifizialaren Atala.

c) Atarien eta Esperientzia Digitalaren Atala.

d) Datuaren Bulegoaren Atala.

64. artikulua . Konfiantzaren eta Eten Digitalaren Atalaren esparru material eta funtzionala.

Honako eginkizun hauek ditu Konfiantzaren eta Eten Digitalaren Atalak:

a) Nafarroako Foru Komunitateko Administrazioaren eta haren erakunde autonomoen estrategia digitala prestatzea.

b) Nafarroako Foru Komunitateko Administrazioaren Eraldaketa Digitalerako Plan Orokorra prestatzea.

c) Nafarroako Agenda Digitala Europako Agenda Digitalera egokitzea eta harekin lerrokatzea.

d) Eten Digitalaren aurkako Plana prestatu eta gauzatzea.

e) Nafarroako Administrazio Publikoen Eraldaketa Digitalaren Behatokia sortzea.

f) Nafarroako eraldaketa digitalaren arlo guztiak aztertzeko eta haien jarraipena egiteko lantaldea eratu, gidatu eta dinamizatzea.

g) Gaikuntza digitala sustatzeko nazioko eta nazioarteko taldeetan parte hartzea.

h) Gaitasun digitalak egiaztatzeko sistemen ekimenak koordinatzea Nafarroan.

i) Gaitasun digitalak prestatzeko, ebaluatzeko eta egiaztatzeko plataformak ezarri eta garatzea.

j) Europako eta Estatuko politika publikoak, araudia eta proiektuak Nafarroan garatzea, eraldaketa digitalaren, berrikuntza publikoaren, aurrerapen teknologikoaren eta egokitzapenaren eremuan, haien programetan parte hartuz eta haiek osatuz.

k) Azterlanak eta txostenak prestatzea Nafarroako Foru Komunitateko Administrazioko departamentu guztien eta haren erakunde autonomoen eraldaketa digitalerako.

l) Eraldaketa digitalean engaiatzeko premia jakinaraztea Nafarroako Foru Komunitateko Administrazioko departamentu guztiei eta haren erakunde autonomoei.

m) Toki entitateei, gizarte ekimenei eta Nafarroako Gobernuaren entitate laguntzaileei aholku ematea berrikuntza publikoaren eta eraldaketa digitalaren arloetan.

n) Nafarroako Foru Komunitateko Administrazioaren negozio prozesuak hobetzeko aukerak ebaluatzea, prozesuen prospekzio eta automatizazio teknologiak ezarriz.

ñ) Nafarroako eten digitalaren arlo guztiak aztertzeko eta haien jarraipena egiteko lantaldea eratu, gidatu eta dinamizatzea.

o) Sozietate publikoei laguntzea haien jarduketa antolatzeko Administrazio Publikoari eragiten dion orotan, eraldaketa digitalaren esparruan.

p) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

65. artikulua . Datuen Ingeniaritzaren eta Adimen Artifizialaren Atalaren esparru material eta funtzionala.

Honako eginkizun hauek ditu Datuen Ingeniaritzaren eta Adimen Artifizialaren Atalak:

a) Datu baseetatik negozio adimena ateratzeko erraztasunak ematea, haiek ustiatu eta analizatzeko, teknika berrien bidez, hala nola makinen ikaskuntza eta konputazio banatua.

b) Nafarroako Datu Masiboen Proiektua garatzea, Espainian eta nazioartean proiektatu eta esku jartzeko.

c) Nafarroako Foru Komunitateko Administrazioaren eta haren erakunde autonomoen datu baseak detektatu eta erroldatzea.

d) Zeharkako politikak edo aginte koadroak ebaluatzeko panel bat bultzatu, diseinatu eta ezartzea, gizarte adierazleetan eta gaikako edo departamentuetako planen eta adierazleen ebaluazioaren jarraipenean oinarrituta, politika publikoen koordinazioaz eta ebaluazioaz arduratzen den unitatearekin lankidetzan.

e) Departamentuetako panelen sorrera bultzatu, diseinatu eta ezartzea, arloko zerbitzu edo politiken plangintza eta jarraipena egin ahal izateko, bai eta adierazle horien automatizazioa eta gobernantza ere, Nafarroako Estatistika Institutuarekin eta Gobernu Irekiaren unitate arduradunarekin lankidetzan.

f) Nafarroako Foru Komunitateko Administrazioaren datu guneak bultzatu, diseinatu eta ezartzea; haien bidez, datuen subiranotasuna bermatuko da, bai eta datuen gobernantza, departamentuen eta administrazioen arteko elkarreragingarritasuna, herritarrentzako zerbitzuak hobetzeko erabilera eta zerbitzu publikoen berrikuntza ere.

g) Adimen artifizialeko sistemak diseinatu, garatu eta ezartzea, herritarrentzako arreta hobetzeko eta/edo administrazioaren eraginkortasuna hobetzeko.

h) Analitika aurreratuko edo adimen artifizialeko proiektuak garatzea, zerbitzu publikoak berritzeko eta erabakiak hartzen laguntzeko.

i) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

66. artikulua . Atarien eta Esperientzia Digitalaren Atalaren esparru material eta funtzionala.

Honako eginkizun hauek ditu Atarien eta Esperientzia Digitalaren Atalak:

a) Internet bidezko edukiak kudeatu, administratu eta argitaratzeko sistemak eta, oro har, esparru horretako informazio sistema guztiak lantzea, bai eta sistemen azterketa eta garapena eta haiek ezartzeko prestaketa lanak ere.

b) Herritarrengan ardazturiko zerbitzuak ebaluatu, diseinatu eta ezartzea, unitate arduradunekin lankidetzan.

c) Zerbitzuen elkarreragingarritasuna, erabilgarritasuna eta irisgarritasuna sustatzea. Zerbitzuak eta datuak sartzea Nafarroako Gobernuaren herritar karpetan.

d) Herritarrentzako komunikazioan zerbitzuen pertsonalizazioa eta proaktibitatea bultzatu, diseinatu eta ezartzea.

e) Erakunde eta elkarteekin lankidetzan aritzea, zerbitzuak elkarrekin diseinatzeko eta ebaluatzeko.

f) Atari plataformak (Herritarrentzako Esperientzia Digitaleko plataformak), portaera aztertzeko plataformak, pertsonalizazioa eta marketin digitala mantendu eta garatzea.

g) Informazioaren eta aplikazioen estandar teknologikoak erabiltzeko sustapena, hedapena, aholkularitza eta lankidetza egiteko eta informazio sistemak estandarizatzeko behar diren koordinazio lanak egitea, eta zuzendaritza nagusiak esleitzen dizkion gainerakoak. Hori guztia, bere eskumenen esparruan.

h) Departamentuaren jardueraren plangintza eta ebaluazioa koordinatzea irisgarritasun unibertsalaren arloan, eta departamentuko webguneen eta gailu mugikorretarako aplikazioen irisgarritasunerako unitate arduradun delegatuaren eginkizunak betetzea.

i) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

67. artikulua . Datuaren Bulegoaren Atalaren esparru material eta funtzionala.

Honako eginkizun hauek ditu Datuaren Bulegoaren Atalak:

a) Datuaren Gobernantza Koordinatzeko Batzordeko Idazkaritza.

b) Nafarroako Datuaren Bulegoa garatzeko beharrezkoak diren jarduerak planifikatu eta programatzea eta, bereziki, urteko jarduketa planak eta plan estrategikoak prestatu, onetsi eta ebaluatzea.

c) Estrategien definizioa koordinatzea arlo hauetan: datuen kudeaketa eta datuen gobernantza, Espainiako Gaia-X-arekiko integrazioa eta datuak partekatzeko datu guneak.

d) Datuaren gobernuaren politika, prozesu eta estandarren definizioa eta horien hedapena koordinatzea. Datuaren kalitatea kudeatzea. Datuen trukea, argitalpena, berrerabilera eta banaketa kudeatzea. Datuetarako sarbidea, datuak anonimo bihurtzeko prozesuak eta baimenak kudeatzea. Datuaren ziurtapena kudeatzea.

e) Metadatuaren kudeaketa eta haren gobernua koordinatzea. Nafarroako Gobernuaren datu eta adierazleen hiztegia sortzea. Zeharkako datuen edo datu nagusien erakundeak zehaztu eta kudeatzea.

f) Datuen eta datu iturrien erregistro bat diseinatu eta mantentzea.

g) Datuak modelatzeko politikak eta estandarrak diseinatzea, eta ereduen eta metaereduen erregistro bat mantentzea.

h) Politikak eta estandarrak diseinatzea Nafarroako Gobernuan datuetan oinarritutako erabaki sistemak sortzeko, eta haiekin ekarpenak egiteko zeharkako aginte koadroei, hiztegiei, OpenDataNavarra erakundeari, estatistika adierazleei (Nastat) eta beste datu gune batzuei.

i) Politiken definizioa eta gomendioak koordinatzea algoritmoen bizi zikloari dagokionez.

j) Nafarroako datu plataforma zehaztu, eraiki eta gauzatzea. Estandar teknologikoak zehaztea eta bat egitea OpenDataNavarra (Nafarroako datu irekien gunea), Nastat (Nafarroako Estatistika Institutua) eta beste datu gune batzuetan eta batzuekin.

k) Beharrezko erregularizazioa koordinatu eta sustatzea, datuen elkarreragingarritasunean, gobernantzan, kalitatean eta segurtasunean aurrera egiteko.

l) Nafarroako Foru Komunitatearen Administrazioko unitateen jarduerak bultzatu eta koordinatzea datuen erabakien arloan.

m) Lankidetza eta elkarrizketa bultzatzea gobernantzaren eta datu guneen garapenaren arloan funtsezkoak diren eragile guztiekin, Nafarroako toki erakunde, unibertsitate eta enpresekin, Espainiako Datuaren Bulegoarekin, Europako erakundeekin eta egokitzat jotzen diren entitate guztiekin.

n) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

9. ATALA. ARAUBIDE JURIDIKOAREN ATALA

68. Artikulua . Araubide Juridikoaren Atalaren esparru material eta funtzionala.

Honako eginkizun hauek ditu Telekomunikazioetako eta Digitalizazioko Zuzendaritza Nagusiko Araubide Juridikoaren Atalak:

a) Proposamen arau-emaileak aztertu, prestatu eta haien aplikazioa eta garapena analizatzea, telekomunikazioei, informatikari eta garapen eta eraldaketa digitalari buruzko araudiari dagokionez.

b) Proposamen arau-emaileak aztertu, prestatu eta haien aplikazioa eta garapena analizatzea, Foru Komunitateko administrazio elektronikoari, berrikuntza publikorako ekintzei eta jarduera administratiboko informazio teknologien erabilerari buruzko araudiari dagokionez.

c) Zuzendaritza nagusiko unitate guztiei laguntza teknikoa ematea esparru juridikoan, haien eginkizunak garatzeko, foru dekretu honen bidez beste organo batzuen esku uzten direnak galarazi gabe.

d) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

10. ATALA. KUDEAKETA ADMINISTRATIBO ETA EKONOMIKOAREN ATALA

69. Artikulua . Kudeaketa administratibo eta ekonomikoaren atalaren esparru material eta funtzionala.

Honako eginkizun hauek ditu Telekomunikazioetako eta Digitalizazioko Zuzendaritza Nagusiko Kudeaketa Administratibo eta Ekonomikoaren Atalak:

a) Telekomunikazioetako eta Digitalizazioko Zuzendaritza Nagusiko espediente guztiak tramitatu, artxibatu eta haien administrazio kontrolari eta aurrekontukoari lotutako jarduerak gauzatzea, foru dekretu honetan beste unitate organiko batzuei espres lotutako tramitazioa dutenak izan ezik.

b) Kontu hartzailetza eta aurrekontu arloekin eta departamentuko Idazkaritza Tekniko Nagusiarekin lan egitea, bere espedienteen kudeaketari lotutako jarduerak bideratzeko.

c) Aurrekontuen eta plangintza ekonomikoaren arloan eskumena duen unitatearekin lan egitea, aurrekontua prestatu, kontrolatu eta hari jarraipena egiteko jarduerak bidera daitezen.

d) Funtzio publikoaren arloan eskumena duen unitatearekin eta departamentuko Idazkaritza Tekniko Nagusiarekin lan egitea, zuzendaritza nagusiari atxikitako langileen plantilla prestatu, kudeatu, kontrolatu eta hari jarraipena egiteko jarduerak bidera daitezen, baita lotutako datu estatistikoak ere.

e) Zuzendaritza nagusiko sarrera eta irteeren erregistroa kudeatzea.

f) Atalaren jarduerei buruzko txosten eta memoriak prestatzea.

g) Prozesu eta espediente administratiboen digitalizazioa bultzatu eta kudeatzea (bereziki Extr@ espedienteen kudeatzailearena), Telekomunikazioetako eta Digitalizazioko Zuzendaritza Nagusiaren eremuan.

h) Indarra duten legeek esleitzen dioten beste edozein edo Telekomunikazioetako eta Digitalizazioko Zuzendaritza Nagusiak eskatzen dizkionak.

V. KAPITULUA. IDAZKARITZA TEKNIKO NAGUSIA

70. artikulua . Idazkaritza Tekniko Nagusiaren egitura.

Idazkaritza Tekniko Nagusiak atal hauek ditu bere egituran:

a) Araubide Juridikoaren Atala.

b) Langileriaren eta Kudeaketa Administratiboaren Atala.

c) Araubide Ekonomikoaren Atala.

71. artikulua . Araubide Juridikoaren Atalaren esparru material eta funtzionala.

Honako eginkizun hauek ditu Araubide Juridikoaren Atalak:

a) Idazkaritza Tekniko Nagusiak arautzen dituen otsailaren 21eko 29/2005 Foru Dekretuaren 5. artikuluan ezarritakoak, izaera juridikokoak.

b) Nafarroako Kontseiluaren irizpena behar duten departamentuaren aferen kasuan, haien gaineko espedienteak gainbegiratu eta igortzea.

c) Departamentuko titularrari aurkeztea Idazkaritza Tekniko Nagusiari dagozkion gaietan hartu behar diren foru aginduen proposamenak.

d) Departamentuko titularrak Nafarroako Gobernuari helarazten dizkion departamentuko eta haren erakunde autonomoetako gaien espedienteak koordinatu eta gainbegiratzea, onets daitezen.

e) Departamentuaren jardun eremuan sortutako ondare erantzukizunagatiko espedienteak tramitatzea. Indarra duten xedapenek esleitzen dioten beste edozein, edo agintzen zaizkionak.

f) Honako gai hauei lotutako proiektuak aztertu, baloratu eta haien gaineko txosten juridikoak egitea: administrazio elektronikoa; Zientzia eta Teknologiaren Legetik etorritako legezko araudiaren garapena; erosketa publiko berritzailea sustatzeko ekintzak eta antzekoak; unibertsitateko titulazio berrien ezarpena, eta unibertsitate esparruko ikasketetarako laguntza deialdiak.

g) Nafarroako Foru Komunitateko Administrazioaren Datuak Babesteko eta Informazioaren Segurtasunerako Politikan zehaztutako informazioaren segurtasunaren arduradunaren eginkizunak gauzatzea, informazioaren segurtasunari eta datu pertsonalen babesari buruz indarrean dagoen araudia betetzen dela ziurtatzeko eta zaintzeko helburuarekin, hori guztia Unibertsitateko, Berrikuntzako eta Eraldaketa Digitaleko Departamentuak tratamenduaren arduraduna edo informazioaren arduraduna den aldetik hartzen duen informazioari dagokionez.

h) Genero ikuspegiaren zeharkakotasuna aplikatzea departamentuaren politikak planifikatu, kudeatu eta ebaluatzean, bat etorriz Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

i) Indarra duten xedapenek esleitzen dioten beste edozein, edo agintzen zaizkionak.

72. artikulua . Langileriaren eta Kudeaketa Administratiboaren Atalaren esparru material eta funtzionala.

Honako eginkizun hauek ditu Langileriaren eta Kudeaketa Administratiboaren Atalak:

a) Departamentuari atxikitako langileen arloko gaiak tramitatzea, otsailaren 21eko 30/2005 Foru Dekretuan ezarritakoarekin bat. Dekretu horrek Nafarroako Foru Komunitateko Administrazioko eta haren erakunde autonomoetako organo batzuetako langileriaren arloko eskudantziak zehazten ditu.

b) Departamentuari atxikitako giza baliabideak kudeatu eta kontrolatzea, eta haren egitura organikoaren jarraipena egitea.

c) Departamentuko I. kapituluaren aurrekontuen aurreproiektua egiten laguntzea eta lan hori koordinatzea.

d) Langileen arloko arauzko xedapenen eta administrazio ebazpenen proiektuak egin eta proposatzea, baita lizentzia eta baimenei buruzkoak ere.

e) Departamentuko organoek langileen arloan proposatutako espedienteak tramitatu, artxibatu eta administrazio kontrola egitea.

f) Departamentuko organoek onetsitako foru aginduak eta ebazpenak erregistratu, artxibatu eta gordetzea.

g) Beharrezkotzat jotzen diren aldaketak proposatu eta sustatzea departamentuko unitate organikoen lan metodoak hobetzeko, ahalik arinen eta eraginkorrenak izan daitezen, administrazioa modernizatu eta prozedurak erraztearen arloan eskumena duten unitate organikoekin koordinatuta eta haiek ezarritako gidalerroei jarraikiz.

h) Departamentuko erregistro eta agiritegi administratiboak antolatzeko irizpideak ezarri eta koordinatzea, gai horietan eskumena duten gainerako unitate organikoekin lankidetzan.

i) Ordezkari eginkizunak betetzea departamentuan, administrazio elektronikoaren edo aurrerapen digitalaren organo eskudunak bultzatutako lantaldeetan. Administrazio elektronikorako tresna berriak erabiltzearen arloan izandako aurrerapenen berri eta jarduteko jarraibideak eta prozedurak emanen dizkie departamentuko unitateetako arduradun eta erabiltzaileei, eta, era berean, lantalde horiei igorriko dizkie unitate horiek identifikatutako behar berriak, iradokizunak edo zalantzak.

j) Laneko arriskuen prebentzioa planifikatu eta ikuskatzea, departamentuaren eremuaren barruan.

k) Indarra duten xedapenek esleitzen dioten beste edozein, edo agintzen zaizkionak.

73. artikulua . Araubide Juridikoaren Atalaren esparru material eta funtzionala.

Honako eginkizun hauek ditu Araubide Juridikoaren Atalak:

a) Nafarroako Foru Komunitateko Administrazioko idazkaritza tekniko nagusiak arautzen dituen Erregelamenduaren 8. artikuluan ezarritako aurrekontu arloko gaitasunak eta, horiekin lotuak egonik, berak kudeatzen duen esparruari dagozkionak.

b) Indarra duten xedapenek esleitzen dioten beste edozein, edo agintzen zaizkionak.

Lehen xedapen gehigarria. Eskumenen deskontzentrazioa.

Unibertsitateko, Berrikuntzako eta Eraldaketa Digitaleko Departamentuaren oinarrizko egitura ezartzen duen abuztuaren 30eko 72/2023 Foru Dekretuaren bigarren xedapen gehigarria aldatu da, eta honela idatzita geratu da:

1. Departamentuko zuzendaritza nagusietako eta Idazkaritza Tekniko Nagusiko titularren esku uzten dira, bakoitzaren esparruan, indarra duen araudiak Unibertsitateko, Berrikuntzako eta Eraldaketa Digitaleko Departamentuko titularrari honako arlo hauetan esleitzen dizkion eskumen administratiboen titulartasuna eta erabilera: kontratazioa eta erakunde instrumentalei egin beharreko enkarguak, dirulaguntzak, ondare erantzukizuna, eta zehapen espedienteak hasi, tramitatu eta ebaztea, gastuen baimena eta erabilera eta ordaintzeko betebeharren aitorpena barne.

2. Unibertsitateko, Berrikuntzako eta Eraldaketa Digitaleko Departamentuko titularrak indarrik gabe uzten ahalko du xedapen gehigarri honetan aipatzen den eskumenen deskontzentrazioa, Nafarroako Aldizkari Ofizialean argitaratu beharko den foru agindu baten bidez.

Bigarren xedapen gehigarria. Unitateak kentzea.

Foru dekretu honetan unitate hauek kentzen dira:

- Zientzia, Teknologia eta Berrikuntza Zuzendaritza Nagusian:

? Automozioaren, Mekatronikaren, Sorkuntza Industrien eta Industria Digitalen arloetako I+G+b Atala.

? Energiaren arloko I+G+b Atala.

? Elikakatearen arloko I+G+b Atala.

- Telekomunikazioetako eta Digitalizazioko Zuzendaritza Nagusian:

? Azpiegitura Teknologikoen eta Euskarri Zentroaren Zerbitzua.

? Osasun Teknologien Zerbitzua.

Hirugarren xedapen gehigarria.-Unitateak sortzea.

Foru dekretu honetan unitate hauek sortzen dira:

- Zientzia, Teknologia eta Berrikuntza Zuzendaritza Nagusian:

? SINAIren Bikaintasuna Sustatzeko Atala.

? Ezagutza Transferitzeko Atala.

? Jarraipen eta Ebaluazio Atala.

- Telekomunikazioetako eta Digitalizazioko Zuzendaritza Nagusian:

? Telekomunikazioen, Azpiegituren eta Zibersegurtasunaren Zerbitzua.

? Plataformen eta Eragiketen Zerbitzua.

? Asistentzia eta Osasun Kudeaketarako Informazio Sistemen Zerbitzua.

? Osasuneko Informazioaren Teknologien Zerbitzua.

- Departamentuetako Informazio Sistemen Zerbitzuan:

? Eskubide Sozialen, Ekonomia Sozialaren eta Enpleguaren arloetarako Informazio Sistemen Atala.

? Landa Garapen eta Ingurumenaren, Gazteriaren, Migrazio Politiken eta Berdintasunaren arloetarako Informazio Sistemen Atala.

- Asistentzia eta Osasun Kudeaketarako Informazio Sistemen Zerbitzuan:

? Farmazia Digitalizatzeko Atala.

Laugarren xedapen gehigarria.-Unitateetako burutzetan jarduteko bete beharreko baldintzak.

a) Zientzia, Teknologia eta Berrikuntza Zuzendaritza Nagusia:

Zuzendaritza Nagusiko atalek ez dute inolako baldintzarik, ikasketei, lanpostuei edo mailei dagokienez.

b) Telekomunikazioetako eta Digitalizazioko Zuzendaritza Nagusia:

Zerbitzu hauetako atalburuek bete beharreko baldintzak: Telekomunikazioen, Azpiegituren eta Zibersegurtasunaren Zerbitzua, Plataformen eta Eragiketen Zerbitzua, Departamentuetako Informazio Sistemen Zerbitzua, Osasuneko Informazioaren Teknologien Zerbitzua eta Asistentzia eta Osasun Kudeaketarako Informazio Sistemen Zerbitzua:

? Telekomunikazioen eta Banda Zabalaren Atala: Telekomunikazioetako Ingeniaritzako titulua edo Telekomunikazioetako Ingeniaritzaren lanbide arloko gradua/masterra, edo Telekomunikazioetako ingeniari lanposturako izendatua izatea.

? Zerbitzu hauetako gainerako atalburuek bete beharrekoak: Telekomunikazioen, Azpiegituren eta Zibersegurtasunaren Zerbitzua, Plataformen eta Eragiketen Zerbitzua, Departamentuetako Informazio Sistemen Zerbitzua, Osasuneko Informazioaren Teknologien Zerbitzua eta Asistentzia eta Osasun Kudeaketarako Informazio Sistemen Zerbitzua:

? Telekomunikazioetako Ingeniaritzako titulua, Informatikako Ingeniaritzako titulua, Informatikako Ingeniaritza Teknikoko titulua, Telekomunikazioetako Ingeniaritzaren lanbide arloko gradua/masterra, Informatikako Ingeniaritzaren lanbide arloko gradua/masterra edo Informatikako Ingeniaritza Teknikoaren lanbide arloko gradua/masterra, edo lanpostu hauetako baterako izendatua izatea:

a) Telekomunikazioetako ingeniaria.

b) Informazio sistemetako goi mailako teknikaria.

c) Sistema informatikoetako goi mailako teknikaria.

d) Sistema informatikoetako erdi mailako teknikaria.

e) Informazio sistemetako erdi mailako teknikaria.

? -Aurrerapen Digitalerako Zerbitzuko atalburuek bete beharreko baldintzak:

? -Telekomunikazioetako Ingeniaritzako titulua, Informatikako Ingeniaritza Teknikoko titulua, Industria Ingeniaritza Teknikoko titulua, Enpresa Zientzietako titulua, Zuzenbideko titulua, Telekomunikazioetako Ingeniaritzaren lanbide arloko gradua/masterra, Informatikako Ingeniaritzaren lanbide arloko gradua/masterra, Informatikako Ingeniaritza Teknikoaren lanbide arloko gradua/masterra, Industria Ingeniaritzaren lanbide arloko gradua/masterra, Industria Ingeniaritza Teknikoaren lanbide arloko gradua/masterra, Enpresa Zientzien lanbide arloko gradua/masterra edo Zuzenbidearen lanbide arloko gradua/masterra, edo lanpostu hauetako baterako izendatua izatea:

a) Telekomunikazioetako ingeniaria.

b) Informazio sistemetako goi mailako teknikaria.

c) Sistema informatikoetako goi mailako teknikaria.

d) Sistema informatikoetako erdi mailako teknikaria.

e) Informazio sistemetako erdi mailako teknikaria.

f) Administrazio publikoko teknikaria, arlo juridikoan.

g) Administrazio publikoko teknikaria, arlo ekonomikoan.

Bosgarren xedapen gehigarria. Unitateen atxikipenaren aldaketa.

Zuzendaritza nagusi bereko zerbitzuen arteko atxikipenen aldaketak.

- Zientzia, Teknologia eta Berrikuntza Zuzendaritza Nagusian:

? Zuzendaritza Nagusiari atxikitako Berrikuntza Digitalaren Poloaren Atala I+G+b Zerbitzuaren mende egonen da.

- Telekomunikazioetako eta Digitalizazioko Zuzendaritza Nagusian:

? Aurreko Azpiegitura Teknologikoen eta Euskarri Zentroaren Zerbitzuari atxikitako Euskarri Zentroaren Atala eta IKT Aktiboak Kudeatzeko Atala Plataformen eta Eragiketen Zerbitzuaren mende egonen dira.

Departamentu desberdinetako unitateen arteko atxikipenen aldaketak.

- Langileen Prozeduren Bultzada Digitalaren eta Modernizazioaren Atala, lehen Barneko, Funtzio Publikoko eta Justiziako Departamentuko Funtzio Publikoko Zuzendaritza Nagusiko Egituraren, Lanpostuen Antolaketaren eta Langileen Plantillaren Zerbitzuari atxikitako Lanpostuak Antolatzeko Atala zena, Telekomunikazioetako eta Digitalizazioko Zuzendaritza Nagusiko Administrazio Elektronikoko, Ogasuneko, Giza Baliabideetako eta SITNAko Zerbitzuaren mende egonen da.

Seigarren xedapen gehigarria. Unitateen izenaren aldaketa.

Unitate hauen izenak aldatuko dira:

- Zientzia, Teknologia eta Berrikuntza Zuzendaritza Nagusian:

? Europako Berrikuntza Digitalaren Poloaren Atalari izen berria eman zaio: Berrikuntza Digitalaren Poloaren Atala.

- Telekomunikazioetako eta Digitalizazioko Zuzendaritza Nagusian:

? Lanpostuak Antolatzeko Atalari, lehen Barneko, Funtzio Publikoko eta Justiziako Departamentuko Funtzio Publikoko Zuzendaritza Nagusiko Egituraren, Lanpostuen Antolaketaren eta Langileen Plantillaren Zerbitzuari atxikita zegoenari, izen berria eman zaio: Langileen Prozeduren Bultzada Digitalaren eta Modernizazioaren Atala.

? Laguntza Administratiboaren eta Digitalizazioaren Atalari izen berria eman zaio: Kudeaketa Administratibo eta Ekonomikoaren Atala.

? Telekomunikazio Sistemen Atalari izen berria eman zaio: Telekomunikazioen eta Banda Zabalaren Atala.

? Errendimenduaren Kudeaketarako eta Segurtasunerako Atalari izen berria eman zaio: Zibersegurtasunerako eta Errendimenduaren Kudeaketarako Atala.

? Ekoizpen Atalari izen berria eman zaio: Ostatuaren eta Plataformen Atala.

? Osasun Teknologien Atalari izen berria eman zaio: Osasuneko Informazioaren Teknologien Berrikuntzaren Atala.

? Osasun Ekipamenduaren Atalari izen berria eman zaio: Osasuneko IKT Ekipamenduen Atala.

? Osasun Antolamenduaren Atalari izen berria eman zaio: Osasun Antolamendurako Sistemen Atala.

? Arreta Espezializatuko Informazio Sistema Administratiboen Atalari izen berria eman zaio: Osasun arloko Zuzendaritza eta Kudeaketarako Informazio Sistemen Atala.

? Osasun Historia Elektronikoaren Atalari izen berria eman zaio: Historia Kliniko Digitalen Atala.

? Lehendakaritzako, Justizia eta Migrazio Politiketako eta Eskubide Sozialetako arloetako Proiektuen Atalari izen berria eman zaio: Lehendakaritza, Barne eta Justizia arloetarako Informazio Sistemen Atala.

? Lurralde Antolamenduko, Lurralde Kohesioko, Landa Garapen eta Ingurumeneko eta Unibertsitate eta Berrikuntzako arloetako Proiektuen Atalari izen berria eman zaio: Lurralde Kohesio, Etxebizitza, Unibertsitate eta Berrikuntza arloetarako Informazio Sistemen Atala.

? Garapen Ekonomiko eta Enpresarialeko, Herritarrekiko Harremanetako, Kultura eta Kiroleko eta Enpleguko arloetako Proiektuen Atalari izen berria eman zaio: Industria, Memoria eta Bizikidetza eta Kultura, Kirol eta Turismo arloetarako Informazio Sistemen Atala.

? Atariak eta Ezagutza Kudeatzeko Atalari izen berria eman zaio: Atarien eta Esperientzia Digitalaren Atala.

? Datuen Ingeniaritzaren Atalari izen berria eman zaio: Datuen Ingeniaritzaren eta Adimen Artifizialaren Atala.

Zazpigarren xedapen gehigarria. Izendapenak berrestea.

Honako izendapen hauek berresten dira, egin ziren baldintza berberetan:

- Unibertsitateko Zuzendaritza Nagusian:

? Unibertsitateko Zerbitzuko eta Unibertsitateko Ataleko titularrak.

- Zientzia, Teknologia eta Berrikuntza Zuzendaritza Nagusian:

? I+G+b Zerbitzuko, Erosketa Publiko Berritzailearen Ataleko eta Nafarroako Berrikuntzaren Behatokiaren Ataleko titularrak.

? Europako Berrikuntza Digitalaren Poloaren Ataleko titularra, nahiz eta atalaren izena Berrikuntza Digitalaren Poloaren Atala izanen den aurrerantzean.

- Telekomunikazioetako eta Digitalizazioko Zuzendaritza Nagusian:

? Aurreko Azpiegitura Teknologikoen eta Euskarri Zentroaren Zerbitzuko Euskarri Zentroaren Ataleko titularra.

? Departamentuetako Informazio Sistemen Zerbitzuko titularra.

? Administrazio Elektronikoko, Ogasuneko, Giza Baliabideetako eta SITNAko Zerbitzuko eta hango ataletako titularrak.

? Aurrerapen Digitalerako Zerbitzuko, Konfiantzaren eta Eten Digitalaren Ataleko eta Datuaren Bulegoaren Ataleko titularrak.

? Araubide Juridikoaren Ataleko titularra.

? Kudeaketa Administratibo eta Ekonomikoaren Ataleko titularra, lehen Laguntza Administratiboaren eta Digitalizazioaren Ataleko titularra zena.

? Telekomunikazioen eta Banda Zabalaren Ataleko titularra, lehen Telekomunikazio Sistemen Ataleko titularra zena.

? Zibersegurtasunerako eta Errendimenduaren Kudeaketarako Ataleko titularra, lehen Errendimenduaren Kudeaketarako eta Segurtasunerako Ataleko titularra zena.

? Ostatuaren eta Plataformen Ataleko titularra, lehen Ekoizpen Ataleko titularra zena.

? Osasuneko Informazioaren Teknologien Berrikuntzaren Ataleko titularra, lehen Osasun Teknologien Ataleko titularra zena.

? Osasuneko IKT Ekipamenduen Ataleko titularra, lehen Osasun Ekipamenduaren Ataleko titularra zena.

? Historia Kliniko Digitalen Ataleko titularra, lehen Osasun Historia Elektronikoaren Ataleko titularra zena.

? Lehendakaritza, Barne eta Justizia arloetarako Informazio Sistemen Ataleko titularra, lehen Lehendakaritzako, Justizia eta Migrazio Politiketako eta Eskubide Sozialetako arloetako Proiektuen Ataleko titularra zena.

? Lurralde Kohesio, Etxebizitza, Unibertsitate eta Berrikuntza arloetarako Informazio Sistemen Ataleko titularra, lehen Lurralde Antolamenduko, Lurralde Kohesioko, Landa Garapen eta Ingurumeneko eta Unibertsitate eta Berrikuntzako arloetako Proiektuen Ataleko titularra zena.

? IIndustria, Memoria eta Bizikidetza eta Kultura, Kirol eta Turismo arloetarako Informazio Sistemen Ataleko titularra, lehen Garapen Ekonomiko eta Enpresarialeko, Herritarrekiko Harremanetako, Kultura eta Kiroleko eta Enpleguko arloetako Proiektuen Ataleko titularra zena.

? Atarien eta Esperientzia Digitalaren Ataleko titularra, lehen Atariak eta Ezagutza Kudeatzeko Ataleko titularra zena.

? Datuen Ingeniaritzaren eta Adimen Artifizialaren Ataleko titularra, lehen Datuen Ingeniaritzaren Ataleko titularra zena.

? Idazkaritza Tekniko Nagusian:

? Idazkaritza Tekniko Nagusiko ataletako titularrak.

Zortzigarren xedapen gehigarria. Administrazio unitateen iraupena.

Foru dekretu hau garatzeko neurriak hartu bitartean, atal mailatik beherako unitate organikoek berdin jarraituko dute eta oraingo izenari eta eginkizunei eutsiko diete. Behin-behinekoz, egitura berriko organoei atxikiko zaizkie, orain arte izan dituzten eginkizunekin bat.

Xedapen indargabetzaile bakarra. Arauak indargabetzea.

Indarrik gabe gelditzen dira foru dekretu honen edukiaren kontra doazen maila bereko edota baxuagoko xedapen guztiak.

Azken xedapenetako lehena. Gaikuntzak.

Departamentuko titularrari gaikuntza ematen zaio behar diren xedapen guztiak eman ditzan foru dekretu honetan xedatutakoa garatu eta betetzeko, eta bidezkoak diren langileen eta baliabide ekonomiko eta materialen esleipena eta banaketa egiteko.

Azken xedapenetako bigarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

Gobierno de Navarra

Contacte con nosotros | Accesibilidad | Aviso legal | Mapa web