(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

250/2023 FORU DEKRETUA, AZAROAREN 15EKOA, INDUSTRIAKO ETA ENPRESEN TRANTSIZIO EKOLOGIKO ETA DIGITALERAKO DEPARTAMENTUAREN EGITURA ORGANIKOA EZARTZEN DUENA

BON N.º 244 - 23/11/2023

  I. KAPITULUA. XEDAPEN OROKORRAK

  II. KAPITULUA. ENPRESEN SUSTAPENERAKO ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. ENPRESA LEHIAKORTASUNAREN ETA S4REN ZERBITZUA

  3. ATALA. NAZIOARTEKO PROIEKZIOAREN ZERBITZUA

  4. ATALA. INDUSTRIA SUSTATZEKO ZERBITZUA

  III. KAPITULUA. ENERGIA, ENPRESA I+G+B ETA EKINTZAILETZA ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. S4 PROIEKTU ESTRATEGIKOEN ETA EKINTZAILETZAREN ZERBITZUA

  3. ATALA. TRANTSIZIO ENERGETIKOAREN ZERBITZUA

  4. ATALA. INDUSTRIA ANTOLAMENDUAREN, AZPIEGITURA ENERGETIKOEN ETA MEATZEEN ZERBITZUA

  IV. KAPITULUA. MERKATARITZA ETA KONTSUMO ZUZENDARITZA NAGUSIA

  1. ATALA. ESKUMENEN ESPARRU MATERIALA ETA EGITURA

  2. ATALA. MERKATARITZA ETA KONTSUMO ZUZENDARITZA NAGUSIA

  3. ATALA. KONTSUMO ZERBITZUA

  V. KAPITULUA. IDAZKARITZA TEKNIKO NAGUSIA

Zioen azalpena

Nafarroako Gobernuari dagokio departamentu bakoitzaren egitura organikoa onestea, jarraikiz martxoaren 11ko 11/2019 Foru Legeari (foru lege horrek hizpide ditu Nafarroako Foru Komunitateko Administrazioa eta foru-sektore publiko instituzionala).

Nafarroako Foru Komunitateko Lehendakariaren abuztuaren 17ko 10/2023 Foru Dekretuaren bidez, ezarri zen Nafarroako Foru Komunitateko Administrazioaren departamentuen egitura.

Aldi berean, abuztuaren 30eko 70/2023 Foru Dekretuaren bidez, Industriako eta Enpresen Trantsizio Ekologiko eta Digitalerako Departamentuaren oinarrizko egitura ezarri zen.

Egokia da, orain, behar bezala garatzea Foru Komunitateko Administrazioaren departamentu bakoitzaren egitura.

Foru dekretu honek xede du garatzea Industriako eta Enpresen Trantsizio Ekologiko eta Digitalerako Departamentuaren egitura organiko berria.

Hori horrela, Industriako eta Enpresen Trantsizio Ekologiko eta Digitalerako kontseilariak proposaturik, eta Nafarroako Gobernuak bi mila eta hogeita hiruko azaroaren hamabostean egindako bilkuran hartutako erabakiarekin bat,

DEKRETATZEN DUT:

I. KAPITULUA. XEDAPEN OROKORRAK

1. artikulua . Industriako eta Enpresen Trantsizio Ekologiko eta Digitalerako Departamentuaren eskumenen esparrua.

Industriako eta Enpresen Trantsizio Ekologiko eta Digitalerako Departamentuak beteko ditu Nafarroako Foru Komunitateko Administrazioak gai hauetan esleituak dituen eskumenak: garapen enpresariala kudeatzea; Nafarroako S4 Espezializazio Adimentsuaren Estrategia definitzea, eguneratzea, ezartzea, monitorizatzea eta haren jarraipena egitea; aipatu estrategia horretan definitutako lehentasunak eta trantsizioak bultzatzea; klusterrak sustatzea; industria-jarduera sustatzea; lur industriala sustatzea; bultzatzea, enpresaren arloan, lehiakortasuna, ekintzailetza, enpresa talentua, kalitatea eta enpresen I+G+b; plangintza eta kontrol energetikoa; industrien eta meategien kontrola; energia berriztagarriak bultzatzea; Nafarroako enpresen nazioartekotzea sustatzea; barne merkataritza eta artisautza antolatzea eta sustatzea; kontsumoa eta arbitrajea, eta indarra duten xedapenetan ematen zaizkion gainerako eskudantziak.

2. artikulua . Industriako eta Enpresen Trantsizio Ekologiko eta Digitalerako Departamentuko titularra.

1. Industriako eta Enpresen Trantsizio Ekologiko eta Digitalerako Departamentuko titularrak, foru dekretu honen 1. artikuluan zehaztutako eskumen esparruari loturik, izanen ditu Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluan ezarritako eskudantziak.

2. Era berean, Industriako eta Enpresen Trantsizio Ekologiko eta Digitalerako Departamentuko titularrari dagokio honako kide anitzeko organo hauen buru izatea:

a) Nafarroako Merkataritza Kontseilua.

b) Nafarroako Kontsumoaren Kontseilua.

3. Industriako eta Enpresen Trantsizio Ekologiko eta Digitalerako Departamentuko titularrari sostengu politiko eta teknikoa emateko unitate gisa, eta zuzenean haren mende, kabinete bat dago Departamentuan, Nafarroako Gobernuari eta Lehendakariari buruzko abenduaren 3ko 14/2004 Foru Legearen 19. artikuluari lotua dagoena.

3. artikulua . Industriako eta Enpresen Trantsizio Ekologiko eta Digitalerako Departamentuaren antolamendu orokorra.

Industriako eta Enpresen Trantsizio Ekologiko eta Digitalerako Departamentuak, bere titularraren goi-zuzendaritzapean, honako organo hauek ditu bere egituran:

a) Enpresen Sustapenerako Zuzendaritza Nagusia.

b) Energia, Enpresa I+G+b eta Ekintzailetza Zuzendaritza Nagusia.

c) Merkataritza eta Kontsumo Zuzendaritza Nagusia.

d) Idazkaritza Tekniko Nagusia.

4. artikulua . Zuzendaritza nagusien eskudantziak.

Industriako eta Enpresen Trantsizio Ekologiko eta Digitalerako Departamentuko zuzendaritza nagusiek, Departamentuko titularraren goi-zuzendaritzapean eta foru dekretu honetan bakoitzari esleitutako esparruan, izanen dituzte arau hauetan ezarritako eskudantziak: Nafarroako Foru Komunitateko Administrazioari buruzko abenduaren 3ko 11/2019 Foru Legearen 31. eta 32. artikuluak eta foru lege beraren azken xedapenetako lehenbizikoa. Horietaz gainera, indarra duten xedapenek esleitzen dieten beste edozein, edo Industriako eta Enpresen Trantsizio Ekologiko eta Digitalerako Departamentuko titularrak agintzen dien beste edozein.

5. artikulua . Idazkaritza Tekniko Nagusiaren eskudantziak.

Industriako eta Enpresen Trantsizio Ekologiko eta Digitalerako Departamentuko Idazkaritza Tekniko Nagusiak, foru dekretu honen 1. artikuluan zehaztu den eskumen esparruan, eta departamentuko titularraren goi zuzendaritzapean, berari atxikita baitago zuzenean, honako eskudantzia hauek izanen ditu:

a) Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 33. artikuluan eta Idazkaritza Tekniko Nagusiak arautzen dituen otsailaren 21eko 29/2005 Foru Dekretuan ezarritakoak.

b) Idazkaritza orokor nagusiak arautzen dituen otsailaren 21eko 29/2005 Foru Dekretuan ezarritakoak, ekonomia eta aurrekontu izaera duen arau horren 8. artikuluan ezarritakoak barne, bai eta langileriaren arloko eskudantziak zehazten dituen otsailaren 21eko 30/2005 Foru Dekretuaren 6. artikuluan ezarritakoak ere.

c) Genero ikuspegiaren zeharkakotasuna aplikatzea Industriako eta Enpresen Trantsizio Ekologiko eta Digitalerako Departamentuaren politikak planifikatu, kudeatu eta ebaluatzean, bat etorriz Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

d) Nafarroan desgaitasuna dutenei arreta emateari eta beren eskubideak bermatzeari buruzko azaroaren 28ko 31/2022 Foru Legearen arabera aritzea.

e) Informazio publikoa kudeatzea, Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen arabera.

f) Herritarren parte-hartzea, Nafarroako Parte-hartze Demokratikoari buruzko martxoaren 22ko 12/2019 Foru Legearen arabera.

g) Departamentuko gainerako organoei laguntzea informazioaren segurtasunari buruzko araudia aplikatzen, Nafarroako Foru Komunitateko Administrazioaren Datuak Babesteko eta Informazioaren Segurtasunerako Politikan zehaztutakoa betetzeko. Zehazki, segurtasunaren arduraduna izanen da.

h) Indarra duten xedapenek esleitzen dizkioten edo Departamentuko buruak agintzen dizkion beste batzuk.

6. artikulua . Zerbitzuen eskudantziak.

Zerbitzuek, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 35. artikuluarekin, eginkizun hauek izanen dituzte: beren mendeko atalak edo unitate organikoak planifikatu, koordinatu, zuzendu eta kontrolatzea; prozedurak arindu, arrazionalizatu eta sinplifikatzeko printzipioak bultzatu eta sustatzea; eta, halaber, indarra duten xedapenek berariaz esleitzen dizkieten edo Departamentuko organo eskudunek haietan deskontzentratzen edo eskuordetzen dituzten beste edozein.

7. artikulua . Atalen eskudantziak.

Atalek, Departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, bat etorriz martxoaren 11ko 11/2019 Foru Legearen 37. artikuluarekin, eginkizun hauek izanen dituzte: beren eskumenen esparruko lanak gauzatzea eta goragoko nagusientzako txostenak eta proposamenak egitea; beren mendeko bulegoek eta unitateek egiten dituzten lanak koordinatzea, zuzentzea eta kontrolatzea; eta, halaber, Departamentuko organo eskudunek agintzen dizkieten gainerako eginkizun guztiak betetzea.

II. KAPITULUA. ENPRESEN SUSTAPENERAKO ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

8. artikulua . Enpresen Sustapenerako Zuzendaritza Nagusiaren eskumenen esparru material eta funtzionala.

Enpresen Sustapenerako Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Politika enpresarial orokorra aztertzea eta planifikatzea, eta haren jarraipena egitea.

b) Analisi estrategikoa eta jarduketarako proposamenak egitea garrantzi handia duten gaietan Nafarroako jarduera enpresarialari dagokionez eta Nafarroako Gobernuak jarduera enpresariala sustatzeko egiten duen lanari dagokionez.

c) Planifikatzea, programatzea, koordinatzea eta sustatzea ekimen ekonomiko eta programa estrategiko orokorrak edo Nafarroako ekonomiarako eta haren lehiakortasunerako interesa dutenak, eta haien jarraipena eta zabalkundea egitea, Foru Komunitateko sektore publikoaren partaidetzarekin.

d) Koordinazioa egitea honako bi hauen artean: Nafarroako Gobernua batetik, eta SODENAko Nafarroako S4 Espezializazio Adimentsuaren Estrategiako talde teknikoa, bestetik.

e) Nafarroako Gobernuaren garapen ekonomikorako estrategiak koordinatzea Estatuarekin eta beste administrazio publiko batzuekin, bere eskumeneko esparruetan, deusetan galarazi gabe Nafarroako Foru Komunitateko Administrazioaren beste organo batzuek gai honetan izan dezaketen eskumena.

f) Koordinatzea Nafarroaren kanpo ekintza guztiak, honako hauei dagokienez: garapen enpresariala nazioartean, Nafarroaren marka sustatzea, S4 estrategiaren sektore estrategikoen ekosistemak sustatzea, eta nazioarteko inbertsioak eta talentua erakartzea.

g) Diseinatzea eta gauzatzea Nafarroako jarduera ekonomikoa eta profil profesionala nazioartekotzea sustatzeko politika eta ekintzak, Nafarroako Nazioarteko Planaren bidez.

h) Parte hartzea Nafarroako Gobernuak erabakitzen dituen Europar Batasuneko nazioarteko foro eta erakundeetan, betiere garapen ekonomikoarekin eta enpresa jarduerarekin loturik.

i) Diseinatzea eta kudeatzea programa operatiboak eta Europako egitura funtsen kudeaketa, Zuzendaritza Nagusi hau bitarteko erakundea denean.

j) Lankidetzan aritzea Nafarroako gizarte, ekonomia eta enpresa erakundeekin, parte har dezaten Nafarroako Gobernuak nazioarteari begira erabakitzen dituen ekimen eta jardueretan, eta sustatu eta indartu dadin Nafarroaren irudi ekonomikoa Europar Batasunean eta nazioartean.

k) Enpresa jarduera sustatzea Industria Planaren eta Talentua Erakartzeko eta Atxikitzeko Planaren bidez.

l) Enpresa hazkundea sustatzea, Nafarroan enpresa berriak erakarriz eta inbertsioa erakarriz, inbertsio-proiektuei lagunduz, enpresen lehiakortasuna hobetzeko ekintzei lagunduz, enpresen trantsizio digitala bultzatuz, enpresen finantzaketarako irisgarritasuna bultzatuz eta Industria Planean jasotako beste jarduera espezifiko batzuk gauzatuz.

m) Babesa ematea enpresen berregituratzeari eta berrantolatzeari, krisi nahiz integrazio prozesuetan.

n) Planifikatzea eta gauzatzea enpresen jarduera ekonomikoa burutzeko beharrezko azpiegiturak: lurzorua, industria espazioak, hornikuntza edo telekomunikazioak.

ñ) Sustatzea enpresentzako aholkularitza zerbitzu integral bat koordinatzea, informazioa eskainiko duena haien jarduerarekin zerikusia duen edozein afera administratiboren gainean.

o) Honako hauek kudeatzea eta horien jarraipena egitea: Nafarroako enpresa nagusiak, enpresa elkarteak eta enpresa jardunak gauzatu dituzten fundazioak.

p) Enpresa lankidetza sustatzea eta haren jarraipena egitea, batez ere, horren bi alderdietan: sektoriala -klusterrak- eta eskualdekoa -eskualdeko enpresa elkarteak-.

q) Nafarroako Enpresen Behatokia kudeatzea eta haren jarraipena egitea.

r) Nafarroako enpresa sektoreko lehiakortasuna eta trantsizio digitala sustatzea.

s) Enpresaren kudeaketan, sustatzea enpresa erakundeko eragileak gehiago integratzen dituzten ereduak, edo enpresa kultura berria.

t) Deialdiak onestea eta dirulaguntzak ematea, zuzendaritzaren eskumenen arloarekin lotutako jarduerei.

u) Desjabetzeak, Zuzendaritza Nagusiaren eskumeneko arloetan.

v) Sustatzea enpresetan IGG (Ingurumen, Gizarte eta Gobernantza) printzipioak garatzea.

w) Enpresa kooperatibismoa sustatzea.

x) Gidatzea Nafarroako Merkataritza, Industria eta Zerbitzu Ganbera Ofiziala, ezartzen den bezala ganbera hori arautzen duen apirilaren 10eko 17/2015 Foru Legean.

y) Kudeatzea Nafarroari esleitutako Europako Funtsak, Eskualde Garapeneko Europako Funtsen (EGEF) eta Europako Gizarte Funtsen (EGIF) Programen esparruan.

z) Indarra duten xedapenek Industriako eta Enpresen Trantsizio Ekologiko eta Digitalerako Departamentuari esleitzen dizkioten beste batzuk, bai eta Zuzendaritza Nagusiak bere duen esparruan, eta bere jardueraren eremuan agintzen zaizkionak ere.

9. artikulua . Enpresen Sustapenerako Zuzendaritza Nagusiaren egitura.

Enpresen Sustapenerako Zuzendaritza Nagusiak honako zerbitzu hauek ditu bere egituran:

a) Enpresa Lehiakortasunaren eta S4ren Zerbitzua.

b) Nazioarteko Proiekzioaren Zerbitzua.

c) Industria Sustatzeko Zerbitzua.

2. ATALA. ENPRESA LEHIAKORTASUNAREN ETA S4REN ZERBITZUA

10. artikulua . Enpresa Lehiakortasunaren eta S4ren Zerbitzuaren esparru materiala eta funtzionala.

Honako eginkizun hauek izanen ditu Enpresa Lehiakortasunaren eta S4ren Zerbitzuak:

a) Nafarroako S4 Espezializazio Adimentsuaren Estrategia sustatzea eta haren jarraipena egitea.

b) Bultzatzea klusterren politika eta haren jarraipena egitea.

c) Koordinatzea Talentuaren Planeko "atxikitze" atala.

d) Nafarroako enpresa sarearen jarraipena egitea: helbideak, altak, bajak eta zailtasunak dituzten enpresen alerta. Era berean, jarraipena egitea lantokia Nafarroan duten multinazionalen eta enpresa traktore eta kotizatuen jarduerari.

e) Segurtatzea zerbitzu publiko bat izanen dela enpresei informazio integrala emateko, leihatila bakarra izateko bokazioduna.

f) Laguntza ematea Nafarroako enpresek finantzaketa hobea izan dezaten, bai hitzarmenak eginez finantza entitateekin eta SODENArekin, bai Nafarroako Foru Komunitateko Administrazioaren abalen bidez.

g) Bultzatzea enpresetan lehiakortasuna izan dadila, elkarlana izanez enpresa elkarteekin, baita enpresei zuzeneko laguntzak emanez ere.

h) Lankidetzan aritzea Hezkuntza Departamentuarekin eta Nafar Lansare-Nafarroako Enplegu Zerbitzuarekin, enpresen formakuntza beharrak zehazteko.

i) Sustatzea Nafarroako eskualdeetako plan estrategikoak, horien bidelagun izatea, eta jarraipena egitea.

j) Sustatzea jarduera ekonomikoetarako lurzorua eta espazioak, baita horiek funtzionatzeko behar diren azpiegiturak ere.

k) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

11. artikulua . Enpresa Lehiakortasunaren eta S4ren Zerbitzuaren egitura.

Egituran, honako atal hauek ditu Enpresa Lehiakortasunaren eta S4ren Zerbitzuak:

a) Lehiakortasunaren Atala.

b) Industria Lurzoruaren eta Azpiegituren Atala.

12. artikulua . Lehiakortasunaren Atalaren esparru material eta funtzionala.

Honako eginkizun hauek izanen ditu Lehiakortasunaren Atalak:

a) Nafarroako S4 Espezializazio Adimentsuaren Estrategia sustatzea eta haren jarraipena egitea.

b) Bultzatzea klusterren politika eta haren jarraipena egitea.

c) Koordinatzea Talentuaren Planeko "Atxikitze" atala.

d) Bultzatzea enpresetan lehiakortasuna izan dadila, elkarlana izanez enpresa elkarteekin, baita enpresei zuzeneko laguntzak emanez ere.

e) Lankidetzan aritzea Hezkuntza Departamentuarekin eta Nafar Lansare-Nafarroako Enplegu Zerbitzuarekin, enpresen formakuntza beharrak zehazteko.

f) Jarraipena egitea Nafarroako enpresa sare orokorrari: altak, bajak, lekualdatzeak, zailtasun egoerak, eta jarraipena egitea lantokia Nafarroan duten multinazionalei eta industriako trakzio-enpreseei eta kotizatuei.

g) Laguntza ematea Nafarroako enpresek finantzaketa hobea izan dezaten, bai hitzarmenak eginez finantza entitateekin eta SODENArekin, bai Foru Komunitateko Administrazioaren abalen bidez.

h) Nafarroako eskualdeetan, sustatzea garapen ekonomiko industriala garatzeko plan estrategikoak, horien bidelagun izatea, eta jarraipena egitea.

i) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

13. artikulua . Industria Lurzoruaren eta Azpiegituren Atalaren esparru materiala eta funtzionala.

Honako eginkizun hauek ditu Industria Lurzoruaren eta Azpiegituren Atalak:

a) Industria Lurzoruaren eta Azpiegituren planak planifikatu, gauzatu, koordinatu eta haien jarraipena egitea.

b) Kudeatzea Nafarroako Foru Komunitateko Administrazioaren industria lurzorua.

c) Industria lurzorua kudeatzeko espedienteen departamentu arteko koordinazioa.

d) Kudeatzea industria lurzoruko azpiegiturak sustatzeko eta mantentzeko laguntzetarako deialdiak.

e) Industria lurzorua eta azpiegiturak garatzeko jarraibideak ezartzea, daudenak espezializatzea eta lurzorua eta azpiegiturak sortzeko inbertsioak lehenestea.

f) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

3. ATALA. NAZIOARTEKO PROIEKZIOAREN ZERBITZUA

14. artikulua . Nazioarteko Proiekzioaren Zerbitzuaren esparru material eta funtzionala.

Honako eginkizun hauek izanen ditu Nazioarteko Proiekzioaren Zerbitzuak:

a) Nafarroako Nazioarteko Plana diseinatu, gauzatu, haren jarraipena egin eta ebaluatzea. Koordinatzea Nafarroaren kanpo ekintza guztiak, honako hauei dagokienez: garapen enpresariala nazioartean, Nafarroaren marka sustatzea, S4 estrategiaren sektore estrategikoen ekosistemak sustatzea, eta nazioarteko inbertsioak eta talentua erakartzea.

b) Enpresak nazioartekotzea sustatzea dirulaguntzen bidez, tokian zein atzerrian laguntza zerbitzuen bidez, adimen lehiakorraren bidez eta nazioarteko merkataritzako sustapenaren bidez.

c) Testuinguru globalean, sustatzea Nafarroaren eta Nafarroako enpresen lehiakortasuna, koordinatuz ezagutza zentroen, enpresa erakundeen eta Nafarroako Gobernuaren nazioarteko estrategiak.

d) Sustatzea eta koordinatzea merkataritzako diplomazia Nazioarteko Planean helburu diren herrialde europarretan eta ez-europarretan.

e) Laguntzea planifikatzen eta kudeatzen atzerriko inbertsioaren erakarpena.

f) Hedatzea Nafarroako enpresa ehunean nazioartekotzea laguntzeko programak, planinternacionaldenavarra.es webgunearen bidez, Nafarroako Nazioarteko Planaren sare sozialen bidez eta ekitaldi fisiko eta birtualen bidez.

g) Diseinatzea, osatzea, kudeatzea eta kontrolatzea EGEF (Eskualde Garapeneko Europako Funtsak) eta EGIF (Europako Gizarte Funtsak) Europako funtsen programak; zuzendaritza nagusi hau funts horien bitarteko erakundea da. Horrez gain, harremana izatea Espainiako Gobernuko ministerioekin eta aipatu programak kudeatzen dituzten Europako Batzordearen Zuzendaritza nagusiekin.

h) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

15. artikulua . Nazioarteko Proiekzioaren Zerbitzuaren egitura.

Egituran, honako atal hauek ditu Nazioarteko Proiekzioaren Zerbitzuak:

a) Nazioartekotzeko Laguntzen Atala.

b) Kanpo Sustapenaren Atala.

c) Europako Programen Atala.

d) Europako Funtsen Kontrolerako Atala.

16. artikulua . Nazioartekotzeko Laguntzen Atalaren esparru material eta funtzionala.

Honako eginkizun hauek izanen ditu Nazioartekotzeko Laguntzen Atalak:

a) Koordinatzea eta abiaraztea Nafarroako Nazioarteko Planean aurreikusten diren eta atal honen eskumenekoak diren ekintzak, eta haien jarraipena egitea, bai eta berrikustea eta, aurrera egin ahala, birbideratzea ere.

b) Sustatzea Nafarroako enpresak nazioartekotu daitezela, esportatzeko eta atzerrian ezartzeko laguntzearen bidez.

c) Espezializatutako profilak sortzea sustatzea nazioarteko negozioetan, eta praktika profesionalak atzerrian egitea sustatzea, bai eta atzerritarrak Nafarroara etortzea ere.

d) "Becas Navarra Masters" programaren onuradunen jarraipena egitea eta haien itzulera kudeatzea, Hezkuntza Departamentuarekin eta Nafarroako eragile sozioekonomikoekin koordinatuta.

e) Laguntza ematea Nafarroako enpresei parte har dezaten nazioarteko lizitazioetan.

f) Ezagutzea Nafarroan ezarritako nazioarteko enpresen jarduerak eta inbertsioak.

g) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

17. artikulua . Kanpo Sustapenaren Atalaren esparru material eta funtzionala.

Honako eginkizun hauek izanen ditu Kanpo Sustapenaren Atalak:

a) Koordinatzea eta abiaraztea Nafarroako Nazioarteko Planean aurreikusten diren eta atal honen eskumenekoak diren ekintzak, eta haien jarraipena egitea, bai eta berrikustea eta, aurrera egin ahala, birbideratzea ere.

b) Nazioarteko zabalkundea ematea gure lurraldearen irudiari eta S4 estrategiaren sektore estrategikoen enpresa ekosistemei.

c) Merkataritzaren arloko diplomazia Nazioarteko Planean helburu diren herrialde europarretan eta ez-europarretan: harremana izatea haien enbaxadekin, erakundeekin eta eragile sozioekonomikoekin afera ekonomikoetarako, nazioarteko misioetarako eta ferietarako.

d) Planifikatzea talentuaren erakarpena eta atxikipena, koordinaturik Enpresa Lehiakortasunaren eta S4ren Zerbitzuaren Lehiakortasunaren Atalarekin, eta koordinatzea eta gauzatzea plan horren erakarpen zatia.

e) Bultzatzea atzerriko inbertsioaren erakarpena.

f) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

18. artikulua . Europako Programen Atalaren esparru material eta funtzionala.

Honako eginkizun hauek izanen ditu Europako Programen Atalak:

a) Nafarroan Europako Gizarte Funtsen (EGIF) eta Eskualde Garapenerako Europako Funtsen (EGEF) programen onespena idatzi eta izapidetzea.

b) Programa horien gauzatzearen jarraipena egitea: kudeaketa, kontrola, komunikazioa eta ebaluazioa.

c) Koordinatzea gobernuko kudeaketa erakundeak, bermatzeko programa horietan sartutako proiektuak behar bezala gauzatzen direla.

d) Koordinatzea Espainiako Gobernuko ministerioekin eta aipatu programak kudeatzen dituzten Europako Batzordearen zuzendaritza nagusiekin.

e) Programa horien bidez finantzatutako proiektuak gauzatzen dela aurkeztu eta justifikatzea ministerio eskudunei eta Europako Batzordeari.

f) Europar Batasunak emandako diru-sarrerak banatzea kudeaketa erakundeen artean, hain zuzen ere, EGEF eta EGIF programen bidez finantzatutako proiektuak gauzatzearen arduradunen artean.

g) Parte hartzea aipatu funtsekin lotutako sare tematikoetan.

h) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

19. artikulua . Europako Funtsen Kontrolerako Atalaren esparru material eta funtzionala.

Honako eginkizun hauek izanen ditu Europako Funtsen Kontrolerako Atalak:

a) Egiaztatzea EGEF eta EGIF programa operatiboen kargura eginik gastuak 2014-2020 epean (egiaztapen administratiboak egitea onuradunek aurkeztutako itzulketa-eskaerei dagokienez, eta eragiketa konkretuen "in situ" egiaztapenak egitea), bat etorriz Europako Parlamentuaren eta Kontseiluaren 1303/2013 (EB) Erregelamenduaren 4. apartatuan eta 125. artikuluko hurrengoetan ezarritakoarekin (Erregelamendu horrek Europako egitura-funtsak eta inbertsio-funtsei buruzko xedapen komunak ezartzen ditu).

b) Egiaztatzea EGEF eta EGIF programa operatiboen kargura eginik gastuak 2021-2027 epean (egiaztapen administratiboak egitea onuradunek aurkeztutako itzulketa-eskaerei dagokienez, antzemandako arriskuen arabera, eta eragiketa konkretuen "in situ" egiaztapenak egitea), bat etorriz Europako Parlamentuaren eta Kontseiluaren 2021/1060 (EB) Erregelamenduaren 74. artikuluan ezarritakoarekin.

c) Deskribatzea, aldatzea eta eguneratzea EGEF eta EGIF+ programak kudeatzeko eta kontrolatzeko sistemak, kontrolari dagokionez.

d) Beharrezkotzat jotzen diren kontrol mekanismoak ezartzea irregulartasunak harrapatzeko aitortutako gastuetan eta zuzenketa finantzarioa egiteko, eta mekanismo horien jarraipena egitea.

e) Txostenak egitea bitarteko erakundeak egindako egiaztapenen edukiaz, hala eskatzen dietenean kudeaketa, ziurtapen eta auditoretza arloetako agintariek edo Europako Batzordeak.

f) EGEF eta EGIF+ programa operatiboen kontrolari buruz bitarteko erakundeak duen beste edozein eginkizun.

g) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

4. ATALA. INDUSTRIA SUSTATZEKO ZERBITZUA

20. artikulua . Industria Sustatzeko Zerbitzuaren esparru material eta funtzionala.

Honako eginkizun hauek izanen ditu Industria Sustatzeko Zerbitzuak:

a) Inplementatzea eta ebaluatzea Nafarroako Industria Planeko ekintzak, eta haien jarraipena egitea.

b) Sustatzea industriako inbertsio jarduera.

c) Diseinatzea, bultzatzea eta koordinatzea Nafarroako enpresen digitalizaziorako prozesua.

d) Enpresen arloan, sustatzea informazioaren eta komunikazioaren teknologien erabilera.

e) Nafarroako Enpresen Behatokia kudeatzea eta haren jarraipena egitea, eta koordinatzea datuen jatorria eta informazioa ikusteko estandarra.

f) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

21. artikulua . Industria Sustatzeko Zerbitzuaren egitura.

Egituran, honako atal hauek ditu Industria Sustatzeko Zerbitzuak:

a) Enpresen Digitalizazioaren Atala.

b) Nekazaritzako Elikagai Industriak Sustatzeko Atala.

c) Industria Inbertsioa Sustatzeko Atala.

22. artikulua . Enpresen Digitalizazioaren Atalaren esparru material eta funtzionala.

Honako eginkizun hauek ditu Enpresen Digitalizazioaren Atalak:

a) Enpresen digitalizazioaren eta aldaketa teknologikoaren prozesuari jarraipena egitea eta koordinatzea.

b) Identifikatzea industriaren arlora eramaten ahal diren teknologia digitalak, horiek eramateko beharrezko azpiegiturak bultzatzea eta jarduera industriala digitalizatzea sustatzea, dirulaguntzen bidez eta beste tresna batzuen bidez, IRIS berrikuntza digitaleko Poloarekin lankidetzan.

c) Behar diren jarduketak kudeatzea bete daitezen Europa Digital Programak sozietateen digitalizaziorako ezartzen dituen helburuak, barnean direla inbertsioak eta deialdiak, bai eta laguntzak ematea ere.

d) Informazioaren eta komunikazioaren teknologien erabilera sustatzea, eta bultzatzea enpresa sektoreak.

e) Nafarroako Industria Planaren webgunearen sustapena, jarraipena eta kalitatezko mantentze-lanak egitea, bai eta Plan Industrialaren emaitzak sartzea Nafarroako Enpresen Behatokian.

f) Kudeatzea Datu Zientzietako Laborategia, datuak jasotzea eta sustatzea enpresek parte har dezatela haren jardueran.

g) Nafarroako Enpresen Behatokia kudeatzea eta haren jarraipena egitea, eta koordinatzea datuen jatorria eta informazioa ikusteko estandarra.

h) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

23. artikulua . Nekazaritzako Elikagai Industriak Sustatzeko Atalaren esparru material eta funtzionala.

Honako eginkizun hauek izanen ditu Nekazaritzako Elikagai Industriak Sustatzeko Atalak:

a) Nekazaritzako elikagaien industrian, inbertsioa sustatzea, halako jarduerak sortzeko, finkatzeko eta hazteko.

b) Landa Garapeneko eta Ingurumeneko Departamentuarekin lankidetzan aritzea, kudeatzeko LGENF neurriak zein Europako eta estatuko funtsen bidez kofinantzatutako beste batzuk.

c) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

24. artikulua . Industria Inbertsioa Sustatzeko Atalaren esparru material eta funtzionala.

Honako eginkizun hauek izanen ditu Industria Inbertsioa Sustatzeko Atalak:

a) Sustatzea industria jarduera sortu, hazi eta finkatu dadila, dirulaguntzen eta beste baliabide batzuen bidez.

b) Industrian, sustatzea inbertsio produktiboa, bai enpresa txiki eta ertainetan bai enpresa handietan.

c) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

III. KAPITULUA. ENERGIA, ENPRESA I+G+B ETA EKINTZAILETZA ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

25. artikulua . Energia, Enpresa I+G+b eta Ekintzailetza Zuzendaritza Nagusiaren esparru material eta funtzionala.

Energia, Enpresa I+G+b eta Ekintzailetza Zuzendaritza Nagusiak, bere kudeaketa esparruko gaietan, foru dekretu honetan ezarritako eskudantziak izanen ditu eta, berariaz, honako eginkizun hauek beteko ditu:

a) Nafarroako S4 Espezializazio Adimentsuaren Estrategia egiten laguntzea eta haren jarraipena egitea eta EBko joeren behatokian.

b) Proposatzea, betearaztea eta koordinatzea Nafarroako S4 Espezializazio Adimentsuaren Estrategian aukeratutako proiektu estrategikoak, eta horien jarraipena egitea.

c) Enpresen esparruan, sustatzea ikerketa, garapen teknologikoa eta berrikuntza, indar berezia eginez eragin nabarmen samarreko proiektu estrategikoetan, loturik daudenean Nafarroako S4 Espezializazio Adimentsuaren Estrategiako lehentasunezko sektoreekin.

d) Sustatzea helize laukoitza eta elkarlana izan dadila enpresen sarearen eta Nafarroako I+G+b sistemako eragileen artean.

e) Prestatzea eta koordinatzea Nafarroako Energia Plana, eta haren jarraipena egitea.

f) Sortzea eta koordinatzea Nafarroako Ekintzailetza Plana, eta haren jarraipena egitea.

g) Bultzatu eta sustatzea energia berriztagarriak, aurreztea, energia-efizientzia eta energiaren kudeaketa adimenduna ekonomiaren, Tokiko eta Foru Administrazioaren eta gizartearen sektore guztietan.

h) Antolatzea energia ekoitzi, garraiatu eta banatzeko azpiegiturak eta instalazioak.

i) Sustatzea efizientzia energetikoa Nafarroako Foru Komunitateko Administrazioan eta haren erakunde autonomoetan.

j) Kudeatzea energia zerbitzuak eta haiei lotutako obrak Nafarroako Foru Komunitateko Administrazioan eta haren erakunde autonomoetan.

k) Antolatzea, ikuskatzea eta zaintzea meatzaritzako jarduera.

l) Baimentzea, erregistratzea, kontrolatzea eta ikuskatzea industria segurtasuneko erregelamenduei lotutako entitateak, enpresak, instalazioak eta produktuak.

m) Ziurtagiriak ematea industriako segurtasunaren arloko profesionalei.

n) Ibilgailuen azterketa teknikoa eta aldizkako azterketak.

ñ) Kontrol metrologikoa.

o) Lizitazioak egitea, dirulaguntzetarako deialdiak egitea eta dirulaguntzak ematea bere eskumenen esparruarekin lotutako jardueretarako.

p) Zehapen prozedurak bere eskumenen esparru materialean; zuzendaritza nagusiko titularrari dagokio prozedura hastea eta ebaztea.

q) Desjabetzeak zuzendaritza nagusiaren eskumeneko arloetan.

r) Europako proiektu eta foroetan parte hartzea bere eskumenen esparruan.

s) Indarra duten xedapenek Garapen Ekonomiko eta Enpresarialeko Departamentuari esleitzen dizkioten beste batzuk, Zuzendaritza Nagusiak bere duen esparruan, eta bere jardueraren eremuan agintzen zaizkionak.

26. artikulua . Energia, Enpresa I+G+b eta Ekintzailetza Zuzendaritza Nagusiaren egitura.

Energia, Enpresa I+G+b eta Ekintzailetza Zuzendaritza Nagusiak honako zerbitzu hauek ditu:

a) S4 Proiektu Estrategikoen eta Ekintzailetzaren Zerbitzua.

b) Trantsizio Energetikoaren Zerbitzua.

c) Industria Antolamenduaren, Azpiegitura Energetikoen eta Meatzeen Zerbitzua.

2. ATALA. S4 PROIEKTU ESTRATEGIKOEN ETA EKINTZAILETZAREN ZERBITZUA

27. artikulua . S4 Proiektu Estrategikoen eta Ekintzailetzaren Zerbitzuaren esparru material eta funtzionala.

Honako eginkizun hauek izanen ditu S4 Proiektu Estrategikoen eta Ekintzailetzaren Zerbitzuak:

a) Nafarroako S4 Espezializazio Adimentsuaren Estrategia egiten laguntzea eta haren jarraipena egitea, eta EBko joeren behatokian.

b) Nafarroako S4 Espezializazio Adimentsuaren Estrategiaren arloan hautatutako proiektu estrategikoak proposatu, gauzatu, koordinatu eta haien jarraipena egitea, enpresa arloan ezarritako erronka eta trantsizioak betetzeko (Naveac, Medikuntza Pertsonalizatua, Navarra Zirkular, etab.).

c) Sustatu eta laguntzea enpresa arloko eraldaketa ekologiko eta digitala.

d) Laguntzea eta sustatzea enpresa arloko trantsizio ekologiko eta digitalerako ikerketa, garapen eta berrikuntza neurriak, IRIS berrikuntza digitaleko poloarekin lankidetzan.

e) Enpresen esparruan, sustatzea ikerketa, garapen teknologikoa eta berrikuntza, indar berezia eginez eragin nabarmen samarreko proiektu estrategikoetan, loturik daudenean Nafarroako S4 Espezializazio Adimentsuaren Estrategiako lehentasunezko sektoreekin.

f) Sustatzea helize laukoitza eta elkarlana izan dadila enpresen sarearen, Nafarroako I+G+b sistemako eragileen, gizartearen eta administrazioaren artean.

g) Sortzea eta koordinatzea Nafarroako Ekintzailetza Plana, eta haren jarraipena egitea.

h) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

28. artikulua . S4 Proiektu Estrategikoen eta Ekintzailetzaren Zerbitzuaren egitura.

Egituran, honako atal hauek ditu S4 Proiektu Estrategikoen eta Ekintzailetzaren Zerbitzuak:

a) Enpresa Berrikuntzaren Atala.

b) Kalifikazio Fiskalen eta Enpresa I+G+b Proiektu Estrategikoen Atala.

c) S4 Erronka Estrategikoen eta Ekintzailetzaren Atala.

29. artikulua . Enpresa Berrikuntzaren Atalaren eginkizunak.

Honako eginkizun hauek ditu Enpresa Berrikuntzaren Atalak:

a) Enpresetan sustatzea ikerketa, garapen teknologikoa eta berrikuntza, Nafarroako S4 Espezializazio Adimentsuaren Estrategiako lehentasunezko sektoreekin loturik dauden proiektuetan batez ere.

b) Jabetza industrialari eta patenteei buruzko informazio gunea.

c) Txostenak egitea erakunde ekintzaileen jarduera berritzaileak kalifikatzeko, Nafarroako S4 Espezializazio Adimentsuaren Estrategiaren sektoreetan.

d) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

30. artikulua . Kalifikazio Fiskalen eta Enpresa I+G+b Proiektu Estrategikoen Atalaren esparru material eta funtzionala.

Honako eginkizun hauek izanen ditu Kalifikazio Fiskalen eta Enpresa I+G+b Proiektu Estrategikoen Atalak:

a) Enpresetan sustatzea ikerketa, garapen teknologikoa eta berrikuntza, indar berezia eginez eragin nabarmen samarreko proiektu estrategikoetan, loturik daudenean Nafarroako S4 Espezializazio Adimentsuaren Estrategiako lehentasunezko sektoreekin.

b) Kalifikazio fiskaleko eta enpresa I+G+b-ko txostenak egitea.

c) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

31. artikulua . S4 Erronka Estrategikoen eta Ekintzailetzaren Atalaren esparru material eta funtzionala.

Honako eginkizun hauek izanen ditu S4 Erronka Estrategikoen eta Ekintzailetzaren Atalak:

a) Parte hartzea Nafarroako S4 Espezializazio Adimentsuaren Estrategia prestatzen eta haren jarraipena egiten.

b) Laguntzea eta parte hartzea EBko joeren behatokiaren datuak eta joerak jasotzen.

c) Proposatzea, betearaztea eta koordinatzea Nafarroako S4 Espezializazio Adimentsuaren Estrategiaren arloan aukeratutako proiektu estrategikoak, eta horien jarraipena egitea.

d) Idaztea eskualdeko enpresen trantsizio ekologikoa bultzatzeko hautatutako planak, programak eta proiektuak.

e) Parte hartzea enpresaren trantsizio ekologikoa bultzatzeko hautatutako Europako sare eta proiektuetan.

f) Lankidetzan aritzea enpresen trantsizio digitala sustatzeko eta bultzatzeko proiektuetan, IRIS berrikuntza digitaleko poloarekin lankidetzan.

g) Parte hartzea eta laguntzea Medikuntza Pertsonalizatuaren Estrategia sortzen, koordinatzen eta haren jarraipena egiten, bai eta komunikazio eta dibulgazio ekintzetan ere.

h) Laguntzea Nafarroa ordezkatzen nazioarteko foroetan, Zerbitzuaren eskumenen barnean.

i) Planifikatzea eta koordinatzea Nafarroako Ekintzailetza Plana, eta haren jarraipena egitea.

j) Ekintzailetza sustatu eta bultzatzea.

k) Bultzatzea departamentuen arteko koordinazioa eta toki-erakundeekiko koordinazioa, ekintzailetza erabatean kudeatzeko.

l) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

3. ATALA. TRANTSIZIO ENERGETIKOAREN ZERBITZUA

32. artikulua . Trantsizio Energetikoaren Zerbitzuaren esparru material eta funtzionala.

Honako eginkizun hauek izanen ditu Trantsizio Energetikoaren Zerbitzuak:

a) Prestatzea eta koordinatzea Nafarroako Energia Plana, eta haren jarraipena egitea.

b) Energia berriztagarriak sustatzea, eta barne hartzea autokontsumoa, energia-komunitatea, hiri adimendunak (Smartcityak) eta sorkuntza banatua.

c) Energia aurreztea eta energia-efizientzia sustatzea, eta barne hartzea energia-efizientzia sustatzea, energia zerbitzuak kudeatzea eta horiei lotutako obrak egitea, bai Nafarroako Foru Komunitateko Administrazioan bai horren erakunde autonomoetan.

d) Sustatzea mugikortasun jasangarria (ibilgailu elektrikoak eta beste batzuk) eta kargatzeko azpiegitura gehiago ezartzea.

e) Energia datuak digitalizatzen eta ikusarazten laguntzea, sustatzea energiari buruzko informazioa gardena izatea eta horretarako sarbidea ematea sektore ekonomiko guztiei, herritarrei zein tokiko eta eskualdeko administrazioari.

f) Sustatzea industria, gizartea eta administrazioa deskarbonizatzea.

g) Eragile publiko eta pribatuekin lankidetza proiektu eta hitzarmenak sustatzen laguntzea, Nafarroan ikerketa eta berrikuntza proiektuak egiteko, prototipoak egiteko, energia berriztagarrien instalazio pilotuak, instalazio industrialak eta biltegiratzea egiteko, hibridaziorako, berrindartzea egiteko eta beste batzuk egiteko.

h) Parte hartzea Nafarroarako interesekoak diren energia eta trantsizio energetikoko Europako proiektuetan, foroetan eta sareetan.

i) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

33. artikulua . Trantsizio Energetikoaren Zerbitzuaren egitura.

Hau da Trantsizio Energetikoaren Zerbitzuaren egitura:

a) Energia Planaren eta Europako Proiektuen Atala.

b) Trantsizio Energetikorako Laguntzen Atala.

c) Deskarbonizazioaren Atala.

34. artikulua . Energia Planaren eta Europako Proiektuen Atalaren esparru materiala eta eginkizunak.

Honako eginkizun hauek izanen ditu Energia Planaren eta Europako Proiektuen Atalak:

a) Diseinatzea eta sortzea Nafarroako Energia Plana, proposatzea eta gauzatzea bertan jasotako neurriak eta jarduerak, eta horien betetze-mailaren jarraipena egitea.

b) Foru komunitatearen energia mixa sortzea, ebaluatzea eta haren jarraipena egitea, eta barne hartzea Nafarroako balantze energetikoan sartutako adierazleen monitorizazioa.

c) Proposamenak egitea eta bultzatzea energia-efizientzia sustatu eta hedatzeko sektore ekonomiko guztietan, herritarrengan, tokiko eta eskualdeko administrazioan eta horren menpe dauden erakundeetan.

d) Sustatzea sorkuntza banatua eta energia-komunitateak gizarteko eta administrazioko sektore ekonomiko eta ez-ekonomiko guztietan.

e) Kudeatzea Nafarroako Energia Komunitateen Erregistro Publikoa.

f) Parte hartzea eta Zuzendaritza Nagusia ordezkatzea Nafarroarako interesekoak diren energia eta trantsizio energetikoko Europako foroetan eta sareetan.

g) Trantsizio energetikoa bultzatzeko Europako proiektuetan parte hartzea eta horietan lan egitea.

h) Dinamizatzea mahaiak eta ekintzak, bultzatzeko biomasa energia berriztagarriak, mugikortasun elektrikoa, autokontsumoa, energia komunitateak, lehen sektorea eta beste batzuk.

i) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

35. artikulua . Trantsizio Energetikorako Laguntzen Atalaren esparru material eta funtzionala.

Honako eginkizun hauek izanen ditu Trantsizio Energetikorako Laguntzen Atalak:

a) Sustatzea energia berriztagarriak, biltegiratzea eta trantsizio energetikoarekin lotutako edozein energia, gizarteko zein tokiko eta eskualdeko administrazioko sektore ekonomiko eta ez-ekonomikoendako laguntzetarako eta dirulaguntzetarako deialdiak izapidetuz.

b) Sustatzea energia aurreztea eta energia-efizientzia, bai eta energiaren kudeaketa adimenduna ere, bizitegi-guneetan zein industria-guneetan, eta bultzatzea zero isuriak dituzten eraikinak, dirulaguntzetarako deialdiak izapidetuz, dibulgazio ekintzak eginez eta beharrezko beste edozein neurri ezarriz.

c) Sustatzea zero isurpeneko ibilgailu jasangarria eta kargatzeko puntu gehiago instalatzea, dirulaguntzetarako deialdiak izapidetuz, dibulgazio ekintzak eginez eta beharrezko beste edozein neurri ezarriz.

d) Sustatzea tokiko erakundeen eta gainerako administrazio publikoen trantsizio energetikoa eta deskarbonizazioa, dirulaguntzetarako deialdiak izapidetuz, dibulgazio ekintzak eginez eta beharrezko beste edozein neurri ezarriz.

e) Sustatzea energia-efizientziarako jarduketak, eta bultzatzea energia-efizientziaren ziurtagiriak eta beste batzuk.

f) Dibulgatzea eta hedatzea trantsizio energetikorako eta jardunbide egokietarako laguntzak.

g) Sustatzea autokontsumoa, sorkuntza banatua eta energia komunitateak.

h) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

36. artikulua . Deskarbonizazioaren Atalaren esparru material eta funtzionala.

Honako eginkizun hauek izanen ditu Deskarbonizazioaren Atalak:

a) Gas berriztagarriak sustatzea (hidrogeno berdea, biogasa, etab.), trantsizio energetikorako eta deskarbonizaziorako bektoreak baitira.

b) Kargatzeko puntu gehiago jartzea sustatzea eta hedatzea, eta horren jarraipena egitea, sustatzeko ibilgailu elektrikoa eta mugikortasun jasangarriko beste eredu batzuk erabil daitezen.

c) Prozedurak izapidetzea energia aurreztea eta energia-efizientzia sustatzeko, eta barne hartzea energia-efizientzia sustatzeko, energia zerbitzuak kudeatzea eta horiei lotutako obrak egiteko, bai Nafarroako Foru Komunitateko Administrazioan bai horren erakunde autonomoetan.

d) Sustatu eta bultzatzea sorkuntza banatua, autokontsumoa eta energia komunitateak sektore ekonomiko guztietan, gizartean eta tokiko eta foru administrazioan.

e) Energia datuak digitalizatzen eta ikusarazten laguntzea, sustatzea energiari buruzko informazioa gardena izatea eta horretarako sarbidea ematea sektore ekonomiko guztiei, herritarrei zein tokiko eta foru administrazioari.

f) Gauzatzea energia aurrezteko ziurtagirien sistemaren autonomia kudeatzailearen funtzioak.

g) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

4. ATALA. INDUSTRIA ANTOLAMENDUAREN, AZPIEGITURA ENERGETIKOEN ETA MEATZEEN ZERBITZUA

37. artikulua . Industria Antolamenduaren, Azpiegitura Energetikoen eta Meatzeen Zerbitzuaren esparru material eta funtzionala.

Honako eginkizun hauek izanen ditu Industria Antolamenduaren, Azpiegitura Energetikoen eta Meatzeen Zerbitzuak:

a) Baimentzea, erregistratzea, kontrolatzea eta ikuskatzea industria segurtasuneko erregelamenduei lotutako entitateak, enpresak, instalazioak eta produktuak.

b) Ziurtagiriak ematea industriako segurtasunaren arloko profesionalei.

c) Ibilgailuen azterketa teknikoa eta aldizkako azterketak.

d) Kontrol metrologikoa.

e) Izapidetzea energia ekoitzi, garraiatu eta banatzeko instalazioen baimenen prozedurak, honako hauek barne: beharren ebaluazioa, sustatzaileekin eta administrari edo erregulazio langileekin harremana, eta zerbitzuaren mailaren jarraipena.

f) Antolatzea, ikuskatzea eta zaintzea meatzaritzako jarduera.

g) Izapidetzea bigarren eta hirugarren kategoriako instalazio erradioaktiboak baimentzeko prozedurak. Diagnostiko medikorako X izpien instalazioak inskribatzea eta erregistratzea, eta instalazio horiek saltzen edo instalazio horietarako aholkularitza teknikoa ematen duten enpresak baimentzea eta erregistratzea.

h) Nafarroa ordezkatzea, zerbitzuaren jardueraren barnean esleitzen zaizkion ministerioen lantalde teknikoen aurrean.

i) Zuzendaritza nagusia ordezkatzea PCCS-Lurpeko Hoditeria Koordinatzeko Atarian eta SITNAn (Nafarroako Lurraldeari buruzko Informazio Sistema).

j) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

38. artikulua . Industria Antolamenduaren, Azpiegitura Energetikoen eta Meatzeen Zerbitzuaren egitura.

Egituran, honako atal hauek ditu Industria Antolamenduaren, Azpiegitura Energetikoen eta Meatzeen Zerbitzuak:

a) Enpresen Erregistroaren eta Industria Segurtasunaren Atala.

b) Azpiegitura Energetikoen Atala.

c) Meatzeen Atala.

39. artikulua . Enpresen Erregistroaren eta Industria Segurtasunaren Atalaren esparru material eta funtzionala.

Honako eginkizun hauek izanen ditu Enpresen Erregistroaren eta Industria Segurtasunaren Atalak:

a) Kudeatzea enpresa eta erakundeen erregistroa. Eginkizun hauei dagokienez, salbuespena da ardo-ontziratzaileen erregistroa.

b) Enpresak eta entitateak kontrolatzea eta ikuskatzea.

c) Ziurtagiriak ematea industriako segurtasunaren arloko profesionalei.

d) Kudeatzea industria segurtasuneko erregelamenduei loturiko instalazio eta produktuen erregistroa.

e) Kontrolatzea eta ikuskatzea industria segurtasuneko erregelamenduei lotutako instalazioak eta produktuak. Eginkizun hauei dagokienez, salbuespena dira ingurumen legediak ukitutako produktuak.

f) IATaren administrazio kontzesioaren jarraipena egitea, takografo eta abiaduraren mugatzaileen lantegien baimenak izapidetzea, ibilgailu historikoak katalogatzea eta ibilgailuen azterketa teknikoarekin lotutako beste edozein funtzio.

g) Kudeatzea salgai arriskutsu edo galkorren ibilgailuei pasahitzak esleitzea eta inportazioko ATP ziurtagiriak ematea.

h) Kudeatzea metrologia arloko kontrolpean dauden gailu eta ekipoen erregistroa.

i) Metrologia arloko kontrola eta ikuskapena.

j) Kontrolatzea metal preziatuekin eginiko objektuak.

k) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

40. artikulua . Azpiegitura Energetikoen Atalaren esparru materiala eta eginkizunak.

Honako eginkizun hauek izanen ditu Azpiegitura Energetikoen Atalak:

a) Izapidetzea energia garraiatu, banatu eta gordetzeko instalazioak baimentzeko prozedurak, eta txostena eta beharren ebaluazioa egitea, sareen kudeatzaileekin harremanak izatea eta zerbitzuaren mailaren jarraipena egitea.

b) Izapidetzea energia ekoizteko instalazioak baimendu eta erregistratzeko prozedurak (hibridaziorako eta berrindartzerako proiektuak barne), sorkuntza banatua eta autokontsumoa, eta sustatzaileekin eta administrari edo erregulazio langileekin harremana izatea.

c) Kudeatzea Nafarroako Autokontsumoaren administrazio erregistroa.

d) Kontrolatzea energia merkaturatzeko jarduera, Nafarroako Foru Komunitateko Administrazioaren eskumenen eremuan.

e) Kudeatzea Nafarroako eraikinen efizientzia energetikoaren ziurtagirien erregistroa.

f) Kudeatzea enpresa handien, zerbitzuen hornitzaileen eta energia auditoreen auditoretzen erregistroa.

g) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

41. artikulua . Meatzeen Atalaren esparru material eta funtzionala.

Honako eginkizun hauek izanen ditu Meatzeen Atalak:

a) Izapidetzea baimenak emateko eta erregistroa egiteko prozedurak meatzaritza jardueraren esparruan.

b) Izapidetzea ikuskapenarekin eta zaintzarekin lotutako prozedurak meatzaritza jardueraren esparruan.

c) Izapidetzea bigarren eta hirugarren kategoriako instalazio erradioaktiboak baimentzeko prozedurak.

d) Diagnostiko medikorako X izpien instalazioak inskribatzea eta erregistratzea, eta instalazio horiek saltzen edo instalazio horietarako aholkularitza teknikoa ematen duten enpresak baimentzea eta erregistratzea.

e) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

IV. KAPITULUA. MERKATARITZA ETA KONTSUMO ZUZENDARITZA NAGUSIA

1. ATALA. ESKUMENEN ESPARRU MATERIALA ETA EGITURA

42. artikulua . Merkataritza eta Kontsumo Zuzendaritza Nagusiaren esparru material eta funtzionala.

Honako eginkizun hauek izanen ditu Merkataritza eta Kontsumo Zuzendaritza Nagusiak:

a) Definitzea Nafarroako Gobernuaren politikak eta helburu estrategikoak, sustatzen eta antolatzen direnean merkataritza, artisautza eta kontsumoa. Orobat, horiek efizientziaz kudeatzea, eta emaitzak ebaluatzea.

b) Departamentua ordezkatzea Estatuko organo, autonomia erkidego eta toki entitate eskudunekiko harremanetan, aipatutako gaiei dagokienez, eta jarduketak bultzatzea interes amankomuneko arloetan.

c) Bultzatzea elkarrizketa eta lankidetza Europako eta nazioarteko erakunde publiko eta pribatuekin, gai hauekin lotuta.

d) Planak eta programak bultzatzea eta gidatzea merkataritza, artisautza eta kontsumoaren esparruan, bereziki Txikizkako Merkataritza Bultzatzeko Plana eta Nafarroako Espezializazio Adimentsuaren Estrategiako erronkak (S4), eta haiei jarraipena egitea eta koordinatu, ebaluatu eta eguneratzea.

e) Garatzea behar den gobernantza, planifika eta antola daitezen Nafarroako artisautza eta txikizkako merkataritza.

f) Merkataritzaren sektorean, bultzatzea publikoaren eta pribatuaren arteko elkarlan formula berriak.

g) Proposatzea arauen garapena merkataritza, artisautza eta kontsumoaren arloan.

h) Planifikatzea, kudeatzea eta gainbegiratzea laguntza eta dirulaguntza publikoetarako deialdia eta ebazpena merkataritza, artisautza eta kontsumoaren arloan, bai eta Zuzendaritza Nagusiak behar dituen kontratazioena ere.

i) Sustatzea azterketak, txostenak, lanak eta analisiak bere eskumeneko arloetan.

j) Kudeatzea zehapen prozedurak merkataritzaren eta kontsumoaren arloan; zuzendaritza nagusiaren titularrari dagokio prozedura hastea eta ebaztea.

k) Kontsumitzaileen eta erabiltzaileen eskubideak defendatzeari eta babesteari lotutako jarduketak.

l) Kudeatzea Nafarroako Gobernuko Kontsumitzaile eta Erabiltzaileen Elkarteen Erregistroa. Informazioa ematea kontsumitzaile eta erabiltzaileei, eta laguntza tekniko eta administratiboa ematea Nafarroako Kontsumoko Arbitraje Batzordeari eta Nafarroako Kontsumoaren Kontseiluari.

m) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

43. artikulua . Merkataritza eta Kontsumo Zuzendaritza Nagusiaren egitura.

Merkataritza eta Kontsumo Zuzendaritza Nagusiak honako zerbitzu hauek ditu bere egituran:

a) Merkataritza Antolatu eta Sustatzeko Zerbitzua.

b) Kontsumo Zerbitzua.

2. ATALA. MERKATARITZA ETA KONTSUMO ZUZENDARITZA NAGUSIA

44. artikulua . Merkataritza Antolatu eta Sustatzeko Zerbitzuaren esparru material eta funtzionala.

Honako eginkizun hauek izanen ditu Merkataritza Antolatu eta Sustatzeko Zerbitzuak:

a) Gauzatzea Hurbileko Txikizkako Merkataritza Bultzatzeko Planeko neurriak.

b) Planeatzea eta sustatzea merkataritzaren kalitatearen programak.

c) Merkataritza sektorearen trantsizio digitala sustatzea, teknologia berriak ezartzea bultzatuz.

d) Sustatzea behar diren azterketak eta lanak egin daitezela proposa daitezen neurriak nahiz jarduketak merkataritza eta artisautza sektoreak antolatzeko eta sustatzeko.

e) Sustatzea eta antolatzea merkataritza eta artisautza sektorearen jarduera.

f) Kudeatzea Artisautza Erregistroa eta Nafarroako Merkataritza-establezimenduen Zentsua.

g) Merkataritzaren sektorean, bultzatzea publikoaren eta pribatuaren arteko elkarlan formula berriak.

h) Bultzatzea aplika daitezela merkataritzaren sektoreetan sarbideak eta jasangarritasuna errazteko neurriak.

i) Merkataritza arloko Prestakuntza Plana diseinatu eta gauzatzea.

j) Izapidetzea beste administrazio publiko batzuekin egindako hitzarmenak, zerbitzu honen eskumenekoak diren gaiei buruzkoak.

k) Merkataritza eta artisautza esparruko araudia sortzea.

l) Sustatzea energia berriztagarriak aplika daitezela establezimenduetan, baita merkataritza jardueran ingurumena eta jasangarritasuna zaintzeko bestelako neurriak ere.

m) Planifikatzea, kudeatzea eta gainbegiratzea merkataritza eta artisautzaren arloko laguntza eta dirulaguntza publikoetarako deialdia.

n) Ikuskatzea, kontrolatzea eta egiaztatzea ea betetzen den txikizkako merkataritzaren eta artisautzaren arloko araudia.

ñ) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

45. artikulua . Merkataritza Antolatu eta Sustatzeko Zerbitzuaren egitura.

Merkataritza Antolatu eta Sustatzeko Zerbitzuaren egituran dago Merkataritza eta Artisautza Antolatzeko eta Laguntza Ekonomikoen Atala.

46. artikulua . Merkataritza eta Artisautza Antolatzeko eta Laguntza Ekonomikoen Atalaren esparru material eta funtzionala.

Honako eginkizun hauek izanen ditu Merkataritza eta Artisautza Antolatzeko eta Laguntza Ekonomikoen Atalak:

a) Gauzatzea Nafarroako txikizkako Merkataritza Hurbila Bultzatzeko Planean jaso diren neurriak, eta emaitzak ebaluatzea.

b) Kudeatzea merkataritza-establezimenduen zentsua.

c) Antolatzea merkataritza eta artisautza jarduera.

d) Ikuskatzea eta begiratzea merkataritzako eta artisautzako jarduera eta araudia.

e) Aztertzea eta ebaluatzea merkataritza eta artisautza jarduerari buruzko araudiaren egoera, eta arlo horien araudia garatzeko proposamenak egitea.

f) Sustatzea aplika daitezela teknologia berriak, energia berriztagarriak, irisgarritasunerako neurriak, genero berdintasunekoak eta bestelakoak, helburua izanik aplika daitezela merkataritza eta artisautza arloko dirulaguntzen lerroetan.

g) Kudeatzea merkataritza eta artisautza jardueretarako dirulaguntzen programak, eta emaitzak ebaluatzea.

h) Izapidetzea merkataritza eta artisautza jarduerari lotutako erreklamazioak eta salaketak.

i) Bultzatzea merkataritza eta artisautza sektoreari zuzendutako komunikazioa.

j) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

3. ATALA. KONTSUMO ZERBITZUA

47. artikulua . Kontsumo Zerbitzuaren esparru material eta funtzionala.

Kontsumo Zerbitzuak eginkizun hauek izanen ditu:

a) Erabiltzaileak eta kontsumitzaileak defendatzea.

b) Kontsumo arloko informazioa, hezkuntza eta prestakuntza.

c) Merkatuko diziplinari buruzko aferak.

d) Bere gain hartzea Lehiaren Zuzendaritza eta Sustapen Zuzendaritza, bat etorriz Lehiaren Babesari buruzko uztailaren 3ko 15/2007 Legearekin.

e) Aplikatzea organo eskuduna izendatzeko baliabideak, bat etorriz Estatuak eta autonomia erkidegoek lehiaren babesaren arloan dituzten eskumenen koordinazioari buruzko otsailaren 21eko 1/2002 Legean ezarritakoarekin.

f) Zehapen espedienteak izapidetzean sortzen ahal diren arazo intzidentalak ebaztea.

g) Izapidetutako espedienteak igortzea Merkatuen eta Lehiaren Batzorde Nazionalari (MLBN), hark ebatz ditzan.

h) Zaintzea betetzen eta gauzatzen direla Merkatuen eta Lehiaren Batzorde Nazionalak hartzen dituen ebazpenak.

i) Sustatzea eta erabakitzea Lehiaren Defentsako Legeak debekatzen dituen jardunbideen ondorioz izapidetzen diren prozeduretan itundutako amaiera.

j) Lankidetzan aritzea, bere eginkizunen eremuan, autonomia erkidegoetako eta Estatuko Administrazio Orokorreko izen bereko erakundeekin. Bereziki dagokio jakinarazpenak egiteko eta hartzeko eskumena, hain zuzen ere jasota dagoena otsailaren 21eko 1/2002 Legearen 2.1 artikuluan (lehenbiziko paragrafoa) eta 2.2 artikuluan (lehenbiziko paragrafoa).

k) Lehia askearen kontrako jokabideak aztertzea eta, baldin erabakitzen badu badagoela merkatuetan lehiaren kontrako portaera, zehapen prozedurak instruitzea.

l) Sustatzea merkatuetan benetako lehia izan dadila.

m) Abenduaren 12ko 34/2022 Foru Legea gauzatzea, hau da, kontsumitzaile eta erabiltzaileen estatutua arautzen duena.

n) Sustatzea kontsumitzaile eta erabiltzaileen asoziazionismoa.

o) Bitartekotza eta arbitrajea, kontsumo gaietan.

p) Izapidetzea baimendutako prezioak.

q) Ikerketa eta azterketa lanak sustatzea eta egitea lehiaren arloan, bai orokorrak bai sektorialak.

r) Txosten ez-lotesleak egitea lehiari eragiten ahal dioten araudi-proiektuez.

s) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

48. artikulua . Kontsumo Zerbitzuaren egitura.

1. Egituran, honako atal hauek ditu Kontsumo Zerbitzuak:

a) Merkatuaren Kontrolerako, Sustapenerako eta Lehiaren Defentsarako Atala.

b) Kontsumitzaileen Babeserako eta Kontsumoko Arbitrajerako Atala.

2. Era berean, Kontsumo Zerbitzuari atxikirik geldituko zaio Kontsumoko Arbitraje Batzordea.

49. artikulua . Merkatuaren Kontrolerako, Sustapenerako eta Lehiaren Defentsarako Atalaren esparru material eta funtzionala.

Honako eginkizun hauek izanen ditu Merkatuaren Kontrolerako, Sustapenerako eta Lehiaren Defentsarako Atalak:

a) Merkatua zaintzea eta ikuskatzea kontsumoaren arloan.

b) Jarraipena egitea eta kontrolatzea ezen zehapenak betetzen direla, hots, ikuskapen jarduera gauzatzean atzemandako administrazioko arau-hausteen ondoriozko zehapen espedienteetan ezarritako zehapenak.

c) Kudeatzea Beltzarantzeko Zentroen Erregistroa eta homologatzea prestakuntza zentroak.

d) Merkatuak ikertzea eta zaintzea, eta instruitzea lehiaren defentsaren arloko zehapen eta baimen prozedurak.

e) Sustatzea merkatuetan benetako lehia izan dadila.

f) Bere eskumenen esparruko espedienteak kudeatzea eta artxibatzea.

g) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

50. artikulua . Kontsumitzaileen Babeserako eta Kontsumoko Arbitrajerako Atalaren esparru material eta funtzionala.

Honako eginkizun hauek izanen ditu Kontsumitzaileen Babeserako eta Kontsumoko Arbitrajerako Atalak:

a) Kontsumitzaile eta erabiltzaileen babeserako informazio, prestakuntza eta hezkuntza ekintzak gauzatzea.

b) Arreta ematea kontsumitzaile eta erabiltzaileen kontsultei, kexei eta erreklamazioei.

c) Bitartekotza sustatzea.

d) Betetzea indarrean den araudiak kontsumoko arbitrajeari eta kontsumitzaileen babesari dagokionez esleitutako eginkizunak.

e) Kudeatzea Nafarroako kontsumitzaile eta erabiltzaileen elkarteen erregistroa.

f) Nafarroako Kontsumoaren Kontseiluari laguntza ematea bere eginkizunak gauzatu ditzan.

g) Laguntza ematea Nafarroako Foru Komunitatean ezar dadin sistema bat kexak eta erreklamazioak jar daitezen desgaitasunarekin lotutako aukeren berdintasunaren, bazterketa ezaren eta irisgarritasunaren arloan. Orobat, kasua bada, sistema hori kudeatzea.

h) Bere eskumenen esparruko espedienteak kudeatzea eta artxibatzea.

i) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

V. KAPITULUA. IDAZKARITZA TEKNIKO NAGUSIA

51. artikulua . Idazkaritza Tekniko Nagusiaren egitura.

Egituran, honako atal hauek ditu Idazkaritza Tekniko Nagusiak:

a) Laguntza Juridikoaren Atala.

b) Modernizazioa Bultzatzeko Atala.

c) Ekonomia eta Aurrekontu Kudeaketarako Atala.

d) Industriaren, Energiaren eta Meatzeen Araubide Juridikoaren Atala.

52. artikulua . Laguntza Juridikoaren Atalaren esparrua eta eginkizunak.

Honako eginkizun hauek izanen ditu Laguntza Juridikoaren Atalak, idazkaritza tekniko nagusiei dagozkien eskudantzia juridikoei dagokienez:

a) Errekurtso administratiboak ebazteko txostena eta proposamena egitea.

b) Espedienteak prestatu eta berrikustea, organo jurisdikzionalei igortzeko.

c) Izapidetzea Nafarroako Foru Komunitateko Administrazioari eskatzen ahal zaizkion kalte-ordainak, eta horien gaineko ebazpen-proposamena egitea.

d) Xedapen orokorrak aztertzea eta prestatzea.

e) Biltzea Nafarroako, Estatuko eta Europar Batasuneko araudia.

f) Zehapen prozedurak izapidetzea.

g) Izapidetzea nahitaezko desjabetzeetarako prozedurak.

h) Eskatzen zaizkion txosten juridikoak egitea.

i) Genero ikuspegiaren zeharkakotasuna aplikatzeari dagozkion zereginak Industriako eta Enpresen Trantsizio Ekologiko eta Digitalerako Departamentuaren politikak planifikatu, kudeatu eta ebaluatzean, bat etorriz Emakumeen eta Gizonen arteko Berdintasunari buruzko apirilaren 4ko 17/2019 Foru Legearekin.

j) Departamentuko gainerako organoei laguntzea informazioaren segurtasunari buruzko araudia aplikatzen, Nafarroako Foru Komunitateko Administrazioaren Datuak Babesteko eta Informazioaren Segurtasunerako Politikan zehaztutakoa betetzeko. Zehazki, segurtasunaren arduraduna izanen da.

k) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

53. artikulua . Modernizazioa Bultzatzeko Atalaren esparrua eta eginkizunak.

Honako eginkizun hauek izanen ditu Modernizazioa Bultzatzeko Atalak, idazkaritza tekniko nagusiei dagozkien eskudantzia juridikoei dagokienez:

a) Behar den guztia prestatzea funtzionamendu egokia izan dezaten Departamentuaren zerbitzu administratibo eta orokorrek.

b) Izapidetzea Idazkaritza Tekniko Nagusiaren eskumena diren langileei buruzko gaiak.

c) Agirien sarrera-irteeren erregistroaz arduratzea.

d) Koordinatzea antolakuntza eta kudeaketa sistemak hobetzeko proiektuak.

e) Izapidetzea eguneko gai zerrendak eta jakinarazpen administratiboak.

f) Agiriak konpultsatzea.

g) Koordinatzea Industriako eta Enpresen Trantsizio Ekologiko eta Digitalerako Departamentuaren jardueraren plangintza eta ebaluazioa irisgarritasun unibertsalaren arloan, eta Departamentuko webguneen eta gailu mugikorretarako aplikazioen irisgarritasunerako unitate arduradun delegatuaren eginkizunak betetzea.

h) Indarrean dauden xedapenek esleitzen dizkioten beste batzuk, edo bere jardueraren eremuan agintzen zaizkionak.

54. artikulua . Ekonomia eta Aurrekontu Kudeaketarako Atalaren esparru material eta funtzionala.

Ekonomia eta Aurrekontu Kudeaketarako Atalak eginkizun hauek izanen ditu:

a) Aurrekontuei buruzko aurreproiektua prestatzeko laguntza teknikoa.

b) Aurrekontuen kudeaketa, aldaketa eta exekuzioa kontrolatzea eta haien jarraipena egitea, bai eta eginkizun horien gaineko informazioa prestatzea ere.

c) Prestatzea, aldatzea eta kudeatzea epe ertaineko eta luzeko plangintza ekonomikoa.

d) Diru-sarrera eta gastuen administrazio eta ekonomia zirkuituak ezartzea eta kontrolatzea.

e) Departamentuaren kontabilitate zentroak kudeatzea.

f) Azterlanak eta estatistikak prestatzea.

g) Izapidetutako espedienteak normalizatzea, koordinatzea, kontrolatzea eta haien jarraipen ekonomikoa egitea.

h) Ordaintzeko aginduak, justifikatu beharrekoak, kudeatu, jarraitu eta justifikatzea, eta Departamentuaren kutxako aurrerakinen kontuak kudeatu eta kontrolatzea.

i) Departamentuaren gastuaren bilakaera analizatzea.

j) Azterlan ekonomikoak eta Departamentuaren gastuaren kontrolari buruzkoak.

k) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

55. artikulua . Industriaren, Energiaren eta Meatzeen Araubide Juridikoaren Atalaren esparru material eta funtzionala.

Honako eginkizun hauek izanen ditu Industriaren, Energiaren eta Meatzeen Araubide Juridikoaren Atalak:

a) Errekurtso administratiboak ebazteko txostena eta proposamena egitea.

b) Xedapen orokorrak aztertzea eta prestatzea.

c) Biltzea Nafarroako, Estatuko eta Europar Batasuneko araudia.

d) Zehapen prozedurak izapidetzea.

e) Izapidetzea nahitaezko desjabetzeetarako prozedurak.

f) Eskatzen zaizkion txosten juridikoak egitea.

g) Indarra duten xedapenek esleitzen dizkioten beste batzuk, bai eta Zuzendaritza Nagusiari bere jardueraren eremuan agintzen zaizkionak ere.

Lehen xedapen gehigarria. Eskumenak deskontzentratzeko baldintza orokorrak.

Indarra duten arauek organo bati ematen dizkioten eskumenak hierarkian mendeko diren beste organo batzuengan deskontzentratzen ahal dira, Nafarroako Aldizkari Ofizialean argitaratuko den xedapen orokor baten bitartez, galarazi gabe eskumenak esleitzeko arauetan finkatutako baldintzak bete beharra.

Bigarren xedapen gehigarria. Deskontzentrazioa.

1. Departamentuko zuzendaritza nagusietako eta Idazkaritza Tekniko Nagusiko titularren esku uzten dira, bakoitzaren esparruan, indarra duen araudiak Industriako eta Enpresen Trantsizio Ekologiko eta Digitalerako kontseilariari kontratazioaren arloan esleitzen dizkion eskumen administratiboen titulartasuna eta erabilera.

2. Merkataritza eta Kontsumo Zuzendaritza Nagusiko titularraren esku uzten dira kulturaren arloan Industriako eta Enpresen Trantsizio Ekologiko eta Digitalerako Departamentuari eta Nafarroako Gobernuari indarreko legedian esleitutako eskumenen titulartasuna eta erabilera arau-hauste arin eta astunengatik irekitzen diren zehapen prozedurak hasteko eta ebazteko.

3. Departamentuko Idazkaritza Tekniko Nagusiko titularraren esku uzten dira indarra duen araudiak Industriako eta Enpresen Trantsizio Ekologiko eta Digitalerako Departamentuko kontseilariari ondare erantzukizunaren arloan esleitzen dizkion eskumen administratiboen titulartasuna eta erabilera.

4. Industriako eta Enpresen Trantsizio Ekologiko eta Digitalerako Departamentuko titularrak eraginik gabe uzten ahalko du xedapen gehigarri honetan aipatzen den eskumenen deskontzentrazioa, salbu foru agindu baten bidez merkataritzaren arloan Nafarroako Gobernuari esleitzen zaizkionak. Foru agindu hori Nafarroako Aldizkari Ofizialean argitaratu beharko da.

Hirugarren xedapen gehigarria. Unitateak kentzea.

1. Honako unitate hauek kentzen dira Enpresen Sustapenerako Zuzendaritza Nagusian:

a) Ekintzailetzaren Atala.

b) Lehiakortasunaren Zerbitzua. Hori ordezkatzen du Enpresa Lehiakortasunaren eta S4ren Zerbitzuak.

c) Industria Lurzoruaren Atala. Hori ordezkatzen du Industria Lurzoruaren eta Azpiegituren Atalak.

d) 4.0 Industria Sustatzeko Atala. Hori ordezkatzen du Industria Inbertsioa Sustatzeko Atalak.

2. Honako unitate hauek kentzen dira Energia, Enpresa I+G+b eta Ekintzailetza Zuzendaritza Nagusian:

a) S4 Proiektu Estrategikoen Zerbitzua. Hori ordezkatzen du S4 Proiektu Estrategikoen eta Ekintzailetzaren Zerbitzuak.

b) Jabetza Industrialaren, Patenteen eta Kalifikazio Fiskalen Atala. Hori ordezkatzen du Kalifikazio Fiskalen eta Enpresa I+G+b Proiektu Estrategikoen Atalak.

c) Genomikarako eta Medikuntza Pertsonalizaturako Nafarroako Estrategiaren Atala. Hori ordezkatzen du S4 Erronka Estrategikoen eta Ekintzailetzaren Atalak.

d) Plan Energetikoaren Atala. Hori ordezkatzen du Energia Planaren eta Europako Proiektuen Atalak.

Laugarren xedapen gehigarria. Unitateak sortzea.

Honako unitate hauek sortzen dira Energia, Enpresa I+G+b eta Ekintzailetza Zuzendaritza Nagusian:

a) Trantsizio Energetikorako Laguntzen Atala.

b) Deskarbonizazioaren Atala.

Bosgarren xedapen gehigarria. Izendapenak berrestea.

1. Honako izendapen hauek berresten dira, egin ziren baldintza berberetan:

a) Trantsizio Energetikorako, Proiektu Estrategikoen eta S4ren zuzendariarena, hemendik aurrera Energia, Enpresa I+G+b eta Ekintzailetzako zuzendaria izanen baita.

b) Lehiakortasunaren Zerbitzuko zuzendariarena, hemendik aurrera Enpresa Lehiakortasunaren eta S4ren Zerbitzuko zuzendaria izanen baita.

c) S4 Proiektu Estrategikoen Zerbitzuko zuzendariarena, hemendik aurrera S4 Proiektu Estrategikoen eta Ekintzailetzaren Zerbitzuaren zuzendaria izanen baita.

d) 4.0 Industria Sustatzeko Ataleko buruarena, hemendik aurrera Industria Inbertsioa Sustatzeko Ataleko burua izanen baita.

2. Berretsi egiten dira, bitarteko gisa, honako izendapen hauek:

a) Industria Lurzoruaren Ataleko buruarena, hemendik aurrera Industria Lurzoruaren eta Azpiegituren Ataleko burua izanen baita.

b) Jabetza Industrialaren, Patenteen eta Kalifikazio Fiskalen Ataleko buruarena, hemendik aurrera Kalifikazio Fiskalen eta Enpresa I+G+b Proiektu Estrategikoen Atalekoa izanen baita.

c) Genomikarako eta Medikuntza Pertsonalizaturako Nafarroako Estrategiaren Ataleko buruarena, hemendik aurrera S4 Erronka Estrategikoen eta Ekintzailetzaren Atalekoa izanen baita.

d) Plan Energetikoen Ataleko buruarena, hemendik aurrera Energia Planaren eta Europako Proiektuen Atalekoa izanen baita.

Seigarren xedapen gehigarria. Buru izateko eskakizunak.

a) Industria Lurzoruaren eta Azpiegituren Atala: eskakizunik ez.

b) Industria Inbertsioa Sustatzeko Atala: eskakizunik ez.

c) Kalifikazio Fiskalen eta Enpresa I+G+b Proiektu Estrategikoen Atala: eskakizunik ez.

d) S4 Proiektu Estrategikoen eta Ekintzailetzaren Zerbitzua: eskakizunik ez.

e) Energia Planaren eta Europako Proiektuen Atala: eskakizunik ez.

f) Trantsizio Energetikorako Laguntzen Atala: eskakizunik ez.

g) Deskarbonizazioaren Atala: eskakizunik ez.

Zazpigarren xedapen gehigarria. Zehatzeko ahala laneko arriskuen prebentzioaren arloan, meatzaritzako teknika aplikatzea eskatzen duten lanetarako.

1. Meatzeen arloko eskumenak dituen Zuzendaritza Nagusiko titularrari dagokio arau-hausteak zehatzea Nafarroako Foru Komunitateko Administrazioaren esparruan, laneko arriskuen prebentzioari dagokionez, meatze, harrobi eta tuneletako lanetan, eskatzen dutenean meatzaritzako teknikak aplikatzea, honako arau hauekin bat: Laneko Arriskuen Prebentzioari buruzko azaroaren 8ko 31/1995 Legearen 7.2 artikulua, eta abuztuaren 4ko 5/2000 legegintzako errege-dekretuaren 48.2 artikulua; legegintzako errege-dekretu horren bidez onetsi zen Lan Arloko Arau-hauste eta Zehapenei buruzko Legearen testu bategina.

2. Laneko arriskuen prebentzioari dagokionez, meatze, harrobi eta tuneletako lanetan, meatzaritzako teknikak aplikatzea eskatzen dutenean, zehapen prozedurak izapidetuko dira jarraikiz aplikatzekoa den meatzaritzako araudiari eta Administrazio Publikoetako prozedura administratibo erkideari buruzko legeriari.

Lehenbiziko xedapen iragankorra. Kreditu egozpena.

Foru dekretu honen bidez sortu edo aldatu diren zerbitzu eta atalen aurrekontu xedapenak egotziko zaizkie kasuan kasuko eginkizunak orain arte bete dituzten organoei dagozkien partidetako kredituei, 2023ko aurrekontu ekitaldia amaitu arte.

Bigarren xedapen iragankorra. Neurrien iraupena.

Foru dekretu hau garatzeko neurriak hartu bitartean, atalarena baino maila txikiagokoak diren unitate organikoek berdin segituko dute eta oraingo izenari eta eginkizunei eutsiko diete. Behin-behinekoz egitura berriko organoei atxikiko zaizkie, orain arte betetzen zituzten eginkizunen arabera.

Xedapen indargabetzaile bakarra. Arauak indargabetzea.

Indarrik gabe uzten dira Garapen Ekonomiko eta Enpresarialeko Departamentuaren egitura organikoa ezartzen duen urriaren 30eko 265/2019 Foru Dekretua eta foru dekretu honetan xedaturikoaren aurkako maila bereko edo baxuagoko beste xedapen guztiak.

Azken xedapenetako lehena. Aldatzea 70/2023 Foru Dekretua, abuztuaren 30ekoa, Industriako eta Enpresen Trantsizio Ekologiko eta Digitalerako Departamentuaren oinarrizko egitura ezartzen duena.

Aldatzen da abuztuaren 30eko 70/2023 Foru Dekretuaren artikulu bakarra; foru dekretu horren bidez ezartzen da Industriako eta Enpresen Trantsizio Ekologiko eta Digitalerako Departamentuaren oinarrizko egitura. Honela idatzita geldituko da:

Industriako eta Enpresen Trantsizio Ekologiko eta Digitalerako Departamentuak, bere titularraren goi-zuzendaritzapean, honako organo hauek ditu bere oinarrizko egituran:

a) Enpresen Sustapenerako Zuzendaritza Nagusia.

b) Energia, Enpresa I+G+b eta Ekintzailetza Zuzendaritza Nagusia.

c) Merkataritza eta Kontsumo Zuzendaritza Nagusia.

d) Idazkaritza Tekniko Nagusia.

Azken xedapenetako bigarrena. Aurrekontu aldaketak.

Ahalmena ematen zaio Ekonomia eta Ogasun Departamentuko titularrari foru dekretu honetan ezarritakoa betetzeko beharrezkoak diren aurrekontu-aldaketak egin ditzan.

Azken xedapenetako hirugarrena. Garatzeko ahalmenak.

Ahalmena ematen zaio Industriako eta Enpresen Trantsizio Ekologiko eta Digitalerako Departamentuko titularrari behar diren xedapenak eman ditzan foru dekretu honetan ezarritakoa garatzeko.

Azken xedapenetako laugarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

Gobierno de Navarra

Contacte con nosotros | Accesibilidad | Aviso legal | Mapa web