LEXNAVARRA
49/2023 FORU DEKRETUA, MAIATZAREN 24KOA, ZEINAREN BIDEZ ARAUTZEN BAITA NEKAZARITZA POLITIKA ERKIDEAREN PLAN ESTRATEGIKOAREN GOBERNANTZA SISTEMA, HAREN ANTOLAKUNTZA ETA FUNTZIONAMENDUA 
BON N.º 124 - 13/06/2023
I. KAPITULUA. XEDAPEN OROKORRAK
- 1. artikulua. Xedea.
II. KAPITULUA. NPEREN PLAN ESTRATEGIKOAREN NAFARROAKO KOORDINAZIOA ETA GOBERNANTZA
- 2. artikulua. Plan estrategikoaren kudeaketako erkidegoko agintaritza.
III. KAPITULUA. GOBERNANTZA ERAKUNDEAK
- 3. artikulua. Agintaritza eskuduna.
- 4. artikulua. Erakunde ordaintzailea.
- 5. artikulua. Erakunde ordaintzailearen eginkizunak.
- 6. artikulua. Erakunde ordaintzailearen zuzendaritza .
- 7. artikulua. Eginkizunak eskuordetzea.
- 8. artikulua. Erakunde ziurtatzailea.
IV. KAPITULUA. INFORMAZIO SISTEMEN SEGURTASUNA
- 9. artikulua. Informazio sistemak.
- Lehen xedapen gehigarria. Eskumenak deskontzentratzeko baldintza orokorrak.
- Bigarren xedapen gehigarria. Eskumenen deskontzentrazioa Landa Garapeneko Zuzendaritza Nagusian.
- Hirugarren xedapen gehigarria. Zerbitzu kontratuetarako eskumena.
- Laugarren xedapen gehigarria. Abalen tramitazioa.
- Bosgarren xedapen gehigarria. Webguneen eta gailu mugikorretarako aplikazioen irisgarritasuna.
- Lehen xedapen iragankorra. Nafarroako landa garapeneko 20142023 programaren egikaritza.
- Bigarren xedapen iragankorra. Gobernantza erakundeak Nafarroako landa garapeneko 20142022 programaren egikaritzan.
- Lehen xedapen indargabetzailea. Espresuki indargabetzea.
- Bigarren xedapen indargabetzailea. Klausula indargabetzailea.
- Azken xedapenetan lehena. Garatzeko eta betearazteko ahalak.
- Azken xedapenetako bigarrena. Indarra hartzea.
Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 50.1 artikuluan, Nafarroari, bere foru antolamendu orokorraren indarrez, nekazaritzaren eta abeltzaintzaren inguruko gaietan duen eskumen esklusiboa esleitzen zaio, ekonomiaren antolamendu orokorraren arabera. Gainera, bere foru araubidearen arabera, Nafarroak eskumen esklusiboa du foru erakundeen osaera, eskumenak, antolamendua, funtzionamendua eta araubide juridikoa arautzeko, eta orobat, Nafarroaren berezko antolamenduaren berezitasunaren ondoriozko administrazio prozedurako arauen eta bere Administrazioaren araubide juridikoaren gainean, NFEBHLOaren 49.1 artikuluko a), c) eta e) apartatuetan xedatu bezala.
Europako Parlamentuaren eta Kontseiluaren 2021/2115 (EB) Erregelamenduak, 2021eko abenduaren 2koak, Europar Batasuneko estatuek, Nekazaritza Bermatzeko Europako Funtsaren (NBEUF) eta Landa Garapenerako Europako Nekazaritza Funtsaren (LGENF) kargura finantzatutako Nekazaritza Politika Erkidearen esparruan egin beharreko plan estrategikoetarako (NPEaren plan estrategikoak) laguntzari buruzko arauak ezartzen ditu, eta indargabetzen ditu 1305/2013 (EB) eta 1307/2013 (EB) erregelamenduak. Hala ere, 154.1 artikuluan esaten du ezen, 2020/2220 (EB) Erregelamenduan xedatutakoaren arabera, 1305/2013 (EB) Erregelamendua aplikatzen jarraituko dela, landa garapeneko programen gauzapenean, 2025eko abenduaren 31ra arte.
2021eko abenduaren 2ko Europako Parlamentuaren eta Kontseiluaren 2021/2115 (EB) Erregelamenduaren 1. artikuluak xedatzen du estatu kide bakoitzak prestatu eta Batzordeak onetsitako NPEaren Plan Estrategikoan zehaztutako esku-hartzeetara bideratu eta NBEUF eta LGENF funtsen bidez finantzatutako laguntzari aplikatuko zaiola, 2023ko urtarrilaren 1etik 2027 abenduaren 31ra arteko aldirako.
Aipatutako 2021eko abenduaren 2ko Europako Parlamentuaren eta Kontseiluaren 2021/2115 (EB) Erregelamenduaren VI. tituluan ezartzen dira koordinazio eta gobernantzaren oinarriak, eta esaten da estatu kide bakoitzak izendatuko duela NPEaren bere Plan Estrategikorako kudeaketako agintaritza nazionala, eta haren konstituzio eta instituzio xedapenen arabera, kudeaketarako eskualdeko agintaritzak ere izendatzen ahalko dituela.
Estatu kideek zainduko dute, orobat, kudeaketa eta kontrol sistema bat ezarri dela, egokia funtzioen esleipen eta mugatze argia bermatzeko kudeaketako agintaritza nazionalen eta eskualdekoen artean, eta adierazten du kudeaketako agintaritza izanen dela NPEaren Plan Estrategikoa kudeatzeko eta egikaritzeko ardura izanen duena.
Europako Parlamentuaren eta Kontseiluaren 2021/2116 (EB) Erregelamenduak, 2021eko abenduaren 2koak, Nekazaritza Politika Erkidearen finantzaketa, kudeaketa eta jarraipenari buruzkoak, 1306/2013 (EB) Erregelamendua indargabetzen du. Hala ere, haren 104.1a).iv) artikuluak esaten du aplikagarria izaten jarraituko duela LGENFari dagokionez, 1305/2013 (EB) Erregelamenduan oinarrituta landa garapeneko programen gauzapenaren esparruan Erakunde Ordaintzaileak egindako ordainketak eta onuradunek egindako gastuekin erlazionatuta, hau da, 2025eko abenduaren 31ra arte, eta II. kapituluan xedatzen ditu gobernantza erakundeen eskuduntzak; hau da, agintaritza eskuduna, erakunde ordaintzaileak, koordinazio erakundeak eta erakunde ziurtatzaileak, programazioaren 2023-2027 aldi berriari dagokionez.
Beste alde batetik, Europako Parlamentuaren eta Kontseiluaren 2021/2116 (EB) Erregelamenduak, 2021eko abenduaren 2koak, 9. artikuluaren 2. apartatuan ezartzen du estatu kideek mantentzen ahalko dituztela 2020ko urriaren 15aren aurretik baimendutako erakunde ordaintzaileak, betiere agintaritza eskudunak berresten badu, 8. artikuluko 2. apartatuan aipatzen den erabakiaren bidez, betetzen direla 9. artikulu horretako baimentzeko gutxieneko baldintzak.
Batzordearen 2021ko abenduaren 21eko 2022/128 (EB) egikaritze erregelamenduaren bidez ezarri ziren Europako Parlamentuaren eta Kontseiluaren 2021/2116 (EB) Erregelamendua aplikatzeko xedapenak, erakunde ordaintzaileen eta bestelako erakundeen finantzazioa, kudeaketa eta jarraipena, kudeaketa finantzarioa, kontuen kitapena, kontrolak, bermeak eta gardentasuna; eta hark finkatzen ditu, orobat, erakunde ordaintzaileak baimentzeko irizpideak, 2023-2027 aldirako.
Espainiaren esparruan, abenduaren 27ko 1046/2022 Errege Dekretuak (haren bidez arautzen da Nekazaritza Politika Erkidearen Plan Estrategikoaren eta NBEUF eta LGENF nekazaritza funts europarren gobernantza), 2021/2115 (EB) Erregelamenduaren aplikazioari dagokionez, ezartzen du nor diren agintaritza eskudunak erakunde ordaintzaileak baimentzeko, alegia: Estatuko Administrazio Orokorraren esparruan, Nekazaritza, Arrantza eta Elikadura Ministerioaren titularra, eta autonomia erkidegoetan, 2021/2116 (EB) Erregelamenduak indarra hartu zuenean zeudenak, eta Espainiako NPEaren Plan Estrategikoan jasotzen direnak, eta ezartzen du autonomia erkidego bakoitzean erakunde ordaintzaile bakarra izanen dela, NPEaren esku-hartzeen eta neurrien ordainketen kudeaketa eta kontrolaren eskumenekin, Europako Batasunaren aurrekontuaren kargura, NBEUF eta LGENF funtsen bidez.
Errege dekretuak Nekazaritza eta Elikaduraren Idazkaritza Nagusia izendatzen du plan estrategikoaren kudeaketarako agintaritzarako, eta 2021/2115 (EB) Erregelamenduaren 123.1 artikuluan ezarritakoa betez, adierazten du autonomia erkidegoek izendatuko dituztela erkidegoetako kudeaketako agintaritzak, eta horiek izanen direla Espainiako NPEaren Plan Estrategikoaren kudeaketaren eta egikaritzaren arduradunak.
Azkenik, Nafarroako Foru Komunitatearen esparruan, urtarrilaren 23ko 7/2013 Foru Dekretuak Nekazaritza, Abeltzaintza eta Elikadura Departamentua baimendu zuen Nafarroako Foru Komunitateko Erakunde Ordaintzaile gisa, Nekazaritza Bermatzeko Europako Funtsa (NBEUF) eta Landa Garapeneko Europako Nekazaritza Funtsa (LGENF) funtsek finantzaturiko gastuen ordainketarako.
Azken buruan, orain arte azaldutako arautegitik ondorioztatzen da batera heldu direla bi epealdi, Europako nekazaritza funtsen kargura gauzatzekoak diren programa eta plan desberdinei dagozkienak: alde batetik, Nafarroako Landa Garapeneko Programa 2014-2022, Landa Garapeneko Europako Nekazaritza Funtsaren (LGENF) bidezko laguntzei dagokiena, haren egikaritza luzatzen dela 2025eko abenduaren 31ra arte, eta beste alde batetik, Espainiako NPEaren Plan Estrategikoa 2023-2027, Nekazaritza Bermatzeko Europako Funtsaren (NBEUF) eta Landa Garapeneko Europako Nekazaritza Funtsaren (LGENF) laguntzei dagokiena.
Urtarrilaren 23ko 7/2013 Foru Dekretuaren 10. artikuluak (haren bidez baimentzen da Nafarroako erakunde ordaintzailea), 1305/2013 (EB) Erregelamenduaren 65. artikuluan xedatutakoaren ondorioetarako, Landa Garapeneko Europako Nekazaritza Funtsaren (LGENF) bidezko landa garapenerako laguntzei dagokienez, Landa Garapeneko eta Ingurumeneko Departamentuko Landa Dibertsifikaziorako eta Garapenerako Zerbitzua izendatzen du kudeaketarako agintaritza, baina ez du aipatzen erkidegoko kudeaketa agintaritza, 2021/2115 (EB) Erregelamenduaren 123. artikuluan xedatutakoarekin bat, nekazaritza politika erkidearen esparruan estatu kideek prestatu behar dituzten plan estrategikoentzako (NPEaren plan estrategikoak) laguntzari dagokionez, finantzatzen dena Nekazaritza Bermatzeko Europako Funtsaren (NBEUF) eta Landa Garapeneko Europako Nekazaritza Funtsaren (LGENF) kargura.
Horri dagokionez, argi utzi behar da 2021/2115 (EB) Erregelamenduak xedatzen duela ezen, plan estrategikoen prestaketan, jaso behar direla Nekazaritza Bermatzeko Europako Funtsaren (NBEUF) eta Landa Garapeneko Europako Nekazaritza Funtsaren (LGENF) kargura finantzatutako esku-hartzeak, hau da, NPEren lehenengo eta bigarren Pilareen esku-hartzeak. Beraz, plan estrategiko horizontal bat da hau, nekazaritza funtsei dagokienez, eta horrek esan nahi du izendatuko den kudeaketa agintaritzak bat etorri behar duela araudi berriarekin.
Arau ahalik eta argienak emateko asmoz, eta segurtasun juridikoaren printzipioaren ondoriozko betebehar gisa, hala ezartzen baita Administrazio Publikoetako Administrazio Prozedura Erkidegoari buruzko urriaren 1eko 39/2015 Legearen 129.4 artikuluan, foru dekretu honen xedea da arau esparru egonkor eta argi bat ezartzea, gobernantza araubidea arautuko duena, NPE 2023-2027 eskema berrian, ahaztu gabe aurreko aldiko arau egiturak indarrean direla oraindik ere, eta aplikagarriak izanen direla Nafarroako landa garapeneko 2014-2022 programaren egikaritzarako; beraz, komenigarria da araubide juridiko aplikagarria eta haren gobernantza organoen baimentzea, izendapena eta funtzioak ere ezartzea.
Segurtasun juridikoa bermatzeko, nahitaezkoa da Nafarroako erakunde ordaintzailea baimentzen zuen urtarrilaren 23ko 7/2013 Foru Dekretua indargabetzea, eta foru dekretu berri bat onestea, funtsean helburu hauek beteko dituena: NPEaren Plan Estrategikoaren kudeaketaren eta egikaritzaren ardura, erkidegoaren eremuan, izanen duen kudeaketa agintaritza izendatzea; baimentzea Nafarroako Foru Komunitatean Nekazaritza Bermatzeko Europako Funtsaren (NBEUF) eta Landa Garapeneko Europako Nekazaritza Funtsaren (LGENF) kargura finantzatutako gastuak ordainduko dituen Erakunde Ordaintzailea; baimentzea erakunde ordaintzailearen kontuak ziurtatuko dituen erakundea; eta azkenik, landa garapeneko 2014-2023 programaren kudeaketaren eta aplikazioaren ardura izanen duen kudeaketa agintaritza izendatzea.
Nafarroako Foru Komunitateko Lehendakariaren abuztuaren 6eko 22/2019 Foru Dekretuak Nafarroako Foru Komunitateko Administrazioaren departamentuen egitura ezarri zuen, eta xedatu zuen Landa Garapeneko eta Ingurumeneko Departamentuaren esku direla, besteak beste, nekazaritza, abeltzaintza, elikadura, nekazaritzako azpiegiturak eta landa garapenaren arloetan Nafarroako Foru Komunitateari esleitutako eskumenak.
Urriaren 23ko 258/2019 Foru Dekretuak Landa Garapeneko eta Ingurumeneko Departamentuaren egitura organikoa ezarri zuen, eta xedatu zuen Landa Garapeneko Zuzendaritza Nagusiak eskudantziak izanen dituela Nafarroan NBEUF eta LGENF laguntzen erakunde ordaintzailearen zuzendaritzari dagokionez.
Nafarroako Gobernuaren gogoa da Landa Garapeneko, Ingurumeneko eta Toki Administrazioko Departamentuaren baimena mantentzea erakunde ordaintzaile gisa, Foru Komunitatean NBEUF eta LGENF funtsek finantzaturiko ordainketak kudeatzeko eginkizunak bere gain har ditzan, urriaren 23ko 258/2019 Foru Dekretuaren bidez eskuratu zituen eskumenak kontuan hartuta (haren bidez ezarri zen Landa Garapeneko eta Ingurumeneko Departamentuaren egitura organikoa).
Aurrekontuen Zuzendaritza Nagusiak, agintaritza eskuduna den aldetik, jakinarazi du Erakunde Ordaintzaileak betetzen dituela baimentzeko baldintza minimoak, alegia, 2021eko abenduaren 2ko Europako Parlamentuaren eta Kontseiluaren 2021/2116 (EB) Erregelamenduaren 9. artikuluaren 2. apartatuaren lehenengo paragrafoan aipatzen direnak.
Horrenbestez, Landa Garapeneko eta Ingurumeneko kontseilariak proposaturik, eta Nafarroako Gobernuak 2023ko maiatzaren 24an egindako bilkuran hartutako erabakiarekin bat,
DEKRETATZEN DUT:
I. KAPITULUA. XEDAPEN OROKORRAK
Hauek dira foru dekretu honen xedeak:
a) Nafarroako Foru Komunitatearen eremuan NPEaren Plan Estrategikoaren kudeaketaren eta egikaritzaren ardura erkidegoan izanen duen agintaritza izendatzea.
b) Nekazaritza Bermatzeko Europako Funtsak (NBEUF) eta Landa Garapenerako Europako Nekazaritza Funtsak (LGENF) finantzaturiko gastuak Nafarroako Foru Komunitatean ordaintzen dituen erakundearen baimena mantentzea eta haren antolamendua eta funtzionamendu arauak ezartzea.
c) Erakunde ordaintzailearen kontuak ziurtatuko dituen erakundea izendatzea.
d) Nafarroako Foru Komunitateko landa garapeneko 2014-2022 programa kudeatzeaz eta aplikatzeaz arduratuko den agintaritza kudeatzailearen izendapena mantentzea.
II. KAPITULUA. NPEREN PLAN ESTRATEGIKOAREN NAFARROAKO KOORDINAZIOA ETA GOBERNANTZA
2. artikulua. Plan estrategikoaren kudeaketako erkidegoko agintaritza.
1. Plan estrategikoaren kudeaketako erkidegoko agintaritza izendatzen da, 2021eko abenduaren 2ko Europako Parlamentuaren eta Kontseiluaren 2021/2115 (EB) Erregelamenduaren 123. artikuluaren terminoetan, Landa Garapeneko eta Ingurumeneko Departamentuaren titularra den pertsona.
2. Erkidegoko agintaritzaren eginkizunak izanen dira aipatu erregelamenduaren 2. apartatuan plan estrategikoaren kudeaketa agintaritzari ematen zaizkionak, NPEren Plan Estrategikoaren kudeaketari eta egikaritzari dagokienez, bere lurralde eremuan.
3. Kudeaketako erkidego mailako agintaritzari dagozkio, orobat, ondoko eginkizun hauek:
a) Ebaluazio planari eta ex post ebaluazioari dagokienez, hala aurreikusten baita 2021eko abenduaren 2ko Europako Parlamentuaren eta Kontseiluaren 2021/2115 (EB) Erregelamenduaren 140. artikuluan, NPEaren Plan Estrategikoaren ebaluazio planaren ezarpenean parte hartzea, eta bere eskumeneko eremuari dagozkion jarraipen eta ebaluazio eginkizunetan ere bai, eta haien bilakaeraren eta emaitzen berri ematea plan estrategikoaren estatu mailako kudeaketa agintaritzari.
b) 2021eko abenduaren 2ko Europako Parlamentuaren eta Kontseiluaren 2021/2115 (EB) Erregelamenduaren 123.2.g) artikuluari dagokionez, zaindu behar du prestatzen dela bere eskumeneko arloari dagokion errendimenduari buruzko urteko txostena, eta aurkezten dela, behar den garaian eta forman, 9. artikuluan aurreikusten den erakunde ordaintzaileen koordinazioko erakundearen aurrean. Zehazki, errendimenduaren biurteko azterketari begira, errendimenduan esku-hartzen duten alderdi kuantitatibo eta kualitatiboen inguruan behar den informazio guztia emanen du, bereziki emaitzen adierazleek egiaz iritsitako balioaren desbideratzeen justifikazioa, plangintzan ezarritako mugarri eta helburuekiko, halakorik bada, eta halaber, informazio erantsiaren eskaerei erantzun behar die, erakunde ordaintzaileen koordinazioko erakunde horrek eskatzen badu, behar duenean.
c) 2021eko abenduaren 2ko Europako Parlamentuaren eta Kontseiluaren 2021/2115 (EB) Erregelamenduaren 123.2.h) artikuluari dagokionez, bere eskumeneko arloari dagozkion jarraipen neurriak hartzearen arduraduna izanen da, errendimenduari buruzko urteko txostenaren inguruan Europako Batzordeak egiten ahal dituen oharrei erantzunez. Bereziki, bere lurralde eremuan landa garapenerako egiten diren esku-hartzeetarako ekintza planak prestatuko ditu, errendimendua eskasa bada, hau da, emaitzen adierazleek aurrerapen eskasa erakusten badute, plangintzan ezarritako mugarri eta helburuekiko, eta plan estrategikoaren kudeaketako estatu mailako agintaritzari aurkeztuko dizkio, hark presta ditzan plan estrategiko orokorrari dagozkion ekintza planak.
d) Plan estrategikoaren koordinazio erakundean parte hartzea, Nafarroako Foru Komunitatea ordezkatuz.
e) Nafarroako Foru Komunitatea plan estrategikoaren jarraipen batzordean ordezkatuko duen pertsona proposatzea.
f) Jarraipen batzordeen sorrera bultzatzea bere eskumeneko eremuan, Nafarroako Foru Komunitateak ezarritako elementuen aplikazioa gainbegiratzeko, eta horri buruzko informazioa eskuratzeko plan estrategikoaren jarraipeneko batzordeari.
g) NPEaren Estatu mailako Sarean lankidetza eta laguntza ematea.
h) Nekazaritzako Ezagutza eta Berrikuntza Sistemaren koordinazio erakundean parte hartzea, Nafarroako Foru Komunitatea ordezkatuz.
III. KAPITULUA. GOBERNANTZA ERAKUNDEAK
3. artikulua. Agintaritza eskuduna.
1. Nafarroako Gobernua izanen da abenduaren 27ko 1046/2022 Errege Dekretuaren (haren bidez arautzen da Nekazaritza Politika Erkidearen Plan Estrategikoaren eta NBEUF eta LGENF nekazaritza funts europarren gobernantza) 8. artikuluan aipatzen den agintaritza eskuduna.
2. Aurrekontuen Zuzendaritza Nagusiko titularra izanen da agintaritza eskudunaren ordezkaria.
3. Agintaritza eskudunak eginkizun hauek izanen ditu:
a) Erakunde ordaintzailea baimentzea eta erakunde ziurtatzailea izendatzea.
b) Erakunde ordaintzailea gainbegiratzea, jarraipen iraunkorra eginez, eta hari esleitutako eginkizunak bete, 2021eko abenduaren 21eko Batzordearen 2022/128 Egikaritze Erregelamenduaren arabera (haren bidez ezarri ziren Europako Parlamentuaren eta Kontseiluaren 2021/2116 (EB) Erregelamendua aplikatzeko xedapenak, erakunde ordaintzaile eta bestelako erakundeei buruz, kudeaketa finantzarioa, kontuen kitapena, kontrolak, bermeak eta gardentasuna).
c) Europako Batzordeari jakinaraztea erakunde ordaintzailea proban jartzeko hartutako erabakia, haren baimena berrikusiz, eta horrez gain, egoera zuzentzeko prestatutako plana, eta ondoren, plan horren aplikazioan izandako aurrerapenak.
d) Laguntza eta lankidetza ematea erakunde ziurtatzaileari, hauetarako:
1. Erakunde ordaintzaileari eta Europako Batzordeari buruzko informazio guztia eskuratzeko bidea bermatzea.
2. Bitartekari lanak egitea erakunde ordaintzailearen eta erakunde ziurtatzailearen artean, atzerapenik izan ez dadin, urteko kontuei buruz eman beharreko informazioaren eta errendimenduari buruzko urteko txostenaren aurkezpenean.
3. Bitartekari lanak egitea, desadostasunik bada erakunde ziurtatzailearen eta erakunde ordaintzailearen artean.
4. Jarraipena egitea Europako Batzordeak emandako gomendioei buruz, bai likidazio finantzariorako prozeduran, bai adostasun likidazioan; haiei buruzko informazioa bidaliko dio agintaritza eskudunari erakunde ordaintzaileen koordinazioko erakundeak.
5. 2021eko abenduaren 2ko Europako Parlamentuaren eta Kontseiluaren 2021/2116 (EB) Erregelamenduaren 12. artikuluan esleitzen zaizkien eginkizunak betetzen direla bermatzea; bereziki, bermatu beharko du, bere eskumenen esparruan, erakunde ordaintzaileen bidez eta haien koordinazioko erakundearen bidez, erakunde ziurtatzaileek eta haien koordinazioko erakundeak eskuragarri dituztela funtzio horiek betetzeko beharrezkoak diren erregistro eta datu base guztiak.
e) Europako Batzordearekiko solaskide gisa parte hartzea, izen bereko pertsona adituen taldean.
f) Batzordeari idatziz helaraztea, hiru urtez behin, gutxienez, erakunde ordaintzaileen gainbegiratze jarduerei buruzko eta haien jardueren jarraipenari buruzko informazioa.
4. artikulua. Erakunde ordaintzailea.
Baimena mantentzen zaio Landa Garapeneko eta Ingurumeneko Departamentuari, Nekazaritza Bermatzeko Europako Funtsak (NBEUF) eta Landa Garapenerako Europako Nekazaritza Funtsak (LGENF) finantzaturiko gastuen Nafarroako Foru Komunitateko erakunde ordaintzailea izan dadin. Funts horiek nekazaritza politika erkidearen finantzazioari, kudeaketari eta jarraipenari buruz Europako Parlamentuak eta Kontseiluak abenduaren 2an emandako 2021/2116 (EB) Erregelamenduaren 5. eta 6. artikuluetan aipatzen dira, hurrenez hurren, eta haren bidez indargabetzen da 1306/2013 (EB) Erregelamendua.
5. artikulua. Erakunde ordaintzailearen eginkizunak.
1. Erakunde ordaintzaileak honako eginkizun hauek ditu:
a) Unean uneko finantza ekitaldiaren hurrengo urteko otsailaren 13a baino lehen prestatu eta aurkeztu behar du, Europako Batzordearen aplikazio informatikoaren bidez, ondoko informazio hau, erakunde ordaintzaileen koordinazioko erakundeak Europako Batzordera bidal dezan, beranduenik ere, otsailaren 15ean:
i) Urteko kontuak:
ii) Urteko txostena, egindako kontrol eta azken auditorien txostenei buruz; gobernantza sistemetan detektatutako akats eta hutsuneen nondik norakoen eta garrantziaren gaineko analisi bat; eta hartutako edo aurreikusten diren zuzenketa neurriak.
iii) Kudeaketari buruzko adierazpen bat, erakunde ordaintzailearen titularraren sinadura elektronikoarekin, honako hauek berretsiz:
1. Aurkeztutako informazioa egoki aurkeztu dela eta exhaustiboa eta zehatza dela.
Adierazpen hori lortzeko, eguneroko eragiketak eta kontrol jarduerak etengabe begiratu direla egiaztatu beharko du, eta harturiko prozedurak egokiak direla Europar Batasuneko arautegiarekin bat datozela ziurtatzeko, eta kontabilitatea zehatza eta egokia dela eta osorik dagoela ere bai. Landa Garapeneko eta Ingurumeneko Departamentuko Koordinazio Atalak beteko du eginkizun hori.
Gainera, ebaluazioa, auditoria zerbitzu baten bidez, Landa Garapeneko eta Ingurumeneko Departamentuko Barne Auditoretzako Atalak eginen du, egiaztatuz erabilitako prozedurak egokiak direla Europar Batasuneko arautegiarekin bat datozela ziurtatzeko, eta kontabilitatea zehatza eta egokia dela eta osorik dagoela ere bai.
2. Ezarritako gobernantza sistemen funtzionamendu egokia, bermatuko duena egindako gastua abenduaren 2ko Parlamentuaren eta Kontseiluaren 2021/2116 (EB) Erregelamenduaren 37. artikulua betez egin dela.
b) Europako Batasunaren arauak betetzen direla bermatzea, Europako Batasunari dagokion ordainketaren zatia baimendu eta egikaritu baino lehen. Eskatzaileari edo haren lagapen-hartzaileari baimenduriko zenbatekoak pagatzeko ordainketak, edo, landa garapenaren kasuan, Europar Batasunaren kofinantzazioa, Landa Garapeneko eta Ingurumeneko Departamentuko NBEUF eta LGENF funtsen Ordainketak Egiteko Bulegoak eginen ditu.
Bereziki, berme aski eskainiko du hauen inguruan:
i) Esku-hartze motei dagokienez, gastuak bat datozela jakinarazitako egikaritze esku-hartzearekin, eta egin dela gobernantza sistema aplikagarriak aintzat hartuta.
ii) Egindako ordainketak kontabilizatzen direla modu zehatz eta exhaustiboan. Eginkizun hori Landa Garapeneko eta Ingurumeneko Departamentuko Koordinazio Atalak beteko du. Kontabilitatea gastuak laburtzen dituzten kontuak jakinarazi eta prestatzeko sistema baten bidez eginen da, bereziki Batzordera hilean behin, hiru hilabetean behin eta urtean behin igortzen diren aitorpenen bidez. Kontuek funtsen bidez finantzaturiko aktiboak ere erregistratuko dituzte, bereziki, kontu-hartzailetzako izakinei, likidatu gabeko aurrerakinei, bermeei eta zordunei buruzkoak.
iii) Europako Batasuneko eta estatu mailako legediak ezartzen dituen administrazio kontrolak eta tokian tokikoak egitea. Laguntzaren kudeaketa esleiturik duten atalek eginen dituzte zeregin horiek. Gaiaren arabera eskudun diren zuzendari nagusiek behar diren ebazpenak emanen dituzte, bai ordaintzekoak bai bidegabeki egindako ordainketak berreskuratzeko prozedurenak, eta, halakorik badago, zehapen espedientearenak.
iv) Eskatzen diren dokumentuak Europako Batasuneko, Estatuko eta Nafarroako araudian ezarritako epean eta moduan aurkeztea.
v) Dokumentuak, barne direla dokumentu elektronikoak, Europako Batasunaren araudiaren ondorioetarako, eskuragarri egotea eta kontserbatzea osorik, baliozkotasunez eta irakurgarri, denbora iraganik ere.
c) Nekazaritza Bermatzeko Espainiako Funtsarekiko (NBEUF) harremanak, abenduaren 2ko Parlamentuaren eta Kontseiluaren 2021/2116 (EB) Erregelamenduaren 10.1 artikuluan aipatzen den erakunde koordinatzailea den aldetik.
d) Behar diren neurriak hartzea NBEUF eta LGENF funtsek finantzaturiko eragiketen errealitatea eta erregulartasuna bermatzeko, irregulartasunei aurrea hartu eta jarraitzeko eta bidegabeki egindako ordainketen kopuruak berreskuratzeko.
e) Europar Batasuneko erakundeek egiten dituzten kontrol zereginen garapena erraztea.
f) Baimenaz, ordainketaz eta kontabilitateaz arduratzen diren unitate administratiboen lanak gainbegiratzeko eginkizuna goragoko unitateko buruak beteko ditu.
6. artikulua. Erakunde ordaintzailearen zuzendaritza .
1. Erakunde ordaintzailearen zuzendaritza Erakunde Ordaintzailearen Zuzendaritza Nagusiaren titularrari dagokio, eta honako eginkizun hauek beteko ditu:
a) Erakunde ordaintzailea ordezkatzea.
b) NBEUFri eta LGENFri egozten ahal zaizkien ordainketen betetze-mailari, kontabilitateari, kontu-emateari eta barneko eta kanpoko kontrolari buruzko argibide guztiak hartu eta igortzea.
c) Erakunde ordaintzaileko organoak koordinatzea NBEUF eta LGENF funtsen kargurako laguntzak kudeatzeko. Horretarako, aldian-aldian dei egiten ahalko die erakunde ordaintzaileari loturiko eginkizunak dituzten organo eta unitateei. Zuzendaritza funtzionala izanen du organo eta unitate horien gainean. Halaber, prozeduren legezkotasuna, eraginkortasuna eta homogeneotasuna bermatzeko jarraibideak ematen ahalko ditu.
d) Auditoria plan bat prestatzea auditoria pasa duen finantza ekitaldi bakoitzerako, aurreikusitako auditoria arriskuaren arabera.
e) Parlamentuaren eta Kontseiluaren abenduaren 2ko 2021/2116 (EB) Erregelamenduaren 9. artikuluan aurreikusitako kudeaketa adierazpena sinatzea.
2. Landa Garapeneko Zuzendaritza Nagusiaren titularra da Landa Garapeneko eta Ingurumeneko Departamentuko Erakunde Ordaintzaileko zuzendaria, eta behin-behinean ordeztuko da postua hutsik uzten badu, kanpoan denean, gaixo dagoenean edo ezintasun pertsonal bat duenean, honako ordena honen arabera:
a) Erakunde Ordaintzailearen Zerbitzuaren titularra.
b) Koordinazio Atalaren titularra.
7. artikulua. Eginkizunak eskuordetzea.
1. Erakunde ordaintzaileari dagozkion eginkizunak beste organo batzuen esku uzten ahalko dira, Europar Batasunaren laguntzak pagatzekoak izan ezik.
2. Funtzioen delegazioak Batzordearen 2021eko abenduaren 7ko 2022/127 (EB) Erregelamendu Delegatuaren I.1.D eranskinean ezarritako baldintzak bete beharko ditu; erregelamendu delegatu horrek Europako Parlamentuaren eta Kontseiluaren 2021/2116 (EB) Erregelamendua osatzen du.
3. Aipatu eranskinaren 1.D.1.i) apartatuan aipatzen den idatzizko akordioa erakunde ordaintzailearen eta erakunde horren artean sinatuko da, eta han zehaztuko dira, eskuordetzen diren zereginak ez ezik, zer informazio eta justifikatzaile mota aurkeztu behar diren erakunde ordaintzailean, eta aurkezteko epea ere bai. Baimentzeko irizpideak betetzeko aukera eman behar dio erakunde ordaintzaileari akordioak.
4. Delegazioa bideratzeko akordioek Europar Batasuneko nekazaritza arloko funtsen baliabideen kudeaketa egokia bermatu beharko dute.
8. artikulua. Erakunde ziurtatzailea.
Erakunde ziurtatzailea, Nekazaritza Politika Erkidearen Plan Estrategikoaren eta Europako NBEUF eta LGNEF nekazaritza funtsen gobernantza arautzen duen abenduaren 27ko 1046/2022 Errege Dekretuaren 11.2 artikuluan aipatzen denaren arabera, Nafarroako Foru Komunitateko Administrazioaren Kontu-hartzailetza Orokorra izanen da, eta haren esku izanen da egindako gastua egiazkoa, exhaustiboa eta zehatza dela egiaztatzen duen ziurtagiria ematea, ezarritako kudeaketa eta kontrol sistema kontuan hartuta.
IV. KAPITULUA. INFORMAZIO SISTEMEN SEGURTASUNA
9. artikulua. Informazio sistemak.
1. Informazio sistemen segurtasuna egokitu behar da Batzordearen 2021eko abenduaren 7ko 2022/127 (EB) Erregelamendu Delegatuaren I. eranskinean, 3.b) apartatuan, aurreikusitakora; erregelamendu delegatu horrek osatu zuen Europako Parlamentuaren eta Kontseiluaren 2021/2116 (EB) Erregelamendua, erakunde ordaintzaileei eta beste organo batzuei, finantza kudeaketari, kontuen likidazioari, bermeei eta euroaren erabilerari buruzko arauak emanez.
Erakunde ordaintzailearen eta erakunde ordaintzaileen koordinazioko erakundearen arteko komunikazio guztiak eginen dira informazioaren segurtasunaren printzipioak betez.
2. Landa Garapeneko eta Ingurumeneko Departamentuko Informatika Kudeatzeko Atalak begiratuko du erakunde ordaintzailearen informazio sistemen segurtasuna, alde batera utzi gabe Unibertsitateko, Berrikuntzako eta Eraldaketa Digitaleko Departamentuaren Telekomunikazioetako eta Digitalizazioko Zuzendaritza Nagusiaren eskumenak .
Lehen xedapen gehigarria. Eskumenak deskontzentratzeko baldintza orokorrak.
Indarra duten arauek organo bati ematen dizkioten eskumenak hierarkian menpeko diren beste organo batzuengan deskontzentratzen ahal dira, Nafarroako Aldizkari Ofizialean argitaratuko den xedapen orokor baten bitartez, galarazi gabe eskumenak esleitzeko arauetan finkatutako baldintzak bete beharra.
Bigarren xedapen gehigarria. Eskumenen deskontzentrazioa Landa Garapeneko Zuzendaritza Nagusian.
Landa Garapeneko Zuzendaritza Nagusiaren titularrarengan deskontzentratzen dira, haren eskumenen esparru materialean, 2021eko abenduaren 2ko Europako Parlamentuaren eta Kontseiluaren 2021/2115 (EB) Erregelamenduaren 123. artikuluak eta indarreko araudiak plan estrategikoaren kudeaketako erkidegoko agintaritzari esleitzen dizkioten eskumenak, titulartasuna eta administrazio eskumenen erabilera.
Titulartasunaren eta administrazio eskumenen egikaritzaren deskontzentrazioak barne hartuko ditu, Nafarroako Foru Komunitateko Administrazioaren departamentuen egiturak NBEUF-LGENF laguntzen kudeaketa Landa Garapeneko eta Ingurumeneko Departamentuak eta Nafarroako Foru Komunitateko Administrazioko beste unitate batzuek konpartitu behar dutela ezartzen duenean, Europar Batasunak ezarritako orientabideak eta gomendioak betetzen dituzten protokolo edo agiriak kasuan kasuko zuzendaritza nagusiarekin hitzartzeko ahala, NBEUF eta LGENF funtsen kontura hartzen diren laguntzen kudeaketan eta haien ondoriozko erantzukizunean Landa Garapeneko Zuzendaritza Nagusiaren lehentasuna behar bezala bermatzeko, bai eta baimendutako unitate bakoitzak, Europar Batasuneko funts horien kudeaketari lehentasuneko arreta emateko, erakunde ordaintzaileari esleitzen dizkion eginkizunak, baliabideak eta bitartekoak zehaztekoa ere.
Hirugarren xedapen gehigarria. Zerbitzu kontratuetarako eskumena.
Batzordeak, 2021ko abenduaren 7ko 2022/127 (EB) Erregelamendu Delegatuaren bidez, Europako Parlamentuaren eta Kontseiluaren 2021/2116 (EB) Erregelamendua osatu zuen, erakunde ordaintzaileei eta beste organo batzuei, finantza kudeaketari, kontuen likidazioari, bermeei eta euroaren erabilerari buruzko arauak emanez, eta hura betetzen dela bermatzeko, Landa Garapeneko eta Ingurumeneko Departamentuak beharrezkotzat jotzen diren zerbitzu kontratuak izenpetzen ahalko ditu, NBEUF eta LGENF laguntzak eskatzen dituztenei ordainketak egiteko oinarri diren egintzak kontrolatu eta egiaztatzeko, edo erakunde ordaintzailearen eginkizunak betetzen laguntzeko. Era berean, eginkizun horiek Nafarroako Gobernuko entitate instrumentalei esleitzen ahalko dizkie.
Laugarren xedapen gehigarria. Abalen tramitazioa.
NBEUF eta LGENF funtsen konturako aurrerakinak hartzeko abalak eta diruzkoak ez diren bestelako bermeak Foru Komunitateko Administrazioan aurkeztutakoetarako eskumena duen unitate organikoak gordailutu, kontrolatu eta jarraituko ditu.
Bosgarren xedapen gehigarria. Webguneen eta gailu mugikorretarako aplikazioen irisgarritasuna.
NBEUF eta LGENF laguntzak eskatzen dituztenei ordainketak egiteko oinarri diren egintzak kontrolatu eta egiaztatzeko, edo erakunde ordaintzailearen eginkizunak betetzen laguntzeko, beharrezkoak diren zerbitzu kontratuen xedeetako bat denean web zerbitzuak edo gailu mugikorretarako aplikazioak diseinatzea, publikoaren eskura jartzeko, pertsona guztientzako irisgarritasunaren baldintzak betetzen dituztela bermatuko da.
Lehen xedapen iragankorra. Nafarroako landa garapeneko 20142023 programaren egikaritza.
2021eko abenduaren 2ko Europako Parlamentuaren eta Kontseiluaren 2021/2115 (EB) Erregelamenduaren 154. artikuluaren arabera, 1305/2013 (EB) Erregelamendua aplikatuko zaio Nafarroako landa garapeneko 2014-2022 programaren egikaritzari, 2025eko abenduaren 31ra arte, Europako Parlamentuaren eta Kontseiluaren 2020/2220 (EB) Erregelamenduan xedatutakoa betez.
Nafarroako landa garapeneko 2014-2022 programaren neurrien gauzapenari aplikatuko zaizkion erregelamenduzko arauak 2014-2022 aldirako onetsitakoak izanen dira, indarrean jarraitzen baitute, eta aplikagarriak izanen dira, baldintza beretan, landa garapenerako programa horien esparruan pertsona onuradunek egin eta erakunde ordaintzaileak ordaindutako gastuei, 2025eko abenduaren 31ra arte.
Bigarren xedapen iragankorra. Gobernantza erakundeak Nafarroako landa garapeneko 20142022 programaren egikaritzan.
Nafarroako landa garapeneko 2014-2022 programaren egikaritzan, ondoko gobernantza erakunde hauek eratzen dira:
- Nafarroako Gobernua izanen da Nekazaritza Politika Erkidearen finantzaketaren, kudeaketaren eta jarraipenaren gaineko agintaritza eskuduna, Europako Parlamentuaren eta Kontseiluaren abenduaren 17ko 1306/2013 (EB) Erregelamenduak aipatzen duena.
- Baimena ematen zaio Landa Garapeneko eta Ingurumeneko Departamentuari, Nafarroako Foru Komunitateko erakunde ordaintzailea izan dadin, Nekazaritza Bermatzeko Europako Funtsak (NBEUF) eta Landa Garapenerako Europako Nekazaritza Funtsak (LGENF) finantzaturiko gastuetarako, Nekazaritza Politika Erkidearen finantzazio, kudeaketa eta jarraipenari buruz Kontseiluaren 2013ko abenduaren 17ko 1306/2013 (EB) Erregelamenduaren 4. eta 5. artikuluetan aipatzen diren gastuak izanik.
- Europako Parlamentuaren eta Kontseiluaren 2013ko abenduaren 17ko 1306/2013 (EB) Erregelamenduak, Nekazaritza Politika Erkidearen finantzazioari, kudeaketari eta jarraipenari buruzkoak, 7. artikuluan, aipatzen duen erakunde ordaintzailearen zuzendaritza Erakunde Ordaintzailearen Zerbitzuko titularrari dagokio.
- Europako Parlamentuaren eta Kontseiluaren 1306/2013 (EB) Erregelamenduaren 9. artikuluan aipatzen den erakunde ziurtatzailea Nafarroako Foru Komunitateko Administrazioaren Kontu-hartzailetza Orokorra izanen da, eta hark eman behar du egiazkotasun, osotasun eta zehaztasun ziurtagiria, ezarritako kudeaketa eta kontrol sistema kontuan hartuz.
- Kudeaketako agintaritzaren izendapena mantentzen da Landa Dibertsifikaziorako eta Garapenerako Zerbitzuan, Landa Garapenerako Europako Nekazaritza Funtsaren (LGENF) bidez landa garapenerako eman beharreko laguntzari buruz Kontseiluak irailaren 20an emandako 1305/2013 EE Erregelamenduaren 65. artikuluan ezarritakoaren ondorioetarako.
- Agintaritza eskudunak, erakunde ordaintzaileak eta ziurtapen unitateak, Nafarroako landa garapeneko 2014-2022 programaren egikaritzaren ardura izanik, gobernantza erakunde horietarako foru dekretu honen 3., 5., eta 6., eta 8. artikuluetan, hurrenez hurren, ezarritako eginkizunak beteko dituzte.
Lehen xedapen indargabetzailea. Espresuki indargabetzea.
Indarrik gabe utzi da urtarrilaren 23ko 7/2013 Foru Dekretua, Nekazaritza Bermatzeko Europako Funtsak (NBEUF) eta Landa Garapenerako Europako Nekazaritza Funtsak (LGENF) finantzaturiko gastuen Nafarroako Foru Komunitateko erakunde ordaintzailea baimendu eta haren antolamendua eta funtzionamendua ezartzen dituena, eta orobat, hura aldatu zuen azaroaren 16ko 104/2016 Foru Dekretua.
Bigarren xedapen indargabetzailea. Klausula indargabetzailea.
Indarrik gabe uzten dira foru dekretu honetan xedatutakoari aurka egiten dioten maila bereko edo txikiagoko xedapen guztiak.
Azken xedapenetan lehena. Garatzeko eta betearazteko ahalak.
Landa Garapeneko eta Ingurumeneko Departamentuko titularrak izanen du ahala, eta kasua bada, zuzendaritza nagusietako titularrek, beren eskumenen esparruan, foru dekretu hau garatu eta betetzeko eta, bereziki, Europar Batasuneko nekazaritza arloko funtsek erabat edo hein batean finantzatutako dirulaguntzak arautzeko arau, deialdi eta oinarri erregulatzaileak ezartzeko behar diren xedapenak emateko.
Azken xedapenetako bigarrena. Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
