(ir al contenido)

navarra.es

Castellano | Euskara | Français | English

LEXNAVARRA


Versión para imprimir
Versión en castellano

38/2023 FORU DEKRETUA, APIRILAREN 5EKOA, HONAKO HAUEK ALDATZEN DITUENA: 92/2020 FORU DEKRETUA, ABENDUAREN 2KOA, ARAUTZEN DITUENA, BATETIK, NAFARROAKO FORU KOMUNITATEKO GIZARTE ZERBITZUEN SISTEMAREN BARRUAN, EGOITZA ZERBITZUEN, EGUNEKO ZERBITZUEN ETA ZERBITZU ANBULATORIOEN FUNTZIONAMENDUA ADINEKOEN, DESGAITASUNA DUTENEN, ERITASUN MENTALA DUTENEN ETA GIZARTE INKLUSIOAREN ARLOETAN, ETA BESTETIK, BAIMENEN, AURRETIAZKO KOMUNIKAZIOEN ETA HOMOLOGAZIOEN ARAUBIDEA, ETA 69/2008 FORU DEKRETUA, EKAINAREN 17KOA, GIZARTE ZERBITZU OROKORREN ZORROA ONESTEN DUENA ETA, HORREKIN BATERA, GIZARTE ETA OSASUN ARLOKO ARRETA INTEGRALERAKO ZERBITZU SOZIOSANITARIOAK ETA MIGRAZIO POLITIKEN ZERBITZUEN ZORROA ONARTZEN DITUENA

BON N.º 94 - 05/05/2023

  I. ERANSKINA. GIZARTE ETA OSASUN ARLOKO ARRETA INTEGRALEKO ZERBITZU SOZIOSANITARIOAK (PAISS PROGRAMARI LOTUAK)

  II. ERANSKINA. MIGRAZIO POLITIKEN ZERBITZUEN ZORROA

Zioen azalpena

I

Abenduaren 2ko 92/2020 Foru Dekretuaren bidez, arautu ziren, batetik, Nafarroako Foru Komunitateko gizarte zerbitzuen sistemaren barruan, egoitza zerbitzuen, eguneko zerbitzuen eta zerbitzu anbulatorioen funtzionamendua adinekoen, desgaitasuna dutenen, eritasun mentala dutenen eta gizarte inklusioaren arloetan, eta bestetik, baimenen, aurretiazko komunikazioen eta homologazioen araubidea. Foru dekretu horri esker, filosofia berri bat gehitu zen gizarte zerbitzuen eremu horietara, pertsonarengan zentratutako arreta, alegia, non lehen mailako bihurtzen baitira arreta edo zainketak behar dituztenen lehenespenak eta nahiak; era horretan, duintasuna errespetatzeaz gain, haien autonomia eta erabakimena areagotzen dira, eskubideetan oinarritutako ikuspegi argiarekin.

Ondoren, honako hauek onetsi ziren: lehenik, 8/2021 Legea, ekainaren 2koa, zeinaren bidez legedi zibila eta prozesala erreformatzen baitira desgaitasuna duten pertsonei gaitasun juridikoa erabiltzen laguntzeko; eta, 2022ko ekainaren 28an, Gizarte Zerbitzuen eta Autonomiaren Aldeko eta Mendetasunari Arreta Eskaintzeko Sistemaren Lurralde Kontseiluaren Akordioa, Autonomiaren Aldeko eta Mendetasunari Arreta Eskaintzeko Sistemarako zentro eta zerbitzuen egiaztapen eta kalitate irizpide komunei buruzkoa.

Bi kasuetan, nazioarteko araudiaren ildotik doazen aurrerapenak dira: lehenengoaren bidez bete egin zen Desgaitasuna duten pertsonen eskubideei buruzko Nazioarteko Konbentzioaren 12. artikuluak xedatutakoa (Nazio Batuen Batzar Nagusiak 2006ko abenduaren 13an onetsi zuen), eta bigarrenaren bidez, indartu egiten da NBEren giza eskubideei buruzko araudia adinekoei aplikatzea, NBEko idazkari nagusiaren A/66/173 txostenari eta Europako Gutun Sozialaren 25. artikuluari jarraikiz.

Ekainaren 28ko Akordioan badaude, orobat, funtsezko lau alderdi; 92/2020 Foru Dekretuak, abenduaren 2koak, berrikuntza garrantzitsuak ezarri zituen alderdi horietan, eta orain, Lurralde arteko Kontseiluak gutxienekoak ezarri ditu: enpleguaren kalitatea; koordinazio soziosanitarioa; loturak kentzea, eta kalitatea.

Foru Dekretuak III. eranskinean jasotzen zituen jada langileei buruzko printzipioak eta eskubideak, bai eta kalitate estandar espezifikoak ere. Ildo horretan, Akordioak sakondu egiten du lehendik landutako alderdi gehienetan, hala nola etengabeko prestakuntzan edo laneko osasunean, eta egonkortasunarekin lotutako irizpide komunak gehitu ditu.

Koordinazio soziosanitarioari dagokionez, horri ere heldu zaio akordioan, eta foru dekretura eraman dira egoitzen eta osasun zentroen arteko koordinazio egokirako bermeak.

Irailaren 28ko 221/2011 Foru Dekretuaren bidez arautu zen Nafarroako Foru Komunitateko gizarte zerbitzuen esparruan lotura fisiko eta farmakologikoen erabilera. Foru dekretu horrek hasitako bidea zabaldu egin da, irailaren 8ko 79/2021 Foru Dekretuaren bidez, nahasmendu mentalen arloko zentroen eremura, eta osatu egin da azaroaren 28ko 31/2022 Foru Lege berriaren bidez, zeinak alderdi horretan aldatu baitzuen Gizarte Zerbitzuen Foru Legea; hori horrela, bide hori harmonizatu egin da erregelamendu mailan, horretan ere jaso baita egun erabiltzen diren loturak kentzeko prozesua planifikatzeko betebeharra.

Gizarte Zerbitzuen Foru Legean ezarritako kalitate estandarrak aldatu beharreko foru dekretuan garatu ondoren, etengabeko hobekuntzari, ebaluazioari eta gardentasunari buruzko arauak osatuko dira orain.

Aldaketa eta egokitzapen horien bidez, aitzinera egiten da gizarte eskubideak gizarte ongizatearen estatuko eta ekintza instituzionaleko funtsezko zutabetzat hartzeko bidean, gizarte kohesionatu baten oinarri gisa, zeina gauza baita herritar guztiei bizi kalitatea ziurtatzeko eta bizi garapenerako gizarte prestazio jakin batzuk behar dituzten pertsonen eskubideak babesteko.

Nabarmentzekoa da, orobat, arreta eta ikuspegi komunitarioa planifikatzeari buruzko arauak indartu izana, pertsonarengan zentratutako arreta integraleko planek pertsonaren zainketak planifikatzen eta kudeatzen lagun dezaten, bai eta baliabidearen kudeaketa eta plangintza sustatzen ere, pertsonarengan zentratua eta komunitatearekin duen loturari bideratua.

II

2022ko uztailaren 19tik onetsita eta indarrean dago 12/2022 Foru Legea, maiatzaren 11koa, haur eta nerabeei arreta eta babesa eman eta haien familiak, eskubideak eta berdintasuna sustatzekoa; hala bada, lege horren arabera eguneratu da adingabeei arreta emateko zerbitzuen kalitate baldintzen erregulazioa.

Lehenik eta behin, egoitza zerbitzuak arautzen dira; besteak beste, behaketa eta harrera zerbitzuak, babes etxebizitzak, babes egoitzak, egoitza espezializatuak, barneratze neurriak betearazteko zentroak eta autonomia etxebizitzak.

Adingabeei eguneko arreta emateko zentroak ere lantzen dira, adingabeen eguneko zentroa eta gazteentzako justiziako eguneko zentroa barne.

Eta, azkenik, adingabeentzako arreta anbulatorioko zerbitzuak ere arautzen dira, hala nola familia orientazioko zerbitzua, familia-bitartekotzakoa, elkargunea, haurrei eta nerabeei arreta ematekoa, familian esku hartzekoa, nerabeentzako hezkuntzakoa, gurasoen aurkako indarkeriari buruzkoa, ingurune irekiko neurri judizialak betearaztekoa, emantzipazio prozesuan dauden gazteei laguntzekoa, familia-harrerari laguntzekoa eta adopzioari laguntzekoa (nazionala eta nazioartekoa).

Ekainaren 17ko 69/2008 Foru Dekretuak gizarte zerbitzu orokorren zorroa onetsi zuen. Foru dekretu honetan aldaketa batzuk egiten dira, halaber, 69/2008 Foru Dekretuaren bidez onetsitako zorroan bermatutako prestazioetan, honako zerbitzu hauetan: adingabeei arreta emateko aipatutako zerbitzuetan, bai eta babesgabetasun egoerak baloratzeko zerbitzuetan, ama gazte eta haurdunei laguntzekoetan, erreferentziako harrerakoetan, harrera familientzako prestazio ekonomikoenetan, premiazko familia-harrerakoetan, familia-harrera eta adopzioko atsedenerako zerbitzuetan eta familia-harrera espezializatuan ere. Gainera, desagertu egin da inoren kargura ez dauden adingabe atzerritarrei arreta emateko zerbitzua, arreta ematean ez baita bereizten adingabeen jatorria zein den.

Bermatu gabeko prestazioen artean, aparteko laguntzak eta emantzipazio prozesuetan dauden gazteei laguntzeko zerbitzua sartu dira.

Zorroan sartu da, halaber, H) multzoan, emakumeen aurkako indarkeriaren biktimei arreta emateari buruzkoan, prostituzio testuinguruan dauden emakumeei harrera egiteko eta laguntzeko egoitza zerbitzua, Emakumeen kontrako Indarkeriari aurre egiteko apirilaren 10eko 14/2015 Foru Legearen aurreikuspenei jarraikiz.

III

Foru dekretua honako hauetan egituratuta dago: lau artikulu, bi xedapen gehigarri eta bi azken xedapen, eta horiez gain, 2 eranskin, PAISS programaren barruko gizarte eta osasun arloko arreta integralerako zerbitzu soziosanitarioak eta migrazio politiken zorroa barne hartuta.

Abenduaren 2ko 92/2020 Foru Dekretuak arautu zituen, batetik, Nafarroako Foru Komunitateko gizarte zerbitzuen sistemaren barruan, egoitza zerbitzuen, eguneko zerbitzuen eta zerbitzu anbulatorioen funtzionamendua adinekoen, desgaitasuna dutenen, eritasun mentala dutenen eta gizarte inklusioaren arloetan, eta bestetik, baimenen, aurretiazko komunikazioen eta homologazioen araubidea. Foru dekretu honen 1. artikuluan, bada, abenduaren 2ko 92/2020 Foru Dekretuaren aldaketak daude.

Ekainaren 28ko Akordioaren ondoriozko berrikuntza nagusiek bertan araututako zerbitzuei eragiten diete, batez ere egoitzei eta eguneko zentroei, baina baita nabarmenki etxeko laguntza zerbitzuari edo telelaguntzari ere.

2. artikuluan 69/2008 Foru Dekretuaren aldaketak daude (69/2008 Foru Dekretua, ekainaren 17koa, Gizarte Zerbitzu Orokorren Zorroa onesten duena).

3. artikuluan PAISS programaren barruko gizarte eta osasun arloko arreta integralerako zerbitzu soziosanitarioak onartzen dira, I. eranskinean jasoak, ezarritako zerbitzu soziosanitarioak zehaztuta.

4. artikuluan migrazio politiken zorroa onesten da, II. eranskinean jasoa, migratzaileei zuzendutako hiru zerbitzuak zehaztuta.

Lehenengo xedapen gehigarrian, geroko erregelamendu baterako uzten dira zerbitzu soziosanitarioen zorroaren lurralde eremua, administrazio egitura, finantzaketa eta gobernantza.

Bigarren xedapen gehigarrian, osatu eta bateratu egiten da adinekoen edo nagusiki adinekoen bizikidetzarako elkarlaneko bizitokien izena; hala bada, adinekoen elkarlaneko bizitoki deituko dira.

Azkenik, azken xedapenetako lehenaren bidez, aldatu egiten da 48/2020 Foru Dekretuaren azken xedapenetako lehena (48/2020 Foru Dekretua, uztailaren 15ekoa, zeinaren bidez arautzen baitira Oinarrizko Gizarte Zerbitzuen oinarrizko programak eta finantzaketa sistema), toki-erakundeek foru dekretu honen I. eranskinean ezarritako oinarrizko talde profesionalean ezarritako figura profesionalak eduki behar dituzten epea luzatzeko.

Eta azken xedapenetako bigarrenaren bidez, aldatu egiten dira 34/2011 Foru Dekretuaren zenbait alderdi (34/2011 Foru Dekretua, maiatzaren 2koa, Gizarte Zerbitzuen eta gizarte zerbitzuen gaineko Baimen Berariazkoen Erregistroa arautzen duena).

Horrenbestez, Eskubide Sozialetako kontseilariak proposaturik, Nafarroako Kontseiluaren arabera eta Nafarroako Gobernuak 2023ko apirilaren 5eko bilkuran hartutako Erabakiarekin bat,

DEKRETATZEN DUT:

1. artikulua. Aldatu egiten da 92/2020 Foru Dekretua, abenduaren 2koa, arautzen dituena, batetik, Nafarroako Foru Komunitateko gizarte zerbitzuen sistemaren barruan, egoitza zerbitzuen, eguneko zerbitzuen eta zerbitzu anbulatorioen funtzionamendua adinekoen, desgaitasuna dutenen, eritasun mentala dutenen eta gizarte inklusioaren arloetan, eta bestetik, baimenen, aurretiazko komunikazioen eta homologazioen araubidea.

Honako aldaketa hauek egin dira abenduaren 2ko 92/2020 Foru Dekretuan.

Bat.-Foru dekretuaren izenburua aldatzen da, eta honela idatzita agertuko da:

"Abenduaren 2ko 92/2020 Foru Dekretua, arautzen duena Nafarroako Foru Komunitateko gizarte zerbitzuen sistemaren barruan, egoitza zerbitzuen, eguneko zerbitzuen eta zerbitzu anbulatorioen funtzionamendua adinekoen, desgaitasuna dutenen, nahasmendu mentala dutenen, adigabeentzako arretaren eta gizarte inklusioaren arloetan, eta, bestetik, baimenen, aurretiazko komunikazioen eta homologazioen araubidea".

Bi.-Zioen azalpena aldatzen da.

Zioen azalpenean III. apartatua eransten da, eta eduki hau izanen du:

"III

Ekainaren 2ko 8/2021 Legea, zeinaren bidez legedi zibila eta prozesala erreformatzen baitira desgaitasuna duten pertsonei gaitasun juridikoa erabiltzen laguntzeko, onetsi ondoren, zerbitzuen betebeharrei buruzko araudian beharrezko izan diren aldaketa guztiak egin dira gure ordenamenduan -Desgaitasuna duten pertsonen eskubideei buruzko Nazioarteko Konbentzioaren 12. artikulura egokitzeko- desagertu diren instituzioen aipamenak (babesa edo ezgaitzea kasu) ezabatzeko; hala, horien ordez figura berriak gehitu dira, zeinek bermatu egiten baitizkiete gaitasun juridikoa erabiltzeko asistentzia behar dutenei horretarako beharrezko diren laguntzak, gehienbat asistentzialak edo, halakorik ezean, ordezkaritza bidezkoak, baina betiere, babesten diren desgaitasuna duten pertsonen eskubideak, nahiak eta lehenespenak errespetatuz.

Halaber, 2022ko ekainaren 28an, Gizarte Zerbitzuen eta Autonomiaren Aldeko eta Mendetasunari Arreta Eskaintzeko Sistemaren Lurralde Kontseiluaren Akordioak, Autonomiaren Aldeko eta Mendetasunari Arreta Eskaintzeko Sistemarako zentro eta zerbitzuen egiaztapen eta kalitate irizpide komunei buruzkoak, gutxieneko batzuk ezarri zituen; gehienak bat zetozen foru dekretu honetan finkatutako araudiarekin, baina, era berean, haren zenbait alderdi orokor egokitu behar dira, bai eta egoitzei, eguneko zentroei, Etxeko Arreta Zerbitzuari eta Telelaguntza zerbitzuari bakarrik dagozkien beste batzuk ere.

Horien barruan, egokitzapena egin aurretik zeuden eskakizunekin lotutako inbertsioak beharko dituztenen kasuan, baldintza izanen da, aipatutako Akordioaren hogeita hamazazpigarren puntuak xedatzen duen bezala, aurrekontu ekitaldi bakoitzean akordioa betetzeko aurrekontu baliabideak egotea -Autonomia pertsonala sustatzeari eta mendetasun-egoeran dauden pertsonak zaintzeari buruzko abenduaren 14ko 39/2006 Legearen 7.2 artikuluan jasotako babes mailaren eta lege horren 10. artikuluan ezarri bezala ondoz ondo sinatuko diren lankidetza hitzarmenen barruan-".

Hiru.-Foru dekretuaren 1. artikulua aldatzen da, eta testu hau izanen du:

"1. artikulua. Xedea.

Foru dekretu honen xedea da Nafarroako Foru Komunitatean izaera soziala duten egoitza zerbitzuen, zerbitzu anbulatorioen eta eguneko zerbitzuen funtzionamenduaren araubide juridikoa ezartzea, zehazki, adinekoen, desgaitasuna dutenen, nahasmendu mentala dutenen, adingabeentzako arretakoen eta gizarte-inklusioaren arloetakoak, eta, horrekin batera, baimena lortzeko eskatzen diren gutxieneko betebeharrak finkatzea, baita aurretiazko komunikazioen eta homologazio administratiboen araubidea ere, foru dekretu honen I., II. eta III. eranskinetan jasotzen direnak."

Lau.-Foru dekretuaren 2. artikulua aldatzen da, eta testu hau izanen du:

"2. artikulua. Aplikazio eremua.

1. Hauxe da arau honen aplikazio eremua: Nafarroako Foru Komunitatean gizarte inklusiorako eta adineko pertsonei, desgaitasuna dutenei eta nahasmendu mentala dutenei eta adingabeei arreta emateko dauden egoitza zerbitzu, zerbitzu anbulatorio eta eguneko zerbitzu guztiak.

2. Foru dekretu honetatik kanpo gelditzen dira martxoaren 23ko 209/1991 Foru Dekretuan -9/1990 Foru Legea, azaroaren 13koa, Gizarte Zerbitzuen arloko baimen, arau-hauste eta zehapenen araubideari buruzkoa garatzekoan- adierazitako familiaren eta komunitatearen arloko zerbitzuak, bai eta emakumeen aurkako indarkeriarekin lotutakoak ere".

Bost.-Foru dekretuaren 39. artikuluaren a), d), h) eta l) apartatuak aldatu eta n) apartatua gehitzen da, eta testu hau izanen dute:

"a) Autonomia pertsonala eta partaidetza sustatzea, adinaren araberako tratua bermatuta, ahalbidetuz pertsonek beren gaitasunak garatzen, mantentzen eta erabiltzen dituztela, zenbait aukerabideren artean aukeratzen ahal dutela eta norberari eragiten dioten erabakietan parte hartzen dutela, norberaren arretaren plangintzatik beretik, baita zerbitzuko bizimoduari buruzko erabakietan ere, bizitzaren amaieran dituzten lehenespenak barne.

d) Arretaren pertsonalizazioa, malgutasunez jokatuz arreta ahalik eta gehien egokitu dakien pertsonaren behar, eskakizun eta itxaropenei, eta, horretarako, aintzat hartuko da pertsonaren beraren iritzia eta harentzat esanguratsuena dena. Ahal den neurrian, eta zentro bakoitzaren ezaugarriak kontuan harturik, ahaleginak eginen dira pertsonen zuzeneko arretaz arduratzen diren profesionalak beti pertsona berak izan daitezen, zentroetako eremuen eta bizikidetza guneen arteko errotazioa gutxituz. Gainera, kontratazioaren arloan egonkortasuna sustatuko da; hala bada, bermatuko da kontratu mugagabeak Mendekotasuna dutenen Autonomiarako eta Arretarako Sistemako (MAAS) zentro eta zerbitzuetako lan-kontratazio guztietatik %80 izatea, betiere langileen eskaintzarik ez dagoelako justifikatu eta egiaztatutako arrazoirik ezean. Ahal denean, halaber, lanaldi osokoak izanen dira, eta horrela izanen dira, gutxienez, erakundeak kontratutako ordu guztien %66, eta %50, berriz, etxeko laguntzaren zerbitzuari dagokionez, hori guztia erabiltzaileen eta zuzeneko arretako profesionalen arteko harremana etengabea eta egonkorra izan dadin eta ezagutza handiagoa sustatzearren.

Lan-kontratazioaren izaera mugagabeari buruzko gutxienekoak interpretatzeko eta kontrolatzeko orduan, iruzurra eragoztea izanen da helburu bakarra, eta lanaldiaren iraupenari dagokionez gutxienekoak interpretatu eta kontrolatzeko orduan, berriz, familia eta lana bateragarri egiteko beharrak hartuko dira kontuan, eta langileen borondatearen arabera egiaztatzen ahalko da hori.

Bi kasuetan, kontrolaren ondorioak geroratzen ahalko dira, langileek kontratuak beren borondatez indargabetuz gero.

h) Langileak motibatzea eta etengabeko prestakuntza ematea.

Prestakuntza horren barrenean, betiere, pertsonarengan zentratutako arretari buruzkoa eta laneko arriskuen prebentzioari buruzkoa sartuko da, eta, azken horren barrenean, gizarte eta osasun zerbitzuetan zentroetan osasun publikoko krisialdiei aurre egiteko beharrezkoa dena eta arrisku psikosozialei, biologikoei eta ergonomikoei modu egokian aurrea hartzeko beharrezkoa dena.

Lehentasuna emanen zaio, halaber, Gizarte Zerbitzuen eta Autonomiaren Aldeko eta Mendetasunari Arreta Eskaintzeko Sistemaren Lurralde Kontseiluak onartzen duen Prestakuntza Plan Orokorrean jasotako prestakuntzari, langile berrientzat behar den prestakuntza, pertsonen eskubideei buruzko prestakuntza eta praktika profesional etikoa barne, Gizarte Zerbitzuen eta Autonomiaren Aldeko eta Mendetasunari Arreta Eskaintzeko Sistemaren Lurralde Kontseiluaren 2022ko ekainaren 28ko Akordioaren bederatzigarren puntuan aurreikusitako eremuetan.

Adingabeen eremuan, arreta berezia eta urtean gutxienez 20 ordu emanen dira, haur eta nerabeei tratu ona emateko prestakuntzari dagokionez.

Zerbitzuko titularrek edo arduradunek egin dezaketen motibazio lana alde batera utzi gabe, berariazko baliabideak artikulatuko dira langileen motibazioari eusteko, batez ere egoera zailen ondoren, edo hala erabakitzen denean arrisku psikosozialen ebaluazioen esparruan, talde espezifikoak barne, horretarako behar den denbora planifikatuz eta emanez.

l) Emakumeen eta gizonen arteko berdintasuna eta genero ikuspegia sustatuko dira, zaintza lanetan neskak eta emakumeak betikotzen dituzten rolak eta estereotipoak finka ez daitezen, eta, aldi berean, zaintzak aintzat hartu eta balioetsiko dira, bizitzaren ezinbesteko dimentsio gisa.

n) Kudeaketa publikoa eginen da zuzenean, edo itun sozialen bidez, horrelakoak egiten ahal badira."

Sei.-40. artikuluko 1.b) apartatua aldatzen da eta bigarren paragrafoa gehitzen, eta testu hau izanen du:

"Betebehar hori ez da aplikagarria adingabeentzako arretaren arloan, horiek kanporatzeko aukerarik ez baitago, eta ez da hartzen ahal adingabeentzako arretarako zentroetako bizikidetzari buruzko foru legedian ezarri gabeko neurri zuzentzailerik".

Zazpi.-Foru dekretuaren 41. artikuluko a), b), c), d), j), k), m) eta n) apartatuak aldatzen dira, eta testu hau izanen dute:

"a) Askatasun indibiduala establezimenduan sartzeko, egoteko (baldin eta zerbitzuaren arauak errespetatzen badira) eta ateratzeko eskubidea, baina, gaitasun juridikoa erabiltzeko laguntza behar duten pertsonen kasuan, indarreko legedian ezarritako laguntzekin, eta harrera eskubidea deusetan galarazi gabe, publikoak, homologatuak edo diruz lagunduak ez diren zerbitzuen kasuan. Halaber, ez da inola ere horietan sartzeko bereizkeriazko betekizunik ezartzen ahalko, horren barruan nahasmendu mentala, eritasun transmitigarria edo portaeraren nahasmendua jasota.

Ekintza positiboko neurriak ezartzen ahalko dira, eta, nolanahi ere, egoitzako tokietan sartzeko lehentasuna izanen dute indarkeriaren biktima diren emakumeek.

Adingabeen arretaren arloan, babesteko erakunde publikoak erabakiko ditu sarrerak, deusetan galarazi gabe adingabeek prozeduran entzunak izateko duten eskubidea, horiek babesteko foru legedian ezarritakoaren arabera".

b) Zerbitzua ematen duten langileengandik tratu pertsonalizatua, abegitsua, hurbila, goxoa eta duina hartzeko eskubidea, haien intimitatea, nortasuna, sexu orientazioa, genero adierazpena eta sexu edo genero identitatea, normalean erabiltzen duen hizkuntza eta sinesmenak errespetatzen dituena, pertsona bakoitzaren berezitasunak errespetatuz eta balioetsiz, bakoitzaren biografiara, inguruabarretara eta bizi proiektu pertsonalera hurbilduz eta aniztasuna aintzat hartuz, aberastasun iturria den aldetik.

c) Arreta pertsonalizatua jasotzea, aintzat hartuz bakoitzaren behar espezifikoak, nahiak, lehentasunak eta pertsonarengan zentratutako banakako arreta planean edo, babesteko erakunde publikoaren babes edo zaintzari lotutako adingabeei dagokienez, banakako babes planean ezarritako helburuak; eta sostenguak jasotzea, norberarentzat adierazgarria den bizitza lortzen orientatzearren, bakoitzaren nortasunaren arabera.

Pertsona transexual, transgenero edo intersexual batek hala eskatzen badu, neurriak hartuko dira sexuaren arabera bereizitako espazioak edo ekipamenduak banaka erabili ahal izateko, sentitzen duen sexua kontuan hartuta.

d) Zaurgarritasuna eta bizitzan zehar izaten diren elkarren menpekotasunezko harremanak aitortzeko eskubidea, eta horren barruan dago familiarekin, lagunekin eta norberaren ingurune sozialeko pertsonekin harremanak izateko eskubidea. Hala, erraztasunak emanen dira zentrora joan daitezen, edozein etxetako bizikidetzaren eta beharrezko antolaketaren ondoriozkoak beste mugarik gabe, egoiliarrek haien sostengua jasotzeko eta besteei laguntzen segi dezaten, eta ahaide edo hurbileko horiekin eginiko bileretan egon daitezen, bakoitzaren egoera eta ezaugarriak zein diren gorabehera, betiere ez bada horrelakorik nahi ez dutela edo, ezohiko arrazoi batengatik, egoki irizten ez zaiola.

Egoiliarrarentzat kaltegarriak izan daitezkeen ahaideek bisita-eskaera eginez gero, egoiliarrei aholkularitza emanen zaie.

j) Informazioa jasotzeko eskubidea, batez ere bere egoera pertsonal eta familiarrari buruz, bere eskubide eta eginbeharrei buruz, zeinak erabiltzaileei jakinaraziko baitzaizkie edozein euskarritan (legez bermatutako gutxieneko prestazioekin batera), zentroko zerbitzuen prezioei buruz edo egin beharreko ekarpenari buruz, zerbitzua ematen duen pertsonak edo entitateak zerbitzu horren lizitazioan parte hartzeko eskatutako gutxieneko baldintzetatik gora eskaini dituen baldintzei buruz, zentroan egiten duen bizitzari eragiten ahal dioten alderdiei buruz eta gizarte zerbitzuen arloan eskumena duen departamentuak egiten dituen ikuskapenen emaitzei buruz.

Hauteskunde prozesuen aurreko egunetan, adinez nagusi diren pertsona guztiek botoa emateko duten eskubideari buruzko informazioa jasotzeko eskubidea, desgaitasuna eta hori eragozten dien ezgaiketa-epaia, halakorik bada, alde batera utzita; eta botoa emateko interesik dutenei dagokienez botoa emateko eskubidea erabiltzeko behar dituzten babesei buruzko informazioa jasotzeko eskubidea.

Zentro eta zerbitzuen titularrek ingurumenaren jasangarritasuna laguntzeko egiten dituzten ekintzei buruzko informazioa jasotzeko eskubidea, bai eta egoiliarrek berek egiten ahal dituztenei buruzkoa ere.

k) Bere zainketei, bere osasunari, pronostikoari eta erabakiak aurretiaz hartzeari buruzko eta agindu zaizkion tratamendu medikoei buruzko informazioa hizkera ulergarrian jasotzeko eskubidea, pertsonek osasun arloan dituzten eskubide eta betebeharrei buruzko araudiaren arabera.

Osasun arreta publikoa oinarrizko osasun laguntzako, arreta espezializatuko eta ospitaleko arretako baliabideetan jasotzeko eskubidea; eta horien barrenean sartuko da osasun sistema publikoarekin koordinazio eta lotura funtzioak dituzten profesionalen aurreikuspena, toki kopuruaren arabera, langileen eskakizunak arautzean foru dekretu honetan ezarritako baldintzen arabera.

Osasun arloko eta gizarte zerbitzuetako eskumenak dituzten departamentuek ziurtatuko dute egoitza edo zerbitzu bakoitzak -publikoa, baimendua edo homologatua izan- koordinazio plan funtzional bat izanen duela, eta plan hori zentroa edo zerbitzua kokatuta dagoen eskualdeari edo eremuari dagokion eskumena duen osasun sistema publikoarekin batera eginen duela.

Departamentu horiek, gainera, beharrezkoa delarik, koordinazio soziosanitarioko beste edozein tresna iraunkor ezarriko dute, gizarte eta osasun arloen artean behar den lankidetza bermatu dadin, mendekotasun egoeran dauden pertsonen arreta beharrei modu integral, koordinatu eta eraginkorrean erantzuteko.

m) Lotura fisiko eta kimikoetatik libre izateko eskubidea. Eta horrelakoak daudelarik, horiek kentzeko plana aplikatuko da, zeina osoki eta eraginkortasunez ezarrita egonen baita 2025eko ekainaren 30a iritsi aurretik. Horrelakoak ohiz kanpoko kasuetan baizik ez zaizkio aginduko, eta alternatiba bakarra denean, gizarte zerbitzuei buruzko foru legedian eta oinarrizko legedian -8/2021 Lege Organikoa, ekainaren 4koa, Haurrak eta Nerabeak Indarkeriatik Begiratzeko Babes Integralarena barne- eta adingabeei buruzko foru legedian arlo horretan indarrean dagoen araudiarekin bat etorriz.

n) Zerbitzutik kanporatua ez izateko eskubidea, non eta aurretik prozedura bat egiten ez den. Prozedura horretan kanporaketaren arrazoiari buruzko informazioa emanen zaio erabiltzaileari, eta haren iritzia entzunen da azken erabakia hartu baino lehen, deusetan galarazi gabe berehalako kautelazko neurriak hartzea zerbitzua edo hirugarren pertsonak babesteko; horiek nahitaezkoak izanen dira emakumeen kontrako indarkeriako kasuetan".

Zortzi.-Foru dekretuaren 43. artikuluaren 1. apartatuari 5. paragrafoa gehitzen zaio, eta testu hau izanen du:

"Maila kognitiboan edo komunikazio mailan laguntza behar handiak dituzten pertsonei dagokienez, behar diren baliabideak eta tresnak paratuko dira Kontseiluaren edo beste formula batzuen bidez ere parte har dezaten".

Bederatzi.-Foru dekretuaren 43. artikuluaren 3. apartatuari 2. paragrafoa gehitzen zaio, eta testu hau izanen du:

"Maila kognitiboan edo komunikazio mailan laguntza behar handiak dituzten pertsonei dagokienez, neurriak hartuko dira haiei informazioa emateko eta botoa eman dezaten sustatzeko eta errazteko".

Hamar.-Foru dekretuaren 43. artikuluaren 10. apartatuari 2. paragrafoa gehitzen zaio, eta testu hau izanen du:

"Etengabeko komunikazio eta informazio kanalak egonen dira familiekin edo hurbileko pertsonekin, eta bilerak eginen dira aldian behin; horrez gain, sistema bat egonen da egokitzapen aldian familiak edo hurbilekoek jarraipena egiten dutela bermatzeko, bai eta abisua ematen zaiela ere esku-hartze espezifikoei edo hautemandako zailtasunei edo bizikidetza normala aztoratzen duten gatazkei buruz".

Hamaika.-Foru dekretuaren 43. artikuluari 12. apartatua gehitzen zaio, eta testu hau izanen du:

"12. Zentro edo zerbitzuen pertsona eta erakunde titularrek erabiltzaileen parte-hartze aktiboa eta genero joerarik gabea sustatu behar dute, bai eta, betiere haiek onartuz gero, haien familien, hurbilekoen eta zaintzaile informalen parte-hartzea ere".

Hamabi.-Foru dekretuaren 44. artikuluaren 3. apartatuaren 1. paragrafoa aldatzen da, eta testu hau izanen du:

"3. Pertsonarengan zentratutako arretari sostengua emateko Sarearen Batzordean, gutxienez, hamabi aditu izanen dira, pertsonarengan zentratutako arretan oinarritutako ikuspegia, ekintzak eta ereduak dituzten zentro edo zerbitzuen kudeatzaile diren pertsonek edo entitateek aukeratuko dituztenak; horiez gainera, gizarte zerbitzuen arloan eskumena duen departamentuaren bi ordezkari arituko dira, Batzordeko lehendakari eta idazkari lanetan".

Hamahiru.-Foru dekretuaren 46. artikuluaren 2. apartatua aldatzen da eta 3. apartatua gehitzen zaio; testu hau izanen du:

"2. Salaketak aurkezteaz gainera, zilegi izanen da ikuskatzailetzari eskatzea egiazta dezala foru dekretu honetako arauak betetzen diren, dela bertan aipatzen diren zerbitzuak emateko kontratu edo itunen jarraipen batzordeetan ordezkatuak dauden sektoreek eskatuta, dela foru dekretu honetan aipatzen diren zentro eta zerbitzuetako partaidetza kontseiluetan edo antzeko organoetan ordezkatuak dauden sektoreek eskatuta. Bi bide horiek, bai eta kanal irisgarriak ere, erabili beharko dira, nolanahi ere, pertsonen kontrako era guztietako indarkeriaren edo tratu txarren berri dutenean, dela adinagatik, dela pobreziagatik edo gizarte bazterketako egoeragatik, adingabeak izan, edo desgaitasuna edo nahasmendua mentala duten pertsonak izan.

3. Ikuskatzailetzak bere planen, egindako ikuskapenen eta kalitate ebaluazioen emaitzen berri emanen du, bai eta foru dekretu honetan ezarritako arreta ereduari egokitzeko trantsizio edo egokitzapen planen berri ere".

Hamalau.-Foru dekretuaren seigarren xedapen gehigarriaren 1. apartatua aldatzen da, eta testu hau izanen du:

"Seigarren xedapen gehigarria.-Araudira egokitzeko epea.

1. Foru dekretu honetan araututa eta mendekotasun egoeran dauden pertsonentzat legez ezarritako zerbitzuen katalogoan dauden zentro eta zerbitzuetako titularrak diren pertsona edo entitateek, Gizarte Zerbitzuen eta Autonomiaren Aldeko eta Mendetasunari Arreta Eskaintzeko Sistemaren Lurralde Kontseiluaren 2022ko ekainaren 28ko Akordiorako egokitzapenak indarra hartzen duen egunean abian baldin badaude eta funtzionamendu baimena baldin badute, foru dekretu honen aurreikuspenetarako egokitzapena planifikatu beharko dute akordio horretan ezarritako epeen barruan.

2021eko martxoaren 17a baino lehen baimendutako gainerako pertsonek edo entitateek, akordioak eragiten ez badie, 4 urteko epea izanen dute, 2021eko martxoaren 17tik aurrera zenbatuta, arau honetan xedatutakoa betetzeko, bertan jasotako zentroen espazioei eta azalerei buruzko zehaztapen materialak izan ezik.

Itundu gabeko zerbitzu edo zentro pribatuen titular diren pertsonek edo entitateek Gizarte Zerbitzuen eta Autonomiaren Aldeko eta Mendetasunari Arreta Eskaintzeko Sistemaren Lurralde Kontseiluaren 2022ko ekainaren 28ko Akordioan ezarritako baldintzak bete beharko dituzte horietan arreta ematen dieten eta mendekotasuna duten pertsonek zerbitzuari lotutako prestazio ekonomikoa jaso ahal izan dezaten.

Titulartasun publikoko zentro eta zerbitzuek, zuzeneko edo zeharkako kudeaketan, edo lotutako prestazio ekonomikoa jasotzen duten eta mendekotasun egoeran dauden pertsonei arreta ematen dieten zentroetako plazek inbertsioak egin behar badituzte ratioak handitzeagatik edo Gizarte Zerbitzuen eta Autonomiaren Aldeko eta Mendetasunari Arreta Eskaintzeko Sistemaren Lurralde Kontseiluaren 2022ko ekainaren 28ko Akordioan onetsi aurretik zeuden instalazioetan obrak egin behar dituztelako, inbertsio horiek egiteko baldintza izanen da aurrekontua egotea, hau da, abenduaren 14ko 39/2006 Legearen, autonomia pertsonala sustatzeari eta mendetasun-egoeran dauden pertsonak zaintzeari buruzkoaren, aurreikuspenen barruan, akordio hori aurrekontu ekitaldi bakoitzean betearazteko erabili behar dena, alegia.

Gizarte zerbitzuen arloan eskumena duen departamentuak, ekitaldi bakoitzerako finantzaketa zein den jakin ondotik, dirulaguntzen deialdietan edo kontratuen, itun sozialen edo zeharkako kudeaketako edozein modalitateren lizitazioetan edo aldaketetan jasoko ditu finantzaketa horren helburuen arabera eskatu beharreko akordioaren baldintzak eta foru dekretu honen mendeko entitateek edo pertsonek finantzaketa hori zer neurritan eskuratuko duten.

2. Abian dauden egoitzetan, logelak dituen solairu batean eraberritze obrak eginez gero, eraberritze obra horiek 700 m²-ko edo hortik gorako eremu berri bati eragiten badiote eta hamabost toki edo gehiago jartzea ekartzen badute, foru dekretu honetan bizikidetza unitateetarako ezarritako betebeharrak bete beharko dira. Horrela izan ezean, ez da beharrezkoa izanen espazioak eredu horren arabera banatzea, deusetan galarazi gabe espazio berrietan oro har egiaztatu beharko diren irisgarritasun baldintzak edo finantzaketa publikoa egotearen ondoriozko betebeharrak; Gizarte Zerbitzuen eta Autonomiaren Aldeko eta Mendetasunari Arreta Eskaintzeko Sistemaren Lurralde Kontseiluaren 2022ko ekainaren 28ko Akordiorako egokitzapena indarrean jartzean, abian diren zentroetako bizikidetza unitateak gehitzeko finantzaketa, hain zuzen ere.

Ez da zilegi izanen solairu berean eraberritze obra bat baino gehiago egitea bata bestearen atzetik, helburua bada horrela ez gainditzea -diseinuari dagokionez- bizikidetza unitateak sortu behar izateko muga hori.

Egiturazko arrazoiengatik edo solairuaren konfigurazioagatik ezinezkoa bada bizikidetza unitateetarako irizpideei jarraikiz diseinatzea, ezintasun hori justifikatu beharko da titularrak funtsezko aldaketarako bidaltzen duen aurreproiektuan.

3. Jarduketa bakar batean edo gehiagotan obrak egiten badira hamabost egoiliar-toki edo gehiago gehitzeko, eta denak solairu berean proiektaturik badaude, foru dekretu honetan bizikidetza unitateetarako ezarritako betebeharrak bete beharko dira.

4. Toki erakundeek zuzenean kudeatzen dituzten zerbitzuen homologazio administratiboa mantentzeko egiaztapen bisiten ondorioetarako, foru dekretu honek indarra hartzen duenean zerbitzuak abian badaude, 38. artikuluan adierazitako epea hasiko da kontatzen foru dekretu honek indarra hartzen duenean".

Hamabost.-Zazpigarren xedapen gehigarria eta zortzigarren xedapen gehigarria gehitzen dira, eta testu hau izanen dute:

"Zazpigarren xedapen gehigarria.-Izenak.

Pertsonarengan Zentratutako Banakako Arreta Planen izenari eusten ahalko zaio, edo izen horren ordez, arreta eta sostengurako plan pertsonala edo bizi proiekturako arreta eta sostengua emateko plan pertsonala erabiltzen ahalko da, eta horien izena edozein dela ere, foru dekretu honetan ezarritakoari jarraituko diote.

Zortzigarren xedapen gehigarria.-Osasun mentalari buruzko terminologia.

Azaroaren 28ko 31/2022 Foru Legea, Nafarroan desgaitasuna dutenei arreta emateari eta beren eskubideak bermatzeari buruzkoa, indarrean jartzen delarik indarreko araudian eritasun mentalaren arloko zerbitzuei egindako aipamenak nahasmendu mentalaren arloko zerbitzuei egindakotzat hartuko dira.

Hamasei.-Foru dekretuaren lehenengo xedapen iragankorra aldatzen da, eta testu hau izanen du:

"Lehenengo xedapen iragankorra.-Zuzendari eta koordinatzaile aritzeko gaikuntza.

Gizarte Zerbitzuen eta Autonomiaren Aldeko eta Mendetasunari Arreta Eskaintzeko Sistemaren Lurralde Kontseiluaren 2022ko ekainaren 28ko Akordiorako egokitzapena indarrean jartzen denean zentro edo zerbitzuetan, elkarlanekoetan izan ezik, zuzendaritza postuetan dauden pertsonek graduko unibertsitate titulazioa edo baliokidea izan beharko dute, bai eta foru dekretu honetan ezarritako prestakuntza espezializatua ere. Prestakuntza espezializaturik ezean, sektorean gutxienez 5 urteko esperientzia dutela egiaztatu beharko dute.

Unibertsitateko titulurik ez duten pertsonek zuzendaritza postuetan 3 urteko esperientzia izan beharko dute, bai eta prestakuntza osagarria ere, 125 ordukoa gutxienez.

Gizarte inklusioaren eremuan, foru dekretu hau indarrean jartzean zuzendaritzan ari diren pertsonek bertan segitzeko aukera izanen dute, nahiz eta prestakuntza baldintzak bete ez, baldin eta sektore horretan 10 urtetik gorako esperientzia badute.

Beren titulazioan edo prestakuntza osagarriaren barruan lan-osasuneko prestakuntzarik jaso ez dutenek gutxienez 5 orduko oinarrizko prestakuntza egiaztatu beharko dute, eta horri buruzko funtsezko informazioa eman beharko diete langileei.

Adingabeen eremuan, tratu onari buruzko gutxienez 20 orduko prestakuntza jaso ez dutenek gutxieneko prestakuntza hori egin dutela egiaztatu beharko dute bi urteko epean.

Gizarte Zerbitzuen eta Autonomiaren Aldeko eta Mendetasunari Arreta Eskaintzeko Sistemaren Lurralde Kontseiluaren 2022ko ekainaren 28ko Akordiorako egokitzapena indarrean jartzen denean zentro edo zerbitzu baten baino gehiagoren zuzendaritza duten pertsonek zenbait zentrorentzako zuzendaritza bakarra edukitzen ahalko dute, nahiz eta II. eranskinean ezarritako toki kopurua gainditu, betiere zentro bakoitzeko zuzendaritzaren mendeko zuzendaritza egiturarik badute".

Hamazazpi.-Foru dekretuaren bigarren xedapen iragankorra aldatzen da, eta testu hau izanen du:

"Bigarren xedapen iragankorra.-Adingabeen arretarako zentroetan dagoeneko betetako lanpostu batzuetarako titulazio baldintzak eta ratioak egokitzeko epea.

1. Salbuespenez, lanpostu horretan jarraitzen ahalko dute zuzeneko arretako hezitzaile lanpostuan Gizarte Integrazioko teknikariaren titulazioarekin ari diren profesionalek, baldin eta gutxienez bost urteko antzinatasuna badute, bai eta Irakasle, Pedagogia, Psikopedagogia, Psikologia eta Soziologiako unibertsitate gradu/diploma/lizentzia duten profesionalek ere, bi urte baino gehiagoko antzinatasuna badute. Unibertsitateko titulazio hori duten pertsonek lanpostuan bi urteko esperientziarik ez badute, zuzeneko arretako hezitzailearen funtzioa betetzen jarraitzen ahalko dute oraindik, baina 3 urte gehienez. Epe horretan, Familia eta Adingabeen unibertsitateko adituko, espezializazio diplomako edo unibertsitate masterreko prestakuntza egiaztatu beharko dute, gutxienez 28 ECTSkoa edo horren baliokideko orduetakoa.

2. Sostengurako hezitzaileen lanpostuetan Irakasle, Pedagogia, Psikopedagogia, Psikologia eta Soziologiako unibertsitate gradu/diploma/lizentzia duten profesionalak egoten ahalko dira, baldin eta lanpostu horretan 2 urtetik gorako antzinatasuna badute, eta dagozkien kontratu edo itun sozialak indarrean dauden bitartean edo kontratazio edo itun sozial berriak adjudikatu arte.

3. Adingabeak babesteko egoitza baliabideek, adingabekoentzako behaketa eta harrera zentroetakoek izan ezik, baldin eta zerbitzuak 2021a baino lehenagoko kontratu edo itun sozial baten bidez ematen ari badira, bi urteko epea izanen dute foru dekretu honetan eskatutako ratioetara egokitzeko, edo, hala badagokio, dagokion kontratuan edo itun sozialean eskatutakoetara."

Hemezortzi.-Foru dekretuaren I. eranskineko (Gizarte zerbitzuen sistemako zerbitzuen betebehar material eta funtzionalak) A) multzoko betebehar materialen 1. apartatuko 4. paragrafoa aldatzen da, eta testu hau izanen du:

"Ingurune ez-bakartu batean kokatuko dira, komunitate-zerbitzuetatik hurbil, salbu eta justifikatutako kasuetan, eta egoitzakoak eta eguneko zentroak, oro har, hiri lurzoruan, eta salbuespenak landa eremuetan edo biztanle gutxi dituztenetan baino ez dituzte baimentzen ahalko toki erakundeek eta hiri lurzoruaren mugakide den lurzoruan.

Justifikatuta dauden kasuetan salbuespena aplikatzen bada eta zentroa komunitate-zerbitzuetatik hurbileko eremu batean ez egotea edo ingurune bakartu batean egotea baimentzen bada, Administrazio publikoek eta zentroak berak komunitate-zerbitzuetara iritsi ahal izateko garraio formulak aztertu eta ezarri beharko dituzte, egoiliarrei eta erabiltzaileei ahalik eta kostu txikiena ekarrita".

Hemeretzi.-Foru dekretuaren I. eranskineko (Gizarte zerbitzuen sistemako zerbitzuen betebehar material eta funtzionalak) A) multzoko betebehar materialen zatiaren 16. apartatua aldatzen da, eta testu hau izanen du:

"16. Egoitzetako toki kopuru mugatua.

1. Oro har, eraikitzeko obra-lizentzia edo zerbitzuaren lizitazioa 2023ko martxoaren 28aren ondoren jasotzen duten titulartasun edo kudeaketa publikoko edo titulartasun pribatuko egoitzetan, adinekoen zentroak badira, 120 toki izanen dira gehienez biztanle anitzeko hiri edo eremuetan, 90 toki dentsitate ertaineko herri edo eremuetan, eta 75 toki, landa eremuetan edo biztanle gutxikoetan. Batentzako logelak, gutxienez, %80 izanen dira.

Landa eremuetan edo biztanle gutxiko eremuetan edo dentsitate ertaineko eremuetan dauden aurreko paragrafoko zentroetarako, 120 toki ere baimentzen ahalko dira, betiere bideragarritasun ekonomikoko salbuespenezko inguruabarrak behar bezala egiaztatzen badituzte.

Desgaitasuna duten pertsonen zentroetan 50 toki egonen dira gehienez.

2. Titulartasun eta kudeaketa publikoko egoitzetan, lehendik badaude edo 2023ko martxoaren 28a baino lehenagoko lizitazioa badute, %10 izanen dira batentzako logelak landa eremuetan edo biztanle gutxiko eremuetan; %20, dentsitate ertaineko herri edo eremuetan, eta %25, dentsitate handiko hiri edo eremuetan.

Batentzako logelen ehunekoa handitzeko obrak egin behar dituztenek 2029ko abenduaren 31ra arteko epea izanen dute horretarako, ez bada horretarako finantzaketa publikoa lortzen dutela dagokion deialdian ezarritakoaren arabera, betiere dirulaguntzak kostuaren zatirik handiena estaltzen badu.

Salbuespenak baimentzen ahalko dira gehienez 35 toki dituzten zentroei dagokienez, baldin eta bideragarritasun ekonomiko edo arkitektonikoko salbuespenezko inguruabarrak egiaztatzen badituzte.

3. Ez dituzte 50 toki baino gehiago izaten ahalko lehendik dauden titulartasun eta kudeaketa publikoko eguneko zentroek eta titulartasun pribatuko eguneko zentroek, baldin eta eraikitzeko obra-lizentzia 2023ko martxoaren 28aren ondotik lortzen badute edo egun horretan obra-lizentziarik ez badute.

50 toki baino gehiago dituzten gainerako zentroek egokitzapen plan bat aurkeztu eta gauzatu beharko dute, edo, bestela, daukaten planean neurriak jaso beharko dituzte eguneko egonaldi unitate independenteetan arreta pertsonalizatua bermatzeko".

Hogei.-Foru dekretuaren I. eranskineko (Gizarte zerbitzuen sistemako zerbitzuen betebehar material eta funtzionalak) A) multzoko betebehar funtzionalen zatiaren 1. apartatua aldatzen da, eta testu hau izanen du:

"1. Arreta integrala, pertsonarengan zentratua.

Foru dekretu honetan araututako zerbitzuen erabiltzaileei arreta integrala eman beharko zaie, hau da, osasun eta ongizate eredu global bat lortzera joko da, non osasun arloko alderdiak, alderdi fisikoak, sozialak, familiarrak, psikologikoak, bizikidetzari eta harremanei lotuak, kulturalak, espiritualak eta bestelakoak aintzat hartuko baitira, denak elkarren artean behar bezala koordinaturik.

Gainera, arreta pertsonalizatua emanen da, egoiliar bakoitzaren beharrei egokitua, pertsonarengan zentratutako banakako arreta plan bat prestatuz, eta adingabeei dagokienez, banakako babes plan bat prestatuz, esku-hartzearen hasierako planteamendua barne hartuta.

Zentroen eta zerbitzuen jarduketa, nagusiki, pertsonarengan zentratutako plangintzaren ikuspegiari egokituko zaio, entzuteko eta ikasteko prozesu etengabe baten moduan ulerturik, pertsonarentzat garrantzitsua dena zehaztera bideratua, eta, orobat, prozesu kolektibo baten moduan, non erabiltzaileak eta bere ahaideek parte hartzen duten, baldin eta erabiltzaileak parte hartzea onartzen badu".

Hogeita bat.-Foru dekretuaren I. eranskineko (Gizarte zerbitzuen sistemako zerbitzuen betebehar material eta funtzionalak) A) multzoko betebehar funtzionalen zatiaren 2. apartatua aldatzen da, eta testu hau izanen du:

"2. Erreferentziazko edo sostengurako pertsona.

Foru dekretu honetan araututako zerbitzuetan, erabiltzaileek erreferentziako edo sostengurako pertsona bat esleituta izanen dute gutxienez, zeina zuzeneko arretako profesionalei edo profesional teknikoei lotua egonen baita. Erreferentziako pertsonak erabiltzaileak parte hartzen duen jarduketa eta jarduera guztien eguneroko koordinazioa erraztuko du, Pertsonarengan Zentratutako Banakako Arreta Planean aurreikusitako helburuetara egokituz. Pertsonaren bizi proiektua garatzen lagunduko du, eta familiarentzat lotune eta erreferentzia izanen da, hala badagokio.

Erreferentziako pertsonaren atxikipena erabiltzaileari edo sostengua ematen dion pertsonari kontsultatu ondoren eginen da, ahal den neurrian harekin adostuz zentroak eskura jartzen dituen pertsonen artean egokiena dena, kontuan hartuta profesional bakoitzak hartzen ahal duen gehieneko egoiliar kopurua eta, zentroaren iritziz, hautapena baldintzatzen ahal duten beste inguruabar batzuk, eta, betiere, erabiltzaileek horrelako profesionalik ez atxikitzeko daukaten eskubidea errespetatuz, hala erabakiz gero.

Behin-behineko atxikipena egiten ahalko da, gehienez ere hilabetekoa, eta edozein unetan eskatzen ahalko da atxikipena aldatzea.

Zentroak erabakitzen edo finkatzen dituen gehieneko mugen arabera, zentroak erreferentziako edo sostengurako pertsona batzuen lan-karga arindu beharko du, edo horretarako langile gehiago kontratatu.

Oro har, hala eskatzen bazaio, erabiltzailearen eta profesional espezializatuen arteko bitartekaria izanen da, edo solaskidetza hori erraztuko du, behar bezalako koordinazioa bermatuz pertsonaren behar, nahikunde eta lehentasunen eta behar dituen sostenguen artean".

Hogeita bi.-Foru dekretuaren I. eranskineko (Gizarte zerbitzuen sistemako zerbitzuen betebehar material eta funtzionalak) A) multzoko betebehar funtzionalen zatiaren 3. apartatua (Zerbitzuaren prestazioa hastea) aldatzen da, eta testu hau izanen du:

"3. Zerbitzuaren prestazioa hastea:

Sarrera fasean, zentroetako langileek jarduketa hauek egin beharko dituzte:

a) Zentroan sartu baino lehen, behar den dokumentazioa jasotzea.

b) Erabiltzailearekin, haren familiarekin, erreferentziako edo gaitasuna gauzatzeko sostengua ematen dion pertsonarekin komunikatzeko bide argi bat eskaintzea.

c) Beharren ebaluazio bat egitea, erabiltzailearekin edo gaitasuna gauzatzeko sostengua ematen dion pertsonarekin adostua.

d) Beharren ebaluaziorako bildutako datuetan oinarriturik, Pertsonarengan Zentratutako Banakako Arreta Plana edo Banakako Babes Plana prestatzea".

Hogeita hiru.-Foru dekretuaren I. eranskineko (Gizarte zerbitzuen sistemako zerbitzuen betebehar material eta funtzionalak) A) multzoko betebehar funtzionalen zatiaren 4. apartatuaren (Egonaldia zerbitzuan. Pertsonarengan Zentratutako Banakako Arreta Plana) 1., 2. eta 3. azpiapartatuak aldatzen dira, eta testu hau izanen dute:

"1. Osoko balorazioa eta arreta planen balorazioa egitea da arreta pertsonalizatuaren oinarria. Hortaz, prozesu horietan ezinbestekoa izanen da beti pertsonen partaidetza eta, hala badagokio, familiaren edo gaitasun juridikoa gauzatzeko sostengua ematen dutenen partaidetza.

2. Pertsonarengan Zentratutako Banakako Arreta Planak hiru fase ditu:

1.) Pertsona ezagutzea eta haren beharren osoko balorazioa egitea: pertsona bakoitzaren bizitzaren historia bilduko da, alderdi biografikoak identifikatzeko, pertsonak partekatu nahi izanez gero, hori biltzea arretarako garrantzitsua baita; pertsonarentzat garrantzitsua dena ere bilduko da, unean uneko eta etorkizuneko bizitza hobetzeko, dagoen bizi aldian garrantzitsu zaion eta nahi duen hori biltzeko, baita pertsonari balioa emateko eta aintzat hartzeko balio duten alderdiak ere.

2.) Sostengu eta jarduketen plan bat adostea, bizi kalitatea hobetzeko eta bizitza adierazgarria errazteko: bertan jasoko dira zainketa pertsonalak eta eguneroko bizitzarako sostenguak, esku-hartze terapeutikoak eta bizi kalitatea hobetzekoak, eta norberaren bizi proiektua garatzeko edo berriz antolatzeko behar den sostengua, haren bizi egoeraren arabera eta identifikatutako balio, sinesmen, lehenespen eta helburuen arabera, eta ikuspegi komunitarioarekin.

Maila kognitiboan edo komunikazio mailan laguntza behar handiak dituzten pertsonei dagokienez, behar diren baliabideak eta tresnak paratuko dira abian haien borondatea eta lehenespenak errespeta daitezen, eta prozesuan parte hartuko dute erabiltzaileak bere borondatezko neurrietan ezarri dituen pertsonek edo haren gaitasun juridikoa gauzatzeko sostengua ematen diotenek.

Fase horren barruan, bizitzaren amaierari dagokionez dituzten balioak eta nahiak jasotzeko aukera eskainiko da, bai eta Nafarroako Foru Komunitatean osasunaren arloko pertsonen eskubideei eta betebeharrei buruzko foru legedian ezarritako aurretiazko borondateen agiria idazteko aukera ere.

Horretarako, erabiltzaileei ez ezik, zentro edo zerbitzuetako langileei ere emanen zaie informazioa.

3.) Pertsonari lagun egitea, erreferentziako edo sostengurako profesionalaren esku-hartzearen bidez, behar izanez gero, eta helburuak betetzen ari ote diren egiaztatzea, plana eguneratu edo berrikusteko, bidezkoa bada.

3. Pertsonarengan Zentratutako Banakako Arreta Planean, betiere, honako hauek jasoko dira:

Osoko balorazioa, zerbitzuen ezaugarrien arabera egokitua. Balorazio horren barruan, honako hauek sartu beharko dira, bizi kalitatearen dimentsioak kontuan hartuta: egoera funtzional, kognitibo eta emozionalaren balorazioa, pertsonaren osasun egoeraren eta egoera soziofamiliar eta sozioafektiboaren balorazioa, sexualitateari lotutako bizipenak -horrelakoak jakinarazi nahi baditu- eta pertsonaren gaitasun eta sostengu beharren azalpena. Horrez gain, kasu guztietan, 1. fasearen emaitza ere jasoko da (pertsona ezagutzeko fasea), eta, irisgarritasun kognitiboari lotutako zailtasunak dituztenei dagokienez, zentroak alderdi horretan planteatzen dituen zailtasun zehatzei buruzko interesa azaldu izana jasoko da, eta bizi arlo guztietan erabakiak hartzeko beharrak eta laguntzak identifikatuko dira.

-Helburu orokor eta zehatzak zehaztea, balorazioaren arabera, eta zenbateraino lortzen diren jarraitzea.

-Programak prestatzea, esku-hartze arloen arabera: bertan azalduko dira erabili beharreko jarduerak, baliabideak eta metodologia eta esku-hartzearen ardura izanen duten langileak, eta, horrekin batera, nor izanen den erreferentziako edo sostengurako pertsona edo profesionala, salbu eta artatu beharreko pertsonak adierazten badu ez duela nahi horrelakorik atxikitzea.

-Helburuen betetze-mailaren ebaluazioa, urtean behin gutxienez, komunitate-zerbitzuekin koordinatuta, hala dagokionean.

-Agur protokoloa aplikatuko zaio kasu bakoitzari, zentroa uzteko asmoa dagoela jakiten denetik edo egonaldia edozein arrazoirengatik amaituko dela aurreikusten denetik".

Hogeita lau.-Foru dekretuaren I. eranskineko (Gizarte zerbitzuen sistemako zerbitzuen betebehar material eta funtzionalak) A) multzoko betebehar funtzionalen zatiaren 4. apartatuaren 5., 6. eta 8. azpiapartatuak aldatzen dira, eta testu hau izanen dute:

"5. Balorazio prozesua adostua izanen da beti, eta pertsonarengan zentratutako helburuak betetzera bideratuko da. Pertsonarengan Zentratutako Banakako Arreta Plana honako hauekin batera prestatuko da: erabiltzailearekin, gaitasun juridikoa gauzatzeko sostengua ematen duen pertsonarekin, edo haren ahaideekin edo erreferentziako edo sostengurako pertsonekin.

Prozesu horretan desadostasunak agertzen badira gaitasun juridikoa gauzatzeko sostenguak behar dituzten erabiltzaileen eta sostengu horiek ematen dizkietenen artean, kasu guztietan, bitartekaritza bat eskainiko da sostengu taldeen bidez edo antzeko eginkizunak dituzten taldeen bidez, non bi alderdiak entzunen baitira eta iritzia osatzeko datuak bilduko baitira, betiere erabiltzaileentzat onuragarriena dena lortzeko.

6. Pertsonarengan Zentratutako Banakako Arreta Plana erabiltzaileari emanen zaio, idatziz, eta, horrek baimenduz gero, baita haren erreferentziako edo sostengurako ahaideari ere. Halaber, ulertu ahal izateko moduko formatu irisgarrian izanen dituzte eskuragarri.

8. Pertsonarengan Zentratutako Banakako Arreta Plana urtean behin berrikusiko da, gutxienez, baita erabiltzailearen egoera nabarmen aldatzeagatik proposatutako helburuak aldatu behar diren guztietan ere edo, pertsonari informazioa eman ondotik, bizitzaren amaierarekin edo aurretiazko borondateen agiriarekin lotutakoa gehitu nahi duelarik. Aldaketa guztiak erregistratu beharko dira".

Hogeita bost.-Foru dekretuaren I. eranskineko (Gizarte zerbitzuen sistemako zerbitzuen betebehar material eta funtzionalak) A) multzoko betebehar funtzionalen zatiaren 4. apartatuaren 9. azpiapartatua gehitzen da, eta testu hau izanen du:

"9. Adingabearen Banakako Hezkuntza Programa eta Familian Esku Hartzeko Plana.

Adingabearen Banakako Hezkuntza Programa eta Familian Esku Hartzeko Plana Banakako Babes Planean oinarrituak egonen dira, eta koherenteak izanen dira plan horrekin eta, hala badagokio, Familian Berriz Integratzeko Programarekin. Esku hartzen duten profesional guztien jarduerak gidatzeko erreferentzia izanen dira, eta zerbitzua ematen den lehenengo hilabetean beteta egon beharko dira. Normalizazio printzipioari jarraikiko zaio esku-hartzean zehar, eta printzipio hori kontuan hartuko da nola Banakako Hezkuntza Programa egitean, hala Familian Esku Hartzeko Planean. Esku-hartzearen helburua haurren eta nerabeen eta haien familien funtzionamendu normalizaturantz jotzea izanen da; hori horrela, kanpoko kontrol eta sostengurako elementuak pixkanaka murriztuko dira, eta autonomia eta erantzukizuna areagotuko.

Banakako Hezkuntza Programa eta Familian Esku Hartzeko Plana egiteko, adingabeak -duen adinaren eta gaitasunaren arabera- eta haren familiak parte hartu beharko dute ezinbestean. Partaidetza hori ziurtatzeko zer jarduera egin diren zehaztuko da Banakako Hezkuntza Programan eta Familian Esku Hartzeko Planean.

Banakako Hezkuntza Programaren eta Familian Esku Hartzeko Planaren bilakaera izanen da Banakako Babes Plana aldizka berrikusteko eta erabakiak hartzeko oinarria".

Hogeita sei.-Foru dekretuaren I. eranskineko (Gizarte zerbitzuen sistemako zerbitzuen betebehar material eta funtzionalak) A) multzoko betebehar funtzionalen zatiaren 5. apartatuaren (Dokumentazioaren betebeharrak) A) letraren (Erabiltzailearen gaineko dokumentazioa) ii), iii) eta iv) azpiapartatuak aldatzen dira, eta testu hau izanen dute:

"ii) Norberaren espedientea.

Zerbitzuek erabiltzaile bakoitzaren historia formalizatu beharko dute, non bilduko baitira haren egoeraren eta bilakaeraren gaineko informazio garrantzitsua duten dokumentuak. Gutxienez honako datu hauek jasoko dira:

a) Espediente pertsonalaren zenbakia.

b) Identifikazio datu pertsonalak.

c) Harremanetarako pertsona, eta egoiliarrarekin duen harremana edo ahaidetasuna.

d) Erreferentziako edo sostengurako pertsona edo profesionala, edo horrelakorik atxikitzeari berariaz uko egin izanaren adierazpena.

e) Bidezkoa bada, zerbitzuan sartzeko kontratuaren kopia, eta, hala badagokio, horretarako baimena ematen duen ebazpen administratibo edo judiziala.

f) Adingabearen Pertsonarengan zentratutako Banakako Arreta Programa edo Banakako Hezkuntza Programa eta Familian Esku Hartzeko Plana.

Zentroko edo zerbitzuko langileek eguneratua izan beharko dute erabiltzaileen espedientea.

Historia pertsonaleko datuetan sartzeko, datuen babesari buruzko legedian ezarritakoa bermatu beharko da. Datuetan sar daitezkeen pertsona guztiek sekretua gordetzeko betebeharra dute.

iii) Pertsonarengan Zentratutako Banakako Arreta Plana.

Zerbitzuek pertsonarengan zentratutako Banakako Arreta Plan bat eginen dute pertsona bakoitzarentzat, eranskin honetako 4. puntuan ezarritakoaren arabera, eta planak egiteko gidaliburua, zeinak planak nola diseinatzen, planifikatzen eta ebaluatzen diren deskribatu beharko baitu, bai eta pertsona bakoitzak zer rol eta funtzio betetzen dituen ere; halaber, beste profesional eta esparru batzuekiko koordinazioa hartuko du barne.

iv) Laguntza-kontratua.

Zerbitzua ematen duten pertsonek edo entitateek, zerbitzuaren titularrak badira, laguntza-kontratu bat sinatuko dute zerbitzuaren erabiltzailearekin, haren tutoretza duen pertsonarekin edo haren legezko ordezkariarekin.

Kontratuan alderdi hauek jasoko dira, gutxienez:

Sarrera libreki edo baimen judizialarekin egiten dela, aplikagarria den araudiak hala eskatzen duenean.

a) Zentroak hitz ematen duela errespetatuko dituela erabiltzailearen eskubideak, Gizarte zerbitzuei buruzko Foru Legean eta aplikatu beharreko beste edozein arautan ezarritakoak.

b) Erabiltzaileak edo haren legezko ordezkariak ezagutu eta onartzen dutela barne araudia, zeinaren kopia bat emanen baitzaie kontratua sinatzean, legez bermatutako gutxieneko prestazioekin batera.

c) Arreta zerbitzuaren guztirako prezioa edo horri dagokion ekarpena, nahitaezkoak ez diren aukerako zerbitzu espezifikoen kostuari buruzko informazio zehatza eta, orobat, fidantzaren gaineko zehaztapenak, zein kasutan itzuliko ez den adierazita.

d) Zerbitzuak ordaintzeko ezartzen den sistema.

e) Kontratua aldatzeko edo azkentzeko arrazoiak, eta, kontratua borondatez azkenduz gero, aurretik abisatzeko epeak.

f) Eguneko arretako edo arreta anbulatorioko zerbitzuen kasuan, pertsonak sinatzen duen arreta ordutegia ezarri beharko da, baita zerbitzua irekitzeko ordutegia ere.

g) Konfidentzialtasun konpromisoa, beste dokumentu batean jasota ez badago.

Adingabeei arreta emateko zerbitzuei dagokienez, a), d), e) eta f) apartatuetako edukiak alde batera utziko dira.

Laguntza-kontratu hori bateraezina izanen da erabiltzaileak entitateari ondasunak eskualdatzeko asmoz sinatzen den beste edozein kontratu mota formalizatzearekin.

Gizarte inklusioaren arloko kontratuetan, salbuespen batzuk egiten ahalko dira, erabiltzailea zerbitzuan denbora gutxi egonen dela aurreikusiz gero edo jarraipenik ez duten esku-hartzeak izanez gero".

Hogeita zazpi.-Foru dekretuaren I. eranskineko (Gizarte zerbitzuen sistemako zerbitzuen betebehar material eta funtzionalak) A) multzoko betebehar funtzionalen zatiaren 5. apartatuaren (Dokumentazioaren betebeharrak) B) letraren (Zentroari edo zerbitzuari buruzko dokumentazioa) i) azpiapartatuaren amaieran honako testu hau gehitzen da:

"Adingabeen zentroen barne araubidearen erregelamendua.

Barne araubidearen erregelamenduak edo bizikidetza gidaliburuak programan aplikatu beharreko arauak jaso beharko ditu. Dokumentu hori haurrari edo nerabeari eta familiari emanen zaie, programan egon bitartean dauden funtzionamendu arauak ezagutarazteko.

Edukiak honako hauek jasoko ditu:

1) Haurren eta nerabeen eta profesionalen eskubideak eta betebeharrak.

2) Bizikidetzaren oinarrizko arauak eta arau horiek ez betetzearen ondorioak.

3) Funtzionamenduaren oinarrizko baldintzak (ordutegiak, norberaren ondasunen erabilera eta izaera horretako alderdiak).

4) Entitate adjudikaziodunak kexak, iradokizunak eta erreklamazioak aurkezteko eta kudeatzeko bideei buruzko informazioa.

5) Entitate publikoari eta Fiskaltzari zuzendutako iradokizunak, kexak eta erreklamazioak aurkezteko bideei buruzko informazioa.

Langile guztiek, haur eta nerabeek eta familiek Barne Araudiaren kopia bana izan beharko dute. Hezkuntza taldeak eginen du, eta bertan haurren, nerabeen, familien eta langileen partaidetza bultzatu behar da, bai eta hura eguneratu edo aldatzeko eskatzeko aukera ere. Hala badagokio, berariaz justifikatu beharko da zergatik ez den bidezkoa, eta hizkera errazean idatzita egon beharko da, erraz ulertzeko moduan".

Hogeita zortzi.-Foru dekretuaren I. eranskineko (Gizarte zerbitzuen sistemako zerbitzuen betebehar material eta funtzionalak) A) multzoko betebehar funtzionalen zatiaren 5. apartatuaren (Dokumentazioaren betebeharrak) B) letraren (zentroari edo zerbitzuari buruzko dokumentazioa) vii), viii) eta ix) azpiapartatuak gehitzen dira, eta testu hau izanen dute:

"vii) Zerbitzu-karta, prestazioak, kalitate konpromisoak eta kexak, iradokizunak eta eskerrak aurkezteko modua jasotzen dituena.

viii) Erabiliko diren sistema informatikoei eta gailu teknologikoei buruzko informazioa.

ix) Loturarik gabeko arreta-plana".

Hogeita bederatzi.-Foru dekretuaren II. eranskinaren (Zerbitzuen betebehar espezifikoak) A) multzoko 2. apartatuan egoitza-etxe txikia definitzen duen paragrafoa aldatzen da, eta testu hau izanen du:

"Egoitza-etxe txikia: Etxebizitza batean ematen den zerbitzua, gehienez 18 toki dituena eta sostenguak behar dituzten pertsonei zuzendua dagoena, non zuzeneko arretako profesionalen etengabeko presentzia dagoen. Horrek errazago egiten du komunitatean mantentzea eta gizarte inklusiora bideratutako arreta ematea. Sostenguen intentsitatea altua da".

Hogeita hamar.-Tutoretzapeko etxebizitzak, etxebizitza gainbegiratuak eta laguntzadun etxebizitzak deitzen ziren zerbitzuen erregulazioa ezabatzen da, eta hemendik aurrera, laguntzadun etxebizitzak izanen dira, hainbat intentsitatetakoak; testu hau izanen du:

"Laguntzadun etxebizitzak. Zerbitzu hau etxebizitza batean ematen da, eta bertan arreta integrala ematen da autonomia pertsonalari eusteko eta arlo horretan hobetzeko, gizarteratzea eta parte-hartze soziala erraztearekin batera. Sostenguaren intentsitatea altua, moderatua edo baxua izanen da".

Hogeita hamaika.-Foru dekretuaren II. eranskinaren (Zerbitzuen betebehar espezifikoak) A multzoko bigarren apartatuan egoitza bati lotutako etxebizitza definitzen duen paragrafoa aldatzen da, eta testu hau izanen du:

"Egoitza bati lotutako etxebizitza: Egoitza bati lotutako zerbitzua, modu koordinatuan eta osagarrian lan egiteko, egoitza-arreta komunitarioa eta bizitokirako sostengua biak batera eskaintzen dituena. Bizitokirako alternatiba egonkor bat eta laguntza eskaintzen ditu, pertsona bakoitzaren beharren araberako gainbegiratze malguarekin, komunitatean eta, bizi kalitateari dagokionez, ahalik eta baldintza onenetan bizitzen jarraitzeko erraztasunak emanez eta pertsonen errehabilitazio, bizkortze eta gizarte integrazioko prozesuak sustatuz. Sostenguen intentsitatea baxua, moderatua eta altua izanen da".

Hogeita hamabi.-Foru dekretuaren II. eranskinaren (Zerbitzuen betebehar espezifikoak) A) multzoko 4.1 apartatuaren (1) azpiapartatuaren lehen paragrafoa aldatzen da, eta testu hau izanen du:

"(1) Egoitza zentroek, gizarte-inklusiokoak izan ezik, gune hauek izanen dituzte:

a) Espazio komunetarako eta zerbitzu orokorretarako gunea.

b) Bizikidetza unitateetarako gunea, zuzeneko edo zeharkako kudeaketa duten titulartasun publikoko egoiliar-tokien %80entzat gutxienez. 2023ko martxoaren 28tik aurrera, %100era igoko da titulartasun eta kudeaketa publikokoak direnentzat, baldin eta administrazio publikoek oraindik lizitatu gabeko proiektua badute, eta egun horretan obra-lizentziarik ez duten titulartasun pribatukoentzat.

c) Aukeran, psikogeriatria unitate bat izaten ahal dute".

Hogeita hamahiru.-Foru dekretuaren II. eranskinaren (Zerbitzuen betebehar espezifikoak) A) multzoko 4.1 apartatuaren (1) azpiapartatuaren a.5) eta a.6) apartatuak aldatzen dira, eta testu hau izanen dute:

"a.5) Komun orokorrak:

Zentroan sartzeko solairuan, gutxienez bi komun izanen dira, eta horietako bat bederen, irisgarria.

a.6) Zerbitzu orokorrak:

Sukaldea, jaki-tokia eta lokal erantsiak.

Sukalde zerbitzua zentroan bertan prestatuta edo hirugarrenekin kontratatuta emanen da, eta indarreko legedian ezarritako betebeharrak bete beharko ditu.

Horretarako espazioek elikadura segurtasunaren arloan eskatzen diren betebeharrak bete beharko dituzte. 200 toki bitarte, gutxieneko azalera 0,9 metro koadrokoa izanen da baimendutako egoiliar-toki bakoitzeko, eta gutxienez ere 12 metro koadro. 200 tokitik gora, ez da beharrezkoa izanen proportzio hori betetzea.

Sukaldeko eremuak honako lan hauetarako espazio berezituak izanen ditu:

-Hornigaiak jasotzeko eremua, biltegitik hurbil, eta sarrera mugatua izanen duena.

-Biltegiratzeko eremua: jakiak hozkailuetan gordetzeko biltegi bat izanen du, behar adinako edukiera izanen duena, eta, horrez gainera, gainerako elikagaiak gehienez ere 18.º-tan gordetzeko beste bat. Biltegiek behar beste apal izanen dituzte, bakoitzaren edukieraren arabera, hornigaiak ez daitezen inoiz izan lurzoruaren gainean zuzenean. Elikagaiak biltegiratzeko baldintzei buruzko araudi sektoriala bete beharko da.

-Elikagaiak manipulatzeko eremua.

-Kozinatzeko eremua.

-Bukatzeko eta plateretan jartzeko eremua.

-Sukaldeko tresnak garbitzeko eremua.

Sukaldeko zerbitzua zentroan berean egiten ez bada, janariak prestatu eta zerbitzatzeko eremu bat izanen da. Gune horretan, hozkailua, harraska, prestaketa lanetarako espazio lagungarriak eta, orobat, mahai tresnak eta ontziak gordetzeko armairuak izanen dira.

Hormak eta zoruak material ez-porotsuekin estaliko dira, garbiketa sakonei eta desinfektazioei eusteko modukoak.

Arropa garbiketa.

Arropa garbitzeko zerbitzua zentroarena berarena izanen da edo hirugarrenekin kontratatuko da, baina, betiere, erabiltzaileen arropak eta zurimenta aldian behin garbitzen dela bermatuko da. Nolanahi ere, zentroak arropa garbitzeko makina bat izanen du gutxienez.

Biltegiak.

Biltegietan, behar bezalako espazioak eduki beharko dira elikagaiak, zurimenta, zentroa eta altzariak garbitzeko produktuak bereiz gorde ahal izateko.

Sukaldeko, arropa garbiketako eta biltegiko zerbitzuak ez dira espazio fisiko berean izaten ahal".

Hogeita hamalau.-Foru dekretuaren II. eranskinaren (Zerbitzuen betebehar espezifikoak) A) multzoko 4.1 apartatuaren (1) azpiapartatuaren b) apartatua aldatzen da, eta testu hau izanen du:

"b) Bizikidetza-unitateen gunea.

Egoitzak bizikidetza unitate bat edo gehiago izanen ditu, etxearen kontzeptuari lotuak. Hortaz, behar bezala mugatuak, identifikatuak eta bereiziak izanen dira, gune komunak eta erabiltzaileen logelek osaturiko multzo bat osatuz.

Bizikidetza unitate bakoitzean, oro har, 15 toki izanen dira gehienez. Arkitekturako arrazoiengatik eraikuntza eraberritzea edo hori nabarmen eraberritzea ez dakarten irtenbideak erabiliz antolaketa egitea ezinezkoa izanen dela aurretik justifikatuz gero, baimena emanen da toki gehiago onartzeko, baina inoiz ere ez da onartuko 24 toki baino gehiago izatea desgaitasuna duten pertsonen kasuan, edo 26 toki baino gehiago, gainerako kasuetan, eta, salbuespenez, betebeharra bete behar ez izateko.

Gizarte zerbitzuen arloan eskumena duen departamentuak dirulaguntzen deialdietan argitaratuko ditu, dagoen finantzaketaren arabera, toki kopuruari dagokionez aurreko paragrafoko salbuespena aplikatzeko irizpideak, bai eta eraikuntza erreforma nabarmenik ez dakarten unitate proposamenak onartzeko gutxieneko irizpideak ere.

Horietan, irizpide horien aldaerak baimentzeko aukera jasotzen ahalko da.

Unitate bateko gune komunaren neurriak ikusita, posible bada erabiltzaile gehiago hartzea unitateak esleiturik dituen egoiliar-tokiak baino, bidezkoa izanen da gune horretan zerbitzuen prestazioa osatzea egunez egonaldi partziala egiten duten erabiltzaileekin.

Bizikidetza unitate bakoitzerako sarrera zentroaren zirkulazio orokorreko eremuetatik eginen da.

Bizikidetza unitate bakoitzak gune hauek izanen ditu:

b.1) Gelak.

b.2) Gune komunak: sukaldea, jangela eta egongela.

b.1) Logelak.

Logelak, gune komunak eta zirkulazio guneak elkarren ondoan egonen dira bizikidetza unitate bakoitzean.

-Logelek honako ezaugarri hauek izanen dituzte:

Banako logelek 14 metro koadro erabilgarri izanen dituzte gutxienez, eta birentzako logelek 20 metro koadro erabilgarri gutxienez. Azalera horretatik kanpo geldituko da komuna. Honako hauek bete beharko ditu:

Biratzeko oztoporik gabeko 1,50 m-ko Ø diametroko tokia.

Kanpoalderantz irekitako ateak edo ate lerragarriak.

Konketa: Beheko espazio librea, gutxienez 70 (altuera) x 50 (sakonera) cm-koa. Oinarririk gabe.

Komunontzia: alboko transferentzia gunea 80 cm-koa gutxienez.

Dutxak: zoru berdindua; ebakuazio-malda %2koa gehienez.

Eusteko barrak komunontzian eta dutxan: erraz heltzeko modukoak, ebakidura zirkularra (30-40 mm-ko diametrokoa), eta paramentutik 45-55 mm-ra.

-Egonaldi iraunkorra bertan egin behar duten erabiltzaileek logelak pertsonalizatzen ahalko dituzte, osagarri guztiak: altzariak, errezelak eta etxetresna elektroniko txikiak, baldin eta segurtasun arriskurik ez badute. Ohea zentroak jarriko du, salbu eta erabiltzaileak eta zentroak kontrakoa erabakitzen badute.

Erabiltzaile batek ez badu logela pertsonalizatu nahi bere altzariak eramanez, gutxieneko zuzkidurak honako hauek beteko ditu: gau mahai bat, mahai bat, aulki bat, armairu indibidual bat, errezelak, sare errezelak edo estoreak, eta oheko arropa. Norberaren gauzak gordetzeko armairu bat izanen du. Armairuaren azalera konputatuko da logelaren gutxieneko azalera neurtzeari begira.

-Oheak, gutxienez, 0,90 metro luze eta 1,90 metro zabal izanen dira, eta, desgaitasuna duten pertsonen logeletan, artikulatuak izanen dira, hots, bi planotan edo gehiagotan tolesten ahalko dira eta altueran gora eta behera eramateko modukoak izanen dira.

-Debeku da beste gela baterako pasabidean egotea, ez bada norberaren komuna.

-Zeharkako argia eta entxufe bana izan beharko dituzte, eta argi naturalaren intentsitatea erregulatzeko sistema bat, logela erabat iluntzeko aukera ematen duena.

-Ateek, gutxienez, 1,05 metroko zabalera-tartea utzi beharko dute, markotik neurtuta.

-Telebista entxufea eta Interneteko konexio doakoa izanen dituzte.

-Txirrina jotzeko gailu bat izanen da ohe bakoitzari lotua, ohetik jaiki gabe erosotasunez jotzeko modukoa. Sistemak aukera emanen du txirrina zein tokitatik jo den identifikatzeko.

-Bainugelek dutxa, komunontzi eta oin gabeko konketa bana izanen dituzte. Horrelako eremuetarako irisgarritasun arauetako betebeharrak bete beharko dituzte, eta sarbidea norberaren logelatik beretik izanen dute. Dutxatik eta komunontzitik hurbil larrialdiko deiak egiteko sistema bat instalatuko da.

b.2) Bizikidetza unitatearen gune komunak.

Irizpide nagusia izanen da etxeetan izan ohi diren dimentsioak dituzten zenbait eremu izatea, eta ez areto handiak. Giro desberdinak lortzera joko da, uniformetasun eta masifikazio sentsaziotik ihes egiten duten diseinua eta dekorazioa erabiliz.

Gela guztien azalera dimentsionatzeari begira, 3,50 metro koadro kalkulatuko dira egoiliar-toki bakoitzeko. Gune berezituen arteko igarobideak eta korridoreak ez dira konputatuko gutxieneko dimentsioak betetzeari begira.

Sukalde eremuan behar besteko tokia egonen da bertan hozkailua, arraska, mikrouhin-labea eta armairuak jartzeko, baita sukaldea ere, erabiltzaileek hala eskatzen badute eta behar adinako autonomia badute bertan kozinatzeko.

Zentroetako titularrek erabiltzaileentzako arriskua dagoela sumatuz gero, eremuak antolatu beharko dituzte, kozinatu ahal izan dezaten, edo, beharrezkoa denean, lagundu eta gainbegiratu, edo kozinatzeko leku batzuk jarri unitateko pertsonentzat unitatearen sukaldetik kanpora, edo, horren ordez, unitate baterako edo gehiagotarako eremuak jarriz horretarako.

Bizikidetza unitate bakoitzeko gune komunetan komun bat egonen da".

Hogeita hamabost.-Foru dekretuaren II. eranskinaren (Zerbitzuen betebehar espezifikoak) A) multzoko 4.2 eta 4.3 apartatuak aldatzen dira, eta testu hau izanen dute:

"4.2. Egoitza-etxe txikiaren baldintzak.

Hirigune batean kokatuko dira, bizitza independentea egiteko zuzkidura aski dituen leku batean, edo horrelakoak dituen beste hirigune batekin lotzeko hiri garraioa daukan leku batean.

Etxebizitzek, gutxienez, honako eremu hauek izan beharko dituzte eta honako baldintza hauek bete beharko dituzte:

Logelak, ahal dela, pertsona bakar batek erabiltzeko izanen dira, eta, gehienez ere, bi pertsonak. Pertsona batentzako logelen kasuan, 8 metro koadro izanen dituzte gutxienez, eta bi pertsonarentzat baldin badira, berriz, 14 metro koadro.

Logeletako ateek egoiliarrak nahi duenean ixteko moduko sistemak izanen dituzte, eta kanpotik irekitzeko sistema bat ere bai, larrialdi kasuetarako.

Logelek hornigai hauek izanen dituzte gutxienez: norberak erabiltzeko armairu bat, ixteko sistemarekin; ohe bat, 0,90 metro zabal eta 1,90 metro luze, gutxienez; gau-mahai bat; mahai osagarri bat; aulki bat; argiztapen orokorreko sistema bat; eta irakurtzeko argi bat, ohearen ondoan.

Logela eta eremu komun guztietan, Interneterako konexioa izanen da.

Egoitza-etxe txikiek lan-eremu bat izanen dute, langileek kudeaketa eginkizunak bete ahal izan ditzaten.

Sukaldea eta biltegietarako eremua.

Horretarako erabiltzen diren eremuek elikadura segurtasunaren arloan indarra duen legedian eskatzen diren betebeharrak bete beharko dituzte.

Sukaldearen neurriak eta bertako ekipamendua baimentzen den egoiliar-tokien kopuruaren araberakoak izanen dira. Ratioa 1,2 m²-koa izanen da toki bakoitzeko, eta gutxienez 9 m²-koa.

Elikagaien biltegiak beste biltegi batzuetatik bereiz egonen dira, elikagaien kalitatea eta kontserbazioa arriskuan ez jartzeko.

Arropa garbitzeko eremua.

Arropa garbiketa eta lixaketa zerbitzua azpikontratatzen ahalko da.

Eremu komunak.

Jantoki eta egongela gisa erabiltzeko espazioek, batera harturik, 4 metro koadro erabilgarri izanen dituzte egoiliar-toki bakoitzeko, eta helburu horietarako behar diren ezinbesteko elementuak izanen dituzte.

Korridoreak 90 cm zabal izanen dira gutxienez, eta barreneko ibilbideetako ateak, oro har, 80 cm zabal. Desgaitasun fisikoa duten erabiltzaileek erabili behar badituzte, ateen neurri hori nahitaez bete beharko da.

Zerbitzu horietan, gela guztietan, komunetan izan ezik, suteak atzemateko sistema bat instalatuko da, soinuzko alarma eta guzti. Instalazioaren osagarri, sute kasuetarako eskuzko sakagailu bat jarriko da gutxienez. Gainera, korridoreetan, egoteko tokietan, jantokian eta etxebizitzatik ateratzeko ateetan larrialdietako argiak izanen dira.

Bainugelak.

Etxebizitzak bainugela oso bat izanen du 4 egoiliar-tokiko. Dutxa izanen du, zoladuraren maila berean, ahal bada.

Desgaitasun fisikoa duten pertsonen kasuan, irisgarritasun baldintzak bete beharko dira.

Ateak irristatzaileak edo kanpora irekitzekoak izanen dira, betiere egiturak horretarako aukerarik ematen badu. Bainugelako ateko sarrailak ireki eta ixteko sistema erraza izanen du. Kanpotik irekitzeko sistema bat ere izanen du, larrialdi kasuetarako.

4.3. Laguntzadun etxebizitzetan, harrerako etxebizitzetan eta egoitza bati lotutako etxebizitzetan bete beharrekoak:

Hirigune batean kokatuko dira, bizitza independentea egiteko zuzkidura aski dituen leku batean, edo horrelakoak dituen beste gune batekin lotzeko hiriko garraioa daukan leku batean.

Etxebizitzek indarreko araudian jasotzen diren bizigarritasun baldintzak bete beharko dituzte.

Gelak logela gisa agertu beharko dira bizigarritasun zedulan.

Desgaitasun fisikoa duten pertsonentzako arreta etxebizitzetan irisgarritasun baldintzak bete beharko dira.

10 m²-tik beherako logelak pertsona bakar batentzat izanen dira. 10 m²-koak eta hortik gorakoak bi pertsonarentzat izan daitezke.

Etxebizitza horietan 8 egoiliar-toki baimenduko dira gehienez.

Harrerako etxebizitzetan baino ez dira gehiago izaten ahalko; hala, 14 metro koadroko edo hortik gorako logelak hiru pertsonak erabil ditzakete, eta 15 metro koadrotik gorakoak lau pertsonak, eraikinaren baldintzak ikusita hala erabiltzea justifikatzen bada.

Ondorio horretarako, urtebetetik beherako erabiltzaileak ez dira konputatuko".

Hogeita hamasei.-Foru dekretuaren II. eranskinaren (Zerbitzuen betebehar espezifikoak) A) multzoko 5. apartatua aldatzen da, eta testu hau izanen du:

"5. Langileria arloko gutxieneko betebeharrak. Ratioak.

Egoitza zerbitzu bakoitzean eskatu beharreko gutxieneko langileak zehazteko, sailkapen honen arabera jokatuko da:

a) Zuzeneko arretako langileak: Zaintzaile profesionalak, erizaintzako laguntzaileak edo pareko langileak eta gizarte integrazioko teknikariak.

Gauetan, 45etik gora erabiltzaile dituzten egoitzek horrelako bi profesional daudela bermatuko dute, taula honen arabera.

Betebehar horretatik salbuetsita egonen dira gizarte bazterketako egoitzak eta adingabeentzako egoitzak, bai eta mendekotasunik ez duten adinekoei zuzendutakoak ere.

b) Titulazio hauetako teknikariak: Medikuntza, Erizaintza, Farmazia, Fisioterapia, Terapia Okupazionala, Animazio Soziokulturala, Gizarte Lana, Psikologia, Pedagogia, Logopedia, Podologia, Gizarte Hezkuntza, Tailerreko Monitorea, Estimulazioko Teknikaria, Arlo Soziosanitarioko goi mailako Lanbide Heziketako edozein titulazio eta beste edozein lanbide-kategoria, eginkizun teknikoak betetzen baditu eta zerbitzuen ikuskapenen arloan eskumena duen organoak halakotzat aitortzen badu.

c) Zerbitzu orokorretako langileak: Zerbitzu orokorretako langileen eginkizunetan honako hauek sartzen dira: administrazio lanak, sukaldekoak, garbiketa eta arropa garbiketakoak, logistikakoak, garraiokoak, instalazioen mantentze, kontserbazio eta zaintza lanak, eta, oro har, zuzeneko arretako profesionalen edo teknikarien kontzeptuan sartu ezin diren guztiak.

Zerbitzu orokorretako langileen kopurua eta horien zuzkidura zentroaren beharren araberakoak izanen dira, kontuan harturik erabiltzaileen kopurua eta ezaugarriak, ematen diren zerbitzuak, zentroaren tamaina eta egitura eta zentroaren ezaugarri fisikoak.

d) Zentroko zuzendaritza:

Egoitza zentro guztietan zuzendaritza bere gain hartuko duen pertsona bat izanen da, salbu eta foru dekretu honetan araututa dauden beste zentro batzuk badaude eremu, eraikin edo gune berean eta pertsona edo entitate beraren menpe badaude; kasu horretan, zuzendaria partekatzen ahal dute. 60 erabiltzaile edo gehiago dituzten zentroetan, lanaldi osoan aritu beharko da.

Eremu, eraikin edo gune berean kokatuta ez dauden entitate bereko zenbait zerbitzu edo zentroren kasuan, zuzendaritza bera izaten ahalko dute, baldin eta guztira 60 toki baino gehiago ez badituzte.

60 erabiltzaile baino gutxiago dituzten zentroetan, zentroko zuzendaritza lanak teknikariei egotzitako beste batzuekin batera betetzen ahalko dira, baldin eta kasuan kasuko lanbide-kategorian aritzeko eskatzen den titulua baldin badu. Kasu horretan, zuzendaritza eginkizunetarako dedikazioa erabiltzaile kopuruaren araberakoa izan beharko da, eta hala adierazi beharko du lan-kontratuan.

Zuzendariek unibertsitateko graduko titulazioa edo baliokidea izan beharko dute, eta prestakuntza espezializatua izan beharko dute mendekotasunean, desgaitasunean, geriatrian, gerontologian, egoitzetako zuzendaritzan edo mendekotasunaren arretaren arloarekin lotutako beste jakintza-arlo batzuetan (masterra, unibertsitateko titulu propioak edo antzeko prestakuntza).

Osasun sistemarekin koordinatzeko eta lotura egiteko eginkizunak.

30 egoiliar-tokitik aurrera, eginkizun hori betetzen duten profesionalak izan beharko dira.

75 tokiak gainditzen direnean, Lanbide Sanitarioen Antolamenduari buruzkoa azaroaren 21eko 44/2003 Legearen 2. eta 3. artikuluetan aurreikusitako lanbideetako osasun langileek hartu beharko dituzte beren gain eginkizun horiek.

Egoitza bakoitzaren koordinazio planetan eta kontrola egitean lanpostu horietako batzuk betetzeko eskaintzarik agian ez dagoela hartuko da kontuan.

-Langile ratioa.

Arau honetako langile ratioa adierazten da erabiltzaile bakoitzari dagokion langile kopuru gisa.

Dagokion langile kopuruaren datua lortzeko, formula hau aplikatuko da: arreta orduen zenbatekoa (zuzeneko arreta nahiz zeharkakoa) zati urteko lanaldia. Horrenbestez, ratioa lortzeko, dagokion langile kopurua zati erabiltzaileen kopurua eginen da; egoitzei dagokienez, baimendutako plazen %80 baino txikiagoa ez da izaten ahalko.

Egoitzetan, ratioak kontrolatzeko, fitxaketa sistema erabiliko da, non gizarte zerbitzuen arloan eskumena duen departamentuak kontrolatzeko behar den gutxieneko informazioa agertuko baita.

Arretaren antolaketari dagokionez, sostengua behar duten erabiltzaileak dauden eremu komunetan une oro profesionalak daudela bermatu beharko dute.

Hona hemen zerbitzu mota bakoitzerako gutxieneko ratioak, xedeko biztanleria zein den kontuan hartuta:

-Egoitza zerbitzuak:

Egoitza zentroak.

Adinekoentzako egoitzetan, okupatutako egoiliar-tokien %60an baino gehiagoan mendekotasun egoera larrian edo mendekotasun handian dauden pertsonak badaude, adierazitako urteetako abenduaren 31tik aurrera, zuzeneko arretako profesionalen honako ratio hauek eskatuko dira:

Zuzeneko arretako profesional eta teknikarietan eskatuko diren baterako ratioak, adierazitako urteetako abenduaren 31tik aurrera, honako hauek izanen dira:

Adinekoentzako egoitza guztietan, mendekotasunik ez duten pertsonen arretarako baino ez direnetan izan ezik, erizaintzako langileak gutxienez 0,02 izanen da (dagokion langile kopurua/erabiltzailea/urtea), farmaziakoa barne, horrelakorik bada.

Adinekoentzako egoitzetan, okupatutako tokien %60an baino gutxiagoan mendekotasun egoera larria edo mendekotasun handia duten pertsonak badaude, bai eta adierazitako gainerako zentroetan ere, honako ratio hauek eskatuko dira:

Gizarte zerbitzuen eskumena duen departamentuak okupazioaren jarraipena eginen du, sei hilean behin bederen, mendekotasunik ez duten edo mendekotasun moderatua duten pertsonen ehunekoa egiaztatzeko.

Hala, egiaztapenak egitean kontuan izanen da, ratioak betetze aldera, frogatu izana kontrataziorik ezin izan dela egin eskaintzarik ez dagoelako.

Gizarte inklusioko egoitzetan, gutxienez, zentroko arduradun bat eta gaueko txandarako pertsona bat izanen dira, eta gutxieneko ratioa 0,04 izanen da.

Teknikariak ere izanen dituzte (titulazio hauetakoak: gizarte lana, gizarte hezkuntza, psikologia, pedagogia, gizarte integrazioa), eta horien ratioa 0,02 izanen da. Teknikariak zentrorako berariaz kontratatutako langileak izaten ahal dira, edo zentroaren ardura duen pertsonak edo entitateak kontratatutako langileak, horien dedikazioa justifikatuta (ezarritako proportzioan).

Egoitza-etxe txikia.

Egoitza bati lotutako etxebizitza.

Egoitza bati lotutako etxebizitzetan, zuzendaritza, gainbegiratze eta jarraipen lanak egoitzaren ardura duen pertsonaren edo entitatearen kontura izanen dira, eta egoiliarrei arreta emateko behar diren zerbitzu profesionalak jarri beharko dira.

Etxebizitza laguntzadunak.

Gizarte inklusioaren arloko laguntzadun etxebizitzetan, zerbitzuaren ardura duen entitateak edo pertsonak teknikariak jarriko ditu (espezialitate hauetako bateko tituludunak: gizarte lana, gizarte hezkuntza, gizarte integrazioa, psikologia edo pedagogia), eta horien ratioa 0,04 izanen da. Teknikariak zerbitzurako berariaz kontratatutako langileak izan daitezke, edo zerbitzuaren ardura duen pertsonak edo entitateak kontratatutako langileak, horien dedikazioa justifikatuta (ezarritako proportzioan).

Harrera-etxeko zerbitzua.

Zuzendaritza, gainbegiratzea eta segimendua etxearen ardura bere gain duen pertsonaren edo entitatearen kargura izanen dira, eta, horretarako, espezialitate hauetako zerbitzu profesionalak izanen ditu, propioak, hitzartuak edo publikoak: aholkularitza juridikoa, psikologia, pedagogia, gizarte integrazioa, gizarte hezkuntza edo gizarte lana.

Etxegabeentzako zerbitzua.

Zerbitzua irekita dagoen orduetan, gutxienez pertsona bat egonen da bertan; langile horien gutxieneko ratioa 0,04 izanen da.

Boluntariotza.

1. Gizarte inklusioaren arloan, salbuespenez, langile ratio horiek murriztea onartzen ahalko da, baldin eta arreta zerbitzua boluntarioekin indartzen bada eta baldintza hauek betetzen badira:

-Titulu bat izatea beharrezkoa den lanbide arautuetako teknikarien kasuan, boluntarioek lanbidean aritzeko gaikuntza ematen duen titulua eduki beharko dute, eta, betiere, ez da inola ere onartuko eginkizun horietarako langile bakarrak izatea.

-Arautuak ez dauden lanbideetako teknikarien kasuan, gutxienez hiru urteko esperientzia izan beharko dute boluntarioek.

2. Ez da inola ere onartuko boluntarioak hartzea ratioak murrizteko eta zerbitzuan dauden profesionalen kopurua murrizteko.

3. Eskubide Sozialetako Departamentuak argitara emanen ditu salbuespeneko baimen horiek".

Hogeita hamazazpi.-Foru dekretuaren II. eranskinaren (Zerbitzuen betebehar espezifikoak) B) multzoko (Eguneko arreta zerbitzuak) 2.2 apartatuaren lehen paragrafoa aldatzen da, eta testu hau izanen du:

"Mendekotasuna duten pertsonentzako eguneko zentroa. Zerbitzu hau berariazko establezimendu batean ematen da eta xedea du egunez -oro har lanegunetan goizeko zortzietatik arratsaldeko zortzietara bitartean- arreta ematea oinarrizko behar pertsonaletan, behar terapeutikoetan eta errehabilitazio eta gizarte eta kultur arlokoetan, eta, horri esker, ohiko ingurunean gelditzea errazagoa egitea eta zaintzaileei sostengu ematea".

Hogeita hemezortzi.-Foru dekretuaren II. eranskinaren (Zerbitzuen betebehar espezifikoak) B) multzoko (Eguneko arreta zerbitzuak) 3. apartatuari azken paragrafoa gehitzen zaio, eta testu hau izanen du:

"Nolanahi ere, pertsonarengan zentratutako arreta integraleko planak jakinaraziko zaizkie erreferentziako gizarte zerbitzu publikoei, eta, horien barruan hala badagokio, pertsona horrek bere etxean eta inguruan ongizateari eusteko zer zerbitzu eta sostengu behar dituen".

Hogeita hemeretzi.-Foru dekretuaren II. eranskinaren (Zerbitzuen betebehar espezifikoak) B) multzoko (Eguneko arreta zerbitzuak) 4.2 apartatua aldatzen da, eta testu hau izanen du:

"4.2. Eguneko zentroetarako betebeharrak:

A) Eguneko zentroek espazio hauek izanen dituzte gutxienez:

1. Jantzitegi gisa erabiltzeko tokiak, sarreratik hurbil, ahal bada.

2. Sukalde edo sukalondo bat; legediak ezartzen dituen osasun baldintzak bete beharko ditu, zentroan otorduak prestatzen badira.

3. Jangela, gutxienez 2,10 metro koadro izanen dituena egoiliar-toki bakoitzeko. Sukaldearekin edo sukalondoarekin fisikoki lotua egoten ahal da. Erabiltzaileen beharren arabera, sukaldeko tresna irisgarriak eta laguntzako produktuak izanen dira.

4. Esku-hartze programak gauzatzeko bi eremu bereizi, jarduera terapeutikoak talde txiki bereizitan lantzeko, behar izanez gero. Hori horrela, banaketa modularreko antolaketa eta egitura izaten ahalko dituzte, erantzun pertsonalizatua ahalbidetzeko. Espazio horien baterako azalera ez da 4 metro koadrotik beherakoa izanen toki bakoitzeko. Eremu horietan, atsedena hartzeko guneak egonen dira.

5. Erabilera anitzeko bulego edo gunea, profesionalek erabiltzeko, eta erabiltzaileari arreta emateko eremu bat.

6. Bainugela eta komuna. Zentroak komun irisgarri bat izanen du 15 tokiko, eta horietako batek, gutxienez, dutxa eremua izanen du, pertsona bati higiene pertsonalerako eginkizunetan laguntzeko modukoa. Gizarte inklusioko eguneko zentroetan ez da nahitaezkoa izanen dutxa izatea.

Komun guztietan larrialdietako deiak egiteko sistema bat izanen da, argi eta garbi identifikatua.

Komunetako eta kabinetako ateak kanpora irekiko dira, edo lerragarriak izanen dira.

Ispilu eta beirak segurtasunekoak izanen dira.

Bateko eta besteko materiala biltegiratzeko eremu bat.

B) Erabiltzaileentzako jarduerak egiten diren guneak irisgarriak izanen dira, eta argiztapen naturala eta aireztapen sistema izanen dute.

Zentroek Interneterako doako konexioa emanen dute, eta sarean sartzeko gailuak paratuko dituzte erabiltzaileen eskura.

Oro har, areto bakoitza behar bezala hornitua izanen da, esku-hartze programak eta zerbitzuak egoki bete daitezen.

Eremuak ez dira beste zerbitzu batekin partekatzen ahalko, salbu eta horrela baimentzen bada berariaz, proposamena egokia dela zerbitzuari aldez aurretik justifikatuta.

Desgaitasun fisikoa duten pertsonentzako eguneko zentroetan, eremuen azalera kalkulatzeko ratioak bider 1,30 eginen da.

Landa eremuetako eta gizarte inklusioetako eguneko zentroek ere betebehar horiek bete beharko dituzte, salbu eta apartatu honetako laugarren puntua, alegia, bi eremu bereizi eduki beharra, eta bosgarren puntua, eta gizarte inklusiokoek, Internetera sartzeari buruzko betebeharretatik salbuetsita".

Berrogei.-Foru dekretuaren II. eranskinaren (Zerbitzuen betebehar espezifikoak) B) multzoko (Eguneko arreta zerbitzuak) 4.3 apartatua aldatzen da, eta testu hau izanen du:

"4.3 Zentro okupazionaletarako betebeharrak:

Ahal dela, lan inguruneetan kokatuko dira, edo, betiere, komunitatean integratutako eremuetan, non beste zerbitzu komunitario batzuetara erraz iristeko modua baitago.

Zentro okupazionalek espazio bereizi hauek izan beharko dituzte:

-Harrera eta administrazio gunea. Bertan kokatuko dira erabiltzaileari harrera egiteko eta zuzendaritza lanak eta administrazio eta kudeaketa komertzialekoak egiteko espazioak. Eremu horiek, ahal dela, eraikinaren sarrera nagusitik hurbil kokatuko dira.

-Bi espazio bereizi, zentroaren berariazko jarduerak egiteko:

Prestakuntza okupazionalerako eremua, jarduera edo lan ez-produktiboak egiteko, zentroko teknikarien orientazioei jarraikiz.

Garapen pertsonalerako eremua, gaikuntza pertsonalarekin eta gizarte harremanetan trebatzearekin lotutako helburuak berariaz lantzeko.

-Materialak eta askotariko gauzak biltegiratzeko eremu bat ere izanen da.

-Komunak: Zentroak komun irisgarri bat (konketa eta komunontziarekin) izanen du bederen 15 erabiltzaileko.

Komun guztietan larrialdietako deiak egiteko sistema bat izanen da, argi eta garbi identifikatua. Komunetako eta kabinetako ateak kanpora irekiko dira, edo irristagarriak izanen dira.

-Erabilera anitzeko bulegoa edo gunea, profesionalek erabiltzeko.

-Bertan egiten den jarduera dela-eta arropa aldatu beharra dagoen zentroetan, sexuen arabera bereizitako aldagelak izanen dira, eserlekuz eta armairuz hornituak. Dutxak ere izanen dira, baldin eta gorputza zikintzea edo ahalegin fisikoak egitea dakarten jarduerak egiten badira maiz. Dutxa bat jarriko da jarduera aldi berean bukatzen duten 10 pertsonako.

-Zentro okupazionalak jatetxe zerbitzua eskaintzen badu zentro berean, sukalderako eta jantokirako erreserbatutako espazioei dagokienez, eguneko zentroen atalean ezarritako baldintza berberak bete beharko dira".

Berrogeita bat.-Foru dekretuaren II. eranskinaren (Zerbitzuen betebehar espezifikoak) B) multzoko (Eguneko arreta zerbitzuak) 4. apartatua aldatzen da, eta testu hau izanen du:

"4. Langileria arloko gutxieneko betebeharrak. Ratioak.

Eguneko arreta zerbitzu bakoitzean eskatu beharreko gutxieneko langileak zehazteko, sailkapen honen arabera jokatuko da:

a) Zuzeneko arretako profesionalak: zaintzaile profesionalak, erizaintzako laguntzaileak edo pareko langileak, eta gizarte integrazioko teknikariak.

b) Titulazio hauetako teknikariak: Medikuntza, Erizaintza, Fisioterapia, Terapia Okupazionala, Animazio Soziokulturala, Gizarte Lana, Psikologia, Pedagogia, Logopedia, Gizarte Hezkuntza, Tailerreko Monitorea, Estimulazioko teknikaria eta beste edozein lanbide-kategoria, eginkizun teknikoak betetzeaz gainera, zerbitzuen ikuskapenen arloan eskumena duen organoak halakotzat aitortzen duena.

Langile horiek eginkizun nagusitzat dute emandako arretari dagokionez gainerako langileek egiten dituzten jarduera guztien programazioa, koordinazioa, ebaluazioa eta jarraipena egitea, eta beren gain hartuko dute, halaber, zentroaren ingurunearekin eta beste sistema batzuekin, bereziki osasun sistema publikoarekin, koordinatzeko eta harremanetan jartzeko zeregina.

c) Zerbitzu orokorretako langileak: Zerbitzu orokorretako langileen eginkizunetan honako hauek sartzen dira: administrazio lanak, sukaldekoak, garbiketa eta arropa garbiketakoak, logistikakoak, garraiokoak, instalazioen mantentze, kontserbazio eta zaintza lanak, eta, oro har, zuzeneko arretako profesionalen edo teknikarien kontzeptuan sartu ezin diren guztiak.

d) Zentroko zuzendaritza: Eguneko arreta zentro guztietan zuzendaritza bere gain hartuko duen pertsona bat izanen da, salbu eta foru dekretu honetan araututa dauden beste zentro batzuk badaude eremu, eraikin edo gune berean eta pertsona edo entitate beraren menpe badaude; kasu horretan, zuzendaria partekatzen ahal dute. 60 erabiltzaile edo gehiago dituzten zentroetan, lanaldi osoan aritu beharko da.

60 erabiltzaile baino gutxiago dituzten zentroetan, zentroko zuzendaritza lanak teknikariei egotzitako beste batzuekin batera betetzen ahalko dira, baldin eta kasuan kasuko lanbide kategorian aritzeko eskatzen den titulua baldin badu. Kasu horretan, zuzendaritza eginkizunetarako dedikazioa erabiltzaile kopuruaren araberakoa izan beharko da, eta hala adierazi beharko du lan-kontratuan.

Entitate bereko zerbitzu edo zentro baten baino gehiagoren kasuan, zuzendaritza bakarra egoten ahalko da bi zentrotarako, betiere bien artean 60 toki baino gehiago ez badituzte.

Ratioak.

Arau honetako langile ratioa adierazten da erabiltzaile bakoitzari dagokion langile kopuru gisa.

Dagokion langile kopuruaren datua lortzeko, formula hau aplikatuko da: arreta orduen zenbatekoa (zuzeneko arreta nahiz zeharkakoa) zati urteko lanaldia. Hala, ratioa ateratzeko, eragiketa hau egiten da: dagokion langile kopurua zati erabiltzaileen kopurua.

Eguneko arreta zerbitzuetan, ratioak kontrolatzeko, fitxaketa sistema erabiliko da, non gizarte zerbitzuen arloan eskumena duen departamentuak kontrolatzeko behar den gutxieneko informazioa agertuko baita.

Hona hemen zerbitzu mota bakoitzerako gutxieneko ratioak, xedeko biztanleria zein den kontuan hartuta:

-Eguneko egonaldia.

-Eguneko zentroak:

Gizarte inklusioko eguneko zentroetan, gutxienez, zentroaren arduradun bat izanen da. Zentroaren ardura duen entitateak edo pertsonak, gainera, teknikariak jarriko ditu (espezialitate hauetako bateko tituludunak: gizarte lana, gizarte hezkuntza, gizarte integrazioa, psikologia edo pedagogia), eta horien ratioa 0,04 izanen da. Teknikariak zentrorako berariaz kontratatutako langileak izaten ahal dira, edo pertsonak edo entitateak kontratatutako langileak, horien dedikazioa justifikatuta (ezarritako proportzioan).

-Zentro okupazionala.

Berrogeita bi.-Foru dekretuaren II. eranskinari (Zerbitzuen betebehar espezifikoak) C) multzoa gehitzen zaio, eta testu hau izanen du:

"C.-Zerbitzu anbulatorioak.

1. Definizioa eta xedea: etxean berean edo handik kanpo ematen diren eta egoitzakoak ez diren zerbitzuak. Zerbitzu horien bitartez prebentzio, errehabilitazio, aholkularitza eta laguntza pertsonaleko jarduerak egiten dira, aldez aurretik planifikatuta eta ondoren aldian behin ebaluatuta, erabiltzaileen autonomia pertsonala eta funtzionala lortzen laguntzeko, haien bizi kalitatea hobetzeko.

2. Zerbitzu motak:

2.1. Etxeko laguntza zerbitzua: pertsonei edo familiei etxean eta handik gertuko komunitate-ingurunean arreta ematea, baldin eta, duten egoeran, ohiko jarduerak edo oinarrizko beharrak gauzatzea ezinezkoa bada edo horretarako mugak badituzte, edo gatazka psikofamiliarreko egoera batek kideren bati eragiten badio, pertsona hori bere ingurunean hobeki integratzeko, haren autonomia funtzionala handitzeko eta bizi kalitatea hobetzeko.

Honako hauek izaten ahal dira:

a) Zaintza eta laguntza pertsonala: Garbiketa osoa, jaikitzeko eta oheratzeko laguntza eta oinarrizko zainketa pertsonalak. Horiek guztiak etxebizitzaren ezaugarrietara egokituko dira; horrela, ingurune irisgarria izaten lagunduko dute, eta pertsonaren parte-hartzea eta zaintza funtzioak egoki egitea errazten duena.

b) Etxeko laguntza: Etxea garbitzea eta txukuntzea, arropa garbitzea eta lisatzea, oinetakoak zaintzea, eguneroko janaria prestatzea eta erosketak egitea.

c) Zerbitzu osagarriak: Etxean eta handik kanpo lagun egitea, onuradunak berak berez egiten ahal ez dituen kudeaketak egitea, eta kultura jarduerak eta terapia okupazionala sustatzea.

Nolanahi ere, pertsonarengan zentratutako arreta integraleko planak jakinaraziko zaizkie erreferentziako gizarte zerbitzu publikoei, eta, horien barruan hala badagokio, pertsona horrek bere etxean eta inguruan ongizateari eusteko zer zerbitzu eta sostengu behar dituen.

2.2. Telelaguntzako zerbitzua: etxean gailu elektroniko bat paratzen da, zentral batera konektatua, mendekotasun egoeran dauden pertsonei segurtasuna emateko eta larrialdia, segurtasun eza, bakardadea edo bakartzea gertatzen denean halako egoerei erantzuteko, behar diren baliabide guztiak mobilizatuz erantzun ere. Etxetik gertu dagoen ohiko gizarte ingurunean ere ematen ahal da.

2.3. Autonomia sustatzeko zerbitzua: Zerbitzu hauen barnean sartzen diren zerbitzuek xedea dute norberaren arau eta lehentasunen arabera nola bizi kontrolatzeko, horri ekiteko edo hori erabakitzeko gaitasun pertsonala garatzea eta atxikitzea, baita eguneroko bizitzaren oinarrizko jarduerak erraztea ere, haren autonomia funtzionalari eutsita.

Aurrez aurreko zein etxez etxeko modalitateetan ematen ahal dira, eta mota hauetakoak dira:

-Gaikuntzako eta terapia okupazionaleko zerbitzua.

-Estimulazio kognitiboko zerbitzua.

-Autonomia funtzionala sustatzeko, atxikitzeko eta berreskuratzeko zerbitzua.

3. Betebehar espezifiko, material eta teknikoak mendekotasun egoeran dauden pertsonei arreta ematen zaienean:

Kasuan kasuko zerbitzua nolakoa den, honako betebehar hauek eskatuko dira:

3.1. Etxeko Laguntza Zerbitzurako betebeharrak.

Etxeko Laguntza Zerbitzua erabiltzaileen lehenespenetara eta borondatera zein inguruabarretara egokituko da, bai eta haien proiektu eta bizi estilora ere, ordutegiei, errutinei, asteko egunei eta egiten diren zereginen tipologiari dagokienez, horrek galarazi gabe zerbitzua ematen duten pertsonen eskubideen eta lan-baldintzen ondoriozko mugak eta etxebizitzak egokitzeko benetako aukera.

Lana, ahal dela, hurbileko profesionalen talde txikitan antolatuko da, lurralde eremu bereko erabiltzaileei arreta emateko, horri esker, tokialdatzeko denborak ahalik eta laburrenak izateko, komunitate-logikaz eta -ikuspegiz lan egiteko, informazio garrantzitsua elkarri jakinarazteko eta pertsonarengan zentratutako esku-hartze ikuspegia sustatzeko, langileen ordezkapen prozesuen eragina ahalik eta txikiena izan dadin, eta arreta hobetzeko.

Pertsonarengan zentratutako banakako arreta planetan haren bizi historia, beharrak, borondatea eta lehenespenak hartuko dira kontuan, eta bere proiektua eta bizimodua garatzeko eta gozatzeko zer laguntza behar dituen planifikatuko da. Erabiltzaileak parte-hartze aktiboa izanen du arreta eta sostenguko plan pertsonala egiten. Erasan kognitiboren bat dela eta parte-hartze hori are zailagoa bada, sostengu mekanismoak antolatuko dira. Plana diseinatzean, pertsonak etxean zer egoera duen hartuko da kontuan, beste pertsona edo etxeko animalia batzuekin bizi den eta etxebizitzaren ezaugarriak eta egoera barne hartuta.

3.2. Telelaguntzarako betebeharrak:

a) Ekipoak:

(i) zerbitzua gauzatzeko, terminal edo gailu bat eman edo, behar izanez gero, ezarriko da erabiltzailearen etxebizitzan, zeina zentral hartzaile batera konektatua egonen baita. Hala bada, beharrezkoa denean, zentral hartzaile horrekin komunikatuko da erabiltzailea, sakagailu baten edo beste komunikazio sistema batzuen bidez, eta horri esker, egun osoan eta urteko 365 egunetan bermatuko zaie arreta mendekotasun egoeran dauden pertsonei, planteatutako eskaeraren araberako erantzun egokia emanez, bai baliabide propioekin, bai kanpoko beste baliabide batzuk mobilizatuz.

Era berean, zerbitzua sostengu teknologiko osagarrien bidez ematen ahalko da, etxearen barruan edo handik kanpo; horretarako, sentsoreak eta eragingailuak erabiliko dira etxe barruan, eta geolokalizazioa ahalbidetzen duen teknologia duten gailuak etxetik kanpo. Zerbitzua ematen duen entitateak ekipamendu teknikoa kudeatzeko sistema bat izanen du, erabilitako terminalen edo gailuen prebentzio eta zuzentzeko mantentze-lanak ziurtatzeko.

(ii) Irisgarritasuna: Gailuen sakagailuek edo alarma sistemek bereizteko moduko ezaugarriak (kolorea, neurria, testua, erliebea, sinboloa, soinua edo forma) izanen dituzte erabiltzailearen beharren arabera. Alarmaren sakagailua erraz identifikatzeko modukoa eta gainerako botoietatik bereizteko modukoa izan behar da, erabiltzailearen beharren arabera.

Zerbitzua ematen duen entitateak behar diren sostengu produktuak eman eta, hala badagokio, ezarri behar ditu, goiko gorputz adarrak mugitzeko mugak dituzten erabiltzaileek eta edozein erabiltzailek alarma modu irisgarrian aktibatu ahal izan dezaten.

Erabiltzailearentzako informazioa -jakinarazpenak barne- argia, hautemangarria eta ulergarria izan beharko da harentzat.

Telelaguntzako zerbitzuei lotutako teknologia, betiere teknikoki ahal bada, pertsona bakoitzaren beharretara egokitu beharko da, eta, hala badagokio, hainbat komunikazio modalitate ahalbidetu beharko ditu, arreta modu eraginkorrean emateko.

Mendekotasuna egoeran dauden eta horrela behar duten pertsonei, hala eskatzen badute, gailu edo terminal bat eman beharko zaie, informazioa ikusteko edo entzuteko moduan sor dezaten.

(iii) Arreta zentroak: informazio sistemek informazioaren erregistro egituratua ahalbidetu beharko dute, telelaguntzako plan pertsonalizatua egin ahal izateko, haren barrenean asistentzia eta administrazio informazioa bilduta.

Mendekotasuna duten pertsonak artatzen dituzten zentroek, gutxienez, komunikazio publikorako protokolo bat ezarria izan beharko dute, hainbat hornitzaileren gailuak erabiltzea errazteko.

Ahal den guztietan, audioa prozesatzeko sistemak gehituko dira, telelaguntza plan pertsonalizatua prestatzean, haren jarraipena egitean eta hura ebaluatzean audio elkarrizketen informazioa kontuan har dadin.

Telelaguntza zerbitzuak gizarte eta osasun sistemetako informazio zerbitzuekiko konexioa ahalbidetu eta erraztuko du.

Telelaguntza plataforma interoperablea izan beharko da, mendekotasun egoeran dagoen pertsona bakoitzari dagokion informazioa oinarrizko gizarte zerbitzuetako erreferentziako langileekin, oinarrizko osasun laguntzako sistemarekin eta MAASen eremuan pertsonari laguntza ematen dioten beste zerbitzu batzuekin partekatu ahal izateko, eta horri esker, prozesuak arintzen eta pertsona bakoitzarengan eta haren bizi proiektuan koordinatutako eta zentratutako esku-hartzearen ikuspegia errazten laguntzeko. Informazioa datu pertsonalak babesteko indarrean dagoen araudiaren arabera baino ez da partekatuko.

b) Telelaguntza jasotzen duten pertsonen tratu duintasuna eta eskubideak bermatzea:

(i) Arreta pertsonalizatua eta proaktiboa: mendekotasun egoeran dagoen pertsona bakoitzaren egoera, lehenespenak eta borondatea kontuan hartuko dira haren esku-hartzeak diseinatzean, planifikatzean eta haien jarraipena egitean, eta telelaguntzako plan pertsonalizatuaren arabera egituratzean. Plan horren neurriek arreta ematen dieten langileen esku-hartzeak gidatuko dituzte.

Plan horretarako informazioa lortzeko, beharren eta lehentasunen hasierako balioespena eginen da, pertsona bakoitzarengan eta haren etxeko egoeran zentratuta, haren ongizatean eta autonomian laguntzeko behar dituen teknologiaz eta laguntzez hornitzeko.

Pertsona bakoitzari buruzko informazioa aldian-aldian eguneratuko da, eta behar diren egokitzapenak eginen dira planean, pertsonaren ongizatea eta autonomia hobetzen laguntzeko. Berrikuspen horretan lehentasuna izanen du pertsonak berak eta haren familiak zerbitzu horren bidez ematen zaizkion zainketekin zer nolako gogobetetasuna duten kontuan hartzea.

Zerbitzuaren sistema informatikoak mendekotasun egoeran dagoen pertsonari buruzko informazio adierazgarria eta nahikoa berehala eta modu argian eman beharko du, horri esker arreta pertsonalizatua, eskura dauden baliabide publikoak eta komunitarioak eta plana kudeatzeko baliagarritasunak ahalbidetuko baitira, baita balioesteko, plana egiteko, jarraipena egiteko eta ebaluatzeko tresnak ere.

(ii) Larrialdi egoeretan arreta ematea: zerbitzua ematen duen entitateak bermatu behar du mendekotasun egoeran dagoen pertsona zuzenean komunikatzen ahal dela arreta zentroarekin, beharrezkotzat jotzen duen aldiro eta egoki irizten dion guztietan. Larrialdi egoera baten berri ematen duten jakinarazpenei dagokienez, kasuaren jarraipena eginen da egoera egonkortu arte. Nolanahi ere, hautemandako arreta beharraren egoerara egokitutako jarduketa prozesuak eta protokoloak izanen ditu.

(iii) Zaintzaileak: mendekotasun egoeran dagoen pertsona zaintzen duten pertsonen egoera eta beharrak (ahaideak edo hurbileko pertsonak izan) kontuan hartu beharko dira, eta haiekin koordinatu beharra egonen da.

(iv) Ikuspegi komunitarioan, pertsonek etxetik gertu dituzten beharrak kontuan hartuko dituzte zerbitzuek, haien partaidetza eta harremana errazte aldera beren auzoko baliabideekin, zerbitzuekin eta beste pertsona batzuekin; pertsona bizi den tokiekin konektatuta egoten, bere komunitatean parte hartzen eta nahi ez diren bakardade egoerak prebenitzen lagunduko dute, eta pertsonaren beharrak balioetsiko dituzte, bai etxean, bai hurbileko ingurune komunitarioan parte hartzeko.

c) Dokumentazioa:

(i) Mendekotasun egoeran dagoen pertsona bakoitzaren telelaguntza plan pertsonalizatuen erregistro informatikoa edo dokumentu erregistroa, pertsonarengan zentratutako esku-hartze, jarraipen eta ebaluaziorako lagungarri izanen den informazioarekin, betiere haren borondatean eta lehenespenetan oinarrituta.

(ii) Erabiltzailearekin edo hark baimendutako erreferentziako pertsonekin izandako komunikazioen erregistro informatikoa (edo komunikazio horien laburpen bat), komunikazio horiek edozein motatakoak direla ere.

(iii) Jarduketa eremuan larrialdiei aurre egiteko dauden baliabide guztien erregistro baimendua.

3.3. Autonomia sustatzeko zerbitzuetarako betebeharrak.

a) Kokapena, guneak eta ekipamendua: Establezimendu batean emandako zerbitzuei esker, zerbitzu horien programak aurrez aurre gauzatzen ahalko dira, taldeko jarduerak garatuz (10 pertsona gehienez jarduera bakoitzeko).

Tokiaren neurri egokiak zehazteko, pertsonako 1,3 metro koadroko erreferentzia hartuko da kontuan.

Erabiltzaileentzako jarduerak egiten diren guneak irisgarriak izanen dira, eta argiztapen naturala eta aireztapen sistema izanen dituzte.

Oro har, aretoa behar bezala hornitua izanen da, esku-hartze programak eta zerbitzuak egoki bete daitezen.

Komun irisgarri bat izanen dute.

b) Esku hartzeko eta sostenguen plan pertsonala: Erabiltzaile bakoitzak arreta eta sostengu plan pertsonal bat izanen du, eta plan horretan, zer behar, borondate eta lehenespen dituen, bere proiektua eta bizimodua garatzeko eta horietaz gozatzeko jasotzen dituen laguntzak planifikatuko dira.

Ebaluazioak esku-hartze prozesuan zehar jarraitu behar du, bilakaera kontrolatzeko.

Plan hori pertsona bakoitzarentzat definituko da zerbitzuetan sartzean, eta planaren bilakaeraren eta aldaketaren jarraipen idatzia eginen da.

c) Gutxieneko dokumentu betebeharrak: Zerbitzuei eskatu beharreko gutxieneko dokumentazioa:

Erabiltzaile bakoitzaren banakako arreta plana.

Asistentziaren eta bilakaeraren erregistroa.

4. Mendekotasun egoeran dauden pertsonei arreta ematen zaienean gutxieneko langileei dagokienez bete beharreko betebeharrak. Ratioak.

4.1. Etxeko arreta zerbitzuan eskatu beharreko gutxieneko langileak zehazteko, sailkapen honen arabera jokatuko da:

a) Zuzeneko arretako profesionalak: familia-laneko profesionalak eta laguntzaileak, mendetasunari arreta emateko araudia aplikatuz unean-unean eskatutako titulazioak edo gaikuntzak dituztenak.

Honako eginkizun hauek betetzen dituzte: arreta pertsonala eta etxekoa; laguntza psikosoziala, familiakoa eta bizikidetzakoa; ingurunearekiko harremanei buruzkoa; koordinazioa pertsonarengan zentratutako banakako arreta planean esku hartzen duten beste pertsona batzuekin, eta plan hori egokitzeko proposamenak egitea, pertsonaren bizitzan, beharretan, eskaeretan, arriskuetan eta aukeretan unean-unean gertatzen diren egoera aldaketen arabera.

Haien zereginak Banakako Arreta Programan (BAP) eta pertsonarengan zentratutako banakako arreta planean ezartzen denari jarraikiz zehaztuko dira.

Profesional bakoitzaren lanaldiaren %5, gutxienez, koordinazio lanetarako gordeko da.

b) Koordinatzaileak: zuzeneko arretako langileen lana kudeatzeaz eta antolatzeaz arduratuko dira, bai eta langile horiek orientatzeaz, laguntzeaz, aholkatzeaz eta jarraitzeaz ere; horrez gain, erreferentziako gizarte zerbitzu komunitarioekin koordinatzeaz arduratuko dira, kasu bakoitzaren jarraipena egiteko, ematen dituzten zerbitzuen jarraipena, kalitatea eta bilakaera ziurtatzeko.

Zuzeneko arretako langileen osasunerako arriskuak ebaluatzeko modua antolatzea ere izanen dute eginkizunen artean, eta prebentzio neurrien ebaluazioa eta plangintza egiaztatzen dituzten agiriak ere eduki beharko dituzte gizarte zerbitzuen arloko Ikuskatzailetzaren eskuragarri.

Etxebizitza gutxienez urtean behin bisitatuko dute erabiltzaileak mendekotasun moderatua badu, eta maizago mendekotasun larria edo handia badu.

Ratioak.

Zuzeneko arretako langileen ratioa etxeko laguntzaren benetako 1.000 ordu/hil bakoitzeko gutxieneko langile kopuruan adierazten da.

Ratioa benetako laneko 1.755 orduko urteko lanaldiaren oinarriaren gainean ezartzen da, langileek etxeen artean ondoz ondo egindako joan-etorriak kontuan hartu gabe, zeinak benetako lantzat hartu behar baitira:

4.2. Telelaguntza zerbitzuan lan egiten duten pertsonek eginkizun hauek eginen dituzte:

a) Telelaguntzailearen edo teleoperadorearen profilarekin: komunikazioa, mendekotasuna duen pertsonari harremanetan jartzen denean laguntzea, eta hari lagun egitea telelaguntza plan pertsonalizatuaren arabera.

Mendekotasunik ez duten pertsonentzat, arreta zentroan sartzen diren deiak eta sortutako agendak kudeatzeaz arduratuko da, erabiltzaile bakoitzaren plan pertsonalizatuan ezarritako jarraibideen, protokoloen eta jarduteko arauen arabera.

b) Koordinatzailearen profilarekin: telelaguntza plan pertsonalizatua egitea, mendekotasun egoeran dagoen pertsonarekin batera, eta lortutako informazioan eta haren lehenespenetan eta bizimoduan oinarrituta, pertsona horri lagun egiteko, familia- eta gizarte-ingurunearekin harremana izan dezan sustatzeko, eta haren etxeko ongizatea laguntzeko.

Erabiltzaileak parte hartzeko eta erabakiak hartzeko arazoak baditu maila kognitiboan edo komunikazio mailan, behar diren baliabideak eta tresnak jarriko dira abian haren borondatea eta lehenespenak errespeta daitezen, eta prozesu horren berri emanen zaie ahaideei edo erreferentziako hurbileko pertsonei, edo, hala badagokio, haren legezko ordezkaritza duten pertsonei.

Mendekotasunik ez duten pertsonei arreta emateko, erabiltzailearen balorazioa egiteaz arduratzen da, haren beharrak hautemateko eta arreta pertsonalizatuko jarraibideak ezartzeko. Jarraibide horiek telelaguntzako plan pertsonalizatua lantzean jasoko dira, eta erabiltzaileak ere parte hartuko du plan hori egiteko prozesuan.

c) Gainbegiralearen profilarekin: planifikatzea eta koordinazio eginkizunak betetzen dituztenak eta telelaguntzaile edo teleoperadorearen profila dutenak gainbegiratzea, arreta eraginkorra, efizientea eta kalitatezkoa emateko.

4,3. Autonomia pertsonala sustatzeko zerbitzuak gauzatzen dituzten zentroetan, horretarako, zerbitzu guztiak inplementatzeko behar diren osasuneko profesional teknikoak izan beharko dituzte, batez ere Terapia Okupazionaleko diploma edo gradua edo Fisioterapia edo Psikologia dutenak.

Zuzeneko arretako profesionalak ere jasotzen dira, hala nola geriatria/erizaintzako laguntzaileak, gerokultoreak edo arreta soziosanitarioko teknikariak.

Profesional horiek honako eginkizun hauek beteko dituzte lanaldiaren barruan:

Terapia Okupazional/Fisioterapia/Psikologiako gradudun teknikariak:

-Balorazioa.

-Jardueren programazioa eta plangintza.

-Jarraipenak.

-Jardueren gauzatze partziala.

Zuzeneko arretako profesionalak:

-Erabiltzaileak hartzeko eta agurtzeko lanak.

-Lekualdaketetan eta oinarrizko beharretan laguntza ematea.

-Teknikariek aldez aurretik programatutako jardueretan laguntzea edo haiek eskuordetuta gauzatzea.

Mendekotasun egoeran dauden pertsonentzako ratioak:

Gehienez 10 pertsonako taldeak kontuan hartuta, gutxienez honako hauek egonen dira:

-Teknikarien 0,01 ordu pertsonako eta urteko.

-Zuzeneko arretako langileen 0,01 ordu pertsonako eta urteko.

Zerbitzuak garatzeko, jarduerak gauzatzen emandako denboraz gain, programak behar bezala ezartzeko eta zerbitzuak egoki funtzionatzeko behar izan den denbora hartuko da kontuan; erabiltzaileak baloratzeko, jarduerak programatzeko eta planifikatzeko eta erregistroetan emandakoa, alegia."

Berrogeita hiru.-Foru dekretuaren II. eranskinari (Zerbitzuen betebehar espezifikoak) D) multzoa gehitzen zaio, eta testu hau izanen du:

"D.- Adingabeei arreta emateko zerbitzuak.

EGOITZA ZERBITZUAK - ADINGABEAK

Definizioa eta helburua.

Aldi baterako ohiko etxebizitza izateko gizarte zerbitzuak, hainbat egoera direla-eta beren premiak behar bezala aseta ez dituzten eta familia-ingurunean eskubideak bermatuta ez dituzten adingabeentzat, baldin eta jatorrizko familiatik bereizi behar izan badira; entitate publikoak haien zaintza hartzen du bere gain.

Zerbitzu motak.

-Adingabeentzako behaketa eta harrera zentroak: Arreta zerbitzu berehalakoa eta aldi baterakoa; haurrei eta nerabeei eskaintzen die egoitza edo familia-ingurune seguru eta babestu bat, zeinetan osoki estaliko baitzaizkie beren behar fisikoak, osasun arlokoak, psikoemozionalak eta hezkuntza arlokoak. Babesteko, baloratzeko eta diagnostikatzeko eginkizunak. Ez dituzte 16 plaza baino gehiago izanen, bat-batean premiazko egoeretan izan ezik. Sostenguen intentsitatea altua da.

-Babes etxebizitzak: Etxebizitza batean adingabeei emandako zerbitzua, zeinaren helburua baita behar den arreta ematea, garapen afektibo, psikologiko eta intelektual egokia, baita prestakuntza, lan eta gizartekoa ere, erdietsi ahal izan dezaten. Gehienez 8 toki izanen ditu. Sostenguen intentsitatea altua da.

-Babes egoitzak: Familia bakarreko etxebizitza batean adingabeei emandako zerbitzua, zeinaren helburua baita behar den arreta ematea, garapen afektibo, psikologiko eta intelektual egokia, baita prestakuntza, lan eta gizartekoa ere, erdietsi ahal izan dezaten. Gehienez 9 toki izanen ditu. Sostenguen intentsitatea altua da.

-Egoitza-zentro espezializatuak: Familia bakarreko etxebizitza batean emandako zerbitzua da. Jatorrizko familiatik bereizi behar izan diren adingabeei babesa ematen die, eta entitate publikoak horien zaintza bere gain hartzen du zerbitzu horretan sartzea eragin zuten jokabideak, portaerak edo babes beharrak normaliza daitezen lortzeko.

Adingabe horiei gizarte eta hezkuntzako zein psikoterapiako testuinguru egituratuagoa ematea du helburutzat, haien hezkuntza eta duten jokabidearen normalizazioa lortzeko, eta nortasuna askatasunez eta harmonikoki garatu dezaten, testuinguru egituratu baten bidez eta hezkuntza proiektu baten barruko programa espezifikoen bitartez.

Segurtasun neurriak ez ezik, askatasunak edo oinarrizko eskubideak murrizteko neurriak ere aplikatzen ahalko dira, salbuespen gisa betiere, eta proportzionaltasun, beharrizan eta behin-behinekotasun printzipioei jarraikiz; horrelakoek hezkuntza helburua izanen dute nolanahi ere, honako hauetan ezarritakoari jarraikiz: Haurrak eta Nerabeak Babesteko Sistema aldatzen duen uztailaren 22ko 8/2015 Lege Organikoa; Haurrak eta Nerabeak Indarkeriatik Begiratzeko Babes Integralaren ekainaren 4ko 8/2021 Lege Organikoa, eta Haur eta nerabeei arreta eta babesa eman eta haien familiak, eskubideak eta berdintasuna sustatzeko maiatzaren 11ko 12/2022 Foru Legea. Gehienez 10 toki egonen dira. Sostenguen intentsitatea altua da.

-Barneratze neurriak betearazteko zentroa: gazteen justizia sistemaren barruan dauden 14 urtetik gorako adingabeen arretarako egoitza batean emandako zerbitzua; adingabe horiei barneratzeko neurri judiziala ezarri zaio Adingabeen Erantzukizun Penalari buruzko 5/2000 Legean tipifikatutako delitu bat egin dutelako.

Barneratzeko neurri judizial bat bete behar duten pertsonei arreta integrala ematea du helburu. Gehienez 25 toki egonen dira. Sostenguen intentsitatea altua da.

-Autonomia etxebizitzak: zerbitzua etxebizitzetan ematen zaie gazteei, emantzipazio prozesuan laguntza emateko, haien autonomia pertsonala, soziala eta lanekoa sustatzeko. Autokudeaketa araubidean funtzionatzen ahalko dute, hezkuntza talde baten eta sostenguko beste profesional batzuen ikuskapen teknikoarekin (iraunkorra ere izaten ahal da); 6 toki izanen dituzte gehienez. Sostenguen intentsitatea ertaina da.

Intentsitate mota bakoitzaren azalpena:

Sostenguen intentsitate altua: langile batzuk bertan daude etengabe.

Sostenguen intentsitate ertaina: langile batzuk bertan daude egunez, baina ez beti.

Sostenguen intentsitate baxua: zerbitzuak, edo haren ardura duen pertsonak edo entitateak, astelehenetik ostiralera sostengua eta estaldura ematen duten langileak ditu.

Oinarrizko prestazioak:

-Informazioa, balorazioa, laguntza eta jarraipena, adingabe bakoitzaren banakako babes planaren arabera.

-Mantenuko, garbiketako eta arropa-garbiketako oinarrizko zerbitzuak; horietan, adingabeek beren heldutasun mailaren arabera laguntzen ahalko dute, beren autonomia lortzeko tresna gisa.

-Oinarrizko zainketak eta zainketa psikoemozionalak, adingabea egoki garatu ahal izateko.

-Eskola laguntzako eta prestakuntzako jarduerak.

-Aisiako eta astialdiko jarduerak.

-Familia-gaikuntza eta familiako esku-hartzeak.

-Gizarte eta hezkuntza izaerako banakako edo taldeko esku-hartzeak.

-Banakako edo taldeko laguntza psikoterapeutikoa.

-Lagun egitea gizartearen aurrean/laguntza familiarra.

Betebehar espezifiko, material eta teknikoak.

Zerbitzu horiek hirigunean egonen dira; garraio publikoa eduki behar dute, eta ez dira babes izaeraren berri ematen duten kartelen bidez seinaleztatu edo identifikatu beharko. Salbuespen gisa, kokapen baldintza hori betetzen ez duten egoitzak edo zentroak baimentzen ahalko dira.

Bizigarritasunari dagozkion betebeharrak.

Langune bat edukiko dute material teknikoa eta adingabe bakoitzaren historiak segurtasunez gorde ahal izateko; eremu horretan arreta ematen zaion haur edo nerabe bakoitzarekin behar den hezkuntza-psikologiako banakako lana garatu ahal izanen da.

Logelei eta ekipamenduari dagokienez.

Babes zerbitzu horietan batentzako eta birentzako logelak egonen dira, eta irizpide hauek bete beharko dira:

Zerbitzu guztietan, batentzako logela bat egon beharko da gutxienez.

Neurri judizialak betetzeko zentroko logela guztiak batentzako logelak izanen dira, duten espezifikotasuna dela eta.

Zerbitzuak antolatzean malgutasunez jokatuko da, eta bermatuko da anai-arreben taldeei arreta batera, zentro berean, ematen zaiela, bai eta eguneroko bizitzako jardueretan berez moldatzeko zailtasuna (adinagatik, desgaitasunagatik eta abar) duten adingabeei ere.

Logelen azalera 8 metro koadrokoa izanen da gutxienez, batentzako logeletan, eta 12 metro koadrokoa, gutxienez, birentzako logeletan. Aldi baterako eta salbuespenez, hirurentzako logelak baimentzen ahalko dira, gutxienez 15 metro koadrokoak.

Baliabideetan aski bainugela eta komun egonen dira haurren eta nerabeen eta langileen beharrak asetzeko.

Hamabi (12) urtetik gorakoentzako logela eta komunetako ateetan kisketa egonen da, baina kanpotik irekitzeko mekanismoa izanen dute, langileek, behar izanez gero edo larrialdirik badago, erabili ahal izateko. Gailu hori kentzen ahalko da, baldin eta, zentroko talde teknikoaren iritziz, eta adingabearen ezaugarriengatik, benetako arriskua badakar.

Logela guztietan ikasteko mahai eta aulkiak egonen dira, han dauden haur eta nerabeentzat adina. Arropa gordetzeko armairua izanen dute orobat, bai eta liburuak eta norberaren gauzak gordetzeko lekua ere.

Haurrek eta nerabeek beren gauzak modu seguruan gordetzeko tokiren bat izanen dute zerbitzuan.

Haurrek eta nerabeek beren logelak eta banakako eremuak pertsonalizatzen ahalko dituzte (koadroak, posterrak, argazkiak, dekorazio objektuak eta abar), eta eremu komunen dekorazioan parte hartuko dute.

Zerbitzu guztietan teknologia berrietarako sarbidea egonen da, eta haurren edo nerabeen eskuragarri egonen dira horiek. Zentroek, gutxienez, Interneterako sarbidea, gailu elektronikoak (gutxienez gailu elektroniko bat -ordenagailua edo tableta- lau haur edo nerabeko) eta telefono linea bat izanen dituzte.

Beste gune batzuk.

Adingabekoentzako behaketa eta harrera zentroetan eta barneratze neurriak betearazteko zentroan honako gune hauek egon beharko dira:

Sukaldea.

Egongela/jangela.

Familia-topaketetarako eremu atsegina.

Jolas, prestakuntza, familia eta abarretako jarduerak egiteko balio anitzeko eremua.

Askatasunak murrizteko neurriak, behar bezala baimenduta, aplikatzen ahal diren zentroetan (adingabekoentzako behaketa eta harrera zentroa, egoitza espezializatuak, barneratze neurriak betearazteko zentroa), segurtasun eta eusteko eremu bat egonen da gutxienez (denbora kanpoan). Eremu horrek 8 metro koadro izanen ditu gutxienez, argi naturala izanen du, eta behar bezala egokituta egonen da adingabea egoera egokian egon dadin eta bere buruari inolako kalte fisikorik egin ez diezaion. Era berean, eremu hori dagoen aldean bainugela baterako sarbidea egon beharko da. Eremu horretan aplikatu beharreko neurriek Haurrak eta Nerabeak Babesteko Sistema aldatzen duen uztailaren 22ko 8/2015 Lege Organikoan eta hura aldatzen duten beste arau batzuetan xedatutakoa beteko dute, bai eta Haur eta nerabeei arreta eta babesa eman eta haien familiak, eskubideak eta berdintasuna sustatzeko maiatzaren 11ko 12/2022 Foru Legean ezarritakoa ere.

Halaber, kontuan hartuta adingabeek agian prestakuntza eta hezkuntza jarduerak egin behar dituztela hezkuntza/prestakuntzako zentroaren esparrutik kanpo, jarduera horiek garatzeko eremuak egon beharko dira, edo eremu horietarako sarbidea izan beharko dute, bestela.

Langileei eskatzen zaizkien betebeharrak.

Babes zentroetako egoitza zerbitzuetako langileen plantillan honako hauek egonen dira: zuzendaritza, talde teknikoa, zuzeneko arretako profesionalen taldea, segurtasuneko langileak (askatasunak murrizteko neurriak, behar bezala baimenduta, aplikatzen dituzten zentroetan), eta zerbitzu orokorretako langileak ere egon daitezke.

Profesionalen kopurua, prestakuntza eta esperientzia egokiak izanen dira haurren eta nerabeen eta haien familien beharrei behar bezala eta efikaziaz erantzuteko esleituta dituzten funtzioak gara ditzaten esku-hartze eremu guztietan, eta bi sexuetako profesionalen arteko oreka lortzen saiatuko da.

Ezarritako gutxieneko langile ratioak gorabehera, zuzeneko arretako profesional gehiagok aldi berean esku hartzeko aukera egonen da, batez ere esku-hartze hori behar duten adingabeekin lan zehatzak egiten direnean edo zailtasun bereziak dituzten haur eta nerabeei arreta ematen zaienean, horretarako errefortzuak beharrezkoak badira.

Babes zentroetan ematen diren zerbitzuak kudeatzeko beharrezkoak diren giza baliabideen barruan, honako profesional hauek bereizten dira:

Zuzendaritza/koordinazioa: Haien gutxieneko lanbide-profila unibertsitateko diploma/gradua edo baliokidea izanen da, eta prestakuntza espezializatua egina izanen dute familia eta adingabeen arloan, zentroen zuzendaritzan edo lotutako beste jakintza-arlo batzuetan. Prestakuntza horren barruan tratu onari buruzko 20 orduko prestakuntza ere egonen da.

Talde teknikoa: estaldura teknikoa emanen die zentroetan ematen diren zerbitzuei; hori horrela, diseinuaren, plangintzaren, esku-hartzearen, gainbegiratzearen eta laguntza teknikoaren arloko eginkizunak beteko ditu. Honako profesional hauek izanen dira:

Familian esku hartzeko teknikaria: Lan hori egiteko, Gizarte Laneko edo Gizarte Hezkuntzako unibertsitate diploma edo graduko lanbide-profila behar da gutxienez.

Psikologoa (familiako esku-hartzea): Lan hori egiteko, Psikologiako unibertsitateko lizentzia edo graduko lanbide-profila behar da gutxienez.

Psikologoa (esku-hartze psikoterapeutikoa): Gutxieneko lanbide-profila hauxe da: Psikologiako lizentzia/gradua, eta Osasun Psikologia Orokorreko master ofiziala edo haren gaikuntza.

Gizarte langilea: Gizarte Laneko diploma edo gradua.

Prestakuntza akademikoko teknikariak: dagozkien ikastetxeetara joaten ahal ez diren haurrek eta nerabeek ikasteko ohiturei eta ikasketa-mailei eusten dietela ziurtatuko dute. Lan hau egiteko, Irakasle, Pedagogia edo Psikopedagogiako unibertsitateko diploma edo graduko lanbide-profila behar da gutxienez.

Hezkuntza taldea. Zuzeneko arretako hezitzaileak: Zuzeneko harremana izanen dute adingabeekin eta programaren erabiltzaileen gainerako eragin eta harreman sistemekin.

Lan hori egiteko, Gizarte Hezkuntzako edo Gizarte Laneko unibertsitateko diploma edo graduko lanbide-profila behar da gutxienez. Eskubide Sozialetako Departamentuak eskatzen diren beste titulazio batzuk baimentzen ahalko ditu, arreta hori emateko egokia egiten duten curriculum edukiak justifikatuta, eta, erabat justifikatuta dagoela iritziz gero, handitzen ahalko du, edo prestakuntza osagarri baten baldintzapean jarri.

Hezkuntza taldea. Egoitzetan sostengua eman eta lagun egiteko hezitzaileak: Profesional hauek, egoitza baliabidearen arduradunak eta zuzeneko arretako hezitzaileek gainbegiratuta, adingabeen arreta integralean parte hartuko dute, eta zuzeneko arretako hezitzaileekin lankidetzan arituko dira artatutako haurren eta nerabeen arretan, laguntzan eta jarraipenean.

Lan hori egiteko, Gizarte Integrazioko goi mailako teknikariaren titulua behar da gutxienez.

Zerbitzu orokorretako eta segurtasuneko langileak:

Administrazio-langileak, garbiketako eta sukaldeko langileak, arropa garbitzaileak, mantentze-lanetako langileak eta abar.

Segurtasuneko langileek segurtasun eginkizunak beteko dituzte askatasunak murrizteko neurriak, behar bezala baimenduta, aplikatzen dituzten zentroetan (adingabekoentzako behaketa eta harrera zentroa, egoitza espezializatuak, barneratze neurriak betearazteko zentroa).

Langile kopurua zentroaren beharren araberakoa izanen da, honako hauek kontuan hartuta: erabiltzaileen kopurua eta ezaugarriak, ematen diren zerbitzuak, zentroaren neurriak eta egitura, bai eta haren ezaugarri fisikoak ere.

Nolanahi ere, maiatzaren 11ko 12/2022 Foru Legearen 133 u) artikuluaren arabera, beharrezkoa izanen da zentroetan arreta ematen duten langileek emakumeen eta gizonen arteko berdintasunaren arloko eta emakumeen aurkako indarkeriaren arloko gaikuntza edukitzea.

Langile ratioak:

Adingabeak babesteko egoitza baliabideek, adingabekoentzako behaketa eta harrera zentroek izan ezik, honako profesional hauek izaten ahalko dituzte teknikari eta zuzendari taldeetan.

Adingabeak babesteko sistemako eta autonomia prozesuan dauden gazteei laguntzeko zerbitzuko egoitza harrerako zentroen arretarako eta kudeaketarako, honako langile hauek egonen dira gutxienez:

Zuzendaritza/koordinazioa:

Koordinatzailea: %0,20, oinarrizko egoitza harrerako zentro bakoitzeko; %0,15, egoitza harrera espezializatuko zentro bakoitzeko; %0,005, autonomia etxebizitzako toki bakoitzeko.

Zentroetako talde teknikoa (etxebizitzak/egoitzak eta zentro espezializatua).

Familian esku hartzeko teknikaria: %0,07, babes etxebizitza/egoitzako toki bakoitzeko, eta %0,10, egoitza espezializatuko toki bakoitzeko.

Psikologoa (familiako esku-hartzea): %0,28, babes etxebizitza/egoitzako toki bakoitzeko, eta %0,10, egoitza espezializatuko toki bakoitzeko.

Psikologoa (esku-hartze psikoterapeutikoa): %0,07, babes etxebizitza/egoitzako toki bakoitzeko, eta %0,10, egoitza espezializatuko toki bakoitzeko.

Babes etxebizitza/egoitzetako eta egoitza espezializatuetako hezkuntza taldea, segurtasuneko langileak eta zerbitzuetako langileak: Egoitza zerbitzu bakoitzean gutxienez behar diren langileak zehazteko, ondorengo sailkapenari jarraituko zaio, ematen duten zerbitzua zein den.

Babes etxebizitza/egoitza, hau izanen da:

-Zuzeneko arretako hezitzaileak: 1,03 lanaldi, erabiltzaile eta urte bakoitzeko.

-Sostenguko eta lagun egiteko hezitzaileak: 0,35 lanaldi, erabiltzaile eta urte bakoitzeko.

Egoitza espezializatuan hau izanen da:

-Zuzeneko arretako hezitzaileak: 1,67 lanaldi, erabiltzaile eta urte bakoitzeko.

-Sostenguko eta lagun egiteko hezitzaileak: 0,70 lanaldi, erabiltzaile eta urte bakoitzeko.

-Segurtasuneko langileak: 1,06 lanaldi, erabiltzaile eta urte bakoitzeko.

Arau honetako langile ratioa adierazten da erabiltzaile bakoitzari dagokion langile kopuru gisa.

Dagokion langile kopuruaren datua lortzeko, formula hau aplikatuko da: arreta orduen zenbatekoa (zuzeneko arreta nahiz zeharkakoa) zati urteko lanaldia. Hala, ratioa ateratzeko, eragiketa hau egiten da: dagokion langile kopurua zati erabiltzaileen kopurua:

Autonomia etxebizitzen zerbitzurako zuzeneko arretako taldea. Honako langile hauek egonen dira gutxienez:

-Gizarte langileak: Lanaldiaren %0,028, egoiliar-toki bakoitzeko.

-Psikologoa: Lanaldiaren %0,2, egoiliar-toki bakoitzeko.

-Hezitzailea: Lanaldiaren %0,2, egoiliar-toki bakoitzeko.

-Sostenguko hezitzailea: Lanaldiaren %0,2, egoiliar-toki bakoitzeko.

Tratu duintasuna eta eskubideez baliatzea bermatzeko betebeharrak:

-Adingabeak babestea era guztietako diskriminazio edo tratu txarretatik, bai zentrotik kanpo, bai haren barruan.

-Adingabeak eskubideen subjektutzat hartzea, haien adina eta gaitasunak kontuan hartuta.

-Adingabeen osoko garapena sustatzea eta indartzea; haien bizitza normalizatzea eta autonomia pertsonala bultzatzea, hezitzaile taldeak lagundu eta gainbegiratuta.

-Entzute aktiboa eta partaidetza eguneroko bizitzako zereginetan, haien erantzukizuna garatzen laguntzeko eta autoestimua eta atxikimendu segurua sendotzeko.

-Zentroko egonaldia alferrik ez luzatzea.

-Zoritxar goiztiarra edo trauma izan duten adingabeentzako zerbitzuetan, profesionalek arlo horretako prestakuntza dutela bermatuko da, bai eta familiei laguntzeko zerbitzuekin koordinazioa egotea ere.

EGUNEKO ARRETA ZERBITZUAK - ADINGABEAK

1. Definizioa eta xedea: Arrisku moderatu edo larrian dauden 3 eta 18 urte bitarteko adingabeentzako zerbitzua, baldin eta ohiko ingurunean gelditzen laguntzeko esku-hartzeak behar badituzte.

Neurri judizial bat bete behar duten adingabeentzat ere izanen da.

2. Zerbitzu mota:

2.1. Adingabeen eguneko zentroa: Zerbitzu hau zentro espezifiko batean ematen zaie 3 eta 16 urte bitarteko adingabeei, baldin eta arrisku moderatu edo larrian badaude, horrek haien garapen pertsonala arriskuan jartzen badu, eta haien familiek prebentzio eta hezkuntza laguntza behar badute. Zerbitzuaren funtzionamendua eskola jardunaren osagarria izanen da eta, ondorioz, astelehenetik larunbatera eginen da, eskolaz kanpoko ordutegian.

2.2. Gazteentzako justiziako eguneko zentroa: Zerbitzu hau zentro espezifiko batean ematen zaie 14 eta 18 urte bitarteko adingabeei, neurri judizial bat bete behar dutenean. Zerbitzuaren helburua hauxe da: psikologia eta hezkuntzako esku-hartzearen bidez adingabeei arreta integrala ematea, normalizaziora eta garapen pertsonalera bideratuta, adingabeak eguneroko bizi ingurunean duen integrazioa sendotzeko.

Oinarrizko prestazioak:

Adingabe bakoitzaren informazioa, balorazioa, laguntza eta jarraipena, Banakako Hezkuntza Planaren arabera.

Elikadurako, higieneko eta autonomia pertsonaleko oinarrizko zainketak sustatzea, eboluzio etaparen arabera.

Komunikazio asertiboa, emozioen kudeaketa eta trebetasun sozialak sustatzeko jarduerak.

Eskolan sostengua emateko, aisialdia sustatzeko eta gizartean parte hartzeko jarduerak.

Gizarte eta hezkuntza izaerako banakako edo taldeko esku-hartzeak.

Lagun egitea gizartearen aurrean/laguntza familiarra.

Gaikuntzarako eta tratu ona sustatzeko familiako esku-hartzeak.

Betebehar espezifiko, material eta teknikoak.

Kokapena: Zerbitzu horietara bideratutako higiezinen kokapenari dagokionez, hirigunean egonen dira, eta garraio publikoa eskura izan behar dute. Hori horrela, erabiltzaileak aisa iristen ahalko dira haietara etxetik, ikastetxetik edo prestakuntza zentrotik.

Zerbitzu horien kokapena seinaleztatu eta identifikatu egin beharko da, babes-izaeraren berri ematen duten kartelen bidez.

Gune mota:

Zentroek gune hauek izanen dituzte gutxienez:

Bi gune bereizi, adingabeak haien konnotazioen eta behar indibidual eta espezifikoen arabera taldekatzeko.

Gune independente bat, banakako lana egiteko, nola adingabeekin, hala familiekin eta kanpoko profesionalekin.

Bilera gela, adierazitako gainerako guneekin batera erabili ahal izateko modukoa, non aita/ama/familientzako tailerrak egiten ahal diren.

Oinarrizko ekipamendua duen sukaldea, janariak eta meriendak emateko, eta jantokirako eremuarekin.

Bainugela osoa eta irisgarri bat 15 egoiliar-tokiko.

Langileria arloko gutxieneko betebeharrak:

Koordinatzailea: Lan hori egiteko, Gizarte Laneko, Gizarte Hezkuntzako edo Psikologiako unibertsitateko diploma edo graduko lanbide-profila behar da gutxienez.

Familian esku hartzeko teknikaria: Lan hori egiteko, Gizarte Laneko edo Gizarte Hezkuntzako unibertsitate diploma edo graduko lanbide-profila behar da gutxienez.

Psikologoa: Lan hori egiteko, Psikologiako unibertsitateko lizentzia edo graduko lanbide-profila behar da gutxienez.

Gizarte langilea: Gizarte Laneko diploma edo gradua.

Zuzeneko arretako hezitzailea: Lan hori egiteko, Gizarte Hezkuntzako edo Gizarte Laneko unibertsitateko diploma edo graduko lanbide-profila behar da gutxienez.

Zerbitzu orokorretako langileak: Administrazio-langileak eta garbiketako eta sukaldeko langileak.

Langile ratioak.

-Eguneko zentroa.

-Gazteentzako justiziako eguneko zentroa:

Figura profesionaletako batek (unibertsitateko graduduna) arduradun eta koordinatzaile eginkizunak bateragarri egin beharko ditu, nola barneko hala kanpoko koordinazioei dagokienez.

2.3. Hiru urtetik beherako haurrak zaintzaileen etxean zaintzeko zerbitzua: laneko eta familiako bizitza bateragarri egiteko baliabide honek arreta ematen die hiru urtetik beherako haurrei, talde txikietan eta zaintzailearen ohiko etxebizitzan.

2.3.1. Oinarrizko prestazioak.

a) Haurren elikadura, higiene eta atseden beharrak asetzearekin lotutako jarduerak.

b) Lotura afektiboan eta garapen sozioemozionalean oinarritutako hezkuntza erantzunak.

c) Afektu eta konfiantzazko eremu batean haur bakoitzaren une ebolutibora egokituta egindako jarduerak.

d) Jolasean eta esperimentazioan zentratutako jarduerak.

e) Familiekin etengabeko komunikazioa izatea seme-alabekin zerikusia duten alderdi eta gorabehera guztiei buruz.

2.3.2. Betebehar espezifiko, material eta teknikoak.

Zerbitzuak ongi komunikatutako auzoetan edo eremuetan egon beharko dira, erabiltzaileak haietara erosotasunez irits daitezen. Zerbitzu horiek segurtasun, osasungarritasun eta irisgarritasun unibertsaleko baldintza egokiak beteko dituzte. Honako hauek izan beharko dituzte:

-Bizigarritasun zedula.

-Suteen kontrako babesa.

-Erantzukizun zibileko asegurua, hirugarrenei eragindako kalteen asegurua eta istripu asegurua.

-Berokuntza, argiztapena eta aireztapena.

Zerbitzuak udalaren jarduera lizentzia izan beharko du.

Gune mota.

Etxeek haurren atsedenerako, higienerako eta jolaserako gune bereiziak izanen dituzte, eta 2 logela eta egongela bat izanen dituzte gutxienez.

-Elikagaiak prestatzeko eremu bat, bai eta elikagaiak gordetzeko tokia ere.

-Garbiketa produktuetarako biltegia, haurrek hartu ahal ez izateko.

-Administrazioaren berezko elkarrizketak eta lanak egiteko eremua.

-Egoiliar-toki bakoitzeko gutxieneko eremua: 3 metro koadro (jolaserako eta jardueretarako).

Beharrezko diren ekipamenduak eta altzariak:

-Haurren aldalekua.

-Sehaskak, izarak, mantak, koltxoiak.

-Pixoihalen edukiontzia, erabili eta botatzeko paper-zapi bustiak, pixontziak.

-Haur aulki altuak.

-Etzaulkiak.

-Bi tokiko haur kotxea.

-Botika kutxa.

Langile ratioak.

Ratioa hau izanen da: gehienez 4 adingabe hezitzaile bakoitzeko, eta salbuespenezko eta justifikatutako egoeretan, 5 adingabe hezitzaile bakoitzeko.

Zerbitzua koordinatzeko arduradunak titulu hau izanen du: irakasle titulua (haur hezkuntzako arloan), Psikologiakoa, Pedagogiakoa, Gizarte Lanekoa edo Soziologiakoa.

Hezitzaileak/zaintzaileak: Hiru urtetik beherako haurrak zaintzeko prestakuntza akademikoa duten pertsonak, edo, halakorik ezean, adingabeak zaintzen esperientzia dutenak (3 urte gutxienez), eta prestakuntza espezifikoa adingabeei arreta ematen; azken hori, adingabeei arreta emateko enpresak sortzen eta aholkatzen esperientzia egiaztatua duten erakunde publiko edo pribatuek emana.

Zerbitzua urte osoan eman behar da, familiekin hitzartutako oporraldietan izan ezik. Hori dela eta, langile kualifikatuak egon beharko dira, langile horiek oporraldietan, gaixotasunetan edo larrialdi egoeretan ordezka ditzaten.

ARRETA ANBULATORIOKO ZERBITZUAK - ADINGABEAK

1. Definizioa eta xedea: Esku-hartze anbulatorioko zerbitzuak, zeinek helburutzat baitute adingabeei eta haien familiei laguntzea beren interakzio pertsonaletan, familiarretan eta sozialetan eraginkorragoak izan daitezen. Gizarte zein familiako ingurunean gauzatzen da, gizarte hezkuntzako eta psikologia hezkuntzako esku-hartze baten bidez.

2. Zerbitzu motak.

2.1. Familia orientazioko zerbitzua: Familiako kideen funtzionamenduan behar diren aldaketa eta konponketak gerta daitezen ahalbidetzen saiatzen da zerbitzu anbulatorio hau, familia osatzen duten pertsonen eta haien familia-sistemaren garapena eta bilakaera hobetu dadin.

Oinarrizko prestazioak:

-Familientzako aholkularitza.

-Familia- eta bikote-terapia.

Betebehar espezifiko, material eta teknikoak.

Zerbitzua ongi komunikatutako auzo edo eremuetan egonen da, erabiltzaileak hartara erosotasunez irits daitezen.

Gune mota.

Bulego bat, itxaroteko gune bat eta bainugela irisgarri bat gutxienez.

Langileak.

Arlo hauetako lizentzia edo graduko titulazioa duten profesionalek osatutako diziplinarteko taldea: Psikologia, Pedagogia, Gizarte Lana edo Gizarte Hezkuntza. Nolanahi ere, ezinbestekoa da profesional guztiek familia-terapiari buruzko prestakuntza izatea.

2.2. Familia Bitartekotzaren Zerbitzua: Zerbitzu anbulatorio honek familia-unitateko kideen arteko komunikazioa ahalbidetzen du, guztiak asetzeko moduko eta familia-taldearen beharrei erantzutea bermatzen duten akordio bideragarriak lortzeko.

Oinarrizko prestazioak:

-Familia-bitartekaritza.

Betebehar espezifiko, material eta teknikoak:

Zerbitzua ongi komunikatutako auzo edo eremuetan egonen da, erabiltzaileak hartara erosotasunez irits daitezen.

Gune mota.

Bulego bat, itxarongela bat eta bainugela irisgarri bat gutxienez.

Langileak.

Familia-bitartekotzan jarduteko titulu eta prestakuntza espezifikoa duten profesionalez osatutako diziplinarteko taldea, abenduaren 13ko 980/2013 Errege Dekretuan ezarritakoari jarraikiz.

2.3. Elkartzeko gunearen zerbitzua: Leku egoki eta neutral bat adingabeak bisitak eta topaketak egiteko bere familiarekin, bermatzen duena seme-alabek duten eskubidea beren guraso eta familiekin harremana mantentzeko, bai eta adingabearen eta egoera ahulenean dagoen gurasoaren segurtasuna eta ongizatea ere.

Oinarrizko prestazioak:

-Adingabeek beren familiekin bisitak hasteko eta amaitzeko elkargunea, bai eta familia elkartzeko gunean egoteko aukera ere.

-Bisitak gainbegiratzea eta laguntzea (Familia elkartzeko gunearen barruan eta kanpoan).

Betebehar espezifiko, material eta teknikoak.

Kokapena.

Familia elkartzeko gunea ongi komunikatutako auzo edo eremuetan egonen da, erabiltzaileak hartara erosotasun handiagoz irits daitezen, eta, ahal dela, lorategi edo berdeguneetatik edo aisiarako eremuetatik gertu.

Gune mota.

Bulego eremua.

Hiru gune bereizi, topaketak eta elkartrukeak egiteko, bai eta gainbegiratutako bisitak eta erabiltzaileekin egin beharreko elkarrizketak egiteko ere (mahai zabala, aulkiak, jolasteko tokia eta jolaserako materiala izanen dituzte, eta adingabeei ahalik eta girorik erosoena emateko moduan antolatuak egonen dira).

Itxarongela.

Bainugela irisgarria.

Langileak.

Elkartzeko gunean lan egiten duten familiako esku-hartzeko teknikariak honako hauetakoren bateko tituludunak izanen dira: psikologia, psikopedagogia, zuzenbidea, pedagogia, gizarte lana, familia- eta gizarte-hezkuntza, edo familiarekin eta haurrekin zerikusia duen beste edozein espezialitate, unibertsitateko graduaren mailakoa.

Profesionalen taldeko norbaitek generoaren arloko prestakuntza egiaztatu beharko du, emakumeen kontrako indarkeria kasuetan esku hartu ahal izateko.

2.4. Haurren eta nerabeen arretarako zerbitzua: Babesgabetasun moderatu eta larriko arrisku egoeretarako arreta anbulatorioko zerbitzua; 18 urtetik beherakoentzako eta haien familientzako prebentzioko, psikologia eta hezkuntzako eta tratu ona sustatzeko programak garatzen ditu.

Oinarrizko prestazioak:

-Babesgabetasun arriskuko egoeren balorazio diagnostikoa.

-Haurrekin, nerabeekin eta haien familiekin esku hartzeko plana garatzea.

-Bigarren eta hirugarren mailako prebentzio programak garatzea eta psikologia eta hezkuntza esku-hartzeak haurrekin, nerabeekin eta haien familiekin.

-Euskarri teknikoa eta laguntza izatea Foru Komunitateko Oinarrizko Gizarte Zerbitzuentzat eta Familiaren eta Adingabeen Zuzendariordetzarentzat.

-Ikerketako, balorazioko, familia- eta lanbide-aholkularitzako, tratu onaren sustapeneko eta prestakuntzako eginkizunak sare soziokomunitarioari.

Betebehar espezifiko, material eta teknikoak.

Zerbitzua ongi komunikatutako auzo edo eremuetan egonen da, erabiltzaileak hartara erosotasunez irits daitezen. Eremu hauek izan beharko ditu gutxienez.

teknikariek erabiltzeko bulego gunea, bilera gela, elkarrizketak egiteko gela, itxarongela eta bainugela irisgarria.

Langileak.

Diziplina anitzeko taldea, psikologiako, gizarte laneko eta gizarte hezkuntzako unibertsitateko gradu tituluarekin.

2.5. Familian esku hartzeko zerbitzua: Gizarte hezkuntzako eta psikologiako izaera duen zerbitzu anbulatorio honek gurasoei, tutoreei edo zaintzaileei lagundu nahi die seme-alabekin dituzten elkarreraginetan eraginkorragoak izan daitezen, psikologia eta hezkuntzaren edo gizarte eta hezkuntzaren arloko familiako esku-hartzearen bitartez.

Oinarrizko prestazioak:

-Babesgabetasun egoera baloratzea eta Familiako Kasu Planak barne hartutako familiako hezkuntza programa garatzea.

-Gaikuntzarako eta tratu ona sustatzeko familiako esku-hartzeak.

-Familiei informazioa, sostengua, aholkularitza ematea eta lagun egitea.

-Autonomia pertsonala sustatzeko jarduerak, haurraren edo nerabearen garapen psikoebolutibo, kognitibo, sozial eta emozional hoberena lortzera bideratuak.

Betebehar espezifiko, material eta teknikoak.

Zerbitzua ongi komunikatutako auzo edo eremuetan egonen da, erabiltzaileak hartara erosotasunez irits daitezen. Honako eremu hauek izanen ditu gutxienez:

taldeko langileentzako lan-eremua, bilera gela, itxarongela eta bainugela irisgarria.

Langileak.

Diziplina anitzeko taldea, psikologiako, gizarte laneko eta gizarte hezkuntzako unibertsitateko gradu tituluarekin.

2.6. Nerabeen heziketarako zerbitzua: esku-hartze zerbitzu anbulatorio honen helburua hauxe da: nerabeei eta haien familiei laguntzea elkarreragin pertsonaletan, familiarretan eta sozialetan eraginkorragoak izan daitezen; gizarte zein familiako ingurunean gauzatzen da.

Oinarrizko prestazioak:

-Haurrari eta nerabeari laguntzea autoerregulaziorako eta komunikazio funtzionalerako trebetasun handiagoak eskuratzeko prozesuan.

-Haur eta nerabeen eskola, gizarte eta familiako integrazioa sustatzea.

-Jokabide arriskutsuak prebenitzea edo errotik kentzea.

-Gurasoei laguntzea seme-alaben jokabide desegokienei behar bezala erantzuten eta horiek kudeatzen.

Betebehar espezifiko, material eta teknikoak.

Zerbitzua ongi komunikatutako auzo edo eremuetan egonen da, erabiltzaileak hartara erosotasunez irits daitezen. Honako eremu hauek izanen ditu gutxienez:

profesionalek erabiltzeko bulego gunea, bilera gela, itxarongela eta bainugela irisgarria.

Langileak.

Diziplina anitzeko taldea, psikologiako, gizarte laneko eta gizarte hezkuntzako unibertsitateko gradu tituluarekin.

2.7. Gurasoen aurkako indarkeriari buruzko zerbitzua: Esku-hartze anbulatorioko zerbitzu honen helburua gurasoen aurkako indarkeria egoerei aurre egitea da, 10 eta 18 urte bitarteko adingabeekin eta haien familia-inguruneekin gizarte eta hezkuntzako zein psikologia eta terapiako esku-hartzeen bidez, baldin eta gurasoen aurkako indarkeria gertatzen bada. Azken hori hau dela ulertuta: seme-alabek egindako ekintza kaltegarri oro, amaren edo beste ahaide batzuen gaineko boterea eta kontrola irabazteko.

Oinarrizko prestazioak:

-Familia elkarrizketak terapeuta edo hezitzailearekin.

-Adingabeen elkarrizketa pertsonalak terapeuta edo hezitzailearekin.

-Familiako terapia sistemikoko saioak familia-sistema osoarekin.

Betebehar espezifiko, material eta teknikoak.

Zerbitzua hirigunean egonen da, erabiltzaileak hartara erosotasunez irits daitezen.

Honako eremu hauek izanen ditu gutxienez.

Profesionalek erabiltzeko bulego gunea, bilera gela, itxarongela eta bainugela irisgarri bat.

Langileak.

Diziplina anitzeko taldea, psikologiako, gizarte laneko edo gizarte hezkuntzako unibertsitateko gradu tituluarekin.

2.8. Neurri judizialak ingurune irekian betetzeko zerbitzua: askatasunaz gabetzen ez duten neurri judizialak betetzera bideratutako zerbitzu anbulatorioa, Adingabeen Erantzukizun Penalari buruzko urtarrilaren 12ko 5/2000 Legean jasota. Zerbitzuaren helburua neurri judizial bat bete behar duten adingabeei arreta integrala ematea da, psikologia eta hezkuntzako esku-hartzearen bidez, eta normalizaziora eta garapen pertsonalera bideratuta. Adingabeak eguneroko bizi ingurunean duen integrazioa sendotzea du helburu.

Oinarrizko prestazioak:

-Psikologia eta hezkuntzako esku-hartzea gazte bakoitzaren neurria betetzeko banakako plana garatzeko.

-Familian esku hartzea, gazte bakoitzaren banakako planean hala jasota dagoenean, bai eta esplizituki jasota ez dagoenean ere; familian eginiko esku-hartzeak helburua izanen du semearen edo alabaren gizarteratze prozesuan lagundu eta parte har dezan lortzea, 12/2022 Foru Legean, Haur eta nerabeei arreta eta babesa eman eta haien familiak, eskubideak eta berdintasuna sustatzekoan, xedatutakoari jarraikiz, adingabearen interes gorenaren esparruan.

Betebehar espezifiko, material eta teknikoak.

Zerbitzua hirigunean egonen da, erabiltzaileak hartara erosotasunez irits daitezen.

Honako eremu hauek izanen ditu gutxienez.

Profesionalek erabiltzeko bulego gunea, bilera gela, itxarongela eta bainugela irisgarri bat.

Langileak.

Diziplina anitzeko taldea, psikologiako, gizarte laneko eta gizarte hezkuntzako unibertsitateko gradu tituluarekin.

2.9. Emantzipazio prozesuan dauden gazteei laguntzeko zerbitzua: Zerbitzu honek gazteei arreta ematen die, baldin eta, babesgabetasun edo borondatezko zaintzako egoeran lehen edo orain egonik, gazte horiek ingurune irekiko laguntza eta sostengua behar badute autonomiako eta bizimodu independenteko abileziak eskuratzeko, emantzipatzeko trantsizio gisa.

Oinarrizko prestazioak:

-Zerbitzuaren edukiak onuradunen banakako beharren arabera aplikatuko dira, eta ez da nahitaezkoa izanen horiek guztiak aplikatzea. Gazteak zerbitzuan parte hartzen duen bitartean baino ez ditu zerbitzu horiek eskuratzen ahalko.

-Gizarte eta hezkuntza laguntza: zerbitzuan parte hartzen duten guztientzat, dituzten beharren arabera behar den intentsitatearekin.

-Laguntza psikologikoa.

-Kulturen arteko bitartekotza.

-Sostengua eta lagun egitea bizitokia bilatzen, bai eta kudeaketa ekonomikoa egiten ere, zerbitzua ingurune irekian emanez gero.

-Erreferentziako pertsonak edo mentoreak, baita harrerako ahaideak ere, sustatzea, baldin eta gaztearen prozesuan lagun egiten ahal badute, edo unean uneko laguntza ematea, laguntza hori eskatzen dutenak bizitza independenterako presta daitezen.

Betebehar espezifiko, material eta teknikoak.

Zerbitzua ongi komunikatutako auzo edo eremuetan egonen da, erabiltzaileak hartara erosotasunez irits daitezen.

Honako eremu hauek izanen ditu gutxienez.

Profesionalek erabiltzeko bulego gunea, bilera gela, itxarongela eta bainugela irisgarria.

Langileak.

Diziplina anitzeko taldea, psikologiako, gizarte laneko edo gizarte hezkuntzako unibertsitateko gradu tituluarekin.

2.10. Familia-harrerari laguntzeko zerbitzua: Harreran dauden edo familia-harrerako prozesuetan dauden adingabeei, haien jatorrizko familiei eta harrera familiei arreta eta laguntza emateko zerbitzua, honako helburu hauekin: familia-harreraren egonkortasuna bermatzea, adingabea harrera familian aiseago integratzea, harrera egiten duten pertsonen eta gurasoen arteko harremanetan gorabeherak eta gatazkak prebenitzea, horiek seme-alaben harrera laguntzea eta erraztea, eta, aldi berean, gurasoen erreparazio eta gaikuntza prozesuak sustatzea, Banakako Babes Planean jasotakoaren arabera.

Oinarrizko prestazioak:

-Sostengua eta lagun egitea familia-harreran: adingabeei, harrera familiei eta jatorrizko familiei, banaka edo taldean.

-Guraso gaikuntza: Familian Berriz Integratzeko Programak garatzen eta ebaluatzen du, baldin eta helburua familian berriz integratzea bada, esku-hartzea jatorrizko familian zentratuta. Babes neurria zehaztera edo bisita araubidea aldatzera bideratutako esku-hartze planak garatu eta ebaluatzen ahalko ditu, halaber.

-Laguntza psikoterapeutikoa: esku-hartze psikologiko terapeutikoa harreran dauden adingabeekin, baldin eta gatazka pertsonal larriak badituzte harreraren egoeragatik, edo egokitzapen arazoak edo babesgabetasun egoeraren ondoriozko traumak badituzte.

-Krisi egoerak prebenitzea, nerabezaroan bereziki.

Betebehar espezifiko, material eta teknikoak.

Zerbitzua ongi komunikatutako auzo edo eremuetan egonen da, erabiltzaileak hartara erosotasunez irits daitezen.

Honako eremu hauek izanen ditu gutxienez.

Profesionalek erabiltzeko bulego gunea, bilera gela, itxarongela eta bainugela irisgarri bat.

Langileak.

Diziplina anitzeko taldea, psikologiako, gizarte laneko eta gizarte hezkuntzako unibertsitateko gradu tituluarekin.

2.11. Nazio barneko eta nazioarteko adopzioa laguntzeko zerbitzua: Adingabe adoptatuei edo adopzio prozesuetan (nazionala edo nazioartekoa izan) daudenei, bai eta familia adoptatzaileei eta jatorrizko familiei ere, arreta emateko zerbitzua, adopzioaren inguruko prozesuei lagun egiteko, eta adingabeen familiako integrazioa errazteko eta laguntzeko. Era berean, zerbitzu horrek eskaerak baloratuko ditu eta adoptatutako pertsonei lagun eginen die jatorria bilatzeko prozesuetan.

Oinarrizko prestazioak:

-Adopzio familiei eta adoptatutako adingabeei orientazioa, laguntza eta aholkularitza ematea, adopzioa behar bezala garatzeko.

-Hala behar duten adingabe adoptatuak baloratzea eta haiekin esku-hartze psikologikoa eta terapeutikoa egitea helburu zehatzetan ardaztuta.

-Adopzioa helburu duen zaintza eskuordetzeetan lagun egitea, jarraipena egitea eta sostengua ematea.

-Jatorrizko familiari arreta ematea adopzioa gauzatu arteko prozesuan, eta harekin esku hartzea, babes neurrian haren lankidetza lortze aldera.

-Familian esku hartzeko planak egitea jatorrizko familiarekin, adingabearekin eta adopzio familiarekin, baldin eta adoptatutako adingabearen eta jatorrizko familiaren arteko kontaktuak ezartzea aztertzen bada.

-Jatorria ezagutarazteko bidea hasiko da adopzioaren arloko eskumena duen entitate publikoan erregistratutako eskabide baten bitartez, eta horretarako ezarritako protokoloari jarraituko zaio. Espedienterako sarbidea eta hurrengo faseak ezarritako esku-hartze plana betetzearen mende egonen dira. Langile espezializatuek prozesua egokia izanen dela bermatuko dute, bai eta autonomiaren, ongintzaren eta kalterik ez egiteko oinarrizko printzipioetara egokituko dela, eta datuak eskuratzeak hirugarrenentzako arriskurik ez dakarrela bermatuko dute, orobat.

-Adopzio ondotiko jarraipena egitea.

-Adopzio aurreko eta adopzio ondotiko prestakuntza.

Betebehar espezifiko, material eta teknikoak.

Zerbitzua ongi komunikatutako auzo edo eremuetan egonen da, erabiltzaileak hartara erosotasunez irits daitezen.

Honako eremu hauek izanen ditu gutxienez.

Profesionalek erabiltzeko bulego gunea, bilera gela, itxarongela eta bainugela irisgarri bat.

Langileak.

Diziplina anitzeko taldea; psikologiako (Osasun Psikologia Orokorra masterrarekin edo haren gaikuntzarekin), gizarte laneko eta gizarte hezkuntzako unibertsitateko gradu titulua eduki beharko dute".

Berrogeita lau.-Foru dekretuaren III. eranskina aldatzen da, eta testu hau izanen du:

"III. ERANSKINA

ERANSKIN HONETAN BAIMENARI ETA HOMOLOGAZIOARI LOTUTAKO GUTXIENEKO IRIZPIDEAK, ADIERAZLEAK ETA ESTANDARRAK EZARTZEN DIRA, ETA HORIEI BESTE BATZUK GEHITUKO ZAIZKIE ZERBITZUEN KALITATEAREN ETENGABEKO HOBEKUNTZA ETA KALITATE MAILAREN AUTOKONTROLA SUSTATZEKO. IRIZPIDE, ADIERAZLE ETA ESTANDAR HORIEK PERTSONARENGAN ZENTRATUTAKO ARRETARI SOSTENGUA EMATEKO SAREAREN BATZORDEAK PROPOSATUKO DITU, ETA EGUNERATU EGINEN DIRA, GIZARTE ZERBITZUEN ETA AUTONOMIAREN ALDEKO ETA MENDETASUNARI ARRETA ESKAINTZEKO SISTEMAREN LURRALDE KONTSEILUAK AUTONOMIAREN ALDEKO ETA MENDETASUNARI ARRETA ESKAINTZEKO SISTEMARAKO FINKATZEN DITUENAK AINTZAT HARTUTA, ETA ESPARRU HORRETAN EZARTZEN DIREN EBALUAZIO SISTEMETARAKO BALIO IZANEN DUTE.

Ebaluazioen emaitzak modu planifikatu eta ordenatuan argitaratuko dira, alderdi eta pertsona interesatu guztiek eskuratzeko eta ulertzeko moduan.

Autonomiaren Aldeko eta Mendetasunari Arreta Eskaintzeko Sistemako zerbitzu katalogoko zerbitzuen titular diren pertsonek edo entitateek foru dekretu honen ezarpen guztietarako trantsizio edo egokitzapen plan bat aurkeztu beharko dute, eta bi urteko epea izanen dute horretarako, Gizarte Zerbitzuen eta Autonomiaren Aldeko eta Mendetasunari Arreta Eskaintzeko Sistemaren Lurralde Kontseiluaren 2022ko ekainaren 28ko Akordioren Nafarroako egokitzapena indarrean jartzen denetik. Horrez gain, txosten bat aurkeztuko dute urtero, egindako jarduketak eta hobekuntzak azaldu eta egiaztatzeko.

Inkesten ordez, edo horien osagarri, eztabaida taldeak egiten ahalko dira, formula hori egokiagoa iritziz gero parte-hartzea handiagoa edo hobea izan dadin. Eztabaida taldeen emaitzak laburbildu beharko dira PZA ezartzeko ebaluazioaren ondorioetarako.

HOMOLOGAZIO ADMINISTRATIBOA LORTZEKO GUTXIENEKO ADIERAZLEAK ETA IRIZPIDEAK

%75eko edo hortik beherako adierazleak, ikuskatzaileen lehenengo egiaztapenaren ondoren, handituz joan beharko dira urratsez urrats, erabiltzaile guztiengana iritsi arte.

Pertsonei buruzko adierazle guztiak sexuaren arabera bereizita egon behar dira.

ZERBITZUETARAKO GUTXIENEKO PROTOKOLOAK

-Egoitza zerbitzuak: mendekotasunaren arlokoak, adinekoenak, desgaitasuna edo nahasmendu mentala duten pertsonenak.

Erabiltzaileei dagokienez:

-Pertsonari eta bere familiari harrera egitea.

-Agurra, uko egiteagatik, lekualdatzeagatik edo hiltzeagatik.

-Asaldu psikomotorraren prebentzioa eta tratamendua.

-Erorikoen prebentzioa eta tratamendua.

-Medikazioa: prestatzea, ematea eta akatsak.

-Lotura fisiko eta farmakologikoak.

-Tratu txarren edo abusuzko kasuen prebentzioa, detekzioa eta esku-hartzea.

-Presioagatiko ultzeren prebentzioa eta tratamendua.

-Jokabidearen nahasmenduei arreta ematea.

-Bizikidetza-gatazkak konpontzea.

-Bero boladen abisuak daudenean jarduteko protokoloak eta, uholde arriskuko eremuetan edo sute arriskua duten eremuetatik gertu egonez gero, gorabehera horietan jarduteko protokoloa.

-Beste zerbitzu batzuekiko koordinazioa, behar denean: ikastetxeak, osasun zentroak, zentro okupazionalak, gizarte zentroak...

Segurtasunari dagokionez:

-Zerbitzua uztea edo baimenik gabe huts egitea.

-Jokabide suizidei aurrea hartzea eta haien aurrean jardutea.

-Larrialdietan nola jokatu.

-Jokabidearen nahasmenduei aurrea hartzea eta haien aurrean jardutea.

-Gizarte-bazterketa egoeran dauden pertsonentzako egoitza zerbitzuak.

Erabiltzaileei dagokienez:

-Pertsonari eta bere familiari harrera egitea.

-Agurra, uko egiteagatik, lekualdatzeagatik edo hiltzeagatik.

-Medikazioa: prestatzea, ematea eta akatsak.

-Jokabidearen nahasmenduei arreta ematea.

-Bizikidetza-gatazkak konpontzea.

-Ikastetxeekin, zentro okupazionalekin eta abarrekin koordinatzea (hala badagokio).

Segurtasunari dagokionez:

-Zerbitzua uztea edo baimenik gabe huts egitea.

-Jokabide suizidei aurrea hartzea eta haien aurrean jardutea.

-Larrialdietan nola jokatu.

-Etxegabeentzako harrera zerbitzua.

Erabiltzaileei dagokienez:

-Sarrera-irteerak kontrolatzea.

-Bizikidetza-gatazkak konpontzea.

Segurtasunari dagokionez:

-Larrialdietan nola jokatu.

-Eguneko arreta zerbitzuak.

-Eguneko zentroak eta eguneko egonaldiak.

Erabiltzaileei dagokienez:

-Pertsonari eta bere familiari harrera egitea.

-Agurra, uko egiteagatik/lekualdatzeagatik.

-Erorikoen prebentzioa eta tratamendua.

-Medikazioa: prestatzea, ematea eta akatsak.

-Lotura fisiko eta farmakologikoak.

-Tratu txarren edo abusuzko kasuen prebentzioa, detekzioa eta esku-hartzea.

-Presioagatiko ultzeren prebentzioa eta tratamendua.

-Jokabidearen nahasmenduei arreta ematea.

-Bizikidetza-gatazkak konpontzea.

-Beste zerbitzu batzuekiko koordinazioa, behar denean: ikastetxeak, osasun zentroak, gizarte zentroak...

-Garraio ibilbideen plangintza.

Segurtasunari dagokionez:

-Nola jokatu baimendu gabeko ahaideak zentroan agertzen direnean.

-Zerbitzua uztea edo baimenik gabe huts egitea.

-Jokabide suizidei aurrea hartzea eta haien aurrean jardutea.

-Garraiobideetako aulkiak ainguratzea.

-Larrialdietan nola jokatu.

-Zentro okupazionalak.

Erabiltzaileei dagokienez:

-Jokabidearen nahasmenduei arreta ematea.

-Bizikidetza-gatazkak konpontzea.

-Garraio ibilbideen plangintza.

Segurtasunari dagokionez:

-Garraiobideetako aulkiak ainguratzea.

-Larrialdietan nola jokatu.

-Gizarte-inklusioko zerbitzuak, eguneko arreta ematen dutenak.

Erabiltzaileei dagokienez:

-Pertsonari harrera egitea.

-Bizikidetza-gatazkak konpontzea.

-Jokabidearen nahasmenduei arreta ematea.

-Zerbitzua uztea edo baimenik gabe huts egitea.

Segurtasunari dagokionez:

-Sarrera-irteerak kontrolatzea.

-Larrialdietan nola jokatu.

Adingabeen zentroetan honako protokolo hauek eskatuko dira:

-Egoitza harrerako programan adingabeak eta familiak hartzeko protokoloa.

-Egoitza harrerako programa amaitzeko protokoloa.

-Adingabearen eta haren familiaren arteko bisita eta kontaktu sistema kudeatzeko protokoloa.

-Harrera familiak, erreferentziako familiak eta mentoreak sustatzeko eta haien arretarako protokoloa.

-Familia-harreran eta adopzioan bizikidetza hausteko dauden egoerak prebenitzeko eta horiei arreta emateko protokoloa.

-Baimenik gabeko absentziei buruzko protokoloa.

-Sexu abusuak prebenitzeko eta horietatik babesteko protokoloa.

-Adingabeen edo profesionalen aurkako erasoen aurrean jarduteko protokoloa.

-Tratu txar edo zabarkeria larriko egoeretan jarduteko protokoloa.

-Arrisku egoeretan edo autolisi saioetan jarduteko protokoloa.

-Familia-harrera sustatzeko protokoloa.

-Euste neurriak eta miaketak aplikatzeko protokoloa.

-Programa hasi eta amaitzeko protokoloa.

-Kexen eta iradokizunen protokoloa.

Zerbitzu guztietan, emakumeen aurkako indarkeria egoeren detekzio eta arretarako protokolo bat egonen da.

Protokolo bat berrikusten denean eta, nolanahi ere, LGTBI+ pertsonaren batek eskatzen badu, LGTBI+ pertsonen aurkako diskriminazio egoeretan jarduteko moduak jasoko dira protokolo horretan.

Kudeaketa datuak.

Datu operatiboak.

2. artikulua. 69/2008 Foru Dekretua, ekainaren 17koa, Gizarte Zerbitzu Orokorren Zorroa onesten duena, aldatzea.

Bat.-Ekainaren 17ko 69/2008 Foru Dekretuaren I. eranskineko G multzoak ("Adingabeen arretaren arloa") testu hau izanen du:

"PRESTAZIO BERMATUAK

G.-ADINGABEEN ARRETAREN ARLOA.

G.1. Familia orientazioko zerbitzua.

a) Prestazio mota: bermatua.

b) Baliabide mota: arreta anbulatorioko zerbitzua.

c) Baliabidearen xedea eta definizioa:

Familia- eta bikote-aholkularitza edo -terapia ematea prozesu terapeutiko baten bitartez. Familiako kideen funtzionamenduan behar diren aldaketa eta konponketak gerta daitezen ahalbidetzen saiatzen da prozesu hori, familia osatzen duten pertsonen eta haien familia-sistemaren garapena eta bilakaera hobetu dadin.

d) Onuradunak: 18 urtetik beherako seme-alabak izanik Nafarroan bizi diren familiak.

e) Sartzeko baldintzak:

-18 urtetik beherako seme-alabak dituzten familiak izatea.

-Eskumena duen administrazio unitateak aurrez txostena egitea.

f) Zerbitzua noiz irekirik: urteko lanegun guztietan, astelehenetik ostiralera.

g) Zerbitzuaren edukia: 8 saio.

h) Onartzen den erabakitzeko epea: bi hilabete.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

G.2 Familia bitartekotzarako zerbitzua.

a) Prestazio mota: bermatua.

b) Baliabide mota: arreta anbulatorioko zerbitzua.

c) Baliabidearen xedea eta definizioa:

Prozesu boluntario eta konfidentziala da, eta alderdien arteko komunikazioa ahalbidetzen du, guztiak asetzeko moduko eta familia-taldearen premiei erantzutea bermatzen duten akordio bideragarriak lortzeko.

d) Onuradunak:

-Banantzeko edo dibortziatzeko erabakia harturik, tramite judizialak hasi ez dituzten bikoteak.

-Banandutako edo dibortziatutako bikoteak, aurrez hartutako neurriak aldatzeko beharra dutenak.

-Familiako gatazkak dituzten anai-arrebak, gurasoak eta seme-alabak, zerbitzu hau erabil dezaketenak.

e) Sartzeko baldintzak:

Apirilaren 10eko 14/2015 Foru Legearen 6c artikuluan ezarritako berariazko debekua deusetan galarazi gabe, hau egin beharra egonen da:

-Frogatzea aurreko apartatuan aipatutako egoeretako bat behintzat badela.

-Zerbitzuaren onuradun izaten ahal diren pertsonetatik, gatazkan dagoen alderdietako batek, gutxienez, Nafarroako Foru Komunitatean bizilekua iraunkorra izatea.

-Eskumena duen administrazio unitateak aurrez txostena egitea.

f) Zerbitzua noiz irekirik: urteko lanegun guztietan, astelehenetik ostiralera.

g) Zerbitzuaren edukia: 6 saio.

h) Onartzen den erabakitzeko epea: hilabete bat.

G.3 Familia elkartzeko guneen zerbitzua.

a) Prestazio mota: bermatua.

b) Baliabide mota: arreta anbulatorioko zerbitzua.

c) Baliabidearen xedea eta definizioa:

Adingabeek familiako eta harreman eremuko pertsonekin dituzten harremanak bermatu eta errazteko zerbitzu bat da; hori horrela, haien arteko topaketak errazten ditu, segurtasun eta ongizate berme osoz, toki egoki eta neutral batean, eta bermatzen du seme-alabek duten eskubidea beren guraso eta familiekin harremana mantentzeko, bai eta adingabearen eta egoera ahulenean dagoen gurasoaren segurtasuna eta ongizatea ere.

d) Onuradunak:

Banantze prozesuan zehar edo haren ondotik, seme-alaba adingabeen eta bi gurasoen arteko harremanari eusteko gatazkak edo zailtasunak dituzten familiak.

Gurasoengandik bereizirik dauden adingabeak, babes neurria aitortuta daukatenak, baldin eta bisitak dagozkien prozeduretan ezartzen badira.

Familiaren barruan emakumeen eta seme-alaben aurkako genero indarkeriazko egoeraren bat egon delako, bisita araubidea bete bitartean adingabeen segurtasuna bermatzeko toki neutrala behar duten familiak.

e) Sartzeko baldintzak:

-Adingabeak babesteko atal eta epaitegiek igorritako familiak.

-Eskumena duen administrazio unitateak aurrez txostena egitea.

f) Zerbitzua noiz irekirik: bisitak: asteazkenak, ostiralak, larunbatak eta igandeak.

g) Zerbitzuaren edukia: bisiten maiztasuna eta intentsitatea eskumena duen administrazio unitateak ezarriko du, honako hau kontuan hartuta: epaitegiek ezarritakoa edo Banakako Babes Planean xedatutakoa, babes sistemak artatutako adingabeei dagokienez.

Babes sistemaren kasuetarako zerbitzuaren edukia bisitak kudeatzeko izanen da, Banakako Babes Planean ezarritako maiztasun eta intentsitatearekin. Esku-hartze profesionalak helburu hau izanen du:

-Eremuak sortzea, gurasoek seme-alabei familia banantzearen arrazoiei buruzko azalpenak eman diezazkieten, haien egoera ulertzen laguntzeko, eta horietan gurasoek eta familia zabalak adingabeei beste pertsona batzuek zaintzeko baimena helarazteko, eta, horrela, babes neurrian haien integrazioa eta egonkortasuna sustatzeko.

-Topaguneak ahalbidetzea, jatorrizko familiak adingabeei egindako kaltea konpontzeko prozesuak egin ditzan.

-Adingabeek, jatorrizko familiak eta harrera familiak aldi berean parte hartzeko topaguneak ahalbidetzea.

h) Onartzen den erabakitzeko epea: hilabete bat.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

G.4. Babesgabetasun egoerak baloratzeko zerbitzua.

a) Prestazio mota: bermatua.

b) Baliabide mota: prestazio teknikoa.

c) Baliabidearen xedea eta definizioa:

Babesgabetasun egoera oso larria deklaratzeko eta beharrezko diren babes neurriak betearazteko balorazio zerbitzua, berehalako arreta behar duten haurren eta nerabeen zaintza behin-behinean bere gain hartzea eta banakako babes planak egitea barne.

d) Onuradunak: Familiak, babesgabetasun oso larriko egoeran dauden seme-alabak dituztenak, edo, inguruabar larri eta iragankorren ondorioz, gurasoek edo tutoreek Foru Administrazioari seme-alaben borondatezko zaintza bere gain hartzeko eskatzen diotenak.

e) Sartzeko baldintzak:

-Babesgabetasun egoera oso larrian egotea, eta, ondorioz, Administrazio Publikoak haurraren edo nerabearen tutoretza bere gain hartu behar izatea.

-Administrazio Publikoaren arreta behar izatea berehalakoan; hots, adin txikikoaren zaintza aldi baterako hartzea.

-Babesgabetasun egoeran egotea inguruabar larri eta behin-behinekoengatik, eta horien ondorioz haur edo nerabearen borondatezko zaintza kudeatu beharra egotea, gurasoek hala eskatuta.

f) Zerbitzua noiz irekirik: urteko lanegun guztietan, astelehenetik ostiralera.

g) Zerbitzuaren edukia:

-Larritasun handieneko babesgabetasun egoeren balorazio diagnostikoa.

-Babesgabetasun egoerak deklaratzea.

-Banakako babes planak egitea.

-Babes neurriak ezartzea adingabea bere familia ingurunean mantentzeko edo haren zaintza bere gain hartzeko.

h) Onartzen den erabakitzeko epea: Berehalako larrialdiko aholkularitza eta arreta.

Sei hilabete, babesgabetasun egoera deklaratzeko prozedura hasten denetik.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

G.5. Haur eta nerabeentzako arreta zerbitzua. Haur eta nerabeak artatzeko taldea (HNAT).

a) Prestazio mota: bermatua.

b) Baliabide mota: arreta anbulatorioko zerbitzua.

c) Baliabidearen xedea eta definizioa:

Ingurune irekian esku hartzeko zerbitzua, haur eta gazteen babesgabetasun arriskuko egoeretan espezializatua, adingabeak beren familia-ingurunetik bereiztea beharrezkoa ez denean.

d) Onuradunak: arrisku egoeran dauden haur eta gazteak eta haien familiak.

e) Sartzeko baldintzak:

-Babesgabetasun arriskuko egoeran egotea, zeinak talde honen esku-hartze espezializatua behar baitu.

-Oinarrizko Gizarte Zerbitzuek edo HNATek egindako deribazio-txostena.

-Familiaren eta Adingabeen Zuzendariordetzak onartzea.

f) Zerbitzua noiz irekirik: urte osoan, astelehenetik ostiralera, jaiegunak izan ezik.

g) Zerbitzuaren edukia:

Balorazio eta esku-hartze zerbitzua, talde espezifikoek ematen dutena, HNATek, langile espezializatuekin; eginkizun hauek ditu:

-Babesgabetasun arriskuko egoeren balorazioa.

-Esku hartzeko banakako plana garatzea adingabeekin eta haien familiekin.

-Bigarren eta hirugarren mailako prebentzio programak garatzea eta psikologia eta hezkuntza esku-hartzeak adingabeekin eta haien familiekin.

-Euskarri teknikoa eta laguntza izatea Foru Komunitateko Oinarrizko Gizarte Zerbitzuentzat eta Familiaren eta Adingabeen Zuzendariordetzarentzat.

-Baditu, halaber, eginkizun hauek ere: ikerketa, balorazioa, laguntza ematea erabakiak hartzeko orduan eta babes neurriak exekutatzeko orduan, aholkularitza ematea familia eta lanbide esparruan, eta sustapena eta prestakuntza eskaintzea sare soziokomunitarioari.

-Sareko lana sustatzea eta hartan parte hartzea.

h) Onartzen den erabakitzeko epea: hiru hilabete.

i) Ordainketa partekatua: Ez.

j) Jarduketa esparrua: Gizarte Zerbitzuen Alorra.

G.6. Familian esku hartzeko zerbitzua.

a) Prestazio mota: bermatua.

b) Baliabide mota: arreta anbulatorioko zerbitzua.

c) Baliabidearen xedea eta definizioa:

Programa anbulatorioa, gizarte, hezkuntza eta psikologia arlokoa, zeinak helburutzat baitu gurasoei, tutoreei edo zaintzaileei laguntzea beren seme-alabekin duten elkarreraginean eraginkorragoak izan daitezen; horretarako, familian psikologia eta hezkuntzako edo gizarte eta hezkuntzako esku-hartze bat egiten da, informazio, laguntza, aholkularitza eta prestakuntzaren bitartez haiek egoki zaintzeko behar diren abileziak eta trebetasunak aldatu, areagotu eta emateko.

d) Onuradunak:

Foru Komunitatean bizi diren familiak, baldin eta haien seme-alaba adingabeek babesgabetasun ertain edo larriko arriskua badute.

e) Sartzeko baldintzak:

Hau behar da:

HNATren balorazio diagnostikoaren txostena eta proposamen eskaera. Oro har,

edo

Oinarrizko Gizarte Zerbitzuaren / Auzoko Unitatearen Hasierako balorazio txostena eta HNATri eginiko proposamen eskaera. Salbuespen gisa eta HNATk onartzen badu,

edo

Familiaren eta Adingabeen Zuzendariordetzaren deribazio txostena eta proposamen eskaera.

f) Zerbitzua noiz irekirik: Urteko lanegun guztietan, astelehenetik ostiralera, eta, salbuespen gisa, asteburuetan.

g) Zerbitzuaren edukia: Zerbitzu honen helburua da gurasotasun positiboa sustatzea eta babesgabetasun arriskuaren adierazleak minimizatzea edo ezabatzea. Horretarako, familian talde tekniko bat (psikologiako eta gizarte hezkuntzako figurak) sartuko da, eta talde horrek, informazio, laguntza, aholkularitza eta prestakuntzaren bitartez, familiako haurren edo nerabeen beharrei behar bezala erantzuteko beharrezkoak diren trebetasunak eta abileziak aldatu, areagotu eta emanen ditu.

Zerbitzu hori familiaren etxean ez ezik, bulegoko saioetan ere emanen da, esku-hartzearen helburua zein den.

Zerbitzuak gizarte eta hezkuntza arreta eta esku-hartze psikologikoa eta terapeutikoa ditu behar den kasuetan.

Intentsitatea aldatu eginen da programaren helburua (familiaren esku-hartzearen, babesaren edo bateratzearen balorazioa) eta aktibatuko den azpiprograma zein diren, eta asteburuetara zabaltzen ahalko da krisialdiko intentsitate handiko esku-hartzean.

h) Onartzen den erabakitzeko epea: hiru hilabete.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

G.7. Nerabeen heziketarako zerbitzua.

a) Prestazio mota: bermatua.

b) Baliabide mota: arreta anbulatorioko zerbitzua.

c) Baliabidearen xedea eta definizioa:

Esku-hartze anbulatorioko zerbitzua, zeinak helburutzat baitu adingabeei eta haien familiei laguntzea beren interakzio pertsonaletan, familiarretan eta sozialetan eraginkorragoak izan daitezen. Gizarte zein familiako ingurunean gauzatzen da, gizarte hezkuntzako eta psikologia hezkuntzako esku-hartze baten bidez, horri esker gizarte eta familia-inguruneko jarrera disruptiboak prebenitzeko edo bideratzeko.

d) Onuradunak:

bi sexuetako nerabeak, zeinek familian, gizartean eta/edo eskolan harremanetarako edo egokitzeko arazo larriak baitituzte, eta haien familiak. Egoera hauek egoten dira:

-Jokabide arriskutsu larriak.

-Autoerregulazio arazoak edo gizarte egokitzapeneko arazoak.

-Zailtasuna gizarte- eta familia-harremanetan.

Era berean, honako hauek dituzten familietan esku hartzen da:

-Harreman arazoak nerabeekin.

-Orientazioaren eta laguntzaren beharra, nerabearen jokabidea hobeki kontrolatzeko.

-Hezkuntza eginkizunaren gabezia eta hutsune orokorrak.

e) Sartzeko baldintzak:

Oinarrizko Laguntzako Gizarte Zerbitzuek egindako balorazio eta eskaera txostena, Familiaren eta Adingabeen Zuzendariordetzaren onarpena edo Familia eta Adingabeen Zuzendariordetzaren txostena.

f) Zerbitzua noiz irekirik: Urteko lanegun guztietan, astelehenetik ostiralera, eta, salbuespen gisa, asteburuetan.

g) Zerbitzuaren edukia:

Zerbitzua familiaren bizilekuan, nerabeak parte hartzen duen guneetan edo Nerabeak Hezteko Programako bulegoetan ematen da.

Esku hartzeko bi ildo nagusi ditu:

-Gizarte eta hezkuntza arloko esku-hartzea: nerabearen harreman alderdiei buruzkoa da, familiarekin dituen elkarreragin adierazgarriei dagokienez, arlo hauetan: pentsamendu-kognizio arloan, afektiboan, ardura hartzeko eta pentsamendu moralaren arloan, gorputzarenean, aisia eta aisialdiarenean, gizarte autonomiaren arloan, eta abarretan.

-Psikologia eta hezkuntzako esku-hartzea: nerabearen arlo pertsonalenean oinarritua, maila kognitiboan eta afektiboan.

Nerabeekin bakarka edo taldean lan egiten da, familiarekin batera. Programan honako jarduera nagusi hauek egiten dira:

-Nerabearengan zentratutako hezkuntza lana. Hezkuntza saio indibidualak, astero, natura eremuetan eta bulegoetan.

-Taldeko tailerrak nerabeentzako denetariko gaiei buruz.

-Nerabezaroarekin lotutako gaiei buruzko urteko tailerrak gurasoekin.

-Familiakoekin elkarrizketak.

Hona hemen programaren helburuak:

-Nerabeari laguntzea autoerregulaziorako eta komunikazio funtzionalerako trebetasun handiagoak eskuratzeko prozesuan.

-Nerabeen eskola, gizarte eta familiako integrazioa sustatzea.

-Jokabide arriskutsuak prebenitzea edo errotik kentzea.

-Emakumeen aurkako indarkeria prebenitzea, haren mota eta adierazpen guztietan.

-Gurasoei laguntzea seme-alaben jokabide desegokienei behar bezala erantzuten eta horiek kudeatzen.

h) Onartzen den erabakitzeko epea: hiru hilabete.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

G.8. Gurasoen aurkako indarkeriaren arretarako zerbitzua.

a) Prestazio mota: bermatua.

b) Baliabide mota: arreta anbulatorioko zerbitzua.

c) Baliabidearen xedea eta definizioa: Ingurune irekian esku hartzeko zerbitzu honen helburua gurasoen aurkako indarkeria egoerei aurre egitea da, adingabeekin eta haien familia-inguruneekin gizarte eta hezkuntzako zein psikologia eta terapiako esku-hartzeen bidez, baldin eta gurasoen aurkako indarkeria gertatzen bada. Azken hori hau dela ulertuta: seme-alabek egindako ekintza kaltegarri oro, amaren edo beste ahaide batzuen gaineko boterea eta kontrola irabazteko.

d) Onuradunak: 10 eta 18 urte bitarteko adingabeak dituzten familia-unitateak, Nafarroan bizi direnak eta gurasoen aurkako edozein eratako indarkeria egoeran daudenak: abusu fisikoa, psikologikoa edo ekonomikoa.

e) Sartzeko baldintzak: Oinarrizko Laguntzak aurretiaz baloratzen dituen familia-unitateak edo Familiaren eta Adingabeen Zuzendariordetzak deribatutakoak baino ez ditu artatuko programak.

Programaren arretarik ez dute jasoko edo bertan behera geldituko da, baldin eta substantzia psikoaktiboen ondoriozko adikzio/intoxikazio egoerek edo nahasmendu mentaleko aldi kritikoek arreta emateko gutxieneko baldintzak egotea eragozten badute.

f) Zerbitzua noiz irekirik: urteko lanegun guztietan, astelehenetik ostiralera, eta, salbuespen gisa, asteburuetan.

g) Zerbitzuaren edukia: hezkuntza eta terapiako esku-hartzea eskaintzen du ingurune irekian, nola adingabeekin, hala haien familiekin. Esku-hartze fasearen arabera, honako hauek eskaintzen dira:

-Familia elkarrizketak terapeuta edo hezitzailearekin.

-Adingabeen elkarrizketa pertsonalak terapeuta edo hezitzailearekin.

-Familia-terapia sistemikoko saioak familia-sistema osoarekin, baina familia-unitateko kideekin, bakoitza bere aldetik, ere egiten ahal dira saioak.

h) Onartzen den erabakitzeko epea: hiru hilabete, programaren gaitasunaren arabera.

i) Ordainketa partekatua: ez.

j) Jarduketa esparrua: Nafarroako Foru Komunitatea".

G.9. Adingabeentzako eguneko zentroaren zerbitzua.

a) Prestazio mota: bermatua.

b) Baliabide mota: egunez artatzeko zerbitzua.

c) Baliabidearen xedea eta definizioa:

Eguneko zentroa arreta egunez ematen duen egoitzaz kanpoko zerbitzu bat da; 3 eta 16 urte bitarteko adingabeentzat da, baldin eta arrisku moderatu edo larrian badaude, horrek haien garapen pertsonala arriskuan jartzen badu, eta haien familiek prebentzio eta hezkuntza laguntza behar badute.

Bigarren mailako prebentziorako esku-hartzeen barruan sartzen da.

Eguneko zentroak hiru erronka handi hauek ditu, batez ere:

Familia babestea, eta baita babesgabetasun arriskuko egoeran dauden adingabeek beren familietan jarrai dezaten bermatzea.

Familian berriz integratzea; prozesu horiei laguntzea, laguntza intentsiboagoa behar denean.

Familiaren esku-hartzea osatzea; horretarako, sostengua eta gidaritza eskainiko da eta hezkuntza lan bat eginen da adingabeekin eta haien familiekin familiako funtzionamenduaren arlo eta behar oinarrizkoenetan, bizikidetzako familia talde gisa iraun dezaten.

d) Onuradunak:

Arrisku moderatu edo larrian dauden 3 eta 16 urte bitarteko haur eta nerabeak.

e) Sartzeko baldintzak:

Oinarrizko Laguntzako Gizarte Zerbitzuek egindako balorazio txostena eta eskaera, Familiaren eta Adingabeen Zuzendariordetzaren onarpena edo Familiaren eta Adingabeen Zuzendariordetzaren txostena.

f) Zerbitzua noiz irekirik:

Ikasturtean zehar, astelehenetik ostiralera: 16:30 - 19:15.

Larunbatetan eta oporraldian: 10:30 - 16:15.

g) Zerbitzuaren edukia: Zerbitzuaren funtzionamendua eskola jardunaren osagarria izanen da eta, ondorioz, astelehenetik larunbatera eginen da, eskolaz kanpoko ordutegian.

Adingabeen osoko garapena erraztuko duen harrerako eta esku hartzeko espazio bat eskaintzea du helburu, bai banaka, bai taldean.

-Haur eta nerabeekin lortu beharreko helburuak honako hauek dira:

Garapen fisiko, mental eta emozional egokia bultzatzea.

Adin bakoitzari dagozkion ohitura eta jokabide sozial egokiak hartzea, haien osoko garapena bultzatzeko.

Gizarte integrazioa laguntzen duten jarrera pertsonalak garatzen laguntzea.

Prestakuntza prozesuen bilakaera babestea, errefortzuaren eta koordinazioaren bidez.

Familia zein komunitate mailako lotura osasuntsuak atxikitzea eta indartzea.

Era berean, familiei eta haur eta nerabeei berriz elkartzeko, ulertzeko eta hurbiltzeko tokiak eskaintzen dizkie, testuinguru gainbegiratu eta indibidualizatu batean, eta familiako osoko esku-hartzea garatzen du, gurasoen gaikuntzarako jarduketak barne.

Programaren funtsezko eginkizun bat zera izanen da: behar den koordinazioa ezartzea eguneko zentroa erabiltzen duten haur edo nerabeei dagokien komunitateko gainerako gizarte-, osasun- eta eskola-eragileekin.

Jarduera guztiak adinaren arabera banatuta egiten dira. Hezkuntza helburua dute, eta taldeko eta parte hartzeko metodologia:

-Sormen artistikoko eremuak.

-Jolasguneak.

-Nork bere burua zaintzeko eremuak.

-Aisia eta astialdirako eremuak.

-Ikasteko edo eskolan laguntzeko eremuak.

h) Onartzen den erabakitzeko epea: hiru hilabete.

i) Ordainketa partekatua: Ez.

j) Jarduketa esparrua: Iruña eta Iruñerria.

G.10. Behaketa- eta harrera-zerbitzua.

a) Prestazio mota: bermatua.

b) Baliabide mota: egoitzan artatzeko zerbitzua.

c) Baliabidearen xedea eta definizioa:

Arreta zerbitzu berehalakoa eta aldi baterakoa; haren eginkizunak dira babestea, baloratzea eta diagnostikoa egitea, eta adingabeei eskaintzen die egoitza edo familia ingurune seguru eta babestu bat, zeinetan aseko baitira haien behar fisikoak, osasun arlokoak, psikoemozionalak eta hezkuntza arlokoak. Babesteko, baloratzeko eta diagnostikatzeko eginkizunak.

Bai egoitza testuinguruan (Adingabekoentzako behaketa eta harrera zentroetan), bai familian (Larrialdia familian baloratzeko programaren bidez) izaten ahal da, 0-6 urte bitarteko haurren kasuan.

d) Onuradunak:

0tik 18 urtera arteko adingabeak, babesgabetasun egoera dela-eta familia ingurunean gelditzen ahal ez direnak.

e) Sartzeko baldintzak:

Balorazio urgente bat behar izatea edo berehalako babes neurri bat, zeinaren ondorioz beren familia ingurunetik bereizi behar diren.

Larrialdi egoeretan eskumena duen administrazio unitatearen aurretiko txostena edo haurra edo nerabea oso babesgabetasun egoera larrian dagoela justifikatzen duen balorazio diagnostikoko txostena, Familiaren eta Adingabeen Zuzendariordetzak berretsia, edo Familiaren eta Adingabeen Zuzendariordetzaren txostena.

f) Zerbitzua noiz irekirik:

urte osoan, eguneko 24 orduetan.

g) Zerbitzuaren edukia: Urgentziaz, harrera eskaintzen die adingabeei, eguneko 24 orduetan, eta denboraldi batez beren behar oinarrizkoak guztiz asetzen ditu egunero, izan osasunari eta hezkuntzari dagozkionak izan behar psikoemozionalak. Edonola ere, helburua da denboraldi horrek 180 egun baino gehiago ez irautea.

Helburu du, gune babestu honetatik, artatutako adingabeen egoera pertsonala eta soziala eta familia egoera aztertzea eta baloratzea, beharrezko elementuak izateko adingabearen babesgabetasun maila neurtu ahal izateko, dagoen arriskua ebaluatzeko eta guraso erantzukizuna berreskuratzeko pronostikoa zehazteko.

Familiako esku-hartze bat eginen da astean behin gutxienez.

h) Onartzen den erabakitzeko epea: berehalakoa egoitzan sartzeko.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

G.11. Egoitzan oinarrizko harrera egiteko zerbitzua.

a) Prestazio mota: bermatua.

b) Baliabide mota: egoitzan artatzeko zerbitzua.

c) Baliabidearen xedea eta definizioa: zerbitzu honek babesa ematen die beren jatorrizko familietatik bereizi behar izan dituzten adingabeei, haien zaintza entitate publikoak bere gain harturik. Egoitzan hartzen dira adingabeak, eta horren helburua da beharrezko arreta ematea, adingabeek garapen afektibo, psikologiko, intelektual eta sozial egokia lor dezaten, bai eta prestakuntza eta laneko garapen egokia ere.

d) Onuradunak:

-Entitate publikoak tutoretza bere gain hartutako adingabeak babesgabetasun egoera deklaratu delako.

-Adingabeak, baldin eta gurasoek adingabe horien borondatezko zaintza entitate publikoari eskatu badiote, eta entitate publikoak haien egoera larritzat eta aldi baterakotzat jo badu.

-Salbuespen gisa, adin nagusitasunera iritsitakoan, zerbitzuan jarraitzen ahalko dute, epe mugatuan, baldin eta pertsona horrek desgaitasuna edo arreta behar espezifikoak baditu, eta haren arretarako berariazko baliabiderako sarbidea eman bitartean. Zerbitzuan jarraitzea borondatezkoa izanen da, eta zerbitzu horrek haren beharrak betetzen ahal baditu soilik.

e) Sartzeko baldintzak:

-Babesgabetasun egoeran edo aldi baterako egoera larrian dauden 6 urtetik 18 urtera arteko haur eta nerabeak.

-Eskumena duen administrazio unitateak aurrez txostena egitea.

f) Zerbitzua noiz irekirik:

Urteko egun guztietan, eguneko 24 orduetan.

g) Zerbitzuaren edukia:

-Bizikidetza eta arreta esparru seguru eta babeslea ematea, adingabeen garapenerako egokia dena; esparru horrek adingabeen eguneroko bizitzako beharrak eta psikologiako, hezkuntzako, afektibitateko eta gizarteko beharrak aseko ditu, banakako gizarte eta hezkuntza proiektu baten bidez, adingabe bakoitzaren ezaugarrietara egokituta. Banakako proiektu horrek Banakako Babes Plana garatuko du, eta adingabeen eskubideak bermatuko ditu, bai eta 12/2022 Foru Legearen 133. artikuluan jasotako betebeharrak ere (12/2022 Foru Legea, maiatzaren 11koa, haur eta nerabeei arreta eta babesa eman eta haien familiak, eskubideak eta berdintasuna sustatzekoa).

-Adingabeen familiekin esku hartzea, guraso gaitasuna sustatzeko, seme-alabekiko lotura konpontzeko eta babesgabetasun egoerak haiengan eragindako kaltea konpontzeko; eta horrez gain, prozesu pertsonalean lagun egitea ere, familia-bizikidetza etetea ekarri zuten faktoreak minimizatzeko, Banakako Babes Planean jasotakoaren arabera.

-Egoitza testuingurutik kanpoko familia alternatibak ahalbidetzea; dela bere familian berriz integratzea, dela familia alternatiba batean sartzea.

h) Onartzen den erabakitzeko epea:

-Hiru hilabete babesgabetasun egoera deklaratzen denetik, toki bat emateko.

-Hilabete bat banakako hezkuntza plana egiteko, zentroan sartzen denetik.

i) Ordainketa partekatua:

Ordainketa partekatua aplikatzen ahalko da, 12/2022 Foru Legearen 106.9 artikuluan jasotakoaren arabera (12/2022 Foru Legea, maiatzaren 11koa, haur eta nerabeei arreta eta babesa eman eta haien familiak, eskubideak eta berdintasuna sustatzekoa), entitate publikoak familiaren ahalmen ekonomikoa balioetsita. Haren aplikazioa familiarekin sinatutako Familian Esku Hartzeko Programan jasoko da.

j) Jarduketa esparrua: Nafarroako Foru Komunitatea, kalterik egin gabe 26/2015 Legean jasotakoari.

G.12. Egoitzan harrera espezializatua egiteko zerbitzua.

a) Prestazio mota: bermatua.

b) Baliabide mota: egoitza zerbitzu espezializatua.

c) Baliabidearen xedea eta definizioa: jatorrizko familiatik bereizi behar izan diren adingabeei babesa ematen die zerbitzu honek, eta entitate publikoak horien zaintza bere gain hartzen du zerbitzu horretan sartzea eragin zuten jokabideak, portaerak edo babes beharrak normaliza daitezen lortzeko.

Egoitza establezimendu espezializatu batean egiten da, eta adingabe horiei gizarte eta hezkuntzako zein psikoterapiako testuinguru egituratuagoa ematea du helburutzat, haien hezkuntza eta duten jokabidearen normalizazioa lortzeko, eta nortasuna askatasunez eta harmonikoki garatu dezaten, testuinguru egituratu baten bidez eta hezkuntza proiektu baten barruko programa espezifikoen bitartez.

Segurtasun neurriak ez ezik, askatasunak edo oinarrizko eskubideak murrizteko neurriak ere aplikatzen ahalko dira, salbuespen gisa betiere, eta proportzionaltasun, beharrizan eta behin-behinekotasun printzipioei jarraikiz; horrelakoek hezkuntza helburua izanen dute nolanahi ere, honako hauetan ezarritakoari jarraikiz: Haurrak eta Nerabeak Babesteko Sistema aldatzen duen uztailaren 22ko 8/2015 Lege Organikoa; Haurrak eta Nerabeak Indarkeriatik Begiratzeko Babes Integralaren ekainaren 4ko 8/2021 Lege Organikoa, eta Haur eta nerabeei arreta eta babesa eman eta haien familiak, eskubideak eta berdintasuna sustatzeko maiatzaren 11ko 12/2022 Foru Legea.

d) Onuradunak: adingabeak, baldin eta babesgabetasun egoeran edo aldi baterako egoera larrian badaude, baldin eta arreta espezializatua behar badute haien arazoei aurre egiteko, dela jokabide arazo larriak dituztelako, dela gaur egun dituzten zailtasunengatik esku-hartze profesional espezializatua behar dutelako, eta hori beste babes-neurri baten bidez ematen ahal ez bada, edo haien babes beharrek hori justifikatzen badute.

e) Sartzeko baldintzak:

-Babesgabetasun egoeran edo aldi baterako egoera larrian dauden 12 eta 18 urte bitarteko adingabeak, baldin eta entitate publikoak egindako balorazio psikosozialak arreta espezializatuaren beharra justifikatzen badu. Salbuespen gisa, adin txikiagoko haurrak sartzen ahalko dira.

-Eskumena duen administrazio unitateak aurrez txostena egitea.

-Baimen judiziala ezinbestekoa da adingabea babes zentro espezifikoan sartzeko.

f) Zerbitzua noiz irekirik:

Urteko egun guztietan, eguneko 24 orduetan.

g) Zerbitzuaren edukia: adingabearen arreta integrala, egunero.

-Bizikidetza eta arreta esparru seguru eta babeslea, eta hagitz egituratua, ematea, zeinak gainbegiratzeko eta atxikitzeko osagaiak emanen baititu gizarte eta hezkuntzako eta psikologiako laguntza intentsibo baten bitartez; esparru horrek adingabeen eguneroko bizitzako beharrak eta psikologiako, hezkuntzako, afektibitateko eta gizarteko beharrak aseko ditu, banakako gizarte eta hezkuntza proiektu baten bidez, adingabe bakoitzaren ezaugarrietara egokituta. Banakako proiektu horrek Banakako Babes Plana garatuko du, eta adingabeen eskubideak bermatuko ditu, bai eta 12/2022 Foru Legearen 133. artikuluan jasotako betebeharrak ere (12/2022 Foru Legea, maiatzaren 11koa, haur eta nerabeei arreta eta babesa eman eta haien familiak, eskubideak eta berdintasuna sustatzekoa). Programa horrek hezkuntza eta eskolako euskarria emanen du, ikastetxearekin koordinatuta, adingabeak erreferentziako ikastetxeetara joaten ahal ez diren uneetan.

-Adingabeen familiekin esku hartzea, guraso gaitasuna sustatzeko, seme-alabekiko lotura konpontzeko eta babesgabetasun egoerak haiengan eragindako kaltea konpontzeko; eta horrez gain, prozesu pertsonalean lagun egitea ere, familia-bizikidetza etetea ekarri zuten faktoreak minimizatzeko, Banakako Babes Planean jasotakoaren arabera.

-Egoitza testuingurutik kanpoko familia alternatibak ahalbidetzea; dela bere familian berriz integratzea, dela familia alternatiba batean sartzea.

h) Onartzen den erabakitzeko epea:

-Hiru hilabete babesgabetasun egoera deklaratzen denetik, toki bat emateko.

-Hilabete bat banakako hezkuntza plana egiteko, zentroan sartzen denetik.

i) Ordainketa partekatua: Ordainketa partekatua aplikatzen ahalko da, 12/2022 Foru Legearen 106.9 artikuluan jasotakoaren arabera (12/2022 Foru Legea, maiatzaren 11koa, haur eta nerabeei arreta eta babesa eman eta haien familiak, eskubideak eta berdintasuna sustatzekoa), entitate publikoak familiaren ahalmen ekonomikoa balioetsita. Haren aplikazioa familiarekin sinatutako Familian Esku Hartzeko Programan jasoko da.

j) Jarduketa esparrua: Nafarroako Foru Komunitatea, kalterik egin gabe 26/2015 Legean jasotakoari.

G.13. Ama gazteei eta haurdun dauden gazteei laguntzeko zerbitzua.

a) Prestazio mota: bermatua.

b) Baliabide mota: egoitzan artatzeko zerbitzua.

c) Baliabidearen xedea eta definizioa: zerbitzu honek babesa eta sostengua ematen die ama gazteei eta haurdun daudenei eta haien seme-alabei. Zerbitzuaren helburua gazteen autonomia gaitasuna sustatzea da, bai beren prozesu pertsonalari dagokionez, bai seme-alaben osoko beharren zaintzari eta arretari dagokienez.

d) Onuradunak: Haurdun dauden gazteak edo beren ardurapean seme-alaba adingabeak dituzten amak, baldin eta babesgabetasun edo borondatezko zaintzako egoeran egon direlako edo daudelako entitate publikoaren babes ekintzaren subjektu/xede izan badira edo badira, zeinek integratu ahal izateko familia alternatibarik ez baitute eta emantzipazio prozesua hasi behar baitute.

e) Sartzeko baldintzak:

-16 urtetik 21 urtera bitarteko ama gazteak edo haurdun dauden gazteak. Salbuespen gisa, entitate publikoak adin handiagoko nerabeen parte-hartzea baimentzen ahalko du, edo zerbitzuko egonaldia 21 urte bete ondotik luzatzen ahalko du, azken horrek txostena egin ondotik.

-Entitate publikoaren txostena; txosten horrek baloratuko du onuradunak gutxieneko gaitasun pertsonalak eta ama gaitasunak dituela seme-alaben behar fisiko eta emozionalei behar bezalako arreta eta erantzuna emateko.

-Onuradunek programan aktiboki parte hartzeko konpromisoa hartzea, laguntza eta gainbegiratzea onartzea eta baliabidea aprobetxatzea.

f) Zerbitzua noiz irekirik: urteko egun guztietan, eguneko 24 orduetan.

g) Zerbitzuaren edukia: adingabearen arreta integrala, egunero.

-Bizitokia eta mantenua.

-Lagun egitea eta sostengua ematea ama gaitasuna eskuratzeko eta beren seme-alabak zaintzeko prozesuan.

-Amei lagun egitea eta sostengua ematea autonomia pertsonal eta familiarreko prozesuan.

-Banakako Hezkuntza Planean ezarritako jarduketak garatzea. Bertan, gaztearekin egin beharreko esku-hartzeak jasoko dira.

-Gazteari eta haren familiari arreta ematen dieten beste baliabide eta programa batzuekin koordinatzea, batez ere oinarrizko gizarte zerbitzuekin, osasun zerbitzuekin eta prestakuntza/laneko zerbitzuekin.

-Egoitza testuingurutik kanpoko familia alternatibak ahalbidetzea, edo laguntza eta erreferentzia alternatibak.

h) Onartzen den erabakitzeko epea:

-Hiru hilabete toki bat emateko.

-Hilabete bat banakako hezkuntza plana egiteko, zentroan sartzen denetik.

i) Ordainketa partekatua: Ez.

j) Jarduketa esparrua: Nafarroako Foru Komunitatea, kalterik egin gabe 26/2015 Legean jasotakoari.

G.14. Familian harrera egiteko zerbitzua.

a) Prestazio mota: bermatua.

b) Baliabide mota: arreta integrala familia ingurune batean; izaten ahal da familia zabala (ahaidetasun harremana dagoenean) edo kanpoko familia bat (ahaidetasun harremanik gabe).

c) Baliabidearen xedea eta definizioa:

Zerbitzu honek babesa eta arreta ematen die jatorrizko familiatik bereizi behar izan dituzten adingabeei, haien zaintza entitate publikoak bere gain harturik. Horretarako egokitzat jotako familia batean integratuz gauzatzen da, eta haren helburua behar duten arreta ematea da, garapen afektibo, psikologiko eta intelektuala, prestakuntza eta laneko garapena eta garapen sozial egokia lor dezaten, familia esparru berri baten bidez.

Modalitateak:

-Urgentziazkoa, Behaketa eta Harrera Zerbitzua emateko, dagokion familia babeserako neurria erabakitzen den bitartean.

-Aldi baterakoa, behin-behinekoa, dela adingabearen egoeragatik bere familian berriz sartzea aurreikusten delako, dela beste babes neurri egonkorrago bat hartu bitartean. Bi ordu iraunen du gehienez.

-Iraunkorra; hala, familian berriz sartzea ezinezkoa bada, aldi baterako harrerako bi urteko epea amaitzean eratuko da, edo bestela, zuzenean, behar bereziak dituzten adingabeei dagokienez, edo adingabearen edo adingabe eta familiaren inguruabarrek horrela aholkatzen badute.

d) Onuradunak:

-Adingabeak, baldin eta entitate publikoak haien babesa badu, babesgabetasun egoera deklaratu delako.

-Adingabeak, baldin eta gurasoek adingabe horien borondatezko zaintza entitate publikoari eskatu badiote, eta entitate publikoak haien egoera larritzat eta aldi baterakotzat jo badu.

-Adingabeak, zeinen behin-behineko zaintza entitate publikoak hartzen baitu bere gain, babesgabetasun egoera baloratzen den bitartean.

-Familia-harrera eskatzen duten familiak, zeinekin familia-harrera eratzen den.

e) Sartzeko baldintzak:

-Aldi baterako harrerak edo harrera iraunkorrak direnean: adingabea izatea eta entitate publikoak babesgabetasun egoeran edo egoera larri eta aldi baterakoa deklaratu izana.

-Urgentziazko harrera denean: adingabea izatea, batez ere 6 urtetik beherakoak, baldin eta entitate publikoak bere gain hartzen badu haien behin-behineko zaintza eta berehalako arreta behar badute.

-Familia-harrera eskatzen duten familientzat, dagokion araudian ezarritakoak.

-Eskumena duen administrazio unitateak aurrez txostena egitea.

f) Zerbitzuaren edukia:

-Arretako familia-bizikidetzako esparru segurua ematea, adingabeen garapenerako egokia dena; esparru horrek adingabeen eguneroko bizitzako beharrak eta psikologiako, hezkuntzako, afektibitateko eta gizarteko beharrak aseko ditu, banakako gizarte eta hezkuntza proiektu baten bidez, adingabe bakoitzaren ezaugarrietara egokituta. Banakako proiektu horrek Banakako Babes Plana garatuko du, eta adingabeen eskubideak bermatuko ditu, 12/2022 Foru Legean ezarrita (12/2022 Foru Legea, maiatzaren 11koa, Haur eta nerabeei arreta eta babesa eman eta haien familiak, eskubideak eta berdintasuna sustatzekoa).

-Adingabeen familiekin esku hartzea, guraso gaitasuna sustatzeko, seme-alabekiko lotura konpontzeko eta babesgabetasun egoerak haiengan eragindako kaltea konpontzeko; eta horrez gain, prozesu pertsonalean lagun egitea ere, familia-bizikidetza etetea ekarri zuten faktoreak minimizatzeko, Banakako Babes Planean jasotakoaren arabera.

-Familia-harreran interesa duten familien informazioa, prestakuntza eta egokitasuna baloratzea, bai eta, familia-harrera formalizatu ondotik, familia horiei arreta eta laguntza ematea ere.

g) Zerbitzua noiz irekirik: urteko egun guztietan; eguneko 24 orduetan, familietan hartutako haurrei eta nerabeei arreta emateko.

h) Onartzen den erabakitzeko epea:

Entitate publikoak egokitzat jotzen duen familia bat egotearen mende egonen da familia-harrera bat eratzeko epea. Familia egokia badago:

-Berehalakoa, urgentziazko harrera denean.

-Aldi baterako edo behin betiko harrerarako; sei hilabete, babesgabetasun egoera deklaratzen denetik.

-Familia-harrera eskatzen duten familien egokitasuna baloratzeko, epeak dagokion araudian ezarritakoak izanen dira.

i) Ordainketa partekatua: Ordainketa partekatua aplikatzen ahalko zaio jatorrizko familiari, 12/2022 Foru Legearen 106.9 artikuluan jasotakoaren arabera (12/2022 Foru Legea, maiatzaren 11koa, haur eta nerabeei arreta eta babesa eman eta haien familiak, eskubideak eta berdintasuna sustatzekoa), entitate publikoak familiaren ahalmen ekonomikoa balioetsita. Haren aplikazioa familiarekin sinatutako Familian Esku Hartzeko Programan jasoko da.

j) Jarduketa esparrua: Nafarroako Foru Komunitatea, kalterik egin gabe 26/2015 Legean jasotakoari.

G.15. Erreferentziako harrera zerbitzua.

a) Prestazio mota: bermatua.

b) Baliabide mota: arreta ingurune familiar/pertsonal batean.

c) Baliabidearen xedea eta definizioa: entitate publikoak artatutako pertsonei familia-harremaneko eta harreman pertsonaleko testuinguru berriak ematea du xede, egoitza harreraren bidez edo autonomiari laguntzeko programen bidez. Helburua da adingabeek familia-harreman eta harreman pertsonal berriak ezarri ahal izatea, erreferentziako familia edo pertsona batekin harremanean jarriz, babes zentrotik kanpoko testuinguruetan.

d) Onuradunak: entitate publikoak egoitza harrerako zerbitzuaren bidez artatutako adingabeak, eta Autonomia Prozesuan dauden Gazteei Laguntzeko Zerbitzuak artatutako gazteak.

e) Sartzeko baldintzak:

-Babes egoitzetan edo autonomia prozesuan dauden gazteei laguntzeko zerbitzuan arreta jasotzea.

-Entitate publikoak zerbitzua eta haren edukiak aplikatzearen aldeko txostena egitea.

-Erreferentziako pertsonei/familiei dagokienez: programan parte hartzeko egokitasun positiboaren balorazioa, entitate publikoak emana.

f) Zerbitzua noiz irekirik: urte osoan.

g) Zerbitzuaren edukia:

-Parte hartzen duten pertsonen/familien egokitasunaren balorazioa.

-Erreferentziako harrera pertsonei/familiei lagun egitea eta laguntza teknikoa ematea.

-Programan parte hartzeak harrera pertsonei/familiei dakarzkien gastuekin lotutako laguntza ekonomikoa. Prestazio hori aldizkakoa edo bakarra izaten ahal da. Aldizkako prestazioa ezartzeko orduan honako hau hartuko da kontuan: adingabeak erreferentziako familiarekin zenbat egun ematen dituen, eta programan parte hartzeak berekin dakartzan joan-etorriak, Familia Harrerako Zerbitzuak harrera familientzat ezarritako hileko zenbatekoa erreferentziatzat hartuta. Nolanahi ere, laguntza ez da azken hori baino handiagoa izanen. Prestazio bakarra izaera finalistaz ematen ahalko da, programan parte hartzearekin lotutako beste gastu batzuk ordaintzeko.

h) Onartzen den erabakitzeko epea:

-Hiru hilabete. Dauden familien arabera.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

G.16. Familian harrera espezializatua egiteko zerbitzua.

a) Prestazio mota: bermatua.

b) Baliabide mota: arreta integrala familia ingurune espezializatu batean; familiak adingabearekin esku hartzeko eta arreta emateko plan bat garatzen du, eginkizun tekniko espezifikoak betez.

c) Baliabidearen xedea eta definizioa:

Zerbitzu honek babesa eta arreta ematen die jatorrizko familiatik bereizi behar izan dituzten adingabeei; entitate publikoak hartzen du bere gain adingabe horien zaintza, zeinek behar edo inguruabar bereziak dituzten. Familia-harrera espezializaturako egokitzat jotako familia batean integratuz gauzatzen da; familia horrek laguntza eta arreta espezifikoa (errehabilitaziokoa, terapiakoa edo beste mota batekoa) ematen ahalko dio, haren behar edo egoera bereziak kontuan hartuta.

d) Onuradunak:

-Adingabeak, zeinek, indarrean dagoen araudian ezarritakoaren arabera, behar edo inguruabar bereziak baitituzte; entitate publikoak adingabe horien babesa hartu du bere gain, babesgabetasun egoera deklaratu delako, edo haien gurasoek borondatezko zaintza eskatu diote entitate publikoari, eta larritzat eta aldi baterakotzat jo du egoera entitateak.

-Familia-harrera espezializatua eskatzen duten familiak, zeinekin familia-harrera espezializatua eratzen baita.

e) Sartzeko baldintzak:

-Adingabea izatea eta entitate publikoak babesgabetasun egoeran edo egoera larri eta aldi baterakoan deklaratu izana; horrez gain, zerbitzua arautzen duen araudian ezarritako kasuetako batean egotea.

-Familia-harrera eskatzen duten familientzat, dagokion araudian ezarritakoak, eta entitate publikoak familia-harrera espezializaturako egokitzat jo izana.

-Eskumena duen administrazio unitateak aurrez txostena egitea.

f) Zerbitzuaren edukia:

-Arretarako familia-bizikidetzako esparru segurua ematea, adingabeen garapenerako egokia dena; esparru horrek adingabeen eguneroko bizitzako beharrak eta psikologiako, hezkuntzako, afektibitateko eta gizarteko beharrak aseko ditu, banakako gizarte eta hezkuntza proiektu baten bidez, adingabe bakoitzaren ezaugarrietara egokituta. Banakako proiektu horrek Banakako Babes Plana garatuko du, eta adingabeen eskubideak bermatuko ditu, 12/2022 Foru Legean ezarritakoak (12/2022 Foru Legea, maiatzaren 11koa, haur eta nerabeei arreta eta babesa eman eta haien familiak, eskubideak eta berdintasuna sustatzekoa). Harrera familiak harreran dagoen pertsonarekin esku hartzeko eta hari arreta emateko plan bat diseinatuko du, adingabearen behar espezifikoen arabera, banakako babes planari jarraikiz, eta eginkizun tekniko espezifikoen bidez garatuko du.

-Adingabeen familiekin esku hartzea, guraso gaitasuna sustatzeko, seme-alabekiko lotura konpontzeko eta babesgabetasun egoerak haiengan eragindako kaltea konpontzeko; eta horrez gain, prozesu pertsonalean lagun egitea ere, familia-bizikidetza etetea ekarri zuten faktoreak minimizatzeko, Banakako Babes Planean jasotakoaren arabera.

-Familia-harrera espezializatuan interesa duten familien informazioa, prestakuntza eta egokitasuna baloratzea, bai eta, familia-harrera espezializatua formalizatu ondotik, familia horiei arreta ematea eta lagun egitea ere.

g) Zerbitzua noiz irekirik: urteko egun guztietan; eguneko 24 orduetan, familietan hartutako haurrei eta nerabeei arreta emateko.

h) Onartzen den erabakitzeko epea:

-Entitate publikoak egokitzat jotzen duen familia bat egotearen mende egonen da familia-harrera espezializatu bat eratzeko epea. Familia egokia badago: sei hilabete gehienez, babesgabetasun egoera deklaratzen denetik.

-Familia-harrera eskatzen duten familien egokitasuna baloratzeko, epeak dagokion araudian ezarritakoak izanen dira.

i) Ordainketa partekatua: Ordainketa partekatua aplikatzen ahalko zaio jatorrizko familiari, 12/2022 Foru Legearen 106.9 artikuluan jasotakoaren arabera (12/2022 Foru Legea, maiatzaren 11koa, haur eta nerabeei arreta eta babesa eman eta haien familiak, eskubideak eta berdintasuna sustatzekoa), entitate publikoak familiaren ahalmen ekonomikoa balioetsita. Haren aplikazioa familiarekin sinatutako Familian Esku Hartzeko Programan jasoko da.

j) Jarduketa esparrua: Nafarroako Foru Komunitatea, kalterik egin gabe 26/2015 Legean jasotakoari.

G.17. Familia-harrerari laguntzeko zerbitzua.

a) Prestazio mota: bermatua.

b) Baliabide mota: arreta anbulatorioa.

c) Baliabidearen xedea eta definizioa:

Harreran dauden edo familia-harrerako prozesuetan dauden adingabeei, haien jatorrizko familiei eta harrera familiei arreta eta laguntza emateko zerbitzua, honako helburu hauekin: familia-harreraren egonkortasuna bermatzea, adingabea harrera familian aiseago integratzea, harrera egiten duten pertsonen eta gurasoen arteko harremanetan gorabeherak eta gatazkak prebenitzea, horiek seme-alaben harrera laguntzea eta erraztea, eta, aldi berean, gurasoen erreparazio eta gaikuntza prozesuak sustatzea, Banakako Babes Planean jasotakoaren arabera.

d) Onuradunak:

-Harreran dauden adingabeak eta familia-harrerako prozesuetan daudenak. Zerbitzu honen arreta jasotzen jarraitzen ahalko dute, adin nagusitasuna lortu ondotik, baldin eta harrera familiako bizikidetzari eusten bazaio; 21 urte bete arte gehienez.

-Harrera familiak eta familia-harrerako prozesuetan dauden familiak.

-Harreran dauden adingabeen jatorrizko familiak.

-Salbuespen gisa, zerbitzu honen arretari eutsiko zaio, nahiz eta adingabeak harrera familiarekin bizikidetza eteten duen, edo familia-harrera bertan behera uzten edo amaitzen den, entitate publikoak baimena eman ondotik.

-Zerbitzu honen bidez arreta jasotzen ahalko dute adingabeek, familia zaintzaileek eta jatorrizko familiek, baldin eta zaintzaren behin-behineko eskuordetze egoeran badaude, aldi baterako egoera gisa, familia-harrera baloratu eta, hala badagokio, eratu bitartean.

e) Sartzeko baldintzak: Administrazio unitate eskudunaren aurretiko txostena, bai edozein zerbitzutara jotzeko, bai, adin nagusitasunera iritsitakoan, horretan jarraitzeko.

f) Zerbitzua noiz irekirik: urteko lanegun guztietan, astelehenetik ostiralera. Salbuespen gisa, arreta ematen ahalko da asteburuetan, entitate publikoak aldez aurretik adierazita eta larrialdi egoeretan.

g) Zerbitzuaren edukia:

-Sostengua eta lagun egitea familia-harreran: adingabeei, harrera familiei eta jatorrizko familiei, banaka edo taldean.

-Guraso gaikuntzarako programa: Familian Berriz Integratzeko Programak garatzen eta ebaluatzen du, baldin eta helburua familian berriz integratzea bada, esku-hartzea jatorrizko familian zentratuta. Babes neurria zehaztera edo bisita araubidea aldatzera bideratutako esku-hartze planak garatu eta ebaluatzen ahalko ditu, halaber.

-Laguntza psikoterapeutikoko programa: esku-hartze psikologiko terapeutikoa harreran dauden adingabeekin, baldin eta gatazka pertsonal larriak badituzte harreraren egoeragatik, edo egokitzapen arazoak edo babesgabetasun egoeraren ondoriozko traumak badituzte.

-Krisi egoerak prebenitzea, nerabezaroan bereziki.

h) Ordainketa partekatua: ez.

i) Jarduketa esparrua: Nafarroako Foru Komunitatea.

G.18. Nazio barneko eta nazioarteko adopzioa laguntzeko zerbitzua.

a) Prestazio mota: bermatua.

b) Baliabide mota: arreta anbulatorioa.

c) Baliabidearen xedea eta definizioa: Adingabe adoptatuei edo adopzio prozesuetan (nazionala edo nazioartekoa izan) daudenei, bai eta familia adoptatzaileei eta jatorrizko familiei ere, arreta emateko zerbitzua, adopzioaren inguruko prozesuetan lagun egiteko, eta adingabeen familia-integrazioa errazteko eta laguntzeko.

Era berean, zerbitzu horrek eskaerak baloratuko ditu eta adoptatutako pertsonei lagun eginen die jatorria bilatzeko prozesuetan.

d) Onuradunak:

-Adoptatutako adingabeak eta adopzio prozesuan (nazionala eta nazioartekoa) daudenak.

-Adopzio familiak eta zaintza prozesuetan adopzio helburuekin edo adopziozko helburuekin dauden familiak.

-Interesa duten familiak eta adopzio eskatzaileak.

-Jatorrizko familiak.

-Adopzio prozesuetan (nazionalak eta nazioartekoak) adoptatutako helduak, jatorria jakin nahi dutenak.

e) Sartzeko baldintzak:

-Nafarroan araututako adopzio nazionaleko eskatzaileak bere jatorria ezagutzeko, entitate publikoaren balorazio positiboa izan beharko du, zeinak adierazten baitu datu horiek eskuratzeak ez dakarkiela arriskurik hirugarren pertsonei. Espedientera eta hurrengo faseetara jotzeko, esku-hartze plan bat bete beharko da. Plan horrek arriskuak minimizatuko ditu, eta honako hau bermatuko du: prozesua behar bezalakoa izatea, eta autonomiaren, ongintzaren eta kalterik ez egitearen eta justiziaren oinarrizko printzipioei jarraitzea.

-Gainerako zerbitzuei dagokienez, zerbitzuetara jotzeko eskumena duen administrazio unitateak aurretiko txostena egitea; prestakuntza jarduerei dagokienez izan ezik, ez baitago horietara jotzeko baldintzarik. Aholkularitza edo orientazio baliabide psikologiko espezializatuak eskuratzeko, aldez aurretik baloratu beharko da adoptatutako pertsonaren egoera soziopertsonala, bai eta familia mailan ere, eta familian esku hartzeko plan bat onartu beharko da, egindako balorazioa eta hautemandako arriskuak aintzat hartuta.

f) Zerbitzua noiz irekirik: urteko lanegun guztietan, astelehenetik ostiralera. Salbuespen gisa, arreta ematen ahalko da asteburuetan, entitate publikoak aldez aurretik adierazita.

g) Zerbitzuaren edukia:

-Adopzio familiei eta adoptatutako adingabeei orientazioa, laguntza eta aholkularitza ematea, adopzioa behar bezala garatzeko.

-Hala behar duten adingabe adoptatuak baloratzea eta haiekin esku-hartze psikologikoa eta terapeutikoa egitea helburu zehatzetan ardaztuta.

-Adopzioa helburu duen zaintza eskuordetzeetan lagun egitea, jarraipena egitea eta sostengua ematea.

-Jatorrizko familiari arreta ematea adopzioa gauzatu arteko prozesuan, eta harekin esku hartzea, babes neurrian haren lankidetza lortze aldera.

-Familian esku hartzeko planak egitea jatorrizko familiarekin, adingabearekin eta adopzio familiarekin, baldin eta adoptatutako adingabearen eta jatorrizko familiaren arteko kontaktuak ezartzea aztertzen bada.

-Jatorria bilatzeko eskaera baloratzea, eta prozesuan lagun egitea adingabeei, bai eta adinez nagusi adoptatuei ere. Fase tekniko hauetan garatzen da: arriskuen balorazioa, esku hartzeko plana onartzea, espedientea eskuratzea, jatorrizko familiarekin informazioa elkarri ematea, adoptatuaren eta jatorrizko familiaren arteko topaketa egiteko bitartekaritza, eta jatorriaren esku-hartzea ixteko prozesuaren jarraipena egitea.

-Adopzio ondotiko jarraipena egitea.

-Adopzio aurreko eta adopzio ondotiko prestakuntza.

h) Epea egokitasunaren balorazioa tramitatzeko:

-Nazioarteko adopzioa denean:

Informazio saioetarako: bi hilabete (salbu eta ez badago parte-hartzaileen gutxieneko kopuru bat).

Egokitasunaren balorazio psikosozialaren eskaera egiten denetik eskatzaileen balorazio psikosoziala egiteko galdetegia entregatu bitarte: bi hilabete.

Balorazio psikosoziala egiteko galdetegia itzultzen denetik egokitasuna edo ez-egokitasuna deklaratzeko jakinarazpena bidali bitarte: lau hilabete.

-Adopzio nazionala denean, egokitasun balorazioa eginen da eskatzaileak itxaron zerrendako lehenengo 10 postuetan daudenean.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

G.19. Neurri judizialak ingurune irekian betetzeko zerbitzua.

a) Prestazio mota: bermatua.

b) Baliabide mota: arreta anbulatorioa, egunekoa edo hezkuntza bizikidetzakoa.

c) Baliabidearen xedea eta definizioa: askatasunaz gabetzen ez duten neurri judizialak betetzera bideratutako zerbitzua, Adingabeen Erantzukizun Penalari buruzko urtarrilaren 12ko 5/2000 Legean jasota. Zerbitzuaren helburua neurri judizial bat bete behar duten adingabeei arreta integrala ematea da, psikologia eta hezkuntzako esku-hartzearen bidez, eta normalizaziora eta garapen pertsonalera bideratuta. Adingabeak eguneroko bizi ingurunean duen integrazioa finkatzea da horren helburua.

d) Onuradunak: Gazteak, 14 urtetik gorakoak, askatasunaz gabetzen ez duen neurri judiziala ezarria dutenak, urtarrilaren 12ko 5/2000 Legean jasota, eta uztailaren 30eko 1774/2004 Errege Dekretuak araututako erregelamendu-garapenari jarraikiz.

e) Sartzeko baldintzak: Adingabeen Epaitegiaren ebazpen judiziala.

f) Zerbitzua noiz irekirik: urte osoan.

g) Zerbitzuaren edukia:

-Psikologia eta hezkuntzako esku-hartzea gazte bakoitzaren neurria betetzeko banakako plana garatzeko.

-Familian esku hartzea, gazte bakoitzaren banakako planean hala jasota dagoenean, bai eta esplizituki jasota ez dagoenean ere; familian eginiko esku-hartzeak helburua izanen du semearen edo alabaren gizarteratze prozesuan lagundu eta parte har dezan lortzea, 12/2022 Foru Legean, Haur eta nerabeei arreta eta babesa eman eta haien familiak, eskubideak eta berdintasuna sustatzekoan, xedatutakoari jarraikiz, adingabearen interes gorenaren esparruan.

h) Onartzen den erabakitzeko epea: emandako neurri judizialaren arabera, berehala.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

G.20. Barneratze neurri judizialak betetzeko zerbitzua.

a) Prestazio mota: bermatua.

b) Baliabide mota: egoitzako arreta.

c) Baliabidearen xedea eta definizioa: egoitza zerbitzu hau askatasunaz gabetzeko neurri judizialak, dauden barneratze araubideetan, betetzera bideratuta dago; urtarrilaren 12ko 5/2000 Legean jasota dago, eta barneratzeko neurri judiziala bete behar duten pertsonei arreta integrala ematea du xede. Arreta horren helburua norberaren garapen eta autonomia pertsonala da, bai eta neurria ezartzea eragin zuten ekintzen gaineko erantzukizuna hartzea, kaltea konpontzea eta pertsona bere eguneroko bizi ingurunean integratzea ere.

d) Onuradunak: Gazteen justizia sistemaren barruan dauden 14 urtetik gorako adingabeak, zeinei ezarri baitzaie neurri judizial bat urtarrilaren 12ko 5/2000 Legean tipifikatutako delitu bat egin dutelako.

e) Sartzeko baldintzak: Adingabeen Epaitegiaren ebazpen judiziala.

f) Zerbitzua noiz irekirik: urte osoan.

g) Zerbitzuaren edukia:

-Bizikidetza eta arreta esparru egituratu eta babeslea ematea, adingabeen garapenerako egokia dena; esparru horrek adingabeen eguneroko bizitzako beharrak eta psikologiako, hezkuntzako, afektibitateko eta gizarteko beharrak aseko ditu.

-Adingabe bakoitzaren banakako gizarte eta hezkuntza programa betearaztea, Adingabeen Epaitegiak auto judizial bidez onartua.

-Familian esku hartzea, gazte bakoitzaren banakako planean hala jasota dagoenean, bai eta esplizituki jasota ez dagoenean ere; familian eginiko esku-hartzeak helburua izanen du semearen edo alabaren gizarteratze prozesuan lagundu eta parte har dezan lortzea, 12/2022 Foru Legean, Haur eta nerabeei arreta eta babesa eman eta haien familiak, eskubideak eta berdintasuna sustatzekoan, xedatutakoari jarraikiz, adingabearen interes gorenaren esparruan.

-Eskola- eta prestakuntza-jarduerak, ezin badira ikastetxe batera joan.

-Jarduera okupazionalak eta lan prestakuntzakoak.

-Aisiako eta astialdiko jarduerak.

-Terapia eta osasun arreta.

h) Onartzen den erabakitzeko epea: berehalakoa, neurri judiziala ezarri ondoren.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

G.21. Emantzipazio prozesuan dauden gazteei laguntzeko zerbitzua.

a) Prestazio mota: bermatua.

b) Baliabide mota: autonomia etxebizitzako egoitza arreta edo arreta anbulatorioa.

c) Baliabidearen xedea eta definizioa:

Zerbitzu honek gazteei arreta ematen die, baldin eta, babesgabetasun edo borondatezko zaintzako egoeran lehen edo orain egonik, gazte horiek laguntza eta sostengua behar badute autonomiako eta bizimodu independenteko abileziak eskuratzeko, emantzipatzeko trantsizio gisa.

Programa honek bi modalitatetan ematen ahal du arreta:

-Egoitza arreta: zerbitzua etxebizitza arruntetan ezarritako egoitza baliabideetan garatzen da: autonomia etxebizitzak.

-Arreta anbulatorioa: modu independentean bizi diren gazteei ingurune irekian intentsitate txikiko lagun egitea.

d) Onuradunak:

Hamasei urtetik gorako gazteak, babesgabetasun edo borondatezko zaintzako egoeran daudenak, edo adinez nagusiak, adinez nagusi izan aurretik babesgabetasun edo borondatezko zaintzako egoeran egondakoak, egoitza harrerako edo familia-harrerako programetako egonaldia amaitzen badute jatorrizko familiara itzultzeko aukerarik gabe edo zaurgarritasun handiko egoeran badaude, edo, neurri administratibo edo judizialen bat ezarria izan ondotik, adinez nagusi direnean emantzipazio prozesua hasi behar badute, betiere, salbuespen gisa, goi mailako edo graduko ikasketak egiten ari ez badira; kasu horretan, zerbitzuari eusten ahalko zaio ikasketak amaitu arte, beharrezkoa bada.

e) Sartzeko baldintzak:

-Gutxieneko egonkortasun eta autonomia maila pertsonala izatea, eguneroko bizitzako jarduerei autonomiaz aurre egin ahal izateko, eta, arreta/gainbegiratzerako, profesionalen presentzia etengabearen beharrik ez izatea.

-Autonomia pertsonalerako eta bizitza independenterako prestatzeko prozesuan laguntza teknikoa behar izatea eta onartzea.

-Familia-harreraren edo egoitza harreraren neurria amaitzen duten gazteei dagokienez, aldez aurretik proposatutako baliabide eta programetan aktiboki eta probetxuz parte hartu izana, bereziki bi zerbitzuetatik garatutako aurreautonomiako programetan.

-Gazteak, zerbitzua hasi aurretik, agiri bat sinatzea, eta bertan honako hauek adieraztea: aktiboki parte hartzeko borondatea eta konpromisoa, bai eta zerbitzuaren baldintzak onartu eta betetzekoa ere, banakako hezkuntza planaren garapenean aktiboki parte hartzeko konpromisoa, laguntza eta gainbegiratzea onartuta, eta bere beharrei erantzuteko kanpoko beste baliabide/zerbitzu batzuetan parte hartzea.

-Egoitza modalitatera (autonomia etxebizitza) sartzeko, beste pertsona batzuekin egoki bizitzeko gaitasuna izatea, eta lankideekin, profesionalekin eta instalazioekin errespetuzko jarrera izatea.

-Eskumena duen administrazio unitateak aurrez txostena egitea.

-Zerbitzuan jarraitzeko, baldintza horiei eutsi beharko zaie.

f) Zerbitzua noiz irekirik: urte osoan.

g) Zerbitzuaren edukia:

Zerbitzuaren edukiak onuradunen banakako beharren arabera aplikatuko dira, eta ez da nahitaezkoa izanen horiek guztiak aplikatzea. Gazteak zerbitzuan parte hartzen duen bitartean baino ez ditu zerbitzu horiek eskuratzen ahalko.

Programa horietan parte hartzen dutenak desgaitasuna duten gazteak direnean, jarduketa guztiak eginen dira haien autonomia pertsonala faboratzeko, behar dituzten doikuntzekin.

-Gizarte eta hezkuntza laguntza: zerbitzuan parte hartzen duten guztientzat barne, beharren arabera behar den intentsitatearekin.

-Laguntza psikologikoa.

-Kulturen arteko bitartekotza.

-Bizitokia eta mantenua (egoitza arreta autonomia etxebizitzan ematen bada bakarrik).

-Sostengua eta lagun egitea ostatua bilatzen, bai eta kudeaketa ekonomikoa egiten ere, ingurune irekian garatuz gero.

-Erreferentziako pertsonak edo mentoreak, baita harrerako ahaideak ere, sustatzea, baldin eta gaztearen prozesuan lagun egiten ahal badute, edo unean uneko laguntza ematea, laguntza hori eskatzen dutenak bizitza independenterako presta daitezen.

-Prestazio ekonomikoa: parte hartzen duten gazteen oinarrizko beharrak ekonomikoki estaliko ditu zerbitzuak, bestelako diru-sarrera iturririk ez badute, edo xede bereko prestazio orokorragorik ez badute eskuratzen ahal. Nolanahi ere, prestazio ekonomikoak izaera subsidiarioa izanen du helburu bera duen beste edozein prestaziorekin, 12/2022 Foru Legeak, Haur eta nerabeei arreta eta babesa eman eta haien familiak, eskubideak eta berdintasuna sustatzekoak, 159.9 artikuluan xedatutakoaren arabera.

Prestazioa aldizkakoa edo ordainketa bakarrekoa izaten ahal da. Aldizkako prestazioa eguneroko bizitzako oinarrizko gastuak ordaintzeko izanen da. Haren zenbatekoa errenta bermatuaren edo haren baliokidearen prestazioa bezainbat izanen da. Lan jardueraren ondoriozko hileko diru-sarrerak izanez gero, Errenta Bermatuaren prestazioan edo haren baliokidean ezarritakoen antzeko enplegurako pizgarriak aplikatuko dira.

Ordainketa bakarra emanez gero, izaera finalista izanen du, eta autonomia pertsonal eta emantzipaziorako prozesurako beharrezko iritzitako beste gastu batzuk ordaintzeko izanen da (prestakuntza prozesukoak, administrazio erregularizaziokoak, etxebizitza eskuratzeko gastuak, eta Gizarte Segurantzak estaltzen ez dituen osasun gastuak, besteak beste).

h) Onartzen den erabakitzeko epea: hilabete bat.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

G.22. Harrera familientzako prestazio ekonomikoak.

a) Prestazio mota: bermatua.

b) Baliabide mota: aldian behin jasotzeko prestazio ekonomikoa.

c) Baliabidearen xedea eta definizioa: Prestazio ekonomiko bat da, harrera familiek aurre egin ahal izan diezaieten harreran hartutako adingabearen gastu arruntei nahiz ezohikoei.

d) Onuradunak: harrera familiak.

e) Sartzeko baldintzak:

-Harrera familia izatea eta aldi baterako edo behin betiko familia harrera eratua izatea.

-Salbuespen gisa, zaintza behin-behineko eskuordetua duten familiak izaten ahalko dira onuradun, aldi baterako egoera gisa, familia-harrera baloratu eta, hala badagokio, eratu bitartean.

-Eskumena duen administrazio unitateak aldeko txostena egitea.

f) Zerbitzuaren edukia:

-Adingabearen gastuak estaltzeko aldizkako hileko prestazioa (mantenua, aisialdiko jarduerak, behar berezietarako gastuak eta abar). Prestazio horri eusten ahalko zaio familia-harrera eteten denean. Adingabe bat baino gehiagoko harrera izanez gero, zenbateko osoa %25 gutxituko da bigarren adingabetik aurrera.

-Hileroko aldizkako laguntza: 850 euro hilean.

Osagarri bat emanen da honako hau kontuan hartuta:

Adingabeen desgaitasun maila.

a) Desgaitasun-maila:

-%33tik %65era bitartekoa: 60 euro hilean.

-%65etik gorakoa: 105 euro hilean.

b) Harrera familien eta adingabeek bisitak, terapiak, elkarrizketak eta abarrak direla-eta egin beharreko joan-etorriak, harrera etxetik Iruñera dagoen distantziaren arabera.

-20 kilometrotik aurrera: 30 euro hilean.

-50 kilometrotik aurrera: 72 euro hilean.

-80 kilometro baino gehiago: 108 euro hilean.

Aldizkako prestazioaren zenbatekoa, bai eta barne hartzen dituen osagarriena ere, urtero eguneratuko dira foru agindu bidez.

Aldizkako prestazioari eustea:

-Lan eta prestakuntzarako, 18 urteak bete eta harrerako familian bizitzen jarraitzen dutenentzat, betiere aipatu jardueran probetxua egonez gero. Zenbatekoa, zeina izanen baita aldizkako laguntza adinakoa, 21 urte bete arte ordaintzen ahal da.

-Goi mailako ikasketetarako, 21 urteak bete eta harrerako familian bizitzen jarraitzen dutenentzat, betiere ikasketa horietan probetxua egonez gero. Zenbatekoa, zeina izanen baita aldizkako laguntza adinakoa, aukeratutako gradu ikasketek edo goi mailako beste ikasketa batzuek iraun bitartean ordaintzen ahal da. Bekak jasoz gero, ezarritako urteko laguntzari kenduko zaizkio.

Kasu batean zein bestean, laguntzak jarraitu ahal izateko, entitate publikoak jarraipena egitea onartu beharko du gazteak.

f) Onartzen den erabakitzeko epea: hiru hilabete.

g) Ordainketa partekatua: ez.

h) Jarduketa esparrua: Nafarroako Foru Komunitatea.

G.23. Larrialdiko familia-harrerarako prestazio ekonomikoak.

a) Prestazio mota: bermatua.

b) Baliabide mota: Aldizka jasotzeko prestazio ekonomikoa.

c) Baliabidearen xedea eta definizioa: Prestazio ekonomiko honen xedea larrialdiko familiek adingabearen arretaren ondoriozko gastuak harrera prozesuan ordaindu ahal izatea da.

d) Onuradunak: harrera familiak, baldin eta, babesgabetasun egoera baloratzeko, jatorrizko familiatik bereizi beharreko adingabeak hartzen badituzte.

e) Sartzeko baldintzak:

-Larrialdiko familien programako harrera familia izatea.

-Salbuespen gisa, entitate publikoak egokitzat jotako familia zabalei ematen ahalko die prestazio hori, baldin eta horiei eskuordetzen badie adingabe baten zaintza, babesgabetasun egoera baloratzen den bitartean, eta betiere adingabearen interesa kontuan hartuta, eta larrialdiko familien programan parte hartzea onartzen badute.

-Eskumena duen administrazio unitateak aurrez txostena egitea.

f) Zerbitzuaren edukia:

-Ordainsaria 35 euro egun/adingabe izanen da.

-Urgentziazko harrera eteten denean prestazio ekonomikoari eustea, gehienez ere bi hilabete, larrialdiko harreran beste adingaberik ez badago.

g) Onartzen den erabakitzeko epea: hilabete bat.

h) Ordainketa partekatua: ez.

i) Jarduketa esparrua: Nafarroako Foru Komunitatea.

Aldizkako prestazioaren zenbatekoa urtero eguneratuko da foru agindu bidez.

G.24. Familia-harrera espezializatuagatiko prestazio ekonomikoak.

a) Prestazio mota: bermatua.

b) Baliabide mota: aldian behin jasotzeko prestazio ekonomikoa.

c) Baliabidearen xedea eta definizioa: Prestazio ekonomiko honen xedea da familia espezializatuak konpentsatzea araudian eskatzen den dedikazio eta prestakuntzagatik eta bete behar dituzten berariazko eginkizun teknikoengatik, eta, horrez gain, adingabea harreran hartzeak sortutako mantenu gastuei aurre egin ahal izan diezaieten.

d) Onuradunak:

-Familia-harrera espezializatu baten bidez harreran dauden adingabeak.

-Harrera familia espezializatuak.

e) Sartzeko baldintzak:

-Familia-harrera espezializatuan dauden adingabeak, indarreko araudian ezarritakoaren arabera.

-Entitate publikoak proposatutako parekatze prozesua onartu duten familia-harrera espezializatuak, adingabearekin harremanetan dauden edo harekin bizi direnak.

-Eskumena duen unitate organikoaren aurretiko txostena.

f) Zerbitzuaren edukia: ordainketak hiru kontzeptu hauek hartzen ditu barne:

-Harreran dagoen adingabearen gastuetarako, aldi baterako edo behin betiko familia-harrera baterako oro har ezarritako zenbateko bera izanen da.

-Harrera familiaren prestakuntza eta dedikazio bereziagatik, araudian familia espezializatuarentzat ezarritakoaren arabera.

-Harrera familiak bete behar dituen eginkizun espezifikoengatik; eginkizun horiek familia-harrera espezializatua formalizatzeko dokumentuan jasota egonen dira. Zenbatekoa aldatu eginen da harreraren fasearen arabera (akoplamendua, bizikidetza, etetea). Laguntza hori erregelamendu bidez ezarriko da.

g) Onartzen den erabakitzeko epea: hilabete lehenengo bi kontzeptuetarako, eta hirugarrenerako, entitate publikoak erregelamenduz ezartzen duenaren arabera.

h) Ordainketa partekatua: ez.

i) Jarduketa esparrua: Nafarroako Foru Komunitatea.

G.25. Familia-harrerako eta adopzioko atseden zerbitzua.

a) Prestazio mota: bermatua.

b) Baliabide mota: harreran edo adopzioan dauden adingabeei arreta emateko bizikidetzako esparru baliabide seguru eta egokia, aldi baterakoa edo familia-harreraren edo adopzioaren osagarria, zeinaren helburua baita familia-harrerari eta adopzioari eusten laguntzea.

c) Baliabidearen xedea eta definizioa:

Familia-harreraren (aldi baterako harreraren edo harrera iraunkorraren) eta adopzioaren zerbitzu osagarria, zeinak familia-harreran edo adopzioan dauden adingabeei bizikidetza esparru bat ematen baitie, bai eta atsedenerako esparru bat ere harrera familiei, adingabea ordezko bizikidetza esparru batean sartuz. Bizikidetza esparru horretara osoki sartuko da -eta eten eginen da, denbora tarte zehatz batean, harrera familiarekin edo adopzio familiarekin zuen bizikidetza-, edo partzialki, familiarekin duen bizikidetzaren osagarri. Helburua da harrera familiari eta adopzio familiari laguntzea adingabea artatzen, babes neurriak iraun dezan. Horretarako, egokitzat jotako familia batean sartuko da adingabea.

d) Onuradunak:

-Familia-harreran edo adopzioan dauden adingabeak, zeinak aldi baterako harrera edo adopzioko familia horretatik bereiz egon behar baitira edo familiaren bizikidetza esparru osagarri bat behar baitute, familiak edo adingabeek zailtasunak dituztelako, edo familia bizikidetzan aldi baterako zailtasunak daudelako.

e) Sartzeko baldintzak:

-Familia harreran edo adopzioan dauden adingabeak.

-Eskumena duen administrazio unitateak aurrez txostena egitea.

f) Zerbitzuaren edukia:

-Arretako bizikidetza esparru segurua eta egokia ematea, adingabeen garapenerako. Esparru horrek banakako babes planaren helburuak garatzea ahalbidetu behar ditu, eta adingabeen eskubideak bermatu behar ditu, zeinak 12/2022 Foru Legean, Haur eta nerabeei arreta eta babesa eman eta haien familiak, eskubideak eta berdintasuna sustatzekoan, jasota baitaude.

-Adingabeei arreta emateak eragindako gastuak ordaintzeko prestazio ekonomikoa. Laguntzaren zenbatekoa ezarriko da adingabeak atsedenerako bizikidetza esparruan emandako denboraren arabera, eta hura kalkulatzeko erreferentzia izanen da harrera familientzako prestazio ekonomikoetan adingabearen gastuetarako jasotako aldizkako laguntza.

-Adopzioari laguntzeko zerbitzuak edo familia-harrerari laguntzeko zerbitzuak emandako laguntza teknikoa.

g) Onartzen den erabakitzeko epea: hiru hilabete. Atsedenerako familia edo bizikidetza testuinguru egokirik badago.

h) Ordainketa partekatua: ez.

i) Jarduketa esparrua: Nafarroako Foru Komunitatea.

G.26. Adingabea bere familia-ingurunean gelditzeko laguntzak.

a) Prestazio mota: bermatua.

b) Baliabide mota: prestazio ekonomikoa, behin bakarrik jasotzeko edo aldian behin.

c) Baliabidearen xedea eta definizioa:

-Aldi baterako prestazio ekonomikoa, dauden gizarte prestazio orokorren subsidiarioa, eta adingabeak beren familia-ingurunetik bereiz daitezen eragoztea xede duena.

d) Onuradunak: arrisku egoeran dauden adingabeak dituzten familiak.

e) Sartzeko baldintzak:

-Arrisku egoeran egotea.

-Laguntza ekonomikoa behar izatea familiaren baldintzak onuragarriak izan daitezen adingabea bere familiako testuinguruan gelditzeko.

-Eskumena duen administrazio unitateak aurrez txostena egitea.

f) Zerbitzuaren edukia:

-Osorik finantzatuko da beharrezko gastua, baloratuta adingabearen babesgabetasun arriskuko egoerarik eta familiaren premia ekonomikoa (etxebizitzaren titulartasuna, lan-egoera, osasun egoera, familiaren osaera eta gizarte eta familia sostengua).

g) Onartzen den erabakitzeko epea: hiru hilabete.

h) Ordainketa partekatua: Ez.

i) Jarduketa esparrua: Nafarroako Foru Komunitatea.

G.27. Hezkuntza egoitzetako egonaldietarako laguntzak.

a) Prestazio mota: bermatua.

b) Baliabide mota: aldian behin jasotzeko prestazio ekonomikoa.

c) Baliabidearen xedea eta definizioa:

-Prestazioaren helburua da babesgabetasun arriskuko egoeran dauden adingabeen hezkuntza egoitzetako egonaldien kostua estaltzea; egonaldi horiek adingabeak beren familia ingurunetik bereiztea eragozteko dira.

d) Onuradunak: babesgabetasun arriskuko egoeran dauden seme-alaben familiak, baldin eta hezkuntza egoitzetan sartzeaz baliatu badaitezke familia babesteko baliabide gisa.

e) Sartzeko baldintzak:

-Arrisku egoeran egotea.

-Ez izatea aski baliabide ekonomiko egoitzako egonaldia ordaintzeko.

-Eskumena duen administrazio unitateak aurrez txostena egitea.

f) Zerbitzuaren edukia:

Ikasturtean zehar, beharrezko gastua osorik finantzatzen ahalko da, baloratuta adingabearen babesgabetasun arriskuko egoerarik dagoen eta familiaren premia ekonomikoa.

g) Onartzen den erabakitzeko epea: hiru hilabete.

h) Ordainketa partekatua: Ez.

i) Jarduketa esparrua: Nafarroako Foru Komunitatea".

Bi.-Ekainaren 17ko 69/2008 Foru Dekretuaren II. eranskineko F multzoa ("Adingabeen arretaren arloa") aldatzen da, eta testu hau izanen du:

"F.-ADINGABEEN ARRETAREN ARLOA.

F1. Aparteko laguntzak.

a) Prestazio mota: bermatu gabea.

b) Baliabide mota: behin bakarrik jasotzeko prestazio ekonomikoa.

c) Baliabidearen xedea: adingabeei beharrezko aparteko gastuetarako dirulaguntza ematea, baldin eta beste prestazio edo baliabide batzuek ez badituzte gastu horiek ordaintzen ahal.

d) Onuradunak:

Babesgabetasun egoeran dauden adingabeak.

Adingabeak, baldin eta entitate publikoak haien babesa badu, babesgabetasun egoera deklaratu delako.

Adingabeak, baldin eta gurasoek adingabe horien borondatezko zaintza entitate publikoari eskatu badiote, eta entitate publikoak haien egoera larritzat eta aldi baterakotzat jo badu.

Adingabeak, zeinen behin-behineko zaintza entitate publikoak hartzen baitu bere gain, babesgabetasun egoera baloratzen den bitartean.

e) Sartzeko baldintzak:

Eskumena duen administrazio unitateak aurrez txostena egitea.

f) Zerbitzuaren intentsitatea: zehaztutako gastu osora arte, familiaren behar ekonomikoa baloratuta.

g) Ebazteko epea: 45 egun.

h) Jarduketa esparrua: Nafarroako Foru Komunitatea.

F2. Emantzipazio prozesuan dauden gazteei laguntzeko zerbitzua.

a) Prestazio mota: bermatu gabea.

b) Baliabide mota: autonomia etxebizitzako egoitza arreta edo arreta anbulatorioa.

Baliabidearen xedea eta definizioa: zerbitzu honek arreta ematen die babesgabetasun arriskuan egon diren gazteei, baldin eta entitate publikoaren aldetik edo Nafarroako Oinarrizko Laguntzako gizarte zerbitzuen haurrei eta familiei arreta emateko programen bidez lehenago arreta jaso badute, betiere, adinez nagusi direnean, laguntza eta sostengua behar badute autonomiako eta bizimodu independenteko abileziak eskuratzeko, emantzipatzeko trantsizio gisa.

Programa honek bi modalitatetan ematen ahal du arreta:

-Egoitza arreta: zerbitzua etxebizitza arruntetan ezarritako egoitza baliabideetan garatzen da: autonomia etxebizitzak.

-Arreta anbulatorioa: modu independentean bizi diren gazteei ingurune irekian intentsitate txikiko laguntza anbulatorioa ematea.

c) Onuradunak: 18 urtetik gorako gazteak, zerbitzu honen arreta behar badute eta eskuratzeko baldintzak betetzen badituzte.

-Babesgabetasuna ezeztatu edo borondatezko zaintza amaitu ondotik jatorrizko familiara itzuli diren gazteak, baldin eta familia-testuinguruan babesgabetasun arriskuko egoera badago oraindik.

-Gizarte Zerbitzuetako Haurren eta Familien programek edo Haur eta nerabeentzako arreta taldeek, familia babesteko esparruan, adinez nagusi bilakatu aurretik artatutako gazteak.

-Gazteen justizia sistemaren barruan egon diren gazteak, zeinak, ezarritako neurriak amaitu ondotik, gizarteratzen amaitzeko laguntza behar baitute.

Zerbitzuan egoteko gehieneko adina 21 urte izanen da.

d) Sartzeko baldintzak:

-Oinarrizko Laguntzako gizarte zerbitzuen balorazio txostena. Txosten horrek egiaztatu behar du adin nagusitasunera iritsi ondotik beharrezkoa eta komenigarria dela familia-testuingurutik ateratzea, edo horretara ez direla itzultzen ahal, familia-testuinguruko babesgabetasun egoera baten ondorioz.

-Gutxieneko egonkortasun eta autonomia maila pertsonala izatea, eguneroko bizitzako jarduerei autonomiaz aurre egin ahal izateko, eta, arreta/gainbegiratzerako, profesionalen etengabeko beharrik ez izatea.

-Autonomia pertsonalerako eta bizitza independenterako prestatzeko prozesuan laguntza teknikoa behar izatea eta onartzea.

-Gizarte zerbitzuetako oinarrizko laguntzako Haurren eta Nerabeen arretarako zerbitzuak emandako arreta amaitzen zaien gazteentzat, edo gazteen justizia sistemaren barruan egon direnentzat: txostena, non jasoko baita aldez aurretik proposatutako baliabide eta programetan aktiboki eta probetxuz parte hartu izana, bereziki aurreautonomiako programetan.

-Gazteak, zerbitzua hasi aurretik, agiri bat sinatzea, eta bertan honako hauek adieraztea: aktiboki parte hartzeko borondatea eta konpromisoa, bai eta zerbitzuaren baldintzak onartu eta betetzekoa ere, banakako hezkuntza planaren garapenean aktiboki parte hartzeko konpromisoa, laguntza eta gainbegiratzea onartuta, eta bere beharrei erantzuteko kanpoko beste zerbitzu batzuetan parte hartzea.

-Egoitza modalitatera (autonomia etxebizitza) sartzeko, beste pertsona batzuekin egoki bizitzeko gaitasuna izatea, eta lankideekin, profesionalekin eta instalazioekin errespetuzko jarrera izatea.

-Eskumena duen administrazio unitateak aurrez txostena egitea. Zerbitzuan jarraitzeko, baldintza horiei eutsi beharko zaie.

e) Zerbitzua noiz irekirik: urte osoan.

f) Zerbitzuaren edukia: zerbitzuaren edukiak onuradunen behar indibidualen arabera aplikatuko dira, eta ez da nahitaezkoa izanen horiek guztiak aplikatzea. Gazteak zerbitzuan parte hartzen duen bitartean baino ez ditu zerbitzu horiek eskuratzen ahalko.

Programa horietan parte hartzen dutenak desgaitasuna duten gazteak direnean, jarduketa guztiak eginen dira haien autonomia pertsonala faboratzeko, behar dituzten doikuntzekin.

-Gizarte eta hezkuntza laguntza: zerbitzuan parte hartzen duten guztientzat barne, beharren arabera behar den intentsitatearekin.

-Laguntza psikologikoa.

-Kulturen arteko bitartekotza.

-Bizitokia eta mantenua (egoitza arreta autonomia etxebizitzan ematen bada bakarrik).

-Sostengua eta lagun egitea ostatua bilatzen, bai eta kudeaketa ekonomikoa egiten ere, ingurune irekian garatuz gero.

-Erreferentziako pertsonak edo mentoreak, baita harrerako ahaideak ere, sustatzea, baldin eta gaztearen prozesuan lagun egiten ahal badute, edo unean uneko laguntza ematea, laguntza hori eskatzen dutenak bizitza independenterako presta daitezen.

-Prestazio ekonomikoa: parte hartzen duten gazteen oinarrizko beharrak ekonomikoki estaliko ditu zerbitzuak, bestelako diru-sarrera iturririk ez badute, edo xede bereko prestazio orokorragorik ez badute eskuratzen ahal. Nolanahi ere, prestazio ekonomikoak izaera subsidiarioa izanen du helburu bera duen beste edozein prestaziorekin, 12/2022 Foru Legeak, Haur eta nerabeei arreta eta babesa eman eta haien familiak, eskubideak eta berdintasuna sustatzekoak, 159.9 artikuluan xedatutakoaren arabera.

Prestazio hori aldizkakoa edo ohiz kanpokoa izanen da. Aldizkako prestazioa eguneroko bizitzako oinarrizko gastuak ordaintzeko izanen da. Haren zenbatekoa errenta bermatuaren edo haren baliokidearen prestazioa bezainbat izanen da. Lan jardueraren ondoriozko hileko diru-sarrerak izanez gero, Errenta Bermatuaren prestazioan edo haren baliokidean ezarritakoen antzeko enplegurako pizgarriak aplikatuko dira.

Ohiz kanpoko ordainketa emanez gero, izaera finalista izanen du, eta autonomia pertsonal eta emantzipaziorako prozesurako beharrezko iritzitako beste gastu batzuk ordaintzeko izanen da (prestakuntza prozesukoak, administrazio erregularizaziokoak, etxebizitza eskuratzeko gastuak, eta Gizarte Segurantzak estaltzen ez dituen osasun gastuak, besteak beste).

g) Onartzen den erabakitzeko epea: hilabete.

h) Ordainketa partekatua: ez.

i) Jarduketa esparrua: Nafarroako Foru Komunitatea".

Hiru.-Ekainaren 17ko 69/2008 Foru Dekretuaren I. eranskinaren H multzoan beste zerbitzu bat gehitzen da (H8), eta testu hau izanen du:

"H8. Prostituzio egoeran dauden emakumeei harrera eta laguntza emateko egoitza zerbitzua.

a) Prestazio mota: bermatua.

b) Baliabide mota: Egoitza zerbitzu espezializatu eta espezifikoa.

c) Errekurtsoaren xedea: Aldi baterako harrera errazten du, Nafarroan prostituzioaren testuingurua uztea erabakitzen duten emakumeen segurtasun pertsonala eta errekuperazioa bermatzeko.

d) Onuradunak: Nafarroan prostituzioaren testuingurua uztea erabakitzen duten emakumeak.

e) Sartzeko baldintzak:

-Adinez nagusia izatea.

-Prostituzioaren testuingurua uzteko nahia aitortzea.

f) Zerbitzua noiz irekirik: Eguneko 24 orduetan, urteko egun guztietan.

g) Zerbitzuaren intentsitatea:

-Ostatua.

-Mantenua: elikagaiak, eguneroko higienerako elementuak, jantziak eta bizitza normalizatua garatzeko beste gastu komun batzuk.

-Harrera eta lagun egitea.

-Arreta Integraleko Banakako Plana.

h) Egonaldiaren iraupena: urte bat gehienez, luza daitekeena beharrizanen arabera.

i) Onartzen den erabakitzeko epea: hilabete.

j) Ordainketa partekatua: Ez.

k) Jarduketa esparrua: Nafarroako Foru Komunitatea".

Lau.-Paragrafo bat gehitzen zaio ekainaren 17ko 69/2008 Foru Dekretuaren I. eranskineko B multzoko B13 eta B16 letretan eta C) multzoko C4 eta C6 letretan aurreikusitako zerbitzuen d) apartatuari. Testu hau izanen du:

"Salbuespen gisa, 65 urtetik beherako pertsonak sartzen ahalko dira, haien laguntza beharrak zerbitzu horien erabiltzaileen laguntza beharren parekoak direnean".

Bost.-Ekainaren 17ko 69/2008 Foru Dekretuaren Gizarte bazterketa egoeran edo horretarako arriskuan dauden pertsonen arloko F5 zerbitzua ("Kulturarteko bitartekotza egiteko zerbitzua") aldatzen da, eta testu hau izanen du:

"F5. Ijitoekin kulturarteko bitartekaritza komunitarioko zerbitzua.

a) Prestazio mota: bermatua.

b) Baliabide mota: arreta anbulatorioko zerbitzua.

c) Baliabidearen xedea: ijitoen gutxiengo etnikoko pertsonei, zeinek, kulturako eta komunitate-bizikidetzako desberdintasunen ondorioz, baliabide publikoetara iristeko hainbat handicap dituzten, horietara iristeko erraztasuna ematea, eta integrazioko eta kulturarteko bizikidetzako prozesuak laguntzea, prozesu horietan herritar guztiak gehituta.

d) Onuradunak: kultura zailtasunak direla eta gizarte integrazioko arazoak dituzten familia-unitateak, baldin eta horren ondorioz bizikidetzako edo gizarte inklusioko arazoak sortzen badira.

e) Sartzeko baldintzak:

-Nafarroan bizitzea.

-Kulturako edo bizikidetzako arrazoiak direla eta integraziorako zailtasunak izatea eremuotan: gizartean, hezkuntza, osasunaren arloan, lanekoan eta abarretan.

-Esku-hartze espezializatuko baliabide baten premian egotea, kultur desberdintasunak edo gizarte aurreiritziek komunikazioa, zabal ulertuta, trabatzen dutenean.

f) Zerbitzua noiz irekirik: urteko lanegun guztietan, astelehenetik ostiralera.

g) Zerbitzuaren intentsitatea:

-Banakako jarduerak: balorazio eta diagnostiko bat eta beharrezkoak diren esku-hartzeak, kasu bakoitzerako berariazko aurreikusten badira.

-Auzo/talde/komunitate mailako jarduerak: balorazioa, diagnostikoa eta esku-hartzea, gehienez ere 20 ordu kasu bakoitzeko, larritasunaren arabera.

h) Arretarako gehieneko epea: hilabete, eskaera egiten denetik hasita.

i) Ordainketa partekatua: Ez.

j) Jarduketa esparrua: Nafarroako Foru Komunitatea".

Sei.-Zortzigarren xedapen gehigarria eransten zaio uztailaren 17ko 69/2008 Foru Dekretuari. Hona hemen:

"Zortzigarren xedapen gehigarria.-Tutoretzapeko etxebizitzaren/etxebizitza funtzionalaren, etxebizitza gainbegiratuaren eta laguntzadun etxebizitzaren zerbitzuen izenak.

I. eranskineko D9 apartatuan eta II. eranskineko C5 apartatuan jasotzen diren zorroko etxebizitza funtzional/tutoretzapekoaren zerbitzuak intentsitate handiko laguntzadun etxebizitzaren zerbitzuak deituko dira aurrerantzean; E8 apartatuan jasotakoa egoitzarekin lotutako etxebizitza zerbitzua deitutako da eta haren araubidea izanen du; I. eranskineko E7 apartatuan dagoen etxebizitza gainbegiratuko zerbitzuak intentsitate handiko edo intentsitate moderatuko etxebizitza zerbitzua deituko dira, eta II. eranskineko C4 apartatuan jasotakoak intentsitate moderatuko laguntzadun etxebizitza zerbitzuak deituko dira; II. eranskineko C3 eta D1 apartatuetan aipatzen diren etxebizitza laguntzadunaren zerbitzuak hemendik aurrera intentsitate txikiko laguntzadun etxebizitza zerbitzuak deituko dira".

3. artikulua. Gizarte eta osasun arloko arreta integralerako zerbitzu soziosanitarioak.

Gizarte eta osasun arloko arreta integralerako zerbitzu soziosanitarioak onartzen dira, eta foru dekretu honen I. eranskin gisa gehitzen dira, ezartzen diren zerbitzu soziosanitarioekin, eta xedatzen da esperientzia pilotuak ezartzen ahalko direla gobernu erabaki bidez edo bi departamentu eskudunek batera erabakita; hori guztia, gai horri buruzko legezko araudia eginen den Osasunari buruzko Foru Legean jaso arte.

4. artikulua. Migrazio politiken zerbitzuen zorroa.

1. Migrazio politiken zerbitzuen zorroa onartzen da, eta foru dekretu honetara II. eranskin gisa gehitzen da, zerbitzuen sistema publikoan migratzaileen arretarako zenbait prestazio zehazteko, zeinaren aplikazio eremua Nafarroako Foru Komunitate osora hedatzen baita.

2. Zorro honi aplikatuko zaizkio Gizarte Zerbitzu Orokorren Zorroa onesten duen ekainaren 17ko 69/2009 Foru Dekretuaren 2. artikuluan ezarritako definizioak.

Xedapen Indargabetzaile Bakarra. Arauak indargabetzea.

Indargabetuta gelditzen da 209/1991 Foru Dekretua, maiatzaren 23koa, Gizarte Zerbitzuen arloko baimen, lege-hauste eta zehapenen eraentzari buruzkoa, foru dekretu honetan jasota dagoena, honako hauei dagokienez: Adingabeen Arretaren Arloa, tutoretzapeko apartamentuen araubidea, migratzaileentzako arretarekin zerikusia duten zerbitzuak eta emakumeen aurkako indarkeriarekin zerikusia dutenak; bai eta foru dekretu honetan xedatutakoaren aurka dauden maila bereko edo beheragoko arau guztiak ere.

Lehen Xedapen Gehigarria. Zerbitzu soziosanitarioen zorroaren lurralde eremua, administrazio egitura, finantzaketa eta gobernantza.

Foru dekretu honen 2. artikuluan jasotako zerbitzu soziosanitarioen zorroaren lurralde eremua, administrazio egitura, finantzaketa eta gobernantza erregelamendu bidez arautuko dira, osasunaren eta gizarte zerbitzuen arloan eskumena duten departamentuek batera proposatuta.

Bigarren Xedapen Gehigarria. Adinekoen edo nagusiki adinekoen bizitzarako elkarlaneko bizitokien izena.

Adinekoen edo nagusiki adinekoen bizitzarako elkarlaneko bizitokiei buruzko aipamenak adinekoen elkarlaneko bizitokiei buruzkoak direla ulertuko da.

Azken Xedapenetako Lehena. 48/2020 Foru Dekretuaren lehenengo xedapen iragankorra aldatzea (48/2020 Foru Dekretua, uztailaren 15ekoa, zeinaren bidez arautzen baitira oinarrizko gizarte zerbitzuen oinarrizko programak eta finantzaketa sistema).

Uztailaren 15eko 48/2020 Foru Dekretuaren lehenengo xedapen iragankorra aldatzen da, eta testu hau izanen du:

"Sei urteko epean, foru dekretu hau Nafarroako Aldizkari Ofizialean argitaratzen denetik aurrera, foru dekretu honen I. eranskinean aurreikusitako oinarrizko talde profesionalean ezarritako figura profesionalak eduki behar dituzte toki erakundeek".

Azken Xedapenetako Bigarrena. Gizarte Zerbitzuen eta arlo horren gaineko Baimen Berariazkoen Erregistroa arautzen duen maiatzaren 2ko 34/2011 Foru Dekretuaren aldaketa.

Bat.-Maiatzaren 2ko 34/2011 Foru Dekretuaren 2. artikuluari 3. apartatua gehitzen zaio, testu hau izanen duena:

"3. Bi kasuetan, halakotzat hartuko dira berrikuntza egiaztatzeko aldian egindako esperientzia pilotuak".

Bi.-Foru dekretuaren 5. artikuluko 1. apartatuari m) eta n) epigrafeak gehitzen zaizkio, eta testu hau izanen dute:

"m) Zentroari edo zerbitzuari egindako ohiko ikuskapenen emaitza.

n) Pertsonarengan zentratutako arreta eredura egokitzeko edo igarotzeko planak, zentroek edo zerbitzuek indarrean dagoen araudia betez aurkeztutakoak".

Azken Xedapenetako Hirugarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

Iruñean, 2023ko apirilaren 5ean.-Nafarroako Gobernuko lehendakaria, María Chivite Navascués. -Eskubide Sozialetako kontseilaria, María Carmen Maeztu Villafranca.

I. ERANSKINA. GIZARTE ETA OSASUN ARLOKO ARRETA INTEGRALEKO ZERBITZU SOZIOSANITARIOAK (PAISS PROGRAMARI LOTUAK)

I. ERANSKINA

1. artikulua. Xedea.

Eranskin honen xedea arreta integral soziosanitarioko zerbitzu publikoak zedarriztatzea da.

2. artikulua. Arreta integral soziosanitariorako zerbitzua, PAISS programari lotua.

1. Arreta integral soziosanitariorako zerbitzua, PAISS programari lotua, gizarte eta osasun arloko sistema koordinatzeko baterako lan-eremu bat da, eta xedetzat du arreta integrala sortzea bi sistemen aldi bereko esku-hartzeak behar dituzten helduentzat.

Arreta integralerako zerbitzu soziosanitarioaren helburua osasun arreta behar duten pertsonen osoko zaintza bermatzea da, baldin eta pertsona horiek gizarte ikuspegitik bereziki konplexuak edo premiazkoak diren egoeretan badaude, eta gainditu egiten badira horietan osasun eskualde oinarrizkoko lan koordinaturako aukerak.

2. PAISS programari lotutako Zerbitzu Soziosanitarioa aldi baterakoa, intentsiboa eta ordainketa partekaturik gabea izanen da, eta bi mailatan emanen da (egoitzan eta etxean), eguneko arreta eta hartarako garraioa barne.

3. PAISS programari lotutako Zerbitzu Soziosanitarioa gizarte eta osasun arloko beharrak dituzten pertsonentzat da, zeinek zainketak berehala behar baitituzte osasun eta gizarte arloko deskonpentsazio egoerak direla eta. Zehazki, honako hauek hartzen dituzte kontuan bereziki:

a) Ospitaleetatik heldu direnak, zeinek urritasun funtzionala izan baitute (dela ospitaleratzea ekarri zuen lehen gertakariaren ondorioz, dela ospitaleratzearen ondorioz); baldin eta, maila akutu edo azpiakutukoa izan bada ere, lehengoratzeko modukoa bada, eta esku-hartze intentsiboa behar badute bizkortzeko.

b) Beren etxean bizi direnak, baldin eta lehengoratzeko moduko funtzio galera akutua edo azpiakutua badute, eta nahitaez ospitaleratu beharrik ez badute ere, esku-hartze intentsiboa behar badute.

c) Eguneroko bizitzako jardueretarako etengabeko laguntza behar dutenak (hirugarren baten laguntza), baldin eta, gerora sortutako egoera baten ondorioz (izan sanitarioa edo soziala) familiaren edo gizartearen laguntza egokia izateari uzten badiote, eta zainketei premiaz erantzutea behar badute.

4. Zerbitzu bakar batean ere ez da aurreikusten osasun zainketen intentsitate handia behar duen susperraldi egoerarik.

5. Pertsona berak zerbitzu bat edo batzuk jasotzen ahalko ditu aldi desberdinetan; aldi berean ematen ahalko dira, baina, etxeko laguntza zerbitzua eta eguneko egonaldiko zerbitzua, eta eguneko arreta eta garraio zerbitzuak.

3. artikulua. PAISS programari lotutako egoitza zerbitzu soziosanitarioak.

1. Egoitza zerbitzu soziosanitarioen helburua pertsonen beharrei -oinarrizkoei, terapia arlokoei eta soziokulturalei- arreta integrala ematea da. Errehabilitazio funtzionala eta etxera itzultzeko edo egoki iritzitako beste baliabide batzuetara bideratzeko prestatzea nabarmenduko dute bereziki.

2. Zaintzaileen eta erizainen ratioaren arloko gutxieneko eskakizunez gain, izaera soziosanitarioko toki horietan fisioterapiako eta terapia okupazionaleko arreta intentsiboa izan beharko dute.

3. Egoitza zerbitzua hilabetez ematen ahalko da gehienez, betiere salbuespenezko egoera batek hura luzatzea aholkatzen ez badu, eta etengabeko arreta emanen du eguneko hogeita lau orduetan, urteko egun guztietan.

4. artikulua. Eguneko zerbitzu soziosanitarioak eta garraio egokitua, PAISS programari lotuak.

1. Egunean zehar behar pertsonal, terapeutiko eta soziokulturalei oinarrizko arreta ematea da zerbitzu hauen helburua. Zerbitzu horiek errehabilitazio funtzionala nabarmenduko dute bereziki, ohiko ingurunean geldi daitezen laguntzeko, eta zaintzaileei laguntza emateko.

Eguneko arretak garraio egokitua hartzen du barnean, zerbitzura jotzea errazteko.

2. Zaintzaileen eta erizainen ratioaren arloko gutxieneko eskakizunez gain, izaera soziosanitarioko toki horietan fisioterapiako eta terapia okupazionaleko arreta izan beharko dute.

3. Arreta eguneko ordutegian emanen da, eta pertsona bakoitzarentzat hiru hilabete iraunen du gehienez.

5. artikulua. PAISS programari lotutako etxeko zerbitzu soziosanitarioak.

1. Pertsonen etxean ematen diren zerbitzuak dira, eta honako helburu hauek dituzte: eguneroko bizitzako oinarrizko jardueretan eta jarduera instrumentaletan, etxeko lanetan, oinarrizko osasun zaintzetan laguntza ematea edo horietan ordezkatzea; terapia okupazionalaren bidezko gaikuntza, eta familiari edo zaintza sareari laguntza, prestakuntza eta aholkularitza ematea.

2. Zaintzaile profesionalaz gain, terapia okupazionaleko zerbitzuak ere izanen dituzte.

3. Arreta egunero ematen ahalko da, baita jaiegunetan ere; hala bada, arretarako aukera egonen da 8:00etatik 20:00etara, gehienez hilabetez, betiere luzatzea aholkatzen duten salbuespenezko egoerarik ezean.

6. artikulua. Bestelako zerbitzu soziosanitarioak.

Beste zerbitzu soziosanitario batzuen proiektu pilotuak ezartzen ahalko dira, Nafarroako Gobernuaren erabakiaren bidez edo eskumena duten departamentuen baterako foru aginduaren bidez.

II. ERANSKINA. MIGRAZIO POLITIKEN ZERBITZUEN ZORROA

II. ERANSKINA

Migrazioen arloko oinarrizko informazio eta orientazio zerbitzua.

a) Prestazio mota: bermatu gabea.

b) Baliabide mota: arreta anbulatorioko zerbitzua.

c) Baliabidearen xedea da migratzaileei oinarrizko informazioa eta orientazioa eman eta harrera egitea Nafarroara iristen direnean, bai eta migrazio prozesuaren etapa guztietan ere. Arreta prozesuan zehar, haien eskaerak jasoko dira, eta, hala badagokio, antzemandako beharrei hobekien erantzuten dieten zerbitzu eta baliabideetara bideratuko dira.

d) Onuradunak: Nafarroan bizi diren migratzaileak eta gainerako herritarrak.

e) Eskuratzeko baldintzak: ez da baldintzarik behar.

f) Zerbitzua noiz irekirik: urteko lanegun guztietan, astelehenetik larunbatera.

g) Zerbitzuaren intentsitatea:

Banakako jarduerak:

Harrera: hitzordua informatzaileekin.

Oinarrizko orientazioa: 45 minutuko elkarrizketa.

Espedientea sistema informatikoan irekitzea.

Taldeko jarduerak: eskari zehatzaren arabera.

Komunitateko jarduerak: eskari zehatzaren arabera.

h) Onartzen den erabakitzeko epea: bi aste.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

Atzerritartasunaren arloan migratzaileei arreta eta aholkularitza juridikoa emateko zerbitzua.

a) Prestazio mota: bermatua.

b) Baliabide mota: arreta anbulatorioko zerbitzua, Nafarroako gizarte zerbitzuetako alor guztietan dagoena.

c) Baliabidearen xedea: atzerritartasunaren arloko aholkularitza juridikoa ematea migratzaileei eta gainerako herritarrei, atzerritartasun araudiaren ondoriozko prozesu juridiko-administratibo guztietan informatzeko, orientatzeko eta laguntzeko.

d) Onuradunak: atzerritartasun eskubidearekin zerikusia duten gaiekin lotutako informazio, aholkularitza eta laguntza eskaera bat egiten duen edozein pertsona.

e) Sartzeko baldintzak:

-Nafarroan bizitzea.

f) Zerbitzua noiz irekirik: urteko lanegun guztietan, astelehenetik ostiralera.

g) Zerbitzuaren intentsitatea:

Banakako jarduerak:

Informazio eta aholkularitza: 30 minutuko elkarrizketa.

Espedienteak izapidetzea: 55 minutu.

Espedientea sistema informatikoan irekitzea.

Taldeko jarduerak: eskari zehatzaren arabera.

Komunitateko jarduerak: eskari zehatzaren arabera.

Profesionalentzako arreta: eskari zehatzaren arabera.

h) Onartzen den erabakitzeko epea: 7 egun natural.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

Immigratzaileentzako kulturarteko bitartekaritza komunitarioaren zerbitzua.

a) Prestazio mota: bermatua.

b) Baliabide mota: arreta anbulatorioko zerbitzua.

c) Baliabidearen xedea: Immigratzaileei, zeinek, kulturako desberdintasunen ondorioz, baliabide publikoetara iristeko hainbat handicap dituzten, horietara iristeko erraztasuna ematea, eta integrazioko eta kulturarteko bizikidetzako prozesuak laguntzea, prozesu horietan harrera komunitateak gehituta.

d) Onuradunak: hizkuntza zailtasunak edo kultura arloko zailtasunak dituzten immigratzaileak.

e) Sartzeko baldintzak:

-Nafarroan bizitzea.

-Kultur kontuak direla-eta integrazio arazoak izatea gizarte, hezkuntza, osasun eta gisako alorretan.

-Esku-hartze espezializatuko baliabide baten premian egotea, kultur desberdintasunak komunikazioa trabatzen duenean, zabal ulertuta.

f) Zerbitzua noiz irekirik: urteko lanegun guztietan, astelehenetik ostiralera.

g) Zerbitzuaren intentsitatea:

-Banakako jarduerak: balorazio eta diagnostiko bat eta beharrezkoak diren esku-hartzeak, kasu bakoitzerako berariazko aurreikusten badira.

-Auzo/talde/ komunitate mailako jarduerak: balorazioa, diagnostikoa eta esku-hartzea, gehienez ere 20 ordu kasu bakoitzeko, haren larritasunaren arabera.

h) Arretarako gehieneko epea: hilabete, eskaera egiten denetik hasita.

i) Ordainketa partekatua: Ez.

j) Jarduketa esparrua: Nafarroako Foru Komunitatea.

Arrazakeriari eta xenofobiari aurre egiteko arreta-zerbitzua.

a) Prestazio mota: bermatu gabea.

b) Baliabide mota: arrazakeriaren eta xenofobiaren aurka egiteko arreta zerbitzua, arlo juridikotik eta psikologiako eta gizarte eta hezkuntzako arloetatik.

c) Baliabidearen xedea eta definizioa: Zerbitzu honek Nafarroako Foru Komunitatean gertatzen den arrazismo edo xenofobia egoera orori arreta integrala emateko beharrari erantzuten dio, diskriminazio egoerak (arrazagatik, etnia/migratzaile izaeragatik eta intersekzionala) jasaten dituzten pertsona guztiei herritarren eskubide guztietarako sarbidea bermatzeko, eta herritar guztientzat horiek ikusarazteko eta horiei buruzko informazio eta prestakuntza lanak egiteko.

Bulegoan oinarrizko zerbitzu hauek emanen dira gutxienez:

Aholkularitza juridikoa.

Arreta psikosoziala.

Gizarte eta hezkuntza laguntza.

d) Onuradunak:

Etnia edo arraza jatorriagatik diskriminazioa jasan duten pertsona guztiak.

Prebentzioan, detekzioan eta biktimentzako arretan esku hartzen duten profesionalak.

Biktimarioak.

e) Sartzeko baldintzak:

Arrazakeriaren eta Xenofobiaren aurka egiteko arreta zerbitzuak Foru Komunitatean dauden pertsona guztiei emanen die arreta doan eta isilpean, aldez aurretik inolako baldintzarik bete beharrik gabe.

f) Zerbitzua noiz irekirik: urte osoan.

g) Zerbitzuaren edukia:

-Gizarte eta hezkuntza arloko ekintza, pertsonarengan zentratutako arreta integralaren ikuspegitik planteatua, haren eskaerak zainduz eta eskubide urraketak edo diskriminazioak tratatzen diren prozesuan sortzen diren emozioetan lagunduz. Hezkuntza ekintza horrek pertsonak estigma soziala gainditzeko dituen berezko baliabideak indartuko ditu, eta bere burua babesteko eta eskubideak bermatzeko mekanismoak erabiltzeko tresnak emanen dizkio.

-Aholkularitza juridikoa, justizia errestauratiboa, diskriminazio-egoera bakoitza aztertuko da, eta ahalegina eginen da honako hauek detektatzeko/baloratzeko/identifikatzeko, gutxienez ere: diskriminazioaren arrazoia, urratutako oinarrizko eskubidea(k), jarduteko edo ekintza judizialetarako bide posibleak eta Justizia Errestauratiboaren Zerbitzura bideratzeko aukera edo horrekin koordinatzeko aukera.

-Arreta psikosoziala; ebaluazioa eginen da arrazan, etnian, migratzaile izaeran oinarritutako diskriminazioaren eta diskriminazio intersekzionalaren biktima diren pertsonen zaurgarritasun egoera espezifikoetan dauden alderdi psikologikoen edo osasun mentaleko alderdien gainean. Diskriminazioaren biktimarekin adostutako arreta indibidualizatua emanen da, oinarritzat hartuta gertaera traumatikoaren afektazio emozionalei buruzko lana, laguntza psikoedukatiboa, ahalduntzea eta pertsonaren estigmaren aurkako arreta. Arreta hori Osasun Mentaleko Sistema Publikoarekin koordinatuko da.

h) Zerbitzuaren prozedura: oro har, arrazakeriaren aurkako arreta zerbitzuaren prozedurak honako urrats hauek ditu:

Kasu bat Zerbitzura iristea: Lehentasunez, aurrez aurreko hitzordua eskatuz, telefonoz edo telematikoki.

Kasuaren lehen balorazioa: bertan, batez ere, larritasuna eta erreferentziako figura profesionala baloratuko dira.

Arreta motak: banakako, taldeko, komunitateko arreta, eta profesionalentzako arreta.

Premiazko arretak: kasu arrunta, lehentasunezkoa edo lehentasunezko urraketa den baloratu ondotik.

Jarduteko zirkuituak eta prozedurak: lagun egitea gizartearen aurrean, arreta juridikoa eta arreta psikologikoa. Baliabideei buruzko informazioa (bai Migrazio Politiketako eta Justiziako Departamentukoak, bai Nafarroako Gobernuaren beste baliabide batzuk eta hirugarren sektoreko jarduerak).

Ibilbidea: aurretiko informazioa, biktimari arreta ematea, kasuaren erregistroa.

i) Zerbitzura jotzea: Aurretiko hitzorduaren bidez joko da zerbitzura, eta hitzordu hori telefonoz, telematikoki edo aurrez aurre lortzen ahalko da, Funtzionamendu Protokoloan ezarritakoaren arabera. Une oro bermatuko da telefono bidezko arreta zerbitzua irekita dagoen bitartean.

j) Ordainketa partekatua: Ez.

k) Jarduketa esparrua: Nafarroako Foru Komunitatea.

"Kideak" zerbitzua, Nafarroan familia laguntzarik ez duten migratzaile gazteei arreta integrala emateko.

a) Prestazio mota: bermatu gabea.

b) Baliabide mota: arreta anbulatorioko zerbitzua (A modalitatea) eta ingurune irekiko egoitza zerbitzua (B modalitatea).

c) Baliabidearen xedea eta definizioa: Nafarroan familiaren laguntzarik ez duten gazte migratzaileei bizitza autonomorako prestatzeko programa bat eskaintzen zaie zerbitzu honen bidez, emantzipatzeko behar dituzten gaitasunak eskuratu ahal izateko. Bi modalitate daude hura egiteko:

-A) modalitatea: Gizarte eta hezkuntza arloko laguntza eta esku-hartzeak honako gaitasun hauek lortzeko: hizkuntza gaitasunak; prestakuntza eta laneko gaitasunak; gizarte eta harreman arloko gaitasunak; gaitasun psikologiko-emozionalak; gaitasun juridiko-administratiboak.

-B) modalitatea: Ostatua zein gizarte eta hezkuntza laguntza ematea eta esku-hartzeak honako gaitasun hauek lortzeko: hizkuntza gaitasunak; prestakuntza eta laneko gaitasunak; gizarte eta harreman arloko gaitasunak; gaitasun psikologiko-emozionalak; gaitasun juridiko-administratiboak.

d) Onuradunak: 18 eta 23 urte bitarteko gazte migratzaileak, familiaren laguntzarik gabekoak, betiere eskuratzeko baldintzak betetzen badituzte.

e) Sartzeko baldintzak:

-23 urte bitarteko gazte migratzaileak.

-Nafarroan familia laguntzarik ez izatea.

-Zaurgarritasun handiko egoeran egotea.

-Konpromisoa hartzea zerbitzuetan aktiboki eta probetxuz parte hartzeko.

-Hezkuntza eta gizarte laguntza behar izatea, intentsitate txikikoa, gizarteratzeko eta komunitatean bizitza autonomorako gaitasun pertsonalak bereganatu edo ez galtzeko.

-Honako baliabide hauetako batek bideratua izatea:

Adingabeak babesteko sistema.

Oinarrizko Gizarte Zerbitzuak (kasu honetan, Nafarroako Foru Komunitatean bizitzea, gutxienez eskaera aurkezten den data baino sei hilabete lehenagotik).

-Egoitza batean toki bat okupatuko bada, egonaldi laburreko edo ertaineko ostatu bat behar izatea, gizarteratzeko ibilbide bat egin ahal izateko.

-Eskumena duen administrazio unitateak aurrez txostena egitea.

f) Zerbitzua noiz irekirik: urte osoan.

g) Zerbitzuaren edukia:

-Gizarte eta hezkuntza laguntza, gizartearen aurrean lagun eginez, esku-hartze profesionalerako metodo gisa, zeinak, arreta integralaren ikuspegitik, gizarteratzeko prozesuak errazten baititu; ahalduntze pertsonalera eta autonomia printzipiora bideratuta dago, esku hartzeko gida gisa. Esku-hartzea egiteko, esku hartzeko banakako plan bat eginen da, gutxienez honako eremu hauekin:

Hizkuntza-gaitasunak.

Hezkuntza eta prestakuntzakoa - lanekoa.

Gizarte eta harreman arlokoa (gizarte mentoretzaren bidez).

Psikologiko-emozionala.

Juridiko-administratiboa.

Etxebizitza.

-Gizarte mentoretza: gizartean esku hartzeko tresna gisa. Tresna horrek pertsonen arteko harremana sustatzen du, baldin eta pertsona horiek, beren borondatez, beren burua eskaintzen badute baztertze arriskuan dagoen beste pertsona bati laguntza, orientazioa eta akonpainamendua emateko.

-Laguntza psikologikoa: banakako eta taldeko arreta espezializatua eskainiko da; norberaren erritmoak errespetatuko dira, eta prozesu osoan genero eta kulturarteko ikuspegia txertatuta.

-Behar izanez gero, ostatua ematea, gazte bakoitzaren egoeraren arabera baloratu beharreko bizitokietan.

h) Zenbat denbora baliabidean: urtebete. Salbuespen gisa, programako parte-hartzea luzatzen ahalko da, 6 hilabeteko bi alditan, gehienez 2 urte, organo eskudunek aldez aurretik baloratu ondotik.

i) Onartzen den erabakitzeko epea: hilabete.

j) Ordainketa partekatua: Ez.

k) Jarduketa esparrua: Nafarroako Foru Komunitatea.

Iragarkiaren kodea: F2306028

Gobierno de Navarra

Contacte con nosotros | Accesibilidad | Aviso legal | Mapa web