LEXNAVARRA
120/2021 FORU DEKRETUA, ABENDUAREN 29KOA, NAFARROAKO FORU KOMUNITATEKO ADMINISTRAZIOAREN ETA HAREN ERAKUNDE AUTONOMOEN PLANTILLA ORGANIKOA ALDATZEN DUENA.
BON N.º 10 - 14/01/2022
- Hitzaurrea
- Artikulu Bakarra. Plantilla organikoan lanpostu batzuk amortizatzea eta beste batzuk sortzea.
- Azken Xedapenetako Lehena. Foru dekretu hau garatzeko eta betearazteko gaikuntza.
- Azken Xedapenetako Bigarrena. Indarra hartzea.
Nafarroako Foru Komunitateko Administrazioaren Lehendakaritzako, Berdintasuneko, Funtzio Publikoko eta Barneko Departamentuko Nafarroako Gazteriaren Institutua erakunde autonomoak aditzera eman du bere plantilla organikoa aldatu behar dela, benetan dituen beharretara moldatzeko.
Ekonomia eta Ogasun Departamentuko Aurrekontuen, Ondarearen eta Politika Ekonomikoaren Zuzendaritza Nagusiak horren aldeko txostena egin du.
Horrenbestez, Lehendakaritzako, Berdintasuneko, Funtzio Publikoko eta Barneko kontseilariak proposaturik, eta Nafarroako Gobernuak bi mila eta hogeita bateko abenduaren hogeita bederatzian egindako bilkuran harturiko erabakiarekin bat,
DEKRETATZEN DUT:
Artikulu Bakarra. Plantilla organikoan lanpostu batzuk amortizatzea eta beste batzuk sortzea.
Nafarroako Foru Komunitateko Administrazioaren eta haren erakunde autonomoen plantilla organikoa honela aldatzen da:
Bat.-Ondotik adierazten diren lanpostuak amortizatzen dira. Behar den zuzkidura ekonomikoa dute indarreko gastu-aurrekontuaren I. kapituluko partidetan:
LEHENDAKARITZAKO, BERDINTASUNEKO, FUNTZIO PUBLIKOKO ETA BARNEKO DEPARTAMENTUA
Nafarroako Gazteriaren Institutua
-Administrariak: lanpostu huts bat, funtzionarioen araubidekoa, C mailakoa, destinoa Altsasuko “Otadiko Kristo Santua” gazteen aterpetxe eta prestakuntzarako baliabide zentroan duena, eta plantilla organikoan 4985 zenbakia duena.
-Zerbitzu orokorretako langileak: bost lanpostu huts, funtzionarioen araubidekoak, D mailakoak, destinoa Altsasuko “Otadiko Kristo Santua” gazteen aterpetxe eta prestakuntzarako baliabide zentroan dutenak, eta plantilla organikoan 4983, 4984, 4988, 4995 eta 7410 zenbakiak dituztenak.
Bi.-Ondotik adierazten diren lanpostuak sortzen dira. Behar den zuzkidura ekonomikoa dute indarreko gastu-aurrekontuaren I. kapituluko partidetan:
LEHENDAKARITZAKO, BERDINTASUNEKO, FUNTZIO PUBLIKOKO ETA BARNEKO DEPARTAMENTUA
Nafarroako Gazteriaren Institutua
-Gazteriako goi mailako teknikariak: lanpostu huts bat, funtzionarioen araubidekoa, A mailakoa, plantilla organikoan 11441 zenbakia duena.
-Gizarte-hezitzaileak: bi lanpostu huts, funtzionarioen araubidekoak, B mailakoak, plantilla organikoan 11442 eta 11443 zenbakiak dituztenak.
-Erdi mailako tituludunak (administrazioa): lanpostu huts bat, funtzionarioen araubidekoa, B mailakoa, plantilla organikoan 11444 zenbakia duena.
Azken Xedapenetako Lehena. Foru dekretu hau garatzeko eta betearazteko gaikuntza.
Lehendakaritzako, Berdintasuneko, Funtzio Publikoko eta Barneko kontseilariari ahalmena ematen zaio foru dekretu hau garatzeko eta betearazteko behar diren xedapenak eman ditzan.
Azken Xedapenetako Bigarrena. Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
