LEXNAVARRA
56/2018 FORU AGINDUA, ABUZTUAREN 27KOA, KULTURA, KIROL ETA GAZTERIAKO KONTSEILARIAK EMANA, KONTABILITATE PLAN OROKORRA NAFARROAKO KIROL FEDERAZIOETARAKO EGOKITZEKO ARAUAK ONESTEN DITUENA
BON N.º 200 - 16/10/2018
ERANSKINA. KONTABILITATE PLAN OROKORRA NAFARROAKO KIROL FEDERAZIOETARA EGOKITZEKO ARAUAK
Uztailaren 5eko 15/2001 Foru Legeak, Nafarroako Kirolari buruzkoak, 57.2 artikuluan ezartzen duenez, Nafarroako kirol federazioek beren kontabilitatea antolatzeko Kontabilitate Plan Orokorra izanen dute jarraibide, berentzat berariaz moldatua, eta Nafarroako Foru Komunitateko Kirol Administrazioak zehaztuko du noiz izanen dituzten nahitaez aplikatu beharrekoak aipatu arauak. Lege horren beraren 58.2 artikuluan esaten da Nafarroako kirol federazioei fundazioen eta babes jardueren tributu araubidea erregulatzen duen foru araudian aurreikusitako foru araubidea aplikatuko zaiela.
Geroago, apirilaren 14ko 80/2003 Foru Dekretuak, Nafarroako Kirol Erakundeak eta Nafarroako Kirol Erakundeen Erregistroa arautzen dituenak, 52.2 artikuluan ezarri zuen, halaber, Foru Komunitateko Kirol Administrazioak Kontabilitate Plan Orokorra moldatzeko arauak onetsi behar dituela, Nafarroako kirol federazioei aplikatu ahal izateko.
Araudi hori aplikatuta, 91/2003 Foru Agindua onetsi zen, abenduaren 12koa, Gizarte Ongizate, Kirol eta Gazteri kontseilariak emana, Kontabilitate Plan Orokorra Nafarroako kirol federazioei egokitzeko arauak onesten dituena. Foru arau hau egitean, kontuan hartu zen Kontabilitate Plan Orokorra kirol federazioetara egokitzeko arauak onesten dituen Ekonomia eta Ogasun Ministerioaren 1994ko otsailaren 2ko Agindua. Agindu hori egitean, berriz, Espainiako kirol federazioei buruzko abenduaren 20ko 1835/1991 Errege Dekretuaren 29. artikuluan Espainiako kirol federazioei ezarritako betebeharra aintzat hartu zuten.
Foru agindu hau onetsi ondoren, zenbait erakunde motaren kontabilitate betebeharrak arautzen dituen araudia eguneratu egin da:
-1514/2007 Errege Dekretua, azaroaren 16koa, Kontabilitate Plan Orokorra onesten duena (278. Estatuko Aldizkari Ofiziala, azaroaren 20koa).
-1491/2011 Errege Dekretua, urriaren 24koa, Kontabilitate Plan Orokorra irabazi asmorik gabeko entitateetara egokitzeko arauak onesten dituena (283. Estatuko Aldizkari Ofiziala, azaroaren 24koa).
-Ebazpena, 2013ko martxoaren 26koa, Kontabilitatearen eta Kontuen Auditoretzaren Erakundearena, irabazi asmorik gabeko entitate txiki eta ertainen kontabilitate plana onesten duena (85. Estatuko Aldizkari Ofiziala, apirilaren 9koa).
Aurreko horietatik ondorioztatzen da Nafarroako kirol federazioen kontabilitate araudia eguneratu behar dela, kontabilitate arautegiaren esparru orokorra aldatu delako 91/2003 Foru Legea onetsi zenetik. Alde horretatik, kontuan hartuta oraindik ez dela egokitzapen sektorialik izan 2007ko Kontabilitate Plan Orokorreko kirol federazioen esparruan, egokitzapenik egokiena irabazi asmorik gabeko entitateen esparru sektorialarena da, sektore horretan baitaude, bestalde, Nafarroako kirol federazioak, uztailaren 5eko 5/2001 Foru Legearen 58.2 artikuluan xedatu bezala.
Horretarako, proposamena egiten da foru arau bidez onesteko Kontabilitate Plan Orokorra Nafarroako kirol federazioetara egokitzeko arauak, zeinak eranskin moduan jasotzen baitira, 2019. urteari dagokion kontabilitaterako jarriko baitira indarrean, eta Nafarroako kirol federazio guztiei aplikatuko baitzaizkie.
Nafarroako kirol federazioetarako kontabilitate planaren egitura irabazi asmorik gabeko entitate txiki eta ertainen kontabilitate planak duenaren oso antzekoa da, baina edukiak murriztuta dauzka arauaren hartzaileek, pentsatu denaren arabera, gutxiagotan egiten dituzten eragiketetan, eta alderdi zehatz batzuk sinplifikatu egin dira. Gainerako gai-arloetan, irabazi asmorik gabeko entitate txiki eta ertainen kontabilitate planaren edukiak mantentzen dira. Zehazki, honako zati hauek ditu:
-Kontabilitatearen esparru kontzeptuala.
-Erregistro eta balorazio arauak.
-Urteko kontuak.
-Kontuen taula.
-Kontabilitateko definizioak eta erlazioak.
Horrenbestez, espedientean dauden txosten teknikoak eta juridikoak aztertuta, eta Nafarroako Kirol Erakundeak eta Nafarroako Kirol Erakundeen Erregistroa arautzen dituen apirilaren 14ko 80/2003 Foru Dekretuaren 52.2 artikuluak eta azken xedapenetako lehenak, Nafarroako Gobernuari eta Lehendakariari buruzko abenduaren 3ko 14/2004 Foru Legeak eta Kultura, Kirol eta Gazteria Departamentuaren egitura organikoa ezartzen duen irailaren 9ko 199/2015 Foru Dekretuak emandako ahalmenak erabiliz.
AGINDU DUT:
1. Kontabilitate Plan Orokorra Nafarroako kirol federazioetara egokitzeko arauak onestea. Arauen testua eranskin gisa gehitu da.
2. Foru agindu hau aplikagarria izanen dute Nafarroako kirol federazio guztiek beren kontabilitatean, 2019ko kontabilitatetik hasita.
3. Indargabetzea 91/2003 Foru Agindua, abenduaren 12koa, Gizarte Ongizate, Kirol eta Gazteri kontseilariak emana, Kontabilitate Plan Orokorra Nafarroako kirol federazioei egokitzeko arauak onesten dituena.
4. Foru agindu hau eta eranskina Nafarroako Aldizkari Ofizialean argitaratzea, behar diren ondorioak izan ditzaten.
5. Foru agindu honen kontra gora jotzeko errekurtsoa jar daiteke, Nafarroako Gobernuari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluei jarraikiz.
Iruñean, 2018ko abuztuaren 27an.-Kultura, Kirol eta Gazteriako kontseilaria, Ana Herrera Isasi.
ERANSKINA. KONTABILITATE PLAN OROKORRA NAFARROAKO KIROL FEDERAZIOETARA EGOKITZEKO ARAUAK
Nafarroako kirol federazioetarako kontabilitate planaren egitura irabazi asmorik gabeko entitate txiki eta ertainen kontabilitate planak duenaren oso antzekoa da, baina edukiak murriztuta dauzka arauaren hartzaileek, pentsatu denaren arabera, gutxiagotan egiten dituzten eragiketei dagokienez, eta alderdi zehatz batzuk sinplifikatu egin dira. Planak zati hauek ditu:
-Kontabilitatearen esparru kontzeptuala.
-Erregistro eta balorazio arauak.
-Urteko kontuak.
-Kontuen taula.
-Kontabilitateko definizioak eta erlazioak.
Kontabilitatearen esparru kontzeptuala oinarrizko kontzeptu, printzipio eta oinarri batzuek osatzen dute, zeinen betetzeak berekin baitakar urteko kontuetako elementuak aintzatetsi eta balioestea.
Nafarroako kirol federazioek, zer neurri duten kontuan hartuta, balantzea, emaitzen kontua eta memoria egin beharko dituzte, hau da, beren urteko kontuen parte diren dokumentuak.
Kontabilitate arauen aplikazio sistematiko eta erregularraren ondorio izaki, ondarearen, egoera finantzarioaren eta emaitzen irudi zehatza da oraindik ere urteko kontuen helburua. Hori lortzeko, esparru kontzeptualean zehazten da eragiketen kontabilizazioak funts ekonomikoari erantzun behar diola, hori erakutsi behar duela, eta ez bakarrik haiek atontzeko erabilitako forma juridikoa.
Nafarroako kirol federazioen irudi zehatza erakusteko, kontabilitate printzipioak adierazten dira, hau da, funtzionamenduan dagoen entitatea, sortzapena, uniformetasuna, zuhurtasuna, konpentsaziorik eza eta garrantzi erlatiboa, eta 1990eko Kontabilitate Plan Orokorreko sarreren eta gastuen erregistro eta korrelazio printzipio zaharrak, berriz, urteko kontuetako elementuak aintzatesteko irizpide moduan hartzen dira, eta erosketa prezioaren printzipio zaharra balorazio irizpideei buruzko esparru kontzeptualaren atalean jaso da. Azkenik, zuhurtasun printzipioaren nagusitasuna desagertu egiten da, eta gainerako printzipioen maila berean kokatzen.
Nafarroako kirol federazioen urteko kontuek Kontabilitate Plan Orokorrean jasotako elementu berak dituzte: aktiboak, pasiboak, ondare garbia, sarrerak eta gastuak; eta elementuon definizioa berdina da.
Sarrera eta gastu jakin batzuk ondare garbian zuzenean egozteko aukerari dagokionez, entitatearen ondasunean zuzenean egoztea dakarten eragiketek pisu espezifikoa galtzen badute ere, arautik kanpo utzi baitira salmentarako erabil daitezkeen aktibo finantzarioak eta kontabilitate estaldurak, alderdi horri eutsi egiten zaio, ondarera zuzenean eramanen diren eragiketa jakin batzuk daudelako, hala nola kapitaleko diru-laguntzak.
Esparru kontzeptualaren 6. atalean geroago erregistro eta balorazio arauetan aipatzen diren definizioak eta balorazio irizpideak jasotzen dira: kostu historikoa edo kostua, arrazoizko balioa, balio garbi bihurgarria, balio eguneratua, erabilerako balioa, salmenta kostuak, aktibo edo pasibo finantzario bati egotz dakizkiokeen transakzio kostuak, kontabilitate balioa edo liburuetakoa eta hondar balioa.
Horietatik guztietatik, dudarik gabe, berritasun nagusia arrazoizko balioa da, baina, Nafarroako kirol federazioen eremuan, aktiboei eragin diezaieketen narriadurak zehazteko baino ez da erabiliko.
Nafarroako kirol federazioetarako kontabilitate planaren bigarren zatiak ondare elementuen eta transakzioen erregistro eta balorazio arauak jasotzen ditu. Kontabilitate plan hau, alderdiren bat sinplifikatu den edo arau jakin batzuk kendu diren kasu espezifikoetan izan ezik, irabazi asmorik gabeko entitate txiki eta ertainen kontabilitate plana bezala dago idatzita. Kendutako arauei zegozkien alderdiez oro har pentsatzen da ez dutela aplikaziorik edo aplikazioa oso txikia dela eta erabiltzen zailak direla kirol federazioen kasuan.
Ondoren, adierazten da irabazi asmorik gabeko entitate txiki eta ertainen kontabilitate planeko zer arau edo atal kendu diren kontabilitate plan honetan, kirol federazioen neurriaren, konplexutasun mailaren eta ohiko eragiketen errealitatera ongien egokitzeko sinplifikazioaren mesedetan.
-Diru fluxuak sortzen dituzten eta sortzen ez dituzten ibilgetuen arteko bereizketa.
-Inbertsioak ondasun higiezinetan.
-Trukeak.
-Funts sozialerako ibilgetu ekarpenak.
-Lagatako ibilgetuak.
-Ikerketa eta garapen gastuak.
-Merkataritzako funtsa.
-Aktibo ez-arruntak eta salmentarako gordetako elementu multzo besterengarriak.
-Ondare historikoko ondasunak.
-Taldeko eta talde anitzeko enpresen eta enpresa elkartuen ondarean egindako inbertsio finantzarioak; mugaegunera arte mantenduta, negoziatzeko mantenduta eta salmentarako baliagarriak. Hau da, inbertsio finantzarioei dagokienez, kobratu beharreko partidak eta maileguak baino ez dira mantendu, federazioek bestelako inbertsio finantzariorik ez dutela egiten pentsatu delako.
-Aktibo finantzarioen birsailkapena.
-Pasibo finantzarioak, baloreak jaulkitzeagatik, edo negoziatzeko mantenduta. Hau da, pasibo finantzarioei dagokienez, ordaindu beharreko partidak eta zorrak baino ez dira mantendu, pentsatu delako federazioek prozedura horren bidez baino ez dutela lortzen finantziazioa.
-Tresna finantzario konposatuak edo hibridoak.
-Deribatu finantzarioak.
-Berme finantzarioko kontratuak.
-Kontabilitate estaldurak.
-Atzerriko dirua, diru mota horretan dauden altxortegi, zor edo kreditu saldoen balorazioari dagokionez; izan ere, gerta badaiteke ere diru hori atzerrira egindako kirol bidaietan inoiz edo erabiltzea, oso arraroa da federazio batek saldoak izatea atzerriko diruan.
-Urteko kontuak aurkezpen dirura bihurtzea.
-Zerga geroratuen ondoriozko aktiboak eta pasiboak, merkataritzako jardueretatik datozen sarrera eta gastu jakin batzuek zerga ordaindu behar badute ere sozietateen gaineko zergagatik, oso arraroa litzatekeelako denbora-aldeak sortzea.
-Baterako negozioak.
-Taldeko entitateen arteko eragiketak.
-Pasiboak, langileei emandako epe luzeko lansariengatik.
-Ondare tresnetan oinarritutako ordainketekin egindako transakzioak.
-Negozio konbinazioak.
-Bategite eragiketak, bereizketa eragiketak eta diruzkoak ez diren ekarpenak.
-Ekoizpen propioko izakinak.
-Ibilgetu propiorako egindako lanak.
Kontabilitate plan hau aplikatzen duen entitate batek planean arautu gabeko eragiketa bat egiten badu, irabazi asmorik gabeko entitate txiki eta ertainen kontabilitate planeko arau egokietara jo behar du.
Nafarroako kirol federazioetarako kontabilitate planaren hirugarren zatiak urteko kontuak egiteko arauak eta kirol federazioen urteko kontuen ereduak jasotzen ditu. Estatutuek zehaztutako federazio organoak ekitaldia itxi eta hiru hileko epean kontuak adierazteko betebeharra sartzen da. Epe hori ezartzen du araudi orokorrak kontabilitate subjektu guztientzat.
Dokumentu hauek osatzen dituzte urteko kontuak: balantzeak, emaitzen kontuak eta memoriak. Emandako informazio finantzarioan konparagarritasun maila egokia lortzeko, izen zehatzak dituzten eta nahitaez aplikatzekoak diren formatu jakineko eredu batzuk egin dira.
Ikuspuntu orokor batetik, berrikuntza gisa aipa daiteke, halaber, urteko kontuen memorian aurreko ekitaldiari buruzko informazio kuantitatiboa jasotzeko eskaera, bai eta aurreko aldiko zenbateko konparatiboak doitzeko beharra ere, kontabilitate irizpideen aldaketen edo hutsegiteen ondorioz balorazio doikuntzak gertatzen diren neurrian. Zenbakizko informazio konparatiboaz gain, uneko ekitaldiko urteko kontuak ulertzeko garrantzitsua bada, aurreko aldiko informazio deskriptiboa ere jasotzeko eskatzen du arauak.
Aktiboak ez-korronteak eta korronteak dira. Aktibo korrontearen barruan honako hauek daude: entitateak ustiapen ziklo normalean saltzea, kontsumitzea edo gauzatzea espero duen elementuak; espero denaren arabera, urtebeteko epean mugaeguneratu, besterendu edo gauzatuko direnak; negoziatzeko mantendutzat jotakoak; eta eskudirua nahiz berorren baliokideak. Gainerako aktiboak ez-korronteak izanen dira.
Emaitzen kontuari dagokionez, esan behar da ekitaldiko emaitza jasotzen duen dokumentua dela, eta ekitaldiari egotz dakizkiokeen sarrerak eta gastuak bereizten dituela izaeraren arabera sailkatuta.
Bi aldaketak nabarmentzea merezi dute. Lehenik, emaitzen kontu eredua bi zutabekoa izatetik bertikala izatera aldatu da. Bigarrenik, aparteko marjina kendu da, kontuan hartuta nazioarteko kontabilitate arauak, sarrera edo gastu partidak apartekotzat jotzea debekatzen dutelako.
Memoriak aurreko planean baino garrantzi handiagoa hartzen du, eta konparaziozko informazioa, are deskriptiboa ere, emateko betebeharra jasotzen du.
Planaren laugarren zatiak kontuen taula jasotzen du, zeinean sailkapen hamartarrari jarraitzen baitzaio. Ohartarazi behar da balitekeela taulak zenbait hutsune izatea, batez ere ezinezkoa delako kirol federazioen jardueraren inguruko askotariko kasuistika jasotzea; gainera, federazio horiek izan daitezkeen hutsuneak betetzeko ahalmena dute, dauzkaten behar zehatzei ongien egokitzen zaizkien azpikontuak sortuz.
Bosgarren zatia kontabilitateko definizioei eta erlazioei buruzkoa da. Oro har, talde, azpitalde eta kontu bakoitzaren definizioa ematen da, eta bertan haiek adierazten dituzten eragiketen eta egitate ekonomikoen edukia eta ezaugarri nabarmenenak jasotzen dira.
Kontabilitate erlazioek, zentzu hertsian, kontuetan zorduntzeko eta abonatzeko arrazoirik ohikoenak deskribatzen dituzte, kontu bakoitzak onartzen dituen aukerak amaitu gabe. Beraz, kontabilizazioa testuan bereziki azalduta ez daukaten eragiketetan, testuan ezarritako irizpideak erabiliz egin beharko dira kasuan kasuko idazpenak.
Kontabilitate plan honetan, aurrekoarekin alderatuta, honako hauek dira kontzeptuzko aldaketa nagusiak:
a) Aurreko planean, kirol ekitaldietan parte hartzeagatik izandako gastuen zati garrantzitsu bat 65 azpitaldeko kontuetan biltzen dira. Plan berrian, ordea, irizpide hori aldatu egin da, eta lehentasuna ematen zaio gastuak izaeraren arabera erregistratzeari (trofeoen eta kirol materialen erosketak 60 azpitaldean; laguntzaileak 623 kontuan; bidaiak 624 kontuan; hirugarren enpresek fakturatutako antolaketa gastuak 607 kontuan...), eta, horrenbestez, 65 azpitaldeari bestelako erabilera egokitzen zaio, beste entitate edo pertsona fisiko batzuei emandako laguntzengatik izandako gastuak, kreditu galerak eta kudeaketako beste gastu batzuk jasotzen baititu.
b) Sarrera eta gastuetarako azpikontuen xehetasunean, argi bereizi nahi izan dira “administrazio erabileretarako” direla jo daitezkeen kontzeptuak eta “kirol erabileretarako” direla jo daitezkeenak. Horri esker, errazago aztertu ahal izanen da hurrenez hurren kirol federazioen egiturari eta jarduerari dagozkien sarreren eta gastuen kopurua.
c) Nafarroako Kirol Jokoei dagokienez, adierazi behar da gastuak izaeraren arabera kontabilizatu behar direla eta ez, orain arte bezala, 658 kontuan, eta sarrerak 72 azpitaldean sartu direla (Entitatearen sarrera propioak) eta ez, egiten ari zen bezala, 758 kontuan.
d) Aktiboko eta pasiboko kontuen xehetasunean, “lotutako aldeei” dagozkien saldoen bereizte argia egin nahi izan da. Kontzeptuak oso definizio zehatza du Urteko Kontuak Egiteko Arauetan (UKEA hemendik goiti), zehazki 9. UKEAn, aurreko planeko kontzeptutik desberdintzen baita; izan ere, ez dira Espainiako Federazioari lotutzat hartzen gainerako federazio autonomikoak eta federazioko kide diren klubak eta elkarteak, “lotura” (federazioaren finantza eta ustiapen arloko erabakiak hartzean kontrolatzeko edo eragin nabarmena izateko ahalmena) sortzen duen egitatean erori ezean. Uneko planeko “lotutako aldeak” kontzeptuaren edukiak identifikatu eta agerrarazi nahi ditu egoera-orri finantzarioetan federazioko funtsezko langileei, hurbileko senideei nahiz batzuek edo besteek kontrola duten enpresei dagozkien eragiketak eta saldoak. Kontzeptu hori koherentea da kontratu publikoei eta diru-laguntzei buruzko zerga-legedian jasotakoarekin.
LEHENBIZIKO ZATIA
Kontabilitatearen esparru kontzeptuala
1. atala. Urteko kontuak. Irudi zehatza.
Nafarroako kirol federazioen urteko kontuek balantzea, emaitzen kontua eta memoria biltzen ditu.
Memoriak osatu, gehitu eta iruzkindu egiten du balantzean eta emaitzen kontuan dagoen informazioa.
Urteko kontuak argi idatzi behar dira, emandako informazioa ulergarria eta baliagarria izan dadin erabiltzaileentzat erabaki ekonomikoak hartzen dituztenean, eta ondarearen, egoera finantzarioaren eta garatutako jardueraren irudi zehatza erakutsi behar dute. Horretarako, eragiketak kontabilizatzean, haien errealitate ekonomikoa kontuan hartuko da, eta ez bakarrik daukaten forma juridikoa.
Urteko kontuek honako alderdi hauei buruzko informazio adierazgarri eta fidagarria jaso beharko dute:
-Zer neurritan gauzatu diren ekitaldian entitatearen helburuak betetzeko aurreikusitako jarduerak.
-Zer soberakin izan den ekitaldian egindako jardueren ondorioz.
-Entitatearen etorkizuneko bideragarritasunaren adierazgarri, zer aldaketa izan diren entitatearen ondare garbian.
Pentsatzen bada Nafarroako kirol federazioetarako kontabilitate plan honetan jasotako kontabilitate irizpideak, printzipioak eta betebeharrak betetzea ez dela aski aipatu irudi zehatza erakusteko, helburu hori lortzeko behar diren informazio osagarriak emanen dira memorian.
2. atala. Urteko kontuetan sartu beharreko informazioaren betebeharrak.
Urteko kontuetako informazioak garrantzitsua, fidagarria, konparagarria eta argia izan behar du.
Erabaki ekonomikoak hartzeko baliagarria denean da garrantzitsua informazioa. Bereziki, betebehar hori betetzeko, urteko kontuek behar bezala erakutsi behar dute zer neurritan bete diren entitateak, bere jarduerarekin lortu nahi dituen xedeen ondorioz, ekitaldian zehaztutako helburuak.
Akats materialik eta zeharbiderik gabekoa denean eta erabiltzaileek adierazi nahi duenaren irudi zehatza delako konfiantza izan dezaketenean da fidagarria informazioa.
Konparagarri izateak entitateen egoera eta errentagarritasuna erkatzeko aukera eman behar du, eta berekin dakar trataera berdintsua ematea transakzioei eta antzeko egoeretan gertatzen diren gainerako gertaera ekonomikoei.
Bestalde, argitasunak berekin dakar jarduera ekonomikoez eta kontabilitateaz arrazoizko ezagutza daukan erabiltzaile arrunt batek bere iritzia osatu ahal izatea erabakiak hobeki hartzeko.
3. atala. Kontabilitate printzipioak.
Ondoren aipatzen diren kontabilitate printzipioak nahitaez aplikatuz garatuko dira Nafarroako kirol federazioen kontabilitatea eta, bereziki, urteko kontuen elementuen erregistroa eta balorazioa.
1. Funtzionamenduan dagoen entitatea. Federazioaren kudeaketak, besterik frogatu ezean, aurreikus daitekeen etorkizunean jarraituko duela joko da, eta, horregatik, kontabilitate printzipio eta irizpideen xedea ez da ondare garbiaren balioa zehaztea bere eskualdatze osoa edo partziala egiteko, ez eta, likidazioaren kasuan, aterako den zenbatekoa zehaztea ere.
Printzipio hori aplikagarria ez denean, federazioak aktiboa gauzatzeko, zorrak kitatzeko eta, hala egokituz gero, ondoriozko ondare garbia banatzeko eragiketen irudi zehatza emateko balorazio araurik egokienak aplikatuko ditu, eta erabilitako irizpideei buruzko informazio garrantzitsu guztia eman beharko du urteko kontuen memorian.
2. Sortzapena. Transakzioen edo gertaera ekonomikoen ondorioak gertatzen direnean erregistratuko dira, eta urteko kontuak dagozkion ekitaldiari egotziko zaizkio ekitaldiari eragiten dioten gastuak eta sarrerak, noiz ordaindu edo kobratzekoak diren gorabehera.
3. Uniformetasuna. Kasuan-kasuan onartzen diren aukeren artean irizpide bat hautatzen bada, denboran zehar eutsi beharko zaio, eta modu uniformean aplikatu beharko da antzeko egoeretan, ekitaldietan eta transakzioetan, hautatzeko arrazoi izandako hipotesiak aldatzen ez diren bitartean. Baina azken horiek aldatzen badira, bere garaian erabakitako irizpidea aldatu ahal izanen da, eta, hori gertatzen bada, aldaketak memorian jasoko dira, eta aldaketak urteko kontuetan duen eragin kuantitatiboa eta kualitatiboa adieraziko da.
4. Zuhurtasuna. Zuhur jokatu beharko da kalkuluetan eta balorazioetan ziurgabetasuna dagoenean. Zuhurtasunak ez du justifikatzen ondare elementuen balorazioak ez erantzutea urteko kontuek erakutsi beharko duten irudi zehatzari.
Nafarroako kirol federazioetarako kontabilitate plan honetan arrazoizko balioaren aplikazioaz xedatua baztertu gabe, ekitaldia ixten den egunera arte lortutako mozkinak baino ez dira kontabilizatuko. Baina aribideko ekitaldian edo aurreko beste batean sorburu duten arrisku guztiak kontuan hartu beharko dira, haien berri jakin bezain laster, are soil-soilik ikasten badira ere urteko kontuen itxiera egunetik kontuok adierazten diren egunera bitarte. Horrelakoetan, behar den informazioa emanen da memorian, baztertu gabe, pasibo eta gasturen bat sortu denean, urteko kontuak osatzen dituzten beste dokumentu batzuetan ere jasotzea. Salbuespen gisa, arriskuen berri izaten bada urteko kontuak formulatu eta onartu artean, eta oso eragin garrantzitsua badute irudi zehatzean, urteko kontuak berriz formulatu beharko dira.
5. Konpentsaziorik eza. Arau batek berariaz aurkakoa xedatu ezean, aktiboko eta pasiboko partidak nahiz gastuenak eta sarrerenak ezinen dira konpentsatu, eta bereizita baloratuko dira urteko kontuak osatzen dituzten elementuak.
6. Garrantzi erlatiboa. Kontabilitate printzipio eta irizpide batzuen aplikazioa zorrotza ez izatea onartuko da, horrek eragindako aldaketaren garrantzi erlatiboa, kuantitatiboa bezala kualitatiboa ere, oso txikia bada eta, horrenbestez, irudi zehatzaren adierazpena aldatzen ez badu. Oso garrantzi erlatibo gutxiko partidak edo zenbatekoak antzeko izaera edo eginkizuneko beste batzuekin bilduta agertu ahal izanen dira.
Kontabilitate printzipioen artean arazoa dagoenean, urteko kontuek entitatearen ondarearen, egoera finantzarioaren eta emaitzen irudi zehatza emateko egokiena nagusituko da.
4. atala. Urteko kontuetako elementuak.
Geroago ezartzen diren aintzatespen irizpideak betetzen dituztenean, honako elementu hauek erregistratzen dira balantzean:
1. Aktiboak: entitateak ekonomikoki kontrolatzen dituen ondasunak, eskubideak eta bestelako baliabideak dira; entitateak lehenagoko gertaeren ondorioz eskuratu ditu, eta, espero denaren arabera, etorkizunean mozkinak edo errendimendu ekonomikoak emanen dizkiote.
2. Pasiboak: iraganeko gertaeren ondorioz sortutako egungo betebeharrak dira; betebeharrok desagerrarazteko, entitateak espero du etorkizunean mozkinak edo errendimendu ekonomikoak eman ditzaketen baliabideak besterentzea. Ondorio horietarako, hornidurak barruan daudela ulertzen da.
3. Ondare garbia: entitateak, pasibo guztiak kenduta, dauzkan aktiboen hondar zatia da. Bazkideek edo jabeek, dela eratu zenean, dela geroago, funts sozialera egindako ekarpenak sartzen dira, pasibo ez badira, bai eta metatutako emaitzak eta ondareari eragiten dioten beste aldakuntzak ere.
Geroago ezartzen diren aintzatespen irizpideak betetzen dituztenean emaitzen kontuan edo, hala egokituz gero, ondare garbiko aldaketen egoera-orrian zuzenean erregistratzen diren elementuak hauek dira:
1. Sarrerak: ekitaldian zehar entitatearen ondare garbian gertatutako gehikuntzak, aktiboen balioan sarrerak izan direlako edo balioak handitu direlako, edo pasiboak gutxitu direlako, haien jatorria ez badira bazkideek edo jabeek egindako ekarpenak, diruzkoak izan zein ez.
2. Gastuak: ekitaldian zehar entitatearen ondare garbian gertatutako gutxitzeak, aktiboen balioan irteerak izan direlako edo balioak gutxitu direlako, edo pasiboen balioa aintzatetsi edo handitu delako, haien jatorria ez badira bazkideei edo jabeei, hori izateagatik, egindako banaketak, diruzkoak izan zein ez.
Ekitaldiko sarrerak eta gastuak emaitzen kontura egotziko dira, eta emaitzaren parte izanen dira, ondare garbira zuzenean egotzi behar direnean izan ezik, kasu horretan emaitzen kontuan bertan aurkeztuko baitira, ondare garbian izandako aldaketak jasotzeko epigrafeetan, Nafarroako kirol federazioetarako kontabilitate plan honetan aurreikusitakoaren arabera.
5. atala. Urteko kontuetako elementuak kontabilitatean erregistratu edo aintzatesteko irizpideak.
Kontabilitatean erregistratzea edo aintzatestea da urteko kontuetako elementuak balantzera, emaitzen kontura eramatea bakoitzari buruzko erregistro arauetan (kontabilitate plan honen bigarren zatian daude) xedatuaren arabera.
Elementuak erregistratu egin beharko dira, baldin eta, aurreko atalean elementuez emandako definizioa beteta, probabilitate irizpideak betetzen badira berekin mozkinak edo errendimendu ekonomikoak dakartzaten baliabideak lortu edo besterentzean, eta elementuen balioa zehaztasun maila egokiarekin erabakitzen ahal bada. Balioa kalkulatu behar denean, arrazoizko kalkuluak erabiltzeak ez du gutxitzen balioaren fidagarritasuna. Zehazki:
1. Aktiboak balantzean aintzatetsi behar dira, litekeena bada haietatik etorkizunean mozkinak edo errendimendu ekonomikoak ateratzea entitatearentzat, eta zehaztasunez baloratzen ahal badira.
2. Pasiboak balantzean aintzatetsi behar dira, litekeena bada, mugaeguneratzen direnean eta betebeharra kitatzeko, berekin etorkizuneko mozkinak edo errendimendu ekonomikoak dakartzaten baliabideak eman edo utzi behar izatea, eta zehaztasunez baloratzen ahal badira.
3. Sarrera baten aintzatespena entitatearen baliabideak gehitzearen ondorio da, gehikuntzaren zenbatekoa zehaztasunez baloratzen ahal bada.
4. Gastu baten aintzatespena entitatearen baliabideak gutxitzearen ondorio da, gutxitze horren zenbatekoa zehaztasunez baloratzen edo kalkulatzen ahal bada.
Ekitaldi batean sortutako sarrerak eta gastuak ekitaldi horretako urteko kontuetan erregistratuko dira, eta, egokia denean, sarrera eta gastuen arteko korrelazioa ezarriko da, baina horrek ez du inola ere ekarriko aktiboak edo pasiboak erregistratzea, ez badute betetzen dagokien definizioa.
6. atala. Balorazio irizpideak.
Balorazioa prozesu bat da, diruzko balioa esleitzen diona urteko kontuetako elementu bakoitzari, elementuari buruzko balorazio arauetan (Nafarroako kirol federazioetarako kontabilitate plan honen bigarren zatian daude) xedatuaren arabera.
Horretarako, honako balorazio irizpide eta erlazionaturiko definizio hauek kontuan hartuko dira:
1. Kostu historikoa edo kostua.
Aktibo baten kostu historikoa edo kostua bere erosketako prezioa da.
Negozioaren jardun normalean zor bat likidatzeko eskudirutan eta beste aktibo likido baliokide batzuetan ematea espero den zenbatekoa da pasibo baten kostu historikoa edo kostua.
2. Arrazoizko balioa.
Aktibo baten truke eskura daitekeen zenbatekoa edo pasibo bat kitatzeko eman beharrekoa da, eragiketan esku hartzen duten aldeek interesa badute, behar bezala informatuta badaude, eta transakzioa elkarrekiko independentzia egoeran egiten badute. Ez da inola ere arrazoizko baliotzat joko, behartuta, presaka edo nahi gabeko likidazio egoera baten ondorioz egindako transakzio baten ondorio den balioa.
Oro har, merkatu aktibo batean kotizatutako prezioarekiko kalkulatuko da arrazoizko balioa, eta ulertuko da honako baldintza hauek betetzen dituena dela merkatu aktiboa:
a) Merkatuan trukatutako ondasunak edo zerbitzuak homogeneoak dira.
b) Edozein unetan aurki daitezke ondasun edo zerbitzu jakin baten erosleak edo saltzaileak.
c) Prezioak ezagunak eta publikoarentzat erraz ezagutzeko modukoak dira.
Merkatu aktiborik ez duten elementuei dagokienez, prezioen kalkulu errealistenak lortzen dituztela frogatu duten balorazio eredu eta teknikak aplikatuz lortuko da arrazoizko balioa.
Erabilitako balorazio teknikek ahalik gehiena baliatu behar dituzte merkatuari buruzko datu behagarriak eta merkatuan esku hartzen dutenek prezioa ezartzean kontuan hartuko lituzketen beste faktore batzuk, eta ahalik gehiena mugatu kontsiderazio subjektiboen eta behagarriak edo egiaztagarriak ez diren datuen erabilera.
Arrazoizko balioaren bidez baloratu behar denean, elementu batzuk ezin badira zehatz baloratu merkatuko balio bat erreferentzia gisa hartuta edo lehen aipatutako balorazio ereduak eta teknikak aplikatuz, beren kostu historikoan baloratuko dira, kostu hori, hala egokituz gero, beren balioa dela eta egoki litezkeen partida zuzentzaileek gutxituta, eta hori eta horretarako arrazoiak memorian aipatu beharko dira.
3. Balio garbi bihurgarria.
Aktibo baten balio garbi bihurgarria da entitate batek negozioaren jardun normalean aktibo hori merkatuan besterenduta lor dezakeen zenbatekoa, kalkuluen arabera besterentze horretarako behar diren kostuak kenduta.
4. Balio eguneratua.
Negozioaren jardun normalean, aktibo batengatik hartu beharreko edo pasibo batengatik ordaindu beharreko diru fluxuen zenbatekoa da balio eguneratua, deskontu tasa egoki batean eguneratuta.
5. Erabilerako balioa.
Aktibo baten erabilerako balioa da negozioaren jardun normalean aktiboa erabili eta, hala egokituz gero, besterendu edo bestela baliatzearen ondorioz etorkizunean espero diren diru fluxuen balio eguneratua, kontuan hartuta egun duen egoera, eta arriskurik gabeko merkatuko interes tasa batera eguneratuta. Diru fluxuen proiekzioak hipotesi arrazoizko eta funtsatuetan oinarrituko dira.
6. Salmenta kostuak.
Entitateak saltzeko erabakia hartu ezean izanen ez zituzkeen eta aktibo bat saltzearen ondorio zuzena diren gehikuntzazko kostuak dira, gastu finantzarioak eta zergak kenduta. Aktiboaren jabetza besterentzeko egin beharreko legezko gastuak eta salmenta komisioak sartzen dira.
7. Kostu amortizatua.
Aktibo edo pasibo baten hasierako kostua da, amortizatutako edo ordaindutako zatia kenduta, eta data jakin batean likidatu gabe dauden sortutako interesak gehituta.
8. Aktibo edo pasibo finantzario bati egotz dakizkiokeen transakzio kostuak.
Aktibo finantzario bat erosi, jaulki, besterendu edo bestela erabiltzeari edo pasibo finantzario bat jaulki edo bereganatzeari zuzenean egotz dakizkiokeen gehikuntzazko kostuak dira, zeinak ez ziratekeen sortuko entitateak transakzioa egin izan ez balu. Kostu horien artean daude agenteei, aholkulariei eta bitartekariei ordaindutako zerbitzu-sariak eta komisioak, hala nola artesariak, fede emaileak esku hartzearen ondoriozko gastuak eta bestelako batzuk, bai eta transakzioaren gaineko beste eskubide batzuk eta zergak ere, eta kanpoan daude erosketan edo jaulkipenean lortutako deskontuak edo primak, gastu finantzarioak, mantentze kostuak eta barreneko administrazio kostuak.
9. Kontabilitate balioa edo liburuetakoa.
Kontabilitate balioak edo liburuetakoak adierazten du zer zenbateko garbitan dagoen erregistratuta balantzean aktibo edo pasibo bat, kendu ondoren, aktiboen kasuan, metatu den amortizazioa eta gertatutako narriadura metatuaren ondoriozko edozein balio-zuzenketa.
10. Hondar balioa.
Aktibo baten hondar balioak adierazten du entitatearen ustez zenbat diru lor litzakeen une honetan aktiboa saltzeagatik edo bestela erabiltzeagatik, salmenta kostuak kendu ondoren, horretarako kontuan hartuta aktiboak lortuak dituela bere bizitza erabilgarriaren amaieran izanen dituela esperotako antzinatasuna eta gainerako baldintzak.
11. Aktibo baten birjarpen kostua.
Zerbitzu ahalmen edo gaitasun bera duen aktibo bat erosiko balitz ordaindu beharko litzatekeen egungo zenbatekoa da birjarpen kostua.
7. atala. Eskuarki onartutako kontabilitate printzipio eta arauak.
Honako hauetan ezarritakoak joko dira eskuarki onartutako kontabilitate printzipio eta arautzat:
1. Merkataritza Kodea eta gainerako merkataritza legedia.
2. Kontabilitate Plan Orokorra eta egindako egokitzapen sektorialak.
3. Irabazi asmorik gabeko entitate txiki eta ertainen kontabilitate plana.
4. Kontabilitate arloari dagokionez, Kontabilitatearen eta Kontuen Auditoretzaren Erakundeak kasuan-kasuan ezarritako garapen arauak.
5. Berariaz aplikagarria den Espainiako gainerako legedia.
BIGARREN ZATIA
Erregistro eta balorazio arauak
1. EBA Kontabilitatearen esparru kontzeptualaren garapena.
1. Kontabilitate printzipioek eta testu honen lehen zatian, kontabilitatearen esparru kontzeptualari buruzkoan, bilduta dauden beste xedapen batzuek garatzen dituzte erregistro eta balorazio arauak Nafarroako kirol federazioentzat. Zenbait transakziori edo egitate ekonomikori aplika dakizkiekeen irizpideak eta arauak jasotzen dituzte, bai eta zenbait ondare elementuri aplika dakizkiekeenak ere.
Nafarroako kirol federazioetarako kontabilitate plan hau aplikatzen duen entitate batek testu honetan jaso gabeko kontabilitate tratamendua duen eragiketa bat egiten badu, irabazi asmorik gabeko entitate txiki eta ertainen kontabilitate planean jasotako erregistro eta balorazio arau egokietara jo beharko du.
2. Ondoren adierazten diren erregistro eta balorazio arauak nahitaez aplikatu beharrekoak dituzte Nafarroako kirol federazioetarako kontabilitate planaren aplikazio eremuan dauden entitateek.
2. EBA Ibilgetu materiala.
1. Hasierako balorazioa.
Ibilgetu materialaren barruko ondasunak erosketako prezioan baloratuko dira.
Ogasun Publikotik zuzenean berreskuratu ezin direnean baino ez dira erosketako prezioan sartuko ibilgetu materialeko elementuen gaineko zeharkako zergak.
Erabiltzeko moduan egoteko urtebetetik gora behar duten ibilgetuetan, erosketako prezioaren edo produkzio kostuaren barruan sartuko dira ibilgetu materiala funtzionatzeko moduan jarri baino lehen sortu diren eta hornitzaileak igorri dituen gastu finantzarioak, edo maileguei edo zuzenean erosketari, fabrikazioari edo eraikuntzari egotz dakiokeen besteren bestelako finantziazio espezifiko edo generikoren bati dagozkien gastu finantzarioak.
1.1. Erosketako prezioa.
Erosketako prezioaren barruan saltzaileak fakturatutako zenbatekoa sartzen da, deskontu eta prezio gutxitze guztiak kenduta, bai eta aktiboa funtzionatzeko moduan jarri arte egiten diren gastu gehigarri guztiak ere, zuzenean erlazionatuta badaude, lekuan kokatzeko gastuak eta aurreikusi bezala funtzionatu ahal izateko beste eragiketenak barne; besteak beste, lurra berdintzeko eta eraisteko lanen gastuak, garraioak, aduana-zergen eskubideak, aseguruak, instalazioa, muntaketa eta antzekoak.
2. Geroko balorazioa.
Hasierako aintzatespenaren ondoren, ibilgetu materialeko elementuak erosketako prezioan baloratuko dira, amortizazio metatua kenduta, eta, hala egokituz gero, aitortutako narriaduraren ondoriozko balio zuzenketen zenbateko metatua kenduta ere bai.
2.1. Amortizazioa.
Amortizazioak sistematikoki eta arrazionalki erabaki beharko dira, ondasunen bizitza baliagarriaren eta hondar balioaren arabera, funtzionamenduaren, erabileraren eta gozamenaren ondorioz normalean izanen duten balio galera kontuan hartuta, zaharkitze teknikoa edo komertziala ere kontuan hartzea baztertu gabe.
Ibilgetu materialeko elementuen zatiak zein bere aldetik amortizatuko dira, zatiek kostu adierazgarria badute elementuaren kostu osoaren ikuspegitik, eta elementuaren gainerakoarena ez bezalako bizitza baliagarria.
Aktibo baten hondar balioan, bizitza baliagarrian eta amortizazio metodoan aldaketak izaten badira, kontabilitate zenbatespenetan gertatutako aldaketa moduan kontabilizatuko dira, hau da, aurrera begira, akatsa izan ezean.
Aurreko atalean xedatuaren arabera narriaduraren ondoriozko balio zuzenketak aintzatetsi behar direnean, narriatutako ibilgetuaren hurrengo ekitaldietako amortizazioak doitu eginen dira, kontabilitate balio berria kontuan hartuta. Berdin jokatu beharko da narriatzearen ondoriozko balio zuzenketak itzuliz gero.
2.2. Balioaren narriadura.
Ibilgetu materialeko elementu baten kontabilitate balioa zenbateko berreskuragarria baino handiagoa bada, narriatzearen ondorioz jaitsiko da elementuaren balioa, ulertuta balio berreskuragarria bi hauetatik handiena dela: arrazoizko balioa salmenta kostuak kenduta, eta erabilerako kostua.
Ondorio horietarako, ekitaldiaren itxieran behintzat, ibilgetu materialen bat narriatuta egon daitekeelako aztarnak dauden aztertuko du entitateak, eta, hala bada, haren zenbateko berreskuragarria kalkulatu beharko du balio zuzenketa egokiak eginez.
Ibilgetu materialeko elementuak narriatzearen ondoriozko balio zuzenketak, bai eta, zuzenketak egiteko arrazoi izandako egoera desagertzean, narriadurak eragindako galeraren itzulketa ere, emaitzen kontuan aintzatetsiko dira, gastu edo diru-sarrera moduan, hurrenez hurren.
3. Baja.
Ibilgetu materialeko elementuei baja emanen zaie besterentzen edo bestela erabiltzen direnean, edo etorkizunean haietatik mozkinak edo errendimendu ekonomikoak ateratzea espero ez denean.
Aldea badago, hala egokituz gero, ibilgetu materialeko elementu batetik, salmenta kostuak kenduta, lortzen den zenbatekoaren eta elementuaren kontabilitate balioaren artean, alde horrek erabakiko du zer mozkin edo galera izan den elementuari baja ematean, eta aldea baja gertatu den ekitaldiko emaitzen kontuan egotziko da.
3. EBA Ibilgetu materialari buruzko arau bereziak.
Bereziki, kasu bakoitzean aipatzen diren ondasunei buruz ondoren adierazten diren arauak aplikatuko dira:
a) Eraiki gabeko orubeak. Erosketako prezioan honako hauek sartuko dira: egokitzeko lanen gastuak, hala nola itxituren, lur-mugimenduen eta saneamendu nahiz drainatze lanen gastuak; eraikinak eraistekoak, eraitsi beharra badago oin berriko lanak egiteko; ikuskaritza gastuak eta planoenak, erosi baino lehen egiten badira; bai eta, hala egokituz gero, orubea birgaitzeko kostuen ondoriozko uneko betebeharren balio eguneratuaren hasierako zenbatespena ere. Lurrak, mugarik gabeko bizitza dutenez, ez dira amortizatzen.
b) Eraikuntzak. Erosketako prezioa honako hauek osatuko dute: instalazio eta elementu iraunkor guztiek, eraikuntzari atxikitako tasek eta proiektuari nahiz obra zuzendaritzari lotutako eskumeneko ordainsariak. Bereizita baloratu beharko dira lurraren balioa eta eraikinena nahiz bestelako eraikuntzena.
c) Instalazio teknikoak, makineria eta tresneria. Balorazioak funtzionatzeko moduan egon arteko erosketa edo fabrikazio eta eraikuntza gastu guztiak bilduko ditu.
d) Elementu mekanikoei gehitutako tresnei eta erremintei elementu horietan aplikagarriak diren balorazio eta amortizazio arauak egokituko zaizkie.
e) Oro har, kalkuluen arabera urtebetetik beherako erabilera aldia duten tresnak eta erremintak ekitaldiko gastu moduan zordundu beharko dira.
f) Ibilgetu materialeko ondasunak berritu, zabaldu edo hobetzeko kostuak aktiboan jasoko dira ondasunaren balio handiago moduan, aldaketak ondasunaren ahalmena edo produktibitatea handitu edo bizitza baliagarria luzatzen badu, eta baja eman beharko zaio ordeztu diren elementuen kontabilitate balioari.
g) Errentariak egindako inbertsioak, errentan emandako edo erabiltzeko utzitako aktibotik ezin bereiz badaitezke, ibilgetu material moduan kontabilizatuko dira, aktiboaren definizioa betetzen dutenean. Inbertsio horien amortizazioa beren bizitza baliagarriaren arabera eginen da, eta bizitza baliagarri hori errentamendu edo lagapen kontratuaren iraupena izanen da -berritze aldia barne, gertatuko delako ustea indartzen duten ebidentziak daudenean-, aipatu iraupena aktiboaren bizitza ekonomikoa baino txikiagoa izanez gero.
4. EBA Ibilgetu ukiezina.
Ibilgetu materialari dagozkion arauetan jasotako irizpideak ibilgetu ukiezineko elementuei aplikatuko zaizkie, ondoren xedatua eta ibilgetu ukiezinari buruzko arau berezietan aurreikusitakoa baztertu gabe.
1. Aintzatespena.
Ibilgetu ukiezin baten hasierako aintzatespena gertatzeko, ibilgetu horrek, aktiboaren definizioa eta kontabilitatearen esparru kontzeptualean kontabilitate erregistro edo aintzatespenari buruz jasota dauden irizpideak betetzeaz gain, identifikagarritasun irizpidea bete behar du.
Aipatu identifikagarritasun irizpideak esan nahi du ibilgetuak honako baldintza hauetakoren bat bete behar duela:
a) Banangarria izatea, hau da, entitatetik banandu eta saldu, laga, ustiatzeko entregatu, errentan eman edo trukatzeko modukoa.
b) Legezko edo kontratuzko eskubideetatik sortua izatea, eskubide horiek transferigarriak edo entitatetik edo beste eskubide edo betebehar batzuetatik bereizteko modukoak izan zein ez.
Inola ere ez dira ibilgetu ukiezintzat hartuko hastapen gastuak, ez eta markak, bezero zerrendak edo barrenean sortutako antzeko partidak ere.
2. Geroko balorazioa.
Ibilgetu materialerako irizpide berak baliatuko dira. Mugarik gabeko bizitza erabilgarriko ukiezinak ez dira amortizatuko.
5. EBA Ibilgetu ukiezinari buruzko arau bereziak.
Bereziki, kasu bakoitzean adierazten diren ondasun eta eskubideei dagokienez ematen diren arauak aplikatuko dira:
a) Jabetza industriala. Kontzeptu honetan, hirugarrenei kasuan kasuko eskubideak erosteagatik ordaindutako zenbatekoez gain, formalizatzeko eta, hala egokituz gero, erregistratzeko behar diren gastuak kontabilizatuko dira.
b) Eskualdatze eskubideak. Daukaten balioa kostu bidezko erosketa baten ondorioz agerian jartzen denean bakarrik agertzen ahalko dira aktiboan.
c) Aplikazio informatikoak. Ibilgetu ukiezinari buruzko arauaren 1. ataleko aintzatespen irizpideak betetzen dituzten ordenagailu programak aktiboan jasoko dira, bai hirugarrenei erositakoak, bai entitateak berak dauzkan bitartekoak erabiliz beretzat egindakoak, eta azken horien artean web-orriak garatzeko gastuak egonen dira. Inola ere ezin izanen dira aktiboan sartu aplikazio informatikoa mantentzeko gastuak.
d) Beste ibilgetu ukiezin batzuk. Halakotzat aintzatetsi ahal izanen dira balantzean, baldin eta betetzen badituzte kontabilitatearen esparru kontzeptualean jasotako irizpideak eta erregistro eta balorazio arau hauetan zehaztutakoak.
6. EBA Errentamenduak eta antzeko eragiketak.
Errentamendua, arau honen ondorioetarako eta alderdi juridikoa alde batera utzita, edozein akordio da, baldin eta akordio horretan errentatzaileak, diru ordainketa bakar baten edo zenbait ordainketa edo kuotaren truke, aktibo bat denbora jakin batez erabiltzeko eskubidea ematen badio errentariari, errentaria aktibo hori ustiatu edo mantentzeari dagokionez zerbitzu batzuk ematera behartuta geratu zein ez.
Kontratuak kontratua sinatzen duten aldeen egoeren arabera dira errentamendu finantzarioak edo operatiboak, eta, horregatik, errentatzaileak eta errentariak desberdin sailkatzen ahal dituzte.
1. Errentamendu finantzarioa.
1.1. Kontzeptua.
Errentamendu akordio baten baldintza ekonomikoetatik ondorioztatzen bada kontratuaren xede den aktiboaren jabetzari atxikitako arrisku eta onura guztiak funtsean besterentzen direla, akordio hori errentamendu finantzario moduan sailkatu beharko da, eta hurrengo ataletan adierazi bezala erregistratuko da.
Errentamendu akordioan erosteko aukera ere sartzen bada, jabetzari lotutako arrisku eta onura guztiak funtsean besterentzen direla ulertuko da, baldin eta aukera hori erabiliko dela uste izateko arrazoizko zalantzarik ez badago.
Era berean, eta kontrako frogarik izan ezean, transferentzia hori eginen dela ulertuko da, besteak beste, honako kasu hauetan ere, erosteko aukerarik izan ez arren:
a) Aktiboaren jabetzea besterentzen den errentamendu kontratuetan, edo kontratuko baldintzetatik ondorioztatzen bada jabetza errentariari transferituko zaiola errentamendu epea amaitutakoan.
b) Errentamenduaren epeak aktiboaren bizitza ekonomiko osoa edo gehiena hartzen duen kontratuetan, baldin eta hitzartutako baldintzetatik ondorioztatzen bada ekonomikoki arrazoizkoa dela erabiltzeko lagapenari eustea.
c) Errentamenduaren hasieran, errentamendua dela-eta erabakitako gutxieneko ordainketen balio eguneratua errentatutako aktiboaren arrazoizko balio ia osoa bada.
d) Errentamenduaren xede diren aktiboen ezaugarri bereziak direla-eta, aktiboa errentariarentzat baino ez denean baliagarri.
e) Errentariak edozein unetan indargabe dezake errentamendu kontratua, baina errentatzaileak indargabetze horren ondorioz dituen galerak bere egin behar ditu errentariak.
1.2. Errentariaren kontabilitatea.
Errentariak, hasierako unean, daukan izaeraren arabera erregistratuko du aktiboa, ibilgetu materialeko edo ukiezineko elementua den kontuan hartuta, bai eta zenbateko bereko pasibo finantzario bat ere, eta zenbatekoa errentatutako aktiboaren arrazoizko balioa izanen da, hasieran kalkulatuta, errentatzaileak jasanaraz ditzakeen zergak sartu gabe. Gainera, errentariak eragiketagatik hasieran egiten dituen zuzeneko gastuak aktiboaren balio handiagotzat hartu beharko dira.
Karga finantzario osoa errentamenduaren epean zehar banatuko da, eta emaitzen kontura egotziko da sortzen den unean, kontratuko interes tasaren arabera.
Errentariak izaeraren arabera dagozkien amortizazio, narriadura eta baja irizpideak aplikatuko dizkie errentamenduaren ondorioz balantzean aintzatetsi behar dituen aktiboei, eta pasibo finantzarioei buruzko arauaren 3. atalean xedatua, berriz, pasibo finantzarioen bajari.
1.3. Errentatzailearen kontabilitatea.
Errentatzaileak, hasierako unean, kreditu bat aintzatetsiko du, zenbateko hau izanen duena: errentamenduagatik jaso beharreko gutxieneko ordainketen balio eguneratua aktiboaren hondar balioa gehituta, aktiboa bermatuta ez egon arren.
Errentatzaileak baja emanen dio errentatutako ondasunari, eta eragiketaren ondoriozko emaitza aintzatetsiko du, ibilgetu materialari buruzko arauaren 3. atalean xedatuaren arabera.
Balantzeko aktiboan kontabilizatutako kredituaren eta kobratzeko kopuruaren arteko aldea, zeina sortu gabeko interesei baitagokie, interes horiek sortzen diren ekitaldiko emaitzen kontura egotziko da, kontratuko interes tasaren arabera.
2. Errentamendu operatiboa.
Errentatzailearen eta errentariaren arteko akordio bat da, errentatzaileak errentariari aktibo bat denbora jakin batez erabiltzeko eskubidea ematekoa, zenbateko bakar bat edo ordainketa edo kuota batzuk jasotzearen truke, errentamendua finantzarioa izan gabe.
Errentamendu operatiboko akordioen ondorioz errentatzaileari eta errentariari dagozkien sarrerak eta gastuak sortzen diren ekitaldiko sarreratzat eta gastutzat hartuko dira hurrenez hurren, eta emaitzen kontuan egotziko dira.
Operatibotzat jotako errentamendu eskubide bat kontratatzean egiten den kobrantza edo ordainketa oro errentamenduagatik egindako kobrantza edo ordainketa aurreratu gisa tratatuko da, eta errentamendu aldian zehar emaitzetara egotziko da, errentatutako aktiboaren irabazi ekonomikoak utzi edo hartu ahala.
7. EBA Aktibo finantzarioak.
Arau hau ondoren zehazten diren aktibo finantzarioei aplikatzekoa da:
-Eskudirua eta bestelako aktibo likido baliokideak;
-Eragiketa komertzialen ondoriozko kredituak: askotariko erabiltzaileak, bezeroak eta zordunak;
-Hirugarrenentzako kredituak: besteak beste, emandako mailegu eta kreditu finantzarioak;
-Beste aktibo finantzario batzuk, hala nola eratutako ezarpenak, fidantzak eta gordailuak.
Eskudirua edo, bestela, kobrantza eskubidea den edozein aktibo da aktibo finantzarioa.
1. Aintzatespena.
Entitateak aktibo finantzario bat bere balantzean aintzatesteko, aktibo hori kontratuaren edo negozio juridikoaren alde behartu bihurtu behar da kontratu edo negozioan xedatuaren arabera.
2. Balorazioa.
Aktibo finantzarioak, balorazio ondorioetarako, honako kategoria hauetako batean sailkatuko dira:
2.1. Kostu amortizatuko aktibo finantzarioak.
Kategoria honetan kontratuko interes tasa duten aktibo finantzarioak sailkatuko dira, hala nola hirugarrenei emandako maileguak, eperako ezarpenak eta gordailuak...
2.1.1. Hasierako balorazioa:
Kategoria honetako aktibo finantzarioak kostuaren arabera baloratuko dira hasieran, egotz daitezkeen transakzio kostuak barrenean hartu gabe, hasierako aintzatespenaren unean erregistratuko baitira emaitzen kontuan.
2.1.2. Geroko balorazioa:
Kategoria honetako aktibo finantzarioak beren kostu amortizatuaren arabera baloratuko dira. Sortutako interesak emaitzen kontuan kontabilizatuko dira, kontratuko interes tasa aplikatuta.
2.1.3. Balioaren narriadura:
Ekitaldiaren itxieran behintzat, behar diren balio zuzenketak egin beharko dira, objektiboki ikusten bada aktibo finantzario baten balioa narriatu egin dela, hasierako aintzatespenaren ondoren eta beharbada zordunaren kaudimen gabeziaren ondorioz izandako gertaera batek edo batzuek eraginda.
Narriaduraren ondoriozko balio zuzenketak, bai eta narriaduraren itzulketa ere, galera horren zenbatekoa txikitzen bada geroagoko gertaera batekin zerikusia duten kausengatik, gastu edo sarrera gisa aintzatetsiko dira, hurrenez hurren, emaitzen kontuan.
2.2. Aktibo finantzarioak kostuaren arabera.
Kategoria honetan, aurreko kategoriari ez dagozkion aktibo finantzarioak sailkatuko dira, hau da, kontratuko interes tasarik gabeko aktiboak.
2.2.1. Hasierako balorazioa.
Hasieran, kostuaren arabera baloratuko dira. Hasierako balorazioan, hala egokituz gero, lehentasunezko harpidetza eskubideen eta antzekoen zenbatekoa sartuko da.
2.2.2. Geroko balorazioa.
Kostua baloratuko da, kenduta, hala egokituz gero, narriaduraren ondoriozko balio zuzenketen zenbateko metatua.
2.2.3. Balioaren narriadura.
Ekitaldiaren itxieran behintzat, behar diren balio zuzenketak egin beharko dira, objektiboki ikusten bada aktibo finantzario baten balioa narriatu egin dela, hasierako aintzatespenaren ondoren eta beharbada zordunaren kaudimen gabeziaren ondorioz izandako gertaera batek edo batzuek eraginda.
Narriaduraren ondoriozko balio zuzenketak, bai eta narriaduraren itzulketa ere, galera horren zenbatekoa txikitzen bada geroagoko gertaera batekin zerikusia duten kausengatik, gastu edo sarrera gisa aintzatetsiko dira, hurrenez hurren, emaitzen kontuan.
Balio zuzenketaren zenbatekoa liburuetako balioaren eta zenbateko berreskuragarriaren arteko aldea izanen da, eta zenbateko berreskuragarria, berriz, bi balio hauen arteko handiena: arrazoizko balioa salmenta kostuak kenduta, eta inbertsioaren ondoriozko etorkizuneko diru fluxuen balio eguneratua. Merkatu aktibo batean kotizazioa duten aktibo finantzarioak badira, ekitaldiaren itxierako kotizazio balioa izanen da aktibo horien arrazoizko balioa.
3. Aktibo finantzarioen interesak.
Erosketaren ondoren sortutako aktibo finantzarioen interesak sarrera moduan aintzatetsiko dira emaitzen kontuan. Interesak kontratuko interes tasaren sortzapenaren arabera aintzatetsi behar dira, eta dibidenduak, berriz, bazkideak jasotzeko eskubidea duela adierazten denean.
4. Aktibo finantzarioen baja.
Entitateak baja emanen dio aktibo finantzario bati edo haren zati bati aktibotik eratorritako eskubideak iraungitzen direnean edo titulartasuna lagatzen denean, lagatzaileak aktiboaren jabetzari dagozkion arrisku eta onura esanguratsuak laga baditu (esaterako, aktiboen salmenta irmoak edo aktibo finantzarioak arrazoizko balioan berrerosteko itunarekin saltzen direnean).
8. EBA Pasibo finantzarioak.
Arau hau ondoren zehazten diren pasibo finantzarioei aplikatzekoa da:
-Eragiketa komertzialetan egindako zorrak: onuradunak, hornitzaileak eta askotariko hartzekodunak.
-Kreditu-erakundeekin egindako zorrak.
-Bestelako pasibo finantzarioak: hirugarrenekin egindako zorrak, hala nola kreditu erakunde ez diren pertsonengandik edo entitateetatik jasotako mailegu eta kreditu finantzarioak, aktibo ez-korronteak erostean, fidantzetan eta jasotako gordailuetan sortutakoak barne.
1. Aintzatespena.
Entitateak pasibo finantzario bat bere balantzean aintzatesteko, aktibo hori kontratuaren edo negozio juridikoaren alde behartu bihurtu behar da kontratu edo negozioan xedatuaren arabera.
2. Balorazioa.
Pasibo finantzarioak, balorazio ondorioetarako, honako kategoria hauetako batean sailkatuko dira:
2.1. Kostu amortizatuko pasibo finantzarioak.
Kategoria honetan, kontratuko interes tasa duten pasibo finantzarioak sailkatuko dira.
2.1.1. Hasierako balorazioa.
Kategoria honetako aktibo finantzarioak kostuaren arabera baloratuko dira hasieran, hau da, jasotako kontraprestazioaren arrazoizko balioan, egotz daitezkeen transakzio kostuak barrenean hartu gabe, hasierako aintzatespenaren unean erregistratuko baitira emaitzen kontuan.
2.1.2. Geroko balorazioa.
Kategoria honetako pasibo finantzarioak beren kostu amortizatuaren arabera baloratuko dira. Sortutako interesak emaitzen kontuan kontabilizatuko dira, kontratuko interes tasa aplikatuta.
2.2. Pasibo finantzarioak kostuaren arabera.
Kategoria honetan, aurreko kategoriari ez dagozkion pasibo finantzarioak sailkatuko dira, hau da, kontratuko interes tasarik gabeko pasiboak.
Hasierako eta geroko balorazioa: pasibo hauek kostuaren arabera baloratuko dira balantzean baja izan arte, hau da, jasotako kontraprestazioaren arrazoizko balioan, egotz daitezkeen transakzio kostuak barrenean hartu gabe, hasierako aintzatespenaren unean erregistratuko baitira emaitzen kontuan.
3. Pasibo finantzarioen baja.
Entitateak betebeharra azkendu denean emanen dio baja pasibo finantzario bati.
9. EBA. Izakinak.
1. Hasierako balorazioa.
Izakinetan bildutako ondasunak eta zerbitzuak erosketako prezioan baloratuko dira, doan jasotzen direnak izan ezik, arrazoizko balioan baloratuko direlako.
Izakinen gaineko zeharkako zergak Ogasun Publikotik zuzenean ezin berreskura daitezkeenean baino ez dira sartuko erosketa prezioan.
Daukaten kostuan baloratuko dira etorkizuneko izakin horniduren konturako hornitzaileentzako aurrerakinak.
1.1. Erosketako prezioa.
Erosketako prezioak saltzaileak fakturatutako zenbatekoa jasotzen du edozein deskontu, prezio jaitsiera edo antzeko partidak kendu ondoren, eta ondasunak salmentarako kokatuta egon arte gertatutako gastu gehigarri guztiak erantsiko dira, hala nola garraioak, aduanetako arantzelak, aseguruak eta izakinak erosteari zuzenean egotz dakizkiokeen beste batzuk.
1.2. Balioa esleitzeko metodoak.
Beren artean truka daitezkeen ondasun batzuen inbentarioan dauden ondasun zehatzei balioa esleitu behar zaienean, oro har batez besteko prezioaren edo batez besteko kostu haztatuaren metodoa erabiliko da. FIFO metodoa onargarria da, eta aukera daiteke entitateak bere kudeaketarako egokiagoa dela uste badu. Balioa esleitzeko metodo bakarra erabiliko da antzeko izaera eta erabilera duten izakin guztiekin.
Ondasunak elkarren artean trukagarriak ez badira, edo proiektu espezifiko baterako ekoitzi eta bereizi badira, ondasun bakoitzari banan-banan hartuta espezifikoki egotz dakizkiokeen kostuak edo prezioa identifikatuta esleituko da balioa.
2. Geroko balorazioa.
Izakinen balio garbi bihurgarria erosketako prezioa baino txikiagoa bada, balio zuzenketa egokiak eginen dira, eta gastutzat aintzatetsiko emaitzen kontuan.
Hala ere, salmenta edo zerbitzu ematea kontratu irmo baten bitartez egiten denean, geroago betetzeko baldintzarekin, ez da balio zuzenketarik eginen kontratu horren xede diren ondasun edo zerbitzuetan, baldin eta kontratuan ezarritako salmenta prezioak gutxienez ere estaltzen baditu ondasun edo zerbitzu horien kostua eta kontratua egikaritzeko ordaindu beharko diren kostu guztiak.
Izakinen balio zuzenketa eragin zuten arrazoiak desagertzen badira, zuzenketaren zenbatekoa itzuli eginen da, eta sarreratzat hartuko emaitzen kontuan.
10. EBA Balio Erantsiaren gaineko Zerga (BEZ) eta bestelako zeharkako zergak.
Zerga araudiaren arabera, kirol federazioen jarduera gehienak BEZik gabekoak dira, baina baliteke eragiketa batzuetan salbuespen hori ezin baliatzea eta zerga hori ordaindu behar izatea (ondasunen salmenta, federazio jarduerei ez dagozkien zerbitzuak egitea, ikuskizunetarako sarrerak...). Beraz, kasu batzuetan jasandako BEZaren zatiren bat kengarria izanen da.
Jasandako BEZ ez-kengarria aktibo korronteen, ez-korronteen eta zerbitzuen erosketako prezioaren barruan egonen da, zerga hori ezartzen zaien eragiketen xede badira.
Hasierako balorazioak ez dira aldatuko jasandako BEZ ez-kengarrian egindako zuzenketen ondorioz, baldin eta behin betiko hainbanaketak eragindako erregularizatzearen ondorio badira, inbertsio ondasunak direla-eta egindako erregularizatzea barne hartuta. Erregularizatze horien zenbatekoa emaitzen kontuan egotziko da.
Jasanarazitako BEZa ez da egonen zerga hori ezartzen zaien eragiketen ondoriozko sarreraren barruan, eta Ogasun Publikoarekiko zor moduan erregistratuko da.
Arauok, hala egokituz gero, IGIC zergari eta zeharkako beste edozein zergari aplikatuko zaizkie.
11. EBA Onuren gaineko zergak.
Zerga araudiaren arabera, kirol federazioen jarduera gehienak sozietateen gaineko zergarik gabekoak dira, baina baliteke eragiketa batzuetan salbuespen hori ezin baliatzea eta zerga hori ordaindu behar izatea.
1. Zerga korrontearen ondoriozko aktiboak eta pasiboak.
Zerga korrontea da ekitaldi bati dagozkion mozkinaren gaineko zergen edo zergaren likidazio fiskalen ondorioz entitateak ordaintzen duen zenbatekoa.
Zergaren kuotan egindako kenketek eta beste onura fiskal batzuek, atxikipenak eta konturako ordainketak kenduta, eta konpentsa daitezkeen eta ekitaldi honetan aplikatu diren aurreko ekitaldietako galera fiskalek berekin ekarriko dute txikiagoa izatea zerga korrontea.
Aribideko ekitaldiei eta aurrekoei dagokien zerga korrontea pasibo moduan aintzatetsiko da ordaintzeko zain dagoen neurrian. Bestela, ordaindutako zenbatekoa, aribideko ekitaldiari eta aurrekoei dagokiena, handiagoa bada ekitaldi horiei dagokien zerga korrontea baino, gehiegia aktibo moduan aintzatetsiko da.
2. Zerga geroratuaren ondoriozko aktiboak eta pasiboak.
Pentsatzen da ezen, garatutako jardueren izaera eta berekin zerga sortzea ekar lezaketen eragiketen garrantzi txikia direla eta, ezin direla aurkeztu zerga geroratuen ondorioz aktiboak edo pasiboak sortzea eragin lezaketen denbora aldeak edo bestelako zirkunstantziak.
12. EBA Kirol federazioen berezko gastuak eta sarrerak.
1. Gastuak: gertatzen diren ekitaldiko emaitzen kontuan kontabilizatuko dira, korronte finantzarioa noiz gertatzen den gorabehera. Korronte finantzarioa benetakoa baino lehenago gertatzen bada, gastu aurreratua eraginen du, eta hori gastu moduan aintzatetsiko da benetako korrontea gertatzen denean. Gastuaren benetako korrontearen ondorioak zenbait ekitalditan luzatzen badira, dagokion gastua aintzatetsi behar da aldi bakoitzean. Etorkizuneko ekitaldiak antolatzeagatik ordaindutakoak, ibilgetu ondasunei edo antolaketa eskubideei lotuta egon ezean, gertatzen diren ekitaldian zordundu beharko dira.
2. Sarrerak: erabiltzaileen edo afiliatuen kuotak sarrera moduan aintzatetsiko dira dagokien ekitaldian.
13. EBA Saltzearen eta zerbitzuak egitearen ondoriozko sarrerak.
1. Alderdi komunak.
Ondasunak saltzearen eta zerbitzuak ematearen ondorio diren sarrerak saltze edo emate horri lotuta jasotako edo jaso beharreko ordainaren arrazoizko balioan baloratuko dira, eta balio hori, kontrako ebidentziarik izan ezean, ondasun edo zerbitzu horietarako itundutako prezioa izanen da, honako hauek kenduta: edozein deskonturen, prezio jaitsieraren edo entitateak eman ditzakeen antzeko partiden zenbatekoa eta kredituen nominalari erantsitako interesak.
Ondasunen salmentari eta zerbitzuak emateari ezartzen zaizkien zergetan, ez dira sartuko sarreren barruan erakundeak hirugarrenei jasanarazi behar dizkienak, hala nola balio erantsiaren gaineko zerga eta zerga bereziak, ez eta hirugarrenen kontura hartutako kopuruak ere.
Zalantzak badaude saltzeagatik edo zerbitzuak emateagatik sarrerak kobratzeari buruz, kobrantza gertagaitza dela uste den zenbatekoa gastu moduan erregistratuko da, narriaduraren ondoriozko balio zuzenketagatik, eta ez sarrera txikiago gisa.
2. Salmenten ondoriozko sarrerak.
Ondasunen jabetzari atxikitako arrisku eta onura adierazgarriak erosleari transferitu zaizkionean baino ez dira kontabilizatuko ondasunak saltzearen ondorio diren sarrerak, transmisio juridikoa gorabehera.
3. Zerbitzuak egitearen ondoriozko sarrerak.
Zerbitzuak ematearen ondorio diren sarrerak transakzioaren emaitza zehaztasunez kalkulatzen ahal denean aintzatetsiko dira, eta, horretarako, zerbitzuak ekitaldia ixten den egunean duen gauzatze ehunekoa kontuan hartuko da.
14. EBA Hornidurak eta kontingentziak.
1. Aintzatespena.
Entitateak hornidura moduan aintzatetsiko ditu etorkizuneko ordainketa betebeharrak adierazten dituzten pasiboak, betebehar horiek beren zenbatekoari edo indargabetuko diren datari dagokienez zehaztugabeak diren iraganeko gertaeren ondorio badira. Hornidurak lege xedapenek, kontratu xedapenek edo betebehar inplizitu edo tazituek zehaztuta egon daitezke.
Urteko kontuen memorian, informazioa eman beharko da aurreko paragrafoan aipatutako betebeharrak ez bezalakoekin zerikusia duten entitatearen betebehar moduan definitzen diren kontingentziei buruz.
2. Balorazioa.
Une bakoitzean dagoen informazioaren arabera, hornidurak ekitaldia ixten den egunean baloratuko dira, betebeharra indargabetzeko behar den zenbatekoaren denik eta zenbatespenik onenaren balioan, eta hornidura eguneratzearen ondorioz sortzen diren doikuntzak emaitzen kontura egotziko dira.
Betebeharra likidatzeko unean hirugarren batengandik jaso beharreko ordainak ez du berekin ekarriko zorraren zenbatekoa txikitzea, kobrantza eskubide egokia entitatearen aktiboan aintzatestea baztertu gabe, zalantzarik ez badago itzultze hori jasoko dela.
15. EBA Hirugarrenek emandako diru-laguntzak, dohaintzak eta legatuak.
1. Aintzatespena.
Diru-laguntza, dohaintza eta legatu itzulgarriak entitatearen pasibo moduan erregistratuko dira, harik eta ez-itzulgarri bihurtu arte. Ondorio horietarako, ez-itzulgarritzat joko da diru-laguntza, dohaintza edo legatua emateko banan-banako akordio bat badago entitatearen alde, emate horretarako ezarritako baldintzak bete badira, eta arrazoizko dudarik ez badago diru-laguntza, dohaintza edo legatua jasotzeari buruz.
Diru-laguntza, dohaintza eta legatu ez-itzulgarriak ondare garbira zuzenean egotzitako sarrera moduan kontabilizatuko dira, eta sarrera moduan aintzatetsiko emaitzen kontuan, oinarri sistematiko eta arrazional baten gainean, diru-laguntzaren, dohaintzaren edo legatuaren ondoriozko gastuekin koerlazionatuta, arau honetako 3. atalean zehaztutako irizpideen arabera.
Afiliatuek eta elkartuek emandako diru-laguntzak, dohaintzak eta legatuak zuzenean aintzatetsiko dira funts sozialean, berariaz funts sozialerako ekarpen moduan eman badira.
2. Balorazioa.
Diruzko laguntzak, dohaintzak eta legatuak emandako zenbatekoan baloratuko dira, eta diruzkoak ez direnak edo gauzatan emandakoak jasotako ondasunaren arrazoizko balioan.
3. Emaitzetara egozteko irizpideak.
Emaitzen kontuan egozte ondorioetarako, honako mota hauek bereizi beharko dira diru-laguntzetan, dohaintzetan eta legatuetan:
a) Gutxieneko errentagarritasuna ziurtatzeko edo ustiapen defizitak konpentsatzeko ematen badira, ematen diren ekitaldiko sarrera moduan egotziko dira, etorkizuneko ekitaldietako ustiapen defizita finantzatzeko erabili ezean, orduan ekitaldi horietan egotziko baitira.
b) Gastu espezifikoak finantzatzeko ematen badira, sarrera moduan egotziko dira finantzatzen ari diren gastuak sortzen diren ekitaldi berean.
c) Aktiboak eskuratzeko edo pasiboak kitatzeko ematen direnean, kasu hauek bereiz daitezke:
-Ibilgetu ukiezineko, materialeko eta higiezinetako inbertsioetako aktiboak: ekitaldiko sarrera moduan egotziko dira aipatu elementuetarako aldi horretan egindako amortizaziorako zuzkiduraren proportzioan, edo, bestela, besterentzen direnean, narriatzearen ondorioz balio zuzenketak egiten direnean edo balantzean baja ematen zaienean.
-Izakinak: besterentzea, narriatzearen ondoriozko balio zuzenketa edo balantzeko baja gertatzen den ekitaldiko sarrera moduan egotziko dira.
-Aktibo finantzarioak: besterentzea, narriatzearen ondoriozko balio zuzenketa edo balantzeko baja gertatzen den ekitaldiko sarrera moduan egotziko dira.
-Zorren kitapena: kitapena gertatzen den ekitaldiko sarrera moduan egotziko dira, finantziazio espezifiko bati lotuta ematen direnean izan ezik, finantzatutako elementuaren arabera eginen baita egozpena orduan.
d) Xede espezifiko baterako esleitu gabe jasotzen diren diru zenbatekoak aintzatesten diren ekitaldiko sarrera moduan egotziko dira.
16. EBA Kontabilitate irizpideen aldaketak, akatsak eta kontabilitate zenbatespenak.
Kontabilitate irizpide bat aldatzen denean, eta hori uniformetasun printzipioan ezarritakoaren arabera bakarrik egin ahal izanen da, atzeraeraginezko aplikazioa izanen du, eta informazioa dagoen ekitaldi zaharrenetik hasita kalkulatuko da aldaketa horren eragina.
Aplikazio horren ondorio den aurreko ekitaldietako sarrerak edo gastuak eraginda, aktiboen eta pasiboen aldaketen eragin metatuaren ondoriozko doikuntza eginen da irizpide aldaketa gertatzen den ekitaldian, eta doikuntza hori zuzenean egotziko da ondare garbian, funts sozialaren kontuan.
Aurreko ekitaldietako akatsak konpontzean, kontabilitate irizpideen aldaketetarako arau berak aplikatuko dira. Ondorio horietarako, akastzat hartuko dira formulatu zirenean eskura zegoen informazio fidagarria ez erabiltzeagatik edo behar bezala ez erabiltzeagatik aurreko ekitaldietako urteko kontuetan jaso gabe edo oker jasota gelditu ziren datuak.
Hala ere, kontabilitate zenbatespenetan egindako aldaketa izanen dira, dela informazio osagarria eskuratu delako, dela esperientzia handiagoa dagoelako, dela gertaera batzuen berri izan delako, aktiboen edo pasiboen kontabilitate balioan (edo aktibo baten etorkizuneko kontsumoaren zenbatekoan) egiten diren doikuntzak. Kontabilitate zenbatespenen aldaketa aurrera begira aplikatuko da, eta aldaketaren eragina, eragiketaren izaeraren arabera, sarrera edo gastu moduan egotziko da ekitaldiko emaitzen kontura, edo, hala badagokio, zuzenean ondare garbira eramanen da. Etorkizuneko ekitaldietan izan lezakeen eragina ekitaldi horietan zehar egotziko da.
Kontabilitate irizpideak aldatzen direnean, edo aurreko ekitaldietako akatsak zuzentzen, urteko kontuetako memorian horri buruzko informazioa jaso beharko da.
Era berean, memorian kontabilitate zenbatespenetan egindako aldaketak azaldu beharko dira, uneko ekitaldian ondorio esanguratsuak izan badituzte, edo hurrengo ekitaldietan izanen badituzte.
17. EBA Ekitaldia itxi ondorengo gertaerak.
Geroago gertaera batzuek ekitaldia ixtean zeuden egoera batzuk azaleratzen badituzte, kontuan hartu beharko dira urteko kontuak formalizatzean. Geroagoko gertaera horiek, zer-nolakoak diren, urteko kontuetan doikuntza bat egitera, memorian informazioa ematera edo bietara behartuko dute.
Ekitaldia itxi ondorengo gertaerek ekitaldia ixtean ez zeuden egoerak azaleratzen badituzte, ez dute berekin ekarriko urteko kontuak doitu behar izatea. Hala ere, gertaeren garrantzia dela-eta gertaera horien berri ez emateak erabiltzaileek urteko kontuak ebaluatzeko duten gaitasuna murrizten ahal badu, memorian geroagoko gertaeraren izaerari buruzko informazioa eman beharko da, eta ondorioen zenbatespena edo, bestela, hori egin ezinaren azalpena.
Dena dela, urteko kontuak formulatzen direnean, kontuan izan beharko da diharduen entitatearen printzipioaren aplikazioan eragina izan dezakeen informazio oro. Beraz, urteko kontuak ez dira formulatuko printzipio horretan oinarrituta, baldin eta kudeatzaileek, ekitaldi-itxieraren ondoren izan arren, erabakitzen badute erakundea likidatzeko edo jarduerari uzteko asmoa dutela, edo ez dagoela hori baino irtenbide errealistagorik.
HIRUGARREN ZATIA
Urteroko kontuak
Urteko kontuak egiteko arauak
1. UKEA Urteko kontuak osatzen dituzten dokumentuak.
Nafarroako kirol federazioen urteko kontuek balantzea, emaitzen kontua eta memoria biltzen ditu. Dokumentuok batasun bat osatzen dute, eta Nafarroako kirol federazioetarako kontabilitate plan honetan aurreikusitakoaren arabera idatzi beharko dira, entitatearen ondarearen, egoera finantzarioaren eta emaitzen irudi zehatza emateko.
2. UKEA Urteko kontuen formulazioa.
1. Urteko kontuak hamabi hilabetean behin eginen dira, entitatea eratzen, ekitaldiaren itxiera data aldatzen edo entitatea desegiten denean izan ezik.
2. Urteko kontuak Federazio Estatutuek federazioaren administraziorako ahaldundutako organoak formulatu beharko ditu, eta kontuen egiazkotasunaz erantzunen du, ekitaldia itxi eta gehienez ere hiru hileko epean. Ondorio horietarako, urteko kontuek noiz formulatu diren adieraziko dute, eta, gutxienez, aipatu organo horretako presidenteak eta idazkariak sinatu beharko dituzte.
3. Balantzeak, emaitzen kontuak eta memoriak identifikatuta egon beharko dute, eta aipatu agiri horietako bakoitzean argi adierazi behar da zer izen duen, zer entitateri dagokion eta zer ekitaldiri buruzkoa den.
4. Urteko kontuak beren balioak eurotan adierazita eginen dira.
3. UKEA Urteko kontuen egitura.
1. Nafarroako kirol federazioetarako kontabilitate plan hau aplikatzen duten entitateen urteko kontuak planean jasotako ereduetara egokituko dira.
2. Plan honen hirugarren zati honetan jasotzen den memoriaren edukia bete beharreko gutxieneko informazioa da. Gainera, entitateek, plan honetan arautu gabeko eragiketak egiten badituzte, eta irabazi asmorik gabeko entitate txiki eta ertainen kontabilitate planean arautura jo behar badute, plan horretan aipatu eragiketez (merkataritza funtsa, ikerketa eta garapen jarduerak, higiezinetako inbertsioak, tresna finantzario deribatuak, kontabilitate estaldurak, negozio konbinazioak eta ingurumenari buruzko informazioa, besteak beste) ezarritako gutxieneko informazioa jaso beharko dute memorian.
4. UKEA Balantzeak eta emaitzen kontuak komun dituzten arauak.
Arau berezietan xedatua baztertu gabe, balantzea eta emaitzen kontua honako arau hauek kontuan hartuta formulatuko dira:
1. Partida bakoitzean, ixten den ekitaldiko kopuruez gain, aurreko ekitaldikoak ere jaso beharko dira. Ondorio horietarako, kopuru horiek elkarren artean konparagarriak ez badira, egituran aldaketaren bat egin delako, edo kontabilitate irizpideren bat aldatu edo akatsak zuzendu egin direlako, aurreko ekitaldia egokitu beharko da, urteko kontuei dagokien ekitaldiko zifrekin batera aurkezteko, eta horren berri zehatza eman beharko da memorian.
2. Ez da beharrezkoa izanen adieraztea uneko ekitaldian edo aurrekoan zenbatekorik ez duten partidak.
3. Egitura ezin izanen da aldatu ekitaldi batetik bestera, salbuespenez baizik; salbuespenak memorian azaldu beharko dira.
4. Nafarroako kirol federazioetarako kontabilitate plan honetan jasotako ereduetan aurreikusitako partidei beste batzuk gehitzen ahal zaizkie, azken horien edukia daudenetan jasota egon ezean.
5. Ereduetan agertzen diren partidak xehekiago banatu ahal izanen dira.
6. Aurrean zenbaki arabiarra duten partidak multzokatu egin daitezke balantzean, haien zenbatekoak kontuan hartzeko garrantzirik ez badu entitatearen irudi zehatza erakusteko, edo horrela argitasuna areagotzen bada.
7. Behar denean, partida bakoitzak informazio egokiaren erreferentzia gurutzatua izanen du memoriaren barruan.
8. Lotutako pertsona eta entitateekiko kredituak eta zorrak partida egokietan agertuko dira, lotutako aldeei ez dagozkienetatik bereizita.
5. UKEA Balantzea.
Balantzean erakundearen aktiboa, pasiboa eta ondare garbia sartzen dira, behar den bezala bereizita, eta honako hauek kontuan hartuta formulatuko da:
1. Partida korronteak eta ez-korronteak irizpide hauen arabera sailkatuko dira:
a) Aktibo korronteak hauek bilduko ditu:
-Entitatearen ustiapen ziklo normalari lotutako aktiboak, zikloan zehar saltzea, kontsumitzea edo gauzatzea espero badu. Ustiapen ziklo normala ezin bada argi identifikatu, urtebetekoa dela pentsatuko da.
-Aurreko tartekian aipatutakoak ez bezalako aktiboak, espero bada epe laburrean mugaeguneratu, besterendu edo gauzatuko direla, hau da, ekitaldia itxi eta gehienez ere urtebeteko epean. Horrenbestez, aktibo finantzario ez-korronteak korronte moduan birsailkatuko dira dagokien neurrian.
-Eskudirua eta bestelako aktibo likido baliokideak.
Aktiboko gainerako elementuak ez-korronte moduan sailkatuko dira.
b) Epe laburrean, hau da, ekitaldia itxi eta gehienez ere urtebeteko epean, mugaeguneratu edo azkenduko direla espero den betebeharrak izanen ditu pasibo korronteak.
Pasiboko gainerako elementuak ez-korronte moduan sailkatuko dira.
2. Aktibo finantzarioak eta pasibo finantzarioak beren zenbateko garbiarekin aurkezten ahal dira balantzean, bien likidazioa konpentsazio bidez egitea erabaki bada.
3. Narriaduragatik egindako balio zuzenketek eta amortizazio metatuek kasuan kasuko ondare elementua jasotzen duen aktiboko partida txikiagotuko dute.
4. Entitateak, kredituak baditu erabiltzaileekin, bezeroekin edo zordunekin, eta haiek urtebete baino gehiagora mugaeguneratzen badira, A.VI. epigrafea sortuko du aktibo ez-korrontean, “Zordun ez-korronteak” izenarekin.
5. Hirugarrenek emandako diru-laguntza, dohaintza eta legatu ez-itzulgarriak, emaitzetara egotzi gabe badaude, entitatearen ondare garbian izanen dira, A-2 azpitaldean erregistratuta, “Harturiko diru-laguntzak, dohaintzak eta legatuak” izenekoan.
6. Entitateak, zorrak baditu onuradunekin, hornitzaileekin edo hartzekodunekin, eta haiek urtebete baino gehiagora mugaeguneratzen badira, B.V epigrafea sortuko du pasibo ez-korrontean, “Hartzekodun ez-korronteak” izenarekin.
6. UKEA Emaitzen kontua.
Ondare garbian ekitaldian zehar honako kontzeptu hauengatik gertatutako aldaketak jasotzen ditu emaitzen kontuak:
a) Ekitaldiko soberakina.
b) Ondare garbian zuzenean aintzatetsitako sarreren edo gastuen zenbatekoa.
c) Ekitaldiko soberakinera egindako transferentziak edo birsailkapenak.
d) Kontabilitate irizpideetan izandako aldaketen eta akats zuzenketen ondoriozko doitzeak.
e) Funts sozialaren aldaketak.
f) Ondare garbian gertatzen diren gainerako aldaketak.
Kontabilitateko egoera-orri hori honako arau hauek aplikatuta formulatuko da:
1. Ekitaldiko soberakina.
Aldiko emaitza jasotzen du, hau da, aldiko sarrerak eta gastuak, salbu eta, erregistro eta balorazio arauetan adierazitakoaren arabera, ondare garbira zuzenean egotzi behar bada. Honako hauek kontuan hartuta adieraziko da:
a) Sarrerak eta gastuak beren izaeraren arabera sailkatuko dira.
b) “Federazioaren diru-sarrerak”, “Salmentak eta merkataritza jarduerako beste sarrera batzuk” eta “Jarduerako beste diru-sarrera batzuk” partidei dagokien zenbatekoa emaitzen kontuan jasoko da, itzulketen eta deskontuen zenbateko garbia adierazita.
c) “Hornikuntzak” partidak, besteak beste, beste entitate batzuek ekoizpen prozesuan egindako jarduerei dagozkien zenbatekoak jasotzen ditu.
d) Erakundearen helburuak betetzeari edo ustiapen defizitei atxikitako gastuak finantzatzen dituzten jasotako diru-laguntzak, dohaintzak eta legatuak 1.d) partidan adieraziko dira, “Ekitaldiko soberakinera egotzitako diru-laguntzak, dohaintzak eta legatuak” izenekoan, eta ibilgetu ukiezineko edo materialeko aktiboak edo zorren kitapena finantzatzen dituzten diru-laguntzak, dohaintzak eta legatuak emaitzetara egotziko dira, erregistro eta balorazio arauaren arabera, 9 “Ekitaldiko soberakinera aldatutako diru-laguntzak, dohaintzak eta legatuak” partidaren bitartez. “Ekitaldiko soberakinera aldatutako diru-laguntzak, dohaintzak eta legatuak”.
e) Ekitaldiko horniduren itzulketak jasotzen ditu 10 partidak, “Hornidura soberakinak” izenekoak.
f) Jarduerako soberakinaren barruan dago 12 partida, “Beste emaitza batzuk”, eta ezohiko sarrera edo gastu garrantzitsuak biltzen ditu, uholde, sute, isun edo zehapenen ondoriozkoak, adibidez.
2. Ondare garbian zuzenean aintzatetsitako sarrerak eta gastuak, eta ekitaldiko soberakinera egindako birsailkapenak.
Zenbateko gordina erregistratuko da, izan lezaketen zerga eragina partida bereizi batean adierazita.
3. Irizpideak aldatzearen edo akatsak zuzentzearen ondoriozko doikuntzak.
Ekitaldian N-1 ekitaldi konparatiboari dagokion akats bat aurkitzen denean, zuzenketa N-1 ekitaldiko emaitzen kontu konparatiboan jaso beharko da, ekitaldiko soberakinaren barruan, akatsaren izaerari dagokion partidan. Aurkitutako akatsa N-1 konparatiboaren aurreko ekitaldi bati badagokio, akatsaren zuzenketa N-1 ekitaldiko emaitzen kontu konparatiboan jaso beharko da, “Akatsen ondoriozko doikuntzak” partidan. Arau berak aplikatuko dira kontabilitate irizpidearen aldaketei dagokienez.
4. Funts sozialaren aldaketak.
Funts sozialerako ekarpen berriak jasoko dira, bai eta funtsari eragiten dioten eta ondare garbiko beste partida batzuk birsailkatzetik ez datozen bestelako eragiketak ere.
7. UKEA Memoria.
Memoriak urteko kontuak osatzen dituzten beste dokumentuetan jasotako informazioa osatu, gehitu eta iruzkintzen du. Honako hauek kontuan hartuta adieraziko da:
1. Memoriaren ereduak bete beharreko gutxieneko informazioa jasotzen du; hala ere, eskatzen den informazioa adierazgarria ez bada, dagokion atalean “Ez dago”, “Ez da bidezko” edo antzeko iruzkinen bat jasoko da, eta inoiz ere ez dira aldatuko atalen zenbakiak.
2. Memoriaren ereduan jaso gabeko beste edozein informazio adierazi beharko da, beharrezkoa bada entitateak ekitaldian izandako egoera eta jarduera zein izan den jakiteko, eta hobeto ulertzeko aurkeztu behar diren urteko kontuak, entitatearen ondarearen, egoera finantzarioaren eta emaitzen irudi zehatz eman dezaten; bereziki, aurreko ekitaldiko egoerari dagozkion datu kualitatiboak jasoko dira, hori egitea garrantzitsua bada. Gainera, beste araudi batek eskatzen badu beste informazio bat jasotzea urteko kontuen dokumentu horretan, jaso eginen da memorian.
3. Memorian eskatutako informazio kuantitatiboak urteko kontuak dagozkion ekitaldiari buruzkoa izan behar du, bai eta ematen den informazio konparatiboa dagokion ekitaldiaren aurreko ekitaldiari buruzkoa ere, kontabilitate arau batek berariaz aurkakoa esan ezean.
8. UKEA Batez besteko langile kopurua.
Langileen batez besteko kopurua zehazteko, kontuan hartuko dira ekitaldian entitatearekin lan harremana izan duten pertsona guztiak, eta zerbitzuan aritu diren denboraren arabera kalkulatuko da batezbestekoa.
9. UKEA Lotutako aldeak.
1. Alde bat beste bati lotuta dagoela ulertuko da baldin eta aldeetako batek, bakarka edo hitzartuta diharduen multzo bateko kide izanda, kontrol edo eragin garrantzitsua badu, edo zuzenean edo zeharka horretarako ahalmena badu, bestearen finantza eta ustiapen arloko erabakiak hartzen direnean.
2. Nolanahi ere, kirol federazio bati dagokionez, lotutako aldetzat honako hauek hartuko dira:
a) Funtsezko langileak, hau da, erakundearen jarduerak planifikatzen, zuzentzen eta kontrolatzen zuzenean edo zeharka aginpidea eta erantzukizuna dituzten pertsona fisikoak, zeinen artean gobernu organoko kideak baitaude, eta pertsona juridikoen kasuan, berorien ordezkariak, bai eta zuzendaritzako kideak ere. Aipatu pertsona fisiko horien hurbileko senideak ere barruan daude.
b) Aurreko a) letran aipatutako edozein pertsonak, jabe, bazkide, administratzaile edo zuzendaritzako kide izateagatik, adierazgarriki eragin diezaiokeen entitate oro.
3. Arau honen ondorioetarako, entitatearekin zerikusia duten erabakietan pertsona fisikoarengan eragina izan lezaketenak hartuko dira hurbileko senidetzat, edo pertsona fisikoak eragin liezaiekeenak. Horien artean hauek izanen dira:
a) Ezkontidea edo antzeko afektibitate harremana duen pertsona;
b) Aurrekoak, ondorengoak, neba-arrebak, ezkontideak edo antzeko afektibitate harremana duten pertsonak;
c) Ezkontidearen edo antzeko afektibitate harremana duen pertsonaren aurrekoak, ondorengoak eta neba-arrebak;
d) Pertsona fisikoaren, ezkontidearen edo antzeko afektibitate harremana duen pertsonaren ardurapean dauden pertsonak.
4. Aurreko 1 zenbakian adierazitako baldintzak bete ezean, ez dira lotutako aldetzat hartuko Estatuko federazioa, beste lurralde federazioak eta entitateari lotutako klubak eta elkarteak.
| Nafarroako kirol federazioetarako urteko kontuen ereduak I.-Balantzea XX ekitaldia amaitzean. |
| KONTUEN ZENBAKIA | AKTIBOA | MEMORIA OHARRAK | XX | XX-1 |
| A) AKTIBO EZ-KORRONTEA | ||||
| I.-Ibilgetu ukiezina | ||||
| 202, (2802), (2902) | 1. Emakidak | |||
| 203, (2803), (2903) | 2. Jabetza industriala | |||
| 206, (2806), (2906) | 3. Aplikazio informatikoak | |||
| 208, (2808), (2908) | 4. Kirol gertakarien antolaketaren gaineko eskubideak | |||
| 209 | 5. Ibilgetze ukiezinetarako aurrerakinak | |||
| II.-Ibilgetu materiala | ||||
| 210, 211, (2811), (2910), (2911) | 1. Lurrak eta eraikinak | |||
| 212, 213, 214, (2812), (2813), (2814), (2912), (2913), (2914) | 2. Instalazioak, makinak, ekipo teknikoak eta tresneria | |||
| 216, 217, (2816), (2817), (2916), (2917) | 3. Altzariak eta ekipoak informazioa prozesatzeko | |||
| 218, (2818), (2918) | 4. Garraiorako elementuak | |||
| 215, 219, (2815), (2819), (2919), (2915) | 5. Bestelako ibilgetu materiala | |||
| 230 | 6. Aribideko ibilgetu materiala | |||
| 239 | 7. Ibilgetze materialetarako aurrerakinak | |||
| III.-Epe luzerako finantza inbertsioak | ||||
| 262, (298) | 1. Epe luzerako kredituak | |||
| 268, 270, 275 | 2. Epe luzerako beste aktibo batzuk | |||
| B) AKTIBO KORRONTEA | ||||
| I.-Izakinak | ||||
| 300, 302, (390) | 1. Jarduerarako ondasunak | |||
| 325, (392) | 2. Bestelako erosketak | |||
| 407 | 3. Hornitzaileentzako aurrerakinak | |||
| II.-Norberaren jardueraren erabiltzaileak eta beste zordun batzuk | ||||
| 447, 448, 449, (495) | ||||
| III.-Zordun komertzialak eta kobratu beharreko bestelako zorrak | ||||
| 430, 435, 436, (490) | 1. Bezeroak salmentengatik | |||
| 440, 445, 446, (493) | 2. Zordunak zerbitzuengatik | |||
| 460, 464 | 3. Kredituak langileekin | |||
| 470, 471, 472 eta 473 | 4. Kredituak administrazio publikoekin | |||
| 417 | 5. Aurrerakinak hartzekodunei zerbitzuengatik | |||
| IV.-Epe laburrerako finantza inbertsioak | ||||
| 542, 547, (598) | 1. Epe laburreko kredituak | |||
| 551*, 552* | 2. Kredituak lotutako aldeekin | |||
| 548, 565, 566 | 3. Epe laburrerako beste aktibo batzuk | |||
| V.-Epe laburreko periodifikazioak | ||||
| 480 | ||||
| VI.-Esku dirua eta bestelako aktibo likido baliokideak | ||||
| 570, 571, 572 | ||||
| AKTIBOA GUZTIRA (A + B) | ||||
| KONTUEN ZENBAKIA | ONDARE GARBIA ETA PASIBOA | MEMORIA OHARRAK | XX | XX-1 |
| A) ONDARE GARBIA | ||||
| A-1) Funts berekiak | ||||
| I.-Funts soziala | ||||
| 101 | ||||
| II.-Ekitaldiko soberakina | ||||
| 129 | ||||
| A-2) Harturiko diru-laguntza, dohaintza eta legatuak | ||||
| 130, 132 | ||||
| B) PASIBO EZ-KORRONTEA | ||||
| I.-Epe luzerako hornidurak | ||||
| 140 | ||||
| II.-Epe luzerako zorrak | ||||
| 170 | 1. Kreditu entitateekiko zorrak | |||
| 174 | 2. Errentamendu finantzarioaren ondoriozko hartzekodunak | |||
| 171, 172, 173, 180 eta 185 | 3. Epe luzerako bestelako zorrak | |||
| C) PASIBO KORRONTEA | ||||
| I.-Epe laburrerako hornidurak | ||||
| 529 | ||||
| II.-Epe laburrerako zorrak | ||||
| 520, 527 | 1. Kreditu entitateekiko zorrak | |||
| 524 | 2. Errentamendu finantzarioaren ondoriozko hartzekodunak | |||
| 551*, 552* | 3. Zorrak lotutako aldeekin | |||
| 521, 522, 523, 528, 555, 560, 561 | 4. Epe laburrerako beste zor batzuk | |||
| III.-Onuradun hartzekodunak | ||||
| 412 | ||||
| IV.-Hartzekodun komertzialak eta ordaindu beharreko bestelako kontuak | ||||
| 400, 405 | 1. Hornitzaileak erosketengatik | |||
| 410, 415 | 2. Hartzekodunak zerbitzuengatik | |||
| 465 | 3. Zorrak langileekin | |||
| 475, 476, 477 | 4. Zorrak administrazio publikoekin | |||
| 438 | 5. Bezeroen aurrerakinak | |||
| V.-Epe laburreko periodifikazioak | ||||
| 485 | ||||
| ONDARE GARBIA ETA PASIBOA GUZTIRA (A + B+ C) | ||||
| II.-XXko...(e)(a)n amaitutako ekitaldiko emaitzen kontua. |
| KONTUEN ZENBAKIA | MEMORIA OHARRAK | XX | XX-1 | |
| 1. Federazioaren diru-sarrerak | ||||
| 720 | a) Bazkideen eta afiliatuen kuotak | |||
| 721 | b) Erabiltzaileen kuotak | |||
| 722, 723 | c) Lankidetza hitzarmenen eta Kirol Jokoen ondoriozko sarrerak | |||
| 740 | d) Ekitaldiko soberakinera egotzitako diru-laguntzak, dohaintzak eta legatuak | |||
| 728 | e) Laguntzen eta esleipenen itzulketa | |||
| 2. Salmentak eta merkataritza jardueretako beste sarrera batzuk | ||||
| 70 | ||||
| 3. Gastuak, laguntzengatik eta bestelakoengatik | ||||
| 650, 651, 653, 655, 658, 659 | ||||
| (650), (651) | 1. Laguntzak, diruzkoak eta ez-diruzkoak | |||
| (653) | 2. Kuotak | |||
| (658) | 3. Diru-laguntzak itzultzea | |||
| (659) | 4. Kudeaketa arrunteko beste galera batzuk | |||
| 4. Hornidurak | ||||
| 600), (601), (602), 606, 608, 609, | 1. Deskontuen, itzulketen eta “rappel”en erosketa garbiak | |||
| 61* | 2. Izakinen aldakuntza | |||
| (693), 793 | 3. Izakinen narriaduraren aldakuntza | |||
| (607) | 4. Hirugarrenen lanak | |||
| 5. Jarduerako beste diru-sarrera batzuk | ||||
| 75 | ||||
| 6. Langileria gastuak | ||||
| (64) | ||||
| 7. Jarduerako beste gastu batzuk | ||||
| (621) | 1. Errentamenduak eta kanonak | |||
| (622) | 2. Konponketak eta kontserbazioa | |||
| (623) | 3. Profesional independenteen zerbitzuak | |||
| (624) | 4. Bidaia gastuak | |||
| (625) | 5. Aseguru primak | |||
| (626) | 6. Banku zerbitzuak | |||
| (627) | 7. Publizitatea, propaganda eta harreman publikoak | |||
| (628) | 8. Hornidurak | |||
| (629) | 9. Beste zerbitzu batzuk | |||
| (631) | 10. Beste tributu batzuk | |||
| (634), 639 | 11. Zeharkako zergen doikuntzak | |||
| (655), (694), 794 | 12. Galerak eta kreditu komertzialen narriaduraren aldaketa | |||
| 8. Ibilgetuaren amortizazioa | ||||
| (68) | ||||
| 9. Ekitaldiko soberakinera aldatutako diru-laguntzak, dohaintzak eta legatuak | ||||
| 745, 747 | ||||
| 10. Hornidura soberakinak | ||||
| 795 | ||||
| 11. Ibilgetuaren narriadura, eta hura besterentzearen emaitza | ||||
| (670), (671), (690), (691), 770, 771, 790, 791 | ||||
| 12. Beste emaitza batzuk | ||||
| (678), 778 | ||||
| A.1) JARDUERAKO SOBERAKINA (1 + 2 + 3 + 4 + 5 + 6 + 7 + 8 + 9 + 10 + 11 + 12) | ||||
| 762, 769 | 13. Diru-sarrera finantzarioak | |||
| (662), (669) | 14. Finantza gastuak | |||
| (667), (697), (699), 797, 799 | 15. Finantza-tresnen narriadura eta haiek besterentzearen emaitzak | |||
| A.2) FINANTZA ERAGIKETETAKO SOBERAINA (13 + 14 + 15) | ||||
| A.3) SOBERAKINA ZERGEN AURRETIK (A.1 + A.2) | ||||
| (630)* | 16. Etekinen gaineko zerga | |||
| A.4) EKITALDIKO SOBERAKINEAN AINTZATETSITAKO ONDARE GARBIAREN ALDAKETA (A.3 + 16) | ||||
| 17. Harturiko diru-laguntza, dohaintza eta legatuak | ||||
| 18. Ondare garbian onartutako bestelako diru-sarrera eta gastuak | ||||
| B.1) ONDARE GARBIAN ZUZENEAN AINTZATETSITAKO SARREREN ETA GASTUEN ONDORIOZKO ONDARE GARBIAREN ALDAKETA (17 + 18) | ||||
| 19. Ekitaldiko soberakinera transferitutako diru-laguntzak, dohaintzak eta legatuak | ||||
| 20. Ekitaldiko soberakinera transferitutako eta ondare garbian aintzatetsitako beste sarrera eta gastu batzuk | ||||
| B.2) EKITALDIKO SOBERAKINERA EGINDAKO BIRSAILKATZEEN ONDORIOZKO ONDARE GARBIAREN ALDAKETA (19 + 20) | ||||
| B.3) ONDARE GARBIRA ZUZENEAN EGOTZITAKO SARREREN ETA GASTUEN ONDORIOZKO ONDARE GARBIAREN ALDAKETAK | ||||
| C) DOITZEAK, IRIZPIDEA ALDATZEAGATIK | ||||
| D) DOITZEAK, AKATSEN ZUZENKETAGATIK | ||||
| E) FUNTS SOZIALAREN ALDAKETAK | ||||
| F) BESTELAKO ALDAKETAK | ||||
| G) GUZTIZKO EMAITZA, ONDARE GARBIAK EKITALDIAN IZANIKO ALDAKETA (A.4 + B.3 + C + D + E + F) | ||||
| * Zeinu positiboa edo negatiboa izan dezake. | ||||
III.-Memoria.
1. Entitatearen jarduera.
Baztertu gabe 15. oharrean jaso beharreko informazioa, labur deskribatuko dira entitateak estatutuetan jasota dauzkan helburuak eta ekitaldian egindako jarduerak, bai eta helbidea eta jarduerak, helbidean ez bada, non egiten diren ere.
2. Urteko kontuak aurkezteko oinarriak.
1. Irudi zehatza:
a) Entitateak berariaz adierazi beharko du urteko kontuek entitatearen ondarearen, egoera finantzarioaren eta emaitzen irudi zehatza ematen dutela.
b) Ohiz kanpoko arrazoiak, zeinen ondorioz, irudi zehatza erakusteko, ez diren aplikatu kontabilitate arloko lege xedapenak, adierazita zer lege xedapen ez den aplikatu, eta, informazioa aurkezten den ekitaldi bakoitzari dagokionez, zer eragin kualitatibo eta kuantitatibo duen jokabide horrek entitatearen ondarean, egoera finantzarioan eta emaitzetan.
c) Informazio osagarriak, memorian non dauden adierazita, jaso behar badira lege xedapenen aplikazioa nahikoa ez denean irudi zehatza erakusteko.
2. Hautazkoak izanik aplikatutako kontabilitate printzipioak.
3. Ziurgabetasunaren balorazioaren eta zenbatespenaren alderdi kritikoak.
a) Kontabilitate zenbatespenetan gertatutako aldaketen izaera eta zenbatekoa adieraziko dira, uneko ekitaldiari eragiten badiote, edo etorkizuneko ekitaldiei eragin diezaieketela espero bada. Etorkizuneko ekitaldietan izanen duten eragina zenbatetsi ezin denean, ezintasun hori ere adieraziko da.
b) Zuzendaritza ohartzen bada ziurgabetasun handia dagoela entitateak funtzionamendu normala izaten jarraitzeko aukeraz zalantza garrantzitsuak sor ditzaketen gertaera edo egoerei dagokienez, atal honetan emanen du horren berri. Urteko kontuak ez badira prestatzen funtzionamenduan dagoen entitatearen printzipioari jarraituz, hori esplizituki adieraziko da, kontuak prestatzeko erabilitako ordezko hipotesiekin batera, eta funtzionamenduan dagoen entitatetzat ez hartzeko dauden arrazoiak ere azaldu beharko dira.
4. Informazioaren alderaketa.
Hurrengo ataletan kontabilitate irizpideak aldatzeaz eta akatsak zuzentzeaz adierazitakoa baztertu gabe, honako informazio hau jasoko da atal honetan:
a) Balantzearen eta emaitzen kontuaren egitura aldatu bada, hori egiteko salbuespenezko arrazoiak.
b) Ekitaldiko urteko kontuak eta aurreko ekitaldikoak alderatzea eragozten duten arrazoien azalpena.
c) Aurreko ekitaldiko zenbatekoetan alderaketa errazteko egindako egokitzapenaren azalpena, edo bestela, alderaketa egiteko kopuruak berriz adieraztea eragotzi duten ezohiko arrazoien azalpena.
5. Zenbait partidatan jasotako elementuak.
Balantzeko bi partidatan edo gehiagotan erregistratu diren ondare elementuen identifikazioa, elementuen zenbatekoa zein den, partidak zein diren eta partida bakoitzaren zenbatekoa zein den adierazita.
6. Aldaketak kontabilitate irizpideetan.
Ekitaldian kontabilitate irizpideak aldatzearen ondorioz egindako doikuntzen azalpen xehatua, aldaketak informazio zehatzagoa eta adierazgarriagoa ematea zergatik ahalbidetzen duen adierazita.
Atzeraeraginezko aplikazioa ezinezkoa bada, horren berri emanen da, zergatia azalduko da, eta kontabilitate irizpidean egindako aldaketa noiztik aplikatu den adieraziko.
Atal honetan, ez da beharrezkoa izanen informazio konparatiboa jasotzea.
7. Akatsen zuzenketa.
Ekitaldian akatsen zuzenketagatik egindako doikuntzen azalpen xehatua, akatsaren izaera adierazita.
Atzeraeraginezko aplikazioa ezinezkoa bada, horren berri emanen da, zergatia azalduko da, eta akatsa noiztik zuzendu den adieraziko.
Atal honetan, ez da beharrezkoa izanen informazio konparatiboa jasotzea.
3. Ekitaldiko soberakina.
Ekitaldiko soberakina osatzen duten partida nagusien azterketa, haien alderdi garrantzitsuak adierazita.
4. Erregistro eta balorazio arauak.
Partida hauei dagokienez, aplikatutako kontabilitate irizpideak adieraziko dira:
1. Ibilgetu ukiezina; kapitalizatzeko edo aktibatzeko, amortizatzeko eta narriaduragatik balio zuzenketak egiteko erabili diren irizpideak zehaztuta.
2. Ibilgetu materiala; honako hauek direla eta erabilitako irizpideak adierazita: amortizazioa; narriaduraren ondoriozko balio zuzenketak eta zuzendutakoen itzulketa; gastu finantzarioen kapitalizazioa; handitze, modernizatze eta hobetze kostuak; eraisteko edo erretiratzeko kostuak; bai eta aktibo bat dagoen tokia birgaitzeko kostuak ere.
Gainera, errentamendu finantzarioen eta antzeko beste eragiketa batzuen kontratuak kontabilizatzeko irizpideak zehaztuko dira.
3. Aktibo finantzarioak eta pasibo finantzarioak; hauek adieraziko dira:
a) Aktibo finantzarioen eta pasibo finantzarioen kategoriak kalifikatzeko eta baloratzeko nahiz arrazoizko balioaren aldaketak aintzatesteko erabilitako irizpideak.
b) Narriaduraren ebidentzia objektiboa dagoela erabakitzeko, balio zuzenketak eta haien itzulketa erregistratzeko eta aktibo finantzario narriatuei behin betiko baja emateko aplikatu diren irizpideak. Bereziki, zordun komertzialen eta kobratzeko bestelako kontuen balio zuzenketak kalkulatzeko erabilitako irizpideak nabarmenduko dira.
c) Aktibo finantzarioen eta pasibo finantzarioen baja erregistratzeko erabilitako irizpideak.
d) Aktibo eta pasibo finantzarioetatik (interesak, primak edo deskontuak eta abar) datozen sarrerak edo gastuak erabakitzeko erabilitako irizpideak.
4. Izakinak; balorazio irizpideak adierazita eta, bereziki, gastu finantzarioen narriadura eta kapitalizazioaren ondoriozko balio zuzenketetan erabilitakoak zehaztuta.
5. Mozkinen gaineko zergak; adierazita entitateak zergari lotutako eragiketak egiten dituen ala ez, eta, egiten baditu, zer irizpide baliatzen dituen zergaren ondoriozko gastua erregistratzeko.
6. Sarrerak eta gastuak; aplikatutako irizpide orokorrak adierazita. Bereziki, entitateak emandako zerbitzuei dagokienez, sarrerak erabakitzeko erabilitako irizpideak adieraziko dira; zehazki, zerbitzuak ematean izandako gauzatze ehunekoa erabakitzeko erabilitako metodoak aipatuko dira, eta, haien aplikazioa ezinezkoa izan bada, horren berri emanen da.
7. Hornidurak eta kontingentziak; balorazio irizpidea adierazita, bai eta arrisku bakoitza zenbatesteko eta kalkulatzeko metodoa adierazita ere.
8. Diru-laguntzak, dohaintzak eta legatuak; sailkatzeko eta, hala egokituz gero, emaitzetara egozteko erabilitako irizpidea adierazita.
9. Lotutako aldeekin egindako transakzioetan erabilitako irizpideak.
5. Ibilgetu ukiezina eta materiala.
1. Balantzeko epigrafe hauetako bakoitzak eta dagozkien amortizazio metatuek eta balio narriaduraren ondorioz izandako balio zuzenketa metatuek ekitaldian zehar izandako mugimenduaren azterketa, honako hauek adierazita:
a) Hasierako saldoa.
b) Sarrerak.
c) Irteerak.
d) Bukaerako saldoa.
Bere izaeragatik edo zenbatekoagatik epigraferen batek garrantzi berezia izanez gero, horri buruzko informazio gehigarria emanen da.
2. Errentamendu finantzarioak eta aktibo ez-korronteen gaineko antzeko beste eragiketa batzuk. Bereziki honako hauek zehaztuta kontratuko baldintzen arabera: ondasunaren jatorrizko kostua; kontratuaren iraupena; iragandako urteak; aurreko urteetan eta ekitaldian ordaindutako kuotak; ordaintzeko dauden kuotak; eta, hala egokituz gero, erosteko aukeraren balioa.
3. Narriaduraren ondoriozko galerak eta itzulketak. Informazioa emanen da narriadurak eragindako ibilgetuei buruz, bai eta narriaduraren ondoriozko balio zuzenketa horiek aintzatestea eta itzultzea berekin ekarri duten gertaera eta gorabehera nagusiei buruz ere.
4. Informazioa emanen da entitateari utzitako higiezinez eta entitateak utzitakoez, eta uzte bakoitza zer baldintzatan gertatu den zehaztuko da.
6. Norberaren jardueraren erabiltzaileak eta beste zordun batzuk
Aktiboko B.II epigrafea banakatuko da, eta osagai bakoitzaren hasierako saldoa, gehikuntzak, gutxitzeak eta amaierako saldoa adieraziko dira.
7. Onuradun hartzekodunak.
Pasiboko C.III epigrafea banakatuko da, eta osagai bakoitzaren hasierako saldoa, gehikuntzak, gutxitzeak eta amaierako saldoa adieraziko dira.
8. Aktibo finantzarioak.
1. Zazpigarren erregistro eta balorazio arauan aipatutako aktibo finantzarioen kategorietako bakoitzaren liburuetako balioa adieraziko da, eskudiruari dagokionez izan ezik.
Ondorio horietarako, epigrafe bakoitza banakatu eginen da zazpigarren erregistro eta balorazio arauan erabakitako kategoriak kontuan hartuta. Informazioa eman beharko da entitateak zehaztutako motei buruz.
| MOTAK | EPE LUZERAKO AKTIBO FINANTZARIOAK | EPE LABURRERAKO AKTIBO FINANTZARIOAK | GUZTIRA | |||||||||||
| KATEGORIAK | Kredituak eragiketengatik | Hirugarrenentzako kredituak | Beste finantza-aktibo batzuk | Kredituak eragiketengatik | Hirugarrenentzako kredituak | Beste finantza-aktibo batzuk | ||||||||
| x ek. | x-1 ek. | x ek. | x-1 ek. | x ek. | x-1 ek. | x ek. | x-1 ek. | x ek. | x-1 ek. | x ek. | x-1 ek. | x ek. | x-1 ek. | |
| Aktibo finantzarioak kostu amortizatuaren arabera | ||||||||||||||
| Aktibo finantzarioak kostuaren arabera | ||||||||||||||
| GUZTIRA | ||||||||||||||
2. Aktibo finantzario mota bakoitzean, kaudimen gabezia izateko arriskuak eragindako narriaduraren ondoriozko galeren adierazgarri diren kontu zuzentzaileen mugimenduaren azterketa aurkeztuko da.
3. Aktibo finantzarioak beren arrazoizko balioaren arabera baloratzen badira, hauek adieraziko dira:
a) Arrazoizko balioa erabakitzen den, osorik edo zati batean, erreferentzia gisa hartuta merkatu aktiboetan kotizatutako prezioak, edo balorazio ereduak eta teknikak erabiliz zenbatesten den. Azken kasu horretan, aipatu balorazio eredu eta teknika horien oinarri diren hipotesiak adieraziko dira.
b) Aktibo finantzarioen kategoria bakoitzean, arrazoizko balioa eta emaitzen kontuan erregistratutako balio aldaketak.
9. Pasibo finantzarioak.
1. Zortzigarren erregistro eta balorazio arauan aipatutako pasibo finantzarioen kategorietako bakoitzaren liburuetako balioa adieraziko da.
Ondorio horietarako, epigrafe bakoitza banakatu eginen da zortzigarren erregistro eta balorazio arauan erabakitako kategoriak kontuan hartuta. Informazioa eman beharko da entitateak zehaztutako motei buruz.
| MOTAK | EPE LUZERAKO PASIBO FINANTZARIOAK | EPE LABURRERAKO PASIBO FINANTZARIOAK | GUZTIRA | |||||||||||
| KATEGORIAK | Zorrak eragiketengatik | Zorrak kreditu entitateekin | Bestelako pasibo finantzarioak | Zorrak eragiketengatik | Zorrak kreditu entitateekin | Bestelako pasibo finantzarioak | ||||||||
| x ek. | x-1 ek. | x ek. | x-1 ek. | x ek. | x-1 ek. | x ek. | x-1 ek. | x ek. | x-1 ek. | x ek. | x-1 ek. | x ek. | x-1 ek. | |
| Pasibo finantzarioak, kostu amortizatukoak | ||||||||||||||
| Pasibo finantzarioak kostuaren arabera | ||||||||||||||
| GUZTIRA | ||||||||||||||
2. Honako hauei buruzko informazioa:
a) Ekitaldia itxi ondorengo bost urteetako bakoitzean mugaeguneratzen diren zorren zenbatekoa, eta gainerakoena beren azken mugaegunera arte. Ohar horiek bereizita agertuko dira zorrei dagozkien epigrafe eta partidetako bakoitzerako, balantze ereduaren arabera.
b) Berme erreala duten zorren zenbatekoa, bakoitzaren forma eta izaera adierazita.
c) Lotutako aldeekiko zorren zenbatekoa, saldoaren jatorrian dauden eragiketen izaera adierazita.
3. Ekitaldiaren itxieran ordaindu gabe dauden maileguei buruz, hauek adieraziko dira:
a) Ekitaldian zehar printzipala edo interesak ordaindu gabe utzi badira, ez-ordaintzearen xehetasunak.
b) Ez-ordaintzea konpondu den edo maileguaren baldintzak birnegoziatu diren, urteko kontuak formulatu aurretik.
10. Funts propioak.
1. Funts sozialak ekitaldian zehar izandako mugimenduaren azterketa, eskema hau kontuan hartuta:
a) Hasierako saldoa.
b) Funts sozialaren handitzeak.
c) Funts sozialaren txikitzeak.
d) Bukaerako saldoa.
2. Ekitaldian funts sozialera egindako ekarpenak, diruzkoak eta ez-diruzkoak bereizita, eta gauzatu gabe egon litezkeen ordainketen galdagarritasun eguna adierazita.
3. Funts sozialari edo aplikatu gabe dagoen ekitaldiko emaitzari ez dagozkion funts propioetako edozein partidaren banakatzea.
11. Egoera fiskala.
1. Onuren gaineko zergak.
a) Entitateak egindako eragiketen artean, sozietateen gaineko zergari lotuta eta zerga horretatik salbuetsita ez dauden eragiketak daudenetz adieraztea.
b) Oinarri zergagarri negatiboen zerga berreskurapenerako aurreikusitako epea eta antzinatasuna.
c) Ekitaldian aplikatutako zerga pizgarriak, eta haiei dagokienez hartutako konpromisoak.
d) Mozkinen gaineko zergaren ondoriozko hornidurak, bai eta kontingentzia fiskalak eta itxieraren ondorengo gertaerak ere, gertaerok berekin ekartzen badute erregistratutako aktibo eta pasibo fiskalei eragiten dien zerga araudia aldatzea. Bereziki, egiaztatzeko dauden ekitaldiei buruzko informazioa emanen da.
e) Egoera fiskalari dagokion funtsezko beste edozein gorabehera.
2. Beste tributu batzuk.
Informazioa emanen da beste tributu batzuei dagokien funtsezko edozein gorabeherari buruz; bereziki, edozein kontingentzia fiskali buruz.
12. Sarrerak eta gastuak.
1. “Salmentak eta merkataritza jardueretako beste sarrera batzuk” (2) epigrafearen saldoa banakatuko da, eta kontzeptu garrantzitsu guztien izaera bereizi eta azalduko (izakinen salmentak, babesletzaren ondoriozko sarrerak, publizitatea eta irudia, eskualdatze eskubideen ondoriozko sarrerak, txartel salmenta eta abar).
2. “Laguntzak, diruzkoak eta ez-diruzkoak” (3.1) partidaren saldoa banakatuko da, emandako laguntzen izaera azalduta.
3. “Langile gastuak” (6) epigrafearen saldoa banakatuko da, eta honako hauek adieraziko: soldaten eta lansarien zenbatekoa, kalte-ordainak, karga sozialak eta bestelako gastu sozialak, eta hartzaile kopurua kontzeptu bakoitzeko.
4. “Bidaia gastuak” (7.4) partidaren saldoa banakatuko da, eta kirolariei, teknikariei, zuzendaritzako kideei eta beste batzuei dagokien zenbatekoa adieraziko. Federazioak kontabilitatean erregistratutako bidaia gastuak dagozkien bidaia guztien ziurtagiria (eguna, helmuga, bidaiatzeko arrazoia, bidaia egin duten pertsonak) duelako berariazko adierazpena jasoko da.
5. “Publizitatea, propaganda eta harreman publikoak” (7.7) partidaren saldoa banakatuko da, eta adieraziko zer zenbateko dagokien ekitaldien publizitateari, publizitate instituzionalari, federazioaren harreman publikoei eta zuzendaritzako kideen harreman publikoei. Federazioak kontabilitatean erregistratutako harreman publikoen arloko gastuak dagozkien ekitaldi guztien ziurtagiria (eguna, ekitaldia edo bilera egiteko arrazoia, parte hartu dutenak) duelako berariazko adierazpena jasoko da. Emaitzen kontuko 1. eta 2. epigrafeetan jasotako sarreren guztikoari dagokionez, harreman publikoetako gastuak zer ehuneko diren adieraziko da.
6. Entitatearen jardun normaletik kanpo sortu diren eta 12. epigrafean, “Beste emaitza batzuk” izenekoan, sartutako emaitzen banakatzea.
13. Diru-laguntzak, dohaintzak eta legatuak.
Honako hauek jakinaraziko dira:
1. Balantzean agertzen diren jasotako diru-laguntzen, dohaintzen eta legatuen zenbatekoa eta ezaugarriak, bai eta emaitzen kontura egotzitakoak ere, entitate emailea adierazita beti.
2. Ondare garbira egotzitako diru-laguntzak badaude, balantzeko azpitalde egokiaren edukiaren mugimenduaren azterketa, hasierako saldoa, amaierakoa, gehikuntzak eta gutxitzeak adierazita.
3. Balantzeko pasiboan erregistratutako diru-laguntzak badaude, “diru-laguntza bihur daitezkeen zorrak” adibidez, erregistro hori egiteko arrazoiaren azalpena.
14. Entitatearen jarduera eta baliabideak helburu propioetara aplikatzea.
1. Entitateak antolatutako jarduera guztien berri emanen da, eta, bakoitzari dagokionez, honako hauek adieraziko dira: izena, jarduera mota (kirola, prestakuntza, arlo instituzionala, dibulgazioa, merkataritza), non eginen den, noiz, entitateko zenbat pertsona (propio, kontratatu edo borondatezko) izanen diren parte-hartzaile, inplikatutako erabiltzaileen (federatuak izan zein ez) kopurua, sarrerak eta gastuak.
2. Beste entitate batzuekin izenpetutako hitzarmenak, zertarakoa eta indarraldia jakinaraziko dira, ekitaldian izandako sarrerak eta gastuak adierazita.
3. Labur azalduko dira (emaitzen kontuko epigrafe batean) onartutako sarreren eta gastuen aurrekontua, benetan gauzatutako sarrerak eta gastuak eta desbideratzeak, eta desbideratze nagusien azalpena emanen da.
4. Kirol eta prestakuntza arlokoak ez diren eta federazioaren egiturari eusteko egiten diren gastuak banakatuta azalduko dira (administratiboak, finantzarioak, instituzionalak eta abar). Orientabide moduan, honako gastu hauek hartzen ahalko dira kirol eta prestakuntza jarduerekiko lotura gabekotzat:
| KONTUA | IZENA | |
| 602 | Beste material batzuen erosketak | |
| 612 | Beste material batzuen izakinetako aldakuntza | |
| 6210 | Administrazio erabileretarako ondasunen errentamenduak eta kanonak | |
| 6220 | Administrazio erabileretarako ondasunen konponketak eta kontserbazioa | |
| 6234 | Kanpo aholkularitzak | |
| 6239 | * | Beste profesional batzuk |
| 6244 | Zuzendaritzakoen garraio gastuak, harreman publikoak izan ezik | |
| 6245 | Zuzendaritzakoen ostatu gastuak, harreman publikoak izan ezik | |
| 6246 | Zuzendaritzakoen mantenu gastuak, harreman publikoak izan ezik | |
| 6247 | Zuzendaritzakoen dietak eta kilometrajeak | |
| 6248 | Beste garraio, ostatu eta mantenu gastu batzuk, harreman publikoak izan ezik | |
| 6249 | Beste batzuen dietak eta kilometrajeak | |
| 6250 | Administrazio erabileretarako ondasunen gaineko aseguru primak | |
| 6253 | Zuzendaritzakoen aseguru primak | |
| 6254 | * | Bestelako aseguru primak |
| 626 | Bankuetako zerbitzuak eta antzekoak | |
| 6271 | Publizitatea eta propaganda instituzionala | |
| 6272 | Federazio harreman publikoak | |
| 6273 | Zuzendaritzakoen harreman publikoak | |
| 6280 | * | Uretan |
| 6281 | * | Gasa |
| 6282 | * | Elektrizitatea |
| 6289 | * | Bestelako hornidura batzuk |
| 6290 | Mezularitza, paketeria eta posta gastuak | |
| 6291 | Bulegoko materiala | |
| 6292 | Liburuak eta harpidetzak | |
| 6293 | Telefonia eta datuak | |
| 6294 | Gai juridikoak eta auziak | |
| 6296 | * | Jardueretan inskribatzeko kuotak |
| 630 | Etekinen gaineko zerga | |
| 631 | Beste tributu batzuk | |
| 634 | Zeharkako zergen doikuntza negatiboak | |
| 639 | Zeharkako zergen doikuntza positiboak | |
| 640 | Soldatak eta lansariak | |
| 6400 | Administrazio langileen soldatak eta lansariak | |
| 6409 | Bestelako langileen soldatak eta lansariak | |
| 641 | * | Kalte-ordainak |
| 642 | * | Entitatearen kargurako Gizarte Segurantza |
| 649 | * | Bestelako gastu sozialak |
| 655 | Jardueraren ondoriozko kreditu kobraezinen galerak | |
| 659 | Kudeaketa arrunteko beste galera batzuk | |
| 662 | Zorren interesak | |
| 667 | Kredituen galerak | |
| 669 | Bestelako gastu finantzarioak | |
| 670 | Ibilgetu ukiezinetik datozen galerak | |
| 671 | Ibilgetu materialetik datozen galerak | |
| 678 | * | Ohiz kanpoko gastuak |
| 6802 | Administrazio emakiden amortizazioa | |
| 6803 | Jabetza industrialaren amortizazioa | |
| 6806 | Aplikazio informatikoen amortizazioa | |
| 6811 | * | Eraikuntzen amortizazioa |
| 6812 | * | Instalazio teknikoen amortizazioa |
| 6813 | * | Makinen eta ekipo teknikoen amortizazioa |
| 6814 | * | Tresneriaren amortizazioa |
| 6816 | * | Altzarien amortizazioa |
| 6817 | * | Informazio prozesuetarako ekipoen amortizazioa |
| 6818 | * | Garraio elementuen amortizazioa |
| 6819 | * | Bestelako ibilgetu materialaren amortizazioa |
| 690 | * | Ibilgetu ukiezina narriatzearen ondoriozko galerak |
| 691 | * | Ibilgetu materiala narriatzearen ondoriozko galerak |
| 693 | * | Izakinak narriatzearen ondoriozko galerak |
| 694 | Jarduerako eragiketei lotutako kredituak narriatzearen ondoriozko galerak | |
| 697 | Epe luzeko kredituak narriatzearen ondoriozko galerak | |
| 699 | Epe laburreko kredituak narriatzearen ondoriozko galerak | |
| (*) Entitatearen egitura instituzionalari, administratiboari dagozkion aldetik, eta ez kirol, prestakuntza, merkataritza jarduerei eta bestelakoei dagozkien neurrian. | ||
Egitura gastu horiek entitatearen gastu guztien zer ehuneko diren adieraziko da.
15. Eragiketak lotutako aldeekin.
1. Entitateak behar adina informazio emanen du ekitaldian egin dituen eta 9. UKEAn emandako definizioari dagozkion lotutako aldeekiko eragiketak ulertzeko, bai eta eragiketa horiek egoera-orri finantzarioetan duten eragina ulertzeko ere, besteak beste honako alderdi hauek jasota:
a) Lotutako eragiketak egin dituzten pertsonen edo erakundeen identifikazioa, alde bakoitzarekin izandako harremanaren zer-nolakoa adierazita.
b) Eragiketaren xehetasuna eta kuantifikazioa, balioa erabakitzeko erabilitako irizpideak edo metodoak adierazita.
c) Kitatzeke dauden saldo aktiboen eta pasiboen zenbatekoa, epeak eta baldintzak; saldo horiek likidatzeko erabakitako ordainaren izaera, aktiboak eta pasiboak entitatearen balantzean agertzen diren epigrafeetan multzokatuta; eta emandako edo jasotako bermeak.
d) Kitatu gabeko aurreko saldoekin zerikusia duten zalantzazko kobrantzako kredituen edo kreditu kobraezinen ondoriozko balio zuzenketak.
e) Ekitaldian egindako saldoen erregularizatzeak eta horretarako arrazoiak.
2. Aurreko informazioa modu agregatuan aurkeztu ahal izanen da, elkarren antzeko partidei buruzkoa denean. Nolanahi ere, banan-banako informazioa emanen da lotutako eragiketei buruz, garrantzitsuak badira zenbatekoagatik edo urteko kontuak ongi ulertzeko.
3. Gobernu organoko kideek ekitaldian zehar dena delakoagatik (soldatak, bidaia gastuak, dietak oroharreko prezioan, harreman publikoetako gastuak, aseguru polizak, kalte-ordainak...) sortutako mota guztietako ordainsariei buruz informazioa eman beharko da beti. Gobernu organoko kideak pertsona juridikoak direnean, aurreko eskakizunak ordezkatzen dituzten pertsona fisikoei egokituko zaizkie.
Informazioa eman beharko da, halaber, administrazio organoko kideei emandako aurrerakinen eta kredituen zenbatekoaz, eta berorien interes tasa, funtsezko ezaugarriak eta itzulita egon litezkeen zenbatekoak adierazi, bai eta berme gisa berenganatu dituzten betebeharrak ere. Gobernu organoko kideak pertsona juridikoak direnean, aurreko eskakizunak ordezkatzen dituzten pertsona fisikoei egokituko zaizkie.
16. Bestelako informazioa.
Informazio hau emanen da:
1. Aldaketak gobernu organoan.
2. Ekitaldian zehar batez beste enplegatu diren pertsonen zenbatekoa, kategoriaz kategoria, % 33ko desgaitasuna edo handiagoa dutenak eta zer kategoriatakoak diren adierazita.
3. Federazioaren eta daukan gobernu organoaren zerbitzuko langileen banaketa sexuen arabera, ekitaldiaren amaieran.
17. Inbentarioa.
Ekitaldia ixtean federazioaren ondarea osatzen duten ondasunen, eskubideen eta betebeharren xehetasuna aurkeztuko da. Xehatutako horren guztiaren baturak bat etorri behar du entitatearen kontabilitate ondare garbiaren zenbatekoarekin.
LAUGARREN ZATIA
Kontuen taula
1. taldea: oinarrizko finantzaketa.
10. Kapitala.
101. Funts soziala.
12. Aplikatu zain dauden soberakinak.
129. Ekitaldiko soberakina
13. Diru-laguntzak, dohaintzak, legatuak eta ondare garbiko beste doikuntza batzuk.
130. Kapital diru-laguntzak.
1300. Nafarroako Gobernuaren diru-laguntzak.
1301. Espainiako Federazioaren diru-laguntzak.
1302. Beste entitate publiko batzuen diru-laguntzak.
1303. Entitate pribatuen diru-laguntzak.
132. Zenbait ekitalditan banatu beharreko jarduerarako diru-laguntzak.
14. Hornidurak.
140. Arrisku eta gastuetarako hornidura.
17. Epe luzerako zorrak harturiko maileguengatik, jesapenengatik eta beste kontzeptu batzuengatik.
170. Kreditu entitateekiko epe luzerako zorrak.
171. Epe luzerako zorrak.
172. Diru-laguntza, dohaintza eta legatu bihur daitezkeen epe luzeko zorrak.
173. Epe luzeko ibilgetu hornitzaileak.
174. Epe luzeko errentamendu finantzarioaren ondoriozko hartzekodunak.
18. Fidantzen, bermeen eta epe luzeko beste kontzeptu batzuen ondoriozko pasiboak.
180. Epe luzerako harturiko fidantzak.
185. Epe luzerako harturiko gordailuak.
2. taldea: aktibo ez-korrontea.
20. Ibilgetze ukiezinak.
202. Administrazio emakidak.
203. Jabetza industriala.
206. Informatika-aplikazioak.
208. Kirol gertakarien antolaketaren gaineko eskubideak.
209. Ibilgetze ukiezinetarako aurrerakinak.
21. Ibilgetze materialak.
210. Lurrak eta natur ondasunak.
211. Eraikuntzak.
2110. Administrazio erabileretarako eraikuntzak.
2111. Kirol erabileretarako eraikuntzak.
212. Instalazio teknikoak.
213. Makineria eta ekipo teknikoak.
214. Tresneria.
215. Kiroletarako animaliak.
216. Altzariak.
217. Informazioa prozesatzeko ekipoak.
218. Garraio elementuak.
219. Bestelako ibilgetu material batzuk.
23. Aribideko ibilgetze materialak.
230. Aribideko ibilgetu materiala.
239. Ibilgetze materialetarako aurrerakinak.
26. Epe luzerako beste inbertsio finantzario batzuk.
262. Epe luzerako kredituak.
268. Epe luzerako ezarpenak.
27. Epe luzerako eratutako fidantzak eta gordailuak.
270. Epe luzerako eratutako fidantzak.
275. Epe luzerako eratutako gordailuak.
28. Ibilgetuaren amortizazio metatua eta beste kontu zuzentzaile batzuk.
280. Ibilgetu ukiezinaren amortizazio metatua.
2802. Administrazio emakiden amortizazio metatua.
2803. Jabetza industrialaren amortizazio metatua.
2806. Aplikazio informatikoen amortizazio metatua.
2808. Kirol gertakarien antolaketaren gaineko eskubideen amortizazio metatua.
281. Ibilgetu materialaren amortizazio metatua.
2811. Eraikuntzen amortizazio metatua.
2812. Instalazio teknikoen amortizazio metatua.
2813. Makinen eta ekipo teknikoen amortizazio metatua.
2814. Tresneriaren amortizazio metatua.
2815. Kiroletarako animalien amortizazio metatua.
2816. Altzarien amortizazio metatua.
2817. Informazio prozesuetarako ekipoen amortizazio metatua.
2818. Garraio elementuen amortizazio metatua.
2819. Bestelako ibilgetu materialaren amortizazio metatua.
29. Aktibo ez-korronteen balio narriadura.
290. Ibilgetu ukiezinaren balio narriadura.
2902. Administrazio emakiden balio narriadura.
2903. Jabetza industrialaren balio narriadura.
2906. Aplikazio informatikoen balio narriadura.
2908. Kirol gertakarien antolaketaren gaineko eskubideen balio narriadura.
291. Ibilgetu materialaren balio narriadura.
2910. Lursailen eta ondasun naturalen balio narriadura.
2911. Eraikuntzen balio narriadura.
2912. Instalazio teknikoen balio narriadura.
2913. Makinen eta ekipo teknikoen balio narriadura.
2914. Tresneriaren balio narriadura.
2915. Kiroletarako animalien balio narriadura.
2916. Altzarien balio narriadura.
2917. Informazio prozesuetarako ekipoen balio narriadura.
2918. Garraioko elementuen balio narriadura.
2919. Bestelako ibilgetu materialaren balio narriadura.
298. Epe luzerako kredituen balio narriadura.
3. taldea: Izakinak.
30. Jarduerarako ondasunak.
300. Saltzeko ondasunak.
302. Kirol materiala.
32. Bestelako hornikuntzak.
325. Askotariko materialak.
39. Izakinen balio narriadura.
390. Jarduerarako ondasunen narriadura.
392. Askotariko materialen balio narriadura
4. taldea: hartzekodunak eta zordunak eragiketa komertzialengatik.
40. Hornitzaileak.
400. Hornitzaileak.
4000. Hornitzaileak.
4009. Hornitzaileak, hartzeko edo formalizatzeko dauden fakturak.
405. Hornitzaileak, lotutako aldeak.
407. Hornitzaileentzako aurrerakinak.
41. Onuradunak eta askotariko hartzekodunak.
410. Hartzekodunak zerbitzuak egiteagatik.
4100. Espainiako Federazioa.
4101. Lurralde federazioak.
4102. Kirol mutualitateak.
4103. Beste hartzekodun batzuk.
4109. Hartzekodunak, jaso gabeko fakturak.
412. Onuradunak, hartzekodunak.
4120. Federatuak, hartzekodunak.
4121. Kirol klubak eta elkarteak, hartzekodunak.
415. Hartzekodunak, lotutako aldeak.
417. Hartzekodunentzako aurrerakinak.
43. Bezeroak.
430. Bezeroak.
4300. Bezeroak.
4309. Bezeroak, formalizatzeko dauden fakturak.
435. Bezeroak, lotutako aldeak.
436. Zalantzazko kobrantzako bezeroak.
438. Bezeroen aurrerakinak.
44. Askotariko zordunak eta erabiltzaileak.
440. Zordunak.
4400. Espainiako Federazioa.
4401. Lurralde federazioak.
4402. Kirol mutualitateak.
4403. Beste zordun batzuk.
4409. Zordunak, formalizatzeko dauden fakturak.
445. Zordunak, lotutako aldeak.
446. Zalantzazko kobrantzako zordunak.
447. Erabiltzaileak, zordunak.
4470. Federatuak, zordunak.
4471. Kirol klubak eta elkarteak, zordunak.
448. Diru-laguntzen, babesletzaren eta lankidetzen ondoriozko zordunak.
449. Zalantzazko kobrantzako diru-laguntzen, babesletzaren eta lankidetzen ondoriozko erabiltzaileak eta zordunak.
46. Langileak.
460. Lansarien aurrerakinak.
464. Entregak justifikatu beharreko gastuetarako.
465. Ordaintzeko dauden lansariak.
47. Administrazio publikoak.
470. Ogasun Publikoa, zorduna zenbait kontzepturengatik.
4700. Ogasun Publikoa, zorduna BEZarengatik.
4708. Ogasun Publikoa, zorduna emandako diru-laguntzengatik.
47080. Nafarroako Gobernua, zorduna diru-laguntzengatik.
47081. Beste erakunde ofizial batzuk, zordunak diru-laguntzengatik.
4709. Ogasun Publikoa, zorduna zergen itzulketagatik.
471. Gizarte Segurantzako erakundeak, zordun.
472. Ogasun Publikoa, jasandako BEZa.
473. Ogasun Publikoa, atxikipenak eta konturako ordainketak.
475. Ogasun Publikoa, hartzekoduna kontzeptu fiskalengatik.
4750. Ogasun Publikoa, hartzekoduna BEZarengatik.
4751. Ogasun Publikoa, hartzekoduna eginiko atxikipenengatik.
4752. Ogasun Publikoa, hartzekoduna sozietateen gaineko zergarengatik.
4758. Ogasun Publikoa, hartzekoduna itzuli beharreko diru-laguntzengatik.
47580. Nafarroako Gobernua, hartzekoduna itzuli beharreko diru-laguntzengatik.
47581. Nafarroako Gobernua, hartzekoduna Kirol Jokoetako itzulketagatik.
47582. Beste erakunde ofizial batzuk, hartzekodunak diru-laguntzengatik.
476. Gizarte Segurantzako erakundeak, hartzekodun.
477. Ogasun Publikoa, jasanarazitako BEZa.
48. Periodifikazioagatiko doikuntzak.
480. Gastu aurreratuak.
485. Diru-sarrera aurreratuak.
49. Jarduerako eragiketen eta epe laburreko horniduren ondoriozko kredituen balio narriadura.
490. Bezeroen kredituen balio narriadura.
493. Beste zordun batzuen kredituen balio narriadura.
495. Diru-laguntzen, babesletzaren eta lankidetzen ondoriozko zordunen eta erabiltzaileen narriadura.
5. taldea: kontu finantzarioak.
52. Epe laburrerako zorrak harturiko maileguengatik eta beste kontzeptu batzuengatik.
520. Epe laburrerako zorrak kreditu entitateekin.
521. Epe laburrerako zorrak.
522. Diru-laguntza, dohaintza eta legatu bihur daitezkeen epe laburreko zorrak.
523. Epe laburreko ibilgetu hornitzaileak.
524. Epe laburreko errentamendu finantzarioaren ondoriozko hartzekodunak.
527. Kreditu entitateekiko zorren epe laburreko interesak.
528. Zorren epe laburreko interesak.
529. Epe laburreko hornidurak.
54. Epe laburreko inbertsio finantzarioak.
542. Epe laburreko kredituak.
547. Kredituen epe laburreko interesak.
548. Epe laburreko ezarpenak.
55. Bestelako kontuak, bankukoak ez direnak.
551. Kontu korrontea zuzendaritzakoekin.
552. Kontu korrontea lotutako beste pertsona batzuekin.
555. Aplikatu zain dauden partidak.
56. Epe laburrerako hartu eta eratutako fidantzak eta gordailuak, eta periodifikazioagatiko doikuntzak.
560. Epe laburrerako harturiko fidantzak.
561. Epe laburrerako harturiko gordailuak.
565. Epe laburrerako eratutako fidantzak.
566. Epe laburrerako eratutako gordailuak.
57. Diruzaintza.
570. Kutxa, euroak.
571. Kutxa, atzerriko dirua.
572. Bankuak eta kreditu erakundeak, euroak.
59. Epe laburrerako inbertsio finantzarioen balio narriadura.
598. Epe laburrerako kredituen balio narriadura.
6. taldea: erosketak eta gastuak.
60. Erosketak.
600. Salmentarako ondasunen erosketak.
601. Kirol materialaren erosketak.
602. Beste material batzuen erosketak.
606. Erosketen gaineko deskontuak, goiz ordaintzeagatik.
607. Beste entitate batzuek egindako lanak.
608. Erosketen itzulketak eta antzeko eragiketak.
609. “Rappel”ak erosketengatik.
61. Izakinetako aldakuntza.
610. Salmentarako ondasunen izakinetako aldakuntza.
611. Kirol materialaren izakinetako aldakuntza.
612. Beste material batzuen izakinetako aldakuntza.
62. Kanpoko zerbitzuak.
621. Errentamenduak eta kanonak.
6210. Administrazio erabileretarako ondasunen errentamenduak eta kanonak.
6211. Kirol erabileretarako ondasunen errentamenduak eta kanonak.
622. Konponketak eta kontserbazioa.
6220. Administrazio erabileretarako ondasunen konponketak eta kontserbazioa.
6221. Kirol erabileretarako ondasunen konponketak eta kontserbazioa.
623. Profesionalen zerbitzuak.
6230. Kirol teknikariak.
6231. Zerbitzu medikoak.
6232. Kirolariak.
6233. Epaileak eta arbitroak.
6234. Kanpo aholkularitzak.
6239. Beste profesional batzuk.
624. Bidaia gastuak.
6240. Kirolarien eta teknikarien garraio gastuak, harreman publikoak izan ezik.
6241. Kirolarien eta teknikarien ostatu gastuak, harreman publikoak izan ezik.
6242. Kirolarien eta teknikarien mantenu gastuak, harreman publikoak izan ezik.
6243. Kirolarien eta teknikarien dietak eta kilometrajeak.
6244. Zuzendaritzakoen garraio gastuak, harreman publikoak izan ezik.
6245. Zuzendaritzakoen ostatu gastuak, harreman publikoak izan ezik.
6246. Zuzendaritzakoen mantenu gastuak, harreman publikoak izan ezik.
6247. Zuzendaritzakoen dietak eta kilometrajeak.
6248. Beste garraio, ostatu eta mantenu gastu batzuk, harreman publikoak izan ezik.
6249. Beste batzuen dietak eta kilometrajeak.
625. Aseguru primak.
6250. Administrazio erabileretarako ondasunen gaineko aseguru primak.
6251. Kirol erabileretarako ondasunen gaineko aseguru primak.
6252. Federatuen aseguru primak.
6253. Zuzendaritzakoen aseguru primak.
6254. Bestelako aseguru primak.
626. Banku zerbitzuak eta antzekoak.
627. Publizitatea, propaganda eta harreman publikoak.
6270. Kirol ekitaldien publizitatea eta propaganda.
6271. Publizitatea eta propaganda instituzionala.
6272. Federazio harreman publikoak.
6273. Zuzendaritzakoen harreman publikoak.
628. Hornidurak.
6280. Ura.
6281. Gasa.
6282. Argindarra.
6289. Bestelako hornidura batzuk.
629. Bestelako zerbitzuak.
6290. Mezularitza, paketeria eta posta gastuak.
6291. Bulegoko materiala.
6292. Liburuak eta harpidetzak.
6293. Telefonia eta datuak.
6294. Gai juridikoak eta auziak.
6296. Jardueretan inskribatzeko kuotak.
6297. Prestakuntza ikastaroetako materiala.
63. Tributuak.
630. Mozkinen gaineko zerga.
631. Beste tributu batzuk.
634. Zeharkako zergen doikuntza negatiboak.
639. Zeharkako zergen doikuntza positiboak.
64. Langileria gastuak.
640. Soldatak eta lansariak
6400. Administrazio langileen soldatak eta lansariak.
6401. Kirol teknikarien soldatak eta lansariak.
6402. Irakasleen soldatak eta lansariak.
6409. Bestelako langileen soldatak eta lansariak.
641. Kalte-ordainak.
642. Entitatearen kargurako Gizarte Segurantza.
649. Beste gastu sozial batzuk.
65. Entitatearen diru laguntzak eta beste kudeaketa gastu batzuk.
650. Diruzko laguntzak.
6500. Kirolarientzako bekak, sariak eta diru-laguntzak, eskudirutan.
6501. Klub eta elkarteentzako bekak, sariak eta diru-laguntzak, eskudirutan.
6502. Lurralde federazioentzako bekak, sariak eta diru-laguntzak, eskudirutan.
651. Diruzkoak ez diren laguntzak.
6510. Kirolarientzako bekak, sariak eta diru-laguntzak, gauzatan.
6511. Klub eta elkarteentzako bekak, sariak eta diru-laguntzak, gauzatan.
6512. Lurralde federazioentzako bekak, sariak eta diru-laguntzak, gauzatan.
653. Espainiako Federazioaren kuotak.
655. Jardueraren ondoriozko kreditu kobraezinen galerak.
658. Entitatearen berezko jarduerari atxikita jasotako diru-laguntzen, dohaintzen eta legatuen itzulketa.
659. Kudeaketa arrunteko beste galera batzuk.
66. Gastu finantzarioak.
662. Zorren interesak.
667. Merkataritzakoak ez diren kredituen ondoriozko galerak.
669. Beste gastu finantzario batzuk.
67. Aktibo ez-korronteetatik eta ezohiko gastuetatik datozen galerak.
670. Ibilgetu ukiezinetik datozen galerak.
671. Ibilgetu materialetik datozen galerak.
678. Ohiz kanpoko gastuak.
68. Amortizazioetarako hornidurak.
680. Ibilgetu ukiezinaren amortizazioa.
6802. Administrazio emakiden amortizazioa.
6803. Jabetza industrialaren amortizazioa.
6806. Aplikazio informatikoen amortizazioa.
6808. Kirol gertakarien antolaketaren gaineko eskubideen amortizazioa.
681. Ibilgetu materialaren amortizazioa.
6811. Eraikuntzen amortizazioak.
6812. Instalazio teknikoen amortizazioak.
6813. Makinen eta ekipo teknikoen amortizazioak.
6814. Tresneriaren amortizazioa.
6815. Kiroletarako animalien amortizazioa.
6816. Altzarien amortizazioa.
6817. Informazio prozesuetarako ekipoen amortizazioa.
6818. Garraio elementuen amortizazioa.
6819. Bestelako ibilgetu materialaren amortizazioa.
69. Narriatzearen ondoriozko galerak eta beste zuzkidura batzuk.
690. Ibilgetu ukiezina narriatzearen ondoriozko galerak.
691. Ibilgetu materiala narriatzearen ondoriozko galerak.
693. Izakinak narriatzearen ondoriozko galerak.
694. Jarduerako eragiketei lotutako kredituak narriatzearen ondoriozko galerak.
697. Epe luzeko kredituak narriatzearen ondoriozko galerak.
699. Epe laburreko kredituak narriatzearen ondoriozko galerak.
7. taldea: salmentak eta sarrerak.
70. Salgaien, ekoizpen propioaren, zerbitzuen eta abarren salmenta.
700. Izakinak saltzearen ondoriozko sarrerak.
704. Babes, publizitate eta irudiaren ondoriozko sarrerak.
705. Eskualdatze eskubideen ondoriozko sarrerak.
706. Txartelak saltzearen ondoriozko sarrerak.
707. Argitalpenen ondoriozko sarrerak.
708. Itzulketak eta salmenta “rappel”ak.
709. Merkataritza jardueretako beste sarrera batzuk.
72. Entitatearen sarrera propioak.
720. Bazkideen eta afiliatuen kuotak.
7200. Kirolarien kuotak eta lizentziak.
7201. Kluben eta elkarteen kuotak eta lizentziak.
7202. Teknikarien eta entrenatzaileen kuotak eta lizentzia.
7203. Epailen eta arbitroen kuotak eta lizentziak.
721. Erabiltzaileen kuotak.
7211. Irakaskuntzatik kanpoko jardueretan inskribatzeko kuotak.
7212. Irakaskuntzako jardueretan inskribatzeko kuotak.
7213. Zehapenen ondoriozko sarrerak.
722. Nafarroako Gobernua, Kirol Jokoak eta antzeko sarrerak.
7221. Kirol Jokoak.
7222. Nafarroako Gobernuaren beste sarrera batzuk.
723. Enpresen arteko lankidetza hitzarmenetako sarrerak.
728. Laguntzak eta esleipenak itzultzearen ondoriozko sarrerak.
74. Diru-laguntzak, dohaintzak eta legatuak.
740. Jarduerarako diru-laguntzak, dohaintzak eta legatuak.
7400. Nafarroako Gobernuaren diru-laguntzak.
7401. Espainiako Federazioaren diru-laguntzak.
7402. Beste entitate publiko batzuen diru-laguntzak.
7403. Entitate pribatuen diru-laguntzak.
745. Ekitaldiko soberakinera transferitutako kapitaleko diru-laguntzak.
747. Zenbait ekitalditan banatzekoak izanik ekitaldiko soberakinera transferitu diren diru-laguntzak.
75. Kudeaketako bestelako sarrerak.
752. Errentamenduen ondoriozko sarrerak.
759. Askotariko zerbitzuen ondoriozko sarrerak.
76. Sarrera finantzarioak.
762. Kreditu sarrerak.
769. Bestelako sarrera finantzarioak.
77. Aktibo ez-korronteetatik eta ezohiko sarreretatik datozen mozkinak.
770. Ibilgetu ukiezinetik datozen mozkinak.
771. Ibilgetu materialetik datozen mozkinak.
778. Ezohiko sarrerak.
79. Horniduren eta narriaduratik sortutako galeren soberakina eta aplikazioa.
790. Ibilgetu ukiezinaren narriaduraren itzulketa.
791. Ibilgetu materialaren narriaduraren itzulketa.
793. Izakinen narriaduraren itzulketa.
794. Jarduerako eragiketei lotutako kredituen narriaduraren itzulketa.
795. Hornidura soberakinak.
797. Epe luzeko kredituen narriaduraren itzulketa.
799. Epe laburreko kredituen narriaduraren itzulketa.
BOSGARREN ZATIA
Kontabilitateko definizioak eta erlazioak
1. taldea: oinarrizko finantzaketa.
Barruan hartzen ditu eskuarki aktibo ez-korrontea finantzatzeko eta korrontearen arrazoizko marjina bat estaltzeko den entitatearen epe luzeko besteren finantzaketa eta ondare garbia. Talde honetako pasibo finantzarioak kategoria hauetan sailkatuko dira balorazio ondorioetarako: “Kostu amortizatuko pasibo finantzarioak” eta “Pasibo finantzarioak kostuaren arabera”.
10. Kapitala.
101. Funts soziala.
Merkataritza molderik gabeko entitateen kapitala.
Mugimendu hau du:
a) Hasierako kapitala eta ondoz ondoko gehikuntzak abonatuko dira, 57 azpitaldeko kontuetan zordunduta, edo 129 kontuan, soberakin positiboa aplikatuz gero.
b) Gutxitzeak zordunduko dira, 57 azpitaldeko kontuetan abonatuta, edo 129 kontuan, soberakin negatiboa aplikatuz gero.
12. Aplikatu zain dauden soberakinak.
129. Ekitaldiko soberakina.
Balantzeko ondare garbian agertuko da 129 kontua, funts propioen barruan, zeinu positiboa edo negatiboa izanda, zer dagokion.
Itxitako azken ekitaldiko soberakina, positiboa edo negatiboa, oraindik aplikatu gabea.
Mugimendu hau du:
a) Abonatuko da:
a1) Ekitaldiko emaitza zehazteko, ekitaldiaren amaieran saldo hartzekoduna duten 6. eta 7. taldeetako kontuetan zordunduta.
a2) Soberakin negatiboa emaitza banatzeko erabakiaren arabera aplikatzen denean, 101 kontuan zordunduta.
b) Zordunduko da:
b1) Ekitaldiko emaitza zehazteko, ekitaldiaren amaieran saldo zorduna duten 6. eta 7. taldeetako kontuetan abonatuta.
b2) Soberakin positiboa emaitza banatzeko erabakiaren arabera aplikatzen denean, 101 kontuan abonatuta.
13. Diru-laguntzak, dohaintzak, legatuak eta ondare garbiko beste doikuntza batzuk.
130. Kapitaleko diru-laguntzak.
132. Zenbait ekitalditan banatu beharreko jarduerarako diru-laguntzak.
Itzulgarriak ez diren, entitateak jaso dituen eta ondare garbian zuzenean kontabilizatu diren diru-laguntzak, dohaintzak eta legatuak, harik eta, erregistro eta balorazio arauetan aurreikusitakoaren arabera, galera-irabazien kontura egozten edo transferitzen diren arte.
Azpitalde honetako kontuak ondare garbian agertuko dira.
130. Kapitaleko diru-laguntzak.
Entitatearen ezarpenerako edo egitura finkorako (aktibo ez-korronteak) emandakoak, itzulgarriak ez badira, erregistro eta balorazio arauetan ezarritako irizpideen arabera.
Mugimendu hau du:
a) Abonatuko da:
a1) Entitateari 4708 kontuan zordunduta emandako diru-laguntza, entitate publikoetatik etorriz gero, edo 448 kontuan, jatorria erakunde pribatuetan izanez gero.
a2) Diru-laguntza bihurtzen diren epe luzeko zorrak, 172 kontuan zordunduta.
b) Zordunduko da:
b1) Ekitaldiaren itxieran, emaitzen kontura egotzitako diru-laguntzaren zatiagatik, 745 kontuan abonatuta.
132. Zenbait ekitalditan banatu beharreko jarduerarako diru-laguntzak.
Aurreko kontuetan agertzen ez diren emandako diru-laguntzak, dohaintzak eta legatuak, itzulgarriak ez badira, eta emaitzara egotzi gabe badaude, erregistro eta balorazio arauetan ezarritako irizpideen arabera. Eman ondorengo urteetan eginen diren kirol ekitaldiak finantzatzeko emandako diru-laguntzen kasua da.
Mugimendu hau du:
a) Abonatuko da:
a1) Entitateari 4708 kontuan zordunduta emandako diru-laguntza, entitate publikoetatik etorriz gero, edo 448 kontuan, jatorria erakunde pribatuetan izanez gero.
a2) Diru-laguntza bihurtzen diren epe luzeko zorrak, 172 kontuan zordunduta.
b) Zordunduko da:
b1) Ekitaldiaren itxieran, emaitzen kontura egotzitako diru-laguntzaren zatiagatik, 747 kontuan abonatuta.
14. Hornidurak.
140. Arrisku eta gastuetarako hornidura.
Epe luzeko betebehar berariazkoak edo tazituak; argi zehaztuta daude izaerari dagokionez, baina, ekitaldiaren ixte egunean, zehaztugabeak dira, zenbateko zehatzaz edo gertatuko diren dataz den bezainbatean.
Azpitalde honetako kontua balantzeko pasibo ez-korrontean agertuko da.
Epe laburrean baliogabetzea aurreikusita dagoen horniduren zatiak balantzeko pasibo korrontean agertu beharko du, “Epe laburreko hornidurak” epigrafean; ondorio horietarako, 529 kontuko lau zifrako kontu egokietara aldatuko da epe laburrean mugaeguneratuko diren hornidurak adierazten dituen zenbatekoa.
Mugimendu hau du:
a) Abonatuko da:
a1) Berekin kalte-ordaina edo ordainketa dakarren betebeharra sortzean, edo zenbatekoan geroago gertatzen diren aldaketen ondorioz, hornidura handitzea eragiten badute, normalean 6 taldeko kontu egokietan zordunduta.
b) Zordunduko da:
b1) Auzia irmo ebazten denean, edo kalte-ordainaren edo ordainketaren behin betiko zenbatekoa jakitean, normalean 57 azpitaldeko kontuetan abonatuta.
b2) Hornidura soberakina, 795 kontuan abonatuta.
17. Epe luzerako zorrak harturiko maileguengatik, jesapenengatik eta beste kontzeptu batzuengatik.
170. Kreditu entitateekiko epe luzerako zorrak.
171. Epe luzerako zorrak.
172. Diru-laguntza, dohaintza eta legatu bihur daitezkeen epe luzeko zorrak.
173. Epe luzeko ibilgetu hornitzaileak.
174. Epe luzeko errentamendu finantzarioaren ondoriozko hartzekodunak.
Hirugarrenetatik hartutako epe luzeko besteren finantzaketa, sortutako interesak barne, urtebete baino gehiagora mugaeguneratuz gero.
Azpitalde honetako kontuak balantzeko pasibo ez-korrontean agertuko dira.
Epe luzeko zorretan epe laburreko mugaeguneratze epea duen zatiak balantzeko pasibo korrontean agertu beharko du, “Epe laburrerako zorrak” epigrafean; ondorio horietarako, epe laburrean mugaeguneratzen diren epe luzeko zorrak adierazten dituen zenbatekoa 50 eta 52 azpitaldeetako kontu egokietara aldatuko da.
170. Kreditu entitateekiko epe luzerako zorrak.
Hartutako maileguen eta beste zor batzuen ondorioz kreditu entitateekin egindakoak, urtebete baino gehiagora mugaeguneratuz gero.
Mugimendu hau du:
a) Zorra edo mailegua formalizatzen denean jasotako zenbatekoa abonatuko da, transakzio kostuak gutxituta, hala egokituz gero, eta normalean 57 azpitaldeko kontuetan zordunduta.
b) Zordunduko da:
b1) Hurrengo hamabi hiletan mugaeguneratzen den zatiaren epe laburreko birsailkatzeagatik, 520 kontuan abonatuta.
b2) Osorik edo zati batean aurretiaz itzultzeagatik, normalean 57 azpitaldeko kontuetan abonatuta.
Erabilitako kredituen maileguak azpikontu egokietan bananduko dira.
171. Epe luzerako zorrak.
Azpitalde honetako beste kontu batzuetan jaso gabeko maileguengatik eta beste zor batzuengatik hirugarrenekin egindakoak, urtebete baino gehiagora mugaeguneratuz gero.
Mugimendu hau du:
a) Zorra edo mailegua formalizatzen denean jasotako zenbatekoa abonatuko da, transakzio kostuak gutxituta, hala egokituz gero, eta normalean 57 azpitaldeko kontuetan zordunduta.
b) Zordunduko da:
b1) Hurrengo hamabi hiletan mugaeguneratzen den zatiaren epe laburreko birsailkatzeagatik, 521 kontuan abonatuta.
b1) Zorrak osorik edo zati batean aurretiaz kitatzeagatik, eskuarki 57 azpitaldeko kontuetan abonatuta.
172. Diru-laguntza, dohaintza eta legatu bihur daitezkeen epe luzeko zorrak.
Entitateek edo partikularrek diru-laguntza, dohaintza edo legatu itzulgarri moduan emandako zenbatekoak, urtebete baino gehiagora mugaeguneratuz gero.
Mugimendu hau du:
a) Entitateari 4708 kontuan zordunduta emandako zenbatekoak abonatuko dira, entitate publikoetatik etorriz gero, edo 448 kontuan, jatorria erakunde pribatuetan izanez gero.
b) Zordunduko da:
b1) Zenbatekoa osorik edo zati batean txikitzea eragiten duen edozein gorabeherarengatik, emateko baldintzen arabera, normalean 4758 kontuan zordunduta.
b2) Itzulgarria izateari utziz gero, saldoa 130 edo 132 kontuan abonatuta, edo 74 azpitaldeko kontuetan.
173. Epe luzeko ibilgetu hornitzaileak.
Zorrak 2 taldean zehaztutako ondasunen hornitzaileekin, mugaeguneratzeko epea urtebetetik gorakoa bada.
Mugimendu hau du:
a) Hornitutako ondasunak adostasunez jasotzean abonatuko da, 2 taldeko kontuetan zordunduta.
b) Zordunduko da:
b1) Hurrengo hamabi hiletan mugaeguneratzen den zatiaren epe laburreko birsailkatzeagatik, 523 kontuan abonatuta.
b1) Zorrak osorik edo zati batean aurretiaz kitatzeagatik, eskuarki 57 azpitaldeko kontuetan abonatuta.
174. Epe luzeko errentamendu finantzarioaren ondoriozko hartzekodunak.
Urtebetetik gorako epean mugaeguneratzen diren zorrak ondasunen erabileraren lagatzaile diharduten beste entitate batzuekin, errentamendu finantzario moduan sailkatu behar diren akordioetan, erregistro eta balorazio arauetan jasotako moduan.
a) Hornitutako ondasunen gaineko erabilera eskubidea adostasunez jasotzean abonatuko da, 2 taldeko kontuetan zordunduta.
b) Zordunduko da:
b1) Hurrengo hamabi hiletan mugaeguneratzen den zatiaren epe laburreko birsailkatzeagatik, 524 kontuan abonatuta.
b1) Zorrak osorik edo zati batean aurretiaz kitatzeagatik, eskuarki 57 azpitaldeko kontuetan abonatuta.
18. Fidantzen, bermeen eta epe luzeko beste kontzeptu batzuen ondoriozko pasiboak.
180. Epe luzerako harturiko fidantzak.
185. Epe luzerako harturiko gordailuak.
Balantzeko pasibo ez-korrontean agertuko dira.
Epe luzerako jasotako fidantzen artean, epe laburrean mugaeguneratu edo iraungiko dela espero den zatiak balantzeko pasibo korrontean agertu beharko du, “Epe laburrerako zorrak” epigrafean; ondorio horietarako, epe laburrean mugaeguneratzen diren epe luzerako jasotako fidantzak adierazten dituen zenbatekoa 560 kontura intsuldatuko da.
180. Epe luzerako harturiko fidantzak.
Betebeharrak betetzeko berme gisa jasotako dirua, epea urtebetetik gorakoa denean.
Oro har, mugimendu hau du:
a) Eratzean, jasotako zenbatekoa abonatuko da, 57 azpitaldeko kontuetan zordunduta.
b) Zordunduko da:
b1) Hurrengo hamabi hiletan mugaeguneratzen den zatiaren epe laburreko birsailkatzeagatik, 560 kontuan abonatuta.
b2) Kitapen aurreratua egitean, 57 azpitaldeko kontuetan abonatuta.
b3) Bermatutako betebeharra ez betetzeak fidantzan galera izatea dakarrenean, 778 kontuan abonatuta.
185. Epe luzerako harturiko gordailuak.
Urtebetetik gorako eperako gordailu irregular gisa harturiko dirua.
Oro har, mugimendu hau du:
a) Abonatuko da:
a1) Eratzean, pasibo finantzarioaren arrazoizko balioa, 57 azpitaldeko kontuetan zordunduta.
a2) Gordailuaren errenboltso baliora iritsi arte sortutako gastu finantzarioa, normalean 662 kontuan zordunduta.
b) Zordunduko da:
b1) Hurrengo hamabi hiletan mugaeguneratzen den zatiaren epe laburreko birsailkatzeagatik, 560 kontuan abonatuta.
b2) Kitapen aurreratua egitean, 57 azpitaldeko kontuetan abonatuta.
2. taldea: aktibo ez-korrontea.
Entitatearen jardueretan iraunkorki erabiltzeko aktiboak dira, inbertsio finantzarioak barne, urtebetetik gorako epean mugaeguneratu, besterendu edo gauzatuko direla espero bada.
20. Ibilgetze ukiezinak.
202. Administrazio emakidak.
203. Jabetza industriala.
206. Informatika-aplikazioak.
208. Kirol gertakarien antolaketaren gaineko eskubideak.
209. Ibilgetze ukiezinetarako aurrerakinak.
Ibilgetze ukiezinak ekonomikoki balora daitezkeen itxura fisikorik gabeko aktibo ez-diruzkoak dira, bai eta ibilgetu horien hornitzaileei emandako konturako aurrerakinak ere.
Azpitalde honetako kontuak balantzeko aktibo ez-korrontean agertuko dira.
202. Administrazio emakidak.
Estatuak edo beste administrazio publiko batzuek emandako ustiapen eskubideak lortzeko egindako gastuak, edo eskualdatzen ahal diren emakiden erosketako prezioa.
Mugimendu hau du:
a) Emakida lortzeko sortutako gastuak zordunduko dira, edo erosketako prezioa, eta, normalean, 57 azpitaldeko kontuetan eginen da abonua.
b) Besterentzeengatik eta, normalean, aktiboan baja izateagatik abonatuko da, eta, jeneralean, 57 azpitaldeko kontuetan zordunduko, eta, galerak izanez gero, 670 kontuan.
203. Jabetza industriala.
Jabetza industrial edo intelektualaren adierazpideen jabetzagatik edo adierazpideak erabiltzeko edo haien erabilera uzteko eskubideagatik ordaindutako zenbatekoa, entitate erosleak, kontratuan hitzartutakoaren ondorioz, inbentariatu behar baditu. Kontzeptuaren barruan daude, besteak beste, patenteak, erregistratutako markak eta jabetza intelektualaren beste edozein adierazpide.
Mugimendu hau du:
a) Zordunduko da:
a1) Beste enpresa batzuei erosteagatik, normalean 57 azpitaldeko kontuetan abonatuta.
a2) Erregistro egokian inskribatzeko eskatzen diren ordainketengatik, normalean 57 azpitaldeko kontuetan abonatuta.
b) Besterentzeengatik eta, normalean, aktiboan baja izateagatik abonatuko da, eta, jeneralean, 57 azpitaldeko kontuetan zordunduko, eta, galerak izanez gero, 670 kontuan.
206. Informatika-aplikazioak.
Hirugarrenei erositako programa informatikoak erabiltzeko eskubideagatik edo jabetzagatik ordaindutako zenbatekoa. Web-orrien garapen gastuak ere sartzen dira barruan, zenbait ekitalditan erabiltzea aurreikusita badago.
Mugimendu hau du:
a) Zordunduko da:
a1) Beste enpresa batzuei erosteagatik, normalean 57 azpitaldeko kontuetan abonatuta.
b) Besterentzeengatik eta, normalean, aktiboan baja izateagatik abonatuko da, eta, jeneralean, 57 azpitaldeko kontuetan zordunduko, eta, galerak izanez gero, 670 kontuan.
208. Kirol gertakarien antolaketaren gaineko eskubideak.
Etorkizunean izanen den kirol ekitaldi nazional edo nazioarteko bat antolatzeagatik federazio nazionalari edo nazioartekoari ordaindutako kanona jasoko du.
Oro har, mugimendu hau du:
a) Kanona ordaintzeagatik zordunduko da, 57 azpitaldeko kontuetan abonatuta.
b) Besterentzeengatik eta, normalean, aktiboan baja izateagatik abonatuko da, eta, jeneralean, 57 azpitaldeko kontuetan zordunduko, eta, galerak izanez gero, 670 kontuan.
209. Ibilgetze ukiezinetarako aurrerakinak.
Ibilgetu ukiezineko elementuak hornitzaileei eta bestelako saltzaileei ematea, normalean dirutan, etorkizuneko horniduren edo lanen “kontura” kontzeptuan.
Oro har, mugimendu hau du:
a) Hornitzaileei dirua emateagatik zordunduko da, eta 57 azpitaldeko kontuetan abonatuko.
b) Ontzat emandako kasuan kasuko entregengatik abonatuko da, eta, normalean, azpitalde honetako kontuetan zordunduko.
21. Ibilgetze materialak.
210. Lurrak eta natur ondasunak.
211. Eraikuntzak.
212. Instalazio teknikoak.
213. Makineria eta ekipo teknikoak.
214. Tresneria.
215. Kiroletarako animaliak.
216. Altzariak.
217. Informazioa prozesatzeko ekipoak.
218. Garraio elementuak.
219. Bestelako ibilgetu materiala.
Aktiboko elementu ukigarriak, hala nola ondasunak, altzariak eta higiezinak, 23 azpitaldean sailkatu behar direnak izan ezik.
Administrazio edo kudeaketa erabileretarako elementuak kirol erabileretarako direnetatik bereizita erregistratuko dira.
Azpitalde honetako kontuak balantzeko aktibo ez-korrontean agertuko dira.
Mugimendu hau du:
a) Erosketako prezioan edo produkzio kostuan zordunduko dira, eta, normalean, 57 azpitaldeko kontuetan abonatuko, edo, bestela, hala egokituz gero, 23 azpitaldeko kontuetan.
b) Besterentzeengatik eta, normalean, aktiboan baja izateagatik abonatuko dira, eta, jeneralean, 57 azpitaldeko kontuetan zordunduko, eta, galerak izanez gero, 671 kontuan.
210. Lurrak eta natur ondasunak.
Hirilurreko orubeak, landa finkak, hirilur ez diren beste lursail batzuk.
211. Eraikuntzak.
Eraikuntzak oro har, entitatearen jarduera produktiboaren barruan edozertarako izanda ere.
212. Instalazio teknikoak.
Erabilera espezializatuko unitate konplexuak: makineria, materiala, piezak edo elementuak, sistema informatikoak barne. Osagai horiek guztiak, banandu badaitezke ere, elkarri lotuta daude betiko beren funtzionamendurako, eta amortizazio erritmo bera dute. Horrelako instalazioetarako bakar-bakarrik erabiltzen diren ordezko piezak ere barnean sartuko dira.
213. Makineria eta ekipo teknikoak.
Beren kirol jarduerak egiteko erabilitako makinak edo ekipo ondasunak.
214. Tresneria.
Modu autonomoan edo makinekin batera erabil daitezkeen erremintak edo tresnak.
Erregistro eta balorazio arauek aipatzen duten urteko erregularizatzeak (zenbatze fisikoagatik) kontu honen abonua eskatuko du, 659 kontuan zordunduta.
215. Kiroletarako animaliak.
Entitatearen kirol jardueretan erabiltzen diren entitatearen jabetzako animaliak.
216. Altzariak.
Altzariak, bulegoko materiala eta ekipoak, 217 kontuan agertu behar dutenak izan ezik.
217. Informazioa prozesatzeko ekipoak.
Ordenagailuak eta gainerako multzo elektronikoak.
218. Garraio elementuak.
Pertsonak, animaliak, materialak edo ondasunak garraiatzeko erabil daitezkeen mota guztietako ibilgailuak.
219. Bestelako ibilgetu material batzuk.
21 azpitaldeko gainerako kontuetan sartu gabeko beste edozein ibilgetze material. Ibilgeturako ordezkoak sartuko dira barruan, haien biltegiratze zikloa urtebetetik gorakoa bada.
23. Aribideko ibilgetze materialak.
230. Aribideko ibilgetu materiala.
239. Ibilgetze materialetarako aurrerakinak.
Azpitalde honetako kontuak balantzeko aktibo ez-korrontean agertuko dira.
230. Aribideko ibilgetu materiala.
Ibilgetu materialeko elementuetan, higiezinetan barne, egindako egokitze, eraikitze edo muntatze lanak ekitaldia ixtean, zeina haiek guztiak funtzionatzeko moduan jarri baino lehen gertatuko baita.
Mugimendu hau du:
a) Aribideko ibilgetzeei dagozkien obrak eta lanak hartzeagatik zordunduko dira.
b) Obra eta lan horiek amaitutakoan abonatuko dira, 21 azpitaldeko kontuetan zordunduta.
239. Ibilgetze materialetarako aurrerakinak.
Ibilgetu materialeko elementuak hornitzaileei eta bestelako saltzaileei ematea, normalean dirutan, etorkizuneko horniduren edo lanen “kontura” kontzeptuan.
Oro har, mugimendu hau du:
a) Hornitzaileei eskudirua emateagatik zordunduko da, eta, normalean, 57 azpitaldeko kontuetan abonatuko.
b) Ontzat emandako kasuan kasuko entregengatik abonatuko da, eta, normalean, azpitalde honetako kontuetan eta 21 azpitaldekoetan zordunduko.
26. Epe luzerako beste inbertsio finantzario batzuk.
262. Epe luzerako kredituak.
268. Epe luzerako ezarpenak.
Epe luzeko inbertsio finantzarioak, haiek instrumentatzeko modua edozein izanda ere, mugaeguneratzeko epea urtebetetik gorakoa izanez gero, entitateak epe laburrean saltzeko asmorik ez badu.
Balantzeko aktibo ez-korrontean agertuko da.
262. Epe luzerako kredituak.
Hirugarrenei emandako maileguak eta merkataritzaz kanpoko bestelako kredituak, igorpen-efektuez formalizatzen direnak barne, baldin eta urtebetetik gorako epean mugaeguneratzen badira.
Oro har, mugimendu hau du:
a) Zordunduko da:
a1) Kreditua formalizatzen denean, haren zenbatekoan, 57 azpitaldeko kontuetan abonatuta, eskuarki.
a2) Kredituaren errenboltso baliora iritsi arte sortutako sarrera finantzarioa, normalean 762 kontuan abonatuta.
b) Osorik edo zati batean aurretiaz itzultzeagatik abonatuko da, edo aktiboan baja emateagatik, eta, normalean, 57 azpitaldeko kontuetan zordunduko da, eta, galerak izanez gero, 667 kontuan.
268. Epe luzerako ezarpenak.
“Eperako kontua” edo antzekoen bidez formalizatuta dauden aldeko saldoak bankuetan eta kreditu erakundeetan, urtebetetik gorako mugaeguneratze epekoak.
Oro har, mugimendu hau du:
a) Formalizatutakoan zordunduko da, emandako zenbatekoan.
b) Funtsak berreskuratzeagatik edo garaiz aurretik eskualdatzeagatik abonua eginen da.
27. Epe luzerako eratutako fidantzak eta gordailuak.
270. Epe luzerako eratutako fidantzak.
275. Epe luzerako eratutako gordailuak.
Azpitalde honetako kontuak balantzeko aktibo ez-korrontean agertuko dira. Epe luzeko fidantza eta gordailuen artean epe laburreko mugaeguneratzea duen zatiak balantzeko aktibo korrontean agertu beharko du, “Epe laburreko inbertsio finantzarioak” epigrafean, abonua 56 azpitaldeko kontuetan eginda.
270. Epe luzerako eratutako fidantzak.
Betebeharrak betetzeko berme gisa emandako dirua, epea urtebetetik gorakoa denean.
Oro har, mugimendu hau du:
Eratzean emandako diru zenbatekoa zordunduko da, 57 azpitaldeko kontuetan abonatuta.
Abonatuko da:
b1) Kitapen aurreratua egiteagatik, 57 azpitaldeko kontuetan abonatuta.
b2) Bermatutako betebeharra ez bete eta horren ondorioz fidantzan galerak izateagatik, 659 kontuan zordunduta.
275. Epe luzerako eratutako gordailuak.
Urtebetetik gorako eperako gordailu irregular gisa emandako dirua.
Oro har, mugimendu hau du:
Zordunduko da:
a1) Eratzean, emandako diru zenbatekoa, 57 azpitaldeko kontuetan abonatuta.
a2) Sortutako interesak, gordailuaren errenboltso baliora iritsi arte, 762 kontuan abonatuta.
Kitatzean abonatuko da, 57 azpitaldeko kontuetan zordunduta.
28. Ibilgetuaren amortizazio metatua eta beste kontu zuzentzaile batzuk.
280. Ibilgetu ukiezinaren amortizazio metatua.
281. Ibilgetu materialaren amortizazio metatua.
Ibilgetuan egindako inbertsioek, ekoizpen prozesuan aurreikusita duten erabilera kontuan hartuta, denboran zehar izanen duten banaketaren kontabilitate adierazpena.
Azpitalde honetan erregistratutako amortizazio metatuak balantzeko aktiboan agertuko dira, eta kasuan kasuko ondare elementua kontabilizatzen den partida urrituko dute.
280. Ibilgetu ukiezinaren amortizazio metatua.
Ibilgetu ukiezinaren balio galeraren ondoriozko balio-zuzenketa, plan sistematikoari jarraituz egiten dena.
Mugimendu hau du:
a) Urteko zuzkiduragatik abonua eginen da, 680 kontuan zordunduta.
b) Ibilgetu ukiezina besterentzen denean zordunduko da, edo edozein arrazoirengatik aktiboan baja ematen zaionean, eta 20 azpitaldeko kontuetan eginen da abonua.
281. Ibilgetu materialaren amortizazio metatua.
Ibilgetu materialaren balio galeraren ondoriozko balio-zuzenketa, plan sistematikoari jarraituz egiten dena.
Mugimendu hau du:
a) Urteko zuzkiduragatik abonua eginen da, 681 kontuan zordunduta.
b) Ibilgetu materiala besterentzen denean zordunduko da, edo edozein arrazoirengatik aktiboan baja ematen zaionean, eta 21 azpitaldeko kontuetan eginen da abonua.
29. Aktibo ez-korronteen balio narriadura.
290. Ibilgetu ukiezinaren balio narriadura.
291. Ibilgetu materialaren balio narriadura.
298. Epe luzerako kredituen balio narriadura.
Aktibo ez-korronteko elementuen balio narriaduren ondoriozko galerek eragindako balio zuzenketen kontabilitate adierazpena.
Galera horiek modu sistematikoan zenbatetsi behar dira denboran zehar. Balioa gero berreskuratzen bada, erregistro eta balorazio arau egokietan adierazi bezala, narriaduraren ondoriozko balio zuzenketa aitortuak guztiz berreskuratu arte murriztu beharko dira, hala egokituz gero aipatu arau horietan xedatuaren arabera.
Azpitalde honetako kontuak balantzeko aktibo ez-korrontean agertuko dira, eta kasuan kasuko ondare elementua agertzen den partida urrituko dute.
290/291. Ibilgetuaren balio narriadura.
Ibilgetu ukiezinari eta ibilgetu materialari dagokien balioaren narriadura ondoriozko balio zuzenketen zenbatekoa.
Mugimendu hau du:
a) Kalkulatutako narriaduraren zenbatekoa abonatuko da, 690 edo 691 kontuan zordunduta.
b) Zordunduko dira:
b1) Narriadura ondoriozko balio zuzenketa aitortzea eragin zuten arrazoiak desagertzen direnean, 790 edo 791 kontuan abonatuta.
b2) Ibilgetua besterentzen denean edo aktiboan baja ematen zaionean beste edozein arrazoirengatik, 20 edo 21 azpitaldeko kontuetan abonatuta.
298. Epe luzerako kredituen balio narriadura.
26 azpitaldeko kredituen balioa narriatzearen ondoriozko balio zuzenketen zenbatekoa.
Kontuaren mugimendua hau da:
a) Kalkulatutako narriaduraren zenbatekoa abonatuko da, 697 kontuan zordunduta.
b) Zordunduko dira:
b1) Narriadura ondoriozko balio zuzenketa aitortzea eragin zuten arrazoiak desagertzen direnean, 797 kontuan abonatuta.
b2) Kobraezina de kredituaren zatia, 262 kontuan abonatuta.
3. taldea: izakinak.
Aktibook edukitzeko arrazoia da ustiapenaren jardun normalean salduak edo zerbitzuak emateko prozesuan kontsumituak izatea.
30. Jarduerarako ondasunak.
300. Saltzeko ondasunak.
302. Kirol materiala.
Entitateak erositako eta eraldatu gabe saltzeko ondasunak.
Balantzeko aktibo korrontean agertuko dira; ekitaldiaren itxieragatik soilik erabiliko dira.
Mugimendu hau du:
a) Hasierako izakinen inbentarioaren zenbatekoa abonatuko da ekitaldia ixtean, 610 kontuetan zordunduta 300 kontuko izakinei dagokienez, eta 611n, berriz, 302 kontuko izakinen kasuan.
b) Ixten den ekitaldiaren amaierako izakinen inbentarioaren zenbatekoa zordunduko da, 610 kontuetan abonatuta 300 kontuko izakinei dagokienez, eta 611n, berriz, 302 kontuko izakinen kasuan.
32. Bestelako hornikuntzak.
325. Askotariko materialak.
300 eta 302 kontuetan bildutakoak ez bezalako material kontsumigarriak.
Balantzeko aktibo korrontean agertuko dira; ekitaldiaren itxieragatik soilik erabiliko dira.
Mugimendu hau du:
a) Ekitaldia ixtean abonua eginen da, hasierako izakinen inbentarioaren zenbatekoan, 612 kontuan zordunduta.
b) Ixten den ekitaldiaren amaierako izakinen inbentarioaren zenbatekoan zordunduko dira, 612 kontuan abonatuta.
39. Izakinen balio narriadura.
390. Jarduerarako ondasunen narriadura.
392. Askotariko materialen balio narriadura
Ekitaldiaren amaieran izakinen inbentarioa egitearen ondorioz agertzen diren galera itzulgarrien kontabilitate adierazpena.
Azpitalde honetako kontuak balantzeko aktibo korrontean agertuko dira, eta kasuan kasuko ondare elementua agertzen den partida urrituko dute.
Mugimendu hau du:
a) Ixten den ekitaldian egiten den narriaduraren zenbatespena abonatuko da, 693 kontuan zordunduta.
b) Aurreko ekitaldia ixtean egindako narriaduraren zenbatespena zordunduko da, abonua 793 kontuan eginda.
4. taldea: hartzekodunak eta zordunak eragiketa komertzialengatik.
Jatorria entitatearen trafikoan duten tresna finantzarioak eta kontuak, bai eta administrazio publikoekiko kontuak ere. Talde honetako aktibo finantzarioak eta pasibo finantzarioak kostu amortizatuan baloratuko dira, kontratuzko interesak sortzen badituzte, edo kostuan, kontrakoa gertatuz gero. Eskuarki, aktibo korrontean edo pasibo korrontean agertuko dira, hamabi hiletik gorako epe batean mugaeguneratu ezean, orduan aktibo ez-korrontean edo pasibo ez-korrontean agertu beharko baitute.
40. Hornitzaileak.
400. Hornitzaileak.
405. Hornitzaileak, lotutako aldeak.
407. Hornitzaileentzako aurrerakinak.
Salgaien eta 3 taldean zehaztutako gainerako ondasunen horniduren ondoriozko zorrak.
400. Hornitzaileak.
Merkataritza zorrak, lotutako pertsona edo entitate ez diren salgai hornitzaileekin. Azpikontu berezietan erregistratuko dira fakturarik gabe jasotako salgai sortei dagozkien zorrak.
Mugimendu hau du:
a) Abonatuko da:
Hornitzaileen salgai sortak hartzeagatik, 60 azpitaldeko kontuetan zordunduta.
b) Zordunduko da:
b1) Entitateak hornitzaileekiko zorrak osorik edo zati batean kitatzeagatik, 57 azpitaldeko kontuetan abonatuta.
b2) Hornitzaileek emandako “rappel”engatik, 609 kontuan abonatuta.
b3) Hornitzaileek entitateari eta fakturan adierazi gabe goiz ordaintzeagatik egindako deskontuak, 606 kontuan abonatuta.
b4) Erosketak itzultzeagatik, 608 kontuan abonatuz.
405. Hornitzaileak, lotutako aldeak.
UKEAk emandako definizioaren arabera, lotutako pertsona edo entitate diren salgai hornitzaileekin egindako zor komertzialak. Kontu honetako mugimendua 400 kontukoaren antzekoa da.
407. Hornitzaileentzako aurrerakinak.
Entregak hornitzaileei, normalean dirutan, etorkizuneko horniduren kontura.
Balantzeko aktibo korrontean agertuko da, “Izakinak” epigrafean.
Oro har, mugimendu hau du:
a) Hornitzaileei dirua emateagatik zordunduko da, eta 57 azpitaldeko kontuetan abonatuko.
b) Hornitzaileengandik jasotako salgaiengatik edo bestelako ondasunengatik abonatuko da, 60 azpitaldeko kontuetan zordunduta.
41. Onuradunak eta askotariko hartzekodunak.
410. Zerbitzuak egiteagatik hartzekodun direnak.
412. Onuradunak, hartzekodunak.
415. Hartzekodunak, lotutako aldeak.
417. Hartzekodunentzako aurrerakinak.
410. Zerbitzuak egiteagatik hartzekodun direnak.
Zorrak lotu gabeko zerbitzu hornitzaileekin.
Mugimendu hau du:
a) Egindako inskripzioaren edo fakturatutako gastuen zenbatekoa abonatuko da, kasuan kasuko gastuen kontuan zordunduta; normalean, 62 edo 65 azpitaldekoa da.
b) Zordunduko da:
b1) Entitateak hartzekodunekin dituen zorrak osorik edo zati batean kitatzeagatik, 57 azpitaldeko kontu egokietan abonatuta.
b2) Behin betiko ez-galdagarritzat jotako zorraren bajagatik, 778 kontuan abonatuta.
412. Onuradunak, hartzekodunak.
Entitatearen helburu propioak betetzean, entitateak emandako laguntzen eta esleipenen ondorioz egindako zorrak.
Mugimendu hau du:
a) Abonua eginen da entitateak laguntzak eta esleipenak ematea erabakitzen duenean, eta, normalean, 650 edo 651 kontuan zordunduko da.
b) Zordunduko da:
b1) Zorrak osorik edo zati batean kitatzeagatik, 57 azpitaldeko kontu egokietan abonatuta.
b2) Behin betiko ez-galdagarritzat jotako zorraren bajagatik, 728 kontuan abonatuta.
415. Hartzekodunak, lotutako aldeak.
Zentzu hertsian hornitzaile ez izan arren, lotutako pertsona edo entitate diren hornitzaileekin egindako zorrak.
410 kontuaren antzeko mugimendua du.
417. Hartzekodunentzako aurrerakinak.
Entregak hartzekodunei, normalean dirutan, etorkizunean zerbitzuak ematearen kontura.
Balantzeko aktibo korrontean agertuko da, “Izakinak” epigrafean.
Oro har, mugimendu hau du:
a) Zordunei dirua emateagatik zordunduko da, eta 57 azpitaldeko kontuetan abonatuko.
b) Egindako zerbitzuen faktura jasotzean abonatuko da, 62 edo 65 azpitaldeko kontuetan zordunduta.
43. Bezeroak.
430. Bezeroak.
435. Bezeroak, lotutako aldeak.
436. Zalantzazko kobrantzako bezeroak.
438. Bezeroen aurrerakinak.
430. Bezeroak.
Kredituak ondasunen eta 3 taldean definitutako gainerako materialen erosleekin, bai eta entitateak emandako zerbitzuen erabiltzaileak ere.
Mugimendu hau du:
a) Fakturatutako sarreraren zenbatekoa zordunduko da, kasuan kasuko sarrera kontuan abonatuta; normalean, 70 azpitaldekoa da.
b) Abonatuko da:
b1) Zordunekiko kredituak osorik edo zati batean kitatzeagatik, 57 azpitaldeko kontu egokietan zordunduta.
b2) Zalantzazko kobrantzakotzat jotako kredituagatik, 436 kontuan zordunduta.
b3) Behin betiko hutsegintzat jotako kredituaren bajagatik, 655 kontuan zordunduta.
435. Bezeroak, lotutako aldeak.
Kredituak ondasunen eta 3 taldean definitutako gainerako materialen erosleekin, lotutako pertsonak edo entitateak badira.
430 kontuaren antzeko mugimendua du.
436. Zalantzazko kobrantzako bezeroak.
Bezeroen saldoak, zirkunstantzia batzuen ondorioz zentzuz esan badaiteke zalantzazko kobrantzakoak direla (urtebetetik gora igarotzea mugaegunetik; jakitea zorduna behin-behineko kaudimen gabeziako egoeran dagoela; afiliatuta ez dagoen zordun bat aurkitzeko arazoak), eta behin betiko kobraezintzat jotzea ez badagokio.
Balantzeko aktibo korrontean agertuko da.
Mugimendu hau du:
a) Zalantzazko kobrantzako zenbatekoa zordunduko da, 43 azpitaldeko kontu egokian abonatuta.
b) Abonatuko da:
b1) Kaudimen gabezia irmoengatik, 655 kontuaren zordunduta.
b2) Saldoen kobrantzagatik, 57 azpitaldeko kontuetan zordunduta.
438. Bezeroen aurrerakinak.
Bezeroen entregak, normalean dirutan, etorkizuneko horniduren kontura.
Balantzeko pasibo korrontean agertuko da.
Oro har, mugimendu hau du:
a) Diru hartzeengatik abonua eginen da, 57 azpitaldeko kontuetan zordunduta.
b) Salgaiak entregatzean zordunduko da, 70 azpitaldeko kontuetan abonatuta.
44. Askotariko zordunak eta erabiltzaileak.
440. Zordunak.
445. Zordunak, lotutako aldeak.
446. Zalantzazko kobrantzako zordunak.
447. Erabiltzaileak, zordunak.
448. Diru-laguntzen, babesletzaren eta lankidetzen ondoriozko zordunak.
449. Zalantzazko kobrantzako diru-laguntzen, babesletzaren eta lankidetzen ondoriozko erabiltzaileak eta zordunak.
440. Zordunak.
Kredituak zerbitzu erosleekin, hertsiki bezero ez badira, eta lotutako pertsona edo entitate edo Nafarroako Gobernua ere ez badira. Azpikontu berezietan erregistratuko dira fakturarik gabe jasotako salgai sortei dagozkienak.
Balantzeko aktibo korrontean agertuko da.
Mugimendu hau du:
a) Zerbitzuak egiteagatik zordunduko da, 70 azpitaldeko kontuetan abonatuta.
b) Abonatuko da:
b1) Zorrak osorik edo zati batean kitatzeagatik, eskuarki 57 azpitaldeko kontuetan zordunduta.
b2) Zalantzazko kobrantzakotzat jotako kredituagatik, 446 kontuan zordunduta.
b3) Behin betiko hutsegintzat jotako kredituaren bajagatik, 655 kontuan zordunduta.
445. Zordunak, lotutako aldeak.
UKEAk emandako definizioaren arabera, lotutako pertsona edo entitate diren zordunekin egindako kreditu komertzialak.
Balantzeko aktibo korrontean agertuko da.
Kontu honetako mugimendua 440 kontukoaren antzekoa da.
446. Zalantzazko kobrantzako zordunak.
Zordunen saldoak, zirkunstantzia batzuen ondorioz zentzuz esan badaiteke zalantzazko kobrantzakoak direla (urtebetetik gora igarotzea mugaegunetik; jakitea zorduna behin-behineko kaudimen gabeziako egoeran dagoela; afiliatuta ez dagoen zordun bat aurkitzeko arazoak), eta behin betiko kobraezintzat jotzea ez badagokio.
Balantzeko aktibo korrontean agertuko da.
Mugimendu hau du:
a) Zalantzazko kobrantzako zenbatekoa zordunduko da, 44 azpitaldeko kontu egokian abonatuta, 448 kontua salbuetsita.
b) Abonatuko da:
b1) Kaudimen gabezia irmoengatik, 655 kontuan zordunduta.
b2) Saldoen kobrantzagatik, 57 azpitaldeko kontuetan zordunduta.
447. Erabiltzaileak, zordunak.
Kredituak erabiltzaileekin, entitateak bere jardueraren barruan egindako zerbitzuen eta ondasunen entregengatik.
Balantzeko aktibo korrontean agertuko da.
Oro har, mugimendu hau du:
a) Ondasunak emateagatik edo zerbitzuak egiteagatik zordunduko da, 72 azpitaldeko kontuetan abonatuta.
b) Abonatuko da:
b1) Zorrak osorik edo zati batean kitatzeagatik, eskuarki 57 azpitaldeko kontuetan zordunduta.
b2) Behin betiko kobraezina den zatiagatik, 655 kontuan zordunduta.
448. Diru-laguntzen, babesletzaren eta lankidetzen ondoriozko zordunak.
Kredituak babesleekin, afiliatuekin, laguntzaileekin eta beste batzuekin, entitatearen jarduera propioaren helburuak lortzen laguntzeko jaso beharreko zenbatekoetan; bereziki dohaintzak eta legatuak. Kirol Jokoen ondoriozko ordainketengatik Nafarroako Gobernuarekin egindako kredituak eta antzeko sarrerak biltzen dira.
Balantzeko aktibo korrontean agertuko da.
Oro har, mugimendu hau du:
a) Jaso beharreko zenbatekoak zordunduko dira, normalean 13, 17 eta 72 azpitaldeetako kontuetan abonatuta.
b) Abonatuko da:
b1) Zorrak osorik edo zati batean kitatzeagatik, eskuarki 57 azpitaldeko kontuetan zordunduta.
b2) Behin betiko kobraezina den zatiagatik, 655 kontuan zordunduta.
449. Zalantzazko kobrantzako diru-laguntzen, babesletzaren eta lankidetzen ondoriozko erabiltzaileak eta zordunak.
448 kontuan jasotako zordunen saldoak, zirkunstantzia batzuen ondorioz zentzuz esan badaiteke zalantzazko kobrantzakoak direla (urtebetetik gora igarotzea mugaegunetik; jakitea zorduna behin-behineko kaudimen gabeziako egoeran dagoela; afiliatuta ez dagoen zordun bat aurkitzeko arazoak), eta behin betiko kobraezintzat jotzea ez badagokio.
Balantzeko aktibo korrontean agertuko da.
Mugimendu hau du:
a) Zalantzazko kobrantzako zenbatekoa zordunduko da, 448 kontuan abonatuta.
b) Abonatuko da:
b1) Kaudimen gabezia irmoengatik, 655 kontuaren zordunduta.
b2) Saldoen kobrantzagatik, 57 azpitaldeko kontuetan zordunduta.
46. Langileak.
460. Lansarien aurrerakinak.
464. Entregak justifikatu beharreko gastuetarako.
465. Ordaintzeko dauden lansariak.
Entitateari zerbitzuak egiten dizkioten eta lansariak 64 azpitaldean kontabilizatzen zaizkien pertsonekiko saldoak.
460. Lansarien aurrerakinak.
Entitateko langileei hurrengo hileko nominaren kontura egindako entregak.
Balantzeko aktibo korrontean agertuko da.
Oro har, mugimendu hau du:
a) Goian aipatu entregak egiten direnean zordunduko da, 57 azpitaldeko kontuetan abonatuta.
b) Aurrerakinak sortutako lansariekin konpentsatzen direnean abonua eginen da, 64 azpitaldeko kontuetan zordunduta.
464. Entregak justifikatu beharreko gastuetarako.
Erakundeko langileei, zuzendaritzako kideei edo laguntzaileei emandako zenbatekoak, geroago justifikatzeko.
Balantzeko aktibo korrontean agertuko da.
Oro har, mugimendu hau du:
a) Goian aipatu entregak egiten direnean zordunduko da, 57 azpitaldeko kontuetan abonatuta.
b) Entregak justifikatzean abonua eginen da, 6 taldeko kontu egokietan zordunduta, eta, soberakinik badago, 57 azpitaldeko kontuetan.
465. Ordaintzeko dauden lansariak.
640 eta 641 kontuetan aipatutako kontzeptuak direla-eta entitateak langileekin dituen zorrak.
Balantzeko pasibo korrontean agertuko da.
Oro har, mugimendu hau du:
a) Sortzapena izan duten eta ordaindu ez diren lansariengatik abonua eginen da, 640 eta 641 kontuetan zordunduta.
b) Lansariak ordaintzen direnean zordunduko da, 57 azpitaldeko kontuetan abonatuta.
47. Administrazio publikoak.
470. Ogasun Publikoa, zorduna zenbait kontzepturengatik.
4700. Ogasun Publikoa, zorduna BEZarengatik.
4708. Ogasun Publikoa, zorduna emandako diru-laguntzengatik.
4709. Ogasun Publikoa, zorduna zergen itzulketagatik.
471. Gizarte Segurantzako erakundeak, zordun.
472. Ogasun Publikoa, jasandako BEZa.
473. Ogasun Publikoa, atxikipenak eta konturako ordainketak.
475. Ogasun Publikoa, hartzekoduna kontzeptu fiskalengatik.
4750. Ogasun Publikoa, hartzekoduna BEZarengatik.
4751. Ogasun Publikoa, hartzekoduna eginiko atxikipenengatik.
4752. Ogasun Publikoa, hartzekoduna sozietateen gaineko zergarengatik.
4758. Ogasun Publikoa, hartzekoduna itzuli beharreko diru-laguntzengatik.
476. Gizarte Segurantzako erakundeak, hartzekodun.
477. Ogasun Publikoa, jasanarazitako BEZa.
Saldoak administrazio publikoekin, tributuengatik, kotizazio sozialengatik eta diru-laguntzengatik. Zerga araudiaren arabera, kirol federazioen jarduera gehienak BEZik eta sozietateen gaineko zergarik gabekoak dira, baina baliteke eragiketa batzuetan salbuespen hori ezin baliatzea eta zerga hori ordaindu behar izatea (ondasunen salmenta, federazio jarduerei ez dagozkien zerbitzuak egitea, ikuskizunetarako sarrerak...).
470. Ogasun Publikoa, zorduna zenbait kontzepturengatik.
Diru-laguntzak, konpentsazioak, zerga arintzeak, zerga itzulketak eta, oro har, arrazoi fiskalengatik edo sustapenagatik Administrazio Publikoek ezarritako hartukizunak, Gizarte Segurantza sartu gabe.
Balantzeko aktiboan agertuko da.
Lau zifrako aipatu kontu horien edukia eta mugimendua hau da:
4700. Ogasun Publikoa, zorduna BEZarengatik.
Zergaldi bakoitzean, jasandako BEZ kengarria jasanarazitako BEZa baino handiagoa bada, bien arteko aldea.
a) Likidazio aldi bakoitza amaitzean, aipatu soberakinaren zenbatekoa zordunduko da, 472 kontuan abonatuta.
b) Abonatuko da:
b1) Ondorengo aitorpen-likidazio batean konpentsatuz gero, 477 kontuan zordunduta.
b2) Ogasun Publikoak itzuliz gero, 57 azpitaldeko kontuetan zordunduta.
4708. Ogasun Publikoa, zorduna emandako diru-laguntzen eta Kirol Jokoen ondorioz.
Kredituak Ogasun Publikoarekin, estatukoa, autonomikoa edo udal mailakoa izanda ere, emandako diru-laguntzengatik.
a) Ematean zordunduko da, normalean 130, 172, 740 edo 741 kontuan abonatuta.
b) Kobratzean abonua eginen da, eskuarki 57 azpitaldeko kontuetan zordunduta.
4709. Ogasun Publikoa, zorduna zergen itzulketagatik.
Zerga itzulketak direla-eta, entitateak Ogasun Publikoarekin dituen kredituak.
a) Zordunduko da:
a1) Atxikipenengatik eta itzuli beharreko konturako ordainketengatik, 473 kontuan abonatuta.
a2) Aurretik kitatu eta ordaindu diren beste zerga batzuen itzulketetan, abonua 638 kontuan eginda.
b) Kobratzean abonua eginen da, 57 azpitaldeko kontuetan zordunduta.
471. Gizarte Segurantzako erakundeak, zordun.
Entitatearen aldeko kredituak, entitateak aurreratutako gizarte prestazioengatik, Gizarte Segurantzaren kargura badira.
Balantzeko aktiboan agertuko da.
Mugimendu hau du:
a) Gizarte Segurantzaren kargura egin eta entitateak aurreratutako prestazioengatik zordunduko da, eskuarki 57 azpitaldeko kontuetan abonatuta
b) Kreditua kitatzean abonatuko da, eskuarki 476 kontuan zordunduta.
472. Ogasun Publikoa, jasandako BEZa.
Ondasunak eta zerbitzuak erostean eta lege testuak aipatzen dituen beste eragiketa batzuetan sortutako BEZa, kengarria denean.
Mugimendu hau du:
a) Zordunduko da:
a1) BEZ kengarriaren zenbatekoa, zerga sortzen denean, 1, 4 edo 5 taldeetako hartzekodun edo hornitzaile kontuetan abonatuta, edo 57 azpitaldeko kontuetan.
a2) Hainbanaketa Erregelan zehaztutako erregularizatzeei dagokien BEZ kengarrian sortzen diren alde positiboekin, 639 kontuan abonatuta.
b) Abonatuko da:
b1) Likidazio aldiko aitorpen-likidazioan konpentsatzen den BEZ kengarriaren zenbatekoa, 477 kontuan zordunduta. Idazpen hori egin eta gero 472 kontuan saldorik geratzen bada, horren kopurua 4700 kontuan zordunduko da.
b2) Hainbanaketa Erregelan zehaztutako erregularizatzeei dagokien BEZ kengarrian sortzen diren alde negatiboekin, 634 kontuan zordunduta.
473. Ogasun Publikoa, atxikipenak eta konturako ordainketak.
Entitateari atxikitako kopuruak eta berak zergen kontura eginiko ordainketak.
Oro har, mugimendu hau du:
a) Atxikipenaren edo konturako ordainketaren zenbatekoa zordunduko da, eskuarki 57 azpitaldeko kontuetan eta 76 azpitaldekoetan abonatuta.
b) Abonatuko da:
b1) Jasandako atxikipenen eta egindako sozietateen gaineko zergaren konturako sarreren zenbatekoa, aldiko kuota likidoaren zenbatekoraino, 630 kontuan zordunduta.
b2) Jasandako atxikipenen eta sozietateen gaineko zergaren konturako sarreren zenbatekoa, entitateari itzuli behar bazaizkio, 4709 kontuan zordunduta.
475. Ogasun Publikoa, hartzekoduna kontzeptu fiskalengatik.
Ordaintzeko dauden administrazio publikoen aldeko tributuak, bai entitatea zergaduna bada, bai zergadunaren ordezkoa edo atxikitzailea bada.
Balantzeko pasiboan agertuko da.
Lau zifrako aipatu kontu horien edukia eta mugimendua hau da:
4750. Ogasun Publikoa, hartzekoduna BEZarengatik.
Zergaldi bakoitzean, jasanarazitako BEZak jasandako BEZ kengarriari ateratzen dion aldea.
a) Likidazio aldiaren amaieran abonua eginen da, aipatu soberakinaren zenbatekoan, 477 kontuan zordunduta.
b) Aipatu soberakinaren zenbatekoa zordunduko da, ordaintzen denean, 57 azpitaldeko kontuetan abonatuta.
4751. Ogasun Publikoa, hartzekoduna eginiko atxikipenengatik.
Egindako baina Ogasun Publikoari ordaindu gabeko zerga atxikipenen zenbatekoa.
a) Tributua sortzean abonua eginen da, entitatea zergadunaren ordezkoa edo atxikitzailea bada, 4, 5 edo 6 taldeetako kontuetan zordunduta.
b) Ordaindutakoan zordunduko da, 57 azpitaldeko kontuetan abonatuta.
4752. Ogasun Publikoa, hartzekoduna sozietateen gaineko zergarengatik.
Ordaintzeko dagoen sozietateen gaineko zergaren zenbatekoa.
a) Sartu beharreko kuota abonatuko da, normalean 630 kontuan zordunduta, eta, hala egokituz gero, 130 edo 132 kontuan ere bai.
b) Ordaindutakoan zordunduko da, 57 azpitaldeko kontuetan abonatuta.
4758. Ogasun Publikoa, hartzekoduna itzuli beharreko diru-laguntzengatik.
Zorrak Ogasun Publikoarekin itzuli beharreko diru-laguntzen ondorioz.
a) Itzuli beharreko diru-laguntzaren zenbatekoa abonatuko da, eskuarki 172 o 130 kontuan zordunduta.
b) Itzulketa egiten denean zordunduko da, 57 azpitaldeko kontuetan abonatuta.
476. Gizarte Segurantzako erakundeak, hartzekodun.
Kitatu gabeko zorrak Gizarte Segurantzako erakundeekin, sortutako eta oraindik likidatu gabeko kotizazio sozialengatik.
Balantzeko pasiboan agertuko da.
Mugimendu hau du:
a) Abonatuko da:
a1) Entitateari dagozkion kuotengatik, 642 kontuan zordunduta.
a2) Entitateko langileei dagozkien kuoten atxikipenengatik, 465 edo 640 kontuan zordunduta.
b) Zorra kitatzen denean zordunduko da, 57 azpitaldeko kontuetan abonatuta.
477. Ogasun Publikoa, jasanarazitako BEZa.
Ondasunak entregatzearen edo zerbitzuak ematearen ondorioz sortutako BEZa, bai eta, zerga araudiaren arabera, zerga hori ezarri behar zaien beste eragiketa batzuen ondorioz sortutakoa ere.
Mugimendu hau du:
a) Jasanarazitako BEZaren zenbatekoa abonatuko da zerga sortzen denean, 2., 4. edo 5. taldeetako zordun edo bezero kontuetan zordunduta, edo 57 azpitaldekoetan.
b) Likidazio aldiko aitorpen-likidazioan konpentsatzen den jasandako BEZ kengarriaren zenbatekoa zordunduko da, 472 kontuan abonua eginda. Idazpen hori egin eta gero 477 kontuan saldorik geratzen bada, horren kopurua 4750 kontuan abonatuko da.
48. Periodifikazioagatiko doikuntzak.
480. Gastu aurreratuak.
485. Diru-sarrera aurreratuak.
480. Gastu aurreratuak.
Ixtekoa den ekitaldian kontabilizatu arren hurrengo ekitaldiari dagozkion gastuak.
Balantzeko aktibo korrontean agertuko da.
Mugimendu hau du:
a) Ekitaldia ixten denean zordunduko da, hurrengo ekitaldiari egotzi beharreko gastuak erregistratu dituzten 6. taldeko kontuetan abonatuta.
b) Hurrengo ekitaldiaren hasieran abonua eginen da, 6. taldeko kontuetan zordunduta.
485. Diru-sarrera aurreratuak.
Ixtekoa den ekitaldian kontabilizatu arren hurrengo ekitaldiari dagozkion diru-sarrerak.
Balantzeko pasibo korrontean agertuko da.
Mugimendu hau du:
a) Ekitaldia ixten denean abonua eginen da, hurrengo ekitaldiari dagozkion sarrerak erregistratu dituzten 7. taldeko kontuetan zordunduta.
b) Hurrengo ekitaldiaren hasieran zordunduko da, 7. taldeko kontuetan abonatuta.
49. Jarduerako eragiketa komertzialen eta epe laburreko horniduren ondoriozko kredituen balio narriadura.
490. Bezeroen kredituen balio narriadura.
493. Beste zordun batzuen kredituen balio narriadura.
495. Diru-laguntzen, babesletzaren eta lankidetzen ondoriozko zordunen eta erabiltzaileen narriadura.
Bezeroen eta beste zordun batzuen kaudimen gabeziako ezkutuko egoerengatik merkataritza eragiketek aktibo finantzarioen balioan eragindako narriaduraren ondoriozko zuzenketak.
Balantzeko aktiboan agertuko dira, eta kasuan kasuko ondare elementua agertzen den partida urrituko dute.
490. Bezeroen kredituen balio narriadura.
Jatorria trafiko eragiketetan izanik, zeinak 43 azpitaldean bilduta baitaude, kredituak narriatzearen ondorioz egindako balio zuzenketen zenbatekoa.
Mugimendu hau du:
a) Kalkulatutako galeraren zenbatekoa abonatuko da, 694 kontuan zordunduta.
b) Kontu zuzentzailea banan-banan hornitzeko arrazoi izandako bezeroen eta zordunen saldoei baja ematen zaien neurrian zordunduko da, edo zenbatetsitako galerak behera egiten badu geroagoko gertaera baten ondorioz, 794 kontuan abonatuta.
493. Beste zordun batzuen kredituen balio narriadura.
Kredituak narriatzearen ondoriozko balio zuzenketen zenbatekoa, 44 azpitaldeko zordunekin, 447 eta 448 kontuetakoak salbuetsita, egindako trafiko eragiketetan gertatu bada narriadura.
Kontu honetako mugimendua 490 kontuarentzat adierazitakoaren antzekoa da.
495. Diru-laguntzen, babesletzaren eta lankidetzen ondoriozko zordunen eta erabiltzaileen kredituen narriadura.
Kredituak narriatzearen ondoriozko balio zuzenketen zenbatekoa, narriadura erabiltzaileekin, babesleekin, afiliatuekin eta 447 eta 448 kontuetan jasotako bestelako zordunekin egindako entitatearen berezko jarduerako eragiketetan gertatu bada.
Kontu honetako mugimendua 490 kontuarentzat adierazitakoaren antzekoa da.
5. taldea: kontu finantzarioak.
Eragiketa ez-komertzialen ondoriozko tresna finantzarioak, hau da, trafikoarekin zerikusirik ez duten eta beranduenez urtebeteko epean mugaeguneratzea, besterentzea edo gauzatzea espero diren eragiten ondoriozkoak, eta baliabide likido erabilgarriak.
52. Epe laburrerako zorrak harturiko maileguengatik eta beste kontzeptu batzuengatik.
520. Epe laburrerako zorrak kreditu entitateekin.
521. Epe laburrerako zorrak.
522. Diru-laguntza, dohaintza eta legatu bihur daitezkeen epe laburreko zorrak.
523. Epe laburreko ibilgetu hornitzaileak.
524. Epe laburreko errentamendu finantzarioaren ondoriozko hartzekodunak.
527. Kreditu entitateekiko zorren epe laburreko interesak.
528. Zorren epe laburreko interesak.
529. Epe laburreko hornidurak.
Lotutako pertsona edo entitateekikoa ez den epe laburreko besteren finantziazioa. Azpitalde honek epe laburrean iraungiko direla espero den hornidurak ere biltzen ditu.
Azpitalde honetako kontuak balantzeko pasibo korrontean agertuko dira.
520. Epe laburrerako zorrak kreditu entitateekin.
Hartutako maileguen eta beste zor batzuen ondorioz kreditu entitateekin egindakoak, mugaeguneratzeko epea urtebetetik gorakoa ez bada.
Mugimendu hau du:
a) Abonatuko da:
a1) Mailegu bat formalizatzean, jasotako zenbatekoa, transakzio gastuen zenbatekoa gutxituta, eta 57 azpitaldeko kontuetan zordunduta.
a2) Emandako kreditu bateko funtsak erabiltzen direnean, 57 azpitaldeko kontuetan zordunduta.
a3) Errenboltso baliora iritsi arte sortutako gastu finantzarioa, normalean 662 kontuan zordunduta.
b) Zorrak osorik edo zati batean kitatzeagatik zordunduko da, 57 azpitaldeko kontuetan abonatuta.
521. Epe laburrerako zorrak.
Azpitalde honetako beste kontu batzuetan jaso gabeko maileguengatik eta beste zor batzuengatik hirugarrenekin egindakoak, mugaeguneratzeko epea urtebetetik gorakoa ez bada.
520 kontuaren antzeko mugimendua du.
522. Diru-laguntza, dohaintza eta legatu bihur daitezkeen epe laburreko zorrak.
Administrazio publiko nazionalek zein nazioartekoek, entitateek edo partikularrek diru-laguntza, dohaintza edo legatu itzulgarri moduan emandako zenbatekoak, gehienez ere urtebetera mugaeguneratzen badira.
Mugimendu hau du:
a) Entitateari emandako zenbatekoak abonatuko dira, normalean 44 edo 57 azpitaldeko kontuetan zordunduta.
b) Zordunduko da:
b1) Zenbatekoa osorik edo zati batean txikitzea eragiten duen edozein gorabeherarengatik, emateko baldintzen arabera, normalean 4758 kontuan zordunduta.
b2) Itzulgarria izateari utziz gero, saldoa 130 kontuan edo 74 azpitaldeko kontuetan abonatuta.
523. Epe laburreko ibilgetu hornitzaileak.
Zorrak 2 taldean zehaztutako ondasunen hornitzaileekin, mugaeguneratzeko epea urtebetetik gorakoa ez bada.
Mugimendu hau du:
a) Hornitutako ondasunak adostasunez jasotzean abonatuko da, 2. taldeko kontuetan zordunduta.
b) Zorrak osorik edo zati batean kitatzeagatik zordunduko da, 57 azpitaldeko kontuetan abonatuta.
524. Epe laburreko errentamendu finantzarioaren ondoriozko hartzekodunak.
Urtebetetik gorakoa ez den epean mugaeguneratzen diren zorrak ondasunen erabileraren lagatzaile diharduten beste entitate batzuekin, errentamendu finantzario moduan sailkatu behar diren akordioetan, erregistro eta balorazio arauetan jasotako moduan.
523 kontuaren antzeko mugimendua du.
527. Kreditu entitateekiko zorren epe laburreko interesak.
Kreditu erakundeekiko zorren interes ordaindu beharrekoak, mugaeguna epe laburrera dutenak.
Mugimendu hau du:
a) Ekitaldian zehar sortutako interes esplizituen zenbatekoa abonatuko da, mugaeguneratu ez direnena barne, 662 kontuan zordunduta.
b) Ordainketa gertatzen denean zordunduko da, 57 azpitaldeko kontuetan abonatuta.
528. Zorren epe laburreko interesak.
Zorren ordaindu beharreko interesak, epe laburrean mugaeguneratzen badira, 527 kontuan erregistratu behar direnak salbuetsita.
Mugimendu hau du:
a) Ekitaldian zehar sortutako interes esplizituen zenbatekoa abonatuko da, mugaeguneratu ez direnena barne, 662 kontuan zordunduta.
b) Zordunduko da:
b1) Zergen konturako atxikipenagatik, hala dagokionean, 475 kontuan abonatuta.
b2) Ordaintzean, 57 azpitaldeko kontuetan abonatuta.
529. Epe laburreko hornidurak.
14 azpitaldeko horniduren artean ezeztapena epe laburrean aurreikusita dutenek pasibo korronteko “Epe laburreko hornidurak” epigrafean agertu beharko dute; ondorio horietarako, azpitalde horretara aldatuko da 14 azpitaldeko kontu egokietan epe laburreko mugaeguna duen epe luzeko betebeharra adierazten duen zenbatekoa.
Azpitalde honetan sartutako lau zifrako aipatu kontuen mugimendua 14 azpitaldean dagozkien kontuen mugimenduaren antzekoa da.
54. Epe laburreko beste inbertsio finantzario batzuk.
542. Epe laburreko kredituak.
547. Kredituen epe laburreko interesak.
548. Epe laburreko ezarpenak.
Aldi baterako inbertsio finantzarioak, haiek instrumentatzeko modua edozein izanda ere, sortutako interesak barne, mugaeguneratzeko epea urtebetetik gorakoa ez bada, edo mugaegunik ez badute, entitateak epe laburrean saltzeko asmoa duenean.
542. Epe laburreko kredituak.
Hirugarrenei emandako maileguak eta merkataritzaz kanpoko bestelako kredituak, igorpen efektu bidez formalizatzen direnak barne, mugaeguneratze epea urtebetetik gorakoa ez badute.
Kontu honetan entitateari emandako epe laburreko kobrantzako kapital dohaintzak eta legatuak ere sartuko dira, itzulgarriak izan zein ez, dirua edo beste tresna finantzario batzuk emanez likidatzen badira, 44 edo 47 azpitaldeko kontuetan erregistratu beharreko diru-laguntzak salbuetsita.
Balantzeko aktibo korrontean agertuko da.
Kontuaren mugimendua hau da:
a) Kreditua formalizatzen denean, haren zenbatekoa zordunduko da, 57 azpitaldeko kontuetan abonatuta.
b) Osorik edo zati batean itzultzeagatik abonatuko da, edo aktiboan baja emateagatik, normalean 57 azpitaldeko kontuetan zordunduta, eta, galerak izanez gero, 667 kontuan.
547. Kredituen epe laburreko interesak.
Kredituengatik kobratu beharreko interesak, mugaeguneratze epea urtebetetik gorakoa ez badute.
Balantzeko aktibo korrontean agertuko da.
Kontuaren mugimendua hau da:
a) Sortutako interes esplizituak zordunduko dira, mugaeguneratze epea urtebetetik gorakoa ez badute, eta 762 kontuan abonatuko da.
b) Kobratutako interesen zenbatekoa abonatuko da, 57 azpitaldeko kontuetan zordunduta, eta, galerak izanez gero, 667 kontuan.
548. Epe laburreko ezarpenak.
“Eperako kontua” edo antzekoen bidez formalizatutako banku eta kreditu erakundeetako aldeko saldoak, gehienez urtebeteko mugaeguneratze epea badute, eta sistema finantzarioa arautzen duten baldintzak betez. Lau zifrako kontuetan behar bezala garatuta, eperako ezarpenetan kobratu beharreko interesak ere jasoko dira, urtebetetik gorako mugaeguna badute.
Balantzeko aktibo korrontean agertuko da.
Mugimendu hau du:
a) Formalizatzen denean zordunduko da, emandako zenbatekoan.
b) Funtsak berreskuratzean edo eskualdatzean abonua eginen da.
55. Bestelako kontuak, bankukoak ez direnak.
551. Kontu korrontea zuzendaritzakoekin.
552. Kontu korrontea lotutako beste pertsona batzuekin.
555. Aplikatu zain dauden partidak.
551/552. Kontu korronteak besterekin...
Diruzko kontu korronteak administratzaileekin, zuzendaritzako kideekin eta entitatearen hornitzaile, bezero edo kreditu erakunde bat ez den beste edozein pertsona natural edo juridikorekin. Dirua gastu baten etorkizuneko justifikazioaren kontura ematen denean erabiliko dira bereziki kontu hauek, edo, bestela, aipatu pertsonek beren diruarekin ordainketa bat egiten dutenean entitatearen kontura.
Aktibo korrontean agertuko da saldoa zorduna bada, eta pasibo korrontean, berriz, saldoa hartzekoduna bada.
Mugimendu hau du:
a) Zordunduko da:
a1) Gastu baten etorkizuneko justifikazioaren kontura emandako zenbatekoak, 57 azpitaldeko kontuetan abonatuta.
a2) Entitatearen kontura aurrez egindako ordainketa baten ondorioz administratzaileei, zuzendaritzako kideei eta beste pertsona batzuei ordaindutako zenbatekoak, 57 azpitaldeko kontuetan abonatuta.
b) Abonatuko da:
b1) Aurretik konturako entrega bat egiteko arrazoi izandako gastu baten justifikazioagatik, gastu kontu egokian zordunduta, eta ordaindutako aldeagatik, 57 azpitaldeko kontuetan.
b2) Administratzaileek, zuzendaritzako kideek eta beste pertsona batzuek entitatearen kontura ordaindutako zenbatekoa, gastu kontu batean edo saldo hartzekodun bat adierazten duen batean zordunduta; normalean, 40 edo 41 azpitaldekoa izaten da.
555. Aplikatu zain dauden partidak.
Hartutako funtsak, zergatia, hasiera batean, identifikagarria ez bada, eta beren izaeragatik beste azpitalde batzuetan sartu behar diren eragiketei ez badagozkie. Horrelako funtsak zertarako bidali diren argitu arte egonen dira kontu honetan erregistraturik, ez luzaroago.
Balantzeko pasibo korrontean agertuko da.
Mugimendu hau du:
a) Kobrantzengatik abonua eginen da, 57 azpitaldeko kontuetan zordunduta.
b) Aplikazioa egindakoan zordunduko da, benetan dagokion kontuan abonatuta.
56. Epe laburrerako hartu eta eratutako fidantzak eta gordailuak, eta periodifikazioagatiko doikuntzak.
560. Epe laburrerako harturiko fidantzak.
561. Epe laburrerako harturiko gordailuak.
565. Epe laburrerako eratutako fidantzak.
566. Epe laburrerako eratutako gordailuak.
Epe luzerako hartu edo eratutako fidantzen eta gordailuen artean epe laburreko mugaeguneratzea duen zatiak balantzeko pasibo edo aktibo korrontean agertu beharko du; hori dela eta, epe luzerako fidantza eta gordailuen artetik epe laburrean mugaeguneratzen direnen zenbatekoa 18 eta 26 azpitaldeetako kontuetatik azpitalde honetara aldatuko da.
560. Epe laburrerako harturiko fidantzak.
Betebeharrak betetzeko berme gisa harturiko dirua, epea urtebetetik gorakoa izan gabe.
Balantzeko pasibo korrontean agertuko da.
Mugimendu hau du:
a) Eratzean, jasotako dirua abonatuko da, 57 azpitaldeko kontuetan zordunduta.
b) Zordunduko da:
b1) Kitatzean, 57 azpitaldeko kontuetan abonatuta.
b2) Bermatutako betebeharra ez betetzeak fidantzan galera izatea dakarrenean, 759 kontuan abonatuta.
561. Epe laburrerako harturiko gordailuak.
Gehienez ere urtebeteko eperako gordailu irregular gisa harturiko dirua.
Balantzeko pasibo korrontean agertuko da.
Mugimendu hau du:
a) Eratzean, jasotako dirua abonatuko da, 57 azpitaldeko kontuetan zordunduta.
b) Kitatzean zordunduko da, 57 azpitaldeko kontuetan abonatuta.
565. Epe laburrerako eratutako fidantzak.
Betebeharrak betetzeko berme gisa emaniko dirua, epea urtebetetik gorakoa ez denean.
Balantzeko aktibo korrontean agertuko da.
Mugimendu hau du:
a) Eratzean zordunduko da emandako dirua, 57 azpitaldeko kontuetan abonatuta.
b) Abonatuko da:
b1) Kitatzean, 57 azpitaldeko kontuetan zordunduta.
b2) Bermatutako betebeharra ez bete eta horren ondorioz fidantzan galerak izateagatik, 659 kontuan zordunduta.
566. Epe laburrerako eratutako gordailuak.
Gehienez ere urtebeteko eperako gordailu irregular gisa emandako dirua.
Balantzeko aktibo korrontean agertuko da.
Mugimendu hau du:
a) Eratzean zordunduko da emandako dirua, 57 azpitaldeko kontuetan abonatuta.
b) Kitatzean abonatuko da, 57 azpitaldeko kontuetan zordunduta.
57. Diruzaintza.
570. Kutxa, euroak.
571. Kutxa, atzerriko dirua.
572. Bankuak eta kreditu erakundeak, euroak.
570/571. Kaxa.
Kutxan dauden baliabide likidoak.
Balantzeko aktibo korrontean agertuko dira.
Mugimendu hau du:
Baliabide likidoak sartzean zordunduko dira, eta ateratzen direnean, berriz, abonatuko, kontrapartida gisa erabili behar diren kontuetan abonatuta eta zordunduta, berekin kobrantza edo ordainketa ekarri duen eragiketaren arabera.
572. Bankuak eta kreditu erakundeak.
Entitatearen aldeko saldoak, berehala erabil daitezkeen kontuetan, bankuetan eta kreditu erakundeetan.
Balantzeko aktibo korrontean agertuko dira.
Mugimendu hau du:
a) Diru emateengatik eta transferentziengatik zordunduko da, kontrapartida gisa erabili behar den kontuan abonatuta, kobrantza eragiten duen eragiketaren izaeraren arabera.
b) Saldo osoa edo zati bat erabiltzeagatik abonua eginen da, kontrapartida gisa erabili behar den kontuan zordunduta, ordainketa eragiten duen eragiketaren izaeraren arabera.
59. Epe laburrerako inbertsio finantzarioen balio narriadura.
598. Epe laburrerako kredituen balio narriadura.
54 azpitaldeko kredituen balioa narriatzearen ondoriozko balio zuzenketen zenbatekoa.
Kontuaren mugimendua hau da:
a) Kalkulatutako narriaduraren zenbatekoa abonatuko da, 699 kontuan zordunduta.
b) Zordunduko da:
b1) Narriadura ondoriozko balio zuzenketa aitortzea eragin zuten arrazoiak desagertzen direnean, 799 kontuan abonatuta.
b2) Kobraezina de kredituaren zatia, 655 kontuan abonatuta.
6. taldea: erosketak eta gastuak.
Forma eta muina aldatu gabe edo egokitzeko, eraldatzeko edo eraikitzeko prozesuen ondoren jarduerarako diren ondasunen horniduran jatorria duten gastuak. Ekitaldiko beste gastu batzuk ere biltzen ditu, zerbitzuen eta material kontsumigarrien erosketak barne.
Oro har, 6. taldeko kontu guztiak abonatu egiten dira, ekitaldiaren itxieran, 129 kontuan zordunduta.
60. Erosketak.
600. Salmentarako ondasunen erosketak.
601. Kirol materialaren erosketak.
602. Beste material batzuen erosketak.
606. Erosketen gaineko deskontuak, goiz ordaintzeagatik.
607. Beste entitate batzuek egindako lanak.
608. Erosketen itzulketak eta antzeko eragiketak.
609. “Rappel”ak erosketengatik.
600/602....(r)(e)n erosketak.
Entitatea 30 eta 32 azpitaldeetako ondasunez hornitzea.
Kontu hauetan erosketen zenbatekoa zordunduko da, hornitzaileen bidalketak hartzen direnean, edo bidean jartzean, salgaiak eta ondasunak entitatearen kontura garraiatzen badira, 40 edo 57 azpitaldeko kontuetan abonatuta.
606. Erosketen gaineko deskontuak, goiz ordaintzeagatik.
Hornitzaileek entitateari, goiz ordaintzeagatik, eta fakturan sartu gabe, egindako deskontuak eta parekoak.
Mugimendu hau du:
a) Egindako deskontuengatik eta parekoengatik abonatuko da, normalean 40 azpitaldeko kontuetan zordunduta.
b) Ekitaldia ixten denean dagoen saldoa zordunduko da, 129 kontuan abonatuta.
607. Beste entitate batzuek egindako lanak.
Jarduera propioak egiteko prozesuaren barruan beste entitate batzuei eskatzen zaizkien lanak jasotzen ditu.
Mugimendu hau du:
a) Agindutako lanen zenbatekoa zordunduko da, lanak amaitzen direnean, 41 edo 57 azpitaldeko kontuetan abonatuta.
b) Ekitaldia ixten denean dagoen saldoa abonatuko da, 129 kontuan zordunduta.
608. Erosketen itzulketak eta antzeko eragiketak.
Hornitzaileei itzulitako bidalketak, normalean eskariko baldintzak ez betetzeagatik, Kontu honetan faktura hartu eta gero arrazoi beragatik sortzen diren deskontuak eta antzekoak ere kontabilizatuko dira.
Mugimendu hau du:
a) Itzultzen diren erosketen zenbatekoa abonatuko da, bai eta, hala egokituz gero, deskontuen eta lortutako antzekoen zenbatekoa ere, 40 edo 57 azpitaldeko kontuetan zordunduta.
b) Ekitaldia ixten denean dagoen saldoa zordunduko da, 129 kontuan abonatuta.
609. “Rappel”ak erosketengatik.
Eskari kopuru jakin bat lortu izana oinarri duten deskontuak eta antzekoak.
Oro har, mugimendu hau du:
a) Hornitzaileek emanda, entitateari dagozkion “rappel”engatik abonatuko da, 40 edo 57 azpitaldeko kontuetan zordunduta.
b) Ekitaldia ixten denean dagoen saldoa zordunduko da, 129 kontuan abonatuta.
61. Izakinetako aldakuntza.
610. Salmentarako ondasunen izakinetako aldakuntza.
611. Kirol materialaren izakinetako aldakuntza.
612. Beste material batzuen izakinetako aldakuntza.
610//612....(r)(e)n izakinetako aldakuntza.
30 eta 32 azpitaldeei (salgaiak eta beste hornidura batzuk) dagozkien amaierako eta hasierako izakinen arteko aldeak ekitaldia ixtean erregistratzeko kontuak.
Mugimendu hau du:
Hasierako izakinen zenbatekoa zordunduko da, eta amaierako izakinen zenbatekoa abonatuko, hurrenez hurren 30 eta 32 azpitaldeetako kontuetan abonatuta eta zordunduta. Kontu hauetan geratzen den saldoa 129 kontuan zordundu edo abonatuko da, egokia zer den.
62. Kanpoko zerbitzuak.
621. Errentamenduak eta kanonak.
622. Konponketak eta kontserbazioa.
623. Profesionalen zerbitzuak.
624. Bidaia-gastuak.
625. Aseguru primak.
626. Banku zerbitzuak eta antzekoak.
627. Publizitatea, propaganda eta harreman publikoak.
628. Hornidurak.
629. Bestelako zerbitzuak.
Entitateak erositako askotariko zerbitzuak, ibilgetuaren erosketako prezioaren edo epe laburreko inbertsio finantzarioen parte ez badira.
620/629 kontuetako zordunketak, eskuarki, 410 kontuan, 57 azpitaldeko kontuetan, 14 azpitaldeko edo 529 kontuko horniduretan eta, egin beharreko atxikipenengatik, 475 kontuan abonatuta eginen dira. Azpikontu egokien erabileraren bidez zehaztu beharko da gastuak zertarako diren (administrazio erabilerak edo kirol erabilerak).
621. Errentamenduak eta kanonak.
Errentamenduak.
Entitateak erabiltzen dituen edo bere esku dituen ondasun higigarri eta higiezinen errentamendu edo alokairu operatiboagatik sortutakoak.
Kanonak.
Jabetza industrialaren edo intelektualaren adierazpen ororen erabiltzeko edo erabilera emateko eskubideagatik ordaindutako zenbateko finko edo aldakorrak. Kontzeptu horren barruan dago kirol gertakariak antolatzeko edo emateko eskubideak soil-soilik urte baterako erostea.
622. Konponketak eta kontserbazioa.
2. taldean sartzen diren ondasunak mantentzekoak.
623. Profesionalen zerbitzuak.
Entitatearentzat egindako zerbitzuengatik profesionalei ordaintzen zaien zenbatekoa. Kirol jarduerekin (teknikariak, sanitarioak, epaileak eta arbitroak, kirolariak) eta administrazio jarduerekin (aholkulariak, letratuak, auditoreak, notarioak eta abar) zerikusia duten profesionalen ordainsariak biltzen ditu. Inoiz ere ez dira sartzen profesional horien bidaia gastuak eta dietak, 624 kontuan jaso behar baitira. Zuzendaritzako kideen bidaia gastuak eta dietak ere ez dira sartzen kontu honetan, aurrekoak bezala 624 kontuan jaso behar baitira.
624. Bidaia-gastuak.
Zerbitzu horiek ematen dituzten enpresei ordaindutako garraio, ostatu eta mantenu gastuak, eta kirolariek, teknikariek, zuzendaritzako kideek eta beste batzuek federazio jarduerengatik (kirol arlokoak, prestakuntza arlokoak, instituzionalak) egindako bidaiak justifikatzen dituztenei zuzenean emandako dietak eta kilometrajeak. Gastuak beren izaeraren eta parte-hartzaileen arabera banakatu beharko dira kasuan kasuko azpikontuetan. Entitatea ordezkatzearekin eta harreman publikoekin zerikusia duten garraio, ostatu eta mantenu gastuak inoiz ere ez dira sartzen, 627 kontuan jaso behar baitira.
625. Aseguru primak.
Aseguru primengatik ordaintzen diren kopuruak, entitateko langileei dagozkienak izan ezik, 649 kontuan erregistratu behar baitira.
626. Banku zerbitzuak eta antzekoak.
Banku zerbitzuengatik eta antzekoengatik gastu finantzario izan gabe ordaindutako zenbatekoak.
627. Publizitatea, propaganda eta harreman publikoak.
Aipatu kontzeptuak direla-eta ordaindutako gastuen zenbatekoa. Publizitate eta propaganda gastuak banakatzean, kontuan hartuko da zeinek duten lotura oro har entitatearekin, eta zein dauden lotuta kirol gertakari zehatz batzuekin. Harreman publikoetako gastuak banakatzean, honako hauek kontuan hartuko dira: federazioaren jarduera orokorren ondoriozkoak (adibidez, sariak emateko urteko ekitaldiak, edo denboraldia ixtekoak, federatu, teknikari eta zuzendaritzako kide ugari bertaratuta), eta zuzendaritzako kideek entitatea ordezkatzeko beren eginkizunen barruan egiten dituzten jarduerei dagozkienak. Inoiz ere ez dira sartzen federazio jardueren ondorioz (kirol arlokoak, prestakuntza arlokoak, instituzionalak) egindako garraio, ostatu eta mantenu gastuak, dietak eta kilometrajeak, 624 kontuan zorduntzen baitira.
628. Hornidurak.
Elektrizitatea, gasa, ura eta biltegiratzeko modukoa ez den beste edozein hornidura.
629. Bestelako zerbitzuak.
Aurreko kontuetan sartzen ez direnak.
Kontu honetan, besteak beste, hauek kontabilizatuko dira:mezularitzako eta antzeko administrazio gastuak, telefonia eta datuak, liburuak, harpidetzak eta prestakuntza materialak, eta inskripzio kuotak.
63. Tributuak.
630. Mozkinen gaineko zerga.
631. Beste tributu batzuk.
634. Zeharkako zergen doikuntza negatiboak.
639. Zeharkako zergen doikuntza positiboak.
630. Mozkinen gaineko zerga.
Ekitaldian sortutako mozkinen gaineko zergaren zenbatekoa, ondare garbiko partida batean zuzenean aintzatetsi den transakzio edo gertakari baten ondorioz sortutakoa izan ezik.
Oro har, lau zifrako aipatu kontu horien edukia eta mugimendua hau da:
Zordunduko da:
a1) Sartu beharreko kuota, 4752 kontuan abonatuta.
a2) Jasandako atxikipenak eta zergaren konturako sarrera gauzatuak, aldiko kuota likidoaren zenbatekoraino, 473 kontuan abonatuta.
631. Beste tributu batzuk.
Mozkinen gaineko zerga ez diren tributuen zenbatekoa (kontribuzioak eta tasak, zirkulazio zergak, jarduera ekonomikoen gainekoak...), ez badira zordundu behar beste gastu edo inbertsio batzuen kostu handiago moduan erregistro eta balorazio arauen arabera.
Tributuak galdagarriak direnean zordunduko da, 47 edo 57 azpitaldeko kontuetan abonatuta.
634. Zeharkako zergen doikuntza negatiboak.
Hainbanaketa Erregela aplikatzearen ondorioz urteko erregularizatzeak egitean, aktibo korronteko ondasunekin edo zerbitzuekin edo inbertsio ondasunekin egindako eragiketei dagokien jasandako BEZ kengarrian ateratzen diren alde negatiboen zenbatekoa.
Kontu hauetan urteko erregularizatzearen zenbatekoa zordunduko da, 472 kontuan abonatuta.
639. Zeharkako zergen doikuntza positiboak.
Hainbanaketa Erregela aplikatzearen ondorioz urteko erregularizatzeak egitean, aktibo korronteko ondasunekin edo zerbitzuekin edo inbertsio ondasunekin egindako eragiketei dagokien jasandako BEZ kengarrian ateratzen diren alde positiboen zenbatekoa.
Mugimendu hau du:
a) Urteko erregularizazioaren zenbatekoa abonatuko da, 472 kontuan zordunduta.
b) Ekitaldia ixten denean dagoen saldoa zordunduko da, 129 kontuan abonatuta.
64. Langileria gastuak.
640. Soldatak eta lansariak
641. Kalte-ordainak.
642. Entitatearen kargurako Gizarte Segurantza.
649. Beste gastu sozial batzuk.
Langileei ematen zaizkien ordainsariak, edozein direla ere kontzeptua eta ordaintzeko era; entitatearen konturako Gizarte Segurantzako kuotak eta gainerako gastu sozialak.
640. Soldatak eta lansariak
Entitateko langileen ordainsari finkoak eta behin-behinekoak.
Sortutako ordainsarien guztizko zenbatekoa zordunduko da:
a1) Diruzko ordainketagatik, 57 azpitaldeko kontuetan abonatuta.
a2) Sortuta baina ordaindu gabe daudenengatik, 465 kontuan abonatuta.
a3) Kitatzeko dauden zorren konpentsazioagatik, 460 kontuan abonatuta.
a4) Langileen kargurako Gizarte Segurantzako kuoten eta tributuen atxikipenengatik, 47 azpitaldeko kontuetan abonatuta.
641. Kalte-ordainak.
Entitateko langileei kalte edo galera bat ordaintzeko ematen zaizkien zenbatekoak. Kontu honetan, kaleratzeagatik edo erretiroa aurretiaz hartzeagatik ematen diren kalte-ordainak biltzen dira bereziki.
Kalte-ordainen zenbatekoa zordunduko da, normalean 46, 47 edo 57 azpitaldeko kontuetan abonatuta.
642. Entitatearen kargurako Gizarte Segurantza.
Entitateak Gizarte Segurantzako erakundeei ordaindutako kuotak, erakunde horiek ematen dituzten prestazioengatik.
Sortutako kuotak zordunduko dira, 476 kontuan abonatuta.
649. Beste gastu sozial batzuk.
Entitateak lege xedapen bat betetzeko edo bere borondatez egindako gastu sozialak.
Adibidez, prestakuntza gastuak, bizi eta istripu aseguruak eta langileekiko adeitasunezko detaileak.
Gastuen zenbatekoa zordunduko da, normalean 40 edo 57 azpitaldeko kontuetan abonatuta.
65. Entitatearen diru laguntzak eta beste kudeaketa gastu batzuk.
650. Diruzko laguntzak.
651. Diruzkoak ez diren laguntzak.
653. Espainiako Federazioaren kuotak.
655. Jardueraren ondoriozko kreditu kobraezinen galerak.
658. Entitatearen berezko jarduerari atxikita jasotako diru-laguntzen, dohaintzen eta legatuen itzulketa.
659. Kudeaketa arrunteko beste galera batzuk.
650. Bekak, sariak eta diru-laguntzak.
Pertsona fisikoei, klubei, elkarteei eta beste federazio batzuei, entitatearen helburuak betetzeko, zuzenean ematen zaizkien diruzko prestazioen zenbatekoa.
Emandako laguntzen zenbatekoa zordunduko da, 41 edo 57 azpitaldeko kontuetan abonatuta.
651. Diruzkoak ez diren laguntzak.
Pertsona fisikoei, klubei, elkarteei eta beste federazio batzuei, entitatearen helburuak betetzeko, zuzenean ematen zaizkien prestazio ez-diruzkoen zenbatekoa.
650 kontuaren antzeko mugimendua du.
653. Espainiako Federazioaren kuotak.
Espainiako Federazioari ordaindutako kuoten zenbatekoa.
Ordaindutako kuoten zenbatekoa zordunduko da, 4100 kontuan edo 57 azpitaldeko kontuetan abonatuta.
655. Jardueraren ondoriozko kreditu kobraezinen galerak.
4. taldeko bezeroen eta zordunen kaudimen gabezia irmoen ondoriozko galerak.
Kaudimen gabezia irmoen zenbatekoa zordunduko da, 43 eta 44 azpitaldeetako kontu batean abonatuta.
658. Entitatearen berezko jarduerari atxikita jasotako diru-laguntzen, dohaintzen eta legatuen itzulketa.
Diru-laguntzen, dohaintzen eta legatuen itzulketen zenbatekoa, baldin eta, emaitzetara egotzita egon arren, galdagarriak badira entitateak ez betetzeagatik eman zirenean ezarritako betebeharrak edo baldintzak.
Itzulketaren zenbatekoa ordainduko da, normalean 4 taldeko edo 57 azpitaldeko kontuetan abonatuta.
659. Kudeaketa arrunteko beste galera batzuk.
Mota berekoak izan eta aurreko kontuetan agertzen ez direnak. Zehazki, tresneriaren urteko erregularizatzea adieraziko du.
66. Gastu finantzarioak.
662. Zorren interesak.
667. Merkataritzakoak ez diren kredituen ondoriozko galerak.
669. Beste gastu finantzario batzuk.
662. Zorren interesak.
Jasotako maileguen eta amortizatu gabe dauden bestelako zorren interesen zenbatekoa, behar diren lau zifrako edo zifra gehiagoko kontuetan banakatuta.
Interesak sortzean, interesen zenbateko osoa zordunduko da, 527 edo 528 kontuetan abonatuta, eta, bestela, egin beharreko atxikipenak, 475 kontuan.
667. Merkataritzakoak ez diren kredituen ondoriozko galerak.
Kredituen kaudimen gabezia irmoen ondorioz gertatutako galerak.
Kaudimen gabezia irmoaren ondorioz gertatutako galera zordunduko da, 26 eta 54 azpitaldeetako kontuetan abonatuta.
669. Beste gastu finantzario batzuk.
Azpitalde honetako beste kontu batzuetan jaso gabeko gastu finantzarioak.
Sortutako gastuen zenbatekoa zordunduko da, eskuarki 57 azpitaldeko kontuetan abonua eginda, edo zorrak adierazten dituen kontu batean.
67. Aktibo ez-korronteetatik eta ezohiko sarreretatik datozen galerak.
670. Ibilgetu ukiezinetik datozen galerak.
671. Ibilgetu materialetik datozen galerak.
678. Ezohiko sarrerak.
670/671. Ibilgetutik datozen galerak...
Ibilgetu ukiezina edo materiala besterentzean edo aktiboan baja ematean gertatutako galerak.
Besterentzean edo bajan izandako galera zordunduko da, eskuarki 2 taldeko kontu egokietan zordunduta.
678. Ohiz kanpoko gastuak.
Daukaten izaera dela eta, 6 taldeko beste kontu batzuetan kontabilizatu behar ez diren ezohiko galerak eta gastuak.
Besteak beste, uholdeek edo suteek, zehapen eta isunek, ordaindu beharreko kalte-ordainek eta kontu zordunen erregularizatzeek sortutako gastuak jasoko dira.
68. Amortizazioetarako hornidurak.
680. Ibilgetu ukiezinaren amortizazioa.
681. Ibilgetu materialaren amortizazioa.
680/681....(r)en amortizazioa.
Ibilgetu ukiezinak eta materialak, federazioaren jardueretan erabili direlako, urtean izan duten balio galera sistematikoaren adierazpena.
Ekitaldiko zuzkidura zordunduko da, kasuaren arabera 280 edo 281 kontuan abonatuta.
69. Narriatzearen ondoriozko galerak eta beste zuzkidura batzuk.
690. Ibilgetu ukiezina narriatzearen ondoriozko galerak.
691. Ibilgetu materiala narriatzearen ondoriozko galerak.
693. Izakinak narriatzearen ondoriozko galerak.
694. Jarduerako eragiketei lotutako kredituak narriatzearen ondoriozko galerak.
697. Epe luzeko kredituak narriatzearen ondoriozko galerak.
699. Epe laburreko kredituak narriatzearen ondoriozko galerak.
690/691. Ibilgetua narriatzearen ondoriozko galerak.
Ibilgetu ukiezinean eta materialean gertatutako narriadura itzulgarriaren ondoriozko balio zuzenketa.
Kalkulatutako narriaduraren zenbatekoa zordunduko da, 290 eta 291 kontuetan abonatuta, hurrenez hurren.
693. Izakinak narriatzearen ondoriozko galerak.
Izakinen narriadura itzulgarriaren ondoriozko ekitaldiaren amaierako balio zuzenketa.
Kalkulatutako narriaduraren zenbatekoa zordunduko da, 39 azpitaldeko kontuetan abonatuta.
694. Jarduerako eragiketei lotutako kredituak narriatzearen ondoriozko galerak.
Bezeroen eta zordunen edo erabiltzaileen saldoan gertatutako narriadura itzulgarriaren ondorioz ekitaldia ixtean egindako balio zuzenketa.
Kalkulatutako narriaduraren zenbatekoa zordunduko da, 490, 493 edo 495 kontuan abonatuta.
697. Epe luzeko kredituak narriatzearen ondoriozko galerak.
262 kontuko kredituen balioa narriatzearen ondoriozko balio zuzenketa.
Kalkulatutako narriaduraren zenbatekoa zordunduko da, 298 kontuan abonatuta.
699. Epe laburreko kredituak narriatzearen ondoriozko galerak.
54 azpitaldeko kredituen balioa narriatzearen ondoriozko balio zuzenketa.
Kalkulatutako narriaduraren zenbatekoa zordunduko da, 598 kontuan abonatuta.
7. taldea: salmentak eta sarrerak.
Ondasunak saltzearen, federazio lizentzien, kuoten eta kirol federazio baten berezko gainerako jardueren ondorioz izandako sarrerak; barruan hartzen ditu, halaber, diru-laguntzen ondoriozko sarrerak eta ekitaldiko kudeaketari, arlo finantzarioari eta mozkinei lotutako beste batzuk ere.
Oro har, 7. taldeko kontu guztiak zordundu egiten dira ekitaldiaren itxieran, 129 kontuan abonatuta.
70. Salgaien salmentak eta sarrera propioak
700. Izakinak saltzearen ondoriozko sarrerak.
704. Babes, publizitate eta irudiaren ondoriozko sarrerak.
705. Eskualdatze eskubideen ondoriozko sarrerak.
706. Txartelak saltzearen ondoriozko sarrerak.
707. Argitalpenen ondoriozko sarrerak.
708. Itzulketak eta salmenta “rappel”ak.
709. Merkataritza jardueretako beste sarrera batzuk.
700. Izakinak saltzearen ondoriozko sarrerak.
Transakzioak, jarduerarako ondasunak, kirol materialak edo beste material batzuk prezio bidez irtetearekin edo ematearekin batera.
Kontu hauetan, salmenten zenbatekoa abonatuko da, 43 edo 57 azpitaldeko kontuetan zordunduta.
704/707....r(e)n ondoriozko sarrerak.
Sarrerak kirol federazio baten berezko jarduerak egiteagatik; besteak beste, babesletza, publizitatea eta irudia, transmisio eskubideak, txartelen salmenta, argitalpenak eta abar.
Kontu hauetan, sarreren zenbatekoa abonatuko da, 44 edo 57 azpitaldeko kontuetan zordunduta.
708. Itzulketak eta salmenta “rappel”ak.
Bezeroek, normalean eskariko baldintzak ez betetzeagatik, itzulitako salgai sortak. Eskaera kopuru jakin batera iritsi izana oinarri duten deskontuak eta antzekoak ere kontu honetan kontabilizatuko dira.
Mugimendu hau du:
a) Zordunduko da:
a1) Bezeroek itzulitako salmenten zenbatekoa, 43 edo 57 azpitaldeko kontuetan abonatuta.
a2) Bezeroei dagozkien edo ematen zaizkien “rappel”engatik, 43 edo 57 azpitaldeko kontu egokietan abonatuta.
b) Ekitaldia ixten denean dagoen saldoa abonatuko da, 129 kontuan zordunduta.
709. Merkataritza jardueretako beste sarrera batzuk.
Transakzioak, ondasun komertzialen irteera edo entregarekin, edo kirol jarduerari lotuta ez dauden zerbitzuak emateagatik, entitateak merkataritza jarduera bat egitea badira, normalean sarrerak lortzeko eta, horrenbestez, entitatearen iraupenean edo federazioaren xedeari lotutako jarduerak egiten laguntzeko.
Egindako salmenten zenbatekoa abonatuko da, edo emandako zerbitzuena, eta 43, 44 edo 57 azpitaldeko kontuetan zordunduko da.
72. Entitatearen sarrera propioak.
720. Bazkideen eta afiliatuen kuotak.
721. Erabiltzaileen kuotak.
722. Nafarroako Gobernua, Kirol Jokoak eta antzeko sarrerak.
7221. Kirol Jokoak.
7222. Nafarroako Gobernuaren beste sarrera batzuk.
723. Enpresen arteko lankidetza hitzarmenetako sarrerak.
728. Laguntzak eta esleipenak itzultzearen ondoriozko sarrerak.
720. Bazkideen eta afiliatuen kuotak.
Federazioko pertsona afiliatu edo elkartuen kuoten bidez jasotako aldizkako eta kopuru jakineko zenbatekoak.
Sarreren zenbatekoa abonatuko da, jeneralean 44 edo 57 azpitaldeko kontuetan zordunduta.
721. Erabiltzaileen kuotak.
Federazioaren berezko jardueren kostuan duten parte-hartzea dela eta, erabiltzaileengandik jasotako zenbatekoak.
720 kontuaren antzeko mugimendua du.
722. Nafarroako Gobernua, Kirol Jokoak eta antzeko sarrerak.
Nafarroako Kirol Jokoak antolatzeagatik edo beste jarduera batzuk egiteagatik jasotako zenbatekoak.
Sarreren zenbatekoa abonatuko da, 448 kontuan zordunduta.
723. Enpresen arteko lankidetza hitzarmenen ondoriozko sarrerak.
Federazioaren jardueraren helburuak betetzen laguntzeko enpresen artean izandako lankidetzaren ondorioz jasotako zenbatekoak.
720 kontuaren antzeko mugimendua du.
728. Laguntzak eta esleipenak itzultzearen ondoriozko sarrerak.
Berezko jarduerari lotuta eta 65 azpitaldean bilduta dauden eta federazioak eman dituen laguntzak eta esleipenak eskatutako baldintzak ez betetzearen edo itzuli beharra berekin dakarren beste edozein arrazoiren ondorioz itzultzeagatik izandako sarrerak.
Sarreren zenbatekoa abonatuko da, 41 edo 57 azpitaldeko kontuetan zordunduta.
74. Diru-laguntzak, dohaintzak eta legatuak.
740. Jarduerarako diru-laguntzak, dohaintzak eta legatuak.
745. Ekitaldiko soberakinera transferitutako kapitaleko diru-laguntzak.
747. Zenbait ekitalditan banatzekoak izanik ekitaldiko soberakinera transferitu diren diru-laguntzak.
Diru-laguntzen, dohaintzen eta legatuen ondorioz ekitaldiko emaitzara egotzi beharreko zenbatekoak. Entitateak kontu eta azpikontu desberdinak erabiliko ditu diru-laguntza eman duen erakunde publikoa edo pribatua eta diru-laguntzaren zertarakoa zehazteko.
740. Jarduerarako diru-laguntzak, dohaintzak eta legatuak.
Administrazio publikoetatik, Espainiako Federaziotik edo beste entitate publiko edo pribatu batzuetatik jasotakoak, kirol gertakariak edo ekitaldiko gastu partida jakin batzuk finantzatzeko, edo entitatearen defizita konpentsatzeko, bere sarrerak besterik ez badu.
Emandako diru-laguntza abonatuko da, 44, 47 edo 57 azpitaldeko kontuetan zordunduta.
745. Ekitaldiko soberakinera transferitutako kapitaleko diru-laguntzak.
Kapitaleko legatuetatik, dohaintzetatik eta diru-laguntzetatik ekitaldiko emaitzara intsuldatutako zenbatekoa.
Bere mugimendua 130 kontuan azalduta dago.
747. Zenbait ekitalditan banatzekoak izanik ekitaldiko soberakinera transferitu diren diru-laguntzak.
Aurreko kontuetan agertzen ez diren emandako diru-laguntza, dohaintza eta legatuetatik ekitaldiko emaitzara intsuldatutako zenbatekoa, haiek itzulgarriak ez badira, eta emaitzara egotzi gabe badaude, erregistro eta balorazio arauetan ezarritako irizpideen arabera. Eman ondorengo urteetan eginen diren kirol ekitaldiak finantzatzeko emandako diru-laguntzen kasua da.
Bere mugimendua 132 kontuan azalduta dago.
75. Kudeaketako bestelako sarrerak.
752. Errentamenduen ondoriozko sarrerak.
759. Askotariko zerbitzuengatiko sarrerak.
Beste azpitalde batzuetan ez dauden kudeaketaren ondoriozko sarrerak.
752. Errentamenduen ondoriozko sarrerak.
Hirugarrenei erabiltzeko edo baliatzeko lagatzen zaizkien ondasun higigarri edo higiezinen alogera edo errentamendu operatiboaren ondorioz sortutakoak.
Sarreren zenbatekoa abonatuko da, 44 edo 57 azpitaldeko kontuetan zordunduta.
759. Askotariko zerbitzuen ondoriozko sarrerak.
Federazioaren berezko jarduerakoak ez diren zerbitzu jakin batzuk beste entitate edo partikular batzuei inoiz-edo emateak sortutakoak.
Kontu honetako mugimendua 752 kontukoaren antzekoa da.
76. Enpresan sartzea.
762. Kreditu sarrerak.
769. Bestelako sarrera finantzarioak.
762. Kreditu sarrerak.
Ekitaldian sortutako maileguen eta beste kreditu batzuen interesen zenbatekoa.
Interesak sortzean, interesen zenbateko osoa ordainduko da, 26, 43, 44, 53 edo 54 azpitaldeko kontuetan zordunduta, eta, hala egokituz gero, berreskuratu behar diren atxikipenak, 473 kontuan. Atxikipenak ez badira berreskuratu behar, sarreraren zenbateko likidoa erregistratuko da.
769. Bestelako sarrera finantzarioak.
Azpitalde honetako beste kontu batzuetan jaso gabeko sarrera finantzarioak.
Sortutako sarreren zenbatekoa abonatuko da.
77. Aktibo ez-korronteetatik eta ezohiko sarreretatik datozen mozkinak.
770. Ibilgetu ukiezinetik datozen mozkinak.
771. Ibilgetu materialetik datozen mozkinak.
778. Ezohiko sarrerak.
770/771. Ibilgetutik datozen mozkinak...
Ibilgetu ukiezina edo materiala besterentzean lortzen diren mozkinak.
Besterentzean lortutako mozkinarengatik abonua eginen da, eskuarki 5 taldeko kontu egokietan zordunduta.
778. Ezohiko sarrerak.
Daukaten izaera dela eta, 7. taldeko beste kontu batzuetan kontabilizatu behar ez diren ezohiko mozkinak eta sarrerak.
Besteak beste, hauek bilduko dira: bere garaian kaudimen gabezia irmoengatik amortizatu ziren kredituetatik datozenak, kobratu beharreko kalte-ordainak eta kontu hartzekodunen erregularizatzeak.
79. Horniduren eta narriaduratik sortutako galeren soberakina eta aplikazioa.
790. Ibilgetu ukiezinaren narriaduraren itzulketa.
791. Ibilgetu materialaren narriaduraren itzulketa.
793. Izakinen narriaduraren itzulketa.
794. Jarduerako eragiketei lotutako kredituen narriaduraren itzulketa.
795. Hornidura soberakinak.
797. Epe luzeko kredituen narriaduraren itzulketa.
799. Epe laburreko kredituen narriaduraren itzulketa.
790/791. Ibilgetuaren narriaduraren itzulketa...
Ibilgetu ukiezinean eta materialen balioa berreskuratzeagatik egindako balio zuzenketa, lehenago kontabilizatutako galeren mugara artekoa.
Abonua eginen da balio zuzenketaren zenbatekoan, 290 edo 291 kontuan zordunduta.
793. Izakinen narriaduraren itzulketa.
Aurreko ekitaldiaren itxierako narriaduraren zuzenketaren zenbatekoa.
Abonua eginen da, ekitaldia ixtean, aurreko ekitaldian kontabilizatutako narriaduragatik, 39 azpitaldeko kontuetan zordunduta.
794. Jarduerako eragiketei lotutako kredituen narriaduraren itzulketa.
Aurreko ekitaldiaren itxierako narriaduraren zuzenketaren zenbatekoa.
Aurreko ekitaldian kontabilizatutako narriaduragatik abonatuko da, 490, 493 edo 495 kontuan zordunduta.
795. Hornidura soberakinak.
Dagoen horniduraren zenbatekoaren eta ekitaldiaren itxierari dagokionaren edo kasuan kasuko betebeharrari erantzuteko unekoaren arteko alde positiboa.
Hornidura soberakina abonatuko da, 140 edo 529 kontuan zordunduta.
797. Epe luzeko kredituen narriaduraren itzulketa.
262 kontuko kredituen balioa berreskuratzearen ondoriozko balio zuzenketa.
Balio zuzenketaren zenbatekoa abonatuko da, 598 kontuan zordunduta.
799. Epe laburreko kredituen narriaduraren itzulketa.
542 kontuko kredituen balioa berreskuratzearen ondoriozko balio zuzenketa.
Balio zuzenketaren zenbatekoa abonatuko da, 598 kontuan zordunduta.
Iragarkiaren kodea: F1810645
