LEXNAVARRA
81/2018 FORU DEKRETUA, URRIAREN 3KOA, NAFARROAKO FORU KOMUNITATEKO ADMINISTRAZIOAREN ETA HAREN ERAKUNDE AUTONOMOEN PLANTILLA ORGANIKOA ALDATZEN DUENA
BON N.º 199 - 15/10/2018
- Atariko
- Artikulu Bakarra. Nafarroako Foru Komunitateko Administrazioaren eta haren erakunde autonomoen plantilla organikoan lanpostu batzuk sortzea, 2018ko azaroaren 1etik aurrerako ondorioekin.
- Azken Xedapenetako Lehena.Foru dekretu hau garatu eta betearazteko gaikuntza.
- Azken Xedapenetako Bigarrena.Indarra hartzea.
Nafarroako Gobernuak 2018ko martxoaren 21ean hartutako Erabakiaren bidez (geroago irailaren 5eko Erabakiaren bidez aldatua), baimena eman zion Funtzio Publikoko Zuzendaritza Nagusiari Nafar Lansare-Nafarroako Enplegu Zerbitzua erakunde autonomoari atxikitako 25 lanpostu huts sortzeko, plantilla organikoa langileen benetako premietara egokitze aldera.
Hutsik dauden 25 lanpostu horietatik, prestakuntza eta enpleguko erdi mailako tituludunen 2 lanpostu sortu dira Nafarroako Foru Komunitateko Administrazioaren eta haren erakunde autonomoen plantilla organikoa aldatzen duen ekainaren 20ko 46/2018 Foru Dekretuaren bidez. Halaber, prestakuntza eta enpleguko erdi mailako tituludunen 5 lanpostu sortu dira Nafarroako Foru Komunitateko Administrazioaren eta haren erakunde autonomoen plantilla organikoa aldatzen duen uztailaren 4ko 49/2018 Foru Dekretuaren bidez.
Ogasuneko eta Finantza Politikako Departamentuko Aurrekontuaren Zuzendaritza Nagusiak horren aldeko txostena egin du.
Horrenbestez, Lehendakaritzako, Funtzio Publikoko, Barneko eta Justiziako kontseilariak proposaturik, eta Nafarroako Gobernuak 2018ko urriaren 3ko bilkuran hartutako erabakiarekin bat,
DEKRETATU DUT:
Artikulu Bakarra. Nafarroako Foru Komunitateko Administrazioaren eta haren erakunde autonomoen plantilla organikoan lanpostu batzuk sortzea, 2018ko azaroaren 1etik aurrerako ondorioekin.
Nafarroako Foru Komunitateko Administrazioaren eta haren erakunde autonomoen plantilla organikoa honela aldatzen da:
1. Ondoren azaltzen diren lanpostuak sortzen dira Eskubide Sozialetako Departamentuaren Nafar Lansare-Nafarroako Enplegu Zerbitzuaren plantilla organikoan, haientzat behar bezalako zuzkidura ekonomikoa izanik indarreko gastuen aurrekontuaren I. kapituluko partidetan:
Eskubide Sozialetako Departamentua.
Nafar Lansare-Nafarroako Enplegu Zerbitzua:
-Enpleguko goi mailako tituluduna. Lanpostu huts bat, funtzionarioen araubidekoa, A mailakoa, 10533 zenbakia duena plantilla organikoan.
-Enpleguko goi mailako tituluduna. Lanpostu huts bat, funtzionarioen araubidekoa, A mailakoa, Doneztebeko Enplegu Agentziari atxikia, 10534 zenbakia duena plantilla organikoan.
-Enpleguko goi mailako tituluduna. Lanpostu huts bat, funtzionarioen araubidekoa, A mailakoa, Tafallako Enplegu Agentziari atxikia, 10535 zenbakia duena plantilla organikoan.
-Enpleguko goi mailako tituluduna. Lanpostu huts bat, funtzionarioen araubidekoa, A mailakoa, Tuterako Enplegu Agentziari atxikia, 10536 zenbakia duena plantilla organikoan.
-Prestakuntza eta enpleguko erdi mailako tituluduna. Sei lanpostu huts, funtzionarioen araubidekoak, B mailakoak, 10537, 10538, 10539, 10540, 10541 eta 10542 zenbakiak dituztenak plantilla organikoan.
-Prestakuntza eta enpleguko erdi mailako tituluduna. Lanpostu huts bat, funtzionarioen araubidekoa, B mailakoa, elebiduna (euskarazko C1 jakite-maila), Altsasuko Enplegu Agentziari atxikia, 10543 zenbakia duena plantilla organikoan.
-Prestakuntza eta enpleguko erdi mailako tituluduna. Lanpostu huts bat, funtzionarioen araubidekoa, B mailakoa, Agoizko Enplegu Agentziari atxikia, 10544 zenbakia duena plantilla organikoan.
-Prestakuntza eta enpleguko erdi mailako tituluduna. Bi lanpostu huts, funtzionarioen araubidekoak, B mailakoak, Lizarrako Enplegu Agentziari atxikiak, 10545 eta 10546 zenbakiak dituztenak plantilla organikoan.
-Prestakuntza eta enpleguko erdi mailako tituluduna. Lanpostu huts bat, funtzionarioen araubidekoa, B mailakoa, Tafallako Enplegu Agentziari atxikia, 10547 zenbakia duena plantilla organikoan.
-Administrari laguntzailea. Lanpostu huts bat, funtzionarioen araubidekoa, D mailakoa, elebiduna (euskarazko C1 jakite-maila), Altsasuko Enplegu Agentziari atxikia, 10548 zenbakia duena plantilla organikoan.
-Administrari laguntzailea. Lanpostu huts bat, funtzionarioen araubidekoa, D mailakoa, elebiduna (euskarazko C1 jakite-maila), Agoizko Enplegu Agentziari atxikia, 10549 zenbakia duena plantilla organikoan.
-Administrari laguntzailea. Lanpostu huts bat, funtzionarioen araubidekoa, D mailakoa, Lizarrako Enplegu Agentziari atxikia, 10550 zenbakia duena plantilla organikoan.
2. Aurreko atalean sortutako lanpostuak indarreko gastuen aurrekontuaren I. kapituluan egiturazko lanpostu horiek finantzatzeko diren partiden kargura finantzatuko dira.
Azken Xedapenetako Lehena .Foru dekretu hau garatu eta betearazteko gaikuntza.
Ahalmena ematen zaio Lehendakaritzako, Funtzio Publikoko, Barneko eta Justiziako kontseilariari foru dekretu hau garatu eta betearazteko behar diren xedapenak eman ditzan.
Azken Xedapenetako Bigarrena .Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2018ko urriaren 3an.-Nafarroako Gobernuko lehendakaria, Uxue Barkos Berruezo.-Lehendakaritzako, Funtzio Publikoko, Barneko eta Justiziako kontseilaria, María José Beaumont Aristu.
Iragarkiaren kodea: F1812041
