LEXNAVARRA
64/2018 FORU DEKRETUA, ABUZTUAREN 22KOA, NAFARROAKO FORU KOMUNITATEKO ADMINISTRAZIOAREN ETA HAREN ERAKUNDE AUTONOMOEN PLANTILLA ORGANIKOA ALDATZEN DUENA
BON N.º 169 - 31/08/2018
- Atariko
- 1. artikulua. Estamentuen eta espezialitateen eranskina eguneratzea, urriaren 20ko 11/1992 Foru Legean, OsasunbideaNafarroako Osasun Zerbitzuari atxikitako langileen berariazko erregimena arautzen baitu.
- 2. artikulua. Osasun larrialdietako teknikaria (OLT) lanpostuaren maila eta ordainketak ezartzea.
- 3. artikulua. OsasunbideaNafarroako Osasun Zerbitzuaren plantilla organikoko lanpostuak sortzea.
- Azken Xedapenetako Lehena. Foru dekretu hau garatu eta betearazteko gaikuntza.
- Azken Xedapenetako Bigarrena.Indarra hartzea.
Osasunbidea-Nafarroako Osasun Zerbitzuak eskatu du Osasunbidea-Nafarroako Osasun Zerbitzuari atxikitako langileen berariazko erregimena arautzen duen urriaren 20ko 11/1992 Foru Legearen estamentu eta espezialitateen eranskina gaurkotzea, Osasun larrialdietako teknikaria (OLT) lanpostua sortzeko.
Halaber, Osasun Larrialdietako teknikariaren 15 lanpostu sortzea eskatu du, lanpostu horiek beharrezkoak baitira Larrialdietako Osasun Garraioaren gaurko baliabideak indartuko dituzten bi anbulantzia hornitzeko, lanpostuari dagozkion ordainketekin, Nafarroako Foru Komunitateko Administrazioaren eta haren erakunde autonomoen plantilla organikoan sartzeko, eta proposatzen du Osasun larrialdietako teknikaria (OLT) lanpostuari D mailako % 30,67ko osagarri espezifikoa esleitzea.
Ogasuneko eta Finantza Politikako Departamentuko Aurrekontuaren Zuzendaritza Nagusiak horren aldeko txostena egin du.
Horrenbestez, Lehendakaritzako, Funtzio Publikoko, Barneko eta Justiziako kontseilariak proposaturik, eta Nafarroako Gobernuak 2018ko abuztuaren 22ko bilkuran hartutako Erabakiarekin bat,
DEKRETATU DUT:
1. artikulua . Estamentuen eta espezialitateen eranskina eguneratzea, urriaren 20ko 11/1992 Foru Legean, OsasunbideaNafarroako Osasun Zerbitzuari atxikitako langileen berariazko erregimena arautzen baitu.
Osasunbidea-Nafarroako Osasun Zerbitzuari atxikitako langileen berariazko erregimena arautzen duen urriaren 20ko 11/1992 Foru Legearen estamentu eta espezialitateen eranskina (azaroaren 2ko 234/2011 Foru Dekretuan jaso zen) eguneratzen da, eta handitzen, ondoren azaltzen den izendapenarekin, eta izendapen horri dagokion kodea ere adierazten da:
2. artikulua. Osasun larrialdietako teknikaria (OLT) lanpostuaren maila eta ordainketak ezartzea.
Osasun larrialdietako teknikaria (OLT) lanpostuari D maila esleitzen zaio, aipatu maila horretako %30,67ko osagarri espezifikoarekin.
3. artikulua . OsasunbideaNafarroako Osasun Zerbitzuaren plantilla organikoko lanpostuak sortzea.
Lanpostu hauek sortu dira:
OSASUN DEPARTAMENTUA
Osasunbidea-Nafarroako Osasun Zerbitzua
-Osasun larrialdietako teknikaria (OLT). Hamabi lanpostu huts, funtzionarioen araubidekoak, D mailakoak, destinoa Tafallan dutenak, 71583, 71584, 71585, 71586, 71587, 71588, 71589, 71590, 71591, 71592, 71593 eta 71594 zenbakia dutenak plantilla organikoan.
-Osasun larrialdietako teknikaria (OLT). Hiru lanpostu huts, funtzionarioen araubidekoak, D mailakoak, destinoa Tuteran dutenak, plantilla organikoan 71595, 71596 eta 71597 zenbakia dutenak.
Azken Xedapenetako Lehena.- Foru dekretu hau garatu eta betearazteko gaikuntza.
Ahalmena ematen zaio Lehendakaritzako, Funtzio Publikoko, Barneko eta Justiziako kontseilariari foru dekretu hau garatu eta betearazteko behar diren xedapenak eman ditzan.
Azken Xedapenetako Bigarrena .Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2018ko abuztuaren 22an.-Nafarroako Gobernuko lehendakaria, Uxue Barkos Berruezo.-Lehendakaritzako, Funtzio Publikoko, Barneko eta Justiziako kontseilaria, María José Beaumont Aristu.
Iragarkiaren kodea: F1810549
