LEXNAVARRA
14/2017 FORU LEGEA, azaroaren 16koa, Nafarroako Toki Administrazioari buruzko uztailaren 2ko 6/1990 Foru Legea aldatzekoa.
BON N.º 231 - 30/11/2017
- ATARIKOA
- Azken xedapen bakarra.–Indarra hartzea.
Foru lege honek Nafarroako Toki Administrazioari buruzko uztailaren 2ko 6/1990 Foru Legea aldatzen du, eta, horretarako, Nafarroako Parlamentuko kideen gehiengo osoak onets dezala eskatzen da, hala ezartzen baita Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoko 20.2 eta 18.bis.2 artikuluetan eta Nafarroako Parlamentuaren Erregelamenduko 152. artikuluan.
Artikulu bakarrak 3. apartatua eransten dio 6/1990 Foru Legearen 203. artikuluari, osasunaren eta gizarte zerbitzuen esparruetako itunei buruzko araudiaren aplikazioa ezartzearren Nafarroako toki entitateei.
Artikulu bakarra.–Nafarroako Toki Administrazioari buruzko uztailaren 2ko 6/1990 Foru Legea aldatzea.
Nafarroako Toki Administrazioari buruzko uztailaren 2ko 6/1990 Foru Legearen 203. artikuluari 3. apartatua eransten zaio:
“3. Osasunaren eta gizarte zerbitzuen esparruetan, zerbitzu-emateari buruzko itunak horrelako itunen gaineko araudiari jarraituz eginen dira”.
Azken xedapen bakarra .–Indarra hartzea.
Foru lege honek Nafarroako Aldizkari Ofizialean argitara eman eta biharamunean hartuko du indarra.
Nik, Nafarroako Foru Eraentza Berrezarri eta Hobetzeari buruzko Lege Organikoaren 22. artikuluan xedatutakoa bete dadin, foru lege hau B.M. Erregearen izenean aldarrikatzen dut, Nafarroako Aldizkari Ofizialean berehala argitara eta “Estatuko Aldizkari Ofizialera” igor dadila agintzen dut eta herritar eta agintariei bete eta betearaz dezatela manatzen diet.
Iruñean, 2017ko azaroaren 16an.–Nafarroako Foru Komunitateko lehendakaria, Uxue Barkos Berruezo.
Iragarkiaren kodea: F1713430
