navarra.es

Castellano | Euskara | Français | English

buscador

---

LEXNAVARRA

68/2017 FORU DEKRETUA, UZTAILAREN 5EKOA, “ITZAGA” IZENEKO BATASUNEKO GARRANTZIZKO LEKUA (BGL) KONTSERBAZIO BEREZIKO EREMU IZENDATU, ETA KONTSERBAZIO BEREZIKO EREMU HORREN ETA “ITZAGA” HEGAZTIEN BABESGUNE BEREZIAREN KUDEAKETA PLANA ONESTEN DUENA .

BON N.º 151 - 07/08/2017

---

• Atariko
• 1. artikulua. Xedea.
• 2. artikulua. Planaren aplikazio eremua eta lurralde mugaketa.
• 3. artikulua. Gidaritza Batzordea.
• Xedapen Gehigarri Bakarra. Landa Garapeneko, Ingurumeneko eta Toki Administrazioko kontseilaria gaitzea.
• Azken Xedapenetan Lehena. Kudeaketa Planaren indarraldia .
• Azken Xedapenetan Bigarrena. Beste plan batzuekiko erlazioa.
• Azken Xedapenetan Hirugarrena. Garatzeko gaikuntza.
• Azken Xedapenetan Laugarrena. Indarra hartzea.

---

  ERANSKINA. “ITZAGA” HEGAZTIEN BABESGUNE BEREZIA ETA ES2200127 KONTSERBAZIO BEREZIKO EREMUA KUDEATZEKO PLANA

• ERANSKINA

Atariko

Itzaga izeneko gunea Nafarroako erdialdean dago, Ibargoitiko, Itzagaondoko eta Untzitibarko udal-mugarteetan. Gune horretan badira Nafarroako dibertsitate biologikoaren adierazgarri diren habitat naturalak eta basa flora eta fauna; gainera, zenbait kasutan horiek galzorian daude haien banaketa naturaleko eremuan, edo banaketa naturaleko azalera murritza daukate, bai atzera egiten ari direlako bai berez dutelako eremu murritza. Horregatik, eremu batzuk hautatu behar dira, non bermatuko baita habitat natural eta basa espezie horiek epe luzean iraunen dutela, kudeaketa aktibo eta prebentiborako sistema eraginkor eta efizienteen bidez.

Habitat natural edo espezie horietako batzuk sarturik daude Kontseiluak 1992ko maiatzaren 21ean emandako Habitat naturalak eta basa fauna eta flora kontserbatzeari buruzko 92/43/EEE Zuzentarauan, edo Basa hegaztiak kontserbatzeari buruzko Europako Parlamentuaren eta Kontseiluaren azaroaren 30eko 2009/147/EE Zuzentarauan. Horrenbestez, balio handia dute ez bakarrik Foru Komunitatean, baita Europar Batasunean ere. Bi zuzentarau horiek dira Europar Batasunak naturaren kontserbazioaren arloan duen tresna nagusia. Horretarako, lekuen sare ekologiko bat sortu zen, Natura 2000 Sarea, non Batasunaren interesekotzat hartu diren basa florako eta faunako espezie eta habitat natural guztien adierazgarriak lehengoratu edo egoki kontserbatu behar baitira.

92/43/EEE Zuzentaraua abenduaren 7ko 1997/1995 Errege Dekretuaren bidez sartu zen Espainiako ordenamendu juridikoan.

Zuzentarauak irizpide zientifiko batzuk eta egutegi bat ezarri zituen Natura 2000 Sarea eratzeko. 4. artikuluaren arabera, Europar Batasuneko estatuek lekuen zerrenda bat proposatu behar diote Batzordeari, eta adierazi behar dituzte leku bakoitzean dauden habitat natural motak eta Batasunaren intereseko espezieak.

Nafarroako Foru Komunitateko Administrazioak, Gobernuak 2000ko maiatzaren 15ean hartutako Erabakiaren bidez, Kontserbazio Bereziko Eremu izendatzen ahal diren lekuen zerrenda behin-behinekoz onetsi zuen, gero Natura 2000 Europako sare ekologikoan sar zitezen. Horien artean, “Itzaga” izeneko ES0000127 gunea dago.

Batasuneko Garrantzizko Leku gisa onetsirik, Europar Batasuneko estatuak ahalik eta lasterren deklaratu behar du Kontserbazio Bereziko Eremu, gehienez ere sei urteko epean. Horretarako, kudeaketa plan baten bidez, behar diren kontserbazio neurriak ezarri behar dira Batasuneko Garrantzizko Leku izatearen arrazoi diren habitat naturalak eta espezieen populazioak kontserbazio egoera onean mantentzeko, edo egoera onera berriz ekartzeko.

2006ko uztailaren 19ko 2006/613/EE Erabakiaren bidez, Europako Batzordeak eskualde biogeografiko mediterraneoaren barreneko Batasuneko Garrantzizko Lekuen zerrenda onetsi zuen. Horrenbestez, Europako zuzentaraua aplikatzearen ondorioetarako, kontserbazio bereziko eremu izendatuko dira leku horiek.

“Itzaga” gunearen Kudeaketa Plana Europar Batasuneko araudiaren betebeharrekin bat prestatu da, eta, hortaz, bertan jaso dira leku horretan dauden habitat eta taxonen eskakizun ekologikoei dagozkien ekintza, neurri eta jarraibideak, aipatutako 92/43/EEE Zuzentarauan biltzen direnak.

Nafarroako Gobernuak 1990eko abenduaren 27an hartutako Erabakiaren eta apirilaren 3ko 86/1995 Foru Dekretuaren arabera, Itzagako eremua Hegaztien Babesgune Berezia da (B-127 HBB, ES0000127 kodea ere baduena).

HBB horren mugak berraztertu ondoren eta doikuntza kartografikoak oinarri hartuta, egokia dirudi horiek berriz ere definitzeak, “Itzaga” gunearen mugekin bat etor daitezen.

Horiek horrela, Landa Garapeneko, Ingurumeneko eta Toki Administrazioko kontseilariak proposaturik, eta Nafarroako Gobernuak 2017ko uztailaren 5eko bilkuran hartutako Erabakiarekin bat,

DEKRETATU DUT:

1. artikulua . Xedea.

Hauxe da foru dekretu honen xedea:

1. ES0000127 Batasuneko Garrantzizko Lekua, “Itzaga” izenekoa, Kontserbazio Bereziko Eremu izendatzea.

2. “Itzaga” izeneko B-127 Hegaztien Babesgune Bereziaren (HBB) mugak doitzea, Kontserbazio Bereziko Eremuaren mugekin bat etortzeko.

3. ES0000127 Kontserbazio Bereziko Eremua eta “Itzaga” B-127 Hegaztien Babesgune Berezia kudeatzeko plana onestea. Foru dekretu honi erantsi zaio.

2. artikulua . Planaren aplikazio eremua eta lurralde mugaketa.

“Itzaga” izeneko gunea Nafarroako erdialdean dago, eta 2.809,65 hektareako azalera dauka.

Lekuak Itzaga izeneko Pirinioen aurreko mendi-adarra hartzen du bere baitan, Itzagaondoko eta Untzitiko ibarren (iparraldean) eta Ibargoitiko ibarraren (hegoaldean) artean dagoena.

Foru dekretu honek onetsitako planaren aplikazio eremuaren mugaketa ofiziala planean berean jaso den kartografiak ezarri du.

3. artikulua . Gidaritza Batzordea.

1. Gidaritza batzorde bat sortzen da “Itzaga” gunearen kontserbazioa kudeatzeko kontsultarako eta partaidetzarako organoa izateko asmoz. Kudeaketa Planaren aplikazio esparruko eragileek eta Nafarroako Foru Komunitateko Administrazioko ordezkariek osatuko dute.

2. Gidaritza Batzordeak eginkizun hauek izanen ditu:

a) Kudeaketa planean jasotako neurriak bete daitezela sustatzea. Aurreikusitako egutegia betetzen saiatuko da eta planaren neurriak aplikatzeko ahalmena duten eskualdeko eragile guztien lankidetza eta koordinazioa bultzatuko du.

b) Planaren lan-programa dauden aukeretara egokitzea, Planaren neurriak ahalik eta errazen eta modurik eraginkorrenean aplikatzen direla errazteko.

c) Proposamenak egitea Planean ezarritako ekintzak eraginkorragoak izan daitezen, aurreikusitako helburuak betetzeari begira.

d) Foru Komunitateko Administrazioari jakinaraztea Kudeaketa Planaren garapena baldintza dezaketen ekintzak edo mehatxuak.

e) Planaren betetze-maila aldian behin ebaluatzea, eta entitate, administrazio eta organo eskudunei eskatzea neurriak garatzeko behar diren konpromisoak bete ditzatela.

f) Natura baliabideen azterketa eta ikerketa bultzatzea, baita gizarteak baliabide horiek ezagut ditzala eta haiekin goza dadila ere, betiere haien balioekiko errespetua eta ingurumen hezkuntza sustatuz.

Xedapen Gehigarri Bakarra. Landa Garapeneko, Ingurumeneko eta Toki Administrazioko kontseilaria gaitzea.

Landa Garapeneko, Ingurumeneko eta Toki Administrazioko kontseilariari ahalmena ematen zaio behar diren tramiteak egin ditzan foru dekretu hau eta, bidezkoa bada, plana aplikatzeko behar den kostu ekonomikoaren kalkuluak Europako Batzordeari igortzeko, Habitat naturalak eta basa fauna eta flora kontserbatzeari buruzko maiatzaren 21eko Kontseiluaren 92/43/EEE Zuzentarauaren 8. artikuluan aurreikusitako ondorioetarako.

Azken Xedapenetan Lehena. Kudeaketa Planaren indarraldia .

1. Hauxe da foru dekretu honen bidez onesten den kudeaketa planaren indarraldia:

a) Mugagabea, gako-elementuei, azken helburuei, arauei eta jarraibideei dagokienez.

b) Mugagabea, gako-elementuei, azken helburuei, arauei eta jarraibideei dagokienez.

2. Hala ere, ingurumenaren arloan eskumena duen departamentuak uste badu planean aurreikusirik ez zegoen funtsezko alderdiren bat nabarmen aldatu dela eta horrek eragina izan dezakeela gunearen balioen zainketan, plana berrikusten edo aldatzen ahalko da.

3. Kudeaketa planaren gako-elementuetan, azken helburuetan, araudian edo jarraibideetan eragina izan dezaketen aldaketak edo berrikuspenak foru dekretu bidez eginen dira. Espero diren emaitzen (helburu operatiboen) berrikuspenak eta aldaketak, baita jarduketak ere (neurriak), ingurumenaren arloan eskumena duen departamentuko titularraren foru aginduaren bidez onetsiko dira.

Azken Xedapenetan Bigarrena. Beste plan batzuekiko erlazioa.

1. Foru dekretu honek onesten duen plana bat etorriko da dibertsitate biologikoaren kontserbazioari buruz ezartzen diren maila goragoko planekin, eta, zehazki, Nafarroako Naturaguneen Sarean jarduteko ildo orokorrak finkatzeko onesten direnekin.

2. Dena dela, Nafarroako Naturaguneei buruzko ekainaren 17ko 9/1996 Foru Legearen 7. artikuluan xedatutakoaren arabera, kudeaketa plan honetako zehaztapenak zuzenean aplikatu beharrekoak dira, eta tokiko entitateen hirigintzako udal planeamenduan sartuko dira, planeamendua egitean edo berraztertzen denean. Hori horrela, oraingo lurralde antolamendurako edo antolamendu fisikorako tresnak, kudeaketa plan honen aurkakoak badira, egokitu beharko dira, lehenbizikoz aldatzen edo berrikusten direnean.

Azken Xedapenetan Hirugarrena. Garatzeko gaikuntza.

Landa Garapeneko, Ingurumeneko eta Toki Administrazioko kontseilariari ahalmena ematen zaio foru dekretu hau garatzeko eta betearazteko behar diren xedapen guztiak eman ditzan.

Azken Xedapenetan Laugarrena. Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

Iruñean, 2017ko uztailaren 5ean.-Nafarroako Gobernuko lehendakaria, Uxue Barkos Berruezo.-Garapeneko, Ingurumeneko eta Toki Administrazioko kontseilaria, Isabel Elizalde Arretxea.

ERANSKINA. “ITZAGA” HEGAZTIEN BABESGUNE BEREZIA ETA ES2200127 KONTSERBAZIO BEREZIKO EREMUA KUDEATZEKO PLANA

ERANSKINA

AURKIBIDEA

I.-Planaren helburua.

II.-Kontserbatu beharreko balio naturalak.

III.-Planaren azken helburuak.

IV.-Planaren aplikazioaren ondorioz espero diren emaitzak.

V.-Araudia.

VI.-Kudeaketarako jarraibide edo orientazioak.

VII.-Jarduketak.

VIII.-Kudeaketa planaren finantzaketa.

IX.-Mugak.

X.-Jarraipen-programa.

XI.-Mugaketa-mapa eta barnean dauden entitateak.

XII.-Kontserbazioaren xede diren objektuen eta ezarritako arauen, jarraibideen eta neurrien arteko egokitasuna.

I.-Planaren helburua.

Plan honen helburua da behar diren neurri aktiboak eta prebentzio neurriak ezartzea hurrengo atalean adieraziko diren habitat naturalak, espezieak, prozesu ekologikoak eta osagai natural eta kulturalak kontserbazio egoera onean mantentzeko edo egoera onera berriz ekartzeko (kasua zein den).

Gunearen osotasun ekologikoa bermatzea eta Nafarroako Natura 2000 Sareari koherentzia ematen laguntzea da kudeaketa plan honen arabera hartzen diren neurrien azken helburua. Kontserbazio Bereziko Eremua ukitzen ahal duen beste edozein plan, programa edo proiektuk bat etorri beharko du helburu horrekin.

Hala ere, plan honen bidez hartzen diren neurriek eta haren ondoriozkoek kontuan hartuko dituzte betebehar ekonomiko, sozial eta kulturalak, eta, ahal den neurrian, saiatuko dira bateragarri egiten gaur egungo erabilera eta aprobetxamenduak eta gizartearen eskari berriek ekar ditzaketenak, hala nola, aisialdia, ingurumen hezkuntza edo ikerkuntza. Era berean, eremu hau babesteko arrazoi diren balioak galtzea ekar dezaketen eraldaketak saihestuko dira.

II.-Kontserbatu beharreko balio naturalak.

Itzagako interesa, batez ere, leku horretako harkaitzei loturiko ornitologia arloko balioekin lotuta dago. Harkaitz horietan zenbait harrapari katalogatu bizi dira, adibidez, sai arrea (Gyps fulvus), sai zuria (Neophron percnopterus), belatz handia (Falco peregrinus), arrano beltza (Aquila chrysaetos), hontz handia (Bubo bubo) eta belatxinga mokogorria (Pyrrhocorax pyrrhocorax). Sai arreen kolonia Nafarroan dagoen handienetako bat da. Bertan, orobat, ugatzaren (Gypaetus barbatus) lurralde historiko bat dago.

Eremuko landaredi potentziala hariztiek eta pagadiek osatzen dute. Harkaitzaren beheko aldeetan haritz ilaundunen zuhaiztiak dira nagusi, Quercus humilis espeziekoak bereziki. Iparraldeko eta ipar-mendebaldeko isurialdeetan, non hezetasunari hobeki atxikitzen zaion, pagadi basofiloa dago, hariztiaren gainean. Basoko fauna espezie aipagarriena okil beltza da (Dryocopus martius), baina intereseko beste hegazti batzuk ere badira, hala nola zapelatz liztorjalea (Pernis apivorus), miru gorria (Milvus milvus), miru beltza (Milvus migrans), arrano txikia (Hieraaetus pennatus) edo zata arrunta (Caprimulgus europaeus).

Larre eta sastrakadiek eremu handi samarra hartzen dute, dibertsitate biologiko handiaren isla. Sastrakadietan Genista occidentalis, Erica vagans eta Buxus sempervirens espezieak dira nagusi, eta, horien aberasgarri, eguteran, Arctostaphylos uva-ursi eta Lavandula latifolia ageri dira, larre mesoxerofiloekin batera: horietako batzuetan orkidea ugari daude. Krioturbazioaren ondoriozko lurzoruetan Festuca histrix-eko larreek hartutako zenbait eremu daude. Larre eta sastrakadiek osatutako mosaikoei loturiko fauna-aberastasuna bereziki handia da, eta nabarmentzekoa da katalogatutako hegaztien komunitatea, konparazio batera: mirotz zuria (Circus cyaneus), pirripioa (Lullula arborea), landa-txirta (Anthus campestris), antzandobi arrunta (Lanius collurio), etze-txinboa (Sylvia undata) eta berdantza miarritza (Emberiza hortelana).

Jarraian, kontserbazioaren xede diren eremuko objektu guztiei buruzko informazioa jasotzen da (habitat motak eta Batasunaren intereseko espezieak, Datuen Inprimaki Normalizatuan bilduak daudenak), taula moduan. Gainera, faunako eta florako beste espezie batzuk ere adierazten dira, inprimaki berean jasoak.

Kontserbazio Bereziko Eremu (KBE) honetan aurkitzen diren 92/43/EEE Zuzentarauko habitat motak, eta KBEaren ebaluazioa, horien arabera:

I. ERANSKINEKO HABITAT MOTAK		KBE-AREN EBALUAZIO OROKORRA
Kodea	Azalpena	A/B/C
4090	Txilardi oromediterraneo endemikoak, otaberarekin	A
5110	Buxus sempervirensen formazio egonkor xerotermofiloak aldapa harkaiztsuetan (Berberidion p.p.)	A
5210	Juniperus spp. espezieko sastrakak, zuhaitz eitekoak	B
6170	Belardi alpetar eta subalpetar karetsuak	A
6210	Belardi lehor erdinaturalak eta sastraka-fazieak substratu karetsuen gainean (Festuco-Brometalia) (*orkidea ikusgarriak dituzten parajeak)	A
8210	Aldapa harkaiztsu kaltzikolak, landare kasmofitikoekin	A
8310	Turismoak ustiatu gabeko leizeak	B
9150	Cephalanthero-Fagion aliantzako pagadi kaltzikola erdieuroparrak	B
92A0	Salix albako eta Populus albako galeria basoak	B
Kodea: (*) = Lehentasunezko habitata. KBEaren ebaluazio orokorra: A = balio bikaina; B = balio ona; C = balio nabarmena

-2009/147/EE Zuzentarauaren 4. artikulua aplikatzekoa duten KBEko espezieak, 92/43/EEE Zuzentarauaren II. eranskinean agertzen direnak, eta lekuaren ebaluazioa, horien arabera:

TALDEA	IZEN ZIENTIFIKOA	IZEN ARRUNTA		KBE-AREN EBALUAZIO OROKORRA
Ornogabeak	Euphydryas aurinia	Zingira-dontzeila	p	-
Hegaztiak	Pernis apivorus	Zapelatz liztorjalea	r	-
Hegaztiak	Milvus migrans	Miru beltza	r	-
Hegaztiak	Milvus milvus	Miru gorria	p	-
Hegaztiak	Gypaetus barbatus	Ugatza	p	C
Hegaztiak	Neophron percnopterus	Sai zuria	r	-
Hegaztiak	Gyps fulvus	Sai arrea	p	A
Hegaztiak	Circaetus gallicus	Arrano sugezalea	r	-
Hegaztiak	Circus cyaneus	Mirotz zuria	p	-
Hegaztiak	Aquila chrysaetos	Arrano beltza	p	B
Hegaztiak	Hieraaetus pennatus (1)	Arrano txikia	r	-
Hegaztiak	Falco peregrinus	Belatz handia	p	-
Hegaztiak	Bubo bubo	Hontz handia	p	-
Hegaztiak	Caprimulgus europaeus	Zata arrunta	r	-
Hegaztiak	Dryocopus martius	Okil beltza	p	-
Hegaztiak	Lullula arborea	Pirripioa	p	-
Hegaztiak	Anthus campestris	Landa-txirta	r	-
Hegaztiak	Lanius collurio	Artzandobi arrunta	r	-
Hegaztiak	Sylvia undata	Etze-txinboa	p	-
Hegaztiak	Pyrrhocorax pyrrhocorax	Belatxinga mokogorria	p	-
Hegaztiak	Emberiza hortulana	Berdantza miarritza	r	-
Landareak	Narcissus asturiensis	Asturiasko nartzisoa	p	-
Mota: p = iraunkorra; r = ugaltzailea; c = kontzentrazioa; w = negutarra. KBEaren ebaluazio orokorra: A = balio bikaina; B = balio ona; C = balio nabarmena; (-): garrantzirik gabeko espezieak.

-Faunako eta florako beste espezie batzuk:

TALDEA	IZEN ZIENTIFIKOA	IZEN ARRUNTA
Anfibioak	Alytes obstetricans	Txantxiku arrunta
Anfibioak	Bufo calamita (2)	Apo lasterkaria
Narrastiak	Lacerta viridis (3)	Musker berdea
Narrastiak	Elaphe longissima	Esculapioren sugea
Ugaztunak	Felis silvestris	Basakatua
Landareak	Orchis provincialis	-
Landareak	Dactylorhiza insularis	-
Landareak	Valeriana longiflora	-
(1) Espezie horren oraingo izen zientifiko onartua Aquila pennata da. (2) Espezie horren oraingo izen zientifiko onartua Epidalea calamita da. (3) Espezie horren oraingo izen zientifiko onartua Lacerta bilineata da.

Aurreko balioak kontuan hartuta, KBE honetan dauden edo egon litezkeen habitat batzuk eta flora eta fauna espezie batzuk hautatu dira, lurraldearen adierazgarri diren balio natural guztiak ordezkatzen dituztenak. Habitat eta espezie horiei “gako-elementu” esaten zaie. Izan ere, KBEaren kontserbazio “aktiboa” oinarritzeko ardatz nagusi gisa erabiltzen dira. Hori horrela, gako-elementu guzti-guztietarako proposatutako helburuetatik abiaturik, gaur egungo kontserbazio egoera baldintzatzen duten faktoreak aztertu ondoren, arau, kudeaketako jarraibide eta jarduketa batzuk proposatu dira, KBE osoaren balio naturalak mantentzeko eta hobetzeko aukera ematen dutenak.

Hona hemen KBEa kudeatzeko “gako-elementuak”:

1. Baso autoktonoak.

2. Sastrakadiak eta larreak.

3. Harkaiztietako habitatak.

4. Hegazti harkaiztarrak.

Gainera, lan arlo hau zehaztu da:

A.-Erabilera publikoa.

III.-Planaren azken helburuak.

Kudeaketak, aurreko atalean aipatutako gako-elementu guztiak kontserbazio egoera onera ahalik eta lasterren eramateko, bilatu behar dituen xede edo helmugak dira azken helburuak.

1. Baso autoktonoak.

1.1. Baso autoktonoak kontserbazio egoera onean daudela bermatzea.

2. Sastrakadiak eta larreak.

2.1. Sastrakadi eta larreetako habitaten kontserbazio egoera ona bermatzea.

3. Harkaiztietako habitatak.

3.1. Harkaiztietako eta leizeetako habitaten kontserbazioa bermatzea.

4. Hegazti harkaiztarrak.

4.1. Hegazti harkaiztarrak bertan bizitzeko behar diren habitat-baldintzak bermatzea.

A.-Erabilera publikoa.

A.1. Erabilera publikoa eta Lekuaren balio naturalen kontserbazioa bateratzea.

IV.-Planaren aplikazioaren ondorioz espero diren emaitzak.

Gerta liteke ezinezkoa izatea planaren azken helburuak edo helmugak lortzea haren indarraldiaren bitartean, arrazoi ekologiko, sozial edo ekonomikoengatik. Horregatik, indarra duen bitartean planaren aplikazioaren ondorioz espero diren emaitzak zehazten dira. Emaitza horiek proposatu diren azken helburuak lortzen lagundu behar dute. Hona hemen, bada, espero diren emaitzak gako-elementuekin eta azken helburuekin egindako numerazioaren arabera:

1. Baso autoktonoak.

1.1.1. Baso autoktonoen gaur egungo azalerak kontserbatzea.

1.1.2. Zuhaitz-masen espazio- eta egitura-dibertsitatea hobetzea.

1.1.3. Baso autoktonoei loturiko intereseko fauna eta flora espezie batzuk hobeki ezagutu eta kontserbatzea.

2. Sastrakadiak eta larreak.

2.1.1. Larreak eta sastrakadiak erabiltzea haien kontserbazioa segurtatzeko moduan.

2.1.2. Sastrakadiei, larreei eta hezeguneei lotutako intereseko flora eta fauna espezieen gaineko ezagutza eta haien kontserbazioa hobetzea.

3. Harkaiztietako habitatak.

3.1.1. Harkaizti eta leizeei lotutako habitaten eta espezieen gaineko ukipenak saihestea.

3.1.2. Harkaiztietako fauna eta flora espezie eta landare komunitate interesgarriak ezagutzea.

4. Hegazti harkaiztarrak.

4.1.1. Hegazti harkaiztarren bilakaera ezagutzea.

4.1.2. Hegazti harkaiztarrentzat behar den eskaintza trofikoa mantentzea.

4.1.3. Hegazti harkaiztarrentzako arrisku-faktoreak gutxitu eta desagertzea.

A.-Erabilera publikoa.

A.1.1. Lekuan egiten diren erabilera publikoko jarduerak arautzea.

A.1.2. Informazio eta sentsibilizazio ekintzak egitea Lekuaren balio ekologikoei buruz.

V.-Araudia.

-Araudi orokorra:

1. Baso-zoruan egiteko aurreikusten den edozein jarduketa otsailaren 21eko 3/2007 Foru Legeak aldatutako Nafarroako Oihan Ondarea Babestu eta Garatzeari buruzko abenduaren 31ko 13/1990 Foru Legearen bidez arautuko da.

2. Ingurumena Babesteko Esku-hartzeari buruzko martxoaren 22ko 4/2005 Foru Legearen eta Ingurumen ebaluazioari buruzko abenduaren 9ko 21/2013 Legearen menpe egonen dira beren eranskinetako batean ageri diren titulartasun publiko nahiz pribatuko plan, programa, proiektu eta jarduerak, haiek sortu, abian jarri edo gauzatzearen ondorioz ingurumenaren baldintzak aldatzen ahal dituztenak, edo ingurumenari, pertsonen osasunari edo segurtasunari eta haien ondasunei kalteren bat eragiten ahal dietenak.

3. Ematen diren baimen guztietan bermatuko da Basa Fauna eta haren Habitatak Babestu eta Kudeatzeari buruzko martxoaren 5eko 2/1993 Foru Legean ezarritakoa betetzen dela eta ez direla ukitzen Batasunaren intereseko animalia eta landare espezieak, ez haien habitatak, ezta Kontserbazio Bereziko Eremua kontserbatzeko garrantzi handia duten paisaiako elementuak ere.

4. Ematen diren baimen guztietan bermatuko da honako arau hauetan ezarritakoa beteko dela: batetik, Natur Ondareari eta Biodibertsitateari buruzko abenduaren 13ko 42/2007 Legea, eta bestetik, otsailaren 4ko 139/2011 Errege Dekretua, babes bereziko araubidea duten basa espezieen zerrenda eta espezie mehatxatuen Espainiako katalogoa garatzekoa.

5. Urei buruzko Legearen testu bategina onetsi zuen uztailaren 20ko 1/2001 Legegintzako Errege Dekretuan ezarritakoa aplikatu beharko da, baita obra hidraulikoen arloko zerbitzuak Estatuko Administraziotik Nafarroako Foru Komunitatera eskualdatzeko azaroaren 18ko 1391/1988 Errege Dekretuan ezarritakoa ere.

6. Aplikatuko dira, orobat, Hondakinak hondakindegietan bilduz deuseztatzea arautzen duen martxoaren 28ko 23/2011 Foru Dekretua eta Hondakin eta Lurzoru Kutsatuei buruzko uztailaren 20ko 22/2011 Legea, baita martxoaren 28ko 23/2011 Foru Dekretua ere, Nafarroako Foru Komunitatearen lurralde eremuan eraikuntzako eta eraispenetako hondakinen produkzioa eta kudeaketa arautzen dituena.

-Berariazko araudia:

1. Habitatak, flora eta fauna.

1.1. Lekuaren intereseko habitatak eta flora eta fauna espezieak ukitzen dituzten erabilera eta jarduketetan, haien kontserbazioa bermatzeko behar diren baldintzak jasoko dira, salbu eta tartean giza osasunari eta segurtasun publikoari lotutako arrazoiak badaude.

1.2. 92/43/EEE Zuzentarauan sartuta dauden eta kontserbazio egoera onean dauden larreek eta sastrakadiek hartutako eremuetan ez da luberritzerik edo ereiterik eginen.

1.3. Faunaren eta floraren aldetik interes handikoak izanik kontserbazio egoera onean dauden harkaizti eta leizeetan egiten diren erabileretan eta jarduketetan, behar diren baldintzak bete beharko dira haien kontserbazioa bermatzeko.

1.4. Debeku da urak kutsatzeko edo Lekua degradatzeko arriskua ekar dezaketen hondakin solidoak, obra-hondakinak edo substantziak uztea ibaian.

1.5. Abereentzako idoi berriak eraikitzeko eta lehendik daudenak hobetzeko proiektuek anfibioen kontserbazioa bermatzeko neurriak bilduko dituzte, baita basa faunako espezieak itotzea eragozteko neurriak ere.

1.6. Aireko azpiegituren proiekturik ez da baimenduko, bereziki haize-sorgailuak eta goi tentsioko lineak jartzekoak hegaztientzat interesekoak diren malkarretan.

VI.-Kudeaketarako jarraibide edo orientazioak.

Kudeaketarako jarraibide edo orientazio hauek gomendio gisa hartu behar dira, eta aplikatu beharrekoak izanen dira, kontrakoa justifikatzen duen arrazoi oinarriturik ez badago.

1. Basoberritzeko proiektuetan, espezie autoktonoak erabiltzea sustatuko da, eta, ahal den neurrian, jatorriko eskualde bereko espezieak, basoberritzeko materialei dagokien legeria betez beti.

2. 2009ko baso-sutean erretako eremuek bilakaera naturala izaten jarraituko dute.

3. Interes ekologikoa duten zuhaitzek irautea bermatuko da.

4. Basoetan, lurrean edo zutik dagoen zur hila errespetatuko da.

5. Bigarren mailako espezieak errespetatuko dira, eta haiek bizirik irauteko ahaleginak eginen dira. Bigarren mailako zuhaitz espezie horiek baldin badaude birsortzeko mozketak egin behar diren eremuetan, behar diren neurriak hartuko dira espezie horiek mendian irauteko eta haien berezko birsorkuntza bermatzeko, espezie bakoitzaren behar ekologikoekin bat datozen jarduketen bidez.

6. Koniferen baso handien artean dauden pago eta haritzek osatutako zuhaiztien kontserbazioa bermatuko da.

7. 2-3 hektareatik gorako azalera jarraituetan edo higadura-arrisku nabarmena duten lurretan, ez da arraseko mozketarik eginen.

8. Egun dauden soilguneak kontserbatu edo handituko dira.

9. Baso-aprobetxamenduetan erreka bazterretako landareak errespetatuko dira, betiere espezie autoktonoak baldin badira.

10. Basolanak edo beste edozein jarduera eginez gero, zuhaitz-masen inguruetan dauden zuhaixkak errespetatuko dira. Posible ez denean, jarduketa bukatutakoan lehengoratuko dira.

11. Pistak hobetzeko eta eraikitzeko proiektuetan paisaiara egokitzeko neurriak jasoko dira.

12. Pistak eta zura ateratzeko bideak drainatzeko sistemak ez du utziko solidoak erreketara iristea.

13. Pistak hobetzeko eta eraikitzeko proiektuetan eta baso-aprobetxamenduetarako baldintza agirietan behar diren neurriak jasoko dira erreketako ukipena ahalik eta txikiena izan dadin.

14. Okil beltza hazteko eremuak dituzten zuhaitz-masetan ez da basolanik eginen otsailaren 15etik ekainaren 15era bitarteko aldi kritikoan, baldin eta makineria erabiltzen eta zarata ateratzen badute,

15. 92/43/EEE Zuzentarauan adierazitako habitatak dituzten eremuak ongarritzeko eta/edo medeatzeko lanetan, tratatu beharreko eremuak, osagaiak eta erabiliko den dosia zehaztuko dira. Nolanahi ere, bermatu beharko da landaretza naturala ez dela ukituko, ezta lurzoruaren eta uren ezaugarriak ere. Gainera, proiektu jakin batek, iraganean gauzatu diren jarduketei dagokienez, izan dezakeen metatze efektua aintzat hartu eta aztertuko da.

16. Belar-sastrakak garbituko dira halako moduan non ondoriozko paisaia-egitura izanen baita larreen eta sastraken mosaiko heterogeneo eta orekatu bat.

17. %50etik gorako maldetan, ez da belar-sastrakarik garbituko larreak hobetzeko. Gainera, jarraibide hori aldatzen ahalko da, eta murriztaileago bihurtu eremu ahuletan.

18. Belar-sastrakak garbitu beharreko eremuetan, babestu beharreko elementu ekologiko interesgarriak mugatuko dira.

19. Ez da belar-sastrakarik garbituko erreka-zulo edo erreka batetik 10 metrotik behera dauden tarteetan, alde bietan.

20. Garai batean laborantzan erabilitako lursailen eremuetan belar-sastrakak garbitzeko, haien arteko mugetako eta ezpondetako landare zerrendak errespetatuko dira.

21. Belar-sastrakak garbitzeko lanetan, ahalegin berezia eginen da Lekuan dauden interes bereziko larreen eta sastraken kontserbazioa bermatzeko.

22. Basoberritzeetako pinudietan (merkataritza arloan balio txikia dutenak) larreak eta sastraka gisa erabil daitezkeen lurrak lehengoratuz joanen dira, mozketa txandak bete ahala.

23. Nekazaritzarako, basogintzarako eta ingurumen arloko laguntzetan plan honen jarraibideak betetzea sustatuko da.

24. Idoiak babesteko itxiturak paratzean, zerrenda zabalak izanen dira barneko aldean (10 eta 30 metro zabal artekoak), eta, ahal delarik, larreen eta sastraken gradienteak eta harri eta arroka pilaketak izanen dituzte.

25. Idoien inguruan, 250 metroko babes zerrenda batean, aurreneurri zorrotzak hartuko dira ingurunea ukitzen duen edozein jarduketa motari ekin aurretik (egur parkeak, bidezidorrak, sastrakak garbitzeko lanak, etab.).

26. Hezeguneen egitura ukitzen duten jarduketak (garbiketak, dragatzeak, sakontzeak, tamaina aldaketak) agorraldian eginen dira (uda akaberatik udazkenaren erdialdera), anfibioei ukipenik txikiena eragiteko.

27. Anfibioentzako idoi berriak sortzeko proiektuen eraikuntza diseinuetan, kontuan hartuko da espezie horiek bizi eta ugaltzeko ingurumen baldintza egokiak sortzea, eta, horretarako, gutxienez, honako hauek beteko dira: ontziaren egitura irregularra eta sakonera txikikoa izatea, ur bazter etzanekin, babeslekuak jartzea (harkaitzak, enborrak, etab.) eta, ahal dela, material organikoak erabiltzea irazgaizteko.

28. Suteei aurre egiteko edo abereentzako idoi berriak eraikitzeko proiektuetan, baita orain daudenak hobetzekoetan ere, ezpondetako bat bederen etzana izanen da, faunak barrenetik ihes egin ahal izateko.

29. Baliabide trofikoen hornikuntza bermatuko da, ugatzak eta gainerako hegazti nekrofagoek jana urte osoan izan dezaten.

30. Behar diren neurriak hartuko dira harrapakin-espezieen populazioa nahikoa izan dadin intereseko hegazti harrapari nagusientzako oinarri trofiko gisa erabiltzeko.

31. Ustez pozoiturik hil diren animaliak atzemanez gero, Nafarroako Gobernuak animalia pozoituentzat ezarri duen jarduketa protokoloari jarraituko zaio.

VII.-Jarduketak.

Plan honek indarra duen eperako, jarduketa hauek ezarri dira:

1. Zuhaiztiei lotutako neurriak.

1.1. Larizio pinuen basoberritzeetan basolanak egitea, larre eta/edo sastraka autoktonoen komunitateak edo basoak sortuz joan daitezen laguntzeko.

1.2. Interes ekologikoko zuhaiztien inbentarioa prestatzea (tamaina handiko zuhaitz helduak).

1.3. Zuhaitz helduak kontserbatu eta hobetzeko jarduketak egitea.

2. Larre eta sastrakadiei lotutako neurriak.

2.1 Lekuko habitaten interes bereziko elementuen informazio kartografikoa hobetzea.

2.2 Abeltzaintzari laguntzeko lanak egitea, larre baliabideak planifikatzeko lehendik dauden agiriei jarraikiz. Neurri honen barrenean, Nekazaritza Politika Erkidearen onargarritasun koefizienteek Batasunaren interesekoak diren larre eta sastrakek hartutako eremuetan dituzten ondorioak aztertuko dira.

2.3 Aireko argazkien bidez eta landa-lanen bidez, larreen eta sastrakadien arteko bilakaeraren dinamikaren segimendua egiteko plan bat diseinatu eta abian jartzea.

2.4 Nekazaritzako Elikagaien Teknologien eta Azpiegituren Institutuarekin eta NNPEK-Nafarroako Nekazaritzako Produkzio Ekologikoaren Kontseiluarekin elkarlanean, entitate titularren eta abeltzainen artean sustatzea larreak “produkzio ekologikoko eremutzat” jotzea, interesa duten ekoizleek lur horiek erabili ahal daitezen bermatzeko.

2.5 Larreen azalera handitzea, plan honen indarraldia bitartean belar-sastrakak garbituz edo beste teknika batzuen bidez gutxienez 50 ha-tan, batez ere ezpeldietan.

2.6 Belar-sastrakak garbitzeko lanak eta sastrakek hartutako eremuak gutxitzeko bestelako lanak ebaluatzea, baita jarduketa horiek aparteko larre eta sastrakadien kontserbazioan duten eragina ere.

3. Faunari lotutako neurriak.

3.1. Intsektu saproxiliko mehatxatuen kontserbazio egoera finkatzea eta espezie horientzako monitorizazio programa bat abian jartzea.

3.2. Maculinea arion eta Euphydryas aurinia espezieen presentzia eta kopurua zehazteko prospekzioak egitea, eta kudeatzeko neurriak eta jarraibideak ezartzea.

3.3. Hezeguneak ezaugarritzea, anfibioak eta beste fauna eta flora espezie interesgarri batzuk hartzeko duten ahalmenenaren arabera.

3.4. Hezegune ez-funtzionalak berreskuratzea, eta anfibioentzako hezegune berriak ezartzea, haren kontserbazioa faboratzen duten eraikuntza tekniken bidez.

3.5. Okil beltzaren erroldak egitea aldian behin.

3.6. Larreei eta sastrakadiei lotutako hegaztien komunitateak aldian behin monitorizatzea, hala nola, mirotz zuria, antzandobi arrunta, landa-txirta, hegatxabal pirripioa, etze-txinboa eta berdantza miarritza.

3.7. Lekuan bertan eta inguruetan sai arrea, arrano beltza, sai zuria eta belatz handia monitorizatzeko lanei jarraipena ematea.

3.8. Lekuan bertan eta inguruetan ugatza monitorizatzeko urtero egiten diren lanei jarraipena ematea.

3.9. Lekuan eta inguruan hegaztientzat arriskutsuak diren linea elektrikoak zuzentzen segitzea.

3.10. Ehizaldiek hegazti harkaiztarren habiagintzan eraginik ez dutela izanen bermatzeko jarduketa-prozedura zehazten duen protokolo bat ezartzea.

3.11. Kiropteroen egungo egoeraren diagnostikoa egitea, espezie bakoitzarentzako habitata hautatzea eta eremu interesgarrienak eta babesleku garrantzitsuenak identifikatzea.

4. Florari lotutako neurriak.

4.1. Lathraea squamaria espezieak Lekuan duen kontserbazio egoera ezagutzeko prospekzio eta diagnostiko zehatz bat egitea.

4.2. Prospekzioak egitea orkidea-espezieen banaketa eremua ezagutzeko, baita sastrakadien eta larreen habitatei lotutako beste flora espezie interesgarri batzuena ere.

4.3. Lekuko harkaiztietako habitatei loturiko floraren azterketa zehatza egitea.

5. Erabilera publikoari lotutako neurriak.

5.1. Malkarretan eta inguruetan aisialdiko eta kirol jarduerek Lekuaren kontserbazio helburuetan duten eraginari buruzko azterlan bat egitea.

5.2. Harkaiztietan egiten diren kirol jarduerak arautzea, hegazti harkaiztarrekin bateragarriak direla bermatzeko, batez ere habiak egiteko aldi kritikoetan.

5.3. Lekuaren balioei buruzko materialak prestatzea, gizartea sentsibilizatzeko asmoz zabal daitezen.

VIII.-Kudeaketa planaren finantzaketa.

Landa Garapeneko, Ingurumeneko eta Toki Administrazioko Departamentuak honako hauek hartuko ditu bere gain:

-Gunearen kontserbazio egoera ona bermatzen duten mantentze eta lehengoratze proiektuak gauzatzeko behar diren diru zenbatekoak.

-Ekipamenduak eta kudeaketaren egitura mantentzeko behar diren diru zenbatekoak.

-Erabilerak eta jarduerak mugatzearen ondoriozko kalte-ordainak ordaintzeko behar diren partidak.

-Plana gauzatzeko eta haren helburuak lortzeko behar diren bestelako partidak.

Hori guztia ordainduko da horretarako kreditu egokia baldin badago. Beraz, behar diren konpromisoak hartuko dira unean-unean aurrekontuan dagoen diruaren arabera.

Nafarroako Gobernuko departamentuek beren politika sektorialak ingurumenean integratzeko sustatzen dituzten jarduketek, baita toki entitateek sustatzen dituzten ekintzek eta ekarpen pribatuekin edo Europar Batasunaren ekarpenekin egiten direnek ere, laguntzen ahal dute plan hau garatzen.

KBEa ongi kontserbatzen laguntzen duten jarduketek Landa Garapeneko, Ingurumeneko eta Toki Administrazioko Departamentuaren finantzaketa osoa izan dezakete, betiere diru-laguntzen arloko araudiak ezartzen duen esparruaren barrenean. Inguruko biziguneen garapen sozioekonomikoa sustatzeko asmoz, departamentu honen menpeko beste edozein laguntzatan, ahal denean, lehentasuna emanen zaie, guneen kontserbazioarekin bateragarriak izanik, Kontserbazio Bereziko Eremu honen barnean proposatzen diren jarduketei. Gainera, laguntzaren portzentajea handiagoa izanen da, eremu horretatik kanpo edo beste edozein naturagunetatik kanpo proposatzen diren beste jarduketa batzuekin alderatuta. Halaber, Landa Garapeneko, Ingurumeneko eta Toki Administrazioko Departamentua aurrekontuetatik kanpoko funtsak aplikatzen saiatuko da, baldin haien helburua plan honetan aurreikusitako ekintzen bat garatzea bada.

IX.-Mugak.

Nafarroako Naturguneei buruzko ekainaren 17ko 9/1996 Foru Legearen 28. artikuluan xedatu bezala ordainduko dira erabilerak eta jarduerak mugatzearen ondoriozko kalte-ordainak. Hala ere, bestelako kalte-ordainak ere hitzartzen ahalko dira, hala nola laguntzak, diru-laguntzak, zerbitzuak ematea edo bestelako sustapen bideak.

X.-Jarraipen programa.

Jarraipena egiteko programa bat ezartzen da, plana ongi gauzatzen dela eta haren helburuak lortzen direla bermatzeko. Programa horrek objektiboki egiaztatzen ahal den adierazle bat izanen du, gutxienez, helburu bakoitzerako.

Urtero, programa horren emaitzen eta, oro har, planaren gauzatze-mailaren berri emanen zaio Gidaritza Batzordeari.

Lortutako emaitzei erreparatuta ikusten bada espero ziren emaitzen aldean desbideratzeak gertatu direla edo emaitzak ezin izanen direla lortu aurreikusitako epean, kudeaketaren eragingarritasuna eta eraginkortasuna hobetzeko behar diren neurri guztiak eransten ahalko zaizkio planari.

GAKO-ELEMENTUA	AZKEN HELBURUA	HELBURU OPERATIBOA	ADIERAZLEA	HASIERAKO BALIOA	ARRAKASTAREN IRIZPIDEA
1. BASO AUTOKTONOAK	1.1. Baso autoktonoak kontserbazio egoera onean daudela bermatzea		Kontserbazio egoera onean dauden baso autoktonoen azalera	Ezezaguna	Basoen azaleraren %100
		1.1.1. Baso autoktonoen gaur egungo azalerak kontserbatzea	Baso autoktonoen azalera	816,54 ha baso inbentariatuen barrenean	816,54 ha baso inbentariatuen barrenean
		1.1.2. Zuhaitz-masen espazio- eta egitura-dibertsitatea hobetzea	Interes ekologikoa duten zuhaitzen inbentarioa egitea	Egin gabe	Egina
			Zuhaitz helduak kontserbatu eta hobetzeko jarduketak	Egin gabe	Eginak
			Basoak kontserbatzeko eta ekologiaren aldetik hobetzeko jarraibideak	Aplikatzen dira	Aplikatzen dira
		1.1.3. Baso autoktonoei loturiko intereseko fauna eta flora espezie batzuk hobeki ezagutu eta kontserbatzea	Intsektu saproxiliko mehatxatuen kontserbazio egoeraren diagnostikoa eta monitorizazio programa	Egin gabe	Egina
			Okil beltzaren erroldak	Egin gabe	Aldizkako erroldak
			Saguzarrak dituzten lekune nagusiak	Ezezagunak	Ezagunak
			Lathraea squamaria espeziearen prospekzioak eta haren kontserbazio egoeraren diagnostikoa	Egin gabe	Eginak
			“Sastrakadiak eta larreak” gako-elementuari dagokionez, Euphydryas aurinia espeziearen prospekzioak egitearen gaineko adierazlea aplikatuko da.
2. SASTRAKADIAK ETA LARREAK	2.1. Sastrakadi eta larreen habitaten kontserbazio egoera ona bermatzea		Kontserbazio egoera onean dauden sastrakadi eta larreetako habitatek hartzen duten azalera	Ezezaguna	Sastrakadi eta larreen azaleraren %100
		2.1.1. Larreak eta sastrakadiak erabiltzea haien kontserbazioa segurtatzeko moduan	Larreen eta sastrakadien azalera	1161,95 ha sastrakadi eta larre inbentariatuen barrenean, gehi horiek hartzen duten azalera Lekuari erantsi zaion 592,41 ha-ko eremuan	1161,95 ha sastrakadi eta larre inbentariatuen barrenean, gehi horiek hartzen duten azalera Lekuari erantsi zaion 592,41 ha-ko eremuan
			Lekuaren mugaketa berrian sartutako habitaten azalera berriak	Ezezagunak	Ezagunak
			Abeltzaintzari laguntzeko jarduketak egitea, larre baliabideen planen arabera	Ekintza batzuk egin dira abeltzaintzari laguntzeko	Abeltzaintzari laguntzeko jarduerak indartu dira
			Larreen eta sastrakadien arteko dinamika ebolutiboaren segimendua	Egin gabe	Egina
		2.1.2. Sastrakadiei, larreei eta hezeguneei lotutako intereseko flora eta fauna espezieen gaineko ezagutza eta haien kontserbazioa hobetzea	Orkidea-espezieen prospekzioak egitea, baita sastrakadien eta larreen habitatei lotutako beste flora espezie interesgarri batzuenak ere	Egin gabe	Prospekzioak egin dira
			Hezeguneak ezaugarritzea, bakoitzaren ahalmen biologikoaren arabera.	Egin gabe	Egina
			Hezegune ez-funtzionalak anfibioentzat berreskuratzeko eta hezegune berriak sortzeko proiektuak.	Idatzi gabe	2 proiektu, gauzatuak
			Maculinea arion eta Euphydryas aurinia espezieen prospekzioak	Egin gabe	Prospekzioak egin dira
			Larreei eta sastrakadiei lotutako hegaztien laginketak	Egin gabe	Aldizkako laginketak
			Faunaren gaineko ukipenak idoietan eta itxituretan	Ezezagunak	Ez dago ukipenik
			“Hegazti harkaiztiarrak” gako-elementuaren adierazleak aplikatuko dira
3. HARKAIZTIETAKO HABITATAK	3.1. Harkaiztietako eta leizeetako habitaten kontserbazioa bermatzea		Kontserbazio egoera onean dauden harkaiztietako eta leizeetako habitaten azalera	Ezezaguna	Harkaiztietako eta leizeetako azaleraren %100
		3.1.1. Harkaizti eta leizeei lotutako habitaten eta espezieen gaineko ukipenak saihestea	Harkaiztietako eta leizeetako espezieetan eta habitatetan atzemandako ukipenak	Ezezagunak	Ez dago ukipenik
			“Hegazti harkaiztarrak” gako-elementuaren adierazleak aplikatuko dira, “Espezie harkaiztarrentzako arrisku-faktoreak gutxitu eta desagertzea” helburu operatiboari dagokionez
			“Erabilera publikoa” gako-elementuaren “Balio naturalen gaineko ukipenak erabilera publikoko jarduerengatik” adierazlea aplikatuko da
		3.1.2. Harkaiztietako fauna eta flora espezie eta landare komunitate interesgarriak ezagutzea	Harkaiztietako habitaten azterketa floristikoa	Egin gabe	Egina
			“Baso autoktonoak” gako-elementuaren “Saguzarrak dituzten lekune nagusiak” adierazlea aplikatuko da
			“Hegazti harkaiztarrak” gako-elementuaren adierazleak aplikatuko dira, “Hegazti harkaiztarren bilakaera ezagutzea” izeneko helburu operatiboari dagokionez
4. HEGAZTI HARKAIZTARRAK	4.1. Hegazti harkaiztarrak bertan bizitzeko behar diren habitat-baldintzak bermatzea.		Hegazti harkaiztarrentzat kontserbazio egoera onean dauden habitaten azalera	Ezezaguna	Hegazti harkaiztarrentzako habitaten azaleraren %100
		4.1.1. Hegazti harkaiztarren bilakaera ezagutzea	Sai arreen, arrano beltzen, sai zurien eta belatz handien erroldak	Aldizkako erroldak	Aldizkako erroldak
			Ugatzaren segimendu intentsiboa	Urteko segimendua	Urteko segimendua
		4.1.2. Hegazti harkaiztarrentzat behar den eskaintza trofikoa mantentzea	Hegaztientzako bazkalekuen kopurua	1	1 edo gehiago
			“Sastrakadiak eta larreak” gako-elementuaren “Abeltzaintzari laguntzeko jarduketak egitea, larre baliabideen planen arabera” adierazlea aplikatuko da
		4.1.3. Hegazti harkaiztarrentzako arrisku-faktoreak gutxitu eta desagertzea	Hegaztientzat arriskutsuak diren linea elektrikoak	Badira	Zuzentzen dira
			Basurde-ehizaldiak espezie harkaiztarren habia egitearekin bat ez etortzeko protokolo idatzia	Ez dago	Protokoloa ezarrita dago
			Intoxikazio kopurua, pozoituta	Ezezagunak	Ez dago
			“Sastrakadiak eta larreak” gako-elementuaren “Faunaren gaineko ukipenak idoietan eta itxituretan” adierazlea aplikatuko da
			“Harkaiztietako habitatak” gako-elementuaren “Harkaiztietako eta leizeetako espezieetan eta habitatetan atzemandako ukipenak” adierazlea aplikatuko da
			“Erabilera publikoa” gako-elementuaren adierazlea aplikatuko da, “Lekuan egiten diren erabilera publikoko jarduerak arautzea” helburu operatiboari dagokionez
A. ERABILERA PUBLIKOA	A.1. Erabilera publikoa eta lekuaren balio naturalen kontserbazioa bateratzea		Erabilera publikoaren ondorioz Lekuko gako-elementuei eragindako ukipenak	Ezezagunak	Ez dago ukipen nabarmenik
		A.1.1. Lekuan egiten diren erabilera publikoko jarduerak arautzea	Balio naturalen gaineko ukipenak erabilera publikoko jarduerengatik	Ezezagunak	Ezagutzen dira eta arautzen dira
		A.1.2. Informazio eta sentsibilizazio ekintzak egitea Lekuaren balio ekologikoei buruz	Zabalkunderako eta sentsibilizaziorako materiala Lekuko balio naturalei buruz	Ez dago	Materiala prestatu da

XI.-Mugaketa-mapa eta barnean dauden entitateak.

Deskargatu mapa (PDFa).

XII.-Kontserbazioaren xede diren objektuen eta ezarritako arauen, jarraibideen eta neurrien arteko egokitasuna.

Atal honetan, KBEa kudeatzeko gako-elementuen definizioak, planaren azken helburuak, planaren aplikaziotik espero diren emaitzak (helburu operatiboak) eta aurreikusitako jarduketak (neurriak) jaso dira, taula moduan, leku honetan kontserbazioaren xede den elementu bakoitzarentzat.

Taulan agertzen diren siglek hau esan nahi dute:

EC: gako-elementua.

OF: azken helburua.

OO: helburu operatiboa.

N: araua.

D: jarraibidea.

M: neurria.

HABITATAK ETA ESPEZIEAK	EC	OF	OO	M/N/D
4090 Txilardi oromediterraneo endemikoak, otaberarekin	1. BASO AUTOKTONOAK	1.1	1.1.1	D2, M1.1, N1.1, N1.4
	2. SASTRAKADIAK ETA LARREAK	2.1	2.1.1	D15, D16, D17, D18, D20, D22, D23, M2.1, M2.2, M2.3, M2.4, M2.6, N1.2
	A. ERABILERA PUBLIKOA	A.1	A.1.2	M5.3
5110 Buxus sempervirensen formazio egonkor xerotermofiloak aldapa harkaiztsuetan (Berberidion p.p.)	1. BASO AUTOKTONOAK	1.1	1.1.1	N1.4
	3. HARKAIZTIETAKO HABITATAK	3.1	3.1.1	N1.3
	A. ERABILERA PUBLIKOA	A.1	A.1.2	M5.3
5210 Juniperus spp. espezieko sastrakak, zuhaitz eitekoak	1. BASO AUTOKTONOAK	1.1	1.1.1	D2, M1.1, N1.1, N1.4
	2. SASTRAKADIAK ETA LARREAK	2.1	2.1.1	D15, D16, D17, D18, D20, D22, D23, M2.1, M2.2, M2.3, M2.4, M2.6, N1.2
	A. ERABILERA PUBLIKOA	A.1	A.1.2	M5.3
6170 Belardi alpetar eta subalpetar karetsuak	1. BASO AUTOKTONOAK	1.1	1.1.1	D2, M1.1, N1.1, N1.4
	2. SASTRAKADIAK ETA LARREAK	2.1	2.1.1	D15, D16, D17, D18, D20, D21, D22, D23, M2.1, M2.2, M2.3, M2.4, M2.5, M2.6, N1.2
	A. ERABILERA PUBLIKOA	A.1	A.1.2	M5.3
6210 Belardi lehor erdinaturalak eta sastraka-fazieak substratu karetsuen gainean (Festuco-Brometalia) (*orkidea ikusgarriak dituzten parajeak)	1. BASO AUTOKTONOAK	1.1	1.1.1	D2, M1.1, N1.1, N1.4
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D21, D22, D23, M2.1, M2.2, M2.3, M2.4, M2.5, M2.6, N1.2, M4.2
	A. ERABILERA PUBLIKOA	A.1	A.1.2	M5.3
8210 Aldapa harkaiztsu kaltzikolak, landare kasmofitikoekin	1. BASO AUTOKTONOAK	1.1	1.1.1	N1.4
	3. HARKAIZTIETAKO HABITATAK	3.1	3.1.1	N1.3
	A. ERABILERA PUBLIKOA	A.1	A.1.2	M5.3
8310 Turismoak ustiatu gabeko leizeak	1. BASO AUTOKTONOAK	1.1	1.1.1	N1.4
	3. HARKAIZTIETAKO HABITATAK	3.1	3.1.1	N1.3
	A. ERABILERA PUBLIKOA	A.1	A.1.2	M5.3
9150 Cephalanthero-Fagion aliantzako pagadi kaltzikola erdieuroparrak	1. BASO AUTOKTONOAK	1.1	1.1.1, 1.1.2	D2, M1.1, N1.1, N1.4, D10, D3, D4, D5, D6, D7, D8, M1.2, M1.3
	A. ERABILERA PUBLIKOA	A.1	A.1.2	M5.3
92A0 Salix alba eta Populus alba espezieen galeria basoak	1. BASO AUTOKTONOAK	1.1	1.1.1, 1.1.2	N1.1, N1.4, D12, D13, D5, D9
	A. ERABILERA PUBLIKOA	A.1	A.1.2	M5.3
Alytes obstetricans	1. BASO AUTOKTONOAK	1.1	1.1.1, 1.1.2	N1.1, D12, D13, D9
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D19, D20, D23, M2.2, M2.3, M2.4, M2.5, N1.2, D24, D25, D26, D27, D28, M3.3, M3.4, N1.5
	A. ERABILERA PUBLIKOA	A.1	A.1.2	M5.3
Anthus campestris (r)	1. BASO AUTOKTONOAK	1.1	1.1.1, 1.1.2	N1.1, D10, D9
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, M3.6
	3. HARKAIZTIETAKO HABITATAK	3.1	3.1.1	N1.6
	4. HEGAZTI HARKAIZTARRAK	4.1	4.1.3	M3.9
	A. ERABILERA PUBLIKOA	A.1	A.1.2	M5.3
Aquila chrysaetos	1. BASO AUTOKTONOAK	1.1	1.1.1	N1.1
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, D28, N1.5
	3. HARKAIZTIETAKO HABITATAK	3.1	3.1.1	N1.3, N1.6
	4. HEGAZTI HARKAIZTARRAK	4.1	4.1.1, 4.1.2, 4.1.3	M3.7, D29, D30, D31, M3.10, M3.9
	A. ERABILERA PUBLIKOA	A.1	A.1.1, A.1.2	M5.1, M5.2, M5.3
Bubo bubo	1. BASO AUTOKTONOAK	1.1	1.1.1	N1.1
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, D28, N1.5
	3. HARKAIZTIETAKO HABITATAK	3.1	3.1.1	N1.3, N1.6
	4. HEGAZTI HARKAIZTARRAK	4.1	4.1.2, 4.1.3	D30, M3.10, M3.9
	A. ERABILERA PUBLIKOA	A.1	A.1.1, A.1.2	M5.1, M5.2, M5.3
Bufo calamita	1. BASO AUTOKTONOAK	1.1	1.1.1	N1.1
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, D24, D25, D26, D27, D28, M3.3, M3.4, N1.5
	A. ERABILERA PUBLIKOA	A.1	A.1.2	M5.3
Caprimulgus europaeus	1. BASO AUTOKTONOAK	1.1	1.1.1, 1.1.2	N1.1, D10, D8
	2. SASTRAKADIAK ETA LARREAK	2.1	2.1.2	D28, N1.5
	3. HARKAIZTIETAKO HABITATAK	3.1	3.1.1	N1.6
	4. HEGAZTI HARKAIZTARRAK	4.1	4.1.3	M3.9
	A. ERABILERA PUBLIKOA	A.1	A.1.2	M5.3
Circaetus gallicus (r)	1. BASO AUTOKTONOAK	1.1	1.1.1, 1.1.2	N1.1, D3, M1.2, M1.3
	2. SASTRAKADIAK ETA LARREAK	2.1	2.1.2	D28, N1.5
	3. HARKAIZTIETAKO HABITATAK	3.1	3.1.1	N1.6
	4. HEGAZTI HARKAIZTARRAK	4.1	4.1.3	M3.9
	A. ERABILERA PUBLIKOA	A.1	A.1.2	M5.3
Circus cyaneus	1. BASO AUTOKTONOAK	1.1	1.1.1	N1.1
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, M3.6
	3. HARKAIZTIETAKO HABITATAK	3.1	3.1.1	N1.6
	4. HEGAZTI HARKAIZTARRAK	4.1	4.1.3	M3.9
	A. ERABILERA PUBLIKOA	A.1	A.1.2	M5.3
Dactylorhiza insularis	1. BASO AUTOKTONOAK	1.1	1.1.1	N1.1
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, M4.2
	A. ERABILERA PUBLIKOA	A.1	A.1.2	M5.3
Dryocopus martius	1. BASO AUTOKTONOAK	1.1	1.1.1, 1.1.2, 1.1.3	N1.1, D3, D4, M1.2, M1.3, D14, M3.5
	3. HARKAIZTIETAKO HABITATAK	3.1	3.1.1	N1.6
	4. HEGAZTI HARKAIZTARRAK	4.1	4.1.3	M3.9
	A. ERABILERA PUBLIKOA	A.1	A.1.2	M5.3
Elaphe longissima	1. BASO AUTOKTONOAK	1.1	1.1.1, 1.1.2	N1.1, D10, D5, D6, D7, D8, D9
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, D28, N1.5
	A. ERABILERA PUBLIKOA	A.1	A.1.2	M5.3
Emberiza hortulana (r)	1. BASO AUTOKTONOAK	1.1	1.1.1, 1.1.2	N1.1, D10, D9
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, M3.6
	3. HARKAIZTIETAKO HABITATAK	3.1	3.1.1	N1.6
	4. HEGAZTI HARKAIZTARRAK	4.1	4.1.3	M3.9
	A. ERABILERA PUBLIKOA	A.1	A.1.2	M5.3
Euphydryas aurinia	1. BASO AUTOKTONOAK	1.1	1.1.1, 1.1.2	N1.1, D10, D5, D8, D9
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, M3.2
	A. ERABILERA PUBLIKOA	A.1	A.1.2	M5.3
Falco peregrinus	3. HARKAIZTIETAKO HABITATAK	3.1	3.1.1	N1.3, N1.6
	4. HEGAZTI HARKAIZTARRAK	4.1	4.1.1, 4.1.2, 4.1.3	M3.7, D30, M3.10, M3.9
	A. ERABILERA PUBLIKOA	A.1	A.1.1, A.1.2	M5.1, M5.2, M5.3
Felis silvestris	1. BASO AUTOKTONOAK	1.1	1.1.1, 1.1.2	N1.1, D3, M1.2, M1.3
	A. ERABILERA PUBLIKOA	A.1	A.1.2	M5.3
Gypaetus barbatus	1. BASO AUTOKTONOAK	1.1	1.1.1	N1.1
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, D28, N1.5
	3. HARKAIZTIETAKO HABITATAK	3.1	3.1.1	N1.3, N1.6
	4. HEGAZTI HARKAIZTARRAK	4.1	4.1.1, 4.1.2, 4.1.3	M3.8, D29, D31, M3.10, M3.9
	A. ERABILERA PUBLIKOA	A.1	A.1.1, A.1.2	M5.1, M5.2, M5.3
Gyps fulvus	1. BASO AUTOKTONOAK	1.1	1.1.1	N1.1
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, D28, N1.5
	3. HARKAIZTIETAKO HABITATAK	3.1	3.1.1	N1.3, N1.6
	4. HEGAZTI HARKAIZTARRAK	4.1	4.1.1, 4.1.2, 4.1.3	M3.7, D29, D31, M3.10, M3.9
	A. ERABILERA PUBLIKOA	A.1	A.1.1, A.1.2	M5.1, M5.3
Hieraaetus pennatus (r)	1. BASO AUTOKTONOAK	1.1	1.1.1, 1.1.2	N1.1, D3, M1.2, M1.3
	2. SASTRAKADIAK ETA LARREAK	2.1	2.1.2	D28, N1.5
	3. HARKAIZTIETAKO HABITATAK	3.1	3.1.1	N1.6
	4. HEGAZTI HARKAIZTARRAK	4.1	4.1.2, 4.1.3	D30, M3.9
	A. ERABILERA PUBLIKOA	A.1	A.1.2	M5.3
Lacerta viridis	1. BASO AUTOKTONOAK	1.1	1.1.1, 1.1.2	N1.1, D10, D5, D6, D7, D8, D9
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, D28, N1.5
	A. ERABILERA PUBLIKOA	A.1	A.1.2	M5.3
Lanius collurio (r)	1. BASO AUTOKTONOAK	1.1	1.1.1, 1.1.2	N1.1, D10, D9
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, M3.6
	3. HARKAIZTIETAKO HABITATAK	3.1	3.1.1	N1.6
	4. HEGAZTI HARKAIZTARRAK	4.1	4.1.3	M3.9
	A. ERABILERA PUBLIKOA	A.1	A.1.2	M5.3
Lullula arborea	1. BASO AUTOKTONOAK	1.1	1.1.1, 1.1.2	N1.1, D10, D9
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, M3.6
	3. HARKAIZTIETAKO HABITATAK	3.1	3.1.1	N1.6
	4. HEGAZTI HARKAIZTARRAK	4.1	4.1.3	M3.9
	A. ERABILERA PUBLIKOA	A.1	A.1.2	M5.3
Milvus migrans (r)	1. BASO AUTOKTONOAK	1.1	1.1.1, 1.1.2	N1.1, D3, M1.2, M1.3
	2. SASTRAKADIAK ETA LARREAK	2.1	2.1.2	D28, N1.5
	3. HARKAIZTIETAKO HABITATAK	3.1	3.1.1	N1.6
	4. HEGAZTI HARKAIZTARRAK	4.1	4.1.2, 4.1.3	D29, D30, D31, M3.9
	A. ERABILERA PUBLIKOA	A.1	A.1.2	M5.3
Milvus milvus	1. BASO AUTOKTONOAK	1.1	1.1.1, 1.1.2	N1.1, D3, M1.2, M1.3
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, D28, N1.5
	3. HARKAIZTIETAKO HABITATAK	3.1	3.1.1	N1.6
	4. HEGAZTI HARKAIZTARRAK	4.1	4.1.2, 4.1.3	D29, D30, D31, M3.9
	A. ERABILERA PUBLIKOA	A.1	A.1.2	M5.3
Narcissus asturiensis	1. BASO AUTOKTONOAK	1.1	1.1.1	N1.1
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, M4.2
	A. ERABILERA PUBLIKOA	A.1	A.1.2	M5.3
Neophron percnopterus (r)	1. BASO AUTOKTONOAK	1.1	1.1.1	N1.1
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, D28, N1.5
	3. HARKAIZTIETAKO HABITATAK	3.1	3.1.1	N1.3, N1.6
	4. HEGAZTI HARKAIZTARRAK	4.1	4.1.1, 4.1.2, 4.1.3	M3.7, D29, D31, M3.10, M3.9
	A. ERABILERA PUBLIKOA	A.1	A.1.1, A.1.2	M5.1, M5.2, M5.3
Orchis provincialis	1. BASO AUTOKTONOAK	1.1	1.1.1	N1.1
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, M4.2
	A. ERABILERA PUBLIKOA	A.1	A.1.2	M5.3
Pernis apivorus (r)	1. BASO AUTOKTONOAK	1.1	1.1.1, 1.1.2	N1.1, D3, M1.2, M1.3
	2. SASTRAKADIAK ETA LARREAK	2.1	2.1.2	D28, N1.5
	3. HARKAIZTIETAKO HABITATAK	3.1	3.1.1	N1.6
	4. HEGAZTI HARKAIZTARRAK	4.1	4.1.3	M3.9
	A. ERABILERA PUBLIKOA	A.1	A.1.2	M5.3
Pyrrhocorax pyrrhocorax	1. BASO AUTOKTONOAK	1.1	1.1.1	N1.1
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, D28, N1.5
	3. HARKAIZTIETAKO HABITATAK	3.1	3.1.1	N1.3, N1.6
	4. HEGAZTI HARKAIZTARRAK	4.1	4.1.3	D31, M3.10, M3.9
	A. ERABILERA PUBLIKOA	A.1	A.1.1, A.1.2	M5.1, M5.2, M5.3
Sylvia undata	1. BASO AUTOKTONOAK	1.1	1.1.1, 1.1.2	N1.1, D10, D9
	2. SASTRAKADIAK ETA LARREAK	2.1	2.1.1, 2.1.2	D15, D16, D17, D18, D20, D23, M2.2, M2.3, M2.4, M2.5, N1.2, M3.6
	3. HARKAIZTIETAKO HABITATAK	3.1	3.1.1	N1.6
	4. HEGAZTI HARKAIZTARRAK	4.1	4.1.3	M3.9
	A. ERABILERA PUBLIKOA	A.1	A.1.2	M5.3
Valeriana longiflora	1. BASO AUTOKTONOAK	1.1	1.1.1	N1.1
	3. HARKAIZTIETAKO HABITATAK	3.1	3.1.1, 3.1.2	N1.3, M4.3
	A. ERABILERA PUBLIKOA	A.1	A.1.1, A.1.2	M5.1, M5.3

Iragarkiaren kodea: F1708428

Contacte con nosotros | Accesibilidad | Aviso legal | Mapa web