navarra.es

Castellano | Euskara | Français | English

Navarra :
- Derecho navarro :
  - Lexnavarra
  - : Legislación

LEXNAVARRA

Versión para imprimir
Versión en castellano

53/2016 FORU DEKRETUA, ABUZTUAREN 31KOA, “ARAGOI IBAIAREN ERDIKO TARTEA” IZENEKO BATASUNAREN GARRANTZIZKO LEKUA KONTSERBAZIO BEREZIKO EREMU IZENDATU, HAREN KUDEAKETA PLANA ETA “CAMPO ALLENDEKO IBARBASOA” LEKUNE NATURALARENA (EN-5) ONETSI ETA “KAPARRETA” NATURA-ERRESERBA (RN-26) ERABILI ETA KUDEATZEKO PLAN ZUZENTZAILEA EGUNERATZEN DUENA

BON N.º 178 - 14/09/2016

Zioen azalpena
1. artikulua. Xedea.
2. artikulua. Planaren aplikazio eremua eta lurralde mugaketa.
3. artikulua. Zuzendaritza Batzordea.
Lehenbiziko xedapen gehigarria. Landa Garapeneko, Ingurumeneko eta Toki Administrazioko kontseilaria gaitzea.
Bigarren xedapen gehigarria.Lotutako araudia.
Xedapen indargabetzaile bakarra.“Kaparreta” naturaerreserba erabili eta kudeatzeko plan zuzentzailea (230/1998 Foru Dekretuan ezarria) partez indargabetzea.
Azken xedapenetako lehena.Kudeaketa planaren indarraldia .
Azken xedapenetako bigarrena. Beste plan batzuekiko erlazioa.
Azken xedapenetako hirugarrena.Garatzeko gaikuntza.
Azken xedapenetako laugarrena. Indarra hartzea.

ERANSKINA. KUDEAKETA PLANA “ARAGOI IBAIAREN ERDIKO TARTEA” IZENEKO ES2200030 KONTSERBAZIO BEREZIKO EREMURAKO, “KAPARRETA” IZENEKO ES0000151 HEGAZTIEN BABESGUNE BEREZIRAKO (RN26) ETA “CAMPO ALLENDE IBARBASOA” IZENEKO EN5 NATUR LEKUNERAKO

ERANSKINA

Zioen azalpena

Aragoi ibaiaren erdiko tartea izeneko gunea Nafarroako ekialdeko muturrean dago, Esako, Xabierko, Ledeako, Rocaforteko, Zangozako, Kasedako, Oibarko, Galipentzuko, Uxueko, Murillo el Frutoko eta Zarrakazteluko udal mugapeetan. Gune horretan badira Nafarroako aniztasun biologikoaren adierazgarri diren habitat naturalak eta basa flora eta fauna; gainera, zenbait kasutan horiek galzorian daude haien banaketa naturaleko eremuan, edo banaketa naturaleko azalera murritza daukate, bai atzera egiten ari direlako bai berez dutelako eremu murritza. Horregatik, eremu batzuk hautatu behar dira, non bermatuko baita habitat natural eta basa espezie horiek epe luzean iraunen dutela, kudeaketa aktibo eta prebentiborako sistema eraginkor eta eragingarrien bidez.

Habitat natural edo espezie horietako batzuk sarturik daude Kontseiluak 1992ko maiatzaren 21ean emandako Habitat naturalak eta basa fauna eta flora kontserbatzeari buruzko 92/43/EEE Zuzentarauan, edo Basa hegaztiak kontserbatzeari buruzko Europako Parlamentuaren eta Kontseiluaren 2009/147/EE Zuzentarauan. Horrenbestez, balio handia dute ez bakarrik Foru Komunitatean, baita Europar Batasunean ere. Bi zuzentarau horiek dira Europar Batasunak naturaren kontserbazioaren arloan duen tresna nagusia. Horretarako, lekuen sare ekologiko bat sortu zen, Natura 2000 Sarea, non Batasunaren interesekotzat hartu diren basa florako eta faunako espezie eta habitat natural guztien adierazgarriak lehengoratu edo egoki kontserbatu behar baitira.

92/43/EEE Zuzentaraua abenduaren 7ko 1997/1995 Errege Dekretuaren bidez sartu zen Espainiako ordenamendu juridikoan.

Zuzentarauak irizpide zientifiko batzuk eta egutegi bat ezarri zituen Natura 2000 Sarea eratzeko. 4. artikuluaren arabera, Europar Batasuneko estatuek lekuen zerrenda bat proposatu behar diote Batzordeari, eta adierazi behar dituzte leku bakoitzean dauden habitat natural motak eta Batasunaren intereseko espezieak.

Nafarroako Foru Komunitateko Administrazioak, Nafarroako Gobernuak 2000ko maiatzaren 15ean hartutako Erabakiaren bidez, Kontserbazio Bereziko Eremu izendatzen ahal diren lekuen zerrenda behin-behinekoz onetsi zuen, gero Natura 2000 Europako sare ekologikoan sar zitezen. Horien artean, “Aragoi ibaiaren erdiko tartea” izeneko ES2200013 gunea dago.

Batasunaren Garrantzizko Leku gisa onetsirik, Europar Batasuneko estatuak ahalik eta lasterren deklaratu behar du Kontserbazio Bereziko Eremu, gehienez ere sei urteko epean. Horretarako, kudeaketa plan baten bidez, behar diren kontserbazio neurriak ezarri behar dira, Batasunaren Garrantzizko Leku izatearen arrazoi diren habitat naturalak eta espezieen populazioak kontserbazio egoera onean mantentzeko, edo egoera hori berrezartzeko.

2006ko uztailaren 19ko 2006/613/EE Erabakiaren bidez, Europako Batzordeak eskualde biogeografiko mediterraneoaren barreneko Batasunaren Garrantzizko Lekuen zerrenda onetsi zuen. Horrenbestez, Europako zuzentaraua aplikatzearen ondorioetarako, kontserbazio bereziko eremu izendatuko dira leku horiek.

“Aragoi ibaiaren erdiko tartea” gunerako Kudeaketa Plana Europar Batasuneko araudiaren betebeharrekin bat prestatu da, eta, hortaz, bertan jaso dira leku horretan dauden habitat eta taxonen eskakizun ekologikoei dagozkien ekintza, neurri eta jarraibideak, aipatutako 92/43/EEE Zuzentarauan biltzen direnak.

Nafarroako Gobernuak 1996ko irailaren 16an hartutako Erabakiaren arabera, Kaparreta natura-erreserba (RN-26) Hegaztien Babesgune Berezia da (B-151 HBB).

Uztailaren 6ko 230/1998 Foru Dekretuaren bidez, “Kaparreta” natura-erreserba (RN-26) erabili eta kudeatzeko plan zuzentzailea onetsi zen, besteak beste. Natura Sareko gunea kudeatzeko plana prestatzeko prozesuan, ikusi da plan zuzentzaile hori eguneratu behar dela. 230/1998 Foru Dekretuak 2. artikuluan ezartzen badu ere erabili eta kudeatzeko plan zuzentzaileen indarraldia mugagabea izanen dela, Nafarroako naturguneei buruzko ekainaren 17ko 9/1996 Foru Legearen 20.2 artikuluan adierazten denez, erabili eta kudeatzeko plan zuzentzaileetako arauek izanen dute indarraldi mugagabea, eta halaxe ezarri da kudeaketa plan honetan, foru dekretu honen azken xedapenetako lehenarekin bat.

Martxoaren 16ko 72/1989 Foru Dekretuaren bidez, Nafarroako lurraldeko zenbait natur lekune naturgune deklaratu ziren, besteak beste, Campo Allendeko ibarbasoaren gunea (EN-5).

Nafarroako Naturguneei buruzko ekainaren 17ko 9/1996 Foru Legearen arabera, natur lekuneen erabilera eta kudeaketa kasuan kasuko plan zuzentzaileetan xedatzen denaren araberakoak izanen dira. “Campo Allende ibarbasoa” natur lekuneak (EN-5), gaur den egunean, ez du erabilera eta kudeaketarako plan zuzentzailerik.

Horiek horrela, Landa Garapeneko, Ingurumeneko eta Toki Administrazioko kontseilariak proposaturik, eta Nafarroako Gobernuak 2016ko abuztuaren 31ko bilkuran hartutako erabakiarekin bat,

DEKRETATU DUT:

1. artikulua . Xedea.

Foru dekretu honen xedea hauxe da:

1. ES2200030 Batasunaren Garrantzizko Lekua, “Aragoi ibaiaren erdiko tartea” izenekoa, Kontserbazio Bereziko Eremu izendatzea.

2. Kudeaketa plana onestea “Aragoi ibaiaren erdiko tartea” izeneko ES2200030 Kontserbazio Bereziko Eremurako, “Kaparreta” izeneko B-151 Hegaztien Babesgune Berezirako eta “Campo Allende ibarbasoa” izeneko EN-5 Natur Lekunerako. Foru dekretu honi erantsi zaio plana.

3. “Kaparreta” natura-erreserba (RN-26) erabili eta kudeatzeko plan zuzentzailea eguneratzea, ES2200030 Zainketa Bereziko Eremuaren kudeaketa planarekin bat.

2. artikulua . Planaren aplikazio eremua eta lurralde mugaketa.

“Aragoi ibaiaren erdiko tartea” izeneko gunea Nafarroako ekialdeko muturrean dago, eta 2.699,75 hektareako azalera dauka.

Hona hemen haren mugak:

Aragoi ibiaren eremua, Esako urtegitik Zarrakazteluko herriraino, eta Onsellak Nafarroan duen tartea.

Campo Allende ibarbasoaren lekune naturala Aragoi ibaian dago, Kasedako udalerrian.

Uxueko mendilerrotik Aragoira jotzen duten erreka-zuloen sarea, Galipentzuko eta Uxueko udalerrietan. Eskuinaldean, zehazki, Aldamara, Lerbeltz, Lakumulatu, Lezkairu eta Dorrondiaga erreka-zuloak, eta, ezkerraldean, berriz, Valdarras erreka-zuloa.

Alorren, larreen, sastraken eta baso mediterraneoen mosaiko bat, Capaburros eta Aurino Alto alderdietan Uxuen, eta Zabaleta, Aurino Bajo eta Barranco de Ibón alderdietan Galipentzun.

Galipentzuko Kaparreta natura-erreserbak bat egiten du izen bereko Hegaztien Babesgune Bereziarekin.

Foru dekretu honek onetsitako planaren aplikazio eremuaren mugaketa ofiziala planean berean jaso den kartografiak ezarri du.

Nafarroako Onura Publikoko Mendien (OPM) Katalogoa onetsi zuen Nafarroako Gobernu Zibilaren 1912ko maiatzaren 14ko Zirkularraren arabera, eremu horrek 106., 107.,191. eta 678. OPMak ukitzen ditu.

3. artikulua . Zuzendaritza Batzordea.

1. Zuzendaritza Batzorde bat sortzen da “Aragoi ibaiaren erdiko tartea” gunearen kontserbazioa kudeatzeko kontsultarako eta partaidetzarako organoa izateko asmoz. Kudeaketa Planaren aplikazio esparruko eragileek eta Nafarroako Foru Komunitateko Administrazioko ordezkariek osatuko dute.

2. Zuzendaritza Batzordeak eginkizun hauek izanen ditu:

a) Kudeaketa planean jasotako neurriak bete daitezela sustatzea. Aurreikusitako egutegia betetzen saiatuko da eta planaren neurriak aplikatzeko ahalmena duten eskualdeko eragile guztien lankidetza eta koordinazioa bultzatuko du.

b) Planaren lan-programa dauden aukeretara egokitzea, Planaren neurriak ahalik eta errazen eta modurik eraginkorrenean aplikatzen direla errazteko.

c) Proposamenak egitea Planean ezarritako ekintzak eraginkorragoak izan daitezen, aurreikusitako helburuak betetzeari begira.

d) Foru Komunitateko Administrazioari jakinaraztea Kudeaketa Planaren garapena baldintza dezaketen ekintzak edo mehatxuak.

e) Planaren betetze-maila aldian behin ebaluatzea, eta entitate, administrazio eta organo eskudunei eskatzea neurriak garatzeko behar diren konpromisoak bete ditzatela.

f) Natur baliabideen azterketa eta ikerketa bultzatzea, baita gizarteak baliabide horiek ezagut ditzala eta haiekin goza dadila ere, betiere haien balioekiko errespetua eta ingurumen hezkuntza sustatuz.

Lehenbiziko xedapen gehigarria.- Landa Garapeneko, Ingurumeneko eta Toki Administrazioko kontseilaria gaitzea.

Landa Garapeneko, Ingurumeneko eta Toki Administrazioko kontseilariari ahalmena ematen zaio behar diren tramiteak egin ditzan foru dekretu hau eta, bidezkoa bada, plana aplikatzeko behar den kostu ekonomikoaren kalkuluak Europar Batzordeari igortzeko, Habitat naturalak eta basa fauna eta flora kontserbatzeari buruzko maiatzaren 21eko Kontseiluaren 92/43/EEE Zuzentarauaren 8. artikuluan aurreikusitako ondorioetarako.

Bigarren xedapen gehigarria .Lotutako araudia.

1. “Kaparreta” natura-erreserbari dagokionez (RN-26), oso-osorik “Aragoi ibarraren erdiko tartea” izeneko lekuan sartutako espazioa baita, Nafarroako Naturguneei buruzko ekainaren 17ko 9/1996 Foru Legean eta Nafarroako natur erreserbak erabili eta kudeatzeko plan zuzentzaileak onesten dituen uztailaren 6ko 230/1998 Foru Dekretuaren I. eranskinean ezarritakoaren arabera arautuko da.

2. Campo Allendeko ibarbasoa lekune naturalari dagokionez (EN-5), guztiz “Aragoi ibaiaren erdiko tartean” lekuan sartutako espazioa baita, bete beharko da Nafarroako Naturguneei buruzko ekainaren 17ko 9/1996 Foru Legean eta Nafarroako lurraldeko zenbait lekune natural naturagune deklaratzen dituen martxoaren 16ko 72/1989 Foru Dekretuan ezarritakoa.

3. Leku honen barrenean, onura publikoko mendi gisa katalogatutako eremuan, Nafarroako Oihan Ondarea Babestu eta Garatzeari buruzko abenduaren 31ko 13/1990 Foru Legean xedatutakoari jarraituko zaio.

Xedapen indargabetzaile bakarra .“Kaparreta” naturaerreserba erabili eta kudeatzeko plan zuzentzailea (230/1998 Foru Dekretuan ezarria) partez indargabetzea.

Nafarroako natur erreserbak erabili eta kudeatzeko plan zuzentzaileak onesten dituen uztailaren 6ko 230/1998 Foru Dekretuaren II. eranskinean ezarritakoa indargabetzen da, Kaparreta natura-erreserbari dagokionez.

Azken xedapenetako lehena .Kudeaketa planaren indarraldia .

1. Hauxe da foru dekretu honen bidez onesten den kudeaketa planaren indarraldia:

a) Mugagabea, gako-elementuei, azken helburuei, arauei eta jarraibideei dagokienez.

b) 12 urtekoa, espero diren emaitzei eta jarduketei (neurriak) dagokienez. Epe hori bukatutakoan, neurriak berrikusiko dira, baina haien aplikazioa luzatuko da harik eta ordezko beste batzuk onesten diren arte.

2. Hala ere, ingurumenaren arloan eskumena duen departamentuak uste badu planean aurreikusirik ez zegoen funtsezko alderdiren bat nabarmen aldatu dela eta horrek eragina izan dezakeela gunearen balioen zainketan, plana berrikusten edo aldatzen ahalko da.

3. Kudeaketa planaren gako-elementuetan, azken helburuetan, araudian edo jarraibideetan eragina izan dezaketen aldaketak edo berrikuspenak foru dekretu bidez eginen dira. Espero diren emaitzen (helburu operatiboen) berrikuspenak eta aldaketak, baita jarduketak ere (neurriak), ingurumenaren arloan eskumena duen departamentuko titularraren foru aginduaren bidez onetsiko dira.

Azken xedapenetako bigarrena.- Beste plan batzuekiko erlazioa.

1. Foru dekretu honek onesten duen plana bat etorriko da aniztasun biologikoaren kontserbazioari buruz ezartzen diren maila goragoko planekin, eta, zehazki, Nafarroako Naturgune Babestuen Sarean jarduteko ildo orokorrak finkatzeko onesten direnekin.

2. Dena dela, Nafarroako Naturguneei buruzko ekainaren 17ko 9/1996 Foru Legearen 7. artikuluan xedatutakoaren arabera, kudeaketa plan honetako zehaztapenak zuzenean aplikatu beharrekoak dira, eta tokiko entitateen hirigintzako udal planeamenduan sartuko dira, planeamendua egitean edo berraztertzen denean. Hori horrela, oraingo lurralde antolamendurako edo antolamendu fisikorako tresnak, kudeaketa plan honen aurkakoak badira, egokitu beharko dira, lehenbizikoz aldatzen edo berrikusten direnean.

Azken xedapenetako hirugarrena .Garatzeko gaikuntza.

Landa Garapeneko, Ingurumeneko eta Toki Administrazioko kontseilariari ahalmena ematen zaio foru dekretu hau garatzeko eta betearazteko behar diren xedapen guztiak eman ditzan.

Azken xedapenetako laugarrena.- Indarra hartzea.

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

Iruñean, 2016ko abuztuaren 31n.-Nafarroako Gobernuko lehendakaria, Uxue Barkos Berruezo.-Landa Garapeneko, Ingurumeneko eta Toki Administrazioko kontseilaria, Isabel Elizalde Arretxea.

ERANSKINA. KUDEAKETA PLANA “ARAGOI IBAIAREN ERDIKO TARTEA” IZENEKO ES2200030 KONTSERBAZIO BEREZIKO EREMURAKO, “KAPARRETA” IZENEKO ES0000151 HEGAZTIEN BABESGUNE BEREZIRAKO (RN-26) ETA “CAMPO ALLENDE IBARBASOA” IZENEKO EN-5 NATUR LEKUNERAKO

ERANSKINA

INDIZEA

I.-Planaren helburua.

II.-Kontserbatu beharreko balio naturalak.

III.-Planaren azken helburuak.

IV.-Planaren aplikazioaren ondorioz espero diren emaitzak.

V.-Araudia.

VI.-Kudeaketarako jarraibide edo orientazioak.

VII.-Jarduketak.

VIII.-Kudeaketa planaren finantzaketa.

IX.-Mugak.

X.-Jarraipen-programa.

XI.-Mugaketa-mapa eta barnean dauden entitateak.

XII.-Kontserbazioaren xede diren objektuen eta ezarritako arauen, jarraibideen eta neurrien arteko egokitasuna.

I.-Planaren helburua.

Plan honen helburua da behar diren neurri aktiboak eta prebentzio neurriak ezartzea hurrengo atalean adieraziko diren habitat naturalak, espezieak, prozesu ekologikoak eta osagai natural eta kulturalak kontserbazio egoera onean mantentzeko edo egoera onera berriz ekartzeko (kasua zein den).

Kudeaketa plan honen arabera hartzen diren neurrien azken helburua da gunearen osotasun ekologikoa bermatzea eta Nafarroako Natura 2000 Sareari koherentzia ematen laguntzea. Kontserbazio Bereziko Eremua ukitzen ahal duen beste edozein plan, programa edo proiektuk bat etorri beharko du helburu horrekin.

Hala ere, plan honen bidez hartzen diren neurriek eta haren ondoriozkoek kontuan hartuko dituzte betebehar ekonomiko, sozial eta kulturalak, eta, ahal den neurrian, saiatuko dira bateragarri egiten gaur egungo erabilera eta aprobetxamenduak eta gizartearen eskari berriek ekar ditzaketenak, hala nola, aisialdia, ingurumen hezkuntza edo ikerkuntza. Era berean, eremu hau babesteko arrazoi diren balioak galtzea ekar dezaketen eraldaketak saihestuko dira.

II.-Kontserbatu beharreko balio naturalak.

Eremu horretako ibaiek (Aragoi eta Onsella eta sartutako erreka-zuloak) eremuaren balio naturala handitzen dute, Europar Batasuneko intereseko bederatzi habitat baitaude. Honako hauek nabarmentzen dira habitatetan: ohe harritsuko zuhaixka-sahastiak, Somontano-Aragoiko makaldiak eta lizardiak, haltzadi submediterraneoak, Bardeetako zurzuridiak, zumardi eta lizardi submediterraneoak, agortzen dien ihitzak, lezka bilduko lezkadiak, ihitza iraunkorrak, ibai hondartzetako megaforbioak, urak har ditzakeen ur-askiluzeen larreak, terofito higronitrofiloen belardi mediterraneoak, ezpata-ihitzak, elodeido submediterraneoak, kareharrien gaineko ur lasterreko errekak eta ur-dilista meso-eutrofoak.

Galipentzuko eta Uxueko mendiek ibaiz kanpoko habitatak eransten dituzte. Horietako bederatzi, Europar Batasunaren interesekoak dira, eta nabarmenenak, hauek: karraskadiak, erkameztiak, abariztiak, gurbiztiak gogortxuarekin, ezkaiak eta elorri-triskadi submediterraneoak, Brachypodium retusum-a duten larreak eta kareharrizko harkaitzak.

Flora espezieen artean, zenbaitek garrantzia dute urriak izateagatik: Berberis garciae-a eta Salix salviifolia.

Arrain komunitatearen barnean, aipagarria da loinaren presentzia (Parahondrostoma miegii), zeina habitatei buruzko zuzentarauan sartuta dagoen, baita mazkar arantzadunarena (Cobitis calderoni) ere, zeina Nafarroan katalogatu den. Barbo buztangorria (Luziobarbus haasi), bertan ere badagoena, urritzat hartzen da Penintsulan.

Aragoi eta Onsella ibaiak eta haiei lotutako erreka-zuloen sarea dituzte umatzeko, babesteko eta elikatzeko toki eta barreiatzeko bide hainbat espezie enblematikok eta katalogatuk, esaterako: bisoi europarra (Mustela lutreola), igaraba arrunta (Lutra lutra), ipurtatsa (Mustela putorius), martin arrantzalea (Alcedo atthis), zingira-mirotza (Circus aeruginosus) eta erreka-muskuilua (Unio mancus). Neguan, ibai horiei lotutako zuhaiztietan, lotegiak dituzte miru gorriak (Milvus milvus), koartza hauskarak (Ardea cinerea) eta ubarroi handiak (Phalacrocorax carbo).

Errekei eta erreka-zuloei lotutako hezegune txikietan, badago komunitate herpetologiko garrantzitsu bat, zenbait espezie mehatxatuz osatua, hala nola: apoarmatu istilzalea (Emys orbicularis), uhandre marmolairea (Triturus marmoratus), txantxiku arrunta (Alytes obstetricans) edo apo lasterkaria (Epiaplea calamita).

Kaparretako harkaitzak eta Galipentzuko eta Uxueko mendiak umatzeko eta larratzeko toki da hegazti harkaiztarren komunitate aipagarri batentzat, honako hauentzat besteak bete: Bonelli arranoa (Aquila fasciata), arrano beltza (Aquila chrysaetos), sai zuria (Neophron percnopterus), sai arrea (Gyps fulvus), belatz handia (Falco peregrinus), hontz handia (Bubo bubo) eta belatxinga mokogorria (Pyrrhocorax pyrrhocorax). Lekune honetan bada narrasti komunitate handi samarra; hona hemen aipagarrienak: horma-sugandila (Podarcis muralis) eta Eskulapioren sugea (Zamenis longissimus).

Galipentzuko eta Uxueko mendiak ugaltzeko habitatak dira Hegaztiei buruzko Zuzentarauko zenbait espezierentzat. Zuhaiztiei lotutako hegaztien artean honako hauek daude besteak beste: miru gorria (Milvus migrans), arrano sugezalea (Circaetus gallicus) edo arrano txikia (Hieraaetus pennatus). Sastrakek, larreek eta alorrek osatutako mosaikoen eremuei lotuta honako hauek aurkitzen dira: mirotz urdina (Circus pygargus), zata arrunta (Caprimulgus europaeus), kalandria (Melanocorypha calandra), txoriandre arrunta (Calandrella brachydactyla), kutturlio mokolaburra (Galerida theklae), pirripioa (Lullula arbórea), etze-txinboa (Sylvia undata) edo berdantza miarritza (Emberiza hortelana).

Saguzarrei dagokienez, aipatu beharra dago zenbait espezie haitzulotar daudela, hala nola ferra-saguzar handia (Rhinolophus ferrumequinum), ferra-saguzar txikia (R. hipposideros), ferra-saguzar mediterraneoa (R. euryale), arratoi-belarri ertaina (Myotis blythii), arratoi-belarri arrea (Myotis emarginatus) eta Schreibers saguzarra (Miniopterus schreibersii). Halaber, badaude beste espezie zuhaiztar batzuk, hala nola gau-saguzahar ertaina (Nyctalus noctula).

Jarraian, kontserbazioaren xede diren guneko objektu guztiei buruzko informazioa jasotzen da (habitat motak eta Batasunaren intereseko espezieak, Datuen Inprimaki Normalizatuan bilduak daudenak), taula moduan. Gainera, faunako eta florako beste espezie batzuk ere adierazten dira, inprimaki berean jasoak.

Kontserbazio Bereziko Eremu (KBE) honetan agertzen diren 92/43/EEE Zuzentarauko habitat motak, eta KBEaren ebaluazioa, horien arabera:

I. ERANSKINEKO HABITAT MOTAK

KBE-AREN EBALUAZIO OROKORRA

Kodea

Deskribapena

A/B/C

3150

Aintzira eutrofiko naturalak, Magnopotamion edo Hydrocharition landaredia dutenak

3240

Ibai alpetarrak, bazterretan Salix elaeagnos motako landaredi zurkara dutenak

3260

Ibaiak, ordokiko estaitik estai menditarrerakoak, Ranunculion fluitantis eta Callitricho-Batrachion motako landaredia dutenak

3270

Ertz lohitsuko errekak, Chenopodion rubri p.p. eta Bidention p.p. motako landaredia dutenak

3280

Ibilgu iraunkorreko ibai mediterraneoak, Paspalo-Agrostidion espezieak dituztenak, Salix eta Populus alba espezieen ertzetako landare korridoreekin

4090

Txilardi oromediterraneo endemikoak, otaberarekin

5110

Buxus sempervirensen formazio egonkor xerotermofiloak aldapa harkaiztsuetan (Berberidion p.p.)

5210

Sasi zuhaizkarak, Juniperus spp dutenak

5230*

Sasi zuhaizkarak, Laurus nobilis dutenak

6220*

Gramineoen eremu subestepikoak eta urte bateko Thero-Brachypodietearenak

6420

Soro heze mediterraneoak, Molinion-Holoschoenion motako belar altuekin

6430

Ordokietako bazterretako eta estai menditarretik estai alpetarretarako megaforbio eutrofo higrofiloak

7210*

Zohikaztegi karedunak, Cladium mariscus eta Caricion davallianae (*) espezieak dituztenak

8210

Landaredi kasmofitikodun malda harkaiztsu kaltzikolak

8310

Turismoak ustiatu gabeko haitzuloak

9240

Quercus faginea eta Quercus canariensis motetako baso iberiarrak

92A0

Salix albako eta Populus albako galeria basoak

9340

Quercus ilexeko eta Quercus rotundifoliako

Kodea: (*) = Lehentasunezko habitata.

KBEaren ebaluazio orokorra: A= Balio bikaina; B= Balio ona; C= Balio nabarmena; (-): Garrantzirik ez duten habitatak.

-2009/147/EE Zuzentarauaren 4. artikulua aplikatzekoa duten KBEko espezieak, 92/43/EEE Zuzentarauaren II. eranskinean agertzen direnak, eta BGLaren ebaluazioa, horien arabera:

TALDEA

IZEN ZIENTIFIKOA

A/B/C

Narrastiak

Emys orbicularis

Arrainak

Chondrostoma toxostoma1

Hegaztiak

Phalacrocorax carbo sinensis

Hegaztiak

Ardea cinerea

Hegaztiak

Milvus migrans

Hegaztiak

Milvus milvus (r)

Hegaztiak

Milvus milvus (w)

Hegaztiak

Neophron percnopterus

Hegaztiak

Gyps fulvus

Hegaztiak

Circaetus gallicus

Hegaztiak

Circus aeruginosus

Hegaztiak

Circus pygargus

Hegaztiak

Aquila chrysaetus

Hegaztiak

Hieraetus pennatus2

Hegaztiak

Hieraetus fasciatus3

Hegaztiak

Falco peregrinus

Hegaztiak

Bubo bubo

Hegaztiak

Caprimulgus europaeus

Hegaztiak

Alcedo atthis

Hegaztiak

Melanocorypha calandra

Hegaztiak

Calandrella brachydactyla

Hegaztiak

Galerida theklae

Hegaztiak

Lullula arbórea

Hegaztiak

Anthus campestris

Hegaztiak

Sylvia undata

Hegaztiak

Pyrrhocorax pyrrhocorax

Ugaztunak

Emberiza hortulana

Ugaztunak

Rhinolophus euryale

Ugaztunak

Rhinolophus hipposideros

Ugaztunak

Rhinolophus ferrumequinum

Ugaztunak

Myotis blythii

Ugaztunak

Myotis emarginatus

Ugaztunak

Miniopterus schreibersii

Ugaztunak

Mustela lutreola

Ugaztunak

Lutra lutra

Kodeak: (r): espezie ugaltzailea. (w): espezie negutarra.

KBEaren ebaluazio orokorra: A= Balio bikaina; B= Balio ona; C= Balio nabarmena; (-): Garrantzirik gabeko espezieak.

1. Parachondrostroma miegii da espezie horren oraingo izen zientifiko onartua.

2. Aquila pennata da espezie horren oraingo izen zientifiko onartua.

3. Aquila fasciata da espezie horren oraingo izen zientifiko onartua.

-Faunako eta florako beste espezie batzuk:

TALDEA

IZEN ZIENTIFIKOA

Landareak

Berberis garciae

Ornogabeak

Unio mancus

Arrainak

Barbus haasi

Arrainak

Luciobarbus graellsii

Arrainak

Cobitis calderoni

Landarea

Salix salvifolia

Anfibioak

Triturus marmoratus

Anfibioak

Alytes obstetricans

Anfibioak

Bufo calamita1

Narrastiak

Elaphe longissima2

Hegaztiak

Actitis hypoleucos

Hegaztiak

Riparia riparia

Ugaztunak

Myotis cf nattereri

Ugaztunak

Pipistrellus pipistrellus

Ugaztunak

Pipistrellus kuhlii

Ugaztunak

Plecotus austriacus

Ugaztunak

Mustela putorius

Ugaztunak

Nyctalus noctula

1. Epipalea calamita da espezie horren oraingo izen zientifiko onartua.

2. Zamenis longissimus da espezie horren oraingo izen zientifiko onartua.

Aurreko balioak kontuan hartuta, habitat batzuk eta KBE honetan dauden edo egon litezkeen flora eta faunako espezie batzuk hautatu dira, lurraldearen adierazgarri diren balio natural guztiak ordezkatzen dituztenak. Habitat eta espezie horiei “funtsezko elementu” esaten zaie. Izan ere, KBEaren kontserbazio “aktiboa” oinarritzeko ardatz gisa erabiltzen dira. Hori horrela, funtsezko elementu guzti-guztietarako proposatutako helburuetatik abiaturik, gaur egungo kontserbazio-egoera baldintzatzen duten faktoreak aztertu ondoren, arau, kudeaketako jarraibide eta jarduketa batzuk proposatu dira, KBE osoaren balio naturalak mantentzeko eta hobetzeko aukera ematen dutenak.

Hona hemen KBEa kudeatzeko “funtsezko elementuak”:

1. Ibai sistema.

2. Ibaietako habitatak.

3. Habitat mediterraneoak.

4. Arrainak: loina eta mazkar arantzaduna.

5. Apoarmatu istilzalea.

6. Bonelli arranoa eta beste hegazti harkaiztar batzuk.

7. Bisoi europarra eta igaraba arrunta.

8. Saguzarrak.

Gainera, lan arlo hau zehaztu da:

A. Erabilera publikoa.

III.-Planaren azken helburuak

Kudeaketak, aurreko atalean aipatutako funtsezko elementu guztien kontserbazio egoera ona ahalik eta lasterren lortzeko, bilatu behar dituen xede edo helmugak dira azken helburuak.

1. Ibai sistema.

1.1. Azken helburua: ibai eremuaren egoera ekologiko ona bermatzea.

2. Ibaietako habitatak.

2.1. Azken helburua: ibai habitaten kontserbazioa eta ibaien mosaikoko heterogeneotasuna hobetzea.

3. Habitat mediterraneoak.

3.1. Azken helburua: habitat mediterraneoen mosaikoaren kontserbazioa eta heterogeneotasuna hobetzea.

4. Arrainak: loina eta mazkar arantzaduna.

4.1. Azken helburua: arrain autoktonoen kontserbazioa bermatzea.

5. Apoarmatu istilzalea.

5.1. Azken helburua: apoarmatu istilzalearen presentzia bermatzea.

6. Bonelli arranoa eta beste hegazti harkaiztar batzuk.

6.1. Azken helburua: Bonelli arranoaren kontserbazioa bermatzea, bai eta Kaparretako Hegaztien Babesgune Bereziari lotutako harrapariena ere.

7. Bisoi europarra eta igaraba arrunta.

7.1. Azken helburua: bisoi europarraren eta igaraba arruntaren presentzia bermatzea.

8. Saguzarrak.

8.1. Azken helburua: saguzarren kolonien kontserbazioa bermatzea tokian eta ingurunean.

A. Erabilera publikoa.

A.1. Azken helburua: Erabilera publiko bateragarria eta lekuaren balio naturalen kontserbazioa bermatzea.

IV.-Planaren aplikazioaren ondorioz espero diren emaitzak.

Gerta liteke ezinezkoa izatea planaren azken helburuak edo helmugak lortzea haren indarraldiaren bitartean, arrazoi ekologiko, sozial edo ekonomikoengatik. Horregatik, indarraldi horretan planaren aplikazioaren ondorioz espero diren emaitzak zehazten dira. Emaitza horiek proposatu diren azken helburuak lortzen lagundu behar dute. Hona hemen, bada, espero diren emaitzak funtsezko elementuei eta azken helburuei emandako zenbakien arabera:

1. Ibai sistema.

1.1.1. Helburu operatiboa: ibai korridore etengabea eta anitza kontserbatu eta berreskuratzea.

1.1.2. Helburu operatiboa: ibai korridorearen iragazkortasuna hobetzea arrainentzat.

1.1.3. Helburu operatiboa: linea elektrikoek hegaztiei eragindako ukipenak gutxitzea.

1.1.4. Helburu operatiboa: uraren jario naturalaren hedapena uholde-lautadan erraztea.

1.1.5. Helburu operatiboa: lur gaineko ur emarien erregimena hobetzea.

2. Ibaietako habitatak.

2.1.1. Helburu operatiboa: ibai habitaten eremua kontserbatu eta handitzea.

2.1.2. Helburu operatiboa: flora espezie inbaditzaileak gutxitzea.

2.1.3. Helburu operatiboa: ibai habitatei loturiko intereseko faunaren eta floraren espezie batzuk hobeki ezagutzea.

3. Habitat mediterraneoak.

3.1.1. Helburu operatiboa: intereseko habitat mediterraneoen gainazala kontserbatu eta handitzea eta habitat horien mosaikoa zaintzea

4. Arrainak: loina eta mazkar arantzaduna.

4.1.1. Helburu operatiboa: loinaren eta mazkar arantzadunaren populazioen egoera ezagutzea.

4.1.2. Helburu operatiboa: arrain autoktonoen habitataren baldintzak ezagutu eta hobetzea.

5. Apoarmatu istilzalea.

5.1.1. Helburu operatiboa: apoarmatu istilzalearen populazio bilakaera ezagutzea.

5.1.2. Helburu operatiboa: apoarmatu istilzalearentzat habitat gehiago izatea.

5.1.3. Helburu operatiboa: apoarmatu istilzalea dagoen habitaten ukipena saihestea.

6. Bonelli arranoa eta beste hegazti harkaiztar batzuk.

6.1.1. Helburu operatiboa: Bonelli arranoaren populazioari jarraipena egitea eta ugaltze parametroak kontrolatzea.

6.1.2. Helburu operatiboa: sai arrearen, sai zuriaren, arrano beltzaren eta belatz handiaren bilakaera ezagutzea.

6.1.3. Helburu operatiboa: Bonelli arranoaren populazioa sendotzea.

6.1.4. Helburu operatiboa: habitaten baldintzak hobetzea Bonelli arranoaren eta beste harrapari harkaiztar batzuen harrapakin potentzialak ugaritzeko.

6.1.5. Helburu operatiboa: jendeak sortzen dituen eragozpenak urritzea Bonelli arranoa eta beste harrapari harkaiztar batzuk ugaltzeko tokietan.

6.1.6. Helburu operatiboa: hegaztiak elektrokutaturik eta linea elektrikoaren kontra talka eginda hiltzearen arrazoiak kentzea.

7. Bisoi europarra eta igaraba arrunta.

7.1.1. Helburu operatiboa: igaraba arruntaren presentziaren bilakaera ezagutzea.

7.1.2. Helburu operatiboa: bisoi europarraren populazioa eta osasun-egoera ezagutzea.

7.1.3. Helburu operatiboa: bisoi europarraren eta igaraba arruntaren habitaten baldintzak hobetzea.

8. Saguzarrak.

8.1.1. Helburu operatiboa: saguzarren kolonia nagusiak lokalizatzea eta haien kontserbazio-egoera zehaztea.

8.1.2. Helburu operatiboa: babeslekuak bermatzea saguzarren koloniak kokatzeko.

A. Erabilera publikoa.

A.1.1. Helburu operatiboa: eremuan egiten diren erabilera publikoko jarduerak arautzea.

A.1.2. Helburu operatiboa: informazio eta sentsibilizazio ekintzak egitea balio ekologikoei buruz.

V.-Araudia

-Araudi orokorra:

1. Oihan-zoruan egiteko aurreikusten den edozein jarduketa otsailaren 21eko 3/2007 Foru Legeak aldatutako Nafarroako Oihan Ondarea Babestu eta Garatzeari buruzko abenduaren 31ko 13/1990 Foru Legearen bidez arautuko da. Aipatutako foru legearen arabera, mendi katalogatuetan onura publikoko mendiaren edo mendi babeslearen izaerarekin bateragarriak diren jarduerak baino ez dira baimenduko.

2. Ingurumena Babesteko Esku-hartzeari buruzko martxoaren 22ko 4/2005 Foru Legearen menpe egonen dira bere eranskinetan ageri diren titulartasun publiko nahiz pribatuko plan, programa, proiektu eta jarduerak, haiek sortu, abian jarri edo gauzatzearen ondorioz ingurumenaren baldintzak aldatzen ahal dituztenak, edo ingurumenari, pertsonen osasunari edo segurtasunari eta haien ondasunei kalte eragiten ahal dietenak.

3. Ematen diren baimen guztietan bermatuko da Basa Fauna eta haren Habitatak Babestu eta Kudeatzeari buruzko martxoaren 5eko 2/1993 Foru Legean ezarritakoa betetzen dela eta ez direla ukitzen Batasunaren intereseko animalia eta landare espezieak, ez haien habitatak, ezta Kontserbazio Bereziko Eremua kontserbatzeko garrantzi handia duten paisaiako elementuak ere.

4. Ematen diren baimen guztietan bermatuko da honako arau hauetan ezarritakoa beteko dela: batetik, Natur Ondareari eta Biodibertsitateari buruzko abenduaren 13ko 42/2007 Legea, eta bestetik, otsailaren 4ko 139/2011 Errege Dekretua, babes bereziko araubidea duten basa espezieen zerrenda eta espezie mehatxatuen Espainiako katalogoa garatzekoa.

5. Urei buruzko Legearen testu bategina onetsi zuen uztailaren 20ko 1/2001 Legegintzako Errege Dekretuan ezarritakoa aplikatu beharko da, baita obra hidraulikoen arloko zerbitzuak Estatuko Administraziotik Nafarroako Foru Komunitatera eskualdatzeko azaroaren 18ko 1391/1988 Errege Dekretuan ezarritakoa ere.

6. Aplikatuko dira, orobat, Hondakinak hondakindegietan bilduz deuseztatzea arautzen duen martxoaren 28ko 23/2011 Foru Dekretua eta Hondakin eta Lurzoru Kutsatuei buruzko uztailaren 20ko 22/2011 Legea, baita martxoaren 28ko 23/2011 Foru Dekretua ere, Nafarroako Foru Komunitatearen lurralde eremuan eraikuntzako eta eraispenetako hondakinen produkzioa eta kudeaketa arautzen dituena.

-Berariazko araudia:

1. Ibai tarteak eta hezeguneak.

1.1. Ibaien ibilguekin muga egiten duten eremuetarako proiektu publikoetan eta haien erabilera eta aprobetxamendu berrietan, gutxienez 5 metro zabal izanen den babes zerrenda etengabe bat utziko da ibilguaren ondoan, ibai bazterreko formazio naturalak sor daitezen.

1.2. Ibaiaren ibilguaren ondoan zuhaitzak botaz gero (arraseko mozketak), gutxienez 5 metro zabal izanen den zerrenda bat errekuperatuko da ibilguaren ondoan, eskualdeko landare espezie naturalekin.

1.3. Debekatua dago edonolako hondakinak botatzea horretarako egokitutako tokietatik kanpora. Ezin da obra-hondakinik bota, eta obra-hondakinak kudeatzaile baimendu batek deuseztatu beharko ditu.

1.4. Ez da onartuko azalerako ur ibilien erregimen naturala aldatzea dakarren jarduketa edo proiekturik, salbu eta herriak hornitzeko edo nekazaritzako eta abeltzaintzako erabileretarako ezinbestekoak direnak.

1.5. Ibilguaren alterazio morfologikoa dakarten jarduketak ez dira onartuko, salbu eta tartean giza-osasunari, segurtasun publikoari edo natur balioen kontserbazioari lotutako arrazoiak badaude.

1.6. Emarien erregimena uren gaineko araudiaren eta kontzesioaren araberakoa dela bermatuko da, habitaten eta espezieen kontserbazioa bermatzeko.

1.7. Ibai habitatak ukitzen dituzten erabilera eta jarduketetan, habitat horien kontserbazioa bermatzeko behar diren baldintzak jaso beharko dira, salbu eta tartean giza-osasunari eta segurtasun publikoari lotutako arrazoiak badaude.

1.8. Debeku da Lekuan eta haren inguruetan espezie exotiko inbaditzaileak landatzea, eremuan dauden espezie autoktonoen eta habitat naturalen kontserbazioari kalte egiten ahal badiote.

1.9. Apoarmatu istilzalea dagoen hezeguneak ukitzen dituzten erabilera eta jarduketetan, lekune honetako balio naturalen kontserbazioa bermatzeko behar diren baldintzak jaso beharko dira.

1.10. Saguzarrak dituzten lekuneak ukitzen dituzten erabilera eta jarduketetan, horien kontserbazioa bermatzeko behar diren baldintzak jaso beharko dira, salbu eta tartean giza-osasunari eta segurtasun publikoari lotutako arrazoiak badaude.

2. Campo Allendeko ibarbasoa izeneko lekune naturala (EN-5).

2.1. Campo Allendeko ibarbasoa lekune naturalean (EN-5) egiten diren jarduketa guztiek bete beharko dute Nafarroako Naturguneei buruzko ekainaren 17ko 9/1996 Foru Legean eta Nafarroako lurraldeko zenbait lekune natural naturagune deklaratzen dituen martxoaren 16ko 72/1989 Foru Dekretuan ezarritakoa.

Kudeaketa plan honen 1. ataleko 1.1 arautik 1.9 bitarteko arauak dira aplikatu beharrekoak (Ibai tarteei eta hezegunei buruzko araudi berariazkoa).

3. Kaparretako Natur Erreserba eta Hegaztien Babesgune Berezia (RN-26).

3.1. Ematen den edozein baimenak bermatuko du Nafarroako Naturguneei buruzko ekainaren 17ko 9/1996 Foru Legean eta Nafarroako natur erreserbak erabili eta kudeatzeko plan zuzentzaileak onesten dituen uztailaren 6ko 230/1998 Foru Dekretuan ezarritakoa betetzen dela.

3.2. Ehiza jarduerak Ehiza Antolatzeko kasuan kasuko planean arautuko dira, batik bat ehiza larriko uxaldiak, eta hegazti migrariak ehizatzeko eta ehiza larriko postu finkoen kokagunea, betiere hegazti harkaiztiarren iraupenari arriskurik ez eragin eta haien ugalketa garaia ez ukitzeko moduan.

3.3. Basoen kudeaketaren helburua izanen da lekuaren berezko habitat naturalak eta erdi naturalak kontserbatu eta hobetzea, 92/43 EEE Zuzentarauarekin bat. Edonola ere, ez zaio eragozpenik eginen faunari malkarretan, batez ere habia egiteko garaian.

3.4. Debeku da larratzea, egur aprobetxamenduak egitea eta basa produktuak biltzea.

3.5. Debeku da ibilgailu motordunak edo mekanikoak bertan gelditu eta bertatik pasatzea, salbu eta bide zortasunetan, nekazaritzaren, abeltzaintzaren eta basoaren kudeaketan eta suteak zaindu eta itzaltzean.

3.6. Debeku da kirol eta josteta jarduerak egitea malkarretan.

3.7. Jarduera didaktikoak natura-erreserbatik kanpo dauden sarbideei jarraituz eginen dira, eta habia egiteko tokiak saihestuz.

4. Galipentzuko eta Uxueko mendiak.

4.1. 92/43/EEE Zuzentarauan dauden eta kontserbazio-egoera onean dauden larreek eta sastrakadiek hartutako azaleretan ez da luberritzerik edo ereiterik eginen.

VI.-Kudeaketarako jarraibide edo orientazioak

Kudeaketarako jarraibide edo orientazio hauek gomendio gisa hartu behar dira, eta, kontrakoa justifikatzen duen arrazoi oinarriturik ez badago, aplikatu beharko dira.

1. Ibaien ibilguekin muga egiten duten eremuetarako proiektu, erabilera eta aprobetxamenduetan, bazter osoan landare naturaleko zerrenda bat ezartzea lehenetsiko da, ibai-tarte bakoitzean zabalera desberdina izanen duena, uholde-lautadaren ezaugarrien arabera (15 metrokoa oso malkartsuak diren ibai bazterretan, eta 25 metrokoa uholde-lautada zabala duten eremuetan).

2. Nekazaritzarako, oihangintzarako eta ingurumen arloko laguntzak plan honen jarraibideetara egokituko dira, ahal den neurrian.

3. Ibai aldeak lehengoratzeko proiektuetan, landaketak egin behar baldin badira, ibai bazterretako espezie autoktonoak erabiliko dira, edo inguruan dauden berezko landare espezie berberak, eta, ahal den neurrian, jatorri berekoak.

4. Ez da landaketarik eginen ibai habitatak kontserbatzeko interesekoak diren eremuetan, salbu Kudeaketa Planaren helburuekin bateragarriak diren lehengoratze asmoekin egiten direnak.

5. Ibai habitatak lehengoratzeko proiektuetan, saiatuko da ondoren mantentze-lanak egitea makalak edo flora exotikoko beste espezie batzuk berriz ez sortzeko.

6. Ez da sasirik garbituko gurbitzen eta gogortxuaren eremuetan.

7. Birlandatutako pinudietan, basoaren kudeaketak joko du intereseko habitatak pixkanaka-pixkanaka lehengoratzera.

8. Habitat mediterraneoko basoetan, larreen eta sastrakaren mosaikoa lehengoratzekoak ez badira, esku hartuko da soilik beharrezkoa bada ingurune naturala lehengoratzeko edo egurraren aprobetxamendu tradizionalak egiteko.

9. 92/43/EEE Zuzentarauan adierazitako habitatak diren eremuak ongarritzeko eta/edo medeatzeko, tratatu beharreko eremuak, osagaiak eta erabiliko den dosia zehaztuko dira. Nolanahi ere, bermatu beharko da landaretza naturala ez dela ukituko, ezta lurzoruaren eta uren ezaugarriak ere. Gainera, iraganean gauzatu diren jarduketei dagokienez proiektu jakin batek izan dezakeen metatze efektua aintzat hartu eta aztertuko da.

10. Belar-sastrakak garbituko dira, halako moduan non ondoriozko paisaia-egitura izanen baita larreen eta sastrakadien mosaiko heterogeneo eta orekatua. Garbiketa lerrozuzenak saihestuko dira.

11. Larreak hobetzeko ez da belar-sastrakarik garbituko %50etik gorako maldetan. Gainera, jarraibide hori aldatzen ahalko da eta murriztaileago bihurtu eremu ahulenetan.

12. Belar-sastrakak garbitu beharreko guneetan, babestu beharreko elementu ekologiko interesgarriak mugatuko dira.

13. Ez da belar-sastrakarik garbituko edozein troka edo errekatatik 10 metroko tartea baino gutxiago badago.

14. Laborantzan ibilitako lurzatien eremuetan belar-sastrakak garbitzeko, haien arteko muga eta ezpondetako landare zerrendak errespetatuko dira.

15. Linea elektrikoen sarea egokitzeko neurriak hartuko dira Kontserbazio Bereziko Eremutik kanpoko beste eremu batzuetan ere, haietara joaten bada Bonelli arranoa edo eremu horri lotutako beste espezie harkaiztar batzuk.

16. Errekak lehengoratzeko proiektuetan, eraikitzen diren elementuek erraztuko dute bisoi europarraren eta igaraba arruntaren presentzia.

17. Bisoi amerikarrik (Neovison vison), mapatxerik (Procyon sp.) edo beste espezie exotiko inbaditzailerik atzemanez gero, neurriak hartuko dira segimendua eta kontrola egiteko eta haiek desagerrarazteko.

18. Mendi-ibilirik ez da eginen Hegaztien Babesgune Bereziaren barnean eta ingurunean, hegazti harkaiztarrei garai kritikoetan eragozpenak sortzen bazaizkie.

19. Ibilgailurik ez da ibiliko Hegaztien Babesgune Bereziaren ingurunean, hegazti harkaiztarrei garai kritikoetan eragozpenak sortzen bazaizkie.

VII.-Jarduketak

Plan honek indarra duen eperako, jarduketa hauek ezarri dira:

1. Ibilguari eta ibai-sistemari lotutako neurriak.

1.1. Uholdeei eta higadurari aurre egiteko azpiegituren inbentario zehaztua prestatzea (lubetak, harri-lubetak, kanalizazioak...).

1.2. Ibai-korridorea dibertsifikatzen duten osagaien inbentario eta kartografia zehaztua prestatzea (uharteak, meandroak, legartzak, urloak, lehorreko ezpondak...).

1.3. Landaredi naturaleko zerrendarik ez duten edo andeatuak dauden ibai bazterrak lehengoratzeko proiektuak erredaktatu eta gauzatzea.

1.4. Ibai-korridorea dibertsifikatzeko proiektuak prestatu eta gauzatzea.

1.5. Ibaiaren eremua zedarritzeko azterlana prestatzea.

1.6. Defentsa azpiegiturak (lubetak) kendu eta/edo atzeratzeko proiektua prestatu eta gauzatzea.

1.7. Zentral hidroelektriko txikiek ibilguan izan dituzten ondorio hidrogeomorfologikoen bilakaera ebaluatzea.

1.8. Zentral hidroelektrikoentzat kentzen den uraren segimendua eta kontrola egiteko sistema ezarri eta abian jartzea, honako hauek biltzen dituena:

a) Aforoak paratzea zenbat lur gaineko ur kentzen den kontrolatzeko.

b) Aforoen segimendua egitea urtean zehar.

2. Habitatei lotutako neurriak.

2.1. Lekuaren mugaketa berrian sartutako habitaten eremu berrien inbentarioa eta kartografia egitea.

2.2. Proiektuak prestatu eta gauzatzea ibai habitatak eta tokiko espezierik aipagarrientzako habitatak lehengoratzeko.

2.3. Espezie exotiko inbaditzaileak aurkitu eta pixkanaka-pixkanaka kentzea (Robinia pseudoacacia, Ailanthus altisima eta Arundo donax, esaterako).

2.4. Sasiak mekanikoki garbitzea abandonatu eta sastrakak inbaditutako lurzatien 70 hektareatatik, Zabaleta (Galipentzu) eta Aristuziaga (Uxue) alderdietan.

2.5. Abian jartzea abeltzaintza kudeatzeko proiektu pilotuak eremu irekiak kontserbatzeko.

2.6. Jarduketak egitea gurbiztien kontserbazio-egoera hobetzeko.

3. Florari lotutako neurriak.

3.1. Populus nigra subsp. nigra espeziearen unadak kokatzea, zuhaitz helduen aniztasun genetikoaren gaineko lehen kalkulua egitea, dibertsitatean balio handia eta bikoizketa klonal txikia dituzten kontserbazio unitateak eratzea, eta haiek kudeatzeko jarraibideak ezartzea.

4. Faunari lotutako neurriak.

4.1. Oztopoak iragazkor bihurtzea arrain-faunarentzat.

4.2. Behar diren linea elektrikoak zuzentzea, hegaztiek haien aurka jo edo elektrokutatzeko arriskua baldin badago.

4.3. Azterketa bat egitea Esako eta Itoizko urtegiek katalogatutako arrain eta odonatoen gainen izan duten eraginari buruz, emarien erregimena eta uraren tenperatura aldatzearen ondorioz.

4.4. Martin arrantzaleen (Alcedo atthis) zentsua prestatzea.

4.5. Negua igaro eta habia egiten duten uretako hegaztiak kontrolatzeko Nafarroako Gobernuak aldizka egiten dituen zentsuekin jarraitzea.

4.6. Ipurtatsari buruzko informazioa biltzea (Mustela putorius), bisoi europarraren zentsuetan eta errepideetan hiltzen diren ornodunen jarraipenetan lortua.

4.7. Prospekzioak egitea 2002an atzeman ziren bibalboen koloniek bertan jarraitzen duten egiaztatzeko.

4.8. Aldian aldiko zentsuak egitea bertan loinarako (Parachondrostoma miegii) eta mazkar arantzadunerako (Cobitis calderoni), haien populazioen parametro nagusiak monitorizatzea ahalbidetzen duten laginketaren eta metodologiaren arabera.

4.9. Azterlan bat egitea amuarrain triploidea askatzeak arrain autoktonoen gainean duen eraginari buruz.

4.10. Apoarmatu istilzalearen zentsuak aldika-aldika egitea.

4.11. Apoarmatu istilzalearentzako hezegune txikiak sortzea.

4.12. Apoarmatu exotikoen segimendua eta kontrola egitea eta desagerraraztea, ezarritako protokoloari jarraituz.

4.13. Nafarroako Gobernuak Bonelli arranoa urtero monitorizatzeko egiten dituen lanak mantentzea.

4.14. Azterlan bat egitea eremuaren erabilerari eta habitataren hautapenari buruz, lurraldeari lotutako Bonelli arranoak harrapatuz, markatuz eta satelite bidezko transmisorea jarriz.

4.15. Sai arreari, sai zuriari, arrano beltzari eta belatz handiari Nafarroako Gobernuak egiten dien jarraipena mantentzea.

4.16. Populazioak sendotzea animaliak naturan askatuz landa hazkuntzaren teknikaren bidez (hacking).

4.17. Usotegi bat eraiki eta mantentzea Bonelli arranoaren eskuragarritasun trofikoa handitzeko eta lurraldeak gehiago hartu ahal izateko.

4.18. Nafarroako Gobernuak bost urtean behin egiten dituen igaraba arruntaren laginketak mantentzea.

4.19. Bisoi europarraren laginketak egitea, eta, horrekin batera, behar diren osasun-laginak hartzea.

4.20. Bisoi europarraren eta igaraba arruntaren heriotza ez naturala murrizteko proiektuak prestatu eta gauzatzea.

4.21. Saguzarrek tokian eta ingurunean negurako eta hazierarako dituzten kolonien zentsuak egitea aldian-aldian.

4.22. Landa eraikuntzen prospekzioa egitea (artegiak, ermitak, landa etxeak) tokian eta ingurunean saguzarren koloniak kokatzeko.

4.23. Saguzarrentzako aterpe artifizialak egitea.

5. Erabilera publikoari lotutako neurriak.

5.1. Panelak paratzea Hegaztien Babesgune Bereziko eta Kaparretako Natura Erreserbako sarbideetan, eremu horietako erabilerei buruzko araudiak dakarren informazioarekin.

5.2. Elkarrizketa prozesu bat irekitzea Nafarroako Gobernuaren eta Galipentzuko Udalaren artean, ibilgailuentzako sarbideak arautzeko Hegaztien Babesgune Bereziaren eta Kaparretako natura-erreserbaren ingurunean.

5.3. Lekuaren balio naturalei buruzko sentsibilizazio eta zabalkunde materialak prestatzea.

6. Kaparretako Natura Erreserba (RN-26).

Kudeaketa plan honen jarduketak izeneko VII. ataleko 2.1, 2.6, 4.12, 4.13, 4.14, 4.15 neurriak dira aplikatu beharrekoak.

7. Campo Allendeko ibarbasoa izeneko lekune naturala (EN-5).

Kudeaketa plan honen jarduketak izeneko VII. ataleko 1.5, 1.7, 1.8, 2.1, 3.1 eta 4.3 neurriak dira aplikatu beharrekoak.

VIII.-Kudeaketa planaren finantzaketa

Landa Garapeneko, Ingurumeneko eta Toki Administrazioko Departamentuak honako hauek hartuko ditu bere gain:

-Gunearen kontserbazio-egoera ona bermatzen duten mantentze eta lehengoratze proiektuak gauzatzeko behar diren diru-zenbatekoak.

-Ekipamenduak eta kudeaketaren egitura mantentzeko behar diren diru-zenbatekoak.

-Erabilerak eta jarduerak mugatzearen ondoriozko kalte-ordainak ordaintzeko behar diren kontu-sailak.

-Plana gauzatzeko eta haren helburuak lortzeko behar diren bestelako kontu-sailak.

Hori guztia ordainduko da horretarako kreditu egokia baldin badago. Beraz, behar diren konpromisoak hartuko dira unean-unean aurrekontuan dagoen diruaren arabera.

Nafarroako Gobernuko departamentuek beren politika sektorialak ingurumenean integratzeko sustatzen dituzten jarduketek, baita toki entitateek sustatzen dituzten ekintzek eta ekarpen pribatuekin edo Europar Batasunaren ekarpenekin egiten direnek ere, laguntzen ahal dute plan hau garatzen.

KBEa ongi kontserbatzen laguntzen duten jarduketek Landa Garapeneko, Ingurumeneko eta Toki Administrazioko Departamentuaren finantzaketa osoa izan dezakete, betiere diru-laguntzen arloko araudiak ezartzen duen esparruaren barrenean. Inguruko herriguneen garapen sozioekonomikoa sustatzeko asmoz, departamentu honen menpeko beste edozein laguntzatan, ahal denean, lehentasuna emanen zaie, guneen kontserbazioarekin bateragarriak izanik, Kontserbazio Bereziko Eremu honen barnean proposatzen diren jarduketei. Gainera, laguntzaren portzentajea handiagoa izanen da, eremu horretatik kanpo edo beste edozein naturgunetatik kanpo proposatzen diren beste jarduketa batzuekin alderatuta. Halaber, Landa Garapeneko, Ingurumeneko eta Toki Administrazioko Departamentua aurrekontuetatik kanpoko funtsak aplikatzen saiatuko da, baldin haien helburua plan honetan aurreikusitako ekintzetako baten bat garatzea bada.

IX.-Mugak

Nafarroako Naturguneei buruzko ekainaren 17ko 9/96 Foru Legearen 28. artikuluan xedatu bezala ordainduko dira erabilerak eta jarduerak mugatzearen ondoriozko kalte-ordainak. Hala ere, bestelako ordainak ere hitzartzen ahalko dira, hala nola laguntzak, diru-laguntzak, zerbitzuak ematea edo bestelako sustapenak.

X.-Jarraipen programa.

Jarraipena egiteko programa bat ezartzen da, plana ongi gauzatzen dela eta haren helburuak lortzen direla bermatzeko. Programa horrek objektiboki egiaztatzen ahal den adierazle bat izanen du, gutxienez, helburu bakoitzerako.

Urtero, programa horren emaitzen eta, oro har, planaren gauzatze-mailaren berri emanen zaio Zuzendaritza Batzordeari.

Lortutako emaitzei erreparatuta, ikusten bada espero ziren emaitzen aldean desbiderapena gertatu dela edo aurreikusten zen epean ezin direla lortu, kudeaketaren eragingarritasuna eta eraginkortasuna hobetzeko behar diren neurri guztiak eransten ahalko zaizkio planari.

FUNTSEZKO ELEMENTUA

AZKEN HELBURUA

HELBURU OPERATIBOA

ADIERAZLEA

HASIERAKO BALIOA

ARRAKASTAREN IRIZPIDEA

1. IBAI SISTEMA

1.1. Ibai sistemaren egoera ekologiko ona bermatzea

Landaredi naturaleko zerrendan dauden etenen metro linealak

Ezezaguna

0 ml.

Ibai-korridorea dibertsifikatzen duten osagaiak

Ezezaguna

Hasierako balioa baino handiagoa

Arrainentzat iragazkor diren oztopoen %

Oztopoen %42 iragazkorrak

Oztopoen %100 iragazkorrak

Hegaztiei eragiten dieten linea eta deribazio elektrikoen kopurua

12 linea eta deribazio ukipenarekin

Eragina duen linearik edo deribaziorik bat ere ez

1.1.1. Ibai korridore etengabea eta anitza kontserbatu eta berreskuratzea

Lehengoratutako landaretzaren bandaren azalera

Lehengoratutako landaretzaren hektarea bateko banda

Lehengoratutako landaretzaren 16 hektareako banda

Ibai-korridorea dibertsifikatzeko proiektuen kopurua

1.1.2. Ibai korridorearen iragazkortasuna hobetzea arrainentzat

Gainditzeko moduko oztopoen kopurua

1.1.3. Linea elektrikoek hegaztiei eragindako ukipenak gutxitzea

Zuzendutako linea elektrikoen kopurua

1.1.4. Uraren jario naturalaren hedapena uholde-lautadan erraztea

Kendutako edo atzeratutako lubeten metro linealak

1300

1.2.1. Lur gaineko ur emarien erregimena hobetzea

Lur gaineko uraren oraingo erregimenari eragindako ukipenak

Badira

Murriztu dira

2. IBAI HABITATAK

2.1. Ibai habitaten kontserbazioa eta ibaien mosaikoko heterogeneotasuna hobetzea

Ibai habitaten zenbateko azalera dagoen kontserbazio-egoera onean

Ezezaguna

Hasierako balioa baino handiagoa

2.1.1. Ibai habitaten eremua kontserbatu eta handitzea

Ibai habitaten eremua

Ezezaguna

Hasierako balioa baino handiagoa

2.1.2. Flora espezie inbaditzaileak gutxitzea

Espezie exotiko inbaditzaileen eremua

Ezezaguna

Azaleraren %100 kenduta

2.1.3. Ibai habitatei loturiko intereseko faunaren eta floraren espezie batzuk hobeki ezagutzea

Martin arrantzaleen zentsuak

Ez da zentsu bat ere egin

Bat 5 urtetik behin

Populus nigra-ren unada identifikatuen kopurua

Unadak identifikatu gabe

Unaden %100 identifikatuak

3. HABITAT MEDITERRANEOAK

3.1. Habitat mediterraneoen mosaikoaren kontserbazioa eta heterogeneotasuna hobetzea

Lekuko zenbat habitat natural mediterraneo dauden kontserbazio egoera onean

Ezezaguna

Hasierako kopurua bezalakoa edo handiagoa

3.1.1. Intereseko habitat mediterraneoen gainazala kontserbatu eta handitzea eta habitat horien mosaikoa zaintzea

Habitat mediterraneoen azalera

Larreak: 2,23 ha. Abariztiak: 461,87 ha. Gurbiztiak: 0,14 ha. Ezkaiak, elorri-triskak eta erromeroak: 314,92 ha. Arantzadia: 5,16 ha. Erkameztiak: 2,71 ha. Karraskadiak: 1.81 ha.

Larreak: 72,23 ha. Abariztiak: 426,87 ha. Gurbiztiak: 0,14 ha. Ezkaiak, elorri-triskak eta erromeroak: 269,92 ha. Arantzadiak: 5,16 ha. Erkameztiak: 2,71 ha. Karraskadiak: 1.81 ha.

4. ARRAINAK: LOINA ETA MAZKAR ARANTZADUNA

4.1. Arrain autoktonoen kontserbazioa bermatzea

Loinaren eta mazkar arantzadunaren ugaritasuna

Ezezaguna.

Hasierako balioa baino handiagoa

Ibai sistema eta Ibaietako habitatak izeneko funtsezko elementuari buruzko adierazleak aplikatuko dira

4.1.1. Loinaren eta mazkar arantzadunaren populazioen egoera ezagutzea

Loinaren eta mazkar arantzadunaren zentsuak

Bat ere ez

Bat 5 urtetik behin

4.1.2. Arrain autoktonoen habitataren baldintzak ezagutu eta hobetzea

Arrantza intentsiboaren barrutiaren eraginari buruzko azterlana

Egin gabea

Eginak

Ibai sistema eta Ibaietako habitatak izeneko funtsezko elementuari buruzko adierazleak aplikatuko dira

5. APOARMATU ISTILZALEA

5.1. Apoarmatu istilzalearen presentzia bermatzea

Apoarmatu istilazalearen populaziogune kop.

Gaurkoa bezalakoa edo handiagoa

5.1.1. Apoarmatu istilzalearen populazio bilakaera ezagutzea

Apoarmatuaren laginketak

Laginketa bat 2007an

Bat 5 urtetik behin

5.1.2. Apoarmatu istilzalearentzat habitat gehiago izatea

Apoarmatu istilzalearentzako ezegune berrien kop.

5.1.3. Apoarmatu istilzalea dagoen habitaten ukipena saihestea, baita apoarmatu exotikoen lehia ere.

Apoarmatu exotikoen kokaleku kop.

Ezezaguna

Ez dago

6. BONELLI ARRANOA ETA BESTE HEGAZTI HARKAIZTAR BATZUK

6.1. Bonelli arranoaren kontserbazioa bermatzea, bai eta Kaparretako Hegaztien Babesgune Bereziari lotutako harrapariena ere

Bonelli arranoaren bikote ugalkorrak

Sai arreen, sai zurien, arrano beltzen eta belatz handien bikote ugalkorrak

Sai arrea = 12; sai zuria = 2;

arrano beltza =1;

belatz handia = 1

Hasierako kopurua bezalakoa edo handiagoa

6.1.1. Bonelli arranoaren populazioari jarraipena egitea eta ugaltze parametroak kontrolatzea

Bonelli arranoaren populazioen segimendua

Urteko segimendua

Bonelli arranoa arrakastaz ugaltzearen kontrola

Ugaltzeko parametroen urteko segimendua

6.1.2. Sai arrearen, sai zuriaren, arrano beltzaren eta belatz handiaren bilakaera ezagutzea

Harrapari harkaiztarren populazioen segimendua

Jarraipen 1, 10 urterik behin sai zuriari, arrano beltzari eta belatz handiari / jarraipen 1, 5 urterik behin sai arreari

6.1.3. Bonelli arranoaren populazioa sendotzea

Sartutako animalien kop.

6.1.4. Habitaten baldintzak hobetzea Bonelli arranoaren eta beste harrapari harkaiztar batzuen harrapakin potentzialak ugaritzeko

Eraikitako usotegien kop.

“Habitat mediterraneoak” funtsezko elementuaren adierazleak aplikatzekoak dira

6.1.5. Jendeak sortzen dituen eragozpenak urritzea Bonelli arranoa eta beste harrapari harkaiztar batzuk ugaltzeko tokietan

Eragozpenak ugaltzeko aldian

Badira

Ez dago

6.1.6. Hegaztiak elektrokutaturik eta linea elektrikoaren kontra talka eginda hiltzearen arrazoiak kentzea

“Ibai sistema” funtsezko elementuari buruzko adierazleak aplikatuko dira linea elektrikoei dagokienez

7. BISOI EUROPARRA ETA IGARABA ARRUNTA

7.1. Bisoi europarraren eta igaraba arruntaren presentzia bermatzea

Igaraba arruntaren presentzia gai diren ibai-tarte guztietan

Laginketa-estazioen %100ean positibo

Bisoi europarraren presentzia gai diren ibai-tarte guztietan

Ezezaguna

Gai diren ibai-tarteen %100ean bada bisoi europarrik

“Ibai sistema” funtsezko elementuari buruzko adierazleak aplikatuko dira

7.1.1. Igaraba arruntaren presentziaren bilakaera ezagutzea

Igaraba arruntaren laginketak

Bat 5 urtetik behin

7.1.2. Bisoi europarraren banaketa eta osasun-egoera ezagutzea

Populazioaren banaketari eta osasun-egoerari buruzko laginketak

Bat ere ez

Bat 5 urtetik behin

7.1.3. Bisoi europarraren eta igaraba arruntaren habitaten baldintzak hobetzea

“Ibai sistema” eta “Ibaietako habitatak” funtsezko elementuei buruzko adierazleak aplikatuko dira

8. SAGUZARRAK

9.1. Saguzarren kolonien kontserbazioa bermatzea tokian eta ingurunean

Kontserbazio egoera onean dauden saguzarrak dituzten lekune nagusiak

Ezezaguna

%100

8.1.1. Saguzarren kolonia nagusiak lokalizatzea eta haien kontserbazio-egoera zehaztea

Lokalizatutako eta ebaluatutako kolonien kopurua

%100

Kolonien aldian aldiko zentsuak

Zentsu partzialak

Bat 5 urtetik behin

8.1.2. Babeslekuak bermatzea saguzarren koloniak kokatzeko

Paratutako aterpeak

Ukipenak saguzarrak dituzten lekuneetan

Ezezaguna

Ez dago

A. ERABILERA PUBLIKOA

A.1. Tokiko balioen kontserbazioarekin bateragarria den erabilera publikoaren eredu bat zehaztea eta finkatzea

Erabilera publikoaren ondoriozko ukipenak

Ezezaguna

Ez dago

A.1.1. Erabilera publikoko jarduerak arautzea

Erabilera publikoaren ondoriozko ukipenak

Ezezaguna

Ez dago

A.1.2. Informazio eta sentsibilizazio ekintzak egitea balio ekologikoei buruz

Dibulgaziorako eta sentikortasunerako materialak

Egin gabe

Eginak

XI.-Mugaketa-mapa eta barnean dauden entitateak.

Deskargatu mapa (PDFa).

XII.-Kontserbazioaren xede diren objektuen eta ezarritako arauen, jarraibideen eta neurrien arteko egokitasuna.

Atal honetan, KBEa kudeatzeko funtsezko elementuen definizioak, planaren azken helburuak, planaren aplikaziotik espero diren emaitzak (helburu operatiboak) eta aurreikusitako jarduketak (neurriak) jaso dira, taula moduan, leku honetan kontserbazioaren xede den elementu bakoitzarentzat.

Taulan agertzen diren siglek hau esan nahi dute:

FE: funtsezko elementua.

AH: azken helburua.

HO: helburu operatiboa.

N: araua.

D: jarraibidea.

M: neurria.

HABITATAK ETA ESPEZIEAK

M/N/D

3150 Aintzira eutrofiko naturalak, Magnopotamion edo Hydrocharition landaredia dutenak

1. IBAI SISTEMA

1.1

1.1.1, 1.1.5

D2, M1.1, M1.2, N1.1, N1.3, M1.7, M1.8, N1.4, N1.5

2. IBAI HABITATAK

2.1

2.1.1

M2.1, N1.7

3240 Ibai alpetarrak, bazterretan Salix elaeagnos motako landaredi zurkara dutenak

1. IBAI SISTEMA

1.1

1.1.1, 1.1.4, 1.1.5

D1, D2, D3, M1.1, M1.2, M1.3, M1.4, N1.1, N1.2, N1.3, M1.5, M1.7, M1.8, N1.4, N1.5, N1.6

2. IBAI HABITATAK

2.1

2.1.1, 2.1.2

D4, D5, M2.1, M2.2, N1.7, M2.3, N1.8

3260 Ibaiak, ordokiko estaitik estai menditarrerakoak, Ranunculion fluitantis eta Callitricho-Batrachion motako landaredia dutenak.

1. IBAI SISTEMA

1.1

1.1.1, 1.1.5

D2, M1.1, M1.2, N1.1, N1.3, M1.7, M1.8, N1.4, N1.5

2. IBAI HABITATAK

2.1

2.1.1

M2.1, N1.7

3270 Ertz lohitsuko errekak, Chenopodion rubri p.p. eta Bidention p.p. motako landaredia dutenak.

1. IBAI SISTEMA

1.1

1.1.1, 1.1.4, 1.1.5

D1, D2, D3, M1.1, M1.2, M1.3, M1.4, N1.1, N1.2, N1.3, M1.5, M1.7, M1.8, N1.4, N1.5, N1.6

2. IBAI HABITATAK

2.1

2.1.1, 2.1.2

D4, D5, M2.1, M2.2, N1.7, M2.3, N1.8

3280 Ibilgu iraunkorreko ibai mediterraneoak, Paspalo-Agrostidion espezieak dituztenak, Salix eta Populus alba espezieen ertzetako landare korridoreekin

1. IBAI SISTEMA

1.1

1.1.1, 1.1.4, 1.1.5

D1, D2, D3, M1.1, M1.2, M1.3, M1.4, N1.1, N1.2, N1.3, M1.5, M1.7, M1.8, N1.4, N1.5, N1.6

2. IBAI HABITATAK

2.1

2.1.1, 2.1.2

D4, D5, M2.1, M2.2, N1.7, M2.3, N1.8

4090 Txilardi oromediterraneo endemikoak, otaberarekin

2. IBAI HABITATAK

2.1

2.1.1

M2.1

3. HABITAT MEDITERRANEOAK

3.1

3.1.1

D10, D11, D12, D13, D14, D7, D8, D9, M2.4, M2.5, N4.1

5110 Buxus sempervirensen formazio egonkor xerotermofiloak aldapa harkaiztsuetan (Berberidion p.p.)

2. IBAI HABITATAK

2.1

2.1.1

M2.1

3. HABITAT MEDITERRANEOAK

3.1

3.1.1

D11, N4.1

5210 Juniperus spp.-en sasi zuhaizkarak

2. IBAI HABITATAK

2.1

2.1.1

M2.1

3. HABITAT MEDITERRANEOAK

3.1

3.1.1

D10, D11, D12, D13, D14, D7, D8, D9, M2.4, M2.5, N4.1

5230 * Laurus nobilis-en sasi zuhaizkarak

2. IBAI HABITATAK

2.1

2.1.1

M2.1

3. HABITAT MEDITERRANEOAK

3.1

3.1.1

D10, D11, D12, D13, D14, D6, D7, D8, D9, M2.4, M2.5, N4.1

6220 * Gramineoen eremu subestepikoak eta urte bateko Thero-Brachypodietearenak

2. IBAI HABITATAK

2.1

2.1.1

M2.1

3. HABITAT MEDITERRANEOAK

3.1

3.1.1

D10, D11, D12, D13, D14, D7, D8, D9, M2.4, M2.5, N4.1

6420 Soro heze mediterraneoak, Molinion-Holoschoenion motako belar altuekin

1. IBAI SISTEMA

1.1

1.1/1, 1.1/4,....,1.1/5)

D1, D2, D3, M1.1, M1.2, M1.3, M1.4, N1.1, N1.2, N1.3, M1.5, M1.7, M1.8, N1.4, N1.5, N1.6

2. IBAI HABITATAK

2.1

2.1.1, 2.1.2

D4, D5, M2.1, M2.2, N1.7, M2.3, N1.8

6430 Ordokietako bazterretako eta estai menditarretik estai alpetarretarako megaforbio eutrofo hidrofiloak

1. IBAI SISTEMA

1.1

1.1.1, 1.1.4, 1.1.5

D1, D2, D3, M1.1, M1.2, M1.3, M1.4, N1.1, N1.2, N1.3, M1.5, M1.7, M1.8, N1.4, N1.5, N1.6

2. IBAI HABITATAK

2.1

2.1.1, 2.1.2

D4, D5, M2.1, M2.2, N1.7, M2.3, N1.8

7210 * Zohikaztegi karedunak, Cladium mariscus eta Caricion davallianae (*) espezieak dituztenak

1. IBAI SISTEMA

1.1

1.1.1, 1.1.4, 1.1.5

D1, D2, D3, M1.1, M1.2, M1.3, M1.4, N1.1, N1.2, N1.3, M1.5, M1.7, M1.8, N1.4, N1.5, N1.6

2. IBAI HABITATAK

2.1

2.1.1, 2.1.2

D4, D5, M2.1, M2.2, N1.7, M2.3, N1.8

8210 Landaredi kasmofitikodun malda harkaiztsu kaltzikolak

2. IBAI HABITATAK

2.1

2.1.1

M2.1

3. HABITAT MEDITERRANEOAK

3.1

3.1.1

D11 N4.1

8310 Turismoak ustiatu gabeko haitzuloak

2. IBAI HABITATAK

2.1

2.1.1

M2.1

8. SAGUZARRAK

8.1

8.1.2

N1.10

9240 Quercus faginea eta Quercus canariensis motetako baso iberiarrak

2. IBAI HABITATAK

2.1

2.1.1

M2.1

3. HABITAT MEDITERRANEOAK

3.1

3.1.1

D12, D7, D8, N3.3

92A0 Salix albako eta Populus albako galeria basoak

1. IBAI SISTEMA

1.1

1.1.1, 1.1.4, 1.1.5

D1, D2, D3, M1.1, M1.2, M1.3, M1.4, N1.1, N1.2, N1.3, M1.5, M1.7, M1.8, N1.4, N1.5, N1.6

2. IBAI HABITATAK

2.1

2.1.1, 2.1.2

D4, D5, M2.1, M2.2, N1.7, M2.3, N1.8

9340 Quercus ilexeko eta Quercus rotundifoliako basoak

2. IBAI HABITATAK

2.1

2.1.1

M2.1

3. HABITAT MEDITERRANEOAK

3.1

3.1.1

D12, D7, D8, N3.3

Actitis hypoleucos

1. IBAI SISTEMA

1.1

1.1.1, 1.1.5

M1.2, M1.4, M1.7, N1.5

2. IBAI HABITATAK

2.1

2.1.1, 2.1.3

M2.1, M2.2, N1.7, M4.5

Alcedo atthis (p)

1. IBAI SISTEMA

1.1

1.1.1, 1.1.3, 1.1.5

D1, D2, M1.1, M1.2, M1.3, M1.4, N1.1, N1.2, M4.2, M1.7, M1.8, N1.4, N1.5, N1.6

2. IBAI HABITATAK

2.1

2.1.1, 2.1.3

M2.2, N1.7, M4.4

Alytes obstetricans

1. IBAI SISTEMA

1.1

1.1.1, 1.1.5

M1.2, M1.4, M1.7, N1.5

2. IBAI HABITATAK

2.1

2.1.1, 2.1.3

M2.1, M2.2, N1.7, M4.5

5. APOARMATU ISTILZALEA

5.1

5.1-2-5.1-3:

M4.11 N1.9

Anthus campestris (r)

3. HABITAT MEDITERRANEOAK

3.1

3.1.1

D10, D11, D14, M2.4, M2.5

Aquila chrysaetos (p)

A. ERABILERA PUBLIKOA

A.1

A.1.1

M5.1, M5.2, N3.6, N3.7.

1. IBAI SISTEMA

1.1

1.1.3

M4.2

3. HABITAT MEDITERRANEOAK

3.1

3.1.1

M2.4, M2.5, N3.3

6. BONELLI ARRANOA ETA BESTE HEGAZTI HARKAIZTAR BATZUK

6.1

6.1.2, 6.1.5

M4.15, D15, N3.2, N3.4, N3.5

Ardea cinerea (w)

1. IBAI SISTEMA

1.1

1.1.1, 1.1.3, 1.1.5

D1, D2, M1.1, M1.2, M1.3, M1.4, N1.1, N1.2, M4.2, M1.7, M1.8, N1.4, N1.5, N1.6

2. IBAI HABITATAK

2.1

2.1.1, 2.1.3

M2.2, N1.7, M4.5

Barbus haasi

1. IBAI SISTEMA

1.1

1.1.2, 1.1.5

M4.1, M1.7, M1.8, M4.3, N1.4, N1.5, N1.6

4. ARRAINAK: LOINA ETA MAZKAR ARANTZADUNA

4.1

4.1.2

M4.9

Berberis garciae

2. IBAI HABITATAK

2.1

2.1.1

M2.1, N1.7

Bubo bubo (p)

A. ERABILERA PUBLIKOA

A.1

A.1.1

M5.1, M5.2, N3.6, N3.7

1. IBAI SISTEMA

1.1

1.1.3

M4.2

3. HABITAT MEDITERRANEOAK

3.1

3.1.1

M2.4, M2.5, N3.3

6. BONELLI ARRANOA ETA BESTE HEGAZTI HARKAIZTAR BATZUK

6.1

6.1.5

D15, N3.2, N3.4, N3.5

Calandrella brachydactyla (p)

3. HABITAT MEDITERRANEOAK

3.1

3.1.1

D10, D11, D14, M2.4, M2.5

Caprimulgus europaeus (p)

3. HABITAT MEDITERRANEOAK

3.1

3.1.1

D10, D13, D14, D6, D7, M2.5, N4.1

Chondrostoma toxostoma (p)

1. IBAI SISTEMA

1.1

1.1.2, 1.1.5

M4.1, M1.7, M1.8, M4.3, N1.4, N1.5, N1.6

4. ARRAINAK: LOINA ETA MAZKAR ARANTZADUNA

4.1

4.1.1, 4.1.2

M4.8 M4.9

Circaetus gallicus (r)

1. IBAI SISTEMA

1.1

1.1.3

M4.2

3. HABITAT MEDITERRANEOAK

3.1

3.1.1

D10, M2.4, M2.5

Circus aeruginosus (r)

1. IBAI SISTEMA

1.1

1.1.1, 1.1.5

M1.2, M1.4, M1.7, N1.5

2. IBAI HABITATAK

2.1

2.1.1, 2.1.3

M2.1, M2.2, N1.7, M4.5

5. APOARMATU ISTILZALEA

5.1

5.1.2, 5.1.3

M4.11, N1.9

Circus pygargus (r)

1. IBAI SISTEMA

1.1

1.1.3

M4.2

3. HABITAT MEDITERRANEOAK

3.1

3.1.1

D10, D8, M2.4, M2.5, N4.1

Cobitis calderoni

1. IBAI SISTEMA

1.1

1.1.2, 1.1.5

M4.1, M1.7, M1.8, M4.3, N1.4, N1.5, N1.6

4. ARRAINAK: LOINA ETA MAZKAR ARANTZADUNA

4.1

4.1.1, 4.1.2

M4.8, M4.9

Elaphe longissima

3. HABITAT MEDITERRANEOAK

3.1

3.1.1

D10, D11, D13, D14, D8, M2.4, M2.5, N4.1

Emberiza hortulana (r)

3. HABITAT MEDITERRANEOAK

3.1

3.1.1

D10, D11, D13, D14, D8, M2.4, M2.5, N4.1

Emys orbicularis (p)

1. IBAI SISTEMA

1.1

1.1.1, 1.1.5

M1.2, M1.4, M1.7, N1.5

2. IBAI HABITATAK

2.1

2.1.1

M2.1, M2.2, N1.7

5. APOARMATU ISTILZALEA

5.1

5.1.1, 5.1.2, 5.1.3

M4.10, M4.11, M4.12, N1.9

Epidalea calamita

1. IBAI SISTEMA

1.1

1.1.1, 1.1.5

M1.2, M1.4, M1.7, N1.5

2. IBAI HABITATAK

2.1

2.1.1, 2.1.3

M2.1, M2.2, N1.7, M4.5

5. APOARMATU ISTILZALEA

5.1

5.1.2, 5.1.3

M4.11, N1.9

Falco peregrinus (p)

A. ERABILERA PUBLIKOA

A.1

A.1.1

M5.1, M5.2, N3.6, N3.7

1. IBAI SISTEMA

1.1

1.1.3

M4.2

3. HABITAT MEDITERRANEOAK

3.1

3.1.1

M2.4, M2.5, N3.3

6. BONELLI ARRANOA ETA BESTE HEGAZTI HARKAIZTAR BATZUK

6.1

6.1.2, 6.1.5

M4.15, D15, N3.2, N3.4, N3.5

Galerida theklae (p)

3. HABITAT MEDITERRANEOAK

3.1

3.1.1

D10, D11, D13, D14, D8, M2.4, M2.5, N4.1

Gyps fulvus (p)

A. ERABILERA PUBLIKOA

A.1

A.1.1

M5.1, M5.2, N3.6, N3.7

1. IBAI SISTEMA

1.1

1.1.3

M4.2

3. HABITAT MEDITERRANEOAK

3.1

3.1.1

M2.4, M2.5, N3.3

6. ÁGUILA DE BONELLI Y OTRAS AVES RUPÍCOLA

6.1

6.1.2, 6.1.5

M4.15, D15, N3.2, N3.4, N3.5

Hieraaetus fasciatus (p)

A. ERABILERA PUBLIKOA

A.1

A.1.1

M5.1, M5.2, N3.6, N3.7

1. IBAI SISTEMA

1.1

1.1.3

M4.2

3. HABITAT MEDITERRANEOAK

3.1

3.1.1

M2.4, M2.5, N3.3

6. BONELLI ARRANOA ETA BESTE HEGAZTI HARKAIZTAR BATZUK

6.1

6.1.1, 6.1.3, 6.1.4, 6.1.5

M4.13, M4.14, M4.16, M4.17, D15, N3.2, N3.4, N3.5

Hieraaetus pennatus (r)

1. IBAI SISTEMA

1.1

1.1.3

M4.2

3. HABITAT MEDITERRANEOAK

3.1

3.1.1

D10, M2.4, M2.5

Luciobarbus graellsii

1. IBAI SISTEMA

1.1

1.1.2, 1.1.5

M4.1, M1.7, M1.8, M4.3, N1.4, N1.5, N1.6

4. ARRAINAK: LOINA ETA MAZKAR ARANTZADUNA

4.1

4.1.2

M4.9

Lullula arborea (p)

3. HABITAT MEDITERRANEOAK

3.1

3.1.1

D10, D11, D13, D14, D8, M2.4, M2.5, N4.1

Lutra lutra (p)

1. IBAI SISTEMA

1.1

1.1.1

D1, D2, D3, M1.1, M1.2, M1.3, M1.4, N1.1, N1.2, N1.3

2. IBAI HABITATAK

2.1

2.1.1

D4, M2.2, N1.7

7. BISOI EUROPARRA ETA IGARABA ARRUNTA

7.1

7.1.1, 7.1.3

M4.18, D16, M4.20

Melanocorypha calandra (p)

3. HABITAT MEDITERRANEOAK

3.1

3.1.1

D10, D11, D14, M2.4, M2.5

Milvus migrans (r)

1. IBAI SISTEMA

1.1

1.1.1, 1.1.3, 1.1.5

D1, D2, M1.1, M1.2, M1.3, M1.4, N1.1, N1.2, M4.2, M1.7, M1.8, N1.4, N1.5, N1.6

2. IBAI HABITATAK

2.1

2.1.1

M2.1, M2.2, N1.7

Milvus milvus (p)

1. IBAI SISTEMA

1.1

1.1.1, 1.1.3, 1.1.5

D1, D2, M1.1, M1.2, M1.3, M1.4, N1.1, N1.2, M4.2, M1.7, M1.8, N1.4, N1.5, N1.6

2. IBAI HABITATAK

2.1

2.1.1

M2.1, M2.2, N1.7

Milvus milvus (w)

1. IBAI SISTEMA

1.1

1.1.1, 1.1.3, 1.1.5

D1, D2, M1.1, M1.2, M1.3, M1.4, N1.1, N1.2, M4.2, M1.7, M1.8, N1.4, N1.5, N1.6

2. IBAI HABITATAK

2.1

2.1.1

M2.1, M2.2, N1.7

Miniopterus schreibersii (p)

8. SAGUZARRAK

8.1

8.1.1, 8.1.2

M4.21, M4.23, N1.10

Mustela lutreola (p)

1. IBAI SISTEMA

1.1

1.1.1

D1, D2, D3, M1.1, M1.2, M1.3, M1.4, N1.1, N1.2, N1.3

2. IBAI HABITATAK

2.1

2.1.1

D4, M2.2, N1.7

7. BISOI EUROPARRA ETA IGARABA ARRUNTA

7.1

7.1.2, 7.1.3

M4.19, D16, D17, M4.20

Mustela putorius

2. IBAI HABITATAK

2.1

2.1.3

M4.6

5. APOARMATU ISTILZALEA

5.1

5.1.2

M4.11

7. BISOI EUROPARRA ETA IGARABA ARRUNTA

7.1

7.1.3

D16, M4.20

Myotis blythii (p)

8. SAGUZARRAK

8.1

8.1.1, 8.1.2

M4.21, M4.23, N1.10

Myotis emarginatus (p)

8. SAGUZARRAK

8.1

8.1.1, 8.1.2

M4.21, M4.22, M4.23, N1.10

Myotis nattereri

8. SAGUZARRAK

8.1

8.1.1, 8.1.2

M4.22, M4.23, N1.10

Neophron percnopterus (r)

A. ERABILERA PUBLIKOA

A.1

A.1.1

M5.1, M5.2, N3.6, N3.7

1. IBAI SISTEMA

1.1

1.1.3

M4.2

3. HABITAT MEDITERRANEOAK

3.1

3.1.1

M2.4, M2.5, N3.3

6. BONELLI ARRANOA ETA BESTE HEGAZTI HARKAIZTAR BATZUK

6.1

6.1.2, 6.1.5

M4.15, D15, N3.2, N3.4, N3.5

Nyctalus noctula

2. IBAI HABITATAK

2.1

2.1.1, 2.1.3

N1.7, M3.1

8. SAGUZARRAK

8.1

8.1.1, 8.1.2

M4.21, M4.23

Phalacrocorax carbo sinensis (w)

1. IBAI SISTEMA

1.1

1.1.1, 1.1.3, 1.1.5

D1, D2, M1.1, M1.2, M1.3, M1.4, N1.1, N1.2, M4.2, M1.7, M1.8, N1.4, N1.5, N1.6

2. IBAI HABITATAK

2.1

2.1.1

M2.1, M2.2, N1.7

Pipistrellus kuhlii

2. IBAI HABITATAK

2.1

2.1.1, 2.1.3

N1.7, M3.1

8. SAGUZARRAK

8.1

8.1.1, 8.1.2

M4.22, N1.10

Pipistrellus pipistrellus

2. IBAI HABITATAK

2.1

2.1.1, 2.1.3

N1.7, M3.1

8. SAGUZARRAK

8.1

8.1.1, 8.1.2

M4.22, N1.10

Plecotus austriacus

8. SAGUZARRAK

8.1

8.1.1, 8.1.2

M4.21, M4.23

Pyrrhocorax pyrrhocorax (p)

A. ERABILERA PUBLIKOA

A.1

A.1.1

M5.1, M5.2, N3.6, N3.7

1. IBAI SISTEMA

1.1

1.1.3

M4.2

3. HABITAT MEDITERRANEOAK

3.1

3.1.1

M2.4, M2.5, N3.3

6. BONELLI ARRANOA ETA BESTE HEGAZTI HARKAIZTAR BATZUK

6.1

6.1.5

D15, N3.2, N3.4, N3.5

Rhinolophus euryale (w)

8. SAGUZARRAK

8.1

8.1.1, 8.1.2

M4.21, M4.22, M4.23, N1.10

Rhinolophus ferrumequinum (p)

8. SAGUZARRAK

8.1

8.1.1, 8.1.2

M4.21, M4.22, M4.23, N1.10

Rhinolophus hipposideros (w)

8. SAGUZARRAK

8.1

8.1.1, 8.1.2

M4.21, M4.22, M4.23, N1.10

Riparia riparia

1. IBAI SISTEMA

1.1

1.1.1, 1.1.3, 1.1.5

D1, D2, M1.1, M1.2, M1.3, M1.4, N1.1, N1.2, M4.2, M1.7, M1.8, N1.4, N1.5, N1.6

2. IBAI HABITATAK

2.1

2.1.1

D4, M2.2, N1.7

Salix salvifolia

2. IBAI HABITATAK

2.1

2.1.1

M2.1, N1.7

Sylvia undata (p)

3. HABITAT MEDITERRANEOAK

3.1

3.1.1

D10, D11, D13, D14, D8, M2.4, M2.5, N4.1

Triturus marmoratus

1. IBAI SISTEMA

1.1

1.1.1, 1.1.5

M1.2, M1.4, M1.7, N1.5

2. IBAI HABITATAK

2.1

2.1.1, 2.1.3

M2.1, M2.2, N1.7, M4.5

5. APOARMATU ISTILZALEA

5.1

5.1.2, 5.1.3

M4.11, N1.9

Unio mancus

1. IBAI SISTEMA

1.1

1.1.2, 1.1.5

M4.1, M1.7, M1.8, N1.4, N1.5, N1.6

2. IBAI HABITATAK

2.1

2.1.3

M4.7

F1609993

Iragarkiaren kodea: F1609993

Contacte con nosotros | Accesibilidad | Aviso legal | Mapa web