LEXNAVARRA
117/2014 FORU DEKRETUA, ABENDUAREN 29KOA. HONEN BIDEZ KONTSERBAZIO BEREZIKO EREMU IZENDATZEN DA ARALAR IZENEKO BATASUNAREN GARRANTZIZKO LEKUA, ETA HAREN KUDEAKETA PLANA ONESTEN 
BON N.º 16 - 26/01/2015
- Zioen azalpena
- 1. artikulua. Xedea.
- 2. artikulua. Planaren aplikazio eremua eta lurralde mugaketa.
- 3. artikulua. Zuzendaritza Batzordea.
- Lehen Xedapen Gehigarria.Gaikuntza Landa Garapeneko, Ingurumeneko eta Toki Administrazioko kontseilariari.
- Bigarren Xedapen Gehigarria.Lotutako araudia.
- Azken Xedapenetako Lehena.Kudeaketa Planaren indarraldia .
- Azken Xedapenetako Bigarrena.Beste plan batzuekiko erlazioa.
- Azken Xedapenetako Hirugarrena.Garatzeko gaikuntza.
- Azken Xedapenetako Laugarrena.Indarra hartzea.
ERANSKINA. ARALAR IZENEKO ES2200020 KONTSERBAZIO BEREZIKO EREMUAREN KUDEAKETA PLANA
Aralar izeneko lekua Nafarroako ipar-mendebaldean dago, eta Aralar mendia du bere baitan (Nafarroako Onura Publikoko Mendien Katalogoko 8. OPM), baita mugakide diren lurren zerrenda zabal bat ere, udalerri hauetakoak: Araitz, Arakil, Arbizu, Arruazu, Bakaiku, Betelu, Etxarri Aranatz, Ergoiena, Irañeta, Lakuntza, Larraun eta Uharte Arakil. Horretaz gain, 53. eta 63. fazeriak. Nafarroako dibertsitate biologikoaren erakusgarri diren naturako habitatak eta basa flora eta fauna daude bertan, eta kasu batzuetan desagertzeko arriskuan daude beren berezko banaketa eremuetan, edo berezko banaketa eremu murritza dute, bai atzera egin dutelako bai beren eremua berez delako murritza. Horregatik, eremu batzuk hautatu behar dira, non bermatuko baita habitat natural eta basa espezie horiek epe luzean iraunen dutela, kudeaketa aktibo eta prebentiborako sistema eraginkor eta eragingarrien bidez.
Habitat natural nahiz espezie horietako batzuk sarturik daude Kontseiluak 1992ko maiatzaren 21ean emandako Habitat naturalak eta basa fauna eta flora kontserbatzeari buruzko 92/43/EEE Zuzentarauan, edo Basa hegaztiak kontserbatzeari buruzko Europako Parlamentuaren eta Kontseiluaren 2009/147/EE Zuzentarauan. Horrenbestez, balio handia dute ez bakarrik Foru Komunitatean, baita Europar Batasunean ere. Bi zuzentarau horiek dira Europar Batasunak naturaren kontserbazioaren arloan duen tresna nagusia. Horretarako, lekuen sare ekologiko bat sortu zen, Natura 2000 Sarea, non Batasunaren interesekotzat hartu diren basa florako eta faunako espezie eta habitat natural guztien adierazpenak lehengoratu edo egoki kontserbatu behar baitira.
92/43/EEE Zuzentaraua abenduaren 7ko 1997/1995 Errege Dekretuaren bidez sartu zen Espainiako ordenamendu juridikoan.
Zuzentarauak irizpide zientifiko batzuk eta egutegi bat ezarri zituen Natura 2000 Sarea eratzeko. 4. artikuluaren arabera, Europar Batasuneko estatuek lekuen zerrenda bat proposatu behar diote Batzordeari, eta adierazi behar dituzte leku bakoitzean dauden natur habitat motak eta Batasunaren intereseko espezieak.
Nafarroako Foru Komunitateko Administrazioak, Gobernuak 2000ko maiatzaren 15ean hartutako Erabakiaren bidez, Kontserbazio Bereziko Eremu izendatzen ahal diren lekuen zerrenda behin-behinekoz onetsi zuen, gero Natura 2000 Europako sare ekologikoan sar zitezen. Horien artean, Aralar izeneko ES2200020 gunea dago.
Batasunaren Garrantzizko Leku gisa onetsirik, Europar Batasuneko estatuak ahalik eta lasterren deklaratu behar du Kontserbazio Bereziko Eremu, gehienez ere sei urteko epean. Horretarako, kudeaketa plan baten bidez, behar diren kontserbazio neurriak ezarri behar dira, Batasunaren Garrantzizko Leku izatearen arrazoi diren natur habitatak eta espezieen populazioak kontserbazio egoera onean mantentzeko, edo egoera hori berriz ezartzeko.
2004ko abenduaren 7ko 2004/813/EE Erabakiaren bidez, Europako Batzordeak eskualde biogeografiko atlantikoaren barreneko Batasunaren Garrantzizko Lekuen zerrenda onetsi zuen, eta 2006ko uztailaren 19ko 2006/613/EE Erabakiaren bidez, berriz, eskualde biogeografiko mediterraneoaren barreneko Batasunaren Garrantzizko Lekuen zerrenda. Horrenbestez, Europako zuzentaraua aplikatzearen ondorioetarako, kontserbazio bereziko eremu izendatuko dira leku horiek. Aralar izeneko Lekua bi zerrendetan ageri da.
Aralar gunerako Kudeaketa Plana Europar Batasuneko araudiaren betebeharrekin bat prestatu da, eta, hortaz, bertan jaso dira Lekuan dauden habitat eta taxonen eskakizun ekologikoei dagozkien ekintza, neurri eta jarraibideak, aipatutako 92/43/EEE Zuzentarauan biltzen direnak.
Hori dela eta, Landa Garapeneko, Ingurumeneko eta Toki Administrazioko Departamentuko kontseilariak proposaturik, 2014ko abenduaren 29an egindako bilkuran hartutako erabakiarekin bat, Nafarroako Gobernuak
DEKRETATU DU:
Foru dekretu honen xedea hauxe da:
1. Batasunaren Garrantzizko ES2200020 Lekua, Aralar izenekoa, Kontserbazio Bereziko Eremu izendatzea.
2. Aralar izeneko ES2200020 Kontserbazio Bereziko Eremuaren kudeaketa plana onestea. Foru dekretu honi erantsi zaio.
2. artikulua . Planaren aplikazio eremua eta lurralde mugaketa.
Aralar izeneko gunea Nafarroako ipar-mendebaldeko muturrean dago, eta 14.648,9 hektareako azalera dauka.
Hona hemen haren mugak:
Iparraldeko eta ekialdeko mugak:
Aralarko iparraldeko maldetan dago iparraldeko muga; Gipuzkoako mugatik (Azkaraten), Malloetatik pasatuta, Alliraino. Handik, ekialdeko muga NA-7500 errepidearekin parez pare doa Etxeberriraino.
Hegoaldeko eta mendebaldeko mugak:
Hegoaldeko muga Arakil ibaiarekin parez pare doa, Aralarko hegoaldeko maldetan behera dagoen ibarrean, Egiarretatik Etxarri Aranatzaino. Mendebaldetik, mugak gora egiten du Etxarri Aranatz eta Bakaiku herrien arteko mugaren ondotik, eta Gipuzkoako mugatik Malloetaraino iristen da.
Foru dekretu honek onetsitako planaren aplikazio eremuaren mugaketa ofiziala bertan jaso den kartografiak ezarri du.
Nafarroako Onura Publikoko Mendien (OPM) Katalogoa onetsi duen Nafarroako Gobernu Zibilaren 1912ko maiatzaren 14ko Zirkularraren arabera, eremu horrek 8, 367, 368, 369, 370, 377, 378, 382, 387, 388, 389, 393, 397, 406, 436, 447, 448, 457, 459, 461, 489, 501, 502, 527, 529, 535, 538, 539, 542, 544, 547, 551, 552, 555, 556, 557, 559 eta 560 zenbakietako OPMak ukitzen ditu. Kontserbazio Bereziko Eremuaren %90 baino gehiago Onura Publikoko Mendiak dira.
3. artikulua . Zuzendaritza Batzordea.
1. Zuzendaritza Batzordea sortuko da. Aralar izeneko gunearen kontserbazioa kudeatzeko kontsulta eta partaidetza organoa izanen da. Mendien titularrak diren entitateetako ordezkariek, Aralarko Elkarteko ordezkariek eta Nafarroako Foru Komunitateko Administrazioko ordezkariek osatuko dute.
2. Zuzendaritza Batzordeak eginkizun hauek izanen ditu:
a) Kudeaketa planean jasotako neurriak bete daitezela sustatzea. Aurreikusitako egutegia betetzen saiatuko da eta planaren neurriak aplikatzeko ahalmena duten eskualdeko eragile guztien lankidetza eta koordinazioa bultzatuko du.
b) Planaren lan-programa dauden aukeretara egokitzea, Planaren neurriak ahalik eta errazen eta modurik eraginkorrenean aplikatzen direla errazteko.
c) Proposamenak egitea Planean ezarritako ekintzak eraginkorragoak izan daitezen, aurreikusitako helburuak betetzeari begira.
d) Foru Komunitateko Administrazioari adieraztea Kudeaketa Planaren garapena baldintza dezaketen ekintzak edo mehatxuak.
e) Planaren betetze-maila aldian behin ebaluatzea, eta entitate, administrazio eta organo eskudunei eskatzea neurriak garatzeko behar diren konpromisoak bete ditzatela.
f) Natur baliabideen azterketa eta ikerketa bultzatzea, baita gizarteak baliabide horiek ezagut ditzala eta haiekin goza dadila ere, betiere haien balioekiko errespetua eta ingurumen hezkuntza sustatuz.
Lehen Xedapen Gehigarria .Gaikuntza Landa Garapeneko, Ingurumeneko eta Toki Administrazioko kontseilariari.
Landa Garapeneko, Ingurumeneko eta Toki Administrazioko kontseilariari ahalmena ematen zaio behar diren tramiteak egin ditzan foru dekretu hau eta, bidezkoa bada, plana aplikatzeko behar den kostu ekonomikoaren kalkuluak Europar Batzordeari igortzeko, Habitat naturalak eta basa fauna eta flora kontserbatzeari buruzko maiatzaren 21eko Kontseiluaren 92/43/EEE Zuzentarauaren 8. artikuluan aurreikusitako ondorioetarako.
Bigarren Xedapen Gehigarria .Lotutako araudia.
1. Putxerriko natur erreserbari (NE-7) dagokionez, Aralar izeneko lekuan sartutako espazioa baita, Nafarroako Naturguneei buruzko ekainaren 17ko 9/1996 Foru Legean eta Nafarroako natur erreserbak erabili eta kudeatzeko plan zuzentzaileak onesten dituen uztailaren 6ko 230/1998 Foru Dekretuan ezarritakoaren arabera arautuko da.
2. Leku honen barrenean, onura publikoko mendi gisa katalogatutako eremuan, Nafarroako Oihan Ondarea Babestu eta Garatzeari buruzko abenduaren 31ko 13/1990 Foru Legean xedatutakoari jarraituko zaio.
Azken Xedapenetako Lehena .Kudeaketa Planaren indarraldia .
1. Hauxe da foru dekretu honen bidez onesten den kudeaketa planaren indarraldia:
a) Mugagabea, gako-elementuei, azken helburuei, arauei eta jarraibideei dagokienez.
b) 12 urtekoa, espero diren emaitzei eta jarduketei (neurriak) dagokienez. Epe hori bukatutakoan, neurriak berrikusiko dira, baina haien aplikazioa luzatuko da harik eta ordezko beste batzuk onesten diren arte.
2. Hala ere, ingurumenaren arloan eskumena duen departamentuak uste badu planean aurreikusirik ez zegoen funtsezko alderdiren bat nabarmen aldatu dela eta horrek eragina izan dezakeela gunearen balioen zainketan, plana berrikusten edo aldatzen ahalko da.
3. Kudeaketa planaren gako-elementuetan, azken helburuetan, araudian edo jarraibideetan eragina izan dezaketen aldaketak edo berrikuspenak foru dekretu bidez eginen dira. Espero diren emaitzen (helburu operatiboen) berrikuspenak eta aldaketak, baita jarduketak ere (neurriak), ingurumenaren arloan eskumena duen departamentuko titularraren foru aginduaren bidez onetsiko dira.
Azken Xedapenetako Bigarrena .Beste plan batzuekiko erlazioa.
1. Foru dekretu honek onesten duen plana bat etorriko da aniztasun biologikoaren kontserbazioari buruz ezartzen diren maila goragoko planekin, eta, zehazki, Nafarroako Naturgune Babestuen Sarerako jarduketa-ildo orokorrak finkatzeko onesten direnekin.
2. Dena dela, Nafarroako Naturguneei buruzko ekainaren 17ko 9/1996 Foru Legearen 7. artikuluan xedatutakoaren arabera, kudeaketa plan honetako zehaztapenak zuzenean aplikatu beharrekoak dira, eta tokiko entitateen hirigintzako udal planeamenduan sartuko dira, planeamendua egitean edo berraztertzen denean. Hori horrela, oraingo lurralde antolamendurako edo antolamendu fisikorako tresnak, kudeaketa plan honen aurkakoak badira, egokitu beharko dira, lehenbizikoz aldatzen edo berrikusten direnean.
Azken Xedapenetako Hirugarrena .Garatzeko gaikuntza.
Landa Garapeneko, Ingurumeneko eta Toki Administrazioko kontseilariari ahalmena ematen zaio foru dekretu hau garatzeko eta betearazteko behar diren xedapen guztiak eman ditzan.
Azken Xedapenetako Laugarrena .Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2014ko abenduaren 29an.-Nafarroako Gobernuko lehendakaria, Yolanda Barcina Angulo.-Landa Garapeneko, Ingurumeneko eta Toki Administrazioko kontseilaria, José Javier Esparza Abaurrea.
ERANSKINA. ARALAR IZENEKO ES2200020 KONTSERBAZIO BEREZIKO EREMUAREN KUDEAKETA PLANA
INDIZEA
I.-Planaren helburua.
II.-Kontserbatu beharreko balio naturalak.
III.-Planaren azken helburuak.
IV.-Planaren aplikazioaren ondorioz espero diren emaitzak.
V.-Araudia.
VI.-Kudeaketarako jarraibide edo orientazioak.
VII.-Jarduketak.
VIII.-Kudeaketa planaren finantzaketa.
IX.-Mugak.
X.-Jarraipen-programa.
XI.-Mugaketa-mapa eta barnean dauden entitateak.
XII.-Kontserbazioaren xede diren objektuen eta arauen, jarraibideen eta neurrien arteko egokitasuna.
I.-Planaren helburua.
Plan honen helburua da behar diren neurri aktiboak eta prebentzio neurriak ezartzea hurrengo atalean adieraziko diren habitat naturalak, espezieak, prozesu ekologikoak eta osagai natural eta kulturalak kontserbazio egoera onean mantentzeko edo egoera onera berriz ekartzeko (kasua zein den).
Kudeaketa plan honen arabera hartzen diren neurrien azken helburua da gunearen osotasun ekologikoa bermatzea eta Nafarroako Natura 2000 Sareari koherentzia ematen laguntzea. Kontserbazio Bereziko Eremua ukitzen ahal duen beste edozein plan, programa edo proiektuk bat etorri beharko du helburu horrekin.
Hala ere, plan honen bidez hartzen diren neurriek eta haren ondoriozkoek kontuan hartuko dituzte betebehar ekonomiko, sozial eta kulturalak, eta, ahal den neurrian, saiatuko dira bateragarri egiten gaur egungo erabilera eta aprobetxamenduak eta gizartearen eskari berriek ekar ditzaketenak, hala nola, aisialdia, ingurumeneko hezkuntza eta ikerketa. Era berean, eremu hau babesteko arrazoi diren balioak galtzea ekar dezaketen aldaketak saihestuko dira.
II.-Kontserbatu beharreko balio naturalak.
Landare formazio naturalek eta erdinaturalek lekuaren ia azalera osoa okupatzen dute. Landare formazio horien ia erdiak batasunaren intereseko habitat gisa hartzen dira, 16 mota desberdin, eta horietarik 5 lehentasunezkoak dira.
Pagadiak, basofiloak eta azidofiloak, Aralarko basoen ezaugarri nagusia dira, hartzen duten azalera handiarengatik. Hariztiei dagokienez -zuhaiztien artean bigarren dira tamainan- ohikoenak dira haritz arruntekoak, haritz ilaundunekoak eta haritz kandugabekoak. Hariztietan eremu batzuk bereziki garrantzitsuak dira, bai baitituzte tamaina handiko zuhaitz zaharrak, balio handia dutenak biodibertsitaterako.
Kontserbazio Bereziko Eremu honen ezaugarria da, bestalde, zuhaizti arraroak edo banaketa puntualekoak izatea. Aipatzekoak dira haginadiak, esaterako Puttarrikoa, Nafarroan dagoen zabalenetakoa, gaztainadi zaharrak, esaterako Irañetakoa, Iribaskoa eta Intzakoa, edo aldapetako haltzadiak, esaterako Malloetako maldetakoak.
Eremu zabaletako landare-komunitateei dagokienez, Aralarrek eusten die sastrakadi azalera handiei, baita batasunaren intereseko larreei ere, nekazaritzako eta abeltzaintzako erabilera tradizionalei lotuak. Besteak beste, aipatzekoak dira otabera-sastrakadi kantabriarrak, txilardi kantabriarrak, larre azidofilo kantabriarrak, larre mesoxerofilo muinotar eta menditarrak, larre mesoxerofiloak eta kareharrizko gailurretako goi mendietako larre mesoxerofiloak. Madalen haitzeko harkaitz eta gailurretako ezpeldiak, eta Irañetako sorburuaren ingurukoak, berezitasuna dira lekuan eta ibar atlantikoetan.
Aralar garrantzi handikoa da kareharrizko harkaitzetako habitatari eusteko. Urbasa eta Andia izeneko Kontserbazio Bereziko Eremuan bezala, badira erlaitz elurtuetako larre franko, Sesleria albicans espeziea dutenak. Megaforbio komunitateen azalera handi samarra ere badu. Europan garrantzitsuak izateaz gain, horrelako habitatak gutxi dira Nafarroan, eta bereziak, duten florarengatik.
Harkaitzetako habitatak, bereziki Malloetakoak, oso interesgarriak dira botanikaren ikuspuntutik, duten dibertsitatearengatik eta Pirinio-Kantauri aldeko endemismo asko izateagatik. Honelako espezieak agertzen dira, besteak beste: Carex caudata, Aconitum variegatum subsp. pyrenaicum, Anemone pavoniana, Nigritella gabasiana, Huperzia selago, Lathyrus vivantii eta Draba dedeana.
Hegoaldeko malkarretan eta Malloetan, hegazti harkaiztarren komunitate handi samarra dago. Honako hauek daude: ugatza (Gypaëtus barbatus), sai zuria (Neophron percnopterus), sai arrea (Gyps fulvus), arrano beltza (Aquila chrysaëtos), belatz handia (Falco peregrinus) eta belatxinga mokogorria (Pyrrhocorax pyrrhocorax).
Basoetako faunako espezieei dagokienez, nabarmentzekoa da badirela okil ertaina (Dendrocopos medius) eta okil beltza (Dryocopus martius). Orobat, azpimarratzekoa da badirela Osmoderma eremita, Lucanus cervus eta Rosalia alpina ere, hiru koleoptero saproxiliko mehatxatu, zuhaizti helduei lotuak. Beste ornogabe nemoral bat, baina oso ingurune hezeekin lotua, Elona quimperiana barraskiloa da.
Aralarren dauden saguzar espezie ugarien artean, berretsi da honako hauen ugalketa badela: Rhinolophus ferrumequinum, Myotis emarginatus eta Myotis bechsteinii. Azkeneko espezie hori, zuhaitzetako zuloei lotua, oso gutxi ezagutzen da, eta Iberiar penintsulako oso herri gutxitan aipatu da.
Zenbait hegaztik erabiltzen dituzte eremu ireki hauek, edo ingurune hauei lotutako ekotonoak, ugalketarako habitat gisa. Aipatzekoak dira mirotz zuria (Circus cyaneus), mirotz urdina (Circus pygargus), pirripioa (Lullula arborea), etze-txinboa (Sylvia undata), antzandobi arrunta (Lanius collurio) eta berdantza miarritza (Emberiza hortelana). Habitat hauei lotutako lepidopteroen espezieen artean, nabarmentzekoak dira Euphydryas aurinia, Maculinea arion eta Parnassius apollo.
Kontserbazio Bereziko Eremu hau garrantzi handikoa da herpetologiaren aldetik; bereziki inportanta da baso-igel jauzkariaren (Rana dalmatina) eta gailurretako uhandrearen (Triturus alpestris) presentzia. Nafarroan Rana dalmatinak duen gune nagusia hemengo ibar-hondoetako hariztietan dago. Triturus alpestrisek, Kantauri aldean bakarrik atzematen baita, Urbasa-Andian eta Aralarren du bere banaketa eremuko ekialdeko muga.
Aralar, Urbasa-Andiarekin eta Lokiz mendiarekin batera, Nafarroako gune karstiko nagusietakoa da, eta horri lotutako baliabide hidriko handiak dauzka. Aralarko fenomeno karstikoak zabal garaturik daude, eta sima eta lurpeko barrunbe asko dago, bereziki kopuru handia, eta ingurumeneko, arkeologiako eta paleontologiako balio bereziki interesgarriak dituzte. Aitzarrateta sorburua - Ertzilla errekako sistema hidrogeologikoa, bere sima, hustubide eta iturburuekin, oso berezia da eta garrantzi geomorfologiko handia du. Tokiko ibaiak eta errekastoak zuhaiztien artean doaz gehienbat, bazterrak egoera onean dauzkate, eta bertako arrain-komunitateak ongi egituraturik daude.
Sakana izeneko ibarra interes handikoa da faunaren konektagarritasuna izan dadin Aralarren eta Urbasa-Andiaren artean. Eskualde hau, funtsean hariztien eta hezeguneen banaketako eremu potentziala, berebizikoa da habitataren etenekin bereziki sentikorrak diren espezieetarako, esaterako: Osmoderma eremita, Rana dalmatina, Dendrocopos medius eta Myotis bechsteinii.
Jarraian, guneko kontserbazioaren xede diren objektu guztiei buruzko informazioa jaso da (habitat motak eta Batasunaren intereseko espezieak, Datuen Inprimaki Normalizatuan bilduak), taula moduan. Gainera, faunako eta florako beste espezie batzuk ere adierazi dira, inprimaki berean jasoak.
-92/43/EEE Zuzentarauko habitat motak, Kontserbazio Bereziko Eremu honetan eta KBEko ebaluazioa, horien arabera:
| I. ERANSKINEKO HABITAT MOTAK | KBE-KO EBALUAZIO OROKORRA | |
| KODEA | DESKRIPZIOA | A/B/C |
| 3260 | Ibaiak, ordokiko estaitik estai menditarrerakoak, Ranunculion fluitantis eta Callitricho-Batrachion motako landaredia dutenak | - |
| 4030 | Txilardi lehor europarrak | B |
| 4090 | Txilardi oromediterraneoak eta endemikoak, otaberarekin | A |
| 5110 | Buxus sempervirensen formazio egonkor xerotermofiloak aldapa harkaiztsuetan (Berberidion p.p.) | A |
| 6110* | Alysso-Sedion albiko belardi kareharrizko karstikoak edo basofiloak | - |
| 6170 | Kareharrizko belardi alpetar eta subalpetarrak | A |
| 6210 | Belardi lehor erdinaturalak eta sastraka-faziesak, kareharrizko substratuen gainean (Festuco-Brometalia) | A |
| 6230* | Formazio belartsuak, Nardusa dutenak, hainbat espezierekin, toki menditsuetako (eta Europa kontinentaleko toki azpimenditsuetako) substratu silizioen gainean | A |
| 6410 | Moliniak dituzten belardiak kareharrizko substratuen, zohikatzezko substratuen edo substratu buztin-lohitsuen gainean (Molinion caeruleae) | - |
| 6430 | Ordokietako bazterretako eta estai menditarretik estai alpetarretarako megaforbio eutrofo higrofiloak | A |
| 7140 | Trantsizioko “mire”ak | - |
| 7220* | Iturburu petrifikanteak, tufa formazioekin (Cratoneurion) | - |
| 8130 | Mendebaldeko Iuizi mediterraneo eta termofiloak | A |
| 8210 | Landaredi kasmofitikodun malda harkaiztsu kaltzikolak | A |
| 8310 | Turismoak ustiatu gabeko haitzuloak | A |
| 9120 | Pagadi azidofilo atlantikoak, Ilexeko eta, batzuetan, Taxuseko (Quercion robori-petraeae ou Ilici-Fagenion) oihanpea dutenak | A |
| 9160 | Haritz kanduduneko edo kandugabeko harizti azpiatlantikoak eta Carpinion betuliko erteuroparrak | B |
| 91E0* | Alnus glutinosako eta Fraxinus excelsioreko baso alubialak (Alno-Padion, Alnion incanae, Salicion albae) | A |
| 9230 | Quercus robur eta Quercus pyrenaica dauzkaten harizti galego-portugesak | A |
| 9260 | Castanea sativako basoak | C |
| 9580* | Taxus baccatako baso mediterraneoak | A |
| Kodea: (*) = Lehentasunezko habitata KBEren ebaluazio orokorra: A = balio bikaina; B = balio ona; C = balio nabarmena; (-): garrantzirik ez duten habitatak. | ||
-2009/147/EE Zuzentarauaren 4. artikulua aplikatzekoa duten KBEko ezpezieak, 92/43/EEE Zuzentarauaren II. eranskinean agertzen direnak, eta ebaluazioa, horien arabera:
| TALDEA | IZEN ZIENTIFIKOA | A/B/C |
| Ornogabeak | Elona quimperiana | - |
| Ornogabeak | Euphydryas aurinia | - |
| Ornogabeak | Lucanus cervus | B |
| Ornogabeak | Osmoderma eremita | C |
| Ornogabeak | Rosalia alpina | B |
| Arrainak | Parachondrostoma miegii | - |
| Hegaztiak | Alcedo atthis | - |
| Hegaztiak | Aquila chrysaetos | - |
| Hegaztiak | Caprimulgus europaeus | - |
| Hegaztiak | Circaetus gallicus | - |
| Hegaztiak | Circus cyaneus | - |
| Hegaztiak | Dendrocopos medius | B |
| Hegaztiak | Dryocopus martius | B |
| Hegaztiak | Emberiza hortulana | - |
| Hegaztiak | Falco peregrinus | B |
| Hegaztiak | Gypaetus barbatus | B |
| Hegaztiak | Gyps fulvus | A |
| Hegaztiak | Hieraaetus pennatus | - |
| Hegaztiak | Lanius collurio | - |
| Hegaztiak | Lullula arborea | - |
| Hegaztiak | Milvus migrans | B |
| Hegaztiak | Milvus milvus | C |
| Hegaztiak | Neophron percnopterus | B |
| Hegaztiak | Pernis apivorus | - |
| Hegaztiak | Pyrrhocorax pyrrhocorax | - |
| Hegaztiak | Scolopax rusticola | - |
| Hegaztiak | Sylvia undata | - |
| Ugaztunak | Barbastella barbastellus | B |
| Ugaztunak | Myotis bechsteinii | B |
| Ugaztunak | Myotis emarginatus | B |
| Ugaztunak | Myotis myotis | B |
| Ugaztunak | Rhinolophus ferrumequinum | B |
| Landareak | Narcissus asturiensis | A |
| Landareak | Narcissus pseudonarcissus ssp. nobilis | B |
| Kodea: (*) = Lehentasunezko habitata KBEren ebaluazio orokorra: A = balio bikaina; B = balio ona; C = balio nabarmena; (-): garrantzirik ez duten espezieak. | ||
-Faunako eta florako beste espezie batzuk:
| TALDEA | IZEN ZIENTIFIKOA |
| Anfibioak | Alytes obstetricans |
| Anfibioak | Hyla arborea |
| Anfibioak | Rana dalmatina |
| Anfibioak | Triturus alpestris |
| Anfibioak | Triturus marmoratus |
| Narrastiak | Coluber viridiflavus |
| Narrastiak | Elaphe longissima |
| Landareak | Aconitum variegatum ssp. pyrenaicum |
| Landareak | Anemone pavoniana |
| Landareak | Carex caudata |
| Landareak | Draba dedeana |
| Landareak | Huperzia selago |
| Landareak | Lathyrus vivantii |
| Landareak | Menyanthes trifoliata |
| Landareak | Nigritella gabasiana |
Aurreko balioak kontuan hartuta, habitat batzuk eta KBE honetan dauden edo egon litezkeen flora eta faunako espezie batzuk hautatu dira, lurraldearen adierazgarri diren balio natural guztiak ordezkatzen dituztenak. Habitat eta espezie horiei “funtsezko elementu” esaten zaie. Izan ere, KBEaren kontserbazio “aktiboa” oinarritzeko ardatz gisa erabiltzen dira. Hori horrela, funtsezko elementu guzti-guztietarako proposatutako helburuetatik abiaturik, gaur egungo kontserbazio egoera baldintzatzen duten faktoreak aztertu ondoren, arauak, kudeaketako jarraibideak eta jarduketak proposatu dira, KBE osoaren balio naturalak mantentzeko eta hobetzeko aukera ematen dutenak.
Hona hemen KBEa kudeatzeko “funtsezko elementuak”:
1. Baso autoktonoak.
2. Larreak eta sastrakadiak.
3. Harkaiztiak.
4. Mehatxupeko flora interesgarria.
5. Mehatxupeko ornogabeak.
6. Gailurretako uhandrea eta baso-igel jauzkariak.
7. Ugatza.
8. Okil ertaina eta okil beltza.
9. Saguzarrak.
10. Sistema karstikoa eta ibaiak eta errekastoak.
11. Konektagarritasuna.
Gainera, lan-arlo hau zehaztu da:
A.-Erabilera publikoa.
III.-Planaren azken helburuak.
Kudeaketak, aurreko atalean aipatutako funtsezko elementu guztien kontserbazio egoera ona ahalik eta lasterren lortzeko, bilatu behar dituen xede edo helmugak dira azken helburuak.
1. Baso autoktonoak.
1.1. Azken helburua: oraingo azalerari eustea eta pagadien dibertsitate berariazkoa eta espaziala handitzea.
1.2. Azken helburua: haritz basoei laguntzea.
1.3. Azken helburua: basoen biodibertsitate-elementuen kontserbazioa bermatzea.
1.4. Azken helburua: katalogatutako eta basoei lotutako fauna espezieen populazio egoera ezagutzea.
2. Larreak eta sastrakadiak.
2.1. Azken helburua: larre eta sastrakadien kontserbazio egoera ona segurtatzea.
3. Harkaiztiak.
3.1. Azken helburua: harkaiztietako habitatak eta horiei lotutako florako eta faunako espezieak kontserbatzea.
4. Mehatxupeko flora interesgarria.
4.1. Azken helburua: flora mehatxatuaren espezie interesgarrien populazio guztien bideragarritasuna mantentzea
5. Mehatxupeko ornogabeak.
5.1. Azken helburua: habitatean ornogabe mehatxatuen espezieak hartzeko ahalmena handitzea.
6. Gailurretako uhandrea eta baso-igel jauzkariak.
6.1. Azken helburua: gailurretako uhandrearen eta baso-igel jauzkariaren populazioak bideragarri mantentzea, eta kontserbazio egoera onean.
7. Ugatza.
7.1. Azken helburua: ugatzak ugaltzeko lurralde bat behintzat finkatzea.
8. Okil ertaina eta okil beltza.
8.1. Azken helburua: habitatak okil ertaina eta okil beltza hartzeko gaitasuna handitzea, zabaldu daitezen.
9. Saguzarrak.
9.1. Azken helburua: lekua erabiltzen duten saguzar espezieentzat habitataren gaitasuna hobetzea.
10. Sistema karstikoa eta ibaiak eta errekastoak.
10.1. Azken helburua: lekuko barrunbe karstikoak eta akuiferoak kontserbatuko direla bermatzea.
10.2. Azken helburua: azaleko sare hidrologikoaren kontserbazioa bermatzea, halako moduz non ahalbidetuko baita hari lotutako biodibertsitatea kontserbatzea.
11. Konektagarritasuna.
11.1. Azken helburua: konektagarritasun ekologikoa hobetzea eta habitaten etenak gutxitzea Sakanako korridorean.
A.-Erabilera publikoa.
A.1. Azken helburua: lekuaren balio naturalen erabilera publikoa eta kontserbazioa bateratzea.
IV.-Planaren aplikazioaren ondorioz espero diren emaitzak.
Gerta liteke ezinezkoa izatea planaren azken helburuak edo helmugak lortzea haren indarraldiaren bitartean, arrazoi ekologiko, sozial edo ekonomikoengatik. Horregatik, indarraldi horretan planaren aplikazioaren ondorioz espero diren emaitzak zehazten dira. Emaitza horiek proposatu diren azken helburuak lortzen lagundu behar dute. Hona hemen, bada, espero diren emaitzak funtsezko elementuei eta azken helburuei emandako zenbakien arabera:
1. Baso autoktonoak.
1.1.1. Helburu operatiboa: pagadietan dauden bigarren mailako espezieen basotxoak kontserbatu eta hobetzea.
1.1.2. Helburu operatiboa: pagadien dibertsitate espaziala hobetzea.
1.1.3. Helburu operatiboa: pagadietan egur hilaren bolumena handitzea.
1.2.1. Helburu operatiboa: hariztien azalera handitzea.
1.2.2. Helburu operatiboa: dehesa itxurako hariztiak, biodibertsitaterako balio handienak dituztenak, kontserbatzea.
1.3.1. Helburu operatiboa: interes ekologikoko zuhaizti heldua kontserbatzea eta handitzea.
1.3.2. Helburu operatiboa: egun dauden antzinako gaztainadiak babestea.
1.3.3. Helburu operatiboa: gaur egungo haltzadien azalera kontserbatzea.
1.3.4. Helburu operatiboa: basoek dituzten interes bereziko lekuneak (mikrohabitatak) kontserbatzea.
1.4.1. Helburu operatiboa: baso autoktonei loturiko intereseko faunaren espezie batzuk hobeki ezagutzea.
2. Larreak eta sastrakadiak.
2.1.1. Helburu operatiboa: larre eta sastrakak haien kontserbazioa segurtatuko duen moduan erabiltzea.
2.1.2. Helburu operatiboa: larre eta sastrakadietako habitatei loturiko intereseko faunaren espezie batzuk hobeki ezagutzea.
3. Harkaiztiak.
3.1.1. Helburu operatiboa: harkaiztiei lotutako habitaten eta espezieen gaineko ukipenak saihestea
3.1.2. Helburu operatiboa: harkaiztiei lotutako harrapari errupikolen populazioaren bilakaera ezagutzea.
3.1.3. Helburu operatiboa: harkaiztietan ohikoak diren landare komunitateak eta floraren espezieak ezagutzea
4. Mehatxupeko flora interesgarria.
4.1.1. Helburu operatiboa: flora espezie mehatxatuen eta interesgarrien kontserbazioa bermatzea.
5. Mehatxupeko ornogabeak.
5.1.1. Helburu operatiboa: ornogabe espezie mehatxatuen kontserbazio egoera ezagutzea.
5.1.2. Helburu operatiboa: ornogabe espezie mehatxatuentzako habitat egokia izanen dela bermatzea.
6. Gailurretako uhandrea eta baso-igel jauzkariak.
6.1.1. Helburu operatiboa: anfibioen populazioen bilakaera ezagutzea, bereziki gailurretako uhandrearena eta baso-igel jauzkariarena.
6.1.2. Helburu operatiboa: anfibioak ugaltzeko guneen eta inguruen arteko konektagarritasuna bultzatzea, gailurretako uhandreari eta baso-igel jauzkariari lehentasuna emanez.
6.1.3. Helburu operatiboa: hezeguneetan ukipenak prebenitzea.
7. Ugatza.
7.1.1. Helburu operatiboa: leku hau eta inguruak erabiltzen dituzten ugatzen monitorizazioa hobetzea.
7.1.2. Helburu operatiboa: ugatzak behar duen eskaintza trofikoa mantentzea leku honetan eta inguruan.
7.1.3. Helburu operatiboa: ugatzaren kontrako arrisku faktoreak murriztea eta kentzea leku honetan eta inguruan.
8. Okil ertaina eta okil beltza.
8.1.1. Helburu operatiboa: okil ertainaren eta okil beltzaren ugalketa eremuak eta horientzako toki interesgarriak ezagutzea.
8.1.2. Helburu operatiboa: okil ertainarentzat eta okil beltzarentzat habitat-kalitate egokia bermatzea.
9. Saguzarrak.
9.1.1. Helburu operatiboa: hobeki ezagutzea saguzarren banaketa eta ugaritasuna leku honetan.
9.1.2. Helburu operatiboa: lekuko saguzarrak hazi eta negua pasatzeko aterpeak eta elikatzeko eta bizi-eremurako habitatak hobetzea.
10. Sistema karstikoa eta ibaiak eta errekastoak
10.1.1. Helburu operatiboa: Aralarko lurpeko uren kalitateari eustea, gutxienez ere oraingo mailetan.
10.1.2. Helburu operatiboa: balio naturalak dituzten barrunbe karstikoen kontserbazioa bermatzea.
10.2.1. Helburu operatiboa: ibilgu naturalen erregimena bermatzea lekuko azaleko sare hidrologikoan.
11. Konektagarritasuna.
11.1.1. Helburu operatiboa: espezie bereziki garrantzitsuen habitaten kontserbazio egoera zein den ebaluatzea, kalteturik izan badira Sakanako habitaten etenengatik eta kalitate galerarengatik.
11.1.2. Helburu operatiboa: faunaren konektagarritasun baldintzak hobetzea Sakanako korridorean.
11.1.3. Helburu operatiboa: Sakanako komunikazio bideen (autobia, errepideak eta trenbidea) iragazkortasuna hobetzea.
A.-Erabilera publikoa.
A.1.1. Helburu operatiboa: lekuan egiten diren erabilera publikoko erabilerak arautzea.
V.-Araudia
Araudi orokorra:
1. Baso-zoruan egin nahi den edozein jarduketa otsailaren 21eko 3/2007 Foru Legeak aldatutako Nafarroako Oihan Ondarea Babestu eta Garatzeari buruzko abenduaren 31ko 13/1990 Foru Legearen bidez arautuko da. Foru lege horren arabera, mendi katalogatuetan onura publikoko mendiaren edo mendi babeslearen izaerarekin bateragarriak diren jarduerak baino ez dira baimenduko.
2. Ingurumena Babesteko Esku-hartzeari buruzko martxoaren 22ko 4/2005 Foru Legearen menpe egonen dira haren eranskinetan ageri diren titulartasun publiko nahiz pribatuko plan, programa, proiektu eta jarduerak, haiek sortu, abian jarri edo gauzatzearen ondorioz ingurumenaren baldintzak aldatzen ahal dituztenak, edo ingurumenari, pertsonen osasunari edo segurtasunari eta haien ondasunei kalte eragiten ahal dietenak.
3. Ematen diren baimen guztietan bermatuko da Basa Fauna eta haren Habitatak Babestu eta Kudeatzeari buruzko martxoaren 5eko 2/1993 Foru Legean ezarritakoa betetzen dela eta ez direla ukitzen Batasunaren intereseko animalia eta landare espezieak, ez haien habitatak, ezta Kontserbazio Bereziko Eremua kontserbatzeko garrantzi handia duten paisaiako elementuak ere.
4. Ematen diren baimen guztietan bermatuko da honako arau hauetan ezarritakoa beteko dela: batetik, Natur Ondareari eta Biodibertsitateari buruzko abenduaren 13ko 42/2007 Legea, eta bestetik, otsailaren 4ko 139/2011 Errege Dekretua, babes bereziko araubidea duten basa espezieen zerrenda eta espezie mehatxatuen Espainiako katalogoa garatzekoa.
5. Urei buruzko Legearen testu bategina onetsi zuen uztailaren 20ko 1/2001 Legegintzako Errege Dekretuan ezarritakoa aplikatu beharko da, baita obra hidraulikoen arloko zerbitzuak Estatuko Administraziotik Nafarroako Foru Komunitatera eskualdatzeko azaroaren 18ko 1391/1988 Errege Dekretuan ezarritakoa ere.
Berariazko araudia:
1. Putxerriko Natur Erreserba (NE-7).
1.1. Putxerriko Natur Erreserbako edozein jarduera edo jarduketa Nafarroako Naturguneei buruzko ekainaren 17ko 9/1996 Foru Legean eta Nafarroako natur erreserbak erabili eta kudeatzeko plan zuzentzaileak onesten dituen uztailaren 6ko 230/1998 Foru Dekretuan ezarritakoaren arabera arautuko dira.
2. Habitatak, flora eta fauna.
2.1. Ibaien habitatak ukitzen dituzten erabilera eta jarduketetan, habitat horien kontserbazioa bermatzeko behar diren baldintzak jaso beharko dira, salbu eta tartean giza-osasunari eta segurtasun publikoari lotutako arrazoiak badaude.
2.2. Basoetan, interes bereziko lekuneetan (putzuak, iturburuak, sorburuak, tobak) egiten diren erabilerek horien kontserbazioa bermatzeko baldintzak beteko dituzte.
2.3. 92/43/EEE Zuzentarauan dauden eta kontserbazio egoera onean dauden larreek eta sastrakadiek hartutako azaleretan ez da luberritzerik edo ereiterik eginen.
2.4. Kontserbazio egoera onean dauden harkaiztietan, faunaren eta floraren aldetik interes handikoak badira, erabilerek eta jarduketek behar diren baldintzak beteko dituzte kontserbazioa bermatzeko.
2.5. Intereseko flora mehatxatua duten lekuneetan egiten diren erabilera eta jarduketetan, haien kontserbazioa bermatzeko behar diren baldintzak sartu beharko dira.
2.6. Flora mehatxatuari dagokionez, Nafarroako Flora Mehatxatuaren Katalogoa sortu eta katalogatzen den basa flora kontserbatzeko neurriak ematen dituen apirilaren 7ko 94/1997 Foru Dekretuan ezarritakoari jarraituko zaio.
2.7. Ez da zilegi izanen aireko azpiegiturak ezartzea, bereziki haize-sorgailuak eta goi tentsioko lineak, hegaztientzako interesekoak diren malkarretan.
2.8. Baltsa berriak eraikitzeko eta lehendik daudenak hobetzeko proiektuek anfibioen kontserbazioa bermatzeko neurriak bilduko dituzte, baita basa faunako espezieak itotzea eragozteko neurriak ere.
2.9. Kiropteroak dituzten lekuneak ukitzen dituzten erabilera eta jarduketetan, horien kontserbazioa bermatzeko behar diren baldintzak jaso beharko dira, salbu eta tartean giza-osasunari eta segurtasun publikoari lotutako arrazoiak badaude.
2.10. Emarien erregimena uren gaineko araudiaren eta kontzesioaren araberakoa dela bermatuko da, habitaten eta espezieen kontserbazioa bermatzeko.
2.11. Ez da onartuko ur ibilien erregimen naturala aldatzea dakarren jarduketa edo proiekturik, salbu eta herriak hornitzeko edo nekazaritzako eta abeltzaintzako erabileretarako ezinbestekoak direnak.
2.12. Ibilguaren alterazio morfologikoa dakarten jarduketak ez dira onartuko, salbu eta tartean giza-osasunari, segurtasun publikoari edo natur balioen kontserbazioari lotutako arrazoiak badaude.
VI.-Kudeaketarako jarraibide edo orientazioak
Kudeaketarako jarraibide edo orientazio hauek gomendio gisa hartu behar dira, eta kontrakoa justifikatzen duen arrazoi oinarriturik ez badago, aplikatu beharko dira.
1. Zuhaiztietarako jarraibideak.
1.1. Bigarren mailako espezieen basotxoen kontserbazioa bermatuko da, baso handien artean daudenean.
1.2. Bigarren mailako espezieak errespetatuko dira, eta haien zainketa bermatuko da. Espezie horiek espezie nagusia birsortzeko mozketak egin behar direneko guneetan badaude, neurri guztiak hartuko dira bigarren mailako espezieek mendian iraun dezaten eta haien berezko birsorkuntza berma dadin, haien behar ekologikoekin bat datozen jarduketen bidez.
1.3. Landaketa berrietan espezie fruitudunak egotea sustatuko da.
1.4. Baso lanetan edo beste edozein jardueretan, basoetako bazterretako zuhaixken zerrendak errespetatuko dira. Posible ez denean, jarduketaren ondoren lehengoratuko dira.
1.5. Basoberritzeko proiektuetan sustatuko da bertako eta, ahal den neurrian, jatorriko eskualde bereko espezieak erabiltzea.
1.6. Basoetan lurrean zein zutik dagoen zur hila errespetatuko da.
1.7. Hektareako 8-10 zuhaitz heldu kontserbatuko dira, gutxienez, pagadien azken mozketan, mendian ziklo biologikoa buka dezaten. Zuhaitz horiek hautatzeko kontuan hartu beharreko faktore nagusiak honako hauek izanen dira:
a. Pizidoen zuloak izatea.
b. Onddoak, zauriak, adar hilak, malformazioak, arrailak edo zulo naturalak izatea.
c. Liraintasunaren eta adaburuaren garapenaren arteko erlazioa. Isolatuta egonda, zuhaitzak bizirauteko aukera gehiago izanen ditu diametroa eta adaburuaren garapena handitzen diren neurrian.
d. Zuhaitzaren tamaina. Zuhaitz handiek txikiek baino zulo gehiago eta era gehiagokoak dituzte faunarentzat.
e. Espezieen aniztasuna. Lehentasunezkoa da pagadietan dauden beste espezie batzuetako zuhaitz heldu bakanak zaintzea.
f. Espazioko banaketa. Printzipioz zuhaitz horiek erregulartasunez banatuta egon behar dute, horrela bermatzen delako aterpeak espazioan banaturik egonen direla. Helburua baldin bada zenbait organismo (adibidez, kakalardoen populazioak edo flora geofitoko multzoak) kontserbatzea, hori errazago lortuko da zuhaitz-multzoak edo basotxoak zainduta. Hobe da ahalik eta handienak izatea, ahalik eta neurri handienean kontserbatzeko baso-ezaugarriak (intsolazio-mailak, hezetasuna, tenperatura, etab.).
1.8. Interes ekologikoa duten zuhaitzek irautea bermatuko da.
1.9. Antzinako gaztainadiek irauteko eginahala eginen da.
1.10. Baso-aprobetxamenduetan erreka bazterretako landareak errespetatuko dira.
2. Larre eta sastrakadietarako jarraibideak.
2.1. 92/43/EEE Zuzentarauan adierazitako habitatak diren eremuak ongarritzeko eta/edo medeatzeko, tratatu beharreko eremuak, osagaiak eta erabiliko den dosia zehaztuko dira. Nolanahi ere, bermatu beharko da landaretza naturala ez dela ukituko, ezta lurzoruaren eta uren ezaugarriak ere. Gainera, iraganean gauzatu diren jarduketei dagokienez proiektu jakin batek izan dezakeen metatze efektua aintzat hartu eta aztertuko da.
2.2. Abeltzaintzako intereseko eremutzat hartutako herrilurretan, erabilera hori lehenetsiko da beste guztien gainetik.
2.3. Erreketek baimena beharko dute, indarra duen araudiaren arabera. Espediente horiek tramitatzean, Ingurumenaren eta Uraren Zuzendaritza Nagusiak eskatu den erreketa egitea komeni den hausnartuko du, eta, hala denean, behar dena ezarriko du, ukipenak ahalik eta txikienak izateko baldintza egokietan egin dadin erreketa.
2.4. Belar-sastrakak garbituko dira, halako moduan non ondoriozko paisaia-egitura izanen baita larreen eta sastrakadien mosaiko heterogeneo eta orekatua.
2.5. Larreak hobetzeko ez da belar-sastrakarik garbituko %50etik gorako maldetan. Gainera, jarraibide hori aldatzen ahalko da eta murriztaileago bihurtu eremu ahulenetan.
2.6. Belar-sastrakak garbitu edo erre beharreko guneetan, babestu beharreko elementu interesgarriak mugatuko dira.
2.7. Ez da belar-sastrakarik garbituko edo erreko sakanetatik edo erreketatik 10 metroko tartea baino gutxiago badago.
3. Faunarako jarraibideak.
3.1. Abuztutik ekainera, Rosalia alpinaren ugalketa garaian, ahal dela enbor pilaketek ahalik gutxien iraunen dute lursailetan, espezieak bertan arroltzerik ez jartzeko.
3.2. Baltsak babesteko itxiturak paratzean, zerrenda zabalak izanen dira barneko aldean (30 bat metro zabal), eta, ahal delarik, larreen eta sastraken gradienteak eta harri eta arroken piloak izanen dituzte.
3.3. 250 metroko zerrenda bat errespetatuko da baltsen inguruan. Bertan ez da eginen lurra kentzea edo landarea garbitzea ekartzen duen jarduerarik (izan nekazaritzakoa, abeltzaintzakoa edo basoen arlokoa), non ez diren beharrezkoak anfibioen habitata kontserbatzeko.
3.4. Sasoikako hezeguneen egitura ukitzen duten jarduketak (dragatzeak, sakontzeak, tamaina aldatzeak) agorraldian eginen dira (uda akaberatik udazkenaren erdialdera), anfibioei ukipenik txikiena eragiteko.
3.5. Aralarko eraginpeko eremuan, ugatzarentzako elikadura osagarriko gune bat behintzat bermatuko da.
3.6. Ustez pozoiturik hil diren animaliak atzemanez gero, Nafarroako Gobernuak animalia pozoituendako ezarri duen jarduketa protokoloari jarraituko zaio.
3.7. Okil ertaina eta okil beltza hazteko eremuak barne hartzen dituzten zuhaiztietan ez da eginen oihaneko jarduerarik, baldin makinak erabiltzea eta zalaparta ekartzen badituzte, otsailaren 15etik ekainaren 15era bitarteko aldi kritikoan.
3.8. Itxiturak egitean, ixteko tipologia bateragarria izanen da fauna espezieen kontserbazioarekin.
3.9. Bordak egin eta konpontzeko proiektuetan, neurriak hartuko dira saguzarren kontserbaziorako.
4. Beste jarraibide batzuk.
4.1. Aralarko akuiferoa babesteko perimetroa ezartzea eta deklaratzea bultzatuko da.
VII.-Jarduketak
Plan honek indarra duen eperako, jarduketa hauek ezarri dira:
1. Zuhaiztiei lotutako neurriak.
1.1. Bigarren mailako espezieak dituzten basotxoak dauzkaten lekuneen lokalizazioa eta kartografia, eta haien kontserbazioa bermatzeko beharrezko neurriak ezartzea.
1.2. Puttarriko haginadia eta Aralarren haginak dauden beste eremu batzuk ezaugarritzea.
1.3. Bigarren mailako espezieen basotxoak paratzea lekune egokietan.
1.4. Lekuko pagadien barnean soilguneak mantentzeko neurriak ezartzea.
1.5. Baltsak pagadien barnean paratzea, fauna eta flora basatiek erabiltzeko moduan.
1.6. Harizti azalera handitzea, espezie horiei laguntzen dioten baso-jarduketen bidez.
1.7. Lakuntzako, Arbizuko eta Etxarri Aranazko haritz gorriko (Quercus rubra) zuhaiztiak bertako haritzekin ordezkatzea pixkanaka.
1.8. Lakuntzako udal mugapean, Aizpil aldeko malda biluzia landaratzeko proiektu bat prestatzea eta gauzatzea.
1.9. Robinia pseudoacaciako aleak kentzea Lakuntzako eta Lizarragabengoko hariztietatik.
1.10. Dehesa itxurako hariztien eremu nagusiak lokalizatzea eta mugatzea, bai eta lehenestea ere, kontserbatzeko.
1.11. Biodibertsitate arloko balio handia duen dehesa itxurako harizti bat oihangitzaren eta artzaintzaren ikuspuntutik kudeatzeko proiektu pilotu bat gauzatzea.
1.12. Interes ekologiko handiko zuhaitzak eta unadak identifikatzea eta lokalizatzea (barnean direla zuhaitz lepatuak, gaztainadiak, zuhaitz helduak eta zaharrak, adartsuak, zuloak dituztenak, ornogabeak dituztenak, pizidoen habiak dauzkatenak, kiropteroen aterpe direnak...).
1.13. Interes ekologikoko zuhaiztiak kontserbatu eta sustatzeko jarduketak egitea.
1.14. Zuhaitz gazteak lepatzeko jarduketa pilotuak egitea.
1.15. Lekuko antzinako gaztainadien inbentario oso bat egitea, eta, halaber, haien kontserbazio egoerari buruzko ebaluazio bat egitea.
2. Larre eta sastrakadiei lotutako neurriak.
2.1. Larreak antolatzeko proiektuak egitea artzaintzako eremuetarako, leku horietako larre eta sastrakadietako habitatak kontserbatzearekin bateragarri izanen direnak.
2.2. Abeltzaintzari laguntzeko jarduketak egitea.
2.3. Nafarroako Nekazaritzako Industrien Teknologien eta Azpiegituren Institutuaren (INTIA) eta Nafarroako Nekazal Produkzio Ekologikoaren Kontseiluaren laguntzaz (NNPEK), entitate titularren eta abeltzainen artean sustatzea larreak “produkzio ekologikoko eremutzat” jotzea, interesa duten ekoizleek horiek erabili ahal izatea bermatzeko.
3. Faunari lotutako neurriak.
3.1. Osmoderma eremita, Rosalia alpina, Lucanus cervus eta Euphydryas aurinia espezieen egungo kontserbazio egoera definitzea, abiaburutzat harturik horien banaketa eta kopurua eta beren habitaten beharrak. Orobat, jarraipenerako protokolo bat garatzea.
3.2. Maculinea arionen eta Parnassius apolloren presentzia eta kontserbazioa zehazteko prospekzioak egitea.
3.3. Elona quimperianaren presentzia eta kontserbazioa zehazteko prospekzioak egitea.
3.4. Lekuko eta inguruko baso-igel jauzkariaren populazioaren urteko monitorizazioarekin jarraitzea.
3.5. Lekuko hezeguneetako anfibioen populazioen aldian behingo monitorizazioa, bereziki gailurretako uhandrearena.
3.6. Lekuko eta inguruko hezegune berriak lokalizatzeko, lurraldearen prospekzio xehakatua egitea.
3.7. Baso-igel jauzkaria kontserbatzeko hezeguneak berreskuratzeko edo berriak ezartzeko proiektua idaztea eta gauzatzea.
3.8. Gailurretako uhandrearentzat interesekoak diren hezegune hurbilen multzoak sortzea, 2 kilometro baino gutxiagoko erradioetan, muturretako distantziei dagokienez, Zubarrietan, Atan, Igartzuberrietan, Larrañan, Illarraundin eta Arritxikin.
3.9. Abeltzaintzako baltsetan askak jartzerakoan, kontuan hartzea herpetofaunarentzako irisgarritasun irizpideak.
3.10. Zubarrietako baltsan zurezko itxitura jartzea.
3.11. Lekuan edo inguruan ugatz helduak harrapatu, irrati bidez markatu eta jarraitzea.
3.12. Ugatza monitorizatzeko egiten diren urteko lanei jarraipena ematea, lekuan eta inguruan.
3.13. Sai arrearen, sai zuriaren, arrano beltzaren eta belatz handiaren monitorizazioari jarraipena ematea, Nafarroako Gobernuak ezarritako protokoloarekin eta maiztasunarekin bat.
3.14. Bost urtetik behin egiten diren saitegien produktibitate zentsuak egiten jarraitzea.
3.15. Lekuaren zati adierazgarri batean eta haren eraginpeko eremuan miru gorrien bikote habiagileen zentsua egitea.
3.16. Hariztietan oihan-jarduketak egitea, okil ertainaren habitata hobetzeko.
3.17. Okil ertainaren eta okil beltzaren zentsuak egitea, eta bi espezieen kontserbaziorako interesekoak diren eremuak ezartzea, bai eta jarraipen protokoloa ezartzea ere.
3.18. Larreei eta sastrakadiei lotutako hegaztien komunitatea aldian behin monitorizatzea: mirotz zuria, mirotz urdina, pirripioa, etze-txinboa, antzandobi arrunta eta berdantza miarritza.
3.19. Lekuko eta inguruko abeltzaintza instalazioetarako adar elektrikoen diagnostikoa egitea, hegaztientzako arriskuaren arabera, eta zuzenketak gauzatzea.
3.20. Lekuan eta inguruan hegaztientzat arriskugarriak diren linea elektrikoak zuzentzen segitzea.
3.21. Lekuko saguzarrek negurako eta hazierarako dituzten kolonia nagusiak urtero monitorizatzea.
3.22. Bechstein saguzarrarentzat (Myotis bechsteinii) izan daitezkeen harizti berrien prospekzioak egitea.
3.23. Saguzarrak dituzten lekuko haitzulo nagusien gainean bisitariek eta espeleologoek sortzen dituzten eraginak aztertzea eta haiek kontserbatzeko neurriak hartzea.
3.24. Ezagutzen diren haitzuloen sailkapena, kontuan izanik beren natura balioak zein sentikorrak diren kaltearen edo degradazioaren aurrean, ematen zaien erabilerarengatik, eta kontserbaziorako beharrezkoak diren neurriak ezartzea.
3.25. Interes handiko eremu guztien inbentarioa egitea eta ezaugarriak adieraztea, hautatutako espezieentzako (Osmoderma eremita, Rana dalmatina, Dendrocopos medius eta Myotis bechsteinii) konektore ekologikoak diren aldetik, eta erabiltzeko eta kontserbaziorako plan bat ezartzea.
3.26. Proiektu pilotu bat egitea, konektagarritasun ekologikoaren aldetik interesekoa den harizti bat kontserbatzeko, oihangintzako eta artzaintzako kudeaketa bidez.
3.27. Heskai naturalak lehengoratzeko proiektuak gauzatzea, lehentasuna emanez dauden harizti multzoak edo lehengoratzen ari direnak konektatzen dituzten lerrokadurei.
3.28. Arizalko aldeko hariztian faunarentzako pasabide goratu baten proiektu bat idaztea.
4. Florari lotutako neurriak.
4.1. Malloetako harkaiztietako habitaten azterlan zehatza egitea, florari buruzkoa.
4.2. Flora espezie mehatxatuen kontserbazio egoeraren diagnostikoa egitea, eta jarraipenerako protokoloa abiaraztea.
5. Erabilera publikoari lotutako neurriak.
5.1. Azterlan bat prestatzea erabilera publikoak lekuko balio naturalen gainean duen eragina identifikatu eta baloratzeko.
5.2. Erabilera publikoari buruzko jarraibideak prestatzea eremurako.
5.3. Dibulgaziorako eta sentikortasunerako materialak prestatzea eremuko balio naturalei buruz.
VIII.-Kudeaketa planaren finantzaketa
Landa Garapeneko, Ingurumeneko eta Toki Administrazioko Departamentuak honako hauek hartuko ditu bere gain:
-Guneko kontserbazio egoera ona bermatzen duten mantentze eta lehengoratze proiektuak gauzatzeko behar diren diru-zenbatekoak.
-Ekipamenduak eta kudeaketaren egitura mantentzeko behar diren diru-zenbatekoak.
-Erabilerak eta jarduerak murriztearen ondoriozko kalte-ordainak eta ingurumenaren arloko borondatezko kontratuak ordaintzeko behar diren kontu-sailak.
-Plana gauzatzeko eta haren helburuak lortzeko behar diren bestelako kontu-sailak.
Hori guztia ordainduko da horretarako kreditu egokia baldin badago. Beraz, behar diren konpromisoak hartuko dira unean-unean aurrekontuan dagoen diruaren arabera.
Nafarroako Gobernuko departamentuek beren politika sektorialak ingurumenean integratzeko sustatzen dituzten jarduketek, baita toki entitateek sustatzen dituzten ekintzek eta ekarpen pribatuekin edo Europar Batasunaren ekarpenekin egiten direnek ere, laguntzen ahal dute plan hau garatzen.
Landa Garapeneko, Ingurumeneko eta Toki Administrazioko Departamentuak oso-osorik finantzatzen ahalko ditu partikularrek edo tokiko entitateek beren herrilurren ondarea administratzeko sustatzen dituzten jarduketak, baldin eta horien helburua plan hau garatzea bada, irabazi asmorik gabe, eta KBEaren kontserbazio egoera ona mantentzen laguntzen badute. Inguruko herriguneen garapen sozioekonomikoa sustatzeko asmoz, departamentu honen menpeko beste edozein laguntzatan, ahal denean, lehentasuna emanen zaie Kontserbazio Bereziko Eremu honen barnean proposatutako guneen kontserbazioarekin bateragarriak diren jarduketei. Gainera, laguntzaren portzentajea handiagoa izanen da, eremu horretatik kanpo edo beste edozein naturgunetatik kanpo proposatzen diren beste jarduketa batzuekin alderatuta. Halaber, Landa Garapeneko, Ingurumeneko eta Toki Administrazioko Departamentua aurrekontuetatik kanpoko funtsak aplikatzen saiatuko da, baldin haien helburua plan honetan aurreikusitako ekintzetako baten bat garatzea bada.
IX.-Mugak
Nafarroako Naturguneei buruzko ekainaren 17ko 9/96 Foru Legearen 28. artikuluan xedatu bezala ordainduko dira erabilerak eta jarduerak murriztearen ondoriozko kalte-ordainak. Hala ere, bestelako ordainak ere hitzartzen ahalko dira, hala nola laguntzak, diru-laguntzak, zerbitzuak ematea edo bestelako sustapenak.
X.-Jarraipen programa.
Jarraipena egiteko programa bat ezartzen da, plana ongi gauzatzen dela eta haren helburuak lortzen direla bermatzeko. Programa horrek objektiboki egiaztatzen ahal den adierazle bat izanen du gutxienez, helburu bakoitzerako.
Urtero, programa horren emaitzen eta, oro har, planaren gauzatze-mailaren berri emanen zaio Zuzendaritza Batzordeari.
Lortutako emaitzei erreparatuta, ikusten bada espero ziren emaitzen aldean desbiderapena gertatu dela edo aurreikusten zen epean ezin direla lortu, kudeaketaren eragingarritasuna eta eraginkortasuna hobetzeko behar diren neurri guztiak eransten ahalko zaizkio planari.
| FUNTSEZKO ELEMENTUA | AZKEN HELBURUA | HELBURU OPERATIBOA | ADIERAZLEA | HASIERAKO BALIOA | ARRAKASTAREN IRIZPIDEA |
| 1. BASO AUTOKTONOAK | 1.1. Oraingo azalerari eustea eta pagadien dibertsitate berariazkoa eta espaziala handitzea | Kontserbazio egoera onean dauden pagadien azalera | Ezezaguna | 7135,76 ha | |
| Instalaturiko bigarren mailako espezieen basotxoen azalera | 0 | 5 ha | |||
| Zuhaiztien barneko soilen kontserbaziorako ekintzek hartutako azalera | 0 | 10 ha | |||
| Zuhaiztien barnean sortutako baltsa kopurua | 0 | 10 | |||
| Egur hilaren bolumena zutik eta lurrean | 8-11 m³/ha 8. Onura Publikoko Mendian (Aralar) y 5-8 m³/ha gainerakoan | Egungo balioa baino handiagoa | |||
| 1.1.1. Pagadietan dauden bigarren mailako espezieen basotxoak kontserbatu eta hobetzea | Bigarren mailako espezieen presentzia aipagarria duten lekuneen kopurua | Ezezaguna | Bigarren mailako espezieen presentzia aipagarria duten lekuneen %100 ezagutzen dira | ||
| Instalaturiko bigarren mailako espezieen basotxoen azalera | 0 | 5 ha | |||
| 1.1.2. Pagadien dibertsitate espaziala handitzea | Zuhaiztien barneko soilen kontserbaziorako ekintzek hartutako azalera | 0 | 10 ha | ||
| Zuhaiztien barnean sortutako baltsa kopurua | 0 | 10 | |||
| 1.1.3. Pagadietan egur hilaren bolumena handitzea | Egur hilaren bolumena zutik eta lurrean | 8-11 m³/ha 8. Onura Publikoko Mendian (Aralar) y 5-8 m³/ha gainerakoan | Egungo balioa baino handiagoa | ||
| 1.2. Haritz basoei laguntzea | Kontserbazio egoera onean dauden hariztien azalera | Ezezaguna | 2063,39 ha | ||
| 1.2.1. Hariztien azalera handitzea. | Hariztien azalera handitzeko baso jarduketek ukitutako azalera | 0 | 60 ha | ||
| 1.2.2. Dehesa itxurako hariztiak, biodibertsitaterako balio handienak dituztenak, kontserbatzea | Dehesa itxurako hariztien azalera | Ezezaguna | Oraingo azalera mantentzen da | ||
| Dehesa itxurako hariztien kontserbazio egoeraren inbentarioa eta ebaluazioa | Egin gabea | Egina | |||
| Biodibertsitate balio garrantzitsuak dituzten dehesa itxurako hariztiak kontserbatzeko proiektu kopurua | 0 | 1 | |||
| 1.3. Basoen biodibertsitate-elementuen kontserbazioa bermatzea | Biodibertsitatea handitzen duten eta interes ekologikoa daukaten elementuak dituzten lekuneen kopurua | Ezezaguna | Biodibertsitatea handitzen duten eta interes ekologikoa daukaten elementuak dituzten lekuneen %100 kontserbatuak | ||
| 1.3.1. Interes ekologikoko zuhaizti heldua kontserbatzea eta handitzea | Interes ekologikoko zuhaitz helduen presentzia aipagarria duten unaden kopurua | Ezezaguna | Interes ekologikoko zuhaitz helduen presentzia aipagarria duten unaden %100 ezagutzen eta kontserbatzen da. | ||
| Zuhaitz lepatuen kopurua | 0 | 200 | |||
| Interes ekologikoko zuhaiztiak kontserbatu eta sustatzeko jarduketek ukitutako area kopurua | 0 | 3 | |||
| 1.3.2. Egun dauden antzinako gaztainadiak babestea | Antzinako gaztainadien azalera | 51,98 ha | Oraingo azalera mantentzen da | ||
| Antzinako gaztainadien kontserbazio egoeraren inbentarioa eta ebaluazioa | Egin gabea | Egina | |||
| 1.3.3. Gaur egungo haltzadien azalera kontserbatzea | Ibai ertzetako eta mendi-hegaletako haltzadien azalera | Ibai ertzetako 116, 9 ha haltzadi eta mendi-hegaletako 9,11 ha haltzadi | Oraingo azalera mantentzen da | ||
| 1.3.4. Basoek dituzten interes bereziko lekuneak (mikrohabitatak) kontserbatzea | Basoetan, putzu, iturburu, sorburu eta tobak dituzten lekuneen kopurua | Ezezaguna | Basoetan, putzu, iturburu, sorburu eta tobak dituzten lekuneen %100 kontserbatzen da | ||
| 1.4. Katalogatutako eta basoei lotutako fauna espezieen populazio egoera ezagutzea | Katalogatutako eta basoei lotutako fauna espezieen populazio egoera | Ezezaguna | Ezaguna | ||
| 1.4.1. Baso autoktonei loturiko intereseko faunaren espezie batzuk hobeki ezagutzea | Elona quimperianaren laginketa | Laginketa egin gabe | Laginketa bat, 5 urtean behin | ||
| Lekuaren zati adierazgarri batean eta haren eraginpeko eremuan miru gorrien bikote habiagileen zentsua | Zentsu bat egina | Zentsu bat, 5 urtean behin | |||
| “Ornogabe mehatxatuak”, “gailurretako uhandrea eta baso-igel jauzkaria”, “okil ertaina eta okil beltza” eta “saguzarra” funtsezko elementuen adierazleak aplikatzekoak dira | |||||
| 2. LARREAK ETA SASTRAKADIAK | 2.1. Larre eta sastrakadien kontserbazio egoera ona segurtatzea | Kontserbazio egoera onean dauden larre eta sastrakadien azalera | Ezezaguna | 2976,41 ha | |
| 2.1.1. Larre eta sastrakak haien kontserbazioa segurtatuko duen moduan erabiltzea | Larreen eta sastrakadien azalera | 2976,41 ha | 2976,41 ha | ||
| Larreak antolatzeko proiektuak | Egin gabe | Eginak | |||
| Abeltzaintzari laguntzeko ekintzak | Zenbait ekintza egin dira abeltzaintzari laguntzeko | Abeltzaintzari laguntzeko jarduerak indartu dira | |||
| 2.1.2. Larre eta sastrakadietako habitatei loturiko intereseko faunaren espezie batzuk hobeki ezagutzea | Maculinea arionen prospekzioak | Egin gabe | Bat 5 urtetik behin | ||
| Parnassius apollori buruzko prospekzioak | Egin gabe | Bat 5 urtetik behin | |||
| Larrei eta sastrakadiei lotutako hegaztien laginketak | Egin gabe | Bat 5 urtetik behin | |||
| 3. HARKAIZTIAK | 3.1. Harkaiztietako habitatak eta horiei lotutako florako eta faunako espezieak kontserbatzea | Kontserbazio egoera onean dauden harkaiztietako habitaten azalera | 608,68 ha | 608,68 ha | |
| 3.1.1. Harkaiztiei lotutako habitaten eta espezieen gaineko ukipenak saihestea | Habitat horietan atzemandako ukipenak | Ezezagunak | Ez dago ukipenik | ||
| Harkaiztietako habitaten azalera | 608,68 ha | 608,68 ha | |||
| 3.1.2. Harkaiztiei lotutako harrapari errupikolen populazioaren bilakaera ezagutzea. | Harrapari harkaiztarren populazioen jarraipena | Jarraipen bat 10 urtetik behin arrano beltzari, sai zuriari eta belatz handiari / jarraipen bat 5 urterik behin sai arreari | Jarraipen bat 10 urtetik behin arrano beltzari, sai zuriari eta belatz handiari / jarraipen bat 5 urterik behin sai arreari | ||
| Saitegien produktibitateari jarraipena egitea | Zentsu bat, 5 urtetik behin | Zentsu bat, 5 urtetik behin | |||
| “Ugatza” funtsezko elementuaren adierazleak aplikatzekoak dira | |||||
| 3.1.3. Harkaiztietako ezaugarri diren landare komunitateak eta floraren espezieak ezagutzea | Harkaiztietako landare-komunitateen inbentarioak | 0 | Malloetako harkaiztietako habitaten azterlan zehatza, florari buruzkoa | ||
| “Mehatxupeko flora interesgarrirako” funtsezko elementuaren adierazleak aplikatzekoak dira | |||||
| 4. MEHATXUPEKO FLORA INTERESGARRIA | 4.1. Flora mehatxatuaren espezie interesgarrien populazio guztien bideragarritasuna mantentzea | Flora mehatxatuaren populazioetatik zenbat diren bideragarriak | Ezezagunak | Populazioen %100 dira bideragarriak | |
| 4.1.1. Flora espezie mehatxatuen eta interesgarrien kontserbazioa bermatzea | Flora mehatxatuko populazioak lokalizatuak eta ebaluatuak | Populazioak neurri batean ezagunak | Populazioen %100 ezagunak | ||
| Flora mehatxatuaren populazioetatik zenbat monitorizatu diren | 0 | Populazioen %100 monitorizatu dira | |||
| Ukipenak flora mehatxatua dagoen lekuneetan | Ezezagunak | Ez dago ukipenik | |||
| 5. MEHATXUPEKO ORNOGABEAK | 5.1. Habitatean ornogabe mehatxatuen espezieak hartzeko ahalmena hobetzea | Intsektu mehatxatuen presentzia duten eremu nagusiak | Ezezagunak | Kontserbatutako eremu nagusien %100 | |
| “Baso autoktonoak” funtsezko elementuaren adierazleak aplikatzekoak dira | |||||
| 5.1.1. Ornogabe espezie mehatxatuen kontserbazio egoera ezagutzea | Mehatxupeko intsektuak dituzten eremu nagusien kontserbazio egoera | Ezezaguna | Ezaguna | ||
| Intsektu mehatxatuen laginketak | Osmoderma eremitaren laginketa bat | Osmoderma eremitaren, Rosalia alpinaren, Lucanus cervusen eta Euphydryas auriniaren laginketa bat 5 urtetik behin | |||
| 5.1.2. Ornogabe espezie mehatxatuentzako habitat egokia izanen dela bermatzea | “Baso autoktonoak” funtsezko elementuaren adierazleak aplikatzekoak dira | ||||
| 6. GAILURRETAKO UHANDREA ETA BASO-IGEL JAUZKARIAK | 6.1. Gailurretako uhandrearen eta baso-igel jauzkariaren populazioak bideragarri mantentzea, eta kontserbazio egoera onean | Kontserbazio egoera onean dauden gailurretako uhandreen eta baso-igel jauzkarien populazio kopurua | Gailurretako uhandreen 10 populazio / baso-igel jauzkarien 3 populazio | Hasierako kopurua bezalakoa edo handiagoa | |
| 6.1.1. Anfibioen populazioen bilakaera ezagutzea, bereziki gailurretako uhandrearena eta baso-igel jauzkariarena | Gailurretako uhandrearen eta baso-igel jauzkariaren zentsuak | Bat 5 urtetik behin | Bat 5 urtetik behin | ||
| 6.1.2. Anfibioak ugaltzeko guneen eta inguruen arteko konektagarritasuna bultzatzea, gailurretako uhandreari eta baso-igel jauzkariari lehentasuna emanez | Konektagarritasun ekologikoko proiektuak | Konektagarritasun ekologikoko proiektu bat hariztietan, baso-igel jauzkariarentzat | Konektagarritasun ekologikoko proiektu bat gailurretako uhandrearentzat eta konektagarritasun ekologikoko proiektu bat landazabalean baso-igel jauzkariarentzat | ||
| 6.1.3. Hezeguneetan ukipenak prebenitzea | Ukipenak hezeguneetan | Ezezagunak | Ez dago ukipenik | ||
| 7. UGATZA | 7.1. Ugatzak ugaltzeko lurralde bat behintzat finkatzea | Ugalketarako lurralde kop. | 0 | Ugalketarako lurralde 1 finkatua | |
| 7.1.1. Leku hau eta inguruak erabiltzen dituzten ugatzen monitorizazioa hobetzea | Ugalketa garaian jarraipen intentsiboa egitea ugatzei | Egiten da | Egiten da | ||
| Ugatzak markatzea eta irrati bidez jarraipena egitea | 2 ugatz | Hasierako balioa baino handiagoa | |||
| 7.1.2. Ugatzak behar duen eskaintza trofikoa mantentzea leku honetan eta inguruan | Elikadura osagarriko gune kopurua | 1 | 1 | ||
| 7.1.3. Ugatzaren kontrako arrisku faktoreak murriztea eta kentzea leku honetan eta inguruan | Linea elektriko arriskutsuen kopurua | Ezezaguna | Ez dago linea arriskutsurik | ||
| Intoxikazioak, pozoitzeengatik | Ezezagunak | Ez dago | |||
| “Harkaiztiak” funtsezko elementuaren adierazleak aplikatzekoak dira | |||||
| 8. OKIL ERTAINA ETA OKIL BELTZA | 8.1. Habitatak okil ertaina eta okil beltza hartzeko gaitasuna handitzea, zabaldu daitezen | Kontserbazio egoera onean dauden pagadi eta hariztien azalera | Ezezaguna | Pagadien 7135,76 ha eta hariztien 2063,39 ha | |
| “Baso autoktonoak” funtsezko elementuaren adierazleak aplikatzekoak dira | |||||
| 8.1.1. Okil ertainaren eta okil beltzaren ugalketa lurrak eta horientzako toki interesgarriak ezagutzea | Okil gibelnabarraren eta okil beltzaren ugalketarako lekuen zentsua | Zentsua osatu gabea | Zentsu oso bat 5 urtetik behin | ||
| 8.1.2. Okil ertainarentzat eta okil beltzarentzat habitat-kalitate egokia bermatzea | Okil ertainaren habitata hobetzeko hariztietan egindako oihan-jarduketen azalera | 0 | 20 | ||
| “Baso autoktonoak” funtsezko elementuaren adierazleak aplikatzekoak dira | |||||
| 9. SAGUZARRAK | 9.1. Lekua erabiltzen duten saguzar espezieentzat habitataren gaitasuna hobetzea | Kontserbazio egoera onean dauden saguzarrak dituzten lekune nagusiak | Ezezaguna | Hasierako kopurua bezalakoa edo handiagoa | |
| 9.1.1. Hobeki ezagutzea saguzarren banaketa eta ugaritasuna leku honetan | Saguzarrak dituzten lekune nagusiak | Ezezagunak | Ezagunak | ||
| Saguzar kolonialen zentsuak | Egin gabe | Bat 5 urtetik behin | |||
| Baso-saguzarren laginketak | Egin gabe | Bat 5 urtetik behin | |||
| 9.1.2. Lekuko saguzarrak hazi eta negua pasatzeko aterpeak eta elikatzeko eta bizi-eremurako habitatak hobetzea | Saguzarren hazierarako eta negurako aterpeetako ukipenak | Ezezagunak | Ez dago ukipenik | ||
| “Baso autoktonoak” funtsezko elementuaren adierazleak aplikatzekoak dira | |||||
| 10. SISTEMA KARSTIKOA ETA IBAIAK ETA ERREKASTOAK | 10.1. Lekuko barrunbe karstikoak eta akuiferoak kontserbatuko direla bermatzea | Balio naturalak dituzten haitzuloetako eta akuiferoetako ukipenak | Ezezagunak | Ez dago ukipenik | |
| 10.1.1. Aralarko lurpeko uren kalitateari eustea, gutxienez ere oraingo mailetan | Uren kalitatea | Kalitate ona | Kalitate ona | ||
| 10.1.2. Natura balioak dituzten barrunbe karstikoen kontserbazioa bermatzea | Natura balioak dituzten haitzuloetako ukipenak | Ezezagunak | Ez dago ukipenik | ||
| “Saguzarrak” funtsezko elementuaren adierazleak aplikatzekoak dira | |||||
| 10.2. Azaleko sare hidrologikoaren kontserbazioa bermatzea, halako moduz non ahalbidetuko baita hari lotutako biodibertsitatea kontserbatzea | Emari likidoen erregimena | Erregimen naturala | Erregimen naturala | ||
| 10.2.1. Ibilgu naturalen erregimena bermatzea lekuko azaleko sare hidrologikoan | Emari ekologikoen erregimena | Ezarri gabe | Emarien erregimena habitaten eta espezieen kontserbazioa bermatzeko modukoa da | ||
| 11. KONEKTAGARRITASUNA | 11.1. Konektagarritasun ekologikoa hobetzea eta habitaten etenak gutxitzea Sakanako korridorean | Habitatak etenak gutxitzeko eta konektagarritasun ekologikoa errazteko proiektu kopurua | 0 | Hariztietarako konektagarritasun ekologikoko proiektu bat Osmoderma eremitarako, Dendrocopos mediuserako eta Myotis bechsteiniirako / landazabaleko heskai naturalak ekologikoki lehengoratzeko proiektu bat / lurreko ornodunentzako pasabide goratu baten proiektua A-10 autobiarako | |
| “Ornogabe mehatxatuak”, “gailurretako uhandrea eta baso-igel jauzkaria”, “okil ertaina eta okil beltza” eta “saguzarra” funtsezko elementuen adierazleak aplikatzekoak dira | |||||
| 11.1.1. Espezie bereziki garrantzitsuen habitaten kontserbazio egoera zein den ebaluatzea, kalteturik izan badira Sakanako habitaten etenengatik eta kalitate galerarengatik | Habitaten etenek ukitutako espezieetarako konektore ekologikoen inbentarioa eta ezaugarritzea | Egin gabe | Egina | ||
| “Ornogabe mehatxatuak”, “gailurretako uhandrea eta baso-igel jauzkaria”, “okil ertaina eta okil beltza” eta “saguzarra” funtsezko elementuen adierazleak aplikatzekoak dira | |||||
| 11.1.2. Faunaren konektagarritasun baldintzak hobetzea Sakanako korridorean | Habitaten etenak murrizteko eta populazioak kontserbatzeko gauzatutako proiektu kopurua | 0 | Hariztietarako konektagarritasun ekologikoko proiektu bat Osmoderma eremitarako, Dendrocopos mediuserako eta Myotis bechsteiniirako eta landazabaleko heskai naturalak ekologikoki lehengoratzeko proiektu bat | ||
| “Ornogabe mehatxatuak”, “gailurretako uhandrea eta baso-igel jauzkaria”, “okil ertaina eta okil beltza” eta “saguzarra” funtsezko elementuen adierazleak aplikatzekoak dira | |||||
| 11.1.3. Sakanako komunikazio bideen (autobia, errepideak eta trenbidea) iragazkortasuna hobetzea | Bide-azpiegiturak lurreko faunarentzat iragazkor bihurtzeko proiektu idatzien kopurua | 0 | A-10 autobian lurreko ornodunentzako pasabide goratu bat egiteko proiektu bat idatzia | ||
| A.-ERABILERA PUBLIKOA | A.1. Erabilera publikoa eta lekuaren balio naturalen kontserbazioa bateratzea | Erabilera publikoaren ondorioz lekuko funtsezko elementuei eragindako ukipenak | Ezezagunak | Ez dago ukipenik | |
| A.1.1. Lekuan egiten diren erabilera publikoko erabilerak arautzea | Onura publikoko jarraibideak | Ez dago | Badira erabilera publikorako jarraibideak | ||
| Lekuko balioei buruzko zabalkunderako eta sentsibilizaziorako materiala | Ez dago | Zabalkunderako eta sentsibilizaziorako materiala egina |
XI.-Mugaketa-mapa eta barnean dauden entitateak.
XII.-Kontserbazioaren xede diren objektuen eta arauen, jarraibideen eta neurrien arteko egokitasuna.
Atal honetan taula moduan agertzen da nola egokitzen zaizkion elkarri lekuko kontserbazioaren xede diren elementuak, KBEa kudeatzeko funtsezko elementuen definizioak, Planaren azken helburuak, horien aplikaziotik espero diren emaitzak (helburu operatiboak) eta aurreikusitako jarduketak (neurriak).
Taulan agertzen diren siglek hau esan nahi dute:
Funts. E.: Funtsezko elementua.
Azk. Helb.: Azkeneko helburua.
Helb. op.: Helburu operatiboa.
Ar.: Araua.
Jar.: Jarraibidea.
Neur.: Neurria.
| HABITATAK ETA ESPEZIEAK | FUNTS. E. | AZK. HELB. | HELB. OP. | NEUR./AR./JAR. |
| 3260 Ibaiak, ordokiko estaitik estai menditarrerakoak, Ranunculion fluitantis eta Callitricho-Batrachion motako landaredia dutenak. | 6. Gailurretako uhandrea eta baso-igel jauzkariak | 6.1 | 6.1.3. | Neur.:3.9, Neur.:3.10, Jar.:3.4 |
| 4030 Txilardi lehor europarrak | 2. Larreak eta sastrakadiak | 2.1 | 2.1.1. | Neur.:2.1, Neur.:2.2, Neur.:2.3, Ar.:2.3, Jar.:2.1, Jar.:2.2, Jar.:2.3, Jar.:2.4, Jar.:2.5, Jar.:2.6, Jar.:2.7 |
| 4090 Txilardi oromediterraneoak eta endemikoak, otaberarekin. | 2. Larreak eta sastrakadiak | 2.1 | 2.1.1 | Neur.:2.1, Neur.:2.2, Neur.:2.3, Ar.:2.3, Jar.:2.1, Jar.:2.2, Jar.:2.3, Jar.:2.4, Jar.:2.5, Jar.:2.6, Jar.:2.7 |
| 5110 Buxus sempervirensen formazio egonkor xerotermofiloak aldapa harkaiztsuetan (Berberidion p.p.) | 3. Harkaiztiak | 3.1 | 3.1, 1, 3.1, 2 | Ar.:2.4, Ar.:2.7, Neur.:3.13 |
| 6110* Alysso-Sedion albiko belardi kareharrizko karstikoak edo basofiloak | 2. Larreak eta sastrakadiak | 2.1 | 2.1.1 | Neur.:2.1, Neur.:2.2, Neur.:2.3, Ar.:2.3, Jar.:2.1, Jar.:2.2, Jar.:2.3, Jar.:2.4, Jar.:2.5, Jar.:2.6, Jar.:2.7 |
| 6170 Kareharrizko belardi alpetar eta subalpetarrak | 3. Harkaiztiak | 3.1 | 3.1, 1, 3.1, 3 | Ar.:2.4, Ar.:2.7, Neur.:4.1 |
| 6210 Belardi lehor erdinaturalak eta sastraka-fazieak, kareharrizko substratuen gainean (Festuco-Brometalia) | 2. Larreak eta sastrakadiak | 2.1 | 2.1.1 | Neur.:2.1, Neur.:2.2, Neur.:2.3, Ar.:2.3, Jar.:2.1, Jar.:2.2, Jar.:2.3, Jar.:2.4, Jar.:2.5, Jar.:2.6, Jar.:2.7 |
| 6230* Formazio belartsuak, Nardusa dutenak, hainbat espezierekin, toki menditsuetako (eta Europa kontinentaleko toki azpimenditsuetako) substratu silizioen gainean | 2. Larreak eta sastrakadiak | 2.1 | 2.1.1 | Neur.:2.1, Neur.:2.2, Neur.:2.3, Ar.:2.3, Jar.:2.1, Jar.:2.2, Jar.:2.3, Jar.:2.4, Jar.:2.5, Jar.:2.6, Jar.:2.7 |
| 6430 Ordokietako bazterretako eta estai menditarretik estai alpetarretarako megaforbio eutrofo higrofiloak | 3. Harkaiztiak | 3.1 | 3.1.1, 3.1.3 | Ar.:2.4, Ar.:2.7, Neur.:4.1 |
| 6410 Moliniak dituzten belardiak kareharrizko substratuen, zohikatzezko substratuen edo substratu buztin-lohitsuen gainean (Molinion caeruleae). | 6. Gailurretako uhandrea eta baso-igel jauzkariak | 6.1 | 6.1.3 | Neur.:3.9, Neur.:3.10, Jar.:3.4 |
| 7140 Trantsizioko “mire”ak | 6. Gailurretako uhandrea eta baso-igel jauzkariak | 6.1 | 6.1.3 | Neur.:3.9, Neur.:3.10, Jar.:3.4 |
| 7220 Iturburu petrifikanteak, tufa formazioekin (Cratoneurion) | 1. Baso autoktonoak | 1.1, 1.3 | 1.1.2, 1.3.4 | Neur.:1.4, Neur.:1.5, Ar.:2.2 |
| 8130 Mendebaldeko Iuizi mediterraneo eta termofiloak | 3. Harkaiztiak | 3.1 | 3.1.1, 3.1.3 | Ar.:2.4, Ar.:2.7, Neur.:4.1 |
| 8210 Landaredi kasmofitikodun malda harkaiztsu kaltzikolak | 3. Harkaiztiak | 3.1 | 3.1.1, 3.1.3 | Ar.:2.4, Ar.:2.7, Neur.:4.1 |
| 8310 Turismoak ustiatu gabeko haitzuloak | 10. Sistema karstikoa eta ibaiak eta errekastoak | 10.1 | 10.1.1, 10.1.2 | Jar.:4.1, Neur.:3.24 |
| 9120 Pagadi azidofilo atlantikoak, Ilexeko eta, batzuetan, Taxuseko (Quercion robori-petraeae ou Ilici-Fagenion) oihanpea dutenak. | 1. Baso autoktonoak | 1.1, 1,3 | 1.1.1, 1.1.2, 1.1.3, 1.3.1, 1.3.4 | Neur.:1.1, Neur.:1.2, Neur.:1.3, Jar.:1.1, Jar.:1.2, Jar.:1.3, Jar.:1.5, Jar.:1.4, Neur.:1.4, Neur.:1.5, Neur.:1.12, Neur.:1.13, Neur.:1.14, Jar.:1.8, Ar.:2.2 |
| 9160 Haritz kanduduneko edo kandugabeko harizti azpiatlantikoak eta Carpinion betuliko erteuroparrak | 1. Baso autoktonoak | 1.2, 1.3 | 1.2.1, 1.2.2, 1.3.1, 1.3.4 | Neur.:1.6, Neur.:1.7, Neur.:1.8, Neur.:1.9, Neur.:1.10, Neur.:1.11, Neur.:1.12, Neur.:1.13, Neur.:1.14, Jar.:1.8, Ar.:2.2 |
| 91E0 Alnus glutinosako eta Fraxinus excelsioreko baso alubialak (Alno-Padion, Alnion incanae, Salicion albae) | 1. Baso autoktonoak | 1.3 | 1.3.3 | Ar.:2.1, Jar.:1.10 |
| 9230 Quercus robur eta Quercus pyrenaica dauzkaten harizti galego-portugesak | 1. Baso autoktonoak | 1.2, 1.3 | 1.2.1, 1.2.2, 1.3.1, 1.3.4 | Neur.:1.6, Neur.:1.7, Neur.:1.8, Neur.:1.9, Neur.:1.10, Neur.:1.11, Neur.:1.12, Neur.:1.13, Neur.:1.14, Jar.:1.8, Ar.:2.2 |
| 9260 Castanea sativako basoak | 1. Baso autoktonoak | 1.3 | 1.3.2 | Neur.:1.15, Jar.:1.9 |
| 9580* Taxus baccatako baso mediterraneoak | 1. Baso autoktonoak | 1.1 | 1.1.1 | Neur.:1.1, Neur.:1.2, Neur.:1.3, Jar.:1.1, Jar.:1.2, Jar.:1.3, Jar.:1.5, Jar.:1.4 |
| Aconitum variegatum subsp. pyrenaicum | 4. Mehatxupeko flora interesgarria | 4.1 | 4.1.1 | Neur.:4.2, Ar.:2.5 |
| Alcedo atthis | 1. Baso autoktonoak | 1.3 | 1.3.3 | Ar.:2.1, Jar.:1.10 |
| Alytes obstetricans | 1. Baso autoktonoak | 1.1 | 1.1.2 | Neur.:1.5 |
| 6. Gailurretako uhandrea eta baso-igel jauzkariak | 6.1 | 6.1.1, 6.1.2, 6.1.3 | Neur.:3.6, Neur.:3.5, Neur.:3.8, Neur.:3.7, Ar.:2.8, Jar.:3.2, Jar.:3.3, Neur.:3.9, Neur.:3.10, Jar.:3.4 | |
| Anemone pavoniana | 4. Mehatxupeko flora interesgarria | 4.1 | 4.1.1 | Neur.:4.2, Ar.:2.5 |
| Aquila chrysaetos | 3. Harkaiztiak | 3.1 | 3.1.1, 3.1.2 | Ar.:2.4, Ar.:2.7, Neur.:3.13 |
| 7. Ugatza | 7.1 | 7.1.3 | Neur.:3.19, Neur.:3.20, Jar.:3.6 | |
| Barbastella barbastellus | 1. Baso autoktonoak | 1,3 | 1.3.1, 1.3.2, 1.3.4 | Neur.:1.12, Neur.:1.13, Neur.:1.14, Jar.:1.8, Neur.:1.15, Jar.:1.9, Ar.:2.2 |
| 9. Saguzarrak | 9.1 | 9.1.1 | Neur.:3.21 | |
| Caprimulgus europaeus | 1. Baso autoktonoak | 1.1 | 1.1, 1, 1.1, 2 | Neur.:1.1, Neur.:1.2, Neur.:1.3, Jar.:1.1, Jar.:1.2, Jar.:1.3, Jar.:1.5, Jar.:1.4, Neur.:1.4 |
| Carex caudata | 4. Mehatxupeko flora interesgarria | 4.1 | 4.1.1 | Neur.:4.2, Ar.:2.5 |
| Circaetus gallicus | 1. Baso autoktonoak | 1.2 | 1.2.1 | Neur.:1.6, Neur.:1.7, Neur.:1.8, Neur.:1.9 |
| Circus cyaneus | 2. Larreak eta sastrakadiak | 2.1 | 2.1, 1, 2.1, 2 | Neur.:2.1, Neur.:2.2, Neur.:2.3, Ar.:2.3, Jar.:2.1, Jar.:2.2, Jar.:2.3, Jar.:2.4, Jar.:2.5, Jar.:2.6, Jar.:2.7, Neur.:3.18 |
| Coluber viridiflavus | 1. Baso autoktonoak | 1.1 | 1.1, 1, 1.1, 2 | Neur.:1.1, Neur.:1.2, Neur.:1.3, Jar.:1.1, Jar.:1.2, Jar.:1.3, Jar.:1.5, Jar.:1.4, Neur.:1.4, Neur.:1.5 |
| 11. Konektagarritasuna | 11,1 | 11.1.2, 11.1.3 | Neur.:3.26, Neur.:3.27, Neur.:3.28 | |
| Dendrocopos medius | 1. Baso autoktonoak | 1.2, 1.3 | 1.2.1, 1.2.2, 1.3.1, 1.3.2. | Neur.:1.6, Neur.:1.7, Neur.:1.8, Neur.:1.9, Neur.:1.10, Neur.:1.11, Neur.:1.12, Neur.:1.13, Neur.:1.14, Jar.:1.8, Neur.:1.15, Jar.:1.9 |
| 8. Okil ertaina eta okil beltza | 8.1 | 8.1.1, 8.1.2 | Neur.:3.17, Neur.:3.16, Jar.:3.7 | |
| 11. Konektagarritasuna | 11.1 | 11.1, 1, 11.1, 2 | Neur.:3.25, Neur.:3.26, Neur.:3.27 | |
| Draba dedeana | 4. Mehatxupeko flora interesgarria | 4.1 | 4.1.1 | Neur.:4.2, Ar.:2.5 |
| Dryocopus martius | 1. Baso autoktonoak | 1.1 | 1.1.3 | Jar.:1.6, Jar.:1.7 |
| 8. Okil ertaina eta okil beltza | 8.1 | 8.1.1, 8.1.2 | Neur.:3.17, Jar.:3.7 | |
| Elaphe longissima | 1. Baso autoktonoak | 1.1 | 1.1.1, 1.1.2 | Neur.:1.1, Neur.:1.2, Neur.:1.3, Jar.:1.1, Jar.:1.2, Jar.:1.3, Jar.:1.5, Jar.:1.4, Neur.:1.4, Neur.:1.5 |
| 11. Konektagarritasuna | 11,1 | 11.1.2, 11.1.3 | Neur.:3.26, Neur.:3.27, Neur.:3.28 | |
| Elona quimperiana | 1. Baso autoktonoak | 1.1, 1.4 | 1.1.3, 1.4.1 | Jar.:1.6, Jar.:1.7, Neur.:3.15 |
| Emberiza hortulana | 2. Larreak eta sastrakadiak | 2.1 | 2.1.1, 2.1.2 | Neur.:2.1, Neur.:2.2, Neur.:2.3, Ar.:2.3, Jar.:2.1, Jar.:2.2, Jar.:2.3, Jar.:2.4, Jar.:2.5, Jar.:2.7, Jar.:2.6, Neur.:3.18 |
| Euphydryas aurinia | 1. Baso autoktonoak | 1.1 | 1.1.1, 1.1.2 | Neur.:1.1, Neur.:1.2, Neur.:1.3, Jar.:1.1, Jar.:1.2, Jar.:1.3, Jar.:1.5, Jar.:1.4, Neur.:1.4, Neur.:1.5 |
| 5. Mehatxupeko ornogabeak | 5.1 | 5.1.1 | Neur.:3.1 | |
| Falco peregrinus | 3. Harkaiztiak | 3.1 | 3.1.1, 3.1.2 | Ar.:2.4, Ar.:2.7, Neur.:3.13 |
| 7. Ugatza | 7.1 | 7.1.3 | Neur.:3.19, Neur.:3.20, Jar.:3.6 | |
| Gypaetus barbatus | 2. Larreak eta sastrakadiak | 2.1 | 2.1.1 | Neur.:2.1, Neur.:2.2, Neur.:2.3, Ar.:2.3, Jar.:2.1, Jar.:2.2, Jar.:2.3, Jar.:2.4, Jar.:2.5, Jar.:2.7, Jar.:2.6 |
| 3. Harkaiztiak | 3.1 | 3.1.1 | N.2.4, N.2.7 | |
| 7. Ugatza | 7.1 | 7.1.1, 7.1.2, 7.1.3 | Neur.:3.11, Neur.:3.12, Jar.:3.5, Neur.:3.19, Neur.:3.20, Jar.:3.6 | |
| Gyps fulvus | 2. Larreak eta sastrakadiak | 2.1 | 2.1.1 | Neur.:2.1, Neur.:2.2, Neur.:2.3, Ar.:2.3, Jar.:2.1, Jar.:2.2, Jar.:2.3, Jar.:2.4, Jar.:2.5, Jar.:2.7, Jar.:2.6 |
| 3. Harkaiztiak | 3.1 | 3.1, 1, 3.1, 2 | Ar.:2.4, Ar.:2.7, Neur.:3.13, Neur.:3.14 | |
| 7. Ugatza | 7.1 | 7.1.3 | Neur.:3.19, Neur.:3.20, Jar.:3.6 | |
| Hieraaetus pennatus | 1. Baso autoktonoak | 1.2 | 1.2.1 | Neur.:1.6, Neur.:1.7, Neur.:1.8, Neur.:1.9 |
| Huperzia selago | 4. Mehatxupeko flora interesgarria | 4.1 | 4.1.1 | Neur.:4.2, Ar.:2.5 |
| Hyla arborea | 1. Baso autoktonoak | 1.1 | 1.1.2 | Neur.:1.5 |
| 6. Gailurretako uhandrea eta baso-igel jauzkariak | 6.1 | 6.1.1, 6.1.2, 6.1.3 | Neur.:3.6, Neur.:3.5, Neur.:3.8, Neur.:3.7, Ar.:2.8, Jar.:3.2, Jar.:3.3, Neur.:3.9, Neur.:3.10, Jar.:3.4 | |
| Lanius collurio | 2. Larreak eta sastrakadiak | 2.1 | 2.1.1, 2.1.2 | Neur.:2.1, Neur.:2.2, Neur.:2.3, Ar.:2.3, Jar.:2.1, Jar.:2.2, Jar.:2.3, Jar.:2.4, Jar.:2.5, Jar.:2.7, Jar.:2.6, Neur.:3.18 |
| Lathyrus vivantii | 4. Mehatxupeko flora interesgarria | 4.1 | 4.1.1 | Neur.:4.2, Ar.:2.5 |
| Lucanus cervus | 1. Baso autoktonoak | 1.2, 1.3 | 1.2.1, 1.2.2, 1.3.1, 1.3.2. | Neur.:1.6, Neur.:1.7, Neur.:1.8, Neur.:1.9, Neur.:1.10, Neur.:1.11, Neur.:1.12, Neur.:1.13, Neur.:1.14, Jar.:1.8, Neur.:1.15, Jar.:1.9 |
| 5. Mehatxupeko ornogabeak | 5.1 | 5.1.1 | Neur.:3.1 | |
| Lullula arborea | 2. Larreak eta sastrakadiak | 2.1 | 2.1.1, 2.1.2 | Neur.:2.1, Neur.:2.2, Neur.:2.3, Ar.:2.3, Jar.:2.1, Jar.:2.2, Jar.:2.3, Jar.:2.4, Jar.:2.5, Jar.:2.7, Jar.:2.6, Neur.:3.18 |
| Menyanthes trifoliata | 4. Mehatxupeko flora interesgarria | 4.1 | 4.1.1 | Neur.:4.2, Ar.:2.5 |
| Milvus migrans | 1. Baso autoktonoak | 1.2 | 1.2.1 | Neur.:1.6, Neur.:1.7, Neur.:1.8, Neur.:1.9 |
| 7. Ugatza | 7.1 | 7.1.3 | Neur.:3.19, Neur.:3.20, Jar.:3.6 | |
| Milvus milvus | 1. Baso autoktonoak | 1.2, 1.4 | 1.2.1, 1.4.1 | Neur.:1.6, Neur.:1.7, Neur.:1.8, Neur.:1.9, Neur.:3.15 |
| 7. Ugatza | 7.1 | 7.1.3 | Neur.:3.19, Neur.:3.20, Jar.:3.6 | |
| Myotis bechsteinii | 1. Baso autoktonoak | 1,3 | 1.3.1, 1.3.2, 1.3.4 | Neur.:1.12, Neur.:1.13, Neur.:1.14, Jar.:1.8, Neur.:1.15, Jar.:1.9, Ar.:2.2 |
| 9. Saguzarrak | 9.1 | 9.1.1 | Neur.:3.21, Neur.:3.22 | |
| 11. Konektagarritasuna | 11.1 | 11.1.1, 11.1.2 | Neur.:3.25, Neur.:3.26, Neur.:3.27 | |
| Myotis emarginatus | 9. Saguzarrak | 9.1 | 9.1.1, 9.1.2 | Neur.:3.21, Neur.:3.22, Neur.:3.23, Ar.:2.9, Jar.:3.8, Jar.:3.9 |
| 10. Sistema karstikoa eta ibaiak eta errekastoak | 10.1 | 10.1.2 | Neur.:3.24 | |
| Myotis myotis | 9. Saguzarrak | 9.1 | 9.1.1, 9.1.2 | Neur.:3.21, Neur.:3.22, Neur.:3.23, Ar.:2.9, Jar.:3.8, Jar.:3.9 |
| 10. Sistema karstikoa eta ibaiak eta errekastoak | 10.1 | 10.1.2 | Neur.:3.24 | |
| Narcissus asturiensis subsp. jacetanus | 4. Mehatxupeko flora interesgarria | 4.1 | 4.1.1 | Neur.:4.2, Ar.:2.5 |
| Narcissus gr. pseudonarcisus | 4. Mehatxupeko flora interesgarria | 4.1 | 4.1.1 | Neur.:4.2, Ar.:2.5 |
| Neophron percnopterus | 2. Larreak eta sastrakadiak | 2.1 | 2.1.1 | Neur.:2.1, Neur.:2.2, Neur.:2.3, Ar.:2.3, Jar.:2.1, Jar.:2.2, Jar.:2.3, Jar.:2.4, Jar.:2.5, Jar.:2.7, Jar.:2.6 |
| 3. Harkaiztiak | 3.1 | 3.1.1, 3.1.2 | Ar.:2.4, Ar.:2.7, Neur.:3.13 | |
| 7. Ugatza | 7.1 | 7.1.3 | Neur.:3.19, Neur.:3.20, Jar.:3.6 | |
| Nigritella gabasiana | 4. Mehatxupeko flora interesgarria | 4.1 | 4.1.1 | Neur.:4.2, Ar.:2.5 |
| Osmoderma eremita | 1. Baso autoktonoak | 1.2, 1.3 | 1.2.1, 1.2.2, 1.3.1, 1.3.2. | Neur.:1.6, Neur.:1.7, Neur.:1.8, Neur.:1.9, Neur.:1.10, Neur.:1.11, Neur.:1.12, Neur.:1.13, Neur.:1.14, Jar.:1.8, Neur.:1.15, Jar.:1.9 |
| 5. Mehatxupeko ornogabeak | 5.1 | 5.1.1 | Neur.:3.1 | |
| 11. Konektagarritasuna | 11.1 | 11.1.1, 11.1.2. | Neur.:3.25, Neur.:3.26, Neur.:3.27 | |
| Parachondrostoma miegii | 10. Sistema karstikoa eta ibaiak eta errekastoak | 10.2 | 10.2.1 | Ar.:2.10, Ar.:2.11, Ar.:2.12 |
| Pernis apivorus | 1. Baso autoktonoak | 1.2 | 1.2.1 | Neur.:1.6, Neur.:1.7, Neur.:1.8, Neur.:1.9 |
| Pyrrhocorax pyrrhocorax | 3. Harkaiztiak | 3.1 | 3.1.1 | Ar.:2.4, Ar.:2.7 |
| 10. Sistema karstikoa eta ibaiak eta errekastoak | 10.1 | 10.1.2 | Neur.:3.24 | |
| Rana dalmatina | 6. Gailurretako uhandrea eta baso-igel jauzkariak | 6.1 | 6.1.1, 6.1.2, 6.1.3 | Neur.:3.6, Neur.:3.5, Neur.:3.8, Neur.:3.7, Ar.:2.8, Jar.:3.2, Jar.:3.3, Neur.:3.9, Neur.:3.10, Jar.:3.4 |
| 11. Konektagarritasuna | 11.1 | 11.1.1, 11.1.2, 11.1.3 | Neur.:3.25, Neur.:3.26, Neur.:3.27, Neur.:3.28 | |
| Rhinolophus ferrumequinum | 9. Saguzarrak | 9.1 | 9.1.1, 9.1.2 | Neur.:3.21, Neur.:3.22, Neur.:3.23, Ar.:2.9, Jar.:3.8, Jar.:3.9 |
| 10. Sistema karstikoa eta ibaiak eta errekastoak | 10.1 | 10.1.2 | Neur.:3.24 | |
| Rosalia alpina | 1. Baso autoktonoak | 1.1 | 1.1.3 | Jar.:1.6, Jar.:1.7 |
| 5. Mehatxupeko ornogabeak | 5.1 | 5.1.1, 5.1.2 | Neur.:3.1, Jar.:3.1 | |
| Scolopax rusticola | 1. Baso autoktonoak | 1.1 | 1.1.1, 1.1.2 | Neur.:1.1, Neur.:1.2, Neur.:1.3, Jar.:1.1, Jar.:1.2, Jar.:1.3, Jar.:1.5, Jar.:1.4, Neur.:1.4 |
| Sylvia undata | 2. Larreak eta sastrakadiak | 2.1 | 2.1.1, 2.1.2 | Neur.:2.1, Neur.:2.2, Neur.:2.3, Ar.:2.3, Jar.:2.1, Jar.:2.2, Jar.:2.3, Jar.:2.4, Jar.:2.5, Jar.:2.6, Jar.:2.7, Neur.:3.18 |
| Triturus alpestris | 1. Baso autoktonoak | 1.1 | 1.1.2 | M.1.5 |
| 6. Gailurretako uhandrea eta baso-igel jauzkariak | 6.1 | 6.1.1, 6.1.2, 6.1.3 | Neur.:3.6, Neur.:3.5, Neur.:3.4, Neur.:3.8, Neur.:3.7, Ar.:2.8, Jar.:3.2, Jar.:3.3, Neur.:3.9, Neur.:3.10, Jar.:3.4 | |
| Triturus marmoratus | 1. Baso autoktonoak | 1.1 | 1.1.2 | Neur.:1.5 |
| 6. Gailurretako uhandrea eta baso-igel jauzkariak | 6.1 | 6.1.1, 6.1.2, 6.1.3 | Neur.:3.6, Neur.:3.5, Neur.:3.4, Neur.:3.8, Neur.:3.7, Ar.:2.8, Jar.:3.2, Jar.:3.3, Neur.:3.9, Neur.:3.10, Jar.:3.4 | |
| F1417717 | ||||
Iragarkiaren kodea: F1417717
