LEXNAVARRA
75/2014 FORU DEKRETUA, ABUZTUAREN 27KOA, NAFARROAKO FORU KOMUNITATEAN BULEGOKO INFORMATIKAKO OINARRIZKO LANBIDE TITULUAREN EGITURA ETA CURRICULUMA EZARTZEN DITUENA
BON N.ş 242 - 12/12/2014
- Zioen azalpena
- 1. artikulua. Xedea.
- 2. artikulua. Identifikazioa.
- 3. artikulua. Lanbide erreferentea eta lanbide jarduera.
- 4. artikulua. Curriculuma.
- 5. artikulua. Euskararen tratamendua.
- 6. artikulua. Heziketa zikloan sartzeko bideak.
- 7. artikulua. Ziklotik beste ikasketa batzuetara pasatzea.
- 8. artikulua. Baliozkotzeak eta salbuespenak.
- 9. artikulua. Lanbide moduluen eta gaitasun unitateen arteko lotura.
- 10. artikulua. Irakasleak.
- 11. artikulua. Irakaslekuak eta ekipamenduak.
- xedapen indargabetzaile bakarra.Arauak indargabetzea.
- Azken Xedapenetan Lehena. Ezarpena.
- Azken Xedapenetan Bigarrena.Indarra hartzea.
1. ERANSKINA. LANBIDE ERREFERENTEA
2. ERANSKINA. CURRICULUMA
5. ERANSKINA. IRAKASLEKUAK ETA EKIPAMENDUAK
1
Kualifikazioei eta Lanbide Heziketari buruzko ekainaren 19ko 5/2002 Lege Organikoak Kualifikazioen Katalogo Nazionalaren definizioan aurrera egitea ahalbidetu du. Lanbide sektore edo arlo bakoitzerako kualifikazio batzuk zehaztu dira katalogoan, hiru mailatan antolatuak, eta horiexek osatzen dute lanbide heziketako tituluen curriculumaren muina.
Hezkuntzaren Kalitatea Hobetzeari buruzko abenduaren 9ko 8/2013 Lege Organikoak adierazten du helburu estrategikoetako bat dela lanbide ikaskuntzaren aukera indartzea norberaren garapen nahiarekin bat datorren aukera gisa, eta, gainera, sistemako gainerako ikasketei begira irekia izatea; horretarako, beste ekimen batzuen artean, oinarrizko lanbide titulu berria sortu da, horretatik erdi mailako lanbide heziketara pasatzeko bidea emanez.
Ekonomia Jasangarriari buruzko martxoaren 4ko 2/2011 Legeak adierazten du beharrezkoa dela hezkuntza administrazioak behar diren ekimenak abiaraztea, lanbide heziketaren eskaintza gizartearen premien arabera eta kasuko lurralde esparruko ekonomia premien arabera egokitzeko. Bestalde, helburu hauek ezartzen ditu: lanbide heziketaren eta hezkuntza sistemako gainerako ikasketen arteko mugigarritasuna arautu eta bideratzea, eta ikasketak goizegi utzi dituzten gazteei berriz ere hezkuntza sisteman sartzen laguntzeko neurriak hartzea.
Foru dekretu honen bidez, Bulegoko Informatikako oinarrizko lanbide tituluaren egitura eta curriculuma ezartzen dira. Lanbide Heziketako irakaskuntza tituluen katalogoko Oinarrizko Lanbide Heziketako zazpi titulu ezarri zituen maiatzaren 16ko 356/2014 Errege Dekretuaren VII. eranskina garatzen du curriculum honek, Nafarroako Foru Komunitateak arlo horretan dituen eskumenak erabiliz, zein Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 47. artikuluan aitortzen baita.
Bulegoko Informatikako oinarrizko lanbide tituluaren curriculuma Nafarroako Foru Komunitaterako egokitu eta garatzean kontuan hartu dira otsailaren 28ko 127/2014 Foru Dekretuaren II. kapituluan diseinuari buruz ezarritako jarraibideak.
2
Arau honetan ondoko elementuak jorratzen dira, titulu honen curriculuma osatzen baitute: lanbide erreferentea, curriculuma, ikasketen antolaketa eta sekuentziazioa, sarbideak eta ezarpenerako baldintzak.
Titulu honen lanbide erreferenteak, arau honen 3. artikuluan aurkeztu eta 1. eranskinean garatzen denak, oinarrizko bi alderdi ditu: tituludunaren lanbide profila eta haren lan jarduerari lotutako produkzio sistemaren ingurunea. Lanbide profilaren barrenean, haren gaitasun orokorra zein den definitzen da eta erreferentzia gisa hartu diren lanbide kualifikazioak azaltzen dira. Lanbide kualifikazio horiek, alegia, Sistema mikroinformatikoak muntatu eta mantentzeko laguntza lanak (abenduaren 14ko 1701/2007 Errege Dekretua) eta Datu eta dokumentuen grabazio eta tratamendu lanak (kualifikazio ez-osoa; otsailaren 1eko 107/2008 Errege Dekretua), hainbat gaitasunek definitzen duten lanbide jarduketarako gune batean biltzen dira. Orobat, gehitu diren euskarri moduluekin batera, badute zabaltasun nahikoa eta behar adinako espezializazioa teknikari horrek lana lortu ahalko duela bermatzeko.
Produkzio sistemari dagokionez, tituludun honek lan egin dezakeen lanbide inguruneari buruzko ohar batzuk ezarri dira, bai eta tituluarekin zerikusia duten sektoreen edo sektorearen prospektiba ere.
3
Laugarren artikulua, lotua duen 2. eranskinarekin batera, Nafarroan arautzen den titulazioaren curriculum osagaiari buruzkoa da eta bi zatitan banaturik dago. Alde batetik, titulu honen helburuak daude eta, bestetik, lanbidearen ikaskuntzaren muina osatzen duten lanbide moduluen garapena eta iraupena.
5. artikuluak Euskararen curriculum tratamendua jasotzen du berariaz, dagokion hizkuntza ereduaren arabera.
Curriculumaren diseinuan, ikaskuntza sistema problemak ebaztearen bidez indartu beharra azpimarratu da. Metodologia honen helburua da ikasleek zabalago lortzea beren garapen pertsonal eta profesionalerako garrantzi handikoak diren zenbait balio eta gaitasun; horretarako, proiektuen kudeaketa erabiltzen da, horrek ikaskuntzarako benetako ingurune bat ematen baitu, gaitasunak errazago berengana ditzaten.
Halaber, zikloko bi ikasturteetan ikasleen tutoretzarako eremuak sortu dira. Tutoreen lanak, ikasle bakoitzaren prestakuntza prozesuaz orientatzeaz gain, gaitasun pertsonalak, pertsonen artekoak eta sozialak eskuratzen lagunduko du. Eremu horretan lanbide orientazioari buruzko alderdiek ere tokia izan behar dute, eta ikasleek beren hezkuntza eta lanbide etorkizuna programatu eta kudeatu ahal izateko abilezia eta trebetasunak bultzatu behar ditu.
Metodologia hauen aplikazioa ahal den neurrian errazteko eta, betiere, curriculumak ikaskuntzaren testuinguru jakin batzuetara egokitu ahal izateko, kontuan izan behar da arau honen esparruan lanbide moduluen erreferentziazko sekuentziazioa arautzen dela zikloko bi ikasturteetan. Hortaz, foru dekretu honetan ezarritako curriculuma ematen duten ikastetxeek erreferentziazko sekuentziazio horretan aldaketa zehatzak aplikatzeko eskaera egiten ahalko dute eta, horretarako, bidezkoak diren arrazoiak eman beharko dituzte. Horri buruz ezartzen den arauaren mende egonen da aldaketa horien onespena.
4
Sarbideei dagokienez, 6. artikuluak Derrigorrezko Bigarren Hezkuntzatik heziketa ziklo honetara sartzeko bideak arautzen ditu, 7. artikuluak zehazten du nola pasa daitekeen beste ikasketa batzuetara Bulegoko Informatikako oinarrizko lanbide titulua lortu ondoren, 8. artikuluak baliozkotzeak eta salbuespenak arautzeko esparrua zehazten du, eta 9. artikuluak (3. eranskinean garaturik) lanbide moduluen eta titulu honetako kualifikazioetako gaitasun unitateen arteko loturak ezartzen ditu, haiek egiaztatu, baliozkotu edo salbuesteko.
5
Azkenik, foru dekretu honek arautzen duen azken elementua 10. eta 11. artikuluetan eta dagozkien 4. eta 5. eranskinetan deskribatzen da, heziketa ziklo hau ezartzeko baldintzez ari baitira horiek guztiak. Baldintza horiek irakasleen profilari eta behar diren esparru eta ekipamenduen ezaugarriei buruzkoak dira.
Horrenbestez, Hezkuntzako kontseilariak proposaturik, eta Nafarroako Gobernuak 2014ko abuztuaren 27ko bilkuran harturiko erabakiarekin bat,
DEKRETATU DUT:
Foru dekretu honen xedea da Bulegoko Informatikako oinarrizko lanbide tituluaren egitura eta curriculum ofiziala ezartzea Nafarroako Foru Komunitatean. Titulu hori Informatika eta Komunikazioak lanbide arlokoa da.
2. artikulua . Identifikazioa.
Bulegoko Informatikako oinarrizko lanbide titulua ondoko elementuen bidez identifikatzen da:
a) Izena: Bulegoko Informatikako oinarrizko lanbidea.
b) Maila: 1-Oinarrizko Lanbide Heziketa.
c) Iraupena: 2.000 ordu.
d) Lanbide arloa: Informatika eta Komunikazioak.
e) Europako erreferentea: HNSN-3.5.3 (Hezkuntzaren Nazioarteko Sailkapen Normalizatua).
3. artikulua . Lanbide erreferentea eta lanbide jarduera.
Tituluaren lanbide profila, gaitasun orokorra, kualifikazioak eta gaitasun unitateak, lanbide gaitasunak, gaitasun pertsonalak eta sozialak eta etengabeko ikaskuntzarako gaitasunak, baita produkzio sistemari buruzko erreferentzia eta prospektiba ere, foru dekretu honen 1. eranskinean zehaztuta daude.
1. Heziketa ziklo honen helburu orokorrak eta hori osatzen duten lanbide moduluak foru dekretu honen 2. eranskinean ageri dira.
2. Heziketa ziklo honen helburu orokorrak 2 A) eranskinean definitzen dira, eta lanbide moduluak, berriz, foru dekretu honen 2 B) eranskinean garatzen dira, Lanbide Heziketako irakaskuntza tituluen katalogoko Oinarrizko Lanbide Heziketako zazpi titulu ezarri zituen maiatzaren 16ko 356/2014 Errege Dekretuaren VII. eranskineko 3.2. atalean ezarritakoarekin bat etorriz.
3. Lanbide modulu horiek bi ikasturtetan antolatuko dira, foru dekretu honen 2 B) eranskinean ezarritako denbora banaketaren arabera. Denbora banaketa horrek erreferentziazko balioa izanen du heziketa ziklo hau ematen duten ikastetxe guztientzat, eta Hezkuntza Departamentuaren baimena beharko da hartan edozein aldaketa egiteko.
4. Komunikazioa eta gizartea I eta Komunikazioa eta gizartea II moduluek komunikazioaren eta gizarte zientzien multzoko gaitasunak garatzen dituzte, eta horietan irakasgai hauek sartzen dira: Gaztelania, Atzerriko Hizkuntza, Gizarte Zientziak eta, hala dagokionean, Euskara.
5. Heziketa ziklo hau ematen duten lanbide heziketako ikastetxeek programazio didaktiko bat prestatuko dute zikloko lanbide modulu bakoitzerako. Programazio hori lan unitateen bitartez garatu eta zehaztuko da.
5. artikulua . Euskararen tratamendua.
1. Euskara irakaskuntzako lehen hizkuntza denean (1H), ikaskuntzaren emaitzak, ebaluazio irizpideak eta erreferentziazko edukiak Komunikazioa eta gizartea I eta II moduluetan Gaztelaniari buruz ezarritako ataletan jasotzen direnak izanen dira, Euskarari buruzko salbuespenekin, euskararen kodea eta euskalkiak ezagutzeari dagokionez.
2. Euskara irakaskuntzako bigarren hizkuntza denean (2H) modulu hauen barnean, ikaskuntzaren emaitzak, ebaluazio irizpideak eta erreferentziazko edukiak Komunikazioa eta gizartea I eta II moduluetan Ingelesari buruz ezarritako ataletan jasotzen direnak izanen dira, Euskarari buruzko salbuespenekin, euskararen kodea eta berariazko kultur edukiak ezagutzeari dagokionez.
3. Komunikazioa eta gizartea I eta II moduluen garapenean ezartzen denaren ondorioetarako, kasu guztietan interpretatu behar da lehen hizkuntza (1H) irakaskuntza prozesua garatzeko erabiltzen dena dela eta ez, nahitaez, ikasleen ama hizkuntza.
6. artikulua . Heziketa zikloan sartzeko bideak.
Foru dekretu honek arautzen duen heziketa zikloan sartzeko, otsailaren 28ko 127/2014 Errege Dekretuaren 15. artikuluan ezarritako baldintzak bete behar dira.
7. artikulua . Ziklotik beste ikasketa batzuetara pasatzea.
Bulegoko Informatikako oinarrizko lanbide tituluak zuzeneko sarbidea ematen du erdi mailako beste edozein heziketa ziklotarako, betiere onarpenerako ezartzen diren baldintzetan. Gainera, titulu honek lehentasuna izanen du honako lanbide arlo hauetako erdi mailako titulu guztietan onartzeko:
-Bulegoko Informatika.
-Administrazioa eta Kudeaketa.
-Merkataritza eta Marketina.
8. artikulua . Baliozkotzeak eta salbuespenak.
Baliozkotzeei eta salbuespenei dagokienez, otsailaren 28ko 127/2014 Errege Dekretuaren 19. artikuluan xedatutakoari jarraituko zaio.
9. artikulua . Lanbide moduluen eta gaitasun unitateen arteko lotura.
Kualifikazioei eta Lanbide Heziketari buruzko ekainaren 19ko 5/2002 Lege Organikoaren 8. artikuluan ezarritakoaren arabera egiaztaturiko gaitasun unitateen eta Bulegoko Informatikako oinarrizko lanbide titulurako ikasketak osatzen dituzten lanbide moduluen arteko loturak, haiek baliozkotzeko edo salbuesteko erabiliko direnak, foru dekretu honen 3. eranskinean ageri dira.
1. Multzo komunei lotutako moduluak honako hauek emanen dituzte:
a) Titulartasun publikoko ikastetxeetan, espezialitateren bateko Bigarren Hezkuntzako Katedradun eta Irakasleen Kidegoetako funtzionarioek, dagokien multzo komuneko irakasgaietako edozein emateko gaituta badaude.
b) Titulartasun pribatuko ikastetxeetan edo hezkuntzakoaz bestelako administrazioetako titulartasun publikokoetan, irakaskuntza hauek emateko baimenduta badaude, dagokien multzo komuneko irakasgaietakoren bat emateko indarra duen araudian ezarritako titulazioa eta baldintzak dituzten irakasleek.
2. Gainerako lanbide moduluetarako, kasuan kasuko lanbide moduluak emateko gaituta dauden sektore publikoko irakasleen espezialitateak 4 A) eranskinean azaltzen dira.
3. Titulu hau osatzen duten lanbide moduluak irakasteko, titulartasun pribatuko ikastetxeetako irakasleei edo hezkuntzakoak ez diren administrazioetako ikastetxe publikoetako irakasleei eskatuko zaizkien titulazioak foru dekretu honen 4 B) eranskinean azaltzen dira.
4. Lanbide moduluak irakasteko gaikuntza ematen duten titulazioak, titulartasun pribatuko ikastetxeetarako edo hezkuntzakoak ez diren administrazioetako ikastetxe publikoetarako, 4 C) eranskinekoak dira.
11. artikulua . Irakaslekuak eta ekipamenduak.
1. Heziketa ziklo honetako ikasketak emateko behar diren gutxieneko irakaslekuak eta ekipamenduak foru dekretu honen 5. eranskinean ezarritakoak dira.
2. Irakaslekuek azalera nahikoa izanen dute haietako bakoitzean ematen den lanbide modulu bakoitzeko ikaskuntza emaitzei dagozkien irakaskuntza jarduerak garatu ahal izateko. Gainera, baldintza hauek beteko dituzte:
a) Irakaslekuaren azalera zehazteko, kontuan hartuko da zenbat lagunentzat den. Azalera nahikoa izanen da irakatsi eta ikasteko jarduerak behar adinako ergonomia eta mugikortasunarekin egin ahal izateko.
b) Altzarietarako, ekipamenduetarako eta laneko tresna lagungarrietarako nahikoa leku izanen da.
c) Martxan dauden makinek eta ekipoek behar dituzten segurtasun tarte edo eremuak errespetatu beharko dira.
d) Laneko arriskuen prebentzioari buruzko arauak, lanpostuko segurtasunari eta osasunari buruzkoak eta gainerako arau aplikagarriak beteko dira.
3. Ikasle talde batek baino gehiagok erabiltzen ahalko dituzte irakaslekuak, heziketa ziklo edo hezkuntza etapa berekoak izan edo ez.
4. Irakaslekuek ez dute nahitaez itxituren bidez bereizirik egon behar.
5. Irakasleku bakoitzean behar adina ekipamendu jarri behar da, ikasleei ikaskuntzaren emaitzen lorpena eta irakaskuntzaren kalitatea bermatzeko. Gainera, baldintza hauek beteko dituzte:
a) Ekipamenduak (ekipoak, makinak eta abar) ongi funtzionatzeko behar duen instalazioa edukiko du, eta segurtasunari eta arriskuen prebentzioari buruzko arauak eta aplikatu behar diren gainerakoak beteko ditu.
b) Ekipamenduaren kopurua eta ezaugarriak ikasle kopuruaren araberakoak izanen dira, eta ikaskuntzaren emaitzak lortzea ahalbidetuko dute, irakasleku bakoitzean ematen diren lanbide moduluetako ebaluazio irizpideak eta edukiak kontuan izanik.
6. Hezkuntza Departamentua arduratuko da irakasleku eta ekipamenduen kopurua eta ezaugarriak egokiak izan daitezen modulu bakoitzeko ikaskuntzaren emaitzen araberako irakaskuntza eta ikaskuntza prozesuak garatzeko, eta ikasketen eboluzioak sortzen dituen eskarietara egokitu daitezen, horrela ikasketen kalitatea bermatuko baita.
xedapen indargabetzaile bakarra .Arauak indargabetzea.
Indarrik gabe utzi dira foru dekretu honetan xedatutakoari aurka egiten dioten maila bereko edo apalagoko xedapen guztiak.
Azken Xedapenetan Lehena.- Ezarpena.
Nafarroako Foru Komunitateko Hezkuntza Departamentuak 2014-2015 ikasturtetik aurrera ezarri ahal izanen du foru dekretu honetan arautzen den curriculuma.
Azken Xedapenetan Bigarrena .Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruńean, 2014ko abuztuaren 27an.-Nafarroako Gobernuko lehendakaria, Yolanda Barcina Angulo.-Hezkuntzako kontseilaria, José Iribas Sánchez de Boado.
1. ERANSKINA. LANBIDE ERREFERENTEA
A) Lanbide profila
a) Tituluaren gaitasun orokorra.
Hauxe da titulu honen gaitasun orokorra: sistema mikroinformatikoak, periferikoak eta datu-komunikazioko sareak muntatu eta mantentzeko laguntza lanak egitea eta dokumentuak tratatu, erreproduzitu eta artxibatzea, adierazitako kalitatearekin lan eginez, segurtasunez eta ingurumena babestuz, norberaren ekimenez eta erantzukizunez arituz, eta ahoz eta idatziz gazteleraz komunikatuz, eta, kasua bada, hizkuntza ofizialkide propioa edo atzerriko hizkuntzaren bat erabiliz.
b) Kualifikazioak eta gaitasun unitateak.
Bulegoko Informatikako lanbide titulu oinarrizkoan sartutako kualifikazioak eta gaitasun unitateak hauek dira:
Lanbide kualifikazio osoa:
IFC361-1 Sistema mikroinformatikoak muntatu eta mantentzeko laguntza lanak. Gaitasun unitate hauek jasotzen dira:
-UC1207-1: ekipo mikroinformatikoak muntatzeko laguntza lanak egitea.
-UC1208-1: sistema mikroinformatikoen mantentze-lanetako laguntza lanak egitea.
-UC1209-1: informazioaren eta komunikazioaren teknologiekin laguntza lanak egitea.
Lanbide kualifikazio osatugabea:
ADG306-1 Datu eta dokumentuen grabazio eta tratamendu lanak. Gaitasun unitate hauek jasotzen dira:
-UC0974-1: datu- eta testu-tratamendurako oinarrizko lanak egitea, baita dokumentazioa prestatzekoak ere.
-UC0971-1: erreprodukzioko eta artxiboko laguntza lanak egitea ohiko euskarrian edo euskarri informatikoan.
c) Lanbide gaitasunak, pertsonalak eta sozialak eta etengabeko ikaskuntzarako gaitasunak.
1) Ekipo eta aplikazio informatikoak prestatzea datuak eta testuak grabatu, tratatu, inprimatu, erreproduzitu eta artxibatzeko, funtzionatuko dutela ziurtatuz.
2) Dokumentuak egitea testu-tratamenduko programen aplikazio informatikoen eta kalkulu orrien oinarrizko utilitateak erabiliz, teklatuari begiratu gabe zehatz eta azkar idatziz, eta ohiko euskarrian edo euskarri informatikoan jasotzen den informazioa eta dokumentazioa artxibatzea, ezarritako protokoloen arabera.
3) Materialak biltzea sistema mikroinformatikoak eta datu-transmisioko sareak muntatu eta/edo mantentzeko.
4) Sistema mikroinformatikoen eta gailu osagarrien mantentze-lanetako laguntza lanak gauzatzea kalitate baldintzetan.
5) Sistema mikroinformatikoak muntatu eta konpontzeko laguntza lanak egitea, funtzionatuko dutela bermatuz.
6) Sistemak, periferikoak eta kontsumigarriak biltegiratu eta garraiatzeko lanak gauzatzea, segurtasun eta katalogazioko irizpideen arabera.
7) Ohiko egiaztapenak egitea sistemen eta/edo instalazioen muntaketa eta mantentze-lanetan.
8) Datu-kableetarako kanalizazioak muntatzea kalitate eta segurtasun baldintzetan.
9) Datu-sareen kableak jartzea teknika eta prozedura normalizatuak aplikatuz.
10) Erabiltzaile-ingurunearen tresnak erabiltzea, hau da, sistema eragileak eta informazioa biltzeko gailuek emandakoak.
11) Bere ingurune fisiko, sozial, pertsonal eta produktiboarekin zerikusia duten eta espero daitezkeen arazoak konpontzea, arrazonamendu zientifikoa eta zientzia aplikatuek eta gizarte zientziek ematen dituzten elementuak erabiliz.
12) Modu osasungarrian jokatzea eguneroko bizitzako zenbait ingurunetan, betiere garapen pertsonal eta sozialari laguntzeari begira eta pertsonen osasunerako onak diren ohiturak eta eraginak aztertuz.
13) Ingurumena zaintzera bideratutako jarduketak baloratzea, eta eguneroko bizitzako jarduerek ingurumenaren orekan izan ditzaketen ondorioak bereiztea.
14) Autoikaskuntzarako informazioa lortzea eta besteei azaltzea, eta hori ingurune pertsonal, sozial edo profesionaleko zenbait alderditan erabiltzea, eskura dituen baliabideez eta informazioaren eta komunikazioaren teknologien berezko bitartekoez baliaturik.
15) Errespetuz eta sentikortasunez jokatzea kultur aniztasunaren, ondare historiko-artistikoaren eta kultur zein arte adierazpenen aurrean, eta horiez gozatzeak aberastasun pertsonal eta soziala ekartzen duela konturatzea.
16) Argi, zehatz eta arin komunikatzea zenbait ingurune sozial edo profesionaletan eta eskura dituen baliabide, bide eta euskarri desberdinak erabiliz, gaztelaniaren eta, hala denean, hizkuntza koofizialaren ahozko eta idatzizko hizkuntza baliabideak erabiliz eta egokituz.
17) Ohiko lan egoeretan eta ohiko egoera pertsonal eta sozialetan komunikatzea atzerriko hizkuntzaren oinarrizko hizkuntza baliabideak erabiliz.
18) Azalpen errazak ematea gaur egungo gizarteetako gertakariei buruz, eskura duten informazio historiko eta geografikotik abiatuta.
19) Lan jardueran izaten diren aldaketa teknologikoen eta antolaketa aldaketen ondoriozko lan egoera berriei egokitzea, eskura dituzten prestakuntza eskaintzak erabiliz eta informazioaren eta komunikazioaren teknologien bidez baliabideak lokalizatuz.
20) Beren mailari dagozkion zereginak betetzea autonomiaz eta erantzukizunez, esleitutako lanean kalitate eta efizientzia irizpideak erabiliz eta lan hori bakarka edo talde baten barnean eginez.
21) Eraginkortasunez komunikatzea, bere lan eremuan esku hartzen duten pertsona guztien autonomia eta eskumena errespetatuz, eta egindako lana kalitatez egiten lagunduz.
22) Lan jarduerak egitean arriskuen prebentziorako eta laneko segurtasunerako neurriak onartu eta betetzea, horrela kalte pertsonalak, lanekoak eta ingurumenekoak saihesteko.
23) Kalitatearen, denendako irisgarritasunaren eta denendako diseinuaren arauak betetzea, lanbide jardueran zerikusia duten neurrian.
24) Ekimenez eta arduraz jokatzea bere lanbide jarduerako prozedurak hautatzean.
25) Bere lanbide jardueraren ondoriozko betebeharrak betetzea eta bere eskubideak erabiltzea, indarra duen legerian ezarritakoarekin bat etorriz, eta bizitza ekonomiko, sozial eta kulturalean aktiboki parte hartzea.
B) Produkzio sistema
a) Lanbide eta lan ingurunea.
Profesional honek besteren kontura egiten du lan, sistema mikroinformatikoak eta ekipo elektriko edo elektronikoak merkaturatu, muntatu, mantendu eta konpontzen dituzten enpresetan, baita sistema informatikoak erabiltzen dituzten enpresetan ere, horiek kudeatzeko.
Zeregin eta lanpostu garrantzitsuenak hauek dira:
-Sistema mikroinformatikoen muntatzaile laguntzailea.
-Sistema mikroinformatikoen mantentze-lanetako laguntzailea.
-Sistema informatikoen instalatzaile laguntzailea.
-Datuak transmititzeko sistemen instalatzaile laguntzaile.
-Bulegoko laguntzailea.
-Zerbitzu orokorretako laguntzailea.
-Datuen grabatzaile-egiaztatzailea.
-Digitalizazioko laguntzailea.
-Dokumentuen operadorea.
b) Tituluarekin zerikusia duten sektoreen edo sektorearen prospektiba.
Zerbitzuen sektorearen barruan, lanbide profilaren bilakaeran teknikaria sistema mikroinformatikoetan eta sare lokaletan (ingurune txikiak) izaten diren ohiko arazoen konponketan espezializatzen ari da, non titulu hau duena laguntzaile ari daitekeen.
Teknologiaren bilakaeran joera da sistemak geroz eta merkeagoak izatea, eta Interneterako sarbidea ere merkatzen ari da. Horri guztiari esker gaur egun sistema informatikoak etxeko tresnatzat hartzen dira eta teknikariak etxeetan aritzen dira.
Testu- eta datu-tratamenduko aplikazio informatikoen erabilera gero eta garrantzitsuagoa da profesional honen lanean.
Teleoperazioa, urruneko laguntza teknikoa, lineako laguntza eta telezentroak ezinbesteko elementuak dira laguntza teknikoaren eskariari erantzuteko.
Muntaketa eta mantentze lanak hondakinen eta agente kutsatzaileen tratamenduari eta kudeaketari buruzko araudiari lotuta egin behar dira.
Geroz eta enpresa gehiago ari dira Interneten eta goraka ari da horren bitartez burutzen diren eragiketen kopurua, eta ondorioz enpresek profil honetako langileak eskatzen dituzte sareko zerbitzuak instalatzeko eta mantentzeko.
Sektore honetan gertatzen ari diren aurrerapen azkarren eta aldaketa teknologikoen poderioz ezinbestekoa da profesionalak beren burua trebatzeko prest egotea.
2. ERANSKINA. CURRICULUMA
A) Heziketa zikloaren helburu orokorrak
a) Aplikazio informatikoak instalatzea, bulegoko sistema eragilean eta sarean integratuz, datu, testu eta aurkezpenen tratamendu, inprimaketa eta artxibatzean sare horretan erabilgarri egoteko.
b) Testu-tratamenduko aplikazio informatikoak eta kalkulu orriak erabiltzea, teklatuari begiratu gabe zehatz eta azkar idatziz eta grabazio sistema seguru bat erabiliz.
c) Dokumentuak erregistratzea eta azaleztatzea.
d) Osagaiak eta periferikoak mihiztatu eta konektatzea sistema mikroinformatikoak eta sareak muntatzeko, tresna egokiak erabiliz, prozedura eta arauak aplikatuz eta ekipo eta sistemen fabrikatzaileen katalogoetako jarraibideak interpretatuz eta aplikatuz.
e) Osagai fisikoak eta logikoak ordeztu eta egokitzea sistema mikroinformatikoetan eta sare lokaletan mantentze-lanak egiteko, sistema eta ekipo informatikoetan matxura errazen jatorria zehazteko teknikak aplikatuz, sistema mikroinformatikoetan eta sare lokaletan mantentze-lanetarako jarraibideekin bat.
f) Egiaztapen teknikak identifikatu eta aplikatzea muntaketa eta mantentze-lanetan, ohiko egiaztapenetarako jarraibideekin bat.
g) Sare lokal (haridun, hari gabeko edo misto) baten kanalizazioak eta gainerako elementuak kokatu eta finkatzea, muntaketa-prozedurak eta kalitate eta segurtasun protokoloak aplikatuz, sare lokalak instalatu eta konfiguratzeko.
h) Kableak prestatu, konformatu eta gidatzeko teknikak aplikatzea, espazioak prestatuz eta ekipo eta tresnak maneiatuz, datu-sareen kableak jartzeko.
i) Sistema eragileen eta periferikoen tresnak ezagutzea eta maneiatzea konfigurazioak egiteko, eta arazoak konpontzea fabrikatzailearen jarraibideekin bat.
j) Txosten errazak eta lan-fitxak egin eta aldatzea, testu-tratamenduko programen bulegotikako aplikazioak maneiatzeko.
k) Ingurune naturalean izaten diren gertakariak ulertzea ezagutza zientifikoa jakintza integratu baten moduan erabiliz; halaber, ezagutzaren eta esperientziaren eremuetan oinarrizko arazoak identifikatu eta konpontzeko metodoak ezagutu eta aplikatzea.
l) Trebetasunak garatzea arazoak formulatu, planteatu, interpretatu eta konpontzeko; kalkulu matematikoaren arrazonamendua aplikatzea gizartean eta lan ingurunean moldatzeko, eta bere baliabide ekonomikoak kudeatzea.
m) Giza gorputzaren funtzionamenduaren oinarrizko alderdiak identifikatu eta ulertzea eta horiek norberaren eta taldearen osasunarekin lotzea; gainera, higienea eta osasuna baloratzea bizitzan ohitura osasungarriak garatu eta finkatzeko, zein ingurunetan dauden kontuan hartuta.
n) Natur ondarearen zaintzarekin eta iraunkortasunarekin bat datozen ohiturak eta balioak garatzea, eta izaki bizidunen eta natur ingurunearen arteko elkarreragina ulertzea, horrela gizakien ekintzak ingurumenaren orekan dituen ondorioak baloratu ahal izateko.
ń) Informazio iturrien oinarrizko trebetasunak garatzea, eta informazioaren eta komunikazioaren teknologiak ikuspegi kritikoz erabiltzea, ingurune pertsonal, sozial edo profesionalean informazioa lortu eta jakinarazteko.
o) Kultur eta arte ekoizpenen oinarrizko ezaugarriak ezagutzea, haien elementuak aztertzeko oinarrizko teknikak aplikatuz, errespetuz eta sentikortasunez jokatzeko kultur aniztasunaren, ondare historiko-artistikoaren eta kultur zein arte adierazpenen aurrean.
p) Hizkuntz trebetasun eta abileziak garatu eta finkatzea eta eskatzen den zehaztasun, argitasun eta arintasun maila lortzea, gaztelaniari eta, hala denean, hizkuntza koofizialari buruzko ezagutzak erabiliz gizarte ingurunean, eguneroko bizitzan eta lan jardueran komunikatzeko.
q) Atzerriko hizkuntzan oinarrizko hizkuntz trebetasunak garatzea, ahoz eta idatziz komunikatu ahal izateko eguneroko bizitzan eta lan jardueran ohikoak eta aurreikustekoak diren egoeretan.
r) Gaur egungo gertakarien arrazoiak eta ezaugarriak ezagutzea, baita bilakaera historikoari eta banaketa geografikoari dagozkionak ere, gaur egungo gizarteen ezaugarriak azaltzeko.
s) Printzipio demokratikoetan oinarritutako balioak eta jokaerak garatzea, eta ohiko harreman sozialetan eta gatazken konponbide baketsuan aplikatzea.
t) Prestakuntzarako dauden baliabideak eta eskaintzak alderatu eta hautatzea bizitzan zehar eginen den ikaskuntzarako, horrela lan egoera berriei eta egoera pertsonal berriei egokitzeko.
u) Ekimena, sormena eta joera ekintzailea garatzea, baita norberarengan konfiantza izatea, parte-hartzea eta ikuspegi kritikoa ere, egoerak eta gorabeherak konpondu ahal izateko bai lan jardueran bai eremu pertsonalean.
v) Lanak taldean egitea, nork bere betebeharrak hartuz, besteak errespetatuz eta beraiekin elkarlanean arituz, baita besteekiko tolerantziaz eta errespetuz ere, zereginak eraginkortasunez egiteko eta garapen pertsonalerako lagungarri izateko.
w) Informazioaren eta komunikazioaren teknologiak erabiltzea informatzeko, komunikatzeko, ikasteko eta laneko zereginak errazteko.
x) Laneko eta ingurumeneko arriskuak lan jarduerarekin erlazionatzea, norbera babesteko behar diren prebentzio neurriak erabiltzeko xedez, eta beste pertsonei eta ingurumenari kalterik ez egiteko.
y) Bere lanbide jarduerako teknikak garatzea lanaren eraginkortasuna eta kalitatea ziurtatuz, eta, bidezkoa bada, laneko jardueretan hobekuntzak proposatzea.
z) Baldintza sozialak eta lanekoak arautzen dituen lege esparrua kontuan izanda, gizarteko eragile aktibo gisa dituen eskubideak eta betebeharrak zein diren jakitea, herritar demokratiko gisa parte hartzeko.
B) Lanbide moduluak
a) Izena, iraupena eta sekuentziazioa
Bulegoko Informatikako oinarrizko lanbide tituluko lanbide moduluen zerrenda ematen da jarraian, izena, iraupena eta denbora banaketa zehazturik.
| KODEA | IZENA | ORDUAK, GUZTIRA | ESKOLAK ASTEAN | KURTSOA |
| 3029 | Sistema eta osagai informatikoen muntaketa eta mantentze-lanak | 310 | 10 | 1.a |
| 3030 | Konfigurazio eta ustiapeneko laguntza lanak | 240 | 7 | 1.a |
| 3009 | Zientzia aplikatuak I | 190 | 6 | 1.a |
| 3011 | Komunikazioa eta gizartea I | 190 | 6 | 1.a |
| Tutoretza | 30 | 1 | 1.a | |
| 3016 | Datuak transmititzeko sareen instalazioa eta mantentze-lanak. | 170 | 6 | 2.a |
| 3031 | Bulegotika eta dokumentuen artxiboa. | 280 | 11 | 2.a |
| 3019 | Zientzia aplikatuak II | 160 | 6 | 2.a |
| 3012 | Komunikazioa eta gizartea II | 160 | 6 | 2.a |
| Tutoretza | 30 | 1 | 2.a | |
| 3033 | Lantokietako prestakuntza | 240 | 2.a |
b) Lanbide moduluen garapena
Lanbide modulua: Sistema eta osagai informatikoen muntaketa eta mantentze-lanak.
Kodea: 3029.
Iraupena: 310 ordu.
Ikaskuntzaren emaitzak eta ebaluazio irizpideak.
1. Sistema mikroinformatikoen muntaketa eta mantentze-lanak egiteko osagai eta tresnak hautatu eta deskribatzen ditu, eta instalazioan dituzten funtzio eta aplikazioarekin erlazionatzen ditu.
Ebaluazio irizpideak:
a) Sistemen muntaketan erabilitako elementu elektriko eta elektronikoen ezaugarriak deskribatu dira.
b) Osagai elektriko eta/edo elektronikoak segurtasunez eskuztatzeko lanak eta aurretiko egiaztapenak deskribatu dira.
c) Sistema elektronikoak segurtasunez eskuztatzeko behar diren gailuak eta tresnak identifikatu dira.
d) Sistema mikroinformatiko baten hardwareko osagaiak muntatu, ordeztu edo konektatzeko behar diren tresnak hautatu dira.
e) Hardwareko osagaiak identifikatu dira, funtzioaren arabera, ekipo mikroinformatiko baten mihiztaduran eta mantentze-lanetan.
f) Ekipo mikroinformatiko baten muntaketa eta/edo mantentze-lanetan erabili diren barneko zein kanpoko hardwareko osagaien ezaugarri teknikoak deskribatu dira.
g) Bloke funtzionalak lokalizatu dira sistema mikroinformatikoetan erabilitako plaka nagusietan.
h) Ataka motak, barneko zirrituak eta konexio-kableak (datu-kableak eta kable elektrikoak, besteak beste) identifikatu dira ekipo mikroinformatiko batean.
i) Jasotako jarraibideen arabera jardun da.
2. Ekipo mikroinformatiko baten hardwareko osagaiak mihiztatzen ditu, gidak eta jarraibideak interpretatuz eta muntaketa teknikak aplikatuz.
Ebaluazio irizpideak:
a) Osagai bakoitza egiaztatu da erabili baino lehen, ezarritako segurtasun arauekin bat.
b) Sistema mikroinformatiko baten hardwareko osagaiak integratu edo mihiztatu, ordeztu eta konektatzeko prozedurei lotutako jarraibide gidak interpretatu dira.
c) Mikroprozesadoreak konektatzeko zokaloak eta disipadoreak, besteak beste, ezagutu dira hainbat plaka nagusitan.
d) Barneko hardwareko osagaiak (memoria, prozesadorea, txartel grafikoa eta pila, besteak beste) mihiztatu dira sistema mikroinformatikoaren plaka nagusian.
e) Gailuak eta txartelak dagokien erreten edo zirrituan finkatu dira, horiek instalatzeko gida zehatzen arabera.
f) Konexio-kableak behar dituzten barneko hardwareko osagaiak (disko gogorra, DVDa eta CD-ROMa, besteak beste) behar bezala konektatu dira sistema mikroinformatikoan integratzeko.
3. Postu bakarreko sistema eragileak instalatzen ditu, prozesuaren faseak identifikatzen ditu eta faseak instalazioaren funtzionaltasunarekin erlazionatzen ditu.
Ebaluazio irizpideak:
a) Instalazioa edo eguneraketa gauzatzeko jarraitu beharreko pausoak deskribatu dira.
b) Sistema eragilea kargatzeko prozesuan akatsik eza egiaztatu da.
c) Direktorioen egiturarako eta baimenen kudeaketarako kontrol tresnak erabili dira.
d) Sistema eragilearen eguneraketak eta adabakiak instalatu dira jasotako jarraibideekin bat.
e) Datuen segurtasun-kopiak egin dira.
f) Ekipo mikroinfomatikoa abiaraztean izandako akatsak idatzi dira.
g) Sistema mikroinformatikoetan diskoak erreplikatzeko (“klonazioa”) eta partizioak egiteko funtzioak deskribatu dira.
h) Disko irudiak edo partizioak instalatzeko softwareko tresnak erabili dira, eta haien aplikazio-mugak adierazi dira.
i) Instalatutako irudiaren funtzionaltasuna egiaztatu da, egindako klonazio mota kontuan harturik.
4. Instalatutako sistemen, euskarrien eta periferikoen funtzionaltasuna egiaztatzen du, eta esku-hartzeak lortu beharreko emaitzekin erlazionatzen ditu.
Ebaluazio irizpideak:
a) Testatze prozedura egokia aplikatu zaio hardwareko osagai eta periferiko bakoitzari.
b) Ekipo mikroinformatikoak pizte prozedura eta POSTa (Power On Self Test) egiten dituela egiaztatu da, eta, hala bada, arazoen jatorria identifikatu da.
c) Informazioa biltzeko euskarrien funtzionaltasuna egiaztatu da.
d) Funtzionaltasuna egiaztatu da ekipo mikroinformatikoaren osagaien eta periferikoen arteko konexioan.
e) Konfigurazio, testatze eta egiaztapen tresnak erabili dira sistemaren funtzionamendua egiaztatzeko.
f) Erabilera gida eta tresnak erabili dira euskarrien eta euskarrietako informazioaren egoera egiaztatzeko.
g) Egiaztapen prozesuetako emaitzak eta gorabeherak erregistratu dira.
5. Sistema informatikoen, euskarrien eta periferikoen oinarrizko mantentze-lanak egiten ditu, eta esku-hartzeak lortu beharreko emaitzekin erlazionatzen ditu.
Ebaluazio irizpideak:
a) Konektatutako periferikoek elikadura elektrikoa dutela egiaztatu da, adierazgailu argidunen bidez, baita datu-konexioak ere.
b) Sistema mikroinformatikoen periferikoetan erabili beharreko kontsumigarriak deskribatu dira.
c) Kontsumigarriak ordezteko gida tekniko zehaztuak erabili dira.
d) Osagaien, euskarrien eta periferikoen ezaugarriak deskribatu dira haien mantentze-lanekin lotura duten alderdiak ezagutzeko.
e) Fabrikatzaileen gidak erabili dira osagaiak, euskarriak eta periferikoak garbitzeko prozedurak identifikatzeko.
f) Osagaiak, euskarriak eta periferikoak garbitu dira fabrikatzaileak ezarritako xedapen teknikoak errespetatuz eta haien funtzionaltasuna mantenduz.
g) Hondakinak eta bota beharreko elementuak behar bezala bildu dira deuseztatu edo birziklatzeko.
6. Ekipoak, periferikoak eta kontsumigarriak biltegiratzen ditu, eta haiek kontserbatu eta etiketatzeko baldintzak deskribatzen ditu.
Ebaluazio irizpideak:
a) Sistema mikroinformatiko baten osagaiak eta periferikoak eskuztatu, garraiatu eta biltegiratzeko baldintzak deskribatu dira.
b) Gailu, periferiko eta kontsumigarri bakoitza garraiatu eta/edo biltegiratzeko erabiltzen diren enbalaje motak identifikatu dira.
c) Etiketatzeko behar diren tresnak erabili dira sistemak, periferikoak eta kontsumigarriak enbalatu eta/edo biltegiratu baino lehen.
d) Garraiatu beharreko elementuetarako egokiak diren bitarteko lagungarriak erabili dira.
e) Segurtasun arauak aplikatu dira elementuak eta ekipoak eskuztatu eta garraiatzean.
f) Jasotako osagaiak entrega albaranarekin bat datozela eta egoera onean daudela egiaztatu da.
g) Egindako lanak erregistratu dira ezarritako formatuekin bat.
h) Bota beharreko elementuak bildu dira deuseztatu edo birziklatzeko.
Edukiak.
Osagaiak eta tresnak hautatzea:
-Hainbat kontzeptu: intentsitatea, potentzial-diferentzia (tentsioa), erresistentzia; Ohm-en legea; korronte zuzena eta korronte alternoa; magnitude elektrikoak; magnitude elektrikoak neurtzeko aparatuak.
-Oinarrizko elementuak: pilak eta bateriak, sakagailuak, etengailuak, elikatze-unitateak, erresistentziak, kondentsadoreak, diodoak, transistoreak eta LEDak, besteak beste.
-Osagai eta periferiko informatikoak muntatzeko prozeduretan erabilitako tresnak.
-Sistema informatiko baten unitate funtzionalak.
-Sistema mikroinformatikoen osagaiak: karkasa motak, elikatze-unitateak, haizagailuak eta bero-disipadoreak.
-Plaka nagusia. Mikroprozesadoreak, zokaloak eta motak. RAM memoriak, ezaugarriak eta formatuak.
-Busak eta datu-konektoreak.
-Kableak eta potentzia-konektoreak.
-Zokaloak eta hedapen zirrituak.
-Osagaiak karkasei finkatzeko moduak eta elementuak.
-Datuak biltzeko gailuak: disko gogorrak, ezaugarriak eta motak; irakurgailu/grabagailu optikoak eta magneto-optikoak, ezaugarriak eta motak.
-Atakak: paraleloa, seriekoa, USBa (Serie Unibertsaleko Busa) eta Firewire (IEEE 1394), besteak beste.
-Segurtasuna tresna eta osagai elektriko eta elektronikoak erabiltzean.
-Segurtasun elektrikoa: arrisku elektrikoak prebenitzeko neurriak; deskarga elektrikoak sortutako kalteak.
Ekipo mikroinformatiko baten hardwareko osagaiak mihiztatzea:
-Osagai mikroinformatikoak instalatzeko eta karkasari eta plaka nagusiari finkatzeko prozedurak.
-Oinarrizko periferikoak: monitorea, teklatua, sagua eta inprimagailuak.
-Beste periferiko batzuk: bozgorailuak, mikrofonoak, eskanerra eta multimedia gailuak, besteak beste.
-Osagai eta periferiko mikroinformatikoak muntatu, ordeztu eta konektatzeko teknikak. Muntaketa gidak.
-Segurtasuna osagai eta periferiko mikroinformatikoak muntatu, ordeztu eta konektatzean.
Sistema eragileak instalatzea:
-Sistema informatiko baten oinarrizko softwarea.
-Sistema eragilearen funtzioak.
-Sistema eragilearen erabilera.
-Egungo sistema eragileak.
-Lanak fitxategi-sistema, direktorio eta baimenekin.
-Sistema-irudiak eta sistemen erreplikak sortu eta ezartzeko tresnak: informazio iturburuak, sistema-irudiak eta sistemen erreplikak ezartzeko prozedurak, sistema-irudiak eta sistemen erreplikak egiaztatzeko prozedurak.
Sistemen funtzionaltasuna:
-Sistema mikroinformatikoak egiaztatu eta testatzeko teknikak.
-Testatze eta egiaztapen software.
-Sistema mikroinformatikoak egiaztatu eta diagnostikatzeko tresnak.
-POST (Power On Self Test) prozedurak.
-Gailu periferikoak konektatzea sistema mikroinformatikoan.
Ekipoaren eta periferikoen oinarrizko mantentze-lanak:
-Sistema mikroinformatikoen mantentze-lanetako teknika lagungarriak. Aldizkako mantentze-lan prebentiboa.
-Kontsumigarriak zaintzeko eta birziklatzeko neurriak.
-Kontsumigarriak ordezteko prozedurak.
-Segurtasuna kontsumigarriak eskuztatu eta ordeztean.
Ekipoak, periferikoak eta kontsumigarriak biltegiratzea:
-Sistemak eta osagai informatikoak etiketatu, enbalatu, biltegiratu eta lekualdatzeko teknikak.
-Etiketak jartzeko prozedurak eta tresnak.
-Sistema mikroinformatiko baten osagai eta periferikoen enbalajea.
-Kontuan hartu beharreko neurriak sistema mikroinformatikoak lekualdatzean.
-Laneko arriskuen prebentzio arauak produktuak garraiatu eta biltegiratzean.
-Hondakin informatikoak tratatu, birziklatu eta deuseztatzea.
Orientabide didaktikoak.
Sistema eta periferiko mikroinformatikoen muntaketa eta mantentze-lanei eta horiek biltegiratu, etiketatu eta erregistratzeari lotutako prestakuntza dauka lanbide modulu honek.
Eginkizun horren definizioak honelako alderdiak biltzen ditu:
-Osagaiak, tresnak, euskarriak eta periferikoak identifikatzea.
-Sistemak eta euskarriak muntatzea.
-Oinarrizko softwarea instalatzea.
-Sistema eta periferikoen egiaztapen eta mantentze-lanak.
-Sistemak eta osagaiak biltegiratu eta lekualdatzea.
Moduluaren gaitasunak lortzeko, honako jarduketa ildo hauek landu beharko dira irakaskuntza-ikaskuntza prozesuan:
-Osagaiak, informazio euskarriak, periferikoak eta tresnak identifikatzea sistema mikroinformatikoak muntatzeko eta haietan mantentze-lana egiteko.
-Sistemak, euskarriak eta periferikoak muntatzeko teknikak aplikatzea.
-Postu bakarreko sistema eragileak ezagutzea eta horiek ekipoan kargatzea.
-Sistemak eta euskarriak testatu eta optimizatzeko softwareko tresnak ezagutzea.
-Periferikoen mantentze-lanak.
-Osagaiak eta kontsumigarriak tratatu eta birziklatzea.
Lanbide modulua: Konfigurazio eta ustiapeneko laguntza lanak.
Kodea: 3030.
Iraupena: 240 ordu.
Ikaskuntzaren emaitzak eta ebaluazio irizpideak.
1. Ekipo informatikoak konfiguratzen ditu erabiltzaile bakarreko ingurunean funtziona dezaten, eta instalazioaren funtzionaltasuna identifikatzen du.
Ebaluazio irizpideak:
a) Instalazioaren oinarrizko parametroak konfiguratu dira.
b) Hobespenak aplikatu dira ingurune pertsonala konfiguratzean.
c) Erabiltzaile-interfazearen elementuak erabili dira lan ingurunea prestatzeko.
d) Atributuak eta baimenak ezagutu dira fitxategi-sisteman eta direktorioan.
e) Fitxategi-sistema eta periferikoak maneiatzeko funtzionaltasunak identifikatu dira.
f) Sistema eragilearen tresnak erabili dira datuak biltzeko euskarriak arakatzeko.
g) Oinarrizko babes lanak egin dira (birusen kontrako programa instalatzea eta babeskopiak egitea, besteak beste).
2. Ekipo informatikoak konfiguratzen ditu sare-ingurune batean funtziona dezaten, eta erabiltzailearen baimenak identifikatzen ditu.
Ebaluazio irizpideak:
a) Ingurune pertsonalaren konfigurazioan hobespenak aplikatu dira.
b) Erabiltzaile-kontuak konfiguratu eta kudeatu dira.
c) Bezeroaren ekipoen eta zerbitzariaren arteko konektagarritasuna egiaztatu da.
d) Baliabidea konpartitzeko zerbitzuak erabili dira.
e) Partekatuko diren sistema-baliabideei baimenak esleitu zaizkie.
f) Partekatutako baliabideak atzitu dira.
g) Oinarrizko segurtasun arauak aplikatu dira partekatutako baliabideen gainean.
3. Bulegotika pakete bateko aplikazioak erabiltzen ditu eta haien aplikazioekin erlazionatzen ditu.
Ebaluazio irizpideak:
a) Testu-tratamenduko programa baten funtzioak eta ezaugarriak deskribatu dira, eta egin beharreko dokumentu motekin erlazionatu dira.
b) Dokumentuak sortu, aldatu eta maneiatzeko prozedurak erabili dira, eta testu-tratamenduko programaren tresnak erabili dira.
c) Testu bati formatua eman zaio, bere itxura hobetuz, eta hainbat letra eta lerrokadura mota erabili dira.
d) Egindako dokumentuak gorde eta inprimatzeko funtzioak erabili dira.
e) Kalkulu orrien eta datu baseen bulegotikako aplikazioak erabiltzeko oinarrizko lanak egin dira aurretik landutako dokumentuetan.
f) Aurkezpenak egiteko aplikazio baten oinarrizko funtzioak identifikatu dira.
g) Multimedia aurkezpenak egin dira, eta konposizio eta diseinuko oinarrizko arauak aplikatu dira.
4. Interneten eskura dauden utilitateak erabili eta konfiguratzen ditu, eta haien funtzionaltasun eta ezaugarriak identifikatzen ditu.
Ebaluazio irizpideak:
a) Web orrietan nabigatzeko tresnak erabili dira, eta Interneteko egitura ezagutu da.
b) Nabigatzailea pertsonalizatu da, eta ezarritako beharretara egokitu da.
c) Informazioa transferitu da, eta fitxategiak deskargatu, bidali eta biltegiratzeko Interneten dauden baliabideak erabili ditu.
d) Segurtasun bitarteko eta prozedurak identifikatu dira web orrietan sartzean, eta izan litezke arrisku eta iruzurrak deskribatu dira.
e) Posta elektronikoko tresnek eskaintzen dituzten funtzionaltasunak deskribatu dira.
f) Posta kontu bat sortu da, zerbitzu hori ematen duen web zerbitzari baten bidez.
g) Interneten eskura dauden bestelako zerbitzuak erabili dira (foroa, bat-bateko mezularitza, p2p sareak eta bideokonferentzia, besteak beste).
h) Aplikazioen oinarrizko aukerak konfiguratu dira.
Edukiak.
Ekipo informatikoak konfiguratzea erabiltzaile bakarreko ingurune batean funtziona dezaten.
-Egungo sistema eragileak: sistema eragilearen betekizun teknikoak.
-Sistema eragile baten oinarrizko ezaugarri eta funtzioak.
-Erabiltzailearen interfaze grafikoa, mahaigaina.
-Oinarrizko lanak egitea sistema eragileetan: Sistemaren baliabideak.
-Direktorio-zuhaitzaren egitura.
-Fitxategi-sistema kudeatzea.
-Fitxategi-sistemak, direktorioa, atributuak eta baimenak.
-Lanak fitxategiekin: izena eta luzapena, komodinak, atributuak, motak.
-Ohiko lanak direktorioekin.
-Fitxategiak eta karpetak kudeatzea: arakatu eta bilatzeko oinarrizko funtzioak.
-Sistema abiarazi eta geldiaraztea. Saioak.
-Periferikoak erabiltzea.
Ekipo informatikoak konfiguratzea sare-ingurune batean funtziona dezaten.
-Erabiltzaileak eta taldeak kudeatzea: Kontuak eta taldeak.
-Erabiltzaile-profilen motak.
-Sistemako erabiltzaile eta talde lehenetsiak eta bereziak.
-Sarearen bidez fitxategiak eta direktorioak partekatzea.
-Partekatutako baliabideetarako sarbidea.
-Sarea eta ekipoarekin haririk gabe konektatzen diren gailuak.
Bulegotika pakete bateko aplikazioak erabiltzea:
-Testu-tratamenduko programa baten funtzionaltasunak eta erabilera.
-Formatua aplikatzea dokumentuei.
-Letren formatuak: lodia, etzana eta azpimarratua.
-Letra-tipoen neurriak eta motak.
-Zenbakitzea, buletak, tabulazioak eta paragrafoak lerrokatzea, besteak beste.
-Objektu grafikoak sartzea dokumentuetan.
-Orriaren konfigurazioa.
-Beste bulegotikako aplikazio batzuen funtzionaltasunak eta erabilera (kalkulu orria, datu basea eta aurkezpenak, besteak beste).
Interneteko aplikazioak erabiltzea:
-Interneten ezaugarriak eta erabilerak.
-Webean nabigatzea: nabigatzailearen deskripzioa, konfigurazioa eta funtzionamendua.
-Bilatzaileak: ezaugarriak eta erabilerak.
-Posta elektronikoa: funtzionaltasunak eta motak.
-Bat-bateko mezularitza: motak eta ezaugarriak.
-Internet zerbitzuen tresnak eta erabilerak: p2p zerbitzuak.
Orientabide didaktikoak.
Sistema mikroinformatikoak konfiguratzeari eta haien software osagaiak eta oinarrizko baliabideak erabiltzeari lotutako prestakuntza dauka lanbide modulu honek.
Eginkizun horren definizioak honelako alderdiak biltzen ditu:
-Sistema eragile baten oinarrizko parametroak konfiguratzea.
-Oinarrizko babesak instalatzea.
-Erabiltzaileak eta baliabideak kudeatzea.
-Partekatutako baliabideak erabiltzea.
-Bulegotikako paketeak erabiltzea.
-Nabegatzaileak eta posta elektronikoa konfiguratzea.
-Internet zerbitzuak erabiltzea.
Moduluaren gaitasunak lortzeko, honako jarduketa ildo hauek landu beharko dira irakaskuntza-ikaskuntza prozesuan:
-Sistema eragile baten funtzioak identifikatzea.
-Fitxategi-sistema maneiatzeko tresnak erabiltzea.
-Bulegotikako pakete baten oinarrizko funtzioak erabiltzea.
-Nabigatzea eta informazioa bilatzea.
-Posta elektronikoa maneiatzea.
Lanbide modulua: Zientzia aplikatuak I.
Kodea: 3009.
Iraupena: 190 ordu.
Ikaskuntzaren emaitzak eta ebaluazio irizpideak.
1. Problema matematikoak ebazten ditu eguneroko egoeretan, matematika hizkuntzaren eta haren eragiketen oinarrizko elementuak erabiliz.
Ebaluazio irizpideak:
a) Zenbaki mota desberdinak identifikatu dira eta informazio kuantitatiboa modu egokian interpretatzeko erabili dira.
b) Kalkuluak eraginkortasunez egin dira, hala buruz kalkulatuz nola arkatz eta kalkulagailu bidezko algoritmoak erabiliz (fisika edo informatika).
c) IKTak erabili dira jakingarriak bilatzeko iturritako.
d) Berreketak egin dira berretzaile arrunt eta osoekin, propietateak aplikatuz.
e) Zenbaki oso handiak edo oso txikiak adierazteko eta haiekin eragiketak egiteko notazio zientifikoa erabili da.
f) Zenbaki erreal desberdinak irudikatu dira zenbakizko zuzenean.
g) Proportzioa ezaugarritu da adierazpen matematiko gisa.
h) Magnitudeak alderatu dira, haien proportzionaltasun mota ezarriz.
i) Hirukotearen erregela erabili da, magnitude zuzeneko nahiz alderantzizko proportzionalek esku hartzen duten problemetan.
j) Interes bakuna eta konposatua aplikatu da eguneroko jardueretan.
2. Instalazioak eta laborategiko materiala ezagutzen ditu, baita horiek baloratu ere praktikak egiteko behar diren baliabideak diren aldetik.
Ebaluazio irizpideak:
a) Erabili behar den teknika esperimental bakoitza identifikatu da.
b) Laborategiko material instrumentalak egoki manipulatu dira.
c) Kontuan hartu dira garbitasun eta segurtasun baldintzak, erabili behar den teknika esperimental bakoitzerako.
3. Materiaren oinarrizko propietateak identifikatzen ditu, naturan agertzen den forma desberdinetan, haien magnitude fisikoak eta haien oinarrizko unitateak erabiliz sistema metriko hamartarreko unitateetan.
Ebaluazio irizpideak:
a) Materiaren propietateak deskribatu dira.
b) Aldaketak egin dira luzera, masa eta edukiera unitateetan.
c) Bolumen eta edukiera unitateen arteko baliokidetasuna identifikatu da.
d) Neurriak hartu dira egoera errealetan, sistema metriko hamartarraren unitateak eta notazio zientifikoa erabiliz.
e) Materiaren egoera aldaketen izenak identifikatu dira.
f) Sistema material homogeneo eta heterogeneo desberdinak identifikatu dira, adibide errazak erabiliz.
g) Materia zer agregazio egoera desberdinetan agertzen den ikusi da, egoera aldaketak azaltzeko eredu zinetikoak erabiliz.
h) Sistema materialak identifikatu dira, naturan duten egoerari dagokionez.
i) Substantzia baten agregazio egoera desberdinak ezagutu dira, fusio eta irakite tenperatura ikusita.
j) Irakitearen eta lurrinketaren arteko desberdintasunak ezarri dira, adibide errazak erabiliz.
4. Nahasketa errazen osagaiak bereizteko metodorik egokiena erabiltzen du, haren oinarrian dagoen prozesu fisiko edo kimikoaren arabera.
Ebaluazio irizpideak:
a) Substantzia hutsa eta nahasketa zer diren identifikatu eta deskribatu da.
b) Nahasketen eta konposatuen arteko funtsezko desberdintasunak ezarri dira.
c) Prozesu fisikoak eta kimikoak bereizi dira.
d) Substantzien zerrenda batetik, nahasketak, konposatuak eta elementu kimikoak hautatu dira.
e) Nahasketak bereizi dira modu praktikoan, metodo errazak erabiliz.
f) Lanbideekin ikusteko duten materialen oinarrizko ezaugarri orokorrak deskribatu dira, IKTak erabiliz.
g) Taldeka lan egin da.
5. Badaki energia presente dagoela prozesu naturaletan, eta benetako bizitzako fenomeno errazak deskribatzen ditu.
Ebaluazio irizpideak:
a) Energiaren esku-hartzea agertzen duten ohiko bizitzako egoerak identifikatu dira.
b) Energia iturri desberdinak ezagutu dira.
c) Energia iturri berriztagarriaren eta ez-berriztagarriaren multzoak ezarri dira.
d) Energia iturri berriztagarriaren eta ez-berriztagarriaren abantailak eta desabantailak (lortzean, garraiatzean eta erabiltzean) erakutsi dira IKTak erabiliz.
e) Energia unitateen aldaketak aplikatu dira.
f) Energiaren kontserbazioa zenbait sistematan erakutsi da.
g) Organismoa eta bizitza mantentzearekin erlazionatutako prozesuak deskribatu dira, energiaren garrantzia argi agertzen dutenak.
6. Oinarrizko egitura anatomikoak lokalizatzen ditu eta, horretarako, haien sistemak edo aparatuak bereizten ditu, eta organismoan dituzten funtzioekin lotzen.
Ebaluazio irizpideak:
a) Gizakiaren gorputza osatzen duten organoak identifikatu eta deskribatu dira, eta kasuan kasuko sistemari edo aparatuari lotu zaizkio.
b) Organo, sistema eta aparatu bakoitza funtzioarekin erlazionatu da, eta loturak deskribatu dira.
c) Nutrizio prozesuaren fisiologia deskribatu da.
d) Iraitz prozesuaren fisiologia zehaztu da.
e) Ugalketa prozesuaren fisiologia deskribatu da.
f) Erlazio prozesuak nola funtzionatzen duen zehaztu da.
g) Tresna informatikoak erabili dira aparatuak eta sistemak deskribatzeko.
7. Osasuna gaixotasunetik bereizten du eta, horretarako, bizimoduak gaixotasun ohikoenekin lotzen ditu, eta haien kontrako defentsaren oinarrizko printzipioak ezagutzen.
Ebaluazio irizpideak:
a) Pertsonen osasun eta eritasun egoerak identifikatu dira.
b) Organismoaren defentsarako bideak deskribatu dira.
c) Herritarren artean ohikoenak diren eritasun infekzioso eta ez infekziosoak identifikatu dira, eta haien sorburuak, aurreikuspena eta tratamenduak ezagutu.
d) Ohiko eritasun infekziosoak sorrarazten dituzten eragileak lotu dira haiek sortutako kutsadurarekin.
e) Txertoen, antibiotikoen eta medikuntzaren beste ekarpen batzuen eragina ulertu da, eritasun infekziosoen tratamendu eta prebentziorako.
f) Eritasun infekziosoen prebentzioan txertaketa kanpainek duten zeregina ezagutu da, eta aparatuak eta sistemak egoki deskribatu.
g) Diren donazio motak eta transplanteetan gertatzen diren arazoak deskribatu dira.
h) Osasunerako arriskutsu diren egoerak ezagutu dira, lanbide ingurune hurbilenaren arabera.
i) Ohitura osasungarrietarako jarraibideak diseinatu dira, ohiko bizitzako egoeren arabera.
8. Menu eta dieta orekatu errazak prestatzen ditu eta, horretarako, dauzkaten mantenugaiak bereizi ditu, eta gorputz parametro desberdinetara eta askotariko egoeretara egokitu.
Ebaluazio irizpideak:
a) Nutrizio eta elikatze prozesuen artean bereizi da.
b) Osasuna mantentzeko behar diren mantenugaiak bereizi dira.
c) Elikadura onak eta ariketa fisikoak giza gorputza zaintzean duten garrantzia onartu da.
d) Dietak osasunarekin lotu dira, eta bereizketa egin osasuna mantentzeko beharrezkoak direnen eta hari kaltea egin diezaioketenen artean.
e) Balantze kalorikoen gaineko kalkulua egin da, inguruneko ohiko egoeretan.
f) Oinarrizko metabolismoa kalkulatu da, eta haren emaitzak diagrama batera ekarri dira, konparaketak eta ondorioak ezartzeko.
g) Egoera zehatzetarako menuak prestatu dira, sarean elikagaien propietateak ikertuta.
9. Ohiko bizitzako egoerak ebazten ditu, adierazpen aljebraiko errazak erabiliz eta ebazteko metodo egokienak aplikatuz.
Ebaluazio irizpideak:
a) Egoera errazen erlazioak edo propietateak zehaztu dira, adierazpen aljebraikoen bidez.
b) Adierazpen aljebraikoak erraztu dira, garapen eta faktorizazio metodoak erabiliz.
c) Lehen mailako ekuazioen planteamendua eta ebazpena behar dituzten ohiko bizitzako problemak ebaztea lortu da.
d) Problema errazak ebatzi dira, grafikoak eta IKTak erabiliz.
Edukiak.
Problemak oinarrizko eragiketen bidez nola ebatzi:
-Zenbaki mota desberdinen ezagutza eta bereizketa. Zenbakizko zuzenean irudikatzea.
-Hierarkiaren erabilera eragiketetan, eta parentesien erabilera batuketa, kenketa, biderketa, zatiketa eta berreketa dakartzaten eragiketetan.
-Testuinguru desberdinetan zenbaki errealak eta eragiketak interpretatu eta erabiltzea eta kasu bakoitzean notazio egokiena hautatzea.
-Proportzionaltasuna: zuzenekoa eta alderantzizkoa. Ohiko bizitzako problemak ebazteko nola aplikatu.
-Portzentajeak ekonomian. Interes bakuna eta konposatua.
Laborategiko materialen eta instalazioen ezagutza:
-Laborategian lan egiteko arau orokorrak.
-Laborategiko materiala. Motak eta erabilgarritasuna.
-Segurtasun arauak.
Materiaren formen identifikazioa:
-Luzera unitateak: metroa, multiploak eta azpimultiploak.
-Edukiera unitateak: litroa, multiploak eta azpimultiploak.
-Masa unitateak: gramoa, multiploak eta azpimultiploak.
-Materia. Materiaren propietateak.
-Sistema material homogeneo eta heterogeneoak.
-Materiaren izaera korpuskularra.
-Materiaren sailkapena bere agregazio egoeraren eta osaeraren arabera.
-Materiaren egoera aldaketak. Fusio-tenperatura eta irakite-tenperatura. Tenperatura kontzeptua.
Nahasketen eta substantzien bereizketa:
-Substantzia hutsen eta nahasketen arteko desberdintasuna.
-Nahasketak banatzeko oinarrizko teknikak: dekantazioa, kristaltzea, destilazioa...
-Substantzia hutsen sailkapena. Taula periodikoa.
-Elementuen eta konposatuen arteko desberdintasuna.
-Nahasketen eta konposatuen arteko desberdintasuna.
-Lanbide profilarekin ikusteko duten materialak.
Energiaren ezagutza prozesu naturaletan:
-Energiaren agerpenak naturan.
-Energia eguneroko bizitzan.
-Energia mota desberdinak.
-Energiaren eraldaketa.
-Energia, beroa eta tenperatura. Unitateak.
-Energia iturri berriztagarriak eta ez-berriztagarriak.
Oinarrizko egitura anatomikoen lokalizazioa:
-Materia bizidunaren antolaketa mailak.
-Nutrizio prozesua: zertan den, zer aparatuk edo sistemak esku hartzen duten, bakoitzaren eginkizuna, haien integrazioa.
-Iraizte prozesua: zertan den, zer aparatuk edo sistemak esku hartzen duten, bakoitzaren eginkizuna, haien integrazioa.
-Erlazio prozesua: zertan den, zer aparatuk edo sistemak esku hartzen duten, bakoitzaren eginkizuna, haien integrazioa.
-Ugaltze prozesua: zertan den, zer aparatuk edo sistemak esku hartzen duten, bakoitzaren eginkizuna, haien integrazioa.
Osasunaren eta eritasunaren arteko desberdintasuna:
-Osasuna eta eritasuna.
-Immunitate sistema. Infekzioen kontrako defentsan esku hartzen duten zelulak.
-Higienea eta gaixotasunen prebentzioa.
-Eritasun infekziosoak eta ez infekziosoak.
-Txertoak.
-Transplanteak eta donazioak.
-Sexu bidez kutsatzen diren eritasunak. Prebentzioa.
-Osasun mentala: drogazaletasunen eta elikadurako nahasmenduen prebentzioa.
Menuak eta dietak egitea:
-Elikagaiak eta mantenugaiak.
-Elikadura eta osasuna. Jateko ohitura osasungarriak.
-Dietak eta haien prestakuntza.
-Elikagai batzuetan dauden mantenugaiak ezagutzea, haien bereizketa.
Ekuazio errazak nola ebatzi:
-Progresio aritmetiko eta geometrikoak.
-Egoeren azalpenak hitzezko lengoaiatik lengoaia aljebraikora itzultzea.
-Adierazpen aljebraikoen eraldaketa.
-Adierazpen aljebraikoen garapen eta faktorizazioa.
-Ezezagun bateko lehen mailako ekuazioak nola ebatzi.
Orientabide didaktikoak.
Modulu honek laguntzen du etengabeko ikaskuntzarako gaitasunak eskuratzen, eta prestakuntza eskaintzen du ikaslea bere buruaz nahiz inguruneaz jabetu dadin.
Modulu honen edukiek laguntzen dute ohitura osasungarriak finkatzen eta aplikatzen, ohiko bizitzaren alderdi guztietan.
Orobat, matematikaren hizkuntza operazionala erabiltzen dute mota desberdinetako problemen ebazpenean, edozein egoeratara egokiturik, bai ohiko bizitzan bai lan bizitzan.
Modulu honek bere baitan hartzen ditu zenbait zientzia, hala nola matematika, kimika, biologia eta geologia, eta haren irakaskuntzarako, ikasteko estrategiaren helmuga dira zientzien kontzeptu nagusiak eta printzipioak; horretarako, ikasleak inplikatzen ditu arazo errazen konponbidean eta beste zeregin adierazgarri batzuetan, eta aukera ematen die modu autonomoan lan egiteko, beren ikaskuntza eraiki dezaten eta berek sorrarazitako emaitza errealak erdiets ditzaten azken buruan.
Moduluaren gaitasunak lortzeko, honako jarduketa ildo hauek landu beharko dira irakaskuntza-ikaskuntza prozesuan:
-Zenbakiak eta haien eragiketak erabiltzea beren problemak ebazteko.
-Materiaren formak ezagutzea.
-Laborategiko oinarrizko materiala ezagutzea eta erabiltzea.
-Egitura anatomikoak identifikatzea eta lokalizatzea.
-Ahozko adierazpeneko ariketak egitea, jendeari kasu egiteko oinarrizko arauak aplikatuz.
-Elikaduraren garrantzia bizi osasungarrirako.
-Arazoen konponketa, hala eremu zientifikoan nola egunerokoan.
Lanbide modulua: Komunikazioa eta gizartea I.
Kodea: 3011.
Iraupena: 190 ordu.
1. prestakuntza unitatea
Ikaskuntzaren emaitzak eta ebaluazio irizpideak.
1. Historiaurreko eta Antzinaroko gizarteen bilakaera historikoa eta horiek paisaia naturalekin dituzten erlazioak baloratzen ditu eta horretan parte hartzen duten faktoreak eta elementuak aztertzen ditu, eta ondare naturala eta artistikoa estimatzeko jarrerak eta baloreak garatzen.
Ebaluazio irizpideak:
a) Paisaia natural baten ezaugarri nagusiak deskribatu dira iturri grafikoak aztertuz, eta elementu horiek ingurune hurbilenean ezagutu dira.
b) Azaldu da nola kokatu, lekualdatu eta ingurunera egokitu diren hominizazio garaiko giza taldeak, metalen menperatze teknikoa lortu arte horren adibide diren kultura nagusietan.
c) Historiaurreko mugarri artistiko aipagarrienak antolaketa sozialarekin eta sinesmen multzoarekin erlazionatu dira, eta egungo gizarteekiko desberdintasunak baloratu dira.
d) Gizarte horiek gaur egun arte nola iraun duten baloratu da, eta haien ezaugarri nagusiak konparatu dira.
e) Arkitekturaren eta eskulturaren lanak aztertzeko ezaugarri nagusiak bereizi dira adibide arketipikoen bidez, eta estilo kanonikoak bereizi dira.
f) Lehenbiziko gizarteek paisaia naturalean izan zuten eragina juzgatu da, eta antzinako hirien ezaugarriak eta gaur arte izan duten bilakaera aztertu dira.
g) Historiaurreko eta Antzinaroko gizarteen iraupena aztertu da, Iberiar Penintsulan eta penintsulaz kanpoko Espainiako lurraldeetan.
h) Informazioa biltzeko tresna errazak prestatu dira konposizio protokolizatuen estrategien bidez eta informazioaren eta komunikazioaren teknologiak erabiliz.
i) Norberaren ahaleginarekin eta elkarlanarekin bat heldu diren portaerak garatu dira.
2. Espazio europarraren eraikuntza baloratzen du, industriaren lehenbiziko eraldaketak eta nekazaritzako gizarteak izan arte; horretarako, haren ezaugarri nagusiak aztertu eta egungo gizartean eta ingurune hurbilean nola iraun duen baloratzen du.
Ebaluazio irizpideak:
a) Aztertu da antzinako mundua nola aldatu zen Erdi Arora igarota eta, horretarako, aztertu orobat, espazio europarraren eboluzioa, haren erlazioak Europaz kanpoko espazioarekin eta Erdi Aroko gizarteen ezaugarri aipagarrienak.
b) Erdi Aroko nekazaritzako paisaien ezaugarriak baloratu dira, baita haiek egungo gizarteetan nola iraun duten ere, eta haien elementu nagusiak identifikatu dira.
c) Ameriketan inperio kolonialak garatzeak bertako kulturetan eta Europakoan izandako ondorioak baloratu dira.
d) Monarkia absolutuaren eredu politikoa eta soziala aztertu da, Aro Modernoan, Europako potentzia nagusietan.
e) Aztertutako epean Europako populazioak izandako eraldaketen oinarrizko adierazle demografikoak baloratu dira.
f) Margolanak aztertzeko ezaugarri nagusiak deskribatu dira, Europan Pizkundetik abangoardia historikoak agertu arte elkarren segidan izandako eskolen eta estiloen adibide arketipikoak aztertuz.
g) Tituluaren profilak berezko d(it)uen produkzio sektore(ar)en eboluzioa aztertu da, antolaketa eta teknologia sistemetan izandako eraldaketak eta eboluzioaren mugarri nagusiak aztertuz.
h) Informazioa biltzeko tresna errazak prestatu dira konposizio protokolizatuen estrategien bidez eta informazioaren eta komunikazioaren teknologiak erabiliz.
i) Norberaren ahaleginarekin eta elkarlanarekin bat heldu diren portaerak garatu dira.
3. Komunikazio estrategiak erabiltzen ditu ahozko informazioa interpretatu eta jakinarazteko gaztelaniaz, eta, hala balegokio, euskaraz, lehen hizkuntza gisa (1H); horretarako, entzute aktiboaren printzipioak, konposiziorako estrategia errazak eta oinarrizko arau linguistikoak erabiltzen ditu.
Ebaluazio irizpideak:
a) Egungo gertaerei buruz hedabideetatik heldu diren ahozko testuen egitura aztertu da, baita haien ezaugarri nagusiak identifikatu ere.
b) Oinarrizko trebetasunak aplikatu dira entzute aktiboan, eta ahozko mezu baten zentzu orokorra eta eduki berariazkoak identifikatu dira.
c) Hitzik gabeko komunikazioaren elementuak behar bezala erabili dira arrazoibideetan eta azalpenetan.
d) Hizkuntzaren erabilerak eta mailak eta ahozko mezuak ulertu eta osatzeko hizkuntza arauak aztertu dira, eta erabilera diskriminatzaileak baloratu eta berrikusi dira, batik bat generoen arteko harremanetan.
e) Gramatikaren terminologia egokia erabili da jarduera gramatikal proposatuak ulertzean eta haiek ebaztean.
4. Komunikazio estrategiak erabiltzen ditu idatzizko informazioa interpretatu eta jakinarazteko gaztelaniaz, eta, hala balegokio, euskaraz, lehen hizkuntza gisa (1H); horretarako, irakurketa ulerkorraren estrategiak eta analisi, sintesi eta sailkapen estrategiak aplikatzen ditu modu egituratuan eta progresiboan, hautatutako testu laburren konposizio autonomoan.
Ebaluazio irizpideak:
a) Testu moten ezaugarri nagusiak baloratu eta aztertu dira, haien egokitasunari dagokionez egin gogo den lanerako.
b) Askotariko bilaketa tresnak erabili dira idatzizko testu bat ulertzeko, edukiak berrinterpretatzeko estrategiak aplikatuz.
c) Ulermenezko irakurketako estrategiak erabili dira, modu sistematikoan, testuak konprenitzean, ikaskuntza jardueretan aplikatzeko ondorioak atereaz eta erabilera diskriminatzaileak ezagutuz, genero ikuspegi batetik.
d) Idatzizko testu baten edukia laburtu da, ideia nagusia, bigarren mailakoak eta komunikazio helburua atera eta lortutako ondorioak berrikusi eta birformulatu dira.
e) Egunero erabiltzen diren idatzizko testu batzuen egitura aztertu da, eta hizkuntzaren erabilera eta mailak, eta horiek prestatzeko jarraibideak ezagutu dira.
f) Gramatikaren eta ortografiaren arau nagusiak aplikatu dira testuak idazteko, ondoriozko testua argia eta zehatza izan dadin.
g) Jarraibide sistematikoak garatu dira idatzizko testuak prestatzean, egindako ikaskuntzak baloratzeko eta zer ikasi behar den birformulatzeko, idatzizko komunikazioa hobetu beharrez.
h) Idazlanak aurkezteko jarraibideak aztertu dira, kontuan harturik edukia, formatua eta hartzailea, testuinguruari egokitutako hiztegia erabiliz.
i) Egitura gramatikalak ulertzeko eta aztertzeko jarduerak gauzatu dira, eta egindako inferentzien baliozkotasuna frogatu.
5. XIX. mendearen aurreko literaturaren testuak irakurtzen ditu, gaztelaniazko literaturaren adierazgarriak, eta, hala balegokio, euskarazko literaturarenak ere bai, lehen hizkuntza gisa (1H), eta irizpide estetikoak sortzen ditu gustu pertsonala garatzeko.
Ebaluazio irizpideak:
a) Gaztelaniazko, eta, hala balegokio, euskarazko literaturaren eboluzioaren etapak erkatu dira aztertutako aroan, eta maila handiko obra adierazgarrienak ezagutu.
b) Hizkuntzaren egitura eta erabilera baloratu dira mailara egokitutako literatur lanaren irakurketa pertsonalean, obra bere testuinguruan kokatuta, eta informazioa biltzeko tresna protokolizatuak erabili dira.
c) Iritzi pertsonal arrazoituak adierazi dira obran gehien eta gutxien estimatu diren alderdiei buruz, baita edukiaren eta norberaren bizipenen arteko erlazioari buruz ere.
d) Estrategiak aplikatu dira literatur testuak ulertzeko, kontuan izanik oinarrizko motiboak eta gaiak.
e) Informazioa aurkeztu da gaztelaniazko eta, hala balegokio, euskarazko literaturaren aro, egile eta lanei buruz, literatur testuetatik abiatuta.
Edukiak.
Historiaurreko eta Antzinaroko gizarteak eta haiek natur ingurunearekin duten erlazioa baloratzea:
-Paisaia naturalak. Alderdi orokorrak eta tokikoak.
-Historiaurreko gizarteak.
-Hirien sorrera:
Hiri habitata eta haren bilakaera.
Hiria irudikatzeko grafikoak.
Antzinaroko hirietako gizarteak.
Kultura grekoa: zabalera, ezaugarriak eta mugarri nagusiak.
Arte grekoaren ezaugarri funtsezkoak.
Erromatar kultura.
Erromatar artearen ezaugarri funtsezkoak.
-Informazioaren tratamendua eta prestaketa hezkuntzako jardueretarako:
Oinarrizko baliabideak: gidoiak, eskemak eta laburpenak, besteak beste.
Lokalizazio kronologikorako tresna errazak.
Hiztegi hautatua eta berariazkoa.
Espazio europarraren sorrera Erdi Aroan eta Aro Modernoan; haren balorazioa:
-Erdi Aroko Europa:
Usadioen eta ohituren iraupena. Nekazaritzako espazioa eta haren ezaugarriak.
Beste kultura batzuekiko kontaktua.
-Monarkia absolutuen Europa:
Europako monarkia handiak: kokapena eta garapena Europako testuinguruaren maparen gainean.
Espainiako monarkia absolutua.
Ekoizpen sektorearen bilakaera aro horretan.
-Amerikako kolonizazioa.
-Populazioaren azterketa:
Espazio europarraren bilakaera demografikoa.
Populazioaren grafikoen iruzkina: jarraibideak eta oinarrizko tresnak.
-Europako artearen bilakaera Erdi Aroan eta Aro Modernoan:
Oinarrizko jarraibideak margolanen iruzkina egiteko.
-Informazioaren tratamendua eta prestaketa hezkuntzako jardueretarako:
Oinarrizko baliabideak: laburpenak, fitxa tematikoak, biografiak, kalkulu orriak edo antzekoak, prestaketa, besteak beste.
Berariazko hiztegia.
Ahozko komunikaziorako estrategiak erabiltzea gaztelaniaz, eta, hala balegokio, euskaraz:
-Ahozko testuak.
-Entzute aktiboa aplikatzea ahozko testuak ulertzeko.
-Ahozko komunikazioan disrupzioa saihesteko jarraibideak.
-Trukaketa komunikatiboa:
Hizkuntzatik kanpoko elementuak ahozko komunikazioan.
Hizkuntzaren ahozko erabilera formalak eta informalak.
Komunikazioaren testuingurura egokitzea.
-Arau linguistikoak aplikatzea ahozko komunikazioan. Esaldiaren antolaketa: oinarrizko egitura gramatikalak.
-Ahozko konposizioak:
Ahozko azalpen errazak egungo gertaerei buruz.
Ahozko aurkezpen errazak.
Sostengu baliabideak erabiltzea: ikus-entzunezkoak eta IKTak.
Idatzizko komunikaziorako estrategiak erabiltzea gaztelaniaz, eta, hala balegokio, euskaraz:
-Testu motak. Ohiko bizitzari eta bizitza profesionalari buruzko testuen ezaugarriak.
-Irakurtzeko estrategiak: elementu testualak.
-Askotariko hiztegiak erabiltzeko jarraibideak.
-Oinarrizko estrategiak idatzizko konposiziorako prozesuan.
-Idatzizko testuak euskarri desberdinetan aurkeztea:
Arau gramatikalen aplikazioa.
Arau ortografikoen aplikazioa.
-Idatzizko testuak:
Testuaren lokailu nagusiak.
Aditzaren oinarrizko formak testuetan, arreta berezia eskainiz aditz-perifrasien aspektuzko balioei.
Aditzaren funtzioak: mendekoa, aditz-izena, aditz-adjektiboa eta aditz-adberbioa.
Sintaxia: enuntziatua, esaldia eta perpausa; subjektua eta predikatua; osagarri zuzena, zeharkakoa, zirkunstantziala, agentea eta atributua.
XIX. mendearen aurreko literatur testuak irakurtzea gaztelaniaz, eta, hala balegokio, euskaraz:
-Pasarte literarioak irakurtzeko jarraibideak.
-Literatur obra bat irakurtzean informazioa biltzeko tresnak.
-Gaztelaniazko eta, hala balegokio, euskarazko literaturaren ezaugarri estilistikoak eta tematikoak, Erdi Arotik XVIII. mendera bitarte.
-Narratiba. Literatur garaiaren arabera errepikatzen diren gaiak eta estiloak.
-Poemak irakurri eta interpretatzea. Literatur garaiaren arabera errepikatzen diren gaiak eta estiloak.
-Antzerkia. Literatur garaiaren araberako gaiak eta estiloak.
2. prestakuntza unitatea
1. Ahozko informazioa ingelesez, eta, hala balegokio, euskaraz, bigarren hizkuntza gisa (2H), komunikatzeko estrategiak erabiltzen ditu, eta prestatzen ditu luzera txikiko ahozko aurkezpenak, ongi egituratuak, esparru pertsonal edo profesionalean maiz agertzen diren eguneroko komunikazio egoera ohikoei buruzkoak.
Ebaluazio irizpideak:
a) Entzute aktiboaren estrategiak aplikatu dira, bildutako mezuak zehatz-mehatz ulertzeko.
b) Mezu zuzenen edo formatu elektronikoen bidez bildutakoen oinarrizko komunikazio xedea identifikatu da, eta komunikazio egoerak eta erabilitako hiztegian duten ondorioak baloratu.
c) Ahozko testuaren zentzu orokorra identifikatu da; hark informazioa modu sekuentziatuan aurkezten du, maiz eta aurreikusteko moduko edukiekin gertatu ohi diren egoeretan.
d) Fonetika eta intonazioko ezaugarri komun eta begi bistakoak identifikatu dira, mezuaren zentzu orokorra ulertzera laguntzen dutenak.
e) Esparru pertsonalean nahiz profesionalean deskribatzen, kontatzen edo erakusten duten testu laburren aurkezpenak egin dira, gidoi erraz bati jarraikiz, testu mota bakoitzaren egitura aplikaturik eta baliabide informatikoak erabiliz, hala behar izan denean.
f) Egitura gramatikal oinarrizkoak erabili dira eta, orobat erabili, esamolde, esaldi eta hitzen errepertorio funtsezko eta mugatua, testuaren komunikazio xedea zein den eta huraxe, maiz eta aurreikusteko moduko edukiekin gertatu ohi diren egoeretan.
g) Halako argitasun batez mintzatu da, intonazio eta ahoskera ulerterrazak erabiliz. Onartzen dira etenak eta duda sarriak.
h) Gogoetazko jarrera agertu da edozein diskriminazio mota dakarren informazioaren gainean.
i) Atzerriko hizkuntza, eta, hala balegokio, euskara erabiltzen duten herrietan, gizarte harreman oinarrizko eta estandarizatuak identifikatu dira.
j) Atzerriko hizkuntza, eta, hala balegokio, euskara erabiltzen duen komunitatearen ohitura edo eguneroko jarduerak identifikatu dira.
2. Solasaldietan parte hartzen du ingelesez eta, hala balegokio, euskaraz, bigarren hizkuntza gisa (2H), hizkuntza erraz eta argia erabiliz esparru pertsonalean nahiz profesionalean maiz gertatzen diren ohiko egoeretan, komunikaziorako oinarrizko estrategiak abiaraziz.
Ebaluazio irizpideak:
a) Elkarrizketa egin da, irakasleak zuzendurik eta ongi egituratutako gidoi bati jarraikiz, perpaus ereduen eta solasaldi labur eta oinarrizkoen errepertorio buruz ikasia erabilirik maiz eta aurreikusteko moduko edukiekin gertatu ohi diren egoeretan.
b) Elkarreragina mantendu da, komunikazio estrategia errazak erabiliz, interesa eta ulermena erakutsi beharrez.
c) Konpentsazioko estrategia oinarrizkoak erabili dira, atzerriko hizkuntzan, eta, hala balegokio, euskaran, bigarren hizkuntza gisa (2H), ikasleak dituen gabeziak berdintzeko.
d) Egitura gramatikal oinarrizkoak erabili dira eta, orobat erabili, esamolde, esaldi, hitz eta diskurtsoaren markatzaile linealen errepertorio funtsezko eta mugatua, testuaren komunikazio xedea zein den eta huraxe.
e) Halako argitasun batez mintzatu da, intonazio eta ahoskera ulerterraza erabiliz. Onartzen dira etenak eta duda sarriak.
3. Ingelesezko eta, hala balegokio, bigarren hizkuntza gisa (2H), euskarazko testu idatzi labur eta errazak prestatzen ditu, esparru pertsonalean nahiz profesionalean maiz gertatu ohi diren komunikazio egoeretan, ulermenezko irakurketako estrategiak aplikatuz eta konposizioko estrategia egituratuak garatuz.
Ebaluazio irizpideak:
a) Testua ulermenez irakurri da, eta haren ezaugarri oinarrizkoak eta eduki orokorra ezagutu.
b) Testuaren funtsezko ideiak eta komunikazio xede oinarrizkoa identifikatu dira.
c) Egitura gramatikal oinarrizkoak identifikatu dira eta, orobat, esamolde, esaldi, hitz eta diskurtsoaren markatzaile linealen errepertorio mugatua, maiz eta aurreikusteko moduko edukiekin gertatu ohi diren egoeretan.
d) Esaldi eta perpausak osatu eta berrantolatu dira, komunikazio xedeari eta gramatika arau oinarrizkoei loturik.
e) Testu laburrak prestatu dira, komunikazio xedeari egokituak, eredu egituratuei jarraikiz.
f) Funtsezko lexikoa erabili da, ohiko egoerei eta eremu pertsonalari eta profesionalari egokitua.
g) Interesa agertu da idatzizko testuen aurkezpen txukunean, gramatika, ortografia eta tipografia arauei men eginez eta berrikusteko jarraibide errazak erabiliz.
h) Hiztegiak erabili dira, inprimatuak nahiz onlinekoak, eta orobat testu-tratamenduko programen zuzentzaile ortografikoak testuak prestatzean.
i) Gogoetazko jarrera agertu da edozein diskriminazio mota dakarren informazioaren gainean.
Edukiak.
Ahozko testu oinarrizkoen ulermena eta ekoizpena ingelesez eta, hala balegokio, euskaraz, bigarren hizkuntza gisa (2H):
-Ideia nagusiak, dei, mezu, agindu eta argibide hagitz garbietan.
-Pertsona, toki eta gauzen deskribapen orokorra (esparru profesional eta jendaurrekoak).
-Orainaldian, lehenaldian eta geroaldian maiz gertatu ohi diren egoeren gaineko narrazioa.
-Ohiko lexikoa, esamolde eta esaldi errazak, esparru pertsonaleko eta profesionaleko eguneroko hitz-truke eta kudeaketetan moldatzeko.
-Baliabide gramatikalak:
Aditz denbora eta formak orainaldian, lehenaldian; aditz nagusiak, modalak eta laguntzaileak. Komunikazio funtzioak, maiz gertatu ohi diren egoeretan.
Hizkuntzaren funtsezko elementuak.
Diskurtsoaren markatzaileak hasteko, ordenatzeko eta bukatzeko.
-Oinarrizko multzo foniko eta fonema zailenen ahoskera.
-Erregistro egokien erabilera gizarte harremanetan.
-Ulertze eta entzute aktiboko estrategia funtsezkoak.
Solasaldietan parte hartzea ingelesez eta, hala balegokio, euskaraz, bigarren hizkuntza gisa (2H):
-Ulertze eta entzute aktiboko estrategiak, elkarreragina hasteko, mantentzeko eta bukatzeko.
Mezu eta testu errazak prestatzea ingelesez eta, hala balegokio, euskaraz, bigarren hizkuntza gisa (2H):
-Esparru pertsonaleko edo lan esparruko eguneroko testu oinarrizkoen informazio orokorra eta ideia nagusia ulertzea.
-Ohiko lexikoa, esparru pertsonaleko eta lan esparruko eguneroko hitz-truke eta kudeaketetan moldatzeko.
-Idatzizko testu labur, erraz eta ongi egituratuen prestaketa.
-Baliabide gramatikalak:
Aditz denborak eta formak. Denbora erlazioak: lehenagokotasuna, ondorengotasuna eta aldiberekotasuna.
Oinarrizko egitura gramatikalak.
Esparru pertsonaleko edo lan esparruko eginkizun komunikatibo ohikoenak idatzizko baliabideetan.
-Funtsezko elementu linguistikoak, testu moten, testuinguruen eta helburu komunikatiboen arabera.
-Testuaren oinarrizko propietateak.
-Irakurria ulertzeko estrategiak eta teknikak.
-Planifikaziorako eta zuzenketarako estrategiak.
Orientabide didaktikoak.
Modulu honek laguntzen du etengabeko ikaskuntzarako gaitasunak eskuratzen, eta beharrezko prestakuntza dakar ikasleak gai izan daitezen gizakien jarduerarekin ikusteko duten fenomenoen oinarrizko ezaugarriak ezagutzeko eta komunikaziorako trebetasunak hobetzeko.
Gizarte zientziei, gaztelaniari, literaturari eta, hala balegokio, euskarari, eta ingelesari buruzko oinarrizko ezagutzak biltzen dituen modulu hau irakasteko ikaskuntza estrategiak helmuga du testuaren analisirako oinarrizko tresnak erabiltzea, ahozko zein idatzizko informazio egituratua prestatzea, espazioan eta denboran lokalizatzea fenomeno sozialak eta kulturalak eta sinesmenen dibertsitatea errespetatzea, baita eguneroko harremanetarako jarraibideak ere gizarte eta giza talde desberdinetan; horretarako ikasleak eginkizun mamitsuetan inplikatzen ditu, modu autonomoan eta taldean lan egin ahal izateko.
Moduluaren gaitasunak lortzeko, honako jarduketa ildo hauek landu beharko dira irakaskuntza-ikaskuntza prozesuan:
-Prestakuntzarako plan pertsonalizatu bat zehaztea, helburu izanen duena ikaslearen integrazioa lortzea proposatutako ikasketa egoeretan, motibatzeko estrategiak aplikatuz.
-Jardueretan eta ikaskuntza denboraren kudeaketan autonomia bultzatzea, soziolinguistikaren arloko gaitasunei eta edukiei dagokienez.
-Trebetasun sozialak garatzeari buruzko dinamikak egitea, diziplinaren ohiturak eta banaka eta taldeka lan egitekoak finkatzeko.
-Nork bere eskura dituen estrategiak, baliabideak eta informazio iturriak erabiltzea, IKTen erabilera sustatuz, norberaren inguruko errealitateari buruzko azalpen egituratuak osatzeko beharrezko informazioaren balorazioaz hausnarketan laguntzeko.
-Metodo globalizatzaileak erabiltzea (proiektuak, interesguneak, besteak beste), bide ematen dutenak ikasleak ikaskuntza jardueretan integratzeko. Haiek gaurkotasunarekin lotzen dituen lan metodologian erabiliz gauzatzen da integrazioa.
-Ahal den guztietan, lanbide profilari dagozkion gaitasunekin lotzen diren jarduerak programatzea.
Gizarte Zientziei dagokienez, moduluaren helburuak lortzeko, honako jarduketa ildo hauek landu beharko dira irakaskuntza-ikaskuntza prozesuan:
-Jakintzak era motibatzailean biltzea, gizarteen dibertsitatea aztertu eta baloratu ahal izateko.
-Norberaren eskura dauden informazio iturriak eta baliabideak erabiltzea, lortzen den informazioa antolatzeko, haren integrazioa errazteko hezkuntza lanean.
-Iraganaren arrastoaz ohartzea eguneroko bizitzan, giza taldeen dibertsitatea eta haiek denboran zehar lortutakoa baloratuz.
-Inguruneko problemak baloratzea eskura dagoen informazioa aztertuta, arrazoitutako azalpenak ematea eta haien aurrean jarduteko moduaz hausnartzea, jarraibideen araberako ikasketa egoeretan.
-Adierazpen artistikoez gozatzeko irizpideak eta horiek behatzeko gaitasunak bultzatzea, produkzio artistiko arketipikoak jarraibideen arabera aztertuz eta balio estetiko eta tematikoak baloratuz.
Hizkuntzak ikasteari dagokionez, moduluaren helburuak lortzeko, honako jarduketa ildo hauek landu beharko dira irakaskuntza-ikaskuntza prozesuan:
-Hizkuntza erabiltzea ahozko zein idatzizko mezu errazak interpretatu eta prestatzean, norberaren inguruneko zenbait egoera komunikatibo eta testualetan.
-Norberaren inguruneko egoeretara egokitutako hiztegia baliatzea, orientabidea emanen duena moduluan erabilitako adibideak, jarduerak eta edukiak zehazteko.
-Autoikaskuntza errazten duten estrategia didaktikoak hautatu eta gauzatzea, hizkuntza ahal den komunikazio egoera errealenetan erabiltzera daramatenak, informazioaren eta komunikazioaren teknologien ahalbideak erabiliz (posta elektronikoa, SMSak, Internet, sare sozialak, besteak beste).
-Komunikazio teknikak erabiltzea talde lana bultzatzeko, hezkuntza jardueretan arrakasta bermatuta integratu daitezen.
-Inguruneko kulturen eta ohituren aniztasuna baloratzea, eta hori hiztun desberdinekin hizkuntza erabiltzeak ekartzen dituen beharrekin lotzea.
-Irakurketa ohiturak garatzea, literaturaren ekoizpenaz gozatzeko, norberaren beharren eta ezaugarrien arabera hautatutako testuen bidez.
Lanbide modulua: Datuak transmititzeko sareen instalazioa eta mantentze-lanak.
Kodea: 3016.
Iraupena: 170 ordu.
Ikaskuntzaren emaitzak eta ebaluazio irizpideak.
1. Ahotsa eta datuak transmititzeko sareak eratzen dituzten elementuak hautatzen ditu, eta haien ezaugarri nagusiak eta funtzionalitatea deskribatzen.
Ebaluazio irizpideak:
a) Ahotsa eta datuak transmititzeko sareekin zerikusia duten instalazio motak identifikatu dira.
b) Datuak transmititzeko sare bateko elementuak (kanalizazioak, kableak, antenak, armairuak rack-ak eta kaxak, besteak beste) identifikatu dira.
c) Eroale motak (kobre parea, kable ardazkidea, zuntz optikoa, besteak beste) sailkatu dira.
d) Kaxen tipologia (erregistroak, armairuak, rack-ak, kanpoko kaxak, horman sartuak, besteak beste) zehaztu da.
e) Kanalizazioak eta sistemak finkatzeko elementu motak (takoak, bridak, torlojuak, azkoinak eta grapak, besteak beste) deskribatu dira.
f) Finkagailuak eutsi beharreko elementuarekin erlazionatu dira.
2. Kanalizazioak, euskarriak eta armairuak muntatzen ditu ahotsa eta datuak transmititzeko sareetan, elementuak instalazioaren planoan identifikatzen ditu, eta muntaketaren teknikak aplikatzen.
Ebaluazio irizpideak:
a) Kanalizazioak instalatzeko eta egokitzeko erabiltzen diren teknika eta erremintak hautatu dira.
b) Rack bat muntatzeko ohiko faseak hartu dira kontuan.
c) Instalazioko elementuak non kokatu behar diren identifikatu da eraikin osoaren edo haren zati baten krokis batean.
d) Kaxak eta kanalizazioak non kokatu prestatu da.
e) Kanalizazioak eta kaxak prestatu edo/eta mekanizatu dira.
f) Armairuak (rack-ak) muntatu dira planoa interpretatuz.
g) Kanalizazioak, kaxak eta hodiak, besteak beste, muntatu dira, haien finkapen mekanikoa segurtatuz.
h) Segurtasun arauak aplikatu dira erremintak eta sistemak erabiltzean.
3. Ahots- eta datu-sare baten kableak hedatu dira, haren trazadura aztertuz.
Ebaluazio irizpideak:
a) Ahotserako eta datuetarako erabiltzen diren transmisio bideak bereizi dira.
b) Instalazioaren kableen eta haren hedaduraren xehetasunak ezagutu dira (kableen kategoria, zein lekutatik igarotzen den, kanalizazioetarako euskarria, besteak beste).
c) Kableak pasatzeko gida motak erabili dira, eta kableak gidari ezin hobe lotzeko modua adierazi da.
d) Kablea moztu eta etiketatu da.
e) Komunikazio-armairuak eta haien osagarriak muntatu dira.
f) Erabiltzaile-harguneak eta adabaki-panelak muntatu eta konektatu dira.
g) Behar den kalitatez eta segurtasunez egin da lan.
4. Ahotsa eta datuak transmititzeko elementuak eta sistemak instalatzen ditu, muntatze teknikak ezagutuz eta aplikatuz.
Ebaluazio irizpideak:
a) Hainbat pieza dituzten elementuak elkartu dira.
b) Kableak etiketen edo koloreen arabera identifikatu dira.
c) Sistemak edo elementuak (antenak, anplifikadoreak, besteak beste) beren kokalekuan jarri dira.
d) Erremintak hautatu dira.
e) Sistemak edo elementuak finkatu dira.
f) Kableak sistemekin eta elementuekin konektatu dira, eta kontaktu egokia dutela segurtatu da.
g) Edergarriak, tapak eta apaingarriak jarri dira.
h) Segurtasun arauak aplikatu dira erremintak eta sistemak erabiltzean.
5. Sare lokal kabledunetan konfigurazioaren oinarrizko lanak egiten ditu, eta haren aplikazioekin erlazionatzen ditu.
Ebaluazio irizpideak:
a) Sare lokalen funtzionamenduaren printzipioak deskribatu dira.
b) Sare motak eta haien egitura alternatiboak identifikatu dira.
c) Sare lokalaren elementuak ezagutu dira, eta duten funtzioarekin identifikatu.
d) Transmisiorako bideak deskribatu dira.
e) Sare lokalaren mapa fisikoa interpretatu da.
f) Sare lokalaren mapa fisikoa irudikatu da.
g) Sare lokalaren mapa fisikoa irudikatzeko aplikazio informatikoak erabili dira.
6. Laneko arriskuen prebentzioari eta ingurumen-babesari buruzko arauak betetzen ditu, eta elkartutako arriskuak eta haiei aurrea hartzeko neurriak eta sistemak identifikatu.
Ebaluazio irizpideak:
a) Materialak, erremintak, lanabesak, makinak eta garraiobideak manipulatzearen ondoriozko arriskuak eta arrisku-maila identifikatu ditu.
b) Makinak erabiltzean segurtasun arauak bete dira.
c) Materialak, erremintak, eta ebaketa eta konformazioko makinak manipulatzean, besteak beste, istripuen sorbururik ohikoenak identifikatu ditu.
d) Muntaketa eta mantentze lanetan erabili behar diren segurtasun elementuak (babesak, alarmak, larrialdietarako igarobideak, besteak beste) eta banakako babes sistemak (oinetakoak, begien babesa, jantziak, besteak beste) deskribatu dira.
e) Material, erreminta eta makinen manipulazioa beharrezko segurtasun neurriekin eta babes pertsonalarekin erlazionatu da.
f) Ingurumenaren kutsadura-iturriak zein izan daitezkeen identifikatu du.
g) Sortutako hondakinak sailkatu dira, gaika biltzeko.
i) Arriskuei aurrea hartzeko lehen faktore gisa, instalazio eta sistemetako ordena eta garbitasuna baloratu dira.
Edukiak.
Ahotsa eta datuak transmititzeko sareen elementuak hautatzea.
-Transmisio bideak: kable ardazkidea, pare txirikordatua eta zuntz optikoa, besteak beste.
-Eraikinetako telekomunikazioko azpiegituren instalazioak. Ezaugarriak.
-Interkonexioko sistema eta elementuak.
Kanalizazioak, euskarriak eta armairuak muntatzea ahotsa eta datuak transmititzen dituzten sareetan:
-Kanalizazioak, euskarriak eta armairuak muntatzea telekomunikazioko instalazioetan.
-Kanalizazioen ezaugarriak eta motak: hodi zurrunak eta malguak, kanalak, erretiluak eta euskarriak, besteak beste.
-Kanalizazioen prestaketa eta mekanizazioa. Kanalizazioak eta hodiak muntatzeko teknikak.
Kableak hedatzea:
-Kableak instalatzeko gomendioak.
-Eroaleak jartzeko teknikak.
-Eroaleak identifikatzea eta etiketatzea.
Ahotsa eta datuak transmititzeko elementuak eta sisteman instalatzea:
-Finkagailuen ezaugarriak eta motak. Muntatzeko teknikak.
-Telekomunikazioko instalazioetako sistemak eta elementuak muntatzea.
-Tresnak.
-Telekomunikazioko instalazioetako sistemak instalatu eta finkatzea.
-Finkatzeko teknikak: armairuetan, kanpoan.
-Eroaleak konektatzeko teknikak.
Sare lokalen oinarrizko konfigurazioa:
-Ezaugarriak. Alde onak eta txarrak. Motak. Sareko elementuak.
-Sare lokal baten elementuak eta leku fisikoak identifikatzea.
-Komunikazioetako gelak eta armairuak.
-Konektoreak eta sare-harguneak.
-Sareak elkarrekin konektatzeko gailuak.
-Interkonexio gailuen oinarrizko konfigurazioa sare kabledunean eta hari gabekoan.
Laneko arriskuei aurrea hartzeko eta ingurumena babesteko arauak betetzea:
-Segurtasun arauak. Segurtasun baliabide eta sistemak.
-Laneko arriskuei aurrea hartzeko eta ingurumena babesteko arauak betetzea.
-Arriskuak identifikatzea.
-Laneko arriskuei aurrea hartzeko neurriak zehaztea.
-Laneko arriskuei aurrea hartzea muntaketa prozesuetan.
-Norberaren babeserako sistemak.
-Laneko arriskuei aurrea hartzeko araudia betetzea.
-Ingurumena babesteko araudia betetzea.
Orientabide didaktikoak.
Ingurune txikietan, sare lokaletako instalazioetan kanalizazioak, kableak eta sistema lagungarriak instalatzeko eginkizunari lotutako prestakuntza du lanbide modulu honek.
Eginkizun horren definizioak honelako alderdiak biltzen ditu:
-Sistemak, elementuak, erremintak eta bitarteko lagungarriak identifikatzea.
-Kanalizazioak eta euskarriak muntatzea.
-Kableak jartzea sare lokal kabledunetan.
-Sare lokaleko elementuak muntatzea.
-Sareko elementuak integratzea.
Moduluaren gaitasunak lortzeko, honako jarduketa ildo hauek landu beharko dira irakaskuntza-ikaskuntza prozesuan:
-Sistemak, bitarteko lagungarriak, sistemak eta erremintak identifikatzea instalazioak muntatzeko eta haietan mantentze-lana egiteko.
-Instalazioetako sistema eta elementuak muntatzeko teknikak aplikatzea.
-Ohiko magnitudeak neurtzea instalazioetan.
Lanbide modulua: Bulegotika eta dokumentuen artxiboa.
Kodea: 3031.
Iraupena: 280 ordu.
Ikaskuntzaren emaitzak eta ebaluazio irizpideak.
1. Online tramitatzen du informazioa, internet, intranet eta beste sare batzuetako tresnak erabiliz.
Ebaluazio irizpideak:
a) Sar gaitezkeen informazio sareak identifikatu dira.
b) Sare informatikoetan informazioa bilatzeko zenbait metodo bereizi dira.
c) Informazioa eskuratu da internet, intranet eta sare lokal batzuen bidez.
d) Agiriak aurkitu dira interneteko tresnak erabiliz.
e) Artxiboak gordetzeko zerbitzu konpartituetan (“hodeia”) artxiboak jarri dira, eta han biltegiratuta dauden artxiboak berreskuratu.
f) Aurkitutako informazioaren egiazkotasuna egiaztatu da.
g) Erakundeen orrialdeak eta oro har internetekoak administrazio izapideak egiteko balio duten ebaluatu da.
2. Barne eta kanpoko komunikazioak egiten ditu posta elektronikoko utilitateen bidez, ezarritako jarraibideekin bat.
Ebaluazio irizpideak:
a) Barne eta kanpoko mezuak transmititu eta jasotzeko prozedurak identifikatu dira.
b) Posta elektronika erabili da barne eta kanpoko mezuak bidali eta jasotzeko.
c) Dokumentuak eta estekak, besteak beste, erantsi zaizkio posta elektronikoko mezuei.
d) Posta elektronikoko utilitateak erabili dira informazioa banatzeko zerrendak eta kontaktuak, besteak beste, sailkatzeko.
e) Lehentasun, garrantzi eta jarraipen irizpideak, besteak beste, aplikatu dira mezuak bidaltzean, jasotako jarraibideekin bat.
f) Segurtasun eta konfidentzialtasun neurriak egiaztatu dira informazioa zaindu edo bidaltzean, finkatutako jarraibideekin bat.
g) Agenda antolatu da, eta atazak, abisuak eta lana planifikatzeko beste tresna batzuk erabili dira.
3. Dokumentuak lantzen ditu, testu-tratamenduko programen oinarrizko funtzioak erabiliz.
Ebaluazio irizpideak:
a) Testu-tratamenduko eta autoedizioko programen oinarrizko funtzioak, ezaugarriak eta prozedura sinpleak identifikatu dira.
b) Informazioaren segurtasunari, integritateari eta konfidentzialtasunari buruzko arauak bermatzen dituzten funtzioak eta utilitateak identifikatu dira.
c) Dokumentua lokalizatu, ireki eta emandako formatu eta helbidean gorde da, eta izen esanguratsu bat eman zaio berriro erraz lokalizatzeko.
d) Dokumentuaren orriak itxuratu dira jatorrizkoen edo proposatutako argibideen arabera: marjinak, neurriak eta orientazioa, taulak, goiburuak eta orri-oinak, zutabeen moduko antolaketa, ertzak, itzaldura eta beste batzuk.
e) Taulen aukerak erabili dira, zehatz eta trebe egin ditu dokumentuak eta ezarritako formatu, testu-estilo eta taulak edo txantiloi aurredefinituak aplikatu ditu.
f) Informazioa berrerabili edo sartzean izandako akatsak zuzendu dira. Objektu sinpleak testuarekin integratu dira, behar diren toki eta moduan.
g) Inprimaketaren aukerak konfiguratu dira emandako informazioaren arabera.
h) Egindako dokumentuak inprimatu dira.
i) Testu-tratamenduko programak informazioaren segurtasun, integritate eta konfidentzialtasuna bermatzeko dituen funtzioak eta utilitateak erabili dira, jasotako jarraibideekin bat.
4. Dokumentuak lantzen ditu, kalkulu orrien oinarrizko aplikazioak erabiliz.
Ebaluazio irizpideak:
a) Mota guztietako datuak eta erreferentziak erabili dira gelaxka, barruti, orri eta liburuetarako.
b) Oinarrizko formulak eta funtzioak aplikatu dira.
c) Hainbat motatako grafikoak sortu eta aldatu dira.
d) Kalkulu orria datu-base sinple gisa erabili da.
e) Aplikazioak eta periferikoak erabili dira, testuak, zenbakiak, kodeak eta irudiak sartzeko.
f) Ergonomia eta osasuneko arauak aplikatu dira jarduerak gauzatzean.
5. Aurkezpen grafikoak egiten ditu eta, horretarako, aplikazio informatikoak erabiltzen ditu.
Ebaluazio irizpideak:
a) Aurkezpenak egiteko aplikazioen oinarrizko aukerak identifikatu dira.
b) Aurkezpen batekin lotutako ikuspegi motak ezagutu dira.
c) Tipografiak, konposizio eta diseinuko oinarrizko arauak eta kolorearen erabilerakoak aplikatu eta ezagutu dira.
d) Aurkezpen sinpleak sortu dira eta horietan testua, grafikoak, objektuak eta multimedia artxiboak sartu dira.
e) Aurkezpenen txantiloiak diseinatu dira.
f) Periferikoak erabili dira aurkezpenak exekutatzeko, eta ongi funtzionatzen dutela bermatu da.
6. Erreprodukzio, informatika eta azaleztatze funtzionaleko ekipoak -fotokopiagailuak, inprimagailuak, eskanerrak, erreproduzigailuak, zulagailuak, azaleztagailuak edo beste gailu batzuk- erabili dira, egin beharreko lanaren arabera.
Ebaluazio irizpideak:
a) Mantentze-lanetako osagai eta premia nagusiak identifikatu dira, oinarrizko gorabeherak barne, erabilera eskuliburuekin eta laguntza sistemekin bat.
b) Fotokopiagailu, inprimagailu, eskaner, erreproduzigailu, zulagailu, azaleztagailu eta beste gailu batzuen funtzionamendua deskribatu da.
c) Erreprodukzio eta informatika ekipoen oinarrizko gorabeherak identifikatu dira, eta egin daitezkeen jarduketak deskribatu dira.
d) Azaleztatzeko lanabesen garbiketa eta mantentze-lanak egin dira, eta behar bezala egokitu dira ongi funtziona dezaten.
e) Kontsumigarriak -tintak eta likidoak, papera, inprimaketa zintak eta kartutxoak, tonerra edo bestelakoak- identifikatu dira, eta erreprodukzio eta informatika ekipoekin erlazionatu dira.
f) Ekipoak erabili dira, horiek mantendu eta zaintzeko konpromisoa hartu da, prozesuan erabilitako baliabideetatik etekin handiena atera da eta behargabeko kostu eta higidurak saihestu dira.
g) Jardueraren zehar honako lan hauek gauzatu dira:
-Makinak garbitzea eta prest izatea.
-Matxura mekaniko txikiak detektatzea, eta, posible bada, antzemandako kontingentziak konpontzea.
-Makinak hornitzea behar dituzten materialekin.
-Informatika eta erreprodukzio ekipoen oinarrizko funtzionamenduaren probak egitea.
-Informatika eta bulegoko ekipoen oinarrizko mantentze-lanak egitea.
-Kontsumigarriak ordeztea dagokion ekipoan, emandako moten artean hautatuak.
-Beharrezko segurtasun neurriak hartzea oinarrizko funtzionamendua modu seguruan egiaztatzeko.
-Babes ekipoak erabiltzea inplikatutako konektore eta terminalen arabera.
7. Azaleztatze funtzionalak lortzea lanabes eta bitarteko egokiak erabiliz, ereduko agirien ezaugarrien arabera.
Ebaluazio irizpideak:
a) Azaleztatu beharreko dokumentazioa identifikatu da, eta azaleztatzeko ezaugarriak eta ordenatzeko irizpide aproposenak deskribatu dira.
b) Azaleztatze funtzionalean erabilitako lanabes eta tresnak -gillotina, papera zulatzeko makinak, zizailak eta beste batzuk- identifikatu dira, eta haien mekanismo, funtzio eta erabilerak deskribatu dira.
c) Azaleztatze funtzionalean erabilitako materialen motak -tututxoak, grapak, kiribilak, eraztunak, azalak edo beste batzuk- identifikatu dira.
d) Azaleztatze funtzionalean sortutako hondakinak birziklatzeko sistemak deskribatu dira, hondakinen izaeraren arabera.
e) Azaleztatze funtzionaleko makinak eta tresnak erabiltzetik sortutako arrisku profesionalak eta babes ekipoak identifikatu eta deskribatu dira.
f) Azaleztatze funtzionaleko tresnen funtzionamendu-egoera identifikatu eta egiaztatu da.
g) Azaleztatu beharreko dokumentazioa antolatu da, eta ezarritako irizpideen eta bitarteko eskuragarrien erabilera egokiaren arabera ordenatu da.
h) Zizaila edo antzeko lanabesak erabili dira, papera zehazki moztu da eta dagozkion segurtasun neurriak bete dira.
i) Papera zulatzeko makina behar bezala erabili da.
j) Azaleztatze mota guztiak -tututxo, grapa, kiribil, eraztun edo beste material batzuen bidezkoak- erabili dira, eta azal mota dokumentuaren ezaugarrien eta emandako informazioaren arabera aukeratu da.
k) Hondakinak birziklatze-ontzi ezberdinetan bota dira, haien izaeraren arabera.
l) Azaleztatze funtzionala segurtasunez egiteko behar diren neurriak eta babes ekipoak aplikatu dira.
m) Egindako azaleztatze funtzionalak kalitate irizpideak (emandakoak, azaleztatze mota bakoitzak berezkoak dituenak) bete dituela egiaztatu da.
Edukiak.
Informazioa online tramitatzea. Internet, intranet, LAN sareak:
-Sare informatikoak.
-Bilaketa aktiboa sare informatikoetan.
Barne eta kanpoko komunikazioak posta elektronikoaren bitartez egitea:
-Barruko eta kanpoko mezuak igortzeko eta jasotzeko prozedurak.
-Mezuak posta elektronikoaren bidez igorri eta jasotzea.
-Segurtasun eta konfidentzialtasun neurriak informazioa zaindu edo bidaltzean.
-Agenda antolatzea atazak, abisuak eta lana planifikatzeko beste tresna batzuk sartzeko.
Erreprografiako ekipoak erabiltzea:
-Erreprodukzioko ekipoak: motak, osagaiak, gailuen ezaugarriak.
-Erreprografiako ekipoetako oinarrizko gorabeherak identifikatzea.
-Erreprografiako ekipoen funtzionamendua (fotokopiagailuak, inprimagailuak, eskanerrak, erreproduzigailuak, zulagailuak, azaleztagailuak edo beste batzuk).
-Dokumentuak digitalizatzeko softwarea.
-Paperezko kopiak eta/edo kopia digitalak lortzea.
-Kalitate prozedurak betetzea dokumentuen erreprodukzioan.
-Segurtasun prozedurak erreprodukzioko ekipoen erabileran.
-Hondakinak deuseztatzea: araudi aplikagarria.
Azaleztatze funtzionala:
-Azaleztatze funtzionaleko ekipo, lanabes eta tresnak: motak, ezaugarriak, funtzionamendua, gorabeheren detekzioa.
-Azaleztatze funtzionaleko materialak: motak, ezaugarriak eta erabilera.
-Azaleztatze funtzionaleko teknikak: moztea, zulatzea eta azaleztatze funtzionala.
-Azaleztatze funtzionaleko ekipo, lanabes eta tresnak segurtasunez erabiltzea.
-Araudia errespetatzea hondakinak deuseztatzean.
Testu-tratamenduko programak erabiltzea:
-Testu-tratamenduko programa baten egitura eta funtzioak.
-Dokumentuak kudeatzea testu-tratamenduko programetan.
-Formatua aplikatzea dokumentuei.
-Txantiloiak erabiltzea.
-Testuak eta taulak editatzea.
-Objektuak txertatzea.
-Testuak konfiguratu eta inprimatzea.
Dokumentuak kalkulu orrien bidez egitea:
-Datu motak. Gelaxken erreferentziak. Barrutiak. Orriak. Liburuak.
-Formula eta funtzioak erabiltzea.
-Grafikoak sortu eta aldatzea.
-Arau ergonomikoak.
-Dokumentu mota ezberdinak egitea.
Aurkezpenak egitea:
-Aurkezpenak egiteko aplikazioen oinarrizko aukerak identifikatzea.
-Diapositibak diseinatu eta editatzea. Ikuspegi motak.
-Diapositiba, testu eta objektuei formatua ematea.
-Txantiloiak eta morroiak erabiltzea.
-Jendearentzako aurkezpena: proiektagailu bati konektatzea eta konfiguratzea.
Orientabide didaktikoak.
Lanbide modulu honek honako funtzio hauei lotutako prestakuntza dauka: informazioa online tramitatzea eta agiri informatikoak egitea kalkulu orriekin eta aurkezpenak egiteko aplikazioekin.
Eginkizun horren definizioak honelako alderdiak biltzen ditu:
-Informazioa online tramitatzea.
-Agiri informatikoak egitea eta kudeatzea.
-Dokumentuak artxibatzea eta azaleztatzea.
Moduluaren gaitasunak lortzeko, honako jarduketa ildo hauek landu beharko dira irakaskuntza-ikaskuntza prozesuan:
-Informazioa tramitatzea eta bilatzea sare informatikoen bidez.
-Dokumentuak egiteko aplikazio informatiko desberdinak erabiltzea.
-Azaleztatze funtzionala.
Modulua: Zientzia aplikatuak II.
Kodea: 3019.
Iraupena: 160 ordu.
Ikaskuntzaren emaitzak eta ebaluazio irizpideak.
1. Ohiko bizitzako egoerak ebazten ditu, ekuazioak eta sistemak ebazteko metodoak aplikatuz eta lengoaia aljebraikoaren zehaztasuna, sinpletasuna eta erabilgarritasuna baloratuz.
Ebaluazio irizpideak:
a) Identitate nabarmenak erabili dira polinomioekin egindako eragiketetan.
b) Zenbakizko balioak lortu dira adierazpen aljebraiko batetik abiatuta.
c) Lehen eta bigarren mailako ekuazio errazak ebatzi dira modu aljebraiko eta grafikoan.
d) Ohiko problemak eta beste jakintza arlo batzuetakoak ebatzi dira ekuazioen eta sistemen bidez.
e) Lengoaia aljebraikoaren zehaztasun, sinpletasun eta erabilgarritasuna baloratu da, benetako bizitzan agertzen diren egoerak irudikatzeko.
2. Zenbait eratako problema errazak ebazten ditu horien azterketa erkatuaren bidez eta metodo zientifikoaren faseak aplikatuz.
Ebaluazio irizpideak:
a) Hipotesi errazak planteatu dira, zenbait bide erabiliz bildu diren zuzeneko edo zeharkako behaketetatik abiaturik.
b) Hipotesiak aztertu dira eta horien azalpenari buruzko lehen hurbilketa adierazi da.
c) Zenbait eratako metodo eta prozedura esperimental errazak planifikatu dira hipotesia ezeztatzeko ala ez.
d) Taldean lan egin da soluzioa planteatzerakoan.
e) Egiaztatze saiakuntzetako emaitzak bildu eta dokumentu batean azaldu dira modu koherentean.
f) Emaitza argudio eta probekin defendatu da; azaldutako hipotesien egiaztatze edo ezeztatzeak.
3. Ingurune errealetan agertzen diren irudi geometrikoen zuzeneko eta zeharkako neurketak egiten ditu, beharrezkoak diren tresnak, formulak eta teknikak erabiliz.
Ebaluazio irizpideak:
a) Tresna egokiak erabili dira gorputz eta irudi geometrikoen angeluak, luzerak, areak eta bolumenak neurtzeko, neurketa eskalak interpretatuz.
b) Estrategia desberdinak erabili dira (antzekotasunak, irudi sinpleagoetan deskonposatzea, besteak beste), ingurune fisikoan zeharkako neurriak zenbatetsi edo kalkulatzeko.
c) Perimetroak, areak eta bolumenak kalkulatzeko formulak erabili dira eta unitate zuzenak esleitu dira.
d) Taldean lan egin da neurriak lortzean.
e) Informazioaren eta komunikazioaren teknologiak erabili dira irudiak agertzeko.
4. Bi magnitudeko grafikoak interpretatzen ditu, horien parametro adierazgarriak kalkulatuz eta oinarrizko funtzio matematikoekin eta balio estatistiko nagusiekin erlazionatuz.
Ebaluazio irizpideak:
a) Zuzenaren ekuazioa zenbait modutan adierazi da.
b) Funtzio koadratikoa grafikoki irudikatu da, metodo errazak aplikatuz irudikapen hori egiteko.
c) Grafikoki irudikatu da alderantzizko funtzioa.
d) Grafikoki irudikatu da funtzio esponentziala.
e) Benetako egoerei lotutako funtzio mota desberdinak irudikatzen dituzten grafikoetatik informazioa atera da.
f) Hiztegi egokia erabili da ausarekin eta estatistikarekin zerikusia duten egoerak deskribatzeko.
g) Taula eta grafiko estatistikoak egin eta interpretatu dira.
h) Banaketa estatistikoaren ezaugarriak aztertu dira, zentralizazio eta barreiadura neurriak lortuz.
i) Gertakarien propietateak eta probabilitatea aplikatu dira.
j) Ohiko problemak probabilitateko kalkulu errazen bidez ebatzi dira.
5. Teknika fisikoak edo kimikoak aplikatzen ditu, beharrezkoa den materiala erabiliz, laborategiko praktika errazak egiteko, esku hartzen duten magnitudeak neurtuz.
Ebaluazio irizpideak:
a) Laborategi batean erabiltzen den oinarrizko materialaren eskuragarritasuna egiaztatu da.
b) Oinarrizko magnitudeak identifikatu eta neurtu dira, hala nola masa, pisua, bolumena, dentsitatea, tenperatura.
c) Material organikoetan dauden biomolekula mota desberdinak identifikatu dira.
d) Animalien zein landareen ehunak eta zelula deskribatu dira tresna optikoen bitartez behatuz.
e) Saiakuntzen txostenak prestatu dira, horietan jasoz jarraitu den prozedura, lortutako emaitzak eta amaierako ondorioak.
6. Prozesu biologikoetan eta industrian gertatzen diren erreakzio kimikoak ezagutzen ditu, eta horiek eguneroko bizitzan duten garrantziari buruzko arrazoiak ematen ditu eta gertatzen diren aldaketak deskribatzen.
Ebaluazio irizpideak:
a) Eguneroko bizitzako, naturako eta industriako erreakzio kimiko nagusiak identifikatu dira.
b) Erreakzio kimikoen agerpenak deskribatu dira.
c) Erreakzio kimiko baten osagai nagusiak deskribatu dira, bai eta energiak erreakzio horretan duen esku-hartzea ere.
d) Ereduko erreakzio kimiko batzuk ezagutu dira, esate baterako errekuntza, oxidazioa, deskonposatzea, neutralizazioa, sintesia, aerobikoa, anaerobikoa.
e) Erreakzio kimiko errazen osagaiak eta prozesua identifikatu dira laborategiko saiakuntzen bidez.
f) Txostenak egin dira, informazioaren eta komunikazioaren teknologiak erabiliz, industria aipagarrienei buruz: elikagai industriak, kosmetikakoak, birziklatzea egitea dutenak, horietan izaten diren prozedurak modu errazean deskribatuz.
7. Energia nuklearraren erabilerak dituen alderdi positiboak eta negatiboak identifikatzen ditu, eta energia hori aplikatzean sortzen den kutsaduraren ondorioak deskribatzen.
Ebaluazio irizpideak:
a) Energia nuklearraren erabilerak dituen alderdi positiboak eta negatiboak aztertu dira.
b) Fusio eta fisio nuklearraren prozesuak bereizi dira.
c) Hondamendi naturalen ondorioz edo zentral nuklearrak gaizki kudeatu eta mantentzearen ondorioz gertatzen diren isurketa nuklearrei buruzko arazo batzuk identifikatu dira.
d) Hondakin nuklearren arazoari buruzko argudioak eman dira.
e) Taldean eta informazioaren eta komunikazioaren teknologiak erabiliz lan egin da.
8. Lur planetan gertatzen diren aldaketak identifikatzen ditu, arrazoiak azalduz eta erliebearen eta paisaiaren arteko desberdintasunak kontuan hartuz.
Ebaluazio irizpideak:
a) Kanpoko eragile geologikoak identifikatu dira, baita erliebean duten eragina ere.
b) Meteorizazio motak bereizi dira eta erliebean dituzten ondorioak identifikatu.
c) Higadura prozesua aztertu da, esku hartzen duten kanpoko eragile geologikoak eta erliebean dituzten ondorioak ezagutuz.
d) Garraio prozesua deskribatu da, esku hartzen duten kanpoko eragile geologikoak eta erliebean dituzten ondorioak bereiziz.
e) Sedimentazio prozesua deskribatu da, esku hartzen duten kanpoko eragile geologikoak, egoerak eta erliebean dituzten ondorioak bereiziz.
9. Airearen kutsatzaile nagusiak kategorietan sailkatzen ditu, horien jatorriak identifikatuz eta sortzen dituzten ondorioekin erlazionatuz.
Ebaluazio irizpideak:
a) Airearen kutsadurako gertakariak eta kutsaduraren eragile nagusiak ezagutu dira.
b) Euri azidoari buruz ikertu da, baita berehalakoan eta etorkizunean nolako ondorioak dituen eta nola saihestu ahalko litzatekeen ere.
c) Berotegi efektua deskribatu da, eta hori sorrarazten duten edo sortzen laguntzen duten arrazoiak eta eragina murrizteko neurriak azaldu dira.
d) Ozono geruza pixkanaka galtzeak sortzen dituen arazoak deskribatu dira, bai eta pertsonen osasunean, hidrosferaren orekan eta populazioetan dituen ondorioak ere.
10. Uraren kutsatzaileak identifikatzen ditu, eta ingurumenean duten eragina arazketa tratamenduarekin lotzen du.
Ebaluazio irizpideak:
a) Urak planetako bizitzan eta biziraupenean duen eginkizuna ezagutu eta baloratu da.
b) Akuiferoen kutsadurak izaki bizidunen populazioetan duen eragin kaltegarria identifikatu da.
c) Zenbait jatorritako ur laginetan izaten ahal diren kutsatzaileak identifikatu dira, jatorri horiek planifikatuz eta laborategian saiakuntzak eginez.
d) Uraren kutsadurak eta haren erabilera arduratsuak sortzen dituzten ondorioak aztertu dira.
11. Ingurumenaren orekari eusten laguntzen du, garapen jasangarriari buruzko oinarrizko ildoak aztertuz eta azalduz eta ingurumena hobetu eta zaintzeko ekintzak proposatuz.
Ebaluazio irizpideak:
a) Garapen jasangarriaren inplikazio positiboak aztertu dira.
b) Garapen jasangarriari laguntzera bideratutako oinarrizko neurriak proposatu dira.
c) Ingurumena mantendu ahal izateko oinarrizkoak diren estrategiak diseinatu dira.
d) Taldean lan egin da ingurumena hobetzeko helburuak identifikatzerakoan.
12. Ohiko egoeretan agertzen diren indarrak eta sortzen dituzten ondorioak erlazionatzen ditu, kontuan harturik esku hartzen duten objektuen eta magnitudeen mugimenduan edo geldialdian nola laguntzen duten.
Ebaluazio irizpideak:
a) Ohiko mugimenduak bereizi dira haien ibilbidearen eta lastertasunaren arabera.
b) Beren artean erlazionatu dira bidean egindako distantzia, abiadura, denbora eta azelerazioa, eta ohiko erabilerako unitateetan adierazi dira.
c) Bektorialki irudikatu dira magnitude batzuk, hala nola abiadura eta azelerazioa.
d) Higidura zuzen uniformea definitzen duten parametroak azaldu dira adierazpen grafikoa eta matematikoa erabiliz.
e) Abiaduren kalkulu errazak egin dira azelerazio konstanteko mugimenduetan.
f) Kausa-efektu erlazioa deskribatu da egoera desberdinetan, indarren eta mugimenduen arteko lotura bilatzeko.
g) Newtonen legeak aplikatu dira eguneroko bizitzako egoeretan.
13. Energia elektrikoaren ekoizpen, garraio eta erabileraren oinarrizko alderdiak eta kontsumoan esku hartzen duten faktoreak identifikatzen ditu, izandako aldaketak eta magnitude eta balio bereizgarriak deskribatuz.
Ebaluazio irizpideak:
a) Eguneroko bizitzako elektrizitate kontsumoan kontuan hartu behar diren oinarrizko magnitude fisikoak identifikatu eta erabili dira.
b) Elektrizitatea kontsumitu eta aurrezteko ohiturak aztertu dira eta horiek hobetzeko ildoak ezarri.
c) Zentral elektrikoak sailkatu dira eta horietan izaten den eraldatze energetikoa deskribatu da.
d) Zentral elektriko batzuen eta besteen abantailak eta desabantailak aztertu dira.
e) Oinarrizko moduan deskribatu dira energia elektrikoa banatzeko etapak, sortzen denetik erabiltzailearengana iritsi bitarte.
f) Taldean lan egin da Espainiako zentral elektrikoei buruzko informazioa biltzeko lanean.
14. Zirkuitu elektriko errazen oinarrizko osagaiak identifikatzen ditu, neurketak egiten ditu eta haien ezaugarri diren magnitudeen balioak zehazten.
Ebaluazio irizpideak:
a) Zirkuitu erraz bateko oinarrizko elementuak identifikatu dira, eta eguneroko bizimoduan daudenekin erlazionatu.
b) Agerian jarri dira eroale baten erresistentzia erabakitzen duten faktoreak.
c) Oinarrizko magnitude baten aldaketak esperimentatu dira oinarrizko zirkuituetan, gainerakoetan izandako aldaketen arabera.
d) Zirkuitu elektriko errazen eskemak egin dira, haien gaineko egoerak interpretatuta.
e) Elkarketetan (seriean, paraleloan eta mistoetan) izandako aldaketak deskribatu dira, eta haien adibideak eman.
f) Oinarrizko magnitude elektrikoak kalkulatu dira kontsumorako haien ohiko ingurunean.
Edukiak.
Ekuazioak eta sistemak ebaztea ohiko egoeretan:
-Adierazpen aljebraikoen eraldaketa.
-Formuletan zenbakizko balioak lortzea.
-Polinomioak: erroak eta faktorizazioa.
-Lehen eta bigarren mailako ekuazioen ebazpen aljebraikoa eta grafikoa.
-Sistema errazak ebaztea.
Problema errazak ebaztea:
-Metodo zientifikoa.
-Metodo zientifikoaren faseak.
-Metodo zientifikoa egoera errazei aplikatzea.
Irudi geometrikoetan neurketak egitea:
-Puntuak eta zuzenak.
-Zuzen sekanteak eta paraleloak.
-Poligonoak: horien elementuak eta sailkapena deskribatzea.
-Angelua: neurria.
-Triangeluen antzekotasuna.
-Zirkunferentzia eta horren elementuak: luzeraren kalkulua.
Grafikoen interpretazioa:
-Enuntziatu, taula, grafiko edo adierazpen analitiko baten bidez deskribatutako fenomeno bat interpretatzea.
-Funtzio linealak. Funtzio koadratikoak.
-Estatistika eta probabilitate-kalkulua.
-Aplikazio informatikoak erabiltzea funtzio baten grafikoa irudikatu, simulatu eta analizatzeko.
Teknika fisiko edo kimikoen aplikazioa:
-Laborategiko oinarrizko materiala.
-Laborategian lan egiteko arauak.
-Laborategian lanari buruzko txostenak egiteko arauak.
-Funtsezko magnitudeen neurketa.
-Biomolekula organiko eta ez-organikoak ezagutzea.
-Mikroskopio optikoa eta lupa binokularra. Horien oinarri optikoak eta maneiua. Erabilera.
Ohiko erreakzio kimikoak ezagutzea:
-Erreakzio kimikoa.
-Erreakzio kimikoak gertatzeko baldintzak: energiak esku hartzea.
-Erreakzio kimikoak eguneroko bizitzako esparru desberdinetan.
-Oinarrizko erreakzio kimikoak.
Kutsadura nuklearrari buruzko alderdiak identifikatzea:
-Energia nuklearraren jatorria.
-Energia nuklearra lortu eta erabiltzeko prozesu motak.
-Zentral nuklearretatik ateratzen diren hondakin erradioaktiboak kudeatzea.
Lurreko erliebean eta paisaian izaten diren aldaketen identifikazioa:
-Kanpoko eragile geologikoak.
-Erliebea eta paisaia.
-Erliebean eta paisaian eragina duten faktoreak.
-Kanpoko eragile geologikoen ekintza: meteorizazioa, higadura, garraioa eta sedimentazioa.
-Eragile geologikoen ekintzaren emaitzak identifikatzea.
Kutsatzaile nagusiak kategorietan sailkatzea:
-Kutsadura.
-Airearen kutsadura; zergatiak eta ondorioak.
-Euri azidoa.
-Berotegi efektua.
-Ozono geruza suntsitzea.
Uraren kutsatzaileen identifikazioa:
-Ura: funtsezko faktorea planetako bizitzarentzat.
-Uraren kutsadura: zergatiak, sorrarazten duten elementuak.
-Ura edateko on bihurtzeko tratamenduak.
-Hondakin uren arazketa.
-Elurra urtzetik, ibai-deskargetatik eta euritik etortzen den ura biltzeko metodoak.
Ingurumenaren oreka eta garapen jasangarria:
-Garapen jasangarriaren kontzeptua eta aplikazioak.
-Ingurumenaren babesean eragina duten faktoreak.
Gorputzen geldialdi eta mugimendu egoeraren gaineko indarrak aipatzea:
-Mugimenduak ibilbidearen arabera sailkatzea.
-Abiadura eta azelerazioa. Unitateak.
-Magnitude eskalarrak eta bektorialak.
-Higidura zuzen uniformea. Ezaugarriak. Interpretazio grafikoa.
-Indarra: elkarrekintza baten emaitza.
-Ohiko egoeretan solido bati aplikatutako indarrak irudikatzea.
-Erresultantea.
Energia elektrikoaren ekoizpena eta erabilera:
-Elektrizitatea eta garapen teknologikoa.
-Materia eta elektrizitatea.
-Elektrizitatearen kontsumoan erabiltzen diren oinarrizko magnitudeak: energia eta potentzia. Aplikazioak ikaslearen ingurunean.
-Kontsumo ohiturak eta elektrizitatea aurreztea.
-Energia elektrikoa ekoizteko sistemak.
-Energia elektrikoa garraiatu eta banatzea. Etapak.
Oinarrizko zirkuituen osagaiak identifikatzen ditu:
-Zirkuitu elektriko baten elementuak.
-Zirkuitu elektriko baten oinarrizko osagaiak.
-Oinarrizko magnitude elektrikoak.
Orientabide didaktikoak.
Modulu honek laguntzen du etengabeko ikaskuntzarako gaitasunak eskuratzen, eta prestakuntza ematen du ikasleek gertakari naturalak interpretatzen ikas dezaten, arrazonamendu zientifikoaren urratsez baliaturik, funtsean behaketaren eta saiakuntzaren bidez.
Era berean, eguneroko bizitzako alderdi guztietan ohitura osasungarriak finkatzen eta aplikatzen laguntzen du.
Orobat, prestakuntza ematen zaie matematikaren hizkuntza operazionala erabil dezaten mota desberdinetako problemen ebazpenean, edozein egoeratara egokiturik, bai eguneroko bizitzan bai lan bizitzan.
Modulu honek bere baitan hartzen ditu zenbait zientzia, hala nola matematika, fisika eta kimika, biologia eta geologia, eta haren irakaskuntzarako, ikasteko estrategiaren helmuga dira zientzien kontzeptu nagusiak eta printzipioak; horretarako, ikasleak inplikatzen ditu arazoen konponbidean eta beste zeregin adierazgarri batzuetan, eta aukera ematen die modu autonomoan lan egiteko, beren ikaskuntza eraiki dezaten eta berek sorrarazitako emaitza errealak erdiets ditzaten azken buruan.
Moduluaren gaitasunak lortzeko, honako jarduketa ildo hauek landu beharko dira irakaskuntza-ikaskuntza prozesuan:
-Arazoen konponketa, hala eremu zientifikoan nola egunerokoan.
-Grafikoen eta kurben interpretazioa.
-Metodo zientifikoa aplikatzea, bidezkoa denean.
-Ingurumenaren balorazioa eta kutsatzaileen eragina.
-Energia nuklearraren ezaugarriak.
-Oinarrizko prozedura fisiko eta kimikoen aplikazioa.
-Ahozko adierazpeneko ariketak egitea.
-Indarren irudikapena.
Lanbide modulua: Komunikazioa eta gizartea II.
Kodea: 3012.
Iraupena: 160 ordu.
1. prestakuntza unitatea
Ikaskuntzaren emaitzak eta ebaluazio irizpideak.
1. Gaur egungo gizarteen funtsezko ezaugarriak ondorioztatzen ditu horien bilakaera historikoaren azterketatik abiatuta, eta gizarte horien antolaketa sozial, politiko eta ekonomikoaren oinarrizko ezaugarriak aztertzen ditu.
Ebaluazio irizpideak:
a) Bereizi da nolako ondorioak dituzten, gaur egungo gizarteen antolaketarentzat, oinarri izan diren joera ideologikoek, eta denboran eta espazioan kokatzen dira.
b) Gaur egungo harreman ekonomikoen eredu globalizatua baloratu da, berrikuntza teknologikoen eta ekoizpen jarduera antolatzeko sistemen ondorioz gertatu diren eraldaketa ekonomikoak aztertuz.
c) Gaur egungo antolaketa sozialaren ezaugarriak kategorietan sailkatu dira, egungo populazioaren egitura eta harreman sozialak eta denbora aldian izandako bilakaera aztertuz.
d) Gaur egungo nazioarteko harremanen bilakaera aztertu da, eta zergatien eta ondorioen azalpenak prestatu dira, egungo gatazken gainean nork bere iritziak izan ahal ditzan.
e) Europako espazioa bateratzeko prozesua baloratu da, prozesu horren bilakaera aztertuz eta Europar Batasuneko herrialdeen politika nazionaletan duen eragina azalduz.
f) Gertaera historiko orokorren bilakaera Espainiar Estatuaren bilakaera historikoarekin lotu da, bilakaeraren faseak, gatazka nagusiak eta egungo egoera identifikatuz.
g) Arte garaikidearen funtsezko ezaugarriak eta orain arte izandako bilakaera identifikatu dira, nork bere iritzi eta irizpide estetikoak eratu ahal izateko.
h) Tituluari dagozkion ekoizpen sektoreen edo sektorearen bilakaera aztertu da, antolaketa eta teknologia sistemetan izandako eraldaketak eta bilakaeraren mugarri nagusiak deskribatuz.
i) Jarraibideen araberako tresnak prestatu dira informazioa bildu eta zabaltzeko, egindako ikaskuntzen ebaluazioa egin ahalko izateko horien bidez, betiere hiztegi zehatza erabiliz.
j) Norberaren ahaleginarekin eta elkarlanarekin bat heldu diren portaerak garatu dira.
2. Sistema demokratikoaren oinarrizko printzipioak baloratzen ditu, haren erakunde politiko eta ekonomikoak eta instituzioak zein diren aztertzen du, eta haien jokaera printzipio horien araberakoa izateko behar diren jarduketa ildoak ondorioztatzen.
Ebaluazio irizpideak:
a) Giza Eskubideen Adierazpen Unibertsalaren oinarrizko printzipioak ezagutu dira, baita eskubide horiek gaurko munduan duten egoera ere, eta eguneroko bizitzarako inplikazioa baloratu da.
b) Printzipio gidariak, nazioarteko erakunde nagusien funtzionamendu arauak eta erakundeak aztertu dira, eta munduko gatazketan duten zeregina juzgatu.
c) Gatazken bitartekaritzan eta konponketan duen garrantzia baloratu da, eredu demokratikoa hedatzeari begira, nork bere irizpide arrazoituak garatuz gatazken konponbiderako.
d) Espainiako eredu demokratikoaren funtsezko ezaugarriak juzgatu dira, eta eredu hori zein ingurune historikotan garatu den baloratu.
e) Ingurune hurbileko harreman pertsonal eta sozialetan bereizkeriarik ezaren printzipioa izatea baloratu da, norberaren eta besteen portaerak juzgatuz eta jarrerak printzipio horri lotutako eskubide eta betebeharretara egokitzeko jarraibideak eta ekintzak ondorioztatuz.
f) Jarraibideen araberako informazio antolatua prestatu da, elkarlaneko egoeretan eta iritziak erkatu behar direnean erabiltzeko.
3. Komunikazio estrategiak erabiltzen ditu ahozko informazioa interpretatu eta jakinarazteko gaztelaniaz, eta, hala balegokio, euskaraz, lehen hizkuntza gisa (1H); horretarako, entzute aktiboaren printzipioak, konposiziorako estrategia arrazoituak eta arau linguistiko zuzenak erabiltzen ditu.
Ebaluazio irizpideak:
a) Entzute aktiboaren teknikak aplikatu dira zenbait iturritatik iristen diren ahozko mezuak aztertzeko.
b) Ahozko komunikazioaren komunikazio asmoa eta gaiaren egitura ezagutu dira, izaten ahal diren erantzunak baloratuz.
c) Hitzik gabeko komunikazioaren elementuak zuzen erabili dira arrazoibideetan eta azalpenetan.
d) Hizkuntzaren erabilerak eta mailak eta ahozko mezuak ulertu eta osatzeko hizkuntza arauak aplikatu dira, eta erabilera diskriminatzaileak baloratu eta berrikusi.
e) Gramatikaren terminologia zuzena erabili da jarduera gramatikal proposatuak ulertzean eta haiek ebaztean.
4. Komunikazio estrategiak erabiltzen ditu idatzizko informazioa jakinarazteko gaztelaniaz, eta, hala balegokio, euskaraz, lehen hizkuntza gisa (1H); horretarako, analisi, sintesi eta sailkapen estrategiak aplikatzen ditu, modu egituratuan, geroz eta konplexutasun handiagoa duten testuen konposizio autonomoan.
Ebaluazio irizpideak:
a) Moten ezaugarri nagusiak baloratu eta aztertu dira, haien egokitasunari dagokionez egin gogo den lanerako.
b) Askotariko bilaketa teknikak erabili dira idatzizko testu bat ulertzeko, edukiak berrinterpretatzeko estrategiak aplikatuz.
c) Ulermenezko irakurketako estrategiak modu sistematikoan aplikatu dira testuen ulermenean, izaten ahal diren erabilera diskriminatzaileez oharturik.
d) Idatzizko testu baten edukia laburtu da, ideia nagusia, bigarren mailakoak eta komunikazio helburua atera eta lortutako ondorioak berrikusi eta birformulatu dira.
e) Erabilera akademiko edo profesionaleko idatzizko testu batzuen egitura aztertu da, eta hizkuntzaren erabilerak eta mailak, eta horiek prestatzeko jarraibideak ezagutu dira.
f) Gramatikaren eta ortografiaren arau nagusiak aplikatu dira testuak idazteko, ateratzen den testua argia eta zehatza eta formatuari eta komunikazio inguruneari egokitua izan dadin.
g) Jarraibide sistematizatuak garatu dira testu idatziak prestatzean, komunikazio idatzia hobetu ahal izateko.
h) Idazlanak aurkezteko jarraibideak aztertu dira, edukia, formatua eta hartzailea kontuan harturik, hiztegi zuzena erabiliz hizkuntza arauen eta hautatu diren erabileren arabera.
i) Egitura gramatikalak ulertzeko eta aztertzeko jarduerak gauzatu dira, eta egindako inferentzien zehaztasuna eta baliozkotasuna frogatu.
5. XIX. mendetik gaur egun arteko literaturaren testuak irakurtzen ditu, gaztelaniazko literaturaren adierazgarriak, eta, hala balegokio, euskarazko literaturarenak ere bai, lehen hizkuntza gisa (1H), eta egilearen asmoa ezagutu eta ingurune historiko, soziokultural eta literarioarekin erlazionatzen du.
Ebaluazio irizpideak:
a) Gaztelaniazko, eta, hala balegokio, euskarazko literaturaren mugimenduak deskribatu dira aztertutako aroan, eta lan adierazgarrienak ezagutu.
b) Hizkuntzaren egitura eta erabilera baloratu dira mailari egokitutako literatur lanen irakurketa pertsonalean, literatur lana bere testuinguruan kokatuta, eta jarraibideen araberako tresnak erabiliz.
c) Iritzi pertsonal oinarrituak adierazi dira literatur lanetan hautemandako alderdiei buruz.
d) Literatur testuak aztertzeko estrategiak aplikatu dira, gaiak eta motiboak eta elementu sinbolikoak ezagutuz eta, halaberean, baliabide estilistiko nabarmenen funtzionaltasuna.
e) Informazioa eman da egile edo lan bati buruz edo gaztelaniazko literaturako eta, hala badagokio, euskarazko literaturako garai bati buruz, kasuan kasuko informazioa modu analitikoan jasoz.
Edukiak.
Gaur egungo gizarteen balorazioa:
-Sistema demokratikoen eraikuntza:
Ilustrazioa eta haren ondorioak.
Gizarte liberala.
Gizarte demokratikoa.
-Egitura ekonomikoa eta haren bilakaera:
Antolaketa ekonomikoaren printzipioak. Gaur egungo ekonomia globalizatua.
Bigarren globalizazioa.
Hirugarren globalizazioa: garapenaren arazoak.
Bertako ekoizpen sektorearen bilakaera.
-Nazioarteko harremanak:
Herrialde boteretsuak eta gatazka koloniala.
Europako gerra zibila.
Deskolonizazioa eta gerra hotza.
Gaur egungo mundu globalizatua.
Espainia harremanen egungo esparruan.
-Europaren eraikuntza.
-Arte garaikidea:
Kanon klasikoaren haustura.
Zinema eta komikia masen entretenimendu gisa.
-Informazioaren tratamendua eta prestaketa hezkuntzako jardueretarako:
Elkarlana.
Aurkezpenak eta argitalpenak web bidez.
Gizarte demokratikoen balorazioa:
-Giza Eskubideen Adierazpen Unibertsala:
Giza eskubideak eguneroko bizitzan.
Gaur egungo nazioarteko gatazkak.
-Espainiako eredu demokratikoa:
Espainia demokratikoaren eraikuntza.
Espainiako Konstituzioa. Printzipioak.
Bereizkeriarik ezaren printzipioa eguneroko bizikidetzan.
-Gatazkak konpontzea.
-Informazioaren tratamendua eta prestaketa hezkuntzako jardueretarako:
Elkarlanerako prozesuak eta jarraibideak.
Kazetaritzako informazioa eta bestelakoa biltzeko jarraibideak.
Informazioa prestatu eta aurkeztea eztabaida jardueretarako.
Funtzionamendu arauak eta jarrerak iritziak erkatzen direnean.
Ahozko komunikazioko estrategiak erabiltzea gaztelaniaz, eta, hala balegokio, euskaraz, lehen hizkuntza gisa (1H):
-Ahozko testuak.
-Entzute aktiboko teknikak ahozko testuak ulertzeko.
-Ideiak eta argudioak azaltzea ikaskuntza jardueretan:
Edukiak antolatu eta prestatzea: ilazioa, segida eta koherentzia.
Egitura.
-Arau linguistikoak aplikatzea ahozko komunikazioan:
Esaldiaren antolaketa: oinarrizko egitura gramatikalak.
Koherentzia semantikoa.
-Ikus-entzunezko baliabideak erabiltzea.
Idatzizko komunikazioko estrategiak erabiltzea gaztelaniaz, eta, hala balegokio, euskaraz, lehen hizkuntza gisa (1H):
-Lanak, txostenak, saiakerak eta beste testu akademiko eta zientifiko batzuk.
-Kontuan hartu beharreko alderdi linguistikoak:
Hizkuntzaren komunikazio erregistroak; horien erabilera baldintzatzen duten faktoreak.
Espainiako hizkuntza aniztasuna.
Forma deiktikoen aldaketak egoeraren arabera.
Zuzeneko eta zeharkako estiloa.
-Irakurketako estrategiak testu akademikoekin.
-Testu idatziak aurkeztea.
-Testu idatzien azterketa linguistikoa:
Testu lokailuak: zergatia, ondorioa, baldintza eta hipotesia.
Aditz formak testuetan. Aditz-perifrasien aspektuzko balioak.
Sintaxia: osagarriak; esaldi konposatuak.
Entzulearen interesa hobetzeko estrategiak.
XIX. mendetik aurreko literatur testuak interpretatzea gaztelaniaz, eta, hala balegokio, euskaraz lehen hizkuntza gisa (1H):
-Literatur obra bat irakurtzean informazioa biltzeko tresnak.
-Literatura generoen arabera.
-XIX. mendetik gaur egun arteko literaturaren eboluzioa gaztelaniaz, eta, hala balegokio, euskaraz lehen hizkuntza gisa (1H).
2. prestakuntza unitatea
1. Ahozko informazioa ingelesez, eta, hala balegokio, euskaraz, bigarren hizkuntza gisa (2H), interpretatu eta komunikatzeko estrategiak erabiltzen ditu, entzute aktiboaren printzipioak aplikatuz, eta prestatzen ditu luzera txikiko ahozko aurkezpenak, argiak eta ongi egituratuak, esparru pertsonal eta profesionalean maiz agertzen diren eta ohikoak eta zehatzak diren gai eta alderdiei buruz.
Ebaluazio irizpideak:
a) Modu sistematikoan aplikatu dira entzute aktiboaren estrategiak jasotako mezuen ulermen orokor eta berariazkorako, elementu guztiak ulertu beharrik izan gabe.
b) Mezu zuzenen komunikazio asmoa identifikatu da, edo esamoldeen, esaldien, hitzen eta diskurtsoaren markatzaile egituratzaileen sail mugatu bat (irekitzekoak, jarraipena ematekoak eta ixtekoak) erabiliz.
c) Ahozko testuaren zentzu orokorra eta ideia nagusiak eta oinarrizko egitura gramatikalak identifikatu dira perpaus errazetan, maiz gertatzen diren eta aurreikusteko moduko eduki zehatzak izaten dituzten ohiko egoeretan.
d) Funtsezko ezaugarri fonetikoak eta intonaziokoak identifikatu dira, laguntzen baitute mezuaren zentzu orokorra eta ideia nagusiak eta bigarren mailakoak ulertzen.
e) Ahozko konposizio eta aurkezpen laburrak egin dira gidoi egituratu baten arabera, testu mota bakoitzaren formatua eta ezaugarriak aplikatuz, betiere esparru pertsonal edo profesionalekoak.
f) Oinarrizko egitura gramatikalak eta diskurtsoaren markatzaileak erabili dira, diskurtsoa hasi, josi, antolatu eta bukatzeko, maiz gertatzen diren eta alderdi zehatzak izaten dituzten ohiko egoeretan.
g) Arrazoizko intonazio eta ahoskera erabiliz adierazi da informazioa, eta etenak eta zalantza txikiak onartu dira.
h) Gogoetazko jarrera eta jarrera kritikoa agertu da edozein bereizkeria mota dakarren informazioaren gainean.
i) Atzerriko hizkuntza, eta, hala balegokio, euskara erabiltzen duten herrietako gizarte harremanetan ohikoenak diren arauak identifikatu dira.
j) Atzerriko hizkuntza, eta, hala balegokio, euskara erabiltzen duen komunitatearen eta lantokiaren ohiturak edo eguneroko jarduerak identifikatu dira.
k) Jarrera eta portaera profesional nagusiak identifikatu dira lanbidearen esparruko ohiko komunikazio egoeretan.
2. Solasaldi errazak izaten ditu ingelesez eta, hala balegokio, euskaraz bigarren hizkuntza gisa (2H), esparru pertsonalean eta profesionalean izaten diren ohiko egoera zehatzetan, komunikaziorako oinarrizko estrategiak erabiliz.
Ebaluazio irizpideak:
a) Solasean aritu da, esparru pertsonal eta profesionalean maiz izaten diren gai eta alderdi zehatzei buruzko gidoi bati jarraikiz.
b) Entzun egin da eta solasean aritu, esparru pertsonal eta profesionaleko elkarrekintza erraz eta ohikoetan, informazioa halako xehetasun batekin eskatuz eta emanez.
c) Elkarrekintza mantendu da, funtsezko komunikazio estrategia batzuk erabiliz interesa eta ulermena erakusteko.
d) Konpentsazioko estrategiak erabili dira, atzerriko hizkuntzan, eta, hala balegokio, euskaran, bigarren hizkuntza gisa (2H), ikasleak dituen gabeziak berdintzeko (parafraseatzea, gorputz hizkuntza, ikus-entzunezko laguntzak).
e) Egitura gramatikal eta perpaus errazak erabili dira, bai eta ohiko esamolde, esaldi eta hitzen eta diskurtsoaren markatzaile linealen funtsezko errepertorio mugatua ere.
f) Halako argitasun batez mintzatu da, arrazoizko intonazio eta ahoskera ulerterraza erabiliz, eta eten eta zalantza batzuk onartu dira.
3. Ingelesezko eta, hala balegokio, bigarren hizkuntza gisa (2H), euskarazko testu labur eta errazak prestatzen ditu halako xehetasun batez, esparru pertsonalean eta profesionalean ohikoak diren komunikazio egoeretan, ulermenezko irakurketako estrategiak aplikatuz eta konposizioko estrategia sistematikoak garatuz.
Ebaluazio irizpideak:
a) Testua irakurri eta generoaren funtsezko ezaugarriak eta haren egitura ezagutu dira, eta eduki orokor eta berariazkoa interpretatu da haren elementu guztiak ulertu beharrik izan gabe.
b) Beste modu batean antolatutako testuaren oinarrizko komunikazio asmoa identifikatu da.
c) Egitura gramatikal eta perpaus errazak identifikatu dira eta, orobat, esamolde, esaldi, hitz eta diskurtsoaren markatzaile oinarrizko eta linealen errepertorio mugatua, maiz eta aurreikusteko moduko edukiekin gertatu ohi diren egoera zehatzetan.
d) Konplexutasun gutxiko egitura gramatikalak dituzten esaldi, perpaus eta testu errazak osatu dira, komunikazio asmoa kontuan harturik, aurreikusteko moduko edukiekin gertatu ohi diren egoera zehatzetan.
e) Testu labur eta errazak prestatu dira, komunikazio asmo baterako egokiak, perpausak lotzeko ohikoenak diren lokailuak erabiliz.
f) Arau gramatikal, ortografiko eta tipografikoak errespetatu dira, testuak berrikusi eta zuzentzeko jarraibide sistematiko eta zehatzei jarraikiz.
g) Gogoetazko jarrera eta jarrera kritikoa agertu da edozein bereizkeria mota dakarren informazioaren gainean.
Edukiak.
Eguneroko ahozko testuen interpretazioa eta komunikazioa ingelesez eta, hala balegokio, euskaraz, bigarren hizkuntza gisa (2H):
-Ahozko testu labur eta errazetan ideia nagusiak eta bigarren mailakoak bereiztea.
-Pertsonen, tokien, oinarrizko zerbitzuen, gauzen eta kudeaketa errazen alderdi zehatzak deskribatzea.
-Esparru pertsonal, publiko eta profesionaleko esperientziak.
-Oraingo, lehengo eta etorkizuneko gertakari eta esperientziak narratzea.
-Esparru pertsonal eta profesionaleko eguneroko hitz-truke eta kudeaketetan moldatzeko hitzak, esaldiak eta esamoldeak.
-Baliabide gramatikalak:
Aditz denbora eta forma bakun eta konposatuak.
Ohiko egoerei lotutako komunikazio funtzioak.
Hizkuntzaren funtsezko elementuak.
Diskurtsoaren markatzaileak.
Konplexutasun gutxiko mendeko perpausak.
-Ulertze eta entzute aktiboko estrategiak.
-Zailtasun handiagoa duten multzo fonikoen edo fonemen ahoskera.
-Erregistro egokiak erabiltzea gizarte harremanetan.
Elkarrekintza solasaldietan ingelesez eta, hala balegokio, euskaraz, bigarren hizkuntza gisa (2H):
-Elkarrekintzaren estrategiak solasaldi bat mantendu eta jarraitzeko.
-Esaldi estandarizatuak erabiltzea.
Mezu idatzi errazak interpretatu eta prestatzea ingelesez eta, hala balegokio, euskaraz, bigarren hizkuntza gisa (2H):
-Zailtasun gutxiko mezuen informazio orokorra eta berariazkoa, betiere esparru pertsonal eta profesionaleko eguneroko eta oinarrizko gaiei buruz.
-Idatzizko testu labur eta ongi egituratuak prestatzea.
-Esparru pertsonal eta profesionalean egunerokoak, beharrezkoak, errazak eta zehatzak diren hitz-truke eta kudeaketetan moldatzeko lexikoa.
-Ikasleen lanbide arloko berariazko terminologia.
-Baliabide gramatikalak:
Diskurtsoaren markatzaileak.
Perpaus bakun eta konposatuak erabiltzea hizkuntza idatzian.
-Irakurria ulertzeko estrategiak eta teknikak.
-Testuaren oinarrizko propietateak.
-Arau soziokulturalak esparru pertsonal eta profesionaleko harremanetan, eguneroko egoeretan.
-Mezua planifikatzeko estrategiak.
Orientabide didaktikoak.
Modulu honek laguntzen du etengabeko ikaskuntzarako gaitasunak eskuratzen, eta prestakuntza ematen du, metodo zientifikoaren urratsei jarraikiz eta gaur egungo munduan giza jarduerei lotuta dauden gertakari nagusiak aztertuz eta gaztelaniaz eta, hala dagokionean, euskaraz behar besteko komunikazio estrategiak garatuz, ikasleek aukera gehiago izan dezaten beren garapen pertsonal, sozial eta profesionala hobetzeko, bai eta ohiko egoera desberdinetan ingelesez komunikatzen hasteko ere.
Modulu honek bere baitan hartzen ditu zenbait irakasgai, hala nola gizarte zientziak, gaztelania eta, hala dagokionean, euskara, eta ingeles literatura eta hizkuntza, eta haren irakaskuntzarako, ikasteko estrategiaren helmuga dira: espazio eta denborako azterketa egiteko tresnak eskuratzea, ahozko eta idatzizko testuen tratamendua, mezu egituratuak prestatzea eta beste gizarte batzuekiko errespetua. Horri begira, ikasleak zeregin adierazgarrietan inplikatzen ditu, eta aukera ematen die modu autonomoan eta elkarlanean lan egiteko, beren ikaskuntza eraiki dezaten eta berek sorrarazitako emaitza errealak erdiets ditzaten azken buruan.
Moduluaren gaitasunak lortzeko, honako jarduketa ildo hauek landu beharko dira irakaskuntza-ikaskuntza prozesuan:
-Prestakuntzarako plan pertsonalizatu bat zehaztea, helburu izanen duena ikaslearen parte-hartze aktiboa lortzea bere prestakuntza prozesuan, non ikaskuntzen praktika eta funtzionaltasuna continuum bat izanen diren, ikasleek egiten dituzten jarduerak errazteko.
-Norberaren autonomia eta ekimena bultzatzea une oroz, estrategia egokiak erabili ahal izateko esparru soziolinguistikoan.
-Trebetasun sozialak garatzeari buruzko dinamikak egitea, diziplinaren ohiturak eta banaka eta taldeka lan egitekoak garatu eta finkatzeko.
-Nork bere eskura dituen estrategiak, baliabideak eta informazio iturriak erabiltzea, norberaren inguruko errealitateari buruzko azalpen arrazoituak osatzeko beharrezkoa den informazioaren balorazioaz hausnarketa egiten laguntzeko.
-Ikasle guztiek informaziorako aukera izanen dutela bermatzea, informazioaren eta komunikazioaren teknologien erabilera sustatuz.
-Metodo orohartzaileak erabiltzea (proiektuak, interes zentroak, besteak beste), gaitasunak eta edukiak integratu ahal izateko; zehazki, lan metodologia bat erabiltzea gaur egungo garaiarekin erlazionatzeko, horrela ikasleei errealitate pertsonal, sozial eta profesionalera egokitzen laguntzeko.
-Ahal dela profil profesionalaren ondoriozko gaitasunekin lotzen diren jarduerak programatzea, eta inguruneko eskari profesionalei egokitzea.
Gizarte Zientziei dagokienez, moduluaren helburuak lortzeko, honako jarduketa ildo hauek landu beharko dira irakaskuntza-ikaskuntza prozesuan:
-Jakintzen integrazioa, gizarte zientziei loturiko fenomeno bat diziplina anitzeko ikuspegiarekin aztertu ahal izateko, horrela gizarteen aniztasuna baloratzen ikasteko.
-Jarduketa estrategiak eta trebetasunak eta norberaren eskura dauden informazio iturriak eta baliabideak erabiltzea, metodo zientifikora hurbiltzeko eta lortzen den informazioa antolatzeko, horrela hezkuntza lanean integratzen laguntzeko.
-Iraganaren arrastoaz ohartzea eguneroko bizitzan, giza taldeek denboran zehar izandako aldaketak eta eraldaketak baloratuz.
-Gaur egungo gizartearen arazoak baloratzea eskuragarri dagoen informazioaren azterketatik abiatuta, eta nork bere hipotesi arrazoituak zehaztea ikaskuntzako egoeran ikusitako gertakariak azaltzeko.
-Arteetarako gustua hezteko eta estimaziorako eta sormenerako gaitasunak bultzatzea, hautatutako lan eta adierazpen artistikoekin zerikusia duten edukiak eta jarduerak garatzearen bitartez.
Hizkuntzak ikasteari dagokionez, moduluaren helburuak lortzeko, honako jarduketa ildo hauek landu beharko dira irakaskuntza-ikaskuntza prozesuan:
-Hizkuntza erabiltzea ahozko eta idatzizko mezuak interpretatu eta prestatzeko, komunikazio eta testu egoera desberdinetan erabiliz.
-Bizitza pertsonal, sozial eta profesionaleko egoeretara egokitutako hiztegia baliatzea, bidea emanen duena moduluan erabilitako edukiak, jarduerak eta adibideak zehazteko.
-Autoikaskuntza errazten duten estrategia didaktikoak hautatu eta gauzatzea, hizkuntza ahal den komunikazio egoera errealenetan erabiltzera daramatenak, informazioaren eta komunikazioaren teknologien ahalbideak erabiliz (posta elektronikoa, SMSak, Internet, sare sozialak, besteak beste).
-Komunikazio teknikak erabiltzea elkarlana bultzatzeko, horrek aukera emanen baitu inteligentzia kolektiboaren kontzeptua eta horrek esparru profesionalarekin duen lotura garatzeko.
-Gaur egungo gizarteen bereizgarri den kultur eta ohitura aniztasuna baloratzea, bereziki ingelesez hitz egiten duten kulturen eremuan.
-Irakurtzeko ohiturak eta norberaren irizpide estetikoak sortzea, horien bidez literatur ekoizpenaz gozatu ahal izateko, sakonago gaztelaniazko ekoizpenari eta, hala dagokionean, euskarazkoari dagokienez.
Lanbide modulua: Lantokietako prestakuntza.
Kodea: 3033.
Iraupena: 240 ordu.
Ikaskuntzaren emaitzak eta ebaluazio irizpideak.
1. Laguntza lanak egiten ditu sistema mikroinformatikoen muntaketan, enpresan ezarritako kalitate sistemaren prozesuei eta kasuan kasuko segurtasun protokoloak aplikatuz.
Ebaluazio irizpideak:
a) Muntaketaren osagaiak, haien funtzioa eta kokalekua identifikatu dira.
b) Muntaketa egiteko erreminta eta tresnak hautatu eta erabili dira.
c) Osagaiak eta osagarriak finkatzeko eta elkarri konektatzeko lanak egin dira, teknika egokiak erabilita.
d) Sistema eragilearen oinarrizko konfigurazioak egin dira.
e) Ekipo mikroinformatikoaren funtzionaltasuna egiaztatu da.
f) Segurtasun pertsonaleko eta materialeko irizpideen arabera jardun da, eskatzen den kalitatearekin.
g) Lantaldean ekimena eta interesa agertuz hartu da parte.
2. Mantentze-lanak egiten ditu sistema mikroinformatikoetan eta periferikoetan, aginduei jarraituz eta kasuan kasuko mantentze planen arabera.
Ebaluazio irizpideak:
a) Prebentzioko mantentze-lanak egin dira ekipo mikroinformatikoan.
b) Euskarrien eta periferikoen egoera berrikusi da.
c) Mantentze-lanetarako egokiak diren erreminta eta tresnak hautatu eta erabili dira.
d) Osagaiak, euskarriak eta periferikoak garbitu dira fabrikatzaileak ezarritako xedapen teknikoak errespetatuz eta haien funtzionaltasuna mantenduz.
e) Hondakinak eta bota beharreko elementuak behar bezala bildu dira deuseztatu edo birziklatzeko.
f) Lortutako emaitzen arabera har daitezkeen neurri zuzentzaileak zehaztu dira.
g) Lanetan ingurumena errespetatzeko irizpideak erabili ditu.
h) Lan guztietan hartu dira kontuan laneko segurtasunari eta ingurumena babesteari buruzko araudiak.
3. Muntaketa eta mantentze lanak egiten ditu sareen instalazioetan, aginduei jarraituz eta kasuan kasuko mantentze planen arabera.
Ebaluazio irizpideak:
a) Sarearen ekipoak identifikatu dira.
b) Rack-ak muntatu dira.
c) Tresnak aukeratu dira muntaketa eta mantentze lanetarako.
d) Hari gabeko sareen euskarri eta elementuak muntatu/desmuntatu dira.
e) Kanalizazioak muntatu dira.
f) Kableak muntatu dira.
g) Harguneak eta banagailuak muntatu dira.
h) Muntaketa eta mantentze lanetarako erreminta eta tresnak erabili dira.
i) Osagaiak, euskarriak eta periferikoak garbitu dira fabrikatzaileak ezarritako xedapen teknikoak errespetatuz eta haien funtzionaltasuna mantenduz.
j) Hondakinak eta bota beharreko elementuak behar bezala bildu dira deuseztatu edo birziklatzeko.
k) Lan guztietan laneko segurtasunari eta ingurumena babesteari buruzko araudiak kontuan hartu dira.
4. Bulegoko administrazio eta kudeaketako oinarrizko lanak egiten ditu, erabili beharreko dokumentuak eta aplikatu beharreko teknikak identifikatuz kasu bakoitzean.
Ebaluazio irizpideak:
a) Lan ingurunean dauden erreprodukzio ekipoak eta azaleztatzeak egitekoak identifikatu dira.
b) Dokumentuen erreprografia, kopia eta azaleztatze lanak egin dira.
c) Oinarrizko azaleztatze lanak egin dira.
d) Bulegoko materialen biltegiko izakinen maila egiaztatu da.
e) Artxiboko oinarrizko lanak egin dira.
f) Erabili diren merkataritza eta administrazioko dokumentuak ezagutu dira.
g) Arduraz jokatu da lana egitean.
h) Gainerako lankideekin adeitasunezko lan harremanak izan dira, lan taldean integratuz.
5. Enpresa prebentzioari eta laneko arriskuei buruz duen araudiarekin bat aritzen da.
Ebaluazio irizpideak:
a) Une oro prebentzioari eta segurtasunari buruzko araudi orokorra bete da, baita enpresak ezarritakoak ere.
b) Lantokian norberaren jardun eremuan dauden arrisku faktoreak eta egoerak identifikatu dira.
c) Jarduerarekin ikusteko duten jarrerak hartu dira laneko eta ingurumeneko arriskuak gutxitzeko.
d) Lan desberdinetarako norbera babesteko ezarri den ekipamendua erabili da.
e) Makinak, ekipoak eta instalazioak babesteko dispositiboak erabili dira jardueretan.
f) Prebentzio planaren arabera jokatu da.
g) Lan eremua arriskurik gabe, garbi eta ordenaturik atxiki da.
h) Energiaren kontsumoa eta hondakinen sorrera ahalik eta gehien gutxituz lan egin da.
6. Arduraz jarduten du eta enpresako harreman tekniko-sozialen sisteman integratzen da.
Ebaluazio irizpideak:
a) Arretaz bete dira jasotzen diren jarraibideak.
b) Egiten duen lanaz arduratu da eta eraginkortasunez komunikatu da pertsona egokiarekin une bakoitzean.
c) Betekizun eta arau teknikoak bete dira, jardunbide profesionala erakutsi da eta lana arrazoizko denboran bukatu da.
d) Errespetua erakutsi da une oro ezarritako prozedurekiko eta arauekiko.
e) Ezarritako jarraibide eta prozedurekin bat antolatu da lana, lehentasunaren arabera bete dira eginkizunak eta esku-hartzeetan segurtasun eta kalitate irizpideak erabili dira.
f) Norberaren jarduera gainerako langileekin koordinatu da, eta aurreikusi gabeko edozein aldaketaren, behar garrantzitsuren edo gorabeheraren berri eman da.
g) Lanera puntualtasunez ailegatu da, ezarritako atsedenaldiak hartu dira eta lantokia ez da behar baino lehenago utzi, behar bezala justifikatutako arrazoirik gabe.
h) Beharrezko informazioa edo norberak lanean izan ditzakeen zalantzak egoki galdetu zaizkio arduradun hurrenari.
i) Lana nagusiek emandako aginduen arabera egin da, eta kasuan kasuko aldaketak edo iradokizunak behar den tokian eta moduan planteatu dira.
Lanbide modulu honek laguntzen du titulu honetako gaitasunak eta helburu orokorrak osatzen, ikastetxean lortu direnak alegia, edo ikastetxean nekez lor daitezkeen gaitasun bereziak garatzen.
| <table border=1 cellpadding=0> <tr> <td > <table border=1 cellpadding=0 > <tr> <td > &lt;table border=1 cellpadding=0&gt; &lt;tr&gt; &lt;td &gt; &amp;lt;table border=1 cellpadding=0 &amp;gt;&nbsp; &amp;lt;tr&amp;gt;&nbsp;&nbsp; &amp;lt;td &amp;gt;&nbsp;&nbsp; &amp;amp;lt;table border=1 cellpadding=0&amp;amp;gt;&amp;nbsp; &amp;amp;lt;tr&amp;amp;gt;&amp;nbsp;&amp;nbsp; &amp;amp;lt;td&nbsp;&nbsp; &amp;amp;gt;&amp;nbsp;&amp;nbsp; &amp;amp;amp;lt;table border=1 cellpadding=0 &amp;amp;amp;gt;&amp;amp;nbsp;&nbsp;&nbsp; &amp;amp;amp;lt;tr&amp;amp;amp;gt;&amp;amp;nbsp;&amp;amp;nbsp;&amp;nbsp;&amp;nbsp; &amp;amp;amp;lt;td &amp;amp;amp;gt;&amp;amp;nbsp;&amp;amp;nbsp;&nbsp;&nbsp; &amp;amp;amp;amp;lt;table border=1 cellpadding=0&amp;amp;amp;amp;gt;&amp;amp;amp;nbsp;&amp;nbsp;&amp;nbsp;&nbsp;&nbsp; &amp;amp;amp;amp;lt;tr&amp;amp;amp;amp;gt;&amp;amp;amp;nbsp;&amp;amp;amp;nbsp; &amp;amp;amp;amp;lt;td&amp;amp;nbsp;&amp;amp;nbsp;&nbsp;&nbsp; &amp;amp;amp;amp;gt;&amp;amp;amp;nbsp;&amp;amp;amp;nbsp; 3. ERANSKINA &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; &amp;amp;amp;nbsp;&amp;amp;amp;nbsp; LANBIDE MODULUEN ETA&nbsp;&nbsp; GAITASUN&amp;nbsp;&amp;nbsp; UNITATEEN ARTEKO LOTURA &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; &amp;amp;amp;nbsp;&amp;amp;amp;nbsp;&nbsp;&nbsp; &amp;amp;amp;amp;lt;/td&amp;amp;amp;amp;gt;&amp;amp;amp;nbsp;&amp;nbsp;&amp;nbsp; &amp;amp;amp;amp;lt;/tr&amp;amp;amp;amp;gt;&nbsp;&nbsp; &amp;amp;amp;amp;lt;/table&amp;amp;amp;amp;gt; &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; &amp;amp;amp;amp;nbsp; &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; GAINDITUTAKO&amp;amp;nbsp;&amp;amp;nbsp; LANBIDE MODULUAK &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; &amp;amp;amp;lt;/td&amp;amp;amp;gt;&amp;amp;nbsp;&amp;amp;nbsp;&nbsp;&nbsp; &amp;amp;amp;lt;td &amp;amp;amp;gt;&amp;amp;nbsp;&amp;amp;nbsp; GAITASUN&amp;amp;nbsp;&amp;amp;nbsp; UNITATE&amp;nbsp;&amp;nbsp; EGIAZTAGARRIAK &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; &amp;amp;amp;lt;/td&amp;amp;amp;gt;&amp;amp;nbsp;&nbsp;&nbsp; &amp;amp;amp;lt;/tr&amp;amp;amp;gt;&amp;amp;nbsp; &amp;amp;amp;lt;tr&amp;amp;amp;gt;&amp;amp;nbsp;&amp;amp;nbsp; &amp;amp;amp;lt;td&amp;nbsp;&amp;nbsp;&nbsp;&nbsp; &amp;amp;amp;gt;&amp;amp;nbsp;&amp;amp;nbsp; 3031.&amp;amp;nbsp;&amp;amp;nbsp; Bulegotika eta dokumentuen artxiboa. &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; &amp;amp;amp;lt;/td&amp;amp;amp;gt;&amp;amp;nbsp;&amp;amp;nbsp;&nbsp;&nbsp; &amp;amp;amp;lt;td &amp;amp;amp;gt;&amp;amp;nbsp;&amp;amp;nbsp; UC0974-1: datu-&amp;amp;nbsp;&amp;amp;nbsp; eta&amp;nbsp;&amp;nbsp;&nbsp;&nbsp; testu-tratamendurako oinarrizko lanak egitea, baita dokumentazioa&amp;amp;nbsp;&amp;amp;nbsp;&amp;nbsp;&amp;nbsp;&nbsp;&nbsp; prestatzekoak ere. &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; UC0971-1:&amp;amp;nbsp;&amp;amp;nbsp; erreprodukzioko eta&nbsp;&nbsp; artxiboko&amp;nbsp;&amp;nbsp; laguntza lanak egitea ohiko euskarrian edo&amp;amp;nbsp;&amp;amp;nbsp; euskarri&nbsp;&nbsp; informatikoan. &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; &amp;amp;amp;lt;/td&amp;amp;amp;gt;&amp;amp;nbsp;&nbsp;&nbsp; &amp;amp;amp;lt;/tr&amp;amp;amp;gt;&amp;amp;nbsp; &amp;amp;amp;lt;tr&amp;amp;amp;gt;&amp;amp;nbsp;&amp;amp;nbsp; &amp;amp;amp;lt;td&amp;nbsp;&amp;nbsp;&nbsp;&nbsp; &amp;amp;amp;gt;&amp;amp;nbsp;&amp;amp;nbsp; 3016.&amp;amp;nbsp;&amp;amp;nbsp; Datuak transmititzeko sareen&nbsp;&nbsp; instalazioa eta mantentze-lanak. &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; &amp;amp;amp;lt;/td&amp;amp;amp;gt;&amp;amp;nbsp;&amp;amp;nbsp;&nbsp;&nbsp; &amp;amp;amp;lt;td &amp;amp;amp;gt;&amp;amp;nbsp;&amp;amp;nbsp; UC1207-1: ekipo&amp;amp;nbsp;&amp;amp;nbsp;&amp;nbsp;&amp;nbsp;&nbsp;&nbsp; mikroinformatikoak muntatzeko laguntza lanak egitea. &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; &amp;amp;amp;lt;/td&amp;amp;amp;gt;&amp;amp;nbsp;&nbsp;&nbsp; &amp;amp;amp;lt;/tr&amp;amp;amp;gt;&amp;amp;nbsp; &amp;amp;amp;lt;tr&amp;amp;amp;gt;&amp;amp;nbsp;&amp;amp;nbsp; &amp;amp;amp;lt;td&amp;nbsp;&amp;nbsp;&nbsp;&nbsp; &amp;amp;amp;gt;&amp;amp;nbsp;&amp;amp;nbsp; 3029.&amp;amp;nbsp;&amp;amp;nbsp; Sistema eta osagai informatikoen&nbsp;&nbsp; muntaketa eta&amp;nbsp;&amp;nbsp; mantentze-lanak. &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; &amp;amp;amp;lt;/td&amp;amp;amp;gt;&amp;amp;nbsp;&amp;amp;nbsp;&nbsp;&nbsp; &amp;amp;amp;lt;td &amp;amp;amp;gt;&amp;amp;nbsp;&amp;amp;nbsp; UC1208-1: sistema&amp;amp;nbsp;&amp;amp;nbsp;&amp;nbsp;&amp;nbsp;&nbsp;&nbsp; mikroinformatikoen mantentze-lanetako laguntza lanak egitea. &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; &amp;amp;amp;lt;/td&amp;amp;amp;gt;&amp;amp;nbsp;&nbsp;&nbsp; &amp;amp;amp;lt;/tr&amp;amp;amp;gt;&amp;amp;nbsp; &amp;amp;amp;lt;tr&amp;amp;amp;gt;&amp;amp;nbsp;&amp;amp;nbsp; &amp;amp;amp;lt;td&amp;nbsp;&amp;nbsp;&nbsp;&nbsp; &amp;amp;amp;gt;&amp;amp;nbsp;&amp;amp;nbsp; 3030.&amp;amp;nbsp;&amp;amp;nbsp; Konfigurazio eta ustiapeneko laguntza&nbsp;&nbsp; lanak. &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; &amp;amp;amp;lt;/td&amp;amp;amp;gt;&amp;amp;nbsp;&amp;amp;nbsp; &amp;amp;amp;lt;td&nbsp;&nbsp; &amp;amp;amp;gt;&amp;amp;nbsp;&amp;amp;nbsp; UC1209-1:&amp;amp;nbsp;&amp;amp;nbsp;&amp;nbsp;&amp;nbsp; informazioaren eta&nbsp;&nbsp; komunikazioaren teknologiekin laguntza lanak egitea. &nbsp;&nbsp; &amp;nbsp;&amp;nbsp; &amp;amp;nbsp;&amp;amp;nbsp; &amp;amp;amp;lt;/td&amp;amp;amp;gt;&amp;amp;nbsp;&nbsp;&nbsp; &amp;amp;amp;lt;/tr&amp;amp;amp;gt; &amp;amp;amp;lt;/table&amp;amp;amp;gt; &nbsp;&nbsp; &amp;nbsp;&amp;nbsp; &amp;amp;amp;nbsp; &nbsp;&nbsp; &amp;nbsp;&amp;nbsp; 4. ERANSKINA &nbsp;&nbsp; &amp;nbsp;&amp;nbsp; IRAKASLEAK &nbsp;&nbsp; &amp;nbsp;&amp;nbsp; A)&amp;nbsp;&amp;nbsp; Esleitutako irakaslana. &nbsp;&nbsp; &amp;nbsp;&amp;nbsp; Sektore&amp;nbsp;&amp;nbsp; publikoan, lanbide profilari lotutako&nbsp;&nbsp; lanbide moduluak eman ahal izateko,&amp;nbsp;&amp;nbsp; honako hauek izanen dira irakasleen&nbsp;&nbsp; espezialitateak: &nbsp;&nbsp; &amp;nbsp;&amp;nbsp; &amp;amp;lt;/td&amp;amp;gt;&amp;nbsp; &amp;amp;lt;/tr&amp;amp;gt; &amp;amp;lt;/table&amp;amp;gt; &nbsp;&nbsp; &amp;amp;nbsp; &nbsp;&nbsp; LANBIDE&nbsp;&nbsp; MODULUA &nbsp;&nbsp; &amp;lt;/td&amp;gt;&nbsp;&nbsp; &amp;lt;td &amp;gt;&nbsp;&nbsp; IRAKASLEEN&nbsp;&nbsp; ESPEZIALITATEA / BESTELAKOAK &nbsp;&nbsp; &amp;lt;/td&amp;gt;&nbsp;&nbsp; &amp;lt;td &amp;gt;&nbsp;&nbsp; IRAKASLEEN&nbsp;&nbsp; ESPEZIALITATEAREN KIDEGOA &nbsp;&nbsp; &amp;lt;/td&amp;gt;&nbsp; &amp;lt;/tr&amp;gt;&nbsp; &amp;lt;tr&amp;gt;&nbsp;&nbsp; &amp;lt;td &amp;gt;&nbsp;&nbsp; 3031.&nbsp;&nbsp; Bulegotika eta dokumentuen artxiboa. &nbsp;&nbsp; 3016.&nbsp;&nbsp; Datuak transmititzeko sareen instalazioa eta mantentze-lanak. &nbsp;&nbsp; 3029.&nbsp;&nbsp; Sistema eta osagai informatikoen muntaketa eta mantentze-lanak. &nbsp;&nbsp; 3030.&nbsp;&nbsp; Konfigurazio eta ustiapeneko laguntza lanak. &nbsp;&nbsp; &amp;lt;/td&amp;gt;&nbsp;&nbsp; &amp;lt;td &amp;gt;&nbsp;&nbsp; -Sistema&nbsp;&nbsp; eta aplikazio informatikoak. &nbsp;&nbsp; -Administrazio&nbsp;&nbsp; kudeaketako prozesuak. &nbsp;&nbsp; Bestelakoak: &nbsp;&nbsp; Irakasle&nbsp;&nbsp; espezialista, hala balegokio. &nbsp;&nbsp; &amp;lt;/td&amp;gt;&nbsp;&nbsp; &amp;lt;td &amp;gt;&nbsp;&nbsp; -Lanbide&nbsp;&nbsp; Heziketako irakasle teknikoa. &nbsp;&nbsp; &amp;lt;/td&amp;gt;&nbsp; &amp;lt;/tr&amp;gt;&nbsp; &amp;lt;tr&amp;gt;&nbsp;&nbsp; &amp;lt;td &amp;gt;&nbsp;&nbsp; 3032.&nbsp;&nbsp; Lantokietako prestakuntza. &nbsp;&nbsp; &amp;lt;/td&amp;gt;&nbsp;&nbsp; &amp;lt;td &amp;gt;&nbsp;&nbsp; Espezialitatea: &nbsp;&nbsp; -Sistema&nbsp;&nbsp; eta aplikazio informatikoak. &nbsp;&nbsp; &amp;lt;/td&amp;gt;&nbsp;&nbsp; &amp;lt;td &amp;gt;&nbsp;&nbsp; -Lanbide&nbsp;&nbsp; Heziketako irakasle teknikoa. &nbsp;&nbsp; &amp;lt;/td&amp;gt;&nbsp; &amp;lt;/tr&amp;gt; &amp;lt;/table&amp;gt; &amp;nbsp; B) Ikastetxe pribatuetarako behar diren titulazioak. Titulartasun pribatuko ikastetxeetan edo hezkuntzakoak ez diren administrazioen titulartasun publikoa dutenetan, honako titulazio hauek beharko dira lanbide moduluak emateko: &lt;/td&gt; &lt;/tr&gt; &lt;/table&gt; &nbsp; LANBIDE MODULUAK </td> <td > TITULAZIOAK </td> </tr> <tr> <td > 3029. Sistema eta osagai informatikoen muntaketa eta mantentze-lanak. 3030. Konfigurazio eta ustiapeneko laguntza lanak. 3031. Bulegotika eta dokumentuen artxiboa. 3016. Datuak transmititzeko sareen instalazioa eta mantentze-lanak. 3032. Lantokietako prestakuntza. </td> <td > -Diplomaduna, ingeniari teknikoa, arkitekto teknikoa edo kasuan kasuko graduko titulua, edo beste titulu baliokide batzuk. </td> </tr> </table> C) Irakasteari begira baliokideak diren titulazioak. Titulartasun pribatuko ikastetxeetan edo hezkuntzakoak ez diren administrazioen titulartasun publikoa dutenetan, lanbide moduluak emateko, honako titulazio hauek emanen dute gaitasuna irakasteari begira: </td> </tr> </table>
LANBIDE MODULUAK | TITULAZIOAK |
| 3029. Sistema eta osagai informatikoen muntaketa eta mantentze-lanak. 3030. Konfigurazio eta ustiapeneko laguntza lanak. 3031. Bulegotika eta dokumentuen artxiboa. 3016. Datuak transmititzeko sareen instalazioa eta mantentze-lanak. 3033. Lantokietako prestakuntza. | -Diplomaduna, ingeniari teknikoa, arkitekto teknikoa edo kasuan kasuko graduko titulua, edo beste titulu baliokide batzuk |
5. ERANSKINA. IRAKASLEKUAK ETA EKIPAMENDUAK
A) Irakaslekuak.
Heziketa ziklo honetako ikasketak emateko behar diren irakaslekuak honako hauek dira:
-Erabilera anitzeko gela.
-Administrazio tailerra.
-Informatika eta komunikazioen tailerra.
B) Gutxieneko ekipamenduak.
| Erabilera anitzeko gela. | Sarean instalatutako ordenagailuak, proiektagailua eta Internet. Ikus-entzunezko baliabideak. Aplikazio-softwarea. |
| Administrazio tailerra. | Bulego mahaiak, lanpostu informatizatuekin. Inprimagailua. Aplikazioko programa informatikoak. Oinarrizko azaleztatzea egiteko ekipoak. Erreprografia ekipoa (fotokopiagailua, eskanerra). Telefonogunea edo funtzio anitzeko telefonoa. Ohiko artxiboa. Bulegoko materiala. Segurtasuneko ekipoak eta baliabideak. |
| Informatika eta komunikazioen tailerra. | Kita: kableen armairua eta adabaki-panelak. Informatikarako eta sareak eta kanalizazioak muntatzeko berariazko tresnak. Rack-ak. Sareak muntatzeko osagaiak. Hainbat motatako switch-ak. Sare-egokigailuak. Haririk gabeko sarbide-puntua. Haririk gabeko routerra. Ordenagailuak muntatzeko osagaiak. Segurtasuneko ekipoak eta baliabideak. |
Iragarkiaren kodea: F1412639
