LEXNAVARRA
45/2013 FORU DEKRETUA, UZTAILAREN 31KOA, NAFARROAKO FORU KOMUNITATEAN ANIMAZIO SOZIOKULTURAL ETA TURISTIKOKO GOI MAILAKO TEKNIKARI TITULUAREN EGITURA ETA CURRICULUMA EZARTZEN DITUENA.
BON N.º 56 - 24/03/2014
- Zioen azalpena
- 1. artikulua. Helburua.
- 2. artikulua. Identifikazioa.
- 3. artikulua. Lanbide erreferentea eta lanbide jarduera.
- 4. artikulua. Curriculuma.
- 5. artikulua. Lanbide moduluak eta prestakuntza unitateak.
- 6. artikulua. Heziketa zikloan sartzeko bideak.
- 7. artikulua. Ziklotik beste ikasketa batzuetara pasatzea.
- 8. artikulua. Baliozkotzeak eta salbuespenak.
- 9. artikulua. Gaitasun unitateek lanbide moduluekin duten korrespondentzia.
- 10. artikulua. Irakasleak.
- 11. artikulua. Irakaslekuak eta ekipamenduak.
- XEDAPEN GEHIGARRIAK
- Lehen xedapen gehigarria. Tituluaren baliokidetasunak.
- Bigarren xedapen gehigarria. Beste lanbide trebakuntza batzuk.
- XEDAPEN IRAGANKORRA
- Xedapen iragankor bakarra. Aurreko tituluko ikasleen eskubideak eta trantsizio prozesua.
- XEDAPEN INDARGABETZAILEA
- Xedapen indargabetzaile bakarra. Beste arau batzuk indargabetzea.
- AZKEN XEDAPENAK
- Azken xedapenetako lehena. Ezarpena.
- Azken xedapenetako bigarrena. Indarra hartzea.
1. ERANSKINA. LANBIDE ERREFERENTEA
2. ERANSKINA. CURRICULUMA
3. ERANSKINA. PRESTAKUNTZA UNITATEAK
6. ERANSKINA. IRAKASLEAK
7 ERANSKINA. LEKUAK
1
Lanbide Kualifikazioei eta Lanbide Heziketari buruzko ekainaren 19ko 5/2002 Lege Organikoak Kualifikazioen Katalogo Nazionalaren definizioan aurrera egitea ahalbidetu du. Lanbide sektore edo arlo bakoitzerako kualifikazio batzuk zehaztu dira katalogoan, hiru mailatan antolatuak, eta horiexek osatzen dute Lanbide Heziketako tituluen curriculumaren muina.
Hezkuntzari buruzko maiatzaren 3ko 2/2006 Lege Organikoak lanbide ikasketen antolaketa eta haien egituraren eta antolamenduaren printzipio orokorrak arautzen ditu hezkuntza sistemaren barnean. Etapa, maila eta ikasketa mota guztiak eredu koherente batean biltzen ditu, zeinean heziketa zikloek eginkizun garrantzitsuak betetzen baitituzte, lanbide gaitasunen, gaitasun pertsonalen eta gizarte gaitasunen garapenari lotuak, eta, funtsean, lanbide kualifikazioaren, lan munduan sartzearen eta helduen bizitzan parte hartzearen esparruetan kokatuak.
Ekonomia Iraunkorrari buruzko martxoaren 4ko 2/2011 Legeak, Lanbide Heziketari dagokionez, helburu hau du ezarrita: erraztasunak ematea prestakuntzaren eskaintza produkzio-sistemak eta gizarteak eskatzen dituzten lanbide gaitasunetara etengabe egokitzeko, Lanbide Heziketako tituluak eguneratu eta egokitzeko sistema arin baten bitartez. Halaber, adierazten du beharrezkoa dela hezkuntza administrazioak behar diren ekimenak abiaraztea Lanbide Heziketaren eskaintza gizartearen premien arabera eta kasuko lurralde esparruko ekonomiaren premien arabera egokitzeko. Bestalde, Hezkuntzari buruzko maiatzaren 3ko 2/2006 Legearen 41. artikulua aldatzen du, non Lanbide Heziketako erdi mailako eta goi mailako zikloetako ikasketetan sartzeko bete beharreko baldintzak arautzen diren.
Foru dekretu honen bitartez, Animazio Soziokultural eta Turistikoko goi mailako teknikari titulua eskuratzea ahalbidetzen duen goi mailako heziketa zikloaren egitura eta curriculuma ezarri dira. Hezkuntza sistemako Lanbide Heziketaren antolamendu orokorra ezartzen duen uztailaren 29ko 1147/2011 Errege Dekretuaren 8. artikulua aplikatuz, eta Nafarroako Foru Eraentza Birrezarri eta Hobetzeari buruzko abuztuaren 10eko 13/1982 Lege Organikoaren 47. artikuluan Nafarroako Foru Komunitateari arlo honetan ematen zaizkion eskumenak erabiliz, honako curriculum honek azaroaren 18ko 1684/2011 Errege Dekretua garatzen du, Animazio Soziokultural eta Turistikoko goi mailako teknikari titulua ezarri eta horren gutxieneko ikasketak finkatzen dituen dekretua, hain zuzen.
Bestalde, Nafarroako Foru Komunitateko hezkuntza sistemaren esparruan Lanbide Heziketaren antolamendua eta garapena arautzen dituen maiatzaren 26ko 54/2008 Foru Dekretuak Lanbide Heziketako tituluetako curriculuma garatzeko eredu bat definitu du, estrategia eta arau berriak ekarri dituena enpresara hobeki egokitzeko, ikasketen antolaketa malgutzeko, ikastetxeen curriculum-autonomia areagotzeko eta ikasleei prestakuntza zabalagoa emateko.
Horregatik, Animazio Soziokultural eta Turistikoko goi mailako teknikari tituluaren curriculuma Nafarroako Foru Komunitaterako egokitu eta garatzean, kontuan hartu dira maiatzaren 26ko 54/2008 Foru Dekretu horrek onetsi dituen diseinuari buruzko jarraibideak.
2
Araudi honetan elementu hauek jorratzen dira, titulu honetako curriculuma osatzen dutenak: lanbide erreferentea, curriculuma, ikasketen antolaketa eta sekuentziazioa, sarbideak eta ezarpenerako baldintzak.
Titulu honen lanbide erreferenteak, arau honen 3. artikuluan aurkeztu eta 1. eranskinean garatzen denak, oinarrizko bi alderdi ditu: tituludunaren lanbide profila eta haren lan jarduerari dagokion produkzio-sistemaren ingurunea. Lanbide profilaren barnean, haren gaitasun orokorra zein den definitzen da eta erreferentzia gisa hartu diren lanbide kualifikazioak azaltzen dira. Lanbide kualifikazio hauek, hau da, “Dinamizazio komunitarioa”, urriaren 19ko 1368/2007 Errege Dekretuak arautua; “Haur eta gazteendako denbora libreko hezkuntza-jardueren zuzendaritza eta koordinazioa”, apirilaren 20ko 567/2011 Errege Dekretuak arautua; “Kultura ekintzen dinamizazioa, programazioa eta garapena”, uztailaren 22ko 1096/2011 Errege Dekretuak arautua; “Gazteendako informazioa”, apirilaren 20ko 567/2011 Errege Dekretuak arautua; baita kualifikazio osatugabea, Animazio turistikoarena ere, abenduaren 14ko 1700/2007 Errege Dekretuak arautua, jarduketa profesionaleko eremu bat dira, dauzkan eskumenek definitua. Erantsi diren lanbide moduluak euskarri gisa edukitzeaz gain, zabalera nahikoa eta beharrezko espezializazioa ditu, goi mailako teknikari honen enplegagarritasuna bermatzeko.
Produkzio sistemari dagokionez, zenbait zehaztapen ezartzen dira, Nafarroarako elementu bereizgarriekin, tituludun hauek beren lanean eta lanbidean izanen duten inguruneari buruz. Gutxienez ere bi dimentsio osagarri dituen sistema batean kokatzen da ingurune hori. Lehenbizikoa geografikoa da, tituludun hauen lanbide jarduera Estatuko eta atzerriko beste zona batzuekin loturik dagoelako eta zona horiek elkarri eragiten diotelako. Bigarrena denboraren dimentsioa da, eta lanbideak etorkizunean izanen duen bilakaerari buruzko ikuspegi prospektiboa dakar.
3
Laugarren artikulua, berari loturik dagoen 2. eranskinarekin batera, Nafarroan arautzen den titulazioaren curriculum osagaiaz ari da eta bi zatitan banaturik dago. Alde batetik, titulu honen helburuak daude eta, bestetik, lanbidearen ikaskuntzaren muina osatzen duten lanbide moduluen garapena eta iraupena. Iraupenaren definizioari dagokionez, bi irizpide erabiltzen dira: orduen kopurua eta Europako kredituen kopurua (ECTS). Lehenbizikoa interesgarria da prestakuntza jarduera antolatzeko, eta bigarrena irizpide estrategikoa da, Europako esparruaren barneko mugikortasunarekin eta ikasketa unibertsitarioen eta Lanbide Heziketako goi mailako heziketa zikloen arteko baliozkotzearekin zerikusia duena. Lanbide modulu guztien curriculumak badu orientabide didaktikoen atal bat. Orientabide horiek moduluen ikuspuntuari, koordinazioari eta sekuentziazioari eta irakatsi eta ikasteko jarduerei dagozkie.
4
Arau honen esparruan moduluen erreferentziazko sekuentziazioa arautzen da zikloko bi mailetan, bai eta lanbide modulu bakoitza prestakuntza unitatetan zatitzeko modua ere. Zatiketa horrek bide ematen du lanbide prestakuntzaren beste eskaintza batzuei ekiteko; horien xedea langileen hobekuntza izan daiteke edota gaitasuna ebaluatu eta onartzeko prozedurak eta prestakuntza-eskaintzak berak bat egiten duten ibilbideen diseinua. Elementu hori 5. artikuluan eta 3. eranskinean garatzen da.
5
Sarbideei eta baliozkotzeei dagokienez, 6. artikuluak Batxilergotik heziketa ziklo honetara sartzeko bideak arautzen ditu, 7. artikuluak zehazten du nola pasa daitekeen beste ikasketa batzuetara Animazio Soziokultural eta Turistikoko goi mailako teknikari titulurako heziketa zikloa amaitu eta gero, 8. artikuluak baliozkotze eta salbuespenak arautzeko esparrua definitzen du, eta 9. artikuluak (5. eranskinean garatua) lanbide moduluen eta titulu honetako kualifikazioko gaitasun unitateen arteko korrespondentziak ezartzen ditu, haiek egiaztatu, baliozkotu edo salbuesteko.
6
Azkenik, foru dekretu honek arautzen duen azken elementua 10. eta 11. artikuluetan eta dagozkien 6. eta 7. eranskinetan deskribatzen da, heziketa ziklo hau ezartzeko baldintzez ari baitira horiek guztiak. Baldintza horiek irakasleen profilari eta behar diren esparru eta ekipamenduen ezaugarriei buruzkoak dira.
Horrenbestez, Hezkuntzako kontseilariak proposaturik, eta Nafarroako Gobernuak 2013ko uztailaren 31n egindako bilkuran harturiko erabakiarekin bat,
DEKRETATU DUT:
Foru dekretu honen xedea da Animazio Soziokultural eta Turistikoko goi mailako teknikari tituluaren egitura eta curriculum ofiziala ezartzea Nafarroako Foru Komunitatean. Titulu hori Gizarte eta Kultur Zerbitzuak lanbide arlokoa da.
Animazio Soziokultural eta Turistikoko goi mailako teknikari titulua ondoko elementuen bidez identifikatzen da:
a) Izena: Animazio soziokultural eta turistikoa.
b) Maila: 3-Goi mailako Lanbide Heziketa.
c) Iraupena: 2000 ordu.
d) Lanbide arloa: Gizarte eta Kultur Zerbitzuak.
e) Europako erreferentea: HNSN-5b (Hezkuntzaren Nazioarteko Sailkapen Normalizatua).
3. artikulua. Lanbide erreferentea eta lanbide jarduera.
Foru dekretu honen 1. eranskinean zehazten dira tituluaren lanbide profila, gaitasun orokorra, kualifikazioak eta gaitasun unitateak, lanbide gaitasunak, gaitasun pertsonalak eta sozialak, bai eta produkzio-sistemaren erreferentziak, haren prospektiba eta Nafarroako testuinguruan kokatzeko jakingarri batzuk ere, maiatzaren 26ko 54/2008 Foru Dekretuaren 21. artikuluan ezarritakoari jarraikiz. Dekretu horren bidez, Nafarroako Foru Komunitateko hezkuntza sistemaren esparruan Lanbide Heziketaren antolamendua eta garapena arautzen dira.
1. Animazio Soziokultural eta Turistikoko heziketa zikloaren helburu orokorrak eta hura osatzen duten lanbide moduluak foru dekretu honen 2. eranskinean ageri dira.
2. Heziketa ziklo hau ematen duten Lanbide Heziketako ikastetxeek programazio didaktiko bat prestatuko dute, zikloak dituen lanbide modulu bakoitzerako. Programazio hori lan unitateen bitartez garatu eta zehaztuko da.
5. artikulua. Lanbide moduluak eta prestakuntza unitateak.
1. Heziketa ziklo hau osatzen duten lanbide moduluak foru dekretu honen 2 B) eranskinean garatzen dira, Animazio Soziokultural eta Turistikoko goi mailako teknikari titulua ezarri zuen eta beraren gutxieneko irakaskuntzak finkatu zituen azaroaren 18ko 1684/2011 Errege Dekretuaren 10. artikuluan ezarritakoarekin bat etorriz.
2. Lanbide modulu horiek bi ikasturtetan antolatuko dira, foru dekretu honen 2.B) eranskinean ezarritako denbora banaketaren arabera. Maiatzaren 26ko 54/2008 Foru Dekretuaren 16.2 artikuluan dauden arauekin bat, denbora banaketa horrek erreferentziazko balioa izanen du heziketa ziklo hau ematen duten ikastetxe guztientzat eta Hezkuntza Departamentuaren baimena beharko da hartan edozein aldaketa egiteko.
3. Lanbide moduluak foru dekretu honen 3. eranskinean ezarritako prestakuntza unitateetan antolaturik ematen ahalko dira, bizitzan zeharreko prestakuntza sustatze aldera. Lanbide modulu bakoitza osatzen duten prestakuntza unitateen edukietan modulu horretako eduki guztiak bildu behar dira.
4. Prestakuntza unitate bakoitzaren ziurtapenak Nafarroako Foru Komunitatean soilik izanen du balioa. Modulu bateko prestakuntza unitate guztiak gaindituz gero, ikasleak lanbide moduluaren ziurtapenerako eskubidea izanen du. Ziurtapenak Estatu osoan izanen du balioa, heziketa zikloan sartzeko baldintza akademikoak betetzen baldin badira.
6. artikulua. Heziketa zikloan sartzeko bideak.
1. Foru dekretu honek arautzen duen heziketa zikloan sartzeko, uztailaren 29ko 1147/2011 Errege Dekretuaren 18. artikuluan ezarritako baldintzak bete behar dira. Errege dekretu horrek hezkuntza sistemaren Lanbide Heziketaren antolamendu orokorra ezartzen du.
2. Giza eta Gizarte Zientzien modalitateko Batxilergoa ikasi duten ikasleek lehentasuna izanen dute heziketa ziklo honetan sartzeko, azaroaren 18ko 1684/2011 Errege Dekretuaren 13. artikuluak ezarri bezala.
7. artikulua. Ziklotik beste ikasketa batzuetara pasatzea.
1. Animazio Soziokultural eta Turistikoko goi mailako teknikari tituluak zuzeneko sarbidea ematen du goi mailako beste edozein heziketa ziklotarako, onarpenerako ezartzen diren baldintzekin betiere.
2. Animazio Soziokultural eta Turistikoko goi mailako teknikari tituluak zuzeneko sarbidea ematen du unibertsitateko gradu tituluak eskuratzeko ikasketetarako, onarpenerako ezartzen diren baldintzekin betiere.
3. Azaroaren 18ko 1684/2011 Errege Dekretuaren 14.3 artikuluaren arabera, baliozkotzeen araubidea errazteko asmoz, Lanbide Heziketako goi mailako teknikari tituluen eta unibertsitateko gradu ikasketen arteko kreditu-onarpenari buruzko arauaren esparruan, 120 ECTS kreditu esleitu zaizkie foru dekretu honetan ezarritako ikasketei, heziketa ziklo honetako lanbide moduluen artean banaturik.
8. artikulua. Baliozkotzeak eta salbuespenak.
1. 4. eranskinean zehazten dira Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoaren babesean ezarritako Lanbide Heziketako tituluen lanbide moduluen eta dekretu honetan egitura eta curriculumaren garapena ezarriak dituzten lanbide moduluen arteko baliozkotzeak.
2. Lanbide moduluak beste lanbide modulu batzuekin, gaitasun unitateekin eta goi mailako heziketaren irakasgaiekin baliozkotzeari eta salbuesteari dagokienez, azaroaren 18ko 1684/2011 Errege Dekretuaren 15. artikuluan eta uztailaren 29ko 1147/2011 Errege Dekretuaren 38. artikuluan araututakoa aplikatuko da.
9. artikulua. Gaitasun unitateek lanbide moduluekin duten korrespondentzia.
1. Lanbide Kualifikazioei eta Lanbide Heziketari buruzko ekainaren 19ko 5/2002 Lege Organikoaren 8. artikuluan ezarritakoaren arabera egiaztaturiko gaitasun unitateen eta Animazio Soziokultural eta Turistikoko goi mailako teknikari titulurako ikasketak osatzen dituzten lanbide moduluen arteko korrespondentziak, haiek baliozkotzeko edo salbuesteko erabiliko direnak, foru dekretu honen 5.A) eranskinean ageri dira.
2. Era berean, titulu bereko ikasketak osatzen dituzten lanbide moduluen eta gaitasun unitateen arteko korrespondentziak, haiek egiaztatzeari begira, foru dekretu honen 5.B) eranskinean zehazten dira.
1. Heziketa ziklo honetako ikasketak osatzen dituzten lanbide moduluetan irakaslanean aritzea Bigarren Hezkuntzako katedradunen, Bigarren Hezkuntzako irakasleen eta Lanbide Heziketako irakasle teknikoen kidegoetako irakasleei dagokie, kasuaren arabera. Foru dekretu honen 6.A) eranskinean ezarritako espezialitateetakoak izan behar dute.
2. Irakasleen kidegoetako irakasleei eskatzen zaizkien titulazioak, oro har, otsailaren 23ko 276/2007 Errege Dekretuaren 13. artikuluan ezarritakoak dira. Errege dekretu horren bidez, maiatzaren 3ko 2/2006 Lege Organikoan aipatzen diren irakasleen kidegoetan sartzeko eta espezialitate berriak eskuratzeko Erregelamendua onesten da eta lege organiko horren hamazazpigarren xedapen iragankorrean aipatzen den sarrera-araubide iragankorra arautzen da. Irakaslanari dagokionez, aurrekoen baliokideak diren titulazioak foru dekretu honen 6.B) eranskinean ageri dira, irakasleen espezialitateen arabera.
3. Titulu hau osatzen duten lanbide moduluak irakasteko, ikastetxe pribatuetako irakasleei edo Hezkuntzakoak ez diren administrazioetako ikastetxe publikoetako irakasleei eskatuko zaizkien titulazioak foru dekretu honen 6.C) eranskinean azaltzen dira.
11. artikulua. Irakaslekuak eta ekipamenduak.
1. Heziketa ziklo honetako ikasketak emateko behar diren irakaslekuak foru dekretu honen 7. eranskinean ezarritakoak dira.
2. Irakaslekuek azalera nahikoa izanen dute haietako bakoitzean ematen diren lanbide moduluetako ikaskuntza-emaitzei dagozkien irakaskuntza jarduerak garatu ahal izateko. Gainera, ekipamenduek baldintza hauek beteko dituzte:
a) Irakaslekuaren azalera zehazteko, kontuan hartuko da zenbat lagunentzat den. Azalera nahikoa izanen da irakaskuntza-ikaskuntza jarduerak behar adinako ergonomia eta mugikortasunarekin egin ahal izateko.
b) Irakaslekuetan altzari, ekipamendu eta lanerako tresna osagarrietarako nahikoa leku izanen da.
c) Irakaslekuetan erabiltzen diren makina eta ekipamenduetarako segurtasun tarte edo eremuak errespetatu beharko dira.
d) Laneko arriskuen prebentzioari buruzko arauak, lanpostuko segurtasunari eta osasunari buruzkoak eta gainerako arau aplikagarriak beteko dira.
3. Ikasle talde batek baino gehiagok erabiltzen ahalko dituzte irakaslekuak, heziketa ziklo eta hezkuntza etapa berekoak izan edo ez.
4. Irakaslekuek ez dute nahitaez itxituren bidez bereizirik egon behar.
5. Irakasleku bakoitzean behar adina ekipamendu jarri behar da, ikasleei ikaskuntzaren emaitzen lorpena eta irakaskuntzaren kalitatea bermatzeko. Gainera, baldintza hauek beteko dituzte:
a) Ekipamenduak (ekipoak, makinak, etab.) ongi ibiltzeko behar duten instalazioa edukiko du. Segurtasunari eta arriskuen prebentzioari buruzko arauak eta aplikatu behar diren gainerakoak beteko ditu.
b) Ekipamenduen kopurua eta ezaugarriak ikasle kopuruaren araberakoak izanen dira, eta ikaskuntzaren emaitzak lortzea ahalbidetuko dute, irakasleku bakoitzean ematen diren lanbide moduluetako ebaluazio irizpideak eta edukiak kontuan izanik.
6. Hezkuntza Departamentua arduratuko da irakasleku eta ekipamenduen kopurua eta ezaugarriak egokiak izan daitezen modulu bakoitzeko ikaskuntzaren emaitzen araberako irakaskuntza eta ikaskuntza prozesuak garatzeko, eta ikasketen eboluzioak sortzen dituen eskarietara egokitu daitezen, horrela ikasketen kalitatea bermatuko baita.
Lehen xedapen gehigarria. Tituluaren baliokidetasunak.
1. Azaroaren 18ko 1684/2011 Errege Dekretuaren hirugarren xedapen gehigarriaren arabera, Animazio Soziokultural eta Turistikoko goi mailako teknikari tituluak, zeinaren curriculuma foru dekretu honetan arautzen baita, eta jarraian aipatzen diren teknikari espezializatuaren tituluek ondorio akademiko eta profesional berak sortuko dituzte:
a) Jarduera Soziokulturaletako teknikari espezialista, Administrazio eta Merkataritzaren adarra.
b) Bidaia Agentzietako teknikari espezialista, Ostalaritza eta Turismoaren adarra.
2. Era berean, ekainaren 14ko 223/1999 Foru Dekretuan araututa dagoen Gizarte eta Kultur Animazioko goi mailako teknikari tituluak eta foru dekretu honetan arautzen den curriculuma duen Animazio Soziokultural eta Turistikoko goi mailako teknikari tituluak ondorio akademiko eta profesional berberak izanen dituzte.
Bigarren xedapen gehigarria. Beste lanbide trebakuntza batzuk.
1. “Lanerako prestakuntzako eta orientazioa” lanbide moduluak trebakuntza ematen du laneko arriskuen prebentzioko oinarrizko jardueretarako behar diren lanbide erantzukizunak hartzeko (horiek Prebentzio Zerbitzuen Erregelamendua onesten duen urtarrilaren 17ko 39/1997 Errege Dekretuan ezarrita daude), baldin eta moduluak gutxienez 45 eskola ordu baditu, azaroaren 18ko 1684/2011 Errege Dekretuaren hirugarren xedapen gehigarriaren 3. zenbakian ezarritakoarekin bat.
2. Foru dekretu honetako lanbide moduluetan ezarritako prestakuntzak haur eta gazteendako aisialdirako hezkuntza-jardueren zuzendari/koordinatzaile diplometan eskaturiko ezagutza maila bermatzen du, denbora libreko jardueretan lana egiteko autonomia erkidegoek eskaturiko titulazio betebeharrak betetzeko.
Xedapen iragankor bakarra. Aurreko tituluko ikasleen eskubideak eta trantsizio prozesua.
Ekainaren 14ko 223/1999 Foru Dekretuan ezarritako Gizarte eta Kultur Animazioko goi mailako teknikariaren tituluari dagozkion ikasketak osorik egin ez dituztenek trantsizio epe bat izanen dute hura eskuratzeko. Nafarroako Foru Komunitateko Hezkuntza Departamentuak titulu hori eskuratzeko prozedurak erraztuko ditu, horretarako ezarriko den arau esparruan.
Xedapen indargabetzaile bakarra. Beste arau batzuk indargabetzea.
1. Indarrik gabe uzten da ekainaren 14ko 223/1999 Foru Dekretua, Nafarroako Foru Komunitatean Gizarte eta Kultur Animazioko goi mailako teknikari tituluari dagokion goi mailako heziketa zikloaren curriculuma ezartzen duena, ezertan galarazi gabe foru dekretu honen xedapen iragankorrean ezarritakoa.
2. Indarrik gabe utzi dira foru dekretu honetan xedatutakoari aurka egiten dioten maila bereko edo apalagoko xedapen guztiak.
Azken xedapenetako lehena. Ezarpena.
Nafarroako Foru Komunitateko Hezkuntza Departamentuak, 2013-2014 ikasturtetik aurrera, foru dekretu honetan arautzen den curriculuma ezar dezake, maiatzaren 26ko 54/2008 Foru Dekretuaren 5. artikuluan eskainitako edozein modalitatetan.
Azken xedapenetako bigarrena. Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2013ko uztailaren 31n.-Nafarroako Gobernuko lehendakaria, Yolanda Barcina Angulo.-Hezkuntzako kontseilaria, José Iribas Sánchez de Boado.
1. ERANSKINA. LANBIDE ERREFERENTEA
A) Lanbide profila
a) Lanbide profila.
Animazio Soziokultural eta Turistikoko goi mailako teknikari tituluaren lanbide profila zehazten duten alderdiak ondokoak dira: gaitasun orokorra, lanbide gaitasunak, gaitasun pertsonalak eta gaitasun sozialak, eta Lanbide Kualifikazioen Katalogo Nazionaleko kualifikazio eta, hala badagokio, gaitasun unitateetatik titulu honetan biltzen direnen zerrenda.
b) Gaitasun orokorra.
Titulu honen gaitasun orokorra da gizarte, kultura eta turismoko jardueren sustapeneko esku-hartzeak programatzea, antolatzea eta ebaluatzea eta, horretarako, pertsona eta talde hartzaileen parte-hartze aktiboa sustatzea, eta profesionalen eta haien ardurapean dauden borondatezkoen jarduketak koordinatzea.
c) Kualifikazioak eta gaitasun unitateak.
Animazio Soziokultural eta Turistikoko goi mailako teknikari tituluan biltzen diren kualifikazioak eta gaitasun unitateak honako hauek dira:
SSC321-3: Dinamizazio komunitarioa, gaitasun unitate hauek biltzen dituena:
-UC1020-3: Eragile komunitario nagusiekin harremana ezarri eta mantentzea: biztanleria, teknikariak eta administrazioak, eta haien arteko harremana sustatzea.
-UC1021-3: Herritarren parte-hartzea bultzatzea proiektu eta baliabide komunitarioetan.
-UC1022-3: Erkidego bat edo lurralde eskualde bat osatzen duten eragileen artean garatutako esku-hartze eta proiektu komunitarioen eta herritarrek parte hartzeko proiektuen plangintza, garapena eta ebaluazioa dinamizatzea.
-UC1023-3: Elkarteen ehuna sortzeko eta garatzeko lanetan esku hartzea, sostengatzea eta laguntzea.
-UC1024-3: Proiektu eta jarduketa komunitarioen berri emateko eta hedatzeko estrategiak ezartzea.
-UC1025-3: Eragile komunitarioen arteko gatazken kudeaketan bitartekaritza prozesu eta teknikak ezartzea.
-UC1026-3: Esku-hartze sozialeko proiektuetan genero ikuspegia sartzea.
SSC565-3: Haur eta gazteendako denbora libreko hezkuntza-jardueren zuzendaritza eta koordinazioa, gaitasun unitate hauek biltzen dituena:
-UC1867-2: Taldeko prozesuetan jardutea, haurtzaroaren eta gazteriaren portaera eta bilakaeraren ezaugarriak kontuan hartuz.
-UC1868-2: Denbora libreko animazioan hezkuntzako teknikak eta baliabideak erabiltzea.
-UC1869-3: Denbora libreko hezkuntza-proiektuak planifikatzea, antolatzea, kudeatzea eta ebaluatzea.
-UC1870-3: Begirale taldeak sortzea, haurrendako eta gazteendako denbora libreko hezkuntza-proiektuetan sustatuz eta gainbegiratuz.
SSC445-3: Kultura ekintzen dinamizazioa, programazioa eta garapena, gaitasun unitate hauek biltzen dituena:
-UC1431-3: Kulturako arduradunek prestatutako kultura programazioak programatzea, garatzea eta ebaluatzea.
-UC1432-3: Animazio kulturaleko proiektuak programatzea eta bultzatzea kultura-elkarte sareekin.
-UC1433-3: Kulturako komunikazio eta marketineko ekintzak garatzea.
SSC567-3: Gazteendako informazioa, gaitasun unitate hauek biltzen dituena:
-UC1874-3: Gazteendako interesgarriak diren informazio zerbitzuak antolatzea eta kudeatzea.
-UC1875-3: Gazteendako informazioa dinamizatzeko ekintzak antolatzea eta kudeatzea.
-UC1023-3: Elkarteen ehuna sortzeko eta garatzeko lanetan esku hartzea, sostengatzea eta laguntzea.
-UC1876-3: Hezkuntza ez-formalaren esparruan gazteei zuzendutako ekintza sozioedukatiboak antolatzea.
Osatugabeko lanbide kualifikazioa:
HOT329-3: Animazio turistikoa, gaitasun unitate hauek biltzen dituena:
-UC1091-3: Animazio turistikoko sailak kudeatzea.
-UC1092-3: Animazio turistikoko proiektuak diseinatzea, bultzatzea eta ebaluatzea.
-UC1093-3: Aisialdian dauden taldeak sortzea eta bultzatzea.
d) Lanbide gaitasunak, gaitasun pertsonalak eta sozialak.
1) Informazioa lortzea, errealitatea aztertzeko baliabideak, estrategiak eta tresnak erabiliz, esku-hartze soziokulturala hartzaileen eta testuinguruaren beharrei egokitzeko.
2) Esku-hartze soziokulturaleko proiektuak prestatzea, testuingurutik eta hartzaileengandik hartutako informaziotik abiaturik eta genero ikuspegia txertatuz.
3) Esku-hartze soziokulturaleko proiektuen ezarpena zuzentzea, profesionalen eta ardurapeko borondatezkoen jarduketak koordinatuz, jardueren gauzatzea kalitate irizpideekin gainbegiratuz eta talde lana erraztuz.
Esku-hartze soziokulturaleko espazioak, estrategiak eta materialak sustatu eta hedatzeko materialak diseinatzea, komunikazio arloko aurrerapen teknologikoak ezarriz.
4) Animazio soziokultural eta turistikoko sailak, programak eta jarduerak antolatzea, dokumentazioa eta baliabideak eta finantzaketa eta esleitutako aurrekontuaren kontrola kudeatuz.
5) Begirale taldeak sortzea, sustatzea eta gainbegiratzea esku-hartze soziokulturaleko proiektuetan, jardueren arabera antolatuz.
6) Jolas jarduerak, kultura jarduerak eta gorputz eta kiroleko jarduerak diseinatzea, ezartzea eta ebaluatzea, estrategia metodologikoak hautatuz, baliabideak antolatuz eta hori guztia garatzeko beharrezkoak diren talde eta baliabide teknikoak erabiliz.
7) Talde eta elkarteak eratzeko eta jarduteko laguntza tekniko, dokumental eta logistikoa ematea, parte-hartzaileak autokudeaketarako gaituz eta gizarte-eragileen arteko harremanak erraztuz.
8) Gazteendako informazio zerbitzuak antolatzea eta kudeatzea, biztanleriaren sektore honetan daudenen beharrak eta eskariak asebeteko dituzten orientazio, informazio eta dinamizazio arloetako jardueren bitartez.
9) Gazteei zuzendutako jarduera sozioedukatiboak diseinatzea, ezartzea eta ebaluatzea, aukera berdintasuna erraztuz eta hezkuntza ez-formalaren printzipioak ezarriz.
10) Taldeak dinamizatzea, parte hartzeko eta dinamizatzeko teknikak ezarriz, gatazkak kudeatuz eta errespetua eta elkartasuna sustatuz.
11) Istripuetan edo larrialdietan lehen sorospen arloan ezarritako protokoloak ezartzea.
12) Esku-hartzearen kontrola eta jarraipena egitea, jarrera autokritikoarekin eta kalitate irizpideak eta hautemandako desbideratzeak atzera elikatzeko prozedurak ezarriz.
13) Balizko eskaera, iradokizun eta erreklamazioei erantzutea, haien nahiak bete eta gogobeterik uzteko, atzerriko hizkuntza erabiltzeko aukerarekin.
14) Lan egoera berrietara egokitzea, eta horretarako, norberaren lanbide inguruneari dagozkion ezagutza zientifiko, tekniko eta teknologikoak eguneratuta edukitzea, norberaren prestakuntza eta bizitzan zehar eskura dauden ikasteko baliabideak kudeatzea, eta informazioaren eta komunikazioaren teknologiak erabiltzea.
15) Egoerak, arazoak edo gorabeherak ebaztea, eta horretarako ekimena eta autonomia edukitzea bere eskumeneko eremuan, sormena eta berritzeko eta hobetzeko gogoa erakutsiz, bai bere lanean bai taldeko kideen lanean.
16) Lantaldeak antolatzea eta koordinatzea arduraz, lanaren garapena gainbegiratzea harreman arinak edukiz eta lidergoa bere gain hartuz, eta sortzen diren taldeko gatazketan konponbideak eskainiz.
17) Lankideekin, nagusiekin, bezeroekin eta bere ardurapeko pertsonekin komunikatzea, komunikazio bide eraginkorrak erabiliz, informazio edo ezaupide egokiak transmitituz, eta bere lanaren esparruan esku hartzen duten pertsonen autonomia eta gaitasuna errespetatuz.
18) Norberaren lana zein taldearena egitean ingurune seguruak sortzea, laneko eta ingurumeneko arriskuen prebentziorako prozedurak gainbegiratuz eta aplikatuz, araudiak ezartzen duenaren eta enpresaren helburuen arabera.
19) Produkzio prozesuen edo zerbitzuak emateko prozesuen barnean dauden lanbide jardueretan kalitatearen kudeaketari, irisgarritasun unibertsalari eta “guztientzako diseinuari” erantzuteko prozedurak gainbegiratu eta aplikatzea.
20) Enpresa txiki baten sorrera eta funtzionamendurako oinarrizko kudeaketa egitea eta lanbide jardueran ekimena izatea, gizartearen aurreko erantzukizun senarekin.
21) Lanbide jardueraren ondoriozko betebeharrak betetzea eta norberaren eskubideak erabiltzea, indarra duen legerian ezarritakoarekin bat etorriz, eta bizitza ekonomiko, sozial eta kulturalean aktiboki parte hartuz.
B) Produkzio sistema
a) Lanbide eta lan ingurunea.
Titulu hau eskuratzen dutenak erkidegoarendako zerbitzuen sektorean aritzen dira: garapen komunitarioa eta gazteendako informazioa; kultura zerbitzuen sektorean: irakurketa eta informazioa, informazioaren eta komunikazioaren teknologiak, eta kulturako askotariko baliabide eta produktuak; turismoko zerbitzuen sektorean eta aisialdiaren eta denbora librearen sektorean: jolas eta kirol jarduerak, ingurumeneko jarduerak eta aire zabaleko jarduerak.
Hauexek dira jarduera eta lanpostu aipagarrienak:
-Haur eta gazteendako denbora librerako hezkuntzako koordinatzailea.
-Haur eta gazteendako denbora librerako hezkuntzako zuzendaria.
-Haur eta gazteendako denbora libreko hezkuntza-proiektuen arduraduna.
-Kanpalekuen, gazte-aterpetxeen, kolonia-etxeen, haztegi-eskolen, gaztetxeko gelen eta natura eskolen koordinatzailea.
-Kanpalekuen, gazte-aterpetxeen, kolonia-etxeen, haztegi-eskolen, gaztetxeko gelen eta natura eskolen zuzendaria.
-Denbora libreko begiralea.
-Animatzaile soziokulturala.
-Dinamizatzaile komunitarioa.
-Elkarte sektorerako aholkularia.
-Teknikari komunitarioa.
-Elkarte-kudeatzailea.
-Kultura zerbitzuetako teknikaria.
-Animatzaile kulturala.
-Gazteendako berriemailea.
-Hoteleko animatzailea.
-Gau-emanaldien eta ikuskizunen animatzailea.
-Turismoko guneetan aire zabaleko jolas jardueren animatzailea.
-Animazio turistikoko departamentuko burua.
b) Nafarroako lurralde ingurunea.
Curriculum honetan ezarritako prestakuntza duen goi mailako teknikaria goraka datorren figura da gure Komunitatean eta bere presentzia profesionala sendotzera dator sektorean, zeinetan, batzuetan, beste kategoria profesional batzuek esku hartzen duten Animazio Soziokultural eta Turistikoko goi mailako teknikariarenak liratekeen lanetan. Profil hau Nafarroako Lanbide Heziketako katalogoan sartzearen xedea da sektorearen berariazko beharrei erantzutea eta jarduketa gune bat mugatzea. Horrekin ekoizpen sektorea erregularizatu nahi da, beharrezkoa delako, eta erregularizazio hori sendoturik geratuko da xedapen ofizialek nola sektoreko enpresek emanen dioten onarpen profesionalarekin.
Gure komunitatean lanbide profil honek dituen lan gehienek aisialdiarekin eta denbora librearekin dute zerikusia eta, maiz aski, uztaroekin lotura izateagatik. Lanpostuak sortzen dituen beste lanbide esparru batek zerikusia du gaztetxeekin eta, oro har, udaletan eta mankomunitateetan gaur egun lan egiten duten gazteendako berriemaile eta gazteria teknikariaren lanbideekin.
Animatzaile soziokulturalaren figura zenbait herritan aurki dezakegu, toki garapeneko partzuergo eta agentziekin lotua, eta oinarrizko gizarte zerbitzu batzuetan; denek erkidegoarendako lan egiten dute. Halaber, laguntza gerontologikoa ematen duten erakundeetan lana izateko aukera dute. Etorkizunean beharbada kontuan har daiteke desgaitasunak dituzten erakundeetan, aisia eta denbora librea dinamizatzeko esparruetan.
Lanbide profil honi lotutako dimentsio turistikoari dagokionez, garrantzitsua da azpimarratzea azken urte hauetan turismoa munduan hazkunde eta garapen handieneko sektore modura identifikatu dela, haren berezko ezaugarriak direla-eta: turismo jarduerak, definizioz zeharrekoak, lurraldeen dinamizatzaile ekononomikoak dira.
Azken urte hauetan nazioarteko turismo merkatuan zenbait joera gertatzen ari dira; joera horiek iraunkortasun sozialarekin eta ekitate banatzailearen gehikuntzarekin lotutako tresna eta elementuen balorizazioa sustatzen dute tradiziozko turismoaren ekoizpenean. Gure Komunitatea ez da joera horietan salbuespena eta lurraldearen eta ehun produktiboaren eta soziokulturalaren berezko ezaugarriek ahalbidetzen dute eskaintza arteari eta kulturari, ondare historikoari eta ondare naturalari lotua egotea.
Turista kopuruak azken urteetan gora egin badu ere, Estatistika Institutu Nazionalaren datuen arabera, ostatu-gauen kopurua ez da oso handia gure Komunitatean. Hori dela-eta, ez dira nahasi behar gure lurraldean garatu beharreko animazio turistikoko balizko proiektuak eta oso turismo-indize handiko herrialde eta eskualdeetan animazio turistikoaren diziplina eta mugimendua sortu dituzten proiektuekin, azken herrialde eta eskualde horietan ostatu-gauen kopurua eta egonaldien iraupena oso handiak direlako eta hotelgune erraldoietan ostatu hartzen delako. Beraz, arrazoizkoa dirudi gure ingurunera eta hurbileko autonomia erkidegoetako inguruneetara egokitutako proiektuak garatzen ahalegina egitea.
Bestalde, bada goraka egiten ari den turismo mota bat, turismo etiko, bidezko edo jasangarria deiturikoa, Foru Komunitatean garatzen ari dena. Turismo mota horren barnean sartzen dira gure Komunitatean garatu beharreko proposamenak eta, horrekin batera, beste herrialde batzuetara joateko bidaia proposamenak sustatzen ditu eta proposamen horietan bereziki eragiten da herritarren parte-hartze aktibo eta zuzenetik abiatutako turismo jardueraren garapenean, eskainitako zerbitzuei eska dakizkiekeen kalitate mailak eta etekin-marjinen banaketa ekitatiboa bermatuko dituen truke harreman baten barnean.
c) Prospektiba.
Titulu honen enplegagarritasuna jarduera garatzen den sektore profesionalen kopuru handiak bermatuko du, besteak beste, komunitatearendako zerbitzuetan, garapen komunitarioaren eta gazteendako informazioaren bitartez, eta kultura eta turismo zerbitzuetan, eta aisiarakoetan eta denbora librekoetan.
Sektore berrietan -animazio gerontologikoan, kasu- sortutako jarduera profesionalak sartzeak berekin ekarriko du tituludunak lana aurkitzeko aukerak asko gehitzea. Era berean, goraka bidean dauden eremuak dira irakurketa eta informazio-alfabetatzea lan-munduan sustatzekoak.
Informazioaren eta komunikazioaren sareak eskaintzen dituen aukerak gero eta gehiago dira eta horrek beharrezkoa egiten du zenbait esku-hartze egitea, gazteek baliabide horien erabilera arduratsua egin dezaten. Hori dela-eta, gazteendako informazioarekin zerikusia duen prestakuntzaren garrantzi handiak eta biztanleriaren sektore honetan esku-hartze sozioedukatiboak enplegagarritasun handiagoan eraginen du.
Azkenik, profesional honen enplegagarritasuna asko handituko da tituluaren prestakuntzan sartuta daudelako autonomia erkidegoetako administrazioek aisia eta denbora libreko begiraleari, eta aisia eta denbora libreko jardueren zuzendariari eskatutako prestakuntzak.
2. ERANSKINA. CURRICULUMA
A) Heziketa zikloaren helburu orokorrak
a) Errealitatea aztertzeko baliabideak, estrategiak eta tresnak hautatzea, haien ezaugarriak, aukerak eta mugak aztertuz, hartzaileen eta esku-hartzearen testuinguruaren beharrei buruzko informazioa lortzeko.
b) Plangintzarako prozedurak aplikatzea, plangintza horretako elementuak errealitatea aztertzetik ateratako informazioarekin lotuz, esku-hartze soziokulturaleko proiektuak prestatzeko.
c) Aukera berdintasunaren lege eta gizarte esparrua interpretatzea, irizpideak, estrategiak eta tresnak identifikatuz, genero ikuspegia esku-hartze soziokulturaleko proiektuetan txertatzeko.
d) Lantaldeko kideei eskaturiko gaitasunak aztertzea, ezarritako esku-hartzearen testuingurua eta kalitate irizpideak aztertuz, esku-hartze proiektuen antolaketa zuzentzeko, koordinatzeko eta gainbegiratzeko.
e) Guneak, estrategiak eta materialak hautatzea, komunikazioaren esparruaren aurrerakuntza teknologikoen aukerak aztertuz, esku-hartze proiektuen sustapena eta hedapena diseinatzeko.
f) Kudeaketa teknikak aplikatzea, beharrezko baliabideak, finantzabideak eta aurrekontu kontrolarekin lotutako dokumentazioa aztertuz, gizarte, kultura eta turismoko jardueren sailak, programak eta jarduerak antolatzeko.
g) Talde teknikak hautatzea, haiek ezartzeko aukerak aztertuz, begirale taldeak sortzeko, dinamizatzeko eta gainbegiratzeko.
h) Lantaldearen ezaugarriak eta osaera aztertzea, haien antolaketa egitura eta funtzio egitura ezartzeko egin beharreko jarduerekin lotuz.
i) Baliabideak eta estrategia metodologikoak hautatzea, esku-hartzearen helburuak eta testuinguruaren eta hartzaileen ezaugarriak aztertuz, jolas jarduerak, kultura jarduerak eta gorputz eta aisialdirako jarduerak diseinatzeko, abiarazteko eta ebaluatzeko.
j) Oinarrizko argiztapen eta soinu ekipoak eta jarduera soziokultural eta turistikoak garatzeko beharrezkoak diren baliabide informatikoak, ikus-entzunezkoak eta teknikoak erabiltzen jakitea.
k) Garapen komunitariorako prozesuak eta estrategiak interpretatzea, lege markoa eta gizarte-eragileei laguntza teknikoa, dokumentala eta logistikoa emateko eskura dauden baliabideak aztertuz eta haien arteko harremanak eta autokudeaketa erraztuz.
l) Gazteendako informaziorako zerbitzuen xedea eta funtzioak aztertzea, zerbitzua antolatzeko eta kudeatzeko, eta orientabiderako, informaziorako eta dinamizaziorako jarduerak egiteko.
m) Estrategiak, teknikak, tresnak eta baliabideak hautatzea, hezkuntza ez-formalaren printzipioak aztertuz, gazte jendeari zuzendutako esku-hartze sozioedukatiboko jarduerak diseinatzeko, bideratzeko eta ebaluatzeko.
n) Parte-hartze eta dinamizazio teknikak hautatzea, balizko gatazka iturriak aztertuz, errespetua eta elkartasuna sustatuz taldeak dinamizatzeko.
ñ) Istripua edo larrialdi egoera dagoenean jarduteko protokoloak deskribatzea eta lehen sorospenak ezartzeko teknika egokiak hautatzea.
o) Ebaluazioko teknikak eta tresnak hautatzea, plangintzan ezarritako kalitatezko irizpideak eta adierazleak eta prozesuarekin lotutako dokumentazioa aztertuz, esku-hartzea kontrolatzeko, jarraitzeko eta atzera elikatzeko.
p) Bezeroen balizko eskarien aurrean jarduteko protokoloak aztertzea eta kasuan kasuko ezaugarriak identifikatzea, balizko eskaerei, iradokizunei eta erreklamazioei erantzun ahal izateko, hala badagokio atzerriko hizkuntza bat erabiliz.
q) Sektorearen bilakaera zientifikoarekin, teknologikoarekin eta antolamendukoarekin eta informazioaren eta komunikazioaren teknologiekin lotutako ikaskuntza-aukerak eta baliabideak aztertu eta erabiltzea, eguneratzeko gogoari eusteko, eta lanaren eta norberaren egoera berrietara egokitzeko.
r) Sormena eta berrikuntza gogoa garatzea, lanaren antolamenduan eta prozesuetan, eta norberaren bizitzan sortzen diren erronkei erantzuteko.
s) Erabakiak oinarrituta hartzea, zerikusia duten aldagaiak aztertuta, hainbat esparrutako ezagutzak bilduta, eta horietan erratzeko arriskuak eta aukera onartuta, mota orotako egoerei, arazoei eta gorabeherei aurrea hartu eta horiek ebazteko.
t) Talde-laneko testuinguruetan lidergo, motibazio, gainbegiratze eta komunikazioko teknikak garatzea, lantaldeen antolamendua eta koordinazioa errazteko.
u) Komunikazio-estrategiak eta -teknikak aplikatzea, zabaldu beharreko edukietara, helburura eta hartzaileen ezaugarrietara egokituta, komunikazio-prozesuetan eragingarritasuna ziurtatzeko.
v) Laneko arriskuen prebentzioko eta ingurumen-babeseko egoerak ebaluatzea, norberaren eta taldearen prebentziorako neurriak proposatuz eta aplikatuz, lan-prozesuetan aplikatzekoa den araudiaren arabera, ingurune seguruak bermatzeko.
w) Irisgarritasun unibertsalari eta “guztientzako diseinuari” erantzuteko beharrezko lanbide-ekintzak identifikatu eta proposatzea.
x) Ikasteko prozesuan egindako lanetan eta jardueretan kalitate-parametroak identifikatu eta aplikatzea, ebaluazioaren eta kalitatearen kultura balioesteko, eta kalitatea kudeatzeko prozedurak gainbegiratzeko eta hobetzeko gai izateko.
y) Ekintzailetzako, enpresako eta ekimen pertsonaleko kulturarekin lotzen diren prozedurak erabiltzea, enpresa txiki baten oinarrizko kudeaketa egiteko edo lan bati ekiteko.
z) Gizarteko eragile aktiboa den aldetik dituen eskubideak eta betebeharrak ezagutzea, eta herritar demokratiko gisa parte hartzeko baldintza sozialak eta lan arlokoak arautzen dituen lege-markoa kontuan izatea.
B) Lanbide moduluak
a) Izena, iraupena eta sekuentziazioa.
Animazio Soziokultural eta Turistikoko goi mailako teknikariaren lanbide moduluen zerrenda ematen da jarraian, izena, iraupena eta denbora banaketa zehazturik.
| KODEA | IZENA | ORDUAK, GUZTIRA | ASTEKO KLASEAK | IKASMAILA |
| 0344 | Esku-hartze sozialaren metodologia | 100 | 3 | 1.a |
| 1123 | Aisia eta denbora libreko jarduerak | 130 | 4 | 1.a |
| 1124 | Talde dinamizazioa | 130 | 4 | 1.a |
| 1126 | Animazio turistikoa | 130 | 4 | 1.a |
| 1128 | Garapen komunitarioa | 100 | 3 | 1.a |
| 1129 | Gazteendako informazioa | 100 | 3 | 1.a |
| 1130 | Esku-hartze sozioedukatiboa gazteekin | 130 | 4 | 1.a |
| 1131 | Animazio soziokulturalaren testuingurua | 100 | 3 | 1.a |
| NA01(1) | Ingelesa I | 60 | 2 | 1.a |
| 0020 | Lehen sorospenak | 60 | 2 | 2.a |
| 0179 | Ingelesa | 100 | 3 | 2.a |
| 1125 | Animazio eta kudeaketa kulturala | 160 | 5 | 2.a |
| 1132 | Animazio soziokultural eta turistikoko proiektua | 130 | 4 | 2.a |
| 1133 | Lanerako prestakuntza eta orientazioa | 70 | 2 | 2.a |
| 1134 | Enpresa eta ekimena | 70 | 2 | 2.a |
| 1135 | Lantokiko prestakuntza | 430 | Enpresaren ordutegian | 2.a |
| (1) Nahitaezko modulua Nafarroako Foru Komunitatean. | ||||
b) Lanbide moduluen garapena
Lanbide modulua: Esku-hartze sozialaren metodologia.
Kodea: 0344.
Baliokidetasuna, ECTS kreditutan: 7.
Iraupena: 100 ordu.
Ikaskuntzaren emaitzak eta ebaluazio irizpideak.
1. Errealitate soziala aztertzeko metodoak, teknikak eta tresnak zehazten ditu, eta haren ezaugarriak eta aplikazio esparrua interpretatzen ditu.
Ebaluazio irizpideak:
a) Informazioa lortzeko metodo, teknika eta tresna nagusiak identifikatu dira.
b) Tresna eta baliabideak ezartzeko baldintzak zehaztu dira.
c) Teknika eta tresnen aplikazioak, aukerak eta mugak identifikatu dira.
d) Helburuari egokitutako tresnak prestatu dira.
e) Komunikazioaren teknologiak erabili dira, informazioa eskuratzeko tresnak prestatzean.
f) Egoerari egokitutako azterketa teknikak hautatu dira.
g) Errealitatearen azterketaren rola esku-hartzearen arrakastarekin justifikatu da.
h) Informazioa jaso eta lantzeko alderdi etikoak balioetsi dira.
2. Esku-hartze sozialeko proiektu bateko elementuak zehaztu ditu elementu horiek plangintza ereduekin lotuz.
Ebaluazio irizpideak:
a) Esku-hartze sozialeko eredu teorikoak konparatu dira.
b) Esku-hartze sozialean plangintza mailak identifikatu dira.
c) Plangintza ereduak erkatu dira.
d) Plangintza prozesuaren faseak deskribatu dira.
e) Esku-hartze sozialeko proiektuak egoki oinarritzeko beharra justifikatu da.
f) Plangintzaren oinarrizko elementuak identifikatu dira.
g) Esku-hartze sozialean ezar daitezkeen metodoak, teknikak eta tresnak erkatu dira.
3. Esku-hartze sozialeko proiektuak sustatzeko eta hedatzeko estrategiak zehazten ditu, eta eskura dauden baliabideak lortu nahi diren helburuekin lotzen ditu.
Ebaluazio irizpideak:
a) Publizitateari eta komunikabideei buruzko oinarrizko kontzeptu eta prozesuak azaldu dira.
b) Komunikabideek gizarte proiektuak sustatzean eta hedatzean duten garrantzia argudioztatu da.
c) Sustapen eta hedapen kanpaina baten funtsezko elementuak identifikatu dira.
d) Gizarte proiektuak sustatzeko eta hedatzeko baliabide, estrategia eta teknika nagusiak deskribatu dira.
e) Informazioaren eta komunikazioaren teknologiak sustapen eta hedapen materialak prestatzeko erabili dira.
f) Gizarte proiektuak sustatzeko eta hedatzeko kanpainak diseinatu dira askotariko baliabideak erabiliz.
g) Gizarte proiektuak sustatzeko eta hedatzeko beharra argudioztatu da.
h) Gizarte proiektuak sustatzeko eta hedatzeko prozesuetan informazioaren egiazkotasuna bermatzeko beharra justifikatu da.
4. Esku-hartze sozialeko proiektuak egin behar direnean genero ikuspegia sartzen du, eta erabilitako estrategiak eta irizpideak indarreko marko teorikoarekin eta lege markoarekin erlazionatzen ditu.
Ebaluazio irizpideak:
a) Argudioztatu da errealitatea aztertzea garrantzitsua dela genero ikuspegitik abiaturik.
b) Esku-hartze sozialeko proiektuak prestatzean genero ikuspegia sartzeko beharra argudioztatu da.
c) Aukera berdintasuna sustatzen duen lege markoa interpretatu da.
d) Esku-hartzearen inguruko berdintasun arloko erakunde eta organismoen informazioa eta baliabideak interpretatu dira.
e) Genero ikuspegia proiektuetan sartzeko irizpideak identifikatu dira.
f) Hizkera ez-sexistaren erabileraren gaineko nazioarteko protokoloak aztertu dira.
g) Esku-hartze sozialeko proiektuen plangintzan hizkera ez-sexista erabiltzen dela ziurtatu da.
h) Genero ikuspegia sustatzeko eta hedatzeko tresnetan sartzeko estrategiak identifikatu dira.
5. Esku-hartze sozialeko proiektuak ebaluatzeko prozedurak zehazten ditu, eta eredu teorikoak aztertzen ditu eta genero ikuspegia kontuan izaten du.
Ebaluazio irizpideak:
a) Esku-hartze soziala ebaluatzeko ereduak, teknikak eta tresnak deskribatu dira.
b) Ebaluazioaren eginkizun eta printzipio nagusiak azaldu dira.
c) Ebaluazioaren faseak deskribatu dira.
d) Esku-hartze sozialeko proiektuak ebaluatzeko teknikak, adierazleak, irizpideak eta tresnak zehaztu dira.
e) Diseinatutako proiektuetan kalitatea kudeatzeko prozedura orokorrak ezarri dira.
f) Genero ikuspegia esku-hartze sozialeko proiektuetan sartu dela egiaztatzeko estrategiak eta tresnak zehaztu dira.
g) Programen funtzionamendua hobetzeko eta haien kalitatea bermatzeko ebaluazioa beharrezkoa dela argudioztatu da.
h) Informazioaren eta komunikazioaren teknologiak erabili dira ebaluazio txostenak eta memoriak prestatu eta aurkezteko.
Edukiak.
Errealitatea aztertzeko metodoak, teknikak eta tresnak zehaztea:
-Gizartea ikertzeko metodoak eta teknikak.
-Informazioa erregistratzeko iturri eta sistema nagusien azterketa: behaketa. Elkarrizketa. Galde-sorta. Inkesta. Dokumentuak biltzea.
-Informazioa biltzeko tresnak prestatzea eta ezartzea.
-Teknika eta tresnen aukerak eta mugak.
-Informazio iturriak.
-Informazioaren fidagarritasuna eta baliozkotasuna.
-Informazioaren eta komunikazioaren teknologiak ikerketa sozialean erabiltzea.
-Datuak aztertzea eta interpretatzea.
-Informazio bilketaren alderdi etikoak balioestea.
Esku-hartze sozialeko proiektuko osagaiak zehaztea:
-Eredu teorikoak esku-hartze sozialean.
-Plangintza esku-hartze sozialean.
-Esku-hartze sozialean berezkoak diren programazio teknikak.
-Plangintza prozesua.
-Proiektuaren balioespena goi mailako teknikariaren esku-hartzearen ardatz modura.
Sustatzeko eta hedatzeko estrategiak zehaztea:
-Publizitatearen eta komunikazioaren oinarrizko kontzeptuak.
-Publizitatea eta komunikabideak esku-hartze sozialean.
-Materialak prestatzea gizarte proiektuak sustatzeko eta hedatzeko.
-Informazioaren eta komunikazioaren teknologiak gizarte proiektuak sustatzeko eta hedatzeko erabiltzea.
Esku-hartze sozialeko proiektuetan genero ikuspegia sartzea:
-Errealitatea aztertzea genero ikuspegitik abiaturik.
-Genero ikuspegia esku-hartze sozialeko proiektuen diseinuan.
-Aukera berdintasunaren lege markoa.
-Emakumezkoen eta gizonezkoen arteko berdintasuna sustatzen duten baliabideak eta/edo erakundeak aztertzea.
-Nazioarteko protokoloak. Hizkera ez-sexistaren gidak eta eskuliburuak.
-Genero ikuspegia sustapen eta hedapen tresnetan.
Esku-hartze sozialeko proiektuetako ebaluazio prozedurak definitzea:
-Proiektuen ebaluazioa.
-Ebaluazio prozesua aztertzea.
-Informatika euskarriak informazioa lantzean eta antolatzean.
-Txostenak eta memoriak prestatzea.
-Kalitatearen kudeaketa esku-hartze sozialeko proiektuetan.
-Esku-hartzeak ebaluatzea eta jarraitzea emakumezkoen eta gizonezkoen arteko berdintasuna sustatzeko.
-Ebaluazioan objektibotasuna balioestea.
Orientabide didaktikoak.
Modulu honen helburua da ikasleek oinarrizko ezagutza eta trebetasunak hartzea esku-hartze sozialak egin ditzaten, jarduketaren metodologia egituratu eta sistematizatu batetik abiaturik, hots, esku-hartzearen metodologia deiturikoaren barnean.
Jarduketa horri hasiera ematen zaio errealitatearen, gizartearen, gizataldeen eta norbanakoen azterketarekin -horien guztien ezaugarriak dira aniztasuna, etengabeko dinamika eta elkarrekiko elkarreraginak-. Horregatik beharrezkoa da “Animazio soziokulturalaren testuingurua” moduluan garatutako edukiekin lotura berezia duten ezagutza eta euskarri teorikoa izatea.
Berariazko trebetasun hau (esku-hartze proiektuak prestatzea) esku-hartzearen kalitatea bermatzeko eratu beharreko osagaien, prozeduren eta metodologiaren behaketaren, azterketaren eta antolaketaren inguruan ezartzen da.
Horrek berekin dakar gauzak egiten jakitea (ikasleek esku-hartzearen faseak aplikatzeko eskaturiko trebetasunak eta gaitasunak erakutsiko dituzte), kontuan izanez pertsonen helburuak eta berariazko ezaugarriak (adina, motibazioak, helburuak, trebetasunak eta baliabideak...), testuinguruak (ingurunearen ezaugarriak, baliabideak...), elkarreraginak (elkarreragin mota, elkarrekintzen kalitatea eta kopurua, berezitasunak...), aurreikusitako emaitzak, gauzatze prozesua, baliabideak eta emaitzen balioespena eta ebaluazioa.
Esku-hartzearen metodologiaren ezargarritasuna itxurazko edo benetako testuinguruetan handia da, haren izaera nagusiki praktikoa da eta modulu honi esleitutako eskola-zama kontuan hartu behar da. Hori dela-eta, komenigarritzat jotzen da moduluaren zati bat aplikazio instrumentaleko inguruneetan antolatzea.
Bereziki hain prozedurazkoa den modulu batean eginen diren ikaskuntzak esanahiz hobeki hornitu ahal izateko, komenigarria izanen litzateke ikasleek ohiko harremana izatea esku-hartze sozialarekin nola turismo jarduerekin zerikusia duten ikastetxe eta zerbitzuekin eta behaketa jarduerak egitea eta, arian-arian, esku-hartzekoak. Horrek aukera emanen lieke beren trebetasunak eta gaitasunak probatzeko eta beren esku-hartzearen gaitasunei dagokienez beren jarreren gainean hausnartzeko. Halaber, aukera emanen lieke profesionalen harreman eta esku-hartzearen trebetasun eta jarrera desberdinak ikusteko.
Edukien sekuentziazioari dagokionez, curriculum honi dagokion atalean azaldutako ordena berean landu daitezke, nahiz eta modulu hau irakasten duenak erabaki dezakeen lehen eduki multzoen sekuentzia alderantzikatzea.
Erreferentzia modura, zenbait jarduera-mota iradokitzen dira, edukiak garatzeko eta antzeko beste jarduera batzuetarako erabilgarriak izan daitezkeenak:
-Esku-hartze sozialeko eta/edo turismoko esku-hartze proiektuen azterketa konparatiboa egitea.
-Esku-hartze arloetan lana egiten duten profesionalek emandako solasaldietara -prestakuntza, informazioa eta/edo aholkua ematekoetara- joatea.
-Esku-hartze proiektuak prestatzean jarraitu edo erabili beharreko urratsen edo etapen gaineko informazioa eta baliabideak bilatzea.
-Prestakuntza jasotzen ari diren ikasleek (ikastaldeak) jardueraren bat modu praktikoan ikastetxerako garatzea (kultura jardunaldia, ikastetxeko edo beste ikastetxe batzuetako beste ikastalde batzuekin irteeraren bat antolatzea eta gauzatzea, truke proiektu bat eskaintzea...).
-Esku-hartze proiektu bat prestatzea eta enpresetako prestakuntza aldian gauzatzea edo praktikan jartzea.
-Azterketa eta prestaketa prozesuak ikastalde txikietan garatzea, esku-hartzearen arloak eta proiektu sozialak sustatzeko eta hedatzeko baliabideak hobeki ezagutzeko.
Modulua bideratuta dago gizartearen, taldeen, gizataldeen eta norbanakoen oharrekin, beharrekin, eskariekin eta arazoekin bat datorren ekintzaren antolaketa eta plangintza arloetako egituraren ezargarritasunera. Moduluaren izaera hori kontuan izanez, ondoko baliabideak erabiltzea iradokitzen da:
-Gizarte eta turismo esparruetan espezializatutako komunikabideetako berriak, aldizkarietako artikuluak.
-Sektoreko webguneak, eta entitate publiko eta/edo pribatuetako esku-hartze proiektuak prestatzeko informazioa (Interneten bila daitekeena); aplikazio eta sare sozialak.
-Esku-hartze metodologiaren inguruko esperientzia azalduko duten sektoreko enpresetako eta erakundeetako profesionalen bisitak.
-Beren kalitateaz, berrikuntzaz edo bikaintasunaz onartutako esku-hartze proiektuak.
-e-learning plataformak, Moodle motatakoak edo bestelakoak.
-IKT aplikazioak, wiki-ak, webquest-ak.
Kontuan izanik modulu hau batik bat praktikoa dela, gomendagarria izanen litzateke ordutegi trinkoa izatea, batetik, esku-hartzearen edukiak eta proiektuak lantzean laneko denbora eta jarraipena optimizatzeko, eta bestetik, talde lanaren testuinguru profesionalaren antzekoa izan dadin jarduerak taldeetan garatzea errazteko.
Modulua praktikaren eta praktikaren gaineko plangintzari buruzkoa denez, komenigarria izanen litzateke ikasleek proiektu bat aurkeztu eta benetako aplikazio-esparru batean garatzea.
Beste modulu batzuekiko loturari dagokionez, Animazio soziokulturalaren testuinguru jadanik aipatutakoaz gainera, beste lankidetza batzuk egin daitezke globalagoa den “Ekimena eta enpresa” moduluarekin baterako proiekturen batean edo proposamenak praktika planean edo proposamenak Lantokiko prestakuntzan sar daitezke.
Ebaluazioari dagokionez, eta kontuan izanik aurreko proposamena, komenigarria izanen litzateke, ikasleen etengabeko balioespen prozesuaren barnean, esku-hartze proiektuko planteamenduan, garapenean eta burutzapenean dauden jarrerak eta inplikazio-mailak kontuan hartzea.
Ikasleen ebaluazioan ere sar ditzakegu talde lanaren gaitasunei eta trebetasunei buruzko itemak, bai ikasgelan egindako lan prozesuetakoak, bai ikasleek egindako aplikazio instrumentalekoak.
Lanbide modulua: Aisia eta denbora libreko jarduerak.
Kodea: 1123.
Baliokidetasuna, ECTS kreditutan: 9.
Iraupena: 130 ordu.
Ikaskuntzaren emaitzak eta ebaluazio irizpideak.
1. Aisia eta denbora libreko proiektuak planifikatzen ditu, eta animazioak aisian eta denbora librean dituen printzipioak erabiltzaileen eta ekipamenduen eta baliabideen ezaugarrien beharrekin lotzen ditu.
Ebaluazio irizpideak:
a) Esku-hartze testuinguruak aisia eta denbora librean balioetsi dira.
b) Animazioak aisia eta denbora librean dituen printzipioak ezaugarritu dira.
c) Hezkuntzak denbora librean dituen oinarriak ezarri dira.
d) Aisia eta denbora libreko proiektua erabiltzaileen beharretara egokitu da.
e) Aisia eta denbora libreko jarduerak garatzeko estrategiak balioetsi dira.
f) Aisia eta denbora libreko proiektuetarako ekipamenduak eta baliabideak hautatu dira.
g) Animatzaileak aisia eta denbora libreko jardueretan dituen eginkizunak eta rola identifikatu dira.
h) Hezkuntza nahitasunak aisia eta denbora librean duen garrantzia justifikatu da.
2. Aisia eta denbora libreko hezkuntza-jarduerak antolatzen ditu, eta guneak eta baliabideak, eta prebentzioari eta segurtasunari buruzko araudia aztertzen ditu.
Ebaluazio irizpideak:
a) Jolasaren pedagogiaren printzipioak identifikatu dira.
b) Jolasaren bilakaeraren motak eta pautak identifikatu dira.
c) Jolas jarduerak garatzeko guneak, baliabideak eta materialak hautatu dira.
d) Guneak eta materialak antolatzeko irizpideak ezarri dira.
e) Aisia eta denbora libreko jardueretan jolaserako baliabideak erabiltzeko estrategiak ezarri dira.
f) Aisia eta denbora libreko hezkuntza-jardueretan segurtasunerako eta prebentziorako neurriak kontuan hartu dira.
g) Jolasaren hezkuntza balioa argudioztatu da.
3. Aisia eta denbora libreko jarduerak antolatzen ditu, eta animazioaren hezkuntza-baliabide eta -teknikak hautatzen ditu.
Ebaluazio irizpideak:
a) Mintzamena, gorputz espresioa, musika adierazpena, plastika adierazpena eta ikus-entzunezko adierazpena garatzeko teknikak erabili dira.
b) Gizarte trebetasunak, adimen trebetasunak eta mugitzeko trebetasunak garatzeko jolasak hautatu dira.
c) Baliabideak hautatu dira esku-hartzearen helburuak kontuan hartuz.
d) Ikus-entzunezko eta informatikako baliabideak erabili dira aisian eta denbora librean erabili beharreko animazio-tresna modura.
e) Guneak egokitu dira jarduerek hezkuntzan duten ahalmenari begira.
f) Animazioko baliabideak eta teknikak erabiltzaileen beharretara egokitu dira.
g) Adierazpen teknikek erabiltzaileen sormena garatzeko duten garrantzia argudioztatu da.
4. Aisia eta denbora libreko jarduerak egiten ditu naturan, eta ingurumena babesteko printzipioak eta prebentziorako eta segurtasunerako neurriak errespetatzen ditu.
Ebaluazio irizpideak:
a) Ingurumen hezkuntzaren garrantzia balioetsi da, aisia eta denbora libreko jardueren bitartez.
b) Naturak aisia eta denbora libreko gune modura dituen ezaugarriak definitu dira.
c) Aisia eta denbora libreko jarduerak naturan egiteko helburuekin koherenteak diren teknikak eta tresnak ezarri dira.
d) Hezkuntza jarduerak naturan garatzeko jarduketa estrategiak eta pautak hautatu dira.
e) Naturan ingurune seguruak sortzeko garrantzia balioetsi da, arriskuak txikiagotuz.
f) Jarduerak naturan garatzeko beharrezkoak diren baliabideak identifikatu dira.
g) Giza baliabideak antolatu dira jardueraren garapena bermatzeko.
h) Arreta protokoloak ezarri dira naturan egindako jardueretan gertatzen diren larrialdi egoeretarako.
5. Aisia eta denbora libreko jardueren jarraipena eta ebaluazioa egiteko jarduerak garatzen ditu, eta hobetzen ahal diren alderdiak identifikatzeko estrategiak, teknikak eta baliabideak hautatzen ditu.
Ebaluazio irizpideak:
a) Aisia eta denbora libreko proiektuak eta jarduerak ebaluatzeko adierazleak hautatu dira.
b) Aisia eta denbora librearen esparruan ebaluazioa egiteko teknikak eta tresnak zehaztu dira.
c) Aisia eta denbora libreko proiektuei eta jarduerei jarraipena egiteko erregistroak prestatu eta bete dira.
d) Ebaluazio txosten eta memoriak prestatu dira.
e) Informazioaren eta komunikazioaren teknologiak jardueren jarraipena eta ebaluazioa egiteko erabili dira.
f) Ebaluazioaren emaitzen berri eman zaie tartean sartutako pertsonei.
g) Kalitate eta hobekuntza prozesuak kontuan hartu dira aisia eta denbora librea sustatzeko proiektua garatzerakoan.
h) Hezkuntzako esku-hartze prozesuan ebaluazioaren garrantzia justifikatu da, aisia eta denbora librearen sustapenean.
Edukiak.
Aisia eta denbora libreko proiektuen plangintza:
-Aisia eta denbora librea:
Denbora librearen ezaugarriak gaur egungo gizartean.
Aisiaren eta denbora librearen arteko aldea.
-Aisiaren pedagogia:
Aisiaren pedagogiaren kontzeptua eta ezaugarriak.
Aisiaren pedagogiaren helburuak.
Oinarri antropologiko, historiko, soziologiko eta pedagogikoak.
-Aisian hezkuntzak dituen oinarri pedagogikoak. Eragin handiko egileak aisia eta denbora librearen hezkuntzan.
-Aisia inklusiboa. Aisia nola erabiltzen duten desgaitasuna dutenek.
-Aisia eta denbora libreko proiektuen plangintza.
-Aisia eta denbora libreko proiektuen plangintza berariazko gizataldeetan: haurrak. Gazteak. Helduak. Adinekoak. Desgaitasunen bat dutenak. Beste gizatalde batzuk.
-Aisia eta denbora librearen animazioaren metodologia. Estrategiak eta teknikak.
-Aisia eta denbora libreko baliabide eta ekipamenduen azterketa. Aisia eta denbora libreko zentroak:
Ludotekak: lege markoa. Antolaketa eta funtzio egitura.
Haurren jolastokiak.
Jolas pribaturako guneak.
Kanpalekuak eta baserri eskolak.
Aisiagunea.
Elkarteen mugimendua.
Atseden hartzeko jarduerak.
Helduen etxeak eta klubak.
Bainuetxeak.
Beste batzuk.
-Animatzailearen rola aisia eta denbora libreko jardueretan.
-Aisia eta denbora librearen balioespena balioen hezkuntzan.
Aisia eta denbora libreko hezkuntza-jarduerak antolatzea:
-Jolasaren pedagogia. Jolasaren balioa hezkuntzan. Jolasaren gaineko teoriak.
-Jolasa:
Motak eta funtzioak.
Ezaugarriak.
Jolasaren bilakaera.
-Jolasaren erabilera aisia eta denbora librearen animazioan. Jolasen antolamendua.
-Jostailua:
Jostailuen sailkapena.
Jolasa eta jostailu tradizionala.
Jolasa eta jostailua balioen transmititzaile.
Segurtasun araudia.
-Jolasguneak. Aisiarako haurren jolastokiak: gune ireki eta itxiak.
-Jolas jardueren motak:
Makromuntaketak edo jolas handiak.
Eskolatik kanpoko jarduerak.
Festa.
Gau-emanaldiak.
Karrika dantzak.
-Jolaserako baliabideak.
-Aisiaguneen antolaketa:
Ludotekak.
Aterpetxeak, kanpalekuak eta baserri eskolak.
Aisiaguneak merkataritza eremu handietan.
Bestelako guneak (erietxeak eta aisia elkarteak, besteak beste).
-Materialak antolatu eta hautatzea aisia eta denbora libreko jardueretarako. Kalitate, segurtasun eta diseinu unibertsaleko irizpideak.
-Prebentzioa eta segurtasuna aisia eta denbora libreko guneetan. Jolasgune berezituak. Jolasgune seguruak.
-Aisia eta denbora libreko jardueretan inguru seguruak sortzeak duen garrantzia balioestea.
Aisia eta denbora libreko jarduerak zehaztea:
-Animazioa eta adierazpen teknikak.
-Sormena, esanahia eta baliabideak.
-Mintzamena, adierazpen plastikoa, mugimenduaren adierazpena, musika adierazpena eta ikus-entzunezkoen adierazpena garatzeko teknikak ezartzea.
-Mintzamena, adierazpen plastikoa, mugimenduaren adierazpena, musika adierazpena eta ikus-entzunezkoen adierazpena garatzeko jarduerak egitea.
-Gizarte trebetasunak eta adimen trebetasunak garatzeko jolasak.
-Pertsonaren mugimendua garatzeko jolasak:
Oinarrizko trebetasun motorrak identifikatzea: igotzeak, jauziak, desplazamenduak eta jaurtiketak.
Mugimendua garatzeko berariazko jolasak.
Jolasa hautatzeko irizpideak erabiltzaileen mugimendu aukeren arabera.
-Lantegiak denbora librearen hezkuntzan.
-Ikus-entzunezko eta informatikako baliabideen aplikazioak aisia eta denbora librearen animazioan.
-Aisia eta denbora libreko jardueren diseinua adierazpen baliabide eta tekniketatik abiaturik.
-Adierazpen baliabideak erabiltzaileen beharretara egokitzea.
-Aisia eta denbora libreko jarduera normalizatuak desgaitasuna dutenendako diseinatzea.
Aisia eta denbora libreko jarduerak naturan egitea:
-Ingurumen hezkuntza:
Ingurumen hezkuntzaren ezaugarriak eta printzipioak.
Ekologia. Meteorologia.
Animatzailearen eginkizunak ingurumen hezkuntzan.
Ingurumen hezkuntza eta jasangarritasuna.
-Lege markoa aire zabaleko jardueretan.
-Baliabideen erabilera eta mantentze-lanak naturan.
-Jarduerak praktikatzeko instalazioak naturan:
Instalazioak erabiltzeko lege markoa.
Segurtasun protokoloa eta erabiltzaileei argibideak ematea.
-Naturarako jarduerak antolatzea eta garatzea.
-Natura aurkitzeko teknikak:
Orientazioa naturan: teknika eta prozedurak. Mapa eta iparrorratza.
Mendi-ibiliak.
-Txangozaletasunerako baliabideak aztertzea eta aplikatzea:
Erliebea.
Ibilbideen aurreikuspena.
-Orientazio jarduerak naturan. Orientazio jolasak eta lasterketak.
-Ibilbideak eta kanpalekuak:
Diseinua, antolaketa, materialak eta segurtasun neurriak.
Ingurunea ezagutzeko ibilbideak.
Desgaitasuna duten pertsonendako egokitzapenak.
-Ingurumeneko jolasak eta jarduerak.
-Hiri ekosistema.
-Bere ardurapean dauden teknikarien koordinazioa: jardueretan nola esku hartu.
-Prebentzioa eta segurtasuna aisia eta denbora libreko jardueretan, naturan:
Arrisku faktoreak eta istripuen prebentzioa.
Aseguruak eta baimenak.
Naturako jardueren arloko araudia.
Lanbide erantzukizuna.
-Larrialdi egoerak naturan.
Aisia eta denbora libreko jardueren jarraipena eta ebaluazioa egiteko jardueren garapena:
-Aisia eta denbora librearen animazio proiektuak ebaluatzea:
Ezaugarriak.
Ebaluazio uneak.
-Aisia eta denbora librearen esparruan ebaluazioa egiteko teknikak eta tresnak:
Behaketa.
Elkarrizketak.
Galde-sortak.
-Ebaluazio adierazleak.
-Segimendu erregistroak prestatzea eta betetzea.
-Memoriak eta txostenak prestatzea.
-Informazioa transmititzearen garrantzia aisia eta denbora librearen animazio proiektuen garapenean.
-Kalitatearen kudeaketa aisia eta denbora libreko proiektuetan eta jardueretan.
Orientabide didaktikoak.
Modulu honen helburua da ikasleei prestakuntza ematea hezkuntzako aisia eta denbora librearen animazio proiektuak eta jarduerak programatzeko, burutzeko, ebaluatzeko eta dinamizatzeko ezagutza, jarrera, abilezia eta trebetasun profesional pertsonalak eta teknikoak eskura ditzan. Horretarako aisia eta denbora librearen animazio printzipioak hartzaileen eta esku-hartzearen testuinguruko ezaugarriekin lotuko dira.
Aisia eta denbora librean eragiteko helburua duten animazio soziokulturaleko baliabideek eta teknikek jolaserako jarduerak, adierazpen jarduerak (ahozkoak, gorputzekoak, musikakoak, plastikakoak eta ikus-entzunezkoak) eta naturako jarduerak aipatzen dituzte eta jarduera horietan erabiltzaileek modu aktiboan parte hartzen dute, taldean eta protagonista modura.
Bereziki praktikoa den modulu bat da, baina oinarri teoriko garrantzitsuan oinarritua. Horregatik, modulu honi esleitutako ordutegia bi gune desberdinetan bana daiteke, bata teorikoagoa eta bestea prozedimentalagoa eta bibentzialagoa.
Horri dagokionez, iradokitzen da gune praktikoago horretan animazioak aisia jarduerak denbora librean bideratzeko erabiltzen dituen baliabideen eta tekniken edukiak batez ere lantzea.
Balizko banaketa horretatik abiaturik eta kontuan izanez moduluak berariaz berarekin dakarrela taldeen artean harremanerako, motibaziorako eta dinamizaziorako trebetasunak jolasaren ikuspegitik garatzea, gune praktikorako proposatzen diren edukien sekuentziazioa bigarren, hirugarren eta laugarren multzoetan ageri dena da (multzo horietan jardueren inplementazio hori aipatzen da).
Uste izatekoa da sekuentziazio horrek jarduera praktikoen antolaketa erraztuko duela, ikasleak pertsonalki gero eta desinhibituagoak izan daitezen eta elkar ezagutzeko eta elkartzeko prozesuan aurrera egin dezaten. Aurrera egiten badute errazagoa izanen da aipatu diren trebetasun eta baliabideak -pertsonalak zein taldekoak- eskuratu eta garatzea:
-Aisia eta denbora libreko hezkuntza-jarduerak antolatzea (esate baterako, ikasleek jolaserako baliabideekin zerikusia duten jolasak eta bestelako jarduerak proposatzea: jolasa, jostailuak, guneak eta erakundeak...).
-Aisia eta denbora libreko jarduerak zehaztea (adierazpen teknikak eta adierazpen eta sormen arloetako bestelako baliabideak egiteko proposamenak).
-Aisia eta denbora libreko jarduerak naturan eta hiri inguruan egitea.
Gainerako bi eduki multzoak proposatu den gune teorikoago horretan landu daitezke nahiz eta, eduki zehatzen arabera, irakasle bakoitzak erabakiko duen zein den kokapenik egokiena edo noiz landuko diren, ikasleek edukiak hobeki beregana ditzaten eta prozedurazko edukiak aplika ditzaten.
Eduki guztietan, zeharkakotasunez, genero ikuspegia eta aniztasunari nola erantzun behar zaion kontuan hartu beharko lirateke. Baita ingurunea, materialak eta guneak zaindu eta errespetatzea ere.
Moduluaren helburuaren, izaeraren eta edukien arabera, gomendagarria da metodologia aktibo eta parte-hartzailea erabiltzea eta, lehen unetik beretik, ikastaldeak eta ikasle bakoitzak edukiak modu aktiboan eta motibatzailean praktikan jartzeko jardueretan esperimentatzea. Jarraian zenbait jarduera iradokitzen dira, ahal dela, benetako egoera eta testuinguruetan aplikatzeko gomendatutakoak:
-Aisiaren pedagogiarekin, aisia eta denbora librearen erabilerarekin, balioekin eta aisia inklusiboarekin zerikusia duten edukien gaineko irakurketak, filmak eta eztabaidak hausnartzea eta aztertzea.
-Ikasleek aisia eta denbora libreko alderdi desberdinen eta beste batzuen gaineko lanak ikertu eta prestatzea eta ikasgelan azaltzea.
-Aisia eta denbora libreko programazioak aztertzea.
-Ikasgelako dekorazio eta girotze proposamenak garatzea eta burutzea.
-Ikasle bakoitzak edo ikastalde txiki batek adierazpen jolas eta lantegiak proposatzea, dinamizatzea eta parte hartzea, eta hiri ibilbideak, natura ibilbideak eta antzeko beste jarduera batzuk programatzea eta garatzea.
-Antzezlanak, sormena sustatzeko teknikak eta abar garatzea.
-Berritasunei eta aldaketei begirako jarrera baikor bat errazten duten jarduerak bultzatzea: prentsa espezializatua irakurtzea.
Kontuan hartuz moduluaren esperimentazio izaera, jarduera hauek eta beste mota batzuetakoak garatzeko azpiegiturari dagokionez, komenigarria izanen litzateke ikasgela edo gune ireki bat izatea, aski handia, mugimendua berarekin dakarten taldeko jarduerak egin ahal izateko, esate baterako, jolasak eta abar. Era berean, komenigarria izanen litzateke intsonorizazio baldintza jakin batzuk eta jarduera plastikoak (ura, erraz garbitzeko moduko hauskaitzak, besteak beste) egiteko bestelako baldintzak kontuan hartzea.
Errealitatea hobeki ezagutzeko eta hartatik gero eta hurbilago egoteko, gomendagarria da balio handiko beste baliabide didaktiko batzuk erabiltzea, hala nola:
-Zentro eta ekipamendu sozioedukatiboetara bisitak egitea: ludotekak, gaztetxeak, baserri eskolak, ingurumen hezkuntzako zerbitzuak.
-Berariazko gizataldeei aisia eta denbora libreko programak prestatzeko ardura duten profesionalen bisitak.
-Moduluarekin zerikusia duten hezkuntza ez-formaleko jardueretan parte hartzea.
Edukien ebaluazioari dagokionez, garrantzitsua da ebaluatzea, batetik, esku-hartzea oinarritzen duten oinarri teorikoen eskuratzea, eta bestetik, alde praktikoa eta jarreren aldea. Azkeneko bi alderdi horiei dagokienez, ebaluazioa ohikotasunez egiten ahal da aurreikusitako jarduera bakoitzean ebaluazio irizpideak zuzenean behatuz. Oro har, proba idatziak, ahozko probak edo prozedurazko probak, eguneroko lana ikasgelan edo praktika lantegia, bakarka edo taldean egiteko jarduerak eta lanak, etab. erabil daitezke.
Azkenik, ordutegi banaketari dagokionez, edukien izaera teorikoagoaren edo praktikoagoaren arabera bereizitako bi gune horien gainean gorago egindako proposamenaren arabera, gomendagarria izanen litzateke ordutegi trinkoa izatea, moduluaren izaera nagusiki praktikoa eta parte-hartzailea delako eta horrek jarduerak egiteko denbora gehiago eskura izatea eskatzen duelako.
Lanbide modulua: Talde dinamizazioa.
Kodea: 1124.
Baliokidetasuna, ECTS kreditutan: 7.
Iraupena: 130 ordu.
Ikaskuntzaren emaitzak eta ebaluazio irizpideak.
1. Taldeak eratzeko estrategiak garatzen ditu, eta aisia inguruneko esku-hartzeak taldearen beharrekin erlazionatzen ditu.
Ebaluazio irizpideak:
a) Taldeekin egin beharreko esku-hartze printzipioak ezarri dira.
b) Goi mailako teknikariaren esku-hartzearen esparrua ezaugarritu da.
c) Taldean esku hartzeko beharrak balioetsi dira.
d) Kognizio sozialeko prozesuak taldeen sorrerarekin lotu dira.
e) Talde batean parte hartzeko arrazoi sozialak balioetsi dira.
f) Parte-hartzaileak taldearen sorreran tartekatzearen garrantzia balioetsi da.
g) Talde baten barnean, elkarreraginean, bestea errespetatzearen garrantzia justifikatu da.
h) Taldeak martxan jartzeko parte-hartze teknikak ezarri dira eta taldean esku hartzeko printzipioak kontuan hartu dira.
2. Talde bat dinamizatzen du, eta talde dinamikako tekniken erabilera dinamika horren faseetara egokitzen du.
Ebaluazio irizpideak:
a) Talde baten egitura ezaugarritu da.
b) Talde baten faseak identifikatu dira.
c) Taldea dagoen faseetako bakoitzerako talde teknika desberdinak ezarri dira.
d) Neurriak proposatu dira aisia egoeretan elkarlanerako eta gozamenerako giroa bermatzeko.
e) Talde barnean parte-hartzea sortzeko metodo aktiboak erabili dira.
f) Guneak taldearen ezaugarrien arabera antolatu dira.
g) Denborak talde tekniken gauzatzera egokitu dira.
h) Taldekide guztiei elkar eragiteko talde dinamikak erabiltzearen garrantzia balioetsi da.
3. Komunikazio teknikak hautatzen ditu, eta prozesuan sartutako taldeen eta pertsonen ezaugarriak aztertzen ditu.
Ebaluazio irizpideak:
a) Komunikazio prozesuaren osagaiak aztertu dira.
b) Estrategiak hautatu dira taldeko komunikazio-oztopoak gainditzeko.
c) Komunikazio teknikak testuinguruetara eta taldeetara egokitu dira.
d) Testuinguruaren arabera komunikazio prozesua eraginkorragoa egiten duten komunikazio estiloak definitu dira.
e) Komunikazio prozesua errazteko beharrezkoak diren komunikazio trebetasunak deskribatu dira.
f) Egoerara egokitutako komunikazio teknikak zehaztu dira, aniztasun kulturala eta funtzionala, bereziki desgaitasun egoerak, kontuan hartuz.
g) Komunikazio prozesuen eraginkortasuna ebaluatzeko sistemak ezarri dira.
4. Lantaldeak proiektuen arabera antolatzen ditu, eta lankidetza eta koordinazio teknikak hautatzen ditu.
Ebaluazio irizpideak:
c) Taldearen lanaren egoera eta talde horretako profesionalen profilak ezaugarritu dira.
d) Lantaldearen helburuak formulatu dira.
e) Lantaldea dinamizatzeko parte-hartze teknikak erabili dira.
f) Taldekideen artean atazak eta eginkizunak banatu dira, taldekide bakoitzaren gaitasunen arabera.
g) Lantaldeko kideen atazen sekuentzia koordinatu da.
h) Lantaldeko kideen atazak eta eginkizunak betetzen direla gainbegiratzeko eta ebaluatzeko prozedurak zehaztu dira.
i) Lan giro egokia izatearen eta lantaldeetan berdintasuna sustatzearen garrantzia balioetsi da.
j) Jardueretan segurtasuna bermatzen duten tekniken eta protokoloen gainean taldekideendako prestakuntza atazak zehaztu dira.
5. Taldeko gatazkak kudeatzeko eta arazoak ebazteko estrategiak ezartzen ditu, eta teknikak esku-hartze testuinguruaren arabera hautatzen ditu.
Ebaluazio irizpideak:
a) Taldeen funtzionamenduan izaten diren arazo eta gatazka iturri nagusiak aurkitu dira.
b) Taldeko gatazkak kudeatzeko teknikak garatu dira taldearen barnean.
c) Arazoak konpontzeko gizarte trebetasunak garatu dira taldearen barnean.
d) Arazoak ebazteko estrategiak balioetsi dira.
e) Erabakiak hartzeko prozesuko faseak segitu dira.
f) Komunikazio estrategien erabilerak gatazken kudeaketan eta arazoen konponketan duen garrantzia balioetsi da.
6. Talde prozesuak eta eginkizun profesionalak garatzeko gaitasun sozial bera ebaluatzen ditu, eta hobetzen ahal diren alderdiak identifikatzen ditu.
Ebaluazio irizpideak:
a) Ebaluazio irizpideak hautatu dira.
b) Ikerketa sozialeko teknikak eta teknika soziometrikoak ezarri dira.
c) Profesionalaren abiaburuko egoera pertsonala eta soziala autoebaluatu da.
d) Informazioa biltzeko tresnak diseinatu dira.
e) Datuak ezarritako euskarritan erregistratu dira.
f) Bildutako datuak balioetsi dira.
g) Hobetu beharreko egoerak identifikatu dira.
h) Hobekuntzan bete beharreko jarraibideak ezarri dira.
Edukiak.
Talde bat sortzeko estrategiak garatzea:
-Taldeekin esku hartzeko printzipioak.
-Goi mailako teknikarien esku-hartze esparrua aztertzea.
-Psikologia soziala taldeei aplikatua.
-Kognizio soziala. Kognizio sozialarekin zerikusia duten elementuen azterketa: eskema sozialak, hautemate soziala.
-Motibazio soziala.
-Taldea. Motak eta ezaugarriak.
-Bestearekiko errespetua balioestea, talde batean elkarri eragiteko printzipio modura.
-Taldean parte hartzeko metodo aktiboak eta teknikak, animazio soziokultural eta turistikoan. Parte-hartzearen garrantzia taldeak sortzean.
Talde dinamizazioa:
-Talde bateko prozesuak eta egitura.
-Taldea ukitzen duten gertakariak. Kohesio soziala eta talde kohesioa. Talde kohesioa errazten duten faktoreak.
-Arauak taldeetan.
-Rolak taldeetan.
-Lidergoa. Lidergo motak.
-Talde bat garatzeko faseak.
-Talde dinamikako teknikak esku-hartze metodologia modura. Beharrezkoak diren guneak eta baliabideak.
-Taldeko tekniken aplikazioa.
-Animatzailearen rola talde prozesuen abiarazle eta dinamizatzaile moduan.
Komunikazio tekniken hautaketa:
-Komunikazioa taldeetan. Komunikazioak taldearen garapenean duen garrantzia balioestea.
-Komunikazio prozesua. Ezaugarriak eta eginkizunak.
-Komunikazio prozesuko osagaiak.
-Komunikazio estiloak. Asertibotasuna.
-Komunikazio sistemak. Komunikazio motak: ahozkoa, ez-ahozkoa eta idatzia.
-Komunikazioaren teknologia berrien aplikazioa.
-Oztopoak komunikazioan.
-Komunikazioaren oinarrizko gizarte trebetasunak.
-Adimen emozionala. Hezkuntza emozionala. Emozioak eta sentimenduak.
-Komunikazio sistemak balioesteko estrategia motak.
Lantaldeen antolaketa:
-Lantaldeak antolakunde baten barnean koordinatzea eta dinamizatzea.
-Talde lana.
-Komunikazio horizontala eta bertikala lantaldean.
-Atazak eta eginkizunak banatzeko estrategiak.
-Motibazio eta laguntzarako teknikak, lantaldeko kideen eginkizunak garatzean.
-Bilerak bideratzea.
-Informazio, motibazio eta orientabiderako teknikak lantaldearen barnean.
-Lan giroa.
-Berdintasunaren sustapena balioestea lantaldeak sortzean.
-Komunikazio eta koordinazio prozesuek lantaldearen barnean duten garrantzia balioestea.
Gatazkak ebazteko estrategien aplikazioa:
-Banakakoen eta taldekoen gatazkak taldean. Osagaiak, motak, faseak.
-Erabakiak hartzea. Erabakiak hartzeko prozesuko faseak. Teknikak eta estrategiak aplikatzea erabakiak hartzean. Sormena.
-Taldeen jarrerak gatazken aurrean. Gatazka hobekuntza aukera moduan balioestea.
-Gatazkak kudeatzeko eta ebazteko teknikak. Negoziazioa eta bitartekaritza. Gatazkak ebazteko beste metodo batzuk.
-Komunikazio estrategiek taldeko arazoak ebaztean duten garrantzia. Talde gainbegiratzea, lantaldearen gatazkak prebenitu eta ebazteko espazio konfidentziala den aldetik.
Taldeko prozesuen eta haien gaitasun sozialaren ebaluazioa:
-Datuen bilketa. Teknikak. Gaitasun sozialaren datuen erregistroa eta interpretazioa. Norberaren pertzepzioa.
-Gaitasun sozialaren ebaluazioa. Gaitasun sozialaren adierazleak.
-Profesionalaren jarreren garrantzia balioestea, erabiltzaileei eta beste profesional batzuei dagokienez.
-Gaitasun sozialaren ebaluazioa.
-Taldearen egitura eta prozesuak ebaluatzea.
-Ikerketa sozialeko teknikak taldeekiko lanari aplikatzea.
-Taldeak ikertzeko estrategiak eta tresnak aztertzea.
-Autoebaluazioa gaitasun soziala hobetzeko estrategia gisa balioestea. Ikuskapena gogoetarako eta ebaluaziorako espazio konfidentzial gisa, pertsonen arteko harremanetarako trebetasunak garatzeko.
Orientabide didaktikoak.
Lanbide modulu honetan behar den prestakuntza biltzen da, ikasleek taldeekin esku hartzeko oinarrizko ezagutzak, abileziak eta trebetasunak beregana ditzaten. Animatzailea taldeetan esku hartzen duen profesionala da eta, hartara, gizataldeen harremanak, barne- eta kanpo-baldintzatzaileak eta haiek sortzeko, antolatzeko eta garatzeko dinamika ezagutu behar ditu eta, orobat, gerta daitezkeen egoeretan eta talde baten bilakaera markatzen duen faseetan gizatalde horien barne-dinamikan esku hartzeko komunikazio-estrategiak eta teknikak menderatu behar ditu.
Modulu hau nagusiki prozedurazkoa eta jarrerazkoa da eta hartan profesionalaren gizarte gaitasunean esku hartzeko, zuzentzeko, burutzeko, koordinatzeko eta ebaluatzeko lanari erantzuten zaio, bai pertsonen arteko harremanetan, bai taldeen dinamizazioan edo haietan izandako parte-hartzean. Era berean, gatazkak kudeatzeko eta ebazteko eginkizunari erantzun nahi zaio.
Edukien sekuentziazioari dagokionez, bi multzo edo multzokatze desberdin eta osagarrietan lantzea iradokitzen da; bi multzo horiek paraleloki irakatsiko lirateke eta iraupen eta diseinu desberdineko bi gune sortuko lituzke, gune horien ezaugarrien arabera.
Lehen multzokatzean hurrengo multzoak aipatzen dituzten edukiak lehentasunez landuko lirateke:
-Komunikazio tekniken hautaketa.
-Gatazkak ebazteko estrategien aplikazioa.
-Taldeko prozesuen eta haien gaitasun sozialaren ebaluazioa.
Lehen multzokatze honetan, xedea hauxe da: eduki horiek guztiak lanbidearen egoeretan aplikatzea taldean. Hori horrela, jarraian adierazten diren gaitasunak dira lehenetsi beharrekoak eta funtsezkoenak: jarrerari dagozkionak (egoten/izaten jakitea), eta horiekin estuki lotuak dauden gaitasun teknikoak (egiten jakitea), bai eta izaera kognitiboko gaitasunak (jakitea) ere, aurrekoei laguntzeko.
Lehen multzokatze honi ekiteko, komenigarritzat jotzen da ikasleei gizarte eta komunikazio trebetasunak probatzeko aukera ematea: entzutea, enpatia, gogoeta eta norberak hartutako erabakien eta prestakuntza prozesuan sortzen diren gatazken ebazpenaren gaineko autoebaluazioa, banaka nahiz taldeka. Ideia honetatik abiatzen da: ikaskideekin, irakasleekin eta abarrekin egon daitezkeen balizko zailtasunak lan-munduan -beste pertsona batzuekin nahiz taldean- biziko dituzten fenomenoen adierazle dira. Hori horrela, gune bat ematen ahal zaie prestakuntza eta harreman arloetako zailtasun horiek ebazteko, taldeko gainbegiratze saio baten antzeko zerbait. Gertatzen zaien orotik hemen eta orain ikastea izanen litzateke helburua.
Hori horrela izanik, gizarte gaitasunaren ebaluazio funtzioa ere landuko litzateke, hots, norberaren zereginak burutzean besteekin modu egokian jarduteko beharrezkoa dena, eta horrekin batera, gatazkei aurre egin eta horiek kudeatzeko funtzioa. Gune horrek konfidentziala behar du izan, eta parte hartzeko unea eta maila hautatzeko askatasuna zaindu behar da.
Bigarren multzokatzean hurrengo eduki multzoak landuko lirateke:
-Talde bat sortzeko estrategien garapena.
-Talde dinamizazioa.
-Lantaldeen antolaketa.
-Komunikazio tekniken hautaketa.
-Gatazkak ebazteko estrategien aplikazioa.
-Taldeko prozesuen eta haien gaitasun sozialaren ebaluazioa.
Prestakuntza gune honek aurrekoa lagundu eta osatuko luke eduki multzo guztien gaitasunak, nagusiki ezagutzazkoak (jakitea) eta teknikoak (egiten jakitea), lantzeko. Era berean, horien jarrerazko gaitasunak ere hor izanen genituzke, nahiz eta horiek nagusiki lehen multzokatzean lantzen diren.
Ikasgelan egin daitezkeen eta moduluaren helburuak lortzeko aukera ematen duten jardueren tipologiari dagokionez, hurrengo hauek iradokitzen dira:
-Animazioaren lanbide esparruan erabiltzaileen jarduketa inguruneak eta ezaugarriak zein diren arakatzea.
-Animazioak dinamika sozialetan eta balioen transmisioan duen rolarekin zerikusia duten gaien gaineko azalpen kritikoak aztertzea eta egitea.
-Ikastalde-ikasgelan talde-laneko testuinguruetan lidergo, motibazio, gainbegiratze eta komunikazioko teknikak garatzea eta esperimentatzea, lantaldeen antolamendua eta koordinazioa errazteko.
-Komunikazio estrategiak eta teknikak aplikatzea, testuinguru desberdinetara eta zabaldu beharreko edukietara, helburura eta hartzaileen ezaugarrietara egokituta, komunikazio prozesuetan eragingarritasuna ziurtatzeko.
-Taldeen funtzionamenduak sozializazioan, garapen pertsonalean eta laneko eraginkortasunean duen garrantziaren gaineko hausnarketa egitea.
-Egoera desberdinen gaineko rol jokoak egitea.
-Gatazka egoeretan esku hartzeko balizko proposamenak lantzeko kasuak aztertzea.
-Ikus-entzunezko materialak, dokumentalak eta filmak erabiltzea pertsonen arteko, pertsonabarruko eta taldeko fenomenoak ulertzen laguntzeko.
-Nork bere jarrera profesionalak eta pertsonalak aztertzea eta haien gainean hausnartzea, idatziz eta/edo ahoz.
-Profesionalaren gaitasun soziala testuinguru ezberdinetan eta metodologia ezberdinak erabiliz autoebaluatzea.
-Taldea akuilatzeko eta talde prozesuak aztertzeko teknikak aplikatzea, pertsonaren eta taldearen benetako egoera zein den aurkitzeko eta hartatik abiatzeko eta aurretiko esperientziak, ideiak eta kontzeptuak balioesteko.
-Talde dinamikak garatzea, zeinetan ikasleek esperimentatu eta biziko dituzten taldeko bizitzaren harreman alderdiak eta, talde modura, animatzaile izateko prestakuntza jasotzean duen berariazko atazaren alderdiak, horietatik abiaturik ikasleek taldeen animazioari eta dinamizazioari dagokion oro ulertu eta aurki dezaten eta, gero, beren praktika profesionalean erabil dezaten.
Animazio soziokulturalaren esparrutik sortutako esku-hartze sozialak kontuan izan behar du garrantzitsuena lanari ekiteko jarrera dela lana bera edo ekiteko ekintza bera baino gehiago. Beraz, modulu honetarako lana zehazteko eta planteatzeko orduan, helburua da kutsatzea eta irakastea, gizataldeetako, elkarteetako eta abarretako pertsonak, herritarrak oro har, beren ekintzak egitea bilatzen duen jarrera hori bultzatuz. Hori bera garrantzitsua da ikasleekin ikasgelan egindako lanera eramatea: motibazio jarduerak, parte hartzeko jarduerak, komunikazio jarduerak, lankidetza jarduerak, hartutako konpromisoen aurreko erantzukin jarrerak, harreman mailako jarrerak eta abar.
Modulu hau garatzeko, bereziki garrantzitsutzat jotzen da mahaiak zirkuluan jarrita egotea, bertan dauden guztiek elkar ikus dezaten, eta lurrean, mahairik gabe, esertzeko aukera ere izatea eta mugitu ahal izateko espazio nahikoa izatea. Ariketa eta teknika jakin batzuetarako, baliteke gela handiago bat behar izatea edota kanpora atera behar izatea.
Modulu hau zikloko modulu guztien artean ezarritako koordinazioa kontuan hartuz garatuko litzateke, ingurune sozioekonomiko, kultural eta profesionalaren ezaugarri zehatzetara egokitzeko xedearekin. Hori guztia, moduluetatik abiaturik, edukia osatzeko eta koordinatzeko, errepikakorra izan ez dadin, beharrezkoak ez diren teilakatzeak gerta ez daitezen eta ikasleei beren lanbidearen ikuspegi globala eman diezaieten eta beren lanbidean eskatuko zaizkien ikaskuntza emaitzak eskura ditzaten. Hori hala izanik ere, lantzen diren eduki motak direla-eta, interesgarria izanen litzateke hurrengo moduluekin koordinazio xeheagoa egitea:
-“Garapen komunitarioa” modulua: taldeen parte-hartzerako edukiak eta, bereziki, gatazkak ebazteko estrategien aplikazioarekin zerikusia dutenak.
-“Laneko prestakuntza eta orientazioa” modulua: lantaldeen antolaketarekin eta gatazkak ebazteko estrategien aplikazioarekin zerikusia duten edukiak.
-“Animazio turistikoa” modulua: taldeak kudeatzearekin zerikusia duten edukiak.
Edukiak multzokatzeko lehen proposamenean landutako prozedurazko eta jarrerazko gaitasunak ebaluatzeko, funtsezkoa da ikasleek gelan egin duten lanaren ebaluazioa edukitzea, baita ikaslearen gogoetaren ondoriozko autoebaluazioa ere.
Alderdi teoriko-praktikoetan eta jarrerazkoetan gehiago eraginen litzateke bigarren multzoan. Multzo horren ebaluazioari dagokionez, proba objektiboak eta lanak (norberak prestatu beharrekoak, azterketak, laburpenak, etab.)erabil daitezke, kontuan hartuta erabiliko den prozedura baliagarria izan behar zaiela ikasleei ikasteko tresna moduan, bereziki jarrerazko alderdiak ebaluatu behar direnean.
Lanbide modulua: Animazio turistikoa.
Kodea: 1126.
Baliokidetasuna, ECTS kreditutan: 9.
Iraupena: 130 ordu.
Ikaskuntzaren emaitzak eta ebaluazio irizpideak.
1. Animazio turistikoa ezaugarritzen du, eta gauzatzen den esparruen testuinguruetan sartzen du.
Ebaluazio irizpideak:
a) Animazio turistikoko zerbitzuak eta haien ebaluazioa deskribatu dira.
b) Animazio turistikoaren araudi esparrua interpretatu da.
c) Animazio turistikoko zerbitzu moten eginkizunak ezaugarritu dira.
d) Animazio turistikoko zerbitzuak sailkatu dira, gauzatzen diren esparruen arabera.
e) Animazio turistikoko zerbitzuetako merkatuko joerak aztertu dira.
f) Animazio turistikoko profesionalaren jarrerak eta gaitasunak definitu dira.
g) Animazio turistikoko zerbitzuak turismoko produktuetan/zerbitzuetan/destinoetan osagai osagarri eta dinamizatzaile moduan duten garrantzia balioetsi da.
2. Animazio turistikoaren arloa antolatzen du, eta haren antolaketa egitura eta funtzio egitura aztertzen ditu.
Ebaluazio irizpideak:
a) Animazio turistikoaren arloa edo departamentua ezaugarritu da.
b) Animazio turistikoaren arloetan berezkoak diren antolaketa ereduak deskribatu dira.
c) Animazio turistikoko zerbitzuetan berezkoak diren antolaketa eta funtzio egiturak definitu dira.
d) Turismoko establezimenduen arloen arteko harremanak aztertu dira.
e) Organigramak diseinatu dira, animazio turistikoko zerbitzuko ezaugarriak kontuan hartuz.
f) Animazio turistikoko zerbitzu bakoitzerako beharrezkoak diren instalazioak, ekipoak, altzariak eta tresnak deskribatu dira.
g) Antolaketa eraginkorrak animazio turistikoaren arloan edo departamentuan duen garrantzia balioetsi da.
3. Animazio turistikoaren arloko kudeaketa ekonomikoa, finantza kudeaketa eta administrazio kudeaketa kontrolatzeko jarduerak egiten ditu, eta dokumentu zirkuituak ezartzen ditu.
Ebaluazio irizpideak:
a) Animazio turistikoaren arloko kudeaketa ekonomikoa eta finantza kudeaketa definitu dira.
b) Animazio turistikoaren arlorako aurrekontu mota desberdinak prestatu dira.
c) Animazio turistikoaren arloko sarreren eta gastuen egitura ezarri da.
d) Kostuak kalkulatzeko eta egozteko prozesuak aplikatu dira.
e) Aurrekontua kontrolatzeko metodoak ezarri dira.
f) Animazio turistikoko zerbitzuetako administrazio zirkuituetan barneko eta kanpoko agiriak erabili dira.
g) Kudeaketako tresna informatikoak erabili dira.
h) Animazio turistikoaren arloko kudeaketaren kontrolean zorroztasuna balioetsi da.
4. Animazio turistikoaren arloko giza baliabideak kudeatzeko jarduerak egiten ditu, eta enpresa eskuliburuko jarraibideak aplikatzen ditu.
Ebaluazio irizpideak:
a) Lantaldeak zuzentzeko sistemak definitu dira, animazio turistikoaren arlo motaren arabera.
b) Plantillen plangintzako faseak eta arloaren ekoizpen prozesuan zehar beharko diren langileen aurreikuspen faseak deskribatu dira.
c) Arloko langileen lan denbora planifikatu da.
d) Animazio turistikoaren arloko langileak hautatzeko metodoak ezarri dira.
e) Profesionalak txertatzeko tresnak prestatu dira.
f) Langileak kudeatzeko tresna informatikoak erabili dira.
g) Tresna informatikoek langileen kudeaketan duten garrantzia balioetsi da.
5. Animazio turistikoko programak diseinatzen ditu, eta erabiltzaileen eta esku hartzeko guneen beharrak kontuan hartzen ditu.
Ebaluazio irizpideak:
a) Animazio turistikoko programak bereizi dira.
b) Animazio turistikoko zerbitzuko hartzaileak zehaztu dira.
c) Jardueren guneak eta denbora-antolaketa zehaztu dira.
d) Animazio turistikoko programako giza baliabideak, baliabide materialak eta finantza baliabideak hautatu dira.
e) Animazio turistikoko programa sustatzearen garrantzia balioetsi da.
f) Aurreikusi da gorabeherak egon daitezkeela eta horiei erantzuteko programa edo jarduera alternatiboak prestatu dira.
g) Prebentzio eta segurtasun neurriak ezarri dira.
6. Gau-emanaldiak eta ikuskizunak egiten ditu, eta turismo esparrura eta parte-hartzaileen ezaugarrietara egokitzen ditu.
Ebaluazio irizpideak:
a) Turismo esparruko gau-emanaldien eta ikuskizunen jarduerak ezaugarritu dira.
b) Jardueren helburu programatuak errespetatu dira.
c) Gunea eta instalazioak jardueraren eta erabiltzaileen eskakizunetara egokitu dira.
d) Giza baliabideak eta baliabide materialak antolatu dira jardueraren garapena bermatzeko.
e) Denborak sekuentziatu dira gau-emanaldia eta ikuskizuna egiteko.
f) Parte-hartzaile guztiek gau-emanaldian inplikatzearen garrantzia balioetsi da.
g) Aurreikusi da gorabeherak egon daitezkeela eta gau-emanaldirako edo ikuskizunerako programa alternatiboa prestatu da.
h) Prebentzio eta segurtasun neurriak kontuan hartu dira.
7. Animazio turistikoko programa eta jarduerei jarraipena eta ebaluazioa egiten die, eta kalitatea kudeatzeko sistemak aplikatzen ditu.
Ebaluazio irizpideak:
a) Jarraipen eta ebaluazio prozesuaren faseak deskribatu dira.
b) Teknikak, adierazleak, irizpideak eta tresnak zehaztu dira.
c) Jarraipen erregistroak, txostenak eta memoriak prestatu eta bete dira.
d) Ebaluazioaren emaitzen berri eman zaie tartean sartutako pertsonei.
e) Animazio turistikoko proiektuaren eta jardueren garapenean kalitate eta hobekuntza prozesuak kontuan hartu dira.
f) Kalitate plan bat interpretatu da animazio turistikoaren esparruan, hala behar denean, kalitate ziurtagiriak lortzeko.
g) Informazioaren eta komunikazioaren teknologiak erabili dira prozesuari lotutako dokumentazioa kudeatzeko.
h) Ebaluazioaren garrantzia justifikatu da, animazio turistikoko programen eta jardueren funtzionamendua hobetzeko.
Edukiak.
Animazio turistikoaren karakterizazioa:
-Animazio turistikoaren alderdi historikoak eta kontzeptualak.
-Animazio turistikoaren lege markoa.
-Animazio turistikoko zerbitzuen helburuak eta eginkizunak.
-Animazio turistikoa aplikatzeko esparruak.
-Animazio turistikoan goraka egiten ari diren joerak eta esparruak.
-Animazio turistikoko profesionala.
Animazio turistikoaren arloko antolaketa:
-Animazio turistikoaren arloa.
Animazio turistikoaren arloa antolatzeko ereduak:
-Arloaren antolaketa. Departamentalizazioa. Organigramak.
-Departamentu barneko eta departamentu arteko harremanak.
-Instalazioen kokalekua eta diseinua.
-Baliabide materialak animazio turistikoaren arloan.
-Antolaketa eraginkorrak animazio turistikoaren arloan edo departamentuan duen garrantzia balioetsi da.
Animazio turistikoaren arloko kudeaketa ekonomikoa, finantza kudeaketa eta administrazio kudeaketa kontrolatzeko jarduerak egiten ditu:
-Animazio turistikoaren arloko kudeaketa ekonomikoa eta finantza kudeaketa.
-Aurrekontuak egitea.
-Animazio turistikoaren arloko kudeaketaren ondoriozko kostuen kalkulua eta egozpena.
-Administrazio kudeaketa.
-Kudeaketako tresna informatikoen erabilera animazio turistikoan.
-Zorroztasuna animazio turistikoaren arloko kudeaketaren kontrolean.
Animazio turistikoaren arloko giza baliabideak kudeatzeko jarduerak egitea:
-Enpresako eskuliburua.
-Lantaldeen zuzendaritza.
-Plantillen aurreikuspena.
-Arloko langileen lan denboraren plangintza.
-Langileen hautaketa.
-Langileen txertaketa.
-Langileak kudeatzeko aplikazio informatikoen erabilera.
-Tresna informatikoek langileen kudeaketan duten garrantzia.
Animazio turistikoko programen diseinua:
-Animazio turistikoko programen azterketa.
-Animazio turistikoko programak egitea.
-Animazio turistikoko zerbitzuen eskatzaileak.
-Gorabeheretarako programa alternatiboak.
-Prebentzio eta segurtasuneko neurriak zehaztea.
Gau-emanaldien eta ikuskizunen garapena:
-Gau-emanaldiak eta ikuskizunak turismo esparruan.
-Gaueko jarduera motak aztertzea.
-Gaueko jarduerak egituratzea.
-Estrategia metodologikoak gaueko jardueren garapenerako.
-Gorabeherei erantzutea. Programa alternatiboak.
-Prebentzio eta segurtasuneko neurriak zehaztea.
Animazio turistikoko programa eta jardueren jarraipena eta ebaluazioa:
-Ebaluazio prozesua aztertzea.
-Teknikak, adierazleak, irizpideak eta ebaluazio instrumentuak zehaztea.
-Segimendu erregistroak prestatzea eta betetzea.
-Kalitatea.
-Kalitatearen kudeaketa animazio turistikoko proiektu eta jardueretan.
-Kalitate plana. Kalitatearen eskuliburua. Kalitatearen ziurtagiriak.
-Informazioaren eta komunikazioaren teknologiak erabiltzea prozesuari lotutako dokumentazioa kudeatzeko.
-Informazioaren transmisioak animazio turistikoko proiektuak eta jarduerak garatzeko duen garrantzia.
Orientabide didaktikoak.
Lanbide modulu honetan beharrezko prestakuntza biltzen da ikasleek animazio turistikoko sailak kudeatzeko ezagutzak eta gaitasunak eskura ditzan, animazio turistikoko proiektuak diseinatu, sustatu eta ebaluatu ditzan, eta aisia egoeretan dauden taldeak sortu eta dinamiza ditzan.
Nolabait ere, modulu honek aukera ematen du beste modulu batzuetan eskuratutako gaitasunak eta ezagutzak oso berariazkoa den esparru batean aplikatzeko, hala nola, turismoan.
Gure Komunitateko turismoari dagokionez, Lurralde testuinguruan adierazitako alderdiak kontuan hartuz, modulu honetatik eskainitako prestakuntza bideratzean komeniko litzateke hurrengo alderdi hauek kontuan hartzea:
-Modulu honetan interesgarria izan daiteke ikasleek ezagutzea dimentsio handiko hotelguneetan eta turismo-indize oso handiko eskualdeetan -ostatu-gauen eta egonaldien kopurua ere oso handiak dira- egiten diren proiektuen ezaugarriak.
-Bestalde, bada goraka datorren eta gure Komunitatean ere ezaguna den beste turismo mota bat, turismo etiko, bidezko edo iraunkorra izenekoa. Turismo mota honetan sartzen dira hemen garatu beharreko proposamen batzuk hala nola beste herrialde batzuetara bidaiak egiteko beste proposamen batzuk sustatzen ditu. Bidaia horietan bereziki eragiten da turismo jardueren garapenean eta horretan tokiko biztanleek aktiboki eta zuzenean parte hartzen dute, trukerako harreman batean. Trukerako harreman horrek eskainitako zerbitzuei eska dakizkiekeen kalitate mailak eta irabazi-marjinen banaketa ekitatiboa bermatu behar ditu.
-Uste da modulu hau osatuagoa izanen dela turismo etiko eta iraunkor hau benetan kontuan hartzen bada, bai edukietan, bai parte-hartzailea den demokrazia bultzatzen duten alderdi hauen sustapena berekin dakarten jarreretan.
Edukien sekuentziazioari dagokionez, planteatuta dagoen bezala proiektuak ordena logiko bat segitzen du, proiektuak egiteko metodologiari dagokionez. Hori dela-eta, kontuan hartzen bada edukiak modu praktikoan eta moduluaren ikuspegi orokorrerako planteatutakoaren gainean landuko direla, ezarritako ordena egokia izan daiteke.
Moduluaren helburuak lortzeko aukera emanen duten irakaskuntza-ikaskuntza prozesuko jarduketa ildoak moduluaren prozedurazko ikusmolde batetik abiatuko dira. Horretarako, simulazioak eginen dira ikasgelan eta ikasgelatik kanpo eta irakaskuntza-ikaskuntza prozesu bateko eragile aktibo moduan ikasleen parte-hartzea berarekin ekarriko duen metodologia aktibo eta motibatzailea erabiliko dute.
Ikaskuntzak barneratzeko eta gaitasunak garatzeko aukera emanen duten benetako egoerak ikasgelan landu ahal izateko, garrantzitsua da ikasle bakoitza sektoreko entitateekin eta kudeaketak eta erabiltzaileekiko harremanak berekin dakarren ororekin harremanetan egotea. Horretarako, interesgarria izanen litzateke ikasleak aldizka joatea animazio soziokultural eta turistikoko proiektuak garatzen dituzten enpresetara, elkarteetara edo entitateetara, modulu honek berezkoak dituen proiektuak behatzeko, diseinatzeko, egiteko eta ebaluatzeko. Hori eginez gero ikasleek eta ikastaldeek modulu honetako edukiei dagozkien alderdi teoriko-praktikoak partekatuko, alderatuko eta sakonduko lituzkete.
Ikusirik moduluko gaien ezaugarriak eta kontuan izanez beti beste modulu batzuekiko koordinazioa, interesgarria izanen litzateke hurrengo jarduera hauek egitea:
-Turismoko baliabideak eta arloak ikertzea eta aztertzea gure Komunitatean eta turismo-indize handia duten beste erkidego batzuetan.
-Gure Komunitatean eta gure Komunitatetik kanpo turismo sektorean lan egiten duten enpresak ikertzea eta aztertzea.
-Animazio turistikoko balizko proiektuetarako proposamenak prestatzea. Proiektu horiek bigarren ikasmailan egin daitezke, proiektu moduluaren barnean, eta interesgarria da sektore desberdinetan egitea, gure Komunitatean turismoarekin lotura zuzena duen kultura kudeaketarekin duen zerikusia ikusten hasiz.
-Sektore honetan jarduerak egiten dituzten esperientziak edo erakundeak bisitatzea, ikasleekin entitateetako egoitzetara joanez edo entitate horietako ordezkariak ikastetxera etor daitezen gonbidatuz, jardueraren alderdirik adierazgarrienak eta horrek berarekin dakartzan eskakizun profesionalak aurkezteko eta azaltzeko.
Komenigarria izanen litzateke talde txikietan eta talde handian egindako lana eginez ikasten joateko metodologia aktibo eta parte-hartzaile batekin konbinatzea, tituluan eta lanbide profilean ezinbestekoak diren parte-hartze printzipioak aplikatuz.
Modulua garatzeko eskura izan ditzakegun baliabideei dagokienez, ondokoak kontuan izan ditzakegu:
-Internet. Animazio turistikoarekin eta haren jatorriarekin zerikusia duten zernahi erreferentzia dago, hala nola zerbitzuak eskaintzen dituzten askotariko enpresak, gehienak turismo-indize handiko erkidegoetakoak, bereziki kostaldean dauden Kanarietakoak, Levantekoak, Andaluziakoak, Balear Uharteetakoak, etab. Interneten ere badaude turismo arduratsuan, ekonomia solidarioan, ekoturismoan eta abarretan oinarritutako elkarte, partzuergo eta entitateren webgune interesgarriak.
-Toki garapeneko eragileak.
-Zernahi herrialdetako toki erkidegoekin lankidetzan aritzeko proiektuetan sartutako GKEak.
-Nafarroako eta inguruko erkidegoetako landa turismoko elkarteak.
-Turismorako munduko kode etikoa. Nazio Batuak eta Turismorako Mundu Erakundea.
Ebaluazioari dagokionez, garrantzitsua da ebaluatzea esku-hartzerako funtsezkoak diren oinarri teorikoak barneratu direla eta egoera praktikoetako esku-hartzeetan garatutako gaitasunak eta jarrerak. Horretarako, komenigarria izanen litzateke edukiak egoera praktikoetan aplikatzeko gaitasuna balioesteko tresnak erabiltzea, lanbide profilaren definizioan bildutako gaitasunak jokoan jarriz eta tituluko curriculumeko helburu orokorrak bilduz.
Jarrerazko alderdiak eta gaitasun alderdiak ebaluatzeko, prestakuntza une guztiak kontuan hartu behar dira: ikasgela, bisitak eta praktikak enpresan, baleude; bereziki jarrera eta parte-hartzerako alderdiak ebaluatzeko, beharrezkoa izanen litzateke kontuan izatea ikasleen beren gogoetarako autoebaluazioa eta moduluaren abiaren parte-hartzea ebaluatzeko prozedurak.
Beste moduluekiko loturari dagokionez, “Esku-hartze sozialerako metodologia” moduluan beharbada koordinazioa enfasi handiagoarekin bilatu behar da uneari eta prozedurei dagokienez, sei ikaskuntza-emaitzetako hiruk proiektuak antolatzeko, esku hartzeko, burutzeko eta ebaluatzeko eginkizunak aipatzen baitituzte.
Kudeaketa ekonomikoa, finantza kudeaketa eta administrazio kudeaketa kontrolatzeko jarduerak eta giza baliabideak kudeatzeko jarduerak aipatzen dituzten bi ikaskuntza-emaitzei dagokienez, moduluak lotura estua du “Enpresa eta ekimena” moduluarekin eta “Lanerako prestakuntza eta orientazioa” moduluarekin. Bi modulu horiek bigarren ikasmailan irakasten direnez, alderdi horiek garrantzitsuak direla aipatu beharko da, baina kontuan izanez sakonago bigarren ikasmailan ikasiko direla. Taldeen kudeaketarekin zerikusia duen zatian, garrantzitsua izanen da “Talde dinamizazioa” moduluarekin koordinatzea, lantaldeak antolatzeari dagokionez.
Aisia egoeran dauden taldeen dinamizazioari dagokionez, garrantzitsua izanen da “Aisia eta denbora libreko jarduerak” moduluan eta “Talde dinamizazioa” moduluan landutakoarekin harremanak ezartzeko aukera emanen duen koordinazioa lortzea.
Bestalde, jarduerak eta gau-emanaldiak antolatzeari dagokionez, “Aisiaren eta denbora librearen animazioa” moduluan landu diren eduki asko proiektuetara egokitzeko aukera izanen da. Proiektu horietan interesgarria izanen da bigarren ikasmailako “Kultura animazio eta kudeaketa” moduluan landuko diren gaitasunak eta edukiekiko loturak anotatzen hastea.
Lanbide modulua: Garapen komunitarioa.
Kodea: 1128.
Baliokidetasuna, ECTS kreditutan: 7.
Iraupena: 100 ordu.
Ikaskuntzaren emaitzak eta ebaluazio irizpideak.
1. Proiektu komunitarioak diseinatzen ditu, eta gizarte-eragileek errealitate sozialaren azterketan eta esku-hartzearen plangintzan duten parte-hartzea bermatzen dute.
Ebaluazio irizpideak:
a) Erkidegoaren osagai estrukturalak eta prozesu komunitarioko eragile nagusiak identifikatu dira.
b) Garapen komunitarioaren testuinguruak, esparruak eta esku-hartze sektoreak identifikatu dira.
c) Eragile komunitarioekin harremanak sortzeko eta mantentzeko estrategiak definitu dira.
d) Eragile, gizarte sare eta proiektu eta programa komunitarioen datu-baseak sortu dira.
e) Garapen komunitarioko programak eta esperientziak aztertu dira.
f) Pertsona, gizatalde, talde eta erakundeen asmoak eta interesak identifikatzeko tresnak definitu dira.
g) Proiektu komunitarioetan parte hartzeko plangintza egiteko faseak, estrategiak eta tresnak deskribatu dira.
h) Informazio bide eta iturrietako datuak eguneratuta mantentzearen garrantzia argudioztatu da.
2. Prozesu komunitarioak egitean herritarren parte-hartzea sustatzeko jarduerak egiten ditu, eta lege markoarekin eta eskura dauden baliabideekin erlazionatzen ditu.
Ebaluazio irizpideak:
a) Gizartearen eta herritarren parte-hartze prozesuak eta haien lege markoa ezaugarritu dira.
b) Erkidegoko edo eskualdeko taldeen, gizataldeen, entitateen eta erakundeen parte-hartze maila identifikatzeko tresnak prestatu dira.
c) Parte-hartze komunitarioa errazten edo galarazten duten faktoreak identifikatu dira.
d) Eragile komunitarioen parte-hartzea eta elkarlana sustatzeko baliabideak eta estrategiak hautatu dira.
e) Laguntza sozialean oinarritutako esku-hartze komunitarioak ezaugarritu dira.
f) Deskribatu da zein den dinamizatzaile komunitarioaren rola laguntza sozialeko prozesuetan.
g) Erkidego edo eskualde bateko topagune formalak eta informalak identifikatu dira.
h) Materialetan eta topaguneetan parte hartzea kontrolatzeko eta kudeatzeko protokoloak ezarri dira.
3. Baliabideak eta estrategiak aplikatzen ditu eragile komunitarioen artean komunikazioa sustatzeko eta informazioa trukatzeko, eta lurraldearen eta erkidegoaren ezaugarriak eta haien informazio beharrak identifikatzen ditu.
Ebaluazio irizpideak:
a) Komunikazioko teknikak eta estrategiak hautatu dira, lurraldearen eta erkidegoaren ezaugarriak kontuan hartuz.
b) Erkidegoaren informazio beharrak identifikatzeko tresnak prestatu dira.
c) Jarduketa-lurraldean komunikazio formal eta informalerako dauden tresnak identifikatu dira.
d) Dinamizazio komunitarioko informazio iturri nagusiak identifikatu dira.
e) Prozesu komunitarioetan sortutako informazioa biltzeko eta sistematizatzeko tresnak prestatu dira.
f) Proiektu eta jarduketa komunitarioak komunikatzeko eta hedatzeko baliabideak eta estrategiak erabili dira.
g) Esparru komunitarioan informazioa trukatzeko eta hedatzeko protokoloak prestatu dira.
h) Jardueren hedapen maila eta transmititutako informazioaren eragina balioesteko adierazleak definitu dira.
4. Elkarteen ehunari laguntzeko eta hari euskarri teknikoa emateko jarduketak egiten ditu, eta ehun hori eratu eta kudeatzeko lege eta administrazio esparrua aztertzen ditu.
Ebaluazio irizpideak:
a) Entitate edo elkarte bat eratzeko eta kudeatzeko lege markoa eta administrazio prozedurak aztertu dira.
b) Entitate edo elkarte bat eratzeko agiriak bete dira.
c) Entitateen eta elkarteen antolaketa eta funtzio egitura deskribatu da.
d) Dinamizatzaile komunitarioak elkarteen ehuna garatzeko eta mantentzeko rola eta eginkizunak deskribatu dira.
e) Informazioa kudeatzen duten organismoei, erakundeei eta baliabideei dokumentazioa eskatzeko bideak identifikatu dira.
f) Administrazioek entitateei eta elkarteei eman diezazkieketen laguntzak eta prestazioak identifikatu dira.
g) Elkarteen ehunari laguntzeko baliabideen gaineko datu-baseak eta gidak prestatu dira.
5. Bitartekaritza komunitarioko prozesuak garatzen ditu, eta gatazkaren eta tartean sartutako gizarte-eragileen ezaugarriak aztertzen ditu.
Ebaluazio irizpideak:
a) Gatazkaren egoera finkatzeko garrantzitsua den informazioa lortu da.
b) Aztertutako egoerak bitartekaritza behar duen argudioztatu da.
c) Bitartekaritza komunitarioaren prozesua egiteko faseak eta baldintzak errespetatu dira.
d) Erabilitako tekniken eta prozeduren hautaketa argudioztatu da.
e) Bitartekaritza prozesuan entzute aktiboko jarrera mantendu da.
f) Prozesua ebaluatzeko eta erabakiei jarraipena egiteko jarduketa ildoak ezarri dira.
g) Bitartekaritza prozesuari lotutako dokumentazioa bete da.
h) Prozesuari lotutako informazioak fidagarria, baliozkoa eta isilpekoa izan behar duela balioetsi da.
6. Proiektu komunitarioak ebaluatzeko jarduerak egiten ditu, eta eragileen parte-hartzea bideratzen duten estrategiak, teknikak eta tresnak hautatzen ditu.
Ebaluazio irizpideak:
a) Parte-hartzea ebaluatzeko estrategiak eta tresnak hautatu dira, erkidegoaren ezaugarriak eta lortu beharreko helburuak kontuan izanez.
b) Parte-hartze prozesuei jarraipena egiteko tresnak prestatu dira, eragileekin elkarlanean.
c) Ebaluazioko datuak biltzeko eta aztertzeko teknikak eta tresnak eragileen errealitatera egokitu dira.
d) Ebaluazioaren emaitzak tartekatutako taldekide eta eragile guztiei komunikatzeko protokoloak ezarri dira.
e) Eragile komunitarioen eta haien koordinazio-mailaren artean ezarritako lotura identifikatzeko azterketa tresnak identifikatu dira.
f) Proiektu komunitarioan erabilitako komunikazio estrategia eta tresnen erabilgarritasuna egiaztatzeko irizpideak eta adierazleak ezarri dira.
g) Informazioaren eta komunikazioaren teknologiak erabili dira ebaluazio txostenak eta memoriak prestatzeko, aurkezteko eta hedatzeko.
h) Esku-hartzearen kalitatea kudeatzeko prozedura orokorrak ezarri dira.
Edukiak.
Proiektu komunitarioen diseinua:
-Egitura komunitarioaren azterketa. Erkidegoaren antolaketa. Egitura komunitarioen mugaketa. Adierazle soziokulturalak.
-Garapen komunitarioa.
-Prozesu komunitarioko eragileak.
-Talde komunitarioa.
-Dinamizatzaile komunitarioa. Rola eta eginkizunak. Aurkezpen protokoloak.
-Eragile komunitarioen arteko harremanak sortzea eta mantentzea. Estrategiak.
-Datu-baseak esparru komunitarioan prestatzea:
Informazioa hautatzea, sailkatzea eta artxibatzea.
Hori egiteko irizpideak.
Informazioa eguneratzea eta gaurkotzea.
-Errealitatearen azterketa parte-hartzailea. Diagnostiko komunitarioa.
-Garapen komunitarioko programa eta esperientzia zehatzen azterketa.
-Plangintza parte-hartzailea.
-Parte-hartzearen balioespena garapen komunitarioaren ardatz modura.
Prozesu komunitarioak egitean herritarren parte-hartzea sustatzeko jarduerak egitea:
-Gizartearen eta herritarren parte-hartzea.
-Boluntario sozialak.
-Herritarren parte-hartzearen lege markoa.
-Parte-hartze komunitarioaren azterketa.
-Gizarteak parte hartzeko prozesuan eragina duten faktoreen azterketa.
-Parte-hartze estrategiak. Sentsibilizazioa eta motibazioa.
-Esku-hartze komunitariorako gizarte laguntza.
-Guneak baliabide metodologiko modura.
-Topaguneak. Parte-hartzearen kudeaketa.
-Topaguneen garrantzia, parte hartzeko baliabide modura.
Eragile komunitarioen artean komunikazioa eta informazio trukea sustatzeko baliabideak eta estrategiak ezartzea:
-Parte-hartze sozialari aplikatutako komunikazio teknikak.
-Dinamizazio komunitarioaren esparruan, komunikazioan esku hartzen duten faktoreak.
-Erkidegoan informazio beharrak hautemateko metodoak eta teknikak aplikatzea.
-Komunikabideak ingurune komunitarioan identifikatzea.
-Informazio eta prestakuntza kanpainak egitea garapen komunitarioan.
-Informazioaren kudeaketa esparru komunitarioan:
Informazioa trukatzeko protokoloak. Egiteko irizpideak.
Informazioaren eragina. Adierazleak.
Elkarteen ehunari laguntzeko eta hari euskarria emateko jarduketak egitea:
-Gobernuz kanpoko erakundeak (GKE), fundazioak eta izaera sozialeko elkarteak.
-Lege markoa.
-Elkarte bat/fundazio bat nola sortu.
-Kultura elkarte eta entitateen antolaketa eta funtzio egitura aztertzea.
-Antolaketa administratiboa: artxiboak eta prozedurak.
-Giza baliabideak elkarteetan, fundazioetan eta GKE-etan.
-Profesionalaren rola eta eginkizunak elkarteen ehunari laguntza eta euskarri teknikoa ematean.
-Elkarteen ehunari laguntza ematen dion Administrazio publikoa.
-Elkarteen ehunari laguntzeko baliabideen hautaketa.
-Baliabideak eskuratzea.
-Finantzaketa motak.
Bitartekaritza komunitarioko prozesuen garapena:
-Gatazken kudeaketa esparru komunitarioan.
-Bitartekaritza komunitarioa.
-Bitartekaritza komunitarioko prozesuak egitea:
Etapen identifikazioa.
Gatazkak kudeatzeko teknikak erkidegoan aplikatzea.
Akordioak bitartekaritza komunitarioan.
Bitartekaritza komunitarioan tartean sartutakoen rola.
Profesionala bitartekaritza prozesuan.
-Bitartekaritza prozesuen ebaluazioa eta jarraipena.
-Bitartekaritza prozesuari lotutako dokumentazioa betetzea.
Proiektu komunitarioak ebaluatzeko jarduerak egitea:
-Ebaluazioa esparru komunitarioan: ezaugarriak eta prozesua.
-Ebaluazio parte-hartzailea.
-Parte-hartze prozesuen ebaluazioa.
-Harremanen ebaluazioa eta eragileen arteko koordinazio-maila.
-Komunikazioko estrategiak eta tresnak ebaluatzea.
-Kanpoko ebaluatzaileekiko koordinazioa.
-Txostenak eta memoriak prestatzea esparru komunitarioan.
-Emaitzen aurkezpena eta hedapena.
-Kalitatearen kudeaketa esparru komunitarioan.
Orientabide didaktikoak.
Lanbide modulu honetan proiektu komunitarioak diseinatzeko beharrezkoa den prestakuntza biltzen da, errealitate sozialetik, esku-hartzearen plangintzatik eta hura garatu eta ebaluatzetik abiaturik. Prozesu komunitarioak nola egiten diren adierazten den esparrua herritarren parte-hartzea da (parte-hartzea bere zabaltasun osoan modulua garatzeko metodologia egituratzaile modura hartuta), laguntza eta euskarri teknikoko jardueren bitartez eragile komunitarioen arteko komunikazioa eta elkarreragin prozesuak sustatuz.
Modulu honetan ikasleak esku-hartze batean kokatuko dira, zeinetan lurralde batean bizi edo lan egiten duten eragileek bertan gertatzen diren eraldaketen protagonista izanen diren. Gomendagarria izanen litzateke ikasleei prestakuntza ematea, hiru eragile mota desberdin hauek oinarri harturik: biztanleak, zerbitzu publikoak eta toki administrazioak. Garapen komunitarioko prozesuak funtsean hezkuntza izaerako prozesuak dira. Balio, jarrera eta emozio hezkuntza, hezkuntza gaikuntza modura eta hezkuntza kontzientziazio modura.
Modulu honetako lanaren oinarri modura proposatzen da metodologia parte-hartzaileekin egindako diagnostiko parte-hartzaile edo komunitarioa egitea eta garatzea, denei aukera emanez beren iritziak eman ditzaten eta errealitate soziala lantzeko ikusmolde desberdinak ekar ditzaten. Nolabait ere, ingurunearen ezagutza ahalik eta zabalenari uko egin gabe, adostasun komunitario zabalen eraikuntzari lehentasuna ematen dion prozesu batez hitz egiten ari gara.
Garapen komunitarioa ulertzen eta gauzatzen da erkidegoan eta erkidegotik abiaturik, prozesuaren helburua eta tresna diren pertsonekin. Horrek berarekin dakar erkidegoko herritarrak eta baliabide teknikoak eta lurraldean lan egiten duten gizarte-eragileak eta eragile ekonomikoak ezagutzea.
Modulu honetarako proposatzen da, hasteko, ikaslea beren errealitate hurbilenekora zuzenean hurbiltzea. Horretarako, komeniko litzateke astean eskola-ordu bat erabiltzea landa-laneko esperientzia batetik abiaturik zuzeneko lana egiteko. Denbora-tarte horretan eta talde-lanaren bidez, ikasleak ikerketa prozesu bat egin beharko luke eta hirian edo herrian garapen komunitarioaren arloan egiten ari diren proiektu sektorial ugarietatik batean sartu beharko luke buru-belarri. Gomendatzen dugu ingurune berean praktikak egiten ari diren ikasleek osatutako lantalde txikiak erabiltzea. Ikasleen irakaskuntza-ikaskuntza prozesuko tresna modura, erkidego hori aztertu beharko lukete eta parte-hartze diagnostiko bat diseinatu eta, orobat, azterketaren xede den prozesuaren barnean teknika/jardueraren bat partekatu. Jarduera hau moduluko edukietan bildutako alderdietako baten batekin lotuko da, aztertutako errealitatearen arabera, baina hurrengo puntuetako baten bat garatzea bultzatuko da:
-Komunikazio teknikaren bat garatzea (IKTekin zerikusia dutenak bereziki).
-Elkarte bat/fundazio bat nola sortu.
-Antolaketa administratiboa: artxiboak eta prozedurak.
Alde praktiko honen bitartez ikasleek errazago ezagutuko dute haiengandik hurbilago dagoen erkidegoa, garapen komunitarioko prozesua landu ahal izateko. Oso garrantzitsua da modulu honetan alde teorikoa eta praktikoa elkarrekin lotzea. Alde praktikoko zati didaktikoak ordu kopururik handiena hartu beharko luke edukiak errazago bereganatuko direlako.
Moduluko edukiak lantzean, proposatzen da jarraian deskribatzen diren ezaugarriak dituzten multzoetan antolatzea.
Lehenean, garapen komunitarioko prozesuaren izaera aztertzeko eta haren gaineko hausnarketa egiteko edukiak landuko dira (izaera, aurrekariak, gaur egungo egoera...) eta garapen hori hura gauzatzeko erabiltzen diren osagaietan xehatuko da (tartean sartutako eragileak, talde komunitarioa, harremanak eta plangintzan parte hartzen duten faseak). Azkenik, azken multzo honetan, gomendatzen da errealitatea ikasleari hurbiltzen dioten zenbait prozesu parte-hartzaile hurbil aztertzea eta haien gainean hausnartzea.
Bigarren prestakuntza multzoan edukiak landuko dira, hots, tokiaren gaineko praktika egitera bideratuta daudenak oso eta, parte-hartzea aztertzetik abiaturik, haren osagai guztiekin, hura garatzeko estrategiekin, topaguneekin eta abarrekin lotutako osagai guztiekin zerikusia dutenak.
Hementxe garatuko dira eduki teoriko-praktikoak, hain zuzen ere diagnostiko komunitariora bideratutakoak (diagnostikoa azterketa eta elkarreraginerako tresna modura hartuta), komunikaziora bideratutakoak (komunikazioa zeharkako prozesu modura hartuta) eta egindakoa ebaluatzera bideratutakoak (ebaluazioa atzeraelikadurako estrategia modura hartuta).
Proposatzen den hirugarren multzoa elkarteen ehunera zuzendurik dago, bere osotasunean hartuta, eta hartan lege markoarekin, antolaketarekin, baliabideekin, eginkizunekin eta haiek martxan jarri eta dinamizatzearekin zerikusia duten edukiak garatuko dira.
Langunea funtsean ikasgela eta ikasleek kanpoan egindako lan pertsonala izanen da. Beharrezkoa izanen litzateke oinarrizko gizarte zerbitzuak eta zenbait gizatalderi arreta ematen dieten gizataldeak eta elkarteak eta entitateak edo enpresak bisitatzea eta haietara joatea. Informazioa bildu behar da, elkarrizketak egin behar dira... aipatzen ari garen errealitate soziala zuzenean ezagutzeko eta gero ikasgelan aztertzeko. Tresna metodologiko nagusia kasu edo egoera praktikoak talde txikietan aztertzea izanen da; talde txiki horiek ikaskuntza kooperatiboko taldeen ildoei jarraikiz sortuko dira. Ikasgelan landutako gaien gaineko solasaldietan edo ikaslearen ingurune hurbilean gertatzen ari diren ekintza komunitarioetan parte hartzea sustatuko da eta, jarraian, ikasgelan azaldu eta eztabaida txikia izanen da.
Komenigarria da landutako gaiarekin zerikusia duten administrazioko teknikariekin solasaldiren bat zehaztea; teknikari horiek parte-hartzearen, boluntariotzaren, esku-hartze komunitarioaren edo lankidetzaren arloetakoak izanen dira. Era berean, interesgarria izanen litzateke parte-hartzearen eta garapen komunitarioaren esparruan Foru Komunitatean lanean ari diren zenbait profesionalekin harremanetan jartzea, ikasturtean zehar, Nafarroan egiten ari diren proiektuetako baten bati jarraipena egin ahal izateko. Halaber, gomendagarria izanen litzateke demokrazia parte-hartzaileko prozesuetan espezializatutako unibertsitate esparruko bestelako profesionalen laguntza izatea.
Beste modulu batzuekiko loturari dagokionez, gomendagarria da teknikak eta metodologia partekatzen diren moduluekin koordinatzea. Azpimarratzekoa da “Esku-hartzearen metodologia” moduluarekin eta proiektuak egiteko prozesua bere baitan hartzen duen ororekin duen lotura. Era berean, garrantzitsua da “Talde dinamizazioa” moduluarekin duen lotura, bereziki taldeen parte-hartzeari buruzko edukietan eta gatazkak ebazteko estrategiak aplikatzeari dagokion lanetan, bitartekaritza komunitarioarekin zerikusia duten edukien zatiari oso lotuta dagoena. Komeni da behin eta berriz esatea garapen komunitarioak hiri zein landa inguruneko errealitatea kontuan izan behar duela eta, hartara, “Animazio turistikoa” moduluarekin koordinatzea gomendatzen da.
Ebaluazioari dagokionez, gomendatzen da oinarri teorikoak eskuratzeari dagokion zatia ebaluatzea, ikaskuntzak garapen komunitarioko prozesuak egoera praktikoetan aztertzeari eta diseinatzeari aplikatzeko gaitasun modura hartuta. Halaber, garrantzitsua da jarreraren garapena ebaluatzea. Horretarako beharrezkoa da lan praktikoak ebaluatzea (diagnostiko parte-hartzailea diseinatzea, aztertu nahi den errealitatea aztertzea, jarduera bat garatzea aztertu nahi den prozesu komunitarioaren barnean). Ebaluazioa hartuko da ikasteko balio duen tresnaren ikuspegitik (prestakuntzazko ebaluazioa), eta ez bildumazko ebaluaziotik soilik, batez ere jarrerazko alderdiak ebaluatu behar direnean.
Prozedurazko eta jarrerazko alderdiak ebaluatzeko, funtsezkoa da ikasleek gelan egin duten lanaren ebaluazioa edukitzea, baita ikasleen gogoetaren ondoriozko autoebaluazioa ere. Ikasleak aldian-aldian egon badaitezke garapen komunitarioko prozesuen alderdi desberdinak lantzen diren parte-hartze guneetan, egindako ikaskuntzak jasoko dituen memoria edo egunerokoa ebaluazio tresna oso baliotsua izanen litzateke.
Lanbide modulua: Gazteendako informazioa.
Kodea: 1129.
Baliokidetasuna, ECTS kreditutan: 7.
Iraupena: 100 ordu.
Ikaskuntzaren emaitzak eta ebaluazio irizpideak.
1. Gazteendako informazio zerbitzuen testuingurua ezaugarritzen du, eta lege eta eskumenen esparrua aztertzen du.
Ebaluazio irizpideak:
a) Gazteendako informazio zerbitzuen (GIZ) antolaketa eta kudeaketa deskribatu dira, bestelako informazio zerbitzuei dagokienez haien espezifikotasuna egiaztatuz.
b) Gazteendako informazio zerbitzuak arautzen dituen autonomietako legeria identifikatu da.
c) Gazteendako informazio zerbitzuko giza baliabideak eta haien eginkizunak identifikatu dira, pertsona horien titulazioen eta prestakuntzaren arabera.
d) Behar diren baliabide materialak eta espazialak identifikatu dira.
e) Gazteendako informazio programetako eta proiektuetako baliabide materialak eta ekonomikoak (aurrekontuak, arauak eta diru-laguntza motak, besteak beste) kudeatzeko elementuak definitu dira.
f) Gazteendako informazio zerbitzuak finantzatzeko bideak bereizi dira.
g) Gazteendako informazio arloko baliabide erlazionalak balioetsi dira.
2. Gazteendako informazio arloko esku-hartzea planifikatzen du, eta gazteendako informazio zerbitzuaren egitura, eskariak eta hedapen baliabideak identifikatzen ditu.
Ebaluazio irizpideak:
a) Gazteen beharrak eta eskariak deskribatu dira, indarreko legeria aplikatuz eta erreferentziako plan estrategikoen eta gazteendako informazioaren printzipio deontologikoen arabera.
b) Gazteen gaineko dokumentazio iturriak bereizi dira: gazteendako behatokiak, azterlan soziologikoak, liburutegi espezializatuak, erroldak eta argitalpenak, besteak beste.
c) Informazioa, orientazioa eta aholkularitza hautatzeko eta prestatzeko teknikak identifikatu dira, gune fisiko eta birtualetan erabiltzaile gazteekin bat etorriz.
d) Informazioaren hizkuntza eta euskarriak identifikatu dira, hartzaileen ingurunera eta inguruabar soziokultural eta linguistikoetara egokituz.
e) Informazioa eta dokumentazioa transmititzeko erabiltzen diren hedabideak deskribatu dira.
f) Gazteendako informazio zerbitzuetan, gazteen eskariak biltzeko sistemak (arreta eta informazio prozesua hobetuko dutenak) identifikatu dira.
g) Gazteen eskariei erantzun pertsonalizatua emateko prozedurak aplikatu beharra justifikatu da.
h) Praktika onak eta azken hauek hobekuntzak eta berrikuntzak egiteko baliabide modura trukatzeko aukera balioetsi dira.
3. Gazteendako informazio baliabideak hautatzen ditu, eta informazioa bilatzeko eta berreskurateko teknikekin erlazionatzen ditu.
Ebaluazio irizpideak:
a) Gazteekin erabili behar diren informazio baliabideak definitu dira.
b) Informazio baliabideak sailkatu dira gazteen beharrak erreferentzia moduan hartuz.
c) Gazteendako etxebizitza zerbitzuen gaineko baliabideak deskribatu dira.
d) Gazteendako enplegu zerbitzuen gaineko baliabideak balioetsi dira.
e) Gazteendako prestakuntza zerbitzuen baliabideak deskribatu dira.
f) Gazteendako aisia eta denbora libreko zerbitzuen baliabideak kontuan izan dira.
g) Gazteendako mugikortasun zerbitzuen gaineko informazio baliabideak deskribatu dira.
4. Gazteendako informazio eta aholkularitza ekintzak egiten ditu, eta hautemandako beharrekin erlazionatzen ditu.
Ebaluazio irizpideak:
a) Gazteendako dauden programak kontuan izan dira.
b) Gazteendako informazio programetan aholkularitza tekniken oinarrizko printzipioak identifikatu dira.
c) Gazteendako emantzipazio programen garrantzia argudioztatu da.
d) Europako proiektuak eta gazteen arteko trukeak egiteko proiektuak deskribatu dira.
e) Gazteek eta boluntarioek parte hartzeko programen beharra justifikatu da.
f) Gazteendako prestakuntza programak definitu dira.
5. Prozesuaren jarraipena garatzen du, eta estrategien, tekniken eta ebaluazio tresnen hautaketa justifikatzen ditu.
Ebaluazio irizpideak:
a) Erabiltzailearen eta esku-hartzeen jarraipenean aurreikusitako protokoloak deskribatu dira.
b) Esku-hartzea kontrolatzeko eta jarraitzeko prozesuaren uneak sekuentziatu dira.
c) Gazteendako informazioan, zerbitzuen eta jardueren kalitatea hobetzeko behaketa eta ebaluazio jarraituen sistemak aztertu dira.
d) Prestakuntza ekintzak ebaluatzeko adierazleak prestatu dira, gazteen eta prestatzaileen artean.
e) Prestakuntza jarduerak ebaluatzeko protokoloak eta erregistroak identifikatu dira, gazteendako informazioaren esparruan.
f) Prozedurak identifikatu dira, gazteendako informazio zerbitzu bateko sustatzaileari transmititu beharreko informazio adierazgarria islatuko duen memoria egiteko.
g) Ebaluazioa kalitate osagai modura balioetsi da.
Edukiak.
Gazteendako informazio zerbitzuen testuingurua ezaugarritzea:
-Gazteendako informazio, orientazio eta aholkularitza prozesuak aztertzea:
Informazio, orientazio eta aholkularitza prozesuak gazteen esparruan. Gazteendako informazioaren historia.
Gazteendako informazioaren oinarriak eta printzipioak.
Genero ikuspegia gazteendako informazio, orientazio eta aholkularitza prozesuen azterketan.
-Gazteendako informazio zerbitzuen (GIZ) antolaketa:
Gazteendako informazioa gazteendako politiketan.
Gazteendako informazioaren lege eta arau esparrua. Administrazio prozedura. Datuak babestea.
Gazteendako informazio zerbitzuen tipologia.
Gazteendako informazio sareak.
Kalitate sistemak gazteendako informazio zerbitzuetan.
-Gazteendako informazio zerbitzuen (GIZ) kudeaketa:
Gazteendako informazio zerbitzuetako baliabide materialak: osagai fisikoak. Informazio guneen antolaketa.
Baliabide ekonomikoak: aurrekontua. Diru-laguntzak.
Gazteendako informazio zerbitzuetako giza baliabideak: ikuspegi profesionala. Profesionalen arteko koordinazioa.
Sinergiak gazteendako informazioan: zeharkakotasuna, lankidetza eta lana sarean. Gazteendako informazioaren baliabide erlazionalak.
Esku-hartzearen plangintza gazteendako informazioan:
-Gazteen errealitatearen profil biopsikosoziala:
Esku-hartzearen ingurune geografiko eta soziokulturalen ezaugarri bereizleak.
Ikerketa sozialeko teknikak gazteriaren esparruan.
Gazteendako behatokiak.
Gazteen gaineko informazio eta dokumentazio iturriak: azterlan soziologikoak, liburutegi espezializatuak, erroldak eta argitalpenak.
-Esku-hartzea gazteekin egindako lanean. Informazioa, ekipamenduak eta jarduerak: gazteendako informazioaren plangintza.
-Gazteendako informazioa prestatzea eta hedatzea:
Gazteendako informazio kanpainak diseinatzea eta antolatzea.
Gazteendako informazioa prestatzeko metodologia: adierazpen hizkuntzak.
Informazioaren eta dokumentazioaren hautaketa eta trataera gune fisiko eta birtualetan. Gazteendako informazio teknikak eta dokumentazioa.
Gazteendako informazioa hedatzea: gazteendako informaziorako euskarriak eta argitalpen fisikoak eta birtualak.
Gazteendako informazioaren dinamizazioa eta marketina.
Berrikuntza informatzeko eta gazteekin gizartean eta hezkuntzan esku hartzeko proiektuetan: sormen teknikak eta motibazio teknikak.
Praktika onen hedapena eta transferentzia.
Gazteendako informazio baliabideak hautatzea:
-Gazteendako eskura dauden baliabideak aztertzea:
Gazteendako informazio gidak.
Etxebizitzako baliabideak eta zerbitzuak: gazteendako etxebizitzak, gazteek etxebizitza lortzeko laguntzak, ostatu arloko diru-laguntzak eta unibertsitateko ikasleendako ostatu arloko diru-laguntzak.
Laneko baliabideak eta enplegu zerbitzuak. Enplegu atariak. Enplegu publikoaren gaineko informazioa. Gazteen emantzipaziorako bulegoen lurralde sarea. Gazteen emantzipaziorako herrialde mugakideen arteko bulegoa, enplegu sareak, lan poltsak, gida interaktibo soziolaboralak.
Prestakuntza baliabideak: prestakuntza eskolak. Informazioaren eta komunikazioaren teknologiak. Enpleguaren bilaketa aktiboa, Internet bidezko bilaketa, laguntzak eta diru-laguntzak.
Aisia eta denbora librerako baliabideak. Gazte-aterpetxeen Espainiako sarea. Gazte-aterpetxeen nazioarteko federazioa. Boluntariotza zerbitzua. Hizkuntza kluba.
Mugikortasunerako laguntzak. Gazte bidaiariendako turismo gidak. Gazteendako ostatuak, egoitzak, aterpetxeak, kanpamenduak eta bestelako instalazioak. Nazioarteko organismoak.
Gazteei informazioa eta aholkua emateko ekintzak egitea:
-Gazteendako programak hautatzea:
Informazio eta aholkularitza programak: gazteendako aholkularitza juridikoa, aholkularitza psikosoziala, aholkularitza akademiko-laborala. Eurodesk.
Emantzipazio programak: emantzipazioa, emantzipazio errentak, emplea-joven eta vivienda-joven.
Gazteen arteko truke proiektuak (Europa, Amerika Latinoa eta besteak).
Gazteen parte-hartze eta boluntariotzako programak: gazte asoziazionismoa (eraketa eta motak), diru-laguntzak, lankidetzarako boluntario planak, talde ekologistak eta ingurumeneko boluntarioak.
Gazteendako prestakuntza programak: topaketa teknologikoak, ikastaroen, topaketen, foroen eta jardunaldien antolaketa eta kudeaketa, besteak beste. Gazteendako hizkuntza ikastaroak atzerrian.
Bestelako programak.
-Gazteendako programen gainean informazioa eta aholkua emateko ekintzak egitea.
-Aholkularitza estrategiak aplikatzea. Jarduketa ildoak.
Prozesuaren jarraipena garatzea:
-Ebaluazioa gazteendako informazio prozesuan.
-Ebaluazio parte-hartzaileko metodologia eta tresnak.
-Gazteendako informazioko prestakuntza jardueren protokoloak eta ebaluazio erregistroak.
-Ebaluazioetako datuen azterketa.
-Gazteendako informazioko prestakuntza jardueren txostenak eta memoriak prestatzea.
-Ebaluazioa kalitate osagai moduan balioestea etorkizuneko prestakuntza ekintzetan.
-Koordinazioak eta talde-lanak esku-hartzearen ebaluazioan duen garrantzia kontuan hartzea.
-Kalitatea kudeatzeko ebaluazioa gazteendako informazio zerbitzuetan.
Orientabide didaktikoak.
Modulu honen helburua da ikasleek gazteendako informazio, orientazio eta aholkularitza prozesuak diseinatzeko, antolatzeko, burutzeko eta ebaluatzeko eginkizunak betetzeko behar diren gaitasunak eskuratzea.
Modulu honek euskarri teorikoa (jakitea) ematen du gazteendako orientazio eta aholkularitza prozesuekin zerikusia duten alderdirik adierazgarrienen gainean. Baina, bereziki, modulu honek prozedurazko eduki multzoa (egiten jakitea) ematen du eta ikasleek horiekin ikasiko dute informazio beharrak hautematen, kanpainak diseinatzen eta dinamizatzen eta, orobat, gazteendako elkarteen ehuna sustatzen.
Kontuan izanik gazte gehienak oraindik gazteriaren eboluzio-aldian murgildurik daudela, gerta daiteke erabiltzailearen rolarekin identifikatzea hezitzailearenarekin baino gehiago. Hori dela-eta, garrantzizkoa izanen da moduluak eragitea jarrerak asko lantzen diren edukien ikaskuntzan, hau da, heldutasun pertsonaleko prozesuekin, pertsonabarneko eta pertsonen arteko gaitasunen garapenarekin eta zailtasunak onartzeko, balioesteko eta haiei aurre egiteko jarrerekin zerikusia dutenen ikaskuntzan.
Eginen diren ikaskuntzak esanahiz hobeki hornitu ahal izateko, bereziki hain prozedurazkoa den modulu batean, komenigarria izanen litzateke ikasleek ohiko harremana izatea gazteekin zerikusia duten zentro eta zerbitzuekin eta behaketa jarduerak egitea eta, arian-arian, esku-hartzekoak. Horrek aukera emanen lieke trebetasunak eta gaitasunak probatzeko eta gazteen eta beren esku-hartzeari dagokienez beren jarreren gainean hausnartzeko. Halaber, aukera emanen lieke profesionalen harreman eta esku-hartzearen trebetasun eta jarrera desberdinak ikusteko.
Edukien sekuentziazioari dagokionez, komenigarria izanen litzateke ezarritako moduan ematea, gazteekiko aholkularitza eta informazio prozesuaren berezko sekuntzia islatzen baitu.
Proposatzen da lantegi-gelan mota honetako jarduerak egitea:
-Gazteek informazio arloan dituzten beharrak eta eskariak hautemateko tresnak prestatzea eta aplikatzea.
-Gazte taldeei zuzendutako informazio ekintzak, egoera erreal edo asmatuetan, diseinatzea, antolatzea, zehaztea eta ebaluatzea.
-Emandako baldintzetan eta egoeran esku-hartze proiektuak prestatzea, informazioaren teknologiak erabiliz.
-Informazio baliabideetarako gidak prestatzea.
-Gazteei zuzendutako informazio kanpainak aztertzea.
-Gazteen beharrekiko enpatia sustatzera zuzendutako dinamika bibentzialak garatzea.
-Lanbide praktikan gertatzen diren zenbait egoeraren “role-playing” delakoa egitea, inplikatutako alderdi teknikoak eta jarrerazkoak aztertuz.
-Lanbidea gauzatzean gerta daitezkeen dilema etikoen gaineko eztabaidak egitea.
-Landutako edukiekin lotutako filmak eta dokumentalak ikustea.
-Gazteriaren gaineko publizitatea aztertzea.
-Profesionalen eta gazteen arteko elkarreraginak ikustea eta aztertzea.
-Prentsako eta aldizkari espezializatuetako artikuluak aztertzea.
-Beren esperientzia eman dezaketen profesionalen solasaldietara joatea.
-Gazteekin lan egiten duten zentro eta zerbitzuetara bisitaldiak egitea.
Garrantzitsua izanen da talde txikian egindako lana talde handian eta bakarka egindakoarekin tartekatzea.
Modulu honetako eduki gehienetan eskatzen da taldeak gidatzen ikastea eta, ondorioz, garrantzitsua izanen da eduki horien irakaskuntza “Talde dinamizazioa” modulukoekin koordinatzea. Gainera, “Esku-hartze sozioedukatiboa gazteekin” moduluko edukiak partekatzen ditu eta, ondorioz, beharrezkoa izanen da koordinatzea eta zein modulutan eta noiz emanen diren definitzea.
Ebaluazioari dagokionez, garrantzitsua da esku-hartzerako funtsezkoak diren oinarri teorikoak barneratu direla ebaluatzea, eta horrekin batera, ikaskuntzak egoera praktikoetako esku-hartzeen analisira eta diseinura aplikatzeko gaitasuna. Halaber, garrantzitsua da jarreraren garapena ebaluatzea.
Horretarako, proba objektiboak nahiz lan teorikoak erabil daitezke, norberaren sormena edo lan praktikoak izan daitezkeenak (esku-hartze proiektuak diseinatzea, beharrak kasuetan aztertzea, behaketa fitxak prestatzea, etab.). Zein den ere erabiltzen den prozedura, ikasteko balio duen tresnaren ikuspegitik (prestakuntzazko ebaluazioa) begiratu behar zaio, eta ez bildumazko ebaluaziotik soilik, batez ere jarrerazko alderdiak ebaluatu behar direnean.
Prozedurarekin eta jarrerarekin zerikusia duten alderdiak ebaluatzeko, funtsezkoa da ikasleek gelan egin duten lana ebaluatzea, baita ikaslearen gogoetaren ondoriozko autoebaluazioa ere. Aukerarik izan bada ikasleak modu erregularrean gazteendako hezkuntza ez-formaleko hezkuntzarako zentro batera joateko, ikasitakoa biltzen duen memoria egitea ebaluaziorako tresna baliagarria izanen litzateke.
Lanbide modulua: Esku-hartze sozioedukatiboa gazteekin.
Kodea: 1130.
Baliokidetasuna, ECTS kreditutan: 7.
Iraupena: 130 ordu.
Ikaskuntzaren emaitzak eta ebaluazio irizpideak.
1. Gazteei zuzendutako esku-hartze sozioedukatiboaren testuingurua ezaugarritzen du, eta hezkuntza ez-formalaren esparrua hezkuntzaren kontzeptu globalean aztertzen du.
Ebaluazio irizpideak:
a) Gazteei zuzendutako esku-hartze sozioedukatiboaren ezaugarriak deskribatu dira, hezkuntza ez-formalaren esparruan.
b) Gazteei zuzendutako esku-hartze sozioedukatiboaren lege eta gaitasun esparrua interpretatu da, hezkuntza ez-formalaren esparruan.
c) Gazteriarendako politiketan hezkuntza ez-formalak duen rola eta garrantzia aztertu dira.
d) Hezkuntza ez-formaletik abiaturiko prestakuntza ekintzak balioetsi dira, hartzaileek erabakiak hartzeko baliabide iturri modura.
e) Hezkuntza ez-formala ezagutzeko prozedurak identifikatu dira.
2. Gazteriari zuzendutako prestakuntza ekintzak diseinatzen ditu hezkuntza ez-formalaren esparruan, eta gazteen eskariak eta beharrak eta lan metodologia aztertzen ditu.
Ebaluazio irizpideak:
a) Gazteek prestakuntzan dituzten behar eta eskariak identifikatzeko teknikak eta tresnak ezarri dira.
b) Irakaskuntza-ikaskuntza prozesua deskribatu da hezkuntza ez-formalean.
c) Jarreren garapena laguntzeko ezagutzak eskuratzeko ikaskuntza dinamikak eta metodologiak deskribatu dira.
d) Hezkuntza ez-formalak gizarte demokratiko batean parte hartzeko jarrerak garatzean duen garrantziaren gainean argudioztatu da.
e) Erabakiak hartzeko baliabideak ematen dituzten orientazio eta aholkularitzako prestakuntza estrategiak diseinatu dira.
f) Guztiendako irisgarritasun eta diseinu irizpideak ezarri dira prestakuntza ekintzen diseinuan.
g) Prestakuntza ekintzen diseinuan genero ikusmoldea sartu da.
h) Hezkuntza ez-formaletik abiaturik, gazteekin gizartean eta hezkuntzan esku hartzea balioetsi da gazte horien garapen integralerako baliabide modura.
3. Prestakuntza ekintzak antolatzen ditu, eta gazteendako informazio zerbitzuen hezkuntza aukerak eta metodologiak eta edukiak beste prestatzaile batzuekin koordinatzeko moduak aztertzen ditu, hori guztia helburu komunak lortzeko.
Ebaluazio irizpideak:
a) Prestakuntza eragile batzuek hezkuntza ez-formalean duten rola deskribatu da.
b) Sareko lana eta Europan, Estatuan eta autonomietan ezarritako sareak sortzeko, mantentzeko eta erabiltzeko prozesuak aztertu dira.
c) Sarean lan egiteko estrategiak diseinatu dira.
d) Gazteendako irisgarriak diren topaguneak ezarri dira.
e) Gazteendako informazio zerbitzuetan komunak diren helburuak, eskariak eta beharrak identifikatu dira.
f) Informazioaren eta komunikazioaren teknologiek prestakuntza ekintzen diseinuan eta garapenean profesionalen artean lankidetza eta koordinazioa gauzatzeko aukerak deskribatu dira.
g) Informazioaren eta komunikazioaren teknologien bitartez prestakuntza eskaintzak hedatzeko tresnak hautatu dira.
h) Gazteendako prestakuntzarako informazio sareak koordinatzeko zentroen eginkizunak deskribatu dira.
4. Hezkuntza ez-formaleko prestakuntza ekintzak garatzen ditu, eta esku-hartze esparruaren berariazko ezaugarrien arabera beharrezkoak diren baliabideak hautatzen ditu.
Ebaluazio irizpideak:
a) Gazteekin gizartean eta hezkuntzan esku hartzeko esparruak identifikatu dira, hezkuntza ez-formaletik abiaturik.
b) Gazteekin gizartean eta hezkuntzan esku hartzera zuzendutako askotariko jarduerak egin dira.
c) Gazteriarendako interesgarriak diren gaiak hautatu dira.
d) Prestakuntza ekintzak garatzeko iturri eta baliabide dokumentalak hautatu dira.
e) Esku-hartzearen helburuekin bat datozen azpiegiturak eta materialak hautatu dira.
f) Azpiegiturak eta materialak antolatzeko prozedurak ezarri dira, garapen integralaren eta parte-hartzearen irizpideak kontuan hartuz.
g) Prestakuntza ekintzak garatzeko materialak prestatu dira.
h) Prestakuntza ekintzen garapenean giro egokia sortzeak duen garrantzia balioetsi da.
5. Gazteei zuzendutako esku-hartze sozioedukatiboak ebaluatzeko jarduerak egiten ditu, eta hezkuntza ez-formaleko berezko osagai eta tresnak hautatzen ditu.
Ebaluazio irizpideak:
a) Hezkuntza ez-formaleko prestakuntza ekintzak ebaluatzeko sistemak identifikatu dira.
b) Ebaluazio sistema hautatu da, garatutako prestakuntza jardueraren arabera.
c) Prestakuntza ekintzan parte hartzen dutenen informazioa biltzeko ebaluazio eta erregistro protokoloak prestatu dira.
d) Prestakuntza ekintzen ebaluazioa egiteko adierazleak ezarri dira.
e) Prestakuntza ekintzen ebaluazio parte-hartzailea ahalbidetzen duten estrategiak, teknikak eta tresnak hautatu dira.
f) Datuak aztertzeko estrategiak eta teknikak erabili dira prestakuntza ekintzak ebaluatzeko.
g) Ikaskuntza ez-formala ebaluatzeko eta ezagutzeko estrategiak identifikatu dira.
h) Ebaluazioaren emaitzen erabilera protokoloak ezarri dira etorkizuneko ekintzen kalitatea hobetzeko.
Edukiak.
Gazteei zuzendutako esku-hartze sozioedukatiboaren testuingurua ezaugarritzea:
-Nerabezaroaren eta gazteriaren eraikuntza soziala. Teoriak.
-Nerabezaroaren eta gazteriaren garapen psikosoziala:
Aldaketa eta ondorio psikologikoak.
Etapa honetako oinarrizko beharrak: nortasuna, autonomia, sexualitatea, berdinen taldea eta bizitza proiektua.
Etapa honetako gatazka, arrisku eta desegokitzapen nagusiak.
-Gazteei zuzendutako esku-hartze sozioedukatiboa hezkuntza ez-formalaren esparruan. Ezaugarriak eta printzipioak.
-Gazteei zuzendutako esku-hartze sozioedukatiboaren lege eta gaitasun esparrua, hezkuntza ez-formalaren esparruan.
-Gazteriarendako politiken azterketa Estatuan eta autonomietan. Gazteria planak.
-Hezkuntza ez-formala gazteriarendako politiketan. Hezkuntzako helburuak. Ezaugarriak eta eginkizunak.
-Hezkuntza aukeren balioespena. Hezkuntza ez-formala onartzea. Prozedurak.
-Esku-hartze sozioedukatiboaren garrantzia gazteek erabakiak hartzeko eta gizartean parte hartzeko prozesuetan.
Gazteriari zuzendutako prestakuntza ekintzen diseinua:
-Gazteen prestakuntza beharren eta eskarien azterketa:
Prestakuntza beharrak hautemateko metodoak.
Estrategiak, teknikak, tresnak eta baliabideak.
-Irakaskuntza-ikaskuntza prozesuaren azterketa hezkuntza ez-formalean. Berariazko ezaugarriak. Ikasteko dinamikak eta metodologiak. Pigmalion efektua.
-Prestakuntza proiektuen diseinua. Prestakuntza jarduerak.
-Hezkuntza aktiboko metodoen azterketa. Parte-hartzea ikasteko sistema moduan. Hezkuntza ez-formalak parte-hartze jardueretan duten garrantzia balioestea.
-Prestakuntza-ekintza motak:
Erabakiak hartzeko estrategiak. Orientazioa eta aholkularitza.
Sentsibilizazioa.
Parte hartzera motibatzea.
-Guztiendako irisgarritasun eta diseinu irizpideak prestakuntza ekintzen diseinuan.
-Genero ikuspegia gazteei zuzendutako proiektuetan. Kultura arteko ikuspegia.
-Hezkuntza ez-formalak gazteen garapen integralean duen garrantzia balioestea.
Prestakuntza ekintzak antolatzea:
-Prestakuntza eragileen profila aztertzea hezkuntza ez-formalean. Rola eta eginkizunak: kaleko hezitzailea, denbora libreko monitorea, kanpamendu eta kolonia-etxeetako monitorea, aterpetxe eta gaztetxeetako monitorea, baserri-eskoletako monitorea eta natura eskoletako monitorea.
-Talde lana prestatzaileekin:
Profesionalen arteko koordinazioa eta lankidetza prestakuntza ekintzak diseinatzean eta garatzean.
Metodologiak eta kudeaketa.
Informazioaren eta komunikazioaren teknologien aukerak.
-Lana sarean egitea, eta esku-hartze sozioedukatiboaren sareak:
Europako, Estatuko eta autonomietako sareak.
Sareak sortzeko, mantentzeko eta erabiltzeko prozesuak aztertzea.
Gazteendako prestakuntzako informazio sareak koordinatzeko zentroak. Eginkizunak.
Sarean lan egiteko estrategiak.
-Gazteendako topaguneak:
Gazteendako informazio zerbitzua hezkuntzako gune moduan.
Sormen guneak.
Beste batzuk.
-Informazioaren eta komunikazioaren teknologien bitartez prestakuntza eskaintzak hedatzea.
-Informazioaren eta komunikazioaren teknologiek gazteekin esku hartzeko prozesuetan duten garrantzia balioestea.
Prestakuntza ekintzen garapena hezkuntza ez-formalean:
-Esku-hartze sozioedukatiboaren esparruak:
Balioetan heztea.
Osasunerako hezkuntza: aztura osasungarriak sustatzea, drogamendekotasunei aurre egiteko programak, kontsumitzailearen hezkuntza.
Sexu hezkuntza eta hezkuntza sozioemozionala.
Hezkuntza ez-sexista eta genero indarkeriari aurre egitea.
Garapen pertsonaleko, autoezagutzako eta autoestimurako programak.
Gizarte trebetasunak garatzea. Gizartekoitasunaren aldeko jarrera errazteko programak.
Arriskuan dauden adingabeen gizarte hezkuntza.
Ingurumen hezkuntza: jasangarritasun eta herritartasun azturak sustatzea.
Genero indarkeriaren prebentzioa.
Prestakuntza oinarriak emantzipazio prozesuetan. Hezkuntza soziolaborala, enplegua bilatzeko programak.
Informatikako alfabetatzea(ALFIN).
Beste batzuk. Bake hezkuntza, garapenerako hezkuntza.
-Prestakuntza ekintzak egitea:
Jarduketa estrategia eta ildoak gazteekin egindako lanean.
Hezkuntza harreman kualifikatua eta laguntza prozesuak.
Dokumentu eta baliabide iturriak.
Materialak hautatzea eta prestatzea.
Azpiegiturak eta materialak antolatzea.
-Prestakuntza ekintzen garapenean giro egokia ezartzeak duen garrantzia balioestea.
Gazteei zuzendutako esku-hartze sozioedukatiboak ebaluatzeko jarduerak egitea:
-Ebaluazio parte-hartzailea hezkuntza ez-formalean: estrategiak, teknikak eta tresnak.
-Ikaskuntza ez-formala ebaluatzeko eta ezagutzeko estrategiak.
-Prestakuntza jardueren ebaluazio protokolo eta erregistroak prestatzea.
-Ebaluazioetako datuak aztertzeko estrategiak eta teknikak.
-Prestakuntza jardueren txostenak eta memoriak prestatzea.
-Ebaluazioa kalitate osagai moduan gazteekin gizartean eta hezkuntzan esku hartzean. Kalitate adierazle eta irizpideak.
-Hartzaileek ebaluazio prozesuan parte hartzearen garrantzia balioestea.
Orientabide didaktikoak.
Lanbide modulu honen helburua da gazteei zuzendutako esku-hartze sozioedukatiboa diseinatzeko, antolatzeko, burutzeko eta ebaluatzeko beharrezkoa den gaitasuna ikasleek lortzea.
Modulu honek euskarri teorikoa (ezagutza) eskaintzen du gazteen ezaugarri eta behar psikologikoen eta emozionalen gainean, esku-hartze sozioedukatiboarekin zerikusia duten alderdirik adierazgarrienen gainean eta hezkuntza ez-formaleko irakaskuntza-ikaskuntza prozesuaren gainean. Modulu honek prozedurazko osagai funtsezkoa ere eskaini behar du (egiten jakitea), zeinetan garrantzitsuena izanen den ikasleek gazteekin konfiantza harremanak egiten ikastea eta, hortik abiaturik, haiendako mesedegarria izanen den esku-hartze sozioedukatiboa egitea.
Kontuan izanik gazte gehienak oraindik gazteriaren eboluzio-aldian murgildurik daudela, gerta daiteke erabiltzailearen rolarekin identifikatzea hezitzailearenarekin baino gehiago. Hori dela-eta, garrantzizkoa izanen da moduluak eragitea jarrerak asko lantzen diren edukien ikaskuntzan, hau da, heldutasun pertsonaleko prozesuekin, pertsonabarneko eta pertsonen arteko gaitasunen garapenarekin eta zailtasunak onartzeko, balioesteko eta haiei aurre egiteko jarrerekin zerikusia dutenen ikaskuntzan.
Eginen diren ikaskuntzak esanahiz hobeki hornitu ahal izateko, bereziki esku hartzen ikasi beharreko modulu batean, komenigarria izanen litzateke ikasleek ohiko harremana izatea gazteekin zerikusia duten hezkuntza ez-formaleko zentro eta zerbitzuekin eta behaketa jarduerak egitea eta, arian-arian, esku-hartzekoak. Ikaskuntzak hobeki bereganatzeaz gainera, horrek nork bere jarreren gainean gogoeta egiteko aukera emanen lieke gazteekiko harremanetan eta haiekiko esku-hartzean. Halaber, aukera emanen lieke profesionalen harreman eta esku-hartzearen trebetasun eta jarrera desberdinak behatzeko.
Moduluaren prestakuntza helburuak betetzeko, proposatzen da modulua modu paraleloan irakas daitezkeen bi testuinguru berezitu eta osagarrietan zatitzea:
-Testuinguru teorikoagoa, zeinaren helburua moduluko oinarri teorikoak sendotzea izanen litzatekeen, modulu horretako eduki multzo bakoitzeko osagai kontzeptualak lantzeko.
-Testuinguru praktikoa, prozedurazkoagoa eta jarrerazkoagoa, gazteekin egiteko jarduerak planifikatzera, baliabide didaktikoak zehaztera eta norberaren gaitasun pertsonal eta soziala balioestera bideratua.
Gune honetan ataza bideratuko da ikasleei zailak gertatzen zaizkien egoera praktikoak edo bibentzialak prestatzera. Komenigarria izanen litzateke lana talde txikietan egitea, erakundeetan egon direnean izan dituzten bizipenak, zalantzak eta kezkak azaleratzeko, halakoak izateko aukera izan badute. Ikasleak ez badira halako egonaldietara joan, lana bidera daiteke gazteekin izandako esku-hartzearekin zerikusia duten norberaren bizipenak lantzera, beren buruak ezagutzeko eta beren gizarte gaitasuna eraikitzen joateko aukera emanen dieten egoerak lantzeko teknika aktiboak eginez. Azken batean, ikasleek egin ahal izan dituzten esperientzia praktikoen talde laguntza eta tutorizaziorako gunea.
Edukien sekuentziazioari dagokionez, komenigarria izanen litzateke hirugarren eta laugarren multzoetako prozedurazko eta jarrerazko edukiak -gazteendako prestakuntza ekintzak antolatzeari eta garatzeari buruzkoak- gune praktikoago horretan lantzeko uztea. Komenigarria izanen litzateke gainerako edukiak azaldutako moduan irakastea, teorikoagoak diren eta gazteekin gizartean eta hezkuntzan esku hartzearen ordena naturala islatzen duten heinean.
Proposatzen da lantegi-gelan mota honetako jarduerak egitea:
-Gazteekiko enpatia sustatzera zuzendutako dinamika bibentzialak garatzea.
-Gazteek prestakuntza arloan dituzten beharrak eta eskariak hautemateko tresnak prestatzea eta aplikatzea.
-Gazte taldeei zuzendutako prestakuntza ekintzak, egoera erreal edo asmatuetan, diseinatzea, antolatzea, zehaztea eta ebaluatzea.
-Esku hartzeko proiektuak prestatzea, emandako baldintzetan eta egoeretan.
-Lanbide praktikan gertatzen diren zenbait egoeraren “role-playing”-a egitea, inplikatutako alderdi teknikoak eta jarrerazkoak aztertuz.
-Lanbidea gauzatzean gerta daitezkeen dilema etikoen gaineko eztabaidak egitea.
-Landutako edukiekin lotutako filmak eta dokumentalak ikustea.
-Gazteriaren gaineko publizitatea aztertzea.
-Profesionalen eta gazteen arteko elkarreraginak ikustea eta aztertzea.
-Prentsako eta aldizkari espezializatuetako artikuluak aztertzea.
-Beren esperientzia eman dezaketen profesionalen solasaldietara joatea.
-Gazteekin lan egiten duten zentro eta zerbitzuetara bisitaldiak egitea.
Garrantzitsua izanen da talde txikian egindako lana talde handian eta bakarka egindakoarekin tartekatzea.
Modulu honetako eduki gehienetan eskatzen da taldeak gidatzen ikastea eta, ondorioz, garrantzitsua izanen da eduki horien irakaskuntza “Talde dinamizazioa” modulukoekin koordinatzea. Gainera, Prestakuntza ekintzen antolaketa multzoko edukiak eta “Gazteendako informazioa” modulukoak komunak dira. Beraz, beharrezkoa izanen da koordinatzea eta zein modulutan eta noiz irakasten diren definitu beharko da.
Ebaluazioari dagokionez, garrantzitsua da esku-hartzerako funtsezkoak diren oinarri teorikoak barneratu direla ebaluatzea, eta horrekin batera, ikaskuntzak egoera praktikoetako esku-hartzeen analisira eta diseinura aplikatzeko gaitasuna. Halaber, garrantzitsua da jarreraren garapena ebaluatzea.
Horretarako, proba objektiboak nahiz lan teorikoak erabil daitezke, norberaren sormena edo lan praktikoak izan daitezkeenak (esku-hartze proiektuak diseinatzea, beharrak kasuetan aztertzea, behaketa fitxak prestatzea, etab.). Zein den ere erabiltzen den prozedura, ikasteko balio duen tresnaren ikuspegitik (prestakuntzazko ebaluazioa) begiratu behar zaio, eta ez bildumazko ebaluaziotik soilik, batez ere jarrerazko alderdiak ebaluatu behar direnean.
Prozedurarekin eta jarrerarekin zerikusia duten alderdiak ebaluatzeko, funtsezkoa da ikasleek gelan egin duten lana ebaluatzea, baita ikaslearen gogoetaren ondoriozko autoebaluazioa ere. Aukerarik izan bada ikasleak modu erregularrean gazteendako hezkuntza ez-formaleko hezkuntzarako zentro batera joateko, ikasitakoa biltzen duen memoria egitea ebaluaziorako tresna baliagarria izanen litzateke.
Lanbide modulua: Animazio soziokulturalaren testuingurua.
Kodea: 1131.
Baliokidetasuna, ECTS kreditutan: 7.
Iraupena: 100 ordu.
Ikaskuntzaren emaitzak eta ebaluazio irizpideak.
1. Animazio soziokulturala testuingurutzen du, eta hezkuntza ez-formalaren ezaugarriak aztertzen du.
Ebaluazio irizpideak:
a) Gaur egungo gizartearen ezaugarriak azaldu dira.
b) Gaur egungo gizartean soziokulturalki esku hartzeko ereduak aztertu dira.
c) Hezkuntza ez-formala aztertu da animazio soziokulturaleko prozesuetan esku hartzeko gune modura.
d) Hezkuntza ez-formalaren jarduketa arloak deskribatu dira.
e) Hezkuntza ez-formala eta animazio soziokulturala lotu dira.
f) Etengabeko hezkuntzak hezkuntza prozesuen oinarri modura duen garrantzia balioetsi da.
2. Animazio soziokulturaleko prozesuak ezaugarritzen ditu, eta esku-hartze printzipioak aztertzen du.
Ebaluazio irizpideak:
a) Esku-hartze soziokulturalaren oinarri pedagogikoak identifikatu dira.
b) Animazio soziokulturala historian zehar nola garatu den deskribatu da.
c) Animazio soziokulturalarekin zerikusia duten kontzeptuak erlazionatu dira.
d) Animazio soziokulturalaren printzipioak deskribatu dira.
e) Animazio soziokulturala erkidegoa garatzen duen sustatzaile modura balioetsi da.
3. Esku-hartze soziokulturaleko prozesuetan esku hartzen duten gizataldeen ezaugarriak zehazten ditu.
Ebaluazio irizpideak:
a) Pertsonen eboluzio-mugarriak definitu dira.
b) Gizataldeen ezaugarri psikologikoak eta sozialak aztertu dira.
c) Esku-hartze soziokulturaleko prozesuen hartzaileen beharrak deskribatu dira.
d) Esku hartzeko guneak antolatu dira, nahi duten guztiendako irisgarri izanen direla bermatuz.
e) Animazio soziokulturaleko guneak erabiltzaileen beharrekin lotu dira.
f) Esku-hartze soziokulturaletan prebentzio eta segurtasun neurriak ezarri dira, esku hartzen duten gizataldeen beharrak zein dein kontuan hartuz.
g) Erabiltzaileei izan beharreko errespetuaren eta tolerantziaren garrantzia balioetsi da.
4. Animazio soziokulturaleko esparruak ezaugarritzen ditu, eta hartzaileen ezaugarriak eta beharrak aztertzen ditu.
Ebaluazio irizpideak:
a) Animazio soziokulturaleko esparruak deskribatu dira.
b) Esku hartzeko esparruak erabiltzaileen ezaugarriekin lotu ditu.
c) Animazio soziokulturaleko esparruen lege markoa aztertu da.
d) Animazio Soziokultural eta Turistikoko goi mailako teknikariaren eginkizunak identifikatu dira, esku-hartze esparruak kontuan hartuz.
e) Informazioaren teknologiak erabiltzaileen beharren gaineko informazio iturri modura erabili dira.
5. Animazio soziokulturaleko zerbitzuak eta programak ezaugarritzen ditu, eta erabiltzaileen behar eta ezaugarriekin erlazionatzen ditu.
Ebaluazio irizpideak:
a) Estatuan eta autonomietan kultura jarduerak sustatzeko politikak aztertu dira.
b) Hirugarren adineko pertsonekin esku-hartze soziokulturaleko zerbitzuak eta programak ezaugarritu dira.
c) Desgaitasuna duten pertsonekin esku-hartze soziokulturaleko zerbitzuak eta programak ezaugarritu dira.
d) Esku-hartze soziokulturaleko zerbitzuetara iristeko neurriak identifikatu dira.
e) Animazio soziokulturaleko zerbitzuak informazioaren teknologien bidez deskribatu dira.
f) Gizarte proiektuaren garrantzia balioetsi da animazio soziokulturalean esku hartzeko tresna modura.
g) Esku-hartze soziokulturaleko zerbitzuetan aukera berdintasuna sustatzeko neurriak balioetsi dira.
Edukiak.
Animazio soziokulturalaren testuingurua:
-Gaur egungo gizartearen ezaugarriak.
-Gaur egungo gizartean esku-hartze soziokulturalaren ereduak aztertzea.
-Hezkuntza ez-formala.
-Animazio soziokulturala eta hezkuntza ez-formala.
-Gaur egungo gizartearen konfigurazioaren garrantzia animazio soziokulturalaren garapenean.
Animazio soziokulturaleko prozesuen ezaugarritzea:
-Pedagogia soziala eta animazio soziokulturala.
-Animazio soziokulturala.
-Animazioaren alderdi historikoen eta bilakaera alderdien azterketa.
-Animazio soziokulturalaren printzipioak.
-Animazio soziokulturalak erkidegoa garatzen duen sustatzaile modura duen garrantzia.
Esku hartzen duten gizataldeen ezaugarriak zehaztea:
-Eboluzio psikologia. Pertsonen bilakaeraren garapena.
-Esku-hartze soziokulturalaren hartzaileen ezaugarri psikologikoak eta sozialak.
-Esku-hartze soziokulturalean esku hartzen duten gizataldeen beharrak.
-Guneen antolaketa esku hartzen duten gizataldeen beharren arabera.
-Prebentzioa eta segurtasuna esku-hartze soziokulturalean.
-Gizaltaldeen beharrei errespetua eta tolerantzia izan behar zaiela balioestea.
Animazio soziokulturaleko esparruen ezaugarritzea:
-Esku-hartze soziokulturalaren esparruak.
-Esku hartzeko esparruak eta erabiltzaileen beharrak aztertzea. Oinarrizko printzipioak: pertsonaren duintasuna, etika printzipioak, autonomiari, intimotasun-pribatutasun-isilpekotasunari errespetua izatea, datuen babesa, gatazkei nola aurre egin.
-Animazio soziokulturala eta hirugarren adineko pertsonak.
-Animazio soziokulturala eta desgaitasunak dituzten pertsonak.
-Animatzaile soziokulturalaren eginkizunak. Profesionalen ardura.
-Teknologia berriak informazio iturri modura.
-Errespetuaren eta tolerantziaren garrantzia esku-hartze soziokulturalean. Generoaren arreta eta garapena esku-hartze soziokulturalean.
Esku-hartze soziokulturaleko zerbitzuen eta programen ezaugarritzea:
-Sustapen soziokulturalaren lege markoa.
-Esku-hartze soziokulturaleko zerbitzuen azterketa.
-Sustapen soziokulturaleko programak:
Haurtzaroa eta gazteria.
Hirugarren adineko pertsonak.
Desgaitasuna duten pertsonak.
Beste gizatalde batzuk.
-Animazio soziokulturaleko zerbitzuak eta teknologia berriak.
-Irisgarritasuna esku-hartze soziokulturaleko zerbitzuetan.
Orientabide didaktikoak.
Modulu honek ikasleei aukera ematen die arlo hauetan oinarritutako ezagutzak prestatu eta bereganatzeko: pertsonen ezaugarri eta tresna psikologikoak eta testuinguru sozial eta kulturalen aniztasunaren ezaugarriak eta tresnak, gizartearen prozesu dinamikoa eta etengabeko eraldaketaren prozesua eta teknologia berriak erabiltzea gizartean harremanak egiteko eta komunikazio, elkarreragin eta ezagutzako testuinguruak sortzeko modu berrietan.
Errealitatearen eta praktikaren gaineko gogoeta egitea eta gaurkotasunaren testuinguru sozialetara etengabean egokitzea ezinbesteko osagaiak dira Animazio Soziokultural eta Artistikoko goi mailako teknikariaren errealitate profesionalera egokitzeko eta hartara doitzeko eta, horrenbestez, lanbidean komunak diren alderdi profesionalen gaineko gogoetarako gunea ezartzeko aukera dago. Horrenbestez, moduluari esleitutako orduetatik zenbait ordu lanbideko gaiak lantzeko erabil daitezke, hausnarketa tematikoaren ikuspegitik hasita; entitate desberdinetan eta lanbide profilaren (orientazioa) antzekoak diren esku-hartze arloetan nola egiten den lan behatzearen ondorio dira gai horiek.
Edukien sekuentziazioari dagokionez, egokiagotzat jotzen da curriculum honetan dagokion atalean adierazitako proposamena mantentzea.
Erreferentzia modura, zenbait jarduera-mota iradokitzen dira edukiak garatzeko eta antzeko beste jarduera batzuetarako erabilgarriak izan daitezkeenak:
-Informazioa bilatzea eta hura aztertzea teknologia berrietako baliabideen bitartez.
-Dilema moralekin lan egitea.
-Gaiarekin zerikusia duten erreportajeak, film laburrak edo filmak ikustea eta jarraian haien azterketa esanguratsua egitea.
-Lankidetza jarduerak antolatzea eta garatzea, askotariko egoera pertsonal edo sozialen aurrean erantzuteko jarduerak eta moduak bereganatu ahal izateko.
-Kasu praktikoren bat edo gairen bat ebaztea.
-Lanbide arloko adituen edo profesionalen hitzaldietara joatea.
Jarduera hauek egiteko nola modulu honen garapen orokorrerako, besteak beste, ondoko baliabideak erabil daitezke:
-Gizarte eta turismo esparruetan espezializatutako aldizkarietako artikuluak.
-Gaiarekin zerikusia duten erreportajeak, film laburrak edo filmak.
-Moduluarekin zerikusia duten gaurkotasuneko berri eta artikulu hautatuak lantzen dituzten komunikabideak.
-Irudi grafikoak: argazkiak, umore-zerrendak, komikiak.
-Eduki, aplikazio eta sare sozialei buruzko web orriak.
-e-learning plataformak, Moodle motatakoak edo bestelakoak.
-Informazioaren eta komunikazioaren teknologiekin zerikusia duten aplikazioak, hala nola, wiki-ak, webquest-ak, slideshare-ak, bideo prestaketak, etab.
-Sektoreko profesionalen solasaldiak.
-Sektorearekin eta garatutako gaiekin zerikusia duten entitateetara bisitak egitea.
Eginen diren ikaskuntzak esanahiz hobeki hornitu ahal izateko, komenigarria izanen litzateke ikasleek ohiko harremana izatea esku-hartze soziokulturalarekin eta turismo jarduerekin zerikusia duten zentroekin eta zerbitzuekin.
Beste modulu batzuekiko loturari dagokionez, haietatik hurbil dauden lotura batzuk aipa daitezke baina ikusirik zein diren lanbide profilaren ezaugarriak, uste da moduluak koordinatzeko lana zeharka egin behar dela modulu guztietan.
Gomendagarria izanen litzateke ordutegi trinkoa izatea, batetik, edukiak garatzerakoan eta lantzerakoan laneko denbora eta jarraipena optimizatzeko, eta bestetik, talde lanaren testuinguru profesionalaren antzekoa izan dadin jarduerak taldeetan garatzea errazteko.
Ikasleen ebaluazioari dagokionez, ebaluazioan sar daitezke esku-hartze proiektuen beharrak eta oinarriak aztertzeko atala prestatzean erakutsitako gaitasunei eta trebetasunei buruzko itemak. Ebaluazioan ere sar ditzakegu talde lanaren gaitasunei eta trebetasunei buruzko itemak, bai ikasgelako egindako lan prozesuetakoak, bai ikasleek egin ditzaketen aplikazio instrumentalekoak.
Lanbide modulua: Ingelesa I.
Kodea: NA01.
Iraupena: 60 ordu.
Ikaskuntzaren emaitzak eta ebaluazio irizpideak.
1. Interesatzen zaizkion eguneroko gaiei buruz ingelesez ohiko mintzairan idatzitako testu errazak ulertzen ditu, independentzia maila onargarriarekin, eta garrantzia duen informazio orokorra edo berariazkoa ateratzea lortzen du.
Ebaluazio irizpideak:
a) Gai arruntei buruzko testu batean, ideia orokorra edo intereseko informazioren bat bilatu eta ulertu du.
b) Eguneroko testuak irakurtzeko teknika egokia aplikatu du, testu motaren eta helburuaren arabera, informazio garrantzitsua bilatzeko.
c) Lan jakin bat egiteko behar diren datuak eta informazioak atera dira erabilera arrunteko testu zati edo testu desberdinetatik, edo, hiztegiaren laguntzaz, bestelako iturrietatik.
d) Hitz ezezagunen esanahia testuingurutik ondorioztatu du, ikaslearen interesekin zerikusia duten gaietan edo ezohiko gaietan.
e) Aparatu edo ekipamendu bat erabiltzeko jarraibide sinpleak zehaztasunez interpretatu ditu.
f) Testuinguruan kokatzearen eta koherentziaren irizpideak aplikatu dira itzulpen tresnek emandako informazioaren hautapena egiteko.
2. Bere intereseko gaien gainean edo eguneroko bizitzako jardueren gainean ingelesez eta ahoz emandako informazio bateko ideia nagusiak ulertzen ditu, aurrez aurreko komunikazio egoeretan zein bestelakoetan, solaskideek argi eta astiro hitz egiten dutelarik.
Ebaluazio irizpideak:
a) Mezu labur batzuk, hala nola abisuak, oharrak edo iragarkiak, osorik ulertu dira, betiere inguruko hotsek distortsio handirik eragiten ez duten egoeran.
b) Doitasunez identifikatu dira norberaren jardueraren elementu aurreikusgarriekin (hala nola zenbakiak, kantitateak eta denborak) zerikusia duten datuak eta ekintzak.
c) Argi eta hizkuntza estandarrean ari diren ingeles hiztun batzuen arteko elkarrizketaren gaia identifikatu da.
d) Bere eguneroko jarduerei buruz hizkera argian esan zaiona zailtasunik gabe ulertu du (noizean behin zerbait errepikatzeko edo beste modu batera esateko eskatzen utzi zaio).
e) Eguneroko ohiko gaiei buruzko mintzaldi grabatuetan edo solaskidea aurrean izan gabe, argi eta astiro mintzatuz emandako informazioen funtsezko elementuak identifikatu dira.
3. Bere intereseko gaiekin zerikusia duten agiriak bete eta gutunak, mezuak edo jarraibideak idazten ditu ingelesez, komunikazio eraginkorrak eskatzen duen kohesio eta koherentziarekin.
Ebaluazio irizpideak:
a) Formularioak, txosten laburrak eta bestelako agiri normalizatuak edo errutinazkoak bete dira, okerrik gabe eta berariazko terminologia erabiliz.
b) Gutunak, faxak, mezu elektronikoak, oharrak eta txosten sinple eta zehatzak idatzi dira, horrelako testuei dagozkien arauak betez.
c) Eguneroko gaiei buruzko informazioak, aldizkari eta liburuxketatik, Internetetik eta beste iturri batzuetatik jasoak, fidagarritasunez laburtu dira, jatorrizko testuetako hitzak eta antolaketa erabiltzeko aukera izan delarik, testu laburrak edo laburpen koherenteak sortzeko ohiko formatu batean.
d) Gutunak, deskribapenak eta gai orokorrei edo norberaren intereseko gaiei buruzko beste idazki batzuk egin dira, datuak, iritzi pertsonalak edo sentimenduak adieraziz, zehaztasun eta doitasun maila nahikoarekin.
e) Norberaren jarduerari dagozkion agiriak egitean zuzentasun nahikoa lortu da oinarrizko elementu gramatikaletan, puntuazio zeinuetan eta ohiko hitzen ortografian, egitura koherente eta sendoa osatu da, eta eguneroko bizitzan norberari interesatzen zaizkion gai gehienei buruz nahikoa argi mintzatzeko moduko hiztegia erabili da.
f) Idatzizko dokumentuak egitean kontuan hartu dira hartzailearen ezaugarri soziokulturalak eta komunikazioaren ingurunea.
g) Testuinguruan kokatzearen eta koherentziaren irizpideak aplikatu dira itzulpen tresnek emandako informazioaren hautapena egiteko.
4. Eguneroko bizitzako gaiei buruz nahiko arin eta garbi mintzatzen da aurrez aurreko edo urrutiko elkarrizketetan, hitz eta esapide sinpleak erabiliz.
Ebaluazio irizpideak:
a) Mintzatzeko intonazio egokia eta ahoskera argi eta ulergarria erabili dira, atzerritar doinua nabarmena izan arren, eta mintzakideek noiz edo behin zerbait errepikatzeko eskatu behar izan badute ere.
b) Aurreikusi gabeko egintza edo gertaeren deskribapenak edo kontaketak egin dira, ongi ulertzeko moduko xehetasun mailarekin.
c) Itzulinguruak erabili dira hiztegiaren hutsuneak gainditzeko.
d) Doitasunez mintzatu da, behar adinako hiztegia eta esaldi errazak eta estandarizatu samarrak erabiliz, norberaren lanbide eremuarekin zerikusia duten kantitate, zenbaki, ezaugarri eta gertaeren inguruko informazioa ematerakoan.
e) Ingelesezko ahozko adierazpena komunikazio egoerara egokitu du, hitzik gabeko komunikaziorako behar diren elementuak erantsiz.
5. Beste pertsona batzuekin ingelesez mintzatzen da, elkarren intereseko eguneroko gaiei buruz hizketa sinple eta zuzena eginez.
Ebaluazio irizpideak:
a) Aurrez aurreko elkarrizketa sinpleak hasi, jarraitu eta bukatu dira interes pertsonaleko gaiei buruz.
b) Eguneroko egoerei buruzko ahozko elkarrizketa laburretan parte hartu da zailtasunik gabe, gai ezagunak hizpide hartuta.
c) Noizbehinka solaskideei zerbait argitu edo errepikatzeko eskatu zaie, iragar daitezkeen egoerez ari direnean.
d) Elkarrizketa kasuan kasuko komunikazio inguruneari dagokion moduan hasi edo amaitzeko ohiko hitz egokiak erabili dira.
e) Ahozko interakzioa, hitzik gabeko mintzaira barne, komunikazio motari (aurrez aurrekoa edo urrutikoa), komunikazio egoerari (formala edo informala) eta solaskidearen ezaugarri soziokulturalei egokitu zaie.
f) Norberaren lanbide eremuko gizarte interakzioko ohiko egoeren inguruan mintzatzeko behar bezain aberatsa den hiztegia erabili da.
Edukiak.
Eduki lexikoak:
-Eguneroko bizitzari buruzko hiztegia eta terminologia, batik bat arlo hauetakoa: bidaiak eta turismoa (garraiobideak, ostatua...), aisia, sentimendu pertsonalak, errutinak eta bizi ohiturak, jantziak, elikadura, etxebizitza, erosketak, osasuna, lanaren mundua, komunikabideak, instalazio eta zerbitzu publikoak...
-Lanbide eremuko oinarrizko hiztegia eta terminologia.
Eduki gramatikalak:
-Aditz-denborak.
-Hitzen eraketa.
-Preposizioak, juntagailuak eta adberbioak.
-Aditz laguntzaileak eta modalak.
-Erlatibozko perpausak.
-Koherentzia eta kohesio elementuak: lokailuak.
-Boz pasiboa. Hizkera tekniko-zientifikoa.
-Baldintzazkoak.
-Zehar estiloa.
Eduki funtzionalak:
-Hasierako eta amaierako agurrak gizarteko ohiko egoeretan.
-Galdetzea eta erantzutea informazio orokorra jaso edo emateko, datuak eskatzeko, etab.
-Norberaren intereseko gaien azalpen eta aurkezpenak entzutea eta garrantzizko informazioa bereiztea, oharrak edo laburpenak idatziz.
-Konparatzea eta erkatzea; alde onak eta txarrak.
-Adostasuna eta desadostasuna azaltzea.
-Asmoak eta planak adieraztea.
-Gustuak eta lehentasunak adieraztea.
-Iradokizunak, gomendioak, kexak eta eginbeharrak adieraztea.
-Norberaren intereseko gaiei buruzko iritziak ematea eta iritzi horiek argudiatzea.
-Pertsonak deskribatzea eta gertaerak kontatzea.
-Iraganari eta etorkizunari buruz gogoeta egitea. Hipotesiak azaltzea.
-Testu bateko gai nagusia laster identifikatzea.
-Testu bateko berariazko xehetasunak zehaztasunez kokatzea eta agerikoa ez den esanahia ondorioztatzea.
-Dokumentu generiko luze bateko edo batzuetako informazioak planifikatu eta idatziz laburtzea.
-Informazioa edo iritzia adierazten duten testu koherenteak osatzea.
-Inprimakiak edo erabilera arrunteko agiriak betetzea.
-Formatua eta egitura egokitzea helburu desberdinak dituzten idatzizko testuak antolatzeko (txostenak, jarraibideak, mezu elektronikoak...).
-Hiztegiak edo erreferentziazko bestelako materialak, baliabide elektronikoak barne, trebetasunez erabiltzea, hitz ezezagunek kasuan kasuko testuinguruan zer esan nahi duten jakiteko.
-Informazioak eta ideiak ahoz aurkeztea sekuentzia logikoan.
-Telefono deiak egin eta hartzea. Mezuak utzi eta jasotzea.
-Beste pertsona baten hitzak transmititzea: aginduak, jarraibideak, galderak, eskaerak...
-Eguneroko bizimoduarekin zerikusia duten gertaerak, azalpenak, jarraibideak eta deskribapenak ahoz adieraztea, zuzen mintzatuz.
-Komunikazioaren estiloa hartzaileari, inguruneari eta komunikazioaren helburuari egokitzea.
-Hitzik gabeko komunikazioaren estrategiak erabiltzea, ahozko interakzioa indartzeko.
Gizarte eta lanbide edukiak:
-Norberarekin komunikatzen diren bezero edota profesionalak zein herrialdetakoak diren, hango giza, gizarte eta lanbide harremanak arautzen dituzten arauak, protokoloak eta ohitura nagusiak identifikatu eta aztertzea.
-Ingelesezko harremanetarako arauak identifikatu eta aplikatzea, bereziki kontuan hartuz Interneten erabiltzen diren adeitasunezko konbentzioak.
-Bestelako kulturak eta haiek osatzen dituzten pertsonak ezagutzeko gogoa eta haienganako errespetua eta jarrera irekia agertzea.
-Binaka eta taldeka eta ezagutza arlo anitzeko eremuetan lan egiteko prest egotea.
Orientabide didaktikoak.
Ingelesa I nahitaezko lanbide moduluak ikasleen hizkuntza gaitasuna indartzea du funtsezko helburu. Bereziki nabarmentzen ditu bizitza arrunteko eta lanbide bizitzako ohiko komunikazio egoeretan aise moldatzea ahalbidetuko dieten trebetasunak.
Europan hainbat azterlan egin dira langileek beren lan jarduerarekin zerikusia duten egoeretan hizkuntzak erabili beharrari buruz zer dioten jakiteko. Azterlanok agerian jarri dutenez, behar hori, lehenik, hertsiki lanbide arlokoak ez diren gizarte harremanetan nabaritzen dute langileek. Beraz, modulu honetan ikasleei ingeles teknikoa irakatsi baino areago, hizkuntza ohiko komunikazio egoeretan erabiltzen irakatsi nahi zaie, profil bakoitzari dagokion lanbide ingurunea ikasgelan proposatzen diren irakaskuntza-ikaskuntzako jardueretan sartzeari uko egin gabe, noski. Alderdi hori agerian jartzen da, halaber, lanbide heziketako ikasleek etengabeko ikaskuntzarako Europako programetan parte hartuta beste herrialde batzuetan dituzten esperientzietan.
Horregatik guztiagatik, eta hizkuntzetarako Europako Erreferentzia Esparruan proposatzen denarekin bat, modulu honen bidez ikasleek komunikazio eraginkorra lortu behar dute egiazko egoeretan, bizitza arrunteko egoerak izan nahiz lanbide arlokoak izan.
Irakaskuntza-ikaskuntzako prozesua, helburu horri begira, nabarmenki praktikoa den ikuspuntu batetik bideratu behar da. Gramatikaren irakaskuntza aurreko kurtsoetan ikasitakoaren berrikuspen gisa hartu behar da eta ikasleentzat egiazko interesa duten komunikazio egoeretan txertatu. Horrela ikasleak errazago ohartuko dira ikasi behar duten hizkuntzan beren kasa moldatu beharra dutela. Era berean, ahaleginak egin beharko lirateke, lehenik eta behin, ikasleak gai izan daitezen modu autonomo eta koherentean komunikatzeko. Gero, adierazpenaren zuzentasunari, jarioari eta zehaztasunari ekinen zaie. Ikasgelan, bai irakasleak bai ikasleak ingeles hutsean aritzeak ederki lagunduko du lortu nahi diren helburuak betetzen.
Irakaskuntza-ikaskuntza prozesuan egiten diren jarduerak egokiro diseinatu behar dira, ikasleei erakusten dizkieten komunikazio egoerak ahalik eta benetakoenak izan daitezen, ulermena eta mintzamena eta, beraz, interakziorako trebetasunak bereziki indartu daitezen.
Irakurmena lantzeak aukera ona eman dezake ikaskuntza lanbide eremuaren ingurunean kokatzeko, datuak, informazioak eta berariazko hiztegia atereaz egiazko dokumentuetatik. Horiek, neurri handian, Interneten bidez eskuratzen ahalko dira. Ildo beretik lagungarria izan daiteke ikasleek aurkezpen elektronikoak egitea, beren lanbide eremuko lan prozesuak, eragiketetarako jarraibideak, makinen funtzionamendua eta abar deskribatzeko.
Komunikazioaren teknologiak oso tresna baliotsuak dira ikasleak benetako komunikazio egoeretan kokatzeko. Haietako batzuk arestian aipatu ditugu, eta beste batzuk gehitzen ahal zaizkie: webquest-ak, e-lagunekin posta elektronikoa trukatzea, e-Twinning erako proiektuetan parte hartzea, blog-etan parte hartzea, etab, Interneten dagoen baliabide iturri ia agortezina ahaztu gabe (hiztegiak, podcast-ak, vodcast-ak, argitalpen teknikoak...). Baliabide horiek eskuratzen errazak dira eta, askotan, doakoak. Kontuan hartu behar da, halaber, heziketa zikloetatik abiaturik ikasleek etengabeko irakaskuntzarako Europako programetan parte har dezaketela. Hori pizgarri bat gehiago izan daiteke ikasleei interesatzen zaizkien komunikazio egoera bene-benetakoak planteatzeko.
Arreta jarri behar zaion beste kontu bat gaitasun soziolinguistikoen garapena da, gaitasun horiek irakaskuntza-ikaskuntza prozesu osoa kutsatu behar baitute. Garrantzitsua da, prestakuntza helburudun honen esparruan, bermatu ahal izatea ikasleek badakizkitela hizkuntza erabiltzeko konbentzioak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, ingelesa ama hizkuntza duten herrien idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza ikasleen komunikaziorako gaitasunaren balorazioa izan dadila, hau da, ikustea nola baliatzen dituzten beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horri begira seinalatu dira modulu honetako ebaluazio irizpideak eta, ildo berean, hizkuntzetarako Europako Erreferentzia Esparrua oso bitarteko baliotsua izan daiteke ebaluazio tresnak diseinatzeko.
Lanbide modulua: Lehen sorospenak.
Kodea: 0020.
Baliokidetasuna, ECTS kreditutan: 3.
Iraupena: 60 ordu.
Ikaskuntzaren emaitzak eta ebaluazio irizpideak.
1. Larrialdi batean eman beharreko laguntzaren lehen balorazioa egiten du, eta arriskuak, eskura dauden baliabideak eta behar den laguntza mota deskribatzen ditu.
Ebaluazio irizpideak:
a) Ingurua aseguratu da, prozedura egokiaren bidez.
b) Istripua izan duten pertsonak manipulatzean norbera babesteko teknikak identifikatu dira.
c) Larrialdietarako botika-kutxaren gutxieneko edukia eta bertako produktuak eta botikak erabiltzeko jarraibideak deskribatu dira.
d) Jarduteko lehentasunak ezarri dira, biktimak asko direnean.
e) Arnasbideak libre daudela egiaztatzeko prozedurak deskribatu dira.
f) Aireztatze-oxigenatzearekin egokiak diren funtzionamendu baldintzak identifikatu dira.
g) Odoljarioa dagoenean jarduteko prozedurak deskribatu eta gauzatu dira.
h) Konorte maila zein den jakiteko prozedurak deskribatu dira.
i) Bizi konstanteak neurtu dira.
j) Jarduteko sekuentzia identifikatu da, ILCORek (Berpizteari buruzko Nazioarteko Koordinazio Batzordea) ezarritako protokoloaren arabera.
2. Oinarrizko bizi-euskarriaren teknikak aplikatzen ditu, eta haiek deskribatzen eta lortu beharreko helburuarekin erlazionatzen ditu.
Ebaluazio irizpideak:
a) Bihotz-biriketako bizkortzearen oinarriak deskribatu dira.
b) Arnasbideak irekitzeko teknikak aplikatu dira.
c) Aireztapena eta zirkulazioa bizkortzeko teknikak aplikatu dira.
d) Kanpoko desfibrilazio erdiautomatikoa (DEA) egin da.
e) Bizkortze ondoko neurriak aplikatu dira.
f) Lesio, patologia edo traumatismo ohikoenak zein diren azaldu da.
g) Istripua izan duenaren lehen mailako eta bigarren mailako balorazioak deskribatu dira.
h) Lehen sorospenak aplikatu dira, agente fisiko, kimiko eta biologikoek eragindako lesioen aurrean.
i) Lehen sorospenak aplikatu dira, larrialdietako patologia organikoen aurrean.
j) Zein kasu edo egoeratan ez den esku hartu behar zehaztu da.
3. Biktimak immobilizatzeko eta mobilizatzeko prozedurak aplikatzen ditu, baliabide materialak eta teknikak aukeratu ondoren.
Ebaluazio irizpideak:
a) Biktimari laguntzeko behar diren maniobrak egin dira.
b) Immobilizatzeko eta mobilizatzeko baliabide materialak identifikatu dira.
c) Zauritua jarrera egokian egon dadin hartu behar diren neurriak deskribatu dira.
d) Mobilizazio eta garraio ezegokien ondorioak azaldu dira.
e) Eriak eta zaurituak immobilizatzeko eta mobilizatzeko sistemak prestatu dira, material konbentzional eta arruntak edo konbentzional eta arruntak edo inguruan eskura dauden materialak erabiliz.
f) Segurtasunerako eta norbera babesteko arauak eta protokoloak aplikatu dira.
4. Laguntza psikologikoko eta autokontroleko teknikak aplikatzen dizkie istripua izan duenari eta lagunei, eta komunikaziorako estrategia egokiak deskribatu eta aplikatzen ditu.
Ebaluazio irizpideak:
a) Istripua izan duenarekin eta lagunekin komunikatzeko oinarrizko estrategiak deskribatu dira.
b) Istripua izan duenaren premia psikologikoak detektatu dira.
c) Istripua izan duenaren egoera emozionala hobetzeko laguntza psikologikoaren oinarrizko teknikak aplikatu dira.
d) Istripua izan duenari jarduketa osoan zehar konfiantza eta baikortasuna eragitearen garrantzia baloratu da.
e) Istripu, larrialdi eta dolu egoeretan antsietatea dakarten faktoreak identifikatu dira.
f) Dolu, antsietate eta larritasun edo oldarkortasun egoerak kontrolatzeko zein teknika erabili behar diren zehaztu da.
g) Laguntza emateko ahaleginaren porrota psikologikoki gainditzeko zein teknika erabili behar diren zehaztu da.
h) Estres egoeretan autokontrolak duen garrantzia baloratu da.
Edukiak.
Larrialdian eman beharreko laguntzaren lehen balorazioa:
-Larrialdi sistemak.
-Lehen sorospen xedeak eta mugak.
-Lege markoa, erantzukizuna eta lanbide etika.
-Istripu motak eta horien ondorioak.
-Bizi-estutasunaren zeinuak helduengan, haurrengan eta bularreko haurrengan.
-Ingurua babesteko metodoak eta materialak.
-Norberak hartu beharreko babes neurriak.
-Lehen laguntzetako botika-kutxa.
-Jarduteko lehentasunak, biktimak asko direnean. Biktimak aukeratzeko metodoak.
-Larrialdiaren zeinuak eta sintomak.
-Konorte mailaren balioespena.
-Bizi-konstanteen neurketa.
-Miaketarako protokoloak.
-Terminologia mediko-sanitarioa lehen sorospenetan.
-Informazioa emateko protokoloa.
Bizi-euskarriaren tekniken aplikazioa:
-Arnasbideak irekita daudela kontrolatzea.
-Bihotz-biriketako bizkortze oinarrizkoa.
-Kanpoko desfibrilazio erdiautomatikoa (DEA).
-Istripua balioestea.
-Hasierako laguntza, agente fisikoek eragindako lesioetan (traumatismoak, beroa edo hotza, elektrizitatea eta erradiazioak).
-Hasierako laguntza, agente kimiko eta biologikoek eragindako lesioetan.
-Hasierako laguntza, larrialdietako patologia organikoetan.
-Norberaren eskumenak gainditu gabe jardutea.
Immobilizatzeko eta mobilizatzeko prozeduren aplikazioa:
-Lekuz aldatzeko beharraren balorazioa.
-Segurtasuneko eta itxaroteko jarrerak.
-Immobilizazio teknikak.
-Mobilizazio teknikak.
-Ohatilak eta immobilizatzeko materialak egitea.
Laguntza psikologikoko eta autokontroleko tekniken aplikazioa:
-Komunikaziorako oinarrizko estrategiak.
-Lehendabizi esku hartzen duenaren eginkizunaren balorazioa.
-Jende arteko komunikazioa errazten duten teknikak.
-Istripu edo larrialdietan antsietatea eragiten duten faktoreak.
Orientabide didaktikoak.
Modulu honek biltzen dituen gaitasunak beharrezkoak dira istripu, hondamendi edo eritasunen biktimei presako sorospena eta laguntza teknikoa eman ahal izateko. Istripua edo ondoeza izan duen pertsonari gertaeren lekuan bertan, laguntza espezializatua lortu arte, hasierako uneetan egiten zaizkion keinuak edo hartzen diren neurriak dira aztergai.
Segurtasunaren arloko beste prestakuntza tekniko batzuetan ez bezala, Lehen Sorospenetan lortzen diren ezagutzak eta gaitasunak, langilearen lanbide ingurunean ez ezik, eguneroko bizitzako edozein egoeratan erabil daitezke. Beraz, gaitasunak eskuratu behar dira gertaleku jakinetan, eta teknika zehatzak aplikatzen ikasi behar da ezusteko egoeretan eta baliabide mugatuekin.
Praktikotasun handiko modulua da, bizkor eta segurtasunez aplikatu behar diren protokolo zehatz batzuen ezagutzan oinarritua. Horregatik, ordu gehienak balio anitzeko gelan eginen dira. Bertan egoerak antzezten ahalko dira eta aipatutako protokoloak aplikatu. Trebetasun horiek lortzeko, beharrezkoak izanen dira manikiak, garraio sistemak, immobilizatzekoak, bizkortzekoak eta simulazioak egitekoak.
Irakasteko metodologiari dagokionez, larrialdien ezaugarriak eta esku hartzean azaltzen diren eskari emozionalak kontuan izanik, prestakuntzak barnean hartu behar du benetako egoeretako eskakizun berberen esperimentazioa, simulatua nahiz birtuala. Horretarako, larrialdi desberdinen simulazioak erabiltzea proposatzen da. Ikasleek egoera horiei erantzun beharko diete, eta bideoan grabatzeko aukera izanen da.
Haietan kasua aurkezten da, ikasleak larrialdi batean izanen lukeen ohiko informazioarekin, eta beragandik espero denari buruzko jarraibideak ematen zaizkio. Gero jarduketa praktikoa dator, eta azkenik, “biktimen”, ikaskideen eta irakaslearen balorazioa. Saio horien bitartez jardunbide egokiak eta portaeren automatizazioa lortu nahi dira.
Edukiak lan unitatetan antolatu beharko dira eta horietako bakoitzaren helburuak, ikaskuntzaren emaitzak, ebaluazio irizpideak, jarduerak, ebaluazio sistemak eta abar identifikatuko dira. Lan unitateak prozesu logiko baten arabera ordenatuko dira: lehendabizi egoerak ezagutu eta aseguratu behar dira, gero larrialdiko laguntza aplikatzeko. Ondoren, prebentzio eta segurtasun egoerak aztertuko dira, eta azkenik, komunikazioari, laguntza psikologikoari eta autokontrolari buruzko edukiak eta teknikak; horiek, beren zeharkakotasun nabarmena dela-eta, lan-unitateetan proposatzen diren jarduera gehienetan aplikatzen ahalko dira.
Hala, edukien antolaketarako eskema hau proposatzen da:
-1. gai multzoa: Larrialdi sistemaren antolaketa. Lege markoa. Oinarrizko istripu motak. Ondorioak. Egoeren hasierako balorazioa. Lehentasunak ezartzea. Bizi konpromisoaren zeinuak helduengan eta haurrengan. Berariazko terminologia. Norbera babesteko eta inguruak segurtatzeko neurriak. Konorte mailaren balorazioa, bizi-konstanteak. Istripua izan duenaren balorazio orokorra. Segurtasun jarrera. Lehen laguntzako teknika egokiak aukeratzea. Protokoloak. Bizi-euskarriaren tekniken aplikazioa. Bizkortzea, DEA. ILCOR protokoloa. Agente fisiko, kimiko eta biologikoak. Lehen laguntzako tekniken aplikazioa. Immobilizazioa eta garraioa.
-2. gai multzoa: Ingurune seguruak sortzea. Botika-kutxa. Kokapena, edukiak eta mantentzea.
-3. gai multzoa: Pertsonen artean komunikatzeko teknikak. Autokontrolerako teknikak. Antsietatea, larritasuna eta oldarkortasuna kontrolatzeko eta dolu egoeretarako teknika berariazkoak. Istripua izan dutenei eta senitartekoei laguntza psikologikoa emateko komunikazio estrategia egokiak.
Garrantzitsua da une oro gogoan izatea eginen diren jarduketak prozesu baten parte direla, jardule desberdinek osaturiko kate baten begiak, eta bakoitzak zeregin zehatz eta protokolizatua izanen duela (larrialdietako zerbitzuak, anbulantziak, larrialdietako telefonoak...). Ildo horretan, proposaturiko jarduerek beren arteko lotura elementuak eduki behar dituzte, jarduketa tekniko bakoitzak duen xede zehatzetik haratago.
Moduluaren ebaluazioa, eskuarki, sortutako egoera bakoitzean ebaluazio irizpideak zuzenean behatuz eginen da. Horregatik, arreta berezia jarriko zaio gertaleku horiek birsortzeari, eta proposatuko diren jarduerek bide emanen dute aldi berean behatzeko, ez bakarrik teknika aplikatzeko gaitasuna, baita erabakiak hartzeko prozesua ere. Erreferentea, normalean, aldez aurretik ezarritako protokoloa izanen da.
Azkenik, komenigarria litzateke jarduera bat egitea, zeinak, modu global eta bateratzailean, bide emanen baitu jarrerak eta jarduketak (ebaluazio irizpideetan deskribatu direnak) behatzeko, moduluko lan unitateetan eskuratutako gaitasunak aplikatu behar diren egoera konplexu baten aurrean.
Modulua: Ingelesa.
Kodea: 0179.
Baliokidetasuna, ECTS kreditutan: 7.
Iraupena: 100 ordu.
Ikaskuntzaren emaitzak eta ebaluazio irizpideak.
1. Edozein komunikabidek hizkuntza estandarrean emandako orotariko ahozko diskurtsoetan, lanbideari dagokion informazioa eta eguneroko gaiei buruzko informazioa ezagutzen du, eta zehaztasunez interpretatzen du mezuaren edukia.
Ebaluazio irizpideak:
a) Mezuaren ideia nagusia identifikatu da.
b) Hizkuntza estandarrean emandako irratiko mezuen eta grabatu edo igorritako bestelako materialen helburuari antzeman zaio eta hiztunaren aldartea eta tonua identifikatu dira.
c) Bizitza sozial, profesional edo akademikoari buruz hizkuntza estandarrean egindako grabazioetatik informazioa atera da.
d) Hiztunaren ikuspegiak eta jarrerak identifikatu dira.
e) Gai zehatzei edo abstraktuei buruz hizkuntza estandarrean eta ohiko erritmoan emandako azalpen eta mezuetan ideia nagusiak identifikatu dira.
f) Xehetasun osoz ulertu da hizkuntza estandarrean esandakoa, baita atzean zarata dagoenean ere.
g) Hitzaldien, solasaldien eta txostenen ideia nagusiak atera dira, bai eta hizkuntzaren aldetik konplexuak diren aurkezpen akademiko eta profesionaleko beste forma batzuenak ere.
h) Mezu bat osotasunean ulertzeko garrantziaz jabetu da, mezuaren elementu guztiak ulertzen ez badira ere.
2. Testu idatzi konplexuetan bildutako informazio profesionala interpretatzen du, edukiak modu ulerkorrean aztertuta.
Ebaluazio irizpideak:
a) Askatasun maila altuarekin irakurri da, irakurketaren estiloa eta abiadura testu eta helburu desberdinei egokituz eta erreferentzia iturri egokiak erabiliz horiek aukeratu ondoren.
b) Norberaren espezialitateko gaien gaineko gutunak interpretatu dira eta erraz atzeman zaie funtsezko esanahia.
c) Xehetasun osoz interpretatu dira testu luzeak eta konplexu samarrak, norberaren espezialitatearekin zerikusia dutenak edo bestelakoak, betiere pasarte zailak berriz irakurtzeko aukerarekin.
d) Testua sektoreko zein esparruri dagokion, harekin erlazionatu da.
e) Lanbideko gai sorta zabal baten inguruko albiste, artikulu eta txostenen edukia eta garrantzia azkar identifikatu dira, eta sakonago aztertzea komeni den erabaki da.
f) Testu konplexuen itzulpenak egin dira; horretarako, laguntza materiala erabili da, beharrezkoa izan den kasuetan.
g) Euskarri telematikoen bidez (posta elektronikoa, faxa) jasotako mezu teknikoak interpretatu dira. emaila, faxa.
h) Norberaren espezialitateko jarraibide luze eta korapilatsuak interpretatu dira.
3. Ahozko mezu argiak eta ongi egituratuak ematen ditu, egoeraren edukia aztertuz eta solaskidearen hizkuntza erregistroari egokituz.
Ebaluazio irizpideak:
a) Mezua bidaltzeko erabilitako erregistroak identifikatu dira.
b) Askotariko gai orokor, akademiko, profesional edo aisiaren ingurukoez mintzatu da hitz etorri errazez, zehaztasunez eta eraginkortasunez, ideien arteko lotura argi markatuz.
c) Naturaltasunez komunikatu da, inguruabarren araberako formaltasun mailarekin.
d) Protokolo arauak erabili dira aurkezpen formaletan eta informaletan.
e) Behar bezala erabili da lanbideko terminologia.
f) Ikuspuntuak argi adierazi eta defendatu dira, azalpenak eta argudio egokiak emanez.
g) Bere konpetentziako lan-prozesu bat deskribatu eta sekuentziatu du.
h) Hautatutako lan aukera edo prozedura bat zergatik hautatu den argudiatu da xehetasun osoz.
i) Diskurtsoa edo diskurtsoaren zati bat berriro egiteko eskatu da beharrezkotzat jo izan denean.
4. Sektoreko edo bizitza akademikoko eta eguneroko bizitzako dokumentuak eta txostenak egiten ditu, eta hizkuntza-baliabideak xedearekin lotzen ditu.
Ebaluazio irizpideak:
a) Testu argi eta zehatzak idatzi dira norberaren espezialitatearekin zerikusia duten gaiez, hainbat iturritatik jasotako informazio eta argudioak laburbilduz eta ebaluatuz.
b) Informazioa zuzentasunez, zehaztasunez, koherentziaz eta kohesioz antolatu da, informazio orokorra edo zehatza eskatzerakoan eta/edo ematerakoan.
c) Txostenak idatzi dira, alderdi esanguratsuak nabarmenduz eta euskarritzat erabil daitezkeen xehetasun adierazgarriak eskainiz.
d) Lanbide eremuko dokumentazio berariazkoa bete da.
e) Ezarritako formulak eta hiztegi berariazkoa aplikatu dira dokumentuak betetzean.
f) Artikuluak, jarraibideen eskuliburuak eta bestelako dokumentu idatziak laburtu dira, hiztegi zabala erabiliz, hitzak maiz ez errepikatzeko.
g) Eginen den dokumentuaren araberako kortesia formulak erabili dira.
5. Komunikazio egoeretan jarrera eta portaera profesionalak aplikatzen ditu, eta atzerriko hizkuntzaren herrialdeko harreman tipiko bereizgarriak deskribatzen ditu.
Ebaluazio irizpideak:
a) Atzerriko hizkuntza erabiltzen duen erkidegoaren ohitura eta erabileren alderdirik garrantzitsuenak zehaztu dira.
b) Herrialdearen berezko gizarte harremanen protokoloak eta arauak deskribatu dira.
c) Atzerriko hizkuntza erabiltzen duen erkidegoaren beraren balio eta sinesmenak identifikatu dira.
d) Sektorearen berezko gizarte eta lanbide alderdiak identifikatu dira, edozein testu motatan.
e) Atzerriko hizkuntzaren herrialdeko gizarte harremanen protokoloak eta arauak aplikatu dira.
f) Jatorriko eskualdeko hizkuntza markatzaileak ezagutu dira.
Edukiak.
Ahozko mezuen azterlana:
-Lanbideko eta eguneroko mezuak ulertzea.
-Zuzeneko mezuak, telefono bidezkoak, irratikoak, grabatutakoak.
-Lanbide sektoreko terminologia berariazkoa.
-Ideia nagusiak eta bigarren mailako ideiak.
-Baliabide gramatikalak: aditz-denborak, preposizioak, phrasal verb-ak, lokuzioak, baldintza eta zalantzen adierazpenak, boz pasiboaren erabilera, perpaus erlatiboa, zehar estiloa, aditz modalak.
-Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
-Ahozko hizkuntzaren hainbat azentu.
Mezu idatziak interpretatzea:
-Mezuak, testuak, oinarrizko artikulu profesionalak eta egunerokoak ulertzea:
Euskarri telematikoak: faxa, posta elektronikoa, burofaxa.
Lanbide sektoreko terminologia berariazkoa. “False friends”.
Ideia nagusiak eta bigarren mailako ideiak.
Baliabide gramatikalak: aditz-denborak, preposizioak, phrasal verb-ak, I wish + lehenaldi bakuna edo perfektua, I wish + would, If only; boz pasiboaren erabilera, perpaus erlatiboa, zehar estiloa, aditz modalak...
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denborazko harremanak: aurrekotasuna, gerokotasuna, aldiberekotasuna.
Ahozko mezuak sortzea:
-Ahozko mezuak:
Ahozko mezuak igortzeko erabiltzen diren erregistroak.
Lanbide sektoreko terminologia berariazkoa. “False friends”.
Baliabide gramatikalak. Aditz-denborak, preposizioak, phrasal verb-ak, lokuzioak, baldintza eta zalantzen adierazpenak, boz pasiboaren erabilera, perpaus erlatiboa, zehar estiloa, aditz modalak.
Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
Fonetika. Bokalezko soinu eta fonemak eta haien konbinazio eta soinuak, eta kontsonantezko fonemak eta haien taldekatzeak.
Gizarte harremanen, kortesia arauen eta erregistro aldeen hizkuntza markatzaileak.
-Ahozko diskurtsoa mantendu eta jarraitzea:
Hitz egiteko txanda hartu, mantendu eta lagatzea.
Laguntzea, ulertu duzula adieraztea, argibidea eskatzea.
Intonazioa, ahozko testuaren kohesio-baliabide gisa. Intonazio patroien erabilera.
Testu idatziak sortzea:
-Lanbideko eta eguneroko mezu eta testuak adierazi eta betetzea:
Curriculum vitae-a eta euskarri telematikoak: faxa, posta elektronikoa, burofaxa.
Lanbide sektoreko terminologia berariazkoa.
Ideia nagusiak eta bigarren mailako ideiak.
Baliabide gramatikalak: aditz-denborak, preposizioak, phrasal verb-ak, aditz modalak, lokuzioak, boz pasiboaren erabilera, perpaus erlatiboa, zehar estiloa.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Have something done.
-Lokarriak: although, even if, in spite of, despite, however, in contrast.
-Hitz eratorriak: adjektibo eta substantiboak eratzeko atzizkiak.
-Denborazko erlazioak: lehenagokotasuna, gerokotasuna, aldiberekotasuna.
-Testu koherentzia:
Testua komunikazio testuingurura egokitzea.
Testu mota eta formatua.
Hizkuntzaren aldaera. Erregistratzea. Hautaketa lexikoa, egitura sintaktikoena eta eduki garrantzitsuarena.
Diskurtsoaren hasiera eta gaiaren sarrera. Garapena eta hedapena: exenplifikazioa, ondorioa eta diskurtsoaren laburpena.
Puntuazio-markak erabiltzea.
Ingelesaren lurraldeetan garrantzitsuenak diren kultura elementuak identifikatu eta interpretatzea:
-Nazioarteko harremanetan arau soziokulturalak eta protokolo arauak balioestea.
-Jarrera sozioprofesionala behar duten egoeretan, baliabide formal eta funtzionalak erabiltzea, enpresaren irudi egokia erakusteko.
-Atzerriko hizkuntza ezagutzea, bizitza pertsonalean eta profesionalean interesgarriak izan daitezkeen ezagutzak areagotzeko.
-Komunikazio egoeraren, solaskidearen eta solaskideen asmoen araberako erregistroak erabiltzea.
Orientabide didaktikoak.
Lanbide modulu honek prestakuntza nahikoa ematen du ikasleek lanbide sektore honetako goi mailako teknikariaren prestakuntza mailaren berezko jarduera profesionalen garapenean ingelesez komunikatzea ahalbidetuko dieten gaitasunak eskuratu ditzaten.
Modulua bereziki prozedurazkoa da eta bertan garatzen da lanbide ingurunean behar den ingelesez komunikatzeko gaitasuna, ahozko zein idatzizko mailan.
Ingelesez komunikatzeko gaitasunak pertsonen arteko harremanekin zein sektorearen berezko dokumentazioa erabiltzearekin du zerikusia.
Moduluaren helburuak lortzeko aukera ematen duten irakaskuntza-ikaskuntza prozesuko jarduera lerroak honako hauek izanen dira:
-Komunikazio prozesuak eta protokolo eta bezeroarentzako arretarako teknikak deskribatu, aztertu eta aplikatzea, bai aurrez aurrekoak bai urrutikoak, ingelesaren bidez.
-Administrazio eta beste edozein izaeratako (finantza, zerga, giza baliabide edo merkataritzakoa) dokumentuen ezaugarriak bereiztea.
-Kalitate prozesuak enpresan, beren ebaluazioa eta zerbitzuak ingelesez emateari lotutako dokumentuen identifikazioa eta formalizazioa.
-Identifikazioa, azterketa eta jarduteko prozedura bezeroek ingelesez egiten dituzten kexa edo erreklamazioen aurrean.
Hori guztia dela eta, irakaskuntza-ikaskuntza prozesua, lehen mailako ingelesaren moduluarekin gertatzen den bezalaxe, praktikoa den ikuspuntu batetik bideratu behar da. Gramatikaren irakaskuntza aurreko kurtsoetan ikasitakoaren berrikuspen gisa hartu behar da eta ikasleentzat egiazko interesa duten komunikazio egoeretan txertatu. Horrela, ikasleak errazago ohartuko dira ikasi behar duten hizkuntza erabiltzeko oinarrizko gaitasuna izateko beharra dutela.
Horregatik, iradokitzen da eginkizunen bidezko irakaskuntza-ikaskuntza metodologia erabiltzea, edo, bestela esanda, helburu zehatzak dituzten jarduerak erabiltzea, ikasleak hizkuntzan sakonago eta aktiboago murgiltzera bultzatzen dituztenak.
Irakaskuntza-ikaskuntza prozesuan eginen diren jarduerak egokiro diseinatu behar dira, ikasleak komunikazio egoera ahalik eta egiazkoenetan koka ditzaten. Teknikari honen lanbide profila kontuan izanik, bereziki indartu behar dira ulermena, produkzioa eta elkarrekintza, ahozkoa zein idatzizkoa, bai mezu profesionaletan bai arruntetan. Izan ere, lanbide esparru honetan ingelesa komunikazio hizkuntza gisa erabiltzearen ondorioz, ezinbestekoa da hizkuntza hori jakitea eta, beraz, arlo honetako profesionalei eskatu beharreko beste faktore bat da.
Baliabideak erabiltzeari dagokionez, informazioaren teknologiak -batik bat Internet eta posta elektronikoa- oso erreminta baliotsuak dira, ikasleak komunikazio egoera errealetan jartzeko; izan ere, horietako gehienak, gaur egun, euskarri informatikoan gertatzen dira, enpresaren barruan zein kanpoan. Horretarako beharrezkoa da teknologia horiek eraginkortasunez erabiltzea. Era berean, titulu honetako gainerako modulu teknikoekin koordinatzeko beharra sortzen da, ikasgelan erabiltzeko egiazko materialen iturri gisa.
Arreta jarri behar zaion beste kontu bat gaitasun soziolinguistikoen garapena da, gaitasun horiek irakaskuntza-ikaskuntza prozesu osoa kutsatu behar baitute. Garrantzitsua da, prestakuntza helburu duen esparru honetan, bermatu ahal izatea ikasleek badakizkitela hizkuntza erabiltzeko konbentzioak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, ingelesa ama hizkuntza duten eta lanbide harremanak ingelesez mantentzen dituzten herrialdeen idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza izan dadila ikustea ikasleek nola baliatzen dituzten beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horri begira seinalatu dira modulu honetako ebaluazio irizpideak eta, ildo berean, hizkuntzetarako Europako Erreferentzia Esparrua oso bitarteko baliotsua izan daiteke ebaluazio tresnak diseinatzeko.
Lanbide modulua: Animazio eta kudeaketa kulturala.
Kodea: 1125.
Baliokidetasuna, ECTS kreditutan: 14.
Iraupena: 160 ordu.
Ikaskuntzaren emaitzak eta ebaluazio irizpideak.
1. Esku-hartze kulturala ezaugarritzen du, eta marko teoriko eta juridikoarekin eta kultura behar eta eskariekin erlazionatzen ditu.
Ebaluazio irizpideak:
a) Kultura esparruak gizartean dituen ezaugarri adierazgarriak identifikatu dira.
b) Kultura sustapena, kultura kudeaketa eta kultura marketinaren kontzeptuak aztertu dira.
c) Esku-hartze kulturalaren eremuak eta testuinguruak deskribatu dira.
d) Europako, Estatuko, autonomietako eta herrietako erakunde eta politika kulturalak aztertu dira.
e) Kultura-eragileen esku-hartze ereduak erkatu dira.
f) Kultura ekintzaren lege markoa eta organismo publikoen eta kultura sareen arteko lankidetza arautzen duten formula juridikoak interpretatu dira.
g) Lurraldea aztertzeko eta merkatuko segmentuek kulturari eskatutakoa eta kulturan dituzten lehentasunak identifikatzeko teknikak eta tresnak deskribatu dira.
h) Esku-hartzea oinarritzeko lurraldea aztertzearen garrantzia balioetsi da.
2. Kultura programazioak diseinatzen ditu, eta plangintza estrategikoaren irizpideak eta ildoak interpretatzen ditu eta kultura kudeaketaren kontzeptu markoarekin erlazionatzen ditu.
Ebaluazio irizpideak:
a) Kudeaketa kulturalaren kontzeptu markoa interpretatu da.
b) Kultura- edo enpresa-politikak interpretatu dira kultura programazio bat diseinatzeko eta garatzeko ildo moduan.
c) Plangintza estrategiko batean ezarritako kultura programazioak diseinatzeko eta garatzeko lehentasunak eta irizpide nagusiak identifikatu dira.
d) Kultura programazioa egiteko askotariko iturri eta baliabideetatik informazioa lortu da.
e) Kultura programazioaren ekitaldien denborazko antolaketa ezarri da, beste ekitaldi batzuekin koordinatuz.
f) Kultura programazio bateko osagaiak modu koherentean ezarri eta garatu dira, plangintza estrategikoaren helburuak kontuan hartuz.
g) Kultura programazioa garatzeko sektoreko entitate edo enpresen parte-hartzea ahalbidetzeko estrategiak deskribatu dira.
h) Informazioaren eta komunikazioaren teknologiak erabili dira informazioa bilatzeko eta kultura programazioa diseinatzeko.
3. Animazio kulturaleko proiektuak diseinatzen ditu, eta esku-hartze kulturalaren eta dinamizazioaren eredu eta printzipioekin erlazionatzen ditu.
Ebaluazio irizpideak:
a) Animazio kulturalaren kontzeptu markoa interpretatu da.
b) Animazio kulturala ezaugarritu da gizataldeen eta esku-hartze testuinguruen arabera.
c) Animazio kulturaleko proiektuen egitura eta ezaugarriak deskribatu dira.
d) Animazio kulturaleko proiektu bateko osagaiak modu koherentean ezarri eta garatu dira, errealitateari eta esku-hartzearen berariazko testuinguruari erreparatuz.
e) Esku-hartzearen plangintzan eta garapenean kultura-elkarteen sareen parte-hartzea eta lankidetza sustatzen duten estrategiak eta tresnak deskribatu dira.
f) Askotariko kultura jardueren ezaugarriak eta aplikazioak aztertu dira.
g) Kultura-elkarteen sareek proiektuen garapenean duten garrantzia balioetsi da.
h) Animazio kulturaleko proiektuen plangintzan guztiendako irisgarritasun eta diseinu irizpideak sartzearen garrantzia balioetsi da.
4. Animazio kulturaleko jarduerak antolatzen ditu, eta kultura ondarearen eta kultura ekipamendu espezializatuen ezaugarriak eta erabilera-aukerak aztertzen ditu.
Ebaluazio irizpideak:
a) Ondare ondasunen erabilerak eta aukerak ezarri dira, ondasun horiek animazio kulturaleko baliabide modura hartuta.
b) Liburutegiek, museoek eta bestelako kultura ekipamendu espezializatuek animazio kulturalean dituzten ezaugarriak eta erabiltzeko aukerak identifikatuko dira.
c) Ekipamenduen antolaketa egitura eta egitura funtzionalaren eta ekipamendu horien xede, helburu eta eginkizunen gaineko informazioa lortu da, esku-hartzea oinarritzeko.
d) Erabilitako ekipamenduarekin edo baliabidearekin egokiak diren animazio kulturaleko jarduerak egin dira.
e) Animazio kulturaleko jarduerak egiteko estrategiak hautatu dira, kultura ekipamendu espezializatuen funtsetatik abiaturik.
f) Animatzaile soziokulturalaren rola definitu da kultura ekipamendu espezializatuetan.
g) Egokitzapenak egin dira berariazko premiak dituzten gizataldeen parte-hartzea errazteko jardueren garapenean.
h) Ondareak eta kultura ekipamendu espezializatuek animazio kulturalerako baliabide modura duten garrantzia balioetsi da.
5. Kultura kudeatzeko jarduerak egiten ditu, eta garatu beharreko kultura ekintzarekin zerikusia duten eta eskuragarri dauden baliabideak aztertzen ditu.
Ebaluazio irizpideak:
a) Kultura guneetako ekipamendu eta azpiegituren inbentarioak prestatu dira.
b) Kulturako ekipamendu eta azpiegiturak hautatu dira egin beharreko ekitaldi edo jardueraren arabera.
c) Jardueren sekuentzia egin da, garapen beharren arabera ordenatuz.
d) Kultura ekitaldi edo jarduera bakoitzerako beharrezkoak diren baliabideak, baliabide teknikoak eta logistika finkatu dira.
e) Baliabide materialak eta giza baliabideak esleitu dira, baita kultura ekitaldien garapenarekin zerikusia duten lanak egiteko epeak ere.
f) Antolaketa txantiloiak prestatu eta bete dira, prozesuan tartekatutako pertsonek jardueren aurreikuspenaren berri izan dezaten.
g) Jarduera garatzeko baldintzei erantzuteko aurrekontuak prestatu dira.
h) Kultura ekitaldien logistikarekin eta antolaketarekin lotutako kudeaketa agiriak prestatu eta bete dira.
6. Animazio kulturaleko jarduerak egiten ditu, eta askotariko kultura adierazpenen ezaugarriak eta erabilera-aukerak aztertzen ditu.
Ebaluazio irizpideak:
a) Programazioan ezarritako irizpideak errespetatu dira.
b) Jarduerak egiteko estrategiak hautatu dira, kultura adierazpenetatik abiaturik.
c) Esku-hartzea oinarritzeko informazioa lortu da.
d) Erabilitako baliabidearekin egokiak diren kultura sustatzeko jarduerak egin dira.
e) Kultura jarduerak egiteko beharrezkoak diren ikus-entzuneko ekipo eta baliabideak eta ekipo eta baliabide teknikoak erabili dira.
f) Egokitzapenak egin dira berariazko premiak dituzten gizataldeen parte-hartzea errazteko jardueren garapenean.
g) Ekipamenduak muntatzeko eta egiaztatzeko jarduketa protokoloak ezarri dira.
h) Prebentzio eta segurtasun protokoloak errespetatzearen garrantzia balioetsi da.
7. Kulturako produktuen eta programen komunikazio eta marketin jarduerak egiten ditu, eta proiektuak sustatzeko eta hedatzeko estrategiak eta teknikak aztertzen ditu.
Ebaluazio irizpideak:
a) Komunikabideek animazio kulturaleko proiektuen sustapenean eta hedapenean duten garrantzia argudioztatu da.
b) Animazio kulturaleko proiektuak sustatzeko eta hedatzeko baliabide, estrategia eta teknika nagusiak deskribatu dira.
c) Kulturako produktuak eta programak sustatzeko kanpainen arrakastan eragiten duten faktoreak identifikatu dira.
d) Animazio kulturaleko proiektuak sustatzeko eta hedatzeko baliabideak zernahi euskarritan prestatu dira.
e) Animazio kulturaleko proiektuak sustatzeko eta hedatzeko kanpainak diseinatu dira askotariko baliabideak erabiliz.
f) Sustapen eta hedapen kanpaina baten funtsezko elementuak identifikatu dira.
g) Informazioaren eta komunikazioaren teknologiak erabili da kultura jarduerak hedatzeko.
h) Animazio kulturaleko proiektuak bultzatzeko eta hedatzeko prozesuetan informazio egiazkotasuna bermatzeko beharra justifikatu da.
8. Esku-hartze kulturala kontrolatzeko, jarraitzeko eta ebaluatzeko jarduerak egiten ditu, kalitate irizpideak aplikatuz eta, hala behar denean, tartekatutako eragile nagusien parte-hartzea bermatzen du.
Ebaluazio irizpideak:
a) Esku-hartze kulturala ebaluatzeko prozedura definitu da.
b) Esku-hartze kulturala ebaluatzeko teknikak, tresnak, irizpideak eta adierazleak hautatu dira, esku-hartze hori non eginen den kontuan hartuz.
c) Informazioaren eta komunikazioaren teknologiak erabili dira ebaluazio prozesuari lotutako dokumentazioa kudeatzeko.
d) Proiektuak berrelikatzeko eta erabakiak hartzeko bideak eta tresnak ezarri dira.
e) Esku-hartze kulturalen kalitatea kudeatzeko prozedura orokorrak ezarri dira.
f) Esku-hartze kulturaletan neurgarriak diren kalitate adierazleak ezarri dira.
g) Erabiltzaileen edo bezeroen eta kultura elkarteen ebaluazioan parte hartzeko prozedura ezarri da.
h) Programen funtzionamendua hobetzeko eta haien kalitatea bermatzeko ebaluazioa beharrezkoa dela argudioztatu da.
Edukiak.
Esku-hartze kulturalaren ezaugarritzea:
-Kultura eta gizartea. Gaur egungo egoera.
-Animazio kulturala, kultura kudeaketa eta kultura marketina.
-Kulturan esku hartzeko sektoreak.
-Kultura erakunde eta politiken azterketa.
-Kultura-eragileak.
-Kultura esparruko elkarteak eta gizataldeak.
-Kultura ekintzaren lege markoa.
-Lurraldearen azterketa esku-hartze kulturalan. Teknikak eta tresnak.
-Kultura behar eta eskariak. Kultura merkatua. Adierazleak.
-Esku-hartzea oinarritzeko lurraldea aztertzearen garrantzia.
Kultura programazioen diseinua:
-Kultura kudeaketaren kontzeptu markoa aztertzea. Erreferente teknikoak.
-Informazioaren eta ezagutzaren gizartea kultura kudeaketaren markoan.
-Kultura kudeatzeko programazioak prestatzea.
-Kultura proiektuak eta antolakundeak aztertzea.
-Kultura informazioaren eta komunikazioaren teknologien bidez kudeatzeko tresnak.
-Informazioaren eta komunikazioaren teknologiek kultura kudeatzean duten garrantzia.
Animazio kulturaleko proiektuen diseinua:
-Animazio kulturala.
-Animazio kulturala gizataldeekin.
-Berariazko gizatalde batzuek kulturan dituzten behar bereziak identifikatzea. Guztiendako irisgarritasuna eta diseinua.
-Kultura dinamizazioa.
-Kultura esparruan parte hartzeko ereduak aztertzea.
-Animazio kulturaleko proiektuak prestatzea. Egitura eta ezaugarriak.
-Animazio kulturaleko jarduerak diseinatzea. Kultura ekitaldiak, lantegiak, zirkuituak eta ibilbideak, bisita gidatuak, lehiaketak, jaialdiak antolatzea eta kulturara eta kultura sormenera hurbiltzeko beste modu batzuk.
-Kultura agendak prestatzea.
-Giza baliabideak.
Animazio kulturaleko jarduerak antolatzea:
-Kultura ondarea:
Erabilerak eta aukerak animazio kulturaleko baliabide modura aztertzea.
Kultura ondarearekin zerikusia duten animazio kulturaleko jarduerak antolatzea.
-Kultura entitateak.
-Kultura produktuen funtsak animazio kulturaleko baliabide modura.
-Liburutegiak eta mediatekak:
Liburutegiaren eta mediatekaren erabilerak eta aukerak aztertzea animazio kulturaleko baliabide modura.
Liburutegitik abiatuta animazio kulturaleko jarduerak antolatzea.
Animatzaile soziokulturalaren rola liburutegietan eta mediateketan.
-Museoak:
Museoaren erabilerak eta aukerak animazio kulturaleko baliabide modura aztertzea.
Hezkuntza museistikoa. Museotik animazio kulturaleko jarduerak antolatzea.
Animatzaile soziokulturalaren rola museoetan.
Kultura baliabideen gidak prestatzea.
Ondareak eta kultura ekipamendu espezializatuek animaziorako baliabide modura duten garrantzia.
Kultura kudeatzeko jarduerak egitea:
-Kultura-ekipamendu eta -azpiegiturak.
-Gune eta denboren kudeaketa.
-Baliabide materialak eta teknikoak kudeatzea.
-Baimenak kudeatzea.
-Giza baliabideak kudeatzea.
-Finantza baliabideak kudeatzea. Aurrekontu publikoak.
-Kultura ekitaldien logistikarekin eta antolaketarekin lotutako dokumentazioa kudeatzea.
-Baliabideak optimizatzearen beharraren garrantzia.
Animazio kulturaleko jarduerak egitea:
-Kultura adierazpenekin zerikusia duten animazio kulturaleko jarduerak:
Arte eszenikoak. Antzerki animazioa.
Arte plastikoak.
Ikus-entzunezko hizkuntzak eta baliabideak.
Literatura arteak.
Artisautzak.
Folklorea.
Zientzia eta teknologia.
-Jarduerak garatzea. Jarduketa ildoak:
Animazio kulturaleko jarduerak egiteko ekipamendu eta baliabide teknikoen oinarrizko erabilera.
-Prebentzio eta segurtasun protokoloak errespetatzearen garrantzia.
Kultura esparruan komunikazio eta marketin jarduerak egitea:
-Babesleak eta mezenasgoa kultura esparruan.
-Kulturaren komunikazioa eta sustapena.
-Kultura proiektuak hedatzea.
-Marketin plana prestatzea.
-Kultura jarduerak informazioaren eta komunikazioaren teknologien bitartez hedatzea.
-Ardura soziala komunikazio estrategia modura.
Esku-hartze kulturala kontrolatzeko, jarraitzeko eta ebaluatzeko jarduerak egitea:
-Ebaluazioa animazio kulturaleko proiektuetan.
-Marketin plana eta haren garapena ebaluatzea.
-Kultura ekitaldiak aztertzeko osagaiak.
-Ibilbide orria eta neurketa sistemak.
-Kalitatea kudeatzeko sistemak esku-hartze kulturalaren esparruan.
-Esku-hartze kulturala praktikan jartzean gertatzen diren arazo operatiboak.
Orientabide didaktikoak.
Lanbide modulu honetan beharrezko prestakuntza biltzen da ikasleek animazioko eta kudeaketa kulturaleko sailak kudeatzeko ezagutzak eta gaitasunak eskura ditzan, animazio eta kudeaketa kulturaleko proiektuak diseinatu, sustatu eta ebalua ditzan, eta aisia egoeretan dauden taldeak sortu eta dinamiza ditzan.
Nolabait ere, modulu honek aukera ematen du beste modulu batzuetan eskuratutako gaitasunak eta ezagutzak oso berariazkoa den esparru batean aplikatzeko, hala nola, animazio eta kudeaketa kulturalean.
Edukien sekuentziazioari dagokionez, planteatuta dagoen bezala proiektuak ordena logiko bat segitzen du, proiektuak egiteko metodologiari dagokionez. Hori dela-eta, kontuan hartzen bada edukiak modu praktikoan eta moduluaren ikuspegi orokorrerako planteatutakoaren gainean landu behar direla, ezarritako ordena egokia izan daiteke.
Moduluaren helburuak lortzeko aukera emanen duten irakaskuntza-ikaskuntza prozesuko jarduketa ildoak moduluaren prozedurazko ikusmolde batetik abiatuko dira. Horretarako, simulazioak eginen dira ikasgelan eta ikasgelatik kanpo eta irakaskuntza-ikaskuntza prozesu bateko eragile aktibo moduan ikasleen parte-hartzea berarekin ekarriko duen metodologia aktibo eta motibatzailea erabiliko dute.
Ikaskuntzak barneratzeko eta gaitasunak garatzeko aukera emanen duten benetako egoerak ikasgelako saioetan landu ahal izateko, garrantzitsua da ikasle bakoitza entitateekin eta kultura kudeatzen eta sustatzen duten erakundeekiko harremanak berekin dakarren ororekin harremanetan egotea. Horretarako, interesgarria izanen litzateke ikasleak aldizka joatea kultura sustatzeko eta kudeatzeko proiektuak garatzen dituzten enpresetara, elkarteetara edo entitateetara, modulu honek berezkoak dituen proiektuak behatzeko, diseinatzeko, egiteko eta ebaluatzeko. Hori eginez gero ikasleak eta ikastaldeak modulu honetako edukiei dagozkien alderdi teoriko-praktikoak partekatzeko, alderatzeko eta sakontzeko aukera izanen lukete.
Ikusirik moduluko gaien ezaugarriak eta kontuan izanez beti beste modulu batzuekiko koordinazioa, interesgarria izanen litzateke hurrengo jarduera hauek egitea:
-Kudeaketa eta animazio kulturaleko askotariko baliabideak eta arloak ikertu eta aztertzea gure Komunitatean eta beste erkidego batzuetan.
-Gure Komunitatean eta gure Komunitatetik kanpo animazio eta kudeaketa kulturaleko sektorean lan egiten duten enpresak ikertzea eta aztertzea.
-Animazio eta kudeaketa kulturaleko balizko proiektuetarako proposamenak prestatzea. Proiektu horiek bigarren ikasmailan egin daitezke, proiektu moduluaren barnean, eta interesgarria da sektore desberdinetan egitea, gure Komunitatean turismoarekin lotura zuzena duen kultura kudeaketarekin duen zerikusia ikusten hasiz.
-Sektore honetan jarduerak egiten dituzten esperientziak edo erakundeak bisitatzea, ikasleekin entitateetako egoitzetara joanez edo entitate horietako ordezkariak ikastetxera etor daitezen gonbidatuz, jardueraren alderdirik adierazgarrienak eta horrek berarekin dakartzan eskakizun profesionalak aurkezteko eta azaltzeko.
Eskura izan ditzakegun baliabideei dagokienez, kontuan izan behar da kanpoko laguntzetara jo daitekeela:
-Internetera; asko dira kultura sustapen eta kudeaketari eta haren jatorriari egiten zaizkion erreferentziak hala nola zerbitzuak eskaintzen dituzten askotariko enpresak.
-Toki garapeneko eragileak.
-Zernahi herrialdetako toki erkidegoekin lankidetzan aritzeko proiektuetan sartutako GKEak.
Komenigarria izanen litzateke talde txikietan eta talde handian egindako lana eginez ikasten joateko metodologia aktibo eta parte-hartzaile batekin konbinatzea, tituluan eta lanbide profilean ezinbestekoak diren parte-hartze printzipioak aplikatuz.
Beste modulu batzuekiko loturari dagokionez, asko dira kontuan izan beharreko loturak:
-“Esku-hartze sozialeko metodologia” eta “Animazio soziokulturalaren testuingurua” moduluekin, proiektuak antolatzeko, haietan esku hartzeko, burutzeko eta ebaluatzeko eginkizunak aipatzen dituzten ikaskuntza emaitza batzuetan.
-“Aisia eta denbora libreko jarduerak” moduluarekin eta “Talde dinamizazioa” moduluarekin, aisialdian dauden taldeak dinamizatzeari dagokionez.
-“Talde dinamizazioa” moduluarekin, lantaldeak antolatzeko alderdiei dagokienez.
-“Aisiaren eta denbora librearen animazioa” moduluarekin, jarduerak eta gau-emanaldiak antolatzeari dagokionez, proiektuetan duen eraginarekin.
Kasu guztietan lehen ikasmailako moduluak direnez gero, badirudi beharrezkoa dela ziklo osorako moduluak koordinatzeko planteamendua modu globalean egitea. Hori hala izanik ere, “Enpresa eta ekimena” moduluaren eta “Lanerako Prestakuntza eta Orientazioa” moduluaren arteko koordinazioa findu beharko da (kontuan izan behar da modulu horiek ikasmaila berean irakasten direla eta kudeaketa ekonomikoa, finantzarioa eta administratiboa kontrolatzeko jarduerak eta giza baliabideak kudeatzeko jarduerak aipatzen dituzten ikaskuntza emaitzak erdiesteko beharra partekatzen dutela).
Ebaluazioari dagokionez, garrantzitsua da ebaluatzea esku-hartzerako funtsezkoak diren oinarri teorikoak barneratu direla eta egoera praktikoetako esku-hartzeetan garatutako gaitasunak eta jarrerak. Horretarako, komenigarria izanen litzateke edukiak egoera praktikoetan aplikatzeko gaitasuna balioesteko tresnak erabiltzea, lanbide profilaren definizioan bildutako gaitasunak jokoan jarriz eta tituluko curriculumeko helburu orokorrak bilduz.
Jarrerazko alderdiak eta gaitasun alderdiak ebaluatzeko, prestakuntza une guztiak kontuan hartu behar dira: ikasgela, bisitak eta praktikak enpresan, baleude; bereziki jarrera eta parte-hartzerako alderdiak ebaluatzeko, beharrezkoa izanen litzateke kontuan izatea ikasleen beren gogoetarako autoebaluazioa eta moduluaren abiaren parte-hartzea ebaluatzeko prozedurak.
Lanbide modulua: Animazio soziokultural eta turistikoko proiektua.
Kodea: 1132.
Baliokidetasuna, ECTS kreditutan: 5.
Iraupena: 130 ordu.
Ikaskuntzaren emaitzak eta ebaluazio irizpideak.
1. Produkzio sektoreko beharrak identifikatzen ditu, eta behar horiek ase ditzaketen ereduzko proiektuekin lotzen ditu.
Ebaluazio irizpideak:
a) Sektoreko enpresak antolamendu ezaugarrien arabera eta eskaintzen duten produktuaren edo zerbitzuaren arabera sailkatu dira.
b) Ereduzko enpresak ezaugarritu dira eta, horretarako, sail bakoitzaren funtzioak eta antolamendu egitura eman da aditzera.
c) Enpresei gehien eskatzen zaizkien beharrak identifikatu dira.
d) Sektorean aurreikus daitezkeen negozio aukerak baloratu dira.
e) Aurreikusten diren eskaerei erantzuteko behar den proiektu mota identifikatu da.
f) Proiektuak izan behar dituen berariazko ezaugarriak zehaztu dira.
g) Zerga betebeharrak, lanekoak eta arriskuen prebentziokoak, eta horiek aplikatzeko baldintzak zehaztu dira.
h) Proposatzen diren produkzio edo zerbitzuko teknologia berriak txertatzeko jaso daitezkeen laguntzak edo diru-laguntzak identifikatu dira.
i) Proiektua lantzeko jarraitu beharreko lan gidoia landu da.
2. Tituluan adierazitako gaitasunekin lotutako proiektuak diseinatzen ditu, eta hura osatzen duten faseak barne hartu eta garatzen ditu.
Ebaluazio irizpideak:
a) Proiektuan landuko diren alderdien gaineko informazioa bildu da.
b) Proiektuaren bideragarritasun teknikoari buruzko azterlana egin da.
c) Proiektua osatzen duten faseak edo zatiak eta horien edukia identifikatu dira.
d) Lortu nahi diren helburuak ezarri dira eta horien iritsiera identifikatu du.
e) Egiteko beharrezkoak diren baliabide naturalak eta pertsonalak aurreikusi dira.
f) Dagokion aurrekontu ekonomikoa egin da.
g) Abian jartzeko finantzaketa-beharrak identifikatu dira.
h) Proiektua diseinatzeko behar den dokumentazioa definitu eta prestatu da.
i) Proiektuaren kalitatea ziurtatzeko kontrolatu beharreko alderdiak identifikatu dira.
3. Proiektua nola gauzatu planifikatzen du, eta esku hartzeko plana eta lotutako dokumentazioa zehazten ditu.
Ebaluazio irizpideak:
a) Jardueren sekuentzia zehaztu da, eta garatzeko beharren arabera ordenatu dira.
b) Jarduera bakoitzerako beharrezko baliabideak eta logistika finkatu dira.
c) Jarduerak burutzeko behar diren baimenak identifikatu dira.
d) Jarduerak gauzatzeko edo jarduteko prozedurak finkatu dira.
e) Exekuzioak dituen arriskuak identifikatu dira eta arriskuei aurrea hartzeko plana eta behar diren baliabide eta ekipamenduak definitu dira.
f) Materialen eta langileen esleipena eta gauzatze epeak planifikatu dira.
g) Praktikan jartzeko baldintzei erantzuten dien balorazio ekonomikoa egin da.
h) Proiektua gauzatzeko behar den dokumentazioa definitu eta prestatu da.
4. Proiektua gauzatzean, jarraipena eta kontrola egiteko prozedurak definitu ditu, eta erabilitako aldagai eta tresnen hautapena justifikatu du.
Ebaluazio irizpideak:
a) Jarduerak edo esku-hartzeak ebaluatzeko prozedura definitu da.
b) Ebaluazioa egiteko kalitate adierazleak definitu dira.
c) Jarduerak egin bitartean gerta daitezkeen gorabeherak ebaluatu, konpondu eta erregistratzeko prozedura definitu da.
d) Baliabideetan eta jardueretan izan daitezkeen aldaketak kudeatzeko prozedura definitu da, horiek erregistratzeko sistema barne.
e) Jarduerak eta proiektua ebaluatzeko behar den dokumentazioa definitu eta landu da.
f) Erabiltzaile edo bezeroek ebaluazioan parte hartzeko prozedura ezarri da eta berariazko dokumentuak prestatu dira.
g) Proiektuak baldintzen agiria duen kasuan, hori beteko dela bermatzeko sistema ezarri da.
5. Bere inguruarekin komunikazio eta harreman soziala errazteko estrategiak eta teknikak bideratzen ditu, eta gaitasun komunikatiboaren printzipioekin erlazionatzen ditu.
Ebaluazio irizpideak:
a) Trebetasun sozialek lana egitean duten garrantzia balioetsi da.
b) Komunikazio prozesu baten etapa guztiak ezaugarritu dira.
c) Komunikazio estiloak eta horien abantailak eta mugak identifikatu dira.
d) Pertsona arteko harremanetan hitzezko komunikazioa zein hitzezkoa ez den komunikazioa erabiltzearen garrantzia balioetsi da.
e) Atazak esleitzeko, jarraibideak hartzeko eta ideiak edo informazioa trukatzeko komunikazio eraginkorra ezarri da.
f) Egoerara egokitutako eta kultura aniztasuna kontuan hartzen duten trebetasun sozialak erabiltzen dira.
g) Pertsonak ez epaitzeko eta haien berezitasunak (emozioak, sentimenduak eta nortasuna) errespetatzeko interesa erakutsi da.
h) Aldaketarako eta gertatzen den orotik ikasteko aldeko jarrera erakutsi da.
i) Autokritikak eta autoebaluazioak pertsonen arteko harremanetarako eta komunikaziorako trebetasunen garapenean duten garrantzia balioetsi da.
6. Kudeaketa instituzionaleko, gatazkei aurre egiteko eta arazoak ebazteko estrategiak bideratzen ditu, eta testuinguruaren ezaugarrien arabera hautatzen ditu eta eredu desberdinak aztertzen ditu.
Ebaluazio irizpideak:
a) Arazo eta gatazka instituzionalen eta taldekoen iturri nagusiak aztertu eta identifikatu dira.
b) Gatazkak kudeatzeko teknika eta estrategia nagusiak deskribatu dira.
c) Arazoen konponketa bilatzeko eta ebazteko estrategiarik egokienak identifikatu eta deskribatu dira.
d) Erabakiak hartzeko prozesuko faseak deskribatu dira.
e) Arazoak eta gatazkak ebatzi dira kasu bakoitzari egokitutako prozedurak aplikatuz.
f) Gainerakoen iritziak errespetatu dira, arazoak konpontzeko eta gatazkak ebazteko egon daitezkeen konponbideei dagokienez.
g) Bitartekaritza- eta negoziazio-teknikak zuzen aplikatu dira.
h) Erabakiak hartzeko lana eta prozesuaren autoebaluazioa planifikatu dira.
i) Erabakiak hartzean komunikazio-trukearen garrantzia balioetsi da.
Edukiak.
Animazio soziokulturaleko proiektuetako beharrak hautematea, testuinguruan kokatzea eta oinarritzea:
-Animazio soziokulturalaren esparruan dauden baliabideak aztertzea.
-Enpresen sailkapena, antolaketa egitura eta departamentu bakoitzaren eginkizunak.
-Esku hartzeko beharrak eta eskariak testuinguru jakin batean identifikatzea.
-Esku-hartze proiektuen ezaugarriak.
-Lege eta arau markoa animazio soziokulturalaren arloetan.
-Diru-laguntzak, laguntzak eta proiektuak finantzatzeko iturriak.
-Zerga betebeharrak, lan betebeharrak eta arriskuei aurre hartzeko betebeharrak.
-Proiektu baten lan gidoia.
Animazio soziokulturaleko proiektuen diseinua:
-Animazio soziokulturaleko proiektuen diseinua.
-Proiektu horien faseak, zatiak eta bideragarritasun teknikoa.
-Helburuak.
-Printzipio pedagogikoak.
-Metodologia.
-Zerbitzuak eta jarduerak.
-Baliabide materialak, pertsonalak, tokikoak eta denborazkoak antolatzea.
-Animatzaile soziokulturalak proiektuan dituen profila eta eginkizunak. Beste profesionalekiko harremanak.
-Diru aurrekontua. Finantzaketa.
-Kalitate kontrola.
-Genero ikuspegia, kulturen arteko ikuspegia eta ingurumen ikuspegia proiektua kudeatzeko fase guztietan sartzea.
Animazio soziokulturaleko proiektuak burutzea:
-Jardueren sekuentziazioa.
-Behar diren baliabideak eta logistika.
-Baimenak kudeatzea.
-Arriskuei aurrea hartzeko plana. Behar diren baliabideak eta ekipoak.
-Materialen eta langileen esleipena eta gauzatze epeak.
-Aurkeztu beharreko agiriak.
Animazio soziokulturaleko proiektuen jarraipena eta ebaluazioa:
-Ebaluatzeko prozedurak. Erabiltzaileek edo bezeroek ebaluazioan parte hartzea.
-Kalitate irizpideak eta adierazleak.
-Erregistro motak.
-Gorabeherak eta hartutako soluzioak ebaluatzeko prozedurak.
-Proiektuko jarduerak ebaluatzeko agiriak prestatzea. Erabiltzaileek edo bezeroek ebaluazioan parte hartzeko berariazko agiriak.
-Ebaluatzeko teknikak eta tresnak.
Harreman sozialak eta komunikazioa errazten dituzten estrategiak eta teknikak zehaztea:
-Pertsona eta komunikazioa. Hezkuntza-harremana laguntza-harreman berezi gisa.
-Komunikazioaren prozesu dinamikoa:
Komunikazioa prozesu zirkular modura.
Komunikazio bideak. Hitzezko komunikazioa eta hitzezkoa ez den komunikazioa eta haien arteko lotura.
Komunikazioaren edukiak. Eskaria.
Sakoneko egitura eta azaleko egitura.
Errealitatea ikusteko irazkiak.
-Pertsona artean komunikatzeko prozesuan tartekatutako trebetasun sozialak eta antzeko kontzeptuak:
Entzuteko trebetasuna. Entzute aktiboa. Entzute eraginkorrerako oztopoak.
Erantzuteko trebetasuna. Erantzun motak. Erantzun enpatikoa. Erantzun kaltegarriak edo egozentrikoak. Erantzun enpatikoaren eginkizunak.
Komunikazioaren eta bizi-kalitatearen arteko harremanaren azterketa esku-hartzearen esparruetan:
-Elkarretaratzearen konfigurazioa. Elkarretaratze mota pertsonalak animazio soziokulturalaren testuinguruan.
-Testuinguruaren balioespen komunikatiboa: komunikazioa bideratzen eta oztopatzen dutenak.
-Hezitzailearen jarrerek laguntza-harremanean duten garrantziaren balioespena. Hartzeko trebetasuna.
-Adimen emozionala. Hezkuntza emozionala. Emozioak eta sentimenduak.
-Defentsa mekanismoak. Elkarreragineko prozesuetan egon daitezkeen interferentziak.
-Komunikazioko eta trebetasun sozialetako programak eta teknikak. Haur Hezkuntzan aplikatzea testuinguru eta egoeren arabera.
-Ikuskapena gogoetarako eta autoebaluaziorako espazio konfidentzial gisa, pertsonen arteko harremanetarako eta komunikaziorako trebetasun egokiak garatzeko.
Orientabide didaktikoak.
Lanbide modulu honen izaera aski zeharkakoa da eta zikloko gainerako moduluetan landutakoa zehazten, aplikatzen eta txertatzen du.
Barne hartzen ditu, batetik, animazio soziokultural eta turistikoaren esparruan esku-hartze proiektuak prestatzen egindako ikaskuntzen diseinua eta aplikazioa, eta bestetik, lanbide esku-hartzearen gogoeta kritikoaren aplikazioa praktikoa.
Garrantzitsua da “Lantokiko prestakuntza” modulua bigarren ikasmailan moduluekin batera ematea. Horrela eginez gero, ikasleek lantokiko prestakuntzan zehar proiektuei eta programazioei buruz barneratuko dituzten esperientzia eta ezagutzak taldean hausnartu beharreko elementuak izanen dira, instituzio askotan lan egiteko modua lehen eskutik partekatzeak eta ezagutzeak dakarren aberastasun guztiarekin. Era berean, beste erakunde batzuetan egiten dena oinarri hartuta lan egiteko moduari buruz ikasten joaten denari esker, ikasleek beren praktika aberastuko dute eta, zenbaitetan, baita iradokizunak edo ideiak eman ere, eta hori oso positiboki baloratzen dute instituzio askok.
Modulua batera irakats daitezkeen bi ardatz edo gunetan egitura daiteke. Lehen ardatzean edo gunean sartzen da animazio soziokultural eta turistikoaren esparruan esku-hartze proiektuak diseinatzearekin zerikusia duten atazen multzoa. Kontuan izanik modulu honen izaera funtsean prozedurazkoa dela, ardatz hau elkarren arteko lotura duten mandatu-sorta baten inguruan egituratzen da. Ikasteko eta ebaluatzeko lan modura hartuta, mandatu horiek ikasgelako eta ikasgelatik kanpoko lana antolatuko lukete ikasturtean zehar. Hori horrela, hau egin daiteke:
-Animazio soziokultural eta turistikoaren esparruan esku-hartze proiektu baten funtsatzea egitea eta hartan sartzea proiektua sartuta dagoen arlo zehatzaren garapen kontzeptuala eta arlo horretako lege eta erakunde alderdiak. Era berean, proiektu hori sartuta dagoen entitatearen ezaugarrien deskribapen egokia eginen da.
-Proiektuan garatu beharreko programaren diseinua, programa horretako animatzaile soziokulturalaren lanpostuaren profila, eginkizunak, helburuak, metodologia eta aurrekontua barne.
-Programa horren esparruaren barnean egin beharreko jarduera zehatz baten programazioaren diseinua, haren kualifikazio praktikoa erakusteko osagai modura eta ez soilik proiektu horretan esku hartzeko kualifikazio teoriko modura.
-Horrekin batera eta lanbide figura honen dimentsioa ezagutzera emateko beharra kontuan hartuz, lan bat egin daiteke eta hartan azaldu Animazio Soziokultural eta Turistikoko goi mailako ziklo honetako lanbide figuraren historia, deontologia, jarduketa-esparruak eta profila.
Proposamen hauek berarekin dakarte modulu honetarako adierazitako edukien aplikazio kontzeptuala egitea eta, nolabait ere, ziklo osoarena, nahiz eta berariaz eta bereziki proiektu baten urteko programazioaren diseinua landu behar den, hots:
-Testuingurutzea: arloaren eta erakundearen deskribapena.
-Helburuen hautaketa eta egokitzapena.
-Printzipio metodologikoak proiektura egokitzea.
-Baliabide pertsonalak eta taldekatze moduak antolatzea.
-Guneak eta materialak antolatzea.
-Denbora antolatzea.
-Ingurunearekiko eta hartzaileekiko harremana planifikatzea.
-Ebaluatzeko teknikak eta tresnak.
Bigarren ardatz edo gune batean landuko lirateke lanbide praktikaren gogoeta kritikoa egitea, pertsona arteko komunikazio prozesuak abian jartzea, lanbide praktikak eta laster lan munduan sartzeko ikuspegiak sortutako zailtasunei aurre egitea.
Gune honetan gomendagarria da taldeari bere gizarte- eta komunikazio-trebetasunak probatzeko aukera eskaintzea: entzutea, enpatia, gogoeta eta autoebaluazioa erabakiak hartzeari berari dagokionez, eta prestakuntza prozesuan, banakakoan nola taldekoan, sortzen diren gatazken ebazpena. Helburua da gertatzen zaien guztiari buruz “hemen eta orain” ikastea; prestakuntzari eta harremanei dagozkien zailtasunak ebazten ikasten ahal dute, talde-gainbegiratzearen antzekoa den egoera batean. Azpian honako ideia hau dago: ikaskideekin, irakasleekin eta abarrekin sortzen diren zailtasunak lan-munduan -beste pertsona batzuekin nahiz taldean- biziko dituzten fenomenoen adierazle dira.
Hori horrela izanik, ebaluazio eginkizuna ere landuko litzateke, hots, norberaren zereginak burutzean besteekin modu egokian jarduteko beharrezkoa den gaitasun sozialaren bilakaeraren kontrolarena, eta horrekin batera, proiektuak abian jartzeko egoerei aurre egin eta horiek kudeatzeko eginkizuna.
Gune mota horrek isilpekoa behar du izan, eta parte hartzeko unea eta maila hautatzeko askatasuna errespetatu behar da.
Bukatzeko, prestakuntza gunean sartuko litzateke egin beharreko ataza eta lanen berariazko orientabidea. Era berean, hezkuntza praktikan biltzen diren alderdien gainean gaiei eta bizipenei buruzko gogoeta eta azterketa egiteko tokia izanen litzateke.
Bere izaeragatik, modulu hau gainerakoekin lotuta dago. Horregatik, garrantzitsua da gainerako moduluekin koordinatzea eta modulu horiek irakasten dituztenek eta ikasleek argi izatea ikaskuntzak gune honetan sartuko direla.
Komeniko litzateke modulu honetako orduak astean bi tartetan banatzea, bata 2,5 ordukoa eta bestea 1,5 ordukoa. Lehenean, gizarte, kultura eta turismo jarduerak sustatzeko proiektuak nola diseinatu irakatsiko litzateke eta, bigarrenean, lanbide proposamenak eta praktika aztertuko lirateke eta haien gaineko gogoeta eginen litzateke.
Irakaskuntza-ikaskuntzako eta ebaluazioko jarduera bat izanen litzateke proiektua eta urteko programazioa azaltzea eta defendatzea gainerako ikasleen eta moduluko irakaslearen eta, ahal balitz, beste irakasle batzuen aurrean. Azalpen hori egiteko oso komenigarria izanen litzateke ikasleek aurkezpen elektronikoak egitea. Aurkeztutako proiektu eta programazioen ebaluazioan ikastalde-ikasgelak parte hartzearen komenigarritasuna azter daiteke.
Interesgarria izanen litzateke bere proiektua eta/edo lan programazioa kontatuko lukeen profesional baten unean uneko lankidetza izatea. Era berean, oso interesgarria izanen litzateke proiektu desberdin eta berritzaileak ezagutzeko beste Erkidego batera bisitak egitea.
Halaber, proiektuak, edo proiektu horietako batzuk, ikastetxeko gizarte kontseiluaren edo sektoreko erakundeetako ordezkarien aurrean aurkezteko aukera azter daiteke.
Lanbide modulua: Lanerako prestakuntza eta orientazioa.
Kodea: 1133.
Baliokidetasuna, ECTS kreditutan: 5.
Iraupena: 70 ordu.
Ikaskuntzaren emaitzak eta ebaluazio irizpideak.
1. Enplegu aukerak hautatzen ditu, eta horretarako laneratzeko bideak eta ikasteko alternatibak bizitzan zehar identifikatzen ditu.
Ebaluazio irizpideak:
a) Norberaren nortasuna, asmoak, jarrerak eta prestakuntza balioestea erabakiak hartzeko.
b) Animazio Soziokultural eta Turistikoko goi mailako teknikariendako enplegu eta lan sorgune nagusiak identifikatu dira tokiko, eskualdeko, Estatuko eta Europako eremuetan.
c) Tituluaren profilari lotutako lanbide jarduerarako eskatzen diren gaitasunak eta jarrerak zehaztu dira.
d) Animazio Soziokultural eta Turistikoko goi mailako teknikariaren lanbide profilarekin zerikusia duten prestakuntza eta lanbide ibilbideak identifikatu dira.
e) Etengabeko prestakuntzaren garrantzia balioetsi da, enplegagarritasunaren aukerak zabaltzeko eta produkzio prozesuaren eskakizunetara egokitzeko funtsezko faktore gisa.
f) Lana bilatzeko prozesuan erabiltzen diren teknikak zehaztu dira.
g) Tituluarekin zerikusia duten lanbide sektoreetan autoenplegurako dauden aukerak aurreikusi dira.
2. Talde lanaren estrategiak eta komunikaziorako trebetasunak aplikatzen ditu eta estrategia horien eraginkortasuna eta eragimena baloratzen ditu erakundearen helburuei begira.
Ebaluazio irizpideak:
a) Talde lanaren onurak balioetsi dira Animazio Soziokultural eta Turistikoko goi mailako teknikariaren profilarekin zerikusia duten lan egoeretan.
b) Benetako lan-egoera batean osa daitezkeen lantaldeak identifikatu dira.
c) Komunikaziorako teknika nagusiak identifikatu dira.
d) Komunikazio eraginkorra izateko beharrezko elementuak identifikatu dira.
e) Lantalde eraginkorraren ezaugarriak zehaztu dira eraginkortasunik gabeko lantaldeen aldean.
f) Lanbide sektorean lantaldearen funtzionamendua hobetzeko behar diren gizarte trebetasunak balioetsi dira.
g) Lantaldeetan erabiltzen diren agiriak identifikatu dira: deialdiak, aktak eta aurkezpenak.
h) Lantaldeko kideen eginkizunen eta iritzien aniztasun beharrezkoa positiboki balioetsi da.
i) Taldeko kideen artean gatazkak sortzen ahal direla eta hori erakundeen ezaugarrietako bat dela onartu da.
j) Gatazka motak eta horien iturriak identifikatu ditu, bai eta gatazkak konpontzeko prozedurak ere.
3. Lan harremanetatik sortzen diren eskubideak erabili eta betebeharrak beteko ditu, eta horiek lan kontratuetan eta hitzarmen kolektiboetan bereizten ditu.
Ebaluazio irizpideak:
a) Lan zuzenbideko kontzeptu nagusiak identifikatu dira.
b) Enpresaburu eta langileen arteko harremanetan esku hartzen duten erakunde nagusiak bereizi dira.
c) Laneko harremanaren ondoriozko eskubideak eta betebeharrak zehaztu dira.
d) Kontratazio modalitate nagusiak sailkatu dira, eta kolektibo jakin batzuentzat kontratazioa sustatzeko neurriak identifikatu dira.
e) Lan-bizitza eta familia-bizitza bateragarri egiteko indarrean dagoen legeriak ezarritako neurriak baloratu dira.
f) Soldaten ordainagiria aztertu da eta hura osatzen duten elementu nagusiak identifikatu dira, tartean langilearen kotizazio oinarriak eta langileari eta enpresaburuari dagozkien kuotak daudela.
g) Laneko harremanak aldatu, eten eta deuseztatzearen arrazoiak eta ondorioak identifikatu dira.
h) Gatazka kolektiboko neurriak eta gatazkak ebazteko prozedurak aztertu dira.
i) Animazio Soziokultural eta Turistikoko goi mailako teknikariaren tituluarekin zerikusia duen lanbide sektoreari aplikatu beharreko hitzarmen kolektibo batean itundutako lan baldintzak zehaztu dira.
j) Lan-antolamenduaren ingurune berrien ezaugarriak identifikatu dira.
4. Gizarte Segurantzaren sistemak estaltzen dituen egoeretan zer nolako babesak dauden zehazten ditu, eta prestazio motak identifikatzen ditu.
Ebaluazio irizpideak:
a) Gizarte Segurantzaren eginkizuna balioetsi da, herritarren bizi kalitatea hobetzeko zutabe nagusia den aldetik.
b) Gizarte Segurantzako sisteman dauden araubideak identifikatu dira.
c) Gizarte Segurantzaren sistemak estaltzen dituen egoerak banan-banan aipatu dira.
d) Enpresaburuak eta langileak Gizarte Segurantzaren sistemaren barnean dituzten betebeharrak identifikatu dira.
e) Inguruko herrialde nagusietan Gizarte Segurantzaren arloan dauden aldeak identifikatu dira.
f) Gizarte Segurantzaren sistemako prestazioak sailkatu ditu eta baldintzak identifikatu dira.
g) Legezko langabezia egoerak zehaztu dira zenbait kasu praktikotan.
h) Ikasleen ezaugarriei dagozkien langabezia prestazioen iraupena eta zenbatekoa kalkulatu dira, kotizaziopeko oinarrizko prestazioak eta kotizazio gabeko prestazioak bereiziz.
5. Bere jardueraren arriskuak ebaluatzen ditu, eta lan baldintzak eta bere lan inguruneko arrisku faktoreak aztertzen ditu.
Ebaluazio irizpideak:
a) Animazio soziokultural eta turistikoaren sektoreko jarduerak Animazio Soziokultural eta Turistikoko goi mailako teknikariaren lan inguruetan sailkatu dira eta lanbidearen arrikuak identifikatu dira.
b) Dauden arrisku faktoreak sailkatu dira.
c) Laneko arriskuen ondorioz gerta daitezkeen kalte profesionalak (lan istripuak eta lanbide eritasunak) identifikatu dira.
d) Enpresako arriskuak ebaluatzeko prozesua eta kontzeptua zehaztu dira.
e) Arrisku motak identifikatu eta ebaluatu dira eta, prebentzio neurriak proposatuta, haien jarraipena egin eta haien eraginkortasuna kontrolatu da.
f) Animazio Soziokultural eta Turistikoko goi mailako teknikariaren lanbide profilarekin zerikusia duten lan inguruneetan prebentzioari begira garrantzia duten lan baldintzak zein diren zehaztu da.
g) Lan baldintzen eta langilearen osasunaren arteko lotura azaldu da.
h) Enpresaren esparru eta jarduera guztietan prebentzioaren kulturak duen garrantzia balioetsi da.
6. Enpresa txiki batean, arriskuen prebentziorako plana egiten laguntzen du, eta inplikatutako eragile guztien erantzukizunak eta eskumenak identifikatzen ditu.
Ebaluazio irizpideak:
a) Laneko arriskuei aurrea hartzeko oinarrizko araudia identifikatu da.
b) Laneko arriskuen prebentzioaren arloko eskubide eta betebehar nagusiak zein diren zehaztu da.
c) Enpresan prebentzioa kudeatzeko moduak sailkatu dira, laneko arriskuen prebentzioari buruzko araudian ezarritako irizpideen arabera.
d) Arrisku plan bat prestatzean inplikatuta dauden eragile guztien erantzukizunak identifikatu dira.
e) Arriskuen prebentzioaren arloan langileek enpresan ordezkaritza izateko bideak zein diren deskribatu da.
f) Laneko arriskuen prebentzioarekin zerikusia duten erakunde publikoak identifikatu dira.
g) Aintzat hartu du garrantzitsua dela enpresan prebentzio plana izatea, larrialdietan egin beharreko jarduketen sekuentzia barne.
h) Animazio Soziokultural eta Turistikoko goi mailako teknikariaren lanbide sektorearekin zerikusia duen lantoki bateko prebentzio planaren edukia definitu da.
i) Enpresa txiki edo ertain batentzako larrialdi eta ebakuazio plana proiektatu da.
7. Prebentzio eta babes neurriak aplikatzen ditu, eta Animazio Soziokultural eta Turistikoko goi mailako teknikaria lan-inguruneko arrisku egoerak aztertzen ditu.
Ebaluazio irizpideak:
a) Kalteak beren sorburuan saihesteko eta saihestezinak diren ondorioak leuntzeko aplikatu behar diren prebentzio eta babes neurriak definitu dira.
b) Mota guztietako segurtasun-seinaleen esanahia eta hedadura aztertu dira.
c) Larrialdietarako jardun-protokoloak aztertu dira.
d) Larrialdietan, larritasun maila desberdinetako biktimak daudenean, zaurituak sailkatzeko teknikak identifikatu dira.
e) Lehen sorospenetarako oinarrizko teknikak identifikatu dira, istripuaren lekuan aplikatu behar direnak kalte mota desberdinei aurre egiteko. Halaber, botika kutxaren osagaiak eta erabilera azaldu dira.
f) Langilearen osasuna zaintzeko betekizunak eta baldintzak eta horiek prebentzio neurri gisa duten garrantzia zehaztu dira.
Edukiak.
Lan bilaketa aktiboa:
-Lanbide ibilbiderako interes, gaitasun eta motibazio pertsonalak aztertzea.
-Erabakiak hartzeko prozesua.
-Animazio Soziokultural eta Turistikoko goi mailako teknikariaren tituluari dagokion lanbide sektorearen definizioa eta azterketa, haren eraginpeko lurraldean eta Estatuan.
-Sektoreko enpresa txiki, ertain eta handietan lana bilatzeko prozesua haren eraginpeko lurralde eremuan, estatuan eta Europar Batasunean.
-Enplegu publikoa eskuratzeko prozesua.
-Europan ikasi eta enplegatzeko aukerak.
-Animazio Soziokultural eta Turistikoko goi mailako teknikariaren lan eta lanbide ibilbiderako duen garrantzia balioestea.
-Informazio hori ematen duten tokiko, eskualdeko, estatuko eta Europako erakundeen identifikazioa.
-Animazio Soziokultural eta Turistikoko goi mailako teknikariarekin zerikusia duten prestakuntza ibilbideak identifikatzea tokiko, eskualdeko, Estatuko eta Europako eremuetan.
-Lana bilatzeko teknikak eta tresnak: curriculum vitae ereduak, Europako curriculum vitae-a eta lan elkarrizketak. Europar Batasunean langileen mugikortasuna errazten duten beste agiri batzuk.
-Autoenplegua balioestea lanbideratzeko hautabide gisa.
Gatazkaren kudeaketa eta lantaldeak:
-Antolamenduaren eraginkortasunean talde-lanak dituen abantailak eta eragozpenak balioestea.
-Animazio soziokultural eta turistikoaren sektoreko talde motak, egiten dituzten eginkizunen arabera.
-Lantalde eraginkorraren ezaugarriak.
-Gizarte trebetasunak. Hitzezko eta hitzik gabeko komunikazio teknikak. Komunikazio eraginkorrerako estrategiak.
-Lan bileretan erabiltzen diren agiriak: deialdiak, aktak eta aurkezpenak.
-Lantaldean parte hartzea. Kideek har ditzaketen rolen azterketa.
-Gatazka: haren ezaugarriak, sorburuak eta etapak.
-Gatazka ebatzi edo deuseztatzeko metodoak: bitartekotza, adiskidetzea, arbitrajea, epaiketa eta negoziazioa.
Lan kontratua:
-Lan zuzenbidea.
-Banakako lan harremanen azterketa.
-Lan kontratuaren modalitateak eta kontratazioa sustatzeko neurriak.
-Lan harremanek sortzen dituzten eskubideak eta betebeharrak.
-Lan baldintzak. Soldata, lan denbora eta atsedena.
-Lansarien ordainagiria.
-Lan kontratuaren aldaketa, etetea eta amaiera.
-Langileen ordezkaritza.
-Animazio Soziokultural eta Turistikoko goi mailako teknikariaren lanbide eremuan aplikagarria den lanbide hitzarmen baten azterketa.
-Lan gatazka kolektiboak.
-Lan antolamenduaren ingurune berriak: azpikontratazioa, urrutiko lana eta beste batzuk.
-Langileendako onurak antolamendu berrietan: malgutasuna, onura sozialak eta beste batzuk.
Gizarte Segurantza, lana eta langabezia:
-Gizarte Segurantzaren sistema, elkartasun sozialaren oinarrizko printzipio gisa.
-Gizarte Segurantzaren sistemaren egitura.
-Enpresaburuek eta langileek Gizarte Segurantzaren arloan dituzten betebehar nagusiak ezartzea: afiliazioak, altak, bajak eta kotizazioa.
-Gizarte Segurantzaren ekintza babeslea.
-Gizarte Segurantza gure inguruko herrialde nagusietan.
-Langabezia-babesa: kontzeptua eta babesten ahal diren egoerak.
Arrisku profesionalen ebaluazioa:
-Laneko arriskuei aurrea hartzeko oinarrizko arau esparrua.
-Eskubideak eta betebeharrak laneko arriskuen prebentzioaren arloan.
-Prebentzioaren kulturaren garrantzia jardueraren fase guztietan.
-Lanaren eta osasunaren arteko lotura baloratzea.
-Lanbide arriskua. Arrisku faktoreen azterketa.
-Enpresako arriskuak ebaluatzea, prebentzio jardueraren oinarrizko elementu gisa.
-Segurtasun-baldintzei lotutako arriskuak aztertzea.
-Ingurumen baldintzei lotutako arriskuen azterketa.
-Baldintza ergonomiko eta psikosozialei lotutako arriskuak aztertzea.
-Sektoreko industrian berariazko arriskuak dituzten lan prozesuak.
-Arriskuaren balorazioa.
-Arrisku egoera bakoitzaren ondorioz langilearen osasunak nolako kalteak izan ditzakeen zehaztea.
Prebentzioaren plangintza enpresan:
-Prebentzio plana.
-Prebentzio neurriak hartzea: horien plangintza eta kontrola.
-Prebentzioaren kudeaketaren antolaketa enpresan.
-Langileen ordezkaritza prebentzioaren arloan.
-Erantzukizunak laneko arriskuen prebentzioaren arloan.
-Laneko arriskuen prebentzioarekin zerikusia duten erakunde publikoak.
-Banakako eta taldeko prebentzio eta babes neurriak.
-Larrialdi- eta ebakuazio-planak lan-inguruneetan.
-Sektoreko enpresa batentzako larrialdi plana prestatzea.
-Larrialdi-egoera batean jarduteko protokoloa.
Prebentzio eta babes neurriak aplikatzea:
-Jarduketa protokoloa hautatzea.
-Banakako eta taldeko prebentzio eta babes neurriak zehaztea.
-Segurtasun arloko seinale motak identifikatzea.
-Larrialdi medikoa / Lehen sorospenak. Oinarrizko kontzeptuak eta aplikazioa.
-Langileei prestakuntza ematea larrialdietako planei buruz eta lehen sorospenetarako teknikei buruz.
-Langileen osasuna zaintzea.
Orientabide didaktikoak.
Modulu honen bidez ikasleek oinarrizko trebetasunak eta jarrerak berenganatzen dituzte lan munduan sartzeko eta beren lanbide karrera garatzeko, gizarte, kultura eta turismo jardueren sustapenaren sektorean, hala Espainiako lurraldean nola Europan.
Edukien sekuentziazioari dagokionez, kontuan izanik ikastetxeak egokienak iruditzen zaizkion erabakiak hartzeko eskumena duela, lan arloko legediari, Gizarte Segurantzari eta lan ekipoei buruzko edukiak jorratu litezke lehenik, eduki horiek beharrezkoak baitira “Enpresa eta ekimena” izeneko moduluan enpresako proiektu/plana garatzeko. Ondoren, laneko segurtasunari eta osasunari buruzko edukiak lantzen ahal dira; aipatutako enpresa proiektuari dagokion prebentzio plana prestatzeko lanean gauzatzen ahal da haien aplikazio praktikoa. Gatazkaren kudeaketarekin jarraitzen ahal da eta, azkenik, lan bilaketari buruzko multzoa jorratu liteke, ikasleak lan merkatuan sartu aurreko urrats gisa.
Modulu honetako ikaskuntzaren emaitzak lortzeko, askotariko jarduerak daude aukeran. Hona hemen batzuk:
-Norberaren izaerari eta gizarte trebetasunen garapenari buruzko orientabide profesionaleko probak eta dinamikak egitea, prestakuntzaren eta asmoen arteko koherentzia pertsonala egiaztatzeko.
-Norberaren karrera planifikatzea: beharrekin eta lehentasunekin bateragarriak diren epe ertain eta luzerako lan helburuak finkatzea. Helburu errealistak eta oraingo prestakuntzarekin eta proiektatuarekin koherenteak finkatuko dira, eta nork bere ikaskuntzaren ardura hartuko du.
-Lana bilatzen laguntzen ahal diguten bitartekoak eta erakundeak identifikatzea, bai gure ingurune hurbilenean, bai Europan, horretarako tresna egokiak erabiliz.
-Lana bilatzeko behar den dokumentazioa prestatu eta betetzea: curriculum vitae-a, lan elkarrizketak, test psikoteknikoak eta beste batzuk.
-Jardueraren bat bakarka eta taldean egitea eta emaitzak konparatzea.
-Komunikazio jarduerak egitea.
-Klasean aurkezpenak egitea.
-Gatazka egoera bat simulatzea eta konponbide desberdinak aurkeztea.
-Sektoreko langileei eragiten dien lan arloko araudia identifikatzea.
-Langileen Estatutuaren edukia alderatzea ikasten ari den zikloari dagokion sektoreko hitzarmen kolektibo batekin.
-Negoziazio kolektiboko prozesu bat simulatzea, langileen eta enpresaburuen interesak bateratzeko bide gisa.
-Zailtasun maila desberdinetako soldata ordainagiriak egitea.
-Prebentzio plan bat prestatzea “Enpresa eta ekimena” moduluan garatuko den enpresa proiekturako/planerako.
-Gizarte Segurantzak babesten dituen egoerak identifikatzea.
-Zikloa eginda eskuratzen ahalko diren lanpostu ohikoenetan gerta daitezkeen arrisku egoerak aztertzea, prebentzio neurriak proposatzea eta ezarri beharreko prebentzio neurrien plangintza diseinatzea, hori guztia indarra duen araudiari jarraituz.
-Sektoreko enpresak ikusteko bisitak programatu eta egitea, ikasleek produkzio sektorearen errealitatea ezagutu ahal dezaten.
Modulu honen edukietarako ikus-entzunezko baliabideak edota Internet erabilita, irakaskuntza-ikaskuntza prozesua azkarragoa eta eraginkorragoa izanen da. Pixkanaka ikasleek beren kabuz ebatzi ahal izanen dituzte proposatzen zaizkien jarduketak eta egoerak.
“Lanerako prestakuntza eta orientazioa” eta “Enpresa eta ekimena” izeneko moduluek harreman estua izan behar dute, eta edukiak zein metodologiaren alderdiak elkarrekin koordinatuko dituzte.
Azpimarratu behar da komenigarria dela “Enpresa eta ekimena” izeneko moduluan eginen den enpresako proiektu/plana erabiltzea “Lanerako prestakuntza eta orientazioa” izenekoan ematen diren edukiak zuzenean aplikatzeko; horrek modulu honetako edukien alderdi praktikoa sustatuko du.
Halaber, lantegi, laborategi eta abarretan ematen diren moduluekin duen erlazioa kontuan hartu beharko litzateke, lan osasunaren arloko prestakuntza osatze aldera. Ildo honetan, lehen sorospenetarako berariazko modulua dagoenez gero, Lanerako Prestakuntzaren eta Orientazioaren modulu honen barneko edukiak modu azalekoagoan landu beharko lirateke.
Lanbide modulua: Enpresa eta ekimena.
Kodea: 1134.
Baliokidetasuna, ECTS kreditutan: 4.
Iraupena: 70 ordu.
Ikaskuntzaren emaitzak eta ebaluazio irizpideak.
1. Ekimenari lotutako ahalmenak ezagutzen ditu, eta lanpostuetatik eta enpresa jardueretatik sortzen diren eskakizunak aztertzen ditu.
Ebaluazio irizpideak:
a) Aintzat hartu da banakako ekimenak, sormenak, prestakuntzak eta lankidetzak duten garrantzia, enplegatu gisa nahiz enpresaburu gisa ekinbideetan arrakasta lortzeko ezinbesteko baldintzak diren aldetik.
b) “Berrikuntza” eta “nazioartekotze” kontzeptuak eta horiek gizartearen aurrerabidearekin eta pertsonen ongizatearen gehikuntzarekin duten lotura identifikatu dira.
c) Kultura ekintzailea zer den eta enpleguaren eta gizarte ongizatearen iturri gisa zer-nolako garrantzia duen aztertu da.
d) Animazio soziokultural eta turistikoaren esparruan abiatzen den enpresaburu baten ekimenaren nondik norakoa aztertu da.
e) “Arrisku” kontzeptua aztertu da, ekimen ororen ezinbesteko osagai gisa, eta enpresa plan baten bitartez arriskua gutxitzeko aukera ere bai.
f) “Enpresaburu” kontzeptua eta enpresa jarduera garatzeko behar diren baldintzak eta jarrerak aztertu dira.
2. Komunikazioarekin, lidergoarekin, sormenarekin eta konpromisoarekin zerikusia duten norberaren gaitasunak ezagutu eta aplikatzen ditu, eta norberaren konturako edo besteren konturako lanbide jarduerak garatzeko orduan duten garrantzia balioesten du.
Ebaluazio irizpideak:
a) Komunikazio eraginkorra izateko beharrezko elementuak identifikatu dira.
b) Agindu eta zuzentzeko estiloak eta horiek pertsonengan eta enpresetan dituzten eraginak sailkatu dira.
c) Lanbide jardueretan motibazioa izatearen beharra justifikatu da.
d) Deskribatu da zein diren motibatzeko teknika ohikoenak eta nola egokitzen diren egoeraren arabera.
e) Lan prozesuak hobetzeko eta lanbidean berrikuntzak sartzeko pentsamendu sortzailea izatearen beharra justifikatu da.
f) Sormenezko prozesuen ezaugarri nagusiak deskribatu dira.
g) Norberaren gaitasun profesionalak erlazionatu dira sektoreko enpresetan besteren kontura lan egiteko behar diren gaitasun pertsonalekin.
h) Norberaren gaitasun profesionalak erlazionatu dira animazio soziokultural eta turistikoaren lanbide sektoreko jarduera batean hasten diren pertsona ekintzaileek behar dituzten gaitasun pertsonalekin.
3. Negoziorako ideiak sortu eta identifikatzen ditu, eta enpresa txiki bat sortzeko edo enpresa baten barnean ekimenak garatzeko aukera zehazten du, balio etikoak erantsiz eta ingurunearen gaineko eragina baloratuz.
Ebaluazio irizpideak:
a) Enpresa baten oinarrizko eginkizunak deskribatu dira eta enpresari aplikatutako sistemaren kontzeptua aztertu da.
b) Enpresa baten barnean, prozesuak eta produktuak hobetzeko ekimenetarako ideiak garatzea sustatu da, merkatuaren eskariei erantzun nahian.
c) Negoziorako ideiak garatzea sustatu da, merkatuaren eskariei erantzun nahian.
d) Negoziorako aukerak aztertu dira, sektorearen egoera eta eboluzioa kontuan izanda.
e) Enpresaren ingurune orokorraren osagai nagusiak identifikatu dira; bereziki, ingurune ekonomikoa, soziala, demografikoa, kulturala, politikoa, legezkoa, teknologikoa eta nazioartekoa.
f) Aztertu da ea enpresaren jardueran zer nolako eragina duten enpresak bezeroekin/erabiltzaileekin, hornitzaileekin, lehiakideekin eta bitartekariekin dituen harremanek, horiek baitira berariazko ingurunearen edo mikroingurunearen osagai nagusiak.
g) ETE baten inguruneko elementuak identifikatu dira.
h) Enpresa-kulturaren eta irudi korporatiboaren kontzeptuak, eta horiek enpresa-helburuekin duten lotura aztertu ditu.
i) Enpresen gizarte-erantzukizunaren fenomenoa eta enpresa-estrategiaren elementu gisa duen garrantzia aztertu dira.
j) Animazio soziokultural eta turistikoko enpresa baten balantze soziala egin da eta enpresa horien kostu sozial nagusiak deskribatu dira, bai eta sortzen dituzten onura sozialak ere.
k) Animazio soziokultural eta turistikoaren esparruko enpresetan balio etiko eta sozialak txertatzen dituzten praktikak identifikatu dira.
l) Enpresaren estrategia deskribatu da, enpresaren helburuekin lotuz, eta marketin plana zehaztu da.
m) Enpresa baten bideragarritasun ekonomiko-finantzarioari buruzko azterlana egitea zein garrantzitsua den baloratu da.
4. Animazio soziokultural eta turistikoko enpresa bat eratzeko eta abiarazteko lanak egiten ditu, dauden aukerabide eta baliabideak baloratzen ditu, forma juridikoa hautatzen du eta legezko betebeharrak identifikatzen ditu.
Ebaluazio irizpideak:
a) Enpresaren forma juridikoak aztertu dira.
b) Enpresaren jabeek, hautaturiko forma juridikoaren arabera, zenbaterainoko lege-erantzukizuna duten zehaztu da.
c) Enpresen forma juridikoetarako ezarritako tratamendu fiskala bereizi da.
d) Indarrean dagoen legeriak ETE bat eratzeko exijitutako izapideak aztertu dira.
e) Animazio soziokultural eta turistikoko enpresa bat sortzeko eskuratzen ahal diren laguntza guzti-guztien bilaketa egin da.
f) Enpresa plan baten osagaiak zehaztu dira.
g) Forma juridikoaren hautapenari, administrazio izapideei, laguntzei eta diru-laguntzei buruzko guztia enpresa planean sartu da.
h) ETE bat abian jartzeko aholkularitza eta kudeaketa administratiboa enpresatik kanpo lortzeko bideak identifikatu dira.
i) Produkzio planari eta bideragarritasun ekonomiko-finantzarioaren gaineko azterlanari buruzko guztia enpresa planean sartu da.
j) Kontabilitateko informazioa aztertzeko oinarrizko teknikak deskribatu dira, batez ere enpresaren kaudimenari, likideziari eta errentagarritasunari dagokienez.
k) Animazio soziokultural eta turistikoaren sektoreko ETE baten bideragarritasun ekonomiko eta finantzarioaren azterlana egin da.
l) Jarduerarako egin behar diren inbertsioak identifikatu eta balioetsi dira, bai eta finantzabideak ere.
m) Ahuleziak eta indarrak identifikatu dira.
5. ETE baten kudeaketa administratibo, komertzial eta finantzarioko oinarrizko jarduerak egiten ditu, kontabilitate eta zerga betebehar nagusiak identifikatzen ditu eta dokumentazioa betetzen du.
Ebaluazio irizpideak:
a) Animazio soziokultural eta turistikoko enpresa baten zerga betebeharrak definitu dira.
b) Fase hauek definitu dira: produkzioa edo zerbitzua ematea, produkziorako estrategiak eta kalitaterako estrategiak.
c) Kontabilitateko oinarrizko kontzeptuak aztertu dira.
d) Ikerketa, garapen eta berrikuntza (I+G+b) arloko ekintzen beharra balioetsi da.
e) Zerga-egutegian zerga motak bereizi dira.
f) Animazio soziokultural eta turistikoaren sektoreko ETE batentzat merkataritzako eta kontabilitateko oinarrizko agiriak bete dira (fakturak, albaranak, eskabide orriak, kanbio letrak, txekeak eta beste batzuk), eta agiri horiek enpresan egiten dituzten zirkuituak deskribatu dira.
Edukiak.
Enpresa ekimena:
-Berrikuntza eta garapen ekonomikoa. Berrikuntzaren ezaugarri nagusiak animazio soziokultural eta turistikoko enpresen jardueran.
-Ekintzaileen faktore nagusiak: ekimena, sormena eta prestakuntza.
-Ekintzaileen jarduera, animazio soziokultural eta turistikoaren sektoreko ETE bateko enpresari eta enplegatu gisa.
-Ekimenaren arriskua.
-“Enpresaburu” kontzeptua. Enpresa jarduerarako baldintzak. Izaera ekintzailea.
Komunikazioa, lidergoa eta sormena:
-Sormenaren, komunikazioaren eta buruzagitzaren oinarrizko gaitasunak, besteak beste.
-Pertsona sortzailearen ezaugarriak. Sormena bultzatzen duten teknikak.
-Agintzeko eta zuzentzeko estiloak ezagutzea. Enpresako esparruetan aplikatzea.
-“Motibazio” kontzeptua. Motibatzeko teknikak eta haien aplikazioa.
-Animazio soziokultural eta turistikoaren sektorean ari den enplegatu baten eta ekintzaile baten lan arloko gaitasunak eta gaitasun pertsonalak ezagutzea.
Enpresa eta bere ingurunea:
-Enpresa, sistema gisa. Enpresaren oinarrizko eginkizunak.
-Negozioaren ideia animazio soziokultural eta turistikoko enpresa batean.
-Kultura ekintzailea: ekimena, enpresa barneko ekimena eta ekimen soziala sustatzea. Negoziorako ideiak sortzeko teknikak.
-Animazio soziokultural eta turistikoaren sektoreko ETE baten inguru orokorra eta berariazkoa aztertzea.
-Animazio soziokultural eta turistikoaren sektoreko ETE baten harremanak.
-Enpresa nazioartean. Europar Batasunean askatasunez kokatzeko eskubidea.
-Animazio soziokultural eta turistikoaren sektoreko enpresa baten ahuleziak, mehatxuak, indarrak eta aukerak aztertzea.
-Marketin plan baten edukiak.
Enpresa bat sortu eta abian jartzea:
-Enpresa motak. Forma juridikoak.
-Forma juridikoa hautatzea.
-Produkzio prozesuaren edo zerbitzuaren deskribapen teknikoa. Giza baliabideak.
-Animazio soziokultural eta turistikoaren sektoreko ETE baten bideragarritasun ekonomiko eta finantzarioa.
-Fiskalitatea enpresetan: Nafarroako Foru Komunitateko zerga sistemaren berezitasunak.
-Enpresa bat eratzeko administrazio tramiteak.
-Enpresa bat eratzeko aholku ematen duten erakundeak.
-Ahuleziak eta indarrak identifikatzea, AMIA.
-Enpresa plan bat prestatzea.
Funtzio administratiboa, merkataritzakoa eta finantzarioa:
-Kontabilitatearen kontzeptua eta oinarrizko alderdiak.
-Funtzio komertzial eta finantzarioaren kontzeptua.
-Produkzio faseen definizioa. Hobetzeko sistemak.
-Kontabilitate eragiketak: enpresaren informazio ekonomikoaren erregistroa.
-Enpresen zerga betebeharrak.
-Dokumentu ofizialak aurkezteko eskakizunak eta epeak.
-Animazio soziokultural eta turistikoko enpresa baten kudeaketa administratiboa.
Orientabide didaktikoak.
Modulu honen helburua da ikasleek sentikortasun positiboa garatzea nork bere lana sortzeko ekimenari dagokionez, baita enpresa barnean ekiteko jarrerak eta trebetasunak sustatzea ere, enplegua etengabe hobetzeko beste baten kontura lan egiten denean.
Planteatzen diren edukien sekuentziazioari dagokionez, kontuan izanik ikastetxeak eskumena duela egokien iruditzen zaizkion erabakiak hartzeko, proposatzen da ikasleak has daitezela ekimenerako gaitasunak zehaztu eta garatzen dituzten jarduerekin, eta, horrek, bere aldetik, beren jarduna garatuko duten sektorera hurbiltzen lagunduko die. Ondoren, negoziorako ideia bat zehazteko erronkari eginen diote aurre ikasleek, hori oinarria izanen baita enpresa plan bat prestatzeko. Izan ere, plan hori izanen da modulua garatzeko ardatza.
Gomendatzen da edukiak aplikagarriak izatea eta enpresa proiektua edo enpresa plana garatzearekin batera irakastea, metodologiak lot ditzan moduluko alderdi teorikoa eta praktikoa.
Saiatu beharko litzateke enpresa proiektua/enpresa plana kontzeptua “Animazio soziokultural eta turistikoko proiektua” moduluarekin biltzen, lanbide arloko irakasleak ezaugarri teknikoei buruzko alderdietan buru izan daitezen. Bi proiektuak ebaluazio tresna gisa erabili ahal izanen dira, ikasleen jarreraren gaineko alderdiak baloratu ahal izateko, hala nola: komunikazioa, lidergoa, sormena eta inplikazioa, arestian ekimena sustatzeko beharrezkoak diren gaitasun gisa definituak.
Metodologia teoriko-praktikoa izanen da, ikus-entzunezko baliabideak eta IKTak erabiliz kasuan kasuko sektorearen egoera ekonomikoari buruzko informazioa bilatu eta aztertzeko, eta web orri eta plataforma espezializatuetan kontsultak egiteko, enpresa bat martxan jartzeko prozesuan erabakiak hartzen lagungarri izan daitezen. Alde horretatik, enpresa plan bat gara daiteke, jarduera hauek bateratzeko ardatz gisa:
-Heziketa zikloaren lanbide profileko jarduerarekin zerikusia duen enpresako proiektu/plan bat egitea, negozioa martxan jartzeak dakartzan alderdi guztiak biltzen dituena: bideragarritasuna, produkzioa eta giza baliabideak, merkataritzako kudeaketa, administrazio eta finantza kontrola, justifikazio soziala, etab.; batik bat, esperientzia praktikoak, kanpoko eragileekiko harremana eta enpresako jardueraren sustapena oinarri dituen tresna pedagogikoak aplikatuko dira (enpresako leihatila bakarra, merkataritza ganberak, tokiko garapenerako agentziak, CEN, CEIN, enpresen mintegiak eta inkubagailuak, etab.).
-Enpresaburuekin harremanetan jartzea, hitzaldi, bisita, dinamika eta abarren bidez, enpresa baten funtzionamendua ezagutzeko sortzen denetik aurrera, ekimenaren espiritua sustatzeko eta ikasleek jarduerak garatzeko enpresa horren inguruan: oinarrizko eginkizunak, ingurunearen azterketa, AMIA azterketa, produkzio prozesuaren deskribapena, enpresa mota.
-Azoka, jardunaldi, lantegi eta bestelako ekitaldietara joatea, sektorea ezagutzeko eta enpresa ekimena garatzeko.
-Erakustaldiak, jardunaldi teknikoak eta ikastetxeko beste ekimen batzuk antolatzea, eskola, ekonomia eta gizarte komunitateari begira.
-Kontsultak egitea enpresak sortzeko eskumenak dituzten entitate eta erakundeei, eragile ekonomiko eta sozialei eta profesionalei.
-Enpresako planaren barruan prebentzio plan bat prestatzea, “Lanerako prestakuntza eta orientazioa” moduluan erdietsitako gaitasunak oinarri dituena.
-Enpresako proiektu/plana azaltzea eta defendatzea epaimahai baten aurrean.
Metodologia hau aplikatzeko, komenigarria izanen litzateke ikasleei Interneten sartzea ahalbidetzen dieten baliabideak eta/edo ikus-entzunezko baliabideak izatea. Gomendagarria da, halaber, ikasleak taldekatzearen teknika erabiltzea proposatutako jarduera batzuk egiteko.
Orobat, ikastetxeen arteko elkarlana sustatuko da, ahal dela, bai irakasleen bai ikasleen aldetik (kudeaketa ekonomikoa, prebentzio plana, denboraren bankua, etab.), eta ikastetxeen materialak eta praktika onak trukatzea bultzatuko da topaketa birtualen eta aurrez aurrekoen bidez.
Lanbide modulua: Lantokiko prestakuntza.
Kodea: 1135.
Baliokidetasuna, ECTS kreditutan: 22.
Iraupena: 430 ordu.
Ikaskuntzaren emaitzak eta ebaluazio irizpideak.
1. Enpresaren egitura eta antolamendua identifikatzen ditu, eta ematen duen zerbitzuarekin erlazionatzen ditu.
Ebaluazio irizpideak:
a) Enpresaren antolamendu-egitura eta arlo bakoitzaren eginkizunak identifikatu dira.
b) Enpresaren egitura eta sektorean dauden ereduzko enpresa antolamenduak alderatu dira.
c) Zerbitzuaren ezaugarriak eta bezero mota enpresa-jardueraren garapenarekin lotu dira.
d) Zerbitzugintza garatzeko lan-prozedurak identifikatu dira.
e) Jarduera behar bezala garatzeko giza baliabideek izan behar dituzten gaitasunak baloratu dira.
f) Jarduera honetan ohikoenak diren hedabideen egokitasuna baloratu da.
2. Bere lanbide jardueran ohitura etiko eta lan ohitura egokiak aplikatzen ditu, lanpostuaren ezaugarrien eta enpresan ezarritako prozeduren arabera.
Ebaluazio irizpideak:
a) Aintzat hartu eta justifikatu ditu:
-Lanpostuak langileari eskatzen dion prestasuna eta denbora.
-Jarrera pertsonalak (besteak beste, puntualtasuna eta enpatia) eta profesionalak (besteak beste, lanposturako beharrezko txukuntasuna, garbitasuna, eta erantzukizuna).
-Lanbide jardueran arriskuen prebentziorako beharrezkoak diren jarrerak.
-Lanbide jardueraren kalitateari dagokionez beharrezkoak diren jarrerak.
-Lantaldearekin eta enpresan ezarritako hierarkiarekin zerikusia duten jarrerak.
-Lanaren esparruan egiten diren jardueren dokumentazioarekin zerikusia duten jarrerak.
-Laneratzeko eta lan munduan berriz sartzeko prestakuntza beharrak profesionalaren jardunbide egokiaren esparru zientifiko eta teknikoan.
b) Laneko arriskuen prebentzioari buruzko arauak identifikatu dira, baita lanbide jardueran aplikatzekoa den Laneko Arriskuen Prebentzioari buruzko Legearen oinarrizko alderdiak ere.
c) Norbanakoak babesteko ekipamenduak erabili dira, lanbide jardueraren arriskuen arabera eta enpresaren arauak betez.
d) Garatutako jardueretan ingurumena errespetatzeko jarrera izan da.
e) Antolatuta, garbi eta oztoporik gabe mantendu da lanpostua edo jarduera garatzeko eremua.
f) Zuzendu zaion lanaz arduratu da, jasotako argibideak interpretatuz eta betez.
g) Egoera bakoitzean ardura duen pertsonarekin eta taldeko kideekin komunikazio eraginkorra ezarri da.
h) Taldearen gainerakoekin koordinatu da eta sortzen diren gertakaririk adierazgarrienak komunikatu ditu.
i) Jardueraren garrantzia eta zereginen aldaketetara egokitzeko beharra baloratu da.
j) Lana garatzean arauak eta prozedurak aplikatzeaz arduratu da.
3. Animazio soziokultural eta turistikoaren jarduera prestatzeko eragiketak egiten ditu, eta, horretarako, ezarritako arauen eta erakundean edo enpresan ezarritako jarraibideen araberako teknikak eta prozedurak aplikatzen ditu.
Ebaluazio irizpideak:
a) Animazio soziokultural edo turistikoaren jarduera prestatzeko jasotako jarraibideak interpretatu dira.
b) Garatu beharreko lan-prozesuak prestatzearekin lotzen den dokumentazioa identifikatu da.
c) Ezarritako arauen eta jarraibideen araberako kontrol-prozedurak erabili dira.
d) Animazio soziokultural edo turistikoaren jarduera eginen den guneak egokitzeko beharrak identifikatu dira.
e) Animazio soziokultural edo turistikoaren jarduerari hasiera emateko irizpideak behar bezala aplikatu dira, ezarritako arauak eta jarraibideak kontuan izanik.
f) Zerbitzuaren hartzaileen beharrak ezagutu eta finkatu dira, ezarritako protokoloak kontuan hartuta.
g) Mendekotasun egoeran dauden pertsonekin lehen harremana izateko prozedurak behar bezala egin dira, bitartekoak erabilita eta teknikak aplikatuta, ezarritako argibideen eta/edo arauen arabera.
h) Animazio soziokultural edo turistikoaren jarduera prestatzeko prozesuan sortutako zailtasunak identifikatu dira.
4. Lan plangintzan aurreikusten diren jarduerak ezartzen ditu, eta, horretarako, garatu beharreko jardueren berezko prozeduren eta tekniken aplikazioarekin lotzen ditu ezarritako arauak eta jarraibideak.
Ebaluazio irizpideak:
a) Animazio soziokultural edo turistikoaren jarduera egiteko jasotako jarraibideak interpretatu dira.
b) Garatu beharreko lan-prozesuekin lotzen den dokumentazioa identifikatu da.
c) Ezarritako prozedurei jarraikiz egin dira zereginak.
d) Lanbidearen irizpide deontologikoak kontuan izanik egin dira lan-jarduera guztiak.
e) Erabiltzaileei buruzko informazioaren konfidentzialtasuna errespetatu da.
f) Erabiltzaile, egoera edo zeregin motaren araberako jarrera egokiak erabili dira.
g) Jarduerarako baliabide tekniko egokiak erabili dira.
h) Baliabide teknikoen erabileran ezarritako prozedurei jarraitu zaie.
i) Erabilitako teknikak zerbitzuaren hartzaileen beharrekin lotu dira.
5. Segurtasun- eta higiene-irizpideak betetzen ditu, eta higiene- eta osasun-arauak, laneko segurtasunekoak eta ingurumena babestekoak aintzat hartuta jarduten du.
Ebaluazio irizpideak:
a) Legezko araudiarekin eta enpresaren beraren berariazko araudiarekin lotzen diren nahitaez bete beharreko higiene- eta osasun-arauak ezagutu dira.
b) Higiene- eta osasun-arazoak edo segurtasun-arazoak eragin ditzaketen portaera edo jarrera guztiak ezagutu dira.
c) Jarduerarako arropa egokia erabili da.
d) Laneko arriskuen prebentzioari dagokionez lanbide-jardueran aplikatu beharreko arauak eta aplikatzekoa den legeriaren oinarrizko alderdiak identifikatu dira.
e) Egindako jardueretan ingurumenaren errespetuzko jarrera argia erakutsi da eta hari lotutako barne eta kanpo arauak aplikatu dira.
f) Hondakinak biltzeko, hautatzeko, sailkatzeko eta ezabatu edo botatzeko eragiketak aplikatu dira.
6. Egindako zerbitzua aztertu du, esku hartzeko prozeduraren kalitate-irizpideekin lotuta.
Ebaluazio irizpideak:
a) Animazio soziokultural edo turistikoaren jarduera egiteko jasotako jarraibideen betetze-maila balioetsi da.
b) Jarduera kontrolatzeko eta jarraipena egiteko prozesuarekin lotzen den dokumentazioa identifikatu da.
c) Jarduerak egiteko moduarekiko jarrera kritikoa erakutsi da.
d) Zereginak egiteko ezarritako prozedurari jarraitu zaiola egiaztatu da.
e) Lanbide-jarduerak egitean, lanbidearen irizpide deontologikoak aplikatu dira.
f) Erabilitako baliabideen eta tekniken egokitzapena argudiatu da.
Orientabide didaktikoak.
Lanbide modulu hau lagungarria da tituluko gaitasunak eta zikloko helburu orokorrak osatzeko, bai ikastetxean lortutakoak bai bertan nekez lor daitezkeenak.
3. ERANSKINA. PRESTAKUNTZA UNITATEAK
A) Nola antolatu diren moduluak prestakuntza unitateetan
0344 lanbide modulua: Esku-hartze sozialeko metodologia (100 h).
| KODEA | PRESTAKUNTZA UNITATEA | IRAUPENA (h) |
| 0344-UF01(NA) | Azterketa sozialerako metodoak, teknikak eta tresnak | 20 |
| 0344-UF02(NA) | Esku-hartze sozialeko proiektuko osagaiak | 20 |
| 0344-UF03(NA) | Esku-hartze soziala sustatzeko eta hedatzeko estrategiak | 20 |
| 0344-UF04(NA) | Genero ikuspegia esku-hartze sozialeko proiektuetan | 20 |
| 0344-UF05(NA) | Esku-hartze sozialeko proiektuen ebaluazioa | 20 |
1123 lanbide modulua: Aisia eta denbora libreko jarduerak (130 h).
| KODEA | PRESTAKUNTZA UNITATEA | IRAUPENA (h) |
| 1123-UF01(NA) | Aisia eta denbora libreko proiektuak eta jarduerak planifikatzea, garatzea eta ebaluatzea | 30 |
| 1123-UF02(NA) | Aisia eta denbora libreko hezkuntza-jarduerak antolatzea | 40 |
| 1123-UF03(NA) | Aisia eta denbora libreko hezkuntza-jarduerak zehaztea | 30 |
| 1123-UF04(NA) | Aisia eta denbora libreko jarduerak naturan egitea | 30 |
1124 lanbide modulua: Talde dinamizazioa (130 h).
| KODEA | PRESTAKUNTZA UNITATEA | IRAUPENA (h) |
| 1124-UF01(NA) | Taldea eta bere dinamika | 30 |
| 1124-UF02(NA) | Animazio soziokulturaleko komunikazioa eta pertsonen arteko harremanak | 30 |
| 1124-UF03(NA) | Animazio soziokulturaleko lantaldeak antolatzea | 20 |
| 1124-UF04(NA) | Animazio soziokulturaleko gatazkak kudeatzea eta haiei aurre egitea | 30 |
| 1124-UF05(NA) | Animazio soziokulturaleko gizarte eta lanbide gaitasuna | 20 |
1126 lanbide modulua: Animazio turistikoa (130 h).
| KODEA | PRESTAKUNTZA UNITATEA | IRAUPENA (h) |
| 1126-UF01(NA) | Animazio turistikoko programak eta jarduerak diseinatzea, burutzea eta ebaluatzea | 60 |
| 1126-UF02(NA) | Animazio turistikoaren arloaren antolaketa eta kudeaketa | 40 |
| 1126-UF03(NA) | Animazio turistikoko gau-emanaldiak eta ikuskizunak garatzea | 30 |
1128 lanbide modulua: Garapen komunitarioa (100 h).
| KODEA | PRESTAKUNTZA UNITATEA | IRAUPENA (h) |
| 1128-UF01(NA) | Garapen komunitarioaren prozesua | 30 |
| 1128-UF02(NA) | Garapen komunitarioko proiektuak | 50 |
| 1128-UF03(NA) | Elkarteen ehuna, dinamikak eta garapena | 20 |
1129 lanbide modulua: Gazteendako informazioa (100 h).
| KODEA | PRESTAKUNTZA UNITATEA | IRAUPENA (h) |
| 1129-UF01(NA) | Gazteendako informazio zerbitzuen testuingurua | 20 |
| 1129-UF02(NA) | Esku-hartzearen plangintza gazteei informazioa ematean | 20 |
| 1129-UF03(NA) | Gazteendako informazio baliabideak hautatzea | 20 |
| 1129-UF04(NA) | Gazteei informazioa eta aholkua emateko ekintzak egitea | 20 |
| 1129-UF05(NA) | Gazteendako informazio prozesua ebaluatzea eta hari jarraipena egitea | 20 |
1130 lanbide modulua: Esku-hartze sozioedukatiboa gazteekin (130 h).
| KODEA | PRESTAKUNTZA UNITATEA | IRAUPENA (h) |
| 1130-UF01(NA) | Gazteei zuzendutako esku-hartze sozioedukatiboa eta hezkuntza ez-formala. | 40 |
| 1130-UF02(NA) | Gazteriari zuzendutako prestakuntza ekintzen diseinua | 20 |
| 1130-UF03(NA) | Gazteendako prestakuntza ekintzak antolatzea eta garatzea | 50 |
| 1130-UF04(NA) | Gazteekin egindako esku-hartze sozioedukatiboak ebaluatzea | 20 |
1131 lanbide modulua: Animazio soziokulturalaren testuingurua (100 h).
| KODEA | PRESTAKUNTZA UNITATEA | IRAUPENA (h) |
| 1131-UF01(NA) | Animazio soziokulturala testuingurutzea eta ezaugarritzea | 20 |
| 1131-UF02(NA) | Animazio soziokulturalean esku hartzen duten gizataldeak ezaugarritzea | 30 |
| 1131-UF03(NA) | Animazio soziokulturaleko esparruak identifikatzea | 30 |
| 1131-UF04(NA) | Animazio soziokulturaleko zerbitzuak eta programak ezaugarritzea | 20 |
NA01 lanbide modulua: Ingelesa I (60 h).
| KODEA | PRESTAKUNTZA UNITATEA | IRAUPENA (h) |
| NA01-UF01 | Ingelesa I | 60 |
0020 lanbide modulua: Lehen sorospenak (60 h).
| KODEA | PRESTAKUNTZA UNITATEA | IRAUPENA (h) |
| 0020-UF01(NA) | Lehen sorospenetako esku-hartzearen ingurunea | 30 |
| 0020-UF02(NA) | Lehen sorospenetako oinarrizko teknikak aplikatzea | 30 |
0179 lanbide modulua: Ingelesa I (100 h).
| KODEA | PRESTAKUNTZA UNITATEA | IRAUPENA (h) |
| 0179-UF01(NA) | Ingeles aurreratua I | 50 |
| 0179-UF02(NA) | Ingeles aurreratua II | 50 |
1125 lanbide modulua: Animazio eta kudeaketa kulturala (160 h).
| KODEA | PRESTAKUNTZA UNITATEA | IRAUPENA (h) |
| 1125-UF01(NA) | Esku-hartze kulturalaren ezaugarritzea | 20 |
| 1125-UF02(NA) | Kultura programazioak eta kultura kudeaketako jarduerak | 40 |
| 1125-UF03(NA) | Animazio kulturaleko jardueren proiektuak antolatzea eta egitea | 60 |
| 1125-UF04(NA) | Komunikazioa eta marketina kultura esparruan | 20 |
| 1125-UF05(NA) | Esku-hartze kulturala kontrolatzea, jarraitzea eta ebaluatzea | 20 |
1132 lanbide modulua: Animazio soziokultural eta turistikoko proiektua (130 h).
| KODEA | PRESTAKUNTZA UNITATEA | IRAUPENA (h) |
| 1132-UF01(NA) | Proiektu bat funtsatzea | 30 |
| 1132-UF02(NA) | Esku-hartze proiektu bat diseinatzea animazio soziokultural eta turistikoaren arloan | 30 |
| 1132-UF03(NA) | Ekintza baten programazioa diseinatzea, animazio soziokultural eta turistikoaren esparruan | 50 |
| 1132-UF04(NA) | Komunikazioa eta pertsonen arteko harremanak animazio soziokultural eta turistikoaren testuinguruan | 20 |
1133 lanbide modulua: Lanerako Prestakuntza eta Orientazioa (70 h).
| KODEA | PRESTAKUNTZA UNITATEA | IRAUPENA (h) |
| 1133-UF01(NA) | Laneko arriskuen prebentzioaren oinarrizko maila | 30 |
| 1133-UF02(NA) | Lan harremanak eta Gizarte Segurantza | 20 |
| 1133-UF03(NA) | Laneratzea eta gatazken konponketa | 20 |
1134 lanbide modulua: Enpresa eta ekimena (70 h).
| KODEA | PRESTAKUNTZA UNITATEA | IRAUPENA (h) |
| 1134-UF01(NA) | Kultura ekintzailea eta ideien sorrera sustatzea | 20 |
| 1134-UF02(NA) | Enpresa plan baten bideragarritasun ekonomiko-finantzarioa | 30 |
| 1134-UF03(NA) | Enpresa abian jartzea | 20 |
B) Prestakuntza unitateen garapena.
| Lanbide modulua: Esku-hartze sozialaren metodologia. Kodea: 0344. Iraupena: 100 ordu. |
Prestakuntza unitatea: Azterketa sozialerako metodoak, teknikak eta tresnak.
Kodea: 0344-UF01 (NA).
Iraupena: 20 ordu.
-Ikerketa sozialerako metodoak eta teknikak.
-Informazioa erregistratzeko iturriak eta sistemak.
-Informazioa biltzeko tresnak prestatzea eta ezartzea.
-Informazioaren eta komunikazioaren teknologiak ikerketa sozialean erabiltzea.
-Datuak aztertzea eta interpretatzea.
Prestakuntza unitatea: Esku-hartze sozialeko proiektuko osagaiak.
Kodea: 0344-UF02 (NA).
Iraupena: 20 ordu.
-Eredu teorikoak esku-hartze sozialean.
-Plangintza esku-hartze sozialean.
-Esku-hartze sozialean berezkoak diren programazio teknikak.
-Proiektuaren balioespena goi mailako teknikariaren esku-hartzearen ardatz modura.
Prestakuntza unitatea: Esku-hartze soziala sustatzeko eta hedatzeko estrategiak.
Kodea: 0344-UF03 (NA).
Iraupena: 20 ordu.
-Publizitateko eta komunikazioko oinarrizko kontzeptuak.
-Publizitatea eta komunikabideak esku-hartze sozialean.
-Materialak prestatzea gizarte proiektuak sustatzeko eta hedatzeko.
-Informazioaren eta komunikazioaren teknologiak erabiltzea gizarte proiektuak sustatzeko eta hedatzeko.
Prestakuntza unitatea: Genero ikuspegia esku-hartze sozialeko proiektuetan.
Kodea: 0344-UF04 (NA).
Iraupena: 20 ordu.
-Errealitatea aztertzea genero ikuspegitik abiaturik.
-Genero ikuspegia esku-hartze sozialeko proiektuen diseinuan.
-Aukera berdintasunaren lege esparrua.
-Emakumezkoen eta gizonezkoen arteko berdintasuna sustatzen duten baliabideak eta/edo erakundeak aztertzea.
-Nazioarteko protokoloak. Hizkera ez-sexistaren gidak eta eskuliburuak.
Prestakuntza unitatea: Esku-hartze sozialeko proiektuen ebaluazioa.
Kodea: 0344-UF05 (NA).
Iraupena: 20 ordu.
-Proiektuak ebaluatzea eta aztertzea.
-Informatika euskarriak informazioa lantzean eta antolatzean.
-Txostenak eta memoriak egitea.
-Kalitatearen kudeaketa esku-hartze sozialeko proiektuetan.
-Esku-hartzeak ebaluatzea eta jarraitzea emazkumezkoen eta gizonezkoen arteko berdintasuna sustatzeko.
| Lanbide modulua: Aisia eta denbora libreko jarduerak. Kodea: 1123. Iraupena: 130 ordu. |
Prestakuntza unitatea: Aisia eta denbora libreko proiektuak eta jarduerak planifikatzea, garatzea eta ebaluatzea.
Kodea: 1123-UF01 (NA).
Iraupena: 30 ordu.
-Aisia eta denbora librea.
-Denbora librean hezkuntzak dituen oinarri pedagogikoak.
-Aisia inklusiboa. Denbora librea nola erabiltzen duten desgaitasuna dutenek.
-Aisia eta denbora libreko proiektuen plangintza: Plangintza hori prestatzeko faseak.
-Aisia eta denbora libreko proiektuak ebaluatzea.
Prestakuntza unitatea: Aisia eta denbora libreko hezkuntza-jarduerak antolatzea.
Kodea: 1123-UF02 (NA).
Iraupena: 40 ordu.
-Jolasaren balioa hezkuntzan.
-Jolasen plangintza.
-Jostailua. Jostailua balioen transmititzaile.
-Ludotekak eta beste jostaleku batzuk.
-Prebentzioa eta segurtasuna aisia eta denbora libreko guneetan.
Prestakuntza unitatea: Aisia eta denbora libreko hezkuntza-jarduerak zehaztea.
Kodea: 1123-UF03 (NA).
Iraupena: 30 ordu.
-Sustapena, eta adierazpen eta sormen teknikak.
-Adierazpena eta sormena garatzeko jarduerak egitea (mintzamena, adierazpen plastikoa, gorputz adierazpena, musika adierazpena eta ikus-entzunezkoak).
Prestakuntza unitatea: Aisia eta denbora libreko jarduerak naturan egitea.
Kodea: 1123-UF04 (NA).
Iraupena: 30 ordu.
-Ingurumen hezkuntza. Lege esparrua denbora libreko jardueretan.
-Naturarako jarduerak antolatzea eta garatzea.
-Natura ingurunea aurkitzeko teknikak. Kanpamenduak. Ingurumeneko jolasak eta jarduerak. Hiri ekosistema.
-Prebentzioa eta segurtasuna aisia eta denbora libreko jardueretan, naturan.
| Lanbide modulua: Talde dinamizazioa. Kodea: 1124. Iraupena: 130 ordu. |
Prestakuntza unitatea: Taldea eta bere dinamika.
Kodea: 1124-UF01 (NA).
Iraupena: 30 ordu.
-Taldeekin esku hartzeko printzipioak.
-Psikologia soziala taldeei aplikatua.
-Talde dinamikako teknikak esku-hartze metodologia modura.
Prestakuntza unitatea: Komunikazioa eta pertsonen arteko harremanak animazio soziokulturalean.
Kodea: 1124-UF02 (NA).
Iraupena: 30 ordu.
-Komunikazioaren prozesua.
-Komunikazioaren teknologia berrien aplikazioa.
-Komunikazioko oinarrizko gizarte trebetasunak.
Prestakuntza unitatea: Animazio soziokulturaleko lantaldeak antolatzea.
Kodea: 1124-UF03 (NA).
Iraupena: 20 ordu.
-Talde lana.
-Bilerak bideratzea.
-Informazio, motibazio eta orientabiderako teknikak lantaldearen barnean.
-Berdintasuna lantaldeak sortzerakoan.
Prestakuntza unitatea: Gatazkak kudeatzea eta haiei aurre egitea animazio soziokulturalean.
Kodea: 1124-UF04 (NA).
Iraupena: 30 ordu.
-Banakakoen eta taldekoen gatazkak taldean.
-Erabakiak hartzea.
-Taldeen jarrerak gatazken aurrean.
-Gatazkak kudeatzeko eta konpontzeko teknikak.
Prestakuntza unitatea: Gizarte eta lanbide gaitasuna animazio soziokulturalean.
Kodea: 1124-UF05 (NA).
Iraupena: 20 ordu.
-Datuak biltzeko teknikak.
-Taldearen egitura eta prozesuak ebaluatzea.
-Autoebaluazioa.
| Lanbide modulua: Animazio turistikoa. Kodea: 1126. Iraupena: 130 ordu. |
Prestakuntza unitatea: Animazio turistikoko programak eta jarduerak diseinatzea, burutzea eta ebaluatzea.
Kodea: 1126-UF01 (NA).
Iraupena: 60 ordu.
-Animazio turistikoaren karakterizazioa.
-Animazio turistikoaren profesionala.
-Alderdi historikoak eta kontzeptualak.
-Goraka ari diren esparruak eta joerak.
-Animazio turistikoko programak eta jarduerak diseinatzea, jarraitzea eta ebaluatzea.
-Animazio turistikoko programak aztertzea eta egitea.
-Animazio turistikoko zerbitzuen eskariak eta eskatzaileak aztertzea.
-Gorabeheretarako programa alternatiboak.
Prestakuntza unitatea: Animazio turistikoko arloaren antolaketa eta kudeaketa.
Kodea: 1126-UF02 (NA).
Iraupena: 40 ordu.
-Animazio turistikoaren arloaren antolaketa.
-Antolaketa eredu eraginkorrak.
-Baliabide materialen eta instalazioen kudeaketa.
-Departamentuen arteko harremanak.
-Animazio turistikoaren arloaren kudeaketa ekonomikoa, finantza kudeaketa eta administrazio kudeaketa kontrolatzea.
-Aurrekontuak egitea eta administrazio kudeaketa.
-Kudeaketako tresnen erabilera turismo jarduerak sustatzeko arloan.
-Animazio turistikoaren arloko giza baliabideen kudeaketa.
-Lantaldeen zuzendaritza.
-Langileak hautatzea eta integratzea.
-Tresna informatikoek langileen kudeaketan duten garrantzia eta haien erabilera.
Prestakuntza unitatea: Animazio turistikoko gau-emanaldiak eta ikuskizunak garatzea.
Kodea: 1126-UF03 (NA).
Iraupena: 30 ordu.
-Jarduera eta gau-emanaldi motak eta haiek garatzeko betebeharrak.
-Gorabeherei aurre egiteko programa alternatiboak.
-Estrategia metodologikoak gaueko jardueren garapenerako.
-Prebentzio eta segurtasuneko neurriak zehaztea.
| Lanbide modulua: Garapen komunitarioa. Kodea: 1128. Iraupena: 100 ordu. |
Prestakuntza unitatea: Garapen komunitarioaren prozesua.
Kodea: 1128-UF01 (NA).
Iraupena: 30 ordu.
-Garapen komunitarioa: aurrekari historikoak eta gaur egungo egoera.
-Garapen komunitarioa hezkuntza prozesu modura.
-Komunitatearen osagai estrukturalak eta haien arteko harremana.
-Prozesu komunitarioak eraikitzearekin zerikusia duten prozesu parte-hartzaileak aztertzea.
Prestakuntza unitatea: Garapen komunitarioko proiektuak.
Kodea: 1128-UF02 (NA).
Iraupena: 50 ordu.
-Gizarte mugimenduak eta gizarte zibilaren garapena.
-Gizartearen eta herritarren parte-hartzea.
-Diagnostiko parte-hartzailea.
-Komunikazio komunitarioa.
-Prozesu komunitarioak ebaluatzea eta atzera itzultzea.
Prestakuntza unitatea: Elkarteen ehuna, dinamikak eta garapena.
Kodea: 1128-UF03 (NA).
Iraupena: 20 ordu.
-Asoziazionismoa eta boluntariotza.
-Gobernuz kanpoko erakundeak (GKE).
-Elkarte/fundazio bat sortzeko eta antolatzeko prozesuak.
| Lanbide modulua: Gazteendako informazioa. Kodea: 1129. Iraupena: 100 ordu. |
Prestakuntza unitatea: Gazteendako informazio zerbitzuen testuingurua.
Kodea: 1129-UF01 (NA).
Iraupena: 20 ordu.
-Gazteendako informazio, orientazio eta aholkularitza prozesuak. Historia, oinarriak eta printzipioak.
-Gazteendako informazio zerbitzuen (GIZ) antolaketa.
-Gazteendako informazio zerbitzuetako (GIZ) baliabideen kudeaketa.
Prestakuntza unitatea: Esku-hartzearen plangintza gazteei informazioa ematean.
Kodea: 1129-UF02 (NA).
Iraupena: 20 ordu.
-Gazteen errealitatearen profil biopsikosoziala.
-Gazteendako informazioaren plangintza.
-Gazteendako informazioa prestatzea eta hedatzea.
Prestakuntza unitatea: Gazteendako informazio baliabideak hautatzea.
Kodea: 1129-UF03 (NA).
Iraupena: 20 ordu.
-Gazteendako eskura dauden baliabideak aztertzea.
-Gazteendako informazio gidak.
-Etxebizitzako, lan eta enpleguko, prestakuntzako, aisiako eta denbora libreko eta mugikortasunerako baliabideak eta zerbitzuak.
Prestakuntza unitatea: Gazteei informazioa eta aholkua emateko ekintzak egitea.
Kodea: 1129-UF04 (NA).
Iraupena: 20 ordu.
-Gazteendako programak hautatzea. Programa motak.
-Gazteendako programen gainean informazioa eta aholkua emateko ekintzak egitea.
-Aholkularitza estrategiak aplikatzea. Jarduketa ildoak.
Prestakuntza unitatea: Gazteendako informazio prozesua ebaluatzea eta hari jarraipena egitea.
Kodea: 1129-UF05 (NA).
Iraupena: 20 ordu.
-Ebaluazioa gazteendako informazio prozesuan.
-Ebaluazio parte-hartzaileko metodologia eta tresnak.
-Ebaluazioetako datuen azterketa.
-Protokoloak, ebaluazio erregistroak, jardueren txostenak eta memoriak.
| Lanbide modulua: Esku-hartze sozioedukatiboa gazteekin. Kodea: 1130. Iraupena: 130 ordu. |
Prestakuntza unitatea: Gazteei zuzendutako esku-hartze sozioedukatiboa eta hezkuntza ez-formala.
Kodea: 1130-UF01 (NA).
Iraupena: 40 ordu.
-Nerabezaroaren eta gazteriaren eraikuntza soziala. Teoriak.
-Nerabezaroaren eta gazteriaren garapen psikosoziala.
-Gazteekiko esku-hartze sozioedukatiboa hezkuntza ez-formalaren esparruan. Ezaugarriak eta aukerak.
-Gazteria planak, gazteendako politikak eta hezkuntza ez-formala.
-Hezkuntza ez-formala eta gazteen parte-hartze soziala.
Prestakuntza unitatea: Gazteriari zuzendutako prestakuntza ekintzen diseinua.
Kodea: 1130-UF02 (NA).
Iraupena: 20 ordu.
-Gazteen prestakuntza beharren eta eskarien azterketa.
-Irakaskuntza-ikaskuntza prozesua hezkuntza ez-formalean.
-Prestakuntza proiektuen diseinua. Prestakuntza-ekintza motak.
-Metodologia parte-hartzaileak hezkuntza ez-formalean.
-Irisgarritasun, kulturartekotasun eta genero irizpideak prestakuntza ekintzen diseinuan.
Prestakuntza unitatea: Gazteendako prestakuntza ekintzak antolatzea eta garatzea.
Kodea: 1130-UF03 (NA).
Iraupena: 50 ordu.
-Prestakuntza eragileak hezkuntza ez-formalean.
-Talde lana prestatzaileekin.
-Lana sarean egitea, eta esku-hartze sozioedukatiboko sareak.
-Gazteendako topaguneak.
-Informazioaren eta komunikazioaren teknologiak, eta gazteria.
-Esku-hartze sozioedukatiboko esparruak eta programak.
-Hezkuntza harreman kualifikatua eta laguntza prozesuak.
Prestakuntza unitatea: Gazteei zuzendutako esku-hartze sozioedukatiboak.
Kodea: 1130-UF04 (NA).
Iraupena: 20 ordu.
-Ebaluazio parte-hartzaileko metodologiak hezkuntza ez-formalean.
-Ikaskuntza ez-formala ebaluatzeko eta ezagutzeko estrategiak.
-Prestakuntza jardueren ebaluazio protokolo eta erregistroak.
-Ebaluazioetako datuak aztertzeko estrategiak eta teknikak.
-Prestakuntza jardueren txostenak eta memoriak.
-Ebaluazioko kalitatezko adierazleak eta irizpideak gazteekin gizartean eta hezkuntzan esku hartzean.
| Lanbide modulua: Animazio soziokulturalaren testuingurua. Kodea: 1131. Iraupena: 100 ordu. |
Prestakuntza unitatea: Animazio soziokulturala testuingurutzea eta ezaugarritzea.
Kodea: 1131-UF01 (NA).
Iraupena: 20 ordu.
-Gaur egungo gizartearen ezaugarriak.
-Animazio soziokulturala eta hezkuntza ez-formala.
-Gaur egungo gizartearen garrantzia gizarte eta kultura jarduerak sustatzean.
-Pedagogia soziala eta animazio soziokulturala.
-Animazio soziokulturalaren printzipioak.
-Animazio soziokulturalak garapen komunitarioaren bultzatzaile modura duen garrantzia.
Prestakuntza unitatea: Animazio soziokulturalean esku hartzen duten gizataldeak ezaugarritzea.
Kodea: 1131-UF02 (NA).
Iraupena: 30 ordu.
-Esku-hartze soziokulturalaren hartzaileen ezaugarri psikologikoak eta sozialak.
-Esku-hartze soziokulturaleko prozesuen hartzaileen beharrak.
-Guneen antolaketa esku hartzen duten gizataldeen beharren arabera.
-Prebentzioa eta segurtasuna esku-hartze soziokulturalean.
Prestakuntza unitatea: Esku-hartze soziokulturaleko esparruak identifikatzea.
Kodea: 1131-UF03 (NA).
Iraupena: 30 ordu.
-Esku hartzeko esparruak eta erabiltzaileen beharrak aztertzea.
-Esku-hartze soziokulturala eta hirugarren adineko pertsonak.
-Animazio soziokulturala eta desgaitasunak dituzten pertsonak.
-Animatzaile soziokulturalaren eginkizunak.
-Teknologia berriak informazio iturri modura.
Prestakuntza unitatea: Esku-hartze soziokulturaleko zerbitzuak eta programak ezaugarritzea.
Kodea: 1131-UF04 (NA).
Iraupena: 20 ordu.
-Animazio soziokulturalaren lege markoa.
-Animazio soziokulturaleko programak.
-Animazio soziokulturaleko zerbitzuak eta teknologia berriak.
-Irisgarritasuna esku-hartze soziokulturaleko zerbitzuetan.
| Lanbide modulua: Ingelesa I. Kodea: NA01. Iraupena: 60 ordu. |
Modulu honetan prestakuntza unitate bakarra dago eta horren iraupena eta garapena bat datoz curriculumeko “Ingelesa I” lanbide moduluan ezarritakoarekin.
| Lanbide modulua: Lehen sorospenak. Kodea: 0020. Iraupena: 60 ordu. |
Prestakuntza unitatea: Lehen sorospenetako esku-hartzearen ingurunea.
Kodea: 0020-UF01 (NA).
Iraupena: 30 ordu.
Larrialdian eman beharreko laguntzaren lehen balorazioa:
-Larrialdi sistemak.
-Lehen sorospenen xedeak eta mugak.
-Lege esparrua, erantzukizuna eta lanbide etika.
-Istripu motak eta horien ondorioak.
-Ingurua babesteko metodoak eta materialak.
-Norberak hartu beharreko babes neurriak.
-Lehen sorospenetako botika-kutxa.
-Istripua balioestea.
-Miaketarako protokoloak.
-Bizi-konstanteen neurketa.
-Konorte mailaren balioespena.
-Bizi-estutasunaren zeinuak helduengan, haurrengan eta bularreko haurrengan.
-Larrialdiaren zeinuak eta sintomak.
-Jarduteko lehentasunak, biktimak asko direnean. Biktimak aukeratzeko metodoak.
-Terminologia mediko-sanitarioa lehen laguntzetan.
-Informazioa emateko protokoloa.
Laguntza psikologikoko eta autokontroleko tekniken aplikazioa:
-Komunikaziorako oinarrizko estrategiak.
-Lehendabizi esku hartzen duenaren eginkizunaren balorazioa.
-Jende arteko komunikazioa errazten duten teknikak.
-Istripu edo larrialdietan antsietatea eragiten duten faktoreak.
Prestakuntza unitatea: Lehen sorospenetako oinarrizko teknikak aplikatzea.
Kodea: 0020-UF02 (NA).
Iraupena: 30 ordu.
Bizi-euskarriaren tekniken aplikazioa:
-Arnasbideak irekita daudela kontrolatzea.
-Bihotz-biriketako bizkortze oinarrizkoa.
-Kanpoko desfibrilazio erdiautomatikoa (DEA).
-Hasierako laguntza, agente fisikoek eragindako lesioetan (traumatismoak, beroa edo hotza, elektrizitatea eta erradiazioak).
-Hasierako laguntza, agente kimiko eta biologikoek eragindako lesioetan.
-Hasierako laguntza, larrialdietako patologia organikoetan.
-Norberaren eskumenak gainditu gabe jardutea.
Immobilizatzeko eta mobilizatzeko prozeduren aplikazioa:
-Lekuz aldatzeko beharraren balorazioa.
-Segurtasuneko eta itxaroteko jarrerak.
-Immobilizazio teknikak.
-Mobilizazio teknikak.
-Ohatilak eta immobilizatzeko materialak egitea.
| Lanbide modulua: Ingelesa. Kodea: 0179. Iraupena: 100 ordu. |
Prestakuntza unitatea: Ingeles aurreratua I.
Kodea: 0179 - UF01 (NA).
Iraupena: 50 ordu.
Prestakuntza unitate honen garapena curriculumeko “Ingelesa” izeneko 0179 lanbide moduluan ezarritakoari dagokio.
Prestakuntza unitatea: Ingeles aurreratua II.
Kodea: 0179 - UF02 (NA).
Iraupena: 50 ordu.
Prestakuntza unitate honen garapena curriculumeko “Ingelesa” izeneko 0179 lanbide moduluan ezarritakoari dagokio. Prestakuntza unitate honetan ahozko elkarreraginaren trebetasunak eta idatzizko adierazpena azpimarratuko dira bereziki.
| Lanbide modulua: Animazio eta kudeaketa kulturala. Kodea: 1125. Iraupena: 160 ordu. |
Prestakuntza unitatea: Esku-hartze kulturalaren ezaugarritzea.
Kodea: 1125-UF01 (NA).
Iraupena: 20 ordu.
-Animazio kulturala, kultura kudeaketa eta kultura marketina.
-Kultura-eragileak.
-Kultura behar eta eskariak.
-Kultura merkatua. Adierazleak.
Prestakuntza unitatea: Kultura programazioak eta kultura kudeaketako jarduerak.
Kodea: 1125 - UF02 (NA).
Iraupena: 40 ordu.
-Kultura kudeaketaren kontzeptu markoa aztertzea. Erreferente teknikoak.
-Kultura ikuskizunen logistikarekin eta antolaketarekin lotutako dokumentazioa kudeatzea.
-Kultura kudeatzeko programazioak prestatzea.
-Informazioaren eta komunikazioaren teknologiak kultura kudeaketan.
-Baliabideen optimizazioa kultura kudeaketan.
Prestakuntza unitatea: Kultura animazioko jardueren proiektuak antolatzea eta egitea.
Kodea: 1125 - UF03 (NA).
Iraupena: 60 ordu.
-Berariazko gizatalde batzuek eremu birtualean dituzten behar bereziak identifikatzea.
-Animazio kulturaleko proiektuak prestatzea. Egitura eta ezaugarriak.
-Kultura agenda eta baliabideen gidak prestatzea.
-Baliabideen optimizazioa kultura jardueren sustapenean.
-Animazio kulturaleko jarduerak egiteko ekipamendu eta baliabide teknikoen oinarrizko erabilera: informazioaren eta komunikazioaren teknologiak, ikus-entzunezko ekipoak eta bestelakoak.
Prestakuntza unitatea: Komunikazioa eta marketina kultura esparruan.
Kodea: 1125 - UF04 (NA).
Iraupena: 20 ordu.
-Kultura proiektuak hedatzea.
-Marketin plana prestatzea.
-Kultura jarduerak informazioaren eta komunikazioaren teknologien bitartez hedatzea.
Prestakuntza unitatea: Esku-hartze kulturala kontrolatzea, jarraitzea eta ebaluatzea.
Kodea: 1125 - UF05 (NA).
Iraupena: 20 ordu.
-Animazio kulturaleko proiektuen ebaluazioa.
-Kultura ekitaldiak aztertzeko osagaiak.
-Kalitate adierazleak esku-hartze kulturaletan.
-Esku-hartze kulturala praktikan jartzean gertatzen diren arazo operatiboak.
| Lanbide modulua: Animazio soziokultural eta turistikoko proiektua. Kodea: 1132. Iraupena: 130 ordu. |
Prestakuntza unitatea: Proiektu bat funtsatzea.
Kodea: 1132-UF01 (NA).
Iraupena: 30 ordu.
-Animazio soziokultural eta turistikoko esku-hartze arlo baten ezaugarri deskribatzaileak.
-Esku-hartze arlo horretako biztanleen ezaugarriak.
-Gaur egun arloan dauden arreta eta/edo garapen ereduak eta etorkizuneko aukerak.
-Arloan dauden lege eta politika sozial eta kulturaleko alderdi adierazgarriak.
-Baliabide sarearen deskribapena eta Administrazioak arloan duen rola.
-Arlo horretako erakunde bat deskribatzeko ezaugarriak.
Prestakuntza unitatea: Esku-hartze proiektu bat diseinatzea animazio soziokultural eta turistikoaren arloan.
Kodea: 1132-UF02 (NA).
Iraupena: 30 ordu.
-Proiektua testuingurutzea bideratuta dagoen eremuari eta/edo biztanleriari dagokionez.
-Proiektua garatzen duen profesionalaren profila eta ezaugarriak diseinatzea.
-Garatu beharreko eginkizunak deskribatzea.
-Proiektuko metodologia diseinatzea.
-Lanpostu baten kostu osoa kalkulatzea proiektuan.
-Proiektua garatzearekin lotutako kostuak kalkulatzea.
-Ebaluatzeko teknikak eta tresnak. Lantresnak diseinatzea.
-Irisgarritasun, kulturartekotasun eta genero irizpideak garatu beharreko ekintzen diseinuan.
-Lana sarean egitea eta lankidetza sare instituzionalak.
Prestakuntza unitatea: Ekintza baten programazioa diseinatzea animazio soziokultural eta turistikoaren esparruan.
Kodea: 1132-UF03 (NA).
Iraupena: 50 ordu.
-Proposatutako ekintzaren diagnostikoa eta justifikazioa.
-Ekintza hori hartuko duten biztanleen ezaugarri nagusiak.
-Ekintza proiektuaren barneko testuinguruan jartzea.
-Ekintzaren helburu orokorrak, berariazkoak eta operatiboak diseinatzea eta definitzea.
-Printzipio metodologikoak ekintza hori jasoko duen taldeari egokitzea.
-Baliabide pertsonalak eta taldekatze moduak antolatzea.
-Guneak eta materialak antolatzea.
-Denbora antolatzea.
-Ebaluatzeko teknikak eta tresnak.
-Sareko lanaren barnean sartu beharreko alderdiak.
Prestakuntza unitatea: Komunikazioa eta pertsonen arteko harremanak animazio soziokultural eta turistikoaren testuinguruan.
Kodea: 1132-UF04 (NA).
Iraupena: 20 ordu.
-Harreman sozialak eta komunikazioa errazten dituzten estrategiak eta teknikak zehaztea.
-Komunikazioaren prozesu dinamikoa.
-Komunikazio bideak. Hitzezko komunikazioa eta hitzezkoa ez den komunikazioa eta haien arteko lotura.
-Sakoneko egitura eta azaleko egitura.
-Entzuteko trebetasuna. Entzute aktiboa. Entzute eraginkorrerako oztopoak.
-Erantzuteko trebetasuna. Erantzun motak. Erantzun enpatikoa. Erantzun kaltegarriak edo egozentrikoak. Erantzun enpatikoaren eginkizunak.
-Testuinguruaren balioespen komunikatiboa: komunikazioa bideratzen eta oztopatzen dutenak.
-Hezitzailearen jarrerek harreman profesionalean duten garrantziaren balioespena. Hartzeko trebetasuna.
-Ikuskapena gogoetarako eta autoebaluaziorako espazio konfidentzial gisa, pertsonen arteko harremanetarako eta komunikaziorako trebetasun egokiak garatzeko.
| Lanbide modulua: Lanerako prestakuntza eta orientazioa. Kodea: 1133. Iraupena: 70 ordu. |
Prestakuntza unitatea: Laneko arriskuen prebentzioaren oinarrizko maila.
Kodea: 1133-UF01 (NA).
Iraupena: 30 ordu.
-Prebentzioaren kulturaren garrantzia jardueraren fase guztietan.
-Lanaren eta osasunaren arteko lotura baloratzea.
-Lanbide arriskua. Arrisku faktoreen azterketa.
-Antzemandako arrisku egoeren ondorioz langilearen osasunak nolako kalteak izan ditzakeen zehaztea.
-Laneko arriskuei aurrea hartzeko oinarrizko arau esparrua.
-Eskubideak eta betebeharrak laneko arriskuen prebentzioaren arloan.
-Prebentzioaren kudeaketaren antolaketa enpresan.
-Langileen ordezkaritza prebentzioaren arloan.
-Erantzukizunak laneko arriskuen prebentzioaren arloan.
-Laneko arriskuen prebentzioarekin zerikusia duten erakunde publikoak.
-Enpresako arriskuak ebaluatzea, prebentzio jardueraren oinarrizko elementu gisa.
-Segurtasuneko, ingurumeneko eta ergonomiako baldintzei zein ezaugarri psikosozialei lotutako arriskuak aztertzea.
-Arriskuaren balorazioa.
-Prebentzio neurriak hartzea: horien plangintza eta kontrola.
-Banakako eta taldeko prebentzio eta babes neurriak.
-Prebentzio plana eta horren edukia.
-Larrialdi- eta ebakuazio-planak lan-inguruneetan.
-ETE baten larrialdietarako plana egitea.
-Larrialdi-egoera batean jarduteko protokoloa.
-Larrialdi medikoa / Lehen sorospenak. Oinarrizko kontzeptuak.
-Langileei prestakuntza ematea larrialdietako planei buruz eta lehen sorospenetarako teknikak aplikatzeari buruz.
-Langileen osasuna zaintzea.
Prestakuntza unitatea: Lan harremanak eta Gizarte Segurantza.
Kodea: 1133-UF02 (NA).
Iraupena: 20 ordu.
-Lan zuzenbidea.
-Banakako lan harremanen azterketa.
-Lan kontratuaren modalitateak eta kontratazioa sustatzeko neurriak.
-Lan harremanek sortzen dituzten eskubideak eta betebeharrak.
-Lan baldintzak. Soldata, lan denbora eta atsedena.
-Lansarien ordainagiria.
-Lan kontratuaren aldaketa, etetea eta amaiera.
-Langileen ordezkaritza.
-Lanbide esparru jakin batean aplikatu behar den hitzarmen kolektiboaren azterketa.
-Lan gatazka kolektiboak.
-Lan antolamenduaren ingurune berriak: azpikontratazioa, urrutiko lana eta beste batzuk.
-Langileendako onurak antolamendu berrietan: malgutasuna, onura sozialak eta beste batzuk.
-Gizarte Segurantzaren sistema, elkartasun sozialaren oinarrizko printzipio gisa.
-Gizarte Segurantzaren sistemaren egitura.
-Enpresaburuek eta langileek Gizarte Segurantzaren arloan dituzten betebehar nagusiak ezartzea: afiliazioak, altak, bajak eta kotizazioa.
-Gizarte Segurantzaren ekintza babeslea.
-Gizarte Segurantza gure inguruko herrialde nagusietan.
-Langabezia-babesa: kontzeptua eta babesten ahal diren egoerak.
Prestakuntza unitatea: Laneratzea eta gatazken konponketa.
Kodea: 1133-UF03 (NA).
Iraupena: 20 ordu.
-Lanbide ibilbiderako interes, gaitasun eta motibazio pertsonalak aztertzea.
-Erabakiak hartzeko prozesua.
-Lanbide sektore jakin bat definitu eta aztertzea, inguruko lurralde eremuan nahiz estatu mailan.
-Sektoreko enpresa txiki, ertain eta handietan lana bilatzeko prozesua haren eraginpeko lurralde eremuan, estatuan eta Europar Batasunean.
-Europan ikasi eta enplegatzeko aukerak.
-Etengabeko prestakuntzak lan eta lanbide ibilbiderako duen garrantzia baloratzea. Informazio hori ematen duten tokiko, eskualdeko, estatuko eta Europako erakundeen identifikazioa.
-Tokiko, eskualdeko, estatuko eta Europako prestakuntza ibilbideak identifikatzea.
-Lana bilatzeko teknikak eta tresnak: curriculum vitae ereduak, Europako curriculum vitae-a eta lan elkarrizketak. Europar Batasunean langileen mugikortasuna errazten duten beste agiri batzuk: mugikortasun agiria.
-Autoenplegua balioestea lanbideratzeko hautabide gisa.
-Antolamenduaren eraginkortasunean talde-lanak dituen abantailak eta eragozpenak balioestea.
-Lantalde motak, betetzen dituzten eginkizunen arabera.
-Lantalde eraginkorraren ezaugarriak.
-Gizarte trebetasunak. Hitzezko eta hitzik gabeko komunikazio teknikak.
-Lan bileretan erabiltzen diren agiriak: deialdiak, aktak eta aurkezpenak.
-Lantaldean parte hartzea. Kideek har ditzaketen rolen azterketa.
-Gatazka: haren ezaugarriak, sorburuak eta etapak.
-Gatazka ebatzi edo deuseztatzeko metodoak: bitartekotza, adiskidetzea, arbitrajea, epaiketa eta negoziazioa.
| Lanbide modulua: Enpresa eta ekimena. Kodea: 1134. Iraupena: 70 ordu. |
Prestakuntza unitatea: Kultura ekintzailea eta ideien sorrera sustatzea.
Kodea: 1134-UF01 (NA).
Iraupena: 20 ordu.
-Kultura ekintzailea: ekimena, enpresa barneko ekimena eta ekimen soziala sustatzea. Negoziorako ideiak sortzeko teknikak.
-Berrikuntza eta garapen ekonomikoa. Berrikuntzaren ezaugarri nagusiak gizarte, kultura eta turismo jardueren sustapeneko enpresen jardueran.
-Ekintzaileen faktore nagusiak: ekimena, sormena eta prestakuntza.
-Ekintzaileen jarduera, gizarte, kultura eta turismoko jardueren sustapenaren sektoreko ETE bateko enpresari eta enplegatu gisa.
-Ekimenaren arriskua.
-Negozioaren ideia gizarte, kultura eta turismo jardueren enpresa baten.
-“Enpresaburu” kontzeptua. Enpresa jarduerarako baldintzak. Izaera ekintzailea.
-Sormenaren, komunikazioaren eta buruzagitzaren oinarrizko gaitasunak, besteak beste.
-Pertsona sortzailearen ezaugarriak. Sormena bultzatzen duten teknikak.
-Agintzeko eta zuzentzeko estiloak ezagutzea. Enpresako esparruetan aplikatzea.
-“Motibazio” kontzeptua. Motibatzeko teknikak eta haien aplikazioa.
-Gizarte, kultura eta turismo jardueren sustapenaren sektorean ari den enplegatu baten eta ekintzaile baten lan arloko gaitasunak eta gaitasun pertsonalak ezagutzea.
Prestakuntza unitatea: Enpresa plan baten bideragarritasun ekonomiko-finantzarioa.
Kodea: 1134-UF02 (NA).
Iraupena: 30 ordu.
-Enpresa, sistema gisa. Enpresaren oinarrizko eginkizunak.
-Gizarte, kultura eta turismo jardueren sustapen sektoreko ETE baten bideragarritasun ekonomiko eta finantzarioa.
-Gizarte, kultura eta turismo jardueren sustapenaren sektoreko ETE baten inguru orokorra eta berariazkoa aztertzea.
-Gizarte, kultura eta turismoko jardueren sustapenaren sektoreko ETE baten harremanak.
-Enpresa nazioartean. Europar Batasunean askatasunez kokatzeko eskubidea.
-Enpresa plan bat prestatzea.
-Gizarte, kultura eta turismoko jardueren sustapenaren sektoreko enpresa baten ahuleziak, mehatxuak, indarrak eta aukerak aztertzea.
-Marketin plan baten edukiak.
-Ahuleziak eta indarrak identifikatzea, AMIA.
-Enpresa motak. Forma juridikoak.
-Forma juridikoa hautatzea.
-Produkzio prozesuaren edo zerbitzuaren deskribapen teknikoa. Giza baliabideak.
-Produkzio faseen definizioa. Hobetzeko sistemak.
Prestakuntza unitatea: Enpresa abian jartzea.
Kodea: 1134-UF03 (NA).
Iraupena: 20 ordu.
-Fiskalitatea enpresetan: Nafarroako Foru Komunitateko zerga sistemaren berezitasunak.
-Enpresa bat eratzeko administrazio tramiteak.
-Enpresa bat eratzeko aholku ematen duten erakundeak.
-Kontabilitatearen kontzeptua eta oinarrizko alderdiak.
-Funtzio komertzial eta finantzarioaren kontzeptua.
-Kontabilitate eragiketak: enpresaren informazio ekonomikoaren erregistroa.
-Enpresen zerga betebeharrak.
-Dokumentu ofizialak aurkezteko eskakizunak eta epeak.
-Gizarte, kultura eta turismo jardueren sustapeneko enpresa baten kudeaketa administratiboa.
| 4. ERANSKINA BALIOZKOTZEAK ETA SALBUESPENAK 1/1990 Lege Organikoaren (LOGSE) babesean ezarritako tituluetako lanbide moduluen eta 2/2006 Lege Organikoaren babesean Animazio Soziokulturaleko goi mailako teknikari tituluan ezarritakoen arteko baliozkotzeak. |
| LOGSE 1/1990 LEGEAN EZARRITAKO HEZIKETA ZIKLOETAKO LANBIDE MODULUAK | HEZIKETA ZIKLOKO LANBIDE MODULUAK (2/2006 HLO): ANIMAZIO SOZIOKULTURAL ETA TURISTIKOA |
| Atzerriko hizkuntza (Ingelesa). | 0179. Ingelesa. |
| Aisia eta denbora librearen animazioa. | 1123. Aisia eta denbora libreko jarduerak. |
| Taldeen animazioa eta dinamika. | 1124. Talde dinamizazioa. |
| Animazio kulturala. | 1125. Animazio eta kudeaketa kulturala. |
| Kultura jarduera eta baliabideak. | 1125. Animazio eta kudeaketa kulturala. |
| Animaziorako komunikazio teknikak. Animazioa turismo esparruan. | 1126. Animazio turistikoa. 0344. Esku-hartze sozialaren metodologia. |
| Esku-hartze sozialaren metodologia. | 0344. Esku-hartze sozialaren metodologia. |
| Garapen komunitarioa. | 1128. Garapen komunitarioa. |
| Denbora libreko jardueretako eta jarduera sozioedukatiboetako jardueretako enpresa txiki baten antolaketa eta kudeaketa. | 1134. Enpresa eta ekimena. |
| Animazio Turistikoko teknikari tituluaren edo Animazio Soziokulturaleko teknikari tituluaren prestakuntza lantokian. | 1135. Lantokiko prestakuntza. |
| 5. ERANSKINA LANBIDE MODULUEN ETA GAITASUN UNITATEEN ARTEKO KORRESPONDENTZIA A) Gaitasun unitateek lanbide moduluekin duten korrespondentzia, horiek baliozkotzeko. |
| EGIAZTATUTAKO GAITASUN UNITATEAK | BALIOZKOTZEN AHAL DIREN LANBIDE MODULUAK |
| UC1868-2: Aisialdiaren animazioan hezkuntzako teknikak eta baliabideak erabiltzea. UC1869-3: Denbora libreko hezkuntza-proiektuen plangintza egitea, antolatzea, kudeatzea eta ebaluatzea. | 1123. Aisia eta denbora libreko jarduerak. |
| UC1093-3: Aisialdian dauden taldeak sortzea eta bultzatzea. | 1124. Talde dinamizazioa. |
| UC1867-2: Taldeko prozesuetan jardutea, haurtzaroaren eta gazteriaren portaera eta eboluzioaren ezaugarriak kontuan hartuz. IC1870-3: Begirale taldeak sortzea, haurrendako eta gazteendako hezkuntzako aisialdirako proiektuetan sustatuz eta gainbegiratuz. | 1124. Talde dinamizazioa. |
| UC1431-3: Kulturako arduradunek prestatutako kultura programazioak programatzea, garatzea eta ebaluatzea. UC1432-3: Animazio kulturaleko proiektuak programatzea eta bultzatzea kultura-elkarte sareekin. UC1433-3: Kulturako komunikazio eta marketineko ekintzak garatzea. | 1125. Animazio eta kudeaketa kulturala. |
| UC1091-3: Animazio turistikoko sailak kudeatzea. UC1092-3: Animazio turistikoko proiektuak diseinatzea, bultzatzea eta ebaluatzea. | 1126. Animazio turistikoa. |
| UC1022-3: Erkidego bat edo lurralde eskualde bat osatzen duten eragileen artean garatutako esku-hartze eta proiektu komunitarioen eta herritarrek parte hartzeko proiektuen plangintza, garapena eta ebaluazioa dinamizatzea. UC1024-3: Proiektu eta jarduketa komunitarioen berri emateko eta hedatzeko estrategiak ezartzea. UC1026-3: Esku-hartze sozialeko proiektuetan genero ikuspegia sartzea. | 0344. Esku-hartze sozialaren metodologia. |
| UC1020-3: Eragile komunitario nagusiekin harremana ezarri eta mantentzea: biztanleria, teknikariak eta administrazioak, haien arteko harremana sustatuz. UC1021-3: Herritarren parte-hartzea bultzatzea proiektu eta baliabide komunitarioetan. UC1023-3: Elkarteen ehuna sortzeko eta garatzeko lanetan esku hartzea, sostengatzea eta laguntzea. UC1025-3: Eragile komunitarioen arteko gatazken kudeaketan bitartekaritza prozesu eta teknikak ezartzea. | 1128. Garapen komunitarioa. |
| UC1874-3: Gazteendako interesgarriak diren informazio zerbitzuak antolatzea eta kudeatzea. UC1875-3: Gazteendako informazioa sustatzeko ekintzak antolatzea eta kudeatzea. | 1129. Gazteendako informazioa. |
| UC1876-3: Hezkuntza ez-formalaren esparruan gazteei zuzendutako hezkuntza eta gizarteko ekintzak antolatzea. | 1130. Esku-hartze sozioedukatiboa gazteekin. |
| Heziketa ziklo honetan matrikulatuta egon eta tituluan sartutako gaitasun unitate guztiak egiaztatuak dituzten pertsonek hurrengo lanbide modulu hau izanen dute baliozkotua, Lanbide gaitasunak lan esperientziaren bidez aitortzeari buruzko uztailaren 17ko 1224/2009 Errege Dekretuan ezarritako prozedurari jarraikiz: “1131. Animazio Soziokulturalaren testuingurua”. | |
| B) Lanbide moduluek gaitasun unitateekin duten korrespondentzia, horiek egiaztatzeko. |
| GAINDITUTAKO LANBIDE MODULUAK | EGIAZTATZEN AHAL DIREN GAITASUN UNITATEAK |
| 1123. Aisia eta denbora libreko jarduerak. | UC1868-2: Denbora librearen animazioan hezkuntzako teknikak eta baliabideak erabiltzea. UC1869-3: Denbora libreko hezkuntza-proiektuen plangintza egitea, antolatzea, kudeatzea eta ebaluatzea. |
| 1124. Talde dinamizazioa. | UC1867-2: Taldeko prozesuetan jardutea, haurtzaroaren eta gazteriaren portaera eta eboluzioaren ezaugarriak kontuan hartuz. IC1870-3: Begirale taldeak sortzea, haurrendako eta gazteendako denbora libreko hezkuntza-proiektuetan sustatuz eta gainbegiratuz. UC1093-3: Aisialdian dauden taldeak sortzea eta bultzatzea. |
| 1125. Animazio eta kudeaketa kulturala. | UC1431-3: Kulturako arduradunek prestatutako kultura programazioak programatzea, garatzea eta ebaluatzea. UC1432-3: Animazio kulturaleko proiektuak programatzea eta bultatzea kultura-elkarte sareekin. UC1433-3: Kulturako komunikazio eta marketineko ekintzak garatzea. |
| 1126. Animazio turistikoa. | UC1091-3: Animazio turistikoko sailak kudeatzea. UC1092-3: Animazio turistikoko proiektuak diseinatzea, bultzatzea eta ebaluatzea. |
| 0344. Esku-hartze sozialaren metodologia. | UC1022-3: Erkidego bat edo lurralde eskualde bat osatzen duten eragileen artean garatutako esku-hartze eta proiektu komunitarioen eta herritarrek parte hartzeko proiektuen plangintza, garapena eta ebaluazioa dinamizatzea. UC1024-3: Proiektu eta jarduketa komunitarioen berri emateko eta hedatzeko estrategiak ezartzea. UC1026-3: Esku-hartze sozialeko proiektuetan genero ikuspegia sartzea. |
| 1128. Garapen komunitarioa. | UC1020-3: Eragile komunitario nagusiekin harremana ezarri eta mantentzea: biztanleria, teknikariak eta administrazioak, haien arteko harremana sustatuz. UC1021-3: Herritarren parte-hartzea bultzatzea proiektu eta baliabide komunitarioetan. UC1023-3: Elkarteen ehuna sortzeko eta garatzeko lanetan esku hartzea, sostengatzea eta laguntzea. UC1025-3: Eragile komunitarioen arteko gatazken kudeaketan bitartekaritza prozesu eta teknikak ezartzea. |
| 1129. Gazteendako informazioa. | UC1874-3: Gazteendako interesgarriak diren informazio zerbitzuak antolatzea eta kudeatzea. UC1875-3: Gazteendako informazioa sustatzeko ekintzak antolatzea eta kudeatzea. |
| 1130. Esku-hartze sozioedukatiboa gazteekin. | UC1876-3: Hezkuntza ez-formalaren esparruan gazteei zuzendutako ekintza sozioedukatiboak antolatzea. |
6. ERANSKINA. IRAKASLEAK
A) Irakasteko eskumena.
| LANBIDE MODULUA | IRAKASLEEN ESPEZIALITATEA | KIDEGOA |
| 0020. Lehen sorospenak. | -Osasun eta laguntza arloko prozedurak. -Diagnostiko kliniko eta ortoprotesikoko prozedurak. | -Lanbide Heziketako irakasle teknikoa. |
| -Irakasle espezialista. | ||
| 0179. Ingelesa. | -Ingelesa. | -Bigarren Hezkuntzako katedraduna. -Bigarren Hezkuntzako irakaslea. |
| 1123. Aisia eta denbora libreko jarduerak. | -Komunitatearentzako zerbitzuak. | -Lanbide Heziketako irakasle teknikoa. |
| -Gorputz Hezkuntza. | -Bigarren Hezkuntzako katedraduna. -Bigarren Hezkuntzako irakaslea. | |
| 1124. Talde dinamizazioa. | -Esku-hartze Soziokomunitarioa. -Gorputz Hezkuntza. | -Bigarren Hezkuntzako katedraduna. -Bigarren Hezkuntzako irakaslea. |
| 1125. Animazio eta kudeaketa kulturala. | -Esku-hartze soziokomunitarioa. -Ostalaritza eta Turismoa. | -Bigarren Hezkuntzako katedraduna. -Bigarren Hezkuntzako irakaslea. |
| 1126. Animazio turistikoa. | -Esku-hartze soziokomunitarioa. -Ostalaritza eta Turismoa. | -Bigarren Hezkuntzako katedraduna. -Bigarren Hezkuntzako irakaslea. |
| 0344. Esku-hartze sozialaren metodologia. | -Esku-hartze soziokomunitarioa. | -Bigarren Hezkuntzako katedraduna. -Bigarren Hezkuntzako irakaslea. |
| 1128. Garapen komunitarioa. | -Esku-hartze soziokomunitarioa. | -Bigarren Hezkuntzako katedraduna. -Bigarren Hezkuntzako irakaslea. |
| 1129. Gazteendako informazioa. | -Komunitatearentzako zerbitzuak. | -Lanbide Heziketako irakasle teknikoa. |
| 1130. Esku-hartze sozioedukatiboa gazteekin. | -Esku-hartze soziokomunitarioa. | -Bigarren Hezkuntzako katedraduna. -Bigarren Hezkuntzako irakaslea. |
| 1131. Animazio soziokulturalaren testuingurua. | -Esku-hartze soziokomunitarioa. | -Bigarren Hezkuntzako katedraduna. -Bigarren Hezkuntzako irakaslea. |
| 1132. Animazio soziokultural eta turistikoko proiektua. | -Komunitatearentzako zerbitzuak. | -Lanbide Heziketako irakasle teknikoa. |
| -Esku-hartze soziokomunitarioa. -Ostalaritza eta Turismoa. -Gorputz Hezkuntza. | -Bigarren Hezkuntzako katedraduna. -Bigarren Hezkuntzako irakaslea. | |
| 1133. Lanerako prestakuntza eta orientazioa. | -Laneko prestakuntza eta orientabidea. | -Bigarren Hezkuntzako katedraduna. -Bigarren Hezkuntzako irakaslea. |
| 1134. Enpresa eta ekimena. | -Laneko prestakuntza eta orientabidea. | -Bigarren Hezkuntzako katedraduna. -Bigarren Hezkuntzako irakaslea. |
| NA01. Ingelesa I. | -Ingelesa. | -Bigarren Hezkuntzako katedraduna. -Bigarren Hezkuntzako irakaslea. |
| B) Irakaslanari dagokionez baliokideak diren titulazioak. |
| KIDEGOAK | ESPEZIALITATEAK | TITULAZIOAK |
| Bigarren Hezkuntzako irakasleak. | Lanerako prestakuntza eta orientazioa. | -Enpresa Zientzietan diplomaduna. -Lan Harremanetako diplomaduna. -Gizarte Laneko diplomaduna. -Gizarte Hezkuntzako diplomaduna. -Kudeaketa eta Administrazio Publikoko diplomaduna. |
| Gizartean eta Komunitatean Esku-hartzea. | -Maisu-maistrak, espezialitate guztiak. -Gizarte Hezkuntzako diplomaduna. -Gizarte Laneko diplomaduna. | |
| Ostalaritza eta Turismoa. | -Turismoko diplomaduna. |
| C) Ikastetxe pribatuetarako behar diren titulazioak. |
| LANBIDE-MODULUAK | TITULAZIOAK |
| 0020. Lehen sorospenak. 1123. Aisia eta denbora libreko jarduerak. 1129. Gazteendako informazioa. 1132. Animazio soziokultural eta turistikoko proiektua. | -Lizentziaduna, ingeniaria, arkitektoa edo kasuan kasuko graduko titulua, edo beste titulu baliokide batzuk. -Diplomaduna, ingeniari teknikoa, arkitekto teknikoa edo kasuan kasuko graduko titulua, edo beste titulu baliokide batzuk. |
| 0179. Ingelesa. 1124. Talde dinamizazioa. 1125. Animazio eta kudeaketa kulturala. 1126. Animazio turistikoa. 0344. Esku-hartze sozialaren metodologia. 1128. Garapen komunitarioa. 1130. Esku-hartze sozioedukatiboa gazteekin. 1131. Animazio soziokulturalaren testuingurua. 1133. Lanerako prestakuntza eta orientazioa. 1134. Enpresa eta ekimena. NA01. Ingelesa I. | Lizentziaduna, ingeniaria, arkitektoa edo kasuan kasuko graduko titulua, edo irakaslanari dagokionez baliokideak diren beste titulu batzuk. |
7 ERANSKINA. LEKUAK
| Irakaslekua. |
| Erabilera anitzeko gela. |
| Gimnasio aretoa aldalekuekin, dutxekin eta biltegiarekin. |
| Gizarte, kultura eta turismoko jarduerak sustatzeko gela teknikoa. |
Iragarkiaren kodea: F1311085
