LEXNAVARRA
46/2013 FORU DEKRETUA, UZTAILAREN 31KOA, NAFARROAKO FORU KOMUNITATEAN NAZIOARTEKO MERKATARITZAKO GOI MAILAKO TEKNIKARI TITULUAREN EGITURA ETA CURRICULUMA EZARTZEN DITUENA.
BON N.º 246 - 24/12/2013
- Atariko
- 1. artikulua. Xedea.
- 2. artikulua. Identifikazioa.
- 3. artikulua. Lanbide erreferentea eta lanbide jarduera.
- 4. artikulua. Curriculuma.
- 5. artikulua. Lanbide moduluak eta prestakuntza unitateak.
- 6. artikulua. Heziketa zikloan sartzeko bideak.
- 7. artikulua. Ziklotik beste ikasketa batzuetara pasatzea.
- 8. artikulua. Baliozkotzeak eta salbuespenak.
- 9. artikulua. Gaitasun unitateek lanbide moduluekin duten korrespondentzia.
- 10. artikulua. Irakasleak.
- 11. artikulua. Irakaslekuak eta ekipamenduak.
- Lehen Xedapen Gehigarria. Tituluaren baliokidetasunak.
- Bigarren Xedapen Gehigarria. Beste lanbide trebakuntza batzuk.
- Xedapen Iragankor Bakarra. Aurreko tituluko ikasleen eskubideak eta trantsizio prozesua.
- Xedapen Indargabetzaile Bakarra. Arauak indargabetzea.
- Azken Xedapenetako Lehena. Ezarpena.
- Azken Xedapenetan Bigarrena. Indarra hartzea.
1. ERANSKINA. LANBIDE ERREFERENTEA
2. ERANSKINA. CURRICULUMA
Lanbide Kalifikazioei eta Lanbide Heziketari buruzko ekainaren 19ko 5/2002 Legeak Kalifikazioen Katalogo Nazionalaren definizioan aurrera egitea ahalbidetu du. Lanbide sektore edo arlo bakoitzerako kualifikazio batzuk zehaztu dira katalogoan, hiru mailatan antolatuta, eta horiexek osatzen dute lanbide heziketako tituluen curriculumaren muina.
Hezkuntzari buruzko maiatzaren 3ko 2/2006 Lege Organikoak lanbide ikasketen antolaketa eta haien egituraren eta antolamenduaren printzipio orokorrak arautzen ditu hezkuntza sistemaren barnean. Etapa, maila eta ikasketa mota guztiak eredu koherente batean biltzen ditu, zeinean heziketa zikloek eginkizun garrantzitsuak betetzen baitituzte, lanbide gaitasunen, gaitasun pertsonalen eta gizarte gaitasunen garapenari lotuak, eta, funtsean, lanbide kualifikazioaren, lan munduan sartzearen eta helduen bizitzan parte hartzearen esparruetan kokatuak.
Ekonomia Iraunkorrari buruzko martxoaren 4ko 2/2011 Legeak, lanbide heziketari dagokionez, helburu hau du ezarrita: erraztasunak ematea prestakuntzaren eskaintza produkzio-sistemak eta gizarteak eskatzen dituzten lanbide gaitasunetara etengabe egokitzeko, lanbide heziketako tituluak eguneratu eta egokitzeko sistema arin baten bitartez. Halaber, adierazten du beharrezkoa dela hezkuntza administrazioak behar diren ekimenak abiaraztea lanbide heziketaren eskaintza gizartearen premien arabera eta kasuko lurralde esparruko ekonomiaren premien arabera egokitzeko. Bestalde, Hezkuntzari buruzko 2/2006 Legearen 41. artikulua aldatzen du, non lanbide heziketako erdi mailako eta goi mailako zikloetako irakaskuntzetan sartzeko bete beharreko baldintzak arautzen diren.
Foru dekretu honen bitartez, Nazioarteko Merkataritzako goi mailako teknikari titulua eskuratzea ahalbidetzen duen goi mailako heziketa zikloaren egitura eta curriculuma ezartzen dira. Hezkuntza sistemako lanbide heziketaren antolamendu orokorra ezartzen duen uztailaren 29ko 1147/2011 Errege Dekretuaren 8. artikulua aplikatuz, eta Nafarroako Foru Eraentza Birrezarri eta Hobetzeari buruzko abuztuaren 10eko 13/1982 Lege Organikoaren 47. artikuluan Nafarroako Foru Komunitateari arlo honetan ematen zaizkion eskumenak erabiliz, honako curriculum honek azaroaren 4ko 1574/2011 Errege Dekretua garatzen du, Nazioarteko Merkataritzako goi mailako teknikari titulua ezarri eta horren gutxieneko ikasketak finkatzen dituen dekretua, hain zuzen.
Bestalde, Nafarroako Foru Komunitateko hezkuntza sistemaren esparruan lanbide heziketaren antolamendua eta garapena arautzen dituen maiatzaren 26ko 54/2008 Foru Dekretuak lanbide heziketako tituluetako curriculuma garatzeko eredu bat definitu du, estrategia eta arau berriak ekarri dituena enpresara hobeki egokitzeko, ikasketen antolaketa malgutzeko, ikastetxeen curriculum-autonomia areagotzeko eta ikasleei prestakuntza zabalagoa emateko.
Horregatik, Nazioarteko Merkataritzako goi mailako teknikari tituluaren curriculuma Nafarroako Foru Komunitaterako egokitu eta garatzean, kontuan hartu dira maiatzaren 26ko 54/2008 Foru Dekretu horrek onetsi dituen diseinuari buruzko jarraibideak.
2
Arau multzo honetan ondoko elementuak jorratzen dira, titulu honetako curriculuma osatzen baitute: lanbide erreferentea, curriculuma, ikasketen antolaketa eta sekuentziazioa, sarbideak eta ezarpenerako baldintzak.
Titulu honen lanbide erreferenteak, arau honen 3. artikuluan aurkeztu eta 1. eranskinean garatzen denak, oinarrizko bi alderdi ditu: tituludunaren lanbide profila eta haren lan jarduerari dagokion produkzio-sistemaren ingurunea. Lanbide profilaren barnean, haren gaitasun orokorra zein den definitzen da eta erreferentzia gisa hartu diren lanbide kualifikazioak azaltzen dira. Lanbide kualifikazio horiek, Nazioarteko merkataritzako kudeaketa administratibo eta finantzarioa, otsailaren 20ko 295/2004 Errege Dekretuak arautzen duena, osatu gabeko hainbat kualifikaziorekin (Marketina eta nazioarteko salerosketa, Garraioaren eta banaketaren antolaketa eta Biltegien antolaketa eta kudeaketa, otsailaren 1eko 109/2008 Errege Dekretuak arautzen dituenak; eta Errepideko garraioaren merkataritza- eta finantza-kudeaketa, urriaren 31ko 1550/2011 Errege Dekretuak arautzen duena), hainbat gaitasunek definitzen duten lanbide jarduketarako gune batean biltzen dira. Gune horrek, euskarri gisa gehitu diren lanbide moduluekin batera, badu zabaltasun nahikoa eta behar adinako espezializazioa goi mailako teknikari honek lana lortzen ahalko duela bermatzeko.
Produkzio-sistemari dagokionez, zenbait zehaztapen ezartzen dira tituludun hauek beren lanean eta lanbidean izanen duten inguruneari buruz, Nafarroarako elementu bereizgarriak kontuan hartuz. Gutxienez ere bi dimentsio osagarri dituen sistema batean kokatzen da ingurune hori. Lehenbizikoa geografikoa da, tituludun hauen lanbide jarduera Estatuko eta atzerriko beste zona batzuekin loturik dagoelako eta zona horiek elkarri eragiten diotelako. Bigarrena denboraren dimentsioa da, eta lanbideak etorkizunean izanen duen bilakaerari buruzko ikuspegi prospektiboa dakar.
3
Laugarren artikulua, lotua duen 2. eranskinarekin batera, Nafarroan arautzen den titulazioaren curriculum osagaiari buruzkoa da eta bi zatitan banaturik dago. Alde batetik, titulu honen helburuak daude eta, bestetik, lanbidearen ikaskuntzaren muina osatzen duten lanbide moduluen garapena eta iraupena. Iraupenaren definizioari dagokionez, bi irizpide erabiltzen dira: orduen kopurua eta Europako kredituen kopurua (ECTS). Lehenbizikoa interesgarria da prestakuntza jarduera antolatzeko, eta bigarrena irizpide estrategikoa da, Europako esparruaren barneko mugikortasunarekin eta ikasketa unibertsitarioen eta lanbide heziketako goi mailako heziketa zikloen arteko baliozkotzearekin zerikusia duena. Lanbide modulu guztien curriculumak badu orientabide didaktikoen atal bat. Orientabide horiek moduluen ikuspuntuari, koordinazioari eta sekuentziazioari eta lan unitateen eta irakaskuntza-ikaskuntza jardueren tipologiari eta definizioari dagozkie.
4
Arau honen eremuan, moduluen erreferentziako sekuentziazioa arautzen da zikloaren bi kurtsoetan, eta lanbide modulu bakoitza prestakuntza unitatetan banatzen da. Zatiketa horrek aukera ematen du lanbide prestakuntzarako beste eskaintza batzuei ekiteko, batetik, langileen hobekuntza lortzeko, eta bestetik, halako ibilbide batzuk diseinatzeko, eta horrela, gaitasunak ebaluatu eta aitortzeko prozedura prestakuntza eskaintzan berean integratzeko. Elementu hori 5. artikuluan eta 3. eranskinean garatzen da.
5
Sarbideei eta baliozkotzeei dagokienez, 6. artikuluak Batxilergotik heziketa ziklo honetara sartzeko bideak arautzen ditu, 7. artikuluak zehazten du nola pasa daitekeen beste ikasketa batzuetara Nazioarteko Merkataritzako goi mailako teknikari titulurako heziketa zikloa amaitu eta gero, 8. artikuluak baliozkotze eta salbuespenak arautzeko esparrua definitzen du, eta 9. artikuluak (5. eranskinean garatua) lanbide moduluen eta titulu honetako kualifikazioko gaitasun unitateen arteko korrespondentziak ezartzen ditu, haiek egiaztatu, baliozkotu edo salbuesteko.
6
Azkenik, foru dekretu honek arautzen duen azken elementua 10. eta 11. artikuluetan eta dagozkien 6. eta 7. eranskinetan deskribatzen da, heziketa ziklo hau ezartzeko baldintzez ari baitira horiek guztiak. Baldintza horiek irakasleen profilari eta behar diren esparru eta ekipamenduen ezaugarriei buruzkoak dira.
Horrenbestez, Hezkuntzako kontseilariak proposaturik, eta Nafarroako Gobernuak 2013ko uztailaren 31n egindako bilkuran harturiko erabakiarekin bat,
DEKRETATU DUT:
Foru dekretu honen xedea da Nazioarteko Merkataritzako goi mailako teknikari tituluaren egitura eta curriculum ofiziala ezartzea Nafarroako Foru Komunitatean. Titulu hori Merkataritza eta Marketina lanbide arlokoa da.
2. artikulua . Identifikazioa.
Nazioarteko Merkataritzako goi mailako teknikari titulua ondoko elementuen bidez identifikatzen da:
a) Izena: Nazioarteko Merkataritza.
b) Maila: 3-Goi mailako Lanbide Heziketa.
c) Iraupena: 2000 ordu.
d) Lanbide arloa: Merkataritza eta Marketina.
e) Europako erreferentea: HNSN - 5b (Hezkuntzaren Nazioarteko Sailkapen Normalizatua).
3. artikulua . Lanbide erreferentea eta lanbide jarduera.
Foru dekretu honen 1. eranskinean zehazten dira tituluaren lanbide profila, gaitasun orokorra, kualifikazioak eta gaitasun unitateak, lanbide gaitasunak, gaitasun pertsonalak eta sozialak, bai eta produkzio-sistemaren erreferentziak, haren prospektiba eta Nafarroako testuinguruan kokatzeko jakingarri batzuk ere, maiatzaren 26ko 54/2008 Foru Dekretuaren 21. artikuluan ezarritakoari jarraituz. Dekretu horren bidez, Nafarroako Foru Komunitateko hezkuntza sistemaren esparruan lanbide heziketaren antolamendua eta garapena arautzen dira.
1. Nazioarteko Merkataritzako heziketa zikloaren helburu orokorrak eta hura osatzen duten lanbide moduluak foru dekretu honen 2. eranskinean ageri dira.
2. Heziketa ziklo hau ematen duten lanbide heziketako ikastetxeek programazio didaktiko bat prestatuko dute, zikloak dituen lanbide modulu bakoitzerako. Programazio hori lan unitateen bitartez garatu eta zehaztuko da.
5. artikulua . Lanbide moduluak eta prestakuntza unitateak.
1. Prestakuntza ziklo hau osatzen duten lanbide moduluak foru dekretu honen 2 B) eranskinean garatzen dira, Nazioarteko Merkataritzako goi mailako teknikari titulua ezarri zuen eta beraren gutxieneko irakaskuntzak finkatu zituen azaroaren 4ko 1574/2011 Errege Dekretuaren 10. artikuluan ezarritakoarekin bat etorriz.
2. Lanbide modulu horiek bi ikasturtetan antolatuko dira, foru dekretu honen 2 B) eranskinean ezarritako denbora banaketaren arabera. Maiatzaren 26ko 54/2008 Foru Dekretuaren 16.2 artikuluan adierazitako arauekin bat, denbora banaketa horrek erreferentziazko balioa izanen du heziketa ziklo hau ematen duten ikastetxe guztientzat, eta Hezkuntza Departamentuaren baimena beharko da hartan edozein aldaketa egiteko.
3. Lanbide moduluak foru dekretu honen 3. eranskinean ezarritako prestakuntza unitateetan antolaturik ematen ahalko dira, bizitzan zeharko prestakuntza sustatze aldera. Lanbide modulu bakoitza osatzen duten prestakuntza unitateen edukietan modulu horretako eduki guztiak bildu behar dira.
4. Prestakuntza unitate bakoitzaren ziurtapenak Nafarroako Foru Komunitatean soilik izanen du balioa. Modulu bateko prestakuntza unitate guztiak gaindituz gero, ikasleak lanbide moduluaren ziurtapenerako eskubidea izanen du. Ziurtapenak Estatu osoan izanen du balioa, heziketa zikloan sartzeko baldintza akademikoak betetzen baldin badira.
6. artikulua . Heziketa zikloan sartzeko bideak.
1. Foru dekretu honetan arautzen den heziketa zikloan sartzeko, Hezkuntza sistemako lanbide heziketaren antolamendu orokorra ezartzen duen uztailaren 29ko 1147/2011 Errege Dekretuaren 18. artikuluan ezarritako baldintzak bete beharko dira.
2. Giza eta Gizarte Zientzien modalitateko Batxilergoa ikasi duten ikasleek lehentasuna izanen dute heziketa ziklo honetan sartzeko, azaroaren 4ko 1574/2011 Errege Dekretuaren 13. artikuluak ezarri bezala.
7. artikulua . Ziklotik beste ikasketa batzuetara pasatzea.
1. Nazioarteko Merkataritzako goi mailako teknikari tituluak zuzeneko sarbidea ematen du goi mailako beste edozein heziketa ziklotarako, onarpenerako ezartzen diren baldintzekin betiere.
2. Nazioarteko Merkataritzako goi mailako teknikari tituluak zuzeneko sarbidea ematen du unibertsitateko gradu tituluak eskuratzeko ikasketetarako, onarpenerako ezartzen diren baldintzekin betiere.
3. Azaroaren 4ko 1574/2011 Errege Dekretuaren 14.3 artikuluaren arabera, baliozkotzeen araubidea errazteko asmoz, lanbide heziketako goi mailako teknikari tituluen eta unibertsitateko gradu ikasketen arteko kreditu-onarpenari buruzko arauaren esparruan, 120 ECTS kreditu esleitu zaizkie foru dekretu honetan ezarritako ikasketei, heziketa ziklo honetako lanbide moduluen artean banaturik.
8. artikulua . Baliozkotzeak eta salbuespenak.
1. 4. eranskinean zehazten dira Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoaren babesean ezarritako lanbide heziketako tituluen lanbide moduluen eta dekretu honetan egitura eta curriculumaren garapena ezarriak dituzten lanbide moduluen arteko baliozkotzeak.
2. Lanbide moduluak beste lanbide modulu batzuekin, gaitasun unitateekin eta goi mailako heziketaren irakasgaiekin baliozkotzeari eta salbuesteari dagokienez, azaroaren 4ko 1574/2011 Errege Dekretuaren 15. artikuluan eta uztailaren 29ko 1147/2011 Errege Dekretuaren 38. artikuluan araututakoa aplikatuko da.
9. artikulua . Gaitasun unitateek lanbide moduluekin duten korrespondentzia.
1. Lanbide Kualifikazioei eta Lanbide Heziketari buruzko ekainaren 19ko 5/2002 Lege Organikoaren 8. artikuluan ezarritakoaren arabera egiaztaturiko gaitasun unitateen eta Nazioarteko Merkataritzako goi mailako teknikari titulurako ikasketak osatzen dituzten lanbide moduluen arteko korrespondentziak, haiek baliozkotzeko edo salbuesteko erabiliko direnak, foru dekretu honen 5.A) eranskinean ageri dira.
2. Halaber, titulu bereko ikasketak osatzen dituzten lanbide moduluen eta gaitasun unitateen arteko korrespondentziak, haiek egiaztatzeko erabiliko direnak, foru dekretu honen 5.B) eranskinean zehazten dira.
1. Heziketa ziklo honetako ikasketak osatzen dituzten lanbide moduluetan irakaslanean aritzea Bigarren Hezkuntzako katedradunei, Bigarren Hezkuntzako irakasleei eta Lanbide Heziketako irakasle teknikoei dagokie. Foru dekretu honen 6.A) eranskinean ezarritako espezialitateetakoak izan behar dute.
2. Irakasleen kidegoetako irakasleei eskatzen zaizkien titulazioak, oro har, otsailaren 23ko 276/2007 Errege Dekretuaren 13. artikuluan ezarritakoak dira. Errege dekretu horren bidez, maiatzaren 3ko 2/2006 Lege Organikoan aipatzen diren irakasleen kidegoetan sartzeko eta espezialitate berriak eskuratzeko Erregelamendua onesten da eta lege organiko horren hamazazpigarren xedapen iragankorrean aipatzen den sarrera-araubide iragankorra arautzen da. Irakaslanari dagokionez, aurrekoen baliokideak diren titulazioak foru dekretu honen 6.B) eranskinean ageri dira, irakasleen espezialitatea zein den.
3. Titulu hau osatzen duten lanbide moduluak irakasteko, ikastetxe pribatuetako irakasleei edo Hezkuntzakoak ez diren administrazioetako ikastetxe publikoetako irakasleei eskatuko zaizkien titulazioak foru dekretu honen 6.C) eranskinean azaltzen dira.
11. artikulua . Irakaslekuak eta ekipamenduak.
1. Heziketa ziklo honetako ikasketak emateko behar diren irakaslekuak foru dekretu honen 7. eranskinean ezarritakoak dira.
2. Irakaslekuek azalera nahikoa izanen dute haietako bakoitzean ematen diren lanbide moduluetako ikaskuntza-emaitzei dagozkien irakaskuntza jarduerak garatu ahal izateko. Gainera, baldintza hauek bete beharko dituzte:
a) Irakaslekuaren azalera zehazteko, kontuan hartuko da zenbat lagunentzat den. Azalera nahikoa izanen da irakatsi eta ikasteko jarduerak behar adinako ergonomia eta mugikortasunarekin egin ahal izateko.
b) Altzarietarako, ekipamenduetarako eta laneko tresna lagungarrietarako nahikoa leku izanen da.
c) Martxan dauden makina eta ekipoetarako segurtasun tarte edo eremuak errespetatu beharko dira.
d) Laneko arriskuen prebentzioari buruzko arauak, lanpostuko segurtasunari eta osasunari buruzkoak eta gainerako arau aplikagarriak beteko dira.
3. Ikasle talde batek baino gehiagok erabiltzen ahalko dituzte irakaslekuak, heziketa ziklo eta hezkuntza etapa berekoak izan edo ez.
4. Irakaslekuek ez dute nahitaez itxituren bidez bereizirik egon behar.
5. Irakasleku bakoitzean behar adina ekipamendu jarri behar da, ikasleei ikaskuntzaren emaitzen lorpena eta irakaskuntzaren kalitatea bermatzeko. Gainera, baldintza hauek beteko dituzte:
a) Ekipamenduak (ekipoak, makinak, eta abar) ongi ibiltzeko behar duten instalazioa edukiko du. Segurtasunari eta arriskuen prebentzioari buruzko arauak eta aplikatu behar diren gainerakoak beteko dituzte.
b) Ekipamenduaren kopurua eta ezaugarriak ikasle kopuruaren araberakoak izanen dira, eta ikaskuntzaren emaitzak lortzea ahalbidetuko dute, irakasleku bakoitzean ematen diren lanbide moduluetako ebaluazio irizpideak eta edukiak kontuan izanik.
6. Hezkuntza Departamentua arduratuko da irakasleku eta ekipamenduen kopurua eta ezaugarriak egokiak izan daitezen modulu bakoitzeko ikaskuntzaren emaitzen araberako irakaskuntza eta ikaskuntza prozesuak garatzeko, eta ikasketen eboluzioak sortzen dituen eskarietara egokitu daitezen, horrela ikasketen kalitatea bermatuko baita.
Lehen Xedapen Gehigarria. Tituluaren baliokidetasunak.
1. Azaroaren 4ko 1574/2011 Errege Dekretuaren hirugarren xedapen gehigarriaren arabera, Nazioarteko Merkataritzako goi mailako teknikari tituluak, zeinaren curriculuma foru dekretu honetan arautzen baita, eta jarraian aipatzen diren teknikari espezializatuaren tituluek ondorio akademiko eta profesional berak sortuko dituzte:
a) Kanpo merkataritzako eta garraioetako teknikari espezialista, Administrazio eta Merkataritzaren adarra.
b) Kanpo merkataritzako teknikari espezialista, Administrazio eta Merkataritzaren adarra.
2. Era berean, martxoaren 18ko 152/1996 Foru Dekretuan araututa dagoen Nazioarteko Merkataritzako goi mailako teknikari tituluak eta foru dekretu honetan arautzen den curriculuma duen Nazioarteko Merkataritzako goi mailako teknikari tituluak ondorio akademiko eta profesional berberak izanen dituzte.
Bigarren Xedapen Gehigarria. Beste lanbide trebakuntza batzuk.
Lanerako prestakuntzako eta orientabideetako moduluak trebakuntza ematen du laneko arriskuen prebentzioko oinarrizko jardueretarako behar diren lanbide erantzukizunak hartzeko (horiek Prebentzio Zerbitzuen Erregelamendua onesten duen urtarrilaren 17ko 39/1997 Errege Dekretuan ezarrita daude), baldin eta moduluak gutxienez 45 eskola ordu baditu, azaroaren 4ko 1574/2011 Errege Dekretuaren hirugarren xedapen gehigarriaren 3. zenbakian ezarritakoarekin bat.
Xedapen Iragankor Bakarra. Aurreko tituluko ikasleen eskubideak eta trantsizio prozesua.
Martxoaren 18ko 152/1996 Foru Dekretuan ezarritako Nazioarteko Merkataritzako goi mailako teknikariaren tituluari dagozkion ikasketak osorik egin ez dituztenek trantsizio epe bat izanen dute hura eskuratzeko. Nafarroako Foru Komunitateko Hezkuntza Departamentuak titulu hori eskuratzeko prozedurak erraztuko ditu, horretarako ezarriko den arau esparruan.
Xedapen Indargabetzaile Bakarra. Arauak indargabetzea.
1. Indarrik gabe utzi da martxoaren 18ko 152/1996 Foru Dekretua, Nafarroako Foru Komunitatean Nazioarteko Merkataritzako goi mailako teknikari tituluari dagokion goi mailako heziketa zikloaren curriculuma ezartzen duena, ezertan galarazi gabe foru dekretu honen xedapen iragankorrean ezarritakoa.
2. Indarrik gabe utzi dira foru dekretu honetan xedatutakoari aurka egiten dioten maila bereko edo apalagoko xedapen guztiak.
Azken Xedapenetako Lehena. Ezarpena.
Nafarroako Foru Komunitateko Hezkuntza Departamentuak, 2013/2014 ikasturtetik aurrera, noiznahi ezar dezake foru dekretu honetan arautzen den curriculuma, maiatzaren 26ko 54/2008 Foru Dekretuaren 5. artikuluan ezarritako edozein modalitatetan.
Azken Xedapenetan Bigarrena. Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2013ko uztailaren 31n.-Nafarroako Gobernuko lehendakaria, Yolanda Barcina Angulo.-Hezkuntzako kontseilaria, José Iribas Sánchez de Boado.
1. ERANSKINA. LANBIDE ERREFERENTEA
A) Lanbide profila
a) Lanbide profila.
Nazioarteko Merkataritzako goi mailako teknikari tituluaren lanbide profila zehazten duten alderdiak hauek dira: gaitasun orokorra, lanbide gaitasunak, gaitasun pertsonalak eta gaitasun sozialak, eta Lanbide Kualifikazioen Katalogo Nazionalaren barnean titulu horri dagozkion kualifikazioak eta, hala denean, gaitasun unitateak.
b) Gaitasun orokorra.
Titulu honen gaitasun orokorra salgaiak inportatu/esportatzeko eta sartu/igortzeko prozesuak planifikatzean eta kudeatzean datza, indarreko araudia aplikatuz, ezarritako prozeduren eta helburuen esparruaren barruan.
c) Kualifikazioak eta gaitasun unitateak.
Nazioarteko Merkataritzako goi mailako teknikari tituluan biltzen diren kualifikazioak eta gaitasun unitateak honako hauek dira:
Lanbide kualifikazio osoa:
COM086-3: Nazioarteko merkataritzako kudeaketa administratiboa eta finantzarioa. Honako gaitasun unitateak biltzen ditu:
-UC0242-3: Kudeaketa administratiboa egitea eta kontrolatzea salgaiak inportatu/esportatzeko eta/edo sartu/igortzeko eragiketetan.
-UC0243-3: Finantzaketako eragiketak kudeatzea salgaien eta zerbitzuen nazioarteko transakzioetarako.
-UC0244-3: Kobrantza eta ordainketa eragiketak kudeatzea nazioarteko transakzioetan.
-UC1010-3: Nazioarteko merkataritzako harremanetan eta jardueretan ingelesez komunikatzea, erabiltzaile trebearen mailarekin.
Osatu gabeko lanbide kualifikazioak:
COM316-3: Marketina eta nazioarteko salerosketa. Honako gaitasun unitateak biltzen ditu:
-UC1007-3: Informazioa eskuratu eta prestatzea merkatuen informazio sistemarako.
-UC1008-3: Azterketak eta proposamenak egitea nazioarteko marketin planaren ekintzetarako.
-UC1009-3: Laguntza ematea produktuen eta zerbitzuen nazioarteko salerosketa eragiketak negoziatu eta gauzatzeko prozesuetan.
COM317-3: Garraioa eta banaketa antolatzea. Honako gaitasun unitatea biltzen du:
-UC1013-3: Distantzia luzeko garraioaren eragiketak antolatu, kudeatu eta kontrolatzea.
COM318-3: Biltegien antolaketa eta kudeaketa. Honako gaitasun unitateak biltzen ditu:
-UC1014-3: Biltegia antolatzea aurreikusitako jardun mailekin eta irizpideekin bat.
-UC1015-2: Biltegiko eragiketak kudeatu eta koordinatzea.
COM442-3: Errepideko garraioaren merkataritza- eta finantza-kudeaketa, ondoko gaitasun unitate hau biltzen duena:
-UC1423-3: Errepideko garraioaren jarduera ekonomiko eta finantzarioa kudeatzea
d) Lanbide gaitasunak, gaitasun pertsonalak eta sozialak:
1) Merkataritza enpresa bat eratzeko eta abiarazteko behar diren kudeaketak egitea, eta, horretarako, beharrezko finantza baliabideen eskurapena planifikatu eta kudeatzea, enpresaren errentagarritasun ekonomiko eta finantzarioa erdiesteko.
2) Nazioarteko merkatuen gaineko informazio fidagarria lortu, aztertu eta antolatzea, teknika egokiak erabiliz, eta informazio eraginkorreko sistema bat ezartzea, nazioarteko salerosketa eragiketetan lagunduko duena.
3) Erabakiak hartzea enpresa baten produktuak kanpoko merkatuan sartzeari buruz, eta, horretarako, produktuaren, prezioaren, komunikazioaren eta banaketaren politikarik egokienak aukeratzea merkatu horietan sartzeko.
4) Marketin plan bat prestatzea, eta, horretarako, oinarrizko informazioa edo produktuen briefing-a hautatzea eta nazioarteko marketin mix-ean parte hartzen duten aldagaiak elkarrekin aztertzea kanpoko merkatuetan sartzeko.
5) Bezeroak eta hornitzaileak identifikatzea eta haiekin harremanetan jartzea, eta, horretarako, nazioarteko merkataritzako kontratuak kudeatzea, eta salmenten garapena eta eboluzioa kontrolatu eta ikuskatzea, kontraturako hitzartutako baldintzak betetzen direla bermatzeko.
6) Inportazio eta esportazio eragiketen eta salgaiak sartu eta igortzeko eragiketen kudeaketa administratiboa egitea.
7) Nazioarteko merkataritzako eragiketen kudeaketa finantzarioa egitea, eta, horretarako, kostuak ezartzea eta sortzen diren arriskuen estaldura egokia kudeatzea, haien bideragarritasun ekonomikoa bermatzeko; halaber, enpresarentzat seguru den modu batean garatzea prozesua eta beharrezko dokumentazioa prestatzea, salerosteko eragiketei eta nazioarteko proiektu eta lizitazioei lotutako kredituak lortzeko, indarreko araudia aplikatuz.
8) Salgaien osotasuna bermatuz eta bitarteko eta espazio eskuragarriak ahalik eta hobekien aprobetxatuz antolatzea biltegia, ezarritako prozeduren arabera.
9) Salgaien eta/edo bidaiarien nazioarteko garraioa edo joan-etorria zenbait herrialderen artean bermatzen duten kudeaketa administratiboak egitea eta kasuan-kasuan eskatzen diren agiriak kontrolatzea, eta, horretarako, egiaztatzea horiek bat egiten dutela aplikatu beharreko araudi indardunarekin eta jasotako zehaztapenekin.
10) Nazioarteko kobrantza-bideak eta ordainbideak, bermeak eta abalak kudeatzea, eta, horretarako, beharrezkoak diren dokumentuak bete eta aztertzea, nazioarteko legeria indarduna oinarri duten nazioarteko merkataritza kontratuetan ezarritako baldintzen arabera.
11) Ingelesez arin komunikatzea, ahoz zein idatziz, nazioarteko merkataritzako eragiketetan esku hartzen duten eragile eta organismo guztiekin.
12) Internet eta beste edozein sistema digital erabiltzea publizitate plataforma gisa eta mundura zabalik den erakusleiho gisa, errazagoa izan dadin nazioko edo nazioarteko edozein bezerori salmenta egitea.
13) Lanaren eta norberaren egoera berrietara egokitzea, eta horretarako, norberaren lanbide inguruneari dagozkion ezagutza zientifiko, tekniko eta teknologikoak eguneratuta edukitzea, prestakuntza eta bizitzan zehar eskura dauden ikaskuntza-baliabideak kudeatzea, eta informazioaren eta komunikazioaren teknologiak erabiltzea.
14) Egoerak, arazoak edo gorabeherak ebaztea, eta horretarako ekimena eta autonomia baliatzea bere eskumeneko eremuan, sormena eta berritzeko eta hobetzeko gogoa erakutsiz, bai bere lanean bai taldeko kideenean.
15) Lantaldeak antolatu eta koordinatzeaz arduratzea, lanaren garapena gainbegiratuz, harreman malguak mantenduz eta lidergoa norberaren gain hartuz, eta egon daitezkeen taldeko gatazketan konponbideak emanez.
16) Lankideekin, nagusiekin, bezeroekin eta bere ardurapeko pertsonekin komunikatzea. Horretarako, komunikazio bide eraginkorrak erabiltzea, informazio edo ezagutza egokiak transmititzea, eta bere lanaren esparruan esku hartzen duten pertsonen autonomia eta gaitasuna errespetatzea.
17) Norberaren lana zein taldearena egitean ingurune seguruak sortzea. Horretarako, laneko eta ingurumeneko arriskuen prebentziorako prozedurak gainbegiratu eta aplikatzea, araudiak ezartzen duenaren eta enpresaren helburuen arabera.
18) Ekoizpen-prozesuen edo zerbitzuak emateko prozesuen barnean dauden lanbide-jardueretan kalitatearen kudeaketari, irisgarritasun unibertsalari eta -guztientzako diseinuari erantzuteko prozedurak gainbegiratu eta aplikatzea.
19) Enpresa txiki baten sorrera eta funtzionamendurako oinarrizko kudeaketa egitea eta lanbide-jardueran ekimena izatea, gizarte erantzukizunez.
20) Lanbide-jarduerak dakartzan eskubideak gauzatzea eta betebeharrak betetzea, indarra duen legerian ezarritakoarekin bat etorriz, eta bizitza ekonomiko, sozial eta kulturalean parte-hartze aktiboa izatea.
B) Produkzio sistema
a) Lanbide eta lan ingurunea.
Profesional hau edozein produkzio-sektoretako enpresetan aritzen da, bereziki merkataritza eta marketin sektorekoetan (publikoa nahiz pribatua izanik), nazioarteko merkataritzako jarduerak planifikatuz, antolatuz, kudeatuz eta haietan aholku emanez.
Pertsona horiek beregaineko langileak dira, bere enpresa kudeatzen dutenak nazioarteko merkataritzako jarduerak eginez, edo, bestela, besteren konturako langileak, nazioarteko merkataritzako departamentuan, ondoko azpisektoreen barruan, bere jarduera egiten dutenak:
-Industria, merkataritza eta nekazaritza, nazioarteko merkataritzaren departamentuan.
-Finantza eta aseguru entitateak, kanpoko departamentuan.
-Bitarteko enpresak nazioarteko merkataritzan, hala nola garraio agentziak, merkataritza agentziak, enpresa kontsignatarioak, aduana agentziak eta merkataritza arloko eta arlo juridikoko aholkularitza enpresak.
-Enpresa inportatzaileak, esportatzaileak eta banatzaileak/merkaturatzaileak.
-Logistikako eta garraioko enpresak.
-Elkarteak, erakundeak, organismoak eta gobernuz kanpoko erakundeak.
Lanbide eta lanpostu garrantzitsuenak hauek dira:
-Kanpo merkataritzako teknikaria.
-Kanpo eragiketen teknikaria, aseguru eta finantza entitateetan.
-Nazioarteko merkataritzako administrazioko teknikaria.
-Nazioarteko merkataritzako laguntzailea edo ondokoa.
-Nazioarteko merkataritzako agentea.
-Nazioarteko marketineko teknikaria.
-Nazioarteko marketin digitaleko teknikaria.
-Nazioarteko salmentako teknikaria.
-Nazioarteko merkataritzako eragiketen departamentuko laguntzailea.
-Garraio-kudeatzailea.
-Itsasontzien kontsignatarioa.
-Logistikako eragilea.
-Biltegiko burua.
-Garraio logistikako teknikaria.
-Logistikako koordinatzailea.
-Alderantzizko logistikako teknikaria.
b) Nafarroako lurraldearen testuingurua.
Nafarroako kanpo ekonomiako sektoreak posizionamendu sendoa dauka, halako eran non Espainiako ekonomia autonomikorik nazioarteratuenetakoa baitauka.
Egungo globalizazio fenomenoak merkataritzako jarduera du seinalerik bizienetakoa. Hartara, arlo horretan nazioartera ateratzea benetako premia bat da gaur egun; izan ere, jarduera nazioartera ateratzeko gaitasuna enpresen sendotasuna neurtzeko metodo garrantzitsuenetako bat bilakatu da. Gainera, merkatuen dibertsifikazioak enpresei arriskua murriztea ekartzen die, tokiko eskaintza apaltzen denean.
Egoera horrekin bat eginez, Nafarroako Nazioarteko Planek Nafarroako Enpresa Nazioarteratzeko Plana daukate funtsezko ardatzen artean. Haren helburua da enpresak nazioarteko merkatuetara zabaltzea, horiek tradizionalak zein berriak izan. Jarduketa horiek beste ekimen batzuekin ere datoz bat, hala nola Europar Batasunaren COSME programarekin. Haren helburu nagusietako bat da ETEei laguntzea atzerrian ekiten eta merkatuetara iristea errazten.
Hortaz, egungo egoera ekonomikoan, enpresek are garrantzizkoago dute nazioartera ateratzea, prozesu hori ezinbesteko bilakatu baita. Era berean, oso zaila da enpresak kanpora zabaltzea baldin eta ez badaukate prozesu horiek bideratzeko behar bezalako prestakuntza duen profesionalik. Hori dela eta, curriculum honek xede du sektore horretan prestakuntza premia sortu berrietara egokitzea, eta horren froga da bertan hizkuntzei eman zaien garrantzia.
c) Prospektiba.
Nazioarteko merkataritzako sektoreak nabarmenki laguntzen du herrialdeko BPGa igotzen, hartu-eman zuzena baitago merkataritzaren eta garapenaren artean. Azken urteotan esanguratsua izan da nazioarteratzeko prozesuari ekin dioten enpresen kopurua. Prozesu hori produkzio sektore ia guztietara zabaldu da, eta horrek, horrenbestez, nazioarteko merkataritzan prestakuntza egokia duten langileen eskaria handiagoa ekarri du.
Hurrengo urteetan, enpresek globalizazio ekonomikoaren erronka izanen dute parez pare. Horrek aukera eta arrisku berriak ekarriko ditu negozioa egiteko, eta soilik hobeki prestatuta dauden enpresek izanen dute arrakasta.
Teknikari honen lanpostuko eginkizunetan eragina handia izanen du lan administratiboetan eta jarduerak kudeatzekoetan teknologia berriak oro har aplikatzeak. Batez ere honako hauei aplikatzen zaizkie:
-Nazioarteko merkataritzako jarduerak planifikatu, antolatu, kudeatu eta kontrolatzeko prozesuak.
-Nazioarteko merkataritzaren kudeaketa administratiboko prozesuak.
-Produktuak eta zerbitzuak merkaturatzeko prozesuak.
-Bezeroarekiko komunikazioa.
-Jasotzen den informazioa tratatu eta aztertzea.
-Ematen diren zerbitzuen kalitate-kontrolak.
-Lana antolatzeko metodoak.
Mundu osoan azken urteetan arlo digitalean izan diren aldaketa teknologikoek, bereziki telekomunikazioetan, Interneten erabilera orokortzearen ondorioz, informazio fluxu osagarri bat sortu dute. Enpresek fluxu hori aprobetxatu behar dute eskaintzen duten produktu eta zerbitzuen kalitatean balio erantsia eta beste enpresekin eta/edo bezeroekin duten harremanetan eraginkortasun gehiago sortzeko. Aldaketak, besteak beste, hauexek dira:
-Internet oro har erabiltzea komunikazioak eta kudeaketak egiteko posta elektronikoaren bidez.
-Komunikabide seguruak erabiltzea merkataritza-transakzioak eta agirien kudeaketa modu fidagarri, seguru eta konfidentzialean egiteko.
Horrenbestez, nazioarteko merkataritzako sektorearen barruan, tituluaren profil profesionalak eboluzio bat markatzen du, sektorearen gaitasunen artean efizientzia teknikoa eta ekonomikoa ez ezik, garapen jasangarria eta merkataritza justua, gardena eta bidezkoa ere eransteko.
2. ERANSKINA. CURRICULUMA
A) Heziketa zikloaren helburu orokorrak
a) Erabilgarri dauden finantza-iturriak eta -produktuak, hala nola kredituak, maileguak eta bestelako finantza-tresnak, eta izan litezkeen diru-laguntzak ezagutzea eta baloratzea eta enpresarentzat komenigarrienak direnak hautatzea, kontabilitate-informazioa aztertzea eta kostuak, arriskuak, baldintzak eta finantza-erakundeek exijitutako bermeak ebaluatzea, jarduera garatzeko beharrezkoak diren finantza-baliabideak lortzeko.
b) Merkataritzako txostenak prestatzea, eta horretarako, estatistikako teknikak aplikatzea informazio sistema eraginkor batean eskuragarri dagoen informazioari, merkatuen informazio sistema hori osatzea eta beharrezko informazioa eskuratu eta aztertzea erabakiak hartzeko enpresaren kanpoko merkataritza jarduerari buruz.
c) Produktuaren, prezioaren, komunikazioaren eta banaketaren politikak prestatu eta aztertzea, eta horretarako, egokienak aukeratzea erabakiak hartzeko enpresa baten produktuak kanpoko merkatuetan sartzeari dagokionez.
d) Oinarrizko informazioa edo produktuen briefing-a hautatzea, eta horretarako, nazioarteko marketin mix-ean parte hartzen duten aldagaien arteko erlazioak aztertzea, marketin plan bat prestatzeko.
e) Datu baseetan eta argitalpenetan kontsultak egitea eta komunikazio bideak eta sistemak erabiltzea, arrisku faktoreak baloratuz, bezeroak eta hornitzaileak identifikatzeko eta haiekin harremanetan jartzeko.
f) Nazioarteko kontratu akordio bat osatzen duten faseetan parte hartzea, eta horretarako, eskaintzak egitea, nazioarteko kontratazioari buruzko araudia identifikatzea eta beharrezko agiriak betetzea, nazioarteko merkataritza kontratuak kudeatzeko.
g) Aplikatu beharreko araudia, erakunde eta instituzio eskudunak eta salgaien nazioarteko joan-etorrietarako behar diren kudeaketa eta tramiteak identifikatzea, eta horretarako, beharrezko dokumentazioa prestatzea inportazio eta esportazio eragiketen eta salgaiak sartu eta igortzeko eragiketen kudeaketa administratiboa egiteko.
h) Informazioa eskuratzea, tramiteak kudeatzea eta beharrezko dokumentazioa betetzea inportazio/esportazio eragiketei eta nazioarteko proiektuei lotutako kredituak eskuratzeko, eta horretarako, harekin lotutako finantza kostuak eta arriskuak zehaztu eta kudeatzea, nazioarteko salerosketa eragiketen kudeaketa finantzarioa egiteko, ezarritako prozedurekin bat.
i) Araudia interpretatzea, tramiteak identifikatzea eta beharrezko dokumentazioa prestatzea proiektuak finantzatzeko eta nazioarteko lehiaketa eta lizitazioetan parte hartzeko.
j) Biltegiratzeko prozesuak eta biltegi bat antolatzean stock-ak kudeatzeko aplikagarriak diren metodoak aztertzea, eta horretarako barneko banaketa eta salgaiak manipulatzeko sistema baloratzea, segurtasunaren eta higienearen arloan indarra duen araudia aplikatuz, haien osotasuna bermatuz eta baliabide eskuragarriak optimizatuz, salgaiak biltzeko manera antolatzeko.
k) Garraio moduak, kostuak, salgaien babes fisikoa eta nazioarteko garraioko dokumentazioa aztertu eta konparatzea, eta horretarako alternatibak proposatzea eta salgaiak igortzeko eta bidaiarien joan-etorrietarako araudia errespetatzea, distantzia luzeko ibilbideak planifikatzeko.
l) Beharrezko agiriak eta tramiteak identifikatu eta zehaztea, eta horretarako, indarreko araudia interpretatzea, kobrantzako eta ordainketako moduak eta nazioarteko bermeak eta abalak kudeatzeko.
m) Ingelesez kudeatzea nazioarteko merkataritzatik eratorritako harremanak, bezeroekin, hornitzaileekin, erakunde publikoekin, nazioko eta nazioarteko bankarekin eta nazioarteko eragiketetan parte hartzen duten eragile guztiekin.
n) Interneteko eta beste sistema digital batzuetako tresna ohikoenak erabiltzea, enpresa nazioartean ezagutarazteko, denda birtual baten bidez saltzeko eta nazioartean saldutakoaren fakturazio elektronikoa kudeatzeko.
ñ) Sektoreko bilakaera zientifikoarekin, teknologikoarekin eta antolaketakoarekin erlazionaturik dauden ikaskuntza-baliabideak eta aukerak aztertzea eta erabiltzea, baita informazioaren eta komunikazioaren teknologiak ere, eguneratze-izpirituari eusteko eta laneko egoera berrietara eta egoera pertsonal berrietara egokitzeko.
o) Sormena eta berrikuntzako izpiritua garatzea, lanaren eta norberaren bizitzaren prozesuetan eta antolaketan agertzen diren eginkizunei erantzuteko.
p) Erabakiak arrazoituta hartzea, eta horretarako, inplikatutako aldagaiak aztertzea, hainbat esparrutako jakintzak integratzea eta arriskuak eta erabaki okerrak hartzeko aukera onartzea, askotariko egoerei, arazoei edo gorabeherei aurre egiteko eta horiek ebazteko.
q) Talde-laneko testuinguruetan lider izateko, motibatzeko, gainbegiratzeko eta komunikatzeko teknikak garatzea, lantaldeen antolaketa eta koordinazioa errazteko.
r) Komunikatzeko estrategiak eta teknikak aplikatzea, transmitituko diren edukietara, helburura eta hartzaileen ezaugarrietara egokituta, komunikazio-prozesuetan eraginkortasuna ziurtatzeko.
s) Laneko arriskuen prebentzioko eta ingurumenaren babeseko egoerak ebaluatzea, norberaren eta taldearen prebentziorako neurriak proposatuz eta aplikatuz, lan prozesuetan aplikatzekoa den araudiaren arabera; betiere, ingurune seguruak bermatzeko.
t) Irisgarritasun unibertsalari eta “guztiontzako diseinuari” erantzuteko beharrezko lanbide ekintzak identifikatzea eta proposatzea.
u) Kalitate-parametroak identifikatzea eta aplikatzea ikaskuntza-prozesuan egindako lanetan eta jardueretan, ebaluazioaren eta kalitatearen kultura baloratzeko, eta gai izateko kalitatea kudeatzen duten prozedurak gainbegiratu eta hobetzeko.
v) Kultura ekintzailearekin eta enpresaren eta ekimen profesionalaren kulturarekin erlazionatuta dauden prozedurak erabiltzea, enpresa txiki baten oinarrizko kudeaketa egiteko edo lan bati ekiteko.
w) Herritar demokratiko gisa parte hartzeko baldintza sozialak eta lanekoak arautzen dituen lege-esparrua kontuan hartuta, gizarteko eragile aktibo gisa dituen eskubideak eta betebeharrak zein diren jakitea.
B) Lanbide moduluak
a) Izena, iraupena eta sekuentziazioa
Nazioarteko Merkataritzako goi mailako teknikariaren lanbide moduluen zerrenda ematen da jarraian, izena, iraupena eta denbora banaketa zehazturik.
| KODEA | IZENA | ORDUAK, GUZTIRA | KLASEAK ASTEAN | IKASTURTEA |
| 0623 | Enpresaren kudeaketa ekonomikoa eta finantzarioa | 190 | 6 | 1. |
| 0625 | Biltegiratzeko logistika | 130 | 4 | 1. |
| 0822 | Merkatuen informazio sistema | 60 | 2 | 1. |
| 0823 | Nazioarteko marketina | 160 | 5 | 1. |
| 0825 | Nazioarteko finantzaketa | 130 | 4 | 1. |
| 0827(3) | Nazioarteko merkataritza digitala | 60 | 2 | 1. |
| 0179a(1) | Ingelesa | 130 | 4 | 1. |
| NA19(1) (2) | NA19a Atzerriko bigarren hizkuntza I | 100 | 3 | 1. |
| NA19b Atzerriko bigarren hizkuntza I | 40 | 2 | 2. | |
| 0622 | Salgaien nazioarteko garraioa | 130 | 6 | 2. |
| 0627 | Nazioarteko merkataritzaren kudeaketa administratiboa | 150 | 7 | 2. |
| 0824(3) | Nazioarteko negoziazioa | 110 | 5 | 2. |
| 0826 | Nazioarteko ordainbideak | 90 | 4 | 2. |
| 0179b(1) | Ingelesa | 70 | 3 | 2. |
| 0829 | Lanerako prestakuntza eta orientabideak | 70 | 3 | 2. |
| 0828 | Nazioarteko merkataritzako proiektua | 30 | Enpresaren ordutegian | 2. |
| 0830 | Lantokiko prestakuntza | 350 | Enpresaren ordutegian | 2. |
| (1) 0179 eta NA19 moduluak bi prestakuntza modulutan banatuta daude, arrazoi pedagogikoak eta antolaketa arrazoiak direla eta. (2) Nahitaezko modulua Nafarroako Foru Komunitatean. (3) 0827 modulua (Nazioarteko merkataritza digitala) eta 0824 modulua (Nazioarteko negoziazioa) ingelesez irakatsiko dira, profil profesional horretako beharrei erantzuteko. | ||||
b) Lanbide moduluen garapena
Lanbide modulua: Enpresaren kudeaketa ekonomikoa eta finantzarioa.
Baliokidetasuna, ECTS kreditutan: 12.
Kodea: 0623.
Iraupena: 190 ordu.
Ikaskuntzaren emaitzak eta ebaluazio irizpideak.
1. Ekimen sortzaileei eta enpresak sortzeko aukerei buruzko informazioa biltzen du, jardun-ingurunearen gaineko eragina baloratuta eta balio etikoak gaineratuta.
Ebaluazio-irizpideak:
a) “Kultura ekintzailearen” kontzeptua, eta enpleguaren eta gizarte-ongizatearen sorburu gisa duen garrantzia ebaluatu du.
b) Norberaren ekimenaren, sormenaren, prestakuntzaren eta lankidetzaren garrantzia baloratu du, jarduera ekintzailean arrakasta lortzeko.
c) Enpresaren oinarrizko funtzioak banan-banan deskribatu ditu eta guztiak multzoan aztertu ditu sistema integral baten modura.
d) Enpresaren ingurune orokorraren osagai nagusiak identifikatu ditu: ingurune ekonomikoa, soziala, demografikoa eta kulturala.
e) “Enpresa-kulturaren” eta “irudi korporatiboaren” kontzeptuak, eta horiek enpresaren helburuekin duten lotura ebaluatu ditu.
f) Enpresaren gizarte-erantzukizunaren fenomenoa eta enpresaren estrategiaren elementu gisa duen garrantzia ezagutu ditu.
g) Balio etikoak eta sozialak gaineratzen dituzten ohiturak identifikatu ditu.
h) ETE baten bideragarritasun ekonomikoari eta finantzarioari buruzko azterketa egin du.
2. Enpresaren forma juridikoa ezartzen du, indarrean dagoen araudiarekin bat etorriz.
Ebaluazio-irizpideak:
a) Enpresen forma juridikoak ebaluatu ditu.
b) Enpresa eratzeko eta abian jartzeko gastuak, forma juridikoen ondorio direnak, kalkulatu ditu, eta horretarako, indarrean dagoen legedia kontsultatu du.
c) Enpresa bat sortzeko jaso daitezkeen laguntza edo diru-laguntza ofizialei buruzko informazioa lortu du.
d) Azterketa konparatibo bat abiapuntutzat hartuta, forma juridikorik egokiena hautatu du, kostuak, erantzukizuna eta betebehar juridikoak baloratu ondoren.
e) Administrazio eta erakunde eskudunetan lortutako informazioa abiapuntutzat hartuta, enpresa eratzeko egin behar diren izapide juridikoak eta administratiboak zehaztu ditu.
f) Enpresa bat abian jartzeko eskatzen diren administrazio-izapideak, baimenak, lizentziak eta, hala badagokio, lanbide-trebakuntza zehaztu ditu.
g) Enpresaren jarduera ekonomikoan aritzearen ondorio diren lan- eta zerga-betebeharrak identifikatu ditu.
h) Sindikatuen, enpresa-batzordeen, langileen ordezkarien, lan-ikuskatzaileen eta dagokien sektorean esku hartzen duten beste gizarte-erakunde batzuen funtzioak aztertu ditu.
i) Kaudimengabeziako, porroteko eta ordainketa etendurako egoerak eta kaudimengabeziako kasuetako hartzekodunen konkurtsoko prozedura aztertu ditu, baita enpresaburuaren erantzukizuna ere.
3. Inbertsioak eta hornidurak finantzatzeko beharrezkoak diren baliabideak lortzeko izapideak antolatzen ditu, eta, horretarako, izan litezkeen finantza aukerak ebaluatu ditu.
Ebaluazio-irizpideak:
a) Aktiboak eskuratzeko eta berritzeko laguntza eta diru-laguntza publikoak lortzeari buruzko informazioa ematen duten erakundeak identifikatu ditu.
b) Enpresaren inbertsioak eta gainerako eragiketak finantzatzeko finantza- eta kreditu-tresnarik ohikoenei buruzko informazioa lortu du.
c) Finantza-erakunde batean kreditu bat edo mailegu bat lortzeko exijitzen diren prozedurari, eskakizunei, bermeei eta dokumentazioari buruzko informazioa aztertu du.
d) Ibilgailuak eta beste ibilgetu batzuk erosteko leasing eta renting eragiketetan exijitutako eskakizunak eta bermeak aztertu ditu eta kostuak kalkulatu ditu.
e) “Interes nominalaren” eta “interes efektiboaren” kontzeptuak eta urteko tasa baliokidea (UTB) bereizi ditu, bai inbertsioetan eta bai finantza-tresnetan (maileguak eta kredituak).
f) Mailegu bat amortizatzeko kuotak eta kostuak kalkulatu ditu, amortizazio-sistema erabilienen bidez.
g) Ibilgailuak, makineria eta beste aktibo batzuk erosteko finantza-aukerarik abantailatsuena hautatu du, kostu, arrisku eta bermeen arabera.
h) Garraio bereziko eragiketa jakin batzuk egiteko behar diren abalak, fidantzak eta banku-bermeak eskatzeko baldintzak eta prozedura aztertu ditu.
i) Kalkulu-orriak erabili ditu hainbat finantza-eragiketa funtzio egokien bidez aztertzeko.
4. Ibilgailuak eta beste aktibo batzuk salerosteko eta/edo alokatzeko formalitateak zehazten ditu, eta horretarako, inbertsioen eta horniduren premiak eta beharrezkoak diren finantza-baliabideak aztertzen ditu.
Ebaluazio-irizpideak:
a) Ibilgailuen, instalazioen, makineriaren eta beste aktibo batzuen premiak eta enpresetan beharrezkoak diren hornidurak zehaztu ditu.
b) Jardueran aritzeko beharrezkoak diren ibilgailuak, makineria eta ibilgetuak salerostearen edo alokatzearen artean dauden funtsezko desberdintasunak aztertu ditu.
c) Inbertsio-plan baten aldagaiak identifikatu ditu, eta norberaren eta besteren finantzaketa eta epe laburrerako eta epe luzerako inbertsioen berreskurapena bereizi ditu.
d) Horniduren, mantentze-zerbitzuen eta ordezko piezen beharrak eta hornikuntza-sistemen ondorio diren kostuak zehaztu ditu.
e) Hainbat inbertsio-plan ebaluatu ditu, kostuak eta sarrera-aurreikuspenak abiapuntu hartuta.
f) Lehen eta bigarren eskuko merkatuen eta ibilgailuak eta beste aktibo batzuk alokatzekoen abantailak eta eragozpenak aztertu ditu.
g) Harremanetan jarri da, on line eta off line, hainbat hornitzaile potentzialekin, eta jasotako zehaztapenen araberako eskaintzak eta aurrekontuak aurkezteko eskatu die.
h) Ibilgailuak, makineria eta instalazioak erosteko eta berritzeko aukerak ebaluatu ditu, erosketa-aurrekontuen eta ordaintzeko baldintzen azterketa konparatiboa abiapuntu hartuta.
i) Erosketak kudeatzeko aplikazio informatikoak erabili ditu.
5. Produktuen eta egindako zerbitzuen fakturak, ordainagiriak eta haiek kobratzeko eta ordaintzeko dokumentuak egiten ditu, eta horretarako, fakturatzeko merkataritza- eta zerga-arauak aplikatzen ditu.
Ebaluazio-irizpideak:
a) Merkataritza- eta zerga-arauak eta produktuen eta/edo zerbitzuen fakturazioa arautzen duten merkataritzako usadioak interpretatu ditu, fakturazio elektronikoa ere barne dela.
b) Garraio-zerbitzuak zergapetzen dituzten zergak eta kasu bakoitzean aplikatzekoak diren karga-tasak identifikatu ditu.
c) Balio erantsiaren gaineko zergaren (BEZ) alderdiak eta nazioko eta nazioarteko produktuak eta/edo zerbitzuak fakturatzeko ezarritako betebeharrak interpretatu ditu.
d) Produktuen salmentaren eta/edo zerbitzugintzaren fakturazioa egin du, informatika-aplikazio egokiak erabilita.
e) Dauden ordainbideen eta kobrantza-bideen ezaugarriak, kobratzeko eta negoziatzeko kudeaketaren kostuak eta arriskuak aztertu ditu.
f) Bezeroen ordaingabeak kudeatu ditu, indarrean dagoen araudian agertzen diren eskakizunak eta epeak betez.
g) Dibisazko eragiketak ordaintzeko eta kobratzeko baldintzak gainbegiratu ditu.
6. Enpresaren kontabilitate- eta zerga-prozesua kudeatzen du, eta horretarako, indarrean dagoen merkataritza- eta zerga-araudia eta Kontabilitate Plan Orokorraren printzipioak eta arauak aplikatzen ditu.
Ebaluazio-irizpideak:
a) Balantzearen kontu-sailak bereizi ditu, eta haien erlazio funtzionala aztertu du: aktiboa (finkoa eta zirkulatzailea), pasiboa (finkoa eta zirkulatzailea) eta ondare garbia.
b) “Inbertsioa”, “gastua”, “ordainketa”, “sarrera” eta “kobrantza” kontzeptuak bereizi ditu.
c) Egindako eragiketak erregistratu ditu eta emaitza kalkulatu du, Kontabilitate Plan Orokorraren printzipio orokorren eta balorazio-arauen arabera.
d) Ibilgailuen eta ibilgetuko gainerako elementuen amortizazioa zehaztu du, indarrean dagoen zerga-araudiaren eta Kontabilitate Plan Orokorraren arabera.
e) Urteko kontuak prestatu ditu ETE-entzako Kontabilitate Plan Orokorraren arabera.
f) Balio erantsiaren gaineko zerga (BEZ) aplikatzearen eta kudeatzearen ondorio diren zerga-betebeharrak identifikatu ditu.
g) Ibilgailuen zirkulazioaren gaineko zerga likidatzeko egin behar diren kudeaketak ezarri ditu, hura erregulatzen duen araudia interpretatuta.
h) Ibilgailu jakin batzuen gaineko zergak eta azpiegitura jakin batzuk erabiltzeagatik ordaindu behar diren tasak, kanonak eta erabilera-eskubideak identifikatu ditu.
i) Mozkinak zergapetzen dituzten zergei dagozkien zerga-betebeharrak zehaztu ditu, enpresaren forma juridikoaren arabera: PFEZ eta sozietateen gaineko zerga.
j) Kontabilitateko informatika-aplikazio bat erabili du.
7. Inbertsioen errentagarritasuna eta enpresaren kaudimena eta efizientzia zehazten ditu, erabilgarri dauden datu ekonomikoak eta kontabilitate-informazioa aztertuta.
Ebaluazio-irizpideak:
a) Kontabilitate-informazioa eta finantzetako egoera-orriak aztertu eta interpretatu ditu enpresa-erabakiak hartzeko.
b) Kontabilitate-informazioaren aplikazioak eta utilitateak eta finantzetako egoera-orriak erabili ditu enpresa eraginkortasunez kudeatzeko.
c) Egindako inbertsioen eta norberaren eta besteren finantza-baliabideen arteko beharrezko oreka-erlazioak baloratu ditu, eta oinarrizko finantzaketa eta zirkulatzailearena bereizi ditu.
d) Inbertsioen errentagarritasuna ebaluatzeko metodo ohikoenak aplikatu ditu: barne-errendimenduaren tasa (BET), balio eguneratu garbia (BEG) eta itzulera-tasa.
e) Ibilgetuko elementuen eskuratze-balioa, balio-bizitza, egungo balioa, birjartze-balioa eta hondar-balioa kalkulatu ditu.
f) Diruzaintzako fluxuak edo cash-flow-a eta batez besteko heltze-aroa kalkulatu ditu.
g) Oreka-puntua edo errentagarritasun-atalasea kalkulatu du.
h) Finantzetako egoera-orriak balantzearen eta emaitza-kontuaren bitartez aztertzeko ratio nagusiak eta finantza-adierazleak kalkulatu ditu.
i) Kalkulu-orriak erabili ditu finantza-ratioak zehazteko eta enpresaren errentagarritasuna kalkulatzeko.
Edukiak.
Ekimen sortzaileei eta enpresak sortzeko aukerei buruzko informazioa biltzea:
-Enpresa-plana: negozioaren ideia.
-Ekintzaileen gako-faktoreak: ekimena, sormena eta prestakuntza.
-Enpresaren oinarrizko eginkizunak.
-Enpresa, sistema gisa.
-ETE baten ingurune orokor eta espezifikoaren azterketa.
-ETEaren eta ingurunearen arteko erlazioak.
-ETEaren eta gizarte osoaren arteko erlazioak.
Enpresaren forma juridikoa ezartzea:
-Banakako enpresa. Erantzukizun juridikoa eta betebehar formalak.
-Sozietate zibilak eta ondasun-erkidegoak.
-Merkataritza-sozietatea. Sozietate motak.
-Sozietate anonimoa, sozietate mugatua eta bestelakoak.
-Lan-sozietateak: anonimoa eta mugatua.
-Lan elkartuko kooperatibak eta garraio-kooperatibak.
-Garraioaren esparruan eskumenak dituzten erakundeak eta instituzioak.
-Enpresa bat eratzea eta abian jartzea: eskakizunak, betebehar formalak eta egin beharreko izapideak.
-Enpresa bat eratzeko eta abian jartzeko diru-laguntza ofizialak eta laguntzak.
-Enpresaren zerga- eta lan-betebeharrak.
-Ordainketa etendura. Edukia eta ondorio juridikoak.
-Porroteko egoera. Porrotaren oinarriak eta ondorio juridikoak.
-Kaudimengabeziako kasuetako hartzekodunen konkurtsoa.
-Enpresaburuaren erantzukizuna, kaudimengabeziako, porroteko eta ordainketa etendurako egoeretan.
Finantza baliabideak lortzeko izapideak antolatzea:
-Inbertsioa eta finantzaketa: enpresaren egitura ekonomikoa eta finantza-egitura.
-Enpresaren inbertsio-premiak.
-Norberaren eta besteren finantzaketa-iturriak. Barruko eta kanpoko finantzaketa.
-Inbertsioen eta finantza-baliabideen arteko erlazioa. Finantza-oreka. Kapital zirkulatzailea edo maniobra-fondoa.
-Enpresaren jarduerako diru-laguntza ofizialak eta finantza-laguntzak.
-Epe luzerako finantzaketa. Finantza-produktuak: maileguak eta jesapenak, leasing-a eta renting-a. Bestelako finantzaketa-moduak.
-Finantza-entitateekiko negoziazioa finantza baliabideak lortzeko. Exijitzen diren fidantzak eta bermeak. Finantza-kostuak eta -arriskuak.
-Epe laburrerako finantzaketa: merkataritza-kredituak eta ordainketa-geroratzeak, banku-kredituak, merkataritzako efektuen negoziazioa eta factoring-a.
-Kalkulu-orria eta bestelako informatika-aplikazioak maneiatzea finantza-kostuak kalkulatzeko eta maileguak eta bestelako finantza-produktuak amortizatzeko.
Ibilgailuak eta beste aktibo batzuk erosteko eta/edo alokatzeko formalitateak eta jarduketak:
-Ekipamendu- eta inbertsio-premiak zehaztea.
-Ibilgailuen eta horniduren erosketak eta alokatzeak kudeatzea.
-Inbertsioak aztertzea eta hautatzea. Ibilgailuak eta beste ibilgetu batzuk erosteko edo alokatzeko erabakia.
-Hornitzaileak bilatzea. Eskaintzak eta aurrekontuak eskatzea.
-Erosteko eta alokatzeko baldintzak eta aurrekontuak: kantitatea, kalitatea, prezioa, deskontuak, entrega-epeak, zergak, ordaintzeko baldintzak eta finantzaketa.
-Analisi konparatiboa eta aukeren ebaluazioa.
-Ibilgailuak eta beste ekipamendu batzuk erosteari eta alokatzeari buruzko dokumentuak egitea, informatika-tresna egokiak erabilita. Kontratuak egitea eta eskaerak formulatzea.
-Hornitzaileen datu-baseak sortzea eta mantentzea: hornitzaileen fitxategi maisua, altak eta bajak, datuak sartzea eta eguneratzea.
-Erosketak kudeatzeko informatika-aplikazio bat erabiltzea.
Kobrantzen eta ordainketen dokumentuak, fakturak eta ordainagiriak egitea:
-Aurrekontuak egitea.
-Zerbitzuen fakturazioa eta fakturen sortzapena: ezaugarriak eta lege-eskakizunak, ereduak eta faktura motak, fakturak betetzea eta igortzea.
-Fakturak merkataritza- eta zerga-araudiaren arabera kontserbatzea eta erregistratzea.
-Enpresako eragiketen fiskalitatea. Balio Erantsiaren gaineko Zerga (BEZ) eta beste zerga batzuk.
-Europar Batasunaren barneko eragiketak: ezaugarriak eta produktuen eta/edo zerbitzuen fakturazioa.
-Ordaintzeko eta kobratzeko bideak eta dokumentuak: txekea, banku-transferentzia, ordainagiri normalizatua, kanbio-letra, kreditu-txartela eta zor-agiria, besteak beste.
-Kobrantzak eta ordainketak jarraitzea eta kontrolatzea: ordaingabeak kudeatzea, ordaintzeko baldintzen berriro negoziatzea eta erreklamazioak.
-Bezeroen datu-baseak sortzea eta mantentzea.
-Fakturazioko informatika-aplikazio bat maneiatzea.
Enpresetan kontabilitate- eta zerga-prozesua kudeatzea:
-Enpresaren kontabilitate-betebeharrak. Merkataritza- eta zerga-araudia.
-Enpresaren ondarea: aktiboa, pasiboa eta ondare garbia.
-Kontuak. Terminologia, egitura eta motak.
-Kontabilitate-liburuak eta erregistro-liburuak.
-ETE-entzako Kontabilitate Plan Orokorra.
-Kontabilitate-zikloa. Kontabilitate-idatzoharrak, amortizazioak eta doikuntzak, emaitzaren kalkulua eta ekitaldiaren itxiera.
-Ibilgetua baloratzea: amortizazioa eta balioa galtzea.
-Urteko kontuak.
-Ekitaldiko emaitza.
-Pertsona fisikoen errentaren gaineko zerga (PFEZ).
-Sozietateen gaineko zerga.
-Balio erantsiaren gaineko zerga.
-Ibilgailuen zirkulazioaren gaineko zerga.
-Ibilgailu jakin batzuen gaineko zergak, bidesariak, tasak eta azpiegitura jakin batzuk erabiltzeagatik ordaindu beharreko kanonak.
-Finantza-kontabilitateko informatika-aplikazio bat maneiatzea kontabilitate-erregistrorako eta urteko kontuak prestatzeko.
Inbertsioen errentagarritasuna zehaztea:
-Enpresa-kudeaketari aplikatzekoa den enpresaren kontabilitate-informazioa eta informazio ekonomikoa eta finantzarioa interpretatu eta aztertzea.
-Oreka-puntua edo errentagarritasun-atalasea.
-Inbertsioen ebaluazioa eta errentagarritasunaren kalkulua.
-Batez besteko heltze-aroa.
-Ondasun-orekak.
-Emaitzak aztertzea eta interpretatzea.
-Enpresaren finantzetako egoera-orriak aztertzea.
-Finantza-ratio nagusiak.
-Azterketa ekonomikoa. Errentagarritasun- eta efizientzia-ratioak.
-Diruzaintzako fluxuak edo cash-flow-a.
-Kalkulu-orria eta beste informatika-aplikazio batzuk erabiltzea ratioak kalkulatzeko eta enpresaren analisi ekonomiko eta finantzarioa egiteko.
Orientabide didaktikoak.
Moduluaren helburua da ikasleek beharrezko gaitasunak erdiestea informazioa biltzeko eta analizatzeko, enpresak sortzeko aukerak detektatzeko, ingurunearen gaineko eragina baloratzeko eta enpresaren forma juridikoa hautatzeko, balio etikoak aintzat hartuz. Beste helburu bat da ikasleek trebetasunak erdiestea dokumentuak prestatzeko, erabakiak hartzeko eta enpresaren kontabilitate- eta zerga-kudeaketa eramateko, bai eta errentagarritasuna zehazteko eta datu ekonomikoak analizatzeko ere. Saiatuko da prestakuntza osoaren antolaketak ikasleen sormena estimula eta susta dezan.
Eduki multzoen sekuentziazioari dagokionez, iradokitzen da enpresa-ekimenekin eta negozio-ideiekin hastea, eta forma juridikoaren araberako enpresa-tipologiarekin jarraitzea, hau da, dagokion ataleko lehenbiziko bi multzoetako edukiekin.
Ondoren, ekipamenduen eta inbertsioen beharra zehaztea proposatzen da, bai eta egon daitezkeen finantza baliabideak (finantzabideak) eta hornitzaileak bilatu beharra ere; horrek edukien hirugarren eta laugarren multzoekin lotura du.
Gero, azaldu den sekuentziaren gainerako hiru eduki-multzoei helduko litzaieke, hau da: kobrantzen eta ordainketen dokumentuak egitea; kontabilitate-kudeaketa eta zerga-tratamendua enpresetan; eta, azkenik, errentagarritasunari buruzko azterketak.
Modulu honetan landu beharreko edukien tratamendua indartzeko, ondotik zenbait jarduera proposatzen dira, erreferentzia gisa:
-Ekimen sortzaileei eta negozioak egiteko aukerei buruzko informazioa biltzea.
-Enpresaren oinarrizko eginkizunak aztertzea.
-Enpresa biltzen duen ingurune ekonomiko, sozial, demografiko eta kulturalaren osagai nagusiak identifikatzea.
-Forma juridikorik egokiena hautatzea, kostuak, erantzukizunak eta betebehar juridikoak baloratuta.
-Enpresaren jarduera ekonomikoan aritzearen ondorio diren lan- eta zerga-betebeharrak identifikatzea.
-Mailegu bat amortizatzeko kuotak eta kostuak kalkulatzea, amortizazio-sistema erabilienen bidez.
-Erosketak kudeatzeko programa informatikoak aplikatzea.
-Produktuen salmentaren eta/edo zerbitzua ematearen fakturazioa egitea, aplikazio informatiko egokiak erabiliz.
-Enpresak bere ohiko jardueran egiten dituen eragiketak erregistratzea.
-Ekitaldi ekonomikoko emaitza kalkulatzea, Kontabilitate Plan Orokorraren balorazio-arauei eta printzipio orokorrei jarraituz.
-Egoera finantzarioak aztertzea emaitzen kontuaren eta balantzearen bitartez.
-Kalkulu-orriak erabiltzea finantza-ratioak zehazteko eta enpresaren errentagarritasuna kalkulatzeko.
Jarduera horiek behar bezala gauzatzeko, komeniko litzateke ikasleak zuzeneko lan aktiboan aritzeko ekipamendu informatikoak izatea ikasgelak; horrek, halaber, ekartzen du testu eta kalkulu orriekin lan egiteko software egokia edukitzea, baita Interneteko sarbidea bermatuta egotea ere. Interesgarria litzateke arbel digital bat, proiektore bat eta pantaila bat izatea, sostengu gisa.
Iradokitzen da idatzizko prentsa eta prentsa digitala edukitzea, baliabide didaktiko gisa. Idatzizko prentsa espezializatua erabiliko da, hala nola enpresei buruzko aldizkariak, baita erakunde ofizialek argitaratzen dituztenak ere, hala nola erregioetako Merkataritza Ganberarenak, Estatistikaren Institutu Nazionalarenak, udalenak, etab. Orobat, prentsa digitalaz balia daiteke, esaterako, erakunde horien orri ofizialez eta enpresen eta negozioen inguruan aritzen diren aldizkari digitalez.
Ahal delarik, gomendatzen da ikasleei ikasgelan zein etxean lan egitea bide ematen dieten eduki plataformak erabiltzea.
Lanbide modulua: Biltegiratzeko logistika.
Kodea: 0625.
Baliokidetasuna, ECTS kreditutan: 7.
Iraupena: 130 ordu.
Ikaskuntzaren emaitzak eta ebaluazio-irizpideak.
1. Biltegiratzeari buruzko araudi espezifikoa zerrendatzen du, eta salgai bereziak kontratatzeko eta tratatzeko arauak ezagutzen ditu.
Ebaluazio-irizpideak:
a) Biltegiratzeko eta banatzeko jarduerak araupetzen dituzten arauak aztertu ditu.
b) Gordailu-kontratua betetzean araudia aplikatu du.
c) Produktuen biltegiratzeari buruzko nazioko eta nazioarteko arauak ezaugarritu ditu.
d) Besteak beste, aduanako gordetegia, zona eta gordetegi frankoa eta lokal baimenduna ezaugarritzen dituzten alderdiak aztertu ditu.
e) Biltegi batean egin behar diren formalitateak eta izapideak definitu ditu.
f) Biltegian nazioarte-mailan homologa daitezkeen kalitate-sistemak planifikatu ditu.
2. Biltegiratze-prozesua jarduera motaren eta salgai-bolumenaren arabera antolatzen du, eta, horretarako, espazioak eta manipulazio-denborak optimizatzen ditu.
Ebaluazio-irizpideak:
a) Biltegiratze-sistemen baldintzak eta modalitateak hainbat aldagairen arabera aztertu ditu.
b) Biltegiratze-prozesu logistikoaren azpiprozesuak sekuentziatu ditu.
c) Biltegiaren oinplanoko diseinua egin du, egin behar diren eragiketen eta mugimenduen arabera.
d) Mantentzeko tresneria, bitartekoak eta erremintak hautatu ditu, biltegiaren eta biltegiratutako salgaien ezaugarrien arabera, irizpide ekonomikoak, kalitatekoak eta zerbitzuari dagozkionak aplikatuta.
e) Biltegiratze-espazioak optimizatzeko metodoak eta teknikak aplikatu ditu.
f) Salgaiak lokalizatzeko eta manipulatzeko denborak laburtzeko metodoak erabili ditu.
g) Biltegiko salgaiak ontziratzeko eta enbalatzeko hainbat sistema modular hautatu ditu.
h) Biltegian arriskuak prebenitzeko prozedurak zehaztu ditu.
3. Biltegiaren aurrekontua prestatu eta kontrolatzen du, eta horretarako, kostuen esleipenetik datozen desbideratzeak identifikatzen ditu.
Ebaluazio-irizpideak:
a) Biltegi-zerbitzuaren gutxi gorabeherako aurrekontu bat egiteko kontuan hartu beharreko kontu-sailak eta kontzeptuak zehaztu ditu.
b) Biltegiaren funtzionamendu-kostua aldian behin kalkulatu du.
c) Adierazle edo estandar ekonomiko optimoak identifikatu ditu: orduko kostua eta zerbitzuko kostua, besteak beste.
d) Biltegi-kostuak kalkulatu ditu, presaren, entrega-epeen, salgaien prestakuntzaren, co-packing-aren eta paletizazioaren arabera, besteak beste.
e) Aurreikusitako kostuen gaineko desbideratzeak aztertu ditu, haien zergatikoa eta jatorria identifikatu du, eta neurri zuzentzaileak proposatu ditu enpresak ezarritako prozeduraren arabera.
f) Biltegiko gastuen aurrekontua prestatu du, jardueraren kostuak eta ezarritako zerbitzu-maila kontuan harturik, kalkulu-orri informatikoak erabilita.
g) Biltegiaren funtzionamendu-kostuak aldian behin kalkulatu ditu, kalkulu-orri informatikoak erabilita.
4. Biltegiko stockak kudeatzen ditu, eta haien hornikuntza eta bidalketa ziurtatzen du.
Ebaluazio-irizpideak:
a) Dauden inbentario motak eta horietariko bakoitzaren helburua sailkatu ditu.
b) Batez besteko stockaren, stock minimoaren eta stock optimoaren kontzeptuak aplikatu ditu, eta haien kalkuluan esku hartzen duten aldagaiak eta izakinen txandakatze-abiadura identifikatu ditu.
c) Biltegiko izakinen beharrezko unitateak aurreikusi ditu, stock-hausturak saihesteko.
d) Biltegiko izakinak baloratu ditu hainbat metodo erabilita.
e) Biltegiko izakinak kontrolatu ditu, eta inbentarioko desbideratzeak identifikatzeko eta neurri zuzentzaileak planteatzeko ezarritako arauak eta prozedura gainbegiratu ditu.
f) Bezeroek egindako salgaien eskaerei erantzuteko eta haiek bidaltzeko beharrezkoak diren zereginak egin ditu.
g) Produktuen (EAN kodea), hornitzaileen, bezeroen eta/edo zerbitzuen altak, bajak eta aldaketak informatika-tresnen bidez erregistratu ditu.
h) Informatika-aplikazio orokorrak erabili ditu stockak kudeatzeko, eta aplikazio espezifikoak materialak identifikatzeko, eskaerak kudeatzeko, erauzteko eta biltegiko irteerak erregistratzeko.
5. Alderantzizko logistikari lotutako lanak kudeatzen ditu, eta horretarako, itzulitako salgaiei eman behar zaien tratamendua zehazten du.
Ebaluazio-irizpideak:
a) Alderantzizko logistikarekin zerikusia duten jarduerak itzultze-politikaren edo bezeroekin erdietsitako akordioen arabera aztertu ditu.
b) Itzulitako salgaiekin egin behar diren ekintzak aurreikusi ditu: konpontzea, birziklatzea, ezabatzea edo bigarren mailako merkatuetan berrerabiltzea.
c) Itzulitako salgaiak zaharkitzea eta/edo kutsatzea saihesteko beharrezkoak diren neurriak definitu ditu.
d) Indarrean dauden osasun- eta ingurumen-araudiak aplikatu ditu.
e) Itzultzeko ontziak salgai berria entregatzearekin batera biltzeko lanak diseinatu ditu, indarrean dagoen araudia aplikatuta.
f) Karga-unitateak eta/edo -tresneria kate logistikoaren beste eragiketa batzuetan berrerabiltzeko sailkatu ditu, hutsean garraiatzea saihesteko.
g) Ontzi eta enbalaje motak zehaztapenei, gomendioei eta indarreko araudiari jarraituz berrerabiltzeko sailkatu ditu.
6. Biltegian egindako prozesuak gainbegiratzen ditu, eta zerbitzuaren kalitatea hobetzeko sistemak eta langileak prestatzeko/birziklatzeko planak ezartzen ditu.
Ebaluazio-irizpideak:
a) Biltegian kalitate-sistema bat ezartzeko beharrezkoak diren elementuak aztertu ditu, enpresaren eta/edo bezeroen jarraibideak betez.
b) Biltegiratze sistema eta prozesuak etengabe hobetzeko kalitate eta segurtasun sistemak ezartzea aurreikusi du.
c) Biltegiko prozesuak eta protokoloak betetzea baloratu du, enpresaren kalitate-plana edo -eskuliburua abiapuntutzat hartuta.
d) Salgaiaren ezarpena eta irrati-maiztasuneko sistemen edo bestelako berrikuntza teknologikoen bidezko jarraipena baloratu du.
e) Salgaien trazabilitatea ziurtatzeko eta hari buruzko araudia betearazteko beharrezkoak diren elementuak ikertu ditu, biltegiak kudeatzeko sistemak erabilita.
f) Biltegi-zerbitzuaren eraginkortasuna eta kalitatea hobetzeko ereduzko prestakuntza-plan baten helburuak finkatu ditu.
g) Hasierako eta etengabeko prestakuntzaren bakarkako zein talde osoko premiak hauteman ditu.
h) Zereginak kudeatzeko programak eta kronogramak erabili ditu, zereginak, denborak eta langileak kontrolatzeko, eta laneko arriskuen prebentzioari buruzko arauak bete ditu.
Edukiak.
Biltegiratzeko araudi espezifikoaren zerrenda:
-Biltegiari eta salgaiak biltegiratzeari buruz aplikagarria den nazioko eta Europako araudia interpretatzea.
-Biltegiratze-banatzeko jardueraren eta gordailuaren kontratuaren legezko esparrua.
-Araudi espezifikoa salgai berezietarako, arriskutsuetarako eta galkorretarako, besteak beste.
-Biltegiratzeko araubideak nazioarteko merkataritzan.
Biltegiratzeko prozesua antolatzea:
-Biltegiak antolatzea fabrikazio, banaketa eta zerbitzu enpresetan.
-Biltegi motak. Biltegiratzeko sistema motak aztertzea: abantailak eta desabantailak.
-Modulu sistemak. Karga unitateak: paletak eta edukiontziak.
-Norberaren biltegien eta besteren biltegien sarea.
-Biltegiaren diseinu fisikoa: materialen fluxua eta manipulazio ekipamenduak.
-Mugimenduko eta biltegiko ekipamenduen ezaugarriak eta erabilerak: apalategi eta eskorga motak.
-Salgaiei jarraitzeko sistemak: irrati-frekuentziako terminalak, kodifikazioa eta barra irakurgailuak, besteak beste. Terminal eramangarriak eta ahotsa ezagutzeko sistemak.
-Jarduerak eta salgaien fluxuak antolatzea biltegian. Biltegiko eremuak: administrazioa, harrera, bidalketa, biltegiratzea, mugimenduak, korridoreak eta eskari prestaketak eta banaketa. Picking-a. Cross docking-a.
-Biltegiko espazioa optimizatzea: dimentsioak.
-Enbalajearen kudeaketa eta funtzioa: babesa, kontserbazioa, maneiagarritasuna. Tipologia.
-Segurtasunari eta higieneari buruzko araudia biltegietan. Instalazio orokorrak eta berariazkoak.
-Ergonomia biltegian.
Biltegiaren aurrekontua prestatu eta kontrolatzea:
-Biltegiaren eta mantenuaren kostuak: hura kalkulatzeko aldagaiak.
-Eskurapeneko kostuak.
-Biltegiaren kostu motak: jardueraren arabera (biltegiratzea eta mantenua), egozpenaren arabera (finkoak eta aldakorra) eta jatorriaren arabera (zuzenak eta zeharkakoak).
-Biltegiko unitate bakoitzeko kostua.
-Kalkulu-orria datuak prozesatzeko tresna gisa.
Stockak kudeatzea:
-Stockaren kontzeptua eta stockak kudeatzea.
-Stock motak: minimoa, segurtasunekoa, batez bestekoa.
-Kontrol ekonomikoa. Gorabeheren kontrola.
-Bezeroaren eskariaren zikloa.
-Stocka kudeatzeko kostuak: eskariaren kostua, mantenuaren kostua, finantziazioaren kostura, stockaren haustura.
-Produktuen ABC sailkapena.
-Biltegiko izakinak baloratzeko irizpideak.
-Stocka kudeatzeko ratioak. Txandakatzea, zaharkitzea.
-Biltegiko alderdi guztiak biltzen dituen software orokorra, testu prozesadorea, kalkulu orria, datu baseak eta kronogramak erabiliz, besteak beste.
-Biltegiak eta izakinak kudeatzeko programa espezifikoak: kaien kudeaketa, biltegien kudeaketa, horniduren kudeaketa, izakinen kudeaketa eta etiketen prestaketa, besteak beste.
-Erosketak/biltegia/salmentak kudeatzeko programak: artikuluen kudeaketa, biltegiaren kudeaketa, fabrikazioaren kudeaketa eta salmenten kudeaketa, besteak beste.
Alderantzizko logistikari lotutako eragiketen kudeaketa.
-Itzulketak.
-Itzulketei lotutako kostuak.
-Karga ekipamenduak eta unitateak berriro erabiltzea.
-Edukiontzi eta enbalaje berrerabilgarriak.
Biltegian egiten diren prozesuak ikuskatzea:
-Kalitate sistemak biltegian.
-Segurtasun sistemak aplikatzea pertsonekin eta salgaiekin.
-Hasierako prestakuntzaren eta prestakuntza jarraituaren planak biltegiko lan taldean: prestakuntzaren helburuak eta metodoak. Prestakuntza planen ebaluazioa.
-Biltegiko prozesuak edo azpiprozesuak informatizatzeko eta automatizatzeko aplikatutako teknologia berriak.
Orientabide didaktikoak.
Biltegiratzeko logistika moduluaren helburua da ikasleari gaitasuna ematea biltegiratzeko logistika antolatzearekin eta kudeatzearekin ikusteko duten eginkizunak betetzeko. Hain zuzen, ikasleak gai izan behar du nazioan zein nazioartean biltegiratzeko jarduerari buruz dagoen araudia aplikatzeko eta biltegian kalitate sistemak ezartzeko, haren errendimendua hobea izan dadin.
Halaber, beharrezko gaitasunak eskuratu behar ditu biltegiak, besteak beste, enpresaren, produktuen, bezeroen eta produkzioaren arabera antolatzeko. Biltegiaren barrenean salgaien banaketa eta manipulazioa kontrolatu beharko dituzte, eta biltegiaren funtzionamendu kostuak kalkulatu.
Bestalde, asmoa da stockak ahalik eta hobekien kudeatzea eta salgaiak egoki tratatzea, bai enpresaren prozedura arruntekoak bai itzulitakoak.
Aurreko kontzeptu eta prozedura guztiak landuko dira ekipamendu eta baliabide informatikoak sustatuz: software orokorra (kalkulu orria, datu baseak) eta stocka kudeatzeko eta biltegiratzeko programa espezifikoak.
Egokientzat proposatzen den edukien sekuentziazioak bost multzotan egituratzen ditu edukiak eta prozedurak:
-Lehenengo multzoan logistikaren hastapenak lantzen dira, logistika integralarenak zein alderantzizkoarenak. Ikasleei azpimarratzen zaie logistikaren garrantzia, oro har, bai eta biltegiena ere, zehatzago.
-Bigarren multzoan biltegiaren baldintza fisiko guztiak aztertzen dira: biltegiratzeko sistemak, manipulazio sistemak, enbalajeak, ontziak, paletak, edukiontziak, layout-ak, eremuak... Multzo horretan helburua da biltegiko eta haren banaketako elementu guztiak identifikatzea, bai eta enpresaren beharren arabera egokiak diren biltegi motak ere.
-Hirugarren multzoan biltegiaren funtzionamenduaz arituko da: kokapena, neurri egokiak, funtzionamenduan ari den biltegi baten jarduerak, picking-a, ABC, espazioa optimizatzea.
-Laugarren multzoan biltegiaren kostuak aztertuko dira: biltegiratzearen kostuak, manipulazioarenak, kostu zuzenak, zeharkako kostuak. Biltegiaren kostua aztertzeko eta kalkulatzeko orduan aintzat hartzen diren aldagaiak.
-Bosgarren eta azken multzoaren xedea stockaren kudeaketa izanen da. Stock motak, eskariaren puntua kalkulatzea, stocka kudeatzeari lotutako kostuak.
Halaber, zenbait eduki zeharka landuko dira edukien multzo bakoitzean. Jorratu beharreko edukiaren arabera erabiliko eta landuko dira aplikatu beharreko araudia, kalitate sistemak eta programak, espezifikoak zein software orokorra izan.
Kurtsoan zehar garatuko diren edukien tratamendua sostengatzeko, zenbait jarduera iradokitzen dira ondotik, ikasgelaren barruan eta handik kanpo egiteko, betiere metodologia aktiboa erabiliz, parte-hartzea eta teknologia berrien nahiz programa informatikoen erabilera sustatuko dituena.
-Taldekako lanak egitea eta, horretarako, biltegien errealitatera ahalik eta gehien hurbiltzen diren egoerak irudikatzea.
-Biltegiei buruzko artikuluak eta araudiak bilatzea komunikabideetan.
-Proposatzen diren ariketak ebaztea, hala nola: biltegi batean kabitzen diren paleten kopurua kalkulatzea, paletak biltegiratzeko behar diren azalerak kalkulatzea. Toki egokia biltegiak kokatzeko. Salgaiak mugitzeari eta mantentzeari lotutako kostuak kalkulatzea. Stocka kudeatzeari lotutako ratioak kalkulatzea.
Oso gomendagarria da lan ateraldi batzuk diseinatu eta egitea. Komeni da biltegi mota desberdinetara, azoketara eta manipulazio elementuen enpresetara ateratzea, bertatik bertara ikusteko ikasgelan landutako edukiak eta prozedurak.
Komenigarria litzateke modulu honetako prestakuntza proiektu orokor batekin osatzea, bertan kurtsoan barna eskuratutako gaitasun guztiak biltzeko.
Beste modulu batzuekiko erlazioari dagokionez, modulu honek lotura zuzena du Horniduraren logistika moduluarekin; izan ere, edukien lehenengo multzoa Biltegiratzeko logistikarako nahiz Horniduraren logistikarako sarrera gisa erabil daiteke. Bi modulu horien arteko erlazioak behartuko du haiek ematen dituzten irakasleak koordinatuta egotera.
Lanbide modulua: Merkatuen informazio sistema.
Kodea: 0822.
Baliokidetasuna, ECTS kreditutan: 6.
Iraupena: 60 ordu.
Ikaskuntzaren emaitzak eta ebaluazio irizpideak.
1. Merkatuaren aldagaiak eta enpresaren edo antolakundearen ingurunearenak aztertzen ditu, eta haren jardueran eta merkataritza-estrategia bakoitzaren aplikazioan duten eragina baloratzen du.
Ebaluazio-irizpideak:
a) Enpresa aritzen den merkatuen egitura eta funtzionamendua aztertu du, eta haietan eragina duten aldagaiak identifikatu ditu.
b) Mikroingurunearen aldagaiek enpresaren edo antolakundearen merkataritza-jardueran duten inpaktua aztertu du.
c) Makroingurunearen faktoreek enpresaren merkataritza-jardueran dituzten ondorioak aztertu ditu.
d) Merkatuen jarduera arautzen duten edo bertan eragina duten antolakunde eta erakunde ekonomiko nagusiak identifikatu ditu.
e) Europako eta nazioarteko mailako integrazio ekonomikoaren prozesuek merkatuetako lehian duten eragina aztertu du.
f) Kontsumitzailearen beharrak aztertu ditu, eta haiek asetzeko hierarkiaren edo lehentasun-ordenaren arabera sailkatu ditu.
g) Kontsumitzailearen erosketa-prozesuaren faseak identifikatu ditu, eta prozesu horretan eragina duten barneko eta kanpoko aldagaiak aztertu ditu.
h) Hainbat merkataritza-estrategia definitu ditu, eta horretarako, merkatuak segmentatzeko metodo nagusiak aplikatu ditu hainbat irizpideren arabera.
2. Merkataritzako erabakiak hartzeko marketineko informazio-sistema (MIS) bat konfiguratzen du, eta horretarako, informazio-iturriak, prozedurak eta datuak antolatzeko teknikak definitzen ditu.
Ebaluazio-irizpideak:
a) Enpresaren informazio-premiak zehaztu ditu marketineko erabakiak hartzeko.
b) Marketineko informazio-sistema batek prozesatu eta antolatzen dituen datuak identifikatu ditu.
c) Marketineko informazio-sistema batek izan behar dituen egokitasun-ezaugarriak, tamaina, xedea eta helburuak aztertu ditu, enpresaren edo antolakundearen informazio-premien arabera.
d) Informazioa haren izaeraren, datuen jatorriaren eta horien erabilgarritasunaren arabera sailkatu du.
e) Marketineko informazio-sistema bat osatzen duten azpisistemak ezaugarritu ditu, eta horietariko bakoitzaren funtzioak, datu motak eta helburuak aztertu ditu.
f) Datuak haien jatorri den informazio-iturriaren arabera sailkatu ditu.
g) Merkataritza-ikerketa bat egiteko premia zehaztu du, prozesuaren faseak identifikatuta.
h) Datuak tratatzeko eta antolatzeko teknika egokiak aplikatu ditu, enpresaren edo antolakundearen erabakiak hartzeko informazio erabilgarria bihur daitezen.
i) Informatika-tresnak erabili ditu informazioa artxibatzeko eta enpresaren datu-basean sartzeko, etengabe eguneratuta egon dadin, arin eta bizkor erabili ahal izateko.
3. Informazioa lortzeko laneko planak diseinatzen ditu, eta, horretarako, helburuak, informazio-iturriak, datuak lortzeko aplika daitezkeen metodoak eta teknikak eta beharrezkoa den aurrekontua definitzen ditu.
Ebaluazio-irizpideak:
a) Ikertu nahi den enpresaren arazoa edo aukera definitu du eta egingo den ikerketaren helburuak formulatu ditu.
b) Egin behar den diseinua edo ikerketa mota zehaztu du, dela esploratzekoa, deskriptiboa edo kausala.
c) Laneko plana egin du, eta, horretarako, azterketa mota, lortu behar den informazioa, informazio-iturriak, datuak lortzeko tresnak, analisi-teknikak eta beharrezkoa den aurrekontua ezarri ditu.
d) Informazioa eman dezaketen lehen eta bigarren mailako informazio-iturriak identifikatu ditu, barnekoak eta kanpokoak, eta fidagarritasunari, adierazgarritasunari eta kostuari dagozkion irizpideak aplikatu ditu.
e) Barneko eta kanpoko bigarren mailako informazio-iturriak eskuratzeko metodorik ohikoenak, on line bilaketa-tresnak edo bestelakoak ezaugarritu ditu.
f) Lehen mailako informazio kualitatiboa lortzeko teknikak bereizi ditu, sakoneko elkarrizketa, talde-dinamika edo behaketa, besteak beste, eta horien ezaugarriak aztertu ditu.
g) Lehen mailako informazio kuantitatiboa lortzeko teknikak identifikatu ditu, inkestak, behaketa, esperimentazioa edo panelak, besteak beste, eta horien ezaugarriak aztertu ditu.
h) Inkesta pertsonaletan, telefono-inkestetan zein web bidezkoetan datuak paperean (PAPI) edo informatika-bitartekoen laguntzarekin (CAPI, CATI, CAWI) lortzeko baliabideen abantailak deskribatu ditu.
i) Hainbat modalitatetako inkestak (pertsonalak, telefonikoak, posta bidezkoak eta web bidezkoak) egiteko hainbat galdetegi mota landu eta probatu ditu.
4. Ikerketaren xede den populazioaren laginaren ezaugarriak eta tamaina zehazten ditu, eta laginketa-teknikak aplikatzen ditu hura hautatzeko.
Ebaluazio-irizpideak:
a) Ikerketaren xede izanen den populazioaren lagin adierazgarri bat hautatzeko aplika daitezkeen laginketa-metodoak (probabilistikoa eta ez-probabilistikoa) ezaugarritu ditu, eta horien abantailak eta eragozpenak aztertu ditu.
b) Lagina hautatzeko prozesua deskribatu du, eta horretarako, hainbat laginketa metodo aplikatu ditu (ausazko laginketa bakuna, sistematikoa, geruzatua, arlokako laginketa edo konglomeratu-laginketa, etapa anitzekoa edo ausazko bidekoa) eta horien abantailak eta eragozpenak aztertu ditu.
c) Laginketa-prozesua aztertu du, laginketa-teknikak aplikatuta: laginketa ezprobabilistikoa, komenientziazkoa, iritzizkoa, kuotazkoa edo elur-pilotazko laginketa.
d) Merkataritza-ikerketa batean laginaren tamaina kalkulatzean eragina duten aldagaiak identifikatu ditu.
e) Laginketa-metodoa hautatu du eta laginaren tamaina optimoa kalkulatu du, azterketaren xede den populazioaren, laginketa-errorearen, erdietsi nahi den konfiantza-mailaren eta esleitutako aurrekontuaren arabera.
f) Lehen mailako informazioa lortzeko landa-laneko plana egin du, eta horretarako, beharrezko denbora, baliabide materialak eta giza baliabideak zehaztu ditu, bitartekoaren eta egingo den inkesta motaren arabera (PAPI, CAPI, MCAPI, CATI eta CAWI, besteak beste).
g) Landa-lana programatu du, inkestatzaile bakoitzaren ibilbide-orria eta landa koadernoa egin du, eta egin behar den elkarrizketa kopurua, elkarrizketen iraupena eta elkarrizketatuko diren pertsonak fisikoki lokalizatzeko eta/edo hautatzeko argibideak ezarri ditu.
h) Inkesta egiteko lanak simulatu ditu, landa-laneko koadernoan jasotako argibideen arabera, galdetegian izan litezkeen akatsak hautemateko eta neurri zuzentzaile egokiak ezartzeko.
5. Lortutako datuen tratamendua eta analisia egiten du, eta emaitzak jasotzen dituen txosten bat egiten du, estatistika-teknikak eta informatika-tresnak aplikatuta.
Ebaluazio-irizpideak:
a) Merkataritza-ikerketan lortutako datuak tabulatu eta grafikoki irudikatu ditu, jasotako zehaztapenen arabera.
b) Zentrorako joeraren eta datuen barreiaduraren oinarrizko estatistika-neurriak eta banaketaren forma irudikatzen dutenak kalkulatu ditu.
c) Inferentzia estatistikoaren teknikak aplikatu ditu laginaren emaitzak populazio osoari estrapolatzeko, konfiantza-maila jakin batekin eta laginaren errore-maila jakin batekin.
d) Merkatuaren informazioa lortzeko oinarrizko estatistika-neurriak aplikatu ditu, hala nola merkatu-joerak, merkatu-kuota edo bestelakoak.
e) Azterketa jakin batean lortutako estatistika-emaitzak aldez aurretik azterketa hartan formulatutako hipotesiekin konparatu ditu.
f) Kalkulu-orriak erabili ditu datuak tratatzeko eta analizatzeko eta estatistika neurriak kalkulatzeko.
g) Estatistika-analisian lortutako emaitzak eta ondorioak eta azterketaren xedearekin duten erlazioa jasotzen dituzten merkataritza-txostenak egin ditu.
h) Azterketaren datuak eta emaitzak aurkeztu ditu, estatistika-taulen moduan behar bezala antolatuta eta irudikapen grafikorik egokienez hornituta.
i) Azterketaren emaitzak datu-base batean sartu ditu, aurrerantzean eguneratzeko eta informazioa bizkor eta zehatz kontsultatu eta berreskuratzeko formaturik egokienean.
Edukiak.
Merkatuaren aldagaiak eta enpresaren edo erakundearen ingurunearenak aztertzea:
-Merkatua. Hura osatzen duten elementuak. Funtzionamendua.
-Merkatuaren egitura: egungo merkatua eta merkatu potentziala.
-Merkatuaren mugak.
-Merkatuen sailkapena, zenbait irizpideren arabera.
-Makroinguruneko aldagaiak aztertzea.
-Mikroinguruneko faktoreak aztertzea.
-Merkatuei eragiten dieten nazioko eta nazioarteko instituzioak.
-Kontsumitzailearen beharrak eta jokabidea aztertzea.
-Kontsumitzailearen erosketa prozesua. Faseak eta parte hartzen duten aldagaiak.
-Merkatuen segmentazioa: helburuak eta segmentazio irizpideak.
-Segmentazioa aplikatzea merkataritzako estrategiak diseinatzean.
-Produktuaren eta enpresaren posizionamendua merkatuan.
Marketineko informazio-sistema bat eratzea (MIS):
-Informazio beharra enpresan erabakiak hartzeko.
-Informazio motak: naturaren arabera, jatorriaren arabera eta eskuragarritasunaren arabera.
-Marketineko informazio-sistema (MIS). Ezaugarriak eta xedea.
-Marketineko informazio-sistemaren egitura. Hura osatzen duten azpisistemak eta datu motak.
-Merkataritza ikerketa. Kontzeptua eta xedea.
-Merkataritza ikerketaren aplikazioak.
-Merkataritza ikerketaren prozesu metodologikoa. Prozesuaren faseak.
-Merkataritza ikerketaren alderdi etikoak. CCI/ESOMAR kodea.
Lan planen diseinua informazioa eskuratzeko:
-Ikertzeko aukera edo problema identifikatu eta definitzea.
-Ikerketaren helburuak zehaztea.
-Ikerketa motak: esplorazio azterlanak, deskriptiboak eta esperimentalak.
-Merkataritza ikerketaren plana diseinatu eta prestatzea.
-Merkataritza ikerketaren aurrekontua eta kostuak.
-Informazio iturriak: barrukoak eta kanpokoak, lehen mailakoak eta bigarren mailakoak.
-Bigarren mailako informazioa jasotzeko metodoak eta teknikak.
-Lehen mailako informazioa jasotzeko metodoak eta teknikak.
-Ikerketa kualitatiboaren teknikak: elkarrizketa sakonak, talde dinamika, behaketa eta beste batzuk.
-Ikerketa kuantitatiboaren teknikak: inkestak, panelak (kontsumitzaileenak, txikizkarienak eta audientzienak), behaketa eta esperimentazioa.
-Galdetegia. Hura diseinatzeko metodologia.
-Galdetegiaren elementuak eta egitura.
Laginaren ezaugarriak eta tamaina zehaztea:
-Laginketaren oinarrizko kontzeptuak: populazioa, unibertsoa, lagin esparrua, lagin unitatea eta lagina.
-Ausazko laginketak edo probabilistikoak.
-Laginketa ez-probabilistikoak.
-Laginketaren okerrak eta laginarenak ez direnak.
-Laginketaren tamainari eragiten dioten faktoreak. Laginketa okerrak eta konfiantza maila.
-Laginaren tamaina kalkulatzea.
-Laginketa okerra kalkulatzea.
-Landa lanaren plana prestatzea. Prozesuaren faseak.
-Landa lanerako behar diren giza baliabideak, baliabide materialak eta denbora zehaztea, inkesta motaren eta bitartekoaren arabera (PAPI, CAPI, CATI eta CAWI).
-Landa lanaren programazioa.
-Landa lanaren antolaketa.
-Elkarrizketatzaile bakoitzaren bide orria prestatzea.
-Errore posibleak atzemateko galdetegia interpretatzea, galderen arteko egiturari eta loturari dagokienez, eta desbideratzeak zuzentzeko neurri egokiak ezartzea.
Datuen tratamendua eta azterketa egitea:
-Datuen antolaketa eta tabulazioa. Algoritmoen adierazpide grafikoa.
-Datuen aldagai bakarreko analisia eta aldagai anitzekoa.
-Posizio neurriak eta zentrorako joerakoak (batez bestekoa, mediana eta moda).
-Sakabanatze neurriak (bariantza, desbideratze tipikoa, ibiltartea eta maila).
-Banatzeko moduen gaineko neurriak (asimetria eta kurtosia).
-Azterketa probabilistikoaren teknikak. Puntuzko zenbatespena eta tarteen araberakoa.
-Hipotesien kontrastea.
-Inferentzia estatistikoaren teknikak.
-Erregresio lineala eta korrelazio bakuna. Kurbak doitzea.
-Zenbaki indizeak.
-Denborazko serieak. Joeren estimazioa.
-Aplikazio informatikoak informazioa tratatzeko eta aztertzeko: kalkulu orriak eta datu baseak.
-Merkataritza txostenak prestatzea datuen ikerketaren eta azterketa estatistikoaren ondorio eta emaitzekin.
Orientabide didaktikoak.
Modulu honen helburua da ikasleek trebetasun eta jarrera egokiak eskuratzea merkatua eta ingurunea aztertzeko jarduerak garatzeko, marketineko informazio sistema bat eratzea, informazioa eskuratzeko planak diseinatzea, merkatu azterketetarako laginak zehaztea, eta datuak tratatzea eta aztertzea.
Edukien sekuentziazioari dagokionez, merkatua eta enpresaren ingurunea aztertzearekin has liteke, eta ondoren, marketineko informazio sistema bat eratzearekin jarraitu, edukien atalean zehaztutako lehenengo bi multzoekin bat.
Geroago, informazioa eskuratzeko lan planak diseina litezke, eta laginaren ezaugarriak eta tamaina zehaztu, hirugarren eta laugarren multzoetan proposatzen denarekin bat. Azkenik, eskuratutako datuen tratamendua eta azterketa eginen lirateke.
Landu beharreko eduki horiekin batera, ondotik beste jarduera batzuk iradokitzen dira, haien tratamenduaren sostengurako:
-Merkatuen egitura eta funtzionamendua aztertzea.
-Enpresaren inguruneak (makroa eta mikroa) aztertu eta ikertzea.
-Merkatuen jarduera arautzen duten antolakunde eta erakunde ekonomiko nagusiak identifikatzea.
-Merkatua segmentatzeko estrategiak diseinatzea.
-Zehaztea enpresak zer informazio behar duen erabakiak hartzeko.
-Marketineko informazio-sistema batek izan behar dituen ezaugarri egokiak aztertzea (haren tamaina, xedea eta helburuak).
-Datuak tratatzeko teknikak aplikatzea (tresna informatikoen bitartez), eta hura informazio erabilgarri bihurtzea erabakiak hartzeko.
-Datu baseak etengabe eguneratzea.
-Enpresari aukerak bilatzea, ikerketaren helburuak ezarriz.
-Merkataritza ikerketaren lan plan bat prestatzea.
-Informazioa eman dezaketen lehen eta bigarren mailako informazio-iturriak identifikatzea, barnekoak eta kanpokoak, eta fidagarritasunari, adierazgarritasunari eta kostuari dagozkion irizpideak aplikatu ditu.
-Barneko eta kanpoko bigarren mailako informazio-iturriak eskuratzeko metodorik ohikoenak, on line bilaketa-tresnak edo bestelakoak ezaugarritzea.
-Inkesta pertsonaletan, telefono-inkestetan zein web bidezkoetan datuak paperean (PAPI) edo informatika-bitartekoen laguntzarekin (CAPI, CATI, CAWI) lortzeko baliabideen abantailak deskribatzea.
-Galdetegi mota desberdinak prestatu eta probatzea inkesta mota desberdinak egiteko.
-Laginketa mota desberdinak aplikatzea: ausazko bakuna, sistematikoa, geruzatua, arlokakoa edo konglomeratuarena, etapa anitzekoa edo ausazko bidekoa.
-Landa lan plan prestatzea.
-Inkestak egitea simulatzea.
-Zentrorako joeraren eta datuen barreiaduraren oinarrizko estatistika-neurriak eta banaketaren forma irudikatzen dutenak kalkulatzea.
-Laginaren emaitzak populazio osoari estrapolatzea, konfiantza-maila jakin batekin eta laginaren errore-maila jakin batekin.
-Kalkulu-orriak erabiltzea datuak tratatzeko eta analizatzeko eta estatistika neurriak kalkulatzeko.
-Merkataritza txostenak prestatzea emaitzekin eta ondorioekin.
-Datuak eta emaitzak taula estatistikoetan aurkeztea, baita irudikapen grafiko egokienetan ere.
-Kasuan kasuko datu basea sortzea.
Jarduera horiek garatzeko, beharrezkoa da ikasgelak ekipamendu informatiko eta software egokiak izatea, ikasleek modu aktiboan lan egin dezaten testu eta kalkulu orriekin; halaber, bermatu behar da Interneteko sarbidea. Orobat, interesgarria litzateke ikasteko eta irakasteko jarduerak errazten dituzten beste baliabide teknologiko batzuk izatea, hala nola arbel digitala, proiektorea, pantaila, etab.
Ikasgelan lan egiteko izan daitezkeen baliabideen artean, Internet iturri interesgarria da beti. Bestalde, komeni da prentsa espezializatua erabiltzea, inprimatua zein digitala: enpresen aldizkariak, erakunde ofizialek argitaratzen dituzten argitalpenak (erregioetako Merkataritza Ganberarenak, Estatistikaren Institutu Nazionalarenak, udalenak), aipatutako erakundeen web orri ofizialak eta enpresez eta negozioez aritzen diren aldizkari digitalak.
Ahal delarik, gomendatzen da ikasleei ikasgelan zein etxean lan egitea bide ematen dieten eduki plataformak erabiltzea.
Modulu honetako edukiek harremana daukate Nazioarteko marketina izeneko moduluarekin, baita Enpresaren kudeaketa ekonomikoa eta finantzarioa izenekoarekin ere, harekin lotura hain estua ez bada ere. Negozio aukerei buruzko eta/edo marketinaren politiken egokitasunari buruzko azterketak egiteko, merkatuaren eta ingurunearen azterketak egin behar dira, baita ikerketa lanak eta haietatik informazioa eskuratzekoak ere. Hori dela eta, komeniko litzateke koordinatuta egotea modulu horietako irakasleen artean.
Lanbide modulua: Nazioarteko marketina.
Kodea: 0823.
Baliokidetasuna, ECTS kreditutan: 9.
Iraupena: 160 ordu.
Ikaskuntzaren emaitzak eta ebaluazio irizpideak.
1. Produktu bat kanpo-merkatu batean sartzeko aukera zehazten du, eta horretarako, produktuen eta produktu-lerroen eta -gamen merkataritza-ezaugarriak ebaluatzen ditu.
Ebaluazio-irizpideak:
a) Produktu edo zerbitzu baten dimentsioak identifikatu ditu, eta lerroa, gama eta familia bereizi ditu.
b) Txosten bat egin du informatika-euskarria erabilita, eta jarduera-eremua mugatu du eta hautemandako produktu, zerbitzu eta marken dimentsioa ezarri du.
c) Kanpo-merkatuetan produktu-politika definitzen duten faktoreak identifikatu ditu.
d) Marketing mix-eko aldagaien arteko erlazio kausalak aztertu ditu produktuaren bizi-zikloaren etapa guztietan.
e) Produktu-lerro batek kanpo-merkatu jakin batean dituen ahuleziak eta indarrak aztertu ditu.
f) On line marketineko estrategia batean erabil daitezkeen produktu motak hautatu ditu.
g) Txostenak egin ditu, eta horretarako, informatika-tresnak erabili ditu, eta produktu bat merkaturatzeko aukera eta kanpo-merkatu batean izan lezakeen posizionamendua ebaluatu ditu.
2. Kanpo-merkatu batean prezioen eta merkataritza-tarifen politikak diseinatzen ditu, eta horretarako, produktu baten prezioa osatzen duten eta horretan eragina duten aldagaiak aztertzen ditu.
Ebaluazio-irizpideak:
a) Prezioak finkatzeko metodoak hautatu ditu, kanpo-merkatuan produktuaren prezioa zehazten duten aldagaiak eta incoterma kontuan hartuta.
b) Kanpo-merkatu batean produktuaren eta/edo zerbitzuaren prezioa finkatzean kanbio-tasak duen garrantzia eta ondorea baloratu du.
c) Merkatuan prezio lehiakorrak finkatzean kosturik garrantzizkoenak eta lehiakideen prezioei buruzko informazioa ematen duten iturriak identifikatu ditu.
d) Produktu baten prezioek urte kopuru jakin batean zehar duten joera zehaztu du, erregresio estatistikoaren teknikak eta aurreikusitako aldakuntza-tasak aplikatuta.
e) Merkatu jakin batean marka edo produktu lehiakideen banaketa-kanala eta prezio-estrategiak aztertu ditu.
f) Merkatu jakin batean produktu edo marka baten prezioak lehiakideenekin konparatu ditu, dagozkien incotermak kontuan hartuta.
g) Prezio-politikaren analisiari buruzko txostenak egin ditu, informatika-tresnak erabilita, saltoki edo kanal jakin batean lehiatzen diren hainbat produktu kategoriarentzat, aztertzeko aldagaien arabera: jatorri nazionala, nazioartekoa, kategoria, kalitatea eta bestelakoak.
3. Kanpo-merkatu batean sartzeko modurik egokiena hautatzen du, eta, horretarako, nazioarteko merkatuetan banaketa-kanalen egitura definitzen duten faktoreak aztertzen ditu.
Ebaluazio-irizpideak:
a) Nazioarteko banaketako kanal motak bereizi ditu.
b) Nazioarteko banaketako kanal mota bakoitzean eragina duten aldagaiak aztertu ditu.
c) Kanpo-merkatu batean produktuak sartzeko kostua kalkulatu du, banaketa-kanal batean esku hartzen duten aldagaiak kontuan hartuta.
d) Ordezko hainbat banaketa-kanalen artean denbora eta kostuak optimizatuko dituena hautatu du.
e) Banaketa-kanal jakin batean kanpoko salmenta-sare bat definitu du, propioa, besterena edo mistoa.
f) Merkataritza-enpresa baten produktuak merkataritza-banaketaren, banaketa kostuen eta salmenten arabera sailkatu ditu.
g) Merkataritza-enpresa baten produktuek dauden banaketa-kanaletan dituzten arazoei eta aukerei buruzko txosten bat egin du, informatika-aplikazioak erabilita.
4. Kanpo-merkatu batean sartzeko merkataritza-komunikazioko ekintzarik egokienak zehazten ditu, eta horretarako, nazioarteko komunikazioko eta sustapeneko aukera posibleak ebaluatzen ditu.
Ebaluazio-irizpideak:
a) Nazioarteko merkataritza-jardunean gehien erabiltzen diren merkataritza komunikazioko bideak, euskarriak eta moduak bereizi ditu.
b) Nazioarteko bezeroekiko merkataritza-komunikazioaren helburuak eta elementuak aztertu ditu.
c) Merkataritza-komunikazioko ekintza bat diseinatzeko teknika psikologikoak aplikatu ditu, nazioarteko desberdintasun kulturalak kontuan hartuta.
d) Kanpo-merkatuetara irekitzearen testuinguruan publizitatearen eta sustapenaren arteko desberdintasunak aztertu ditu.
e) Sustapen-bidea, sustapen-mezuaren edukia eta forma hautatu ditu, eta on line komunikazioaren aukera baloratu du.
f) Merkataritzako edo informazioko webgune baten elementu nagusiak identifikatu ditu, eta haien ezaugarriak zehaztu ditu.
g) Nazioarteko komunikazio-kanpaina baten finantza-baliabideak eta aurrekontua esleitzeko metodoak aplikatu ditu.
h) Nazioarteko azoka eta ekitaldietara bertaratzeko irizpideak eta helburuak aztertu ditu.
i) Produktu berriak merkaturatzeko eta zabaltzeko on line marketineko plan bat erabiltzearen abantailak aztertu ditu.
5. Nazioarteko marketineko plan bat egiten du, eta horretarako, produktuen oinarrizko informazioa edo briefinga hautatzen du eta marketing mix-eko aldagaiak elkarrekin erlazionatzen ditu.
Ebaluazio-irizpideak:
a) Nazioarteko marketineko plan baten merkataritza-plangintzaren faseak identifikatu ditu.
b) Nazioarteko marketing mix-ean esku hartzen duten aldagaien arteko erlazioak aztertu ditu.
c) Behar bezala ezaugarritutako nazioarteko marketineko plan bat abiapuntu hartuta eta informatika-tresnak erabilita, estatistika-analisi bat egin du.
d) Produktuaren edo zerbitzuaren marketin-planeko estrategiak definitu ditu, marketineko informazio-sisteman erabilgarri dagoen merkatuei buruzko informazioa abiapuntu hartuta.
e) Produktuaren/markaren oinarrizko informazioa lantzeko beharrezkoak diren produktu batekin erlazionatutako datuak hautatu ditu.
f) Nazioarteko esparruan briefingaren xedea eta hura osatzen duten elementuak aztertu ditu.
g) Briefingaren informazioa eskatutako euskarri eta hizkuntzetan aurkeztu du, egituratuta eta antolakundearen zehaztapenen arabera, informatika-tresnak erabilita.
Edukiak.
Produktu bat kanpoko merkatu batean sartzea egokia den zehaztea:
-Produktuen politikaren faktoreak.
-Marketin mix-aren aldagaien arteko erlazio kausalak.
-AMIA azterketa.
-Produktuaren posizionamendua.
-Produktu bat merkaturatzeko aukeraren gaineko txostena.
Merkataritzako tarifen eta prezioen politikak diseinatzea kanpoko merkatu batean:
-Prezioak finkatzeko metodoak.
-Produktuaren prezioaren funtsezko aldagaiak esportaziorako: kostuak, incotermak, dibisak, kanbio tasak, marjinak, eskaria eta lehia.
-Produktuaren prezioa kalkulatzea esportaziorako, kostuen kalkulua abiapuntu hartuta, zenbait incoterm erabiliz.
-Prezioen politikak kanpoko merkatuetan.
-Prezioen estrategiak.
-Prezioen joerak.
Kanpoko merkatu batean sartzeko modurik egokiena hautatzea:
-Nazioarteko merkatuetan jarduteko aukerak.
-Jardunbide zuzenak.
-Zeharkako jardunbideak.
-Jardunbide mistoak.
-Banaketa kostuak kanpoko merkatuetan.
-Banatzeko kanala hautatzea.
-Kanpoko salmenten sarea, norberarena, besterena edo mistoa.
-Produktuen sailkapena, haiek banatzeko moduari lotua.
-Enpresa baten produktuak banatzeko aukerei buruzko txostena.
Merkataritzako komunikazio egokienerako jarduerak zehaztea kanpoko merkatu batean sartzean:
-Komunikazio tresnak.
-Merkataritzako komunikaziorako bitartekoak, euskarriak eta formak nazioarteko merkataritzako jardunean.
-Merkataritzako komunikazioaren helburuak eta elementuak nazioarteko bezeroekin.
-Teknika psikologikoak merkataritzako komunikazio baten ekintza bat diseinatzean.
-Sustapenerako baliabideak; sustapen mezuaren edukia eta forma.
-On line komunikazioa.
-Nazioarteko komunikazio-kanpaina baten finantza-baliabideak eta aurrekontua esleitzeko metodoak.
-Nazioarteko azoka eta ekitaldietara bertaratzeko irizpideak eta helburuak.
-On line marketineko plana produktu berriak merkaturatzeko eta zabaltzeko.
Nazioarteko marketin plan bat prestatzea.
-Nazioarteratzea: enpresa nazioartera ateratzeko arrazoiak, oztopoak eta etapak.
-Marketinaren planifikazioa. Xedea eta helburuak.
-Egoeraren analisia. Barneko eta kanpoko azterketa. AMIA azterketa.
-Produktuaren edo zerbitzuaren marketin-planeko estrategiak, marketineko informazio-sisteman erabilgarri dagoen merkatuei buruzko informazioa abiapuntu hartuta.
-Nazioarteko marketin planaren briefinga: egitura eta elementuak.
-Aurrekontua. Finantza, giza eta denbora baliabideak.
-Marketin plana egin eta kontrolatzea.
-Nazioarteko marketin planaren azterketa estatistikoa, behar bezala ezaugarritua.
Orientabide didaktikoak.
Modulu honek xede du ikasleek gaitasunak eskuratzea produktuaren, prezioaren, komunikazioaren eta banaketaren politikak prestatu eta aztertzeko, egokienak aukeratuz erabakiak hartzeko enpresa baten produktuak kanpoko merkatuetan sartzeari dagokionez.
Ikuspuntu didaktiko batetik, kontuan hartu behar da, lehenengoz, sarrera izaera duen modulu orokorra dela, Merkatuen informazio sistema eta Nazioarteko negoziazioa izeneko moduluekin, nazioarteko salerosketaren arloa osatzen duena, nolabait esateko.
Ezaugarri horiek ekartzen dute, alde batetik, hasieratik ikasleei ikusarazi behar izatea zein den Nazioarteko Merkataritzako goi mailako teknikari baten lanbide profesionala, zeinek enpresan nazioartera ateratzeko prozesuaz ardura hartuko baitu. Bestalde, moduluaren izaera orokorra dela kausa, eta enpresa nazioartera ateratzeko prozesua estrategikoa denez gero, ikasteko eta irakasteko prozesua planifikazio estrategikoaren printzipioei jarraikiz bideratu behar da; hartara, komeni da ikasleei printzipio horiek azaltzea, era laburrean bada ere.
Nazioarteko marketina izeneko modulua, haren edukiengatik nahiz merkatura lerratuta egoteagatik, egoera ezin hobean dago ikasleei laguntzeko gaitasunak, trebetasunak eta joerak eskuratu eta integratzeko, Nazioarteko Merkataritzako goi mailako teknikari bati enpresek eskatzen dioten profil profesionala eskuratzeko.
Edukien sekuentziazioari dagokionez, iradokitzen da hiru multzo handitan biltzea lehenago azaldu direnak:
-Lehenengo multzoa, sarrera gisakoa, non planteatzen baitira oinarrizko estrategiak enpresa nazioarteratzeko eta kanpoko merkatuetan sartzeko bideak.
-Bigarren multzoan marketin mix-eko politikak biltzen dira: produktua, prezioa, banaketa eta komunikazioa.
-Eta hirugarren multzo orokorrean nazioarteko marketin plana garatzen da.
Materiaren espezializazioa dela bide eta ikasleek eskuratu beharreko profil praktikoa dela bide, beharrezkoa da oreka bat bilatzea edukiak garatzeko teoriaren eta jarduerak gauzatzeko praktikaren artean. Moduluaren ordu banaketarekin bat, helburua da teoriaren eta praktikaren arteko oreka bilatzea, proiektuen metodologia garatuz, ikasleen inplikazioa ikerketan eta kolaborazioko autoikaskuntzan bultzatuz, bai eta irakasleen lan bideratzailea ere.
Proposamen metodologiko gisa eta irakaslanaren testuinguru akademiko zehatz horretara zabalik, ondotik zenbait proiektu proposatzen dira, bai eta haien helburuak eta prestakuntzaren egiturarekin duten harremana ere:
-Espainiako eta Nafarroako kanpoko merkataritzari buruzko deskripzio eta konparazio azterlana. Merkataritzako balantza. Oinarrizko zifrak. Esportazioen norakoa. Esportazioen jatorria, etab. Proiektu hori sarrera modukoa da, eta enpresa nazioarteratzeko estrategiei lotuko zaie.
-Nafarroako ETE baten deskripzio azterlana. Haren produktuen zorroa. Zein merkatutan dagoen. Proiektu horrekin asmoa da kanpoko merkatuetan egoteko modu posibleak ezagutzea eta, halaber, enpresa nazioarteratzeko estrategiei lotuta egonen litzateke.
-Merkataritzako bidaia bat egitea nazioarteko azoka batera, Nafarroako ekonomian puntakoa den sektore batean. Proiektu horren helburua da ikasleei hurbiltzea informazioaren bilaketara eta nazioarteko azoka bat antolatzeak ekartzen duen logistikara. Hori dela eta, nazioarteko marketin mix-eko politikei buruzko edukiarekin dauka harremana.
-Marketin plan bat garatzea hainbat bidetan (merkataritzako agentea, esportazio partzuergoa, beste batzuk...) nazioarteratzeko prozesu bat martxan jartzen duten ETEetarako. Proiektu horrek izaera orokorra emanen lioke proiektuari, nazioarteko marketin mix-eko politikei eta nazioarteko marketin planari lotuta.
Proiektuen bidezko metodologia planteatuak bide ematen du programatutako ezagutzak eskuratzeko eta, gainera, ikasleek informazioaren eta komunikazioaren teknologiak erabiltzeko, hala nola testuen editorea, kalkulu orriak, diseinu programak, grafikoen edizioak, datu baseak, posta elektronikoa, Internet, etab., guztiak beharrezkoak izanik idatzizko txostenak prestatzeko eta horiek jendaurrean azaltzeko, beste trebetasun batzuen artean.
Halaber, proiektuen garapenak aukera emanen die ikasleei haien trebetasunak ahozko eta idatzizko komunikazioan hobetzeko, baita talde lana, erabakiak hartzea eta erantzukizunak norberaren gain hartzea ere.
Planteatutako proposamenak behar bezala garatzeko, komeniko litzateke ikasgelak oinarrizko informatikaren ekipamenduak (ordenagailuak, proiektorea, pantaila, audioa, etab.) eta aplikazioak (ofimatika, katalogoen editorea, eskuorriak, etab.) izatea, baita Interneteko lotura eta edukien plataforma ere, ikasteko eta irakasteko prozesurako ingurune egokia izateko.
Bi baliabideren aipamen berezia egin beharko litzateke, ezinbestekotzat jotzen baitira modulu horren garapena behar bezala sustengatzeko:
-ICEXen Interneteko ataria (www.icex.es), berez baliabide orokorra da modulua garatzeko; bertan material guztiak, helbideak, merkatuaren azterlanak, enpresa kasuak, bideoak, etab. aurkitzen dira.
-Ganberen Kontseilu Nagusiaren Interneteko ataria (www.plancameral.com), gida sorta bat baitauka nazioarteratzeko prozesuan laguntzeko.
Aurreko proposamenak irakurrita, ondorioztatzen da badagoela proiektu horiek beste modulu batzuekin elkarlanean garatzea, eta, zehazki, arlokoak direnekin, Merkatuen informazio sistemak, Nazioarteko negoziazioa eta Biltegiratzeko logistika izenekoekin. Lankidetza hori hainbat mailatan plantea daiteke: edukien sekuentziazio zuzenean eta proiektuak batera eta integraturik egite posiblean, halako eran non modulu bakoitzak bere gaitasunen arloko ekarpena eginen baitu.
Konparazio baterako, “Marketin plana garatzea” proiektuak bide ematen du elkarlanean aritzeko ondoko moduluen artean: Nazioarteko Marketina (marketin planaren egitura, etapa desberdinak, merkatuak lokalizatzea), Merkatuen informazio sistema (estatistiken diseinua eta teknikak ikerketarako), Biltegiratzeko logistika (banatzeko kanalak hautatzea), Nazioarteko finantzaketa (finantzaketa egokiena baloratzea eta hautatzea).
Modulu hau, lehenago aipatutako moduluak bezala, nazioarteko salerosketaren arlokoa denez, edukiak, haien sekuentziazioa eta programatutako jarduerak koordinatu beharko dira.
Bereziki garrantzitsua izan daiteke hizkuntzei buruzko moduluekin egiten den elkarlana, proiektuen informazioa, idazketa eta ahozko nahiz idatzizko aurkezpena prestatzeko; horrek hizkuntza gaitasunak hobetzea ekarriko du. Elkarlan hori nabarmenki erraztu daiteke baldin eta modulu horiek, batez ere nazioarteko salerosketaren arlokoek, ikasleei ematen dizkieten materialak zikloan ezarritako hizkuntzetan badaude. Konparazio baterako, aurretik proposamen gisa planteatutako proiektuak gaztelaniaz/ingelesez edo gaztelaniaz/frantsesez aurkez daitezke. Materialak (katalogoak, prentsako iragarkiak, komunikazioak, etab.) hainbat hizkuntzatan prestatu daitezke.
Lanbide modulua: Nazioarteko finantzaketa.
Kodea: 0825.
Baliokidetasuna, ECTS kreditutan: 7.
Iraupena: 130 ordu.
Ikaskuntzaren emaitzak eta ebaluazio irizpideak.
1. Nazioarteko finantzaketako eragiketetan laguntza gisa erabil daitekeen informazio-sistema eraginkorra ezartzen du, informatika-tresna egokiak erabilita.
Ebaluazio-irizpideak:
a) Nazioarteko finantzaketako eragiketetan behar izaten den informazioa eman dezaketen iturri nagusiak identifikatu ditu.
b) Hainbat erakunderen web orrien bitartez informazioa lortu du, eta nazioarteko merkataritzako eragiketetan eta haien finantzaketan laguntza gisa erabil daitekeen datu-base bat landu du.
c) Nazioarteko salerosketako eragiketetan sortzen den dokumentazioa eta informazioa antolatzeko artxibo-sistema eta -teknikak ezarri ditu.
d) Esportaziorako laguntzak eta diru-laguntzak eskatzeko organismo eta erakunde eskudunak identifikatu ditu.
e) Banku-finantzaketako lehen mailako iturriak, multinazionalak zein eskualdekoak eta estatukoak, eta esportazioak eta inportazioak finantzatzeko bigarren mailako iturriak identifikatu ditu.
f) Bezeroen eta hornitzaileen fitxategi maisuak prestatu ditu, bezeroekiko harremanak kudeatzeko informatika-aplikazioa abiapuntu hartuta.
g) Bezeroen eta hornitzaile potentzialen datu-basea mantentzeko lanak egin ditu eta dagozkion txostenak landu ditu.
2. Dibisa-merkatuaren funtzionamendua eta bertan eragina duten aldagaiak aztertu ditu, eta merkatuaren portaerak nazioarteko salerosketako eragiketetan izan ditzakeen ondoreak baloratu ditu.
Ebaluazio-irizpideak:
a) Dibisa-merkatuaren funtzionamendua, hura osatzen duten elementuak, bertan eragina duten aldagaiak eta dibisa baten prezioaren edo kanbio-tasaren zehaztapena (beste dibisa batzuen aldean) deskribatu ditu.
b) Dibisa-merkatuaren funtzionamendua erregulatzen duen araudia identifikatu eta interpretatu du.
c) Eskurako eta eperako dibisa-merkatuak bereizi ditu, eskurako (spot) eta eperako (forward) kanbio-tasak bereizita.
d) Forex merkatuan egiten diren transakzio motak identifikatu ditu.
e) Euromerkatuaren funtsezko ezaugarriak eta haren eragiketen jarduera-segmentuak aztertu ditu.
f) Dibisen kanbio-tasen gorabeheretan eragina duten aldagaiak aztertu ditu.
g) Dibisa-merkatuari buruzko informazioa lortu eta aztertu du, eta horretarako, terminologia espezifikoa interpretatu eta erabili du.
h) Dibisa baten kanbio-tasaren eta interes-tasaren gorabeherek nazioarteko merkataritzako eragiketen gainean izan ditzaketen inplikazioak aztertu ditu.
i) Nazioarteko finantza erakundeak eta Europako moneta sistema aztertu ditu.
3. Nazioarteko merkataritzako eragiketetan kanbio-arriskua eta interes-arriskua kudeatzeko sistema ezaugarritzen du, eta kasu bakoitzean estaldura-mekanismorik egokienak aplikatzen ditu.
Ebaluazio-irizpideak:
a) Nazioarteko merkataritzako eragiketen ordainketa/kobrantza eta finantzaketa dibisa jakin batean instrumentatzean, kanbio-tasan eta dibisaren interes-tasan izandako gorabeheren ondorioz sortzen diren arriskuak eta kostuak zehaztu ditu.
b) Dibisa baten kanbio-arriskua estaltzeko kanbio-aseguruaren abantailak baloratu ditu eta haren kostua kalkulatu du informatika-aplikazio egokia erabilita.
c) Kanbio-arriskua estaltzeko beste modu batzuk ebaluatu ditu, haien abantailak eta eragozpenak aztertu ditu eta finantza-kostuak kalkulatu ditu informatika-aplikazio egokia erabilita.
d) Interes-tasaren arriskua estaltzeko hainbat modu baloratu ditu, haien abantailak eta eragozpenak aztertu ditu eta finantza-kostuak kalkulatu ditu informatika-aplikazio egokia erabilita.
e) Enpresarentzat onurazkoena den arriskua estaltzeko formula finantza-erakundearekin garaiz eta taxuz kontratatzeko prozedura, dokumentazioa eta egin behar diren izapideak ezarri ditu.
f) Nazioarteko datuak trukatzeko sistemak (Swift, EDI eta bestelakoak) erabili ditu finantza-dokumentazioari buruzko komunikazioak eraginkorragoak eta seguruagoak egiteko.
g) Hornitzaileen informatika-tresnak maneiatu ditu kanbio-arriskua integratuta izapidetzeko eta kudeatzeko, enpresaren beharren arabera.
4. Nazioarteko salerosketako eragiketetan finantzaketa-modu egokia zehazten du, eta horretarako, kreditu-modalitateak aztertzen ditu, ordaintzeko/kobratzeko modua kontuan hartzen du, eta sortzen dituzten kostuak eta arriskuak baloratzen ditu.
Ebaluazio-irizpideak:
a) Esportazioak eta inportazioak finantzatzeko lehen eta bigarren mailako iturriak identifikatu ditu.
b) Inportazioak finantzatzeko moduak ebaluatu ditu, eta horretarako, haien abantailak eta eragozpenak aztertu eta, kasu bakoitzean, sortzen dituzten arriskuak eta finantza-kostuak zehaztu ditu.
c) Nazioarteko esportazioko edo salmentako eragiketa batean erabil daitezkeen kreditu-modalitateak bereizi ditu, fakturazio-dibisa berean eta fakturaziokoaz bestelakoan, eta, kasu bakoitzean, sortzen dituzten arriskuak eta finantza-kostuak kalkulatu ditu.
d) Nazioarteko kredituko eragiketetan merkataritzako usadio eta jardunbide uniforme nagusiak interpretatu ditu.
e) Nazioarteko esportazioak eta proiektuak finantzatzeko beste modu batzuk ezaugarritu ditu: factoring-a, forfaiting-a, leasing-a eta project finance-a, besteak beste.
f) Produktuak eta/edo zerbitzuak inportatzeko eta esportatzeko eragiketei lotutako kredituak lortzeko beharrezkoa den dokumentazioa kudeatu du.
g) Finantza-kostuak kalkulatu ditu eta maileguen amortizazio-taula landu du, informatika-aplikazio egokia erabilita.
5. Esportaziorako laguntza ofizialdun finantzaketa lortzeko lanak kudeatzen ditu, eta, horretarako, araudi erregulatzailea aplikatzen du eta beharrezkoa den dokumentazioa lantzen du.
Ebaluazio-irizpideak:
a) Esportaziorako kreditu ofizialak erregulatzen dituen araudia interpretatu eta aztertu du.
b) Esportaziorako kreditu ofizialen modalitateak ebaluatu ditu, helmugako herrialdea, finantza daitezkeen ondasunak eta zerbitzuak eta exijitzen diren baldintzak kontuan hartuta, eta komenigarriena hautatu du.
c) Finantza daitekeen oinarri maximoa, ordaindu beharreko interesak eta maileguaren amortizazio-kuotak kalkulatu ditu, informatika-aplikazio egokia erabilita.
d) Kreditu ofizial bat eskatzeko behar izaten den dokumentazioa landu du.
e) Interesak doitzeko kalkulu egokiak egin ditu, Interesen Elkarrekiko Doikuntzako Hitzarmenean (CARI) ezarritakoaren arabera, kalkulu-orria erabilita.
f) Garapenerako Laguntza Funtsaren kreditu motak (GLF kredituak), haiek emateko baldintzak eta irizpideak eta eskatzeko aurkeztu behar den dokumentazioa bereizi ditu.
6. Nazioarteko lehiaketa edo lizitazioetan parte hartzeko beharrezkoa den dokumentazioa lantzen du, eta horretarako, deialdiak egiten dituzten erakundeen arauak interpretatzen ditu.
Ebaluazio-irizpideak:
a) Munduko Bankuaren eta proiektuen nazioarteko lizitazioak eta lehiaketak erregulatzen dituzten nazioarteko beste finantzaketa-erakunde batzuen arauak eta erregelamenduak interpretatu ditu.
b) Proiektuen deialdiak egiten dituzten organismoak eta erakundeak identifikatu ditu, hala nazioartekoak, nola Europakoak, naziokoak, eskualdekoak eta tokikoak.
c) Proiektuak esleitzeko prozedurari jarraitu dio, eta exijitzen diren baldintzak eta prozesuaren faseak aztertu ditu.
d) Nazioarteko lizitazio edo lehiaketa batean parte hartzeko exijitzen diren fidantzak, abalak eta bermeak identifikatu ditu.
e) Nazioarteko lehiaketan edo lizitazioan parte hartzeko finantzaketa ematen duten erakundeak identifikatu ditu.
f) Eskaintza-inprimakia bete du eta nazioarteko lizitazio edo lehiaketa batean parte hartzeko behar izaten den dokumentazio teknikoa eta administratiboa prestatu du.
g) Espainiako enpresek nazioarteko proiektuetan izandako benetako parte-hartzearen kasuak aztertu ditu.
7. Nazioarteko salmentako eragiketetan izan litezkeen arriskuen estaldura egokia hautatzen du, eta horretarako, esportaziorako kreditu-aseguruko polizak ebaluatzen ditu.
Ebaluazio-irizpideak:
a) Nazioarteko merkataritzako eragiketetan izan ohi diren arriskuak identifikatu ditu.
b) Nazioarteko eragiketetan arriskuak estaltzeko mekanismo publiko eta pribatu nagusiak identifikatu ditu.
c) Esportaziorako kreditu-aseguruaren kontratua ezaugarritu du, eta horretarako, asegura daitezkeen eragiketak, aseguru-prima eta kontratuan esku hartzen duten erakundeak aztertu ditu.
d) Esportaziorako Kreditu Aseguruen Espainiako Konpainiaren (CESCE) funtzioak eta eskumenak deskribatu ditu.
e) Esportaziorako kreditu-aseguruko polizen modalitateak ebaluatu ditu, eta horretarako, haien baldintzak, estaltzen dituzten arriskuak, aplikazio-esparrua eta primaren kostua aztertu ditu.
f) CESCE poliza bat kudeatzeko eta kontratatzeko behar izaten den dokumentazioa prestatu du.
g) Istripurik izanez gero jarduteko prozedura ezarri du, baita kalte-ordaina ere.
Edukiak.
Nazioarteko finantzaketako eragiketei buruzko informazioa eta dokumentazioa antolatzea:
-Nazioarteko merkataritzako eragiketen finantzaketari buruzko informazioa ematen duten organismoak eta erakundeak.
-Informazioa eskuratzea organismoen web orriaren bidez.
-Nazioarteko salmentan eta esportazioan finantzarako sostengua, laguntza edo diru-laguntzak ematen dituzten organismoen datu base bat prestatzea.
-Bezero eta hornitzaile potentzialen datu baseak prestatu eta mantentzea.
Dibisa merkatuaren funtzionamendua aztertzea:
-Nazioarteko finantza sistema.
-Dibisa merkatuaren edo FOREX merkatuaren egitura:
Dibisa merkatuan parte hartzen duten organismoak eta erakundeak.
Merkatua erregulatzen duen araudia.
-Dibisa merkatuaren funtzionamendua:
Dibisa. Dibisa bihurgarriak eta bihurrezinak.
Dibisen eskaintza eta eskaria.
Prezioa edo kanbio-tasa. Erosketako eta salmentako tasak.
Dibisa baten kanbio-tasaren fluktuazioan eragina duten aldagaiak.
Dibisa baten kanbio-tasa eta interes-tasa.
-FOREX merkatuko transakzio motak.
-Euromerkatuak.
-Nazioarteko finantza-erakundeak.
-Europako moneta sistema. Moneta Batasuna.
-Europako moneta erakundeak.
Inportazioko eta esportazioko eragiketetan kanbio arriskua eta interes arriskua kudeatzea eta estaltzea:
-Nazioarteko merkataritzako arriskuak: merkataritzakoak eta finantzarioak.
-Dibisa baten kanbio-arriskua. Arrisku faktoreak.
-Kanbio-arriskuaren estaldura. Arriskua kudeatzeko estrategiak.
-Kanbio-arriskua estaltzeko mekanismoak.
-Interes-arriskua estaltzeko mekanismoak.
-Kanbio-arriskua eta interes-arriskua estaltzeko finantza-kostuen kalkulua, informatika-aplikazio egokia erabilita.
Nazioarteko salerosketako eragiketen finantzaketa egokia zehaztea, eta finantza kostuak eta arriskuak kalkulatzea:
-Nazioarteko erosketen eta inportazioen finantzaketa.
-Nazioarteko esportazioak, salmentak eta proiektuak finantzatzea.
-Finantza-kostuak eta amortizazio-kuotak kalkulatzea, eta maileguaren, leasingaren edo bestelakoaren amortizazio-taula lantzea, kalkulu-orriaren bitartez.
Esportaziorako laguntza ofizialdun kreditua kudeatzea:
-Lege-esparrua: Ekonomiako Lankidetza eta Garapenerako Antolakundearen (ELGA) adostasuna.
-Laguntza ofizialdun esportazioak finantzatzeko iturriak.
-Esku hartzen duten erakundeak: Kreditu Ofizialeko Institutua (ICO-KOI), Esportaziorako Kreditu Aseguruen Espainiako Konpainia (CESCE) eta beste batzuk.
-Hornitzaile/esportatzaile nazionalarentzako kreditua. Eragiketak.
-Atzerriko eroslearentzako kreditua: banako kreditua edo kreditu-lerroa. Eragiketak.
-Laguntza ofizialdun kredituaren eskakizunak eta oinarrizko baldintzak.
-Interesen Elkarrekiko Doikuntzako Hitzarmena (CARI). Kalkulatzeko prozedura.
-Garapenerako Laguntza Funtsaren (GLF) kredituak.
Nazioarteko lizitazio eta lehiaketetan parte hartzeko beharrezkoa den dokumentazioa prestatzea:
-Munduko Bankuaren eta nazioarteko beste erakunde erregulatzaile batzuen lizitazio-arauak eta erregelamenduak.
-Proiektuen deialdiak egiten dituzten erakundeak eta organismoak. Helburuak.
-Proiektuak esleitzeko prozedura. Prozesuaren faseak.
-Lehiaketa edo lizitazio batean aurkeztu beharreko dokumentazioa.
-Fidantzak eta bermeak.
-Espainiako enpresek nazioarteko proiektuetan parte hartzea.
Salmenta eragiketetan izan litezkeen arriskuen estaldura egokia hautatzea:
-Nazioarteko merkataritzako eragiketetako arriskuak.
-Esportaziorako kreditu-aseguruaren kontratua.
-Esportaziorako Kreditu Aseguruen Espainiako Konpainia (CESCE).
-Epe laburrerako salmentetarako/esportazioetarako poliza-modalitateak.
-Epe ertain eta luzerako nazioarteko salmentetarako poliza motak.
-Kreditu-asegurua kontratatzeko prozesua.
-Ezbeharrak deklaratzeko eta kalteak ordaintzeko prozedura.
Orientabide didaktikoak.
Modulu honen helburua da ikasleek ondokoetarako gaitasunak eskuratzea:
-Finantza teknikak aplikatzea nazioarteko merkataritzako eragiketetan.
-Kreditu modalitateak aztertzea nazioarteko salerosketarako eragiketak finantzatzeko.
-Finantza arrisku posibleen estaldura egokia zehaztea nazioarteko merkataritzako eragiketetan.
-Dibisa merkatuari buruzko informazioa eta nazioarteko merkataritzako ondorioak aztertzea.
-Nazioarteko lehiaketa edo lizitazioak finantzatzeko prozedurak zehaztea.
Garatu beharreko edukien sekuentziazioa hasi beharko da nazioarteko merkataritzan erreferente diren erakundeak oro har ezagututa, baita dibisa merkatuaren aldaera berezia ere, kasuan-kasuan erlazionatzen diren finantza produktuekin eta eragiketa eratorriekin; gai horiek edukien atalean zehaztutako lehenengo bi multzoetan lantzen dira.
Bigarrenik, materiak kanbio-arriskuen aurreko babes mekanismoak izan beharko lituzke ardatz, baita inportazio eta esportazioko eragiketak finantzatzeko modalitateak ere, hirugarrenetik bosgarrenera bitarteko edukien multzoetan zehazten denarekin bat.
Azkenik, modulua nazioarteko kontratazio eragiketekin itxiko da, hala nola nazioarteko lizitazioekin, CESCESek esportazioetarako eskainitako aseguruekin, kontratu forma bereziekin (leasing-a edo joint-venture-ak), eta arinago kobratzeko tresnekin (factoring-a eta forfaiting-a); gai horiek laugarren, seigarren eta zazpigarren edukien multzoetan jasotzen dira.
Garatu beharreko edukiekin bat, irakasteko eta ikasteko prozesuaren sostengurako erreferentziatzat jo daitezkeen zenbait jarduera biltzen dira ondotik:
-Kanbio-tasa FOREX merkatuko eragiketetan.
-Saria edo deskontua kalkulatzea forward kanbio-tasako eragiketetan.
-Spot, EURIBOR eta LIBOR kanbio-tasetan oinarritutako forward-a kalkulatzea.
-Erosteko aukera bat eta dibisen etorkizuna konparatzea.
-Erosteko aukerak eta haien kostuak eta arriskuak zehaztea: erosteko eta saltzeko opzioak.
-Kanbio-aseguruaren kostuak eta arriskuak kalkulatzea inportazio eta esportazio eragiketetan.
-Finantzaketa esportazioan eta inportazioan.
Fakturazioa eurotan, finantzaketa eurotan.
Fakturazioa eurotan, finantzaketa atzerriko dibisa batean.
Fakturazioa atzerriko dibisa batean, fakturazioa beste dibisa batean.
-Esportaziorako kreditu baten zenbatekoa eta haren amortizazio koadroa zehaztea.
-Factoring eta forfaiting eragiketa baten kostuak kalkulatzea.
-Leasing baten kuotak eta haren amortizazioa kalkulatzea.
-CARI sistemaren funtzionamenduari buruzko azalpen praktikoa.
-CESCEk esportaziorako eta inportaziorako eskaintzen dituen aseguru polizen konparazio koadro bat prestatzea, haren web orrian eskuratutako informazioa oinarri hartuta.
Ekintzen kalkulu guztietan (hala nola, kanbio-asegurua, maileguen amortizazioa, leasing-en kuoten kalkulua, factoring-a edo forfaiting-a, besteak beste), kalkulu orria erabiliko da, haren aplikazio praktikoa ezagutzeko.
Ekintza horiek burutzeko eta ikasteko eta irakasteko prozesuaren garapen egokia sustatzeko, komeniko litzateke ikasgelak ekipamendu informatikoak, ofimatikako softwarea eta Interneteko lotura izatea, ikasle guztien parte-hartze aktiboa bultzatzeko. Halaber, interesgarria litzateke beste periferiko eta baliabide batzuk edukitzea, hala nola, proiektorea, pantaila edo arbel digitala, irakasteko lanaren sostengurako.
Ikasgelako lanaren sostengurako izan daitezkeen kanpoko baliabideei dagokienez, Internet aintzat hartu behar da beti baliabideen iturri gisa, esate baterako, autonomia erkidegoetan, Estatuan edo Europan argitara emandako nazioarteko lizitazioen erreferentziak eskuratzeko eta haien edukia eta parte hartzeko eskatzen diren baldintzak aztertzeko.
Orobat, banketxeei hel dakieke esportaziorako eta inportaziorako eskuragarri diren ICO kredituei buruzko informazioa eskatzeko, konparazio baterako.
Bestalde, iradokitzen da idatzizko prentsa espezializatua erabiltzea, hala nola nazioko eta nazioarteko eremuko esportazio aldizkariak eta CESCEk, erregioetako merkataritza ganbarek, FOREXek berak eta beste erakunde ofizial batzuek argitaratzen dituztenak. Euskarri digitaleko erreferentziak ere har daitezke kontuan, hala nola CESCEren, ICOren, FOREXen, ICEXen eta abarren web orri ofizialak eta esportazioari buruzko aldizkari digitalak.
Gomendagarria litzateke Moodle gisako edukien plataformaren bat erabiltzea ikasgaiaren sostengurako. Haren baliabideek, jarduerek eta edukiek ikasleei bide emanen diete ikasgelan nahiz etxean lan egiteko.
Beste moduluekiko harremanari dagokionez, Nazioarteko finantzaketaren modulu hau lehen kurtsoko Enpresaren kudeaketa ekonomikoa eta finantzarioa izenekoarekin koordinatu behar da, zeren, laugarren eta bosgarren multzoetako edukiak garatzeko (leasing-a eta esportaziorako kreditua), beharrezkoa baita modulu horretan aldez aurretik esplikatuta egotea mailegu bat amortizatzeko ereduak. Ikasleek, halaber, kapitalizazioari eta deskontu sinpleari eta konposatuari buruzko ezagutzak eduki behar dituzte, zein aipatutako moduluan irakasten baitira, behar bezala lantzeko efektuen deskontuaren (faktoring-a, laugarren multzoa) eta kanbio-aseguruaren (hirugarren multzoa) edukiak.
Lanbide modulua: Nazioarteko merkataritza digitala.
Kodea: 0827.
Baliokidetasuna, ECTS kreditutan: 4.
Iraupena: 60 ordu.
Ikaskuntzaren emaitzak eta ebaluazio irizpideak.
1. Nazioarteko marketin digitaleko plana lantzen du, eta garatu behar diren politika espezifikoak diseinatzen ditu.
Ebaluazio-irizpideak:
a) Enpresaren kanpoko merkataritza-helburuak erdiesteko gauza den nazioarteko marketin digitaleko plan bat prestatu du.
b) Nazioarteko on line marketineko eta posizionamenduko prozesuak definitu ditu.
c) Nazioarteko esparruan on line publizitatea eta sustapena egiteko bete behar diren arauak finkatu ditu.
d) Bilatzaileen nazioarteko marketina konfiguratzen duten elementuak identifikatu ditu.
e) Nazioarteko marketin elektronikoaren erronkak ebaluatu ditu: ordainbideekiko konfiantza, arazo logistikoak eta segurtasuna.
f) Nazioarteko bezeroekiko harremanak elektronikoki kudeatu ditu, eta horretarako, argi eta garbi definitu ditu bezeroen leialtasuna lortzeko programa eta erabiliko diren tresnak.
g) Nazioarteko marketin digitalean bezeroarekin komunikatzeko eta harremanetan jartzeko joera berriak ezagutu ditu.
h) Nazioarteko marketineko ekintzak egin ditu gailu mugikorren bidez.
2. Internet sarea erabiltzeko beharrezkoak diren oinarrizko zereginak egiten ditu, eta hura enpresaren nazioarteko sustapeneko kanal moduan erabiltzera zuzentzen du.
Ebaluazio-irizpideak:
a) Interneten nazioarteko mailako funtzionamenduaren eta erabileraren funtsezko kontzeptuak identifikatu ditu.
b) Internetekin konektatzeko sistemak ebaluatu ditu.
c) Interneten informatika-sistemarako sarbidea konfiguratu du.
d) Intraneten eta estraneten berezko ezaugarriak egiaztatu ditu.
e) Interneten zehar mugitzeko nazioko eta nazioarteko programa nabigatzaile nagusiak erabili ditu.
f) Informazio-bilaketa selektiboak egin ditu aplikazio espezifikoen bidez.
g) Gaika espezializatutako nazioko eta nazioarteko bilatzaileak eta bilaketa aurreratuko beste aplikazio batzuk erabili ditu.
3. Interneteko hainbat zerbitzu eta protokolo kudeatzen ditu, eta horretarako, posta elektronikoko programak, fitxategiak transferitzekoak, nazioarteko komunikazio-foroak eta sare sozialak maneiatzen ditu.
Ebaluazio-irizpideak:
a) Posta elektronikoa konfiguratzen duten elementuak identifikatu ditu.
b) Posta elektronikoa webetik zuzenean erabili du.
c) Posta elektronikoko bezero-programak erabili ditu mezuen bidalketa eta harrera kudeatzeko.
d) Fitxategiak bezero-ordenagailu batetik zerbitzari batera transferitzeko sare-protokoloa (FTP) identifikatu du.
e) Fitxategiak partekatu ditu parekoen arteko (peer to peer edo P2P) ordenagailu-sare baten bitartez.
f) Harremanetan jarri da Interneteko beste erabiltzaile batzuekin nazioarteko eztabaida- eta iritzi-foroen bitartez.
g) Nazioarteko kontaktuak ezarri ditu gai zehatzei buruz eduki profesionaleko blog tematikoen bitartez.
h) Komunikazioak egin ditu Interneteko nazioarteko erabiltzaileekin sare sozialen bitartez.
4. Enpresaren merkataritza elektronikoko politika definitzen du, eta nazioarteko on line salmentak egiteko beharrezkoak diren ekintzak ezartzen ditu.
Ebaluazio-irizpideak:
a) Nazioarteko on line negozio bat sortzeko edo egokitzeko beharrezkoak diren parametroak ezarri ditu.
b) Nazioarteko merkataritza elektronikora zuzendutako erakartze-ekintzak definitu ditu.
c) Interneten dauden negozio-ereduak ezagutu ditu.
d) Nazioarteko esparruko denda birtual bat diseinatu du.
e) Hartutako eskaeren kudeaketa eta prozesu logistiko osoa planifikatu du.
f) Erabiliko diren nazioarteko ordainbideak ezarri ditu.
g) Eragiketen pribatutasuna eta erasoezintasuna bermatuko duten segurtasun-sistemak hautatu ditu.
h) Egun dauden mota guztietako negozio elektronikoak identifikatu ditu.
5. Nazioarteko merkataritzaren berezko fakturazio elektronikoa eta beste administrazio-zeregin batzuk telematikoki egiten ditu, kasu bakoitzean software espezifikoa erabilita.
Ebaluazio-irizpideak:
a) Faktura-formatu elektronikoak identifikatu ditu (Edifact, xml, pdf, html, doc, xls, gif, jpeg edo txt, besteak beste).
b) Ordenagailuen arteko transmisio telematikoa ezarri du.
c) Transmisio telematikoen osotasuna eta egiazkotasuna bermatu du sinadura elektroniko aitortu baten bitartez.
d) Faktura elektronikoak jaulkitzeko aplikazio espezifikoak erabili ditu.
e) On line administrazio-zereginak egin ditu nazioko eta nazioarteko esparruko erakunde publiko eta pribatuekin.
f) Informatika-tresnerian biltegiratutako datuen osotasun eta segurtasunerako kaltegarriak diren programak identifikatu ditu.
g) Biltegiratutako informazioa babesteko beharrezkoak diren segurtasun-hesiak inplementatu ditu.
Edukiak.
Nazioarteko marketin digitaleko plana egitea:
-Nazioarteko marketin digitaleko planaren garapena.
-Nazioarteko on line bezeroaren ezaugarri espezifikoak.
-Web esportatzailearen on line eta off line sustapena.
-Nazioarteko bilatzaileetako posizionamendu-tresnak: e-mail marketina, SEM, SEO eta antzeko orrietako kanpainak.
-Erakartze politikak: marka bat sortzeko prozesua.
-Estatistiken analisia eta emaitzen neurketa.
-Afiliazioko nazioarteko marketina.
-Marketin erlazionala eta bezeroekiko harremanaren kudeaketa (CRM).
-Marketin gurutzatua (cross-marketing).
-Marketin birala.
-One-to-one marketina.
-Marketin mugikorraren (mobile marketing) aplikazioak eta LTD, besteak beste.
-Internet TB, bideoblogak eta web TB, besteak beste.
Internet erabiltzeko oinarrizko zereginak egitea:
-Internet eta bere jatorria.
-Funtzionamendua: zerbitzariak eta bezeroak, TCP/IP protokoloa, World Wide Web, Interneteko domeinuak.
-Internetekin konektatzeko moduak.
-Sartzeko konfigurazioa.
-Intranetak eta estranetak.
-Nabigatzailea eta haren funtzionamendua: nabigatzailerik erabilienak.
-Interneten nazioko eta nazioarteko informazioa bilatzea.
-Bilatzaileak: bilaketa-tresnak eta indizeak, bilatzaile tematikoak, multibilatzaileak eta metabilatzaileak.
-Oinarrizko kontzeptuak: eragileekiko bilaketa, bilaketa-sintaxi bereziak, bilaketa aurreratuko aukera, zerbitzu gehigarriak eta tresna espezifikoak.
Interneteko hainbat zerbitzu kudeatzea:
-Posta elektronikoa. Haien funtzionamendua.
-Web posta: kontu bat sortzea. Oinarrizko eginkizunak: irakurtzea, erantzutea eta igortzea.
-Zabor-posta.
-POP3 posta. Haren erabilera.
-POP3 posta bidaltzeko, hartzeko eta mantentzeko lanen kudeaketa.
-Artxiboen transferentzia. Haren erabilera.
-FTP zerbitzariak. FTP aplikazioak.
-P2P sareak (peer to peer). Aplikazioak.
-Nazioarteko foroak. Foro batean irakurtzea eta idaztea.
-Nazioarteko eztabaida-taldeak.
-Nazioarteko sare sozialak.
-Weblogak, blogak edo bitakorak.
-Enpresentzako nazioarteko sare sozialak.
-Nazioarteko sare sozial baten orri bati elementuak gehitzea.
-Nazioarteko sare sozialetan erostea eta saltzea.
Enpresa baten nazioarteko merkataritza elektronikoko politika definitzea:
-Nazioarteko denda birtual bat diseinatzea.
-Negozio digitaleko ereduak: atari horizontalak, B2B eta B2C, besteak beste.
-Domeinua hautatzea eta erregistratzea.
-Web erakusleihoa. Katalogo elektronikoa.
-On line saldutako salgaien kontrol logistikoa.
-Erreklamazioa bezeroaren leialtasuna lortzeko tresna gisa.
-Erreklamazioaren finantza-garrantzia.
-Nazioarteko ordainbide elektronikoak.
-Gogoetaldiak eta ezeztatzeak.
-Kriptografia: gako simetrikoa, gako asimetrikoa eta gako bakarreko zifratzea.
-Sinadura.
-Ziurtagiri digitalak.
-Enkriptatzea.
-Negozio elektronikoak: e-shop-a, e-posta, e-procurement-a, e-marketplace-a eta e-auction-a, besteak beste.
Nazioarteko faktura elektronikoak eta beste administrazio zeregin batzuk egitea:
-Faktura elektronikoa.
-Fakturazio elektronikoko programak.
-Segurtasuna: sinadura elektroniko aitortua.
-Beste enpresa batzuekiko eta erakunde publikoekiko harremana: banku elektronikoa, nazioarteko merkataritzan eskudantziak dituzten ministerioak eta aduanei buruzko ogasuneko zerbitzuen orriak, besteak beste.
-Nazioarteko merkataritzarekin zerikusia duten erakundeak: Munduko Merkataritza Erakundea, Europar Batasuna, ICEX eta merkataritza-ganberak, besteak beste.
-Interneteko segurtasuna. Publizitate-erauntsia (spam), informatika-birusak, spyware-a, phishing-a.
-Biruskontrakoak, suebakiak eta espioikontrakoak.
Orientabide didaktikoak.
Modulu honen helburua da ikasleek oinarrizko kontzeptuak, terminologia eta lanbide gaitasun beharrezkoak eskuratzea enpresa baten marketin digitala egiteko Interneteko baliabideak erabiliz, hala nola, bilatzaileak, sare sozialak, nazioarteko on-line denda, etab. Halaber, asmoa da ikasleek baliabide horiek zuzen aplikatzen ikas dezaten marketin plan bat egiteko, bai beraiek gauzatzeko bai profesional bati helarazteko.
Irizten da garrantzitsua dela modulu hau garatzean oinarri izatea jakitearen eta egiten jakitearen printzipioak orekaz uztartzea. Ikasleek beharrezko gaitasuna eskuratu beharko lukete informatikako tresnak eta Internet erabiltzeko nahiz marketin digitaleko plan bat martxan jartzeko edo inplementatzeko.
Moduluko edukiak tratatzeari dagokienez, curriculumaren kasuan kasuko atalean azaltzen diren sekuentzia berean ematea iradokitzen da.
Kontuan harturik modulu honen ordu kopuru txikia, gomendatzen da moduluak duen denbora erdiaz baliatzea oinarrizko trebetasuntzat jotzen diren jarduera praktikoak egiteko. Hona hemen haietako batzuk:
-Marketin digitaleko plan erraz bat prestatzea.
-SEM edo SEO posizionamendua inplementatzea Interneten eta bilatzaileetan.
-Presentzia eta garrantzia eskuratzea sare sozialetan.
-B2C denda birtual txiki bat inplementatzea Interneten.
Iradokitzen da jarduera praktiko horiek proiektu gisa planteatzea, kurtsoan barna egiteko, ahal den modurik errealistenean. Metodologia horrek lagunduko luke ikasleei helarazten modu praktikoan eta zuzenean zerbait erabilgarri ikasten ari direla, beren etorkizun profesionalean erraz aplikatu ahalko dena. Era horretan, handitu egiten da ikasleen motibazioa ikasgaiarekiko, eta haien artean autoenplegua eta ekimena sustatzen dira.
Honela egituratzen ahal da proiektua:
-Proiektua binaka edo hirunaka egitea.
-Simulatutako enpresa bat sortzea talde bakoitzak. Enpresa horiek honelakoak izan daitezke:
Enpresa birtualak.
Lanbide Heziketako ikastetxeetan dagoeneko existitzen diren simulatutako enpresen sareko enpresak (ziklo honetako ikasleek parte har lezakete kanpoko departamentu gisa).
Benetako elkarlana ekintzaileekin, mikro-ETEekin edo lantokietako prestakuntzan lankidetzan aritzen diren enpresekin.
-Aurreko enpresarentzat on-line denda bat sortzea.
-Marketin digitaleko plan bat prestatzea, bai enpresarentzat bai on-line dendarentzat. Planak ekintzak eta agiriak bildu behar ditu webean, sare sozialetan, publizitate kanpainetan eta abarretan presente egoteko estrategia garatzeko.
-Ondoko jarduera praktikoak egitea, ahal den modurik errealenean gauzatuz:
SEM edo SEO posizionamendua Interneten eta bilatzaileetan.
Presentzia eta garrantzia sare sozialetan.
Jarduera horiek zein irakasteko eta ikasteko prozesuko beste batzuk gauzatzeko, baliabide egokiak eduki beharko dira, hala nola arbel elektronikoa, proiektorea, Interneteko lotura duten ordenagailuak informazioa bilatzeko, sare sozialetara jotzea, enpresekin harremanetan jartzea, etab. Halaber, oso garrantzitsua litzateke Interneten benetako presentzia duen zerbitzari bat izatea.
Lanbide modulua: Ingelesa.
Baliokidetasuna, ECTS kreditutan: 4.
Kodea: 0179a).
Iraupena: 130 ordu.
Ikaskuntzaren emaitzak eta ebaluazio irizpideak.
1. Bere intereseko gaien gainean edo eguneroko bizitzako jardueren gainean ingelesez eta ahoz emandako informazio bateko ideia nagusiak ulertzen ditu, aurrez aurreko komunikazio egoeretan zein bestelakoetan, solaskideek argi eta astiro hitz egiten dutelarik.
Ebaluazio-irizpideak:
a) Mezu labur batzuk, hala nola abisuak, oharrak edo iragarkiak, osorik ulertu ditu, inguruko hotsek distortsio handirik eragin ez duten egoeran.
b) Zehaztasunez identifikatu ditu bere jardueraren elementu aurreikusgarriekin zerikusia duten datuak eta ekintzak, hala nola zenbakiak, kantitateak eta denborak.
c) Argi eta hizkuntza estandarrean ari diren ingeles hiztun batzuen arteko elkarrizketaren gaia identifikatu du.
d) Bere eguneroko jarduerei buruz hizkera argian esan zaiona zailtasunik gabe ulertu du (noizean behin zerbait errepikatzeko edo beste modu batera esateko eskatzen utzi zaio).
e) Eguneroko ohiko gaiei buruzko mintzaldi grabatuetan edo solaskidea aurrean izan gabe, argi eta astiro mintzatuz emandako informazioen funtsezko elementuak identifikatu ditu.
2. Testu idatzi konplexuetako lanbide informazioa interpretatzen du; horretarako, ulermenez aztertzen ditu edukiak.
Ebaluazio-irizpideak:
a) Askatasun maila altuarekin irakurri du, irakurketaren estiloa eta abiadura testu eta helburu desberdinei egokituz eta erreferentzia iturri egokiak erabiliz horiek aukeratu ondoren.
b) Norberaren espezialitateko gaien gaineko gutunak interpretatu ditu eta erraz atzeman die funtsezko esanahia.
c) Xehetasun osoz interpretatu ditu testu luzeak eta konplexu samarrak, norberaren espezialitatearekin zerikusia dutenak, betiere pasarte zailak berriz irakurtzeko aukerarekin.
d) Lanbideko gai sorta zabal baten inguruko albiste, artikulu eta txostenen edukia eta garrantzia azkar identifikatu ditu, eta sakonago aztertzea komeni den erabaki du.
e) Lanbidearen arloko testu konplexuen itzulpenak egin ditu; horretarako, laguntza materiala erabili du, beharrezkoa izan den kasuetan.
f) Euskarri telematikoen bidez (posta elektronikoa, faxa) jasotako mezu teknikoak interpretatu ditu.
g) Norberaren espezialitateko jarraibide luze eta korapilatsuak interpretatu ditu.
3. Eguneroko bizitzako gaiei buruz nahikoa arin eta garbi mintzatzen da aurrez aurreko edo urrutiko elkarrizketetan, hitz eta esapide sinpleak erabiliz.
Ebaluazio-irizpideak:
a) Mintzatzeko intonazio egokia eta ahoskera argi eta ulergarria erabili ditu, atzerritar doinua nabarmena izan arren, eta mintzakideek noiz edo behin zerbait errepikatzeko eskatu behar izan badute ere.
b) Aurreikusi gabeko egintza edo gertaeren deskribapenak edo kontaketak egin ditu, ongi ulertzeko moduko xehetasun mailarekin.
c) Itzulinguruak erabili ditu hiztegiaren hutsuneak gainditzeko.
d) Doitasunez mintzatu da, behar adinako hiztegia eta esaldi errazak eta estandarizatu samarrak erabiliz, norberaren lanbide eremuarekin zerikusia duten kantitate, zenbaki, ezaugarri eta gertaeren inguruko informazioa ematerakoan.
e) Ingelesezko ahozko adierazpena komunikazio egoerara egokitu du, hitzik gabeko komunikaziorako behar diren elementuak erantsiz.
4. Bere intereseko gaiekin zerikusia duten agiriak bete eta gutunak, mezuak edo jarraibideak idazten ditu ingelesez, komunikazio eraginkorrak eskatzen duen kohesio eta koherentziarekin.
Ebaluazio-irizpideak:
a) Formularioak, txosten laburrak eta bestelako agiri normalizatuak edo errutinakoak bete ditu, okerrik gabe eta berariazko terminologia erabiliz.
b) Gutunak, faxak, mezu elektronikoak, oharrak eta txosten sinple eta zehatzak idatzi ditu, horrelako testuei dagozkien arauak betez.
c) Eguneroko gaiei buruzko informazioak, aldizkari eta liburuxketatik, Internetetik eta beste iturri batzuetatik jasoak, fidagarritasunez laburtu ditu, jatorrizko testuetako hitzak eta antolaketa erabiltzeko aukera izan delarik, testu laburrak edo laburpen koherenteak sortzeko ohiko formatu batean.
d) Gutunak, deskribapenak eta gai orokorrei edo norberaren intereseko gaiei buruzko beste idazki batzuk egin ditu, datuak, iritzi pertsonalak edo sentimenduak adieraziz, zehaztasun eta doitasun maila nahikoarekin.
e) Norberaren jarduerari dagozkion agiriak egitean zuzentasun nahikoa lortu du oinarrizko elementu gramatikaletan, puntuazio zeinuetan eta ohiko hitzen ortografian, egitura koherente eta sendoa osatu du, eta eguneroko bizitzan norberari interesatzen zaizkion gai gehienei buruz nahikoa argi mintzatzeko moduko hiztegia erabili du.
f) Idatzizko dokumentuak egitean kontuan hartu ditu hartzailearen ezaugarri soziokulturalak eta komunikazioaren ingurunea.
g) Testuinguruan kokatzearen eta koherentziaren irizpideak aplikatu ditu itzulpen tresnek emandako informazioaren hautapena egiteko.
5. Beste pertsona batzuekin ingelesez mintzatzen da, elkarren intereseko eguneroko gaiei buruz hizketa sinple eta zuzena eginez.
Ebaluazio-irizpideak:
a) Aurrez aurreko elkarrizketa sinpleak hasi, jarraitu eta bukatu ditu interes pertsonaleko gaiei buruz.
b) Eguneroko egoerei buruzko ahozko elkarrizketa laburretan parte hartu du zailtasunik gabe, gai ezagunak hizpide hartuta.
c) Noizbehinka solaskideei zerbait argitu edo errepikatzeko eskatu die, iragar daitezkeen egoerez ari direnean.
d) Elkarrizketa kasuan kasuko komunikazio inguruneari dagokion moduan hasi edo amaitzeko ohiko hitz egokiak erabili ditu.
e) Ahozko interakzioa, hitzik gabeko mintzaira barne, komunikazio motari (aurrez aurrekoa edo urrutikoa), komunikazio egoerari (formala edo informala) eta solaskidearen ezaugarri soziokulturalei egokitu zaie.
f) Norberaren lanbide eremuko gizarte interakzioko ohiko egoeren inguruan mintzatzeko behar bezain aberatsa den hiztegia erabili du.
Edukiak.
Ahozko mezuen azterketa:
-Eguneroko bizitzako mezuak ulertzea.
-Mezu zuzenak eta telefono bidezkoak.
-Lanbide sektoreko oinarrizko terminologia berariazkoa.
-Ideia nagusiak eta bigarren mailako ideiak.
-Baliabide gramatikalak: aditz denborak, preposizioak, phrasal verb-ak, lokuzioak, baldintza eta zalantza adieraztea, boz pasiboaren erabilera, perpaus erlatiboa, zehar estiloa, aditz modalak.
-Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
Mezu idatziak interpretatzea:
-Mezuak, testuak, lanbideko eta eguneroko artikulu oinarrizkoak ulertzea.
-Euskarri telematikoak: faxa, posta elektronikoa, burofaxa.
-Lanbide sektoreko berariazko terminologia. “False friends”.
-Ideia nagusiak eta bigarren mailako ideiak.
-Baliabide gramatikalak: aditz denborak, preposizioak, phrasal verb-ak, I wish + lehenaldi bakuna edo perfektua, I wish + would, If only; boz pasiboaren erabilera, perpaus erlatiboa, zehar estiloa, aditz modalak.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denbora erlazioak: lehenagokotasuna, ondorengotasuna eta aldiberekotasuna.
Ahozko mezuak sortzea:
-Ahozko mezuak:
Ahozko mezuak emateko erabiltzen diren erregistroak.
Lanbide sektoreko oinarrizko terminologia berariazkoa. “False friends”.
Baliabide gramatikalak: aditz denborak, preposizioak, phrasal verb-ak, lokuzioak, baldintzaren eta zalantzaren adierazpenak, boz pasiboaren erabilera, perpaus erlatiboa, zehar estiloa, aditz modalak.
Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
Fonetika. Bokalezko soinu eta fonemak eta haien konbinazio eta soinuak, eta kontsonantezko fonemak eta haien taldekatzeak.
Testu idatziak sortzea:
-Lanbideko eta eguneroko mezu eta testu oinarrizkoak adierazi eta betetzea:
Curriculum vitae-a eta euskarri telematikoak: faxa, posta elektronikoa, burofaxa.
Lanbide sektoreko oinarrizko terminologia berariazkoa.
Ideia nagusia eta bigarren mailako ideiak.
Baliabide gramatikalak: aditz denborak, preposizioak, phrasal verb-ak, aditz modalak, lokuzioak, boz pasiboaren erabilera, perpaus erlatiboak, zehar estiloa.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denbora erlazioak: lehenagokotasuna, ondorengotasuna eta aldiberekotasuna.
-Testuaren koherentzia:
Testua komunikazio testuingurura egokitzea.
Testu mota eta formatua.
Hizkuntzaren aldaera. Erregistroa.
Hautaketa lexikoa, egitura sintaktikoena eta eduki garrantzitsuarena.
Diskurtsoaren hasiera eta gaiaren sarrera. Garapena eta hedapena: exenplifikazioa eta ondorioa eta/edo diskurtsoaren laburpena.
Puntuazio zeinuak erabiltzea.
Ahozko elkarreragina:
-Ahozko diskurtsoa mantendu eta horren jarraipena egitea:
Hitz egiteko txanda hartu, mantendu eta lagatzea.
Laguntzea, ulertzen dela erakustea, argitzeko eskatzea, etab.
Komunikazioaren estiloa hartzaileari, inguruneari eta komunikazioaren helburuari egokitzea.
Intonazioa, ahozko testuaren kohesio baliabide gisa: intonazio patroien erabilera.
Hitzik gabeko komunikazioaren estrategiak erabiltzea, ahozko interakzioa indartzeko.
Orientabide didaktikoak.
Lanbide modulu honen funtsezko helburua da ikasleek prestakuntza honetara iristean duten hizkuntza gaitasuna finkatzea, eta lanbide sektorearen testuinguruan indartzea, bereziki nabarmenduz eguneroko bizitzako eta lanbide bizitzako ohiko komunikazio egoeretan erosotasunez aritzeko trebetasunak. Ingeleseko modulu hau biltzen duen tituluko lanbide profilaren barnean hizkuntzak trebetasunez erabiltzeak duen garrantzia kontuan harturik, komenigarritzat jo da bi kurtsoen artean banatzea, ikasleen prestakuntza aldian hizkuntzaren erabilerak etenik izan ez dezan.
Europan hainbat azterlan egin dira langileek beren lan jarduerarekin zerikusia duten egoeretan hizkuntzak erabili beharrari buruz zer dioten jakiteko. Azterlanok agerian jarri dutenez, behar hori, lehenik, hertsiki lanbide arlokoak ez diren gizarte harremanetan nabaritzen dute langileek. Beraz, modulu honetan lanbideak bere-berezko duen ingeles teknikoa irakatsi baino areago, hizkuntza ohiko komunikazio egoeretan erabiltzen irakatsi nahi zaie ikasleei, lanbide sektoreari dagokion lanbide ingurunea ikasgelan proposatzen diren irakaskuntza-ikaskuntzako jardueretan sartzeari uko egin gabe, noski.
Horregatik guztiagatik, eta hizkuntzetarako Europako Erreferentzia Esparruan proposatzen denarekin bat, modulu honen bidez ikasleek komunikazio eraginkorra lortu behar dute egiazko egoeretan, bizitza arrunteko egoerak izan nahiz lanbide arlokoak izan. Irakaskuntza-ikaskuntzako prozesua, helburu horri begira, nabarmenki praktikoa den ikuspuntu batetik bideratu behar da. Gramatikaren irakaskuntza aurreko kurtsoetan ikasitakoaren berrikuspen gisa hartu behar da eta ikasleentzat egiazko interesa duten komunikazio egoeretan txertatu. Horrela ikasleak errazago ohartuko dira ikasi behar duten hizkuntzan beren kasa moldatu beharra dutela. Era berean, ahaleginak egin beharko lirateke, lehenik eta behin, ikasleak gai izan daitezen modu autonomo eta koherentean komunikatzeko. Gero, adierazpenaren zuzentasunari, jarioari eta zehaztasunari ekinen zaie. Ikasgelan, bai irakasleak bai ikasleak ingeles hutsean aritzeak ederki lagunduko du lortu nahi diren helburuak betetzen.
Irakaskuntza-ikaskuntzako prozesuan egiten diren jarduerak egokiro diseinatu behar dira, ikasleei erakusten zaizkien komunikazio egoerak ahalik eta benetakoenak izan daitezen, bereziki ulermena eta mintzamena eta, beraz, interakziorako trebetasunak indartu daitezen.
Irakurmena lantzeak aukera ona eman dezake ikaskuntza lanbide eremuaren ingurunean kokatzeko, datuak, informazioak eta berariazko hiztegia atereaz egiazko dokumentuetatik. Horiek, neurri handian, Interneten bidez eskuratzen ahalko dira. Ildo beretik lagungarria izan daiteke ikasleek aurkezpen elektronikoak egitea, beren lanbide eremuko lan prozesuak, eragiketetarako jarraibideak, ekipamenduen funtzionamendua eta abar deskribatzeko.
Komunikazioaren teknologiak oso tresna baliotsuak dira ikasleak benetako komunikazio egoeretan kokatzeko. Haietako batzuk arestian aipatu ditugu, eta beste batzuk gehitzen ahal zaizkie: webquest-ak, e-lagunekin posta elektronikoa trukatzea, e-Twinning erako proiektuetan parte hartzea, blog-etan parte hartzea, etab, Interneten dagoen baliabide iturri ia agortezina ahaztu gabe (hiztegiak, podcast-ak, vodcast-ak, argitalpen teknikoak...). Baliabide horiek eskuratzen errazak dira eta, askotan, doakoak. Kontuan hartu behar da, halaber, heziketa zikloetatik abiaturik ikasleek etengabeko irakaskuntzarako Europako programetan parte har dezaketela. Hori pizgarri bat gehiago izan daiteke ikasleei interesatzen zaizkien komunikazio egoera bene-benetakoak planteatzeko.
Arreta jarri behar zaion beste kontu bat gaitasun soziolinguistikoen garapena da, gaitasun horiek irakaskuntza-ikaskuntzako prozesu osoa kutsatu behar baitute. Garrantzitsua da, prestakuntza helburudun honen esparruan, bermatu ahal izatea ikasleek badakizkitela hizkuntza erabiltzeko konbentzioak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, ingelesa ama hizkuntza duten herrien idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza ikasleen komunikaziorako gaitasunaren balorazioa izan dadila, hau da, ikustea nola baliatzen dituzten beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horri begira seinalatu dira modulu honetako ebaluazio irizpideak eta, ildo berean, hizkuntzetarako Europako Erreferentzia Esparrua oso bitarteko baliotsua izan daiteke ebaluazio tresnak diseinatzeko.
Lanbide modulua: Atzerriko bigarren hizkuntza I.
Kodea: NA19a.
Iraupena: 100 ordu.
Ikaskuntzaren emaitzak eta ebaluazio irizpideak.
1. Hizkuntza estandarrean egindako ahozko diskurtso argi eta errazetan jasotako eguneroko bizitzako eta lanbideko informazioa atzematen du, mezuaren eduki orokorra identifikatuz.
Ebaluazio-irizpideak:
a) Mezua dagokion testuinguruan kokatu du.
b) Mezuaren ideia nagusia jaso du.
c) Mezuan ageri den berariazko informazioa identifikatu du.
d) Solaskidearen jarrera eta asmoa identifikatu ditu.
e) Komunikabide batek zabaldutako mezu baten ideia nagusiak atera ditu.
f) Ikusitako komunikazio egoera bateko argumentuaren haria identifikatu du.
g) Ikusitako sekuentzian ageri diren rolak zehaztu ditu.
2. Testu idatzi errazetan jasotako lanbide informazioa interpretatzen du; horretarako, modu ulergarrian aztertzen ditu edukiak.
Ebaluazio-irizpideak:
a) Bere lanbide arloko berariazko testuak modu ulergarrian irakurri ditu.
b) Erabilitako terminologia zehatz identifikatu du.
c) Bere lanbideari buruzko testu bateko informazio garrantzitsuena atera du.
d) Berariazko testu errazen itzulpen zuzenak eta alderantzizkoak egin ditu, kontsultarako materialak eta hiztegi teknikoak erabiliz.
e) Euskarri telematikoen bidez jasotako mezua interpretatu du (posta elektronikoa, faxa).
f) Testua sektoreko zein esparruri dagokion, harekin erlazionatu du.
g) Askatasun maila batekin irakurri ditu hainbat testu mota, irakurketaren abiadura eta estiloa egokituz, nahiz eta zailtasunen bat izan oso ohikoak ez diren esamolde batzuekin.
3. Ahozko mezu erraz, argi eta ongi egituratuak sortzen ditu, mezuaren helburua eta eskuratutako hizkuntza-egiturak erlazionatuz.
Ebaluazio-irizpideak:
a) Formula errazak, loturak eta elkarrekintza estrategiak erabiliz komunikatu da.
b) Behar bezala erabili du lanbideko terminologia.
c) Bere lanbide arloaren barnean lan arloko lehentasunak adierazi ditu.
d) Lanbide arlo hurbilena arintasun handi samarrarekin deskribatu du.
e) Bere lanbide sektoreko ekoizpen prozesu bati dagozkion jarduerak sekuentziatu ditu.
f) Bere espezialitatearen barneko gai bati buruzko aurkezpen labur eta prestatuak egin ditu, argi azalduta.
g) Protokolo arauak erabili ditu bere mailari egokitutako aurkezpenetan.
h) Bere lanbideari buruzko galdera labur osagarriei erantzun die.
i) Berariazko informazioa trukatu du, arintasun handi samarrez, egitura errazeko esaldiak erabiliz.
4. Testu errazak egiten ditu; horretarako, gramatika arauak eta horien helburuak lotzen ditu.
Ebaluazio-irizpideak:
a) Dokumentu mota desberdinetan eskatutako oinarrizko informazioa bete du.
b) Lan eskaera bat prestatu du, lan eskaintza jakin batetik abiaturik.
c) Curriculum labur bat prestatu du.
d) Testu jakin bat bete du ikusizko euskarrien eta emandako hizkuntza-gakoen laguntzarekin.
e) Merkataritza gutun bat idatzi du, jarraibide zehatzetatik eta emandako ereduetatik abiaturik.
f) Lanbide ingurunearekin lotutako testu errazen laburpen motzak egin ditu.
5. Jarrera eta portaera profesionalak aplikatzen ditu komunikazio egoeretan; horretarako, atzerriko hizkuntzaren lurraldean ohikoak diren harremanak deskribatzen ditu.
Ebaluazio-irizpideak:
a) Atzerriko hizkuntza erabiltzen duen erkidegoaren ohitura eta erabileren alderdirik garrantzitsuenak zehaztu ditu.
b) Herrialdeko gizarte harremanen protokoloak eta arauak deskribatu ditu.
c) Atzerriko hizkuntza erabiltzen duen erkidegoaren balio eta sinesmenak identifikatu ditu.
d) Sektoreari dagozkion gizarte eta lanbide alderdiak identifikatu ditu, edozein testu motatan.
e) Atzerriko hizkuntzaren lurraldeko gizarte harremanen protokolo eta arauak aplikatu ditu.
f) Jatorriko eskualdeko hizkuntza-markatzaileak ezagutu ditu.
Edukiak.
Ahozko mezu oinarrizkoak ulertzea:
-Ahozko mezuak ulertzea hainbat egoeratan: ohikoak, pertsonalak eta lanbidekoak.
-Zuzeneko, telefono bidezko eta grabatutako mezu errazak.
-Ideia nagusiak.
-Baliabide gramatikalak: perpausaren egitura, aditz denborak, lokarriak.
-Beste hizkuntza baliabide batzuk: adostasunak eta desadostasunak, iritziak eta aholkuak.
-Atzerriko hizkuntza ama hizkuntza gisa ez duten hiztunek edo hizkuntza horretan egiten duten Europatik kanpokoek sortutako ahozko mezuak ulertzea.
Oinarrizko mezu idatziak interpretatzea:
-Dokumentu errazak oro har ulertzea, bizitza profesionalaren edo bizitza arruntaren egoerei buruzkoak.
-Ideia nagusiak.
-Dokumentu idatzietako ideien sintesia egitea (mezu elektronikoak, faxak, erreklamazioak, besteak beste).
-Baliabide gramatikalak: perpausaren egitura, aditz denborak, lokarriak, gizalegezko formulak, besteak beste.
-Oinarrizko denbora erlazioak: lehenagokotasuna, ondorengotasuna eta aldiberekotasuna.
Ahozko mezu oinarrizkoak sortzea:
-Ahozko komunikazioa sortzea.
-Bizitza profesionaleko egoerei buruzko elkarrizketetan eta azalpenetan parte hartzea.
-Ohiko eta funtsezko egitura formalak aplikatzea (perpausaren egitura, aditz denborak eta lokarriak).
-Fonetika. Adierazpen fonikoa, intonazioa eta erritmoa.
-Hitz egiteko txanda hartu, mantendu eta lagatzea.
-Laguntzea, ulertzen dela erakustea, argitzeko eskatzea, etab.
-Baliabide linguistiko eta semantikoak erabiltzea (sinonimia).
-Intonazioa, ahozko testuaren kohesio baliabide gisa: intonazio patroien erabilera.
-Gizarte harremanen, kortesia arauen eta erregistro aldeen hizkuntza-markatzaileak.
-Ahozko mezuak bidaltzeko erabilitako erregistroak.
Oinarrizko testu idatziak prestatzea:
-Lanbidearen arloko berariazko “eredu” dokumentuak idaztea.
-Ohiko eta funtsezko egitura formalak aplikatzea (perpausaren egitura, aditz denborak eta lokarriak).
-Oinarrizko denbora erlazioak: lehenagokotasuna, ondorengotasuna eta aldiberekotasuna.
-Lokarriak.
-Komunikazio idatzian erabiltzen diren formulak eta egitura eginak aplikatzea.
-Gutunaren formulak: idazpuruko, garapeneko eta agurreko egiturak.
-Mezu elektroniko, fax edo burofax baten egitura, baita beste dokumentu estandar batzuena ere.
-Testu koherentzia.
-Testu mota eta formatua.
-Hautaketa lexikoa, egitura sintaktikoena eta eduki garrantzitsuarena.
-Puntuazio zeinuak erabiltzea.
Jarrera eta portaera profesionalak aplikatzea komunikazio egoeretan:
-Atzerriko hizkuntza hori ama hizkuntza duten lurraldeetan garrantzitsuenak diren kultura elementuak identifikatu eta interpretatzea.
-Gizarte eta kultura eta protokolo arauak baloratzea nazioarteko harremanetan.
-Jarrera sozioprofesionala behar duten egoeretan, baliabide formal eta funtzionalak erabiltzea, enpresaren irudi egokia erakusteko.
-Atzerriko hizkuntzak bizitza pertsonalean eta profesionalean interesgarriak izanen diren ezagutzak sakontzeko duen garrantzia aintzat hartzea.
-Komunikazio egoeraren, solaskidearen eta solaskideen asmoen araberako erregistroak erabiltzea.
Orientabide didaktikoak.
Lanbide modulu honen funtsezko helburua da ikasleei hizkuntza gaitasun bat ematea, gauza izan daitezen atzerriko hizkuntza hori erabili behar duten ingurune profesionaletan erabiltzeko, eta behar adinako erraztasuna lor dezaten bizitza arrunteko eta profesionaleko ohiko komunikazio egoeretan moldatzeko. Modulu hau biltzen duen tituluko lanbide profilaren barnean hizkuntzak trebetasunez erabiltzeak duen garrantzia kontuan harturik, komenigarritzat jo da bi kurtsoen artean banatzea, ikasleen prestakuntza aldian hizkuntzaren erabilerak etenik izan ez dezan.
Europan hainbat azterlan egin dira langileek beren lan jarduerarekin zerikusia duten egoeretan hizkuntzak erabili beharrari buruz zer dioten jakiteko. Azterlanok agerian jarri dutenez, behar hori, lehenik, hertsiki lanbide arlokoak ez diren gizarte harremanetan nabaritzen dute langileek. Beraz, modulu honetan lanbideak bere-berezko alderdi teknikoak irakatsi baino areago, hizkuntza ohiko komunikazio egoeretan erabiltzen irakatsi nahi zaie ikasleei, lanbide sektoreari dagokion lanbide ingurunea ikasgelan proposatzen diren irakaskuntza-ikaskuntzako jardueretan sartzeari uko egin gabe, noski.
Horregatik guztiagatik, eta hizkuntzetarako Europako Erreferentzia Esparruan proposatzen denarekin bat, modulu honen bidez ikasleek komunikazio eraginkorra lortu behar dute egiazko egoeretan, bizitza arrunteko egoerak izan nahiz lanbide arlokoak izan. Irakaskuntza-ikaskuntzako prozesua, helburu horri begira, nabarmenki praktikoa den ikuspuntu batetik bideratu behar da. Gramatikaren irakaskuntza aurreko kurtsoetan ikasitakoaren berrikuspen gisa hartu behar da eta ikasleentzat egiazko interesa duten komunikazio egoeretan txertatu. Horrela ikasleak errazago ohartuko dira ikasi behar duten hizkuntzan beren kasa moldatu beharra dutela. Era berean, ahaleginak egin beharko lirateke, lehenik eta behin, ikasleak gai izan daitezen modu autonomo eta koherentean komunikatzeko. Gero, adierazpenaren zuzentasunari, jarioari eta zehaztasunari ekinen zaie. Ikasgelan, bai irakaslea, bai ikasleak, soilik atzerriko bigarren hizkuntza horretan aritzeak ederki lagunduko du lortu nahi diren helburuak betetzen.
Dagokion atalean aurkeztutako edukien proposamenak erreferentziaren balioa dauka, oinarrizko trebetasunak garatzeko. Atzerriko bigarren hizkuntza I modulu honetan hautatzen den hizkuntzaren arabera egokitu beharko da. Irakaskuntza eta ikaskuntzako prozesuan egiten diren jarduerak egokiro diseinatu behar dira, ikasleei erakusten zaizkien komunikazio egoerak ahalik eta benetakoenak izan daitezen, bereziki ulermena eta mintzamena eta, beraz, interakziorako trebetasunak indartu daitezen.
Irakurmena lantzeak aukera ona eman dezake ikaskuntza lanbide eremuaren ingurunean kokatzeko, datuak, informazioak eta berariazko hiztegia atereaz egiazko dokumentuetatik. Horiek, neurri handian, Interneten bidez eskuratzen ahalko dira. Ildo beretik lagungarria izan daiteke ikasleek aurkezpen elektronikoak egitea, beren lanbide eremuko lan prozesuak, eragiketetarako jarraibideak, ekipamenduen funtzionamendua eta abar deskribatzeko.
Komunikazioaren teknologiak oso tresna baliotsuak dira ikasleak benetako komunikazio egoeretan kokatzeko. Haietako batzuk arestian aipatu ditugu, eta beste batzuk gehitzen ahal zaizkie: webquest-ak, e-lagunekin posta elektronikoa trukatzea, e-Twinning erako proiektuetan parte hartzea, blog-etan parte hartzea, etab, Interneten dagoen baliabide iturri ia agortezina ahaztu gabe (hiztegiak, podcast-ak, vodcast-ak, argitalpen teknikoak...). Baliabide horiek eskuratzen errazak dira eta, askotan, doakoak. Kontuan hartu behar da, halaber, heziketa zikloetatik abiaturik ikasleek etengabeko irakaskuntzarako Europako programetan parte har dezaketela. Hori pizgarri bat gehiago izan daiteke ikasleei interesatzen zaizkien komunikazio egoera bene-benetakoak planteatzeko.
Arreta jarri behar zaion beste kontu bat gaitasun soziolinguistikoen garapena da, gaitasun horiek irakaskuntza-ikaskuntzako prozesu osoa kutsatu behar baitute. Garrantzitsua da, prestakuntza helburudun honen esparruan, bermatu ahal izatea ikasleek badakizkitela hizkuntza erabiltzeko konbentzioak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, atzerriko bigarren hizkuntza hori ama hizkuntza duten herrien idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza ikasleen komunikaziorako gaitasunaren balorazioa izan dadila, hau da, ikustea nola baliatzen dituzten beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horrekin zehaztu dira modulu honen ebaluazio irizpideak.
Lanbide modulua: Atzerriko bigarren hizkuntza I.
Kodea: NA19b.
Iraupena: 40 ordu.
Ikaskuntzaren emaitzak eta ebaluazio irizpideak.
1. Bere intereseko gaien gainean edo eguneroko bizitzako jardueren gainean atzerriko hizkuntzan eta ahoz emandako informazio bateko ideia nagusiak bereizten ditu, aurrez aurreko komunikazio egoeretan zein bestelakoetan, solaskideek argi eta astiro hitz egiten dutelarik.
Ebaluazio-irizpideak:
a) Mezu labur batzuk, hala nola abisuak, oharrak edo iragarkiak, osorik ulertu ditu, inguruko hotsek distortsio handirik eragin ez duten egoeran.
b) Zehaztasunez identifikatu ditu bere jardueraren elementu aurreikusgarriekin zerikusia duten datuak eta ekintzak, hala nola zenbakiak, kantitateak eta denborak.
c) Argi eta hizkuntza estandarrean ari diren ingeles hiztun batzuen arteko elkarrizketaren gaia identifikatu du.
d) Bere eguneroko jarduerei buruz hizkera argian esan zaiona zailtasunik gabe ulertu du (noizean behin zerbait errepikatzeko edo beste modu batera esateko eskatzen utzi zaio).
e) Eguneroko ohiko gaiei buruzko mintzaldi grabatuetan edo solaskidea aurrean izan gabe, argi eta astiro mintzatuz emandako informazioen funtsezko elementuak identifikatu ditu.
2. Interesatzen zaizkion eguneroko gaiei buruz atzerriko bigarren hizkuntzan ohiko mintzairan idatzitako testu errazak ulertzen ditu, independentzia maila onargarriarekin, eta garrantzia duen informazio orokorra edo berariazkoa ateratzea lortzen du.
Ebaluazio-irizpideak:
a) Gai arruntei buruzko testu batean, ideia orokorra edo intereseko informazioren bat bilatu eta ulertu du.
b) Eguneroko testuak irakurtzeko teknika egokia aplikatu du, testu motaren eta helburuaren arabera, informazio garrantzitsua bilatzeko.
c) Lan jakin bat egiteko behar diren datuak eta informazioak atera ditu erabilera arrunteko testu-zati edo testu desberdinetatik, edo, hiztegiaren laguntzaz, bestelako iturrietatik.
d) Hitz ezezagunen esanahia testuingurutik ondorioztatu du, ikaslearen interesekin zerikusia duten gaietan edo ezohiko gaietan.
e) Aparatu edo ekipo bat erabiltzeko jarraibide sinpleak zehaztasunez interpretatu ditu.
f) Testuinguruan kokatzearen eta koherentziaren irizpideak aplikatu ditu itzulpen tresnek emandako informazioaren hautapena egiteko.
3. Eguneroko bizitzako gaiei buruz nahikoa arin eta garbi mintzatzen da aurrez aurreko edo urrutiko elkarrizketetan, hitz eta esapide sinpleak erabiliz.
Ebaluazio-irizpideak:
a) Mintzatzeko intonazio egokia eta ahoskera argi eta ulergarria erabili ditu, atzerritar doinua nabarmena izan arren, eta mintzakideek noiz edo behin zerbait errepikatzeko eskatu behar izan badute ere.
b) Aurreikusi gabeko egintza edo gertaeren deskribapenak edo kontaketak egin ditu, ongi ulertzeko moduko xehetasun mailarekin.
c) Itzulinguruak erabili ditu hiztegiaren hutsuneak gainditzeko.
d) Doitasunez mintzatu da, behar adinako hiztegia eta esaldi errazak eta estandarizatu samarrak erabiliz, norberaren lanbide eremuarekin zerikusia duten kantitate, zenbaki, ezaugarri eta gertaeren inguruko informazioa ematerakoan.
e) Atzerriko hizkuntzako ahozko adierazpena komunikazio egoerara egokitu du, hitzik gabeko komunikaziorako behar diren elementuak erantsiz.
4. Bere intereseko gaiekin zerikusia duten agiriak bete eta gutunak, mezuak edo jarraibideak idazten ditu atzerriko hizkuntzan, komunikazio eraginkorrak eskatzen duen kohesio eta koherentziarekin.
Ebaluazio-irizpideak:
a) Formularioak, txosten laburrak eta bestelako agiri normalizatuak edo errutinakoak bete ditu, okerrik gabe eta berariazko terminologia erabiliz.
b) Gutunak, faxak, mezu elektronikoak, oharrak eta txosten sinple eta zehatzak idatzi ditu, horrelako testuei dagozkien arauak betez.
c) Eguneroko gaiei buruzko informazioak, aldizkari eta liburuxketatik, Internetetik eta beste iturri batzuetatik jasoak, fidagarritasunez laburtu ditu, jatorrizko testuetako hitzak eta antolaketa erabiltzeko aukera izan delarik, testu laburrak edo laburpen koherenteak sortzeko ohiko formatu batean.
d) Gutunak, deskribapenak eta gai orokorrei edo norberaren intereseko gaiei buruzko beste idazki batzuk egin ditu, datuak, iritzi pertsonalak edo sentimenduak adieraziz, zehaztasun eta doitasun maila nahikoarekin.
e) Norberaren jarduerari dagozkion agiriak egitean zuzentasun nahikoa lortu du oinarrizko elementu gramatikaletan, puntuazio zeinuetan eta ohiko hitzen ortografian, egitura koherente eta sendoa osatu du, eta eguneroko bizitzan norberari interesatzen zaizkion gai gehienei buruz nahikoa argi mintzatzeko moduko hiztegia erabili du.
f) Idatzizko dokumentuak egitean kontuan hartu ditu hartzailearen ezaugarri soziokulturalak eta komunikazioaren ingurunea.
g) Testuinguruan kokatzearen eta koherentziaren irizpideak aplikatu ditu itzulpen tresnek emandako informazioaren hautapena egiteko.
5. Beste pertsona batzuekin atzerriko hizkuntzan mintzatzen da, elkarren intereseko eguneroko gaiei buruz hizketa sinple eta zuzena eginez.
Ebaluazio-irizpideak:
a) Aurrez aurreko elkarrizketa sinpleak hasi, jarraitu eta bukatu ditu interes pertsonaleko gaiei buruz.
b) Eguneroko egoerei buruzko ahozko elkarrizketa laburretan parte hartu du zailtasunik gabe, gai ezagunak hizpide hartuta.
c) Noizbehinka solaskideei zerbait argitu edo errepikatzeko eskatu die, iragar daitezkeen egoerez ari direnean.
d) Elkarrizketa kasuan kasuko komunikazio inguruneari dagokion moduan hasi edo amaitzeko ohiko hitz egokiak erabili ditu.
e) Ahozko interakzioa, hitzik gabeko mintzaira barne, komunikazio motari (aurrez aurrekoa edo urrutikoa), komunikazio egoerari (formala edo informala) eta solaskidearen ezaugarri soziokulturalei egokitu zaie.
f) Norberaren lanbide eremuko gizarte interakzioko ohiko egoeren inguruan mintzatzeko behar bezain aberatsa den hiztegia erabili du.
Edukiak.
Ahozko mezu landuen azterketa:
-Eguneroko bizitzako mezuak ulertzea.
-Mezu zuzenak eta telefono bidezkoak.
-Lanbide sektoreko oinarrizko terminologia berariazkoa.
-Ideia nagusiak eta bigarren mailako ideiak.
-Baliabide gramatikal aurreratuak.
-Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
Mezu idatzi landuak interpretatzea:
-Mezuak, testuak, lanbideko eta eguneroko artikulu oinarrizkoak ulertzea.
-Lanbide sektoreko berariazko terminologia.
-Ideia nagusiak eta bigarren mailako ideiak.
-Baliabide gramatikal aurreratuak.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
Ahozko mezu landuak sortzea:
-Ahozko mezuak bidaltzeko erabilitako erregistroak.
-Lanbide sektoreko oinarrizko terminologia berariazkoa.
-Baliabide gramatikal aurreratuak.
-Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
-Fonetika. Bokalezko soinu eta fonemak eta haien konbinazio eta soinuak, eta kontsonantezko fonemak eta haien taldekatzeak.
Testu idatzi landuak bidaltzea:
-Lanbideko eta eguneroko mezu eta testuak adierazi eta betetzea.
-Curriculum vitae-a eta euskarri telematikoak: faxa, posta elektronikoa, burofaxa.
-Lanbide sektoreko oinarrizko terminologia berariazkoa.
-Ideia nagusia eta bigarren mailako ideiak.
-Baliabide gramatikal aurreratuak.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Testu koherentzia.
Ahozko elkarreragin arina.
-Ahozko diskurtso arina mantendu eta horren jarraipena egitea.
-Hitz egiteko txanda hartu, mantendu eta lagatzea modu arinean.
-Komunikazioaren estiloa hartzaileari, inguruneari eta komunikazioaren helburuari egokitzea.
-Intonazioa, ahozko testuaren kohesio baliabide gisa: intonazio patroien erabilera.
-Hitzik gabeko komunikazioaren estrategiak erabiltzea, ahozko elkarreragina indartzeko.
Orientabide didaktikoak.
Atzerriko hizkuntza I lanbide modulua bi kurtsoen artean banatu da, ikaslearen prestakuntza aldian hizkuntzaren erabilerak etenik izan ez dezan. Kontuan harturik kasu honetan Atzerriko bigarren hizkuntza modulua hizkuntzaren bigarren maila bati dagokiola heziketa zikloaren barnean, ikasleen hizkuntza gaitasuna handitzera bidera daiteke modulu hau, batez ere ulermenari eta ahozko adierazpenari lotutako alderdietan, bai eta bere espezialitateari dagozkion hizkuntzaren alderdi teknikoetan duten prestakuntza indartzera ere, alde batera utzi gabe eguneroko komunikazio egoeretan aritzeko behar diren gaitasunen garapena. Azken dimentsio horrek garrantzi berezia hartzen du ikasturte honetan, ikasleek ikaskuntza iraunkorrerako programa europarretan parte hartzeko aukera baitute.
Horregatik guztiagatik, eta Hizkuntzen Europako Erreferentzia Esparruan proposatzen denarekin bat, modulu honen bidez ikasleek komunikazio eraginkorra lortu behar dute egiazko egoeretan, bizitza arrunteko egoerak izan nahiz lanbide arlokoak izan, lanbide profil honetarako bereziki garrantzitsua baita. Era berean, ahalegin berezia egin beharko litzateke ikasleak gai izan daitezen zuzenago, jariotasun handiagoarekin eta zehatzago komunikatzeko, modu autonomo eta koherentean. Ikasgelan, bai irakaslea, bai ikasleak, soilik atzerriko hizkuntzan aritzeak ederki lagunduko du lortu nahi diren helburuak betetzen.
Irakaskuntza-ikaskuntza prozesuan egiten diren jarduerak egokiro diseinatu behar dira, ikasleei erakusten dizkieten komunikazio egoerak ahalik eta benetakoenak izan daitezen, ulermena eta mintzamena, eta, beraz, interakziorako trebetasunak, bereziki indartu daitezen. Arreta berezia jarriko da lanbide sektorearen ohiko jarduerari lotutako dokumentuen formalizazioan.
Irakurmena lantzeak aukera ona eman dezake ikaskuntza lanbide eremuaren ingurunean kokatzeko, datuak, informazioak eta berariazko hiztegia atereaz egiazko dokumentuetatik. Horiek, neurri handian, Interneten bidez eskuratzen ahalko dira. Ildo beretik lagungarria izan daiteke ikasleek aurkezpen elektronikoak egitea, beren lanbide eremuko lan prozesuak, eragiketetarako jarraibideak, kexei eta erreklamazioei erantzuteko gutunak prestatzeko eta abar.
Halaber, gaitasun soziolinguistikoen garapena azpimarratu behar da. Horiek irakaskuntza-ikaskuntzako prozesu guztian barna jorratu behar dira, eta kurtso honetan arreta handiagoa ematen zaie modulu honen barrenean. Garrantzitsua da bermatzea ikasleek badakizkitela hizkuntza erabiltzeko konbentzioak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, atzerriko hizkuntza ama hizkuntza gisa duten herrien idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza ikasleen komunikaziorako gaitasunaren balorazioa izan dadila, hau da, ikustea nola baliatzen dituzten beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horrekin zehaztu dira modulu honen ebaluazio irizpideak.
Lanbide modulua: Salgaien nazioarteko garraioa.
Kodea: 0622.
Baliokidetasuna, ECTS kreditutan: 12.
Iraupena: 130 ordu.
Ikaskuntzaren emaitzak eta ebaluazio irizpideak.
1. Garraio-moduen eta garraiobideen komenigarritasuna zehazten du, eta dauden aukerak ebaluatzen ditu.
Ebaluazio-irizpideak:
a) Dauden garraio-moduak deskribatu ditu.
b) Garraio-modalitateak erregulatzen dituzten oinarrizko arauak interpretatu ditu, eta haien aldagaiak sailkatu ditu abantailak eta eragozpenak aztertuta.
c) Dauden aukerak zehaztu ditu salgaiaren eta jatorri- eta helmuga-puntuen arabera.
d) Erabilgarri dauden azpiegitura logistikoak ezagutu ditu.
e) Salgai arriskutsuei aplikatzekoak diren eskakizunak eta legeria espezifikoa baloratu ditu.
f) Nazioarteko bidalketetan esku har dezaketen profesionalen funtzioak ezagutu ditu.
g) Garraio-moduaren eta eragiketaren arabera aplikatzekoa den lege-araudia aztertu du.
2. Garraio-moduak eta garraiobideak eta ibilbide optimoak hautatzen ditu, eta dauden aukerak aztertzen ditu.
Ebaluazio-irizpideak:
a) Europar Batasuneko estatuetako bide- eta trenbide-geografiaren, itsasokoaren eta airekoaren oinarrizko elementuak ezagutu ditu.
b) Izan daitezkeen hornitzaileei buruzko informazioa eta eragiketaren eta garraiobideen ezaugarrien arabera egiten dituzten zerbitzuei buruzkoa lortu du.
c) Ibilbidearen estaldura-eremuak eta puntu operatibo estrategikoak ezagutu ditu.
d) Erabilgarri dauden ibilbideak, truke-puntu optimoak, produktuaren ezaugarriak, kontratuaren xedea eta baldintzak baloratu ditu, ibilbide egokia hautatzeko.
e) Kostuen osagai guztiak, salgaia jasotzeko eta entregatzeko epeak eta arriskuak aztertu ditu, ibilbide optimoa hautatzeko.
f) Salgaia taldekatzeko eta/edo ontziz aldatzeko aukerak eta salgaiaren hauskortasuna eta/edo arriskugarritasuna kontuan hartu ditu.
g) Garraioaren fase batzuk edo guztiak kanpora ateratzearen abantailak eta eragozpenak aztertu ditu.
h) Hartutako neurriak baloratzea eta etorkizuneko eragiketetan hobekuntzak aplikatzea ahalbidetuko duten kalitate-adierazleak definitu ditu.
i) Ingurumena kontserbatzeko politikei bidea emango dieten bitartekoen aldeko apustua baloratu du.
3. Garraioko kontratuak egin eta betetzen ditu, eta, horretarako, dagozkien kostuak kalkulatzen ditu.
Ebaluazio-irizpideak:
a) Garraioko kontratuak deskribatu ditu, incotermak eta alderdi kontratugile bakoitzaren betebeharrak kontuan hartuta.
b) Garraio-zerbitzuaren kontratu-eredua hautatu eta formalizatu du.
c) Garraiobide bakoitzaren araudia, teknikak eta hari aplikatzekoa den tarifa-sistema identifikatu ditu.
d) Lurreko, itsasoko eta aireko garraioko eta garraio multimodaleko zerbitzuaren ohiko klausulak eta kostuaren osagaiak interpretatu ditu.
e) Lurreko, itsasoko eta aireko garraioetako eta garraio multimodaletako eragiketen kostua kalkulatu du, informatika-bitarteko egokiak erabilita.
f) Salgaiak ibilbidearen puntu jakin batean duen balioa kalkulatu du.
g) Salgaiaren, garraiobidearen eta ibilbidearen arabera sor daitezkeen kostu gehigarriak eta arriskuak baloratu ditu.
h) Eragiketetan izandako gorabeherak haiek konpontzeko geroztiko jardunekin erlazionatu ditu.
4. Salgaien osotasuna eta iragaitza bermatzen duten elementuak zehazten ditu, eta, horretarako, ohiko arrisku-egoerak identifikatzen ditu.
Ebaluazio-irizpideak:
a) Produktu motaren arabera (salgai arriskutsua, galkorra, animalia biziak edo bolumen handiak) indarrean dagoen legeria espezifikoa identifikatu du.
b) Salgaia, garraiobidea eta karga-zentroetan izan litezkeen manipulazioak kontuan harturik, babes fisikoko bitarteko, enbalaje eta/edo kanpoko estalki egokiak hautatu ditu.
c) Beharrezkoak diren seinaleztatzeko, errotulatzeko eta etiketatzeko baldintzak deskribatu ditu.
d) Salgaiak izaeraren eta erabilitako garraio-katearen arabera estibatzeko eta kokatzeko behar espezifikoak finkatu ditu.
e) Argibide zehatzak ematearen garrantzia baloratu du eta garraio-eragiketetan esku hartuko duten kanpoko agenteen eskumenak mugatu ditu.
5. Nazioarteko garraioko eragiketen dokumentazioa formalizatu eta kudeatzen du, eta, horretarako, erabilitako garraiobide bakoitzean bidalitako salgaiaren arabera exijitutako baldintzak aztertzen ditu.
Ebaluazio-irizpideak:
a) Produktuen, ibilbidearen eta garraiobideen arabera beharrezkoak diren garraio-gutuna eta iragaitzako dokumentuak hautatu ditu.
b) Garraio-modalitate bakoitzean eskatzen diren zirkulazio- edo nabigazio-baimenen tipologia eta horiek jaulkitzeko eta berritzeko izapideak zehaztu ditu.
c) Beharrezkoak diren baimenak eta aurretiazko baimenak kudeatu ditu.
d) Dokumentazio guztiaren zenbatekoak, datak eta epeak egiaztatu ditu.
e) Esportazioko eta inportazioko eragiketak, Europar Batasunaren barruko bidalketak, erkidego barruko eskuratzeak eta etxeko erosketak edo salmentak ikuskatzeko prozesuak deskribatu ditu.
f) Salgaiaren jarraipeneko eta trazabilitateko baldintzak ziurtatu ditu.
g) Erregistroko eta artxiboko euskarriak eta nazioarteko merkataritzako eragiketetarako sailkatzeko eta mantentzeko sistemarik egokiena hautatu ditu.
h) Babes-mailak, segurtasunekoak eta informaziorako sarbidekoak errespetatu ditu, baita indarreko araudia ere.
i) Dokumentazioa formalizatzeko eta artxibatzeko urrezko 3 arauen (murriztea, berrerabiltzea eta birziklatzea) teknikak aplikatu ditu.
6. Garraioaren ohiko faseak eta izan litezkeen gorabeherak sekuentziatzen ditu, eta, horretarako, eragiketa bakoitzean komunikatzeko, kudeatzeko eta gainbegiratzeko sistema egokiak erabiltzen ditu.
Ebaluazio-irizpideak:
a) Salgaia ibilbidean zehar lokalizatzearen garrantzia aztertu du.
b) Eragiketa bakoitzaren jarraipena egiteko eta hura gainbegiratzeko bitartekoak adierazi ditu.
c) Eragiketa, garraio-modu, ibilbide eta helmuga bakoitzerako komunikazioko eta informazioko bitartekoak edo aplikazioak zehaztu ditu.
d) Esku hartzen duten profesionalei emandako argibideak eragiketa eta garraio-modu bakoitzerako ezarritako prozedurarekin bat datozela egiaztatu du.
e) Ezbeharrik edo gorabeherarik izanez gero gauzatu behar diren jardunak definitu ditu.
f) Garraio-zerbitzuaren kalitate-adierazleak eta desbideratze endogeno errepikakorrik izanez gero gauzatu beharreko jardunak zehaztu ditu.
7. Garraioan zehar salgaien asegurua izapidetzen du, indarrean dagoen araudiarekin eta nazioarteko salerosketa-kontratuan ezarritako baldintzekin bat etorriz.
Ebaluazio-irizpideak:
a) Salgaien nazioarteko garraioko aseguru-kontratu baten oinarrizko ezaugarriak eta hura osatzen duten elementuak deskribatu ditu.
b) Salgaien nazioarteko salerosketako eragiketa batean ohikoenak diren arriskuak eta estaldura-beharrak identifikatu ditu, salgaiak helmugara behar bezalako baldintzetan iritsiko direla bermatzeko.
c) Salgaien babes juridikoko sistemak eta nazioarteko merkataritzan gehien erabiltzen diren aseguru-poliza motak zehaztu ditu, erabilitako garraio-modalitatearen arabera.
d) Aseguru-polizetan sartu ohi diren klausulak erabili ditu.
e) Nazioarteko merkataritzako eragiketetan asegurua kontratatzeko prozedurak ezarri ditu.
f) Nazioarteko merkataritzako eragiketa bakoitzerako aseguru-polizarik egokiena hautatu du, haren baldintzatzaileen arabera.
g) Aseguru-poliza batekin estalitako nazioarteko merkataritzako eragiketetan ezbeharrik edo gorabeherarik izanez gero jarraitu behar zaion prozedura ezarri du.
h) Merkatuan lan egiten duten aseguru-etxe nagusiei buruzko informazioa lortu du, eta haien web orrietako informatika-tresnen bitartez izapidetu ditu arriskuak.
Edukiak.
Garraiobide motak zehaztea:
-Nazioarteko garraioa eta harren garrantzia kanpoko merkataritzan.
-Enpresa logistika. Logistika eta garraioa.
-Garraiobideen ezaugarri orokorrak.
-Errepidez garraiatzea. Arau esparrua. Flota motak, ezaugarri teknikoak. Abantailak eta eragozpenak aztertzea.
-Trenbideko garraioa. Azpiegitura-sareak. Arau esparrua. Abantailak eta eragozpenak aztertzea.
-Itsasoko garraioa. Arau esparrua. Kargaontziak sailkatzea. Tramp trafikoa. Trafiko erregularra. Itsasoko autobideak. Portuko sistema. Arau esparrua: IMO araudia (International Maritime Organization), Europako araudia, Itsasoko garraioa antolatzeko legea. Pleiten konferentzia. Abantailak eta eragozpenak aztertzea.
-Ibaiko garraioa. Arau esparrua.
-Aireko garraioa. Arau esparrua. Abantailak eta eragozpenak aztertzea. Karga-unitateak, zerbitzuak, ezaugarriak, erantzukizunak eta alderdi teknikoak. Aireportu-sistema.
-Garraioaren aldagaiak: bidea, lege-eskakizunak, salgaia, jatorria eta helmuga, kostua eta denbora.
-Salgai arriskutsuak. Arau esparrua.
-Garraio publikoaren kudeaketaren kalitateari buruzko UNE arauak.
-Garraioko erakunde publikoak eta enpresa publikoak.
-Nafarroako Foru Komunitatean eta bere hinterland-ean dauden erakunde eta enpresa garrantzitsuak bilatzea.
Garraio moduak eta garraiobideak eta ibilbide optimoak hautatzea:
-Hainbat garraio-moduren konbinazioa. Enpresen eta zerbitzuen tipologia. Garraio multimodala. Arau esparrua. Genevako hitzarmena.
-Plataforma logistikoak. Jarduera logistikoetako eremuak, eremu frankoak, lehorreko portuak, depot-ak...
-Jatorri- eta helmuga-puntu fisikoak.
-Karga-terminalak eta mugako puntuak.
-Nafarroako Foru Komunitatean eta bere hinterland-ean dauden egiturak bilatzea eta kokatzea.
-Karga-ezaugarriak.
-Karga-eragiketak.
-Kargen plangintza eta banaketa.
-Ibilbideak hautatzea. Optimizazioa. Aukerak ebaluatzea.
-Garraioaren internalizazioa.
Garraioko kontratuak egitea eta betetzea:
-Garraioko kontratua. Alderdi orokorrak.
-Garraioko kontratuaren elementuak, xedea eta izaera.
-Erabilitako garraiobidearen araberako kontratu motak.
-Erantzukizun-sistemak. Arrisku-transferentzia.
-Kalte ordaingarriak.
-Lan kontratuaren subjektuak. Espeditorea, garraiolaria, garraiatzailea, jasotzailea, garraio-kudeatzailea eta beste bitartekari batzuk. Dauden figurak definitzea eta bereiztea. Haietariko bakoitzaren eskubideak eta betebeharrak.
-Nazioarteko garraioko agenteak: garraio-kudeatzaileak, aduana-agenteak, itsas agenteak, itsas artekariak (shipbroker), korrespontsalak eta ordezkariak.
-Kotizazioak eskatzea garraio-enpresei.
-Garraioko teknikak eta tarifak. Osagaiak.
-Kostuak: kalkulua eta kontrola. Kostu finkoak eta kostu aldakorrak. Garraioan eragina duten zergak. Desbideratzeen azterketa.
-Arrisku-transferentzia. Nazioarteko Merkataritza Ganbera (NMG).
-Nazioarteko merkataritzako terminoak. 20(XX) incotermak. Incotermen sailkapen berria. Incotermak eta salerosteko kontratua aplikatzea nazioarteko garraioaren kontratuan. Baloratu beharreko faktoreak incoterma hautatzean.
Salgaien osotasuna eta iragaitza bermatzen duten elementuak zehaztea.
-Salgaien osotasun fisikoa. Garraio-unitateak eta enbalajeak.
-Garraio-faseko arriskuak.
-Salgaien babes fisikoa eta enbalaje motak.
-Dauden materialak, ontzi eta enbalaje motak.
-Edukiontziak: dimentsioak, materialak, erresistentzia, identifikazioa eta sailkapena.
-Edukiontzi motak: airekoak eta itsasokoak.
-Aireko eta itsasoko paletak.
-Produktuen taldeketari eta bateragarritasunari buruzko araudia.
-Salgaia prestatzea garraiorako.
-Salgaien manipulazioa eta estibatzea. Kargen optimizazioa.
-Markak. Barra-kodeak.
-Nazioarteko logistika katera egokitzea.
-Garraio multimodaleko unitateak (GMU). Garraio multimodala.
Nazioarteko garraioko eragiketen dokumentazioa formalizatzea eta kudeatzea:
-Garraioko eragiketen dokumentazioa aukeratutako garraio-moduaren arabera: ontziratze-agiria (Bill of Lading -B/L-), pleitatze-poliza, CMR garraio-gutuna, TIR koadernoa, CIM garraio-gutuna, aireko garraioko AWB ontziratze-agiria, garraio multimodaleko FIATA ontziratze-agiria eta ATA koadernoa.
-Salgai bereziak garraiatzeko eragiketen dokumentazioa.
-Ikuskaritza-erakundeak.
Garraioaren faseak sekuentziatzea:
-Informazio- eta komunikazio-sistemak. Informazioa trukatzeko sistemak: faxa, posta, posta elektronikoa, komunikazio mugikorra, Personal Digital Assistant (PDA), Global Position System (GPS), Galileo, irrati-maiztasun bidezko identifikazioa eta datu-truke elektronikoa (EDI).
-Salgaia eta trazabilitatea egiaztatzeko puntuak.
-Ibilbidean izandako aldakuntzak.
-Kalitate-adierazleak eta neurri zuzentzaileak.
Garraioan zehar salgaien asegurua izapidetzea:
-Salgaien babes juridikoa. Salgaien nazioarteko garraioko asegurua. Lege esparrua.
-Aseguru kontratua. Funtsezko ezaugarriak. Elementuak.
-Garraio-modalitatearen araberako aseguru-poliza motak:
-Itsasoko garraioko asegurua.
-Lurreko garraioko asegurua.
-Aireko garraioko asegurua.
-Garraio multimodaleko asegurua.
-Poliza irekiak, flotatzaileak eta konbinatuak.
-Arrisku aseguragarriak eta estaldura-beharrak identifikatzea.
-Polizarik egokiena hautatzea salerosketa-kontratuaren baldintzen eta incotermen arabera.
-Poliza kudeatzeko eta kontratatzeko prozedura. Dokumentazioa.
-Gorabeherarik edo ezbeharrik izanez gero jardutea.
-Aseguruak kudeatzeko informatika-tresnak erabiltzea.
Orientabide didaktikoak.
Modulu honen funtsezko helburua da ikasleek oinarrizko terminologia eta beharrezko gaitasun profesionalak eskuratzea nazioarteko garraioa planifikatzeko hainbat baliabideren bitartez, ondoko hauek behar bezala zehaztuz, kudeatuz eta kalkulatuz:
-Kargaren ezaugarriak.
-Igorpenaren baldintzak.
-Legezko murriztapenak.
-Bestelako aukerak.
-Garraiobide bakoitzean aplikatu beharreko tarifak eta prezioak.
-Garraiobide egokia aukeratzea.
-Garraio-eragiketaren kostua. Garraio-eragiketa egiteko behar den dokumentazioa betetzea.
Modulua garatzean, komeni da jakitearen eta egiten jakitearen printzipioak behar bezala uztartzea, halako eran non, modulua bukatzean, ikasleek ezagutzen oinarri sendoa bereganatuko baitute, bai eta beharrezko agiriak modu praktikoan betetzeko gaitasunak ere. Horretarako, gomendatzen da astean ordu bat berariaz ematea ariketak egiten eta agiriak betetzen.
Edukien sekuentziazioari dagokionez, hura logikoagoa eta egokiagoa izan dadin ikasleen hasierako ezagutzekin, erabili beharreko garraiobidea hautatzeko prozesuarekin eta garraio-eragiketa baten benetako prozesuarekin, ondoko unitateen sekuentzia gomendatzen da edukiak irakasteko orduan:
-Hastapena. Nazioarteko merkataritza eta garraioa. Enpresa-logistika. Garraiobide bakoitzaren ezaugarri orokorrak. Eduki horiek, funtsean, lehenago aipatutako lehenengo eta bigarren multzoetakoak dira.
-Salgaien babes fisikoa. Salgaiak prestatzea garraiorako. Ontziak eta enbalajeak. Garraio multimodaleko unitateak. Gai horiek edukien laugarren multzoaren barruan daude.
-Salgaien babes juridikoa. Aseguruen oinarrizko printzipioak. Salgaien aseguruak. Eduki horiek zazpigarren multzoan jasotzen dira.
-20(XX) incotermak eta nazioarteko garraioa. Garraio-kontratua salerosketa-kontratuaren menpe eta incotermetara egokitzearen menpe egotea. Alderdi horiek hirugarren eta bosgarren multzoetan agertzen dira.
Ondotik lehenengo, bigarren, hirugarren, bosgarren eta seigarren multzoetako edukiak landuko dira, baina hautatutako garraiobidearen arabera taldekaturik, ondoko sailkapen honen arabera:
-Errepideko garraio nazioartekoa.
-Itsasoko garraio nazioartekoa.
-Aireko garraio nazioartekoa.
-Trenbideko garraio nazioartekoa.
-Garraio multimodala eta garraioko operadorea.
Eduki horiek lantzean, komeniko litzateke ondotik zehazten diren jarduerak ere egitea:
-Merkataritzako gutunak idaztea.
-Posta elektronikoak eta faxak idatzi eta igortzea.
-Kostuak kalkulu-orriekin kalkulatzea.
-Legeari buruzko informazioa bilatzea.
-Mapak erabiltzea eta ibilbide egokia trazatzea.
Horretaz gain, dagokien unitateetako edukietatik eratorritako agiri guztiak erantsi beharko lirateke, hala nola, packing list-ak, fakturak, ziurtagiriak, DUAk, aseguru polizak, CMRak, B/Lak, CIMak, AWBak, FIATA agiria, besteak beste.
Halaber, gomendagarria litzateke simulazioko lan eta/edo proiektu bat egitea eta aurkezpen grafikoko programak erabiltzea bere lanen azalpenerako.
Klaseak behar bezala garatzeko, komeni da ikasgelak ordenagailua eta Interneteko konexioa izatea; horrek bide emanen du informazioa biltzeko, agirien ereduak eskuratzeko, enpresei kotizazioak eskatzeko, etab. Orobat, interesgarria litzateke arbel elektroniko bat edo proiektore bat edukitzea.
Beste modulu batzuekiko erlazioari dagokionez, kontratazioari eta incotermei buruzko edukiak modulu honetan zein Nazioarteko negoziazioan irakasten dira; hartara, beharrezkoa litzateke biak koordinatzea, alferrikako errepikapenik ez izateko eta denbora erabilgarria optimizatzeko.
Lanbide modulua: Nazioarteko merkataritzaren kudeaketa administratiboa.
Kodea: 0627.
Baliokidetasuna, ECTS kreditutan: 12.
Iraupena: 150 ordu.
Ikaskuntzaren emaitzak eta ebaluazio irizpideak.
1. Nazioarteko merkataritzarekin zerikusia duten organismoak eta erakundeak zehazten ditu, eta haien funtzio nagusiak aztertzen ditu.
Ebaluazio-irizpideak:
a) Ordainketa-balantzaren egitura aztertu du, eta hura osatzen duten balantzak bereizi ditu.
b) Nazioarteko organismo eta erakunde ekonomiko nagusien funtzioak sailkatu ditu.
c) Nazioarteko integrazio ekonomikoaren prozesua aztertu du, eta integrazio-mailak bereizi ditu.
d) Europako integrazio ekonomikoaren prozesua eta Europar Batasuneko merkataritzan duen ondorea aztertu ditu.
e) Europar Batasuneko erakundeak, haien funtzio nagusiak eta eskumenak identifikatu ditu.
f) Europar Batasuneko esparru juridikoa aztertu du eta merkataritza-trukean eragina duten arauak identifikatu ditu.
2. Nazioarteko salerosketako eragiketetarako informazio-sistema eraginkorra antolatzen du, informatika-tresna egokiak erabilita.
Ebaluazio-irizpideak:
a) Nazioarteko merkataritzako eragiketetarako datu-baseak egin ditu.
b) Bezeroen eta hornitzaileen fitxategi maisuak prestatu ditu.
c) Nazioarteko salerosketako eragiketetan bezeroak eta hornitzaileak eskatu ohi duten informazioa prestatu du.
d) Bezeroen eta hornitzaileen datu-baseak mantentzeko eta eguneratzeko lanak egin ditu.
e) Erabilgarri dauden datu-baseak abiapuntu hartuta, bezeroei eta/edo hornitzaileei buruzko txostenak egin ditu.
f) Esportatzekoa den salgaiaren helmugako herrialdeko lege- eta zerga-araudia aplikatu du.
g) Egindako nazioarteko salerosketako eragiketetan sortutako informazioa behar bezala prozesatu eta artxibatu du, etorkizuneko eragiketetan erabili ahal izateko.
3. Nazioarteko merkataritzako hesiak ezagutzen ditu, eta haiek erregulatzen dituen araudia aztertzen du.
Ebaluazio-irizpideak:
a) Salgaien inportaziorako muga-zergen hesiak eta ondorio baliokidea duten beste neurri batzuk aztertu ditu.
b) Salgaien inportazioak mugatu edo murrizten dituzten izaera kuantitatiboko merkataritza-babeseko tresna nagusiak aztertu ditu.
c) Aduanako muga-zergak babes-tresna gisa betetzen duen funtzioa eta nazioarteko merkataritzaren gainean duen ondorea aztertu du.
d) Munduko Merkataritza Erakundearen (MME) esparruan aplikatzekoak diren nazioarteko lehia defendatzeko neurriak identifikatu ditu.
e) Babes-klausulak eta zaintza-neurriak ezaugarritu ditu, eta Europar Batasunean haiek aplikatzea zein kasutan den bidezkoa aztertu du.
f) Merkataritzako hesi tekniko eta administratibo nagusiak ezaugarritu ditu.
g) Esportazioei sostengua emateko eta sustatzeko neurriak zehaztu ditu.
4. Salgaiak inportatzeko/esportatzeko eta sartzeko/bidaltzeko eragiketen administrazio-prozedurak ezaugarritzen ditu, eta, horretarako, indarrean dagoen araudia interpretatzen du.
Ebaluazio-irizpideak:
a) Inportazio baten eta sarrera baten artean eta esportazio baten eta bidalketa baten artean dauden desberdintasunak identifikatu ditu.
b) Salgaiak inportatzeko/esportatzeko eta sartzeko/bidaltzeko eragiketetan behar diren dokumentuak, horiek izapidetzeko eta kudeatzeko prozedurak eta inplikatuta dauden erakundeak identifikatu ditu.
c) Salgaien jatorria eta haiek egiaztatzeko behar den dokumentazioa zehaztu du.
d) Hainbat salgairen aduanako balioa zehaztu du.
e) Salgaien muga-zergen alorreko sailkapena egin du.
f) Aduana-zorra osatzen duten nazioarteko merkataritzako eragiketak zergapetzen dituzten zergak eta bestelako tributuak zehaztu ditu.
g) Aduana-kudeaketako administrazio-prozesuak ezagutu ditu.
h) Europar Batasunaren barruko eragiketen estatistika-deklarazioko sistema (INTRASTAT) aztertu du.
5. Salgaiak inportatzeko/esportatzeko eta sartzeko/bidaltzeko eragiketetarako beharrezkoa den dokumentazioa egin eta betetzen du.
Ebaluazio-irizpideak:
a) Nazioarteko salerosketako kontratuetan sartzen diren klausulak interpretatu ditu eta salerosketa-kontratua prestatu du.
b) Nazioarteko salerosketako eragiketetan behar diren merkataritzako, garraioko eta aseguruko dokumentuak prestatu ditu.
c) Nazioarteko merkataritzako eragiketa bati dagokion merkataritza- eta administrazio-dokumentazioa gainbegiratu du, eta kontratuan itundutako baldintzak egiaztatu ditu.
d) Nazioarteko salerosketako hainbat eragiketaren aduana-kudeaketako dokumentuak bete ditu.
e) Aduana-erregimen bakoitzari dagozkion eragiketen aduana-kudeaketa egin du.
f) Administrazio-kudeaketako informatika-pakete bat erabili du nazioarteko salerosketako eragiketetarako beharrezkoa den dokumentazioa lortzeko.
Edukiak.
Nazioarteko merkataritzarekin zerikusia duten organismo eta erakundeen izendapena:
-Ordainketa-balantza: kontzeptua eta egitura.
-Munduko Merkataritza Erakundea (MME).
-Ekonomiako Lankidetza eta Garapenerako Antolakundea (ELGA).
-Nazioarteko Diru Funtsa.
-Munduko Bankua.
-Merkataritzan eragina duten nazioarteko beste erakunde batzuk.
-Integrazio ekonomikoaren prozesua. Integrazio-mailak eta faseak. Europako integrazioa. Nazioarteko integrazio ekonomikoak.
-Europar Batasuneko erakundeak: Europako Batzordea, Europar Batasuneko Kontseilua, Europako Parlamentua, Europako Kontseilua, Europako Banku Zentrala, eta beste organismo eta erakunde batzuk.
-Europar Batasuneko esparru juridikoa. Europar Batasuneko zuzenbidearen iturriak. Zuzenbide loteslea eta ez loteslea. Europar Batasuneko aduana-zuzenbidea: aduana-kodea.
Nazioarteko merkataritzari aplikatutako informazio sistemak antolatzea:
-Nazioarteko merkataritzari buruzko informazio-iturriak. Informazioa eskaintzen duten organismoak eta erakundeak identifikatzea.
-Kanpo Merkataritzako Espainiako Institutua (ICEX).
-Nazioarteko Merkataritza Ganbera. Datu-baseak.
-Informazioa eskuratu eta erabiltzea. Euskarri digitala, inprimatua eta/edo Interneten bidezkoa.
-Bezero eta hornitzaileen datu baseak diseinatu, erabili eta mantentzea. Fitxategiak kudeatzea eta txostenak egitea.
-Komunikazio sistemak bezeroekin eta hornitzaileekin.
-Nazioarteko merkataritzako eragiketetan sortutako dokumentazioa artxibatzeko sistemak.
-Nazioarteko merkataritzako eragiketen informazioa duten datu-baseak diseinatzea, erabiltzea eta eguneratzea.
Nazioarteko merkataritzaren hesiak ezagutzea:
-Salgaien inportaziorako muga-zergen hesiak: aduanako muga-zerga eta ondorio baliokidea duten beste neurri batzuk.
-Muga-zergez bestelako hesiak. Inportaziorako murrizketa kuantitatiboak.
-Lehiakortasunaren aldeko neurriak: dumping-en kontrako eskubideak eta diru-laguntzen kontrako eskubideak.
-Babes-neurriak.
-Inportaziorako hesi teknikoak eta administratiboak: normalizazioko, homologazioko eta kalitate-kontroleko ziurtagiriak, osasun-ziurtagiriak, fitosanitarioak eta albaitaritzakoak, SOIVRE ziurtagiriak eta CITES ziurtagiriak, besteak beste.
-Zerga-hesiak.
-Inportazioen beste hesi batzuk.
-Esportazioak babesteko tresnak.
-Merkataritzako politika bateratua.
-Inportazioen eta esportazioen merkataritza-erregimena.
-Nekazaritzako politika bateratua (NPB). Helburuak. Nekazaritzako ordainarazpenak eta eskubideak.
Salgaiak inportatzeko/esportatzeko eta sartzeko/bidaltzeko eragiketen administrazio prozedurak ezaugarritzea:
-Salgaien jatorria:
Jatorria esleitzeko irizpideak. Lehentasunezko jatorria eta lehentasunezkoa ez dena.
Jatorriaren justifikazioa edo egiaztapena: esportaziorako eta inportaziorako jatorri-ziurtagiriak.
Aduanako muga-zerga: egitura, tarifak. Europar Batasuneko muga-zerga integratua:
-Kanpoko merkataritzaren fiskalitatea aduanetan. Biltzen diren tributuak.
-Balio Erantsiaren gaineko zerga.
-Europar Batasunaren barruko eragiketak. INTRASTAT sistema. INTRASTAT deklarazioak betetzea eta aurkeztea.
-Aduanako balioaren kontzeptua.
-Salgaien aduanako balorazioa: aduanako balioaren deklarazioa (DV1 dokumentua).
Salgaiak inportatzeko/esportatzeko eta sartzeko/bidaltzeko eragiketen dokumentazioa egitea:
-Inportazioen eta esportazioen aduana-kudeaketa. Aduanen eginkizunak. Araudia.
-Inportazio eta esportazioen aduana-kudeaketako prozedura edo izapideak. Salgaia aurkeztea. Deklarazio laburtua. Inportazio/esportazio deklarazioa (ADB) eta gainerako dokumentuak aurkeztea.
-Salgaien garraio librerako izapideak eta kontsumorako izapideak. Inportazioko aduana-zorraren likidazioa.
-Inportazioko eta esportazioko eragiketen administrazio- eta aduana-kudeaketako informatika-aplikazioa.
-Aduanako erregimen ekonomikoak: aplikatzekoa den araudia. Kudeatzeko prozedura eta beharrezko dokumentazioa:
Iragaitza-erregimena.
Aldi baterako inportazio-erregimena.
Perfekzionamendu aktiboko erregimena.
Aduana-kontrolpeko transformazioa.
Perfekzionamendu pasiboko erregimena.
Aduanako gordetegiak.
-Bestelako aduana-helmugak: araudia, dokumentazioa eta kudeaketa-prozedura:
Salgaien berresportazioa.
Zona eta gordetegi frankoak.
Salgaia bertan behera uztea.
Aduana-kontrolpeko suntsipena.
Orientabide didaktikoak.
Lanbide modulu honek helburu du ikasleek beharrezko gaitasunak eskuratzea nazioarteko merkataritza-eragiketen prozedura administratiboa antolatzearekin ikustekoa duten eginkizunak betetzeko, hura erregulatzen duen araudiaren arabera, eta bide ematea bere gaitasun profesionalak egokitzeko nazioarteko merkataritzako araudian eta antolaketan egiten diren aldaketetara. Honako hauek nabarmentzen dira garatu beharreko lanen artean:
-Nazioarteko eragiketak egiteko beharrezkoa den dokumentazioa bete eta tramitatzea, Europar Batasuneko araudiarekin bat, merkataritzako hesiak eta merkataritzako erregimenak aztertuz.
-Europar Batasunaren barrenean salgaiak sartu eta igortzeko eragiketak tramitatu eta kudeatzea, INTRASATen tramitazioa eta kudeaketa barne.
-Inportatu eta esportatzeko eragiketen aduana-kudeaketa, salgaien jatorria aztertuz, aduana-zorra kalkulatuz, kostuen kalkulua eginez eta aduana-erregimen egokiak erabiliz.
Gomendatzen den edukien sekuentziazioa, hain zuzen ere, dagokion atalean ezarritako egitura bera da. Nazioarteko merkataritza nola egituratzen den eta zer baliabide behar diren nazioarteko eragiketak kudeatzeko abiapuntu hartuta, dauden hesiak aztertzen dira eta inportatzeko/esportatzeko eta sartzeko/igortzeko eragiketak egiten dira, aduanari buruzko araudian ezarri bezala.
-Nazioarteko merkataritzaren antolaketa.
-Nazioarteko eragiketak kudeatzeko behar diren informazio sistemak eta baliabideak.
-Esku-hartze administratiboa nazioarteko merkataritzan.
-Prozedura administratiboak eta dokumentuak prestatzea inportazio eta esportazio eragiketetan.
-Prozedura administratiboak eta dokumentuak prestatzea sartzeko eta igortzeko eragiketetan.
Metodologia aktiboa erabili behar denez, ikasleen parte-hartzea eta teknologia berrien eta programa informatikoen erabilera bultzatzen dituena, jarduera praktikoak garatuko dira, edukien multzoarekin bat. Adibide gisa ondoko hauek aipatzen dira:
-Webquesta Interneteko orri garrantzitsuenei buruz, nazioarteko merkataritzaren antolaketa eta informazio sistemak lantzeko.
-Taldeka lan egitea merkataritzako hesiei buruz, eta, lan horren barrenean, ahozko azalpen bat egitea esku-hartze administratiboarekin ikustekoa duten berariazko gaien inguruan (esaterako, produktu transgenikoen merkataritza, NPBaren erabilera edo EBko oihal sektorearen babesa).
-Aduana hurbil batera bisita egitea, barneko aduana zein Europar Batasuneko sarrerakoa izan, Salgaien nazioarteko garraioaren moduluarekin koordinatuta, bertatik bertara ezagutzeko inportazio eta esportazio eragiketen prozedura administratiboak.
-INTRASTATen kudeaketa informatikoa prozedura administratiboetan, sartzeko eta igortzeko eragiketetan.
Bestalde, komenigarria izan daiteke benetako kasu praktikoren bat egitea, Nazioarteko garraioa, Nazioarteko negoziazioa, Nazioarteko ordainbideak izeneko moduluen integrazioa ekarriko duena, nazioarteko eragiketen ikuspegi zabala emanez eta, halaber, atzerriko hizkuntza bat erabiliz komunikaziorako.
Eduki eta jarduera horiek garatzeko, beharrezkoa da praktika administratiboak egitea, nazioarteko merkataritzan erabiltzen diren agiriak eta prozesuak erabiliz. Jarduera horiek egiteko, komenigarria izan daiteke ondoko baliabide hauek izatea, besteak beste:
-Aduana-kodea.
-Interneteko zenbait orri, hala nola TARICena, Merkataritzako Ministerioarena eta abar.
-INTRASTAT eta abar kudeatzeko programak.
-Aduana- eta tributu-administrazioen jatorrizko dokumentazioa.
Nazioarteko merkataritzaren kudeaketa administratiboa modulua Salgaien nazioarteko merkataritza moduluarekin koordinatu behar da Incotermen atalari dagokionez eta garraioaren dokumentazioari dagokionez, behar bezala lantzeko aduanaren kudeaketarako eta aduanaren balioaren kalkulurako prozedurak. Hartara, garrantzitsua da koordinazioa erabakitzea Incotermen tratamenduari dagokionez, eta, ildo horretan, iradokitzen da irakasle taldeak erabakitzea zein den kokapenik egokiena alderdi hori jorratzeko, dela Nazioarteko negoziazioa moduluan dela Salgaien nazioarteko garraioa modulua; edonola ere, komeniko da hura aduana kudeaketari buruzko edukiak baino lehengo lantzea eta azken modulu horien artean koordinatu behar da, kostuen kalkulua, aduanaren balioa eta aduana-zorra ixteko.
Lanbide modulua: Nazioarteko negoziazioa.
Kodea: 0824.
Baliokidetasuna, ECTS kreditutan: 6.
Iraupena: 110 ordu.
Ikaskuntzaren emaitzak eta ebaluazio irizpideak.
1. Informazio-iturrietatik bezero eta/edo hornitzaile potentzialak hautatzen ditu, eta, horretarako, haien merkataritza-baldintzak aztertzen ditu.
Ebaluazio-irizpideak:
a) Nazioarteko bezeroak eta/edo hornitzaileak bilatzeko eta hautatzeko teknika egokiak erabili ditu.
b) Nazioarteko merkataritza-eragiketetan barneko eta kanpoko arrisku nagusiak identifikatu ditu, merkataritza-jardunaren errentagarritasuna eta segurtasuna kontuan hartuta.
c) Nazioarteko bezeroek eta/edo hornitzaileek bete behar dituzten merkataritzako terminoak eta baldintzak identifikatu ditu.
d) Agente, bitartekari, bezero eta/edo hornitzaile korporatiboak hautatu ditu, antolakundeak markatutako helburuen arabera.
e) Nazioarteko bezeroen eta/edo hornitzaileen fitxategi maisuak prestatu ditu, bezeroekiko harremanak kudeatzeko informatika-aplikazioa abiapuntu hartuta.
f) Nazioarteko bezeroak eta/edo hornitzaileak hautatzeko lanen txostenak egin ditu informatika-euskarrietan.
g) Bezeroen eta/edo hornitzaileen fitxategiak eta datu-baseak aldian behin eguneratu ditu, segurtasunean eta konfidentzialtasunean oinarritutako prozeduren arabera.
h) Nazioarteko lehiaketa eta lizitazioetan baldintza-agiriak eta merkataritza-eskaintzak osatzen dituzten atalak identifikatu ditu.
2. Komunikazio-prozesuak ezartzen ditu herrialdeko ohituren eta enpresa-protokoloen arabera, bitarteko eta sistema egokiak erabilita.
Ebaluazio-irizpideak:
a) Nazioarteko komunikazioko harremanetan gehien erabiltzen diren teknikak ezagutu ditu.
b) Kultura desberdinetako hitzezko eta hitz gabeko komunikazioaren arau nagusiak identifikatu ditu.
c) Elkarrizketa pertsonal bat osatzen duten faseak planifikatu ditu.
d) Bezero, agente edo hornitzaile batek emandako informazio-proposamenetan oinarritutako dokumentu idatziak egin ditu, herrialderako tratamendu egokia betetzen dutenak.
e) Bezero, agente edo hornitzaile batekin izandako telefono-elkarrizketa bat simulatu du, egoerari eta solaskideari egokitutako komunikazio-teknikak erabilita.
f) Bezero, agente edo hornitzaile batekiko bilera batean aztertu behar diren funtsezko puntuak jasotzen dituzten dokumentuak egin ditu.
g) Informatika-euskarriak edo teknologia berrienak erabili ditu merkataritzako dokumentuak egiteko eta igortzeko.
h) Nazioarteko operadoreekin komunikatzeko prozesuetan informazioaren eta komunikazioaren teknologia berriak erabili ditu.
3. Bezeroekin eta/edo hornitzaileekin negoziatzeko prozesua diseinatzen du, eta antolakundearentzako terminorik onurazkoenak proposatzen ditu.
Ebaluazio-irizpideak:
a) Nazioarteko eragiketetan produktuen eta/edo zerbitzugintzaren eskaintza eta eskaria osatzen duten funtsezko faktoreak identifikatu ditu.
b) Nazioarteko salerosketako eragiketa batean negoziazio-prozesuaren etapak programatu ditu.
c) Nazioarteko salerosketako eragiketetan nazioarteko negoziazioko teknika nagusiak erabili ditu.
d) Nazioarteko esparruko ohiko merkataritza-terminologia erabili du nazioarteko salerosketako eragiketetan.
e) Hainbat kulturatako negoziatzaileen ezaugarririk garrantzizkoenak ezagutu ditu.
f) Negoziazioei ekiteko plan bat egin du, bezero eta/edo hornitzaile den herrialdeko idiosinkrasia, arauak, protokoloa eta ohiturak kontuan hartuko dituena.
g) Nazioarteko bezeroei aurkeztutako eskaintza baten parametro nagusiak eta hura konfiguratzen duten muga maximoak eta minimoak definitu ditu.
h) Negoziazioaren akordioak jasoko dituzten txostenak egin ditu, programa eta baliabide informatikoak erabilita.
4. Nazioarteko kontratazioa erregulatzen duten araudia eta ohiko usadioak interpretatzen ditu, eta nazioarteko merkataritzako eragiketetan duten ondorea aztertzen du.
Ebaluazio-irizpideak:
a) Nazioarteko kontratazioa arautzen duten iturri juridikoak identifikatu ditu.
b) Nazioarteko hitzarmenek, nazioarteko erakundeek eta usadio uniformeek nazioarteko kontratazioan duten balio juridikoa ezaugarritu du.
c) Erabilitako terminologia juridikoa eta nazioarteko salerosketa-kontratuak erregulatzen dituen merkataritzako araudia identifikatu du.
d) Nazioarteko merkataritzako eragiketetan Incotermak erabiltzearen ondorio diren baldintzak eta betebeharrak aztertu ditu.
e) Nazioarteko salerosketa-kontratu baten atalak eta elementuak identifikatu ditu, eta aukerako klausulak eta nahitaezkoak bereizi ditu.
f) Nazioarteko kontratuetan ezarritako baldintzen ondorio diren gatazkak konpontzen dituzten nazioarteko zuzenbidearen teoriak ezaugarritu ditu.
g) Nazioarteko merkataritzako gatazkak konpontzeko nazioarteko arbitrajeko klausulak erabiltzearen abantailak baloratu ditu.
h) Nazioarteko lehiaketak eta lizitazioak arautzen dituzten ezaugarri orokorrak aztertu ditu.
5. Negoziazio-prozesuekin lotutako kontratuak lantzen ditu, eta, horretarako, nazioarteko araudia, usadioak eta ohiturak aplikatzen ditu.
Ebaluazio-irizpideak:
a) Nazioarteko merkataritzako eragiketen negoziazioan erabiltzen diren dokumentu-ereduak identifikatu ditu.
b) Nazioarteko merkataritza-eragiketa baten aurrekontratu baten klausulak landu ditu, nazioarteko kontratazio-araudia aplikatuta.
c) Nazioarteko salerosketako kontratuan hitzartutako Incoterma sartzearen ondorio diren eskubideak eta betebeharrak identifikatu ditu.
d) Erabiltzen diren nazioarteko merkataritzako kontratu motak identifikatu ditu.
e) Nazioarteko merkataritzako kontratuak ordezkatzen dituzten dokumentu-ereduak ezaugarritu ditu.
f) Nazioarteko merkataritza-eragiketara egokitutako kontratua prestatu du.
g) Informatika-aplikazioak erabili ditu nazioarteko merkataritzako kontratuaren ereduzko klausulak idazteko.
6. Nazioarteko kontratu-akordioen garapena eta kontrol-prozesua planifikatzen du, eta esku hartzen duten agenteen informazioa lortzen du.
Ebaluazio-irizpideak:
a) Salmenta-indarra / banatzaileak / merkataritza-agenteak kontrolatzeko prozesua antolatu du, komunikazio- eta informazio-sistemak erabilita.
b) Merkatuaren arazoak, aukerak eta joerak identifikatu ditu.
c) Bezeroen, hornitzaileen, preskriptoreen, merkataritza-agenteen eta/edo banatzaileen txostenak ezaugarritu ditu, informatika-programen bitartez.
d) Salmenten bilakaeraren eta errentagarritasunaren ratio espezifikoak landu ditu, informatika-programa espezifikoak erabilita.
e) Norberaren edo banatzaileen salmenta-indarraren motibazioari, perfekzionamenduari eta metodologiari eragiten dieten jardun-planak egin ditu.
f) Nazioarteko merkaturatze-prozesuak garatzeko eta gauzatzeko garrantzizko kontrol-metodoak definitu ditu.
g) Bezeroek egindako eskaerek bete behar duten kontrol-prozesua definitu du, informatika-sistemak eta programak erabilita.
h) Nazioarteko hornitzaile bati egindako eskaerek eta zerbitzuek bete behar duten kontrol-prozesua definitu du, informatika-sistemak eta -programak erabilita.
i) Nazioarteko salerosketako prozesuetan sor daitezkeen gorabeherarik ohikoenak identifikatu ditu.
Edukiak.
Bezero eta/edo hornitzaile potentzialak hautatzea:
-Esportazioari laguntzeko sustapen-tresnak.
-Barneko arrisku-faktoreak: bezeroak eta/edo hornitzailea.
-Kanpoko arrisku-faktoreak: egoeraren araberakoak eta/edo merkatuarenak.
-Nazioarteko lizitazioak eta lehiaketak.
-Hornitzaileak hautatzea.
-Bezeroen aukeraketa.
Nazioarteko harremanetan komunikatzeko prozesua ezartzea:
-Nazioarteko merkataritzari buruzko informazio-iturriak.
-Nazioarteko komunikazio bideak eta sistemak.
-Hitzezko komunikazioa.
-Hitzik gabeko komunikazioa.
-Elkarrizketa.
-Nazioarteko protokoloa.
Nazioarteko bezeroekin eta/edo hornitzaileekin negoziatzeko prozesua diseinatzea:
-Nazioarteko negoziazioa prestatzea.
-Negoziazioaren marjina.
-Nazioarteko negoziazioa garatzea.
-Negoziazio-prozesuaren etapak.
-Nazioarteko negoziazioa finkatzea.
-Nazioarteko negoziazioko teknikak.
-Hainbat herrialdetako merkataritza-negoziazioko estilo nazionalak: anglosaxoiak, frantsesa, alemana, japoniarra, txinatarra, iparramerikarra, hispanoamerikarra eta arabiarra, besteak beste.
-Nazioarteko negoziazio bateko arrakasta-faktoreak.
-Testu prozesadoreen erabilera.
-Aurkezpen grafikoen programak.
Nazioarteko kontratazioa erregulatzen duten araudia eta ohiko usadioak interpretatzea:
-Nazioarteko salerosketaren erregulazioa.
-Harmonizazio tresnak. Lex Mercatum.
-Nazioarteko Merkataritza Ganberaren arauak.
-Incotermak.
-Nazioarteko arbitrajea.
Nazioarteko kontratuak lantzea:
-Nazioarteko salerosketako kontratua.
-Merkataritzako bitartekotzako kontratuak.
-Enpresa-kooperazioko kontratuak.
-Hornidura kontratua.
-Zerbitzugintza-kontratuak eta emaitza-kontratuak.
-Nazioarteko lehiaketa edo lizitazioen bidezko kontratazioa.
Nazioarteko kontratu akordioen garapena eta kontrola planifikatzea:
-Nazioarteko salerosketa eragiketak antolatzea.
-Salmenta-sarea motibatzeko, perfekzionatzeko eta denboralizatzeko teknikak.
-Nazioarteko eragiketen kontrol-ratioak.
-Nazioarteko eragiketen kalitate-kontrola.
-Nazioarteko kontroleko eragiketetako informazio-sistemak eta gorabeherak kontrolatzekoak.
Orientabide didaktikoak.
Nazioarteko negoziazioa moduluaren helburu nagusia da ikasleek oinarrizko ezagutzak eta trebetasunak eskuratzea, nazioarteko salerosketa eragiketak negoziatu eta gauzatzeko prozesuetan parte hartzeko. Horretarako, beharrezko gaitasunak garatu behar dituzte produktuen eta zerbitzuen nazioarteko salerosketa eragiketak negoziatu eta gauzatzeko prozesuetan parte hartzeko; horrek ekartzen du bezero edo hornitzaile potentzialak identifikatzea eta haiekin harremanetan jartzea, nazioarteko merkataritza kontratuak kudeatuz eta salmenten garapena eta eboluzioa kontrolatuz eta gainbegiratuz.
Bi zatitan egitura daiteke modulu honetarako curriculumean aipatzen diren edukien sekuentziazioa:
-Lehenengo zatian negoziazio prozesu osoa garatzen da; bezero eta/edo hornitzaile potentzialak hautatzearekin hasiko da, komunikazio prozesua abian jartzearekin jarraituko du eta negoziazio prozesua diseinatzearekin bukatuko da.
-Bigarren zatian nazioarteko akordioak gauzatuko dira, enpresak kasuan kasuko nazioarteko kontratuan lortu dituenak.
Horretarako, beharrezkoa da aldez aurretik Lex Mercatum ezagutzea, baita nazioarteko merkataritza erregulatzen duten arauak, nazioarteko kontratu motak eta haiek prestatzeko manera ere; bukaeran akordio horiek kontrolatu beharko dira.
Moduluaren garapen metodologikoaren ikuspuntutik, iradokitzen da negoziazioari nahiz kontratazioari buruzko edukiak garatzearekin batera jarduera orokor bakar bat egitea, bi enpresaren artean (A eta B, saltzailea eta eroslea, hurrenez hurren, eta bi merkatu desberdinetakoak) negoziatzeko prozesua modu praktikoan biltzeko.
Jarduera hori garatzeko metodologia ondotik zehazten da laburturik. Ikasleak taldeka banatuko dira, eta Espainiako enpresa erosle bat (A) eta atzerriko enpresa saltzaile bat (B) eratuko dituzte; gero, ondoko lan hauek eginen dituzte, besteak beste:
-Dagokien enpresa identifikatzea.
-Enpresaren profil sektoriala zehaztea.
-Enpresa bezero/hornitzailea aztertu eta lokalizatzea.
-Harekin harremanetan jartzea.
-Negoziazioa hastea enpresa bezero/hornitzailearekin.
-Beharrezko eskaria egitea edo horretaz arduratzea.
-Kasuan kasuko eskaintza prestatzea edo onartzea, hala behar bada.
-Azken kontratua hitzartu eta sinatzea.
Aurretik planteatutako jarduerak bide ematen du irakatsitako ezagutzak praktikan jartzeko eta ikasleek informazioaren eta komunikazioaren tresna teknologikoak erabiltzeko, hala nola diseinu programak, grafikoen edizioa, nazioarteko datu baseak, posta elektronikoaren erabilera, web orrien prestaketa, Internet, eta abar, horiek guztiak beharrezkoak baitira txostenak eta aurkezpenak egiteko.
Planteatutako proposamenak behar bezala garatzeko, beharrezkoa izanen da ikasgela Interneti lotuta egotea eta ekipamendu informatikoak eta software ofimatikoak edukitzea, ikasleek zuzenean jardun dezaten. Orobat, interesgarria litzateke edukien plataforma bat izatea.
Izan ditzakegun baliabideei dagokienez, bi azpimarratu behar dira, ezinbestekoak baitira:
-ICEXen Interneteko ataria (www.icex.es), berez baliabide orokorra da modulua garatzeko; bertan material guztiak, helbideak, merkatuaren azterlanak, enpresa kasuak, bideoak, etab. aurkitzen dira.
-Ganberen Kontseilu Nagusiaren Interneteko ataria (www.plancameral.com), gida sorta bat baitauka nazioarteratzeko prozesuan laguntzeko.
Interneten, esportazioaren sostengurako on line gidak ere badaude, baita nazioarteko kontrataziorakoak ere.
Planteamendu metodologiko hori garatzean, beharrezkoa izanen da, halaber, zikloko gainerako moduluekin elkarlanean aritzea, ohi bezala, baina, gehienbat, hizkuntzei buruzko moduluekin, negoziazioa atzerriko enpresa batekin egin behar baita eta bertan nazioarteko hizkuntza bat erabili behar baita, komuna bi alderdietarako. Hori dela eta, gomendatzen da materialak, gutuneria, katalogoak, aurkezpenak eta abar ingelesez eta/edo frantsesez ematea, horiek erabilgarrienak baitira nazioarteko harremanetan.
Lanbide modulua: Nazioarteko ordainbideak.
Kodea: 0826.
Baliokidetasuna, ECTS kreditutan: 6.
Iraupena: 90 ordu.
Ikaskuntzaren emaitzak eta ebaluazio irizpideak.
1. Nazioarteko ordainbideak erregulatzen dituen araudia identifikatzen du, eta ondorio juridikoak eta ekonomikoak aztertzen ditu.
Ebaluazio-irizpideak:
a) Nazioarteko ordainbideak erregulatzen dituen nazioko eta nazioarteko indarreko araudia identifikatu du.
b) Internet bidezko nazioarteko ordainbideak erregulatzen dituen nazioko eta nazioarteko indarreko araudia identifikatu du.
c) Dokumentu-kredituei buruzko arau eta usadio uniformeak interpretatu ditu.
d) Nazioarteko Merkataritza Ganberaren (NMG) paper komertziala kobratzeko arau eta usadio uniformeak interpretatu ditu.
e) Ordainbideak arautzen dituzten nazioarteko hitzarmenen ondorio juridikoak eta ekonomikoak aztertu ditu.
f) Nazioarteko ordainbide berriak erregulatzen dituen araudia aztertu du.
2. Nazioarteko kobrantza-bideak eta ordainbideak ezaugarritzen ditu, eta bakoitzaren prozedurak, kostuak eta operatiba aztertzen ditu.
Ebaluazio-irizpideak:
a) Nazioarteko ordainbideak sailkatu ditu.
b) Dokumentu-kredituen modalitateak identifikatu ditu, eta haiek jaulkitzeko prozedurak deskribatu ditu.
c) Sorta bakuna eta dokumentarioa nazioarteko ordainbide gisa ezaugarritu ditu.
d) Txeke pertsonala eta banku-txekea nazioarteko ordainbide gisa ezaugarritu ditu.
e) Letrak eta zor-agiriak nazioarteko ordainbide gisa ezaugarritu ditu.
f) Ordainketa-agindu bakuna eta dokumentarioa nazioarteko ordainbide gisa ezaugarritu ditu.
g) Nazioarteko ordainbide edo kobrantza-bide berriak identifikatu ditu.
h) Nazioarteko ordainbideen abantailak eta eragozpenak aztertu ditu, eta haiek kudeatzearen ondorio diren kostuak kalkulatu ditu.
i) Nazioarteko eragiketarekin lotutako finantza-erakundeek, aseguru-erakundeek eta garraio-erakundeek kobrantza edo ordainketa aseguratzeko dituzten lege-betebehar nagusiak identifikatu ditu.
j) Nazioarteko merkataritzako eragiketa baten kobrantza edo ordainketa burutzeko beharrezkoak diren dokumentuak identifikatu ditu.
3. Bermeak eta abalak aztertzen ditu, eta indarrean dagoen araudira egokitzen da.
Ebaluazio-irizpideak:
a) Nazioarteko kontratu-eragiketen berezko arriskuak identifikatu ditu.
b) Berme errealaren eta berme pertsonalaren kontzeptuak definitu ditu.
c) Banku-jardunbidean erabiltzen diren berme erreal nagusiak bereizi ditu.
d) Bermeak obligazioarekiko erlazioaren arabera sailkatu ditu.
e) Banku-bermeei buruzko arauak eta usadioak interpretatu ditu.
f) Ordaintzeko modu bakoitzaren abantailak eta eragozpenak aztertu ditu, exijitutako bermeen arabera.
g) Bermeak eta abalak jaulkitzeari, aldatzeari eta ezeztatzeari buruzko dokumentazioa prestatu du.
4. Nazioarteko kobrantza edo ordainketa egiteko beharrezkoa den dokumentazioa kudeatzen du, eta finkatutako epeak eta baldintzak aztertzen ditu.
Ebaluazio-irizpideak:
a) Nazioarteko merkataritzako eragiketetan kaudimena, ez ordaintzeko arriskua eta beste finantza-inguruabar batzuk zehaztu ditu.
b) Nazioarteko merkataritzako eragiketaren kobrantzari/ordainketari ekiteko ordainbide bakoitzean exijitzen den dokumentazioa zehaztu du.
c) Finantza-sisteman dokumentuak benetan aurkezteko definitutako prozedura identifikatu du.
d) Nazioarteko ordainbide bakoitzerako, hura ordezkatzen duen oinarrizko dokumentua identifikatu du.
e) Dokumentu-ordainbide bat erabiltzen duen nazioarteko merkataritzako eragiketa batean esku hartzen duten dokumentuak identifikatu ditu.
f) Nazioarteko merkataritzako eragiketetan erabiltzen diren ordainbideei dagokien oinarrizko dokumentua prestatu du.
g) Nazioarteko merkataritzako eragiketetako ordainbideekin lotutako atzerapenen edo ez ordaintzeen zergatikoak identifikatu ditu.
h) Nazioarteko merkataritzako eragiketa baten atzerapenaren edo hura ez ordaintzearen ondoriozko finantza-kostuak eta finantzaz bestelakoak kalkulatu ditu.
i) Nazioarteko merkataritzako eragiketekin lotutako efektu ordaindugabeen protestoarekin zerikusia duten administrazio-izapideak kudeatu ditu.
5. Internet bitartezko eta beste sistema digital batzuen bidezko kobrantza-bideak eta ordainbideak identifikatzen ditu, eta transakzioen konfidentzialtasuna eta segurtasuna bermatzen du.
Ebaluazio-irizpideak:
a) Informatika-tresnak erabili ditu helmugako herrialdeko legeria aztertzeko.
b) Ikerketa-teknika digitalak edo konbentzionalak erabili ditu informazioa lortzeko.
c) Internet bitartez erabiltzen diren nazioarteko ordainbideak erabili ditu.
d) Internet bitartez egindako kobratzeko edo ordaintzeko eragiketak segurtatuko dituzten eta haien konfidentzialtasuna bermatuko duten ziurtapen digitaleko sistemak erabili ditu.
e) Nazioarteko datuak trukatzeko sistemak erabili ditu.
f) Bitarteko eta programa informatikoak erabili ditu txostenak egiteko eta nazioarteko ordainketako/kobrantzako dokumentuak lantzeko.
Edukiak.
Nazioarteko ordainbideak erregulatzen dituen araudia identifikatzea:
-Genevako Lege Uniformea, txekeari buruzkoa.
-Genevako Lege Uniformea, kanbio-letrari eta agindurako zor-agiriari buruzkoa.
-Nazioarteko Merkataritza Ganberaren (NMG) paper komertziala kobratzeko arau uniformeak.
-Arau eta usadio uniformeak Nazioarteko Merkataritza Ganberaren dokumentu-kredituei buruz.
Nazioarteko kobrantza bideak eta ordainbideak ezaugarritzea:
-Dokumentu-kreditua.
-Sorta bakuna eta dokumentarioa.
-Ordainketa-agindu bakuna eta dokumentarioa.
-Txeke pertsonala eta banku txekea.
-Letrak eta zor-agiriak.
-Esportazio factoring-a.
-Kanpoko banku kontuak.
Nazioarteko bermeak eta abalak aztertzea:
-Nazioarteko merkataritzako arriskuak: merkataritzakoak eta politikoak.
-Berme motak.
-Abal motak.
Nazioarteko kobrantza edo ordainketa egiteko beharrezkoa den dokumentazioa kudeatzea:
-Merkataritzako agiriak.
-Finantzako agiriak.
-Garraio eta aseguruko agiriak.
-Efektu ordaindugabeen protestoa.
Internet bitartezko eta beste sistema digital batzuen bidezko kobrantza bideak eta ordainbideak identifikatzea:
-Nazioarteko ordainbideak prestatu eta aztertzeko tresna informatikoak.
-Interneteko ordaintzeko tresnak.
-Ziurtagiri digitalak.
-Datuak trukatzeko sistemak.
Orientabide didaktikoak.
Nazioarteko ordainbideak moduluak helburu du nazioarteko kobrantza-bideak eta ordainbideak, bermeak eta abalak kudeatzea, eta, horretarako, beharrezkoak diren dokumentuak bete eta aztertzea, nazioarteko legeria indarduna oinarri duten nazioarteko merkataritza kontratuetan ezarritako baldintzen arabera.
Hori dela eta, xedea da modulu hau bukatzean ikasleek ondokoetarako beharrezkoak diren trebetasunak eskuratzea:
-Arlo hori erregulatzen duen araudia interpretatzea.
-Ordainbide desberdinak argi bereiztea.
-Kontrolatzea eragiketa behar bezala egiten dela etapa bakoitzean.
-Haietako bakoitzean behar diren sostengu kalkuluak eta agiriak egitea.
-Baliabiderik egokiena hautatzea planteatzen den egoeran.
Horretarako, iradokitzen da curriculum honen kasuan kasuko atalean zehaztutako edukiak adierazitako sekuentziazioan lantzea, baina ondotik proposatzen diren bost multzoetan egituratuta:
-Moduluaren jarraipena handiagoa izanen dela bermatzeko, lehenengo multzoa sarrera bat izanen da, nazioarteko ordainbideek barneko merkataritzaren aldean dituzten betebeharren aldaketei buruzkoa (lehenengo edukien multzoarekin erlazionatuta).
-Bigarren multzoan ordainbide eta kobrantza-bide sinpleen erreferentziako araudi juridikoa aztertuko da, haien ezaugarri eta bereizgarri desberdinak, funtzionamendua, dokumentazioa eta nola prestatu (bigarren edukien multzoa).
-Hirugarren multzoan ordainbide eta kobrantza-bide dokumentarioen erreferentziako araudi juridikoa aztertuko da, haien ezaugarri eta bereizgarri desberdinak, funtzionamendua, dokumentazioa eta nola prestatu (bigarren eta hirugarren edukien multzoa).
-Laugarren multzoan nazioarteko merkataritzan erabiltzen diren banku produktuen (factoring-a, kontu korronteak, bermeak eta abalak...) erreferentziako araudi juridikoa aztertuko da, haien ezaugarri eta bereizgarri desberdinak, funtzionamendua, dokumentazioa eta nola prestatu (laugarren edukien multzoa).
-Bosgarren multzoan Interneten bidezko ordainbide eta kobrantza-bide digitalen erreferentziako araudi juridikoa aztertuko da, haien ezaugarri eta bereizgarri desberdinak, funtzionamendua, dokumentazioa eta nola prestatu (bosgarren edukien multzoa).
Modu horretan, eta zeharkakotasunez, kudeatzeko gaitasunarekin ikustekoa duten trebetasun orokorrak lantzen dira: ikertzea, informazioa aztertzea, dokumentazioa prestatu eta kudeatzea eta teknologia berriak erabiltzea.
Kobratzeko eta ordaintzeko prozesuaren ikuspuntutik, ikasleek fase bakoitzari heldu behar diote: ikertu eta aztertzekoari, prestatzekoari eta jarraipena eta kontrol egitekoari.
Modulu hau garatzeko, zenbait jarduera iradokitzen dira ondotik, ikasgelaren barruan eta handik kanpo egiteko, betiere metodologia aktiboa erabiliz, parte-hartzea eta teknologia berrien erabilera sustatuko dituena. Edukia multzoetan banatu direnez edukien irizpideei jarraituz, denetan fase guztiak (ikertu eta aztertzea (1), prestatu eta kalkulatzea (2) eta jarraipena eta kontrola egitea (3)) lantzeko jarduerak behar dira. Hori dela eta, ematen diren orientabideak gaitegia banatzen duten multzo guzti-guztiei daude lotuta. Edonola ere, helburua da lan ingurunean sor daitezkeen beharrei heltzea.
-Ikertzeko jarduerak, webquest metodologiari edo beste batzuei jarraituz; ikasleei informazio zehatza bilarazi behar diete nazioarteko ordainbideei buruz eta haiek manipulatzeari eta txosten gisa aurkezteari buruz, teknologia berriak erabiliz, hala nola prestakuntza plataformak (moodle), nabigatzaileak eta testu prozesadoreak (1. fasea).
-Orobat, aurreko fase horri lotuta, informazioa aztertzeko jarduerak, sarrera bikoitzeko koadroak, konparatibak, fluxu diagramak, grafikoak, kontzeptu koadroak edo informazioa tratatzeko beste tresna batzuk erabiliz, aztertutako ordainbide bakoitzari dagokionez.
-Dokumentu-kredituen, sorten, txekeen, zor-agirien eta abarren kasu praktiko ebatziak aurkeztea, zehatzetik orokorrera ailegatzeko (2. fasea).
-Ordainbide mota bakoitzean behar diren agiriak prestatzeko ariketak egitea, baita haien kostuen eta likidazioen kalkulua eta arriskuen balorazioa ere, esakune bat abiapuntu izanik (2. fasea).
-Jarraipena eta kontrola egiteko faseari lotuta, egiaztapen zerrendak eta fluxu diagramak egitea, bai eta nazioarteko eszenatokian kobrantza/ordainketa prozesuari jarraipena eta kontrola egiteko bide ematen duen beste edozein tresna ere (3. fasea).
-Landa lana eta/edo simulatutako kasuak ebaztea, ikerkuntza eta azterketa entrenatzeko; txosten bat aurkeztuko da, ikusitako ordainbide mota bakoitzerako beharrezko erreferentzia esparruari, funtzionamenduari, faseei, arriskuei eta bermeei, kostuei eta dokumentazioari buruz (1., 2. eta 3. faseak).
-Komenigarria litzateke modulu honetako prestakuntza proiektu orokor batekin osatzea, bertan kurtsoan barna eskuratutako gaitasun guztiak biltzeko.
Modulu honen irakaskuntza errazteko, komeniko litzateke ikasgelak behar adina ekipamendu informatiko eta software ofimatiko izatea, ikasleek zuzenean jardun dezaten, bai eta Interneteko sarbidea ere. Orobat, komeni da arbel elektronikoa, proiektorea eta pantaila edukitzea.
Eskuratu daitezkeen baliabideei dagokienez, hauek hartu behar dira aintzat: bibliografia espezializatua, inprimatutako prentsa eta prentsa digitala, benetako kasu praktiko ebatziak eta edukien plataformak (Moodle gisakoak).
Beste moduluekiko harremanari dagokionez, ikasgai honetarako beharrezkotzat jotzen da ikasleek Incotermak ezagutzea (Nazioarteko negoziazioa moduluan lantzen direnak), bai eta garraioko agiriak ere (Salgaien nazioarteko garraioa moduluan lantzen direnak); hartara, haiekin koordinatu beharko da. Hori are premiazkoagoa da nazioarteko ordainbideei buruzko edukiak irakasterakoan, batik bat dokumentu-kredituaren kasuistika konplexuagoari dagokionez.
Lanbide modulua: Ingelesa.
Baliokidetasuna, ECTS kreditutan: 3.
Kodea: 0179b).
Iraupena: 70 ordu.
Ikaskuntzaren emaitzak eta ebaluazio irizpideak.
1. Edozein komunikabidek hizkuntza estandarrean emandako ahozko diskurtsoetan, lanbideari dagokion informazioa eta eguneroko gaiei buruzko informazioa ezagutzen du, eta zehaztasunez interpretatzen du mezuaren edukia.
Ebaluazio-irizpideak:
Mezuaren ideia nagusia identifikatu da.
a) Hizkuntza estandarrean emandako irratiko mezuen eta grabatu edo igorritako bestelako materialen helburuari antzeman dio eta hiztunaren aldartea eta tonua identifikatu ditu.
b) Bizitza sozial, profesional edo akademikoari buruz hizkuntza estandarrean egindako grabazioetatik informazioa atera du.
c) Hiztunaren ikuspegiak eta jarrerak identifikatu ditu.
d) Gai zehatzei edo abstraktuei buruz hizkuntza estandarrean eta ohiko erritmoan emandako azalpen eta mezuetan ideia nagusiak identifikatu ditu.
e) Xehetasun osoz ulertu du hizkuntza estandarrean esandakoa, baita atzean zarata dagoenean ere.
f) Hitzaldien, solasaldien eta txostenen ideia nagusiak atera ditu, bai eta hizkuntzaren aldetik konplexuak diren aurkezpen akademiko eta profesionaleko beste forma batzuk ere.
g) Mezu bat osotasunean ulertzeko garrantzia gogoan hartu du, mezuaren elementu guztiak ulertzen ez baditu ere.
2. Testu idatzi konplexuetako lanbide informazioa interpretatzen du; horretarako, ulermenez aztertzen ditu edukiak.
Ebaluazio-irizpideak:
a) Askatasun maila altuarekin irakurri du, irakurketaren estiloa eta abiadura testu eta helburu desberdinei egokituz eta erreferentzia iturri egokiak erabiliz horiek aukeratu ondoren.
b) Norberaren espezialitateko gaien gaineko gutunak interpretatu ditu eta erraz atzeman die funtsezko esanahia.
c) Xehetasun osoz interpretatu ditu testu luzeak eta konplexu samarrak, norberaren espezialitatearekin zerikusia dutenak edo bestelakoak, betiere pasarte zailak berriz irakurtzeko aukerarekin.
d) Testua sektoreko zein esparruri dagokion, harekin erlazionatu du.
e) Lanbideko gai sorta zabal baten inguruko albiste, artikulu eta txostenen edukia eta garrantzia azkar identifikatu ditu, eta sakonago aztertzea komeni den erabaki du.
f) Testu konplexuen itzulpenak egin ditu; horretarako, laguntza materiala erabili du, beharrezkoa izan den kasuetan.
g) Euskarri telematikoen bidez (posta elektronikoa, faxa) jasotako mezu teknikoak interpretatu ditu.
h) Norberaren espezialitateko jarraibide luze eta korapilatsuak interpretatu ditu.
3. Ahozko mezu argiak eta ongi egituratuak ematen ditu, egoeraren edukia aztertuz eta solaskidearen hizkuntza erregistroari egokituz.
Ebaluazio-irizpideak:
a) Mezu orokorrak, akademikoak, lanbidekoak edo aisiakoak emateko erabilitako erregistroak identifikatu ditu, ideien arteko lotura argi zehazturik.
b) Naturaltasunez komunikatu da, inguruabarren araberako formaltasun mailarekin.
c) Protokolo arauak erabili ditu aurkezpen formaletan eta informaletan.
d) Behar bezala erabili du lanbideko terminologia.
e) Ikuspuntuak argi adierazi eta defendatu ditu, azalpenak eta argudio egokiak emanez.
f) Bere eskumeneko lan prozesua deskribatu eta sekuentziatu du.
g) Hautatutako lan aukera edo prozedura bat zergatik hautatu den argudiatu du xehetasun osoz.
h) Diskurtsoa edo diskurtsoaren zati bat berriro egiteko eskatu du beharrezkotzat jo duenean.
4. Sektoreko, ikasketetako edo eguneroko gaiei buruzko dokumentuak eta txostenak egiten ditu, hizkuntza baliabideak dokumentuaren helburuarekin erlazionatuz.
Ebaluazio-irizpideak:
a) Testu argi eta zehatzak idatzi ditu bere espezialitatearekin zerikusia duten gaiez, hainbat iturritatik jasotako informazio eta argudioak laburbilduz eta ebaluatuz.
b) Informazioa zuzentasunez, zehaztasunez, koherentziaz eta kohesioz antolatu du, informazio orokorra edo zehatza eskatzerakoan eta/edo ematerakoan.
c) Txostenak idatzi ditu, alderdi esanguratsuak nabarmenduz eta euskarritzat erabil daitezkeen xehetasun adierazgarriak eskainiz.
d) Lanbide eremuko dokumentazio berariazkoa bete du.
e) Ezarritako formulak eta hiztegi berariazkoa aplikatu ditu dokumentuak betetzean.
f) Artikuluak, jarraibideen eskuliburuak eta bestelako dokumentu idatziak laburtu ditu, hiztegi zabala erabiliz, hitzak maiz ez errepikatzeko.
g) Eginen den dokumentuaren beraren kortesia formulak erabili ditu.
5. Jarrera eta portaera profesionalak aplikatzen ditu komunikazio egoeretan; horretarako, atzerriko hizkuntzaren lurraldean ohikoak diren harremanak deskribatzen ditu.
Ebaluazio-irizpideak:
a) Atzerriko hizkuntza erabiltzen duen erkidegoaren ohitura eta erabileren alderdirik garrantzitsuenak zehaztu ditu.
b) Herrialdeko gizarte harremanen protokoloak eta arauak deskribatu ditu.
c) Atzerriko hizkuntza erabiltzen duen erkidegoaren balio eta sinesmenak identifikatu ditu.
d) Sektoreari dagozkion gizarte eta lanbide alderdiak identifikatu ditu, edozein testu motatan.
e) Atzerriko hizkuntzaren lurraldeko gizarte harremanen protokolo eta arauak aplikatu ditu.
f) Jatorriko eskualdeko hizkuntza-markatzaileak ezagutu ditu.
Edukiak.
Ahozko mezuen azterketa:
-Lanbideko eta eguneroko mezuak ulertzea.
-Zuzeneko mezuak, telefono bidezkoak, irratikoak, grabatutakoak.
-Lanbide sektoreko berariazko terminologia.
-Ideia nagusiak eta bigarren mailako ideiak.
-Baliabide gramatikalak: aditz denborak, preposizioak, phrasal verb-ak, lokuzioak, baldintza eta zalantza adieraztea, boz pasiboaren erabilera, perpaus erlatiboa, zehar estiloa, aditz modalak.
-Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
-Ahozko hizkuntzaren azentuak.
Mezu idatziak interpretatzea:
-Mezuak, testuak, lanbideko eta eguneroko artikulu oinarrizkoak ulertzea.
-Euskarri telematikoak: faxa, posta elektronikoa, burofaxa.
-Lanbide sektoreko berariazko terminologia. “False friends”.
-Ideia nagusiak eta bigarren mailako ideiak.
-Baliabide gramatikalak: aditz denborak, preposizioak, phrasal verb-ak, I wish + lehenaldi bakuna edo perfektua, I wish + would, If only; boz pasiboaren erabilera, perpaus erlatiboa, zehar estiloa, aditz modalak.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denbora erlazioak: lehenagokotasuna, ondorengotasuna eta aldiberekotasuna.
Ahozko mezuak sortzea:
-Ahozko mezuak:
Ahozko mezuak emateko erabiltzen diren erregistroak.
Lanbide sektoreko terminologia berariazkoa. “False friends”.
Baliabide gramatikalak: aditz denborak, preposizioak, phrasal verb-ak, lokuzioak, baldintzaren eta zalantzaren adierazpenak, boz pasiboaren erabilera, perpaus erlatiboa, zehar estiloa, aditz modalak.
Beste hizkuntza baliabide batzuk: adostasuna eta desadostasuna, hipotesiak eta espekulazioak, iritziak eta aholkuak, pertsuasioa eta ohartarazpena.
Fonetika. Bokalezko soinu eta fonemak eta haien konbinazio eta soinuak, eta kontsonantezko fonemak eta haien taldekatzeak.
Gizarte harremanen, kortesia arauen eta erregistro aldeen hizkuntza-markatzaileak.
-Ahozko diskurtsoa mantendu eta horren jarraipena egitea:
Hitz egiteko txanda hartu, mantendu eta lagatzea.
Laguntzea, ulertzen dela erakustea, argitzeko eskatzea, etab.
Intonazioa, ahozko testuaren kohesio baliabide gisa: intonazio patroien erabilera.
Testu idatziak sortzea:
-Lanbideko eta eguneroko mezu eta testuak adierazi eta betetzea:
Curriculum vitae-a eta euskarri telematikoak: faxa, posta elektronikoa, burofaxa.
Lanbide sektoreko terminologia berariazkoa.
Ideia nagusia eta bigarren mailako ideiak.
Baliabide gramatikalak: aditz denborak, preposizioak, phrasal verb-ak, aditz modalak, lokuzioak, boz pasiboaren erabilera, perpaus erlatiboak, zehar estiloa.
-Erlazio logikoak: aurkaritza, kontzesioa, konparazioa, baldintza, kausa, helburua, ondorioa.
-Denbora erlazioak: lehenagokotasuna, ondorengotasuna eta aldiberekotasuna.
-Testuaren koherentzia:
Testua komunikazio testuingurura egokitzea.
Testu mota eta formatua.
Hizkuntzaren aldaera. Erregistroa.
Hautaketa lexikoa, egitura sintaktikoena eta eduki garrantzitsuarena.
Diskurtsoaren hasiera eta gaiaren sarrera. Garapena eta hedapena: exenplifikazioa eta ondorioa eta/edo diskurtsoaren laburpena.
Puntuazio zeinuak erabiltzea.
Atzerriko hizkuntzaren (ingelesa) lurraldeetan garrantzitsuenak diren kultura elementuak identifikatu eta interpretatzea.
-Gizarte eta kultura eta protokolo arauak baloratzea nazioarteko harremanetan.
-Jarrera sozioprofesionala behar duten egoeretan, baliabide formal eta funtzionalak erabiltzea, enpresaren irudi egokia erakusteko.
-Atzerriko hizkuntzak bizitza pertsonalean eta profesionalean interesgarriak izanen diren ezagutzak sakontzeko duen garrantzia aintzat hartzea.
-Komunikazio egoeraren, solaskidearen eta solaskideen asmoen araberako erregistroak erabiltzea.
Orientabide didaktikoak.
Ingeleseko lanbide modulua bi kurtsoen artean banatu da, ikaslearen prestakuntza aldian hizkuntzaren erabilerak etenik izan ez dezan. Kontuan harturik kasu honetan modulua hizkuntzaren bigarren maila bati dagokiola heziketa zikloaren barnean, ikasleen hizkuntza gaitasuna handitzera bidera daiteke modulu hau, batez ere ulermenari eta ahozko adierazpenari lotutako alderdietan, bai eta espezialitateari dagozkion hizkuntzaren alderdi teknikoetan duten prestakuntza indartzera ere, alde batera utzi gabe eguneroko komunikazio egoeretan aritzeko behar diren gaitasunen garapena. Azken dimentsio horrek garrantzi berezia hartzen du ikasturte honetan, ikasleek ikaskuntza iraunkorrerako programa europarretan parte hartzeko aukera baitute.
Horregatik guztiagatik, eta Hizkuntzen Europako Erreferentzia Esparruan proposatzen denarekin bat, modulu honen bidez ikasleek komunikazio eraginkorra lortu behar dute egiazko egoeretan, bizitza arrunteko egoerak izan nahiz lanbide arlokoak izan, lanbide profil honetarako bereziki garrantzitsua baita. Era berean, ahalegin nagusia egin beharko litzateke ikasleak gai izan daitezen modu autonomo eta koherentean komunikatzeko eskakizun handiagoko mailarekin, zuzentasunari, jarioari eta zehaztasunari dagokienez. Ikasgelan, bai irakasleak bai ikasleak ingeles hutsean aritzeak ederki lagunduko du lortu nahi diren helburuak betetzen.
Irakaskuntza-ikaskuntzako prozesuan egiten diren jarduerak egokiro diseinatu behar dira, ikasleei erakusten dizkieten komunikazio egoerak ahalik eta benetakoenak izan daitezen, ulermena eta mintzamena eta, beraz, interakziorako trebetasunak bereziki indartu daitezen. Arreta berezia jarriko da lanbide sektorearen ohiko jarduerari eta gertakizunen kudeaketari lotutako dokumentuen formalizazioan (erreklamazioak, kexak, informazio bereziak, etab.).
Irakurmena lantzeak aukera ona eman dezake ikaskuntza lanbide eremuaren ingurunean kokatzeko, datuak, informazioak eta berariazko hiztegia atereaz egiazko dokumentuetatik. Horiek, neurri handian, Interneten bidez eskuratzen ahalko dira. Ildo beretik lagungarria izan daiteke ikasleek aurkezpen elektronikoak egitea, beren lanbide eremuko lan prozesuak, eragiketetarako jarraibideak, kexei eta erreklamazioei erantzuteko gutunak prestatzeko eta abar.
Halaber, gaitasun soziolinguistikoen garapena azpimarratu behar da. Horiek irakaskuntza-ikaskuntzako prozesu guztian barna jorratu behar dira, eta kurtso honetan arreta handiagoa ematen zaie modulu honen barrenean. Garrantzitsua da bermatu ahal izatea ikasleek badakizkitela hizkuntza erabiltzeko konbentzioak, adeitasunezko arauak, erregistro desberdinak eta horiek behar bezala erabiltzearen garrantzia, eta, oro har, ingelesa ama hizkuntza duten herrien idiosinkrasia ongien definitzen duten ezaugarri kulturalak.
Ebaluazioari dagokionez, iradokitzen da prozesu horren ardatza ikasleen komunikaziorako gaitasunaren balorazioa izan dadila, hau da, ikustea nola baliatzen dituzten beren hizkuntza ezagutzak eta trebetasunak eta zenbateko gaitasuna duten komunikaziorako estrategia desberdinak erabiltzeko. Helburu horri begira seinalatu dira modulu honetako ebaluazio irizpideak eta, ildo berean, hizkuntzetarako Europako Erreferentzia Esparrua oso bitarteko baliotsua izan daiteke ebaluazio tresnak diseinatzeko.
Lanbide modulua: Lanerako prestakuntza eta orientabideak.
Kodea: 0829.
Baliokidetasuna, ECTS kreditutan: 5.
Iraupena: 70 ordu.
Ikaskuntzaren emaitzak eta ebaluazio irizpideak.
1. Lan-munduratzeko eta bizitza osoan ikasteko hautabideak identifikatu ondoren, lan-aukerak hautatzen ditu.
Ebaluazio-irizpideak:
a) Norberaren nortasuna, asmoak, jarrerak eta prestakuntza baloratu ditu erabakiak hartzeko.
b) Nazioarteko Merkataritzako goi mailako teknikariarentzako enplegu-sorgune eta lan-munduratzeko gune nagusiak identifikatu ditu tokiko, eskualdeko, Estatuko eta Europako eremuetan.
c) Tituluaren profilari lotutako lanbide jarduerarako eskatzen diren gaitasunak eta jarrerak zehaztu ditu.
d) Nazioarteko Merkataritzako goi mailako teknikariaren lanbide-profilari lotutako prestakuntza-ibilbidea eta ibilbide profesionala identifikatu ditu.
e) Etengabeko prestakuntzak duen garrantzia baloratu du, laneratu ahal izateko eta produkzio prozesuaren eskakizunetara moldatzeko gakoa den aldetik.
f) Lana bilatzeko prozesuan erabiltzen diren teknikak zehaztu ditu.
g) Tituluari lotutako lanbide-sektoreetan autoenplegurako dauden aukerak aurreikusi ditu.
2. Talde lanaren estrategiak eta komunikaziorako trebetasunak aplikatzen ditu eta estrategia horien eraginkortasuna eta eragimena baloratzen ditu erakundearen helburuei begira.
Ebaluazio-irizpideak:
a) Nazioarteko Merkataritzako goi mailako teknikariaren profilari lotutako lan-egoeretan talde-lanak dituen abantailak baloratu ditu.
b) Egiazko lan egoera batean eratzen ahal diren lantaldeak identifikatu ditu.
c) Komunikaziorako teknika nagusiak identifikatu ditu.
d) Komunikazio eraginkorra izateko beharrezko elementuak identifikatu ditu.
e) Lantalde eraginkorraren ezaugarriak zehaztu ditu, eraginkortasunik gabeko lan taldeen aldean.
f) Lanbide sektorean lantaldearen funtzionamendua hobetzeko behar diren gizarte trebetasunak baloratu ditu.
g) Lantaldeetan erabiltzen diren agiriak identifikatu ditu: deialdiak, aktak eta aurkezpenak.
h) Lantaldeko kideen eginkizunen eta iritzien aniztasun beharrezkoa positiboki baloratu du.
i) Taldeko kideen artean gatazkak sortzen ahal direla eta hori erakundeen ezaugarri bat dela onartu du.
j) Gatazka motak eta horien iturriak identifikatu ditu, bai eta gatazkak konpontzeko prozedurak ere.
3. Lan harremanetatik sortzen diren eskubideak erabili eta betebeharrak bete egiten ditu, eta badaki horiek bereizten lan kontratuetan eta hitzarmen kolektiboetan.
Ebaluazio-irizpideak:
a) Lan zuzenbidearen arloko kontzeptu nagusiak identifikatu ditu.
b) Enpresaburuen eta langileen arteko harremanetan esku hartzen duten erakunde nagusiak bereizi ditu.
c) Lan harremanetatik sortzen diren eskubideak eta betebeharrak zehaztu ditu.
d) Kontratazio mota nagusiak sailkatu ditu eta zenbait kolektiboren kontratazioa sustatzeko neurriak identifikatu ditu.
e) Indarra duen legedian lana eta familiako bizitza ongi uztartzeko ezarrita dauden neurriak baloratu ditu.
f) Soldaten ordainagiria aztertu du eta hura osatzen duten elementu nagusiak identifikatu ditu, tartean langilearen kotizazio oinarriak eta langileari eta enpresaburuari dagozkien kuotak daudela.
g) Lan harremanak aldatzearen, etetearen eta amaitzearen arrazoiak eta ondorioak identifikatu ditu.
h) Gatazka kolektiboetako neurriak eta gatazkak ebazteko prozedurak aztertu ditu.
i) Nazioarteko Merkataritzako goi mailako teknikariaren tituluarekin zerikusia duen lanbide sektoreari aplikatu beharreko hitzarmen kolektibo batean itundutako lan baldintzak zehaztu ditu.
j) Lanaren antolaketaren ingurune berriak bereizten dituzten ezaugarriak identifikatu ditu.
4. Gizarte Segurantzaren sistemak estaltzen dituen egoeretan zer-nolako babesak dauden zehazten du eta prestazio motak identifikatzen ditu.
Ebaluazio-irizpideak:
a) Gizarte Segurantzaren eginkizuna baloratu du, herritarren bizi-kalitatea hobetzeko zutabe nagusia den aldetik.
b) Gizarte Segurantzaren sistemako araubideak identifikatu ditu.
c) Gizarte Segurantzaren sistemak estaltzen dituen gorabeherak banan-banan aipatu ditu.
d) Enpresaburuak eta langileak Gizarte Segurantzaren sistemaren barnean dituzten betebeharrak identifikatu ditu.
e) Inguruko herrialde nagusietan Gizarte Segurantzaren arloan dauden desberdintasunak identifikatu ditu.
f) Gizarte Segurantzaren sistemako prestazioak sailkatu ditu, eta baldintzak identifikatu.
g) Legezko langabezia egoerak zehaztu ditu zenbait kasu praktikotan.
h) Ikasleen ezaugarriei dagozkien langabezia prestazioen iraupena eta zenbatekoa kalkulatu ditu, kotizaziopeko oinarrizko prestazioak eta kotizazio gabeko prestazioak bereiziz.
5. Bere jardueraren arriskuak ebaluatzen ditu, lan baldintzak eta bere lan inguruneko arrisku-faktoreak aztertuz.
Ebaluazio-irizpideak:
a) Nazioarteko merkataritzaren sektorean dauden jarduera motak sailkatu ditu, Nazioarteko Merkataritzako goi mailako teknikariaren lan ingurunean, lanbide arriskuak identifikatuz.
b) Dauden arrisku-faktoreak sailkatu ditu.
c) Lanbideko arrisku faktoreen ondorioz gerta daitezkeen lanbide kalteak (lan istripuak eta lanbide eritasunak) identifikatu ditu.
d) Enpresako arriskuen ebaluazioaren kontzeptua eta horren prozesua zehaztu ditu.
e) Arrisku motak identifikatu eta ebaluatu ditu eta, prebentzio neurriak proposatuta, haien segimendua egin eta haien eraginkortasuna kontrolatu du.
f) Nazioarteko Merkataritzako goi mailako teknikariaren lanbide profilarekin zerikusia duten lan inguruneetan prebentzioari begira garrantzia duten lan baldintzak zein diren zehaztu du.
g) Lan baldintzak eta langilearen osasuna erlazionatu ditu.
h) Prebentzioaren kulturaren garrantzia baloratu du enpresaren esparru eta jarduera guztietan.
6. Enpresa txiki batean, arriskuen prebentziorako plana egiten laguntzen du, inplikatutako eragile guztien erantzukizunak eta eskumenak identifikatuta.
Ebaluazio-irizpideak:
a) Laneko arriskuen prebentziorako oinarrizko araudia identifikatu du.
b) Laneko arriskuen prebentzioaren arloko eskubide eta betebehar nagusiak zein diren zehaztu du.
c) Enpresan prebentzioa kudeatzeko moduak sailkatu ditu, laneko arriskuen prebentziorako araudian ezarritako irizpideen arabera.
d) Arrisku plan bat prestatzean inplikatuta dauden eragile guztien erantzukizunak identifikatu ditu.
e) Arriskuen prebentzioaren arloan langileek enpresan ordezkaritza izateko bideak zein diren deskribatu du.
f) Laneko arriskuen prebentzioarekin zerikusia duten erakunde publikoak identifikatu ditu.
g) Aintzat hartu du garrantzitsua dela enpresan prebentzio plana izatea, larrialdietan egin beharreko jarduketen sekuentzia barne duena.
h) Nazioarteko Merkataritzako goi mailako teknikariaren lanbide sektorearekin zerikusia duen lantoki bateko prebentzio planaren edukia definitu du.
i) Enpresa txiki edo ertain batentzako larrialdi eta ebakuazioetarako plana proiektatu du.
7. Prebentzio eta babes neurriak aplikatzen ditu, eta Nazioarteko Merkataritzako goi mailako teknikarien laneko arrisku egoerak aztertzen ditu.
Ebaluazio-irizpideak:
a) Kalteak beren sorburuan saihesteko eta saihestezinak diren ondorioak leuntzeko aplikatu behar diren prebentzio eta babes neurriak definitu ditu.
b) Mota guztietako segurtasun seinaleen esanahia eta eremua aztertu ditu.
c) Larrialdietan jarduteko protokoloak aztertu ditu.
d) Larrialdietan, zaurituak larritasunaren arabera sailkatzeko teknikak identifikatu ditu.
e) Lehen sorospenetarako oinarrizko teknikak identifikatu ditu, istripuaren lekuan aplikatu behar direnak kalte mota desberdinei aurre egiteko. Halaber, botika kutxaren osagaiak eta erabilera identifikatu ditu.
f) Langilearen osasuna zaintzeko betebeharrak eta baldintzak eta horiek prebentzio neurri gisa duten garrantzia zehaztu ditu.
Edukiak.
Lan bilaketa aktiboa:
-Lanbide-karrera egiteko interesak, gaitasunak eta motibazio pertsonalak analizatzea.
-Erabakiak hartzeko prozesua.
-Nazioarteko Merkataritzako goi mailako teknikariaren tituluari dagokion lanbide sektorearen definizioa eta azterketa, haren eraginpeko lurraldean eta Estatuan.
-Sektoreko enpresa txiki, ertain eta handietan lana bilatzeko prozesua bere eraginpeko lurralde eremuan, Estatuan eta Europar Batasunean.
-Enplegu publikoa eskuratzeko prozesua.
-Europan ikasteko eta lan egiteko aukerak.
-Etengabeko prestakuntzak Nazioarteko Merkataritzako goi mailako teknikariaren lan eta lanbide ibilbiderako duen garrantzia baloratzea.
-Informazio hori ematen duten tokiko, eskualdeko, Estatuko eta Europako erakundeak identifikatzea.
-Nazioarteko Merkataritzako goi mailako teknikariarekin zerikusia duten prestakuntza ibilbideak identifikatzea tokiko, eskualdeko, Estatuko eta Europako eremuetan.
-Enplegua bilatzeko teknikak eta tresnak: curriculum vitaearen ereduak, Europako curriculum vitaea eta laneko elkarrizketak. Europar Batasunean langileen mugikortasuna errazten duten beste agiri batzuk.
-Autoenplegua baloratzea laneratzeko aukera gisa.
Gatazkaren kudeaketa eta lantaldeak:
-Talde lanak erakundearen eraginkortasunari begira dituen alde onak eta txarrak baloratzea.
-Nazioarteko merkataritzaren sektoreko lan talde motak, betetzen dituzten eginkizunen arabera.
-Lantalde eraginkorraren ezaugarriak.
-Gizarte trebetasunak. Hitzezko eta hitzik gabeko komunikazio-teknikak. Komunikazio eraginkorrerako estrategiak.
-Lan bileretan erabiltzen diren agiriak: deialdiak, aktak eta aurkezpenak.
-Lantaldean parte hartzea. Kideek har ditzaketen rolen analisia.
-Gatazka: ezaugarriak, iturriak eta etapak.
-Gatazka konpondu edo desagerrarazteko metodoak: bitartekotza, adiskidetzea, arbitrajea, epaiketa eta negoziazioa.
Lan kontratua:
-Lan arloko zuzenbidea.
-Banakako lan harremanaren azterketa.
-Lan kontratuaren modalitateak eta kontratazioa sustatzeko neurriak.
-Lan harremanak sortzen dituen eskubideak eta betebeharrak.
-Lan baldintzak. Soldata, lan denbora eta atsedena.
-Soldataren ordainagiria.
-Lan kontratuaren aldaketa, etetea eta amaiera.
-Langileen ordezkaritza.
-Nazioarteko Merkataritzako goi mailako teknikariaren lanbide eremuari aplikatu beharreko hitzarmen kolektibo baten azterketa.
-Lan gatazka kolektiboak.
-Lana antolatzeko ingurune berriak: azpikontratazioa eta telelana, besteak beste.
-Langileentzako onurak antolamendu berrietan: malgutasuna, gizarte onurak eta beste batzuk.
Gizarte Segurantza, lana eta langabezia:
-Gizarte Segurantzaren sistema, elkartasun sozialaren oinarrizko printzipio gisa.
-Gizarte Segurantzaren sistemaren egitura.
-Enpresaburuek eta langileek Gizarte Segurantzaren arloan dituzten betebehar nagusiak: afiliazioa, altak, bajak eta kotizazioa.
-Gizarte Segurantzaren ekintza babeslea.
-Gizarte Segurantza gure inguruko herrialde nagusietan.
-Langabezia-babesa: kontzeptua eta babesten ahal diren egoerak.
Laneko arriskuen ebaluazioa:
-Laneko arriskuen prebentzioaren arloko oinarrizko arau-esparrua.
-Laneko arriskuen prebentzioaren arloko eskubideak eta betebeharrak.
-Prebentzioaren kulturaren garrantzia jardueraren fase guztietan.
-Lanaren eta osasunaren arteko erlazioaren balorazioa.
-Laneko arriskua. Arrisku-faktoreen analisia.
-Enpresako arriskuen ebaluazioa, prebentzio jardueraren oinarrizko elementu gisa.
-Segurtasun baldintzei lotutako arriskuen azterketa.
-Ingurumen baldintzei lotutako arriskuen azterketa.
-Baldintza ergonomiko eta psikosozialei lotutako arriskuen azterketa.
-Sektoreko industrian berariazko arriskuak dituzten lan prozesuak.
-Arriskuaren balorazioa.
-Aurkitutako arrisku egoera bakoitzaren ondorioz langilearen osasunak nolako kalteak izan ditzakeen zehaztea.
Prebentzioaren plangintza enpresan:
-Prebentzio plana.
-Prebentzio neurriak hartzea: plangintza eta kontrola.
-Prebentzioaren kudeaketaren antolaketa enpresan.
-Langileen ordezkaritza prebentzioaren arloan.
-Erantzukizunak laneko arriskuen prebentzioaren arloan.
-Laneko arriskuen prebentzioarekin zerikusia duten erakunde publikoak.
-Banakako eta taldeko prebentzio eta babes neurriak.
-Larrialdi eta ebakuazioetarako planak lan inguruneetan.
-Sektoreko enpresa batentzako larrialdi plana prestatzea.
-Larrialdietan jarduteko protokoloa.
Prebentzio eta babes neurriak aplikatzea:
-Jarduteko protokoloa hautatzea.
-Banakako eta taldeko prebentzio eta babes neurriak zehaztea.
-Segurtasun arloko seinale motak identifikatzea.
-Larrialdi medikoa eta lehen laguntza. Oinarrizko kontzeptuak eta aplikazioa.
-Langileei prestakuntza ematea larrialdietako planei buruz eta lehen sorospenetarako teknikei buruz.
-Langileen osasuna zaintzea.
Orientabide didaktikoak.
Modulu honen bidez ikasleek oinarrizko trebetasunak eta jarrerak berenganatzen dituzte lan munduan sartzeko eta beren lanbide karrera garatzeko, nazioarteko merkataritzaren sektorean, hala Espainiako lurraldean nola Europan.
Edukien sekuentziazioari dagokionez, kontuan izanik ikastetxeak egokienak iruditzen zaizkion erabakiak hartzeko eskumena duela, lan arloko legeriari, Gizarte Segurantzari eta lan taldeei buruzko edukiak jorratu litezke lehenik. Ondoren, laneko segurtasunari eta osasunari buruzko edukiak lantzen ahal dira; eduki horien aplikazio praktiko gisa, prebentzio plan bat presta liteke. Gatazkaren kudeaketarekin jarraitzen ahal da eta, azkenik, lan bilaketari buruzko multzoa jorratu liteke, ikasleak lan merkatuan sartu aurreko urrats gisa.
Modulu honetako ikaskuntzaren emaitzak lortzeko, askotariko jarduerak daude aukeran. Hona hemen batzuk:
-Norberaren izaerari eta gizarte trebetasunen garapenari buruzko orientabide profesionaleko probak eta dinamikak egitea, prestakuntzaren eta asmoen arteko koherentzia pertsonala egiaztatzeko.
-Norberaren karrera planifikatzea: beharrekin eta lehentasunekin bateragarriak diren epe ertain eta luzerako lan helburuak finkatzea. Helburu errealistak eta oraingo prestakuntzarekin eta proiektatuarekin koherenteak direnak finkatzea, eta nork bere ikaskuntzaren ardura hartzea.
-Lana bilatzen laguntzen ahal diguten bitartekoak eta erakundeak identifikatzea, bai gure ingurune hurbilenean, bai Europan, horretarako tresna egokiak erabiliz.
-Lana bilatzeko prozesuetan behar den dokumentazioa prestatzea eta betetzea: curriculum vitaea, lan elkarrizketak, test psikoteknikoak eta beste batzuk.
-Jardueraren bat bakarka eta taldean egitea eta emaitzak konparatzea.
-Komunikazio jarduerak egitea.
-Klasean aurkezpenak egitea.
-Gatazka egoera bat simulatzea eta konponbide desberdinak aurkeztea.
-Sektoreko langileei eragiten dien lan arloko araudia identifikatzea.
-Langileen Estatutuaren edukia alderatzea ikasten ari den zikloari dagokion sektoreko hitzarmen kolektibo batekin.
-Negoziazio kolektiboko prozesu bat simulatzea, langileen eta enpresaburuen interesak bateratzeko bide gisa.
-Zailtasun maila desberdinetako soldata ordainagiriak egitea.
-Prebentzio plan bat prestatzea, enpresa planean sartzekoa.
-Gizarte Segurantzak babesten dituen egoerak identifikatzea.
-Zikloa eginda eskuratzen ahalko diren lanpostu ohikoenetan gerta daitezkeen arrisku egoerak aztertzea, aurreneurriak proposatzea eta ezarri beharreko aurreneurrien plangintza diseinatzea, hori guztia indarra duen araudiari jarraituz.
-Sektoreko enpresak ikusteko bisitak programatzea eta egitea, ikasleek produkzio sektorearen errealitatea ezagutu ahal izateko.
Modulu honen edukietarako ikus-entzunezko baliabideak eta/edo Internet erabilita, ikaskuntza eta irakaskuntza prozesua azkarragoa eta eraginkorragoa izanen da. Pixkanaka ikasleek beren kabuz ebatzi ahal izanen dituzte proposatzen zaizkien jarduketak eta egoerak.
Lanerako prestakuntza eta orientabidea modulua lotuta dago Enpresaren kudeaketa ekonomikoa eta finantzarioa moduluarekin, eta nolabait, haren osagarria da; kurtso desberdinetan irakasten badira ere, komeni da zenbait irizpide ezartzea koordinazio eta osagarritasunerako bi modulu horiek irakasten dituztenen artean.
Lanbide modulua: Nazioarteko merkataritzako proiektua.
Kodea: 0828.
Baliokidetasuna, ECTS kreditutan: 5.
Iraupena: 30 ordu.
Ikaskuntzaren emaitzak eta ebaluazio irizpideak.
1. Produkzio sektorearen beharrak identifikatzen ditu, eta behar horiek asetzen ahal dituzten ereduzko proiektuekin erlazionatzen ditu.
Ebaluazio-irizpideak:
a) Sektoreko enpresak sailkatu ditu, beren antolaketaren ezaugarriak eta eskaintzen duten produktu edo zerbitzu mota kontuan harturik.
b) Ereduzko enpresen ezaugarriak azaldu ditu, antolamenduaren egitura eta departamentu bakoitzaren eginkizunak adieraziz.
c) Enpresei gehien eskatzen zaizkien beharrak identifikatu ditu.
d) Sektorean aurreikus daitezkeen negozio aukerak baloratu ditu.
e) Aurreikusten diren eskariei erantzuteko behar den proiektu mota identifikatu du.
f) Proiektuak izan behar dituen berariazko ezaugarriak zehaztu ditu.
g) Zerga eta lan arloetako betebeharrak, arriskuei aurrea hartzekoak eta horiek aplikatzeko baldintzak zehaztu ditu.
h) Produkziorako edo zerbitzurako proposatzen diren teknologia berriak sartzeko har litezkeen laguntzak edo diru-laguntzak identifikatu ditu.
i) Proiektua prestatzeko erabiliko den lan gidoia prestatu du.
2. Tituluan ageri diren gaitasunekin zerikusia duten proiektuak diseinatzen ditu, hura osatzen duten faseak sartuz eta garatuz.
Ebaluazio-irizpideak:
a) Proiektuan landuko diren alderdien gaineko informazioa bildu du.
b) Proiektuaren bideragarritasun teknikoari buruzko azterlana egin du.
c) Proiektua osatzen duten fase edo atalak eta haien edukia identifikatu ditu.
d) Lortu nahi diren helburuak ezarri ditu eta haien norainokoa identifikatu du.
e) Proiektua burutzeko behar diren baliabide materialak eta giza baliabideak aurreikusi ditu.
f) Dagokion aurrekontu ekonomikoa egin du.
g) Proiektua abian jartzeko finantzazio beharrak identifikatu ditu.
h) Proiektua diseinatzeko behar den dokumentazioa definitu eta prestatu du.
i) Proiektuaren kalitatea bermatzeko kontrolatu behar diren alderdiak identifikatu ditu.
3. Proiektua nola gauzatu planifikatzen du, esku hartzeko plana eta lotutako dokumentazioa zehaztuz.
Ebaluazio-irizpideak:
a) Jardueren sekuentzia zehaztu du, garatzeko beharren arabera ordenatuz.
b) Jarduera bakoitzerako behar diren baliabideak eta logistika zehaztu ditu.
c) Jarduerak gauzatzeko baimenen beharrak identifikatu ditu.
d) Jarduteko edo jarduerak gauzatzeko prozedurak zehaztu ditu.
e) Ezarpenak dituen arriskuak identifikatu ditu eta arriskuen prebentziorako plana eta behar diren baliabide eta ekipamenduak definitu ditu.
f) Materialen eta langileen esleipena eta gauzatze epeak planifikatu ditu.
g) Praktikan jartzeko baldintzei erantzuten dien balorazio ekonomikoa egin du.
h) Hura gauzatzeko behar den dokumentazioa definitu eta prestatu du.
4. Proiektuaren gauzatzearen jarraipen eta kontrolerako prozedurak definitzen ditu, eta erabilitako aldagai eta tresnen hautapena justifikatzen du.
Ebaluazio-irizpideak:
a) Jarduerak edo esku-hartzeak ebaluatzeko prozedura definitu du.
b) Ebaluazioa egiteko kalitate-adierazleak definitu ditu.
c) Jarduerak egin bitartean gerta daitezkeen gorabeherak ebaluatu, konpondu eta erregistratzeko prozedura definitu du.
d) Baliabideetan eta jardueretan gerta daitezkeen aldaketak kudeatzeko prozedura zehaztu du, haiek erregistratzeko sistema barne.
e) Jarduerak eta proiektua ebaluatzeko behar den dokumentazioa definitu eta prestatu du.
f) Erabiltzaile edo bezeroek ebaluazioan parte hartzeko prozedura ezarri du eta berariazko dokumentuak prestatu ditu.
g) Proiektuak baldintzen agiria duen kasuan, hura beteko dela bermatzeko sistema ezarri du.
Lanbide modulua: Lantokietako prestakuntza.
Kodea: 0830.
Baliokidetasuna, ECTS kreditutan: 22.
Iraupena: 350 ordu.
Ikaskuntzaren emaitzak eta ebaluazio irizpideak.
1. Enpresaren egitura eta antolamendua identifikatzen ditu, eta ematen duen zerbitzuarekin erlazionatzen ditu.
Ebaluazio-irizpideak:
a) Enpresaren antolaketaren egitura eta enpresaren arlo bakoitzaren eginkizunak identifikatu ditu.
b) Enpresaren egitura sektorean dauden enpresa-antolamendu ereduzkoekin alderatu du.
c) Zerbitzuaren ezaugarriak eta bezero mota enpresa jardueraren garapenarekin erlazionatu ditu.
d) Zerbitzua emateko lan prozedurak identifikatu ditu.
e) Giza baliabideek enpresaren jarduera ahalik eta ongien garatzeko eduki behar dituzten gaitasunak baloratu ditu.
f) Jarduera honetan ohikoenak diren hedabideen egokitasuna baloratu du.
2. Bere lanbide jardueran ohitura etiko eta lan ohitura egokiak aplikatzen ditu, lanpostuaren ezaugarrien eta enpresan ezarritako prozeduren arabera.
Ebaluazio-irizpideak:
a) Honako hauek ezagutu eta justifikatu ditu:
-Lanpostuak langileari eskatzen dizkion prestasuna eta denbora.
-Lanposturako behar diren jarrera pertsonalak (puntualtasuna eta enpatia, besteak beste) eta profesionalak (ordena, garbitasuna eta erantzukizuna, besteak beste).
-Lanbide jardueran arriskuen prebentziorako beharrezkoak diren jarrerak.
-Lanbide jardueraren kalitateari dagokionez beharrezkoak diren jarrerak.
-Lantaldearekin eta enpresan ezarritako hierarkiarekin zerikusia duten jarrerak.
-Lan esparruan egindako jardueren dokumentazioarekin zerikusia duten jarrerak.
-Laneratzeko eta lan munduan berriz sartzeko prestakuntza beharrak profesionalaren jardunbide egokiaren esparru zientifiko eta teknikoan.
b) Lanbide jardueran laneko arriskuen prebentziorako aplikatu behar diren arauak eta Laneko Arriskuen Prebentzioari buruzko Legearen funtsezko alderdiak identifikatu ditu.
c) Norbanakoak babesteko ekipamenduak erabili ditu, lanbide jardueraren arriskuen arabera eta enpresaren arauak betez.
d) Egindako jardueretan ingurumenarekiko errespetua agertu du.
e) Lanpostua edo jarduera egiten den eremua ongi antolatua, garbi eta oztoporik gabe mantendu du.
f) Egokitutako lanaren erantzukizuna bere gain hartu du, jasotako jarraibideak interpretatuz eta betez.
g) Komunikazio eraginkorra eratu du egoera bakoitzean arduradun den pertsonarekin eta taldekideekin.
h) Gainerako taldekideekin koordinatu da, eta agertu zaizkion gorabehera garrantzitsuak jakinarazi ditu.
i) Bere jardueraren garrantzia eta eginkizunen aldaketetara egokitu beharra baloratu ditu.
j) Arau eta prozeduren aplikazioaren erantzukizuna bere gain hartu du lana garatzean.
3. Enpresaren kudeaketa ekonomikoarekin eta finantzarioarekin erlazionatutako zereginak garatzen ditu, jasotako argibideei jarraiki.
Ebaluazio-irizpideak:
a) Aktiboak eskuratzeko eta berritzeko laguntza eta diru-laguntza publikoak lortzeari buruzko informazioa ematen duten erakundeak identifikatu ditu.
b) Inbertsioak finantzatzeko finantza- eta kreditu-tresnarik ohikoenak identifikatu ditu, eta mailegu edo kreditu bat lortzeko prozedura eta dokumentazioa kudeatu du.
c) Produktu eta zerbitzuen salerosketa ordaintzearekin, kobratzearekin eta finantzatzearekin erlazionatutako kudeaketak egin ditu.
d) Saldutako produktuak edo egindako zerbitzuak kobratzeko eta ordaintzeko dokumentuak, fakturak eta ordainagiriak egin eta kudeatu ditu.
e) Enpresan sortutako dokumentazioa antolatzeko, erregistratzeko eta artxibatzeko lanak garatu ditu.
f) Faktura elektronikoak igortzeko eta hartzeko araudia eta eskakizunak interpretatu ditu.
g) Inbertsioen kostuak kalkulatu ditu eta haien errentagarritasuna eta enpresaren kaudimena eta eraginkortasuna zehaztu du.
h) Enpresaren kontabilitate- eta zerga-prozesuan parte hartu du, indarrean dagoen merkataritza- eta zerga-araudiaren arabera.
i) BEZaren eta mozkinen gaineko zergen aldian behingo aitorpenak egin ditu.
4. Enpresaren nazioartekotzearekin erlazionatutako kanpo-merkatuetan merkataritza-azterketak egiten ditu, eta ezarritako helburuak betetzen ditu.
Ebaluazio-irizpideak:
a) Enpresarentzat interesa duten merkataritza-azterketak egin ditu kanpo-merkatuetan, enpresa nazioartekotzeari edo merkatu berrietan sartzeari begira.
b) Informatika-aplikazioak erabili ditu informazioa lortzeko eta tratatzeko eta emaitzak aurkezteko.
c) Lortutako informazioa antolatu du eta enpresaren datu-basera gehitu du, erabakiak hartzerakoan erabiltzeko.
d) Produktu berriak kanpo-merkatu batean sartzeko aukera ebaluatu du, eta, horretarako, dauden produktu-lerroak eta gamak baloratu ditu.
e) Kanpo-merkatu bateko prezioen politikari buruzko txostenak egin ditu, eta, horretarako, produktuaren prezioa osatzen duten aldagaiak aztertu ditu.
f) Kanpo-merkatu batean sartzeko modurik egokiena hautatu du, eta, horretarako, nazioarteko merkatuetan banaketa-kanalen egitura definitzen duten faktoreak aztertu ditu.
g) Kanpo-merkatu batean sartzeko merkataritza-sustapeneko ekintzarik egokienak hautatu ditu, eta, horretarako, erabilgarri dauden merkataritza-komunikazioko aukerak aztertu ditu.
h) Nazioarteko marketineko plan bat egin du, produktuen oinarrizko informazioa edo briefing-a hautatuta.
5. Salgaiak inportatzeko/esportatzeko eta sartzeko/bidaltzeko eragiketei dagozkien administrazio-kudeaketak egiten ditu, indarrean dagoen legeria aplikatuta.
Ebaluazio-irizpideak:
a) Nazioarteko merkataritzako eragiketekin erlazionatutako informazioa eta dokumentazioa lortzeko eta tratatzeko sistemak erabili ditu.
b) Inportatzeko/esportatzeko eta sartzeko/bidaltzeko eragiketetan administrazio-prozedurak kudeatu ditu.
c) Salgaiak inportatzeko/esportatzeko eta/edo sartzeko/bidaltzeko eragiketen administrazio-kudeaketarako beharrezkoa den dokumentazioa landu du.
d) Bezeroari bidali behar zaion esportatzeko salgaien eskaintza landu du, hainbat Incoterm erabilita.
e) Salgaien nazioarteko salerosketako kontratuetan sartu ohi diren klausulak interpretatu ditu.
f) Nazioarteko salerosketako kontratua prestatu du, eta haren klausuletan Incoterma eta alderdien artean hitzartutako gainerako itunak eta baldintzak islatu ditu.
g) Nazioarteko salerosketako eragiketei lotutako dokumentazioa landu du, informatika-aplikazio espezifikoak erabilita.
h) Nazioarteko salerosketako eragiketetan sortutako informazioa eskuz eta informatikoki prozesatu eta artxibatu du.
i) Ingelesa eta/edo atzerriko beste hizkuntza bat erabili du nazioarteko merkataritzako eragiketen administrazio-kudeaketan.
6. Salgaiak nazioartean biltegiratzeko, garraiatzeko eta banatzeko prozesuak antolatzeko, kudeatzeko eta egiaztatzeko lanak garatzen ditu, eta, eginkizun horretan, salgaien osotasuna eta erabilgarri dauden espazio eta bitartekoen optimizazioa bermatzen du.
Ebaluazio-irizpideak:
a) Stocken haustura saihestuko duten materialak eta produktuak erosteko premiak ezarri ditu.
b) Materialak erosteko aginduak landu ditu, unea eta biltegiko xedea adierazita.
c) Hornitzaileak hautatu ditu eta erosketaren baldintzak negoziatu ditu.
d) Biltegiko stockak kudeatu ditu kostuak minimizatzeko.
e) Biltegiaren aurrekontua kudeatu eta kontrolatu du, kostuen esleipenetik datozen desbideratzeak hautemateko eta zuzentzeko.
f) Biltegian egindako prozesuak gainbegiratu ditu, zerbitzuaren kalitatea hobetzeko sistemen eta langileak prestatzeko/birziklatzeko planen arabera.
g) Salgaiaren nazioarteko garraiorik egokiena kudeatu du, salgai mota, jatorri- eta helmuga-puntuak eta zerbitzuaren kostua kontuan hartuta.
h) Salgaiaren nazioarteko garraioko kontratua kudeatu du, erabilitako garraiobidearen eta itundutako Incotermaren arabera.
i) Garraioan zehar salgaiaren asegurua kudeatu du, erabilitako garraio-modalitatearen eta salerosketa-kontratuan itundutako baldintzen arabera.
7. Enpresaren merkaturatze-prozesuak kudeatzen ditu, eta, horretarako, kanpo-merkatuetan bezeroekin eta/edo hornitzaileekin harremanetan jartzen da eta negoziazio- eta kontratazio-jardueretan parte hartzen du.
Ebaluazio-irizpideak:
a) Nazioarteko bezeroak eta/edo hornitzaileak bilatzeko eta hautatzeko teknika egokiak erabili ditu.
b) Nazioarteko bezeroek eta/edo hornitzaileek bete behar dituzten merkataritzako terminoak eta baldintzak identifikatu ditu.
c) Agente, bitartekari, bezero eta/edo hornitzaile korporatiboak hautatu ditu, antolakundeak markatutako helburuen arabera.
d) Nazioarteko bezeroen eta/edo hornitzaileen fitxategi maisuak prestatu ditu, bezeroekiko harremanak kudeatzeko informatika-aplikazioa abiapuntu hartuta.
e) Nazioarteko bezeroak eta/edo hornitzaileak hautatzeko lanen txostenak egin ditu informatika-euskarrietan.
f) Bezeroen eta/edo hornitzaileen fitxategiak eta datu-baseak mantentzeko eta eguneratzeko lanak aldian behin egin ditu.
g) Beste herrialde batzuetako bezeroentzako aurrekontuak eta eskaintzak landu ditu, hitzartutako baldintzak eta itundutako Incoterma kontuan hartuta.
h) Ingelesa eta/edo atzerriko beste hizkuntza bat erabili du enpresaren negoziazio- eta merkaturatze-prozesuetan.
8. Nazioarteko finantzaketako kudeaketak eta salgaiak inportatzeko/sartzeko eta esportatzeko/bidaltzeko eragiketak ordaintzeko/kobratzeko kudeaketak egiten ditu, jasotako argibideen arabera.
Ebaluazio-irizpideak:
a) Nazioarteko finantzaketako eragiketekin erlazionatutako informazioa/dokumentazioa tratatzeko sistemak erabili ditu.
b) Esportazioak eta/edo inportazioak finantzatzeko eragiketen kudeaketan parte hartu du, eta, horretarako, kasu bakoitzean, sortzen dituzten arriskuak eta finantza-kostuak kalkulatu ditu.
c) Nazioarteko merkataritzako eragiketei lotutako kredituak kudeatzeko beharrezkoa den dokumentazioa landu du.
d) Finantza-kostuak kalkulatu ditu eta mailegu baten amortizazio-taula landu du, informatika-aplikazio egokia erabilita.
e) Produktu, zerbitzu eta/edo proiektuen esportaziorako laguntza ofizialdun kreditu bat lortzeko beharrezkoa den dokumentazio espezifikoa bete du.
f) Nazioarteko lehiaketa edo lizitazio bati lotutako beharrezko dokumentazio espezifikoa kudeatu du.
g) Nazioarteko salerosketako eragiketen kobrantza edo ordainketa egiteko beharrezkoa den dokumentazioa kudeatu du.
h) Nazioarteko ordainbideei eta haiei lotutako bermeei buruzko dokumentazioa landu eta kudeatu du.
j) Ingelesa eta/edo atzerriko beste hizkuntza bat erabili du nazioarteko merkataritzako eragiketen finantza-kudeaketan eta nazioarteko ordainbideen kudeaketan.
Orientabide didaktikoak.
Lanbide modulu hau lagungarria da tituluko gaitasunak eta zikloko helburu orokorrak osatzeko, bai ikastetxean lortutakoak bai bertan nekez lor daitezkeenak.
3. ERANSKINA
PRESTAKUNTZA UNITATEAK
A) Nola antolatu diren moduluak prestakuntza unitatetan
0623 lanbide modulua: Enpresaren kudeaketa ekonomikoa eta finantzarioa (190 h).
| KODEA | PRESTAKUNTZA UNITATEA | IRAUPENA (orduak) |
| 0623-UF01 (NA) | Enpresa bat sortu eta funtzionamenduan jartzea | 40 |
| 0623-UF02 (NA) | Enpresa baten baliabideak eta aktiboak tramitatu eta finantzatzea | 40 |
| 0623-UF03 (NA) | Enpresa baten salerosketa eragiketen kudeaketa administratiboa | 50 |
| 0623-UF04 (NA) | Enpresa baten kontabilitate-kudeaketa | 60 |
0625 lanbide modulua: Biltegiratzeko logistika (130 h).
| KODEA | PRESTAKUNTZA UNITATEA | IRAUPENA (orduak) |
| 0625-UF01 (NA) | Logistikaren hastapenak | 20 |
| 0625-UF02 (NA) | Biltegia: baldintza fisikoak | 20 |
| 0625-UF03 (NA) | Jarduerak biltegiratzerakoan | 30 |
| 0625-UF04 (NA) | Biltegiko kostuak | 20 |
| 0625-UF05 (NA) | Stockaren kudeaketa | 40 |
0822 lanbide modulua: Merkatuen informazio-sistema (60 h).
| KODEA | PRESTAKUNTZA UNITATEA | IRAUPENA (orduak) |
| 0822-UF01(NA) | Merkatua eta ingurunea. Marketineko informazio-sistema eta informazioa lortzea | 30 |
| 0822-UF02 (NA) | Laginketa. Merkatuko datuen tratamendua eta azterketa | 30 |
0823 lanbide modulua: Nazioarteko marketina (160 h).
| KODEA | PRESTAKUNTZA UNITATEA | IRAUPENA (orduak) |
| 0823-UF01 (NA) | Enpresa nazioarteratzeko estrategiak | 50 |
| 0823-UF02 (NA) | Nazioarteko marketin-mixaren politikak | 60 |
| 0823-UF03 (NA) | Nazioarteko marketin plana | 50 |
0825 lanbide modulua:Nazioarteko finantziazioa (130 h).
| KODEA | PRESTAKUNTZA UNITATEA | IRAUPENA (orduak) |
| 0825-UF01 (NA) | Dibisa merkatua: funtzionamendua eta eragiketa nagusiak | 30 |
| 0825-UF02 (NA) | Nazioarteko merkataritzako eragiketen arriskuak estaltzea | 20 |
| 0825-UF03 (NA) | Esportazioak eta inportazioak finantzatzeko aukerak | 20 |
| 0825-UF04 (NA) | Esportaziorako kreditu ofiziala | 20 |
| 0825-UF05 (NA) | Nazioarteko lizitazioak | 20 |
| 0825-UF06 (NA) | CESCE eta kreditu polizak esportaziorako | 20 |
0827 lanbide modulua: Nazioarteko merkataritza digitala (60 h).
| KODEA | PRESTAKUNTZA UNITATEA | IRAUPENA (orduak) |
| 0827-UF01 (NA) | Marketin digitalaren plana | 20 |
| 0827-UF02 (NA) | Oinarrizko Internet nazioarteko merkataritza digitalean | 20 |
| 0827-UF03 (NA) | Merkataritza elektronikoa. B2C online denda | 20 |
0179 lanbide modulua: Ingelesa (200 h).
| KODEA | PRESTAKUNTZA UNITATEA | IRAUPENA (orduak) |
| 0179-UF01 (NA) | Ingeles aurreratua I | 130 |
| 0179-UF02 (NA) | Ingeles aurreratua II | 70 |
NA19 lanbide modulua: Atzerriko bigarren hizkuntza I (140 h).
| KODEA | PRESTAKUNTZA UNITATEA | IRAUPENA (orduak) |
| NA19-UF01 (NA) | Atzerriko bigarren hizkuntza I. Hastapenak | 100 |
| NA19-UF02 (NA) | Atzerriko bigarren hizkuntza I. Elkarrizketa lantegia | 40 |
0622 lanbide modulua: Salgaien nazioarteko garraioa (130 h).
| KODEA | PRESTAKUNTZA UNITATEA | IRAUPENA (orduak) |
| 0622-UF01 (NA) | Errepideko garraio nazioartekoa | 40 |
| 0622-UF02 (NA) | Itsasoko garraio nazioartekoa | 30 |
| 0622-UF03 (NA) | Aireko garraio nazioartekoa | 20 |
| 0622-UF04 (NA) | Trenbideko garraio nazioartekoa | 20 |
| 0622-UF05 (NA) | Nazioarteko garraio intermodala | 20 |
0627 lanbide modulua: Nazioarteko merkataritzaren kudeaketa administratiboa (150 h).
| KODEA | PRESTAKUNTZA UNITATEA | IRAUPENA (orduak) |
| 0627-UF01 (NA) | Erakundeak eta informazio-sistemak nazioarteko merkataritzan | 30 |
| 0627-UF02 (NA) | Esku-hartze administratiboa nazioarteko merkataritzan | 30 |
| 0627-UF03 (NA) | Inportazio-esportazioko eragiketen administrazioa | 50 |
| 0627-UF04 (NA) | Dokumentazioa inportazio-esportazioko eragiketetan | 40 |
0824 lanbide modulua:Nazioarteko negoziazioa (110 h).
| KODEA | PRESTAKUNTZA UNITATEA | IRAUPENA (orduak) |
| 0824-UF01 (NA) | Nazioarteko negoziazioaren hastapenak | 50 |
| 0824-UF02 (NA) | Nazioarteko kontratazioa | 60 |
0826 lanbide modulua: Nazioarteko ordainbideak (90 h).
| KODEA | PRESTAKUNTZA UNITATEA | IRAUPENA (orduak) |
| 0826-UF01 (NA) | Ordainbide sinpleak nazioarteko merkataritzan. | 30 |
| 0826-UF02 (NA) | Sortak, ordainketa-aginduak eta nazioarteko merkataritzako beste ordainbide berariazko batzuk | 30 |
| 0826-UF03 (NA) | Dokumentu-kreditua eta ordainbide digitalak | 30 |
0829 lanbide modulua: Lanerako prestakuntza eta orientabideak (70 h).
| KODEA | PRESTAKUNTZA UNITATEA | IRAUPENA (orduak) |
| 0829-UF01 (NA) | Laneko arriskuen prebentzioaren oinarrizko maila | 30 |
| 0829-UF02 (NA) | Lan harremanak eta Gizarte Segurantza | 20 |
| 0829-UF03 (NA) | Laneratzea eta gatazken konponketa | 20 |
B) Prestakuntza unitateen garapena
| Lanbide modulua: Enpresaren ekonomia eta finantza arloko kudeaketa. Kodea: 0623. Iraupena: 190 ordu. |
Prestakuntza unitatea: Enpresa bat sortu eta funtzionamenduan jartzea.
Kodea: 0623-UF01 (NA).
Iraupena: 40 ordu.
-Ekimen sortzaileei eta enpresak sortzeko aukerei buruzko informazioa biltzea:
Enpresa-plana: negozioaren ideia.
Enpresaren oinarrizko eginkizunak.
Enpresa, sistema gisa.
Nekazaritza ekologikoaren arloko ETE baten ingurune orokorraren eta berariazkoaren azterketa.
ETEaren erlazioak ingurunearekiko eta gizartearekiko.
-Enpresaren forma juridikoa ezartzea:
Banako enpresa. Erantzukizun juridikoa eta betebehar formalak.
Sozietate mota desberdinak (enpresaren forma juridiko gisa).
Enpresa bat eratzea eta abian jartzea: eskakizunak, betebehar formalak eta izapideak.
Fiskalitatearen eta lanaren arloetako betebeharrak eta enpresaburuaren erantzukizuna.
Prestakuntza unitatea: Enpresa baten baliabideak eta aktiboak tramitatu eta finantzatzea.
Kodea: 0623-UF02 (NA).
Iraupena: 40 ordu.
-Enpresa baten finantza baliabideen tramitazioa:
Enpresaren ekonomia eta finantza arloetako egitura.
Norberaren eta besteren finantzaketa. Barruko eta kanpoko finantzaketa.
Finantza-oreka. Kapital zirkulatzailea edo maniobra-fondoa.
Epe laburreko eta luzeko finantzaketa.
Finantza kostuen kalkulua eta maileguen amortizazioa.
-Ibilgailuak eta beste aktibo batzuk erosteko eta/edo alokatzeko jarduketak:
Ibilgailuen eta horniduren erosketak eta alokatzeak kudeatzea.
Inbertsioak aztertzea eta hautatzea.
Erosteko eta alokatzeko aurrekontuak eta baldintzak.
Ekipamenduak erosteari buruzko dokumentuak prestatzea, baita kontratuak eta eskariak ere.
Prestakuntza unitatea: Enpresa baten salerosketa eragiketen kudeaketa administratiboa.
Kodea: 0623-UF03 (NA).
Iraupena: 50 ordu.
-Aurrekontuak egitea.
-Zerbitzuen fakturazioa eta fakturak gorde eta erregistratzea.
-Enpresako eragiketen fiskalitatea. BEZa eta beste tributu batzuk.
-Europar Batasunaren barruko eragiketak.
-Ordaintzeko eta kobratzeko bideak eta dokumentuak: txekea, transferentzia, ordainagiria, kanbio-letra, kreditu-txartela eta zor-agiria.
Prestakuntza unitatea: Enpresa baten kontabilitate-kudeaketa.
Kodea: 0623-UF04 (NA).
Iraupena: 60 ordu.
-Enpresaren kontabilitate-betebeharrak.
-Ondarea, kontuak, kontabilitate-liburuak eta erregistro-liburuak.
-Kontabilitate-plan orokorra.
-Kontabilitate-zikloa.
-Urteko kontuak eta ekitaldietako emaitzak.
-Zerga motak: PFEZa, sozietateen gaineko zerga, BEZa eta ibilgailuen zirkulazioaren gaineko zerga.
-Inbertsioen errentagarritasuna zehaztea: errentagarritasun atalasea, heldutasun epe batez bestekoa, finantza-, errentagarritasun- eta efizientzia-ratioak.
| Lanbide modulua: Biltegiratzeko logistika. Kodea: 0625. Iraupena: 130 ordu. |
Prestakuntza unitatea: Logistikaren hastapenak.
Kodea: 0625-UF01 (NA).
Iraupena: 20 ordu.
-Logistikaren oinarriak.
-Logistika integrala eta alderantzizko logistika.
-Materialen eta informazioaren fluxuak.
-Alderantzizko logistikaren mende dauden eragiketak kudeatzea.
-Biltegietako araudia.
Prestakuntza unitatea: Biltegia: baldintza fisikoak.
Kodea: 0625-UF02 (NA).
Iraupena: 20 ordu.
-Biltegiratzeko eta manipulatzeko sistemak.
-Enbalajeak, ontziak.
-Irrati-frekuentziaren terminalak.
-Layout-a.
Prestakuntza unitatea: Jarduerak biltegiratzerakoan.
Kodea: 0625-UF03 (NA).
Iraupena: 30 ordu.
-Neurriak.
-Biltegien kokalekua.
-Picking-a.
-Biltegiak berezko dituen jarduerak.
-ABC metodoa.
Prestakuntza unitatea: Biltegiko kostuak.
Kodea: 0625-UF04 (NA).
Iraupena: 20 ordu.
-Biltegiratze-kostuak.
-Manipulazio-kostuak.
-Kostu zuzenak eta zeharkakoak.
Prestakuntza unitatea: Stockaren kudeaketa.
Kodea: 0625-UF05 (NA).
Iraupena: 40 ordu.
-Izakinen balorazioa.
-Stock motak.
-Eskariaren puntua.
-Stocka kudeatzeari lotutako kostuak.
| Lanbide modulua: Merkatuen informazio sistemak. Kodea: 0822. Iraupena: 60 ordu. |
Prestakuntza unitatea: Merkatua eta ingurunea. Marketineko informazio-sistema eta informazioa lortzea.
Kodea: 0822-UF01 (NA).
Iraupena: 30 ordu.
-Merkatua (elementuak, funtzionamendua, egitura, mugak eta sailkapena) eta ingurunea (makroa eta mikroa).
-Kontsumitzailearen portaera, beharrak eta merkatuen segmentazioa aztertzea.
-Marketineko informazio-sistema: ezaugarriak, helburua eta egitura.
-Merkataritzako ikerketa, aplikazioak eta prozesu metodologikoa.
-Informazioa lortzeko lan planak: ikerketa planak diseinatzea, informazioa lortzeko teknikak eta ikertzeko teknikak.
Prestakuntza unitatea: Laginketa. Merkatuko datuen tratamendua eta azterketa.
Kodea: 0822-UF02 (NA).
Iraupena: 30 ordu.
-Laginketa eta laginaren akatsak eta tamaina.
-Landa lana: hura antolatu eta prestatzea.
-Datuen tratamendua:
Tabulazioa eta irudikapen grafikoa.
Posizio-neurriak, sakabanatze-neurriak eta banaketaren formaren neurriak.
Analisi probabilistikoaren teknikak.
Erregresioa, korrelazioa eta doikuntzak.
Zenbaki indizeak eta denborazko serieak.
Kasuan kasuko aplikazio informatikoak.
-Datuen analisia:
Datuen antolamendua eta tabulazioa.
Datu azterketa.
Kokapenaren, barreiaketaren eta banaketa moduaren arloetako neurriak.
Analisi probabilistikoaren teknikak.
Erregresio lineala eta korrelazio bakuna. Kurbak doitzea.
Zenbaki indizeak.
Denborazko serieak.
| Lanbide modulua: Nazioarteko marketina. Kodea: 0823. Iraupena: 160 ordu. |
Prestakuntza unitatea: Enpresa nazioarteratzeko estrategiak.
Kodea: 0823-UF01 (NA).
Iraupena: 50 ordu.
-Marketinaren printzipio orokorrak.
-Marketin nazionala versus nazioarteko marketina.
-Nazioarteko marketineko departamentuaren eginkizunak.
-Estrategia orokorrak.
-Alternatibak kanpoko merkatuetan.
-Zeharkako jardunbideak.
-Jardunbide zuzenak.
-Jardunbide itunduak.
-Norberaren jardunbideak.
Prestakuntza unitatea: Nazioarteko marketin-mixaren politikak.
Kodea: 0823-UF02 (NA).
Iraupena: 60 ordu.
-Produktuen politikaren faktoreak.
-Produktuaren posizionamendua.
-Produktuak merkaturatzea.
-Prezioak finkatzeko metodoak.
-Nazioarteko prezioa ezartzen duten aldagaiak.
-Nazioarteko prezioa kalkulatzea.
-Prezioen estrategiak.
-Banatzeko kanala hautatzea.
-Banaketa kostuak kanpoko merkatuetan.
-Salmenten sarea.
-Komunikazioaren tresnak.
-Komunikabideak.
-Sustapenerako baliabideak.
Prestakuntza unitatea: Nazioarteko marketin plana.
Kodea: 0823-UF03 (NA).
Iraupena: 50 ordu.
-Marketin plana: xedea eta helburuak.
-Marketin planaren estrategiak.
-Plana gauzatzea eta kontrolatzea.
| Lanbide modulua: Nazioarteko finantzaketa. Kodea: 0825. Iraupena: 130 ordu. |
Prestakuntza unitatea: Dibisa merkatua: funtzionamendua eta eragiketa nagusiak.
Kodea: 0825-UF01 (NA).
Iraupena: 30 ordu.
-Sarrera: nazioarteko merkataritzako eragiketetan parte hartzen duten organismoak eta erakundeak.
Informazioa eskuratzea organismoen web orriaren bidez.
Nazioarteko salmentan eta esportazioan finantzarako sostengua, laguntza edo diru-laguntzak ematen dituzten organismoen datu base bat prestatzea.
Bezero eta hornitzaile potentzialen datu baseak prestatu eta mantentzea.
-Dibisa merkatua: FOREX.
Dibisa merkatuan parte hartzen duten organismoak eta erakundeak eta merkatua erregulatzen duen araudia.
Dibisa merkatuaren funtzionamendua.
Europako diru-sistema. Moneta Batasuna.
Prestakuntza unitatea: Nazioarteko merkataritzako eragiketen arriskuak estaltzea.
Kodea: 0825-UF02 (NA).
Iraupena: 20 ordu.
-Inportazioko eta esportazioko eragiketetan kanbio arriskua eta interes arriskua kudeatzea eta estaltzea:
Nazioarteko merkataritzako arriskuak: merkataritzakoak eta finantzarioak.
Dibisa baten kanbio-arriskua. Arrisku faktoreak.
Kanbio-arriskuaren estaldura. Kanbio-asegurua.
Prestakuntza unitatea: Esportazioak eta inportazioak finantzatzeko aukerak.
Kodea: 0825-UF03 (NA).
Iraupena: 20 ordu.
-Nazioarteko inportazioak eta erosketak nazioko edo atzerriko monetan finantzatzea.
-Nazioarteko esportazioak, salmentak eta proiektuak finantzatzea.
-Finantziazio beste produktu batzuk: leasing-a, factoringa, forfaiting-a.
Prestakuntza unitatea: Esportaziorako kreditu ofiziala.
Kodea: 0825-UF04 (NA).
Iraupena: 20 ordu.
-Lege-esparrua: Ekonomiako Lankidetza eta Garapenerako Antolakundearen (ELGA) adostasuna.
-Laguntza ofizialdun esportazioak finantzatzeko iturriak: Kreditu Ofizialeko Institutua (ICO-KOI), Esportaziorako Kreditu Aseguruen Espainiako Konpainia (CESCE) eta beste batzuk.
-Hornitzaile/esportatzaile nazionalarentzako kreditua. Eragiketak.
-Atzerriko eroslearentzako kreditua: banako kreditua edo kreditu-lerroa. Eragiketak.
-Laguntza ofizialdun kredituaren eskakizunak eta oinarrizko baldintzak.
-Interesen Elkarrekiko Doikuntzako Hitzarmena (CARI). Kalkulatzeko prozedura.
-Garapenerako Laguntza Funtsaren (GLF) kredituak.
Prestakuntza unitatea: Nazioarteko lizitazioak.
Kodea: 0825-UF05 (NA).
Iraupena: 20 ordu.
-Munduko Bankuaren eta nazioarteko beste erakunde erregulatzaile batzuen lizitazio-arauak eta erregelamenduak.
-Proiektuen deialdiak egiten dituzten erakundeak eta organismoak. Helburuak.
-Proiektuak esleitzeko prozedura. Prozesuaren faseak.
-Lehiaketa edo lizitazio batean aurkeztu beharreko dokumentazioa.
-Fidantzak eta bermeak.
-Espainiako enpresek nazioarteko proiektuetan parte hartzea.
Prestakuntza unitatea: CESCE eta kreditu polizak esportaziorako.
Kodea: 0825-UF06 (NA).
Iraupena: 20 ordu.
-Esportaziorako kreditu-aseguruaren kontratua.
-Esportaziorako Kreditu Aseguruen Espainiako Konpainia (CESCE).
-Epe laburrerako salmentetarako/esportazioetarako poliza-modalitateak.
-Epe ertain eta luzerako nazioarteko salmentetarako poliza motak.
-Kreditu-asegurua kontratatzeko prozesua.
-Ezbeharrak deklaratzeko eta kalteak ordaintzeko prozedura.
| Lanbide modulua: Nazioarteko merkataritza digitala. Kodea: 0827. Iraupena: 60 ordu. |
Prestakuntza unitatea: Marketin digitalaren plana.
Kodea: 0827-UF01 (NA).
Iraupena: 20 ordu.
-Marketin digitalaren plana prestatzea.
Nazioarteko marketin digitaleko planaren garapena.
Nazioarteko on line bezeroaren ezaugarri espezifikoak.
Web esportatzailearen on line eta off line sustapena.
Erakartze-politikak: marka bat sortzeko prozesua.
Internet TB, bideoblogak eta web TB, besteak beste.
-SEM eta SEO posizionamendua.
Marketin planaren garapena.
Online sustapena.
Bilatzaileetako posizionamendua. Google AdWords.
Gizarte sareak. Marketin birala.
One-to-one marketina.
Estatistiken analisia eta emaitzen neurketa.
Prestakuntza unitatea: Oinarrizko Internet nazioarteko merkataritza digitalean.
Kodea: 0827-UF02 (NA).
Iraupena: 20 ordu.
-Funtzionamendua: zerbitzariak eta bezeroak, TCP/IP protokoloa, World Wide Web, Interneteko domeinuak.
-Sartzeko konfigurazioa
-Intranetak eta estranetak.
-Bilatzaileak eta bilaketaren oinarrizko kontzeptuak.
-Posta elektronikoa.
-Artxiboen transferentzia. Haren erabilera.
-P2P sareak (peer to peer). Aplikazioak.
-Nazioarteko foroak. Nazioarteko eztabaida-taldeak.
-Nazioarteko sare sozialak.
-Weblogak, blogak edo bitakorak.
-Enpresentzako nazioarteko sare sozialak.
-Nazioarteko sare sozialetan erostea eta saltzea.
Prestakuntza unitatea: Merkataritza elektronikoa. B2C online denda.
Kodea: 0827-UF03 (NA).
Iraupena: 20 ordu.
-Nazioarteko denda birtual bat diseinatzea.
-Negozio digitaleko ereduak: atari horizontalak, B2B eta B2C, besteak beste.
-Web erakusleihoa. Katalogo elektronikoa.
-On line saldutako salgaien kontrol logistikoa.
-Erreklamazioa bezeroaren leialtasuna lortzeko tresna gisa.
-Nazioarteko ordainbide elektronikoak.
-Gogoetaldiak eta ezeztatzeak.
-Kriptografia: gako simetrikoa, gako asimetrikoa eta gako bakarreko zifratzea.
-Sinadura eta ziurtagiri digitalak.
| Lanbide modulua: Ingelesa. Kodea: 0179. Iraupena: 200 ordu. |
Prestakuntza unitatea: Ingeles aurreratua I.
Kodea: 0179-UF01 (NA).
Iraupena: 130 ordu.
Prestakuntza unitate honen garapena curriculumeko “Ingelesa” izeneko 0179.a) lanbide moduluan ezarritakoari dagokio.
Prestakuntza unitatea: Ingeles aurreratua II.
Kodea: 0179-UF02 (NA).
Iraupena: 70 ordu.
Prestakuntza unitate honen garapena curriculumeko “Ingelesa” izeneko 0179.b) lanbide moduluan ezarritakoari dagokio. Prestakuntza unitate horretan ahozko elkarreraginaren trebetasunak eta idatzizko adierazpena azpimarratuko dira bereziki.
| Lanbide modulua: Atzerriko bigarren hizkuntza I. Kodea: NA19. Iraupena: 140 ordu. |
Prestakuntza unitatea: Atzerriko bigarren hizkuntzaren hastapenak.
Kodea: NA19-UF01 (NA).
Iraupena: 100 ordu.
Prestakuntza unitate honen garapena curriculumeko “Atzerriko bigarren hizkuntza I” izeneko NA19.a) lanbide moduluan ezarritakoari dagokio.
Prestakuntza unitatea: Elkarrizketarako oinarrizko lantegia atzerriko bigarren hizkuntza batean.
Kodea: NA19-UF02 (NA).
Iraupena: 40 ordu.
Prestakuntza unitate honen garapena curriculumeko “Atzerriko bigarren hizkuntza I” izeneko NA19.b) lanbide moduluan ezarritakoari dagokio. Prestakuntza unitate horretan ahozko elkarreraginaren trebetasunak azpimarratuko dira bereziki.
| Lanbide modulua: Salgaien nazioarteko garraioa. Kodea: 0622. Iraupena: 130 ordu. |
Prestakuntza unitatea: Errepideko garraio nazioartekoa.
Kodea: 0622-UF01 (NA).
Iraupena: 40 ordu.
-Ezaugarri orokorrak. Arau esparrua.
-Salgaien babes fisikoa errepideko garraioan.
-Salgaien aseguruak errepideko garraioan.
-Incotermak eta errepideko garraio nazioartekoa.
-Ibilgailu motak eta haien egokitzapena kargen arabera.
-Nazioarteko garraioaren kontratua eta hitzarmena zabaltzea, baita CMR agiria ere.
-Garraio-eragiketaren kostua eta tarifak.
Prestakuntza unitatea: Itsasoko garraio nazioartekoa.
Kodea: 0622-UF02 (NA).
Iraupena: 30 ordu.
-Ezaugarri orokorrak. Arau esparrua.
-Salgaien babes fisikoa itsasoko garraioan.
-Salgaien aseguruak itsasoko garraioan.
-Incotermak eta errepideko garraio nazioartekoa.
-Itsasontzi motak eta haien egokitzapena kargen arabera.
-Nazioarteko garraioaren kontratua eta hitzarmenak aztertzea, baita B/L eta CHARTER PARTY agiriak ere.
-Trafikoak: LINER eta TRAMP.
-Garraio-eragiketaren kostua eta tarifak.
Prestakuntza unitatea: Aireko garraio nazioartekoa.
Kodea: 0622-UF03 (NA).
Iraupena: 20 ordu.
-Ezaugarri orokorrak. Arau esparrua.
-Salgaien babes fisikoa aireko garraioan. Kargak garraiobidera egokitzea.
-Salgaien aseguruak aireko garraioan.
-Incotermak eta aireko garraio nazioartekoa.
-Aireontzi motak eta haien egokitzapena kargen arabera.
-Nazioarteko garraioaren kontratua eta hitzarmena zabaltzea, baita AWB agiria ere.
-Garraio-eragiketaren kostua eta tarifak.
Prestakuntza unitatea: Trenbideko garraio nazioartekoa.
Kodea: 0622-UF04 (NA).
Iraupena: 20 ordu.
-Ezaugarri orokorrak. Arau esparrua.
-Salgaien babes fisikoa trenbideko garraioan.
-Salgaien aseguruak trenbideko garraioan.
-Incotermak eta nazioarteko garraioa.
-Tren motak eta haien egokitzapena kargen arabera.
-Nazioarteko garraioaren kontratua eta hitzarmena zabaltzea, baita CIM agiria ere.
-Garraio-eragiketaren kostua eta tarifak.
Prestakuntza unitatea: Nazioarteko garraio intermodala.
Kodea: 0622-UF05 (NA).
Iraupena: 20 ordu.
-Ezaugarri orokorrak. Arau esparrua.
-Ekipamenduak: paleta, edukiontzia, kutxa mugigarria.
-Salgaien babes fisikoa edukiontziko garraioan.
-Salgaien aseguruak garraioan.
-Incotermak eta nazioarteko garraioa.
-Garraio-kudeatzailea.
-Edukiontzi motak eta haien egokitzapena kargen arabera.
-Nazioarteko garraioaren kontratua eta hitzarmena zabaltzea, baita FIATA agiria ere.
-Garraio-eragiketaren kostua eta tarifak.
| Lanbide modulua: Nazioarteko merkataritzaren kudeaketa administratiboa. Kodea: 0627. Iraupena: 150 ordu. |
Prestakuntza unitatea: Erakundeak eta informazio-sistemak nazioarteko merkataritzan.
Kodea: 0627-UF01 (NA).
Iraupena: 30 ordu.
-Informazio-iturriak nazioarteko merkataritzan.
-Komunikazio eta informazio sistemak: aplikazioak eta baliabide informatikoak.
-Kanpoko merkataritza Europar Batasuneko zuzenbidean.
Prestakuntza unitatea: Esku-hartze administratiboa nazioarteko merkataritzan.
Kodea: 0627-UF02 (NA).
Iraupena: 30 ordu.
-Merkataritzako hesiak.
-Merkataritzako erregimenak.
Prestakuntza unitatea: Inportazio-esportazioko eragiketen administrazioa.
Kodea: 0627-UF03 (NA).
Iraupena: 50 ordu.
-Aduanak eta haien fiskalitatea.
-Salgaien jatorria.
-Aduanako muga-zerga eta aduana-zorra.
-INTRASAT deklarazioa.
Prestakuntza unitatea: Dokumentazioa inportazio-esportazioko eragiketetan.
Kodea: 0627-UF04 (NA).
Iraupena: 40 ordu.
-Inportazio eta esportazioko eragiketak aduanan kudeatzea.
-Aduana erregimenak.
-Salgaien aduana-igorpena.
| Lanbide modulua: Nazioarteko negoziazioa. Kodea: 0824. Iraupena: 110 ordu. |
Prestakuntza unitatea: Nazioarteko negoziazioaren hastapenak.
Kodea: 0824-UF01 (NA).
Iraupena: 50 ordu.
-Bezero eta/edo hornitzaile potentzialak hautatzea.
-Komunikazioa nazioarteko harremanetan.
-Nazioarteko negoziazio-prozesua diseinatzea.
Prestakuntza unitatea: Nazioarteko kontratazioa.
Kodea: 0824-UF02 (NA).
Iraupena: 60 ordu.
-Nazioarteko merkataritzari buruzko araudia interpretatzea.
-Nazioarteko kontratu desberdinak prestatzea.
-Nazioarteko kontratu akordioen garapena eta kontrola.
| Lanbide modulua: Nazioarteko ordainbideak. Kodea: 0826. Iraupena: 90 ordu. |
Prestakuntza unitatea: Ordainbide sinpleak nazioarteko merkataritzan.
Kodea: 0826-UF01 (NA).
Iraupena: 30 ordu.
-Nazioarteko ordainbideak erregulatzen dituen araudia identifikatzea
-Txekeak, letrak eta zor-agiriak.
-Berariazko ordainbideei buruzko araudia.
-Ordainbidearen ezaugarriak.
-Ordainbidearen arriskuak, bermeak eta abalak.
-Beharrezko agiriak.
-Agiriak betetzea.
Prestakuntza unitatea: Sortak, ordainketa-aginduak eta nazioarteko merkataritzako beste ordainbide berariazko batzuk.
Kodea: 0826-UF02 (NA).
Iraupena: 30 ordu.
- Sorta eta ordainketa-agindua (bakuna eta dokumentarioa).
Berariazko ordainbideei buruzko araudia.
Ordainbidearen ezaugarriak.
Ordainbidearen arriskuak, bermeak eta abalak.
Aurkeztu beharreko agiriak.
Agiriak betetzea.
-Esportaziorako factoring-a.
Berariazko ordainbideei buruzko araudia.
Ordainbidearen ezaugarriak.
Ordainbidearen arriskuak, bermeak eta abalak.
Aurkeztu beharreko agiriak.
Agiriak betetzea.
-Kanpoko banku kontuak.
Prestakuntza unitatea: Dokumentu-kreditua eta ordainbide digitalak.
Kodea: 0826-UF03 (NA).
Iraupena: 30 ordu.
-Dokumentu kreditua.
Berariazko ordainbideei buruzko araudia.
Ordainbidearen ezaugarriak.
Ordainbidearen arriskuak, bermeak eta abalak.
Aurkeztu beharreko agiriak.
Agiriak betetzea.
-Internet bitartezko eta beste sistema digital batzuen bidezko kobrantza bideak eta ordainbideak identifikatzea:
| Lanbide modulua: Lanerako prestakuntza eta orientabideak. Kodea: 0829. Iraupena: 70 ordu. |
Prestakuntza unitatea: Laneko arriskuen prebentzioaren oinarrizko maila.
Kodea: 0829-UF01 (NA).
Iraupena: 30 ordu.
-Prebentzioaren kulturaren garrantzia jardueraren fase guztietan.
-Lanaren eta osasunaren arteko erlazioaren balorazioa.
-Laneko arriskua. Arrisku-faktoreen analisia.
-Arrisku-egoera bakoitzaren ondorioz langilearen osasunak nolako kalteak izan ditzakeen zehaztea.
-Laneko arriskuen prebentzioaren arloko oinarrizko arau-esparrua.
-Laneko arriskuen prebentzioaren arloko eskubideak eta betebeharrak.
-Prebentzioaren kudeaketaren antolaketa enpresan.
-Langileen ordezkaritza prebentzioaren arloan.
-Erantzukizunak laneko arriskuen prebentzioaren arloan.
-Laneko arriskuen prebentzioarekin zerikusia duten erakunde publikoak.
-Enpresako arriskuen ebaluazioa, prebentzio jardueraren oinarrizko elementu gisa.
-Segurtasuneko, ingurumeneko eta ergonomiako baldintzei zein ezaugarri psikosozialei lotutako arriskuak aztertzea.
-Arriskuaren balorazioa.
-Prebentzio neurriak hartzea: plangintza eta kontrola.
-Banakako eta taldeko prebentzio eta babes neurriak.
-Prebentzio plana eta horren edukia.
-Larrialdietarako eta ebakuazioetarako planak lan inguruneetan.
-ETE batentzako larrialdi plana egitea.
-Larrialdietan jarduteko protokoloa.
-Larrialdi medikoa eta lehen laguntza. Oinarrizko kontzeptuak.
-Langileei prestakuntza ematea larrialdietako planei buruz eta lehen laguntzako teknikak aplikatzeari buruz.
-Langileen osasuna zaintzea.
Prestakuntza unitatea: Lan harremanak eta Gizarte Segurantza.
Kodea: 0829-UF02 (NA).
Iraupena: 20 ordu.
-Lan arloko zuzenbidea.
-Banakako lan harremanaren azterketa.
-Lan kontratuaren modalitateak eta kontratazioa sustatzeko neurriak.
-Lan harremanak sortzen dituen eskubideak eta betebeharrak.
-Lan baldintzak. Soldata, lan denbora eta atsedena.
-Soldataren ordainagiria.
-Lan kontratuaren aldaketa, etetea eta amaiera.
-Langileen ordezkaritza.
-Lanbide esparru jakin batean aplikagarria den hitzarmen kolektibo baten azterketa.
-Lan gatazka kolektiboak.
-Lana antolatzeko ingurune berriak: azpikontratazioa eta telelana, besteak beste.
-Langileentzako onurak antolamendu berrietan: malgutasuna, gizarte onurak eta beste batzuk.
-Gizarte Segurantzaren sistema, elkartasun sozialaren oinarrizko printzipio gisa.
-Gizarte Segurantzaren sistemaren egitura.
-Enpresaburuek eta langileek Gizarte Segurantzaren arloan dituzten betebehar nagusiak: afiliazioa, altak, bajak eta kotizazioa.
-Gizarte Segurantzaren ekintza babeslea.
-Gizarte Segurantza gure inguruko herrialde nagusietan.
-Langabezia-babesa: kontzeptua eta babesten ahal diren egoerak.
Prestakuntza unitatea: Laneratzea eta gatazken konponketa.
Kodea: 0829-UF03 (NA).
Iraupena: 20 ordu.
-Lanbide-karrera egiteko interesak, gaitasunak eta motibazio pertsonalak analizatzea.
-Erabakiak hartzeko prozesua.
-Lanbide sektore jakin bat definitu eta analizatzea, bere eraginpeko lurralde eremuan eta Estatuan.
-Sektoreko enpresa txiki, ertain eta handietan lana bilatzeko prozesua bere eraginpeko lurralde eremuan, Estatuan eta Europar Batasunean.
-Europan ikasteko eta lan egiteko aukerak.
-Etengabeko prestakuntzak lan eta lanbide ibilbiderako duen garrantzia baloratzea. Informazio hori ematen duten tokiko, eskualdeko, Estatuko eta Europako erakundeen identifikazioa.
-Tokiko, eskualdeko, Estatuko eta Europako prestakuntza ibilbideak identifikatzea.
-Enplegua bilatzeko teknikak eta tresnak: curriculum vitaearen ereduak, Europako curriculum vitaea eta laneko elkarrizketak. Europar Batasunean langileen mugikortasuna errazten duten beste agiri batzuk: mugikortasunaren agiria.
-Autoenplegua baloratzea laneratzeko aukera gisa.
-Talde lanak erakundearen eraginkortasunari begira dituen alde onak eta txarrak baloratzea.
-Lantalde motak, betetzen dituzten eginkizunen arabera.
-Lantalde eraginkorraren ezaugarriak.
-Gizarte trebetasunak. Hitzezko eta hitzik gabeko komunikazio-teknikak.
-Lan bileretan erabiltzen diren agiriak: deialdiak, aktak eta aurkezpenak.
-Lantaldean parte hartzea. Kideek har ditzaketen rolen analisia.
-Gatazka: ezaugarriak, iturriak eta etapak.
-Gatazka konpondu edo desagerrarazteko metodoak: bitartekotza, adiskidetzea, arbitrajea, epaiketa eta negoziazioa.
| 4. ERANSKINA BALIOZKOTZEAK ETA SALBUESPENAK 1/1990 Lege Organikoaren (LOGSE) babesean ezarritako tituluetako lanbide moduluen eta 2/2006 Lege Organikoaren babesean Nazioarteko Merkataritzako goi mailako teknikari tituluan ezarritakoen arteko baliozkotzeak. |
| LOGSE 1/1990 LEGEAN EZARRITAKO HEZIKETA ZIKLOETAKO LANBIDE MODULUAK | HEZIKETA ZIKLOKO LANBIDE MODULUAK (2/2006 LOE): NAZIOARTEKO MERKATARITZA |
| Nazioarteko merkataritzaren kudeaketa administratiboa | 0627. Nazioarteko merkataritzaren kudeaketa administratiboa |
| Nazioarteko marketina | 0823. Nazioarteko marketina |
| Nazioarteko negoziazioa | 0824. Nazioarteko negoziazioa |
| Nazioarteko finantzaketa | 0825. Nazioarteko finantzaketa |
| Nazioarteko ordainbideak | 0826. Nazioarteko ordainbideak |
| Produktuak biltegiratzea | 0625. Biltegiratzeko logistika |
| Salgaien nazioarteko garraioa | 0622. Salgaien nazioarteko garraioa |
| Atzerriko hizkuntza nazioarteko merkataritzan (ingelesa) | 0179. Ingelesa |
| Nazioarteko merkataritzako goi-mailako teknikariaren tituluko Lantokiko prestakuntza | 0830. Lantokiko prestakuntza |
| 5. ERANSKINA LANBIDE MODULUEN ETA GAITASUN UNITATEEN ARTEKO KORRESPONDENTZIA A) Gaitasun unitateek lanbide moduluekin duten korrespondentzia, horiek baliozkotzeko. |
| EGIAZTATUTAKO GAITASUN UNITATEAK | BALIOZKO DAITEZKEEN LANBIDE MODULUAK |
| UC1013-3: Distantzia luzeko garraioko eragiketak antolatzea, kudeatzea eta kontrolatzea | 0622. Salgaien nazioarteko garraioa |
| UC1423-3: Errepideko garraioaren jarduera ekonomiko eta finantzarioa kudeatzea | 0623. Enpresaren kudeaketa ekonomikoa eta finantzarioa |
| UC1014-3: Biltegia aurreikusitako irizpideen eta jarduera-mailen arabera antolatzea UC1015-2: Biltegiko eragiketak kudeatzea eta koordinatzea | 0625. Biltegiratzeko logistika |
| UC0242-3: Salgaiak inportatzeko/esportatzeko eta/edo sartzeko/bidaltzeko eragiketetan administrazio-kudeaketa egitea eta kontrolatzea | 0627. Nazioarteko merkataritzaren kudeaketa administratiboa |
| UC1007-3: Merkatuen informazio-sistemarako informazioa lortzea eta lantzea | 0822. Merkatuen informazio sistema |
| UC1008-3: Azterketak eta proposamenak egitea nazioarteko marketin planaren ekintzetarako | 0823. Nazioarteko marketina |
| UC1009-3: Produktu eta zerbitzuen nazioarteko salerosketako eragiketak negoziatzeko eta gauzatzeko prozesuetan laguntzea | 0824. Nazioarteko negoziazioa |
| UC0243-3: Salgaien eta zerbitzuen nazioarteko transakzioetarako finantzaketa-eragiketak kudeatzea | 0825. Nazioarteko finantzaketa |
| UC0244-3: Nazioarteko transakzioetan kobratzeko eta ordaintzeko eragiketak kudeatzea | 0826. Nazioarteko ordainbideak |
| UC1010-3: Nazioarteko merkataritzako harremanetan eta jardueretan ingelesez komunikatzea, erabiltzaile trebearen mailarekin | 0179. Ingelesa |
| Heziketa-ziklo honetan matrikulatutako pertsonek tituluaren barnean hartzen diren konpetentzia-atal guztiak 1224/2009 Errege Dekretuaren arabera egiaztatu badituzte -1244/2009 Errege Dekretua, uztailaren 17koa, lan-esperientziaren bitartez eskuratutako lanbide-konpetentziak onartzeari buruzkoa-, “0827. Nazioarteko merkataritza digitala” lanbide-modulua baliozkotuta izango dute. | |
| B) Lanbide moduluek gaitasun unitateekin duten korrespondentzia, horiek egiaztatzeko. |
| GAINDITUTAKO LANBIDE MODULUAK | EGIAZTA DAITEZKEEN GAITASUN UNITATEAK |
| 0622. Salgaien nazioarteko garraioa | UC1013-3: Distantzia luzeko garraioko eragiketak antolatzea, kudeatzea eta kontrolatzea |
| 0623. Enpresaren kudeaketa ekonomikoa eta finantzarioa | UC1423-3: Errepideko garraioaren jarduera ekonomiko eta finantzarioa kudeatzea |
| 0625. Biltegiratzeko logistika | UC1014-3: Biltegia aurreikusitako irizpideen eta jarduera-mailen arabera antolatzea UC1015-2: Biltegiko eragiketak kudeatzea eta koordinatzea |
| 0627. Nazioarteko merkataritzaren kudeaketa administratiboa | UC0242-3: Salgaiak inportatzeko/esportatzeko eta/edo sartzeko/bidaltzeko eragiketetan administrazio-kudeaketa egitea eta kontrolatzea |
| 0822. Merkatuen informazio sistema | UC1007-3: Merkatuen informazio-sistemarako informazioa lortzea eta lantzea |
| 0823. Nazioarteko marketina | UC1008-3: Azterketak eta proposamenak egitea nazioarteko marketin planaren ekintzetarako |
| 0824. Nazioarteko negoziazioa | UC1009-3: Produktu eta zerbitzuen nazioarteko salerosketako eragiketak negoziatzeko eta gauzatzeko prozesuetan laguntzea |
| 0825. Nazioarteko finantzaketa | UC0243-3: Salgaien eta zerbitzuen nazioarteko transakzioetarako finantzaketa-eragiketak kudeatzea |
| 0826. Nazioarteko ordainbideak | UC0244-3: Nazioarteko transakzioetan kobratzeko eta ordaintzeko eragiketak kudeatzea |
| 0179. Ingelesa | UC1010-3: Nazioarteko merkataritzako harremanetan eta jardueretan ingelesez komunikatzea, erabiltzaile trebearen mailarekin |
| 6. ERANSKINA IRAKASLEAK A) Moduluak ematen dituzten irakasleak. |
| LANBIDE MODULUA | IRAKASLEEN ESPEZIALITATEA | KIDEGOA |
| 0622. Salgaien nazioarteko garraioa | Merkataritzako prozesuak | Lanbide Heziketako irakasle teknikoak |
| 0623. Enpresaren kudeaketa ekonomikoa eta finantzarioa | Merkataritzako antolaketa eta kudeaketa | Bigarren Hezkuntzako katedradunak Bigarren Hezkuntzako irakasleak |
| 0625. Biltegiratzeko logistika | Merkataritzako prozesuak | Lanbide Heziketako irakasle teknikoak |
| 0627. Nazioarteko merkataritzaren kudeaketa administratiboa | Merkataritzako antolaketa eta kudeaketa | Bigarren Hezkuntzako katedradunak Bigarren Hezkuntzako irakasleak |
| 0822. Merkatuen informazio sistema | Merkataritzako prozesuak | Lanbide Heziketako irakasle teknikoak |
| 0823. Nazioarteko marketina | Merkataritzako antolaketa eta kudeaketa | Bigarren Hezkuntzako katedradunak Bigarren Hezkuntzako irakasleak |
| 0824. Nazioarteko negoziazioa | Merkataritzako antolaketa eta kudeaketa | Bigarren Hezkuntzako katedradunak Bigarren Hezkuntzako irakasleak |
| 0825. Nazioarteko finantzaketa | Merkataritzako antolaketa eta kudeaketa | Bigarren Hezkuntzako katedradunak Bigarren Hezkuntzako irakasleak |
| 0826. Nazioarteko ordainbideak | Merkataritzako antolaketa eta kudeaketa | Bigarren Hezkuntzako katedradunak Bigarren Hezkuntzako irakasleak |
| 0827. Nazioarteko merkataritza digitala | Merkataritzako prozesuak | Lanbide Heziketako irakasle teknikoak |
| 0179. Ingelesa | Ingelesa | Bigarren Hezkuntzako katedradunak Bigarren Hezkuntzako irakasleak |
| NA19. Atzerriko bigarren hizkuntza I | * | Bigarren Hezkuntzako katedradunak Bigarren Hezkuntzako irakasleak |
| 0828. Nazioarteko merkataritzako proiektua | Merkataritzako prozesuak | Lanbide Heziketako irakasle teknikoak |
| Merkataritzako antolaketa eta kudeaketa | Bigarren Hezkuntzako katedradunak Bigarren Hezkuntzako irakasleak | |
| 0829. Lanerako prestakuntza eta orientabideak | Lanerako prestakuntza eta orientabideak | Bigarren Hezkuntzako katedradunak Bigarren Hezkuntzako irakasleak |
| * Irakasten den atzerriko bigarren hizkuntzaren espezialitateko irakasleak. | ||
| B) Irakaslanari dagokionez baliokideak diren titulazioak. |
| KIDEGOAK | ESPEZIALITATEAK | TITULAZIOAK |
| Bigarren Hezkuntzako irakasleak | Lanerako prestakuntza eta orientabideak | -Enpresa Zientzietako diplomaduna -Lan Harremanetako diplomaduna -Gizarte Laneko diplomaduna -Gizarte Hezkuntzako diplomaduna -Kudeaketa eta Administrazio Publikoko diplomaduna |
| Merkataritzako antolaketa eta kudeaketa | -Enpresa Zientzietako diplomaduna |
| C) Ikastetxe pribatuetarako behar diren titulazioak. |
| LANBIDE MODULUAK | TITULAZIOAK |
| 0622. Salgaien nazioarteko garraioa 0625. Biltegiratzeko logistika 0822. Merkatuen informazio sistema 0827. Nazioarteko merkataritza digitala 0828. Nazioarteko merkataritzako proiektua | -Lizentziaduna, ingeniaria, arkitektoa edo kasuan kasuko graduko titulua, edo beste titulu baliokide batzuk -Diplomaduna, ingeniari teknikoa, arkitekto teknikoa edo kasuan kasuko graduko titulua, edo beste titulu baliokide batzuk |
| 0623. Enpresaren kudeaketa ekonomikoa eta finantzarioa 0627. Nazioarteko merkataritzaren kudeaketa administratiboa 0823. Nazioarteko marketina 0824. Nazioarteko negoziazioa 0825. Nazioarteko finantzaketa 0826. Nazioarteko ordainbideak 0179. Ingelesa 0829. Lanerako prestakuntza eta orientabideak NA19. Atzerriko bigarren hizkuntza I | -Lizentziaduna, ingeniaria, arkitektoa edo kasuan kasuko graduko titulua, edo irakaslanari dagokionez baliokideak diren beste titulu batzuk |
7. ERANSKINA
LEKUAK
Irakaslekua:
| Erabilera anitzeko gela |
| Merkataritzako eta marketineko gela teknikoa |
Iragarkiaren kodea: F1311083
