LEXNAVARRA
23/2011 FORU DEKRETUA, MARTXOAREN 28KOA, NAFARROAKO FORU KOMUNITATEKO LURRALDEAN ERAIKUNTZA ETA ERAISPENETAKO HONDAKINEN SORRERA ETA KUDEAKETA ARAUTZEN DITUENA 
.
BON N.º 69 - 08/04/2011
- Atariko
- 1. artikulua. Xedea.
- 2. artikulua. Aplikazio eremua.
- 3. artikulua. Definizioak.
- 4. artikulua. EEHen sortzailearen betebeharrak.
- 5. artikulua. EEHen edukitzailearen betebeharrak.
- 6. artikulua. Fidantza eratzeko betebeharrak betetzeko sistemak.
- 7. artikulua. EEHen kudeatzailearen betebeharrak.
- 8. artikulua. EEHak balorizatzea sortu direneko obran bertan.
- 9. artikulua. EEHetatik datozen hondakin inerteak lehengoratze, atontze edo betelan obretan erabiltzea.
- 10. artikulua. EEHak zabortegian utziz ezabatzeko jarduerak.
- 11. artikulua. Gune hondatuak lehengoratzeko funtsa .
- 12. artikulua. Zehapenen araubidea.
- 13. artikulua. Administrazio Publikoek prebentzioa eta EEHen balorizaziotik eratorritako produktuen erabilera sustatzea.
- Lehenengo Xedapen Gehigarria. Ingurumenaren gaineko eraginaren ebaluazioaren mendean dauden titulartasun publikoko obretan sortutako hondeaketako soberakinei aplikatzen ahal zaien araubidea.
- Bigarren Xedapen Gehigarria. Hondakinen sorkuntzagatiko ratioen balioak ezarri eta aldaraztea.
- Xedapen Iragankor Bakarra
- Azken Xedapena. Indarra hartzea.
1. ERANSKINA. EEHEN TRANSFERENTZIA ETA TRATAMENDUKO
INSTALAZIOEN BALDINTZA TEKNIKOAK
2. ERANSKINA. A.EEHAK.
3. ERANSKINA. EEHEN SORKUNTZAKO RATIOAK.
Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 57.c) artikuluan, legeen garapenaren eta ingurumen eta ekologia arloetako gauzapenaren gainean, Nafarroako Foru Komunitateari aitortzen zaizkion eskumenengatik, foru dekretu honek eraikuntza eta eraispenetako hondakinen sorrera eta kudeaketa arautzen dituen otsailaren 1eko 105/2008 Errege Dekretuaren edukia garatzen eta egokitzen du.
Arau honen bidez EEHen sorrera eta kudeaketari aplikatzen zaion araubide juridikoa Nafarroan errazago betearazteko aukera eman nahi da, berezitasun eta beharrizan zehatzak kontuan hartuta, hondakin horien kudeaketa hobetzeko helburu argiarekin. Hondakin horien birziklapena eta balorizazioa sustatuko dira, eta zabortegietan ahalik eta gutxien botatzea bultzatuko da. Izan ere, ingurunean ingurumen eragina larria izaten ez bada ere -gune jakin batzuetako suteen arriskua alde batera utzita-, ikusizko eragina oso handia da, eta aldi berean, kutsagarriagoak diren beste hondakin batzuk -arriskutsuak eta/edo biodegradagarriak, kasu- kontrolik gabe isurtzeko bidea ematen du.
EEHen kudeaketa egokia bermatzeko, segurtasun eta kontrolerako sistema bikoitza ezartzen da. Horretarako, fidantza aplikatuko da, edo bestela, Erregistro batean izena eman beharko da. Gainera, EEHen kudeaketan trazagarritasunaren jarraipen osoa eginen da, hondakinak sortzen direnetik amaieran kudeatzen diren arte.
Gainera, otsailaren 1eko 105/2008 Errege Dekretuak autonomia erkidegoek garatzeko uzten dituen alderdiak txertatu behar dira.
Azkenik, adierazi behar da Foru Dekretu honi buruz partaidetza publikoko prozesu zabala egin dela, horretarako ofizialki ezarrita dauden organoetan, adibidez Nafarroako Ingurumen Kontseiluan edo Toki Araubideko Foru Batzordean, baita -eta funtsean- hondakin horien sorkuntza eta kudeaketan modu zuzenenean parte hartzen duten sektoreekin ere, eta, azkenik, jendearentzat orokorrean. Horri esker testuan hainbat ekarpen biltzen ahal izan dira. Ekarpen horiek dekretuaren aplikagarritasunari on eginen diote, eta azken batean, EEHen kudeaketa egokiak dakarren ingurumen erronka garrantzitsuari aurre egiteko beharrezkoak diren bide guztiak irekitzen lagunduko dute.
Horrenbestez, Landa Garapeneko eta Ingurumeneko kontseilariak proposaturik, Nafarroako Kontseiluarekin ados, eta Nafarroako Gobernuak 2011ko martxoaren 28ko bilkuran hartutako erabakiarekin bat,
DEKRETATU DUT:
Hau da foru dekretu honen xedea:
a) EEHen sorrera eta kudeaketaren araubide juridikoa ezartzea, hondakin horien prebentzioa, berrerabilpenerako prestaketa, birziklapena eta balorizaziorako beste modu batzuk sustatzeko (hurrenkera horretan), eta eraikuntza jardueraren garapen iraunkorrean laguntzeko.
b) Administrazio Publikoek eraikuntza eta eraispenetako hondakinen sortzaile, edukitzaile edota kudeatzaileei eskatzen ahal dizkieten fidantzak ezartzea, hondakinen kudeaketa egokia bermatzeko.
c) EEHen gutxieneko kopurua zehaztea, mota horretako hondakinen kopuru txikiei aplikatzen zaienaz bestelako berariazko kudeaketa eskatzen zaien jakiteko, eta bidezkoa bada, hiri hondakin solido gisa hartzen ahal diren jakiteko.
d) EEHen tratamendu instalazioen eskakizun teknikoak ezartzea, hondakinen kudeaketa egokia bermatzeko.
2. artikulua . Aplikazio eremua.
1. Foru dekretu honen aplikazio eremua honako hau izanen da:
a) Lurralde eremua: Lurralde eremua Nafarroako Foru Komunitatea da.
b) Helburua: Helburua Foru Komunitate honetan EEHak sortu, eduki eta kudeatzea da.
2. Foru dekretu honen aplikazioaren ondorioetarako, ez dira EEHtzat hartuko honako hauek:
a) Substantzia arriskugarriz kutsatu gabeko lurra eta harriak, obra berean edo beste obra batean edo lehengoratze, atontze edo betelan jarduera batean berrerabiltzen direnak, baldin eta berrerabiliko direla modu sinesgarrian egiaztatzen ahal bada.
b) Erauzketa industrien hondakinak kudeatzeari buruzko Europako Parlamentuaren eta Kontseiluaren martxoaren 15eko 2006/21/EE Zuzentarauak arautzen dituen erauzketa industrien hondakinak.
c) Arriskutsuak ez diren dragatze-lohiak, gainazaleko uren barnean daudenak, uren eta bide nabigagarrien kudeaketa-jardueretatik, uholdeen prebentzio-jardueretatik edo uholdeen edo lehortzeen eraginak arintzeko jardueretatik ondorioztatzen direnak, baldin eta jarduera horiek arlo horretan indarrean dagoen araudiak arautzen baditu.
d) Etxeetako eraikitze eta konpontze obra txikietatik heldu diren hondakinak, haien pisua gehienez 50 kg bada.
3. Eraikuntza eta eraispen obretan sortzen diren eta hondakinei buruzko berariazko legediak arautzen dituen hondakinei (arriskutsu zein ez-arriskutsuei), eraikuntza eta eraispenetako beste hondakin batzuekin nahastuta daudenean, foru dekretu hau aplikatuko zaie, legedi hartan kontuan hartzen ez diren alderdietan.
Foru Dekretu hau aplikatzearen ondorioetarako, definizio hauek ezarri dira:
a) Eraikuntza eta eraispenetako hondakinak (EEH): apirilaren 21eko 10/1998 Legearen 3.a) artikuluan ageri den “Hondakina” definizioa betetzen duen eta eraikuntza edo eraispen obra batean sortzen den edozein substantzia edo objektu.
b) Eraikuntza eta eraispen obra: honetan datzan jarduera:
b.1) Ondasun higiezin bat (eraikin, errepide, portu, aireportu, trenbide, ubide, presa, kirol edo aisialdi instalazio edo ingeniaritza zibileko antzeko beste ondasun bat) eraiki, birgaitu, konpondu, zaharberritu edo eraistea.
b.2) Lurzorua edo zorupea forman edo funtsean aldarazten dituzten lanak egitea, adibidez hondeatzeak, injekzioak, urbanizazioak edo antzeko beste batzuk, Erauzketa industrien hondakinak kudeatzeari buruzko Europako Parlamentuaren eta Kontseiluaren martxoaren 15eko 2006/21/EE Zuzentaraua aplikatzen zaien jarduerak baztertuta.
Obrako zatitzat joko dira obra horri zerbitzu esklusiboa ematen dioten instalazio guztiak, eta obra egikaritu bitartean nahiz obra amaitzean muntatzen eta desmuntatzen direnak, besteak beste hauek: Birrintzeko plantak; hormigoia, legar-zementua edo zoru-zementua fabrikatzeko plantak; hormigoizko aurrefabrikatuen plantak; nahasketa bituminosoak fabrikatzeko plantak; enkofratuak fabrikatzeko tailerrak; burdineria egiteko tailerrak; materialen biltegiak eta obraren beraren hondakinen biltegiak eta obrako eraikuntzako eta eraispeneko hondakinak tratatzeko plantak.
c) Garrantzi txikiko eraikuntza eta eraispen obrak: Eraikuntza eta eraispen obrak, etxeetako eraikuntza edo konponketako obra txikitzat hartzen ez direnak, 50 m³-ko edo gutxiagoko bolumena duten hondakinak sortzen dituztenak eta, orokorrean, tituludun profesionalek sinatutako proiektuen beharrik ez dutenak, eta hala ere, obretako lizentzia edo erantzukizuneko aitorpena eskatzen ahal dutenak.
d) Etxeetako eraikitze eta konpontze obra txikiak: Etxe partikular, saltegi edo bulego batean edo zerbitzuen sektoreko higiezin batean egiten diren eraikuntza edo eraispen obrak dira, teknika errazekoak eta eraikuntza eta ekonomia aldeko garrantzi txikikoak. Haien ondorioz ez dira aldatzen bolumena, erabilera, denek erabiltzeko instalazioak edo etxebizitza eta lokalen kopurua, eta ez dute behar tituludun profesionalek sinatutako proiekturik.
e) Hondakin inertea: arriskutsua ez den eta aldaketa fisiko, kimiko edo biologiko esanguratsurik ez duen hondakina, disolbagarria edo erregaia ez dena, erreakzio fisikorik, kimikorik edo bestelako erreakziorik ez duena, biodegradagarria ez dena, ukitzen dituen beste materietan eragin negatiborik ez duena, eta ondorioz, ingurumena kutsatu edo gizakien osasuna kaltetzen ez duena. Osotara sortzen den lixibialitatea, hondakinak duen gai kutsagarrien edukia eta lixibiatuaren ekotoxizitatea hutsaren hurrengoak dira, eta zehazki, ez dute inolako arriskurik sortzen lur gaineko zein lur azpiko uretarako.
f) Eraikuntza eta eraispenetako hondakinen sortzailea:
f.1) Eraikuntza edo eraispen obra batean hirigintzako lizentziaren titularra den pertsona fisikoa edo juridikoa; hirigintzako lizentziarik behar ez duten obretan, hondakinaren sortzailea eraikuntza edo eraispen obraren eraginpean dagoen ondasun higiezinaren titularra den pertsona fisikoa edo juridikoa izanen da.
f.2) Tratamenduko, nahasketako edo bestelako eragiketak egiten dituen pertsona fisikoa edo juridikoa, eragiketa horiek hondakinen izaera edo osaera aldarazten badute.
f.3) Europar Batasuneko edozein estatu kidetan EEHak inportatzen edo erosten dituena.
g) EEHen kudeatzailea: EEHak biltzen, garraiatzen, balorizatzen eta/edo desagerrarazten dituen pertsona fisikoa edo juridikoa, eta eragiketa horiek zaintzen dituena, eta zabortegiak itxi eta geroko mantentze-lana egiten duena, eta negoziatzaile edo agente gisa jarduten duena;
h) EEHen edukitzailea: EEHak dituen pertsona fisiko edo juridikoa eta hondakinen kudeatzaile ez dena. Nolanahi edukitzaile izanen da eraikuntza edo eraispen obra egiten duen pertsona fisikoa edo juridikoa, adibidez eraikitzailea, azpikontratatzaileak edo langile autonomoak. Nolanahi ere, besteren kontuko langileak ez dira izanen EEHen edukitzaileak.
i) Aurretiazko tratamendua: prozesu fisiko, termiko, kimiko edo biologikoa, sailkapena barne dela, EEHen ezaugarriak aldarazten dituena, haien bolumen edo arriskua murrizten dituena, manipulatzeko erraztasuna ematen duena, balorizaziorako aukerak ugaritzen dituena edo zabortegian haien portaera hobetzen duena.
j) Balorizazioa: EEHetan dauden baliabideak aprobetxatzeko aukera ematen duten prozedurak oro, gizakien osasuna arriskutan jarri gabe, eta ingurugiroari kalterik eragin liezaioketen metodorik erabili gabe. Nolanahi ere, kontzeptu horren barnean egonen dira Hondakinak balorizatzeko eta ezabatzeko eragiketak eta Europako Hondakin Zerrenda argitaratzen dituen otsailaren 8ko MAM/304/2002 Aginduaren I. eranskineko B atalean zerrendatzen diren prozedurak.
k) Biltegiratzea: EEHak aldi baterako gordetzea, balorizatu edo ezabatu aurretik, bi urte baino gutxiagorako, erregelamendu bidez epe laburragoak ezartzen ez badira. Kontzeptu horren barnean ez dago EEHak aldi baterako gordetzea produkzio-instalazioetan, aurreko paragrafoan azaldutako helburu berberekin eta bertan adierazitakoak baino epe laburragoetan.
l) Agregakinak eta material birziklatuak: EEHak birziklatuz lortzen diren produktuak dira. Zein erabileratarako diren, horren zehaztapen eta eskakizun teknikoak betetzen dituzte, dela eraikuntza obretan, dela berariazko beste erabilera batzuetan, eta orokorrean ez dute kalterik sortzen ingurumenean edo osasunean.
4. artikulua . EEHen sortzailearen betebeharrak.
1. EEHen sortzaileak, hondakinei buruzko legediak eskatzen dituen baldintzez gain, betebehar hauek bete beharko ditu:
a) Obraren proiektuan EEHen kudeaketari buruzko azterlana txertatzea. Azterlan horren gutxieneko edukia honako hau izanen da:
1. Obran sortuko diren EEHen kopuruaren zenbatespena, tonata eta/edo m³-tan adierazi, hondakinak 2 A eranskinaren arabera kodetuta. Obran sortutako kopuruak kalkulatzeko, 3. eranskinean ageri diren hondakinen sorkuntzako ratioak erabiltzen ahalko dira
2. Proiektuaren xede den obran hondakinen sorkuntzari aurre egiteko neurriak.
3. Obran sortzen diren hondakinak nolako berrerabiltze, balorizatze edo desagerrarazte eragiketetan erabiliko diren.
4. Hondakinak obran bereizteko neurriak, zehazki, hondakinen edukitzaileak 5. artikuluko 4. idatz-zatian ezarritako betebeharra bete dezan.
5. Obraren barnean EEHak biltegiratu, maneiatu eta bereizteko eta, bidezkoa bada, kudeaketako beste eragiketa batzuk egiteko aurreikusita dauden instalazioen planoak. Gero, plano horiek obraren ezaugarri partikularretara eta obra egikaritzeko sistemetara egokitzen ahalko dira, obrako zuzendaritza fakultatiboak hala erabakiz gero.
6. Proiektuko baldintza tekniko partikularren agiriko aginduak, obraren barnean EEHak biltegiratu, maneiatu eta bereizteari eta, bidezkoa bada, kudeaketako beste eragiketa batzuei dagokienez.
7. EEHen kudeaketaren kostu aurreikusiaren balorazioa, proiektuko aurrekontuan kapitulu independente gisa agertuko dena.
b) Eraiki, birgaitu, konpondu, zaharberritu edo eraisteko obretan, sortuko diren hondakin arriskutsuen inbentarioa egitea, 1. idatz-zatiko a letran aipatzen den kudeaketa-azterlanean sartu beharko den inbentarioa, alegia. Halaber, hondakin horiek gaika desagerraraztea aurreikusi beharko da, hondakinak haien artean edo arriskutsuak ez diren beste hondakin batzuekin ez nahasteko, eta hondakin arriskutsuen kudeatzaileei bidaliko zaizkiela ziurtatzea.
c) Obretan benetan sortzen diren EEHak, bidezkoa izanez gero, obran bertan kudeatu direla, edo hondakinen kudeatzaile baimendu batek trata ditzan hondakinak balorizatzeko eta ezabatzeko instalazio batean entregatu direla egiaztatzen duten agiriak edukitzea, foru dekretu honetan eta bereziki, obrako hondakinen kudeaketari buruzko azterlanean eta haren aldarazpenetan ageri diren baldintzen arabera. Urte natural bakoitzari dagozkion agiriak hurrengo bost urteetan ere mantendu beharko dira.
d) Etxeetako eraikuntza edo konponketako obra txikia ez bada -horrelakoak udal ordenantzek ezartzen dutenaren mendean baitaude-, fidantza edo finantza-berme baliokidea eratzea, obrako EEHak behar bezala kudeatzeko betebeharrak bete daitezela ziurtatzeko, 6. artikuluko baldintzen arabera.
2. Eraikuntza obren kasuan, hirigintzako lizentzia lortzeko oinarrizko proiektua aurkezten denean, proiektu horrek gutxienez 1. idatz-zatiko a) letrako 1, 2, 3, 4 eta 7 zenbakietan eta b) letran aipatzen diren agiriak bilduko ditu.
5. artikulua . EEHen edukitzailearen betebeharrak.
1. Aplika daitekeen araudiko betebeharrez gain, obra egikaritzen duten pertsona fisiko edo juridikoak obraren jabeari plan bat aurkeztu beharko dio. Plan horretan azaldu beharko da nola eginen dituen hari dagozkion betebeharrak, obran sortuko diren EEHei dagokienez, bereziki 4.1 artikuluan eta artikulu honetan azaltzen diren betebeharrei dagokienez. Plana, zuzendaritza fakultatiboak onetsi eta jabeak onartu ondoren, obrako kontratu-agirien artean sartuko da.
2. EEHen edukitzaileak, berak hondakin horiek kudeatzen ez dituenean, eta onetsitako proiektuaren edo udal ordenantzen eskakizunak gorabehera, bidezkoa bada, hondakinen kudeatzaile baimendu bati entregatu beharko dizkio hondakin horiek, edo borondatezko akordio batean edo lankidetza-hitzarmen batean parte hartu beharko du, kudeatu ahal izateko. EEHak berrerabilpen eragiketetarako, birziklapen eragiketetarako edo bestelako balorizazio modu batzuetarako erabili beharko dira, ahal dela, eta hurrenkera horretan. EEHak ezabatzeko erabiliko dira 10. artikuluan ezarrita dauden baldintzak betetzen badira.
3. Hondakinen edukitzaileak, hondakin horiek bere esku dituen bitartean, higiene eta segurtasun baldintza egokietan mantendu beharko ditu, eta lehendik aukeratutako zatiak nahas ez daitezen saiatu beharko du, geroko balorizazio edo ezabaketa ez eragozteko edo ez oztopatzeko.
4. EEHak zatiki jakin batzuetan bereizi beharko dira, zatiki horietako bakoitzean -banaka hartuta- aurreikuspenen arabera obra osoan sortuko diren hondakinek kopuru jakin batzuk gainditzen badituzte; hona hemen zatiki eta kopuru horiek:
a) Hormigoia: 80 t.
b) Adreiluak, teilak, zeramika: 40 t.
c) Metala: 2 t.
d) Zura: 1 t.
e) Beira: 1 t.
f) Plastikoa: 0,5 t
g) Papera eta kartoia: 0,5 t.
Hondakin horiek, ahal dela, EEHen edukitzaileak bereiziko ditu zatikitan, sortzen direneko obraren barnean. Bereizten diren zatikiak artikulu honen 2. puntuaren arabera kudeatuko dira.
Obran espazio fisiko gutxi egotegatik bereizketa hori jatorrian egitea alderdi teknikoan bideragarria ez denean, edukitzaileak hondakinen kudeatzaile bati agintzen ahalko dio zatikitan bereiztea, EEHen tratamendurako obraz kanpoko instalazio batean. Azken kasu horretan, edukitzaileak instalazioaren kudeatzaileari atal honetan azaldu den betebeharra haren izenean bete duela egiaztatzen duten agiriak eskatu behar dizkio.
5. EEHen edukitzaileak hondakinak kudeaketa-kostuak ordaindu behar ditu, eta bidezkoa bada, sortzaileari eraikuntza eta eraispenetako hondakinak entregatu izanaren egiaztagiri edo fakturak entregatu beharko dizkio, sortutako hondakinak 1. idatz-zatian ezarritako planaren arabera behar bezala kudeatu direla egiaztatzeko, eta urte natural bakoitzari dagozkion agiriak hurrengo bost urteetan mantentzeko.
6. artikulua . Fidantza eratzeko betebeharrak betetzeko sistemak.
1. Garrantzi txikiko eraikuntza eta eraispen obretako hondakinen sortzaileak:
Fidantza eratzeari buruz 4.1.d) artikuluan ezarritako betebeharrak betetzearen ondorioetarako, eraikuntza eta eraispen obretako hondakinen edukitzaile diren eraikitzaileen erregistroan inskribatuta dagoen eraikitzaile-edukitzaile bat kontratatu beharko dute. Ondorio horietarako, erregistro hori Landa Garapeneko eta Ingurumeneko Departamentuak mantenduko du 6. artikulu honetako 3. puntuaren arabera.
2. Obretako lizentziarik behar ez duten eta garrantzi txikikoak ez diren eraikuntza eta eraispen obretako hondakinen sortzaileak:
a) Lizentziaren eskariarekin batera, fidantza edo bankuko abal bat aurkeztu beharko dute. Horren zenbatekoa, eraikuntza eta eraispen obretako hondakinen tona bakoitzeko 11 euro edo m³ bakoitzeko 17 euro izanen da -hondakinok aurreikusitako hondakinen hondeaketa lanetako lurrak ez badira-. Gutxieneko kopurua 1.000 euro izanen da eta gehienekoa eraikuntza obretarako proiektuaren aurrekontuaren %3.
b) Obrak amaitu ondoren, EEHen sortzaileak fidantza itzultzeko eskaria aurkeztuko dio dagokion Udalari. Eskari horrekin batera hondakinak behar bezala kudeatu izanaren egiaztaria/entregako faktura aurkeztu beharko du, foru dekretu honen 2 D eranskinaren arabera. Fidantzaren zatiak itzultzeko eskatzen ahalko da. Horretarako, kudeatzaile baimenduak egindako egiaztagiri edo entregako faktura partzialak aurkeztu beharko dira.
c) Udalak fidantza gehienez 15 eguneko epean itzuliko du, egindako obrari dagozkion EEHak kudeatzaile baimendu bati behar bezala entregatu izanaren egiaztagiriak/entregako fakturak aurkezten direnetik aurrera zenbatuta. Itzulketa hori osorik edo zati batean egiten ahalko da, sortutako hondakinen zati bat behar bezala kudeatu dela justifikatzen bada. Hasieran gordailatu dena baino fidantza txikiagoa gordailatzea onar liteke.
d) Aurreko idatz-zatien alternatiba gisa, eraikuntza eta eraispen obretako hondakinen sortzaileek 6. artikuluko 1. epigrafean ezarritako prozedura erabiltzen ahalko dute eraikuntza eta eraispen obretako hondakinen edukitzaile diren eraikitzaileen erregistroan inskribatuta dagoen eraikitzaile-edukitzaile bat kontratatzen dutenean, 6. artikulu honetako 3. puntuaren arabera.
3. EEHen edukitzaile diren eraikitzaileen erregistroa.
EEHen edukitzaile diren eraikitzaileen erregistroko inskripzioa ahal dela erregistro elektronikoaren bidez eginen da, Landa Garapeneko eta Ingurumeneko Departamentuan.
EEHen edukitzaile diren eraikitzaileen erregistroan inskribatzeko eskariarekin batera agiri hauek aurkeztu beharko dira:
a) Eraikitzailearen identifikazioa eta helbidea, identifikazio fiskaleko txartelaren kopia sinplea aurkeztuz. Eraikitzaile horrek nortasun juridiko propioa izan beharko du.
b) Egiten dituen obretan sortutako hondakinak behar bezala kudeatzearen ondorioz Administrazioaren aurrean sortzen diren betebehar guztiak -kalteen, zehapenean edo bere jardueran sortutako EEHen bilketa, garraioa eta tratamendua modu subsidiarioan egitearen ondoriozko betebeharrak barne direla- betetzeaz arduratzeko fidantza (eskudirutan edo banku-abalaren bidez) Nafarroako Ogasunean gordailatu izanaren frogagiria. Hona hemen fidantza horren balioa:
b.1) 1.000 euro garrantzi txikiko eraikuntza eta eraispen obretarako, hau da, sortzen diren EEHen bolumena gehienez 50 m³ bada.
b.2) 50.000 euro EEHen bolumena 50 m³-tik gorakoa duten eraikuntza eta eraispen obretarako.
4. Obra Administrazio Publiko batekiko kontratu bat betetzeko egikaritzen bada, eta horren arabera fidantza bat gordailatu behar bada kontratua behar bezala betetzeko berme gisa, kontratua amaitutzat joko da -eta beraz, fidantza osorik itzuliko da- adjudikaziodunak hondakinak behar bezala kudeatu izanaren egiaztaria/entregako faktura aurkezten duenean, baina ez lehenago.
5. Landa Garapeneko eta Ingurumeneko Kontseilariaren foru aginduaren bidez onetsiko dira eraikuntza eta eraispen obretako hondakinen edukitzaile diren eraikitzaileen erregistroan inskribatuta daudenek bete behar dituzten neurri teknikoak, EEHen produkzio-erregistroak, erregistroen formatuak, kontrolak eta administrazioari jakinarazteko betebeharrak.
6. Landa Garapeneko eta Ingurumeneko Kontseilariaren foru aginduaren bidez, foru dekretu honetan ezarrita dauden fidantzen eta gainerako finantza-bermeen zenbatekoak eguneratzen ahalko dira.
7. artikulua . EEHen kudeatzailearen betebeharrak.
EEHen kudeatzaileak betebehar hauek bete beharko ditu:
1. Hondakin arrisku gabearen bamena lortzea jarduera hauetako edozein egiteko: EEHak biltegiratu eta transferitzea, aurretiazko tratamendua egitea, balorizatzea eta ezabatzea.
Balorizazio edo ezabatze zentroetan instalazio mugikorren bidez egiten diren EEHen tratamendu eragiketak zentro finko horri emandako baimenean aurreikusi beharko dira, eta baimen horretan ezarritako eskakizunak bete beharko dituzte. Halaber, instalazio mugikorren bidez egiten diren EEHen tratamendu eragiketak hondakinak sortu direna ez den beste obra batean egiten badira, eta instalazio horiek balorizazio edo ezabatze zentroak ez badira, hondakinen kudeatzailearen baimena beharko da.
2. EEHak kudeatzeko jarduerak 1. eranskinean ezarritako eskakizun teknikoak betetzen dotuzten instalazioetan eginen dira.
3. 2 C eranskinaren arabera egindako erregistro batean adieraztea instalazioan sartzen diren EEHak eta irteten direnak, 2 A eranskinean ezarrita dagoenaren arabera kodetuta. Horri esker hondakin horien kudeaketan trazagarritasun osoa bermatzen ahalko da.
4. Aurreko puntuan aipatu den sarrera eta irteeren erregistroan biltzen den informazioa Landa Garapeneko eta Ingurumeneko Departamentuaren eta Ikuskatze Organoen eskura jartzea. Urte natural bakoitzari buruzko informazioa hurrengo bost urteetan ere mantendu beharko da.
5. EEHak entregatzen dizkion edukitzaile edo kudeatzaileari entregatu izanaren egiaztagiri edo fakturak ematea, foru dekretu honetan ezarrita dauden baldintzekin, horien bidez egiaztatzen baita jasotako hondakinak behar bezala kudeatu direla, foru dekretu honen 2 D eranskinean ezarrita dagoenaren arabera. Horrela bermatzen da hondakin horien titulartasuna kudeatzaileari laga zaiola, hondakinen arloan indarrean dagoen araudian ezarrita dagoenaren arabera. EEHak jasotzen dituen kudeatzaileak 1. eranskineko 2. eta 3. puntuan definitutako instalazioetan balorizaziokoak ez diren eragiketak edo ezabatzekoak egiten dituenean, gainera, hondakinak entregatu zizkion edukitzaile edo kudeatzaileari hondakinen balorizazio eta ezabatze eragiketaren egiaztagiriak transmititu beharko dizkio.
6. Biltegiratze eta transferentziako edo aurretiazko tratamenduko instalazioetan jasotzen diren hondakinak balorizazio edo ezabatze kudeatzaile bati -bidezkoa dena- entregatu beharko zaizkio beti, azken tratamendua egin dezan, eta ezin izanen dira erabili eraikuntza eta/edo zaharberritze obretan erabili 1. eranskineko 2. edo 3. puntuaren arabera tratamendu osagarria egin gabe.
7. Hondakin arriskutsuak kudeatzeko baimenik eduki ezean, instalazioan hondakinak jasotzeko prozedura izan beharko du, tratamendu prozesua hasi aurretik hondakin horiek detektatu eta bereiz daitezela ziurtatzeko. Modu horretan lortzen diren hondakin arriskutsuak behar den modua biltegiratuko dira eta hondakin arriskutsuen kudeatzaile baimenduei bidaliko zaizkie. Betebehar horrek ez die kalterik eginen sortzaileak, edukitzaileak edo, bidezkoa bada, hondakin horiek instalaziora bidali dituen kudeatzaileak izan ditzakeen erantzukizunei.
8. Haien eragiketak egitean, EEHen harrizko zatikien aprobetxamendurik handiena lortzeko eta hondakinen fluxutik hondakin inerteen definizioa betetzen ez duten hondakin arriskutsu zein arriskugabe guztiak gaika kentzeko.
9. Gutxienez sei hilean behin, eraikuntza eta eraispenetako obretako hondakinen jasotzen dituen tarteko kudeatzaileak edo amaierako kudeatzaileak Landa Garapeneko eta Ingurumeneko Departamentuari sarrera eta irteeren erregistroaren kopia bidali beharko dio formatu elektronikoan, foru dekretu honen 2 C) eranskinean ezarrita dagoenaren arabera. Kudeatzaileei ematen zaizkien baimenetan, bestelako aldizkakotasunak adierazten ahalko dira egin beharreko jarduera kontuan hartuta.
10. Foru dekretu honetan EEHen transferentzia eta tratamenduko instalazioetarako ezarrita dauden eskakizun teknikoak betetzea.
11. Zuzendaritzaz arduratzen diren teknikarien eta EEHen tratamendu-instalazioa ustiatzeaz arduratzen diren langileen prestakuntza eta lanbide-gaikuntza bermatzea.
12. Fidantza edo finantza-berme baliokidea eratzea, hondakinak behar bezala kudeatzeko betebeharrak bete daitezela ziurtatzeko. Fidantzaren zenbatekoa Landa Garapeneko eta Ingurumeneko Departamentuak ezarriko du, instalazioak EEHak biltegiratzeko duen gehieneko ahalmenaren arabera, eta hondakinen kudeatzailearen baimena lortzeko aurretiazko eta nahitaezko baldintza izanen da.
13. EEHen balorizazio eragiketa baten ondorioz lortutako agregakin eta material birziklatuen ezaugarriak laborategi homologatu batek haien azken erabilerarako aplika daitekeen araudi teknikoaren arabera ezarrita daudela eta zertarako erabiliko diren, horren eskakizun teknikoak eta legezko eskakizunak betetzen dituztela ziurtatzea.
8. artikulua . EEHak balorizatzea sortu direneko obran bertan.
1. Hondakinen kudeaketarako baimenetik salbuetsita egonen dira 2 B eranskineko zerrendan ageri diren edukitzaile-sortzaileak, hondakinok eranskin horretako tratamendu-metodoaren bitartez obran tratatzen badituzte, betiere, obrako proiektuari egokituta, gizakien osasuna arriskuan jarri gabe eta ingurumenari -eta bereziki urari, aireari, lurzoruari, faunari edo florari- kalterik egin gabe, zaratarengatik eta usainengatik eragozpenik sortu gabe eta paisaia edo babes motaren bat duten naturguneak kaltetu gabe egiten bada, aplika daitekeen legediaren arabera. Horretarako, nahikoak diren baliabideak erabili beharko dira, 1. eranskineko 2. edo 3. puntuen arabera, baskulari dagokionez izan ezik, bereizketaren eraginkortasuna gutxienez tratamendu-instalazio batean lortzen denaren antzekoa izan dadin.
2. Halaber, horren berri eman beharko diote espresuki Udalari, obrako proiektuan aurreikusita ez bada, edo Ingurumenaren eta Uraren Zuzendaritza Nagusiari, obrak udal lizentziarik behar ez badu, haiek arrazoiak emanda ukatzen ahalko baitute.
3. Baimenetik salbuetsita dauden EEHen kopuruak, eskatutako obran bertan sortzen direnak izanen dira. Horiek aurkezten den obrako proiektuan eta EEHen kudeaketako azterlanean agertuko dira eta obran erabiliko dira.
4. EEHen balorizazioa, sortu direneko obran bertan egiten denean, eraikuntzarako lizentzia eman duen Udalean erregistratuta geratuko da, edo -obrak udal lizentziarik behar ez badu- Ingurumenaren eta Uraren Zuzendaritza Nagusian.
5. Sortu direneko obran bertan EEHen balorizazioa erregistratzen duten Udalek balorizazioa egiteko inskribatutako obren eta haien azken helburuaren zerrenda bidaliko diote Ingurumenaren eta Uraren Zuzendaritza Nagusiari urtean behin, hurrengo urteko martxoaren 1a baino lehen. Obraren zenbakia eta kokalekua adierazi beharko dute, eta edukitzaile-sortzailea nor den, LER kodeak, balorizatutako hondakinen kopuruak eta obra egikaritzeko proiektuan egindako kudeaketaren deskribapena.
9. artikulua . EEHetatik datozen hondakin inerteak lehengoratze, atontze edo betelan obretan erabiltzea.
Jarduera bat ingurumen aldetik hondatutako espazio bat lehengoratzeko eraikuntza eta eraispen jardueretatik datozen hondakin inerteak erabiliz atontze edo betelan obretan balorizatzeko eragiketatzat hartzeko honako eskakizun hauek bete beharko dira:
1. Ingurumena Babesteko Esku-hartzeari buruzko martxoaren 22ko 4/2005 Foru Legeak ezartzen duen ingurumen baimena lortzea. Baimen horretan espresuki adierazi beharko da balorizazio jarduera dela.
2. Kudeatzaile baimena lortzea. Baimen horretan, gainera, hondakin horiekin eginen diren hondakinen balorizazio eragiketak azalduko dira.
3. EEHen kudeatzaileen eskakizunak betetzea, Hondakinei buruzko apirilaren 21eko 10/1998 Legearen arabera eta foru dekretu honen 7. artikuluaren arabera, 2. puntua bazter utzita.
4. Eragiketa horren emaitza, lehengoratze, atontze edo betelan obrarekin lortu nahi den helburua betetzeko beste modu batean erabili beharko liratekeen baliabide naturalak ordeztea da.
5. Lehengoratze jardueretan edo atontze edo betelan obretan erabiliko diren EEHak, tratamendu bat jaso beharko dute lehenago, gutxienez harrizko materialak (hormigoia, zeramika...) aprobetxatzeko, eta hondakin arriskutsu guztiak nahiz inerteak ez diren hondakin arriskugabe guztiak kentzeko, baldin eta onetsitako lehengoratzeko proiektuan erabiltzen ahal diren hondakin inerteen motak eta ezaugarriak zehazten ez badira.
6. Adierazitako obretako edozeinetan, erabiltzen diren hondakin inerteek 2003/33/EE Erabakiaren 2.1 idatz-zatian ezarritako onarpen-irizpideak bete beharko dituzte.
7. Lehengoratze edo betelan obretan EEHak erabiltzen direnean, kokalekuek iragazgaizte naturala edo artifiziala izanen dute, k = 1 x 10-7 m/seg-ren baliokidea 1m-ko lodieran, baldin eta arrazoi teknikoak kontuan hartuta hala ez egitea komenigarria ez bada. Iragazgaizte geologiko artifizialeko geruzak gutxienez 0,5 m-ko lodiera izanen du.
10. artikulua . EEHak zabortegian utziz ezabatzeko jarduerak.
1. Otsailaren 1eko 105/2008 Errege Dekretuaren 11. artikuluan ezarrita dagoenaren arabera, zabortegi baimendu batean utziko diren EEHei aurretiaz tratamendu bat eman beharko zaie, gutxienez harrizko materialak aprobetxatzeko, eta hondakin arriskutsu guztiak nahiz inerte gisa definitu ezin diren hondakin guztiak kendu behar zaizkie.
2. Xedapen hori ez zaie aplikatuko alderdi teknikoan tratatu ezin diren hondakin inerteei, ezta haien tratamenduak 1. artikuluan ezarritako helburuak lortzen edo gizakien osasunerako edo ingurumenerako arriskuak murrizten laguntzen ez duen EEHei ere.
3. Xedapen hori ez zaie aplikatuko herrigune bakartuetan dauden zabortegiei ere, 1481/2001 Errege Dekretuaren 2. artikuluko definizioaren arabera, herrigune horietan sortutako EEH inerteak -eta horiek soilik- jasotzen dituztenean. Nafarroako herrigune bakartuen zerrenda Landa Garapeneko eta Ingurumeneko Departamentuaren foru agindu bidez argitaratuko da, eta herrigune horretatik hurbil tratamendu instalaziorik dagoen kontuan hartuko da.
11. artikulua . Gune hondatuak lehengoratzeko funtsa .
Obrak amaitzen direnetik sei hilabete igarotakoan titularrak EEHak kudeatzaile baimendu bati entregatu izanaren frogagiria aurkeztu ez badu, eta Udalak Herri Administrazioen Araubideari eta Administrazio Prozedura Erkideari buruzko Legearen 58. eta 59. artikuluen arabera hari jakinarazi ondoren, itzuli gabeko fidantzak, bidezkoa bada, gune hondatuak edo kontrolik gabeko isurpenak dituzten guneak lehengoratu edo birgaitzeko funts batean sartzen ahalko dira. Funts horren funtzionamendu eta kudeaketako sistema erregelamendu bidez zehaztuko da.
12. artikulua . Zehapenen araubidea.
Eraikuntza eta eraispenetako hondakinak sortu, eduki eta kudeatzeari buruzko araudiaren arau-hausteei aplikatzen zaien zehapen araubidea hondakinen arloan indarrean dagoen araudian ezarritakoa izanen da.
13. artikulua . Administrazio Publikoek prebentzioa eta EEHen balorizaziotik eratorritako produktuen erabilera sustatzea.
1. Administrazio Publikoek, sustatzaile gisa esku hartzen duteneko obretan, EEHak sortzean prebentziorako neurriak aplika daitezela zainduko dute. Gainera, obraren proiektu fasean eraikuntza eta ustiapenean ahalik eta hondakin gutxienak sortzen dituzten diseinuzko eta eraikuntzazko alternatibak eta balio bizitzaren amaieran ingurumen aldetik behar bezala desegiteko bidea ematen duten neurriak kontuan har daitezela zainduko dute.
2. Administrazio Publikoek sustatuko dute obra publikoetan baliabide naturalak erabiltzean aurrezpenean lagunduko duten alternatibak kontuan har daitezela, zehazki obra-unitateetan hondakinen balorizaziotik datozen agregakinak eta beste produktu batzuk erabiliz.
3. Kontratazio publikoan EEH gutxiago sor daitezela eta obra-unitateetan hondakinen balorizaziotik datozen agregakinak eta beste produktu batzuk erabil daitezela sustatuko da.
Lehenengo Xedapen Gehigarria.- Ingurumenaren gaineko eraginaren ebaluazioaren mendean dauden titulartasun publikoko obretan sortutako hondeaketako soberakinei aplikatzen ahal zaien araubidea.
Foru dekretu honetan aurreikusita dauden neurriak, 4.1.a artikuluan azaltzen dena bazter utzita, ez zaizkie aplikatuko titulartasun publikoko obretan sortutako hondeaketako soberakinei. Horiei, urtarrilaren 11ko 1/2008 Legegintzako Errege Dekretuak onetsi zuen Proiektuen ingurumen eragina ebaluatzeari buruzko Legearen testu bateginean aurreikusita dagoena aplikatuko zaie. Soberakin horiek substantzia arriskutsuek kutsatuta daudenean, hondakinei buruzko berariazko araudia aplikatuko da.
Bigarren Xedapen Gehigarria.- Hondakinen sorkuntzagatiko ratioen balioak ezarri eta aldaraztea.
Obra batzuetan eta besteetan hondakinen sorkuntzako ratioen balioak, eta 6. artikuluan eta III. eranskinean ezarrita dauden fidantzen zenbatekoa, Landa Garapeneko eta Ingurumeneko kontseilariaren foru agindu bidez eguneratzen ahalko dira, sektoreak duen bilakaera kontuan hartuta.
1. Foru dekretu hau indarrean jarri baino lehenago baimenduta dauden EEHen tratamendu instalazioak foru dekretu honen I. eranskinean ezarrita dagoenari egokitu beharko zaizkio 6 hilabeteko epean, dekretua indarrean jartzen denetik aurrera.
2. Foru dekretu honen 9. artikuluan aurreikusitako jarduera baimenduak egiten direneko kokalekuen titularrek dekretu honetan xedatuta dagoena bete beharko dute 6 hilabeteko epean, dekretua Nafarroako Aldizkari Ofizialean argitaratu eta hurrengo egunetik aurrera zenbatuta.
3. Egikaritzen ari diren erauzketa-jardueren titularrek, EEHak kontuan hartzen dituzten lehengoratze-planak onetsita badituzte, plan horiek foru dekretu honetan xedatuta dagoenari egokitu beharko dituzte 6 hilabeteko epean, dekretua Nafarroako Aldizkari Ofizialean argitaratu eta hurrengo egunetik aurrera zenbatuta.
Azken Xedapena. Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2011ko martxoaren 28an.-Nafarroako Gobernuko lehendakaria, Miguel Sanz Sesma.-Landa Garapeneko eta Ingurumeneko kontseilaria, Begoña Sanzberro Iturriria.
INSTALAZIOEN BALDINTZA TEKNIKOAK
INSTALAZIOEN BALDINTZA TEKNIKOAK
Tratamenduko instalazioen funtsezko helburua, materialak birziklatzea eta agregakin birziklatuak produzitzea izanen da. Era berean, birziklagarriak ez diren materialek hondakin gisa zabortegian botatzeko baldintzak bete ditzatela lortzeko erabiltzen ahal dira.
1. Biltegiratze eta transferentzia zentroak (R13).
Biltegiratzeak nabe itxietan, nabe irekietan edo aire zabalean egiten ahalko dira. Azken kasu horretan, jarduera-lizentzian neurri zuzentzaileak ezartzen ahalko dira lurzoruan eta lurrazpiko uretan ukipenak saihesteko, kokalekuko akuiferoak kutsatzeko arriskua kontuan hartuta.
Biltegiratzeak nabe irekietan edo aire zabalean egiten badira, instalazioak barrutiaren perimetroan itxitura izan beharko du, sarraila bortxa-ezina duen sarbide-atearekin. Inguruan ezponda edo antzeko sistema bat izan beharko du; horrela, barrutiko isurketa ur guztiak bildu eta urmael batera bideratzen ahalko dira, ubide publiko batean isuri baino lehen dekantatzeko.
Hondakinaren jatorria, sortzailea eta edukitzailea erregistratzeko baliabide informatikoak izanen ditu.
Baskula izanen du, hondakinak jasotzean zama pisatzeko.
Harreragilea zama begiz ikuskatzeko posizio egokian egonen da, onartzen ala atzera botatzen duen erabaki ahal izan dezan.
Hautsa sor dezaketen gune eta ekipamendu tekniko guztiek atmosferara ezer ere ez botatzeko edo ahalik eta gutxien botatzeko neurriak izanen dituzte.
Metatzeko lekuak modu argian identifikatuta egonen dira, bai jasotzen diren hondakinetarako, bai bereizitako produktu eta hondakinetarako.
2. Tratamenduko instalazio finkoak (R12/R5).
Eranskin honetako 1. puntuan aipatu den ekipamendu orokorraz gain, hauek izanen dira eskura:
a) Hondakinen aurretiazko tratamendua (R12).
Onartutako hondakin-zamak tamaina handiko hondakinak eskuz banatzeko moduko eremu batean botatzen ahalko dira. Tamaina handiko hondakin horiek behar bezala atondutako gune egokietan metatuko dira.
Hondakin arriskutsuak ere banatuko dira, eta identifikazioa nahiz idazkun egokiak dituzten edukiontzietan utziko dira, estalkipean, baldin eta lixibiatuak sorraraz ditzaketela uste bada.
Agregakinekin batera doazen hondakin arriskugabeak (txatarra, kartoia, plastikoa edo zura) eskuz edo sistema mekaniko baten bidez (uhalak, palak, etab.) bereiziko dira. Hondakin guztiak, agregakinak barne direla, kudeatzaile baimendu bati entregatuko zaizkio, bukaerako tratamendua egin dezan.
b) Lehen mailako tratamendua (R5).
Onartutako hondakin-zamak tamaina handiko hondakinak eskuz banatzeko moduko eremu batean botatzen ahalko dira. Tamaina handiko hondakin horiek behar bezala atondutako gune egokietan metatuko dira.
Hondakin arriskutsuak ere banatuko dira, eta identifikazioa nahiz idazkun egokiak dituzten edukiontzietan utziko dira, estalkipean, baldin eta lixibiatuak sorraraz ditzaketela uste bada.
Aukeraketa mekanikoko sistemaren bat izanen du -trommel edo bibraziozko bahea-, edo xehamakina edo antzeko baten bidez hasieran birrintzeko sistemaren bat, eta bukaerako trommel-a, gutxienez tamaina diferentetako hiru zatiki bereizi ahal izateko: finak, legarrak eta lodiak.
Tamaina handiagoko zatikiak eskuz bereizten ahalko dira zura, plastikoak, papera/kartoia eta metal ez ferrikoak bereizteko egokia den aukeraketa-kabina batean, birziklatzeko edo kudeatzaile baimendu bati entregatzeko.
Hondakin ferrikoak material ferrikoen banagailu automatiko baten bidez -overband edo antzekoa- bereiziko dira.
c) Bigarren mailako tratamendua (R5) (aukerakoa).
Harrizko materialei puzte edo garbiketa bidezko prozesua aplikatuko zaie haietatik plastikoak, zura edo papera bereizteko. Horrela elementu kutsagarririk gabeko agregakina lortuko da.
Aukerakoa izanen da inpaktuzko errota edo antzeko bat jartzea, erabilgarri dagoen teknologia kontuan hartuta, bigarren mailako birrinketa eta material horien baheketa bideratzeko, granulometria diferentetako agregakin birziklatua lortzeko, eraikuntza sektorean erabiltzeko modukoa.
3. Tratamenduko instalazio mugikorrak (R5).
Instalazio mugikorren funtzionamenduko baldintza teknikoak hondakinen kudeatzaile gisa baimendutako zentroen berariazko baldintzetan ezarriko dira, 7. artikuluaren arabera.
EEHak sortzen direneko obretan dauden instalazio mugikorren kasuan, 8. artikuluaren arabera, proiektuarekin batera aurkeztutako kudeaketa-azterlaneko baldintza teknikoak izanen dira, eta nolanahi ere, garbiketaren eta EEHen aprobetxamenduaren aldetik, lehen mailako tratamendua duten instalazio finkoen antzeko helburuak lortu beharko dituzte, gutxienez.
2. ERANSKINA. A.-EEHAK.
EEHak izanen dira zerrenda honetan ageri direnak. Zerrendan ageri dira, halaber, hondakin horiekin egin behar diren kudeaketa-eragiketak:
| EHZ (1) | DESKRIBAPENA | BUKAERAKO KUDEAKETA (2) |
| 150101 | Eraikuntza eta eraispen obretatik datorren kartoia. | R3 |
| 170101 | Hormigoia. | R5/D5 |
| 170102 | Adreiluak. | R5/D5 |
| 170103 | Teilak eta material zeramikoak. | R5/D5 |
| 170107 | Hormigoi, adreilu, teila eta material zeramikoen nahasketak, 17 01 06 kodean zehaztuta daudenez bestelakoak. | R5/D5 |
| 170201 | Zura. | R3/R1/D5 |
| 170202 | Beira. | R5/D5 |
| 170203 | Plastikoa. | R3/R1/D5 |
| 170302 | Nahasketa bituminosoak, 17 03 01 kodean zehaztuta daudenez bestelakoak. | R5/R1/D5 |
| 170401 | Kobrea, brontzea, latoia. | R4 |
| 170402 | Aluminioa. | R4 |
| 170403 | Beruna. | R4 |
| 170404 | Zinka. | R4 |
| 170405 | Burdina eta altzairua. | R4 |
| 170406 | Eztainua. | R4 |
| 170407 | Metal nahastuak. | R4 |
| 170411 | Kableak, 17 04 10 kodean zehaztuta daudenez bestelakoak. | R3/R4 |
| 170504 | Berrerabili gabeko lur eta harriak. | D5 |
| 170506 | Drainatze-lohiak, 17 05 05 kodean zehaztuta daudenez bestelakoak. | R5/D9/D5 |
| 170508 | Trenbideetako balastoa, 17 05 07 kodean zehaztuta dagoenaz bestelakoa | R5/D5 |
| 170604 | Isolamendurako materialak, 17 06 01 eta 17 06 03 kodeetan zehaztuta daudenez bestelakoak | R5/D5 |
| 170802 | Igeltsua oinarri duten eraikuntzako materialak, 17 08 01 kodean zehaztuta daudenez bestelakoak | R5/D5 |
| 170904 | Eraikuntza eta eraispenetako hondakin nahastuak, 17 09 01, 17 09 02 eta 17 09 03 kodeetan zehaztuta daudenez bestelakoak | R5/D5 |
| 200202 | Berrerabili gabeko lur eta harriak | D5 |
| (1) Hondakinaren kodea, Hondakinak balorizatzeko eta ezabatzeko eragiketak eta Europako Hondakin Zerrenda argitaratzen dituen otsailaren 8ko MAM/304/2002 Aginduaren 2. eranskineko hondakin zerrendaren arabera. (2) Kudeaketa eragiketaren kodea, Hondakinak balorizatzeko eta ezabatzeko eragiketak eta Europako Hondakin Zerrenda argitaratzen dituen otsailaren 8ko MAM/304/2002 Aginduaren 1. eranskinaren arabera. Lehentasunezko eragiketa adierazi behar da lehenik. Eragiketa hori egiten ez bada, hondakin-sortzaileak egokiro justifikatu behar du arrazoia. Tarteko kudeaketa-eragiketak egiten ahal dira transferentzia estazioetan (D15 edo R13), betiere amaierako kudeaketa-eragiketa taula honetan ezarritakoa bada. | ||
B.-Obran bertan balorizatzen ahal diren EEHak.
Sortu diren obran bertan balorizatzen ahal diren EEHak honako zerrenda honetan azaltzen dira, betiere gehienez material ezegokien %1 badute barnean.
| EHZ (1) | DESKRIBAPENA | ERABILI DEN TRATAMENDU-METODOA (2) |
| 170101 | Hormigoia | R5 |
| 170102 | Adreiluak | |
| 170103 | Teilak eta material zeramikoak | |
| 170107 | Hormigoi, adreilu, teila eta material zeramikoen nahasketak, 17 01 06 kodean zehaztuta daudenez bestelakoak | |
| 170302 | Nahasketa bituminosoak, 17 03 01 kodean zehaztuta daudenez bestelakoak | R5 |
| 170508 | Trenbideetako balastoa, 17 05 07 kodean zehaztuta dagoenaz bestelakoa | |
| (1) Hondakinaren kodea, Hondakinak balorizatzeko eta ezabatzeko eragiketak eta Europako Hondakin Zerrenda argitaratzen dituen otsailaren 8ko MAM/304/2002 Aginduaren 2. eranskineko hondakin zerrendaren arabera. (2) Kudeaketa eragiketaren kodea, Hondakinak balorizatzeko eta ezabatzeko eragiketak eta Europako Hondakin Zerrenda argitaratzen dituen otsailaren 8ko MAM/304/2002 Aginduaren 1. eranskinaren arabera. Lehentasunezko eragiketa adierazi behar da lehenik. Eragiketa hori egiten ez bada, hondakin-sortzaileak egokiro justifikatu behar du arrazoia. Tarteko kudeaketa-eragiketak egiten ahal dira transferentzia estazioetan (D15 edo R13), betiere amaierako kudeaketa-eragiketa taula honetan ezarritakoa bada. | ||
C.-Sarrera eta irteeren erregistroa.
1. Sarrera eta irteeren erregistroa, edukitzaileak kudeatzaileari edo tarteko kudeatzaileak bukaerako kudeatzaileari (kasu horretan 191209 kodea dutenak soilik) EEHak entregatu dizkiola modu fede-emailean agerrarazten duen agiria da. Agiri horri esker, EEHen kudeaketan trazagarritasun osoa bermatzen da.
2. Eraikuntza eta eraispen obretan sortutako hondakinak (II. eranskin honetan A idatz-zatia eta 191209 kodea) jasotzen dituen tarteko kudeatzailearen eta/edo bukaerako kudeatzailearen betebeharra, erregistro hori egin eta eguneratuta edukitzea da.
3. Erregistroak 5. puntuan adierazten den gutxieneko edukia izanen du, eta EEHen sarrera eta irteerei aplikatuko zaie.
4. 6. puntuan erregistro-eredu bat aurkezten da, orientazio gisa. Kudeatzaile bakoitzak erregistro hori bere antolaketa administratiboaren arabera egokitzen ahalko du, eta edozein baliabide elektronikotan egiten ahalko du.
5. Erregistroaren gutxieneko edukia:
SARRERA:
-Hondakinak entregatzen dituen sortzaile, edukitzaile edo kudeatzailearen identifikazioa.
-Jatorrizko obraren lizentzia-zenbakia (1).
-Obra dagoen udalerriaren identifikazioa.
-Hondakinak jaso diren eguna.
-Jasotako hondakinen EHZ (1) kodea.
-Jasotako hondakinen deskribapena.
-Jasotako hondakinen kopuruak tonatan (zaharberritzea bada m³-tan, 9. artikuluaren arabera).
-Aplikatu den kudeaketa (2) kodea.
IRTEERA:
Produktuak:
-Lortutako produktuen kopuruak tonatan.
-Lortutako produktuaren deskribapena.
-Irteera-data.
-Produktuaren erabilera.
Hondakinak:
-Sortutako hondakinaren EHZ (2) kodea.
-Sortutako hondakinaren deskribapena.
-Hondakinak irten diren eguna.
-Sortutako hondakinen kopuruak tonatan.
-Helmugako kudeatzailea.
-Helmugako Autonomia Erkidegoak.
-Helmugako kudeaketa-eragiketa.
(1) Hondakinak tarteko kudeatzaile batengandik jaso ez badira eta 191209 kodekoak ez badira.
(2) Hondakinaren kodea, Hondakinak balorizatzeko eta ezabatzeko eragiketak eta Europako Hondakin Zerrenda argitaratzen dituen otsailaren 8ko MAM/304/2002 Aginduaren 2. eranskineko hondakin zerrendaren arabera.
(2) Kudeaketa eragiketaren kodea, Hondakinak balorizatzeko eta ezabatzeko eragiketak eta Europako Hondakin Zerrenda argitaratzen dituen otsailaren 8ko MAM/304/2002 Aginduaren 1. eranskinaren arabera.
6. Sarrera-erregistroaren eredua, orientazio gisa:
| <table border=1 cellpadding=0 > <tr> <td colspan=7 > <table border=1 cellpadding=0> <tr> <td colspan=9 > ERAIKUNTZA ETA ERAISPEN OBRETAKO HONDAKINEN SARRERA-ERREGISTROA </td> </tr> <tr> <td colspan=4 > JATORRIA </td> <td colspan=4 > JASO DEN HONDAKINA </td> <td rowspan=2 > Egindako kudeaketa (5) </td> </tr> <tr> <td > Izena (1) </td> <td > Edukitzailea (2) </td> <td > Lizentzia zk. (3) </td> <td > Udala </td> <td > Jaso den eguna </td> <td > EHZ (4) </td> <td > Deskribapena </td> <td > t </td> </tr> <tr> <td > (2) Edukitzailearen (eraikitzailea, azpikontratista) identifikazioa (3) Dagokion Udalak emandako obretako lizentziaren zenbakia, betiere hondakinak tarteko kudeatzaile batengandik jaso ez badira eta 191209 kodekoak ez badira. (4) 2. eranskineko A idatz-zatian eta 191209 kodean adierazten diren EHZ kodeak soilik idatziko dira. (5) MAM/304/2002 Aginduaren 1. eranskinaren arabera instalazioan aplikatzen den kodea. Honako hauetako bat edo batzuk jarri beharko dira: R1, R3, R4, R5, D5, D9 eta R12, R13, D15. </td> </tr> </table> HONDAKINEN IRTEERA-ERREGISTROA </td> </tr> <tr> <td colspan=7 > SORTUTAKO HONDAKINAK </td> </tr> <tr> <td > EHZ </td> <td > Deskribapena </td> <td > t </td> <td > Helmugako kudeatzailea </td> <td > Entrega-eguna </td> <td > Helmugako Autonomia Erkidegoak </td> <td > Bukaerako kudeaketa (1) </td> </tr> <tr> <td > </td> </tr> </table>
PRODUKTUEN IRTEERA-ERREGISTROA | |||
| LORTUTAKO PRODUKTUAK | |||
| t | Deskribapena | Irteera-eguna | Produktuaren erabilera |
D.-EEHen egiaztagiria / entregako faktura.
EEHak Jasotzen dituen kudeatzaileak, entregatu dizkioten hondakinak jaso izanaren egiaztagiria eginen du. Hondakin horien kudeaketan trazagarritasun osoa bermatzen duen egiaztagiri horrek gutxienez informazio hau bilduko du:
-EEHen sortzailearen edo jatorriko kudeatzailearen izena.
-Jatorrizko obraren deskribapena eta lizentzia-zenbakia, beharrezkoa bada.
-Jasotako kopurua, tonatan.
-Egindako eragiketaren kodea (D edo R, dagokiona).
Informazio hori, aukeran, berariazko agiri gisa eman beharrean, hondakinak entregatu dituen edukitzaile/kudeatzailearen egiten zaion fakturan sartzen ahalko da.
3. ERANSKINA. EEHEN SORKUNTZAKO RATIOAK.
Obretan sortzen diren EEHak kalkulatzeko bestelako irizpide edo daturik egon ezean, honako ratio hauek aplikatuko dira:
Obra berria.
| Bizitegia | m² eraiki bakoitzeko 0,146 m³ |
| Bizitegikoa ez dena | m² eraiki bakoitzeko 0,146 m³ |
| Industria | m² eraiki bakoitzeko 0,146 m³ |
Eraberritzea.
| Bizitegia | m² eraiki bakoitzeko 0,57 m³ |
| Industria nabeak | m² eraiki bakoitzeko 1,263 m³ |
| Merkataritzako lokalak | m² eraiki bakoitzeko 0,89 m³ |
Eraispena.
| <table border=1 cellpadding=0 > <tr> <td > Hormigoizko egitura duten eraikinak </td> <td > m² eraiki bakoitzeko 1,22 m³ </td> </tr> <tr> <td > Fabrikako obraren eraispena </td> <td > m² eraiki bakoitzeko 0,746 m³ </td> </tr> <tr> <td > Industria nabeak </td> <td > m² eraiki bakoitzeko 1,263 m³ </td> </tr> </table>
Hondeaketa | m² eraiki bakoitzeko 1,6 t Lurren harrotzea V x 1,1 |
Iragarkiaren kodea: F1105723
