LEXNAVARRA
7/2010 FORU DEKRETUA, OTSAILAREN 8KOA, NAFARROAKO UNIBERTSITATE PUBLIKOKO GIZARTE KONTSEILUAREN ANTOLAKETARI ETA FUNTZIONAMENDUARI BURUZKO ERREGELAMENDUA ONESTEN DUENA 
BON 19/02/2010
- Atariko
- Artikulu Bakarra. Nafarroako Unibertsitate Publikoko Gizarte Kontseiluaren Antolaketari eta Funtzionamenduari buruzko Erregelamenduaren onespena.
- Xedapen Indargabetzaile Bakarra. Indargabetzen diren xedapenak.
- Azken Xedapen Bakarra. Indarra hartzea.
NAFARROAKO UNIBERTSITATE PUBLIKOKO GIZARTE KONTSEILUAREN ANTOLAKETARI ETA FUNTZIONAMENDUARI BURUZKO ERREGELAMENDUA
I. TITULUA. IZAERA, XEDEAK ETA ESKUMENAK
- 1. artikulua. Izaera eta xedeak.
- 2. artikulua. Araubide juridikoa .
- 3. artikulua. Eskumenak.
II. TITULUA. GIZARTE KONTSEILUKO KIDEAK
I. KAPITULUA. XEDAPEN OROKORRAK
- 4. artikulua. Nafarroako Unibertsitate Publikoko Gizarte Kontseiluaren osaera .
- 5. artikulua. Agintaldia.
- 6. artikulua. Gizarte Kontseiluko kideen eginkizunen erabilera.
- 7. artikulua. Delegatzeko araubidea.
- 8. artikulua. Gizarte Kontseiluko kideak ordeztea proposatzeko prozedura.
- 9. artikulua. Bateraezintasunak.
II. KAPITULUA. GIZARTE KONTSEILUKO KIDEEN ESKUBIDE ETA BETEBEHARRAK
- 10. artikulua. Gizarte Kontseiluko kideen eskubideak.
- 11. artikulua. Gizarte Kontseiluko kideen betebeharrak.
III. TITULUA. ANTOLAKETA ETA FUNTZIONAMENDUA
I. KAPITULUA. GOBERNU ETA ADMINISTRAZIOKO ORGANOAK
- 12. artikulua. Egitura organikoa.
II. KAPITULUA. OSOKO BILKURA
- 13. artikulua. Osoko Bilkuraren eginkizunak.
- 14. artikulua. Osoko Bilkuraren funtzionamendua.
- 15. artikulua. Osoko Bilkurako quoruma.
- 16. artikulua. Osoko Bilkurako bileretarako deia.
- 17. artikulua. Eguneko gaizerrenda.
- 18. artikulua. Osoko Bilkuraren erabakiak.
- 19. artikulua. Aktak.
- 19 bis. artikulua. Bilkuretako administrazio espediente elektronikoak .
III. KAPITULUA. BATZORDE IRAUNKORRA
- 20. artikulua. Batzorde Iraunkorra.
IV. KAPITULUA. BATZORDEAK
- 21. artikulua. Kontseiluko batzordeak.
- 22. artikulua. Batzordeen eginkizunak.
- 23. artikulua. Batzorde Akademikoa.
- 24. artikulua. Batzorde Ekonomikoa eta Finantzarioa.
- 25. artikulua. Gizartearekiko Harreman Batzordea.
- 26. artikulua. Batzordeen antolaketa.
V. KAPITULUA. ORGANO KOLEGIATUEN ERABAKIAK
- 27. artikulua. Bete beharra.
- 28. artikulua. Organo kolegiatuek erabakiak hartzeko prozedura.
- 29. artikulua. Erabakiak betearazi, argitaratu eta jakinaraztea.
VI. KAPITULUA. KIDE BAKARREKO ORGANOEN EGINKIZUNAK ETA STATUSA
- 30. artikulua. Kontseiluko kidearen hautapena, izendapena eta kargutik kentzea.
- 31. artikulua. Kontseiluko buruaren eginkizunak.
- 32. artikulua. Buruordeen izendapena eta karguuztea.
- 33. artikulua. Buruordeen eginkizunak.
- 34. artikulua. Idazkariaren izendapena eta kargu uztea.
- 35. artikulua. Idazkariaren eginkizunak.
- 36. artikulua. Dedikazioa eta ordainsariak.
IV. TITULUA. ARAUBIDE EKONOMIKOA ETA ADMINISTRATIBOA
- 37. artikulua. Baliabide ekonomikoak.
- 38. artikulua. Aurrekontua.
- 39. artikulua. Administrazioko langileak.
- 40. artikulua. Ondasunen titulartasuna.
V. TITULUA. ERREGELAMENDUAREN ERREFORMA
- 41. artikulua. Erregelamenduaren erreforma proposatzeko prozedura.
Unibertsitateei buruzko abenduaren 21eko 6/2001 Lege Organikoak 14. artikuluan xedatzen du autonomia erkidegoko lege baten bitartez arautuko direla Gizarte Kontseiluaren osaera eta eginkizunak, baita haren kideen izendapena ere, berak ezarritako parametroen barrenean.
Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legeak 23.1 artikuluan ezartzen duenez, Nafarroako Unibertsitate Publikoko Gizarte Kontseiluak prestatuko du bere antolaketari eta funtzionamenduari buruzko erregelamendua, eta Nafarroako Gobernuaren esku utziko du, hark onets dezan.
Urtarrilaren 15eko 3/2010 Erabakiaren bitartez, Nafarroako Unibertsitateko Gizarte Kontseiluak bere antolaketari eta funtzionamenduari buruzko proposamena onetsi zuen.
Horiek horrela, Hezkuntzako kontseilariak proposaturik, Nafarroako Kontseiluarekin bat etorrita, eta Nafarroako Gobernuak 2010eko otsailaren 8ko bilkuran hartutako Erabakiarekin bat,
DEKRETATU DUT:
Artikulu Bakarra. Nafarroako Unibertsitate Publikoko Gizarte Kontseiluaren Antolaketari eta Funtzionamenduari buruzko Erregelamenduaren onespena.
Onetsi egiten da Nafarroako Unibertsitate Publikoko Gizarte Kontseiluaren Antolaketari eta Funtzionamenduari buruzko Erregelamendua. Testu hori foru dekretu honi erantsi zaio.
Xedapen Indargabetzaile Bakarra. Indargabetzen diren xedapenak.
Indargabetu egiten da irailaren 4ko 274/1995 Foru Dekretua, Nafarroako Unibertsitate Publikoko Gizarte Kontseiluaren Antolaketari eta Funtzionamenduari buruzko Erregelamendua onesten zuena.
Azken Xedapen Bakarra. Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2010eko otsailaren 8an.-Nafarroako Gobernuko lehendakaria, Miguel Sanz Sesma.-Hezkuntzako kontseilaria, Alberto Catalán Higueras.
NAFARROAKO UNIBERTSITATE PUBLIKOKO GIZARTE KONTSEILUAREN ANTOLAKETARI ETA FUNTZIONAMENDUARI BURUZKO ERREGELAMENDUA
I. TITULUA. IZAERA, XEDEAK ETA ESKUMENAK
1. artikulua . Izaera eta xedeak.
1. Gizarteak unibertsitatean parte hartzeko duen organo kolegiatua da Gizarte Kontseilua, eta Nafarroako gizartearen eta erakundeen eta Nafarroako Unibertsitate Publikoaren arteko harremanetarako elementua izan behar du.
2. Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 3. artikuluaren arabera, Gizarte Kontseiluari dagokio Unibertsitatearen jarduera ekonomikoak eta bere zerbitzuen errendimendua gainbegiratzea, baita gizarteak Nafarroako Unibertsitate Publikoaren finantzabidean lagundu dezan bultzatzea ere.
2. artikulua . Araubide juridikoa .
Nafarroako Unibertsitate Publikoko Gizarte Kontseiluaren araubide juridikoa ezarrita dago Unibertsitateei buruzko abenduaren 21eko 6/2001 Lege Organikoan, Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legean, 15/2008 Foru Legea aldatzen duen azaroaren 28ko 32/2022 Foru Legean, erregelamendu honetan, Nafarroako Unibertsitate Publikoaren Estatutuetan eta aplikazio orokorreko gainontzeko legezko eta erregelamenduzko xedapenetan.
Legez aginduta dituen xedeak lortzearren, Nafarroako Unibertsitateko Gizarte Kontseiluak Unibertsitateei buruzko abenduaren 21eko 6/2001 Lege Organikoan aurreikusitako eskumenak erabiliko ditu eta, zehazkiago, Nafarroako Unibertsitate Publiko Gizarte Kontseiluari buruzko uztailaren 2ko 15/2008 Foru Legean jasotakoak.
II. TITULUA. GIZARTE KONTSEILUKO KIDEAK
I. KAPITULUA. XEDAPEN OROKORRAK
4. artikulua . Nafarroako Unibertsitate Publikoko Gizarte Kontseiluaren osaera .
Hogeita bat kidek osatzen dute Nafarroako Unibertsitate Publikoko Gizarte Kontseilua, haietatik seik unibertsitate komunitatea ordezkatzen dutela eta beste hamabostek Nafarroaren interes sozialak, bat etorriz Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 9. artikuluak eta 15/2008 Foru Legea aldatzen duen azaroaren 28ko 32/2022 Foru Legearen 1. artikuluak xedatzen dutenarekin.
Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 12. artikuluan ezarrita daude Gizarte Kontseiluko kideen aginterako arauak eta hura uzteko arrazoiak.
6. artikulua . Gizarte Kontseiluko kideen eginkizunen erabilera.
Kideek Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 11. artikuluan ezarritako printzipioei jarraituz gauzatuko dituzte beren eginkizunak.
1. Gizarte Kontseiluko kideek, beren eginkizunak gauzatzeko, Nafarroako Unibertsitate Publikoaren interes orokorrak hartuko dituzte kontuan, eta Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 3. artikuluan adierazitako xedeak bete daitezen zainduko dute.
2. Kideak ez daude aginte-mandatuaz loturik, eta bakoitzak bere kasa baliatuko du bere kargua; alabaina, delegatzeko aukera dago.
7. artikulua . Delegatzeko araubidea.
1. Gizarte Kontseiluko kideak bileretan agertzera behartuta izanagatik, Gizarte Kontseiluko beste kide baten esku uzten ahal dute ordezkaritza.
2. Ordezkaritza idatzita eginen da, bilera jakin baterako eta Gizarte Kontseiluko beste kide bati emanda; ordezkaritza hori modu orokorrean egiten ahal da, edo nolako boto nahi duen adierazita gai-zerrendako puntuetan.
3. Kide batek gehienez bi alditan baino ez du erabiliko, urte natural batean, delegatzeko aukera hori Osoko Bilkurako bileretarako denean, eta lautan gehienez ere Gizarte Kontseiluko batzordeen bileretarako denean; bata besteari metatuz zenbatuko dira.
4. Delegazioa kasu bakoitzean behar den gehiengorako hartuko da kontuan, baina ez bilkura eratutzat emateko gutxienez behar den quoruma ezartzeko.
8. artikulua . Gizarte Kontseiluko kideak ordeztea proposatzeko prozedura.
1. Kideren batek bere karguko eginbeharrak betetzen ez baditu, Gizarte Kontseiluak, presidentearen ekimenez eta interesdunari entzunaldia emanda, hura ordezteko proposatzen ahal dio izendatu zuenari. Proposamena arrazoitu beharko da, eta gehiengo osoz hartuko da.
2. Kasu hauetako edozeinetan esan daiteke ez direla karguaren eginbeharrak bete:
a) Karguaren eginbeharren utzikeria, begi bistakoa.
b) Urtean lau saiotan baino gehiagotan ez agertzea justifikatu gabe, edo Osoko Bilkuretako hiru saiotan baino gehiagotan jarraian.
c) Dagozkion organo kolegiatuen bilkuretan, urtean lau saiotan baino gehiagotan ez agertzea justifikatu gabe, edo hiru saiotan baino gehiagotan segidan; bata besteari metatuz zenbatuko dira.
9. artikulua . Bateraezintasunak.
Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 14. artikuluan ezarrita dago Gizarte Kontseiluko kideen bateraezintasunen araubidea.
II. KAPITULUA. GIZARTE KONTSEILUKO KIDEEN ESKUBIDE ETA BETEBEHARRAK
10. artikulua . Gizarte Kontseiluko kideen eskubideak.
1. Hauek dira Gizarte Kontseiluko kideen eskubideak:
a) Zein organotan hartzen duten parte, haien bilkuretan izatea, hizpidea eta botoa dutela.
b) Zein bilkuretara deitzen zaien, haien eguneko gai-zerrendako gaiak eta proposamenak garaiz jakitea.
c) Gizarte Kontseiluan gertatzen den guztiaren berri izatea, baita haren funtzionamendu egokirako egokia den harena ere.
d) Gizarte Kontseiluko buruaren bitartez, Nafarroako Unibertsitate Publikoko organoen informazioa eta lankidetza izatea, eta bere eginkizunak betetzeko beharrezkotzat jotzen diren datu eta dokumentuak eskuratzea, Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legean aurreikusitako moduan. Eskaera horiei erantzutearren, Kontseiluko buruak errektorearengana joko du, eta hark modu egokian bideratuko ditu.
e) Proposamenak aurkeztea Gizarte Kontseiluko organoei.
f) Beste edozein, gaur egungo araudian ezarrita badago.
11. artikulua . Gizarte Kontseiluko kideen betebeharrak.
Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 13. artikuluaren arabera, hauek dira Kontseiluko kideen betebeharrak:
a) Osoko Bilkuretara eta, zer batzordetako kide diren, horien bilkuretara ere joatea.
b) Karguak direla-eta beren esku utzitako zeregin guztiak betetzea.
c) Barneko eztabaiden gaineko isilpekotasuna eta konfidentzialtasuna gordetzea, bai eta espresuki isilpekotzat jotzen diren gai eta jarduketenak ere.
d) Bateraezintasunari buruzko arauak betetzea, foru lege honekin bat haiengan eragina izan dezaketenak, eta Gizarte Kontseiluko buruari jakinaraztea bateraezintasuna ekar dezakeen inguruabar oro, bai hasieratik izandakoak bai ondoren gertatutakoak.
e) Beste edozein, gaur egungo araudian ezarrita badago.
III. TITULUA. ANTOLAKETA ETA FUNTZIONAMENDUA
I. KAPITULUA. GOBERNU ETA ADMINISTRAZIOKO ORGANOAK
12. artikulua . Egitura organikoa.
Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 15. artikuluaren arabera, Gizarte Kontseiluak egitura hau du:
a) Osoko Bilkura, Batzorde Iraunkorra, Batzorde Akademikoa, Batzorde Ekonomiko eta Finantzarioa, Gizartearekiko Harreman Batzordea eta Osoko Bilkurak eratzea erabakitzen dituen batzordeak.
b) Burutza, idazkaritza eta buruordetzak.
II. KAPITULUA. OSOKO BILKURA
13. artikulua . Osoko Bilkuraren eginkizunak.
1. Kontseiluaren Osoko Bilkurari eginkizun hauek dagozkio:
a) Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legeak eta egungo araudiaren gainerakoak Gizarte Kontseiluari esleitzen dioten eskumenaren ondorioz dagozkion gaien gaineko erabakiak hartzea.
b) Kontseiluaren antolaketari eta barne araubideari buruz egokitzat jotzen duena erabakitzea, erregelamendu honetan eta egungo araudian aurreikusitakoaren esparruan.
c) Erregelamendu hau aldatzeko proposamenak egin eta Nafarroako Gobernuari igortzea, onets ditzan.
d) Kontseiluaren urteko aurrekontuaren proiektua onestea, Unibertsitatearen aurrekontuan kontu-sail berariazko gisa sartzeko. Horretarako, Batzorde Ekonomikoak Gizarte Kontseiluaren aurrekontuaren proiektua prestatuko du, Gobernu Kontseiluak Unibertsitateko aurrekontu orokorren proposamena Gizarte Kontseiluari aurkeztu baino lehen.
2. Osoko Bilkurak zenbait eskudantzia uzten ahal ditu batzordeen esku. Baina, ezin dira haien esku utzi Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 5. artikuluan adierazitako gaiak, a) eta g) idatz-zatiak salbu. Halaber, ezin dira haien esku utzi aipatu foru legearen 6. artikuluko e) idatz-zatian, 7. artikuluan eta 8. artikuluko a) eta b) idatz-zatietan ezarritakoak .
14. artikulua . Osoko Bilkuraren funtzionamendua.
1. Osoko Bilkurak bilera arrunta eginen du hiru hilabetetik behin bederen, eta berezia Kontseiluko buruak hala erabakitzen duenean, edo bost kidek idatzita hala eskatzen dutenean. Idazkian, eskaeraren nondik norakoa eta bileraren gai-zerrendan sartu behar diren gaiak adieraziko dira. Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legean eta erregelamendu honetan xedatutakoaren arabera, Osoko Bilkurak eztabaidatu eta bozkatzen ahal dituen gaiak bakarrik sartuko dira eguneko gai-zerrendan.
2. Bilkurak presentzialak nahiz urrutikoak izan daitezke. Deialdi presentzialetan, Kontseiluko kideetako batek edo batzuek Kontseiluko buruari edo idazkariari jakinarazten diotenean, bilkura hasi aurretik, ezin dutela presentzialki parte hartu bilkuran, Kontseiluko buruak baimena ematen ahalko die kide horiei urrutitik parte har dezaten bilkuran .
3. Urrutiko bilkuren kasuan, Gizarte Kontseiluaren egoitzan egin direla ulertuko da. Deialdian jasoko da bilkura urrutikoa dela eta zehaztuko da zer baldintzatan egin beharko den, eta adieraziko da, halaber, Kontseiluko kideen arteko komunikazioa zer bitartekorekin eginen den, betiere honakoak bermatuz: kideen identitatea, haien adierazpenen edukia, noiz egiten diren adierazpenok, kideen arteko komunikazioa denbora errealean eta bilkuran zehar bitartekoak erabilgarri izatea. Urrutiko bilkurak egiteko balio duten bitartekoen artean daude posta elektronikoa, audiokonferentzia eta bideokonferentzia, beste batzuk ukatu gabe .
15. artikulua . Osoko Bilkurako quoruma.
Osoko Bilkuraren eraketa baliozkoa izan dadin, Kontseiluko buruak agertu beharko du, edo haren legezko ordezkoak; gainera, idazkariak eta Kontseiluko kideen erdiek gutxienez. Idazkaria kanpoan bada, Kontseiluko buruak eginkizun horretarako izendatzen duen kidea ariko da lan horretan.
16. artikulua . Osoko Bilkurako bileretarako deia.
1. Kontseiluko buruak dei eginen du bileretarako; horretarako, idazkariak idazki bat igorriko die kide guztiei zazpi egun natural lehenago gutxienez. Bilera berezietarako deitzeko, hiru egun natural lehenago gutxienez egin beharko da deia.
2. Deialdian eguneko gai-zerrenda, tokia, eguna eta ordua adieraziko dira, bai lehen deialdirako, bai bigarrenerako. Behar den dokumentazioa gehituko zaio deialdiari.
3. Dena dela, nahiz deialdirako baldintza guztiak ez bete, Osoko Bilkuraren eraketa baliozkoa izanen da kide guztiak eta idazkaria (hori falta denean, Kontseiluko buruak eginkizun horretarako izendatzen duen kidea) elkartu eta aho batez hala erabakitzen dutenean.
17. artikulua . Eguneko gaizerrenda.
1. Kontseiluko buruak ezarriko du eguneko gai-zerrenda, Kontseiluko gainontzeko kideen eskaerak kontuan hartuta. Betiere, Kontseiluko lau kidek gutxienez gai bat eskatuz gero, hura nahitaez sartu beharko Kontseiluko buruak eguneko gai-zerrendan.
2. Kontseiluko Idazkaritzak kideen esku utziko ditu gai-zerrendan sartutako puntuekin zerikusia duten espediente eta dokumentu guztiak, aurrekariak azter eta landu ditzaten.
3. Bidezko interes baten titulartasuna frogatzen dutenek Kontseiluko idazkariarengana jotzen ahal dute erabakien ziurtagiria eskuratzeko.
4. Ezin eztabaidatu edo erabakiko da eguneko gai-zerrendan sartua ez dagoen ezer; bai, aldiz, Osoko Bilkurako kide guztiak bildurik, gaia presazko deklaratzen bada gehiengoak horren aldeko botoa emanda.
18. artikulua . Osoko Bilkuraren erabakiak.
1. Gizarte Kontseiluak honela hartuko ditu erabakiak:
a) Kontseiluko buruaren proposamena onartuta.
b) Jendaurrean, eskua altxatuta, edo kideei deitu eta haiek "bai", "ez" edo "abstentzioa" erantzunda.
c) Boto txartelak hautestontzi edo kutxa batean sartuta, Kontseiluko buruari egokia irudituz gero edo Kontseiluko lau kidek hala eskatuta.
2. Bozketa hasitakoan, Kontseiluko kide bakar batek ere ezin du bilkura utzi hura bukatu arte.
3. Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 23.3 artikuluaren arabera, foru legearen 5., 6., 7. eta 8. artikuluetan araututako gaiei buruz erabakiak hartzeko, gehiengo osoa beharko da.
4. Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 5. artikuluko b) eta d) idatz-zatietan araututako eskumenak erabiliz, arrazoituta hartu beharko da erabakia urte anitzeko programazioaren proiektua edo aurrekontuaren proiektua ez onesteko, eta Unibertsitateko Gobernu Kontseiluari itzuli beharko zaizkio, berriro presta ditzan. Harik eta aurrekontuaren proiektua onetsi arte, aurreko ekitaldikoa luzatuko da, besterik gabe.
1. Idazkariak Kontseiluaren bilkura bakoitzeko akta eginen du; hartan, nahitaez zehaztuko du nor agertu diren, bilerako gai-zerrenda, non eta noiz egin den, zertan izan diren eztabaida nagusiak eta hartutako erabakien edukia.
2. Kontseiluko kideek eskatuta, hartutako erabakiaren kontrako botoa, abstentzioa eta horretarako arrazoiak, edo aldeko botoaren esanahia adieraziko dira aktan. Edozein kidek zilegi izanen du, halaber, bere mintzaldi edo proposamena osorik transkribatzeko eskatzea, baldin eta bertan edo 48 orduko epean aurkezten badu bere mintzaldia zuzen islatzen duen testua, eta hala jasoko da aktan edo, bestela, haren kopia erantsiko da.
3. Gehiengoaren erabakiarekin ados ez dauden kideek boto partikularra ematen ahal dute idatzita, 48 orduko epean, eta erabakiari erantsiko zaio.
4. Kontseiluko kideek kontrako botoa eman edo abstenituz gero, ez dute erabakien ondoriozko erantzukizunik izanen.
5. Aktak bilkura berean edo hurrengoan onetsiko dira, edo idazkariak akta proposamena igorrita bilkura egunetik bost eguneko epean. Azken kasu horretan, bilkuran parte hartu duten Kontseiluko kideek 10 eguneko epea izanen dute, akta igortzen denetik hasita, ados dauden adierazteko edo egokitzat jotzen dituzten aldaketak arrazoiturik proposatzeko. Aktari buruz beren iritzia adierazten ez duten kideek onesten dutela ulertuko da. Aktaren testuari aldaketak egitea proposatzen denean, hamar eguneko beste epe bat irekiko da Kontseiluko kideek horiekin ados dauden ala ez adieraz dezaten. Ulertuko da aldaketei buruz beren iritzia ematen ez duten kideak abstenitu egin direla .
6. Idazkariak hartu diren erabakien gaineko ziurtapena egiten ahalko du, horrek galarazi gabe akta geroago onestea .
19 bis. artikulua. Bilkuretako administrazio espediente elektronikoak .
Bilkura bakoitzaren administrazio espediente elektronikoa osatuko da, bilkurari buruzko dokumentazio elektroniko guztia modu ordenatuan horretara bilduz. Onetsitako aktaren aurrekariak diren agiriak, formatu elektronikoan jaso ezin direnak, espedientean sartuko dira, eta bertan horiei buruzko erreferentzia bat egonen da eta kontsultatzeko modua adieraziko da.
III. KAPITULUA. BATZORDE IRAUNKORRA
20. artikulua . Batzorde Iraunkorra.
1. Batzorde Iraunkorrak bere gain hartuko ditu Osoko Bilkuraren eginkizunak bilera batetik besterako tartean, salbu erregelamendu honen 13. artikuluko 2. atalean delegaezinak deklaratu diren eskumenak.
2. Kontseiluko buruak, Unibertsitateko errektoreak, Unibertsitateko kudeatzaileak, unibertsitate komunitatearen ordezkari batek eta interes sozialen lau ordezkarik osatuko dute Batzorde Iraunkorra.
3. Interes sozialen ordezkariek beren artean hautatuko dituzte haiei dagozkien batzordekideak.
4. Unibertsitate komunitatearen ordezkariek beren artean hautatuko dituzte haiei dagozkien batzordekideak.
5. Gizarte Kontseiluko buruak dei eginen du Batzorde Iraunkorrerako eta haren buru izanen da. Kontseiluko idazkaria ariko da eginkizun horietan, hizpide duela baina botorik ez; non ez den batzorde horretako kide izendatu, orduan hizpidea eta botoa izanen baititu.
6. Osoko Iraunkorraren eraketa baliozkoa izan dadin, Kontseiluko buruak agertu beharko du, edo haren legezko ordezkoak; gainera, idazkariak eta Batzorde Iraunkorreko kideen erdiek gutxienez. Idazkaria kanpoan bada, Kontseiluko buruak eginkizun horretarako izendatzen duen Batzode Iraunkorreko kidea ariko da lan horretan.
7. Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 5., 6., 7. eta 8. artikuluetan araututako gaiei buruz Batzorde Iraunkorrak erabakiak hartzeko, gehiengo osoa beharko da.
8. Batzorde Iraunkorrak bere eginkizunen esparruan hartzen dituen erabakiek Osoko Bilkurak hartutakoen maila juridiko bera izanen dute, eta betearazleak izanen dira hartzen diren unetik beretik, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 56. eta 94. artikuluei jarraituz. Erabaki horien berri emanen zaio Osoko Bilkurari, egiten duen lehen bileran.
IV. KAPITULUA. BATZORDEAK
21. artikulua . Kontseiluko batzordeak.
Kontseiluak batzorde hauek izanen ditu:
A) Iraunkorrak:
a.1) Batzorde Akademikoa.
a.2) Batzorde Ekonomikoa eta Finantzarioa.
a.3) Gizartearekiko Harreman Batzordea.
a.4) Iraunkorra izateko sortzea beharrezkotzat jotzen den beste edozein.
B) Aldi baterakoak. Kontseiluak horrelakoak sortzea erabakitzen dituenak.
22. artikulua . Batzordeen eginkizunak.
1. Zein arlo esleitu zaien edo zein arlo dagokien kapitulu honetan aurreikusitakoaren arabera, haiek aztertu eta eztabaidatuko dituzte batzordeek, eta proposamena eginen diote Osoko Bilkurari, erabakiak har ditzan.
2. Osoko Bilkurak delegatuta, ebazpenak ematen ahal dituzte batzordearen esparruko gaiei buruz, erregelamendu honen 13. artikuluko 2. atalean ezarritakoari jarraituz.
3. Aldi baterako batzordeak sortzen dituen erabakian zehaztuko dira haien osaera eta eginkizunak. Erabakian berean adieraziko da nor izanen den batzordeko buru eta nor idazkari. Agindutako lana bukatutakoan deseginen dira aldi baterako batzordeak, besterik gabe.
23. artikulua . Batzorde Akademikoa.
1. Unibertsitateko idazkari nagusiak eta kudeatzaileak, unibertsitate komunitatearen ordezkari batek eta interes sozialen hiru ordezkarik osatuko dute Batzorde Akademikoa.
2. Batzorde Akademikoak Unibertsitatearen jarduera zientifiko eta akademikoari buruzko gaiak aztertu eta eztabaidatuko ditu, eta Osoko Bilkurari proposatuko dizkio, erabakiak har ditzan.
24. artikulua . Batzorde Ekonomikoa eta Finantzarioa.
1. Unibertsitateko idazkari nagusiak eta kudeatzaileak, interes sozialen lau ordezkarik eta unibertsitate komunitatearen ordezkari batek osatuko dute Batzorde Ekonomikoa eta Finantzarioa.
2. Batzorde Ekonomikoa eta Finantzarioak Unibertsitatearen gai ekonomikoei eta finantzabideei buruzko gaiak aztertu eta eztabaidatuko ditu, eta Osoko Bilkurari proposatuko dizkio, erabakiak har ditzan.
3. Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 5.a) artikuluak ezarritako jarduera ekonomikoak gainbegiratzeko irizpideak hartuko ditu Batzorde Ekonomikoa eta Finantzarioak, eta Osoko Bilkurari proposatuo dizkio.
25. artikulua . Gizartearekiko Harreman Batzordea.
1. Unibertsitateko kudeatzaileak, interes sozialen lau ordezkarik eta unibertsitate komunitatearen ordezkari batek osatuko dute Gizartearekiko Harreman Batzordea.
2. Ingurune sozialarekiko harremanei dagozkien gaiak aztertu eta eztabaidatuko ditu Gizartearekiko Harreman Batzordeak, eta Osoko Bilkurari proposatuko dizkio, erabakiak har ditzan.
26. artikulua . Batzordeen antolaketa.
1. Gizarte Kontseiluko buruak interes sozialen ordezkarien artean proposatu eta Osoko Bilkurak izendatzen dituztenak ariko dira batzordeen buru.
2. Interes sozialen ordezkariek beren artean hautatuko dituzte haiei dagozkien batzordekideak.
Unibertsitate komunitatearen ordezkariek beren artean hautatuko dituzte haiei dagozkien batzordekideak.
3. Osoko Bilkurak izendatzen dituztenak ariko dira batzordeetako idazkari lanetan; inor izendatu ez bada, Gizarte Kontseiluko idazkaria. Kasu horretan, idazkariak hizpidea izanen du baina botorik ez; aldiz, batzordeko kide izendatua izan bada, hizpidea eta botoa izanen ditu.
V. KAPITULUA. ORGANO KOLEGIATUEN ERABAKIAK
Nafarroako Unibertsitate Publikoko Gizarte Kontseiluaren Osoko Bilkurak eta Batzorde Iraunkorrak edo, Osoko Bilkuraren delegazioz, batzordeek hartzen dituzten erabakiek administrazio bidea amaitzen dute eta zuzenean jotzen ahal da haien aurka administraziorekiko auzien jurisdikzioan, berraztertzeko errekurtsoa aurkezteko aukera baztertu gabe, azaroaren 26ko 30/1992 Legeak ezarritakoaren arabera.
28. artikulua . Organo kolegiatuek erabakiak hartzeko prozedura.
Osoko Bilkurak erabakiak hartzeko aurreikusitakoa aplikatuko zaie, besterik ezean, gainontzeko organo kolegiatuen erabakiei.
29. artikulua . Erabakiak betearazi, argitaratu eta jakinaraztea.
1. Unibertsitateko errektoreari dagokio Gizarte Kontseiluak hartutako erabakiak betearaztea. Horretarako, idazkariak Errekoretzara igorriko du hartutako erabakien ziurtagiria.
2. Indarra duen araudiari jarraituz, publizitatea behar duten erabakiak Nafarroako Aldizkari Ofizialean argitaratzeko aginduko du errektoreak, baita Gizarte Kontseiluaren ustez argitaratzea komenigarri direnak ere.
3. Gizarte Kontseiluko organo kolegiatuen erabakiak, bere barne funtzionamenduari buruzkoak izan ezik, interesdunei jakinaraziko zaizkie, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeari jarraituz.
VI. KAPITULUA. KIDE BAKARREKO ORGANOEN EGINKIZUNAK ETA STATUSA
30. artikulua . Kontseiluko kidearen hautapena, izendapena eta kargutik kentzea.
1. Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 19. artikuluaren arabera, Nafarroako Gobernuak izendatuko du Nafarroako Unibertsitate Publikoko Gizarte Kontseiluko burua lau urteko agintaldirako, interes sozialak ordezkatzen dituzten kideen artean, Nafarroako Unibertsitate Publikoko Gizarte Kontseiluko kideen gehiengoak proposaturik, eta beste behin hautatzen ahalko da. Nafarroako Gobernuaren erabaki baten bitartez izendatu eta kargutik kenduko da Kontseiluak hautatutako burua.
2. Kontseiluko burua hautatzeko proposamena gehiengo osoz hartuko da lehen bozketan, eta ez bada lortzen, gehiengo soilaz bigarren bozketan.
3. Kontseiluko burua kentzeko proposamena Kontseiluko kideen gehiengo osoz onetsi beharko da.
4. Honako hauetan utziko ditu Kontseiluko buruak bere eginkizunak:
a) Bere agintaldia bukatzean.
b) Gizarte Kontseiluko kide izateari utzita, Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 12.2. artikuluaren arabera.
c) Uko egiteagatik.
d) Kargu publikoak betetzeko desgaitu edo gabetzen duen erabaki judizial irmo baten ondorioz ezgaitasuna deklaratuta.
e) Gizarte Kontseiluak kargutik kentzeko proposatuta, artikulu honen 1. eta 3. ataletan aurreikusitakoaren arabera.
5. Erregelamendu honen 4 a) apartatuan ezarritako kasuan, kargua utzi behar duen Kontseiluko buruak jardunean jarraituko du buru berriak jabetza hartu arte, baldin eta Gizarte Kontseiluko kide izaten jarraitzen badu.
Gizarte Kontseiluko buruak kargua uzten badu eta jardunean jarraitzerik ez badu, buruorde batek ordeztuko du, ordenaren arabera dagokiona. Kontseiluko buruordeetatik batek ere ezin badu Kontseiluko burutza jardunean bere gain hartu, kargu hori zuzenean egokituko zaio Gizarte Kontseiluan interes sozialak ordezkatzen dituen kide zaharrenari .
31. artikulua . Kontseiluko buruaren eginkizunak.
Gizarte Kontseiluko buruak haren ordezkaritza gorena du eta eginkizun hauek betetzen ditu:
a) Indarra duen araudia eta erregelamendu honetan ezarritakoa bete daitezen zaintzea; orobat, Gizarte Kontseiluaren ardurapeko xedeak lor daitezen, haren erabakiak azkar eta zuzen bete daitezen eta Kontseiluaren mendeko zerbitzuen funtzionamendua egokia izan dadin.
b) Osoko Bilkuraren bilerak, Batzorde Iraunkorrarenak eta bera buru duten batzordeenak deitu, haien buru izan eta haiek bukatu eta bertan behera uztea, idazkariari agintzea deialdiak prestatu eta jakinaraz ditzala berak emandako jarraibideen arabera, eztabaidak zuzentzea, hitza emanez eta kenduz, eta bere botoarekin berdinketak haustea.
c) Kontseiluko buruordea izendatu eta kargutik kentzea, erregelamendu honen 32. artikuluan ezarritakoaren arabera.
d) Kontseiluko idazkaria izendatu eta kargutik kentzea, erregelamendu honen 34. artikuluan ezarritakoaren arabera.
e) Behar diren txosten, azterlan eta irizpenak eskatzea administrazio publikoei, entitate pribatuei eta batzordeei, Kontseiluko kideei emateko, Gizarte Kontseiluko eginkizunak behar bezala betetzeko informazioa izan dezaten; bestetik, beharrezkotzat jotzen duen informazioa bilatuko du unibertsitateko gainontzeko organoetan, eskaerak errektoreari eginda, hark behar bezala bideratuko baititu.
f) Zein diren landu beharreko gaiak, haien arabera komenigarritzat jotzen dituen pertsonei Osoko Bilkurara, Batzorde Iraunkorrera eta bera buru duten Kontseiluko gainontzeko batzordeetara dei egitea, hizpidea dutela baino botorik ez, jardun dezaten.
g) Kontseiluaren beraren aurrekontuko gastuetarako baimena eman eta ordainketak egiteko agintzea.
h) Kontseiluko organo kolegiatuen erabakien aktak eta ziurtagiriak ikus-onestea.
i) Kontseiluaren urteko jardueren memoria Osoko Bilkuran agertzea, 35. artikuluko k) atalean aurreikusitakoaren arabera.
j) Kontseiluaren barne funtzionamendu egokirako beharrezko diren beste edozein, baldin eta Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legeak ematen dizkion eskudantzien barrenean beste organo batzuei esleituta ez badaude.
32. artikulua . Buruordeen izendapena eta karguuztea.
1. Kontseiluko buruak, Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 20. artikuluaren arabera, buruorde bat edo bi izendatzen ahal ditu, lehentasun hurrenkeran, Gizarte Kontseiluko interes sozialen ordezkarien artean.
2. Kontseiluko buruordeek kargua utziko dute arrazoi hauengatik: kargutik kentzeagatik, karguari uko egiteagatik eta, zuzenean, izendatu zituen buruak kargua uzteagatik eta foru legearen 12.2 artikuluan kideek kargua uzteko aurreikusitako arrazoiengatik. Kontseiluko buruak kargua utzi ondoren, buruordeek ere zuzenean utzi beharko dute, eta jardunean jarraituko dute buru berriak jabetza hartu arte, baldin eta Kontseiluko kide izaten jarraitzen badute .
33. artikulua . Buruordeen eginkizunak.
Buruordeen eginkizunak dira:
a) Kontseilu buruak bere esku utzitako eginkizunak betetzea.
b) Kontseiluko buruaren ordez jardutea, Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 20. artikuluan aurreikusitako kasuetan, lehentasun hurrenkeraren arabera.
34. artikulua . Idazkariaren izendapena eta kargu uztea.
1. Nafarroako Unibertsitate Publikoko Gizarte Kontseiluari buruzko uztailaren 2ko 21/2008 Foru Legearen 21. artikuluaren arabera, Kontseiluko buruak izendatuko du idazkaria. Gizarte Kontseiluko kide ez den norbait izenda daiteke; hala bada, hizpidea duela baina botorik ez, hartuko du parte bileretan. Idazkariak ezin du irakaskuntza edo ikerketa lanik egin unibertsitatean.
2. Honako hauetan utziko ditu idazkariak bere eginkizunak:
a) Uko egiteagatik.
b) Bateraezintasuna dagoenean.
c) Kargu publikoak betetzeko desgaitu edo gabetzen duen erabaki judizial irmo baten ondorioz ezgaitasuna deklaratuta.
d) Kontseiluko buruak kargutik kentzen duenean.
e) Heriotzagatik.
f) Bera izendatu zuen buruak kargua uzten duenean.
3. Artikulu honen 2. zenbakiko a), b) eta f) ataletan aurreikusitako arrazoiengatik idazkariak kargua utziz gero, idazkari berria karguaz jabetu arte jarraituko du bere eginkizunetan.
35. artikulua . Idazkariaren eginkizunak.
Idazkariaren eginkizunak hauek dira:
a) Kontseiluari zuzendutako gai, txosten, proposamen eta agirien berri ematea Kontseiluko buruari.
b) Kontseiluko buruari laguntza ematea Kontseiluko organoen bilkuretarako eguneko gai-zerrenda prestatzen, bere idazkaria duten batzordeena izan ezik, eta bilkuretarako deiak prestatu eta bideratzea Kontseiluko buruaren jarraibideen arabera.
c) Kontseiluko kideen esku uztea eguneko gai-zerrendan sartuta diren gaiei buruzko dokumentu guztiak, azter ditzaten.
d) Osoko Bilkurako, Batzorde Iraunkorreko eta beraiek izendatutako idazkaririk ez duten batzordeetako bileretan agertzea, hizpidea eta botoa dituela organoko kide bada, eta bestela, hizpidea bai baina botorik ez.
e) Osoko Bilkurako, Batzorde Iraunkorreko eta idazkari lanak betetzen dituen batzordeetako bileren akta egitea.
f) Fede-emaile gisa aritzea, Kontseiluko buruaren oniritzia duela, eta Kontseiluak hartutako erabakiak ziurtatu.
g) Espedienteak eta bere karguko artxiboa zaindu eta antolatzea, baita dokumentuen sarrerako eta irteerako erregistroa ere.
h) Kontseiluaren aurrekontuaren proiektua prestatzea.
i) Kontseiluaren funtzionamendu administratiboari buruzko kontuen berri ematea Osoko Bilkurari.
j) Kontseiluari atxikitako giza baliabideak zein materialak antolatu eta zuzentzea.
k) Urtero, Kontseiluaren jardueren txostena prestatzea, Kontseiluko buruak aztertu eta, aldatu nahi izanez gero, aldatu ondotik, Osoko Bilkurak azter dezan.
l) Kontseiluko buruak eta gainontzeko organoek esleitu edo agintzen dizkioten kudeaketa eta koordinazio lan guztiak, baldin idazkari bati dagozkionak badira.
36. artikulua . Dedikazioa eta ordainsariak.
1. Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 22.1 artikuluan xedatutakoaren arabera, Kontseiluak onetsitako ordainsariak edo diru konpentsazioak jasoko dituzte Gizarte Kontseiluko buruak eta idazkariak, gehiengo osoz onetsita direla, dedikazioaren zenbaterainokoaren arabera.
2. Idazkariaren dedikazioa lanaldi osokoa izanen da.
3. Kontseiluko buruaren dedikazioa lanaldi osokoa baino txikiagoa izanen da; halako modukoa non bateragarriak izanen baitira bere ohiko lanbidearen jarduerak eta Gizarte Kontseiluan dituen eginbeharrak.
4. Kontseiluko gainontzeko kideek kalte-ordainak izanen dituzte, bilkuretan parte hartzeagatiko dieta gisa, honenbesteko finko bat, kideen gehiengo osoak onetsia, bilera bakoitzeko. Orobat, joan-etorrien gastuak izanez gero, haien konpentsazioa jasoko dute, honenbesteko finko bat, Kontseiluko kideen gehiengo osoak onetsia, kilometro bakoitzeko.
IV. TITULUA. ARAUBIDE EKONOMIKOA ETA ADMINISTRATIBOA
37. artikulua . Baliabide ekonomikoak.
Hauek dira Gizarte Kontseiluaren baliabide ekonomikoak:
a) Kontseiluaren aurrekontuan finkatutako kopuru orokorrak, behin onetsitakoan unibertsitatearen aurrekontuan sartuko direnak kontu-sail berariazko gisa.
b) Esleitzen ahal zaion beste edozein.
Nafarroako Unibertsitate Publikoko Gizarte Kontseiluak bere aurrekontuaren proiektua prestatuko du eta Unibertsitatearen aurrekontuaren parte izanen da, Nafarroako Gobernuaren eta Unibertsitatearen arteko finantzabidearen hitzarmenean ezarritakoaren esparruan.
39. artikulua . Administrazioko langileak.
1. Nafarroako Unibertstitate Publikoko Gizarte Kontseiluak, Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 26.2 artikuluari jarraituz, bere eginkizunak modu eraginkorrean betetzeko behar dituen langileak izanen ditu; horretarako, antolatzeko askatasuna izanen du eta bere giza baliabideak proposatuko ditu. Dena dela, Gizarte Kontseilua Nafarroako Unibertsitate Publikoaren giza baliabideak erabiltzen saiatuko da.
2. Gizarte Kontseiluan zerbitzuak ematen dituzten administrazio langileak Nafarroako Unibertsitate Publikoaren plantillakoak izanen dira.
40. artikulua . Ondasunen titulartasuna.
Gizarte Kontseiluari atxikitako ondasunen titulartasuna Nafarroako Unibertsitate Publikoari dagokio.
V. TITULUA. ERREGELAMENDUAREN ERREFORMA
41. artikulua . Erregelamenduaren erreforma proposatzeko prozedura.
Gizarte Kontseiluko buruaren edo bere kideen heren baten ekimenez aldatzen ahal da erregelamendu hau. Erreformaren proposamenari testu artikuludun berria eta aldaketarako arrazoibidea erantsiko zaizkio.
Erreformaren proposamena onesteko, Gizarte Kontseiluko kideen gehiengo osoak haren alde emandako botoa beharko da, eta Nafarroako Gobernuak onetsi beharko du, Nafarroako Unibertsitate Publikoko Gizarte Kontseiluari buruzo uztailaren 2ko 15/2008 Foru Legearen azken xedapenetako lehenean ezarritako ondorioetarako.
Iragarkiaren kodea: F1002398
