LEXNAVARRA
36/2009 FORU DEKRETUA, APIRILAREN 20KOA, NAFARROAKO UNIBERTSITATE PUBLIKOKO IRAKASLE ETA IKERTZAILE KONTRATATUEN ARAUBIDEA EZARTZEN DUENA 
BON N.º 57 - 11/05/2009
I. KAPITULUA. ARAU OROKORRAK
- 1. artikulua. Helburua eta aplikazio eremua.
- 2. artikulua. Arau orokorrak.
II. KAPITULUA. KONTRATAZIOAREN MODALITATEAK
- II. KAPITULUA
- 3. artikulua. Lan kontratazioaren modalitate berariazkoak unibertsitaterako.
- 4. artikulua. Laguntzailea.
- 5. artikulua. Irakasle laguntzaile doktorea.
- 6. artikulua. Irakasle kontratatu doktorea.
- 7. artikulua. Irakasle elkartua.
- 8. artikulua. Irakasle bisitaria.
- 9. artikulua. Irakasle emeritua.
- 10. artikulua. Irakaskuntzarako ordezkapen kontratua duen irakaslea.
- 11. artikulua. Obra edo zerbitzu jakin baterako kontratua duen irakaslea.
- 12. artikulua. Hezkuntza eta Zientzia Ministerioaren programaren araberako kontratua duen irakaslea.
III. KAPITULUA. ORDAINSARIAK
- 13. artikulua. Gastuak.
- XEDAPEN GEHIGARRIAK
- Lehen xedapen gehigarria. Irakasle elkartuen araubidea .
- Bigarren xedapen gehigarria. Antzinatasunagatiko ordainsariak.
- XEDAPEN INDARGABETZAILEA
- Xedapen indargabetzaile bakarra. Indargabetzen diren xedapenak.
- XEDAPEN IRAGANKORRA
- Xedapen iragankor bakarra. Ordainsarien aplikazioa.
- AZKEN XEDAPENA
- Azken xedapen bakarra. Indarra hartzea.
ERANSKINA. IRAKASLE ETA IKERTZAILE KONTRATATUEN ORDAINSARIAK
Unibertsitateei buruzko abenduaren 21eko 6/2001 Lege Organikoak 48. artikuluan xedatzen du autonomia erkidegoek, beren eskumenen esparruan, unibertsitateetan kontratatzen diren irakasle eta ikertzaileen araubidea ezarriko dutela. Halaber, 55. artikuluak autonomia erkidegoei aitortzen die kontrataturiko irakasle eta ikertzaileen ordainsariei buruzko arauak emateko eskumena. Bestaldetik, 81. artikuluak adierazten du autonomia erkidegoek baimendu beharko dituztela irakasle eta ikertzaileen kostuak.
Aipatu lege organikoan eta Nafarroako Foru Eraentza Birrezarri eta Hobetzeari buruzko abuztuaren 10eko 13/1982 Lege Organikoaren 47. artikuluan xedaturikoarekin bat, Nafarroak eskumen osoa du irakaskuntza arautu eta administratzeko, bere hedadura osoan eta maila, gradu, mota eta espezialitate guztietan.
Irailaren 9ko 194/2002 Foru Dekretuak Nafarroako Unibertsitate Publikoari baimena ematen dio irakasle eta ikertzaileak kontratatzeko, harik eta Nafarroako Foru Komunitateak langile horien araubidea garatu arte, Unibertsitateei buruzko abenduaren 21eko 6/2001 Lege Organikoaren 48. artikuluak dioen bezala, eta ebaluazio positiboa ziurtatu dezakeen kanpoko ebaluazio organoa izendatzeko, lan-kontratuaren modalitateak hala behar duenean.
Nafarroako Foru Komunitateak ez du kanpoko ebaluazio organorik eratu 194/2002 Foru Dekretua argitaratu zenez geroztik, eta irakasle eta ikertzaile kontratatuen araubidea garatze aldera, Hezkuntza Departamentuak beharrezkotzat jo du foru dekretu hau egitea, Nafarroako Unibertsitate Publikoko irakasle eta ikertzaile kontratatuen araubidea ezartzen duena.
Horiek horrela, Hezkuntzako kontseilariak proposaturik, Nafarroako Kontseiluaren irizpenarekin bat eta Nafarroako Gobernuak 2009ko apirilaren 20ko bilkuran hartutako Erabakiarekin bat,
DEKRETATZEN DUT:
I. KAPITULUA. ARAU OROKORRAK
1. artikulua . Helburua eta aplikazio eremua.
Foru dekretu honek Nafarroako Unibertsitate Publikoko irakasle eta ikertzaile kontratatuen araubidea ezartzen du.
2. artikulua . Arau orokorrak.
1. Nafarroako Unibertsitate Publikoko irakasle eta ikertzaileak foru dekretu honetan ezarritakoaren arabera kontratatuko dira, Unibertsitateei buruzko abenduaren 21eko 6/2001 Lege Organikoaren 48. artikuluan ezarritakoarekin bat.
2. Nafarroako Unibertsitate Publikoak lan-araubideko irakasle eta ikertzaileak kontratatzen ahalko ditu, foru dekretu honetan arautzen diren kontratazio modalitateen bitartez (horiek unibertsitaterako dira berariaz), edo Langileen Estatutuan lanpostua gordetzeko eskubidea duten langileen ordezkoak kontratatzeko aurreikusten diren modalitateen bitartez. Obra edo zerbitzu jakinetarako lan-kontratuen bitartez ere ikertzaile, teknikari edo bestelako langileak kontratatzen ahalko ditu ikerketa proiektu zientifiko edo teknikoak garatzeko.
Halaber, Nafarroako Unibertsitate Publikoak irakasle emerituak izendatzen ahalko ditu foru dekretu honetan aurreikusitako baldintzetan.
3. Lan-kontratazioaren modalitate horien araubidea foru dekretu honetan ezarritakoa izanen da, Unibertsitateei buruzko abenduaren 21eko 6/2001 Lege Organikoaren 48. artikuluarekin bat; osagarri gisa, aplikatzekoa izanen da Langileen Estatutuari buruzko Legearen Testu Bateginean (martxoaren 24ko 1/1995 Legegintzako Errege Dekretuak onetsia) eta hura garatzeko arauetan xedatutakoa.
4. Irakasle eta ikertzaile kontratatuak Nafarroako Unibertsitate Publikoko irakasle eta ikertzaile guztien %49 izanen dira gehienez ere.
5. Lan-kontratuak Unibertsitateei buruzko abenduaren 21eko 6/2001 Legearen 48. artikulutik 55. artikulura bitartean xedaturikoari jarraikiz eginen dira eta aurreikusirik ez dagoen guztian, Langileen Estatutuan eta aplikatzekoa den lan arloko arautegian xedaturikoari lotuz.
II. KAPITULUA. KONTRATAZIOAREN MODALITATEAK
1. ATALA
LAN KONTRATAZIOAREN MODALITATE BERARIAZKOAK UNIBERTSITATERAKO
3. artikulua . Lan kontratazioaren modalitate berariazkoak unibertsitaterako.
Unibertsitaterako lan kontratazioaren modalitate berariazkoak figura hauei dagozkienak dira: laguntzailea, irakasle laguntzaile doktorea, irakasle kontratatu doktorea, irakasle elkartua eta irakasle bisitaria.
1. Nafarroako Unibertsitate Publikoak laguntzaile gisa kontratatzen ahalko ditu doktorego ikasketetan onartuta daudenak edo onartuak izateko baldintzak betetzen dituztenak.
2. Kontratuaren xedea irakaskuntza eta ikerketarako prestakuntza osatzea izanen da. Nafarroako Unibertsitate Publikoak behar den neurriak ezarriko ditu prestakuntza hori beteko dela bermatzeko. Laguntzaileek irakaslan praktikoetan lagunduko dute; urtean gehienez 60 ordu eginen dituzte lan horietan. Unibertsitateak ziurtatu eginen du, curriculumerako, laguntzaileak esleitu zaizkion irakaskuntza lan zehatzetan parte hartu duela.
3. Kontratua aldi baterakoa izanen da eta lanaldi osokoa.
4. Kontratuak gutxienez urtebete iraunen du eta gehienez bost urte. Aldi baterako ezintasunak, amatasunak eta haurren adopzio edo harrerak kontratuaren indarraldia eten eginen dute.
5. Kontratazioa lehiaketa publiko bidez eginen da, behar den publizitatearekin, eta deialdia aldez aurretik jakinaraziko zaio Unibertsitateen Kontseiluari, unibertsitate guztietara zabaltzeko. Hautapenean berdintasunaren, merezimenduaren eta gaitasunaren konstituzio-printzipioak errespetatuko dira eta Nafarroako Unibertsitate Publikoko Gobernu Kontseiluak berariaz onetsitako erregelamendua eta baremoa erabiliko dira.
5. artikulua . Irakasle laguntzaile doktorea.
1. Nafarroako Unibertsitate Publikoak irakasle laguntzaile doktore gisa kontratatzen ahalko ditu Nafarroako Foru Komunitateko foru lege batek zehaztu behar duen kanpoko ebaluazio organoaren oniritzia jasotzen duten doktoreak. Berariazko izendapenik ezean, Kalitatea Ebaluatzeko eta Egiaztatzeko Agentzia Nazionalak ebaluatuko du haien jarduera.
2. Kontratuaren xedea irakaskuntza eta ikerketa lanak egitea izanen da.
3. Kontratua aldi baterakoa izanen da eta lanaldi osokoa.
4. Kontratuak gutxienez urtebete iraunen du eta gehienez bost. Betiere, kontratu horrek eta unibertsitate berean edo beste batean laguntzaile izateko kontratuak, batera, gehienez ere zortzi urte iraun dezakete. Aldi baterako ezintasunak, amatasunak eta haurren adopzio edo harrerak kontratuaren indarraldia eten eginen dute.
5. Kontratazioa lehiaketa publiko bidez eginen da, behar den publizitatearekin, eta deialdia aldez aurretik jakinaraziko zaio Unibertsitateen Kontseiluari, unibertsitate guztietara zabaltzeko. Hautapenean berdintasunaren, merezimenduaren eta gaitasunaren konstituzio-printzipioak errespetatuko dira eta Nafarroako Unibertsitate Publikoko Gobernu Kontseiluak berariaz onetsitako erregelamendua eta baremoa erabiliko dira. Lehentasunezko merezimendua izanen da unibertsitateko irakasleen kidegoetan sartzeko lehiaketetan parte hartzeko baimendua izatea eta, halaber, hautagaiak Espainiako edo atzerriko unibertsitate edo ikerketa zentro ospetsuetan egindako egonaldiak; kontratazioa egin behar duen unibertsitatean bertan egindakoak ez dira kontuan hartuko.
6. artikulua . Irakasle kontratatu doktorea.
1. Nafarroako Unibertsitate Publikoak irakasle kontratatu doktore gisa kontratatzen ahalko ditu Nafarroako Foru Komunitateko foru lege batek zehaztu behar duen kanpoko ebaluazio organoaren oniritzia jasotzen duten doktoreak. Berariazko izendapenik ezean, Kalitatea Ebaluatzeko eta Egiaztatzeko Agentzia Nazionalak ebaluatuko du haien jarduera.
2. Kontratuaren xedea izanen da irakaskuntza eta ikerketa lanak egitea, edo, lehentasunez, ikerketa lanak, eta, hala balegokio, kudeaketakoak, irakaskuntzarako eta ikerkuntzarako gaitasun osoa izanik .
3. Kontratua mugagabea izanen da eta lanaldi osokoa.
4. Kontratazioa lehiaketa publiko bidez eginen da, behar den publizitatearekin, eta deialdia aldez aurretik jakinaraziko zaio Unibertsitateen Kontseiluari, unibertsitate guztietara zabaltzeko. Hautapenean berdintasunaren, merezimenduaren eta gaitasunaren konstituzio-printzipioak errespetatuko dira eta Nafarroako Unibertsitate Publikoko Gobernu Kontseiluak berariaz onetsitako erregelamendua eta baremoa erabiliko dira. Lehentasunezko merezimendua izanen da unibertsitateko irakasleen kidegoetan sartzeko lehiaketetan parte hartzeko baimendua izatea.
5. Unibertsitateak bitartekotasunaren lan araubidean bete ditzake irakasle doktore kontratatuaren lanpostuak, behin betiko betetzen diren bitartean aurreko puntuan legez ezarritako prozeduraren bidez .
7. artikulua . Irakasle elkartua.
1. Nafarroako Unibertsitate Publikoak irakasle elkartu gisa kontratatzen ahalko ditu unibertsitateko eremu akademikotik kanpo lan egiten duten espezialistak, gaitasun ezagunekoak.
2. Kontratuaren xedea izanen da profesional horiek irakaskuntzan aritzea, beren lanbide esperientzia eta jakintza eskainiz.
3. Kontratua aldi baterakoa izanen da eta lanaldi partzialekoa.
4. Kontratuak hiru hilabete, sei hilabete edo urtebete iraunen du, eta berritu ahal izanen da beste horrenbesteko aldietarako, baldin eta unibertsitateko eremu akademikotik kanpoko lanbide jarduerak irauten badu.
5. Kontratazioa lehiaketa publiko bidez eginen da, behar den publizitatearekin, eta deialdia aldez aurretik jakinaraziko zaio Unibertsitateen Kontseiluari, unibertsitate guztietara zabaltzeko. Hautapenean berdintasunaren, merezimenduaren eta gaitasunaren konstituzio-printzipioak errespetatuko dira eta Nafarroako Unibertsitate Publikoko Gobernu Kontseiluak berariaz onetsitako erregelamendua eta baremoa erabiliko dira. Lehentasunezko merezimendua izanen da unibertsitateko irakasleen kidegoetan sartzeko lehiaketetan parte hartzeko baimendua izatea.
8. artikulua . Irakasle bisitaria.
1. Nafarroako Unibertsitate Publikoak irakasle bisitari gisa kontratatzen ahalko ditu Espainiako nahiz atzerriko unibertsitate eta ikerketa zentroetako itzal handiko irakasle edo ikertzaileak.
2. Kontratuaren xedea izanen da irakasle horiek irakaskuntza edo ikerketa lanetan aritzea, horrela Unibertsitateak haien jakintza eta irakaskuntzan eta ikerkuntzan duten esperientzia bereganatu ditzan.
3. Kontratua aldi baterakoa izanen da, eta lanaldi partzialekoa edo osokoa. Aldeek adosten duten iraunaldia izanen du.
2. ATALA
KONTRATAZIOAREN BESTE MODALITATE BATZUK
9. artikulua . Irakasle emeritua.
1. Nafarroako Unibertsitate Publikoak, bere estatutuen arabera, irakasle emeritu izendatzen ahal ditu Unibertsitatean zerbitzu nabarmenak egin dituzten irakasle erretiratuak.
2. Kontratuak urtebete iraunen du, eta epe berarekin bitan luza daiteke gehienez, betiere departamentuko kontseiluak aldeko txostena egiten badu. Jatorrizko kontratuaren eta bere luzapenen iraupena ezin da inola ere hiru urtetik gorakoa izan .
3. Nafarroako Unibertsitate Publikoak gainerako irakasleei ez bezalako betebeharrak esleitzen ahalko dizkie irakaskuntzaren, ikerkuntzaren eta zentroan egin beharreko denboraren aldetik.
4. Irakasle emerituaren ordainsariak, erretiro pentsioa gehituta, ezin izanen du gainditu unibertsitateko katedradunen ordainsaria.
10. artikulua . Irakaskuntzarako ordezkapen kontratua duen irakaslea.
1. Nafarroako Unibertsitate Publikoak irakaskuntzarako ordezkapen kontratuak egin ditzake lan araubidean, oinarrizko legediaren parametroekin bat. Haren xedea artikulu honetan zehazten da .
2. Kontratu horren xedea izanen da irakaskuntzan aritzea beste irakasle baten ordez edo, bestela, lehiaketaren zain dagoen lanpostu huts batean, lehiaketa ebatzi arte, orduan amaituko baita kontratua.
3. Ordezko irakasleari lanaldi osoko kontratua eginen zaio.
4. Ordezko irakasleak lizentziadun, goi mailako arkitekto edo goi mailako ingeniari titulua, gradua, unibertsitateko masterra edo doktoretza izanen du .
5. Astean zortzi eskola ordu izanen ditu eta sei tutoretza ordu.
6. Unibertsitate eskolako irakasle titularraren pareko lansari baldintzak izanen ditu .
7. Kontratazioa lehiaketa publiko bidez eginen da, behar den publizitatearekin, eta deialdia aldez aurretik jakinaraziko zaio Unibertsitateen Kontseiluari, unibertsitate guztietara zabaltzeko. Hautapenean berdintasunaren, merezimenduaren eta gaitasunaren konstituzio-printzipioak errespetatuko dira eta Nafarroako Unibertsitate Publikoko Gobernu Kontseiluak berariaz onetsitako erregelamendua eta baremoa erabiliko dira. Lehentasunezko merezimendua izanen da doktore titulua izatea eta unibertsitateko irakasleen kidegoetan sartzeko lehiaketetan parte hartzeko baimendua izatea.
11. artikulua . Obra edo zerbitzu jakin baterako kontratua duen irakaslea.
1. Nafarroako Unibertsitate Publikoak ikertzaile, teknikari edo bestelako langileak kontratatzen ahalko ditu obra edo zerbitzu jakinetarako kontratuen bitartez, ikerketa proiektu zientifiko edo teknikoak garatzeko, Nafarroako Unibertsitate Publikoko Gobernu Kontseiluak onetsitako hautapen prozeduraren bitartez.
2. Ezertan ukatu gabe 3. artikuluan xedatutakoa, langile horiek departamentu, zentro, institutu edo unitate bati gera daiteke atxikirik .
3. Kontratua idatziz formalizatu behar da, egin beharreko obra edo zerbitzua, iraunaldia eta eginkizunak zehaztuz. Kontratua obra edo zerbitzuarekin batera amaituko da.
4. Kontrataturiko irakasleak irakaskuntza lan praktikoetan lagundu ahal izanen du, urtean hirurogei orduz, gehienez ere, departamentu arduradunak hala erabaki eta erantzukizuna bere gain hartzen badu, eta unibertsitateko kidegoetako irakasle batek gainbegiraturik.
5. Kontratua lanaldi osokoa edo lanaldi partzialekoa izaten ahalko da. Edonola ere, proiektuaren aurrekontuaren mende egonen da .
6. Langileak proiektuaren ardura duen zentro, departamentu, lantalde edo ikerketa taldean eginen du lana. Egitura organikoaren barnean kudeatzailetzaren mendekoa izanen da.
7. Kontratazioa lehiaketa publiko bidez eginen da, behar den publizitatearekin, eta deialdia aldez aurretik jakinaraziko zaio Unibertsitateen Kontseiluari, unibertsitate guztietara zabaltzeko. Hautapenean berdintasunaren, merezimenduaren eta gaitasunaren konstituzio-printzipioak errespetatuko dira eta Nafarroako Unibertsitate Publikoko Gobernu Kontseiluak berariaz onetsitako erregelamendua eta baremoa erabiliko dira. Lehentasunezko merezimendua izanen da unibertsitateko irakasleen kidegoetan sartzeko lehiaketetan parte hartzeko baimendua izatea.
12. artikulua . Hezkuntza eta Zientzia Ministerioaren programaren araberako kontratua duen irakaslea.
Ramón y Cajal programaren arabera, Juan de la Cierva programaren arabera eta unibertsitate gaietan eskumena duen ministerioak sor ditzakeen beste batzuen arabera egiten diren kontratuen alderdi guztiak programen oinarriei eta Nafarroako Unibertsitate Publikoan indarra duen araudiari lotuko zaizkie. Oinarriak Estatuko Aldizkari Ofizialean argitaratzen dira.
III. KAPITULUA. ORDAINSARIAK
1. Foru dekretu honen eranskinean urteko ordainsariak ezarri dira kontratu mota guztietarako. Zenbateko horietatik kanpo dago enpresak Gizarte Segurantzari ordaindu beharreko kotizazioa, aplikatu beharreko lan araudiak hori eskatzen duen kasuetan.
2. Foru dekretu honen eranskinean kontratu mota guztietarako ezarritako ordainsariak urtero eguneratuko dira, Nafarroako administrazio publikoen zerbitzuko funtzionarioen ordainsarien igoeraren arabera, zeina urtero ezartzen baita Nafarroako Aurrekontu Orokorrei buruzko Foru Legean. Arau horretatik kanpo geldituko dira irakasle bisitariaren modalitatea, irakasle emerituarena, ordezkapen kontratua duen irakaslearena eta unibertsitate gaietan eskumena duen ministerioaren programaren araberako kontratua duen irakaslearena.
3. Foru dekretu honetan araututako irakasle eta ikertzaileak kontratatzeak sortzen dituen langileria gastuak Nafarroako Unibertsitate Publikoaren aurrekontuen kargura eginen dira.
Lehen xedapen gehigarria. Irakasle elkartuen araubidea .
Foru dekretu honetan ezartzen diren ordainsariak gorabehera, bere aplikazio eremuan sartutako langileek, kasua bada, osagarri pertsonal bat jaso dezake antzinatasunagatik. Haren baldintzak eta zenbatekoak hitzarmen kolektiboan ezarriko dira.
Bigarren xedapen gehigarria. Antzinatasunagatiko ordainsariak.
Irakasle kontratatu doktoreek antzinatasuneko osagarri pertsonala jasoko dute zerbitzuan egindako hirurteko bakoitzeko.
Osagarriaren zenbatekoa eta hura sorrarazi eta jasotzeko sistema irakasle doktore funtzionarioei dagozkienak izanen dira.
Irakasle kontratatu doktoreen ordainsariek ez dituzte inoiz gaindituko unibertsitateko irakasle titularrenak.
Xedapen indargabetzaile bakarra. Indargabetzen diren xedapenak.
Indarrik gabe geldituko dira 194/2002 Foru Dekretua, irailaren 9koa, Nafarroako Unibertsitate Publikoari baimena ematen diona irakasleak eta ikertzaileak kontratatzeko harik eta Nafarroako Foru Komunitateak Unibertsitateei buruzko abenduaren 21eko 6/2001 Lege Organikoaren 48. artikuluan aipatzen den langile araubidea garatu arte, eta foru dekretu honetan ezarritakoari aurka egiten dioten maila bereko edo beheragoko xedapen guztiak.
Xedapen iragankor bakarra. Ordainsarien aplikazioa.
Foru dekretu honen eranskinean ezarritako ordainsariak 2008ko urtarrilaren 1etik hasita aplikatuko dira, atzera-eraginez.
Azken xedapen bakarra. Indarra hartzea.
Foru dekretu honek Nafarroako Aldizkari Ofizialean argitaratu eta biharamunean hartuko du indarra.
ERANSKINA. IRAKASLE ETA IKERTZAILE KONTRATATUEN ORDAINSARIAK
| IRAKASLE ETA IKERTZAILEAK | 2008 | 2009 |
| Laguntzailea | 19.773,64 euro | 21.200,00 euro |
| Laguntzaile doktorea | 24.541,00 euro | 25.900,00 euro |
| Kontratatu doktorea | 31.112,54 euro + HIRURTEKOAK (610.96 euro hirurteko bakoitzeko) | 31.112,54 euro + KPI+ HIRURTEKOAK |
| 1-6 H motako elkartua | 7.504,63 euro | 7.504,63 euro + KPIa |
| 1-5 H motako elkartua | 6.253,98 euro | 6.253,98 euro + KPI |
| 1-4 H motako elkartua | 5.003,34 euro | 5.003,34 euro + KPI |
| 1-3 H motako elkartua | 3.752,54 euro | 3.752,54 euro + KPI |
| 2-6 H motako elkartua | 9.380,51 euro | 9.380,51 euro + KPI |
| 2-5 H motako elkartua | 7.817,25 euro | 7.817,25 euro + KPI |
| 2-4 H motako elkartua | 6.253,82 euro | 6.253,82 euro + KPI |
| 2-3 H motako elkartua | 4.690,72 euro | 4.690,72 euro + KPI |
| 3-6 H motako elkartua | 11.704,61 euro | 11.704,61 euro + KPI |
| 3-5 H motako elkartua | 9.753,84 euro | 9.753,84 euro + KPI |
| 3-4 H motako elkartua | 7.803,07 euro | 7.803,07 euro + KPI |
| 3-3 H motako elkartua | 5.852,30 euro | 5.852,30 euro + KPI |
| Bisitaria | Nafarroako Unibertsitate Publikoko gobernu organo arruntak zehazten duena | |
| Emeritua | Unibertsitateko katedraduna | |
| Ordezkapen kontratua duena | Unibertsitate eskolako irakasle titularrei dagokien ordainsaria | |
| Ramón y Cajal programako ikertzailea | Urteko deialdia | |
