LEXNAVARRA
231/1996 FORU DEKRETUA, EKAINAREN 3KOA, NAFARROAKO SEKTORE KIMIKOAREN KANPOKO LARRIALDIETARAKO PLANA ONESTEN DUENA.
BON N.º 74 - 19/06/1996
Urtarrilaren 21eko 2/1985 Legearen arabera Herri Babesa zerbitzu publiko bat da, zeinen antolaketan, funtzionamenduan eta exekuzioan Administrazio Publikoek parte hartzen baitute, bai eta hiritarrek ere, nork bere eginkizunak betez eta borondatezko laguntza emanez, arrisku larri, hondamendi edo ezbehar pertsonak eta ondasunak babesteko eta horiei laguntza emateko.
Aipatu Legea garatzeko asmoz, apirilaren 24ko 407/1992 Errege Dekretuaren bidez Herri Babesaren Oinarrizko Araua onetsi zen, zeinen III. kapituluko 8.2 idazatian Komunitate bakoitzaren esku uzten den beren eremua gainditzen ez dituzten Lurralde Planen eta Plan Berezien prestaketa eta onespena.
Nafarroako Herri Babesaren Batzordeak 1996.eko urtarrilaren 24an Nafarroako Sektore Kimikoaren Kanpoko Larrialdietarako Planaren aldeko txostena eman zuen, eta geroago gauza bera egin zuen Herri Babesaren Batzorde Nazionalak 1996.eko otsailaren 22an, aipatu Oinarrizko Arauak II. kapituluko 5. idazatian plan berezietarako ezartzen dituen baldintza guztiak betetzen direlako.
Horrenbestean, Lehendakaritza kontseilariak proposatuta eta Nafarroako Gobernuak mila bederatziehun eta laurogeita hamaseiko ekainaren hiruan hartutako erabakiarekin bat,
DEKRETATU DUT:
Nafarroako Sektore Kimikoaren Kanpoko Larrialdietarako Plana onestea.
Foru Dekretu honek Nafarroako ALDIZKARI OFIZIALean argitaratu eta hurrengo egunean hartuko du indarra.
Iruñean, mila bederatziehun eta laurogeita hamaseiko ekainaren hiruan.-Nafarroako Gobernuko lehendakaria, Javier Otano Cid.-Lehendakaritza kontseilaria, Federiko Tajadura Iso.
Iragarkiaren kodea: A9604829
